NETRA PRASAD RIJAL

आजको राशिफल २०७९ अशोज ३० गते आइतबार, हेर्नुहोस् यी राशीहरुको भाग्य चम्किनेछ

2022-10-16T08:11:00.004+05:45

२०७९-०६-३० गतेको राशिफल

मेष Aries = चु, चे, चो, ला, लि, लु, ले, लो, अ

साथीभाईसंग भेट हुँदा मन प्रसन्न रहनेछ । ब्यापार ब्यबसायमा प्रसस्त लाभ मिल्नेछ । पारिवारिक सम्बन्धमा सुधार आउनेछ ।

वृष Taurus = इ, उ, ए, ओ, बा, बि, बु, बे, बो

टाढाको यात्रा गर्ने मौका छ । दिगो फाइदा हुने काममा लगानी बढाउन सकिनेछ । पतिपत्नीबीच घरसल्लाह भने नमिल्न सक्छ ।

मिथुन Gemini = का, कि, कु, घ, ङ, छ, के, को, ह

व्यापार ब्यबसायमा प्रशस्त फाइदा हुने योग रहेकोछ । दाम, नाम, इनाम हात पर्ने बेला छ । श्रमको उचित मूल्यांकन हुनेछ । पढाइमा पनि प्रगति हुने समय छ ।

कर्कट Cancer = हि, हु, हे, हो, डा, डि, डु, डे, डो

सोचेको भन्दा आम्दानी बढ्ने देखिन्छ । परिवारको सहयोग मिल्नेछ । नयाँ ज्ञान प्राप्त हुने योग छ । ब्यापार ब्यबसायबाट लाभ मिल्नेछ ।

सिंह Leo = मा, मि, मु, मे, मो, टा, टि, टु, टे

नयाँ काम गर्ने अवसर मिल्नेछ । सामाजिक मानसम्मान र प्रतिष्ठा बढ्नेछ । जागिरमा पदोन्नति हुनेछ । राजनीतिमा आफ्नो बर्चस्व बढाउन सकिनेछ ।

कन्या Virgo = टो, प, पि, पु, ष, ण, ठ, पे, पो

परोपकारी काममा रुची बढ्नेछ । सामाजिक उत्तरदायित्व वहन गर्दै फाइदा हुने काम र जिम्मेवारी हात पार्ने मौका छ। साथीभाईसंग रमाइलोमा समय बित्नेछ ।

तुला Libra = र, रि, रु, रे, रो, ता, ति, तु, ते

सहयोगीहरूले काममा साथ दिनेछन । आँटेका काम पनि सजिलै बन्नेछन । कामका लागि गरिएको भ्रमणमा समय मात्र बित्नेछ ।

वृश्चिक Scorpio = तो, ना, नि, नु, ने, नो, या, यि, यु

ब्यापार ब्यबसायबाट प्रसस्त लाभ मिल्नेछ । आर्थिक लाभ नहुने कामको जिम्मेवारी वहन गर्नुपर्ला । पढाइ लेखाइमा प्रगति हुनेछ ।

धनु Sagittarius = ये, यो, भ, भि, भु, ध, फा, ढ, भे

रोकिएका अधुरा कामहरु सुचारु हुनेछन । धेरैले तपाईंका कामको तारिफ गर्नेछन । लामो समयपछि साथीभाईसंग भेट हुँदा मन प्रसन्न रहनेछ ।

मकर Capricorn = भो, ज, जि, खि, खु, खे, खो, गा, गि

समाजमा मानसम्मान र प्रतिष्ठा कमाउने बेला छ । स्वास्थ्यमा सुधार आउनेछ । धार्मिक काममा व्यस्त रहनुपर्नेछ । रमाइलोमा समय बित्नेछ ।

कुम्भ Aquarius = गु, गे, गो, सा, सि, सु, से, सो, द

सुखदुखमा साथ दिनेहरू प्रशस्तै भेटिनेछन । आफन्तको सहयोगले महत्वपूर्ण कामहरु सफल हुनेछन । परिवारजनको साथले नयाँ आशा पलाउनेछ ।

मीन Pisces = दि, दु, थ, झ, ञ, दे, दो, च, चि

सोचेको आटेको कामहरु बन्नेछन । व्यवसायमा थप लगानी बढाउन सकिनेछ । वैदेशिक कामकाजमा फाइदा होला । मनको डर उत्साहमा बदलिने छ।

.com.np Domain Registration Cover Letter

2022-09-21T08:06:00.002+05:45

Test

Full Name:		Email:
Mobile:		Domain Name:

डिजिटल सुरक्षा: नेपालमा अनलाइन ठगी बढ्दो क्रममा, यी कुरामा ध्यान दिँदा जोगिन सकिन्छ

2022-09-10T15:29:00.000+05:45

नेपालको ब्याङ्किङ प्रणाली डिजिटल माध्यमतर्फ रूपान्तरण हुँदै गर्दा प्रविधिको प्रयोग गरी हुने ठगीका घटनाहरू बढ्न थालेको बताइएको छ।

