தமிழோவியம்

2025-10-17T22:10:00.000-07:00

காலம் - 80 நிமிடங்கள்

தரம் - 9

பாடம் - சித்திரக்கலை

1.2.6 சரணாலயம் ஒன்றை பார்வையிடுவோர்கள்

கற்றல் பேறுகள்

1. சரணாலயத்தின் (Sanctuary) பொருளையும் அதன் சமூக மத கலாச்சார முக்கியத்துவத்தையும் தெரிந்துகொள்வர்.

2. ஓவியத்தில் சூழல், மனிதர்கள், விலங்குகள், கட்டடங்கள் ஆகியவற்றை எவ்வாறு இணைக்கலாம் என்பதை அறிந்து கொள்வார்.

3. ஓவியத்தில் நிறங்கள், சமநிலை, ஒழுங்கமைப்பு ஆகிய கலை அம்சங்களைப் பற்றி விளங்கிக்கொள்வர்.

4. சரணாலய சூழலை (மரம், தாவரங்கள், விலங்குகள், பார்வையாளர்கள்) படைப்பாற்றலுடன் வரைய கற்றுக்கொள்வர்.

5. பார்வையாளர்களின் செயற்பாடுகளை (கவனித்தல், புகைப்படம் எடுப்பது, விளக்கம் கேட்பது) இயல்பான உருவத்தில் காட்டுவர்.

6.வண்ணப் பயன்பாடு, ஒளி - நிழல், கோடமைப்பு ஆகியவற்றை கருத்தில் கொண்டு ஓவியத்தை நிறைவு செய்யும் திறன் பெறுவர்.

7. சரணாலயங்கள் இயற்கை மற்றும் விலங்குகளை பாதுகாக்கும் இடங்களாக இருப்பதை உணர்ந்து, அவற்றை நேசிக்கும் மனப்பாங்கு பெறுவர்.

8. இயற்கையைப் பாதுகாப்பதன் அவசியத்தை கலை மூலம் வெளிப்படுத்தும் விழிப்புணர்வு பெறுவர்.

9. கலைப் படைப்பின் மூலம் சமூக மற்றும் சுற்றுச்சூழல் மதிப்புகளை வெளிப்படுத்தும் மனப்பாங்கு பெறுவர்.

சரணாலயம்:

ஒரு சரணாலயம் என்பது இயற்கை வளங்கள் அல்லது விலங்குகளைப் பாதுகாப்பதற்காக ஒதுக்கப்பட்ட ஒரு இடமாகும். இது வனவிலங்கு சரணாலயம், பறவைகள் சரணாலயம், அல்லது தாவரங்களின் சரணாலயம் என பல வகைகள் உள்ளன. இந்த இடங்களில் பார்வையாளர்கள் இயற்கையை, விலங்குகளை, பறவைகளை அருகிலிருந்து கண்டுகளிக்க முடியும்.

ஓவியத்தின் கூறுகள்:

பார்வையாளர்கள்: சிலரைத் தனித்தனியாகவும், சிலரை கூட்டமாகவும்

காட்டலாம். அவர்கள் இயற்கையை ரசிக்கும் விதமாக கேமரா வைத்திருத்தல், பைனாகுலர் மூலம் பார்ப்பது, அல்லது படங்களை எடுப்பது போன்ற செயல்களில் ஈடுபடுவதைக் காட்டலாம்.

விலங்குகள்: சரணாலயத்தில் பொதுவாகக் காணப்படும் விலங்குகளைத் தேர்ந்தெடுப்பது. மான், மயில்கள், குரங்குகள், அல்லது ஒரு யானைக் கூட்டம் போன்றவற்றை வரையலாம். அவை தமக்குரிய இயல்பான சூழலில் இருப்பது போல காட்டலாம்.

தாவரங்கள்: பெரிய மரங்கள், புதர்கள், பூக்கள் மற்றும் புல் ஆகியவற்றை வரைந்து இயற்கையான தோற்றத்தை கொடுக்கலாம்.

ஓவியம் வரைவதற்கான படிமுறைகள் - படத்தின் அமைப்பு (Composition)

முன்னணி (Foreground):

பார்வையாளர்கள் (மனிதர்கள்), சில சிறிய தாவரங்கள் அல்லது விலங்குகளின் சில பகுதிகள்.

இடையணி (Middle Ground):

சரணாலயத்தின் பிரதான விலங்குகள் (மான், யானை, பறவைகள்) மற்றும் பெரிய மரங்கள்,புதர்கள்.

பின்னணி (Background):

தூரத்தில் உள்ள மலைகள், அடர்ந்த காடு, அல்லது ஒரு நீர்நிலை.

வர்ணம் (Colouring):

இயற்கை நிறங்கள்: உண்மையான இயற்கையான நிறங்களைப்

பயன்படுத்தலாம். உதாரணமாக, மரங்களுக்கு பச்சை மற்றும் பழுப்பு நிறங்கள், வானத்திற்கு நீலம், விலங்குகளுக்கு அவற்றின் இயல்பான நிறங்கள்.

ஒளி மற்றும் நிழல்: சூரிய ஒளி எங்கிருந்து வருகிறது என்பதைத் தீர்மானித்து அதற்கேற்ப ஒளியையும் நிழலையும் கொடுக்கலாம். இது சித்திரத்திற்கு ஒரு ஆழத்தை கொடுக்கும்.

வர்ணக் கலவை (Colour Blending): வர்ணங்களை மெதுவாகவும், சீராகவும்

பூசுலாம். உதாரணமாக, ஆகாயத்தில் வெவ்வேறு நீல நிறங்களை இணைத்து ஒரு மென்மையான தோற்றத்தை உருவாக்கலாம்.

