அஞ்சா சிங்கம்

கி. பி. 3553

2019-11-03T05:00:00.000+05:30

நாடே விழாகோலம் பூண்டிருந்தது இந்திய நாட்டின் முக்கிய திருவிழாக்களில் ஓன்று அது.

இதுவறை இதை கொண்டாடும் வசதி, வாய்ப்பு அவனுக்கு அமைந்ததில்ல.
ஆனால் இந்த முறை பண்ணையார் தாராளமாகவே பழைய துணிகளையும், அரிசி,வெல்லம், என்று வாரி கொடுத்திருந்தார்.

உற்சாகமாக வீட்டுக்கு வந்தவனை அவனது 8வயது மகன் வந்து கட்டிகொண்டான். எல்லாம் கையில் இருந்த பையும் அதில் நிறைந்திருந்த பொருட்களும்தான் காரணம்.

அப்பா இந்த வருஷம் நாம மோடி ஜெயந்தி கொண்டாடுவோமாப்பா?
ஆமாம்டா மகனே பாத்தியா பண்ணையார் எவ்வளோ குடுத்திருக்காருன்னு.
நாம ஏன்ப்பா மோடி ஜெயந்தி கொண்டாடுறோம்?
அதுவா இன்னைக்குதான் விஷ்ணுவின் அவதாரமான மோடி பிறந்தநாள்.
அந்த கதையை சொல்லுறேன் கேளு.

அதாவது முன்னொரு காலத்தில பெரியார்,பெரியார்ன்னு ஒரு அசுரகுல தலைவன் இருந்தான். அவன் தேவர்களை எல்லாம் ரொம்ப கொடுமைபடுத்தினான்.
அவர்களை உழைத்து சாப்பிடசொல்லி கட்டாயபடுத்தினான்.

பிராமணன் அல்லாத அசுரர்களை படிக்க சொன்னான் தேவர்களும் அசுரர்களும் சமம் என்று சட்டம் இயற்றினான். இப்படியாக நாட்டில் தர்மம் அழிந்து அதர்மம் தலைதூக்கிய நேரத்தில் தேவர்கள் எல்லாம் மகாவிஷ்ணுவிடம் முறையிட்டார்கள்.

பகவான் உடனே என் சக்தியால் மட்டும் இந்த அசுரனை அழிக்கமுடியாது இதற்க்கு சிவனின் உதவியும் வேண்டும் என்று நினைத்து. மோகினியாக உருமாறி சிவனின் கைலாயம் செல்கிறார். சிவனுக்கு அப்போது மூடு சரியில்லாததால். ஆட்டமா தேரோட்டமா என்று பாட்டு பாடி நடனம் ஆடி சிவனை உசுப்பேத்துகிறார்.

இதனால் மூடு வந்த சிவன் பெண்வேடத்தில் இருக்கு விஷ்ணுவிடம் ஆனந்த சயனத்தில் ஈடுபடுகிறார். இப்படி பல ஆண்டுகள் தொடர்ந்து நடக்கிறது.
ஒரு நாள் சிவனின் விந்து தெறித்துசிதருகிறது அதில் ஒருதுளி குஜராத்தில் உள்ள ஒரு தாமரை குளத்தில் உள்ள ஒரு தாமரையில் விழுகிறது.

அந்த தாமரையில் இருந்து மோடி அவதரிக்கிறார்.சிவனும் விஷ்ணுவும் மேட்டர் செய்வதில் காலதாமதம் ஆனதால் பெரியார் என்கிற அந்த அசுரகுல தலைவன் வயதாகி இறந்துவிடுகிறார்.
ஆனாலும் அவரின் தம்பிகள் அண்ணா, கருணாநிதி, என்ற இரண்டுபேர் நாட்டை ஆள்கிறார்கள்.
அவர்களும் பெரியாரை போலவே அனைத்து சாதியினரும் அர்சகர் ஆகலாம். இலவச கல்வி என்று நால்வர்ண தர்மத்தை சிதைக்கிறார்கள்.

ராமன் எப்படி ராவணனை வீழ்த்தி விபீஷணன்னை மன்னன் ஆக்கினாரோ அதேபோல் மோடி இந்த அசூரர்களை வீழ்த்தி அசுரகுலத்தில் இருந்த எடப்பாடி என்றவனை மன்னனாக்கி நீட், 5, 8, ஆம் வகுப்புக்கு போதுதேர்வு தேவர்களுக்கு 10% இட ஒதுக்கீடு, குலகல்வி, என்று வருணாசிரம தர்மத்தை மீண்டும் நிலைநாட்டினார்.

அவர் பிறந்தநாளைதான் நாம் மோடி ஜெயந்தி என்று கொண்டாடுகிறோம்மகனே.

அப்பா இந்த அசுரர்கள் எல்லாம் யாருப்பா?
நம்ம முப்பாட்டனுங்கதான் மகனே, போ போயி அம்மா லட்டு உருட்டிடாளான்னு பாரு. அப்படியே களத்துமேட்டில் வேலை செய்யும் உன் நண்பர்களுக்கும் ஹாப்பி மோடிஜெயந்தி சொல்லிடு மகனே.

மதுராந்தகி

2015-12-19T17:28:00.000+05:30

மன்னா நம் அரண்மனையை உங்கள் புதல்வர்கள் முற்றுகையிட்டுவிட்டார்கள்.

கனத்த மவுனம்’

உப்பரிகையில் நின்று கோட்டை சுவரை வெறித்து பார்த்துகொண்டிருந்தான் இரண்டாம் கவுசிகன்.

என் மகள் மதுராந்தகி தேவி பாதுகாப்பாகத்தானே இருக்கிறாள்.?

ஆம் மன்னா. போர் தொடங்குவதற்கு முன்னரே அவரை பட்டாசாரியார்களின் பாதுகாப்பில் ஒப்படைத்துவிட்டேன்.

இந்நேரம் அவர் இலங்கையில் பாதுக்காப்பாக இருப்பார்.

மன்னா...

ம்..

கடைசியாக ஒருமுறை உங்கள் புதல்வர்களிடம் பேச்சுவார்த்தை நடத்தி பார்க்கலாமே .

எதற்கு மந்திரியாரே வீண் கால விரயம். எல்லாம் விதிப்படி நடக்கட்டும் .

என்னை எதிர்ப்பதிலாவது ஒற்றுமையாக இருக்கிறார்களே.

பெண் நாடாண்டாள் என்ன குடியா மூழ்கிவிட போகிறது .?

மதுராந்தகி திறமையை நான் சிறுவயதில் இருந்தே கவனித்து வருகிறேன் ஆட்சி அதிகாரத்தை கையாள்வதில் அவள் எந்த ஆணுக்கும் சளைத்தவள் அல்ல.

அவள் மூலமாக இந்த நாடு பெரும் பேரு அடையும் என்று கனவு கண்டது ஒரு தவறா.?

என் மகன்களின் ஒப்புதலோடுதானே இந்த ஏற்ப்பாட்டை செய்ய முயற்சித்தேன்?. இப்போது என்ன ஆயிற்று இவர்களுக்கு?.

எல்லாம் கீழை சாளுக்கிய மன்னனின் சதி மன்னா. பெண் நாடாள்வது தெய்வ குற்றம் சாஸ்திர சம்பிரதாயங்களுக்கு எதிரானது என்று தூண்டிவிட்டார்கள்.

அரியணையையும், அவர் மகளையும், உங்கள் மூத்த புதல்வனுக்கு தருவதாக ஆசைகாட்டி இருக்கிறார்.

அதில் இருக்கும் அரசியல் சூழ்ச்சி தெரியாமல் இந்த முட்டாளும் அதற்க்கு ஒத்துகொண்டானா.?

மன்னா... ராஜகுரு தங்களை காண வந்திருக்கிறார்.

சரி வரச்சொல்.

ராஜகுரு வருகை

வெள்ளை தாடியுடன் ஒளிபொருந்திய பார்வையுடன் வயதுக்கேற்ற தள்ளாமையுடன் உள்ளே வந்தார் ராஜகுரு.

அரசே..

கரங்கள் கூப்பிய நிலையில்..

வாருங்கள் குருநாதரே..தங்களை மிகவும் சிரமபடுத்திவிட்டேன். என்னை மன்னித்தருள்க.

என்னால் ஆன முயற்சிகள் எல்லாம் செய்துவிட்டேன் மன்னா.

எதுவும் பலன்தரவில்லை. தங்களை சிறை பிடிப்பதே லட்சியம் என்று கருவிகொண்டு இருக்கிறான் விஜயாதித்தன்.

குருநாதா தாங்கள் தானே மதுராந்தகியின் ஜாதகத்தை கணித்து கூறினீர்கள்.

இவள் நாடாள பிறந்தவள் என்று.

பின்னர் ஏன் இப்படி எல்லாம் நடக்கிறது?

என் கணிப்பு பொய்க்காது மன்னா..

இப்போது நடப்பது ஏதோ ஊழ்வினை பயனாக இருக்கலாம். மதுராந்தகி தேவி பொன்னியின் அம்சம் கொண்டவர். அதனால் மதுராந்தகி கண்டிப்பாக நாடாள்வார்.அதை உங்கள் கண்களால் நீங்கள் காண்பீர்கள் மன்னா.

உணர்ச்சியற்ற கண்களால் அவரை பார்த்துகொண்டிருந்தான் மன்னன்

மன்னா ஒரு சிறு விண்ணப்பம்.

தாங்கள் என்னிடம் விண்ணப்பம் வைப்பதா .?

என்னை மேலும் பாவி ஆக்காதீர்கள் குருநாதரே என்ன செய்யவேண்டும் என்று சொல்லுங்கள்.

பாண்டியர்களிடம் உதவி கேட்டுள்ளேன் நிலைமை சீரடையும் வரை தாங்கள் தலைமறைவாக இருப்பது நல்லது.

எப்படி குருதேவா? முற்றுகையை உடைத்து கொண்டு தப்பிக்க நம்மிடம் போதிய படை வீரர்கள் இல்லை.

வடக்கு வாசல் படையினரை நம்ப முடியாது நம் வீரர்கள் பலர் இப்போது அவனுக்கு சாதகமாக மாறி இருக்கும் வாய்ப்பு உள்ளது.

சற்றே நெருங்கி மன்னனின் காதருகே வந்தார் ராஜகுரு ..

உங்கள் முன்னோர்கள் வெட்டிவைத்த சுரங்க பாதை இருக்கிறதே மன்னா ?

குருநாதரே எதிரியாக நிற்ப்பவர்கள் என் மகன்கள் அவர்களுக்கு இந்த கோட்டையில் உள்ள அத்தனை சுரங்கங்களும் தெரியும்..

தலையை அசைத்தவாறே மன்னனின் காதில் லேசாக கிசுகிசுத்தார் அவர்களுக்கு தெரியாத ஏன் உங்களுக்கே தெரியாத சுரங்கம் ஒன்று இருக்கிறது மன்னா .....

ஆச்சிரியத்தில் விழிகள் விரிய பார்த்தான் மன்னன் .

எனக்கு தெரியாமலா?

ஆம் மன்னா அது களப்பிரர்கள் காலத்தில் இந்த அரண்மனையை கைப்பற்றும் போது கண்டு பிடிக்கபட்டது. தாமரைக்குளத்தின் படிக்கட்டுகளுக்கு அடியில் உள்ளது.

அது எங்கே முடியும் என்று யாருக்கும் தெரியாது.

ஏன் ?

அந்த சுரங்கத்தின் உள்ளே ஒரு குறிப்பு உள்ளது மன்னா.

இது மாய சுரங்கம். ராஜரத்தம் மட்டும் உள்ளே செல்ல அனுமதி என்று.

அதை எனது முன்னோர்கள் கண்டுபிடித்து பாதுகாத்து வருகிறார்கள். இரண்டொரு முறை அந்த சுரங்கத்துள் ஆள் அனுப்பி சோதிக்க முயன்றனர் சென்ற யாரும் திரும்பவில்லை..

இதை ரகசியமாக நான்கு தலைமுறையாக பாதுகாத்துவருகிறோம்.

இப்போது இதை விட்டால் வேறு வழி இல்லை மன்னா ...

சிறிதுநேர யோசனைக்கு பிறகு திடமாக எழுந்தான் மன்னன்.

தங்கள் ஆலோசனையை இதுவரை நான் தட்டியது இல்லை நீங்கள் சொன்னபடியே ஆகட்டும் ...

சுரங்க வாயில்

(மன்னனும், ராஜகுருவும், ஆபத்துதவிகளும்,)

ஆபத்துதவிகள் இரண்டுபேர் என்னுடன் வந்தால் போதும்.

பந்தம் கொளுத்தப்பட்டது.

சிறிது வெளிச்சத்தில் பந்தம் தேவை படவில்லை.

ஆனால் உள்ளே செல்ல செல்ல இருள் வெளிச்சத்தை கவ்வியது.

அடேய் கார்மேகா எங்கு இருக்கிறாய் எனக்கு ஒன்றும் தெரியவில்லை.

பதில் இல்லை..

பந்தத்தில் சூடு இருக்கிறது ஆனால் வெளிச்சம் இல்லை. இது எந்தமாதிரியான மாய சுரங்கம்.?

வழி தவறிவிட்டோமா?

இருள் சூராவளிக்குள் சிக்கிகொண்டது போல் இருக்கிறதே ..

கால்கள் தள்ளாட தொடங்கியது..

காலம் திசை எல்லாம் இந்த குகைக்குள் வெறும் மாயை போல் உள்ளதே.

முடிவு இதுதான் ..நம்பிக்கை உடையும் வேளையில் தூரத்தில் ஒரு புள்ளியாக வெளிச்சம்.

அது போதும் அந்த ஒற்றை புள்ளி போதும்.

சோர்ந்து இருந்த உடலுக்கு புது தெம்பு தருவதற்கு இந்த சிறு வெளிச்சம் போதும் .

கண்களால் அந்த புள்ளியை நோக்கி வேகமாக முன்னேறினான்.

குகைவாயில் அடைபட்டு இருந்தது.

பலம் கொண்டமட்டும் அதை தன் தோள்வலிமையால் இடித்து திறந்தான்.

ஒரு கற்பலகை பெயர்ந்து வெளியே சரிந்தது.

லேசாக சாக்கடையும் தண்ணீரும் குகைக்குள் சரிந்தது.

வெளியே வந்து பார்த்தான்.

இது என்ன நதி .?

இப்படி நாற்றம் எடுக்கிறதே !

அட இது எந்த நாடு .?

நாற்றம் எடுக்கும் அந்த நதி ஓரத்தில் நடந்து வந்தான்.

குதிரைகளும் மாடுகளும் இழுக்காமல் இங்கு ரதங்கள் எல்லாம் தானாக ஓடுகிறதே?

இது என்ன மாய உலகமா .?

அது என்ன ஓவியம் இவ்வளவு பிரம்மாண்டமாக?

அந்த ஓவியம் மிகவும் தத்ரூபமாக உள்ளதே..

கண்களை சுருக்கி அதில் இருந்த எழுத்துக்களை கூர்ந்து படித்தான்.

“காவேரி தாயே தமிழகத்தில் என்றும் உன் ஆட்சியே”..

இவ்வளவு பிரம்மாண்டமாகவும் தத்ரூபமாகவும் ஒரு ஓவியனால் வரைய முடியுமா.?

அது யார் அந்த ஓவியத்தில்..

மதுராந்தகி போலவே இருக்கிறதே!

மதுராந்தகியேதான் .................

மதுராந்தகி..........

மதுராந்தகி...........

(கூவம் நதிக்கரையில் ஒரு பைத்தியத்தை போல அந்த பிரம்மாண்ட ஓவியத்தை நோக்கி ஓடிகொண்டிருந்தான் அந்த சோழ மன்னன்.)

ஹிந்து நாடு ஏன் கூடாது

2015-10-20T15:55:00.000+05:30

இந்த நாட்டை ஒரு இந்து மத நாடாக மாற்ற துடிப்பவர்கள் அல்லது அதுபோன்றதொரு ஆசையை மனதில் மட்டும் வைத்து கொண்டு சகிப்புத்தன்மையற்ற செயலுக்கும் மவுனம் சாதித்து மறைமுக ஆதரவு தருபவர்களும் ஏன் இந்த நாடு இந்து மத நாடாக ஆக வேண்டும் என்பதற்கும் தெளிவான ஒரு விளக்கமும் சொல்ல முடியாது .

முஸ்லீம்களுக்கு தனி நாடுகள் இல்லையா? அவர் நாட்டில் போயி நீ இந்தமாதிரி பேசமுடியுமா ? என்கிற சொத்தை வாதத்தைதான் முன் வைக்கிறார்கள் . ஐயா அது மதவாதநாடாக இருந்து அதனால் அவர்கள் பெற்ற பயன் என்ன என்பதை ஆராய்ந்து விட்டு உன் நாட்டை மதவாத நாடாக மாற்ற உன் ஆதரவு தெரிவித்தால் நலம்.

இப்போது அனைத்து துறைகளிலும் முன்னணியில் இருக்கும் ஐரோப்பிய நாடுகளுக்கும் ஒரு இருண்டகாலம் இருந்தது. ஆம் ஐரோப்பிய நாடுகளில் பெரும்பாலும் கிருஸ்துவ மதத்தை தழுவின பின்பு விளைந்த நாசங்களை பட்டியல் இட்டால் தெரியும். அரசனின் கையில் இருக்கும் அதிகாரத்தை விட ஒரு மத நிறுவனத்திடம் அதிக அதிகாரம் குவியுமானால் அவர்கள் செயல் எப்போதும் அமைதியின்மைக்கே நம்மை இட்டு செல்லும் என்பதற்கு ஏராளமான வரலாறுகள் உள்ளது.