प्रविधिको पहुँच बढ्दै गएको भए पनि ब्याङ्किङ कारोबार अनि गोपनीयताजस्ता विषयबारे धेरै सर्वसाधारण जानकार नहुँदा ठगी गर्नेहरूको सङ्ख्या व्यापक बढेको अधिकारीहरू बताउँछन्।
चिट्ठा परेको भन्दै सर्वसाधारणहरूको गोप्य विवरणहरू प्राप्त गर्ने र त्यसको दुरुपयोग गर्दै सम्बन्धित व्यक्तिको खाताबाट रकम हिनामिना गर्ने घटनाहरू धेरै भएको उनीहरूको भनाइ छ।
यस्ता ठगीबाट सबैभन्दा बढी प्रविधिबारे कम जानकार नागरिकहरू पीडित हुने देखिएको छ।
पक्राउ परेका चिनियाँहरूलाई चीन पठाउन जटिल
ह्याक गर्ने धम्कीपछि ब्याङ्किङ प्रणालीमा ‘उच्च सुरक्षा सतर्कता’
प्रहरीका अनुसार यस्ता ठगीका घटनाबारे उजुरी गर्नेहरूको सङ्ख्या बढ्दो छ।
तर पहिचान गर्न गाह्रो पर्ने माध्यम अनि स्थानमा आधारित रहेर यस्ता कार्यहरू गरिने हुँदा सर्वसाधारण नै सजग नहुँदासम्म यस्ता घटना कम नहुने उनीहरूको भनाइ छ।
महानगरीय अपराध अनुसन्धान महाशाखाका अनुसार प्रत्येक महिना ७० देखि ८० वटा यस्ता ठगीका उजुरीहरू आउने गरेका छन्।
''प्रविधिमा पहुँच वृद्धि भएसँगै ठगीका सङ्ख्यामा पनि वृद्धि भएको छ,'' महाशाखाका सूचना अधिकारी एसपी कृष्ण कोइरालाले भने।
प्रलोभन देखाएर ठगी
अनलाइनमार्फत ठगी खासगरी प्रलोभन देखाएर गर्ने गरिन्छ।
कुनै व्यक्तिले ब्याङ्क वा कुनै वित्तीय सेवा प्रदायकको परिचय दिएर फोन गर्ने र विवरणहरू माग्ने पनि गर्छन्।
खातावाला व्यक्तिले त्यसमा शङ्का नगरी उपहार पाउने प्रलोभनमा आफ्नो गोप्य विवरणहरू दिने गरेको प्रहरीले बताएको छ।
यसमा खासगरी एटिएम कार्डसम्बन्धी विवरण, खाता नम्बर अनि अनलाइनमार्फत कारोबार गर्दा ब्याङ्कले उपलब्ध गराउने 'वान टाइम पासवर्ड' ओटीपी नम्बर ठगहरूले माग्छन्।
यीमध्ये कुनै एक विवरण र मोबाइल नम्बरमा प्राप्त हुने ओटीपीको प्रयोग गरेर व्यक्ति वा संस्थाले प्रयोग गर्ने खातामा ठग प्रवेश गर्न सक्छन् र आफू अनुकूल रकम हिनामिना गर्न सक्ने जानकारहरू बताउँछन्।
फेसबुक जस्ता सञ्जालका प्राविधिक त्रुटि पत्ता लगाउँदै, पैसा कमाउँदै...
विश्वभरका कम्पनी साइबर हमलाको मारमा
विद्युतीय माध्यमबाट पैसा चोर्ने बाहेक खाता नै दुरुपयोग भएका घटनाहरू समेत देखिएको कोइराला बताउँछन्।
''आफ्नो खाता दुरुपयोग भएको विषयबारे कतिपय मानिसहरू नै अनभिज्ञ हुन्छन्,'' उनले भने।
''कहिँ कसैलाई विदेश जान भनेर दिएको पैसा फिर्ता गरिदिएँ है तिम्रो खातामा भनिएको हुन्छ। तर त्यस्तो ठगिएको पैसा अर्कै खातामा जम्मा गरिन्छ।''
कतिपयले सामाजिक सञ्जालबाट भएको चिनाजानकै आधारमा आफ्नो नाममा ब्याङ्कमा खाता खोली एटीएम निकालेर भारतमा पठाइदिएको घटनासम्म देखिएको प्रहरीको भनाइ छ। ''कुराकानी हुँदै गयो। विश्वासको वातावरण बन्यो। ठग्ने मान्छेले कुनै कथा सुनायो ... मलाई यस्तो गर्नका लागि एउटा पैसा नभएको खाता र एटीएम चाहिएको छ भन्यो। विश्वास जितेपछि त खाता खोलेर एटिएम कुरीअर गरिदिने। अब नेपालको एटिएम त भारतमा पनि चल्छ। यसरी पनि दुरुपयोग भएको छ,'' कोइरालाले भने।
कतिपयले विश्वासकै आधारमा ठगी गरेर आर्जन गरेको रकम अरूकै खाताबाट चेक काट्न लगाएर भुक्तानी समेत लिएको पाइएको छ।
''मेरो व्यापारको पैसा नेपालमा फसेको थियो, उठ्दै छ। तपाईँको खातामा पैसा आउँछ अनि त्यो मेरो मानिसलाई दिनुहोला भनेर भनेको आधारमा चेक काट्दै दिएको पनि पाइएको छ,'' कोइरालाले भने।
पछि खातामा पैसा जम्मा गर्ने व्यक्तिले कसैगरी खातावाला व्यक्तिको पहिचान गरेर पैसा फिर्ता मागेपछि मात्रै यो घटनाबारे प्रहरीमा उजुरी परेको थियो।
यसरी गरिएको दुरुपयोगमा ५० देखि ६० लाखसम्म ठगी भएको पाइएको प्रहरी भनाइ छ।
‘साइबर आक्रमणको नयाँ गन्तव्य बन्दै नेपाल’
सबैभन्दा चतुर कम्प्युटर ह्याकर समूह इन्टरनेटबाट किन हरायो?
त्यस्तै हालसालै अर्को एउटा घटना प्रहरीकहाँ उजुरी आयो।
पीडितको म्यासेन्सजरमा क्यानडाको एक कम्पनीमा महिनाको १५०,००० तलब भन्ने सन्देश आयो।
सन्देश प्राप्त गर्ने व्यक्तिलाई आफ्नै नाममा खाता खोल्न र खातामा पैसा जम्मा गर्न भनियो।
आफ्नै खातामा पैसा जम्मा गर्न सोच्नुपर्ने कुरै रहेन।
प्रक्रिया चल्दै जाँदा ती व्यक्तिले राम्रो कमाइको प्रलोभनमा पैसा जम्मा गरेको भौचर, नागरिकताको प्रतिलिपि, राहदानी र तस्बिर स्क्यान गरेर पठाइदिए।
ती सबै विवरणका आधारमा ठगले पैसा जम्मा गर्ने व्यक्तिको नाममा रहेको सिमकार्ड दूरसञ्चार कम्पनीबाट निकाले। उक्त घटनामा प्रहरीले केहीलाई पक्राउ त गर्‍यो तर यस्ता घटनाका पछाडि रहेका मुख्य पात्र भने फेला पर्न सकेनन्।
हालसम्मको प्रहरी अनुसन्धान अनुसार यस्ता ठगी गर्नेहरू प्रायजसो सीमापारी आधारित रहेको पाइएको कोइरालाको भनाइ छ।
यस्ता घटनाहरू बारे अनुसन्धान गर्दा एकाध घटना बाहेक प्रायजसो 'अपरेट' गर्ने मान्छे भारतमा बसेर गरेको पाइएको प्रहरी भनाइ छ।
प्रहरीका अनुसार यसरी ठगी गर्नेहरूले ह्वाटस्एपजस्ता पत्ता लगाउन गाह्रो हुने माध्यमबाट संवाद गर्ने गर्छन्। काम सकिएपछि ठगी गर्नेहरूले सामाजिक सञ्जाल खाताहरू पनि निष्क्रिय पार्ने गर्छन्।
प्रविधिको दुरुपयोग गरेर गरिने यस्ता ठगीका घटनाहरूमा एकै व्यक्तिबाट तुलनात्मक रूपमा ''ठूलो रकम भने असुली हुँदैन''।
महामारीका बेला सफ्टवेअरमा त्रुटि खोज्ने ह्याकरहरूले कमाए चार करोड डलर
६० करोड अमेरिकी डलर चोरी गर्ने क्रिप्टो ह्याकरलाई पुरस्कारको प्रस्ताव
अपराध अनुसन्धान महाशाखाका अनुसार ५० हजार देखि १५०,००० सम्मको ठगी यस्तो माध्यबाट हुन्छ।
तर फरकफरक व्यक्तिहरूलाई निसाना बनाइने हुँदा यस्तो रकम मासिक रूपमा डेढ करोडसम्म उठाइएको हुनसक्ने प्रहरीको अनुमान छ।
अनलाइनमार्फत हुने कारोबारको आकार तुलनात्मक रूपमा सानो हुने हुँदा पनि ठगी हुने रकम पनि सानै हुने वित्तीय संस्थाहरूको भनाइ छ।
तर खाताभित्र पस्ने आधार प्राप्त गरेपछि दुरुपयोग पटकपटक हुनसक्ने खतरा रहन्छ। नेपाल ब्याङ्कर्स एशोसिएसनका अध्यक्ष अनिलकुमार उपाध्याय डिजिटल प्रणालीमा रूपान्तरण हुँदै गर्दा प्रणालीको दुरुपयोग गरी ठगी गर्ने क्रम बढेको बताउँछन्।
यसमा खासगरी वित्तीय साक्षरताको अभाव प्रमुख कारक रहेको उनको भनाइ छ।
''प्रविधिमा बाठा मानिसहरूले कमजोर ठाउँमा आफ्नो सञ्जाल फैलाइरहेको अवस्था छ,'' उनले भने।
यस्ता घटनाहरू हुन नदिन वा कम गराउनका लागि आफूहरूले अभियान नै सञ्चालन गर्न लागेको उनी बताउँछन्।
सचेतना फैलाइने सन्देशहरू सञ्चारमाध्यमहरूबाट सम्प्रेषण गर्ने आफूहरूले तयारी थालिसकेको र स्थानीय तहसँगको सहकार्यमा अभियान चलाउनुपर्ने उनी बताउँछन्।
हाल कतिपय वित्तीय संस्थाहरूले आफ्नो सामाजिक सञ्जालबाट सर्वसाधारणहरूलाई आफ्ना गोप्य विवरणहरू अरूलाई नदिन सचेत गराउँदै आएका छन्।
सरकारले ल्याएको नयाँ एपबाट 'सूचना चुहिन सक्ने' विज्ञको चिन्ता
पासवर्ड अनुमान गरेरै 'डोनल्ड ट्रम्पको ट्विटर ह्याक'
उपाध्यायका अनुसार ठगीका यस्ता घटनाहरूबाट जोगिनका लागि गर्नै नहुने कार्य भनेको मोबाइल नम्बरमा प्राप्त हुने ओटीपी नम्बर तेस्रो व्यक्तिलाई नभन्ने हो।
प्रविधिमा अभ्यस्त व्यक्तिले ओटीपी प्राप्त गरे आफू अनुकूल प्रयोग गर्न सक्छन्।
''जान्ने व्यक्तिले त आफ्नो मोबाइलबाट समेत ओटीपी प्रयोग गरिदिन सक्छ,'' उनले भने।
सचेतनाको अभावमा यस्ता कार्यहरू हुने भए पनि प्रणालीको कमजोरी भन्दा पनि प्रणालीको दुरुपयोग खातावाला व्यक्तिलाई नै प्रयोग गरी अन्तिम रूप दिइने हुँदा वित्तीय संस्थाहरूले त्यसको दायित्व लिँदैनन्।
'पैसासँग जोडिएको कारोबार अरूसँग संवाद गर्नुहुँदैन,'' उपाध्यायले भने।
ओटीपीबाहेक उपहारको प्रलोभनमा खाता नम्बर, नागरिकता नम्बर, जन्ममिति, राहदानी नम्बर वा सवारी चालक अनुमतिपत्रको नम्बरजस्ता विवरण अरूलाई उपलब्ध गराउन नहुने उनी बताँउछन्।

साभार : BBC

कसरी रह्यो कम्प्युटर माउसको नाम ? यस्तो छ रोचक इतिहास

2022-09-10T15:28:00.002+05:45

बाह्य संसारमा कुनैपनि चिजलाई उठाउन वा कतै लैजानका लागि हातको प्रयोग गरिन्छ । तर कम्प्युटरको संसारमा भने यही कामका लागि माउसको प्रयोग हुन्छ ।

स्क्रिनमा कुनै पनि फाइललाई एक ठाउँबाट अर्को ठाउँमा लैजानका लागि वा कुनै पनि आइकनमा क्लिक गर्नका लागि हामीले माउसको सहयोग लिन्छौँ । यतिधेरै उपयोगी तथा कामकाजी तथा कम्प्युटरको महत्वपूर्ण डिभाइसको रुपमा रहेको यो चिजको नाम माउस अर्थात् मुसा किन राखियो होला भन्ने बारेमा के तपाइँले कहिल्यै सोँच्नुभएको छ ?

कहिले भयो माउसको आविष्कार ?

माउसको आविष्कार सन् १९६० को दशकमा डग्लस कार्ल एन्जेलबर्टले गरेका हुन् । माउसको आविष्कार हुने बेलामा यसको नाम प्वाइन्टर डिभाइस राखिएको थियो । अनौठो त के भने एन्जेलबर्टले संसारको पहिलो माउस काठबाट बनाएका थिए । साथै उक्त माउसमा धातुका दुईवटा पांग्राको प्रयोग गरिएको थियो ।

यसरी रह्यो माउसको नाम

माउसको आविष्कार भएसँगै यसको यसको नामाकरणको कुरा चल्यो । वास्तवमा माउसको डिजाइन तथा आकार प्रकार झ्वाट्ट हेर्दा बसिरहेको मुसाजस्तै देखिन्छ । साथै माउसको पछाडिबाट निस्कने तार वास्तवमा मुसाको पुच्छरजस्तै प्रतित हुन्छ । यद्यपि अहिले वायरलेस माउस आइसकेका छन् । जसरी मुसाले फुर्तिसाथ सबै काम गर्दछ उसैगरी माउसले पनि कम्प्युटरमा सारा काम गर्न सहयोग गर्दछ । त्यो सबै कुराको विश्लेषण पश्चात् उक्त प्वाइन्टिंग डिभाइसको नाम माउस राखियो ।

अर्को रोचक तथ्य

माउसको नाम माउस र प्वाइन्टिंग डिभाइसका अलावा अर्को पनि राखिएको छ, त्यो हो टर्टल । किनकी माउसको आकार एक प्रकारले कछुवाकै जस्तो पनि देखिन्छ र यसको बाहिर हिस्सा कछुवाको खपटो जत्तिकै बलियो पनि हुन्छ । तर कछुवाको गति निकै कम हुने भएकाले मुसा जस्तै छिटो हुने यो डिभाइसलाई टर्टल नभएर माउसकै नामबाट चिनियो ।