2012-05-09T19:44:00.000-07:00

திருக்குறள்

"எப்பொருள் யார்யார்வாய்க் கேட்பினும் அப்பொருள்

மெய்ப்பொருள் காண்ப தறிவு." (திருக்குறள் - 423)

பழந்தமிழ் நூல்களில் நான்கு பெரும் பகுப்புக்கள் உள்ளன. எட்டுத்தொகை, பத்துப்பாட்டு ஆகியவை அடங்கிய பதினென்மேல்கணக்கு, பதினென்கீழ்க்கணக்கு, ஐம்பெருங்காப்பியங்கள், ஐஞ்சிறு காப்பியங்கள். இவற்றில் பதினெண்கீழ்க்கணக்கு எனப்படும் பதினெட்டு நூல்களின் வரிசையில் "முப்பால்" என்னும் பெயரோடு திருக்குறள் விளங்குகின்றது. அறம், பொருள், இன்பம் ஆகிய மூன்று பால்களும் கொண்டமையால் "முப்பால்" எனப் பெயர் பெற்றது. முப்பால்களாகிய இவை ஒவ்வொன்றும் "இயல்" என்னும் பகுதிகளாக மேலும் பகுக்கப்பட்டுள்ளது. ஒவ்வொரு இயலும் சில குறிப்பிட்ட அதிகாரங்களைக் கொண்டதாக விளங்குகின்றது. ஒவ்வொரு அதிகாரமும் பத்து பாடல்களை தன்னுள் அடக்கியது. இப்பாடல்கள் அனைத்துமே குறள் வெண்பா என்னும் வெண்பா வகையைச் சேர்ந்தவை. அக்காலத்தில் இவ்வகை வெண்பாக்களால் ஆகிய முதல் நூலும் ஒரே நூலும் இதுதான். குறள் வெண்பாக்களால் ஆனமையால் "குறள்' என்றும் "திருக்குறள்" என்றும் இது பெயர் பெற்றது.

        “பாயிரம்” என்னும் பகுதியுடன் முதலில் “அறத்துப்பால்” வருகிறது. அதிலும் முதலில் காணப்படுவது , “கடவுள் வாழ்த்து” என்னும் அதிகாரம். தொடர்ந்து, “வான் சிறப்பு”, “நீத்தார் பெருமை”, “அறன் வலியுறுத்தல்”, ஆகிய அதிகாரங்கள்.

         அடுத்துவரும் “இல்லறவியல்” என்னும் இயலில் 25 அதிகாரங்கள்; அடுத்துள்ள துறவறவியலில் 13 அதிகாரங்களுடன் முதற்பாலாகிய அறத்துப்பால் பகுதி முடிவுறுகிறது.

     அடுத்து வரும் “பொருட்பாலி”ல் அரசு இயல், அமைச்சு இயல், ஒழிபு இயல் ஆகிய இயல்கள் இருக்கின்றன. அரசு இயலில் 25 அதிகாரங்கள் உள்ளன. அமைச்சு இயலில் 32 அதிகாரங்களும், ஒழிபு இயலில் 13 அதிகாரங்களும் உள்ளன.

         கடைசிப்பாலாகிய “இன்பத்துப்பால்” அல்லது “காமத்துப்பாலி”ல் இரண்டு இயல்கள்; களவியலில் 7 அதிகாரங்களும், கற்பியலில் 18 அதிகாரங்களும் உள்ளன. ஆகமொத்தம் 7 இயல்கள்; 133 அதிகாரங்கள்; 1330 பாடல்கள்.

திருக்குறளை மொத்தம் 12000 சொற்களில் வள்ளுவர் பாடியுள்ளார். ஆனால் இவற்றில் ஐம்பதுக்கும் குறைவான வடசொற்களே உள்ளன.

“அகர முதல வெழுத்தெல்லாம் ஆதி

பகவன் முதற்றே யுலகு….”

என்று தமிழ் நெடுங்கணக்கின் முதல் எழுத்தாகிய “அ” வில் ஆரம்பித்து, 1330 ஆம் குறளாகிய,

“ஊடுதல் காமத்திற்கின்பம்; அதற்கின்பம்,
கூடி முயங்கப்பெறின்”

என்று தமிழ் மொழியின் கடைசி எழுத்தாகிய “ன்” னுடன் முடித்திருக்கிறார்.

         வாழ்வியலின் எல்லா அங்கங்களையும் திருக்குறள் கூறுவதால், அதைச் சிறப்பித்துப் பல பெயர்களால் அழைப்பர்: திருக்குறள், முப்பால், உத்தரவேதம், தெய்வநூல், பொதுமறை, பொய்யாமொழி, வாயுறை வாழ்த்து, தமிழ் மறை, திருவள்ளுவம் என்ற பெயர்கள் அதற்குரியவை.

         பழங்காலத்தில் இதற்குப் பலர் உரை எழுதியுள்ளனர். அவற்றில் புகழ் வாய்ந்ததாக விளங்குவதும் அதிகமாகப் பயன்படுத்தப்பட்டதும் பரிமேலழகர் உரைதான். தற்காலத்திலும் பலர் உரை எழுதியுள்ளனர்.

        திருக்குறள் உலகிலேயே அதிக மொழிகளில் மொழிபெயர்க்கப்பட்டுள்ள நூல்களில் மூன்றாம் இடத்தைத் திருக்குறள் வகிக்கிறது. இதுவரை 80 மொழிகளில் மொழி பெயர்க்கப்பட்டுள்ளது.

தமிழோவியம்

திருக்குறள்

அறத்துப்பால்

பாயிரவியல்

இல்லறவியல்

துறவறவியல்

ஊழியல்

பொருட்பால்

அரசியல்

அமைச்சியல்

அங்கவியல்

ஒழிபியல்

காமத்துப்பால்

களவியல்

கற்பியல்