பிரபஞ்சப்ரியன்

என்றென்றும் ராஜா.[கடைசி பாகத்துடன் Updated]

2012-01-26T23:44:00.000Z

பழையப் படம்... சும்மா ஒரு ஜாலிக்கு...

சில விஷயங்கள் அபூர்வமாகத்தான் நிகழும் ... குறிஞ்சிப்பூ பூப்பதைப்போல! இசை ஞானியின் நேரடி இசை நிகழ்ச்சியும் அதுப்போலத்தான். நிகழ்ந்தேவிட்டது! எத்தனைக்கோடித் தமிழர்களின் கனவாக இருந்தது... நனவாக,நிஜமாக மாறியேவிட்டது! இசை ஞானியின் வாழ்வில் சமீபத்தில் நிகழ்ந்த துக்க நிகழ்வான அவரின் துணைவியார் திருமதி. ஜீவா அவர்களின் மறைவுக்குப் பிறகு அவர் பங்குபெற்ற இசை நிகழ்ச்சி என்பதால்,மிகவும் உணர்ச்சிப்பூர்வமாக எதிர்ப்பார்கப்பட்டது. ( 'ஒரு ஜீவன் அழைத்தது' பாடலின் இடையே அவர் தன் கண்ணீரை துடைத்துக்கொண்டபோது, நம் நெஞ்சம் கனக்கிறது.)

ஜெயா டிவி இந்த நிகழ்ச்சியை ஏற்பாடு, உலகத்தமிழர்களிடம் மீண்டும் ஒருமுறை கரகோஷத்தை பெற்றுள்ளது. உலக இசைஞானி ரசிகர்களின் சார்பாக, இந்த பகிர்வின் மூலமாக ஜெயா டிவி நிர்வாகத்துக்கு நமது நன்றிகளை தெரிவித்துக்கொள்ளுகிறோம்.

இப்போது நீங்கள் பார்க்கப்போது,ஜெயா டிவியின் 'என்றென்றும் ராஜா ' நிகழ்ச்சித் தொகுப்பை... எந்த விளம்பர தடங்கலுமில்லாமல்... யூ டியூப் வாயிலாக... இரண்டேப் பகுதிகளாக... நல்ல HD தரத்துடன்...!(அப்லோட் பண்ண நண்பருக்கு கோடி வணக்கங்கள்!) சுத்தத் தங்கத்துக்கு, சர்டிபிகேட் எதற்கு...?! வயலின்கள், செலோக்கள், கிட்டார்கள், கீ போர்டுகள், புல்லாங்குழல்கள், தபேலாக்கள், மிருதங்கங்கங்கள், மேளம், ஷேனாய்கள், டிரம்பெட்டுகள், ட்ரம்சுகள் போன்ற 'நிஜ' இசைக்கருவிகளின் மத்தியிலும், ஹங்கேரி நாட்டைச் சேர்ந்த மேற்க்கத்திய இசைக்கலைஞர்களுடன் நம்ம ஐயா பாலமுரளி, எஸ்.பி.பி., கே.ஜே.ஜே., சித்ரா, ஹரிஹரன்,உமா ரமணன், தீபன் போன்ற ஜாம்பவான்களின் இடையே, நம் இசைஞானியோடு கைக்கோர்த்து உலாவரலாம்...! வாங்க...!

போதும்...

ஸ்டார்ட் ம்யூஸிக் !

[480p resolution இல் வைத்து பாருங்கள் நண்பர்களே...!]

இதில் இன்னொரு கடைசி பாகமும் உள்ளது... நல்ல தரத்துடன்

தேடிக்கொண்டிரும்தேன்... கிடைத்தது அதே நண்பர் மூலமாக....

கடந்த இரண்டு பாகங்களைவிட இந்தப் பாகத்தில்தான் சுவாரசியம் அதிகம்....! ரசித்து

அனுபவியுங்கள் நண்பர்களே...!

என்றென்றும் ராஜா !

2012-01-25T10:32:00.000Z

போதும்...

ஸ்டார்ட் ம்யூஸிக் !

[460p resolution இல் வைத்து பாருங்கள் நண்பர்களே...!]

இதில் இன்னொரு கடைசி பாகமும் உள்ளது... நல்ல தரத்துடன்

தேடிக்கொண்டிரும்தேன்... கிடைத்தது அதே நண்பர் மூலமாக.... ஆனால் கொஞ்ச

குறைந்த தரத்தில்....ஆனால் நிகழ்ச்சியின் தரம் கடந்த இரண்டு பாகங்களைவிட இந்தப்

பாகத்தில் அதிகம்... நீங்களேப் பாருங்க...!

இந்தியா : புலிகளின் இராட்சியம் !

2011-10-12T23:38:00.000+01:00

[வேலைப்பளுவின் காரணமாக நீண்ட நாட்களாக பகிர்வுகளை வெளியிட
முடியாமல் போனதற்காக 'என்ன...எதுவென்று...?! ' ஒருவரும்
கேட்ட்கவில்லைஎன்றாலும் :-) , நண்பர் ரோம் நகர் செல்வராஜிடம் நான்
மன்னிப்புக் கேட்டே ஆகவேண்டும்! நண்பரே... நலமா?]

இந்தமுறை பகிரப்போவது 2002 இல் வெளிவந்த, 'இந்தியா : புலிகளின்
இராட்சியம் !' (India: The Kingdom of Tigers!) என்ற ஆவணப்படம். சும்மா
கேட்டாலே அதிரும்படியானத் தலைப்பு இல்லே ....! நானாக வைக்கவில்லை,
தானாக அமைந்துள்ளது!

ஜிம் கார்பெட் ! இந்தியப் புலிகளுக்கு வேலியாக மாறிய வேட்டைக்காரன்!
அவர் எழுதிய ' Man-Eaters of Kumaon' என்ற புத்தகத்தை அடிப்படையாகக்
கொண்டு படைக்கப்பட்ட ஒரு அருமையான காணொளி. அவர் பிறந்து
வளர்ந்த இமய மலைச்சாரலில் உள்ள குமாவுன் பளைப் பிரதேசங்களில் 1900
முதல் 1930 வரை வாழ்ந்த மனிதர்களை கொன்று தின்ற புலிகளையும்
சிறுத்தைகளையும் வேட்டையாடிக் கொன்ற அவரின் அனுபவங்களைப்
பற்றிய புத்தகம். இந்தப் புத்தகத்தில் புலிகளைப் பற்றி மட்டுமல்லாமல்,

அந்தக்கால இந்தய வாழிக்கை முறையைப் பற்றியும், இந்திய
கிராமங்களைப்பற்றியும் அழகாக எடுத்துக் கூறியுள்ளார். நாம் காணப்போகும்
இந்த காணொளியிலும் இவைகள் எல்லாம் அருமையாகத்
தெளிக்கப்பட்டுள்ளது.

அவரைப்பற்றி மேலும் படிக்க சில சுவாரசியமான பக்ககங்கள்... இங்கே ,

1936 ஆண்டு ஜிம் கார்பெட் முயற்ச்சியால் தொடங்கப்பட்ட இந்தியாவின்
முதல் தேசியப்பூங்காவான ஹெய்லி தேசியப்பூங்கா, பின்பு ராம்கங்கா
தேசியப்பூங்கா என்று பெயர்மாறி, கடைசியாக 1957 இல் ஜிம் கார்பெட்
தேசியப்பூங்கா என்று அழைக்கப்பட்டு அவருக்கு கவுரவம் செய்யப்பட்டது.

இந்தப் படத்தை இயக்கியவர் Bruce Neibaur. இசை அமைத்தவர் Michael Brook

இந்தப் படத்திற்கான இசையைக் கேட்க அவரின் இசைத்தளத்திற்கு
செல்லவும்.
IMAX இல் இவர்கள் அளித்துள்ள இந்தப் படைப்பு என்னைக் கவர்ந்ததுப்போல உங்களையும் கவரும் என்பதில் ஐயமில்லை!

விடியோவை 720p HD செலக்ட் செய்துக்கொண்டு பார்க்கவும்.....
மீண்டும் சந்திப்போம்....

'ஆறு டிகிரி போதும்...!'

2011-10-09T06:56:00.000+01:00

கீழ்வரும் முதல் எட்டுப் படங்களின் பின்னணியை மட்டும் கூர்ந்துப் பார்த்து, இடங்களைக் கண்டுப்பிடிக்கவும்... தயவு செய்து அதில் உள்ள ஆட்களை கண்டுக்கொள்ள வேண்டாம்.

மேலேயுள்ளப் படங்களும், கீழே நாம் பார்க்கப்போகும் காணொளியும் நிறைய எழுதுவதற்கு வேலையில்லாமல் செய்துவிட்டன!

சென்ற வாரம் நான் பார்த்த, நேஷனல் ஜியாகரப்பியின் "Six Degrees Could Change the World” என்ற உலக வெம்மைப் பற்றிய அருமையான காணொளியை உங்களுடன் பகிந்துக்கொள்ள விரும்புகிறேன். 'ஆறு டிகிரி போதும்...!', இந்த உலகை மாற்ற.... எப்படி...? நன்றாகவா...? அதுதான் இல்லை. நாசமாக்க! உலக வ்வேப்ப நிலையில் ஒரு டிகிரி ஏற்றம் கூட மோசமான விளைவுகளை ஏற்ப்படுத்தும். இதில் ஆறு டிகிரி எனபது, உலகின் வாழ்வியலையே தலைக்கீழாக மாறக்கூடிய விளைவை ஏற்ப்படுத்தும். இன்னும் முப்பது வருடங்களில் மோசமாகவும், நூறு வருடங்களில் 11 டிகிரிகள் உயரக்கூடிய அபாயம் இருப்பதாக விஞ்ஞானிகள் அச்சப்படுகின்றனர்!

மார்க் லைனாஸ் (Mark Lynas) எழுதிய 'Six Degrees: Our Future on a Hotter Planet ' என்ற புத்தகத்தை அடிப்படையாகக்கொண்டு, ஹாலிவூட் நடிகர் ' அலெக் பால்ட்வின்' (Alec Baldwin) அவர்களின் வர்ணனையோடு, அட்டகாசமான கிராபிக்ஸ் காட்சிகளுடன், உலக வெம்மையின் பாதிப்புகளை, நம் கண்முன்னே கொணருகிறது இந்தப் படம். இந்தப் படம் நமக்கு ஒரு எச்சரிக்கைப் பாடமாக இருக்கும் எனபது நிச்சயம்!

