અંતરની અનુભૂતિ

ઈન્ડિયન ઇન્સ્ટિટ્યૂટ ઓફ એડવાન્સ સ્ટડીઝ - શિમલા

2020-04-05T12:29:00.000+05:30

હું અને મારા શ્રીમતી જી સવારે લગભગ ૮ વાગ્યાની આસપાસ શિમલા ઉતર્યા, અમો જેવા સ્ટેશન ઉતર્યા કે તરત ડ્રાઇવર અમને પીક કરી હોટલ છોડ્યા ને કહ્યું, 'ભૈયા આપ એક ઘંટે મે તૈયાર હોકર આ જાઓ' અમે સમય સુચકતા દાખવી એક કલાકમાં તરોતાજા થઈ આવી ગયા, ડ્રાઇવરે પહેલો પ્રશ્ન કર્યો 'ભૈયા પહેલી કોન શી જગહ દેખની હૈ' મેં તરત જ વળતો જવાબ આપ્યો 'જી આપ હમે ઈન્ડિયન ઇન્સ્ટિટ્યૂટ ઓફ એડવાન્સ સ્ટડીઝ લે ચલો'. મારે આ જગ્યા સૌ પ્રથમ વિઝિટ કરવા પાછળનું કારણ આકર્ષક ઇમારત અને તેની પાછળનો રસપ્રદ ઇતિહાસ છે, તો ચાલો ઇન્ડિયન ઇન્સ્ટિટયૂટ ઓફ એડવાન્સ સ્ટડીઝ વિશે વિસ્તારમાં જણાવું.

ઇન્ડિયન ઇન્સ્ટિટ્યૂટ એડવાન્સ સ્ટડીઝ, સિમલા તેની ઐતિહાસિકતા માટે વિશ્વભરમાં જાણીતું છે. આ સંસ્થાનો ઇતિહાસ ખૂબ જ ગૌરવપૂર્ણ રહ્યો છે. આ સંસ્થાનું મકાન વર્ષ ૧૮૮૪માં તત્કાલીન વાઇસરોય લોર્ડ ડફરિન માટે બનાવવામાં આવ્યું હતું. તેને વાઇસરેગલ લોજ કહેવામાં આવતું હતું. આ પછી ૧૮૮૮માં અહીં તેના માટે વીજળીની વ્યવસ્થા કરવામાં આવી હતી. જે સિમલામાં વીજળી હોય તેવું પ્રથમ મકાન હતું. આ ઇમારતમાં આજેપણ વાયસરોયનાં સમયનો રેડિયો, ટીવી, ટેલિફોન વગેરે હયાત છે, સાથે અહિંયા સવા લાખ પુસ્તકોથી ભરેલ ભવ્ય લાયબ્રેરી છે. ઇમારતમાં ભારતનાં ફ્રીડમ ફાઇટરના ફોટા સાથે મોહમ્મદ અલી ઝીણાનો ફોટો છે જેના કારણે સંઘીઓ માટે આ ઇમારતનો મુદ્દો બહું ગૂંજ્યો ગાજ્યો હતો.

'સિમલા કરાર અહીં થયો હતો'

સ્વતંત્રતા સંગ્રામ દરમિયાન આ સંસ્થાના મકાનમાં ઘણી ઐતિહાસિક બેઠકો અને નિર્ણયો લેવામાં આવ્યા હતા. આ બિલ્ડિંગમાં પાકિસ્તાન સાથે ૧૯૪૫નાં સિમલા કરાર પર હસ્તાક્ષર થયા હતા. પાકિસ્તાન અને પૂર્વ પાકિસ્તાનને દેશથી અલગ કરવાનો નિર્ણય અહીં લેવામાં આવ્યો હતો. દેશની આઝાદી પછી આ ઇમારતનું નામ 'રાષ્ટ્રપતિ નિવાસ' રાખવામાં આવ્યું હતું. રાષ્ટ્રપતિ ઉનાળા દરમિયાન અહીં સમય વિતાવતા હતા.

ત્યારબાદ રાષ્ટ્રપતિ એસ. રાધાકૃષ્ણને આ મકાનને ઉચ્ચ શિક્ષણ અને સંશોધન સંસ્થા બનાવવાનું નક્કી કર્યું. આને કારણે રાષ્ટ્રપતિ નિવાસને અહીંથી છબરા ખાતે કાર્યવાહી માટે ખસેડવામાં આવ્યો હતો.

'વિદેશના સંશોધનકારો સંશોધન કરી રહ્યા છે'

આજે પણ વિવિધ રાજ્યોના ડઝનબંધ સંશોધનકારો સંશોધન માટે આ સંસ્થા ખાતે પહોંચે છે. આ સંસ્થા જળ સંરક્ષણ પ્રણાલી માટે પણ પ્રખ્યાત છે. બ્રિટિશરોએ આ ઇમારત એવી રીતે બનાવી કે વરસાદનું તમામ પાણી મકાનની નીચે બાંધેલી ટાંકીમાં જાય. જે પાણી અહીંયાની ફાયર સિસ્ટમમાં ઉપયોગમાં લેવામાં આવે છે...

વર્ષે દેશ-વિદેશથી ઘણા સહેલાણી આ ભવ્ય ઇમારતની મુલાકાત લે છે...
અમર ઉજાલાનાં સહયોગીથી

ફોટો સ્ટોરી ~ અંકિત ડાભી

ડાંગનો ગીરા ધોધ

2018-09-29T19:46:00.000+05:30

દક્ષિણ ગુજરાતનાં ડાંગ જિલ્લામાં આવેલો ગીરા ધોધ ગુજરાતના જાણીતા ધોધ માનો એક છે. ડાંગ જિલ્લામાં આવેલું વઘઇ બસ સ્ટેશનથી પાંચ કિલોમીટર દૂર આંબાપાડા આવેલું છે, ત્યાંથી દોઢેક કિલોમીટર દૂર ગીરા ધોધ આવેલો છે. ગીરા ધોધ તરફ જવાનો રસ્તો સાંકળો તેમજ લીલાછમ ખેતરો, વાંસ અને અસંખ્ય નાના-મોટા ઝાડી ઝાંખરાથી ધેરાયેલો છે. અડધા કિલોમીટર દૂરથી જ ધોધ પડવાનો મંદ-મંદ અવાજ સંભળાય છે. ધોધનો કર્ણપ્રિય અવાજ સાંભળતાની સાથે જ મન ઝૂમવા લાગે છે, અને ધોધ જોવાની આતુરતા વધવા લાગે.

ગીરા ધોધ અમેરિકાનાં નાયગ્રા જેવો બારમાસી ધોધ તો નથી પરંતુ ચોમાસામાં આ ધોધને નજરે નિહાળવાનો શ્રેષ્ઠ સમય ગણાય છે. અહીંયા ત્રીસ મીટર ઊંચેથી સ્વયં અંબિકા નદી ગીરા ધોધ સ્વરૂપે નીચે ખાબકે છે અને બીલીમોરા પાસે અરબી સમુદ્રને મળે છે. ચોમાસામાં અંબિકા નદી છલોછલ થતાં ગીરા ધોધનું જાજરમાન અને રોદ્ર સ્વરૂપ જોવા મળે છે. પાણી ઓછું હોય ત્યારે ધોધ અલગ-અલગ વહેણમાં બદલાઈ જાય છે. નીચે ખાબકતા દરેક વહેણ વચ્ચે એવી જુગલબંધી જોવા મળે છે જાણે 'ધોધ નીચે પડી એક-બીજાને સ્પર્શવા આતુર ના હોય!!'

