திருச்செங்கோடன்

திருச்செங்கோடு செங்குந்தர் கலை அறிவியல் கல்லூரியில் இணையப் பயிலரங்கம்

2012-02-13T07:50:00.000-08:00

திருச்செங்கோடு செங்குந்தர் கலை அறிவியல் கல்லூரியில் நடைபெற்ற தமிழ் இணையப் பயிலரங்கில் பேராசிரியர் துரை மணிகண்டன் பேசினார்.

திருச்செங்கோடு செங்குந்தர் கலை அறிவியல் கல்லூரியில் தமிழ் இணையப் பயிலரங்கம் நடைபெற்றது.

திருச்செங்கோடு செங்குந்தர் கலை அறிவியல் கல்லூரியின் தமிழ்த் துறை மற்றும் கணினி அறிவியல் துறைகளின் சார்பில் தமிழ் இணையப் பயிலரங்கம் நடைபெற்றது.இணையமும் தமிழும் என்ற தலைப்பில் நடைபெற்ற இந்த பயிலரங்கிற்கு கல்லூரி முதல்வர் ஆறுமுகம் தலைமை வகித்தார். தமிழ்த் துறைத் தலைவர் சீனிவாசன் வரவேற்றார்.திருச்சி பாரதிதாசன் பல்கலை கல்லூரி தமிழ்த் துறை தலைவர் துரை மணிகண்டன்,கிருஷ்ணகிரி விஷுவல் மீடியா டெக்னாலக்ஜிஸ் நிறுவனத்தின் முதன்மை நிர்வாக அதிகாரி செல்வமுரளி,திருப்பதி ஆகியோர் கலந்து கொண்டு இன்டெர் நெட்டில் தமிழின் வளர்ச்சி, தமிழ் மொழியை கொண்டு எப்படி ப்ளாக்குகள் உருவாக்குவது, தங்களது சிந்தனைகளை, எழுத்துக்களை, படைப்புகளை உலகம் முழுவதும் இணையம் மூலம் எடுத்துச் செல்வது எவ்வாறு, தமிழில் யுனிகோட் முறையில் தட்டச்சு செய்வது,தமிழில் இ மெயில் அனுப்புவது, இலவச மென் பொருட்கள் ஆகியன குறித்து செயல் முறை மூலம் விளக்கமளித்தனர்.இந்த பயிலரங்கில் மாணவர்கள் கேட்ட கேள்விகளுக்கு ஆன்லைன் மூலம் ஹைதராபாத்திலிருந்து தமிழ் மென்பொருட்கள் வடிவமைப்பாளர் கோபாலகிருஷ்ணன் (ஹாய் கோபி) பதிலளித்தார்.கணினித்துறை தலைவர் நிவாஸ் நன்றி கூறினார்.நிகழ்ச்சியின் முடிவில் இலவச மென்பொருட்கள் அடங்கிய சிடிக்கள் மாணவர்களுக்கு இலவசமாக வழங்கப்பட்டது.இந்த பயிலரங்கு தாங்கள் இதுவரை இணையம் குறித்து அறியாத பல தகவல்களை அறிந்து கொள்ள உதவியதாக மாணவ, மாணவியர் தெரிவித்தனர்.

திருச்செங்கோடு செங்குந்தர் கலை அறிவியல் கல்லூரியின் இணையப் பயிலரங்க நிகழ்ச்சியின் வீடியோ தொகுப்பு

பழைய மாமல்லபுரம் ரோட்டில் புதிய தலைமை செயலகம் - ஜெயலலிதா முடிவு ?

2011-08-29T22:52:00.000-07:00

தகவல் -1

பழைய மாமல்லபுரம் ரோட்டில் புதிய தலைமை செயலகம் - ஜெயலலிதா முடிவு

புதியதாக ஒரு தலைமை செயலகம் கட்டப்போறதா கோட்டை வட்டாரத்தில் பேச்சு அடிபடுகிறது. தற்பொழுது உள்ள கோட்டை அலுவலகம் நிர்வாக வசதிக்கு போதாதுன்னு ஏற்கனவே முதல்வர் ஜெயலலிதா சொல்லியிருக்காங்க. ஆனா கடந்த திமுக ஆட்சியில் கட்டப்பட்ட புதிய தலைமை செயலகத்தை மருத்துவமனையா மாற்றி அறிவிச்சிருக்காங்க.இருந்தாலும் அனைத்து வசதிகளுடன் கூடிய புதிய தலைமை செயலகம் வேணும் என தற்போதைய முதல்வர் ஜெயலலிதா முடிவெடுத்துள்ளதகத் தெரிகிறது. இதற்கான பூர்வாங்க ஆலோசனைகளை சம்பந்தப்பட்ட அதிகாரிகளுடன் நடத்திகிட்டு இருக்கிறதா தகவல்கள் கசிந்துள்ளது. பழைய மாமல்லபுரம் ரோட்டிலேயே புதிய தலைமை செயலகம் கட்டுவதற்கான அறிவிப்பு விரைவில் வெளிவரும் என கோட்டை வட்டாரங்கள் தெரிவிக்கின்றன.

தகவல்-2

பேரனுக்காக விதிமுறையை தளர்த்திய கருணாநிதி.

திமுக தலைமை நிலையமான அறிவாலயத்தில் எப்பொழுதும் சினிமா படப்பிடிப்பிற்கு அனுமதி வழங்கப்படுவதில்லை.ஆனால் கடந்த இரண்டு தினங்களாக அண்ணா அறிவாலயம் வாயிலில் சினிமா படப்பிடிப்பு நடந்து வருகிறது. இது குறித்து விசாரித்ததில் மு.க.ஸ்டாலின் மகன் உதயநிதி ஸ்டாலின் கதாநாயகனாக நடித்து வரும் "ஒரு கல் ஒரு கண்ணாடி" படப்பிடிப்பு நடத்தப்படுவதாக தகவல் கிடைத்தது.தனது பேரனுக்காக தாத்தா கருணாநிதி விதிமுறையை தளர்த்தியதாகக் கூறப்படுகிறது.

நடிகர் அஜித்தை வைத்து "மங்காத்தா" ஆடும் கருணாநிதி

2011-08-29T00:15:00.000-07:00

தகவல்-1

நடிகர் அஜித்தை வைத்து "மங்காத்தா" ஆடும் கருணாநிதி

நடிகர் அஜித்தின் 50 வது படமான மங்காத்தா ஆகஸ்ட் 31 ம் தேதி ரிலீஸ் ஆகிறது. இதற்குள் பல்வேறு பிரச்சனைகளை அஜித்தின் மங்காத்தா சந்தித்து வருகிறது. மத்திய அமைச்சர் அழகிரியின் மகன் துரை தயாநிதி இப்படத்தை தயாரித்துள்ளார்.ஆட்சி மாற்றத்திற்கு பிறகு இந்த படம் ரிலீஸ் ஆகுமா? என்ற சந்தேகம் கோலிவுட் வட்டாரத்திலும், நடிகர் அஜித்தின் ரசிகர்களிடமும் இருந்து வருகிறது.இதன் எதிரொலியாக படத்தின் பாடல் வெளியீட்டு விழா கூட ஆடம்பரம் இல்லாமல் நடந்து முடிந்துள்ளது.மங்காத்தா படத்தை வெளியிட தமிழக தியேட்டர் அதிபர்கள் தயங்குகின்றனர்.ஆனால் நடிகர் அஜித் இது பற்றியெல்லாம் கவலைப் படாமல் தனது அடுத்த படமான "பில்லா-2" படப்பிடிப்பில் சுறுசுறுப்படைந்துவிட்டார்.பிரச்சனை வருமோ என பயந்த துரை தயாநிதி மங்காத்தாவை ஸ்டூடியோ கிரீன் ஞானவேல் ராஜாவிற்கு விற்பதாக இருந்தார். இதனை அடுத்து அடுத்த நாள் நாளிழிதள்களில் ஞானவேல் ராஜா வழங்கும் மங்காத்தா என விளம்பரங்கள் வந்தது.ஆனால் ஓவர் நைட்டில் துரை தயாநிதி சன் பிக்சர்ஸ்சுடன் கூட்டு சேர்ந்து மங்காத்தாவை ரிலீஸ் செய்ய திட்டமிட்டுள்ளதுடன் படத்தின் சாட்டிலைட் ரைட்ஸ் சன் டிவிக்கே விற்கப்பட்டுள்ளது.தற்பொழுது மங்காத்தா படம் குறித்த விளம்பரம் சன் குழும தொலைக்காட்சிகளில் தொடர்ந்து ஒளிபரப்பு செய்யப்படுகிறது.

