सिम्ताली Online

2017-02-26T11:46:00.001+05:45

सिम्ताली अनलाइन,

काठमाण्डौ । स्वास्थ्य मन्त्री एवम् नेपाली कांग्रेसका युवा नेता गगन थापा नेपाली राजनीतिक रंगमञ्चमा आफैमा स्थापित नेता हुन् । उनको राजनीतिक इतिहासबारे प्राय सबै नेपालीहरुलाई ज्ञान छ । विद्यार्थी आन्दोलन हुँदै पछिल्ला राजनीतिक संग्रामका सबैखाले आन्दोलनमा खारिएर आएका मन्त्री थापाले केही दिनअघि आफुले विद्यार्थीकालमा चर्को संघर्ष गरेको एउटा कलेजमा उभिएर बिताएको आफ्नो विगतको इतिहासलाई सम्झिए । आफुले सिटी फुकेर गणतन्त्र उद्घोष गर्दै अघि बढेको इतिहास सम्झिए ।

नारायणहिटी दरबार गर्जिदा आफुले उल्टै हुँकार छेडेर राजावादीहरुलाई धपाएको विगत सम्झिए, जसले सो कलेजका विद्यार्थीहरुलाई अनौठो उत्साह थपिरहेको देखिन्थ्यो । मन्त्री थापा केही दिनअिघ आफुले उच्च शिक्षा हासिल गरेको राजधानीको त्रिचन्द्र कलेजको युवा विद्याथीहरुमाझ सम्बोधन गरिरहेका थिए । उनले त्रिचन्द्र कलेजको अस्तिवमाथिनै दरबारले धावा बोल्दा उल्टै नारायणहिटी सारिदिने उद्घोष गरेको स्मरण गरिरहँदा उपस्थित युवा विद्यार्थीहरुको रगत ह्वात्तै तातेजस्तो देखिन्थ्यो ।

स्वास्थ्यमन्त्री थापाले सबै नेपालीहरुलाई अब एकपटक फेरि प्रजातन्त्र जोगाउन एकजुट हुनुपर्ने बेला आएको बताए । उनले आफ्नै मातृपार्टी नेपाली कांग्रेसलाई निर्वाचनमा होमिन नडराउन आग्रह गरे । २००७, ०४६, ०६२ सालका सबै संग्राम नेपाली कांग्रेसकै नेतृत्वमा सफल भएको स्मरण गर्दै उनले बीचमा हारेपनि कांग्रेसले पटक पटक जिेतको स्मरण गरे ।

मन्त्री थापाले चीन र भारतलाई नेपालमा अनावश्यक ढंगले हस्तक्षेप नगर्न आग्रह गरे । उनले ठूला देशहरुले अनावश्यक ढंगले नेपालका कारण चित्त नदुखाउन आग्रह गरे । नेपाल स्वतन्त्र र सार्वभौम मुलुक भएकोले चीन र भारतको मात्रै चित्त नहुने हामी साना देशहरुको पनि चित्त हुने भन्दै नेपालको पनि भारत र चीनले चित्त दुखाउन नहुने बताए । मन्त्री थापाले उक्त कार्यक्रममा बोलेको महत्वपूर्ण भिडियोलाई हामीले यहाँ प्रस्तुत गरेका छौ ।

राष्ट्रिय उपाध्यक्षमा हरि विष्ट निर्वाचित

2017-02-26T09:41:00.000+05:45

सिम्ताली अनलाइन,

सुर्खेत, १५ फागुन ।
राष्ट्रिय किक बक्सिङ संघ नेपालको राष्ट्रिय उपाध्यक्षमा हरि विष्ट निर्वाचित हुनु भएको छ ।
४ वर्षदेखि संघको केन्द्रीय सदस्यको रुपमा काम गदै आउनु भएका उहाँ शनिवार राष्ट्रिय उपाध्यक्षमा निर्वाचित हुनु भएको हो ।
काठमाडौमा सम्पन्न संघको महाधिवेसनले लोकेन्द्र कार्कीलाई अध्यक्ष र दिपक श्रेष्ठलाई महासचिवमा चयन गरेको छ ।
बिष्ट गीत संगित र राजनीति क्षेत्रमा पनि उत्तिकै सक्रिय हुनु हुन्छ । नेपाली काँग्रेस निकट नेपाल तरुण दल सुर्खेतका अध्यक्ष विष्टले थुप्रै गीतहरुको रचना गर्नु भएको छ ।
विष्टका ‘कलेजीमा पानी सलल र माइतीको देशमै’ नामक गीत निकै चर्चित छन । यी दुवै गीतले आर्वड पनि पाएका छन ।
उपाध्यक्षमा निर्वाचित विष्टले खेलाडीको विकास र संघको उन्नतिको सक्दो प्रयाय गर्ने प्रतिवद्धता जनाउनु भएको छ ।
उहाँले आफुलाई उपाध्यक्षमा निर्वाचित गर्न सहयोग गर्ने सम्पूर्ण प्रतिनिधीहरुप्रति आभार प्रकट गर्

अस्ट्रेलिया बाट कृष्ण पोख्रेल भन्छन् – बिपिको कङ्ग्रेस स्थानीय चुनावमा पनी पहिलो पार्टी

2017-02-25T20:15:00.001+05:45

सिम्ताली Online,

अस्ट्रेलियामा बस्ने कृष्ण पोख्रेल संग स्थानीय चुनाव संग केन्द्रीत भएर कुराकानी गरेका थिए पोख्रेल नेपाली कङ्ग्रेस का युवा नेता हुन नेपाली कङ्ग्रेस छत्रगञ्ज बाट क्षेत्रीय प्रतिनिधि मा अत्यधिक मत सहित कान्छो प्रतिनिधि निर्वाचित भएका थिय विद्यार्थी र कार्यकर्ता माझ लोकप्रिय छन पोख्रेल ! पन्थी ले कस्तो चल्दैछ प्रदेशको जिन्दगी भनेर प्रश्न गर्दा हासेरै जवाफ दिय नेपालीहरूको प्रदेशमा जस्तो चल्छ मेरो पनी उस्तै छ ! तपाईँ त धेरै लोकप्रिय हुनुहुन्छ भन्छन् त ?

हा हा हजुर सबैले माया गर्नुहुन्छ यो नै मेरो लागि ठुलो कुरा हो

– स्थानीय चुनावी मिति घोषणा भयो के कङ्ग्रेस ले फेरि पनी चुनावमा पहिलो पार्टी हुन्छ त ?

-विश्वेश्वरप्रसाद कोइराला राजनीति र साहित्यिक समान प्रतिष्ठा आर्जन गर्न सक्ने व्यक्तिका रुपमा चचिर्त छन् । नेपालमा दुईजना अचम्म लाग्दा व्यक्ति छन् । राजनीतिमा पूरै लागेर पनि आफ्नो सिर्जनामा राजनीतिको गन्ध आउन नदिने ती दुई हस्ती हुमहाकवि लक्ष्मीप्रसाद देवकोटा र राजनेता बीपी कोइराला । राजनीति नगरे पनि राजनेताजस्ता देवकोटा र पूरै राजनीति गरेर पनि सिर्जनाका कलात्मक स्रष्टा मात्र देखिने बीपी कोइरालाको अद्भूत मता थियो । नेपाली माटोमा दुबै युगप्रवर्तक मानिन्छ बीपी गम्भीर दृष्टि, तीव्र प्रतिभा, चमत्कारपूर्ण व्यक्तित्व भएका राजनेता थिए । उनका साहित्य हेर्दा समाज, व्यक्ति चरित्र, व्यक्ति मनोविज्ञान र एउटा सिंगो, सग्लो, समग्र मान्छेको अध्ययनमा उनी संलग्न रहेका देखिन्छन् । यता राजनीतितिर फेरि उनी कुनै पनि कुराले मान्छेको व्यक्तित्व आहत र कुण्ठित हुनु हु“दैन, मान्छे सर्वत्र स्वतन्त्र हुनुपर्छ, नियम कानुन, परिपाटी र पद्धतिहरु मान्छे र मानव समूहको हित र कल्याणका साधन मात्र हुन् भन्ने मान्यता राख्थे । मान्छेलाई कुण्ठित बनाउने र ठिंगुरा हाल्ने किसिमका नियम कानुन बनाउने राज्यलाई किमार्थ अधिकार हुनु हु“दैन भन्ने कुराको प्रवक्ता थिए ।
कोइरालामा दुइटा अन्तरविरोधी तत्व पाइन्थे । राजनेता कोइराला– नियम कानुन, मर्यादायुक्त राज्य निर्माण गर्न चाहन्थे भने साहित्यिक कोइराला– मान्छेको जीवत्वलाई सर्वाङ्ग नाङ्गो
बनाएर पनि चित्रण गर्थे । स्रष्टा कोइराला र नेता कोइरालाको अवस्था नदीका दुई किनारजस्तो थियो । उता देवकोटा यस्तो मानवतावादी थिए, जसमा पात, पतिंगर, ढुंगा, माटो, हीरा, मणि सबै कुरा एकैसाथ प्रवाह हुन्थ्यो । त्यसैले उनी भन्थे– छानेर लिन सक्नु सिर्जना हो । यो जे जसरी आयो, कालो घनघोर वर् सिर्जना गरेको मानवतावादीको वरदान हो । यसरी हेर्दा एकातिर शान्त, संयमपूर्ण, सुरुचियुक्त, समृद्धि र समुन्नत नेपाली जीवनशैली निर्माण गर्ने लक्ष्य बोकेका कोइराला नेपाली माटोमा समानता, स्वतन्त्रता, भातृत्वपूर्ण समाज निर्माण गर्ने भगिरथ प्रयत्नमा लागेका थिए । यस क्रममा समाज निर्माणको एउटा बिसाउनीसम्म परम्परागत शक्तिको प्रतीक राजसंस्थालाई पनि स“गै लिएर हि“ड्ने उनको अठोट थियो तर कोइरालाका कुरालाई राजा, दरबारिया र तिनका पृष्ठपोकले नबुझ्दा आज पृष्ठपोÈकमात्र होइन, राजा र राजदरबारसमेत इतिहासमा सीमित हुन पुग्यो । अर्कोतिर राजालाई घेरेर कांग्रेसलाई कमजोर बनाएर एकदलीय अधिनायकवाद लाद्न चाहने कम्युनिस्टहरु पनि छिन्नभिन्न भएर हिंसा, हत्याको प्रदर्शन गर्दै पुनः राष्ट्रिय राजनीतिको बहुदलीय प्रतिस्पर्धा, समावेशी प्रजातन्त्र, विधिको सर्वोच्चता, मर्यादापूर्ण मानवीय व्यवहार (मानव अधिकार) को पमा समायोजित हु“दै जानुपरेको अवस्था छ ।जननायक विश्वेश्वरप्रसाद कोइराला यस राष्ट्रलाइ हिंसा, हत्या, पारस्परिक वैमनष्य, जातीय विद्वेश, वैचारिक र विखण्डनजस्ता राजनीतिका संक्रामक कीटाणुबाट जोगाउनका लागि प्रजातन्त्र र राजतन्त्रको सहयात्रा हुने पद्धति संवैधानिक राजतन्त्रको पमा लागेका हुन्् । परन्तु उनले छोडेको नेपालमा राजतन्त्र आफ्नै कारणले समाप्त भयो भने प्रजातन्त्रवादीहरुलाई आफ्नै कारणले शक्तिहीन र निस्तेज बन्दै गएको आभास हुन थालेको अवस्था छ । यसरी नै कम्युनिस्टहरु पनि आफ्नो एकदलीय अधिनायकवादी चिन्तनको दायराबाट उच्छिट्दै परिमार्जित बन्दै आफ्नो पुरानो पहिचान नै गुमाउने अवस्थामा पुगेका छन् । बीपीले चाहेजस्तो सर्वांग सन्तुलित र सुरुचिपूर्ण प्रजातन्त्रको स्थापना राजाको अतिवादी सोंच, कम्युनिस्टहरुको कुटिल चरित्र र स्वयं कांग्रेसीजनको आफ्नै शक्तिलाई एकीकृत गर्न नसक्दा आज मुलुक अन्योल, अस्थिरता र दिशाविहीनताको दोबाटोमा खडा छ । बीपी कोइरालाको चिन्तनले यो रेखाङ्कन गरेको थिएन । उनी चाहन्थे– कम्युनिस्टभन्दा परम्परागत सर्वसत्तावादी राजतन्त्रस“गको सहयात्राले जनतालाई बढी पीडित, बढी उथलपुथल, हिंसा हत्या आदिको दर्दनाक स्थिति नबेहोराइकन पूर्ण प्र्रजातान्त्रिक समाजवादको लक्ष्यसम्म पुग्न सकिन्छ । उनले फ्रान्सको प्रजातान्त्रिक समाजवाद र बेलाय

