BOOBALAN(பூபாலன்)

பெரிய பூங்கா

2019-07-22T12:51:00.002+05:30

உலகளவில் நிறைய தேசிய பூங்காக்கள் உள்ளன. இதில் கிரீன்லாந்தில் உள்ள 'வடகிழக்கு கிரீன்லாந்து தேசிய பூங்கா' உலகின் மிகப்பெரிய பூங்கா என அழைக்கப்படுகிறது. உலகின் பெரிய பாதுகாக்கப்பட்ட பகுதியாக திகழ்கிறது. இது 1974ல் தொடங்கி, 1988ல் விரிவு படுத்தப் பட்டது. இதன் பரப்பளவு 9,72,000 சதுர கி.மீ. பூங்காவின் சில பகுதிகள் பனிசூழ்ந்தது. இதுதான் டென்மார்க்கில் தொடங்கப்பட்ட முதல் பூங்கா. 5,000 முதல் 15,000 கத்துாரி எருமைகள், துருவக்கரடிகள் மற்றும் சில பறவைகள் பூங்காவின் கடற்கரை ஓரத்தில் காணப்படுகின்றன.

2016-09-23T14:20:00.005+05:30

ரேஷன் கடைகளில், அக்டோபர், 1 முதல், காகித ரசீது போடும் நிலை இருக்காது; அதற்கு பதில், நவீன கருவியில் ரசீது போடும் திட்டம் நடைமுறைக்கு வர உள்ளது. இதனால், ரேஷன் கார்டுதாரர்களின், மொபைல் போனிலேயே, எஸ்.எம்.எஸ்., தகவலாக ரசீது கிடைத்து விடும். தமிழக ரேஷன் கடைகளில் இலவச அரிசி; சர்க்கரை, பருப்பு உள்ளிட்டவை, குறைந்த விலையில் விற்கப்படுகின்றன. தற்போது, ரேஷனில் வாங்கும் பொருட்களுக்கு, காகிதத் தில், ரசீது தரப்படுகிறது. சென்னை போன்ற நகரங்களில், பலர் ரேஷன் பொருட்கள் வாங்கு வது இல்லை. எஸ்.எம்.எஸ்., தகவல் அதிகாரிகள் மற்றும் அரசியல்வாதிகளுடன் சேர்ந்து, கடை ஊழியர்கள் பொருட்களை வினியோ கம் செய்தது போல, போலி ரசீது தயாரித்து, கள்ளச்சந்தையில் விற்கின்றனர். இந்த முறைகேட்டை தடுக்க, விரைவில், 'ஸ்மார்ட்' ரேஷன் கார்டு வழங்கப்பட உள்ளது. இதற்காக, ரேஷன் கடைகளுக்கு, 'பாயின்ட் ஆப் சேல்' என்ற கருவி வழங்கப்பட்டு, அதில்,'ஆதார்' அடையாள அட்டை, 'ஸ்கேன்' செய்யப்படுகிறது. இந்நிலையில், அக்., 1 முதல், காகித ரசீதுக்கு பதில், 'பாயின் ஆப் சேல்' கருவியில், ரசீது போடும் திட்டம் செயல்படுத்தப்பட உள்ளது. இது குறித்து, உணவு துறை அதிகாரி ஒருவர் கூறியதாவது: ரேஷன் கடைகளில், ரேஷன் கார்டில் உள்ள, குடும்ப தலைவரின் மொபைல் போன் எண் பெறப் படுகிறது. அதனால், 'பாயின்ட் ஆப் சேல்' கருவியில், பொருட்களை வாங்கிய தற்கான ரசீது போட்ட உடன், அந்த விபர பட்டியல், ரேஷன் கார்டு தாரரின் மொபைல் போனுக்கு, எஸ்.எம்.எஸ்., தகவலாக சென்று விடும். முறைகேட்டைதடுக்ககடைக்கு வந்த பொருட்கள், மக்களுக்கு வழங்கிய பொருட்கள் என, அனைத்து விபரங்களும், அந்தக் கருவியில் பதிவாகும்; இந்த விபரங்கள் கட்டுப்பாட்டு அறையிலும் பதிவாகும் என்பதால், முறைகேட்டை தடுக்க முடியும். தமிழகம் முழுவதும், இந்த முன்னோடி திட்டம், அக்., 1 முதல் செயல் பாட்டுக்கு வரும். இவ்வாறு அவர் கூறினார். மீண்டும் பயிற்சி சென்னையில் உள்ள ரேஷன் கடைகளுக்கு, இம்மாத துவக்கத்தில் தான், 'பாயின்ட் ஆப் சேல்' கருவி வழங்கப்பட்டது. கருவியை பயன்படுத்துவது குறித்து ஊழியர்களுக்கு, பயிற்சி அளிக்கப்பட்டது. இதில், ஆதார் அட்டை, 'ஸ்கேன்' செய்யும் பணி இன்னும் முழுமை பெறவில்லை. அதனால், சென்னையை சுற்றிய மாவட்டங்களில், இத்திட்டத்தை, நவ., 1 முதல், செயல்பாட்டுக்கு கொண்டு வர, அதிகாரிகள் முடிவு செய்துள்ளனர்.

2015-12-04T15:46:00.003+05:30

Wi-Fi தொழில்நுட்பத்தை விஞ்சும் 100 மடங்கு வேகம் கொண்ட புதிய தொழில்நுட்பம் Li-Fi இனைய பாவனை அடுத்தகட்டத்துக்கு தயார்.

Media 1st 3:48 PM தொழில்நுட்பம்

LED மின்குமிழ்களின் ஒளி மூலம் சமிஞ்சைகளை கடத்தி அதி வேக இணைய இணைப்பை ஏற்படுத்தும் புதிய தொழில்நுட்பம் மூலம் இனைய பாவனையை அடுத்தகட்டத்துக்கு எடுத்து செல்ல தயார்.

இணையத்தள இணைப்பை வயர் இல்லாமல் பயன்படுத்துவதற்காக ‘WiFi’ என்ற தொழில்நுட்பம் உள்ளது. இதை பயன்படுத்தி குறிப்பிட்ட தூரம் வரை வயர் இணைப்பு இல்லாமல் கணணி, செல்போன், மடிக்கணணி, லேப்லெட் போன்ற சாதனங்களில் இணையத்தள வசதிகளை பெற முடியும்.

ஆனாலும் ‘WiFi’ மூலம் தகவல்களை பதிவிறக்கம் செய்வதற்கு கஷ்டமாக இருக்கும். தற்போது WiFi வை விட 100 மடங்கு வேகம் கொண்ட தொழில்நுட்பத்தை எஸ்டோனியா நாட்டை சேர்ந்த விஞ்ஞானிகள் உருவாக்கி உள்ளனர். இதற்கு ‘LiFi’ என்று பெயரிடப்பட்டுள்ளது.

WiFi இல் 1 ஜி.பி. தகவல்களை பதிவிறக்கம் செய்வதற்கு எவ்வளவு நேரம் ஆகுமோ அதை விட 100 இல் 1 மடங்குதான் LiFi நேரம் எடுத்துக் கொள்கிறது. தகவல் தொழில் நுட்பத்தில் LiFi புதிய புரட்சியை ஏற்படுத்தும் என எதிர்பார்க்கப்படுகிறது.

- A.D.ஷான் -

saraswathi pooja ayutha pooja wishes

2015-10-20T12:38:00.001+05:30

அறிவியல் கண்காட்சி - காலி பாட்டிலால் ராக்கெட் விட்டு அரசு பள்ளி மாணவர்கள் சாதனை படைத்தனர்

2015-10-16T16:07:00.001+05:30

சர்வதேச விண்வெளி ஆய்வகத்தில் கண்டுபிடிக்கப்பட்ட புதிய பாக்டீரியாவுக்கு அப்துல் கலாம் பெயர்

2015-10-16T16:03:00.001+05:30

வாஷிங்டன்: சர்வதேச விண்வெளி மையத்தில் கண்டுபிடிக்கப்பட்டுள்ள புதிய பாக்டீரியாவுக்கு ஏவுகணை நாயகன், மக்கள் குடியரசுத் தலைவர் என் போற்றப்படும் அப்துல்கலாம் அவர்களின் பெயர் சூட்டப்பட்டுள்ளது. அமெரிக்கா, ரஷியா, ஜப்பான் உள்ளிட்ட 13 நாடுகள் இணைந்து சர்வதேச விண்வெளியில் சர்வதேச ஆய்வகம் அமைத்துள்ளன. பூமியிலிருந்து 418 கி.மீ. உயரத்தில், 100 பில்லியன் டாலர் (சுமார் ரூ. 6 லட்சத்து 10 ஆயிரம் கோடி) மதிப்பில் இந்த மிதக்கும் சர்வதேச விண்வெளி நிலையம் அமைக்கப்பட்டு, அதில் விண்வெளி ஆராய்ச்சி பணிகள் நடந்து வருகின்றன. வேற்றுகிரகத்தில் வாழும் உயிரினங்கள் உள்ளனவா என்று கண்டறியும் நாசா விஞ்ஞானிகள் குழுவுக்கு தலைமை தமிழகத்தை சேர்ந்த கஸ்தூரி வெங்கடேசன் என்பவர் தலைமை வகிக்கிறார் . இவர் தனியார் தொலைகாட்சி ஒன்றிற்கு அளித்த பேட்டியில், தம் குழுவினர் கண்டுபிடித்த பாக்டீரியாவுக்கு கலாம் அவர்களின் வைக்கப்பட்டுள்ளதாக தெரிவித்துள்ளார். இதுகுறித்து அவர் கூறியதாவது: வேற்றுகிரகத்தில், வாழும் உயிரினங்கள் உள்ளனவா என கண்டறிவது தான் எங்களது குழுவின் நோக்கம். அதன்படி புதிதாக கண்டுபிடிக்கப்பட்ட பாக்டீரியா ஒன்றிற்கு கலாம் பெயர் வைக்கப்பட்டுள்ளது. 'சோலிபாசிலஸ் கலாமி' என்று அந்த பாக்டீரியாவுக்கு பெயர் சூட்டப்பட்டுள்ளது. இந்த பாக்டீரியா காமா கதிர்வீச்சை தாங்கக்கூடியது மேலும் மக்களுக்கு பயன்படக் கூடியது என குறிப்பிட்டார். மேலும் பேசிய அவர் பொதுவாக எந்த ஊரில் ஒரு பொருள் கண்டுபிடிக்கப்படுகிறதோ அந்த ஊரின் பெயரை சேர்த்து அந்த பொருளுக்கு வைப்பது வழக்கம். ஆனால் அப்துல்கலாம் அவர்கள் மீது கொண்ட மரியாதை காரணமாகவும், அவரது அறிவியல் எண்ணங்களின் மீது கொண்ட வியப்பு காரணமாகவும் அவரது பெயரை சூட்ட வலியுறுத்தியதாக குறிப்பிட்டார். கலாமின் அறிவியல் பின்னணி காரணமாக இதனை பரிசீலித்த நாசாவும் அவரின் பெயரை சூட்ட ஒப்புதல் அளித்துள்ளது பெருமிதத்துடன் குறிப்பிட்டார்.

