Worship Series Telugu

Paralokamuna Nundu Deva Song Lyrics

2025-06-09T18:36:00.004+05:30

ఆంధ్ర క్రైస్తవ కీర్తనలు

Song: #25

పరలోకమున నుండు దేవ నీ పదముల కొనరింతు సేవ దురితంబులకు

నేను వెఱచి యున్నానని కరుణించి నీ సుతుని ధర కంపితివి

గాదా అరయఁగా నీ ప్రేమ యింతనఁ దరము గాదో పరమ జనక

మరణ పర్యంతంబు నిను నే మరువఁ జాలను వరకృపా నిధి ||పరలోక||

1. యేసుక్రీస్తుని దయసేయ కున్న మోస మొందెద నెందుకన్న

దోసంబులకు నేను దాసుండనై ప్రతి వాసరంబును నీదు భాసు

రాజ్ఞలు విడిచి వేసటలు గల నరకమునఁ బడ ద్రోసిన నది న్యాయమౌ

గద నా సునాధా పేర్మిచేతను నీ సుతుని నంపించినావు ||పరలోక||

2. ఎన్నరాని మహిమ నుండి యేసు నన్నుఁ బాలింప నేతెంచి

యెన్న శక్యము గాక యున్న పాపములన్ని ఛిన్నాభిన్నము జేసి

నన్ను సమ్మతిపరప నన్న యగు నా రక్షకుండు తన్ను తానర్పించి

వెండియు నున్నతుండై లేచి యిప్పుడు సన్నిధానం బొసఁగె నాకుఁ ||బరలోక||

ఈ కీర్తన మీకు ఆశీర్వాదకరంగా ఉందా? మీ అభిప్రాయాలను కామెంట్లలో పంచుకోండి. మరిన్ని తెలుగు క్రైస్తవ కీర్తనల కోసం మా వెబ్సైట్‌ను సందర్శించండి.

