COOLFIRE..

મધ્ય ગુજરાત ના પક્ષીઓ : ભાગ ૪ : નીલ કૂકડી / નીલ જળમુરઘો

2017-04-09T20:22:00.000+05:30

અંગ્રેજી નામ : Purple Swamphen / Grey-headed Swamphen
શાસ્ત્રીય નામ : Porphrio porphyrio
ગુજરાતી નામ : નીલ કૂકડી / નીલ જળમુરઘો

મરઘી ને પક્ષી કહેવું કે કેમ? નીલ કૂકડી ને જોયાં પહેલાં જો કે આવા રંગ - રૂપ વાળી મરઘી જોઈ નહોતી. એવું લાગ્યું જાણે કોઈ બીજા ગ્રહની મરઘી જોઈ રહ્યા છે.

નીલકુકડી આમ તો જલકુકડી/જલમૂરઘી ની પેટાજાતી ગણી શકાય. એની ઘણી બધી પેટાજાતીઓ છે. લગભગ ૨૨, જેમાથી ૧૨ તો નાશ:પ્રાય છે અને બાકીની ૧૦ માં નીલકુકડીનો સમાવેશ થાય છે.પ્રજાતિઓમાં મોટાભાગે પીંછાનો રંગ જૂદો હોય છે. જો કે, આ Taxonomy માં ઘણાં ફેરફારો થઈ ચૂક્યાં છે, છેલ્લે ૨૦૧૫ ના અપડેટ પ્રમાણે, પહેલા આ પક્ષીનુ અંગ્રેજી નામ 'Purple Moorhen' હતું જે બદલાયને 'Purple Swamphen' થયું અને ત્યારબાદ ૨૦૧૫ માં 'Grey-headed Swamphen' થયું. (રેફરન્સ : http://ebird.org/content/india/news/2015-taxonomy-indian-birds/).

નીલકુકડી જેવી જ એક પ્રજાતિ જે ફ્રાંન્સમા જોવા મળે છે, એના ફ્રેંન્ચ નામ ઉપરથી આ પક્ષી ને 'સુલતાના બર્ડ' તરીકે પણ ઓળખવામાં આવે છે. અને રોમન સામાૃજયમાં આ પક્ષીને મોટા ઘરમાં કે મહેલોના સુશોભન માટે બગીચાઓના તળાવમાં રાખવામાં આવતા, એવો ઉલ્લેખ પણ છે.

આ મરઘીના કદનું પક્ષી મરઘા કે કુકડાની જેમ જ મોટો અને કકૅશ અવાજ ધરાવે છે,ખાસ કરીને એમની બ્રીડિંગ સિઝન દરમિયાન. જો કે મરઘીની જેમ ઉડવામાં પાવરઘું નહી હોવા છતાં આ પક્ષી ઘણી લાંબા અંતર સુધી ઊડાનો ભરી શકે છે. અને તરવામાં મદદરૂપ થઈ શકે એવા પડદીવાળા પંજા નહી હોવા છતાં તરવામાં એ કુશળ છે.

રહેઠાણ માટે આ પક્ષી જે વિસ્તારમાં સારો એવો વરસાદ થતો હોય એવો વિસ્તાર વધુ પસંદ કરે છે. મોટા ભાગે તળાવના કિનારે કે પછી એવી ભેજવાળી પોચી જમીન ની આસપાસ જોવા મળે છે.

નીલકુકડી જોડીમાં અને નાના ટોળા મા રહેવાનું પસંદ કરે છે. કાદવ કીચડ વાળી જમીનમાં ખોરાક શોધતા કે પછી તળાવમાં તરતા આ પક્ષી જોય શકાય છે.

નીલકુકડી ૩ થી ૪ ઈંડા મૂકે છે. માળો મોટેભાગે ઘાસથી બનાવેલ હોય છે જે પાણી ઉપર ઉગતા ઘાસથી બનાવેલ હોય છે. નર અને માદા બંને ઈંડાને લગભગ ૨૩ થી ૨૭ દિવસો સુધી ઈંડાને શેવે છે. ત્યારબાદ ઈંડા માથી નીકળેલા બચ્ચાને ૧૦ થી ૧૪ દિવસો સુધી માળામાં રાખે છે અને આ દરમિયાન એમના માતા-પિતા અને અન્ય ટોળાના સદસ્યો એમને ખોરાક પૂરો પાડે છે.

ખોરાકમાં મુખ્યત્વે કુમળુ ઘાસ અને અન્ય વનસ્પતિઓ હોય છે. જો કે આમ તો, એવું પણ માનવામાં આવે છે કે નીલકુકડીની ઘણીખરી પ્રજાતિ અળસિયા, બતકના ઈંડાં, બતકના બચ્ચા તથા નાની માછલીઓ પણ ખાય છે. જો કે આના વિશે પુખ્તા સાબિતીઓ નથી એવું કહેવામાં આવે છે.

