Nghatebaka

PANLAI PANGCHAN NGAIHAWM

noreply@blogger.com (fanai ruata) — Sun, 1 Jan 2023 19:27:00 +0530

“Ni e” tiin mi tam zawk chuan min tawmpui ngei ang ka ring. Ani taka panlai nun ngaih hi khawsak harsa leh rethei tè tan pawh hian a reh thei dawnlo a nih hi. Eng vanga ngai nge kan nih a, eng vanga thlahlel nge kan nih tih lam erawh kan ngaihtuah zawm kherlo mai thei a ni. Kha panlai nun khan danglam bik riauna a nei tidawn ila, chutiang han sawi tur em em kan hre kherlo mai thei bawk a. “A ngaihawm ve tawp ani mai” ti a sawitu pawh atam zawk kan nih ka ring. Mahse ngaihtuah thiam ang tawk tawk in han thai kawi dawn teh ang.

Mizote hi Kristian kan nih hma daih kan thlahtu pi leh pu te atang tawh a thil lo zeldin vak vak thin kan ni pawhin a hriat theih a. Pathian khawngaihna zara Kristian kan nih tak hnu a “kan beisei Van Kanan” kan tih tak fo Vanram kan beisei ang tho hi kan lo beisei ni hian ka hre thin a. Chu kan beisei chu enge tiin kan in zawt mai thei, chu chu PIALRAL hi niin a hriat a ni. Pialral ah chuan enge awm kan tih a kan sawifiah thiam dan ber tur chuan “fai sa rin” hi a ni mai awm e. Fai sa rin hrethiamlo kan awm erawh a rinawm loh rualin han sawi ve hrim hrim ila. Engmah thawh ngai tawhlo a, mahni duh tawk tawk ei leh in ti ila a fiah mai awm e. Ava nuam in ava hahdam dawn em!

Chutiang deuh chiah chuan panlai nun ah pawh hian lungkham em em neilo a, zalen taka kan lo nun thin vang khan a nuam kan ti a, kan thla a muang a, kan ngai ta thin niin a rinawm. Nu leh pa te neih leh phak chin pawh ngaihtuah lo khan kan duh duh kha kan ngen tawp mai thin a. Nu leh pa tamtak rilru hah thin tur zia leh mangan thin tur zia hi kum a kalve zel takah chuan a fiah chho kuar kuar ta mai chauh a ni. Panlai pangchang thlamuanna nun khan nu leh pa te a ti thlaphang a, rilru hah tak tak alo siam teuh mai zawk alo nih hmel ta a ni.

Mahse kha panlai nun zalen tak kha angaihawm em em si a. Khatiang nun ngaihawm kha puitling nih hnu pawh hian alo siam theih reng dawn ni te hian a hriat theih a ni. Nun zalen tak nei tur chuan rilru dik kan put angai a, midang tana malsawmna thlentu nih duhna thinlung atang chuan kan rilru dik put chu atakin kan tifamkim thei dawn a ni. Midangte tana malsawmna nih duhtu chu eirukna lakah a fihlim anga, hlemhlétna te chuan a nunah hmun reng an chang dawnlo a ni. Diklo taka tih duhna khan an rilruah hmun achang dawn silo. Chutiang a kan nun theuh chuan nun zalen leh nuam tak PANLAI PANGCHAN NGAIHAWM ang kha kan lo nei let leh dawn zu nia.

Kum 2023 ah mite tan malsawmna nih duhna thinlung pu chungin ram nuam i siam ang u.

KUMTHAR CHIBAI VEK ULE.

✍🏻 Fanai Ruata ©️

Chakai khawrhlo nun

noreply@blogger.com (fanai ruata) — Sun, 12 Aug 2018 11:26:00 +0530

Chakai hi kan hretheuh awm e, atui ti a duh tak tak ho hi chuan an ngaihlu in Vawksa aipawh a duh pawh an awm nawk awm e. Amaherawh chu ka nive lemlo.

Chakai khawrh tur chuan Lui ah kal a ngai a, Lui chu a hla duh phian lehnghal a, a kalkawng lah nuam tak avang khawp mai. A hmun han thleng ila alo chhengchhe em em a, thalai la chak ve tak tanlo chuan kal mai mai chipawh a nilo. Lui ah chuan chetsual palh a hlauhawm em em a, fimkhur tak a chet a kal vel angai a ni. Kan chesual palh a nih chuan lung hmun leh lengkir te pawh awm thluahna a nih thin avangin nunna hial chan te pawh hlauhawm tak a ni.

Kan kalchhan tak Chakai khawrh chu han tan ila, lung lian leh te deuh te phawkin Chakai chu kan han khawrh tan ta a, a hahthlak duh em em a ni. Lung lian ve tak tak te phawh angaih thin a vangin ban tha a kham duhin a rawl them thum hial thin a ni. Lung kan han phawk a, tui nu deuh karah pawh alo dum deuh nal nal kan hmuh chuan kan han tham risk thuai a, chakai alo nih ngei a, a bawppui pawh lian tha ve tak anih chuan a hlimawm duh em em a ni. Man sual chang in mi te an han cheh nawk nawk chang lah alo awm bawk a, achang chuan min chep hliam hial thin a ni. Leinawi nen a tham tawp tawp kan nih thin avangin kan han silfai ang thuak thuak a, “ai-ip” ah kan han thun zan hnu chuan a ip chu kan han pawt zip leh hmak ta thin a ni.

Chutia luidung thui fe fe zawh hnu meuh chuan hlawhtlin chang a awm a, a chang leh man sawitham kan neihloh chang lah awm bawk a ni. Chutiang chuan Chakai chu kan khawrh ta thin a ni.

A chauh thlak theih em em rualin a hlimawmna pawh sawitur a tam khawp mai. Chakai khawrh velo tan chuan hriatthiam mai theih pawh a nilo.

Ka sawi tum tak ah lut tawh teh ang. Chakai khawrh hahthlak zia leh nawm thin zia hre tur chuan Chakai khawrh a ngai a ni. Chutiang deuh bawk chuan mi nun kan sawisel a, ngaihdan eng eng emaw kanlo siampui ve dawn chuan an nun hman ang kha kan hman a kan dai ve emaw kan suangtuahpui angai a ni. A pawng ataka an chakai khawrh nun hre miahlo a, kan lo sep rawtui a kan lo rel ve vak vak hian, an tan tangkaina leh sawngsawhlawtna reng kan neilo a ni tih hi kan hriat fô a tha awm e. An tan tangkaina leh hmasawnna chu sawiloh an nun ti hreawm a, hmalam pan tir theilo tu kan ni daih thei a ni. Mahni in enchiang in i fimkhur hle ang u.

Chakai khawrh nun hre tur chuan chakai khawrh angai, chuvang chuan kan chakai khawrhlo nun hi dahtha ila mi tamtak tan Chakai khawrh hlawhtling nun ang mai a nun hlimawm thlentu leh malsawmna kanlo ni thei zawk dawn a ni.

Pianna ram/khua fan thunawi

noreply@blogger.com (fanai ruata) — Tue, 7 Aug 2018 21:50:00 +0530

Kum 2002 khan zirna runsang kai turin ka pianna khua Muallianpui chu chhuahsan in; kan Zawlkhawpui lam ka pan a, thangkhatlian zet alo liam ve ta reng mai.

Khami kum atang a tun inkar ah hian ka haw khat hle a, vawi 5/6 vel bak ka haw lo in ka hria. Chutiang taka haw zung zung thei talo chu mikhual chan tak hi ka chang ta in ka inhria a, hmelhriat an tlem tulh2 a, a cheng a te zingah pawh min mikhual hmuhtu an tam ta khawp mai, a awmlo hranlo e.

Panlai nun chen a ka tualchaina kan khua hian ka lung min len bang thei dawnlo anih hi. Kawtlai a in Kawihnawk a, Sephung insik tir te, daipawn hmin bawhpét te, buk lem sak a; in sipai lemchan nun te kha a ngaihawm banglo a ni.

Ka theihngilh theih reng reng loh palhat chu Inkhelhpui (Football tournament) kha a ni. Khang hunlai a tournament a awm a inkhelh boruak kan hip kha ram dang ten World Cup ankhelh ai hian kan ngaihhlutna kha a nep chuangin ka ringlo. Hmarveng leh Chhimveng in final an khelh dawn a in epna boruak san theihzia te kha, a hrepha leh tawng pha chin tanlo chuan hriatthiam rual a nilo. Khiangawia tawngkauchheh takin “a ropui berrrr” awm e.

