லியோ

இருள் இரவில் மட்டுமல்ல

noreply@blogger.com (leo) — Sun, 1 Nov 2026 01:02:11 -0700

(1)சிறுபுள்ளி இருதிசைகள் பரா வெளிச்சத்திலும் தெரிகிறது முகத்தில் படரும் துயரரேகைகள் ஓயா வெடிச்சத்தத்திலும் கேட்கிறது உன்குரல் " நாளை விடியாது " பிரிவு நிரந்திரமாயிற்று " வலி " கொதிக்கிறது அந்தரிக்கிற மனம் அந்த புள்ளியிலேயே குந்தியிருக்கிறது (2) அழியா நினைவுகளை பொக்கிசமாய் காவித்திரிபவன் சகாக்களை தொலைத்துவிட்டு பூமிக்கும் வானத்திற்குமிடையில் நடந்து திரிபவன் எழுதிமுடிக்கா கடிதங்களை மகாத்மாக்களுக்கு அனுப்பிவிட்டு பதிலுக்கு முகவரியற்று காத்திருப்பவன் (3) இரண்டாவது வாழ்க்கை இருப்பிற்கும் இழப்பிற்குமான வெளி இன்மையே பேசு பொருளாகிறது இடம்பெயர்வு என்பது இடர்பெயர்வது இல்லை இசையும் ஆறுதல் தருவதில்லை இதயம் இயந்திரமாகிறது இருள் இரவில் மட்டுமல்ல

எழுத்தாளர் மலரன்னை அவர்கள்

noreply@blogger.com (leo) — Mon, 26 Oct 2026 13:15:32 -0700

எழுத்தாளர் மலரன்னை அவர்கள் எழுதிய 275 ற்கும் மேற்பட்ட சிறுகதைகள் இதுவரை பிரசுரமாகியிருக்கிறது. இதில் முற்பத்தைந்திற்கும் மேற்பட்ட சிறுகதைகள் திறந்த போட்டிகளில் பரிசு பெற்றிருக்கின்றன. அதில் இருதடவைகள் சர்வதேச அளவில் நடைபெற்ற போட்டிகளில் பரிசு பெற்றிருக்கின்றன. இதுவரை 11 சிறுகதைத்தொகுதிகள் வெளியிடப்பட்டுள்ளன , இவற்றுள் 217 சிறுகதைகள் அடங்கியுள்ளது குறிப்பிடத்தக்கது. எழுத்தாளர் மலரன்னை அவர்கள் எழுதிய 40 ற்கும் மேற்பட்ட வானொலி நாடகங்கள் பெருவரவேற்புடன் ஒலிபரப்பாகியிருக்கிறது.இதில் பத்திற்கும் மேற்பட்ட வானொலி நாடகங்கள் திறந்த போட்டிகளில் பரிசு பெற்றிருக்கின்றன. அதில் இருதடவைகள் சர்வதேச அளவில் நடைபெற்ற போட்டிகளில் பரிசு பெற்றிருக்கின்றன. இதைவிட 43 அங்கங்களை கொண்ட " கனவுகள் நனவாகும் " என்ற ஒரு தொடர்நாடகமும் வானொலியில் ஒலிபரப்பாகி பெருவரவேற்பு பெற்றிருக்கிறது. இவர் எழுதிய முப்பத்தைந்திற்கும் மேற்பட்ட மாவீரர்களின் வரலாறுகள் உட்பட நூற்றுக்கும் மேற்பட்ட வானொலி நிகழ்ச்சிகள் தாயக வானொலியில் ஒலிபரப்பாகியிருக்கிறது.