साभार : Online Khabar

तपाईंको कम्प्युटरमा विन्डोज ११ चल्छ कि चल्दैन ? यसरी थाहा पाउनुहोस्

2022-09-10T15:28:00.001+05:45

माइक्रोसफ्टले गत बिहीबार आफ्नो नयाँ संस्करणको विन्डोज अपरेटिङ सिस्टम विन्डोज ११ सार्वजनिक गर्‍यो । कम्पनीका अनुसार यो नयाँ अपरेटिङ सिस्टम विद्यमान विन्डोज १० कम्प्युटरमा नि:शुल्क रुपमा अपग्रेड गर्न सकिनेछ ।

यो अंग्रेजी वर्षको अन्त्यसम्ममा विन्डोज ११ आम प्रयोगकर्ताका लागि उपलब्ध हुने बताइएको छ । विन्डोज ११ अपरेटिङ सिस्टम चल्नका लागि कम्प्युटरमा निश्चित न्यूनतम हार्डवेयर हुनैपर्नेछ । अर्थात् विन्डोज ११ चल्नका लागि तपाईंको ल्यापटप तथा डेस्कटपमा ४ जिबीको र्याम, ६४ जिबीको स्टोरेज तथा ६४ बिटको प्रोसेसर चाहिन्छ ।

तपाईंको कम्प्युटरको प्रोसेसरको क्षमता कति हो तथा र्‍याम कति छ ? भन्ने तपाईंलाई थाहा छैन र विन्डोज ११ सपोर्ट गर्छ कि गर्दैन भन्ने पनि एकिन छैन भने तपाईंले यसरी थाहा पाउनु सक्नुहुन्छ :

आफ्नो कम्प्युटरको वेब ब्राउजरमा गएर https://www.microsoft.com/en-us/windows/windows-11 लगअन गर्नुहोस् । उक्त पेजमा स्क्रोल डाउन गरेर Check for Compatibility खण्डमा जानुहोस् ।

त्यहाँ गएर Download App बटनमा क्लिन गर्नुहोस् । त्यसपछि Windows PC Health Check सफ्टवेयर डाउनलोड हुन्छ ।

डाउनलोड भएको उक्त सफ्टवेयर इन्स्टल गर्नका लागि सेटअप मा क्लिक गरी स्क्रिनमा देखाइने निर्देशन बमोजिम हेल्थ चेक सेटअप सफ्टवेयर इन्स्टल पूरा गर्नुहोस् ।

इन्स्टलेसन पूरा भएसँगै Open Windows PC Health Check को Finish मा क्लिक गर्नुहोस् ।

उक्त सफ्टवेयरको पेजमा रहेको विन्डोज ११ ब्यानरको मुनि Check Now बटनमा क्लिक गर्नुहोस् । उक्त टूलले तपाईंको कम्प्युटरको सिस्टम हार्डवेयरलाई स्क्यान गरी तपाईंको ल्यापटप वा डेस्कटपले विन्डोज ११ सपोर्ट गर्दछ कि गर्दैन भन्ने बताउनेछ ।

साभार : Online Khabar

चिनियाँ वैज्ञानिकले बनाए सबैभन्दा शक्तिशाली क्वान्टम कम्प्युटर, गुगल भन्दा १० लाख गुणा तेज

2022-09-10T15:26:00.003+05:45

चिनियाँ वैज्ञानिकहरुले अहिलेसम्मकै सबैभन्दा तेज तथा आम प्रयोगका विभिन्न प्रोग्राम हाल्न मिल्ने क्वान्टम कम्प्युटरको विकास गरेका छन् ।

विद्यमान साधारण कम्प्युटरहरुद्वारा गर्न असम्भव हुने समस्याहरु यस क्वान्टम कम्प्युटरले समाधान गर्नसक्ने बताइएको छ । उक्त क्वान्टम कम्प्युटरको नाम जुचोंघी २.१ (Zuchongzhi 2.1) राखिएको छ । पाँचौ शताब्दीका चर्चित गणितज्ञको नामबाट यो कम्प्युटरको नामाकरण गरिएको हो ।

युनिभर्सिटी अफ साइन्स एण्ड टेक्नोलोजी चाइनाका पान जियानवेइको नेतृत्वको टिमले उक्त क्वान्टम कम्प्युटरको निर्माण गरेको हो । जियानबेइका अनुसार यो कम्प्युटर यसको सर्वाधिक निकट प्रतिस्पर्धीको रुपमा रहेको गुगलको साइकामोर क्वान्टम कम्प्युटर भन्दा १० लाख गुणा शक्तिशाली छ । साइकामोर हालसम्मको सबैभन्दा शक्तिशाली क्वान्टम कम्प्युटरको रुपमा रहेको थियो ।

क्वान्टम कम्प्युटरहरु सुपर एडभान्स्ड मेसिनहरु हुन् जुन विद्यमान परम्परागत कम्प्युटरमा हुने १ र ० को बाइनरी कोडभन्दा पर पुग्दछन् । क्वान्टम कम्प्युटरले ब्रम्हाण्डको सबैभन्दा सानो कणको विशेष गुणको उपयोग गर्दछन् जुन परम्परागत कम्प्युटरको १ तथा ० वा त्यसको बीचमा पनि हुन सक्दछ ।

क्वान्टम कणहरु निकै लचिलो हुन्छन् जसलाई क्यू बिट्स अर्थात् क्वान्टम बिट्स भनिन्छ । ती क्यू बिट्सहरु सुपर कम्प्युटरले पनि सँगै सञ्चालन गर्न सक्दछ ।

सुपर कम्प्युटिङ्गको क्षमतालाई अधिकतम तहमा विकास गर्नका लागि चिनियाँ वैज्ञानिकहरुले दुई भिन्न प्रणालीको निर्माण गरेका छन् । जसमा एउटा भनेको प्रकाशमा आधारित फोटोनिक क्वान्टम कम्प्युटर हो । दोश्रो चाहिँ सुपर कन्डक्टिङ्ग क्वान्टम कम्प्युटर हो जुन निकै कम तापक्रममा मात्र राम्रोसँग सञ्चालन हुन्छ ।

साभार : Online Khabar

जापानमा रिमोटबाट चल्ने बुलेट रेलको सफल परीक्षण गरिएको छ।

2022-09-10T15:25:00.003+05:45

काठमाडौं । जापानमा पहिलो पटक स्वचालित बुलेट रेलको परीक्षण गरिएको छ । बुधबार सञ्चारकर्मी र सर्वसाधारणको उपस्थितिमा इस्ट जापान रेलवे कम्पनीले चालकरहित बुलेट ट्रेनको परीक्षण गरेको हो । बुधबार बिहान इस्ट जापान रेलवे कम्पनीले चालकरहित बुलेट ट्रेनको परीक्षण गरेको द जापान टाइम्सले जनाएको छ । श्रमित अभावबीच भविष्यमा चालकरहित बुलेट ट्रेन बजार ल्याउने कम्पनीको योजनाबीच उक्त परीक्षण गरिएको हो । परीक्षणका क्रममा १२ वटा डिब्बा (कार) रहेको ई-७ बुलेट ट्रेनलाई अटोमेटिक मोडमा थिचेपछि आफै चलेको थियो । ट्रेनलाई टाढैबाट कन्ट्रोल सेन्टरमार्फत् रिमोटले चलाइएको थियो ।

निगाटा स्टेशनबाट प्रतिघण्टा ११० किलोमिटरको लक्षित गतिमा ५ किलोमिटर गुडेपछि स्वचालित बुलेट ट्रेन आफै रोकिएको थियो । जापानमा व्यवसायिक प्रयोजनका लागि चालकरहित बुलेट ट्रेनको परीक्षण गरिएको यो पहिलो पटक हो । परीक्षणका क्रममा संभावित आपतकालीन अवस्थाको सामना गर्न भन्दै चालकसहित कैयौं कर्मचारी स्वचालित बुलेट ट्रेनभित्रै बसेका थिए ।

साभार : OnlineKhabar

Damaha Baja Banphikot Rukum(West)...चर्चित दमाहा बाजा रुकुम (पश्चिम)।

2022-09-10T14:37:00.006+05:45

Damaha Baja Banphikot Rukum(West)...चर्चित दमाहा बाजा रुकुम (पश्चिम)।

बाँफिकोट गाउँपालिका वडा नं. ५, बडागाउँमा तिहारमा गरिएको रमाइलो।

Introduction of JAVA Programming Language.

2022-09-09T16:06:00.008+05:45

JAVA was developed by James Gosling at Sun Microsystems Inc in the year 1995, later acquired by Oracle Corporation. It is a simple programming language. Java makes writing, compiling, and debugging programming easy. It helps to create reusable code and modular programs. Java is a class-based, object-oriented programming language and is designed to have as few implementation dependencies as possible. A general-purpose programming language made for developers to write once run anywhere that is compiled Java code can run on all platforms that support Java. Java applications are compiled to byte code that can run on any Java Virtual Machine. The syntax of Java is similar to c/c++.

History: Java’s history is very interesting. It is a programming language created in 1991. James Gosling, Mike Sheridan, and Patrick Naughton, a team of Sun engineers known as the Green team initiated the Java language in 1991. Sun Microsystems released its first public implementation in 1996 as Java 1.0. It provides no-cost -run-times on popular platforms. Java1.0 compiler was re-written in Java by Arthur Van Hoff to strictly comply with its specifications. With the arrival of Java 2, new versions had multiple configurations built for different types of platforms.

In 1997, Sun Microsystems approached the ISO standards body and later formalized Java, but it soon withdrew from the process. At one time, Sun made most of its Java implementations available without charge, despite their proprietary software status. Sun generated revenue from Java through the selling of licenses for specialized products such as the Java Enterprise System.

On November 13, 2006, Sun released much of its Java virtual machine as free, open-source software. On May 8, 2007, Sun finished the process, making all of its JVM’s core code available under open-source distribution terms.

The principles for creating java were simple, robust, secured, high performance, portable, multi-threaded, interpreted, dynamic, etc. In 1995 Java was developed by James Gosling, who is known as the Father of Java. Currently, Java is used in mobile devices, internet programming, games, e-business, etc.

Java programming language is named JAVA. Why?

After the name OAK, the team decided to give a new name to it and the suggested words were Silk, Jolt, revolutionary, DNA, dynamic, etc. These all names were easy to spell and fun to say, but they all wanted the name to reflect the essence of technology. In accordance with James Gosling, Java the among the top names along with Silk, and since java was a unique name so most of them preferred it.