रेडियो सुर्खेत ९०.२ को प्रस्तुति कार्यक्रम गाउँघर बनपाखाबनपाखा नवराज शर्माको साथमा सुन्न नभुल्नुहोला।

2017-02-25T18:30:00.001+05:45

सिम्ताली Online,

पुरा कार्यक्रम सुन्नको लागि यहाँ तलको लिंकमा क्लिक गर्नुहोस् ।

http://www.radiosurkhet.org.np/site/uploads/audio/5.Gaughar%20banpakha14.mp3

कार्यक्रम गाउँघर बनपाखा रेडियो सुर्खेत मार्फत नवराज शर्माको साथमा ।

2017-02-25T13:29:00.003+05:45

सिम्ताली Online,

पुरा सुन्नको लागि यहाँ तलको लिंक मार्फत डाउनलोड गरेर सुन्नुहोस ।

http://www.radiosurkhet.org.np/site/uploads/audio/4.gb12.mp3

कोटेश्वर मेला सिम्ता सुर्खेत

2017-02-24T20:01:00.001+05:45

पुरा जानकारीको लागि यहाँ तलको लिंकमा क्लिक गर्नुहोस् ।

सिम्ताली अनलाइन,

🌹🌹🌹 महा शिवरात्री को पावन अबसरमा सम्पुर्ण देश तथा बिदेशमा छरिएर बस्नु भएका सम्पुर्ण नेपालीहरुमा लाखौ-लाख शुभकामना !!! 🌹🌹🌹
हरेक बर्ष शिवरात्री का दिन लाग्ने सिम्ता सुर्खेतको कोटेश्वर मेला हेर्नैपर्ने भिडियो ।

भेट भो रोधी घरमा प्रकाश सपूत को आवाज

2017-02-24T18:43:00.002+05:45

पुरा जानकारीको लागि यहाँ तलको लिंकमा क्लिक गर्नुहोस् ।

सिम्ताली अनलाइन,

आमाको आत्मकथा ।

2017-01-28T17:16:00.001+05:45

सिम्ताली अन्लाईन,

.............................................

आमालाई गाउँमा एक्लै राख्दाखेरी,
बिरामी हुँदा औषधि दिने पनि कोहि हुने
भएनन् भनेर काठमाडौँमा नै ल्याएर राखें।
आफ्नो बैंकको जागिर, श्रीमती अमृत
science मा पढाउछिन्, दुई
ओटा छोरीहरुलाई राम्रो संग समय दिन
पनि पाइएको थिएन।
आमा भएपछी पहिलो केहि महिना त राम्रै
भो। आजभोली सासु-
बुहारीको ग्रहदशा नमिलेको देख्दा घरै
छोडेर कतै जाउँ जस्तो बनाएको छ मलाई
मेरी आमालाई पनि के भाको?
गाउँमा जस्तो बिहानै उठेर लिपपोत गर्नु
पर्दैन, पानी लिन दुई किलो मिटर जानु
पर्दैन, तरकारी चामलको कुनै समस्या छैन,
खुरुक्क आफ्नै सुर गरेर जति सक्दो काम
गरेर, चुप्प लागेर बस्नुनि ! खाली अरुले
गरेको काममा खोट देखायो बस्यो!
बुहारीले गरेको केहि काम पनी चित्त नबुझ्ने
के भाको होला? पहिले त
त्यस्तो हुनुहुन्नथ्यो? त्यो झर्कने
बानी कहिलेदेखि शुरु भयो मैले
पत्ता लगाउन सकेको छैन।
गएको शनिबार, राती चार बजेनै ऊठेर
चिया बनाउन लाग्नु भएछ। ग्यास
चुल्हो बालेर आगोमा दिउरी बसालेर
बजारमा दुध किन निस्कनु भयेछ। धन्न म
पनी त्येही बेलामै बिउँझेछु नत्र के के
पढकन्थ्यो पढकन्थ्यो !!
हिजो हामी घरमा नभएको बेलामा एक
जना मान्छेले भित्ते घडी बेच्न घरमै
ल्याएछ त्यो मान्छेले के के भन्यो कुन्नि!
तीन सयमा पाउने घडीलाई दुई हजार तिर्नु
भएछ।छिमेकीको कुकुर भुकेर
आमाको जर्ती चलेछ, त्येही कुकुरतिर
ढुंगा फ्याक्दा छिमेकीको घरको सिसा फोरियेछ,
गत महिनादेखि बोलचालनै बन्द भाको छ।
अब म सबैलाई “मेरी आमा पागल हुनु
भाको छ Mind नगर्नुहोला" भन्दै
हिड्नु?????
बरु थला परेर बसेको भएपनि स्याहार गर्न
सजिलो हुन्थ्यो नि! बुढी मान्छे म
भन्दा पनी बलियो हुनुहुन्छ।
अस्ति तरकारी किन्न कलंकी चोकमा गएर
आउछु भनेको मान्छे Ring Road
मा पुगेपछि दायाँ लाग्नु
पर्नेमा बायाँ लाग्नु भएछ, office जानु पर्ने
बेला सम्ममा खाना खान पाउनु त
कता हो कता, आमालाई खोज्दा खोज्दै
दस बज्याथ्यो। कहिले आफुखुसि घर
सरसफाई गरेर एक ठाउँमा राख्नु पर्ने चीज
अर्कै ठाउँमा राखी दिनुहुन्छ अनि सामान
खोज्दैको जात्रा। उहाँ भने चालिस-पचास
वर्ष अघिको सबै सम्झने, पहिले
पहिलेका नानाथरी कुराहरु गरेर बस्ने!
त्यही हिजो भरखर
सम्झाएको कुरो चाँही बिर्सने,
त्यस्तो पनि काहीं बाट हुन्छ त? अझै,
त्यति मात्र नभएर "तैले भनेकै छैनस" भनेर
झर्कने, निहुँ खोज्नुको पनि एक हद हुन्छ नि!
कहिले कपडा उल्टो पाअल्टो लगाएर
निस्किदिनुहुन्छ। फेरी कहिले “म त यो सहर
देखि आत्तिएँ, गुल्मीमै जान्छु” भनेर
झोला बोकेर चोकसम्म निस्किदिनुहुन्छ। मैले
केहि बोल्नु हुदैन, एशो होइन
आमा भन्यो भने, “तलाई
नौ महिना कोखामा राखेर जन्माको ………
कत्रो मेहेनत गरेर हुर्काएको……
तेत्रो गाउँबेशी गरेर....... हात
खुट्टा खियाएं तँलाई पढाउन...…..अहिले
स्वास्नी ल्याएपछि मलाई गन्दैनस्?......
त्यसकै कुरो सुन्छ्स?" भन्नुहुन्छ। "गोरु
बुढो भए भिर खोज्छ, मान्छे बुढो भए निहुँ
खोज्छ" भन्थे, त्यस्तै भएको छ।

यो एउटा कथा मात्र हो,आमाको उपचार
गर्नुस, आमाको मर्का बुझ्नुस् भन्नलाई
उदाहरण दिएको हो।
माथिको कथा सिनेमामा देखिने घटना जस्तै
हो। मेरो आमा को बारेमा होइन ।

लौ हेर्नुहोस् : के फरक छ प्रचण्ड र ओलीमा ?

2017-01-28T15:49:00.000+05:45

सिम्ताली Online,

यसरी एकै दिनको कार्यक्रममा उदागिंयो चरित्र

कहिलेकाहिँ गज्जबका संयोग घटित हुँदा रहेछन् । यस्ता संयोगहरुले घटना, पात्र र प्रवृत्तिलाई उदाङ्ग गरिदिन्छन् ।

नेपालको राजनीतिका कैयन् यस्ता संयोगहरुको श्रृंखलामा बिहिबार एउटा घटनाले सबैको ध्यान तान्यो । स्थानीयदेखि राष्ट्रिय मिडियामा यो घटनाले चर्चा पायो । तर मिडियामा यो

संयोगको एउटा पाटोको मात्रै चर्चा भयो । सिक्काको अर्को पाटो मिडियाले लेखेन या देखेन ।

संयोग थियो छिमेकी जिल्ला स्याङ्ग्जा र पवर्तमा आयोजित दुई कार्यक्रमको । स्याङ्ग्जामा प्रमुख अतिथी थिए पूर्व प्रधानमन्त्री तथा नेकपा एमालेका अध्यक्ष केपी शर्मा ओली, उता

पर्वतको कुश्माको कार्यक्रममा प्रमुख अतिथी थिए प्रधानमन्त्री तथा नेकपा माओवादी केन्द्रका अध्यक्ष प्रचण्ड ।

यो संयोग जुरायो लोडसेडिङले । उही समयमा, उही परिवेश र प्रकृतिमा ।

स्याङ्जाको वालिङमा आयोजित कार्यक्रममा केपी शर्मा ओलीले भाषण गर्दै थिए, ठीक त्यही समयमा प्रचण्डले कुश्मामा पर्वत महोत्सवमा उपस्थित जनमानसलाई सम्बोधन गर्दै थिए । दुबै कार्यक्रमका आयोजकले सल्लाह गरेर दुबै प्रमुख अतिथी बोल्ने समय एउटै पक्कै पनि पारेका थिएनन् होला । तर संयोग त्यस्तै पर्यो ।