Hetia ka han chuanchhuah leh tak ah chuan rilru ah a rawn thar a, a lunglen thlak takzet a ni. A hlimawm a, a ngaihawm a, chutih rualin lungduh mual liam ta te thinlai ah an thar lo theilo. Zamual liam a lunglohtui min dawn san ta te zawng zawng ngaih a zual takzet a, patling a pumpa (inti ve tawh mai teh ang) lung a hnur mai dawn lawm le.

Kan nun hi

noreply@blogger.com (fanai ruata) — Tue, 7 Aug 2018 21:47:00 +0530

Lung delh loh thing delh loh ta chu Pathian zarah kum 30 lai chu he khawvel ah hian kalo khawsa ve ta reng mai. Min kaihhruaina ah hian vuina tur reng ka hrelo a, lawmna tur hlir zawk a ni.

Retheihna awmzia hi hrilhfiah ngailo in ka tawng tawh a, hmuhsitna awmzia pawh a awmzia hrechiang ber tur te zing ami ka ni hial ta ve ang. Kalo beidawng em em tawh thin a, chutihrualin beiseina nun in min tihchak zia pawh ka hre bawk a ni. He khawvel hreawm hi khuk bosan daih duh hialna nun kalo nei tawh a, khawvel a kalo piang ve ta mai hi ropui ka tih leh em em bawk a. Mihring nun kawng chhuk chho mai nilo kual kikawi thleng hian kalo tawng ve tawh a ni.

Tunlai mi chuan hmanlai naupang te khawsak dan lehkhabu a an chhiar tam tak hi a takin ka tawng a, ka hrephak bawk a. Khawi Bawngek dùr ah nge Sephung chal leh lian awm duh ang tih hrehrang pha kha ka nive tlat a ni. Krismas ruai theh nan a “hnahpurual” ka ni hman a, ka hnahput pawh a tel mawi thei pawl tak ka ni bawk thin a ni. Hnahpu hlui a a khawchhung dawng pha chin nih te kha ava nuam em. Kumhlui thlah zan a mi In te do a, an thingtum leh vawkchaw kuang thuhruk sak kha nuam ka ti pha em em a, kût sa zawng in Thang kamin; Lui ka kal hman bawk a, khang hunlai kût boruak kha ka ngai bang dawnlo a nih hi.

Khawvel changkang in a kentel technology chi hrang hrang ah hian a vír hmasa leh kuthlei hmasa ka nileh bawk a, “P2882-HQ9CC-DHFYG-YCDB3- BCJPJ” te hi kan theihngilh mai mai tawh dawnlo a ang hle mai. Cyber Cafe ah chhungte hriatloh in ka kalru fo a, Frenzo hmangin thian tamtak ka nei hman a, Orkut tawp dawn ah thlalak leh thildang back up tur ka zawng veleh hman a, facebook a hming thlak ngun lutuk vang a block hmasak pawl ka nih ka ring, kut chu a hlei ve a ni. Mobile phone lah nise SMS pack heh hmasa pawl kan ni leh a, smartphone alo chhuak a, a android version rawn ken aia sang load talh tum hmasa pawl ka ni lehpek awm e. Internet khawvel ah mahni puala website ka han siam ve ringawt te kha a hunlai chuan a átthlak miahloh. Torrent site bookmark tam pawl pawh ka nileh mai thei a ni.

Tumloh deuhin ka sawi tak duah chu, khing ka sawitak duah nachhan tak khi kan sawi tawh ange. Hmawlhte a ekthiar pha a, fingerprint hmang a SIM Card tihnun thlêng tawng mah ila, nunah hian khawhar rukna hian hmun a luah reng thin a nih hi. Chu khawhar rukna riau tireh tur chuan chatuan a nunna minpetu PATHIAN ah chauh hian hlimna famkim a awm a ni tih hi a fiah tulh tulh a nih hi.

Hmangaihna (Love)

noreply@blogger.com (fanai ruata) — Thu, 12 Jul 2018 22:45:00 +0530

Hmangaihna hrilhfiah itum chuan hmangaihna hrang hrang I sawi tel angai ang.
Chung hmangaihna te chu a hlawm thei ang berin han thliarhrang dawn ta ila: Pakhatna ah chuan chhungkua, láina leh țhian hmangaihna ni sela. Hei chu sawifiah em em pawh angailo turah dah ila.

Pahnihna ah chuan nulat tlangval in hmangaihna; heihi hmangaihna tiin kan han sawi ve tak na a, sap ho in #romance an tih ang hi ani zawk mah a, he romance mizoțawng a a ang teuh ber chu #inngainatna ti ila a nihna tak paw chhuak chiahlo mahse a teuh ber awm e. He romance hi alawm nula, tlangval, tleirawl leh rawlthar tamtak tluk chhiatna ber chu. He romance(inngainatna) hi hmangaihna emaw tiin sual kawng thuk tak dai tirtu hial alo nita reng țhin bawk a, he romance hian daih hun alo neih si avangin mi tamtak laklawh deuhin an nun phah anih hi. Fimkhur hle rawh.

A tawp berah chuan nupui pasal in hmangaihna hi a ni. He hmangaihna hi chuan a daihreiin damchhung leh chatuan thleng pawhin a daih thei a ni. He hmangaihna hi a chung a kan sawi tak romance ațang a lo piang tho kha a ni a, mahse romance zungzám khan a hruaisual velo a ni. Hmangaihna chauh nilo khawngaihna te, lainatna te leh rinawmna thlengin a keng tel a ni. Hmangaihna dik leh tluantling kan ti thei awm e.
Sawifiah vek erawh a har khawp mai tawnfiah chi a ni. Duh tawk mai teh ang.

Panlai nun

noreply@blogger.com (fanai ruata) — Thu, 12 Jul 2018 22:30:00 +0530

Tihian ka dâwn a,
Panlai nun thianghlim kha,
Kirleh thei tawhlo a liamta kha,
Thinlai ah tharin ngaih ava zual em.

Khang hunlai khan,
Nun a mawlmang a,
Nun a thianghlim a,
Nun a zalen a,
Mahse kan va hlim si em!

Panlai nun kha,
Ka chhingmit a mih hma leh,
Ka lungphu hi a phut det det chhung chuan,
Sawiban zai reng ka rel dawnlo.

Bakbakte-a thukhawchang - 1

noreply@blogger.com (fanai ruata) — Thu, 12 Jul 2018 11:56:00 +0530

Ngaiteh ka dâwt a,
Ka ďâwt zo thei silo.
Dawlh ka tum a,
Ka dawlh thei silo.
Chhâk ka tum a,
Ka chhâk thei chuang silo.

Ka zuâm a, ka zuâm em em a,
Ka buan a, ka buan vak vak a,
Chaih ka tum a, min chaih ta zawk si,
Hnehtu nih ka tum a, min hneh ta zawk si,
Ka suangtuah a, ka suangtuah vak vak a,
Ka zuam, ka buan, hneh tuma ka chaih a;
Ka suangtuah chuan min tudai ta!

Nu leh Pa tan a Krismas leh kumthar thuchah.

noreply@blogger.com (fanai ruata) — Fri, 1 Dec 2017 22:30:00 +0530

"Apa lo haw thuai rawh ka ngai tawh che nia".
Nu leh Pa dinhmun hi ava lo hlu in ava ropui tehlûl em. Fa te tan chuan Super Hero kan ni a, duh duh herchhuahna khawl kan nei a, an tan chuan khawvel mi hausa tak tak te ai hian kan ropuiin thil kan tithei fé zawk a ni.

Engmah nilo mah ila an duh duh an lam a; an dilna nih ringawt pawh hi chawimawina nopui khawvel mifing ten an dawn aipawn a ropui in a chhuanawm zawk a ni. Damlo natna khum a mu ten anmahni țanpuitu Doctor an mawmawh ai hian kan faten min mamawhna hi a nep chuanglo a ni. An tan chuan Doctor kan ni a, Teacher kan ni a, an mentor ropui ber kan nibawk a ni. A khaikhawm nan an engkim a engkim kan ni ti ila a sual tam lo ang.

Khita țang khian kan hlutzia chu kan hre mai awm e, kan dinhmun hi ava hlu tehlul em. I inngaihtuah chiang teh ang u. Kan fa te tana kan Super Hero na kawngah hian engkawng nge kan zawh le? Doctor in a damlo chu treatment diktak hmang a a enkawl chuan a enkawl damlo tan chuan damna alo nita țhin ang hian kan fa te tan hian eng treatment nge kan pek hi ngaihtuah ava ngai em. Super Specialist te pawn tihsual an nei thei ve tho ang hian keini pawh hi kan fimkhur a ngai hle a ni. An damna tur emaw kan tih hi an tan boralna leh kum khaw chawrlohna a ni thei a ni.