આ પક્ષી વિશે હવે પછીના પ્રવાસોમાં થોડુ વધારે રીસર્ચ/શોધ સંશોધન કરવાની ઈચ્છા જરૂર છે. :)

(સંકલન : કૃપા દેસાઈ)

મધ્ય ગુજરાત ના પક્ષીઓ : ભાગ ૩ : ટીટોડી

2017-03-01T23:39:00.000+05:30

અંગ્રેજી નામ : Red Wattled Lapwing
શાસ્ત્રીય નામ : Vanellus indicus
ગુજરાતી નામ : ટીટોડી

જયારે અમે આ ફોટાઓ લઇ રહ્યા હતા ત્યારે આ પક્ષીના નામ વિશે કઈ જ ખબર નહોતી. પછી જ્યારે ધ્યાનથી અવાજ સાંભળ્યો , ત્યારે થયું કે શું આ જ ટીટોડી નાં નામે ઓળખાતું પક્ષી હશે ? જોવા જેવી વાત એ છે કે ટીટોડી નાં નામથી આમ તો આપણે બધા જ પરિચિત છીએ. હા, પેલા દર ચોમાસા પહેલાના છાપાઓમાં આવતા અહેવાલોના કારણે જ તો . જો કે આ અહેવાલોમાં ટીટોડીના ઈંડાની વાતો જ હોય છે અને એ ઈંડાની સ્થિતિ પ્રમાણે કરવામાં આવતી ભવિષ્યવાણી , કે આ વર્ષે ચોમાસું કેવું રહેશે. જો આ લોકો ઈંડાની સાથો સાથ આ પક્ષીનો ફોટો પણ છાપતા હોત તો આપણે આ રાખોડી અને સફેદ રંગના પક્ષીના રંગરૂપ થી પણ પરિચિત હોત.

ખેર, ઈંડાને લગતી માન્યતાઓ પણ ઘણી છે.જેમ કે એક માન્યતા અનુસાર જો ટીટોડી ઊંચાણ વાળી જગ્યા એ ઈંડા મુકે તો ચોમાસું સારું અને જો નીચાણ વાળા પ્રદેશમાં મુકે તો ચોમાસું ખરાબ જવાના એધાણ છે એમ સમજવું. બીજી એક માન્યતા ઈંડાની પોઝીશનને લઈને છે, કે જો ટીટોડી ઉભા ઈંડા મુકે તો ચોમાસામાં મેધરાજાની મહેર સારી રહે અને જો આડા ઈંડા મુકે તો મેઘરાજા રીસાણા.

હવે મૂળ વાત, આ પક્ષીનું કદ ૧૫ થી ૧૬ ઇંચ જેટલું હોય છે. નર અને માદા દેખાવે સરખા જ હોય છે.ચાંચ અને આંખ ની ઉપર લાલ રંગ, માથાની ઉપર અને નીચે કાળા રંગનો પટ્ટો અને એની વચ્ચે સફેદ રંગનો પટ્ટો હોય છે.પાંખો રાખોડી રંગની જ્યારે પાતળા અને બીજા પક્ષીઓના પ્રમાણમાં લાંબા એવા પગ પીળા રંગના હોય છે. નર અને માદામાં ફક્ત એક તફાવત એ કે, નરની પાંખો માદા કરતા ૫% જેટલી લાંબી હોય છે.

ટીટોડી નાં ખોરાકમાં પણ મુખ્યત્વે કીડી-મંકોડા જ છે અને એવું પણ માનવામાં આવે છે કે એ દિવસની સાથોસાથ રાત્રીના સમયે ખોરાક માટે નીકળે છે અને પૂર્ણિમાના દિવસો દરમિયાન વધુ ગતિશીલ હોય છે.

ટીટોડી આમ તો ધીમી ગતિ એ ચાલતું અને ઉડતું પક્ષી છે . પરતું જ્યારે ખુદ ને બાઝ્ જેવા પક્ષીઓના હુમલાથી બચાવવાનું હોય ત્યારે ખુબ ચપળતા બતાવતું હોય છે. અને દિવસ હોય કે રાત, એ સૌથી સાવધ રહેતું પક્ષી પણ છે અને એથી જ ઘુસણખોરોને સૌથી પહેલા ઓળખી કાઢે છે અને ચીચીયારો કરી ને અવાજ રૂપી અલાર્મ પણ વગાડે છે.અને એટલે જ શિકારીઓ આ પક્ષીને ન્યુસન્સ માનતા હોય છે.

ઈંડાનું સંવનન નર અને માદા બંને કરે છે. અને ઈંડા નો રંગ પણ આછો કથથઈ, જમીન ના રંગ જેવો, અને આથી જ આ પક્ષી માળો નથી બનાવતું. ઈંડાની સંખ્યા ૩ થી ૪ હોય છે અને ૨૪ થી ૩૦ દિવસમાં ઈંડાનું સંવનન પૂર્ણ થાય છે. અને બીજા lapwings પક્ષીઓની જેમ જ પોતાના પીંછામાં પાણી ભરીને પોતાના બચ્ચાને પીવડાવે છે અથવા ગરમી વધુ હોય ત્યારે ઈંડા પાસે ઠંડક જાળવવા માટે પણ પાણીનો ઉપયોગ કરે છે.

ટીટોડી તળાવો, ખેડાયેલા ખેતરો તથા ખુલ્લા મેદાનોમાં જોવા મળે છે.પાણીમાં નહાવાનું એમને પસંદ છે. મોટાભાગનો સમય જમીન પર પોતાની ચાંચ વડે પીછા ખોતરવામાં (preening) કે પછી એક પગ પર આરામ ફરમાવામાં વિતાવે છે.

