Stories for Life

மாயக்கண்ணாடி.. வாலிபர்களுக்கான கதை

2018-05-10T22:19:00.000-07:00

இயேசு குருடனை சுகப்படுத்தினார்

2018-05-10T22:03:00.004-07:00

இயேசு குருடனை சுகப்படுத்தினார் என்ற உண்மை சம்பவத்தை அழகான படக்காவியமாக பதிந்துள்ளார். படித்து பகிர்ந்து கொள்ளவும்

https://bibleforchildren.org/PDFs/tamil/Jesus_Heals_the_Blind_Tamil.pdfdf

2018-05-10T21:57:00.001-07:00

இயேசுவின் சகேயுவும்

இயேசு கிறிஸ்துவிம் சகேயுவும் சந்தித்த கதை குழந்தைகளுக்காக படவிளக்கத்தோடு பதிந்துள்ளார்கள். படித்து பயன்பெறுங்கள்.

https://bibleforchildren.org/PDFs/tamil/Jesus_and_Zaccheus_Tamil.pdf

இயேசு கிறிஸ்துவின் லாசருவும்

2017-11-01T22:06:00.000-07:00

இயேசு கிறிஸ்துவின் லாசருவும்

இயேசு கிறிஸ்து லாசருவை உயிரோடு கொண்டுவந்த சம்பவத்தை படங்களோடு படைத்துள்ளார். படித்து பகிர்ந்து கொள்ளுங்கள்

https://bibleforchildren.org/PDFs/tamil/Jesus_and_Lazarus_Tamil.pdf

ஊழிய அர்ப்பணிப்பு பாடல்

2015-05-01T22:09:00.000-07:00

2015ம் வருட வாழ்க்கை கணக்கு

2014-12-31T19:20:00.000-08:00

இந்த உலகில் வாழ்கிற விசுவாசிகளானாலும் சரி, அவிசுவாசிகளானாலும் சரி, நாம் ஒவ்வொருவர் செய்யும் ஒவ்வொரு கிரியையும் தேவனால் கவனிக்கப்பட்டு வருகிறது. அந்த எல்லா கிரியைக்கும் தக்க பலன் உண்டு. அந்த நாள் நியாயத்தீர்ப்பின் நாள் ஆகும். அந்த நாளில் சர்வத்திற்கும் நியாயாதிபதியாம் இயேசுகிறிஸ்து நியாயாசனத்தில் அமர்ந்து, நம் ஒவ்வொருவரிடமும் 'உன் உக்கிராணக் கணக்கை ஒப்புவி' என்று கட்டளையிட்டாரானால் நாம் என்ன பதில் சொல்லுவோம்? கீழ்க்ண்டவாறு நம்மை கேட்பாரானால் நாம் என்ன பதில் சொல்வோம்?

நான் உன் கையில் ஒப்புவித்த உலகப் பொருட்களை நீ எவ்வாறு உபயோகித்தாய்? நீ உன் வீட்டையும், நான் உனக்கு தந்த அநேக சௌகரியங்களையும் என்னுடைய மகிமைக்காக மாத்திரம் உபயோகித்தாயா? அல்லது அவைகளை உன்னுடைய புகழ்ச்சிக்காகவும், உன்னையே பிரியப்படுத்திக் கொள்வதற்காகவும் பயன்படுத்திக் கொண்டாயா?

நான் உனக்கு தந்த உடைகளை நீ எவ்வாறு உபயோகித்தாய்? அவைகளை பெருமைக்கும் மாயைக்கும், பிறரை பாவத்திற்கு ஏதுவாய் தூண்டுகிற விதமாக கவர்ச்சியாகவும் உடுத்தினாயா? அல்லது, தகுதியான வஸ்திரத்தினால் உன்னை ஒழுக்கமாய் மூடுவதற்கும், சீதோஷண நிலையிலிருந்து உன்னைக் காத்துக் கொள்வதற்காகவும் உடைகளை உடுத்தினாயா?

உன் பணத்தை நீ எவ்வாறு உபயோகித்தாய்? உன் மாம்சத்தின் இச்சைகளையும் உன் கண்களின் இச்சைகளையும் உலகத்தின் ஜீவனத்தின் பெருமைகளையும் பூர்த்தி செய்வதற்கென உபயோகித்தாயா? வீணாக செலவு செய்து உன் பணத்தை சிதறடித்தாயோ? அப்படி இல்லாமல் பணத்தை உனக்கும், உன் குடும்பத்திற்கும் தேவையானதை உபயோகித்துவிட்டு, மீதியாய் இருப்பவைகளை வாங்கிக் கொள்ளும்படி நான் நியமித்த ஏழைகளின் மூலம் எனக்கு திருப்பித் தந்தாயா?

நான் உனக்கு ஒப்புவித்த சரீரத்தை எப்படி உபயோகித்தாய்? நீ எனக்கு துதி செலுத்தும்படியே நாவை உனக்கு தந்தேன், அதை தீமை பேசுவதற்கும் பிரயோஜனமற்ற வீண் சம்பாஷணைகளுககும், பயன்படுத்தினாயா? அல்லது கேட்பவர்களின் செவியை கிருபை பொருந்திய வார்த்தைகளால் நிரப்பினாயா? மேலும் நான் உனக்கு நியமித்த கிரியைகளை நீ செய்து முடிக்கும்படி உனக்கு கரங்களையும் கால்களையும் இன்னும் பல உறுப்புகளையும் வழங்கியிருந்தேன். நீ அவைகளை பயன்படுத்தி உன்னை பூமிககு அனுப்பினவரின் சித்தத்தை செய்து முடித்தாயா? அல்லது உன் மாம்சத்தின் விருப்பத்தையும் உன் உணர்ச்சியும் நடத்திய பாதைகளுக்கு எல்லாம் உன் அவயவங்களை உன் இஷ்டத்திற்கு ஒப்புக் கொடுத்து விட்டாயா?

நான் உனக்கு கொடுத்த நேரத்தை எப்படி உபயோகித்தாய்? உன் மீதியான நேரங்களில் உன் தேவனோடு உறவாட வேண்டிய நேரங்களில் உறவாடினாயா? ஊழியம் செய்ய வேண்டிய நேரங்களில் உல்லாசமாக, அல்லது உலக காரியங்களுக்காக செலவழித்தாயா?

நியாயாதிபதியாம் இயேசுகிறிஸ்து நம்மைப் பார்த்து இந்தக் கேள்விகளை கேட்டால் நாம் என்ன பதில் சொல்வோம்? ஆம் ஆண்டவரே, நீர் என்னை உலகத்தில் படைத்த நோக்கத்தை நிறைவேற்றி முடித்தேன் என்று புன்னகையோடு சொல்ல முடியுமா? அல்லது தலைகுனிந்து நிற்போமா?

ஒருவேளை நாம் குறைவாக காணப்பட்டால், இந்த நாளிலிருந்துதானே அதை சரியாக்க முற்படுவோம். நம் நடை உடை பாவனை சொல் செயல் எல்லாம் அவரையே பிரதிபலிக்கட்டும். கர்த்தர் கிருபையாக நமக்கு கொடுத்த எல்லாவற்றிலும் அவரையே மகிமைப்படுத்துவோம். 'ஏனென்றால், சரீரத்தில் அவனவன் செய்த நன்மைக்காவது தீமைக்காவது தக்க பலனை அடையம்படிக்கு, நாமெல்லாரும் கிறிஸ்துவின் நியாயாசனத்திற்கு முன்பாக வெளிப்படவேண்டும்' என்ற வார்த்தையின்படி நாம் நிச்சயமாக அவர்முன் நிற்க வேண்டும். அதற்காக நம்மை தயார்ப்படுத்துவோம்.

இயேசுவின் வருகை - ஆயத்தமா?

2014-12-30T19:22:00.000-08:00

இரண்டு பேர் மாரத்தான் என்னும் ஓட்டப்பந்தயத்தில் பங்கெடுப்பதற்காக பெயரை கொடுத்திருந்தனர். ஒருவர் தினந்தோறும் மைல் கணக்கில் ஓடி பயிற்சி எடுத்துக் கொண்டிருந்தார். உடற்பயிற்சியும் மேற்கொண்டார்.

மற்றவர் சாதரணமாக தூங்குவதைவிட இன்னும் இரண்டு மணி நேரம் சேர்த்து தூங்க ஆரம்பித்தார். ஒரு உடற்பயிற்சியோ, ஓட்டம் ஓடியோ பழகவோ இல்லை.

மாரத்தான் ஓடும் நாள் வந்தது. 26.2 மைல் தூரம் ஓட வேண்டும். யார் ஜெயித்திருப்பார்கள் என்று நினைக்கிறீர்கள்? நிச்சயமாக பயிற்சி எடுத்தவர்தான். அடுத்தவர் ஒரு மைல் தூரம் ஓடுவதற்குள் களைப்பாகி நிறுத்தியிருப்பார்.

இரண்டு கிறிஸ்தவர்கள் வரப்போகிற கொடுமையான நாட்களுக்கு தப்பித்துக் கொள்ளும்படி போதிக்கப்பட்டிருந்தனர். அதை உண்மையாக எடுத்துக் கொண்டு, ஒருவர் ஜெபித்து கர்த்தரோடு தான் கொண்டிருந்த உறவில், ஐக்கியத்தில் நிலைத்திருந்து, தினமும் வேதம் வாசித்து, தன்னால் இயன்ற வேத வார்த்தைகளை மனனம் செய்து கர்த்தருக்குள் தன்னுடைய ஆவியில் ஒருமனப்பட்டிருந்தார்.

மற்றவர் ஆலயத்திற்கு செல்லும்போதுதான் வேதத்தை பிரிப்பார். ஆலயத்தில் ஜெபிக்கும்போதுதான் ஜெபிப்பார். ஞாயிற்றுக் கிழமை வந்தால்தான் அவருக்கு கர்த்தரைப்பற்றியும், ஆலயத்திற்கு செல்ல வேண்டும் என்கிற ஞாபகமும் வரும்.

ஒரு நாள் அவர்கள் வாழும் பகுதியில் கிறிஸ்தவர்கள் துன்புறுத்தப்படும் நாட்கள் வந்தது. கர்த்தரோடு இணைந்திருந்தவர் கர்த்தர் தன்னை எந்த நேரத்திலும் கைவிடமாட்டார் என்று விசுவாசத்தோடு காத்திருந்து, வெற்றியும் பெற்றார். மற்றவரோ கர்த்தரையும், சபையையும், தன் நண்பர்களையும், குடும்பத்தினரையும் இந்த நிலைக்கு அவர்களே காரணம் என்று சாட ஆரம்பித்தார்.

பிரியமானவர்களே, நாமும் ஒரு மிகப்பெரிய சம்பவம் நிகழ்வுற காத்திருக்கிறோம். அதுதான் கர்த்தருடைய இரகசிய வருகை. நாம் எந்த அளவு கர்த்தரோடு ஐக்கியம் கொண்டுள்ளோம் என்பதைப் பொறுத்தே நாம் எடுத்துக் கொள்ளப்படுதலும் இருக்கும். நாம் கர்த்தரோடு கொண்டுள்ள ஐக்கியத்தில் நிலைத்திருப்போமானால் அவர் வந்தவுடன் நம்மை அடையாளம் கண்டு கொள்வார். நாமும் அவரோடு செல்லுவோம்

மலையாள நகைச்சுவை நடிகர் பிரேம்குமார்

2014-12-26T18:55:00.000-08:00

மலையாள நகைச்சுவை நடிகர் இயேசு கிறிஸ்துவை ஏற்றுகொண்ட பாதையின் சுவடுகள்.

பிரேம்குமார் அவர்கள் 1990 களில் இருந்து மலையாள பட நகைச்சுவை உலகில் கோடி கட்டி பறந்தவர். பிரபல திரைப்பட நடிகர்கள் திரையில் இவர் இல்லாமல் இருந்தது இல்லை என்ற நிலைக்கு கொண்டு வந்தவர். சுமார் 100 படங்களுக்கு மேலாக நடித்துள்ள இவர் 16 படங்களில் கதாநாயகனாகவும் நடித்துள்ளார். இவரின் மனைவி பெயர் ஜிஷா. இவர்களுக்கு ஜெமீமா என்ற ஓர் பெண் குழந்தை உண்டு. சினிமா படவுலகில் கொடிகட்டி பரந்த இவர் தற்பொழுது இயேசு கிறிஸ்துவை முழு மனதோடு ஏற்று கொண்டு குடும்பத்தோடு தேவனுக்கு ஊழியம் செய்து வருகிறார்.

ஓர் சொப்பனத்தின் மூலமாக நான் இயேசு கிறிஸ்துவை தெரிந்து கொண்டேன். என் வாழ்க்கையில் குறிக்கோள் ஒன்றும் கிடையாது. சிறு வயதில் இருந்தே எனக்கு எந்த ஓர் காரியத்தையும் தெளிவாக செய்ய தெரியாது. பள்ளி பருவத்திலேயும், கல்லூரி வாழ்க்கை காலத்திலேயும் கடைசியில் தான் இருப்பேன். ஆனால் தேவன் என்னை ஓர் நாள் அழைத்தார். கோடிக்கணக்கான மக்கள் மத்தியில் தேவன் என்னை பெயர் சொல்லி அழைத்தார். நான் தேவனை தேடி போகவில்லை. ஆனால் தேவன் என்னில் வைத்த அன்பு காரணமாக என்னை அழைத்தார். வேத வசனத்தில் கூறி உள்ளது போல "தாய் உன்னை மறந்தாலும், நான் உன்னை மறப்பதில்லை" அதை நான் இன்னமும் அனுபவித்துகொண்டிருகிறேன். எனக்கு பிடித்த வேதாகம கதாப்பாத்திரம் பவுல் அடிகளார். பவுல் சொன்னது போல "நல்ல போராட்டத்தை போராடினேன்" என்று கடைசி மூச்சு வரை கர்த்தருக்காக எதாவது செய்தது போல நானும் கர்த்தருக்காக எதாவது கடைசி மூச்சி உள்ளவரை செய்ய வேண்டும் என்று ஆசை உள்ளது. என்னையும் தேவன் பயன்படுத்துவார் என்ற விசுவாசம் இருக்கிறது.

தேவன் என்னை அவருக்காக பயன்படும் பாத்திரமாக வனைந்து கொண்டிருக்கிறார்.

ஆமென்.. கர்த்தருக்கிரே மகிமை உண்டாவதாக.. ஆமென்.

தேவனுக்கென்று குடும்பமாய் வைராக்கியமாய் வாழும் இவர்களை வெள்ளித்திரை என்னும் பாம்பு மீண்டும் மயக்கி விடாதபடி திறப்பின் வாயில் நின்று ஜெபிப்போம்.

Visit: www.facebook.com/TamilNaduChristianMinistries

கிறிஸ்துவின் பணியில்
தமிழ்நாடு கிறிஸ்தவ ஊழியங்கள்

http://malankaranazrani.com/?p=6651
http://www.youtube.com/watch?v=JL8qDbFRHuo

கிறிஸ்மஸ் - ஓர் முக்கியமான காரணம்

2014-12-25T18:32:00.000-08:00

இயேசு கிறிஸ்து இந்த பூமியில் பிறக்க ஓர் முக்கியமான காரணம் உண்டு.