Bhoo Mandalamnnu Song Lyrics

2025-06-09T18:26:00.006+05:30

ఆంధ్ర క్రైస్తవ కీర్తనలు

Song: #24

భూమండలము దాని సంపూర్ణత యును లోకమును

భూమండల వాసులను బొల్పార యెహోవావే ||భూ||

1. యెహోవ సంద్రము మీఁద భుమి పునాది వేసె

మహాజలమూల మీఁద మనదేవుఁడది స్థిరపర్చె ||భూ||

2. యెహోవ పర్వతమునకు నెక్కంగఁ బాత్రుడెవఁడు

మహాలయంబునందు మరి నిల్వ యోగ్యుం డెవఁడు ||భూ||

3. అపవిత్ర మనసులేక కపట ప్రమాణము లేక

సుపవిత్రమౌ చేతులను శుద్ధాత్మ గల్గినవాఁడే ||భూ||

4. ఆలాటి వాఁడు ప్రభుని యాశీర్వచనము నొందు

భులోకమున రక్షణ దేవుని నీతి మత్వముపొందు ||భూ||

5. ప్రభునాశ్ర యించు నట్టి వారు యాకోబు దేవ

ప్రభుసన్నిధానము వెదకు ప్రజలెల్ల రట్టివారే ||భూ||

6. ద్వారంబు లార యింక మీ తల లెల్లబైకెత్త వలెన్

రారాజు కొరకుఁతలుపులాలా మిమ్మెత్తుకొనుఁడి ||భూ||

7. ఇలలో మహా మహిమంబు గలిగిన యీ రాజెవఁడు

బలశౌర్యముల యెహోవ బహుశూరుడౌ యెహోవ ||భూ||

Yetlua Neeku Sthuthulu Song Lyrics

2025-06-09T18:22:00.006+05:30

ఆంధ్ర క్రైస్తవ కీర్తనలు

Song: #23

ఎటుల నీకు స్తుతు లొనర్తుము యెహోవ తనయ యెటుల నీకుఁ

నుతు లొనర్తుము పటుతర పాపంబులనెడి పంకమందుఁజిక్కి మదిని

దిటముఁ జెడిన మమ్ముఁ బ్రోచి దిక్కుఁజూపినట్టి యేసూ ||యెటుల||

1. పాపకూపమందు నుండగాఁ బాపావిమోచ దాపుఁజేర్చి కాపుఁ

జూపితి శాపగ్రస్తులైన మా శాపము విముక్తిఁజేయ నీ పవిత్ర రక్తమే

నా ప్రాపుగా నొసంగితివి ||యెటుల||

2. భార భరితమైన యాత్మల భారమున దీసి భూరి సౌఖ్యములతో

నింపను భారకుండ ఘోరమైన శ్రమలనొంది మరణమొంది తిరిగిలేచి

నీవు ధాత్రి మహిమ నొందినట్టి దేవా ||యెటుల||

3. నీతిహీనులమై యుండఁగా నో కర్త మాదు బీతులన్నిఁబాపి నీ కృపన్

నీతి రక్షణవస్త్రములను భాతిగ ధరింపజేసి భూతలంబునందు నిన్ను

ఖ్యాతిగ సేవింపఁజేసితి ||యెటుల||

4. నిన్నుఁజేరి నిర్చలుండనై యీ భూమియందు నిన్నుఁ బోలి

నడుచుకొనుటకై తిన్నని మార్గమును జూపి అన్ని కీడులను జయింపఁ

బన్నుఁగ విమలాత్మశక్తి నున్నతముఁగ నిడిన యేసూ ||యెటుల||

5. పరమ రాజ్యమందు నిరతము నీతోడనుండఁ కరుణతోడ నెంచుకొంటివి

తిరిగి వచ్చి మమ్మును మీ చిరప్రకాశ పురమునందుఁ త్వరగఁ

జేర్చియందు సుఖము దిరముగా నొసంగుదేవ ||యెటుల||

Vyoma Simhasanasthuda Song Lyrics

2025-06-09T18:18:00.005+05:30

ఆంధ్ర క్రైస్తవ కీర్తనలు

Song: #22

వ్యోమ సింహాసనస్థుఁడ యుర్వి పాదపీఠస్థుఁడ మామకీన దయా

మయుఁడ మమ్ముఁగావుమో దేవుఁడ ||వ్యోమ||

1. అంతరిక్ష లోకదీప యద్భుతాదృశ్య స్వరూపా యింత నీ మహిమనోప

నెంతది నా నాల్క చూప ||వ్యోమ||

2. గాలి ఱెక్కల పైనెక్కి గాఢాంధకారమునందు నేలికవై సంచరించు

నట్టి నిన్ను మ్రొక్కుచుందు ||వ్యోమ||

3. నీతి న్యాయ దీర్ఘశాంతా నిర్మల దయా నితాంతా

ప్రీతినుంచవే శ్రీమంతా పెద్దఁగా నా కాలమంతా ||వ్యోమ||

4. సర్వ భూలోక పూజితా సత్య సద్గుణ రాజితా గర్వ దుస్స్వభా

వాహితా కావునాన్ని నాట పితా ||వ్యోమ||

5. నమ్మిన యీనన్నఁ తూల నాడవు దీనాత్మపాలా

క్రమ్మి నీ ప్రేమతోఁ జాల బ్రోతువు దయాలా వాలా ||వ్యోమ||

Thrithvamai Nithyathvamuna Song Lyrics

2025-06-09T16:55:00.001+05:30

ఆంధ్ర క్రైస్తవ కీర్తనలు

Song: #21

త్రిత్వమై నిత్యత్వమున నేకత్వమగు దేవా నీ సత్యసామర్థ్యత్వముల

నిజ తత్వము గణించి నిను నిత్యము స్తుతించెదను ||త్రిత్వమై||

1. ఎల్లలోకంబుల సృజించిన చల్లని తండ్రి నా యుల్లమున నీ గొప్ప వింత

లెల్ల సంతసిల్ల శోభిల్లఁ దలంచెదను ||త్రిత్వమై||

2. వాసి కెక్కిన పరమరాజ్యని వాసమును విడిన శ్రీ యేసునాధుండను

కుమారా దోషుల దోసంబులెల్లఁ గాచి రక్షించినావు ||త్రిత్వమై||

3. ఆదరణకారుండ వగు శుద్ధాత్ముడా దేవా యామోద నామము

నంపఁబడి యేసు నాధుని సుబోధ లెల్ల బోధపరచి పాదుకొల్పు ||త్రిత్వమై||

4. ఓపితా సుతా శుద్ధాత్మ ఒక్క దేవుఁడవు ఎల్ల పాపులను రక్షింప

మిగుల నోపికతో నాపదలు బాపి కృపఁ జూపినావు ||త్రిత్వమై||

Parishudha Parishudha Song Lyrics

2025-06-05T16:18:00.003+05:30

ఆంధ్ర క్రైస్తవ కీర్తనలు

Song: #20

పరిశుద్ధ పరిశుద్ధ – పరిశుద్ధ ప్రభువా (2)

వరదూతలైనా నిన్ – వర్ణింప గలరా

వరదూతలైనా నిన్ (3) వర్ణింప గలరా

1. పరిశుద్ధ జనకుడ – పరమాత్మ రూపుడ (2)

నిరుపమ బలబుద్ధి – నీతి ప్రభావా

నిరుపమ బలబుద్ధి (3) నీతి ప్రభావా

2. పరిశుద్ధ తనయుడ – నర రూప ధారుడ (2)

నరులను రక్షించు – కరుణా నముద్రా

నరులను రక్షించు (3) కరుణా నముద్రా

3. పరిశుద్ధ మగు నాత్మ – వరము లిడు నాత్మ (2)

పరమానంద ప్రేమ – భక్తుల కిడుమా

పరమానంద ప్రేమ (3) భక్తుల కిడుమా

4. జనక కుమారాత్మ – లను నేక దేవ (2)