र, उनीहरुले सम्बोधन गरिरहेकै बेला अकस्मात माइक बन्द भयो ।

प्रमुख अतिथीले सम्बोधन गरिरहेको बेला अकस्मात बत्ती बन्द हुनु र तत्कालै जेनेरेटर नचल्नु आयोजकहरुका लागि समेत सुखद पक्कै थिएन ।

प्रचण्डले पर्वत उद्योग वाणिज्य महासंघ र स्थानीय राजनीतिक दलहरुका तर्फबाट बुझाइएको ४ बुँदे ज्ञापनपत्रका बारेमा बोलिसकेका थिए । उनले कोरला नाका खुलेपछि पर्वत व्यापारिक केन्द्र बन्ने, कालीगण्डकी करिडोरसँग पर्वतका ६ वटा जलविद्युत आयोजना जोडिने वित्तिकै विद्युत हब बन्ने र पोखरा भित्रिने पर्यटक पर्वत तान्नेगरी पर्यटनको विकास गर्ने सम्भावनाका बारेमा बोलिसकेपछि भने– अब म केही कुरा सरकार र देशको परिस्थितिको बारेमा गर्न गइरहेको छु…।

वाक्य पुरा भयो र योसँगै बत्ती गयो । माइक बन्द भयो ।

प्रचण्ड रोकिएनन, दशौं हजार सहभागी महोत्सवलाई उनले बिना माइक नै सम्बोधन गर्न खोजे– देश अहिले जटिल…
आयोजकहरुले माइक चलाउन खोजे, बत्ती गएको स्पष्ट भयो ।

प्रचण्ड एकछिन रोकिए । त्यसपछि आफ्नो मुख्य अतिथीको कुर्सीमा आएर बसे ।
यता दर्शकदीर्घा र मञ्चमा बसेकाहरुबीच कानेखुशी चल्यो– पर्वतमा त त्यसै पनि बत्ती नजाने, प्रचण्डले राजनीतिक कुरा गर्न खोज्दाखेरी अचानक बत्ती गयो, कतै नियोजित तरिकाले त

बत्ती बन्द गरिएन ?

कतिपयले विद्युत प्राधिकरणमा फोन हान्न मोबाइल झिके ।

प्रचण्ड भने यथास्थानमा बसिरहे । आयोजकहरुले जेनेरेटर चलाउन खोजे, तर तत्काल त्यो पनि चलेन ।

प्रचण्डले रिस देखाएनन्, अधैर्यता पनि देखाएनन् । उनी बसिरहे ।

दर्शकदीर्घाबाट समेत कुनै हुटिङ भएन । सौम्यता कायम थियो, धैर्यता कायम थियो पर्वतवासीको ।

करिब ३, ४ मिनेटपछि माइक चल्यो ।

प्रचण्ड रोष्टममा गए, माइक समाते ।

उनले बत्ती गएको विषयमा केही टिप्पणी गर्लान् भन्ने धेरैले आँकलन गरेका थिए । तर उनले यसबारेमा एक शब्द बोलेनन् ।

उनले सोझै भाषण शुरु गरे– मैले तपाईहरुलाई देश जटिल परिस्थितिमा रहेको कुरा गरिरहेको थिएँ…।

यो प्रचण्ड उपस्थित कार्यक्रमको दृश्य थियो ।
….
ठीक यही समयमा उता स्याङ्जामा ओलीले भाषण गर्दा बत्ती गएपछि उनको पारो तात्यो । उनले यसलाई अनपेक्षितरुपमा लिए । आयोजकहरुले आफूलाई अपमान गरेको शैलीमा यसलाई लिए ।

कार्यकर्ताहरु अधैर्य भए । नेपालमा १८ घण्टासम्म पनि बत्ती जाने गथ्र्यो र नेताहरुले पनि विगतमा घाँटी सुकाएरै कार्यकर्तामाझ भाषण दिने गर्थे भन्ने कुरा बिर्से ।

उनीहरुलाई लाग्यो, यो षडयन्त्र हो । ओलीलाई बोल्न नदिन सरकारले गरेको षडयन्त्र ।

छैटौं वालिङ महोत्सवमा पूर्वप्रधानमन्त्री केपी शर्मा ओलीले मन्तव्य राख्दै गर्दा विद्युत अवरुद्ध भएपछि षड्यन्त्र पूर्वक लाइन काटिएको भन्दै कार्यक्रमा सहभागिले नाराबाजी गर्दै ढुंगा प्रहार गरे ।

‘जसको मन जस्तो छ, उसले त्यही देख्छ भन्छन’ यस्तो अवस्थालाई हामीकहाँ ।

षडयन्त्र थियो भने त्यो प्रचण्डका लागि पनि हुनुपथ्र्यो होला । किनभने एउटै प्रसारण लाइनको बत्ती गएको थियो ।

कार्यकर्ता र दर्शकले अधैर्यता देखाएपनि ओलीले धैर्यता देखाउन पथ्र्यो । तर उनले झनै आफूलाई सम्हाल्न सकेनन् ।

ओलीले भाषण गर्न चाहेनन् । उनी रोष्टम छोडेर निस्किए ।

…………
यी दुई संयोगले अहिलेको राजनीतिक प्रणालीमा देखिएका दुई भिन्न प्रवृत्ति र चरित्रको प्रतिबिम्बन गर्छ ।

एकातिर ओली छन् । औडाहा, दम्भी, जिद्दि र अव्यवहारिक । आफूले भनेको हुनैपर्ने, त्यो ठीक होस् या नहोस् । हरेक कुरामा षडयन्त्र देखिहाल्नुपर्ने । अतार्किक अतिवाद, अवैज्ञानिक राजनीतिक चिन्तन र व्यवहार । बुझेर पनि बुझ पचाउने र चीजलाई अनावश्यकरुपमा तरंगित गर्

तेरियाले जितिन् टेलिभिजन शो ‘झलक दिखलाजा’ को अवार्ड

2017-01-20T18:21:00.003+05:45

सिम्ताली Online,

नेपाली चेली तेरिया मगरले भारतको टेलिभिनज ‘झलक दिखला जा’ को उपाधि जितेकी छिन् । तेरियाले यस अघि जी टेलिभिजनबाट प्रशारण हुने ‘डान्स इन्डिया डान्स’ को उपाधि जितेकी थिइन । तेरियाले उपाधि उचालेको शो भने शनिबार साँझ कलर्स टेलिभिजनले प्रशारण गर्नेछ ।

आफ्नी नातिनी तेरिया फौजामगरले उपाधि जितेको उनका हजुरबुबा कृष्णबहादुर फौजामगरले अन्नपूर्णलाई जानकारी दिए ।

नातिनीको प्रतिभामा निखार ल्याउन उनले निरन्तर प्रयास गरे । अहिले पनि नातिनीका लागि खटिरहेकै छन् । तेरिया भारतीय टेलिभिजन ‘कलर्स’ बाट प्रसारित चर्चित डान्स रियालिटी सो ‘झलक दिखलाजा’को फाइनलमा पुगेपछि उनलाई भोटका लागि सबैलाई अनुरोध गर्न केही दिनअघि ६५ वर्षीय कृष्णबहादुर राजधानीमा आएका थिए ।

सन् २०१४ मा भएको ‘डान्स इन्डिया डान्स’ (डीआईडी) सिजन ३ को विजेता बनेपछि हजुरबुवा कृष्णबहादुरमात्रै होइन, सिंगो नेपाल गौरवान्वित बन्यो । कडा प्रतिस्पर्धाबीच ‘झलक दिखलाजा’को यस सिजनको उपाधि जित्न समेत सफल भएकी छिन् ।

प्रतियोगिताको अन्तिम प्रतिस्पर्धा शनिबार (जनवरी २१) मा हुँदैछ । फाइनलमा तेरियाले डीआईडी सिजन १ का विजेता सलमान युसुफ खान र वल्र्ड हिपहप च्याम्पियन सानतुन महेश्वरीलाई पछि पार्दै उपाधि जितेकी हुन् ।

तेरियाले उपाधिसँगै तीस लाख भारु र रेनाल्ड डस्टर ब्रान्डको कार पाएकी छिन् । सन् १९९६ मा भारतीय सेनाबाट अवकाश पाएका कृष्णबहादुरले नातिनीका लागि गरेको योगदान निकै उल्लेखनीय छ ।

सानै उमेरदेखि नातिनीको प्रतिभा नियालेका उनी भन्छन्, ‘उसलाई पाँच वर्षदेखि नाच सिकाउन बुटवलबाट २३ किलोमिटर टाढा रुद्रपुरको बागेश्वरी संगीतालयमा लान्थेँ ।’

हरेक दिन नातिनी लिएर संगीतालय पुग्ने र एक घन्टा अभ्यासपछि घर लिएर फर्किने अनि स्कुल पठाउने गर्थे उनी । नातिनीका बाल्यकाल सम्झँदै उनले थपे, ‘उसको भविष्य उज्ज्वल छ भन्ने लाग्थ्यो । तर, अवसर नदिएसम्म लुकेका प्रतिभा बाहिर ल्याउन सकिन्न भनेर म आफैंले नातिनीलाई सघाउन थालेँ ।’ तेरिया बच्चादेखि नै गाउँघरमा हुने कार्यक्रमलगायत देउसीभैलोमा रोजाइमा पर्थिन् । उनको नृत्य सबैले मन पराउँथे ।

डीआईडी सिजन ३ को विजेता बन्नुअघि उनले वेलफेयर क्याराभान नामको संस्थाले आयोजना गरेको कार्यकममा एक लाख रुपैयाँ जितेकी थिइन् । त्यसपछिमात्रै उनी डीआईडीका लागि भारत गएकी हुन् ।

भारतसम्म पुर्‍याउन पनि हजजुरबुवाले सहयोग गरेका हुन् तेरियालाई । मुम्बईमा बस्ने आफ्नो भतिजोलाई कोरियोग्राफरसँग सम्पर्क गर्न उनले नै अराएका थिए ।

डीआईडीमा जानुभन्दा पहिला कोरियोग्राफर सार्थक मिश्रले उनलाई हिन्दी गीतमा नाचेको भिडियो क्लिप पठाउन भनेका थिए ।

तेरिया नाचेको भिडियो हेर्नेबितिकै उनलाई तुरुन्त मुम्बई बोलाउँदा हर्षविभोर भएको कृष्णबहादुरले स्मरण गरे । त्यति बेला एघार वर्षकी उनी ५ कक्षामा अध्ययनरत थिइन् ।

डीआईडीको विजेता बनिसकेकी तेरिया आमा र दिदीको साथ हाल मुम्बईमा बस्दै आएकी छन् । तेरियाका बुवा भने कतारमा काम गर्छन् । १४ वर्षीया उनी पन्ध्रभन्दा धेरै मुलुक पुगिसकेकी छन् । तीन वर्षका लागि डीआईडीले अनुबन्धित गरेका कारण उनीहरूको अनुमतिबिना हिँड्न मिल्दैन । उनी यति बेला भारतमा अध्ययन गर्दैछिन् ।