சன் பிக்சர்ஸ்சுக்கும் துரை தயாநிதிக்கும் அவ்வளவாக நட்பில்லை. இவர் தயாரித்த பையா, வா குவாட்டர் கட்டிங், தமிழ்ப் படம் ஆகிய படங்களை கலைஞர் டிவிதான் வாங்கியது.மேற்கண்ட படங்களை தனது நிறுவனத்தின் மூலம் துரை தயாநிதியே வெளியிட்டார். தற்பொழுது கலைஞர் டிவி சிக்கலில் உள்ளதால் சன் டிவியுடன் துரை தயாநிதி புதிய கூட்டணியை உருவாக்கியிருப்பதாக கூறப்படுகிறது.இந்நிலையில் துரை தயாநிதியே மங்காத்தா படத்தை வெளியிட ஆலோசனை கூறியது திமுக தலைவர் கருணாநிதியாம்.அவர் தான் சில ரகசியத் திட்டங்களை தீட்டிக் கொடுத்து " மங்காத்தா" ஆட்டத்தை தொடங்கி வைத்துள்ளாராம். நம் படத்தை நாமே வெளியிடுவோம். ஒருவேளை அரசு, மங்காத்தாவுக்கு மறைமுகமாக முட்டுக்கட்டை போட்டால், நமக்கு நல்லதுதான் அஜித்தை வைத்து அரசியல் ஆட்டம் ஆடிவிடலாம் என சொன்னாராம். அதாவது, மங்காத்தா அஜீத்தின் 50வது படம். எனவே சென்டிமென்டாக இந்த படத்தை அஜீத்தும், அவரது ரசிகர்களும் எதிர்நோக்கியிருக்கிறார்கள். படத்திற்கு தடை, தியோட்டர் கிடைக்கலை அதிமுக அரசு தடுக்கிறது என்று செய்திகள் வந்தால் அஜீத் ரசிகர்கள் மட்டுமல்ல, எளிதில் உணர்ச்சிவசப்படும் அஜீத்தும் டென்ஷன் ஆவார். இதை நமக்கு சாதகமாக பயன்படுத்திக் கொள்ளலாம் அஜீத்தையும் அவரது ரசிகர்களையும் அதிமுக அரசுக்கு எதிராக தூண்டிவிடலாம். தேவைப்பட்டால், நானே அறிக்கை கொடுக்கிறேன் என்று கருணாநிதி கூறியுள்ளதாக கோலிவுட் முழுவதும் பேச்சு அடிபடுகிறது. கருணாநிதி ஆலோசனைப்படியே மங்காத்தாவை சன்பிக்சர்சுடன் இணைந்து, சொந்தமாக ரிலீஸ் செய்ய திட்டமிட்டுள்ளாராம் துரை தயாநிதி. தொலைக்காட்சியில் இத்தனை தடவைத்தான் சினிமா விளம்பம் செய்ய வேண்டும் என தயாரிப்பாளர் சங்கம் கட்டுபாடுகள் விதித்துள்ளது. இது வரை அந்த கட்டுபாடுகளை சன் டிவி மதித்தது இல்லை. மங்காத்தா விஷயத்திலும் அதுவே நடக்கும் எனவே தயாரிப்பாளர் சங்கம் மூலம் முறைப்படி கட்டுபாடு போட அரசு முயன்றாலும் , அதுவும் எடுபடாது என்கிறார்கள் திரையுலகில் காரணம் தமிழ் திரைப்பட தயாரிப்பாளர்கள் சங்க நிர்வாகிகள் பதவி விலகிவிட்டனர். பொறுப்பு தலைவராக எஸ்.ஏ.சந்திரசேகரன் இருக்கிறார் இவரால் முக்கிய முடிவு எடுக்க முடியாது அப்படியே வாய்ப்பு வந்தாலும் அஜீத்துக்கு எதிராக விஜய் தந்தை முட்டுக்கட்டை போடுகிறார் என அஜீத்தும் விஜய்க்குன் சிண்டு முடிய திட்டமாம். எது எப்படியோ மங்காத்தா விஷயத்தில் அஜீத்தை வைத்து "மங்காத்தா" ஆட பலே முயற்சிகள் நடக்கின்றன. அஜீத் இந்த திட்டங்களுக்கு பலிகடா ஆவாரா என்பதை பொறுத்திருந்துதான் பார்க்க வேண்டும்.

தகவல்-2

"நாட்டாமை" யின் கிவ் அண்ட் டேக் பாலிசி -கோலிவுட் அதிர்ச்சி

நடிகர்கள் சங்க இடத்தினை தனியார் நிறுவனத்திற்கு தாரை வார்த்தாராம் "நாட்டாமை" தலைவர். இதற்கு நன்றி கடனாக அந்த நிறுவனம் "நாட்டாமை" தலைவர் நடித்து நீண்ட நாட்களாக ரிலீஸ் ஆகாமல் இருக்கும் படத்திற்கு பைனான்ஸ் செய்ய அந்த தனியார் நிறுவனம் முன் வந்திருக்கிறது. "நாட்டாமை" தலைவரின் கிவ் அண்ட் டேக் பாலிசியால் " விடியல்" பிறந்த கதையை கேட்டு கோலிவுட் வட்டாரம் அதிர்ச்சியில் இருக்குதாம்.

பேய்!

2011-08-26T17:08:00.000-07:00

இரவு 11.30 மணி இருக்கும், அலுவலகத்தில் இறுதி கட்ட செய்திப் பணியில் ஈடுபட்டிருந்தேன். வெளியே ஐப்பசி அடைமழை அமைதியாக கொட்டிக் கொண்டிருந்தது. ஊரே உறங்கச் சென்ற நேரம்,சாலையில் வாகனங்களின் நடமாட்டம் குறைந்திருந்தது.திடீரென எனது அலுவலக அறையின் கதவு வேகமாக தட்டப்படும் சப்தம் திரும்பிப் பார்த்தால் கண்ணாடிக்கு வெளியே மூன்று இளைஞர்கள் மழையில் முழுவதும் நனைந்து ஈரம் சொட்ட சொட்ட நின்றிருந்தார்கள்.பதட்டத்துடன் காணப்பட்ட அவர்களை நெருங்கினேன்.அதில் ஒரு இளைஞன் எனக்கு அறிமுகமானவன் .

என்ன கார்த்தி.....இந்த நேரத்தில......

அண்ணா.., பேயை பார்த்தோம்......எங்களை துரத்தியது....

என மேல் மூச்சு.. கீழ் மூச்சு வாங்க அந்த இளைஞர்கள் சொன்னபோது எனக்கும் அந்த பதட்டம் தொற்றிக் கொண்டது.

எங்கே?

நம்ம ஊர் ஏரியில அண்ணா....

எப்ப பாத்தீங்க?

இப்பத்தான் அண்ணா....

அந்த பக்கமாக வந்துகிட்டு இருந்தப்ப வெள்ளையா, புகை மாதிரி ஒரு உருவம் இந்த பனைமரத்துக்கும்.. அந்த பனைமரத்துக்கும் தாவிகிட்டு இருந்துச்சு.. நாங்க கிட்ட போயி பாத்தப்ப எங்கள தொரத்த ஆரம்பிச்சுடுச்சு அதான் இங்க ஓடியாந்தோம் என்றனர் அந்த இளைஞர்கள்.

எனக்கும் நீண்ட நாட்களாக பேய் இருக்கா இல்லையா? பேய் இருந்தால் எப்படி இருக்கும்? நேரில் பார்த்ததாக கூறும் சிலரிடம் விசாரித்திருக்கிறேன்.ஆனால் நான் எதிர்பார்த்த அளவிற்கு ஆணித்தரமாக பேயை பார்த்ததை அவர்களால் உறுதி செய்ய முடிவதில்லை. சரி இப்ப நமக்கு ஒரு வாய்ப்பு பேயை நேரில் பார்க்கப் போகிறோம் என்ற படபடப்பு....

சரி கார்த்தி போகலாமா? எனக் கேட்டபடியே எனது கேமிராவை எடுத்துக் கொண்டு ரெயின் கோட்டுடன் கிளம்பினேன்...அந்த இளைஞர்கள் என்னை வழி நடத்த அந்த அடைமழையில் அடர்ந்த இருட்டில் ஒரு கிலோமீட்டர் தள்ளியிருந்த ஏரிக்கரைக்கு வந்து சேர்ந்தோம். எங்கும் ஒரே இருட்டு, ஏரிக்கரையில் இருந்த பனை மரங்களின் ஓலைகளில் மழைத்துளி பட்டு தெறிக்கும் ஓசை.ஆங்காங்கே தவளைகளின் சப்தம் காதை கிழித்தது. சில் வண்டுகளின் ரீங்காரம் அந்த அடர்ந்த இருட்டை அமானுஷ்யமாக்கி கொண்டிருந்தது. ஏரிக்கரையில் நிலவிய சூழல் அடிமனதில் லேசான பயத்தை உருவாக்கியிருந்தது.இருந்தாலும் ஒரு செய்தியாளன் என்ற பொறுப்பும், அந்த சூழலில் உண்மையை கண்டறிய வேண்டும் என்ற வேகமும் மனதில் எழ மனது அமைதியடைந்தது.

கார்த்தி எந்த இடத்துல அந்த உருவத்தை பார்த்தீங்க.. என நான் கேட்க ஏற்கனவே பேய்ப் பீதியில் இருந்த அவர்கள் திகிலுடன் ஏரியின் கிழக்கு திசையில் இருந்த பனை மரங்களை காட்டினார்கள்.ஏரியின் மதகு அருகே கரைக்கு சற்றே ஓரமாக செல்லும் பாதையை ஒட்டி அந்த பனைமரங்கள் வளர்ந்திருந்தன. சின்னதும் பெரியதுமான பனைமரங்கள் வரிசை கட்டி நின்றிருந்தன.அந்த அடந்த இருளிலும் சற்றே மங்கலாக பூத கனங்களைப்போல் அந்த பனைமரங்கள் தோற்றமளித்தன.

எங்க கார்த்தி அந்த உருவம்.. என நான் வினவ..

அதா அண்ணா நாங்களும் தேடறோம்.... எங்க கண்ணுல தென்பட்டது இப்ப காணோமே......என சற்றே சுருதி குறைந்த நிலையில் பதிலளித்தனர்....

மணி நள்ளிரவு 1 மணியை நெருங்கி கொண்டிருந்தது.. பேய் வரவில்லை.எனக்கோ பேயைப் பார்க்கும் ஆவல் சற்றே குறைந்து மனதின் ஒரு மூலையில் கோபம் தலைதூக்க ஆரம்பித்தது....
இந்த இளைஞர்கள் குடிபோதையில் ஏதேனும் உளர நாமும் அதை உண்மை என நம்பி வந்துவிட்டோமோ என்ற கேள்வியும் மனதில் ஊசலாடத் தொடங்கியது.சற்று எரிச்சலாக கார்த்தி...

சொல்லண்ணா...

எங்கிட்ட ஏதும் விளையாடலையே.....

இல்லைண்ணா சத்தியமா அந்த உருவத்தை பாத்தோம் அண்ணா..... என பனை மரத்தை சுட்டி காட்டினார்கள்..

காத்திருந்ததுதான் மிச்சம் கடைசி வரை பேய் வரவில்லை...

எனக்கும் நம்பிக்கை போய்விட்டது...சரி கார்த்தி கிளம்பறேன்....... என கூறி எனது வாகனத்தை கிளப்பிக் கொண்டு அந்த இடத்தை விட்டு அகன்றேன்.

அடுத்த நாள் இரவு எனது அலுவலகத்தில் பணியில் ஈடுபட்டிருந்தேன். இரவு 8 மணி இருக்கும் நேற்று இரவு வந்த இளைஞர்களுடன் மேலும் சில இளைஞர்கள் வந்திருந்தனர்.