Ziritirtu chuan a zirlai te chu zirna kawngah anlo hlawhtlin theihnan theih tawp chhuah in zirtir hna a thawk ang hian, kan fa te tana syllabus kan siamsak leh lecture kan pek hi kan fimkhur angai hle a ni. Zirlai țha chu zirtirtu țha ah a chhuak em tih hi a pawimawh lai tak chu a ni. Kan zirlai te hnen ațang hian zirtirna țha a chhuak ve thei angem tihlai tak hi kan ngaihtuah chian a; chutiang tur a hma kan lak chu a pawimawh takzet a ni.

Khati lam kan pawimawhna chu duhtawk dawn teh ang. Tun Krismas lo thleng turah hian nu leh pa țha leh zirtirna țha hnuai a seilian te chuan midang tana hnawksak nilova malsawmna nih hi an thil chak zawng tak a ni ngei ang. Midang tan malsawmna tih hian sum leh pai a va țanpui thur thur lam a kawk kherlo a ni. A nunah khan khawvel hausakna sum leh pai tello pawn alang chhuak em tihlai hi a pawimawh lai chu a ni.

Ka sawi tum ber chu hei hi a ni, heti zawng hian nu leh pa te u I han ngaihtuah teh ang u. Kan fa te hlimna kan duh a kan beih a kan ngaihtuahna kawngah hian midang tan a hreawm leh hnawksak mai te hi kan lo ni palh hlauh ange. Kan Pathian kan Pa leh mi zawng zawng te Pa duhdan hi I ngai pawimawh ber ang u. Chutilo zawng a fapa Birthday lawm tura kan in buatsiahna kawng ah hian a lawmlo anga, malsawm thei tu thinurna hi kan tuar zo dawnlo tih hi I hre thar leh ang u.

Krismas leh Kumthar hlim taka hmang turin duhsakna hlan chungin Chibai ka buk a che u.

Engtik ni ah emaw chuan

noreply@blogger.com (fanai ruata) — Sun, 1 Oct 2017 22:37:00 +0530

Hun leh ni te lo inher danglam a liamzel hian kan nunkhua hi heti khawp hian a sawi danglam ang tih ngaihtuah lo lék a kan len, kan vah kan vah lai hian, kan khawvel hi ava lo danglam tawh em tih hi ka ngaihtuah a. Hmanah chuan khuangchawi thla Thla êng te kha alo va êng bik em! Vangpui khua alo herchhuah meuh chuan nunhlui hmanlai chang tawh hnu kha thinlai ah a rawn thar leh a, ngaihbil awmlo suihlung aléng leh vung vung țan ta anih hi.

Ni e, kum tin hian a niziah rèng a ni. He khuangchawi thla hian zùn danglam tak zawng a nei anih dawn hi. Khawvel nawmsak mai nilo khawsak dan zawng a țuanna tlang dang leh tlang hrang hrang han fan chang ni te hian thinlaiah hian ilo thar leh țhin kan vangkhawpui lungkham neilo te a laitual kan lenna kha. Țuanțul vangin ngai hle che mah ila kir zai erawh kan rel thei silo a nih hi. Theih nise damlai hringnun kawng chhuk chho hi I tuallai a vuiliam kava chak tak em. Amaherawh chu kan khawvel damchhung khawsak intlansiakna ram ah hian kan tan hmun a awm ve silo. Lung tileng vangkhawpui mai ini e.

Hmanah chuan tihian ka dâwn țhin a, nakin hunah chuan khawvel intlansiakna avang hian lunglen khawhar pawh hre hman lék lovin kan tlan in kan buai anga, chung hunah chuan kan lenna vangkhua pawh ngai hmanlo hial khawpin kan buai anga, khuangchawi thla Thla êng te pawh chu a êng ve ringawt tawh ang. Chawrhthlapui kha chhawrloh thlapui alo ni tawh anga, Thla êng lawm a athim lai lai chuh hunlai te pawh hrechang tawhlo lék in kan buai dawn si. Mahse hei chutiang chu kan tawng ta chu a ni deuh der mai si a nih hi.

Engtikniah emaw chuan khawhar takin, mahni chauhin he kan nun hi kan la dawn kir ang a, rawllai nun hi ngaiin kan la au lawm lawm anga, mahse hunin kirzai reng rel tawh lovin a liampui tawh dawn si. Kan dam anga he hringnun kan thlahliam hun hi ala thleng ve chék ang a, chumi hunah chuan țhenrual hlui tu tu te emaw khan thawhlehna ni ah kan la intawk leh ngei ang tih ngaihtuah chung minla thlahliam ve awm si a.

Damchhung khawsak ngaihtuah a kan khawsak buai nuai nuai lai hian kan vanglaini kan thlah liam zel tih erawh kan ngaihtuah tel ava pawimawh em. Kan vanglai, țhatlai a kan duh dan dan a kan nun mai hi ava hlauhawm em. Siamtu'n vanglai chen tura min tihna kawngah hian amah hrereng tur a min chahna hi I hre thar leh fo teh ang u khai. Khuangchawi thla hman nuam ule.

Ka theihnghilh thei thlawtlo a ni e

noreply@blogger.com (fanai ruata) — Tue, 19 Sep 2017 00:30:00 +0530

Khalai kawtthler zawl nuam tak kha ka thinlungah hian a cham reng ang tih reng ka ring ngailo. Mahse, tun thleng hian ka la theihnghilh theilo chu a nih hi. Ka nun ah hian thil pawimawh tak a lo in ziah tanna a lo ni reng mai.

Thirsakawr la thar hle a ni tih hriat tak ah chuan, khawvel ah hian a vawikhatna atana kan intawnna turin la khawr ve deuh hian a rawn inkhalh phei ve nawk nawk mai a. A pawnfen chhing tial mawi tak mai leh a T-shirt sendawng (pink) inhmeh tak mai chu thuhran amah a... amah timawitu ber mai leh mite thinlung pawh khawihtu ber mai chu a sakhmel nuimawi duhawm tak mai chuan kei chuah nilo thinlung a hneh thin a ni. Khami ni a a inchei dan kha ka mitthla ah hian a cham reng a sin. Tunge mawilo ti anga tunge duhawmlo ti ang? A hmuve chuan min hnial tu tur hi ka hrelo a ni. Ka tehkhin ber mai chu Pangpar sen mawi tak hrisel taka a rawn par chhuak tur hi ka tehkhin ber a ni.

Kha tihlaia keini rual ho kha chuan kan titi hona reng reng ah hian a chanchin leh hmelthat zia leh duhawm zia kha kan sawi tam hle a ni. A hmeltha a, a nun a mawi a, a che fel a, a nun a nem a, a hlim thei tih a hriat bawk a ni. Chutiang mi chu tunge thlir liam mai mai thei ta ang le? Chung zingah chuan kei ngei pawh hi ka pha lo a ni. Mahse ka thlir liam mai lo kha ka inchhir zawk in ka hria.

A tawi zawngin sawi mai teh ang kalo englo ve em em thin nen chuan hmangaihna par chu kan tlan dun ve ta ngei mai. Amah nen kan inzui chhung hian ka nun reng reng hi a hlimin a nuam em em a. Amah a fel em vang pawh a ni ngei ang, ka ngai in ka thlahlel ngawih ngawih a ni ber mai. Ka nunah hian a telve mai nilo in, keim hi a tello in ka awm theilo a ni ber zawk in ka hria. A chhungte nen pawh kan inpawh em em a, a nu ne phei hi chuan kan in kawm ngeih em em a ni. An in ah pawh ka tam thawkhat hle mai. Chuti khawp a inzui nasa kan nih avang chuan midang reng reng pawh hian min tihbuai hi tumna rilru an neilo hrim hrim niin ka hria. Ka sawi thiam dan ber chuan unau in ngai leh inngeih tak hi kan ang zawk mah in ka hria.

Chutiang khawp a kan inzui nasat hnu chuan zirna avangin hmun dang ah kan awm a ngai ta tlat mai. Engtinnge ni ta angle? Kei mai nilo in ani pawh kha apa hna vangin hmun dangah an awm ve leh zel bawk nen ava buaithlak ta em...Ka lunglen zia chu tawngkam hian a sawufuah zolo ang, a tawngve tan lo chuan hriatthiam chi pawh a nilo. Dar lehlam sahthlak ang hlawk hi niin ka hria. A nat hian ana vawng vawng hi a ni ber mai. Kei aia lungleng tur chu amah zawk kha a nih ngei ka ring bawk mahse kan lunglen zia kha sawi thiam theih a nilo tih kan hre chiang ve ve ni tur a ni. Kan han in hmu leh chiah mai chu pawh then rualloh hian kan in pawm vawng vawng a, mittui hi a sur hian a sur nghal char char mai a ni.

