- சூரிய நிலா -

வேணாம்....!!! இதோட நிறுத்திக்கங்க....!!!

2011-11-03T20:52:00.001+05:30

நானும் பொறுத்து பொறுத்து பார்த்தேன்....
அசிங்கபடுத்துனீங்க.. கேவலபடுத்துனீங்க...
அப்புறம் எங்கள பார்க்கற எடத்துல எல்லாம் வெரட்டி வெரட்டி கொம்மட்டுலையே குத்துனீங்க... அப்ப கூட எங்களுக்கு சூடு சொரணை அவ்ளவா இல்லாததனால அதையும் பொறுத்துகிட்டோம்...
இனிமே பொறுத்துக்க மாட்டேன்… வந்து ஸ்பாட்ல எறங்கிட்டான் இந்த சூரிய நிலா ….
என் தங்க தளபதி விஜய்க்க்காகவும், மண்டைல மூளை இல்லன்னாலும் மனசு பூரா பாசத்தோட இருக்கற என் பங்காளிக விஜய் ரசிகர்களுக்காகவும் அடுக்கடுக்கான பாய்ன்ட்டுகளோட அற்புதமா களமிரங்கிட்டாண்டா இந்த முரட்டு காளை..! ( விடு விடு..எங்க கூட்டமே இப்டிதான்...பசு மாட்டில பால் கறக்கறதுண்ணா கூட எதுனா பஞ்ச் டயலாக் அடிச்சிகினேதான் பால் கறப்பம்..நீ கண்டுக்காம அடுத்த பேராவுக்கு போ...)

உங்கள எங்களுக்கு புடிக்காதுதான்… இருந்தாலும் மங்காத்தா படத்துல உன் தல சொன்ன ஒரே வார்த்தைக்காக, இதுநாள் வரை நான் அத பாலோ பண்ணிகினுகிறேன்...! (ரெண்டு சரக்க மிக்ஸ் பண்ணி குடிக்காதன்னு...) அந்த பெரிய மனுசத்தனம் உங்கள்ட்ட ஏண்டா இல்ல..அதென்னடா எங்க போனாலும் அடிக்கறீங்க...எத்தன பேர்ரா இருக்கீங்க நீங்க...? விஜய் ரசிகனா இருக்கறது அவ்ளோ பெரிய குத்தமாடா...?

ஆ ஊன்னா ஒரே கதைல எத்தன படத்துலடா நடிப்பான் உன் தலைவன்னு எகத்தாளம் வேற பேசுறீங்க… நான் உங்கள்ட்ட ஒன்னு கேக்குறேன்..நீங்கல்லாம் ஒரே கம்பெனில பத்து வருஷம் வேலை பார்க்கறதில்ல..அதே மாதிரிதாண்டா இதுவும்...! கடந்த பத்தாண்டு காலமா ஊர்னாட்லேர்ந்து கெளம்பி வந்து மெட்ராஸ் வில்லனுகள அழிக்கரதுன்னா சும்மா இல்லடா தம்பி...பஸ் சீசன் டிக்கெட் எடுத்தே சொத்து அழிஞ்சிரும்...இருந்தும் என் தலைவன் அதையே காலகாலமா அலுத்துக்காம செஞ்சுக்கிட்டுருக்கான்...நீ அதுக்கே அவன கோவில் கட்டி கும்புடணும்...இப்பல்லாம் என் தலைவன் எந்த ஊர்ல பஸ்ல ஏறுனாலும் கண்டக்டர் கேக்குறாராம்...என்ன சார் ஊருக்கு போறீங்க போலருக்கு...என்ன வில்லன அழிக்கவான்னு....அந்த அளவுக்கு உலகமெங்கும் பரவிருக்கற என் தலைவனோட புகழ் உனக்கு புரியலையேங்கரதுதாண்டா எனக்கு ரொம்ப சங்கட்டமா இருக்கு..!

அப்பறம் கேக்கனும்னு நெனச்சேன்...அதென்னடா என் தலைவன இண்டர்நெட்ல பிச்சைகாரன் மாதிரி

போட்டோஷாப்ள போட்டு கேவலபடுத்துறீங்க.. உங்களுகெல்லாம் மனசாட்சியே இல்லையா... என் தலைவன சைட் போஸ்ல ஒருக்களிச்சு நிக்க சொல்லி உக்காந்துகிட்டு பாருங்கடா... சும்மாவே அப்டித்தாண்டா இருப்பாரு என் தங்க தளபதி... அவர போய் போட்டோஷாப்ள எல்லாம் போட்டு போட்டோஷாப்ப அசிங்கபடுத்துரீங்களே., நீங்கல்லாம் மனுசன்தானா...? என்னை விடு...இந்த போட்டோவ ஒரு பிச்சகாரன் பார்த்தா எவ்ளோ பீல் பண்ணுவாங்க...பிச்சகாரன்னா அவ்ளோ கேவலமா போச்சா உங்களுக்கு...? இத நிறுத்திக்கங்க மொதல்ல.. !

வெரைட்டி வெரைட்டிங்கறீங்க..பொறந்ததுலேர்ந்து இட்லிக்கு மொளகா பொடிதானடா தொட்டுகிட்டு திங்கறீங்க...வெரைட்டியா இருக்கட்டுமேன்னு எவனாச்சும் மூக்கு பொடிய தொட்டு தின்னு பாருங்களேன்...! முடியாதுள்ள...அந்த மாதிரிதாண்டா என் தலைவனுக்கும்...நீ நக்கல் அடிக்கலாம்...எல்லாரும் வெரைட்டியா நடிக்கறாங்க...ஆனா, உன் தளபதி மட்டும் என் ஹேர் ஸ்டைல கூட மாத்தாம நடிச்சு உசுர எடுக்கராருன்னு..உன்ன பார்த்து நான் ஒன்னு கேக்குறேன்..தெய்வ திருமகன்ல விக்ரம் பண்ண ரோல என் தளபதி பண்ணி அத வீட்ல உக்காந்து குடும்பத்தோட டிவில பார்த்தா எத்தன புள்ளைகளுக்கு மூளைக்காய்ச்சல் வரும்.. எத்தன பேர் வீட்ல பிக்சர் டியுப் வெடிக்கும்..இதெல்லாம் யோசிச்சியா நீ..? பிரெண்ட்ஸ் பட க்ளைமாக்ஸ்ல விஜயோட ஆக்டிங் பார்த்துட்டு என் பிரெண்ட் மூணு நாள் ஆபிசுக்கு லீவ் போட்டுட்டு சிரிச்சிகிட்ருந்தாண்டா... அவ்ளோ பெரிய நடிப்பு சக்கரவர்த்தி ரிஸ்க் எடுக்காம இருக்கறது உங்கள காப்பாத்ததான்னு ஏண்டா புரிஞ்சுக்க மாட்றீங்க...!

அடுத்தது கவ்தம் மேனன் படத்துல மட்டும் என்ன கதைன்னு நெனைக்கற... அமெரிக்கால நடக்கற ஒபாமா தங்கச்சியோட கல்யாணத்துக்கு துணி எடுக்கறதுக்காக நியூயார்க் போறாரு என் தளபதி... அப்போ நியூயார்க்ல இருக்கற வில்லன் ஒபாமா தங்கச்சிய கைய புடிச்சு இழுத்தர்றான்..!.ஒபாமா தங்கச்சிய எவனோ ஒருத்தன் கைய புடிச்சு இழுக்கரதுக்கும் உன் தளபதிக்கும் என்னாடா சம்பந்தம் நார பயலேன்னுதான கேக்க வர்ற...! போடா லூசு... இதுவரைக்கும் எந்த படத்துலடா நாங்க லாஜிக்கொட படம் எடுத்துருக்கோம்... கேக்றான் பாரு கேள்வி. கேனயாட்டம் .. கதைய மேல கேள்றா.. கைய புடிச்சு இழுத்த அடுத்த செகேன்ட் வெக்கிறோம் ஒரு பஞ்ச் டயலாக... தங்கச்சி யாரோடதுங்கறது முக்கியம் இல்ல.. கைய புடிச்சு இழுக்கரதுதான் முக்கியம்னு சொல்லிட்டு கலிபோர்னியால இருக்கற ஒரு டீ கடைல வெச்சு வில்லன வெளு வெளுன்னு வெளுத்து......
டேய் டேய் டேய்..ஏண்டா இப்ப கொட்டாவி விட்ரா...இருடா படம் வரட்டும்..அப்பறம் விட்டுக்கலாம்....!

கடைசியா ஒரு விஷயம் உன்ட்ட வெக்கத்த விட்டுட்டு சொல்றேன்...எங்களுக்கு இதான் வரும்... வெச்சுக்கிட்டு வஞ்சகம் இல்ல...நடிக்க தெரிஞ்சா நடிச்சிருவோம்..வரல..அதனால வில்லனுகள அழிச்சு வியாபாரம் பண்ணிக்கிட்டுருக்கோம்..!

வேணா என் தலைவன்ட்ட சொல்லி அடுத்த படத்துல மெட்ராஸ்லேர்ந்து கெளம்பி போய் செவ்வாயிலோ சந்திரனிலோ இருக்கற வில்லன அழிக்க சொல்றேன்..!

நீங்கள் யாரையும் லவ் பண்ணுறிங்களான்னு அறிய ஒரு சுய சோதனை....

2011-11-03T08:08:00.001+05:30

காதல்...! இதனை சொற்களால் வர்ணனை செய்வதை விட எங்களில் பலருக்கு தொட்டுணர்ந்த வல்லமையும், பட்டு நலிந்த சோகங்களும் உண்டு. சில சமயங்களில் வைரமுத்துவின் கவிவரிகள் எல்லாவற்றையும் மேவிய உணர்ச்சிகள் சிலவற்றையும் விதைத்துவிட்டு செல்லும் வல்லமை பொருந்தியவை.

நேற்று எனக்கு வந்த மின்னஞ்சலொன்று நாங்கள் யார் மீதும் காதல் வயப்பட்டுள்ளோமா என்பதை எக்ஸ்றே பிடித்துக்காட்டும் எனும் தலைப்பில் வந்தது. நானும் ஒரு தடவை சுயசோதனை செய்து பார்த்தேன். சோதனையில் வெற்றியா அல்லது தோல்வியா என்பது என்னுடனேயே இரகசியமாக இருக்க - இம்மின்னஞ்சலை வாசித்தபோது எனக்குள் ஏற்பட்ட எண்ணவோட்டங்கள், சிந்தனை மாற்றங்கள், விரிந்து கிடந்த எதிர்காலக் கனவுகள்... இவைகளும் உங்கள் மனவோட்டத்தில் திரையிடப்படும் எனும் நம்பிக்கையில் அம்மின்னஞ்சலை உங்களுடன் பகிர்கின்றேன்.

நீங்கள் யாரையும் காதலிக்கின்றீர்களா? கண்டு கொள்ள பன்னிரண்டு வழிகள்:

பன்னிரண்டாவது:

நித்திரையைத் தொலைத்த பின்னிரவுகளில் உங்கள் தொலைபேசி கரமெடுத்துக் கும்பிடாத குறையாக உங்களிடம் இறைஞ்சும். ஆனாலும், சார்ஜ் ஏற்றிக்கொண்டே அவளுடன் நீங்கள் இறைத்துக் கொண்டிருப்பீர்கள். அதிகாலை வேளையில் இரவு நித்திரைக்காக படுக்கைக்கு போகும் போதும் அவளின் நினைவுகளே உங்களை ஆக்கிரமிக்கும்.

பதினோராவது:

அவளுடன் நீங்கள் சேர்ந்து நடக்கும் போது அன்னம் கூட உங்களை வென்றுவிடும். உலகை மறந்து எதிர்காலக் கனவுகளை சுமந்த வண்ணம் அப்படியொரு ஆறுதல் நடை.

பத்தாவது:

அவள் தூர விலகி நின்றால் (ஐந்து மீற்றர் கூட அதிகம்) உங்கள் மனதில் ஏதோவொன்று குறைவது போன்ற சங்கடம் எழும்.

ஒன்பதாவது:

அவள் குரல் கேட்டால் உங்கள் வதனத்தில் புன்னகை பூக்கும்.

எட்டாவது:

அவளை காணும் போது நீங்கள் சனத்திரளின் மத்தியில் நின்றாலும் உங்களைச் சுற்றி எவருமே இல்லாதது போன்றதொரு உணர்வு எழும். உங்கள் கண்ணுக்குத் தெரிவதெல்லாம் அந்தத் தேவதை தான்.

ஆறாவது:

உங்கள் சிந்தனையெல்லாம் ஒன்றே ஒன்று. அந்த தேவதை பற்றியதாகவே இருக்கும்.
ஐந்தாவது:

அவளை பார்க்கும் ஒவ்வொரு தடவையும் உங்களிடமிருந்து புன்னகையொன்று வெளிப்படுவதை உணர்வீர்கள்.

நான்காவது:

அவளை பார்த்து விடவேண்டுமென்பதற்காக என்ன வேண்டுமானாலும் செய்வதற்கு தயாரக இருப்பீர்கள்.

மூன்றாவது:

இதை நீங்கள் வாசித்துக் கொண்டிருக்கும் இக்கணங்களில் உங்கள் ஞாபகம் எல்லாம் ஒருத்தரைச் சுற்றி வட்டமடித்துக் கொண்டிருக்கும்.

இரண்டாவது:

உங்கள் எண்ணங்கள் அந்த ஜீவனைத் தழுவி வரும் வழியில் ஏழாவது வழிமுறையை நீங்கள் தவறவிட்டதை கண்டுகொள்ள மறந்திருப்பீர்கள்.

முதலாவது:

அது உண்மைதானா என்பதை சோதிக்க மேற்சென்று வரும் நீங்கள் மெளனமாக உங்களுக்குள்ளே சிரிக்கின்றீர்கள் அல்லவா...!!!

நீங்கள் மனம் விரும்பும் - இப்போது மனதில் சுமந்துள்ள அந்த ஜீவன் உங்களையும் தன்மனதில் புன்னகை சிந்த சுமக்க வேண்டுமாயின், இப்பன்னிரண்டு வழிமுறைகளினூடும் அழைத்து வாருங்கள்.

இனிய தீபாவளி.....!!!!

2011-10-30T20:37:00.001+05:30

ஒரு மாதத்துக்கு முன்னாலேயே கவுண்ட் டவுண் தொடங்கிவிடும். சனி ஞாயிறை ஒட்டி வந்தால் திங்கள்கிழமை வயத்துவலி வந்து பள்ளிக்கு லீவு போட திட்டம் ரெடியாக இருக்கும். முந்தின வியாழக் கிழமையே எனக்கு அடுத்த வாரம் வயத்துவலி வரும், லீவு வேண்டும் என்று லெட்டரைக் கொடுக்க கை பரபரக்கும். ஜிகிடி அறியாப் பருவத்தில் ட்ரஸில் அவ்வளவு மோகம் இருந்ததில்லை. ஒருதரம் பெண்களின் பாவடை துணி டிசைன் பிடித்து விட அதில் தான் ட்ராயர் வேண்டும் என்று அடம் பிடித்து தைத்துப் போட்டுக்கொண்டது கூட நினைவில் இருக்கிறது. நான் விட்ட உதாரில் என்னைப் பார்த்து இன்னும் நாலு வானரங்கள் அடுத்த வீட்டில் அடம் பிடித்து சூடு போட்டுக்கொள்ள அந்த தீபாவளிக்கு நாங்கள் பாவாடை சாமியார்களாக உலா வந்ததைப் பார்த்து ஊரில் வாயை பொத்திக் கொண்டு சிரித்தார்கள். இதையே அப்புறம் ஒரு பத்து வரு~ம் கழித்து பிரிண்டட் ~ர்ட்ஸ் என்று கொழும்பில் பே~னாக்கிவிட்டார்கள். (நாங்க யாரு தீர்க்க தரிசி பரம்பரைல்ல..) ட்ரஸ்ஸை விட அதன் கூட வரும் துக்கடாவில் தான் கவனம் இருக்கும். ஜிகு ஜிகு பெல்ட், ஊதா கூலிங் கிளாஸ், தொப்பி, செருப்பு என்று எல்லோரோடும் ரவுண்டு வரும் போது பந்தாவா இருக்கும்ல. ஊதா கூலிங் கிளாஸைப் போட்டுக்கொண்டு காலை நாலு மணிக்கு யானை வெடியை பத்த வைக்கிறேன்னு வெடி அல்ரெடி பற்றியது தெரியாமல் குத்த வைத்துக் கொண்டு பத்தியை வைத்துக் கொண்டு தடவு தடவுன்னு தடவியதில், வெடி வெடித்து அடுத்த தீவாளியிலிருந்து கூலிங் க்ளாஸ{க்கு வேட்டு வைக்கப்பட்டது. நல்லவேளை அந்த தரம் எனக்கு எதுவும் சேதாரம் இல்லை.

தீபாவளியை ஒட்டி சினிமா ரிலீஸ் தவிர எங்கள் வட்டத்தில் பேசப்படும் இன்னொரு முக்கியமான டாபிக் யார் வீட்டில் எவ்வளவு ரூபாய்க்கு வெடி வாங்கியிருக்கிறார்கள் என்பது. நூறு ரூபாய்க்கு வெடி வாங்குபவர்கள் எல்லாரும் வி.ஐ.பி ஸ்டேடஸ். என்ன தான் அண்டப் புளுகு புளுகினாலும் வீட்டு வாசலில் வெடிக் குப்பை இருந்தால் தான் நம்பப்படும். "நல்ல நாள் அதுவுமா ஏண்டா தெருவெல்லாம் பெருக்கற?" அம்மா எவ்வளவு புலம்பினாலும் யாரும் பார்க்காத போது அடுத்த வீட்டுக் குப்பையையெல்லாம் பெருக்கி நம்வீட்டில் போட்டால் தான் பந்தா விடுவதற்கு நிம்மதியாக இருக்கும். அணுகுண்டையெல்லாம் நான் ஒத்தக் கையாலயே பத்த வைத்து போடுவேன் தெரியுமான்னு பத்தவைத்து எங்கயாவது போட்டு "வானரம் அவதாரம் எடுத்து அப்படியே வந்திருக்கு"ன்னு நாலு பேர் புகழும் போது எவ்வளவு ஆனந்தம். இந்த மாதிரி வயத்தெரிச்சல் சில சமயம் அதிகமாகி யானை வெடி கையிலேயே வெடித்து, இதெல்ல்லாம் அண்ணனுக்கு தூசு என்று உதார் விட்டு ஒருத்தரும் பார்க்காத போது ஓரமாய் போய் தண்ணீரில் கைவிட்டு "அவ்வ்வ்வ்வ்வ்" என்று அரற்றி, அடிக்கடி வாயில் விரலை வைத்து சூப்பி முழித்த அனுபவமும் உண்டு. ராக்கெட்டைப் படுக்கவைத்து தான் விடுவோம்ன்னு தெருவில் வானர மாநாட்டில் ஒரு கும்பலாக தீர்மானம் எடுத்து விட்டு அது ரோட்டில் போவோர் வருவோரை துரத்த...அடுத்த கட்டமாக அவர்கள் எங்களைத் துரத்த..இதெல்லாம் இல்லாத தீபாவளி தீபாவளியா என்று இருக்கிறது.

அடுத்த வீட்டு கணேசா...எங்க வீட்டுல இந்த தரம் ஐந்நூறு ரூபாய்க்கு வெடி வாங்கியிருக்குன்னு கடை பரப்பி பந்தா விட்டுக்கொண்டிருக்க.."எங்க ஒரு தரைச் சக்கிரத்தைப் பத்த வைத்துக் காட்டு பார்ப்போம்"ன்னு ஒரு வானரம் உசுப்பேத்திவிட...அவனும் அங்கேயே பத்த வைத்து அது சுத்தி சுத்தி எல்லாவெடியையும் பத்த வைத்து விட, அவர்கள் வீடு வாசலறையில் இரண்டு நாள் முன்னாடியே தீபாவளி வந்து விட - அது என்னம்மோ அவ அப்பாவுக்கு ரொம்ப பிடிக்காமல் அவன் முதுகிலேயே தீபாவளி கொண்டாடிவிட்டார்.

காலை இரண்டு மணிக்கு இந்தப்பக்கம் ஒரு அனுகுண்டை வைத்து தெருவில் எல்லாரையும் எழுப்பினால் அந்தப் பக்கம் இன்னொரு வானரம் பதில் அனுகுண்டைவைத்து சங்கேத மொழி பேசும் காலம் எல்லாம் மலையேறிப் போச்சு போல இருக்கு. ஒரு மணி நேரம் வெடி போட்டுவிட்டு டி.வி. பொட்டி முன்னால் மஙக்ள இசை, நடிகர்கள் வாழ்த்து, நடிகைகள் பேட்டி, புதுப்பாடல், பட்டிமன்றம், உலகத் தொலைகாட்சிகளில் முதல் முறையாக ஒளிபரப்பப் படும் படம் என்று தீபாவளி கொண்டாடும் முறையே மாறிவிட்டது.

குறையாகச் சொல்லவில்லை...மாற்றுங்களைய்யா...டீ.வி. பொட்டியிலிருந்து வெளி வந்து சந்தோஷமாக இந்த தீபாவளியைக் கொண்டாடுவோம்...குடும்பத்தோடு தெருவிற்கு வாங்கள்..(தீபாவளிக்கு கொண்டாடுவதற்குச் சொன்னேன்பா) மக்களோடு மக்களாக சந்தோ~மாக கொண்டாடுவோம். சாலமன் பாப்பையாவும், நமீதாவும் எங்கேயும் போய்விட மாட்டார்கள்.. நாம் வெளியில் வந்து கொண்டாடினால் இன்னும் நாலு பேர் வருவார்கள்...

உங்களுக்கும் உங்கள் குடும்பத்தாருக்கும் இனிய தீபாவளி வாழ்த்துக்கள் !!]