ఘన మహిమ చెల్లును – దనర నిత్యముగా

ఘన మహిమ చెల్లును (3) దనర నిత్యముగా

Chooda Goredha Song Lyrics

2025-06-05T16:13:00.004+05:30

ఆంధ్ర క్రైస్తవ కీర్తనలు

Song: #19

చూడ గోరెద దేవ మందిరావరణములను చూడ గోరెద

చూడ నాకు నాశ గలదు సుందరావరణములవి

చూడ నాదు ప్రాణమెంతో సొమ్మసిల్లుచున్నదహా ||చూడ||

1. నీదు నివాసములు జూడ నెంతో రమ్యమై తనర నాదు హృదయమునకు

నానంద మిచ్చు నిపుడు నెపుడు ||చూడ||

2. జీవము గల ప్రభుని జూడ జీవి నాలో కేక వేసె కోవెలలకు దొఱికె

గూటి తావు నీ మందిరమున ||చూడ||

3. పిచ్చుకలకు దొఱికె స్థలము ముచ్చట బలిపీఠ మెదుట పెట్టు

కుతూహలముతోను పిల్లల నవి మందిరమున ||చూడ||

4. నీదు మందిరంబులోన నిత్యవాసులైనవారు నిక్కముగను ధన్యులగుచు

నిన్ను నన్నుతింతు రహా ||చూడ||

5. ప్రభుని వలన బలము నొందు ప్రజలు ధన్యులగుదు రిల

ప్రాణ ప్రియము యాత్ర సేయు ప్రజల మార్గ మమర ధరను ||చూడ||

6. నీదు యావరణములలో నేను నొక్క దినము గడుప నెంతో విలువ గల

నాకు వేయినాళ్ల బ్రతుకు కన్న ||చూడ||

7. కానరండు మనము నిపుడె మనము లలర ప్రభుని జూడ మందిరమున

కేగి నిండు మనశ్శాంతి బొంది బ్రతుక ||చూడ||

Koodukoni Yunnamu Song Lyrics

2025-06-05T16:09:00.005+05:30

ఆంధ్ర క్రైస్తవ కీర్తనలు

Song: #18

కూడికొని యున్నాము సంఘ ప్రభో కూడికొని యున్నాము తోడ

నుండెద ననుచు నమ్ముచు దొడ్డ దగు నీ పాద సన్నిధి ||కూడికొని||

1. ఎచట నా ప్రియ భక్తులెలమిఁ గూడియున్న నచటికి నేతెంతునని పల్కితి

విచట నుండు మమ్ము వీక్షించి కృపచేత నిపుడు దీవించు

మీ యేసు క్రీస్తునాధా ||కూడికొని||

2. గత కాలమందున గాని చేఁతలచే దుర్గతి నొంది యుండఁగాఁ

గనుఁగొంటివి శత సంఖ్య గల పాపచయ మీవు క్షమియించి యతి

శాంతి నిడితివి యాత్మస్వరూపా ||కూడికొని||

3. నిరతము నీ ప్రేమ నెనరున ధ్యానించి పరమ ధర్మములందుఁ బరతఁ

గల్గి యరులకు శుభములు నిరతంబుఁ జేయఁగఁ దిరత మా కొసఁగుము

దేవుని ప్రియ తనయా ||కూడికొని||

4. అన్ని శోధనముల నన్ని విపత్తుల నన్ని కాలములందు నాదరించి

నిన్ను నమ్మిన జనుల నీ సందిటను జేర్చి పన్నుగఁ గాపాడు

ప్రభు యేసు క్రీస్తు ||కూడికొని||

5. అమలుఁడ నగు నన్ననుకరించుండనుచు నాన తిచ్చినాఁడ వాత్మజులకు

నమల మార్గము నందు నరుగంగ మాకీవు విమలాత్మ దయసేయు

వేగంబు మా తండ్రీ ||కూడికొని||

Yehova Bajana Cheyudi Song Lyrics

2025-06-05T16:04:00.005+05:30

ఆంధ్ర క్రైస్తవ కీర్తనలు

Song: #17

యెహోవా భజన చేయండి పాప నరులారా యీ రీతి మరచి

పోకండి ||యెహోవా||

1. యేసు పేరిట ప్రార్ధనంబు మన దోసములను బోగొట్టను వెరవు

భాసుర పరలోక సుఖము కోటి బాధలు మనకున్న సంతోషకరము ||యెహోవా||

2. యేసు క్రీస్తును గొలువండి యేసు దాసులతో వాదము లాడకండి

మోసపు దారి విడువండి దోష రాసుల నుర్విలోఁ జేసికొనకండి ||యెహోవా||

3. జీవ రక్షకుని నమ్మండి నిత్య సేవలో మెలఁగక చెడిపోకండి

భావించి యాత్మన్ వేఁడండి దేవ దేవుని నెడఁబాసి తెరవు విడకండి ||యెహోవా||

4. మాయ లోకపు భ్రాంతుల్విడిచి మనుష్యాయువు భువిలోన

జెల్లుటఁ దలఁచి మాయ మార్గము లెల్ల మరచి మోక్ష మార్గము మన

మున మరవక తలఁచి ||యెహోవా||

5. కాయము నొసఁగిన ప్రభుని యయిదు గాయంబు లాత్మలోఁ

గానంగ రాదా ఆయు వస్థిర మని తెలిసి మీరు కాయ మాత్మయు

నిపుడు కర్తకు నిచ్చి ||యెహోవా||

Yehova Naa Mora Song Lyrics

2025-06-05T15:59:00.002+05:30

ఆంధ్ర క్రైస్తవ కీర్తనలు

Song: #16

యెహోవ నా మొర లాలించెను

దన మహా దయను నను గనించెను

అహర్నిశల దీనహీనుడగు నా

దు హాయనెడు ధ్వని గ్రహించి మనిపెను ||యెహోవ||

1. పిశాచి గడిమి బడగొట్టెను

