ಕ್ರಾಂತಿಯ ಸೆಲೆ

ಭಾರತಕ್ಕೆ ಸ್ವಾತಂತ್ರ್ಯ ದೊರಕಿದ್ದು ಹೇಗೆ? ಒಂದು ಸತ್ಯ ಕತೆ!!

2015-08-24T09:59:00.001+05:30

ಹಿಂದಿ ಚಿತ್ರ ಗೋಲ್ಮಾಲ್ ನಲ್ಲಿ ಹಾಸ್ಯಕಾರನ ಪಾತ್ರ ನಿರ್ವಹಿಸಿದ ಉತ್ಪಾಲ್ ಸಿಂಗ್ ಎಂಬುವವರನ್ನು ಪಶ್ಚಿಮ ಬಂಗಾಳ ಸರ್ಕಾರ ಡಿಸೆಂಬರ್ 27 1965 ರಂದು ಬಂಧಿಸಿದರು. ಪಶ್ಚಿಮ ಬಂಗಾಳ ಸರ್ಕಾರ ಇವರಿಗೆ ಹೆದರಿತ್ತು! ಕಾರಣವೇನು ಗೊತ್ತೇ?? ಉತ್ಪಾಲ್ ಸಿಂಗ್ ನಮ್ಮ ಇತಿಹಾಸ ತಿಳಿಸದ ಭಾರತ ಸ್ವಾತಂತ್ರ್ಯ ಸಂಗ್ರಾಮದ ಬಹುಮುಖ್ಯ ಅಧ್ಯಾಯದ ಕುರಿತು ಒಂದು ನಾಟಕವನ್ನು ಬರೆದಿದ್ದರು. ಆ ಬಹುಮುಖ್ಯ ಅಧ್ಯಾಯವೇ ಭಾರತೀಯ ನೌಕಾ ದಂಗೆ 1946.

1946ರಲ್ಲಿ ಬ್ರಿಟಿಷರು ಬಹಳ ಸಂಕಷ್ಟದಲ್ಲಿ ಸಿಲುಕಿದರು. ಭಾರತೀಯ ಸೈನಿಕರು ತಮ್ಮ ನಿಷ್ಠೆಯನ್ನು ಬದಲಿಸಿದ್ದರು, ಭಾರತೀಯ ಸೇನೆ ಬ್ರಿಟಿಷರ ಹಿಡಿತದಿಂದ ಕೈತಪ್ಪಿತ್ತು. 25೦ ವರ್ಷಗಳಲ್ಲಿ ಇಂತಹ ಕಠಿಣ ಪರಿಸ್ಥಿತಿ ಬ್ರಿಟಿಷರಿಗೆ ಎದುರಾಗಿರಲಿಲ್ಲ. ಯಾವುದೇ ಕ್ರಮ ತೆಗೆದುಕೊಳ್ಳುವ ಆಯ್ಕೆಯೂ ಬ್ರಿಟಿಷರಿಗೆ ಇರಲಿಲ್ಲ. 1945 ರಲ್ಲಿ ಸುಭಾಷ್ ಚಂದ್ರ ಬೋಸ್ ಮಡಿದರು ಎಂಬ ವರದಿ ಪ್ರಕಟವಾಯಿತು. ಸುಭಾಷರ ಕಣ್ಮರೆಯ ನಂತರ ಇಂಡಿಯನ್ ನ್ಯಾಷನಲ್ ಆರ್ಮಿ ಪತನವಾಯಿತು. ಐ. ಎನ್. ಎ ಮುಖ್ಯ ಅಧಿಕಾರಿಗಳಾದ ಷಾ ನವಾಜ್ ಖಾನ್, ಪ್ರೇಮ್ ಸೆಹಗಲ್, ಗುರ್ಭಶ್ ಸಿಂಗ್ ಮುಂತಾದವರನ್ನು ಯುದ್ದ ಕೈದಿಗಳಂತೆ ಬಂಧಿಸಿ ಕೆಂಪುಕೋಟೆಯಲ್ಲಿ ವಿಚಾರಣೆಗೆ ಒಳಪಡಿಸಲಾಯಿತು. ಈ ಸಂದರ್ಭದಲ್ಲಿ ನಮ್ಮ ನೆಹರೂ ಮೂವರನ್ನು ಸಮರ್ಥಿಸಿಕೊಳ್ಳುವ ಕೆಲಸದಲ್ಲಿ ನಿರತರಾಗಿದ್ದರು. ಅವರೇ ಮಹಾತ್ಮಾ ಗಾಂಧಿ, ಅಬ್ದುಲ್ ಕಲಾಂ ಅಜಾದ್ ಮತ್ತು ಮೊಹಮ್ಮದ್ ಅಲಿ ಜಿನ್ನಾ. ಈ ನಾಲ್ಕು ಜನ ಬ್ರಿಟಿಷರೊಂದಿಗೆ ರಹಸ್ಯ ಒಪ್ಪಂದವನ್ನು ಮಾಡಿಕೊಂಡಿದ್ದರು. ಅದೇನು ಗೊತ್ತೇ? ನೇತಾಜಿ ಇನ್ನು ಬದುಕಿದ್ದಾರೆಂದು ಅನೇಕರು ನಂಬಿದ್ದರು, ನೇತಾಜಿ ಭಾರತಕ್ಕೆ ಮರಳಿದರೆ ಅವನ್ನು ನಿಮಗೆ ಒಪ್ಪಿಸುತ್ತೇವೆಂದು ಗಾಂಧಿ ಮತ್ತು ನೆಹರೂ ಬ್ರಿಟಿಷರೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದರು.

ಐ. ಎನ್. ಎ ಅಧಿಕಾರಿಗಳ ವಿಚಾರಣೆಯನ್ನು ಸಾರ್ವಜನಿಕವಾಗಿ ನಡೆಸಲಾಯಿತು. ನೇತಾಜಿಯ ಮೇಲಿದ್ದ ಪ್ರೀತಿ, ಅನುಕಂಪ ಐ. ಎನ್. ಸೈನ್ಯದ ಸಾಹಸಗಳು ಭಾರತೀಯರಲ್ಲಿ ದೇಶಭಕ್ತಿಯ ಕಿಚ್ಚನ್ನು ಹತ್ತಿಸಿತು. ಇದರಿಂದ ಸ್ಫೂರ್ತಿಯಾದ ನೌಕಾದಳದ ನಾವಿಕರು ಸಂಪರ್ಕ ಸಾಧನಗಳ ಮೂಲಕ ಐ.ಎನ್. ಎ ಕತೆಗಳನ್ನು ಎಲ್ಲ ಸಿಬ್ಬಂದಿಗಳಿಗೂ ಮುಟ್ಟಿಸಿದರು. ನೌಕಾ ದಳದಲ್ಲಿ ಸರಿಯಾದ ಸೌಕರ್ಯಗಳಿಂದ ವಂಚಿತರಾಗಿದ್ದ ನಾವಿಕರು ಬ್ರಿಟಿಷರ ವಿರುದ್ದ ಬಂಡಾಯದ ಭಾವುಟ ಹಾರಿಸಿದರು.

ಹೀಗೆ ಭಾರತೀಯ ನೌಕಾ ದಂಗೆ ಫೆಬ್ರವರಿ 18 1946ರಂದು ಆರಂಭವಾಯಿತು. ಅದೇ ದಿನ ಸಂಜೆ ದಂಗೆಯ ಸಮಿತಿಯನ್ನು ರೂಪಿಸಲಾಯಿತು. ಎಂ. ಸ್ ಖಾನ್ ಮತ್ತು ಮದನ್ ಸಿಂಗ್ ಸಮಿತಿಯ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರಾಗಿ ಆಯ್ಕೆಯಾದರು.

ಬಾಂಬೆಯಲ್ಲಿ ಆರಂಭವಾದ ದಂಗೆ ಕರಾಚಿ, ಕಲ್ಕತ್ತಾ, ಕೊಚ್ಚಿ ಮತ್ತು ವಿಶಾಖಪಟ್ಟಣ ಮುಂತಾದ ಕಡೆಗೆ ಹರಡಿತು. 78ಕ್ಕೂ ಹೆಚ್ಚು ನೌಕೆಗಳು, 20,೦೦೦ಕ್ಕೂ ಹೆಚ್ಚು ನಾವಿಕರು ದಂಗೆಗೆ ಸಂಪೂರ್ಣ ಬೆಂಬಲ ನೀಡಿದರು. ನೌಕಾ ದಂಗೆಯಿಂದ ಪ್ರೇರಿತರಾದ ವಾಯುಸೇನೆ ದಂಗೆಗೆ ಬೆಂಬಲ ವ್ಯಕ್ತ ಪಡಿಸಿತು. ಪೊಲೀಸರು ದಂಗೆಗೆ ಸಂಪೂರ್ಣ ಸಹಾಯ ಮಾಡಿದರು. ಭೂದಳದ ಸೈನಿಕರು ಈ ದಂಗೆಯಿಂದ ಪ್ರೇರಿತರಾಗಿ ಬ್ರಿಟಿಷರ ಆಜ್ಞೆಯನ್ನು ಪಾಲಿಸದೆ ಧಿಕ್ಕರಿಸಿದರು. ಹಲವು ನೌಕೆಗಳಲ್ಲಿ ಭಾರತೀಯ ತಿರಂಗಾ ಹಾರಿತು. ಈ ಹೋರಾಟಕ್ಕೆ ದೇಶಾದ್ಯಂತ ವ್ಯಾಪಕ ಬೆಂಬಲ ವ್ಯಕ್ತವಾಯಿತು. ನೌಕಾ ದಳ, ವಾಯು ಸೇನೆ, ಭೂ ದಳ ಮತ್ತು ಪೊಲೀಸರು ಬ್ರಿಟಿಷರ ವಿರುದ್ದ ತಿರುಗಿ ಬಿದ್ದರು.

ದೇಶ ವಿಭಜನೆಯ ಚರ್ಚೆಯಲ್ಲಿ ಮುಳುಗಿದ್ದ ಕಾಂಗ್ರೆಸ್ ಈ ನೌಕಾ ದಂಗೆಯನ್ನು ಬೆಂಬಲಿಸುವ ಬದಲು ವಿರೋಧಿಸಿ ಸೈನ್ಯದ ನಡೆಯನ್ನು ಖಂಡಿಸಿದರು. ಯಾವ ರಾಷ್ಟೀಯ ನಾಯಕರೂ ನೌಕಾ ದಂಗೆಯನ್ನು ಬೆಂಬಲಿಸಲಿಲ್ಲ. ನೌಕ ದಳದ ನಾವಿಕರು ಬ್ರಿಟಿಷರನ್ನು ಎದುರು ಹಾಕಿಕೊಂಡಿದ್ದರು ಸಂಬಳ ಕೊಡುವ ಧಣಿಯ ವಿರುದ್ದವೇ ತಿರುಗಿಬಿದ್ದಿದ್ದರು. 25೦ ವರ್ಷಗಳ ಇತಿಹಾಸದಲ್ಲಿ ಸಾಧಿಸದಿದ್ದ ಶೌರ್ಯವನ್ನು ನಮ್ಮ ಸೈನಿಕರು ಸಾಧಿಸಿದ್ದರು. ಸುಭಾಷರು ಇಂತಹ ಸನ್ನಿವೇಶವನ್ನು ಉಹಿಸಿದ್ದರು ತನ್ನ ಐ. ಎನ್ . ಎ ಭಾರತೀಯರಿಗೆ ಪ್ರೇರಣೆಯಾಗುವುದರಲ್ಲಿ ಅನುಮಾನವೇ ಇಲ್ಲವೆಂದು ಅವರು ನಂಬಿದ್ದರು. ಅವರ ನಂಬಿಕೆ ಸುಳ್ಳಾಗಲಿಲ್ಲ.

ಅಹಿಂಸಾ ಸತ್ಯಾಗ್ರಹಗಳು ನಮಗೆ ಸ್ವಾತಂತ್ರ್ಯ ದೊರಕಿಸಿಕೊಟ್ಟಿತು ಎಂಬುದು ಅಪ್ಪಟ ಸುಳ್ಳು. ಸುಭಾಷ್ ಚಂದ್ರ ಬೋಸ್, ಐ. ಎನ್.ಎ ಮತ್ತು ಭಾರತೀಯ ನೌಕಾ ದಂಗೆ ನಮ್ಮನ್ನು ಬ್ರಿಟಿಷರಿಂದ ಮುಕ್ತಿಗೊಳಿಸಿತು ಎಂಬುದು ನಮ್ಮ ಇತಿಹಾಸದ ಪುಟಗಳು ತಿಳಿಸದ ಕಟು ಸತ್ಯ!. ಸೈನ್ಯದ ಸಹಾಯವಿಲ್ಲದೇ ಇನ್ನು ಭಾರತವನ್ನು ಆಳುವುದು ಅಸಾಧ್ಯ ಎಂಬುದು ಬ್ರಿಟಿಷರಿಗೆ ಮನವರಿಕೆಯಾಗಿತ್ತು.

ಒಮ್ಮೆ ಕಲ್ಕತ್ತಾದ ಹೈ ಕೋರ್ಟ್ ನ್ಯಾಯಾಧೀಶ ಪಿ. ಬಿ ಚಕ್ರಬೋರ್ತಿ ಅವರು ಬ್ರಿಟಿಷ್ ಪ್ರಧಾನಿ ಕ್ಲೆಮೆಟ್ ಅಟ್ಲಿ ಗೆ ನಮ್ಮ ಸ್ವಾತಂತ್ರ್ಯ ಸಂಗ್ರಾಮದ ಕುರಿತು ಪ್ರಶ್ನಿಸಿದರು. ನೀವು ಭಾರತಕ್ಕೆ ಸ್ವಾತಂತ್ರ್ಯ ಕೊಡಲು ಗಾಂಧಿಯ ಪ್ರಭಾವ ಎಷ್ಟಿತ್ತು? ಎಂದು ಪ್ರಶ್ನೆ ಕೇಳಿದಾಗ ಕೃತ ನಗೆ ಬೀರಿದ ಅಟ್ಲಿ ಕನಿಷ್ಠ ಎಂದು ಉತ್ತರಿಸಿದ್ದನು. ಹಾಗಾದರೆ ನೀವು 1947 ರಲ್ಲಿ ಭಾರತವನ್ನು ಬಿಟ್ಟು ಹೋಗಲು ಕಾರಣವೇನು ಎಂದು ಮರು ಪ್ರಶ್ನೆ ಹಾಕಿದಾಗ ಅಟ್ಲಿಯ ಉತ್ತರ ಇದಾಗಿತ್ತು.

“ ಭಾರತೀಯ ಸೈನಿಕರಲ್ಲಿ ಬ್ರಿಟಿಷ್ ನಿಷ್ಠೆಯ ಸಂಪೂರ್ಣ ಸವೆತ, ಐ. ಎನ್. ಎನ್ ಮತ್ತು ಸುಭಾಷ್ ಚಂದ್ರ ಬೋಸ್ ಅವರ ಮಿಲಿಟರಿ ಚಟುವಟಿಕೆಗಳು “

ಈ ಎಲ್ಲ ಸತ್ಯಗಳು ಉತ್ಪಾಲ್ ಸಿಂಗ್ ಬರೆದ ನಾಟಕದಲ್ಲಿತ್ತು. ಸತ್ಯ ಹೊರಬರುತ್ತದೆ ಎಂದು ಹೆದರಿದ ಕಾಂಗ್ರೆಸ್ ಸರಕಾರ ಉತ್ಪಾಲ್ ಸಿಂಗ್ ನನ್ನು ಬಂಧಿಸಿತು. ಈ ಯಾವ ಸತ್ಯಗಳನ್ನು ನಮ್ಮ ಇತಿಹಾಸದ ಪುಟಗಳು ತಿಳಿಸುವುದೇ ಇಲ್ಲ.

ರವಿತೇಜ ಶಾಸ್ತ್ರೀ

ತುಷ್ಟೀಕರಣವೆಂಬ ಇಳಿಜಾರಿನಲ್ಲಿ ಕಾಲಿಟ್ಟ ಮೋದಿ!

2015-06-10T12:02:00.001+05:30

ತುಷ್ಟೀಕರಣವೆಂದರೆ ಮತಕ್ಕಾಗಿ ವಿವಿಧ ರಾಜಕೀಯ ಪಕ್ಷಗಳು ಅಲ್ಪಸಂಖ್ಯಾತರಿಗೆ ವಿವಿಧ ಸೌಲಭ್ಯಗಳನ್ನು ನೀಡುವುದು. ಈ ತುಷ್ಟೀಕರಣ ಇಂದು ರಾಜಕೀಯದ ಭಾಗವಾಗಿಬಿಟ್ಟಿದೆ. ತುಷ್ಟೀಕರಣವಿಲ್ಲದೇ ರಾಜಕೀಯವೇ ಎಂಬಂತಹ ಪರಿಸ್ಥಿತಿ ಇಂದು ಬಹುದೊಡ್ಡ ಪ್ರಜಾಪ್ರಭುತ್ವ ದೇಶವಾದ ಭಾರತದಲ್ಲಿ ನಿರ್ಮಾಣವಾಗಿದೆ.

ಹೆಮ್ಮರವಾಗಿ ಬೆಳೆದಿರುವ ಈ ತುಷ್ಟೀಕರಣದ ಬೇರನ್ನು ಹುಡುಕಲು ಸ್ವಾತಂತ್ರ್ಯ ಪೂರ್ವಕ್ಕೆ ತೆರಳಬೇಕು. ತುಷ್ಟೀಕರಣ ರಾಜಕಾರಣ ಶುರುವಾಗಿದ್ದು 1920-1930 ರ ದಶಕದಲ್ಲಿ. ತುಷ್ಟೀಕರಣದ ಸಸಿ ನೆಟ್ಟಿದ್ದು ಭಾರತೀಯ ಕಾಂಗ್ರೆಸ್. ಅಂದು ಕಾಂಗ್ರೆಸ್ ಗೆ ಹಿಂದೂ ಮುಸ್ಲಿಂ ಏಕತೆ ಸಾಧಿಸದೆ ಸ್ವಾತಂತ್ರ್ಯ ಗಳಿಸುವುದು ಅಸಾಧ್ಯ ಎಂಬ ಭ್ರಮೆ ಆವರಿಸಿತ್ತು. ಒಡೆದು ಆಳುವ ನೀತಿಯನ್ನು ಆನುಸರಿಸುತ್ತಿದ್ದ ಬ್ರಿಟಿಷರು ಧರ್ಮದ ಆಧಾರದ ಮೇಲೆ ಈ ದೇಶವನ್ನು ಒಡೆಯಲು ಪ್ರಯತ್ನಿಸಿದರು. ಹಿಂದೂ- ಮುಸ್ಲಿಂ ಒಟ್ಟಾಗಿ ಬಂದರೆ ಮಾತ್ರ ಸ್ವಾತಂತ್ರ್ಯ ನೀಡುತ್ತೇವೆ ಎಂದು ನಂಬಿಸಿದರು.

ಮುಸ್ಲಿಮರನ್ನು ಓಲೈಸಿಕೊಳ್ಳಲು ಅಂದಿನ ಕಾಂಗ್ರೆಸ್ ನಾಯಕರಾದ ಗಾಂಧಿ ಮತ್ತು ನೆಹರೂ ತುಷ್ಟೀಕರಣವೆಂಬ ಸಸಿಯನ್ನು ನೆಟ್ಟರು. ಮುಸ್ಲಿಮರನ್ನು ತಮ್ಮೆಡೆಗೆ ಸೆಳೆಯುವ ಸಲುವಾಗಿ ಪ್ರತ್ಯೇಕ ಮತಕ್ಷೇತ್ರಗಳನ್ನು ನೀಡಿದರು. ಇಲ್ಲಿ ಮುಸ್ಲಿಮರೆ ಪ್ರತಿನಿಧಿ, ಮುಸ್ಲಿಮರೆ ಮತದಾರರು. ತುಷ್ಟೀಕರಣದ ಸಸಿ ಬೆಳೆಸಲು ಕಾಂಗ್ರೆಸ್ ನೀರುಣಿಸಿತು. ಆಗ ರಾಜಕೀಯದಲ್ಲಿ ಕೂಸಾಗಿದ್ದ ಮುಸ್ಲಿಂ ಲೀಗ್ ಬೆಳೆಯಿತು. ಇದರ ಪರಿಣಾಮ ಮುಸ್ಲಿಮರು ರಾಷ್ಟ್ರೀಯರಾಗುವ ಬದಲು ಮತಾಂಧರಾದರು. ಮುಸ್ಲಿಂ ಲೀಗ್ ಪ್ರತ್ಯೇಕ ರಾಜಕೀಯ ಶಕ್ತಿಯಾಗಿ ರೂಪುಗೊಂಡಿತು.

ಕಾಂಗ್ರೆಸ್ ಬೆಳೆಸಿದ ಮುಸ್ಲಿಂ ತುಷ್ಟೀಕರಣವೆಂಬ ಗಿಡ ಕೊಟ್ಟ ಫಲವೇನು ಗೋತ್ತೇ? ಅದೇ ಖಿಲಾಫತ್ ಚಳುವಳಿ. ಯಾವುದೋ ದೂರ ದೇಶದಲ್ಲಿ ಖಲೀಫನ ಪದಚ್ಯುತಿಯನ್ನು ಖಂಡಿಸುವ ಆಂದೋಲನ ಈ ಖಿಲಾಫತ್ ಚಳುವಳಿ. ಈ ಚಳುವಳಿಗೆ ಕಾಂಗ್ರೆಸ್ ಬೆಂಬಲ ನೀಡಿತು. ಇದರ ಪರಿಣಾಮ ಮುಸ್ಲಿಂ ಮತಾಂಧರು ದಂಗೆಯೆದ್ದು ಕೇರಳದಲ್ಲಿ ಅಮಾಯಕ ಹಿಂದೂಗಳ ಮಾರಣಹೋಮ ಮಾಡಿದರು. ಇದು ತುಷ್ಟೀಕರಣ ನೀಡಿದ ವಿಷಫಲ. ಹಿಂದೂ - ಮುಸ್ಲಿಂ ಏಕತೆಯ ಭ್ರಮೆಯಲ್ಲಿದ್ದ ಗಾಂಧಿಗೆ ತುಷ್ಟೀಕರಣದ ಘೋರ ಪರಿಣಾಮಗಳು ಅರಿವಿಗೆ ಬರಲಿಲ್ಲ.

ಮುಸ್ಲಿಂ ತುಷ್ಟೀಕರಣದಿಂದ ಲಾಭ ಪಡೆದ ಮುಸ್ಲಿಂ ಲೀಗ್ ಮುಂದೆ ಪ್ರತ್ಯೇಕ ದೇಶದ ಬೇಡಿಕೆಯನ್ನು ಇಟ್ಟಿತು. ಇದರ ಪರಿಣಾಮ ನಮಗೆಲ್ಲರಿಗೂ ತಿಳಿದೆ ಇದೆ. ಭಾರತ ಇಬ್ಭಾಗವಾಗಿ ಎರಡು ಹೋಳಾಯಿತು. ಭಾರತದ ವಿಭಜನೆಯೂ ಸಹ ತುಷ್ಟೀಕರಣದ ವಿಷಫಲವೇ. ವಿಭಜನೆಯ ಸಂದರ್ಭದಲ್ಲಿ ಅನೇಕ ಸಾವು ನೋವುಗಳು ಸಂಭವಿಸಿದವು. ಆದರೂ ನಮ್ಮ ರಾಜಕಾರಣಿಗಳಿಗೆ ಅರ್ಥವಾಗಲೇ ಇಲ್ಲ. ಸ್ವಾತಂತ್ರ್ಯ ಬಂದ ನಂತರವೂ ಕಾಂಗ್ರೆಸ್ ಮತಕ್ಕಾಗಿ ತುಷ್ಟೀಕರಣವನ್ನು ಮುಂದುವರೆಸಿತು. ದೇಶದ ಮೊದಲ ಪ್ರಧಾನಿಯಾದ ನೆಹರೂ ಸಾಹೇಬರು ತುಷ್ಟೀಕರಣದ ಗಿಡವನ್ನು ಮರವಾಗಿ ಬೆಳೆಸಿದರು ಇದರ ಪರಿಣಾಮವೇ ಕಾಶ್ಮೀರ ಸಮಸ್ಯೆ. ಕಾಶ್ಮೀರದಲ್ಲಿ ಇಂದು ಪ್ರತ್ಯೇಕವಾದಿಗಳು ನಮ್ಮ ಸೇನೆಯ ಮೇಲೆಯೇ ಆಕ್ರಮಣ ಮಾಡುತ್ತಾರೆ. ಮುಂದೆ ಆರವತ್ತು ವರ್ಷಗಳ ಕಾಲ ದೇಶವನ್ನು ಆಳಿದ ಕಾಂಗ್ರೆಸ್ ತುಷ್ಟೀಕರಣ ನೀತಿಯನ್ನು ಮುಂದುವರೆಸಿತು. ತುಷ್ಟೀಕರಣದಿಂದ ಅಲ್ಪಾಸಂಖ್ಯಾತರು ದೇಶ ನಿಷ್ಠರಾಗುವ ಬದಲು ಧರ್ಮ ನಿಷ್ಠರಾದರು. ಇಂದು ದೇಶದ ಬಹುದೊಡ್ಡ ಪಿಡುಗು ಎಂದೇ ಪರಿಗಣಿಸುವ ಭಯೋತ್ಪಾದನೆಯೂ ಸಹ ತುಷ್ಟೀಕರಣದ ವಿಷಫಲವೇ.

2014 ರಲ್ಲಿ ವಿಜಯಿಯಾಗಿ ಅಧಿಕಾರ ಹಿಡಿದ ಮೋದಿ ತುಷ್ಟೀಕರಣ ರಾಜಕಾರಣಕ್ಕೆ ತಿಲಾಂಜಲಿ ನೀಡುತ್ತಾರೆ ಎಂದು ದೇಶ ಭಾವಿಸಿತ್ತು. ಆದರೆ ಇಂದು ಮೋದಿಯೂ ಸಹ ತುಷ್ಟೀಕರಣದ ಮರಕ್ಕೆ ಪೋಷಣೆ ಮಾಡಲು ಹೊರಟಿದ್ದಾರೆ. ಹಿಂದೂತ್ವದಿಂದಲೇ ಬೆಳೆದ ಬಿಜೆಪಿಗೆ ಇಂದು ಹಿಂದೂತ್ವವೇ ಬೇಡವಾಗಿದೆ. ವಿಶ್ವಕ್ಕೆ ಹಾಲು ನೀಡುವ ಗೋ ಮಾತೆ ಇಂದು ಯಾರ ಬೆಂಬಲವು ಇಲ್ಲದೆ ತಬ್ಬಲಿಯಾಗಿದ್ದಾಳೆ. ಹಿಂದೂಗಳ ಶ್ರದ್ದಾ ಪುರುಷ ರಾಮನ ಭವ್ಯ ರಾಮಮಂದಿರ ನಿರ್ಮಾಣದ ಕನಸು ಕನಸಾಗಿಯೇ ಉಳಿಯುವ ಪರಿಸ್ಥಿತಿ ಇಂದು ನಿರ್ಮಾಣವಾಗಿದೆ. ನೇತಾಜಿ ಮತ್ತು ಶಾಸ್ತ್ರೀಜಿಯಂತ ದೇಶಭಕ್ತರ ಸಾವಿನ ರಹಸ್ಯ ಬಯಲಾಗುವುದು ಮರೀಚಿಕೆಯಾಗಿದೆ. ನಾನು ಹಿಂದೂ ರಾಷ್ಟ್ರೀಯವಾದಿ ಎಂದು ಎದೆತಟ್ಟಿ ಹೇಳಿದ ಮೋದಿ ಇಂದು ಸೆಕ್ಯುಲರ್ ಆಗಲು ಹೊರಟಿದ್ದಾರೆ.

ಕಾಲಿಗೆ ಚಕ್ರ ಕಟ್ಟಿಕೊಂಡು ವಿದೇಶ ಪ್ರವಾಸ ಮಾಡಿ ಮೋದಿ ವಿಶ್ವಸಂಸ್ಥೆಯಿಂದ ಜೂನ್ 22ರಂದು ವಿಶ್ವ ಯೋಗ ದಿನಾಚರಣೆ ಮಾಡಲು ಮಾನ್ಯತೆಗಳಿಸಿದರು. ಆದರೆ ಯಾರೋ ಮತಾಂಧರು ಸೂರ್ಯ ನಮಸ್ಕಾರವನ್ನು ವಿರೋಧಿಸಿದರು ಎಂದು ಯೋಗದಿಂದ ಸೂರ್ಯ ನಮಸ್ಕಾರವನ್ನೇ ಇಂದು ಕೈಬಿಟ್ಟಿದ್ದಾರೆ. ಈ ಮೂಲಕ ಅಲ್ಪಸಂಖ್ಯಾತರನ್ನು ಓಲೈಸಲು ಹೊರಟಿದ್ದಾರೆ. ಶ್ರದ್ದಾ ಪುರುಷ ಶ್ರೀರಾಮ ಮಂದಿರದ ನಿರ್ಮಾಣ ಇಂದು ಮೋದಿಗೆ ಬೇಡವಾಗಿದೆ. ತಬ್ಬಲಿ ಗೋ ಮಾತೆಯ ಹತ್ಯೆಯನ್ನು ನಿಷೇಧಿಸಲು ಅವರು ಮೀನಮೇಷ ಎಣಿಸುತ್ತಿದ್ದಾರೆ. ಇದೇ ನೀತಿಯನ್ನು ಹಿಂದಿನ ಸರ್ಕಾರ ಕಾಂಗ್ರೆಸ್ ಅನುಸರಿಸಿತ್ತು. ಇದನ್ನೇ ಮೋದಿಯೂ ಮುಂದುವರೆಸಿದರೆ ಮೋದಿಗೂ ಕಾಂಗ್ರೆಸ್ ಏನು ವ್ಯತ್ಯಾಸವಿದೆ ಹೇಳಿ. ಹಿಂದೂತ್ವವಿಲ್ಲದೇ ಈ ದೇಶದ ಉಳಿವು ಅಸಾಧ್ಯ ಎಂಬದನ್ನು ಮೋದಿ ಮರೆತಂತಿದೆ.

ಈ ತುಷ್ಟೀಕರಣವೆಂಬುದು ಇಳಿಜಾರಿನಂತೆ. ಒಮ್ಮೆ ಇಳಿಜಾರಿನಲ್ಲಿ ಕಾಲಿಟ್ಟರೆ ಜಾರುತ್ತಾ ಸಾಗಬೇಕು. ಈ ತುಷ್ಟೀಕರಣದಿಂದ ಭಾರತ ಘೋರ ಪರಿಣಾಮಗಳನ್ನು ಎದುರಿಸಿದೆ. ಇದನ್ನೇ ಮುಂದುವೆರಸಿದರೆ ಭಾರತ ಮತ್ತಷ್ಟು ಘೋರ ಪರಿಣಾಮಗಳನ್ನು ಎದುರಿಸಬೇಕಾದೀತು. ಈಗ ಎಚ್ಚೆತ್ತುಕೊಳ್ಳುವ ಸಮಯ ಎಚ್ಚೆತ್ತುಕೊಂಡರೆ ಈ ದೇಶ ಉಳಿದೀತು ಎಚ್ಚರ!

ರವಿತೇಜ ಶಾಸ್ತ್ರೀ

ಈ ರಾಷ್ಟ್ರವನ್ನುಳಿಸಿದ ನಿಜ ಮಹಾತ್ಮಾ ಸ್ವಾತಂತ್ರ್ಯ ವೀರ ಸಾವರ್ಕರ್!

2015-05-28T09:29:00.001+05:30

8 ಜುಲೈ 1910, ಎಸ್. ಎಸ್ ಮೋರಿಯ ಎಂಬ ಹಡಗು ಫ್ರಾನ್ಸ್‌ನ ಬಂದರು ಮರ್‌ಸೈಲ್ಸ್ (Marseilles) ತಲುಪಿತ್ತು. ಹಡಗಿನಲ್ಲಿದ್ದ ಒಬ್ಬ ಮಹಾನ್ ಕ್ರಾಂತಿಕಾರಿ ಶರೀರಬಾಧೆ ತೀರಿಸುವ ನೆಪದಲ್ಲಿ ಹಡಗಿನ ಶೌಚಾಲಯ ಪ್ರವೇಶಿಸಿ, ಬಾಗಿಲಿನ ಚಿಲಕ ಹಾಕಿ, ತನ್ನ ಬಟ್ಟೆಯಿಂದ ಕಿಟಕಿಯನ್ನು ಮುಚ್ಚಿ, ಯಾರಿಗೂ ಕಾಣದಂತೆ ಹಡಗಿನ ಪಾರ್ಶ್ವದ ಕಂಡಿಯ ಮೂಲಕ ಸಮುದ್ರಕ್ಕೆ ಧುಮುಕಿದ. ಕಂಡಿಯ ಮೂಲಕ ಹಾರುವಾಗ ಮೈ – ಕೈಯ ಚರ್ಮ ಕೆಲವೆಡೆ ತರಚಿ ಹೋಯಿತು. ಆತ ಸಮುದ್ರದಲ್ಲಿ ಈಜುವುದನ್ನು ಗಮನಿಸಿದ ಕಾವಲುಗಾರರು ಆತನತ್ತ ಗುಂಡು ಹಾರಿಸಿದರು. ಆತ ನೀರಲ್ಲಿ ಮುಳುಗಿ, ಆಗಾಗ ತಲೆಯೆತ್ತಿ, ಪುನಃ ಮುಳುಗಿ, ಈಜುತ್ತಾ ಈಜುತ್ತಾ ಗುಂಡೇಟು ತಪ್ಪಿಸುತ್ತಾ ನಾಟಕೀಯವಾಗಿ ಬಂದರಿನತ್ತ ತಲುಪಿದ. ಒಂದೆಡೆ ದಂಡೆಗೆ ಅಪ್ಪಳಿಸುವ ಗುಂಡಿನ ದಾಳಿ, ಹಿಂಬಾಲಿಸುವ ಈಜುಗಾರರು ಮತ್ತು ದೋಣಿ, ಅವೆಲ್ಲವನ್ನೂ ತಪ್ಪಿಸಿಕೊಂಡು ದಡ ಸೇರಿದ ಸಾಹಸ ಹರಸಾಹಸವೇ ಆಗಿತ್ತು! ಇತಿಹಾಸದಲ್ಲಿ ಹಿಂದೆಂದೂ ನಡೆಯದ ಅದ್ಭುತ ಘಟನೆ! ಇತಿಹಾಸ ಕಂಡ ಸಾಗರ ಸಾಹಸ! ಈ ಅಪ್ರತಿಮ ಸಾಹಸ ಮಾಡಿದ್ದು ಬೇರಾರು ಅಲ್ಲ ಅವರೇ ಸ್ವಾತಂತ್ರ್ಯ ವೀರ ವಿನಾಯಕ ದಾಮೋದರ್ ಸಾವರ್ಕರ್.

ಸೂರ್ಯ ಮುಳುಗದ ಬ್ರಿಟಿಷ್ ಸಾಮ್ರಾಜ್ಯಕ್ಕೆ ಸಿಂಹ ಸ್ವಪ್ನರಂತೆ ಕಾಡಿ, ರಾಷ್ಟ್ರ ಮುಕ್ತಿಯ ಮಹಾ ಯಜ್ಞದಲ್ಲಿ ಹವಿಸ್ಸಿನಂತೆ ಸರ್ವವನ್ನು ರಾಷ್ಟ್ರಕ್ಕೆ ಸಮರ್ಪಿಸಿ, ವಿಶ್ವದ ಇತಿಹಾಸದಲ್ಲೇ ಮೊದಲ ಬಾರಿ 50 ವರ್ಷಗಳ ಕಾಲ ಘೋರ ಕರಿನೀರಿನ ಶಿಕ್ಷೆಗೆ ಒಳಗಾದವರು ಸ್ವಾತಂತ್ರ್ಯ ವೀರ ಸಾವರ್ಕರ್. ಸಾವರ್ಕರ್ ಎಂದರೆ ಕಿಚ್ಚು, ಸಾವರ್ಕರ್ ಎಂದರೆ ಆತ್ಮಾಭಿಮಾನ, ಸಾವರ್ಕರ್ ಎಂದರೆ ದೇಶಭಕ್ತಿ, ಸಾವರ್ಕರ್ ಎಂದರೆ ಸಮರ್ಪಣೆ. ಆದರ್ಶ, ನಿಷ್ಠೆ, ಸಾಹಸ, ಪರಾಕ್ರಮ, ಸಂಯಮ, ಸಹನಶೀಲತೆ, ಆತ್ಮವಿಶ್ವಾಸ, ಛಲ, ಜಾಣ್ಮೆ, ವಿವೇಕ, ನೇತೃತ್ವ, ಆತ್ಮಾರ್ಪಣೆ ಅವೆಲ್ಲದರ ಸಂಗಮವೇ ಅಪ್ರತಿಮ ವೀರ ವಿನಾಯಕ ದಾಮೋದರ ಸಾವರ್ಕರ್

1883 ಮೇ 28 ರಂದು ಜನಿಸಿದ ಸಾವರ್ಕರ್ ಚಿಕ್ಕಂದಿನಲ್ಲೇ ತಂದೆ ತಾಯಿ ಕಳೆದುಕೊಂಡು ಅಣ್ಣ ಬಾಬಾರಾವ್ ಸಾವರ್ಕರ್ ಅವರ ಆಶ್ರಯದಲ್ಲಿ ಬೆಳೆದರು. ಅಣ್ಣ ಸಾವರ್ಕರ್ ಸಹ ದೇಶದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದವರು. ಸಾವರ್ಕರ್ ತಾರುಣ್ಯದಲ್ಲಿ “ಮಿತ್ರಮೇಳ” ಎಂಬ ಗುಂಪು ಹುಟ್ಟುಹಾಕಿ ಯುವಕರಲ್ಲಿ ಸ್ವಾತಂತ್ರ್ಯದ ಕಿಚ್ಚು ಹಚ್ಚಿದರು. ನಂತರ “ಅಭಿನವ ಭಾರತ” ಎಂಬ ಸಂಘಟನೆ ಸ್ಥಾಪಿಸಿ ವಿದೇಶೀ ವಸ್ತುಗಳನ್ನು ಸುಡುವ ಹೋಳಿ( ಗಾಂಧೀಜಿ ಮುಂದೆ ಇದೆ ವಿಧಾನ ಅನುಸರಿಸಿದರು) ಆಚರಿಸಿದರು. ಪುಣೆಯ ಫಾರ್ಗುಸನ್ ಕಾಲೇಜಿನಲ್ಲಿ ಬಿ. ಎ ಪದವಿ ಮುಗಿಸಿ ಮುಳ್ಳನ್ನು ಮುಳ್ಳಿನಿಂದ ತೆಗಯಬೇಕೆಂದು ನಿರ್ಧರಿಸಿ ಕಾನೂನು ಪದವಿ ಪಡೆಯಲು ಇಂಗ್ಲೆಂಡಿಗೆ ಹಾರಿದರು. ಶ್ಯಾಮ್ ಜೀ ಕೃಷ್ಣ ವರ್ಮ ಭಾರತ ಭವನದಲ್ಲಿ ಯುವಕರನ್ನು ಸಂಘಟಿಸಿ ಇಂಗ್ಲೆಂಡಿನಲ್ಲಿ ಸ್ವಾತಂತ್ರ್ಯದ ಜ್ಯೋತಿ ಮೊಳಗಿಸಿದರು.1857ರ ಸ್ವಾತಂತ್ರ್ಯ ಸಂಗ್ರಾಮದ ಕುರಿತು ಉತ್ಕೃಷ್ಟವಾದ ಗ್ರಂಥ ಬರೆದದರು. ಮದನಲಾಲ್ ಧಿಂಗ್ರಾ ಎಂಬ ಬಿಸಿ ರಕ್ತದ ಯುವಕರಲ್ಲಿ ಭಾರತದ ಬಗ್ಗೆ ಅಭಿಮಾನ ಮೂಡಿಸಿದರು. ಮುಂದೆ ಸಾವರ್ಕರ್ ಪ್ರೇರಣೆಯಿಂದ ಧಿಂಗ್ರಾ ಇಂಗ್ಲೆಂಡಿನಲ್ಲಿ ಭಾರತೀಯ ವಿದ್ಯಾರ್ಥಿಗಳಲ್ಲಿ ಭಾರತದ ಬಗ್ಗೆ ವಿಷ ಬೀಜಬಿತ್ತುತ್ತಿದ್ದ ಕರ್ಜನ್ ವಾಲಿಯಾನನ್ನು ಗುಂಡಿಕ್ಕಿ ಕೊಂದ. ಸಾದಾ ಸಾವರ್ಕರ್ ಬಂಧಿಸಲು ಹೊಂಚು ಹಾಕುತ್ತಿದ್ದ ಬ್ರಿಟಿಷರು ಸಾವರ್ಕರ್ ರನ್ನು ಬಂಧಿಸಿದರು.ಪೊಲೀಸರು ಹಡಗಿನಲ್ಲಿ ಸಾವರ್ಕರ್ ಅವರನ್ನು ಹಡಗಿನಲ್ಲಿ ಭಾರತಕ್ಕೆ ಕರದೊಯ್ಯುವಾಗ ಆಶ್ಚರ್ಯಕರ ರೀತಿಯಲ್ಲಿ ಹಡಗಿನ ಕಿಟಕಿ ಹೊಡೆದು ಸಮುದ್ರಕ್ಕೆ ಹಾರಿ ಈಜಿಕೊಂಡು ಫ್ರಾನ್ಸ್ ಸೇರಿಕೊಂಡರು. ಫ್ರಾನ್ಸ್ ನಲ್ಲಿ ನನ್ನನ್ನು ಬಂಧಿಸಲು ಸಾಧ್ಯವಿಲ್ಲವೆಂದು ಸಾವರ್ಕರ್ ಭಾವಿಸಿದ್ದರು ಆದರೆ ಬ್ರಿಟಿಷರ ಲಂಚಕ್ಕೆ ಬಲಿಯಾದ ಫ್ರಾನ್ಸ್ ಪೊಲೀಸರು ಸಾವರ್ಕರ್ ರನ್ನು ಬ್ರಿಟಿಷ್ ಪೋಲೀಸರ ಸುಪರ್ದಿಗೆ ವಹಿಸಿದರು. ಬ್ರಿಟಿಷ್ ಸರ್ಕಾರ ಸಾವರ್ಕರ್ ಗೆ 2 ಜೀವಾವಧಿ ಶಿಕ್ಷೆ ವಿಧಿಸಿತು ಅಂದರೆ ಒಟ್ಟು 50 ವರ್ಷ ಕರಿನೀರಿನ ಶಿಕ್ಷೆ. ಆಗಿನ ಕಾಲದಲ್ಲಿ ಅಂಡಮಾನ್ ನಿಕೋಬಾರ್ ಜೈಲಿನಲ್ಲಿ ನೀಡಲಾಗುತ್ತಿದ್ದ ಅತ್ಯಂತ ಕಟೋರ ಶಿಕ್ಷೆಯಾಗಿತ್ತು. ಅದರೂ ಸಾವರ್ಕರ್ ಕುಗ್ಗದೆ ಜೈಲಿನಲ್ಲಿ ಕೈದಿಗಳ ಹಕ್ಕುಗಳಿಗೆ ಹೋರಾಡಿದರು. ಜೈಲಿನಲ್ಲಿ ನಡೆಯುತ್ತಿದ್ದ ಮತಾಂತರವನ್ನು ತಡೆದರು. 11 ವರ್ಷಗಳ ನಂತರ ಕರಿನೀರಿನ ಶಿಕ್ಷೆಯಿಂದ ಮುಕ್ತಿ ಹೊಂದಿ ಭಾರತದ ಸಾಮಾನ್ಯ ಜೈಲಿಗೆ ಸ್ಥಳಾಂತರವಾದರು. ಖಿಲಾಪತ್ ಚಳುವಳಿಯಿಂದ ನೊಂದು ಹಿಂದುತ್ವದ ಕುರಿತು ಕೃತಿ ರಚಿಸಿ ಹಿಂದೂ ಧರ್ಮದ ಉದ್ದಾರಕ್ಕಾಗಿ ಶ್ರಮಿಸಿದರು. ಜೈಲಿನಿಂದ ಬಿಡುಗಡೆಯಾಗಿ “ಹಿಂದೂ ಮಹಾಸಭಾ” ಎಂಬ ಪಕ್ಷ ಸ್ಥಾಪಿಸಿ ಸ್ವಾತಂತ್ರ್ಯ ಹೋರಾಟ ಮುಂದುವರಿಸಿದರು. ಮಹಾರಾಷ್ಟ್ರದಲ್ಲಿ ತಾತ್ಯಾರಾವ್ ಎಂದು ಪ್ರಸಿದ್ದರಾದರು. ಭಗತ್ ಸಿಂಗ್, ಸುಭಾಷ್ ಚಂದ್ರ ಬೋಸ್ ಮುಂತಾದ ಅಸಂಖ್ಯಾ ಕ್ರಾಂತಿಕಾರಿಗಳಿಗೆ ಮಾರ್ಗದರ್ಶಕರಾದರು.