பாவத்தில் உழன்று தவிக்கும் ஒவ்வொருவருக்கும் கடவுள் கொடுக்கவிருக்கும் மிகப்பெரிய சமாதானமான வாழ்க்கையே அது. பாவத்தினால் வரும் விளைவினால் இன்று மனிதனுக்கும் கடவுளுக்கும் மிகபெரிய விரிசல் விழுந்தது.

மனிதர்கள் எல்லோரும் பரலோகம் செல்வோம் என்று கூவுவதால் எந்த பயனும் விளையப்போவது இல்லை. பரலோகம் நாம் நினைப்பது போல சாதாரணமான இடம் அல்ல. அது கடவுள் தங்கும் மிகப்பெரிய உன்னதமான இடம். கடவுள் பரிசுத்தர் என்றால், பாவம் இல்லாதவர் என்றால், அவருடன் இருப்பவர்களும் அவ்வண்ணமே இருக்க முடியும். நமது வீட்டை சுத்தமாய் வைக்க ஆசைப்படுவோம். நடுவீட்டில் அசிங்கத்தை போட்டு அதனை பொறுத்து கொண்டு வாழமாட்டோம்.
அதை போலத்தான் நமது தெய்வமும். அவருடைய வீட்டில் அனேக வாசஸ்தலங்கள் உண்டு. ஆனால் அது பாவிகளுக்கு அல்ல. பாவ மன்னிப்பை பெற்று கொண்டவர்களுக்கு மட்டுமே.

அப்படிப்பட்ட இடத்திற்கு உன்னையும் என்னையும் அழைத்து செல்ல வந்த ஓர் மிகப்பெரிய தெய்வம் தான் இயேசு கிறிஸ்து. பாவ மன்னிப்பை வளங்கள் நியாயத்தீர்ப்பு கொடுக்கவிருக்கும் நீதிபதிக்கே அதிகாரம் உண்டு. அந்த பாவ மன்னிப்பின் அதிகாரத்தை பெற்ற இயேசு கிறிஸ்து சிலுவை மரணத்தின் மூலமாக வழங்கினார். இதை ஏற்று கொள்ள மறவாதீர்கள். உங்கள் குடும்பத்தில் உள்ளவர்கள் கிறிஸ்மஸ் கொண்டாட உண்மையில் தகுதி உடையவர்கள் தானா என்று அறியுங்கள். இந்த இயேசு பிறந்த நாளில் ஒருவருக்காவது பாவ மன்னிப்பை குறித்தும் பரலோக கிரீடத்தை குறித்தும் பகிர மறவாதீர்கள்.

கிறிஸ்மஸ் பிறப்பு அல்ல, நம் உள்ளத்தில் இயேசு என்று பிறக்கிறாரோ அன்று தான் உண்மையான கிறிஸ்மஸ் நன்னாள். இந்த இயேசு கிறிஸ்து நம் உள்ளத்தில் பிறக்கவில்லை என்றால் "நானும் பரலோகம் செல்வேன்" என்று கூறுவதில் எந்த பயனும் இல்லை. பரலோகத்திர்க்குள் பாவத்தோடு நுழைய முடியாது. பாவ மன்னிப்பை பெற்றவர்கள் தான் நுழைய முடியும்.

கிறிஸ்மஸ் என்பது இயேசுவின் வருகையின் அர்த்தத்தை உணரும் நாள். அவர் வந்த நோக்கத்தை முழுமையாக அறிய நாம் நம்மை தயார் படுத்தி கொள்ள வேண்டும். மற்றவர்களுக்கும் இந்த நற்செய்தியை சொல்ல வேண்டும். இயேசு பிறந்தவுடன் இந்த உலகத்திற்கு வந்த முதல் செய்தி என்ன தெரியுமா? ஆடு மேய்த்து கொண்டிருந்தவர்கள் தூதர்களை பார்த்து பயந்து போக அவர்களோ "உங்களுக்கு சமாதானம் உண்டாவதாக என்றார்கள்" இயேசு இந்த உலகத்தில் பிறந்தவுடன் இரண்டு நிகழ்வுகள் நடந்தது. ஒன்று "இருளில் இருப்பவர்கள் பெரிய வெளிச்சத்தை கண்டார்கள்" இரண்டு "உங்களுக்கு சமாதானம் உண்டாவதாக" என்ற செய்தி பரலோகில் இருந்து பூமிக்கு வந்தது.

பாவ இருளில் இருப்பவர்கள் இயேசுவை உள்ளத்தில் பிறக்க செய்வதன் மூலம் பெரிய வெளிச்சத்தை காண முடியும், அப்படிப்பட்ட வெளிச்சத்தை கண்டவர்கள் மிகப்பெரிய சமாதானத்தை காண முடியும். இது தான் இந்த கிறிஸ்மஸ் நாளில் நற்செய்தியை இருக்க முடியும்.

தேவன் உங்களை ஆசீர்வதிப்பாராக. அனைவருக்கும் என் குடும்பத்தின் சார்பாக கிறிஸ்மஸ் வாழ்த்துக்கள்.

உங்களுக்கு ஓர் நற்செய்தி
இந்த உலகம் தரமுடியாத மிகப்பெரிய சமாதானத்தை இயேசு தருகிறார்

கிறிஸ்துவின் பணியில்
தமிழ்நாடு கிறிஸ்தவ ஊழியங்கள்

ஹேமா ஜான் அவர்களின் சாட்சி

2014-12-24T18:36:00.000-08:00

"பாடினால், என் இயேசுவுக்காக மட்டுமே பாடுவேன்"
வைராக்கிய விதை ஹேமா ஜான் அவர்களின் சாட்சி

ஆண்டவராகிய இயேசு கிறிஸ்துவின் நாமத்தினாலே உங்கள் அனைவருக்கும் வாழ்த்துதல்களை கூறிக்கொள்கிறேன். உங்களை சந்திப்பதிலே ஆண்டவர் கொடுத்திருக்கிற இந்த கிருபைக்காகவும் அவருக்கு நன்றி சொல்கிறேன். வேதம் சொல்கிறது "கர்த்தர் நல்லவர், அவர் கிருபை என்றும் உள்ளது". இயேசு கிறிஸ்து யார் என்று அறியாத ஓர் பிராமண குடும்பத்தில் இருந்து 89 ம் ஆண்டு ஆண்டவர் என்னை பிரித்து எடுத்தார். அவருடைய பிள்ளையாக மாற்றிக்கொண்டார். அவருடைய நாமத்திற்கே மகிமை உண்டாகட்டும்.

பிராமண குடும்பத்திலே பிறந்து வைராக்கியமான முறையிலே நான் வளர்க்கப்பட்டாலும் என்னுடைய படிப்பு கல்வி எல்லாம் கிறிஸ்தவ பள்ளிகளிலே தான் இருந்தது. கிறிஸ்தவ பள்ளியில் படித்தாலும் கூட உண்மையான ஆண்டவர் அன்பை அறியாமல் இருந்தேன். குடும்பத்திலே பல போராட்டங்களும் பிரச்சனைகளும் இருந்தது. என்னுடைய தகப்பனாருக்கு சரியான கண் பார்வை இல்லாதபடியினால் குடும்ப பாரத்தை சுமக்க கூடிய பொறுப்பு என் மீது வந்தது. வறுமையை தவிர குடும்பத்திலே மற்றொரு பெரிய பிரச்சனையையும் நான் சந்திக்கவேண்டி இருந்தது.

அது சமாதானமின்மை. சந்தோசமும், சமாதானமும் என் குடும்பத்திலே என் பெற்றோர்களிடத்தில் காணப்படவில்லை. அந்த சூழ்நிலையிலே நான் தேடுகிற நான் விரும்பிகிற சமாதானத்தை யார் கொடுக்க முடியும் என்கிற ஏக்கம் என் உள்ளத்திலே என் சிறு வயது முதலே இருந்து வந்தது. பள்ளிப்படிப்பை முடித்துவிட்டு குடும்ப சூழ்நிலையின் காரணமாக பாரம்பரியமாக பாடல் பாடுகிற கிருபை என் குடும்பத்திற்கு இருந்தபடியினால், என் முன்னோர்கள் அனைவரும் கர்நாடக சங்கீதத்திலே முறையான தேர்ச்சி பெற்றிருந்தபடியினால் எனக்குள்ளும் அந்த தாலந்து பாரம்பரியமாக வந்தது. இந்த தாலந்தை பல திரைப்பட பாடல்களை திரைப்பட குழுக்களில் பாடுவதின் மூலமாக நான் வெளிப்படுத்தி வந்தேன். இதன் மூலமாய் குடும்பத்தின் சூழ்நிலை மாறினாலும், வறுமையின் சூழ்நிலை மாறினாலும் குடும்பத்தில் சமாதானமும் நிம்மதியும் வரவில்லை.

அந்த வேளையிலே 89 ம் ஆண்டு அடையார் கேட் ஹோட்டல் என்று அழைக்கப்படுகிற ஐந்து நட்சத்திர ஹோட்டலிலே அக்கௌண்ட்ஸ் டிபார்ட்மெண்டில் வேலைக்கு சேர்ந்த போது தான் "கல்பனா" "மேரி" என்ற இரண்டு சகோதிரிகளை சந்தித்தேன். என்னோடு பணிபுரிந்து வந்த அந்த சகோதிரிகள் ஆண்டவரை குறித்து எடுத்து சொன்னார்கள். அந்த இரண்டு நண்பர்களை சந்தித்ததன் மூலமாக "என்னுடைய குடும்பத்தில் சமாதானத்தை கொடுக்க வல்லவர் இந்த ஆண்டவர் மட்டுமே என்பதை நான் புரிந்து கொண்டேன். உண்மையான கிறிஸ்தவன், அல்லது கிறிஸ்தவள் கிறிஸ்தவ பெயரை மாத்திரம் வைத்துகொண்டால் போதாது உண்மையாக ஆண்டவரை உள்ளத்தில் ஏற்று கொள்ள வேண்டும் என்பதை நான் புரிந்துகொண்டேன். ஆனாலும் என் இருதயத்திலே முழுமையாக இடம் கொடுக்க முடியவில்லை. அந்த சூழ்நிலையிலே எனக்கென்று ஓர் எதிர் காலத்தை யோசிக்க முடியாத அந்த சூழ்நிலையிலே என்னுடைய குழுவில் ட்ரம்ஸ் வாசித்த ஜான் என்பவர் என்னை திருமணம் செய்துக்கொள்ள விருப்பம் தெரிவித்தார். ஆனால் என்னில் திருமணமே செய்துகொள்ள விருப்பம் இல்லாதிருந்தது.

என்னுடைய நண்பர்கள் சொன்னதன் காரணமாக 89ம் ஆண்டு அக்டோபர் மாதம் இயேசு அழைக்கிறார் ஜெப கோபுரத்திற்கு சென்று ஜெபித்தேன். அப்போது அங்கிருந்த தேவ ஊழியர் "ராஜன் ஜான்" என்பவர் ஜெபத்தின் மூலமாக நான்கு காரியங்களை இயேசு கிறிஸ்து வெளிப்படுத்தினார். "உன் குடும்பத்திலிருந்து எனக்காக உன்னை பிரித்து எடுத்தேன்" "நீ என்னுடைய ஊழியத்தை செய்வாய்" உலகத்திற்காய், பணத்திற்காய், புகழுக்காய் நீ பாடி கொண்டிருக்கிறாய். ஆனால் என்னுடைய நாம மகிமைக்கென்று இந்த உலகம் முழுவதும் உன்னை அழைத்து செல்வேன் என்று வாக்கு பண்ணினார். "நீ எனக்கார் ஒரு அடி எடுத்துவைக்கும் போது நான் உனக்காய் யாவையும் செய்து முடிப்பேன்" என்று சொல்லும்போது என்னுடைய குடும்பத்தில் சமாதானத்தை கொடுக்க வல்லவர் அந்த ஆண்டவர் மட்டும்தான் என்று புரிந்துகொண்டேன். அந்த ஜெபத்தின் முடிவிலே ஆண்டவராகிய இயேசு கிறிஸ்துவை என் சொந்த இரட்சகராக ஏற்று கொண்டேன்.

24 வருடங்களாக நான் தேடி கொண்டிருந்த சமாதானமும் சந்தோசமும் அந்த ஜெபநேரத்திலே என் உள்ளத்திலே வந்தது. பலவித எதிர்ப்புகளின் மத்தியில் "ஜான்" அவர்களை 1990 ஆகஸ்ட் 24ம் நாள் திருமணம் செய்துகொண்டேன். திருமணத்திற்கு முன் பல சினிமா பாடல்கள் பாடிகொண்டிருத நான் "பாடினால் இந்த ஆண்டவருக்கு மட்டும் தான் பாடுவேன்" என்று வைராக்கியமாய் ஒரு முடிவு எடுத்து என் தாலந்துகளையும், என் வாழ்க்கையையும் கர்த்தருடைய கரத்தில் ஒப்புகொடுத்தேன். இந்த நாள் வரைக்கும் ஆண்டவரின் மகிமைக்காக பல ஆயிரம் பாடல்கள் பாட ஆண்டவர் உதவி செய்தார். 24 வருடமாக என் குடும்பத்திலே காணாத சமாதானத்தை தேவன் கொடுத்தார். கர்த்தரின் நாமத்திற்கு மகிமையுண்டாவதாக. பல ஒளிநாடக்களிலே பாடும்படியாக தேவன் வாய்ப்பு கொடுத்தார். குறிப்பாக சகோதரர் T . Agustin என்பவர் அதிகமாய் கிறிஸ்தவ பாடல்கள் பாடும்படியாக ஊக்கப்படுத்தினார்.

இயேசு அழைக்கிறார், சகோதரர் சாம் ஜெபத்துரை, சகோதரர் மோகன் சி லாசரஸ் என்று பெரிய ஊழியக்காரர்கள் ஒலிநாடாக்களில் பாடும்படியாக தேவன் எனக்கு கிருபை தந்தார். இந்த ஆண்டவர் ஒருவரே நமக்காக, நம் பாவங்களுக்காக, தன்னுடைய ஜீவனை கொடுத்தவர். என் குடும்பத்தின் சமாதானத்திற்கென்று பல இடங்களுக்கு சென்று, பல விக்கிரங்களை நான் தொழுது வந்திருக்கிறேன். ஆனால் ஒரு தெய்வத்தினாலும் என் குடும்பத்திற்கு சமாதானத்தை கொடுக்க முடியவில்லை. இந்த ஒரு ஆண்டவர் தான் எனக்காக யாவையும் செய்து முடித்தவர். எனக்காக தன ஜீவனை கொடுத்தவர்.