அரசு கல்லூரிகளில் 1179 உதவி பேராசிரியர்கள் நியமனம்

2011-08-23T23:02:00.000+05:30

அனைத்துப் பாடங்களில் தோல்வியுற்றவர்களுக்கும் துணைத் தேர்வு

2011-08-23T22:51:00.001+05:30

வரும் கல்வியாண்டில் 10 மற்றும் பிளஸ் 2 பொதுத் தேர்வு எழுதும் மாணவர்களில் அனைத்து பாடங்களில் தோல்வியுற்றவர்களும் உடனடி சிறப்புத் துணைத் தேர்வு எழுதி தேர்ச்சி பெற அனுமதிக்கப்படும் என்று பள்ளிக் கல்வித் துறை அமைச்சர் சி.வி. சண்முகம் அறிவித்துள்ளார்.

தமிழக சட்டப்பேரவையில் திங்கட்கிழமையன்று பள்ளிக் கல்வித் துறை மானியக் கோரிக்கை மீதான விவாதத்திற்கு பதிலளித்துப் பேசிய அவர் இந்த அறிவிப்பினை வெளியிட்டார்.

இதுவரை 10 மற்றும் பிளஸ் 2 பொதுத் தேர்வு எழுதும் மாணவர்களில் 3 பாடங்கள் வரை தோல்வியுற்றவர்கள் மட்டுமே உடனடியாக நடத்தப்படும் துணைத் தேர்வை எழுதி தேர்ச்சி பெற்று அடுத்த கல்வியாண்டிலேயே உயர் கல்வியை தொடர முடியும்.

இந்த திட்டம் தற்போது விரிவுபடுத்தப்பட்டு, அனைத்துப் பாடங்களிலும் தோல்வி அடைந்தவர்கள் கூட துணைத் தேர்வு எழுத அனுமதி வழங்கப்பட்டுள்ளது. இந்த திட்டம் 2012-13ம் கல்வியாண்டு முதல் நடைமுறைப்படுத்தப்படும்.

தமிழகத்தில் உள்ள மாற்றுப் பள்ளிகள், உண்டு, உறைவிடப் பள்ளிகள், தேசியக் குழந்தைத் தொழிலாளர் நலத் திட்டப் பள்ளிகள் போன்ற பள்ளிகளில் படிக்கும் மாணவ, மாணவியருக்கும் இலவச சீருடை, பஸ் பாஸ், மிதிவண்டி, உதவித் தொகைகள் வழங்கப்படும் என்றும் அமைச்சர் அறிவித்தார்.

உழல் அற்ற இந்தியா

2011-08-23T22:46:00.000+05:30

மடி கணினி

2011-06-23T10:53:00.002+05:30

cartoons

2011-06-22T15:22:00.002+05:30

சாய்பாபா உடல் அரசு மரியாதையுடன் அடக்கம்; பொதுமக்கள் அஞ்சலி தொடர்கிறது

2011-04-27T17:33:00.000+05:30

புட்டபர்த்தி: கடந்த ஞாயிற்றுக்கிழமை ( 24ம் தேதி) பகவான் சாய்பாபா ஸித்தியடைந்தார். அவரது உடல் இன்று காலையில், அரசு மரியாதையுடன் அடக்கம் செய்யப்பட்டது. சாய்பாபாவின் இறுதிச் சடங்குகள் புட்டபர்த்தி குல்வந்த மண்டபத்தில் நடைபெற்றது.

முன்னதாக அவரது உடலுக்கு, தேசியக் கொடி போர்த்தப்பட்டு, 21 துப்பாக்கி குண்டுகள் முழங்க ஆந்திர அரசு மரியாதை அளிக்கப்பட்டது. புரோகிதர்கள் மந்திரங்கள் முழங்க இறுதிச் சடங்கு நடைபெற்றது. ஐந்து நதிகளில் இருந்து எடுத்து வரப்பட்ட புனித நீர் சாய்பாபாவின் உடல் மீது தெளிக்கப்பட்டது. கோ தானம் ( பசு தானம்) அளிக்கப்பட்டது. தொடர்ந்து பல்வேறு தானங்கள் அளிக்கப்பட்டது. முன்னதாக சர்வ சமய பிரார்த்தனையும் நடந்தது.

இறுதிச் சடங்கு நிகழ்ச்சியில் ஆந்திர கவர்னர் நரசிம்மன், முதல்வர் கிரண்குமார் ரெட்டி, பா.ஜ., மூத்த தலைவர்கள் அத்வானி, வெங்கய்ய நாயுடு, கர்நாடக முதல்வர் எடியூரப்பா, ஆந்திர முன்னாள் முதல்வர் சந்திரபாபு நாயுடு ஆகியோர் கலந்து கொண்டு சாய்பாபா உடலுக்கு இறுதி மரியாதை செலுத்தினர். லட்சக்கணக்கான பக்தர்கள் புட்டபர்‌த்தியில் குவிந்துள்ளனர்.

பொதுமக்கள் குல்வந்த் மண்டபத்தில் தொடர்ந்து அஞ்சலி செலுத்த அனுமதிக்கப்பட்டனர். உலகெங்கும் உள்ள சாய்பாபாவின் பக்தர்கள் வசதிக்காக இந்த இறுதிச் சடங்கு நிகழ்ச்சிகள் தினமலர் இணையதளத்தில் நேரிடையாக ஒளிபரப்பியது.

பிரதமர் மன்மோகன் சிங், காங்கிரஸ் தலைவர் சோனியா உள்ளிட்டோர் புட்டபர்த்தியில் நேற்று அஞ்சலி செலுத்தினர்.சாய்பாபா, கடந்த 24ம் தேதி காலை புட்டபர்த்தியில் உள்ள மருத்துவமனையில் ஸித்தியடைந்தார். புட்டபர்த்தியில் உள்ள பிரசாந்தி நிலையத்தில் வைக்கப்பட்டிருந்த அவரது உடலை தரிசிக்க பொதுமக்கள் நேற்று நள்ளிரவு வரை அனுமதிக்கப்பட்டனர். நேற்று மாலை 6 மணி வரை மட்டுமே பொதுமக்கள், பாபா உடலை தரிசிக்க அனுமதிக்கப்படுவார்கள் என, அறிவிக்கப்பட்டிருந்தது. ஆனால், கட்டுக்கடங்காத பக்தர்கள் கூட்டம் அலைமோதியதால், தரிசன நேரம் நள்ளிரவு வரை நீட்டிக்கப்பட்டது.

பிரதமர் மன்மோகன் சிங், காங்கிரஸ் தலைவர் சோனியா, மத்திய அமைச்சர் அம்பிகா சோனி, வெளியுறவு அமைச்சர் எஸ்.எம்.கிருஷ்ணா ஆகியோர், தனி விமானம் மூலம் புட்டபர்த்திக்கு நேற்று வந்தனர். ஆந்திர கவர்னர் நரசிம்மன், முதல்வர் கிரண்குமார் ரெட்டி ஆகியோர், பிரதமரையும், சோனியாவையும் வரவேற்று பிரசாந்தி நிலையத்துக்கு அழைத்துச் சென்றனர். அங்கு பிரதமரும், சோனியாவும், பாபாவுக்கு மவுன அஞ்சலி செலுத்தினர். குஜராத் முதல்வர் நரேந்திர மோடி, முன்னாள் பிரதமர் தேவகவுடா, கர்நாடக முன்னாள் முதல்வர் குமாரசாமி, இலங்கை அமைச்சர் பசில் ராஜபக்ஷே, இலங்கை கிரிக்கெட் வீரர் அர்ஜுன ரணதுங்கா, விஸ்வ இந்து பரிஷத் தலைவர் அசோக் சிங்கால், சுவாமி நித்யானந்தா, இசைக் கலைஞர் பண்டிட் ரவிசங்கர், டிரம்ஸ் சிவமணி உள்ளிட்ட பலரும் பாபாவுக்கு நேற்று நேரில் அஞ்சலி செலுத்தினர்.

மாண்டியாவில் மறுபிறப்பு: வாழும் கலை அமைப்பின் நிறுவனர் ரவிசங்கர்ஜி, தற்போது ஜெர்மனியில் சுற்றுப்பயணம் மேற்கொண்டுள்ளார். அவரது அமைப்பின் சார்பில் சத்தியோஜதா சுவாமிகள், சாய்பாபாவுக்கு இறுதியஞ்சலி செலுத்தினார். ரவிசங்கர்ஜி, ஜெர்மனியிலிருந்து விடுத்துள்ள செய்தியில் குறிப்பிடுகையில், "சாய்பாபா, கர்நாடக மாநிலம் மாண்டியா மாவட்டத்தில், ஆறு ஆண்டுகளுக்கு பிறகு மறுபிறப்பு எடுப்பார். 18 ஆண்டுகளுக்கு பிறகு மீண்டும் பொதுவாழ்வில் அவர் ஈடுபடுவார்' என்றார்.

சாய்பாபாவுக்கு சச்சின் கண்ணீர் அஞ்சலி: இன்று மன்மோகன், அத்வானி வருகை

2011-04-26T16:19:00.000+05:30

புதுடில்லி: பகவான் சாய்பாபாவின் உடலை தரிசித்து இறுதி அஞ்சலி செலுத்துவதற்காக பிரதமர் மன்மோகன் சிங், பா.ஜ., தலைவர் அத்வானி உள்ளிட்ட தலைவர்கள் இன்று புட்டபர்த்திக்கு வருகின்றனர். நேற்று கிரிக்கெட் வீரர் சச்சின் டெண்டுல்கர் வந்து அஞ்சலி செலுத்தினார்.