வீழ்ந்து கிடப்பது

noreply@blogger.com (leo) — Sat, 3 Oct 2026 04:40:44 -0700

நிழல் தந்த மரம் ஒன்றை கெட்டித்தனமாய் வெட்டி வீழ்த்தினான் குருடன் யார் சொல்லும் கேட்கவில்லை செவிடன் நாளை மூச்சுவிட முக்குவான் "மஹாதெனமுத்தா" மூடன் வீழ்ந்து கிடப்பது பசுமை தந்த மரம் மட்டுமல்ல பறவைக்கூடுகள் மட்டுமல்ல பகுத்தறிவும்தான்

மலரவன்

noreply@blogger.com (leo) — Sun, 20 Sep 2026 07:10:50 -0700

ஒரு கையில் பேனா மறுகையில் துப்பாக்கி இரண்டிலுமே நீ சுமந்திருந்தது ஈழவிடுதலையை ! வார்த்தைகளால் நீ கோத்த கவிதைகள் யாவும் வெற்றுப் பாடல்கள் அல்ல காடுகளின் மடியில் கண்ணீரும் செந்நீரும் சிந்திய எம் மண்ணின் சாட்சியங்கள்! நீ எழுதிய 'போர் உலா' இன்னும் உலா வருகிறது விடுதலைப் பாதையின் கரடுமுரடான சுவடுகளை காலத்தின் நெஞ்சில் செதுக்கியபடி! இருபது வயதிலேயேஉன் ஆயுள் உதிர்ந்து போயிருக்கலாம் ஆனால் உன் பேனா சிந்திய மை மரணத்தை வென்று இன்றும் எரிகிறது எங்கள் விடியலின் தீபமாய்! மலரவன் என்ற பெயரோடு மண்ணில் வாழ்ந்த நீ மரணித்த பின்னும் மாசற்ற மாவீர வாசம்!

எழுத்தாளர் சு.ராஜசெல்வி

noreply@blogger.com (leo) — Mon, 15 Jun 2026 06:18:13 -0700

படத்திற்கான கவிதைப்போட்டியில் சு.ராஜசெல்வியின் சுமார் 280 கவிதைகள் ஈழநாதத்தில் (வெள்ளிநாதம் ) பிரசுரமாகியிருக்கிறது . அதில் 40 கவிதைகள் பரிசுக்குரியதாகவும் மிகுதி பாராட்டுக்குரிய கவிதைகளாகவும் பிரசுரமாகின. சு.ராஜசெல்வி, ரா.சுஜந்தன் , எஸ் ஆர் எஸ் , சு.செல்வி, எஸ்.ஆர்.செல்வி, எஸ்.ராஜி ஆகிய பெயர்களில் இவர் எழுதியிருக்கிறார்.இப்போட்டிகளில் பலதடவைகள் ஒன்றுக்கு மேற்பட்ட கவிதைகள் பிரசுரமாகியிருப்பது குறிப்பிடத்தக்கது. இவரது சிலகவிதைகள் வானொலியில் ஒலிபரப்பாயிருக்கிறது.இவர் நிகழ்வுகளிலும் கவிதை வாசித்திருக்கிறார். முகநூலுக்கூடான அகில உலக ரீதியான போட்டிகளில் கவிதைகளுக்காக, புகைப்படங்களுக்காக, சிறுகதைகளுக்காக ஐம்பதிற்கும் மேற்பட்ட வெற்றியாளர் சான்றிதழ்கள் பெற்றிருக்கிறார். இவரது முப்பது விஞ்ஞானக்கட்டுரைகள் போர்க்காலத்தில் கிளிநொச்சியில் வெளியான "விழி " மருத்துவ இதழ்களில் பிரசுரமாகியிருப்பது குறிப்பிடத்தக்கது. இவர் எழுதிய "கைவிளக்கு" என்ற சிறுவர் நூல் 2010 ஆம் ஆண்டு வெளியாகியிருந்தது. கொரோனா காலத்தையொட்டி "ஜீவநதி" இதழ் அகில உலக ரீதியாக நடாத்திய கவிதை போட்டியில் தெரிவான கவிதைகளின் கவிதைத்தொகுதியிலும் இவரது கவிதை இடம்பெற்றிருக்கிறது. " தடாகம்" அமைப்பு 2018 ஆம் ஆண் டு உலகம் தழுவிய ரீதியில் 2018 ஆம் ஆண்டு நடாத்திய கவிதைப்போட்டியில் மூன்றாம் இடத்தை பெற்று "கவின்கலை" பட்டத்தையும் பெற்றார். பாடசாலை வாத்திய அணியில் melodica வாத்தியத்தை வாசிப்பவராக இருந்திருக்கிறார்.1998 ஆம் ஆண்டு கிளிநொச்சி புனித திரேசா பெண்கள் கல்லூரியின் "வளர்பிறை" கையெழுத்துச் சஞ்சிகை வடகிழக்கு மாகாணத்தில் பாடசாலை சஞ்சிகைகளுக்கான பிரிவில் இரண்டாம் இடத்தை பெற்றது, இவர் அச்சஞ்சிகையின் ஆசிரிய ஆலோசகருக்கான சான்றிதழை கல்வித்திணைக்களத்திடமிருந்து பெற்றார்.இவர் ஒளிப்படங்கள் எடுப்பதிலும் ஆர்வமுள்ளவர். svartsol12.blogspot.com என்ற வலையிணையத்தில் நோர்வேஜிய மொழியிலும் கட்டுரைகளை எழுதியிருக்கிறார். தாய்நாட்டை விட்டு புலம்பெயர்ந்த பின் தமிழ்பாடசாலையொன்றின் ஆசிரியர்களில் ஒருவராக கடந்த பதினைந்து ஆண்டுகளுக்கு மேலாக பணியாற்றிவருகிறார்.