ನಮಗೆ ಸ್ವಾತಂತ್ರ್ಯ ದೊರಕಿದ್ದು ನೇತಾಜಿ ಮತ್ತು ಸಾವರ್ಕರ್ ಅವರಿಂದ!

ಬರಿ ಅಹಿಂಸೆಯಿಂದ ನಮಗೆ ಸ್ವಾತಂತ್ರ್ಯ ಬರಲಿಲ್ಲ. ಸಾವರ್ಕರ್, ನೇತಾಜಿ ಮತ್ತು ಅಸಂಖ್ಯಾ ಕ್ರಾಂತಿಕಾರಿಗಳ ಬಲಿದಾನದಿಂದಲೇ ನಮಗೆ ಸ್ವಾತಂತ್ರ್ಯ ದೊರಕಿದ್ದು.

ಎರಡನೇ ಮಹಾಯುದ್ದ ಮುಗಿದ ನಂತರ ಸೈನ್ಯದಲ್ಲಿ ನೇತಾಜಿಯವರ ಅಜಾದ್ ಹಿಂದ್ ಫೌಜ್ ನ ಪ್ರಭಾವ ಹೆಚ್ಚಾಗಿ ಬಂಡಾಯ ಶುರುವಾಯಿತು. ನೌಕ ಪಡೆ ಬ್ರಿಟಿಷರ ವಿರುದ್ದ ತಿರುಗಿಬಿದ್ದಿತು. ಸೇನೆಯ ಸಹಾಯವಿಲ್ಲದೇ ದೇಶವನ್ನು ಆಳುವುದು ಆಸಾಧ್ಯ ಎಂಬ ಸತ್ಯ ಬ್ರಿಟಿಷರಿಗೆ ತಿಳಿಯಿತು. ಇದರಿಂದ ಭಾರತಕ್ಕೆ ಸ್ವಾತಂತ್ರ್ಯ ದೊರಕಿತು. ನೇತಾಜಿಗೆ ಸೇನೆ ಸ್ಥಾಪಿಸಲು ಪ್ರೇರಣೆ ನೀಡಿದವರು ಸಾವರ್ಕರ್. ಇದರ ಜೊತೆಗೆ ಎರಡನೇ ಮಹಾಯುದ್ದದ ಸಂದರ್ಭದಲ್ಲಿ ದೇಶವನ್ನು ಸುತ್ತಿ, ಯುವಕರನ್ನು ಸಂಘಟಿಸಿ ಅವರನ್ನು ಸೇನೆಗೆ ಸೇರಲು ಪ್ರೇರೇಪಿಸಿದರು ಸಾವರ್ಕರ್. ನಮಗೆ ಸ್ವಾತಂತ್ರ್ಯ ದೊರಕಿದ್ದು ಸಾವರ್ಕರ್ ರಿಂದಲೇ ಎಂದರೆ ಅತಿಶಯೋಕ್ತಿಯಲ್ಲ ಎಂಬುದು ನನ್ನ ಭಾವನೆ.

ಅಂದು ಸಾವರ್ಕರ್ ಕಾಲಿಗೆ ಚಕ್ರ ಕಟ್ಟಿಕೊಂಡು ದೇಶವನ್ನು ಸುತ್ತಿ ಯುವಕರನ್ನು ಜಾಗೃತಿ ಮೂಡಿಸಿದ ಪರಿಣಾಮ ನಮ್ಮ ದೇಶ ಉಳಿಯಿತು. ಇದರಿಂದ ಸೈನ್ಯದಲ್ಲಿ ಶೇ. 20 ರಷ್ಟಿದ್ದ ಹಿಂದೂಗಳ ಸಂಖ್ಯೆ ಶೇ. 70 ಕ್ಕೆ ಏರಿತು. ಈ ಸಂದರ್ಭದಲ್ಲಿ ಸೇನೆಗೆ ಸೇರಬೇಡಿ ಎಂದು ಕಾಂಗ್ರೆಸ್ ಕರೆ ಕೊಟ್ಟಿತು. ಸ್ವಾತಂತ್ರ್ಯ ಬಂದ ನಂತರ ಸೈನ್ಯದಲ್ಲಿದ್ದ ಎಲ್ಲ ಮುಸ್ಲಿಂ ಸೈನಿಕರು ಪಾಕಿಸ್ತಾನಕ್ಕೆ ಹೋದರು. ಈ ಸಂದರ್ಭದಲ್ಲಿ ಸೈನ್ಯದಲ್ಲಿ ಹಿಂದುಗಳೇ ಇಲ್ಲದೇ ಹೋಗಿದ್ದರೆ ಭಾರತದ ಪರಿಸ್ಥಿತಿಯನ್ನು ಒಮ್ಮೆ ಊಹಿಸಿಕೊಳ್ಳಿ. ಭಾರತದ ಕೆಂಪು ಕೋಟೆಯ ಮೇಲೆ ತಿರಂಗಾ ಹಾರದೆ ಪಾಕಿಸ್ತಾನದ ಧ್ವಜ ಹಾರುವ ಎಲ್ಲ ಸಾಧ್ಯತೆಗಳಿತ್ತು. ನಮ್ಮ ದೇಶವನ್ನು ಉಳಿಸಿದ ನಿಜ ಮಹಾತ್ಮಾ ಸಾವರ್ಕರ್.

ಸರ್ವವನ್ನು ದೇಶಕ್ಕೆ ಅರ್ಪಿಸಿದ ಮಹಾನ್ ಪುರುಷ ಸಾವರ್ಕರ್ ನಮ್ಮ ದೇಶದ ಮಹಾತ್ಮಾ ನಾಗ ಬೇಕಿತ್ತು. ಆದರೆ ಇಂತಹ ಮಹಾತ್ಮನನ್ನು ನೆಹರು ವಿನಾಕಾರಣ ಗಾಂಧಿ ಹತ್ಯೆಯಲ್ಲಿ ಅರೋಪಿಯನ್ನಾಗಿಸಿ ಅವಮಾನಿಸಿದರು. ಆರೋಪ ಸಾಬೀತಾಗದೆ ಸಾವರ್ಕರ್ ಬಿಡುಗಡೆ ಹೊಂದಿದರು. ಆದರೆ ಇಷ್ಟಕ್ಕೆ ಸುಮ್ಮನಾಗದ ನೆಹರು ಸಾವರ್ಕರ್ ಶಿಕ್ಷೆ ಅನುಭವಿಸಿದ ಅಂಡಮಾನ್ ಜೈಲನ್ನು ನಾಶಮಾಡಿ ಆಸ್ಪತ್ರೆ ಕಟ್ಟಿಸಲು ಮುಂದಾದರು ಆದರೆ ಅದು ಸಾಧ್ಯವಾಗಲಿಲ್ಲ. ಮಹಾನ್ ಕುತಂತ್ರಿ ನೆಹರು ತನ್ನ ಸ್ವಾರ್ಥಕ್ಕಾಗಿ ಸಾವರ್ಕರ್ ಗೆ ನೋವು ಕೊಟ್ಟರು.ಕೊನೆಗೆ ನೆಹರು ಸತ್ತಾಗ ಶಾಸ್ತ್ರೀಜಿ ಸಾವರ್ಕರ್ ಗೆ ಸರ್ಕಾರದಿಂದ ಪಿಂಚಣಿ ಬರುವ ವ್ಯವಸ್ಥೆ ಮಾಡಿಸಿ ಅವರಿಗೆ ಗೌರವ ಸಲ್ಲಿಸಿದರು.1966 ಫೆಬ್ರವರಿ 26ರಂದು ಸಾವರ್ಕರ್ ಇಹಲೋಕ ತ್ಯಜಿಸಿದರು. ಮಹಾನ್ ನಾಯಕನ ಸಾವಿಗೆ ದೇಶದ ಜನ ಕಂಬನಿ ಮಿಡಿದರು. ಲಕ್ಷಾಂತರ ಜನ ಅವರ ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಿ ಯುಗಪುರುಷನಿಗೆ ಶ್ರದ್ದಾಂಜಲಿ ಸಲ್ಲಿಸಿದರು. ಆದರೆ ಕಾಂಗ್ರೆಸ್ ಸರ್ಕಾರ ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಲಿಲ್ಲ.

ನಾಡ ಮುಕ್ತಿಯ ಯಜ್ಞದಲ್ಲಿ ಹವಿಸ್ಸಿನಂತೆ ತನ್ನನ್ನು ತಾನು ರಾಷ್ಟ್ರಕ್ಕೆ ಸಮರ್ಪಿಸಿದ ಮಹಾನ್ ವೀರ, ದೇಶಕ್ಕಾಗಿ ಐದು ದಶಕಗಳ ಕಾಲ ಕಟೋರ ಕರಿನೀರಿನ ಶಿಕ್ಷೆಗೊಳಗಾದ ಮಹಾನ್ ದೇಶಭಕ್ತನ ಕುರಿತು ನಮ್ಮ ಪಠ್ಯಪುಸ್ತಕದಲ್ಲಿ ಕೇವಲ ಎರಡು ಸಾಲಿದೆ. ಇದು ನಾವು ಸಾವರ್ಕರ್ ಗೆ ನೀಡಿರುವ ಪುರಸ್ಕಾರ! ಪಠ್ಯಪುಸ್ತಕದಲ್ಲಿ ಇಲ್ಲದಿದ್ದರೇನು ನಾವು ನಮ್ಮ ಹೃದಯದಲ್ಲಿ ಸಾವರ್ಕರ್ ಗೆ ಉಚ್ಚ ಸ್ಥಾನವನ್ನು ನೀಡೋಣ, ಅವರು ದೇಶಕ್ಕೆ ನೀಡಿದ ಕೊಡುಗೆಯನ್ನು ಸ್ಮರಿಸೋಣ.

ಇಂದು ಅವರ ಜನ್ಮ ದಿನ. ಮಹಾನ್ ನಾಯಕನಿಗೆ ನನ್ನ ನಮನಗಳು.

ಸ್ವಾತಂತ್ರ್ಯ ಲಕ್ಷ್ಮಿಗೆ ಜಯವಾಗಲಿ.

ರವಿತೇಜ ಶಾಸ್ತ್ರೀ

ಉತ್ತಿಷ್ಠ ಭಾರತ

ಗಾಂಧಿ ಪಟೇಲರನ್ನು ಬಿಟ್ಟು ನೆಹರೂರನ್ನು ಪ್ರಧಾನಿ ಮಾಡಿದ್ದೇಕೆ?

2015-05-02T20:55:00.001+05:30

"History is written by the victors" ಈ ಮಾತು ಅಕ್ಷರಶಃ ಸತ್ಯ. ಭಾರತದ ಇತಿಹಾಸವನ್ನು ಬರೆದಿದ್ದು ಸ್ವಾತಂತ್ರ್ಯ ಚಳುವಳಿಯಲ್ಲಿ ತಾನೇ ವಿಜಯಿ ಎಂದು ಬಿಂಬಿಸಿಕೊಂಡ ಕಾಂಗ್ರೆಸ್ ಪಕ್ಷ. ಸುಳ್ಳಿನ ಕಂತೆಗಳನ್ನು ಪೋಣಿಸಿ ಅದನ್ನೇ ನಿಜ ಇತಿಹಾಸವೆಂದು ನಮ್ಮನ್ನು ನಂಬಿಸಿದವರು ಕಾಂಗ್ರೆಸ್ ಮತ್ತು ಅದರ ಮುಂಚೂಣಿ ನಾಯಕರಾದ ಗಾಂಧಿ ಮತ್ತು ನೆಹರೂ.

ಅಧಿಕೃತ ಇತಿಹಾಸದ ಪ್ರಕಾರ, ಜವಾಹರಲಾಲ್ ನೆಹರೂ ಭಾರತದ ಪ್ರಥಮ ಪ್ರಧಾನಿಯಾಗಿ ಆಯ್ಕೆಗೊಂಡರು ಮತ್ತು ಸರ್ದಾರ್ ಪಟೇಲ್ ಉಪ ಪ್ರಧಾನಿಯಾದರು. ಅರ್ಹತೆಗೆ ಅನುಗುಣವಾಗಿ ಈ ಆಯ್ಕೆ ನಡೆಯಿತು ಎಂದು ನಮ್ಮ ಇತಿಹಾಸ ತಿಳಿಸುತ್ತದೆ. ಆದರೆ ಈ ಇತಿಹಾಸ ಮಹಾನ್ ದೇಶ ಭಕ್ತ, ಭಾರತದ ‘ ಉಕ್ಕಿನ ಮನುಷ್ಯ ’ ಸರ್ದಾರ್ ಪಟೇಲ್ ಗೆ ದ್ರೋಹ ಬಗೆದಿದೆ. ನಮ್ಮ ಇತಿಹಾಸ ಸಾಕಷ್ಟು ಸತ್ಯಗಳನ್ನು ಮರೆಮಾಚಿದೆ. ಸ್ವಾತಂತ್ರ್ಯ ಬಂದ ನಂತರ ದೇಶದ ಮೊದಲ ಪ್ರಧಾನಿಯ ಆಯ್ಕೆಯ ಸಂದರ್ಭದಲ್ಲಿ ಇಡೀ ಕಾಂಗ್ರೆಸ್ ಪಟೇಲರನ್ನು ಬೆಂಬಲಿಸಿತ್ತು. ದಕ್ಷ ಆಡಳಿತಗಾರರಾಗಿದ್ದ ಪಟೇಲರು ಪ್ರಧಾನಿಯಾಗಲು ಸೂಕ್ತ ವ್ಯಕ್ತಿಯಾಗಿದ್ದರು. ಆದರೂ ಪಟೇಲರು ಯಾಕೆ ಪ್ರಧಾನಿಯಾಗಲಿಲ್ಲ? ಗಾಂಧಿ ಪಟೇಲರನ್ನು ಬಿಟ್ಟು ನೆಹರೂರನ್ನು ಪ್ರಧಾನಿ ಮಾಡಿದ್ದೇಕೆ? ನಮ್ಮ ಇತಿಹಾಸ ತಿಳಿಸದ ಘೋರ ಸತ್ಯಗಳನ್ನು ನಾವು ಅರಿಯಬೇಕಿದೆ.

1946ರ ಹೊತ್ತಿಗೆ ಬ್ರಿಟಿಷರು ಭಾರತವನ್ನು ಬಿಟ್ಟು ಹೋಗುವುದು ಖಾತ್ರಿಯಾಗಿತ್ತು. ಎರಡನೇ ಮಹಾಯುದ್ದ ಮುಗಿದಿತ್ತು ಬ್ರಿಟಿಷರು ಭಾರತಕ್ಕೆ ಸ್ವಾತಂತ್ರ್ಯವನ್ನು ನೀಡಲು ನಿರ್ಧರಿಸಿದ್ದರು. ದೇಶದ ದೊಡ್ಡ ಪಕ್ಷ, ಸ್ವಾತಂತ್ರ್ಯ ಆಂದೋಲನದ ನೇತೃತ್ವ ವಹಿಸಿದ್ದ, 1946ರ ಚುನಾವಣೆಯಲ್ಲಿ ಅತಿಹೆಚ್ಚು ಸ್ಥಾನಗಳಿಸಿದ್ದ ಕಾಂಗ್ರೆಸ್ ಮಧ್ಯಂತರ ಸರ್ಕಾರವನ್ನು ರಚಿಸಬೇಕಿತ್ತು. ಕಾಂಗ್ರೆಸ್ ಅಧ್ಯಕ್ಷರೇ ಮುಂದಿನ ಪ್ರಧಾನಿಯಾಗಬೇಕಿತ್ತು ಆದುದರಿಂದ ಕಾಂಗ್ರೆಸ್ ಅಧ್ಯಕ್ಷ ಪಟ್ಟಕ್ಕೆ ಹೆಚ್ಚಿನ ಮಹತ್ವ ದೊರೆಯಿತು. ಮೌಲಾನ ಅಬ್ದುಲ್ ಕಲಾಂ ಅಜಾದ್ ಅಂದಿನ ಕಾಂಗ್ರೆಸ್ ಅಧ್ಯಕ್ಷರಾಗಿದ್ದರು. 6 ವರ್ಷಗಳ ಕಾಲ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆಯೇ ನಡೆದಿರಲಿಲ್ಲ. ಕ್ವಿಟ್ ಇಂಡಿಯಾ ಚಳುವಳಿಯ ಸಂದರ್ಭದಲ್ಲಿ ಹೆಚ್ಚಿನ ಕಾಂಗ್ರೆಸ್ ನಾಯಕರು ಜೈಲು ಸೇರಿದ್ದರು ಹಾಗಾಗಿ ಚುನಾವಣೆ ನಡೆದಿರಲಿಲ್ಲ. ಮತ್ತೊಮ್ಮೆ ಚುನಾವಣೆಗೆ ಸ್ಪರ್ಧಿಸಲು ಅಜಾದ್ ಉಸ್ತುಕರಾಗಿದ್ದರು. ಪ್ರಧಾನಿಯಾಗಬೇಕೆಂಬ ಆಸೆ ಅವರಿಗಿತ್ತು. ಆದರೆ ಅಜಾದ್ ಮತ್ತೊಮ್ಮೆ ಅಧ್ಯಕ್ಷರಾಗುವುದು ಗಾಂಧಿಗೆ ಇಷ್ಟವಿರಲಿಲ್ಲ. ಹಾಲಿ ಅಧ್ಯಕ್ಷರು ಪುನಃ ಅಧ್ಯಕ್ಷರಾಗುವುದು ಸರಿಯಲ್ಲ ಆದ್ದರಿಂದ ಅಜಾದ್ ಸ್ಪರ್ಧಿಸಬಾರದೆಂದು ಗಾಂಧಿ ಆದೇಶಿಸಿದ್ದರು. ಗಾಂಧಿಯ ಮಾತನ್ನು ಮೀರುವ ಶಕ್ತಿ ಅಜಾದರಿಗೆ ಇರಲಿಲ್ಲ ಅವರು ತೆಪ್ಪಗಾದರು. ನೆಹರೂ ಬಿಟ್ಟು ಬೇರಾರೂ ಅಧ್ಯಕ್ಷರಾಗಬಾರದು ಎಂದು ಗಾಂಧಿ ತೀರ್ಮಾನಿಸಿದ್ದರು.

ಏಪ್ರಿಲ್ 29 1946ರಂದು ಅಧ್ಯಕ್ಷರನ್ನು ಆರಿಸಲು ಕೊನೆಯ ದಿನಾಂಕವಾಗಿತ್ತು. 15 ಕಾಂಗ್ರೆಸ್ ಸಮಿತಿಗಳಲ್ಲಿ 12 ಕಾಂಗ್ರೆಸ್ ಸಮಿತಿಗಳು ಗಾಂಧಿಯ ಆಸೆಯ ವಿರುದ್ದವಾಗಿ ಅಂದರೆ ಸರ್ದಾರ್ ಪಟೇಲರ ಹೆಸರನ್ನು ಸೂಚಿಸಿದರು. ಇನ್ನು 3 ಸಮಿತಿಗಳು ಯಾರ ಹೆಸರನ್ನು ಸೂಚಿಸಲಿಲ್ಲ. ಇದರಿಂದ ತೀವ್ರ ಬೇಸತ್ತ ಗಾಂಧಿ ಆಚಾರ್ಯ ಕೃಪಲಾನಿಗೆ ಸದಸ್ಯರ ಮನವೊಲಿಸಬೇಕೆಂದು ಆದೇಶಿಸಿದರು. ಆಗ ಕೆಲವು ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸದಸ್ಯರು ನೆಹರು ಹೆಸರನ್ನು ಸೂಚಿಸಿದರು. ಆದರೆ ಅಧ್ಯಕ್ಷರನ್ನು ಆರಿಸುವ ಅವಕಾಶ ಕೇವಲ ಪ್ರಾದೇಶಿಕ ಕಾಂಗ್ರೆಸ್ ಸಮಿತಿಯ ಸದಸ್ಯರಿಗಿತ್ತು. ಆದರೆ ಯಾವೊಬ್ಬ ಪ್ರಾದೇಶಿಕ ಸಮಿತಿಯ ಸದಸ್ಯರು ನೆಹರೂ ಹೆಸರನ್ನು ಸೂಚಿಸಲಿಲ್ಲ. ಗಾಂಧಿ ತೀವ್ರವಾಗಿ ಅಸಮಾಧಾನಗೊಂಡರು. ಪರಿಸ್ಥಿತಿಯನ್ನು ತಿಳಿಸಿ ನೆಹರೂರನ್ನು ಮನವೊಲಿಸುವ ಪ್ರಯತ್ನ ಮಾಡಿದರು. ಆದರೆ ನೆಹರೂ ನಾನು ಮತ್ತೊಬ್ಬರ ಕೈ ಕೆಳಗೆ ಕೆಲಸ ಮಾಡಲಾರೆ ಎಂದು ತಿಳಿಸಿದರು. ತಮ್ಮ ಪ್ರಿಯ ಶಿಷ್ಯ ನೆಹರೂರನ್ನು ಪ್ರಧಾನಿ ಪಟ್ಟದಲ್ಲಿ ಕೂರಿಸಲೇ ಬೇಕೆಂದು ನಿಶ್ಚಯಿಸಿದ್ದ ಗಾಂಧಿ ಸರ್ದಾರ್ ಪಟೇಲರಿಗೆ ಸ್ಪರ್ಧೆಯಿಂದ ದೂರವಿರಬೇಕೆಂದು ಸೂಚಿಸಿದರು. ಗಾಂಧಿಯವರ ಬಗ್ಗೆ ಆಪಾರ ಅಭಿಮಾನ ಮತ್ತು ಗೌರವ ಹೊಂದಿದ್ದ ಪಟೇಲರು ಒಂದು ಕ್ಷಣವೂ ಯೋಚಿಸದೆ ಚುನಾವಣೆಯಿಂದ ಹಿಂದೆ ಸರಿದರು. ಗಾಂಧಿಯ ಇಚ್ಚೆಯಂತೆ ನೆಹರೂರ ಪಟ್ಟಾಭಿಷೇಕಯಾಯಿತು.

ಇಲ್ಲಿ ಕಾಡುವ ಪ್ರಶ್ನೆಯೆಂದರೆ, ಸರ್ದಾರ್ ಪಟೇಲರು ಆಪಾರ ಬೆಂಬಲ ಹೊಂದಿದ್ದರೂ ಗಾಂಧಿ ಏಕೆ ಅವರವನ್ನು ಪ್ರಧಾನಿ ಮಾಡಲಿಲ್ಲ? ನೆಹರೂರನ್ನೇ ಆರಿಸಲು ಬಲವಾದ ಕಾರಣವಿತ್ತೆ? ಸರ್ದಾರ್ ಪಟೇಲರ ಸ್ಪರ್ಧೆಯಿಂದ ಹಿಂದೆ ಸರಿದಾಗ ರಾಜೇಂದ್ರ ಪ್ರಸಾದ್ ಅವರು ಅಸಮಾಧಾನಗೊಂಡು ಗಾಂಧಿ ‘ಗ್ಲಾಮರಸ್ ನೆಹರೂ’ ಗಾಗಿ ವಿಶ್ವಾಸಾರ್ಹ ಆಡಳಿತಗಾರನನ್ನು ತ್ಯಾಗಮಾಡಿದರು ಎಂದು ಹೇಳಿಕೆ ನೀಡಿದರು.

ಗ್ಲಾಮರಸ್ ಮತ್ತು ಆಧುನಿಕ ವ್ಯಕ್ತಿತ್ವ ಹೊಂದಿದ್ದರು ಎಂಬ ಕಾರಣಕ್ಕೆ ಗಾಂಧಿ ನೆಹರೂರನ್ನು ಪ್ರಧಾನಿ ಮಾಡಿದರು ಮತ್ತು ‘ನೆಹರೂ ಕುರುಡು ಪ್ರೇಮ’ ಎಂಬ ಕಾಯಿಲೆ ಗಾಂಧಿಗೆ ಬಂದಿತ್ತು. ಈ ಕುರುಡು ಪ್ರೇಮ ಶ್ರೇಷ್ಠ ದೇಶ ಭಕ್ತ ಆಡಳಿತಗಾರ ಪಟೇಲರಿಗೆ ಅನ್ಯಾಯ ಮಾಡಿತು. 1929 ಮತ್ತು 1937 ರ ಚುನಾವಣೆಯ ಸಂದರ್ಭದಲ್ಲಿಯೂ ಸಹ ಗಾಂಧಿ ನೆಹರೂರನ್ನೇ ಬೆಂಬಲಿಸಿ ಸರ್ದಾರ್ ಪಟೇಲರಿಗೆ ದ್ರೋಹ ಬಗೆದಿದ್ದರು. ಸರ್ದಾರ್ ಪಟೇಲರನ್ನು ಸಮಾಧಾನಗೊಳಿಸುವುದು ಸುಲಭ ಆದರೆ ಅಧಿಕಾರದಾಹಿ ನೆಹರೂರನ್ನು ಮನವೊಲಿಸುವುದು ಕಷ್ಟಕರ ಎಂಬ ಸಂಗತಿ ಗಾಂಧಿಗೆ ತಿಳಿದಿತ್ತು. ಸದಾ ಸೂಟು ಬೂಟು ಧರಿಸಿಕೊಂಡು ಕಂಗೊಳಿಸುತ್ತಿದ್ದ, ಇಂಗ್ಲಿಷ್ ಮಾತಾನಾಡುತ್ತಿದ್ದ ನೆಹರೂ ಪ್ರಧಾನಿಯಾದರೆ ಒಳ್ಳೆಯದು ಎಂಬ ಭ್ರಮೆ ಗಾಂಧಿಗಿತ್ತು. ಅಪ್ಪಟ ದೇಶೀ ಉಡುಗೆ ಧರಿಸುತ್ತಿದ್ದ ಮತ್ತು ದಕ್ಷ ಆಡಳಿತಗಾರರಾದ ಸರ್ದಾರ್ ಪಟೇಲರು ಗಾಂಧಿಗೆ ಬೇಡವಾಗಿತ್ತು.

ಆದರೆ ಅಂದು ಗಾಂಧಿ ತೆಗೆದುಕೊಂಡ ನಿರ್ಧಾರದಿಂದ ದೇಶ ದುಬಾರಿ ಬೆಲೆಯನ್ನು ತೆತ್ತ ಬೇಕಾಯಿತು. ಎರಡು ದಶಕಗಳಿಗೂ ಹೆಚ್ಚು ಕಾಲ ಆಡಳಿತ ನಡೆಸಿದ ನೆಹರೂ ದೇಶವನ್ನು ಪ್ರಗತಿಯತ್ತ ಕೊಂಡೊಯ್ಯದೆ ಸಾಲದ ಕೂಪಕ್ಕೆ ತಳ್ಳಿದರು. ಪ್ರಧಾನಿ ಆಯ್ಕೆ ಸಂದರ್ಭದಲ್ಲಿ ಗಾಂಧಿ ಉಪಯೋಗಿಸಿದ ವೀಟೋ ಪವರ್ ನಿಂದ ಭಾರತ ಸಾಕಷ್ಟು ತೊಂದರೆಯನ್ನು ಅನುಭವಿಸಬೇಕಾಯಿತು. ನೆಹರೂ ಬದಲು ಪಟೇಲರೇ ಪ್ರಧಾನಿಯಾಗಿದ್ದರೆ ದೇಶದ ಸ್ಥಿತಿ ಉತ್ತಮವಾಗಿರುತ್ತಿತ್ತು. ಸೂಟು ಬೂಟು ಧರಿಸಿದ ನೆಹರೂ ಸಾದಿಸಿದ್ದು ಏನೂ ಇಲ್ಲ. ಸ್ವದೇಶೀ ಚಿಂತನೆ, ಸತ್ಯಾಗ್ರಹವನ್ನೇ ನಂಬಿದ್ದ ಗಾಂಧಿಗೆ ಪ್ರಧಾನಿ ಆಯ್ಕೆಯ ಸಂದರ್ಭದಲ್ಲಿ ಈ ತತ್ವ, ಆದರ್ಶಗಳು ನೆನಪಿಗೆ ಬಾರದೇ ಹೋದದ್ದು ಎಂತಹ ವಿಪರ್ಯಾಸವಲ್ಲವೇ?

ಸರ್ದಾರ್ ಪಟೇಲರ ಕಟು ವಿರೋಧಿಗಳಾದ ಸಿ. ರಾಜಗೋಪಾಲಾಚಾರಿ ಮತ್ತು ಮೌಲಾನ ಅಬ್ದುಲ್ ಕಲಾಂ ಅಜಾದ್ ಗಾಂಧಿ ತೆಗೆದುಕೊಂಡ ನಿರ್ಧಾರ ತಪ್ಪು ಎಂದು ಪ್ರತಿಪಾದಿಸಿದ್ದಾರೆ.

ಅಜಾದ್ ನಾನು ಪಟೇಲರನ್ನು ಬೆಂಬಲಿಸದೇ ತಪ್ಪು ಮಾಡಿದೆ, ನಾನು ಮಾಡಿದ ತಪ್ಪು ಕ್ಷಮೆಗೆ ಅರ್ಹವಲ್ಲ ಎಂದು ತಮ್ಮ ಆತ್ಮಕತೆಯಲ್ಲಿ ಬರೆದುಕೊಂಡಿದ್ದಾರೆ. ರಾಜಗೋಪಾಲಾಚಾರಿ ನೆಹರೂ ಬದಲು ಪಟೇಲ್ ಪ್ರಧಾನಿಯಾಗಿ ನೆಹರೂ ವಿದೇಶಾಂಗ ಮಂತ್ರಿಯಾಗಬಹುದಿತ್ತೆಂದು ತಿಳಿಸಿದ್ದಾರೆ, ಪಟೇಲರಿಗಿಂತ ನೆಹರೂನೆ ಸೂಕ್ತ ಎಂದು ಭಾವಿಸಿದ್ದು ನನ್ನ ತಪ್ಪು ಎಂದು ಬರೆದಿದ್ದಾರೆ.

ಸರ್ದಾರ್ ಪಟೇಲರ ನಿರ್ಧಾರದ ಕುರಿತು ಸಹ ಪ್ರಶ್ನೆಗಳು ಏಳುತ್ತವೆ. ಒಬ್ಬ ಮನುಷ್ಯ ವ್ಯಕ್ತಿಗೆ ನಿಷ್ಠೆಯಾಗಿರಬೇಕೋ? , ಒಂದು ಸಂಸ್ಥೆಗೋ? ಅಥವಾ ದೇಶಕ್ಕೋ? ಈ ಪ್ರಶ್ನೆಗಳಿಗೆ ಉತ್ತರ ಹುಡುಕ ಹೊರಟರೆ ಸರ್ದಾರ್ ಪಟೇಲರು ಗಾಂಧಿಗೆ ಮಣಿಯಬಾರದಿತ್ತು ಎನಿಸುತ್ತದೆ. ಅವರು ಗಾಂಧಿಗಿಂತ ದೇಶಕ್ಕೆ ನಿಷ್ಠರಾಗಿದ್ದಿದ್ದರೆ ಎಷ್ಟೋ ಆನಾಹುತಗಳನ್ನು ತಪ್ಪಿಸಬಹುದಿತ್ತು. 1962ರಲ್ಲಿ ಭಾರತ ಹೀನಾಯವಾಗಿ ಚೀನಾಕ್ಕೆ ಶರಣಾಗುತ್ತಿರಲಿಲ್ಲ ಅಲ್ಲವೇ?

ಈ ಎಲ್ಲ ನಗ್ನ ಸತ್ಯಗಳನ್ನು ನಮ್ಮ ಇತಿಹಾಸ ನಮಗೆ ತಿಳಿಸುವುದೇ ಇಲ್ಲ. ಕಾಂಗ್ರೆಸ್ಸಿಗರು ಬರೆದ ಸುಳ್ಳು ಇತಿಹಾಸವನ್ನೇ ನಾವು ಓದುತ್ತಿದ್ದೇವೆ. ಭಾರತ ಅತಿದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರ ಎಂದು ನಾವು ಬೀಗುತ್ತೇವೆ ಆದರೆ ನಮ್ಮ ದೇಶದ ಮೊದಲ ಪ್ರಧಾನಿಯ ಆಯ್ಕೆ ಪ್ರಜಾಪ್ರಭುತ್ವಕ್ಕೆ ವ್ಯತಿರಿಕ್ತವಾಗಿರುವುದು ದುರಂತವಲ್ಲದೇ ಮತ್ತೇನು?

ರವಿತೇಜ ಶಾಸ್ತ್ರೀ

ವ್ಯಾಲೆಂಟೈನ್ ಡೇ ಎಂಬ ಅರ್ಥಹೀನ ಆಚರಣೆ ನಮಗೆ ಬೇಕೇ?

2015-02-14T06:21:00.000+05:30

ಭಾರತೀಯ ಸಂಸ್ಕೃತಿಯನ್ನು “ಸಾ ಪ್ರಥಮ ಸಂಸ್ಕೃತಿ ವಿಶ್ವವರಃ” ಎಂದು ಕರೆಯುತ್ತಾರೆ. ಅಂದರೆ ಭಾರತೀಯ ಸಂಸ್ಕೃತಿಯೇ ಜಗತ್ತಿನ ಪ್ರಥಮ ಮತ್ತು ಶ್ರೇಷ್ಠ ಸಂಸ್ಕೃತಿ ಎಂದರ್ಥ. ಭಾರತೀಯ ಸಂಸ್ಕೃತಿ ಆಧ್ಯಾತ್ಮಿಕ ಸಂಸ್ಕೃತಿಯೆಂದು ಗೌರವಿಸಲ್ಪಟ್ಟಿದೆ. ಪಾಶ್ಚಾತ್ಯ ಸಂಸ್ಕೃತಿ ಭೌತಿಕತೆ (Materialsim) ಯನ್ನು ಅವಲಂಬಿಸಿದ್ದರೆ ಭಾರತೀಯ ಸಂಸ್ಕೃತಿ ಅಧ್ಯಾತ್ಮಿಕತೆ(Spiritualism)ಯನ್ನು ಅವಲಂಬಿಸಿದೆ. ನಮ್ಮ ಸಂಸ್ಕೃತಿ ಮೌಲ್ಯಗಳು, ನೈತಿಕತೆ, ಭಾವನೆಗಳ ಆಧಾರದ ಮೇಲೆ ನಿಂತಿದೆ. ಪಾಶ್ಚಾತ್ಯ ಸಂಸ್ಕೃತಿಯಲ್ಲಿ ಮೌಲ್ಯಗಳು, ಭಾವನೆಗಳಿಗೆ ಬೆಲೆಯೇ ಇಲ್ಲ. ಪಾಶ್ಚಾತ್ಯರಿಗೆ ಎಲ್ಲವೂ ವ್ಯಾಪಾರದ ಸರಕು. ಪ್ರೀತಿ ಎಂಬುದು ತೋರ್ಪಡಿಕೆಯ ವಸ್ತು ಅವರಿಗೆ. ಆದರೆ ನಮ್ಮಲ್ಲಿ ಹಾಗಿಲ್ಲ ನಮ್ಮಲ್ಲಿ ಭಾವನೆಗಳೇ, ನಂಬಿಕೆ ವಿಶ್ವಾಸಗಳೇ ಬದುಕಿನ ಬುನಾದಿ. ನಮಗೆ ವ್ಯಾಪಾರವು ಒಂದು ಭಾವನೆಯಾಗಿ ನಂಬಿಕೆ ವಿಶ್ವಾಸಗಳ ವ್ಯವಹಾರವಾಗಿ ಕಾಣುತ್ತೆ. ನಮಗೆ ನಮ್ಮ ಭಾವನೆಗಳನ್ನು ತಲುಪಿಸಲು ಕಾರ್ಡುಗಳ. ಬಿಗಿದಪ್ಪುಗೆಗಳ ಹಂಗು ಬೇಕಿಲ್ಲ . ಕಣ್ಣ ನೋಟದಲ್ಲೇ ಸಾವಿರ ಮಾತುಗಳನ್ನಾಡುವ ಸಂಸ್ಕಾರ ನಮ್ಮದು, ಪ್ರೇಮವೆಂಬುದಕ್ಕೆ ನಮ್ಮಲ್ಲಿ ಪಾವಿತ್ರ್ಯತೆಯಿದೆ. ಸಂತೆಯಲ್ಲಿ ಬಿಕರಿಗಿಟ್ಟ ವಸ್ತುಗಳಂತಲ್ಲ, ಹೀಗಿರುವಾಗ ವ್ಯಾಲೆಂಟೈನ್ ಡೇ ಯಂತಹ ಆಚರಣೆಗಳನ್ನು ಅನುಕರಣೆ ಮಾಡುತ್ತಾ ನಮ್ಮ ಸಂವೇದನೆಗಳನ್ನು, ಸೂಕ್ಷ್ಮತೆಗಳನ್ನು ಕಳೆದುಕೊಳ್ಳುತ್ತಿದ್ದೀವಿ ಅಂತ ಅನಿಸುವುದಿಲ್ಲವೇ?