Java is the name of an island in Indonesia where the first coffee(named java coffee) was produced. And this name was chosen by James Gosling while having coffee near his office. Note that Java is just a name, not an acronym.

Java Terminology

Before learning Java, one must be familiar with these common terms of Java.

1. Java Virtual Machine(JVM): This is generally referred to as JVM. There are three execution phases of a program. They are written, compile and run the program.

Writing a program is done by a java programmer like you and me.
The compilation is done by the JAVAC compiler which is a primary Java compiler included in the Java development kit (JDK). It takes the Java program as input and generates bytecode as output.
In the Running phase of a program, JVM executes the bytecode generated by the compiler.

Now, we understood that the function of Java Virtual Machine is to execute the bytecode produced by the compiler. Every Operating System has a different JVM but the output they produce after the execution of bytecode is the same across all the operating systems. This is why Java is known as a platform-independent language.

2. Bytecode in the Development process: As discussed, the Javac compiler of JDK compiles the java source code into bytecode so that it can be executed by JVM. It is saved as .class file by the compiler. To view the bytecode, a disassembler like javap can be used.

3. Java Development Kit(JDK): While we were using the term JDK when we learn about bytecode and JVM. So, as the name suggests, it is a complete Java development kit that includes everything including compiler, Java Runtime Environment (JRE), java debuggers, java docs, etc. For the program to execute in java, we need to install JDK on our computer in order to create, compile and run the java program.

4. Java Runtime Environment (JRE): JDK includes JRE. JRE installation on our computers allows the java program to run, however, we cannot compile it. JRE includes a browser, JVM, applet supports, and plugins. For running the java program, a computer needs JRE.

5. Garbage Collector: In Java, programmers can’t delete the objects. To delete or recollect that memory JVM has a program called Garbage Collector. Garbage Collectors can recollect the objects that are not referenced. So Java makes the life of a programmer easy by handling memory management. However, programmers should be careful about their code whether they are using objects that have been used for a long time. Because Garbage cannot recover the memory of objects being referenced.

6. ClassPath: The classpath is the file path where the java runtime and Java compiler look for .class files to load. By default, JDK provides many libraries. If you want to include external libraries they should be added to the classpath.

Primary/Main Features of Java

1. Platform Independent: Compiler converts source code to bytecode and then the JVM executes the bytecode generated by the compiler. This bytecode can run on any platform be it Windows, Linux, or macOS which means if we compile a program on Windows, then we can run it on Linux and vice versa. Each operating system has a different JVM, but the output produced by all the OS is the same after the execution of bytecode. That is why we call java a platform-independent language.

2. Object-Oriented Programming Language: Organizing the program in the terms of collection of objects is a way of object-oriented programming, each of which represents an instance of the class.

The four main concepts of Object-Oriented programming are:

Abstraction
Encapsulation
Inheritance
Polymorphism

3. Simple: Java is one of the simple languages as it does not have complex features like pointers, operator overloading, multiple inheritances, and Explicit memory allocation.

4. Robust: Java language is robust which means reliable. It is developed in such a way that it puts a lot of effort into checking errors as early as possible, that is why the java compiler is able to detect even those errors that are not easy to detect by another programming language. The main features of java that make it robust are garbage collection, Exception Handling, and memory allocation.

5. Secure: In java, we don’t have pointers, so we cannot access out-of-bound arrays i.e it shows ArrayIndexOutOfBound Exception if we try to do so. That’s why several security flaws like stack corruption or buffer overflow are impossible to exploit in Java. Also java programs run in an environment that is independent of the os(operating system) environment which makes java programs more secure .

6. Distributed: We can create distributed applications using the java programming language. Remote Method Invocation and Enterprise Java Beans are used for creating distributed applications in java. The java programs can be easily distributed on one or more systems that are connected to each other through an internet connection.

7. Multithreading: Java supports multithreading. It is a Java feature that allows concurrent execution of two or more parts of a program for maximum utilization of the CPU.

8. Portable: As we know, java code written on one machine can be run on another machine. The platform-independent feature of java in which its platform-independent bytecode can be taken to any platform for execution makes java portable.

9. High Performance: Java architecture is defined in such a way that it reduces overhead during the runtime and at some time java uses Just In Time (JIT) compiler where the compiler compiles code on-demand basics where it only compiles those methods that are called making applications to execute faster.

10. Dynamic flexibility: Java being completely object-oriented gives us the flexibility to add classes, new methods to existing classes and even create new classes through sub-classes. Java even supports functions written in other languages such as C, C++ which are referred to as native methods.

11. Sandbox Execution: Java programs run in a separate space that allows user to execute their applications without affecting the underlying system with help of a bytecode verifier. Bytecode verifier also provides additional security as its role is to check the code for any violation of access.

12. Write Once Run Anywhere: As discussed above java application generates a ‘.class’ file which corresponds to our applications(program) but contains code in binary format. It provides ease t architecture-neutral ease as bytecode is not dependent on any machine architecture. It is the primary reason java is used in the enterprising IT industry globally worldwide.

13. Power of compilation and interpretation: Most languages are designed with purpose either they are compiled language or they are interpreted language. But java integrates arising enormous power as Java compiler compiles the source code to bytecode and JVM executes this bytecode to machine OS-dependent executable code.

शिखर इन्सुरेन्सले चैत ९ गते बोलायो दुई वर्षको एजीएम, बोनसपछि ३०% हकप्रद

2021-02-28T12:08:00.012+05:45

काठमाडौं : शिखर इन्सुरेन्सको दुई वर्षको वार्षिक साधारण सभा चैत ९ गते बस्ने भएको छ । इन्सुरेन्सले आर्थिक वर्ष २०७५–७६ र २०७६–७७ को साधारण सभा एकैपटक बोलाएको हो । साधारण सभा कम्पनीको केन्द्रीय कार्यालय शिखर बिज सेन्टर, थापाथली काठमाडौंमा बिहान ११ बजेदेखि सुरु हुनेछ ।

कम्पनीले गत वर्षको नाफाबाट २७.७६% बोनस सेयर र कर प्रयोजनको लागि १.४६% नगद लाभांश वितरण गर्ने प्रस्ताव सभामा लैजानेछ । शिखरको उक्त लाभांश ३०% हकप्रद सेयर भर्ने लगानीकर्ताले पनि पाउनेछन् । यसले गत साउनमा ३०% हकप्रद सेयर बिक्री गरेको थियो । हकप्रद सेयर पछि कम्पनीको चुक्ता पुँजी १ अर्ब ३६ करोड रुपैयाँ पुगेको छ ।

यसले प्रस्तावित बोनस सेयरपश्चात कायम हुने चुक्ता पुँजीको पुनः ३०% हकप्रद सेयर जारी गर्ने प्रस्ताव पनि सभामा लैजाने जनाएको छ । कम्पनीले बोनस सेयर वितरणपछि कायम हुने सेयर पुँजीमा सर्वसाधाण सेयरधनीको हिस्सा ४९% पुर्याउने विशेष प्रस्ताव गरेको छ । हाल संस्थापक सेयर पुँजीको हिस्सा ६०% रहेको छ भने सर्वसाधारणको ४०% छ ।

‘सेयर कन्भर्जन’ पछि संस्थापक सेयरको हिस्सा ५१% र सर्वसाधारणको हिस्सा ४९% पुग्नेछ । साथै, कम्पनीको प्रबन्धपत्र तथा नियमावलीमा आवश्यक संशोधन गर्ने बारे सम्पूर्ण अधिकार सञ्चालक समितिलाई पूर्ण अख्तियारी दिने प्रस्ताव छ । सभा प्रयोजनको लागि फागुन २६ गतेदेखि चैत ९ गतेसम्म बुक क्लोज गर्ने भएको छ । तसर्थ, फागुन २५ गतेसम्म कायम सेयरधनीले प्रस्तावित लाभांश र साधारण सभामा सहभागी हुन पाउनेछन् ।

साभार : नेपाली पैसा

बुक बिल्डिङ विधिबाट आइपीओ जारी गर्न संस्थागत लगानीकर्तासँग आवेदन माग

2020-09-01T21:59:00.008+05:45

काठमाडौं : बुक बिल्डिङ विधिबाट आइपीओ जारी गर्न संस्थागत लगानीकर्तासँग नेपाल धितोपत्र बोडले आवेदन मागेको छ । बोर्डले बुक बिल्डिङ निर्देशिका २०७७ बमोजिम योग्यता पुगेका इच्छुक संस्थागत लगानीकर्तालाई आवेदन दिनका लागि आह्वान गरेको हो । बुक बिल्डिङ विधिमार्फत जारी गरिने साधारण सेयर खरिद प्रक्रियामा भाग लिनका लागि योग्य संस्थागत लगानीकर्तालाई भनिएको हो । आवेदन बोर्डबाट स्वीकृत भएपछि मात्रै बुक बिल्डिङ विधिमार्फत निष्कासित हुने आइपीओमा संस्थागत लगानीकर्ताले आवेदन दिन सक्नेछन् ।

नेपालमा पहिलोपटक बुक बिल्डिङ विधिबाट आइपीओ जारी गर्ने तयारी हुँदैछ । बोर्डले सूचीकृत संगठित संस्था, विशेष ऐनद्वारा स्थापित वित्तीय संस्था, सामूहिक लगानी कोष व्यवस्थापक, सामूहिक लगानी कोषका योजना, मर्चेन्ट बैंकर, मान्यता प्राप्त अवकाश कोष, धितोपत्र व्यापारी र नेटवर्थ न्यूनतम १० करोड भएका र धितोपत्रमा लगानी गर्ने उद्देश्यले स्थापित लगानी कम्पनीले लगायतले आवेदन दिन सक्ने जनाएको छ ।

साभार : नेपाली पैसा

डिम्याट खाता खोल्नेको संख्या कति पुग्यो ?