அண்ணா.. இவங்களும் அந்த பேயை பாத்தாங்களாம் என்றான் கார்த்தி...

ஏம்பா நேத்து மாதிரியே என்னை முட்டாளக்குறதுன்னு முடிவுல இருக்கீங்களா ? என்றேன் எரிச்சலாக.

இல்லைண்ணா இன்னிக்கு இவங்க மூனுபேரும் அந்த வழியா வந்தப்ப அந்த பேயி பனமரத்துக்கு பனமரம் தாவுச்சாம் என்றான் கார்த்தி.

இன்று புதியதாக வந்த இளைஞன் குறுக்கிட்டு பேசத் தொடங்கினான்.

சார் நாங்க அந்த பேயை மூனு நாளா இதே டைம்முக்கு பாத்துகிட்டு இருக்கோம் சார்.. டெய்லியும் கரெக்டா ஏழரை மணியிலேருந்து எட்டு மணிக்குள்ள வருது சார் என்றான்.

எனக்கோ நேற்று நள்ளிரவு வரை காத்திருந்து ஏமாற்றமடைந்ததன் கோபம் தலைதூக்கியது.சற்றே குரலை உயர்த்தி

ஏம்பா என்னை முட்டாளாக்கனும்கிற முடிவோட தான் வந்திருக்கீங்களா என கத்தினேன்.

புதியதாக வந்திருந்த மற்ற இளைஞர்கள் ஒரே குரலில் இல்லை சார் எல்லாருமே அந்த பேயை பாத்தோம் சார்.... என்றார்கள்...

சரி நீங்க சொல்றமாதிரி நாளைக்கு இதே டைமுக்கு வர்ரேன் பேய் மட்டும் வரலை போலீசுல சொல்லு உள்ளே தள்ளிப்புடுவேன் என மிரட்டினேன்.

இல்லை சார் உண்மைதான் சார் என அந்த இளைஞர்கள் ஒட்டு மொத்தமாக உறுதியளித்தனர்.

சரி நாளைக்கு நைட் ஏழேகால் மணிக்கு வாங்க போகலாம் என்றேன். இளைஞர்கள் கிளம்பினார்கள்.

உடனே எனது சக செய்தியாளரான நண்பர் ஹிதாயத்துல்ல்லாவிடம் அந்த இளைஞர்கள் கூறியதையும், நேற்று நள்ளிரவு சென்று ஏமாந்த கதையையும் கூறினேன். அவரும் பேயைப் பார்க்கும் ஆவலில் வர ஒத்துக் கொண்டார்.

அடுத்த நாளும் வந்தது.

எனது வழக்கமான பணிகளை முன் கூட்டியே முடித்துக் கொண்டு அலுவலகத்தில் தயாராக இருந்தேன். நண்பர் ஹிதயாத்துல்லாவும் சரியான நேரத்திற்கு வந்து சேர்ந்தார்.

இரவு ஏழரை மணி நெருங்கி கொண்டிருந்தது இருவரும் கிளம்பினோம்.

ஏரிக்கரையை நெருங்கினோம்... இன்று மழை இல்லை. இருந்தாலும் அங்கு வீசிய குளிர்ந்த காற்று இதமாக இருந்தது. ஏரிக்கரையில் இருந்த கோவிலில் அந்த இளைஞர்கள் எங்களுக்காக காத்திருந்தார்கள்.

என்னப்பா இன்னைக்காவது பேய் வந்துச்சா...

இன்னும் வரலைண்ணா என்றார்கள் அந்த இளைஞகள்.

நண்பர் கேமிராவை ஸ்டாண்டில் பொருத்திக் கொண்டிருந்தார் பேயை படம் பிடிக்க...

ஒரே நிசப்தம்..

கார்த்தி திடீரென கத்தினான்....

அண்ணா அந்த பேய் வந்திருச்சு... பேய் வந்திருச்சு..... என கிழக்குப் பக்கம் கையை நீட்டி கத்தினான்....

அங்கு காத்திருந்த அனைவரின் பார்வையும் கார்த்தி காட்டிய திசையில் திரும்பியது.

நானும் உற்று நோக்கினேன். என் கண்ணில் அந்த உருவம் தென்படவில்லை.

எங்கப்பா எனக்கு தெரியலை...

நண்பர் ஹிதாயத்துல்லா ..அதப்பாருங்க அந்த பனைமரத்துல ஒக்காந்திருக்கு என்றார்.

ஆமாம்..., நண்பர் காட்டிய திசையில் இருந்த பனைமரத்தின் உச்சியில் அந்த உருவம் தெரிந்தது......

வெண்மையாக, புகை போன்று, மேல் பகுதி பெரியதாகவும் கீழே வால் பகுதி போன்றும் இருந்த அந்த உருவம் ஒரு பனை மரத்திலிருந்து 50 அடி தள்ளியிருந்த மற்றொரு பனைமரத்திற்கும் தாவித் தாவி விளையாடிக் கொண்டிருந்தது.

எனது உடல் சிலிர்த்தது, இதயத் துடிப்பு எகிறியது, வாழ்க்கையில் முதன் முதலாக பேயை பார்த்ததாலாக இருக்கலாம்.

நண்பர் கேமிராவில் அந்த பேயை படம் பிடிக்க முயற்சித்துக் கொண்டிருந்தார்.மற்ற இளைஞர்கள் பயத்தின் உச்சத்தில் கோவில் சுவரில் ஒட்டிக் கொண்டு நின்றார்கள்.

கார்த்தி அந்த உருவம் விளையாடிக் கொண்டிருந்த பனை மரத்தை நெருங்கினான்.கார்த்தி நெருங்க.. நெருங்க.... அந்த உருவம் திடீரென மறைந்தது. கார்த்தி திரும்பினான். மீண்டும் அந்த உருவம் தெரிந்தது. அதேபோல் இரண்டு பனமரங்களுக்கு இடையில் தாவிக் கொண்டிருந்தது.

எனக்குள் இருந்த பயம் தெளிந்து சற்றே அந்த உருவத்தை ஆராயத் தொடங்கினேன். எனக்குள் இருந்த பகுத்தறிவு கேள்வி கணைகளை வீசியது.

ஏன் அந்த உருவம் மற்ற பனைமரங்களுக்குச் செல்லவில்லை?

ஏன் அந்த உருவம் ஒரே மாதிரி ஒரே திசையில் இயங்குகிறது?

ஏரிக் கரையில் நாங்கள் நின்று கொண்டிருந்த திசைக்கு எதிர் திசையில் இருந்த ஏரிக் கரையில் ஏதேனும் வாகனங்கள் செல்கிறதா?

என ஆராய்ந்து கொண்டிருந்த போது என் மனதில் மின்னல் வெட்டியது, உடனே நண்பர் ஹிதாயத்துல்லாவிடம் ஜீ... நாமக்கல்ல சர்க்கஸ் ஆராம்பிச்சுட்டாங்களான்னு கேளுங்க என்றேன்...
அவர் புரியாமல் என்னைப் பார்க்க.. ஜீ..... நாமக்கல்ல இருக்குற உங்க நிறுவன செய்தியாளரை கூப்பிட்டு அங்க சர்க்கஸ் ஆரம்பிச்சுட்டாங்களான்னு கேளுங்க என்றேன்.

அவரும் தனது செல் போனில் நாமக்கல் செய்தியாளரை தொடர்பு கொண்டார்....

ஆமாம் ஜீ.... சர்க்கஸ் ஆரம்பிச்சு இப்பதான் கால் மணி நேரம் ஆகுதாம்.....

சரிங்க அந்த சர்க்கஸுல லைட் அடிச்சுகிட்டு இருக்காங்களா கேளுங்க என்றேன்

அவரும் விசாரித்தார்.. ஆமாங்க லைட் அடிச்சுகிட்டு இருக்காங்களாம் என்றார்.

நாங்கள் பேசிகிட்டு இருக்கும் பொழுதே அந்த உருவம் திடீரென மறைந்தது.

ஜீ.. இப்ப அந்த சர்க்கஸ் லைட்ட அணைச்சுட்டாங்களா? கேளுங்க என்றேன்.

அவரும் விசாரித்தார்... ஆமாங்க இப்பதான் ஆஃப் செஞ்சாங்களாம் என்றார்.

எங்களது இந்த உரையாடலை புரியாமல் பார்த்துக் கொண்டிருந்தனர் அந்த இளைஞர்கள்.

இப்பொழுது எனக்கு அந்த பேய் எங்கிருந்து வந்தது எனப் புரிந்தது.

ஒன்றும் புரியாமல் நின்று கொண்டிருந்த அந்த இளைஞர்களிடம் விளக்கினேன்.

தம்பிகளா!

நாமக்கல்ல ஒரு வாரமா ஜெமினி சர்க்கஸ் நடக்குதுள்ள

ஆமாம் அண்ணா

அங்க சர்க்கஸ் தொடங்கினதும் ஒரு லைட் அடிப்பாங்க..

ஆமாம் அண்ணா

அந்த லைட் வெளிச்சம் நாப்பது ஐம்பது கிலோமீட்டருக்கு தெரியும். அந்த லைட்ட ஒரே பக்கம் அடிக்க மாட்டாங்க நாலு தெசைக்கும் அடிப்பாங்க. அப்படி அடிச்ச லைட் வெளிச்சம் தான் இப்ப இங்க பேய் மாதிரி நமக்கு தெரிஞ்சுருக்கு என்றேன்.

அப்பொழுது ஒரு இளைஞன் குறுக்கிட்டு. சரி சார் நீங்க சொல்றமாதிரியே வச்சுகிட்டாலும் அதெப்படிங்க சார் அந்த உருவம் நமக்கு முன்னாடியே நிக்கறமாதிரியும் பனமரத்துக்கு பனமரம் தாவுரமாதிரியும் தெரிஞ்சுது என்றான்.

நான் சிரித்துக் கொண்டே.. தம்பி.... இப்ப நம்ம சுத்தியிலும் காத்து சிலு ...சிலுனு..... வீசுதா...

ஆமாம் என்றான் அந்த இளைஞன்

காத்துல ஈரப்பதம் அதிகமா இருக்கறதால ஒளி ஊடுருவும் தன்மை குறையும் மேலும் காத்துல இருக்கிற ஈரப்பதம் வழியா ஒளி ஊடுருவரப்ப ஈரப்பதத்தால் எதிரொலித்து நமக்கு உருவம் போல தெரியும் என நான் விளக்கியதும் அந்த இளைஞர்களின் முகத்தில் புன்னகை.

