Pwani Yetu

ULEGA: PWANI KITUO KIKUU CHA VIFAA VYA DHARURA KUKABILI EL NINO

2026-09-09T06:33:55.916-07:00

WAZIRI wa Ujenzi, Abdallah Ulega, amesema Mkoa wa Pwani umewekwa kuwa kituo kikuu cha kuhifadhi vifaa vya dharura vitakavyotumika kukabiliana na athari za mvua za El Nino. Amebainisha vituo vingine vimewekwa katika Kanda ya Kati-Dodoma, Kanda ya Ziwa na Nyanda za Juu Kusini, huku Pwani ikiwa kituo kikuu cha kuhifadhi vifaa hivyo.

Ulega ameeleza hayo alipowasili mkoani Pwani kwa ajili ya kutekeleza maelekezo ya Rais Samia Suluhu Hassan ya kujiandaa mapema kukabiliana na athari zinazoweza kusababishwa na mvua hizo.

Amesema vifaa vilivyohifadhiwa Pwani, vikiwemo makaravati ya chuma, vikapu vya mawe na madaraja ya chuma, vinapaswa kuwa tayari kutumika wakati wowote, huku akisisitiza ukaguzi na usafishaji wa mitaro, makaravati na madaraja ili kuhakikisha maji yanapita kwa uhuru na kuzuia barabara kukatika.

Ulega ameiagiza Wakala wa Barabara Tanzania, TANROADS, na Wakala wa Barabara za Vijijini na Mijini, TARURA, kuhakikisha wanakagua madaraja na mitaro yote nchini, kuzibua mitaro pamoja na makaravati ili kuruhusu maji kupita kwa urahisi.

Aidha, amezitaka TANROADS na TARURA kufanya tathmini za mara kwa mara katika maeneo hatarishi, akisisitiza tathmini hizo kufanyika kila wiki ili kuongeza nguvu katika maeneo ambayo yanaweza kuzidiwa na mvua na kuhakikisha hakuna barabara inayofungwa.

Katika hatua nyingine, amemtaka Katibu Tawala wa Mkoa wa Pwani kusimamia wakandarasi ambao hawajalipwa, huku akiwataka wakandarasi kuendelea na utekelezaji wa majukumu yao na kutoa ushirikiano katika kipindi hiki cha maandalizi.

Meneja wa TANROADS Pwani, Mhandisi Joel Mwambungu, amesema wamejipanga katika mikoa yote 26 inayosimamiwa na TANROADS, ikiwemo kusafisha madaraja, mitaro na makaravati.

Ameeleza eneo la Ruvu Chini na Daraja la Mto Mpiji ni miongoni mwa maeneo yanayofanyiwa kazi, ambapo wanaendelea kusafisha kingo za mto ili kuruhusu maji kupita kwa kiwango kilichosanifiwa.

Mwambungu amesema vifaa vilivyopo ni pamoja na makaravati ya chuma yenye urefu wa mita 5,638, sawa na makaravati 568, pamoja na vikapu vipande 4,240, ambavyo vitatumika endapo barabara au madaraja yatapata hitilafu.

Amesema pia kuna madaraja makubwa saba, karavati za plastiki zenye urefu wa mita 1,200, sawa na karavati 120, pamoja na karavati za chuma zenye urefu wa mita 1,500, sawa na karavati 150.

Kwa upande wake, Mkuu wa Wilaya ya Bagamoyo, Shaibu Ndemanga, ametoa wito kwa wananchi kuchukua tahadhari katika maeneo wanayoishi, akiwataka wanaoishi mabondeni kuondoka ili kujikinga na athari zinazoweza kujitokeza kutokana na mvua hizo.

RC PWANI KUENDELEZA AGENDA YA UWEKEZAJI NA KUWAJENGA VIJANA KIUCHUMI

2026-09-08T21:48:35.515-07:00

Mkuu wa Mkoa wa Pwani, Mhe. Stanslaus Haroon Nyongo, amesema ataendelea kuweka mazingira wezeshi kwa wawekezaji ili kukuza uwekezaji na uchumi wa Mkoa wa Pwani, huku akisisitiza umuhimu wa kuwawezesha vijana kiuchumi.

Mhe. Nyongo amesema hayo leo, Septemba 8, 2026, wakati wa hafla fupi ya makabidhiano ya Ofisi ya Mkuu wa Mkoa wa Pwani kati yake na aliyekuwa Mkuu wa Mkoa huo, Mhe. Abubakar Mussa Kunenge, ambaye kwa sasa ni Mkuu wa Mkoa wa Songwe.

Amesema Mkoa wa Pwani ni miongoni mwa maeneo muhimu kwa uwekezaji nchini na kwamba atashirikiana na viongozi na wadau mbalimbali kuhakikisha mazingira yanaendelea kuwa rafiki kwa wawekezaji.

“Mkoa huu ni wa uwekezaji. Nimezunguka maeneo mbalimbali kutafuta wawekezaji, kwa hiyo niwakaribishe kwa kuweka mazingira wezeshi,” amesema Mhe. Nyongo.

MHE. RIDHIWANI KIKWETE AONGOZA MAMIA YA WANANCHI WALIOJIAJIRI KUJIUNGA NA KUJIWEKEA AKIBA NSSF

2025-03-30T08:14:00.000-07:00

*Ni katika muendelezo wa kampeni ya elimu kwa umma kuhusu Skimu ya Taifa ya Hifadhi ya Jamii kwa Wananchi Waliojiajiri Chalinze mkoani Pwani

*NSSF yaahidi kufikisha elimu ya hifadhi skimu kwa wananchi wengi zaidi

Na MWANDISHI WETU, PWANI

Waziri wa Nchi, Ofisi ya Waziri Mkuu, Kazi, Vijana, Ajira na Wenye Ulemavu, Mhe. Ridhiwani Kikwete amewaongoza mamia ya wananchi wa Chalinze mkoani Pwani, katika muendelezo wa elimu kwa umma kuhusu Skimu ya Taifa ya Hifadhi ya Jamii kwa Wananchi Waliojiajiri yenye jina la kampeni "NSSF STAA WA MCHEZO".

Akizungumza na wananchi waliojiajiri, mwishoni mwa wiki iliyofanyika Chalinze mkoani Pwani, Mhe. Ridhiwani ameipongeza NSSF kwa kuja na skimu hiyo ambayo itakuwa mkombozi kwa wananchi waliojiajiri ili kunufaika na mafao ya muda mfupi yakiwemo ya matibabu na mafao ya muda mrefu ambayo ni uzeeni.

Mhe. Ridhiwani amewataka wananchi waendelee kujiunga na kujiwekea akiba kwa ajili ya maisha yao ya sasa na ya baadaye. "Unapojiunga na skimu hii pale unapougua utanufaika na matibabu, ukipata ulemavu utanufaika na mafao ya ulemavu, ukiwa mzee utanufaika na mafao ya uzeeni hivyo ni muhimu kila mwananchi kuchangamkia fursa hii, kwa kujiweka akiba," amesema Mhe. Ridhiwani.

Amemshukuru Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa maoni na miongozo yake ambapo kupitia Serikali ya awamu ya sita, wananchi waliojiajiri wanajiwekea akiba NSSF na kunufaika na mafao na huduma nyingine.

"Mpango ulioletwa na NSSF ni kwa ajili ya leo na kesho yako, kwani itafika siku nguvu ya kufanyakazi zitapungua na hapo ndipo NSSF itachukua nafasi ya kuwa Staa wa Mchezo kwa kulipa mafao ya pensheni ya uzee na matibabu," amesema Mhe. Ridhiwani.

Amesema NSSF imeweka utaratibu nzuri wa kujiunga na kuchangia kidogo kidogo kwa siku buku buku, hivyo amewataka wananchi kuendelea kujiunga na kuchangia ili kunufaika na mafao pamoja na huduma nyingine zinazotolewa na Mfuko.

Akizungumza kwa niaba ya Mkurugenzi Mkuu wa NSSF, Bw. Masha Mshomba, Mkurugenzi wa Uendeshaji, Bw. Omary Mziya, amesema hifadhi skimu inawahusu wananchi waliojiajiri katika maeneo mbalimbali ya kiuchumi na kuwa inaenda kufungua milango kwa wananchi kunufaika na mafao mbalimbali yanayotolewa na NSSF yakiwemo na matibabu.

Awali, Mwenyekiti wa Halmashauri ya Chalinze, Mhe. Hassan Mwinyikondo ameipongeza NSSF kwa kuja na skimu hiyo ambayo itakuwa mkombozi wa wananchi waliojiajiri.

Naye, Mkuu wa Wilaya ya Bagamoyo, Mhe. Shaibu Ndemanga amemewahakikishia wananchi wa Chalinze na Bagamoyo kuwa mpango huo ni mkombozi kwa wananchi hususani watakapoishiwa nguvu ya kufanyakazi, kwani watapata mafao kutoka NSSF.

WANANCHI WALIOJIAJIRI CHALINZE WACHANGAMKIA KUWA MASTAA WA MCHEZO WA NSSF

2025-03-30T08:04:00.000-07:00

Tayari timu ya NSSF ipo mtaani katika Soko la Bwilingu na maeneo mengine ya Halmashauri ya Chalinze mkoani Pwani kwa ajili ya kutoa elimu ya hifadhi ya jamii, kwa wananchi waliojiajiri ambapo mwamko wa wananchi kujiunga na kujiwekea akiba umekua mkubwa.