துடைத்துவிடும் கைகள் இன்று இல்லை

noreply@blogger.com (leo) — Sun, 14 Jun 2026 04:08:05 -0700

கண்ணீர் விடுகையில் துடைத்துவிடும் கைகள் இன்று இல்லை என்பது கண்களுக்கு தெரிவதில்லை

ஒப்பாரி தான் வேறொன்றுமில்லை

noreply@blogger.com (leo) — Sun, 14 Jun 2026 03:21:04 -0700

விடுதலை வேண்டிய மக்களை கொன்று குவிக்கும் குண்டுகளின் சத்தம் உலக மனச்சாட்சி செத்ததிற்கான ஒப்பாரி தான் வேறொன்றுமில்லை

எழுதாத என்கவிதை மாவீரர்களிடம் இருக்கிறது

noreply@blogger.com (leo) — Sat, 13 Jun 2026 22:37:38 -0700

எழுதி முடிக்கப்படவில்லை என் கவிதை - அதை நீ மட்டுமல்ல நானும் அறிவேன் இடைநடுவில் எழுந்துபோதல் என் முடிவல்ல நிரந்தரமில்லாதது யாவும்தான் மகளே! எழுதாத என்கவிதை மாவீரர்களிடம் இருக்கிறது

பிள்ளை பசித்து அழ

noreply@blogger.com (leo) — Sat, 6 Jun 2026 05:34:55 -0700

அப்பு ஆச்சி ஆசையோடு நட்ட தென்னைகள் சந்ததி பசிபோக்க தம் சத்தினை புதைத்த நிலம் சிக்கியிருக்கிறது சிங்கள ஆக்கிரமிப்புக்குள் பிள்ளை பசித்து அழ இளனியை கூட அவரிடம் விலைகொடுத்து வாங்குகிறோம்

"விழி " மருத்துவ மாத இதழ்

noreply@blogger.com (leo) — Sun, 31 May 2026 00:35:08 -0700

"விழி " மருத்துவ மாத இதழ் போர்ப்பிரதேசத்திற்குள் கிளிநொச்சியில் இருந்து வெளிவந்து கொண்டிருந்தது.2000 - 2008 ஆம் ஆண்டுவரை மாதம் தவறாது 95 இதழ்கள் வெளிவந்தன . இதன் ஆசிரியராகவும் ஸ்தாபராகவும் நான் இருந்தேன். பொருளாதாரத்தடைக்கிடையில் மாதம் 1350 பிரதிகள், விசேட இதழ்கள் 2000 பிரதிகள் வெளியாகியது ஒரு அதிசயம்தான்.