Mark Lynas

Alec Baldwin

வாங்கப் படம் பார்க்கலாம்......

சாப்பாடு தயார்....

2011-10-03T19:46:00.003+01:00

மனம் நெகிழ வைக்கும் அருமையான குறும்படம்....

"அன்பும் அறனும் உடைத்தாயின் இல்வாழ்க்கை

பண்பும் பயனும் அது."

திரு மு.வரதராசனார் உரை

இல்வாழ்க்கையின் அன்பும் அறமும் உடையதாக விளங்குமானால், அந்த வாழக்கையின் பண்பும் பயனும் அதுவே ஆகும்.

திரு மு.கருணாநிதி உரை

இல்வாழ்க்கை பண்புடையதாகவும் பயனுடையதாகவும் விளங்குவதற்கு அன்பான உள்ளமும் அதையொட்டிய நல்ல செயல்களும் தேவை.

திரு சாலமன் பாப்பையா உரை

மனைவி பிள்ளைகளிடத்தில் அன்பும், தேடிய பொருளை நட்பு சுற்றங்களுடன் பகிர்ந்து கொள்ளும் அறமும் இருந்தால் இல்வாழ்க்கையின் பண்பும் அதுவே; பயனும் அதுவே.

வாழ்த்துக்கள்!, இயக்குனர். திருமதி.நிதுனா நெவில் தினேஷ்.[Mrs.Nithuna Nevil Dinesh]

['இந்தக் காணொளியைப் பார்த்துவிட்டு ஒரு சொட்டுக் கண்ணீர் விடாதவன்

மனுஷனேயில்லை' என்று எழுதலாம் என்று இருந்தேன்... அடடா

எழுதிவிட்டேனே...! உண்மைதானா நண்பர்களே....?! நீங்களே சொல்லுங்கள்.....]

ஆப்ரிக்கப் பூனைகள்! [video]

2011-10-03T10:59:00.000+01:00

நான் இதுவரைப் பார்த்த விலங்குகள் சம்பந்தமான ஆவணப்படங்களிலேயே என்னை மிகவும் கவர்ந்த காணொளி என்று, இந்த 'African Cats' என்ற இந்தப்படத்தைக் கருதுவேன். சாதாரண விவரணப் படம் போலில்லாமல், நம்மையெல்லாம் காட்சிகளோடு ஒன்றிப்போகவைக்கும் மூன்றுக் கதைகளைக் கொண்டுள்ளது! மனதை நெகிழவைக்கும், தாய் விலங்குகளின், குட்டிகளின் மீதான அன்பைக் காணும்போது நம்மையறியாமல் நம் கண்கள் ஈரமாவதை உணர்வோம். அதற்காக வெறும் அழுகாச்சிப் படம் என்று நினைக்க வேண்டாம்...அட்டகாசமான ஆக்க்ஷன் காட்ச்களும் உண்டு! வால்ட் டிஸ்னி உருவாக்கியுள்ள இந்தப்படம், அவர்களின் முந்தைய பாக்ஸ் ஆபீஸ் ஹிட் கார்டூன் படமான 'Lion King' கையே, இந்த நிஜ சிங்கப்படம் தூக்கிச் சாப்பிட்டுவிட்டது என்றேக் கூறலாம்!

ஆப்ரிக்காவில் சவனாக்கள் எனப்படும் புல்வெளிகளின் வசிக்கும் இரண்டு சிங்கக் கூட்டங்கள் மற்றும் ஒரு சிறுத்தைத் தாய், அதன் குட்டிகளை சுற்றிச் சுழலும் இந்தப் படத்தில் உள்ள அனைத்து மிருகங்களும், ஏதோ 'ஆக்க்ஷன் - கட்' சொன்னதுப்போல் படமாக்கப்பட்டிருக்கும் விதம் பிரமிக்கவைக்கிறது. அதிலும் கேமராக் கோணங்கள் ... அடடா...! கண்களில் ஒத்திக்கொள்ளவேண்டும் போல இருக்கிறது! அதிலும் சிறுத்தைதாய் அதன் சில குட்டிகளைப் பறிக்கொடுத்துவிட்டு, அந்த மாலை வேளையிலே ... அந்த மண்மேட்டின் மீது அமர்ந்திருக்கும் காட்சி... சான்சே இல்லை! இந்தப் படத்தில் யானைகள், ஓநாய்கள்,ஒட்டகச்சிவிங்கிகள், காட்டெருமைகள், போன்றவைகள் வந்தாலும் சிங்கங்களும் சிருத்தைகளும்தான் கதாநாயகர்கள்.

போதாக்குறைக்கு வர்ணனை வழங்குவது சாமுவேல் எல் ஜாக்சன்! (Samuel l. Jackson).

நடிப்பில் தூள் கிளப்பிய இவர், வர்ணனையிலும் கலக்கியுள்ளார்!

என்னைக் கவர்ந்த இந்தக் காணொளி, உங்களையும் கவரும் எனபது நிச்சயம்!

படத்தின் ட்ரைலர் ...

பரிணாமம் - [Nova's Evolution]

2011-09-25T11:08:00.002+01:00

தொடர்புடைய பழைய பகிர்வுகள்....

சார்ல்ஸ் டார்வினும் உயிரின மரமும்...

தொலைந்துப்போன தொடர்புகள்....

டார்வின் எனும் குடும்பஸ்தன் !

அறிவியலின் கதை[5] : உயிரின் ரகசியம்...

இந்த உலகில் யார் வாழ்வது, யார் இறப்பது,யார் தங்களின் குணாதிசயங்களை அடுத்தத் தலைமுறைக்கு பரிமாறுவது என்பதை பரிணாமமேத் தீர்மானிக்கிறது. ஆனாலும் இந்தக் கொள்கையே பலராலும் கவனிக்கப்படாததும், புறந்தள்ளப்படுவதும், சரியாகப் புரிந்துக்கொள்ளப்படாததுமாததாக இருக்கிறது.

இந்த 'நோவா' வின் 'பரிணாமம்'[Nova's Evolution'] என்ற தொடர்க் காணொளி நம்மை உலகம் முழுவதும் அழைத்துச் சென்று பரிணாம அறிவியலை பரிசோதித்து, அதன் ஆழ்ந்த தாக்கம் நம் சமுதாயத்தின் மேலும் பண்பாட்டின் எவ்வாறு உள்ளது என்பதை விளக்கப்போகிறது. சார்லஸ் டார்வினின் மேதமையிலும், வேதனையிலும் தொடக்கி, அந்த அறிவியல் புரட்சி எவ்வாறு உயிரின மரத்தை உருவாக்கியத்து என்றும், பாலுணர்வின் ஆற்றல் எவ்வாறு பரிணாம வளர்ச்சியை உந்தித்தள்ளியது என்றும், எப்படி மொத்த இன அழிவுகள் புதிய உயிரினங்களின் தோற்றத்திற்கு வழிவகுத்தது என்பதையும் அழகாகக் காட்டியுள்ளது.

அதுமட்டுமல்லாது மனிதனின் தோற்றம், அவனது சவால்களும் வெற்றியும், அற்றும் அறிவியலுக்கும் மதத்துக்கும் நடுவே மூண்ட போராட்டத்தைப் பற்றியும் கூறுகிறது.

இந்தத் தொடரின் நோக்கமே பரிணாமத்தைப் புரிந்துக்கொள்ளவும் அது எப்படி நடைப்பெறுகிறது மற்றும் அது எவ்வாறு நமது வாழ்க்கைக்கு சம்மந்தப்பட்டுள்ளது என்பதை விளக்குவதுமே. அதில் அவர்கள் வெற்றிப் பெற்றுள்ளார்கள் என்றேக்கூறவேண்டும். மொத்தத்தில் அறிவை வளைக்கும் அருமையானத் தொடர்க் காணொளிகள்! . வாங்கப் பார்க்கலாம்.....!

1.Darwins Dangerous Idea - டார்வினின் அபாயகரமான ஐடியா!

சார்லஸ் டார்வின், தன் பரிணாமக் கொள்கையை, சில நண்பர்களைத்தவிர இருபத்தியொரு வருடங்களாக ரகசியமாக வைத்திருந்தார். ஒருமுறை அதைப்பற்றிக் கூறும்போது ' ஒரு கொலையை ஒப்புக்கொள்ளுவது போல உள்ளது' என்றார். அவரின் மனவேதனை இன்றும் நம் சமுதாயத்தில் ஒலித்துக்கொண்டு இருக்கிறது! இந்தக் கானொளியில் அவரின் வாழ்வில் நடந்த மிக முக்கியமான நிகழ்வுகளையும், அவரின் வாழ்வுக்காலத்தைவிட தற்காலத்தில், பரிணாமக் கொள்கை ஏன் முக்கியமானதாகப்படுகிறது என்பதையும், இந்த பூமியிலுள்ள உயிரினங்களின் கடந்தக்காலத்தையும், எதிர்க்காலத்தையும் கணிக்க அறிவியலுக்கு ஒரு முக்கியக் கருவியாக உள்ளது என்பதையும் பார்க்கலாம்.

====================================

Extinction! இனப்பெரழிவு

பூமியில் இதுவரை ஐந்து முறை இனப்பெரழிவு நடந்துள்ளதாக கூறப்படுகிறது. இந்தப் பூவுலகின் மீது வாழ்ந்த 99.9 சதவிகித உயிரினங்கள் தற்போது அழிந்து விட்டதாகவும் கருதப்படுகிறது! அடித்த ஆறாவது அழிவுக்கு நாம்தான் ஏற்பாடு செய்துக்கொண்டு இருக்கிறோமா?

====================================

The Evolutionary Arms Race - Survival of the fittest. (தகவுடையது தப்பிப் பிழைக்கும்!)

வலியது வாழும் (அ) தகவுடையது வாழும்[நன்றி-கையேடு இரஞ்சித்] (அ) தகவுடையது தப்பிப் பிழைக்கும்! இது ஒரு ஈவிரக்கமில்லாத போட்டியா...? அல்லது தீவிர ஒத்துழைப்பா...? இரண்டுமே சரிஎன்றுச் சொல்லலாம்! இனங்களுக்கு இடையே உள்ள இந்த இடைவினை மற்றும் பரிமாற்றம், பரிணாம அறிவியலில் உள்ள மிகப்பெரிய உந்துதல் சக்தியாகும். இதைப் புரிந்துக்கொள்வதே நம்முடைய வாழ்வாதாரமாகும்!