Tunaposema ‘Staa wa Mchezo’ ni wananchi ambao wamejiajiri kupitia sekta ya kilimo, ufugaji, uvuvi, madini (wachimbaji wadogo wadogo), usafirishaji (boda boda na bajaji), sekta ya biashara ndogo ndogo (Machinga, Mama/Baba lishe, ususi, muuza mkaa, muuza nyanya na staa wengine wote). Ujio wa ‘Hifadhi Scheme’ unatoa nafasi kwa NSSF kushika usukani na kuwa staa wa mchezo katika maisha ya uzeeni au pindi majanga yanapotokea kwa wananchi waliojiajiri ambapo NSSF inakuhakikishia inalinda kesho yako kwa kutoa huduma na mafao mbalimbali kwa mujibu wa sheria. Kujiunga na kuchangia ni rahisi tu kwa kubofya *152*00# ambapo mwanachama anaweza kuchangia shilingi 30,000 au zaidi kwa kutoa kidogo kidogo kwa siku bukubuku, wiki, mwezi au msimu kulingana na kipato chake na kunufaika na mafao yote yanayotolewa na NSSF yakiwemo ya matibabu.

NSSF STAA WA MCHEZO, HIFADHI SCHEME – HIFADHI YA JAMII KWA WOTE

Staa wa Mchezo tukutane viwanja vya Soko la Bwilingu, Chalinze

2025-03-28T03:48:00.000-07:00

MAKAMU WA RAIS DKT. MPANGO MGENI RASMI UZINDUZI WA MWENGE

2025-03-26T10:09:00.000-07:00

UZINDUZI WA MBIO ZA MWENGE MKOANI PWANI NI MOTO

2025-03-25T22:05:00.000-07:00

DC MAFIA AZINDUA UVUNAJI WA JONGOO

2024-07-30T23:49:00.000-07:00

Mkuu wa Wilaya ya Mafia, Mhe. Aziza Mangosongo amezindua uvunaji wa jongoo bahari katika kitalu kilichopo kijiji cha Dongo, kitongoji cha Mfuruni Julai 30, 2024.

Uvunaji huo wa jongoo bahari umezinduliwa rasmi kwa mara ya kwanza ambapo Mhe. Mangosongo amempongeza mfugaji wa jongoo bahari, mzee Mpogo kwa mchango wake wa kendeleza uchumi wa buluu pamoja na kuleta fursa ya ajira kwa vijana.

" Tumevutiwa sana, vijana wengi wangepatiwa elimu na kujishughulisha na ufugaji wa jongoo bahari, basi wangejikwamua na tatizo la ajira. Kwa upande mwengine, mradi huu unatunza mazingira na ndivyo ambavyo viongozi wetu, hasa Mhe. Rais Dkt. Samia Suluhu Hassan anavyotutaka kujikita katika uchumi wa buluu na kutunza mazingira" alisema Mhe. Mangosongo.

Kwa upande wake, Mfugaji wa jongoo bahari Mzee Waziri Mpogo, ameipongeza Serikali kupitia Ofisi ya Mkuu wa Wilaya na Halmashauri kwa kutoa ushirikiano kuwezesha fursa hiyo kuwepo pamoja na kuwaomba wakazi wa Mafia wajitokeze kufanya shughuli hiyo ili kuifungua wilaya zaidi kwenye suala la uchumi wa buluu.

Lengo langu ni kutaka wafugaji wadogo wadogo waweze kupata mbegu hapahapa Wilayani badala ya kuzifuata Bagamoyo ama sehemu nyingine" alisema Mzee Mpogo. Nimepata faraja pia kuona mazingira yapo salama kwa sababu mradi huu unasaidia kutunza mazingira, hivyo nawaomba viongozi na wananchi wote tushirikiane katika kukuza uchumi wa buluu" aliongeza.

Mradi huo uliogharimu Shilingi Milioni 176, umekuwa msaada kwa vijana kwa kuwasaidia kuwapa fursa ya ajira.

" Nawaomba vijana wenzangu kujitokeza katika mradi huu badala ya kujishughulisha na mambo ya uhalifu, tunaweza pia kuunda kikundi chetu na kujikwamua kiuchumi" alisema Salum Alawi, kijana anayefanya kazi katika kampuni ya Mpogo Ocean Ranching inayojihusisha na ufugaji wa jongoo bahari.

Mbunge wa Chalinze ameshiriki kikao cha Baraza la Madiwani Cha Chama Cha Mapinduzi kuchagua Diwani

2024-07-28T07:46:00.000-07:00

Mbunge wa Chalinze,Ridhiwani Kikwete ameshiriki kikao cha Baraza la Madiwani Cha Chama Cha Mapinduzi kuchagua diwani atakayegombea nafasi ya Makamu Mwenyekiti wa Halmashauri ya Chalinze kilichofanyika Chalinze ,mapema leo.#KaziInaendelea

MA DC WAJENGEWA UWEZO KUSIMAMIA UTOAJI WA MIKOPO YA ASILIMIA 10

2024-07-25T05:57:00.000-07:00

Na. James Mwanamyoto, OR-TAMISEMI

Naibu Katibu Mkuu, Ofisi ya Rais - TAMISEMI Bw. Sospeter Mtwale amesema Wakuu wa Wilaya wanapatiwa mafunzo na Ofisi ya Rais -TAMISEMI ya kuwajengea uwezo wa kusimamia zoezi la utoaji na urejeshaji wa mikopo ya asilimia 10 inayotolewa na halmashauri za Wilaya kwa akina mama, vijana na wenye ulemavu.

Bw. Mtwale amesema hayo leo katika Ukumbi wa Shule ya Uongozi ya Mwalimu Julius Nyerere Kibaha mkoani Pwani kwa Niaba ya Katibu Mkuu, Ofisi ya Rais - TAMISEMI Bw. Adolf Ndunguru wakati akifungua kikao kazi cha Waziri wa Nchi, Ofisi ya Rais-TAMISEMI Mhe. Mohamed Mchengerwa na Wakuu wa Wilaya zote nchini.

Bw. Mtwale amesema, Serikali imeanza kutoa mikopo ya asilimia 10 baada ya hapo awali kusitishwa kutokana na changamoto jilizojitokeza, na kuongeza kuwa Ofisi ya Rais – TAMISEMI imeshapitia kanuni na kufanya maboresho na ikaona ni vema Wakuu wa Wilaya wakapitishwa katika kanuni hizo ili waweze kushiriki kikamilifu katika usimamizi wa utoaji wa mikopo hiyo.

“Tumeona ni vema nanyi mkapitishwa katika kanuni hizo ili tuwe na uelewa wa pamoja katika kusimamia utoaji wa mikopo hiyo ili mikopo hiyo iwe na tija kwa watakaonufaika na katika taifa kwa ujumla,” Bw. Mtwale amesisitiza.

Sanjali na hilo, Bw. Mtwale amesema Wakuu wa Wilaya watapitishwa katika taarifa ya ukaguzi ya mwaka wa fedha 2022/23 ili wafahamu hoja zilizoibuliwa na Mdhibiti na Mkaguzi Mkuu wa Hesabu za Serikali kwani nao ni wasimamizi wa halmashauri zilizopo katika maeneo yao ya utawala.

Ili kuongeza ufanisi katika utekelezaji wa majukumu ya Wakuu wa Wilaya nchini, Bw. Mtwale amesema Ofisi ya Rais - TAMISEMI imemualika mtaalamu wa afya ya akili kutoka Hospitali ya Taifa ya Muhimbili Dkt. Garvin Kweka ili kuwapatia elimu ya afya ya akili na ya namna bora ya kuepukana na magonjwa ya afya ya akili.

Akiwasilisha mada kuhusiana na afya ya akili, mtaalamu wa afya ya akili kutoka Hospitali ya Taifa ya Muhimbili Dkt. Garvin Kweka amewataka Wakuu wa Wilaya kuzingatia mahusiano ya kijamii ili kujenga afya nzuri ya akili itakayowawezesha kutekeleza kikamilifu majukumu yao kwa ufanisi.

“Mtu anayeenda kwenye jumuiya, vikoba, kanisani au msikitini akipata msiba, msiba wake hauwi sawa na mtu anayejifungia ndani hivyo mahusiano ya kijamii ni lazima yazingatiwe na kisingi ndio utulivu wa afya ya akili,” Dkt. Kweka amesisitiza.

Kikao kazi hicho cha Waziri wa Nchi, Ofisi ya Rais-TAMISEMI Mhe. Mohamed Mchengerwa na Wakuu wa Wilaya zote nchini, chenye lengo la kuwajengea uwezo kiutendaji viongozi hao kinafanyika kwa siku mbili katika Shule ya Uongozi ya Mwalimu Julius Nyerere iliyopo Kibaha mkoani Pwani.

MAFIA - KISIWA CHA CHOLE CHAPATA UMEME

2024-07-24T06:32:00.000-07:00

Shirika la Usambazaji Umeme Tanzania (TANESCO) limezindua rasmi umeme katika kisiwa cha Chole kilichopo kata ya Jibondo Wilayani Mafia kufuatia kukamilika kwa mradi uliotekelezwa kwa muda wa mwaka mmoja.

Mradi huo ulioanza kutekelezwa kuanzia Julai 2023 unatarajiwa kusambaza umeme katika visiwa vingine vilivyobaki vya Juani na Jibondo kwa hatua nyingine na kugharimu kiasi cha Shilingi Bilioni 3.2 hadi utakapokamilika.