காதலை சரியான நேரத்தில் சொல்லுங்கள்.......!!!!

2011-06-12T09:15:00.000+05:30

சந்தித்து பேசிப் பழகிய பத்தாவது நாளில் ஐ லவ் யூ சொல்லி சாதித்தவர்களும் உண்டு, ஒன்றாகவே படித்து, பழகி பல ஆண்டுகள் ஆகியும் சொல்லாமல் காதலை மறைத்து தொலைத்தவர்களும் உண்டு.

ஆனால் காதலில் விழுவதை விட, காதலை உணர்த்துவதே மிக மிக முக்கியமான விஷயமாகும். அதனை சரியாக செய்யாத காதலர் தோல்வியைத்தான் அடைவார்கள்.

உங்கள் காதலைப் பற்றி உங்களுக்கு எப்போது அதீத நம்பிக்கை வருகிறதோ அப்போதுதான் நீங்கள் அதனை கூறுவீர்கள். அப்படி வரும்வரை நீங்கள் காத்திருந்துதான் ஆக வேண்டும்.

அவரும் நம்மை காதலிக்கிறார் என்று தெரிந்து கூறும் காதலும் உண்டு, நாம் காதலை உணர்த்தியப் பிறகே அவருக்கு நம் மீது ஈர்ப்பு வர வேண்டும் என்ற வகையும் உண்டு.

கல்லை எறிந்து பார்ப்போம், விழுந்தால் மாங்காய், இல்லாவிட்டால் கல்தானே போகும் என்று அலட்சிய மனப்பாங்குடன் காதலைச் சொன்னால் கண்டிப்பாக தோல்விதான் கிடைக்கும்.

உங்களுக்கு இடையே பேச்சு வார்த்தை சுமூகமாக போய்க் கொண்டிருக்கிறதா என்பதை முதலில் பார்க்க வேண்டும். அந்த பேச்சுவார்த்தை சாதாரண நண்பர்கள் போலவா அல்லது நெருங்கிய நண்பர்கள் போல் இருக்கிறதா என்பதை அலச வேண்டும்.

சாதாரண நண்பர்கள் போல் என்றால் நீங்கள் இன்னும் சிறிது காலம் காத்திருந்து உங்கள் உறவை பலப்படுத்திக் கொண்டு காதலைச் சொல்லலாம். ஆனால் அதற்காக அதிக நேரம் எடுத்துக் கொள்ளக் கூடாது.

நெருங்கிய நண்பர்கள் போன்ற உறவு இருந்தால் நல்ல முறையில் காதலை உணர்த்துங்கள்.

சரியான நேரத்தில் சொல்லப்படாத காதல் வெற்றியை நோக்கு செல்வதே இல்லை. காதல் ஐஸ்கிரீம் மாதிரி. உருகுவதற்குள் சொல்லிவிட வேண்டும். இல்லை என்றால் காலி கப் தான் கையில் மிஞ்சும்.

அன்புள்ள அம்மாவுக்கு......

2011-04-11T16:01:00.000+05:30

அன்புள்ள அம்மா..........

இன்று April 11

உங்களுக்கு பிறந்த நாள்.. எனக்கு முழுமையாக வாழ்த்த வயதில்லை. ஆனாலும் வணங்கி நிற்கிறேன். உங்களுக்கு மகனாய் பிறந்ததுக்காய் கடவுளுக்கு பல கோடி நன்றிகள் சொல்லுகிறேன்.......

இதுவரை நாம் தாய் மகன் எல்லையைத் தாண்டி எவ்வளவோ மனம் விட்டு பேசியிருக்கிறோம்.. நல்ல நண்பரை போல பழகி இருக்கிறோம். பல விசயங்களை விவாதித்து இருக்கிறோம். அவ்வப்போது சின்ன சின்ன சண்டைகள் கூட போட்டதுண்டு. என் பாடசாலை காலங்களில் நீங்கள் எனக்கு வில்லியாகவும் பிற்போக்கு வாதியாகவும் தெரிந்து இருக்கிறீர்கள். ஆனால் இன்று அதை நினைத்ததை பார்க்கும் போது வெட்கத்திலும் வேதனையிலும் தலை குனிகிறேன். இன்று வாழ்க்கையை புரிந்து கொண்ட பின் அன்று வில்லியாக தெரிந்த நீங்கள் இன்று வழிகாட்டியாக தெரிகிறீர்கள். நாம் எவ்வளவோ மனம் விட்டு பேசி இருந்தாலும் இதுவரை உங்களை பற்றி உங்களிடம் நான் சொல்லியது இல்லை. சொல்ல நினைக்கும் போதெல்லாம் இனம் புரியாத ஏதோ ஒன்று தடுத்து விடுகிறது. நேரில் சொல்ல முடியாததை இன்று இந்த மடலில் சொல்லுகிறேன். என் எழுத்துக்களுக்கும் சூரிய நிலாக்கும் முதல் ரசிகையான நீங்கள் நிச்சயம் இதைப் படிப்பீர்கள் என்று எனக்கு தெரியும்.........

நான் உங்களுக்குக மகனாக பிறந்தது நீங்கள் செய்த தவம் என்பதை விட

கடவுள் எனக்கு கொடுத்த வரம் என்று தான் சொல்லுவேன்......

உங்கள் கஷ்டம் புரியாமல் அது வேண்டும் ...

இது வேண்டும் என்று அதிகாரமாய் நான் கேட்ட வேளைகள் அவைகளை நீங்கள் தேடியலைந்து என் கையில் கொடுத்து என் முகமலர்ச்சியில் உங்கள் இதயம் மகிழ்வீர்களே அம்மா .....

அப்போது நான் எத்தகைய சுயநலவாதியாகவிருந்தேன் எப்போது எண்ணினாலும் தப்பாமல் என் விழிகளில் நீர் தானம்மா மிஞ்சும்.....

என் பாடசாலை வாழ்வின் ஆரம்ப நாட்களில் என் பாடப் புத்தகங்களை என்னை விட நீங்கள் படித்தது தான் அதிகம்.. அடுத்த நாள் பள்ளிக் கூடத்தில் அவமானமோ அடியோ நான் பட்டு விடக் கூடாது என்பதற்காக என் வீட்டுப் பாடங்களை என்னை விட நீங்கள் தான் எழுதியிருக்கிறீர்கள். அம்மா நீங்கள் போட்ட அத்திவாரத்தில் தான் தப்பாமல் என் வாழ்வு இன்று தளும்பாமல் செல்கின்றது காலையில தூங்கிய என்னை அழ அழ எழுப்பி முத்தம் கொடுத்து, கொஞ்சி, குளிக்க வைத்து, சாமி கும்மிட வைத்து, தல வாரி, சீருடை அணிவித்து உணவு ஊட்டி, பள்ளிக்கு அனுப்பிய பசுமையான நினைவுகள் என் மனதை விட்டு அகழவில்லை.

நான் உங்களுக்காய் இதுவரை பெரிதாய் எதுவும் செய்ததில்லை ஒரு சில பரிசுப் பொருட்கள் வாங்கி தந்ததை தவிர. ( அதுகும் என் நட்புகளின் ஆலோசனையில கேட்டு.) ஆனால் நீங்கள் எனக்காக நிறைய தியாகங்கள் செய்திருக்கிறீர்பள். நான் கைக்குழந்தையாய் இருந்த போது உங்களுக்கு கிடைத்த அரச வேலையை எனக்காக வேண்டாம் என்று மறுத்தீர்கள். வேலைக்கு போனால் எங்கு என்னை ஒழுங்காக கவனிக்க முடியாமல் போகுமோ என்ற ஒரே காரணத்துக்காக மறுத்தீர்கள் என்று எனக்கு தெரியும். அந்த அன்புக்கு நான் என்ன கைமாறு செய்தாலும் ஈடாகாது. உங்கள் மகனுக்காக நீங்கள் இழந்த அரச உத்தியோகத்தில் உங்கள் மகனை இருத்திப் பார்க்க வேண்டும் என்ற உங்கள் ஆசை என்பது எனக்கு தெரியும். அந்த ஆசையை நிறைவேற்றி வைக்க சந்தர்ப்பங்கள் வாய்த்த போதும் அதை உதறித் தள்ளிய உங்களை வேதனைப் படுத்தியவன் நான். அப்பொது கூட ஒரு துளி கோபம் கூட காட்டாமல் என் ஆசைகளுக்காக உன் ஆசைகளையும் நீ புதைக்காதே. வாழப் போறவன் நீ தனே என்று பெரும் தன்மையோடு விட்டு தந்தவர் நீங்கள். தங்கள் ஆசைகளுக்காய் பிள்ளைகளை பணயம் வைக்கும் பெற்றொருக்கு மத்தியில் என் ஆசைகளுக்காய் உங்கள் கனவுகளை புதைத்தவர் நீங்கள். சீதனச் சந்தையில் பிள்ளைகளை விலை ’பேசி விற்கும் தாய்மார்களுக்கு மத்தியில் உன் மனசுக்கு பிடிச்சிருந்தா யாரை பற்றியும் கவலை படாமல் அந்த பொண்ண லவ் பண்ணுடா என்று பச்சை கொடி காட்டியவர் நீங்கள். அனுமதி தந்து வருஷங்களாச்சு. ஆனாலும் என் துரதிஸ்டம் உங்களுக்கு ஏற்ற மருமகள் இது வரை உங்களுக்கு அடையாளம் காட்ட முடியவில்லை.

எனக்கு நீங்கள் ஒரு குறையும் வரை வைத்ததில்லை. ஓடி ஆடி விளையாடவும் செல்லமாய்ச் சின்ன சண்டைகள் போடவும் ஒரு தம்பியையோ தங்கையையோ தராத ஒரு குறையை தவிர. ஆனாலும் எனக்கு தெரியும் இன்னொருவன் வந்து விட்டால் பாசத்தை பங்கு போட வேண்டுமே என்ற ஒரேகாரணத்தினால் மட்டும் தான் அந்த குறையை எனக்கு விட்டிர்கள். ஆனாலும் அதுக்காய் நான் என்றும் வருந்தியதில்லை. ஏனெனில் அந்த வெற்றிடத்தை கூட உங்கள் அன்பால் நிரப்பி விட்டீர்கள். நீங்கள் மகனுக்கு மகனாய் மகளுக்கு மகளாய் வளர்த்தீர்கள். மகள் இல்லை என்ற குறையை நீங்கள் போக்க பெண்ணாய் உடுத்தி அழகு பார்த்ததும் தோடு குத்தி ரசித்ததும் காப்பு போட்டு கனிவோடு அழகு பார்த்ததும் நடன வகுப்புக்கு அனுப்பி பரத நாட்டியம் பழக்கியதும் எனக்கு அவமானமாய் இருக்கிறது என்று உங்ளிடம் அன்று சொல்லி இருக்கிறேன். ஆனால் இன்று சொல்லுகிறேன் உங்களை நினைத்து அன்று நீங்கள் எனக்காக செய்த அந்த செயல்களை நினைத்து இன்று பெருமைபடுகிறேன். அன்று அவமானமாய் பட்டது இன்று வெகுமானமாய் தெரிகிறது.உங்களை போல் வேறு யார் பையனுக்கு பெண்ணாய் உடுத்தி அழுகுபாத்திருக்க முடியும். அந்த அன்புக்கு தலை வணங்குகிறேன். பெண்பிள்ளையாய் என்னை பாவித்து எப்போதும் ஏன் இன்று கூட என்னை வீட்டில்செல்லமாய் எப்போதும் சைலஜா என்று தானே கூப்பிடுவீர்கள். அந்த பாசத்துக்கு தலை வணங்குகிறேன்.

நான் உங்களுக்கு ஒரு நல்ல பிள்ளையாகஇருந்தேனோ எனக்கு தெரியாது. ஆனாலும் நீங்கள் எனக்கு எப்போதும் நல்ல தாயாக இருந்துள்ளீர்கள். உங்கள் கனவுகளை நான் நிறைவேற்றவில்லை என்பதை நன்கு அறிந்தே வைத்திருக்கிறேன். ஆனாலும் அதைப் பற்றி என்னிடம் நீங்கள் எதுவும் சொன்னதில்லை. அதற்கு நியாயப்படுத்தகூடிய பல காரணங்கள் என்னிடம் உண்டு என்பது உங்களுக்கும் தெரியும். ஆனாலும்அதை நான் நியாயப்படுத்த விரும்பவில்லை. அதற்காக உங்களிடம் இந்த சந்தர்ப்பத்தில் மன்னிப்பு கோருவதில் எனக்கு எந்த வெட்கமோ துக்கமோ கிடையாது. ஏமாற்றங்களாலும் துரோகங்களாலும் நான் வீழ்த்பபட்டு வாழ்க்கையில் தோற்றுப் போனவனாய் விரக்தியின் விளிம்பில் நின்ற போது உங்கள் அரவனைப்பும் அன்புமே எனக்கு அரு மருந்தாக இருந்து மறுபடி எழுந்து நிற்கவும் ஜெயித்து காட்டவும் வெறியை தந்தது வெற்றியை தந்தது. உங்களை போல் ஒர் தாய் எனக்கு இருக்கும் வரை ஆயிரம் முறை விழுந்தாலும் மறுபடி எழுந்து நிற்பேன்.

எனக்காகவே ஒவ்வொரு நாளையும் கடந்து வந்திருக்கீங்க. எதிர் காலத்தில நான் எந்த , வலியையும் பட்டுறக்கூடாதுனு நீங்க எடுக்குற முயற்சியும், அதை நான் புரிஞ்சிக்காம அந்த அந்த வயசில உங்க பேச்சை கேட்க்காம இருந்ததும், இருக்குறதும் எதுவும் உங்களை அலட்சியப் படுத்தணும் என்ற எண்ணத்தில் இல்லைனு புரிஞ்சிகோங்கம்மா. இப்போ இதை சொல்றது கூட நீங்க என் மேல கோவப் பட்டிருப்பிங்களே என்றதுக்காக இல்லை, பசங்களோட செய்கையை உதாசீனம்னு எடுத்திகிட்டு உங்க மனசு காயப் பட்டுறக்கூடதுனு தான். 50 வருடங்கள் போயிருச்சு இனி என்ன அப்படீன்னு யோசிக்க ஆரம்பிக்காதீங்க, நாம ஆரோக்கியமா, நல்லா மனநிலையில இருக்குற ஒவ்வொரு நொடியும் நமக்கு கிடைச்ச வரம்.எத்தனை பேருக்கு இது வாய்ச்சிருக்கு ? இதை சரியா பயன் படுத்துறது தானே இந்த வாழ்வை கொடுத்த (நீங்க வணங்குற) இறைவனுக்கு நீங்க குடுக்குற மரியாதை!

கண்களில் உறக்கமில்லை வயிற்றில்

நான் தரும் வேதனை பொறுக்கவில்லை

என்றென்னை நீ வெறுக்கவுமில்லை

பிஞ்சு முகம் காண மனம் சுளிக்கவுமில்லை

ஈரைந்து மாதங்கள் எனை தாங்கி நின்றாயே!

சுக வாழ்வு நான் வாழ தினம் பாலூட்டி வளர்த்தாயே!

நீராட்டி சீரட்டி நிலாக்காட்டி ஊணூட்டி

கவிபாடி தாலாட்டி நான் தூங்க

உன்தூக்கம் இழந்தாயே!

இரவெல்லாம் விழித்திருந்தாய்

பகலெல்லாம் பசித்திருந்தாய்

தன் நெனப்பே மறந்திருந்தாய்

எனக்கேதும் ஆனதென்றால்

எந்நாளும் நலமாக பார் மீது நான் வாழ

உன்வாழ்வு தந்த அன்புள்ள என் தாயே!

உன் கடன் நான் தீர்க்க

ஒரு காலும் முடியாது பாரினிலே!

நான் இது வரை உங்களிடம் கேட்டதில்லை. ஆனாலும் இன்றுகேட்கிறேன்.......

மறு ஜென்மம் இருந்தால் நீங்கள்எனக்கு பிள்ளையாக பிறக்கவேண்டும்.

அப்போதாவது நீங்கள் என்னைகவனித்ததை போல் நான் உங்களைகவனித்து என் நன்றி கடனை தீர்க்கவேண்டும்.

நான் இது வரை உங்களிடம்சொன்னதில்லை. ஆனாலும் இன்று சொல்லுகிறேன்.

I Love You Amma............

நீ எல்லாம் உருப்படவே மாட்டாய்.........

2011-03-27T18:03:00.003+05:30

மச்சி.. மப்பு மலை பேசறேண்டா. எப்படி இருக்க?
அடேய்… சொல்லுடா..

உனக்கு ஒரு ஷாக்கிங் நியூஸ் சைலு. ஒரு ஃபிகர் எனக்கும் மடங்கிடுச்சு மச்சி.
நிஜமாவாடா? பார்த்து மடக்கி மடக்கி கூன் விழ வச்சிடாத.

போதும்டா உன் நக்கலு. இப்ப எனக்கு ஒரு Help வேணும்.
அப்படி வா மேட்டருக்கு. என்ன உன் ஆளுக்கு நான் ஏதாவது தரணுமா?

Correct. ஆனா ஐடியா மட்டும் நீ தா. கொடுக்கிற வேலையை நான் பார்த்துக்கிறேன்.
உஷாருடா நீ. ஆளு எப்படி இருக்கும்? சுமாரா இருக்குமா?

அதெல்லாம் எதுக்கு? Birthday Gift தரணும். அதுக்கு மட்டும் ஐடியா சொல்லு
இல்லடா. எப்படி இருப்பான்னு தெரிஞ்சா அதுக்கேத்த மாதிரி சொல்லுவேன்

ம்ம். பொய்யெல்லாம் சொல்லல. இந்த ஊரிலே அவதான் அழகுன்னு சொல்லலாம்.
அட. அப்ப ஒண்ணு பண்ணு. ஒரு Globe வாங்கி பேக் பண்ணி “உனக்கான பரிசை உலகெங்கும் தேடினேன். கிடைக்கவில்லை. அதனால் உலகையே பரிசாக தருகிறேன்னு எழுதிக் கொடு.

இதெல்லாம் உன் சூரிய நிலாவில நான் எப்பவோ படிச்சிட்டேன். நல்லாதானிருக்கு. வேற எதுவும் சொல்லு.
எனக்கு ஃபீல் வரணும்டா. அவள பத்தி சொல்லு....

ஜீன்ஸ் போட்ட ஜாஸ்மிண்டா அவ. பழமையும், புதுமையும் கலந்த பதுமை.
கொஞ்சம் ஓவராத்தான் போற..ம்ம். ஒரு மொபைல் வாங்கி இளையராஜா பாட்டு இருக்கிற மெமரி கார்டோடு கொடு. நீ சொல்ற மாதிரி ஒரு ஃப்யூஷனா இருக்கும்.

சூப்பர் ஐடியா. ஆனா அவ ரகுமான் ஃபேன். சோ, வேற சொல்லு மச்சி.
சினிமா பார்ப்பாளா?

ம்ம். நிறைய
அப்போ லவ் படமா எங்க ஓடுதுன்னு பார்த்து ராஜாவுக்கோ மனோகராவுக்கோ கூட்டிட்டு போடா......

நீ வேற மச்சி. அவ கல்யாண சிடியை கூட அவ திருட்டு சிடியா வாங்கித்தான் பார்ப்பா.
அடேய். என்ன பொண்ணுடா அவ?

அப்படி சொல்லாத மச்சி. நீ ஒரு தடவ பார்த்த… வேணாம்ப்பா உன்ன எல்லாம் நம்ப முடியாது. நீ ஐடியா மட்டும் கொடு.
என்னடா ஓவரா புகழுற. அவ்ளோ அழகா இருந்தா பேசாம ஒரு கிஸ் கொடுத்திடேன்.

இன்னும் அந்தளவுக்கு போகல மச்சி. எனக்கும் ஆசைதான். இருந்தாலும் அவ வாயால லவ்வ கன்ஃபார்ம் பண்ணிடட்டுமே.
அடங்கொன்னியா. இன்னும் அதுவே சொல்லலையா? அதுக்குள்ள மடங்கிடுச்சுன்னு சொல்லிட்ட இல்ல!

ஆயிடும்டா. நீ ஐடியா கொடு.
பெஸ்ட். ஒரு பிளாட்டினம் வித் டைமண்ட் மோதிரம் வாங்கு. அவ உன்னை லவ் பண்ணா அவளே போட்டு விட சொல்லுவா

வாவ். இதுக்குத்தாண்டா நீ வேணும் சைலு. ஆனால் பிளாட்டிணம் மோதிரம் வாங்குற அளவுக்கு காசில்லை. வெள்ளி ஓக்கேவா?
அப்போ ஃபிகரும் இந்தளவுக்கு இருக்காது. ஓக்கேவா?

என்ன மச்சி? இதே ஃபீலோட வேற ஐடியா சொல்லேன். கொஞ்சம் சீப்பா
வாழைப்பழம் வாங்கி கொடு. சீப்பா இருக்கும்.

பிகு பண்ணாதடா. அவளுக்கு இந்த மாதிரி ஜாலியா பேசினா பிடிக்கும். வடிவேல் ஜோக்ஸ் எல்லாம் விழுந்து விழுந்து ரசிப்பா. அந்த மாதிரி ஏதாவது.
என்ன சொல்ற?
அவளுக்கு மொக்க ஜோக்ன்னா பிடிக்குமா?

ஆமாம்டா. ஒரு நாள் யோகா பண்ணி உடம்ப குறைக்க வேண்டியதுதானேன்னு எங்கிட்ட சொன்னா. நான் உடனே குறைச்சிட்டேன். உடம்ப இல்லை, யோகா பண்றதன்னு சொன்னேன். 2 நாள் லீவ் போட்டு சிரிச்சா.
அடேய். உண்மையாவா? அப்ப அவளுக்கு Gift கொடுக்கிறது ஈசி. வாழ்க்கையிலே அவளுக்கு ரொம்ப பிடிக்க போற கிஃப்ட் இதுவாத்தான் இருக்கும்.