વહેણ ધોધ સ્વરૂપ નીચે પડતાંની સાથે જ મૌન ધારણ કરી લે છે. મૌન ધારણ કરેલી નદી થોડી દૂર જતાં વળાંક લઈ પર્વતોની વચ્ચે ગર્ભ ધારણ ના કરી લેતી હોય એમ લાગે છે!! અંબિકાના કિનારે બેસી બસ એકીટશે ધોધને જોયા કરીએ તો પણ તેને જોવાની ઇચ્છા મનમાં અધુરી રહી ગઈ હોય એમ લાગે છે. આ અબોલ ટેકરીઓ વચ્ચેથી વહી રહેલાં ગીરા ધોધનાં નિર્મળ જળ જાણે કાંઈ કહી રહ્યા હોય તેવો અહેસાસ થયા વગર રહે જ નહીં. અહીંયા દર વર્ષે ઘણા પ્રવાસીઓ ધોધ જોવાનો લ્હાવો લેવા આવે છે. અંબિકા નદી કિનારે ઘરની શોભા વધારતાં વાંસ માંથી બનાવેલા વિવિધ આકર્ષિત સાધનો પણ જોવા મળે છે.

શું!! સાપુતારા જવાનું છે!!

2018-09-28T19:34:00.002+05:30

હું પ્રાયમરી સ્કૂલમાં અભ્યાસ કરતો ત્યારે સાપુતારા વિશે એક પાઠ ભણ્યો હતો, ક્યાં ધોરણમાં આવતો એ બરાબર યાદ નથી પણ બે મુદ્દા ઝાંખા-ઝાંખા યાદ રહી ગયા કે સાપુતારામાં વાંસ અને સાપની સંખ્યા સૌથી વધારે છે. આ પાઠ ભણીને મનોમન સાપુતારા જોવાની તીવ્ર ઇચ્છા જાગી હતી.

લગભગ પંદરેક દિવસ પહેલાં કોલેજ ગયો ત્યારે જુલી મેડમ તરફથી જાણવા મળ્યું કે "કોલેજ માંથી સાપુતારા પ્રવાસનું આયોજન કર્યું છે" "તારે આવું છે??" મેં આશ્ચર્ય સહ આનંદ સાથે કહ્યું "શું!! સાપુતારા જવાનું છે!! હા મેડમ હું જરૂર આવીશ" કહી મેડમનાં સુરમાં સુર મેળવ્યો. સાપુતારાનાં પ્રવાસનું નામ સાંભળતા વેંત 'ભૂખ્યાને ભાવતું ભાણું ના મળી ગયું હોય!' તેમ હું પ્રસન્ન થઈ ગયો. પ્રવાસનો દિવસ પણ 'વર્લ્ડ ટુરિઝમનાં દિવસે' જ નિર્ધારિત કર્યો હતો, તે મારું અહોભાગ્ય આ અવસરે સાપુતારાનો પ્રવાસ માણવાનો મોકો મળ્યો.

સાપુતારા પ્રવાસને લઈને હું એટલો ઉત્સાહિત હતો કે પંદર દિવસ પહેલાંથી જ સાપુતારાનાં જોવા લાયક સ્થળોની માહિતી ગૂગલમાં ફંફોશવા લાગ્યો, જેથી તે સ્થળોને માણવાનો લ્હાવો લગીરેય બાકી ના રહી જાય. માહિતી એકત્ર કરી પ્રવાસ માટે હું બરાબર તૈયાર જ હતો કે પાંચેક દિવસ પહેલાં બિમારીએ દ્વારે દસ્તક દીધી. બિમારીની ચુંગાલમાં તો હું એવો ફસાયો કે આંખ ઉંચી કરી સામે જોવાનીય ક્ષમતા મારામાં નહોતી. ડોક્ટર દ્વારા પણ પ્રવાસ રદ કરવાનાં દુઃખદ સમાચાર સાંપડ્યા. મેં ડોક્ટરને સ્પષ્ટ શબ્દોમાં કહ્યું આપ યોગ્ય દવા આપો, હવે કોઈપણ સંજોગોમાં હું પ્રવાસ રદ કરવા તૈયાર નથી. સતત ત્રણ દિવસની દવાદારું બાદ હું બિમારીના ઝંજાળ માંથી હેમખેમ પાછો ફર્યો.

મારા માટે બીજો એક પ્રાણ પ્રશ્ન એ હતો કે આ પ્રવાસમાં કોણ આવશે તેનાથી હું અપરિચિત હતો. કારણ જર્નાલીઝમ ડિપાર્ટમેન્ટથી હું એકલો જ આ ટુર પર જઈ રહ્યો હતો. મિત્રો વગર બે દિવસ કેવી રીતે પસાર કરવા તે મારા માટે જટિલ પ્રશ્ન થઈ પડ્યો પરંતુ પ્રવાસમાં આવેલા સૌના મિલનસાર મિજાજનાં કારણે હું તેમનામાં 'દુધમાં સાંકરની જેમ ભળી ગયો,' બે દિવસમાં ઘણા મિત્રો બની ચૂક્યા હતા. આ પ્રવાસ દરમિયાન હું ઘરેથી એકલો નિકળ્યો હતો પણ અવિસ્મરણીય યાદો અને ઘણાં નવા મિત્રો મારા જીવન પર્યત સ્મૃતિમાં લઈ પરત ફર્યો.

સેન્ટ પોલ ચર્ચ - દિવ

2018-09-06T20:07:00.000+05:30

સેંટ પોલ ચર્ચ ભારતના પશ્ચિમ કિનારે ભારતના કેન્દ્રશાસિત પ્રદેશના દિવ ટાપુ પર આવેલું છે. 16 મી સદીના પ્રારંભમાં દીવ પોર્ટુગીઝ વસાહતીઓના અંકુશ હેઠળ ભારત આવ્યા હતા અને ૧૬૧૦ માં લગભગ ૪૦૮ વર્ષ પહેલાં સેંટ પોલ ચર્ચની સ્થાપના કરી હતી. પોર્ટુગીઝો દ્વારા બનાવવામાં આવેલા દિવમાં ત્રણ ચર્ચો માનું આ એક છે. તે ભારતના બેરોક આર્કિટેક્ચર (કલાત્મક શૈલી) ના શ્રેષ્ઠ ઉદાહરણોમાનું એક ગણવામાં આવે છે.