ನಮ್ಮ ದೇಶ ಗುಲಾಮಿತನದಿಂದ ಮುಕ್ತಗೊಂಡು ಸಾಕಷ್ಟು ವರ್ಷಗಳಾದರೂ ಗುಲಾಮಿ ಮಾನಸಿಕತೆಯಿಂದ ನಾವು ಇನ್ನು ಹೊರಬಂದಿಲ್ಲ. ವ್ಯಾಲೆಂಟೈನ್ ಡೇ ಎಂಬ ಪಾಶ್ಚಾತ್ಯರ ಅಂಧಾನುಕರಣೆಯನ್ನು ಅನುಸರಿಸುತ್ತಾ ಗುಲಾಮರಾಗುತ್ತಿದ್ದೇವೆ. ಪ್ರೀತಿ, ಪ್ರೇಮಕ್ಕೆ ನಮ್ಮ ಸಂಸ್ಕೃತಿ ಶ್ರೇಷ್ಠ ಸ್ಥಾನವನ್ನು ನೀಡಿದೆ. ಪ್ರೀತಿಯೆಂಬುದು ಉದಾತ್ತ ಭಾವನೆ ಅದು ಕೇವಲ ಒಂದು ದಿನಕ್ಕೆ ಸೀಮಿತವಲ್ಲ. ಇದನ್ನು ಅರಿಯದ ಇಂದಿನ ಯುವಜನತೆ ಡೇಗಳ ಆಚರಣೆಯಲ್ಲಿ ತೊಡಗಿದೆ. ವ್ಯಾಲೆಂಟೈನ್ ಡೇ ಪಾಶ್ಚಾತ್ಯರ ವಿಕೃತ ರೂಡಿಯಾಗಿದೆ. ಇದರಿಂದ ಸಾಕಷ್ಟು ಅನಾಹುತಗಳಾಗುತ್ತಿವೆ. ಗ್ರೀಟಿಂಗ್ ಕಾರ್ಡ್ ಕಂಪನಿಗಳು ತಮ್ಮ ವ್ಯಾಪಾರವನ್ನು ವೃದ್ದಿಸಿಕೊಳ್ಳಲು ವ್ಯಾಲೆಂಟೈನ್ ಡೇ ಯನ್ನು ಪ್ರಚಾರ ಮಾಡುತ್ತಿವೆ.

ವ್ಯಾಲೆಂಟೈನ್ ಡೇ ಎಂದರೆ ಏನು? ಈ ವ್ಯಾಲೆಂಟೈನ್ ಯಾರು? ಎಂಬ ವಿಚಾರಗಳು ಸಾಕಷ್ಟು ಜನರಿಗೆ ತಿಳಿದಿಲ್ಲ. ಮೂರನೇ ಶತಮಾನದಲ್ಲಿ ರೋಮ್ ರಾಜನಾದ ಕ್ಲೌದಿಯಸ್ ಯುವಕರು ವಿವಾಹವಾಗದೇ ಸೇನೆಯಲ್ಲಿ ಸೇರಬೇಕೆಂದು ಆದೇಶ ಹೊರಡಿಸಿದನು. ಈ ಆದೇಶಕ್ಕೆ ಬಗ್ಗದೇ “ ವ್ಯಾಲೆಂಟೈನ್ “ ಎಂಬ ಕ್ರೈಸ್ತ ಧರ್ಮ ಗುರುವು ಯುವಕ ಯುವತಿಯರಿಗೆ ರಹಸ್ಯವಾಗಿ ವಿವಾಹ ಮಾಡಿಸಿದನು. ರಾಜನಿಗೆ ವಿಷಯ ತಿಳಿದಾಗ ಧರ್ಮಗುರುವನ್ನು ಸೆರೆಮನೆಗೆ ತಳ್ಳಿದನು ಮತ್ತು ಗಲ್ಲು ಶಿಕ್ಷೆ ವಿಧಿಸಿದನು. ಸೆರೆಮನೆಯಲ್ಲಿ ಸಂತನು ಸೆರೆಮನೆಯ ಅಧಿಕಾರಿಯ ಪುತ್ರಿಯನ್ನು ಪ್ರೇಮಿಸ ತೊಡಗಿದನು. ಗಲ್ಲು ಶಿಕ್ಷೆ ಹಿಂದಿನ ದಿನ ಅವನು ಆ ಯುವತಿಗೆ “ ನಿನ್ನ ವ್ಯಾಲೆಂಟೈನ್ “ ಎಂದು ಪತ್ರವನ್ನು ಬರೆದು ಕಳುಹಿಸಿದನು. ಈ ವ್ಯಾಲೆಂಟೈನ್ ಹುತಾತ್ಮನಂತೆ ಅವನ ಸಲುವಾಗಿ ವ್ಯಾಲೆಂಟೈನ್ ಡೇ ಯನ್ನು ಆಚರಿಸಲಾಗುತ್ತಿದೆ. 14ನೇ ಶತಮಾನದವರೆಗೂ ವ್ಯಾಲೆಂಟೈನ್ ಡೇ ಮತ್ತು ಪ್ರೀತಿಗೂ ಯಾವುದೇ ಸಂಬಂಧವಿರಲ್ಲ. ಬಹು ರಾಷ್ಟೀಯ ಕಂಪನಿಗಳು ಜನರನ್ನು ವಂಚಿಸಿ ತಮ್ಮ ವ್ಯವಹಾರವನ್ನು ಹೆಚ್ಚಿಸಿಕೊಳ್ಳಲು ಈ ವ್ಯಾಲೆಂಟೈನ್ ಡೇ ಯನ್ನು ಸೃಷ್ಟಿಸಿದ್ದಾರೆ.

ಆಧುನಿಕತೆಯ ಹೆಸರಿನಲ್ಲಿ ಇಂದಿನ ಯುವಜನತೆ ಈ ಡೇಗಳೆಂಬ ವಿಕೃತಿಗಳನ್ನು ಆಚರಿಸುತ್ತಿದೆ. ಇಂತಹ ಆಚರಣೆಗಳ ಮೂಲಕ ಯುವಕರು ಮದ್ಯಪಾನ ಮಾಡುವುದು, ಮಾದಕ ವಸ್ತುಗಳ ಸೇವನೆ ಮಾಡುವುದು, ಪಬ್ ಗೆ ಹೋಗಿ ಲಿಂಗ ಭೇದವಿಲ್ಲದೆ ಕುಣಿಯುವುದು, ಯುವತಿಯರನ್ನು ಪೀಡಿಸುವುದು, ಆತ್ಯಾಚಾರ ಮಾಡುವುದು ಮುಂತಾದ ಸಮಾಜಘಾತುಕ ಕಾರ್ಯಗಳಲ್ಲಿ ತೊಡಗಿದೆ. ಯುವಕರನ್ನು ದಾರಿ ತಪ್ಪಿಸಲು ಡ್ರಗ್ ಮಾಫಿಯಾ ಕೆಲಸ ಮಾಡುತ್ತಿದೆ ಯುವಕರು ವ್ಯಸನಿಗಳಾಗುತ್ತಿದ್ದಾರೆ. ಪಾಶ್ಚಾತ್ಯ ಸಂಸ್ಕೃತಿಯ ಅಂಧಾನುಕರಣೆಯಿಂದ ಯುವಜನತೆ ಅನೈತಿಕ ಮಾರ್ಗವನ್ನು ಅನುಸರಿಸುತ್ತಿದ್ದಾರೆ. ಈ ಮೂಲಕ ಸ್ವಾತಂತ್ರ್ಯದ ಹೆಸರಿನಲ್ಲಿ ಸ್ವೇಚ್ಛಾಚಾರಿಗಳಾಗುತ್ತಿದ್ದಾರೆ.

ಈ ವ್ಯಾಲೆಂಟೈನ್ ಡೇ ಆಚರಣೆಯಿಂದ ಹಲವಾರು ಅನಾಹುತಗಳು ಜರುಗುತ್ತಿವೆ. ಒಂದು ಅಂಕಿ ಅಂಶದ ಪ್ರಕಾರ ಪ್ರೇಮಿಗಳ ದಿನದಂದು 202 ಆತ್ಯಾಚಾರ ಪ್ರಕರಣಗಳು ಜರುಗಿದೆ. ಮದ್ಯ ಸೇವೆನೆಯಿಂದ 318 ಅಪಘಾತಗಳು ನಡೆದಿದೆ. 315 ಯುವತಿಯರು ನಾಪತ್ತೆಯಾಗಿದ್ದಾರೆ, ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ವ್ಯಾಲೆಂಟೈನ್ ಡೇ ದಿವಸ ಗುಲಾಬಿ ಹೂಗಳ ಮಾರಾಟ ಹೆಚ್ಚಾಗಿ ನಡೆಯುತ್ತದೆ ಎಂದು ನೀವು ಭಾವಿಸಬಹುದು ಆದರೆ ಆತಂಕಕಾರಿ ವಿಷಯವೇನು ಗೊತ್ತೇ? ಗುಲಾಬಿ ಹೂಗಿಂತ ಕಾಂಡೋಮ್ ಮತ್ತು ಗರ್ಭ ನಿರೋಧಕ ಮಾತ್ರೆಗಳು ಹೆಚ್ಚು ಮಾರಾಟವಾಗಿವೆ!. 2012 ವರ್ಷದ ಮಾಹಿತಿಯ ಪ್ರಕಾರ ಆನ್ಲೈನ್ ಶಾಪಿಂಗ್ ಪೋರ್ಟಲ್ ಸ್ನ್ಯಾಪ್ ಡೀಲ್. ಕಾಮ್ ನಿಂದ ಭಾರತದಲ್ಲಿ ವ್ಯಾಲೆಂಟೈನ್ ಡೇ ದಿನದಂದು ಒಂದೂವರೆ ಲಕ್ಷ ಕಾಂಡೋಮ್ ಮಾರಾಟವಾಗಿತ್ತು. ಕಾಂಡೋಮ್ ಕಂಪನಿಯ ವರದಿಯ ಪ್ರಕಾರ ವ್ಯಾಲೆಂಟೈನ್ ಡೇ ಅವಧಿಯಲ್ಲಿ ಕಾಂಡೋಮ್ ಮಾರಾಟ 25% ಹೆಚ್ಚಾಗುತ್ತದೆ.

ದೇಶ ಕಟ್ಟುವ ಜವಾಬ್ದಾರಿ ಹೊರಬೇಕಾದ ಯುವಜನತೆ ಇಂದು ವ್ಯಾಲೆಂಟೈನ್ ಡೇ ಎಂಬ ಆಚರಣೆಗಳ ಮೂಲಕ ತಮ್ಮ ಅಮೂಲ್ಯ ಜೀವನವನ್ನುಹಾಳು ಮಾಡಿಕೊಳ್ಳುತ್ತಿದ್ದಾರೆ. ಸ್ವೇಚ್ಛೆಯನ್ನೇ ಸ್ವಾತಂತ್ರ್ಯವೆಂದು ಭಾವಿಸಿ ತಮ್ಮ ಕಾಲುಗಳಿಗೆ ತಾವೇ ಕೊಡಲಿಯೇಟು ಹಾಕಿಕೊಳ್ಳುತ್ತಿದೆ. ಈ ಎಲ್ಲ ವಿಕೃತಿಗಳನ್ನು ಬಿಟ್ಟು ನಮ್ಮ ಶ್ರೇಷ್ಠ ಸಂಸ್ಕೃತಿಯನ್ನು ನಮ್ಮ ಯುವಜನತೆ ಅನುಸರಿಸಬೇಕು. ಪ್ರೇಮಿಗಳ ದಿನವನ್ನು ವಿರೋಧಿಸುವ ಭರದಲ್ಲಿ ಪ್ರೀತಿ, ಪ್ರೇಮವನ್ನು ನಿರಾಕರಿಸಲಾಗದು. ಓದಿ, ಕಲಿತು, ದೇಶದ ಭವಿಷ್ಯವನ್ನು ಉಜ್ವಲಗೊಳಿಸಬೇಕಾದ ಸಮಯದಲ್ಲಿ ಪ್ರೀತಿಯ ಗುಂಗಿಗೆ ಬಿದ್ದು ಬದುಕನ್ನು ಹಾಳುಮಾಡಿಕೊಳ್ಳುವುದು ಬುದ್ದಿವಂತಿಕೆಯಲ್ಲ. ಈ ವ್ಯಾಲೆಂಟೈನ್ ಡೇ ಅರ್ಥಹೀನ ಆಚರಣೆಗಳನ್ನು ದಿಕ್ಕರಿಸಿ ಜಗತ್ತಿನ ಕಣ್ತೆರೆಸಿದ ನಮ್ಮ ಶ್ರೇಷ್ಠ ಸಂಸ್ಕೃತಿಯನ್ನು ಪಾಲಿಸುತ್ತಾ ನಮ್ಮತನವನ್ನು ನಾವು ಉಳಿಸಿಕೊಳ್ಳುವ ತುರ್ತು ಅವಶ್ಯಕತೆ ಇದೆ.

ರವಿತೇಜ ಶಾಸ್ತ್ರೀ

ಅಜಾತಶತ್ರುವಿನ ಜೀವನಗಾಥೆ

2014-12-25T07:23:00.001+05:30

ದೇಶ ಕಂಡ ಅಪರೂಪದ ರಾಜಕಾರಣಿ ಎಂದರೆ ಅವರು ಅಟಲ್ ಬಿಹಾರಿ ವಾಜಪೇಯಿ. ರಾಜಕೀಯ ಮುತ್ಸದ್ದಿಯಾಗಿ, ಕವಿಯಾಗಿ, ಶ್ರೇಷ್ಟ ಪ್ರಧಾನ ಮಂತ್ರಿಯಾಗಿ ಅಟಲ್ ಜೀ ದೇಶಕ್ಕೆ ನೀಡಿದ ಕೊಡುಗೆ ಅಪಾರ. ಅವರ ಆದರ್ಶ ಹಾಗೂ ಪ್ರಾಮಾಣಿಕ ಜೀವನ ಇಂದಿನ ರಾಜಕಾರಣಿಗಳಿಗೆ ಮಾದರಿ.ಅವರ ದೇಶ ಪ್ರೇಮ ಮತ್ತು ನಿಷ್ಕಳಂಕ ವ್ಯಕ್ತಿತ್ವ ನಮಗೆಲ್ಲರಿಗೂ ಆದರ್ಶ.ಸುಮಾರು ನಾಲ್ಕು ದಶಕದ ಕಾಲ ರಾಜಕಾರಣದಲ್ಲಿ ಅಜಾತ ಶತ್ರುವೆಂದೇ ಪ್ರಸಿದ್ದವಾದವರು ಅಟಲ್ ಬಿಹಾರಿ ವಾಜಪೇಯಿ. ಇಂತಹ ಮಹಾನ್ ನಾಯಕನ ಬಗ್ಗೆ ತಿಳಿಸುವುದೇ ಈ ಲೇಖನದ ಆಶಯ.

ಬಾಲ್ಯ ಮತ್ತು ಶಿಕ್ಷಣ:

ಭಾರತ ದೇಶದ ಮಹಾನ್ ನಾಯಕ ಅಟಲ್ ಜಿ ಹುಟ್ಟಿದ್ದು ಮಧ್ಯ ಪ್ರದೇಶದ ಗ್ವಾಲಿಯರನ ಶಿಂಧೆ ದಂಡು ಪ್ರದೇಶದಲ್ಲಿ. ಅವರು ಜನಿಸಿದ್ದು 1924 ಡಿಸೆಂಬರ್ 25 ರಂದು. ತಂದೆ ಕೃಷ್ಣ ಬಿಹಾರಿ ವಾಜಪೇಯಿ, ತಾಯಿ ಕೃಷ್ಣಾ ದೇವಿ. ಕೃಷ್ಣ ಬಿಹಾರಿ ವಾಜಪೇಯಿ ಅಧ್ಯಾಪಕರಾಗಿದ್ದರು. ಹಾಗಾಗಿ ಬಹಳ ಚಿಂತೆ ಮಾಡಿ ಮಗುವಿಗೆ ‘ ಅಟಲ್ ಬಿಹಾರಿ ’ ಎಂದು ನಾಮಕರಣ ಮಾಡಿದರು. ಅಟಲ್ ಎಂದರೆ ಗಟ್ಟಿ( ಕಾರ್ಯಸಾದಕ) ಎಂದರ್ಥ. ಬಿಹಾರಿ ಎಂದರೆ ವಿಚಾರ ಮಾಡುವವ ಎಂದರ್ಥ. ನಿಜವಾಗಿಯೂ ಒಬ್ಬ ಮಹಾನ್ ಗಟ್ಟಿ ವಿಚಾರಶೀಲ ವ್ಯಕ್ತಿ ಅಟಲ್ ಬಿಹಾರಿ.

ಅಟಲ್ ಜಿಗೆ ಓದಿನಲ್ಲಿ ಬಹಳ ಶ್ರದ್ದೆ. ಸ್ವತಃ ತಂದೆ ಅಧ್ಯಾಪಕರಾಗಿದ್ದರಿಂದ ಶಾಲೆಯಲ್ಲಿ ತಿಳಿಯದ ಪಾಠವನ್ನು ತಂದೆಯ ಬಳಿ ಕೇಳಿ ತಿಳಿದುಕೊಳ್ಳುತ್ತಿದ್ದರು. ಶಾಲೆಗೆ ಚಕ್ಕರ್ ಹೊಡೆಯದೆ ಓದು ಮತ್ತು ಮನೆಯ ಪಾಠಗಳಲ್ಲಿ ನಿರತರಾಗಿರುತ್ತಿದ್ದರು. ಗ್ವಾಲಿಯರನ ಗೋರಖಿ ವಿದ್ಯಾಲಯದಲ್ಲಿ ಅಟಲ್ ರವರು ಮಿಡಲ್ ಪರೀಕ್ಷೆ ಪಾಸು ಮಾಡಿದರು.ತಮ್ಮ ಶಾಲಾ ದಿನಗಳಲ್ಲೇ ಅಟಲ್ ಜಿ ಉತ್ತಮ ಭಾಷಣಕಾರರಾಗಿದ್ದರು. ಶಾಲೆಯಲ್ಲಿ ನಡೆಯುವ ಚರ್ಚಾ ಸ್ಪರ್ಧೆ ಭಾಗವಹಿಸಿ ಪ್ರಶಸ್ತಿ ಗಳಿಸುತ್ತಿದ್ದರು. ಯಾವುದೇ ಪರೀಕ್ಷೆಯೇ ಆಗಲಿ ಅಟಲ್ ಜಿ ಕ್ಲಾಸಿಗೆ ಪ್ರಥಮ ರ್ಯಾಂಕ್ ಬರುತ್ತಿದ್ದರು. ಅಟಲ್ ಜಿ ಗೆ ಶಾಲಾ ಪುಸ್ತಕಗಳಿಗಿಂತ ಆಧ್ಯಾತ್ಮಿಕ. ಪೌರಾಣಿಕ, ಭಾಗವತ, ರಾಮಾಯಣ ಮತ್ತು ಮಹಾಭಾರತ ಪುಸ್ತಕಗಳ ಓದಿನಲ್ಲೇ ಅವರಿಗೆ ಹೆಚ್ಚು ಆಸಕ್ತಿ. ಕಥೆ, ಕಾದಂಬರಿ ಹಾಗೂ ವಿಚಾರ ಸಾಹಿತ್ಯ ಅವರಿಗೆ ಅಚ್ಚು ಮೆಚ್ಚು. ತಂದೆ ಕೃಷ್ಣ ಬಿಹಾರಿ ವಾಜಪೇಯಿ ಕವಿತೆಗಳನ್ನು ರಚಿಸುತ್ತಿದ್ದರು.

ಆ ಕವಿತೆಗಳನ್ನು ಅಟಲ್ ಕೇಳುತ್ತಿದ್ದರು. ತಂದೆಯಿಂದ ಅಟಲ್ ಜಿ ಮಾತಿನಲ್ಲಿ ಗಾದೆ, ಹೋಲಿಕೆ, ತಿಳಿಹಾಸ್ಯ, ವ್ಯಂಗ್ಯಗಳನ್ನು ಹೇಗೆ ಪ್ರಯೋಗಿಸಬೇಕೆಂಬುದನ್ನು ಕಲಿತರು. ಕೃಷ್ಣ ಬಿಹಾರಿ ಅವರ ಮನೆಗೆ ಆರ್ಯ ಸಮಾಜದ ಮುಖಂಡರು, ರಾಷ್ಟೀಯ ಸ್ವಯಂ ಸೇವಕ ಸಂಘದ ಕಾರ್ಯಕರ್ತರು ಬರುತ್ತಿದ್ದರು. ಈ ವಾತಾವರಣ ಅಟಲ್ ರಲ್ಲಿ ಉಜ್ವಲ ದೇಶಭಕ್ತಿ ಬೆಳೆಯಲು ಕಾರಣವಾಯಿತು ಮತ್ತು ಮುಂದೆ ದೇಶ ಸೇವೆ ಮಾಡಲು ಅವಕಾಶ ಮಾಡಿಕೊಟ್ಟಿತು.

ಗ್ವಾಲಿಯರ್ ದ ವಿಕ್ಟೋರಿಯಾ ಕಾಲೇಜಿನಲ್ಲಿ ಬಿ.ಎ ಪದವಿಗೆ ಸೇರಿ ಹಿಂದಿ ಸಾಹಿತ್ಯ, ಇಂಗ್ಲಿಷ್ ಸಾಹಿತ್ಯ, ಸಂಸ್ಕೃತ ಸಾಹಿತ್ಯ ಮತ್ತು ಸಾಮಾನ್ಯ ಇಂಗ್ಲಿಷ್ ವಿಷಯಗಳನ್ನು ಆರಿಸಿಕೊಂಡು ಸತತ ಅಭ್ಯಾಸದಲ್ಲಿ ತೊಡಗಿ ಬಿ.ಎ ತರಗತಿಯನ್ನು ಪ್ರಥಮ ಶ್ರೇಣಿಯಲ್ಲಿ ಪಾಸು ಮಾಡಿದರು. ಅಟಲ್ ರವರು ಮುಂದೆ ಕಾನಾಪುರದ ಡಿ.ಎ.ಬಿ. ಕಾಲೇಜಿನಿಂದ ರಾಜ್ಯಶಾಸ್ತ್ರದಲ್ಲಿ ಎಂ.ಎ ಮುಗಿಸಿದರು. ಎಂ.ಎ ಪರೀಕ್ಷೆಯಲ್ಲಿ ತೇರ್ಗಡೆಯಾದ ಮೇಲೆ ತಮ್ಮ ಮಗ ನ್ಯಾಯಶಾಸ್ತ್ರದಲ್ಲಿ(L.L.B) ಪದವಿ ಪಡೆದುಕೊಂಡು ವಕೀಲಿ ವೃತ್ತಿ ಮಾಡಬೇಕೆಂಬು ಅಟಲ್ ಜಿ ಅವರ ತಂದೆಯ ಆಸೆಯಾಗಿತ್ತು. ತಂದೆಯ ಒತ್ತಾಯಕ್ಕೆ ಮಣಿದು ಅಟಲ್ ಜಿ ಲಾ ಕಾಲೇಜಿಗೆ ಸೇರಿದರು. ಮಗನನ್ನು ಪ್ರೋತ್ಸಾಹಿಸುವ ಸಲುವಾಗಿ ಕೃಷ್ಣ ಬಿಹಾರಿ ವಾಜಪೇಯಿಯವರು ಸಹ ಲಾ ಕಾಲೇಜಿಗೆ ಸೇರಿದರು, ಆ ವೇಳೆಗೆ ಅವರು ವೃತ್ತಿಯಿಂದ ನಿವೃತ್ತರಾಗಿದ್ದರು. ಆದರೆ ಅಟಲ್ ಅವರಿಗೆ ಕಾನೂನು ಶಿಕ್ಷಣ ಹಿಡಿಸಲಿಲ್ಲ. ಮಧ್ಯ ದಲ್ಲೇ ಕಾಲೇಜನ್ನು ತ್ಯಜಿಸಿದರು. ತಂದೆ ಕೃಷ್ಣ ಬಿಹಾರಿಯವರು ಹಿಂದೆ ಬೀಳದೆ ಓದು ಮುಗಿಸಿ ಕಾನೂನು ಪದವೀಧರರಾದರು.

ಪತ್ರಿಕೋದ್ಯಮಿಯಾಗಿ ಅಟಲ್ ಜಿ:

ಕಾನೂನು ಪದವಿ ತ್ಯಜಿಸಿದ ಅಟಲ್ ಜಿ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪ್ರಚಾರಕರಾಗಿ ಸಮಯ ನೀಡಿದರು.ಬೆಳಿಗ್ಗೆ ಶಾಖೆ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುತ್ತಿದ್ದರು. ನಂತರ ಬಿಡುವಿನ ವೇಳೆಯಲ್ಲಿ ಕವನ ರಚಿಸುತ್ತಿದ್ದರು. ಈ ರೀತಿ ಒಂದು ವರ್ಷ ಸಂಘದ ಸೇವೆ ಸಲ್ಲಿಸಿದರು.ಆ ಬಳಿಕ ಅವರ ಗಮನ ಪತ್ರಿಕೊದ್ಯಮದತ್ತ ಹರಿಯಿತು. ರಾಷ್ಟ್ರಧರ್ಮ, ಪಾಂಚಜನ್ಯ, ಸ್ವದೇಶ, ವೀರ ಅರ್ಜುನ್ ಪತ್ರಿಕೆಗಳಲ್ಲಿ ಸಂಪಾದಕರಾಗಿ ಸೇವೆ ಸಲ್ಲಿಸಿದರು. ಅಟಲ್ ಜಿ ಯವರ ಸಂಪಾದಕೀಯ ತುಂಬಾ ಹರಿತವಾಗಿರುತ್ತಿತ್ತು. ಓದುಗರ ಮೇಲೆ ಅದು ಹೆಚ್ಚು ಪರಿಣಾಮ ಬೀರುತ್ತಿತ್ತು.

ರಾಜಕೀಯ ಪ್ರವೇಶ:

ಅಟಲ್ ರವರಿಗೆ ಶ್ಯಾಮ್ ಪ್ರಸಾದ್ ಮುಖರ್ಜಿಯವರ ಪರಿಚಯವಾಯಿತು. ಉತ್ಸಾಹಿ ತರುಣನನ್ನು ಬೇಟಿಯಾದ ಮುಖರ್ಜಿಯವರಿಗೆ ಈತ ದೇಶದ ರಾಜಕೀಯ ಕ್ಷೇತ್ರದಲ್ಲಿ ಪರಿಣಾಮಕಾರಿಯಾಗಿ ಕೆಲಸ ಮಾಡಬಲ್ಲನೆಂಬ ನಂಬಿಕೆ ಹುಟ್ಟಿತು. 1951 ರಲ್ಲಿ ಭಾರತೀಯ ಜನ ಸಂಘ ಉದಯವಾಯಿತು. ಅಟಲ್ ಜಿ ಇದರ ಸಂಸ್ಥಾಪಕ ಸದಸ್ಯರಲ್ಲೊಬ್ಬರು. ಜನ ಸಂಘ ಪಂಡಿತ್ ದೀನದಯಾಳ ಉಪಾಧ್ಯಾಯರ ಮಾರ್ಗ ದರ್ಶನದಲ್ಲಿ ಕಾಂಗ್ರೆಸ್ ಗೆ ಪ್ರಬಲ ವಿರೋಧ ಪಕ್ಷವಾಗಿ ಬೆಳೆಯಿತು. 1951 ರಲ್ಲಿ ಭಾರತದಲ್ಲಿ ಮೊದಲ ಸಾರ್ವತ್ರಿಕ ಚುನಾವಣೆ ನಡೆದಾಗ ಅಟಲ್ ಜಿ ದೇಶದ ನಾನಾ ಭಾಗಗಳಲ್ಲಿ ಸಂಚರಿಸಿ ಚುನಾವಣಾ ಪ್ರಚಾರ ಮಾಡಿದರು. ಮುಂದೆ 1953ರಲ್ಲಿ ಲಕ್ನೋ ಕ್ಷೇತ್ರದಿಂದ ಆಯ್ಕೆಯಾಗಿ ಬಂದಿದ್ದ ಲೋಕಸಭಾ ಸದಸ್ಯೆ ವಿಜಯ ಲಕ್ಷ್ಮಿ ಪಂಡಿತ್ ರನ್ನು ಭಾರತದ ರಾಯಭಾರಿಯಾಗಿ ಸೋವಿಯತ್ ರಶಿಯಾಗೆ ಕಳುಹಿಸಲಾಯಿತು. ಆಗ ನಡೆದ ಉಪ ಚುನಾವಣೆಯಲ್ಲಿ ಮೊಟ್ಟ ಮೊದಲ ಬಾರಿಗೆ ಸ್ಪರ್ಧಿಸಿದಾಗ ಅವರಿಗೆ ಕೇವಲ 27 ವರ್ಷ. ಅಟಲ್ ಜಿ ವ್ಯಾಪಕ ಪ್ರಚಾರ ಮಾಡಿ 150ಕ್ಕೂ ಹೆಚ್ಚು ಕಡೆ ಭಾಷಣ ಮಾಡಿದರು ಆದರೆ ಕಾಂಗ್ರೇಸ್ ಅಭ್ಯರ್ಥಿಯ ವಿರುದ್ದ ಸೋತರು. ಮತ್ತೆ 1957ರ ಚುನಾವಣೆಯಲ್ಲಿ ಮೂರು ಕ್ಷೇತ್ರಗಳಿಂದ ಸ್ಪರ್ಧಿಸಿದರು. ಮಥುರಾ ಮತ್ತು ಲಕ್ನೋ ಕ್ಷೇತ್ರಗಳಲ್ಲಿ ಸೋತ ಅಟಲ್ ರವರು ಬಲರಾಮ್ ಪುರ ಕ್ಷೇತ್ರದಲ್ಲಿ ವಿಜಯ ಸಾಧಿಸಿದರು. 1962 ರಲ್ಲಿ ಅಟಲ್ ಜಿ ಸೋತರು ಆದರೆ ಅವರು ಕುಗ್ಗದೆ 1967 ಮತ್ತು 1971 ರಲ್ಲಿ ಪ್ರಚಂಡ ವಿಜಯ ಸಾಧಿಸಿದರು. 1975 ರಲ್ಲಿ ಇಂದಿರಾ ಗಾಂಧಿ ಸರ್ಕಾರ ತುರ್ತು ಪರಿಸ್ಥಿತಿ ಘೋಷಿಸಿತು. ಆಗ ಅಟಲ್ ಜಿ ಇಂದಿರಾ ಗಾಂಧಿ ವಿರುದ್ದ ಹೋರಾಡಿ ಜೈಲು ಸೇರಿದರು. ಇಂದಿರಾ ಆಡಳಿತ ಕೊನೆಗೊಳ್ಳುವ ತನಕ ಜೈಲಿನಲ್ಲಿದ್ದರು. 1977 ರ ಚುನಾವಣೆ ಸಂಧರ್ಭದಲ್ಲಿ ಅಟಲ್ ಜಿ ತಮ್ಮ ಸಂಗಡಿಗರೊಂದಿಗೆ ಜನತಾ ಪಕ್ಷ ಸೇರಿದರು. ಜನ ಸಂಘವನ್ನು ಜನತಾ ಪಕ್ಷದಲ್ಲಿ ವಿಲೀನಗೊಳಿಸಿದರು. ಚುನಾವಣೆಯಲ್ಲಿ ಜನತಾ ಪಕ್ಷದ ಅಭ್ಯರ್ಥಿ ಯಾಗಿ ಸ್ಪರ್ಧಿಸಿ ಕಾಂಗ್ರೇಸ್ ಅಭ್ಯರ್ಥಿಯನ್ನು ಸೋಲಿಸಿದರು.

ವಿದೇಶಾಂಗ ಮಂತ್ರಿಯಾಗಿ:

1977 ರಲ್ಲಿ ಇಂದಿರಾ ಸರ್ಕಾರ ಮಣ್ಣು ಮುಕ್ಕಿತು. ಮೊರಾರ್ಜಿ ದೇಸಾಯಿ ನೇತೃತ್ವದ ಸರ್ಕಾರ ಸ್ಥಾಪನೆಯಾಯಿತು. ಅದರಲ್ಲಿ ಅಟಲ್ ಜಿ ವಿದೇಶಾಂಗ ಸಚಿವರಾದರು.

ಆ ವೇಳೆಯಲ್ಲಿ ಪಾಕಿಸ್ತಾನ. ಚೀನಾ, ರಷಿಯಾ ದೇಶಗಳೊಂದಿಗೆ ಒಳ್ಳೆಯ ಸಂಬಂಧ ಬೆಳೆಸಿದ ಕೀರ್ತಿ ಅಟಲ್ ರಿಗೆ ಸಲ್ಲುತ್ತದೆ. ವಿದೇಶಾಂಗ ಮಂತ್ರಿಯಾಗಿ ವಾಶಿಂಗ್ಟನ್ ನಲ್ಲಿ ನಡೆದ ವಿಶ್ವ ಸಂಸ್ಥೆಯ ಜನರಲ್ ಅಸೆಂಬ್ಲಿಯಲ್ಲಿ ಹಿಂದಿಯಲ್ಲಿ ಭಾಷಣ ಮಾಡಿ ರಾಷ್ಟ್ರದ ಗೌರವವನ್ನು ಎತ್ತಿ ಹಿಡಿದರು.

ಬಿ.ಜೆ.ಪಿ ಯ ಉದಯ:

ಮೊರಾರ್ಜಿ ದೇಸಾಯಿಯವರ ಸರ್ಕಾರ ಕೇವಲ ಎರಡು ವರ್ಷ ಆಡಳಿತ ನಡೆಸಿತು. ನಂತರ ಸರ್ಕಾರ ಬಿದ್ದುಹೋಯಿತು. 1980ರಲ್ಲಿ ಚುನಾವಣೆ ನಡೆಯಿತು. ಆಗ ಜನತಾ ಪಕ್ಷ ತೊರೆದ ಅಟಲ್ ಜಿ ಭಾರತೀಯ ಜನತಾ ಪಕ್ಷ(ಬಿ.ಜೆ. ಪಿ) ಸ್ಥಾಪಿಸಿದರು. ಬಿಜೆಪಿಯಿಂದ ಸ್ಪರ್ಧಿಸಿ ಅಟಲ್ ಜಿ ಗೆದ್ದರು. ಪಕ್ಷವನ್ನು ಬೆಳೆಸಲು ಶ್ರಮ ಪಟ್ಟರು. ಬಿಜೆಪಿಯನ್ನು ಪ್ರಬಲ ರಾಜಕೀಯ ಪಕ್ಷವಾಗಿ ರೂಪಿಸಿದರು. 1984 ರಲ್ಲಿ ನಡೆದ ಚುನಾವಣೆಯಲ್ಲಿ ಸೋತರು. ಆದರೆ ಮುಂದೆ ಲಕ್ನೋ ಕ್ಷೇತ್ರದಲ್ಲಿ ಸ್ಪರ್ಧಿಸಿ 1991, 1996, 1998ರಲ್ಲಿ ಸತತವಾಗಿ ಅದೇ ಕ್ಷೇತ್ರದಿಂದ ಆಯ್ಕೆಯಾದರು. 1996 ರಲ್ಲಿ ಅಟಲ್ ಜಿ ಪ್ರಧಾನಿಯಾದರು ಆದರೆ 13 ದಿನದಲ್ಲೇ ಬಹುಮತವಿಲ್ಲದೆ ಸರ್ಕಾರ ಬಿದ್ದುಹೋಯಿತು. ಮತ್ತೆ 1998 ರಲ್ಲಿ ಎರಡನೇ ಬಾರಿಗೆ ಪ್ರಧಾನಿಯಾದರು. ಆದರೆ ಆ ಸರ್ಕಾರ 13 ತಿಂಗಳಿಗೆ ಅಂತ್ಯವಾಯಿತು. ಈ ಸಂದರ್ಭದಲ್ಲಿ ಅಟಲ್ ಜಿ ಕುದುರೆ ವ್ಯಾಪಾರ ಮಾಡುವ ಹೇಯ ಕೆಲಸ ಮಾಡಲಿಲ್ಲ. ಅವರು ತಮ್ಮ ತತ್ವ ಆದರ್ಶಗಳನ್ನು ಮರೆಯಲಿಲ್ಲ ಅದನ್ನು ತಪ್ಪದೆ ಪಾಲಿಸಿದರು.

ಪೂರ್ಣ ಪ್ರಮಾಣದ ಪ್ರಧಾನಿಯಾಗಿ :

1999ರಲ್ಲಿ ಮತ್ತೆ ಮೂರನೇ ಬಾರಿಗೆ ಅಟಲ್ ಜಿ ಪ್ರಧಾನಿಯಾದರು ಈ ಬಾರಿ 5 ವರ್ಷಗಳ ಕಾಲ ಸರ್ಕಾರ ನಡೆಸಿದರು. ಚಿಕ್ಕ ಚಿಕ್ಕ ಪಕ್ಷಗಳ ಬೆಂಬಲ ಪಡೆದುಕೊಂಡು ಸರ್ಕಾರ ನಡೆಸಿದ ಸಾಧನೆ ಅಮೋಘ. 1999-2004 ಈ ಐದು ವರ್ಷ ಭಾರತದ ಸುವರ್ಣ ಯುಗವೆಂದು ಕರೆದರೆ ಅತಿಶಯೋಕ್ತಿಯಲ್ಲ ವೆನಿಸುತ್ತದೆ.

ಅಟಲ್ ಜಿ ಅಧಿಕಾರವಾಧಿಯಲ್ಲಿ ಭಾರತ ಅಭಿವೃದ್ದಿ ಪಥದತ್ತ ಸಾಗಿತು. ಮಕ್ಕಳ ಶಿಕ್ಷಣ ಉತ್ತಮಗೊಳಿಸಲು ಸರ್ವ ಶಿಕ್ಷಣ ಅಭಿಯಾನ ಯೋಜನೆ, ಹಿಂದೂ ಮುಸ್ಲಿಂ ಸೌಹಾರ್ದತೆಗಾಗಿ ಲಾಹೋರ್ ಬಸ್ ಸಂಚಾರ ವ್ಯವಸ್ಥೆ, ದೇಶದ ಮಹಾ ನಗರಗಳನ್ನು ಜೋಡಿಸುವ ಸಲುವಾಗಿ ಕೈಗೊಂಡ ರಾಷ್ಟ್ರೀಯ ಹೆದ್ದಾರಿ ಯೋಜನೆ. ಪ್ರತಿ ಹಳ್ಳಿಗೂ ರಸ್ತೆ ನಿರ್ಮಿಸಲು ತಂದ ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆ,ಈ ಎಲ್ಲ ಯೋಜನೆಗಳ ರೂವಾರಿ ಅಟಲ್ ಜಿ ಯವರೇ. ಅಣ್ವಸ್ತ್ರ ಪರೀಕ್ಷೆ ನಡೆಸಿ ದೇಶದಲ್ಲಿ ವೈಜ್ಞಾನಿಕ ಕ್ರಾಂತಿಯನ್ನು ಹುಟ್ಟು ಹಾಕಿ ವಿಶ್ವದ ಗಮನ ಸೆಳೆದರು.ಪಾಕಿಸ್ತಾನ ವಿರುದ್ದ ನಡೆದ ಕಾರ್ಗಿಲ್ ಯುದ್ದದ ವಿಜಯದ ಶ್ರೇಯ ಅಟಲ್ ರಿಗೆ ಸಲ್ಲ ಬೇಕು. ಪ್ರಧಾನಿಯಾಗಿ ಅಟಲ್ ಜಿ ಭಾರತದ ಅರ್ಥಿಕ, ಸಾಮಾಜಿಕ, ಅಂತರಿಕ ಸಮಸ್ಯೆಗಳನ್ನು ಸಮರ್ಥವಾಗಿ ಎದುರಿಸಿದರು. ಆದರೆ 2004 ರಲ್ಲಿ ಅಟಲ್ ಜಿ ಚುನಾವಣೆಯಲ್ಲಿ ಸೋತರು. ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬಂದಿತು. ಅಟಲ್ ಜಿ ಮತ್ತೊಮ್ಮೆ ಭಾರತದ ಪ್ರಧಾನಿಯಾಗಿದ್ದರೆ ದೇಶ ಮತ್ತಷ್ಟು ಅಭಿರುದ್ದಿಯಾಗುತ್ತಿದ್ದರಲ್ಲಿ ಸಂಶಯವಿಲ್ಲ. ಈ ದೇಶದ ದೌರ್ಭಾಗ್ಯವೋ ಅಥವಾ ಅಟಲ್ ಜಿ ಯವರ ದುರದೃಷ್ಟವೋ ಗೊತ್ತಿಲ್ಲ. ಅವರು ಮತ್ತೊಮ್ಮೆ ಪ್ರಧಾನಿಯಾಗಲು ಸಾಧ್ಯವಾಗಲಿಲ್ಲ. ಇದೆ ಸಂದರ್ಭದಲ್ಲಿ ಅಟಲ್ ಜಿ ಯವರ ಅರೋಗ್ಯ ಕೈ ಕೊಟ್ಟಿತು. ಅವರು ರಾಜಕೀಯದಿಂದ ಹಿಂದೆ ಸರಿದರು. ಮಹಾನ್ ನಾಯಕನ ಅನುಪಸ್ಥಿತಿ ದೇಶಕ್ಕೆ ಕಾಡಿತು.

ಪ್ರಖರ ವಾಗ್ಮಿ, ಉತ್ತಮ ಸಂಸದೀಯ ಪಟು:

ಅಟಲ್ ಜಿ ಉತ್ತಮ ಭಾಷಣಕಾರರಾಗಿದ್ದರು. ತಮ್ಮ ಪ್ರಖರ ಮಾತಿನಿಂದ ಜನರನ್ನು ಸೆಳೆಯುವಂತವರಾಗಿದ್ದರು. ಅವರ ಭಾಷಣ ಕೇಳಲು ಸಹಸ್ರಾರು ಜನ ಸೇರುತ್ತಿದ್ದರು. ಅವರು ಉತ್ತಮ ಸಂಸದೀಯ ಪಟುವಾಗಿದ್ದರು. ಒಂದು ಸಮಸ್ಯೆಯ ಕುರಿತು ಚೆನ್ನಾಗಿ ಆಲೋಚಿಸಿ ತರ್ಕಬದ್ದವಾಗಿ ವ್ಯಾಖ್ಯಾನ ಮಾಡುತ್ತಿದ್ದರು. ಸಂಸತ್ತಿನಲ್ಲಿ ಯಾವುದೇ ವಿಷಯ ಮಾತನಾಡುವಾಗ ಅಟಲ್ ಜಿ ತಮ್ಮ ವಾದವನ್ನು ನಿಚ್ಚಿತ ರೂಪದಲ್ಲಿ ಮಂಡಿಸುತ್ತಿದ್ದರು.