நிஜமாவாடா மச்சி? சொல்லுடா. என்ன கொடுக்கலாம்?
அவ பர்த்டே அன்னைக்கு கரெக்ட்டா 12 மணிக்கு நான் சொல்றத எஸ்.எம்.எஸ் அனுப்பு. உன்னை வாழ்நாள் முழுவதும் மறக்க மாட்டா.

என்ன அனுப்பணும்?
777424966

ங்… உன்னைப் போய் ஐடியா கேட்டேன் பாரு. என்ன சொல்லணும். பொ…. நா… நீயெல்லாம் உருப்படவே மாட்டடா. வயிறெரிஞ்சு சொல்றேன்.உனக்கு நல்ல சாவே வராதுடா.

அநாதையாக நான்...

2011-03-18T19:52:00.001+05:30

எல்லாம் இருந்தும்
எதுவுமே எனக்கில்லை.....
ஒவ்வொரு முறையும்
என்னை அனாதையாய்
மாற்றும் வார்த்தைகள்....

எதுவுமே நிலை இல்லை...
நிலையானது எதுவும்
எனக்கில்லை....!!!
பாசம் வைத்தே பறிப்போகுது
என் உயிர்.....

இருட்டில் பயணிக்கப்போகிறேன்
என் கண்ணீரை மட்டுமே
துணையாய் கொண்டு.....

ஏந்தும் கைகளை தட்டி விட்டால்
இனி என் நிலை கேள்விக் குறிதான்.....
காலம் முழுதும் வாழ்க்கைக்காய்
கண்ணீர் விட்டே போகுமோ
என் நிலை....???

தோல்வி கண்டால் தாங்க முடியாது....
இதுவரை நான் கண்டது எல்லாம்
தோல்விகள் தான்.....

என் பாசத்தை கூட
வேஷமாய்
நினைக்கும் உறவுகள்....!!!
கடவுளே...
எத்தனை முறை தான்
என்னை அனாதை ஆக்குவாய்...???

குத்தி கீறும் வார்த்தைகள்....
இதயத்தில் வலி இருந்தாலும்
கண்ணில் தான் ரத்தம்
வழிகிறது........

எனக்கு என்று எதுவும்
ஆசை படப் பயமாயிருக்கிறது...
என் மனதில்
எல்லாமே எட்டாத உயரத்தில்.....

சோகங்களை மறைத்து
வேஷம் போட்டே
பழகிப் போச்சு எனக்கு....
பல நட்புகள் கைவிட்டு சென்றன....
எஞ்சி இருப்பது சில உறவுகள் மட்டுமே.....

ஒவ்வொன்றும் என்னை விட்டு
பிரியும் போதும் உன்னை தான்
வசை பாடுகிறேன் இறைவனே....!!!
அதனால் தானா என்னை
அனாதையாக்க துடிக்கிறாய்....???

என் நிலை மாறும் என்ற நம்பிக்கை
எனக்கில்லை...
எதுவும் வேண்டாமெனக்கு....
இனி நான்
ஆசைப்படப் போவதும் இல்லை.....
நான் வேண்டும் வரம் மரணம்...!!!

அதை மட்டுமாவது எனக்கே
எனக்காய் கொடுத்து விடு....
இனியும் அனாதையாய்...

வாழ முடியாது என்னால்...

நச்சுனு 101 ஒரு காரணங்கள் - நான் ஏன் உன்னை காதலிக்க வேண்டும்...?

2011-03-15T14:48:00.004+05:30

நான் தொடங்கிய வார்த்தைகளை என்னை விட அழகாகவே முடிக்கிறாய்!! முந்திக்கொள்பவன் நான்என்றால் முற்றுப் புள்ளி நீயாகஇருக்கிறாய்!

என் அன்பு பேசும் மொழிகளை என்னோடு பகிர்ந்து கொள்கிறாய்! பின் நீ, நான் என்னும் ஒருமை ,பன்மையாகிப் போகிறது !

மற்றவர்களிடம்.., ஏன் உன்னிடமே நீ என்னை விட்டுக்கொடுப்பதில்லை!நானென்றால் உனக்கு அவ்வளவு பிரியம்!

உன்னையும் நான் எங்குமே விட்டுகொடுக்காமல் பேசும் என் உள்ளுணர்வு பிடித்திருக்கிறது !

ஆயிரம் வாட்ஸ் ஓரவிழிப் பார்வையில் அசராமல் என்னை சாய்க்கும் உன் பார்வை!

மைவிழிக் குடைக்குக்கீழ் மலர்ந்திருக்கிற நிலவு போன்ற கண்கள் ! கண்ணிமைக்காமல் ஒவ்வொரு நொடியும் அதை பார்க்கப் பிடிக்கும்!

நீயும் உன் நினைவுகளும் இல்லாத நாட்களில் என் உயிர்போன இதயத்தின் "இல்லாத துடிப்புகள்" பிடித்திருக்கிறது !

என் வழியில் நானுனை கூட்டிச்செல்லும் போது எங்கோ நீ தொலைந்து விடுகிறாய் !எனக்கும் பாதை மறந்து விடுகிறதே!உன்னைத் தேடும் தேடல் பிடிக்கும்!

மாலைநேரக் கடற்கரை மணலில் நானும் என் நீயும் சேர்ந்து ரசிக்கிற சூரிய அஸ்தமனம் ! கோடி கொடுத்தாலும் கொஞ்சம் கூட வேறெங்கும் கிடைக்காத சுகம் அது !

நிலாக்குளிர் நீளும் வரை நீளும் நம் கைப்பேசி உரையாடல்கள், விடிந்த போதும் விடாமல் தொடரும் அழகு பிடிக்கும்!

என் இன்பதுன்பங்கள் யாவும் உன் தோள்களில் மட்டுமே பாரமாக வேண்டும் என்ற உன் கோரிக்கை! பிடித்திருந்தது !

என் வாழ்கை துணைக்கான தேடல் பட்டியலில் எல்லா இடங்களையும் நீயே ஆக்கிரமித்த உரிமை பிடிக்கும்!

உன்னோடு நானும் என்னோடு நீயும் இருக்கும் போது ! நம்மோடு நாம் என்று மாறிவிடுகிறோம் நாம்! அது பிடிக்கும்!

நான் உன்னைப்போல அழகில்லையேடி! ஏன் என்னை போய் தேர்ந்தெடுத்தாய் என்று நான் கேட்ட போது நான் உன்னோடு இருந்தால் நீ என்னை விட அழகு என்றாய்! கிறுக்கி ! அந்த நிமிஷத்தை நான் எப்படி மறக்க முடியும் ?

நிலவிற்கு சிரிக்கத் தெரிந்தால் அது கண்டிப்பாய் உன்னை போலத்தான் சிரித்திருக்கும்! உன் கள்ளசிரிப்பென்றால் எனக்கு கொள்ளை ஆர்வமடி அழகி!

எல்லோரையும் போலவே நமக்குள்ளும் சண்டை வரத்தான் செய்கிறது !பிடிவாதம் யாருடையதாய் இருந்தாலும் விட்டுக்கொடுப்பவள் நீயாக மட்டுமே இருக்கிறாய்! எனக்காக மட்டும் !

உனக்கும் எனக்கும் அடிக்கடி போட்டிகள் வருகிறது ! உன்னை விட்டுக் கொடுத்து என்னை ஜெயிக்க வைக்கிறாய் நீ ! மனைவியின் இலக்கணம் நீதாண்டி கிறுக்கி!

என் கண்களும் இதயமும் விழித்திருந்தால் அப்போது உன் நினைவுகள் மட்டுமே எங்கும் பிராதானமாய் இருக்கிறது ! இந்தப் புதிரான காரணம் பிடிக்கும்!

உனக்கு எதெல்லாம் பிடிக்காது என்று எனக்கு தெரிவிக்கும் ஆசிரியன்! - "உன் கோபம்"! அது ரொம்பவே பிடிக்கும்!

ஒரு வார்த்தை கூட பேசாமல் பேசும் உன் திறமை எனக்கு இல்லையே! அது பிடிக்கும்!

நாமிருவரும் எதிரெதிரில் கடந்து போகும் போது ! நாம் இருவரும் பேசநினைக்கும் வார்த்தைகளை நமக்கு முன்னே நம் கண்கள் பேசி விடுகிறதே! அந்த நுட்பம் பிடித்திருக்கிறது!

கண்ணுக்கெட்டாத தூரத்தில் இருந்தாலும் என் கைவிரல்களுக்குல்லேயே இருக்கிறது உன் வாசம்! அது நிறைய பிடிக்கும்!

என்னை விட நீ வசதியேடி? எப்படி நமக்கு ஒத்துவரும் என்றேன்! ஆயிரம் கோடிக்கு நான் அதிபதி என்றாலும் உன் அன்பிற்கு முன் நான் இரப்பவள்(பிச்சைக்காரி) தான் என்றாய்! கொன்னுட்டடி அழகி !

ஒரு ஓவருக்கு எத்தனை பந்துகள் என்றுகூட தெரியாத போதிலும் ! என்னோடு சேர்ந்து மட்டை விளையாட்டை ரசிக்கிறாய்! எனக்கு பிடித்தது உனக்குப் பிடிக்காமல் போய்விடக்கூடாதே ! என்னை புரிந்துகொண்டமைக்கு நன்றி டி .!

என்னுடைய நண்பர்களை என்னை போலவே நீயும் புரிந்து வைத்திருக்கிறாய்! அது பிடிக்கும்!

எனக்கு பிடித்தவைகளை மட்டுமே உனக்கும் பிடித்தவைகளாய் மாற்றிக்கொண்டாய்! நான் கொடுத்துவைத்தவன் டி அழகி.!

பொறாமைக்கோ, கர்வத்திற்கோ, நம்மிடம் வேலையே இல்லை ! இதைவிட வேறென்ன வேண்டும்..?

போடி வாடி என்று யாரழைத்தாலும் பிடிக்காதென்று சொன்னாய்! உன்னை பார்த்த நொடி முதலே அப்படித்தானே கூப்பிட்டுக்கொண்டிருக்கிறேன்! எனக்கு நீ கொடுத்த " விதி விளக்கு " நம் காதலை ஊருக்கு முரசடிக்கிரதடி.!

யாருடைய அதட்டலுக்கும் அசராத நானோ உன் அன்பிற்கு முன் அடிமையானது எப்படியோ தெரியவில்லை! அது பிடிக்கும்!

யாருடைய அதட்டலுக்கும் அசராத நீயும் என் அன்பிற்கு முன் அடிமையானது எப்படியோ தெரியவில்லை! அதுவும் பிடிக்கும்!

நேரில் கேட்பதற்கு நேர்மாறாய் தொலைபேசியில் கேட்குமுன் வசீகரக் குரல் பிடித்திருக்கிறது !

"கிறுக்கா!" யார் கண்டுபிடித்தானோ தெரியவில்லை இந்த வார்த்தையை! நீ என்னை இப்படி அழைக்கையில் எழும் சந்தோஷத்தை நான் சொல்ல வார்த்தை எந்த மொழியிலும் இல்லை!

நாமிருவரும் இணைந்திருக்கையில் நமக்குள் இருக்கும் 'ஒருமை" பிடிக்கும்!

காற்றைப் போல மேன்மயானவலும் நீ! புயலை போல வலியவலும் நீயே! அது பிடிக்கும்!

காதல் திரைப்படங்களின் வசனங்கள் நம்மிடம் தோற்றுப் போகிறதை நாம் உணர்ந்திருக்கிறோம்! நம் ஒருநாள் சண்டையே ஒரு படமாக எடுக்கலாம் அழகி!

என் உயிரோட்டம் எதனால் நடக்கிறதோ தெரியவில்லை., ஆனால் அத்தனைக்கும் நீயே காரணமாய் இருக்கிறாய் !

நமக்குள் எத்தனை ஒற்றுமை இருப்பினும் ஒரே ஒரு விடயத்தில் என்னை வேற்றுமைப் படுத்தி விடுகிறாய் ! நான் ஆண் என்பதால் உன்னை விட நான் மேல் தான் என்று என்னும் உன் பெண்மை ! எவ்வளவோ பிடித்திருக்கிறது ! ஆனாலும் நீதான் என்னைவிட மேல்!

சோகங்களில் நான் சுருண்டு விழும் போது ஆழம் விழுதாய் எனக்குள் பரவி என்னை தாங்குகிறாய்! துன்பம் என்னுடையதென்றால் அதற்குரிய வலிகளை உன்னுடயதாய் ஆக்கிகொள்கிறாய்! என்ன பெண்ணோ நீ! பிடிச்சுருக்கு !

எப்படி என்னை பார்த்துக்கொள்வாய் என்று நான் கேட்டதற்கு , குழந்தை மாதிரி என்றாய்.!சந்தோஷம் ! என் இரண்டாம் தாய் கிடைத்துவிட்டாள் !

நம் அஞ்சு விரல்களும் ஒன்றோடொன்றாய் இருக்கையில் என் கோடி துன்பங்களும் கால்தூசி ஆகிப்போகிறது !

காதலிக்கும் போது முத்தம் கொடுத்துக் கொள்வதில் தவறில்லை என்று உனக்கு நீயே நீதி சொல்லிக்கொண்டு என் உதடுகளில் உன் ஈரம் பதித்தாய் ! கள்ளி ! அப்போதே என்னைநீ முற்றிலும் வீழ்த்திவிட்டாயடி !

என் தோள்களில் நீ சாய்ந்திருக்கும் போது சட்டென எழுந்து என்னை ஒரு பார்வை பார்க்கிறாய்! ஐயோ ! எனக்கு ! வார்த்தைகள் வரவில்லையடி! ஒரு முறை உன்னை கட்டி அனைத்துக் கொள்கிறேனே! ப்ளீஸ் !

சொன்னதையே நான் மறுபடி மறுபடி சொன்னாலும் சலிக்காமல் கேட்டுக்கொண்டே இருக்கிறாய் ! சொல்பவன் நானாக இருப்பதானால் மட்டும்!

ஊரார் பார்வைக்கு நான் கார்மேகம் ! உன் பார்வைக்கு மட்டும் ஏனோ நான் வெள்ளைநிலா !

"போடா கருவாயா" என்று நீ ஒரு நாள் அழைக்காமல் இருந்தாலும் அன்றிரவு தூக்கம் கெட்டுப்போகிற காரணம் எனக்கு புரியவில்லை அதை தெரிந்துகொள்ளவே உன்னை காதலிக்க ஆசை !

உன் காது மடல்களின் கீழ் படர்ந்திருக்கும் கார்கரும்கூந்தலின் ஒட்டுமொத்த ரசிகனும் நான் மட்டும் தான் !

உன் ஒட்டுமொத்த பிடிவாதத்தையும் யாரோ ஒருவனுக்காய் விட்டுக்கொடுக்கிறாய்! அந்த யாரோ ஒருவன் நான் மட்டும் தான் என்பதை அறிந்தும் உன்னை எப்படி காதலிக்காமல் இருக்க முடியும் !

ரெண்டு நாள் உன்னோடு பேசப்போவதில்லை என்று சொல்லி தொலைபேசி அழைப்பைத் துண்டிக்கிறாய் ! ரெண்டு நொடி கடந்ததும் மறுபடி அழைத்துச் சொன்னாய் ! என்னால உன்கூட பேசாம இருக்க முடியாதுடா!

ஒவ்வொரு முறை உன்னைப் பார்க்கும் போதும் உன் அழகு எனக்கே தெரியாமல் என் பெருமூச்சை பரிசாகப் பெற்றுக்கொள்கிறது !

"நீயும்" வேண்டும் என்று ஆரம்பித்தது நம் உறவு ! "நீ" வேண்டும் என்று அது தொடர்ந்தது! இன்று "நீ மட்டும் " வேண்டும் என்று முடிவிற்கே வந்துவிட்டது!

வெகுநாட்கள் என்னைப் பார்க்காமல் இருந்து பின் எனைப்பார்க்கும் போது என் கைகளை இறுக்கமாகப் பிடித்துக்கொல்வாய் ! அது பிடித்துப்போனது எனக்கு!

இதழ் முத்தம் பதிக்க எத்தனையோ இடமிருந்தும் உன் நெற்றியில் நான் கொடுக்கிற முத்தத்தை ரசிப்பதாகச் சொன்னாய்! உன்னை அப்போது இன்னும் அதிகமாய் காதலித்தேன் !

இந்த நிமிடம் இறந்து நான் போனாலும் எந்தக்கவலையும் எனக்கில்லை ! என் மேல் அன்பு செய்வதற்காகவே கடவுளால் உலகிற்கு அனுப்பப்பட்ட தேவதையை நான் அடையாளம் கண்டுவிட்டேன் !

உன் அதிகாலை உளறல்களில் புதைந்து கிடக்கும் மழழை மொழி கேட்கவே ஏழு சென்மமும் உனைக் காதலிக்கலாம்!

என் வீட்டில் வீற்றிருக்கும் நிசமான நிலவே ! நீ தூங்கும் அழகினை கால்நூறு கம்பர் வந்தாலும் வர்ணிக்க முடியாதடி! பார்த்து ரசித்துக்கொண்டே இருக்கிறேன் ! பறந்து போய்க்கொண்டே இருக்கிறது நிமிஷங்கள் !

தமிழ் மொழி நிசமாகவே அமுதினும் இனியது தான் ! ஆனால் அதனினும் இனியது ஒன்றிருக்கிறது ! அது "உன் தமிழ்" !

மனதிலும் மலர்கொடி உடம்பிலும், என்ன வலியோ, எதுவாய் இருந்தாலும், என் மடியில் படுத்துக்கொண்டே என் கைகளை இறுகப் பிடித்துக்கொள்கிறாய் ! உன் வலிகளை என் வருடல்கள் தீர்த்துவைக்கும் என்ற உன் எண்ணம் பிடிக்கும்!

என்னை பிடிச்சுருக்கா ? என்று கேட்டேன் ! "ம்ம்" என்றாய்! என்னைப் பார்த்துக்கொள்கிறாயா என்று கேட்டேன் ! அதற்கும் "ம்ம்" என்றாய் ! கேட்ட முதல் நொடியே என்னைப் புரிந்து கொண்டவள் நீ மட்டும் தான் அழகி!

சமைக்கத் தெரியுமா? என்று ஒருமுறை கேட்டேன் ! நீயோ அதற்குத் தானே உன்னைக் காதலிக்கிறேன் என்றாய் குறும்பாக! சமையல் தெரியாத காதலியோடு தினமும் சண்டை போட வேண்டும் என்றஎன் நெடுநாள் ஆசை இப்போது உன்னால் நிறைவேறப் போகிறதடி கிறுக்கி!

ஆயிரம் பேர் நம்மை சுற்றி இருந்தாலும் உன் ஒவ்வொரு பார்வையிலும் என்னை மட்டுமே நிறைக்கிறாய் நீ ! இது எந்த காதலனுக்கும் கிடைக்காத வரம் !

வெளியே எங்காவது செல்லும் போது வெட்கத்தை எல்லாம் எங்கோ தூக்கி எறிந்துவிட்டு என் கைகோர்த்து நடக்கிறாய்! அது பிடிக்கும்!

தவறோ ,சரியோ என் பாதைகள் தெரியவில்லை! அத்தனையிலும் என்னோடே நடந்து வருகிறாய்! அப்படி என்மேல் நீ வைத்திருக்கும் நம்பிக்கை பிடிக்கும்!

பிடிக்குமா என்னை ? என்று முதன் முதலாய்க் கேட்டேன்! பிடிக்காது என்றாய்! பதில் சொன்னவளோ என் நெஞ்சினை அப்போதே ஆக்கிரமித்துவிட்டாள் !

பிறைபோன்ற கொடிஇடையை ரசிக்க எத்தனை ஜென்மமிருந்தாலும் அத்தனையிலும் உன் காதலானாகவே பிறக்க வேண்டும் !

யாருக்கும் எந்தத் தீங்கும் நினைப்பதில்லை ! உன்னைத் துன்பப் படுத்துபவர்களும் நன்றாக இருக்க வேண்டும் என்று நினைக்கிறாய்! நீ என்பது நானேதான் அழகி!

என்னோடு இருக்க விரும்புகிறாய் ! இன்னும் குறிப்பாய் சொல்லப்போனால் என்னோடு மட்டும்!

நான் உன்னை காதலிக்கிறேன் ! கொஞ்சம் எனக்காக ! நிறைய உனக்காக !

இருபத்தி நான்கு மணி நேரம் பேசினாலும் அலுத்துபோகாமல் இருக்கிறது நம் தொலைபேசி உரையாடல்கள்! ஆசை பேசும் மொழி கூட சிலநேரம் சலித்துப் போகக்கூடும் ! அன்பு பேசும் மொழி எப்படி அலுத்துப்போகும் ?

எனக்குப்பிடித்த பைத்தியக்காரத் தனங்கள் அத்தனையும் உனக்கும் பிடித்திருக்கிறது!பின் எப்படி உன்னை எனக்குப்பிடிக்காமல் போகும் ?

என் எந்த ஒரு செய்கையையும் நீ கேலி பேசுவதில்லை ! அது பிடித்திருக்கிறது!

என் இதயக்கப்பலை மகிழ்ச்சிக்கரைக்கு செல்ல வழிகாட்டும் ஒரே பெரிய கலங்கரை விளக்கம் நீ ! என் ஆண்மைக்கேற்ற பெண்மை!

இறுக்கமாக என் விரல்களை நீ பிடித்துக் கொள்கையில் இருவரின் வலிகளும் தெரிவதில்லை! வலிகள் பாதை தெரியாமல் எங்கோ ஓடி தொலைந்துவிட்டது ! வருடல்களில் வலியை குறைக்கும் இந்த வித்தையை யாரிடம் கற்றுக்கொண்டாய் நீ ?