சார். நாங்க ஒருவாரமா பாத்து பாத்து பயந்துகிட்டி இருந்தோம் சார்.. எங்களுக்கு இது தோணவே இல்லை சார் என்றார்கள் கோரஷாக.

ஒருவாரமா இந்த பேய் பயத்தால் எவுனும் ஏரிக்கரையில் ஒக்காந்து தண்ணியடிக்க வரலை... இப்ப நீங்க கெடுத்திட்டீங்களே அண்ணா என்றான் கார்த்தி0

நாங்கள் சிரித்துக் கொண்டே அங்கிருந்து கிளம்பினோம்.

(எல்லாம் சின்ன வயசுல தமிழ்வாணன் எழுதிய சங்கர்லால் துப்பறியும் நாவல்கள் படித்ததனால் வந்த அறிவு)

இது என்ன?

2011-08-24T18:37:00.000-07:00

நண்பர்களே பார்க்க அழகா இருக்கே இது என்ன? சொல்லுங்க பார்ப்போம்?

தெரியலையா? அட இது கதண்டு குழவி கூடு, கடுமையான விஷம் கொண்ட இந்த கதண்டு குழவிகள் கடித்தால் நம் கதி அதோ கதிதான் மிக அழகாக காட்சி அளிக்கும் இந்த கதண்டு கூடு மிக ஆபத்தானது.இந்த கூட்டில் மட்டும் இரண்டாயிரம் குழவிகள் இருந்தன.இத கூட்டை அழிக்க தீயணைப்பு வீரர்கள் இரண்டு மணி நேரம் போராடினார்கள்.

நன்றி! நன்றி!! நன்றி!!!

2011-08-08T05:52:00.001-07:00

அன்பின் நண்பர்களுக்கு

வணக்கம்,

திருச்செங்கோடன் என்ற பெயரில் தனியாக வலைப்பூ தொடங்கி இன்றுடன் 23 நாட்கள் நிறைவடைந்துள்ளது.இந்த 23 நாட்களில் 1000 ம் ஹிட்கள் வழங்கிய அன்புள்ளங்களுக்கு நன்றி! நன்றி !! நன்றி !!! .

இதேபோல் தொடர்ந்து தங்களது நல் ஆதரவை வழங்கி மேலும் என்னை ஊக்கப்படுத்த தாழ்மையுடன் கேட்டுக் கொள்கின்றேன்.

நன்றி! நன்றி!! நன்றி!!!

அன்புடன்
திருச்செங்கோடன்

திமுக அமைச்சர் டி.ஆர்.பாலு ஊழல் செய்தாரா ? - வெளிச்சத்திற்கு கொண்டு வரும் லாரி உரிமையாளர்கள்.

2011-08-07T23:30:00.000-07:00

இன்றைய இரண்டு தகவலை சேகரிக்க தொடங்கனப்பா... ஒரு பெரிய தகவல் கெடச்சது... அதனால இன்னைக்கு ஒரே தகவல்.....

மத்திய தரைவழிப் போக்குவரத்து துறை அமைச்சராக இருந்த டி.ஆர் பாலு சுங்க வரி விதிப்பில் தனியார் நிறுவனங்களிடம் கோடிக் கணக்கான ரூபாய் லஞ்சம் பெற்றுக் கொண்டு அந்நிறுவனங்களுக்கு சாதகமாக சுங்கவரி வசூல் சட்டத்தில் திருத்தம் கொண்டு வந்ததாக லாரி உரிமையாளர்கள் புகார் எழுப்பியுள்ளனர்.இந்த விவகாரத்தில் ரூ.40 ஆயிரம் கோடி வரை ஊழல் நடந்து இருக்கலாம் என்ற பகீர் தகவலையும் அவர்கள் வெளியிட்டுள்ளனர்.

பாரத பிரதமராக வாஜ்பாயி இருந்த பொழுது நாட்டின் முன்னேற்றத்தைக் கருத்தில் கொண்டு நாடு முழுவதும் தங்க நாற்கரச்சாலைத் திட்டம் செயல்படுத்தப்பட்டது.இந்த திட்டத்திற்கான நிதி டீசல் கொள்முதலில் ஒரு லிட்டருக்கு ரூ.2 என வரி வசூல் செய்யப்பட்டு செலவிடப்பட்டது.இந்நிலையில் பதவியேற்ற காங்கிரஸ் அரசாங்கம் டீசல் மீதான வரிவிதிப்பில் வசூலான ரூ.3 லட்சம் கோடியை இத்திட்டத்திற்கு பயன்படுத்தாமல். தனியார் நிறுவனங்களுக்கு இந்த திட்டத்தை தாரை வார்த்தது. இந்த திட்டத்தில் ரிலையன்ஸ், எல் & டி போன்ற மெஹா நிறுவனங்கள் காலடி பதித்தன. திமுக அமைச்சர் டி.ஆர் பாலு தரை வழி போக்குவரத்து துறை அமைச்சராக இருந்த போது 1997 ம் ஆண்டு வகுக்கப்பட்ட சுங்கவரி வசூல் சட்டத்தை 2008 ம் ஆண்டு திருத்தி வெளியிட்டார்.இதனால் தனியார் நிறுவனங்கள் நான் கு வழி சாலை அமைக்கும் பணி முடிவடையாத நிலையில் சுங்கவரியை எண்ணம்போல் வசூலிக்க தொடங்கியுள்ளன.தனியார் நிறுவனங்களின் பகல் கொள்ளையால் அப்பாவி பொதுமக்கள் தான் கடுமையாக பாதிப்படைந்து வருகின்றனர்.கோவை-சென்னை தேசிய நாற்கர சாலை 539 கி.மீ தொலைவு உள்ளது. இந்த சாலையில் உள்ள தனியார் சுங்க சாவடிகளில் தினசரி ரூ.1.50 கோடி வசூல் செய்யப்படுகிறது ( இதுவே இவ்வளவு என்றால் நாடு முழுவதும் கணக்கிட்டுக் கொள்ளுங்கள்). மாதம் ரூ.45 கோடியும், வருடத்திற்கு ரூ.540 கோடியும் வசூலாவதாக புள்ளி விவரங்கள் தெரிவிக்கின்றன. ஆனால் தனியார் நிறுவனங்கள் சாலை அமைக்க செய்த முதலீடு வெறும் 200 கோடி மட்டுமே.கடந்த ஐந்து ஆண்டுகளில் இந்நிறுவனங்கள் கொள்ளையடித்த தொகை ரூ.2700 கோடி.இது அந்நிறுவனங்கள் முதலீடு செய்த தொகையை விட 15 மடங்கு அதிகம்.2008 ம் ஆண்டு சட்ட திருத்தத்தின் படி தனியார் நிறுவனங்களுக்கு 22 ஆண்டுகள் ஒப்பந்தம் நீட்டிப்பு செய்யப்பட்டுள்ளது.ஒவ்வொரு ஆண்டும் வாகனங்களின் எண்ணிக்கை 15 சதவீதம் உயரும். அப்படியானால் சுங்கவரி வசூலும் ஆண்டுக்கு ஆண்டு அதிகரிக்கும்.இதனால் தனியார் நிறுவனங்களின் வருமானம். அடுத்த 22 ஆண்டுகளில் எவ்வளவு இருக்கும்..... கால்குலேட்டரில் போடமுடியாது,,,,,,,,,,,

தனியார் நிறுவனங்களின் ஏகபோக சுங்க வரி வசூலால் நேரடியாக பாதிப்படைந்துள்ள லாரி உரிமையாளர்கள் இந்த விவகாரத்தில் வெள்ளை அறிக்கை வெளியிட வேண்டும் என மத்திய அரசிடம் கோரிக்கை விடுத்துள்ளனர். மேலும் இந்த கோரிக்கையை வலியுறுத்தியும் 1997 ம் ஆண்டு நிறைவேற்றப்பட்ட சுங்க வரி வசூல் சட்டத்தை மீண்டும் அமல்படுத்தவும் வலியுறுத்தியும் வரும் 18 ம் தேதி முதல் வேலை நிறுத்தமும் அறிவித்துள்ளனர்.

இந்த விவகாரத்தில் ஊழல் நடந்துள்ளதா? அப்படி என்றால் இந்த ஊழலும் வெளிச்சத்திற்கு வருமா?

தமிழக அரசு பட்ஜெட்- அரசு ஊழியர்கள் சங்கம் வரவேற்பு ( வீடியோ)

2011-08-05T22:20:00.000-07:00

வைகோவிற்காக டெல்லி பயணத்தை ஒத்தி வைத்த கருணாநிதி

2011-08-05T22:03:00.000-07:00

மருத்துவ படிப்பிற்கான கவுன்சிலிங்கிற்கு தபால் மூலம் தகவல் தெரிவிக்க வேண்டும் என்ற விதிமுறை உள்ளது. ஆனால் கவுன்சிலிங் குறித்த அறிவிப்பினை பல்கலை இணையதளத்தில் வெளியிட்டது கவுன்சிலிங் கமிட்டி. தர்மபுரி மாவட்டம் செல்லமுடி கிராமத்தைச் சேர்ந்த சதீஸ்குமார் என்ற பிற்படுத்தப்பட்ட வகுப்பைச் சேர்ந்த மாணவர் ப்ளஸ் 2 பொதுத் தேர்வில் 1151 மதிப்பெண்கள் பெற்றுள்ளார். ஆனால் அவருக்கு கவுன்சிலிங் அழைப்பு கடிதம் அனுப்படாததால் மருத்துவ கல்லூரியில் இடம் கிடைக்கவில்லை. இதனை எதிர்த்து கோர்ட்டுக்கு போனார் சதீஸ்குமார்.வழக்கை விசாரித்த நீதிபதி பால்வசந்தகுமார் இணையதளத்தில் பொது அறிவிப்பு வெளியிட்ட பல்கலை தேர்வு கமிட்டிக்கு கண்டனம் தெரிவித்தார். கிராமத்தில் உள்ள மாணவன் எப்படி இணையதளத்தில் அறிவிப்பினை பார்க்க முடியும் என வினவிய நீதிபதி சத்தீஸ்குமாருக்கு அரசு மருத்துவ கல்லூரியில் சீட் வழங்க உத்தரவிட்டுள்ளார்..... ம்..ம்..... தமிழ்நாட்டுல கல்வியோட நெலம இப்படி ஆயிகிப்போச்சு..........