Kan inhmuh leh chu thinlung ah hian thlunzawm kan ni tih hi kan hre ve ve in ka hria. Kan thla hi a muang hliah hliah a ni ber mai. Mahse alo her leh ta thenna kawl ti mai teh ang. Awm dun thei kan la nisilo, kan inthen leh rih a ngai bawk si. Hetiang em em hian hmangaihna ah hian ka lut thuk ang tih hi ka ring ngailo a ni.
(chhunzawm tur)

Back to the old

noreply@blogger.com (fanai ruata) — Fri, 21 Aug 2015 00:05:00 +0530

Kei atan chuan "Back to the old" tihloh theih a nilo. Hun kha leh chen blogging khawvelah hun kalo hman tawh hnuin hna leh thil dang dang avangin ka chhunzawm theilo a, tuna ka ngaihtuah hian ka ui takzet a ni.

Khang hunlai kha a ngaihawm hle mai, han herlum leh tun teh ang. Wordpress lamah te ka han insawn ve tak na a, mahse taihmak miauloh vangin engmah chu kan nih phah chuanglo chu a nih kha, nunhluiah letin herlum leh zawk hi a tha maiin ka hria. Hma kan sawn ta viau ang chu ka ti thei biklo, mahse theih tawp chhuahin rilru a awm leh veizawng hrang hrang te pairal mai lo a, dahthat nan tal hman tum teh ang.

Kuthnu hluite han haichhuah hian a lunglenthlakin nun pawh ati hlim riau mai lo zu nia. Heite mai hi bultan leh nan chuan tawk mai tehse.

Ka khawnkhawm mai dawn

noreply@blogger.com (fanai ruata) — Sat, 3 Sep 2011 23:51:00 +0530

Kar tawp ah hi chuan han update ve hram hi tha ka ti si a, mahse engmah ka rilru ah hian ziah tur reng alang pawn ka hre bawk silo. Ka han khawnkhawm ange.

Lawmthu sawi alang tlat

Kartluan a ka hnathawh dan te ka han ngaihtuah let a, lawmthu sawina tur hlir a ni tih ka hre ta a ni. Office turin ka han kal a, kal kawng ah harsatna em em awmlo a ka han thleng ringawt mai thin te hi lawmthu sawina tur hlir a ni. Damtha tak chungin hna ka thawk thei a, nilengin ka awl changin ka online a(hunawl hnawhkhah nan), thian tam tak ka neih phah te hi ka va lawm tak em. Tlaiah inlam panin ka haw a damtak maiin ka han thleng leh a ava hlu tak em. Zanah hahchawlhna hun tha tak nei chungin chhungkua kan inkawm hlim a (zanah ka leng ngai meihlo), hahdam takin ka han mu siai siai mai te hi ka va lawm tak em. LALPA lawmthu ka hrilh a che.

Ka chhungkaw pakhat zawk chanchin

Ka ngaihtuah leh mai mai a, nitin a ka hnathawhna hi ka chhungkaw pakhat zawk a ni tih ka hrechhuak leh a. Ka hnathawhna ah ka hlim chuan kan inlamah ka hlim phah bawk thin avangin. Kan hnathawhna hmun environment a that chuan tha takin hna kan thawk thei a, kan hna kan tlin thin. Kan thawhpuite nen kan in ngeih em em chuan a nuam lehzual thin. Ka chhungkaw pakhat chu ka hnathawhna hmun hi a ni.

Hun ka pe tlem lutuk

Ka ngaihtuah chhunzawm zel a, min siamtu, min enkawltu, mal min sawm tu Pathian hi hun ka va pe tlem tak em tih hi ka hmchhuak leh a. Kar tluanin hna ka thawk a(Saturday ah pawh), zan pawh inkhawm hman ngailo in ka thawk a ni. Sunday chiah hian a ni ka len thinni ka PA In-ah hian. Ka va zak tak em (hmasawn ka ngai ani). Hun tam zawk pek theih ngei ka tum tawh ang.

A tam mai, ka hmanhmawh deuh tlat tawk mai tehse...(proof reading pawh ka nei hman rihlo a ni e)

Lunglen a zual leh thin

noreply@blogger.com (fanai ruata) — Tue, 30 Aug 2011 18:39:00 +0530

Kan ti nek nek a hei "ber" thla chu kan thlang leh dawn ta reng mai. Mi fa te chuan nasatakin hmasawnna lam tluang an zawh laiin, kei ve mai hi hmasawnna hmuh tur reng awmlo hian ka awm ve tawp tawp ni ber hian ka hria. Mahse, hnung tawlh ai chuan tlem te te a hmalam pan pawh hi a tha in a hlu hrim hrim a ni.

La naupangte mah ni ila lungleng mi ngang hi ka nia ka lung hi a leng ve em em reng ringawt mai a ni. A biktakin "ber" tha chho velah phei hi chuan keimah ah hian sawithiam hleih theih si loh hian khawhar rukna riau ka ti dawn nge, chhungrilah hian a leng veng veng hi a ni ber mai. Nangni inni ve emaw ka hrelo, atamzawk chu in ni ve tho ang ka ring. Ni e, lunglenna hian nun a tihlim emaw tih hial lai te pawh a awm in ka hria. Lunglen nuam tih veng veng lai te hi ka nei leh tlat thin. La naupangte la nichung si hian ka nunhlui ka han dawn kir changte hian ka lung hi ava leng thei tak em.

"Enge ka lunglen em em nachhan hi ni ang le?" tiin ka inzawt fo thin a, mahse ka hre mai theilo thin. Tun hnai mai khan ka rilru ah hian a chhan niawmtak hi ka hre deuh tlat mai a, chu chu hei hi a ni. "Engmah lungkham lem neilo a tual kan chai lai, kan hma hun tur dawn lemlo a kan tal ve mawp mawp lai, thiante nena rampalaileng a kan vah mai mai hun lai, inchhungkhurah pawh kan la tangkai em em hma hun kha a ni" ka lung tileng a, ka khua tihar em em tu chu nita in ka hria.

Khang hunlai kha ava lo nuam in ava han hahdamthlak tak em, khawvelah hian a tluka hlimna leh nuam dang reng hi a awm ka ring lo hial a ni. Mi tupawh mai hi han inzawt ta ila...khang hunlai kha ngailo tunge awm angle...? An ngailo a nih chuan an ngaihloh chhan chu a holo viau ang. Harsatna eng emaw tak chu a ni ngei ang ka ring.

Favang kawl alo eng a, ka nun hi sawifiah thiam theihloh hi a danglam a ni ber mai. Bial hluite rilruah anlo lang leh a, lungrualte a kan lenna tlang te mitthla-ah alo thar leh a, chawlhni tlai lama kan lenkual thin dan te han ngaihtuah let hi chuan thinlung mittui hi a sur lo chauh hi a ni ber mai. Dawn lem neilo hian ka dawn lungruk hi a leng vawng vawng a ni ber mai. Khawlai lenna ah thian hluite iti mai teh ang, zirna leh hnathawhna avanga hun rei tak lo in hmu tawhlo te han inhmuh leh ni te hian, kan rilru a lo lang hmasa ber mai chu, "hmanlai" hlimte a kan lendun lai nite a ni ber mai.

Keizawng ka han ngaihtuah neuh neuh hian "hmanlai' chang atan chuan ka phal thei thlawtlo a ni. Heng lunglenna zawng zawng te hi "favang' khua alo herchhuah hian a zual leh thin a ni e.

Ziah tur atam hle mai kan la chhun zawm leh dawn nia.

He hla hian tamtak chu a hrilhfiah awm e.

"No smoking" hi a awmzia hrelo kan awm a mi aw...?

noreply@blogger.com (fanai ruata) — Thu, 25 Aug 2011 21:44:00 +0530

Hmanni deuh tawh khan sorkar office pakhat ah hian thil eng emaw tiin ka kal a, chuta ka thil hmuh chuan ka rilru a khawih em avangin sawilo in ka awm theilo a ni e.

Kha hmun kha engvanga zahlo em em nge maw a nih le? A hmun a zahlo a nih pawhin an thil tar avang tal khan midangte kha zahve deuh sela ka lo ti mai mai a. Nge dan chunga lengah a in ngai zawk aw....? A hnuai a thawk emaw a thawhpuite tan chuan zah a har ngawt ang ka ring.