ಸರಳವಾಗಿ ಎಲ್ಲರಿಗೂ ಅರ್ಥವಾಗುವ ಹಾಗೇ ಮಾತನಾಡುತ್ತಿದ್ದರು. ಕಳೆದ ನಲವತ್ತು ವರ್ಷದ ಅವಧಿಯಲ್ಲಿ ಅವರು ಲೋಕಸಭೆಯಲ್ಲಿ ಮಾಡಿದ ಭಾಷಣ ಸುಮಾರು 500 ಪುಟಗಳಿಗಿಂತಲೂ ಅಧಿಕ. ಉದ್ರಿಕ್ತ ಅಥವಾ ಉದ್ರೇಕವಾದ ಭಾವನೆ ಅವರ ಅವರ ಮಾತುಗಳಲ್ಲಿ ಕಂಡುಬರುವುದಿಲ್ಲ. ಅವರು ಆಡಿದ ಮಾತು ಮಾತಲ್ಲ ಅದು ಮುತ್ತು. ಆ ಸರಳ ಮಾತುಗಾರಿಕೆ ಶುದ್ದ ಸ್ವಚ್ಛ ಮಧುರ ಹಾಗೂ ಕಾವ್ಯಮಯ. ನೆಹರು ಅಟಲ್ ಜಿ ಯವರ ವಾಕ್ ಚಾತುರ್ಯ ಕಂಡು ಬೆರಗಾಗಿದ್ದರು. ಒಮ್ಮೆ ನೆಹರು ಸರ್ಕಾರದ ವಿದೇಶಾಂಗ ನೀತಿಯನ್ನು ಖಂಡಿಸುತ್ತಾ ಅಟಲ್ ಜಿ ಹಿಂದಿಯಲ್ಲಿ ಮಾತನಾಡಿದರಂತೆ. ಆಗ ಅಟಲ್ ಜಿ ಯವರ ಮಾತನ್ನು ಆಲಿಸಿದ ನೆಹರು ಹಿಂದಿಯಲ್ಲೇ ಸಮಾಧಾನ ನೀಡಿದರಂತೆ. ನೆಹರು ಅಟಲ್ ಜಿ ಯನ್ನು ಉದಯೋನ್ಮುಖ ರಾಜಕಾರಣಿ ಎಂದು ವಿದೇಶೀ ಗಣ್ಯರಿಗೆ ಪರಿಚಯ ಮಾಡಿಕೊಡುತ್ತಿದ್ದರಂತೆ. 1994 ರಲ್ಲಿ ಅಟಲ್ ಜಿಯವರಿಗೆ ಸರ್ವ ಶ್ರೇಷ್ಟ ಸಂಸದೀಯ ಪಟು ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ಸರಳ ಮತ್ತು ಸ್ನೇಹ ಜೀವಿ:

ಅಟಲ್ ಜಿ ಸರಳ ಜೀವಿಯಾಗಿದ್ದರು. ಅವರ ನೆಚ್ಚಿನ ಉಡುಪು ಕುರ್ತಾ-ಪೈಜಾಮ್ ಮತ್ತು ಕುರ್ತಾ ಧೋತಿ. ಅಪರೂಪಕೊಮ್ಮೆ ಸೂಟ್ ಧರಿಸುತ್ತಿದ್ದರು. ವಿದೇಶ ಪ್ರಯಾಣದ ಸಂದರ್ಭದಲ್ಲಿ ವಿದೇಶೀ ಉಡುಪು ಧರಿಸುತ್ತಿದ್ದರು.

ಅಟಲ್ ರವರು ಬಾಲ್ಯದಿಂದಲೇ ಸ್ನೇಹ ಜೀವಿಯಾಗಿದ್ದರು.ಅವರು ಯಾರನ್ನು ದ್ವೆಷಿಸಿದವರಲ್ಲ, ಯಾರೊಂದಿಗೂ ಜಗಳವಾಡಿದವರಲ್ಲ. ಎಲ್.ಕೆ ಅಡ್ವಾಣಿ, ಜಸ್ವಂತ್ ಸಿಂಗ್, ಎನ್.ಎಂ ಘಟಾಟೆ, ಬೈರೋನ್ ಸಿಂಗ್ ಷೇಕವಾತ್, ಮುಕುಂದ ಮೋದಿ ಮುಂತಾದವರು ಅಟಲ್ ರ ಆಪ್ತಮಿತ್ರರು.
ಎಲ್ಲ ರಾಜಕೀಯ ಪಕ್ಷಗಳಲ್ಲೂ ಅಟಲ್ ರವರರಿಗೆ ಸ್ನೇಹಿತರಿದ್ದಾರೆ. ವಾಜಪೇಯಿ ಅವರ ಸರಳ ವ್ಯಕ್ತಿತ್ವ ಆದರ್ಶ ವಿಚಾರಗಳಿಂದ ದೇಶ ವಿದೇಶಗಳಲ್ಲಿ ಸ್ನೇಹಜೀವಿ ಎಂದೇ ಪ್ರಸಿದ್ದರಾಗಿದ್ದಾರೆ. ಶತ್ರು ರಾಷ್ಟ್ರ ಪಾಕಿಸ್ತಾನಿಯರು ಕೂಡ ವಾಜಪೇಯಿ ಅವರ ಸ್ನೇಹಕ್ಕೆ ಪಾತ್ರರಾಗಿದ್ದಾರೆ. ಹೀಗಾಗಿಯೇ ಅವರು ಭಾರತದಿಂದ ಪಾಕಿಸ್ತಾನಕ್ಕೆ ಬಸ್ ಸಂಚಾರ ಆರಂಭಿಸಿದ್ದು. ಇದು ಅವರ ಸ್ನೇಹಕ್ಕೆ ಹಿಡಿದ ಕನ್ನಡಿಯಾಗಿದೆ.1999 ರ ಕಾರ್ಗಿಲ್ ಯುದ್ದದಲ್ಲಿ ಪಾಕಿಸ್ತಾನ ಸೋತಾಗ ಪಾಕ್ ಪ್ರಧಾನಿ ನವಾಜ್ ಷರೀಫ್ ನನ್ನು ಸೇನಾಧಿಕಾರಿ ಪ್ರವೇಜ್ ಮುಷರಫ್ ಸೆರೆಯಲ್ಲಿ ಇಟ್ಟಾಗ, ಷರೀಫ್ ಮಗ ಅಟಲ್ ಜಿ ಯವರಲ್ಲಿ ತನ್ನ ತಂದೆಯನ್ನು ಉಳಿಸಿಕೊಡಿ ಎಂದು ವಿನಂತಿಸಿದಾಗ, ಮಾನವೀಯತೆ ಆಧಾರದ ಮೇಲೆ ಆತನ ಮನವಿ ಅಟಲ್ ಬಿಹಾರಿ ವಾಜಪೇಯಿಯವರ ಹೃದಯಕ್ಕೆ ನಾಟಿತು. ಇದು ಎಂತ ವಿಪರ್ಯಾಸ! ಯಾವ ವೈರಿ ದೇಶವು ತಮ್ಮ ವಿರುದ್ದ ಹೊರಡುತ್ತಿತ್ತೋ ಮತ್ತು ಯಾರು ಅದರ ಮುಂದಾಳು ಆಗಿದ್ದರೋ ಅವರ ಮಗನೇ ವಿನಂತಿಸಿಕೊಂಡಾಗ ಹಿಂದಿನದನ್ನು ಲೆಕ್ಕಿಸದೇ ಅವನ ತಂದೆಯನ್ನು ರಕ್ಷಿಸಲು ಅವರ ಮುಂದೆ ಬಂದರು.
ಇದರಿಂದಲೇ ಅವರನ್ನು ಭಾರತದ ಅಜಾತ ಶತ್ರು ಎಂದು ಕರೆಯುವುದು. ಅಟಲ್ ಜಿ ಸ್ನೇಹ ಜೀವಿಯಾಗಿದ್ದರಿಂದಲೇ ಅವರು ಬಹು ಪಕ್ಷಗಳನ್ನು ಕೂಡಿಸಿಕೊಂಡು ದಕ್ಷ ಆಡಳಿತ ನೀಡಲು ಸಾಧ್ಯವಾಗಿದ್ದು.

ಸ್ವಂತ ಮನೆ ಕಟ್ಟಿಕೊಳ್ಳದ ರಾಜಕಾರಣಿ :

ಅಟಲ್ ರವರು ಲಾಲ್ ಬಹದ್ದೂರ್ ಶಾಸ್ತ್ರೀಯವರಂತೆ ಸ್ವಂತ ಮನೆ ಹೊಂದಿರಲಿಲ್ಲ. ಗ್ವಾಲಿಯರ್ನಲ್ಲಿ ಇದ್ದ ತಮ್ಮ ತಂದೆಯ ಮನೆಯನ್ನು ವಾಜಪೇಯಿಯವರು ಗ್ರಂಥಾಲಯವಾಗಿ ಪರಿವರ್ತಿಸಿದ್ದಾರೆ. ಈಗ ಅದು ಸಾರ್ವಜನಿಕ ಗ್ರಂಥಾಲಯ. ಇಂದಿನವರೆಗೂ ಅಟಲ್ ರವರಿಗೆ ಸ್ವಂತ ಮನೆಯಿಲ್ಲ. ರಾಜಕೀಯದಲ್ಲಿ ಯಾವುದಾದರೂ ಪದವಿ ಪಡೆದ ವರ್ಷಗಳಲ್ಲಿ ಮನೆ, ಕಾರು, ಹಣ ಮಾಡಿಕೊಳ್ಳವ ಜನರಿದ್ದಾರೆ. ಆದರೆ ಕಳೆದ 45 ವರ್ಷಗಳಿಂದ ರಾಜಕಿಯದಲ್ಲಿದ್ದು ಇನ್ನು ಸ್ವಂತ ಮನೆ ಹೊಂದದಿರುವುದು ಅಚ್ಚರಿಯ ಸಂಗತಿ. ಅಟಲ್ ರವರು ಅನೇಕ ವರ್ಷಗಳ ಕಾಲ ಪಕ್ಷದ ಕಛೇರಿಯಲ್ಲೇ ಮಲಗುತ್ತಿದ್ದರು. ಪಕ್ಷದ ಕಾರ್ಯಾಲಯವೇ ಅವರ ಮನೆಯಾಗಿತ್ತು.

ಅಟಲ್ ಜಿ ಬ್ರಹ್ಮಚಾರಿಯೇ, ಸಾರಾಯಿ ಪ್ರಿಯರೇ?

ಅಟಲ್ ಜಿ ಬ್ರಹ್ಮಚಾರಿಯೇ?, ಅವರು ಅವಿವಾಹಿತರೇ? ಅವರು ಸಾರಾಯಿ ಕುಡಿಯುತ್ತಾರೆಯೇ? ಅನೇಕರ ಮನಸ್ಸಿನಲ್ಲಿ ಈ ಪ್ರಶ್ನೆಗಳು ಸುಳಿದಾಡಿದ್ದು ಉಂಟು. ಕೆಲವರು ಇದನ್ನೇ ದೊಡ್ಡ ವಿಷಯ ಮಾಡಿದರು.

ಅಟಲ್ ಬಿಹಾರಿ ವಾಜಪೇಯಿಯವರು ಮದುವೆಯಾಗದೆ ಬ್ರಹ್ಮಚಾರಿಯಾಗಿಯೇ ಉಳಿದವರು. ಅವರು ಯಾವ ಹೆಣ್ಣನ್ನೂ ಕೆಟ್ಟ ಕಣ್ಣಿನಿಂದ ನೋಡದೆ ಅವರೆಲ್ಲರೂ ನನ್ನ ಸಹೋದರಿಯರು ಎಂದು ಹೇಳುತ್ತಿದ್ದರು. ಅವರು ಜೀವನ ಪೂರ್ತಿ ಅವಿವಾಹಿತರಾಗಿ ಉಳಿದರು.

ಅಟಲ್ ರವರು ವಿದೇಶಾಂಗ ಮಂತ್ರಿಯಾಗಿದ್ದಾಗ ಪ್ರಧಾನಿ ಮೊರಾರ್ಜಿ ದೇಸಾಯಿ ಅವರೊಂದಿಗೆ ರಶಿಯಾಕ್ಕೆ ಹೋದಾಗ ಅಟಲ್ ರವರು ಭಾರತೀಯ ವಿದ್ಯಾರ್ಥಿಗಳಿಗೆ ಕುಡಿಯಲು ಪ್ರಚೋದಿಸಿದರು ಎಂದು ಅವರು ರಾಜಕೀಯ ವಿರೋಧಿಗಳು ಗಲಾಟೆ ಮಾಡಿದರು. ಆದರೆ ಅಂದು ಅಲ್ಲಿ ಅಟಲ್ ರವರು ವಿದ್ಯಾರ್ಥಿಗಳಿಗೆ ಕುಡಿಯಿರಿ ಕುಡಿಯಿರಿ ಮದ್ಯವಲ್ಲ, ಸ್ವಮೂತ್ರ ಎಂದು ಹೇಳಿದ್ದರು. ಅದನ್ನೇ ತಪ್ಪಾಗಿ ಅರ್ಥೈಸಲಾಗಿತ್ತು.

ಭಾರತ ರತ್ನ ಅಟಲ್ ಬಿಹಾರಿ ವಾಜಪೇಯಿ!

ಬಿ.ಜೆ.ಪಿ ಪಕ್ಷ ತಾವು 2014ರ ಚುನಾವಣೆಯಲ್ಲಿ ಗೆದ್ದರೆ ಅಟಲ್ ಬಿಹಾರಿ ವಾಜಪೇಯಿಯವರಿಗೆ ಭಾರತ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಗುವುದು ಎಂದು ಹೇಳಿಕೆ ಕೊಟ್ಟಿತು. ಆಗ ಒಬ್ಬ ಕಾಂಗ್ರೆಸ್ ನಾಯಕರು ಈ ರೀತಿಹೇಳಿಕೆಕೊಟ್ಟರು. ಚಲೇಜಾವ್ ಚಳುವಳಿ ಸಮಯದಲ್ಲಿ ಬಂಧನವಾದಾಗ ಅಟಲ್ ಬಿಹಾರಿ ವಾಜಪೇಯಿ ‘ ನಾನು ನಿರಪರಾಧಿ ನನನ್ನು ಬಿಟ್ಟು ಬಿಡಿ ’ ಎಂದು ಪೋಲೀಸರ ಎದುರು ಬೇಡಿಕೊಂಡಿದ್ದರು ಆಗಾಗಿ ಅವರು ಭಾರತ ರತ್ನ ಪ್ರಶಸ್ತಿಗೆ ಅರ್ಹರಲ್ಲ ಎಂದರು. ಆದರೆ ಅಂದು ಅಟಲ್ ಜಿ ಅಪ್ಪನ ಕಣ್ಣು ತಪ್ಪಿಸಿ ಚಳುವಳಿಯಲ್ಲಿ ಭಾಗವಹಿಸಿ ಬಾಲ ಅಪರಾಧಿಯಾಗಿ 24 ದಿನ ಸೆರೆವಾಸ ಅನುಭವಿಸಿದ್ದರು. ಈ ಕುರಿತು ಅಟಲ್ ಜಿ ಒಮ್ಮೆ ತಮ್ಮ ಹಾಸ್ಯ ಮಾತಿನ ಶೈಲಿಯಿಂದ ಹೇಳಿದ್ದರು. ತನ್ನ ಇಡೀ ಜೀವನವನ್ನೇ ದೇಶಕ್ಕಾಗಿ ಮುಡುಪಾಗಿಟ್ಟ ಅಟಲ್ ಜಿ ನಿಜವಾದ ಭಾರತ ರತ್ನ.

ದೇಶಕ್ಕೆ ಅವರ ಕೊಡುಗೆ ಅಪಾರ. ಅಟಲ್ ಜಿ ಎಂದಿಗೂ ಪ್ರಶಸ್ತಿ ಬಯಸಿದವರಲ್ಲ. ಅವರು ಎಂದಿಗೂ ಪ್ರಶಸ್ತಿ ಹಿಂದೆ ಬೀಳಲಿಲ್ಲ. ನೆಹರು, ಇಂದಿರಾಗಾಂಧಿ ತಮಗೇ ತಾವೇ ತಮ್ಮ ಹೆಸರನ್ನು ಭಾರತ ರತ್ನ ಪ್ರಶಸ್ತಿಗೆ ಶಿಫಾರಸು ಮಾಡಿಕೊಂಡು ಪ್ರಶಸ್ತಿ ಪಡೆದುಕೊಂಡರು.ಆದರೆ ಅಟಲ್ ಜಿ ಹಾಗೇ ಮಾಡಲಿಲ್ಲ. ಇವರ ಮುಂದೆ ಅಟಲ್ ಜಿ ವಿಶಿಷ್ಟವಾಗಿ ಕಾಣುತ್ತಾರೆ. ನರೇಂದ್ರ ಮೋದಿ ಸರ್ಕಾರ ಅವರಿಗೆ ಭಾರತರತ್ನ ಪ್ರಶಸ್ತಿ ನೀಡಲು ಆದೇಶವನ್ನು ನೀಡಿದೆ. ಇದು ಅವರಿಗೆ ಸಂದ ಶ್ರೇಷ್ಠ ಗೌರವ.

ಉಪಸಂಹಾರ:

ಅಟಲ್ ಬಿಹಾರಿ ವಾಜಪೇಯಿ ಅವರು ಡಿಸೆಂಬರ್ 25 ರಂದು ಜನಿಸಿದರು. ಇಂದು ಅವರ 91ನೇ ವರ್ಷದ ಜನುಮ ದಿನ, ಈ ದೇಶಕ್ಕೆ ಅವರ ಅನುಪಸ್ಥಿತಿ ಬಹಳವಾಗಿ ಕಾಡುತ್ತಿದೆ.ಅವರು ಮತ್ತೊಮ್ಮೆ ಪ್ರಧಾನಿಯಾಗಿದ್ದರೆ ದೇಶ ಇಂದು ಇಂತಹ ಶೋಚನೀಯ ಸ್ಥಿತಿಯಲ್ಲಿ ಇರುತ್ತಿರಲಿಲ್ಲ.ಇಂದು ಪ್ರತಿಯೋಬ್ಬ ಭಾರತೀಯ ಪ್ರಜೆಯೂ ಅವರನ್ನು ನೆನೆಯಬೇಕು. ಮಹಾನ್ ನಾಯಕ, ಕವಿ, ರಾಜಕೀಯ ಮುತ್ಸದಿ, ಸ್ನೇಹ ಜೀವಿ, ಸರಳ ಜೀವಿ. ಅಜಾತ ಶತ್ರು ಅಟಲ್ ಬಿಹಾರಿ ವಾಜಪೇಯಿಯವರಿಗೆ ನನ್ನ ನಮನಗಳು.

ಜೈ ಹಿಂದ್

ರವಿತೇಜ ಶಾಸ್ತ್ರೀ.

ಭಾರತಕ್ಕೆ ಚಾಚಾ ನೀಡಿದ ಬಳುವಳಿಗಳು!

2014-11-14T07:11:00.001+05:30

ನಾವು ಮನೆ ಕಟ್ಟುವ ಮುನ್ನ ಅಡಿಪಾಯ ಹಾಕುತ್ತೇವೆ. ಇದರ ಉದ್ದೇಶ ನಾವು ಕಟ್ಟುವ ಮನೆ ಸದೃಢವಾಗಿ, ದೀರ್ಘ ಕಾಲ ಬಾಳಬೇಕು ಎಂದು. ಇದು ದೇಶಕ್ಕೂ ಅನ್ವಯಿಸುತ್ತದೆ. ದೇಶದ ಉನ್ನತಿ ಸದೃಢ ಮತ್ತು ಬಲಿಷ್ಠ ಅಡಿಪಾಯವನ್ನು ಅವಲಂಬಿಸಿದೆ. ಅಡಿಪಾಯ ಸರಿಯಿದ್ದರೆ ದೇಶದ ಭವಿಷ್ಯ ಉಜ್ವಲವಾಗುತ್ತದೆ. ಆದರೆ ದುರದೃಷ್ಟವಶಾತ್ ಭಾರತಕ್ಕೆ ಭದ್ರವಾದ ಅಡಿಪಾಯ ದೊರಕಲೇ ಇಲ್ಲ. ಸ್ವಾತಂತ್ರ್ಯದ ನಂತರ ನಮ್ಮನ್ನು ಆಳಿದ ನಾಯಕರಾದ ನೆಹರು ಮತ್ತು ಗಾಂಧಿ ದೇಶವನ್ನು ಸಮರ್ಪಕವಾಗಿ ಮುನ್ನಡೆಸಲಿಲ್ಲ. ಅವರು ಮಾಡಿದ ಅನಾಹುತಗಳ ಸರಮಾಲೆಗಳ ಪರಿಣಾಮವನ್ನು ಇಂದಿಗೂ ನಾವು ಎದುರಿಸುತ್ತಿದ್ದೇವೆ.

ಈ ಅನಾಹುತ ಶುರುವಾಗಿದ್ದು ನಮ್ಮ ರಾಷ್ಟ್ರಪಿತ ಮಹಾತ್ಮ ಗಾಂಧಿಯವರಿಂದ. ಅತಿಯಾದ ಹುಚ್ಚು ನೆಹರು ಪ್ರೇಮ ಅವರಿಗೆ ಆವರಿಸಿತ್ತು. ಸ್ವಾತಂತ್ರ್ಯ ಭಾರತದ ಮೊದಲ ಪ್ರಧಾನಿಯಾರಾಗಬೇಕೆಂದಾಗ ಆಗಿನ ಕಾಂಗ್ರೆಸ್ ನ ಬಹುಪಾಲು ಮಂದಿ ಉಕ್ಕಿನ ಮನುಷ್ಯ ಸರ್ದಾರ್ ಪಟೇಲ್ ರ ಪರವಾಗಿ ಮತ ಹಾಕಿದರು. ಆದರೂ ತಮ್ಮ ಪ್ರಿಯ ಶಿಷ್ಯ ನೆಹರೂವನ್ನು ಪ್ರಧಾನಿ ಗಾದಿಯಲ್ಲಿ ಕುಳ್ಳಿರಿಸಿ ಅನಾಹುತಗಳ ಸರಮಾಲೆಗೆ ಮೊದಲ ಮಣಿಯನ್ನು ಪೋಣಿಸಿದರು ಗಾಂಧೀಜಿ. ಗಾಂಧಿಯವರನ್ನು ಗೌರವಿಸುತ್ತಿದ್ದ ಪಟೇಲರು ಪ್ರತಿಭಟಿಸದೆ ತಮ್ಮ ದೊಡ್ಡತನವನ್ನು ಮೆರೆದರು. ಈಗಿನ ರಾಜಕಾರಣಿಗಳಂತೆ ಪಟೇಲರು ನಡೆದುಕೊಳ್ಳಲಿಲ್ಲ. ನೆಹರು ಪ್ರಧಾನಿಯಾದ ನಂತರ ಮಾಡಿದ್ದೆಲ್ಲವೂ ಅನಾಹುತಗಳೇ. ಅಭಿವೃದ್ದಿಯ ಕಡೆಗೆ ನುಗ್ಗಬೇಕಿದ್ದ ದೇಶವನ್ನು ಪಾತಾಳಕ್ಕೆ ನೂಕಿದ ಮಹಾನ್ ಪ್ರಧಾನಿ ನಮ್ಮ ಚಾಚ ನೆಹರು. ಅವರು ಭಾರತಕ್ಕೆ ಕೊಟ್ಟ ಬಳುವಳಿಗಳು ಅಸಂಖ್ಯ. ಅಡಿಪಾಯ ಸರಿಯಿದ್ದರೆ ತಾನೇ ಮನೆ ಉತ್ತಮವಾಗಿರೋದು. ನೆಹರುವಿನ ಅನಾಹುತಗಳ ಬಳುವಳಿಗಳ ಪರಿಚಯ ಇಲ್ಲಿದೆ.

ಕಾಶ್ಮೀರ ಸಮಸ್ಯೆಯ ಜನಕ :

ಭಾರತದ ಎಲ್ಲ ಸಣ್ಣಪುಟ್ಟ ರಾಜ್ಯ, ಸಂಸ್ಥಾನಗಳನ್ನು ಏಕೀಕರಣಗೊಳಿಸುವ ಕೆಲಸವನ್ನು ಸರ್ದಾರ್ ಪಟೇಲ್ ವಹಿಸಿಕೊಂಡಿದ್ದರು. ತಮ್ಮ ದಿಟ್ಟ ನಿರ್ಧಾರ ಮತ್ತು ಅಚಲ ಇಚ್ಚಾಶಕ್ತಿಯಿಂದ ಪಟೇಲರು ಎಲ್ಲ ರಾಜ್ಯಗಳನ್ನು ಭಾರತಕ್ಕೆ ಸೇರಿಸಿ ಉಕ್ಕಿನ ಮನುಷ್ಯರೆನಿಸಿದರು. ಆದರೆ ಕಾಶ್ಮೀರದ ಏಕೀಕರಣವನ್ನು ಪಟೇಲರಿಗೆ ವಹಿಸದೆ ತಾವೇ ನಿರ್ವಹಿಸುವುದಾಗಿ ಹೇಳಿ ತಮ್ಮ ಅವಿವೇಕಿ ನಿರ್ಧಾರಗಳಿಂದ ನೆಹರು ಕಾಶ್ಮೀರ ಸಮಸ್ಯೆಯನ್ನು ಹುಟ್ಟುಹಾಕಿದರು. ನೆಹರು ನಿರ್ಧಾರದಿಂದ ಕಾಶ್ಮೀರ ಭಾರತದ ಕೈತಪ್ಪುವ ಹಂತ ತಲುಪಿತ್ತು. ಈ ಸಂದರ್ಭದಲ್ಲಿ ಮಧ್ಯ ಪ್ರವೇಶಿಸಿದ ಪಟೇಲರು ಸೇನೆಯನ್ನು ನುಗ್ಗಿಸಿ ಕಾಶ್ಮೀರವನ್ನು ಭಾರತದಲ್ಲಿ ವಿಲೀನಗೊಳಿಸಿದರು. ಕಾಶ್ಮೀರದ ರಾಜ ಹರಿಸಿಂಗ್ ಭಾರತಕ್ಕೆ ಸೇರಲು ನಿರ್ಧರಿಸಿದ್ದ ಆದರೆ ಷೇಕ್ ಅಬ್ದುಲ್ಲಾನ ಮಾತು ಕೇಳಿದ ನೆಹರು ಸಮಸ್ಯೆಗಳನ್ನು ಸೃಷ್ಟಿಸಿದರು. ಕಾಶ್ಮೀರದ ಸಮಸ್ಯೆ ಉಲ್ಬಣಗೊಂಡಾಗ ನೆಹರು ವಿಶ್ವ ಸಂಸ್ಥೆಯ ಕದ ತಟ್ಟಿದ್ದರು. ನಮ್ಮ ಮನೆಯಲ್ಲಿ ಜಗಳವಾದಾಗ ಪಕ್ಕದ ಮನೆಯವನನ್ನು ಕರೆದು ರಾಜಿ ಮಾಡಿಸುವುದು ಮೂರ್ಖತನವಲ್ಲವೇ? ಇಂತಹ ಸಣ್ಣ ಸಣ್ಣ ಸಂಗತಿಗಳೂ ನೆಹರುಗೆ ತಿಳಿಯಲಿಲ್ಲ. ತಮ್ಮ ಹಟ ಸಾಧಿಸಿದರು. ಆದರ ಪರಿಣಾಮ ಕಾಶ್ಮೀರ ಸಮಸ್ಯೆ ಇನ್ನು ಜೀವಂತ.

ಭಾರತದ ಆರ್ಥಿಕತೆಯನ್ನು ಪಾತಾಳಕ್ಕೆ ತಳ್ಳಿದ ಮಹಾನ್(?) ಪುರುಷ ನೆಹರು :

“ ಯಾವುದೇ ಪ್ರಭುತ್ವವಾದರೂ ದೇಶದ ಆರ್ಥ ನೀತಿ ಭದ್ರವಾದ ನೆಲೆಗಟ್ಟಿನ ಮೇಲೆ ನಿಲ್ಲಬೇಕು. ನಮ್ಮ ಅರ್ಥ ನೀತಿ ನಮ್ಮ ನಾಯಕರ( ನೆಹರು ಅವರ) ಆತುರದಿಂದ ಅತಂತ್ರದಾರಿಗೆ ಹೋಗಿದೆ ಎಂದು ನಮಗೆ ಭಯವಾಗುತ್ತಿದೆ, ವೆಚ್ಚದಲ್ಲಿ ವಿತರಣೆ ಸಾಲದೇ ಹೋಗಿದೆ. ಅನಿರ್ವಾರ್ಯವಾದ ಒಂದು ಮಟ್ಟಕ್ಕಿಂತ ಹೆಚ್ಚಾಗಿ ಹಣ ಪೋಲಾಗುತ್ತಿದೆ. ಅಭಿವೃದ್ದಿ ಸಿದ್ದಿಸದೆ ನಮಗೆ ನಷ್ಟವಾಗುತ್ತಿದೆ.” ಈ ರೀತಿ ಕಳವಳ ವ್ಯಕ್ತ ಪಡಿಸಿದವರು ಕನ್ನಡದ ಆಸ್ತಿ ಮಾಸ್ತಿಯವರು.

ಭಾರತದ ಆರ್ಥಿಕತೆ ಬಲಗೊಳಿಸಬೇಕಾದರೆ ಸಣ್ಣ ಮತ್ತು ಮಧ್ಯಮ ಕೈ ಗಾರಿಕೆಗಳು ಉದ್ದಾರವಾಗಬೇಕೆಂದು ಗಾಂಧೀಜಿ ನಂಬಿದ್ದರು ಆದರೆ ಗಾಂಧಿ ಶಿಷ್ಯ. ನೆಹರುಗೆ ಇದರ ಮೇಲೆ ನಂಬಿಕೆಯೇ ಇರಲಿಲ್ಲ. ದೊಡ್ಡ ದೊಡ್ಡ ಯಂತ್ರಗಳ ಕೈಗಾರಿಕೆಗಳಿಂದ ದೇಶ ಉದ್ದಾರವಾಗುತ್ತದೆ ಎಂದು ಅವರು ನಂಬಿದರು. ವಿದೇಶಗಳಿಂದ ಬಂಡವಾಳವನ್ನು ತಂದು ಬೃಹತ್ ಕೈಗಾರಿಕೆಗಳನ್ನು ನಿರ್ಮಿಸಿದರು. ಆದರೆ ಅರ್ಥಿಕ ಅಶಿಸ್ತಿನ ಪರಿಣಾಮ ಬಾರಿ ನಷ್ಟ ಉಂಟಾಯಿತು, ರಷ್ಯಾ ಮತ್ತು ಬೇರೆ ರಾಷ್ಟ್ರಗಳ ನೀತಿಗಳನ್ನು ಪಾಲಿಸಿದರ ಪರಿಣಾಮ ಭಾರತದ ಸಾಲ ಹೆಚ್ಚಾಯಿತು.

ವೆಚ್ಚದ ನಿಯಂತ್ರಣ ಪದವೇ ನೆಹರುಗೆ ತಿಳಿದಿರಲಿಲ್ಲವೇನೋ. ಕಾಂಗ್ರೆಸ್ ಅಧಿವೇಶನಗಳಿಗೆ ಲಕ್ಷಾಂತರ ರೂಪಾಯಿ ವ್ಯಯಿಸುತ್ತಿದ್ದರು. ನೆಹರು ಜಾರಿಗೆ ತಂದ ಪಂಚವಾರ್ಷಿಕ ಯೋಜನೆಗಳೆಲ್ಲ ಸರ್ಕಾರದ ಬೊಕ್ಕಸವನ್ನು ಖಾಲಿ ಮಾಡಿತೆ ಹೊರತು ಏನು ಮಾಡಲಿಲ್ಲ. ಇಂದು ನಾವು ವಿತ್ತೀಯ ಕೊರತೆ (Fiscal Deficit) ಸಮಸ್ಯೆ ಎದುರಿಸುತ್ತಿದ್ದೇವೆ ಇದರ ಜನಕ ನಮ್ಮ ನೆಹರೂನೆ! ವಿಶ್ವ ಬ್ಯಾಂಕ್ ನಿಂದ ಸಾಲ ತರಿಸಿಕೊಂಡ ನೆಹರೂ ಸರ್ಕಾರ ತೀರಿಸಲು ಆಗದೆ ಮತ್ತಷ್ಟು ಸಾಲ ಮಾಡಿತು. ವೆಚ್ಚ ನಿಯಂತ್ರಣ ಶೂನ್ಯ. ಪರಿಣಾಮ ಎಲ್ಲ ಭಾರತೀಯರ ತಲೆ ಮೇಲೆ ಸಾಲದ ಹೊರೆ. ನಮ್ಮ ನಂತರ ಸ್ವಾತಂತ್ರ್ಯ ಪಡೆದ ದೇಶಗಳು ಅರ್ಥಿಕ ಪ್ರಗತಿಯನ್ನು ಸಾಧಿಸಿವೆ. ಆದರೆ ಭಾರತ ಇನ್ನು ಅಭಿವೃದ್ದಿ ಹೊಂದುತ್ತಿರುವ ರಾಷ್ಟ್ರ. ಇದಕ್ಕೆ ಮೂಲ ಕಾರಣ ನೆಹರು.

ಸೆಕ್ಯುಲರಿಸಂ ಮತ್ತು ತುಷ್ಟೀಕರಣದ ಪಿತಾಮಹ :

ಸೆಕ್ಯುಲರಿಸಂ ಎಂಬ ಕೊಳಕು ಇಂದು ದೇಶದಲ್ಲಿದೆ. ಈ ಕೊಳಕನ್ನು ಸೃಷ್ಟಿಸಿದ್ದೆ ನೆಹರು. ಜಾತ್ಯತೀತ ಎಂದರೆ ಎಲ್ಲ ಧರ್ಮಗಳು ಒಂದೇ ಎಲ್ಲರೂ ಸಮಾನರು ಎಂದರ್ಥ. ಆದರೆ ನೆಹರು ಪಾಲಿಗೆ ಬಹುಸಂಖ್ಯಾತರಿಂದ ಅಲ್ಪಸಂಖ್ಯಾತರನ್ನು ರಕ್ಷಿಸುವುದೇ ಸೆಕ್ಯುಲರಿಸಂ. ತಮ್ಮ ಗುರು ಗಾಂಧಿಯಿಂದ ವರವಂತೆ ಪಡೆದ ತುಷ್ಟೀಕರಣ ನೀತಿಯನ್ನು ಗಾಂಧಿಯ ಅನುಪಸ್ಥಿತಿಯಲ್ಲಿ ಅಚ್ಚುಕಟ್ಟಾಗಿ ಗಾಂಧಿಗಿಂತ ಹೆಚ್ಚಾಗಿ ಪಾಲಿಸಿದರು ನಮ್ಮ ನೆಹರು. ಪರಿಣಾಮ ಪಾಕಿಸ್ಥಾನದ ಹುಚ್ಚಾಟ, ಕಾಶ್ಮೀರದಲ್ಲಿ ಪ್ರತ್ಯೇಕತಾವಾದಿಗಳ ಅಟ್ಟಹಾಸವನ್ನು ಇಂದಿಗೂ ಎದುರಿಸುತ್ತಿದ್ದೇವೆ. ಒವೈಸಿ ಎಂಬ ಮತಾಂಧ ಇಂದು “ ಐದು ನಿಮಿಷ ಪೊಲೀಸರು ಸುಮ್ಮನಿದ್ದರೆ ಹಿಂದೂಗಳನ್ನು ಮುಗಿಸುತ್ತೇನೆ, ಭಾರತದ ಮೇಲೆ ಪಾಕಿಸ್ತಾನ ಯುದ್ದ ಸಾರಿದರೆ ಮುಸ್ಲಿಮರು ಭಾರತದ ವಿರುದ್ದ ಹೋರಾಡಬೇಕು” ಸಲಹೆ ನೀಡುತ್ತಾನೆ. ಇಂತಹ ಮತಾಂಧರ ಬೆಳವಣಿಗೆಗೆ ಗಾಂಧಿ ಮತ್ತು ನೆಹ್ರೂನೆ ಕಾರಣ.

ಇವತ್ತು ಬುದ್ದಿ ಜೀವಿಗಳು ಎಂದು ಆರಚುವ, ತಲೆಯಲ್ಲಿ ಲದ್ದಿ ತುಂಬಿರುವ ಲದ್ದಿಜೀವಿಗಳು ಇದೇ ನೆಹರುವಿನ ಬಳುವಳಿಯಾದ ಸೆಕ್ಯುಲರಿಸಂನಿಂದಲೇ ಸಮಾಜದ ಸ್ವಾಸ್ಥ್ಯವನ್ನು ಆಳು ಮಾಡುತ್ತಿರುವುದು. ಈ ಬುದ್ದಿಜೀವಿಗಳು ಎನ್ನುವ ದುರ್ಬುದ್ಧಿಜೀವಿಗಳ ಜನಕ ನೆಹರು ಅಂದರೆ ಯಾವುದೇ ತಪ್ಪಿಲ್ಲ ಎನಿಸುತ್ತದೆ.

ಹಿಮಾಲಯನ್ ಬ್ಲಂಡರ್ :

ನೆಹರುಗೆ ಕಮ್ಯುನಿಸ್ಟ್ ವಾದವೆಂದರೆ ಅದೇನೋ ಹುಚ್ಚು ಪ್ರೀತಿ. ಈ ಪ್ರೀತಿಯಿಂದಲೇ ಕೃಷ್ಣ ಮೆನನ್ ಎಂಬ ಪಕ್ಕ ಕಮ್ಯುನಿಸ್ಟ್ ಮನುಷ್ಯನನ್ನು ನೆಹರು ರಕ್ಷಣ ಸಚಿವರನ್ನಾಗಿ ಮಾಡಿದ್ದು. ಈತ ಮಂತ್ರಿಯಾಗಿದ್ದಾಗ ಭಾರತಕ್ಕಿಂತ ಹೆಚ್ಚಾಗಿ ಚೀನಾಗೆ ನಿಷ್ಠೆ ತೋರಿಸುತ್ತಿದ್ದ. ಇವನು ಮಾಡಿದ ಅನಾಹುತಗಳು ಒಂದೇ ಎರಡೆ. ಇದರ ಪರಿಣಾಮವೇ 1962 ರ ಚೀನಾ ಮತ್ತು ಭಾರತದ ನಡುವಿನ ಯುದ್ದದ ಸೋಲು .

ನೆಹರುಗೆ ತನ್ನನ್ನು ತಾನು ದೊಡ್ಡ ಶಾಂತಿ ಪ್ರಿಯ ಎಂದು ಗುರುತಿಸಿಕೊಳ್ಳಬೇಕೆಂಬ ಖಯಾಲಿ. ಅರ್ಲಿಪ್ತ ನೀತಿ ನಮ್ಮದು ಎಂದು ಭಾಷಣ ಮಾಡುತ್ತಿದ ಮಹಾನ್ ಮಾತುಗಾರ ನೆಹರು. ಇದರಿಂದ ರಕ್ಷಣ ಇಲಾಖೆಗೆ ಮಹತ್ವವೇ ಸಿಗಲಿಲ್ಲ. ಯಾವ ಸಿದ್ದತೆಗಳು ಇರಲಿಲ್ಲ. ಶಸ್ತ್ರಾಸ್ತ್ರ ಖರೀದಿಯ ಬಗ್ಗೆ ತಿರಸ್ಕಾರ ನೆಹರೂಗಿತ್ತು. ಯಾವುದೇ ಸಿದ್ದತೆಯಿಲ್ಲದೆ ಯುದ್ದ ಘೋಷಣೆ ಮಾಡಿದರು. ಆಪಾರ ಸಾವು ನೋವುಗಳು ಸಂಭವಿಸಿದವು. ಅದೆಷ್ಟೋ ನೆಲವನ್ನು ಭಾರತ ಕಳೆದುಕೊಂಡಿತು. ಕೃಷ್ಣ ಮೆನನ್ ಮತ್ತು ನೆಹರು ಮಾಡಿದ ಅನಾಹುತಗಳಿಂದ ಸಾಕಷ್ಟು ಸೈನಿಕರು ಯುದ್ದ ಉಪಕರಣವಿಲ್ಲದೆ, ನೀರು, ಆಹಾರವಿಲ್ಲದೆ ಯುದ್ದ ಮಾಡಿ ಅಪಾರ ನೋವುಗಳನ್ನು ಅನುಭವಿಸಿದರು.