திரும்பிப்பார்க்கிறேன்

noreply@blogger.com (leo) — Wed, 27 May 2026 10:57:50 -0700

1996 ஆம் ஆண்டு நான்காம் மாத முடிவில் யாழ்ப்பாணத்திலிருந்து வன்னிக்கு வந்தேன். 2009 ஆம் ஆண்டு மேமாதம் 17 ஆம் திகதிவரை தமிழர்களின் கட்டுப்பாட்டு பிரதேசத்தில் வாழ்ந்தேன். இக்காலப்பகுதிற்குள் இருபத்தைந்திற்கும் மேற்பட்ட சத்திரசிகிச்சை கூடங்களில் பணிபுரிந்திருக்கிறேன். பெரும்பாலான சத்திரசிகிச்சைகூடங்கள் casualty theatres தான், சத்திரசிகிச்சையாளனாகவும் , சத்திரசிகிச்சைகூட அணிகளைை வழிநடத்துபவனாகவும் , சிகிச்சையாளர்களை உருவாக்கவும் பங்களித்திருக்கிறேன். எங்களால் உருவாக்கப்பட்டவர்கள் முள்ளிவாய்க்கால் இறுதிக்கணம்வரை மட்டும்மல்ல , தாயகமெங்கும் அளப்பரிய பணி செய்திருக்கிறார்கள். சம காலத்திலேயே ஒன்றுக்கு மேற்பட்ட சத்திரசிகிச்சைகூட அணிகளையும் வழிநடத்தியிருக்கிறேன்.

கல் எறிபவர்கள்

noreply@blogger.com (leo) — Sat, 25 Apr 2026 22:51:00 -0700

குளத்தில் கல் எறிபவர்கள் இருக்கத்தான் செய்வார்கள் காய்த்த மாமரத்திற்கு கல் எறிபவர்களை போல

noreply@blogger.com (leo) — Fri, 24 Apr 2026 23:02:43 -0700

"பாதுகாப்பு வலயம்" பெயர்சூட்டி சிங்களம் பொழிந்தது ஷெல்மழையை உயிர்காக்க ஓடிச்சென்றோம் சிதறிய தசைகளையும் குஞ்சு குருமனின் கைகால்களையும் பதுங்ககழியில் இட்டு மூடினோம் சிவந்திருந்தது மண் நூலிழையில் தொங்கிக்கொண்டிருந்தது என் இதயம்

தொலைந்து போயிருக்கிறது ஒரு சொல் " ஈவிரக்கம்"

noreply@blogger.com (leo) — Mon, 6 Apr 2026 04:49:00 -0700

இரைகிறது வானம் வெடிக்கிறது குண்டு பறக்கின்றன தசைகள் சிவக்கிறது நிலம் தொலைந்து போயிருக்கிறது ஒரு சொல் " ஈவிரக்கம்"

இறுதிப்போர் சாட்சி

noreply@blogger.com (leo) — Sun, 29 Mar 2026 00:08:00 -0700

முள்ளிவாய்க்காலில் இறுதிப்போர் முடிந்ததும் ஸ்ரீலங்கா அரசாங்கம் தான் செய்த இனப்படுகொலையை மூடிமறைக்க முழுமுயற்சி எடுத்தது. இந்தக்காலத்தில்த்தான் நான் புலம்பெயர்ந்தேன். இறுதிப்போரில் நடைபெற்ற விடயங்களை உலகிற்கு தெரியப்படுத்த என்னால் முயன்றதை செய்தேன். எனக்கு அது ஒரு கடினகாலம். உலக மனிதயுரிமை அமைப்புகளோடு உரையாடவேண்டிவந்தது. நடந்த சோகங்களை மீள்நினைவூட்டவேண்டியிருந்தது. அவர்களோடான ஒவ்வொரு சந்திப்புகளுக்கு பின்னும் மனநிலையில் மேலும் சோர்ந்து போவேன். நித்திரையில்லா நாட்கள் அவை. 2012 ஆம் ஆண்டுடன் அந்த கடமை நிறைவுற்றதாக உணர்ந்து அதிலிருந்து வெளியேவந்தேன்.