2020-09-01T21:57:00.005+05:45

सेयर कारोबारमा अभौतिकीकरण गरिएपछि हितग्राही खाता खोल्ने लगानीकर्ताको संख्या पनि दिन प्रतिदिन बढ्दै गएको छ । सीडीएस एन्ड क्लियरिङ लिमिटेडका अनुसार भदौ १६ गतेसम्ममा १८ लाख ५२ हजार ६९६ जनाले डिम्याट अकाउन्ट (हितग्राही खाता) खोलेका छन् ।

एक जनाले २ वटासम्म डिम्याट खाता सञ्चालन पाउने व्यवस्था छ । सीआस्वा सेवा दिने कम्पनीको संख्या ६४ पुगेको छ । यसैगरी, ७६ संस्थाहरुले डिपी सेवा प्रदान गर्दै आइरहेका छन । अहिलेसम्म ५ अर्ब ४६ करोड ७६ लाख २५ हजार भन्दा बढी कित्ता सेयर डिम्याट भइसकेको छ । ५० वटा कम्पनी क्लियरिङ सदस्य रहेका छन् ।

साभार : नेपाली पैसा

काठमाडौंका मेयर शाक्यलाई कोरोना संक्रमण

2020-08-31T23:39:00.007+05:45

१५ भदौ, काठमाडौं महानगरपालिकाका मेयर विद्यासुन्दर शाक्यलाई कोरोना संक्रमण भएको छ । दुई दिनअघि स्वाब दिएका उनलाई सोमबार कोरोना संक्रमण पुष्टि भएको हो । मेयर शाक्यको सचिवालयका अनुसार उनकी पत्नीलाई सन्चो नभएपछि शाक्य दम्पत्तिले स्वाब दिएका थिए ।

उनकी पत्नीलाई भने कोरोना संक्रमण देखिएन, तर मेयर शाक्यलाई भने संक्रमण पुष्टि भएको छ । ‘हामी कोभिड नियन्त्रण र व्यवस्थापनमा खटिरहेका थियौं । त्यही क्रममा मलाई संक्रमण भएछ । तर मेरो मनोबल उच्च छ’ उनले अनलाइनखबरसँग भने ।

उनलाई लक्षण छैन र, होम आइसोलेसनमा छन् । मेयर शाक्यले भने, होम आइसोलेसनमा बसेर निरन्तर समन्वय र भर्चुअल बैठकहरु गर्छु ।’

संक्रमित भनेर दुर्व्यवहार नगरौं आफूले आग्रह गर्दै आएको र, आइसोलेसनमा बसेर पनि त्यही आग्रह गर्ने उनले बताए ।

साभार : OnlineKhabar

मलाई राष्ट्रियसभामा लैजाने निर्णय कार्यान्वयन होस् : वामदेव गौतम

2020-08-31T23:25:00.003+05:45

१५ भदौ, नेपाल कम्युनिष्ट पार्टी (नेकपा) का उपाध्यक्ष वामदेव गौतमले आफूलाई राष्ट्रिय सभामा मनोनित गर्ने पार्टीको पूर्वनिर्णय कार्यान्वयन गर्न प्रधानमन्त्री केपी ओलीसँग आग्रह गरेका छन् ।

पार्टीले गत फागुनमै निर्णय गरिसकेको हुनाले आफू राष्ट्रियसभामा जान तयार रहेको नेता गौतमले अनलाइनखबरसँग बताए ।

प्रधानमन्त्री केपी शर्मा ओली भने अर्थमन्त्री डा. युवराज खतिवडालाई राष्ट्रियसभामा पुनः लैजाने अडानमा छन् । तर, गौतमले चेतावनीको भाषामा भने- मलाई राष्ट्रिय सभाको सदस्य बनाउने पार्टीको निर्णय कार्यान्वयन नभएको ६ महिना बितिसक्यो, त्यो निर्णयबाट यताउता गर्न पाइन्न, निर्णय कार्यान्वयन हुनुपर्छ ।

आफूले राष्ट्रियसभामा जान्न नभनेको बताउँदै गौतमले अनलाइनखबरसँग भने, ‘मैले जान्न भनेको छैन, पार्टीको निर्णय कार्यान्वयन हुनुपर्छ ।’

डा. युवराज खतिवडाको कार्याकाल सकिएका कारण विगत ६ महिनादेखि राष्ट्रिय सभामा एक सीट रिक्त छ ।

प्रधानमन्त्रीको सिफारिसमा राष्ट्रपतिले मनोनित गर्ने सो सीटमा यसअघि पार्टी सचिवालयले गौतमलाई पठाउने निर्णय गरेको थियो ।

आफूलाई राष्ट्रियसभामा लैजाने पार्टीको निर्णयका सम्बन्धमा नेता गौतमले अनलाइनखबरलाई दिएको संक्षिप्त प्रतिक्रिया जस्ताको त्यस्तै–

मलाई राष्ट्रियसभामा लैजाने पार्टीको निर्णय यथावत छ, त्यो पार्टीको तर्फबाट यताउता हुनै सक्दैन । प्रधानमन्त्रीको सिफारिसमा राष्ट्रपतिबाट राष्ट्रियसभामा मनोनित हुने तीनजना छन्, त्यो प्रधानमन्त्रीको स्वविवेकीय अधिकार हो भने भनेजस्तो बुझियो, त्यो चाहिँ गलत हो ।

राष्ट्रियसभामा मैले जान्न भनेकै छैन । जान्न भनेको पहिल्यै हो, निर्णय भएपछि त कहाँ जान्न भनेको छु र ? भनेको छैन । पार्टीको निर्णय कार्यान्वयन हुन्छ, म जान्छु भनेको छु । बरु फागुनदेखि अहिलेसम्म कति भयो ? ६ महिना भइसक्यो । ६ महिनासम्म पार्टीको निर्णय लागू भएको छैन । पार्टीको निर्णय कार्यान्वयन हुनैपर्छ । त्योभन्दा अर्को निर्णय भएको छैन ।

म प्रतिनिधिसभाको निर्वाचनमा जाने भनेको त्यो प्रधानमन्त्री कामरेड केपी ओलीले बैशाख १७ गते वामदेवलाई प्रधानमन्त्रीको प्रस्ताव गर्छु भनेर प्रस्ताव गर्नुभो । अनि २० गते उहाँहरु दुईटा अध्यक्ष मिलेर आउनुभयो र यो (राष्ट्रियसभामा लैजाने) प्रस्ताव अहिले कार्यान्वयन नगर्ने भन्नुभो र मेलमिलाप गरेर जाने भन्नुभो । त्यस्तो बेलामा प्रधानमन्त्रीको त्यो प्रस्तावलाई सेफल्याण्डिङ गर्नका निम्ति भनिएको कुरा हो त्यो । मलाई फेरि प्रतिनिधिसभामा लैजाने भन्ने निर्णय हैन त्यो । उपयुक्त समय भनेर कहाँ हुन्छ र त्यो ।

त्यसो भएको हुनाले राष्ट्रियसभामा लैजाने पहिलेको निर्णय कार्यान्वयन हुनुपर्छ । मलाई राष्ट्रियसभामा नलैजाने भन्ने हुँदा पार्टीले फर्मल निर्णय नै गर्नुपर्छ, पहिलेको निर्णय यथावतै छ ।

साभार : OnlineKhabar

कोरोना संक्रमणबाट चार वर्षे बालिकासहित ७ जनाको मृत्यु

2020-08-31T23:17:00.005+05:45

१५ भदौ, कोरोना भाइरस (कोभिड-१९) को संक्रमणबाट थप ७ जनाको मृत्यु पुष्टि भएको छ । महोत्तरीका चार बर्षिया बालिकासहित दुई जना र चितवन, रुपन्देही, गोरखा, पर्सा र झापाका एक-एक जनाको मृत्यु भएको हो ।

भरतपुर-६, चितवनका ७८ वर्षीय पुरुषको भरतपुर अस्पतालमा मृत्यु भएको छ । २ भदौमा संक्रमण पुष्टि भएका उनको आईसीयूसहित भेल्टिलेटरमा उपचार भइरहेको थियो ।

मनरा सिस्वा नगरपालिका-४ महोत्तरीकी ४ वर्षीया बालिकाको वीपी कोइराला स्वास्थ्य प्रतिष्ठान, धरानमा मृत्यु भएको छ । उच्च ज्वरो आउनुका साथै श्वास प्रश्वासमा समस्या भएपछि अस्पताल लगिएकी उनलाई संक्रमण पुष्टि भएको थियो ।

मनरा सिस्वा नगरपालिका-४ महोत्तरीका ३५ वर्षीय पुरुषमा मृत्युपछि कोरोना संक्रमण पुष्टि भएको छ । श्वासप्रश्वासमा समस्या भएपछि १० भदौमा काठमाडौं ल्याउने क्रममा उनको बाटैमा मृत्यु भएको थियो । उनी हेल्थ असिस्टेन्टसमेत भएको खुलेको छ ।

तिलोत्तमा नगरपालिका-५, रुपन्देहीकी ६८ वर्षीया महिलाको मृत्यु भएको छ । ११ भदौमा कोरोना संक्रमण पुष्टि भएका उनी होम आइसोलेसनमा थिइन् । आइतबार साँझ स्वास्थ्यमा समस्या आएपछि अस्पताल लैजाने क्रममा मृत्यु भएको हो ।

वीरगञ्ज महानगरपालिका-२४, पर्साका ८० वर्षीय पुरुषको कोरोना अस्पताल वीरगञ्ज हेल्थकेयरमा सोमबार दिउँसो मृत्यु भएको छ । १३ भदौमा नारायणी अस्पतालमा भर्ना भएका उनलाई संक्रमण पुष्टि भएपछि आईसीयूमा सारिएको थियो ।

आरुघाट गाउँपालिका-४ गोरखाकी ६५ वर्षीया महिलाको वीरेन्द्र सैनिक अस्पतालमा मत्यु भएको छ । ४ भदौमा अस्पताल भर्ना भएकी उनलाई १३ गते संक्रमण पुष्टि भएको थियो र त्यसै दिन मृत्यु भएको हो ।