@ the end :

ટીટોડી પર અધીર અમદાવાદીનો હાસ્ય લેખ: "ટીટોડી ઈંડા ક્યાં મૂકે એ એની મુન્સફીનો વિષય છે" :)

------------------------

મધ્ય ગુજરાત ના પક્ષીઓ : ભાગ ૨ : નાનો પંતરંગો / પંતરંગીયો

2017-02-01T08:30:00.000+05:30

અંગ્રેજી નામ : Green Bee-Eater

શાસ્ત્રીય નામ : Merops orientallis

ગુજરાતી નામ : નાનો પંતરંગો / પંતરંગીયો

આ ચકલીના કુળના પક્ષીનું ગુજરાતી નામ તો મને ઝટ જડ્યું નહિ અને જડ્યું ત્યારે થયું કે 'નાનો પંતરંગો' એવું નામ શા માટે હશે? જો નાનો પંતરંગો હોય તો મોટો પંતરંગો પણ હોવો જોઈએ? એ હિસાબે તો મને 'પંતરંગીયો' નામ વધારે અનુકુળ લાગ્યું , જો કે ઘણી જગ્યાએ 'નાનો પંતરંગો' તરીકે જ ઉલ્લેખ કરવામાં આવ્યો છે. એને મરાઠીમાં 'वेडा राघू' અને નેપાળીમાં 'मुरली चरा' તરીકે ઓળખવામાં આવે છે.

Green bee-eater (નાનો પંતરંગો )

આ પક્ષીનો પહેલવહેલો ઉલ્લેખ બ્રિટીશ પક્ષીશાસ્ત્રી જ્હોન લેથમ એ ઈ.સ ૧૮૦૧ માં કરેલ. આ પક્ષીની ઘણી પેટાજાતિઓમાંથી ભારત અને શ્રીલંકામાં મુખ્યત્વે orientallis જાતિના પક્ષીઓ જોવા મળે છે. એની લંબાઈ ૯-૧૦ ઇંચ જેટલી હોય છે,જેમાં બે પાંખોની વચે આવેલ ૧ થી ૨ ઇંચ લાંબી પાતળી દાંડી જેવા પીંછાનો પણ સમાવેશ થાય છે.

ખોરાકમાં એના અંગ્રેજી નામ મુજબ મુખ્યત્વે ઉડતી જીવાતો છે.તદુપરાંત કીડી,મંકોડા અને માખી પણ ખાય છે.મોટાભાગે ફેન્સીંગ તથા ઈલેક્ટ્રીક તાર પર બેઠા બેઠા અવલોકન કરતુ હોય છે, અને જેવો ચાન્સ મળે એકાદ મીટર કે તેથી ઓછી ઉચાઈએથી ડાઈવ લગાવી ને ઉડતી જીવાતોને પોતાનો શિકાર બનાવે છે.

પંતરંગો આમ તો ખેતરો કે ઝાડી ઝાંખરા વાળા મેદાનો ની આસપાસ વધુ જોવા મળે છે અને અન્ય પક્ષીઓ કરતા અલગ એમ પાણીના સ્રોતો કરતા દુર પણ જોવા મળે છે. પંતરંગો અન્ય પક્ષીઓ કરતા અલગ એ રીતે પણ છે કે એ પોતાનો એકલાહાથે માળો નથી બનાવતું, એની જગ્યાએ અન્ય પંતરંગો જોડે મળીને નહેર કે અન્ય જમીનમાં બખોલ બનાવે છે અને એમાં લગભગ ૩ થી ૫ ઈંડા મુકે છે. ઈંડા નું સંવનન નર અને માદા એમ બંને કરે છે. નર અને માદા બંને દેખાવે પણ લગભગ સરખા જ હોય છે.

એક રીસર્ચ પ્રમાણે પંતરંગો એ સમજી શકે છે કોઈક એનો પીછો કરી રહયું છે અને એ માટે એ પોતાના માળા/બખોલ તરફ જવાનો રસ્તો બદલીને તમને અવળે રસ્તે ચડવાનો પ્રયાસ કરી શકે છે.

આ ફોટાઓ મેં અને મોહિતે જોળ ગામ જતી વખતે કે ત્યાંથી આવતી વખતે રસ્તામાં લીધેલા હતા. જોકે એ પેહલી વખત હોવાથી અમને બર્ડીગ કે એને લગતા કેમેરા સેટિંગ્સ નો કોઈ પ્રેક્ટીકલ મહાવરો નહતો. કદાચ ISO એટલે શું અને એ કેમ સેટ કરવું એ પણ ખબર નહતી.જોકે આજે પણ પરિસ્થિતિ કઈ વધુ પડતી સારી તો નથીજ..!! :) :)

મધ્ય ગુજરાત ના પક્ષીઓ : ભાગ ૧ : કાળો કોશી

2017-01-01T09:51:00.000+05:30

તાજેતર માં ફેસબુક એ મારી 5 વર્ષ પહેલાની મેમરીમાં નીચેની ઇમેજ બતાવી,

અને એની સાથોસાથ વર્ષો પહેલાનો એ શોખ જાણે અચાનક જાગી ઉઠ્યો. બળતામાં ઘી ઉમેરવાનું કામ કૃપા એ બર્થ-ડે ગિફ્ટમાં Canon Powershot SX 60HS આપીને કર્યું. જેના માટે હું ઘણા વર્ષો થી રાહ જોતો હતો એ એડવાન્સ પોઇન્ટ એન્ડ શૂટ કેમેરો આખરે હાથ માં આવ્યો. તો પછી નક્કી કરવામાં આવ્યું કે ચાલો 5 વર્ષ પહેલા કરેલા એ બર્ડ વોચીંગ એક્સપિરિયન્સ ને થોડી માહિતી સાથે અહીં શેર કરીએ તો પેશ-એ-ખિદમત મૈં હૈ 'મધ્ય ગુજરાત ના પક્ષીઓ' સિરીઝ...

