ஜீவ அப்பம்

அழைக்கப்பட்ட ஊழியன்

noreply@blogger.com (Unknown) — Sat, 11 Nov 2023 15:08:00 +0000

ஊழியத்திற்கு வருகிறவர்களை (வந்தவர்களை) மூன்று வகையாக பிரிக்கலாம்

1. ஆசையில் வருபவர்கள்

2. அர்ப்பணிப்பில் வருபவர்கள்.

3. அழைப்பில் வருபவர்கள்

1. ஊழியம் செய்ய வேண்டும் என்ற ஆசையில் வருபவர்கள் தாங்கள் நினைத்தபடி அல்லது தாங்கள் எதிர்பார்த்தபடி ஊழியத்தில் பிரபலமாக முடியவில்லை...

பொருளாதாரத்தில் உயர்வை பெற முடியவில்லை என்றால், தங்கள் சுய முயற்சியில் வேதாகமத்திற்கு நேர் எதிராக செயல்பட்டு, வேதாகமத்தின் உபதேசத்தை மாற்றி உலக வழக்கத்தின் படி மனிதர்களை கவர்ந்திழுக்கும்படியான செயலை துணிகரமாக செய்ய ஆரம்பித்து விடுவார்கள்...

மற்றவர்கள் தங்களை குற்றப்படுத்தினால் தாங்கிகொள்ள மாட்டார்கள். பொருளாதாரத்தை மட்டும் முக்கியத்துவப்படுத்துவார்கள். பிரபலமாக வேண்டும் என்று துடித்துக்கொண்டிருப்பார்கள்...

தாங்கள் மதிக்கப்பட வேண்டும்... மேன்மையாக மற்றவர்கள் தங்களை புகழ வேண்டும் என்று புகழ்ச்சிக்கு மயங்கி நிற்பார்கள். சிறு தோல்வியையும் தாங்கி கொள்ள மாட்டார்கள். குறைவுகளில் மனரம்மியமாக இருக்க மாட்டார்கள். நெருக்கடியான சூழ்நிலையை நிதானமாக கையாள மாட்டார்கள்..

விசுவாச மக்களை ஒரு பொருட்டாக எண்ண மாட்டார்கள்... போலியான அன்பு செலுத்துவார்கள்... பொருளாதாரத்தில் உயர்ந்து, பிரபலமாக இருப்பவர்களை மட்டும் மதிப்பார்கள்... ஏழ்மை நிலையில் இருப்பவர்களை இழிவாக எண்ணுவார்கள்... உதாசீனப்படுத்துவார்கள். தங்கள் சுய ஆதாயத்தை மட்டுமே முன் வைத்து எந்த ஒரு செயல்களையும் செய்வார்கள். விசுவாசிகளை தங்கள் சுய ஆதாயத்திற்கு மட்டும் பயன்படுத்திக்கொள்வார்கள்.. விசுவாசிகளுக்கு நிஜத்தை போதிக்காமல் தங்கள் மாயவலையில் தங்களுக்காக எதையும் செய்யும் கூட்டத்தை உருவாக்கி கொண்டே இருப்பார்கள்... அவர்களை மட்டுமே அருகில் வைத்துக்கொள்வார்கள்...

2. ஊழியம் செய்ய வேண்டும் என்றும், ஆத்தும ஆதாயம் செய்ய வேண்டும் என்றும் வாஞ்சையுடன் தங்களை ஊழியத்திற்கென்று அர்பணித்து வருபவர்கள்...

ஆரம்ப காலங்களில் மிகுந்த அர்ப்பணிப்புடன் ஆத்தும ஆதாய பணி செய்வார்கள்... மிகுந்த வைராக்கியமாக இருப்பார்கள். தங்களை மிகவும் வருத்திக்கொள்வார்கள்... தங்கள் உடல் நிலையை கவனித்துக்கொள்ள மாட்டார்கள்... குடும்பத்தில் கூட அன்பாக இருக்க மாட்டார்கள். மற்றவர்கள் செய்யும் சிறிய தவறு கூட அவர்களால் பொறுத்துக்கொள்ள முடியாது... மற்ற விசுவாசிகளையும், ஊழியர்களையும்... தங்கள் அர்பணிப்பை வைத்து... தங்கள் கண்ணோட்டத்தின்படி நியாயம் தீர்ப்பார்கள்.... யாருமே சரியில்லை ... என்னை போல யாருமே ஊழியம் செய்ய வில்லை... என்று எப்போதும் மற்றவர்களை குறை சொல்வதிலும், குற்றப்படுத்துவதிலும் மட்டுமே தங்கள் முழு கவனத்தையும் செலுத்துவார்கள்...

அன்பு, ஐக்கியம் ... கிறிஸ்துவின் சுபாவம் இல்லாமல் எதையும் பொறுத்துக்கொள்ள முடியாதவர்களாய் கோபத்துடனே இருப்பார்கள் அதுதான் தேவ சித்தம் என்றும் சிலாக்கித்துக்கொள்வார்கள்...

கடினமான வார்த்தைகளை பயன்படுத்தி மற்றவர்களை பேசுவார்கள்..‌அவர்கள் செயல் தவறு என்று யாராவது அவர்களுக்கு எதிராக பேசி விட்டால் அவர்களை எப்படி அவமானப்படுத்தலாம் என்று அதற்கான நேரத்தை பார்த்துக்கொண்டே இருந்து...தங்களுக்கு எதிராக பேசியவர்களை கண்டம் பண்ணி விடுவார்கள். தங்களை மிகுந்த பரிசுத்தவான்களாக கண்பித்துக்கொள்வதில் மிகுந்த கவனம் செலுத்துவார்கள்... மற்றவர்களின் சிறு தவறுகளையும் பெரிதுபடுத்துவார்கள்... தங்களுடைய பெரிய தவறுகளுக்கும் கூட நியாயம் கற்ப்பிப்பார்கள். தாங்கள் செய்வது எல்லாம் சரி என்று வாதிடுவார்கள்...

தாங்கள் பேசுவது எல்லாம் சத்தியம் என்று தங்களை தாங்களே ஏமாற்றிக்கொள்வார்கள். தங்கள் சுய புராணம் பேசிக்கொண்டே இருப்பார்கள்... ஒருவருக்கு சிறிய உதவி செய்தாலும் தம்பட்டம் அடித்துக்கொள்வார்கள்.. மற்றவர்களை பாராட்ட மாட்டார்கள்... மற்றவர்களை உயர்வாக எண்ண மாட்டார்கள்...

3. ஊழியத்திற்கென்று தேவனால் முன் குறிக்கப்பட்டு, தெரிந்து கொள்ளப்பட்டு, தேவனால் அழைக்கப்பட்டவர்கள்...

இயேசு கிறிஸ்துவின் சுபாவத்துடன் அன்புடனும் ... அற்பணிப்புடனும் இயேசு கிறிஸ்துவின் மன நிலையில் செயல்படுவார்கள்... ஊழியம் செய்வார்கள்... அவர்களின் கண்டிப்பில் அன்பு இருக்கும்.. கண்டிக்க வேண்டிய இடத்தில் கண்டித்து, அன்பு செலுத்த வேண்டிய இடத்தில் அன்பு செலுத்தி, அரவணைக்க வேண்டிய இடத்தில் அரவணைத்து, விசுவாசிகள் எவ்வளவு முரண்டு பிடித்தாலும்... முரட்டாட்டமாக நடந்து கொண்டாலும் அவர்களை விரோதிகளை போல நடத்தாமல் பெற்ற பிள்ளை எவ்வளவு முரண்டு பிடித்தாலும் தகப்பன் எப்படி பிள்ளையை நடத்துவானோ அவ்விதமாக தகப்பனின் உள்ளத்தோடு விசுவாச மக்களை கர்த்தருக்கு நேராக வழி நடத்துவார்கள்...

பிறருடைய தவறுகளை மன்னித்து, தங்களுக்கு எதிராக செயல்பட்டவர்களை கூட வைராக்கியமாக அணுகாமல் அன்பாக அணுகுவார்கள்... மற்றவர்களுடைய தவறுகளை கண்டிக்கிறேன் என்ற பெயரில் பிறரிடம் சொல்லி, அவர்களை மன வேதனை அடைய செய்ய மாட்டார்கள்... மற்றவர்களை இழிவாக நடத்த மாட்டார்கள்... விழுந்து போனவர்களை தூக்கி விடுவதில் மட்டுமே அவர்கள் கவனம் இருக்கும்.. மாறாக எப்போது விழுவார்கள் அவர்களை எப்படி அவமானப்படுத்தலாம் என்று துளியும் நினைக்க மாட்டார்கள்... அதே வேளையில் வேதாகம உபதேசத்தில் நிலைத்திருப்பார்கள்... மற்றவர்களுக்கு மாதிரியாக இருப்பார்கள்... தங்கள் தவறுகளையும் கண்டு பிடித்து திருத்திக்கொண்டே இருப்பார்கள்...

மற்றவர்களின் நற்செயலை பாராட்டி, அவர்களை உற்சாகப்படுத்துவார்கள்... நேர்மறையான எண்ணங்களை உருவாக்கிக்கொண்டே இருப்பார்கள்...

ஒவ்வொருவருடைய வளர்ச்சியின் அளவை கண்காணித்து... அடுத்த அடுத்த நிலைக்கு அவர்களை கிறிஸ்துவுக்கு நேராக வழி நடத்துவார்கள்... பொருளாதாரத்தில் எவ்வளவு குறைவாக இருந்தாலும் , தங்கள் தேவைகள் முழுமையாக சந்திக்கப்படாவிட்டாலும்... தங்கள் செயல்கள் மதிக்கப்படா விட்டாலும்... மற்றவர்கள் தங்களை உதாசீனப்படுத்தினாலும்... எந்த கஷ்டத்தையும் , கஷ்டமாக நினைத்து அழுது புலம்பி கொண்டே இருக்க மாட்டார்கள்... கடந்து வந்த கஷ்டங்களை சொல்லி சொல்லி, எந்த ஆதாயத்தையும் தேட மாட்டார்கள்.