झापाका ८६ वर्षीय पुरुषको पनि कोरोना संक्रमणबाट मृत्यु भएको छ ।

साभार : OnlineKhabar

सेयर बजारमा पहिरो, सुधार नहुँदाको असर

2020-03-02T16:21:00.001+05:45

साताको पहिलो दिन सेयर कारोबार मापक नेप्से परिसूचक ९६ अंकले घट्यो । सर्किट ब्रेकसम्बन्धी नयाँ नियम आएपछिको यो पहिलो रेकर्ड हो । साताको दोस्रो दिन नेप्से परिसूचकमा ‘भिषण पहिरो’मात्रै आएन दुई पटक सर्किट लागेर डेढ घण्टामै आजका लागि कारोबार रोकियो । १२ बजेर ४६ मिनेट जादा ५ प्रतिशतले घटेर ४० मिनेटका लागि रोकिएको बजार पुनः १ बजेर २९ मिनेटमा ६ प्रतिशतले घट्यो । ६ प्रतिशतले घटेसँगै ३ बजेसम्म खुला हुने बजार १ः२९ मै बन्द भयो ।

अघिल्लो साता लगातार बढेको नेप्से परिसूचक यस साताको पहिलो दिन आइतबार नै ४० अंक माथिले बटेको थियो । बजार धेरै माथि जाने भए पनि बीचमा सुधार हुँदै जानुपर्छ । गत सोमबार २ अंकले सुधार भएको बजार त्यसपछि भने सुधार हुन सकेन । यसैकारण लगानीकर्तामा केही शंका भने थियो । साताको पहिलो दिन आइतबार ४० अंक माथिले बजार घटे पनि अघिल्लो साताको सुधारका रुपमा लगानीकर्ताले हेरेका थिए ।यसकारण धेरै लगानीकर्ताहरु सोमबार बजार उकालो लाग्नेमा आशावादी थिए । तर, बजार उकालो लाग्नुको सट्टा उल्टो सर्किट ब्रेक लाग्यो । सोमबार बजारको यो अवस्थाबारे सेयर बजारका जानकारहरु आत्तिहाल्नुपर्ने अवस्था नरहेको बताउँछन् ।

आइतबारको अवस्थालाई करेक्शन भनेका लगानीकर्ताहरु सोमबारको कारोबार पछि भने मनोवल नै घटेको प्रतिक्रिया दिएका छन् । केहीले आइतबार र सोमबारको बजारलाई राजनीतिक कारण भएको पनि प्रतिक्रिया दिएका छन् । अर्थमन्त्री डा. युवराज खतिवडा लगानीकर्ताहरुले नरुचाएका पात्र हुन् । सेयर बजारका विषयमा मनपरि बोलेका कारण बजार घटेको भन्दै अर्थमन्त्री खतिवडाको लगानीकर्ताको एक समूहले राजीनामासमेत माग गरेको थियो । केही दिन अघि बढेको बजारलाई अर्थमन्त्रीको सांसद पद सकिन लागेको विषयलाई केही लगानीकर्ताले जोडेका थिए । आइतबार र सोमबार बजार घटेपछि पुनः त्यही विषयलाई जोड्दै खतिवडाले नै अर्थमन्त्रीमा निरन्तरता पाउने भए पछि यस्तो अवस्था सिर्जना भएको बताउँछन् ।

जानकार भन्छन्– डराइहाल्नुपर्ने अवस्था छैन

नेपाल इन्भेष्टर्स फोरमका अध्यक्ष छोटेलाल रौनियार आइतबार र सोमबारको बजारको अवस्था हेरेर डराइहाल्नुपर्ने अवस्था आइनसकेको बताउँछन् । अझै बजार माथि जाने प्रशस्त सम्भावनाहरु रहेको अध्यक्ष रौनियारले बताए । यद्यपि, सोमबारको बजारलाई ‘करेक्शन’ मात्रै भने भन्न नहुने उनले बताए । बढ्दाखेरि किन्न हौसिहाल्ने र घट्न शुरु भएपछि बेच्न हतारिने प्रवृत्तिका कारण सोमबारको नतिजा आएको उनले बताए । विशेष गरेर नयाँ लगानीकर्ताहरुको मनोवल घटेको उनले बताए । ‘आत्तिहाल्नु पर्ने अवस्था छैन, गत साता एकदमै फास्ट ट्रयाकले बढ्दा यस्तो असर आयो’ अध्यक्ष रौनियारले भने, ‘तर कसैले डराउनुपर्ने म देख्दिनँ । बजार घटे पनि कारोबार रकम धेरै देखिएको छ ।’

मूल्य घटबढमा आर्थिक कारण जिम्मेवार छ कि राजनीतिक ? भन्ने प्रश्नमा छोटेलाल भन्छन्, ‘पहिले थियो पक्कै पनि, तर अर्थमन्त्रीको इस्यू अहिले हुँदै होइन ।’ अहिले अर्थमन्त्री खतिवडाले सेयर बजारबारे सकरात्मक नै बोल्दै हिँडेका कारण अहिले बजार घट्नु वा बढ्ने विषयमा अर्थमन्त्रीलाई जोड्न नहुने बताए । अर्थमन्त्री भएको केहि समयसम्म नकरात्मक धारणा खतिवडाले देखाएको र त्यसको असर बजारमा पनि परेको भए पनि अहिले भने असर पर्ने कुनै अवस्था नरहेको रौनियारले बताए । ‘शुरुशुरुमा अर्थमन्त्रीले बोलेका कारण बजारमा असर नकारात्मक गरेको पक्कै हो, अहिले अर्थमन्त्री सकरात्मक नै हुनुहुन्छ’ उनले भने, ‘वहाँ बसेर बजार बिग्रने हुँदैन, पहिले वहाँको मन अमिलो थियो अहिले छैन ।’

बजार सुधार हुने धेरै कारणहरु रहेको भन्दै उनले लगानीकर्ताहरुलेअ आत्तिन नहुने बताए । बैंकबाट सहजै ऋण पाउने अवस्था रहेको तथा ब्याज समेत सस्तो रहेको भन्दै उनले यसले पनि बजारलाई राम्रै फाइदा हुने बताए । कोरोना भाइरसका कारण चीनतर्फ जाने नगद पनि नगएका कारण त्यो सेयर बजारमा नै प्रवेश हुने सम्भावना रहेको उनले बताए । शेयर बजारका विश्लेषक तथा फोरमकै निवर्तमान अध्यक्ष अम्किाप्रसाद पौडेल पनि आत्तिहाल्नुपर्ने अवस्था नरहेको बताउछन् । बजार घटबढ हुनुलाई स्वाभाविक रुपमा लिनुपर्ने उनको धारणा छ । सोमबारको अवस्थाले अलिकति आशंका उब्जाए पनि यसबाट डराइहाल्न नहुने उनले बताए । उनले केही दिनयता बढेको बजारलाई वर्षातको मौसममा तुलना गरे ।

वर्षातमा एक दिन पानी परेन भनेर आत्तिन नहुने उनले बताए । उनले सामाजिक सञ्जालमै लेखेका छन्, ‘वर्षातको मौसममा एक दिन पानी परेन भनेर हलो–कोदालो फालेर कृषक घरमा बस्यो भने कार्तिकमा कुन बाली भित्र्याउँछ ?’

लगानीकर्ताका आ–आफ्नै धारणा

सेयर बजारमा लगानी गर्ने लगानीकर्ताहरुका विभिन्न संघ संगठनहरु छन् । अर्थमन्त्रीले केही बोलिहाले विज्ञप्ति निकालिहाल्ने र बजार सुधारका लागि पहल गर्ने संगसगठनहरु यतिबेला केही मत्थर जस्ता छन् । कुनैबेला बजार सुधारका लागि आमरण अनसन नै बसेका लगानीकर्ताहरु अहिले चुपचाप नै छन् । लगानीकर्ताका नेताहरुको धारणा भने फरक–फरक छ ।

नेपाल पुँजीबजार लगानीकर्ता संघकी अध्यक्ष राधा पोखरेल अस्वभाविक रुपमा बढेका कारण बजार अहिले अस्वाभाविक रुपले नै घटेको बताउँछिन् । अहिले बजार ओरालो लाग्नुमा लगानीकर्ताको मनोवल पनि एक कारक भएको अध्यक्ष पोखरेले बताइन् ।

लगानीकर्ताहरुकै अर्को संगठन सेयर लगानीकर्ता संघका उपाध्यक्ष तारा फुल्लेल हिजो र आजको बजारलाई घटेको नभई सामान्य सुधार भएको बताए । यसमा राजनीतिक कुराहरु जोड्न नहुने पनि बताए । अर्थमन्त्री खतिवडा गएर वा आएर बजारमा असर नपर्ने बताए । सेयर बजार लगानीकर्ता दबाब समूहका महासचिव नयन बास्तोला अर्थमन्त्रीको कारण खासै असर नपर्ने बताउँछन् । पछिल्लो समय बजार विकासका लागि अर्थमन्त्रीले देखाएको सक्रियताले धेरै ठूलो असर नगर्ने उनी बताउँछन् ।

सोमबार ठूलो मात्रामा बजार घट्नुको कारण नाफा बुक गर्ने प्रतिस्पर्धा भएको उनी बताउँछन् । नाफा बुक गर्नका लागि तीब्र प्रतिष्पर्धा हुदाहुँदै बजार ह्वात्तै घटेको उनले बताए । तर, बजार केही दिनमा बढ्ने भन्दै उनले लगानीकर्ताहरुको मनोबल नघटेको दाबी गरे ।

Income TAX Calculator Nepal

2020-02-25T19:35:00.009+05:45

TAX Calculator Nepal:

TAX Calculator Nepal Software Download Link :- Download

अब लाइसेन्सका लागि कम्प्युटर सिस्टमबाट लिखित परीक्षा, क्षणभरमै नतिजा

2020-01-09T19:54:00.000+05:45

सवारीचालक अनुमतिपत्र (लाइसेन्स)का लागि अब परीक्षार्थीले कम्प्युटराइज्ड प्रणालीमार्फत परीक्षा दिनुपर्ने भएको छ । यातायात व्यवस्था विभागले लाइसेन्ससम्बन्धी नयाँ प्रावधान ल्याउँदै लिखित परीक्षालाई कम्प्युटराइज प्रणालीमा अद्यावधिक गरेको हो । अब परीक्षार्थीले पहिले जस्तो हातले नै लेखेर परीक्षा दिनुपर्ने छैन । कम्प्युटर प्रणालीबाट परीक्षा दिनुपर्नेछ ।