பகவான் சாய்பாபா நேற்று முன்தினம் ஸித்தியடைந்தார். அவரது உடல், புட்டபர்த்தியில் உள்ள பிரசாந்தி நிலையத்தில் வைக்கப்பட்டுள்ளது. லட்சக்கணக்கான மக்கள் வரிசையில் நின்று சாய்பாபாவுக்கு அஞ்சலி செலுத்தி வருகின்றனர். தனக்கு நன்கு பரிச்சயமான சாய்பாபாவின் மறைவுக்காக வருத்தம் தெரிவித்த பிரதமர் மன்மோகன் சிங், புட்டபர்த்திக்கு நேரில் வந்து இன்று அஞ்சலி செலுத்துகிறார். பாரதிய ஜனதா தலைவர் அத்வானியும், குஜராத் முதல்வர் நரேந்திர மோடியும் இன்று புட்டபர்த்திக்கு வருகின்றனர். பாபாவின் உடல் சமாதியில் அடக்கம் செய்யப்படும் வரை அத்வானி, பிரசாந்தி நிலையத்தில் தங்கியிருப்பார் என பாரதிய ஜனதா கட்சி வெளியிட்டுள்ள அறிக்கையில் கூறப்பட்டுள்ளது.

ராகுல் இரங்கல்: காங்கிரஸ் கட்சியின் பொதுச் செயலர் ராகுல் குறிப்பிடுகையில், "உலகம் முழுவதும் உள்ள லட்சக்கணக்கான மக்களின் வாழ்க்கையில் ஒளி ஏற்றியவர் சாய்பாபா. கல்வி, சுகாதாரம் போன்றவற்றுக்காக அவர் ஆற்றிய சேவை அளவிடற்கரியது. அன்பு என்னும் மதத்தைப் போதித்தவர் அவர். அன்பு மற்றும் சேவை மூலம் இளைஞர்களுக்கு வழிகாட்டியாகத் திகழ்ந்தவர் பாபா' என்றார். நேபாள பிரதமர் ஜலநாத் கனல் குறிப்பிடுகையில், "உலக மக்களுக்கு அன்பை போதித்து வந்த ஆசான் பாபா. அவரது பிரிவால் வருந்துகிறேன்' என்றார்.

கதறி அழுதார் சச்சின்: சாய்பாபாவின் தீவிர பக்தரான கிரிக்கெட் வீரர் சச்சின் டெண்டுல்கர், தனது பிறந்த நாளை நேற்று முன்தினம் கொண்டாடவில்லை. புட்டபர்த்திக்கு நேற்று வந்த சச்சின், பிரசாந்தி நிலையத்தின் சாய் குல்வந்த் கூடத்தில் வைக்கப்பட்டிருந்த பாபாவின் உடலைக் கண்டு கதறி அழுதார். அவருடன் அவரது மனைவி அஞ்சலியும் வந்திருந்தார். ஒரு மணி நேரம் பாபாவின் உடல் அருகே அமர்ந்திருந்த சச்சினுக்கு, பாபா அறக்கட்டளை நிர்வாகிகள் ஆறுதல் கூறினர். இந்திய கிரிக்கெட் அணியின் முன்னாள் கேப்டன் கவாஸ்கரும், அவரது மனைவியும் பாபாவுக்கு நேரில் வந்து அஞ்சலி செலுத்தினர். பாபாவை போற்றி பாடி வந்த பிரபல பின்னணி பாடகி சுசிலாவும், பழம் பெரும் நடிகை அஞ்சலியும், பாபாவின் உடலை பார்த்து கதறி அழுதனர்.

ஸ்தம்பித்தது புட்டபர்த்தி: லட்சக்கணக்கான பக்தர்கள் புட்டபர்த்திக்கு வந்த வண்ணம் இருப்பதால், பிரசாந்தி நிலையத்தின் அருகே போக்குவரத்து தடை செய்யப்பட்டுள்ளது. தடுப்புகள் அமைக்கப்பட்டு, பக்தர்கள் வரிசையில் நின்றபடி பிரசாந்தி நிலையத்துக்குள் அனுமதிக்கப்படுகின்றனர். பக்தர்களின் வசதிக்காக ஆந்திராவின் பல பகுதிகளிலிருந்து ஏராளமான பஸ்களும், நான்கு கூடுதல் ரயில்களும் விடப்பட்டுள்ளன. பாபாவின் மறைவையொட்டி இப்பகுதியில் கடைகள் அடைக்கப்பட்டுள்ளதால், உணவுப் பொருட்கள் கிடைக்காமல் பக்தர்கள் அவதிக்குள்ளாயினர். ஆனால், சாய்பாபா அறக்கட்டளை சார்பில் பக்தர்களுக்கு உணவு, மோர் மற்றும் தண்ணீர் வழங்கப்பட்டு வருகின்றன. பக்தர்களின் வசதிக்காக கடைகளை திறக்கும்படி, மாநில அரசின் சார்பில் கோரப்பட்டுள்ளது. இன்று மாலை 6 மணி வரை பக்தர்கள், பாபாவின் உடலை தரிசிக்க அனுமதிக்கப்படுவர் என, மாநில அமைச்சர் கீதா ரெட்டி தெரிவித்துள்ளார். இலங்கையில் சாய்பாபா பக்தர்கள் அதிகம் உள்ளதால், அவர்களின் வசதிக்காக இலங்கை அரசு, கூடுதல் விமானங்களை பெங்களூருக்கு இன்று முதல் இயக்க உள்ளது. இலங்கை முன்னாள் பிரதமர் ரணில் விக்ரமசிங்கே உள்ளிட்டோர், பாபாவின் மறைவுக்கு இரங்கல் தெரிவித்துள்ளனர்.

சாய்பாபாவுக்கு அஞ்சலி செலுத்த வந்த யோகா குரு பாபா ராம்தேவ் குறிப்பிடுகையில், "சாய்பாபா அறக்கட்டளை பல ஆயிரம் கோடி ரூபாய் சொத்துகளைக் கொண்டது. நல்ல முறையில் இயங்கி வரும் இந்த அறக்கட்டளையை தற்போதுள்ள அறங்காவலர்களிடமே ஒப்படைக்க வேண்டும். இந்த விஷயத்தில் அரசு தலையிடக்கூடாது' என்றார்.

மத்திய பிரதேசம்

2011-03-12T13:23:00.000+05:30

ஜப்பான் சுனாமி: பலி 1000-ஐ தாண்டியது; மீட்புப் பணிகள் தீவிரம்

2011-03-12T12:23:00.002+05:30

டோக்கியோ, மார்ச் 12,2011

வடகிழக்கு ஜப்பானில் சுனாமிப் பேரலை தாக்கியதின் காரணமாக பலியானோர் எண்ணிக்கை 1,000-ஐ தாண்டியது.

இந்திய நேரப்படி சனிக்கிழமை காலை 11 மணி நிலவரப்படி, ஏறத்தாழ 600 உடல்கள் மீட்கப்பட்டுள்ளன. பலி எண்ணிக்கை 1,000-ஐ தாண்டியதாக அதிகாரிகள் தெரிவித்தனர்.

இதில், செண்டாய் நகர் பகுதியில் மட்டும் இதுவரை 300-க்கும் மேற்பட்ட உடல்கள் மீட்கப்பட்டுள்ளன.

இந்தப் பேரழிவால், ஜப்பானின் வடகிழக்குப் பகுதிகளில் இருந்து 2,15,000 பேர் தங்கள் வீடுகளையும் உடமைகளையும் இழந்து உள்நாட்டு அகதிகளாகியுள்ளதாக காவல்துறை மதிப்பிட்டுள்ளது.

தற்போது, சுனாமிப் பேரலையால் வீடுகளையும் கட்டடங்களையும் சூழ்ந்த தண்ணீர் வடிந்து வரும் நிலையில், மாடிகளின் மேற்கூரைகளில் சிக்கியுள்ள மக்களை மீட்கும் பணியில் மீட்புப் படையினர் ஈடுபட்டுள்ளனர்.

அணு உலைகள் பாதிப்பு... அவரச நிலை...!

சுனாமிப் பேரலை தாக்கியதின் காரணமாக, புகுசிமா பகுதியில் உள்ள இரண்டு முக்கிய அணு உலைகளின் பாதுகாப்பு செயல்பாடுகளில் பாதிப்பு ஏற்பட்டுள்ளது.

இதன் தொடர்ச்சியாக, அவசர நிலை பிரகடனப்படுத்தப்பட்டு, அணு உலைகள் அமைந்துள்ள பகுதியைச் சுற்றி வசிக்கும் பல்லாயிரக் கணக்காண மக்கள் வெளியேற்றப்பட்டுள்ளனர்.

ஜப்பான் சுனாமி... செய்தித் துளிகள்

* ஜப்பானில் இதுவரை இல்லாத மிகக் கடுமையான பூகம்பம் இது.
* வடகிழக்கு கடற்கரையோரப் பகுதியை பல மீட்டர்கள் உயரம் கொண்ட சுனாமி அலைகள் தாக்கின.

* கடலில் ஏற்பட்ட இந்த நிலநடுக்கம் ரிக்டர் அளவில் 8.9 ஆக பதிவு.

* செண்டாய் நகரில் ஒரே நாளில் 300 சடலங்கள் மீட்பு.

* ஏறத்தாழ 400 பேர் காணவில்லை என்கிறது ஜப்பான் போலீஸ்.

* ஒட்டுமொத்த அழிவை மதிப்பீடு செய்வது இப்போதைக்கு மிகக் கடினம் என்கிறார்கள் நிபுணர்கள்.

* சுமார் 100 பேரை ஏற்றிச் சென்ற ஒரு கப்பல் சுனாமியில் அடித்துச் செல்லப்பட்டது.

* பகுஷிமா டேய்சி அணு உலை பாதித்ததால் மூடப்பட்டது. அந்தப் பகுதியில் இருந்த சுமார் 2000 பேர் வெளியேற்றம்.

* மியாகி பகுதியில் ஊள்ள இன்னொரு அணு உலையில் தீ விபத்து.

* தமது நாட்டில் நிலைகொண்டிருக்கும் அமெரிக்க படையினர் நிவாரண நடவடிக்கையில் உதவ வேண்டும் என்று ஜப்பான் கோரிக்கை.