Akizungumza wakati wa uzinduzi, mgeni rasmi ambaye ni Mbunge wa Jimbo la Mafia na Naibu Waziri wa Elimu, Sayansi na Teknolojia Mhe. Omar Kipanga amemshukuru Mhe. Rais Dkt. Samia Suluhu Hassan kwa kutoa fedha kwa ajili ya utekelezaji wa mradi.

" Tumshukuru Mhe. Rais kwa kukubali kutoa fedha pamoja na kuziimarisha taasisi zake ili kusimamia mradi huu" alisema Mhe. Kipanga. " Tunawashukuru pia TANESCO na Mkandarasi wetu kwa kusimamia vizuri mradi na kukamilika kwa wakati, inabidi tuwe walinzi wa kwanza wa miundombinu hii ya umeme ili itunufaishe sisi na vizazi vingine" alieleza.

Kwa upande wake, Mwenyekiti wa Kijiji cha chole, Ndugu Ally Mgeni ameshukuru kwa hatua hiyo na kueleza umuhimu wa upatikanaji wa umeme kwa kuimarisha huduma za kiuchumi na kijamii zikiwemo Afya, na Elimu.

Lengo la mradi huo ni kuhakikisha kwamba kaya zaidi ya 1000 katika vijiji vyote vitatu vinaunganishwa umeme pindi utakaposambazwa kote.

"Sasa hivi tunashukuru kwa kufika umeme kisiwani kwetu maana kabla ya kupata umeme tulikuwa na matatizo mengi, ila kwa sasa tunaamini biashara zitaongezeka na huduma za afya na shule zitakuwa vizuri, tunaishukuru sana Serikali kwa hatua hii" alisema mzee Halfani, mkazi wa kijiji cha Chole.

TUPATE UJUMBE WA MTU NI AFYA KUTOKA MKOA WA PWANI

2024-07-22T23:07:00.000-07:00

Hakikisha unajali afya yako

NAIBU WAZIRI KHAMIS AHIMIZA UPANDAJI MITI KULINDA MAZINGIRA

2024-07-17T04:43:00.000-07:00

Naibu Waziri Khamis: Pandeni miti kutunza mazingira

Naibu Waziri Ofisi ya Makamu wa Rais (Muungano na Mazingira) Mhe. Khamis Hamza Khamis amewahimiza Watanzania kuwa na utamaduni wa kupanda miti ili kutunza mazingira.

Ametoa wito huo wakati wa zoezi la upandaji wa miti lililoandaliwa na Shule ya Msingi ya Wasichana Mkuza wilayani Kibaha mkoani Pwani ikiwa ni sehemu ya kumbukizi ya siku ya kuzaliwa Makamu wa Rais wa Jamhuri ya Muungano wa Tanzania Mhe. Dkt. Philip Mpango.

Akizungumza katika hafla hiyo, Naibu Waziri Khamis amesema kuwa ni wajibu wa kila mmoja kuhakikisha anashiriki kikamilifu katika hifadhi na utunzaji wa mazingira.

Mhe. Khams amesema kuwa katika suala la utunzaji wa mazingira jamii inapaswa kushiriki kikamilifu katika zoezi la upandaji wa miti hasa ya matunda na vivuli ili kukijanisha nchi na kupunguza uharibifu wa mazingira.

“Niwaombe ndugu zangu hapa tunakumbuka kuzaliwa kwa Mheshimiwa Makamu wa Rais kwa kufanya zoezi la kupanda miti, nasi wananchi tuwe na utamaduni wa kupanda miti tunasherehekea siku zetu za kuzaliwa na matukio mengine,” amesema.

Aidha, Mhe. Khamis amesema kuwa Serikali ilianzisha kampeni ya ‘Soma na Mti‘ kwa wanafunzi wa shule za msingi, sekondari na vyuo ili kuongeza wigo wa upandaji wa miti na matokeo yake ni kusaidia kukabiliana na athari za mabadiliko ya tabianchi.

Halikadhalika, amewaomba Watanzania kuendeleza matumizi ya nishati safi kwa ajili ya kupikia na kuachana na matumizi ya kuni na mkaa ambayo huchangia ukataji wa miti.

Tayari Serikali imeandaa Mkakati wa Taifa wa Matumizi ya Nishati Safi ya Kupikia ambao unatoa mwelekeo wa nchi wa kuhamia katika matumizi ya nishati safi ya kupikia kwa lengo la kuhakikisha asilimia 80 ya Watanzania wanatumia nishati hiyo ifipako mwaka 2034.

Sanjari na hilo, pia Naibu Waziri Khamis ametumia fursa hiyo kuwataka wananchi watunze vyanzo vya maji ili viwaletee manufaa katika vizazi vya sasa na vijavyo.

Kwa upande wake Msaidizi wa Askofu wa Kanisa la Kiinjili la Kilutheri Tanzania (KKKT) Dayosisi ya Mashariki na Pwani Chediel Lwiza amesema zoezi la upandaji wa miti ni kuunga mkono Serikali kuhakikisha hifadhi ya mazingira inakuwa endelevu.

Amesema utunzaji wa mazingira ni ishara ya kutambua uumbaji wa Mungu hivyo kama mwanadamu ataharibu mazingira atakuwa anaenda kinyume na uumbaji wa Mungu.

TUSOME MAGAZETI YA LEO JUMATANO JULAI 17, 2024 KUTOKA MKOA WA PWANI

2024-07-16T22:05:00.000-07:00

PWANI KUJENGA VIWANDA VITATU VYA MADAWA NA BAADHI YA VIFAA TIBA

2018-04-03T23:56:00.003-07:00

Na Mwamvua Mwinyi, Kibaha

SERIKALI mkoani Pwani, imeitikia wito wa serikali ya awamu ya tano ya kujenga viwanda vya madawa na baadhi ya vifaa tiba ambapo inatarajia kuwa na viwanda hivyo vitatu hali itakayoondoa adha ya kuagiza madawa nje ya nchi .

Aidha imekemea tabia inayofanywa na baadhi ya wawekezaji ya kutoa ajira kwa watu kutoka nje ya nchi na kuwabania fursa hiyo wanaPwani ama watanzania.

Akielezea masuala ya uwekezaji na ajira ,wakati wa ziara yake ya kutembelea viwanda mjini Kibaha ,mkuu wa Mkoa wa Pwani,mhandisi Evarist Ndikilo alisema Viwanda vya madawa vitawezesha kuokoa mamilioni ya fedha yaliyokuwa yakitumika kununulia madawa nchi jirani na nje.

Alieleza viwanda vitatu vinajengwa Mkoani Pwani ikiwemo Kairuki Pharmaceuticals industry Ltd ,Zinga pharmaceuticals ambacho kitajengwa kwa ubia na waislael na kipo mbioni kuanza kujengwa na Bahari pharmaceuticals .

"Tunaikitia wito wa rais Dk.John Magufuli ,lakini pia tangu kipindi cha nyuma tumejipanga kujenga viwanda hivyo ,kupitia ziara hii tunawathibitishia wananchi tunaunga mkono kauli ya serikali yetu"alifafanua Ndikilo.

Pamoja na hayo ,mkuu huyo wa mkoa alieleza ,zipo fursa mbalimbali za uwekezaji lakini vijana na wazawa wanashindwa kukimbilia fursa hizo.

Ndikilo alisema wazazi na vijana bado hawajatambua kujipanga kukuza elimu na ujuzi wao kwa ajili ya kujipatia ajira kirahisi.

Alitoa rai kwa wawekezaji ,kuacha kuwanyima ajira wazawa na watanzania ambao wanaujuzi na sifa za kufanya kazi .

" Haiwezekani tunajenga viwanda vingi lakini vijana ,waTanzania na wanaPwani hawanufaiki na ajira zinazopatikana,haikubaliki"alisisitiza Ndikilo.

"Sidhani kama Pwani ama Tanzania nzima haina wenye sifa na ujuzi,hivyo aliwataka wawekezaji hao watoe kipaombele kwa watanzania wenye uwezo .

Ndikilo alisema amepokea taarifa uwekezaji wa standard gauge eneo la Soga hawatoi ajira hata ya udereva jambo ambalo analichunguza na atakapopata uhakika watachukua hatua zinazostahili.

Aliwataka kununua vifaa vya ujenzi kama nondo ndani ya nchi ,kwani taarifa waliyompatia kwenye ujenzi wa Kairuki Pharmaceuticals industry Ltd kuwa wananunua nondo huko Uturuki .

Alisema kipo kiwanda cha Kiluwa ambacho kinatengeneza nondo zenye ubora hivyo wanunue katika viwanda vya ndani ya nchi.

Nae mkurugenzi mtaalamu wa Kairuki Pharmaceuticals eng.Valency Assenga alisema ujenzi wa mradi huo ulianza machi 10 mwaka huu na mkandarasi ni Petra Construction Ltd Ltd na unatarajiwa kumalizika Novemba 2018.

Alielezea kazi zote zinaendelea kwani zipo hatua ya awali ya ujenzi na mpaka kukamilika ujenzi wa awamu ya kwanza kiwanda hicho kitagharimu bilioni 3.9 " #

Eng .Assenga alitaja changamoto kuwa ni miundombinu ya barabara,mradi kusuasua kutokana na mvua zinazoendelea kunyesha na ucheleweshwaji wa uunganishwaji wa umeme.