దన వశాన నను నిలువ బెట్టెను

ప్రశాంత మధుర సు విశేష వాక్ఫల

నిశాంతమున జే ర్చి సేద దీర్చెను ||యెహోవ||

2. మదావలము బోలు నా మదిన్

దన ప్రదీప్త వాక్యం కూశా హతిన్

యధేచ్చలన్నిటి గుదించి పాపపు

మొదల్ తుదల్ నరి కి దరికి జేర్చెను ||యెహోవ||

3. అనీతి వస్త్ర మెడలించెను

యే సునాథు రక్తమున ముంచెను

వినూత్న యత్నమే ద నూని యెన్నడు

గనన్ వినన్ బ్రే మ నాకు జూపెను ||యెహోవ||

4. విలాపములకు జెవి నిచ్చెను

శ్రమ కలాపములకు సెలవిచ్చెను

శిలానగము పై కిలాగి నను సుఖ

కళావళుల్ మన సులోన నిలిపెను ||యెహోవ||

5. అగణ్య పాపియని త్రోయక

న న్ను గూర్చి తన సుతుని దా చక

తెగించి మృతి కొ ప్పగించి పాపపు

నెగుల్ దిగుల్ సొగ సుగా నణంచెను ||యెహోవ||

Naa kemi kodhuva Song Lyrics

2025-06-05T15:54:00.003+05:30

ఆంధ్ర క్రైస్తవ కీర్తనలు

Song: #14

నాకేమి కొదువ నాధుఁడుండ నిఁక శ్రీకరుండగు దేవుడే నా

శ్రేష్ట పాలకుఁడు నా యేక రక్షకుఁడు గనుక ||నాకేమి||

1. తనివి దీర మేళ్లనుభవింప నేను నను సదా మేళ్లనెడి పచ్చిక

నదిమి మృదువుగఁ బండు కొనఁజేయును గనుక ||నాకేమి||

2. ఎంత శోధన యెండ యున్న నాకు నెంతకు నోరిగర దెపుదు

శాంత జలములు నా చెంతనే యుండు గనుక ||నాకేమి||

3. తప్పిపోయిన నన్ దారిం బెట్టి నన్ను తెప్పరిల్లఁజేసి నాకుఁ దీరు

నలసటను నా తప్పు మన్నించున్ కనుక ||నాకేమి||

4. నీతి మార్గమునన్ నిల్పున్ నన్ను ప్రభువు నీతి లేని నాకుఁ దనను

నీతి దయ చేయున్ స్వ నీతిని ద్రుంచున్ గనుక ||నాకేమి||

5. చావు చీఁకట్ల శక్తియుండు ఆహా లోయలోఁబడి పోవలసినను

నే వెరవకుందు నా దేవుండే తోడు గనుక ||నాకేమి||

6. మీఁదఁబడునట్టి శోధనలన్ ధరను నా దరికి రానీక దండము

నన్ను బ్రోచుచును నా కాదరణ యౌను గనుక ||నాకేమి||

7. పగవారల్ సిగ్గు పడునట్లుగ నా జగము యెరుఁగని సౌఖ్యభో జన

మగపరుచును హా తగినదే పెట్టున్ గనుక ||నాకేమి||

8. తన యాత్మానంద తైలంబుతో ప్రభువు ననుదినము తలయంటి

విసుగ కొనక తుడుచును నా కన్నీళ్లన్ని గనుక ||నాకేమి||

9. పలువిధములైన భాగ్యములతో తండ్రి వెలుపలికి దిగవెడలునట్టి వెల

గల గిన్నె నా కలిమిగాఁ జేయున్ గనుక ||నాకేమి||

10. బ్రదుకంతటన్ గృ పాక్షేమములు నా వదలకుండగ వచ్చు

నాతో సుదినములు గల్గ నా పదలు సంపదలౌ గనుక ||నాకేమి||

11. దురితంబు లుండు ధరణి నాకు నిజము నిరవు కాఁదిక నెప్పటికి

నా పరమ దేవుని మందిరమె నా యిల్లు గనుక ||నాకేమి||

Naa Kaala Gatulevvi Song Lyrics

2025-06-05T15:18:00.002+05:30

ఆంధ్ర క్రైస్తవ కీర్తనలు

Song: #13

నా కాలగతు లెవ్వి నా చేతులను లేవు నాదు దేవ యెపుడు నీకే

వాని మీద నిత్యాధికారంబు నిల్చియుండు ||నా||

1. తల్లిగర్భంబున దసర సృజించితివి ధరణి నన్ను నీవు తల్లికన్నను

మిగుల దయచేతఁ జూచితివి తండ్రి నన్ను ||నా||

2. పాప కూపమునందుఁ బడియుండఁగా నన్నుఁ బారఁజూచి

చేయి చాపి యేసునిద్వార చక్కఁగాఁదెచ్చితివి చాలు దేవా ||నా||

3. సుఖఃదుఖ కాలములు శోధింపఁ బంపుదువు శోభాయుక్త నాకు

సుఖముఁ గల్గజేయు సొంపుగ వానిచే స్థూల శక్తి ||నా||

4. సకల కాలంబులఁ జక్కఁగ లోఁబడి నన్నుతింతు నన్ను

ఆకలంకునిగాఁ జేయు మనుచు వేఁడుచునుందు నధికాసక్తి ||నా||

Deva samsthuthi Song Lyrics

2025-06-05T15:16:00.001+05:30

ఆంధ్ర క్రైస్తవ కీర్తనలు

Song: #12

దేవ సంస్తుతి చేయవే మనసా

శ్రీ-మంతుడగు యెహోవ సంస్తుతి చేయవే మనసా

దేవ సంస్తుతి చేయుమా నా – జీవమా యెహోవా దేవుని

పావన నామము నుతించుమా – నా యంతరంగము

లో వసించు నో సమస్తమా ||దేవ||

1. జీవమా, యెహోవా నీకు – జేసిన మేళ్ళన్ మరువకు (2)