ಇವಷ್ಟೇ ಅಲ್ಲ ಭಾಷಾವಾರು ಪ್ರಾಂತ್ಯ ರಚನೆಯಾದಾಗ ನೆಹರು ನೀತಿಗಳಿಂದ ಸಾಕಷ್ಟು ಅನ್ಯಾಯಗಳಾದವು. ನೆಹರು ಸಾವರ್ಕರ್, ಅಂಬೇಡ್ಕರ್ ರಂತ ಮಹಾನ್ ಪುರುಷರಿಗೆ ನಾನಾ ತೊಂದರೆಗಳನ್ನು ಕೊಟ್ಟರು. ಸಾವರ್ಕರ್ ಮೇಲೆ ಸುಖಾಸುಮ್ಮನೆ ಗಾಂಧಿ ಹತ್ಯೆಯ ಆರೋಪ ಹೊರೆಸಿ ಅವರನ್ನು ಅವಮಾನಿಸಿದರು. ದೇಶ ಭಕ್ತ ಸಂಘಟನೆ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಮೇಲೆ ನಿಷೇಧ ಹೇರಿದರು. ಹೀಗೆ ತಮಗೇ ಯಾರು ವಿರುದ್ದವಾಗಿದ್ದರೋ ಅವರೆನ್ನೆಲ್ಲ ಮುಗಿಸಬೇಕು ಎನ್ನುವುದೇ ನೆಹರುವಿನ ಸಿದ್ದಾಂತವಾಗಿತ್ತು

ನೆಹರುವಿನ ಬ್ಲಂಡರ್ ಗಳನ್ನು ಪಟ್ಟಿ ಮಾಡುತ್ತಾ ಹೋದರೆ ಪುಟಗಳು ಮೀರುತ್ತ ಹೋಗುತ್ತದೆ. ನೆಹರೂ ತನ್ನ ವಂಶವನ್ನು ಬೆಳೆಸಿದ್ದು ಸಹ ಅನಾಹುತವೇ. ಪ್ರಧಾನಿಯಾಗಿದ್ದಾಗಲೇ ತನ್ನ ಮಗಳು ಇಂದಿರಾಳನ್ನು ಪ್ರಭಾವಿಯಾಗಿ ಬೆಳೆಸಿದರು ನೆಹರು. ನೆಹರು ನಂತರ ಯಾರು ಎಂಬ ಪ್ರಶ್ನೆ ಬಂದಾಗ ನೆಹರುಗೆ “ವೈ ನಾಟ್ ಇಂದಿರಾ” ಎಂದು ನೆಹರು ಬಂಟರು ಅವರಿಗೆ ಸಲಹೆ ಕೊಟ್ಟಿದ್ದರಂತೆ. ಆಗ ನೆಹರು “ನಾಟ್ ನೌ” ಎಂದಷ್ಟೇ ಉತ್ತರಿಸಿದ್ದರು. ಅವರು ನಿರಾಕರಿಸಲಿಲ್ಲ. ನೆಹರು ಮಾಡಿದ ಅನಾಹುತಗಳನ್ನೇ ಇಂದಿರಾ ಮುಂದುವರೆಸಿದರು, ಕಾಂಗ್ರೆಸ್ ಅನ್ನು ವಿಭಜಿಸಿದರು. ಅಮ್ಮನ ನೆರಳಿನಲ್ಲೇ ನಡೆದ ರಾಜೀವ್ ಗಾಂಧಿ ಸಹ ಇದನ್ನೇ ಮುಂದುವರೆಸಿದರು. ರಾಜೀವ್ ಗಾಂಧಿಯ ನಂತರ ಕಾಂಗ್ರೆಸ್ ನಿಷ್ಟರು ವಿದೇಶೀ ಮುಖ ಸೋನಿಯಾ ಗಾಂಧಿಯನ್ನು ತಂದು ನಿಲ್ಲಿಸಿದರು. ಹತ್ತು ವರ್ಷ ದೇಶ ಆಳಿದ ಸೋನಿಯಾ ಮಾಡಿದ್ದು ಅನಾಹುತಗಳೇ, ದೇಶವನ್ನು ಹಳ್ಳಕ್ಕೆ ದೂಡುವ ಕೆಲಸಗಳೇ. ಈಗ ರಾಜೀವ್ ಕುಡಿ ರಾಹುಲ್ ಗೆ ಅಧಿಕಾರ ಸಿಕ್ಕರೆ ಮುಂದೆ ಆಗೋದು ಅನಾಹುತವೇ. ಒಟ್ಟಿನಲ್ಲಿ ನೆಹರು ವಂಶ ಮಾಡಿದ್ದು ಅನಾಹುತಗಳೇ ಮಾಡೋದು ಅನಾಹುತಗಳೇ.

ನಮ್ಮ ದೇಶದ ಯಾವುದೇ ಜ್ವಲಂತ ಸಮಸ್ಯೆಯನ್ನು ಅವಲೋಕಿಸಿ ಕಾರಣ ಹುಡುಕಿದರೆ ಅದು ನೆಹರು, ಗಾಂಧಿ ಮತ್ತು ನೆಹರು ಕುಟಂಬದ ವರವೇ ಆ ಸಮಸ್ಯೆಯಾಗಿರುತ್ತದೆ. ಅಡಿಪಾಯ ಸರಿಯಿದ್ದರೆ ತಾನೇ ಮನೆ ಚೆನ್ನಾಗಿರೋದು.

ರವಿತೇಜ ಶಾಸ್ತ್ರೀ

ಹೆಚ್ಚುತ್ತಿವೆ ಅತ್ಯಾಚಾರಗಳು ಕುಸಿಯುತ್ತಿವೆ ಮಾನವೀಯ ಮೌಲ್ಯಗಳು!

2014-11-12T06:54:00.001+05:30

ಹೆಚ್ಚುತ್ತಿವೆ ಅತ್ಯಾಚಾರಗಳು ಕುಸಿಯುತ್ತಿವೆ ಮಾನವೀಯ ಮೌಲ್ಯಗಳು!

"ಯತ್ರ ನಾರ್ಯಸ್ತು ಪೂಜ್ಯಂತೆ ರಮಂತೇ ತತ್ರ ದೇವತಾಃ" ಎಂದರೆ ಎಲ್ಲಿ ನಾರಿಯರು ಪೂಜಿಸಲ್ಪಡುತ್ತಾರೋ ಅಲ್ಲಿ ದೇವತೆಗಳು ನೆಲೆಸಿರುತ್ತಾರೆ.
ಹೆಣ್ಣಿಗೆ ದೇವರ ಸ್ಥಾನವನ್ನು ನೀಡಿದ ಶ್ರೇಷ್ಠ ಪರಂಪರೆ ನಮ್ಮದು. ನದಿಗಳು, ಪರ್ವತಗಳನ್ನು ಹೆಣ್ಣಿನ ರೂಪದಲ್ಲಿ ಕಂಡು ಗೌರವಿಸಿದ ಶ್ರೇಷ್ಠ ಸಂಸ್ಕೃತಿ ಭಾರತೀಯ ಸಂಸ್ಕೃತಿ.
ಜಗದ ಜನರೆಲ್ಲ ಭೂಮಿಯನ್ನು ಜಡವಸ್ತು ಎಂದು ಭಾವಿಸಿದ್ದ ಸಂದರ್ಭದಲ್ಲಿ ಭೂವಿಗೆ ಮಾತೃ ಸ್ಥಾನ ನೀಡಿ ವಿಶ್ವದ ಕಣ್ತೆರೆಸಿದ ದೇಶ ಭಾರತ. ಹೆಣ್ಣಿಗೆ ಮಹತ್ತರ ಸ್ಥಾನ ನೀಡಿ ಗೌರವಿಸಿದ ಶ್ರೇಷ್ಠ ದೇಶ ನಮ್ಮದು.

ಆದರೆ ಇಂದು ನಡೆಯುತ್ತಿರುವುದೇನು? ಹೆಣ್ಣನ್ನು ದೇವತೆಯೆಂದು ಪೂಜಿಸಿದ ಭಾರತದಲ್ಲೇ ಹೆಣ್ಣಿನ ಮೇಲೆ ನಿರಂತರ ದೌರ್ಜನ್ಯ, ಅತ್ಯಾಚಾರಗಳ ಸರಮಾಲೆಗಳು. ಹಸುಳೆ, ಕಂದಮ್ಮಗಳ ಮೇಲೆ ಅತ್ಯಾಚಾರಗಳು ಕಾಮುಕರ ಅಟ್ಟಹಾಸಕ್ಕೆ ಭಾರತ ನಲುಗಿ ಹೋಗಿದೆ. ಹೆಣ್ಣಿಗೆ ಶ್ರೇಷ್ಠ ಸ್ಥಾನ ನೀಡಿದ ಭಾರತದಲ್ಲಿ ಇಂದು ಹೆಣ್ಣಿಗೆ ರಕ್ಷಣೆಯೇ ಇಲ್ಲ.

ಕಳೆದ ವರ್ಷ ನಡೆದ ನಿರ್ಭಯ ಅತ್ಯಾಚಾರ ಪ್ರಕರಣ ಜನರನ್ನು ರೊಚ್ಚಿಗೆಬ್ಬಿಸಿತ್ತು. ಈ ಪ್ರಕರಣದ ನಂತರ ಉತ್ತರ ಪ್ರದೇಶದಲ್ಲಿ ಭೀಕರ ಅತ್ಯಾಚಾರ ಪ್ರಕರಣಗಳು ವರದಿಯಾದವು. ಈಗ ಈ ಪೈಚಾಚಿಕ ಕೃತ್ಯಗಳು ಕರ್ನಾಟಕದಲ್ಲೂ ವರದಿಯಾಗಿವೆ. ನಂದಿತಾಗಳ ಅತ್ಯಾಚಾರ ಮತ್ತು ಹತ್ಯೆಯ ಪ್ರಕರಣ ಅಮಾನವೀಯ. ಹದಿಮೂರು ವರ್ಷದ ಆ ಪೋರಿಯನ್ನು ಹಿಂಸಿಸಿ, ಅತ್ಯಾಚಾರ ಮಾಡಿದ ಘೋರ ಕೃತ್ಯವನ್ನು ನೆನೆದಾಗ ದುಃಖವಾಗುತ್ತದೆ.

ಹೆಣ್ಣಿಗೆ ರಕ್ಷಣೆ ನೀಡಬೇಕಾದ ಸರ್ಕಾರವೇ ಅತ್ಯಾಚಾರಿಗಳಿಗೆ ರಕ್ಷಣೆ ನೀಡುತ್ತಿದೆ ರಾಜಕಾರಣಿಗಳಿಗೆ ಇವೆಲ್ಲ ಸಾಮಾನ್ಯ ಪ್ರಕರಣಗಳು. ಅತ್ಯಾಚಾರ ತಡೆಗಟ್ಟುವುದು ನಮ್ಮ ಕೆಲಸವಲ್ಲ ಎಂಬ ಅರ್ಥ ಬರುವಂತೆ ಅವಿವೇಕಿ ಹೇಳಿಕೆಗಳನ್ನು ನೀಡುತ್ತಿದ್ದಾರೆ. ಇವೆಲ್ಲದರ ಮುಂದೆ ಮೌಲ್ಯಗಳಿಗೆ ಬೆಲೆಯೇ ಇಲ್ಲದಂತಾಗಿದೆ.

ಭಾರತ ಮೌಲ್ಯಗಳಿಗೆ ಬೆಲೆಕೊಟ್ಟ ರಾಷ್ಟ್ರ. ಸತ್ಯಕ್ಕಾಗಿ, ಅಪ್ಪನ ಮಾತಿಗೆಂದು ಇಡೀ ರಾಜ್ಯ ಅಧಿಕಾರವನ್ನು ತ್ಯಜಿಸಿ ಅರಣ್ಯಕ್ಕೆ ತೆರಳಿದ ಮರ್ಯಾದಾ ಪುರುಷೋತ್ತಮ ಶ್ರೀ ರಾಮಚಂದ್ರನ ಆದರ್ಶಗಳನ್ನು ಪಾಲಿಸಿದ ದೇಶ ನಮ್ಮದು. ಆದರೆ ಇಂದು ನಮ್ಮವರಿಗೆ ಒಳಿತು ಕೆಡಕಿನ ಅರಿವೆ ಇಲ್ಲ. ಸತ್ಯ, ಅಹಿಂಸೆ,ನ್ಯಾಯ, ಮಾನವೀಯತೆ ಇವೆಲ್ಲ ಗೊತ್ತೇ ಇಲ್ಲ. ಪಾಶ್ಚಾತ್ಯ ಸಂಸ್ಕೃತಿಯ ಅಂಧಾನುಕರಣೆಯ ಫಲದಿಂದ ಇವೆಲ್ಲ ಮರೀಚಿಕೆಯಾಗಿಬಿಟ್ಟಿವೆ.

ಪ್ರಸ್ತುತ ಭಾರತದಲ್ಲಿ ಪ್ರತಿ ದಿನವೂ ಹಲವು ಅತ್ಯಾಚಾರ ಪ್ರಕರಣಗಳು ವರದಿಯಾಗುತ್ತಿವೆ. ಕಾಮುಕರ ಅಟ್ಟಹಾಸಕ್ಕೆ ಪ್ರತಿ ದಿನವೂ ಮುಗ್ಧ ಹೆಣ್ಣು ಜೀವಗಳು ಬಲಿಯಾಗುತ್ತಿವೆ. ಇದೆಕ್ಕೆಲ್ಲ ಶಾಶ್ವತ ಪರಿಹಾರವಿಲ್ಲವೇ? ಈಗ ಬೆಳಕಿಗೆ ಬಂದಿರುವ ನಂದಿತಾ ಪ್ರಕರಣ ಜನರ ತಾಳ್ಮೆಯ ಕಟ್ಟಳೆಯನ್ನು ಮೀರಿ ಜನ ಆಂದೋಲನವಾಗಿದೆ. ಜನ ಬೀದಿಗೆ ಇಳಿದಿದ್ದಾರೆ. ನಿರ್ಭಯ ಪ್ರಕರಣದಲ್ಲೂ ಇದೇ ಆಯಿತು. ಒಂದಷ್ಟು ವ್ಯಾಪಕ ಪ್ರತಿಭಟನೆಗಳು ನಡೆದವು. ಆದರೆ ಅತ್ಯಾಚಾರಗಳು ಕಡಿಮೆಯಾದವೇ? ಕೇವಲ ಕಾನೂನಿಂದ ಮಾತ್ರ ಅತ್ಯಾಚಾರಗಳನ್ನು ನಿಲ್ಲಿಸಲು ಸಾಧ್ಯವೇ? ಜನ ಮನಸ್ಸು ಬದಲಾಗಬೇಕಲ್ಲವೇ?

ಅತ್ಯಾಚಾರಕ್ಕೆ ಕಾರಣ ಹುಡುಕುವಾಗ ನಾವು ಹೆಣ್ಣನ್ನೇ ದೂಷಿಸುತ್ತೇವೆ. ಹೆಣ್ಣಿನಲ್ಲೆ ಕಾರಣಗಳನ್ನು ಹುಡುಕುತ್ತೇವೆ. ಆಕೆಯ ವಸ್ತ್ರ ಸಂಹಿತೆಯೇ ಇದಕ್ಕೆಲ್ಲ ಕಾರಣ ಎನ್ನುತ್ತೇವೆ. ಹಸುಳೆಗಳ ಮೇಲೆ ಆತ್ಯಾಚಾರವಾಗುತ್ತಿವೆ. ಮುಗ್ಧ ಆರು ವರ್ಷದ ಕಂದಮ್ಮ ಮೈಮಾಟವನ್ನು ಪ್ರದರ್ಶಿಸುತ್ತದೆಯೇ? ಇದೆಲ್ಲ ಕಾರಣಗಳು ನೆಪವಷ್ಟೇ.

ಅತ್ಯಾಚಾರಗಳು ನಿಲ್ಲಬೇಕಾದರೆ ಜನರ ಮನಸ್ಥಿತಿ ಬದಲಾಗಬೇಕು. ಹೆಣ್ಣನ್ನು ನೋಡುವ ದೃಷ್ಟಿ ಬದಲಾಗಬೇಕು. ಹೆಣ್ಣನ್ನು ಭೋಗದ ವಸ್ತು ಎಂದುಕೊಳ್ಳುವುದನ್ನು ಮೊದಲು ಬಿಡಬೇಕು. ಹೆಣ್ಣನ್ನು ಪೂಜ್ಯ ಭಾವನೆಯಿಂದ ನೋಡುವ ಮನಸ್ಥಿತಿ ಬೆಳೆಯಬೇಕು. ಇದೆಲ್ಲ ಶಾಶ್ವತ ಪರಿಹಾರ "ಭಾರತೀಯತೆ" ಭಾರತೀಯ ಮೌಲ್ಯಧಾರಿತ ಶಿಕ್ಷಣ ಮಕ್ಕಳಿಗೆ ದೊರೆಯುವಂತಾಗಬೇಕು. ಜಪಾನ್ ನಲ್ಲಿ ಅಲ್ಲಿನ ಮಕ್ಕಳಿಗೆ ಸ್ವಚ್ಛತೆಯ ಪಾಠವನ್ನು ಹೇಳಿಕೊಡಲಾಗುತ್ತದೆ. ಅದನ್ನು ಮರೆಯದೆ ಅವರು ಪಾಲಿಸುತ್ತಾರೆ. ವಿಶ್ವಕಪ್ ಪಂದ್ಯವಾಳಿ ವೀಕ್ಷಿಸಿದ ಜಪಾನಿಗರು ಜಪಾನ್ ಸೋತರೂ ಕ್ರೀಡಾಂಗಣವನ್ನು ಸ್ವಚ್ಛಗೊಳಿಸಿದ್ದರು. ಹಾಗೆಯೇ ಭಾರತದಲ್ಲೂ ಮೌಲ್ಯಧಾರಿತ ಶಿಕ್ಷಣ ಕಡ್ಡಾಯವಾಗಬೇಕು.

ಇದು ನಾವು ಎಚ್ಚೆತ್ತುಕೊಳ್ಳುವ ಸಮಯ. ಪ್ರತಿನಿತ್ಯ ಭಾರತದಲ್ಲಿ 93 ಮಹಿಳೆಯರು ಅತ್ಯಾಚಾರಿಗಳಿಗೆ ಬಲಿಯಾಗುತ್ತಿದ್ದಾರೆ. ನಾವು ಜನಪ್ರತಿನಿಧಿಗಳು ಎಚ್ಚೆತ್ತುಕೊಂಡು ಕಠಿಣ ಕಾನೂನು ರೂಪಿಸಿ ಅತ್ಯಾಚಾರಗಳಿಗೆ ಕಡಿವಾಣ ಹಾಕಲೇಬೇಕು. ನಮ್ಮತನವಾದ ಭಾರತೀಯತೆಯನ್ನು ನಾವು ಬೆಳೆಸಿಕೊಳ್ಳಬೇಕು ಇಲ್ಲದೇ ಹೋದರೆ ಮುಂದೊಂದು ದಿನ ಭಾರತ ಅತ್ಯಾಚಾರಿಗಳ ದೇಶವಾಗಿಬಿಟ್ಟೀತು ಎಚ್ಚರ!

ರವಿತೇಜ ಶಾಸ್ತ್ರೀ

ಮತ್ತೊಮ್ಮೆ ಅನುಭವ ಮತ್ತು ಯುವ ಪ್ರತಿಭೆಯ ಸೆಣಸಾಟ

2014-11-08T08:03:00.001+05:30

ಕಳೆದ ವರ್ಷ ನಡೆದ ವಿಶ್ವ ಚೆಸ್ ಚಾಂಪಿಯನ್‌ಶಿಪ್ ಪಂದ್ಯಾವಳಿವನ್ನು ಅನುಭವ ಮತ್ತು ಯುವ ಪ್ರತಿಭೆಯ ಸೆಣಸಾಟ ಎಂದೇ ವಿಶ್ಲೇಷಿಸಿಲಾಗಿತ್ತು. ಐದು ಬಾರಿಯ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಮತ್ತು ಯುವ ಪ್ರತಿಭೆ ವಿಶ್ವ ನಂಬರ್ ಒನ್ ನಾರ್ವೆಯ ಮಾಗ್ನಸ್ ಕಾರ್ಲಸನ್ ನಡುವೆ ನಡೆದ ಪಂದ್ಯವಾಳಿಗಲ್ಲಿ ಯುವ ಪ್ರತಿಭೆ ಕಾರ್ಲಸನ್ ಆನಂದ್ ರನ್ನು ಸೋಲಿಸಿ ಪ್ರಪ್ರಥಮ ಬಾರಿಗೆ ಚೆಸ್ ವಿಶ್ವ ಚಾಂಪಿಯನ್ ಪಟ್ಟ ಆಲಂಕರಿಸಿದರು.

ಯುವಪ್ರತಿಭೆಯ ಆಟದ ಮೋಡಿಗೆ ಮಂಕಾದ ಆನಂದ್ 12 ಪಂದ್ಯಾವಳಿಗಳಲ್ಲಿ ಒಂದೂ ಪಂದ್ಯ ಗೆಲ್ಲದೆ 3.5 - 6.5 ಅಂಕಗಳ ಅಂತರದಲ್ಲಿ ಸುಲಭವಾಗಿ ಶರಣಾದರು.

ಚೆಸ್ ವಿಮರ್ಶಕರು ಆನಂದ ಯುಗ ಅಂತ್ಯವಾಗಿ ಕಾರ್ಲಸನ್ ಯುಗ ಆರಂಭವಾಗಿದೆ. ಆನಂದ್ ಇನ್ನು ವಿದಾಯ ಹೇಳುವುದಕ್ಕೆ ಸೂಕ್ತ ಸಮಯ ಎಂದು ಟೀಕಿಸಿದರು.\

ಆದರೆ ನಂತರ ನಡೆದ ಕ್ಯಾಂಡೀಡೇಟ್ ಪಂದ್ಯಾವಳಿಯಲ್ಲಿ ಪುಟಿದೆದ್ದ ಆನಂದ್ ಮತ್ತೊಮ್ಮೆ ವಿಶ್ವ ಚಾಂಪಿಯನ್‌ಶಿಪ್ ಗೆ ಅರ್ಹತೆಗಳಿಸಿದರು. ತಾನು ಮಾಡಿದ ತಪ್ಪುಗಳಿಂದ ಕಲಿಯುವ ಆನಂದ್ ಈಗ ಮತ್ತೊಮ್ಮೆ ಕಾರ್ಲಸನ್ ರೊಡನೆ ಸೆಣಸಾಟ ನಡೆಸಲು ಸಿದ್ದರಾಗಿದ್ದಾರೆ. ಯುವಪ್ರತಿಭೆ ಮತ್ತು ಅನುಭವದ ಸೆಣಸಾಟಕ್ಕೆ ರಷ್ಯಾದ ಸೋಚಿಯಲ್ಲಿ ವೇದಿಕೆ ಸಿದ್ಧವಾಗಿದೆ.

ಇಂದಿನಿಂದ ಚೆಸ್ ಪಂದ್ಯಾವಳಿಗಳು ಆರಂಭವಾಗಲಿವೆ. ಚೆಸ್ ಪಂಡಿತರು ಕಾರ್ಲಸನ್ ಪ್ರಶಸ್ತಿ ಗೆಲ್ಲುವ ಫೇವರೇಟ್ ಎಂದು ವಿಮರ್ಶಿಸುತ್ತಿದ್ದಾರೆ. ಪಿಢೆ ರ್ಯಾಂಕ್ ಪ್ರಕಾರ ಕಾರ್ಲಸನ್ ಆನಂದ್ ಗಿಂತಲೂ ಹೆಚ್ಚು ರೇಟಿಂಗ್ ಹೊಂದಿದ್ದಾರೆ. ಆದರೂ ಪೀನಿಕ್ ಹಕ್ಕಿಯಂತೆ ಪುಟಿದೇಳುವ ಆನಂದ್ ರನ್ನು ನಿರ್ಲಕ್ಷ್ಯಿಸುವಂತಿಲ್ಲ.

ಭಾರತೀಯ ಕ್ರಿಕೆಟ್ ಗೆ ಸಚಿನ್ ಹೇಗೂ ಹಾಗೇ ಭಾರತೀಯ ಚೆಸ್ ಗೆ ಆನಂದ್. ಐದು ಬಾರಿ ಚಾಂಪಿಯನ್ ಆಗಿರುವ ಆನಂದ್ ಆರನೇ ಬಾರಿಗೆ ಚಾಂಪಿಯನ್ ಆಗಿ ಹೊರಹೊಮ್ಮಲಿ.

ನಾವೆಲ್ಲ ಆನಂದ್ ರನ್ನು ಬೆಂಬಲಿಸೋಣ.

ಶುಭವಾಗಲಿ ವಿಶಿ.

ರವಿತೇಜ ಶಾಸ್ತ್ರೀ

ಶಾಸ್ತ್ರೀಜಿಯವರ ಸಾವಿನ ಸುತ್ತ ಅನುಮಾನಗಳ ಹುತ್ತ!!

2014-10-02T06:00:00.000+05:30

ಭಾರತ ಕಂಡ ಪ್ರಾಮಾಣಿಕ ಮತ್ತು ಸ್ವಾಭಿಮಾನಿ ಪ್ರಧಾನಿಗಳಲ್ಲಿ ಲಾಲ್ ಬಹದ್ದೂರ್ ಶಾಸ್ತ್ರೀ ಅಗ್ರಗಣ್ಯರು. ತತ್ವ, ಆದರ್ಶ ಸಹಿತ ರಾಜಕಾರಣವನ್ನು ಮಾಡಿದ ವಾಮನಮೂರ್ತಿ ಅವರು. ಕಳಂಕರಹಿತ ರಾಜಕಾರಣಕ್ಕೆ ಮತ್ತೊಂದು ಹೆಸರು ಶಾಸ್ತ್ರೀಜಿ ಎಂದರೆ ಅತಿಶಯೋಕ್ತಿಯಲ್ಲ ಎಂಬುದು ನನ್ನ ಭಾವನೆ.

ದೇಶದ ಎರಡನೇ ಪ್ರಧಾನಿಯಾಗಿ, ಶ್ರೇಷ್ಠ ಸ್ವಾಭಿಮಾನಿಯಾಗಿ ಭಾರತವನ್ನು ಶಾಸ್ತ್ರೀಜಿ ಮುನ್ನೆಡೆಸಿಡ ರೀತಿ ಅದ್ಭುತ. ಕೀಟಲೆ ಬುದ್ದಿಯ ಪಾಕಿಸ್ತಾನದ ವಿರುದ್ದ ಯುದ್ದ ಸಾರಿ ಪಾಕ್ ಪ್ರಧಾನಿ ಆಯುಬ್ ಖಾನ್ ನ ಸೊಕ್ಕನನ್ನು ಅಡಗಿಸಿದ ಶಾಸ್ತ್ರೀಜಿ ಭಾರತದ ತಾಕತ್ತನ್ನು ಇಡೀ ಜಗತ್ತಿಗೆ ಅಂದು ತೋರಿಸಿದ್ದರು.

ಸ್ವಂತ ಗೃಹವನ್ನು ಮಾಡಿಕೊಳ್ಳದ ಏಕೈಕ ಗೃಹ ಮಂತ್ರಿ, ಹಣವನ್ನೇ ಮಾಡದ ನೀತಿವಂತ ರಾಜಕಾರಣಿ ಲಾಲ್ ಬಹದ್ದೂರ್ ಶಾಸ್ತ್ರೀಜಿ. ಇಂದು ಲೂಟಿ ಮಾಡಲೆಂದೇ ರಾಜಕೀಯಕ್ಕೆ ಬರುವ ಕಪಟ ರಾಜಕಾರಣಿಗಳಿಗೆ ಶಾಸ್ತ್ರೀಜಿ ಆದರ್ಶವಾಗಬೇಕು. ಗಾಂಧಿಯ ತತ್ವಗಳನ್ನು ಕೊನೆಯ ಉಸಿರು ಪಾಲಿಸಿದ ಸಜ್ಜನ ಅವರು. ಸ್ವಚ್ಛ ರಾಜಕಾರಣದ ಈ ಮಾಣಿಕ್ಯ ಮರೆಯಾಯಿತು, ತೆರೆಮರೆಗೆ ಸರಿದು ಬಿಟ್ಟಿತು. ತಮ್ಮ ಹೆಸರಿಗೆ ‘ಗಾಂಧಿ’ ಪದವನ್ನು ಸಿಕ್ಕಿಸಿಕೊಂಡ ಡೋಂಗಿ ಗಾಂಧಿಗಳು ಮರೆಮಾಚುವ ಕೆಲಸವನ್ನು ನಾಜೂಕಾಗಿ ಮಾಡಿ ಮುಗಿಸಿಬಿಟ್ಟರು.

ಶಾಸ್ತ್ರೀಜಿಯವರ ಸಾವಿನ ಅಧ್ಯಾಯದ ಸತ್ಯಗಳು ಮರೀಚಿಕೆಯಾಗಿಯೇ ಉಳಿದುಬಿಟ್ಟಿದೆ. ದೇಶಕ್ಕಾಗಿ ಶ್ರಮಿಸಿದ ಆ ಪುಣ್ಯಾತ್ಮನ ಸಾವು ಒಂದು ದುರಂತವೇ ಸರಿ. ಅವರ ಸಾವಿನ ಸತ್ಯಗಳನ್ನು ಮುಚ್ಚಿಟ್ಟು ಮಹಾನ್ ನಾಯಕನಿಗೆ ಮಾಡಿದ ಅವಮಾನ ಬಹಳ ಖೇದಕರ ವಿಚಾರ.

ಶಾಸ್ತ್ರೀಜಿ ಇಹಲೋಕ ಲೋಕ ತ್ಯಜಿಸಿ 48 ವರ್ಷಗಳಾದರೂ ಅವರ ಸಾವಿನ ಕಾರಣ ಇಂದಿಗೂ ನಿಗೂಢ. ಹಲವು ಒಳಸಂಚಿನ ಸಿದ್ದಾಂತಗಳಿವೆ. ಒಂದೊಂದು ಸಿದ್ದಾಂತಗಳು ಒಂದೊಂದು ರೀತಿಯಲ್ಲಿ ತಿಳಿಸುತ್ತವೆ. ಯಾವುದು ಸತ್ಯ ಎಂದು ನಿರ್ಧರಿಸುವುದು ಬಹಳ ಕಷ್ಟ. ಮಹಾನ್ ನಾಯಕನ ಸಾವಿನ ಸತ್ಯಗಳ ಕುರಿತು ಬೆಳಕು ಚೆಲ್ಲುವ ಪ್ರಯತ್ನವಿದು. ಅವರ ಹುಟ್ಟುಹಬ್ಬದ ಈ ಹೊತ್ತಿನಲ್ಲಿ ಸತ್ಯಗಳನ್ನು ಅರಿಯುವುದು ಬಹುಮುಖ್ಯವೆಂಬುದು ನನ್ನ ಭಾವನೆ.

ತಾಷ್ಕೆಂಟ್ ಒಪ್ಪಂದದ ನಂತರ ಜನವರಿ 11 1966 ರಂದು ಲಾಲ್ ಬಹದ್ದೂರ್ ಶಾಸ್ತ್ರೀ ಹೃದಯಾಘಾತದಿಂದ ಮೃತಪಟ್ಟರು ಎಂದು ಇತಿಹಾಸ ನಮ್ಮನ್ನು ನಂಬಿಸುತ್ತದೆ. ಆದರೆ ಈ ಕೆಳಗಿನ ಸಂಗತಿಗಳು ಇದು ಸುಳ್ಳು ಎನ್ನುವುದಕ್ಕೆ ಪುಷ್ಟಿ ನೀಡುತ್ತವೆ.

· ಒಬ್ಬ ವ್ಯಕ್ತಿ ಮೃತ ಪಟ್ಟರೆ ಅವರ ಸಾವಿನ ಕಾರಣವನ್ನು ತಿಳಿಯಲು ಮರಣೋತ್ತರ ಪರೀಕ್ಷೆ ಮಾಡುವುದು ಕಡ್ಡಾಯ. ಆದರೆ ಶಾಸ್ತ್ರೀಜಿಯವರ ಮರಣೋತ್ತರ ಪರೀಕ್ಷೆ ಮಾಡಿರುವುದಕ್ಕೆ ಯಾವುದೇ ದಾಖಲೆಗಳಿಲ್ಲ. ಒಬ್ಬ ಪ್ರಭಾವಿ ವ್ಯಕ್ತಿ, ಒಂದು ದೇಶದ ಪ್ರಧಾನಿಯ ಮರಣೋತ್ತರ ಪರೀಕ್ಷೆ ನಡೆಯದಿರುವುದು ಬಹಳಷ್ಟು ಅನುಮಾನಗಳನ್ನು ಸೃಷ್ಟಿಸುತ್ತದೆ.

· 1965 ಭಾರತ- ಪಾಕ್ ಯುದ್ದದಲ್ಲಿ ಭಾರತ ಮುಕ್ಕಾಲು ಭಾಗ ಗೆದ್ದುಬಿಟ್ಟಿತ್ತು. ಪಾಕಿಸ್ತಾನ ಸೋಲಿನ ಸುಳಿಗೆ ಸಿಲುಕಿತ್ತು. ಈ ಸಂಧರ್ಭದಲ್ಲಿ ಶಾಂತಿ ಮಾತುಕತೆ ನಡೆದು ಯುದ್ದ ನಿಂತಿತ್ತು. ಯುದ್ದದ ಹೀರೋ ಶಾಸ್ತ್ರೀಜಿಯಾಗಿದ್ದರು. ರಷ್ಯಾಗೆ ಹೋಗುವ ಮುನ್ನ ಶಾಸ್ತ್ರೀಜಿ ಆರೋಗ್ಯವಾಗಿದ್ದರು. ಆರೋಗ್ಯವಾಗಿದ್ದ ವ್ಯಕ್ತಿಗೆ ಹೃದಯಾಘಾತ ಸಂಭವಿಸಿತು ಎಂದರೆ ನಂಬುವುದು ಅಸಾಧ್ಯ.

· ಶಾಸ್ತ್ರೀಜಿಯವರ ಸಾವಿನ ಬಗ್ಗೆ ಮೊದಲ ಬಾರಿಗೆ ತನಿಖೆ ನಡೆಸಿದ ರಾಜ್ ನರೈನ್ ತನಿಖೆಯ ಯಾವುದೇ ಆಧಾರಗಳು ಇಂದಿಗೂ ಸರ್ಕಾರದ ಬಳಿ ಇಲ್ಲ. ಇದು ಮರೆಯಾಯಿತೋ? ಮರೆಮಾಚಲಾಯಿತೋ?

· 2009ರಲ್ಲಿ ಲೇಖಕ ಅನೂಜ್ ಧರ್ ಮಾಹಿತಿ ಹಕ್ಕು ಕಾಯ್ದೆ ಅರ್ಜಿಯ ಮೂಲಕ ಶಾಸ್ತ್ರೀಜಿಯವರ ಸಾವಿನ ಕುರಿತು ಸೂಕ್ತ ದಾಖಲೆ ನೀಡಿ ಎಂದು ಪ್ರಧಾನಿಯ ಕಚೇರಿಗೆ ಕೇಳಿಕೊಂಡಾಗ “ನಮ್ಮ ಬಳಿ ಕೇವಲ ಒಂದು ದಾಖಲೆ ಇದೆ, ಆದರೆ ಅದನ್ನು ನೀಡಿದರೆ ದೇಶದ ಏಕತೆ ಮತ್ತು ಸಾರ್ವಭೌಮತೆ, ಸುರಕ್ಷೆತೆಗೆ ದಕ್ಕೆಯಾಗುತ್ತದೆ” ಎಂದು ಪ್ರಧಾನಿ ಕಾರ್ಯಾಲಯದಿಂದ ಉತ್ತರ ಬಂದಿತ್ತು. ಪ್ರಧಾನಿಯ ಸಾವಿಗೆ ಒಂದು ದಾಖಲೆ ಸಾಕೇ? ಎಂಬುದೇ ಇಲ್ಲಿ ಪ್ರಶ್ನೆ.

· ಶಾಸ್ತ್ರೀಜಿ ಅವರ ಪತ್ನಿ ಲಲಿತಾ ಶಾಸ್ತ್ರೀ ಶಾಸ್ತ್ರೀಜಿಯವರು ಆರೋಗ್ಯವಂತರಾಗಿದ್ದರು ಅವರಿಗೆ ಹೃದಯಾಘಾತವೆಂದರೆ ನಂಬುವುದು ಆಸಾಧ್ಯ. ಮತ್ತು ಶಾಸ್ತ್ರೀಜಿಯವರ ಮೃತ ದೇಹ ನೀಲಿ ಬಣ್ಣಕ್ಕೆ ತಿರುಗಿತ್ತು ಎಂದು ಆರೋಪಿಸಿದ್ದರು. ಶಾಸ್ತ್ರೀಜಿಯವರಿಗೆ ವಿಷವೂಣಿಸಿ ಕೊಲೆ ಮಾಡಲಾಯಿತೆ?

· ಶಾಸ್ತ್ರೀಜಿಯವರ ಸಾವಿನ ಕುರಿತು ಸಾಕ್ಷಿ ಹೇಳಲು ಇಬ್ಬರು ಪ್ರತ್ಯಕ್ಷ ಸಾಕ್ಷಿಗಳಿದ್ದರು. ಒಬ್ಬರು ಆರ್. ಎನ್ ಚಾಗ್ ಶಾಸ್ತ್ರೀಜಿಯವರ ಅರೋಗ್ಯ ನೋಡಿಕೊಳ್ಳಲು ತಾಷ್ಕೆಂಟ್ ಗೆ ಹೋಗಿದ್ದ ವೈದ್ಯ. ಮತ್ತೊಬ್ಬರು ರಾಮ್ ನಾಥ್, ಶಾಸ್ತ್ರೀಜಿಯವರ ಸೇವಕ. ಆರ್. ಎನ್ ಚಾಗ್ ದೆಹಲಿಯಲ್ಲಿ ಸಾಕ್ಷಿ ಹೇಳಲು ರಸ್ತೆ ಮಾರ್ಗದಲ್ಲಿ ಹೋಗುತ್ತಿರುವಾಗ ಟ್ರಾಕ್ ಅವರ ವಾಹನಕ್ಕೆ ಒಡೆದು ಮೃತಪಟ್ಟರು. ರಾಮ್ ನಾಥ್ ಸಹ ಸಾಕ್ಷಿ ಹೇಳಲು ಪ್ರಯಾಣಿಸುತ್ತಿರುವಾಗ ಚಲಿಸುತ್ತಿದ್ದ ವಾಹನ ಅವರ ತಲೆಗೆ ಡಿಕ್ಕಿ ಹೊಡೆದ ಪರಿಣಾಮ ನೆನಪಿನ ಶಕ್ತಿಯನ್ನೇ ಕಳೆದುಕೊಳ್ಳಬೇಕಾಯಿತು. ಇದು ಕಾಕತಾಳೀಯವೇ? ಕಾಕತಾಳೀಯ ಎಂದು ನಂಬುವುದು ಮೂರ್ಖತನವೇ ಸರಿ.

ಈ ಎಲ್ಲ ಸಂಗತಿಗಳು ಶಾಸ್ತ್ರೀಜಿಯವರ ಸಾವು ಸಹಜ ಸಾವಲ್ಲ ಎಂದು ಹೇಳುತ್ತವೆ. ಅರೋಗ್ಯಕರವಾಗಿದ್ದ ವ್ಯಕ್ತಿ ಹೇಗೆ ಸಾಯಲು ಸಾಧ್ಯ? ತಮ್ಮ ಜೀವಮಾನದಲ್ಲಿ ಒಮ್ಮೆಯೂ ಶಾಸ್ತ್ರೀಜಿಯವರಿಗೆ ಹೃದಯಾಘಾತವಾಗಿರಲಿಲ್ಲ. ಅಂತಹವರಿಗೆ ಹೃದಯಘಾತವಾಯಿತೇ? ಅವರಿಗೆ ವಿಷ ನೀಡಿ ಕೊಲೆ ಮಾಡಿರಬಹುದೆಂಬ ವದಂತಿಗಳೆ ಸತ್ಯದಂತೆ ಕಾಣಿಸುತ್ತದೆ. ಸಾಕ್ಷಿಗಳು ಅಸಹಜ ಸಾವೆಂದು ದೃಡಪಡಿಸುತ್ತವೆ ಆದರೆ ಕೊಂದವರು ಯಾರು? ಮರಣೋತ್ತರ ಪರೀಕ್ಷೆ ನಡೆಸದೇ ಇರುವುದು, ಸಾವಿನ ಸೂಕ್ತ ತನಿಖೆಯ ಅನುಪಸ್ಥಿತಿ. ಸಾಕ್ಷಿಗಳ ಅಸಹಜ ಸಾವು ಇವೆಲ್ಲವೂ ಸಾಕಷ್ಟು ಪ್ರಶ್ನೆ, ಅನುಮಾನ, ಗೊಂದಲಗಳನ್ನು ಹುಟ್ಟುಹಾಕುತ್ತದೆ.

ಇಂದಿರೆಯ ಕೈವಾಡವೋ? ಅಥವಾ ಸಿ.ಐ.ಎ ನ ಕುತಂತ್ರವೋ?

ಶಾಸ್ತ್ರೀಜಿಯವರನ್ನು ಕೊಂದವರು ಯಾರು ಎಂದಾಗ ಸಹಜವಾಗಿಯೇ ನೆಹರೂವಿನ ಏಕ ಮಾತ್ರ ಪುತ್ರಿ ಇಂದಿರಾ ಗಾಂಧಿಯತ್ತ ಬೆರಳು ತೋರಿಸುತ್ತದೆ. ಪ್ರಧಾನಿ ಪಟ್ಟವನ್ನು ಗಳಿಸಲು ಇಂದಿರಾ ಗಾಂಧಿ ಶಾಸ್ತ್ರೀಜಿಯವರನ್ನು ಕೊಲ್ಲಿಸಿದರು ಎಂಬ ಅನುಮಾನ ಉಂಟಾಗುತ್ತದೆ. ಆದರೆ 1965 ರಲ್ಲಿ ಇಂದಿರಾ ಕ್ಯಾಬಿನೆಟ್ ಮಂತ್ರಿ ಸಹ ಆಗಿರಲಿಲ್ಲ. ಆಕೆ ಪ್ರಭಾವಿಯಾಗಿದ್ದು ಪ್ರಧಾನಿಯಾದ ನಂತರ. ಅಧಿಕಾರ ಏನು ಇಲ್ಲದೇ ವಿದೇಶದಲ್ಲಿ ಒಬ್ಬ ವ್ಯಕ್ತಿಯನ್ನು, ಪ್ರಧಾನಿಯನ್ನು ಕೊಲೆ ಮಾಡಿಸುವುದು ಸುಲಭದ ಕೆಲಸವಲ್ಲ. ಆಗಾಗಿ ಇಂದಿರಾಗಾಂಧಿಯ ಕೈವಾಡ ಈ ಕೊಲೆಯಲ್ಲಿಲ್ಲ ಎಂದು ನಂಬಬಹುದು.

