ಬೆಳಕಿಂಡಿ

ಈ ಚಿತ್ರಕ್ಕೊಂದು ಶೀರ್ಷಿಕೆ ಕೊಡಿ.

2012-07-05T10:24:00.000-07:00

2010-05-01T15:22:00.000-07:00

೧.
ಕತ್ತಲು......
ಫ್ಯಾನು ತಿರುಗುತ್ತಿರುವುದೊಂದೇ ಜೀವಂತಿಕೆ ಸಂಕೇತ.
ಅಷ್ಟರಲ್ಲಿಯೇ ಹೊತ್ತಿತೊಂದು ಬೆಂಕಿ......ಮೂಡಿತೊಂದು ಕೆಂಪು.
ಅದರ ಹಿಂದೆಯೇ ಸುರುಳಿ ಸುರುಳಿಯಾಗಿ ಹೋಗೆ,
ಕವಿತೆ ಹುಟ್ಟುವುದರೊಳಗೆ..........
ಉಳಿದಿದ್ದು ಬರೀ ಭೂದಿ, ಮತ್ತದೇ
ಕತ್ತಲು..................

೨.
ಎರಡು ಸಿಗರೇಟುಗಳ ಮದ್ಯೆ ಕಂಡಿದ್ದು.....
ಕಪ್ಪು ಮತ್ತು ಕೆಂಪು,
ಅಷ್ಟೇ.

೩.
ಮನದಲ್ಲಿದ್ದ ಭಾವನೆಗಳನ್ನು ಕವಿತೆಯಾಗಿಸಬೇಕೆಂದಿದ್ದೆ.
ಸಿಗರೇಟು ಹಚ್ಹ್ಚಿದೊಡನೆ.....
ಹೊಗೆಯಾಗಿ ಹಾರಿಹೋದವು.
ಬೂದಿಯಷ್ಟೇ ಉಳಿದಿದೆ.

೪.
ಮನದಲ್ಲಿ ಅವಳ ನೆನಪು, ಬಾಯಲ್ಲಿ ಸಿಗರೇಟು.
ಯಾವುದನ್ನು ಹೊತ್ತಿಸಲಿ....?
ಎರಡೂ ಸುಡುವುದು ನನ್ನನ್ನೇ.

ಮೆಜಸ್ಟಿಕ್ nights....

2009-12-21T12:58:00.000-08:00

ಅದೆಲ್ಲಿಂದ ಬರುತ್ತಿದ್ದಾರೆ, ಅದೆಲ್ಲಿಗೆ ಹೋಗುತ್ತಿದ್ದಾರೆ

ಬಗ್ಗಿಸಿದ ತಲೆಯನ್ನು ಎತ್ತದೆ ನಡೆಯುತ್ತಿದ್ದಾರೆ

ಮುಗುಳು ನಗುವುದನ್ನೇ ಮರೆತಿದ್ದಾರೆ

ದೃಷ್ಟಿಯು ಮನಸ್ಸಿನಾಳದಲ್ಲೇ ಇಂಗಿಹೋಗಿದೆ,

ಕಣ್ಣುಗಳಿಂದ ಬರಿದೇ ನೋಡುತ್ತಿದ್ದಾರೆ.

( ಮೋಡ ಕಾಣುತ್ತಿಲ್ಲ, ಕತ್ತಲೋಳಗಿಂದ ಮಳೆ ಬೀಳುತ್ತಿದೆ )

ಮೈ ಸುಟ್ಟುಕೊಂಡು, ಕೈ ಮುರುಟಿಕೊಂಡು

ಮಲಗಿದ್ದಾನೆ, ಹಾದುಹೋಗುತ್ತಿರುವ ಕಾಲುಗಳನ್ನು ಎಣಿಸುತ್ತ...

ಮಳೆಯಿಂದ ತಪ್ಪಿಸಿಕೊಳ್ಳುವ ಆತುರದಲ್ಲಿ ಜನ

ಚಿಲ್ಲರೆ ಎಸೆಯುವುದನ್ನು ಮರೆತಿದ್ದಾರೆ.

ಹುಡುಗಿಯೊಬ್ಬಳು ಗೆಳೆಯನ ಕೈಯನ್ನು ಗಟ್ಟಿಯಾಗಿ

ಹಿಡಿದು ನಡೆಯುತ್ತಿದ್ದಾಳೆ....... ಚಳಿ ಕೆಲಸ ಮಾಡುತ್ತಿದೆ.

ಇನ್ನು ಕೆಲವೇ ಹೊತ್ತಿನಲ್ಲಿ ಅವರಿಬ್ಬರೂ ಬೇರೆ ಬೇರೆ

ಬಸ್ಸಿನಲ್ಲಿರುತ್ತಾರೆ.

'ಸೀಟ್ ಸಿಕ್ತಾ?' ಎಂದು ಇವನು ಮೆಸೇಜ್ ಕಳಿಸಿರುತ್ತಾನೆ.

"ಬರೀ ಎಪ್ಪತ್.. ಬರೀ ಎಪ್ಪತ್", " ಹತ್ರುಪಾಯ್ಗೆ ಮೂರ್"

ಕೂಗುತ್ತಿದ್ದಾರೆ..... ಕೂಗುವುದಷ್ಟೇ ತಮ್ಮ ಕೆಲಸವೆಂಬಂತೆ.

ಅಲ್ಲೋಬಳು ಕೂಗದೆ ವ್ಯಾಪಾರ ಮುಗಿಸಿದ್ದಾಳೆ.