* பசிபிக் கடல் பகுதி நாடுகளில் சுனாமி எச்சரிக்கை. ஹவாய் தீவுகளை குறைந்த மீட்டரில் சுனாமி எழுந்ததால் பாதிப்பில்லை.

* லத்தீன் அமெரிக்க நாடுகளான மெக்ஸிகோ, சிலியிலும் சுனாமி எச்சரிக்கை.

டோக்கியோவில் இருந்து 400 கிலோ மீட்டர் தொலைவில் பசிபிக் கடலுக்கு அடியில் 20 மைல்கள் ஆழத்தில் வெள்ளிக்கிழமை ஏற்பட்ட கடுமையான பூகம்பம், ரிக்டர் அளவில் 8.9 ஆக பதிவாகியிருந்தது.

கடலில் எழுந்த சுனாமிப் பேரலைகள் கப்பல்கள், கட்டடங்கள் என அடித்து துவம்சம் செய்தபடி நிலப் பகுதிகளை கடுமையாகத் தாக்கியது.

இந்த சுனாமி தாக்குதலுக்கு கடற்கரைப் பகுதியான செண்டாய் மிக அதிக பாதிப்புக்குள்ளானது.

இதன் தொடர்ச்சியாக ரஷ்யா, தைவான், இந்தோனேஷியா, ஹவாலி, பிலிப்பைன்ஸ் ஆகிய நாடுகளுக்கும் சுனாமி எச்சரிக்கை விடுக்கப்பட்டது.

தொலைக்காட்சிகளில் நேரடியாக ஒளிபரப்பட்டு வரும் சுனாமி காட்சிகள் உலக மக்களை அதிர்ச்சியில் ஆழ்த்தியுள்ளது.

இந்தச் சுனாமிப் பேரழிவால், ஜப்பான் வரலாற்றில் இல்லாத அளவுக்கு சேதம் இருக்கலாம் என அஞ்சப்படுகிறது.

பசிபிக் கடலில் இருந்து எழும்பிய சுனாமிப் பேரலைகள் 13 அடி வரை மேலெழுந்து ஜப்பானின் கடலோர நகர் பகுதிகளைத் தாக்கியுள்ளது.

பல்லாயிரக்கணக்கான கட்டடங்களும் வீடுகளும் வாகனங்களும் அடித்துச் செல்லப்பட்டன.

தொழிற்சாலைகளில் தீ விபத்துகள் ஏற்பட்டு பெரும் சேதத்தை ஏற்படுத்தியுள்ளன.

அணு உலை நிலையங்கள், முக்கிய விமான நிலையங்கள் அனைத்தும் மூடப்பட்டன.

டோக்கியோ, ஒசாகி, கியோடோ உள்ளிட்ட நகர்களில் நூற்றுக் கணக்கானோர் காயமடைந்ததாக தகவல்கள் தெரிவிக்கின்றன.

பல இடங்களில் தொலைத்தொடர்பு துண்டிக்கப்பட்டுள்ளது.

இதனிடையே, இந்திய பெருங்கடலில் சுனாமி எச்சரிக்கை இல்லை என்றும், இந்தியாவுக்கு ஆபத்து இல்லை என்று நிபுணர்கள் தெரிவித்துள்ளனர்.

பேரழிவு பூகம்பங்கள்...

* ஜூலை 27,1976, தாங்ஷான், சீனா, பலி - 6,55,000 - ரிக்டர் 7.5
* டிச.26, 2004, சுமத்ரா, இந்தோனேஷியா, பலி - 2,27,898 - ரி9.1
* ஜன.12, 2010, ஹைத்தி, பலி - 2.22,570 - ரி7.0
* மே 12, 2008, சிச்சுவான், சீனா, பலி - 87,587 - ரி7.9
* அக்.8,2005, பாகிஸ்தான், பலி - 80,361 - ரி7.6
* மே 31, 1970 சிம்போத், பெரு, பலி - 70,000- ரி7.9
* ஜூன் 20, 1990, மஞ்சில், ஈரான், பலி - 40,000, ரி7.4
* டிச.26, 2003, பாம், ஈரான், பலி - 31,000, ரி6.6
* ஜன.26, 2001, குஜராத், இந்தியா, பலி - 20,023, ரி7.7
* ஆக.17 1999, இஸ்மித், துருக்கி, பலி - 17,118, ரி7.6
* செப்.30, 1993 லதூர், இந்தியா, பலி - 9,748, ரி6.2
* ஜன. 16, 1995, கோபே, ஜப்பான், பலி - 5,530, ரி6.9

- ஆதாரம்: USGS

பேசும் படம்

2011-03-12T11:45:00.001+05:30

பயங்கர நிலநடுக்கம் - சுனாமி தாக்கியது : ஜப்பானில் பெரும் நாசம் ; பல வீடுகளை கடல் விழுங்கியது

2011-03-11T18:44:00.000+05:30

டோக்கியோ : ஜப்பானில் இன்று பயங்கர நில நடுக்கம் ஏற்பட்டது. தொடர்ந்து ஏற்பட்ட சுனாமி அலைகள் ஜப்பானில் பெரும் சேதத்தை ஏற்படுத்தியிருக்கிறது. இத‌னையடுத்து பசிபிக் கடலோர பகுதிகளில் சுனாமி எச்சரிக்கை விடப்பட்டுள்ளது. நிலநடுக்கம் காரணமாக டோக்கியோவை (250 கி.மீட்டர் தொலைவில் ) ஒட்டிய பகுதிகளில் பலர் வீடுகளை இழந்து வீதிகளில் தஞ்சம் புகுந்துள்ளனர்.

ஜப்பானின் வட கிழக்கு கடலோர பகுதிகளில் ஏற்பட்ட இந்த நிலநடுக்கம் இன்று ( ஜப்பான் நேரப்படி மதியம் 2. 48 மணி அளவில்) 8. 8 ரிக்டர் அளவாக பதிவாகியிருக்கிறது. இந்த நடுக்கம் காரணமாக நூற்றுக்கணக்கான வீடுகள் குலுங்கி தரைமட்டமாகின. சில இடங்களில் இடிந்த கட்டடங்கள் தீப்பற்றியும் எரிகிறது. எண்ணெய் கிணறுகள் தீப்பிடித்து எரிந்தன. மியாகி தீவு பகுதியில் ராட்சத அலை ( 13 அடி உயரத்தில் ) காரணமாக தண்ணீர் வீடுகளில் புகுந்து மூழ்கின. இதனால் விமான நிலையங்கள் மூடப்பட்டன. அணுசக்தி மையங்களில் எந்த வித கசிவும் இல்லை என அதிகாரிகள் கூறியுள்ளனர். புகுசிமா அணு மின் நிலையத்தில் குளிருட்டும் சாதனம் பழுதடைந்துள்ளதாகவும் அதிகாரிகள் கூறினார். இதனையடுத்து அங்கு அவசர நிலை பிறப்பிக்கப்பட்டுள்ளதாகவும் கூறினார்.

இந்த நிலநடுக்கத்தை அடுத்து பசிபிக் கடலோர பகுதிகளில் சுனாமி எச்சரிக்கை விடப்பட்டுள்ளது. உயர்ந்த பட்ச எச்சரிக்கையுடன் இருக்குமாறு கேட்டுக்கொள்ளப்பட்டுள்ளனர்.

சுமார் 6 மீட்டர் ( 20 அடி உயரத்திற்கு) ராட்சத அலை இருக்கும் என்றும் இதன் காரணமாக ஜப்பானில் மியாகி தீவின் கடலோர பகுதிகள் கடும் பாதிப்பை சந்திக்கும் என்றும் முன்னதாக விடப்பட்ட எச்சரிக்கையில் தெரிவிக்கப்பட்டுள்ளது.

ஜப்பானில் இந்த ஒரு வார காலத்திற்குள் இது 2 வது பெரிய நிலநடுக்கம் ஆகும். இன்றைய நடுக்கம் - சுனாமியால் ஏற்பட்ட உயிர்ச்சேதம் குறித்த முழு விவரங்கள் இன்னும் வரப்படவில்லை. 30 பேர் இறந்து விட்டனர் என உறுதி செய்யப்பட்ட தகவல்கள் தெரிவிக்கிறது உயிர்ப்பலி அதிகம் இருக்கும் என அஞ்சப்படுகிறது.

ஜப்பானில் ஏற்பட்டுள்ள இந்த நிலநடுக்கம் காரணமாக போன், மின்சாரம் அனைத்தும் தடை பட்டு விட்டன. கடலோர பகுதிகளில் நூற்றுக்கணக்கான கார்கள் , வீடுகள் மிதந்து சென்ற வண்ணம் உள்ளது. 1923 டோக்கியோ அருகே காண்டோ பகுதியில் ஏற்பட்ட நில நடுக்கத்தில் ஒரு லட்சத்து 40 ஆயிரம் பேர் கொல்லப்பட்டனர் . கடந்த 13 ஆண்டு காலத்தில் இன்று நடந்த ‌பூகம்பம் பெரும் தாக்கத்தை ஏற்படுத்தியிருக்கிறது.

ஜப்பான் பார்லி., யில்இருந்து அனைவரும் வெளியேறுமாறு கேட்டு கொள்ளப்பட்டு அப்புறப்படுத்தப்பட்டனர். அணு உலைகள் எவ்வித பாதிப்பும் ஏற்படவி்ல்‌லை.

அழிவை சந்திக்க அனைத்து மக்களும் இணைந்து செயலாற்ற வேண்டும் என ஜப்பான் பிரதமர் நாட்டுமக்களுக்கு வேண்டுகோள் விடுத்துள்ளார்.

இந்த பூகம்பத்தை அடுத்து ரஷ்யா, சிலி, பிஜூ , இந்தோனேசியா , தைவான், மெக்சிகோ, பெரு, ஆஸ்திரேலியா, நியூஸிலாந்து மற்றும் பிலிப்பைன்ஸ், அமெரிக்காவில் ஹூவாய் தீவு உள்பட 10 நாடுகளில் , கடலோர பகுதிகளில் சுனாமி எச்சரிக்கை விடப்பட்டுள்ளது.

இந்தியாவிற்கு சுனாமி எச்சரிக்கை இதுவரை எதுவும் விடுக்கப்படவில்லை. ஜப்பான் நடுக்க எதிரொலி இந்தியாவிற்கு இருக்காது என புவியியல் வல்லுனர்கள் தெரிவித்துள்ளனர்.