உங்கள் வாழ்க்கையிலும் கூட, உங்கள் பிரச்சனை எதுவாக இருந்தாலும் இந்த ஆண்டவர் ஒருவரே நமக்காய் ஜீவனை கொடுத்தவர், உங்களுக்காக மாட்டு தொழுவத்திலே பிறந்தவர் இந்த ஒரு தேவன் தான் என்பதை நீங்கள் புரிந்து அதை உங்கள் உள்ளத்திலே நீங்கள் அறிந்து அதை அறிக்கை செய்வீர்களேயானால் உங்கள் பாவமான வாழ்க்கையை விட்டு நீங்கள் திரும்புவீர்கலேயானால் உங்களுடைய உள்ளத்திலே இந்த ஆண்டவரால் வரமுடியும். என்னுடைய வாழ்கையில் செய்ததுபோல பல அற்புதங்கள் உங்கள் வாழ்க்கையிலும் நடைபெறும். ஆமென்.

தொகுப்பு மற்றும் பதிப்பு

கிறிஸ்துவின் பணியில்
தமிழ்நாடு கிறிஸ்தவ ஊழியங்கள்

நன்மையானவற்றையே நமக்கு தர வல்லவராயிருக்கிறார்

2014-12-22T17:57:00.001-08:00

நீங்கள் என் நாமத்தினாலே எதைக் கேட்பீர்களோ, குமாரனில் பிதா மகிமைப்படும்படியாக, அதைச் செய்வேன். - (யோவான் 14:13)

இதைப் போலத்ததான் நாம் தேவனிடம் நமது தேவையை கதறி, கெஞ்சி கேட்டுப் பெற்றுக் கொள்கிறோம். கர்த்தரும் அதைத் தருகிறார். ஆனால் தேவன் ஒருவேளை நாம் கேட்டதைவிட நன்மையானதை கொடுக்கச் சித்தமாயிருந்திருப்பார். ஆனால் நம் ஜெபம் அதை தடை செய்திருக்கும். நாம் ஜெபிக்கும்போது “உம்முடைய சித்தத்தின்படி எங்களுக்கு வாய்க்கச் செய்யும்” ஆண்டவரே என்று அவருடைய சித்தத்திற்கு ஒப்புக் கொடுத்து ஜெபிக்கும் போது அவர் நன்மையானவற்றையே நமக்கு தர வல்லவராயிருக்கிறார்.

ஐந்து வயது நிரம்பிய வில்லியம், தன் தாயுடன் தனது பிறந்த நாளுக்காக பொம்மை கடைக்குச் சென்று தனக்கு பிடித்த விளையாட்டுச் சாமான் வாங்கச் சென்றான். அங்கு அநேக பொம்மைகளும் விளையாட்டுச் சாமானங்களும் நிரம்பி இருந்தன. அதில் அவனுக்கு விருப்பமான, கலர்கலர் விளக்குகளுடன் விதவிதமான சத்தங்களுடன் வேகமாய் செல்லும் கார் இருந்தது. அதைக் கண்டவுடன் அவன் தன் தாயிடம் அடம் பிடித்து இந்த கார்தான் எனக்கு வேண்டும் என்று கேட்டு தொந்தரவு செய்தான். தாயும் பார்க்கலாம் என்று கூறி விட்டு பின்பு வீடு திரும்பினார்கள்.

அடுத்த நாள் பிறந்தநாள் பரிசாக அவன் விரும்பிய அதே கார் அவனுக்கு கொடுக்கப்பட்டது. அதைக் கண்ட அவனுக்கு சந்தோஷம் தாங்க முடியவில்லை. அப்பொழுது அவன் சகோதரன் “அட மடையா! இந்த காருக்கே நீ இவ்வளவு சந்தோஷப்படுகிறாயே, அம்மா உனக்கு இதைவிட பெரிதான ரிமோட் கண்ட்ரோல் கார் வாங்கி கொடுக்க இருந்தார்கள். ஆனால் நீ இதை வாங்க வற்புறுத்தியதால் இதை வாங்கிக் கொடுத்தார்கள்” என்றான். அதைக் கேட்டபோது வில்லியத்தின் இருதயம் கனத்தது.

உயிருள்ள ஜீவ வேதாகம வசனங்கள்

2014-12-20T18:56:00.000-08:00

பரிசுத்த வேதாகமம் முற்றிலும் உண்மை என்பதை நிருபிக்கும் பதிவு

பரிசுத்த வேதாகமத்தின் மகத்துவம். பல ஆயிர வருடங்களாக மாறாமல் இருக்கும் பரிசுத்த வேதாகம வசனங்கள். உயிருள்ள ஜீவ வேதாகம வசனங்கள்.

எபிரேய மொழியில் உள்ள தேவ வசனம்
כד יְבָרֶכְךָ יְהוָה וְיִשְׁמְרֶךָ׃
כה יָאֵר יְהוָה פָּנָיו אֵלֶיךָ וִיחֻנֶּךָּ׃
כו יִשָּׂא יְהוָה פָּנָיו אֵלֶיךָ וְיָשֵׂם לְךָ שָׁלוֹם׃

ஆங்கிலத்தில் மொழிபெயர்க்கப்பட்ட போது

(6:24) May YHVH bless you and protect you!
(6:25) May YHVH shine his face upon you and be gracious towards you!
(6:26) May YHVH lift his face up to you, and give you peace!

இப்பொழுது நமது கைகளில் உள்ள வேதாகம வசனங்கள் - சாதாரண மனிதனும் புரிந்து கொள்ள கூடிய வகையில் மொழிபெயர்க்கப்பட்ட வசனங்கள் ஆங்கிலத்திலும் - தமிழிலும்
எண்ணாகமம் 6:24-26
கர்த்தர் உன்னை ஆசீர்வதித்து, உன்னைக் காக்கக்கடவர்.
The LORD bless thee, and keep thee:
கர்த்தர் தம்முடைய முகத்தை உன்மேல் பிரகாசிக்கப்பண்ணி, உன்மேல் கிருபையாயிருக்கக்கடவர்.
The LORD make his face shine upon thee, and be gracious unto thee:
கர்த்தர் தம்முடைய முகத்தை உன்மேல் பிரசன்னமாக்கி, உனக்குச் சமாதானம் கட்டளையிடக்கடவர் என்பதே.
The LORD lift up his countenance upon thee, and give thee peace.

இந்த படத்தில் உள்ள வேதாகம வசனங்களின் நேரடி மொழிபெயர்ப்பு.

நீ ஆசீர்வாதமாய் இருப்பாய்
கர்த்தர் (யாவெஹ்) நிமித்தமாக
காப்பவர்/உதவி செய்பவர் மற்றும்
உடைப்பவர்/கண்டிப்பவர்
தீயதை; கர்த்தர் (யாவெஹ்) ஆசீர்வதிப்பார்
உன் மேல்
பிரகாசிப்பிக்கக்கடவர்; யாவெஹ்
முகத்தை உன் மீது
கட்டளையிடகடவர்
சாமாதானம்
பின் வரும் பகுதிகள் தெளிவாய் இல்லை
இந்த வார்த்தைகளை எண்ணாகமம் 6:24-26 வரை காணலாம்

இந்த வசனங்கள் 1979 ம் ஆண்டு இஸ்ரேல் நாட்டில் உள்ள St. Andrew’s Church, பகுதியில் இருக்கும் Menachem Begin Heritage Center நிலத்தில் இரண்டு துண்டுகளாக எடுக்கப்பட்டது. இது இயேசு கிறிஸ்து இந்த பூமியில் அவதரிக்கும் முன் சுமார் 600 நூற்றாண்டுகள் பழமையானது ஆகும்.

இந்த silver scrolls ஏந்தியுள்ள வசனங்கள் இன்றைக்கும் பாரம்பரியம் மிக்க ஆங்கிலிக்கன் திருச்சபை, கத்தோலிக்க திருச்சபை, ஒர்தொடக்ஸ் திருச்சபைகளில் ஆசீர்வாதமாக கூறுவார். இது இன்று நேற்று அல்லது இயேசு பிறந்தபின் தோன்றியது அல்ல. பல நூற்றாண்டுகளுக்கு முன், அதாவது நமக்கு கிடைத்திருக்கும் ஆதாரத்திபடி 3000 ஆண்டுகளுக்கு முன் பழக்கத்தில் இருந்துள்ளது.

சிலர் வேதாகமத்தை இயேசு பிறந்ததற்கு பின் மாற்றி தவறாக எழுதிவிட்டதாக எழுதுவதை பார்த்திருக்கிறேன். அவர்களுக்கு இப்படிப்பட்ட ஆதாரங்கள் பதிலாக இருக்கும் என நம்புகிறேன்.

மிக முக்கியமாக நம் தேவனின் நாமத்தை இந்த படிவமும் ஏந்தியுள்ளதை காணலாம். "யாவெஹ்" "YHWH" என்பது நம் தேவனின் நாமம் ஆகும். புதிய ஏற்பாட்டில் இயேசு கிறிஸ்துவாக நாம் காண்கிறோம்.

ஏசாயா 42:8 நான் கர்த்தர், இது என் நாமம்; என் மகிமையை வேறொருவனுக்கும், என் துதியை விக்கிரகங்களுக்கும் கொடேன்.

இந்த வசனத்தில் வரும் கர்த்தர் என்பது எபிரேய வார்த்தையில் யாவெஹ் என்று வரும். இதை குறித்து நான் ஏற்க்கனவே ஓர் பதிவை கொடுத்திருக்கிறேன். https://www.facebook.com/TamilNaduChristianMinistries/photos/pb.329941190443905.-2207520000.1412836254./470342299737126/?type=3&theater

நாம் பல நாமங்களில் இயேசுவை அழைக்கிறோம். ஆனால் இயேசு கிறிஸ்து பழைய ஏற்பாட்டின் காலத்தில் தன்னை மனிதனுக்கு அறிமுகப்படுத்தினது "யாவெஹ்" என்ற நாமத்தில் தான். நீங்கள் தயவு செய்து இந்த வார்த்தையை விளையாட்டாய் பரிகாச சிந்தனையோடு பயன்படுத்தி விடாதீர்கள். உங்கள் பாவம் சாபமாய் மாறும்.

இந்த சுருள்கள் அக்கால கட்டத்தில் யாரோ ஒருவர் கழுத்தில் அணிந்திருக்கலாம் என்று கூறப்படுகிறது. சில்வர் சுருள்களாக உள்ளதால் பொருளாதார பலம் படைத்த பணக்கார குடும்பத்தில் யாராவது ஒருவர் பயன்படுத்தினதாக இருக்கலாம் என்று நம்பப்படுகிறது. The word yhwh (the name of the Lord in Hebrew) appears in writing for the first time ever. The benediction quoted from the Book of Numbers was recited by the Temple priests when blessing the congregation; here it is found in writing and for individual use. The tiny silver scrolls were probably worn as amulets around the neck.

இன்றைக்கும் நமது ஆலய பாதிரியார்கள் கழுத்தில் சிலுவை அணிவதை பார்த்திருப்பீர்கள். கத்தோலிக்க போப் ஆண்டவர் முதற்கொண்டு எல்லா கிறிஸ்தவ போதகர்கள், ஆயர்கள் கழுத்தில் சிலுவை, ஆடையில் சிலுவை அணிவதை பார்த்திருப்பீர்கள். இது இன்று நேற்று உள்ள பழக்கம் அல்ல. இது பல ஆயிர வருகங்கலாக தொடரும் பழக்கம். ஆனால் அக்காலத்தில் சிலுவைக்கு பதிலாக வேத வசனங்களை கழுத்தில் அணிந்து கொள்வர். இதை அவர்களே எழுதியும் அணியலாம். இது பல ஆயிர வருடங்களாக நடைமுறையில் இருந்து வந்துள்ளது. இதை பற்றியும் நான் ஓர் பதிவை கொடுத்திருக்கிறேன். (https://www.facebook.com/TamilNaduChristianMinistries/photos/pb.329941190443905.-2207520000.1412836208./574057619365593/?type=3&theater)

கிறிஸ்து நமக்காக சிலுவை அடையாளத்தை தந்த பிறகு வசனங்களுக்கு பதிலாக சிலுவையை அணிந்துகொண்டிருக்கிறோம். ஆனால் காலபோக்கில் கழுத்தில் சிலுவை அணிய வெட்கப்பட்டு இன்று கத்தியையும், நடிகர்களின் படங்களையும், ஆசைப்படும் பெண்கள், ஆண்கள் படங்களையும், சிலர் செல்போன்களையும், அணிந்துள்ளனர். பாரம்பரியம் மறக்கடிக்கப்பட்டு மரணபடுக்கைக்கு சென்று விட்டதோ?

எது எப்படியோ, இப்படிப்பட்ட வேத வசனங்கள் நமக்கு தேவன் பாதுகாத்து கொடுத்திருக்கிறார். இந்த வசனங்கள் கிறிஸ்து பிறந்ததற்கு பின்போ, ப்ரொடெஸ்டண்ட் திருச்சபை உருவான பின்னரோ, கத்தோலிக்க சபையோ எழுதவில்லை. இது மனிதனால் மாற்றப்படவும் இல்லை. நம் கைகளில் இருக்கும் வேதாகம வசனங்கள் உண்மையானது. இதை போன்று பல ஆதாரங்கள் நம்மிடம் உள்ளது. முன் நான் பதிந்த சில பதிவுகளை இங்கே தருகிறேன்.. இன்னமும் பல நூற்றுக்கணக்கான பதிவுகள் தேவ நாம மகிமைக்காக வரும்.

1) இயேசு பிறந்து, மரித்து பின் உயிர்த்தெழுந்தாரா? (மூல ஆதாரம்: BBC செய்தி நிறுவனம்)
https://www.facebook.com/TamilNaduChristianMinistries/photos/pb.329941190443905.-2207520000.1412836225./499598573478165/?type=3&theater
2) வேதாகமத்தில் குறிபிடப்பட்டுள்ள 50 பெயர்களின் உண்மை சரித்திரத்தை பற்றியது
https://www.facebook.com/TamilNaduChristianMinistries/photos/pb.329941190443905.-2207520000.1412836225./531306100307412/?type=3&theater
3) 2500 வருடங்களுக்கு முன் வாழ்ந்த எல்பா சாம்ராஜ்யத்தின் சரித்திர பதிவுகள்.
https://www.facebook.com/TamilNaduChristianMinistries/photos/pb.329941190443905.-2207520000.1412836208./550419178396104/?type=3&theater
4) சமீபத்தில் எகிப்த்தில் கண்டெடுக்கப்பட்ட (கிறிஸ்துவுக்கு முன் 574 மற்றும் 660 ஆண்டு) முக்கியமான பண்டைய கால ஆதாரம் ஒன்று இன்று உலகையே கலக்கி வருகிறது.
https://www.facebook.com/TamilNaduChristianMinistries/photos/pb.329941190443905.-2207520000.1412836208./574057619365593/?type=3&theater
இன்னமும் நூற்றுக்கணக்கான ஆதாரங்கள் உள்ளது. வரும் காலங்களில் உங்களுக்கு தருகிறேன். இந்த ஊழியத்தில் தேவனின் நாமம் மட்டும் மகிமைப்பட ஜெபியுங்கள்.