சரி இன்னைக்கத்த ரெண்டு தகவலுக்கு வருவோம்.

தகவல்-1

வைகோவிற்காக டெல்லி பயணத்தை ஒத்தி வைத்த கருணாநிதி

முன்னாள் பிரதமரும், பாரதிய ஜனதாவின் தேசிய தலைவருமான வாஜ்பாய்யை அவரது இல்லத்தில் வைகோ சந்தித்து நலம் விசாரித்தார்.அப்பொழுது பாரதிய ஜனதா கட்சியின் தேசிய நிர்வாகிகளையும் நேரில் சந்தித்து தான் தயாரித்துள்ள இலங்கை தமிழர்கள் படுகொலை தொடர்பான சிடிக்களையும் கொடுத்து இலங்கை அதிபர் ராஜபக்ஷேவை சர்வதேச போர்க்குற்றவாளியாக அறிவிக்க வேண்டும், இலங்கை மீது பொருளாதாரத் தடை விதிக்க வேண்டும் என வலியுறுத்தி தங்கள் கட்சி சார்பாக வரும் 12 ம் தேதி டெல்லியில் நடத்த உள்ள ஆர்ப்பாட்டத்தில் கலந்து கொள்ளவும் அழைப்பு விடுத்துள்ளாராம். பாஜ முக்கிய தலைவர்கள் இந்த ஆர்ப்பாட்டத்தில் கலந்து கொள்ள இருப்பதாகத் தகவல்கள் வெளியாகி உள்ளது. பன்னிரெண்டாம் தேதி டெல்லி போவதாக முடிவு செய்துள்ள மாஜி முதல்வர் கருணாநிதி. வைகோ கட்சி ஆர்ப்பாட்டம் காரணமாக தனது பயணத்தை ஒத்தி வைத்துள்ளாராம்.

தகவல்-2

சமச்சீர் கல்வி பிரச்சனைக்கு தீர்வு - ஜெ முடிவு

தமிழக அரசு சமர்ப்பித்துள்ள பட்ஜெட் குறித்து தமிழக உளவுத் துறை பொதுமக்களிடம் ஒரு ரகசிய சர்வே எடுத்தது.இந்த சர்வேயில் பட்ஜெட் அறிவிப்புகளுக்கு மக்களிடம் நல்ல வரவேற்பு இருந்துதாம். ஆனால் சமச்சீர் கல்வி விவகாரத்தில் தமிழக அரசின் நிலைப்பாட்டினை மக்கள் கடுமையாக விமர்சனம் செய்தனராம். இதுகுறித்த தகவலை முதல்வர் ஜெயலலிதாவின் கவனத்திற்கு உளவுத் துறை கொண்டு சென்றதாம். இந்த அறிக்கையை படித்துப் பார்த்த முதல்வர் ஜெயலலிதா உச்ச நீதிமன்ற தீர்ப்பு வந்ததும் சமச்சீர் கல்வி பிரச்சனையை சரி செய்திடலாம் என கூறிவிட்டாராம். இருந்தாலும் தீர்ப்பு அரசுக்கு எதிராகத்தான் இருக்கும் என மேல் மட்ட அதிகாரிகள் பேசிக் கொள்கிறார்கள்.

ரூ.200 கோடி சிவன் கோவில் சொத்து, கருணாநிதி அபகரித்தாரா?

2011-08-01T22:17:00.000-07:00

ரூ.200 கோடி மதிப்புள்ள சிவன் கோவில் சொத்தை முன்னாள் முதல்வர் கருணாநிதி மற்றும் முன்னாள் அமைச்சர் பரிதி இளம்வழுதி, மு.க.ஸ்டாலினின் மகன் உதயநிதி ஆகியோர் போலி பத்திரம் தயாரித்து அபகரித்ததாக போலீஸ் கமிஷனிரடம் புகார் கொடுக்கப்பட்டுள்ளது.இது குறித்து போலீசார் விசாரித்து வருகின்றனர். சிவன் சொத்து குல நாசம் தெரியாதோ.....?

சரி இன்னைக்கத்த இரண்டு தகவலுக்கு வருவோம்......

தகவல் -1

"டாக்டர்" மந்திரிக்கு அடுத்த ஆப்பு

வேலூர் மாவட்ட மந்திரி குற்றவழக்குகளில் தொடர்புடையவர்களுடன் மிக நெருக்கமா இருக்காருன்னு சி.எம்க்கு தகவல் போக ஒடனே டாக்டரான அந்த மந்திரியை நேரில கூப்பிட்டு லெப்ட்&ரைட் வாங்கீனதுமட்டும் இல்லாம மந்திரியோட நெருக்கமா இருந்த அந்த கும்பலையும் கட்சியிலிருந்து அதிரடியா நீக்கி "உள்ளே" தள்ளினாங்க.இதுக்கப்பறமாவும் "டாக்டர்"மந்திரி அந்த கும்பலோட தொடர்புல இருந்துகிட்டுத்தான் இருக்காறாம்.இதுமட்டுமல்லாம வேறொரு கும்பல் "டாக்டர்" மந்திரி பேர சொல்லிகிட்டு அப்பாவி சனங்ககிட்ட முதியோர் பென்சன், விதவை பென்சன், திருமண உதவி வாங்கி தர்ரோம்னு சொல்லி 50,100 ன்னு வசூல் செஞ்சு கல்லாகட்டிகிட்டு இருக்காங்களாம்.இப்ப மந்திரியோ மாவட்ட ரத்தத்தின் ரத்தங்கள் கடுப்பாகி முதல்வருகிட்ட "டாக்டர்" மந்திரிய போட்டுக்குடுக்க தயாராயிட்டாங்களாம். எப்படியோ.. இந்த மாசத்துல "டாக்டர்" மந்திரி ஊட்டுக்கு போயிருவாருன்னு "டாக்டர்" மந்திரியோட ஊர்காரங்க பேசிக்கிறாங்க.....

தகவல்-2

துப்பாக்கி காட்டி மிரட்டிய போலீசை ரவுண்ட் கட்டிய பொதுமக்கள்

துப்பாக்கி காட்டி மிரட்டிய மதுரை போலீசார் வந்த வாகனத்தை முற்றுகையிட்ட பொதுமக்கள்

மதுரையில கடந்த வாரம் இளஞ்செழியன் அப்படிங்கற பாமக கட்சியோட மாநில நிர்வாகி கொலை செய்யப்பட்டார்.இந்த கொலையில சம்பந்தப்பட்ட நபர பிடிக்க மதுரை எஸ்.எஸ்.நகர் போலீஸ் ஸ்டேசன் சப்-இன்ஸ்பெக்டர் ஆனந்தராஜன் அப்படீங்கறவரோட தலைமையில் ஒரு போலீஸ் டீம் நாமக்கல் மாவட்டம், திருச்செங்கோடு வந்தது.வந்ததும் குற்றவாளியை பிடிச்ச சப்-இன்ஸ்பெக்டர் பக்கத்துல நின்னுகிட்டு இருந்த ஆட்டோ டிரைவரை துப்பாக்கிய காட்டி மிரட்ட. அவரு எதுக்குன்னு கேக்க...இவரு துப்பாக்கியால ஆட்டோ டிரைவரோட பின் மண்டையில அடிக்க பொதுமக்கள் போலீச ரவுண்டு கட்டி அடிக்கப் போக... அங்க ஏக கலோபரம் ஆக.....உள்ளூர் போலீஸ் வந்து மதுரை போலீச மீட்டு டோஸ் மேல டோஸ் கொடுத்தாங்களாம்.... பின்ன குற்றவாளியத் தேடி அடுத்த மாவட்டத்துக்கு போவும் பொழுது சம்பந்தப்பட்ட போலீஸ் ஸ்டேசனுக்கு தகவல் கொடுக்கனும்கிற மரபை மறந்து சினிமா போலீஸ் மாதிரி நடந்ததால வந்த வெணை இதுன்னு இப்ப ஆனந்தராசு பொலம்பறாராம்..... பின்ன இருக்காத துப்பாக்கிய காட்டி பொதுமக்கள மெரட்டுனா சும்மா வுட்டுருவாங்களா என்ன.....

மந்திரி தம்பியை தேடும் போலீஸ்

2011-07-29T19:46:00.000-07:00

நாய் கைல கெடச்ச தேங்கா மாதிரி அரசியல் வாதிங்க கைல சமச்சீர் கல்வி சிக்கிகிட்டு படாத பாடு படற மாதிரி மாணவங்களோட எதிர்காலமும் படாதபாடு படுது... இது எப்பத்தான் அரசியல்வாதிங்க கண்ணுல்ல படுமோ..... பத்தாவது படிக்கிற புள்ளைங்களோட அப்பம்மா தான் பாவம் தூக்கமில்லாம பொழம்பிக்கிட்டு இருக்காங்க.....

சரி இன்னைக்கத்த ரெண்டு தகவலுக்கு வருவோம்....

தகவல்-1

போலீஸ் ஸ்டேசன் போகம புகார் கொடுக்கலாம்

போலீஸ் ஸ்டேசன் போறதுன்னாவே பலபேறுக்கு அலர்ஜ்ஜி... காரணம் அங்க போன கெடைக்கற மருவாதி......அப்படி.....இனி நாம போலீஸ் ஸ்டேசன் பக்கமே போகம புகார் கொடுக்க ஒரு புது வசதிய தமிழ்நாடு போலீஸ் நேத்து அறிமுகப்படுத்தியிருக்காங்க.www.tnpolice.gov.in என்ற இணையதளத்துல போயி புகார் கொடுக்கலாமாங்க. இணையத்தளத்துல பதிவு செய்யப்படற புகாருங்க உடனடியா சம்பந்தப்பட்ட மாவட்ட எஸ்பிக்கு அனுப்பப்பட்டு நடவடிக்கை எடுக்கப்படுமாங்க. இந்த இணையதளத்துல போலீஸ் அதிகாரிங்களோட வெவரம், குற்றவாளிங்கள பத்தின வெவரம், காணம போனவங்களோட வெவரமெல்லாம் இருக்குதாமாங்க.. மேலும் நீங்க போலீஸ் துறைக்கு ஏதேனும் ஆலோசனை தர்ரதனாலும் இந்த இணையதளம் மூலமா தரலாமாங்க.