அன்பு மட்டும் போதாது காதலுக்கு! நம்பிக்கை அதைவிடத்தேவை என்று சொன்னாய்! அவ்வாறே வாழ்ந்தும் காட்டினாய்! அது பிடித்திருந்தது!

என்னை சிரிக்க வைக்கும் வழியும் நீ அறிவாய்! அழவைக்கும் வழியையும் நீ மட்டுமே அறிவாய்!

திசைகள் நான்கு என்றேன்! இல்லை ஒன்றே ஒன்றுதான் என்றாய்! என்னவென்று கேட்டதுமே சட்டென சொல்கிறாய்! "உன் வழி" தான்டா கிறுக்கா" உன்னுடையது மட்டும்!

உன் தோள்களில் நான் முதலில் சாயும் போது கண்கள் நனைந்துபோனது ! கடைசி வரைக்கும் நீ நிலைக்கப் போவதில்லையே என்றெனை பயமுறுத்தியது நெஞ்சு!

எவ்வளவு பாரங்கள் இருந்தாலும் எல்லாம் தீர்ந்து இலகுவாகிறது மனம் ! உன் சிரிப்பிர்ற்கு முன்னால் மட்டும் !

உனக்கு ஏற்றவன் நான் மட்டுமே ! எனக்கு ஏற்றவள் நீ மட்டுமே!

நீயில்லாமல் நானும், நானில்லாமல் நீயும் "கம்பி அறுந்த வீணை!

எப்படி அன்பு செய்வது என்று எனக்கு பாடம் சொல்லிக் கொடுத்திருக்கிறாய்! கிறுக்கி! வாழ்கை முழுதும் உன்னிடமே படிக்க விரும்புகிறேனடி!

வேறெதற்கும் பிறக்காமல் உன்னை காதலிக்க மட்டுமே பிறந்தது போலத்தான் என் உள்ளுணர்வு பேசிக்கொள்கிறது !

தூக்கமில்லாமல் என் வளர்ச்சிக்காகவே ஒவ்வொரு விஷயத்தையும் நீ செய்கிறாய்! அது பிடித்திருக்கிறது !

எனக்குள் ஒளிந்திருக்கும் திறமைகளை வெளிக்கொணரும் தூண்டுகோல் நீ! நீ மட்டுமாய் இருக்கிறாய் !

நிமிடத்திற்கு எத்தனை தடவை துடிக்கிறதோ தெரியவில்லை என் நெஞ்சம் ! ஆனால் என் அத்துனை துடிப்பிலும் உன் நினைவுகள் கலந்திருக்கிருக்கிறது அழகி!

உன்னைப்பார்க்கும் ஒவ்வொரு நொடியிலும் என் இதயத்துடிப்பில் ஒன்று எங்கோ காணாமல் போய்விடுகிறது !

பொக்கிஷமாக்கப் படவேண்டிய நினைவுகள் என்று நான் சொல்லிக்கொள்வது உன் நினைவினை மட்டும் தான்!

என் இதய ஆழத்தில் ஒளிந்திருக்கும் உணர்வுகளை வெளிச்சம் போட்டுக் காட்டக்கூடியவள் ! நீ மட்டும் தான்!

அளக்கமுடியாத சந்தோஷங்கள் நிறைந்த வாழ்கை ! நீ வந்ததற்குப் பின் சாமி கொடுத்த வரம் ! கடவுளே வரமாய் எனக்குக் கிடைத்துவிட்டது போல இருக்கிறது !

நாளை என்ன நடக்குமோ யாமறியேன் ! ஆனால் நடந்து கொண்டிருக்கிற நிமிடங்கள் யாவும் மறக்க முடியாதவை! நீ என்னோடு இருப்பதால் மட்டும்!

சோக எழுத்துக்களை மட்டும் சுமந்துகொண்டிருந்த என் வாழ்கை பக்கங்கள் நீ வந்தது முதல் சுகங்களை மட்டும் சுமப்பது புதுமை !

வார்த்தைகளில் இல்லாமல் செயல்களிலும் சந்தோஷத்தை நிகழ்த்திக்காட்டக்கூடிய வலிமை உன்னிடம் மட்டுமே நான் அதிகம் பார்த்திருக்கிறேன்!

காதல் என்பது எவ்வளவு தூய்மையானதோ அவ்வளவு தூய்மையையும் உணர்ந்தது நீ என்னை காதலித்த போது தான்!

காதல் என்பதற்கு என்ன அர்த்தமோ அதை விட ஆழமான அர்த்தத்தினை எனக்கு நீ தெரியப்படுத்தி இருக்கிறாய் !

என் வாழ்க்கைக் கப்பலின் சிறந்த மாலுமி நீ மட்டுமே ! சோகப் புயல்களுக்கு நடுவில் நீ என்னைக் கூட்டிப்போகும் அழகினை அமைதியாய் உட்கார்ந்து கொண்டு ரசிப்பது மட்டுமே என் வேலை!

உனக்கு மிகவும் இஷ்டமான பொழுது போக்கினை என் பொருட்டு நீ மறந்து போகிறாய் ! என்னோடு இருக்க வேண்டுமென்ற ஒரே ஆசையில் !

என் இதழ் வாசலில் முதன் முதலில் சிவப்புச்சாயம் பூசியவள் நீ! நீ மட்டுமே!

எனக்கென ஒதுக்கப்பட்ட நேரம் இருக்கிறது ! அவை அத்தனையும் உனக்காகவே செலவழித்து கொண்டிருக்கிறேன் நான்! நீ என் வாழ்வில் வந்தது முதல் !

என் ஆதிமுதல் அந்தம் வரை உனக்கு அத்துப்பிடி ! ஆம்., ஏனோ உனக்கு மட்டும்!

என் ரகசிய தேசத்தின் காவலாளி நீ! உன்னைமீறி என் ரகசியங்கள் எங்கும் போவதில்லை!

நீ ! என் அழகியடி! அதனால் தான் உன்னை காதலிக்கிறேன்!

இப்படி! ஒரு நிமிட யோசனையில் நூறு காரணங்கள் எழுதும் அளவிற்கு என்னையும் ஒரு கவிஞனாக்கியது நீ மட்டும் தான் அழகி ! உன்னால் மட்டுமே இத்தனையும் நிகழ்ந்தது

ஒரு பெண்ணின் வாழ்க்கை பயணம் .........

2011-03-13T21:54:00.001+05:30

வாழ்க்கை எனும் பூந்தோட்டத்தில்
சிறகை விரித்து பறந்திருந்தாள் பட்டம் பூச்சியாய்
அழகிய குடும்பம் ஆதரவான நண்பர்கள்
அத்தனை சந்தோசங்களையும் அனுபவித்து
ஆசை மகளாய் அவள் குடும்பத்தில் அவள் வாழ்க்கை

கல்வி என்ற செல்வத்தை பெற நாட்டத்துடன்
தினம்தோறும் கல்லூரிக்கு அவள் பயணம்
ஆயிரமாயிரம் கனவுகளுடன் அவள் வாழ்க்கை பயணம்
கவலைகள் அறியாத இளம் வயதில்
காதல் என்ற முதலாவது சோதனை .........

கையில் பூவுடன் காதல் சொன்ன காதலன்
கனவில் வரும்வரை அவள் அறியவில்லை
தானும் காதல் கடலில் விழுந்துவிட்டதை
அறிந்தபோது ஒரு புது உணர்வு அவளை சுற்றி
வாலிப வயது அவளுக்கு மட்டும் விதிவிலக்கா?

காதல் கடலில் ஒரு துரும்பாய் அவள்
அலைகளாய் நாட்கள் அவளை நடுக்கடலில் சேர்த்தது
காதலன் கைப்பிடித்து காதல் கடல் கரையேற அவள் ஆசை
வெளிநாட்டில் சம்பந்தம் அவள் குடும்பத்தின் ஆசை
சூறாவளியாக குடும்பம் வரும் என்ற அறியவில்லை அவள்

குடும்பம் ஜெயித்தது பாசம் என்ற போர்வையில்
கரை சேர்ந்தாள் வெளிநாட்டு மாப்பிள்ளையுடன்
காதல் கடலில் சூறாவளியால் மரணித்த காதலன் கதை அறியாமல்
காலத்தின் மேல் பழி போட்டு மீண்டும் அவள் பயணம்
கிடைத்த வாழ்க்கையை ஏற்றுக்கொள்ளும் மனதுடன்

வெளிநாட்டுக்கான விமானம் விண்ணைத்தொட்டது
ஆகாயத்தை விட அதிக கனவுகளுடன்
குடும்பத்தின் பாசத்தையும் இழந்து புருஷனை நோக்கி
அத்தனை உறவுமாய் மொத்தம் அவனையே நம்பி
தெரியாத நாட்டில் கால்பதித்தாள் கன்னியவள் கனவுகளோடு

குளிருடன் போராடி ஒருவாறு சமைத்து முடித்தாள்
அறுசுவை உணவுடன் ஆசை கணவனுக்காய் காத்திருந்தாள்
கதவு திறந்தது அவள் கணவன் கதவருகில்
ஓடிச்சென்று அவன் கழுத்தை கட்டிக்கொண்டாள்
சிறு குழந்தை தந்தையை காணும் சந்தோசம் அவள் முகத்தில்

இரு மாசம் கடந்தது அவள் வாழ்க்கை அத்தியாயத்தில்
ஆசைக்கணவன் வந்தான் வீட்டிற்கு ஆசை நாயகிகளுடன்
அவளை அணைத்து கட்டிக்கொண்ட அவன் கைகள்
மதுவையும் மாதுவையும் இருக்கைகளில் தாங்கிக்கொண்டன
அவளும் தாங்கிக்கொண்டாள் மறுபடி விதியில் பழி போட்டு

தினம் தினம் தேய்ந்தன கடன் அட்டைகள்
வீட்டிற்கு வந்த கடிதங்களில் அதிகம் வங்கியிலிருந்து
பூமிக்கும் பொறுமை உண்டு பொண்ணுக்கும் பொறுமை உண்டு
பொறுமை எல்லைதாண்ட வெறுமை வாழ்க்கையாகியது
வேலைதேடி மறுபடி அவளின் வாழ்க்கைப்பயணம்

சாலைகளில் கொட்டும் பனி நடுவே அவள் பயணம்
வாழ்க்கையில் முட்கள் நடுவில் அவள் பயணம்
நம்பிக்கையை மட்டும் தோழனாக வைத்து
தோல்விகளை தொலைவில் வைத்து அவள் பயணம்
மடியில் கனத்துடன் மனதில் பயத்துடன்

காலங்கள் உருண்டோடின அவள் வாழ்வில்
குடும்பத்தின் முன் எப்பவும் சிரித்தாள்
தன்மையில் மட்டும் தனக்காய் அழுதாள்
ஒரு முகம் வைத்து இருமுகங்களில் அவள் வாழ்க்கை
காலம் வேகமாக உருண்டோடின அவள் வயதில்

மகளின் காதலை அறிந்தாள் ஒருநாள்
மகளின் முகம் பார்த்தாள் அணைத்துக்கொண்டாள்
காதலின் வலியை அணு அணுவாய் உணர்ந்தவள் அவள்
மகளின் கலியாணத்தில் தான் இழந்த சந்தோசங்கள் பார்த்தாள்
பட்ட கஷ்ட்டங்கள் இன்று பலன் கொடுத்திருந்தன

வாழ்க்கையில் வந்த கடன்களை முடித்துவிட்டாள்
பெற்ற கடனுக்காய் தன் வாழ்க்கையை விற்றுவிட்டாள்
அமைதியான நீண்ட துயிலுக்கு தயாராக அவள்
காதல் கடலில் மூழ்கிய அவளது காதலனைத்தேடி
சொர்க்கத்துக்கு அவள் பயணம் மறுபடியும் தொடர்கிறது

(யாவும் கற்பனை )

நன்றி :- ரமணன்

Boys Vs Girls.......

2011-03-12T19:12:00.001+05:30

ஆண்கள் வண்ணத்தை (COLORS ) கண்டுபிடித்து பெயிண்ட்(PAINT) செய்தார்கள்.
பெண்கள் பெயிண்டை(PAINT) கண்டுபிடித்து மேக்கப்(MAKEUP) செய்தார்கள்.

ஆண்கள் வார்த்தையை(WORD) கண்டுபிடித்து உரையாடல்(CONVERSATION) செய்தார்கள்.

பெண்கள் உரையாடலை(CONVERSATION) கண்டுபிடித்து புறம் பேச(GOSSIP) செய்தார்கள்.

ஆண்கள் விவசாயத்தை (AGRICULTURE) கண்டுபிடித்து உணவு (FOOD) உற்பத்தி செய்தார்கள்.
பெண்கள் உணவை(FOOD) கண்டுபிடித்து டயட் (DIET) செய்தார்கள்

ஆண்கள் காதலை (Love) கண்டுபிடித்து கலியாணத்தை (weeding) செய்தார்கள்.
பெண்கள் கலியாணத்தை (weeding) கண்டுபிடித்து விவாகரத்தை (Divorce) செய்தார்கள்

ஆண்கள் பண்ட மாற்று(TRADING) முறையை கண்டுபிடித்து பணம்(MONEY) செய்தார்கள்.
பெண்கள் பணத்தை(MONEY) கண்டுபிடித்து ஷாப்பிங் (SHOPPING) செய்தார்கள்

அதன் பிறகு ஆண்கள் அநேகமானவற்றை கண்டுபிடித்து பல அதிசயங்களை செய்தார்கள்....
ஆனால் பெண்கள் இன்னும் பிசியாக ஷாப்பிங் மட்டும் செய்து கொண்டு இருக்கிறார்கள்

கோ - பாடல் விமர்சனம்

2011-03-05T22:24:00.001+05:30

கோ பாடல்கள் தான் கடந்த 2 நாட்களாக எனக்கு பிரேக்ஃபாஸ்ட், லன்ச், டின்னர் எல்லாம். ஏற்கனவே இந்தக் கூட்டணி தந்த அயனின் வெற்றி ஹாரீஸுக்கு எக்ஸ்ட்ரா குளுக்கோசை தந்திருக்கிறது. தினுசு தினுசான சத்தமும், டிசைன் டிசைனான ஆர்கெஸ்ட்ரசைசேஷனும் கிரங்கடிக்கிறது. என்னைப் பொறுத்தவரை இளைஞர்களின் யூத் ஐகான் யுவன் இல்லை, ஹாரீஸ்தான். யுவனிடம் இல்லாத கன்ஸிஸ்டென்ஸி ஹாரீஸிடம் இருக்கிறது. ஒரே மெட்டை பயன்படுத்துவதை சொல்லவில்லை, தொடர் ஹிட்டை சொல்கிறேன்

1) அகநக (விஜய் பிரகாஷ், திப்பு, ரனினா ரெட்டி, ராப்- Emcee, srik, Jesc) பா.விஜய்.

யோகி யின் வல்லவனின் ஆரம்பம் போல தொடங்குகிறது. முதல் கவனிப்பில் எளிதில் தாம் தூமில் வந்த திகு திகு அல்லது புதுப் புது பாடலின் காப்பி என்று ஒதுக்கிவிட முடியும். அந்த எண்ணத்தை லெஃப்ட் ஹேண்டால் தள்ளிவிட்டு மிச்சப்பாட்டை கேளுங்கள். ஹோசன்னா புகழ் விஜய் பிரகாஷின் ஆதிக்கத்தை இடையில் வரும் ராப் துவம்சம் செய்கிறது. அதுவும் அந்த பெண்குரலில் வரும் ராப்.. CHILL.. எந்த மொழியென்றுதான் தெரியவில்லை. எழுதியவருக்கு ஒரு கலைமாமணி பார்சேல்.

இதுதான் இதுதான் இளமை உலகம். வெற்றி ஒன்றுதான் இங்கே உதவும்.

வெரி வெரி சமத்துகள் அழகா/ கொழு கொழுப்புகள் அழகா

தோள் சாய்ந்த அணைப்பு / அவன் தோழன் என்ற நினைப்பு / ஏன் இந்த படைப்பு/ இங்கில்லை களைப்பு

Competetive world என்பதையும், கலக்கல் யூத் உலகம் என்பதையும் வார்த்தைகளில் வடித்தெடுத்திருப்பவர் பா.விஜய். பேனா இருக்க சிக்ஸ் பேக் பேண்ட் எதுக்கு தலைவா? நடிப்பெல்லாம் விட்டொழியுங்கள். நீண்ட நாள் கழித்து ஒரு திருப்தியான பாட்டு பா.விஜயிடமிருந்து.

Verdict : Rockingggggggggg

2) நெற்றிப்பொட்டில் (நரேஷ் ஐயர்)

சின்னப்பாட்டு. ஆனால் ஹாரீஸீன் அதகளமான பீட்டில் சுர்ரென்று தொடங்குகிறது. பேஸ்கிட்டார் இல்லாத ஹாரீஸ் பாட்டா? இதில் perfect blend ஆக வந்திருப்பதில் இன்னும் சுகம். எந்திரனின் ஹேங் ஓவரோடு மதன் கார்க்கி எழுத வேண்டிய பாட்டு. எழுதியுமிருக்கிறார்.

Cafe beach இலும் - கனவிலே

கோட்டைக் கட்டினோம்

facebook wall இலும் - எங்கள்

கொள்கை தீட்டினோம்

இதில் cafe beach என்ற வார்த்தைக்குப் பின் வரும் டிரேட்மார்க் “பபப்பா.. பாப்பப்பா” ஹம்மிங் சூப்பர். நரேஷ் ஐயரின் குரலில் இருக்கும் மென்மை இந்தப் பாடலுக்கு எப்படி ஒத்துப் போனது என்பது ஆச்சரியம்தான்.

Verdict : worth listening twice in a row.

3) அமளி துமளி (ஹரிஹரன், ஷ்வேதா மேனன், சின்மயி) விவேகா)

அருள் படத்தில் வரும் ஒட்டியானம் செஞ்சுத்தாரேன் பாடலில் ஒரு கால் கிலோ எடுத்துக்கோங்க. ஹசிலி ஃபிசிலியில் ஒரு கால் கிலோ. ஜனகராஜ் ஒரு படத்தில் ஸ்வீட் வாங்குவாரே! அப்படி எடுத்திருக்கிறார் ஹாரீஸ். அதனாலென்ன? Assorted sweets தானே இப்போது டிரெண்ட்? பின்னி பெடெலெடுக்கும் பாடல். பல்லவியை விட சரணத்தின் மெட்டு நச்சென்றிருக்கிறது. கண்ட இடத்தில் சங்கதி போடுவதுதானே ஹரியின் ஸ்பெஷல்!! மனுஷன் அனுபவிச்சு பாடியிருக்கிறார். அதிலும் இரண்டாவது சரணத்தை அவர் தொடங்கும் இடம்..வாவ். இதுதான் அந்த சரணம்

கால்களில் ஆடிடும் கொலுசு.. அதன் ஓசைகள் பூமிக்கு புதுசு
அதை காதுகள் கேட்டிடும் பொழுது நான் கவியரசு

ஹரி பாடும் ஒவ்வொரு வார்த்தையும், எழுத்தும் தெளிவாக புரிகிறது. சின்மயி கடைசி எழுத்தை மட்டும் சாப்பிட்டு விடுகிறார். விவேகா மேலே சொன்ன வரியைத் தவிர மற்றதை ஜஸ்ட் லைக் தட் எழுதியிருக்கிறார், எது எப்படியோ.. எட்டுத்திக்கும் கலக்க போகும் பாடல் இதுதான்.

Verdict : Pick of the album.

4) என்னமோ ஏதோ (ஆலாப் ராஜு, பிரஷாந்தினி, ஸ்ரீசரன்)

டில்ஷானின் சிக்சரோடு தொடங்க வேண்டும் இந்தப் பாடல் பற்றி எழுத வேண்டுமென்றால். வித்யாசாகரின் குத்துப்பாட்டில் கூட ஒரு மெலடி இருக்கும். ஹாரீஸீன் மெலடியில் கூட ஒரு Rock ஃபீல் இருக்கும். வசீகரா பாடலில் இருந்த ஒரு ஃப்ரெஷ்னஸும், இன்னோவேஷனும் இதிலும் இருக்கிறது. ஆனால் இசைக்கோர்வையை விட பாடல் வரிகள் புதுமையாக இருக்கிறது. ஹாரீஸை கேட்டு கேட்டு பழகியதால் அப்படி இருக்கலாம். பாடலின் USP இதுதான் ”ஏனோ.குவியமில்லா குவியமில்லா.. ஒரு காட்சிப்பேழை”. கதைப்படி நாயகன் ஒரு புகைப்படக்கலைஞன் என நினைக்கிறேன். குவியமில்லா என்றால் Out of focus. காட்சிப்பேழை என்றால் display. வித்தியாசமான சிந்தனை இல்லையா? பாடல் முழுக்கவே இது போன்று ஃப்ரெஷான வரிகள் கேட்கும்போது ரசிக்க வைக்கின்றன.

நெருங்காதே பெண்ணே எந்தன்

நெஞ்செல்லாம் நஞ்சாகும்

இதில் நெஞ்செல்லாம் என்ற இடத்தில் மூச்சு வாங்கி பாடுகிறார். எஸ்.பி.பி ஸ்டைலில் ஒரு ஸ்லைடுடன் ஒரே வரியாக பாடியிருந்தால் சுகமாய் இருந்திருக்கும் என்று நினைக்கிறேன். பாடலோடு ஃபெவிகாலும் தந்திருக்கிறார்கள். பச்செக்கன ஒட்டிக் கொள்கிறது.

Verdict: Dont miss it.

5) Gala Gala (திப்பு, க்ரிஷ், ஹரிசரன், சயோனரா பிலிப்) கபிலன்.