અંગ્રેજી નામ : Black Dronjo

શાસ્ત્રીય નામ : Dicrurus macrocercus

ગુજરાતી નામ : કાળો કોશી

શરૂઆત મારા પર્સનલ ફેવરિટ પક્ષી "બ્લેક ડ્રોન્જો" થી કરીએ. રૂપ રંગ કરતાં મને એની છટા અને લક્ષણો વધુ પસંદ છે. એના લક્ષણો નો ખ્યાલ એના અનેકવિધ નામો પરથી આવી શકે એમ છે, જેમ કે, 'કાળો કોશી', 'પોલીસ', 'પટેલ', भुजंगा’, ‘कोतवाल’, 'Black Dronjo', 'King Crow', ‘भारत अंगारक’ વગેરે. સૌથી નીડર પક્ષીઓમાં એનો સમાવેશ થાય છે. તમે એની ઘણી નજીક જઈ શકો છો એ એટલી જલ્દી ઉડશે નહિ.

Black Dronjo (કાળો કોશી)

સૌથી લડાયક હોવા છતાં એ પોતાનાથી નાના કે નબળા પક્ષીઓ પર હુમલો નથી કરતુ. અને જ્યારે રક્ષણના મામલામાં એ પોતાનાથી સવાયા પક્ષીઓ જેવા કે સમડી, બાઝ સાથે બાઠ ભીડવાથી પણ નથી ખચકાતું. એના આ ગુણના કારણે એનાથી નાના પક્ષીઓ પોતાનો માળો 'બ્લેક ડ્રોન્જો' ના માળાની આસપાસ બનાવવાનું પસંદ કરે છે.એના ખોરાક માં મુખ્યત્વે નાની જીવાતો છે. એની પૂંછડી બાકી પક્ષીઓથી ઘણી અલગ, બે ફાંટામાં વહેંચાયેલી હોય છે, અંગ્રેજી મૂળાક્ષર V આકારની...

અંગ્રેજી મૂળાક્ષર V આકારની પૂંછડી...

'બ્લેક ડ્રોન્જો' ના આ ફોટોઓ મેં અને મોહિતે વિદ્યાનગર થી વડતાલ જતાં રસ્તામાં જોળ ગામ પાસે એક તળાવ નજીક પાડેલ છે. જો કે 'બ્લેક ડ્રોન્જો' ભારતમાં સર્વત્ર જોવા મળે છે અને લગભગ દશેક પ્રજાતિઓમાં જોવા મળે છે.

मैने तो सीखा यारों काँटों से दिल लगाना...

'બ્લેક ડ્રોન્જો' પર ઘણું લખી શકાય એમ છે, પણ એ દરેક બાબત ને આવરી લેતો ખુબ જ સરસ આ લેખ મને રીડગુજરાતી પર મળ્યો છે. અચૂક વાંચવા લાયક.

આ મહિના ની ફિલ્મો, સપ્ટેમ્બર'૧૬ !!

2016-12-31T22:32:00.000+05:30

* Wrong Side Raju (2016) by Mikhil Musale :

* Pink (2016) by Aniruddha Roy Chowdhury :

આ મહિના ની ફિલ્મો, ઓગસ્ટ'૧૬ !!

2016-12-31T22:31:00.003+05:30

* Rustom (2016) by Dharmendra Suresh Desai :

* Mohenjo Daro (2016) by Ashutosh Gowariker :

* Happy Bhaag Jayegi (2016) by Mudassar Aziz :

* Hu Chandrakant Bakshi by Manoj Shah, Written By: Shishir Ramavat :

આ મહિના ની ફિલ્મો, જુલાઈ'૧૬ !!

2016-12-31T22:31:00.002+05:30

* Madaari (2016) by Nishikant Kamat :

* Frozen (2013) by Chris Buck, Jennifer Lee :

* Sultan (2016) by Ali Abbas Zafar :

આ મહિના ની ફિલ્મો, જૂન'૧૬ !!

2016-12-31T22:31:00.001+05:30

* Dhanak (2016) by Nagesh Kukunoor :

* Udta Punjab (2016) by Abhishek Chaubey :

* Te3n (2016) by Ribhu Dasgupta :

આ મહિના ની ફિલ્મો, માર્ચ'૧૬ !!

2016-12-31T22:31:00.000+05:30

* Jai Gangajal (2016) by Prakash Jha :

* Zootopia (2016) by Byron Howard, Rich Moore, Jared Bush :

આ મહિના ની ફિલ્મો, ફેબ્રુઅરી'૧૬ !!

2016-03-02T11:30:00.006+05:30

* ગુજ્જુભાઈ ની ગોલમાલ (નાટક) : એવરેજ કોમેડી...

* Neerja (2016) by Ram Madhvani : ખુબ સરસ ! આ રીયલ સ્ટોરી બેઇઝ્ડ ફિલ્મો નો ટ્રેન્ડ જેટલો વધુ ચાલે એટલુ સારું...

* Singham Returns (2014) by Rohit Shetty: જોવાની રહી ગઈ હતી ,આખરે હોટસ્તાર પર જોવામાં આવી. રોહિત શેટ્ટી ની એકમાત્ર સીરીઝ જે હું સહન કરી સકું એમ છું... :)

આ મહિના ની ફિલ્મો, જાન્યુઆરી'૧૬ !!

2016-03-02T11:30:00.005+05:30

* Bajirao Mastani (2015) by Sanjay Leela Bhansali :

* Airlift (2016) by Raja Menon :

આ મહિના ની ફિલ્મો, ડીસેમ્બર'૧૫ !!

2016-03-02T11:30:00.004+05:30

* Gujjubhai the Great (2015) by Ishaan Randeria :

* 2 Idiots (2015) by Kamlesh Oza : સચિન-જીગર ના સંગીત વાળું સરસ મજેદાર ગુજરાતી નાટક, થેન્ક્સ ટુ, કૃપા ! આ નાટક બતાવવા માટે।

આ મહિના ની ફિલ્મો, નવેમ્બર'૧૫ !!