போப்பின் பேச்சை மன்னன் தட்டமுடியாது சிலுவைபோர்கள் என்கிற வரலாற்றின் மிக நீண்ட போரை ஏறதாழ 200 ஆண்டுகள் சிறியது பெரியதுமாக பல சிலுவைபோர்கள் நடந்திருக்கிறது இதை ஆரம்பித்து வைத்தவர் போப் இரண்டாம் அர்பன். மதம் வெறும் போர்களை தானே உற்பத்தி செய்யும் அதில் சாவது ராணுவ வீரர்கள் தானே என்று விட்டு விட முடியுமா. அதே காலகட்டத்தில் கிறிஸ்தவ மதத்தை தழுவாதவர்கள் சடங்குகளில் நம்பிக்கை வைத்தவர்கள் எல்லாம் கூட்டம் கூட்டமாக சூனியம் செய்பவர்கள் என்று உயிரோடு கொளுத்த பட்டார்கள்.

பல ஆராய்சிகள் தடை செய்யபட்டது பல கண்டுபிடிப்பாளர்கள் கொலை செய்ய பட்டார்கள் கோப்பர்னிக்கஸ் தான் கண்டுபிடித்த சூரிய மைய கோட்பாடை இறக்கும் வரை வெளியிடவில்லை அவர் இறந்த பின் தான் அது வெளிவந்தது. கலிலேயோ அதை ஆதரித்ததால் பலவிதங்களில் கொடுமைபடுத்தபட்டார் ஏன் திருச்சபையில் தான் ஒரு பொய்யன் என்று கூறி மன்னிப்பு கேட்க்கும் நிலைமைக்கு தள்ளபட்டார். ஏன் என்றால் திருச்சபையின் அதிகாரத்திற்கு முன்னாள் மன்னனின் அதிகாரம் செல்லாது.

இப்படி முன்னேற்றத்திற்கான எந்த தடையமும் இல்லாமல் தடுமாறி கொண்டுஇருந்த அதே ஐரோப்பிய கண்டம்தான் இன்று அறிவியல் ஆராய்ச்சியில் உலகிற்கு முன்னணி ஆகயுள்ளது .

போப்பின் அதிகாரத்தில் இருந்து வெளியேறிய பின்னர்தான் இது நடந்தது.

இனி ஒருபோதும் மத நிறுவனங்களை அரசியலில் கலக்கும் தவறை அவர்கள் செய்யமாட்டார்கள். காரணம் அவர்கள் வரலாறை வெறும் மார்க் வாங்குவதற்காக படிப்பவர்கள் அல்ல. அதில் நடந்த தவறுகளில் இருந்து பாடம் கற்பதற்காக படிப்பவர்கள். நாம் தான் வரலாறை உள்ளபடியே ஏற்றுகொள்ளும் பழக்கம் இல்லாதவர்கள் ஆயிற்றே. வாய்ப்பு கிடைக்கும்போது எல்லாம் அதை திருத்தி திருத்தி உண்மையை மறைத்து பொய்யையும் தற்புகழ்ச்சி மிக்க பாடல்களாலும் நிரப்பி விடும் பழக்கம் உள்ளவர்கள் தானே நாம். எந்த செயலுக்கும் நாம் வெட்கபட்டதே இல்லை மாறாக அதற்க்கு நியாயம் கற்ப்பிக்கும் குணம் உள்ளவர்களாக உருவாக்க பட்டுள்ளோம்.

ஆனால் நாம் பல்லாயிரம் ஆண்டுகளாக மதத்தின் பெயரால் ரத்தம் சிந்திகொண்டு தான் இருக்கிறோம். இஸ்லாமும் கிருத்துவமும் இந்த மண்ணிற்கு வருவதற்கு முன்னாள் இருந்தே இந்த ரத்தம் சிந்தும் படலம் நடந்து கொண்டே தான் இருக்கிறது. சைவம், வைணவம், பவுத்தம், சமணம், என்று ஏதோ ஒரு மதத்துடன் ஏதோ ஒரு காரணத்திற்காக அனல்வாதமும் புனல்வாதமும் புரிந்துகொண்டுதான் இருந்திருக்கிறோம். மற்றவர்களை கழுவில் ஏற்றுவது எப்போது நாம் ரசிக்கத்தகுந்த வெற்றியாகவே கொண்டாடி கொண்டிருந்திருக்கிறோம். வெள்ளையனின் வருகைக்கு பின்னால் சமத்துவம் சகோதரத்துவம் என்று லேசாக முன்அடி எடுத்து வைத்தால் அதற்குள் நம்மை பின்னால் இழுக்க ஒரு சக்தி கிளம்பிவிட்டது.

இதனால் விளையபோகும் பாதிப்பு தெரியாமலேயே அந்த சக்திக்கு எரிபொருளாக ஆவதற்கு இங்கு பலர் துடிக்கிறார்கள். இன்று நீ மாட்டுகறி சாப்பிடாதே என்று சொல்பவன் நாளை நீ இதை மட்டும் தான் சாப்பிடவேண்டும் என்று உன் சாப்பாட்டை தீர்மானிப்பான் . இன்று நீ இதை எழுதாதே என்று சொல்பவன். நாளை நீ இதை மட்டும்தான் எழுதவேண்டும் அதையும் இப்படிதான் எழுத வேண்டும் என்று கட்டளை இடுவான். பிறகு இவன் மட்டும்தான் படிக்கணும் இவன் எல்லாம் படிக்கவே கூடாது அது நம்ம தர்மத்துக்கு விரோதமானது என்று சொல்வான். அப்போது நீ தலையில் காவி துண்டை சுற்றிக்கொண்டு கையில் காய்ச்சிய ஈயத்தோடு வீடு வீடாக சென்று எவன் காதில் ஊற்றலாம் என்கிற வெறியோடு சுற்றிக்கொண்டுதான் இருப்பாயா ?

சமத்துவமும், அமைதியும், குறிப்பாக நாகரிகமும் உள்ள ஒரு மதவாத நாடு நம்மால் காட்டமுடியுமா ?

அப்படி இந்த நாடு தன் மதகொள்கையினால் மட்டுமே முன்னேறியது எல்லா மக்களும் ரத்தம் சிந்தாமல் அமைதியாக வாழ்கிறார்கள் என்று ஒரு முனுதாரனமான நாட்டை காட்டுங்கள் அப்படி ஒன்று இருந்து விட்டால் வாருங்கள் நாமும் கத்தியோடு கிளம்பலாம் இந்த நாட்டை ஒரு இந்துமத் நாடாக மாற்ற.

கதம் கதம்

2015-03-13T11:10:00.000+05:30

இரண்டு மாறுபட்ட கதாபாத்திரங்களுக்கு இடையே நடக்கும் போட்டியே இந்த கதம் கதம். கதாநாயகனாக சதுரங்கவேட்டை நட்ராஜும் , நந்தாவும் நடித்திருக்கிறார்கள் . பாபு தூயவன் இயக்கி இருக்கிறார் .

கதை ரொம்ப சிம்பிள் நேர்மை போலிஸ், நேர்மை அற்ற போலிஸ், நேர்மை போலீஸாக நந்தாவும் கேடி போலீஸாக நட்ராஜும் நடித்திருக்கிறார்கள் .
தனி ஒரு ஆளாக நட்ராஜ் படத்தை தூக்கி நிறுத்தி இருக்கிறார் . நந்தா எப்போதும் கஞ்சிதொட்டியில் முக்கி எடுத்தவர் போல் விறைப்பாகவே நிற்கிறார் . காதல் காட்சிகளில் கூட அப்படியே .

கதாநாயகியாக சனம் ஷெட்டி நடித்துள்ளார் . அப்படின்னு சரியாக சொல்லமுடியாது வெறும் பாடல் காட்சிகளுக்கு என்ன நடிப்பு வேண்டி இருக்கு. எல்லா தமிழ் பட கதாநாயகிகளை போல குறைவான அறிவு ஆனால் மீதி எல்லாம் அதிகமாகவே இருக்கு. பாடல் காட்சிகளில் முழுசாக பயன்படுத்தி இருக்கிறார்கள்.(நன்றாக கவனிக்கவும் முழுசாக ) .

வில்லனாக படத்தில் ஒருவர் வருகிறார் படம் ஆரம்பிக்கும்போது தன்னை எம்.பி. என்று சொல்கிறார் . பின்னர் படம் முடியும் பொது தான் ஒரு எம்.பி. என்று சொல்கிறார் . இடைப்பட்ட நேரத்தில் அவர் எம்.பி. என்பதை எல்லாரும் மறந்துவிட்டார்கள் படம் பார்க்கும் நாம் உட்பட. இப்படி நெறி படுத்தபடாத காட்சிகள் படத்திற்கு தொய்வு .

இதை எல்லாம் தாண்டி நட்ராஜின் நடிப்பு மற்றும் வசன உச்சரிப்பு, நக்கல், நையாண்டி எல்லாம் படத்தை காப்பாற்றுகிறது .ஒரு பார்த்திபன் ஸ்டெயில் நடிப்பு .

பி.சி.செண்டர் ரசிகர்களை குறி வைத்து எடுத்திருக்கிறார்கள். அதில் நிச்சிய வெற்றியும் பெற்றுவிட்டார்கள். ஜாலியாக பொழுது போகவேண்டும் என்று விரும்புபவர்கள் பார்க்கலாம்.

தொட்டால் தொடரும் - விமர்சனம்

2015-01-23T20:11:00.000+05:30

நான் மிகவும் மதிக்கும் நண்பரின் முதல் படமான இதற்கு நான் விமர்சனம் எழுதலாமா என்று ஒரு சின்ன தயக்கம் இருந்தது அதை தூக்கி மூலையில் வைத்து விட்டு இதை எழுதுகிறேன் ..

இது ஒரு ரொமாண்டிக் த்ரில்லர் வகை .. பொதுவாக இந்த மாதிரி திரில்லர் படங்களுக்கு ரெண்டு விதமான சைக்காலஜி (உளவியல்) மட்டுமே பிரதானம் .
ஒன்று கொலையாளி யார் என்பதை மறைத்து வத்து பார்வையாளர்களை யூகிக்க விட்டு கடைசியில் முடிச்சை அவிழ்ப்பது . பார்வையாளர்கள் இவனா அவனா ? என்று குழம்பவைத்து அவர்கள் எதிர்பார்க்காத முடிவை தருவது . அந்த முடிவு பார்வையாளர்கள் ஏற்று கொள்ளும் வகையில் இருந்தால் படம் சக்சஸ். உதாரணம் அதே கண்கள் போன்றவை. இதில் வெற்றியை விட தோல்வியே அதிகம் . காரணம் இயக்குனரின் திருப்பம் பார்வையாளர்கள் ஓரளவிற்கு யூகித்து விடுவது . அல்லது ஏற்று கொள்ள முடியாத நிலையில் இருப்பது .

ரெண்டாவது வகை ஓரளவிற்கு வெற்றிகரமானது . இதில் கொலையாளி யார் என்பதை பார்வையாளர்களுக்கு முன்னரே தெரியபடுத்தி விடுவது. ஆனால் அந்த படத்தில் இருக்கும் கேரேக்டர்களுக்கு அது தெரியாது . இப்போது பார்வையாளர்களுக்கு சஸ்பென்ஸ் இருக்காது ஆனால் ஒரு வகை பதபதைப்பு இருக்கும். அது அவர்களை படத்தோடு ஒன்ற செய்துவிடும் . சிகப்பு ரோஜா , விடியும் வரை காத்திரு , வாலி . போன்ற வகையறாக்கள் .

தொட்டால் தொடரும் முதல் வகை . படம் ஆரம்பித்து பத்து நிமிடத்திற்குள் நம்மைஉள்ளே இழுத்து விடுகிறார் இயக்குனர் . படம் தொய்வில்லாமல் நகருவது மிகபெரிய பலம் . படத்தின் நாயகன் தமன் எதார்த்தமான நடிப்பு. பல நேரங்களில் ப்ரித்விராஜ் நினைவுக்கு வருகிறார் அப்படி ஒரு வாயிஸ் மாடுலேஷன் கொஞ்சம் மெனக்கிட்டால் ஒரு ரவுண்ட் வரலாம் .

நாயகி அருந்ததி இந்த அம்மணி கால் சென்ட்டரில் வேலை பார்ப்பவராக இல்லாமல் சண் மியுசிக் காம்பயர் என்று காட்டி இருந்தால் சரியாக இருந்திருக்கும். ஏன் என்றால் இவர் பாடி லேங்குவேஜ் அப்படி இருக்கு நாயகனிடம் பேசும் பொது கூட ஏதோ டெலி காலரிடம் பேசுவதை போலவே இருக்கு. கதாநாயகிகளுக்கு நடிக்க வாய்ப்பு இருக்கும் படங்கள் கிடைப்பது அரிது . இவருக்கு இந்த வாய்ப்பு அதிர்ஷ்டம் தான். அதை சரியாக பயன் படுத்தினாரா என்பது கொஞ்சம் கேள்வி குறிதான் . நாயகனுடன் பாண்டிச்சேரியில் தனியாக தாங்கும் சந்தர்ப்பத்தில் எங்கே கவர்ச்சி கிவர்ச்சி காட்டிவிடுவாரோ என்கிற பதட்டம் தோற்றி கொள்வதை தவிர்க்க முடியவில்லை . நல்ல வேலையாக அப்படி எதுவும் இல்லை . பிற்காலத்திலும் அப்படி நடந்துவிடாமல் இருக்க கடவுளை வேண்டி கொள்வோம் .

நாடகத்தனமான காட்சியமைப்பு படத்திற்கு மிக பெரிய தொய்வு சித்தி கொடுமை கையாலாகாத தந்தை என்று நாயகியின் குடும்பத்தை பார்க்கும் போது எல்லாம் சீரியல் நினைவுதான் வருகிறது .

ரெண்டு ட்ராக்காக பயணிக்கும் திரைக்கதை சுவாரசியம். இன்வெஸ்டிகேஷன் பிரிவு கொஞ்சம் அமெச்சூர் தனம். சுவாரசியமாக போட்ட முடிச்சிகள் அவிழ்க்கும் பொது இருந்த சுவாரஸ்யம் வடிந்து விடுகிறது.

நடிப்பு என்று பார்த்தால் பாரதி மணி ஐயா ஒரு காட்சியில் வந்தாலும் முத்திரை பதுத்து விட்டு போகிறார் . ரெண்டாவது பிரமிட் நடராஜன் . எல்லாம் எச்பீரியன்ஸ்.

இசை பி.சி.சிவம் பாடல்கள் ஒ.கே. ரகம் பின்னணி இசை ரொம்ப சுமார் படம் நாடகத்தனமாக தோன்றுவதற்கு இவர் முக்கிய காரணம் .

க்ளைமாக்ஸ் காட்சி படத்திற்கு ஒரு திரிஷ்ட்டி போட்டு .
தான் ஒரு இயக்குனர் என்பதை கேபிள் ஷங்கர் இந்த படத்தின் மூலம் தெளிவாக நிருபித்து விட்டார் . மிக சிறந்த இயக்குனர் என்பதை அடுத்த படத்தில் நிரூபிப்பார் என்று நம்புகிறேன்.

ஆரம்பம் -விமர்சனம்

2013-10-31T10:54:00.000+05:30

தலைக்கு இன்னும் மங்காத்தா ஜுரம் முழுமையாக விடவில்லை போலும் .
என்னதான் சொன்னாலும் அஜித்துக்கு இருக்கும் ஓபனிங் அசைக்கமுடியாது என்று தான் தோன்றுகிறது .
இந்து நாளிதழில் இதுவரை வந்த அஜித்தின் திரைப்படங்களின் வசூல் சாதனையை ஆரம்பம் முறியடிக்கும் என்று போட்டிருந்தார்கள் .அது உண்மையாக கூடிய சாத்தியம் இருக்கிறது .

படத்தின் ஆரம்பமே அதிரடியாக ஆரம்பிக்கிறது . மும்பையில் சில இடங்களில் வெடிகுண்டுகள் வெடிக்கிறது . அதை செட் செய்வது அஜித். அதன் பிறகு அப்பாவியான ஆர்யாவை கடத்துகிறார். நயன்தாராவை மிரட்டி ஆரியாவை பணிய வைக்கிறார். இது எல்லாம் மங்காத்தா தனமாக இருக்கிறதே என்று யோசித்து கொண்டிருக்கும் பொது இடைவேளை வந்துவிடுகிறது . இடைவேளையின் பொது சொல்கிறார் இது முடிவு இல்லைடா ஆரம்பம் என்று .

உண்மைதான் இடைவேளைக்கு பிறகு கதை வேறு திசையில் பயணிக்கிறது . சாரி பறக்கிறது . ஆயுத பெற ஊழல் , ஹோம் மினிஸ்டர் மற்றும் உயர் அதிகாரிகளின் ஊழல் இதனால் உயிரை இழக்கும் நண்பனின் குடும்பம். பழி வாங்க புறப்படும் ஹீரோ என்று ஒரு தமிழ் படத்திற்கு தேவையான அத்தனை வஸ்துக்களையும் அளவு மீறாமல் சரியாக கலந்து குடுத்திருக்கிறார் இயக்குனர் விஷ்ணுவர்தன் .

பில்லாவிற்கு பிறகு இருவரும் இணையும் கதை என்பதால் ரசிகர்களிடையே மிகுந்த எதிர்பார்ப்பை இந்த படம் ஏற்படுத்தி இருக்கிறது .துணை நாயகனாக ஆரியா நடித்துள்ளார் அவருக்கு ஜோடியாக தாப்சி . ரானா ,கிஷோர் ,அதுல் குல்கர்னி, மகேஷ் மஞ்ச்ரேகர் , சுதா ரகுநாத் . என்று மிக பெரிய நட்சத்திர பட்டாளமே நடித்துள்ளது.