டிக்கெட் வாங்க வந்த ரசிகர்கள் மீது போலீசார் தடியடி : நள்ளிரவு முதல் காத்துக்கிடந்து ஏமாற்றம்

2011-02-24T20:21:00.002+05:30

பெங்களூரு: கிரிக்கெட் ரசிகர்கள் மீது போலீசார் தடியடி நடத்தியதால் பெங்களூருவில் பரபரப்பு ஏற்பட்டது. உலக கோப்பை கிரிக்கெட் போட்டியில் இந்தியா பங்கேற்கும் 2 வது ஆட்டம் வரும் ஞாயிற்றுக்கிழமை பெங்களூருவில் நடக்கிறது. முதல் ‌போட்டியில் வங்கேதேசத்தை அபார வெற்றிக்கொண்ட இந்தியா 2 வது போட்டியில் இங்கிலாந்தை சந்திக்கிறது. இந்த போட்டி க்கான டிக்கட் விற்பனை சின்னசாமி ஸ்டேடியத்தில் துவங்கியது.
டிக்கட் வாங்க ‌நேற்று நள்ளிரவு முதலே ரசிகர்கள் வந்து நீண்ட வரிசையில் காத்திருந்தனர். விற்பனை துவங்கிய சில மணிநேரத்தில் டிக்‌கட்டுகள் விற்றுத்தீர்ந்தன. இதனால ஏமாற்றம் அடைந்த ரசிகர்கள் கவுன்டர் நோக்கி முன்னேறினர். கூட்டத்தை கட்டுப்படுத்த போலீசார் தடி‌யடி நடத்தினர். இதில் பலர் நாலாபுறமும் சிதறி ஓடினர். இதனையடுத்து போலீசாருக்கும், ரசிகர்களுக்கும் வாக்குவாதம் ஏற்பட்டது இதனால் பரபரப்பு நிலவியது. பலர் அடிபட்டு ஓடுவது பரிதாபமாக இருந்தது.

இந்த மைதானத்தை பொறுத்தவரை 40 ஆயிரம் பேர் அமர்ந்து பார்க்கமுடியும். ஆனால் 4 ஆயிரம் டிக்கெட் மட்டும் விற்பனைக்கு வந்தன. இதனால் பலருக்கு கிடைக்காமல் போனது. ஏனைய டிக்கெட்டுகள் ஆன்லைன் மூலமும், பிளாக்கிலும் விற்கப்பட்டன. இதனால் ரசிகர்கள் போட்டி நடத்தும் கமிட்டி மீது உலக கோப்பை கிரிக்கெட் மத்திய கமிட்டிக்கு புகார் அனுப்பினர்.

--
S.BOOBALAN

http://boobalan-s.blogspot.com/

--
S.BOOBALAN

http://boobalan-s.blogspot.com/

சென்னை

2011-02-24T20:18:00.000+05:30

--
S.BOOBALAN

http://boobalan-s.blogspot.com/

ஸ்பெக்ட்ரம் ஊழல் - சர்வதேசத் தொடர்புகள்

2011-02-07T20:34:00.001+05:30

ஸ்பெக்ட்ரம் அலைக்கற்றை ஒதுக்கீடு தொடர்பாக இந்திய அரசுக்கு ஏற்பட்ட இழப்பில் ஆண்டிமுத்து ராசாவால் பயனடைந்த நிறுவனங்களில் ஒன்று ஸ்வான் டெலிகாம் நிறுவனம்..!

இந்த நிறுவனச் செயல்பாடுகளால் பாகிஸ்தான், சீனா, மற்றும் மாபியா தலைவன் தாவூத் இப்ராஹிம் போன்றோரிடம் இருந்து நாட்டின் பாதுகாப்புக்கு பல முனைகளில் இருந்தும் அச்சுறுத்துல்கள் ஏற்பட்டுள்ளன.

இந்தியாவுக்கு ஏற்பட்ட 1.76 லட்சம் கோடி இழப்பு என்பது மட்டுமே தற்போதைய கேள்வியல்ல. இந்திய நாட்டின் பாதுகாப்பு, இறையாண்மை மற்றும் நாட்டின் ஒற்றுமை ஆகியவைதான் முக்கியமான கேள்வி. இதில் விசித்திரம் என்னவென்றால், மத்திய உள்துறை அமைச்சகத்துக்கு இவையனைத்தும் ஆரம்பம் முதலே தெரியும். இது குறித்த பல்வேறு காலக்கட்டங்களில் எதிர்ப்புகளைத் தெரிவித்தபோதும், ஆ.ராசாவின் கீழ் இருந்த தொலைத்தொடர்புத் துறை அனைத்துக்கும் ஒப்புதல் அளித்தது.

இந்த விவகாரத்தில் மத்திய உள்துறை அமைச்சகம் தீவிர மெனளத்தைக் கடைப்பிடித்து வந்தது ஏன்..? யாருடைய உத்தரவின்பேரில் இந்த அமைதி? தொலைத் தொடர்புத் துறை அலைக்கற்றை என்பது மதிப்புமிக்க அரிதான வளம். இந்தியாவின் பாதுகாப்புக்கு அச்சுறுத்தல் ஏற்படும் என்பதால் பகைமை நாடுகளின் கைகளில் இந்த வளம் சென்றடையக் கூடாது என்று அறிக்கை வெளியிட்டு இருக்கிறார் அ.தி.மு.க. பொதுச் செயலாளர் ஜெயலலிதா.

கடந்த நான்கு பகுதிகளில் நாம் எழுதியிருக்கும் செய்திகளின் சாரம்சமும் இதுதான்..

இந்த அடிப்படையில் அலைக்கற்றை உரிமம் பெற்ற நிறுவனங்களின் அனைத்து நடவடிக்கைகளையும் ரத்து செய்ய வேண்டும் என்று உச்சநீதிமன்றத்தில் பொது நல வழக்கு மையம் என்ற அமைப்பு சார்பில் புதிதாக ஒரு வழக்கு தாக்கல் செய்யப்பட்டது. அதன் மீதான விசாரணை கடந்த 1-ம் தேதியன்று டெல்லியில் நடந்தது. நீதிபதிகள் ஜி.எஸ்.சிங்வி, ஏ.கே.கங்குலி ஆகியோர் முன் விசாரணைக்கு வந்தது.

"அலைக்கற்றை ஒதுக்கீடு பெற்ற நிறுவனங்களிடம் இருந்து அந்த உரிமங்களைப் பறிக்காதவரை, இந்தப் பிரச்சினைக்குத் தீர்வு கிடைக்காது. இந்த நிறுவனங்களின் செயல்பாடுகள் சந்தேகத்துக்கு உரியதாக இருக்கின்றன. அவை இந்தியாவின் இறையாண்மைக்கு அச்சுறுத்தலை ஏற்படுத்துபவை.." என்று வழக்கறிஞர் பிரசாந்த்பூஷணும், சுப்பிரமணியன் சுவாமியும் வாதிட்டிருக்கிறார்கள்.

அப்போது நீதிபதிகள் குறுக்கிட்டு, இந்நிறுவனங்கள் பற்றி கூடுதலான தகவல்களை நீதிமன்றத்தில் தாக்கல் செய்யச் சொல்லிக் கேட்டுக் கொண்டுள்ளனர். அதன்படி மார்ச் 1-ம் தேதி அனைத்து நிறுவனங்களின் உரிமையாளர்களின் பெயர்களையும் நீதிமன்றத்திடம் ஒப்படைப்பதற்காகத் திரட்டி வருகிறார்கள். சம்பந்தப்பட்ட முக்கியமான நபர்களின் புகைப்படங்கள் இந்தப் பக்கங்களில் பிரசுரம் செய்யப்பட்டுள்ளன.

இது தொடர்பாக ஆதாரங்களைத் திரட்டி வரும் டெல்லி பிரமுகர் ஒருவர் நம்மிடம் இது குறித்து விரிவாகப் பேசினார். "2-ஜி அலைக்கற்றை லைசென்ஸ் பெற்ற நிறுவனங்களின் மிக முக்கியமானது ஸ்வான். ரிலையன்ஸ் மற்றும் டைகர் டிரேடர்ஸ் ஆகிய நிறுவனங்களால் ஊக்குவிக்கப்பட்டதே இந்த ஸ்வான். இந்த நிறுவனத்தை அவர்கள் ஆரம்பித்துவிட்டு அதன் பிறகு பல்வா குரூப்புக்கு விற்பனை செய்துவிட்டார்கள். அவர்கள் டி.பி.ரியாலிட்டி என்று தங்களுக்கு புதிய பெயரைச் சூட்டிக் கொண்டார்கள்.

இந்த நிறுவனம் தன்னுடைய 45 சதவிகிதப் பங்குகளை துபாயை தலைமையிடமாகக் கொண்டு செயல்படும் எட்டிஸாலட் என்ற நிறுவனத்துக்கு விற்றது. 5.27 சதவிகிதப் பங்குகளை தமிழகத்தைச் சேர்ந்த ஜெனெக்ஸ் எக்ஸிம் என்ற நிறுவனத்துக்கு விற்றார்கள். இப்போது எட்டிஸாலட் என்ற நிறுவனம், டி.பி.டெலிகாம் என்ற பெயரில் இயங்குகிறது. வில்லங்கமே இந்த எட்டிஸாலட் அல்லது டி.பி.டெலிகாம் என்ற நிறுவனத்தில் இருந்துதான் தொடங்குகிறது.." என்ற பீடிகையுடன் அவர் ஆரம்பித்தார்.

"பாகிஸ்தான் நாட்டின் டெலிகம்யூனிகேஷன் துறையை பி.டி.சி.எல். என்பார்கள். இதன் மிக முக்கியமான பொறுப்பில் 10 பேர் இருக்கிறார்கள். இவர்கள் ஐந்து பேர் எட்டிஸாலட் நிறுவனத்திலும் முக்கியப் பொறுப்புகளில் இருக்கிறார்கள். அதாவது 2-ஜி அலைக்கற்றை உரிமம் பெற்ற எட்டிஸாலட் நிறுவனத்தின் பொறுப்பாளர்களுக்கும் பாகிஸ்தான் நாட்டுக்கும் எந்தவிதமான வேறுபாடும் இல்லை. இரண்டும் ஒன்றே.." என்று சொல்லும் அளவுக்கு நெருக்கமானவர்கள்.