Mkurugenzi wa halmashauri ya Mji huo ,Jennifer Omolo akizungumzia suala la mipango miji alisema wameanza zoezi la kupima mji muda mrefu na wanaendelea na zoezi hilo .

Omolo aliwataka watu waache kujenga na kufanya biashara kiholela bila kupangwa ,na kuwashauri waone watalaamu wa mipango miji ofisi ya mkurugenzi ili kupewa maelekezo ya kupata vibali .

MWENYEKITI UVCCM MKOA PWANI AWATAKA VIJANA KUKITUMIKIA CHAMA KIPATE USHINDI WA KISHINDO MWAKA 2019/2020

2018-03-11T23:35:00.001-07:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro (katikati) akizungumza na viongozi na wajumbe chama hicho wa Wilaya ya Mafia mkoani Pwani leo,Kiongozi huyo yupo katika ziara ya kutembelea jumuiya za umoja wa vijana wa Mkoa huo. Kushoto ni Mwenyekiti wa UVCCM Wilaya ya Mafia,Amina Tuki wengine kulia ni Mjumbe wa Baraza Kuu Taifa UVCCM Mkoa wa Pwani,Ramadhan Mlao na Mwenyekiti wa Chama Cha Mapinduzi (CCM) wa Wilaya ya Mafia,Hassan Pango. Picha zote na Elisa Shunda
Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman na Mjumbe wa Baraza Kuu Taifa UVCCM Mkoa wa Pwani, Ramadhan Mlao (kulia) wakielekea kupanda ndege kuanza safari kuelekea wilayani Mafia.
Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman na Mjumbe wa Baraza Kuu Taifa UVCCM Mkoa wa Pwani,Ramadhan Mlao (kulia) wakiwa ndani ya ndege safarini kuelekea wilayani Mafia kwa ziara ya kutembelea umoja wa vijana.
Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman na Mjumbe wa Baraza Kuu Taifa UVCCM Mkoa wa Pwani, Ramadhan Mlao wakiwasili katika Uwanja wa Ndege wa Mafia tayari kuanza kwa ziara yao.

Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro akilakiwa na mwenyeji wake Mwenyekiti wa UVCCM wa Wilaya ya Mafia,Amina Tuki (kulia) mara baada ya kuwasili katika Uwanja wa Ndege wa Mafia tayari kuanza kwa ziara yake.

Wenyeji wakiwaongoza wageni kutoka nje ya uwanja wa ndege wa Mafia.
Katibu Tawala wa Wilaya ya Mafia,Gilbert Sandagula akitoa ufafanuzi wa ofisi ya Mkuu wa Wilaya na Halmashauri kwa ujumla jinsi inavyosaidia vijana wa wilaya hiyo kunufaika na mikopo na miradi mbalimbali inayotolewa na ofisi hizo kwa vijana. Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro akiulizia mambo mbalimbali yahusuyo vijana wa Wilaya ya Mafia kwa uongozi wa wilaya hiyo ofisini hapo. Mwenyekiti wa Chama Cha Mapinduzi (CCM) wa Wilaya ya Mafia,Hassan Pango,akizungumza wakati Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro na Mjumbe wa Baraza Kuu Taifa UVCCM Mkoa wa Pwani,Ramadhan Mlao walipowasili katika ofisi ya Mkuu wa Wilaya ya Mafia kupokea taarifa ya usaidizi wa ofisi hiyo katika kuwasaidia vijana wa wilaya hiyo kwenye mikopo ya asilimia 4%.
Katibu wa Mbunge wa Mafia na Mjumbe wa Kamati ya Siasa ya Mkoa wa Pwani,Fakh Seif akizungumza na akielezea masuala mbalimbali yanayofanywa na mbunge wa jimbo hilo katika kuwasaidia vijana wa wilaya ya Mafia.

Wajumbe wa Baraza la Umoja wa Vijana wa Chama Cha Mapinduzi (CCM) wa Wilaya ya Mafia wakifuatilia kwa makini mkutano huo.

Mwenyekiti wa Umoja wa Vijana wa Chama Cha Mapinduzi wa Wilaya ya Mafia (UVCCM),Amina Tuki akizungumza katika mkutano huo na Wajumbe wa Baraza la Umoja wa Vijana wa chama hicho.

Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro (katikati) akizungumza na viongozi na wajumbe chama hicho wa Wilaya ya Mafia mkoani Pwani leo,Kiongozi huyo yupo katika ziara ya kutembelea jumuiya za umoja wa vijana wa Mkoa huo. Kushoto ni Mwenyekiti wa UVCCM Wilaya ya Mafia,Amina Tuki wengine kulia ni Mjumbe wa Baraza Kuu Taifa UVCCM Mkoa wa Pwani,Ramadhan Mlao na Mwenyekiti wa Chama Cha Mapinduzi (CCM) wa Wilaya ya Mafia,Hassan Pango.
Wajumbe wa Baraza la Umoja wa Vijana wa Chama Cha Mapinduzi (CCM) wa Wilaya ya Mafia wakifuatilia kwa makini mkutano huo. Katibu wa Umoja wa Vijana wa Chama Cha Mapinduzi wa Wilaya ya Mafia (UVCCM), Ally Omary Hassan akikabidhi risala ya umoja huo kwa Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro (Kulia) katika mkutano na wajumbe wa baraza UVCCM la wilaya ya Mafia. Anayeshuhudia Katikati ni Mwenyekiti wa Umoja wa Vijana wa Chama Cha Mapinduzi wa Wilaya ya Mafia (UVCCM),Amina Tuki
Mjumbe wa Baraza Kuu Taifa UVCCM Mkoa wa Pwani,Mlao akiwasisitiza wajumbe wa baraza la UVCCM Wilaya ya Mafia kwa kushirikiana na viongozi wao katika kuhakikisha wanaimarisha chama hicho ili kishinde kwa kishindo uchaguzi ujao wa serikali za mitaa ambao ndiyo sahihi ya ushindi katika uchaguzi mkuu wa mwaka 2020. Kushoto ni Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro na Mwenyekiti wa Umoja wa Vijana wa Chama Cha Mapinduzi wa Wilaya ya Mafia (UVCCM),Amina Tuki. Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro akimkabidhi Mwenyekiti wa UVCCM wa Wilaya ya Mafia,Amina Tuki (kushoto) vitabu vya kanuni 100 na kadi za umoja wa vijana 200 kama zawadi kwa ajili ya jumuiya hiyo ya vijana ya Wilaya ya Mafia. Wanaoshuhudia kulia ni Mjumbe wa Baraza Kuu Taifa UVCCM Mkoa wa Pwani,Ramadhan Mlao na Mwenyekiti wa Chama Cha Mapinduzi (CCM) wa Wilaya ya Mafia,Hassan Pango. Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro (aliyejifunika kitambaa rangi ya njano) na Mjumbe wa Baraza Kuu Taifa UVCCM Mkoa wa Pwani,,Ramadhan Mlao (kushoto kwake) wakiwa kwenye picha ya pamoja na viongozi wa Chama Cha Mapinduzi (CCM) wa Wilaya ya Mafia. Mjumbe wa Baraza Kuu Taifa UVCCM Mkoa wa Pwani,Ramadhan Mlao akiwa kwenye picha ya pamoja na Mwenyekiti wa Jumuiya ya Wazazi ya Chama Cha Mapinduzi wa Wilaya ya Mafia,Mohamed Faki (kushoto) baada ya kumalizika kwa shughuli za mkutano na wajumbe wa baraza la vijana la UVCCM la Wilaya ya Mafia.

Mjumbe wa Baraza Kuu Taifa UVCCM Mkoa wa Pwani,Ramadhan Mlao akiwa kwenye picha ya pamoja na Mwenyekiti wa Jumuiya ya Wazazi ya Chama Cha Mapinduzi wa Wilaya ya Mafia,Mohamed Faki (kushoto) baada ya kumalizika kwa shughuli za mkutano na wajumbe wa baraza la vijana la UVCCM la Wilaya ya Mafia.

Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro (aliyejifunika kitambaa rangi ya njano) na Mjumbe wa Baraza Kuu Taifa UVCCM Mkoa wa Pwani,,Ramadhan Mlao (kushoto kwake) wakiwa kwenye picha ya pamoja na viongozi wa Chama Cha Mapinduzi (CCM) wa Wilaya ya Mafia.

Mwenyekiti wa Umoja wa Vijana wa Chama Cha Mapinduzi Mkoa wa Pwani (UVCCM),Charangwa Seleman Makwiro.

Mjumbe wa Baraza Kuu Taifa UVCCM Mkoa wa Pwani,Ramadhan Mlao akibarizi na kujionea uzuri wa fukwe za bahari katika Kisiwa cha Mafia.

NA ELISA SHUNDA,MAFIA .

VIONGOZI wanaounda Umoja wa Vijana wa Chama Cha Mapinduzi (CCM) wilayani Mafia wametakiwa kujitoa kwa nguvu,mali na rasilimali zao katika kukitumikia chama hicho na kuhakikisha kinafanya vizuri katika uchaguzi ujao wa serikali za mitaa mwakani na uchaguzi mkuu 2020 ili CCM katika wilaya hiyo kiibuke na ushindi wa kishindo.