====================================

Why Sex?- பாலியல் உறவு எதற்காக?

பாலியல் உறவு அல்லாது பாலுணர்வு, பரிணாம அறிவியலில் உயிரைவிட முக்கியமானது! அதுவே மரபணுக்களில் வித்தியாசங்களை ஏற்ப்படுத்தி பரிணாமம் தன மேற்ப்படிகளில் ஏற எரிப்பொருளாக விளங்குகிறது.

The Minds Big Bang - மனதின் பெருவெடிப்பு!

ஐம்பதாயிரம் வருடங்களுக்கு முன் நடந்த நிகழ்வு! தற்கால நவநாகரீக மனித மனம் அன்று ஏற்பட்ட ஆக்கப்பூர்வமான தொழில்நுட்பப மற்றும் சமூக எழுச்சியாலேயாகும்!

==================================

What About God? - அப்படீன்னா கடவுள்...?

இருக்கிற எல்லா உயிரினங்களிலும் மனிதன் மட்டுமே தன பூர்வீகத்தைப்பற்றி அரைத்துக்கொண்டு இருக்கிறான். இந்தக் கடைசி காணொளி மதத்துக்கும் அறிவியலுக்கும் இடையே நடக்கும் போராட்டத்தைப் பற்றிக் காண்பிக்கிறது!

நதிகள்: நட்பா... பகையா...?

2011-09-19T12:32:00.000+01:00

நதிகள் நமக்கு எல்லாம் கொடுக்கின்றன.... சிலசமயங்களில் நம்மிடமிருந்து எல்லாவற்றையும் பறித்துக் கொள்கின்றன...! குடிநீர்,உணவு, போக்குவரத்து போன்றவற்றை அளிக்கும் இவைகள் மனிதனின் நண்பர்களா...பகைவர்களா...? பிபிசி யின் 'Planet Earth' வழங்கிய 'Rivers - Friend or Foe...?' என்றக் காணொளி பதில் தருகிறது.

இந்தக் காணொளி நம்மை உலகெங்கும் அழைத்துச்சென்று, மனிதனுக்கும் நதிகளுக்கும் உள்ள பிரிக்கமுடியாத, சிலசமயங்களில் சவாலான உறவை படம்பிடித்துக் காட்டுகிறது. திபெத்தில் கடுங்குளிரில் உறைந்துப்போன நதியின் மேலே, நூறு கிலோமீடர்களுக்கப்பால் உள்ள பள்ளிக்கூடத்துக்கு, ஆறு நாட்கள் பயணமாக, பல ஆபத்துக்களைக் கடந்து செல்லும் காட்சி நம்மையெல்லாம் நிச்சயமாக சிலிர்க்கவைக்கும்! [நம்ம ஊரில், வீட்டு வாசப்படியில் உள்ள பள்ளிக்குச் செல்லாமல்,'கட்டடித்து', ஊர் சுற்றித்திரியும் ஒருசில பசங்களுக்கு காண்பிக்கவேண்டும் இந்தக் காட்சிகளை!] இதுமட்டுமல்லாமல் கம்போடியாவில் ஆர்பரித்து ஓடும் நதியின் மேல் அபாயகரமாக நடந்து, உணவுக்காக சில மீன்களை பிடிக்க, உயிரைப் பணயம் வைத்து வாழ்கை நடத்துவதும், ஆப்ரிக்கக் கண்டத்தின் உயர்ந்த விக்டோரியா நீர்வீழ்ச்சியின் விளிம்பில் நின்று மீன்பிடிக்கும் மனிதர்களைக் காணும்போதும் நமக்கே தலைச் சுற்றல் ஏற்படும்! தென் அமெரிக்காவின் அமேசான் நதிதீரத்தில், வெள்ளக் காலங்களுக்குமுன், அதை சமாளிக்க மக்கள் செய்யும் முன்னேற்ப்பாடுகள் நம்மை வியக்கவைக்கும்! கென்யாவில் மழைப் பற்றாக்குறையால் வரண்டுப்போன நதியால், தண்ணீருக்காய் மக்கள் அலையும் மக்களைக் காணும்போது, தண்ணீரை வீணாக்கும் நம்மில் சிலரை குற்ற உணர்சிக்கொள்ளச்செய்யும்! நம்ம(?!) மேகாலயாவின் மக்கள் எப்படி இயற்கையோடு சேர்ந்து,உயிருள்ள பாலத்தை,பலத் தலைமுறைகளுக்கும் உதவுமாறு நிர்மாணிக்கிறார்கள் என்பதைக் காணும்போது மனமுவந்து பாராட்டத் தோன்றும்!

இப்படி இந்த காணொளி நமக்கு ஒரு அருமையான அனுபவமாக இருக்கும் எனபது நிச்சயம். வாங்கப் பார்க்கலாம்.....

ஸ்டீபன் ஹாக்கிங், கார்ல் சேகன், ஆர்தர் சி. கிளார்க் - ஒரு அறிவியல் சங்கமம்!

2011-09-18T09:22:00.000+01:00

பேரா.ஸ்டீபன் ஹாகிங்கைப் பற்றிய முந்தையப் பதிவுகள் ...

பிரபஞ்சத்தின் பிதாமகன் : பேரா.ஸ்டீபன் ஹாகிங்.

ஏலியன்கள்! ஸ்டீபன் ஹாகிங்கோடு பிரபஞ்சத்தில்...

காலப் பயணம் - ஸ்டீபன் ஹாகிங்கோடு பிரபஞ்சத்தில்...

எல்லாவற்றின் கதை : ஸ்டீபன் ஹாகிங்கோடு பிரபஞ்சத்தில்...

பிரபஞ்சத்தின் தோற்றம் - பேரா. ஸ்டீபன் ஹாக்கிங்

ஹாக்கிங்... - A Brief History of Mine

பிரபஞ்சம் ஒரு படைப்பா...? - பேரா.ஸ்டீபன் ஹாகிங்

மூன்று விஞ்ஞானப் பெருந்தலைகளின் சங்கமம்! பேரா.ஸ்டீபன் ஹாக்கிங், வானவியலாளர்.கார்ல் சேகன், விஞ்ஞான புனைக்கதை எழத்தாளர் ஆர்தர் சி க்ளார்க், இந்த மூவரும் நாம் வாழும் காலத்தில் வாழும்...வாழ்ந்த[தற்போது கார்ல் சேகன் மற்றும் ஆர்தர் சி க்ளார்க் ஆகிய இருவரும் இல்லை] அறிவியல் சிந்தனையாளர்கள். இவர்கள் மூவரையும், பிரிட்டிஷ் செய்தியாளரும், தொலைக்காட்சி தொகுப்பாளருமான மெக்னுஸ் மேக்னுசன் ஒன்றுப்படுத்தி 'God, the Universe, and Everything Else' என்ற பெயரில், ஆங்கிலத்தில் 'கலோகுயம்' (colloquium ) என்பார்களே,அதுப்போன்ற அறிவியல் கலந்துரையாடலை ஏற்பாடு செய்து வரலாறுப் படைத்தார். இது நடந்தது 1988 இல்... மார்ஸ் ரோவரோ, ஹப்பிள் விண்வெளித் தொலைநோக்கியோ விண்ணில் செலுத்தப்படாதக் காலம். ஆனாலும் இந்த மூன்று மேதைகளை ஒரே மேடையில் காண நமக்குக்

கிடைத்த ஒரே வாய்ப்பு! ஆகவே இதுவரைப் பார்க்காதவர்கள் இந்த வாய்ப்பைத்
தவறவிடவேண்டாம்!

பிரபஞ்சம் ஒரு படைப்பா...? - பேரா.ஸ்டீபன் ஹாகிங்

2011-09-16T09:38:00.000+01:00

பேரா.ஸ்டீபன் ஹாகிங்கைப் பற்றிய முந்தையப் பதிவுகள் ...

பிரபஞ்சத்தின் தோற்றம் - பேரா. ஸ்டீபன் ஹாக்கிங்

ஹாக்கிங்... - A Brief History of Mine

டிஸ்கவரி சேனலில் 'Curiosity' என்ற வரிசையில் பல அருமையான அறிவியல் ஆவணப்படங்கள் ஒளிப்பரப்பப்பட்டன. அதிலே முதலாவதாக, பேரா.ஸ்டீபன் ஹாக்கிங் வழங்கிய 'Did God create Universe' என்ற அதிரவைக்கும் காணொளிதான் இன்றையப் பகிர்வு. மனித இனம் சிந்திக்க துவங்கியக் காலத்திலிருந்து, கேட்டப்பட்டுவரும் இந்தக் கேள்விக்கு ஹாக்கிங் தரும் விடை நம்மில் பலரை சிந்திக்கவைக்கும்...சங்கடப்படவைக்கும்...கோபப்படவைக்கும் ...! எது எப்படி இருந்தாலும் பல விஷயங்களை பலரத்துப் பார்வையில் இருந்து தெரிந்துக் கொள்ளுவதில் தவறில்லை. ஆகவே வாங்க வீடியோவைப் பார்க்கலாம்....

[நண்பர் ரோமாபுரி செல்வராஜ்...! நலமா?]

யு டியூபில் பார்க்க விரும்புவோர்க்கு....

ஹாக்கிங்... - A Brief History of Mine

2011-09-12T11:04:00.000+01:00

பேரா.ஸ்டீபன் ஹாகிங்கைப் பற்றிய முந்தையப் பதிவு...

பிரபஞ்சத்தின் தோற்றம் - பேரா. ஸ்டீபன் ஹாக்கிங்

2004 ஆம் வருடம் BBC தொலைக்காட்சியில் ஒளிப்பரப்பப்பட்ட காணொளித்தான் இப்போது நாம் காணப்போகும் 'Hawking - The story of the search for the beginning of time'.