கஷ்டத்தையும் தங்கள் இஷ்டமாக்கி கொண்டு... யாரையும் குறை சொல்ல மாட்டார்கள்... தேவனிடத்தில் மனதாங்கல் அடைய மாட்டார்கள்... முறுமுறுக்க மாட்டார்கள்... தேவனிடத்தில் கேள்விகளை கேட்டு தங்களை நியாயப்படுத்த மாட்டார்கள்..

எவ்வளவு நெருக்கங்கள் வந்தாலும், குறைவுபட்டாலும் ஊழியத்தை வெறுக்க மாட்டார்கள்... ஊழியத்திற்கு வந்ததே தவறு என்று எந்த சூழ்நிலையிலும் மனம் நொந்துகொள்ள மாட்டார்கள்..

கர்த்தர் நடத்துகிற வழியில் எவ்வளவு நெருக்கங்கள் வந்தாலும் மன ரம்மியமாக தங்கள் பொறுப்பை உணர்ந்து தேவனுடைய ஸ்தானாதிபதியாக செயல்பட்டுக்கொண்டே இருப்பார்கள் இந்த உலகத்தில் இருந்து வருகிற எதுவுமே அவர்கள் செய்யும் ஊழியத்தை தடைசெய்ய இடங்கொடுக்க மாட்டார்கள்... மனமடிவடையும் படியான சூழ்நிலை வந்தாலும் சுதாரித்து கொண்டு... அழைப்பில் நிலைத்திருந்து... அடுத்த தலைமுறையையும் உருவாக்கி வைத்து ... தங்கள் அழைப்பை நிறைவேற்றி முடித்து... தங்கள் ஆவியை தங்கள் எஜமானிடம் (தகப்பனிடம்) ஒப்படைப்பார்கள்...

கிறிஸ்துவின் அழைப்பின் பணியில்

பாஸ்டர் V.S. லூர்துராஜ்

ஜீவ அப்பம் திருச்சபை

சென்னை 19.

Good Friday Song | Kurusinil Thongi | Christian New Tamil Song

noreply@blogger.com (Unknown) — Tue, 29 Mar 2022 07:32:00 +0000

பாடல் வரிகள் ----------------

குருசினில் தொங்கி குருதியை சிந்தி

பலியாகி என்னை மீட்டவரே

அப்பா இயேசப்பா உங்க அன்புக்கு

ஈடு இந்த உலகத்தில் இல்லை

1. அடிக்கப்படும் ஆடு போல கொண்டு போகும் போதும் நொருக்கப்பட்டு ஆக்கினைக்கு உட்படுத்திய போதும் எனக்காகவே சிலுவையை சுமந்து என் பாவம் போக்க பலியான உம் அன்பை நினைக்கையிலே உள்ளமெல்லாம் உடையுதப்பா உந்தன் அன்பை தெரியுதப்பா

2. கை கால்கள் ஆணிகளால் அடிக்கப்பட்ட போதும் உடலெல்லாம் கீரப்பட்டு இரத்தம் வடிந்த போதும் பிதாவே இவர்களை மன்னியும் என்று சொன்ன உந்தன் அன்பை நினைக்கையிலே உள்ளமெல்லாம் உடையுதப்பா உந்தன் அன்பு தெரியுதப்பா

3. உலகத்தின் பாவங்கள் சுமத்தப்பட்ட போதும் பிதா முகம் உமக்கு மறைக்கப்பட்ட போதும் என் தேவனே என் தேவனே ஏன் என்னை கை விட்டீர் என்று கதறும் வேளையிலே உள்ளமெல்லாம் உடையுதப்பா உந்தன் அன்பு தெரியுதப்பா

En Jeevanulla Naatkalellaam | New Christian Worship Song | Kirubai song

noreply@blogger.com (Unknown) — Sat, 02 Oct 2021 15:16:00 +0000

என் ஜீவனுள்ள நாட்களெல்லாம்
உம்மை துதித்திடுவேன்
உம் நாமத்தையே சொல்லி சொல்லி
உயர்த்தி மகிழுவேன்
ஜீவனை பார்க்கிலும் உம் கிருபை நல்லது
உம் கிருபையால் என்னை நிரப்பிடுமே

வரண்டதும் விடாய்த்ததும் தண்ணீரற்ற நிலத்தில்
என் ஆன்மா உம்மீதே தாகமாய் என்றுமே உள்ளதே
என் தேவனே உம்மை ஆதிகாலமே
தினம் தினம் தேடுவேன்
தினம் தினம் தேடுவேன்

நிணத்தையும் கொழுப்பையும் உண்டது போலவே
என் மனம் உம் மீதே திருப்தியாகி தினமும் மகிழுதே
என் துணையாளரே உம்மில் களிகூரவே
உம் மார்பில் சாய்ந்திடுவேன்
உம் மார்பில் சாய்ந்திடுவேன்

படுக்கையிலும் உம்மை நினைக்கிறேன்
இராச்சாமத்தில் தியானிப்பேன்
உமது மகிமை வல்லமையை கண்டு துதிக்கிறேன்
உம்முகமே தினம் கண்டிடவே ஆவலாய்
உள்ளதே ஆவலாய் உள்ளதே

Un Nambikkai Veen Pogathu | New Christian Song

noreply@blogger.com (Unknown) — Sat, 02 Oct 2021 15:07:00 +0000

உன் நம்பிக்கை வீண்போகாது
உன் வேண்டுதல் கேட்கப்படும்
நீ விசுவாசத்தால் தேவ மகிமை கண்டிடுவாய்
உன் துக்கமெல்லாம் சந்தோஷமாய் மாறிடுமே

கலங்கி நிற்காதே எதற்கும் சோர்ந்து போகாதே
கர்த்தர் இயேசு உன்னோடு மறந்து விடாதே

சிறுமைபட்ட நாட்களுக்கும்
துன்பத்தை கண்ட வருஷங்களுக்கும்
சரியாக உன்னை மகிழ்ச்சியாக்குவார்
வாழ்நாளெல்லாம் களிகூர செய்திடுவார்

வறுமைக்கும் வெறுமைகளுக்கும்
அவமானத்தால் வந்த நிந்தைகளுக்கும்
இரட்டிப்பான நன்மைகளை தந்திடுவார்
உன் களஞ்சியங்கள் பூரணமாய் நிரம்பிட செய்வார்

நம்பிக்கை துரோகங்களுக்கும்
ஏமாற்றம் விரக்தி தோல்விகளுக்கும்
பதிலாக இயேசு உன் கூட இருப்பார்
சந்தோஷம் சமாதானம் தந்திடுவார்

Uyirodu Ezhunthar | New Christian worship Song

noreply@blogger.com (Unknown) — Sat, 02 Oct 2021 14:53:00 +0000

உயிரோடு எழுந்தார் என் உணர்வோடு கலந்தாரே - 2
கண்மணி போல் என்னை காப்பவரே காலமெல்லாம் என்னை சுமப்பரே- 2
துதியும் கனமும் மகிமையுமே உமக்கு செலுத்தி உயர்த்திடுவேன் - 2
உயிருள்ள நாளெல்லாம் உயிருள்ள நாளெல்லாம்

வேதனை துன்பம் நெருக்கத்தில் நெருங்கி வந்து அணைத்தீரே
கதறி அழுத நேரமெல்லாம் அருகில் நின்று தேற்றினீரே - 2
ஒன்றும் இல்லா நேரங்களிலே உதவி செய்து உயர்த்தினீரே
கைவிட பட்டு கலங்கும் போது கரம் பிடித்து தூக்கினீரே
சத்துருக்கள் முன்பாக பந்தியை ஆயத்தப்படுத்தினீர்
என் தலையை எண்ணெயினால் அபிஷேகித்து உயர்த்தினீர்

நிலையில்லா இந்த உலகிலே நிம்மதி இன்றி வாழ்ந்தேனே
வெறுமையான வாழ்வில் வந்து நம்பிக்கை நங்கூரமானீரே - 2
நிந்தை அவமானம் யாவும் அகற்றி நித்திய வாழ்வை எனக்கு தந்தீர் கல்வாரியிலே ரத்தம் சிந்தி உந்தன் அன்பால் என்னை மீட்டீர்
பாவ சாப ரோகங்கள் யாவும் அழித்து காத்தீரே
என்னை உமக்காய் தெரிந்து கொண்டு புதிய மனிதனாய் மாற்றினீர்

Siluvaiyil Sinthiya Rathathinale | New Christian song

noreply@blogger.com (Unknown) — Sat, 02 Oct 2021 14:48:00 +0000

சிலுவையில் சிந்திய இரத்தத்தினாலே
சமாதானத்தை உண்டு பண்ணினீர்
பாவியாகவே இருந்த எங்களை
பரிசுத்தமாய் மாற்றி விட்டீரே

ஆராதனை ஆராதனை
ஜீவனை பலியாக தந்தவர்கே
ஆராதனை ஆராதனை
அன்பராம் எந்தன் இயேசுவுக்கே

மகிமையின் நம்பிக்கையாக
எங்களுக்குள் இருப்பவரே
தம்முடைய இராஜ்யத்திற்கும்
மகிமைக்கும் அழைத்துக்கொண்டீர் - ஆராதனை

மரணத்தையும் பாதாளத்தையும்
சிலுவையிலே வென்று விட்டவரே
ஜீவனையும் அழியாமையையும்
கிருபையாக தந்துவிட்டீர் - ஆராதனை

Irakkamaai Iruntheer | New Christian Worship Song

noreply@blogger.com (Unknown) — Sat, 02 Oct 2021 14:40:00 +0000

இரக்கமாய் இருந்தீர் மனதுருக்கமாய் இருந்தீர்
ஆயிரம் தலைமுறை மட்டும் இரங்குவேன் என்றீர்
இமைபொழுதும் என்னை மறக்க வில்லையே
நான் விலகி சென்றும் விட்டு விலக வில்லையே