Hayo yamesemwa na Mwenyekiti wa Umoja wa Vijana wa Chama Cha Mapinduzi (CCM) Mkoa wa Pwani, Charangwa Selemani Makwiro wakati alipofanya ziara wilayani humo leo ambapo katika kuhakikisha vijana wa wilaya hiyo wananufaika na serikali ya Dk.John Pombe Magufuli amepata fursa ya kutembelea ofisi ya wilaya na halmashauri ambapo amekutana na uongozi na kupewa maelezo ya mnufaiko wa vijana wa Mafia katika asilimia 4% ya mikopo na miradi inayotolewa na uongozi huo kwa vijana hao.

Mwenyekiti Makwiro amewaeleza vijana hao kuwa wao ndiyo nguvu ya chama na kuwataka kusimama ngangari kama viongozi na vijana wa CCM kwa kutumia nguvu,mali,akili na rasilimali zao zote katika kuhakikisha chama hicho kinapata ushindi wa kishindo katika uchaguzi ujao wa mwakani wa serikali za mitaa ambapo ndiyo msingi wa ushindi wa uchaguzi mkuu wa madiwani,ubunge na urais hivyo ni jukumu lao vijana kukipigania chama katika maandalizi ya uchaguzi huo.

“nimefarijika siku ya leo kukutana na viongozi na vijana wa CCM wa Wilaya hii ya Mafia napenda kuwausia na kuwakumbusha vijana wenzangu mmeomba nafasi za uongozi kwenye maeneo yenu hivyo basi unapoomba nafasi katika chama hiki usitarajie labda kuna hela utapata au uwe kibaraka wa kiongozi Fulani ili maisha yako yaendelee hapana umeomba nafasi ya uongozi kwa ajili ya kuwatumikia vijana wenzako ni jukumu lako kama kiongozi sasa kutumia nguvu zako,akili,mali na rasilimali katika kukitumikia chama hiki;

“Kupitia nyie vijana wa Chama Cha Mapinduzi ambao leo hii ni viongozi wa UVCCM kuanzia ngazi ya wilaya,kata na mitaa kuhakikisha mnakisaidia chama hiki kinapata ushindi wa kishindo katika uchaguzi ujao wa 2019 wa serikali za mitaa ambapo ushindi wa kishindo wa CCM ndiyo utakaowezesha maandalizi ya ushindi wa kishindo wa uchaguzi mkuu wa 2020 hivyo jitoeni kwa hali na mali mkisaidie chama hiki,msikubali kuwa watumwa wa watu katika kuwachagulia viongozi tumieni akili zenu katika kujitafutia kipato halali ili muwe na jeuri kwa watu wanaotaka kuwaweka mifukoni” Alisema Makwiro

Aidha Mwenyekiti huyo amewasihi vijana hao kuwa na uvumilivu kusameheana kuondoa tofauti baina yao zilizopo ambazo zimetokana na uchaguzi wa ngazi mbalimbali za vijana wilayani humo kuwaomba waungane wakijenge chama kwa pamoja na kukivusha salama katika chaguzi zijazo za serikali ya mitaa na uchaguzi mkuu wa mwaka 2020.

Hata hivyo Mjumbe wa Baraza Kuu Taifa UVCCM Mkoa wa PwaniRamadhan Mlao amewakumbusha vijana wa mafia kushirikiana katika ngazi zote kuhakikisha wanaijenga jumuiya ya vijana kwa kushirikiana kwa pamoja kuanzia ngazi ya shina hadi wilaya ili wakisaidie chama katika chaguzi zijazo.

Akizungumza kwa niaba ya vijana hao,Mwenyekiti waUVCCM wa Wilaya ya Mafia,Amina Tuki,alisema kuwa wamepokea maelekezo kutoka kwa viongozi hao yeye akishirikiana na wajumbe wa baraza la vijana wa wilaya hiyo kuhakikisha wanaitisha mkutano ili kuondoa tofauti zilizopo ambazo zilisababishwa kwenye kipindi cha uchaguzi.

Lengo la ziara hiyo ni kuhakikisha kila mabaraza ya wilaya wanaelewa CBO kwa kina na ifanyiwe kazi kwa vijana kujiunga katika vikundi na kunufaika na fedha za vijana zinazotolewa na halmashauri husika ili kuinua uchumi wa vijana.

KIPINDI MAALUM KUAMSHA ARI YA WANANCHI KUSHIRIKI KATIKA SHIGHULI ZA MAENDELEO WILAYA YA KISARAWE PWANI.

2018-03-01T03:25:00.002-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

DK. KIGWANGALLA AAGIZA JUMUIYA YA HIFADHI YA WANYAMAPORI WAMIMBIKI IPANDISHWE HADHI KUWA PORI LA AKIBA

2018-02-22T22:57:00.003-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Na Hamza Temba - WMU-Bagamoyo, Pwani

....................................................................

Waziri wa Maliasili na Utalii, Dk. Hamisi Kigwangalla amemuagiza Katibu Mkuu wa Wizara hiyo, Maj. Gen. Gaudence Milanzi kuanzisha mchakato wa kisheria wa kupandisha hadhi Jumuiya ya Hifadhi ya Wanyamapori ya Wamimbiki kuwa Pori la Akiba ili iweze kuhifadhiwa vizuri baada ya kushindwa kujiendesha.

Ametoa agizo hilo leo mkoani Pwani baada ya kutembelea eneo la Jumuiya hiyo wakati wa ziara yake ya kikazi ya kukagua shughuli za uhifadhi katika eneo hilo ambalo ndani yake pia kuna mapito ya wanyamapori.

Dk. Kigwangalla amechukua uamuzi huo baada ya kutoridhishwa na utendaji kazi wa jumuiya hiyo ikiwemo tuhuma walinzi wake kutoka katika vijiji vinavyounda jumuiya kujihusisha na vitendo vya ujangili. Hata hivyo alipokea ombi la Mwenyekiti wa Jumuiya hiyo, Omari Tofiki ambaye aliiomba Serikali ichukue jukumu la kulinda hifadhi hiyo kwa asilimia 100.

"Sisi kama jamii tumeshindwa, tunaomba msaada wa Serikali, itusaidie kuondoa hawa wavamizi na ikiwezekana ichukue jukumu la kulinda hifadhi hii kwa asilimia 100," alisema Tofiki.

Alisema jumuiya hiyo ambayo ni muunganiko wa vijiji 24 inakabiliwa na changomoto kubwa ya ujangili uliokithiri ambao umepelekea kuuwawa kwa wanyamapori zaidi ya asilimia 90 ya waliokuwepo tangu kuanzishwa kwa jumuiya hiyo mwaka 1997.

Alisema changamoto nyingine ni kukosekana kwa muwekezaji na mapato ya kujiendesha, uvamizi wa mifugo ndani ya hifadhi hiyo na majungu yanayosababishwa na baadhi ya wananchi na viongozi wanaonufaika na vitendo vya ujangili na uharibifu wa hifadhi hiyo.

Dk. Kigwangalla alisema jumuiya hiyo imefeli katika kila eneo jambo ambalo linalazimu kuanzishwa kwa mchakato wa kuirudisha Serikalini ili iweze kuhifadhiwa vizuri. Alitoa wito kwa viongozi wa Wilaya na vijiji kuanza kuwaelimisha wananchi juu ya umuhimu wa kupandishwa hadhi jumuiya hiyo kwa faida ya pande zote.

"Nimepokea maombi mengi ya kuongeza idadi ya wanyamapori katika hifadhi ya Saadan, tatizo kubwa hapa ni kwamba wanyamapori wanapotoka nje ya hifadhi hiyo na kupita kwenye eneo la Wamimbiki wanavunwa na majangili ambao wengi wao wanasuply (wanasambaza) nyamapori Jijini Dar es Salaam," alisema Dk. Kigwangalla akielezea umuhimu wa kupandishwa hadhi hifadhi hiyo.

Kwa upande wake Muwakilishi wa Mkurugenzi Mkuu wa Mamlaka ya Usimamizi wa Wanyamapori Tanzania TAWA, Abraham Julu amesema Serikali imekuwa ikisaidia katika ulinzi wa eneo la jumuiya hiyo kwa kushiriki kwenye doria mbalimbali ambazo kwa kiasi kikubwa zimesaidia kuondoa makazi ndani ya hifadhi hiyo.

Alisema eneo hilo ni muhimu sana kwa uhifadhi wa wanyamapori kwa kuwa ni moja ya eneo la mazalia ya wanyamapori na shoroba nne (mapito ya wanyamapori) zinazounganisha hifadhi ya Taifa ya Saadan, Mikumi na Pori la Akiba la Selous.

Katika hatua nyingine baada ya kutembelea Hifadhi ya Taifa ya Saadan, Dk. Kigwangalla ameuagiza uongozi wa TANAPA kupitia hifadhi hiyo kwa kushirikiana na uongozi wa Wilaya ya Bagamoyo na vijiji kuweka utaratibu maalum utakaowawezesha wananchi kupita katika barabara zilizopo ndani ya hifadhi hiyo kwa ajili ya shughuli za kijamii ikiwemo kuwatengenezea vitambulisho maalum.

Ametoa agizo hilo kufuatia malalamiko yaliyowasilishwa kwake na Mbunge wa Jimbo la Chalinze, Ridhiwan Kikwete kuwa wananchi wake wanazuiliwa kutumia barabara hizo kwa madai ya kushiriki kwenye vitendo vya uharibifu wa hifadhi hiyo.