noreply@blogger.com (leo) — Sun, 15 Mar 2026 09:16:19 -0700

வாழ் நிழலில் நெருப்பேறி தோப்பு சாம்பலாயிற்று பறவைகளோடு வானும் நிலமும் காற்றும் ஒரே நிறமாயிற்று ஓய்ந்தபின் எழுதப்பட்டிருந்தது " சமாதானம்"

Sujanthan Kasilingam

noreply@blogger.com (leo) — Fri, 13 Mar 2026 15:47:00 -0700

மலேரியா அற்ற பிரதேசம்

noreply@blogger.com (leo) — Fri, 6 Feb 2026 12:05:04 -0800

1996 ஆம் ஆண்டு யாழ்ப்பாணம் ஸ்ரீலங்கா இராணுவத்தின் கட்டுப்பாட்டுக்குள் வந்துவிட்டது. கிளிநொச்சி , முல்லைத்தீவு மாவட்டம் உள்ளீடாக புலிகளின் கட்டுப்பாட்டுப்பகுதிற்குள் மலேரியா நோயின் தாக்கம் வெகுவாக அதிகரித்தது , 1998 ஆம் ஆண்டு புள்ளிவிபரங்களின் படி ஒட்டுமொத்த இலங்கையின் மலேரியா நோயாளர்களில் கிளிநொச்சி, முல்லைத்தீவு மாவட்டத்தின் தொகை அதில் எழுபது வீதமாக இருந்தது. சிறுவர்,கர்ப்பிணிகள் உள்ளீடாய் நூற்றுக்கணக்கானவர்கள் அந்த வருடம் எமது பகுதிற்குள் இறந்திருந்தார்கள். அந்த நேரத்தில்த்தான் கிளிநொச்சி, முல்லைத்தீவு மாவட்ட மலேரியா தடுப்பு அதிகாரியாக நான் பொறுப்பெடுத்தேன். அந்த நேரம் கிளிநொச்சி , முல்லைத்தீவு பிராந்திய சுகாதாரப்பணிப்பாளராக இருந்த DR சிவகுரு ஐயாவுடனான முதலாவது சந்திப்பு இப்போதும் நினைவிருக்கிறது. நான் கேட்டேன் எப்படி மலேரியா நோயினை எமது பிரதேசத்திலிருந்து இல்லாமல் ஆக்கலாம்? அவர் சொன்னார் " மலேரியாவை இந்த பிரதேசத்தில் இருந்து இல்லாமல் ஆக்க முடியாது, உலக சுகாதார ஸ்தாபனத்தால் இந்த பிரதேசத்தில் இருந்து மலேரியாவை அகற்றமுடியாது என பிகடனப்படுத்தப்பட்டுள்ளது, முயற்சி செய்தால் கட்டுப்படுத்தலாம் ". நான் சந்திப்பை முடித்து நேரடியாக மலேரியா தடுப்பு காரியாலயம் சென்றேன். காரியாலய நிர்வாக கடமையாற்றிய எங்களின் சிவகுரு ஐயாவை சந்தித்தேன்.எமக்கு தேவையான ஆளணியில் பத்து வீதம் கூட இல்லை, பொருளாதார மருந்து தடை வேறு . இருப்பவர்களை நாளையே கூப்பிடுங்கள். ஐந்து வருடத்தில் எமது கட்டுப்பாட்டு பிரதேசத்தை மலேரியா அற்ற பிரதேசம் ஆக்கினோம். உண்மையில் இலங்கையில் முதலில் மலேரியாவை இல்லாமல் ஆக்கியது நாங்கள்தான். அதற்கு பல வருடங்களுக்கு பிறகே இலங்கை மலேரியா அற்ற நாடாகியது.