2016-03-02T11:30:00.003+05:30

* Tamasha (2015) by Imtiaz Ali :

આ મહિના ની ફિલ્મો, ઓક્ટોમ્બર'૧૫ !!

2016-03-02T11:30:00.002+05:30

* Talvar (2015) by Meghna Gulzar : સુપરલેટીવ વર્ક ! શૌરભ (શાહ ) સર નાં સાત લેખ ની શ્રેણી (જે મૂળ અવિરુક સેન નાં પુસ્તક "આરુષી" પર આધારિત હતી) વાંચ્યા પછી ફિલ્મ નાં લેયર્સ વધારે ગહનતા થી સમજાયા.ઈરફાન, કોંકણાં, સોહુમ શાહ, નીરજ કાબી અને મેઘના ગુલઝાર... અદભુત !!

* Pyaar Ka Punchnama 2 (2015) by Luv Ranjan : જોરદાર !

* @ the end :

- સ્કાય ફોટોગ્રાફી નો શોખ ધરાવનારા માટે (અને જો તમે વન પ્લસ કે હાઈ એન્ડ ફોન વાપરતા હોવ તો ખાસ) : http://www.lonelyspeck.com/photographing-the-milky-way-with-a-smartphone/

આ મહિના ની ફિલ્મો, સપ્ટેમ્બર'૧૫ !!

2016-03-02T11:30:00.001+05:30

* Kis Kisko Pyaar Karu (2015) by Abbas-Mastan : ઠીક - ઠાક ! ટાઇમ પાસ !

* @ the end :

- હજી કોક સ્ટુડીઓ પાકિસ્તાનનાં આ સિઝનના સોન્ગ્સ સાંભળવાના બાકી છે, પણ ત્યાં સુધી કોક સ્ટુડીઓ ઇન્ડિયાની આ સિઝનનું પર્સનલ ફેવરીટ,

આ મહિના ની ફિલ્મો, ઓગસ્ટ'૧૫ !!

2016-03-02T11:30:00.000+05:30

* Manjhi: The Mountain Man (2015) by Ketan Mehta : સરસ ! જો કે કેતન મહેતા સાહેબ પાસે થોડી વધુ અપેક્ષા હતી...

* Masaan (2015) by Neeraj Ghaywan : આ ફિલ્મ વેશે ઘણું સાંભળ્યું અને વાંચ્યું હતું, એ પ્રમાણે એટલી જોરદાર ન હતી. હું શીપ ઓફ થીસીઅસ લેવલ ની ફિલ્મ ની અપેક્ષા રાખતો હતો. ફિલ્મ થોડી વધુ ગંભીર થઇ ગઈ હોય એવું લાગ્યું.

* @ the end :

- બ્લોગ પોસ્ટ ઓફ ધ મન્થ : http://isha.sadhguru.org/blog/sadhguru/spot/dont-let-your-problems-go/

આજ-કાલ..

2015-09-13T18:49:00.000+05:30

* આખરે ફોન ને 'Oxygen 12' ને બદલે ' Cynogen 12' નામની લોલીપોપ અપાવવામાં આવી, કારણ બે,

૧. રુટ કરવાની કોઈ મગજમારી નહી, OTA અપડેટ થી કામ ચાલી ગયુ.

૨. 'Cynogen 12' નુ બેઝ વર્ઝન વધુ એડવાન્સ લોલીપોપ ના વર્ઝન બેઝ્ડ હતું.

* વાંચન ની દ્રષ્ટિએ છેલ્લો મહિનો સારો રહ્યો,
- પહેલી ઓફિસીયલ ઈલેકટ્રોનીક (વિજાણુ) પુસ્તક (ઈબુક) ખરીદવામાં અને વાંચવામાં આવી, 'THE DHONI WAY (Author: Dr. Rudy Webster)' એ પણ ફલીપકાર્ટ પરથી.

- બીજુ પુસ્તક હતુ ઘણા સમયથી પેન્ડીંગ ચેતન ભગત નુ 'Half Girlfriend', આમ તો વાર્તા ના હિસાબે મને અત્યાર સુધીમાં 'Five point someone' અને '2 states' જ ગમી છે. પરંતુ સાહેબ ની હ્યુમન ઈમોશન પર ની પકડ જોરદાર છે.

- અને ત્યારબાદ સાર્થક પ્રકાશક ની સાઈટ પર થી મંગાવેલ 'નગેન્દ્ર વિજય (લેખક: ઉર્વીશ કોઠારી)' વાચવાની મજા પડી. સફારી નાં ચાહક માટે must have...

- સાથોસાથ 'સારથક જલસો ભાગ-4' પણ મગાવ્યો હતો ખાસ કરીને આ બે લેખો વાંચવા માટે,
1. "અનાવીલોક: અનાવીલોની ચટાકેદાર સૃષ્ટિ - વિવેક દેસાઈ"
2. "લદ્દાખ: દુનિયાથી અલિપ્ત દુનિયામાં ખેડેલી 'રફ ટ્રીપ' નું સફરનામું - હર્ષલ પુષ્કર્ણા"

- અત્યારે 'MSD: The Man, The Leader (Author: Biswadeep Ghosh)' વંચાય રહી છે.

@ the end:

* ટેલીવિઝન શો ઓફ ધ મન્થ : The Anupam Kher Show Kucch Bhi Ho Sakta Hai

* HBO ની 'સીલીકોન વેલી' ના સહી દેશી TVF ની 'પિચરર્સ' પણ સરસ છે ! :)

આજ-કાલ..