Amewataka pia viongozi wa hifadhi hiyo ya pekee barani Afrika ambayo ipo katika fukwe za bahari ya Hindi kuwa wabunifu zaidi kwa kuanzisha bidhaa mpya za utalii ikiwa ni pamoja na kutangaza fursa zilizopo. Alisema hifadhi hiyo ambayo ipo karibu na Jiji la Dar es Salaam na Tanga ni fursa nzuri kwa watalii kutumia ukaribu huo kuweza kuwaona wanyamapori mbalimbali wakiwemo Simba, Twiga na Tembo pamoja na utalii wa fukwe.

Waziri wa Maliasili na Utalii, Dk. Hamisi Kigwangalla akizungumza na uongozi wa Jumuiya ya Hifadhi ya Wanyamapori Wamimbiki wakati wa ziara yake ya siku moja ya kutatua migogoro ya hifadhi katika wilaya ya Bagamoyo mkoani Pwani Jana. Kushoto ni Mkuu wa Wilaya ya Bagamoyo, Majid Mwanga.

Waziri wa Maliasili na Utalii, Dk. Hamisi Kigwangalla akikagua eneo la Jumuiya ya Hifadhi ya Wanyamapori Wamimbiki wakati wa ziara yake ya siku moja ya kutatua migogoro ya hifadhi katika wilaya ya Bagamoyo mkoani Pwani Jana.

Waziri wa Maliasili na Utalii, Dk. Hamisi Kigwangalla akisalimiana na wafanyakazi wa Hifadhi ya Taifa ya Saadan wakati wa ziara yake ya kutatua migogoro ya hifadhi katika wilaya ya Bagamoyo mkoani Pwani Jana. Kushoto ni Mkurugenzi wa Uhifadhi wa TANAPA, Martin Loibooki.

Waziri wa Maliasili na Utalii, Dk. Hamisi Kigwangalla akioneshwa mazingira ya Hifadhi ya Taifa ya Saadan na Mhifadhi Mkuu wa Hifadhi hiyo, Stephano Msumi wakati wa ziara yake ya siku moja ya kutatua migogoro ya hifadhi katika wilaya ya Bagamoyo mkoani Pwani Jana. Kulia ni Mbunge wa Jimbo la Chalinze, Ridhiwan Kikwete.

Waziri wa Maliasili na Utalii, Dk. Hamisi Kigwangalla akimsikiliza Mbunge wa Jimbo la Chalinze, Ridhiwan Kikwete wakati wa ziara yake ya kutatua migogoro ya hifadhi kwenye Hifadhi ya Taifa ya Saadan katika wilaya ya Bagamoyo mkoani Pwani Jana. Katikati ni Mkurugenzi wa Uhifadhi wa TANAPA, Martin Loibooki.

Waziri wa Maliasili na Utalii, Dk. Hamisi Kigwangalla akioneshwa mazingira ya fukwe ya Hifadhi ya Taifa ya Saadan na Mbunge wa Jimbo la Chalinze, Ridhiwan Kikwete wakati wa ziara yake ya kutatua migogoro ya hifadhi katika wilaya ya Bagamoyo mkoani Pwani Jana.

Picha ya pamoja

VULLU ACHANGIA MIFUKO YA SARUJI UJENZI NYUMBA YA MGANGA, ZAHANATI YA KIJIJI CHA KOMA

2018-02-04T22:43:00.001-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

KAIMU mkurugenzi halmashauri ya Mkuranga, Mkoani Pwani,ambae pia ni afisa maendeleo ya jamii,Safina Msemo akimshukuru mbunge wa viti maalum Mkoani Pwani, Zainab Vullu (kushoto aliyesimama)kwa kuchangia baadhi ya mifuko ya saruji kati ya mifuko 70 na malumalu vipande 500 vilivyogharimu zaidi ya mil.1.6
MBUNGE wa viti maalum Mkoani Pwani, Zainab Vullu, akimkabidhi kaimu mkurugenzi halmashauri ya Mkuranga, Mkoani Pwani,ambae pia ni afisa maendeleo ya jamii,Safina Msemo (mwenye gauni la kitenge) baadhi ya mifuko ya saruji kati ya mifuko 70 na malumalu vipande 500 alivyochangia ambapo vimegharimu zaidi ya mil.1.6.Picha na Mwamvua Mwinyi

………………

Na Mwamvua Mwinyi,Mkuranga.

MBUNGE wa viti maalum Mkoani Pwani,Zainab Vullu amekabidhi msaada wa mifuko 70 ya saruji pamoja na malumalu vipande 500 ,vilivyogharimu sh .milioni 1.6 ,katika halmashauri ya Mkuranga.

Kati ya vifaa hivyo mifuko 50 ya saruji ni mchango katika ujenzi wa nyumba ya mganga zahanati ya Kijiji cha Koma na mifuko mingine 20 ujenzi wa nyumba ya mwalimu shule ya msingi Kisiju Pwani.

Vullu alielekeza ,Malumalu (tiles)zipelekwe shule ya msingi Kisiju Pwani,katika ujenzi wa vyoo lakini aliomba kipaombele kipewe kwenye vyoo vya wanafunzi wa kike ili kujihifadhi wakati wakiwa katika hedhi .Aidha alisema anahamasisha ujenzi wa nyumba ya mganga na aliwataka wadau wengine waunge mkono jitihada za serikali ,halmashauri ,mbunge wa Mkuranga Abdallah Ulega aliyechangia mifuko 100 ya saruji .

Hata hivyo,Vullu alisema kilichomgusa kuchangia pia ni ilani ya Chama Cha Mapinduzi inaelekeza kusimamia maisha na maslahi ya mtanzania .
“Kijiji cha Koma hakina zahanati ,kutokana na suala hilo niliona nguvu za Mbunge ,halmashauri na ndipo Jan 1 ,nikwenda kuona hali ilivyo ,nimeona nitoe fedha za mfukoni mwangu nichangie mifuko ya saruji ujenzi wa nyumba ya mganga .”

“Vijiji vya huko ni kisiwa ,ukitaka kufika lazima ukitoka ngambo hii hadi nyingine utumie lisaa hadi limoja na zaidi ,wakazi hao wakihitaji huduma zaidi za kiafya inabidi wakimbilie hospital ya wilaya ya Mkuranga ambako ni umbali mrefu “alisema Vullu .

Vullu alisema suala la afya ni muhimu hivyo kuna kila sababu ya kukamilisha ujenzi huo wa zahanati na nyumba ya mganga ili wananchi waondokane na kero yakufuata huduma za afya mbali .

Nae kaimu mkurugenzi halmashauri ya Mkuranga, ambae pia ni afisa maendeleo ya jamii ,Safina Msemo alishukuru kupata mchango huo.
Safina alisema kwa niaba ya halmashauri, alisema vifaa hivyo vitasaidia kuongeza nguvu kwenye ujenzi huo .

Kwa upande wake ,mwalimu mkuu wa shule ya msingi Kisiju Pwani, mwl.Jofrey Mbwale ,alitoa shukrani zake na kusema shule hiyo bado inakabiliwa na uhaba wa nyumba za walimu sita .Alisema kuna walimu nane nyumba zilizopo ni mbili huku alieleza kuna mahitaji ya walimu 20 .
Mwl.Mbwale alieleza mahitaji katika matundu ya vyoo ni matundu 41 yaliyopo ni 20 .

MBUNGE WA CHALINZE ATAFUTA UTATUZI MGOGORO WA ARDHI KWAMDUMA NA HIFADHI YA UZIGUA

2018-01-25T04:46:00.004-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

MIGOGORO ya ardhi ni miongoni mua vitu ambavyo vimekuwa vikirudisha sana maendeleo nyuma.

Mara nyingi migogoro hiyo husababisha kusimama kwa shughuli mbalimbali za amendes kama ujenzi na kubwa zaidi shughuli za kilimo kwa wananchi wa maeneo husika hasa maeneo ya vijijini amber hutegemea arch kwa kuzalisha chakula.

Chalinze ni moja ya Halmashauri za Wilaya ya Bagamoyo, Mkoa wa Pwani ambazo zinakabiliwa na migogoro kadhaa ya ardhi.

Miongoni mwah migogoro hiyo ni ule uliopo katika Kijiji cha Kwamduma Kata ya Kibindu, amber ni baissa ya kijiji hicho na Hifadhi ya Uzigua.

Katika kutafuta utatuzi wa migogoro hiyo, Mbunge wa Chalinze, Ridhiwani Kikwete alitembelea kijiji cha Kwamduma ili kuona namna ya kutatua agogo huh wa muda mrefu vaina ya Kijiji na Hifadhi.

Ridhiwani alisema lingo la tiara hiyo ni kuangalia athari za migogoro ya arch Latina kijiji Nicholas na kuzitafutia ufumbuzi baina ya wananchi na hifadhi".

"Nimefanya Ziara katika kijiji cha Kwamduma, Kata ya Kibindu kuangalia Athari za Migogoro Baina ya Kijiji na Hifadhi ya Uzigua, katika ziara hiyo tumeona hitaji la kukaa chini na watu wa hifadhi na kujadili suala la mipaka inayotembea,"alisema Ridhiwani.

Alisema kuwa wamekubaliana na Serikali kuingilia kati mgogoro huo na kuutafutia ufumbuzi wa haraka.

"nashukuru Serikali imekubali kuushughulikia mgogoro huu kwa baraka ndani ya kipindi kifupi, ili shughuli nyingine za maendeleo ziendelee,"alisema Ridhiwani.