எப்படி சார்? ஒரே பாட்டை இத்தனை விதமா தறீங்க. பாடிய நால்வரும் எனக்கு பிடித்தவர்கள். மற்றபடி விசேஷமாய் ஒன்றும் தெரியவில்லை.

இன்னொரு மெலடி இருக்கிறது. வெண்பனியே என்று தொடங்கும் பாடலை பாம்பே ஜெயஸ்ரீயும், ஸ்ரீராமும் பாடியிருக்கிறார்கள். பொதுவாக இது போன்ற ஹாரீஸ் மெலடி முதலில் எனக்கு பிடிப்பதேயில்லை. ஆனாலும் ஹிட் ஆகியிருக்கின்றன. இப்போதைக்கு நான் இதை அதிகம் கேட்பதில்லை.

ஹாரீஸூக்கு ஒரு ராசி உண்டு. அவரது முதல் படமான மஜ்னு தாமதமாக வெளியானது. முதலில் வெளியான இரண்டாவது படமான மின்னலேவும் தாமதமானது. அதன் பின் உள்ளம் கேட்குமே, பீமா, லேசா லேசா,சாமுராய், அரசாட்சி, தொட்டிஜெயா, வேட்டையாடு விளையாடு, தாம் தூம் வரை எல்லாமே சொன்ன தேதியில் வெளிவரவில்லை. இப்போது எங்கேயும் காதல் கூட அப்படியே தூங்கிக் கொண்டிருக்கிறது, அப்படி ஏதும் ஆகாமல் கோ உடனே வெளிவந்து ஜீவாவிற்கு இன்னொரு மைல்கல்லாக அமைய வாழ்த்துவோம்.

காதலிப்பது எப்படி...,????

2011-02-11T23:45:00.003+05:30

நமக்கு தான் காதலும் இல்லை. காதலியும் இல்லை. (யாராவது Application போட விரும்பினால் போட்டு கொள்ளலாம். லேட் பண்ணிட்டு பிறகு பீல் பண்ணினா நான் பொறுப்பு இல்லை) நம்ம பசங்களுக்காவது இது Use ஆகட்டுமே என்று எழுதுறன். (ஏன்னா ஊர்க் காதலை ஊட்டி வளர்த்தா தன் காதல் தானே வளரும் என்று யாரோ ஒரு சித்தர் சொல்லி இருக்கிறாராம்)

காதலர் தினம் வேற வாறதால நம்ம பசங்களும் பொண்ணுங்களும் கையில ஒற்றை ரோஜாவையும் வலன்ரைன் டே கார்ட்டையும் தூக்கி கொண்டு அலையப் போறாங்க.இப்படி அலையுறவங்களில பாதிப் பேருக்கு கூட காதலிப்பது எப்படி என்ற Basic Knowledge கூட இல்லை. இதனால தான் பல காதல் தோற்றுப் போகுது. அவங்களுக்கு ஒரு Basic Knowledge ஐ கொடுப்பதே இந்தப் பதிவின் நோக்கம்....

பசங்களுக்கு....

முதல்ல :- ஒரு பொண்ண கண்டுபிடிக்கனும். எப்படி....???

அந்த பொண்ணுக்கு எந்த qualification இருக்கோ இல்லையோ.. இரண்டு qualifications முக்கியம்.

முதல்ல, அவ வேற யாரையும் காதலிக்க கூடாது.
இரண்டாவது என்னனு கடைசில சொல்லறேன்.

சரி. அப்படி ஒரு பொண்ண கண்டுபிடிச்சுடீங்களா. இப்ப, அந்த பொண்ணு உங்க ரேஞ்சில இருக்கனும். அதாவது, கண்ணாடி முன்னாடி போனா, நீங்க எப்படினு உங்களுக்கு தெரியும். அழகு, smartness, attitude, humor sense இதெல்லாம் வைச்சு, (நம்ம பொண்ணுங்களுக்கு மார்க் போடுவோமே) நமக்குனு ஒரு மார்க் இருக்கும். அந்த ரேஞ்சுக்கு கொஞ்சம் முன்ன பின்ன பொண்ணு இருக்கலாம். ரொம்ப கம்மியாகவோ, ரொம்ப கூடவோ இருந்தா, பொண்ணுக்கு நம்மை பிடிக்காம ரிஜக்ட் செய்ய வாய்ப்புகள் அதிகம். (ஆனா, உண்மை காதலுக்க்கு, எப்படி இருந்தாலும் சரி ). So, இப்போ, பொண்ண செலக்ட் செய்தாச்சு...!!!

இரண்டாவது:- அந்த பொண்ணு மேல காதல் வரணும்...!!!

இதெல்லாம் எப்படினு சொல்ல முடியுமா! காதல் வரலனா ஒன்னும் செய்ய முடியாது...சரி சரி.. அழாதீங்க. சூரிய நிலா கவிதை படிங்க. கண்டிப்பா காதல் மேல ஒரு ஆசை வரும்.
அப்படியும் வரலனா, நிறைய தமிழ் சினிமா பாருங்க.. காதலுக்கு மரியாதை, சேது, காதல் மன்னன். இப்படி ... தானா வரும்...

மூன்றாவது:- அந்த பொண்ணு கிட்ட காதலை சொல்லனும்.

நீங்க நண்பனா பழகுவீங்களோ, இல்ல வழியறீங்களோ, ஆனா சொன்னா தான் காதல். காதல் சொல்லவே தைரியம் இல்லனா, ரொம்ப கஷ்டம். லவ் லெட்டர் எல்லாம் so old fashion. பொண்ண நேர்ல பார்க்க முடிஞ்சா, அவ கண்ண பார்த்து "நான் உன்னை காதலிக்கின்றேன்" அப்படினு நச்சுனு சொல்லனும். அப்போ தான் பொண்ணுக்கும் ஒரு நம்பிக்கை வரும். சரி. கடைசி வரை வச்சு காப்பாத்துவான்னு! நேர்ல பார்க்க முடியலையா, ஒரு போன்ல சொல்லுங்க. ஆனா, பொண்ணு சுதாரிச்சு, அவ உண்மையான உணர்வை மறைப்பதற்க்குள், அதை கண்டுகொள்ளும் படியான ஒரு

மீடியா அவசியம்.

நான்காவது:- அந்த பொண்ணு, ரிஜக்ட் செய்தால் என்ன செய்ய...???

கண்டிப்பா, எந்த பொண்ணும், உங்களை காதலிச்சா கூட உடனே ஒத்துக்கொள்ள மாட்டா. அதுனால, கொஞ்சம் பொறுமை வேணும். (Again, note this point,. கொஞ்சம் தான் பொறுமை வேணும். லூசு மாதிரி, 5 வருஷமா பின்னால சுத்த கூடாது.
காதல் ஒரு முறை தான் வரும். அதுவும் ஒருத்தர் மேல தன் வரும் அப்படினு சினிமா டயலாக் பேசனீங்கனா,
சேது மாதிரி தான் கடைசில ஆகுவீங்க). ஒரு பொண்ணு மேல நீங்க உண்மையாகவே அக்கறையும், அன்பும் காட்டினா, கண்டிப்பா புரிஞ்சிப்பா.

ஐந்தாவது:- இது எதுவுமே ஒத்து வரலனா.......

Please go to Step one

சரி, கடைசியா பொண்னு செலக்ட் செய்ய, இரண்டாவது qualification சொல்லறேன்னு சொன்னேன் இல்ல..அவ இந்த பதிவ படிச்சு இருக்க கூடாது! வேற என்ன

பெண்களுக்கு.....

பையனை பார்த்து லேசா சிரியுங்க. அதுக்கு மயங்கல என்றா வேலைக்கு ஆகாது....

அன்புள்ள அப்பாவுக்கு....

2011-02-02T23:04:00.003+05:30

அன்புள்ள அப்பா..........

இன்று February 2

உங்களுக்கு பிறந்த நாள்.. எனக்கு முழுமையாக வாழ்த்த எனக்கு வயதில்லை. ஆனாலும் வணங்கி நிற்கிறேன். உங்களுக்கு மகனாய் பிறந்ததுக்காய் கடவுளுக்கு பல கோடி நன்றி சொல்லுகிறேன்.......

நாம் தந்தை மகன் உறவை தாண்டி எவ்வளவோ மனம் விட்டு பேசியிருக்கிறோம்.. நண்பரை போல பழகி இருக்கிறோம். சின்ன சின்ன சண்டைகள் கூட போட்டதுண்டு. சில காலங்களுக்கு முன்னர் நீங்கள் எனக்கு வில்லனாகவும் பிற்போக்கு வாதியாகவும் தெரிந்து இருக்கிறீர்கள். ஆனால் இன்று அதை நினைத்ததை பார்க்கும் போது வெட்கத்திலும் வேதனையிலும் தலை குனிகிறேன். ஆனால் இன்று வாழ்க்கையை புரிந்து கொண்ட பின் அன்று வில்லனாக தெரிந்த நீங்கள் கீரோவாக தெரிகிறீர்கள். என் மனதுக்குள் இன்று இருக்கும் உங்களை பற்றி நான் சொல்லியது இல்லை. சொல்ல நினைக்கும் போது எல்லாம் இனம் புரியாத ஏதோ ஒன்று தடுத்து விடுகிறது. நேரில் சொல்ல முடியாததை இன்று இந்த மடலில் சொல்லுகிறேன். என் எழுத்துக்களுக்கும் சூரிய நிலாக்கும் முதல் ரசிகனான நீங்கள் நிச்சயம் இதைப் படிப்பீர்கள் என்று எனக்கு தெரியும்.........

நீங்கள் தலைக்குமேல் தூக்கிக் கொஞ்சும் போது உங்கள் நெஞ்சில் மிதித்த பிஞ்சு மகன் நான்...

உங்களிடமிருந்து நான் கற்றுக் கொண்டவைகளை எழுதினால்

எத்தனை எத்தனை புத்தகங்கள் இதுவரை குவிந்திருக்கும் அறிவீர்களா அப்பா? உங்கள் கஷ்டம் புரியாமல் அது வேண்டும் ...

இது வேண்டும் என்று அதிகாரமாய் நான் கேட்ட வேளைகள் அவைகளை நீ தேடியலைந்து என் கையில் கொடுத்து என் முகமலர்ச்சியில் உங்கள் இதயம் மகிழ்வீர்களே அப்பா .....

அப்போது நான் எத்தகைய சுயநலவாதியாகவிருந்தேன் எப்போது எண்ணினாலும் தப்பாமல் என் விழிகளில் நீர்தானப்பா மிஞ்சும் எப்போதும் புன்னகை எது சொன்னாலும் சம்மதம்

எப்படியப்பா.? எப்படி.......? உங்களால் இப்படி ஓர் பொறுமை காக்க முடிந்தது ? சொல்லும் ஒவ்வொரு சொல்லும் செய்யும் ஒவ்வொரு செயலும் தவறின்றி இருக்க வேண்டுமென்று தந்தை நீங்கள் கொண்ட கவனங்கள் தனயன் என் நெஞ்சில் காலங்கடந்து துல்லியமாய்த் தெரிகிறதே ! படிக்கின்ற வயதினிலே துடிக்கின்ற உணர்வுகளினால் காலத்தையும், பணத்தையும் விரயமாக்கி வாழ்ந்த போதும் கனிவான அறிவுரைகளின்றி கடினமான வார்த்தைகள் வருவதில்லையே உங்களிடமிருந்து உங்கள் அன்பின் பொருளை உறவுகள் அன்று மூடத்தனமென எள்ளி நகையாடியிருக்கலாம் அப்பா நீங்கள் போட்ட அத்திவாரத்தில் தான் தப்பாமல் என் வாழ்வு இன்று தளும்பாமல் செல்கின்றது

எனக்கு நீங்கள் ஒரு குறையும் இது வரை வைத்ததில்லை. ஓடி ஆடி விளையாடவும் செல்லமாய்ச் சின்ன சண்டைகள் போடவும் ஒரு தம்பியையோ தங்கையையோ தராத ஒரு குறையை தவிர. ஆனாலும் எனக்கு தெரியும் இன்னொருவன் வந்து விட்டால் பாசத்தை பங்கு போட வேண்டுமே என்ற ஒரே காரணத்தினால் மட்டும் தான் அந்த குறையை எனக்கு விட்டிர்கள். ஆனாலும் அதுக்காய் நான் என்றும் வருந்தியதில்லை. ஏனெனில் அந்த வெற்றிடத்தை கூட உங்கள் அன்பால் நிரப்பி விட்டீர்கள். நீங்கள் மகனுக்கு மகனாய் மகளுக்கு மகளாய் வளர்த்தீர்கள். மகள் இல்லை என்ற குறையை நீங்கள் போக்க பெண்ணாய் உடுத்தி அழகு பார்த்ததும் தோடு குத்தி ரசித்ததும் காப்பு போடடு கனிவோடு அழகு பார்த்ததும் நடன வகுப்புக்கு அனுப்பி பரத நாட்டியம் பழக்கியதும் எனக்கு அவமானமாய் இருக்கிறது என்று உங்ளிடம் அன்று சொல்லி இருக்கிறேன். ஆனால் இன்று சொல்லுகிறேன் உங்களை நினைத்து அன்று நீங்கள் எனக்காக செய்த அந்த செயல்களை நினைத்து இன்று பெருமை படுகிறேன். அன்று அவமானமாய் பட்டது இன்று வெகுமானமாய் தெரிகிறது. உங்களை போல் வேறு யார் பையனுக்கு பெண்ணாய் உடுத்தி அழுகு பாத்திருக்க முடியும். அந்த அன்புக்கு தலை வணங்குகிறேன். பெண் பிள்ளையாய் என்னை பாவித்து எப்போதும் ஏன் இன்று கூட என்னை வீட்டில் செல்லமாய் எப்போதும் சைலஜா என்று தானே கூப்பிடுவீர்கள். அந்த பாசத்துக்கு தலை வணங்குகிறேன்.

நான் உங்களுக்கு ஒரு நல்ல பிள்ளையாக இருந்தேனோ எனக்கு தெரியாது. ஆனாலும் நீங்கள் எனக்கு எப்போதும் நல்ல தந்தையாக இருந்துள்ளீர்கள். உங்கள் கனவுகளை நான் நிறைவேற்றவில்லை என்பதை நன்கு அறிந்தே வைத்திருக்கிறேன். ஆனாலும் அதைப் பற்றி என்னிடம் நீங்கள் எதுவும் சொன்னதில்லை. அதற்கு நியாயப்படுத்த கூடிய பல காரணங்கள் என்னிடம் உண்டு என்பது உங்களுக்கும் தெரியும். ஆனாலும் அதை நான் நியாயப்படுத்த விரும்பவில்லை. அதற்காக உங்களிடம் இந்த சந்தர்ப்பத்தில் மன்னிப்பு கோருவதில் எனக்கு எந்த வெட்கமோ துக்கமோ கிடையாது. ஏமாற்றங்களாலும் துரோகங்களாலும் நான் வீழ்த்பபட்டு வாழ்க்கையில் தோற்றுப் போனவனாய் விரக்தியின் விளிம்பில் நின்ற போது உங்கள் அரவனைப்பும் அன்புமே எனக்கு அரு மருந்தாக இருந்து மறுபடி எழுந்து நிற்கவும் ஜெயித்து காட்டவும் வெறியை தந்தது வெற்றியை தந்தது. உங்களை போல் தந்தை எனக்கு இருக்கு வரை ஆயிரம் முறை விழுந்தாலும் மறுபடி எழுந்து நிற்பேன். இத்தனை வருடத்தில் நீங்கள் என்னை ஓரே ஒரு முறை தான் அடித்து இருக்கிறீர்கள். தவறு என்னவோ என் மேல் தான். ஆனால் எனக்கு அடித்த அன்று நான் அழுததை விட நீங்கள் அழுத்து தான் அதிகம். அன்று நீங்கள் வாங்கி தந்த பரிசுப் பொருட்களை பார்த்து இவ்வளவு பரிசு பொருட்கள் கிடைக்கும் என்றால் தினமும் அடி வாங்கலாமே என்று நான் இப்போதும் நினைப்பதுண்டு.

பொதுவாக ஆண்களின் அன்பு சரியாக புரிந்துகொள்ளபடுவதில்லை .........

அதிலும் அப்பாக்களின் அன்பு ................?

நிஜத்தில நூறில் ஒருவரின் அன்பு கூட புரிந்து கொள்ளபடுவதில்லை ......

ஏன்? இதற்குவிடை மிக சாதரணமானது... அப்பாக்களின் அன்பு கண்டிப்போடு சேர்ந்தது... அதை புரிந்து கொள்ள பக்குவம் தேவை.......

அம்மாவின் பாசம் குழந்தைகளுக்கு எளிதில் புரிய காரணம் ,

அவளின் அருகாமை குழந்தைகளுக்கு எப்போதும் கிடைப்பது தான் ...

எனக்காகவே ஒவ்வொரு நாளையும் கடந்து வந்திருக்கீங்க. நீங்க பட்ட எந்த ஒருகஷ்டத்தையும், வலியையும் நான் பட்டுறக்கூடாதுனு நீங்க எடுக்குற முயற்சியும், அதை நான் புரிஞ்சிக்காம அந்த அந்த வயசில உங்க பேச்சை கேட்க்காம இருந்ததும், இருக்குறதும் எதுவும்உங்களை அலட்சியப்படுத்த இல்லைனு புரிஞ்சிகோங்கப்பா. இப்போ இதை சொல்றது கூடகோபத்தில இல்லை, பசங்களோட செய்கையை உதாசீனம்னு எடுத்திகிட்டு உங்க மனசு காயப்பட்டுறக்கூடதுனு தான்.

53 வருடங்கள் போயிருச்சு இனி என்ன அப்படீன்னு யோசிக்க ஆரம்பிக்காதீங்க, நாமஆரோக்கியமா, நல்லா மனநிலையில இருக்குற ஒவ்வொரு நொடியும் நமக்கு கிடைச்ச வரம்.எத்தனை பேருக்கு இது வாய்ச்சிருக்கு ? இதை சரியா பயன் படுத்துறது தானே இந்த வாழ்வை கொடுத்த (நீங்க வணங்குற) இறைவனுக்கு நீங்க குடுக்குற மரியாதை!

அப்பா உங்களோடு எனக்கு அவ் அப்போது சின்ன சின்ன கருத்து முரண் பாடுகளும் செல்லச் சண்டைகளும் வந்த்து உண்டு. ஆனாலும் அவை ஒரு மணி நேரத்துக்கு மேல் நீடித்தது இல்லை. என்னை போல் இளைஞர்கள் நிகழ் காலத்தோடு ஒரு போதும் ஒத்துப் போனதில்லை. இது தலைமுறை இடைவெளியின் தர்மம். இந்த வயசில் மீசை முளைத்தது மாதிரி அதுவும் தவிர்க்க இயலாதது. எனக்கு சில வேளைகளில் நீங்கள் பிற்போக்கு வாதியாக தோன்றலாம். ஆனால் நானும் என் பிள்ளைக்கு பிற்போக்கு வாதிதான் என்பது எனக்கு தெரியும். அதனால் உங்கள் மீது எனக்கு என்றுமே வருத்தமோ கோபமோ வந்தது இல்லை.

நான் இது வரை உங்களிடம் கேட்டதில்லை. ஆனாலும் இன்று கேட்கிறேன்.......

மறு ஜென்மம் இருந்தால் நீங்கள் எனக்கு பிள்ளையாக பிறக்க வேண்டும்.

அப்போதாவது நீங்கள் என்னை கவனித்ததை போல் நான் உங்களை கவனித்து என் நன்றி கடனை தீர்க்க வேண்டும்.

நான் இது வரை உங்களிடம் சொன்னதில்லை. ஆனாலும் இன்று சொல்லுகிறேன்......

I Love U Paa.......

அன்புடன் உங்கள்

One & Only Son
சைலஜன்.

எனக்கு பிடித்த ஒரு சினிமா காட்சி உங்களுக்காக....

உங்களுக்காய் எனக்கு பிடித்த பாடல்............

சைலுவின் காதலித்து பார்....!!!

2011-01-31T20:24:00.008+05:30

உன்னை சுற்றி ஓர் ஒளி வட்டம் தோன்றும்,

உன் கைஎழுதுக்களும் அழகாகும்"
வைரமுத்துவின் இந்த வரிகள்,
இனி உனக்கு பொருந்தாது,
இது கணனியின் காலம்...

காதலித்து பார்!!!
ஆங்கில கீபோர்டும் தமிழ் அடிக்கும்,
உன் தட்டேழுதுக்களும் அழகாகும்,
Microsoft-in ஜன்னலில் (Windows) தமிழ் தென்றல் வீசும்,
Gmail-ல் காதல் கடிதங்கள் மின்னஞ்சலில் மின்னலாய் பறக்கும்,
அதனால் உன் inbox, நிரம்பி வழியும்,
இதயங்கள் internet மூலம், transfer ஆகும்,
C++, JAVA ப்ரோக்ராம்சும், உனக்காக கவிதை எழுதும்,
இந்த விஞ்யான விந்தையிலும், மெய்ஞானம் பிறக்கும்,
காதலித்து பார்!!!

பி.கு :- இது என் சொந்த அனுபவம் அல்ல

காதல் கவிதைகளென.......

2011-01-30T12:50:00.003+05:30

அன்பே.....

உன்னால் தான்

உலகம் வெப்பமாகிறது

என நினைக்கிறேன்...!!!

நீ பூமிக்கு வலிக்கும் என

அன்ன நடை நடக்கிறாய்.....

உன் கால் அழுத்தி தன் மேல் படாதா

என பூமி ஏங்கி வெப்பமாகிறது ...!!!!

எட்டில் ராகுவாம்

ஏழில் கேதுவாம்.

ஜோசிய மூடனே!!

சரியாக பார்..

எல்லா கட்டங்களிலும்

அவள் பெயர்தான் இருக்கக்கூடும்.