ஆனால் அனைவரையும் அசால்டாக ஓரம் கட்டி விடுகிறார் அஜித்குமார் . இவரை எப்படி காட்டினால் ரசிகர்கள் கைதட்டுவார்கள் என்று நன்றாக புரிந்து வைத்திருக்கிறார் இயக்குனர் . பத்து நிமிடத்திற்கு ஒருமுறை ஸ்லோ மோஷனில் நடக்கவிட்டு கைதட்டுகளை அள்ளுகிறார் .

ஆர்யாவின் அறிமுகம் மற்றும் பிளாஷ்பேக் காட்சிகள் லேசாக கொட்டாய் விட வைத்தாலும் பிறகு வேகம் எடுத்து விடுகிறது . படத்தின் இசை யுவன் ஷங்கர்ராஜா பில்லா அளவிற்கு இல்லை என்றாலும் பாடல்கள் நன்றாகவே உள்ளது அதை படமாக்கிய விதமும் கலர்புல் .

டாப்சி குறைந்த மூளை கொண்ட தமிழ் கதாநாயகிகளின் இலக்கணத்திற்கு கச்சிதமாக பொருந்துகிறார். நயன்தாரா இன்னும் அண்ணி வேடங்களில் நடிக்காமல் தன்னை கதாநாயகியாக தக்க வைத்து கொண்டிருப்பது மிக பெரிய சாதனை. அஜித்திற்கு ஈடு குடுத்து காட்சிகளில் தனித்து தெரிய வேண்டும் என்றால். மிக பெரிய அனுபவம் பயிற்சி தேவை நயனுக்கு அனுபவம் கைகுடுக்கிறது .

படத்தில் வண்டி வண்டியாக லாஜிக் மிஸ்டேக் இருக்கிறது . சர்வர் ஹேகிங் என்பது என்னவோ கடலை மிட்டாய் வாங்குவது போல் சுலபமானது என்று நினைத்துவிட்டார்கள் போல . பத்து நிமிடத்தில் சாட்டிலைட்டின் அப்ளின்கை ஹேக் செய்வது எல்லாம் ரொம்ப கொடுமை . துபாய் வங்கியின் சர்வரை ஹாக் செய்ய இவர்கள் போடும் திட்டம். பாரிஸ் கார்னரில் தள்ளுவண்டிகாரனிடம் இருந்து அவனுக்கு தெரியாமல் ஒரு சாத்துக்குடி திருடுவதை விட சுலபமானது கம்பியூட்டர் ஓரளவிற்கு தெரிந்தவர்கள் சிரித்து கொள்வார்கள் . இதை எல்லாம் பெரிதாக எடுத்து கொள்ள முடியாத அளவிற்கு
திரைகதையின் வேகம் அமைந்துவிட்டதால் படம் பார்பவர்களுக்கு உறுத்தவில்லை.

இந்த படத்திலும் அஜித் பைக் ஓட்டுகிற காட்சி ஒன்று வருகிறது நல்ல வேளையாக அதை அவர் ஒழுங்காக ரோட்டில் ஓட்டுகிறார் . வெறும் பைக்கை காட்டினாலே போதும் ரசிகர்களின் விசில் ஆர்பாட்டம் விண்ணை பிளக்கிறது .
இந்த தீபாவளிக்கு தல ரசிகர்களுக்கு பிரியாணி விருந்து படைத்துள்ளார் .

குறும்பட குஸ்கா

2013-10-21T12:40:00.001+05:30

மிக சமீபகாலமாக நிறைய பேர்களுக்கு குறும்படம் எடுக்கும் ஆசை தலைவிரித்து ஆடிகொண்டிருக்கிறது (என்னையும் சேர்த்துதான்).
அதற்க்கு தேவையான பொருள்கள் என்னவென்றால். ஒரு டிஜிட்டல் கேமரா,சுமார்மூஞ்சி குமார் மாதிரி நான்கு நண்பர்கள்,கொஞ்சம் பணம் அவ்ளோதான். இப்படிதான் நிறைய பேர்கள் நினைத்து கொண்டிருக்கிறார்கள்.

சரி நான் விஷயத்திற்கு வருகிறேன் நேற்று நண்பர் சுரேஷ் அவர்களின் அழைப்பின் பேரில் நண்பர் நிஷான்னின் குறும்பட வெளியீட்டிற்கு நான் ஆரூர்மூனா செந்தில் ,மற்றும் சில நண்பர்களுடன் ஏ.வி.எம்.ப்ரிவிவ் தியேட்டருக்கு சென்றிருந்தோம்.

படத்தின் பெயர் ஓட்டம் நண்பர் நிஷான் இயக்கி இருக்கிறார். இது அவருக்கு முதல் படம் என்று நினைக்கிறேன். சுமார் இருபது நிமிடம் ஓடக்கூடிய அந்த குறும்படத்திற்கு விமர்சனம் எல்லாம் தேவையா .? இது கொஞ்சம் ஓவர் என்றுதான் நினைத்தேன் என்றாலும் குறும்படங்களை பற்றிய என்னுடைய புரிதலை பகிர்ந்துகொள்ள ஆசை படுகிறேன்.

குறும்படத்திற்கு கதை என்கிற வஸ்த்து இருக்க வேண்டும் என்கிற அவசியம் இல்லை. மெசேஜ் சொல்ல வேண்டும் என்கிற கட்டாயம் இல்லை. ஒரு சிறு சம்பவத்தை எப்படி சுவாரசியமாக சொல்கிறோம் என்பதில்தான் அதன் வெற்றி அடங்கி இருக்கிறது. காட்சிபடுத்துவதில் உள்ள வித்தியாசம் உங்களை கவனிக்க வைக்க வேண்டும் . பெரும்பாலும் குறும்படம் எடுப்பவர்கள். அதை தனது விசிட்டிங் கார்டாக பயன்படுத்தி சினிமாவிற்க்காண தங்கள் முயற்சியை எடுப்பார்கள். அப்படி என்றால் அதன் முக்கியத்துவம் எத்தகையதாக இருக்க வேண்டும்?

வெறும் பத்து அல்லது பதினைந்து நிமிடங்களில் சொல்ல வந்ததை தெளிவாகவும் சுவாரசியமாகவும் சொல்ல வேண்டும். கொஞ்சம் சொதப்பினாலும் படம் பார்ப்பவர்கள் "சரி அதுக்கு என்ன இப்போ" என்கிற மாதிரி முகத்தை திருப்பி கொள்வார்கள்.

ஓட்டம் படத்தில் புதுமையாக எந்த கதாபாத்திரமும் சித்தரிக்க படவில்லை.
நாலு நண்பர்கள் அதே டாஸ்மாக். தேவை இல்லாமல் ஒரு லவ்வு . சரி என்னதான் செய்யபோகிறார்கள் என்கிற எதிபார்ப்பு படம் முடியும் வரை யாருக்கும் வரவில்லை. ஒரு முழுநீள திரை படத்தில் லாஜிக் பிழைகள் வரலாம் அது கூட ஓரளவிற்கு ஏற்று கொள்ளலாம். ஆனால் வெறும் பதினைந்து நிமிடம் ஓடக்கூடிய குறும்படத்தில் இத்தகைய லாஜிக் பிழைகள் ஏற்று கொள்ள முடியாதது .

சரி பாத்திரபடைப்பிலாவது ஏதாவது புதுமையாக சிந்தித்து இருக்கலாம். 90களில். வந்த உதயம், சத்யா, போன்ற படங்களில் வந்த அதேபோன்ற வில்லன். போலிஸ் அதிகாரியாக ஒரு கதாபாத்திரம் வருகிறது அது அபத்தத்தின் உச்சம். அவர் சிவாஜியை மனதில் வைத்து கொண்டே நடித்திருப்பார் போலும். குறும்பட நடிப்பு என்பது எதார்த்தர்க்கு மிக நெருக்கமாக இருக்க வேண்டும். ஒரு டோஸ் அதிகம் ஆனாலும் பார்க்க சகிக்காது. ஒவ்வொரு நிமிடமும் முக்கியம் என்பதால் தேவையற்ற காட்சிகள் அறவே இருக்க கூடாது.

அடுத்ததாக வசனம் எவ்வளவு குறைவாக இருக்கிறதோ அவ்வளவு பவர்புல்லாக அந்த காட்சி இருக்கும். வழ வழ வசனங்கள் நிச்சியம் படத்திற்கு மைனஸ்தான். நகைச்சுவையை காட்சியாக சித்தரிப்பது என்பது வேறு. அதை சொல்வது என்பது வேறு. நகைச்சுவையை காட்சியாக சித்தரிக்கும் போது அதில் இயக்குனரின் திறமை மட்டுமே முக்கியம். வசனத்தின் மூலம் அதை காட்சி படுத்தினால் அதில் நடிகர்களின் பங்களிப்பு மிக முக்கியம். குறும்படங்களுக்கு வசனம் குறைவு என்பதால் முடிந்த வரை குறியீடாகவே அதை பயன்படுத்துவார்கள். கதாபாத்திரங்கள் நம்மை சிரிக்க வைக்க முயற்சி செய்து அதில் தோல்வியை தழுவுவது நமக்கு பரிதாப உணர்ச்சியை ஏற்படுத்துகிறது.
மொத்தத்தில் ஓட்டம் பீஸ் இல்லாத பிரியாணி.

நண்பருக்கு நல்ல படம் எடுக்கும் ஆர்வமும் திறமையும் இருக்கிறது. இது அவரது முதல் படம் என்பதால் பிழைகளை அதிகம் சுட்டிக்காட்ட மனம் வரவில்லை. தவறுகளில் இருந்து பாடம் கற்று அடுத்தமுறை தவறுகள் இல்லாத சிறந்த படம் எடுப்பார் என்று நம்புகிறேன் வாழ்த்துக்கள்.

படத்தின் டீசரை இங்கே பார்க்கவும் .

வச்சா வெடிக்கும்

2013-08-17T11:16:00.000+05:30

அனுப்புனர் :-
                         புரட்சிகரமாக குழம்பிபோனவர்கள் இயக்கம்
                         இடம் பரமரகசியம் .

பெறுனர்    :-
                         கேபிள் சங்கர்
                         தொட்டால் தொடரும் பட இயக்குனர் .

திரு கேபிள் சங்கர் என்னும் திரை பட இயக்குனருக்கு எங்களது படு பயங்கரமான மிரட்டல் கடிதம் . நீங்கள் எடுக்கும் தொட்டால் தொடரும் திரைப்படத்தில் ஏதாவது ஒரு காட்சியில் யாரயாவது புண்படுத்துவது போல் வசனம் இருக்கும் என்று உறுதியாக நம்புகிறோம் .

அதுமட்டும் அல்லாமல் இதில் நடிக்கும் நாயகன் நாயகி இந்த படத்தில் செல்போன் அதிகமாக உபயோகிப்பதை போல் காட்சி இருப்பதாக கேள்வி படுகிறோம். இது எங்கள் புரட்சிகரமாக குழம்பிபோனவர்கள் இயக்கத்தின் விடிவெள்ளி நாய் நக்ஸ் நக்கீரனை கேவலபடுத்துவதாக எண்ணுகிறோம்.

மற்றும் நீங்கள் கருப்பு கலர் கேமரா உபயோகித்து படம் எடுக்க திட்டமிட்டுள்ளாதாக நம்பத்தகுந்த வட்டாரங்களில் இருந்து தகவல்கள் வந்தவண்ணம் உள்ளது. இது எங்கள் இயக்கத்தின் தளபதி சிவாவிற்கு பிடிக்காத நிறம் அதனால் நீங்கள் கேமரா இல்லாமல் படபிடிப்பு நடத்திக்கொள்ளவும் ........
மேலும் உங்கள் பெயர் கேபிள் சங்கர் என்று இருப்பது எங்களுக்கு ஆட்டோ சங்கரை நினவு படுத்துகிறது . இதனால் கடுமையான மன உளைச்சலுக்கு ஆளாகி இருக்கிறார் வீடு சுரேஷ் குமார்

படபிடிப்பிற்க்கு எங்கள் இயக்கத்தின் சார்பில் ஒருவர் (ஆரூர் மூனா செந்தில்)இடம் பெற வேண்டும். அவர் உங்கள் படபிடிப்பை தொடர்ந்து கண்காணிப்பார்.அவருக்கு போண்டா டீ போன்றவை நீங்கள் கேட்க்கும் போதெல்லாம் தரவேண்டும். அவர் ஆட்சேபம் தெரிவிக்கும் உணவு பொருள்களை நீங்கள் அவருக்கு தரக்கூடாது .படம் வெளியாகும் முன்பு எங்கள் இயக்கத்திற்கு அதை திரையிட்டு காட்ட வேண்டும். கொக்ககோலா மற்றும் பாப்கார்ன் கண்டிப்பாக அதில் இடம் பெற வேண்டும்.

இதை எல்லாம் மீறி நீங்கள் படபிடிப்பு நடத்தி படத்தை வெளியிடலாம் என்று முடிவு செய்தால் . படம் வெளியாகும் திரை அரங்குகளை குண்டு வைத்து தகர்ப்போம் . குறுக்கு வழியாக சிந்தித்து தொலைகாட்சியில் வெளியிடலாம் என்று நீங்கள் மனப்பால் குடித்தால் டி.வி.பெட்டிக்கும் குண்டு வைப்போம் என்பதை தெரிவித்து கொள்கிறோம்.

இப்படிக்கு

புரட்சிகரமாக குழம்பிபோனவர்கள் இயக்கம்
இடம் பரமரகசியம் .

கன்னி கணணி அனுபவம்

2013-07-24T14:01:00.000+05:30

என் முதல் கணணி அனுபவம் என்கிற பெயரில் பலரும் எழுதி தள்ளுகிறார்கள்.சரி நம்மளையும் எழுத ஏதாவது ஒரு பக்கி கூப்பிடும் அப்போ எழுதலாம் என்று இருந்தேன். ஹம் ஹம் ......ஒரு பய சீண்டலையே ..

அதுக்காக அப்படியே விட்டிட முடியுமா . இதோ என் முதல் கணணி அனுபவம்.

+1னில் வேறு வழி இல்லாமல் எனக்கு ஒதுக்க பட்ட பாடம் கம்பியுட்டர் சயின்ஸ். வெந்ததை தின்னுட்டு விதியேன்னு கிளாசுக்கு போய் கிட்டு இருந்தேன் . கொஞ்சம் கூட என்னை அந்த பாடம் ஈர்க்கவில்ல . ப்ரேக்டிகள் கிளாசுக்கு எங்கள் வகுப்பறையில் இருந்து லேபிற்கு வருசையாக அழைத்து செல்வார்கள் .அப்போது அந்த வரிசையில் இருந்து சில கருப்பு ஆடுகள் தனியாக பிரிந்து வேறு ஒரு பாதையில் போய் கொண்டு இருக்கும். அந்த கருப்பு ஆடுகளில் முதன்மையான ஆடு நான் தான் என்று சொல்லித்தான் தெரிய வேண்டுமா என்ன .?

பின்பு கல்லூரியில் நான் எடுத்தது எலக்ட்ரானிக்ஸ் & கம்யுனிகேஷன் . இதில் மைக்ரோ பிராசசர் என்று ஒரு பாடம் வரும். நான் ஹாஸ்டலில் தங்கி படித்ததால் அப்போது வீட்டு நியாபகம் அடிகடி வரும் . குறிப்பாக இந்த பீரியடில் நான் காலச்சக்கரத்தில் பின்னோக்கி நகர்த்தப்பட்டு தொட்டிலில் படுத்துஇருப்பதாகவும்என் தாய் தாலாட்டு பாடுவதை போலவும் இருக்கும்.
இப்போது கூட சரியாக தூக்கம் வராத வேளைகளில் சாரதா மேடம் பாடம் நடத்துவதாக கற்பனை செய்துகொண்டால் பொதும் .

கல்லூரி ப்ரோஜக்ட் எடுத்த பொது என் நண்பர்கள் கம்ப்யுடர் செய்யலாம் என்ற யோசனையை கொலை வெறியுடன் எதிர்த்து வாதாடி டி.வி.ட்ரான்ஸ் மீட்டர் & ரிசிவர் செய்ய வைத்த புண்ணியம் என்னையே சாரும் .

இப்படியாக சென்று கொண்டிருந்த என் வாழ்க்கையில் திடீர் என்று டார்ச் அடித்தது என் நண்பன் பெரோஸ் கான் . புதுசா பிரவ்சிங் செண்டர் போட்டிருக்காங்க வா போயி பார்க்கலாம் என்று கூட்டி போனான் .
அங்க பார்த்தா பசங்களை விட பொண்ணுங்க எண்ணிக்கை அதிகமாக இருந்தது . பெரோஸ் சொன்னான் மாப்பிள டெய்லி டியுஷன் போற மாதிரி இங்க ஒரு மணி நேரம் வந்துட்டு போகலாம்ன்னு சொன்னான் .பட் அந்த டீலிங் எனக்கு பிடிச்சிருந்தது ஒத்துகிட்டேன் .

ஆரம்பத்தில் ஒன்னுமே புரியல எந்த சைட்டிற்கு போனாலும் மெயில் ஐடி கேக்குது .அப்போ கடை ஓனர் எனக்கு ஒரு யாஹு மெயில் ஐ.டி. உருவாக்கி தந்தார் . தினமும் வந்து மெயில் செக் வேறு பண்ணுவேன் . ஒரு மெயிலும் வந்திருக்காது . கடுப்புல கடைகாரரிடம் இந்த இளநியில தண்ணி வரல மாதிரி எனக்கு எந்த மெயிலும்வர மாட்டுது என்று கம்ப்ளைன்ட் வேறு பண்ணினேன்னா பார்த்துக்கங்க .

நாளையில் இருந்து உனக்கு நிறைய மெயில் வர மாதிரி பண்றேன் என்று சொன்னவர். அதே போல் செஞ்சிட்டார் . ஒரு நாளைக்கு குறைந்தது 200 மெயிலாவது வரும். அதில் பெரும்பாலானது கேப்டன் டி.வி. மற்றும் வசந்த் டி.வி. யில் ஒளிபரப்ப படும் நள்ளிரவு சமாச்சாரங்கள்தான் ....