தகவல் - 2

மந்திரி தம்பியை தேடும் போலீஸ்

தமிழ்நாடு பூராம் நெல மோசடி வழக்குல சம்பந்தப்பட்ட திமுகாகாரவுங்க உள்ள போய்கிட்டு இருக்காங்க. இப்ப நாமக்கல் மாவட்டத்தச் சேர்ந்த "காந்தி" பெயர் கொண்ட மத்திய இணை அமைச்சரோட தம்பிய இப்ப போலீஸ் தேடிகிட்டு இருக்கு.திமுக ஆட்சி காலத்துல நாமக்கல் மாவட்டத்துல இருந்த அனைத்து கேபிள் டிவி இணைப்புகளையும் அடாவடியாக மந்திரியோட தம்பி பறிச்சுகிட்டாராமங்க.அதுவுமில்லாம கண்ட்ரோல் ரூம கைப்பத்திக்கிட்டு உள்ளூர் சேனல்களை நிறுத்திவிட்டு. தன்னோட நிறுவனம் மூலம் 5 உள்ளூர் சேனல்கள நடத்தினாரு. இது மூலமா மாசா மாசம் பல லட்சம் வருமானம் பாத்தாங்களாம். இதனால் உள்ளூர் கேபிள் ஆப்ரேட்டர்களும், உள்ளூர் டிவி சேனல நடத்துனவுங்களும் சாபம் மட்டும்தான் கொடுக்கமுடிஞ்சுது. ஆட்சி மாறியுமே மந்திரி & கோ கூட்டணி மேல எதுவுமே அவங்கனால பன்னமுடியல.வினை வெதச்சவன் வினை அறுத்துத்தானே ஆவோனும்.... மந்திரியோட தம்பி நடத்துன கேபிள் டிவி நிறுவனத்துல 2008 ம் ஆண்டு அமைக்கப்பட்ட அரசு கேபிள் டிவி நிறுவனத்தோட ஓ.எப்.சி கேபிள்கள முறைகேடா பயன்படுத்தினதாவும்.இதுல அரசுக்கு பல லட்சம் இழப்பு ஏற்பட்டதாவும் போலீஸ்ல புகார் கொடுக்கப்பட்டிருக்கு.இதனையடுத்து நேத்து ஒரு டிஎஸ்பி தலைமையில போலீஸ் படை சம்பந்த பட்ட நிறுவனத்துல அதிரடி சோதனை மேற்கொண்டு.......மந்திரியின் தம்பியோட 3 உள்ளூர் சேனல் கள கட் பண்ணிட்டாங்க... இப்ப தலைமறைவா இருக்கற மந்திரியோட தம்பிய தேடிகிட்டு இருக்காங்க.

பீதியில் அதிமுகவினர்

2011-07-28T22:13:00.000-07:00

நடிகர் விஜய் கடந்த காலங்களில் ஏற்பட்ட கசப்பான அனுவங்களை அடுத்து தற்பொழுது கொஞ்சம் கொஞ்சமாக அரசியல் பக்கம் திரும்பிகிட்டு இருக்கிறாரு.தற்பொழுது ரீலீசாக இருக்கற வேலாயுதம் படத்துல ஏகப்பட்ட அரசியல் பஞ்ச் டயலாக் வச்சுருக்கிறாராம். அதே மாதிரி வர இருக்குற உள்ளாட்சித் தேர்தல்ல தன்னோட விஜய் மக்கள் இயக்கத்தையும் களம் இறக்க முடிவு செஞ்சுருக்காராம்.

சரி இன்னைக்கத்த தகவலுக்கு வருவோம்

தகவல்-1

10 ஆயிரம் ஆசிரியர் நியமனம் - தமிழக அரசு முடிவு

வரப்போற பட்ஜெட்ல பள்ளி கல்வித் துறைக்கு அதிக நிதி ஒதுக்க இருக்கறதா தவல் வந்துருக்கு.அதேபோல ஆசிரியர்கள் நியமனம் குறித்தும் அறிவிப்பு வர இருக்குது.இந்த நியமனம் பதிவு மூப்பு அடிப்படையில் இல்லாமல் தகுதி தேர்வு மூலமாக ஆசிரியர் நியமனம் நடக்க இருக்குதாம்.இந்த வகையில் பத்தாயிரம் ஆசிரியர்களை நியமிக்க அரசு முடிவு செய்துள்ளதாம்.போன திமுக ஆட்சி காலத்தில் கடைசி நேரத்தில் நியமிக்கப்பட்ட ஆறாயிரம் ஆசிரியர்களுக்கும் தகுதி தேர்வு நடக்க போவுதாம்.

தகவல்-2

பீதியில் அதிமுகவினர்

தமிழகத்தில் ஆட்சி மாற்றம் ஏற்பட்டதும் பழைய கோதாவில் களம் இறங்கிய அதிமுகவினருக்கு ஜெயலலிதா அதிர்ச்சி வைத்தியம் கொடுத்தார்.அடாவடி அரசியல், கட்டப்பஞ்சாயத்து என கட்சிக்கு கெட்ட பெயர் ஏற்படுத்தியவர்களுக்கு கட்சியிலிருந்து கல்தா கொடுத்தார் ஜெ.இதனால் ஆடிப்போன ரத்தத்தின் ரத்தங்கள் பெட்டிப் பாம்பாக அடங்கி இருந்தனர்.நாளை 30 ம் தேதி நடக்க இருக்கிற கட்சி செயற்குழு கூட்டத்தில் பல முக்கிய முடிவுகள் எடுக்கப்பட இருக்கிறதாம்.மேலும் பல அதிரடி மாற்றங்களும் இருக்கும்முன்னு தோட்டத்து செய்தி தெரிவிக்கிறது. எது எப்படியோ... நாளைக்கு நடக்க இருக்குற செயற்குழுவிற்குப் பிறகு தங்களது பதவி இருக்குமா இருக்காதான்னு நெறய அதிமுக ரத்தத்தின் ரத்தங்கள் பீதியில இருக்காங்களாம்....

டெலிபோன் பேச்சு பதிவு, திமுக " மாஜி"களுக்கு பேதி.

2011-07-27T22:00:00.000-07:00

இன்ஜினியரிங் கல்லூரிகளின் தரவரிசைப்பட்டியலை அண்ணா பல்கலை கழகம் வெளியிட்டிருந்தது.இதுல இருந்து 153 கல்லூரிகளின் பட்டியலை அண்ணா பல்கலை கழகம் நேத்து திரும்ப பெற்றது.இணையதளத்தில் இருந்த பட்டியலையும் நீக்கி உள்ளது. ஒரு தனியார் கல்லூரி தொடர்ந்த வழக்கில் கோர்ட் உத்தரவின் படி இந்த நடவடிக்கை மேற்கொள்ளப்பட்டுள்ளதாம். இருந்தாலும் கோவை அண்ணா பல்கலை கழகம் மட்டும் தரவரிசைப் பட்டியல் என்ற பெயரை தூக்கிவிட்டு கல்லூரிகளின் தேர்ச்சி விகிதம் என்ற பெயரில் தரவரிசைப் பட்டியலை வெளியிட்டுள்ளது... ம்ம்ம்ம்....ஹூம்.....இன்னும் எத்தனை நாளைக்குத் தான் மாணவர்களோட வாழ்க்கையோட வெளையாட போராய்ங்களோ.....?

சரி இன்னைய ரெண்டு தகவலுக்கு வருவோம்...

தகவல்-1

டெலிபோன் பேச்சு பதிவு, திமுக " மாஜி"களுக்கு பேதி.

மண்டபம் முகாமுக்கு தூக்கியடிக்கப்பட்ட முன்னால் உளவு அதிகாரி வீட்ல லஞ்ச ஒழிப்பு போலீஸ் அதிரடி சோதனை மேற்கொண்டாங்கல்ல , இந்த சோதனையில உளவு அதிகாரி வீட்லருந்து 32 சிடிக்கள், 8 ஐ-பாட்டுகள், 2 லேப்டாப் எல்லாம் கைப்பத்துனாங்கலாம். இதெ எல்லாம் போட்டுக் கேட்ட போலீசு அதிகாரிகளுக்கு கடும் அதிர்ச்சியாம். என்னடான்னா போன திமுக ஆட்சியில இருந்த முக்கிய அமைச்சர்களோட பேச்சு, ஐ.ஏ.ஸு, ஐ.பி.எஸு அதிகாரிகளோட டெலிபோன் பேச்சுகள பக்காவ தெள்ளத் தெளிவா ரெக்கார்டு பண்ணி வைச்சிருந்தாராம் அந்த உளவு அதிகாரி. இப்பத்த போலீசு சும்மா உடுமா..... கெடச்சத எல்லாம் கொடஞ்சு பாத்தா ஒவ்வொரு முன்னாள் மந்திரி, அதிகாரிகளோட வண்டவாலங்கள் எல்லாம் தண்டவாளம் ஏறுதாமாம்.... ரெக்கார்டு பண்ண பேச்சுகளை எல்லாம் முன்னாள் முதல்வருக்கு உளவு அதிகாரி போட்டு காட்டினதாலதான் ஆற்காடு பேர கொண்ட மந்திரிக்கும், வீரபாண்டி பேர கொண்ட மந்திரிக்கும் போன ஆட்சியில ஆப்பு வந்துச்சாம். இந்த ஆடியோ பதிவுல பல முன்னாள்களோட கொரல் எல்லாம் தெளிவா பதிவாகியிருக்குதாம்... இதில் நெறய ஊழலு சமாச்சாரங்க வெளியே வரப்போறதா கோட்டையிலருந்து பேச்சு கேக்குது.இதனால் பல மாஜிக்களுக்கு பேதி போய்கிட்டு இருக்குதாம்....... கிணறு வெட்ட பூதம் கெளம்புன கதையால்ல இருக்கு.......