આ ચર્ચ ખંભાત અખાતના મુખમાં આવેલું છે. તેનું બાંધકામ ઈસ ૧૬૦૧થી શરૂ કરવામાં આવ્યું હતું. આ ચર્ચ સમાન બેસિલીકા ચર્ચની શૈલીમાં બાંધવામાં આવ્યું છે. આ ચર્ચ નું બાંધકામ ૧૬૧૦ પૂર્ણ થયું હતું. ચર્ચ નું બાંધકામ અવર લેડી ઓફ ઇમમક્યુલેટ કન્સેપ્શનને સમર્પિત હતું.

કલાત્મક શૈલીમાં બાંધવામાં આવેલ ચર્ચ મજબૂત અને ગોવા ચર્ચ સાથે સમાનતા દર્શાવે છે, પરંતુ આ ચર્ચ ઈ.સ. ૧૬૦૫ માં ગોવા ખાતે બનેલા બોમ જિસસ બેસિલીકા કરતાં વધુ સારી રચના અને ડિઝાઇન સાથે બનાવવામાં આવ્યું છે. સેંટ પોલ ચર્ચ આ પ્રદેશના વસાહતો તથા પોર્ટુગીઝો દ્વારા બનાવવામાં આવ્યું હતું. ચર્ચના આંતરિક ભાગમાં ગૂંચવણભરી કોતરણી કરેલી લાકડાની કળાથી શણગારવામાં આવેલી છે. જે ભારતના કોઇ પણ પોર્ટુગીઝ ચર્ચ માની સૌથી વિસ્તૃત કોતરણી માનવામાં આવે છે.

ચર્ચના આંતરિક ભાગમાં નાજુક સર્પાકાર સ્ક્રોલ જેવા આભૂષણ અને શેલ સાથે વિસ્તૃત અને પ્રભાવશાળી ડિઝાઇન બનાવેલી છે. ચર્ચની સામેનો દેખાવ ભારતમાં બાંધવામાં આવેલાં બધા પોર્ટુગીઝ ચર્ચનો સૌથી વિશાળ હોવાનું માનવામાં આવે છે. આ ચર્ચની વેદી સેન્ટ મેરીની છબી ધરાવે છે. જે બર્મીઝ સાગના એક ટુકડામાંથી બનાવેલ છે. અહીંયા ૧૦૧ મીણબત્તીઓ એક સાથે પ્રકાશિત કરી શકાય છે. ચર્ચમાં સફેદ સાગોળ સાથે ભવ્ય કોતરણી કરી સજાવટ કરેલી છે, જે મુખ્યત્વે ભારતીય કસબીઓની કારીગરીને આભારી છે. ગોવાના મોટાભાગના ચર્ચોની લાક્ષણિકતા પણ આ પ્રકારની છે.

માહિતી :- વિકિપિડીયા

પ્રમાણિક પોલિસ આણંદ શહેર

2018-09-05T19:31:00.001+05:30

જનરલી સૌ કોઈને પોલીસનું નામ સાંભળતાની સાથે જ રુંવાટા ઉચા થઈ જતાં હોય છે. પોલીસને જોતા જ ડરની લાગણી અનુભવતા હોય છે. પોલીસ આપણી રક્ષા માટે દિવસ રાત ખડે પગે હોય છે તેનાથી શા માટે ડરવું!! પોલીસને જોતાં આપ સૌને સલામતીની અનુભૂતિ થાય તેવો ઉતમ દાખલો મેં છેલ્લા ત્રણેક દિવસમાં જોયો.

વાત જાણે એમ છે.

કિરીટ ઝાખરીયા અંકલ જેઓ મૂળ ભારતના છે પણ હાલ અમેરિકામાં વસવાટ કરી રહ્યાં છે. તેમની જમીન તરફ જવાનો રસ્તો તેમની પાસેના જમીનદાર દ્વારા બંધ કરી દેવામાં આવ્યો હતો. તેમના રસ્તા અંગેનો કેસ ૨૦૧૦થી નામદાર કોર્ટમાં ચાલતો હતો. સાત વર્ષની લાંબી સફર બાદ ૨૦૧૭માં કેસનો કામચલાઉ ચૂકાદો કિરીટ ઝાખરીયા અંકલની તરફેણમાં મળ્યો. આ ચૂકાદાને નકારતા સામે વાળા પ્રાતવાદી તરફથી કોઈ અમલ થતો નહોતો. છેવટે તેમણે રૂબરૂ ભારતમાં આવી તેનો ઉકેલ લાવવાનું ઉચિત સમજ્યું.

ભારતમાં આવી તેઓ આણંદના માનનીય ડી.એસ.પી સાહેબ મકરંદ ચૌહાણ તથા તેમના નેજા હેઠળ ઈન્ટેલિજન્સ બ્રાન્ચમાં ફરજ બજાવતા પોલીસ ઇન્સ્પેક્ટર એસ.કે.ગઢવી સાહેબને મળ્યા. પોલીસ ઇન્સ્પેક્ટર એસ.કે.ગઢવી સાહેબના પ્રયત્નો, અને બન્ને જમીનદાર પક્ષની સર્વસંમતિથી માત્ર ત્રણ જ દિવસમાં તેમની જમીનના રસ્તાનો સુખદ ઉકેલ આવ્યો.

આણંદમાં ફરજ બજાવતા ડી.એસ.પી મકરંદ ચૌહાણ સાહેબ તથા ઇન્સ્પેક્ટર એસ.કે.ગઢવી સાહેબ હમેશાં સામાન્ય માણસની સમસ્યાનો હલ લાવવા કટીબદ્ધતા દર્શાવે છે. દિવસ દરમિયાન જે પણ તેમની સમક્ષ સમસ્યા લઈને જાય તેનો તેઓ સફળ અને સુખદ ઉકેલ આપે છે. ડી.એસ.પી મકરંદ ચૌહાણ સાહેબ તથા ઇન્સ્પેક્ટર એસ.કે.ગઢવી સાહેબની પ્રમાણિકતાને જેટલી બિરદાવીએ તેટલી ઓછી છે. આવા નિષ્પક્ષ, નિષ્ઠાવાન પોલીસ આપણાં આણંદનાં આંગણે સેવા બજાવી રહ્યા હોય તે આપણા આણંદ વાસીઓનું સૌભાગ્ય છે...

હેપ્પી બર્થડે ડિયર કેરોલ

2018-05-03T19:48:00.000+05:30

લગભગ આઠ એક વર્ષ પહેલાં આ ફેસબુક જેવી ડિજિટલ દુનિયામાં જ્યારે નવો નવો પગ મૂક્યો ત્યારે નહોતી ખબર કે અહીંયાથી મને મારી જીવન સાથી મળશે, સાત વર્ષ પહેલાં જ્યારે તારી સાથે મિત્રતા બંધાઈ ત્યારથી જ હું તારો બંધાણી બની ગયો હતો. એજ પાંચ મિનિટની આપણી પહેલી મુલાકાત જ્યારે મેં તને પ્રથમ વખત જોઈ, ત્યારે આંખો સૂન થઈ ગઈ, મન સ્તબ્ધ થઈ ગયું, આબેહૂબ જાણે અપ્સરા સ્વર્ગ માંથી ઉતરી આવી હોય. વર્ણન કરું તો છીપલામા મોતી ચમકતા હોય તેવી તેની બે'ય આંખો, ગોળમટોળ એવા એના ગાલ. અને તેમાંથી નિર્દોષ સ્મિત ઝરે તો જાણે એમ લાગે કે વૈશાખના ધોમધખતા તાપમાં મેધ વર્સો.