1963, இளம் ஸ்டீபன் ஹாகிங்கின் 21 ஆம் பிறந்த நாளில் துவங்குகிறது இந்தக் கதை. எதிர்க்காலத்தில் அவரின் முதல் மனைவியாகப்போகும் ஜேன் வைல்ட் எனும் இளம் பெண்ணின் நட்பு, முதல் முதலாக அவருக்கு அந்தக் கொடிய இருப்பது கண்டுப்பிடிக்கப்படுவது, தன டாக்டரேட் படிப்பை கேம்ப்ரிட்ஜ் பல்கலைக்கழகத்தில் படிக்கத் துவங்குவது, பெருவெடிப்புக் கொள்கைப் பற்றி தன ஆசிரியரான பிரெட் ஹாயில் அவர்களுடன் கொள்கை மோதலில் ஈடுப்படுவது, ரோஜர் பென்ரோஸின் அறிவுக் கூட்டணி போன்ற நிகழ்வுகளை சுவாரசியமாக, மனதைத்தொடும்விதமாக படமாக்கப்பட்டுள்ளது. இவையெல்லாம் ராபர்ட் வில்சன் & அர்னோ பென்சியாஸ் என்ற பெருவெடிப்பின் பொது வெளிப்பட்ட நுண் கதிர்களை கண்டுபிடித்த விஞ்ஞானிகளின் பேட்டியின் பின்புலத்தில் பிளாஷ் பேக்காக காட்டப்படுவது மிகவும் சிறப்பு! இளம் ஸ்டீபன் ஹாகிங்காக நடித்துள்ள பெனிடிக்ட் கும்பெர்பெட்ச், அவரி மிகவும் அருமையாக சித்தரித்துள்ளார். அவர் மட்டுமல்ல, ஜேன் வைல்டாக லிசா தில்லான், ரோஜெர் பென்ரோசாக டோம் வார்டு போன்ற அனைவரும் கதாப்பாதிரங்களாகவே வாழ்ந்துள்ளனர். இந்தப் படம் அவரை நேசிக்கும் அனைவரையும் கவரும் என்பதில் சந்தேகமில்லை.

நிஜ ஜேன் வைல்ட்.

நிஜ ரோஜெர் பென்ரோஸ்

நிஜ ராபர்ட் வில்சன் & அர்னோ பென்சியாஸ்

இனி .... ஹாக்கிங்...

பிரபஞ்சத்தின் தோற்றம் - பேரா. ஸ்டீபன் ஹாக்கிங்

2011-09-11T13:01:00.001+01:00

[இத்தாலியின் லாட்சியோ ( Lazio ) நகரிலிருந்து அடிக்கடி நம்ம தளத்திர்ற்கு வந்துப்போகும் நண்பரே, தங்களின் பெயர் என்ன? அறிமுகப்படுத்திக்கொள்ளுங்களேன்... Please...]

பேரா.ஸ்டீபன் ஹாகிங்கைப் பற்றிய முந்தையப் பதிவு...

'Origin of the Universe' என்ற ஹாக்கிங் அவர்களின் விஞ்ஞான சொற்ப்பொழிவு, 2007 ஆம் வருடம், மார்ச் 13 ஆம் தேதி, பெர்க்லி, கலிபோர்னியா பல்கலைக்கழகத்தில், ஸல்லர்பக் [Zellerbach] அரங்கில் நிகழ்த்தப்பட்டதாகும். நம்மில் நிறையப்பேர் இதை ஏற்கனவே இந்தச் சொற்ப்போழிவைக் கண்டு ரசித்திருக்கலாம்.... இருந்தாலும் இதை அறியாதவர்களுக்காக இந்தப் பகிர்வு.

பேரா.ஸ்டீபன் ஹாக்கிங்கின் இந்த சொற்பொழிவைப் படிக்க ...இங்கே !

பார்க்க ....

அறிவியலின் கவித்துவம்.[காணொளி ]

2011-09-05T17:44:00.000+01:00

இவர்கள் சம்பந்தப்பட்ட மற்றப் பதிவுகள்...

DR. நீல் டி கிராஸ் டைசன் : நம்பிக்கைக்கு அப்பால்....

மீண்டும் DR. நீல் டி கிராஸ் டைசன் : வானவியல் சொற்பொழிவு.

பேரா. ரிச்சர்ட் டாகின்ஸ்: (வீடியோ)

உலகின், தலைச்சிறந்த, பிரபல விஞ்ஞானிகளில் ஒருவர், Dr.ரிச்சர்ட் டாக்கின்ஸ், பரிணாம உயரியல் விஞ்ஞானி, மற்றவர் Dr.நீல் டி க்ராஸ் டிசைன், வானியற்பியல் வல்லுநர்! இந்த இருவரும் உலகறிதத அறிவியல் ஆசான்கள்! நம்ம வலைத்தளத்திற்கு ஏற்கனவே அறிமுகம் ஆனவர்கள்தான், ஆனால் தனித்தனியாக. ஆனால் இப்போது இருவரும் ஒரே மேடையில் அறிவியலின் அழகை, அவரவர் பாணியில் அலசப்போகிறார்கள்!

இந்தக் காணோளியின் பெயர் 'The poetry of Science'... 'அறிவியலின் கவித்துவம்' ...

பிரபஞ்சத்தின் தோற்றமும் அதன் அற்புதங்களைப் பற்றியும்... அறிவியல் எனபது நம்முன்னே இருக்கும் பல வாய்ப்புகளில் ஒன்றாக இல்லாமல், அது ஒன்றே நமக்கு முன்னே இருக்கும் ஒரே சத்தியமான உண்மை என்பதையும் தங்களின் நகைச்சுவைக் கலந்த உரையாடல் மூலமாக நமக்கு உணர்த்துகின்றனர்! இது நிச்சயம் நம்மையெல்லாம் கவரக்கூடிய பேச்சாக இருக்கும் என்பதில் சந்தேகமில்லை. வாங்க நாமும் கலந்துக்கொள்வோம்....

அறிவியலின் கதை[5] : உயிரின் ரகசியம்...

2011-08-14T13:58:00.008+01:00

முந்தையப் பதிவுகள்....

அறிவியலின் கதை [1] - 'அங்கே என்ன உள்ளது?'

அறிவியலின் கதை [2] - 'இந்த உலகம் எதனால் உருவானது?'

அறிவியலின் கதை [3] - 'நாம் எப்படி இங்கு வந்தோம்?'

அறிவியலின் கதை[4]: 'அளவில்லா ஆற்றல் பெற முடியுமா?'

Dr.மோஸ்லே அறிவியலின் கதையைக் கூறும்போது மிகவும் சிக்கலான உடற்க்கூறைக்கொண்ட மனித உடலை கொண்டு உயிரின் ரகசியத்தை ஆராய முற்படுகிறார். இந்தக் கதை பண்டைய ரோமாபுரியில் கிளேடியேட்டர்கள் என்று அழைக்கப்பட்ட வீரர்களின் உயிரைக் காப்பாற்றுவதிலிருந்து தொடங்கி, டாவின்சியின் கொடூர ஆனால் ஏறக்குறைய சரியான உடற்க்கூறுப் படங்களில் வலம்வந்து, மின்சாரத்தின் 'உயிர் ஆற்றல்' என்ற கருத்தையும், உடலின் அடிப்படைக் கூறான 'செல்'லில் நுண்னுலகில் புகுந்து, எப்படி அணுகுண்டுகள், மிகவும் சிக்கலான 'டிஏன்ஏ' என்ற மரபணுவின் புதிரை விடுவிக்க ஒரு காரணக்கர்த்தாவாக விளங்கியது என்பதுவரை விவரிக்கிறது. மிகவும் சுவாரசியமானக் காணொளி, வாங்க பார்க்கலாம்....

சுனாமியில் சிக்கிப் பிழைத்தவர்கள்...![காணொளி]

2011-08-09T10:47:00.011+01:00

முந்தய சுனாமிப் பகிர்வுகள்....

நேஷனல் ஜியாகரபியின் ' ஜப்பானிய பேரழிவு : ஒரு சாட்சி !'

ஜப்பானிய சுனாமி : நடந்தது எப்படி?

சுனாமி - உலகை உலுக்கிய பேரலை.

'Surviving Tsunami' என்ற இந்த ஆவணப்படம், பிரபல ஜப்பானிய செய்திநிறுவனமான NHK தயாரித்து அளித்த ஒரு நிஜத் த்ரில்லர்! தங்களிடமிருந்த வீடியோக்களையும், மற்றும் பல அமெச்சூர் வீடியோக்களையும் திறம்பட இணைத்து, 11 மார்ச், 2011 அன்று உலகையே அதிரவைத்த ஜப்பானிய சுனாமியின் நிஜ கோரத்தையும் அதனால் ஏற்ப்பட்ட பேரழிவையும் கண்ணெதிரே நமக்குக் காண்பிக்கிறது. 9.0 ரிக்டர் அளவில் ஏற்ப்பட்ட நிலநடுக்கம், 39 அடி (128 மீ ) உயர பேரலையையும், அது ஏறக்குறைய ஐந்துக் கிலோமீட்டர் வரை நிலத்தில் முன்னேறி, ஜப்பானிய கடற்கரைப் பிரதேசங்களை துவம்சம் செய்ததை பலக் காணொளிகள் மூலமாக நிறையப் பார்த்தாகிவிட்டது. ஆனால் இந்தப்படம் ஏற்கனவே ஒத்திகை செய்து எடுக்கப்பட்டதைப்போல, சுனாமியில் சிக்கி மரண விளிம்பைத்தொட்டு, மீண்டும் உயிரோடு மீண்டு கேமராவி முன்னே நமக்கு அந்தக் கதையை சொல்லும்போது நமக்கு சிலிர்க்கிறது! இதில் என்ன விசேஷமென்றால், அவர்கள் சுனாமியில் சிக்கி,அதிலிருந்துத் தப்பிக்கும் காட்சிகளும் காணொளியில் இடம்பெற்றிருப்பதுத்தான்!

வயதான நோயாளித்தாயுடன் வீட்டின் கூரையில் தொங்கும் பெண்ணும்.... புரண்டோடும் நீரில் மிதக்கும் காரினுள் சிக்கிய ஒரு மனிதனும்.... தன் வாகனத்தோடு சுனாமியில் சிக்கிய ஒரு போலீஸ்காரரும் ... தங்கள் அனுபவத்தை விவரிப்பது நம்மை அந்த நிகழ்வுக்கே அழைத்துச் சென்றுவிடுகிறது! நீங்கள்தான் பார்க்கப்போகிறீர்களே... மேலும் என்ன விளக்கம்...? வாங்கப் பார்க்கலாம்.....