அப்துல் ரஹ்மான் அப்துல்லா அப்துர் ஹிப்ராஜிம் அலி நுரானி(Chairman And Chief Executive Officer)

அப்துல்லாஹ் அஹமது சலி அஹமது அலி சாவ்லே(Chief Humon Resources Officer)

ஃபாஹில் முகமது எர்ஹமா அலி அன்சாரி( Executive Vice President-Engineering)

அப்துல்லாஹ் அகமத் ஓமர் தார்யம்(General Manager, Northern Emirates)

அகமத் அலி ஜார்வான் (General Manager, Real Estate)

ஆகிய ஐவர்தான் எட்டிஸாலட் நிறுவனத்தின் பொறுப்பிலும், பாகிஸ்தான் நாட்டின் அரசுத் துறையான டெலிகம்யூனிகேஷனிலும் இருக்கிறார்கள்.

இதனை ஒப்புக் கொண்டு பி.டி.சி.எல். தன்னுடைய அதிகாரப்பூர்வ இணையத்தளத்தில் http://www.ptcl.com.pk/bod.php?pd_id=42 இவர்களது பெயர்களையும் இணைத்தே வெளியிட்டுள்ளது.

பாகிஸ்தான் நாட்டுக்குத் தொலைத்தொடர்பு உரிமங்கள் தரப்பட்டுள்ளன என்பதற்கு இதைவிட ஆதாரங்கள் தேவையில்லை. அப்படி தருவதாக இந்திய அரசாங்கத்தின் முடிவுக்கு ஃபாரின் இன்பர்மேஷன், பிரமோஷன் போர்டு என்று சொல்லப்படும் எஃஐ.பி.பி. எதிர்ப்புத் தெரிவித்ததா அல்லது ஆதரவு தெரிவித்ததா என்ற கேள்விகள் முக்கியமானது.

ஏனென்றால், இந்த அமைப்புக்குள் பிரதமர், நிதியமைச்சர், ராணுவ அமைச்சர், உள்துறை அமைச்சர் ஆகிய நான்கு முக்கிய மனிதர்கள் அங்கம் வகிக்கிறார்கள். அவர்கள் எப்படி இதனை அனுமதித்தார்கள்? யார் அவர்கள் கைகளைக் கட்டிப் போட்டது போன்ற ரகசியங்கள் இப்போது சுப்ரீம் கோர்ட் மூலமாக வெளியில் வரத்தான் போகிறது.." என்று பீதியைக் கிளப்புகிறார் அவர்.

ஸ்வான் நிறுவனத்தைத் தொடங்கிய பால்வா குரூப் பற்றி நாம் ஏற்கெனவே எழுதியிருக்கிறோம். இதன் சேர்மன் வினோத் கே.கோயங்கோ.

நிறுவனத்தின் மேனேஜிங் டைரக்டராக இருப்பவர் சாஹித் யூ.பால்வா. இவர் மீது இந்திய உள்துறை அமைச்சகம் ஒரு கருப்பு கடிதத்தை சில ஆண்டுகளுக்கு முன்னால் அனுப்பியதாகச் சொல்கிறார்கள்.

இந்த நிறுவனத்தின் துணைத் தலைவராக தாவூத் இப்ராஹிமை இணைத்துப் பேசிய கதையும் உண்டு. இந்த ஸ்வான் நிறுவனமும் எட்டிஸாலட்டும் இணைந்துதான் எட்டிஸாலட்-டி.பி.டெலிகாம் http://www.etisalat.ae என்ற பெயரில் செயல்பட்டு வருகின்றன. இந்தப் பெயர் மாற்றமும் கடந்த 2009-ம் ஆண்டு ஜூன் 9-ம் தேதிதான் அறிவிக்கப்பட்டது. இந்த நிறுவனங்களில் முகமது உசேன் ஓம்ரான், அஹ்மத் பின் அலி, கலிபா அல் போராஹ், நசீன் பின் ஓபுத் ஆகியோர் முக்கியப் பொறுப்புகளில் இருக்கிறார்கள். இவர்கள் தவிர, தமிழகத்தைச் சேர்ந்த ஒருவரும் இதன் உறுப்பினராக இருக்கிறார்.

அந்தத் தமிழகப் பிரமுகரின் ஆதி அந்தங்கள் அனைத்தையும் இப்போதுதான் நாங்கள் முழுமையாக விசாரணை நடத்தி வருகிறோம். இந்தத் தொழிலதிபரின் முக்கியமான வர்த்தகத் தொடர்புகள் தமிழகத்தில் காலூன்றி 30 ஆண்டுகள் ஆகிவிட்டன. இன்றைய ஆட்சி மேலிடத்துக்கு மிக, மிக நெருக்கமான நபராகவும் இருக்கிறார். அதை வைத்துத்தான் அலைக்கற்றை ஒதுக்கீட்டை இந்த நிறுவனம் வாங்கியிருக்குமோ என்ற சந்தேகம் எங்களுக்கு எழுந்துள்ளது. இந்த ஆதாரங்கள் வெளிச்சத்துக்கு வரும்போதுதான் பணப் பரிவர்த்தனைகளின் அளவு வெளிச்சத்துக்கு வரும்.." என்ற சஸ்பென்ஸுடன் முடித்தார் அந்த டெல்லி பிரமுகர்.

- டெல்லி ஜூத்

நன்றி : ஜூனியர் விகடன்(09-02-2011)

மேற்கண்ட கட்டுரையின் இறுதிப் பத்தியில் குறிப்பிடப்பட்டிருக்கும் பெயர் சொல்லாத அந்தத் தமிழகப் பிரமுகரின் பெயர் "சையத் சலாவுதீன்." இவரைப் பற்றிய முழு தகவல்களும் அடங்கிய இன்னுமொரு கட்டுரை இது :

சலாவுதீனுக்கு வயது 68. துபாயில் வசிக்கும் இவரின் பூர்வீகம், ராமநாதபுரம் மாவட்டத்தில் உள்ள கடற்கரை ஊரான கீழக்கரை. இவர் பற்றி விசாரித்தபோது கிடைத்த தகவல்கள் மலைப்பை ஏற்படுத்துகின்றன.

"துபாயைத் தலைமையகமாகக் கொண்டு இயங்கும் இ.டி.ஏ. அஸ்கான் குழுமத்தின் நிர்வாக இயக்குநர்தான் இந்த சலாவுதீன். இந்தியா, துபாய், சவூதி அரேபியா உள்ளிட்ட கிழக்கு ஆசிய நாடுகள் மற்றும் உலக அளவில் சுமார் 20 நாடுகளில் பல்வேறு பிசினஸ்களில் ஈடுபட்டுள்ள நிறுவனங்களின் குழுமம் அது.

ரியல் எஸ்டேட், பல அடுக்குக் குடியிருப்புகள் கட்டுதல், கப்பல் போக்குவரத்து, ஏர்கண்டிஷன் தொழில் நுட்பம், ஆட்டோமொபைல்ஸ், பூமிக்கு கீழே மெட்ரோ ரயில் பாதை அமைப்பதில் மின் இயந்திரவியல் பயன்பாடு எனப் பல்வேறு துறைகளில் புகழ் பெற்று விளங்கும் நிறுவனங்கள் அந்தக் குழுமத்தில் உள்ளன. இப்படி 50-க்கும் மேற்பட்ட நிறுவனங்கள் சலாவுதீனின் கண் அசைவில் செயல்படுகின்றன.

25 ஆயிரம் கோடி அளவில் பணப் புழக்கம் உள்ளதாகச் சொல்லப்படும் நிறுவனங்கள் அவை. 60 ஆயிரம் தொழிலாளர்கள் இவற்றில் பணிபுரிகிறார்கள்!" என்று தமிழக தொழில் வட்டாரங்களில் தெரிவிக்கின்றனர்.

"சலாவுதீன் மிகுந்த புத்தி கூர்மை உள்ளவர். இந்திய அளவில் காங்கிரஸ், மாநில அளவில் தி.மு.க., அ.தி.மு.க. ஆகிய கட்சிகளின் மேல்மட்டத் தலைவர்களுடன் மிகுந்த நட்பு பாராட்டுபவர். பிரபல தொழிலதிபரான பி.எஸ்.அப்துர் ரஹ்மான் இவரை, துபாய்க்கு அழைத்துப் போனார். அங்கே தனது பிசினஸ் கம்பெனிகளில் வேலைக்குச் சேர்த்துவிட்டார். கிடைத்த வாய்ப்புகளை சாமர்த்தியமாகப் பயன்படுத்தி அதிவேகமாக வளர்ந்து, அந்த கம்பெனிகளின் உச்ச பதவிவரை வளர்ந்தார். அதே நேரத்தில், தமிழகத்தில் இருந்து ஏழை-எளிய வீட்டு இளைஞர்களைத் துபாய்க்கு அழைத்து வேலை கொடுத்து ஊக்குவிக்கவும் செய்தார். இ.டி.ஏ. என்ற ஆங்கில வார்த்தையை 'எங்கும் தமிழ் ஆட்கள்' என்று விரிவாக்கம் செய்கிற அளவுக்கு தமிழர்களை பல மட்டத்துக்குக் கொண்டுபோனது இந்த நிறுவனம். இவரது கப்பல் கம்பெனிக்கும் தமிழக அரசியல் தலைவர்களின் குடும்பத்துக்கும் தொடர்பு இருப்பதாகக்கூட பேச்சுகள் உண்டு.

2000-ம் வாக்கில் இந்தியாவில் தனது பிசினஸை பிரம்மாண்டமாக விரிவாக்கினார் சலாவுதீன். தகவல் தொழில் நுட்பத் துறை கிடுகிடுவென வளர்ச்சி அடைந்த நேரத்தைப் பயன்படுத்திக் கொண்டு, டெல்லி, சென்னை, பெங்களூரு நகரங்களில் ரியல் எஸ்டேட், கட்டுமான நிறுவனங்கள் துறையில் முழு வீச்சில் கால் பதித்தார். துபாய்க்கும் தமிழகம் உள்ளிட்ட சில மாநில முக்கிய அரசியல் வி.ஐ.பி-களுக்கும் ஒரு பாலமாகவே இவரது நிறுவனங்கள் உதவுவதால், இந்த நிறுவனங்களின் வளர்ச்சியும் தங்கு தடையில்லாமல் உள்ளது!" என்று சொல்லி முடித்தனர்.