પહેલી નજરે તારો નિર્દોષ ચહેરો આંખો અને હૈયે વસી ગયો. એટલે નહીં કે હું તારી સુંદરતા પર મોહિ ગયો પણ તારા સ્વભાવથી હું પ્રભાવિત થવા લાગ્યો હતો. પહેલી વખત જ્યારે મેં તને જોઇ ત્યારે જ મનમાં અનુમાન લગાવી દિધું હતું કે આટલી રૂપ સ્વરૂપવાન છોકરી મને કેમ કરી બોલાવે!! કેમ તે મારી સાથે મિત્રતા કરે!! કારણ અમારા વચ્ચે કોઈ સામ્યતા નહોતી. પણ મારા આ બધા અનુમાનોને કેરોલે ખોટા પાડ્યા ને થોડાક જ સમયમાં મારી સારી મિત્ર બની ગઇ.

કોણ જાણે કેમ પણ હવે મને તારા પ્રત્યે પોતિકાપણું થઈ ગયું. તારા નામ માત્ર થી લગાવ થઈ ગયો છે. તારી વાણીમાં સંયમ અને સ્વભાવમાં સરળતા બસ આજ ખૂબીઓને કારણે તું મારા મનમાં વસી ગઈ છું. તારું શરમથી માથું ઝુકાવીને હળવેથી બોલવાની સ્ટાઈલનો હું ચાહક બની ગયો છું. ભોળપણું અને શરમના સમણાં તો તારા રોમેરોમ માંથી છલકે છે, બસ આ ખૂબીઓ જ મને તારા પ્રત્યે વધુ આકર્ષિત કરે છે. કેરોલ તારી પરિવારને એક તાંતણે બાંધવાની ભાવના જોઈ તારા પ્રત્યેનો મારો આદર બમણો બનતો જાય છે.

મારા જીવનમાં જ્યારે દુઃખનો ભાર આવે ત્યારે દુઃખો તારા ખભે મુકતા જ હું હળવાશ અનુભવું છું, હતાશામાં તું જ મને નવું જોમ પુરું પાડે છે. કેરોલ તે મારા જીવનમાં પગલાં પાળ્યાં એજ ઇશ્વરની સૌથી મોટી ભેટ છે. આજે તારો જન્મદિવસ એટલે મારા માટે કોઈ 'તહેવાર' કે 'મહોત્સવથી' કમ નથી. તારા જન્મદિવસે મારા અંતરની અભિલાષા એટલી જ તું હમેશાં નાચતી, ગાતી, ઝૂંમતી, મોજ કરતી, આનંદ કરતી રહે...

- અંકિત

'ઝાઝા હાથ રળિયામણા'

2018-02-27T12:17:00.002+05:30

આજે ખંભોળજ કબ્રસ્તાનમાં સ્વ. અરવિંદભાઈની કબર ખોદવા ગયા, જેવા જ કબ્રસ્તાનમાં પગ મુક્યો કે આંખો સમક્ષ ચાર-છ ફુટ ઝીલના ઉગેલા નાના મોટા છોડ જોવા મળ્યાં, આ ઝીલ ના કારણે કેટલીક કબરો ઢંકાય ગયેલી જેવા મળી. કેટલી કબરોના જરાક અમથા ક્રોસ જ ઉપર દેખાતા હતા. ખંભોળજના યુવાનોએ મનોમન નિશ્ચિત કરી લીધું કે આજે આ કબ્રસ્તાનને સ્વચ્છ-સુંદર બનાવીને પરત ફરીશું...

પછી તો શું!!!

જેના હાથમાં પાવળા, કોદારી, ત્રિકમ જે પણ હતું તે લઈને મંડી પડ્યા. જ્યાં નજર પડે ત્યાં યુવાનો કાંઇક કરતા જ જોવા મળ્યા. કોઈ ઝીલ કાપતું, કોઇક કચરો એકત્ર કરતો, કોઇ વાડ સાફ કરતો, કોઇ કચરો સળગાવતો. કપડા ગંદા થાય તેની પરવાહ કર્યા વગર બધા મન પરોવીને સફાઇમાં જોડાય ગયા, બે કલાકની મહામહેનતે કબ્રસ્તાન જોતા જ અહો!! આશ્ચર્ય!! થાય તેવું સાફ સુત્રુ કરી દીધું.

સફાઇ કરી અમે સૌ શાંતિથી બેઠા ત્યાંતો શનિએ કહ્યું "હાશશ...સફાઇ તો થઈ ગઇ પણ કાયમ માટે થોડી ટકી રહેશે!! ઝીલ ફરી ઊગી નિકળશે અને પછી હતા એના એ હાલ!!" અમે સૌ એની વાત પર વિચારવા લાગ્યા. થોડા લાબું વિચાર્યા પછી શનિએ ફરી કહ્યું "આપણે કેમના એક કબ્રસ્તાન કમિટી બનાવીએ!! જે કબર ખોદાવથી લઈને, કબ્રસ્તાનની સફાઇ, પાવડા કોદારી, ત્રિકમ દરેક સાધનોની દેખરેખ રાખવાનું, કબ્રસ્તાનમાં લેવલીંગ કરાવવું, કબ્રસ્તાનમાં ફુલ છોડ ઉગાડવા જેવાં કામોનું બીડું ઝડપી લઈએ" અમે સૌ બેમત શનિની વાત સાથે સહમત થઇ 'કબ્રસ્તાન કમિટી' બનાવી અને હવે આવનારા સમયમાં ખંભોળજ કબ્રસ્તાનમાં સ્વચ્છતા સુંદરતા જળવાઈ રહે તેનું આયોજન કર્યું છે.

મને ગર્વ છે મારા ખંભોળજના મિત્ર મંડળ, ખંભોળજ યુવાનો પર જે આવા કાર્યોમાં પોતાનો સમય, શ્રમ અને પોતાનાથી બનતું યોગદાન આપવા સહમતિ દર્શાવી....

છ વર્ષની સફળ યાત્રા

2018-02-17T13:15:00.000+05:30

અંધારા દૂર થયા ને આવ્યા અજવાળા,
વીતી ગયું દુઃખ ને સુખના થયા સરવાળા,

છ વર્ષની આ સફળ યાત્રા વીતી,
પ્રિત, લાગણી, સંગ રાહ વીતી,

ઘણું બદલાયું જીવનમાં નર્તન,
નથી બદલાયા તમે કે તમારાં વતૅન,

ચઢાવ ઉતાર ઘણાં જોયા પ્રેમના સંબંધમાં,
પણ તમ સહકારથી સફળ થયા બંધનમાં,

બાંધી એકમેક સાથે આ ભવની પ્રિત,
તો નિભાવી જાણીને સાથી સંગ રીત,

પુનરાવર્તન થાય છે નીતનવા દિવસોનું,
છતાં લાગે છે હજું પુરા વિશ્વાસોનું,

બસ રહીએ એકમેકના જીવનભર,
વીતાવીશું આ આખું જીવન શ્વાસભર...