சரி இப்போது நாம் அடுத்த கட்டத்திற்கு முன்னேற வேண்டிய நேரம்வந்துவிட்டதாக உள் உணர்வு சொல்லவே. அப்பா கையில் காலில் விழுந்து ஒரு கம்பியுடர் வாங்கினேன் . முதல் வேலையாக அதை பிரித்து போட்டேன்.கொஞ்சம் கூட பயப்படலையே .. அக்குவேறாக ஆணி வேறாக பிரிச்சி மேஞ்சு இது எப்படி வேலை செய்கிறது என்பதை தெரிந்து கொண்டேன்.

நான் படித்தது எலெக்ட்ரானிக்ஸ் என்பதால் இது சுலபமானதாகவும் எனக்கு ஏற்ற வேலையாகவும் தெரிந்தது .
அப்போ ஆரம்பிச்சது இப்போ அதுவே என் தொழிலாக மாறிவிட்டது எங்க ஏரியாவில் முதன் முதலில் கம்ப்யுடர் சேல்ஸ்&சர்விஸ் செண்டர் ஆரம்பித்தது நான் தான் என்றால் பார்த்துக்கொள்ளுங்கள்.

இந்த ஆண்டு புதிதாக திறந்த என் அலுவலகத்திற்கு லோகோ டிசைன் செய்து குடுத்தது அருமை நண்பர் வீடு சுரேஷுகுமார் ...........

மரியான்

2013-07-19T19:26:00.000+05:30

1980 முதல் 90 வரை காதலுக்கு இருக்குற பவரை பத்தி ஏகப்பட்ட படங்கள் வந்திருக்கு. குறைந்த பட்சம் 300 மெகாவாட் மின்சாரமாவது காதலை வைத்து எடுக்க முடியும். கூடங்குளம் இல்லை என்றால் என்ன நம்ம கிட்ட காதல் இருக்கு என்று அப்போதைய இளைஞ்சர்கள் நம்பவைக்க பட்ட காலம் .
இதில் நாக்கை அறுத்த காதல், மூக்கை அறுத்த காதல் , என்று பல வெரைட்டிகள் வேறு உண்டு .

இப்படி அப்பாவி தனமாக போய் கொண்டிருந்த சினிமா கி.பி.2000 ஆண்டுக்கு பின்னால் காசு ,பணம் , துட்டு ,மணி,மணி, என்று தன்னை புதிப்பித்து கொண்டு வேறு கோணத்தில் பயணிக்க தொடங்கியது .
ரோஜா என்று ஒருபடம் வந்து மணிரத்தினத்தை உச்சத்திற்கு கொண்டு போனதே நினைவு இருக்கிறதா ? அதே படத்திற்கு கொஞ்சம் ஸ்ப்ரே அடித்து பவ்டர் போட்டு அலங்காரம் பண்ணி வேறு ஒரு பெயர் வத்து உங்க கிட்ட காசை வாங்கி உங்க டேபளில் பரிமாறி இருக்கிறார்கள் .

தனுஷ் :- குறை சொல்ல முடியாத நல்ல நடிகன் சொன்னதை எல்லாம் சிறப்பா செய்கிறார் . இந்த படத்திற்கும் கடுமையாக உழைத்து வேறு இருக்கிறார் பாவம் .
எவ்ளவோ விஷயங்கள் சொல்ல கூடிய சாத்தியம் இருந்தும்.அது மீனவர்கள் வாழ்வாதார பிரச்சனையாக இருக்கட்டும் . அல்லது ஆப்ரிக்க எண்ணெய் சுரண்டல் பிரச்சனையாக இருக்கட்டும். சாத்தியம் இருக்கும் கலத்தை எல்லாம் வீனடித்திருக்கிரார்கள்.

ஒரு பாரதிராஜா படத்தை மணிரத்தினம் டைரெக்ட் செய்த மாதிரி ஒரு எபெக்ட் கடற்கரையை காட்டி காதலர்களை லாங் ஷாட்டில் கொண்டுபோகும் போது ..........ஏ பிலிம் பை பாரதிராஜா என்று போடுவார்களோ என்று எதிர் பார்த்தேன் ஆனால் ஏ பிலிம் பை பரத்பாலா என்று போட்டு முடித்து விட்டார்கள் .

இந்த படத்தின் மூலம் சமுதாயத்திற்கு அவர்கள் சொல்லும் ஒரே ஒரு விஷயம் என்ன வென்றால் யாரையாவது காதலிச்சி தொலைங்க உங்களால் சோறு தண்ணி இல்லாமல் ஒரு 30 நாள் உயிரோடு இருக்க முடியும் .

விசுவாசரூபம்-ஒரு புதிய கதை

2013-01-27T14:12:00.000+05:30

விஸ்வரூபம் பெயரே வில்லங்கமாக இருக்கு இதற்க்கு ஏகப்பட்ட எதிர்ப்பு வேறு கிளம்பி இருக்கு . அதனால் இந்த படத்தை நான் இயக்கிஇருந்தால் எப்படி இயக்கி இருப்பேன் என்று சொல்கிறேன்.

சிபி. கோவித்து கொள்ள மாட்டார் ஏனென்றால் இது அவர் டிப்பார்ட்மண்ட்.
எதிர்ப்பு இல்லாமல் படம் ஆக்குவது எப்படி .
கமல் அமெரிக்காவில் இருக்கும் ஒரு கதக் ஆசிரியர் அவர் மனைவி அவரிடம் இருந்து விவாகரத்து வாங்க முயற்சிக்கிறார் . அதற்க்கு அவரிடம் ஏதாவது குறை கண்டுபிடிக்க ஒரு துப்பறியும் சாம்புவை நியமிக்கிறார் .இது வரை எந்த மாற்றமும் இல்லை கதை ஆப்கானிஸ்தான் போனபின் மக்கள் எதிர்பார்க்காத திருப்பங்களை வைக்க வேண்டும் .

முதலில் கமல் ஒரு தாலிபான் இயக்க தியாகியாக காட்டவேண்டும் அவர் மீண்டும் வந்து தாலிபானில் இணையும் பொது அங்கு சூழ்நிலை சரி இல்லாததை உணர்கிறார். அவருக்கு அந்த இயக்கத்தின் மீது லேசாக சந்தேகம் வருகிறது . முல்லா ஓமர் வேறு நன்றாக தமிழ் பேசுவது இவரின் சந்தேகத்தை அதிக படுத்துகிறது . இதற்க்கு முன் பார்த்த ஒமருக்கு கன்னத்தில் மறு கிடையாது . இப்போது இருக்கும் ஒமருக்கு கன்னத்தில் மறு இருக்கிறது இவர் உண்மயிலேயே ஓமர்தானா .? சில பல துப்பறியும் வேலைகளுக்கு பின் . ஜிகாதிகள் கையில் வைத்திருப்பது குரான் அல்ல . அது யூதர்களின் தோரா என்றும் அட்டையை மட்டும் குரான் என்று பைண்டிங் செய்திருக்கிறார்கள் என்று கண்டு பிடிக்கிறார் . அதை படித்துவிட்டுதான் இவர்கள் எல்லார் கழுத்தையும் அறுக்கிறார்கள் என்று புரிகிறது . இது கமலின் சந்தேகத்தை அதிக படுத்துகிறது .

ஆப்கானிஸ்தானில் ஏதற்கு புத்தர் சிலை அதை உடைத்து விடலாமே என்று கமல் கேட்க அதற்க்கு ஓமர் மறுப்பது கமலின் சந்தேகத்தை மேலும் ஊர்ஜித படுத்த அடுத்தகட்ட துப்பறியும் வேலையில் இறங்குகிறார் நம்மவர் .

பல ஆபத்துகளை கடந்து ஆப்கன் மலைகளுக்கு நடுவில் ஒரு பாதாள சுரங்கத்தில் நிறைய டயர்கள் மற்றும் ட்ரம்முகள் அடிக்கி வைக்க பட்டிருக்கும் ஒரு இடத்தில் சிகப்பு மற்றும் பச்சை விளக்குகள் எரியும் பின்னணியில் உண்மையான ஓமர் பல ஆண்டுகளாக கட்டி வைக்க பட்டிருக்கிறார் .
அப்படியென்றால் இப்போது இருப்பவர் உண்மையில் இந்து முன்னணி தலைவர் ராமகோபாலனின் சித்தப்பா மகன் இலட்சுமண கோபாலன் என்ற உண்மை தெரிய வருகிறது. வில்லன்கள் கடைசியில் கமலையும் அண்ட்ரியாவையும் அதே குகையில் கடத்தி கொண்டு போயி கட்டிவைத்து அடிக்கிறார்கள் .
ஏற்கனவே நிறைய தமிழ் படம் பார்த்திருக்கும் ஆண்ட்ரியா . இதுவரை ஒரு தமிழ்படம் கூட பார்த்திராத வில்லன்களிடம் நீங்க ஆம்பிளையா இருந்தா அவர் கட்ட அவிழ்த்து விட்டு அடிங்கடா பார்ப்போம் என்று சவால் விடுகிறார்.
இதில் மறைந்திருக்கும் சூழ்ச்சி தெரியாமல் வில்லன்கள் கமலின் கட்டை அவிழ்த்து விட்டு வாங்கி கட்டி கொள்கிறார்கள் .

ஒரு வழியாக போலி ஓமரை அழித்துவிட்டு உண்மையான ஓமரை தாலிபான் இயக்க தலைவராக ஆக்கிவிட்டு . புத்தர் சிலையை இடிக்க வைத்து விட்டு அங்கிருந்து கிளம்புகிறார் கமல் -----------------------சுபம்

இருங்க ரெண்டாவது பாகத்திற்கு லீட் குடுக்கணும் இல்லையா அதையும் கேட்டுட்டு போங்க . அமெரிக்க அதிபர் உண்மையான ஒபாமா கிடயாது.
அங்கு இருப்பவர் சிவ ராமசேனா தலைவர் முத்தலிக்கின் மூன்றாவது தம்பி இந்த விவரம் கமலுக்கு தெரியவர அமெரிக்கா கிளம்புகிறார் .----------- விசுவாசரூபம் -2

டிஸ்க்கி :-
இந்த படத்திற்கு இந்து அமைப்புகளிடம் இருந்து எதிர்ப்பு வரலாம் ஆனால் மக்கள் ஆதரவோ அரசாங்கத்தின் ஆதரவோ கிடைக்காது என்பதால் கவலை படவேண்டிய அவசியம் இல்லை. இந்துக்களுக்கு அவர்கள் கடவுள் மேல் நம்பிக்கை அதிகம் நீங்க எவ்ளோ கிண்டல் பண்ணினாலும் எங்க கடவுளுக்கு ஒன்னும் ஆகாது என்ற நம்பிக்கை. சோ பிரெச்சனை இல்லை

சின்மயி விவகாரம் -புத்தக விமர்சனம்

2013-01-20T16:10:00.000+05:30

இந்த புத்தகத்தை கண்டிப்பாக வாங்க வேண்டும் என்று நினைத்திருந்தேன் .
சென்ற வாரம் கண்காட்சிக்கு செண்டிருந்த போது இன்னும் இந்த புத்தகம் கடைக்கு வரவில்லை என்றதும் மிகுந்த ஏமாற்றம் அடிந்திருந்தேன் .
ஆனால் நேற்று இது கிழக்கு பதிப்பகத்தில் பார்த்ததும் வாங்கிவிட்டேன் .

ஆசிரியர் விமலாதித்த மாமல்லன் வயது 52 என்று சொல்கிறார் ஆனால் அவர் எழுத்தை பார்த்தால் மிகவும் இளமையாக இருக்கிறது .
கொஞ்சம் கூட தயவு தாட்சண்யம் பாராமல் இந்த விவகாரத்தை மிக நேர்மையாக அலசியிருக்கிறார் .
சின்மயி அவர் தாயார் மட்டும் அல்ல எழுத்தாளர்கள் ஷோபா ஷக்தி ,அசோகமித்திரன் ,சாருநிவேதா ஜெயமோகன்,என்று அனைவர் நெற்றியிலும் ஆணி அடிக்கிறார்.
அதுவும் இவர் சாருவை காய்ச்சி எடுக்கும்போது நம் மனசுக்குள் ஒரு உற்சாக பட்டாசு வெடிக்கிறது.இந்த விவகாரத்தில் மறைந்து இருக்கும் நுண்ணரசியல் மற்றும் மேட்டு குடி மனப்பான்மை.எப்படி இவர்களுக்காக சட்டம் வளைந்து குடுத்து ஆலோசனையும் சொல்கிறது .சின்மயி மற்றும் அவர் தாயின் மனநிலையை உளவியல் பூர்வமாக மிக விரிவாக விவரிக்கிறார்.

சின்மயி செய்தது வினை . ராஜன் செய்தது எதிர்வினை எதிர்வினைக்கு மட்டும் தண்டனையா ? இதில் ஒரே ஒரு ட்விட்க்காக மாட்டிகொண்ட சரவணபெருமாள் மற்றும் அழிக்கபட்ட ட்விட்கள் என்று எல்லாவற்றையும் ஆதார பூர்வமாக அடுக்குகிறார்.
சின்மயியின் தாயாரின் ரெட்டை வேடம் பல இடத்தில்  ஆதார பூர்வமாக கலைக்க படுகிறது . வவ்வால் ஏற்க்கனவே அவர் பதிவில் சுட்டிக்காட்டி இருந்தார். இசையும் வசையும் -1 இசையும் வசையும்-2
ஒரு பிராமினான இவரே பார்ப்பனர்களை கடுமையாக விமர்சிக்கிறார்.
இது விற்றாலும் விற்காவிட்டாலும் கவலை இல்லை இதை புத்தகமாக கொண்டுவந்து தமிழக முதல்வருக்கும் . போலீஸ் கமிஷ்னருக்கும் ஒன்று அனுப்பிவைப்பேன் அப்போதுதான் இந்த குடும்பத்திடம் இருந்து தமிழ்நாட்டில் பல குடும்பங்கள் தப்பிக்கும் இது என் சமுதாய கடமை என்று சொல்கிறார் .

இதில் நமக்கு நன்கு அறிமுகமான பலர் வருகிறார்கள்.சி.பி.செந்தில்குமார் யுவகிருஷ்ணா ,அதிஷா (புத்தகத்தில் கூட இந்த பெயர்கள் இணைபிரியாமல்   வருகிறது) வால்பையன் என்று .
சின்மயி ஆதரவாளரான மாயவரத்தான் செய்கை எல்லாவற்றியும் ஸ்க்ரீன் ஷாட்டுடன் அம்பலபடுத்துகிறது இந்த புத்தகம். மாயவரத்தானை சின்மயி வளர்க்கும் நாய் குட்டியுடன் ஒப்பிட்டு ஒரு படம் இருக்கிறது பாருங்கள்.
எப்படித்தான் யோசிக்கிறார்களோ குபுக் சிரிப்பை வரவழைத்தது .

யாருக்கு தேவையோ இல்லையோ பதிவர்களுக்கு கண்டிப்பாக இந்த புத்தகம் அவசியத்தேவை. சில ஜாதிவெறியர்கள்களிடம் எச்சரிக்கையுடன் உறையாட வேண்டிய அவசியத்தை நமக்கு உணர்த்துகிறது .
இப்போது புதிது புதிதாக வன்னிய மைந்தன் , தேவேந்திர திலகன் , என்று கிளம்பி இருக்கிறார்கள். இவர்களின் ப்ரெண்ட் ரிக்குவெஸ்ட்களை எப்போதும் நான் ஏற்று கொள்வதில்லை. புறக்கணிப்புதான் நல்லது.

ஆக மொத்தம் இணையத்தில் இயங்கும் அனைவரும் படிக்க வேண்டிய புத்தகம். சும்மா ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ரவுண்டு கட்டி அடித்திருக்கிறார் .

காட்டுமிராண்டிகளின் தேசத்தில் ரிஸானா

2013-01-17T19:06:00.000+05:30

வார்த்தைகளில் நிதானிக்க முடியாத காரணத்தால் இந்த காணொளியை பகிர்கிறேன் .
சவுதி காட்டு மிராண்டிகளால் ஆளப்படும் தேசம் என்பதை மீண்டும் நிரூபித்திருக்கிறது .
அங்கு வேலைக்கு செல்லும் அனைவரும் அவர்கள் பார்வையில் அடிமைகள்தான்.
அடிமைகளை எப்படி நடத்தவேண்டும் என்று போதிக்க பட்டுள்ளதால். அதை அவர்கள் பெருமையாக தான் நினைப்பார்கள் . எண்ணெய் வளம் இருக்கும் வரை இந்த ஆட்டம் தொடரும் . பிறகு நாய் படாத பாடு அவர்கள் படவேண்டி இருக்கும்..
முன்பெல்லாம் சில பெருசுகள் சமூக குற்றம் நடக்கும்போது இவனுகளை எல்லாம் சவுதி பாணியில் தண்டனை கொடுத்தால்தான் சரி வரும் என்று சொல்ல கேட்டிருக்கிறேன். அரசியல் சார் குற்றங்கள் வெளிவரும்போது ராணுவ ஆட்சி வந்தால்தான் சரிப்படும் என்று சொல்வதையும் நாம் கேட்டிருப்போம் இவை இரண்டும் எவ்வளவு முட்டாள்தனமானது என்று பாக்கிஸ்தானும் சவுதியும் நமக்கு கண் முன் பாடங்களாக இருக்கின்றது .