నీవు చేసిన పాతకంబులను – మన్నించి జబ్బు

లేవియున్ లేకుండ జేయును – ఆ కారణముచే ||దేవ||

2. చావు గోతినుండి నిన్ను – లేవనెత్తి దయను గృపను (2)

జీవ కిరీటముగ వేయును – నీ శిరసు మీద

జీవ కిరీటముగ వేయును – ఆ కారణముచే ||దేవ||

3. యవ్వనంబు పక్షిరాజు – యవ్వనంబు వలెనే క్రొత్త (2)

యవ్వనంబై వెలయునట్లుగా – మే లిచ్చి నీదు

భావమును సంతుష్టిపరచునుగా – ఆ కారణముచే ||దేవ||

4. ప్రభువు నీతి పనులు చేయును – బాధితులకు న్యాయ మిచ్చున్ (2)

విభుండు మార్గము తెలిపె మోషేకు – దన కార్యములను

విప్పె నిశ్రాయేలు జనమునకు – ఆ కారణముచే ||దేవ||

5. అత్యధిక ప్రేమ స్వరూపి-యైన దీర్ఘ శాంతపరుండు (2)

నిత్యము వ్యాజ్యంబు చేయడు – ఆ కృపోన్నతుడు

నీ పయి నెపుడు కోప ముంచడు – ఆ కారణముచే ||దేవ||

6. పామరుల మని ప్రత్యుపకార – ప్రతి ఫలంబుల్ పంపలేదు (2)

భూమి కన్న నాకాసంబున్న – ఎత్తుండు దైవ

ప్రేమ భక్తి జనులయందున – ఆ కారణముచే ||దేవ||

7. పడమటికి తూర్పెంత ఎడమో – పాపములను మనకు నంత (2)

ఎడము కలుగజేసియున్నాడు – మన పాపములను

ఎడముగానే చేసియున్నాడు – ఆ కారణముచే ||దేవ||

8. కొడుకులపై తండ్రి జాలి – పడు విధముగా భక్తిపరుల (2)

యెడల జాలి పడును దేవుండు – తన భక్తిపరుల

యెడల జాలిపడును దేవుండు – ఆ కారణముచే ||దేవ||

9. మనము నిర్మితమయిన రీతి – తనకు దెలిసియున్న సంగతి (2)

మనము మంటి వారమంచును – జ్ఞాపకము చేసి

కొనుచు కరుణ జూపుచుండును – ఆ కారణముచే ||దేవ||

10. పూసి గాలి వీవ నెగిరి – పోయి బసను దెలియని వన (2)

వాస పుష్పము వలెనె నరుడుండు – నరు నాయువు తృణ

ప్రాయము మన దేవ కృప మెండు – ఆ కారణముచే ||దేవ||

11. పరమ దేవ నిబంధ నాజ్ఞల్ – భక్తితో గైకొను జనులకు (2)