நான் ஆதாரத்தை வைத்து கொண்டு இயேசுவை தெய்வமாக ஏற்று கொண்டவன் அல்ல. இயேசு எனக்குள் இருக்கிறார் என்பதை தெள்ள தெளிவாக உணர்ந்து உண்மையான தெய்வத்தை அணிந்திருக்கிறோம் என்ற விசுவாசத்தில் பிள்ளையாக வாழ பேராசைப்படுகிறேன்.

இப்படிப்பட்ட ஆதாரங்கள் வேதாகம வசனங்களை நம்ப மறுக்கும் நண்பர்களுக்கு ஆசீர்வாதமாக இருக்கும் என நம்புகிறேன். தேவன் உண்மையுள்ளவர். அவரை நம்பும் ஜனங்கள் பாக்கியம் பெற்றது.

தேவன் உங்களை ஆசீர்வதிப்பாராக. ஆமென்.

கிறிஸ்துவின் பணியில்
தமிழ்நாடு கிறிஸ்தவ ஊழியங்கள்

வலைத்தள ஆதாரங்கள்
http://www.ancient-hebrew.org/6_40.html
http://en.wikipedia.org/wiki/Ketef_Hinnom
http://historicconnections.webs.com/archaeologythebible.htm
http://www.tamil-bible.com/
http://shoebat.com/2014/09/05/new-archaeological-discovery-proves-catholic-church/
http://opensiddur.org/tefillot/blessings-tefillot/adventures-in-ancient-jewish-liturgy-the-birkhat-kohanim/
http://www.arcvertuel.org/?q=node%2F386
http://crossconnection.hopetv.org/the-most-ancient-fragment-of-the-biblical-text
http://www.youtube.com/watch?v=XTqMpgz9D4I
http://www.fowlerbiblecollection.com/ketef-hinnom-silver-scrolls.html

நயாகரா நீர் வீழ்ச்சி

2014-12-12T19:15:00.000-08:00

நயாகரா நீர் வீழ்ச்சியில் ஒரு நிமிடத்திற்கு 50,00,000 டன் தண்ணீர் அருவியாக கொட்டப்படுகிறது. ஆனால் 1848ம் ஆண்டு, மார்ச் மாதம் 29ம் தேதி அந்த நீர்வீழ்ச்சியில் தண்ணீர் கொட்டுவது திடீரென்று நின்றது. அக்கம் பக்கத்தில் குடியிருந்தவர்கள், நீர்வீழ்ச்சியின் சத்தத்தை கேட்காததால், உலகின் கடைசி நேரத்திற்கு வந்துவிட்டோம் என்றே நினைத்தனர். ஆனால், 30 மணிநேரம் கழித்து, திரும்ப தண்ணீர் கொட்ட ஆரம்பித்தது.

என்ன நிகழ்ந்தது? எரிக் ஏரி (Lake Erie) என்னுமிடத்தில் ஒரு பெரிய பனி கட்டி உடைந்து, அது மிதந்து வந்து, நயாகரா நீர்வீழ்ச்சியின் மேற் மட்டத்தில் அடைத்து கொண்டதால், தண்ணீர் போக முடியாதபடி நின்று போனது. திரும்ப வெயில் ஏறஏற பனிகட்டி உருகி, தண்ணீர் திரும்ப பாய தொடங்கியது. பனிகட்டியினால், அவ்வளவு பெரிய நயாகரா நீர்வீழ்ச்சியின் தண்ணீர் கொட்டப்படாமல் நின்று போனது.

நம்முடைய வாழ்விலும் தேவனுடைய அன்பும், சந்தோஷமும் சமாதானமும் தொடர்ந்து பாய வேண்டுமானால், நம் வாழ்வில் எந்த பனிகட்டி போன்ற தடையும் காணப்படக்கூடாது. தேவன் பட்சபாதமுள்ள தேவனல்ல, அவர் நம்மேல் அன்பை எப்போதும் வெளிப்படுத்துகிற தேவனாகவே இருக்கிறார்.

நேர்த்தியாய் செய்கின்ற தேவன்

2014-12-10T19:14:00.000-08:00

வழிபோக்கன் ஒருவன் வயல்வழியே நடந்து வந்தான். அப்போது பூசணிக்காய் தோட்டத்தில் பெரிய பெரிய பூசணிக்காய்கள் காய்த்து தரையில் கொடி படர்ந்திருந்தது. அதை பார்த்த வழிப்போக்கன், என்ன கடவுளுடைய சிருஷ்டிப்பு, நிமிர்ந்து நிற்க முடியாத செடியில் இவ்வளவு பெரிய பூசணிக்காய்களை உருவாக்கியிருக்கிறார் என சலித்து கொண்டான். இதை சிந்தித்தவாறே நடந்து வந்தான் வெயில் அதிகமாயிருந்ததால் களைப்பின் மிகுதியினாலும் சாலையோரத்திலிருந்த ஒரு ஆலமரத்தின் நிழலில் படுத்தான். படுத்தவன் அயர்ந்த நித்திரை செய்தான். சிறிது நேரத்தில் ஆலமரத்தின் சிறிய பழம் ஒன்று அவன் தலையில் விழுந்தது. பூசணிக்காயை நினைத்துக்கொண்டே படுத்திருந்த அவன் தன் தலையில் பூசணிக்காய் தான் விழுந்து விட்டது என்று அலறி அடித்து கொண்டு எழுந்து பார்த்தபோது ஒரு குட்டி ஆலம்பழம் ஒன்று உருண்டு கிடந்தது. 'இந்த பெரிய மரத்தில் பூசணிக்காய் போன்ற பெரிய பழத்தை படைத்திருப்பீரானால் என் தலை தப்பியிருக்காது. ஞானமான உம் செயலுக்கு நன்றி' என்றான்.

ஆம் நம் தேவன் அனந்த ஞானமுள்ளவர்.

தகப்பனின் அன்பு

2014-12-05T19:10:00.000-08:00

ஒரு தாயற்ற பெண் பிள்ளையை அவளுடைய தகப்பன் பரிவோடு வளர்த்து வந்தார். அவளுடைய தேவைகளை எல்லாவற்றையும் சந்தித்து தாய்க்கு தாயாகவும், தந்தைக்கு தந்தையாகவும் அவளை அன்புடன் வளர்த்து வந்தார். அந்த பிள்ளையும் அந்த தகப்பனிடம் அன்புடன் வளர்ந்து வந்தாள். ஒரு நாள் அவர் அந்த பிள்ளையை பார்த்து, 'நீ இன்று வெளியில் விளையாட போக வேண்டாம்' என்று கூறினார். அவள் தினமும் தன் தோழிகளோடு விளையாடுவது வழக்கமாக இருந்தது. அவளும் தன் தகப்பனிடம் சரி என்று கூறிவிட்டு, தன் அறையில் வேறு ஏதாவது செய்யலாம் என்று அமர்ந்தாள். அப்படி அவள் அமர்ந்த போது, அவளுடைய தோழிகள் விளையாடும் சத்தம் கேட்டது. அவளால் உட்கார்ந்திருக்க முடியவில்லை. சற்று நேரம் பார்த்தாள். அவளால் தாக்கு பிடிக்க முடியவில்லை, சரி, தகப்பன் வேலைக்கு போயிருப்பார், நான் விளையாடுவது அவருக்கு எங்கே தெரிய போகிறது என்று நினைத்து, விளையாட சென்று, நன்கு விளையாடிவிட்டு, எல்லாருக்கும் பை சொல்லிவிட்டு வீட்டிற்குள் நுழைந்தாள். அப்போதுதான் அவளுடைய மனதில் வேதனை ஆரம்பித்தது, தன் தகப்பனின் சொல்லிற்கு கீழ்ப்படியவில்லை என்று, அதையே நினைத்து சென்று கொண்டிருந்தபோது, முன்னால் மாட்டப்பட்டிருந்த படத்தை காணாமல், போய் இடித்து, அது அந்த படம் கீழே விழுந்து, நொறுங்கி போனது, அவளுக்கும் தலையில் நல்ல அடி!

அவள் இருதயத்தில் தகப்பனுக்கு கீழ்ப்படியவில்லை என்ற துக்கம், தலையின் வேதனை வேறு, வேகமாக தன் அறைக்குள் சென்று படுக்கையில் படுத்து, விசும்ப ஆரம்பித்தாள். அப்போது அந்த வீட்டிற்கு வேலைக்கு வரும் பெண், 'நீ போய் உன் அப்பாவை பார், நடந்ததை சொல்' என்று கூறினாள். ஆனால் அந்த பிள்ளையோ, ஷநான் எப்படி என தகப்பனின் முகத்தில் விழிப்பேன், நான் அவர் சொல்லை கேட்கவில்லையே' என்று அழ ஆரம்பித்தாள். அதற்கு அந்த பணிப்பெண், 'உன் தகப்பனின் அன்பு நீ செய்கிற காரியத்தை பொறுத்தா இருக்கிறது? நீ அவருடைய மகள் அல்லவா?' என்று கூறினாள். அதனால் தைரியமுற்று, அந்த பிள்ளை தன் தகப்பனிடம் சென்று, 'அப்பா, என்னை மன்னித்து விடுங்கள்' என்று அவருடைய கரத்தை பற்றி கொண்டு அழ ஆரம்பித்தாள். அப்போது அவளுடைய தந்தை, 'மகளே, நீ என் சொல்லை கேளாமல், விளையாட போனதும் தெரியும், விளையாடிவிட்டு, வரும் வழியில் மாட்டப்பட்டிருந்த படத்தில் மோதி, தலைக்கு அடிபட்டதும் தெரியும், நீ வருவாய் என காத்திருந்தேன், அந்த வலிக்கு தடவி கொடுக்கலாம் என்று, ஆனால் நீ என்னிடம் வரவேயில்லை' என்று கூறினார். 'அது எப்படி உங்களுக்கு தெரியும், நீங்கள் வேலைக்கு போகவில்லையா?' என்று அந்த பிள்ளை கேட்டாள். அதற்கு தந்தை 'இன்று நான் உன்னுடன் நேரத்தை செலவழிப்பதற்காக விடுமுறை போட்டேன், ஆனால், நீ விளையாட போய் விட்டாயே' என்று கூறி, 'மகளே, நீ என்னுடைய மகள், ஆகையால் நீ தவறு செய்தாலும் நீ என்னிடம் வரும்போது, நான் உன்னை மன்னித்து, உன்னை ஏற்று கொள்வேன். ஆனால் நீ தான் நான் ஏற்று கொள்வேனோ மாட்டேனோ என்று தயங்கி என்னிடம் வராமல் போனாய்' என கூறினார். அப்போது மகள், அவருடைய கழுத்தை கட்டிக்கொண்டு, ஷநன்றி அப்பா' என கூறி முத்தமிட்டாள்.

நம்முடைய தேவனும் அப்படித்தான், அவர் நம்மேல் அன்புகூருவது நாம் செய்கிற நல்ல காரியங்களுக்காகவோ, அவருக்காக நாம் படுகிற பாடுகளுக்காகவோ அல்ல, நாம் அவருடைய பிள்ளைகளாய் இருப்பதினால் மாத்திரமே அவர் நம்மேல் அன்பு கூறுகிறார். 'கிறிஸ்துவின் நாமத்தின்மேல் விசுவாசமுள்ளவர்களாய் அவரை ஏற்றுக் கொண்டவர்கள் எத்தனைபேர்களோ, அத்தனைபேர்களும் தேவனுடைய பிள்ளைகளாகும்படி, அவர்களுக்கு அதிகாரங் கொடுத்தார்' - (யோவான் 1:12) என்று வேதம் நமக்கு கூறுகிறது.

அந்நிய பாஷை

2014-12-03T19:09:00.000-08:00

அந்நிய பாஷை.. வரமா? பேசாதவர்களுக்கு சாபமா?
ஓர் கிறிஸ்தவராக இங்கே அதை ஆராய்ந்து பார்போமே?

அந்நிய பாஷை எப்போது ஆரம்பித்தது? யார் மூலமாக உலகத்திற்கு வெளிப்பட்டது? பழைய ஏற்பாட்டு பரிசுத்தவான்கள் எல்லாம் அந்நிய பாஷையில் கர்த்தரோடு பேசினார்களா? அந்நிய பாஷை பேசினால் தான் கர்த்தரோடு ரகசியம் பேச முடியுமா? அந்நிய பாஷை பேசினால் தான் பரலோகமா? அந்நிய பாஷை பேசுபவர்கள் எல்லாம் அதிகப்ரசங்கிதனம் பண்ணுகிறார்களா? அவர்கள் மட்டும் தான் பரிசுத்தவான்களா? பரலோகம் செல்வதற்கு இது ஓர் அடையாளமா? அன்னியபாஷை பேசும்போது மட்டும் பரிசுத்த ஆவியானவரால் நிரப்பபடுகிறோமா? இயேசு கிறிஸ்து அன்னியபாஷை பேசினாரா? என்ற பல கேள்விக்கு இங்கே சில வரிகளில் பதில் தேடுவோமே?

முக்கியமாக அந்நிய பாஷைக்கு அடித்தளமாக அமைவது அப்போஸ்தலர் 2ம் அதிகாரம். பெந்தேகோஸ்தே நாளில் ஆவியால் நிரப்பப்பட்டவர்கள் அந்நிய பாஷை unknown tongues பேசவில்லை. பல பாஷைகளை Other Tongues பேசினார்கள். இரண்டிற்கும் வித்தியாசம் உண்டு. அந்நிய பாஷை என்பது ஒன்று தானா? அல்லது பல பாஷைகள் அடங்கியதா? இதற்கு பதில் அப்போஸ்தலர் 2:4 4. அவர்களெல்லாரும் பரிசுத்த ஆவியினாலே நிரப்பப்பட்டு, ஆவியானவர் தங்களுக்குத் தந்தருளின வரத்தின்படியே வெவ்வேறு பாஷைகளிலே பேசத்தொடங்கினார்கள்.

ஆவியின் நிரப்புதல் அன்னியபாஷைகோர் அடையாளமா? அநேகர் அப் 2:1-4 வசனங்களை மேற்கோள்காட்டி பரிசுத்த ஆவியினால் நிரப்பப்படவேண்டும் என்றால் இடிமுழக்கமும், அக்கினிமயமான நாவுகளும், அந்நியபாஷையும் கண்டிப்பாக காணப்படவேண்டும். இதுவே பரிசுத்த ஆவியின் அடையாளம் என்று வாதிடுபவர்கள் உண்டு. வேதாகமத்தில் பல இடங்களில் பரிசுத்த ஆவியானவரால் தேவனின் பிள்ளைகள் நிரப்பட்டபோது பல அடையாளங்கள் நடந்தன.