மலைகள் விலகினாலும்
பர்வதங்கள் நிலைபெயர்ந்தாலும்
கிருபையோ விலகாதென்றீர்
சமாதான உடன்படிக்கை செய்தீர்

அநாதி சிநேகத்தினால்
என்னையும் நேசித்தீரையா
காருண்ய கேடகத்தால்
என்னையும் இழுத்துக்கொண்டீரே

எனது வழிகளெல்லாம்
உம் சமுகம் முன் செல்லுதே
வாழ்கின்ற காலமெல்லாம்
இளைப்பாறுதல் தருவேன் என்றீர்

Thooyavare Thooyavare | தூயவரே தூயவரே | Tamil Christian Worship Song

noreply@blogger.com (Unknown) — Thu, 05 Aug 2021 14:41:00 +0000

தூயவரே தூயவரே தூயாதி தூயவரே
துதிகளின் நடுவினில் வாசம் செய்பவரே
துதி ஸ்தோத்திரம் துதி ஸ்தோத்திரம்
துதி ஸ்தோத்திரம் துதி ஸ்தோத்திரம்

ஒருவரும் சேரா ஒளியினிலே
வாசம் செய்திடும் தூயவரே
வணங்குகிறோம் போற்றுகிறோம்
கனத்திற்கு பாத்திரரே

கேரூபீன்கள் சேராபீன்கள்
எப்போதும் துதித்திடும் தூயவரே
உம்மை நாங்கள் துதித்திடுவோம்
துதிக்கு பாத்திரரே

எம் துயர் நீக்கிட வந்தவரே
செந்நீரை எமக்காய் சிந்தினீரே
உம் இரத்தத்தால் மீட்படைந்தோம்
விடுதலை நாயகரே

Jeevaappam Jeevageethangal - New Tamil Christian Songs

noreply@blogger.com (Unknown) — Wed, 12 Aug 2020 18:36:00 +0000

ஜீவ அப்பம் ஜீவ கீதங்கள்.
தமிழ் கிறிஸ்தவ பாடல்கள்
Jeevaappam Jeevageethangal
New Tamil Christian Songs

Mp3 Songs
Free Download

யுத்தத்தில் வல்லவர்
Yuthathil Vallavar Mp3

தாயின் கருவிலே
Thayin Karuvile Ennai

ஆத்துமா வாஞ்சித்து கதறுதே
Authuma Vanjithu Katharuthe

நிச்சயமாக உன்னை ஆசீர்வதித்து
Nitchayamaga Unnai

என்மீதா இத்தனை அன்பு
Enmetha Ithanai Anbu

Thayin Karuvile Ennai | தாயின் கருவிலே | New Christian Worship Song | Re...

noreply@blogger.com (Unknown) — Wed, 12 Aug 2020 17:23:00 +0000

தாயின் கருவிலே என்னை தெரிந்து கொண்டீரே
நல்ல தகப்பனாக தினம் என்னை சுமந்து வந்தீரே
தகப்பனே தந்தையே தகப்பனே தந்தையே
உங்க கண்களில் எனக்கு கிருபை கிடைத்ததே
உங்க பார்வை பட்டதால் என் வாழ்க்கை மாறியதே

ஆகாதவன் என்று நான் தள்ளப்பட்டிருந்தேன்
வேண்டாம் என்று பலராலும் வெறுக்கப்பட்டிருந்தேன்
தேடி வந்து அன்பை பொழிந்தீரே
உம் கரங்களினால் அணைத்து கொண்டீரே

தகுதியில்லை என்று நான் ஒதுக்கப்பட்டிருந்தேன்
துடைத்து போடும் கந்தை போல எறியப்பட்டிருந்தேன்
உங்க பிள்ளை என்னும் தகுதி தந்தீரே
உம் கிருபையினால் காத்துக்கொண்டீரே

இல்லாதவன் என்று நான் விலக்கப்பட்டிருந்தேன்
மனிதர் பேசும் வார்த்தைகளால் காயப்பட்டிருந்தேன்
என்னை குப்பையிலிருந்து தூக்கி எடுத்தீரே
உம் சிங்காசனத்தில் அமரவைத்தீரே

Nechayamaga Unnai Asirvathithu | நிச்சயமாக உன்னை ஆசீர்வதித்து | Rev. V.S...

noreply@blogger.com (Unknown) — Wed, 12 Aug 2020 17:19:00 +0000

நிச்சயமாக உன்னை ஆசீர்வதித்து
பெருகவே பெருக பண்ணுவேன்
உன்னை வலதுபுறத்திலும்இடதுபுறத்திலும்
இடங்கொண்டு பெருகிடுவாய்

உன் எல்லைகளை விஸ்தாரமாக்குவேன்
உன் துக்க நாட்கள் முடிந்து போகும்
கர்த்தர் உனக்கு வெளிச்சமாயிருப்பார்.

நீர்பாய்ச்சலான தோட்டமாய் செழிப்பாக மாறப்பண்ணுவேன்
வெட்கப்பட்ட இடத்தில் உன்னை கீர்த்தியும் புகழ்ச்சியாக்குவேன்
உன்னை வாலாக்காமல் தலையாக்குவேன்
நீ கீழாகாமல் மேலாகிடுவாய்
கர்த்தர் உனக்கு வெளிச்சமாயிருப்பார்.

பட்சித்த வருஷங்களின் விளைச்சல்களை திரும்ப தருவேன்
நன்மையினாலே உன்னை திருப்த்திபடுத்தி
சந்தோஷத்தால் நிறைத்திடுவேன்
உன் பெயரை பெருமை படுத்துவேன்
நீ ஆசீர்வாதமாய் வாழ்ந்திடுவாய்
கர்த்தர் உனக்கு வெளிச்சமாயிருப்பார்.

உன் நடுவில் வாசம்பண்ணுவேன் உன்னை கண்மணி போல் காத்திடுவேன்
என் நாவினால் சொன்னவைகளை என் கரத்தினால் செய்து முடிப்பேன்
ஆயிரம் மடங்கு ஆசீர்வதிப்பேன்
நீ கோடா கோடியாய் பெருகுவாய்
கர்த்தர் உனக்கு வெளிச்சமாயிருப்பார்.

Enmeetha Ithanai Anbu | என்மீதா இத்தனை அன்பு | Tamil Christian New Song ...

noreply@blogger.com (Unknown) — Sat, 11 Apr 2020 07:12:00 +0000

என்மீதா இத்தனை அன்பு
வியந்து பார்க்கின்றேன்
விலையேற பெற்ற உந்தன்
இரத்தத்தால் மீட்டீரே

உம் அன்பின் அகலம் நீளம் உயரம்
உணர்ந்து கொள்ள செய்தீரே
உதவாத என்னையும்
உருவாக்கி மகிழ்ந்தீரே

1. நிந்தைகள் அடைந்தும் அவமானமடைந்தும்
எனக்காக யாவையும் சகித்தீரே..
உமக்கு முன்பாக என்னை வைத்து
சந்தோஷமாக ஏற்றீரே...

2. காரி உமிழ்ந்தும் காயங்கள் பட்டும்
எனக்காக யாவையும் ஏற்றீரே.
உம் அன்பின் உறவில் என்னை சேர்க்க
எனக்காக மரித்தீரே

3. உறவுகள் என்னை வெறுத்த போதும்
உம் அன்பு என்னை தாங்குதையா
சாம்பலான என் வாழ்வை
சிங்காரமாக மாற்றினீரே

பாடல் வரிகள்

..... .......................

என்மீதா இத்தனை அன்பு
வியந்து பார்க்கின்றேன்
விலையேற பெற்ற உந்தன்
இரத்தத்தால் மீட்டீரே

உம் அன்பின் அகலம் நீளம் உயரம்
உணர்ந்து கொள்ள செய்தீரே
உதவாத என்னையும்
உருவாக்கி மகிழ்ந்தீரே

1. நிந்தைகள் அடைந்தும் அவமானமடைந்தும்
எனக்காக யாவையும் சகித்தீரே..
உமக்கு முன்பாக என்னை வைத்து
சந்தோஷமாக ஏற்றீரே...

2. காரி உமிழ்ந்தும் காயங்கள் பட்டும்
எனக்காக யாவையும் ஏற்றீரே.
உம் அன்பின் உறவில் என்னை சேர்க்க
எனக்காக மரித்தீரே

3. உறவுகள் என்னை வெறுத்த போதும்
உம் அன்பு என்னை தாங்குதையா
சாம்பலான என் வாழ்வை
சிங்காரமாக மாற்றினீரே

Aththuma Vanjithu Katharuthe | ஆத்துமா வாஞ்சித்து | Tamil Christian New ...

noreply@blogger.com (Unknown) — Wed, 25 Mar 2020 20:20:00 +0000

ஆத்துமா வாஞ்சித்து கதறுதே
நேசரின் முகத்தை தேடுதே
உம் பாதம் பணிந்து உம்மையே நோக்கி
ஆனந்தம் கொள்ளுதே

பாவ சேற்றில் கிடந்தேன் நான்
கழுவி அணைத்தீரே
நிம்மதியின்றி தவித்த எனக்கு
ஆறுதல் தந்தீரே

நீண்ட தூரம் சென்றேன் நான்
தேடி வந்தீரே
விலகி சென்ற என்னை அணைத்து
அன்பை தந்தீரே

பாலைவனத்தில் கிடந்தேன் நான்
பாதுகாத்தீரே
ஆதரவின்றி இருந்த எனக்கு
உதவி செய்தீரே

யுத்தத்தில் வல்லவர் | Yuthathil Vallavar | New Tamil Christian Song

noreply@blogger.com (Unknown) — Tue, 10 Mar 2020 06:56:00 +0000

யுத்தத்தில் வல்லவர்
கர்த்தர் என்பது அவர் நாமம்
சர்வ வல்ல தேவனவர்
சகலத்தையும் ஆள்பவரே
எனக்காக யாவும் செய்து
என்னோடு கூட இருந்து
என்னையவர் நடத்திடுவரே