उनलाई कुनै पनि मुलुकमा हुने कार्यक्रममा जाँदा सम्पूर्ण खर्च डीआईडीले दिँदै आए पनि कार्यक्रममा पाएको रकम आधा डीआईडीले लिने गरेको छ । कृष्णबहादुरका अनुसार उनको अनुबन्ध फुकुवा हुन अझै पाँच छ महिना बाकी ।

तेरियाले जितिन् झलक दिखला जाको ताज

2017-01-20T17:35:00.000+05:45

सिम्ताली Online,

नेपालकी तेरिया मगरले भारतको चर्चित टेलिभिजन ‘झलक दिखला जा’को ट्रफि जितेकी छिन् । बलिउड अनलाइन ‘बलिउड लाइफ’का अनुसार उनले अन्य २ प्रतिस्पर्धीलाई उछिन्दै उनले यो शो जितेकी हुन् ।

तेरियाले चर्चित रियालिटी शो जितेको समाचार बलिउड लाइफले लेखेको छ

तेरियाले यसअघि जी टीभीबाट प्रशारण भएको ‘डान्स इन्डिया डान्स’को उपाधी पनि जितेकी थिइन् । विशेषगरि, तेरियाको चर्को प्रतिस्पर्धा सलमान यूसूफ खानसँग देखिएको थियो । तर, भोटिङको आधारमा तेरियाले उपाधी जितेकको अनलाइनले जनाएको छ । यो शो शनिबार बेलुकी कलर्स च्यानलबाट प्रशारण हुनेछ ।

रुपन्देहीकि तेरियालाई भोट गर्न भन्दै केहि दिन अगाडि मात्र पत्रकार सम्मेलन मार्फत आह्वान गरिएको थियो । अनलाइन र एसएमएसबाट उनलाई भोट गरिएको थियो ।

तेरियाले कति भोट पाइन् भन्ने खुलेको छैन । तर, सेलिब्रेटीहरुको डान्स शो पनि जितेर तेरियाले अर्को सफलता कायम गरेकी छिन् ।

चरचित फुटबल खेलाडी बिमल स्पेन जाँदै।

2017-01-12T02:09:00.000+05:45

सिम्ताली Online,

राष्ट्रिय टोलीका स्ट्राइकर बिमल घर्तीमगर सोमबार स्पेन जाने भएका छन् । बिमल सोमबार त्यसतर्फ जाने तयारीमा छन् भने अनन्त २५ गते स्पेन प्रस्थान गरिसकेका छन। दुवै स्पेनको मार्बेला युनाइटेड एफसीमा रहेर अभ्यास गर्ने र मिले सम्म ट्रायल दिनका लागि त्यसतर्फ जान लागेका हुन् ।

मार्बेला त्यहि क्लब हो जसमा अन्जन र राष्ट्रिय टोलीका रक्षक अनन्त तामाङले गत बर्ष केही साता अभ्यास गर्नुका साथै केही मैत्रीपूर्ण खेल खेलेका थिए । गत बर्ष फागुनमा मार्बेलाले नेदरल्यान्ड्स पुगेर मैत्रीपूर्ण खेल खेलेका थिए । त्यति बेला बिमललाई पनि अभ्यासका लागि बोलाइएपछि उनी चोटका कारण गएनन् । यसपटक अनन्त त्यसतर्फ जाने छैनन् । एएफसी सोलिडारिटी कपका दौरान अनन्तको घुँडामा चोट लागेको थियो । गत महिना घुँडाको शल्यक्रिया गराएका उनी अहिले आराम गरिरएका छन् ।

विगतमा जस्तै अहिले पनि लुइस डी ब्रायजले उनीहरुको अभ्यासको व्यवस्था मिलाएका हुन् । व्यक्तिगत कारणले बिमलले अन्जन भन्दा एक हप्ता पछी अर्थात सोमबार जाने हाम्रो खेलकुद डटकमलाई जानकारी दिए । स्पेन यात्रालाई लिएर बिमल उत्साहित छन् । मैले पहिला पनि युरोप गएर अभ्यास गरिसकेको छु ,’ उनले भने,‘अहिले फेरी मौका मिलेको छ । यो मेरो लागि सिक्ने अवसर हो र पहिले भन्दा यसपाली अभ्यास र ट्राइलभन्दा केही नयाँ हुने अपेक्ष्या राखेको छु।’

मार्बेला युनाइटेड युएस सकर एकेडेमीको शाखाको रुपमा स्पेनको मालागामा स्थापित क्लब हो । सुरुमा युएस सकरकै नाममा स्थापना गरिए पनि २०१४ मा मार्बेला युनाइटेड एफसी नाम राखिएको क्लबको बेभसाइटमा उल्लेख छ । नेपालले पछिल्लो डेढ बर्षमा फुटबलमा चारवटा उपाधि जितेको थियो ।

मप यातायातको अध्यक्षमा खड्का निर्वाचित ।

2017-01-08T00:50:00.001+05:45

सिम्ताली Online,

मध्यपश्चिमाञ्चल यातायात व्यवसायी संघ सुर्खेतको अध्यक्षमा पुनः विष्णुबहादुर खड्का निर्वाचित भएका छन् । शनिवार सम्पन्न निर्वाचन अन्तिम मत परिणाम अनुसार खड्का नेतृत्वको पूरै प्यानल विजयी भएको हो । शनिवार मध्यराती सम्पन्न मतगणनामा खड्काले दुई सय ४९ मत प्राप्त गरे भने उनका प्रतिद्वन्द्वी श्यामलाल कँडेलले एक सय २७ मत प्राप्त गरे ।
त्यसैगरी वरिष्ठ उपाध्यक्षमा दुई सय २२ मत प्राप्त गरी मोतीप्रसाद चपाईं विजयी हुँदा रमेशकुमार पौडेलले एक सय ५२ मत प्राप्त गरे । यस्तै उपाध्यक्षमा गोरखबहादुर खत्री दुई सय २७ मत ल्याएर विजयी हुँदा उनका प्रतिद्वन्द्वी सागर रावतले एक सय ४४ मत प्राप्त गरे ।

सचिवमा खड्का प्यानलकै नारायणकुमार चपाईंले दुई सय १८ मत प्राप्त गरी विजयी भए भने उनका प्रतिद्वन्द्वी ओमबहादुर खड्काले एक सय ५७ मत प्राप्त गरे । कोषाध्यक्षमा गौरीप्रसाद लामिछानेले दुई सय २३ मत ल्याएर विजयी हुँदा उनका प्रतिद्वन्द्वी गणेशकुमार पन्तले एक सय ५० मत प्राप्त गरे । सह–सचिवमा दुई सय २९ मत ल्याएर भोजकुमार डाँगी विजयी हुँदा उनका प्रतिद्वन्द्वी क्षेत्रमणि गिरीले एक सय ४५ मत प्राप्त गरे । सह–कोषाध्यक्षमा पदमबहादुर खत्री दुई १५ मत प्राप्त गरी विजयी भए भने उनका प्रतिद्वन्द्वी मधु कार्र्कीले एक सय ४६ मत प्राप्त गरेका छन् ।

त्यसैगरी ६ जना सदस्य पदका लागि भएको निर्वाचनमा खड्का प्यानलबाटै खम्बबहादुर शाहीले दुई ३८, धनबहादुर बोगटीले दुई सय १४, लालबहादुर नेपालीले दुई सय १९, विजय सापकोटाले दुई सय ४२, शिवराज वलीले दुई सय ३५ र थमन राना क्षेत्रीले दुई सय २२ मत प्राप्त गरी विजयी भएका छन् ।

कुल ३ सय ८७ जना सदस्य रहेकोमा निवाचनमा ३ सय ७८ मत खसेको छ । यो मध्य १ जना व्यवसायीको मृत्यु र बाँकी ७ जना विदेश रहेकाले ३ सय ७८ मत खसेको थियो । १३ सदस्यीय कार्यसमितिका लागि २६ जनाले उमेदवारी दिएका थिए ।

मेवाको पातको जूसले बचाउँछ ज्यानै जाने रोगबाट।

2017-01-06T06:07:00.000+05:45

सिम्ताली Online,

मेवा खानुले हाम्रो स्वास्थ्यलाई धेरै फाइदा हुन्छ । तर, मेवाको पातको जूस विरलै कसैले पिएको सुनिन्छ । मेवाको पातको जूस यदी तपाईले पिउनु भएको छ भने राम्रो हो र यदी पिउनु भएको छैन् भने अब पिउन थाल्नुस् । किनकी मेवा खानुको साथै मेवाको पातको जूसले धेरै प्रकारका रोगहरुबाट छुट्कारा पाउन सकिन्छ ।

उसो त डेङ्गु र चिकनगुनियाका रोगिहरुलाईं मेवाको पातको जूस पिउन सल्लाह दिन्छन् । तर, यदी तपाई जीवनभर स्वस्थ रहन चाहनुहुन्छ भने आफ्नो नियमित डाइटमा मेवाको जूसलाई सहभागि गराउन सक्नु हुन्छ ।

जानौँ, मेवाको पातको जूस पीउनुको फाइदा…

१. क्यान्सर कोषलाई बढ्न दिदैँन मेवाको पातमा क्यान्सर सँग लड्ने गुण हुन्छ । जसले इम्यूनिटीलाई बढाउनमा मद्दत गर्छ , र सर्भाइकल क्यान्सर, स्तन क्यान्सर जस्ता क्यान्सरका कोषहरुलाई उत्पन्न हुनबाट जोगाउँछ ।

२. इन्फेक्शनबाट बचाउँछ शरीरको इम्यूनिटीलाई बढाउनुका साथै मेवाको पातको जूसले शरीरमा व्याक्टेरियाको उत्पादनलाई रोक्नमा पनि मद्दत गर्छ । यसले रगतमा सेतो रक्त कोषिका (व्हाईट व्लड सेल्स) र प्लेटलेट्सलाई पनि बढाउनमा मद्दत गर्छ ।

३. डेंगूको लागि रामबाण औषधि डेंगू र मलेरिया सँग लड़नमा मेवाको पातको जूस धेरै नै लाभकारी हुन्छ । यसले ज्वरोको कारण कम हुँदै गएको प्लेटलेट्सलाई बढाउनुका साथै शरीरमा कमजोरी हुन दिदैँन ।

४. महिनावारीको समय दुखाईबाट बचाउँछ महिनावारीको समय हुने दुखाई धेरै नै खतरनाक हुन्छ र यस अवस्थामा हुने दुखाईमा मेवाको पातको जूसमा इमली, नून र २ गिलास पानी मिसाएर काढ़ा बनाउने । त्यसपछि त्यो काढालाई सेलाएर पिउनाले दुखाईमा राहत प्राप्त हुन्छ ।