1). அப் 4:31ல் மீண்டும் ஆவியானவரால் நிரப்பப்படும்பொழுது இடம் மட்டும் அசைந்தது. 2). ஸ்தேவான் ஆவியானவரால் நிரப்பப்படும்பொழுது தரிசனம் கண்டான் (7:55). 3). சமாரியர் பரிசுத்த ஆவியானவரைப் பெற்றபொழுது அடையாளங்கள் எதுவும் நிகழவில்லை. (8:16,17). 4). சவுல் பரிசுத்த ஆவியானல் நிறைந்தபொழுது மீன் செதில்கள் போன்றவைகள் கண்களிலிருந்து விழுந்தன (அப் 9:17). 5). பரிசுத்த ஆவியானவர் கொர்நேலியு வீட்டார்மீது இறங்கினபோது பல பாஷைகளைப் பேசினார்கள்(அப் 10:44-46). 6). எபேசுவின் சீஷர்கள் மீது ஆவியானவர் வந்தபொழுது அவர்கள் அந்நிய பாஷை பேசினார்கள். தீர்க்கதரிசனமும் சொன்னார்கள் (19:6).

இவர்கள் எல்லாரும் ஒரே இடத்தில் கூடி அவரவர்கள் பெற்ற அனுபவத்தைக்கூறி சாட்சி சொன்னால் என்ன நடக்கும்? ஒருவர் ஆவியானவரைப் பெற்றதற்கு அடையாளம் மீன் செதில்கள் போன்றவை கண்களிலிருந்து விழவேண்டும் என்பார். இன்னொருவர் இல்லை, தரிசனம் காணவேண்டும் என்பார். மற்றவர் இல்லவே இல்லை. அந்நியபாஷைதான் பேசவேண்டும் என்பார், இல்லை தீர்க்கதரிசனம் சொல்லவேண்டும் என்பார் வேறொருவர். எல்லாவற்றிற்கும் மேலாக சமாரியர் என்ன சொல்லியிருக்கவேண்டும். எங்களுக்கு ஒன்றுமே நடைபெறவில்லையே!. எனவே அடையாளம் ஒன்றும் அவசியமேயில்லை என்பார்கள்.

புதிய ஏற்பாட்டில் 16 பாஷைக்காரர்கள் உள்ளடக்கிய கொரிந்து சபையில் எழுந்த பாஷை பிரச்சனைக்காக அந்த ஒரு சபைக்காகமட்டும் பாஷைகளைக்குறித்து பவுல் எழுதுகிறார். யோவான் சின்ன ஆசியாவிலுள்ள ஏழு சபைகளுக்கு தன் தரிசனத்தைப்பற்றி எழுதும்போது அதில் பல விஷயங்களைப்பற்றி எழுதிய அவர் அந்நியபாஷைப்பற்றி எதையும் எழுதவில்லையே!

வரம் என்பது கர்த்தரால் கொடுக்கப்படவேண்டிய ஒன்று - கேட்கப்படவேண்டிய ஒன்றல்ல.

அன்னியபாஷை பேசுவது தவறா? பதில்: இல்லை. அந்நியபாஷையை பற்றி தேவன் குறித்துவைத்திருப்பதினால் அது தவறல்ல. தவறென்று சொல்பவர்கள் வேதத்திற்கு விரோதமானவர்கள். மாற்கு 16:14 ல் அந்நிய பாஷை விசுவாசிகளின் அடையாளம் என்று போடப்பட்டுள்ளது. 1 கொரிந்தியர் 12 தேவன் தம்முடைய தீர்மானத்தின்பாடு ஒருவருக்கு சுகமளிக்கும் வரத்தையும், மற்றொருவருக்கு தீர்க்கதரிசனம் சொல்லும் வரத்தையும், மற்றொருவருக்கு நவமான பாஷைகள் பேசும் வரத்தையும் கொடுக்கிறார். 1 கொரிந்தியர் 12: 7. ஆவியினுடைய அநுக்கிரகம் அவனவனுடைய பிரயோஜனத்திற்கென்று அளிக்கப்பட்டிருக்கிறது. உங்களுக்கு அந்நிய பாஷை பிரயஜோனமாய் இருக்காதென்றால் தேவன் அதை கொடுக்க மாட்டார்.

ஆதலால் அன்னியபாஷை பேசுவது தவறல்ல. ஆனால் அதை எப்படி கையாள வேண்டும் என்று பரிசுத்த ஆவியானவர் பவுல் மூலம் தெளிவாக கூறியிள்ளார். எல்லாரும் தீர்க்கதரிசிகளா? எல்லாரும் போதகர்களா? எல்லாரும் அற்புதங்களைச் செய்கிறவர்களா? எல்லாரும் குணமாக்கும் வரங்களுடையவர்களா? எல்லாரும் அந்நியபாஷைகளைப் பேசுகிறார்களா? எல்லாரும் வியாக்கியானம் பண்ணுகிறார்களா? ஆதலால் முக்கியமான வரத்தை நாடுங்கள்.

அந்நிய பாஷை என்ற பெயரில் பல பள்ளிகூடங்கள் சபைகளில் ஆரம்பிக்கப்பட்டுள்ளன. இதனை வன்மையாக நாங்கள் கண்டிக்கிறோம். யாரையும் அந்நிய பாஷை பேச சொல்லி வற்புறுத்தாதீர்கள். அந்நிய பாஷை பேசுபவரை தடை செய்யாதிருங்கள். அது தேவன் கொடுத்த வரம். தேவனோடு ரகசியம் பேசுவதற்கு கொடுக்கப்பட்டுள்ள வரம். யாரும் இதை குறைவாக மதிப்பிட வேண்டாம். தவறாக கருத்தக்களையும் இங்கே பதிவிட வேண்டாம்.

அந்நிய பாஷை பரிசுத்த ஆவியானரின் நிரப்புதளுக்கு அடையாளம் அல்ல. இரட்சிப்பின் அடையாளம் அல்ல. பரலோகம் செல்ல கற்றுக்கொள்ளவேண்டிய மந்திரமும் அல்ல. ஜெபம் செய்வதற்கு பயன்படுத்தப்படும் மொழியும் அல்ல. விசுவாசிகள் கட்டாயம் பெற்றுகொள்ளவேண்டிய நிச்சயம் அல்ல. போதகராய், ஊழியனாய் இருப்பதற்கு வேண்டிய ஆதாரமும் அல்ல.

இது தேவனின் வரம். அவனவனுக்கு பிரயோஜனம் உண்டாயிருக்கும்படி தேவன் வரங்களை பகிர்தளிகிறார். அன்பில்லாமல் அந்நியபாஷை பேசுவதில் ஒரு பிரயோஜனமும் இல்லை! அந்நியபாஷை பேசுபவர்களிடத்தில் காணப்படும் பெருமையும், அந்நியபாஷை பேசாதவர்களை இவர்கள் தாழ்வாக காணும் மனப்பான்மையும்.. இவர்களின் அன்பின் தாழ்ச்சியையே காட்டுகிறது.

"அந்நியபாஷையில் பேசுகிறவன், ஆவியினாலே இரகசியங்களைப் பேசினாலும், அவன் பேசுகிறதை ஒருவனும் அறியாதிருக்கிறபடியால், அவன் மனுஷரிடத்தில் பேசாமல், தேவனிடத்தில் பேசுகிறான்" 1 கொரிந்தியர் 14:2
"அந்நியபாஷையில் பேசுகிறவன் தனக்கே பக்திவிருத்தி உண்டாகப் பேசுகிறான்" 1 கொரிந்தியர் 14:4
"நீங்களெல்லாரும் அந்நியபாஷைப் பேசும்படி விரும்புகிறேன். ஆகிலும், அந்நியபாஷைகளில் பேசுகிறவன் சபைக்குப் பக்திவிருத்தி உண்டாகும்படிக்கு அர்த்தத்தையும் சொல்லாவிட்டால், தீர்க்கதரிசனஞ் சொல்லுகிறவன் அவனிலும் மேன்மையுள்ளவன் 1 கொரிந்தியர் 14:5,6
"அந்நியபாஷைகள்" கண்டிப்பாய் வியாக்கியானம் செய்யப்படவேண்டும்!

"இப்படியிருக்க, சகோதரரே, தீர்க்கதரிசனஞ்சொல்ல நாடுங்கள், அந்நியபாஷைகளைப் பேசுகிறதற்கும் தடைப் பண்ணாதிருங்கள். சகலமும் நல்லொழுக்கமாயும், கிரமமாயும், செய்யப்படக்கடவது"
இவ்வுலகத்தில் உன்னதமான கிறிஸ்தவர்களாய் திகழ்ந்தவர்கள், அந்நியபாஷை பேசினார்களோ இல்லையோ....ஆனால், இவர்கள் தங்கள் ஆண்டவராகிய இயேசுவின் மீது முழு இருதயமான சொல்லிமுடியாத நேசம் கொண்டிருந்தார்கள்! பேதுரு, யாக்கோபு, யோவான், பவுல் போன்ற சீஶர்கள் அந்நியபாஷை பேசினார்கள்! ஆனால், நமக்குத் தெரிந்தவரை ஜான்வெஸ்லி, சார்லஸ் பின்னி, D.L.மூடி, A.B. சிம்ஸன், வில்லியம்பூத், C.T.ஸ்டட், வாட்ச்மேன் நீ போன்ற தேவ மனிதர்கள் ஒருபோதும் அந்நியபாஷை பேசியதேயில்லை! ஆனால், அவர்கள் அனைவரும் சிலுவையின் வழியில் நடந்து சென்றார்கள்! ஆம், இவைகள்தான் அவர்கள் வாழ்வின் "மையமாய்" இருந்தது... மற்ற அனைத்தும் அவர்களுக்கு இரண்டாவதாகவே இருந்தது!!

கிறிஸ்துவின் பணியில்
தமிழ்நாடு கிறிஸ்தவ ஊழியங்கள்

வெள்ளியை போல புடமிடுகிறவர்

2014-12-02T19:01:00.000-08:00

ஒருமுறை ஒரு போதகர் தன் மக்களுக்கு இந்த வசனத்தை குறித்து போதித்து கொண்டிருந்தபோது, அதில் பங்கெடுத்த சில சகோதரிகளுக்கு எப்படி தட்டான் வெள்ளியை சுத்திகரிப்பான் என்றும், அந்த காரியம் எப்படி தேவனோடு சம்பந்தப்படுத்தி எழுதியிருக்கிறது என்றும் பார்க்க தோன்றியது. அதன்படி ஒரு சகோதரி, தான் போய் தட்டானுடைய இடத்திற்கு சென்று பார்த்துவிட்டு, அடுத்த வாரம் அதை குறித்து மற்றவர்களோடு பகிர்ந்து கொள்ள போவதாக சொல்லி போனார்கள்.

அதன்படி, ஒரு வெள்ளி தட்டானை கண்டுபடித்து, அவர் எப்படி அதை சுத்திகரிக்கிறார் என்பதை பார்க்க வேண்டும் என்று கேட்டு கொண்டு ஒரு நாளை குறித்து, அதன்படி அங்கு போனார்கள். தான் எதற்காக அப்படி கேட்கிறார்கள் என்பதை அந்த மனிதரிடம் எதுவும் சொல்லாமல், அவர் செய்வதை பார்க்க ஆரம்பித்தார்கள்.

அவர்கள் பார்த்து கொண்டிருந்தபோது, அந்த தட்டான் தன் கையிலிருந்த வெள்ளியை எடுத்து, நெருப்பில் காட்ட ஆரம்பித்தார். அப்போது அவர் சொன்னார், 'இந்த வெள்ளி, நெருப்பின் நடு மையத்தில் வைத்து, சூடு காட்டப்பட வேண்டும். ஏனென்றால், நடுவில்தான் நெருப்பின் அதிகபட்சம் சூடு இருக்கும், அப்படி காண்பித்தால்தான், வெள்ளியிலிருக்கிற அழுக்கு எல்லாம் மாறும்' என்று கூறினார்.

அப்போது அந்த சகோதரி 'அவர் உட்கார்ந்து’ என்ற இடத்தை நினைவு கூர்ந்து, அந்த தட்டானிடம், “நீர் உட்கார்ந்து தான் அதை நெருப்பில் காட்ட வேண்டுமா” என்று கேட்டதற்கு, அவர், “ஆம், அந்த வெள்ளி நெருப்பில் காட்டி முடியும்வரை நான் இங்கு உடகார்ந்து தான் ஆக வேண்டும், மட்டுமல்ல என் கண்கள் அதன் மேலேயே இருக்க வேண்டும், ஒரு நிமிடம் அதிக நேரம் இந்த வெள்ளி நெருப்பில் இருந்தாலும், அது ஒன்றுமில்லாமற் சேதமாகி போய் விடும்” என்று கூறினார். அதை கேட்ட அந்த சகோதரி, சற்று நேரம் அமைதலாய் இருந்த பின், ‘நீர் எப்படி இந்த வெள்ளி சுத்தமாயிற்று என்று அறிவீர்’ என்று கேட்டதற்கு, அவர், 'அது மிகவும் சுலபம், என் சாயல் அதில் தெரியும்' என்று கூறினார்.

ஓ! எத்தனை உண்மை! நம் தேவன் எத்தனை அருமையானவர்! நீங்கள் ஒரு வேளை நெருப்பின் நடுவில் போடப்பட்ட வெள்ளியை போல இருக்கிறேன் என்று நினைக்கிறீர்களா? என்னால் தாங்க முடியாத வேதனைகளும் சோதனைகளும் என்னை சூழ இருக்கிறது என்று துவண்டு போயிருக்கிறீர்களா? தேவன், உங்களை உட்கார்ந்து, வெள்ளியை புடமிடுகிறது போல புடமிட்டு கொண்டிருக்கிறார்.

வேதாகமமும் அறிவியலும் பதிவு 4

2014-11-30T18:38:00.000-08:00

வேதாகமமும் அறிவியலும் பதிவு 4

எனக்கன்பான தேவ ஜனமே, இந்த பதிவில் வேதாகமத்தில் கூறப்பட்டுள்ள விஞ்ஞான கருத்துக்களை உங்கள் முன் வைக்கிறேன். பரிசுத்தர் இயேசுவின் நாமம் மகிமைப்படுவதாக. ஆமென்.

1. பல நட்சத்திரங்கள் உருவாகும்
வேதாக வசன ஆதாரம் : ஆதியாகமம் 22:17 - உன் சந்ததியை வானத்தின் நட்சத்திரங்களைப் போலவும், கடற்கரை மணலைப்போலவும் பெருகவே பெருகப் பண்ணுவேன்.
நாசா விண்வெளி ஆராய்ச்சி முடிவு - 1-5-2006 அன்று வெளியிடப்பட்டது http://www.nasa.gov/centers/goddard/news/topstory/2006/milkyway_seven.html

இதற்கு ஆதாரமாக பல விண்வெளி ஆய்வு நிறுவனங்கள் கொடுத்துள்ள பதிவுகள் http://www.space.com/1917-dozen-stars-born-milky-year.html

இந்த பதிவுகளில் கூறியுள்ள படி பால்வெளி மண்டலத்தில் வருடந்தோறும் பல நட்சத்திரங்கள் உருவாகுமாம். நாசா விண்வெளி ஆராய்ச்சி நிறுவனம் சுமார் 6 அல்லது 7 புதிய நட்சத்திரங்கள் உருவாகும் என கணக்கிட்டு உள்ளனர். இதனை மற்ற நாடுகளின் ஆராய்ச்சி நிறுவனங்களும் ஏற்றுக்கொண்டுள்ளன. ஓர் பால்வெளி மண்டலத்தில் 7 உருவாகும் என்றால் இந்த பிரபஞ்சத்தில் பல பால்வெளி மண்டலங்கள் உள்ளது. இவ்வாறு இருக்கும் பொது ஓர் வருடத்தில் எத்தனை நட்சத்திரங்கள் உருவாகும்? உங்களால் கணக்கிட முடியுமா? முடியாது. அதனை போலத்தான் நம் தேவனின் ஆசீர்வாதத்தையும் உங்களால் எண்ணி பார்க்க முடியாது.