નર્તન:- ગીત સાથે નૃત્ય.

- My beloved

પાનખર ઋતુમાં કુદરતની કળા

2018-02-07T00:34:00.000+05:30

ભારતમાં વસંત, શરદ, શીશીર, ગ્રીષ્મ, અને હેમંત એમ કુલ છ ઋતુઓ છે આ છ ઋતુમાં પાનખર ઋતુ (વસંત)નું વિશેષ મહત્વ છે, કારણ પાનખર ઋતુમાં પર્ણના અલગ અલગ રંગથી પ્રકૃતિને સોળે કળાએ ખીલેલી માણી શકાય છે. પાનખર ઋતુ ગુજરાતી પંચાગ પ્રમાણે માહ અને ફાગણ માહિનામાં આવે છે. પાનખર ઋતુ બાદ વસંતમાં નવા પર્ણ ફુટે છે.

પાનખર ઋતુને આજે નયને નિહાળી એક અદ્ભુત આનંદની અનુભૂતિ થઈ. સરદાર પટેલ યુનિવર્સિટીમાં પ્રવેશતા જ વૃક્ષો રોડને બન્ને તરફે ઘેરવી લીધેલા નજરે નિહાળી શકાય છે, પણ આ વૃક્ષોનો આજે કાંઈક અલગ નજારો નજરે પડ્યો.

આ વૃક્ષોના લીલા-પીળા પર્ણો જાણે અમારું સ્વાગત કરતાં હોય એમ વર્ષી રહ્યાં હતાં, ભભકદાર વૃક્ષોનાં પર્ણો ડાળીઓથી વિખૂટા થઈ રોડ પર એ પ્રમાણે પથરાય ગયા હતા જાણે પ્રકૃતિએ જમીન પર લીલી-પીળી ચાદર ઓઢાડી હોય, સાથે મંદ મંદ વહેતો વાયરો આ પર્ણોને લઈને એક જગ્યાએ એકત્ર કરતો મસ્ત મધુર સંગીત ઉત્પન્ન કરતો હતો આ અવાજ સાંભળીને મન આનંદવિભોર થઈ ગયું.

પાનખરમાં સુકાઈ ગયેલા પર્ણો નીચે પડતા તો બીજી તરફ નવા ફુટી નિકળેલા પર્ણોથી ઝાડ લીલાછમ લાગતા હતા. આંબાના ઝાડ પર મૌરની મિજબાની કેરીઓના આગમનની આગાહી આપી રહી હતી. આ પાનખર ઋતુની નયનરમ્ય, સૌંદર્યને મનથી માણવાનો અનુભવ જ અનોખો હતો...

માનવતા એજ મારો ધર્મ

2018-02-04T15:29:00.000+05:30

ગયા અઠવાડિયે હું અને મારો મિત્ર કોલેજ માંથી છુટ્યા બાદ વિદ્યાનગર શાસ્ત્રી મેદાનમાં લંચ બોક્સ લઈ જમવા ગયા, સમય લગભગ એક વાગ્યાની આસપાસ હતો, મેદાનમાં કેટલાક છોકરાઓ ક્રિકેટ રમી રહ્યા હતા અમે લંચ બોક્સ કાઢી મેચ જોતા જોતા જમવાનું ચાલું કર્યું.

એક-બે કોળીયા ખાધા એવામાં પાછળથી ધીમા અવાજે એક છોકરો બોલ્યો "સ્ટીકર લેવા છે" મેં છોકરાનો હાથ પકડી સામે બોલાવ્યો, તે બાળકનો ચહેરો જોવા પરથી લગભગ આઠ કે નવ વર્ષની ઉમરનો હોય તેવું લાગતું હતું, મેં તેને મારી પાસે બેસવા આગ્રહ કર્યો તે બેસી ગયો પછી મેં કહ્યું આ સ્ટીકર લઈને હું શું કરું? મેં પહેલાં પણ આ મેદાન માથી એક છોકરા પાસેથી સ્ટીકર લીધુ હતું એ હજુ પણ મારી પાસે એવું જ પડ્યું છે એટલે હું તારી પાસેથી સ્ટીકર તો નથી ખરીદતો પણ તને વાપરવા માટે થોડા પૈસા આપું છું.

મેં છોકરાને વાપરવા થોડા પૈસા કાઢીને આપ્યા, છોકરો પૈસા લઈ ખુશ થઈને જતો હતો. મેં હુકાર આપી તેને પાછો બોલાવ્યો અને પુછ્યું ભુખ લાગી છે? છોકરાએ પેટ પર હાથ મુકીને કિધું "હા ભુખ તો બહું લાગી છે" એટલે મેં ફરી તેને પાસે બેસી જમવા માટે આગ્રહ કર્યો તો છોકરાએ જે કહ્યું તે સાંભળીને અમને બન્નેને આશ્ચર્યની સાથે સાથે દુઃખ પણ થયું તેણે કહ્યું "મારી નાની બેન પણ ભુખી છે તમે આ એક કોથડીમાં બાંધી આપો તો હું અને મારી બેન સાથે જમીશુ" અમે બન્ને એ ખુશી ખુશી તેને લંચ એક કોથડીમાં પેક કરી આપ્યો, છોકરો ફરી ખુશ થઈ દોડતો દોડતો ગયો... અમે આજ સુધી જોઈ નહોતી એવી ખુશી એ બાળકના ચહેરા પર જોઈ અમને આનંદનો પાર ના રહ્યો...

એક ભાઈનો બહેન પ્રત્યે આવો પ્રેમ જોઈ અમને ઘણી ખુશી થઈ સાથે સાથે દુઃખ પણ થયું કે આટલા નાના છોકરાઓને પેટ માટે મજુરી કરવી પડે છે, ભણવાની હસવા રમવાની ઉંમરે આવી કોમળ કાયાને કાળી મજુરી કરવી પડે છે....😔😔

પ્રિત નિભાવતો રહીશ

2018-01-17T21:44:00.001+05:30

બાંધી છે તુજ સંગ જો પ્રિત તો નિભાવતો રહીશ,
આવશે જો આંખમાં આંસુ તો પોછતો રહીશ,

મળશે જો પ્રેમમાં દુઃખના ડુંગરો તો સર કરતો રહીશ,
તુજને પામવા હૂં દુનિયા સાથે ભીડતો રહીશ,

તરસ છીપાવવા પ્રેમની હું તારામાં જ ડૂબતો રહીશ,
જોવા તુજની એક ઝલક હું રાતભર જાગતો રહીશ,

મળશે જો પ્રેમમાં શમણાં વિષના તો પીતો રહીશ,
તુજ નામે આ જિંદગી બસ તુજ પર વહાવ તો રહીશ...

ફોટો ગૂગલની દેન...

- અંકિત ડાભી

હે પ્રિયે...

2017-11-26T22:54:00.000+05:30

હે પ્રિયે....વચન આપું છું હું તારા દરેક સુખનું કારણ બનીશ..