You Tube இல் காண இங்கே ...

அறிவியலின் கதை[4]: 'அளவில்லா ஆற்றல் பெற முடியுமா?'

2011-08-09T09:15:00.005+01:00

முந்தையப் பதிவுகள்....

அறிவியலின் கதை [1] - 'அங்கே என்ன உள்ளது?'

அறிவியலின் கதை [2] - 'இந்த உலகம் எதனால் உருவானது?'

அறிவியலின் கதை [3] - 'நாம் எப்படி இங்கு வந்தோம்?'

மறுபடியும் Dr. மோஸ்லி நம்மை அறிவியலின் முக்கியமான தளத்தின் வரலாற்றுக்கு அழைத்துச் செல்கிறார். Power / Energy எனப்படும் சக்தி / ஆற்றல் எப்படி நம்மால் காற்று, நீர், மற்றும் அணுவில்லிருந்துக்கூட அறுவடைச் செய்யப்படுகிறது என்பதன் வரலாற்றைக் கூறும் காணொளி இது. முதலில் தனிப்பட்ட மனிதர்களால், பணம் பண்ணுவதற்காக தொடங்கப்பட்ட ஆற்றல் தேடல், அறிவியலின் மிக முக்கியமான பகுதியாக மாறி, இயற்கையின் அடிப்படை விதிகளையே தேடுவதற்கான பாதையாக மாறிப்போனது. இந்தத் தேடல்தான், தற்கால அறிவியலின் மகா சமன்பாடான e=mc2 ஐ நமக்கு அளித்தது. இதுப்போன்ற பல சுவாரசியமான தகவல்களை கொண்டுள்ள இந்தக் காணொளியைக் காணலாம் வாங்க....

அறிவியலின் கதை [3] - 'நாம் எப்படி இங்கு வந்தோம்?'

2011-08-03T14:03:00.010+01:00

சென்றப் பதிவுகள் ....

அறிவியலின் கதை [1] - 'அங்கே என்ன உள்ளது?'

அறிவியலின் கதை [2] - 'இந்த உலகம் எதனால் உருவானது?'

பொதுவாகவே மனித இனம் எப்படித் தோன்றியது என்றக் கேள்வி வரும்போது, கூடவே பிரச்சனைகளும் வந்துவிடும். அவரவர்க்கு தனிப்பட்டக் கருத்துக்கள் இருக்கவேச் செய்யும். அது முக்கியமாகவும், பெரும்பாலாகவும் மதம் சார்ந்தவையாகவே இருக்கும் எனபது நிச்சயம். அவற்றில் தலைடுவதல்ல இந்தகாணொளியைப் பகிர்வதன் நோக்கம்.

அறிவியலின் கதையைக் கூறும்போது, இந்தக் கேள்வியும் அதற்கான பதிலைத் தேடும் பிபிசி, இப்படி ஒரு வித்தியாசமானக் கோணத்தில், அருமையான காணொளியைப் படைத்துள்ளது! வாங்க... பார்க்கலாம்...

அறிவியலின் கதை [2] - 'இந்த உலகம் எதனால் உருவானது?'

2011-08-02T11:40:00.003+01:00

பிபிசி யும் Dr.மைகேல் மோஸ்லேயும் இணைந்து வழங்கும் ' The Story of Science ' என்றத் தொடரின் இரண்டாம் பாகம் ' What is the world made up of?'.

சென்றப் பதிவு... அறிவியலின் கதை [1] - 'அங்கே என்ன உள்ளது?'

இந்தக் கதை இரசவாதிகளின் ரகசிய பரிசொதனைக்கூடங்களில் தொடங்கி, சிறுநீரிலிருந்து தங்கம் எடுக்கும் தமாஷிலிருந்து, உலகின் முதல் செயற்கை சாயம் கண்டுப்பிடிப்பு போன்ற சுவாரசியமான விஷயங்களைச் சுற்றி வருகிறது!

இந்தக் கேள்விக்கு விடைக் கண்ண்டுப்பிடிக்கும் முயற்சியில், தனிமம் மற்றும் அணு முதலானவற்றிற்கு விதிகளையும், விந்தையான க்வாண்டம் தத்துவம் வரை விஞ்ஞானிகள் வந்துள்ளதை நமக்கு காண்பிக்கிறது இந்தப் பகுதி!

அறிவியலின் கதை [1] - 'அங்கே என்ன உள்ளது?' (வீடியோ )

2011-08-01T07:11:00.002+01:00

ஆறுத் தலைப்புகள்! ஒவ்வொன்றும் ஒரு மணி நேரம்! அறிவியலின் கதையை இப்படி எளிமையாக எல்லோரும் புரிந்துக்கொள்ளும் வகையில் கூற பிபிசி நிறுவனமும் Dr.மைக்கேல் ஜே. மோஸ்லேயும் கைக்கொர்த்துள்ளார்கள்.

நாம் யார்? இந்த உலகம் எதனால் ஆனது? அங்கே என்ன உள்ளது? நாம் எப்படி இங்கு வந்தோம்?.... போன்ற கேள்விகளோடு பல ஆயரம் ஆண்டுகளாக மனிதன் போராடிக்கொண்டு இருக்கிறான். இந்த போராட்டத்துக்கான பதிலே அறிவியலின் கதை!

இந்தக்கதை, பயத்தையும் தைரியத்தையும் பற்றியக் கதை.... நம்பிக்கையையும் பேரழிவையும் பற்றியக்கதை.... தோல்வியையும் வெற்றியையும் பற்றியக்கதை....!

இந்தக்கதை, வரலாறு எவ்வாறு அறிவியலை படைத்தது என்பதைப்பற்றியும், அறிவியல் எவ்வாறு வரலாறு படைத்தது என்பதுப்பற்றியது! ஆறுத் தொடர்ப்பதிவுகளாக வரப்போகும் இதை மாணவர்களுக்கு சிபாரிசு செய்ய அன்போடு கேட்டுக்கொள்ளுகிறேன்.

DR. Michael J Mosley நமக்கு ஏற்கனவே அறிமுகமானவர்தான்! 'பிபிசி யின் மனித உடலுக்குள்ளே... என்றப் பதிவின் மூலம்!

முதலில் 'அங்கே என்ன உள்ளது ?' வாங்கப் பார்க்கலாம்....

இணைப் பிரபஞ்சங்கள்! அதிலேயும் நாம்! (காணொளிகள்)

2011-07-25T19:12:00.003+01:00

இப்போது நீங்க இதைப் படித்துக்கொண்டிருக்கும்போதே, வேறொரு, இதேப்போன்ற உலகில், 'நீங்களே' இந்தப் பதிவைப் படித்துமுடித்து, காணொளிகளைக் கண்டு வியந்து, பின்னூட்டமும்(!?) போட்டு முடித்திருப்பீர்கள்!

இலங்கையில், அப்பாவித்தமிழர்கள், அடிமைகளாய் போர் முகாம்களில் அடைத்து வைக்கப்பட்டிருக்கும் இதே கணத்தில், எங்கோ வேறொரு உலகில் திரு வேலுப்பிள்ளை பிரபாகரன், இந்தியப் பிரதமர் திரு.ராஜீவ் காந்தியுடன் பேச்சுவார்த்தை நடத்திக்கொண்டிருப்பார்!

இரண்டாம் உலகப்போரில், நேசப்படைகள் தோற்று, அமெரிக்காவை ஹிட்லர் ஆண்டுக்கொண்டிருக்கலாம்! ஒசாமா பின்லேடன் இரட்டை கோபுரத்தின் மேல் இருக்கும் தொலைநோக்கியில், நியூயார்க் நகர அழகை ரசித்துக்கொண்டிருக்கலாம்!

மனிதனே இல்லாத பூமியில், டைனோசர்கள் அட்டகாசம் பண்ணிக்கொண்டிருக்கலாம்!

என்ன கேட்க லூசுத்தனமாக உள்ளதா? ஆனால் க்வாண்டம் விதியின்படி இதெல்லாம் சத்தியமான சாத்தியங்கள் என்று தலையில்லடிக்கிரார்கள் விஞ்ஞானிகள்! 1954 ஆம் வருடம் ஹக் எவர்ட் (Dr.Hugh Everett III) எனும் இருபத்தி நான்கு வயது பௌதீக மாணவன் துவக்கிவைத்த (THE THEORY OF THE UNIVERSAL WAVE FUNCTION)அறிவியல் விந்தை, இன்று வேகமெடுத்து சென்றுக்கொண்டே இருக்கிறது

ஆம்! நம் பிரபஞ்சத்தைப் போலவே எண்ணிலடங்கா பிரபஞ்சங்கள் உண்டு என்றும், அவைகளில் நம்மைப் போலவே அச்சு அசலாக நாமும் வாழ்ந்துக்கொண்டு இருப்போம் அல்லது பிறக்காமலோ அல்லது இறந்தோ இருப்போம் என்று இந்த கோட்பாடு கூறுகிறது!

இதுப்பற்றி விளக்க விஞ்ஞானிகளேத் தடுமாறும்போது நான் எங்கே? இதோ நான் பார்த்து வியந்த காணொளிகள், படித்து புரிந்துக்கொள்ள முயன்ற தளங்களை உங்களுடன் பகிந்துக்கொள்ளுகிறேன். நீங்களும் முயன்றுப்பாருங்கள். ஆனால் மிகவும் சுவாரசியமான ஒரு விஞ்ஞானப் பிரிவு இது, நிச்சயம் உங்களை வசீகரிக்கும் என்பது சர்வ நிச்சயம்!

=============================

===========================

====================================

மேக்ஸ் டெக்மார்க் மற்றும் மிகியோ ககு தரும் விளக்கங்கள்.....

===============================

'Parallel Worlds, Parallel Lives' எனும் PBS Nova வின் அருமையான வீடியோவில் Dr.ஹக்

எவர்ட்டின் மகனான , பிரபல ராக் இசைப் பாடகர் மார்க் எவர்ட், தன் தந்தை வாழ்ந்த

இடங்களுக்கு சென்று, ஹக்கின் நண்பர்களோடு உரையாடி, கடினமான அறிவியல்

சித்தாந்தங்களுக்கு எளிமையான விளக்கங்கள் பெறுவது சிறப்பாக உள்ளது. இந்தத் தளத்தில்

வீடியோவைக் காண முடியாதவர்கள், அதிலுள்ள லிங்க்கை 'க்ளிக்கி', You Tube தளத்தில்

சென்றுப் பார்க்கவும்.