இந்த தண்டனைக்கு வக்காலத்து வாங்கும் சிலரை நினைத்தால் பரிதாபமாக இருக்கிறது . கிழிந்த டவுசருக்கு (ஷரியா) எத்தனை ஓட்டுதான் போடுவார்கள் என்று .
இந்த திமிர் பிடித்த சவுதி தொழில் அதிபர்கள் இந்தியாவிற்கு தொழில் முறையில் வரும்போது 2 மாதமோ 3 மாதமோ தங்க நேர்ந்தால் . இங்கு சிறு முஸ்லீம் பெண்களை திருமணம் செய்து கொள்வார்கள். மூன்று மாதம் அனுபவித்து விட்டு பிறகு தலாக் சொல்லிவிட்டு பறந்து விடுவார்கள் .
இதற்க்கு ஹைதராபாத்தில் பல ஏஜண்டுகள் இருக்கிறார்கள் .
இது அவர்கள் மத சட்டப்படி அனுமதிக்க பட்ட செயல்.
விபச்சாரம் செய்ய கூடாதாம் அது ஹராம் . அதே நேரம் அதுக்கு ஒரு குறுக்கு வழியும் போட்டு குடுத்திருக்காங்க .

உடல் முழுவதும் ரத்தத்திற்கு பதில் திமிர் ஓடிகொண்டிருக்கும் சவுதிகளை போல மாறிவிட வேண்டும் என்று இங்கும் சிலர் துடிப்பது பார்த்தால் ஈயத்தை பார்த்து இளித்ததாம் பித்தளை என்ற கதைதான் நியாபகத்திற்கு வருகிறது .

இதில் மலுபலான பதில் வேறு. ரிசானா விஷயத்தில் யாராவது தவறு செய்திருந்தால். அவர்களுக்கு இறைவன் மறுமையில் தீர்பளிப்பான் .
மற்றவர்களுக்கு இதை பற்றி பேச அருகதை இல்லை என்று சொல்பவர்கள் .
குஜராத் கலவரத்தில் மோடி தவறு செய்திருந்தால். அவரையும் மறுமையில் இறைவன் தண்டித்து கொள்ளட்டுமே.

சவுதிகளின் உயர்வு மனபான்மைக்கு கிழே வரும் காணொளியை பாருங்கள் இதற்க்கு பெயர்தான் சகோதரத்துவம்.

கண்ணா லட்டு திங்க ஆசையா

2013-01-14T15:14:00.000+05:30

ஏற்கனவே அலக்ஸ் பாண்டியன் படம் பார்த்து அக்குளில் கட்டி வந்தவன் போல் சூடாகி போயி இருந்த என்னை பிலாசபி லட்டு திங்க அழைத்தார் .
இந்த ஆளு எப்போவும் இப்படிதான் சனிகிழமை இரவு போன் போட்டு நம்மகிட்ட சம்மதம் வாங்கிடுவாரு .(சைக்காலஜி தெரிஞ்ச பிலாசபி )
சரி பார்ப்போம் இதிலாவது லட்டு தராங்களா? இல்லை புட்டு தராங்களா ?அட்லீஸ்ட் பொறி உருண்டை அளவிற்கு திருப்தி கிடைத்தால் கூட பொதும் என்ற மனநிலையில் கிளம்பினேன் .
சரியாக காலை 9.00 மணிக்கு ஐ ட்ரீம்ஸ் திரை அரங்கம் வந்து சேர்ந்தேன்.தியேட்டர் வாசலில் எங்கு பார்த்தாலும் அலெக்ஸ் பாண்டியன் போஸ்டர்கள் கட் அவுட்கள் என்று வியாபித்து இருக்க பயபுள்ள திட்டம் போட்டு நம்மளை கவுத்திடுச்சி என்று நினைத்து கொண்டு பின் வாங்க தயாரானேன் .
ஜீ அது மூன்று காட்சி நம்ம படம்தான் பகல் காட்சி என்று சமாதான படுத்தி மேலே சிறிதாக ஒட்டி இருந்த போஸ்டரை காட்டினார் அதன் பிறகுதான் உயிர் வந்தது .

படத்தின் கதை அனைவருக்கும் தெரிந்ததுதான் அதை சொல்லிய விதத்திலும் பெரிதாக எந்த மாறுதலும் இல்லை .என்றாலும் படம் ஆரம்பம் முதல் முடியும் வரை நம்மை இருக்கையில் கட்டி போட்டு விடுகிறார்கள்.
பவர் ஸ்டாரை வைத்து பெரிய அறுவடை செய்திருக்கிறார்கள் .இந்த ஆளுக்கு நடிக்கவே தெரியவில்லை ,பாடி லேங்குவேஜ் சரி இல்லை டயலாக் டெலிவரி படு மோசம் , லிப் மூமன்ட் சுத்தமா இல்லை , சரி இருக்கட்டும் அதனால் என்ன இதெல்லாம் சாதா ஸ்டாருக்கு தான் வேண்டும் எங்க பவருக்கு இது எதுவும் தேவை இல்லை .நீங்க வந்தா மட்டும் போதும் .நீங்க வந்தா மட்டும் போதும் என்று கொண்டாடி தீர்க்கிறார்கள் ரசிகர்கள் .
தியேட்டரில் இதே போன்றதொரு ஆர்ப்பரிப்பை நீங்கள் பார்க்க வேண்டும் என்றால் ரஜினி படத்திற்குதான் போக வேண்டும் .

அடுத்து சந்தானம் மனிதர் மிக கடுமையாக உழைத்திருக்கிறார் தயாரிப்பாளராகவும் நடிகராகவும் இந்த படத்தில் இவர்பங்கு மிக அதிகம் இந்த படத்திலும் ரெட்டை அர்த்த வசனம் பேச தவறவில்லை . ஆனால் அது அதிகம் இல்லாதது ஆறுதல்.

அடுத்து சேது இந்த படத்திற்கு கதாநாயகன் வேண்டுமே என்பதற்காக இவரை வைத்திருக்கிறார்கள்.(மிக்ஸ்சர் சாப்பிடதான்) பெரிதாக இவருக்கு ஸ்கோர் பண்ணும் வாய்ப்பு எதுவும் இந்த படத்தில் இல்லை நாயகி இவர் காதலை ஏற்று கொண்டதால் இவர் கதாநாயகன் ஆகி விடுகிறார். பவர் ஸ்டார் மற்றும் சந்தானம் என்கின்ற ரெண்டு லைட் ஹவுஸ்க்கு நடுவே இவர் வெறும் பெட்டர்மாஸ் லைட் ஆகி விடுகிறார்.

நாயகி விஷாகா நல்லாத்தான் இருக்கிறார் பஞ்சாப் கோதுமை ஆச்சே பின்ன எப்படி இருக்கும் . பொதுவாக கமெடி படங்களில் பெண்களுக்கு நடிக்கும் வாய்ப்பு அதிகம் இருக்கும் . சதிலீலாவதி போல். இதில் இவருக்கு அந்த மாதிரி கிடைக்காதது வருத்தம் தான் . ஆனாலும் ஒரு பாடலில் தனது எல்லா திறமையும் காட்டு காட்டு என்று காட்டி விடுகிறார். அதனால் இவரை ஏற்று கொள்ளலாம்.

அடுத்ததுதான் முக்கியமான பாயிண்ட் இந்த படத்திற்கு விமர்சனம் எழுதிய எல்லோரும் இவருடைய உழைப்பை மறந்து விட்டார்கள். இந்த படத்தின் வெற்றிக்கு மிக முக்கிய காரணம் நம்ம யங் சூப்பர் ஸ்டார் சிம்பு என்கின்ற எஸ்.டி .ஆர் . படம் நல்லா விருவிருப்பா போயிகிட்டு இருக்கும் போது கவுரவ வேடத்தில் இவர் வருகிறார் . நமக்கு அடிவயிறு பகீர் என்கிறது .
நல்ல வேலையாக எந்த பைட்டும் செய்யாமல், பாட்டு பாடாமல், ரெண்டே ரெண்டு பஞ்ச் டயலாக் மட்டும் சொல்லிவிட்டு இடத்தை காலி செய்கிறார் .
படமும் பிழைத்து கொண்டது .

பழைய படத்தையும் இதையும் ஒப்பிட்டு பார்த்தல் . இந்த படம் அதன் அருகில் கூட வரமுடியாது .அதுதான் பாக்கியராஜின் வெற்றி .
லட்டு சிறுசாக இருந்தாலும் சுவையாகவே இருக்கிறது ...

அலெக்ஸ்லு..பாண்டியன்லு

2013-01-11T22:25:00.003+05:30

வழக்கமாக சினிமா அதிகம் பார்க்காதவன் நான் அப்படியே பார்த்தாலும் அதை விமர்சனம் பண்ணுவது எப்போதாவது நிகழும் அதிசயம் .
அந்த அதிசயம் இந்த ஆண்டின் ஆரம்பத்தில் இவ்வளவு சீக்கிரம் வாய்க்கும் என்று நான் கனவிலேயும் நினைக்க வில்லை .
இன்று பவர் சடவ்ன் . வீட்டில் சும்மா இருக்க பிடிக்காமல் இன்று ரிலீஸ் ஆன புது படம் ஏதாவது இருக்கிறதா என்று யோசித்து அம்பத்தூர் ராக்கி சினிமாஸில் அலக்ஸ் பாண்டியன் என்ற அமர காவியம் ரிலீஸ் ஆவதை அறிந்து கொண்டேன் .
சற்றும் தாமதிக்காமல் உடனே கிளம்பி தியேட்டருக்கு வந்து சேர்ந்தேன் .(டிக்கட் கிடைக்க வேண்டுமே என்ற கவலை) ஆனால் கூடட்ம் அதிகம் இல்லாததை கண்டதும் மனதிற்குள் ஒரு சிறு சந்தோஷம் . (அது எவ்வளவு முட்டாள்தனமானது என்று அப்போது எனக்கு தெரியாது )

இப்போது விமர்சனத்திற்கு போவோம் .
படம் ஆரம்பிக்கும் போது இந்த படத்தில் மிருகங்கள் எதுவும் வதைக்கபடவில்லை என்று டைட்டில் கார்ட் காட்டுகிறார்கள் அப்போது எனக்கு  தெரியாது அடுத்த மூன்று மணி நேரம் இவர்களிடம் மாட்டி வதை பட போறது நாம்தான் என்று .
படம் ஆரம்பித்து பத்தே வினாடிகளில் உங்களை அலேக்காக தூக்கி ஆந்திராவிற்கு கொண்டு போய்விடுகிறார் அலேக் பாண்டியன் .
சற்று மிரட்சியோடு படத்தை பின்தொடர்ந்தால். ஓடும் ரெயில். அதை துரத்தும் கதாநாயகி. அவளை துரத்தும் 10 அடியாட்கள். அவளை காப்பாற்ற அவர்களை பின்தொடர்ந்து விரட்டி வரும் கதாநாயகன் . என்று தமிழ் சினிமா இதுவரை கண்டிராத அற்புத காட்சியோடு படம் ஆரம்பம் ஆகிறது .

ரெயில் பெட்டிகளை  எஞ்சின் கொண்டு இழுக்கிரார்களா ? அல்லது ஷேர் ஆட்டோ வைத்து இழுக்கிரார்களா என்று நமக்கு சந்தேகம் வருவதை தவிர்க்க முடிய வில்லை. அந்த அளவுக்கு எல்லாரும் ஓடும் ரெயிலில் ஏறி இறங்கி ஜாலியாக விளையாடுகிறார்கள் . வில்லன்னும் வழக்கம் போல் ரயிலை எலிகாப்டரில் துரத்தி வருகிறான் .அவளவுதான் கட் பண்ணா நாம் எங்கு இருக்கிறோம்  என்று நமக்கே மறந்து விடுகிறது அது பரவாஇல்லை . ஆனால் அதை டைரெக்டரும் கதாநாயகனும் மறந்து விட்டதுதான் சோகம் .

சம்பந்தம் இல்லாமல் சந்தானம் ...................இடைவேளை வரை இருவரும் ரெட்டை அர்த்த வசனம் பேசி விளையாடிகொண்டே இருக்கிறார்கள். ஏற்கனவே நம்ம தலைவர் கவுண்டமணி பல படங்களில் செய்த காமடி சீன்களை வைத்து ஒப்பேற்றுகிறார் .சந்தானதிற்க்கு மூன்று தங்கச்சிகள் . சந்தானமே இந்த படத்திற்கு வேஸ்ட் லக்கேஜ் இதில் இன்னும் எக்ஸ்ட்ரா 3 லக்கேஜ் வேறு  .........

ஆனால் பார்க்கிற அனைவருக்கும் ஒரு விஷயம் தெளிவாக புரிந்து விடுகிறது . எந்த நேரத்திலும்  இந்த படத்தில் ஒரு கேவலமான பிளாஷ் பேக் வரபோகிறது எல்லோரும் தயாராக இருக்க வேண்டும் என்று .
அது எந்த  அளவிற்கு கேவலமாக இருக்கும் என்பதுதான் நம்மால் யூகிக்க முடியாத சஸ்பென்ஸ் . இந்த விஷயத்தில் டைரெக்டர் சுராஜ் ஜெயித்து விடுகிறார்.

அனுஷ்காவிற்கு கார்த்தி மேல்  காதல் வரும் காரணம் சுறா படத்தில் விஜய் மீது தமன்னாவிற்கு காதல் வருமே அதை விட வலுவானது . இடைவேளை வரை கார்த்தியின் பெயரை யாரும் உச்சரிக்காமல் இருக்கிறார்கள் . இடைவேளைக்கு பிறகு தான் அவர் பெயர் அலெக்ஸ் பாண்டியன் என்று நமக்கு தெரிய வருகிறது எப்பேர்பட்ட சஸ்பென்ஸ் .

இதெல்லாம் என்ன பிசுகோத்து என்று இதைஎல்லாம் தூக்கி சாப்பிடுகிறமாதிரி இருக்கு பாருங்க ஒரு கிளைமாக்ஸ் . அது நமக்கு அங்க புரியாது வீட்டுக்கு வந்து ஒரு குவாட்டர் விட்டதுக்கு அப்புறம் தான் புரிகிறது . பல பேருக்கு அது புரியாமலே போய்விட சாத்தியமும் இருக்கிறது .
இந்த படத்தை பார்த்துவிட்டு நீங்கள் இருக்கையை ஈரம் பண்ணாமல் வந்துவிட்டால் நீங்கள் பாக்கியவான்கள் ......

படம் பார்த்துவிட்டு நாம் வெளியே வரும்போது அடுத்த காட்சிக்காக டிக்கெட் வாங்கி விட்டு  உள்ளே போக தயாராக காத்திருப்பவர்களை பார்க்கும் போது நமக்கு வருகிறது பாருங்கள் ஒரு சிரிப்பு அந்த சிரிப்பிற்காக இந்த படத்தை பார்க்கலாம்.

அலெக்ஸ் பாண்டியன் : first worst film of the year  (சுறாவிற்கு அஞ்சான் இதற்கும் அஞ்சான் )

விளிம்பு நிலை மனிதரின் பேட்டி (பேத்தி அல்ல )

2012-12-01T10:33:00.001+05:30

சமீப காலங்களாக விளிம்பு நிலை மனிதர்கள் யாரும் என் கண்ணில் படுவது இல்லை . என்ன காரணம் யார் செய்த சூழ்ச்சி என்று பலவாறாக யோசித்து பார்த்ததில் காரணம் எனக்கு புரிந்தது.
அதாவது நான் அலுவலகத்திற்கு காரில் சென்று வருவதால் என்னால் அவர்களை கண்டு பிடிக்க முடிய வில்லை என்பது இன்று விடுமுறை ஆதலால் மின்சார ரயிலில் பயணித்து யாராவது ஒரு விளிம்பு நிலை மனிதனின் பேட்டியை எடுத்து விடுவது என்ற வைராக்கியத்துடன் வீட்டை விட்டு கிளம்புகிறார் ஆரோக்கியசாமி .

இடம் திருவான்மியூர் பறக்கும் ரயில் நிலையம் .
கூட்டம் அவ்வளவாக இல்லை என்றாலும் எங்கு பார்த்தாலும் டிப்டாப் ஆசாமிகள் மயம் . ஒரு விளிம்பு நிலை மனிதன் கூட ஆரோக்கியசாமி கண்ணில் படவில்லை . என்னடா இது இப்படி பிள்ளை பிடிக்கிறவன் மாதிரி எவ்வளவு நேரம் தான் தேடிக்கிட்டு இருக்கிறது என்று மனதுக்குள் நினைத்து கொண்டிருக்கும் போது . சட் என்று அவர் பார்வை பிளாட்பார்ம் ஓரத்திற்கு செல்கிறது .
அங்கே பிளாட்பார்ம் விழும்பில் ஒரு மனிதன் நின்று கொண்டு தண்டாவளத்தில் ரயில் வருகிறதா என்று பார்த்து கொண்டு இருந்தான் . மிகவும் விழும்பில் நின்று எட்டிப்பார்த்து கொண்டிருந்ததால் நாம் தேடும் விளிம்பு நிலை மனிதன் இவனாக இருக்குமோ என்று மனதிற்குள் ஒரு மணி அடித்தது . உடனே நம் மூளை சுறுசுறுப்பு அடைந்தது .
மெதுவாக அவன் அருகே சென்று பாஷா படத்தில் ரஜினி சொல்வது போல் சொல்லவேண்டும் என்று நினைத்து கொண்டேன் .

இனிமேல் லைவ் ரிலே :

ஆ.சாமி:- அண்ணே வணக்கம் என் பேறு பிரேம்குமார்.

வி .மனிதன் :- இருக்கட்டும்...

ஆ.சாமி:- எனக்கு இன்னொரு பெயர் இருக்கு

வி .மனிதன் :- வச்சிக்கோ ..உன் இஷ்டம் எத்தினி வேணும்னாலும் வச்சிக்கோ.

ஆ.சாமி:- அது இல்லைன்னே உங்க பேட்டி வேணும் அதான் .

வி .மனிதன் :- ஏன்பா பார்த்தா படிச்சவனாட்டம் இருக்கே மனசு ஏதும் சரி இல்லையா வீட்ல ஏது பிரச்சனையா .?