ರಾಬರ್ಟ್ ಕ್ರೌಲಿ ಎಂಬಾತ ತನ್ನ ಒಂದು ಸಂದರ್ಶನದಲ್ಲಿ ಶಾಸ್ತ್ರೀಜಿಯವರನ್ನು ಕೊಲೆ ಮಾಡಿದ್ದು ಅಮೇರಿಕಾದ ಗುಪ್ತಚರ ಸಂಸ್ಥೆ ಸಿ.ಐ.ಎ ಎಂದು ಆರೋಪಿಸಿದ್ದಾನೆ. 1965ರ ಯುದ್ದದಲ್ಲಿ ಪಾಕಿಸ್ತಾನಕ್ಕೆ ಅಮೇರಿಕ ಬೆಂಬಲ ನೀಡಿತ್ತು. ಅಮೇರಿಕಾದ ವಿರೋಧಿ ರಷ್ಯಾ ಭಾರತವನ್ನು ಬೆಂಬಲಿಸಿತ್ತು. ಭಾರತ ಮುಕ್ಕಾಲು ಭಾಗ ಪಾಕಿಸ್ತಾನವನ್ನು ಸೋಲಿಸಿತ್ತು. ಯುದ್ದದ ಗೆಲುವಿನ ರೂವಾರಿ ಶಾಸ್ತ್ರೀಜಿಯವರೆ ಆಗಿದ್ದರು. ಶಾಸ್ತ್ರೀಜಿ ಅಮೇರಿಕಾಗೆ ಶತ್ರುವಿನಂತೆ ಕಂಡಿದ್ದರು. ಪರಮಾಣು ಒಪ್ಪಂದವನ್ನು ಶಾಸ್ತ್ರೀಜಿ ನಿರಾಕರಿಸಿದ್ದರು. ತನ್ನ ಎದುರಾಳಿಗಳನ್ನು ಮುಗಿಸುವ ಕೆಲಸವನ್ನು ಅಮೇರಿಕಾ ಗುಪ್ತಚರ ಸಂಸ್ಥೆ ಸಿ.ಐ.ಎ ಗೆ ವಹಿಸಿತ್ತು. ರಷ್ಯದಲ್ಲಿ ತನ್ನ ಪ್ರಭಾವ ಬಳಿಸಿದ ಸಿ.ಐ.ಎ ಶಾಸ್ತ್ರೀಜಿಯವರಿಗೆ ವಿಷ ನೀಡಿ ಕೊಲೆ ಮಾಡಿರಬಹುದು.

ಇಂದಿರಾಗಾಂಧಿ ಪ್ರಧಾನಿಯಾದ ಮೇಲೆ ಈ ಸತ್ಯ ಅವರಿಗೆ ಗೊತ್ತಾಯಿತು. ಆದರೆ ತನ್ನ ಕುರ್ಚಿಗೆ ಇದರಿಂದ ತೊಂದರೆ ಎಂದು ಭಾವಿಸಿ ಎಲ್ಲ ಸತ್ಯಗಳನ್ನು ಮರೆಮಾಚಿದರು. ಆಧಾರಗಳನ್ನು ನಾಶಪಡಿಸಿದರು. ಶಾಸ್ತ್ರೀಜಿಯವರಿಗೆ ಹುತಾತ್ಮ ಪದವಿ ಸಿಗಬಾರದು ಎಂದು ವ್ಯವಸ್ಥಿತ ಸಂಚು ರೂಪಿಸಿದ ಇಂದಿರಾ ಶಾಸ್ತ್ರೀಜಿಯವರ ಹೆಸರನ್ನು ಇತಿಹಾಸದ ಪುಟಗಳಿಂದ ಅಳಿಸಿ ಹಾಕಲು ಪ್ರಯತ್ನಿಸಿದರು. ಇದಕ್ಕಾಗಿ ಇಂದಿರಾಗಾಂಧಿ ಸರ್ಕಾರ ಶಾಸ್ತ್ರೀಜಿಯವರ ಸಾವಿನ ತನಿಖೆಯನ್ನು ಮಾಡಲಿಲ್ಲ. ಇದನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸಿತು.

ಶಾಸ್ತ್ರೀಜಿಯವರ ಸಾವಿನ ನಿಜ ಕಾರಣ ತಿಳಿಯಬೇಕಾದರೆ ಸೂಕ್ತ ತನಿಖೆಯಾಗಬೇಕು ಆಧಾರಗಳಿಲ್ಲದೆ ಇದೇ ನಿಜವೆಂದು ತೀರ್ಮಾನಿಸಲು ಸಾಧ್ಯವಿಲ್ಲ. ಸೂಕ್ತ ತನಿಖೆ ಮಾತ್ರ ಎಲ್ಲ ಅನುಮಾನ, ಗೊಂದಲಗಳಿಗೆ ಉತ್ತರ ನೀಡಬಲ್ಲದು. ಶಾಸ್ತ್ರೀಜಿಯವರ ಸಾವಿನ ಕುರಿತು ತನಿಖೆ ನಡೆಸಿ ಅವರ ಸಾವಿನ ಕಾರಣವನ್ನು ಜಗತ್ತಿಗೆ ತಿಳಿಯಪಡಿಸುವುದೇ ಅವರಿಗೆ ನಾವು ಸಲ್ಲಿಸುವ ನಿಜವಾದ ಗೌರವ.

ಈಗ ಹೊಸ ಸರ್ಕಾರ ಬಂದಿದೆ. ಮೋದಿಯಂತ ಶ್ರೇಷ್ಠ ನಾಯಕ ನಮಗೆ ದೊರಕಿದ್ದಾರೆ. ಅವರು ಸೂಕ್ತ ತನಿಖೆಗೆ ಆದೇಶಿಸುತ್ತಾರೆ ಎಂಬ ನಂಬಿಕೆ ನನಗಿದೆ .

ಆ ನೀರಿಕ್ಷೆಯಲ್ಲಿ

ರವಿತೇಜ ಶಾಸ್ತ್ರೀ

ಭಗತ್ ಸಿಂಗ್ ನ ಭವ್ಯ ವ್ಯಕ್ತಿತ್ವದ ಅನಾವರಣ

2014-09-27T23:23:00.001+05:30

“ಪಿಸ್ತೂಲು ಮತ್ತು ಬಾಂಬು ಎಂದಿಗೂ ಕ್ರಾಂತಿ ತರುವುದಿಲ್ಲ. ಬದಲಿಗೆ ಕ್ರಾಂತಿಯ ಕತ್ತಿಯು ವಿಚಾರಗಳ ಸಾಣೆಕಲ್ಲಿನ ಮೇಲೆ ಹರಿತಗೊಳ್ಳುತ್ತದೆ”. ಹೀಗೆಂದವನು ಭಗತ್ ಸಿಂಗ್. ತನ್ನ ಇಪ್ಪತ್ಮೊರನೆ ವಯಸ್ಸಿಗೆ ಸ್ವರ್ವಸ್ವವನ್ನು ತೊರೆದು, ಹಸನ್ಮುಖಿಯಾಗಿ ಗಲ್ಲಿಗೇರಿ ಕೋಟ್ಯಾಂತರ ಯುವಜನತೆಯ ಸ್ಪೂರ್ತಿಯಾದ ಭಗತ್ ಸಿಂಗ್ ಭಾರತೀಯ ಸ್ವಾತಂತ್ರ್ಯ ಚಳುವಳಿಯಲ್ಲಿ ವಿಶೇಷ ಸ್ಥಾನವನ್ನು ಆಲಂಕರಿಸಿದ್ದಾನೆ, ಅಂದಿನ ಯುವಜನತೆಯ ಆಶಾಕಿರಣವಾಗಿದ್ದ ಭಗತ್ ಸಿಂಗ್ ನ ವ್ಯಕ್ತಿತ್ವ ಬಲು ಆಕರ್ಷಕ. ಆತನ ವ್ಯಕ್ತಿತ್ವ ಇಂದಿನ ಯುವಜನತೆಗೂ ಆದರ್ಶ. ಭಗತ್ ಸಿಂಗ್ ನ ವ್ಯಕ್ತಿತ್ವದ ನಾನಾ ಮಜಲುಗಳನ್ನು ಅನಾವರಣಗೊಳಿಸುವ ಪುಟ್ಟ ಪ್ರಯತ್ನವಿದು.

ಜನ್ಮಜಾತ ಕ್ರಾಂತಿಕಾರಿ:

ಭಗತ್ ಸಿಂಗ್ ಹುಟ್ಟಿದ್ದೇ ಕ್ರಾಂತಿಕಾರಿಯಾಗಲು, ತಾಯಿ ಭಾರತಿಯ ಸ್ವಾತಂತ್ರ್ಯಕ್ಕಾಗಿ ಹುತಾತ್ಮನಾಗಲು, ಎಂದರೆ ಅತಿಶಯೋಕ್ತಿಯಲ್ಲ. ಭಗತ್ ಸಿಂಗ್ ನ ಇಡೀ ಕುಟುಂಬವೇ ಕ್ರಾಂತಿಕಾರಿ ಕುಟುಂಬವಾಗಿತ್ತು, ಭಗತ್ ಸಿಂಗ್ ರ ತಾತ ಅರ್ಜನ್ ಸಿಂಹ ಆರ್ಯ ಸಮಾಜದ ಸದಸ್ಯರಾಗಿದ್ದರು. ರಣಜಿತ್ ಸಿಂಹನ ಸೈನ್ಯದಲ್ಲಿದ್ದರು. ತಂದೆ ಕಿಶನ್ ಸಿಂಹರು ಸಹ ತಂದೆಯ ಹಾದಿಯನ್ನೇ ಹಿಡಿದ್ದರು. ಚಿಕ್ಕಪ್ಪಂದಿರಾದ ಅಜಿತ್ ಸಿಂಹ ಮತ್ತು ಸ್ವರ್ಣ ಸಿಂಹರು ಶ್ರೇಷ್ಠ ಕ್ರಾಂತಿಕಾರಿಗಳಾಗಿದ್ದರು. ಇಂತಹ ಕುಟುಂಬದಲ್ಲಿ ಮತ್ತೊಬ್ಬ ಕ್ರಾಂತಿಕಾರಿ ಹುಟ್ಟದೇ ಮತ್ಯಾರು ಹುಟ್ಟಲು ಸಾಧ್ಯ?

ಅರ್ಜುನನ ಮಗ ಅಭಿಮನ್ಯು ಗರ್ಭದಲ್ಲಿರುವಾಗಲೇ ಚಕ್ರವ್ಯೂಹವನ್ನು ಭೇದಿಸುವುದನ್ನು ಹೇಗೆ ಕಲಿತಿದ್ದನೋ ಹಾಗೆಯೇ ಭಗತ್ ಸಿಂಗ್ ಗರ್ಭದಲ್ಲಿರುವಾಗಲೇ ಕ್ರಾಂತಿಯ ಗುಣಗಳನ್ನು ಮೈಗೂಡಿಸಿಕೊಂಡಿದ್ದ. ಭಗತ್ ಸಿಂಗ್ ಜನ್ಮಜಾತ ಕ್ರಾಂತಿಕಾರಿಯಾಗಿದ್ದ.

ಕರುಣಾಮಯಿ ಮತ್ತು ಸ್ನೇಹಮಯಿ:

ಭಗತ್ ಸಿಂಗ್ ನ ಕ್ರಾಂತಿಕಾರಿ ಸ್ವಭಾವವನ್ನು ಬದಿಗಿಟ್ಟು ಆತನ ಸ್ವಭಾವವನ್ನು ವಿಶ್ಲೇಷಿಸಿದರೆ ಆತ ಕರುಣಾಮಯಿ, ಸ್ನೇಹಮಯಿ ಮತ್ತು ಹಾಸ್ಯ ಪ್ರವೃತ್ತಿಯುಳ್ಳನಾಗಿದ್ದನೆಂದು ತಿಳಿಯುತ್ತದೆ.

ಭಗತ್ ಸಿಂಗ್ ಕ್ರಾಂತಿ ಮಾರ್ಗವನ್ನು ಹಿಡಿದಿದ್ದ ಆದರೆ ಆತ ಅಹಿಂಸಾವಾದದಲ್ಲಿ ನಂಬಿಕೆ ಹೊಂದಿದ್ದ. ಪ್ರಾಣಿಗಳನ್ನು ಮನುಷ್ಯರಂತೆ ಕಾಣುತ್ತಿದ್ದ. ಭಗತ್ ಸಿಂಗ್ ರ ಜಮೀನಿನಲ್ಲಿ ಕೆಲಸ ಮಾಡಲು ತುಂಬಾ ಬಡತನವಿದ್ದ ಆಳುಗಳು ಬರುತ್ತಿದ್ದರು. ಭಗತ್ ಸಿಂಗ್ ಅವರನ್ನು ಪ್ರೀತಿಯಿಂದ ಕಾಣುತ್ತಿದ್ದ, ಅವರೊಂದಿಗೆ ಬೆರೆಯುತ್ತಿದ್ದ. ಕಷ್ಟದಲ್ಲಿರುವರಿಗೆ ಹಣದ ಸಹಾಯವನ್ನೂ ಮಾಡುತ್ತಿದ್ದ. ಮಂಗಳಸಿಂಹ ಎಂಬ ಆಳು ತುಂಬಾ ಸಾಲ ಮಾಡಿ ಅದನ್ನು ಪಾವತಿಸಲು ಆಗದೆ ಕಷ್ಟಪಡುತ್ತಿದ್ದ. ಈ ಸಾಲವನ್ನು ಭಗತ್ ಸಿಂಗ್ ತೀರಿಸಿ ಹೆಚ್ಚು ಸಾಲಮಾಡಬೇಡ ಎಂದು ಮಂಗಳಸಿಂಹನಿಗೆ ಬುದ್ದಿ ಹೇಳಿದ್ದ.

ಶತ್ರುವಿನಲ್ಲೂ ಸ್ನೇಹವನ್ನು ಬಯಸುವ ಶ್ರೇಷ್ಠ ವ್ಯಕ್ತಿತ್ವ ಭಗತ್ ಸಿಂಗ್ ಅವರದ್ದಾಗಿತ್ತು. ತನ್ನ ಆಕರ್ಷಕ ವ್ಯಕ್ತಿತ್ವ ಮತ್ತು ಮಾತುಗಳಿಂದ ಎಲ್ಲರನ್ನು ತನ್ನ ಮಿತ್ರರನ್ನಾಗಿಸುತ್ತಿದ್ದ ಭಗತ್ ಸ್ನೇಹಮಯಿಯಾಗಿದ್ದ. ಭಗತ್ ಸಿಂಗ್ ಜೈಲಿನಲ್ಲಿದ್ದಾಗ ಸಾಕಷ್ಟು ಬ್ರಿಟಿಷ್ ಪುರುಷ ಮತ್ತು ಸ್ತ್ರೀಯರು ಅವನನ್ನು ಭೇಟಿ ಮಾಡಲು ಬರುತ್ತಿದ್ದರು. ಬ್ರಿಟಿಷ್ ಅಧಿಕಾರಿಗಳು ಭಗತ್ ಸಿಂಗ್ ನೊಂದಿಗೆ ಕಟ್ಟುನಿಟ್ಟಾಗಿರಲು ಎಷ್ಟೇ ಪ್ರಯತ್ನಿಸಿದರೂ ಸಾಧ್ಯವಾಗುತ್ತಿರಲಿಲ್ಲ. ತನ್ನ

ಹಾಸ್ಯಮಯ ಸ್ವಭಾವದಿಂದ ಅವರ ಮನವನ್ನು ಗೆಲ್ಲುತ್ತಿದ್ದ ಭಗತ್ ಸಿಂಗ್.

ಶ್ರೇಷ್ಠ ಮಾನವತಾವಾದಿ:

ಭಗತ್ ಸಿಂಗ್ ಅಸೆಂಬ್ಲಿಯಲ್ಲಿ ಬಾಂಬ್ ಸ್ಪೋಟಿಸಿದ ಪ್ರಕರಣದಲ್ಲಿ ತನಗೆ ಗಲ್ಲು ಶಿಕ್ಷೆಯಾಗುತ್ತದೆ ಎಂಬುದು ಅವನಿಗೆ ಚೆನ್ನಾಗಿ ತಿಳಿದಿದಿತ್ತು. ಭಾರತದ ಸ್ವಾತಂತ್ರ್ಯಕ್ಕಾಗಿ ನನ್ನಂತವರ ಬಲಿದಾನ ಅವಶ್ಯಕವೆಂದು ಆತ ಭಾವಿಸಿದ್ದ. ಆದರೆ ತನ್ನಿಂದ ಮತ್ತೊಬ್ಬರಿಗೆ ತೊಂದರೆಯಾಗುವುದನ್ನು ಭಗತ್ ಸಿಂಗ್ ಸಹಿಸುತ್ತಿರಲಿಲ್ಲ. ಅಸೆಂಬ್ಲಿ ಸ್ಪೋಟದ ನಂತರ ಭಗತ್ ಸಿಂಗ್ ಮತ್ತು ಆತನ ಗುಂಪಿನ ಎಲ್ಲ ಕ್ರಾಂತಿಕಾರಿಗಳ ಬಂಧನವಾಯಿತು. ಬ್ರಿಟಿಷರು ಈ ಕ್ರಾಂತಿಕಾರಿಗಳಿಗೆ ಚಿತ್ರ ಹಿಂಸೆ ನೀಡುತ್ತಿದ್ದರು. ಇದರಿಂದ ತೀವ್ರ ದುಃಖಿತನಾಗಿದ್ದ ಭಗತ್ ಸಿಂಗ್ “ ನನ್ನಿಂದ ನನ್ನ ಅಮಾಯಕ ಸ್ನೇಹಿತರು ದುಃಖಕ್ಕೆ ಒಳಗಾಗುತ್ತಿದ್ದಾರೆ “ ಎಂದು ಮರುಕಪಡುತ್ತಿದ್ದ.

ಒಮ್ಮೆ ಕೋರ್ಟಿನಲ್ಲಿ ಸರ್ಕಾರಿ ಸಾಕ್ಷಿ ಹಂಸರಾಜ್ ಬೊಹರಾ ಕಟಕಟೆಯಲ್ಲಿ ನಿಂತು ಸಾಕ್ಷಿ ಹೇಳುತ್ತಿದ್ದ. ಎಲ್ಲ ಅಪರಾಧಿಗಳಿಗೂ ಗಲ್ಲು ಶಿಕ್ಷೆಯೇ ಸರಿ ಎಂದು ಅವನು ಹೇಳಿಕೆ ನೀಡುತ್ತಿದ್ದ. ಭಗತ್ ಸಿಂಗ್ ಅವನನ್ನೇ ದಿಟ್ಟಿಸಿ ನೋಡುತ್ತಿದ್ದ. ಸ್ವಲ್ಪ ಸಮಯದ ನಂತರ ಭಗತ್ ಸಿಂಗ್ ನ ಕಣ್ಣಿನಲ್ಲಿ ಅಶ್ರುಧಾರೆ. ಮಹಾನ್ ಕ್ರಾಂತಿಕಾರಿ ಕಣ್ಣಿರು ಸುರಿಸಿದ. ಇದಕ್ಕೆ ಪ್ರತಿಯಾಗಿ ಹಂಸರಾಜನು ಕಣ್ಣಿರು ಸುರಿಸಿದ್ದ. ಭಗತ್ ಸಿಂಗ್ ಗಲ್ಲು ಶಿಕ್ಷೆಯನ್ನು ನೆನೆದು ಅತ್ತನೆ? ಮೃತ್ಯುವನ್ನು ವರದಾನದ ರೂಪದಲ್ಲಿ ಪಡೆದ ಆತ ಆಳಲು ಸಾಧ್ಯವೇ ? ಭಗತ್ ಸಿಂಗ್ ಹಂಸರಾಜನ ಸ್ಥಿತಿಯನ್ನು ಕಂಡು ಅತ್ತಿದ್ದ. ಬ್ರಿಟಿಷರು ಅವನಿಂದ ಸಾಕ್ಷಿ ಹೇಳಿಸಲು ಕೊಟ್ಟ ಭೀಕರ ಶಿಕ್ಷೆಯನ್ನು ನೆನೆದು ನನ್ನ ತಪ್ಪಿನಿಂದ ಹಂಸರಾಜ ನೋವು ಅನುಭವಿಸಬೇಕಾಯಿತು ಎಂದು ಪಶ್ಚಾತಾಪದಿಂದ ಅವನು ಕಣ್ಣಿರು ಸುರಿಸಿದ್ದ.

ಕ್ರಾಂತಿಯ ದಾರ್ಶನಿಕ:

ಭಾರತದ ಸ್ವಾತಂತ್ರ್ಯಕ್ಕಾಗಿ ಅಸಂಖ್ಯ ಜನರು ಹೋರಾಡಿದರು. ಆದರೆ ಬಹಳಷ್ಟು ಹೋರಾಟಗಾರರು ಸ್ವಾತಂತ್ರ್ಯ ಭಾರತದ ಕನಸನಷ್ಟೇ ಕಂಡಿದ್ದರು. ಸ್ವಾತಂತ್ರ್ಯ ನಂತರ ಭಾರತ ಹೇಗಿರಬೇಕೆಂಬುದರ ಬಗ್ಗೆ ಅವರು ಯೋಚಿಸಿರಲಿಲ್ಲ. ವೀರ ಸಾವರ್ಕರ, ಸುಭಾಷ್ ಚಂದ್ರ ಬೋಸ್, ಭಗತ್ ಸಿಂಗ್ ಈ ಕುರಿತು ಯೋಚಿಸಿದ್ದರು. ಸ್ವಾತಂತ್ರ್ಯ ನಂತರ ಭಾರತ ಸಮೃದ್ದ ರಾಷ್ಟ್ರವಾಗಬೇಕೆಂದು ಭಗತ್ ಸಿಂಗ್ ಬಯಸಿದ್ದ. ಸಾಮ್ರಾಜ್ಯವಾದವನ್ನು ಕಿತ್ತೆಸೆದು ಸಮಾಜವಾದವನ್ನು ಪ್ರತಿಷ್ಟಾಪಿಸಬೇಕು, ಸರ್ವರೂ ಸುಖದಿಂದ ಬಾಳಬೇಕೆಂದು ಭಗತ್ ಸಿಂಗ್ ಯೋಚಿಸಿದ್ದ. ಅತಿ ಚಿಕ್ಕ ವಯಸ್ಸಿನಲ್ಲೆಯೇ ಅಮೋಘ ದೂರದೃಷ್ಟಿಯ ಯೋಚನಾಲಹರಿಯನ್ನು ಹೊಂದಿದ್ದ ಭಗತ್ ಸಿಂಗ್ ನನ್ನು ಭಾರತದ ಕ್ರಾಂತಿಯ ದಾರ್ಶನಿಕನೆಂದು ಕರೆಯಬಹುದು.

ಉತ್ತಮ ಲೇಖಕ:

23 ನೇ ವಯಸ್ಸಿಗೆಯೇ ತನ್ನ ಆತ್ಮಕತೆ ಬರೆದವವನು ಭಗತ್ ಸಿಂಗ್! ಅಲ್ಪಾವಧಿಯಲ್ಲಿಯೇ ಇಂತಹ ಸಾಧನೆಗೈದ ಭಗತ್ ಸಿಂಗ್ ನನ್ನು ಶ್ರೇಷ್ಠ ಲೇಖಕನೆನ್ನಬಹುದು. 300ಕ್ಕೂ ಹೆಚ್ಚು ಕೃತಿಗಳನ್ನು ಓದಿದ್ದ ಭಗತ್ ಸಿಂಗ್, ಹಲವು ಲೇಖನಗಳು ಮತ್ತು ಗ್ರಂಥಗಳನ್ನು ರಚಿಸಿದ್ದ. ‘ ಐಡಿಯಲ್ ಆಫ್ ಸೋಷಿಯಲಿಸಂ’ , ‘ ದಿ ಡೋರ್ ಟು ಡೆತ್’ , ‘ದಿ ರೆವೆಲ್ಯೂಷನರೀಸ್ ಆಫ್ ಇಂಡಿಯಾ ವಿತ್ ದಿ ಶಾರ್ಟ್ ಬಯಾಗ್ರಾಫಿಕ್ ಸ್ಕೆಚಸ್ ಆಫ್ ದಿ ರೆವೆಲ್ಯೂಷನರೀಸ್’ ಈ ಕೃತಿಗಳನನ್ನು ಭಗತ್ ಸಿಂಗ್ ಬರೆದಿದ್ದ . ತನ್ನ ಬರವಣಿಗೆಯ ಮೂಲಕ ದೇಶವನ್ನು ಬಡಿದೆಬ್ಬಿಸಬೇಕೆಂದು ಭಗತ್ ಸಿಂಗ್ ಬಯಸಿದ್ದ ಆದರೆ ಆತನ ಆಸೆ ಈಡೇರಲಿಲ್ಲ. ಈ ಯಾವ ಕೃತಿಗಳು ಪ್ರಕಟವಾಗಲೇ ಇಲ್ಲ. ಆ ಕೃತಿಗಳು ದೊರತಿದ್ದರೆ ಭಗತ್ ಸಿಂಗ್ ನ ಬಗ್ಗೆ ಮತ್ತಷ್ಟು ತಿಳಿಯಬಹುದಿತ್ತೇನೋ ಆದರೆ ಅದು ಸಾಧ್ಯವಾಗಲಿಲ್ಲ. ಇದು ದೌರ್ಭಾಗ್ಯದ ಸಂಗತಿ.

ಇಷ್ಟೇ ಅಲ್ಲದೇ ಭಗತ್ ಸಿಂಗ್ ಶ್ರೇಷ್ಠ ನಾಯಕನೂ ಆಗಿದ್ದ ನೌ ಜವಾನ್ ಭಾರತ್ ಸಭಾ ಮತ್ತು ಹಿಂದುಸ್ತಾನ್ ಸೋಶಿಯಲಿಸ್ಟ್ ರಿಪಬ್ಲಿಕನ್ ಆರ್ಮಿ ಎಂಬ ಸಂಘಟನೆಗಳನ್ನು ಮುನ್ನೆಡೆಸಿದ ರೀತಿ ಆತನ ಶ್ರೇಷ್ಠ ನಾಯಕತ್ವ ಗುಣಕ್ಕೆ ಸಾಕ್ಷಿ. ಭಗತ್ ಸಿಂಗ್ ಉತ್ತಮ ನಾಟಕ ಕಲಾವಿದ ಮತ್ತು ಹಾಡುಗಾರನೂ ಸಹ ಆಗಿದ್ದ. ಲಾಹೋರ್ ನ ನ್ಯಾಷನಲ್ ಕಾಲೇಜಿನಲ್ಲಿ ಓದುವಾಗ ನಾಟಕಗಳಲ್ಲಿ ಅಭಿನಯಿಸಿ ಸಭಿಕರನ್ನು ಮಂತ್ರಮುಗ್ಧರನ್ನಾಗಿ ಮಾಡಿದ್ದ. ಸುಂದರವಾಗಿ ಮತ್ತು ಅದ್ಭುತವಾಗಿ ಹಾಡುವ ಕಲೆಯನ್ನೂ ಭಗತ್ ಸಿಂಗ್ ರೂಡಿಸಿಕೊಂಡಿದ್ದ.

ಬಾಲ್ಯದಲ್ಲಿ ಹೊಲದಲ್ಲಿ ಬಂದೂಕು ಬೆಳೆಯುತ್ತೆನೆಂದ ಹೊತ್ತಿನಿಂದ ಹಿಡಿದು ಕೊನೆಗೆ ನಗುನಗುತ್ತಾ ಗಲ್ಲುಗಂಬವೇರುವರೆಗೂ ಭಗತ್ ಸಿಂಗ್ ಮಾಡಿದ್ದು ಸ್ವಾತಂತ್ರ್ಯ ಲಕ್ಷ್ಮಿಯ ಜಪ. ಇಂತಹ ಮಹಾನ್ ಕ್ರಾಂತಿಕಾರಿಯ ಗುಣಗಳನ್ನು ಅರಿಯುವುದೇ ನಾವು ಆತನಿಗೆ ಸಲ್ಲಿಸುವ ನಿಜವಾದ ಗೌರವ.

ಇಂದು ಸೆಪ್ಟೆಂಬರ್ 28. ಕ್ರಾಂತಿ ಶಿರೋಮಣಿ ಭಗತ್ ಸಿಂಗ್ ಜನಿಸಿದ ಪುಣ್ಯ ದಿನ. ಆ ಹುತಾತ್ಮ ಜನಿಸಿ ಇಂದಿಗೆ 107 ವರ್ಷಗಳಾಯಿತು. ಆ ಧೀರ ಹುತಾತ್ಮನನ್ನು ನೆನೆಯುವುದು ಪ್ರತಿಯೊಬ್ಬ ಭಾರತೀಯನ ಕರ್ತವ್ಯ. ಭಗತ್ ಸಿಂಗ್ ಗೆ ನುಡಿನಮನಗಳು.

ಇಂಕ್ವಿಲಾಬ್ ಜಿಂದಾಬಾದ್

ರವಿತೇಜ ಶಾಸ್ತ್ರೀ

ಉತ್ತಿಷ್ಠ ಭಾರತ

ಸಿಂಧೂರದಿಂದ ಬುರ್ಖಾದವರೆಗಿನ ಮಹಿಳೆಯ ಪಯಣ ಇದು ಲವ್ ಜಿಹಾದ್!!

2014-09-17T22:03:00.002+05:30

ಲವ್ ಜಿಹಾದ್ ಇದು ತುಂಬಾ ಹಳೆ ವಿಷಯ ಆದರೆ ಪದಬಳಕೆ ಹೊಸತು ಅಷ್ಟೇ. ಲವ್ ಜಿಹಾದ್ ನನ್ನು ಅರ್ಥೈಸುಕೊಳ್ಳುವ ಮೊದಲು ನಾವು “ ಜಿಹಾದ್ ” ಎಂದರೇನು ಎಂಬುದನ್ನು ತಿಳಿದುಕೊಳ್ಳಬೇಕು. ಇಸ್ಲಾಂ ಧರ್ಮ ಗ್ರಂಥಗಳ ಪ್ರಕಾರ ಜಿಹಾದ್ ಎಂದರೆ ಧರ್ಮ ಯುದ್ದ ಅಥವಾ ಧರ್ಮಕ್ಕಾಗಿ ಹೋರಾಟ ಎಂದರ್ಥ. ಕ್ರಿ.ಶಕ 1600 ರಲ್ಲಿ ಇದು ಪ್ರಚಲಿತದಲ್ಲಿತ್ತು. ಅರಬ್ ದೊರೆಗಳು ಧರ್ಮದ ಹೆಸರಲ್ಲಿ ಯುದ್ದ ಮಾಡಿ ಅನ್ಯಧರ್ಮಿಯರನ್ನು ಬಲವಂತವಾಗಿ ಮತಾಂತರಗೊಳಿಸುತ್ತಿದ್ದರು ಇದಕ್ಕೆ ಒಪ್ಪದಿದ್ದವರ ಮಾರಣಹೋಮ ಮಾಡುತ್ತಿದ್ದರು.

ಮೊಘರ ಆಳ್ವಿಕೆಯ ಕಾಲದಲ್ಲಿ ಹಿಂದುಗಳ ಮತಾಂತರ ಬಹಳ ಹೆಚ್ಚಿತ್ತು. ಎಲ್ಲ ಮೊಘಲ್ ರಾಜರು ಹಿಂದೂ ಧರ್ಮದ ವಿರೋಧಿಗಳಾಗಿದ್ದರಿಂದ ಇದು ಭರದಿಂದ ಸಾಗಿತ್ತು. ಸಮಸ್ತ ಹಿಂದೂ ರಾಷ್ಟ್ರವನ್ನು ಮುಸ್ಲಿಂ ರಾಷ್ಟ್ರವಾಗಿ ಪರಿವರ್ತಿಸಬೇಕೆಂಬುದು ಅವರ ಉದ್ದೇಶವಾಗಿತ್ತು. ಇದಕ್ಕಾಗಿ ಅನೇಕ ದೇವಾಲಯಗಳನ್ನು ನಾಶಗೊಳಿಸಿದರು, ದೇವರ ಮೂರ್ತಿಗಳನ್ನು ಧ್ವಂಸಮಾಡಿದರು. ವೇದಗಳ ಗ್ರಂಥಗಳನ್ನು ಸುಟ್ಟುಹಾಕಿದರು. ಬ್ರಿಟಿಷರು ಮೊಘರನ್ನು ಸೋಲಿಸಿದ ನಂತರ ಇವುಗಳ ಅಂತ್ಯವಾಯಿತು.

ಲವ್ ಜಿಹಾದ್ ಎಂದರೆ ಮುಸ್ಲಿಂ ಯುವಕರು ಪ್ರೀತಿಯ ಹೆಸರಲ್ಲಿ ಅನ್ಯ ಧರ್ಮೀಯ ಹುಡುಗಿಯನ್ನು ಗುರಿ ಮಾಡಿಕೊಂಡು ಮೋಸದಿಂದ ಪ್ರೀತಿಯ ಬಲೆಗೆ ಸಿಲುಕಿಸಿ ಅವರನ್ನು ಇಸ್ಲಾಂಗೆ ಮತಾಂತರಗೊಳಿಸುವುದು.

ಭಾರತ ಪ್ರಜಾಪ್ರಭುತ್ವ ರಾಷ್ಟ್ರ. ಇಲ್ಲಿ ಹಿಂದುಗಳೇ ಬಹುಸಂಖ್ಯಾತರು. ಇಲ್ಲಿ ಬಲವಂತವಾಗಿ ಮತಾಂತರ ಮಾಡಲು ಸಾಧ್ಯವಿಲ್ಲ. ಹಾಗಾಗಿ ಮುಸ್ಲಿಂ ಭಯೋತ್ಪಾದಕ ಸಂಘಟನೆಗಳು ಲವ್ ಜಿಹಾದ್ ನ್ನು ಅಸ್ತ್ರವಾಗಿ ಬಳಸಿಕೊಂಡು ಇಸ್ಲಾಂ ಪ್ರಾಬಲ್ಯವನ್ನು ಭಾರತದಲ್ಲಿ ಸ್ಥಾಪಿಸಲು ಪ್ರಯತ್ನಿಸುತ್ತಿದೆ.

ಅನ್ಯಧರ್ಮಿಯ ಯುವತಿಯರನ್ನು ಲವ್ ಜಿಹಾದ್ ಬಲೆಗೆ ಸಿಲುಕಿಸಲು ಅವರು ಅನೇಕ ಮಾರ್ಗಗಳನ್ನು ಅನುಸರಿಸುತ್ತಿದ್ದಾರೆ.

ಅವರು ಮನಪರಿವರ್ತನೆ ಮಾಡಿ ಮೋಸದ ಜಾಲಕ್ಕೆ ಅಮಾಯಕ ಯುವತಿಯರನ್ನು ಸಿಲುಕಿಸುತ್ತಿದ್ದಾರೆ.

ಹದಿಹರೆಯದವರೆ ಇವರ ಟಾರ್ಗೆಟ್ :

ಹದಿಹರೆಯದ ಯುವತಿಯರೇ ಇವರ ಟಾರ್ಗೆಟ್. ಈ ವಯಸ್ಸಿನ ಯುವತಿಯರಿನ್ನು ಪ್ರಬುದ್ಧರಾಗಿರುವುದಿಲ್ಲ. ಹಣ ಮತ್ತು ವ್ಯಾಮೋಹಕ್ಕೆ ಇವರು ಸುಲಭವಾಗಿ ತುತ್ತಾಗುತ್ತಾರೆ. ಮುಸ್ಲಿಂ ಯುವಕರು ಸಾಕಷ್ಟು ಶ್ರಿಮಂತರಾಗಿರುವುದಿಲ್ಲ, ಇವರಿಗೆ ಅನೇಕ ಸಂಘಟನೆಗಳು ಈ ಕಾರ್ಯಕ್ಕೆಂದೇ ಹಣವನ್ನು ಒದಗಿಸುತ್ತವೆ. ಬಂದ ಹಣದ ಮೂಲಕ ಒಳ್ಳೆ ಉಡುಪು ಮತ್ತು ಬೈಕ್ ಮುಂತಾದ ಆಕರ್ಷಕ ವಸ್ತುಗಳನ್ನು ಖರೀದಿಸಿ ಉತ್ತಮ ಸ್ನೇಹ ಮತ್ತು ಸಂಬಂಧವನ್ನು ಸಂಪಾದಿಸುತ್ತಾರೆ. ಇವರ ಮೋಸಕ್ಕೆ ಬಲಿಯಾಗುವ ಯುವತಿಯರು ತಮ್ಮ ಕುಟುಂಬವನ್ನು ತೊರೆಯಲು ಸಿದ್ದರಾಗುತ್ತಾರೆ. “ಅವರ ಸಂಗಾತಿಯನ್ನು ಅರಿಸಿಕೊಳ್ಳಲು ಅವರೇ ಸ್ವತಂತ್ರರು” ಎಂಬ ಭಾರತೀಯ ಕಾನೂನು ಸಹ ಇದಕ್ಕೆ ಪೂರಕವಾಗಿದೆ.

ನಕಲಿ ಮುಖವಾಡ:

ಇತ್ತೀಚಿಗೆ ಒಂದು ಪ್ರಕರಣ ನಡೆಯಿತು. ಇಡೀ ದೇಶವೇ ಆ ಪ್ರಕರಣದಿಂದ ಆಘಾತಕ್ಕೆ ಒಳಗಾಗಿತ್ತು. ರಾಷ್ಟೀಯ ಶೂಟರ್ ತಾರ ಸಹದೇವ್ ಲವ್ ಜಿಹಾದ್ ಗೆ ಬಲಿಯಾಗಿದ್ದಳು. ರಂಜಿತ್ ಸಿಂಗ್ ಎಂಬ ಯುವಕನ್ನು ವಿವಾಹವಾದ ನಂತರ ಆಕೆಗೆ ಆತ ರಂಜಿತ್ ಸಿಂಗ್ ಅಲ್ಲ ರಖಿಬುಲ್ ಹಸನ್ ಎಂಬ ಸಂಗತಿ ಗೊತ್ತಾಗಿತ್ತು. ಆಕೆ ಅವನು ಪಂಜಾಬಿ ಎಂದು ತಿಳಿದಿದ್ದಳು ಆದರೆ ಅಸಲಿ ವಿಷಯವೇ ಬೇರೆಯಾಗಿತ್ತು. ರಕಿಬುಲ್ ತಾರಗೆ ಚಿತ್ರ ಹಿಂಸೆ ನೀಡಿ ಮತಾಂತರಗೊಳಿಸಲು ಪ್ರಯತ್ನಿಸಿದ್ದ. ಒಬ್ಬ ರಾಷ್ಟೀಯ ಕ್ರೀಡಾಪಟುವಿಗೆ ಇಂತಹ ಪರಿಸ್ಥಿತಿ ಬಂದಿತ್ತು ಇನ್ನು ಸಾಮಾನ್ಯರ ಬಗ್ಗೆ ಒಮ್ಮೆ ಯೋಚಿಸಿನೋಡಿ.

ಅಪಹರಿಸುವಿಕೆ ಮತ್ತು ಆತ್ಯಾಚಾರಗೊಳಿಸುವುದು:

ಇದೊಂದು ಕ್ರೂರ ಕೃತ್ಯ. ಇದನ್ನು “ ರೇಪ್ ಜಿಹಾದ್ “ ಅಂತಲೂ ಕರೆಯುತ್ತಾರೆ. ಹಿಂದೂ ಯುವತಿಯನ್ನು ಅಪಹರಿಸುವ ಮುಸ್ಲಿಂ ಯುವಕರು ಅವರನ್ನು ಆತ್ಯಾಚಾರಗೊಳಿಸಿ ಅವರನ್ನು ಇಸ್ಲಾಂಗೆ ಮತಾಂತರ ಮಾಡುತ್ತಾರೆ. ಪ್ರತಿ ವರ್ಷ ಕೇರಳ ರಾಜ್ಯದಲ್ಲಿ ಇಂತಹ ಪ್ರಕರಣಗಳು ವರದಿಯಾಗುತ್ತಿದೆ. ಸಾವಿರಾರು ಯುವತಿಯರನ್ನು ಮನಪರಿವರ್ತನೆ ಮಾಡಿ ಅವರನ್ನು ನರಕದ ಕೂಪಕ್ಕೆ ತಳ್ಳುತ್ತಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳದಂತ ಪ್ರದೇಶದಲ್ಲಿ ಈ ಕೃತ್ಯಗಳು ಹೆಚ್ಚಾಗಿ ನಡೆಯುತ್ತಿವೆ. ಉತ್ತರ ಪ್ರದೇಶ, ಬಿಹಾರ ಜಾರ್ಖಂಡ್ ಮುಂತಾದ ಮುಸ್ಲಿಂ ಪ್ರಾಬಲ್ಯವುಳ್ಳ ಮತ್ತು ಬಡ ರಾಜ್ಯಗಳಿಗೂ ಇದು ಈಗ ವ್ಯಾಪಿಸಿದೆ.