பட்டமாய் நான் பறந்தாலும்

கட்டுப்படுத்தும் ஆற்றல் உன் கையில்..!!!

என்னை விட்டுவிடாதே....

மண்ணைத் தொட்டுவிடுவேன் ...!!!

எந்தன் காதலை

புரிந்து கொள்ளாதவள் மாதிரி

ஏனடி ஆடுகிறாய் நாடகம்?

உண்மை காதலை பகிர்ந்து கொள்ள

கண்களை விட

வேண்டுமா வேறு ஊடகம்

விதைக்க தான் தெரிகிறது

உன் விழிகளுக்கு - காதல்

பயிர் எங்கே வளர்கிறது

என்று கவனிக்க தெரியவில்லை

நான் பேராசைகாரன் தான் .....

ஆசையே இல்லாத உன் மீது

ஆசை வைத்த நான்

பேராசைகாரன் தான்....!!!

பிரிவை சுமையாக

நினைக்கவில்லை நான்....

பிரிந்த கணம் நீ சிந்திய

கண்ணீர்த் துளிகளைதான்

சுமக்க முடியாமல்

தவிக்கிறது நெஞ்சம்.....!

திருப்பித் தராத மனம்

திவாலாகிப் போன நான்

ஆதரவைத் தேடி.....

பார்த்தவுடன் பற்றிக்கொண்டது
பிரிவதற்கு பிரியமில்லை
ஆகையால் ஆரம்பித்தோம்
காபியைக் கடைய
கண்கள் கலந்தாடியது
கடையைக் கலைக்கும்வரை
வெவ்வேறு டேபிள்களிலிருந்து

என் இதயத்தில்

ஊஞ்சல் கட்டி

நிதமும் ஊசலடுபவளே …

நிறுத்தி விடாதே

உன் ஆட்டத்தை …

நின்று விடும்

என் ஓட்டம் …

தமிழிற் சிறந்த மொழியுமில்லை

காதலிற் சிறந்த தொழிலுமில்லை

வற்றாத ஜீவநதியாய்

சொற்பெருக்கெடுத்தோடும் என் தமிழன்னையே

வற்றிவிட்டாள்- என் காதலை சொல்ல

வார்த்தையில்லாமல்

முட்டாள்கள் படைக்கும் கவிதைதான் அழகு.

என்னை சொல்லவில்லை..

உன் அப்பனைத்தான் சொல்கிறேன்....

ஒரு தலை காதல்

உறவுகளை மறந்து

ஒருதியை மட்டும்

நினைத்து வாழும் புனிதமான

காதல்!!!

ஊர் உறங்கிய பொழுதில் கூட

உறங்காது விழிகள் ஆனால்

அவள் உறவை நினைத்து

ஏங்கிடும் இதயம்!!!!

உன்னை மறக்க நினைத்தாலே,

என் நினைவாக நீ வருகிறாய்.

உன்னை நான் நினைத்தாலோ,

என்னையே மறக்க செய்கிறாய்.

உன்னை மறக்க நினைப்பதா ?

இல்லை நினைத்து என்னை மறப்பதா..???

இரவு முழுவதும் விழித்திருந்தேன்

விடியுமென்று.

விடிந்தவுடன் தூங்கிவிட்டேன்,

நீ வந்து

போகும் பகல் கனவு

பலிக்குமென்று!!!

முறிந்த உறவுகள் பிரியக் கூடும்

ஆனால்பிரிந்த உறவுகள் முடிவதில்லை

நினைவுகளால் தொடந்து கொண்டுதான் இருக்கும்

என் நாட்காட்டியில்

ஒரு நாள்

ஓடியது...

உன்னால் அல்ல..

பெண்ணே

உன் நினைவுகளால்...

நடக்காத

கனவுகளோடும்

தெரியாத

மனங்களோடும்

விடையில்லா

புதிர்களோடும்

வாழ உன் நினைவு

ஒன்றே போதும்...

ஒரு மாதம் முன்பு

உன்னை பார்த்த

என்னைக் கேட்கிறாய்

ஏன் இன்னும் இங்கேயே சுத்துற?

கோடி ஆண்டுகளுக்கு முன்

உன்னை பூர்வ ஜென்மத்தில்

பார்த்ததாம் பூமி

இன்னும் நின்றபாடில்லை

காதல் ஆராய்ச்சி ...

2011-01-27T14:14:00.009+05:30

வரும் பெப்ரவரி 14 ம் திகதி காதலர் தினத்தை கொண்டாடுறதுக்கு காதல் என்றால் என்னவென்றே தெரியாத என்னை பிடிச்சு கவிதை எழுதி தா கத்தரிக் காய் எழுதி தா என்று ஒரே ராச்சர் பண்ணுறாங்க நம்ம பசங்க.
(காதல் என்றது எதாச்சும் கெட்ட வார்த்தையாங்க..? தெரிஞ்சவங்க சொல்லுங்களன். பிளீஸ்)

அது தான் காதல் என்றா என்ன அதன் வகைகள் என்ன என்ற ஆராய்ச்சியில இறங்கியிருக்கன்.

இது ஒண்டும் புதுசு இல்லங்க..... காதல் என்றது ஒண்டுதான்.. நம்ம பசங்கதான் காதல்ல வித்தியாசம் வித்யாசமா ஒவ்வரு பெயரு வச்சு சொல்லுவாங்க! அததான் நான் சேகரிச்சு இப்ப சொல்ல போறன். நம்ம ஊருல இருக்க கூடிய வெவ்வேறு காதல்கள் இவை ....

முக்கிய குறிப்பு :- காதல்ல என்னடா வகை!!! எப்பவுமே அது ஒன்னுதாண்டா! என்று நினைக்கும் இருதலை காதலர்கள், சீரியஸ் காதலர்கள் இதை வாசிக்க வேண்டாம். இது ஒரு ஜாலி பதிவு அம்புட்டுதான்!!!!

1. ஒருதலை காதல் :- இது பத்தி சொல்லவே தேவை இல்லை.இது எல்லாம் நம்ம பசங்களுக்கு நிறையே வரும். அதாவது, நாம மட்டுமே காதல் பன்றது.......

என் பார்வையில் :- இதுதாங்க நம்மளுக்கு SAFE லவ் யார வேணும் எண்டாலும் சுதந்திரமா லவ் பண்ணலாம்.. யாரும் கேக்க முடியாது.

2. இருதலை காதல் :- இதில் அதிகம் வெற்றி பெறுபவர்கள் குறைவு.. வெற்றி பெறுபவர்கள் நிலைத்து இருப்பது குறைவு. இதுல நம்ம பயபுள்ள மட்டுமில்லாம அவர் லவ் பண்ற பொண்ணும் அவர லவ் பண்ணும்.

என் பார்வையில்...:- இத இப்ப எல்லாம் OLD FASHION எண்டு சொல்லறாங்கபா ஏன் எண்டுதான் தெரியல....

3. மூன்றுதலை காதல் (பாகம் 1) :- இந்த காதல நீங்க இப்ப சமிபத்துலதான் பார்த்து இருப்பிங்க! குட்டி திரைப்படம் இதற்கு உதாரணம்.

என் பார்வையில் :- இது நடைமுறைக்கு ஒத்து வராது என்பது என்வாதம்.

4. மூன்றுதலை காதல் (பாகம் 2) :- இது நம்ம 2 பசங்க ஒரு பொண்ண லவ் பண்னுவாங்க! அந்த பொண்ணு ஒரு அதுல ஒருத்தன லவ் பண்ணும். பிறகு லவ் பண்ண கிடைக்காத நம்ம பயபுள்ள தேவதாஸ் ஆகிடுவார்.

என் பார்வையில் :- இது தேவை இல்லாதது....

ஊருல பொண்ணுங்கலா இல்ல. இவனுகளுக்கு .............

5. மூன்றுதலை காதல் (பாகம் 3) :- இது கொஞ்சம் வித்தியாசம் ... நம்ம பயபுள்ளயும், ஒரு பொண்ணும் லவ் பண்ணுவான்கலாம். கொஞ்ச நாள்ல அந்த பொண்ணு அவள லவ் பண்ணாத ஒருத்தன லவ் பண்ணுவாங்க...இதுதாங்க

என் பார்வையில் :- இதுல இருந்தது ஒண்டு மட்டும்தான் சொல்லலாம்.

இந்த உலகத்துல எல்லாத்துலயும் போட்டி அதிகம். அவ்.......

6. நான்குதலை காதல் (பாகம் 1) :- இது ரெண்டு பசங்க, ரெண்டு பொண்ண லவ் பண்றதுதான்.. பெரிசா ஒண்டும இல்ல....

7. நான்குதலை காதல் (பாகம் 2) :- இது கொஞ்சம் வித்தியாசம்.. ரெண்டு பசங்க ,ரெண்டு பொண்ணுங்கள லவ் பண்ணுவாங்க... கொஞ்ச நாள்ல என்ன ஆகுமோ தெரியல ஜோடி மாறி போய் ஆள் மாத்தி லவ் பண்ணுவாங்க....

என் பார்வையில்:- No Comments

8. இது 2 in1 காதல் :- இது திறமை உள்ளவர்களுக்கு மட்டும் அமையும்.... திறமையை பொறுத்து இந்த காதல் 3 inin1, 4 inin1, 5inin1 வரை நீண்டு செல்லலாம். அதாவது ஒருவரே ரெண்டு,மூனு பொண்ணுங்கள காதலிப்பதுதான்.

என் பார்வையில் :- இது எல்லாம் அமைய ஒரு மச்சம் வேணும் அவ்வளவுதான்....

9. பருவ காதல் :- இது காதலே இல்லைங்க!

பருவத்தில் எதிர்பாலரிடம் வர கூடிய ஈர்ப்பு அவ்வளவுதான்.

10. தொழில் காதல் :- இது ஈர்ப்பு எண்டு சொன்னாலும், கல்லூரி முடிச்சு ஒரு தொழில் கிடைச்சு வாழ்க்கையில ஓரளவு செட்டில் ஆன பிறகு வரும் காதல். இது ஓரளவு சரியாகத்தான் அமைகின்றன. நான் அதனை பார்த்து இருக்கிறேன்....

என் பார்வையில் :- தொழில் காதலில் நமது நண்பர் ஒருவர் இருக்கிறார் என்பது ஒரு புது செய்தி... அவ்வளவுதான்.

11. உணர்ந்த காதல் :- இப்படி இருக்குதா எண்டு தெரியாது..... ஆனா எங்க ஊருல காதல்ல WIN பண்ணி வாழ்கையில் நல்லா இருக்கிறவன்க காதல இப்படி சொல்ல்வாங்க! (நம்ம அம்மா அப்பா)

என் பார்வையில் :- இது ரொம்பவே நல்ல காதல்பா! நம்மளுக்கு ஒத்து வருமோ தெரியல....

பெண்களே மன்னிக்கவும்! நான் ஒரு ஆணாக இருப்பதால் எனக்கு உங்கள் பக்கம் அதிகம் தெரியாது! உங்களை பாதிப்பதாக இருந்தால் மன்னிக்கவும்!!!

இப்படி காதல் வகைகளை சொல்லி கொண்டே போகலாம்... ஆனால் பக்கங்கள் போதா

Medical Rep - சொந்தக் கதை

2011-01-16T14:20:00.001+05:30

நான் ஒரு ரெப் அப்படின்னா பிரதிநிதி சாதரன பிரதிநிதி இல்லை மருத்துவ பிரதிநிதி. ரெப்புக்களின் அடையாளம் கையில பை, கழுத்துல டை, வாயில பொய்.

எங்களை கண்டால் பேஷண்ட்ஸ் எல்லரும் அலறுவாங்க

(வந்துட்டன்யா பைய தூக்கிகிட்டு).

கல்லூரி முடித்து இரெண்டு மாதம் ஒரு வங்கியில் வேலை செய்து கொண்டிருந்தேன்,பிறகு எட்டு மாதம் Data Entery Operator ஆகா வழ்க்யை ஓட்டினேன். பிறகு கணனி ஆசிரியராக கணனியை நொண்டிக் கொண்டிருந்தேன். பிறகு IT துறையில் குப்பை கொண்டிக் கொண்டிருந்தேன். அதற்கு பிறகு வெட்டிப் பயலாய் சில நாட்கள் காலம் கடத்தினேன். வடிவேலு சொன்ன மாதிரி வெட்டியாய் இருக்கிறது என்றது கூட ரொம்ப கஸ்ரம் தெரியுமே. மூன்று நேரமும் மூக்கு முட்ட சாப்பிட்டிட்டு Tv ய பார்த்து கொண்டு சும்மா நித்திரை கொண்டு இருக்கிறது என்றது சில நாட்களுக்கு வேணுமென்றா சுகமா இருக்கலாம். ஆனா அதுவே வாரங்களாக தொடர்ந்தால் ரொம்ப கஸ்ரம். வெட்டிப் பயலாய் இருந்த போது கூட நான் சும்மா இருக்கவில்லை. வேலை தேடுவது என்ற வேலையில் முழு முனைப்போடு தான். இருந்தேன். குறைஞ்சுது ஓரு 15 நேர்முக தேர்வுக்கு போய் கின்னஸ் சாதனை வேற செய்தாச்சு. இந்த நிலையில தான் டேவிட் பீரிஸ் மோட்டர் கம்பனி என்ற இலங்கையின் முன்னனி நிறுவனம் ஒன்றில் Marketing Executive வேலைக்காக என் சான்றிதல் பயோ டேட்டா எல்லாம் பார்த்து நேர்முக தேர்வுக்கு கூப்பிட்டாங்க. நானும் போனன். நாலு பேர் வேலைக்கு வேணும் என்று சொல்லி நாலுல ஒராளா என்னையும் தேர்வு செய்தாங்க. எல்லாம் முடிஞ்சு அப்பொய்ன்ட்மண்ட் லெட்டரில சைன் வைக்க முதல் நாலு பேரிட்டையும் ஒரு கேள்வி கேட்டாங்க பாருங்க. உலக மகா கேள்வி அது.

What do you thing About Pirabaharan....?

மனசில இருக்கிறது தானேங்க வெளியில வரும். கொஞ்சம் கூட யோசிக்கல.

He is a Leader of Tamil அப்படின்னு சொல்லிட்டன். என்னை போலவே இன்னொருவனும் அதே பதிலை சொல்லி போட்டான். மற்ற ரெண்டு பன்னாடைங்களும் கீ இஸ் ஏ ரெரரிஸ்ட். ரெட்ஜ் அப்படின்னு சொன்னாங்க. பிரபாகரனை லீடர் என்று சொன்ன எங்க ரெண்டு பேரையும் வீட்டுக்கு அனுப்பி போட்டாங்க. இப்போதைக்கு ரெண்டு பேர் காணுமாம். மற்ற ரெண்டு பேருக்கும் பிறகு அப்பொய்ண்ட்மண் தாறம் என்று. ஐயோ கைக்கு எட்டினது வாய்க்கு எட்டாம பொய்ட் என்ற வேதனை மனசுக்குள்ள இருந்தாலும் வேற ஒரு இனத்துக்கு முன்னால என் இன மானத்தை விற்கலையே என்ற சந்தோஷம் இருந்திச்சு. வேலைக்காக இன மானத்தை விற்காதவன் என்று நாளைக்கு என்னை பற்றி வரலாறு பேசப் போறது இல்லை என்று எனக்கு தெரியும். ஆனாலும் எதோ சாதிச்ச சந்தோஷம்.

எல்லாம் முடிந்தபின் கமாசு (Kamazu) ஃபார்மாவில் மருத்துவ பிரதிநிதியாக சேர்ந்து அங்கிருந்து சிலிங்கோ ஃபார்மாவிற்கு (Ceylinco Pharma) மாறி இன்று வரை அப்படிதான் இருக்கிறேன். நண்பர் ஒருவரின் சிபாரிசினால் Kamazu Pharma இல் இணைந்து கொண்டேன். முதல் வாரம் முழுவதும் Field ரெயினிங். ரெயினிங்கின் போது அதனை வழங்கி கொண்டிருந்த மனேஜர் குடிக்க சொல்லி வற்புறுத்த (எலே குடிக்க சொன்னது தண்ணியோ சோடாவோ இல்லேல. சோம பானத்தை) எனக்கு பழக்கமில்லை என்று மறுக்க இந்த பழக்கம் கூட இல்லாம எப்படிதான் இந்த பீல்டில இருக்க போறியோ என்று முட்டிக்க அரம்பமே ஆர்ப்பாட்டமாகி போனது. அந்த மனேஜரின் நடத்தைகள் பிடிக்கவில்லையாயினும் சிபாரிசு செய்தவருக்காக எல்லாத்தையும் பொறுத்து கொள்ள வேண்டியதாகி போனது. முதல் கோணல் முற்றிலும் கோணல் என்பதாலோ என்னவே பத்து நாளுக்கு மேல் அவரோடு என்னால் தாக்கி பிடிக்க முடியவில்லை. போங்கடா நீங்களும் உங்கட வேலைகளும் என்று விட்டிட்டு வந்தாச்சு. மறுபடி வெட்டி பையன் வாழ்க்கை. எந்தக் குறையும் வீட்டில் எனக்கு வைக்கவில்லை என்றாலும் ஒரு இளைஞனாய் அப்பன் காசில் தண்டச் சோறாய் இருப்பது ரொம்பவே மனசுக்கு கஸ்ரமாய் இருந்திச்சு. ஆனாலும் இனிமேல் யாரின் சிபாரிசோடும் வேலைக்கு செல்வதில்லை. சுய முயற்சியில் செல்வது. என் திறமையை நம்பினால் வேலை கொடுக்கட்டும் இல்லை என்றால் விடட்டும் என்று கொள்கையில் மட்டும் உறுதியாக இருந்தேன்.

Ceylinco Pharma விற்கு மருத்துவ பிரதிநிதிகள் வேணும் என்று பத்திரிகையில் ஒரு விளம்பரம். அதைப் பார்த்து வேலைக்கு மின்னஞ்சலில் விண்ணப்பம் செய்தேன். ஆனாலும் என்னை நேர்முக தேர்வுக்கு அழைப்பார்கள் என்ற நம்பிக்கை எனக்கு இருக்கவில்லை. ஏனெனில் இந்த மருத்துவ துறையில் சம்பாதிப்பும் பிற வசதிகளும் அதிகம் என்பதால் தெரிந்தவர்கள் தெரிந்தவர்களை சேர்த்து விடுவார்கள். வெளியில் இருந்து புதிதாக உள்ளே நுழைய அனுமதிக்க மாட்டார்கள். சிபாரிசும் இல்லாமல் எந்த அனுபவமும் இல்லாமல் ஒருவன் நுழைவது என்பது குதிரை கொம்பு தான். என் வாழ்க்கை மீதான நம்பிக்கையை கொஞ்சம் கொஞ்சமாக நானே இழந்து கொண்டு இருந்த நாட்களில் ஒரு தொலை பேசி அழைப்பு என் மொபைலுக்கு. எதோ காரணத்தால் அந்த அழைப்பை ஏற்க முடியவில்லை. சிறிது நேரத்தின் பின் அந்த நம்பருக்கு ஒரு மிஸ் கோல் கொடுத்தேன். ( அப்ப எல்லாம் ஒரு நிமிஷம் கதைச்சாலோ ஒரு செக்கன் கதைச்சாலோ 8 ரூபா. யாரென்று தெரியாத ஆளுக்கு நான் கோல் பண்ண அது ரோங் நம்பர் என்றால் 8 ரூபா வீணாய் போய்டுமே என்ற முன்னெச்சரிக்கையில தானுங்கொ.) சிறிது நேரம் கழித்து அதே இலக்கத்தில் இருந்து மறுபடி அழைப்பு. நீங்கள் யார்..? எதற்கு எனக்கு கோல் பண்ணி இருந்தீர்கள் என்று ஆங்கிலத்தில் கேட்டார் ஒருவர்.

நீங்க மிஸ் கோல் கொடுத்திங்க பதிலுக்கு நானும் மிஸ் கோல் கொடுத்தன் என் பெயர் சைலஜன் என்று கொஞ்சம் திமிராவும் பொறுப்பில்லாமலும் பதில் சொன்னேன். மறு முனையில் ஐ ஆம் சாலுக அதாவுட. ச்சீவ் ஒபரேசன் ஆபிசர்(Chief operation Officer) அப் செலிங்போ ஃபார்மா (Chief operation Officer) என்று பதில் வந்தது. அப்பவே நினைச்சன் நான் பதில் சொன்ன விதத்தை வச்சே நமக்கு வேலை கிடையாது என்று. ஆனாலும் சரி உங்கட படிப்பு அனுபவத்தை பற்றி சொல்லுங்கொ என்று கேட்க நானும் எதோ ஆங்கிலத்தில் உளறி கொட்டினேன். ஒ.கே நான் உங்களுடன் பிறகு கதைக்கிறேன் என்று சொல்லிவிட்டு போனை வைத்து விட்டார். (ஆனா மனுஷன் இப்பவும் சொல்லும். பாசுக்கே மிஸ் கோல் கொடுத்தவன் உலகத்தில நீ ஒருத்தன் மட்டும் தானடா என்று) 3 மணி நேரம் கழித்து மீண்டும் ஒரு கோல். ஆனால் இது வேறு இலக்கத்திலிருந்து. ஐம் சபரீனா சவாகீர். பிஸ்னஸ் கோர்டினேட்டர் செலிங்போ ஃபார்மா என்று. நேர்முக தேர்வுக்கு நாள் குறிச்சு தர ஒரு மாதிரி அங்க போய் செலக்ட் ஆகி இன்று வரை அங்கேயே சந்தோஷமாய் வேலை பாத்திட்டு இருக்கிறன். இன்று இதைவிட பெரிய பெரிய ஒப்பர்ச்சுனிட்டி வந்தாலும் செலிங்போ ஃபார்மாவ விட்டு போகாம இருக்கிறதுக்கு காரணம் மூன்று தான்

1.என் திறமையை மட்டும் முழுமையாக நம்பி எனக்கு வேலை தந்தது என்ற நன்றி கடன்

2.ஒரு Family attecmment (என்னொட அப்பாவோட இல்லை சகோதரனோட கதைக்கிற மாதிரி என் மனேஜர்களோட எதை வேணுமென்றாலும் பிரண்லியா கதைக்கலாம். ஆபிஸ் போனா கூட எதோ வீட்டில குடும்பத்தோட இருக்கிற மாதிரியான உணர்வு தான் இருக்கும்.