(அவன் என்னை பேட்டி எடுக்க ஆரம்பித்துவிட்டான் )

ஆ.சாமி:- அண்ணே நீங்க ரொம்ப விளிம்புல இருக்கீங்க . கிட்ட வர பயமா இருக்கு கொஞ்சம் பின்னாடி வாங்க நாம அந்த பென்ச்ல உக்கார்ந்து பேசலாம் .

(சிறிது யோசனைக்கு பிறகு சம்மதித்தான் )

ஆ.சாமி:- நீங்க எத்தனை வருஷமா இப்படி விளும்புல நிக்குறீங்க.?

வி .மனிதன் :- அது ஆச்சிங்க ஒரு பதினைஞ்சி வருஷத்துக்கு மேல . நான் இஸ்கூலுக்கு போசொல்ல ஆரம்பிச்சது . அப்போ எங்க இஸ்கூலு பேரிஸ்ல இருந்திச்சி . எங்க வீட்டுல இருந்து பஸ்லதான் போகணும் .ஆனா எனக்கு ட்ரைன்ல போகணும்னு ஆசை . வீட்ல இருந்து தாம்பரத்துக்கு பஸ்ல போயி அங்க இருந்து ட்ரைன்ல போலாம்ன்னு ப்ளான் பண்ணி போய்டேன் .
அப்படியே பிளாட்பாரம் விளும்புல நின்னுகிட்டு ரெயில் வருதான்னு பார்த்துக்கிட்டு இருந்தேன் . அப்போ திடீர்ன்னு ரெயில் வர்ற சத்தம் மட்டும் கேட்டுச்சு ஆனா ரெயிலை காணும் . என்னடா ஆச்சிரியமா இருக்குதேன்னு நெனைச்சிகிட்டு இன்னும் நல்லா விளும்புல போயி எட்டி பார்த்தேன் . அப்பவும் என் கண்ணுக்கு ரெயில் தெரியல. ஆனா சத்தம் மட்டும் ரொம்ப கிட்டக்க கேக்க ஆரம்பிச்சுது . பின்னால இருந்து ஒரு குரல் . சாவுகிராக்கி திரும்பி பாரு ரெயில் வருது தலைய உள்ள எடு என்று . திரும்பி பார்த்தால் ரெயில் பக்கத்துல வந்திருச்சி . சடார்ன்னு தலைய உள்ள இழுத்து தப்பிச்சிட்டேன் . ஆனா அந்த த்ரில் பழகிடுச்சி

ஆ.சாமி:- சரி பிழைப்புக்கு என்ன செய்கிறீர்கள் .?

வி .மனிதன் :- ஆங் .. இங்க தான் டைட்டில் பார்க்குல அஜுபா கம்பனியில டெவலப்பர் ஆக இருக்கேன் . மாசம் 65,000 ருபாய் சம்பளம் வருது .

ஆ.சாமி:- நல்ல வேலைதானே அப்புறம் ஏன் சலிச்சிகிறீங்க.?

வி .மனிதன் :- என்னதான் இருந்தாலும் மனசுக்கு பிடிச்ச வேலையா இருக்கனும்ல சார் . மதியானம் போல அவங்களே கார் அனுப்பி கூப்பிட்டு போறாங்க நாடு ராத்திரி வரை வெளிய உடமான்டாங்க . அப்புறம் அவங்களே வீட்டுக்கும் கார்ல அனுப்பி வைக்கிறாங்க . அப்புறம் எனக்கு தொங்குரதுக்கு ஏது நேரம் என்ன பொழைப்பு சார் இது . வெளிய போயி சுத்திகிட்டு வரமாதிரி வேலை இருந்தா நல்லாஇருக்கும். என்ன பண்றது எல்லாம் நம்ம கைலயா இருக்கு. ஆனா வாரத்துக்கு ரெண்டு நாள் லீவு குடுக்குறாங்க சார் அந்த மாறி நேரத்துல இப்படி ரெயில்ல தொக்கி கிட்டு போறதுக்கு வந்துருவேன் .தோ இப்போ ஆரம்பிச்சி சாயங்காலத்துக்குள்ளாற எல்லா ஸ்டேசனுக்கும் தொங்கிகினே போயிட்டு வந்துற மாட்டேன் .

ஆ.சாமி:- உங்கள் எதிர்கால லட்சியம் என்ன .?

வி .மனிதன் :- சின்ன வயசில் இருந்து எல்லா பிளாட்பாரம் விளும்புளையும் நின்னுபார்துடேன் . பறக்கும் ரெயில் வந்தப்போ அது ரொம்ப புதுசா இருந்துச்சி . இப்போ மெட்ரோ ரெயில் வருது அதை நினைக்கும் போதே மனசு பரபரக்குது .
இன்னும் மோனோ ரெயில் வேறு வரும்ன்னு சொல்லிகிறாங்க . நான் கண்ணை மூடுறதுக்குள்ள அதுலயும் ஒரு தபா தொங்கீரனும் சார்.

(அந்த வீரமான மனிதனின் கண்விழியோரம் ஈரம் )

ஆ.சாமி:- இந்த கேள்வி கேட்டா தப்பா எடுத்துக்க மாட்டீங்களே ..நீங்க தமிழ்மணம் ஒட்டு போடுவீங்களா ...?

வி .மனிதன் :- அதெல்லாம் இல்லை சார் நான் எப்போதும் தி.மு.க.வுக்கு தான் வோட்டு போடுவேன்.

நாம் அடுத்த கேள்வியை ஆரம்பிக்கும் முன் பீச் செல்லும் ரெயில் வர மின்னல் வேகத்தில் அதில் தொத்தி கொண்டு நம்மை பார்த்து கை ஆட்டிகொண்டே சென்றான் ....

இப்போது ஒன்லி மைன்ட் வாய்ஸ்

ஆரோக்கிய சாமி மைன்ட் வாய்ஸ் (ச்சே இவன் கிட்ட கேமராவை குடுத்து என்னை ஒரு போட்டோ எடுக்க சொல்லலாம்ன்னு நினைச்சேன் அதுக்குள்ள தப்பிச்சிட்டானே )

விளிம்பு நிலை மனிதன் மைன்ட் வாய்ஸ் (ஹம்ம் பாவம் யார் பெத்த புள்ளையோ ஆளை பார்த்தால் பையித்தியம் மாதிரி தெரியலயே சரி நமக்கு என்ன டிரெயின் வர்ற வரைக்கும் அந்த ஆளாள நல்லா பொழுது போச்சி )

டிஸ்கி :- சிரிக்க மட்டுமே சிந்திக்க அல்ல .

உங்கள் ஆதரவு தேவை

2012-11-06T11:15:00.000+05:30

கருத்து சுதந்திரத்தை காக்க இப்போது நாம் தவறிவிட்டால் . நாமும் குன்றம் புரிந்தவர்கள் ஆகிறோம் .
கீழ் கண்ட இடுகை தருமி ஐயா தனது தளத்தில் பதிவிட்டது . அனைவரும் ஆதரவு தருமாறு கேட்டு கொள்கிறேன் .
http://dharumi.blogspot.in/2012/11/601-i-t-act-section-66.html

601. I-T ACT SECTION 66 A - நமது கவலைகளும், கோரிக்கைகளும்.

*
இப்பதிவில் நான் எழுதியுள்ளவை எல்லோருக்கும் சம்மதமாக இருக்குமென நினைக்கிறேன். ஒரு வேளை ஏதேனும் இன்னும் மாற்ற வேண்டுமாயின் இன்று இரவுக்குள் எனக்குத் தெரியப்படுத்தினால் மாற்றி விடுகிறேன். அதன் பின்பு, நாளை காலையிலிருந்து இப்பதிவை அடுத்த இரு நாட்களுக்குள் கீழே - சிகப்புக் கோட்டிற்குக் கீழே - உள்ளதைத் தங்கள் பதிவுகளாக பலரும் இட வேண்டுமென கேட்டுக் கொள்கிறேன். பதிவுகள் இட்ட பின் உங்கள் தொடுப்புகளை பின்னூட்டங்கள் மூலம் அனுப்பி விடுங்கள்.. அப்பதிவுகளை இப்பதிவின் கீழ் தொகுத்து விட ஏதுவாக இருக்கும்.

தொடர்ந்து 2 நாட்கள் கிழே உள்ள வரியை எல்லோரும் டிவிட்டரிலும் பேஸ் புக்கிலும் பதிவிடலாமே ....

இந்திய அரசே,
தனிமனித உரிமைகளையே பறிக்கும். I-T ACT Section 66 A திருத்தப்பட வேண்டும். தனிமனித கருத்துக்களை சுதந்திரமாக வெளியிடும் உரிமை வேண்டும்

நண்பர்களிடமும் சொல்லுங்கள் ..............
========================================================
*

I-T ACT SECTION 66 A பற்றி ப்ரனேஷ் ப்ரகாஷ், (Pranesh Prakash, Policy Director of the Bangalore based Centre for Internet and Society)கூறுவது வேடிக்கையாகவும், வேதனையாகவும் இருக்கிறது.(http://www.thehindu.com/news/national/iac-volunteer-tweets-himself-into-trouble-faces-three-years-in-jail/article4051769.ece) அவர் சொல்கிறார்: ’யாரும் என்னைப் பற்றி ஒரு புத்தகம் எழுதி, அதில் என்னை வேண்டுமென்றே மோசமாக எழுதினாலும் என்னால் அதைப் பெரிதாக ஒன்றும் சட்டப்படி செய்ய முடியாது. ஆனால் அப்படி ஒரு செய்தியை e-mail செய்தாலும் உங்களுக்கு மூன்றாண்டுகள் ஜெயில் நிச்சயம்! இது தவறாக யாரையும் கொன்றுவிட்டால் கிடைக்கும் இரண்டாண்டு சிறைத் தண்டனையை விட அதிகம்!’

”ரவி (சீனிவாசன்) மேல் கார்த்திக் சிதம்பரம் கொடுத்த புகாரின் பேரில், நீதிமன்றங்கள் அவரைத் தண்டிக்காதவரை அவரைக் கைது செய்தது தவறு” என்று இன்று இந்து தினசரியில் (5.11.12 - http://www.thehindu.com/todays-paper/advani-condemns-arrest-of-iac-activist/article4065734.ece) அத்வானி கூறியுள்ளார்.

இந்துவில் வந்த தலையங்கமும் (http://www.thehindu.com/opinion/editorial/an-attack-on-media-freedom/article4055267.ece) இக்கருத்தைப் பற்றியும், பேச்சு சுதந்திரத்தைப் பற்றியும் தெளிவாக வலியுறுத்தியுள்ளது.

*இவ்வாறு செய்தித் தாட்களில் வந்த செய்திகளை நம் பதிவுகளில் மேற்கோளிடுவதும் கூட இச்சட்டத்தினால் தவறாகக் கருத்தப்படும் என்ற நிலையே இப்போது உள்ளது. இது தனி மனித உரிமைகளையே பறிக்கும். நம் கருத்துக்களை சுதந்திரமாக வெளியிடும் உரிமை நமக்கு வேண்டும். இந்த உரிமை நம்மிடம் இருக்குமளவிற்கு I-T ACT திருத்தப்பட வேண்டும்.

*இதனோடு, பிரபலங்கள் கொடுக்கும் வழக்குகளுக்கு முன்னுரிமை கொடுக்கும் காவல் துறையின் அவசரப் போக்கும் நமக்கு தேவையில்லாத அச்சத்தை மட்டுமே தரும். சரியான விசாரணை வேண்டும்; தேவையற்ற கைது தவிர்க்கப்பட வேண்டும் என்பவைகளைக் காவல் துறையின் கவனத்திற்குக் கொண்டு செல்கிறோம்.

*முறையான விசாரணை மூலம் உண்மைகள் வெளிவரும் முன்பே வெகு கோரமான ஊடகச் செய்திகள் குற்றமற்றவர்களையும் பாதிக்கும் என்ற எண்ணம் ஊடகங்களிடம் இல்லை என்பதும் வேதனையான செய்தி. ஊடகங்கள் இன்னும் பொறுப்போடு செயல்பட வேண்டும்.

நம் உரிமையையும், சுதந்திரத்தையும் காப்போம்.
இதற்காக பதிவர்கள் ஒன்று படுவோம்.

நித்தியாயிசம் .....

2012-09-28T10:40:00.000+05:30

கடந்த இரண்டு பதிவுகளும் மதத்தை பற்றியதாக இருந்ததால் . கொஞ்சம் ரிலாக்ஸ் பண்ண வேறு ஏதாவது பதியலாம் என்று நினைத்தேன் ..நாம நினைக்கிறது எல்லாம் அப்படியே நடந்து விடுகிறதா என்ன .?

சிறு வயதில் இருந்தே நான் பலவிதமான .துக்க செய்திகள் , எதிர்பாராத மரணம் , கண் எதிரே விபத்து , நெருக்கமான நண்பர்களின் மரணம் , என்று பல விஷயத்தை பார்த்திருக்கிறேன் . அந்த நிகழ்சிகள் என் மனதை லேசாக பாதித்தாலும் . நான் அழுதது இல்லை . என்ன யாரிடமும் பேசாமல் அமைதியாக இருப்பேனே தவிர . எவ்வளவு முயன்றாலும் அழுகை வராது . நான் நார்மலா ..? அப்நார்மலா ...? என்ற சந்தேகம் கூட எனக்கு வந்ததுண்டு ...
ஆனால் அந்த சந்தேகம் எனக்கு இப்போது தீர்ந்துவிட்டது .நான் நார்மல்தான் . என்று எனக்கு புரிய வைத்தவர் நிதியானந்தாதான் ..

எப்படி பட்டவரும் தன நெருங்கிய சொந்தத்தின் இறப்பிற்கு அழுதே ஆகவேண்டும் .அதுவும் தன் தாயோ ! தந்தையோ என்றால் சொல்லவே வேண்டாம் . சரி அழுகைதான் வரவில்லை என்றால் அதை யாரும் கொண்டாட மாட்டார்கள் .
என்று நினைத்திருந்த எனக்கு இந்த காணொளி சரியான பாடம் புகட்டி விட்டது .

நித்தியின் தந்தை மரணத்தை கட்டிபிடி டான்ஸ் உடன் எப்படி கொண்டாடுகிறார் என்று பாருங்கள் . அதுவும் ஒரு கட்டத்தில் பரவச நிலை தொடும்போது செருப்பை அவர் தலையில் வைப்பது ஆகட்டும் .
தன காலால் இறந்த தந்தையை மிதிப்பது ஆகட்டும் . அட அட எப்பேர்பட்ட இறைபனி .

நல்ல வேளை இவர் நாம் வாழும் தகவல் தொழில்நுட்ப காலத்தில் பிறந்தார் ஒரு 1000 ஆண்டுகளுக்கு முன்னாள் பிறந்திருந்தால் .இவர் இந்நேரம் கடவுள் ஆகி இருப்பார் . அல்லது குறைந்த பட்சம் ஒரு தூதராவது ஆகி இருப்பார் . நல்ல வேளை அப்படி மதம் உருவாகாமல் காலம் தடுத்து விட்டது .

காணொளியை இங்கு காணுங்கள் :-

ஒரு படத்தில் செந்தில் கவுண்டமணியின் தாய் இறந்த இடத்தில நின்றுகொண்டு எல்லோரையும் சிரிக்க சொல்வாரு .
ஒரு வேளை நித்தியும் கவுண்டமணி ரசிகராக இருக்குமோ .......

மதம் (பாகம் இரண்டு )

2012-09-26T10:49:00.000+05:30

மானிகே மதம் :-

இப்போது சுத்தமாக வேர் அறுக்கப்பட்ட ஆனால் ஒருகாலத்தில் உலகின் பெரு சமயங்களில் ஒன்றாக திகழ்ந்த மதம். இதை தோற்றுவித்தவர் மானி . இவர் தன்னை தீர்க்கதரசி என்று கூறி கொண்டார் . இந்த மதத்தின் இறைமையியல் கொள்கை மிகவும் கவர கூடிய கவர்சிகரமானது .

மானி:-

இவர் மேசபட்டோமியாவில் கி.பி. 216 டில் பிறந்தார் அப்போது அது பாரசீக அரசின் ஒரு பகுதியாக இருந்தது அதனால் அங்கு சொராஸ்ட்ரியம் மிகவும் செல்வாக்கு பெற்று இருந்தது . என்றாலும் இவர் ஒரு கிருத்துவ உட்பிரிவில் பிறந்தார் . இவர் தனது 20 ஆவது வயதில் இருந்து தனது புதிய மதத்தை போதிக்க ஆரம்பித்தார் . அவரது சொந்த நாட்டில் அவருக்கு எந்த ஆதரவும் கிடைக்கவில்லை . மற்றவர்களால் தூற்ற பட்டார் . பின்பு அவர் இந்தியா வந்து அங்கு இருந்த ஒரு அரசனை மதம் மாற்றுவதில் வெற்றி கண்டார் . பிறகு 242 ஆம் ஆண்டில் மீண்டும் பாரசீகம் வந்தார் இப்போது அங்கு ஷாப்பூர் என்ற மன்னன் ஆண்டு வந்தான் . அவன் மானிக்கு ஆதரவு அளித்தான் .மானி மேல் மிகுந்த மரியாதை வைத்திருந்தான் .அவருக்கு தடையில்லாமல் மதத்தை போதிக்கும் உரிமை வழங்க பட்டது . ஷாப்பூர்க்கு பின்னர் வந்த முதலாம் ஹார்மிஸ்ட் காலத்திலும் இவருக்கு ஏராளமான ஆதரவாளர்கள் பெருகினார்கள் . அதே நேரம் சஸ்சானிட் அரசின் அரசு சமயமாக திகழ்ந்த பார்சி குருமார்கள் . மானியை பழிவாங்க காத்திருந்தனர் .
ஹார்மிஸ்ட்க்கு பிறகு அரியணை ஏறிய முதலாம் பஹ்ராம் சமய சகிப்பு இல்லாதவர் . அவர் மாணியை கைது செய்து சிறையில் அடித்து 26 நாள் சித்திரவதை செய்து கொன்றார் .அவர் இறந்த ஆண்டு கி.பி.276 .