હે પ્રિયે....વચન આપું છું હું તારા દરેક દુઃખોનો સહભાગી બનીશ..

હે પ્રિયે....વચન આપું છું હું તારા દરેક સપના પૂરા કરવા દિવસ-રાત એક કરી દઈશ..

હે પ્રિયે....વચન આપું છું હું મારા પરના તારા અતુટ વિશ્વાસને કાયમ રાખીશ..

હે પ્રિયે....વચન આપું છું હું આ દુનિયાની દોડમાં તને એકલી નહીં પડવા દવ..

હે પ્રિયે....વચન આપું છું હું તારા આંખમાં ક્યારેય આંસુ નહીં આવવા દવ...

~ અંકિત ડાભી

મંજીલ મળી ગઈ

2017-11-26T20:21:00.000+05:30

સાવ સૂની નિરસ જિંદગીમાં તે પગલા પડ્યાં,
ને મને મંજીલ મળી ગઇ,

મુરજાયેલા ગુલાબ જેવી જિંદગીમાં,
તું આવી ને પ્રેમરુપી ગુલાબ ખીલવી ગઇ,

પ્રેમ વિહોણી મારી આ જિંદગીમાં તુ આવી,
ને મને પ્રેમની પરિભાષા આવળી ગઈ,

હું તો મુશ્કેલીમાં રસ્તે ભટકતો રાહી હતો,
તું જીંદગીમાં આવી ને મને દિશા મળી ગઈ,

અંધારા જેવી જિંદગીમાં તે સૂર્યરુપી તેજ લાવી,
જીવન મારું પ્રકાશમય બનાવી ગઈ...

- અંકિત

ફોટો સોર્સ : ગુગલબાબા

હેપ્પી બર્થ ડે વ્હાલશોઈ વેનિશા

2017-11-26T17:59:00.000+05:30

વહાલી વેનિશા તું મામાની સૌથી લાડકી અને વ્હાલશોઈ દીકરી છું, આજે તારો પ્રથમ જન્મદિવસ છે. તું જન્મી ત્યારે તારા મામા સૌથી વધારે હરખાયા હતા. તું જન્મી ત્યારે જન્માષ્ટમીનો તહેવાર હતો એટલે જ તું પણ કાનુડા જેવી નટખટ અને ખૂબ મસ્તીખોર છે. તારા જન્મનો પ્રસંગ ખૂબ યાદગાર બની ગયો છે અમારા માટે.

25 મી અૉગસ્ટ સવારે હું મારા અંગત કામથી નડિયાદ જવા માટે નિકળ્યો હતો, ત્યારે લગભગ સાડા અગિયાર વાગ્યે મારી ઉપર ફોન આવ્યો કે બહેનને ત્યાં દિકરીનો જન્મ થયો છે, મારું બધુ કામ પડતું મુકી હરખાતો હરખાતો આણંદ જવા નિકળ્યો. આજે બરાબર યાદ છે તે દિવસે સિઝનનો સૌથી વધુ વરસાદ પડ્યો હતો, અને એ વરસાદમાં તારા આગમન અને પ્રેમએ અમને સૌને ભીંજવી દીધા હતા.

તારા જન્મદિવસનો યાદગાર પ્રસંગ હમેશાં માટે મારી સ્મૃતિ પટમાં સમાઈ ગયો છે.

જોત જોતામાં આજે તું એક વર્ષની થઈ ગઈ છે, તારી પાપાપગલીઓ થી ઘર આજે ફરી ધમધમી ઉઠ્યું છે, તારી કાલીધેલી ભાષાથી ઘર આજે ફરી ગુંજી ઉઠયું છે, તારી કિલકારીઓ થી આંગન આજે ફરી મહેંકી ઉઠ્યું છે, ઘરની સુની પડે સઘળી દિવાલો આજે ફરી તારા સ્પર્શથી મલકાઈ ઉઠી છે.
તારા જન્મદિવસે ઈશ્વર પિતાને એટલી અરજ છે કે તું હમેશાં સુખ-શાંતિ, સમૃદ્ધિથી સંપન્ન રહે...

- અંકિત

ચેન્નાઈની સફર

2017-10-22T18:26:00.000+05:30

ડિયર કૅલી,
આજે તું ચેન્નાઈ જઈ રહી છે હું ઘણો ખુશ છું તને નવી જગ્યાઓ જોવા મળશે વેલાગણીના દર્શન કરવા મળશે પણ એક વાતનું દુઃખ છે કે તું મારાથી દસ દિવસ દૂર રહીશ આ દસ દિવસ પસાર કરવા મારા માટે ઘણા મુશ્કેલી ભર્યા હશે, બટ એનીવે તું એન્જોય કરીશ તો હું એમ સમજીશ કે મેં એન્જોય કર્યો.

આજે સવારે પોણા અગિયાર વાગ્યે તારી ટ્રેન હતી, હું તને સ્ટેશન પર અલવિદા કરવાની ખુશીમાં સવારે આઠ વાગ્યે ઉઠી ગયો અને તૈયાર થઈ મોબાઈલ પકડીને ખૂબ આતુરતાથી તારા ફોનની રાહ જોતો બેસી રહ્યો, જેમ જેમ સમય પસાર થતો રહ્યો તેમ મારી ખૂશીઓનું સ્વરૂપ દુઃખે લેવા માંળ્યુ, છેવટે મારી આતુરતાનો અંત આવ્યો તારી ટ્રેન નીકળી ગઈ. આપણા નસીબની નબળાઈ એજ કે તું મને ફોનના કરી શકી અને હું તને મૂકવા ના આવી શક્યો. મને ખબર છે તને મિઠાઈ બહું ભાવે છે એટલા માટે જ તો મેં તારા માટે કાજૂકત્રીનું પેકેટ બૅગમાં સાચવી સંભાળીને મુકી રાખ્યું હતું તે પણ હું તને ના આપી શક્યો. હવે એ કાજૂકત્રી ખાતા પણ મને કળવાશ અનુભવાશે. બટ ડોન્ટવરી તું એની ચિંતાના કર તું ખૂબ જ મન મૂકીને એન્જોય કરજે.

તું મારી જરાય ચિંતા ના કરતી હું સમયસર જમી લઈશ અને ટિફિન પણ લઈ જઈશ, તું તારી તબિયત સાચવજે અને હા ત્યાં ઠંડીનું પ્રમાણ વધારે હોય છે તો ગરમ કપડાં પહેરજે રાત્રે ક્યાં બહાર નીકળતી નહીં. અને સમયસર જમવાનું રાખજે, સાંજે જમીને ગોળી લઈ લેજે. જ્યારે પણ તને સમય મળે ત્યારે મને ફોન કરજે, કદાચ કોઈ જગ્યાએ નેટવર્ક ના હોય તો મારી ચિંતા કર્યા વગર મનભરીને આનંદ માણજે. આ દશ દિવસ તારી જીંદગીના બેસ્ટ દિવસો છે પછી તારી કૉલેજની વ્યસ્તતાને કારણે ક્યાં હરવા-ફરવા નહીં મળે એટલે ખૂબ એન્જોય કરજે...

બાય ડિયર....આઈ મિસ યુ...