நமது வேதாகமத்தில் இந்த நட்சத்திர பெருக்கத்தை குறித்து ஆதியாகமத்தில் எழுதப்பட்டுவிட்டது. இதனை எழுதியவர் மோசே. எழுதப்பட்ட வருடம் கி.மூ 4000 வருடங்களுக்கு முன். மோசே விண்வெளி ஆராய்ச்சியாளரா? இல்லை நண்பரே. ஆனால் அவர் வின்னுலகை படைத்த இயேசு கிறிஸ்துவின் விசுவாசி. இவர் எழுதியது இன்று தான் உண்மை என்று பலருக்கும் தெரிகிறது. நட்சத்திரங்கள் உருவாகுமா? தேவன் ஆசீர்வதிக்கும் போது நான் உன்னை நட்சத்திரங்களை போல பெருக பண்ணுவேன் என்றார். நாம் பெருகுகின்றோம், நட்சத்திரம் பெருகுகிறதா? ஆம் என்று நிரூபிக்கப்பட்டுவிட்டது.

2. கடற்கரை மணல் உருவாகி பெருகும்
வேதாகம வசன ஆதாரம் - ஆதியாகமம் 22:17 கடற்கரை மணலைப்போலவும் பெருகவே பெருகப் பண்ணுவேன்.
ஆராய்ச்சி முடிவு - கடற்க்கரை மணல் உருவாகும்.
http://geology.com/stories/13/sand/

இப்படிப்பட்ட மணல் கடற்க்கரை காற்றில் ஏற்படும் மாற்றங்கள், மற்றும் கடல் அரிப்புகள், போன்றவைகளால் உருவாகும் என நிருபிக்கப்பட்டுள்ளது. http://global.britannica.com/EBchecked/topic/521932/sand-dune/49752/Formation-and-growth-of-dunes
"The wind adjusts its velocity gradient on reaching the sand patch; winds above a certain speed decrease their near-surface velocity and deposit sand on the patch. This adjustment takes place over several metres, the sand being deposited over this distance, and a dune is built up. " இதில் dune என்ற வார்த்தையின் அர்த்தம் a mound or ridge of sand or other loose sediment formed by the wind, especially on the sea coast or in a desert.

ஒருவேளை வேதாகமத்தில் கடற்க்கரை மணல் அல்லாமல் வேறு நிலப்பகுதி மணலை பற்றி கூறி இருந்தால் கருத்து மாறுபாடாக இருந்திருக்கும். ஆனால் வேதாகமத்தில் மோசே தேவ ஞானத்தால் எழுதியது ஆச்சரியமாகுமா? இன்றைய விஞ்ஞான துறைக்கு ஆச்சரியமே. தேவ பயத்தோடு நாம் எழுதும் ஒவ்வொரு காரியமும் விஞ்ஞானத்தை மிஞ்சும் என்பதற்கு இதனை விட என்ன ஆதாரம் வேண்டும்?

3. பூமி வெட்டவெளியில் தொங்குகிறது.
வேதாகம வசன ஆதாரம் - யோபு 26:7 அவர் உத்தரமண்டலத்தை வெட்டவெளியிலே விரித்து, பூமியை அந்தரத்திலே தொங்கவைக்கிறார்.
அறிவியல் கண்டுபிடிப்பு - நாசா விண்வெளி ஆராய்ச்சி முடிவுகள், இந்தியாவின் ஆராய்ச்சி முடிவுகள் ஒத்துக்கொண்டுள்ளன. http://spaceplace.nasa.gov/geo-orbits/en/

ஆதிகால மனிதர்கள், அறிவியல் ஆய்வாளர்கள் இந்த உலகம் எதோ ஒன்றில் அமர்ந்திருப்பதாகவும் அல்லது எதோ ஓர் மிருகம் தாங்கி கொண்டிருப்பதாகவும் படம் வரைந்தனர். ஆனால் பரிசுத்த வேதாகமம் தெளிவாக இந்த பூமி அவாந்திர வெளியில் அதாவது வெட்டவெளியில் தொங்குகிறது என்று கூறி இருக்கிறது. யோபுவின் புஸ்தகம் எழுதப்பட்டது 4000 வருடங்களுக்கு முன்னராக இருந்தாலும் அதை கடந்து பல ஆயிரம் வருடங்களுக்கு முன் வாழ்ந்தவர் யோபு. ஆபிரகாமின் காலத்தில் வாழ்ந்தவர் என்று பல ஆதாரங்கள் கூறுகின்றன. பல ஆயிரக்கணக்கான வருடங்களுக்கு முன்னமே இந்த காரியம் மனிதனுக்கு தேவனால் வெளிப்படுத்தப்பட்டது.
Many ancient peoples believed that the world was a flat disk supported by a giant or an animal, such as a buffalo or a turtle.
http://www.clarifyingchristianity.com/science.shtml

4. மரபணு வளர்ச்சியின் அவசியம்
வேதாகம வசனம் - ஆதியாகமம் 1:11-12
தங்கள் தங்கள் ஜாதியின்படியே தங்களில் தங்கள் விதையையுடைய கனிகளைக் கொடுக்கும் விருட்சங்களையும் முளைப்பித்தது; தேவன் அது நல்லது என்று கண்டார்.
அறிவியல் ஆராய்ச்சி ஆதாரம் -http://www.ncbi.nlm.nih.gov/pubmed/22382462
http://www.globalsciencebooks.info/JournalsSup/images/SF/GGG_1%281%291-20.pdf

மனிதனில் உள்ள வித்து தான் இன்னொரு மனிதனை உருவாக்க முடியும். இது எல்லோருக்கும் தெரிந்த ஓர் தெளிவான உண்மை. கணிகளுக்கும், புல் பூண்டுகளுக்கும் இப்படிதான் என்பது ஆராய்ச்சி செய்யாமலே 4000 வருடங்களுக்கு முன் எழுதப்பட்டதா? அதுவும் உலக ஆரம்பத்தில் இருந்தே இந்த உண்மையை தேவன் மனிதனுக்கு புரிய வைத்திருந்தார். இந்த வசனத்தில் "தங்கள் தங்கள் ஜாதியின்படியே தங்களில் தங்கள்" என்ற வார்த்தையை கவனிக்கவும். நமக்குள் இருக்கும் வித்து எப்படி இன்னொரு மனிதனை உருவாக்க வல்லதோ அதை போல கனிகளில், செடிகளில் உள்ள வித்துக்கள் அந்தந்த கனிகளை மட்டுமே கொடுக்கும். கணவனும் மனைவியும் இணையும் போது குழந்தை பிறக்கிறது. சிங்கமோ, கரடியோ பிறக்குமா? குருவியோ, மரமோ பிறக்குமா? நிச்சயமாக முடியாது. யார் இந்த அதிசயத்தை செய்திருப்பார். இயற்கையாக நடந்திருக்குமா? நிச்சயம் உருபாக்குபவர் வேண்டும் அல்லவா? அவர் நம் தேவனே.. இந்த உண்மையும் வேதாகமத்தில் பல ஆயிரக்கணக்கான வருடங்களுக்கு முன்னமே எழுதப்பட்டு விட்டது. http://animalsmart.org/animal-science/the-fields-of-animal-science/breeding-and-genetics/important-terms-in-breeding-and-genetics

5. இந்த பூமியின் மண்ணிலே உருவாக்கப்பட்டவன் மனிதன்
வசன ஆதாரம் - ஆதியாகமம் 2:7 தேவனாகிய கர்த்தர் மனுஷனைப் பூமியின் மண்ணினாலே உருவாக்கி, ஜீவசுவாசத்தை அவன் நாசியிலே ஊதினார், மனுஷன் ஜீவாத்துமாவானான்.
ஆராய்ச்சி முடிவுகள் - http://www.theregister.co.uk/2013/11/06/science_and_religion_agree_life_and_mankind_are_from_clay/
http://www.foxnews.com/science/2013/11/06/new-study-suggests-man-came-from-clay-as-bible-suggests/

மனிதன் மண்ணிலே படைக்கப்பட்டதை பல ஆராய்ச்சி நிறுவனங்கள் உறுதி செய்துள்ளன. பழங்கால கிரேக்க, சீன, எகிப்து சித்தாந்தங்களும் கிறிஸ்தவர்களின் வேதாகமமும், இஸ்லாமியர்களின் குரானும் மண்ணிலே மனிதன் பிறந்தான் என்று எழுதி வைத்துள்ளது. ஆனால் மற்ற புத்தகங்கள் கூறும் இந்த கருத்தை பரிசுத்த வேதாகமம் 4000 வருடங்களுக்கு முன்னரே எழுதி வைத்திருந்தது. இதை பல ஆதாரங்கள் நிருபித்துள்ளது
http://en.wikipedia.org/wiki/Creation_of_man_from_clay
http://www.foxnews.com/science/2013/11/06/new-study-suggests-man-came-from-clay-as-bible-suggests/
https://esoriano.wordpress.com/2007/05/25/from-dust-to-man-a-scientific-proof/
இன்னமும் பல வலைத்தளங்கள் உள்ளது.

6. மனஉளைச்சல் / அழுத்தம் எலும்பை உருக்கும்
வசன ஆதாரம் - நீதிமொழிகள் 12:4. குணசாலியான ஸ்திரீ தன் புருஷனுக்குக் கிரீடமாயிருக்கிறாள்; இலச்சை உண்டுபண்ணுகிறவளோ அவனுக்கு எலும்புருக்கியாயிருக்கிறாள்.

மற்றும் நீதிமொழிகள் 14:30 , 15:30 , 16:24 , 17:22
சாலமன் ராஜா கி. மூ 950 வருடங்களுக்கு முன்னமே இந்த எலும்புருக்கி நோயை குறித்து எழுதியுள்ளார். மன அழுத்தமோ ஆவிக்குரிய அழுத்தமோ இருக்குமாயின் அது எலும்பை பாதிக்கும் என்று கூறி இருந்தார். இது உண்மையா? ஆம் என்கிறது மருத்துவ ஆராய்ச்சி குழு. அதாவது தான் நேசித்த ஒருவரின் மூலம் (மனைவி - நீதி 12:4) லட்சை (வெட்கம்) அடைந்தாலோ, பொறாமையின் மூலமாகவோ, மனம் உடைந்த நிலையில் இருக்கும் மனிதனின் எலும்புகள் பாதிக்கப்படும். அதே நேரத்தில் நல்ல செய்தி கேட்பதின் மூலமாகவும், மகிழ்ச்சியான நேரங்களிலும் எலும்புகள் புஷ்டியாக இருக்குமாம். குழந்தை பெரும் ஓர் தாயிடம் எல்லோரும் அன்பாகவே இருப்பார்கள். ஏன் என்றால் அவர்கள் மனம் ஒடிந்தால் அவளின் ஆரோக்கியம் மட்டும் அல்ல அவளின் குழந்தையும் மனதளவிலும், ஆரோக்கியத்திலும் அதிகமாய் பாதிக்கப்படும்.

இதை வைத்து பார்க்கும் போது சாலமன் ராஜா கூறிய மனம் மற்றும் எலும்பு வசனங்கள் எவ்வளவு பெரிய உண்மை...
http://www.apa.org/helpcenter/stress-body.aspx
http://www.webmd.com/balance/stress-management/effects-of-stress-on-your-body

7. குகை மனிதன்
வேதாகம ஆதாரம் - யோபு 30:5,6. அவர்கள் பள்ளத்தாக்குகளின் வெடிப்புகளிலும், பூமியின் கெபிகளிலும், கன்மலைகளிலும் போய் குடியிருந்தார்கள்.
அறிவியல் ஆதாரம் - http://www.huffingtonpost.com/2012/06/28/cavemen-bones-dna-humans_n_1636289.html

குகை மனிதன் இருந்ததாக நமக்கு பல கல்வெட்டு ஆதாரங்கள் இருந்தது. ஆனால் அறிவியல் இதை உறுதி செய்யவில்லை. சமீபத்தில் குகை மனிதர்களின் எலும்புகள் கிடைத்துள்ளது. இது சுமார் 7,000 வருடங்களுக்கு முன் உள்ளதை இருக்கலாம் என்று கூறப்படுகிறது. இந்த குகை மனிதனை பற்றி யோபுவில் பல ஆயிர வருடங்களுக்கு முன்னமே எழுதப்பட்டு விட்டது.
http://www.gotquestions.org/cavemen.html
http://www.matrixbookstore.biz/caveman.htm

8. குழந்தை பிறந்த எட்டாவது நாளில் அதிக ரத்த உறைவு இருக்கும்
வசன ஆதாரம் - லேவியராகமம் 12:3 எட்டாம் நாளிலே அந்தப் பிள்ளையினுடைய நுனித்தோலின் மாம்சம் விருத்தசேதனம்பண்ணப்படக்கடவது.

அக்கால வழக்கப்படி பிறந்த குழந்தைகளுக்கு விருத்தசேதனம் செய்தது நமக்கு தெரிந்த ஓர் விஷயம். இந்த விருத்தசேதனம் பரிசுத்தமாக்குதலுக்காக கொடுக்கப்பட்டது. இதன் மூலம் ஓர் குழந்தையின் பாவபிறப்பு முடிவுக்கு வருகிறது. இந்த விருத்தசேதனம் மனிதனுக்கும் கடவுளுக்கும் உள்ள தொடர்பை குறிக்கிறது. ஆனால் கிறிஸ்தவர்கள் இதை இன்று செய்வதில்லை. காரணம் பரிசுத்த வேதாகமமே. 1 கொரிந்தியர் 7:19. விருத்தசேதனமும் ஒன்றுமில்லை, விருத்தசேதனமில்லாமையும் ஒன்றுமில்லை; தேவனுடைய கற்பனைகளைக் கைக்கொள்ளுகிறதே காரியம்.

தொழில் விருத்தசேதனம் பெறுவதை காட்டிலும் உள்ளத்தில் பாவத்தை வெறுத்து விருத்தசேதனம் அடைந்து பரிசுத்தமாய் வாழ தேவன் அழைக்கிறார். ஒருவன் கிரியையினால் இரட்சிக்கப்பட முடியாது என்று வேதாகமம் போதிக்கிறது. சரி... இந்த விருத்தசேதனம் பழக்கத்தில் இருந்த காலத்தில் தேவன் அதை ஏன் 8ம் நாளில் பண்ண சொன்னார்? எந்த மனிதன் இதை குறித்து ஆராய்ந்தான்?