Tlemlai deuh tawh khan office thenkhat ah chuan kut inthlak hial te pawh kha an awm in ka hria. Kut inthlak kha a tha ka tihna nilo in dan kan ngai pawimawh ve kha ka lo lawm lutuk asin. Keimahni siam dan ngei ngei pawh kan zawm theilo a nih chuan, siamlo law law ila kan zahawm zawk ang. "No Smoking" tih intar ve kuau chunga han zuk khuk tulh tulh mai chu a mawilo mai nilo in dan bawhchhiatna a ni tih hria in tihloh hrim hrim tur a ni.

Meizial zuk phei hi chu keimahni mai nilo kan bul ami te tan hian a hlauhawm tel avangin kan bula awmte hi ngaihtuah ve hram hram a tha khawp mai. Changkanna tha tak a ni. Ka post pakhatah chuan ka ziak tawh a, "Zuk leh hmuan tihloh hi sum seng miahlo a changkanna a ni" tih hi hre nawn leh ang u.

Pathian thu pawh a ni reng a ni. Kan taksa tih thianghlim hi kan tih tur a ni. Pathian In kan nih chuan Pathian In chu a thianghlim tur a ni.

Picture a kan hmuh ang hian sawrkar office kan zahloh zia chu alang mai awm e. Hawh u hmasawn i tum ang u.

A office hming thlenga han tarlan hial tur emaw ka ti hial a, mahse mi tih mualpha ka tumna lam nilo in, hma kan sawn tlan theih nana ziak ka nihna avang zawkin tihlan loh tha ka ti ta zawk a ni.

A ngai em che a sin

noreply@blogger.com (fanai ruata) — Mon, 22 Aug 2011 16:39:00 +0530

Nula leh tlangval inngaizawng hi an awm a, nula chuan tlangval chu a hmangaih em em a, a bula awm a thahlel ngawih ngawih thin. Tlangval pawh chuan a hmangaih a, hun a neih chuan Nula-i in ah chuan a leng thin, phone pawhin an inbe ngun em em a, SMS pawh an in thawn cham chi bawk.

Khua alo reia mipa zawk chuan a thlahtlam tan ta tlat mai. Karkhatah vawi khat Nula-i in ah chuan a leng ta tawk mai. Nula chuan enge thil awmzia a zawh pawh chuan a buai lutuk thu leh hun a neih tam loh thu in a chhang mai thin.

Zing a rawn ni a, nula chuan a hmangiah hnen atang chuan morning wish dawn in beisei takin a phone a en a, message awm lo. Nula chuan an wish pawhin chhanletna a hmu khat hle bawk. Chhun a rawn ni a, “enge i an” tiin a va SMS a, tlangval chuan “ka tha e” tih ringawt te hian a rawn chhang thin.

Hmeichhia chu a lungleng em em a, a hmangaih chuan angai pawimawh loin a inhre bawk nen, a rilru a hah em em thin. Zan a rawn ni a, a hmangaih chu rawn leng se a ti a, “rawn leng rawh” tiin SMS pawh a thawn zantin, amaherawh chu zantin hian a nghak thlawn mai a ni ta. Mut dawn dar 10 vel hian tlangval chuan “gudnite” ti ringawt hian a rawn thawn , chutiang chuan a duhtawk em em zantin thin. Nula chuan lungleng em em in a hmangih chu alo nghak reng thin.

He tlangval ang chiah hi kan ni, Pathian in min hmangaihin min ngai em em a. Zing kan han tho a, zing tawngtai hun han hmang ta hi kan tam awm love. Chaw kan ei a, a then in, “Aw Lalpa chaw leh thil tin reng” tih kan sawi a, kan duhtawk. Chhunah nilengin hna ah te, zirlaiah te kan buaithin. zan alo ni a, rei tawk kan online leh a, kan mut dawn ah “Zan inah min venh la, lalpa kan thil hlauh ata” tiin tawite in kan tawngtai. A then chuan kan la mutthluk san bawk nen.

Hun hi engtia reinge Pathian tan kan pek ve thin le? heti fakau hian min hmangaihin min ngai a ni si a. Nangmah hmangih leh ngai em em tu che khan i koh hun nghakhlel em em in nitin zantin hun a hmang thin a sin.

source : The Zozam Times

Ka lo in ti thu ve lawk

noreply@blogger.com (fanai ruata) — Wed, 17 Aug 2011 19:44:00 +0530

Mizo te Technology ah kan thang nasa hle a. Internet pawh thingtlang khaw kilkhawr ber thlengin a thleng phak ta deuh vek mai. Website tha tak tak a lo chhuak mek zel a. Blog phei chu internet khawih thang ho chuan kan nei deuh fur tawh in a rinawm a. Hmasawnna ropui tak a ni in ka hria.

Hetih rual hian a website pangai neih hi thil har tak leh hautak ve tak mai a ni a. Tin, Mizo te hian website hi kutzungtang elh a chhiar tham lek tak tak kan la nei a. Heng ho hi pawlho anga enkawl a ni deuh zel thin. Mimal anga website nei hi mizo te zingah hian an vang hle a. Hetiang a mimal anga domain te nei a i enkawl thei hi i fak awm khawp mai.

Tluang taka i kal zel theih ka duhsak che a. Thahnem ngai taka bei tang tang turin ka fuih ve duh bawk che a ni e.

(He thu hi contact form hmanga rawn thawn che ka tum zet na in heta post hi ka duh leh ta zawk a, ka rawn in ti thu ve lawk anih hi.)

Sangpuiipa ka lawm lutuk e.

TV (Television) en tam lutuk in i nunna a ti tawi thei...????

noreply@blogger.com (fanai ruata) — Wed, 17 Aug 2011 19:35:00 +0530

A tlangpui chuan TV en tam lutuk chu a thalo tih chu kan hre vek awm e, mahse kan nunna ti tawi tur em em a nih chiah erawh chu kan hre chiang kherlo mai thei. A tichiangtu pawh kan mamawh ngei ang..

Tunhnai mai khan The University of Queensland, Australia a researchers te chuan kum 25 chunglam te, darkar tina TV en thin te nun chu 22 minuntes in a tawi phah an ti. Nikhat a atlangpuia darkar 6 (six) TV en thin te hi mihring pangai dam chin aia kum 5 (five) in an dam reilo an ti a ni. (Ava tam ta si ve)

He an zirchianna hi Australian mi 11,000 kum 25 chung lampang zet ah an nei a ni.

Ka ngaihve dan mai mai (ka zirchianna erawh chu a nilo) TV en hrim hrim hi a thalo pawh a nilo, mahse hnathawklo a hahdam taka thil ei tuam tuam chunga nikhat a darkar 6 (six) zet hun hman chu a thalo niin ka hria. Darkar 6 (six) chhung hna hahthlak lutuk pawh nilo thawk emaw exercise la thin te chu an damrei zawk dawn a ni tihna a nih chu.

TV en ngawr ngawr nilo computer hma a...(facebook leh internet etc. khawih chunga) nikhat ah darkar 6 (six) a tlangpuia thu thinte tan pawh a thalo hle dawn a nih chu. Keini pawh kan in enchian a ngai hle mai.

Google+ vs Facebook tih vel a ka ngaihve dan mai mai.

noreply@blogger.com (fanai ruata) — Fri, 5 Aug 2011 23:55:00 +0530

Kan khawvel hi alo changkang ta hle mai, keini ram zimte ah pawh internet in hma a sawn chak zia kan hre theuh awm e. Mi tam tak chuan kan tangkaipui hle rualin, thenkhat chuan kan chhiatpui zawk emaw tih mai tur a ni. Ani reng bawk a, zirlai tam tak in kan zirlai minpuitu atan kan hmang tangkai em em rualin, a then te tan chuan kan zirlai minti thuanawp tu a ni zawk hial a ni.

Mizote pawh social network lamah kan han intihhmuh ta tak tak mai chu hma kan sawn chak ngei mai. Orkut kan ti chuan Frenzo alo lar leh a, chumi hnuah facebook tui lian chuan min han len leh ta tak tak mai chu, mi tam tak chuan kan addict hial a ni.

He social network inelna khawvel ah hian Google chuan Google+ a rawn chhawpchhuak ve ta rup mai. Boruak a ngahin in member pawh an tam chak khawp mai. Facebook leh Twitter ten hun rei tak chhung a member an hmuh zat ang chu thla khat lek chhungin a rawn khum der mai. Ava rapthlak em...

Heti tak maia member a ngah chak mai hi ka lo ngaihtuah ve mai mai a, internet hmangtu hrim hrim kan lo tam tak em vang a ni pakhat in ka hria. Tin, thil thar hi kan lawm hrim hrim vang a ni bawk in ka hria.