నిరతమును గృప నిలిచి యుండును – యెహోవ నీతి

తరములు పిల్లలకు నుండును – ఆ కారణముచే ||దేవ||

Choo Choo Chunnamu Nee Vaipu Song Lyrics

2025-06-05T14:58:00.004+05:30

ఆంధ్ర క్రైస్తవ కీర్తనలు

Song: #11

చూచుచున్నాము నీ వైపు

మా ప్రియ జనక – చూచుచున్నాము నీ వైపు

చూచుచు నీ ప్రేమ – సొంపు సువార్తను

జాచుచు గరములు – చక్కగా నీవైపు ||చూచు||

1.మేమరులమై యుంటిమి

మార్గము వీడి – మేమందరము పోతిమి

ప్రేమచే నప్పుడు – ప్రియ తనయు నంపించి

క్షేమ మార్గము మాకు – బ్రేమను జూపితివి ||చూచు||

2. నిను నమ్ము పాపులకు

వారెవరైనా – నీ శరము జొచ్చువారలకు

ఇనుడవు కేడెంబు – నీ జగతిలో నగుచు

గనుపరచుచుందువు – ఘనమైన నీ కృప ||చూచు||

3. నీ భయము మాయెదలను

నిలుపుము నీదు – ప్రాభవ మొనరంగను

నీ భయముచే మేము – వైభవ మొందుచు

నే భయము లేకుండ – నీ భువిని గొన్నాళ్ళు ||చూచు||

4. దయ జూచి మము నెప్పుడు

మంచివి యన్ని – దయచేయు మెల్లప్పుడు

దయచేయరానివి – దయచేయుమని కోర

దయ జూపి మన్నించు – దయగల మా తండ్రి ||చూచు||

Entha Prema Yentha Prema Song Lyrics

2025-06-05T00:25:00.001+05:30

ఆంధ్ర క్రైస్తవ కీర్తనలు

Song: #10

ఎంత ప్రేమ యెంత ప్రేమ యెంత ప్రేమయా దేవుఁడెంత

గొప్ప ప్రేమయై వెలుంగుచుండునే ||ఎంత||

1. ఎంత లోతు ఎంత నిడివి యెంత విరివయా దాని నింత యంతయని

వచించు మనుజుఁ డెవ్వఁడు ||ఎంత||

2. మనమునఁ దలపోయ నూహకంద దెంతయున్ దానిఁ జనువుఁగ

జగమందుఁ బొగడ మాట లందవే ||ఎంత||

3. దేవదూతలైన దానిఁ బాడలేరట యింక దేవుఁడే తన సుతు నొసంగి

ఇంత యది యనెన్ ||ఎంత||

4. ఇంత గొప్ప ప్రేమఁ జూప నూరకుందునే ప్రభు జెంతఁజేరి సంత

తంబు ప్రీతిఁ జేసెదన్ ||ఎంత||

Prabalamugane Song Lyrics

2025-06-05T00:20:00.005+05:30

ఆంధ్ర క్రైస్తవ కీర్తనలు

Song: #09

ప్రబలముగనే ప్రస్తుతించెద ప్రభుని కృపలన్ని ప్రతి దినము

నిను ప్రచురపరచెద ప్రభుడ నావిభుడా ||ప్ర||

1. పొందుగోరి నా యందు నిలిచిన బంధుమిత్రుడవు మందమతి

కా నందమొసగిన మహిమతేజుడవు ||ప్ర||

2. చింతదీర్చి నా భ్రాంతి మార్చితి వెంత వింతదియో స్వాంతమున

కడు శాంతిగూర్చితి వెంత కరుణదియో ||ప్ర||

3. నీతి కరపిన జాతి మరపిన ఖ్యాతి యేసునిదే నీరసుడ నను

గారవించిన నీతిరాజితడే ||ప్ర||

4. జీవమిచ్చిన జావవచ్చిన దేవసుత నీవే జీవదాయక బ్రోవరా యిక

జాలమేలనురా ||ప్ర||

5. నిమిషనిమిషము నిను భజించెద నెమ్మనంబునను శమదమాది

సుగుణశోభిత సమ్మదిని నిమ్మా ||ప్ర||

Sarva Shakthuni Song Lyrics

2025-06-05T00:15:00.005+05:30

ఆంధ్ర క్రైస్తవ కీర్తనలు

Song: #08

సర్వశక్తుని స్తోత్రగానము

సల్పరే జగమెల్లను

నిర్వహించును దాస భారము

నిత్యమెద రాజిల్లను (2) ||సర్వ||

1. ముదముతో నిర్మానకుండగు

మూల కర్తను బాడరే

వదన మీక్ష్మాన్వoచి దేవుని

వందనముతో వేడరే (2) ||సర్వ||

2. వేదపారాయణము సేయుచు

విశ్వమంత జయింపరే

సాదరముగా దేవు నిక మీ

స్వాoతమున బూజింపరే (2) ||సర్వ||

3. ఎదను విశ్రాంతిన్ పరేశుని

హెచ్చుఁగా నుతి జేయరే

సదమలంబగు భక్తితో మీ

సర్వ మాయన కీయరే (2) ||సర్వ||

4. చావు పుట్టుక లేనివాడుగ

సంతతము జీవించును

ఈవులిచ్చుచు దన్ను వేడు మ-

హేష్టులను రక్షించును (2) ||సర్వ||

5. దాసులై దేవునికి నెదలో

దర్పమును బోగాల్పరే

యేసుక్రీస్తుని పుణ్య వస్త్రము

నే మరక మైదాల్పరే (2) ||సర్వ||

Sannuthinthumo Prabho Song Lyrics

2025-06-05T00:12:00.000+05:30

ఆంధ్ర క్రైస్తవ కీర్తనలు

Song: #07

1. సన్నుతింతుమో ప్రభో

సదమలమగు భక్తితో (2)

కన్న తండ్రి కావుమా (2)

కలుషము నెడబాపుమా ||సన్నుతింతుమో||

2. నీతి సూర్య తేజమా

జ్యోతి రత్న రాజమా (2)

పాతక జన రక్షకా (2)

పతిత పావన నామకా ||సన్నుతింతుమో||

3. మానవ సంరక్షకా

దీన నిచయ పోషకా (2)

దేవా మానవ నందనా (2)

దివ్య సుగుణ మందనా ||సన్నుతింతుమో||

4. ప్రేమ తత్వ బోధకా

క్షేమ దాత వీవెగా (2)

కామిత ఫలదాయక (2)

స్వామి యేసు నాయక ||సన్నుతింతుమో||

5. పాప చింతలన్నిటిన్

పారదోలుమో ప్రభో (2)

నీ పవిత్ర నామమున్ (2)