இறைமையியல் :-

இது தான் உண்மையில் கருத்தை கவரும் வித்தியாசமான பார்வை கொண்ட அம்சங்கள் நிறைந்தது . கிறித்தவ மதமும், யூத மதமும் நன்மைதீமை என்ற கோட்பாட்டிற்குள் அடங்கியவை என்றாலும் தீமையை விளக்கி கூற முடியாத சித்தாந்த சிக்கலில் இருக்கும்போது . இவர் மட்டும் இந்த உலகை ஒரு கடவுள் ஆளவில்லை நன்மை தீமை இரண்டும் சம வலிமை கொண்டவை . இதில் தீமை என்பது இருளாகவும் பருபொருளாகவும் உருவக படுத்துகிறார்
நன்னெறி என்பது ஒளியாகவும் ஆன்மாவாகவும் கருத படுகிறது . அதனால் உடல் என்பது தீய சக்தி ஆன்மா என்பது
நன்னெறிஎன்பதால் உடல் உறவு கொள்வது கூட தடை செய்யபடுகிறது .........................
ஆனால் அவை சாதாரண பாமரர்களுக்கு இல்லை . மத போதகர்களாக இருக்கும் மேட்டு குடி களுக்கு மட்டுமே பொருந்தும் .(பிற்காலத்தில் இதை கிருத்துவமதம் எடுத்து கொண்டது ) இவர்கள் இறந்தால் நேரடி சொர்க்கம் கிடைக்கும் . ஆனால் பாமரர்கள் முதல் நிலை சொர்கத்தில் அனுமதிக்க பட்டு பின்னர் . பல சோதனைகளுக்கு பிறகு மேல் நிலை சொர்கத்தை அடையலாம் ...
இது ஒரு வகையில் ப்ளேட்டோவின் குடியரசு தத்துவத்தை ஒத்திருப்பதை காணலாம் .கத்தோலிக்க திருச்சபைகளில் இந்த முறை பின்பற்ற படுகிறது . இதற்க்கு காரணம் கிருத்துவ இறைமையியல் கொட்பாட்டை தொகுத்து அளித்த புனித அகஸ்டைஸ் ஒன்பது ஆண்டுகள் மானி மதத்தில் இருந்தார் .
இவர் புத்தர் , ஏசு , போன்றவர்களை இறைதூதர்களாக ஏற்று கொண்டார் . என்றாலும் அவர்களை விட அதிகமான இறை செய்தி தனக்கு வந்ததாக கூறிகொண்டார் (இதே முறையை பின்னாளில் நபிகள் பயன்படுத்திகொண்டார் )
இது ஆரம்பத்தில் இருந்தே சகிப்பு தன்மை அற்ற மதமாக தான் இருந்தது .

மதம் பரவுதல்

மானி காலத்தில் இந்த மதம் நன்றாக பரவி ஓரளவு ஸ்திர தன்மை பெற்று விட்டது எனலாம் . இதன் இறைமையியல் கோட்பாட்டை இவரே உருவாக்கினார் .இவர் காலத்தில் பாரசீகம் முதல் இந்தியா வரை வேகமாக பரவியது . அதன் பின்னர் ஆயிரம் ஆண்டுகளுக்கு உலகின் பெரிய சமயங்களில் ஒன்றாக திகழ்ந்தது . இது உச்ச கட்டத்தில் இருக்கும் போது இதில் இருந்து பல்வேறு கிளை சமயங்கள் எழுந்தன . ஏழாம் நூற்றாண்டில் பைசாண்டியத்தில் தோன்றிய பாலிசியன்னும் பத்தாம் நூற்றாண்டில் பால்க்கன் நாடுகளில் தோன்றிய போகோமில்ஸ் . கிழக்கு ஐரோப்பாவில் கேதாரி என்ற கிளை இது பிரான்ஸ் நாட்டில் செல்வாக்கோடு இருந்தது . இங்கு பலர் மானி சமய கோட்பாடுகளை கடை பிடித்தாலும் தங்களை கிருத்துவர்கள் என்று சொல்கிறார்கள் ஆனால் கிருத்துவர்கள் அவர்களை ஏற்று கொள்வது இல்லை .மத்திய கால ஐரோப்பாவில் மிக பெரிய செல்வாக்கோடு இந்த மதம் ஏறதாழ ஆயிரம் ஆண்டுகள் கோலோச்சியது .ஆசியாவில் இந்தியா சீனா மற்றும் எகிப்து என்று அனைத்து கண்டங்களிலும் பரவி உச்ச நிலையில் இருந்தது

மதத்தின் வீழ்ச்சி

ஐரோப்பாவில் உச்ச மதமாக இருந்த இதன் வீழ்ச்சிக்கு பெரும்பாலும் கிருத்துவ மதமே காரணம் எனலாம் . மூன்றாம் போப் இன்னொசென்ட் என்பவர் இவர்களை அளிக்க சிலுவை போர் நடத்தும் படி ஆணையிட்டார் . 1209 ஆண்டு தொடங்கிய இந்த சிலுவை போர் பல ரத்த வெறியாட்டத்திற்கு பிறகு 1244 ஆம் ஆண்டு முடிவடைந்தது . அதீத கட்டுபாடுகள் நிறைந்த இந்த மதம் ஐரோப்பாவில் 1000 ஆண்டுகள் கோலோச்சியது ஆச்சரியமான விஷயம் .மானி நிறைய புத்தகங்கள் எழுதியுள்ளார் . அவை யாவும் மானி சமயத்தின் வேதமாக கருத படுகிறது . மதத்தின் அழிவோடு அதன் நூல்களும் அழிக்க பட்டு விட்டது .

பின்குறிப்பு :- எவ்வளவு உச்ச நிலையில் இருந்தாலும் எந்த மதமும் நிரந்தரமானது அல்ல . மனிதனுக்கு தேவை படும்போது கடவுளையே மாற்றிவிடுவான் .என்பதற்கு மானி மதம் ஒரு சிறந்த எடுத்துகாட்டு .

அதனால் மதத்தை வளர்ப்பது மட்டுமே மனிதனின் பணி என்று இருப்பது மிக பெரிய மடத்தனம். காலம் எல்லாவற்றையும் அழித்து புதிய கோடுகளை போட்டு கொண்டே இருக்கும் .

அடுத்த பதிவு மகாவீரர்

மதம் (பாகம் ஒன்று )படிக்க இங்கே செல்லவும்

மதம் (பாகம் ஒன்று )

2012-09-24T12:27:00.001+05:30

இந்த வார்த்தைக்கு தமிழில் மட்டுமே சிறப்பான அர்த்தம் உள்ளதாக நான் கருதுகிறேன் .
இந்த உலகில் பல கால கட்டத்தில் பல வித தத்துவங்கள் மதமாக பரினவித்து உள்ளன .
அவற்றில் பல மதங்கள் முற்றிலும் அழிந்து போய்விட்டது .எப்படி ஒவ்வொரு உயிருக்கும் தோற்றம் ,மறைவு இருக்கிறதோ . ஒவ்வொரு சாம்ராஜ்யத்துக்கும் தோற்றம் மறைவு இருக்கிறதோ . அதேபோல ஒவ்வொரு மதத்திற்கும் தோற்றம் மறைவு கண்டிப்பாக உண்டு . இப்படி அழிந்து போன மதங்கள் ஒரு கால கட்டத்தில் மிகவும் செல்வாக்கான உச்ச நிலையில் இருந்தவைதான் என்பதை நாம் மறக்க கூடாது .

இவ்வாறு அழிந்த அல்லது அழியும் நிலையில் இருக்கும் மதங்களை பற்றி ஒரு தொடராக எழுதலாம் என்று இருக்கிறேன் . உங்கள் ஆதரவை பொருத்து ...

சொராஸ்ட்ரியம்:-
(zoroastrianism ):-
                                      இந்த மதம் சொராஸ்டார் என்பவரால் தோற்றுவிக்க பட்டது .இவரை பற்றி தகவல்கள் மிக அரிதாகவே கிடைக்கிறது . இன்றைய வடக்கு ஈரானின் ஒரு பகுதியில் கி.மு. 628 இவர் பிறந்திருக்கலாம் என்று அறிய படுகிறது . இவரது இளமை காலம் பற்றி எந்த தகவலும் இல்லை . எந்த சமயத்தில் இவர் இறை அருள் பெற்றார் என்றும் தெரிய வில்லை ஆனால் தனது 40 ஆம் வயதில் வடகிழக்கு ஈரானிய மன்னன் விஷ்டாஸ்பா என்பவரை தன் சமயத்திற்கு மாற்றுவதில் வெற்றி கண்டார் . அந்த மன்னரே பிற்காலத்தில் இவரின் நண்பராகவும் பாதுகாவலனாகவும் இருந்தார். இவர் 77 ஆண்டுகள் உயிரோடு இருந்தார் .கி.மு. 551 ஆண்டு வாக்கில் இவர் இறந்திருக்கலாம் ..

இறைமையியல் :-
அத்வைதமும் துவைதமும் இணைந்த ஒரு கலவைதான் இந்தமதம் . இவர் கருத்து படி ஒருவனே தேவன் . அவர் பெயர் "அஹூரா மாஜ்டா " அதன் அர்த்தம் மெய் அறிவு பெருமான் . அதே போல் இந்த உலகில் தீய சக்தி இருக்கிறது அதன் பெயர் "அங்ரா மைன்யு " இது தீமையும் பொய்மையும் ஊக்குவிக்கும் ..
இந்த இரு சக்திகளின் போராட்ட களம் தான் இந்த பூமி . இதில் நன்மையை ஆதரிப்பதா ,.? அல்லது தீமையை ஆதரிப்பதா .?என்பதை ஒவ்வொரு மனிதனும் தேர்ந்தெடுக்க உரிமை உள்ளவர்கள் . தற்போது இது நெருங்கிய போராட்டமாக இருந்தாலும் நீண்ட கால போக்கில் நன்மையே வெல்லும் என்பது சொராஸ்டார்களின் நம்பிக்கை .
துறவு வாழ்வை இந்த சமயம் கடுமையாக எதிர்க்கிறது மிகவும் விசித்திரமான சமய சடங்குகள் இவர்களிடம் உண்டு .
நெருப்பை புனிதமாக கருதுவார்கள் . இவர்கள் கோவிலில் ஒரு அணையா தீபம் ஒன்று இருக்கும் .
இவர்கள் இறந்தவர்கள் உடலை அப்புற படுத்தும் முறை மிக விசித்திர மானது . அதை எரிக்கவோ புதைக்கவோ கூடாது . மலை உச்சிகளில் கழுகுக்கு இரையாக வைத்து விடுவார்கள் .

மதம் பரவுதல் :-
                                 இவர் வாழ்ந்த காலத்திலே ஓரளவு வெற்றி பெற்ற மதமாக இருந்தாலும் .கி.மு.6 ஆம் நூற்றாண்டில் மகா சைரஸ் என்ற மாவீரன் பாரசீகத்தோடு இரானை இணைத்துகொண்டான் .அடுத்த 200 ஆண்டுகளில் பாரசீக மன்னர்கள் இந்த மதத்தை தழுவினார்கள் . இந்த சமயத்திற்கு ஆதரவு பெரிய அளவில் பெருகியது .

மதத்தின் வீழ்ச்சி :-
                                     கி.மு.4 காம் நூற்றாண்டில் அலெக்சாண்டர் படையெடுப்பினால் இந்த மதம் கடுமையான வீழ்ச்சியை சந்தித்தது . எனினும் மீண்டும் பாரசீகர்கள் அரசியல் சுதந்திரம் பெற்றதும் மீண்டும் இது புத்துயிர் பெற்றது .
சாஸ்சானிட் அரசர்களின் காலத்தில் (கி.பி.226 -651 ) இது அரச சமயமாக ஏற்று கொள்ளப்பட்டது ...
என்றாலும் இதற்க்கு கடுமையான வீழ்ச்சி ஏற்பட்டது கி.பி. 7 ஆம் நூற்றாண்டில் பாரசீகத்தை முஸ்லீம்கள் கைப்பற்றிய பின்புதான் ஏற்பட்டது .மிக கடுமையான முறையில் இவர்கள் மதம் மாற்ற பட்டார்கள் .
பலர் சலுகைகளுக்காகவும் உயிருக்கு பயந்தும் மதம் மாறினார்கள் . எஞ்சி இருந்தவர்கள் கி.பி. 10 ஆம் நூற்றாண்டில் இரானில் இருந்து தப்பி ஹார்மொஸ் என்ற தீவில் தஞ்சம் புகுந்தார்கள் . பிறகு அவர்களின் சந்ததிகள் இந்தியா சென்று அங்கு அவர்களுக்கு ஒரு சிறு குடியிருப்பை ஏற்படுத்தி கொண்டார்கள் . பாரசீகத்தில் இருந்து வந்ததால் இவர்கள் பார்சி என்று அழைக்க படுகிறார்கள் ..ஏறதாள   1 ,50000 லட்சம் பார்சிகள் இந்தியாவில் இருக்கிறார்கள் இது மிக சிறு தொகை என்றாலும் இந்த மதம் முழுவதுமாக அழியவில்லை என்பதற்கு இதுவே அத்தாட்சி . ஒரு காலத்தில் மிக அதிகமான செல்வாக்கோடு இருந்த சமயம் இது அதே நேரம் உலகின் தொன்மையான மதங்களில் ஒன்று . இதன் இறைமையியல் செல்வாக்கு .யுத மதத்திலும் கிறித்துவ மதத்திலும் மற்றும் இதற்க்கு பின்னர் தோன்றிய மானி மதத்திலும் மிக பெரிய செல்வாக்கை செலுத்துகிறது ..

குறிப்பு :-அடுத்த பகுதியில் மானி மதத்தை பற்றி எழுதுகிறேன் .

பிரபல பதிவரும் கிழிந்த டவுசரும் .

2012-09-10T09:58:00.000+05:30

தன் முயற்சியில் சற்றும் மனம் தளராத விக்கிரமாதித்யன் . மீண்டும் சுடுகாடு வந்து சேர்ந்தான் .ஆனால் இம்முறை வேதாளத்தை கண்டு லேசாக பயம் வந்துவிட்டது .இது கேக்குற கேள்விக்கெல்லாம் நம்மளால் பதில் சொல்ல முடியாது சாமி ..அதனால் யாராவது அப்பிராணி கிடைத்தால் நல்லாஇருக்கும் என்று நினைத்து அங்கு சுற்றி கொண்டிருந்த தேவாங்கை தூக்கி தன் தோளில் வைத்து கொண்டு புறப்பட்டான் ...........

போகும் வழியில் போர் அடிக்காமல் இருக்க. ஒரு கதை சொல்லுங்க தோழர் என்று தேவாங்கு கேட்க .ஏன் அதை நீங்க சொன்னதில்லையா தோழர். என்று விக்கி பதில் அளிக்க . ஆஹா இன்னைக்கு பொழுது நல்லா போயிடும். ஒரு ஆடு சிக்கி இருக்கு என்று தேவாங்கு நினைத்து கொண்டு கதையை ஆரம்பித்தது .

ஒரு ஊருல நாலு பதிவர்கள் இருந்தாங்களாம் . ஒருத்தர் பேரு இங்கி, அடுத்து பிங்கி ,அப்புறம் பாங்கி , கடைசி பதிவர் பெயரு டாங்கி , இந்த நாலு பெயருக்கும் திடீர்ன்னு ஒரு சந்தேகம் . நம்ம நாலு பேரில் யார் பிரபல பதிவர் ..? யார் அதி முக்கிய பதிவர் ,? யார் "முக்கிய " பதிவர்ன்னு . இங்கி சொல்றாரு நான் மஞ்சள் துண்டு போட்டிருக்கேன் அதனால் நான் தான் பிரபல பதிவர்ன்னு . பிங்கி நான் ரொம்ப ஏழை. அந்த பிரபல பதிவர் பட்டதை எனக்கே குடுத்து விடுங்கள் என்று . பாங்கி சொல்றாரு என் இடுப்பை கிள்ளி பாருங்க நான் துள்ளுவேன். அதனால நாந்தான் பிரபல பதிவர் ,டாங்கி மட்டும் என்ன லேசு பட்டதா? நான் நிறைய அழுகாச்சி காவியம் எல்லாம் எழுதி இருக்கேன் அதனால் நாந்தான் பிரபல பதிவர்ன்னு ...

இவங்க கதை இப்படி இருக்க. ஒரு நாள் சைக்கிள் ரிக்க்ஷாவில்
பதிவர்கள் மாநாடு நடக்கிறது அனைவரும் வாரீர்ன்னு விளம்பரம் பண்ணீட்டு போயிட்டாங்க . இவங்க நாலு பேருக்கும் ஒரே மண்ட குழப்பம் ஆகிடிச்சி . என்னடா இது நாம நாலு பேரும்
இங்க இருக்கோம். . அப்புறம் எப்படி மாநாடு .? வேறு யாரும் பதிவு எழுதுகிறார்களா என்ன ..? அப்படி எழுதினால் அவர்கள் யாரென்று போயி பார்த்துவிடலாம். என்று பாங்கி சொல்ல . இல்லை நாமெல்லாம் பிரபல பதிவர்கள். அந்த விளம்பரத்தை நல்லா பாரு அது "வெறும்" பதிவர்கள் மாநாடு என்றுதான் போட்டிருக்கு . பிரபல பதிவர்கள் மாநாடு என்று இருந்தால் நாம் போகலாம் என்று டாங்கி சொன்னது , அதற்க்கு இங்கி அட அவசர படாதீங்கப்பா நாம இங்கயே உக்காந்து இருப்போம் இன்னும் கொஞ்ச நேரத்தில் பார்த்தசாரதி கோயில் யானை வரும் . அதன் துதிக்கையில் மாலை இருக்கும் . அது நம்ம நாலு பேருக்கும் மாலை போட்டு பரிவட்டம் கட்டி நம்மளை விழா மேடைக்கு கூட்டிபோகும் . அங்கே நம்மளை நடு சென்டரில் வைத்து விருது குடுப்பார்கள் . அதனால் நாம் இங்கனயே குத்த வச்சி இருப்போம் . என்று சொல்லி அங்கேயே உக்கார்ந்து விட்டார்கள் .பாவம் அவர்கள் எதிபார்த்த யானை வரவே இல்லை .