ભગવાં ઉતારવા પડશે

2017-08-19T12:39:00.000+05:30

ભગવાં ઉતારવા પડશે

આશ્રમના શરૂઆતના દિવસોની વાત છે. ત્યાં સ્વામી સત્યદેવ આવ્યા દેશની આઝાદી માટે બાપુ જે કાર્ય કરી રહ્યા હતા, તે જોઈ તેઓ બહુ પ્રસન્ન થયા. એક દિવસ બાપુ પાસે જઈને કહેવા લાગ્યા 'હું આપના આશ્રમમાં દાખલ થવા માંગુ છું.'

બાપુ કહે 'બહું સારું. આશ્રમ તમારા જેવાને માટે જ છે પણ આશ્રમમાં દાખલ થાઓ એટલે આ ભગવા કપડાં ઉતારવા પડશે.'

આ સાંભળી સ્વામી સત્યદેવજીને ઘણો આઘાત લાગ્યો. ગુસ્સે થયા પણ બાપુ આગળ પોતાનું દુર્વાસારૂપી બતાવી શકતા નહોતા. તેમણે કહ્યું : 'તો કેમ બને ? હું સંન્યાસી છું ને? '
બાપુએ કહ્યું : 'હું સંન્યાસ છોડવાનું નથી કહેતો. મારે શું કહેવું છે તે બરાબર સમજી લો.'

પછી બાપુએ તેમને શાંતિથી સમજાવ્યું, 'આપણા દેશમાં ભગવા કપડાં જોતાં જ લોકો તે ઓઢનારની ભક્તિ અને સેવા કરવા મંડી પડે છે. હવે આપણું કામ સેવા લેવાનું નહિ, સેવા કરવાનું છે. આપણે લોકોની જેવી સેવા કરવા માંગીએ છીએ તેવી સેવા તેઓ તમારાં આ ભગવાને લીધે તમારી પાસેથી નહીં લે ઉલટા તમારી ત્યારે જે વસ્તુ સેવા કરવાની આપણા સંકલ્પની આડે આવે, તે કેમ રાખીએ? સંન્યાસ માનસિક વસ્તુ છે, સંકલ્પની બાબત છે. બાહ્ય પોશાક સાથે તેને શો સંબંધ? ભગવા છોડવાથી સંન્યાસ ઓછો જ છૂટે છે? '

સત્યદેવજીને વાત સમજાઈ તો ખરી, પણ ગળે ન ઊતરી. મારી પાસે આવીને કહેવા લાગ્યા, 'આ તો મારાથી નહિ બને. જે વસ્ત્રો મેં સંકલ્પપૂર્વક ગ્રહણ કર્યા છે, તે છોડી નહીં શકું.'

- કાકા સાહેબ કાલેકર (બાપુની છબી પુસ્તક માંથી)

મારા જીવનનાં સાત અનમોલ હીરા

2017-08-11T01:40:00.000+05:30

ચાલો આજે ફ્રેન્ડશીપ ડે ના અવસર પર મારા જીવનનાં સાત અનમોલ હીરા વિશે વાત કરું, જે મારી અમૂલ્ય મૂડી છે

મારા જીવનના અનમોલ હીરા તરીકે સૌથી પહેલું નામ જો કોઈ હોય તો તે છે #લોરેન્સ, આમ તો છે મારો નાનો ભાઈ પણ અમે ભાઈબંધથી કમ રહેતા નથી, મારી નાનામાં નાની વાતની ચિંતા મારા કરતાં પણ વધારે કરે છે, દુઃખમાં ઢાલ બનીને આગળ રહે અને સુખમાં પાછળ, મારા જીવનનું દરેક સુખ-દુઃખ સૌથી પહેલાં તેની આગળ શેર કરું છું, અમે બન્ને ભાઈ કમ મિત્રો બનીને વધારે રહીએ છીએ,

મારા જીવનનો બીજો અનમોલ હીરો #હર્ષદ મારો લંગોટીયો યાર, પહેલાં ધોરણથી માંડીને ડિપ્લોમાના પહેલાં વર્ષ સુધી સાથે ભણ્યા આ સમય દરમ્યાન અમારા વચ્ચે એક કોમ્પિટિશન થતી એનાથી વધારે માર્ક્સ હું લાવું અને મારાથી મારાથી વધારે એ!!! તેમ છતાં અમારી મિત્રતા વચ્ચે ક્યારેય દરાર નથી પડી, એના વગર મારું પાનું ના હાલે અને મારા વગર એનું,

મારા જીવનનો ત્રીજો અનમોલ હીરો #શનિ (અર્પિત) આમ તો છે મારા મોટા ભાઈ સમાન, મને હમેશાં સાચી અને સાચોટ સલાહ આપે છે, અમારા મિત્રોની તરક્કી પર જો સૌથી વધારે ખુશ થતું હોય તો તે છે શનિ. અમારા મિત્રો વચ્ચે ભાઈચારો અને એકતા લાવવા માટે શનિ હમેશાં પ્રયત્નશીલ રહે છે, મિત્રો માટે હંમેશા તત્પર અને દરિયાદિલ માણસ એટલે શનિ,

મારા જીવનનો ચોથો અનમોલ હીરો #પરેશ જેને પ્રેમથી પરયો કહું છું, અમારા મિત્રો માંથી જો કોઈ શાંત અને નમ્ર સ્વભાવનો હોય તો તે છે પરેશ, હમેશાં મારો આદર કરતો પરેશને ગમે તેવું ભલું બૂરું કહી જવ પણ ક્યારેય ગુસ્સો ના કરતો, મારા વિચારોની હમેશાં કદર કરતો અને પ્રેરણા પૂરી પાડતો પરેશ મારા દિલની સૌથી કરીબ છે,

મારા જીવનનો ચોથો અનમોલ હીરો એટલે #મનીષ, આમ તો મનીષ હાલ મલેશિયામાં રહે છે, પણ દિલ તો હિન્દુસ્તાનમાં જ છે, મનીષ મને હમેશાં કવિ કહીને નવાઝે ત્યારે મારી ખુશીનો પાર નથી રહેતો, ક્રિકેટ મેચ બાબતે અમારા વચ્ચે થોડી ખેંચતાણ થાય પણ મિત્રતાની નજરે મને ક્યારેય નીચો નથી આંક્યો, મનીષ હાલ રહે છે તો મલેશિયા પણ હું હરહંમેશ તેને યાદ કરતો રહું છું,

મારા જીવનનો પાંચમો અનમોલ હીરો #પ્રશાંત, જો હું કોઈ મિત્ર સાથે બિન્દાસ વાત કરી શકતો હોય તો તે છે પ્રશાંત, મને હમેશાં આ મિત્ર સાથે તાર્કિક ચર્ચા કરવી ખૂબ ગમે છે, કેમકે તેની પાસેથી કાંઈક અવનવું શીખવા મળે છે, ક્યારેક તાર્કિક ચર્ચામાં અમારા વિચારો વચ્ચે મતભેદ થાય પણ સંબંધોમાં ક્યારેય મતભેદ નથી થયા,