నిరతము స్మరియించెదన్ ||సన్నుతింతుమో||

Bheekarundau Ma Yehova Song Lyrics

2025-06-04T23:20:00.001+05:30

ఆంధ్ర క్రైస్తవ కీర్తనలు

Song: #06

భీకరుండౌ మా యెహోవా – పీఠ మెదుటన్ గూడరే

ఏకమై సాష్టాంగపడి సర్వేశ్వరుని గొనియాడరే ||భీకరుండౌ||

1. మట్టితోనే మమ్ము నెల్ల – మానవులుగ సృజించెను

ఇట్టి శక్తుండౌ ప్రభున్ మే-మెచ్చుగా మది నెంతుము || భీకరుండౌ ||

2. ఏరితోడు లేక మము స-ర్వేశ్వరుడు సృష్టించెను

ధారుణిన్ దానొక్కడే మా – దైవమని పూజింతుము || భీకరుండౌ ||

3. పుట్టగిట్టన్ జేయ దానై – నట్టి దేవుని శక్తిని

బట్టుగా లోకస్తులారా – ప్రస్తుతింపరే భక్తిని || భీకరుండౌ ||

4. మేటి సంగీతంబులపై – మింట నారవ మొందను

జాటరే వేవేల నోళ్ళన్ – సన్నుతుల్ ప్రభు వందను || భీకరుండౌ ||

5. మిక్కిలి కష్టంబులతో – మిత్తికిని బాల్పొందను

దిక్కు లేని గొర్రెలట్లు – దిరుగ జేర్పన్ మందను || భీకరుండౌ ||

Neethigala Yehova Sthuthi Song Lyrics

2025-06-04T23:15:00.003+05:30

ఆంధ్ర క్రైస్తవ కీర్తనలు

Song: #05

నీతిగల యెహోవా స్తుతి మీ – ఆత్మతో నర్పించుడి

మీ ఆత్మతో నర్పించుడి – దాతయవు మన క్రీస్తు నీతిని

దాల్చుకొని సేవించుడి ||నీతి||

1. చదల బుడమియు రవియు జలధియు – నదులు గిరులును జక్కగా

సదమలంబగు దైవ నామము – సర్వదా నుతి జేయును ||నీతి||

2. సర్వశక్తుని కార్యముల కీ – సర్వ రాష్ట్రము లన్నియు

గర్వములు విడి తలలు వంచుచు – నుర్విలో నుతిజేయను ||నీతి||

3. గీత తాండవ వాద్యములచే – బ్రీతి పరచెడు సేవతో

పాతకంబులు పరిహరించెడు – దాతనే సేవించుడి ||నీతి||

4. పరమ దూతలు నరులు పుడమిని – మొరలుబెట్టుచు దేవుని

పరము నందున్నట్టి యేసుని – పాదములు సేవింతురు ||నీతి||

5. ఇలను భక్తులు గూడుకొనియా – బలము గల్గిన దేవుని

వెలయు స్తుతి వే నోళ్ళతోడను – విసుగు జెందక జేయుడి ||నీతి||

6. ఆత్మ నీవిక మేలుకొని శు – ధ్ధాత్మ యేసుని దండ్రిని

త్రిత్వమగునా యేక దేవుని – హర్షమున సేవింపవే ||నీతి||

Devaa Divyanantha Prabhaava Song Lyrics

2025-06-04T22:38:00.006+05:30

ఆంధ్ర క్రైస్తవ కీర్తనలు

Song: #04

దేవా దివ్యానంత ప్రభావ మాంపాహి ఘన యెహోవా

స్థావర జంగమ సహిత నిఖిల జగ దావన పావన భావ నిరంతర ||దేవా||

1. సార కారుణ్యపారా వారా సర్వజ్ఞ నిర్వి కారా యేసు

నామావతారా దీన జనోపకారా ఘోరమైన సంసారటవిఁ

బడి దారిఁ గనని ననుఁ జేరఁబిలిచితివి ||దేవా||

2. అక్షీణ విభవానంద మోక్ష రాజ్య మహిమాధ్యక్ష సంతత

సుజన రక్షా కపట దుర్మనుజ శిక్షా పక్ష విపక్ష విలక్షణ రహిత

కటాక్షము నాదెస దీక్షను నిలుపవె ||దేవా||

3. సుందరాశ్చర్య గుణ బృందా బంధుర నిత్యానందా సాధు

సజ్జన వంద్యా ఖందిత కలుష బృందా మంద మతిని నా

దెందము కడుఁదెలి వొందఁ జేసి నీ యందు నిలుపఁ గదె ||దేవా||

4. నీవు నన్ను సృష్టించి నావు నా గురురాడ్దేవుఁ డవు క్రీస్తు యేసుని

చావు వలన నన్మనిపి నావు పావన జనక సుతాత్మలతోడను

గేవల మొక్కఁడ వై వెలిఁగెడి ప్రభు ||దేవా||

5. ప్రేమ స్వరూప నిత్య క్షేమ పతిత పావన నామ దాస లోకాబ్ధి

సోమ సర్వేశ పరమ ధామ నేమ మెఱుంగని నీచుఁడ

నధముఁడ నోమహాత్మ దయతో మన్నింపవె ||దేవా||

Yesu Naayakunda Song Lyrics

2025-06-04T22:27:00.011+05:30

ఆంధ్ర క్రైస్తవ కీర్తనలు

Song: #03

యేసు నాయకుడ - యెల్ల వేళలను నీ – దాసుల
నేలుమయ్యామోసము లన్నిటి – మునగద్రోతునని – బాసుల జేసిన – ప్రభుడవు నీవెగా

1. రేయింబవలు మా – న్యాయము చెరిపెడి – మాయ పిశాచిని
త్రోయుమి దూరము – బాయక భక్తుల – చేయి విడువని బహుశ్రేష్టుడ నీవెగా

2. హృదయము లోకము - మది పాపము మమ్ము – సతతము శ్రమ పెట్టును
సదయుడ మమ్మును – వదలక నిత్యము – మది తలపులలో – మహిమగ నేలుమీ

3. కాపాడుమి మమ్ము – మాపు రేపు నీ – శ్రీ పాదము లోద్దను
ఏ పాపములను ఎలకుండగ నీ – ప్రాపునబెంచుము – మాపాలకుడవో

4. మా కొరకై నీ – మేనును మ్రానున – మేకులతో గోట్టగ
మానము మహిమలు – మనుజుల కియ్యను – భానుడ రాజుగ – బ్రతికిలేచితివి

5. చెఱను చెఱనుగా – మరి పట్టుక నీవు – పరమున కరిగితివే
వరముల నిడితివి – ధరలో నరులకు – పరముడ నీ దయ మరువశక్యమా