UJENZI WA RELI YA STANDARD GAUGE WA AWAMU YA KWANZA KUTOKA DAR ES SALAAM HADI MOROGORO WAENDELEA KWA KASI

2018-01-23T23:15:00.002-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Muonekano wa leo wa tuta la kutandazia reli ya kisasa (Standard Gauge) katika eneo la Soga mkoa wa Pwani takriban kilomita 37 kutoka Pugu mkoa wa Dar es salaam ulivyo sasa, ikiwa ni hatua iliyofikiwa katika muendelezo wa ujenzi wa reli hiyo ulioanza mwezi Desemba mwaka jana katika mradi unaotarajiwa kukamilika ndani ya miaka mitatu na utajengwa kwa awamu nne.

Kampuni Hodhi ya rasilimali za reli nchini (RAHCO) ndiyo inatekeleza mradi huo kutoka Dar es salaam kwenda Isaka na Mwanza imegawanyika katika awamu ndogo nne ikiwemo Dar es salaam hadi Morogoro, Morogoro hadi Makutupora, Makutupora hadi Tabora na Tabora hadi Mwanza.

Kwa mujibu wa Mkurugenzi Mtendaji wa RAHCO Injinia Masanja Kadogosa jumla ya makandarasi wanne wanaendelea na kazi usiku na mchana ili kukamilisha ujenzi wa reli hiyo yenye upana wa mita 1.345 na ambao utaruhusu treni kutembea kwa spidi ya kilomita 160 kwa saa. Mradi huu mkubwa unatarajiwa kuchochea maendeleo katika sekta ya kilimo, biashara, madini na viwanda hususan maeneo ambapo reli hiyo itapita ikiwemo nchi jirani ya Rwanda ambayo imekubali kujenga aina hiyo ya reli toka Isaka hadi Kigali.

Mtandao mzima wa reli nchini unaotegemewa kujengwa kwa kiwango cha standard Gauge una jumla ya kilometa 2,561 ukitarajiwa kugharimu Dola za Marekani Bilioni 7.683.

PICHA NA IKULU

MGALU ARIDHISHWA NA KASI YA MKANDARASI SENGEREMA

2018-01-23T22:08:00.001-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Naibu Waziri Wa Nishati ,Subira Mgalu mwenye kitambaa chekundu kichwani ,akiwa ameambatana na mbunge wa jimbo la Bagamoyo.dk.Shukuru Kawambwa wa pili kushoto na wengine ni viongozi mbalimbali wa kijiji cha Kongo na kata ya Yombo wakati alipokwenda kutembelea maeneo yanayotekelezwa mradi wa umeme vijijini (REA )awamu ya III ,ambapo amejiridhisha na kasi anayoendelea nayo mkandarasi Sengerema.(picha na Mwamvua Mwinyi)

Nguzo 60 za umeme zilizotelekezwa ndani ya miaka mitatu huko kijiji cha Visezi Kata ya Vigwaza pasipo kufanyiwa kazi ,jambo linaloelezwa ni uzembe uliofanywa na mkandarasi MBH aliyepewa kazi awamu ya pili ya mradi wa umeme vijijini (REA )ambapo ameitia hasara serikali na kuchelewesha huduma ya umeme kwa jamii(picha na Mwamvua Mwinyi)

Naibu Waziri Wa Nishati ,Subira Mgalu akizungumza na wananchi wa kijiji cha Visezi kata ya Vigwaza kuhusiana na masuala ya huduma ya umeme.

Mbunge wa jimbo la Chalinze ,Ridhiwani Kikwete akizungumza jambo kuhusiana na changamoto ya nishati ya umeme huko kijiji cha Visezi kata ya Vigwaza.

Na Mwamvua Mwinyi-Bagamoyo

NAIBU Waziri Wa Nishati Subira Mgalu, ameridhishwa na kasi na kazi anayoendelea nayo ,mkandarasi wa mradi wa umeme vijijini (REA) awamu ya III, Sengerema huko kijiji cha Kongo na kata ya Yombo wilaya ya Bagamoyo ,Mkoani Pwani.

Aidha amelitaka shirika la umeme (Tanesco) wilaya ya Bagamoyo, kukimbizana na wakati kwa kuwapa wananchi fomu za kujaza ili kupatiwa umeme wakati zoezi la kuweka nguzo likiendelea katika baadhi ya vijiji.

Aliyasema hayo wakati alipokwenda kutembelea kijiji cha Kongo ,kata ya Yombo na Visezi kata ya Vigwaza na kujiridhisha na kazi ya mradi huo inavyoendelea .Mgalu alisema mkandarasi huyo ameahidi kumaliza kazi hiyo mwanzoni mwa mwezi ujao na kwa uhakika anakwenda vizuri.

Alieleza kwasasa amekuta wanaendelea na kazi ya kusimamisha nguzo na maeneo mengine yanatarajiwa kutandaza nyaya ."Mkandarasi Sengerema yupo Mkoa wa Iringa na Pwani ,ameanza kazi vizuri na ndivyo tunavyohitaji ,tunaomba aendelee na kasi hii ili wananchi wapate huduma hii ya umeme haraka" alisisitiza Mgalu.

Naibu waziri huyo,alitoa tahadhali kwa wakandarasi wengine wa mradi wa REA kwenda na kasi inayotakiwa na serikali ya awamu ya tano,na atakaefanya kazi chini ya kiwango hatakuwa na masihala nae.

Pamoja na hayo ,alilitaka Shirika la Umeme (TANESCO) mkoani Pwani,kwenda kuhakiki nguzo 120 zilizotelekezwa chini miaka mitatu mfululizo,.kwenye vijiji hivyo ,ili kujua kama bado zinauwezo wa kutumiwa

Mgalu alisema, nguzo 60 zilizopo kijiji cha Visezi na nguzo nyingine 60 kijiji cha Kongo ,zilipelekwa na mkandarasi MBH kwa maelekezo ya umeme vijijini (REA)awamu ya II ,ambae alifanya uzembe .

Alieleza ,Tanesco ihakikishe inahakiki nguzo hizo bila kufanya ajizi kwani serikali ilishamlipa fedha mkandarasi huyo awamu iliyopita ,hivyo itakuwa ni hasara kubwa kuziacha nguzo hizo pasipo kuzifanyia kazi .Mgalu alisema mkandarasi huyo ,hatoshi na amechelewesha huduma ya umeme kwa wananchi na atachukuliwa hatua za kisheria ili iwe fundisho kwa wakandarasi wababaishaji na wazembe.

”Ninaomba zikaangaliwe kama zinawezekana kufanyiwa kazi ,zitumike katika maeneo ambayo zitafaa kupelekwa ,kuliko kuendelea kukaa chini na kusababisha maswali ’alisema.

Mgalu aliwaeleza wakazi wa Visezi kuwa kijiji hicho kinatarajia kupata umeme kupitia mradi wa umeme unaotekelezwa katika mkoa wa Pwani na baadhi ya maeneo jijini Dar es salaam ikiwemo Kigamboni (PERI-URBAN).

Nae mbunge wa jimbo la Chalinze ,Ridhiwani Kikwete ,alisema anaimani na wizara ya nishati na nia nzuri ya serikali kwa kupeleka umeme katika vitongoji vyote na hakuna kitongoji kitakachoachwa.

Alisema ,kijiji cha Visezi kimezungukwa na fursa za chama cha ushirika cha umwagiliaji,gesi,ukaribu wa bandari kavu ya Kwala ,hivyo kinapaswa kupatiwa huduma ya umeme ili kunufaika na kuinua uchumi wake.

Ridhiwani ,alieleza ni wajibu wa wakandrasi na Tanesco kufanya kazi inayotarajiwa na jamii ili kuwaletea maendeleo wanayoyategemea .Baadhi ya wananchi wa kijiji cha Kongo,waliipongeza serikali kwa kuwasogezea huduma ya umeme karibu na wanaamini maendeleo yataongezeka.

MBUNGE WA CHALINZE MH. RIDHIWANI KIKWETE AKAGUA MIRADI YA MAENDELEO JIMBONI KWAKE

2018-01-22T00:42:00.001-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mbunge wa jimbo la Chalinze Mh. Ridhiwani Kikwete akimsikiliza Shedeli Mikole Mwenyekiti wa CCM kata ya Vigwaza wakati akiwa katika ziara ya kikazi kukagua huduma za maendeleo na miradi mbalimbali inayotekelezwa jimboni humo, Mh. Ridhiwan Kikwete ametembelea kata na vijiji vya Visezi, Buyuni , kata ya Vigwaza. na Magulumatari, Kisanga Kata ya Talawanda, Bago na Msinune kata ya Kiwangwa.

Sehemu ya Bidhaa zinazotengenezwa na vikundi vya Kimaendeleo. Kikundi cha Jipe Moyo ambacho ni moja kati ya vikundi vilivyofaidika na fursa za Mitaji Katika Halmashauri na Mfuko wa Jimbo ambao upo chini ya Mbunge wa Chalinze wakionyesha kazi zinazotokana na Mikono yao mbele ya Mbunge.

Mmoja wa wananchi akizungumza mbele ya Mh. Ridhiwani Kikwete mbunge wa jimbo la Chalinze .

Mbunge wa Jimbo la Chalinze Mh. Ridhiwani Kikwete akikagua Nguzo za umeme zipatazo 60 katika Kijiji cha Visezi. ambazo zipo hapo toka mwaka 2015 sasa ni miaka miwili toka Zilipoletwa hadi leo hazijaunganishwa. Serikali kupitia mradi wa Peri-Urban Enlightment Initiative watakuja waunganishia wananchi wa Visezi.