५. रगतको कमीमा लाभदायक मेवाको पातको जूस औषधि भन्दा कम हुँदैन । यदी तपाईको रगतमा प्लेटलेट्स कम हुँदैछ भने मेवाको पातको जूस पिउन सक्नु हुन्छ । मेवाको पातको जूस तपाई दैनिक दुई चम्मचा तिन महिनासम्म पिउनुभयो भने तपाईको रगतमा प्लेटलेट्सको मात्रा चाँडै नै बढेर जान्छ

कुवेतमा लोक दोहोरी गायिका सडक दुर्घटनामा गाईते ।

2017-01-05T06:03:00.000+05:45

सिम्ताली Online,

गायिका "कल्पना सानू ठकुरी" केही दिन पहिले सडक क्रस गर्ने क्रममा गाडिले ठक्कर दिदा गाईते भएकी छिन।गरिबिको कारण नेपालमा बसेर केही उपाय नलागेर धन कमाएर आफ्नो गायिका बन्ने सपना पूरा गर्न ३ महिना पहिले खाडी मुलुक कुवेत पुग्नु भएको छ।
उनै कल्पना सानू ठकुरी लाई मैले प्रत्येक्ष टेलिफोन सम्पर्क गरेर सोधेको थिए जवाफमा उहाले भन्नू भयो एकातिर आफुलाई भाग्यले ठगेको तेसैमाथी सडक क्रस गर्दा आफुलाई गाडीले कताबाट आएर ठक्कर दियो थाहा नै पाईन बाच्ने भाग्यरेखा लामो रहेछ धन्न बाचे।अब केही दिनमै आफ्नै लय,शव्द र स्वरमा "नत घरको नत घाटको भाकी छु" लोक दोहोरी गीत रेकर्डिङ गर्ने तयारीमा रहेको जानकारी गराएकी छिन।
गायिका कल्पना सानू ठकुरी लाई सिम्ताली Online को तर्फबाट शिघ्र स्वास्थ लाभको कामना ।

चोखो पिरतीको अपार सफलता पछि मध्यपश्चिमले गायक "अनिल चन्द(घायल)"को 'पल्सर बाईकमा घुमाउला गुमि दहचौर' छिट्टै बजारमा आउने तयारी !!!

2017-01-04T23:41:00.000+05:45

सिम्ताली Online,

गीतसगीत क्षेत्रमा प्रवासमै रहेर लोकदोहोरी गायक "अनिल चन्द(घायल)को अर्को नयाँ एल्बम 'पल्सर बाईकमा घुमाउला गुमि दहचौर' बोलको लोक दोहोरी गीत छिट्टै लिएर दर्सकश्रोताहरु माझ आउने भएका छन।

उदाउँदो चन्द्रमा जस्तै मानिएका एक हुन् गायक "अनिल चन्द(घायल)"।नेपालको मध्यपश्चिम अन्तरगत कर्णाली अञ्चलको कालिकोट जिल्लामा जन्मिएका गायक "अनिल चन्द(घायल)" सुर्खेतमा बस्दै आएपनि हालै रोजगारीको सिलसिलामा मलेसियामा रहदै आउनु भएको छ।उनि आफै यतिवेला प्रवास बाटै दर्जनौ गितहरुमा लय,शब्द, र स्वर भर्न सफल भएका छन् ।

उनै गायक "अनिल चन्द(घायल)"ले आफ्नै लय, स्वरमा रहेको “पल्सर बाईकमा घुमाउला गुमि दहचौर” बोलको आफ्नो अर्को अलि फरक खालको लोक दोहोरी गीत अब चाँडै नै नेपाली स्रोता दर्शकहरु माझ लिएर आउने भएका छन्।
बाल्यकाल देखि नै लोक दोहोरी गाउने अनिल चन्द(घायल) विद्यालयका विभिन्न कार्यक्रमहरुमा लोक दोहोरी गित गाएर गायन क्षेत्रमा प्रवेश गरेका हुन् । उनले गीतहरु "अपुरो हाम्रो प्रेम,आंसु उपहार,पहिलो प्रेम र प्रेममा घात" जस्ता दर्जनौ गितहरु बजारमा ल्याइसकेका छन् भने उनको अर्को नया गित "पल्सर बाईकमा घुमाउला गुमि दहचौर" पनि वजारमा छिट्टै ल्याउने तयारीमा रहेका छन।

अहिले उक्त गीतको रेकर्डिङको तयारीमा गायक निकै मेहनतका साथ जुटेका छन्। गीत निकै मन छुने बनेको छ त्यसमा पनि धेरै मेहनतका साथ लय र स्वर पनि आफुले नै भरेको बताउछन , महिला आवाजमा धेरै भन्दा धेरै चर्चित गीतहरुमा आवाज दिईसकेकि गायिका "टीका पुन"ले दिनुभएको छ भने शब्द "नबिना चन्द"को रहेको छ।
साथै गायक "अनिल चन्द(घायल) लाई सिम्ताली Online को तर्फबाट उत्तोरउत्तर प्रगतिको अग्रिम शुभकामना व्यक्त गर्दछौ।

जुम्लाको चन्दननाथ मन्दिरबाट हराएका मूर्तिहरु भेटिए।

2017-01-04T07:59:00.000+05:45

सिम्ताली अनलाइन,

जुम्ला,
जुम्लाको एेतिहासिक चन्दननाथ मन्दिरबाट हराएका केही मूर्तिहरु एक महिनापछि भेटिएका छन् । कर्णाली अञ्चलकै प्रशिद्ध चन्दननाथ मन्दिरबाट गत मंसिर ११ गते राति २१ वटा मूर्तिहरु चोरी भएका थिए ।

तर, चाँदीको दत्तात्रयको मूर्तिबाहेक अरु सबै मूर्तिहरु भेटिएको जुम्लाका प्रमुख जिल्ला अधिकारी रुद्रप्रसाद पण्डितले जानकारी दिए । भेटिएकामध्ये दुईवटा शंखसमेत छन् ।

पण्डितले भने, ‘देपाल गाउँको खोलामा मूर्तिहरु भेटिएका छन् । दत्तात्रयको मूर्ति भने भेटिएको छैन, त्यसको खोजी जारी छ ।’

मूर्ति भेटिएको स्थान जुम्ला सदरमुकामबाट करिब तीन घण्टाको पैदल दुरीमा पर्दछ । स्थानीय महिलाले खेत र खोलामा मूर्ति देखेपछि प्रहरीसम्म खबर पुर्‍याइएको थियो । त्यसलगत्तै प्रमुख जिल्ला अधिकारी पण्डितसहित प्रहरीको थप टोली देपाल गाउँ पुगेको थियो । (अनलाईनखवरबाट ।)

मूर्तिलाई सदरमुकाम ल्याउने तयारी भइरहेको छ । मूर्तिको पखाईमा चन्दननाथ मन्दिर अगाडि भक्तजनहरुको घुइँचो लागेको छ ।

मूर्ति चोरी भएपछि सिआइवीको टोली जुम्लामै पुगेर अनुसन्धान थालेको थियो ।

कुवेतमा संघर्ष गर्दै नवप्रतिभाकी धनी गायिका "कल्पना सानू ठकुरी"

2016-12-31T06:21:00.000+05:45

सिम्ताली Online,

पछिल्लो समय नेपाली सांगीतिक आकाशमा नव गायक गायिका, संगीतकार, गीतकारहरु को आगन दिनानुदिन बड्दै गइरहेको छ।

त्यसै मध्यकी एक हुन् गायिका "कल्पना सानू ठकुरी"।सुर्खेत दहचौरमा जन्मिएकी गायिका "कल्पना सानू ठकुरी" हाल रोजगारीको सिलसिलामा कुवेतमा बस्दै आउनु भएको छ।

उनै नव गायिका "कल्पना सानू ठकुरीले आफ्नै लय, शब्द, स्वरमा रहेको “नत घरको नत घाटको भाकी छु” बोलको आफ्नो पहिलो लोक दोहोरी गीत अब चाँडै नै नेपाली स्रोता दर्शक माझ लिएर आउने भएकी छिन्।

नेपाली गीत संगीत प्रति सानैदेखि मोह रहेको बताउने गायिका कल्पनाले परदेशमा नै बसेर यो गीतको सिर्जना गर्नु भएको हो।

गायिकाले गीतको बारेमा प्रष्ट पार्दै भनिन्। "यो गीत दुई मायालु जोडिको माया प्रेमको सेरोफेरोमा रहेर तयार पारिएको छ। दुबैजना एकाअर्कालाई असाध्यै माया गर्छन्।

एकाअर्का बिना जिउन नसक्ने अवस्थामा पुग्छन्। तर पछि अचानक प्रेमीले ती दुई बिचको सम्बन्धलाई आधा बाटोमा नै अन्त्य गरेर अर्कै संसार रोजेपछी प्रेमीले दिएको धोका, पीडा सहन नसकेर पागल जस्तै बनेकी प्रेमिकाले पोखेका पीडाहरु यो गीतमा प्रस्तुत गर्ने जमर्को गरेकी छु।"

अहिले उक्त गीतको रेकर्डिङको तयारीमा गायिका जुटेकी छिन्। गीत निकै मन छुने बनेको छ त्यसमा पनि आफ्नो पहिलो प्रयास लय,शब्द र स्वर पनि आफ्नै रहेको र पुरुष आवाजमा भने "पल्सर बाईकमा घुमाउला गुमि दहचौर" गीत लगाएत धेरै गीतमा आवाज दिईसकेका गायक "अनिल चन्द घायल"ले साथ दिनुभएको छ भने विशेष सहयोगी "रेफ बिन्दास र कमल सिम्ताली"को पनि सहयोग रहने जानकारी दिनुभयो।

उपसभापतिको दाबी छाडेर देउवासँग खुमबहादुरका नयाँ सर्त

2016-11-19T06:56:00.000+05:45

सिम्ताली अनलाइन,

कांग्रेस नेता खुमबहादुर खड्का उपसभापतिको दौडबाट पछाडि
हटेका छन् । स्रोतका अनुसार १९ कात्तिकमा खड्काले
पार्टी सभापति शेरबहादुर देउवालाई भेटेरै आफू
पछाडि हटेको जानकारी गराएका हुन् । सभापति
देउवासँग खड्काको नयाँ माग सभापति देउवाले आफूलाई कुनै
हालतमा उपसभापति नबनाउने बुझेपछि नेता खड्का पछाडि
हटेका हुन्। तर, उनले देउवासँग नयाँ सर्त पनि राखेका छन्।
महामन्त्रीमा पूर्णबहादुर खड्कालाई ल्याउनुपर्ने।
केन्द्रीय समितिमा मनोनीत गर्न
बाँकी १० सदस्यमध्ये पाँचजना र चुनावमा टिकट
बाँड्ने संसदीय बोर्डमा दुई सदस्य आफ्नो पक्षलाई
दिनुपर्ने सर्त उनले राखेका छन् । तर, देउवाले महासमिति बैठक
डाकेर केही केन्द्रीय सदस्यको
प्रस्ताव ल्याएपछि मात्र सदस्य दिन सकिने बताएका थिए।
लामो समयदेखि देउवालाई सहयोग गर्दै आएको, १३औँ
महाधिवेशनमा देउवालाई जिताउन महत्वपूर्ण भूमिका खेलेको
भन्दै खड्काले उपसभापतिमा दाबी गर्दै आएका थिए।
केन्द्रीय समितिमा
उनीपक्षीय पाँच नेताले जितेका छन्।