3.அங்கு இருப்பவர்கள் எல்லாம் சிங்களவர்கள். நான் தமிழன் எனக்கு சிங்களமும் தெரியாது. ஆனாலும் இன ரீதியாக ஒரு சின்ன பாகுபாடு கூட என் மேல் காட்டியது இல்லை. ஒரு வேளை எதாவது சிங்களத்தில் சொல்ல வேண்டி வந்தாலும் மறு நிமிடம் என் ஒருவனுக்காக மட்டும் அதை ஆங்கிலத்தில் மொழி பெயர்த்து சொல்லி விடுவார்கள்.

சேர்ந்தவுடன் கொழும்பில் 3 நாட்கள் பயிற்சி. அது ஒரு நரகம். முதன் முதலாக உடற்கூறு(Anotomy), உறுப்புக்களின் வேலை(Physiology), நிறுவனத்தில் தயாரிக்கப்படும் மருந்துக்களின் உபயோகம், மருந்து உடம்புக்கு என்ன செய்யும்(Pharmacokinetics), உடம்பு மருந்துக்கு என்ன செய்யும்(Pharmacodynamics) என்று ராப்பகலாக மண்டைக்குள் திணித்தார்கள்.

இதுதவிர மருத்துவர்களிடம் அட்டையை எப்படி உபயோகிப்பது என்று சொல்லி முடித்தார்கள். இதில் முக்கியான விஷயம் என்னவென்றால் சொந்த புத்தியெல்லாம் இங்கு உபயோகிக்க கூடாது. அவர்கள் காகிதத்தில் அச்சுஅடித்து கொடுப்பதை வரி பிசகாமல் அப்படியே பேச வேண்டும்(Verbatim). எல்லாம் கற்றுக் கொண்டு(!) யாழ்ப்பாணம் வந்து சேர்ந்தேன். யாழ்ப்பாணத்தில் என் பிரிவிற்கு நான் தான் முதல் ரெப். நிறுவனம் முதன்முறையாக எங்கள் பிரிவை யாழ்ப்பாணத்தில் அறிமுகம்(launch) செய்தார்கள். மற்ற கம்பனிகளை போல எனக்கு முன்னாடி பின்னாடி என்று கலைச்சு கொண்டு திரியுறது இல்லை. முழு சதந்திரம் தந்துள்ளார்கள். என் மேல் உள்ள நம்பிக்கையால் ஒரு மனேஜர் கூட என் பகுதிக்கு வந்து எட்டிப் பார்த்தது இல்லை. இப்படியே ஒரு வருடம் மேல ஒடிட்டுது. ரெப் வேலையின் நெளிவு சுளிவுகள் கொஞ்சம் கொஞ்சமாக தெரிய ஆரம்பித்தது.ஒரே மருத்துவரை எத்தனை முறை பார்ப்பது ஆதலால் மணியடிக்க ஆரம்பித்த காலம். மணியடிப்பது என்றால் ஒரு கதை. மேல்லோகத்தில் சிவனும் பார்வதியும் பேசிக்கொண்டிருந்தார்களாம் எந்த துறையை சார்ந்தவர்கள் ஒரு நாளில் அதிகம் பொய் சொல்கிறார்கள் என்று. மருத்துவர்களா,வக்கீல்களா, ரெப்புக்களா… என்று. அவர்கள் தீர்மானித்து பொய் சொன்னால் மணியடிப்பது போன்று ஏற்பாடு செய்தார்கள். மருத்துவர்கள் மணி விட்டு விட்டு அடித்தது ,வக்கீல்கள் மணி அவர்கள் வாதாடும் போது அடித்தது ஆனால் ரெப்புக்கள் மணி மட்டும் அடிக்கவில்லை, கடவுள்களுக்கு ஒரே ஆச்சரியம் ரெப்புக்கள் நல்லவர்கள் என்று முடிவு கட்டும் போது இரவு பத்து மணிக்கு ரெப்புக்களின் மணி ஓங்கி ஒங்கி ஒலித்ததாம் பார்த்தல் அவர்கள் Daily Report எழதிக்கொண்டிருந்தார்கள். இதுதான் மணியடிப்பதின் கதை.

தினமும் 5 கால்கள் பார்த்துவிட்டு மீதி கால்களுக்கு மணியடித்துவிட்டு சக ரெப் ஊழிய ரூம்களில் ஒரே ஆட்டம் தான். ( நம்மட மனேஜர் யாருக்கும் தமிழ் தெரியாது என்றதால துணிஞ்சு உண்மைய எழுதி போட்டன்)

என் வீட்டிற்கு அருகில் ஒரு ரெப் குடிவந்தான் அவன் எப்போதும் ஒன்று குறிப்பிடுவான் “ரெப் பாடைகளுக்கு கல்யாணமே

ஆகாது மாமே..”. இது உண்மைதான் எத்தனையோ ரெப்புக்களை பார்த்திருக்கிறேன் கல்யாணம் தடைப்பட்டு முதிர்கன்னர்களாக ஆனபின் தான் கல்யாணம் நடந்திருக்கிறது. சீக்கிரம் நடந்திருந்தால் அது உறவுக்கரப் பெண்ணாயிருக்கும். எனக்கும் இந்த கேள்விக்கான பதிலை காலம் தான் சொல்ல வேணும்.

கத்தி எடுத்தவன் கத்தியால் தான் சாவான் என்பது போல் ரெப்பாக வேலைக்கு சேர்ந்தவன் ரெப்பாக தான் ஓய்வு பெறுவான். எனக்கு ரெப்பாகவே ஓய்வு பெற்ற பல தாத்தாக்களை தெரியும்(இவர்கள் யூனியன் தாதாக்கள் எப்போ இவர்களை பார்த்தாலும் Supscription கட்டியாச்சா என்று கேட்ப்பார்கள்).

ரெப்ஸ் வாழ்க்கை இத்துடன் முடிந்துவிடவில்லை இன்னுமும் நிறைய இருக்கிறது நேரம் கிடைக்கும் போது மேலே சொல்கிறேன் .

வாழ்க ரெப்ஸ்

உலக வெப்பமயமாதல் விழிப்புணர்வு..!

2010-12-28T14:17:00.004+05:30

ஒன்றும் செய்வதிற்கில்லை
நீயும் நானும்
இந்த உலகம் அழிந்த பிறகு
இயலுமாயின்
அழிவினை சற்று தாமதிக்கலாம்
மரம் நடுவோம்
உலகை உயிர்ப்பிக்க
உரம் இடுவோம்
கார்பன் எரிப்பு குறைப்போம்
இயற்கைக்கு இன்னும் கொஞ்சம்
நிறம் தருவோம்!
இயற்கையை இன்னும் அதிகமாய் நேசிப்போம்
அதற்கு இலவசமாய்
மழை வரம் பெறுவோம்!

முகநூல் நண்பர்கள் நற்பணி சங்கம் சார்பாக உலக வெப்பமயமாதல் தொடர்பான மாபெரும் விழிப்புணர்வு மாரத்தன் ஓட்டம் எதிர்வரும் 29.12.2010 காலை 6.30 மணியளவில் மதுரை மரியன்னை பேராலயத்திலிருந்து ரேஸ் கொர்ஸ் மைதானம் வரை நடைபெறுகிறது. இதில் கலந்து கொள்ள இயற்கை ஆர்வலர்கள் சமுக நலன் விரும்பிகள் நண்பர்கள் ஆர்வலர்கள் அனைவரையும் அன்புடன் அழைக்கின்றோம்....

தோழிகள் தேவை.....

2010-12-19T14:04:00.004+05:30

எவ்வளவு நாளைக்கு தான் இந்த பசங்க கூடயே குப்பை கொட்டிக் கொண்டு திரியுறது. ஒரு பெண் தோழி இருந்தா நல்லா இருக்குமேன்னு தோணுது. அதனால தீவிரமாக தோழி தேடும். படலத்தில் இறங்கலாம் என்று இருக்கிறேன். (நீங்க என்ன சொல்றீங்க)

சாப்டியாடா,குளிச்சியாடா,படிச்சியாடா,என்ன படம் பாக்குற?, டேய் தூங்கு மூஞ்சி ! ,இப்டில்லாம் குறுஞ்செய்தியில் நண்பர்களின் தோழிகள் அனுப்புறதும்,போன் பண்ணி ஜாலியா கலாய்ப்பதும் பார்த்தா,எனக்கு ஒரே
stomach fire ஆயிடுது (எனக்கு மட்டும் ஆசையா இருக்காதா பின்ன)

எவ்வளவு நாள் தான் நாமளும் இருக்குற மாதிரியே சீன் போடுறது
(அப்ப ஒரு கேர்ள் ஃப்ரெண்டும் இல்லயா இப்படி எல்லாம)

அதனால் சரி நாமளும் ஒரு தோழிய கண்டுபிடிக்கலாமுன்னுட்விட்டர், பேஸ் புக் ன்னு போகாத இடம் கிடையாது ,கும்பிடாத பெண் தெய்வங்கள் கிடையாது

அதனால் இப்ப கேக்குறது என்னன்னா ஒரே ஒரு நல்ல தோழி ( நாளைந்து பேர் மட்டும் கிடைத்தாலும் பரவாயில்ல),அதுக்கு இந்த பயடேட்டா

பெயர் : சைலு என்கிற சைலஜன்
(தோழிக்கு பெயரே இல்லனாலும் பரவாயில் அம்மு, பம்முனு எதாவது வச்சி கூப்டுக்குறேன்)

வயசு : வாலிப வயசு 24+
(தோழிக்கு 18 to_ _ இருந்தா தேவலாம்)

தொழில் : Medical Delicate
(தோழியும் வெட்டியா இருந்தா கூட பரவாயில்லை )

பாலினம் : ஆண்
(தோழி கண்டிப்பா பொண்ணாதான் இருக்கனும் : ) )

ஊர் : யாழ்ப்பாணம்
(தோழி யூ.எஸ் -ல இருந்தாலும் பரவாயில்ல)

குணம் : ஊருக்குள் நல்லவன் மனதில் _ _ _வன்
( தோழி வில்லியாக கூட இருக்கலாம்)

உயரம் : ஷூ போடாமலே 5’2’’ ஆம்பள
( தோழிக்கு ஹீல்சு அலவன்சு உண்டு)

பொழுதுபோக்கு : பந்து பொறுக்கி போடுறது(கிரிக்கெட்டாமே),
புத்தகத்தில் ஸ்டில் பார்ப்பது
(தோழிக்கு பொழுதுபோக்குன்னு ஒன்னுமே இல்லனாலும் பரவாயில்ல அதுக்குதான் நான் இருக்கேனே)

நல்ல பழக்கம் : அப்பாவி போல ஊர்ல மூஞ்ச வச்சிக்கிறது
(தோழிக்கு சீக்ரட் சொல்லித் தரப்படும்)

கெட்ட பழக்கம் : மொக்கை போடுவது
(தோழியிடம் இது இருக்க கூடாது)

நம்புவது : இதுவரை என் கண்'னை மட்டும்
(வா தோழி உன்னை )

நம்பாதது : என்னையும் சேர்த்து
(தோழி(கள்)யை மட்டும் நம்பலாம்னு இருக்கேன்)

பிடித்த இடம் : கோவில் (அங்காவது எதாவது??? கிடைக்குமான்னுதான்)

சமீபத்திய சாதனை : முழுசா அரை மணி நேரம் சுளையா ஒரே இடத்தில் அமர
வைத்திருப்பது (இங்க பேஸ் புக்ல தான்)

நீண்ட கால சாதனை : என் முகத்தை கண்ணாடியில் பார்ப்பது :
( தோழி(கள்) பயப்பட வேண்டாம் Fair and Handsome
வாங்கி பயன்படுத்துறேன் இன்றிலிருந்து)

உறுதிமொழி :

கிடைக்கும் தோழி(கள்)யிடம் பேஸ் புக்கில் கமண்ட் போட்டு கொடும படுத்த மாட்டேன் என்று இந்த பதிவின் மூலம் உறுதியளிக்கிறேன்

டிஸ்கி : 1 : இது காமெடிக்கு அல்ல,மெய்யாலுமே எனக்கு தோழி(கள்) வேனுங்க

டிஸ்கி : 2 : ஆர்வமுள்ள தோழி(கள்) இங்கோ,என் பேஸ் புக்கிலோ மின்னஞ்சலிலோ தெரிவிக்கவும்(வெக்கமா இருந்தா சொல்லுங்க நாம போன்ல பேசிக்கலாம்)

டிஸ்கி : 3 : தமண்ணா இங்கு வந்து தன்னை தோழியாக ஏற்றுக் கொள்ளும்படி கெஞ்சினாலும் கதறினாலும் ஏற்றுக் கொள்ள மாட்டேன்(அவள வேற லிஸ்ட்ல வச்சிருக்கேன்)

டிஸ்கி : 4 : நண்பர்களே உங்களுக்கு தெரிந்த எதாவது நல்ல,கெட்ட பொன்னுங்க இருந்தாலும் சொல்லி உதவி பண்ணுங்க : )

குறிப்பு : இதன் மூலம் ஒரு தோழியாவது கிடைத்தால் பின்னூட்ட குலசாமிக்கு கோழி அறுத்து படைக்கிறேன்

தொலைதூரக் கடவுள்.........

2010-11-20T12:23:00.008+05:30

அண்மையில் இணையத்தளம் ஒன்றில் இக்கட்டுரையை படிக்க நேர்ந்தது. வித்தியாசமான கருத்தாகவும் ஆனால் மறுக்க முடியாத கருத்தாகவும் இருந்ததோடு நமது சிந்தனைக்கு ஒரு புது வடிவமும் புதுப் பாதையும் அமைத்துக் கொடுக்கும் ஆக்கமாகவும் இது இருந்ததினால் உங்களுடன் பகிர்ந்து கொள்ளுகிறேன்.

இது நாத்திகம் பேசும் கட்டுரை அல்ல என்பதை நீங்கள் முதலில் புரிந்துகொள்ள வேண்டும். அறிவியல் பூர்வமாக மற்றும் விஞ்ஞான பூர்வமாகவும் நாம் ஆராய்ந்து இதனை எழுதுகிறோம்.

கடவுள் என்பவர் யார்? விடைகாண முடியாத கேள்வி. அவர் இருப்பதாக நாம் அறிவது வழி வழியாக வந்த எமது பரம்பரையினர் சொல்வதன் மூலம். யேசு என்றாலும், ராமன் என்றாலும் இல்லை அல்லா என்றாலும், இவர் இப்படித் தான் இருப்பார் என எம் முன்னோர்கள் கூறியதைக் கேட்டே நாம், கடவுள் இருப்பதாக நம்புகிறோம். இதுவரை எவரும் அவரைக் கண்டதில்லை. அப்படிக் கண்டதாகக் கூறும் எவரும் அதை நிரூபித்ததும் இல்லை. தேவைகள் ஏற்படும்போது அவர் வருவதாகக் கூறும் இதிகாசங்களும் புராணங்களும், காவியங்களும், வெறும் கற்பனைப் பொருளாக அமைந்துவிட்டது. காற்று இருக்கிறது, அதனைக் காண முடிவது இல்லை, ஆனால் அதை உணர்கிறோம், அதேபோல கடவுள் இருந்தால் பார்க்க முடியாவிட்டாலும், உணரமுடிகிறதா என்பதற்கு கூட இவ்வுலகில் உரிய சான்றுகள் இல்லை.

மனிதன் பறப்பதைப் பற்றி நினைத்துக் கூடப்பார்க்க முடியாத காலகட்டத்தில், விமானங்கள் மூலம் அரக்கன் சென்றான் என்றும், வானில் யுத்தங்கள் நடந்ததாகவும், கடவுள் வானில் இருந்து தோன்றியதாகவும் ஏன் பல மதங்களில் கதைகள் எழுதப்பட்டுள்ளன? உலகில் மிக முக்கியமான நாகரீகங்களாகக் கருதப்படும் எகிப்திய நாகரீமானானும் சரி, இல்லை இந்து மத நாகரீகமானாலும் சரி, எல்லா விதமான படைப்புகளிலும் பூமிக்கு அடியில் இருந்து வந்தால் ஆது சாத்தான் அல்லது துஷ்டர் என்றும் வானில் இருந்து வந்தால் அது கடவுள் என்றும் கூறப்படுகிறது. இது ஏன்?

நம் மூதாதையர் வாழ்ந்த காலத்தில் அதுவும் பல நூறு ஆண்டுகளுக்கு முன்னர் எழுதப்பட்ட பல காவியங்கள் இதற்கு சான்றாக உள்ளன. போரின் போது அக்கினியை கக்கக்கூடிய ஆயுதங்கள் பயன்படுதப்பட்டதாகவும், எய்யும் அம்பு குறித்த இலக்கைத் தாக்கிவிட்டு மீண்டும் எய்தவனிடம் வந்ததாகவும், பேரழிவுகள் கொண்ட அம்புகள் பாவிக்கப்பட்டதாகவும் கூறப்படுகிறது. இவை அனைத்திலும், ஒன்றை நீங்கள் பொதுவாகக் காணலாம், தேவர்கள் அல்லது நல்லவர்கள் என்று சொல்லப்படுவோர் இறுதியில் வென்றதாக முடிக்கப்பட்டிருக்கும்.

அதாவது, கடவுளைத் தொழும் இல்லமாக கோவில் இருக்கிறது. அதில் வழி வழியாக வந்த பிரத்தியேக கட்டமைப்பும் காணப்படுகிறது. இந்துக் கோவில்களில் கலசங்களும், கிறிஸ்தவக் கோவில்களில் சிலுவை போன்ற அமைப்புகளும், முஸ்லீம் பள்ளிவாசல்களில் தேய்பிறை போன்ற அமைப்பும் காணப்படுவதோடு, அனைத்தும் உலோகங்களினால் ஆனவை, அத்தோடு உயரமாகவே கட்டப்பட்டும் உள்ளன. இதன் ஒற்றுமையைப் பார்க்கும் போது, எமது மூதாதையோர் மிக மிகப் பாமரர்களாய் இருந்த பலநூறு வருடங்களுக்கு முன்னர் பூமிக்கு வந்த வேற்றுக் கிரக வாசிகள், இங்கு உள்ள சில தீய சக்திகளை அழித்து, மனிதர்கள் நிம்மதியாக வாழ வழிவகுத்திருக்கலாம். அத்தோடு தாம் தங்கியிருந்த வீட்டை உயரமாக அமைத்து அதில் தகவல் தொடர்புகருவிகளைப் பொருத்தியிருந்திருக்கலாம், விண்வெளியில் பூமிக்கு அருகாமையில் அவர்களின் தாய் விண்வெளிக் கப்பல் நின்றிருந்தால் அத்தோடு தொடர்புகளை ஏற்படுத்த அது ஏதுவாக இருந்திருக்கும்.

இவ்வாறு அவர்கள் வந்து தங்கி தீமைகளை அழித்துச் சென்ற இடங்களை மக்கள் கோவிலாகவும், அழிவில் இருந்து தம்மைக் காத்ததால் அவர்களை கடவுள்களாகவும் எண்ணி வழிபட்டுள்ளனரே அன்றி வேறு எந்த நிகழ்வுகளும் நடந்திருக்கும் என நம்ப வாய்ப்புகள் மிக குறைவாகவே உள்ளன. பல்வேறு கால கட்டங்களில் பூமிக்கு வந்துசென்ற வேற்றுக் கிரக வாசிகளை அல்லது அவர்களின் வித்தியாசமான தோற்றங்களுக்கு அமைவாக, அதன் அடிப்படையில் மதங்கள் உருவாகி, அவர்கள் விட்டுச் சென்ற சில பழக்கவழக்கங்கள் பரம்பரை பரம்பரையாக கையாளப்பட்டு வருகிறது என்றே எண்ணத் தோன்றுகிறது. கலிலியோ, கிருஸ்டபர் கொலம்பஸ் போன்றோர் உலகம் உருளை வடிவம் கொண்டது என்று கூறும்போது மக்கள் அதனை நம்பவில்லை. அதுமட்டுமா சமீப காலம் வரை குரங்கில் இருந்தே மனிதன் தோன்றினான் என்று ஒரு கூற்று காணப்பட்டது. பின்னர் அது தற்போது உண்மை இல்லை என்று விஞ்ஞானிகளால் கூறப்படுகிறது.

விரிந்துகொண்டு செல்லும் அண்டவெளி அதில் ஏதோ ஒரு மூலையில் மிதந்துகொண்டு இருக்கும் சூரியக் குடும்பம் அதில் ஒரு பூமிப்பந்து, காற்றும், நீரும், சூரியனில் இருந்து சரியான அளவு தூரமாக இருப்பதால் நிலவும் சீரான வெப்பநிலை இவற்றால் உயிர்தோன்ற ஏதுவாக இருந்தது. முதல் முதல் தோன்றி உயிரினங்கள் ஒரு செல்லுடையவை, அவை படிப்படியாகப் பெருகி, பல செல்லுள்ள உயிரினங்கள் தோன்றின. மனிதனும் முதலில் கடல்வாழ் உயிரினமாகவும், ஆண் பெண் கலந்த இருபால் கொண்ட ஜீவராசியாக இருந்திருக்கவேண்டும் என்று விஞ்ஞானிகள் தெரிவிக்கின்றனர். பின்னர் படிப்படியாக தரையில் வாழக் கற்றுக்கொண்ட இந்த இனம் ஆணாகவும் பெண்ணாகவும் மாறி தனது இனத்தைப் பெருக்கியது. உலகில் தோன்றி மறைந்த எல்லா ஜீவராசிகளையும் விட மனிதனுக்கே மூளை அதிகம். இதனால் அவன் இருப்பு பல மடங்கு உறுதிசெய்யப்பட்டது.