"பிரபல தொழிலதிபரான சலாவுதீனுக்கும் ஸ்பெக்ட்ரம் ஊழலுக்கும் என்ன சம்பந்தம் இருக்கக்கூடும் என்று ஐயப்படுகிறீர்கள்..?" என்று டெல்லியில் உள்ள வருவாய்த் துறை உயர் அதிகாரி ஒருவரிடம் கேட்டோம்.

"ஸ்பெக்ட்ரம் அலைவரிசை ஒதுக்கீடு டெண்டர் விடப்படுவதற்கு முன்பு, இங்கே குறைவான விலைக்கு வாங்கி, வெளிநாட்டு கம்பெனிக்குக் கூடுதல் விலைக்கு விற்க சிலர் திட்டம் போட்டனர். அந்த வகையில், 6000 கோடி அளவில் பணப் பரிமாற்றம் நடந்ததற்கான முக்கிய ஆதாரங்கள் எங்களுக்குச் சிக்கியுள்ளன. இதில் தொடர்புடையவர்களைக் கண்காணித்த போது அவர்கள் வசமிருந்து கிடைத்த சில தகவல்கள், சலாவுதீனின் நிறுவனங்கள் குறித்தும் விசாரிக்க எங்களைத் தூண்டின.

மேலும் விசாரணையில், 'மும்பையில் நரிமன் பாயின்ட்' ஏரியாவில் மிகப் பெரிய கட்டடத்தின் மாடியில் ஒரு நிறுவனத்தை திடீரென ஆரம்பித்துள்ளனர். இதே நிறுவனத்தை ஏனோ திடீரென்று ஸ்வான் டெலிகாம் என்று பெயர் மாற்றம் செய்து, அதன் பெயரில் சுமார் 1500 கோடி அளவுக்கு ஸ்பெக்ட்ரம் அலைவரிசை ஒதுக்கீட்டை டெண்டரில் எடுத்தனர். இந்த கம்பெனிக்கு வங்கி கேரன்டி கொடுத்தது, துபாயில் இயங்கும் கப்பல் போக்குவரத்து கம்பெனி ஒன்று என்று தகவல் கிடைத்தது.

மிகக் குறுகிய காலத்தில், ஸ்வான் கம்பெனி பெற்ற அலைவரிசை ஒதுக்கீட்டின் பெரும் பகுதியை எடிஸலாட் என்கிற துபாய் நாட்டு டெலிகாம் கம்பெனிக்கு விற்றுள்ளனர். இதில்தான் 4500 ஆயிரம் கோடி அளவுக்கு லாபம் பார்த்துள்ளனர்.

'மும்பையில் இயங்கிய கம்பெனியின் பங்குதாரர்கள் யார்? அவர்களுக்கும் சலாவுதீன் தொடர்பான சிலருக்கும் ஏதாவது பழக்க வழக்கம் உண்டா? துபாயில் உள்ள கப்பல் கம்பெனி யாருடையது?' இப்படியான பல கேள்விகளுக்குப் பதில் தேடி வருகிறோம். இந்த கம்பெனி இருந்த அதே கட்டடத்தில் தமிழகப் பிரமுகர்கள் சிலர் அங்கம் வகிக்கும் இரண்டு கம்பெனிகள் உள்ளன. அதைப் பற்றியும் விசாரித்து வருகிறோம்!" என்று விளக்கமாகச் சொன்னார் அந்த உயர் அதிகாரி.

தொழிலதிபர் சலாவுதீனின் பின்னணி பற்றி தமிழகத் தொழிலதிபர்கள் சிலரிடம் கேட்டபோது, 2007-ம் ஆண்டுத் தமிழக அரசின் செய்திக் குறிப்பில் இடம் பெற்று உள்ள புகைப்படத்தைச் சுட்டிக் காட்டினார்கள்.

தொடர்ந்து, "இது, தொழிலதிபர் சலாவுதீனின் கம்பெனியும் டிட்கோவும் கூட்டாக சேர்ந்து 3,750 கோடி மதிப்பீட்டில் டவுன்ஷிப் ஒன்றை காஞ்சிபுரம் மாவட்டத்தில் தொடங்குவதற்கான புரிந்துணர்வு ஒப்பந்தத்தில் முதல்வர் கருணாநிதியுடன் கையொப்பம் இட்டபோது எடுத்த படம்!

இதுபோலவே, தமிழக அரசு கொண்டு வந்த ஸ்டார் ஹெல்த் இன்ஷூரன்ஸ் திட்டம், சென்னை அண்ணா சாலையில் புதிய தலைமைச் செயலகம் கட்டடம்., இரண்டின் பின்னணியிலும் சலாவுதீன் தொடர்பானவர்களின் பங்கு உண்டு. மெட்ரோ ரயில் திட்டத்தில் பூமிக்குக் கீழே பாதை அமைக்கப்படும்போது, முக்கியப் பணிகளுக்கான கான்ட்ராக்ட்டும் சலாவூதினின் நிறுவனத்துக்கே வழங்கப்பட்டுள்ளது.." என்கிறார்கள்.

இதற்கிடையே, 'தமிழகத்தைச் சேர்ந்த அரசியல் மற்றும் பல்துறை வி.ஐ.பி-க்கள் யார் யார் சமீப காலத்தில் அடிக்கடி துபாய் சென்று வந்தார்கள்? அங்கே யாரையெல்லாம் சந்தித்தார்கள்?' என்கிற உள் விஷயங்களை எல்லாம் மொட்டை பெட்டிஷன்களாகத் தட்டிவிடத் தொடங்கி உள்ளார்களாம் சிலர்.

அன்று ஜெ. சொன்னது!

கடந்த ஜூலை 13-ம் தேதியன்று கோவையில் நடந்த பொதுக்கூட்டத்தில் ஜெயலலிதா பேசும்போது, "ஸ்டார் இன்ஷூரன்ஸ் என்கிற நிறுவனம், துபாயை தலைமையிடமாகக் கொண்ட, இ.டி.எ. ஸ்டார் குரூப் என்ற மிகப் பெரிய, சர்வதேச நிறுவனத்தைச் சார்ந்ததாகும். இதன் தலைமையிடம்தான் துபாய். ஆனால் தமிழ்நாட்டைச் சேர்ந்தவர்கள்தான், இதை இயக்கிக் கொண்டு இருக்கிறார்கள். இந்த இ.டி.எ. குழுமம்தான், 700 கோடி மதிப்பிலான புதிய தலைமைச் செயலக வளாகத்தை கட்டிக் கொண்டு இருக்கிறது.

இந்தக் குழுமத்தினுடைய மற்றொரு நிறுவனம்தான், ஜெனிக்ஸ் எக்சிம். மத்திய தொலைத் தொடர்புத் துறை அமைச்சர், ஆ.ராசாவின் அறிவுறுத்தலின் பேரில், மத்திய அரசுக்கு 1 லட்சத்து 90 ஆயிரம் கோடிக்கு மேல், இழப்பை ஏற்படுத்திய, 2-ஜி ஸ்பெக்ட்ரம் ஒதுக்கீட்டைப் பெற்ற, ஸ்வான் டெலிகாம் நிறுவனத்தில், ஜெனிக்ஸ் எக்சிம் நிறுவனத்துக்குப் பங்கு உண்டு. ஸ்வான் நிறுவனத்தின் 5.27 சதவிகிதப் பங்குகளை இந்த ஜெனிக்ஸ் எக்சிம் நிறுவனம்தான் வாங்கியுள்ளது.

1970-களிலிருந்து, கருணாநிதியுடன் நெருங்கிய தொடர்புள்ளது இ.டி.எ.குழுமம். இந்தக் குழுமத்தைச் சேர்ந்ததுதான், கிரசென்ட் ஃபிலிம்ஸ் என்ற திரைப்பட விநியோக நிறுவனம். புரட்சித் தலைவர் எம்.ஜி.ஆர். அவர்களுக்கு போட்டியாக, தனது மகன் மு.க.முத்துவை வைத்து, கருணாநிதியால் தயாரிக்கப்பட்ட, 'பிள்ளையோ பிள்ளை' என்ற திரைப்படத்தை, வெளியிட்டது இந்த கிரசென்ட் ஃபிலிம்ஸ் நிறுவனம்தான்! பல்வேறு திட்டங்களின் கீழ், ஸ்டார் குழுமத்துக்கு கொடுக்கப்படும் அரசுப் பணம், அதாவது உங்கள் பணம், துபாயில் உள்ள அந்த நிறுவனத்தின் தலைமையிடத்துக்குச் செல்கிறது!" என்று பகிரங்கமாகக் குற்றம் சாட்டினார்.

- இந்தக் கட்டுரையும் ஒரு மாதத்திற்கு முன்பு இதே ஜூனியர் விகடனில்தான் வெளியாகியிருந்தது.. அப்போது சலாவுதீனின் பெயரை வெளியிட்டு, அவரது ஜாதகத்தையே இப்படி பிட்டு, பிட்டு வைத்திருக்கும் ஜூனியர் விகடன், இந்த வாரம் பெயர் குறிப்பிடாமல் சொல்வதன் அர்த்தம் என்ன என்றுதான் எனக்குத் தெரியவில்லை..?!

S.BOOBALAN

http://boobalan-s.blogspot.com/

திருப்பரங்குன்றம்

2011-02-02T13:25:00.000+05:30

தமிழக மீனவர்களை தாக்குவதை நிறுத்துங்கள் இலங்கைக்கு இந்தியா எச்சரிக்கை

2011-02-02T13:04:00.001+05:30

புதுடெல்லி : தமிழக மீனவர்களை இலங்கை கடற்படை தாக்குவதை தடுத்து நிறுத்தாவிட்டால் இருதரப்பு உறவுகள் பாதிக்கும் என்று இலங்கைக்கு இந்தியா எச்சரிக்கை விடுத்துள்ளது. கச்சத்தீவு அருகே மீன் பிடிக்கச் செல்லும் தமிழக மீனவர்கள் மீது இலங்கை கடற்படையினர் தொடர்ந்து தாக்குதல் நடத்தி வருகின்றனர். சமீபத்தில் இலங்கை கடற்படையால் 2 மீனவர்கள் கொல்லப்பட்டனர். இப்பிரச்னையில் தலையிட்டு, இலங்கைக்கு கடும் கண்டனம் தெரிவிக்குமாறு பிரதமருக்கு முதல்வர் கருணாநிதி கோரிக்கை விடுத்தார்.