हाल हुँदै आएको लिखित परीक्षामा अनियमितता हुनेगरेको पाइएपछि विभागले यस्तो व्यवस्था लागू गर्न लागेको हो । सो व्यवस्था कार्यान्वयनमा आएपछि लाइसेन्समा हुने लिखित परीक्षाको अनियमितता हट्ने विभागको विस्वास छ । नयाँ व्यवस्था आएपछि लाइसेन्सको परीक्षा दिन चाहनेले अनलाइन फारम भर्नु पर्नेछ । फारम भरेपछि लिखित परीक्षाको मिति, स्थान र समय पाइन्छ । सोही आधारमा सम्बन्धित यातायात कार्यालयमा गएर परीक्षार्थीले कम्प्युटरमार्फत लिखित परीक्षा दिन सक्ने विभागले जनाएको छ ।

नयाँ प्रावधानअनुसार लिखित परीक्षाका लागि कम्प्युटरमा प्रश्न पहिले नै सेट गरिएको हुनेछ । परीक्षार्थीले पहिलेको लिखितको साटो कम्प्युटरमा नै उक्त प्रश्नको उत्तर दिनुपर्नेछ । यसबाट कम्प्युटरले तत्काल पास फेल बताइदिने छ । त्यसपछि सो विवरण यातायातको सर्भरमा सेट हुनेछ ।

यसका लागि अहिले विभागले अटोमेसन सफ्टवेयर तयार पारिरहेको छ । कम्प्युटरबाट परीक्षा दिनका लागि आवश्यक सबै पूर्वाधार बनाउन केही महिना लाग्ने विभागले बताएको छ । सो सफ्टवेयर बनिसकेपछि दैनिक सात हजारले परीक्षा दिन सक्ने विभागको भनाइ छ ।

साभार : रातोपाटी

इन्टरनेट एडिक्सन : छोराछोरी भन्दा पहिले अभिभावक सुध्रिन जरुरी

2020-01-09T19:44:00.000+05:45

अहिले इन्टरनेट एडिक्सनको विषयमा धेरै नै चर्चा हुने गरेको छ । छोराछोरीले मोबाइल चलाएर हैरान लगाएको अथवा दिनभर इन्टरनेटमै झुम्मिएको भन्ने गुनासोहरु दिनदिनै सुन्ने गरिन्छ । तर यसको ठिक उल्टो छोराछोरी भन्दा आमाबुबा नै इन्टरनेटको लतबाट सुध्रिन आवश्यक रहेको अनुसन्धानले देखाएको छ ।

छोराछोरीलाई इन्टरनेटको प्रयोगमा नियन्त्रण गर्न सकेपनि आफूलाई भने नियन्त्रण गर्न नसकेको अध्ययनहरुले देखाएको छ । नयाँ अध्ययन अनुसार ५० प्रतिशत अभिभावकले इन्टरनेटको लतबाट बालबालिकालाई टाढै राखेको बताए । तर ७० प्रतिशत अभिभावकले आफूलाई नै नियन्त्रण गर्न नसकेको बताए ।

यो खोज विश्वभरीका आमाबुबामा गरिएको थियो । इन्टरनेटको एडिक्सनको विषयमा गरिएको यो खोजमा बच्चालाई मोबाइल तथा इन्टरनेटको विषयमा प्रवचन दिने आमाबुबा मध्ये ७० प्रतिशतले भने आफूलाई नै इन्टरनेट र मोबाइल चलाउनलाई नियन्त्रण गर्न सकेका छैनन् ।

शोधका अनुसार ७२ प्रतिशत अभिभावकले इन्टरनेटको कारण सम्बन्ध बिग्रिने खतरा रहेको स्वीकार गरे । मोबाइलको लतले बालबालिकाहरुको अभिभावकप्रति सम्बन्ध राम्रो नभएको शोधले जनाएको छ । तर आमाबुबाले पहिले आफूलाई सुधार्नु पर्ने र सन्तानलाई समेत इन्टरनेटको एडिक्सनबाट जोगाउनु पर्ने शोधले देखाएको छ ।

फागुन १४ गते स्ववियु निर्वाचन

2019-12-30T18:09:00.001+05:45

त्रिभुवन विश्वविद्यालयले आगामी फागुन १४ गते स्वतन्त्र विद्यार्थी युनियन स्ववियुको निर्वाचन गर्ने तयारी थालेको छ । यसअघि २०७३ फागुन १८ गते सम्पन्न निर्वाचनमा दुई वर्षे कार्यकाल सकिएका पदाधिकारीको म्याद यही फागुन १३ गतेसम्म मात्र थप गरिएकाले अब फागुन १४ गते नै निर्वाचन गर्नुपर्ने भएको छ ।

त्रिभुवन विश्वविद्यालय विद्यार्थी कल्याण तथा खेलकुद निर्देशनालयका निर्देशक गङ्गाबहादुर थपाले ११ वर्ष अघिदेखि हुन नसकेको करिब ४ सय आंगिक र सम्बन्धन प्राप्त क्याम्पसमा पनि सोही दिन निर्वाचन गर्ने तयारी थालिएको जानकारी दिए ।

२०७३ सालमा करिब २ सय ८० क्याम्पसमा मात्र निर्वाचन भएको थियो । हाल करिब एक हजार एक सय सम्बन्धन प्राप्त क्याम्पस छन् । त्रिविकै बेवास्ताका कारण गत वर्ष अन्तिम समयमा आएर निर्वाच्न स्थगित भएको थियो ।

साभार : रातो पाटी

चितवनको तिन वटै वडामा नेपाली कांग्रेस विजयी

2019-12-01T14:38:00.002+05:45

चितवनको उप–निर्वाचनमा नेपाली काँग्रेसले बाजी मारेको छ। चितवनको तिन वटै वडामा नेपाली काग्रेस विजयी भएको हो । भरतपुर महानगरपालिका वडा नम्बर १६ मा काँग्रेसका अमृतराज हमाल, खैरहनी नगरपापलिकाको वडा नम्बर ४ मा बेद बहादु अधिकारी र खैरहनी ५ मा प्रतिमा कार्की विजयी हुनु भएको हो । भरतपुर १६ मा आईतवार बिहान पौने ३ बजे सकिएको मतगणनामा काँग्रेसका अमृतराज हमालले ३ सय ८ मतअन्तरका साथ बाजी मार्नु भएको हो । अमृतले ३ हजार १ सय ८३ मत प्राप्त गर्दा उनका निकटतम प्रतिद्वन्दी नेकपाका भक्तराज हमालले २ हजार ८ सय ७५ मत प्राप्त गर्नु भयो ।गत निर्वाचनमा यस वडामा तत्कालिन नेकपा एमालेका उम्मेद्वार चतुर्मान गुरुङ बिजयी हुनु भएको थियो उहाको निधन भएपछि उप–निर्वाचन गरिएको हो । कूल ६ हजार २ सय ५० मत खसेकोमा १ सय २१ मत भने बदर भएको मुख्य निर्वाचन अधिकृतको कार्यालयले जानकारी दिएको छ । हमालयद्वयसंग प्रतिसपर्धा गरेका अन्य उम्मेद्वारले नगण्य मत मात्रै प्राप्त गरे । वडा नम्बर १६ मा काँग्रेसलाई राप्रपा संयुक्तले समेत समर्थन गरेको थियो ।

यस्तै पुर्बी चितवनको खैरहनी नगरपापलिकाको वडा नम्बर ४ र ५ मा नेपाली कांग्रेसनै विजयी भएको छ ।शनिबार भएको उपनिर्वाचनमा कांग्रेसका उम्मेद्धार खैरहनी ५ मा प्रतिमा कार्की बस्नेत र खैरहनी ४ मा बेद बहादु अधिकारी विजयी भएका हुन ।वडा नम्बर ५ मा नेपाली काँग्रेसकी उम्मेद्धार प्रतिमा कार्कीले नेकपाका उम्मेद्वार पुननारायण प्रधानलाई ८६ मत अन्तरले पराजित गर्नु भएको हो । कार्कीले ८४२ मत र प्रधानले ७५६ मत प्राप्त गर्नु भएको छ। त्यस्तै खैरुहनी ४ मा नेपाली कांग्रेसका देव बहादुर बस्नेतले नेकपा बेद बहादुर अधिकारीलाई १ सय ५२ मत अन्तरले पराजित गर्नु भएको हो । बस्नेतले ११ सय ३८ र अधिकारीले ९ सय ८६ मत प्राप्त गर्नु भएको थियो ।

साभार : कालिका News

कर्मचारीबाट घुस खाएर सरुवा, बढुवा गर्ने काममा मन्त्रीहरु आफैं संलग्न : माधव नेपाल

2019-11-19T13:36:00.002+05:45

नेकपाका वरिष्ठ नेता माधवकुमार नेपालले कर्मचारीहरुबाट घुस खाएर सरुवा, बढुवा गर्ने काममा मन्त्रीहरु आफैं संलग्न रहेको आरोप लगाएका छन् ।

सोमबार काठमाडौंमा आयोजित एक कार्यक्रममा बोल्दै वरिष्ठ नेता नेपालले नेता तथा मन्त्रीहरु आफैंले घुस खाएर कर्मचारीहरुको नियुक्ति, सरुवा र बढुवा गर्ने गरेकाले मुलुकको सबै क्षेत्र बिग्रेको दाबी गरेका छन् ।

उनले स्थानीय तहमा करोडौंको बजेटमा लुट मच्याउने काम भइरहेको उल्लेख गर्दै कडा कारवाही गर्न पनि सरकारसँग माग गरे । स्थानीय तहमा कर्मचारीसँग मिलेर लुट मच्चाइरहेकाले सरकारले उनीहरुमाथि कडा कारवाही गर्नुपर्ने वरिष्ठ नेता नेपालको भनाइ छ । उनले मुलुकमा लुट मच्चाउनेहरुको सात पुस्ते सम्पत्ति जफत नगरेसम्म मुलुकमा सुशासन हुन नसक्नेतर्फ सरकारको गम्भिर ध्यानाकर्षण गराएका छन् ।