बिमलराज क्षेत्रीको नेतृत्वमा कांग्रेस निकट नेपाल लोकतान्त्रिक लोक दोहोरी संघ गठन

2016-11-19T01:04:00.001+05:45

सिम्ताली अनलाइन,

राजधानीमा शुक्रबार कांग्रेस
पाटी निकट कलाकारहरुको भेलाले नेपाल
लोकतान्त्रिक लोक दोहोरी संघको स्थापना
गरिएको छ ।
कुनै पनि पाटीमा आवद्ध नभएसम्म लोक
दोहोरीको मुद्धालाई सम्बोधन गर्न नसकिने
निष्कर्ष सहित संघको स्थापना गरिएको निर्वाचित
सभापति विमलराज क्षेत्रीले बताए ।
धेरैले राष्ट्रिय लोक तथा दोहोरी
गीत प्रतिष्ठानको महाधिबेशनको
निर्वाचनवाट बाहिरिएकाहरुले संघ गठन गरेको हल्ला
चलेपनि यर्थाथ नभएको सभापति
क्षेत्रीले बताएका छन् । नेपाल
लोकतान्त्रिक लोक दोहोरी संघको कार्य
समिति भित्र उनन्तिस सदसियको टिम बनेको छ , जस्मा
एक सभापति दुई उपसभापती एक
कोसाध्यक्ष , दुई सचिब एक सहसचिब र अन्य
सदस्यहरु सहित सो संघ गठन भएको हो ।

पूर्ण खड्का कांग्रेस महामन्त्री बन्ने पक्का ।

2016-11-16T22:32:00.001+05:45

सिम्ताली अनलाइन,

नेपाली कांग्रेसका सभापति
शेरबहादुर देउवा र प्रभावकारी मानिएका नेता
खुमबहादुर खड्काबीच प्रारम्भिक चरणको सहमति
भएकोले अब कांग्रेस कार्यसमितिले छिट्टै पूर्णता पाउने सम्भावना
देखिएको छ। प्राप्त समाचारअनुसार गत साता (कात्तिक २५ गते)
सभापति देउवा र नेता खड्काबीच निर्णायक वार्ता
भएको थियो। संवादका क्रममा पूर्वसहमति बमोजिम आफूलाई
उपसभापति बनाउनुपर्ने धारणा खड्काले प्रकट गरेपछि देउवाले
बाह्य दबाबका कारण तत्काल उपसभापति बनाउन अप्ठ्यारो
परेको भनी स्पष्ट जवाफ दिएका थिए।
सभापति देउवाले उपप्रधानमन्त्रीसमेत रहेका
गृहमन्त्री विमलेन्द्र निधिलाई उपसभापति बनाउन
व्यापक दबाब भएको र उक्त दबाब झेल्न सक्ने अवस्थामा
आफू नरहेको स्पष्ट गर्दै निधिलाई नै उपसभापति बनाउनुपर्ने
बाध्यता परेको संकेत दिएका थिए। ‘बरु तपाईको सिफारिसमा एकजना
महामन्त्री बनाउँछु र तपाईसहित तपाईले चाहेको
अर्का एक व्यक्तिलाई पनि संसदीय बोर्डमा चयन
गर्छु’ भनी देउवाले प्रस्ताव गरेका थिए।
त्यसबाहेक खड्काको सिफारिसमा तत्काल
तीनजनालाई केन्द्रीय सदस्यमा
मनोनीत गरिने र सङ्ख्या बढाएपछि अन्य
तीनजनालाई केन्द्रीय सदस्यमा
मनोनीत गर्ने प्रस्ताव पनि सभापति देउवाले राखेका
थिए। देउवाले उपसभापतिको सङ्ख्या थप गर्न सकेको अवस्थामा
भने आफू ‘तपाई (खड्का) लाई नै उक्त पदमा चयन गर्न तयार
भएको’ भनी प्रतिबद्धता जनाएको समाचार सुत्रको
भनाई छ। सभापति देउवाले आफूामाथि आइपरेको दबाब र आफ्ना
अप्ठ्याराहरु खुलस्त ढङ्गले राखिसकेपछि खड्काले उनिसंग
विवाद गर्न नचाहेको र देउवाको प्रस्तावमा सहमति जनाएको
बुझिएको छ। कांग्रेस सम्बद्ध सुत्रले जनाएअनुसार खुमबहादुर
खड्काले लोकप्रिय नेता पूर्ण बहादुर खड्काको नाम
महामन्त्रीमा प्रस्ताव गरेको र पूर्णको नाममा
देउवाले सहमति जनाइसकेका छन्।

स्वस्थ्यय मन्त्री गगन कुमार थापा लाई बिदेशी भुमी दोहा कतार बाट सुदर्शन तिमल्सिना को खुल्ला पत्र

2016-11-15T22:05:00.000+05:45

सिम्ताली अनलाइन,

नमस्कार म सुदर्शन तिमल्सिना मेरो घर भक्तपुर
जिल्ला नगरकोट नगरपालिका -७ मा पर्दछ । आज
म देशमा बिग्रदै गरेको राजनीतिक आबस्था र
यस्का चुनौती हरुको बारेमा दुई शब्द स्वस्थय
मन्त्री गगन कुमार थापा समक्ष राख्न पाउँदा
आत्यन्तै खुशी छु , आशा छ मेरा यी दुई शब्द देश
बिदेशमा छहरियर रहेका करिब २करोड ९० लाख
समक्ष पुग्नेछ ।
समाननिय मन्त्री गगन थापा ज्यु स्वर्ग जस्तो
जन्मभुमि मा रमाउन पाउँदा पाउदै नि आज यो
नर्क जस्तो कर्मभुमी दोहा कतारमा बाध्यता र
विविधताले भनु या देशको बिग्रदै गरेको
राजनीति अबस्थाले भनु आफ्नो रगत र पशिना
बगाउन लागिएको पनि यक दसक भैसकेछ । थाहै
भयन मन्त्री ज्यु यक दसक को अन्तरालमा भोगेका
तिता मिठा अनुभहरु , मन्त्री ज्यु म मात्र कहाँ हो
र म जस्ता करिब ६० लाख युबा युबती हरु आफ्नो
श्रम बेच्न बाध्य र बिबश छन बिदेशी भुमिमा
शायीद नेपालमा रोजगारको बाताबरण हुदो हो
त कस्लाइ रहर हुन्छ होला र आफ्नो रगत र पशिना
बेच्न त्यो पनि बिदेशी भुमिमा । म सानै देखि
राजनीतिमा चाशो राख्नी ब्यक्ति भयर होला
नेपालको बर्तमान बिग्रदो राजनीतिक आबस्था
र यस्का चुनौती लाई नजिक बाट निहाल्ने मौका
पायको छु र निहाली पनि रहेकोे छु ।जुन दिन हजुर
स्वस्थ्य मन्त्रीमा नियुक्त हुनु भयो सोचेकाे थिय
अब साच्चै नै देशले मुहार फेर्दै छ अनि मौलाइ रहेको
भ्रस्टाचार जरैदेखि उखलिनेछ तर आज त्यस्को
ठिक बिपरित भएको महसुश गर्दै छु । हजुरले गरेको
भाषण म प्रायः जसो नछुटाइ हेर्ने गर्दछु र सुन्ने
पनि गरेको छु । कति प्रभावित थिय हजुरका
भाषण हरु स्वस्थ्य छेत्रकाे लागि , तपाईं सरकारमा
आय पछि के-के नै हुन्छ भन्ने आशा म मा बढिरहेको
थियो , बुढेसकालले छोयका नेताले हुन देश
बिगारेको अब युबा पुस्तामा आय पछि परिवर्तन
आउँछ भन्ने बिश्वास म मा थियो तर आज त्यस को
ठिक बिपरित भै दियो भन्दा नि फरक नपर्ला ।
सरकारले काङ्ग्रेस नेत्रि तथा पुर्ब परास्ट्र मन्त्री
सुजाता कोइराला लाई स्तन क्यानसरको
उपचारका लागि ५० लाख दिने भन्ने खबरले म
छाना बाट खसे झै भएको छु । म तपाईंको बारेमा
छापिने हरेक समाचार ध्यान दिएर सुन्ने अनि पढ्ने
गर्दछु किनकी मलाई हजुर प्रती धेरै बिश्वास
थियो जुन दिन स्वास्थयय मन्त्री हुनु भयो
तत्पश्चात हजुरले गरेका निर्णयको बारेमा
विभिन्न पत्रपत्रिका अनि संजालमा छापियका
समचार सुनेर होस या पढेर फुरुङ भएको अनुभव अझै
मेरो मनमानसमा ताजै छ । गगन जि यति राम्रा
राम्रा निर्णयहरु गर्न सक्ने युबा नेताले अहिले
त्यही मुखले "मलाई ठगियो " भन्नू त लाजास्पद
कुरा होइन र ? तपाईंको निर्णयमाथी दिन दिनै
घोर बिरोध भएको छ , सक्नुहुन्छ डटेर लाग्नुहोस
यदि सक्नु हुन्न भने आफ्नो पदबाट राजिनामा
दिनु परे पनि पछि नहट्नुहोस अझै जनता तपाईंको
पक्षमा छन , यदि पद बचाउनको लागि अझै पनि
त्यहि दोश लगाउनी खेल खेल्नु हुन्छ भने म युबा
त्यहि बेकामे कुर्शिको मोहमा बेचियका यक युबा
नेता मध्य हजुर लाई यक ठान्नेछु ।कर्णाली ,हुम्ला
,जुम्ला, मुगुमा यौटा शिटामोल न पायर
तडपिरहेकोे अबस्थामा आज सुजाता लाई ५०
लाख स्वस्थय उपचारका लागि त्यो पनि २०६६
सालमा ततकालीन प्रधानमन्त्री माधब कुमार
नेपाल को पालामा पररास्ट्र मन्त्री खायकी
सुजाता कोइराला ततकालीन मन्त्रीको
सम्पत्तिको बिबरण पेश गर्दा करिब २०० करोड
भएको कुरा उल्लेख गर्दै आफ्नै हातले हस्ताक्षर गर्ने
ब्याक्ती लाई कति लाजास्पद कुरो।
अन्तमा उपचार नपायर मर्नेहरुको निमित्त गगन
अमृत साबित हुनेछ भन्ने साेचेकाे थिय तर तपाईंले
जिते जस्तो गरि हारिरहदा गगन अब गगन होइन
भन्ने निस्कर्श मा पुगेको छु यस्को मुल कारण
देशको बिग्रदो राजनिती उतरचढाबको गोल
चक्करमा नराम्रोरि फशेको अनुभव भै रहेको छ ।
तपाईंले आफ्नो इमान्दार र नैतिक स्वाभिमान
पुनः निरन्तर कायम गरि राख्ने भय अब
राजीनामा दियर सडकमा जनता सामु आउनु नै
उचित देखेकाे छु धन्यवाद जय नेपाल।
उहीँ हजुरको शुभ- चिन्तक
सुदर्शन तिमल्सिना भक्तपुर
हाल दोहा कतार ।