2015-03-22T01:31:00.003+05:30

* આખરે 'Canon powershot sx 50' અને 'oneplus one ' માં થી જીત 'oneplus one ' ની થઈ .(વપરાશ ની તીવ્રતા (frequency :) ) નાં આધારે! )

* જો કે ફોન લીધાને હવે બે મહિના થવા આવ્યા છે , અને અમે હજુ પણ 'oxygen' ની રાહ માં ગુજરાતી ફોન્ટ્સ વગર ગુજરાન ચલાવી રહ્યા છે. રાહ જોય ને કંટાળી , હવે 'Gujarati Pride' જેવી app નો સહારો લઈ આ પોસ્ટ લખવામાં આવી છે . જો આ અખતરો સફળ થાય તો આ બ્લોગ કદાચ કોમા માંથી બહાર આવી શકે એવી શક્યતા છે.

* આજ કાલ, જય વસાવડા નાં આ લેખ ની જેમ ક્રિકેટ પ્રેમ ફરી જાગી ઉઠ્યો છે , જો કે મેચ ની સાથો સાથ ધોની ના પોસ્ટ મેચ પ્રેસ કોન્ફરન્સ જોવાની પણ એટલી જ મજા આવી રહી છે . બાળપણ માં રાહુલ દ્રવિડ પછી કદાચ ફરી પાછું ધોની માટે એવું જ ઓબ્સેસન લાગ્યું હોય એવું લાગે છે. ખરો સ્થિતપ્રજ્ઞ માણસ છે... (Such a cool guy he is, u know !)

* ફિલ્મો , વાંચન , ચિંતન , મનન, બ્લોગ પોસ્ટ્સ નું પ્રમાણ જીંદગી માં ચિંતાસ્પદ હદે ઘટી ગયું છે, લાગે છે કુછ તો લેના પડેગા... (એ પેહલા કે કોઈ કહે કુછ લેતે કયું નહિ ? :) )

@ the end :

* છેલ્લી 'આજ-કાલ' વાળી પોસ્ટ જુલાઈ'2014 માં આવી હતી !! એ પોસ્ટ માં જણાવેલ એમ 'Just for fun' વંચાઈ ગઈ છે અને 'જ્યોતિપુંજ' હજીયે વંચાય જ રહી છે!! :(

MiniDebConf'2015 ઉડતી મુલાકાત...!

2015-02-01T20:01:00.000+05:30

આમ તો હવે આ ભૂતકાળ ની વાત થઇ ગઈ, અને કાર્તિકભાઈ એ અમેરિકા પોહાચીને એના પર પોસ્ટ પણ લખી નાખી પરંતુ અમરા માટે લખવાનું મુહરત આજે નીકળ્યું. છેલ્લા 1-2 વીક-એન્ડ્સ મુસાફરી માં પુરા થયા અને સોમ-શુક્ર તો અમે 'ઓટો-પાયલટ' મોડ માં હોઈએ છે. ;-)

તો વાત હતી એ શુક્રવાર (તા. 16 જાન્યુઆરી) ની, હું મારી જાત ને કહી રહ્યો હતો કે યાર, 2015 ની શરૂઆત કઈક સારી નથી રહી, પહેલા PIFF 2015 મિસ થઇ ગયું અને હવે ઓફીસના કામકાજ નાં કારણે મહિના પહેલા જેમાં જવાનો પ્લાન હતો એ mini debconf પણ મિસ કરવું પડશે. પરંતુ રાત નાં 11 વાગ્યા ત્યાં સુઘી માં લાગી રહ્યું હતું કે કામ હવે પૂરું થવા આવ્યું છે. ઘરે આવી ને કૃપા ને વાત કરી આપણી પાસે હજી ચાન્સ છે જો કાલે સવારે વહેલું ઉઠાય તો જઈ શકાય અને નક્કી કર્યું કે મોડું તો મોડું જઈએ . અને બીજા દિવસે સવારે ઉતાવળ કરવા છતાં અમને પુના માં 8 વાગી ગયા હતા, ત્યાર થી જ સમજાય ગયું હતું કે હવે મોડું તો થવાનું જ છે (મારા માટે જો કે, કૃપા ને એક અનુભવ થાય ઓપન સોર્સ ને લગતા કામકાજનો અને લોકો નો એટલું પુરતું હતું...). સાયન થી અમે વિક્રોલી થઇ ફાય્નાલી IIT -B, પવઈ પહોચ્યા.

IIT -B નું કેમ્પસ ઘણું મોટું હોવાથી અને અમે આના પહેલા ક્યારેય ત્યાં ગયા ન હોવાથી અમને થોડો સમય થયો બિલ્ડીગ સુધી પહોચતા, જયારે અમે બિલ્ડીગ માં પ્રવેશ્યા ત્યાં જ ત્રણેય DDs ફ્લોર પર બેસી ને લંચ લઇ રહ્યા હતા. અમે રજિસ્ટ્રેશન
ડેસ્ક પર ગયા અને આગળ થી ઓનલાઈન રજિસ્ટ્રેશન કરાવી દીધું હોવાથી પહેલા અમને જમી લેવા કહેવામાં આવ્યું.
અહા! મજેદાર મસાલા ભાત, પાપડ ખાવાની મજા પડી, જમતા જમતા મેં કૃપા ને જેટલા લોકો ને હું બ્લોગ/નેટ થી ઓળખતો હતો એમની ઓળખાણ આપી દીધી હતી, ખાસ કરી ને કાર્તિક ભાઈ ની.