அல்லேலூயா அல்லேலூயா ஆனந்தமாய் பாடிடுவேன் அனுதினமும் உயர்த்திடுவேன்

எதிரிகளால் உருவாகும் ஆயுதங்கள் வாய்க்காமல்
காக்கின்ற தேவனவர் என்னோடு இருக்கின்றாரே
எனக்காக வழக்காடி எனக்காக நியாயம் செய்து
நீதியாய் தீர்ப்பு செய்வாரே

உன்னை விட்டு விலக மாட்டேன் உன்னை என்றும் கைவிட மாட்டேன்
என்று சொன்ன தேவனவர் என்னோடு இருக்கின்றாரே
எனக்கு முன்னே அவர் சமூகம் எதைக்குறித்தும் கவலை இல்லை
என்னை என்றும் காத்திடுவாரே

திறந்த வாசலை உனக்கு முன்னே வைக்கின்றேன் என்று சொல்லி
நடத்துகின்ற மீட்பர் இயேசு என்னோடு இருக்கின்றாரே
ஒருவரும் பூட்டாதபடி வாசலை திறந்து வைத்து
என்றென்றும் நடத்திடுவாரே

உலகத்தின் முடிவுவரை சகல நாளும் கூட இருப்பேன்
என்று சொன்ன இயேசு ராஜன் என்னோடு இருக்கின்றாரே
என்னை அவர் பாதுகாப்பார் என்னை அவர் வழி நடத்துவார்
எனக்கென்றும் இயேசு போதுமே

கவலையை அகற்றுவோம். பொறுப்பாய் இருப்போம்.

noreply@blogger.com (Unknown) — Wed, 04 Dec 2019 16:20:00 +0000

உங்களை நீங்களே சந்தோஷமாக வைத்துக்கொள்ளுங்கள்.

noreply@blogger.com (Unknown) — Tue, 03 Dec 2019 16:31:00 +0000

உனக்கு இருக்கும் பலத்தோடு செயல்படு...

noreply@blogger.com (Unknown) — Fri, 29 Nov 2019 13:20:00 +0000

கொடுப்பது கிடைக்கும்..

noreply@blogger.com (Unknown) — Thu, 28 Nov 2019 13:16:00 +0000

தேவையானதை மட்டும்...பேச வேண்டும்.

noreply@blogger.com (Unknown) — Wed, 11 Sep 2019 18:52:00 +0000

சிறுவன் ஒருவன் தன் ஆசிரியரிடம் வந்து "சார் Sex என்றால் என்ன? என்று கேட்டான். இந்த சிறு வயதில் கேட்க கூடாத கேள்வியை கேட்கிறானே என்று ஆசிரியருக்கு கோபம்.

ஆனாலும் தனது கோபத்தை மறைத்து, செக்ஸ் என்றால், தாம்பத்திய உறவு.
அது கணவன் மனைவிக்காக கடவுளால் கொடுக்கப்பட்டது. அதன் மூலமாகவே பிள்ளைகள் பிறக்கிறார்கள். என்று மிகவும் விரிவாக சில நிமிடங்கள் அந்த சிறுவனிடம் விவரித்து சொல்லி விட்டு, இந்த வயதிலேயே இது மாதிரி கேள்விகளை எல்லாம் கேட்க கூடாது என்று கோபத்துடன் சொன்னார்.

ஆசிரியர் சொன்னவைகளை எல்லாம் அமைதியாக கேட்டுக்கொண்டிருந்த சிறுவன் கொஞ்ச நேரம் ஆசிரியரையே பார்த்து விட்டு, குழப்பத்துடன், ஆசிரியர் சொன்னது எதுவும் புரியாமல் ஒரு பேப்பரை காண்பித்து, சார் இதில் Sex என்று போட்டிருக்கிறது இதற்கு நேராக என்ன எழுத வேண்டும் என்று கேட்டான்.

...........

இப்படிதான் அநேகர்...மற்றவர்களின் புரிதலுக்கு ஏற்ற மாதிரி பேசாமல் தனக்கு தெரிந்ததை எல்லாம் பேசிக்கொண்டிருக்கிறார்கள்.

எந்த இடத்தில் எது தேவையோ அதை மட்டும் சரியாக அறிந்து பேச வேண்டும்.

அதே தந்திரங்கள் பலிக்குமா?

noreply@blogger.com (Unknown) — Wed, 11 Sep 2019 18:28:00 +0000

...பழைய கதைதான் முழுவதும் வாசியுங்கள்.....

ஒரு தொப்பி வியாபாரி ஊர் ஊராக அலைந்து தொப்பி விற்று விட்டு வரும் போது மிகவும் களைப்பாக இருந்ததால் தொப்பிகளை கிழே வைத்து விட்டு, ஒரு மரத்தின் நிழலில் அமர்ந்தான்.

மரத்தின் நிழலில் இதமான காற்றி்ல் அப்படியே கண் அயர்ந்து தூங்கி விட்டான். கண் விழித்து பார்த்த போது தனக்கு அருகில் இருந்த தொப்பிகளை காணவில்லை. சுற்றி பார்க்கும் போது மரகிளைகளில் அமர்ந்திருந்த குரங்குகள் தொப்பிகளை அணிந்திருந்தன.

குரங்குகள் ஒவ்வொன்றும் அணிந்திருக்கும் தொப்பிகளை எப்படி வாங்குவது என்று யோசித்த வியாபாரி தன்னுடைய தலையில் அணிந்திருந்த தொப்பியை எடுத்து கீழே போட்டான்.

உடனே குரங்குகளும் அணிந்திருந்த தொப்பிகளை கீழே போட்டு விட்டது.

உடனே சந்தோஷத்துடன் எல்லா தொப்பிகளையும் எடுத்துக்கொண்டு வியாபாரி வியாபாரத்திற்கு சென்றான்.

ஆண்டுகள் உருண்டோடின..தொப்பி வியாபாரிக்கு வயதாகி விட்டது.

இப்போது தொப்பி வியாபாரியின் பேரன் தாத்தாவை போன்று தொப்பி வியாபாரம் செய்ய புறப்பட்டான்.

அப்பொழுது அந்த தொப்பி வியாபாரி தனக்கு நடந்த அனுபவங்களை தனது பேரனிடம் சொன்னான்.

"ஒரு நாள் நான் வியாபாரத்துக்கு சென்ற போது, அசதியில் ஒரு மரத்தின் நிழலில் தூங்கி விட்டேன்.

அப்பொழுது மரத்தில் அமர்ந்து இருந்த குரங்குகள் தொப்பியை எடுத்து அணிந்து கொண்டன. உடனே அந்த தொப்பிகளை எப்படி குரங்குகளிடம் இருந்து வாங்குவது என்று யோசித்த நான், எனது தலையில் அணிந்திருந்த தொப்பியை எடுத்து கீழே போட்டேன்.

உடனே குரங்குகளும் தான் அணிந்திருந்த தொப்பிகளை கீழே போட்டு விட்டது நான் தொப்பிகளை எடுத்து வந்து விட்டேன்" என்று தனது பேரனிடம் தனது பழைய அனுபவத்தை விவரித்து சொன்னான்.

தனது தாத்தாவின் அனுபவத்தை கேட்ட பேரன். தொப்பி வியாபாரத்திற்கு சென்றான்.

மதிய வேளையில் மிகவும் களைத்து போனவனாக ஒரு மரத்தின் நிழலில் அமர்ந்தவன் அப்படியே தூங்கி விட்டான்.

கண் விழித்து பார்த்த போது தொப்பிகளை காண வில்லை. சுற்று முற்றும் பார்த்த போது மரத்தில் அமர்ந்திருந்த குரங்குகள் தொப்பிகளை எடுத்து அணிந்திருந்தன.

உடனே அவனுக்கு தாத்தா. சொன்ன கதை ஞாபகத்திற்கு வந்தது.

இப்போது என்ன செய்கிறேன் பார்.

என்று தான் அணிந்திருந்த தொப்பியை எடுத்து கீழே போட்டான்.

கீழே போட்டு விட்டு குரங்குகளை பார்த்தான். குரங்குகள் தாங்கள் அணிந்திருந்த தொப்பியை கீழே போட வில்லை.

மறுபடியும் தலையில் தொப்பியை அணிந்து விட்டு கீழே போட்டு விட்டு குரங்குகளை பார்த்தான்.

அப்பொழுதும் குரங்குகள் தொப்பியை கீழே போட வில்லை.

அவனுக்கு புரியாமல் திகைத்துக்கொண்டிருக்கும் போது குரங்குகள் அவனைப்பார்த்து உனக்கு எப்படி தாத்தா இருக்கிறாரோ அதே போல

எங்களுக்கும் தாத்தா இருக்கிறார் என்றது...😀😀

..கதையின் பொருள்..

ஒருவரின் அனுபவம் இன்னொருவருக்கு உதவாது..

செயல்களில் மாற்றம் இல்லாமல் ஜெயிக்க முடியாது.

எனவே..சிந்தித்து செயல்படுவோம்.☺

Rev. V.S.Lourduraj

Bread of Life Church

Thiruvottiyur, Chennai 19

கெட்டுப்போகிறவர்களுக்கே பைத்தியமாக இருக்கும்

noreply@blogger.com (Unknown) — Tue, 10 Sep 2019 18:39:00 +0000

தனக்கு முன் இருக்கும் எதிரியை வீழ்த்துகிறவர்களையே வெற்றி பெற்றவர்கள் என்று அழைப்பார்கள். இதுதான் உலக வழக்கம், உலக நியதி, ஆனால் இதற்கு முற்றிலும் மாறுபாடாக இயேசு கிறிஸ்து சிலுவையில் மரித்தார். ஆனால் இயேசு கிறிஸ்து “சிலுவையிலே வெற்றி சிறந்தார்” (கொலோ 2:15) என்று வேதம் கூறுகிறது. மரணத்தை தோல்வி என்று நினைக்கும் உலக ஞானிகளால் இதை ஏற்றுக்கொள்ள முடிய வில்லை. உலக ஞானிகள் இதை பைத்தியகாரத்தனமாக எண்ணுகிறார்கள். எனவேதான். “சிலுவையைப்பற்றிய உபதேசம் கெட்டுப்போகிறவர்களுக்குப் பைத்தியமாயிருக்கிறது” (1 கொரி 1:18) என்று வேதம் கூறுகிறது. அவர்கள் தங்களை ஞானிகள் என்று எண்ணிக்கொண்டாலும் கடவுளின் இரட்சிப்பின் வழியை அவர்களால் அறிந்து கொள்ள முடிவில்லை.