Mahse tun dinhmun ah chuan facebook hi ala lar zawk vang nge? google+ lam chu ala reh deuh duk mai. Chumai bakah a facilities pawh ala tha zawk chuan ka lo hre ve mai mai a. Mahse, tun atanga reilo te ah chuan google+ hian ala khum ngei chu ka lo ring ve ringawt a, a dik ange maw? Ka ngaihdan mawlte ka han sawichhuak ve mai mai a ni e.
Follow @marvinfanai

Buma kan awm fo mai hi....tu thiamloh nge?

noreply@blogger.com (fanai ruata) — Sat, 16 Jul 2011 22:43:00 +0530

Mi tamtak chuan kan hriatloh em vang a lawm kan ti mai thei mahse han ngaihtuah chiang teh ang u hmiang. Sum leh pai kaihhnawih lamah tun hnai mai la rei vaklo atang khan kan ram Mizoram mi rinawmte chawimawi a an awmna thin ram ah ngei mai inbumna atam tih kan hre theuh awm e. A lian zualpui ber chu chiahpuam Bank lem kha a ni awm e. Han ngaihtuah chian hian a va zahthlak tak em. Tu thiamloh nge?

Ka ngaihtuah mai mai a, kan duham em vang alawm kan ti theuh ngei ang ka ring. Mahse kan duham em em vang chauh nilo thil dang hi a awm tlat in ka hria. Kan thinlung ah hian Kut tlinglo sum leh pai, hausakna hi alo ngampa ta lutuk ni ber in ka hria. Kut tlinglo a kan neih hi chuan awmzia a neilo mai nilo in, kan nunna leh thlarau tan ngei hian chawtha hi a nilo tih hi kan hre theuh lo em ni aw...? Nge kan ngai pawimawhlo zawk? Kan thinlung hi bum tur in a in barhlut zawk a ni mai lo maw? Khatiang em em a awlsama bum kan han awl ta mai kha a mak khawp mai.

Kan sawrkar hruaitute pawh in assembly ah hial an buaipui ta a ni a, an tih tur chu a ni meuh mai hetiang bank lem te chettlatna tur lo dal leh lo control hi chu. Mahse mipui hi kan pawimawh a ni. Kan chanvo tur diktak chang thei turin kan theih tawp kan chhuah a ngai a ni. Kan thinlung hi dikna hmangin hung ila, heng diklo taka hma latute lak atang hian kan fihlim thei ngei ang. Diktak leh felfai taka kan thawhchhuah hi chu kan Pathian hian mal min sawm sak ngei ngei thin tih hi ring tlat ang u.

Sum ringawt kan um na kawngah hian kan accident ve hi ani mai lo maw? Sum kan duh lutukna kawngah hian kan fimkhur tawkloh avangin heng bum hmangte hi kawng kan hawnsak mai a ni. Hmasawn tura kan beihna kawngah hian a thim a var pawh thlulo hian kan tlan buan buan a, kan tlanna tur pawh en chiang hmanlo hian kan tlan bawrh bawrh a kan tlu ta niin ka hria. Min bum tum chu an pung tulh tulh dawn tih hi hria ila, kan thinlung zawk hi bum theihloh hian kan kulhngheh hi a ngai tak meih a ni i harh ang u.

Follow @marvinfanai

Ka veizawng tlemte.

noreply@blogger.com (fanai ruata) — Tue, 28 Jun 2011 22:05:00 +0530

Tuihâwkin luan ngaihna a hrelo fô mai hi.

Nia, inti ve tho mai thei, ruah a han sur tak tâk hi chuan kan Aizawl khawlai hi tuihâwk hian a khat a ni deuh ber mai. Tu thiamloh nge? kan in enfiah ava pawimawh tak em. Tuihâwk hi tui luan kawrah a luang tur a ni a, mahse luanna tur mumal pawh awmlo in kawngpui ah a khat hnûr zel mai chu a nih hi. Kan sawrkar department lam hian hma han la sela a lawmawm ngawt ang.

Chumai bakah mipui hi kan pawimawh em em a ni. Kan hnawmhnawk kan thehthang dan hian kan mizia a tilang chiang khawp mai. Kan hnawmhnawk te kan paih fimkhur a, a paihna tur hmun dik tak ah kan paih zel chuan khawpui thianghlim tak kan nei ni mai tur hi a ni a, kan duh duhna ah thehthang mai mai lo in sawrkarin a paihna tur a siam ah chiah hian paih hram hram ila a tha khawp ang. Hei hi kan duty pawh a ni reng a ni. Sum sen belh vak ngailo a changkanna tha tak a ni tih hi hre reng ang u. Chuan kan hreiselna te pawh in a lo that phah dawn a ni. Kan lo hrisel chuan tullo a kan sum hmanral tam tak te hi kan khawl thei anga, kan tu leh fate tan malsawmna thlentu kan ni mai dawn a ni.

Kan zirna chungchang ah hian.

Tunlai khawvel changkang zel ah hian mite hian zirna hi ka uar tawlh tawlh mai bawk si a, keini Mizoram ah ngei ngêi pawh kan intlansiak nasat zia chu kan hre theuh awm e. Mahse kan intlansiakna kawngah hian mî mitmei veng lêklo hian kanlo tlan ang tih hi kan ngaihtuah telve hi ava pawimawh em. Zirna tha chu kan duh teuh mai, mahse zirna tha nei tur hian a dik leh diklo pawh thlulo in kan tlan ta pawp pawp a ang ta hle mai. A zahthlak tihna chang kan hriat a pawimawh hle ang.

Technical entrance exam result chungchangah leh Board exam result chungchangah buaina engemaw neuh neuh zahthlak deuh deuh kan hre ta fo mai hi kan in en chian a pawimawh khawp mai. Zirna kawngah tal hi chuang dikna hi LAL hramse ka va han ti tak em. A tling chu tling mai se tlinglo chu tlinglo ngam maise ava tha dawn em. Kan nu leh pa te thiamloh a ni hiallo maw âw ka ti mai mai a. Kan nu leh pa te hian kan tana tha tur an duh lutuk na kawngah hian khaw hmulo lêk a an tlan a nih chuan atuar tu tur chu keimah ni leh kan fa te lehzel an ni tho tho tih hi i hre theuh ang u.

Zûk leh hmuam chungchâng.

Mizote hi zûk leh hmuam ti nasa ber pawl kan nih ngei ka ring ve ringawt a. Kan taksa tan a thalo pawh hi kan ti char char theizel tho mai hi a makve bawk em a ni. Mahni in hmangaih hi a pawimawh khawp mai. Nangmah i in hmangaih chuan i taksa tan a tha tur kha i ngaihtuah tur a ni a, i taksa tan a tha tur chu i chhia leh tha hriatna khan a hrilh thei che a ni. Zûk leh hmuam hi a addict theih na meuh mai, mahse tun tak tak chuan engmah hi han nghei/sim theihloh tur hi a awm emawnile ka ti mai mai thin.

Zûk leh hmuam hian kan nunna atan pawi nasa takin a khawih mai bakah SÛM tam tak kan khawhralna a ni a, han tilo chiah ila chuan hma nasa takin kan sawn ngei ang. Tin, zûk leh hmuam tihloh hi SÛM SEN BELH NGAI MIAHLO A CHANGKANNA a ni tih hi hre theuh ang u.

Changkan dan i thiam ang u.

Tunlai khawvel changkang zel ah hian hma kan sawn ve zel bawk a, kan thil hmuh leh duhzawng chu kan tum chuan kan hmaihlo hlawm hle in ka hria. Mahse kan changkan dan ah hian a chintawk hi kan hriat ava pawimawh em. Mi in a mamawh bak, a duh duh lei leh nei theia a awm chuan tunge sawisel vak vak chuang ang. Mahse nei leh neilo a kan duh zawng zawng neih kan tum thin hi a tha ber lo a ni. Kan mamawh dan leh phak tawk ah hian changkan dan i thiam ang u.

Rinawmna lamah kan tlahniam ta hle mai.

A ni khawp mai, hmanlai kan pi leh pute hunlai kha chuan Thingfak in kawngka an kalh mai thin a nih kha, tunah chuan a tha ber ber chi pawhin kalh mah ila kan thlâ a muang tawh chuanglo. Hei hi engvang nge ni ang? Rinawm taka ka tih tur theuhte kan tih chuan kan Pathian hian kan tan malsawmna hi a dah a ni. Chu chu i ring ngam ang u. Mizo nih tinuamtu RINAWMNA kha i chawi nung leh ang u.

Awle, i duhtawk phawt mai teh ang kan la sawi leh dawn nia.

Follow @marvinfanai

Ka nun hian angai em che a ni.

noreply@blogger.com (fanai ruata) — Sat, 25 Jun 2011 05:23:00 +0530

Kei rethei tlinglo leh tê ber hi,
Harsatna tin rêng ten min delh a;
Tui anga baw tawh hnu ka nun hi,
Hahchawlhna zawngin a vai ruai thin.