Gaanamu Jeyudu Song Lyrics

2025-06-04T20:37:00.009+05:30

ఆంధ్ర క్రైస్తవ కీర్తనలు

Song: #02

గానముఁ జేయుఁడు సుకీర్తనను యెహోవాను గూరిచి క్రొత్తఁ గాను రక్తిగను ||గానము||

1. తన్నామము నుతించి యతని రక్షఁ జెన్నుఁగ సారెఁ బ్రసిద్ధముఁ

జేసి పన్నుగ నన్యులలో దన్మహిమ యం దున్నత చిత్రములను

జాటండి ||గానము||

2. ఘనతయు మహత్మ్యమును దద్ఘనని యెదుటనుండు ఘనబలమును

వినతమౌ సౌందర్యమును నతనివి నిర్మల స్థలమున విలసిల్లు ||గానము||

3. పరిశుద్ధాలంకారముతో నా పరమాత్మారాధన పరులై యుండండి

ధరణి సకల జనులారా లోక గురుని యెదుట భీతిఁ గొనుచు నుండండి ||గానము||

4. పరిపాలించుచున్నాఁడనుచు తోడి నరులతోఁజెప్పుఁడిద్ధరఁ గదకుండ

స్థిరముగఁ జేయు సత్యముగా జనుల కరిమురిగాను న్యాయము

విమర్శించు ||గానము||

5. ఏమనిన నా మహాత్ముండు వచ్చు నీ మహికి న్యాయము నేర్పరచుటకు

భూమిజనులకు నీతి సత్యములథో మించు న్యాయము విమర్శించు ||గానము||

6. జనులారా యా యెహోవాకు మహిమను బలమును సమర్పణము

జేయండి వినయముతోఁ గానుకలను తీసి కొని తత్ప్ర్రాకారమందున

వసియింపండి ||గానము||

Anni Kalamubula Nunna Yehova Song Lyrics

2025-06-04T17:50:00.013+05:30

ఆంధ్ర క్రైస్తవ కీర్తనలు

Song: #01

అన్ని కాలంబుల నున్న యెహోవా ని నెన్నఁదరంబయో కన్న
తండ్రి వన్నె కెక్కిన మోక్ష వాసాళి సన్నుతు లున్నతమై

యుండ మున్నె నీకు ||నన్ని||

1. నిన్నుఁ బ్రకటన సేయ నిఖిల లోకములను బన్నుగఁ జేసిన బలుఁడ

వీవె ఉన్న లోకంబుల -నుడుగక కరుణా సం-పన్నతతో నేలు

ప్రభుఁడ వీవె అన్ని జీవుల నెఱిఁగి యాహార మిచ్చుచు నున్న సర్వజ్ఞుం

డవు నీవే ఎన్న శక్యముగాక ఉన్న లక్షణముల సన్నుతించుటకు

నేఁ జాలుదునా ||యన్ని||

2. పుట్టింప నీవంచుఁ బోషింప నీవంచుఁ గిట్టింప నీవంచు గీర్తింతును

నట్టి పనికి మాలి నట్టి మానవుల చే పట్టి రక్షింపం బాధ్యుండ వంచు

దట్టమైన కృపను దరిఁజేర్చ నాకిచ్చి పట్టయి నిలచియుండు ప్రభుఁడ

వంచుఁ గట్టడచేఁ గడ ముట్టుదనుక నా పట్టుకొలఁది నిన్నుఁ బ్రస్తు

తింతు ||నన్ని||

3. కారుణ్యనిధి వీవు కఠినాత్ముఁడను నేను భూరి శుద్ధుఁడ వీవు పాపి

నేను సార భాగ్యుడ వీవు జగతిలో నాకన్న దారిద్రుఁడే లేఁడు

తరచి చూడ సార సద్గుణముల సంపన్నుఁడవు నీవు ఘోర దుర్గుణ

సంచారి, నేను ఏ రీతి స్తుతియింతు నే రీతి సేవింతు నేర మెన్నక

ప్రోవ నెర నమ్మితి ||నన్ని||

Fire Destroys Krupa Samajam Church in Mangalagiri, Vijayawada

2025-06-03T14:02:00.001+05:30

The ceiling structure is heavily charred and partially collapsed, with exposed beams and debris scattered across the floor. | Courtesy: Poster Enosh Kumar Instagram

A catastrophic fire has gutted Krupa Samajam Church in Mangalagiri, Vijayawada, Andhra Pradesh, leaving the recently constructed building in ruins. Dedicated on December 20, 2023, the church had just celebrated its first anniversary before the blaze caused extensive damage to the premises.

Preliminary reports suggest the fire may have been triggered by an electrical short circuit, though Pastor Bethu Vivek and Brother Prashanth have raised concerns about possible foul play, stating, "We don’t know exactly what happened. Only God knows the truth." Local authorities are actively investigating to determine the exact cause of the incident.

The dais or stage area, typically used for sermons or events, is visible at the center, heavily impacted by the fire with blackened surroundings and scattered rubble. | Courtesy: Poster Enosh Kumar Instagram

Fire services responded swiftly to contain the blaze, preventing further destruction, and fortunately, no casualties were reported. The church community and local residents are reeling from the loss, expressing deep sorrow over the destruction of the spiritual hub. Many are calling for thorough safety inspections to prevent similar incidents in the future.

The Krupa Samajam Church, a beacon of hope for its congregation, now faces an uncertain future as the community rallies for support. Authorities have promised a detailed investigation, with updates expected as more information becomes available.

View this post on Instagram

A post shared by Krupa Samajam (@krupasamajam)

Courtesy: Krupa Samajam Instagram