உலக ஞானமே கடவுளோடு இணைந்து கொள்ள முடியாதபடி அவர்களை தடுக்கிறது. “தேவஞானத்துக்கேற்றபடி உலகமானது சுயஞானத்தினாலே தேவனை அறியாதிருக்கையில், பைத்தியமாகத் தோன்றுகிற பிரசங்கத்தினாலே விசுவாசிகளை இரட்சிக்க தேவனுக்குப் பிரியமாயிற்று” (1 கொரி 1;21) என்று வேதம் கூறுகிறது.

ஆனால் உலக ஞானிகளால் பைத்தியமாக தோன்றுகிற சுவிசேஷத்தினாலேயே மனுகுலத்தை விடுதலையாக்க தேவன் விரும்புகிறார்.

சிலுவையில் மரித்து, அடக்கம் பண்ணப்பட்டு, மூன்றாம் நாளில் இயேசு கிறிஸ்து உயிர்த்தெழுந்தார். இதை விசுவாசித்து ஏற்றுக்கொள்வதே விசுவாசம். இதை விசுவாசிக்கும் ஒருவர் பாவத்திலிருந்து விடுதலையாக்கப்பட்டு, தேவனுடைய பிள்ளை என்ற அதிகாரத்தை பெறுகிறார் என்பதுதான்… சிலுவையின் உபதேசம்.

தன்னையே காப்பாற்றிக்கொள்ள முடியாமல் மரித்தவர் மற்றவர்களை விடுதலையாக்க முடியுமா? இது என்ன பைத்தியகாரதனமாக இருக்கிறது. என்று சொல்லி இந்த உபதேசத்தை விசுவாசித்து ஏற்றுக்கொள்ளாதவர்கள் கெட்டுப்போவார்கள். எனவே, கெட்டுப்போகிறவர்களுக்கே சிலுவையைப்பற்றிய உபதேசம் பைத்தியமாயிருக்கிறது என்று வேதம் கூறுகிறது.

ஆனால் இயேசு கிறிஸ்துவின் சிலுவை மரணத்தின் மூலமாகவே, தேவன் மனுகுலத்தை விடுதலையாக்குகிறார். இதுதான் “விசுவாசம்” இந்த விசுவாசமே இரட்சிப்பை கொடுக்கிறது. இதைக்குறித்துதான் “இரட்சிக்கப்படுகிற நமக்கோ அது தேவபெலனாயிருக்கிறது” (1 கொரி 1;18) என்று வேதம் கூறுகிறது.

Rev. V.S. Lourduraj
Bread of Life Church

மன அமைதி கிடைக்கும் இடம்.

noreply@blogger.com (Unknown) — Tue, 09 Apr 2019 08:46:00 +0000

உலகத்தில் மனிதனின் மிக முக்கியமான தேடல் மன அமைதி. மன அமைதி எந்த மனிதனிடம் இருக்கிறதோ, அந்த மனிதன்தான் தன் வாழ்வில் வெற்றிகரமான வாழ்வு வாழ்ந்து கொண்டிருக்கிறான்.

சமாதானம், சந்தோஷம் மன நிறைவு இல்லாமல், வாழ்க்கையில் இலக்கு தெரியாமல் ஓடிக்கொண்டிருக்கும் மனிதன் வெகு விரைவில் தன் மன அமைதியை இழந்து வாழ்க்கையில் மிகப் பெரிய தோல்வியை சந்திக்க நேரிடும். வாழக்கையின் முடிவுக்கும் கூட சென்று விட வாய்ப்புக்கள் உண்டு.

மனிதன் மன அமைதி இல்லாமல் இருப்பதுதான், அநேக பிரச்சனைகளுக்கு முக்கியமான காரணம். தன்னால் தன் மனதை சந்தோஷமாக வைத்துக்கொள்ள முடியாமல் தத்தளிக்கும் மனிதன் தன்னை சுற்றிலும் இருக்கும் மனிதர்களுக்கோ, அல்லது தன் குடும்பத்தினர்களுக்கோ கூட சந்தோஷத்தை கொடுக்க முடியாது.

ஜீவ அப்பம்

மூன்றாம் பாலினம் உண்டா? அண்ணகர்கள் என்பது திருநங்கைகளை குறிக்கிறதா?

noreply@blogger.com (Unknown) — Wed, 27 Feb 2019 04:54:00 +0000

அண்ணகர்கள் என்ற வார்த்தை பழைய ஏற்பாட்டிலும், புதிய ஏற்பாட்டில் இயேசு கிறிஸ்துவாலும் பயன்படுத்தப்பட்டுள்ளது. அண்ணகர்கள் என்று வேதாகமத்தில் குறிப்பிட்டுள்ளது நேரடியாக இக்காலத்தில் திருநங்கைகள் என்று அழைக்கப்படுகிறவர்களை குறிக்கும் வார்த்தைதானா? என்பது அநேகருடைய மனதில் இருக்கும் கேள்விகள். அதைகுறித்து வேதாகம வெளிச்சத்தில் சற்று ஆராய்ந்து பார்க்கலாம்.

“தாயின் வயிற்றிலிருந்து அண்ணகர்களாய்ப் பிறந்தவர்களும் உண்டு; மனுஷர்களால் அண்ணகர்களாக்கப்பட்டவர்களும் உண்டு; பரலோகராஜ்யத்தினிமித்தம் தங்களை அண்ணகர்களாக்கிக்கொண்டவர்களும் உண்டு; இதை ஏற்றுக்கொள்ள வல்லவன் ஏற்றுக்கொள்ளக்கடவன் என்றார்” (மத்தேயு 19:12). இந்த வசனத்தின் மூலம் அண்ணகர்களை குறித்து மூன்று வகையாகப் பிரித்து இயேசு கிறிஸ்து கூறுவதை வேதாகமத்தில் பார்க்கிறோம்.

இதன் மூலமாக “அண்ணகர்” என்றால் “பாலியல் உறவுக்கு தயாராக இல்லாதவர். அல்லது பாலியல் உணர்வு அற்றவர் என்று அறிந்து கொள்ளலாம்.

1. பிறப்பிலேயே பாலியல் பருவம். அல்லது வாலிப பருவம் அடையாதவர்கள்.

2. அந்நாட்களில் மன்னர் ஆட்சியில் சில முக்கிய பொறுப்புகளில் இருந்தவர்களை பாலியல் உறவுக்கு தகுதியில்லாது செய்துள்ளனர்.

3. கடவுளுடைய பணியை செய்வதற்காக தங்கள் பாலியல் உணர்வுகளை தங்களுக்குள்ளாகவே அழித்துக்கொண்டு. பாலியல் உறவில் ஈடுபட மறுத்தவர்கள்.

இவ்விதமாக இந்த மூன்று தரப்பினரைக்குறித்தே இயேசு கிறிஸ்து குறிப்பிடுகிறார்.

தாயின் வயிற்றில் ஆண்-பெண் தன்மையையை உருவாக்குவது குரோமோசோம்களாகும் (Chromosomes). இந்த குரோமோசோம்கள் என்பது தாயிடமிருந்து சுமார் 23, தந்தையிடமிருந்து 23 ஆக மொத்தம் 46 குரோமோசோம்களாக இணைந்து உடலிலுள்ள பலவித ஹார்மோன்களால் அவை இயக்கப்படுகின்றன அல்லது சேர்க்கப்படுகின்றன.

இவைகளை மரபணு என்றும் - இதிலே XX, XY, 44+XY, 44+X என்றும் கணக்கிடப்படும். ஒரு தாயின் வயிற்றில் உருவாகும் குழந்தை குரோமோசோம்களில் உருவாகி - ஹார்மோன்கள் மூலம் ஆண்-பெண் என்று உறுதியாக்கப்படுகிறது.

இந்த ஹார்மோன்களின்மூலம் சரீரத்தில் ஈஸ்ட்ரோஜன் இயக்கப்பட்டு டெஸ்டோஸ்டிரோன் என்பவைகளோடு இணைந்துதான் ஆண்-பெண் தன்மைகளையும் உருவாக்குகிறது.

ஆண்: தாய் வயிற்றில் ஆண் குழந்தையாக உருவாகவேண்டுமானால் டெஸ்டோஸ்டிரோன் (Testosterone) என்ற ஹார்மோன் அதிக அளவில் சுரக்கவேண்டும். அதேசமயம், அதே உடலில், பெண் உணர்வான ஈஸ்ட்ரோஜனும் (Estrogens) சிறிய அளவில் இணைந்து இருக்கும். ஒரு மனிதனின் உடலில் இவைகள் இரண்டுமிருக்கும்.

பெண்: தாய் வயிற்றில் பெண் குழந்தை உருவானால் ஈஸ்ட்ரோஜன் என்ற பெண் தன்மைக்கு காரணமான ஹார்மோன் அதிகமாக சுரக்கவேண்டும். அதேசமயம், ஆண் தன்மைக்கு காரணமான டெஸ்டோஸ்டிரோனும் கொஞ்சமாக இவற்றோடு சேர்ந்து இருக்கும். ஆண்-பெண் பால் உணர்வு என்பது ஆண்-பெண் இருவருக்குள்ளும் எப்போதும் இருக்கும்.