இப்போது அவர்களுக்கே சந்தேகம் வந்து விட்டது உண்மையில் யார் பிரபல பதிவர் என்று . இந்த கேள்வியை தான் நான் உன்னிடம் கேட்க போகிறேன் விக்கிரமா . இவர்களில் உண்மையில் யார் பிரபல பதிவர் என்று . நீ சரியான விடை கூறிவிட்டால் காலா காலத்திற்கும் உன் வீட்டில் பத்து பாத்திரம் தேய்க்கிறேன் .

விக்கிரமன் தேவாங்கை பார்த்தான் அருகில் இருந்த மரத்தை பார்த்தான் . இதை விட அது பெட்டர் என்று முடிவு செய்து . தேவாங்கை கீழே இறக்கிவிட்டு அந்த மரத்தில் தூக்கு மாட்டிகொண்டான் ........................................................................................தி எண்டு

........................................................

தொடர்புடைய குட்டி சீ........ சீ.........சுட்டி இதை கிளிக்கி பார்க்கவும்

விகடனின் சதி அம்பலம்

2012-09-08T11:21:00.000+05:30

இந்த வலை உலகில் ஆரம்பதில் ஒரு பார்வையாளனாக என் பயனத்தை ஆரம்பித்த நான் விதி வசத்தால் பன்னிகுட்டி, மங்குனி அமைச்சர். போன்ற சான்றோர்களின் பதிவுகளை படிக்க நேர்ந்தது . அதுவரை வெறுமனே கமன்ட்டி கொண்டிருந்த நான் பதிவு எழுதும் துணிச்சல் பெற்றேன் . (நீ எல்லாம் பதிவு எழுதும் போது) .

சரி எழுதலாம் என்றால் எதை எழுதுவது எனக்கு பிடித்த வரலாறு அறிவியல் ,எழுதலாம் என்றால் அவ்வாறு எழுதுபவர்கள் ப்ளாகை சென்று பார்வை இட்டால் 100 முதல் 160 பதிவுகளுக்கு மேல் எழுதிவிட்டு வெறும் 2000 ஹிட்ஸ் மட்டும் வாங்கி ஒலிம்பிக்கில் இந்தியா போல் பரிதாபமாக இருந்தார்கள் .

இன்னொரு பக்கம் ஒரு மொக்கை பதிவு போட்டுவிட்டு 400 கமன்ட்டுகளுக்கு மேல் வாங்கி கொழு...கொழு என்று கொழுத்திருந்தது இன்னொரு கூட்டம் . நீங்களே ஊகித்து கொள்ளுங்கள் நான் எந்த வழியை தேர்ந்து எடுத்திருப்பேன் என்று . இப்படி எனக்கு நேரம் கிடைக்கும் போது அல்லது எனக்கு தோன்றும் போது மட்டும் பதிவுகளை போட்டு இந்த பதிவுலக வானில் சுதந்திர பறவையாக சுற்றி கொண்டிருந்த என்னை ...வெறும் ஸ்பெசல்சாதா பதிவரான என்னை ............பிரபல பதிவர் ஆக்கும் சதி நடக்கிறதோ என்று அச்சபடுகிறேன் .

அந்த சதியின் ஒரு பகுதியாக விகடனின் வலையோசையில் என்னை அறிமுகம் செய்துவிட்டார்கள் . அதுவும் யார் பிரபல பதிவர் என்று பதிவுலக பஞ்சாயத்து நடக்கும் இந்த நேரத்தில் .இதில் வெளிநாட்டின் கை இருக்குமோ ..என்னமோ போங்க எனக்கு இப்பவே தலைக்கு மேல கொம்பு முளைக்கிற மாதிரி இருக்கு . நாக்கு நீளுது ..வாயெல்லாம் அசைபோட தோணுது ..........

தமிழ் பதிவர் சந்திப்புக்கு வர முடியாதவர்கள் என்ன செய்யலாம் !

2012-08-24T15:52:00.000+05:30

சென்னைப் பதிவர் சந்திப்பு ஏற்பாடுஆகிவிட்டது. தமிழ்நாட்டில் இருக்கும் பதிவர்கள் பலர் கோலகலத்துக்கு தயாராகிவிட்டார்கள். ஆனால் இலங்கை, மலேசியா, சிங்கப்பூர், மத்தியக் கிழக்கு, ஐரோப்பா, அமெரிக்கா, கனடா மற்றும் உலகெங்கும் உள்ள பதிவர்களால் கலந்துக் கொள்ள முடியவில்லை என்ற வருத்தம் இருக்கின்றது. ஒரு விடயத்தில் நேரில் கலந்துக் கொள்ள முடியாவிட்டாலும் நாம் நமது உளப் பூர்வமான ஆதரவை (Solidarity)தெரிவிப்போம் அல்லவா. ஆனால் சற்றே ஒரு வித்தியாசமான யோசனை எனக்குத் தோன்றியது. இணையத்தில் உலாவும் நாம் எதாவது செய்தே ஆக வேண்டும் என்ற எண்ணம் உதித்தது.

பதிவர் சந்திப்பு நடக்கப் போகும் நாள் ஞாயிறு ( August 26, 2012 ), கலந்துக் கொள்ளப் போவது சுமார் 200 -500 வரையிலான பதிவர்கள். ஞாயிறு பலருக்கும் விடுமுறையாகவே இருக்கும் அல்லவா. ஆனால் தமிழில் எழுதும் ஆயிரக் கணக்கான நாம் என்ன செய்யலாம்.

வீரராகவன் சம்பத் : குப்பையாக விரவிக் கிடக்கும் இணைய செய்திகளை வகைப்படுத்த வந்த ஒரு எளிய முறை தான் # பயன்பாடு. உங்கள் செய்தி எதைப் பற்றியது என்று இரண்டு மூன்று keywords இட்டு இணைப்பது போல. உதாரணத்திற்கு, இந்த பத்தியின #tamilblogger என்று வகைப்படுத்தினால், தேடுபவர்களுக்கு எளிதாகக் கிடைக்கும். நிறைய பேர் ஒரே குறியீட்டுச் சொல்லை ஒரே நேரத்தில் பயன்படுத்தினால், அந்தக் குறியீட்டை கண்டறிந்து Trending topics என்று "தலைப்புச் செய்தி" ஆக்கி விடலாம். நிறைய உதாரணங்களை நீங்கள் Twitter Timeline-ல் பார்த்திருப்பீர்கள்.
ட்விட்டர் வந்த பின் தான் # பயன்பாடு பரவலானது. தற்போது Google+ம் இதைப் பயன்படுத்தி வருகிறது.#ஐ சரியாக பயன்படுத்தினால், இணையம் வழி பல கூட்டு முயற்சிகளை நாம் மேற்கொள்ளலாம். அவை எல்லாவற்றிற்கும் அடிப்படை புரிதல் அவசியம்.

இருக்கவே இருக்கு ட்விட்டர். பதிவர் சந்திப்பு நடக்கும் அந்த நாளில் தயவு செய்து ட்விட்டரில் தொடர்ந்து ட்விட் மழை பொழிய வாருங்கள். உங்களுக்கான குறிச்சொல் ஒன்றையும் உருவாக்கி இருக்கின்றேன்.

#tamilbloggers

நிச்சயம் உங்களின் பேஸ்புக், ட்விட்டர், கூகிள் ப்ளஸ் நண்பர்களை ஞாயிற்றுக்கிழமை முழுவதும் ட்விட்டரில் ட்விட் மழை பொழியும்படிக் வேண்டிக் கொள்ளுங்கள். நேரில் போகாவிட்டாலும் அவர்களுக்கான ஆதரவுக் குரலை ட்விட்டரில் கொடுப்போம். குறைந்தது இந்திய அளவிலாவது #tamilbloggers -ஐ trend செய்ய வைப்போம்.

நான் தயார் ! நீங்கள் தயாரா ? இந்தப் பதிவை நீங்கள் மீள்பதிவு செய்யவும், பேஸ்புக் உட்பட எதிலும் பகிர்ந்து கொள்ள அனுமதிக்கின்றேன். நன்றிகள் !!!

நன்றி இக்பால்செல்வன்
இவர் முயற்சிக்கு அனைவரும் ஒத்துழைப்போம் .

http://www.kodangi.com/2012/08/sypport-tamil-bloggers-conference-in-twitter.html

மதுவா ...மதமா ...எதில் போதை அதிகம் .?

2012-08-22T18:34:00.000+05:30

போதை என்ற சமாசாரம் இல்லாமல் இந்த உலகில் எந்த மனிதனும் வாழ்ந்துவிட முடியாது .
என்ன போதைக்கான சமாசாரம் மட்டும் மாறுபடும் . சிலருக்கு மது என்றால் வேறுசிலருக்கு பெண்கள் . சிலருக்கு சிகரெட் . பலருக்கு மதம் .விஷயம் தான் மாறுபடுமே தவிர விளைவு எல்லாம் ஒண்ணுதான் .
சரி இப்போ மது என்ன செய்யும் மதம் என்ன செய்யும் என்று பார்ப்போம் .

மது :- தைரியமும் தன்னம்பிக்கை குறைந்தவன் கூட மது உள்ளே போய்விட்டால் தன்னை ஒரு மாவீரனாக நினைத்து கொள்வான் ....த்தா ஆம்பிளையாய் இருந்தா மேல கை வச்சி பாருடா ..என்று உச்சஸ்தாயில் கத்திக்கொண்டு ஒரு உயர்வு மனப்பான்மையான மனநிலையில் இருப்பான். அதுவும் தூங்கி எழுந்தால் தெளிந்துவிடும் .

மதம் :- தன் மதம் தான் உயர்ந்தது தாங்கள் தான் ஆழப்பிறந்தவர்கள் .மற்றவர்கள் எங்களுக்கு சமம் கிடையாது . எங்கள் சொல்படி மற்றவர்கள் கேட்க வேண்டும். மற்றவர்கள் சொல்லை ஒருபோதும் நாங்கள் கேட்க மாட்டோம் .
என்று ஒரு உயர்வு மனப்பான்மையான மனநிலையில் இருப்பார்கள் . இது தெளியவே தெளியாது .

மது :- சில குடிகாரன் (நிச்சியமாக எல்லாரும் அல்ல ) பெண்கள் மேல் வன்கொடுமை செய்கிறார்கள் .மனைவியை குடித்துவிட்டு அடிப்பது போன்ற செயல் . கடுமையாக கண்டிக்க படவேண்டிய செயல் . போதை தெளிந்தவுடன் யாராவது கண்டித்தால் சிலர் அமைதியாக கேட்டு கொள்வார்கள் .

மதம் :- எங்கள் மதமே மனைவியை அடிக்கும் உரிமையை குடுத்திருக்கு . (எல்லா மதமும் அல்ல)அதை கேட்க யாருக்கும் உரிமை இல்லை . பெண்கள் நமக்கு சமமானவர்கள் இல்லை .அவர்களுக்கு சுதந்திரம் அளிக்க கூடாது . எல்லோரும் 1600 ஆம் நூற்றாண்டிலேயே வாழ வேண்டும் . அதை தாண்டி ஒரு பயலும் அடுத்து நூற்றாண்டுக்கு போக கூடாது .மீறி போனால் குண்டு வைத்து கொன்னுபுடுவோம் . என்று அடுத்தவர்களுக்கு உபதேசம் செய்வது ஒரு வகையான போதைதான் .

மது :- இந்த போதை அதிகமாக ஆகிவிட்டால் . தெரு என்று கூட பார்க்காமல் கீழே படுத்து விடுவார்கள் . ஊரே சுற்றி நின்று வேடிக்கை பார்க்கும் .

மதம் :- இந்த போதை அதிகம் ஆகிவிட்டால் தெருவில் கூட்டம் போட்டு . மற்ற மதத்தினரை வசை பாட வைக்கும் .
ஊரே சுற்றி நின்று வேடிக்கை பார்க்கும் .

மது :- அரசு கட்டிடம் என்றோ பள்ளி கட்டிடம் என்றோ எதை பற்றியும் கவலை படாது . உச்சா வந்தால் ஒரே சொயிங் தான் .........

மதம் :- வரலாற்று கட்டிடம் கலைபோக்கீஷம் . பண்டைய நினைவு சின்னம் என்று எதையும் பார்க்காது . போதை தலைக்கு ஏறிவிட்டால் இடித்து தரை மட்டம்தான் .

மது :- அளவிற்கு அதிகமாக போனால் தன் உடம்பை கெடுத்து மரணம் வரை கொண்டு வந்துவிடும் . பாதிப்பு அவனுக்கும் அவனை சார்ந்த குடும்பத்திற்கும் .

மதம் :- அளவிற்கு அதிகமாக போனால் மற்றவர்கள் உயிரை கூட துச்சம் என மதிக்கும் . கொலை செய்வது கூட புனித பணி ஆகி விடும் .

மது :- தன் மன அழுத்தம் போக்கவோ அல்லது நண்பர்களுடம் சந்தோஷத்தை அல்லது துக்கத்தை பகிர்ந்து கொள்ள இதை நாடுபவர்கள் அதிகம்

மதம் :- செத்த பிறகு சொர்க்கம் கிடைக்கும் என்ற நம்பிக்கையில் . உயிரோடு வாழ்ந்து கொண்டிருக்கும் பூமியை நரகமாக ஆக்குபவர்கள் அதிகம் .

மது :- இதை குடித்து விட்டு பதிவு எழுதினால் .டேய் என்னங்கடா படம் எடுக்கிறீங்க . த்தா என்று அநாகரீகமான வார்த்தை சொல்லாடல் எல்லாம் வரும் .

மதம் :- ஈ படத்திற்கு விமர்சனம் எழுத அமர்ந்தாலும் ஏழு குரான் வசனங்களை உள்ளே சொருகி பதிவிட வைக்கும் .

கடைசியாக ஒன்று மது குடித்து இந்த பூமியில் செத்தவனை விட . மத போதை தலைக்கு ஏறி வெட்டிக்கொண்டு செத்தவர்கள் எண்ணிக்கை பலாயிரம் மடங்கு அதிகம் .

நண்பர்களே உண்மையில் எந்த போதை அதிக ஆபத்தானது ......................?

பதிவர் மாநாட்டு தகவல்கள் (அறிய படங்களுடன்)

2012-08-20T15:25:00.000+05:30

வரலாற்று சிறப்பு மிக்க அந்த மாநாடு இதோ பக்கத்தில் வந்து விட்டது ...

பதிவர்களின் புண்ணியத்தை வணங்கி கட்டிகொள்ளபோகும் மண்டபம் இதுதான் ..
முக்கிய குறிப்பு :-இங்கிருந்து உள்ளேசென்று ஒரு 25 அடி எடுத்து வைத்தால் சாப்டுற இடம் வந்திரும் ..

மண்டபத்தின் ஹால் இதுதான் கட்டி உருண்டாலும் கலவரமே நடந்தாலும் . வெளியே யாருக்கும் தெரியாத அளவிற்கு பாதுகாப்பானது .இதன் கொள்ளளவு ஆரூர் . மூனா செந்திலை போல் ஒரு ஐநூறு பெயரை தாங்கும் அளவிற்கு வலுவானது என்று தெரிவிக்கிறார்கள் .
முக்கிய குறிப்பு :-இங்கிருந்து ஒரு 20 அடி கீழே எடுத்து வைத்தால் சாப்டுற இடம் வந்திரும் ..

வரலாற்று சிறப்பு மிக்க தீர்மானங்கள் பல எடுக்க போகும் விழா மேடை இதுதான் ..

முக்கிய குறிப்பு :-இங்கிருந்து ஒரு 40 அடி கீழே எடுத்து வைத்தால் சாப்டுற இடம் வந்திரும் ..

திரும்பிகிற பக்கம் எல்லாம் ஏசியோ..... ஏசி . கார் ஏசி கக்கூஸ் ஏசி ஒரே ஏசிதான் போங்க ....

முக்கிய குறிப்பு :-இது சாப்பிடுற இடத்திற்கு மிக அருகில் உள்ளது .

இந்த இடம்தான் த்ரில்லிங்கான இடம் அடிச்சிக்காதீங்க அமைதியா பாருங்க ...
*
*
*
*
*
*
*
*
*
*
*
*
*
இதுதான் சாப்டுற இடம் ......

ஏற்ப்பாடு பெரியது என்பதால் வெளியூர் பதிவர்கள் தங்கள் வருகையை சீக்கிரமே தெரியபடுத்திவிட்டால் . உங்களை உபசரிக்க எங்களுக்கு சவுகரியமாக இருக்கும் ..

அதி முக்கிய குறிப்பு :- நக்கீரன் மாமா டக்கீலாவுடன்
(நன்றாக கவனிக்கவும் ஷக்கீலா அல்ல டக்கீலா ) சனி அன்றே வருவதாக வாக்கு குடுத்திருக்கிறார் அதனால் அவருக்கு சிறப்பு விருந்தினருக்கான பட்டம் குடுத்து சிகப்பு கம்பள வரவேற்ப்பு தந்து . அவரை தனியாக அடைக்கும்படி நக்கீரன் கண்காணிப்பு குழுவிற்கு வேண்டுகோள் விடுகிறோம் .