பிறந்த குழந்தையின் ரத்த உறைவு எட்டாம் நாளில் அதிகமாய் இருக்கும். அந்த நாளில் விருத்தசேதனம் செய்ய வேண்டும். 9ம் நாளில் இருந்து ரத்தஓட்டம் சிறிது சிறிதாக வேகமெடுக்கும். இது அறிவியல் முடிவு. இதனை அக்காலத்தில் நடைமுறையில் இருந்து வந்தது. இதை தேவன் அக்காலத்தில் தம்முடைய பிள்ளைகளுக்கு நடைமுறைபடுத்தி கொடுத்திருந்தார். இது ஓர் அதிசயமே..

இன்றும் இது அறிவியல் பூர்வமாக நிருபிக்கபட்டிருக்கிறது.
http://www.timothylsmith.com/why-does-the-bible-say-that/
http://aliyosshmuel.com/thinkjewish.asp?AID=197

ரோமர் 11:33 ஆ! தேவனுடைய ஐசுவரியம், ஞானம், அறிவு என்பவைகளின் ஆழம் எவ்வளவாயிருக்கிறது! அவருடைய நியாயத்தீர்ப்புகள் அளவிடப்படாதவைகள், அவருடைய வழிகள் ஆராயப்படாதவைகள்!

பிரியமானவர்களே... இதுவரை (1,2,3ம் பதிவுகளில்) சுமார் 30க்கும் மேற்ப்பட்ட அறிவியல் அதிசயத்தை நாம் ஆராய்ந்திருக்கிறோம். இன்று நாம் 8 அறிவியல் அதிசயங்களை வேதாகமத்தோடு படித்தோம். இன்னமும் பல ஆயிரங்கள் உண்டு. தேவனின் பலத்தோடு மிகவிரைவில் உங்கள் கண்முன் கொண்டு வருகிறேன். தேவனின் நாமம் மகிமைப்படுவதாக. ஆமென்.

I கொரிந்தியர் 2:13 அவைகளை நாங்கள் மனுஷஞானம் போதிக்கிற வார்த்தைகளாலே பேசாமல், பரிசுத்த ஆவி போதிக்கிற வார்த்தைகளாலே பேசி, ஆவிக்குரியவைகளை ஆவிக்குரியவைகளோடே சம்பந்தப்படுத்திக்காண்பிக்கிறோம்

ஆக்கம், தொகுப்பு, படைப்பு
கிறிஸ்துவின் பணியில்
தமிழ்நாடு கிறிஸ்தவ ஊழியங்கள் www.facebook.com/TamilNaduChristianMinistries

ஆத்துமா நஷ்டமானால் லாபம் என்ன?

2014-11-26T18:28:00.000-08:00

ஒருகுடியானவன் ஒரு புதிய ஊருக்கு சென்றான். அந்த ஊரின் அழகையும், வளத்தையும் கண்டு மயங்கினான். ஆகவே அந்த ஊரில் தனக்கென்று கொஞ்சம் நிலம் வாங்க எண்ணி, ஊர்த்தலைவரிடம் சென்றான். அவர் அவனிடம் ஆயிரம் ரூபாயை வாங்கிக் கொண்டு, ஒரு இடத்திற்கு அழைத்துச் சென்றார். அவர்களுடன் சில ஊர் மக்களும் சென்றிருந்தனர்.

ஊர்த்தலைவர் அவனைப் பார்த்து, 'எங்கள் ஊர் வழக்கப்படி ஒரு நாள் நிலம் தருகிறோம்' என்றார். 'அப்படியென்றால் என்ன?' என்று வினவினான் குடியானவன். 'அதுவா, நீ இப்பொழுது புறப்பட்டு, எவ்வளவு தூரம் நிலத்தை சுற்றி வருகிறாயோ அந்த நிலமெல்லாம் உனக்கு சொந்தமாகி விடும். ஆனால் இருட்டுவதற்கு முன நீ புறப்பட்ட இடத்தை வந்தடைய வேண்டும். சிறிது தாமதித்தாலும் உனக்கு ஒன்றுமில்லை' என்றார்.

அதிசயமான இந்த முறை அவன் ஆசையை தூண்டி விட்டது. சரியென்று வேட்டியை வரிந்துக் கட்டிக்கொண்டு அவன் ஓட ஆரம்பித்தான். ஆகா! ஒரு அழகிய மாந்தோப்பு, இது கிடைத்தால் எவ்வளவு நலம் என்று அதையும் சுற்றி ஓடினான். கொஞ்ச தூரத்தில் ஓரு பூந்தோப்பு, அருகில் பளிங்கு போன்ற நீர் ஓடும் ஆறு, அதையும் சுற்றி வளைத்துக் கொண்டான். துரவு வயல் என கண்ணில்பட்ட எதையும் விடாமல் சுற்றினான். 'ஆயிரம் ரூபாய்க்கு எவ்வளவு இலாபம்? இந்த ஊர்க்காரர்கள் எத்தனை முட்டாள்கள்?' என எண்ணியபடி ஓடினான். இருட்ட ஆரம்பித்தது.

நிபந்தனை நினைவுக்கு வர தான் கிளம்பின இடத்தை நோக்கி விரைந்தான். கால்கள் தடுமாறின. இதயதுடிப்பு தாறுமாறாக ஓட ஆரம்பித்தது. வியர்த்து ஊற்றியது. நா வறண்டது. கண்கள் ஒளி மங்கின. தள்ளாடினவனாக எப்படியோ இடத்தை வந்து சேர்ந்தான். ஊர்மக்கள் அவனை கரம் தட்டி வரவேற்றனர். சில நொடிக்குள் சாய்ந்து விழுந்தான். விழுந்தவன் எழுந்தரிக்கவே இல்லை. 'இனி ஆறடி நிலம்தான் தேவை அவனை புதைக்க' என்றார் ஊர்த்தலைவர். அந்த குடியானவன் தான் ஆசைப்பட்ட அனைத்தையும் தனக்கு சொந்தமாக்கினான். ஆனால் தன் உயிரையோ இழந்து விட்டான்.

நம்மில் அநேகரின் ஓட்டம் இப்படித்தான் இருக்கிறது. எதிர்காலத்திற்காக சேமிப்பு, பிள்ளைகளுக்காக ஓவர் டைம் சம்பாத்தியம், ஞாயிற்றுக் கிழமைக்கூட கர்த்தரோடு, குடும்பத்தோடு செலவழிக்க மனமில்லை. ஜெபிப்பதற்கு, வேதம் வாசிக்க நேரம் செலவிடுவதில்லை. அவர்களது ஒரே நோக்கம் சம்பாதிப்பது. ஆலயம் செல்பவர்களையும், ஜெபிப்பவர்களையும் ஆவிக்குரிய காரியங்களில் ஈடுபடுகிறவர்களையும் காணும்போது பிழைக்கத் தெரியாத முட்டாள்கள் என்று நினைத்துக் கொள்கின்றனர்.

கை நிறைய சம்பாத்தியம் உள்ளது, ஆனால் உள்ளத்திலோ கவலை, பிள்ளைகள் மனம் போன போக்கில் வளர்ந்ததால் அவர்களைக் குறித்ததான கவலை, தேவ வசனமில்லாத வனாந்தரமான இருதயம் இதனால் என்ன பயன்?

பரிசுத்த வேதாகமத்தை கற்று தரும் தேவன்

2014-11-24T18:23:00.000-08:00

வேதாகம ஆசிரியர் ஒருவர், தன்னுடைய கிழிந்துப்போன வேதாகமத்தை தூக்கிப்பிடித்துக் கொண்டு, 'ஒவ்வொரு விசுவாசியும் வேதாகமத்தை பயன்படுத்தி, ஒவ்வொரு பத்து வருடங்களில் ஒவ்வொரு வேதாகமத்தையும் சேதப்படுத்த வேண்டும்' என்றார். நம்முடைய வேதாகமங்கள் படிப்படியாக தாமாகவே கிழிந்துப் போகும் அளவு நாம் அவற்றை பயன்படுத்த வேண்டும் என்பதே அவருடைய கருத்தாகும்.

பாவத்தினால் தன் மனதை சேதப்படுத்தியவன் சேதமடையாத புத்தம் புதிய வேதாகமத்தை வைத்திருப்பான். சேதமடைந்த கிழிந்த வேதாகமத்தை வைத்திருப்பவனது மனதோ, கர்த்தருக்குள் களிகூர்ந்து பாதுகாப்பாய் இருக்கும்.

ஆம், நாம் ஆர்வமாய் வேதத்தை வாசிக்கிறவர்களாக இருப்பவர்களானால் நாம் சேதமடைவதற்கு பதிலாக நமது வேதாகமம் சேதமடையும். நமது பாவத்தை உணர்த்தி, மனசாட்சியை கூர்மையாக்கி, நம்மை உணர்வுள்ளவர்களாக மாற்றும் உயிருள்ள வார்த்தைகளடங்கிய புத்தகம் நம் வேதாகமம் மட்டுமே!

அலங்கோலத்திலிருந்து அலங்காரம்

2014-11-22T18:51:00.000-08:00

ஸ்காட்லாந்து நாட்டின் வட பகுதியில் அத்தேசத்தின் பாணியில் கட்டப்பட்ட ஒரு பழமையான மாளிகை ஒன்றுண்டு. அதில் பல அறைகள் இருப்பினும் ஒரு அறை மட்டும் மிகவும் விசேஷமானது. அவ்வீட்டைப் பார்வையிட செல்லும் ஓவியரெல்லாம் அவ்வறை சுவர்களில் ஏதாகிலும் ஒரு ஓவியத்தை வரைந்து செல்வது வழக்கம். ஒரு காலத்தில் அவ்வறை மிக நேர்த்தியாக கட்டப்பட்டு அழகிய வர்ணம் பூசப்பட்டதாய் இருந்தது. ஒரு நாள் எதிர்பாராதவிதமாக ஒரு சோடா குடிநீர் சேமிப்பு கலம் வெடித்து அதன் அழகிய சுவரெல்லாம் கறைபட்டு போயின.

அங்கு தங்கியிருந்த பிரபல ஓவியர் சர்.எட்வின் லாண்ட்சீர் என்பவர் அந்த கறைகளை பார்த்தபோது அவை நிலையாக நிற்கும் கறைகள் போல் அவருக்கு தோன்றின. பின் அவர் தன் கலைத்திறனால் அந்த கறைகளை விலைமதிக்க முடியாத ஒர் ஓவியமாக மாற்றிவிட்டார். அதில் அவர் ஒரு நீர்வீழ்ச்சியின் பின்னணி காட்சியை வரைந்தார். அதிலுள்ள பாறைகளும், மரங்களும் அவற்றிற்கிடையில் கெம்பீர தோற்றத்துடன் நிற்கும் ஒரு அழகிய ஆண்மானும் காண்போருக்கு உண்மை காட்சியைப் போல தோற்றமளித்தன். இந்த ஓவியம் ஸ்காட்லாந்தின் சிறந்த மலைக்காட்சி ஓவியங்களில் ஒன்றாக விளங்குகிறது. அன்று அலங்கோலமான கறை இன்று ஆயிரக்கணக்கானோரை தன் பக்கம் இழுக்கும் ஒரு அழகிய காட்சியாய் விளங்குகிறது.

ஒரு காலத்தில் நமது ஆவிக்குரிய வாழ்வும் நன்கு வளர்ச்சியடைந்த தேவனுடைய கண்களுக்கு அழகானதாக காணப்பட்டிருக்கலாம். ஆனால் தற்போதோ நற்சுபாவங்கள், நல்ல பழக்கவழக்கங்கள், மிகச்சிறந்த ஆவிக்குரிய அனுபவங்கள் எல்லாம் மறைந்து பாவ கறை படிந்து அலங்கோலமாய் காணப்படுகிறதோ? முந்தின நாட்களில் என்னில் காணப்பட்ட உன்னத அனுபவங்கள் மீண்டும் துளிர்ப்பது சாத்தியம் தானா? நான் இழந்து போயிருக்கும் ஜெப ஜீவியம் என்னில் புதுப்பிக்கப்படுமோ, எனற அங்கலாய்போடு காண்ப்படுகிறீர்களோ? உங்கள் ஆத்துமா தொய்ந்து போய் உள்ளதோ? சோர்ந்து போகாதீர்கள்!

மரண நாள்

2014-11-21T18:48:00.000-08:00

ஒரு அரசன் மரண தருவாயிலிருந்த தனக்கு பிரியமான அமைச்சரை பார்க்க சென்றிருந்தார். அப்போது அவரிடம், “நீர் அமைச்சராயிருந்தபோது எனக்கு அநேக நன்மையான ஆலோசனைகள் கூறினீர். ஆகையால் நீர் இப்போது எதை கேட்கிறீரோ அதை தருகிறேன்” என்று கூறினார். அப்போது அந்த அமைச்சர், “அரசே, நான் சாவதற்குமுன் ஒரு நாள் எனக்கு கூட்டி தர வேண்டும்' என்று கேட்டார். அதற்கு அரசர், 'என்னுடைய ஆளுகைக்கு உட்பட்ட எந்த காரியத்திலும் நீர் எதை கேட்டிருந்தாலும் நான் அதை உமக்கு கொடுத்திருப்பேன், என்னால் இயலாத காரியத்தை கேட்கிறீர், மன்னிக்கவும், என்னால் அதை தர முடியாது' என்று கூறினார்.

ஆவியை விடாதிருக்கிறதற்கு ஆவியின்மேல் ஒரு மனுஷனுக்கும் அதிகாரமில்லை; மரணநாளின்மேலும் அவனுக்கு அதிகாரமில்லை; அந்தப் போருக்கு நீங்கிப்போவதுமில்லை என்று வேதம் நமக்கு திட்டவட்டமாக தெரிவிக்கிறது. நாம் யாவரும் ஒரு நாளில் மரிக்கவே போகிறோம். ஆனால் அதை குறித்த பயம் தான் மற்ற எல்லா பயங்களிலும் அதிக கடினமானது. கொடுமையானது. நாம் அதை விரும்புகிறோமோ இல்லையோ, ஒரு நாள் நாம் மரணத்தை சந்தித்தே ஆக வேண்டும். நாட்டை ஆளுகிற பெரிய அரசனானாலும், ஒன்றுமே யில்லாத ஆண்டியானாலும் ஒரு நாள் மரணத்தை சந்தித்தே ஆகவேண்டும். அதை பணத்தை கொடுத்து நிறுத்த முடியாது.