பல மிருகங்கள் சமகாலத்தில் வாழ்ந்தாலும் மனிதன் தன்னைப் பாதுகாக்க கற்றுக்கொண்டான், பிற உயிரினங்கள் தோன்றிய அதே பூமியில் தோன்றிய மனிதனுக்கு மட்டும் எப்படி மூளை மட்டும் நன்கு விரிவடைந்தது அல்லது அபரிவிதமான ஆற்றல்பெற்றது என்பதே மிகவும் ஆச்சரியமான விடயமாகும், எல்லா உயிர்களுக்கும் 5 அறிவு, மனிதனுக்கு 6 அறிவு என்று கூறுவதை ஏற்றுக்கொள்ள முடியாது. 5 அறிவு கொண்ட உயிரினங்களை விட மனிதன் பல நூறு மடங்கு மூளைத் திறன் கொண்டவனாக இருப்பது ஏன்? அப்படி அந்த 1 அறிவு வித்தியாசத்தில் இவ்வளவு திறன் அமைந்திருக்குமா? அப்படிப் பார்போமேயானால் அது தவறு. உண்மையில் சொல்லப்போனால் மற்றைய விலங்குகளைப் போல மனிதர்களும் ஒரு காலத்தில் முளைத் திறன் அற்றவர்களாக அலைந்து திரிந்துகொண்டிருந்திருக்கலாம். பூமியில் தோன்றிய உயிரினங்களில் மனிதன் சற்று வித்தியாசமாகக் காணப்படுவதாலும், அவன் தன்னையும் பிற உயிரினங்களையும், காப்பாற்றும் திறன்கொண்டவனாக இருப்பதை உணர்ந்த வேற்றுக் கிரகவாசிகள் மனிதனின் உடலில் சில ஜீனில் மாற்றங்களை செலுத்தியிருக்கலாம். அதனாலேயே, மனிதனின் மூளை அபார வளர்ச்சியடைகிறது என்று சொன்னால் எவரால் மறுக்கமுடியும்.

வேற்றுக் கிரக வாசிகளின் ஜீன்களைச் செலுத்தாது, மூளை வளர்ச்சியைத் தூண்டும் சில ஹார்மோன்களைச் சுரக்கவைக்கும், சுரப்பிகளை அவர்கள் மனித உடலில் ஏற்றி அது பரம்பரை பரம்பரையாகத் தொடர்ந்துசெல்லக் கூடிய வகையில் அதனை வடிவமைத்திருக்கலாம். அதனால் மற்றைய ஜீவராசிகளை விட மனிதன் மூளை செயல்திறன் மிக்கதாய் உருமாற்றப்பட்டிருக்கலாம். இதன் அடிப்படையிலேயே நாம் தொலைதூரத்தில் இருந்து வந்த கடவுள் என்று இக் கட்டுரைக்கு பெயரிட்டோம். இதுவரை காலமும் மனித மூளை வளர்ச்சியில் பெரும் பங்குவகிக்கும் ஹார்மோன்களைப் பற்றியோ, அல்லது அதன் செயல்திறன் பற்றியோ பெரிதாக ஆராய்ச்சிகள் எதுவும் நடந்துவிடவில்லை. இருப்பினும் சில விடயங்கள் விஞ்ஞானத்திற்கும் அப்பாற்பட்டவை. எனவே அதைப் பற்றி ஆராயவே முடிவதில்லை. சில விடயங்களை நாம் நாம் நினைத்தும் பார்ப்பதில்லை.

அதாவது இயற்கையாகவே பல மனிதர்கள் அண்டவெளி பற்றியோ அல்லது உயிரினங்கள் எவ்வாறு உருவாகியது என்பது பற்றியோ அதிகம் நாட்டம் காட்டுவது இல்லை, அதில் ஈடுபாடு உடையவர்கள் சொற்பமானவர்கள் என்று தான் கூறவேண்டும். இது இயற்கையா இல்லை எம்மேல் திணிக்கப்பட்ட ஒன்றா என்று நாம் முதலில் அறிந்துகொள்ளவேண்டும். குறிப்பாக ஒரு துறையில் மில்லியன் கணக்கான மக்கள் ஈடுபாடு உடையவர்களாக இருந்தால் அந்தத் துறையில் பாரிய வளர்ச்சி காணப்படுகிறது. அதை பலரும் கவனத்தில் எடுத்து அதை முன்னேற்ற அல்லது புதிய கண்டுபிடிப்புகளை உருவாக்கத் துடிக்கின்றனர். ஆனால் எவரும் இது குறித்து அதிக நாட்டம் காட்டாததாலும், பழமையை நம்புவதாலும் இங்கு கடவுள் குறித்த செயல்பாடுகள் மிகச் சொற்பமாகவே காணப்படுகின்றன.

மனிதன் படிப்படியாக வளர்ந்து பெரும் அறிவியல் முன்னேற்றத்தில் இருக்கிறான். மனிதர்களோ இல்லை வேற்றுக் கிரக வாசிகளோ நினைத்தும் பார்க்க முடியாத அளவு மனிதன் விஞ்ஞானரீதியாக வளர்ச்சி பெற்றுள்ளதால், எதனையும் கண்டுபிடித்துவிடும் அற்றலும் அதிகரித்துள்ளது. அதனால் தான் என்னவோ எமக்கு அறிவை அல்லது அதற்கான மூலப் பொருளை வழங்கிய அம் மனிதர்கள் திரும்பவும் பூமிக்கு வர அஞ்சுகிறார்களோ என்னவோ. இந்த உலகில் மனிதன் ஏன் பிறக்கிறான் பல வருடங்கள் வாழ்ந்து பின்னர் ஏன் இறக்கிறான், அதன் நோக்கம் என்ன ஏன் எமது பிறப்பு தக்கவைக்கப்படுகிறது, அதன் நோக்கம் என்ன? வெறுமனவே நாம் பிறந்து இறப்பதால் என்ன பயன், அருகில் உள்ள கிரகத்திற்கு கூட எம்மால் பிராணவாயு இல்லாமல் செல்லமுடியவில்லையே, இங்கே பிறந்து இந்த பாரிய பூமியில் ஒரு திறந்தவெளிச் சிறைச்சாலையில் நாம் ஏன் அடைபட்டு இருக்கிறோம் என்று யாராவது எண்ணிப்பார்த்தது உண்ணா?

எமது பிறப்பின் ரகசியங்களை அறிய முடியாது, பூமி எவ்வாறு தோன்றியது என்று சரிவர அறியமுடியாது, அண்டவெளி எவ்வளவு நீளம் என்று தெரியாது, வேறு கிரகத்தில் உயிரினங்கள் வாழ்கிறார்களா இல்லை நாங்கள் மட்டும் தனியாக இந்த அண்டத்தில் இருக்கிறோமா என்ற கேள்விகளோடு வாழும் ஒரு இனமாக நாம் இருக்கிறோம் ஒரு திறந்தவெளிச் சிறைச்சாலையில். இது தான் உண்மை நிலை. இதனை நாம் உணர்ந்தால் எல்லாம் எளிதாகிவிடும். அண்டவெளியில் பூமி சுழல்வது நின்றுவிட்டால் புவி ஈர்ப்பு சக்தி நொடிப்பொழுதில் அற்றுப்போய்விடும். அந்தரத்தில் நாம் மிதக்கவேண்டிய நிலையே தோன்றும். பூமி சுழலும் பக்கத்திற்கு எதிர் திசையாக பாரிய விண் கல்லு ஒன்று மோதினால், எதுவும் நடக்கும் சாத்தியக் கூறுகள் நிறைந்த ஒரு இடத்தில் நாம் நின்றுகொண்டு இருக்கிறோம். என்பதை நாம் முதலில் அறிவது நல்லது, இதனை உணர்ந்தால் மனிதன் தூயவனாகிறான், சண்டை சச்சரவுகளில் இருந்து விடுபட்டு ஒற்றுமையாக வாழ்வான்.

கடவுளின் இருப்பும், இல்லாமையும் கேள்விக்குறியாக இருக்கும் இந்நேரத்தில், எமது யதார்த்த நிலையை நாம் உணர்வதே சாலச் சிறந்ததாகும்!

நன்றி- இணையம்

ஆசையில் ஓர் கடிதம்......!!!

2010-11-17T14:52:00.003+05:30

என் ஆசை பொண்டாட்டியே நீ உன்னோட அப்பா வீட்டுக்கு போன இந்த நேரத்தில் நான் இங்க உன்னோட வாழ்ந்த ஒவ்வொரு நிமிஷமும் திரும்பி நினைச்சுப்பார்த்து உனக்கே உனக்குன்னு எழுதும் கடுதாசி..

ஒரு நாள் அது நமக்கு திருமணமாகி ஒரு மூணு மாசமாயிருக்கும்ன்னு நினைக்கிறேன் ஆசையா புடவை வாங்கி கொடுங்கன்னு சொன்ன உன்னை என்னோட பல்சர் ல உட்கார வச்சு கடைக்கு கூட்டிட்டு போனேன் அப்போ கூட நீ எனக்கு பிடிச்ச வயலட் கலர் புடவை கட்டியிருந்தாய். கடைக்கு போனதும் உனக்கு பிடிச்ச புடவை எடுத்துக்கோடின்னு சொன்னேன் நான், நீ அங்க இருந்ததுலயே ரொம்பவும் வெயிட்லெஸ் புடவை எடுத்த ஏண்டி நல்லா வெயிட்டா இருக்குற புடவை எடுக்க வேண்டியதுதானேன்னு கேட்ட என் கிட்ட நீ சொன்ன நீங்க கஷ்டப்படக்கூடாதுன்னுதாங்கன்னு , இத்தனைக்கும் அது ஒண்ணும் அவ்ளோ விலை குறைஞ்ச புடவையும் இல்ல , பின்ன ஏன் அப்படி சொன்னன்னு வீட்டுக்கு திரும்பி வர்ற வரைக்கும் எனக்கு புரியவே இல்லை கிட்டதட்ட ஒரு வாரம் கழிச்சு ஒரு ஞாயிற்றுகிழமை துணியெல்லாம் ஊற வச்சுருக்கேன் மறக்காம துவைச்சு போட்டுடுங்கன்னு சொல்லிட்டு உன் நண்பிகளோட நீ ஊர் சுத்த கிளம்பி போனப்பத்தாண்டி எனக்கு புரிஞ்சுச்சு உன்னோட திட்டம்...

ஒரு நாள் நம்ம வீட்டுக்கு முன்னாடி பக்கத்துவீட்டு மாமியோட சேர்ந்து பாத்திரம் விக்க வந்தவன்கிட்ட பாத்திரம் வாங்கிட்டு இருந்தா. அப்போ நான் காம்பவுண்ட் சுவத்துல கையவச்சு கன்னத்துக்கு முட்டுகுடுத்துட்டு நின்னுட்டு இருந்தேன் அப்போ பாத்திரக்காரன் ஒரு பெரிய சம்பாவை காட்டி இது எடுத்துக்கங்க மேடம் எது வேணும்னாலும் கொட்டி வச்சுகிடலாம்ன்னு சொன்னான் அப்போ நீ சொன்னா ஏற்கனவே எங்க வீட்ல எது வேணும்னாலும் கொட்டிக்கிற ஒரு சம்பா இருக்கு. நீ நான் கேட்ட ஃபரை பேன் இருக்கான்னு காட்டுன்னு சொல்லிட்டு பக்கத்து வீட்டு மாமியப்பார்த்து நமுட்டு சிரிப்பு சிரிச்சா. நான் கூட உங்க அம்மா வீட்ல இருந்து கொண்டுவந்த சம்பாவைத்தான் சொல்றயாக்கும்ன்னு நினைச்சேன் கொஞ்ச நாள் கழிச்சு உன்கிட்ட கோவிச்சுகிட்டு பேசாம இருந்த ஒரு நாள் ஆறிப்போன வத்தகொழம்பையும் சோத்தையும் வச்சுட்டு நம்ம பெட்ரூம் சுவத்தப்பார்த்து கொட்டிக்கங்கன்னு மூஞ்சிய சிலுப்பிட்டு நீ சொன்னப்பத்தான்டி புரிஞ்சுச்சு நீ அன்னிக்கு பாத்திரக்காரன்கிட்ட சொன்ன சம்பா எதுன்னு..

போன மாசம்ங்கூட உன்னோட ஃப்ரண்ட் மேரேஜ்க்காக வெளியூர் போயிருந்த நீ , போயிட்டு வந்ததும் நீ சொன்ன உங்க அப்பா அம்மா தங்கச்சி எல்லாம் மேரேஜ்க்கு போன இடத்துல பாத்தேன் எல்லாருக்கும் அவங்க சாப்பிடுறதுக்கு வேண்டியதை வாங்கி கொடுத்து நல்லா கவனிச்சுகிட்டேன்னு சொன்ன எனக்கு ஆச்சரியமா போச்சு என்னடா இது அப்பாவையும் அம்மாவையும் கொஞ்சம் கூட கண்டுக்காத நம்ம பொண்டாட்டி இவ்ளோ நல்லவளா மாறிட்டாளேன்னு சந்தோஷப்பட்டு உன்னோட ஃப்ரண்ட் மேரேஜ் கொழும்பிலா நடந்துச்சுன்னு கேட்ட எனக்கு நீ சொன்ன பதில் கண்டி ஹும் ...

அப்புறம் ஒரு நாள் உன்னோட உயிர்த்தோழி போன வாரம் ஒரு படத்துக்கு போனோம் நல்லா இருக்குன்னு நம்ம இரண்டு பேரும் அவங்க வீட்டுக்கு போனப்ப சொன்னாங்க. நானும் சரி வாடி இந்த வார சண்டே அந்த படத்துக்கு போகலாம் அதான் உன் ஃப்ரண்ட் அந்த படம் நல்லாருக்குன்னு சொல்றாளேன்னு சொன்னேன் அதுக்கு நீ சொன்ன அவ சொல்றதெல்லாம் நான் கொஞ்ச நாளா நம்புறதே இல்லீங்க வர வர பொய்யா சொல்றான்னு சொன்ன , உன்னை பொண்ணு பாக்க வந்த என்னை ரொம்ப அழகா இருக்கேன்னு உன்கிட்ட சொன்னது அவங்கதான்னு ஒரு நாள் அவங்க என்கிட்ட சொன்னப்பத்தாண்டி தெரிஞ்சுச்சு நீ அன்னிக்கு ஏன் அவங்க சொன்னதை நம்பமாட்டேன்னு சொன்னன்னு...

போன மாச டெலிபோன் பில் ஏண்டி என்கிட்ட காட்டலைன்னு கேட்டேன் கொஞ்ச நாளா ஞாபக மறதியா இருக்குங்கன்னு சொன்ன அப்புறம் ஒரு நாள் என்னோட பிறந்த நாளுன்னு வாழ்த்து சொன்ன நான் சொன்னேன் நாளைக்குத்தானே எனக்கு பிறந்த நாள் இன்னிக்கு ஏன் சொல்ற உனக்கு கிறுக்கா பிடிச்சுருக்குன்னு கேட்டேன் ஆமாங்கன்ன...
பிறகொரு நாள் ரெண்டு பேருக்கும் வாக்குவாதம் சண்டைன்னு வந்தப்போ இவ்ளோ என் மேல கோபம் வச்சு என்கூட சண்டை போடற அப்புறம் ஏண்டி என்னை கட்டிகிட்டன்னு கேட்டேன் நீ சொன்ன நாந்தான் கிறுக்கியாச்சேன்னு சொல்லிட்டு கோவிச்சுகிட்டு உன் அம்மா வீட்டுக்கு போயிட்ட அதுதான் உன்கிட்ட நான் போட்ட கடைசி சண்டையும் கூட ...

இந்த சண்டையெல்லாம் நாம வாழ்ற வாழ்க்கையோட மறக்கமுடியாத ஞாபகமாத்தான் இருக்கே ஒழிய உன்மேல கொஞ்சங்கூட வெறுப்பு வரவே இல்லடி...
உன்னை பிரிஞ்சு இந்த ஒரு மாசம் ரொம்ப கஷ்டமா இருக்குடி , ஆசையா நாம போட்டுகிட்ட சண்டை , ஒருத்தர் மேல ஒருத்தர் செல்லமா எடக்கு பேசிகிட்டது ,இது மட்டுமில்ல என்னதான் நீ சண்டை போட்டாலும் எனக்குன்னு பார்த்து பார்த்து செய்த சமையல் , இதுமட்டுமில்லாமல் எப்பவாது நான் உனக்காக எழுதுன கவிதையெல்லாம் எனக்கு தெரியாம எடுத்து படிச்சு அதுக்கு நீ எழுதுன பதில் கவிதையெல்லாம் உன்னோட பெர்சனல் லாக்கர்ல வச்சுருக்குறதை பார்த்த பிறகு, உன்மேல இருக்குற அன்பு இன்னும் ஜாஸ்தியாகிடுச்சுடி இந்த லெட்டர் உன்கிட்ட சேருமா சேராதான்னு தெரியலை ஆனா என்னோட மனசு உனக்கு தெரிஞ்சு திரும்பி வருவான்னு நினைக்கிறேன் அட்லீஸ்ட் திரும்ப இந்த கடிதத்துக்கு பதில் கடிதமாச்சும் எழுதுவன்ற நம்பிக்கையில் உனக்கு இது போஸ்ட் பண்றேன்...

ப்ரியமுடன்

என் அழகிய நட்புகளுக்கு......

2010-11-12T18:54:00.004+05:30

என் சகோதரன் என் சட்டையை
பயன்படுத்தினால் கூட
எனக்கு பிடிக்காது. ஆனால் நட்பிலோ
எச்சில் செய்த உணவு கூட இனிக்கிறது.

காதலியோடு பேசுகையில் கூட
முகமூடி அணிந்து பேசுகிறேன்.
ஆனால் என் நட்பின் முன்னாலோ
எவ்வித முகமூடியுமின்றி
நான் நானே இயல்பாய் இருக்கிறேன்.

கடற்கரையில் ஒன்றாய் குளித்த நாட்கள்..
பேருந்தில் செய்த குறும்புகள்...
மொட்டை மாடி அரட்டைகள்..
பள்ளி மைதான விளையாட்டுகள்...
என அத்தனை நினைவுகளும்
இன்னமும் பசுமையாய் இதயத்தில்....

நண்பனின் கை அருகில் இருக்கையில்
நம்பிக்கையும் கூடவே...

வீட்டில் பெற்றோர் இல்லா நேரங்கள் சொர்க்கம்..
நண்பர்கள் மட்டுமே சுற்றி இருந்து,
ஒருவர் மீது ஒருவர் படுத்து,
அடித்து விளையாடி,
கண்ட கண்ட சேனல் மாற்றி,
பக்கத்து வீட்டில் திட்டு வாங்கி,
சமைக்க தெரியாமல் சமைத்து,
காஃபி என்ற பெயரில் ஏதோ அருந்தி,
என சந்தோஷங்களோடே
வாழ்ந்த காலங்கள் வரம்..

இன்று வித விதமான பைக்கில்
பயணம் செய்தாலும் கிடைப்பதில்லை
நண்பனின் பின்னால் அமர்ந்து
சைக்கிளில் டபுள்ஸ் போன சுகம்..

ஒன்றாய் அமர்ந்து படிக்கிறோம்
என்ற பெயரில் பாடத்தை தவிர
அனைத்தை பற்றியும்
பேசிக்கொண்டு இருப்போம்..

அப்பாவிற்கு மட்டுமே
கடிதம் வரும் காலங்களில்
எனக்கும் கடிதம் வந்திருக்கிறது என
பெருமைப்பட்ட நேரங்கள்..
ஆம் நண்பனிடமிருந்து வந்த
ஒற்றை கிரீட்டிங் கொடுத்த மகிழ்ச்சி..

பள்ளி நாட்களில் உணவு கொண்டு வராத
சமயங்களில் நண்பர்களிடமிருந்து
பகிர்ந்து உணவு உண்ட சமயங்கள்
மீண்டும் எப்போது கிடைக்கும்?

நண்பர்களிடம் சண்டை போட்டு
பேசாமல் இருந்த காலங்களை நினைத்து
பார்க்கையில் இப்போது சிரிப்பாய் இருக்கிறது.

பள்ளி முடிந்ததும்
சீருடை தொலைக்கிறோம்.
வளரத்தொடங்கியதும்
நட்பை தொலைக்கிறோம்.

எத்தனை எத்தனை சந்தோஷமான
தருணங்கள் நட்பில்..
அத்தனையும் தொலைக்கிறோம்
இயந்திரத்தனமான வாழ்க்கையின் இடையே...

வாழ்க்கை வேகத்தில் நண்பர்கள்
எங்கெங்கோ சிதறி போகிறோம்.
என்றேனும் ஒரு நாள்
நாம் அனைவரும் ஒன்றாய் எடுத்து கொண்ட
புகைப்படத்தை பார்க்க நேர்கையில்
விழியின் ஓரமாய் கசியும் கண்ணீருக்கு
என்ன பதில் சொல்ல போகிறோம்?

Friends

2010-10-31T13:07:00.002+05:30

You fell in love, friends went away,
Knowing you'd have a closer friend one day.
I thought that friend would always be me -
Things have changed, as we can see.
You'll fall in love again one day,
Then once again your friends will go away

Friends

2010-10-31T13:07:00.001+05:30

Friends

2010-10-31T13:07:00.000+05:30