தகவல்-2

மும்பையில் பானிபூரி வித்த நடிகர் சந்தானம்

இயக்குனர் கண்ணன் இயக்கத்தில் தயாராகி வரும் படம் வந்தான் வென்றான் இந்த படத்துல ஜீவா, டாப்சி, சந்தானம் நடிக்கிறாங்க...வில்லனாக நந்தா நடிக்கிறாராம்.இந்த படத்தோட பெரும்பாலான படப்பிடிப்பு மும்பையில நெரிசலான பகுதிகளில படம்புடுச்சுருக்காங்களாம். இந்த படத்துல நடிகர் சந்தானம் மும்பையில பானிபூரி விற்கும் கதாபாத்திரத்துல நடிச்சுருக்காராம். இந்த படத்துக்கு பாய்ஸ் படத்துல நடிச்ச தமான் இசையமச்சிருக்காராம். கவிஞரு வைரமுத்துவோட மகன் கார்க்கி 3 பாடலையும், முத்துகுமாரு,தாமரை,யுகபாரதி ன்னும் கவிஞருங்க பாட்டு எழுதியிருக்காங்களாம்.

ஜெ., வை பாராட்டிய கருணாநிதி

2011-07-26T21:37:00.000-07:00

ஸ்பெக்ட்ரம் வழக்கில் முன்னாள் அமைச்சர் ராசா தனது வாதத்தில் பிரதமர்,சிதம்பரம், தயாநிதிமாறன் என குற்றம்சாட்டி கை காட்டியிருப்பது திமுக தலைமை வயிற்றில் புளியை கரைத்துள்ளதாம்.காரணம் எங்கே தங்களையும் ராசா "கை" காட்டிருவாரோ என்ற பயம் தானாம்........ சும்மாவா சொன்னாங்க உப்பத் தின்னவன் தண்ணி குடிச்சுத்தான் ஆவனுமுன்னு....

சரி.. இன்னிக்கத்த ரெண்டு தகவலுக்கு வருவோம்....

தகவல்-1

ஜெ., வை பாராட்டிய கருணாநிதி

கோவைல நடந்த திமுக பொதுக்குழுவுல நிறைவுரை ஆற்றின திமுக தலைவர் கருணாநிதி, உரையை முடிக்கும் பொழுது முதல்வர் ஜெயலலிதவுக்கு அவர் ஸ்டைல்ல ஒரு வேண்டுகோள் வச்சாராம் அதுல நீங்க ஆட்சிக்கு வந்து, எங்க ஆட்சியில நாங்க செஞ்சமாதிரியே பல நல்ல திட்டங்களை செயல்படுத்தறீங்க, இலவச கிரைண்டர்,லேப்-டாப் இப்படி எல்லாம் கொடுக்குறீங்க.. இது பரவால்ல... ஆனா திமுககாரவுங்க மேல நீங்க பழிவாங்குற மாதிரி எடுக்கற நடவடிக்கைங்க நீங்க செய்யற நல்ல திட்டங்களை பின்னுக்கு தள்ளிப்புட்டு பத்திரிகைகாரவுங்க திமுக காரவுங்கள கைது செய்யர நீயுஸத்தான் முன்னாடி போடுவாங்க இதனால நீங்க செய்யற நல்ல திட்டங்க மக்களுக்கு தெரியாம போயிரும் அப்படினு பேசினாராம். இத கேள்விபட்ட அதிமுக ரத்தத்தின் ரத்தங்க "அவரையும் அறியாம எங்கம்மா செய்யற நல்ல திட்டங்கள பாராட்டிட்டார்னு" சொல்லிகிட்டு இருக்கறாங்களாம்..... இது எப்படி இருக்கு?

தகவல்-2

ரூ.100 கோடியில் விஸ்வரூபம் எடுக்கும் கமல்

உலக நாயகன் கமல் புதுசா நடிக்க இருக்கற படம் விஸ்வரூபமாம்... இந்த படத்த எம்மாம் பெரிய பிரம்மாண்டமா கொடுக்கோனுமின்னு கமல் நினைக்கிறாராம். அதுக்கான்டி அமிரிக்கா,கனெடான்னு நாடு நாடா போயி லொக்கேஷனு பார்த்துட்டு வந்திருக்காராம். படத்தோட பல காட்சிகள அந்த நாடுகள்ளேயே படமாக்கவும் திட்டம் தீட்டியிருக்காரம்.இந்த படத்துல கதாநாயகி யாருன்னு கேட்டா சோனாக்ஷி சின்ஹாவிடமும், தீபா படுகோனேனிடமும் பேசியிருக்கறதா சொல்றாராம் கமலு,அதுசரி படத்தோட பட்ஜெட் ரூ.100 கோடியாமங்க.......

முரசு கட்சி தலைவருக்கும் அவைத் தலைவருக்கும் புகைச்சல்

2011-07-25T21:52:00.000-07:00

இதுதாங்க ரூ.1 கோடி மதிப்புள்ள " ரேஞ்ச் ரோவர்" கார்

நேத்து முன்னாள் அமைச்சர் வீரபாண்டி ஆறுமுகம் கோர்ட் உத்தரவுப்படி சேலத்துல போலீஸார்கிட்ட சரண்டர் ஆனார். அங்கு போலீசார் பயபக்தியோட எழுந்து நின்னு மரியாத செலுத்துனாங்களாம்...பின்ன சேலத்து சிங்கத்த பாத்து பயம் இருக்காத என்ன?

சரி நாம இன்னைக்கத்த இரண்டு தகவலுக்கு வருவோம்..

தகவல்-1

முரசு கட்சித் தலைவருக்கும், அவைத் தலைவருக்கும் கடுமையான மனஸ்தாபம் ஏற்பட்டுருச்சாம். அவைத் தலைவர்பாட்டுக்கு உள்ளாட்சித் தேர்தலில் அதிமுகவுடன் கூட்டணி தொடரும் அப்படின்னு பேட்டி கொடுத்தாராம். என்னை கேக்காம எப்படி நீங்கபாட்டுக்கு பேட்டி கொடுக்கலாம் .... நாமலா வலியமா போய் சீட் கேட்டா அவங்க என்ன அள்ளியா கொடுக்க போறாங்க... கிள்ளித்தான் கொடுப்பாங்க.. அவங்களா கூப்பிட்டாத்தான் நமக்கு மதிப்பு நாமலா சரண்டர் ஆகக் கூடாது அப்படின்னு கட்சித் தலைவரு கேக்க.. அதுக்கு அவைத்தலைவரு நாம இப்ப கூட்டணிய விட்டு வெளியே வரமுடியாது, நமக்கு வேற வழியில்ல அதான் பேட்டி கொடுத்தேன்னு சொல்ல...இப்ப இருவருக்கும் புகைச்சல்னு முரசு கட்சி வட்டாரத்துல தகவல் கசிந்துள்ளது.

தகவல்-2

கோவையில திமுக பொதுக்குழு நடந்தப்ப சிங்காநல்லூர் பகுதியில புதுசு புதுசான வெளிநாட்டு ஆடம்பர கார்கள் வலம் வந்ததாம். இத அந்த பக்கத்து பொதுமக்கள் கூடி நின்னு ஆச்சரியத்துடன் பாத்ததுடன் திமுக காரங்க ரொம்ப பணக்காரங்கப்பான்னு பேசிக்கிட்டாங்களாம்.இந்த பொதுக்குழுவுக்கு கட்சி தலைவர் கருணாநிதி வெளிநாட்டிலிருந்து இறக்குமதி செய்யப்பட்ட டொயோட்டா காரில் வந்தாராம்.அழகிரியும், ஸ்டாலினும் ரூ.1 கோடி மதிப்புள்ள "ரேஞ்ச் ரோவர்" காரில் தனித் தனியாக வந்தாங்களாம்.பொதுக்குழு நடந்த கூட்ட அரங்கு கார் பார்க்கிங்கில் 36 விலை உயர்ந்த கார்கள் இருந்ததாம். இதில் ஒவ்வொரு காரின் விலையும் 50 லட்சத்திற்கும் மேல் இருக்குமாம். அப்படின்னா திமுக காரவகளோட சொத்து எவ்வளவு இருக்கும்..... சும்மா ஒரு பேச்சுக்குத்தான் கோவிச்சுக்காதீக....

மதுரைகாரருக்கு " ஸ்கெட்ச்" ரெடி கலக்கத்தில் காக்கிகள்

2011-07-24T22:59:00.000-07:00

முந்தா நாள் நாம சொன்ன தகவல்படியே நேத்தும் முந்தா நேத்தும் கோவையில நடந்த திமுக செயற்குழுவில ஒன்னும் நடக்கல...பாத்தீங்களா!

சரி இன்னைக்கத்த இரண்டு தகவலுக்கு வருவோம்.

தகவல்-1

நில அபகரிப்பு புகார்கள் தொடர்பால் நெறய திமுககாரங்க கைது செய்யப்படறத கண்டிச்சு வர்ர ஆகஸ்ட் 1 ம் தேதி தமிழகம் முழுசும் மாவட்ட அளவுல பெரிய அளவுக்கு போராட்டம் நடத்த திமுக தலைமை முடிவு செஞ்சிருக்கு. இந்த போராட்டத்தை முறியடிக்கனுமுன்னு ஆளும் கட்சி தீவிரமா இருக்கு. அதுக்காக இந்த போராட்டத்திற்கு ஆள்பிடிக்கர வேலையில ஈடுபட்டிருக்கிற திமுக முக்கிய தலைகளை ஏதாவது காரணம் சொல்லி உள்ளே தள்ள முயற்சி நடக்குதாம்.இத எப்படியோ மோப்பம் புடுச்ச திமுக முக்கிய தலைகள் கோவை பொதுக்குழு முடிஞ்ச கையோட பக்கத்து மாநிலத்துக்கோ, பக்கத்து நாட்டுக்கோ போய் தலைமறைவாகற வேலையில இறங்கியிருக்காங்களாம்.