Kei kherlo pawh hian rethei minti chu an tam ve ngawt in ka ring, mahse vannei minti tu pawh an awm ve tho âwm bawk e. Thingtlang khaw te reuhtê atanga pianga seilian tan chuan khawvel nawmchenna te pawh beisei phak a nilo mai nilo in kan hmuphak manglo zawng a ni e.

Chhungkaw harsa tak atanga seilian ka nih avang hian thian pawh hi ka kawm tamlo hle a, Thiante zingah pawh hian ka inthlahrung thei em em a ni. School ka han kal tan ve e tih atangin mite hmuhsitna hi ka tawng nasa thei em em a, ka kal hmasak ber ni atanga karkhat vel hi chu thutna pawh ka neilo a, school bangrel ah hian ka thu ve tawp mai zel a ni. Mite hian min chhiah nawmnah thei em em a, tah pawh hi ka tap ve ngam manglo a ni ber mai. Mahse chuti chung chuan school kal hi ka chak theiin ka phur thei em em thung tlat si a ni. Thilthar han zirte hi nuam ka ti em em a, beisei ai tak chuan kan zirlai chu ka thiam chak ta viau zel mai chu ka hlim thei khawp mai. Ka retheihna chuan min dallo khawp mai.

School zirlaibu tur leina te chu keini chhungkaw tan chuan a va hautak êm, kan thenawmte nau hi kei aia upa deuh chiah hi a awm a, chumi lehkhabu hlui chu ka ringchho thei ta char char mai kha ka va han vannei tak êm. Kan class rêng rêng ah khan a lian pawl hi ka ni ngailo hrim hrim a chuvang chuan tih duhdah pawh hi ka tawk nasa bik hlê a ni.

Kan inchhung ah chuan kum tawp lampang ah hi chuan Christmas thawmhnaw thar te chu sawiloh eitur mumal hi kan nei ngai manglo a ni. Vaimin ringawt kan rin changte hi a awm ta fo mai. Kei chuan hreawm tihna em em pawh ka neilo, mahse a hreawm ka tih ber zawk chu ka nu leh pa te rilru hreawm hmêl hmuh kha a ni. Ka la theihnghilh thei thlâwtlo a ni e. Mahse chung kan retheihnate chu minti beidawngtu nilovin tumruhna min petu a ni ta zawk zel te kha Pathianin a ka tana a ruat a nita hial in ka hre ta zawk a ni.

Rethei tê mah ni ila kan han rawlthar chho vel chu thian kawm ten an zir vaklo bawk nen kan han sual ve bâk bâk a, khawtlang hruaitute pawn min zilh kan ngaive ta zauh zauh mai. Mahse khang hunlai keini rual ho kha chu kan ni deuh vek in ka hria, a fel deuh hlek te erawh chu tunlaia kan tih dan in an tuai deuh hlek hlawm in ka hria. Khang kan lo nundan zawng zawng te kha kan hmalam hun atan a pawimawhna pawh kan hre pha tawp silo, beidawnna ah min hruailuttu a ni ang tih ngaihtuahna chang hria lah kawn awm heklo. Kan nung ve bâwk bâwk kha a ni ringawt mai.

Rethei tê chung pawha kan theih ang ang a kan han sual ve bâwk bâwk mai te kha siamthat theih a ni tawhlo tih rêng kan ngaihtuah dêr silo. Kan han harhchhuah meuh chuan khua alo tlai dêr tawh chu niin, kan duh dan dân a kan lo nun ve bâwk bâwk na khan min han vawlet tan der mai. Keimahniin kan tuar thei bawk silo, mahse tuarpuitu tur tumah kan nei chuang silo. Chhungten min ngaihsak lova, enga tân mah min ti lova. Min ring heklo. Kan han felve deuh lahin min ringhlel tulh tulh mai amaw tih tur a ni zawk hial bawk si. Kan nun chu ava hahthlak tak em…

Kan nun lo hmandan zawng zawng te kha kohkir leh duh mah ila a theih tawh siloh. Kan nun chu hahchawlhna zawngin khawvel lamah han tlan teh mah ila, hahdamna famkim kan hmuchaung bawk silo. Beidawng tak hian kan vai vel ruai a ni ber mai.

Ka nun ruak luahtu awmlo beidawng hian,
Bo pila phatsan che a zuam nem le;
Lalpa min khawngaihin min luahkhat la,
Ka nun hian a ngai em che LALPA.

Kan nun hi aruak ngawih ngawih a, enge kan beisei pawh hrelo hian kan kun ngawih ngawih hi a ni ber mai. Beidawnna ruamah kan tâng chu alo nider mai hi a lo ni a. Achâng chuan khawvel sualna/nawmchenna lamah han tlan ral thak duh hialna thinlung te pawh kan pu hial a ni. Mahse chuti khawp a beidawng pawh chu ni mahila min hmangaih êm êm tu LALPA chuan kan nun ah chuan tui halna hmangin minla chelh ding hram hram ni ber hian ka hria. Chu tui halna chuan amah neih duhna thinglung hial minpe leh bawk a, ava tha tak em kan LALPA hi.

Amah beisei ngam tawh lo tur khawp hiala sualna nasa tak neite tan pawh chuan alo la pangai rengte hi ava ropui tak êm. Chutah a hmangaihna chu kan tan pawh ala ngai reng a nih tih kan han hriat chuan a hma ah kunin a khawngaihna dil duhna thinglungte minla pe lehzel bawk nen, han bosan thieh hi a ni tawh mawlhlo. Hetiang em em a hmangaihna nasa hi tunge neive angle? Kan LALPA chuah hian a nei a ni. A hmangaihna a kan tlukluh tak tak chuan kan thinlung/nun ah hian LAL atan kan duh ngawih ngawih a, kan nun hi luahkhat turin kan duh a kan ngai em em ta zawk a ni.

Kan harsatnate hi engvangnge?
Keimahnin kan thlen leh siam a ni.
Sawitur rêng kan neilo kan zak e;
Kan hmai hupin kan hawi ngam love.

Kan nunah hian harsatna tamtak hi kan tawk thin reng a ni. Heng kan harsatna tawh zawng zawng te hi keimahni thiltih vang a kan chung a lo thleng a ni tih lah hi kan hre der silo, nge kan hre duhlo zawk? Heng kan nun a hatsatna kan tawh zawng zawng te hi keimahni vang ani tih hriain, sawi buai tur engmah kan neilo a ni. Zak a kun ngawih nghawih tur kan lo ni.

A ni rêng asin harsatna kawng hrang hrang kan han tawk a, vanduaina kan chunga lo thleng ringawt emaw kan ti thin. Mahse keimahni thil tih vang liau liau a kan chunga lo let a ni tih hria in insiamthat na atan han hmang zawk tahlauh ila kan LALPA tum dan chu a lo fuh viau zawk thei a ni. Zak ngawih ngawih tur kan nih laia amah kan han dem ta daih zawk thinte hi ava pawi tak em. In enchian chu kan ngai khawp mai.

Kross ah kan tan I nun hlan lo la,
Kei misual tân damna a awmlo;
Mahse maw ka LALPA thatzia hi,
A vuakna vuala tihdam kan nita.

Kan tan Kalvari tlang Kross ah khan a nun hlan lo se chuan kan chan tur rapthlak zia hi a hretute kan ni awm e. Kan tan chuan amah nen inzawmna tur rêng a awm tawhlo, mahse chu chu ngaingam lovin kan chhandamna atan a Fap mal neihchhun chu a hlan ta a nih kha. A thihna chu kan tan damna a lo nita zawk a ni. Kan LALPA hi chu ava han tha tak em, Kan damna turin a nin a tuar a, a vuakna vual te avang chuan tihdamin kan awm ta.

Kan LALPA min hmangaihna hi hai der a, amah hawisan tur kan nihlohzia hi in hre chungin a rawng chauh bawl tur hian kan in siamthat hi a va pawimawh tak em..

Bethsy Lalrinsangi sak a nia ka thinlung hi a khawih em a ni.

Follow @marvinfanai

Lo chhin(test) ve teh reng u.

noreply@blogger.com (fanai ruata) — Tue, 14 Jun 2011 15:29:00 +0530

Keini chuan thudik awmsa angah kan ngaih tawh hi, lo chhin ve teh reng u.

T.B. leh Juandice-a thi lek lek, tawng chu sawi loh mit pawh khap tawh lo tihdam hlauh nan, Uite(Dog) chhum sa tuihâng, hrawkah khak luhtir hram hramin kan vengah kan tidam hlauh mai a; a mamawh chuan tichhin ve teh u.