ಕಲರ್ ಕಲರ್ ಕನ್ನಡಕ, ತನ್ನ ಬಾಲ ಮೂಸುತ್ತ ತಿರುಗುವ ಆಟಿಕೆ ರೈಲು

ಸಾಕ್ಸು, ಕರ್ಚೀಪು, ದೇಹ, ಹಸಿವು...... ಎಲ್ಲವೂ ಮಾರಾಟವಾಗುತ್ತಿದೆ.

ಬುಸುಗುಡುತ್ತ ಬಸ್ಸೊಂದು ಧಾವಿಸುತ್ತಿದೆ,

ಪ್ಲಾಟ್ ಫಾರ್ಮ್ನಲ್ಲಿ ವಿದ್ಯುತ್ ಸಂಚಾರ.....

ಆಳದಲ್ಲೆಲ್ಲೋ ಕಳೆದುಹೊಗಿದ್ದವರಿಗೆ ಈಗ ಚಲನೆ ಬಂದಿದೆ

ಜೀವದ ಹಂಗು ತೊರೆದು ಬಸ್ಸಿಗೆದುರಾಗಿ ಓಡುತ್ತಿದ್ದಾರೆ...

"ನಾಳೆಯನ್ನು ಕಂಡವರ್ಯಾರು, ಈಗ ಸೀಟು ಸಿಕ್ಕರೆ ಅಷ್ಟೇ ಸಾಕು".

ಹತ್ತಿಸಿಕೊಂಡು ಹೋದ ಬಸ್ಸಿನ ಹಿಂದೆಯೇ

ಮತ್ತೊಂದು ಬಂದು ಇಳಿಸಿ ನಿಂತಿದೆ.

ಒಡಲು ತುಂಬಿದೊಡನೆ ಮತ್ತೆ ಓಟ ಶುರು.....

ಇಲ್ಯಾರು ತಂಗುವುದಿಲ್ಲ,

ಮೆಜಸ್ಟಿಕ್ ಮಲಗುವುದಿಲ್ಲ.

ಹನಿಗಳ ಲೀಲೆ....

2009-12-12T13:07:00.000-08:00

ಕರೆಂಟ್ ಹೋಗಿತ್ತು / ನಿದ್ದೆ ಬರ್ತಿರ್ಲಿಲ್ಲ / ಫೋಟೋಸ್ ಹೇಗಿವೆ?

2009-12-11T15:41:00.000-08:00

ಭೂಮಿನ್ ತಬ್ಬಿದ್ ಮೋಡಿದ್ದಂಗೆ...ಮಡಿಕೇರಿಲಿ ಮಂಜು.

2009-12-11T13:49:00.001-08:00

ಬೆಂಗಳೂರಿಂದ ಮಡಿಕೇರಿಗೆ .

ಬೆಂಗಳೂರು-ನಾಗರಹೊಳೆ-ಹುಣುಸೂರು ( ಹುನುಸೂರಿಂದ 10 km ದೂರದಲ್ಲಿದ್ದ lodge ನಲ್ಲಿ ರಾತ್ರಿ halt)

ನಂತರ.....

ಮುಂಜಾನೆಯ ಮಂಜಿನಲ್ಲಿ ಬೈಕ್ ನುಗ್ಗಿಸಿಕೊಂಡು ಕುಶಾಲನಗರಕ್ಕೆ.......ಅಲ್ಲಿ ತಿಂಡಿ ಮುಗಿಸಿಕೊಳ್ಳುವಷ್ಟರಲ್ಲಿ ಸ್ವಲ್ಪ ಬಿಸಿಲು.

ಅಲ್ಲಿಂದ ' ಅಬ್ಬಿ ಜಲಪಾತ'- ಮಡಿಕೇರಿಯ ಬೀದಿಗಳಲ್ಲಿ ಒಂದು ರೌಂಡ್(licence ಇಲ್ಲದೆ ಇದ್ದಿದ್ದಕ್ಕೆ ಮಡಿಕೇರಿಯ ಪೊಲೀಸರಿಗೆ ಕೈ ಬಿಸಿ ಮಾಡಬೇಕಾಯಿತು) - ಅಲ್ಲಿಂದ ಮತ್ತೆ ಕುಶಾಲನಗರಕ್ಕೆ ಬಂದು ಮಧ್ಯಾನದ ಊಟ. ನಂತರ ಅಲ್ಲಿಯ ನಿಸರ್ಗಧಾಮಕ್ಕೆ ಭೇಟಿ. ಹೊಳೆಯಲ್ಲಿ ಮಿಂದು, ಸ್ವಲ್ಪ ವಿರಮಿಸುವಷ್ಟರಲ್ಲೇ ಸಂಜೆ. ಸುಮಾರು 5 ಗಂಟೆಗೆ ಕುಶಾಲನಗರ ಬಿಟ್ಟು ರಾತ್ರಿ ಹನ್ನೊಂದಕ್ಕೆಲ್ಲ ಮತ್ತೆ ಬೆಂಗಳೂರಿನ ಕಾಲ ಬಳಿ.

ಎರಡು ದಿನ-ಒಂದು ರಾತ್ರಿ-ಆರುನೂರು ಕಿಲೋಮೀಟರು-ಎರಡು ಬೈಕ್ ಗಳು-ನಾಲ್ಕು ಜನ........................... ನಿಜ ಹೇಳಬೇಕೆಂದರೆ, ರಾತ್ರಿ ರೂಮಿಗೆ ವಾಪಸ್ ಬರುವಷ್ಟರಲ್ಲೇ ನಮ್ಮ 'seat' ಗಳು ಸ್ಪರ್ಶ ಜ್ಞಾನವನ್ನೇ ಕಳೆದುಕೊಂಡು ಬಿಟ್ಟಿದ್ದವು. ಮಲಗಿದವರು ಎರಡು ದಿನ ಎದ್ದಿದ್ರೆ ಕೇಳ್ರಿ.........