મારા જીવનના છઠ્ઠો અનમોલ હીરો શનિ (#સુનિલ) છે, આમ તો સંબંધમાં મારો નાનો ભાઈ થાય, હું એનાથી ઉંમરમાં ઘણો મોટો છતાં અમે મિત્રો તરીકે રહીએ છીએ, મારી કોઈપણ વાત શનિ ક્યારે નકારતો નથી મારી દરેક વાતને દિલથી સ્વિકારે છે, હું મારું ગમે તેવું કામ તેને સોપુ તેના મુહે ક્યારેય ના નથી હોતી, અમારા મિત્રોમાં સૌથી મસ્તીખોર એટલે શનિ,

મારા જીવનનો સાતમો અનમોલ હીરો એટલે #અલ્પેશ, છેલ્લા ત્રણ વર્ષનાં અભ્યાસમાં સતત મારા સંપર્કમાં રહ્યો હોય તો તે છે અલ્પેશ, તેની વાતોમાં એટલો પ્રભાવ હોય છે કે બસ બે ઘડી તેની પાસે બેસું એટલે બધું દુઃખ ભુલાઈ જાય, દરિયા દિલ, મહેનતકસ, જવાબદાર સૌથી શ્રેષ્ઠ વ્યક્તિ મારી વ્યાખ્યા મુજબ જો કોઈ હોય તો તે છે અલ્પેશ....

બીજા પણ મારા ઘણા અનમોલ મિત્રો છે જેમનો પરિચય આપવા માટે મારી પાસે પુરા શબ્દો નથી, પણ તેમના માટે ફક્ત એટલું જ કહીશ કે *મારી દુનિયામાં મિત્રો નથી, પણ મિત્રોમાં મારી દુનિયા છે*

- અંકિત ડાભી (ખંભોળજ)

ભારતનો ઇતિહાસ અને વારસો

2017-06-21T15:45:00.001+05:30

ભારતનો ઇતિહાસ અને વારસો

પાવર પોઇન્ટ શોર્ટકટ કી

2017-06-17T18:24:00.001+05:30

પાવર પોઇન્ટ શોર્ટકટ કી Click here

અમારો યાદગાર પ્રવાસ દિવ

2017-06-15T20:04:00.004+05:30

અમારું ખંભોળજ

2017-06-15T17:39:00.002+05:30

અમારું ખંભોળજ શ્રેષ્ઠ ખંભોળજ

ચરોતર એટલે સોનેરી પાનનો મુલક, અને એ સોનેરી પાનનાં મુલકનો એક નાનકડો અંશ એટલે અમારું ખંભોળજ, જ્યાં સુરજ ઊગતા પહેલાં ખેડુત ઉઠી જાય, અને એ'યને દુધ અને બાજરાનો રોટલો ખાઇ ખેતરે નીકળી જા'તા, જ્યાં રોજ સાંજ પડતા દુધની ધારા વહેતી હોય એવી અમારી ડેરી, જ્યાં ઉનાળામાં ઇડન ગાર્ડનમાં રમાતી ક્રિકેટ મેચો કરતાં પણ વધારે આનંદ આપતું અમારું આદમ પાર્ક, જ્યાં વેકેશન શરુ થા'તા જ શાળામાં લીમડાંની છાંયા નીચે રમાતી ક્રિકેટ, કબ્બડી, ગલી-ડંડા જેવી રમતો....એ'યને બાળકોને બબ્બે મહિના સુધી જલશો પડી જાય, જ્યાં લીમડાંની મીઠ્ઠી છાંયા નીચે સ્વર્ગ સમાન શાંતિની અનુભૂતિ કરાવતું અમારું દેવળ, ખંભોળજ એટલે જ્યાં ચોમાસું બેસતાં જ સોળે કળાએ ખીલી ઉઠતાં અમારા ખેતરો...ને'ય જયાં સિઝનનાં પહેલાં વરસાદમાં મોઘાદાટ પર્ફુયુમ કરતાં પણ વધારે સુંગધ આપતી માટી, ખંભોળજ એટલે જ્યાં એકતા તથા સર્વધર્મ સમભાવનાં પ્રતિક દર્શાવતાં સર્વે હિન્દુ પણ દેવળમાં પ્રાર્થનાં અરજ કર'તા, ખંભોળજ એટલે જ્યાં વહેલી સવારે સંતો-મહંતો ધ્વારા પ્રભાતિયા ગાઈ....એય'ને આખા ગામને જગાડે, ખંભોળજ એટલે જ્યાં વિધાનસભાની બેઠકમાં નિ:સ્વાર્થ ભાવે ત્રણ-ત્રણ વખત અજેય બનાવી એકતાની પ્રતીતિ કરાવતું ગામ, ખંભોળજ એટલે રામપુરા, ઘોડાપુરા, માલસરપુરા, પ્રતાપુરા, કલ્યાણપુરા જેવાં 14 પરાંઓનો સમન્વય.

ગર્વ છે મને ખંભોળજનાં વતની હોવાનો.

- અંકિત ડાભી

માતૃદિન

2017-06-15T17:24:00.001+05:30

#Love_you_mumma

આજે માતૃદિને ઘણાની દિવાલ પર માતૃદિન નાં શુભેચ્છા ભર્યા મેસેજ વાચીને ઘણો આનંદ થયો, પરંતુ માતૃદિને હું જે કહેવા જઈ રહ્યો છું તેનાથી એક ટકો તમારી લાગણી દુભાવાની શક્યતા ખરી,

માતૃદિન કોઈ એક દિવસની મોહતાજ નથી હોતી મિત્રો, આજે જેમણે માતૃ દિનને લગતા મેસેજ કે પોસ્ટ મૂકી દિવાલો ચિત્રી છે તેઓ હવે આવતા વર્ષે પોસ્ટ મૂકવાની રાહ જોશે, મારી દ્રષ્ટિએ જોવ તો રોજ માતૃદિન ઉજવવો જોઈએ, જરૂરી નથી કે તમે રોજ માતૃદિનને લગતી પોસ્ટ મૂકી દિવાલો ચિત્રો, પરંતુ મારો કહેવાનો ભાવાર્થ એટલો જ કે મા ને ભગવાનનો દરજ્જો આપો, રોજ મા ને આદર, માન, સદ્કાર આપો, મેં આજે કેટલાય એવા દંપતી જોયા છે જે માતૃદિને મોટા-મોટા ભાષણો જાડે છે ને માતા-પિતા માટે ઘરડાં ઘર શોધે છે, મા ને માન આપો તો રોજ માતૃદિન સાર્થક થયો ગણાશે..

મને ઝાઝું લખતાં આવડતુ નથી અને આદત પણ નથી, એટલે અહીં કવિ દામોદર બોટાદકરની એક પંક્તિ કંડારુ છું, સમજો એ પંક્તિમાં આખું પુસ્તક લખાય ગયું....

મીઠા મધુ ને મીઠા મેહુલા રે લોલ

એથી મીઠી તે મોરી માત રે

જનની ની જોડ સખી.!.! નહી જડે રે લોલ...

~ અંકિત ડાભી (ખંભોળજ)