જમ્યા પછી હું કૃપા ને લઈને કાર્તિક ભાઈ ને મળવા ગયો, મેં કેમ છો? કહી ને મારું નામ જણાવ્યું અને એમણે કહ્યું "અરે હા, but you were in south somewhere". એમની યાદશક્તિ ને દાદ આપવી પડે એમ છે, હું જયારે 2011 માં મેગ્લોર માં એમને મળ્યો હતો ત્યારે પણ એમને આ જ રીતે અમારી એની આગલો 1-2 વર્ષ પહેલાની વડોદરા મુલાકાત વિશે જણાવ્યું હતું. આ વખતે તો અમે લગભગ 4 વર્ષ પછી મળ્યા હતા. અને પછી અમે oneplus થી લઈને મુંબઈ ની સ્કૂલો સુધી ની અલક મલક ની ઘણી વાતો કરી. ત્યારબાદ અમે બધા (હું, કૃપા અને કાર્તિકભાઈ) " Lil'debi - Debian on Android " પર કુમાર સુખાની (જેણે પોતાના GSoC પ્રોજેક્ટ તરીકે આના પર કામ કર્યું હતું) ની ટોક એટેન્ડ કરવા ગયા. એ દિવસે ઓપન હાર્ડવેર દિવસ હોવાથી ઘણી ટોક ઓપન હાર્ડવેર જેવા પ્રોજેક્ટ્સ પર આધારિત હતી, raspberry-pi પર અવનવા પ્રોજેક્ટ્સ અને વિસ્તૃત માહિતી મેળવીને મજા આવી. વચ્ચે બ્રેક માં અમને કાર્તિકભાઈ ગુલમ્હોર ની મજેદાર ચા પીવા લઇ ગયા. અમે ફરી 'ચાય પે ચર્ચા ' અતર્ગત અલકમલક ની વાતો કરવા લાગ્યા, અને એ સમયે ખબર પડી કે અમે જેમની જોડે વાત કરી રહ્યા છે એ માણસ આવતા ચોવીસ કલાક માં લગભગ સાડા છવ્વીસ માઈલ (મેરેથોન) દોડવાના છે અને પછી સાડા આઠ હજાર માઈલ ની હવાઈ મુસાફરી કરવાના છે !!

આખરી ટોક પૂરી થઇ ને કાર્તિકભાઈ અમને બધા ને આવજો કહી ને નીકળ્યા, અને અમે ફરી ઉપડ્યા ગુલમ્હોર પર ઝાપટવા (ચા- નાસ્તા ) માટે :-) પછી ત્યાંથી 'લીન્કીગ રોડ' ની મુલાકાત અને રખડતા-રખડતા દાદર થી પુને આવતા અમને રાતના 3 વાગી ગયા હતા. અને બીજે દિવસે અમે જવાનું પડતું મુક્યું (આમ પણ થાકી ગયા હતા ઉપર થી કોઈ ખાસ ટોક કે કારણ પણ ન હતું, અને કાર્તિકભાઈ પણ નતા આવવાના...).

એકદરે અમને ફરવાની, ખાવાની, મળવાની અને જાણવાની મજા પડી ! :-)

કાર્તિકભાઈ નો આભાર મજેદાર ચા અને નીચે મુકેલ મજેદાર પીક માટે, :-)

@ the end :

* MiniDebConf'15 પર કાર્તિકભાઈ ની પોસ્ટ (જેમાં અમારી મુલાકાત નો ઉલ્લેખ પણ છે ! :-) )
* એક ખરાબ સમાચાર, અંગ્રેજી સફારી બધ થવા જઈ રહ્યું છે ! :-(
* સોંગ ઓફ ધ મન્થ,

સન્ડે સ્પેશિયલ !

2015-01-19T00:01:00.001+05:30

બે લેખો, જે વાંચવાની આજે મજા પડી,

1. જય વસાવડા સાહેબ નો વૃદ્ધત્વ પર નો આ લેખ અને,

2. ધોની નાં ક્રિકેટીય દાયકા પર 'THE CARAVAN ' નો આ રીપોર્ટ.

@ the end :

- અભાર "લધુ (mini)Debian Conference 2015, IITB , મુંબઈ" નો જેમાં ગઈકાલે જવાનું થયું (જેના પર ખરેખર આજની પોસ્ટ લખવાનો પ્લાન હતો ) અને આ સુષુપ્તા અવસ્થા માં સરી ગયેલા બ્લોગ ને ફરી જાગૃત કરવાનું સુજ્યું.
- અને હા, મોડું મોડું બધાને હેપ્પી 2015 !

વિક-એન્ડ કા વાર !!

2014-11-29T15:47:00.000+05:30

* બે મહિના પહેલા ખરીદાયેલ આ DVD સેટ નું આજે ઉદ્ધાટન કરવામાં આવ્યું .... :)

GIF રમત ...!

2014-10-18T15:45:00.001+05:30

GIMP પર ઘણા સમય પછી રમવા માટે, હમણાં ઘર ની બાલ્કની માંથી લીધેલ આ 3-4 continious shots ને એનીમેટેડ GIF માં ફેરવવાનું નક્કી કર્યું. જો કે હવે ખબર પડે છે પોસ્ટ પ્રોસેસિંગ લાગે એટલું સહેલું નથી ! :) :P

રેમ્પ વોક !?

આ મહિના ની ફિલ્મો, ઓગસ્ટ'૧૪ !!