सुर्खेत काँग्रेसमा थानी र खड्काबीच नटुगिंएको द्वन्द ।

2016-11-15T04:28:00.000+05:45

सिम्ताली अनलाइन,

कुरो २०४७ साल को हो, जतिखेर देशभरका कांग्रेसको माहौल भ्लादिमिर पुटिनको रसियन कम्यूनिष्ट पार्टीको जुन अवस्था छ त्यही प्रकारले एकछत्र रुपमा कांगे्रसको पक्षमा थियो ।

केन्द्रमा गिरिजाप्रसाद कोइराला, कृष्णप्रसाद भट्टराई, गणेशमान सिंह, लगायतले आफुलाई प्रजातन्त्रको मसिहाको रुपमा प्रमाणित गरिरहेका थिए भने सुर्खेत जिल्ला भित्र दुर्गा केशर खनाल, डम्बर जिसी, पुर्णबहादुर खड्का, शिवराज जोशी र हृदयराम थानी लगायतको राप र ताप अन्य नेताहरु भन्दा उच्च थियो ।

तत्कालिन समाजले भर्खरै पंचायती व्यवस्थाको अन्त्य गरेको वामपन्थी पार्टीहरु बिच विभिन्न झुण्डहरु देखा परेको र घोर दक्षिणपन्थी र उग्रवामपन्थीहरुका बीचको बाटोबाट राष्ट्रियता प्रजातन्त्र र समाजबादको नारा समाएको नेपाली कांग्रेस भित्र आफ्नो भविष्य देख्ने हजारौँ युवकहरु कांगे्रस पार्टीमा समाहित हुन लालयित देखिन्थे ।

युवा पुस्ता कांग्रेस भनिदा गर्वको महसुस गर्दथे, ती मध्य तत्कालिन समयमा सुर्खेत कांगे्रस भित्र कालिप्रसाद शाक्य, जानकी सिंह, कमलराज रेग्मी, बलदीप कंडेल, चुडामणी थानी, शिवप्रसाद गौतम, यज्ञ गुरुङ्ग, निरक केसी, निरन्जन केसी, गोविन्द कोइराला, कृति जोशी, विष्णुबहादुर खड्का, वेदु गिरी, डण्डप्रसाद ढकाल लगायतका उर्जावान युवाहरुको ताँती थियो ।

२०४८ को आम चुनावको मिति तय भयो । त्यतिबेला अन्तरिम प्रधानमन्त्री कांगे्रस सभापति कृष्णप्रसाद भट्टराई थिए । जीवनभर संघर्ष गरेका, अविवाहित, सुपठित भट्टराई तत्कालिन कांग्रेस नेता गणेशमान सिंहको प्रधानमन्त्री पद त्यागका कारण अन्तरिम प्रधानमन्त्री बनि चर्चित नेता बनेका थिए ।

तत्कालीन समयमा गान्धीवादी किसुनजीलाई आदर्श पुरुष मान्दै राजनीति गर्ने मध्येका केन्द्र सम्म पहुँच भएका सुर्खेत जिल्लाका दुई नेता थिए, पुर्णबहादुर खड्का र अर्का नेता हृदयराम थानी । भट्टराई समूहमा पुर्ण खड्का सिनियर भएपनि चर्चित र भट्टराइका प्रिय थिए थानी ।

संगठनात्मक निर्णयहरुबाट भन्दा पनि नेताको नजिकका कारण टिकट वितरण हुने कांग्रेसमा २०४८ को आम चुनावको टिकट वितरण भयो । तत्कालिन महामन्त्री गिरिजाप्रसाद कोइराला कुशल संगठक भएका कारणले पनि टिकट बाडफाँटमा उनी हावी हुन थाले ।

२०४६ को परिवर्तन पश्चात सुर्खेतको पश्चिम क्षेत्रमा व्यापक संगठन विस्तारमा हृदयराम थानीको प्रमुख भुमिका थियो र स्वाभाविक सांसद टिकटको दावेदार पनि उनै थिए ।

भागबण्डाको राजनीतिले भने पुर्वमा भट्टराई पक्षबाट पुर्णबहादुर खड्काको नाम तय ग¥यो भने पश्चिममा कोइराला खेमाबाट शिवराज जोशीले वाजी मारे र थानी विमुख भए । त्यतिखेर थानीको पक्षमा व्यापक जनलहर भएकाले विद्रोही उम्मेद्वार बन्दा पनि जित्नसक्ने आँकलन गरिएको थियो ।

संसदिय चुनाव भयो । अनुमान गरिए बमोजिम नै दुवै स्थानमा कांग्रेसका नेताले विजय प्राप्त गरे । पश्चिमको तुलनामा पुर्व क्षेत्र कठिन भएपनि पुर्णबहादुर खड्कालाई भाग्यले साथ दियो ।

एमालेका हस्तबहादुर पुनको पक्षका मत ठुलो मात्रामा रद्द भएकाले विजयीको माला भने भर्जेनी मुखियाका छोरा पुर्णबहादुर खड्काले पहिरन सफल भए । थानीको राजनीति खास गरी विद्यार्थी समूहमा प्रभावकारी थियो ।

काठमाडौँ बसी नेपाल विद्यार्थी संघमा प्रभावकारी भूमिकामा रहेका थानी २०४९ सालको स्थानीय चुनाव तर्फ केन्द्रीत रहे । उनले जिल्ला विकास समितिको सभापति तर्फ आँखा लगाउदै त्यसका लागि वीरेन्द्रनगर नगरपालिकाको वडा नं. १ बाट उम्मेदावरी दिने घोषणा गरे बमोजिम टिकट लिए ।

कांगे्रसले अनुमान विपरित काली प्रसाद शाक्य र उप मेयरमा यज्ञ गूरुङ्गलाई टिकट दियो । लाटिकोइली गाविसका रैथाने शाक्यको उम्मेद्वारीबाट क्रोधित बनेका सिनियर कांग्रेसी प्रेमदेव गिरीले विद्रोह गर्दै मेयर पदमा स्वतन्त्र उम्मेदवारी दिए ।

कांग्रेसको सबै भन्दा कमजोर क्षेत्र भनिएको वीरेन्द्रनगर नगरपालिकाको वडा नं १ थानीको लागि जीवन मरणको सवाल थियो । ६० प्रतिशत भन्दा बढी कम्युनिष्टहरुको पकड रहेको वडामा तत्कालिन पञ्च पार्टी राप्रपाको समेत उल्लेखनिय उपस्थिती रहेकोमा तत्कालिन राप्रपाका मुख्य नेतालाई उम्मेद्वारी दिनबाट रोक्न थानी सफल भए ।

जिविस सभापति बन्ने र वडाको विकासमा पार्टी नभनि काम गर्ने बाचा गर्दै केही समूदायका अगुवाहरुलाई केही हप्ता निरन्तर सुरापान समेत गराई वडा अध्यक्षमा निर्वाचित भए ।

आफु त निर्वाचन भए तर खोर्केखोला वारी र पारीकोे राजनीति भित्र उनलाई आफ्नो पार्टीको उम्मेदवार कालिप्रसाद शाक्यलाई हराएको संगीन आरोप लाग्यो । मेयरका उमेद्वार शाक्यको पक्षमा भोट नमागेको, विद्रोही उम्मेद्वार गिरीको पक्षमा लागेको अरोपहरु लगाइयो ।

यसो हेर्दा आफ्नै वडाका प्रेमदेव गिरीलाई विद्रोही हुनबाट रोक्न नसकेको देखिएपनि त्यसभित्रको अन्र्तकथा भने बेग्लै थियो । कम्युुनिष्टहरुको पकड रहेको वडामा त्यहाँका स्थानीयहरुले पहिले नै सर्त तेस्र्याएका थिए कि पार्टी जिताउने वा आफु जित्ने ।

पार्टीको पक्षमा भोट माग्दा उनले हार्ने शत प्रतिशत निश्चित थियो भने आफ्नो पक्षमा एक मत मात्र माग्दा जितको सम्भावना थियो । उनले दोस्रो बाटो रोजे, आफुलाई मात्र मत माग्ने ।

त्यही रोजाईले उनलाई वडा नं १ को वडा अध्यक्ष पदमा निर्वाचित गरायो । फलतः कहिल्यै नटुगिंने गरि सुर्खेत काँग्रेस पार्टीै भित्र दुइ ओटा धारको जन्म भयो ।

वीरेन्द्रनगर नगरपालिकाको वडा अध्यक्ष थानीको अघिल्लो मिसन थियो, जिल्ला विकास समितिको सभापति तर सभासद तथा चतुर खेलाडी पुर्णबहादुर खड्काले उनको आशामा माथि पानी खन्याई दिए ।

कम सम्भावना र खासै चर्चामा नरहेका गोविन्दबहादुर मल्ललाई जिल्ला विकास समितिको सभापतिको टिकट दिदै चिर–स्थायी रुपमा जिल्ला भित्र थानी गुट र पुर्ण गुटको जन्म गराई दिए । एउटै गुट भएपनि भट्टराई गुटबाट सिनियरको नाताले पुर्णबहादुर खड्काले अवसरहरु पाउदै गए भने थानी पछाडिदै गए ।

२०५१ को मध्यावधि चुनाव भयो । सुर्खेतलाई तीन वटा निर्वाचन क्षेत्रमा विभाजन गरियो । क्षेत्र नं १ का स्वाभाविक रुपमा कांग्रेस नेता पुर्णबहादुर खड्का र तीनमा शिवराज जोशीले टिकट पाए भने थपिएको क्षेत्र हृदयराम थानीका लागि निश्चित गरियोे ।

२०४९ को पुरानो घाउ पुनः बल्झियो । मेयरमा हराएको आरोप संगै टेकदत्त रेग्मीलाई हात्ती चुनाव चिन्ह प्रदान गर्दै जिल्ला भित्र थानी र पुर्ण दुई धारलाई संस्थागत गरियो । गिरिजाप्रसादका आर्शिवादमा विद्रोही बनेका भनिएपनि इत्राम स्थायी बसोबास भएका रेग्मीलाई कालिप्रसाद शाक्य लगायतका पुर्ण खड्का समर्थकहरुको ठुलो समर्थन रहेको थियो ।