=================================

'இணைப் பிரபஞ்சங்கள்' ஒரு கலந்துரையாடல்....

இணை பிரபஞ்சங்கள் பற்றி, Scientific American பத்திரிக்கையில் Dr.Max Tegmark அவர்களின் அசத்தல் கட்டுரை இங்கே....

குழந்தைகள்....!

2011-07-19T11:39:00.001+01:00

Ponijao lives in Namibia with her family, including her parents and eight older brothers and sisters. Ponijao's family is part of the Himba tribe, and lives in a small village with other families

Mari lives with her mother and father in Shibuya, a busy metropolitan area within Tokyo, at the center of all of the city's noise and excitement. Mari is an only child and lives a contemporary urban lifestyle.

Born in Mongolia, Bayarjargal, usually called "Bayar" for short, lives with his mother, father, and older brother Delgerjargal ("Degi") on their small family farm.

Hattie lives in San Francisco, born to very ecological, "green" parents. Both of Hattie's parents are equally involved in her day-to-day life, fixing her meals, taking here to play groups, and spending time with her around the house.

சமீபத்தில் நான் மிகவும் ரசித்த காணொளிகளில், இன்று நீங்கள்

காணப்போகும் 'Babies' என்ற காணொளியும் ஒன்று. இந்தப் படம்

உலகின் வெவ்வேறு மூலைகளில் பிறந்த நன்கு குழந்தைகளின்

ஒருவருட வாழ்கையை, அழகாக காண்பிக்கிறது. நவீன விஞ்ஞான

வளர்ச்சிப்பெற்ற அமெரிக்கா மற்றும் ஜப்பானில் பிறந்த குழந்தைகள்

இரண்டு.... கொஞ்சம் சுமாரான வளர்ச்சிப்பெற்ற மங்கோலியாவில்

ஒன்று... எந்தவித முன்னேற்றமும் காணாத ஆப்ரிக்காவின்

நமிபியாவில் ஒன்றும் ... என நான்கு குழந்தைகளைச் சுற்றி

சுழல்கிறது இந்தப் படம். உலகில் எங்குப் பிறந்தாலும் குழந்தைகள்

குழந்தைகளே! அவைகள் எவ்வளவு சுலபமாக தங்களின்

சூழ்நிலைக்கேற்றவாறு தங்களைத் உருவாக்கிக்கொள்ளுகின்றன !

இப்படித்தானே நாம் செய்யும் தீய செயல்களையும், ஜாதி, மத, இன

வெறிகளையும், முட்டாள்தனமான மூட நம்பிக்கைகளையும் கண்டு,

நம்மைவிட ஒருப்படி மேலே செல்லக்கூடும் என்பது ஒரு எச்சரிக்கை!

பாவம் அவைகள்! பெற்றோரும் சமுதாயமும் செய்யும் தவறுக்கு

பலியாகும் செல்வங்கள்!

இந்தப் படத்தைப் பாருங்கள், பலக்காட்சிகள் உங்களை அறியாமல்

புன்னகைக்க வைக்கும்! ஏற்கனவே பிள்ளைப்பெற்றவர்களை பழைய

நாட்களுக்கு அழைத்துச் செல்லும். இன்னும் பிள்ளைச்செல்வம்

இல்லாதவர்களை சீக்கிரம் பெற்றுக்கொள்ள ஊக்குவிக்கும்! என்னைக்

கவர்ந்த இந்தப்படம் உங்களையும் நிச்சயமாகக் கவரும் என்பது

நிச்சயம்!

இந்தப் படத்தின் வலைத்தளம் இங்கே....

முன்னோட்டம்...

முழுப்படம்....

சூரிய சுனாமி !

2011-07-06T10:15:00.003+01:00

This image, captured in ultraviolet on 17 February 2011, shows the powerful solar flares that may lead to unusual displays of

the northern lights. Photograph: Nasa/SDO

சூரியத சுனாமியா ?! ஆமாங்க... வரும் 2013 ஆம் வருடம், சூரியன் நம்ம பூமியைத் தாக்கலாம் என்ற அபாயம் குறித்து, உலக விஞ்ஞானிகளும், தலைவர்களும் தீவிரமாக சிந்தித்துக்கொண்டிருக்கிறார்கள். ஏனென்றால் இது கொஞ்ச சீரியசான அபாயம்.

2012 என்ற ஹாலிவூட் திரைப்படத்தை அநேகமாக எல்லோரும் பார்த்திருப்போம் என நினைக்கிறேன். அந்த அளவிற்கு மோசமான விளைவுகள் இல்லையென்றாலும் ... கவலைப்படுமளவிற்கு பாதிப்புகள் இருக்குமென நம்பப்படுகிறது. நூற்றாண்டுக்கு ஒருமுறை நடக்கும் இந்த விபரீதம் வரும் 2013 இல் எதிர்ப்பார்க்கப்படுகிறது. மின்சார இணைப்புகள், தொலைத்தொடர்பு சாதனங்கள், செயற்கைக்கோள்கள், விமானப் போக்குவரத்து, உணவுத் தொடர்புப் போன்ற அத்தியாவசிய விஷயங்கள் பாதிக்கப்படும். மிக முக்கியமாக, நம்மில் பலரின் ஜீவாதார பிரச்சனையாகிவிட்ட இன்டர்நெட் என்ற இணையத்தொடர்பு துண்டிக்கப்ப்படுமாம்! நம்ம வீட்டு ப்ரீசர் முதற்கொண்டு, நம்ம கார் நேவிகேட்டர் வரை பாதிக்கப்படும் சிக்கலுள்ளது!

சூரியனின் மேற்பரப்பில் ஏற்படும் மகா வெடிப்புகளால் ஏற்படும் பிழம்பு, பல ஆயிரம் கிலோமீட்டர்கள் வெளியே வீசப்படும். Solar Flare எனப்படும் இவைகள் பல நூறு அணு குண்டுகளை வெடித்தால் ஏற்படும் ஆற்றலுக்கு நிகரானவை! CME

எனப்படும் 'Coronal Mass Ejections', பலதரப்பட்ட கதிர்வீச்சுகளோடு, பல மில்லியன்

டிகிரிகள் வரை வெப்பமான, மணிக்கு ஆறு மில்லியன் மைல்கள் வேகத்தில்

பிரயாணம் செய்யக்கூடிய சூரிய சுனாமி! இந்த சூரியப் பிழம்புகளைப்பற்றியும்,

அதனால் மனிதக்குலம் எதிர்நோக்கியுள்ள ஆபத்துக்கள் பற்றியும், நான் படித்த

பார்த்த விஷயங்களை உங்களோடு பகிர்ந்துக்கொள்ளுகிறேன். இதுப்பற்றி

தங்களுக்கு தெரிந்த கருத்துக்களை நீங்களும் பகிர்ந்துக்கொள்ளலாம்.

அருமையான விளக்கம் இங்கே...

2010, செப்டெம்பர் 20 அன்று, லண்டன் நகரில் நடந்த ' The Electric Infrastructure Security Council லின் சர்வதேச மாநாட்டில் நடந்த சொற்ப்பொழிவுகளைக் காண... இங்கே.

சம்பந்தப்பட்ட காணொளிகள்...

My view...

By Prof. BRIAN COX

"THE Sun has the potential to demolish our infrastructure and cost the world trillions of pounds.

This should be a powerful reminder to those who think we should stop trying to explore and understand our universe.

We know about the Sun's dangers because a curious scientist called Richard Carrington was observing it in 1859 when the last enormous solar storm hit.

And we now have an early warning system because someone thought to explore space - then put spacecraft up there to monitor the Sun's activity.

We don't yet know what to do when a storm like the one in 1859 happens again.

But we do know it must be taken very seriously indeed.

There is a lesson here - our universe is dangerous. We can become safer by understanding it through science and manipulating it through engineering. In other words, we can't get too complacent on our exposed little rock."

இனி மெயின் படம்...

Watch it in 1080p HD......

நாமறிந்த பிரபஞ்சம்.[ வீடியோத் தொகுப்பு ]

2011-06-05T10:53:00.001+01:00

வழக்கம் போல இல்லாமல், இது ஒரு மெகா வீடியோத் தொகுப்பு! என்னைப்போல பிரபஞ்சப்பிரியர்கள் அனைவரும் பார்த்து அறிந்துக்கொள்ள வேண்டிய அறிவுப் பெட்டகம்!

எப்பவாவது நாம் 'Black Hole' எனப்படும் கருங்குழிக்குள் இழுக்கப்பட்டால் என்னவாகும் என்று நினைத்துப் பார்த்ததுண்டா? அல்லது ' Warmhole ' என்ற சித்தாந்தம் காலப்பயணத்தை நிஜமாக்கும் என்று நம்பியதுண்டா? டைனோசர்களை அழித்த விண்பாறைகள் மீண்டும் நம்ம பூமியில் மோதினால் நாம் தப்பிக்க முடியுமா என்பதை எண்ணிப்பார்த்ததுண்டா? இப்போது நாம் பார்க்கப்போகும் வரிசையான வீடியோக்கள் இந்தக் கேள்விகளுக்கு மட்டுமல்லாது, இந்தப் பிரபஞ்சத்தைப் பற்றிய நம் பலதரப்பட்ட கேள்விகளுக்கு, சமகால விஞ்ஞான புரிதலை, லேட்டஸ்ட் கிராபிக்ஸ் துணையோடு நமக்கு விளக்கியுள்ளது, நேஷனல் ஜியாகரப்பிக் நிறுவனம். இந்தப் படங்களைப் பார்க்க உங்களின் பொன்னான நேரத்தை ஒதுக்குவதில் கண்டிப்பாக எந்தொரு நஷ்டமுமில்லை என்று உறுதியிட்டுச் சொல்லுவேன்! நிறையப் படங்கள் .... நேரம் கிடைக்கும்போது நிதானமாகப் பாருங்கள்.

சீசன் 1.