Baadhi ya wananchi wakiwa katika mkutano wa Mh. Ridhiwani Kikwete Mbunge wa jimbo la Chalinze.

MWANAMITINDO WA KIMATAIFA FLAVIANA MATATA AZINDUA JENGO LA MADARASA MAWILI ALIYOYAJENGA YA SHULE YA MSINGI MKOANI PWANI

2018-01-18T22:42:00.004-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mwanamitindo wa Kimataifa afanyae kazi zake nchini Marekani, Flaviana Matata (wa tatu kulia) akikata utepe kuashiria uzinduzi wa jengo alilojenga la madarasa mawili na ofisi ya mwalimu mkuu wa shule ya msingi kwa shule ya msingi Msinune, iliyopo kata ya Kiwangwa wilayani Bagamoyo Mkoa wa Pwani jana.

Mwanamitindo wa Kimataifa afanyae kazi zake nchini Marekani, Flaviana Matata kushoto akikabidhi mipira kwa wanaafunzi wa shule hiyo, Flaviana ni mlezi wa shule hiyo.

Mwanamitindo Flaviana akionesha cheti cha heshima alichotunukiwa na uongozi wa kata ya Chiwangwa baada ya kuwajengea majengo ya shule.

Flaviana akipokea zawadi ya mbuzi kutokea kwa Mwenyekiti wa Kijiji cha Msinune, Ramadhan Mtokeni (kushoto) huku Diwana wa kata ya Chiwangwa (kulia) Malota Kwagga na Afisa elimu wa kata hiyo Blasius Alphonce kulia kwa diwani na Mwalimu Mkuu wa shule ya Msingi Msinune, Alex Lugaigalila wakiangalia.

Flaviana akiwahoji wanafunzi hao maendeleo yao ya masomo shuleni hapo.

Flaviana akiwa amekalia moja kati madawati 45 ambayo aliyatoa kwa shule hiyo mwaka jana, kulia ni Mwalimu Mkuu wa shule ya Msingi Msinune, Alex Lugaigalila na kushoto ni Afisa elimu wa kata hiyo Blasius Alphonce.

Flaviana akipokea cheti cha heshima kutokea kwa Mtendaji wa Kijiji cha Msinune, Memory Mbangwa cha kutambua mchango wake huo.

Flaviana akiwa na watendaji wa kijiji hicho na kata pamoja na wanakijiji waliojitokeza siku hiyo.

Alipata wasaha wa kupiga picha na wanafunzi pia siku hiyo ambao walimpongeza kwa msaada wake huo

Na Evance Ng’ingo

MWANAMITINDO wa kimataifa afanyaye shughuli zake nchini Marekani, Flaviana Matata madarasa mawili ya shule za msingi iliyopo katika kijiji cha Msinune kilichopo kata ya Kiwangwa Wilaya ya Bagamoyo mkoani Pwani.

Flaviana alipewa jukumu la ulezi wa shule hiyo na wanakijiji wa Msinune mwaka 2014 wakati alipoenda kuwasaidia wanafunzi mabegi ya shule, walimpatia jukumu la kuwatengenezea vyoo, ofisi na nyumba za walimu pamoja na kumalizia ujenzi wa darasa.

Tangia alipopewa majukumu hayo alianza kwa ujenzi wa vyoo vya walimu na wanafunzi, na juzi alienda kukabidhi jengo la madarasa, darasa la saba na la sita pamoja na ofisi ya Mkuu wa Shule.Akizungumza wakati wa makabidhiano hayo Flaviana alisema, tangia alipopewa jukumu la ulezi wa shule hiyo amekuwa akihangaika huku na kule kupata fedha za kutatua kero za shule hiyo.

Alisema, kwa kufanikiwa kukabidhi jengo hio la madarasa anaona kuwa ameshiriki kikamilifu katika kutekeleza jukumu lake kama mwanajamii la kusaidia maendeleo ya elimu kwa jamii iliyokuwa na uhitaji mkubwa.

Alisema” sisi kama vijana kama watanzania tunalo jukumu la kujitokeza na kusaidia maendeleo ya elimu na sekta nyingine muhimu nchini kwa kuwa hili sio jukumu la serikali peke yake, sasa nimeshatengeneza vyoo vya walimu na wanafunzi na leo nakabidhi darasa”

Kwa upande wake Mwalimu Mkuu wa shule hiyo, Alex Lugaigalila alisema ujenzi wa darasa huo utawaongezea ufanisi wanafunzi katika masomo yao huku akibainisha wazi ushiriki wa Flaviana kwenye maendeleo ya shule hiyo umeongeza hamasa ya wanafunzi kusoma.

Kwa upande wake Afisa wa elimu wa Kata hiyo,Blasius Alphonce alisema kwa ujenzi wa jengo hilo, Flaviana amesaidia jitihada za serikali katika kuendeleza elimu kwenye kata hiyo yenye vijiji vitano.

Jengo hilo la darasa lililojengwa lina vyumba viwili vikubwa vilivyoezekwa kwa bati huku likuwa na madirisha makubwa yanayowezesha kupitisha hewa na chumba cha mwalimu mkuu.

KOKA ATOA MILIONI MBILI KUCHANGIA UJENZI WA MADARASA YALIYOUNGU ASHULE YA MSINGI KONGOWE

2018-01-16T04:21:00.002-08:00

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Na Mwamvua Mwinyi, Kibaha

MBUNGE wa jimbo la Kibaha Mjini, Silvestry Koka, ametoa kiasi cha shilingi milioni mbili zitakazosaidia kutumika kuezeka madarasa yaliyojengwa baada ya kuungua katika shule ya msingi Kongowe.

Mwaka 2016 vyumba vitatu vya madarasa na ofisi, shuleni hapo viliungua kutokana na kutokea shoti ya umeme .

Koka alitoa mchango huo, wakati alipokuwa kwenye mkutano wa hadhara ,Miembesaba 'A'kata ya Kongowe katika muendelezo wa ziara yake ya jimbo.

Aliomba fedha zinazotolewa kwa ajili ya miradi ya maendeleo pamoja na kukamilisha ujenzi wa shule hiyo zisimamiwe na kutumika kwa matumizi lengwa.

Akizungumzia changamoto za kielimu kijumla ,alisema kwasasa maeneo mengi yanakabiliwa na tatizo la upungufu na uchakavu wa miundombinu .

Koka aliitaka jamii ,wadau ,kamati za shule na viongozi mbalimbali kushiririkiana kuongeza vyumba vya madarasa na matundu ya vyoo mashuleni .

"Kulikuwa na kero kubwa ya uhaba wa madawati na kusababisha watoto wetu kusoma huku wakiwa wamekaa chini na kupata vifua kutokana na vumbi""Lakini tumejitahidi tumemaliza kero hiyo ,kilichobaki kwasasa ni tatizo la miundombinu,ambapo tushikamane kumaliza ama kulipunguza ili watoto waondokane na mlundikano wa kusoma kwenye darasa moja ama kusoma kwa awamu" alifafanua Koka.

Koka aliwaasa wazazi na walezi ambao watoto wao wamechaguliwa kujiunga na kidato cha kwanza na darasa la kwanza kuwapeleka shule .Alisema elimu ndio nguzo na hazina ya watoto ,hivyo ni jukumu la wazazi kuona umuhimu wa kuwapa haki hiyo watoto hao.

Kuhusu tatizo la kutumia maji ya visima badala ya maji safi na salama kutoka Dawasco huko eneo la Ngungwa kata ya Kongowe ,alisema linashughulikiwa .Alisema tatizo la maji lililokuwepo awali Kibaha ,sivyo ilivyo sasa kwani wamepiga hatua ,mradi wa Ruvu Juu na Ruvu Chini imekamilika hivyo kazi iliyobakia ni kusambaza .

Katika afya ,Koka alielezea anaendelea kusimamia changamoto wanazokabiliana nazo ikiwemo uhaba wa watumishi,vifaa tiba na madawa.

Alisema kutokana na hilo ,mwezi June mwaka jana ,alileta kontena la vifaa tiba mbalimbali lililogharimu mil.400 na vifaa hivyo vilisambazwa kituo cha afya mkoani na zahanati zilizopo jimboni hapo.

Alieleza ataendelea kusimamia asilimia 10 ya vijana ,wazee,wanawake,walemavu kwenye mapato ya ndani ya halmashauri ya Mji wa Kibaha ,ili inufaishe makundi hayo.Koka alisema kwasasa ,asilimia 10 inatakiwa igawanywe asilimia 4 akinamama,asilimia 4 vijana,wazee na walemavu asilimia moja ,moja.

Nae afisa elimu kata ya Kongowe,Aziza Matekenya alisema wakati baadhi ya majengo ya shule ya msingi Kongowe yakiungua shule hiyo ilikuwa na wanafunzi 1,840.Alisema halmashauri ilitoa milioni kumi kwa ajili ya ujenzi wa madarasa hayo na imeahidi kuongeza milioni 20 kwa ajili ya umaliziaji.

Aziza alieleza,kwasasa shule ina jumla ya vyumba 12 vya madarasa vinavyotumika ,vitatu vichakavu ambapo inahitaji vyumba vya madarasa 40 ili kukidhi mahitaji.Shule hiyo ilijengwa miaka ya 70 ,kwasasa ina wanafunzi 2,820 na walimu 35