संसदीय चुनावको परिणाम प्राप्त भयो । दुई क्षेत्रमा कांग्रेसले बाजी मा¥यो भने विद्रोहीका कारण क्षेत्र नं २ मा नेकपा एमालेका नेता यामलाल कंडेल विजयी भए । जसको आधार २०४९ सालमै खडा भइसकेको थियो ।

तुलनात्मक रुपमा काँग्रेसका लागि बलियो क्षेत्र भनेर मानिदै आएको निर्वाचन क्षेत्र नं. २मा थानीलाई हराउन पूर्णबहादुर खडका कम्मर कसेर लागेको आजपनि थानी पक्षका कार्यकर्ताहरुले बताउने गरेका छन् ।

केन्द्रमा दुइपटक निर्वाचित भैसकेका पूर्ण बहादुर खडकाको राज्य संयन्त्र र पार्टी भित्र अनि गुटमा समेत पूर्ण पकड भैसकेको र तत्कालिन संस्थापन कोइराला खेमाले पूर्ण खडकालाई तह लगाउन शिवराज जोशी कारक बन्न नसक्ने ठहर गर्दै आफ्नो खेमामा थानीलाई ल्याउन सुत्रहरुको प्रयोग गर्न थाल्यो ।

त्यतिखेर सम्म थानी समेत भटराई खेमाबाट आफ्नो हित नहुने ठहर गर्दै खुट्टा उचालि बसेका जानकारी पाएसँगै आफ्नो खेमामा प्रवेश गर्दा सांसदको ग्यारेण्टी गर्ने र पूर्णबहादुर खडका विरुद्व गर्ने गतिविधिमा सघाउने वचन दियो ।

अन्ततोगत्वा थानीलाई कोइराला खेमाको बलियो खम्बाको रुपमा भित्राउदै केन्द्रीय लाइन अनुसार खडकाको प्रतिस्पर्धा गर्न सबै साधन र स्रोतले सम्पन्न गराउदै लग्यो ।

क्षेत्र नं. १ लाई आधार इलाका बनाइ बसेका खडका आफ्नो निर्वाचन क्षेत्रमा विजयी त बने तर जिल्लाको पार्टी राजनीति सधैं थानीको पकडमा रह्यो । नैतिक आचरण उच्च भएका कार्यकर्ताहरुको लाइन थानीको पछाडी मजवुत दिवार झैं खडा भयो ।

कमलराज रेग्मी, देव कु. सुवेदी, टेक ब. सिंह, नारायण कोइराला जस्ता युवाहरुको साथले राष्ट्रिय राजनीतिमा चर्चित खडका पार्टी जिल्लाको राजनीतिमा भने कमजोर सावित हुदै गए ।

समय अनुसार रंग बदल्न सक्ने क्षमता भएका नेता तत्कालिन पार्टी सभापति तप्त बहादुर विष्टको साथ खडकालाई परास्त गर्ने गतिलो हतियार बन्यो । त्यहि हतियार २०७२ सालसम्म कायम रह्यो ।

हाल आएर त्यो राजनीतिक लाइन परिवर्तन भई विष्ट खडका खेमामा पुगेका छन् भने थानी सादगी नेता शिवराज जोशीलाई पछि लगाई जिल्ला राजनीति कब्जा गर्ने योजना अनुरुप अघि बढेका छन् ।

चतुर राजनीतिज्ञ खडकाको पछिल्लो लाइन भने त्यति सशक्त बन्न सकेको छैन । अल्छि बानी भएका, खासै संगठनमा ध्यान नदिने, अवसरका पछि दगुर्ने र उच्च नैतिक आचरण नभएका कार्यकर्ताहरुको नेतृत्व गर्नु खडकाको लागि कम चुनौतिपूर्ण रहेन ।

आफैँ दृष्यमा आएर थानीसँग भिडन्त गर्नु उचित नहुने र आफू सर्मथक कार्यकर्ताहरुको क्षमता थानीलाई परास्त गर्ने खालको नभएकाले आफ्नो क्षेत्र केन्द्रित हुदै खडकाको राष्ट्रिय राजनीतिमा अघि बढने निर्णयका कारण थानीका लागि सुर्खेत काँग्रेस बाँया हातको खेल बन्न थाल्यो ।

यसरी नेपाली काँग्रेस सुर्खेत दुइ ध्रुवमा विभाजित हुँदै सकेसम्म एकले अर्कोलाई हराउने तहसम्म सक्रिय हुन थाल्यो । थानीलाई जिविस सभापति हुन नदिएको, २०५१ को मध्यावधी चुनावमा टेकदत्त रेग्मीलाई विद्रोही उम्मेदवार बनाएको र त्यसपछिका हरेक चुृनावमा एमाले नेता यामलाल कंडेललाई सघाएको आरोप खडकालाई लाग्न थाल्यो भने थानीले पनि आफ्नो चल्ने ठाँउका कार्यकर्तालाई उचाली निर्वाचनमा पूर्ण खडकालाई असहयोग गरेको आरोप जोडतोडले उठन थाल्यो ।

विशेष गरि सिम्ता क्षेत्रमा काफलकोट स्थायी घर भएका टेक बहादुर सिंह मार्फत र भेरी वेल्टमा काँग्रेस कोषाध्यक्ष अनन्त पौडेल मार्फत खडका विरुद्व मतदान गरेको र गराएको संगिन आरोपहरु लगाइयो ।

नाम उल्लेख नगर्ने सर्तमा एक काँग्रेसी कार्यकर्ता भन्छन ‘थानी कुटील छन, आफ्ना सबै संयन्त्रहरु परिचालन गरि अदृश्य हिसाबले हराउन खोज्छन, तरपनि हाम्रा नेताको त्यस क्षेत्रमा राम्रो प्रभाव रहेकाले सधैं असफल हुन्छन ।’

यसैगरि थानी पक्षिय एक जिल्ला स्तरिय नेता भन्छन ‘पूर्ण जी सँधै अन्र्तघातको खेल खेल्छन, थानी हराउन उनले आफ्ना भाई भारदारहरु लगायत काली प्र. शाक्य, डण्ड ढकाल (हाल पूर्ण खेमामा प्रवेश गरेका), जानकी सिंह जस्ता नेताहरुलाई प्रयोग गर्छन ।

यसरि घात र अन्र्तघात हुदैं अघि बढेको सुर्खेत काग्रेसको राजनीतिमा एमाले भित्रको विद्रोहले केहि सहज गराइदिएको छ । २०५६ र २०७० दुइपटक चुनाव जितेका थानीले जित्नका लागि एमालेको विद्रोह कुर्नु परेको छ भने आफ्नो क्षेत्रमा मजबुत पकड बनाएका खडकालाई थानीको छिर्केले खासै असर पु¥याएको छैन ।

सधैं थानीको ठुल्दाइको भूमिकामा रहेका पूर्ण खड्का यतिखेर केन्द्रिय सदस्य र सभासद मात्र छन । पदाधिकारी चयन नभैसकेकाले दुवै नेता केन्द्रीय सदस्य मात्र रहेको र थानी भने हाल नेपाल सरकारको मन्त्री समेत भएको, जिल्ला सभापति पनि थानीकै रोबोट भएकाले आगामी दिन काँग्रेस भित्र घात र अन्र्तघातले ठुलो ठाँउ पाउने देखिन्छ ।

पदाधिकारीमा नियुक्त नहुँदा सम्म जिल्ला राजनीतिमा थानीले टिक्न नदिने हुँदा आगामी दिन खडकाका लागि त्यति सहज हुने देखिदैन । कुनै पनि जिम्मेवारीमा नहूँदा पनि खड्कालाई हायल–कायल पारेका थानीले काँग्रेसमा पद र जिम्मेवारी दुवै प्राप्त गरिसकेको अवस्थामा कस्तो गोटी चाल्ने हुन त्यो भने हेर्न बाँकी छ ।

सुजाता कोइरालालाई ५० लाख दिने निर्णयप्रति गगन थापाको असहमति।

2016-11-14T05:56:00.002+05:45

सिम्ताली अनलाइन,

स्वास्थ्य उपचार नपाएर गरिब नागरिकहरुले
ज्यान गुमाइरहेको बेला सरकारले नेपाली
कांग्रेसकी नेतृ सुजाता कोइरालालाई ५० लाख
रुपैयाँ उपचार दिने निर्णय गरेकोप्रति सरकारै
स्वास्थ्य मन्त्री गगन थापाले असहमति जनाएका
छन् ।
विशिष्ट पदाधिकारीलाई जीवनभरमा एक पटक
अधिकतम १५ लाखसम्म उपचार खर्च दिन सकिने
गरी स्वास्थ्य मन्त्रालयले तयार पारेको उपचार
खर्चसम्वन्धी मापदण्डलाई पन्छाउँदै ५० लाख
दिने निर्णय भएपछि थापाले मन्त्रीपरिषद्को
बैठकमै असहमति जनाएका हुन् । एक मन्त्रीले
भने,‘कार्यविधि बनाएर मात्र दिउ भनेका थिए
तर सुजातालाई दिऊ अनि खर्च सम्बन्धी
मापदण्ड बनाऔला भन्ने निष्कर्ष निस्कियो ।’

फाइल तस्बिर
सुजतालाई जसरी पनि पचास लाख रुपैयाँ
दिनुपर्ने पक्षमा उपप्रधान एव गृहमन्त्री विमलेन्द्र
निधिले अडान लिएपछि प्रधानमन्त्रीले सहमति
जनाएका थिए । कांग्रेस सभापति शेरबहादुर
देउवा र उपप्रधान एवं गृहमन्त्री निधिको
दबावमा ५० लाख दिने निर्णय भएको हो ।
कोइरालाले त एक करोड उपचार खर्च मागेकी
थिइन् । उनलाई स्तन क्यान्सर भएको छ । र,
कोइराला थप उपचारका लागि आइतबार नै
सिंगापुर प्रस्थान गरेकी छन् । थापा स्वास्थ्य
मन्त्री भएपछि राजनीतिज्ञ तुलसी गिरीलाई
उपचार खर्च दिने प्रस्ताव रोकिएको थियो । तर
अहिले कोइरालालाई उपचार खर्च दिने निर्णयले
मन्त्री थापा नैतिक संकटमा परेका छन् ।

सुर्खेत सिम्ता काफलकोटका युवाको मलेसियामा मृत्यु

2016-11-12T21:50:00.002+05:45

सिम्ताली अनलाइन,

सुर्खेत, २७ कार्तिक ।
काफलकोट नाहागाउबाट बसाइ सरेर हाल तोली खोला बस्ने उदयलाल बस्नेतको मलेसियामा मृत्यु भएको छ । रोजगारीको सिलसिलामा मलेसियाको जोहरबारुस्थित गेलनपाता भन्ने ठाउँमा शनिबार मोटरसाइकल दुर्घटनामा परी मृत्यु भएको हो । बिहान करिब ९ः३० बजे आफै बाइक चलाएको अबस्थामा कम्पनी भित्रै बाइक दुर्घटना भएर मृत्यु भएको मेलिसियाबाट तेजसिंह ठकुरीले जानकारी दिए ।