साभार : प्रशासन

साढे १० लाख रुपैयाँको डिजिटल पहिरन, जसलाई छुन सकिँदैन

2019-11-19T13:30:00.002+05:45

अमेरिकाको सनफ्रान्सिस्कोस्थित सुरक्षा कम्पनी क्वान्ट स्ट्याम्पका मुख्य कार्यकारी रिचर्ड मा ले सन् २०१९ को सुरुवातमा आफ्नी पत्नीका लागि एउटा पहिरन तयार गरे । त्यसमा उनले ९ हजार ५ सय अमेरिकी डलर अर्थात् १० लाख रुपैयाँ भन्दा धेरै खर्च गरे । रोचक कुरा त के भने जुन पहिरनका लागि उनले त्यति धेरै रकम खर्च गरे, त्यसलाई छोएर महसूस गर्नसम्म सकिँदैन । वास्तवमा त्यो एउटा भर्चुअल अर्थात् डिजिटल पहिरन हो ।

डिजिटल ड्रेस हुनुका बाबजुत फेसन हाउस द फेबि्रकेन्ट ले यो पहिरनको डिजाइन गरेको हो । जसमा रिचर्डकी पत्नी मेरी रेनको एउटा तस्वीर प्रस्तुत गरिएको छ, जसलाई सोसल मिडियामा पनि प्रयोग गर्न सकिन्छ । उक्त पहिरन महंगो भएपनि यो एक प्रकारको लगानी नै भएको मा बताउँछन् । आफु र आफ्नी पत्नीले सामान्यतया महंगा कपडा नकिन्ने भएपनि डिजिटल पहिरनको दीर्घकालीन मूल्य भएको हुँदा आफुले साढे ९ हजार डलर खर्च गर्न तयार भएको उनले बताए ।

आगामी १० वर्षभित्रमा सबैजसो मानिसले डिजिटल फेसन पहिरिने र त्यो अद्वितीय रुपमा सम्झनलायक हुने उनको विश्वास छ । रेनले आफ्नो फेसबुक पेज तथा विच्याटमा तस्वीर शेयर गरेकी छन् । डिजिटल ड्रेस डिजाइन गर्ने अर्को फेसन हाउस पनि छ, कार्लिंग्स । यो युरोपेली कम्पनीले गत वर्ष करीब ११ डलर मूल्य पर्ने डिजिटल स्टि्रटवेयर कलेक्सन तयार गरेको थियो । जुन एक महिनामै बिक्रि भएको थियो । कार्लिंग्स ब्राण्डका निर्देशकका अनुसार उत्पादकको सबै उत्पादन बिक्नु भनेको सैद्धान्तिक रुपमा असम्भव हो ।

डिजिटल कलेक्सनमा काम गर्दा आफुले चाहे जतिमात्र उत्पादन गर्न सकिन्छ र वास्तविक रुपमा असाधारण तथा असम्भव देखिने डिजाइन तयार पार्न सकिन्छ । द फेबि्रकेन्ट कम्पनीले हरेक महिना आफ्नो वेबसाइटमा नयाँ डिजिटल कपडाहरु निशुल्क उपलब्ध गराउँदछ । यद्यपि ग्राहकहरुलाई आफ्नो तस्वीरसँग डिजिटल पहिरन मिलाउनका लागि कौशल तथा सफ्टवेयरको आवश्यकता पर्दछ ।

द फेबि्रकेन्टका सहसस्थापक तथा डिजाइनर एम्बर जे स्लोटेनका अनुसार डिजिटल पहिरन खासगरी सिएलओ थ्री डी सफ्टवेयरको प्रयोग गर्ने उद्योगका पेशेवर व्यक्तिहरुले डाउनलोड गरिरहेका छन् । डिजिटल पहिरनलाई साढे ९ हजार डलर सम्म परेको खबर पछि मानिसहरु निकै उत्सुक भएको उनको भनाई छ ।

साभार : Online Khabar

नेपाल टेलिकमको बल्क एसएमएस सेवा कसरी लिने ?

2019-11-19T13:18:00.000+05:45

एकै पटकमा धेरै जनालाई एकै प्रकारको सन्देश अर्थात् बल्क एसएमएस पठाउने तरिका धेरैलाई जानकारी नहुन सक्छ। यो सेवा विशेषगरी धेरै सदस्य वा ग्राहकसँग नियमित सम्पर्क गर्नुपर्ने व्यापारिक प्रतिष्ठान, शैक्षिक संस्था, वित्तीय संस्था, पर्यटन व्यवसायी, सरकारी, अर्ध सरकारी र गैरसरकारी निकायलगायतका संघ/संस्थाहरुका लागि बढी उपयोगी छ।व्यक्तिगत प्रयोजनका रुपमा एकैपटक धेरै व्यक्तिहरुलाई एसएमएस (छोटो सन्देश) पठाउनका लागि पनि यो उपयोगी हुन्छ। हाल नेपाल टेलिकमले आफ्ना ग्राहकका लागि वेबमा आधारित बल्क एसएमएस सुविधा उपलब्ध गराइरहेको छ।

संघ/संस्थाहरुले नेपाल टेलिकमको केन्द्रीय कार्यालयस्थित प्रमुख व्यावसायिक अधिकृतको कार्यालय, विभिन्न ठाउँमा रहेका निर्देशनालय मार्फत र व्यक्तिगत उपभोक्ताले कम्पनीको अनुमति प्राप्त भ्यालु एडेड सर्भिस सेवा प्रदायक संस्थासँग सम्पर्क गरी सेवा प्राप्त गर्न सकिन्छ। यस सम्बन्धी सेवा उपलब्ध गराउन चाहने सेवा प्रदायकले आफ्नो प्रस्ताव र अन्य कागजातका साथ प्रमुख व्यावसायिक अधिकृतको कार्यालयमा सम्पर्क राख्नु पर्दछ। यो सेवा प्रिपेड प्रकृतिको भएको हुनाले एसएमएस संख्याका आधारमा लाग्ने शुल्क भुक्तानी गरिसकेपछि युजर नेम र पासवर्ड उपलब्ध हुनेछ। युजर नेम तथा पासवर्ड प्राप्त गरेपश्चात टेलिकमको वेबसाइट प्रयोग गरी यो सेवा उपभोग गर्न सकिन्छ।

ग्राहक स्वयंले आफ्नो समूहभित्र रहेका नेपाल टेलिकमका जीएसएम तथा सीडीएमए दुवै किसिमका पोष्टपेड तथा प्रिपेड मोबाइल नम्बरमा एउटा एसएमएस बराबर अंग्रेजीमा १ सय ४० अक्षर तथा युनिकोडमा ७० अक्षर पठाउन सकिन्छ। वेब सुविधा नभएका ग्राहकहरुले पठाउन चाहेको सन्देश र पठाउनु पर्ने मोबाइल नम्बरहरु उपलब्ध गराएमा कम्पनी वा सेवाप्रदायकले एसएमएस पठाइदिने सुविधा पनि उपलब्ध छ।

नेपाल टेलिकमबाट यो सेवा लिन चाहने संघ–संस्थाले मासिक न्यूनतम १ हजार ५ सय एसएमएस पठाउनुपर्ने हुन्छ। सो भन्दा कम एसएमएस पठाउन चाहने संघ/संस्थाले कम्पनीबाट अनुमति प्राप्त सेवा प्रदायकहरुसँग सम्पर्क गरी लाभ लिन सकिने छ र एसएमएस संख्याको आधारमा शुल्क निर्धारण गरिएको छ।

साभार : Online Khabar

क्यान महासंघको अध्यक्षमा सुनैना घिमिरे पाण्डेको उम्मेदवारी घोषणा

2019-11-19T13:14:00.001+05:45

कम्प्यूटर एसोसिएसन नेपाल (क्यान महासंघ)को आसन्न निर्वाचनको लागि सुनैना घिमिरे पाण्डेको समूहले आफ्नो उम्मेदवारी घोषणा गरेको छ ।

क्यान महासंघको निर्वाचनको अध्यक्ष पदमा वर्तमान उपाध्यक्ष सुनैना घिमिरे पाण्डेले आज शनिवार आयोजित घोषणा सभामार्फत आफ्नो उम्मेदवारीका साथै समूहको उम्मेदवारीसमेत घोषणा गरिन् ।घोषणासभामा बोल्दै अध्यक्षका प्रत्यासी पाण्डेले आफूले क्यानलाई सूचना प्रविधिको क्षेत्रमा ससक्त, सबल र अनुसन्धानमुलक संस्थाको रुपमा अगाडि बढाउने बताइन् । उनले सूचना तथा संचार प्रविधिको क्षेत्रमा कार्यरत जनशक्ति, विज्ञ र व्यवसायीहरुको एकमात्र छाता संगठन क्यान महासंघलाई सहि नीति र नेतृत्वले मात्र अगाडि बढाउन सक्ने भन्दै आफूलाई अत्यधिक मतले निर्वाचित गराउन आग्रह गरिन् ।

‘क्यान महासंघलाई गैर राजनीतिक संस्थाको रुपमा सुरक्षित राख्दै सूचना तथा संचार प्रविधिमा नेपालको एकमात्र सर्वोच्च संस्थाको रुपमा स्थापित गराउनेछु, त्यसैगरी स्टार्टअप कम्पनीहरुलाई प्रोत्साहन गर्ने र आईसीटी बोर्ड गठन गर्न पहल गर्नेछु,’ अध्यक्षका प्रत्यासी पाण्डेले भने ।उनले सरकारको डिजिटल नेपाल फ्रेमवर्क अभियान साकार पार्न सहयोग गर्ने र क्यान महासंघलाई स्मार्ट क्यान बनाउने योजना पनि सार्वजनिक गरिन् ।

‘मेरो टिमको तर्फबाट आईसीटी इन्डष्ट्रि डाटालाई व्यवस्थित गरी यस क्षेत्रमा सन् २०२४ सम्ममा ५ लाख रोजगारी बढाउन यथोचित भूमिका निर्वाह गर्नेछु,’ उनले भनिन् । घोषणा सभामा सुनैना घिमिरे पाण्डे समूहको तर्फबाट उम्मेदवारहरुको समेत घोषणा र परिचय गराईएको थियो । घोषणा सभामा क्यान महासंघका पूर्व अध्यक्षहरुसहित अन्य सदस्यहरुको उपस्थिती रहेको थियो ।