Ke pali sa ei thei lo chuan; ke pali nei eng sa pawh, in chhung-in in hmeh tumin, a sa chan thleng ami hlawm khat kha la la, i ke ruakin rapbet la; chuti chung chuan i duh lai lai kha ei tawh mawi rawh; i rapbet tawh a, i hneh tawh a, engtinmah i awm tawh lovanga, i ei thei zui nghal ang. Tichhin ve reng reng teh.

Furpui a lo thleng tan ta a; hetiang hunah hian kawthalo leh santen natna a tam thin a; santen bik atan ngat chuan, dandawi tha bera ka ngaih chu KELSA(Mutton) a ni; chhum la, a tuihâng hawp bawrh bawrh mai rawh. Lo chhin ve teh u.

I Bawng(Cow) pem a lung elo? Fartuah tang satthla la, thihna angin thil tlar la, awrhtir mai rawh. Finel/Petrol bur kenga um um a ngai lo, a lung a tla fai a; a dam nghal maia lo chhin ve teh.

- C. Rokhuma

Source : The Zozam Times

Follow @marvinfanai

Trying to post using Android Wordpress

noreply@blogger.com (fanai ruata) — Wed, 25 May 2011 13:28:00 +0530

Khawvel alo changkang zela, chutih rualin kawng engemaw zawng zawng hian hma hi kan lo sawm ve zel bawk. Hei tunah pawh changkanna in a kentel technology changkang tak Android phone hmangin blog kan han update ve chhin a ni e.

Keini Mizoram thingtlang khua atanga lo chawrchhuak tan chuan mumangah pawh kan la mang phakloh thil a nih avangin a hlimawm duh khawp mai.

Duhthu hansam chhunzawm zat teh ang. Kan telecom service provider te hian tun aia service tha hi min han hlui ve thei sela chuan heng technology changkang tak te hian tangkaina ava ngah lehzual dawn em. Tuna kan service neihve angte hi chuan atangkaina tak tak pawh a phurchhuak phalo niber in ka hria.

Service tha tak han nei ngat ila chuan kan media lamte pawh hian hma ava sawn chakin ava tangkaipui dawn tak em. Ava nghahhlelh awm tawh tak em.

Andriod phone hi mizo te zingah hian ala lar lutuk lo na in, ahmangte chuan a thatna tamtak an hre ngei angle. Kei ka ngaihve danah chuan intihhmuh tlak tak ah ka ngai a ni. Test na a ni bawk a duhtawk phawt mai teh ang.

About Vodafone

noreply@blogger.com (fanai ruata) — Tue, 17 May 2011 23:52:00 +0530

VODAFONE hi sum lakluh atanga teh a khawvela global telecommunication company lian ber niin London,UK ah HQ a nei a, China Mobile tih lohah chuan subscriber ngah ber a ni bawk.2010 thleng khan subscriber maktaduaih 341 a nei tawh.Tunah hian ram 30 ah inzar pharhin ram dang 40 chuangah company dang nena in partner-in a huang a zauh mek bawk a,USA mobile company lian, Verizon wireless ah pawh 45% share neiin nasal eh zualin hma a la mek bawk.

A HMING:

VODAFONE tih hi Voice Data Fone tih a tanga phuah chhuah niin Mobile Phone a Data leh kan aw hmanga kan inbiakna leh thil kan inthawn tawnna tihna a ni.

A SUMDAWNNA:

A sumdawnna hi a lian hle a,London stock exchange ah share Pound tluklehdingawn29 neiin a pathumna a ni mek a,BP(British Petroleum) leh HSBC(Hongkong and Shanghai Banking Corporation)te dawtah a awm mek a,US Stock Market lian, NASDAQ ah pahnihna a ni mek bawk.

A LO INDIN DAN:

British Army tana Military Radio siamtu lian,RACAL Electronics Chairman,Sir Ernest Harrison leh General Electronic company neitu Lord Weinstck leh Sir Gerald Whent ten 1 jan,1985 khan an din a,Sir Gerald Whent chu CEO hmasa ber a ni.Tun thlengin CEO 4 nei tawhin,tunah hian Vittorio Colao chu CEO a ni mek bawk.

LOGO:

Bial var chhungah Quatation mark (thu sawi kual khungna)a awm a,he Logo hi 1997 a tangin an hmang a,Speechmark Logo tih niin,inbe turin ka inpeih e/inbe turin ka lo nghak ce tihna a ni.

INDIA AH:

28 Oct,2005 khan AirTel ah 10% Share leiin bul a tan a,a hnu kum 2,21 Sept,2007ah Hutch Essar chu leiin Vodafone hming puin hma a la tak tak ta a,kum 5 hnu,2010ah sum lakluh atanga teha pahnihna a ni nghal a,Subscriber ngah lamah pathumna a ni bawk.India rama Mobile phone hmang 556,683, 683 atanga 22%,127, 364342in Vodafone an hmang mek a ni.

MIZORAMAH:

2009 march thla atangin connection a pe tan a,tunah hian Aizawl leh Kolasib Dist.ah Network neiin AirTel ala pha lo a,2011 chhung hian Lunglei leh Champhai ah pawh hman theih turin a in buatsaih mek bawk.

Happy Birthday to me.

noreply@blogger.com (fanai ruata) — Sun, 15 May 2011 13:16:00 +0530

[caption id="attachment_910" align="alignright" width="300" caption="Naute kan nihlai"][/caption]

Mahni hi han in wish leh pawp ila tha mai in ka hria. Kum sangkhat zakua sawmriat leh pariat tromir thla tahrik ni sawmpanga alo herchhuah meuh chuan he khawvel hian thil thar a nei dawn tih reng hresa an awmlo. Mahse chu ni pawimawh zia chu tun thleng hian a hretu te kan la ni a nih hi maw. Kha ni pawimawh tak kha mipakhat tan chauh a pawimawhlo tih erawh kan hriat tel a tha. Khawvel chu a virna axis ngai ah chuan a her muai muai mai a, thil dang reng reng pawh chu a kal ngai chuan a kal mup mup mai. Eng thil danglam tak lo thleng ang maw tiin tu takin thlir ang maw?

Chutihlai chuan khawvel ramdangte hriat hlawh chu sawiloh a awmve tih pawh an hriatloh ti hial teh ang, ram te reuhte Mizoram a khaw pakhat a hming Muallianpui hi a awm a. Mizoram chhimlam Lunglei District ah pawh ahla ber pawl ah chuan Chhungkaw te reuhte ah hian beisei na duhawm tak mai hi anlo nei reng chu niin, mahse an beiseina erawh chu chung Pathian chauhlo chuan a hlawhtling dawn nge dawnlo an hrelo.

Chu chhungkaw te reuhte ah chuan nupa tuakkhat te hian an fa tlum ber tur beiseina in anlo thlir ve reng mai hi alo ni a, Kan nun theihnan kan Lal Isua kha chu ranin mai a changsi kan tana lo piang turin. Mahse a tlanna zarah keinin vanneihna kan chang ta si ava ropui em. Chuvangin inchhung lum nuam takah an beiseina chu an lo nghak a ni.

Khawvelin thil thar a nei dawn tih reng hrelo mahse chumi ni chuan khawvel anchhedawng beisei phak loh malsawnna a rawn thleng iti hial teh ang, mi zawng zawng tan nilo mahse. Chhungkaw tereuhte a mite tan kha chuan mawlsawnna a ni si. Chu chhungkaw beiseina chu chung Pathian chuan mal rawn sawm in fapa duhawm tak mai an nei ta, an lawmna kha teh theihse aw...engtia tam nge, engtia sang nge ni ang aw...?

Chu mipa naupang lo piang chu Pathian awmpui na zarah tunah chuan puitlin alo ni ve ta der mai. Mihringte chhiar dan chuan Kum 23 a nihna chiah alo nita reng mai, ava ropui tak em. Mi tamtak chu hetiang chen chen hi dam thlenglo in mual an liam tawh asin mawle. Fel leh that em em bik vang anilo tih chu a hrechiang tute kan ni si a. Pathian awmpuina vang liau liau a ni e.

LALPA ka lawm e hun kha leh chen min khaihhruaina zawng zawng avang khan, i tan thatna reng neilo mah ila nang chuan i hmangaihna ngai rengin min enkawl si a, engkim avangin lawmthu ka hrilh a che.

Vawiin ni ka pianni champha vawi 23 na alo nita reng mai, ka va han lawm tak em hetiang chen dam tur hian theihna reng ka neilo chung Pathian awmpuina vang liau liau a ni e. Min lawmpui tute zawng hnenah lawmthu ka sawi e.