தாயின் வயிற்றில் குழந்தை உருவாகினவுடன் சுமார் 7 வாரங்களின் பின்னர்தான் ஆண்-பெண் ஹார்மோன்கள் உற்பத்தியாகின்றன. அதன் அடிப்படையில் குரோமோசோம்கள் மூலமாக ஆணாகவோ - பெண்ணாகவோ சரீரம் மாறும்போது ஹார்மோன் சரீரத்தில் உற்பத்தியாகி அதன் வேகத்திற்கேற்ப ஆணாகவோ - பெண்ணாகவோ உருமாறி அதற்கான ஆண் உறுப்பு அல்லது பெண் உறுப்பு ஆகியவைகள் சிறிய அளவில் குழந்தை சரீரத்தில் தோன்ற ஆரம்பிக்கும். பிறகு குழந்தை பிறந்தவுடன் பிறப்பு உறுப்பை பார்த்துதான் அது ஆணா-பெண்ணா என்று தீர்மானிக்கிறார்கள்.

ஆக, எந்த மனிதனாக இருந்தாலும் அது ஆணாக இருந்தாலும், பெண்ணாக இருந்தாலும் ஆண்உணர்ச்சி ஹார்மோன், பெண்உணர்ச்சி ஹார்மோன் இரண்டும் ஒரே சரீரத்தில் காணப்படும்.

இந்த அடிப்படையில் 100க்கு-100 ஆண் உணர்வுகள் உள்ள ஆண், 100க்கு-100 பெண் உணர்வுள்ள பெண் இந்த உலகில் யாருமே இருக்கமுடியாது. ஆண்-பெண் இரண்டு உணர்வுகளும் கலந்தவர்களாக இருப்பவர்கள்தான் மனிதன் அல்லது மனுஷி ஆகும்.

எனவே, ஒன்றை நன்றாக புரிந்து கொள்ள வேண்டும் “அண்ணகர்” என்பவர்கள் தன் பாலினரோடு பாலின உறவு (ஒரின சேர்க்கை) கொள்பவர்கள் அல்ல. காரணம், உடல் ரீதியிலும், உணர்வு ரீதியிலும் பாலியல் ஈடுபாடு அற்றவர்களே “அண்ணகர்கள்”

ஆகவே “அண்ணகர்கள்” என்பவர்கள் மூன்றாம் பாலினம் இல்லை. அண்ணகர்கள் என்பவர்கள் பெண்களிலும் உண்டு. ஆண்களிலும் உண்டு. ஒரு பெண் வாலிப பருவத்தை அடையும் போதே, பாலின உறவுக்கு தயாராகிறாள். வாலிப பருவத்தை அடையாதவர்களே “அண்ணகர்”. அது போலவே, வாலிப பருவம் அடையாத ஆண்தான் “அண்ணகர். எனவே தான் , இயற்கையாக உடல் ரீதியாகவும், உணர்வு ரீதியாகவும் பாலியல் மாற்றம் அடையாதவர்களையும்,

செயற்கையாக உடல், மற்றும் உணர்வுகளில் பாலியலில் எவ்விதமாகவும் ஈடுபடாதபடி செய்யப்பட்டவர்களையும், ஒரு நோக்கத்திற்காக ( தேவனுடைய இராஜ்யம்) தங்களுக்குள்ளாகவே உடல்ரீதியாக, உணர்வுரீதியாக தூண்டப்படும் பாலியல் உணர்வுகளை தங்களுக்குள்ளாகவே அழித்து, அல்லது கட்டுப்படுத்தி வாழ்கிறவர்களையே ( வரம் பெற்றவர்களே இவ்விதம் இருக்க முடியும்) வேதம் அண்ணகர் என்று அழைக்கிறது.

வாலிப பருவத்தை அடையாதவர்களையும், பாலின உறவுக்கு உடல்ரீதியாகவும், உணர்வு ரீதியாகவும், தகுதியடையாதவர்கள் கடவுளால் சபிக்கப்பட்டவர்கள் என்றும், கடவுளால் தள்ளப்பட்டவர்கள் என்றும் நினைத்துக்கொண்டு, அக்காலத்தில் அப்படிப்பட்டவர்களை மக்கள் உதாசீனப்படுத்தி, தனிமைப்படுத்தி வந்தார்கள். ஆகையால் தங்கள் வாழ்க்கையில் பட்டமரம் போல் இருக்கிறோமே என்று அண்ணகர்கள் கலங்கி வேதனை அடைந்தனர். ஆகவே, அண்ணகர்களை சபிக்கப்பட்டவர்கள் என்று எண்ணி, அவர்களை தனிமைப்படுத்தி வந்தவர்களை பார்த்தும், கலங்கி, வேதனைப்பட்டுக்கொண்டிருந்த அண்ணகர்களையும் பார்த்துதான் வேதம் கூறுகிறது.

“……அண்ணகனும், இதோ, நான் பட்டமரமென்று சொல்லானாக. என் ஓய்வுநாட்களை ஆசரித்து, எனக்கு இஷ்டமானவைகைளைத் தெரிந்துகொண்டு உடன்படிக்கையைப் பறறிக்கொள்ளுகிற அண்ணகர்களைக் குறித்துக் கர்த்தர் சொல்லுகிறது என்னவென்றால்:

நான் அவர்களுக்கு என் ஆலயத்திலும், என் மதில்களுக்குள்ளும் குமாரருக்கும் குமாரத்திகளுக்கு முரிய இடத்தையும் கீர்த்தியையும்பார்க்கிலும், உத்தம இடத்தையும் கீர்த்தியையும் கொடுப்பேன், என்றும் அழியாத நித்திய நாமத்தை அவர்களுக்கு அருளுவேன். (ஏசாயா 56:3-5). என்று கர்த்தர் கூறுகிறார்.

பாலியல் உறவுக்கு தகுதி இல்லாதவர்கள் சபிக்கப்பட்டவர்கள் அல்ல. கர்த்தரால் தள்ளப்பட்டவர்களும் அல்ல. அவர்கள் கர்த்தரால் கனப்படுத்தப்படுகிறவர்கள் என்று கர்த்தர் சொல்கிறார். எனவே, அண்ணகர்கள் என்பவர்கள் இழிவான இச்சை ரோகங்களுக்கு, உட்பட்டவர்கள் அல்ல. இழிவான பாலியல் உறவில் ஈடுபடுபவர்களும் அல்ல. மேலும் வேதாகமத்தில் சொல்லப்படும் அண்ணகர் எதிர்பாலினரைப்போல் உடை அணிந்து, தன்னை பெண் போன்றோ, ஆண் போன்றோ எண்ணிக்கொள்வது இல்லை.

ஒரு ஆண் பாலியல் உறவுக்கு தகுதியில்லாதவனாக இருந்தால் அவன் பெண்ணின் உணர்வை பெற்று விட்டான் என்பது பொருள் அல்ல. அதே போல் ஒரு பெண் பருவ மாற்றம் அடையாது போனால் அவள் ஆண் உணர்வை பெற்று விட்டாள் என்பதும் பொருள் அல்ல.

கடவுள் மனிதனை ஆணும் பெண்ணுமாகவே படைத்தார். (ஆதி 1:27) கடவுளின் படைப்பில், ஆண், பெண் என்று இரண்டு பாலினம் மட்டும்தான். எனவே மூன்றாம் பாலினம் என்று சொல்வது கடவுளின் படைப்புக்கு எதிரான செயல். கடவுளுடைய படைப்பில் பாலியலில் ஆண் பெண்ணோடும் (மனைவி), பெண் ஆணோடும்(கணவன்) மட்டுமே உறவு கொள்ள வேண்டும். ஆண் ஆணோடும், பெண் பெண்ணோடும், தன்பால் உறவு (ஒரின சேர்க்கை) கடவுளின் படைப்புக்கு எதிரான பிசாசின் செயல். எனவே அண்ணகர் என்பவர்கள் மூன்றாம் பாலினம் என்று ஏற்க இயலாது.

தற்காலத்தில் கூட அண்ணகர்கள் உண்டு. ஆனால் அவர்கள் திருநங்கைகள் என்று அழைக்கப்படுபவர்கள் அல்ல. ஆண் அண்ணகர். ஆண் தோற்றத்தில் மட்டுமே இருப்பார். பெண் அன்ணகர் பெண் தோற்றத்தில் மட்டுமே இருப்பார். அவர்கள் தங்களை மாற்று பாலினத்தவர் போல் அலங்கரித்துக்கொள்வது இல்லை. அதாவது ஆண் தன்னை பெண்ணைப்போலவும், பெண் தன்னை ஆண் போலவும் அலங்கரித்துக்கொள்ள மாட்டார்கள். அவர்கள் இல்லர வாழ்வுக்கு ஏற்றவர்களாக இருக்க மாட்டார்கள். மேலும் எந்த வகை பாலின உறவிலும் அவர்களுக்கு ஈடுபாடு இருக்காது.எந்த வகையிலும் பாலின உறவில் ஈடுபடாதவர்களைதான் வேதாகமம் “அண்ணகர்கள்” என்று அழைக்கிறது.

அப்படியானால் “திருநங்கைகள்” என்று அழைக்கப்படுகிறவர்கள் யார்? என்ற கேள்வி உண்டாகும். இவர்களை குறித்து வேதாகமம் என்ன சொல்கிறது என்று பார்க்கலாம்.

பாலியல் (sex) உடல் சம்மந்தப்பட்டது மட்டும் அல்ல. உணர்வும் சம்மந்தப்பட்டது. உணர்வும், உடலும் சரி விகிதத்தில் இணைந்து செயல்படுவதே “பாலியல் உறவு”. இருபாலின உறவே கடவுளின் நியமனம். தன் பாலினரோடு பாலின உறவில் ஈடுபாடுதல் (1 கொரி 6:9) கடவுளுடைய நியமனமல்ல. மேலும் விலங்குகளுடன் புணருதல் குறித்தும் கடவுளுடைய வார்த்தை எச்சரிக்கிறது. (யாத் 22:19, லேவி 18:23., 20:15,26)

மேலும் “விதையடிக்கப்பட்டவனும், கோசமறுபட்டவனும் கர்த்தருடைய சபைக்கு உட்படலாகாது” (உபாகமம் 23:1).என்று வேதாகமத்தில் குறிப்பிடப்பட்டுள்ள வசனம் தற்காலத்தில் திருநங்கைகள் என்று அழைக்கப்படுகிறவர்களையும் குறிப்பிடுவதாக உள்ளது.