அன்றியும், ஒரேதரம் மரிப்பதும், பின்பு நியாயத்தீர்ப்படைவதும், மனுஷருக்கு நியமிக்கப்பட்டிருக்கிறபடியே (எபிரேயர் 9:27) என்று வசனத்தில் எழுதப்பட்டிருக்கிறது. ஆகவே மனிதனாய் பிறந்த ஒவ்வொருவரும் ஒரு நாள் மரிக்கவே வேண்டும். ஆனால் மரணம் என்பது ஒரு முடிவு அல்ல. அநேக மதங்கள் வித்தியாசமாய் போதிக்கின்றன. ஆனால் கிறிஸ்தவம் என்ன போதிக்கிறது? நாம் உலகில் வாழ்வது, நிரந்தரமல்ல, ஆனால் மறுமையில் வாழ்வதே நிரந்தரம் என்று போதிக்கிறது. அதாவது நாம் இந்த பூலோகத்தை விட்டு, தேவனோடு என்றும் வாழும்படியாக நித்திய ஜீவனை பெற்றவர்களாக என்றென்றும் வாழுவோம் என்று வேதம் கூறுகிறது.

கேள்வி கேட்காத கீழ்ப்படிதல்

2014-11-20T18:45:00.000-08:00

பல ஆண்டுகளுக்கு முன் செல்வந்தர் ஒருவர் வேலைக்கு ஆள் வேண்டி விளம்பரம் செயதிருந்தார்; விளம்பரத்தை பார்த்து இளைஞர்கள் பலர் வந்தனர். இரண்டு நாள் அவர் சொன்ன வேலையை செய்தனர். மறுநாளோ ஆட்கள் வருவதை நிறுத்தி கொண்டனர். இறுதியில் ஒரு வாலிபன் வேலைக்கு வந்தான் அவனிடம் அந்த செல்வந்தர் அங்கு கிடந்த ஜல்லி கற்களை எடுத்து சற்று தொலைவில் போய் கொட்ட சொன்னார். மறுநாள் அதை அள்ளி ஏற்கனவே இருந்த இடத்திற்கு வந்து போட சொன்னார். அவ்வாறு ஒரு வாரம் முழுவதும் நடைபெற்றது. ஞாயிறு உனக்கு விடுமுறை என்றார். ஒரு வாரத்திற்கான கூலியையும் கையில் கொடுத்தார்.

திங்கட்கிழமை அவர் சற்றும் அந்த வாலிபனை எதிர்ப்பார்க்கவில்லை. ஆனால் அவ்வாலிபனோ திங்கட்கிழமை காலை சொன்ன நேரத்திற்கு வேலைக்கு வந்து விட்டான். ஏன் எதற்கு என்று எந்த கேள்வியுமின்றி எஜமானின் கட்டளைக்கு அப்படியே உண்மையாய் கீழ்ப்படிந்த வாலிபனுக்கு அவன் படிப்பிற்கும் திறமைக்கும் ஏற்ற உயர்ந்த வேலையை கொடுத்தார். பல இலட்ச ரூபாய் கணக்கு வழக்குகளை பார்க்கவும், முக்கியமான பொறுப்புகளை அவனிடம் கொடுத்து இரகசியம் காக்கவும அவனை நியமித்தார். அவன் உயிருள்ள வரை அவருடைய குடும்பத்தாருக்கு மெய்காப்பாளானாக இருந்தான்.

ஒரு மனிதனுடைய வாழ்க்கையிலே அரைகுறையான கீழ்ப்படிதல் இருக்குமானால் அது ஆபத்தானது. பூமியில் பாவம் பெருகினதினால் தேவன் இவ்வுலகை அழிக்க சித்தமாகி நோவா என்ற தேவ மனிதனுடன் பேசுகிறார், “தொடர் மழை பெய்யபோகிறது, அந்த அழிவிலிருந்து உன்னையும் உன் குடும்பத்தையும் காத்துகொள்ள ஒரு பேழையை செய்” என்று. மழை அதற்குமுன் பூமியிலே பெய்ததா என்பது தெரியவில்லை. ஆனாலும் அது என்ன? ஏன், எதற்கு என எந்த கேள்வியும் கேட்காமல் நோவா கர்த்தர் சொன்ன அளவின்படியே ஒரு இஞ்ச் கூட்டியோ குறைத்தோ கட்டாமல் அவர் சொற்படி கீழ்ப்படிந்து பேழையை செய்தார். அழிவிலிருந்து அவர் குடும்பம் காக்கப்பட்டது.

அடுத்ததாக ஆபிரகாமிற்கு 100 வயதில் பிறந்த பிள்ளையை மோரியா என்ற மலைக்கு கொண்டு போய் தேவன் பலியிட சொன்னார். அப்படியே கர்த்தரின் வார்த்தைக்கு கீழ்ப்படிந்த ஆபிரகாம் தன் மனைவியிடம் கூட சொல்லாமல், எங்கே கூறினால் அழுது தன்னை தடுத்து விடுவாளோ என்று எண்ணி, வேலைக்காரரில் இரண்டு பேரை கூட்டி கொண்டு அதிகாலமே கிளம்பி விடுகிறார், கேள்வி கேட்காத கீழ்ப்படிதலை கண்ட ஆண்டவர் அவரை உலகம் முழுவதற்கும் ஆசீர்வாதமாக மாற்றினார்.

நம் பரம தகப்பனின் அன்பு

2014-11-20T18:18:00.000-08:00

ஒரு சபையின் ஆராதனையில் போதகர் ஆராதனையை முடித்து விட்டு, அன்று பேச வந்திருந்த விசேஷித்த போதகரை குறித்து அறிமுகம் செய்து விட்டு போய் உட்கார்ந்தார். அந்த வயதான போதகரும் ஒரு உதாரணத்தின் மூலம் செய்தியை சொல்ல ஆரம்பித்தார்.

'ஒரு தகப்பனும், அவருடைய மகனும், மகனுடைய நண்பனும், என்று மூவருமாக பசிபிக் கடலில் ஒரு படகில் உல்லாச பயணமாக சென்றிருந்தார்கள். நடுக்கடலில் சென்று கொண்டு இருந்தபோது, திடீரென்று புயல் உருவாக ஆரம்பித்தது. படகு நடுக்கடலில் மாட்டி கொண்டது. தகப்பன் படகை ஓட்ட நன்கு அறிந்திருந்தவரானாலும், படகு புயலில் சிக்கி கொண்டதால் என்ன செய்வது என்று திகைத்த நேரத்தில் படகு கவிழ்ந்து மூன்று பேரும் கடலில் விழுந்தார்கள்' அவர் சொல்லி கொண்டிருந்த சம்பவத்தை இரு வாலிபர்கள் உன்னிப்பாக கேட்டு கொண்டிருந்ததை அந்த போதகர் கவனித்தவாறே அந்த சம்பவத்தை தொடர்ந்தார்.

அந்த தகப்பன், தன் கையில் கிடைத்த கயிற்றை ஒரு பக்கத்தை தன் இடுப்பில் கட்டிக்கொண்டு, மற்ற நுனியை இரண்டு பிள்ளைகளில் யாருக்கு கொடுப்பது என்று மனதில் போராடியவாறு பொங்கி எழும் அலைகளின் மத்தியில் போராடும் தன் மனதை கட்டுப்படுத்தியவாறு, தன் மகன் இரட்சிக்கப்பட்டவன் என்பதையும், மற்றவனோ இன்னும் இரட்சிக்கப்படவில்லை என்பதையும் அறிந்திருந்த தகப்பன், தன் மகனிடம் 'மகனே, நான் உன்னை நேசிக்கிறேன்' என்று கதறியவாறே, அந்த கயிற்றின் மற்றொரு நுனியை எடுத்து, மற்ற பையனிடம் வீசினார். அதை பிடித்தவாறே இருவரும் படகை பிடித்து கொண்டு கரை வந்து சேர்ந்தனர். மகனோ, கொந்தளிக்கும் கடலில் கண்களின் முன்பாக மூழ்கி போவதை கண்டவாறே தகப்பன் கரையில் போய் விழுந்தார். அவனது சரீரம் திரும்ப கிடைக்கவே இல்லை.

இதை சொல்லிவிட்டு போதகர் சற்று நிறுத்தியபோது, அந்த இரண்டு வாலிபர்களும், அவர் என்ன சொல்ல போகிறார் என்று ஆவலோடு அவர் முகத்தை பார்த்து கொண்டிருந்தார்கள்.

போதகர் தொடர்ந்தார், அந்த தகப்பன் தன் மகன் மரித்தாலும், இயேசுவோடு கூட என்றும் ஜீவித்திருப்பான் என்றும், மற்ற வாலிபனோ, ஒருவேளை மரித்திருந்தால், நித்திய நரகத்திற்கு சென்றிருப்பான் என்பதை அறிந்திருந்ததால், நண்பனை காப்பாற்ற வேண்டி தன் சொந்த மகனை அவர் தத்தம் செய்தார்.

நம் பரம தகப்பனும், தம்முடைய ஒரே பேறான குமாரனை நாம் இரட்சிப்படைய வேண்டி, அவரை தந்தருளி, இவ்வளவாய் உலகத்தில் அன்பு கூர்ந்தாரே, இன்றே அவர் அளிக்கும் பாதுகாக்கும் கயிற்றை பிடித்து கொண்டு அவரிடம் வந்து விடுங்கள், இன்றே இரட்சிப்பை பெற்று கொள்ளுங்கள்' என்று கூறி, தன்னிடத்தில் வந்து அமர்ந்தார். அவருக்குப்பின் போதகர் வந்து, சபையை முடித்தபோது, அந்த இரண்டு வாலிபர்களும், அந்த வயதான போதகரின் முன் வந்து, 'நீர் எங்களுக்கு சொன்ன கதை அற்புதமாக இருந்தது, நீங்கள் சொன்ன மாதிரி எந்த தகப்பன், தன் சொந்த மகனை விட்டு விட்டு மற்றவனை காப்பாற்ற முடியும்?' என்று கேட்டார்கள். அப்போது அந்த வயதான போதகர், தன் கண்களை துடைத்து கொண்டு, 'உங்களால் நம்ப முடியவில்லை இல்லையா? உங்களுக்கு தெரியுமா? அந்த தகப்பன் நான் தான் என்றும், என் மகனின் அந்த நண்பன் உங்கள் போதகர் என்றும் சொன்னால் உங்களால் நம்ப முடியுமா?' என்று கேட்டார்.

ஒரு உலகப்பிரகாரமான தகப்பன் தன் பிள்ளையை மற்ற பிள்ளை இரட்சிக்கப்படும்படியாக பலியாக கொடுக்கும்போது, நமது பரம தகப்பன் தமது சொந்த குமாரனை நாம் இரட்சிக்கப்படும்படியாக அனுப்பியது அதிக நிச்சயமல்லவா?

தாகம் தீர்க்கும் ஜீவ நதி

2014-11-19T18:09:00.000-08:00

இஸ்ரவேலில் சுக்கோத் என்னும் கூடார பண்டிகை வருடாவருடம் கொண்டாடப்படுகிறது. அந்த சுக்கோத் பண்டிகையின்போது யூதர்கள் ஏழு நாட்கள் தாங்கள் எகிப்திலிருந்து புறப்பட்டு, கானானுக்குள் செல்வதற்கு முன் வனாந்தரத்தில் 40 வருடங்கள் நடத்திசெல்லப்பட்டதை நினைவு கூர்ந்து, வெளியே கூடாரங்களில் குடியிருப்பார்கள். அந்த பண்டிகையின் கடைசி நாளில் யூதர்கள், சீலோவாம் குளத்தில் இறங்கி, அங்கிருந்து தண்ணீரை மொண்டு கொண்டு வந்து, தேவாலயத்திற்கு கொண்டு வருவார்கள். அங்கு அந்த தண்ணீரை ஊற்றி, ஏசாயா 12-ம் அதிகாரத்தை பாட்டாக பாடுவார்கள். 'நீங்கள் இரட்சிப்பின் ஊற்றுகளிலிருந்து மகிழ்ச்சியோடே தண்ணீர்மொண்டுகொள்வீர்கள்' என்று பாடுவார்கள். அவர்கள் இரட்சிப்பின் ஊற்றாகிய இயேசுகிறிஸ்துவை குறித்து அவர்தான் மேசியா என்று அறியாமலேயே பாடி கொண்டுதான் இருந்தார்கள்.

இயேசுகிறிஸ்து இந்த உலகத்தில் இருந்த போது, ஒரு நாள் இந்த கூடார பண்டிகையின் 'கடைசிநாளாகிய பிரதான நாளிலே இயேசு நின்று, சத்தமிட்டு: ஒருவன் தாகமாயிருந்தால் என்னிடத்தில் வந்து, பானம்பண்ணக்கடவன். வேதவாக்கியம் சொல்லுகிறபடி என்னிடத்தில் விசுவாசமாயிருக்கிறவன் எவனோ, அவன் உள்ளத்திலிருந்து ஜீவத்தண்ணீருள்ள நதிகள் ஓடும்' என்றார். அந்த நேரத்தை சற்று சிந்தித்து பாருங்கள், மேசியாவாகிய கிறிஸ்து முக்கியமான இடத்தில் நின்று கொண்டு, சத்தமிட்டு: 'ஒருவன் தாகமாயிருந்தால் என்னிடத்தில் வந்து, பானம்பண்ணக்கடவன். வேதவாக்கியம் சொல்லுகிறபடி என்னிடத்தில் விசுவாசமாயிருக்கிறவன் எவனோ, அவன் உள்ளத்திலிருந்து ஜீவத்தண்ணீருள்ள நதிகள் ஓடும்' என்று கூறினபோது அங்கிருந்த யூதர்கள் மனதில் என்னவெல்லாம் ஓடியிருக்கும்? யார் இவர்? என்று நினைத்தது மாத்திரமல்ல, அவர்கள் அவர் தீர்க்கதரிசி என்றும், சிலர் கிறிஸ்து என்றும் ஒவ்வொருவரும் ஒவ்வொருவிதமாக அவரை நினைத்து, 'இவ்விதமாக அவரைக்குறித்து ஜனங்களுக்குள்ளே பிரிவினையுண்டாயிற்று' (யோவான் 7:43) என்று பார்க்கிறோம். ஆனாலும் கடைசி வரை அவர்கள் கிறிஸ்துவை ஏற்று கொள்ளவில்லை. ஏனெனில் அவர்களுக்கு தாகம் இல்லை.

இயேசுகிறிஸ்து இன்றும் அந்த அழைப்பை விடுக்கிறார். 'என்னிடத்தில் விசுவாமாயிருந்தால் அவனுடைய உள்ளத்திலிருந்து ஜீவதண்ணீருள்ள நதிகள் ஓடும்' என்று அறைகூவல் விடுக்கிறார். ஆனால் அதற்கு ஒரு நிபந்தனையும் உண்டு, ஒருவன் தாகமாயிருந்தால் மாத்திரமே, அவரிடத்தில் வந்து பானம் பண்ணமுடியும். இன்று உலகில் மனிதர்கள் எதனெதன் பேரிலோ தாகமாயிருக்கிறார்கள். அவர்களுக்கு கிறிஸ்துவின் மேல் தாகம் கிடையாது. ஒரு மனிதன் கிறிஸ்துவின் மேல் தாகமாயிருந்தால், அவரிடம் வரும்போது அந்த தாகம் தீர்க்கப்படும்.