noreply@blogger.com (leo) — Fri, 26 Dec 2025 01:11:15 -0800

நான் வாழ்ந்த சூழல் எனக்கு கலைத்துவமான பரிச்சியத்தை தந்தது உண்மைதான் இருந்தாலும் எழுபதுகளில் சுதந்திரன் வாரப்பத்திரிகையின் தாக்கமும் எனக்குள் ஒரு இலக்கிய தாகத்தையும் உருவாக்கியது.1977 ஆம் ஆண்டு தமிழ் சிங்கள இனக்கலவரம் என்ற பெயரில் இலங்கை அரசால் தமிழ்மக்கள் மீது நடாத்தப்பட்ட அராஜகம் எனக்குள்ளும் தாக்கத்தை செலுத்தியது. அப்பொழுது "வேதனை சோதனை சாதனை" என்ற தலையங்கத்தில் ஒரு நீள் கட்டுரையை எழுதினேன். அது பாடசாலையிலும் வெளியிலும் ஒரு சுற்றுவட்ட வாசிப்பிற்கு வரவேற்புடன் போய்வந்து. பின்பு இப்படி கட்டுரைகளை இடைக்கிடை எழுதுவது என்னை சமநிலைப்பத்தியது ஆனால் இவை அச்சாகியிருக்கவில்லை. என்னால் எழுத முடியும் என்ற நம்பிக்கையை தந்தது. "ஓ எங்கள் அருணன் " என்ற கட்டுரை திலீபனுக்கு பிடித்திருந்தது.

ஒரு படைப்பாளியாய் தோற்றுப்போகிறேன்.

noreply@blogger.com (leo) — Sun, 14 Dec 2025 08:09:02 -0800

1998 ஆம் ஆண்டு எமது பொறுப்பாளராகவும் இருந்த சு ப தமிழ்செல்வன் அவர்களின் திருமணம் மிக எளிமையாக நடைபெற்றது.எமது மருத்துவ அணியினர் கிளிநொச்சி தென்னியன்குள காட்டுப்பகுதியில் அமைந்திருந்த மருத்துவமுகாமொன்றில் தம்பதியினரிற்கான சிறு வரவேற்பு ஒன்றினை ஒழுங்கு செய்திருந்தோம். அந்த நிகழ்வில் சகோதர நண்பன் சத்தியா நாங்கள் தம்பதியினருக்கு வழங்கவிருந்த வாழ்த்துமடலில் இருந்த கவிதையை தனக்கேயுரிய பாணியில் அமோக வரவேற்புடன் வாசித்தான்.கவிதையை வாசித்து முடித்தவுடன் என் அருகில் அமர்ந்திருந்த தமிழ்ச்செல்வன் நீங்கள்தான் இந்த கவிதையை எழுதியது என்று சிரித்தபடி சொன்னார். 2007 ஆம் ஆண்டு நவம்பர் மாதம் எங்கள் தமிழ்செல்வன் எங்களைவிட்டு நிரந்தரமாக பிரிந்தார். அடுத்தநாள் ஈழநாதம் தினசரியில் மருத்துவப்பிரிவு சார்பாக எனது பாடல்வடிவ துயர் கவிதை வெளிவந்தது. ஒரு படைப்பாளி மகிழ்விற்கும் துயருக்கும் எழுதவேண்டியிருக்கிறது. பத்மலோஜினி அக்கா (Dr அன்ரி ) அவர்களுக்கு திருமணம் முற்றாகியதை அறிந்து அவருக்கு ஒரு கவிதை எழுதி அனுப்பினேன். அந்த கவிதையை மதி அக்காவிற்கும் காட்டியதாய் மதி அக்கா பிறிதொரு சந்தர்ப்பத்தில் சொன்னார். முள்ளிவாய்க்காலில் நானும் பத்மலோஜினி அக்காவும் ஒன்றாக கடமையில் இருந்தோம் , அப்போது அக்கா சொன்னார் அந்தக்கவிதையை பத்திரமாக வைத்திருக்கிறேன். அவ்வளவு இடப்பெயர்வுகளுக்கு பிறகும் அக்கவிதையை பத்திரப்படுத்தியதாய் சொன்னது ஒரு படைப்பாளியாய் அந்நேரத்திலும் இனித்தது. இப்பொழுதெல்லாம் ஒன்றாக வாழ்ந்தவர் பற்றி சிறுகுறிப்பாவது எழுத முனைந்தும் முடியாமல் எழுந்துபோவது வழக்கமாகி போயிற்று. ஒரு படைப்பாளியாய் தோற்றுப்போகிறேன்.