2014-10-01T19:33:00.002+05:30

* Bey Yaar (2014) by Abhishek Jain : ફિલ્મ વિષે હવે કંઈક કેહવાનું રેહતું નથી. અદભુત ફિલ્મ વિષે ઘણું બધું લખાય ગયું છે. ભૂલેચૂકે રહી ગઈ હોય તો, ગુજરાત માં હજી પણ 173 શો'ઝ ચાલી રહ્યા છે.

ઘણા વર્ષો પછી મમ્મી સાથે મુવી જોવાની મજા આવી, મમ્મી ને પણ મુવી ગમ્યું અને એનો એક્સક્લૂસિવ અને હોનેસ્ટ રીવ્યુ,

" આ તો હિન્દી ફિલ્મ જોતા હોય એવું જ લાગે. :) જો કે બીજા હાફ માં એટલી મજા નહિ આવી જેટલી પહેલા હાફ માં (ઈન્ટરવલ પહેલા) આવી હતી ! " :)

હું તો ફિલ્મ જોવા પહેલા જ ક્દાચ એના ઘણા બધા ફેકટરો ને લઈને અંજાઈ ગયો હતો, જેમ કે,

એક તો, સુપર ટેલેન્ટેડ દિગ્દર્શક અભિષેક જૈન એ , દર્શન જરીવાલા, મનોજ જોશી, અમિત મિસ્ત્રી, કવીન દવે, સચિન - જીગર (સુપર્બ મ્યુઝીક !) , સત્ચિક પુરાનિક ('શીપ ઓફ થીસીઅસ' ના એડિટર !), અજીત સિંહ રાઠોર ( નેશનલ એવોર્ડ વિનર સાઉન્ડ ડીઝાઈનર !) આવા લોકો ની ટીમ ભેગી કરી અને એ પણ એક ગુજરાતી ફિલ્મ બનાવવા માટે !

અને બીજું, જય વસાવડા નો ગેસ્ટ અપિઅરન્સ !! :)

એટલે મને તો ફિલ્મ જોવા પહેલા જ ગમી ગઈ હતી. :)

ઓગસ્ટ નો સ્કોર બસ એક જ !

* @ the end :

આ મહિના ની લીંક : http://www.osho.com/iosho/library/the-books ( અદભુત ! ઓશો લાઇબ્રરી પર આમ તો આખી પોસ્ટ લખી શકાય એમ છે. (મતલબ મારાથી, લોકો એ તો એના પર રીતસર નાં રિસર્ચ પેપર્સ લખ્યા જ છે !) )

આ મહિના ની ફિલ્મો, જુલાઇ'૧૪ !!

2014-09-21T21:48:00.000+05:30

* Bobby Jasoos (2014) by Samar Shaikh : જોઈએ એટલી મજા ન આવી ! ઠીક-ઠાક !

* Humpty Sharma Ki Dulhania (2014) by Shashank Khaitan : સ્ટોરી તો પહેલી થી જ એ ચવાયેલી ડીડીએલજે વાળી છે એ ખબર જ હતી, જો કે ટ્રીટમેન્ટ ગમી. જોવાલાયક, હળવીફૂલ વિથ મજેદાર મ્યુઝીક !

* @ the end :

- એક દિવસ નો નાનકડો પ્રવાસ 'અંબાજી' યાત્રાધામ નો ગોઠવાયો અને ત્યાં થઈ રહેલું આધુનિક ડેવલપમેન્ટ જોઇને સુખદ આચકો અનુભવ્યો ! (જેમ કે આધુનિક કિઓસ્ક , મંદિર નાં ઈતિહાસ નો પરિચય આપતી 3D મુવી : 'આરાસુરી માં અંબે' અને મ્યુઝીયમ ! ). થોડી ટ્રેકિંગ અને બર્ડ-વોચીંગ ની પણ મજા લેવામાં આવી, ફોટાં જે કેમેરા માં લીધા હતા એ હમણા ઉપલબ્ધ નથી, જયારે મળશે ત્યારે મુકવામાં આવશે. :)

આ તો , પોસ્ટ કરતા સાઈડ-નોટ ની સાઈઝ વધી ગઈ ! :P :)

આ મહિના ની ફિલ્મો,જૂન'૧૪ !!

2014-09-21T21:13:00.002+05:30

* Food, Inc. (2008) by Robert Kenner : ઘણા સમય પહેલા તક્ષે (તક્ષ , જોડણી ખોટી હોય તો સાચી જણાવવા વિનંતી ! :) ) રીક્મેંડ કરી હતી, એ સમયે કદાચ ટોરેન્ટ થી દુર રહેવાનું નક્કી કર્યું હતું અને 'jDownloader' પર લીંક ન'તી મળી કે એવું કંઈક તો થયું હતું. પછી હમણા એક દિવસ ટીમ લંચ પર આ વિષય પર વાત નીકળી અને યુટ્યુબ પર રેન્ડમ સર્ફિંગ માં ફુલ્લ ડોક્યુમેન્ટ્રી મળી ગઈ,

સરસ, જોવા અને વિચારવાલાયક !!

* Ek Villain (2014) by Mohit Suri : મોહિત સૂરી સાહેબ તો અપેક્ષા કરતા સારી ફિલ્મો બનાવતા થઇ ગયા ! સારી હતી, ગમી !

* City Lights (2014) by Hansal Mehta : હંસલ મહેતા સાહેબ ફૂલ મોડ માં છે, શાહિદ અને પછી આ ફિલ્મ ! સરસ ફિલ્મ અને જોરદાર અભિનય !!

@ the end :
Firefox addon of the month : પારેવું ગુજરાતી ડીક્ષનરી