பிரபஞ்சத்தில் வேகம். [ Speeding through the Universe ]

இந்த அகண்ட பிரபஞ்சத்தில் நேரத்தைப்போல எதுவும் முக்கியத்துவம் பெற்றது இல்லை! ஓரிடத்திலிருந்து வேறொரிடத்துக்கு பயணமாவதாகட்டும், பிரபஞ்ச மகா புதிர்களான காலப்பயணம், கருங்குழிகள் போன்றவைகளின் புரிதலாகட்டும்... நேரமே பிரதானம்! எப்படியென்று பார்க்கலாமா?

பிரபஞ்சத்தில் அளவு. [ Sizing up the Universe ]

நாம் இருக்கும், கற்பனையும் செய்யவும் முடியாத அளவுடைய இந்தப் பிரபஞ்சத்தில் நாம் காணும் ஒவ்வொன்றும் மிக நுண்ணிய அணுக்களால் கட்டமைக்கப்பட்டு பிரம்மாண்டமாகக் காட்சியளிக்கிறது! So... SIZE really MATTERS!

பிரபஞ்ச வெடிப்பு. [ Blowing up the Universe ]

இந்த பிரபஞ்சத்தில் உள்ள அனைத்தும் ' Big Bang ' எனப்படும் மகா .. மெகா வெடிப்பினால் உருவானது! அந்த வெடிப்ப்பே இதுநாள்வரை தொடரும் மற்ற வெடிப்புகளுக்கு தாயாக உள்ளது!

*******************************************************************************************

சீசன் 2.

நட்சத்திரப் புயல்கள். [ Stellar Storms ]

நமது பூமியின் பருவநிலை மற்ற கிரகங்களின் பருவநிலையை ஒத்துள்ளது. விண்வெளியில் ஏற்ப்படும் காலநிலை மாற்றம்பூமியின் அடிப்படை கட்டமைப்பையே மாற்றி, அனைத்து உயிர்களின் எதிர்க்காலத்தையே கேவிக்குறியாக்கிவிடும் அபாயம் உள்ளது! வாங்க பார்க்கலாம்....

ஏலியன் தொடர்பு . [ Alien Contact ]

'இந்தப் பிரபஞ்சத்தில் நாம் மட்டும் தனியாகவா உள்ளோம் ?' என்ற கேள்வி மனிதன், பூமியைத்தவிற வேறு கிரகங்களும் உள்ளன என்று கண்டுப்பிடித்தப்பிறகு பிறகு பூதாகரமாக வளர ஆரம்பித்துவிட்டது. இப்போது நாம் காணப்போகும் காணொளியில் அதற்கான தேடல்களும், விஞ்ஞானிகள் உபயோகப்படுத்தும் தொழில்நுட்பங்கள் பற்றியும் பார்க்கப்போகிறோம்.

இறுதி எல்லைகள்: [ Final Frontiers ]

இந்தக் காணொளியில், நம் சொந்தக் கிரகத்தின் எல்லைகளை ஆராய முனையும் முயற்சிகள், எவ்வாறு நம் பிரபஞ்சத்தின் கற்பனைக்கெட்டாத எல்லைகளைக் காணவிழையும் முயற்சிகளோடு நெருங்கியத் தொடர்புக் கொண்டுள்ளது என்பதைக் காணப்போகிறோம்.

நம்ம பூமி 70% நீரில் மூழ்கியுள்ளது. அதிலே ஏதோ ஒரு ஐந்து சதவிகிதம் தான் மனிதனால் அறியமுடிந்திருக்கிறது. அதுப்போல நம் சூரியக் குடும்பத்தை எடுத்துக்கொண்டால், மனிதன் அறிந்துக்கொண்டது மிக மிகக் குறைவு. இந்த நிலையில் மொத்தப் பிரபஞ்சம்....?! இருந்தாலும் தற்போதுள்ள லேட்டஸ்ட் தொழில்நுட்ட்பத் துணைக்கொண்டு, பிரபஞ்ச இறுதி எல்லைகளைக் காணவிழைகிரார்கள் நம்ம விஞ்ஞானிகள் என்பதைப் பார்க்கலாம் வாங்க...

பிரபஞ்சப் புதிர்கள்: [ Decoding The Skies ]

நம் முன்னோர்களுக்கும் வான மண்டலங்களுக்கும் இருந்த உறவு, மனித இனத்தின் மிகப்பெரிய மட்டும் முக்கியமான கண்டுப்பிடிப்புக்களுக்கும் அழைத்துச் சென்றது. தற்போது நாம் காணப்போகும் காணொளி, மனித இனத்தின் வான்வெளி பற்றிய ஆவல், எப்படி நவீன கண்டுப்பிடிப்புகளுக்கு வழிக்கோலியது என்று விளக்குகிறது.

*******************************************************************************************

சீசன் 3.

விண்வெளியில் உயிர்வாழல்: [ Surviving Outer Space ]

நமது மனித உடல், பூமியின் நட்பான தட்பவெப்ப நிலைகளால், நலமாக, எந்தவித பிரச்சனைகளும் இல்லாமல் வாழ முடிகிறது. ஆனால் விண்வெளியில் வாழ்வது எனபது, மிகவும் சிக்கலான உயிருக்கு உத்திரவாதமில்லாத அபாயமாக உள்ளது. நுண் ஈர்ப்புவிசையில் [ Micro-gravity ] அன்றாட செயல்களான உணவருந்துதல்,தூக்கம் மற்றும் செக்ஸ் எல்லாமே சிக்கலாகி விடுகிறது! ஆனால் இது பிரச்சனைகளின் துவக்கமே. விண்வெளியின் வெற்றிடம் மற்றும் அதன் பூஜ்ஜிய அழுத்தம், நம்மை சில நொடிகளில் இல்லையென்றாலும், சில வினாடிகளில் கொன்றுவிடும்! இதிலே கதிர்வீச்சு வேறு! அப்ப எப்படித்தான் சமாளிப்பது? வாங்கப் பார்க்கலாம்.....

புதையல் வேட்டை. [ Treasure Hunt ]

வாங்க நெப்ட்யுனில் இருக்கும் வைர சுரங்கத்தை தேடுவோம்! இந்தக் காணொளி , மனிதன் எவ்வாறு விண்வெளியில் கொட்டிக்கிடக்கும் அரிய, பூமியில் சுலபத்தில் கிடைக்காத தாதுப்பொருட்களை அடைய, புதுமையான யோசனைகளைக் கூறுகிறது!

உச்சகட்ட விண்வெளித் தொழில்நுட்பம்: [ Extreme Space Tech ]

பூமியில் வாழும் நமக்கு, நாம் வாழும் இந்த சூழ்நிலை நம் கைகளில் இருப்பதாக நம்புகிறோம். அடிக்கடி அதுவும் நம் கைகளை விட்டு நழுவிவிடுகிறது. ஆனாலும் நாம் நம்பும் நவீனத் தொழில்நுட்பங்களை மேலும் மேலும் வளர்த்து குறையற்றதாக மாற்ற முயற்சிக்கிறோம். இந்தக் காணொளியில், எவ்வாறு விஞ்ஞானம் நாம் அன்றாடம் உபயோகப்படுத்தும் அடைப்படை வீட்டு உபயோகப் பொருட்களிலிருந்து மற்றும் நம்முடைய வாகனங்களிலிருந்தும் ஐடியாக்களை எடுத்து விண்வெளியில், மிகவும் சிக்கலான சூழ்நிலையில் பயன்படுத்தப்படும் அனைத்து கருவிகளிலும் வித்திடப்படுகிறது என்பதைக் காணலாம்.

வருகைக்கு நன்றி!

BBC இன் 'மனித உடலுக்குள்ளே...' - 2. ஆதி முதல் அந்தம் வரை...

2011-05-26T10:02:00.001+01:00

முதல் பாகம் ' BBC இன் 'மனித உடலுக்குள்ளே...' - 1. படைப்பு

'In side the Human Body - First to Last' என்ற இந்தப் பகுதியில் Dr.மோஸ்லி நமக்கு காண்பிக்கப்போவது, 'மனிதஉடல் நம் முதல் சுவாசத்திலிருந்து கடைசி மூச்சு வரை, நொடிக்கு நொடி, நிமிடத்துக்கு நிமிடம், நம்மை உயிருடன் வைத்திருக்க என்னென்ன போராட்டங்களை அற்புதங்களையும் நடத்துகிறது' என்பதைப்பற்றி!

ஸ்லோ மோஷனில் காண்பிக்கப்படும் ஒரு நீரில் நடக்கும் பிரசவத்தில் பிறக்கும் ஒரு குழந்தையுன் முதல் சுவாசத்தில் தொடங்கும் இந்தப் படம்... உலக மக்களின் அறிவு விருத்திக்காக, தன் இறுதி நாட்களையும், தான் விடப்போகும் கடைசி மூச்சை படமாக்க அனுமதி அளித்த, இங்கிலாந்தைச் சேர்ந்த 84 வயது பெரியவர் திரு.ஜெரால்ட் அவர்களின் மரணத்தில் முடிகிறது.

நம் உயிரை தக்கவைத்துக்கொள்ளும் வாழ்க்கை எனும் போராட்டத்தில், நம் உடலுக்குள்ளே நடக்கும் விந்தைகளை, நவீன தொழில்நுட்பப உதவியுடன் ஒரு அருமையான படமாக தந்து வாய்ப்பிளக்க வைத்துள்ளனர் இந்த பிபிசி குழுவினர். இந்தக் கதையோட்டத்தின் நடுவே, ஒன்பது நிமிடங்கள் வரை நீருக்குள் இருந்து சாதனைப் படைக்கும் நீச்சல் வீரர் ஹெர்பர்ட், விம் என்ற ஐஸ் மனிதன், பத்து வருடங்களாக வெறும் சிப்ஸ் போன்ற உணவையே உண்டு உயிர் வாழும் டெபி என்ற பெண்ணையும் இந்தப் படத்தின் மூலம் சந்திக்க இருக்கிறோம். அசாதரணமான வாழ்க்கையை வாழும் இவர்களுக்கு, இவர்களின் உடல் எப்படி ஒத்துழைக்கிறது என்பதையும் காணப்போகிறோம்.

படம் பார்க்கத்தொடங்கும் முன்பு, பெரியவர் ஜெரால்டின் மரண காட்சிகள் இங்கிலாந்தில் எப்படிப்பட்ட தாக்கத்தை ஏற்படுத்தியது என்பதையும் நீங்கள் தெரிந்துக்கொள்ள வேண்டும்.