பாலின உறுப்புக்களை செயல்படாமல் செய்வதும், (விதையடிக்கப்படுதல்) அதை உடலில் இருந்து அகற்றுவதும் (கோசமறுபட்டவன்) கடவுளுக்கு விரோதமான செயல் என்றும், இவ்வித செயல்கள் கடவுளுடைய படைப்பின் செயலுக்கு எதிரானது என்றும் வேதம் கூறுகிறது.

ஒரு சிலர் உடல் ரீதியாக (ஆணோ, பெண்ணோ) பாலியல் உறவுக்கு நல்ல தகுதி நிலையில் இருந்தாலும், அவர்களின் உணர்வில் ஏற்பட்டுள்ள மாற்றத்தின் காரணமாக, ஆணாக இருக்கும் ஒருவர் பெண் மீது பாலியல் தூண்டுதல் ஏற்படாமல், தன் பாலினமான ஒரு ஆண்மீதே பாலியல் தூண்டுதல் அடைவது உண்டு. இது முழுக்க முழுக்க உணர்வு ரீதியில் ஒரு மனிதனை கடவுளுக்கு விரோதமாக திருப்பும் பிசாசின் செயலே ஆகும்.

இவ்விதமான உணர்வு ரீதியிலான தூண்டுதலின் அடிப்படையிலேயே திருநங்கைகள் என்று அழைக்கப்பட கூடியவர்கள் இருக்கிறார்கள். இப்படிப்பட்டவர்களுக்கு ஒரு கட்டத்தில் தங்கள் உடலில் உள்ள உறுப்பு மீதே வெறுப்பு உண்டாகி, எவ்வகையிலாவது தன் உறுப்பை அகற்றி, விடுகிறார்கள். மருத்துவ ரீதியில் செயற்கையாக உடல் அமைப்பையும் மாற்றிக்கொள்கிறார்கள்.

தங்களை போல் உள்ளவர்களோடு மட்டும் நட்பு வைத்து, தங்களைப்போன்ற உணர்வு உள்ளவர்களை தேடி சென்று அவர்களோடு இணைந்து கொள்கிறார்கள். பெரும்பாலும் இவர்கள் இயற்கைக்கு மாறாக பாலியல் உறவில் (oral sex) ஈடுபடுகிறவர்களாகவே இருக்கிறார்கள். ஆணோடு திருமண உறவையும் ஏற்படுத்திக் கொள்பவர்களும் உண்டு. இவ்வித செயல்கள் எல்லாம். ஒரீன சேர்க்கை தான்.

மேலும் திருநங்கைகளாக இருப்பவர்களில் பலர் மனதளவில் பாதிக்கப்பட்டவர்களாகவும் இருக்க அதிக வாய்ப்புக்கள் உள்ளது. சிறுவயது முதலே ஏதோ ஒருவகையில் பாலியல் துன்புறுத்தலுக்கு உட்பட்டு, பின்பு அதுவே அவர்களின் பழக்கமாகவும் மாறி, அதுவே அவர்களுக்கு உடல்ரீதியில் (இச்சை அடைந்து) விருப்பம் உண்டாகி, உணர்வு ரீதியில் அதற்கு அடிமையாகிபோனவர்களும் உண்டு.

இன்னும் சிலர் பருவ மாற்றம் அடையும் வேளையில், பாலியல் உறவுக்கு தன்பாலர் மீது ஈர்ப்பு ஏற்பட்டு, எதிர்பாலர் மேல் எவ்வித பாலியல் உணர்வும் இல்லாதவர்களாக மாறி விடுகிறதும் உண்டு.

பெண்களிலும் கூட, எதிர்பாலர் மேல் எந்த ஈர்ப்பும் இல்லாமல் தன்பாலினரோடே பாலியல் உறவு (lesbian) கொள்பவர்களும் உண்டு.

அதற்காக திருநங்கைகள் என்று அழைக்கப்படுகிறவர்களை உதாசீனப்படுத்துவதோ, அவர்களை விட்டு விலகி இருக்கவோ, அவசியம் இல்லை. உண்மையில் சொல்ல வேண்டுமானால் மனதளவில் அவர்கள் ஒரு நோயாளியாக இருக்கிறார்கள். ஆனால் தான் ஒரு நோயாளி என்பதை அறியாமல் தங்கள் மனம்போன வழியில் தங்கள் வாழ்வை அமைத்துக்கொள்கின்றனர்.

எனவே திருநங்கைகளும் மூன்றாம் பாலினம் என்று சொல்ல கூடாது மேலும், கடவுளின் படைப்பின் குறைபாடுகள் என்றும் சொல்ல கூடாது. சிறுவயது முதல் அவர்கள் சந்திக்கும் பிரச்சனைகளும், பிசாசின் பொல்லாத செயல்களுமே அப்படிப்பட்டவர்களின் வாழ்வில் அவர்கள் அவ்விதமாக இருப்பதற்கு காரணம். எனவே திருநங்கைகள் இரட்சிப்புக்கு தூரமானவர்கள் இல்லை. அவர்கள் இரட்சிக்கப்பட வேண்டும். பிசாசின் பிடியில் இருந்து விடுவிக்கப்பட வேண்டும். இரட்சிக்கப்பட்ட ஒரு திருநங்கை தன்னை ஒரு பெண் போல் காண்பித்துக்கொள்ள கூடாது.

ஒரு வேளை அண்ணகராக இருந்து, சூழ்நிலை நிமித்தமும், பணத்திற்காகவும், தன்னை திருநங்கையாக கண்பித்து, தங்களுக்கு விருப்பமே இல்லாத பாலியல் உறவில் (oral sex) ஈடுபடுபவராக இருந்தால் அப்படிப்பட்டவர்கள் விடுவிக்கப்பட வேண்டும்.

இவ்விதமானவர்களை சிறுவயதிலேயே கண்டறிந்து, சரியான மருத்துவ சிகிச்சை செய்து, உளவியல் ஆலோசனைகளையும் கொடுத்தால் தவறான பாலியல் உறவில் இருந்து விடுவிக்கலாம்.

விடை தேடும் கேள்விகள்

noreply@blogger.com (Unknown) — Thu, 20 Sep 2018 19:22:00 +0000

நமது ஜீவ அப்பம் வலைதளத்தில் கேள்வி பதில் என்ற தலைப்பில் வேதாகமத்தின் கடினமான பகுதிகளுக்கு, மிகவும் எளிமையாக அனைவரும் புரிந்து கொள்ளும் விதத்தில் எழுதப்பட்ட செய்திகளை தொகுத்து தேவனுடைய கிருபையால்

"விடை தேடும் கேள்விகள்” என்ற தலைப்பில் புத்தக வடிவில் 112 பக்கம் கொண்ட
ஆவிக்குரிய புத்தகம் அச்சிடப்பட்டு, ஜீவ அப்பம் ஊழியங்கள் மூலம் வெளியிடப்பட்டுள்ளது.

புத்தகத்தின் உள்ளே...

பொருளடக்கம்

1. காயீன் மனைவி யார்?
2. தேவ குமாரர்கள் யார்?
3. கானான் சபிக்கப்பட்டது ஏன்?
4. எந்த நாள் ஓய்வு நாள் ?
5. தேவன் பொய்யின் ஆவியை அனுப்பியது ஏன்?
6. சாமுவேல் ஆவியாக வந்தாரா?
7. மரிக்காமல் எடுத்துக்கொள்ளப்பட்ட எலியா ஏனோக் எந்த சரீரத்தில் இருப்பார்கள்?
8. மரித்த ஆவிகளுக்கு இயேசு கிறிஸ்து பிரசங்கித்தாரா?
9. பார்வோனின் இருதயத்தை தேவன் ஏன் கடினமாக்கினார்?
10. இஸ்ரேல் புனித பூமியா?
எருசலேம் புனித ஸ்தலமா?
11. வேதாகமத்தில் திரித்துவம் உள்ளதா?
12. இரகசிய வருகை உண்டா?
13. அமாவாசை சிறப்பானதா?
14. மணித்துளிகளின் ஆரம்பம் எது?
15. இயேசுவின் வார்த்தைக்கும் செயலுக்கும் முரண்பாடா?
16. பாஸ்டர் தான் திருச்சபையை நடத்த வேண்டுமா?
17. பாஸ்டர், போதகர், ஆயர், பிஷப் என்று அழைக்கலாமா?
18. பணக்காரர்கள் தேவனுடைய இராஜ்யம் செல்ல முடியாதா?

வேதாகமத்தை வாசிப்பவர்களுக்கு, சிறந்த கையேடாக இருக்கும்.
இந்த புத்தகம் வேண்டும் என்றால் எங்களை நீங்கள் தொடர்பு கொள்ளலாம்.

மேலும் விவரங்களுக்கு

+91 9025556633 எண்ணில் தொடர்பு கொள்ளுங்கள்
இந்த நெம்பர் வாட்சாப் ல் உள்ளது வாட்சாப் மூலமும் தொடர்பு கொள்ளலாம்

கர்த்தர் உங்களை ஆசீர்வதிப்பாராக

பணக்காரர்கள் தேவனுடைய இராஜ்யம் செல்ல முடியாதா?

noreply@blogger.com (Unknown) — Mon, 18 Jun 2018 05:57:00 +0000

ஐசுவரியவான் தேவனுடைய ராஜ்யத்தில் பிரவேசிப்பதைப்பார்க்கிலும், ஒட்டகமானது ஊசியின் காதிலே நுழைவது எளிதாயிருக்கும் என்றார்” (மாற்கு 10:25).

"ஊசியின் காதில் ஒட்டகம் நுழைவது என்பது சாத்தியமே இல்லாத ஒன்று. ஆனால் ஒருவேளை ஊசியின் துவாரவழியாக ஒட்டகம் கூட சென்று விடும், ஆனால் பணக்காரனாக இருப்பவன் தேவனுடைய இராஜ்யத்தில் நுழைவது அதை விட கடினம் என்று சொல்வதால் பணக்காரர்களாக இருப்பதே தவறு என்று இயேசு கிறிஸ்து சொல்கிறாரா? அல்லது பணக்காரர்களாகவே ஆக கூடாது என்று சொல்கிறாரா?