ಮೋದಿಯವರ ಪಾಟ್ನಾ ರ್ಯಾಲಿಯ ಪ್ರಕರಣದಲ್ಲಿ ಅಯೇಷಾ ಭಾನು ಎಂಬ ಮಹಿಳೆಯನ್ನು ಪೊಲೀಸರು ಬಂಧಿಸಿದರು. ಆಕೆ ಸ್ಪೋಟದ ರೂವಾರಿಗಳಿಗೆ ಹಣಕಾಸನ್ನು ಒದಗಿಸಿದ್ದಳು. ಈಕೆಯೂ ಸಹ ಲವ್ ಜಿಹಾದ್ ಗೆ ಬಲಿಯಾದವಳು. ಅಯೇಷಾಳ ಮೂಲ ಹೆಸರು ಆಶಾ ಆಗಿತ್ತು. ಈಕೆ ಮೂಲತಃ ಹಿಂದೂ. ಮಡಿಕೇರಿಯ ನಿವಾಸಿ. ಜುಬೈರ್ ಎಂಬಾತನ್ನು ವಿವಾಹವಾದ ಮೇಲೆ ಆಶಾ ಅಯೇಷಾ ಆಗಿ ಬದಲಾಗಿ ಇಸ್ಲಾಂ ಗೆ ಮತಾಂತರಗೊಂಡು ಮಂಗಳೂರಿನಲ್ಲಿ ವಾಸವಾಗಿ ಭಯೋತ್ಪಾದಕ ಚಟುವಟಿಕೆಯಲ್ಲಿ ತೊಡಗಿಕೊಂಡಿದ್ದಳು. ಮೂಲಗಳ ಪ್ರಕಾರ ಅಯೇಷಾ 35ಕ್ಕೂ ಬ್ಯಾಂಕ್ ಖಾತೆಗಳ ಮೂಲಕ ಭಯೋತ್ಪಾದಕ ಸಂಘಟನೆಗಳಿಗೆ ಹಣವನ್ನು ಒದಗಿಸುತ್ತಿದ್ದಳು.

ಮಾಟ ಮಂತ್ರ ಮತ್ತು ಹಿಪ್ನಾಟಿಸಂ:

ಈ ಆಧುನಿಕ ಪ್ರಪಂಚದಲ್ಲೂ ಇಂತವುಗಳನ್ನು ಮಾಡುತ್ತಾರೆಂದರೆ ಆಶ್ಚರ್ಯವಾಗುತ್ತದೆ ಮತ್ತು ಒಮ್ಮೆಗೆ ಗಾಬರಿಯಾಗುತ್ತದೆ. ಸಾಕಷ್ಟು ಇಂತಹ ಪ್ರಕರಣಗಳು ವರದಿಯಾಗಿವೆ. ಮಾಟ ಮಂತ್ರ ಮತ್ತು ಹಿಪ್ನಾಟಿಸಂ ಮೂಲಕ ಯುವತಿಯನ್ನು ಕುಟುಂಬದಿಂದ ದೂರಗೊಳಿಸುತ್ತಾರೆ.

ಕೇರಳದಲ್ಲಿ ಇಂತಹ ಪ್ರಕರಣಗಳು ವರದಿಯಾಗಿವೆ. ಹಿಂದೂ ಕಾರ್ಯಕರ್ತರ ಕುಟುಂಬದ ಯುವತಿ ಕಾಣೆಯಾಗಿದ್ದಳು. ಅದೃಷ್ಟವಶಾತ್ ಆಕೆ ತಿರುಗಿ ಸಿಕ್ಕಳು. ಆದರೆ ಆಕೆಯ ವರ್ತನೆ ವಿಚಿತ್ರವಾಗಿತ್ತು. ಆಸ್ಪತ್ರೆಗೆ ಸೇರಿಸಿದರು ಪ್ರಯೋಜನವಾಗಲಿಲ್ಲ. ನಂತರ ದೇವಸ್ಥಾನದಲ್ಲಿ ನಾನಾ ಪೂಜೆಗಳನ್ನು ಮಾಡಿಸಿದ ನಂತರ ಯುವತಿ ಪಾರಾದಳು. ಇವಕೆಲ್ಲ ದೃಢವಾದ ಸಾಕ್ಷಿ ಆಧಾರವಿಲ್ಲದಿದ್ದರೂ ಇಂತಹ ಕೃತ್ಯಗಳನ್ನು ಸಾಕಷ್ಟು ಜನ ಕಣ್ಣಾರೆ ಕಂಡಿದ್ದಾರೆ. ಈ ಕೃತ್ಯಗಳು ಅಮಾನವೀಯ ಮತ್ತು ಖಂಡನೀಯ.

ಹೀಗೆ ಮನಪರಿವರ್ತನೆ ಮಾಡುವುದು, ದೈಹಿಕ ಹಿಂಸೆ, ಅತ್ಯಾಚಾರ ಮುಂತಾದ ಕೃತ್ಯಗಳ ಯುವತಿಯರನ್ನು ಬಲವಂತವಾಗಿ ಮತಾಂತರಗೊಳಿಸುತ್ತಿದ್ದಾರೆ.

ಲವ್ ಜಿಹಾದ್ ಅನ್ಯ ಧರ್ಮಿಯರನ್ನು ಮತಾಂತರಗೊಳಿಸಲು ಮುಸ್ಲಿಂ ಮತಾಂಧರು ಅನುಸರಿಸುತ್ತಿರುವ ಮಾರ್ಗ. ಲವ್ ಜಿಹಾದ್ ನ ಮೂಲಕ ಇಡೀ ಭಾರತವನ್ನು ಇಸ್ಲಾಂಗೊಳಿಸಲು ಇಸ್ಲಾಂ ಸಂಘಟನೆಗಳು ಸಂಚುರೂಪಿಸಿದ್ದಾರೆ. ಲಕ್ಷಾಂತರ ಯುವತಿಯರು ಈ ಕೂಪಕ್ಕೆ ಬಿದ್ದು ನರಕಯಾತನೆ ಅನುಭವಿಸುತ್ತಿದ್ದಾರೆ. ಯುವತಿಯ ಅಮೂಲ್ಯ ಜೀವನ ಧರ್ಮದ ಹೆಸರಲ್ಲಿ ನಾಶವಾಗುತ್ತಿದೆ. ಅಮಾಯಕ ಹಿಂದೂ ಮಹಿಳೆಯರು ಇದರಿಂದ ನೋವು ತಿಂದಿದ್ದಾರೆ. ಇದನ್ನು ತಡೆಯದಿದ್ದರೆ ಅಪಾಯ ಕಟ್ಟಿಟ್ಟ ಬುತ್ತಿ. ಹಿಂದೂ ರಾಷ್ಟ್ರವಾದ ಭಾರತದಲ್ಲಿ ಹಿಂದೂ ಅಲ್ಪಸಂಖ್ಯಾತರಾಗಬೇಕಾದ ಸ್ಥಿತಿ ಎದುರಿಸಬೇಕಾದಿತು.

ಕೇರಳದಲ್ಲಿ ಪ್ರತಿ 45 ದಿನಕ್ಕೆ 200 ರಿಂದ 300 ಮಹಿಳೆಯರು ಲವ್ ಜಿಹಾದ್, ರೇಪ್ ಜಿಹಾದ್ ಮುಂತಾದವುಗಳಿಂದ ಇಸ್ಲಾಂಗೆ ಮತಾಂತರಗೊಳ್ಳುತ್ತಿದ್ದಾರೆ. ಆರ್.ಎಸ್.ಎಸ್, ಶಿವಸೇನೆ ಮುಂತಾದ ಹಿಂದೂ ಸಂಘಟನೆಗಳು ಲವ್ ಜಿಹಾದ್ ಅನ್ನು ನಿಯಂತ್ರಿಸಲು ಪ್ರಯತ್ನಿಸುತ್ತಿವೆ. ಈ ಹೋರಾಟಕ್ಕೆ ಜಯವಾಗಿ ಅಮಾಯಕ ಯುವತಿಯರ ಜೀವನ ಉಳಿಯುವಂತಾಗಲಿ ಎಂದು ಹಾರೈಸುತ್ತೇನೆ.

ಸಿದ್ಧಾರ್ಥ ಕಿಣಿ (ಮೂಲ ಲೇಖನ ಇಂಗ್ಲಿಷ್)

ಕನ್ನಡಕ್ಕೆ: ರವಿತೇಜ ಶಾಸ್ತ್ರೀ

ಉತ್ತಿಷ್ಠ ಭಾರತ

ಜನಕೋಟಿಯ ಬದುಕು ಬೆಳಗಿದಾತ ಮೋಕ್ಷಗುಂಡಂ ವಿಶ್ವೇಶ್ವರಯ್ಯ!

2014-09-15T22:16:00.001+05:30

ಒಬ್ಬ ಹುಡುಗ ಇಂಜಿನಿಯರಿಂಗ್ ಅನ್ನು ಅತ್ಯುತ್ತಮ ದರ್ಜೆಯಲ್ಲಿ ಮುಂಬೈ ವಿಶ್ವವಿದ್ಯಾಲಯದಲ್ಲಿ ಮುಗಿಸಿದ. ವಿಶ್ವವಿದ್ಯಾಲಯಕ್ಕೆ ರ್ಯಾಂಕ್ ಪಡೆದುದರಿಂದ, ಸರ್ಕಾರದ ಲೋಕೋಪಯೋಗಿ ಇಲಾಖೆಯಲ್ಲಿ ತಕ್ಷಣ ಕೆಲಸ ಸಿಕ್ಕಿತು. ಅವನಿಗೆ ನೀರಾವರಿ ಕಾಲುವೆಗಳ ಉಸ್ತುವಾರಿಯ ಕೆಲಸ ನಿಗದಿಪಡಿಸಿದರು. ತರುಣ ಇಂಜಿನಿಯರ್ ಜಾಣ್ಮೆ ಮತ್ತು ದಕ್ಷತೆಯಿಂದ ಕರ್ತವ್ಯ ನಿರ್ವಹಿಸುತ್ತಿದ್ದ.

ಒಮ್ಮೆ ಈ ಹುಡುಗನಿಗೆ ಒಂದು ಯೋಜನೆಯನ್ನು ನೀಡಿದರು. ಯೋಜನೆ ಆರಂಭಿಸಲು ಪ್ರತಿಕೂಲ ಹವಾಮಾನ ಇದ್ದುದರಿಂದ ಅ ತರುಣ ಇಂಜಿನಿಯರ್ ಎಲ್ಲವನ್ನೂ ಸರಿಯಾಗಿ ಪರೀಕ್ಷಿಸಿ ತನ್ನ ಹಿರಿಯ ಅಧಿಕಾರಿಗಳ ಜೊತೆ ಚರ್ಚಿಸಿ ಈಗ ಕೆಲಸ ಆರಂಭ ಮಾಡುವುದು ಬೇಡ ವೆಚ್ಚ ಹೆಚ್ಚಾಗುತ್ತದೆ ಎಂದು ಯೋಚಿಸಿ ಒಂದು ವರದಿಯನ್ನು ತನ್ನ ಮೇಲಿನ ಅಧಿಕಾರಿಗೆ ಕೊಟ್ಟ. ಅದಕ್ಕೆ ಅವನ ಮೇಲಿನ ಅಧಿಕಾರಿ, ಕೆಲಸ ನಿಲ್ಲಿಸುವುದು ಬೇಡ ಎಂದು ಅಪ್ಪಣೆ ಮಾಡಿ ಆಜ್ಞೆ ಪಾಲನೆ, ಅವಿಧೇಯತೆ ಮತ್ತು ಕಾರ್ಯನಿರ್ವಹಣೆಯಲ್ಲಿ ಅದಕ್ಷ ನಡತೆಯಿಂದ ವೃತ್ತಿ ಜೀವನವನ್ನು ಈ ಇಂಜಿನಿಯರ್ ಪ್ರಾರಂಭಿಸಿದ್ದಾನೆ ಎಂದು ಪತ್ರ ಬರೆದ.

ಆಮೇಲೆ ತರುಣ ಇಂಜಿನಿಯರ್ “ ನಾನು ಕೆಲಸ ಮಾಡುವಾಗ ಯಾವುದೇ ಅಡಚಣೆಗಳು ಉಂಟಾಗದೇ ಇದ್ದಲ್ಲಿ, ಕಡಿಮೆ ವೆಚ್ಚದಲ್ಲಿ ಯೋಜನೆ ಮುಗಿಸಲು ಪ್ರಯತ್ನಿಸುತ್ತೇನೆ ” ಎಂದು ಆ ಬ್ರಿಟಿಷ್ ಅಧಿಕಾರಿಗೆ ಪತ್ರ ಬರೆದು ಎರಡು ತಿಂಗಳ ಅವಧಿಯಲ್ಲಿ ಯೋಜನೆ ಮುಗಿಸಿದ. ಆ ತರುಣ ಇಂಜಿನಿಯರ್ ಮತ್ತಾರು ಅಲ್ಲ “ ಮೋಕ್ಷಗುಂಡಂ ವಿಶ್ವೇಶ್ವರಯ್ಯ” .

ಭಾರತಖಂಡದ ಅಸಂಖ್ಯ ಭೂ ಪ್ರದೇಶಕ್ಕೆ ನೀರು ಹರಿಸಿದ ಭಾಗೀರಥ, ಪ್ರತಿಯೊಬ್ಬ ಪ್ರಜೆಗೆ ಮೂಲಭೂತ ಹಕ್ಕಾದ ಶಿಕ್ಷಣವನ್ನು ನೀಡಲು ಶ್ರಮಿಸಿದ ಸರಸ್ವತಿ ಪುತ್ರ, ಭಾರತ ಖಂಡವೇ ಆಂಗ್ಲರ ವಿರುದ್ದ ಹೋರಾಟ ಮಾಡುತ್ತಿದ್ದಾಗ ಅದೇ ಆಂಗ್ಲರನ್ನು ಉಪಯೋಗಿಸಿಕೊಂಡು ದೇಶದ ಅಭಿವೃದ್ದಿಗೆ ಶ್ರಮಿಸಿದ ಚಾಣಕ್ಯ, ಅತ್ತಕಡೆ ಪರಕೀಯರು, ಇತ್ತ ಕಡೆ ದೂರ ದೃಷ್ಟಿಯಿಲ್ಲದ ಸ್ವದೇಶಿಯರು, ಸಾಲದೇ ಪ್ರಾಮಾಣಿಕತೆಯಿಲ್ಲದ ಅಧಿಕಾರಿಗಳ ವರ್ಗ ಅವರೆಲ್ಲರನ್ನು ಮೀರಿ ಕಾರ್ಯಸಾಧನೆ ಮಾಡಿದ ಭೀಷ್ಮ, ಆಂಗ್ಲರು ತಮ್ಮ ಸಚಿವ ಮಂಡಳಿಯಲ್ಲಿ ನೀಡಿದ ಸಚಿವ ಸ್ಥಾನವನ್ನು ನಯವಾಗಿ ನಿರಾಕರಿಸಿ ದೇಶಪ್ರೇಮ ಮೆರೆದ ಮಹಾನ್ ದೇಶ ಭಕ್ತ, ಭರತ ಖಂಡಕ್ಕೆ ಅಲ್ಲದೇ ಇಡೀ ವಿಶ್ವದ ಮನುಕುಲದ ಉದ್ದಾರಕ್ಕಾಗಿ ತಮ್ಮನ್ನು ಅರ್ಪಿಸಿದ ವಿಶ್ವಮಾನವ, ಜನಕೋಟಿಯ ಬದುಕು ಬೆಳಗಿಸಿದಾತ. ಕಾಯಕ ಯೋಗಿ, ಆಧುನಿಕತೆಯ ನೇತಾರ ಮೋಕ್ಷಗುಂಡಂ ವಿಶ್ವೇಶ್ವರಯ್ಯ. ಆ ದಿವ್ಯ ಚೇತನವನ್ನು ವರ್ಣಿಸಲು ಪದಗುಚ್ಛಗಳೇ ಸಾಲದು. ಸರಳತೆ, ಸೌಜನ್ಯತೆ , ಗೌರವ, ದೇಶಭಕ್ತಿ, ಸಮಚಿತ್ತ ಮನಸ್ಸು ಇವೆಲ್ಲಕ್ಕೆ ಸಮಾನಾರ್ಥಕ ಪದವೇ ಮೋಕ್ಷಗುಂಡಂ ವಿಶ್ವೇಶ್ವರಯ್ಯ. ಈ ಪುಣ್ಯಾತ್ಮ ಜನಿಸಿದ್ದು ಸೆಪ್ಟೆಂಬರ್ 15 ರಂದು. ಮಹಾನ್ ವ್ಯಕ್ತಿಗೆ ಈ ಲೇಖನ ಅರ್ಪಿತ.

ಬಾಲ್ಯ ಮತ್ತು ಶಿಕ್ಷಣ:

1860 ರಲ್ಲಿ ಮೈಸೂರು ಪ್ರಾಂತ್ಯ(ಈಗ ಕರ್ನಾಟಕ) ಚಿಕ್ಕಬಳ್ಳಾಪುರ ಜಿಲ್ಲೆಯ ಮುದ್ದೇನಹಳ್ಳಿಯಲ್ಲಿ ಸಂಸ್ಕೃತ ಪಂಡಿತರಾಗಿದ್ದ ಶ್ರೀನಿವಾಸ ಶಾಸ್ತ್ರೀ ಮತ್ತು ಶ್ರೀಮತಿ ವೆಂಕಟಲಕ್ಷ್ಮಮ್ಮ ದಂಪತಿಗಳ ಮಗನಾಗಿ ಸೆಪ್ಟೆಂಬರ್ 15 ರಂದು ವಿಶ್ವೇಶ್ವರಯ್ಯನವರು ಜನಿಸಿದರು. ಚಿಕ್ಕಬಳ್ಳಾಪುರದ ಕಿರಿಯ ಪ್ರಾರ್ಥಮಿಕ ಶಾಲೆಯಲ್ಲಿ ತಮ್ಮ ವಿಧ್ಯಾಭ್ಯಾಸ ಆರಂಭಿಸಿ ನಂತರದ ಪ್ರೌಢ ಶಿಕ್ಷಣವನ್ನು ಬೆಂಗಳೂರಿನಲ್ಲಿ ಮುಗಿಸಿದರು. 1881ರಲ್ಲಿ ಬಿ.ಎ ಪದವಿಯನ್ನು ಮದ್ರಾಸ್ ವಿಶ್ವವಿದ್ಯಾಲಯದಲ್ಲಿ ಪಡೆದರು. ಪುಣೆಯ ಕಾಲೇಜ್ ಆಫ್ ಇಂಜಿನಿಯರಿಂಗ್ ನಲ್ಲಿ ಸಿವಿಲ್ ಇಂಜಿನಿಯರಿಂಗ್ ಪದವಿಯನ್ನು 1883 ರಲ್ಲಿ ರ್ಯಾಂಕ್ ಪಡೆಯ ಮೂಲಕ ಸಾಧನೆಯ ಹೆಜ್ಜೆಯಿಟ್ಟರು. ಬಾಂಬೆ ಸರ್ಕಾರದ ಲೋಕೋಪಯೋಗಿ ಇಲಾಖೆಯಲ್ಲಿ ಸಹಾಯಕ ಇಂಜಿನಿಯರ್ ಆಗಿ ವೃತ್ತಿ ಜೀವನ ಪ್ರಾರಂಭಿಸಿದರು. 1912 ರಲ್ಲಿ ಮೈಸೂರಿನ ದಿವಾನರಾದ ವಿಶ್ವೇಶ್ವರಯ್ಯನವರು ಹಿಂದಿರುಗಿ ನೋಡಲೇ ಇಲ್ಲ. ತಮ್ಮ ದೂರದೃಷ್ಟಿ, ಚಿಂತನಶೀಲತೆ, ದಕ್ಷ ಕಾರ್ಯಕ್ಷಮತೆಯಿಂದ ಸಾಕಷ್ಟು ಜನೋಪಕಾರಿ ಕಾರ್ಯಗಳನ್ನು ಮಾಡಿ ಭಾಗ್ಯವಿದಾತನೆನಿಸಿದರು.

ಆಡು ಮುಟ್ಟದ ಸೊಪ್ಪಿಲ್ಲ, ಸರ್. ಎಂ. ವಿ ಸೇವೆ ಸಲ್ಲಿಸದ ಕ್ಷೇತ್ರವಿಲ್ಲ ! :

ವಿಶ್ವೇಶ್ವರಯ್ಯ ಮೈಸೂರಿನ ದಿವಾನರಾದ ನಂತರ ನೀರಾವರಿ, ಕೈಗಾರಿಕೆ, ಶಿಕ್ಷಣ, ಸಾಹಿತ್ಯ, ಆರ್ಥಿಕತೆ, ತಂತ್ರಜ್ಞಾನ, ಬ್ಯಾಂಕಿಂಗ್ ಮುಂತಾದ ಎಲ್ಲ ಕ್ಷೇತ್ರಗಳಲ್ಲೂ ಜನೋಪಕಾರಿ ಯೋಜನೆಗಳನ್ನು ರೂಪಿಸಿ ಮೈಸೂರು ರಾಜ್ಯದ ಪ್ರಗತಿಗೆ ಶ್ರಮಿಸಿದರು.

ನೀರಾವರಿ ಕ್ಷೇತ್ರದಲ್ಲಿ ವಿಶ್ವೇಶ್ವರಯ್ಯನವರ ಕೊಡುಗೆ ಅಪಾರ. ಅವರನ್ನು “ ಕರ್ನಾಟಕದ ಭಾಗೀರಥ ” ಎಂದು ಕರೆಯಬಹುದು. ಕಾವೇರಿ ನದಿಗೆ ಕೃಷರಾಜ ಸಾಗರ (ಕನ್ನಂಬಾಡಿ) ಅಣೆಕಟ್ಟನ್ನು ನಾಲ್ಕು ವರ್ಷದ ಅವಧಿಯಲ್ಲಿ ಮುಗಿಸಿ ಮೈಸೂರು, ಮಂಡ್ಯ, ಬೆಂಗಳೂರಿಗೆ ಜೀವಜಲ ನೀಡಿದ ವಾಸ್ತು ಶಿಲ್ಪಿಯಾದರು. ಈ ಅಣೆಕಟ್ಟು ಆ ಕಾಲದಲ್ಲಿ ಭಾರತದ ಅತ್ಯಂತ ದೊಡ್ಡ ಅಣೆಕಟ್ಟು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು.

ಸುರತ್ ನಲ್ಲಿ ವಿಶ್ವೇಶ್ವರಯ್ಯನವರು ನಿರ್ಮಿಸಿದ ಕಾಮಗಾರಿ ಎಷ್ಟು ಅತ್ಯುತ್ತಮವಾಗಿದೆ ಎಂದರೆ ಅದು ನಿರ್ಮಿತವಾಗಿ ನೂರು ವರ್ಷದ ನಂತರ ಭೂಕಂಪ ಸಂಭವಿಸಿದರೂ ಕಾಮಗಾರಿ ಇನ್ನು ಸುಭದ್ರವಾಗಿದೆ! ಜಯಶಯಕ್ಕೆ ಸ್ವಯಂಚಾಲಿತ ಗೇಟ್ ಅಳವಡಿಸುವ ತಂತ್ರಜ್ಞಾನ ಕಂಡುಹಿಡಿದ ಏಕೈಕ ವ್ಯಕ್ತಿ ವಿಶ್ವೇಶ್ವರಯ್ಯ.

ಕರ್ನಾಟಕದ ಕೈಗಾರಿಕಾ ಕ್ರಾಂತಿಯ ಜನಕ ಎಂದು ಸರ್.ಎಂ.ವಿ ಅವರನ್ನು ಕರೆಯಬಹುದು. ಭದ್ರಾವತಿಯ ಕಬ್ಬಿಣ ಮತ್ತು ಉಕ್ಕಿನ ಕಾರ್ಖಾನೆ, ಮೈಸೂರ್ ಸ್ಯಾಂಡಲ್ ಸೋಪ್ ಕಾರ್ಖಾನೆ, ಶ್ರೀ ಗಂಧ ಮತ್ತು ಎಣ್ಣೆ ತಯಾರಿಕಾ ಸ್ಥಾಪಿಸಿದ ಮಹಾನುಭಾವ ಸರ್. ಎಂ.ವಿ. ಈ ಕಾರ್ಖಾನೆಗಳು ಲಕ್ಷಾಂತರ ಜನರಿಗೆ ಉದ್ಯೋಗ ನೀಡಿತು. ಇಂದಿಗೂ ಅವರು ಲಕ್ಷಾಂತರ ಕುಟುಂಬಗಳ ಅನ್ನದಾತ. ಹಿಂದುಸ್ತಾನ್ ಏರ್ ಕ್ರಾಫ್ಟ್ ಫ್ಯಾಕ್ಟರಿ, ಮೈಸೂರು ಸಕ್ಕರೆ ಕಾರ್ಖಾನೆ ಇವೆಲ್ಲವೂ ವಿಶ್ವೇಶ್ವರಯ್ಯನವರ ಕೊಡುಗೆಯೇ.

ಹಿಂದೆ ಸ್ವಾತಂತ್ರ್ಯ ಪೂರ್ವದಲ್ಲಿ ಹೆಚ್ಚಿನ ಶಿಕ್ಷಣ ಪಡೆಯಲು ಕನ್ನಡಿಗರು ಮದ್ರಾಸಿಗೆ ಹೋಗಬೇಕಿತ್ತು ಕಾರಣ ಕರ್ನಾಟಕದಲ್ಲಿ ಯಾವುದೇ ವಿಶ್ವವಿದ್ಯಾಲಯಗಳಿರಲಿಲ್ಲ. ಇದನ್ನು ಅರ್ಥೈಸಿಕೊಂಡ ಸರ್. ಎಂ. ವಿ ದೇಶದ ಮೊದಲ ವಿಶ್ವವಿದ್ಯಾಲಯ ಮೈಸೂರು ವಿದ್ಯಾಲಯವನ್ನು ಸ್ಥಾಪಿಸಿದರು. ಮೈಸೂರು ರಾಜ್ಯದಲ್ಲಿ ಮೊದಲ ಬಾರಿಗೆ ಪ್ರಾರ್ಥಮಿಕ ಶಿಕ್ಷಣವನ್ನು ಕಡ್ಡಾಯಗೊಳಿಸಿ ಎಲ್ಲರಿಗೂ ಶಿಕ್ಷಣ ಸಿಗುವಂತೆ ಮಾಡಿದರು. ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ ಹೊತ್ತುಕೊಟ್ಟ ಅವರು ವಿಧ್ಯಾರ್ಥಿನಿಯರಿಗೆ ಮೊದಲ ಬಾರಿಗೆ ಹಾಸ್ಟೆಲ್ ಕಟ್ಟಿಸಿದರು.

ತಾಂತ್ರಿಕ ವಿಶ್ವವಿದ್ಯಾಲಯ, ಕೃಷಿ ವಿಶ್ವವಿದ್ಯಾಲಯ, ಮೈಸೂರು ಮಹಾರಾಣಿ ಕಾಲೇಜ್, ಬೆಂಗಳೂರಿನ ಗ್ರಂಥಾಲಯಗಳ ನಿರ್ಮಾತೃ ಸರ್. ಎಂ ವಿಶ್ವೇಶ್ವರಯ್ಯನವರು.

ವಿಶ್ವೇಶ್ವರಯ್ಯನವರು ಕೇವಲ ಇಂಜಿನಿಯರ್ ಆಗಿರದೆ ಶ್ರೇಷ್ಠ ಅರ್ಥಿಕತಜ್ಞ ಸಹ ಆಗಿದ್ದರು. ನಷ್ಟದಲ್ಲಿದ್ದ ಕರಾಚಿ ಮತ್ತು ಮುಂಬೈ ಪುರಸಭೆಗೆ ಸಲಹೆ ನೀಡಿ ಸಂಕಷ್ಟದಿಂದ ಪಾರು ಮಾಡಿದರು. ಭದ್ರಾವತಿಯ ಉಕ್ಕು ಮತ್ತು ಕಬ್ಬಿಣ ಕಾರ್ಖಾನೆ ನಷ್ಟದಿಂದ ನಲುಗಿತ್ತು. ಇದನ್ನು ಮೇಲಕ್ಕೆತ್ತಿದವರು ಸರ್. ಎಂ. ವಿ.ದೇಶ ಅರ್ಥಿಕತೆಯ ಸುಸ್ಥಿತಿಗೆ ಮೈಸೂರು ಬ್ಯಾಂಕ್ ಮತ್ತು ಚೇಂಬರ್ ಆಫ್ ಕಾಮರ್ಸ್ ಸ್ಥಾಪಿಸಿದರು.

ಜನರನ್ನು ಉದ್ದರಿಸಲು ಅವತರಿಸಿದ ಪುಣ್ಯ ಪುರುಷ :

ವಿಶ್ವೇಶ್ವರಯ್ಯನವರು ಜನತೆಗೆ ಶಾಶ್ವತ ನೀರಾವರಿ ಒದಗಿಸಲು ಕನ್ನಂಬಾಡಿ ಕಟ್ಟುವ ಪ್ರಸ್ತಾಪ ಮಹಾರಾಜರ ಮುಂದೆ ಇಟ್ಟರು. ಆಗ ಸರ್.ಎಂ.ವಿ ಗೆ ಆಗದವರು ಇದೊಂದು ಹುಚ್ಚು ಯೋಜನೆಯೆಂದು ಹೇಳಿ ಮಹಾರಾಜರಿಂದ ಅನುಮತಿ ಸಿಗದ ಹಾಗೇ ಮಾಡುವಲ್ಲಿ ಯಶಸ್ವಿಯಾಗಿದ್ದರು. ಆಗ ಸರ್.ಎಂ.ವಿ ರಾಜೀನಾಮೆ ನೀಡುವ ಪ್ರಸ್ತಾಪ ಇಟ್ಟಾಗ ಮಹಾರಾಜರು ಯೋಚಿಸಿ ಅನುಮತಿ ನೀಡಿದರು. ಆದರೆ ಮದ್ರಾಸ್ ಪ್ರಾಂತ್ಯ ತಮಗೆ ಎಲ್ಲಿ ನೀರು ಸಿಗುವುದಿಲ್ಲವೂ ಎಂದು ಯೋಜನೆಯನ್ನು ವಿರೋಧಿಸಿತು. ಇದಕ್ಕೆ ಕುಗ್ಗದ ಸರ್. ಎಂ.ವಿ ಪ್ರಖರ ವಾದ ಮಂಡಿಸಿ ಆಣೆಕಟ್ಟು ಕಟ್ಟಿದರು. ಅಂದು ವಿಶ್ವೇಶ್ವರಯ್ಯನವರು ಅಣೆಕಟ್ಟು ಕಟ್ಟದೆ ಇದ್ದಿದ್ದರೇ ಇಂದು ನೀರಿಗಾಗಿ ಬೆಂಗಳೂರು ಪರದಾಡ ಬೇಕಾಗಿತ್ತು. ಬೆಂಗಳೂರು ಸಕಲ ಸೌಲಭ್ಯ ಕೂಡಿದೆ ಹಾಗಾಗಿಯೇ ಇಂದು ಸಾಕಷ್ಟು ಉದ್ಯಮಗಳು ಐ.ಟಿ, ಬಿ.ಟಿ ಕಂಪನಿಗಳು ಕಾರ್ಯನಿರ್ವಹಿಸುತ್ತಿವೆ. ನೀರಿನ ಕೊರತೆ ಉಂಟಾಗಿದ್ದರೆ ಇದೆಲ್ಲವೂ ಸಾಧ್ಯವಾಗುತ್ತಿರಲಿಲ್ಲ. ಬೆಂಗಳೂರಿನ ನಿರ್ಮಾತೃ ವಿಶ್ವೇಶ್ವರಯ್ಯ ಎಂದರೆ ತಪ್ಪಿಲ್ಲ ವೆನಿಸುತ್ತದೆ.

ಬೆಂಗಳೂರಿಗಿಂತಲೂ ಹೆಚ್ಚು ಕನ್ನಂಬಾಡಿ ಕಟ್ಟೆಗೆ ಅವಲಂಬಿತವಾದ ಜಿಲ್ಲೆ ಮಂಡ್ಯ ಜಿಲ್ಲೆ. ಮಂಡ್ಯದ ರೈತರ ಕೃಷಿಗೆ ಈ ಕನ್ನಂಬಾಡಿ ಕಟ್ಟೆಯಿಂದ ಬರುವ ನೀರೆ ಆಧಾರ. ಮಂಡ್ಯದ ರೈತರ ನಿಜ ಅನ್ನದಾತ ವಿಶ್ವೇಶ್ವರಯ್ಯನವರೇ.

ಭದ್ರಾವತಿಯ ಉಕ್ಕು ಮತ್ತು ಕಬ್ಬಿಣ ಕಾರ್ಖಾನೆ, ಮೈಸೂರು ಸರ್ಕಾರಿ ಸಕ್ಕರೆ ಕಾರ್ಖಾನೆ ಇಂದು ಲಕ್ಷಾಂತರ ಜನರಿಗೆ ಅನ್ನ ನೀಡುತ್ತಿದೆ. ಅಂದಿನ ಸರ್. ಎಂ.ವಿಯವರ ದೂರದೃಷ್ಟಿ ಚಿಂತನೆ ಇಂದು ಬಹಳಷ್ಟು ಕುಟುಂಬಗಳಿಗೆ ನೆರವಾಗಿದೆ.

ಜೋಗದ ಜಲ ವಿದ್ಯುತ್ ಸ್ಥಾವರದ ರೂವಾರಿ ವಿಶ್ವೇಶ್ವರಯ್ಯ . ಈ ಸ್ಥಾವರ ವಿದ್ಯುತ್ ತಯಾರಿಸಿ ಜನಕೋಟಿಗೆ ಬೆಳಕು ನೀಡುತ್ತಿದೆ. ಸರ್. ಎಂ. ವಿ ಜನರನ್ನು ಉದ್ದರಿಸಲು ಅವತರಿಸಿದ ಪುಣ್ಯಪುರುಷನೇ ಸರಿ.

ದೇಹಕ್ಕೆ ಮಾತ್ರ ಮುಪ್ಪು, ಮನಸ್ಸಿಗಲ್ಲ :

ಒಮ್ಮೆ ಒರಿಸ್ಸಾ ರಾಜ್ಯ ಮಹಾನದಿಯ ಪ್ರವಾಹದಿಂದ ತತ್ತರಿಸಿತ್ತು. ಆಗ ಸರ್.ಎಂ.ವಿ ತಮ್ಮ 75 ನೇ ವಯಸ್ಸಿನಲ್ಲಿ ನದಿಗೆ ಅಡ್ಡಲಾಗಿ ಜಯಶಯ ನಿರ್ಮಿಸಲು ನೀಲ ನಕ್ಷೆಯನ್ನು ಸಿದ್ದಪಡಿಸಿದ್ದರು. 1953ರಲ್ಲಿ ತಮ್ಮ 92 ರ ಹರೆಯದಲ್ಲಿ ಬಿಹಾರದ ಪಾಟ್ನಾ ನಗರದ ಗಂಗಾ ನದಿಯ ಸೇತುವೆಗೆ ನೀಲ ನಕ್ಷೆ ತಯಾರಿಸಲು ಯೋಜನೆಯ ಅನುಷ್ಠಾನ ಮಾಡುವ ಸ್ಥಳಕ್ಕೆ ಸುಡು ಬಿಸಿಲನ್ನು ಲೆಕ್ಕಿಸದೆ ನಡೆದೆ ಹೋಗಿ ಯೋಜನೆ ಸಿದ್ದಪಡಿಸಿದ್ದರು. ಹೊಸಪೇಟೆಯ ತುಂಗಭದ್ರಾ ಅಣೆಕಟ್ಟಿಗೆ ಸಲಹೆ ನೀಡಿದಾಗ ಅವರಿಗೆ 86 ರ ಪ್ರಾಯ. ಅವರು ತಮ್ಮ ಆತ್ಮಚರಿತ್ರೆ ಬರೆದದ್ದು 91 ನೇ ವಸಂತದಲ್ಲಿ.

ಶಿಸ್ತು, ಪ್ರಾಮಾಣಿಕತೆ, ದೇಶಭಕ್ತಿಗೆ ಮತ್ತೊಂದು ಹೆಸರೇ ವಿಶ್ವೇಶ್ವರಯ್ಯ :

ಸರ್.ಎಂ.ವಿ ಶಿಸ್ತಿನ ಸಿಪಾಯಿಯಾಗಿದ್ದರು. ಅವರ ವೇಷಭೂಷಣಗಳಲ್ಲಿ ಅದು ಎದ್ದು ಕಾಣುತ್ತಿತ್ತು. ಸರ್.ಎಂ.ವಿ ಎಂದಿಗೂ ತಮ್ಮ ಖಾಸಗಿ ಕೆಲಸಕ್ಕೆ ಸರ್ಕಾರಿ ವಾಹನ ಉಪಯೋಗಿಸುತ್ತಿರಲಿಲ್ಲ. ಮನೆಯಲ್ಲಿ ರಾತ್ರಿ ವೇಳೆ ಸರ್ಕಾರಿ ಕೆಲಸ ಮಾಡುವಾಗ ಸರ್ಕಾರ ನೀಡಿದ ದೀಪವನ್ನು ಉಪಯೋಗಿಸುತ್ತಿದ್ದರು. ನಂತರ ತಮ್ಮ ಸ್ವಂತ ಕೆಲಸಕ್ಕೆ ತಮ್ಮ ದೀಪವನ್ನೇ ಬಳಸುತ್ತಿದ್ದರು.

ಸರ್.ಎಂ,ವಿ ಮಹಾನ್ ದೇಶಭಕ್ತರಾಗಿದ್ದರು. ಯೆಮೆನ್ ರಾಷ್ಟ್ರದ ನೀರಾವರಿ ವ್ಯವಸ್ಥೆ, ಈಡನ್ ನಗರದ ನೀರಿನ ವ್ಯವಸ್ಥೆ,ವಿದೇಶದಲ್ಲಿ ಬೃಹತ್ ವಾಸ್ತುಶಿಲ್ಪ ರಚನೆ ಮಾಡಿದ ನಂತರ ಸರ್. ಎಂ.ವಿ ಮುಖ್ಯವಾದ ಒಂದು ಕಲ್ಲಿನಲ್ಲಿ “ಮೇಡ್ ಇನ್ ಇಂಡಿಯಾ” ಕೆತ್ತಿಸಿ ಇಟ್ಟಿದ್ದಾರೆ. ಯಾರಾದರೂ ಭಾರತದ ಬಗ್ಗೆ ಸಣ್ಣತನ ತೋರಿಸಿ ಆ ಕಲ್ಲನ್ನು ಕಿತ್ತು ತೆಗೆದರೆ ಪೂರ್ತಿ ವಾಸ್ತು

ಶಿಲ್ಪ ಕುಸಿದುಬೀಳುತ್ತದೆ ಅಂತಹ ಭಾರತೀಯ ತಂತ್ರಜ್ಞಾನದ ಹಸ್ತಕೌಶಲ್ಯವನ್ನು ವಿದೇಶಿಯರಿಗೆ ಅವರು ತೋರಿಸಿಕೊಟ್ಟಿದ್ದಾರೆ.

ಉಪಸಂಹಾರ:

ಸರ್.ಎಂ.ವಿ ಅವರ ಅಪಾರ ಕೊಡುಗೆಯನ್ನು ಗಣನೆಗೆ ತೆಗೆದುಕೊಂಡ ಸರ್ಕಾರ ಅವರಿಗೆ ಭಾರತದ ಅತ್ಯುನ್ನತ ಗೌರವ ಪ್ರಶಸ್ತಿಯಾದ ಭಾರತ ರತ್ನವನ್ನು 1955 ರಲ್ಲಿ ನೀಡಿ ಗೌರವಿಸಿತು.

ದೇಶ ಕಂಡ ಈ ಮಹಾನ್ ಚೇತನ 102 ವರ್ಷ 6 ತಿಂಗಳು 8 ದಿನ ಬದುಕಿ ದೇಶ ಸೇವೆ ಮಾಡಿ ತಮ್ಮ ಶಿಸ್ತಿನ ಜೀವನವನ್ನು ಏಪ್ರಿಲ್ 12. 1962 ರಲ್ಲಿ ಅಂತ್ಯಗೊಳಿಸಿದರು. ಅಧಿಕಾರ ಇರುವುದು ಅನುಭವಿಸಲು ಅಲ್ಲ ಜನರ ಸೇವೆ ಮಾಡಲು ಎಂದು ನಂಬಿದ್ದ ಸರ್.ಎಂ.ವಿ ತಮ್ಮ ಸಂಪೂರ್ಣ ಜೀವನವನ್ನು ಜನರ ಸೇವೆಗೆ ಅರ್ಪಿಸಿದರು.

ಗೌರವಾರ್ಥವಾಗಿ ಅವರ ಜನ್ಮದಿನವನ್ನು “ ರಾಷ್ಟೀಯ ಇಂಜಿನಿಯರ್ ಗಳ ದಿವಸ ” ವೆಂದು ಆಚರಿಸುತ್ತೇವೆ.