தகவல்-2

தேர்தல் சமயத்தில மதுரைக்கு பிரச்சாரத்துக்கு வந்த ஜெயலலிதா ஆட்சிக்கு வந்ததும் மதுரையை மீட்பேன்னு சபதம் போட்டாங்க.இந்த சபதத்தை நிறைவேத்த இப்ப காரியங்கள் வேகமாக நடந்துகிட்டு இருக்கு. இப்ப மதுரைகாரரோட ஆதரவாளர்கள் ஒவ்வொருவரையா " ஸ்கெட்ச்" போட்டு போலீஸ் தூக்கிகிட்டு இருக்கு.சீக்கிரத்துல மதுரைகாரருக்கும் பெரியளவுல "ஸ்கெட்ச்" போடபோறதா போலீஸ் வட்டாரத்துல பேச்சு அடிபடுது.இந்த தகவலால மதுரையில இருக்கற முக்கிய போலீஸ் ஆபிசருங்க கிலி பிடிச்சு கிடக்கறாங்க. இந்த வெளையாட்டுக்கு நாங்க வரல சாமி... பின்னால நாங்க மாட்டிக்குவோம்னு புலம்பறாங்களாம்.இதுக்கு பயந்துகிட்டே சில ஆபிசருங்க பக்கத்து மாவட்டத்துக்கு டிரான்ஸ்பர்ல போரதுக்கு முயற்சி செஞ்சுகிட்டு இருக்கறாங்கலாம்.இதுல வெவரமான சில துணை கமிஷனருங்க கமிஷனருக்கிட்ட கோவிச்சுகிட்டு டிரான்ஸ்பர் வாங்கிட்டு போய்டாங்களாம். எப்படியோ மதுரை அண்ணாத்தவுக்கு "ஸ்கெட்ச்" ரெடியாயிட்டு.

அழகிரி-ஸ்டாலின் மோதல் ஒரு புரளி

2011-07-22T22:12:00.000-07:00

மேட்டர்-1

ஆளும் கட்சியோட அதிரடி நடவடிக்கையால் திமுக நிர்வாகிகள் பதறிபோய் உள்ளனர். நில மோசடி வழக்குகளில் கட்சியின் முன்னனி நிர்வாகிகள் சிறைக்கு செல்வதால் நம்ம நிலமை என்ன ஆகுமோன்னு பெரும்பாலான நிர்வாகிகள் கலக்கத்தில் இருக்கிறார்கள். சிலர் ஆளும் கட்சிக்கு தவிட முடிவு செய்துள்ளதாக தகவல் கசியவே. அவர்களை கட்சியில் தக்க வைக்கவும், தைரியம் கொடுக்கவுமே ஆகஸ்ட் ஒன்றாம் தேதி ஆளும் கட்சியை எதிர்த்து ஆர்ப்பாட்டம் நடத்த முடிவு செய்ததாம் கட்சி தலைமை. தொண்டர்களுக்கு துணையா இருப்போம் அப்படின்னு காட்டத்தான் இந்த ஆர்ப்பாட்டமாம்.

மேட்டர்-2

கோவையில் இன்று செயற்குழுவையும், நாளை பொதுக்குழுவையும் திமுக நடத்துகிறது.கடந்த ஒருவாரமாக அழகிரிக்கும், ஸ்டாலினுக்கும் மனஸ்தாபம், பிரச்சனை வளர்கிறது என செய்திகள் பரவலாக அடிபடுகிறது. குடும்ப அரசியல் காரணமாகத்தான் கடந்த தேர்தலில் திமுக படு தோல்வி அடைந்ததுனு யாரும் பொதுக்குழுவில் பேசிடக் கூடாது என்பதை திசை திருப்பவே இப்படி ஒரு புரளியை கட்சி தலைமையே கிளப்பிவிட்டுள்ளதாக கூறப்படுகிறது. இதனால் இன்று நடக்கும் செயற்குழுவிலும், நாளை நடக்கும் பொதுக்குழுவிலும் பெரிசா ஒன்றும் இருக்காது என கட்சி நிர்வாகிகளுக்குள் பேசிக் கொள்கின்றனர்.

சகாயத்தின் கனவு தவறா?

2011-07-17T22:39:00.000-07:00

நாமக்கல் கலெக்டராக இருந்த சகாயத்தால் விவசாயிகளும் தொழிலதிபர்களாக மாறவேண்டும் என்ற நோக்கில் நாமக்கல் மாவட்டத்தில் உழவன் உணவகம் தொடங்கப்பட்டது. நாமக்கல் மற்றும் திருச்செங்கோடு உழவர் சந்தையில் மாலை நேரங்களில் இந்த உழவன் உணவகம் செயல்பட்டது.

கலெக்டர் சகாயத்தால் பரிட்சார்த்தமாக தொடங்கப்பட்ட உழவன் உணவகத்தில் விவசாயிகள் விளைவிக்கும் விளை பொருட்களுக்கு உரிய விலை கிடைக்காமல் தரகர்களே லாபம் பெறுவதை தடுக்கும் பொருட்டு விவசாயிகளையே முதலாளிகளாக்கும் முயற்சியாக 2010 ம் ஆண்டு செப்டம்பர் 14 ம் தேதி நாமக்கல் உழவர் சந்தையில் உழவன் உணவகம் முதலில் துவங்கப்பட்டது. விவசாயிகள் தங்களது விளைபொருட்களை மதிப்புக் கூட்டப்பட்ட பொருளாக மாற்றி விற்பதற்காக தொடங்கப்பட்ட இந்த திட்டத்தினை மத்திய இணை அமைச்சர் காந்திசெல்வன் தொடங்கி வைத்தார். இதேபோல் அக்டோபர் 23 ம் தேதி திருச்செங்கோடு உழவர் சந்தையிலும் உழவன் உணவகம் விரிவுபடுத்தப்பட்டது.

விவசாயிகள் தாங்கள் விளைவிக்கும் பொருட்களை மதிப்பூட்டப்பட்ட பொருளாக விற்கும் பொழுது நல்ல லாபம் அடைவார்கள் என்ற நோக்கில் துவங்கப்பட்ட இந்த உழவன் உணவகங்களில் சோளப் பணியாரம், ராகி களி, ராகி தோசை, கீரை இட்லி, அதிரசம்,காய்கறி பக்கோடா, உளுந்தங்கஞ்சி, சுண்டல், ஒப்பிட்டு, ஆட்டுகால் கிழங்கு சூப்பு, கீரை சூப்பு, எள்ளுரண்டை, புட்டு மாவு, ஐஸ்கிரீம் ( கொய்யா, சப்போட்டா,மா ) என பல்வேறு இயற்கையான கிராம உணவு வகைகளை தங்களது விளைபொருட்களை கொண்டு தாங்களே மேற்கண்ட உணவு வகைகளை தயாரித்து விற்பனை செய்தனர்.

காலை நேரத்தில் காய்கறிகள், பால் வகைகள், நாட்டுக் கோழி என விற்பனை நடைபெறும் உழவர் சந்தை காலை 11 மணியுடன் முடிவடைந்து விடும். அதன்பிறகு சும்மா கிடந்த உழவர் சந்தையில் மாலை 4 மணி முதல் இரவு 9 மணி வரை உழவன் உணவகம் நடைபெற சகாயம் ஏற்பாடு செய்திருந்தார்.

நாமக்கல், திருச்செங்கோடு உழவன் உணவகத்தில் ஆரம்பிக்கப்பட்டு ஓர் ஆண்டு முடிவதற்குள்ளாக ரூ.1.5 கோடி ரூபாய் உணவு பொருட்கள் மட்டும் விற்பனை செய்யப்பட்டு சாதனை புரியப்பட்டுள்ளது. இதன் மூலம் விவசாயிகளும் நல்ல பலனடைந்துள்ளனர். உழவன் உணவகத்தில் உணவுப் பொருட்களை விற்பனை செய்து கிடைத்த லாபத்தில் சில விவசாயிகள் கார் வாங்கி உள்ளனர் என்பது குறிப்பிடத்தக்கது.

உழவன் உணவகத்தில் விற்கப்படும் உணவுப் பொருட்கள் எந்த விதமான ரசாயண கலப்பின்றி இயற்கையான முறையில் தயாரிக்கப்படுவதால் பொதுமக்களிடம் நல்ல வரவேற்பு இருந்தது.

ஒரு நாட்டின் வளர்ச்சி கிராமத்தில் தான் உள்ளது என்றார் காந்தி. இதையே தனது தாரகமந்திரமாக கொண்டுள்ள சகாயம் உலகமயமாக்கல் காரணமாக வெறிச்சோடும் கிராமங்களுக்கு புத்துயிர் கொடுக்க, விவசாய தொழிலாளர்கள் வாழ்வாதாரத்தை உயர்த்த பல்வேறு நடவடிக்கைகளை மேற்கொண்டு வந்தார்.

உழவன் உணவகம் நன்கு வளர்ச்சி கண்ட நிலையில் கலெக்டர் சகாயம் மாற்றப்பட்டார் .இதனால் உழவன் உணவகம் திட்டம் எடுப்பார் கைப்பிள்ளையாகிவிட்டது. உழவன் உணவகத்தில் பணியில் உள்ள அலுவலர்கள் விவசாயிகளுக்கு பல்வேறு இடையூறுகளை கொடுத்ததுடன், உணவுப் பொருட்கள் சரியில்லை என குற்றம்சாட்டி விவசாயிகளை நோகடித்தனர், உணவகத்திற்கு வரும் வாடிக்கையாளர்களுக்கு இருக்கை வசதி, குடிநீர் வசதிகள் செய்து தருவதில்லை , இரவு எட்டு மணி ஆனவுடன் விளக்குகளை அணைத்து விடுவதுடன், மெயின் கேட்டையும் அடைத்து விடுகின்றனர்.இதனால்.... தற்பொழுது திருச்செங்கோடு, நாமக்கல் உழவன் உணவகங்கள் மூடப்பட்டுவிட்டன.

விவசாயிகளின் வாழ்வாதாரம் உயரவேண்டும், வெயிலிலும், மழையிலும் உடலை வருத்தி உழைக்கும் விவசாயி தன் விளை பொருளை ஒரு ரூபாய்க்கும், இரண்டு ரூபாய்க்கும் விற்கும் நிலையில் வாங்கும் தரகனோ பத்து ரூபாய்க்கும் இருபது ரூபாய்க்கும் விற்று கொள்ளை லாபம் அடைவதை தடுத்து. விவசாயியே அந்த லாபத்தை அடைய வேண்டும் என்ற கலெக்டர் சகாயத்தின் கனவு தவறா?