இதை குறித்து தேவ ஆவியானவரின் உதவியுடன் வேதாகமத்தை ஆராய்வோம். வாருங்கள்.

இயேசு கிறிஸ்து இந்த வார்த்தைகளை சொல்வதற்கு முந்தைய வேத வசனங்களை மாற்கு 10: 17 முதல் கருத்தாக நாம் கவனித்து வாசிப்போமானால், அதில் இதற்கான விடையை அறிந்து கொள்ளலாம்.

இங்கே ஒரு வாலிபன் தான் எல்லாவற்றிலும் மிகவும் சரியாக இருப்பதாக நினைத்து, அதை இயேசு கிறிஸ்துவிடம் சொல்லி எப்படியாகிலும் இயேசு கிறிஸ்துவிடம் பாராட்டு பெற்று விட வேண்டும் என்ற எண்ணத்தில் கேள்வியுடன் இயேசு கிறிஸ்துவை அணுகுகிறான். இயேசு கிறிஸ்துவும் அவனிடத்தில் எதிர் கேள்விகளை முன் வைக்கிறார். அதற்கு எல்லாம் அவன் பதில் சொல்லிக்கொண்டு வரும் போது, மிகவும் பணக்காரனாக இருந்த அந்த வாலிபனை அவனுடைய ஆஸ்தியை வைத்தே அவனுக்கு பரீட்சை வைத்தார்.

“இயேசு அவனைப் பார்த்து, அவனிடத்தில் அன்புகூர்ந்து: உன்னிடத்தில் ஒரு குறைவு உண்டு; நீ போய், உனக்கு உண்டானவைகளையெல்லாம் விற்று, தரித்திரருக்குக் கொடு, அப்பொழுது பரலோகத்திலே உனக்குப் பொக்கிஷம் உண்டாயிருக்கும்; பின்பு சிலுவையை எடுத்துக்கொண்டு என்னைப் பின்பற்றிவா என்றார்” (மாற்கு 10:21). தனது பணத்திற்கும் ஆஸ்திக்கும் மிகவும் முக்கியத்துவம் கொடுத்து வந்த அந்த வாலிபன், இயேசு கிறிஸ்துவின் வார்த்தைகளைக் கேட்டதும் சற்று நிலை குலைந்தே போய் விட்டான்.

அவனால் எந்த பதிலும் சொல்ல முடிய வில்லை. தன்னுடைய நற்குணங்களை சொல்லி பாராட்டு பெற வேண்டும் என்று வந்தவனின் பலவீன பகுதியை இயேசு கிறிஸ்து தொட்டவுடன், அவனால் அவருக்கு முன் தொடர்ந்து நிற்க முடிய வில்லை. “அவன் மிகுந்த ஆஸ்தியுள்ளவனாயிருந்தபடியால், இந்த வார்த்தையைக் கேட்டு, மனமடிந்து, துக்கத்தோடே போய்விட்டான்” (மாற்கு 10:22) என்று வேதம் கூறுகிறது. தேவனுடைய இராஜ்யத்தை குறித்தும், நியாயப்பிரமாணத்தைக் குறித்தும் உடனுக்குடன் பதில் கொடுத்துக்கொண்டிருந்த வாலிபனால் தேவனுடைய இராஜ்யத்திற்காக பணத்தை இரண்டாம் நிலையில் வைக்க அவனுடைய மனம் சம்மதிக்க வில்லை.

ஐசுவரியத்தை விடவும் தேவனுடைய இராஜ்யத்திற்கு அவன் முக்கியத்துவம் கொடுக்கிறானா? என்றே இயேசு கிறிஸ்து அவனுக்கு வைத்த பரீட்சை என்பதை இதிலிருந்து அறிந்து கொள்ள முடியும். ஆனால் அதில் அவனால் வெற்றி அடைய முடியாமல், பண ஆசை அவனை தோல்வியடைய செய்து விட்டது.

தேவன் தனக்கு கொடுத்துள்ள ஐசுவரியத்தையே நம்பி, அதை மட்டுமே உயர்வாக நினைத்துக்கொண்டிருப்பவர்கள் தேவனுடைய இராஜ்யத்தில் நுழைய முடியாது. ஆனால் தனக்கு தேவன் கொடுத்துள்ள ஆஸ்திக்காக அந்தஸ்திற்காக தேவனுக்கு நன்றி சொல்லி, ஏழை எளியோரை அசட்டை செய்யாமல் அவர்களுக்கு உதவி செய்து, இயேசு கிறிஸ்துவை மட்டும் முதன்மையாக வைத்தால் ஐசுவரியவான்கள் தேவனுடைய இராஜ்யம் செல்ல எந்த தடையும் இல்லை.

சிலர் இந்த வசனத்தோடு ஐசுவரியவான், லாசரு சம்பவத்தை இணைத்து ஐசுவரியவான் தேவனுடைய இராஜ்யத்தில் நுழையவே முடியாது என்று போதிப்பார்கள். அது முற்றிலும் தவறு.

ஐசுவரியவான் லாசரு சம்பவத்தில் இயேசு கிறிஸ்து எதை முக்கியத்துவ படுத்தி போதிக்கிறார் என்பதை கவனிக்க வேண்டும்.

லூக்கா 16 ம் அதிகாரத்தின் துவக்கத்தில் ஐசுவரியமுள்ள ஒரு மனிதனிடத்தில் உக்கிராணக்காரனாக இருந்த மனிதனை குறித்து உவமையாக சொல்லி விட்டு, “எந்த ஊழியக்காரனும் இரண்டு எஜமான்களுக்கு ஊழியஞ்செய்யக்கூடாது, ஒருவனைப் பகைத்து மற்றவனைச் சிநேகிப்பான், அல்லது ஒருவனைப் பற்றிக்கொண்டு மற்றவனை, அசட்டைபண்ணுவான். தேவனுக்கும் உலகப்பொருளுக்கும் ஊழியஞ்செய்ய உங்களாலே கூடாது என்றார்” (லூக்கா 16:13).

இந்த வார்த்தைகளை கேட்டுக்கொண்டு இருந்த பரிசேயர்கள் இயேசுவின் போதனைகளை பரியாசம் பண்ணுகிறார்கள். “இவைகளையெல்லாம் பொருளாசைக்காரராகிய பரிசேயரும் கேட்டு, அவரைப் பரியாசம்பண்ணினார்கள்” (லூக்கா 16:14) என்று வேதம் கூறுகிறது.

பரிசேயர்கள் ஏன் பரியாசம் பண்ணினார்கள்? ஏன் என்றால் பணக்காரர்கள் மட்டும்தான் ஆசீர்வதிக்கப்பட்டவர்கள், ஏழ்மை நிலையில் இருப்பவர்கள் எல்லாம் சபிக்கப்பட்டவர்கள் என்று அவர்கள் தவறான புரிதலோடு இருந்து வந்தனர்.

இப்படிப்பட்ட தவறான எண்ணம் உள்ளவர்களின் எண்ணத்தை சுக்கு நூறாக உடைக்கும் படியே, இயேசு கிறிஸ்து ஐசுவரியவான், லாசரு சம்பவத்தை சொல்லி விளக்கம் கொடுக்கிறார்.

மிகவும் ஐசுவரியவானாக செழிப்பாக எந்த குறையும் இல்லாதவனாக வாழ்ந்து வந்த ஐசுவரியவானின் முடிவு பரிதாபமாக இருக்கிறது. ஆகவே ஐசுவரியவானாக இருப்பவர்கள் எல்லாம் தேவனால் ஆசீர்வதிக்கப்பட்டவர்கள் தான் என்ற எண்ணத்துடன் தங்கள் பெருமையில் இரட்சிப்பை இழந்து விட கூடாது என்று இயேசு கிறிஸ்து எச்சரிக்கிறார்.

மேலும், ஏழ்மை என்பது இழிவான நிலை அல்ல, ஏழையாக இருப்பவர்கள் சபிக்கப்பட்டவர்களும் அல்ல என்பதை விளக்கவே மிகவும் பரிதாபமாக வாழ்ந்து வந்த லாசருவின் முடிவு எவ்வளவு ஆசீர்வாதமாக இருந்தது என்பதை அறிந்து கொள்ளும்படி இயேசு கிறிஸ்து போதிக்கிறார்.

ஆகவே இந்த சம்பவத்தில் இருந்தும் நாம் சரியாக அறிந்து, உணர்ந்து கொள்ள வேண்டிய செய்தி, ஐசுவரியவானோ, ஏழையோ அது தேவனுடைய இராஜ்யத்திற்கு தகுதியோ, தகுதி இழப்பையோ செய்யாது. ஆனால் ஐசுவரியமே ஆசீர்வாதம் என்று அதை மட்டும் பிடித்துக்கொண்டு, இயேசு கிறிஸ்துவை அசட்டை செய்கிறவர்கள் தேவனுடைய இராஜ்யதில் பிரவேசிக்க முடியாது.

அதே வேளையில் ஏழ்மையாக வாழ்வது மட்டுமே, ஒரு மனிதனை தேவனுடைய இராஜ்யத்திற்கு தகுதியாக்கும் என்றும் எண்ணி விட கூடாது. ஐசுவரியவானோ, ஏழையோ அவன் இயேசு கிறிஸ்துவை விசுவாசித்து, மனந்திரும்பி, இரட்சிக்கப்பட்டிருக்க வேண்டும். தேவனுடைய வார்த்தைகளுக்கு கீழ்ப்படிந்திருக்க வேண்டும். எல்லாவற்றிற்கும் மேலாக இயேசு கிறிஸ்துவை முதன்மையாக வைத்திருக்க வேண்டும். இதுவே தேவனுடைய இராஜ்யத்திற்கு தகுதிபடுத்தும்.