மிரார் பத்திரிக்கை....

டெய்லி மெயில் பத்திரிகை....

கார்டியன் ...

தி டெலிகரப் பத்திரிகை....

செய்தியைப் படிப்பதோடு மட்டுமல்லாமல், அதிலுள்ள வாசகர் கருத்துக்களையும் படியுங்கள்... அதில்தான் நிறைய சுவாரசியம்!

இதுப்போன்ற காரியத்தை நம்மால் செய்திருக்க முடியுமா என்ற கேள்வியை நம்முன் வைத்துவிட்டுச் சென்றுள்ளார் பெரியவர் ஜெரால்ட் ! இதுவும் ஒரு கண் தானம், ரத்ததானம், உடல் தானம் போல அல்லவா நண்பர்களே...?

நீங்க என்ன நினைக்கிறீங்க?

விண்ணில் பறந்த வெள்ளை யானைகள்!

2011-05-25T21:37:00.272+01:00

எண்டேவரின் கடைசீப் பயணத்தின்போது எடுக்கப்பட்ட புகைப்படங்கள். எல்லாப் படங்களிலும் கீழே நம்ம பூமித்தாய்!

ஆம். வெள்ளை யானைகள்தான்! அத்தனை பளுவையும் சுமந்து, விண்வெளியில் பத்திரமாக இறக்கிவிட்டு, மீண்டும் கம்பீரமாகத் திரும்பி வந்த இந்த அறிவியல் அற்புதத்தை, நம்மவூர் யானைகளோடு ஒப்பிடுவது நன்றாகத்தானிருக்கிறது! முப்பது வருடங்களுக்கு முன் தொடங்கிய இந்த விண்வெளி சகாப்த்தம் ஒரு முடிவுக்கு வந்து இருக்கிறது!

அமெரிக்கா, கொலம்பியா விண்கலத்தை, 12/04/81 அன்று ( யூரி காகரின் விண்வெளியில் உலகை சுற்றி வந்த நாளின், இருபதாம் ஆண்டு நிறைவு நாள்) விண்வெளியில் ஏவியதைக்கண்டு உலகமே வியந்து நின்றது. அதுவரை உபயோகத்திலிருந்த விண்வெளித் தொழில்நுட்பத்தில் சாதனையாக, மறுபடியும் மறுபடியும் உபயோகப்படுத்தக்கூடிய, செலவில் முன்பைவிடச் சிக்கனமான, நம்ம சாதாரண விமானப்போக்குவரத்தைப்போல இருந்தது இந்த விண்வெளிக்கலன். ஐந்து முதல் ஏழு விண்வெளி வீரர்களையும், சுமார் 22,700 கிலோ எடையுள்ள பொருட்களையும் சுமந்து, பூமியின் வளிமண்டலத்தைக் கடந்து, விண்வெளியில் இறக்கிவிட்டு வரக்கூடியவகையில் வடிவமைக்கப்பட்டது.

மேலே பூமியைச் சுற்றிவரும், மற்றும் சூரிய மண்டலத்தில் பவனிவரும் பல மனிதன் அனுப்பிய செயற்கைக் கோள்கள், இந்த விவெளி ஓடங்கள் இலையென்றால் சாத்தியமாகி இருக்காது. மனிதனில் மகத்தான சாதனையான சர்வதேச விண்வெளி நிலையம் இந்த அளவுக்கு முன்னேறி இருப்பதற்கு இந்த விண்ணில் பறந்த வெள்ளை யானைகளும் ஒரு முக்கியக்காரணம். மற்றும் மெகலன், கலிலியோ, யுலிசிஸ் போன்ற விண்கலங்கள் விண்ணில் விட்டு வந்தது இந்த ஓடங்கள்தான்! ஹப்புள் மட்டும் சந்திரா ஏவப்பட்டது இவைகள் மூலமாகத்தான்.

'ஆனைக்கும் அடிசறுக்கும்' என்பதுப்போல் இந்த வெள்ளையானைகளுக்கு நேர்ந்த மிகத்துயரமான விபத்துக்கள் இதன் முடிவுக்கு வழிவகுத்துவிட்டது. ஆம். 28/01/86 அன்று சேலஞ்சர் விண்கலம், கென்னடி ஏவுத்தளத்திலிருந்து விண்ணில் கிளம்பிய 73 வினாடிகளில் வெடித்துச் சிதறியது! அதிலே இருந்த ஏழு விண்வெளி வீர்களும் மரணத்தைத் தழுவினார்கள்.

மீண்டும் 01/02/03 அன்று, ஏற்கனவே இருபத்தி ஏழுமுறை விண்வெளிக்குச் சென்றுவந்த கொலம்பியா விண்கலம், தனது பதினாருநாள் விண்வெளிப்பயணத்தை முடித்துக்கொண்டு, பூமியின் காற்றுமண்டலத்தில் நுழைந்தவுடன் வெடித்ததில் அதிலிருந்த ஏழுபேரும் உயிரிழந்தனர். அதிலே ஒருவர் நம்ம நாட்டில் பிறந்து, அமெரிக்காவில் செட்டில்லான கல்பனா சாவ்லாவும் ஒருவர் என்பது நினைவிருக்கும்.

ஆக, மேற்கூறிய விபத்துக்களாலும், மேலும் அதிநவீன அரெஸ்(Ares) மற்றும் ஒரியன் (Orion) போன்ற எதிர்க்கால விண்வெளிப்போக்குவரத்து வாகனத் திட்டங்களாலும், இந்த முப்பதுவருட சகாப்த்தம் இந்த வருடம் முடிவுக்கு வருகிறது. ஏற்கனவே 'என்டெவர் ' விண்கலம் தன இறுதி யாத்திரையை முடித்துவிட்டது! அடுத்தது 'அட்லாண்டிஸ் ' தனது இறுதிப்பயணத்தை, ஜூலை 8 அன்றுத் துவங்கி, அதேமாதம் இருபதாம்தேதி முடிக்கப்போகிறது!

ஸ்ஸ்ஸ்... அப்பாடா ...ஒருவழியாய் வந்து சேர்ந்தாயிற்று...!

விண்வெளிக்கலம் 'என்டேவர்' இன் இறுதிப் பயணம்... படங்கள்.

அட்லாண்டிஸ் விண்வெளிக்கலத்தின் கடைசி ஏவுதலை நேரில் பார்க்க விரும்பும் நண்பர்களுக்கு, இதோ ஒரு Guide...
[ சகோதரி சித்ரா ... பக்கமாக இருந்தால், ஒரு எட்டு போய்விட்டு வரவும்! ]

Flight statistics

Shuttle	Flights	Flight days	Orbits	Longest flight	First flight		Most recent flight		Mir/ISS docking
Shuttle	Flights	Flight days	Orbits	Longest flight	STS	Launched	STS	Launched	Mir/ISS docking
Columbia†	28	300d 17h 46m 42s	4,808	17d 15h 53m 18s	STS-1	Apr 12, 1981	STS-107†	Jan 16, 2003	0 / 0
Challenger†	10	62d 07h 56m 15s	995	08d 05h 23m 33s	STS-6	Apr 04, 1983	STS-51-L†	Jan 28, 1986	0 / 0
Discoveryx	39	365d 12h 53m 34s	5,830	15d 02h 48m 08s	STS-41-D	Aug 30, 1984	STS-133	Feb 24, 2011	1 / 13
Atlantis	32	293d 18h 29m 37s	4,648	13d 20h 12m 44s	STS-51-J	Oct 03, 1985	STS-132	May 14, 2010	7 / 11
Endeavourx	25	296d 02h 18m 35s	4,677	16d 15h 08m 48s	STS-49	May 07, 1992	STS-134	May 16, 2011	1 / 12
Total	134	1316d 19h 24m 43s	20,958						9 / 36

x No longer in service (retired) † No longer in service (destroyed)

Size
Function	Manned orbital launch and reentry
Manufacturer	United Space Alliance: Thiokol/Alliant Techsystems (SRBs) Lockheed Martin/Martin Marietta (ET) Boeing/Rockwell (orbiter)
Country of origin	United States
Height	56.1 m (184.2 ft)
Diameter	8.7 m (28.5 ft)
Mass	2,030 t (4,470,000 lbm)
Capacity
Payload toLEO	24,400 kg (53,600 lb)
Payload to GTO	3,810 kg (8,390 lbm)
Payload to Polar orbit	12,700 kg (28,000 lb)
Launch history
Status	Active
Launch sites	LC-39, Kennedy Space Center SLC-6, Vandenberg AFB (unused)
Total launches	134
Successes	133 successful launches 131 successful re-entries
Failures	2: (launch failure, Challenger); and (re-entry failure, Columbia)
Maiden flight	April 12, 1981
Notable payloads	Tracking and Data Relay Satellites Spacelab Great Observatories (including Hubble) Galileo, Magellan, Ulysses Mir Docking Module ISS components
Boosters (Stage 0) - Solid Rocket Boosters
№ boosters	2
Engines	1 solid
Thrust	12.5 MN each, sea level liftoff (2,800,000 lbf)
Specific impulse	269 s
Burn time	124 s
Fuel	solid
First stage - External Tank
Engines	3 SSMEs located on Orbiter
Thrust	5.45220 MN total, sea level liftoff (1,225,704 lbf)
Specific impulse	455 s
Burn time	480 s
Fuel	LOX/LH2
Second stage - Orbiter
Engines	2 OME
Thrust	53.4 kN combined total vacuum thrust (12,000 lbf)
Specific impulse	316 s
Burn time	1250 s
Fuel	MMH/N₂O₄

மனித இன வரலாற்றில் முக்கிய இடம் பிடித்த இந்த அறிவியல் அற்புதத்துக்கு, பிபிசி நிறுவனம், ஒரு அருமையான மரியாதை செலுத்தியுள்ளது. ' The Space Shuttle - A Horizon Guide ' என்ற ஆவணப்படம் மூலமாக. கடந்த முப்பது வருடங்களாக நடந்த சாதனைகளையும், வேதனைகளையும் மிகவும் அழகாக சொல்லப்பட்டுள்ளது. இந்தக் காணொளியைக் கண்டப்பின்பு, இவைகளைப் பற்றி அறியாதவர் மனதிலும் இடம்பிடிக்கும் என்பது நிச்சயம்! வாங்க பார்க்கலாம்.......