இதைத் தொடர்ந்து, மத்திய வெளியுறவு துறை செயலாளர் நிருபமா ராவ், கொழும்பு சென்று இலங்கை அதிபர் ராஜபக்சேயை சந்தித்து பேசினார். இந்த சந்திப்பு விவரம் பற்றி டெல்லியில் முதல்வர் கருணாநிதியிடம் மத்திய வெளியுறவு துறை அமைச்சர் எஸ்.எம்.கிருஷ்ணா, செயலாளர் நிருபமா ராவ் ஆகியோர் நேற்று விளக்கினர். சந்திப்பின் போது, மத்திய ஜவுளித் துறை அமைச்சர் தயாநிதி மாறன் உடனிருந்தார். தமிழக மீனவர்களை இலங்கை கடற்படை தொடர்ந்து தாக்குவதை தடுத்து நிறுத்த கடுமையான நடவடிக்கை எடுக்க வேண்டும் என கிருஷ்ணாவிடம் கருணாநிதி வலியுறுத்தினார்.

பின்னர், நிருபர்களிடம் கிருஷ்ணா கூறியதாவது: இந்திய மீனவர்களின் உரிமைகளை பாதுகாப்பதில் மத்திய அரசு உறுதியாக உள்ளது. மீனவர்களை கொல்வது எக்காலத்திலும் ஏற்கப்படாதது. இப்பிரச்னையில் இலங்கை அரசு உரிய நடவடிக்கை எடுக்க வேண்டும். இல்லாவிட்டால், இருநாட்டு உறவுகள் பாதிக்கப்படும். பாகிஸ்தான் உள்பட எந்த நாடுமே எல்லை தாண்டும் மீனவர்களை தாக்குவதில்லை என்பதை இலங்கையிடம் சுட்டிக் காட்டி யுள்ளோம். இந்தியாவின் கவலையை ராஜபக்சேயிடம் உணர்த்தியுள்ளோம். மீனவர் கொல்லப் பட்ட சம்பவம் பற்றி விசாரிக்க உத்தரவிட்டுள்ளதாக ராஜபக்சே தெரிவித்திருக்கிறார்.

மீனவர்கள் எந்த பிரச்னையும் இல்லாமல் மீன்பிடிப்பதற்கு நடவடிக்கை மேற்கொள்வதாக இருநாடுகளும் இணைந்து அறிக்கை விடுத்துள்ளன. மேலும், இருநாட்டு கூட்டுக் குழுவின் கூட்டத்தை இம்மாதம் 15ம் தேதியையொட்டி நடத்தி, இப்பிரச்னை குறித்து விவாதிக்குமாறு வெளியுறவு துறை செயலாளர் நிருபமா ராவுக்கு உத்தரவிட்டுள்ளேன். இவ்வாறு கிருஷ்ணா தெரிவித்தார்.

http://boobalan-s.blogspot.com/

இன்றைய புகைப்படங்கள்

2011-02-01T20:46:00.001+05:30


இதாவது உறைக்குமா?	முகமூடி எதற்கு?	சாயமின்றி ஓய்வு!	நாடும் அரசியலும்போல்!	இயற்கையின் பரிசு!

http://boobalan-s.blogspot.com/

நல்லவேளை தமிழ்தான்!

2011-02-01T20:43:00.001+05:30

வாரும் வே வாரும்... நல்லா இருக்கியளா? நம்ம சந்திப்ப பத்தி நீரா ரேடியோல பேசினீரு? கேட்டுட்டிருந்தேன்...(என்னது... நமக்குத் தெரியாம எப்படி? அப்பா... நீரா ராடியாங்கறாரே... என்ன நடந்திருக்கும்?!)ஆமா ஆமா... தலைநகருக்கு வந்திருக்கீங்க. உங்க புகழ் இங்கயும் கொடி பறக்க வேணாமா? அதான்...சரி... நம்ம வழக்கமான விஷயத்த பேசுவோம்! மாநில காங்கிரஸுல இருந்து மக்கள் எல்லாம் அணி அணியா வந்துட்டுப் போனாங்களா? என்ன என்ன அடி போடறாங்க?அத என்னங்க... நாமே தெளிவா பேசிடுவோம்.. (நல்ல வேளை இவருக்கு தமிழ் தெரியுது. தெளிவா தமிழ்லயே பேசிடலாம். ஏற்கெனவே நமக்கு ஹிந்தியும் ஆங்கிலமும் வராதுன்னு துபாஷியா இருக்கற பொண்ணுல ஆரமிச்சி இவங்க எல்லாம் என்னமா பூந்து வெளயாடிட்டாங்க?! எதெல்லாமோ படிச்சோமே! ஒழுங்கா இவங்கள மாதிரி அடுத்தவங்களுக்கு தெரியாம நாமும் சைக்கிள் கேப்புல ஹிந்தி படிச்சிருக்கணும். ஹூம்! இப்ப யோசிச்சி என்ன செய்யறது?)

http://boobalan-s.blogspot.com/

தமிழகம் முழுக்க ரேஷன் கடைகளில் இன்று முதல் பருப்பு, பாமாயில் விலை குறைப்பு

2011-02-01T20:14:00.000+05:30

சென்னை: ரேஷன் கடைகளில் வழங்கப்படும் துவரம் பருப்பு, உளுந்தம் பருப்பு, பாமாயில் விலை குறைப்பு இன்று (செவ்வாய்கிழமை) அமலுக்கு வந்தது. இதன்மூலம், 1.94 கோடி குடும்ப அட்டைதாரர்கள் பயன்பெறுகின்றனர். கண்காணிக்க மாவட்டம் தோறும் தனிப்படைகள் அமைக்கப்பட்டுள்ளன. கச்சா எண்ணெய் விலை உயர்வு, ஆன்லைன் வர்த்தகம், பங்குச் சந்தை வீழ்ச்சி காரணமாக அத்தியாவசிய உணவு பொருட்களின் விலை நாளுக்கு நாள் உயர்ந்து வருகிறது.

இந்த விலையேற்றத்தில் பொதுமக்கள் பாதிக்கப்படக் கூடாது என்பதற்காக ரேஷன் கடைகளில் மலிவு விலையில் பருப்பு, பாமாயில் விற்பனை செய்யும் திட்டத்தை அரசு 2009ம் ஆண்டு முதல் செயல்படுத்தியது. அதாவது துவரம் பருப்பு, உளுந்தம் பருப்பு ரூ.40க்கும், பாமாயில் லிட்டர் ரூ.30க்கும் விற்பனை செய்யப்பட்டு வந்தது. இந்நிலையில், விலை உயர்வை கட்டுப்படுத்தும் வகையில், முதல்வர் கருணாநிதி உயர் அதிகாரிகளுடன் கோட்டையில் அண்மையில் ஆலோசனை மேற்கொண்டார்.

அப்போது ரேஷன் கடைகளில் மானிய விலையில் வழங்கப்படும் துவரம் பருப்பு, உளுந்தம் பருப்பு, பாமாயில் விலையை குறைப்பது என்று முடிவு எடுக்கப்பட்டது. அதன்படி ரூ.40க்கு விற்கப்படும் உளுந்தம் பருப்பு, துவரம் பருப்பு கிலோவுக்கு ரூ.10 குறைத்து ரூ.30க்கும், பாமாயில் லிட்டர் ஒன்றுக்கு ரூ.30 என்பதில் இருந்து ரூ.5 குறைத்து ரூ.25க்கும் விற்கப்படும் என்று முதல்வர் கருணாநிதி அறிவித்தார். இந்த விலை குறைப்பு பிப்ரவரி 1ம் தேதி முதல் ரேஷன் கடைகளில் அமல்படுத்தப்படும் என்று அறிவிக்கப்பட்டது.

அதன்படி இன்று(செவ்வாய்கிழமை) இத்திட்டம் அமலுக்கு வந்தது. மாவட்டந்தோறும் உள்ள ரேஷன் கடைகளில் இன்று காலை முதல் இப்பொருட்கள் வழங்கப்பட்டன. கடைகளில் பொதுமக்கள் நீண்ட வரிசையில் நின்று பொருட்களை வாங்கி சென்றனர். இதுகுறித்து உணவுப் பொருள் வழங்கல் மற்றும் பாதுகாப்புத்துறை உயர் அதிகாரி ஒருவர் கூறியதாவது: தமிழக அரசு அறிவித்த விலை குறைப்பு இன்று முதல் அமலுக்கு வந்துள்ளது. இந்த விலை குறைப்பு பற்றி அனைத்து மாவட்ட வழங்கல் அதிகாரிகளுக்கும் தகவல் தெரிவிக்கப்பட்டுள்ளது. விலை குறைப்பு செய்யப்பட்டுள்ள பொருட்களை தர மறுக்கும் ரேஷன் கடைகளை கண்காணிக்கும் வகையில் தனிப்படைகள் அமைக்கப்பட்டுள்ளன.

தமிழகம் முழுவதும் மொத்தம் 1.94 கோடி குடும்ப அட்டைதாரர்கள் உள்ளனர். கார்டு வைத்துள்ள அனைவருக்கும் பொருட்கள் வழங்கப்படும். ரேஷன் கடைகளில் விற்பனை செய்வதற்காக 27 ஆயிரம் டன் பருப்பு வகைகள் கொள்முதல் செய்யப்பட்டு வந்தது. தற்போது கூடுதலாக 5 ஆயிரம் டன் பருப்பு வகைகள் கொள்முதல் செய்யப்பட்டுள்ளது. விலை குறைப்பு மூலம் அரசுக்கு கூடுதலாக ரூ.400 கோடி செலவு ஏற்படும். இவ்வாறு அவர்

கூறினார்.

வெளிமார்க்கெட்டில் விலை 2.5 மடங்கு அதிகம்

வெளி மார்க்கெட்டில் துவரம் பருப்பு கிலோ ரூ.78 முதல் ரூ.80 வரையும், உளுந்தம் பருப்பு ரூ.70 முதல் ரூ.75 வரையும் விற்கப்படுகிறது. பாமாயில் லிட்டர் ரூ.59க்கு விற்பனையாகிறது. அதாவது, ரேஷன் கடைகளை விட வெளி மார்க்கெட்டில் இரண்டரை மடங்கு விலை அதிகமாக இருப்பது குறிப்பிடத்தக்கது.