noreply@blogger.com (leo) — Sun, 17 Aug 2025 05:34:00 -0700

ஒரு இளவலின் முகப்பருபோல புல்நுனியில் ஒரு பனித்துளி எங்கிருந்தோ வந்து வீழும் மழைத்துளி தாய்நிலத்தில் எழும் மண்வாசம் தொழிலாளியின் வியர்வைத்துளி காயமுன் கொடுத்துவிடு கூலி காய்ந்த பின்னும் வலிக்கும் முள்ளிவாய்க்கால் கண்ணீர்த்துளி

noreply@blogger.com (leo) — Sat, 2 Aug 2025 01:17:00 -0700

மனதில் அவர் இருப்பார் அண்ணனாய் ஆலோசகனாய் என்றும் இதைவிட என்னிடம் எந்த வார்த்தைகளுமில்லை

noreply@blogger.com (leo) — Mon, 14 Jul 2025 23:14:00 -0700

போர்ச்சூழல் , அதற்குள் மக்களை தொற்று நோய்களிலிருந்து காப்பாற்றுவது மக்களின் சுகாதார போசாக்கு நிலையை மேம்படுத்துவதற்காக பல வேலைத்திட்டங்களை நாளும் மேற்கொண்டிருந்தோம். ஒவ்வொருநாள் வேலைத்திட்டங்களுக்கு பின்னும் புதுப்புதுச் செய்திகளை விழிப்புணர்வினை தாயக ஊடங்கங்களுக்கு அனுப்பிவிட்டுத்தான் அடுத்த கடமையிற்கு சென்றேன். அந்தக்காலங்களில் குறைந்தது இரண்டு அல்லது மூன்று எனது செய்தியாக்கம் தாயக ஊடங்கங்களில் நாளும் வந்துகொண்டிருந்தன.

noreply@blogger.com (leo) — Mon, 14 Jul 2025 22:29:00 -0700

திசையற்று பறக்கிறது கனவுகள் தொலைத்த பறவை சிறகடிக்கும் ஒலி ஒப்பாரியாகிறது சனநெரிசல் பாதைகள் நீங்கள் இல்லை மனசு வெறிச்சோடுகிறது இருள் கவ்விய இதயம் வெயில் சுடுகிறது எதுவும் நடக்கவில்லை

நாங்கள் சுவாசிக்கும் காற்று

noreply@blogger.com (leo) — Fri, 20 Jun 2025 01:38:00 -0700

வயல்கரையில் வியர்வை உலர்த்திய காற்றும் கடற்கரையில் வெக்கையை தனித்த காற்றும் கிபீர் இரைச்சலோடு வந்து முகத்தில் அறைந்த காற்றும் குழந்தையிற்கு பால்மா வாங்கமுடியா தாயின் ஏக்க மூச்சும் பட்டம் ஏறும் காற்றும் புல்லாங்குழல் துளையினூடு வெளிவரும் இசைக்காற்றும் மனிதர்கள் விலங்குகளின் இறுதி மூச்சும் மகளே ! நாங்கள் சுவாசிக்கும் இக்காற்றே !! காற்றுக்கு வேலியில்லை, பேதமில்லை நாடுமில்லை, பகையுமில்லைே