ಇತಿಹಾಸವಿರುವುದೇ ಮರೆಯಲು ಎಂದು ಬಹುಮಂದಿ ಭಾರತೀಯರು ಭಾವಿಸಿಬಿಟ್ಟಿದ್ದಾರೆ. ಭಾರತದ ಕೀರ್ತಿ ಪಾತಕೆ ಯನ್ನು ಹಾರಿಸಿದ ಭಾಗ್ಯವಿಧಾತ ಸರ್.ಎಂ.ವಿ ಅವರನ್ನು ಮರೆತರೆ ಹೇಗೆ? ಅವರ ಜನ್ಮ ದಿನದ ಈ ಸುಸಂದರ್ಭದಲ್ಲಿ ಅವರನ್ನು ನೆನಪು ಮಾಡಿಕೊಂಡು ಅವರಿಗೆ ಗೌರವ ಸಲ್ಲಿಸಿ, ಅವರ ಆದರ್ಶಗಳನ್ನು ಪಾಲಿಸಿದರೆ ಈ ಪವಿತ್ರ ಭಾರತದ ನೆಲದಲ್ಲಿ ಪಡೆದ ನಮ್ಮ ಜನ್ಮ ಸಾರ್ಥಕ.

ರವಿತೇಜ ಶಾಸ್ತ್ರೀ

ಉತ್ತಿಷ್ಠ ಭಾರತ

ಆ ಪಂಜಾಬಿನ ಕ್ರಾಂತಿ ಸಿಂಹನಿಗೊಂದು ನಮನ

2014-08-17T11:38:00.000+05:30

ಅದು ಲಂಡನ್ ನಗರ. ಇಂಗ್ಲೆಂಡ್ ದೇಶದ ರಾಜಧಾನಿ. ಅಗಲವಾದ ರಸ್ತೆಗಳು, ಎತ್ತರ ಎತ್ತರವಾದ ಕಟ್ಟಡಗಳು, ರಾತ್ರಿಯಲಿ ಕಣ್ಸೆಳೆಯುವ ದೀಪಮಾಲೆಗಳು. ಆ ಲಂಡನ್ನಿನಲ್ಲಿ ಒಂದು ರಸ್ತೆ. ಅದರ ಹೆಸರು ಕ್ರಾಮ್ ವೆಲ್ ರಸ್ತೆ. ಅಲ್ಲೊಂದು ಮನೆ. ಮನೆಯ ಹೆಸರು “ಭಾರತ ಭವನ” ಭವನದ ಮಹಡಿಯ ಮೇಲೆ ಒಂದು ಕೋಣೆ. ಕೊನೆಯಲ್ಲಿ ಒಂದು ಕಡೆ ಮೇಜಿನ ಮೇಲೆ ಒಂದು ಓಲೆ ಧಗಧಗ ಉರಿಯುತ್ತಿತ್ತು. ಒಲೆಯ ಮೇಲೆ ಗಾಜಿನ ಪಾತ್ರೆ. ಅದರಲ್ಲಿ ರಾಸಾಯನಿಕ ವಸ್ತುಗಳು. ಉರಿಯುತ್ತಿದ್ದ ಒಲೆಯ ಹತ್ತಿರ ಇಬ್ಬರು ನಿಂತಿದ್ದರು. ಗಂಭೀರವಾಗಿ ಯಾವುದೋ ವಿಷಯವನ್ನು ಚರ್ಚಿಸುತ್ತಿದ್ದರು. ಅವರ ಗಮನ ಎಲ್ಲೊ ಇತ್ತು. ಉರಿಯುತ್ತಿದ್ದ ಪಾತ್ರೆಯ ಕಾವು ಹೆಚ್ಚಾಗುತ್ತಾ ಹೋಯಿತು. ಪಾತ್ರೆಯಲ್ಲಿನ ರಾಸಾಯನಿಕಗಳು ಹಾರಿ ಗಾಜಿನ ಪಾತ್ರೆ ಸಿಡಿಯುವ ಅಪಾಯದಲ್ಲಿತ್ತು. ಅಷ್ಟರಲ್ಲಿ ಇಬ್ಬರಲ್ಲಿ ದೊಡ್ಡವರ ಗಮನ ಅತ್ತ ಹೋಯಿತು. ಅವರು ಕೂಡಲೇ ಏನು ಮಾಡಲು ತೋಚದೆ ಪಾತ್ರೆಯನ್ನು ಕೆಳಗಿಳಿಸಲು ಇಕ್ಕಳ ಹುಡುಕಲಾರಂಭಿಸಿದರು. ಆದರೆ ರಾಸಾಯನಿಕ ವಸ್ತುಗಳು ಕುಡಿಯುವುದು ಹೆಚ್ಚಾಯಿತು. ಅಷ್ಟರಲ್ಲಿ ಅಲ್ಲಿದ್ದ ಇನ್ನೊಬ್ಬ ಸರಕ್ಕನೆ ಎರಡೂ ಕೈಗಳಲ್ಲಿ ಆ ಗಾಜಿನ ಪಾತ್ರೆಯನ್ನು ಬಿಗಿಯಾಗಿ ಹಿಡಿದು ಒಲೆಯ ಮೇಲಿನಿಂದ ಎತ್ತಿ ಕೆಳಕ್ಕೆ ಇಳಿಸಿಬಿಟ್ಟ. ಚುರ್ ಅಂತ ಕೈ ಚರ್ಮ ಸುಟ್ಟು ಹೋಯಿತು. ಮಾಂಸ ಸುಟ್ಟ ವಾಸನೆ ಬಂತು ಬೊಬ್ಬೆಗಳು ಹುಟ್ಟಿಕೊಂಡವು. ಆ ಕೆಲಸ ಸುಲಭವಾಗಿರಲಿಲ್ಲ. ಚೆನ್ನಾಗಿ ಕಾದಿದ್ದ ಅದನ್ನು ಇಳಿಸಲು ಚುರುಕುಬುದ್ದಿ, ಧೈರ್ಯ ಬೇಕಿತ್ತು. ಇದನ್ನು ಕಂಡ ಮೊದಲನೇ ವ್ಯಕ್ತಿಗೆ ಆನಂದವಾಯಿತು. ಅವರು ಮಾಡುತ್ತಿದ್ದ ಪ್ರಯೋಗ ಶಾಲಾ ಕಾಲೇಜಿನ ಪ್ರಯೋಗವಾಗಿರಲಿಲ್ಲ. ನಮ್ಮ ದೇಶವನ್ನು ಸ್ವಾತಂತ್ರ್ಯಗೊಳಿಸಲು ಅವರು ಗುಟ್ಟಾಗಿ ಬ್ರಿಟಿಷ್ ನೆಲದಲ್ಲಿ ಬಾಂಬ್ ತಯಾರಿಸುತ್ತಿದ್ದರು. ಆ ಪಾತ್ರೆಯನ್ನು ತನ್ನ ಕೈಯಿಂದ ಇಳಿಸಿದವನು ಯಾರು ಗೊತ್ತೇ? ಅವನೇ ಕ್ರಾಂತಿ ಸಿಂಹ ಮದನ್ ಲಾಲ್ ಧಿಂಗ್ರಾ!!. ಅವರ ಜೊತೆಯಿದ್ದ ಮತ್ತೊಬ್ಬರು ಸ್ವಾತಂತ್ರ್ಯ ವೀರ ವಿನಾಯಕ ದಾಮೋದರ ಸಾವರ್ಕರ್.

ಮದನಲಾಲ್ ಧಿಂಗ್ರಾ ಸಿಖ್ಖರ ವೀರ ಭೂಮಿ ಪಂಜಾಬಿನ ಅಮೃತಸರದಲ್ಲಿ ಜನಿಸಿದ. ತಂದೆ ಆಗರ್ಭ ಶ್ರೀಮಂತರು. ಹೆಸರಾಂತ ವೈದ್ಯರಾಗಿದ್ದರು. ಮೂರು ಜನ್ಮಕ್ಕಾಗುವಷ್ಟು ಆಸ್ತಿಯಿತ್ತು. ಧಿಂಗ್ರಾ ಲಾಹೋರ್, ಅಮೃತಸರಗಳಲ್ಲಿ ತನ್ನ ಪ್ರಾಥಮಿಕ ವಿದ್ಯಾಬ್ಯಾಸ ಮುಗಿಸಿದ. ಇಂಜಿನಿಯರ್ ಆಗಬೇಕೆಂಬ ಕನಸು ಕಂಡಿದ್ದ ಇಂಗ್ಲೆಂಡ್ ಗೆ ಹೋಗಿ ಇಂಜಿನಿಯರ್ ಓದಬೇಕೆಂದು ನಿರ್ಧಾರ ಮಾಡಿಬಿಟ್ಟ. ತಂದೆಗೆ ಇಷ್ಟವಿಲ್ಲದಿದ್ದರೂ ಇಂಜಿನಿಯರಿಂಗ್ ಓದಲು ಇಂಗ್ಲೆಂಡ್ ಗೆ ಹಾರಿಬಿಟ್ಟ.

ಇಂಗ್ಲೆಂಡ್ ಸಂಸ್ಕೃತಿಗೆ ಧಿಂಗ್ರಾ ಮಾರುಹೋಗಿಬಿಟ್ಟ. ಬೆಲೆಬಾಳುವ ಸೂಟು ಬೂಟುಗಳನ್ನು ಹಾಕಿಕೊಂಡು ಶೋಕಿಲಾಲನಾಗಿ ಇಂಗ್ಲೆಂಡಿನ ರಸ್ತೆಗಳಲ್ಲಿ ಹಾಡುತ್ತಾ, ಕುಣಿಯುತ್ತಾ ಯುವತಿಯರೊಂದಿಗೆ ಚಕ್ಕಂದವಾಡುತ್ತ ಕಾಲ ಕಳೆಯುತ್ತ. ವಿಲಾಸಿ ಜೀವನವನ್ನು ನಡೆಸುತ್ತ ಇದೇ ಸ್ವರ್ಗವೆಂದು ಧಿಂಗ್ರಾ ಭಾವಿಸಿಬಿಟ್ಟ.

ಅಷ್ಟೊತ್ತಿಗೆ ಸ್ವಯಂಭು ದೇಶಭಕ್ತ ವೀರ ಸಾವರ್ಕರ್ ಆಂಗ್ಲರ ನಾಡಿಗೆ ಕಾಲಿಟ್ಟಿದ್ದರು. ಭಾರತ ಭವನದ ಮೂಲಕ ಇಂಗ್ಲೆಂಡಿನಲ್ಲಿದ್ದ ಭಾರತೀಯ ವಿಧ್ಯಾರ್ಥಿಗಳಲ್ಲಿ ದೇಶ ಭಕ್ತಿಯನ್ನು ತುಂಬುತ್ತಿದ್ದರು. ಭಾರತ ಭವನದ ಸುದ್ದಿ ಧಿಂಗ್ರಾ ಕಿವಿಗೆ ಬಿತ್ತು. ಒಂದು ದಿನ ಧಿಂಗ್ರಾ ಭಾರತ ಭವನ ಪ್ರವೇಶಿಸಿದ. ಅಲ್ಲಿ ಸಾವರ್ಕರ್ ಭಾಷಣ ಮಾಡುತ್ತಿದ್ದರು. ಅನೇಕ ತರುಣರು ಕೇಳುತಿದ್ದರು. ಸಾವರ್ಕರ್ ಬಹಳ ಚೆನ್ನಾಗಿ ಮಾತನಾಡುತ್ತಿದ್ದರು. ಭಾಷಣದಲ್ಲಿ ದೇಶಭಕ್ತಿಯ ಜ್ವಾಲೆ ಪಸರಿಸುತ್ತಿತ್ತು. ಇದನ್ನು ಕೇಳಿದ ಧಿಂಗ್ರಾ ಗೆ ಸಾವರ್ಕರ್ ಮೇಲೆ ಅಭಿಮಾನ ಉಂಟಾಯಿತು. ಅವರನ್ನು ಗುರುವಾಗಿ ಸ್ವೀಕರಿಸಿಬಿಟ್ಟ. ಸಾವರ್ಕರ್ ರಿಂದ ಪ್ರಭಾವಿತನಾದ ಧಿಂಗ್ರಾ ಮಹಾನ್ ದೇಶ ಭಕ್ತನಾಗಿಬಿಟ್ಟ. ಸಾವರ್ಕರ್ ರೆಂದರೆ ಅವನಿಗೆ ಪುಜ್ಯರು. ಅವರು ಹೇಳಿದ್ದೆ ವೇದ ವಾಕ್ಯ. ಅವರ ಮಾತು ಬಿಟ್ಟು ಬೇರೆ ಯಾರ ಮಾತನ್ನು ಧಿಂಗ್ರಾ ಕೇಳುತ್ತಿರಲಿಲ್ಲ. ಸಾವರ್ಕರ್ ಭಾಷಣವೆಂದರೆ ಅವನಿಗೆ ಪ್ರಾಣ.

ಒಂದು ದಿನ ಸಂಜೆ ಧಿಂಗ್ರಾ ಭಾರತ ಭವನಕ್ಕೆ ಬಂದ. ಒಳಕೋಣೆಯಲ್ಲಿ ಗಂಭೀರವಾದ ಸಭೆ ನಡೆಯುತ್ತಿತ್ತು. ಧಿಂಗ್ರಾ ಗೆ ಸಭೆಗಳಿಗಿಂತ ಕೆಲಸದ ಮೇಲೆ ಹೆಚ್ಚು ಆಸಕ್ತಿ. ಧಿಂಗ್ರಾ ಸಭೆಗೆ ಹೋಗಲಿಲ್ಲ. ಒಳಗಡೆಯಿಂದ ಗ್ರಾಮೋ ಫೋನ್ ತಂದು ರಸ್ತೆಯ ಕಡೆಗಿದ್ದ ಕಿಟಕಿಯಲ್ಲಿ ಅದನ್ನು ಹಾಡುವಂತೆ ಮಾಡಿದ. ರಸ್ತೆಯಲ್ಲಿದ್ದ ಅನೇಕ ಹುಡುಗಿಯರು ಬಂದು ಸೇರಿ ಕುಣಿಯಲಾರಂಭಿಸಿದರು. ಅದರ ಜೊತೆಯಲ್ಲಿ ಧಿಂಗ್ರಾ ಶಿಳ್ಳೆ ಹೊಡೆದ. ಒಳಗಡೆ ಸಭೆ ಗೆ ಇದರಿಂದ ತುಂಬಾ ಗದ್ದಲವಾಯಿತು. ಸಿಟ್ಟಿಗೆದ್ದ ಸಾವರ್ಕರ್

“ ಏನಯ್ಯ ಮದನ್, ನಾಚಿಕೆಯಾಗಬೇಕು ನಿನಗೆ? ಒಳಗೆ ಸಭೆ ನಡೆಯುತ್ತಿದೆ. ಚಕ್ಕರ್ ಹೊಡೆದು ಇಲ್ಲ ನೀನು ಚಕ್ಕಂದ ಆಡುತ್ತಿದ್ದಿಯಾ? ಛೀ ಛೀ ಬಾಯಲ್ಲಿ ಹೇಳೋದು ಹೋರಾಟ, ಬಲಿದಾನ ಎಂದು, ಮಾಡೋದು ಈ ರೀತಿ ” ಎಂದು ಬೈದರು.

ಧಿಂಗ್ರಾ ತಲೆ ತಗ್ಗಿಸಿಕೊಂಡು ಅಲ್ಲಿಂದ ಹೊರಟುಹೋದ. ಮದನ್ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿಬಿಟ್ಟ. ತಾಯಿ ಭಾರತಿಗಾಗಿ ಬಲಿದಾನಕ್ಕೆ ಸಿದ್ದನಾಗಿಬಿಟ್ಟ.

ಲಂಡನ್ನಿನಲ್ಲಿ ನ್ಯಾಷನಲ್ ಇಂಡಿಯನ್ ಅಸೋಸಿಯೇಷನ್ ಎಂಬ ಸಂಸ್ಥೆ ಇತ್ತು. ಇಂಗ್ಲೆಂಡ್ ಗೆ ಬಂದ ಭಾರತೀಯ ತರುಣರನ್ನು ಹಾಳು ಮಾಡಿ ಬ್ರಿಟಿಷರಿಗೆ ನಿಷ್ಠೆಯಾಗಿ ಮಾಡುವುದು ಈ ಸಂಸ್ಥೆಯ ಕೆಲಸವಾಗಿತ್ತು. ಈ ಸಂಸ್ಥೆಯ ಮುಖ್ಯ ಅಧಿಕಾರಿ ಸರ್ ವಿಲಿಯಂ ಕರ್ಜನ್ ವಾಲಿ ಎಂಬುವನು ಇದ್ದ. ಈತ ಗುಲ್ಲೆನರಿ. ಒಳ್ಳೆಯ ರೀತಿಯಲ್ಲಿ ಭಾರತೀಯರ ಸ್ನೇಹ ಸಂಪಾದಿಸಿ ಅವರಲ್ಲಿ ವಿಷ ಬೀಜ ತುಂಬುತ್ತಿದ್ದ. ಈ ಕರ್ಜನ್ ನನ್ನು ಕೊಲ್ಲಬೇಕೆಂದು ಮದನ್ ನಿಶ್ಚಯಿಸಿದ. ತನ್ನ ತಂದೆಯ ಸಹಾಯದಿಂದ ಇವನ ಸ್ನೇಹ ಸಂಪಾದಿಸಿ ಅವನ ವಿಶ್ವಾಸವನ್ನೂ ಗಳಿಸಿಬಿಟ್ಟ.

1909ನೇ ಜುಲೈ ಒಂದನೇ ತಾರೀಖು ನ್ಯಾಷನಲ್ ಇಂಡಿಯನ್ ಅಸೋಸಿಯೇಷನ್ ನ ವಾರ್ಷಿಕೋತ್ಸವ ನಡೆಯುತ್ತಿತ್ತು. ಕರ್ಜನ್ ಆ ಸಭೆಗೆ ಬಂದಿದ್ದ. ಮೊದಲೇ ಗುಂಡಿನ ಅಭ್ಯಾಸ ಮಾಡಿದ್ದ ಧಿಂಗ್ರಾ ಕರ್ಜನ್ ವೇದಿಕೆಯಿಂದ ಇಳಿಯುತ್ತಿದ್ದಂತೆ ಹತ್ತಿರ ಹೋಗಿ ತನ್ನ ಜೇಬಿನಿಂದ ರಿವಾಲ್ವರ್ ತೆಗೆದು ಕರ್ಜನ್ ನ ಕುತ್ತಿಗೆಗೆ ಗುರಿ ಇಟ್ಟು ಎರಡು ಗುಂಡು ಹೊಡೆದ. ಕುಸಿದ ಕರ್ಜನ್ ನ ಪ್ರಾಣಹಾರಿ ಹೋಗಿತ್ತು. ಆದರೆ ಧಿಂಗ್ರಾ ನಗುತ್ತ ಶಾಂತನಾಗಿದ್ದ ಆತನ ನಾಡಿ ಎಂದಿನಂತೆ ಸಾಮಾನ್ಯವಾಗಿತ್ತು.

ಶೋಕಿಲಾಲನಾಗಿ ತಿರುಗುತಿದ್ದ ಮದನಲಾಲ್ ವೀರನಾಗಿಬಿಟ್ಟ. ತನ್ನ ಜೀವನವನ್ನು ಸಾರ್ಥಕಗೊಳಿಸಿಬಿಟ್ಟ. ಲಂಡನ್ ಒಮ್ಮೆಗೆ ನಡುಗಿಹೋಯಿತು. ಸ್ವಾತಂತ್ರ್ಯ ಕ್ರಾಂತಿಯ ಜ್ಯೋತಿ ಬ್ರಿಟಿಷ್ ನೆಲದಲ್ಲೇ ಮೊಳಗಿತ್ತು. ಬ್ರಿಟಿಷ್ ಸರ್ಕಾರ ನಡುಗಿಹೋಯಿತು.

ಲಂಡನ್ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯಿತು. ಧಿಂಗ್ರಾ ಹುತಾತ್ಮನಾಗಲು ಸಿದ್ದನಾಗಿದ್ದ. ಮರಣದಂಡನೆ ಶಿಕ್ಷೆ ಪ್ರಾಪ್ತಿಯಾಯಿತು. 1909 ಅಗಸ್ಟ್ 17 ರಂದು ಮರಣದಂಡನೆ ಎಂದು ನಿರ್ಧರಿಸಲಾಯಿತು. ಗಲ್ಲಿಗೇರುವ ಮುನ್ನ ಧಿಂಗ್ರಾ ಉತ್ಕೃಷ್ಟ ಹೇಳಿಕೆಯನ್ನು ನೀಡಿದ. “ ತಾಯಿ ಭಾರತಿಯ ಸೇವೆಯೆಂದರೆ ಪ್ರಭು ಶ್ರೀರಾಮನ ಸೇವೆ. ಆ ತಾಯಿಯ ಸೇವೆ ದೇವರ ಸೇವೆಗೆ ಸಮಾನ. ಆ ತಾಯಿಗೆ ಅಪಮಾನವಾದರೆ ಶ್ರೀ ರಾಮನಿಗೆ ಅಪಮಾನವಾದಂತೆ. ಆ ತಾಯಿಯ ಈ ದಡ್ಡ ಮಗ ತನ್ನ ರಕ್ತವನ್ನಲ್ಲದೆ ಮತ್ತೇನು ಕೊಡಲು ಸಾಧ್ಯ ಆದ್ದರಿಂದ ನಾನು ಪ್ರಾಣಾರ್ಪಣೆ ಮಾಡುತ್ತಿದ್ದೇನೆ, ಹೆಮ್ಮೆಯಿಂದ ಪ್ರಾಣ ಬಿಡುತ್ತಿದ್ದೇನೆ. ತನ್ನ ತಾಯಿ ನಾಡು ಸ್ವತಂತ್ರವಾಗುವ ವರೆಗೂ ಇದೇ ತಾಯಿಯ ಹೊಟ್ಟೆಯಲ್ಲಿ ಮತ್ತೆಮತ್ತೆ ಹುಟ್ಟಬೇಕು. ಇದೇ ಧ್ಯೇಯಕ್ಕಾಗಿ ಬಲಿದಾನ ನೀಡಬೇಕು. ಇದೊಂದೇ ನಾನು ದೇವರಲ್ಲಿ ಮಾಡುವ ಪ್ರಾರ್ಥನೆ.“

ಲಂಡನ್ ಗೆ ಬಂದು ಇಂಜಿನಿಯರ್ ಆಗಬೇಕೆಂದು ಆಸೆ ಪಟ್ಟಿದ್ದ ಧಿಂಗ್ರಾ ತನ್ನ ಬಲಿದಾನದ ಮೂಲಕ ಕ್ರಾಂತಿ ಸಿಂಹನಾಗಿಬಿಟ್ಟ. ಧಿಂಗ್ರಾ ತಂದೆ ಆಗರ್ಭ ಶ್ರೀಮಂತರಾಗಿದ್ದರು. ಸಾಕಷ್ಟು ಆಸ್ತಿಯಿತ್ತು. ಧಿಂಗ್ರಾ ಆದರಲ್ಲೇ ಬದುಕಿಬಿಡಬಹುದಿತ್ತು. ಆದರೆ ಧಿಂಗ್ರಾ ಸಾಮಾನ್ಯರಲ್ಲಿ ಸಾಮಾನ್ಯನಾಗದೇ ಬಲಿದಾನಗೈದು ಅಜೇಯನಾಗಿಬಿಟ್ಟ.

ಮರುದಿವಸ ಈ ಸುದ್ದಿಯನ್ನು ಓದಿದ ಇಂಗ್ಲೆಂಡ್ ರಾಜಕಾರಣಿ ಚರ್ಚಿಲ್(ಮುಂದೆ ಇಂಗ್ಲೆಡಿನ ಪ್ರಧಾನಿಯಾದ) ನ ಕಣ್ಣು ಒದ್ದೆಯಾಯಿತು. ಚರ್ಚಿಲ್ ಅಂದು ಬಹಳ ದುಃಖಿತನಾಗಿದ್ದ. ಸಂಜೆ ಹೇಳಿಕೆ ನೀಡಿದ ಚರ್ಚಿಲ್ “ ಮದನ್ ನೀನು ಮಹಾನ್ ದೇಶಭಕ್ತ. ನಿನ್ನಂತವನು ಇಂಗ್ಲೆಂಡ್ ನಲ್ಲಿ ಹುಟ್ಟಬೇಕಿತ್ತು. ಇನ್ನು ಎರಡು ಶತಮಾನಗಳ ಕಾಲ ನೀನು ಭಾರತೀಯರ ಹೀರೋ ಆಗಿ ಮೆರೆಯುತ್ತಿಯಾ” ಎಂದ. ಆದರೆ ನಮ್ಮ ದುರ್ದೈವೇನು ಗೊತ್ತೇ? ಮದನಲಾಲ್ ಧಿಂಗ್ರಾ ನಮಗೆ ಗೊತ್ತೇ ಇಲ್ಲ. ಧಿಂಗ್ರಾ ನ ಕುರಿತು ನಮ್ಮ ಪಠ್ಯ ಪುಸ್ತಕಗಳಲ್ಲಿ ಒಂದಕ್ಷರವೂ ಇಲ್ಲ. ಇದು ಬಹಳ ವಿಷಾದನೀಯ ಸಂಗತಿ.

ಧಿಂಗ್ರಾ ಹುತಾತ್ಮನಾಗಿ ಇಂದಿಗೆ 105 ವರ್ಷವಾಯಿತು. ಬಲಿದಾನವನ್ನು ಇಂದು ಸ್ಮರಿಸೋಣ.

ಮದನಲಾಲ್ ಧಿಂಗ್ರಾ ಗೆ ನಮನಗಳು.

ವಂದೇಮಾತರಂ

ರವಿತೇಜ ಶಾಸ್ತ್ರೀ

“ಯಾನ ”ದೊಂದಿಗಿನ ನನ್ನ ಯಾನ : ಒಂದು ಸುಂದರ ಅನುಭವ

2014-08-10T15:36:00.001+05:30

ಮೊದಲ ಬಾರಿಗೆ ಬೈರಪ್ಪನವರ ಕಾದಂಬರಿ ಓದಿದೆ. ಆ ಪಯಣದ ಅನುಭವವನ್ನು ಅಕ್ಷರರೂಪದಲ್ಲಿ ವ್ಯಕ್ತಪಡಿಸಬೇಕಿಸಿತು. ಇದು ಕಾದಂಬರಿಯ ವಿಮರ್ಶೆಯಲ್ಲ. ವಿಮರ್ಶೆ ಮಾಡುವಷ್ಟು ದೊಡ್ಡವನು ನಾನಲ್ಲ. ದೊಡ್ಡ ಕಾದಂಬರಿಕಾರರ ಕಾದಂಬರಿಯ ಕುರಿತು ಈ ಚಿಕ್ಕವನ ಅಭಿಪ್ರಾಯವಷ್ಟೇ.

..................................................................................................................................................

ಯಾನಕ್ಕಿಂತ ಮುಂಚೆ ಬೈರಪ್ಪನವರ ಯಾವುದೇ ಕಾದಂಬರಿಗಳನ್ನು ನಾನು ಓದಿರಲಿಲ್ಲ. ಆವರಣ ಓದಬೇಕೆಂಬ ಆಸೆಯಿತ್ತು, ಆದರೆ ಆಸೆಯಾಗಿಯೇ ಉಳಿದುಬಿಟ್ಟಿತು . ಕಾದಂಬರಿಗಿಂತ ಇತಿಹಾಸ, ಆಧ್ಯಾತ್ಮ ಮತ್ತು ಸ್ವಾತಂತ್ರ್ಯ ಹೋರಾಟಗಾರರ ಜೀವನ ಚರಿತ್ರೆಯ ಪುಸ್ತಕಗಳೇ ನನಗೆ ಇಷ್ಟವಾಗಿತ್ತು. ಅವುಗಳನ್ನಷ್ಟೇ ನಾನು ಓದಿದ್ದೆ. ಬೇರೆ ಪುಸ್ತಕಗಳ ಬಗ್ಗೆ ನನಗೆ ಅಷ್ಟು ಆಸಕ್ತಿಯಿರಲಿಲ್ಲ.

ಬೈರಪ್ಪನವರ ಹೊಸ ಕಾದಂಬರಿ ಯಾನ ಬಿಡುಗಡೆಯಾಗುತ್ತಿದೆ ಎಂಬ ಸುದ್ದಿ ಕನ್ನಡ ಪ್ರಭದಲ್ಲಿ ಪ್ರಕಟವಾಗಿತ್ತು. ಸುದ್ದಿ ನೋಡಿ ಈ ಬಾರಿ ಬೈರಪ್ಪನವರ ಕಾದಂಬರಿ ಓದಬೇಕೆಂದು ನಿಶ್ಚಯಿಸಿದೆ. ಪುಸ್ತಕ ಬಿಡುಗಡೆಯಾದ ಮಾರನೆ ದಿನವೇ ಪುಸ್ತಕ ಖರೀದಿಸಿದೆ.

ಒಂದು ಪುಸ್ತಕ ಕೊಂಡು ತಂದರೆ ಅದನ್ನು ಒಂದೆರಡು- ಮೂರು ದಿನಗಳಲ್ಲಿ ನಾನು ಮುಗಿಸಿಬಿಡುತ್ತಿದ್ದೆ. ಆದರೆ ಯಾನವನ್ನು ಓದಿ ಮುಗಿಸಲು ಒಂದು ವಾರ ಮತ್ತು ಎರಡು ದಿನ ಬೇಕಾಯಿತು!.

ಪುಸ್ತಕ ತಂದ ದಿನವೇ ಓದಲು ಆರಂಭಿಸಿದೆ ಆದರೆ ಮೊದಲಿಗೆ ಅರ್ಥೈಸಿಕೊಳ್ಳಲು ಆಗಲಿಲ್ಲ. ಕಾದಂಬರಿಯ ಆರಂಭ ನನಗೆ ಹಲವು ಗೊಂದಲಗಳನ್ನು ಸೃಷ್ಟಿಸಿತು. ಕ್ರಮೇಣ ಏಕಾಗ್ರತೆಯಿಂದ ಓದಲು ಮುಂದುವರೆಸಿದಾಗ ಯಾನ ನನ್ನನ್ನು ಸಂಪೂರ್ಣವಾಗಿ ಅವರಿಸಿಬಿಟ್ಟಿತು. ಕಾದಂಬರಿಯಲ್ಲಿ ನಾನು ತಲ್ಲೀನನಾಗಿಬಿಟ್ಟೆ!.

ಆಕಾಶ ಮೇದಿನಿಯ ವಿವಾಹ ಪ್ರಸ್ತಾಪದಿಂದ ಕಾದಂಬರಿ ಆರಂಭವಾದಾಗ ಬಹಳ ಗೊಂದಲವಾಯಿತು. ಆಕಾಶ, ಮೇದಿನಿ ಇಬ್ಬರು ಸೋದರ ಸೋದರಿಯರು. ಸೋದರ ಸೋದರಿಯರಿಗೆ ಮದುವೆಯೇ? ಇದು ಹೇಗೆ ಸಾಧ್ಯ? ಪ್ರಕೃತಿಗೆ ವಿರುದ್ದವಲ್ಲವೇ? ಬೈರಪ್ಪನವರು ಏನು ಹೇಳಲು ಹೊರಟಿದ್ದಾರೆ? ಎಂಬೆಲ್ಲ ಗೊಂದಲ, ಪ್ರಶ್ನೆಗಳು ಮನದಲ್ಲಿ ತುಂಬಿಕೊಂಡೆವು. ಗೊಂದಲಗಳನ್ನು ಬದಿಗೆ ಸರಿಸಿ ಓದು ಮುಂದುವರೆಸಿದೆ. ಮುಂದೆ ಬಂದ ಸುದರ್ಶನ್ ಮತ್ತು ಉತ್ತರೆಯ ಕಥೆಗಳು ಬಹಳಷ್ಟು ಕೂತುಹಲಕಾರಿಯಾಗಿದ್ದವು. ಕೊನೆ ಕ್ಷಣದವರೆಗೂ ಆ ಕೂತುಹಲವನ್ನು ಹಿಡಿದಿಟ್ಟುಕೊಳ್ಳುವಲ್ಲಿ ಯಾನ ಸಫಲವಾಗಿತ್ತು.

ಬೈರಪ್ಪನವರು ಕಾದಂಬರಿಗೆ ಆರಿಸಿಕೊಂಡಿರುವ ವಸ್ತು ಅಂತರಿಕ್ಷ ಯಾನ. ಯಾನದ ಪ್ರಮುಖ ಪಾತ್ರಗಳಾದ ಸುದರ್ಶನ್ ಮತ್ತು ಉತ್ತರಾ ಸೂರ್ಯನ ಗುರುತ್ವದ ಆಚೆಗೆ ಪ್ರಾಕ್ಸಿಮ ಸೆಂಟರಿಸ್ ಗೆ ಪಯಣಿಸಿ ಅಲ್ಲಿ ಯಾವುದಾದರೂ ನಕ್ಷತ್ರವಿದೆಯೇ ಎಂದು ಗುರುತಿಸಿ, ಇದ್ದರೆ ಅದು ವಾಸಿಸಲು ಯೋಗ್ಯವೇ ಎಂದು ಪರೀಕ್ಷಿಸಿ, ಯಾನಿಗಳಾದ ಸುದರ್ಶನ್ ಮತ್ತು ಉತ್ತರಾ ಒಂದು ಗಂಡು ಮತ್ತು ಹೆಣ್ಣು ಸಂತಾನಗಳನ್ನು ಸೃಷ್ಟಿಸಿ ಅವರು ಅಲ್ಲಿ ಜೀವಿಸುವಂತೆ ಮಾಡುವುದು. ಇದು ಒಂದೆರಡು ವರ್ಷಗಳ ಯಾನವಲ್ಲ, ಸಾವಿರಾರು ವರ್ಷಗಳ ಯಾನ. ಬೈರಪ್ಪನವರ ಚಿಂತನಾ ಸಾಮರ್ಥ್ಯಕ್ಕೆ ತಲೆಬಾಗಲೇಬೇಕು. ನನ್ನಂತಹ ಸಾಮಾನ್ಯರಿಗೆ ಈ ವಿಷಯಗಳು ಚಿಂತನೆಗೂ ನಿಲುಕದ ವಿಚಾರ. ಈ ಕಲ್ಪನೆ ನನಗೆ ಬಹಳ ಇಷ್ಟವಾಯಿತು.

ಯಾನ ಮೇಲ್ನೋಟಕ್ಕೆ ವೈಜ್ಞಾನಿಕ ಕಾದಂಬರಿ ಎಂದಿನಿಸುತ್ತದೆ ಆದರೆ ಕಾದಂಬರಿಯ ಹೊಳಹೊಕ್ಕರೆ ವಿಜ್ಞಾನದ ಜೊತೆಗೆ ಆಧ್ಯಾತ್ಮ, ಮಾನವೀಯ ಸಂಬಂಧಗಳು, ದೇಶಭಕ್ತಿ ಹೀಗೆ ಎಲ್ಲವೂ ಕಾದಂಬರಿಯಲ್ಲಿದೆ. ರಾಜಕೀಯವು ಇದೆ. ಅಮೇರಿಕ ಸಹ ಇದೆ. ಇಸ್ರೇಲೂ ಇದೆ. ಏನಿದೆ ಎಂದು ಕೇಳುವುದಕ್ಕಿಂತ ಏನಿಲ್ಲ ಎಂದು ಕೇಳುವುದು ಸೂಕ್ತವೆನಿಸುತ್ತದೆ.

ಕಾದಂಬರಿಯಲ್ಲಿ ನನಗೆ ಬಹುವಾಗಿ ಇಷ್ಟವಾದ ಪಾತ್ರವೆಂದರೆ ವಿಜ್ಞಾನಿ ಡಾ, ಸುದರ್ಶನ್ ರ ಪಾತ್ರ. ಯಾನ ಯಶಸ್ವಿಯಾಗಲು ಉತ್ತರೆ ಸಹಕರಿಸದೆ ತಾನು ಹತಾಶನಾದಾಗ, ಸುದರ್ಶನ್ ಆಧ್ಯಾತ್ಮದ ತಮ್ಮ ಕಡೆಗೆ ಒಲವನ್ನು ಬದಲಿಸಿ ಹತಾಶೆಗಳನ್ನು ಬಿಟ್ಟು ಒಬ್ಬ ಶ್ರೇಷ್ಠ ವ್ಯಕ್ತಿಯಾಗಿ ರೂಪುಗೊಂಡ ಪರಿ ನಿಜಕ್ಕೂ ಅದ್ಭುತ. ವಿಜ್ಞಾನ ಮತ್ತು ಆಧ್ಯಾತ್ಮ ಗಳಿಗೆ ಸಂಬಂಧವಿದೆ ಎಂಬುದನ್ನು ಬೈರಪ್ಪನವರು ಸುದರ್ಶನ್ ಪಾತ್ರದ ಮೂಲಕ ಹೇಳುತ್ತಾರೆ.

ಸುದರ್ಶನ್ ಪಾತ್ರದಲ್ಲಿ ಅಚಲ ದೇಶಭಕ್ತಿಯನ್ನು ಸಹ ಕಾಣಬಹುದು. ಯಾನದ ನೌಕೆಯನ್ನು ತಯಾರಿಸಲು ಆತ ಪಟ್ಟ ಶ್ರಮ, ಯಾನವನ್ನು ಯಶಸ್ವಿಯಾಗಿಸಿ ದೇಶಕ್ಕೆ ಕೀರ್ತಿ ತರಬೇಕೆಂಬ ಹಂಬಲ ಸುದರ್ಶನ್ ರ ಪ್ರತಿ ನಡೆಯಲ್ಲೂ ವ್ಯಕ್ತವಾಗಿದೆ. ಇದು ಅಚಲ ದೇಶ ಭಕ್ತಿಯೇ ಸರಿ.

ನನನ್ನು ಕಾಡಿದ ಪಾತ್ರವೆಂದರೆ ಪೈಲಟ್ ಉತ್ತರೆಯ ಪಾತ್ರ. ಆಕೆಯ ಸ್ವಾಭಿಮಾನ ಬಹಳ ಇಷ್ಟವಾಯಿತು. ಏರ್ ಫೋರ್ಸ್ ನಲ್ಲಿ ಫ್ಲೈಟರ್ ಪೈಲಟ್ ನಂತ ಉನ್ನತ ಹುದ್ದೆಗೆ ಸ್ತ್ರೀ ಗೆ ಸಿಗುವುದು ಅಸಾಧ್ಯವೆಂದು ತಿಳಿದಾಗ ಆಕೆ ಧೃತಿಗೆಡದೆ ಹೋರಾಡಿ ಉನ್ನತ ಹುದ್ದೆಗೇರಿದ್ದು ಆಕೆಯ ಪ್ರಖರ ಸ್ವಾಭಿಮಾನತೆಗೆ ಸಾಕ್ಷಿ. ಹೆಣ್ಣು ಸ್ವಾಭಿಮಾನಿಯಾಗಬೇಕೆಂಬ ಸಂದೇಶವನ್ನು ಈ ಪಾತ್ರದ ಬೈರಪ್ಪನವರು ನೀಡಿದ್ದಾರೆ. ಹೆಣ್ಣು ಗಂಡೆಂಬ ಭೇದ ಇರಕೂಡದು ಎಂದು ತಿಳಿಸಿಕೊಡುತ್ತಾರೆ.

ಮೊದಲು ನೂರು ದಿನಗಳ ಯಾನಕ್ಕಾಗಿ ಪೈಲಟ್ ಯಾದವನ್ನು ವಿವಾಹವಾಗಿ ಅದನ್ನು ಮುಗಿಸಿ, ಮತ್ತೊಂದು ಯಾನಕ್ಕೆ ಯಾದವನು ಒಪ್ಪದೇ ಇದ್ದಾಗ ಉತ್ತರೆ ಅನುಭವಿಸಿದ ಮಾನಸಿಕ ತೊಳಲಾಟಗಳನ್ನು ಓದುವಾಗ ಬಹಳ ಖೇದವೆನಿಸಿತು. ಯಾದವ್ ದೂರವಾದರೂ ಬೇರೊಬ್ಬನೊಂದಿಗೆ ಕೂಡುವ ಮನಸ್ಸನ್ನು ಆಕೆ ಮಾಡುವುದಿಲ್ಲ. ಭಾರತೀಯ ಹೆಣ್ಣಿನ ಅಂತಃಕರಣದ ಭಾವನೆಗಳನ್ನು ಬೈರಪ್ಪನವರು ಉತ್ತರೆ ವ್ಯಕ್ತಪಡಿಸುವ ಅಕ್ರೋಶ, ಸಿಟ್ಟು, ಅಸಹಾಯಕತೆಗಳ ಮೂಲಕ ವಿವರಿಸುತ್ತಾರೆ.

ಉತ್ತರೆಯ ಪತಿ ಯಾದವನ ಪಾತ್ರ ಗಂಡಸಿನ ಮಾನಸಿಕ ತೊಳಲಾಟಗಳನ್ನು ವ್ಯಕ್ತಪಡಿಸುತ್ತದೆ. ಉತ್ತರೆ ದೂರವಾದ ನಂತರ ಯಾದವ್ ಮತ್ತೊಂದು ಮದುವೆಯಾದರೂ ಉತ್ತರೆ ಅವನ ಮನದಿಂದ ದೂರವಾಗುವುದಿಲ್ಲ. ತನ್ನ ಮಗಳಿಗೆ ಉತ್ತರೆಯ ಹೆಸರನ್ನು ಇಟ್ಟು ಆಕೆಯಲ್ಲಿ ಉತ್ತರೆಯನ್ನು ಕಾಣುವ ಪ್ರಯತ್ನವನ್ನು ಮಾಡುತ್ತಾನೆ. ಕೆಲವು ಕಾದಂಬರಿಕಾರರು ಕೇವಲ ಒಂದು ದೃಷ್ಟಿಯಿಂದ ಅವಲೋಕಿಸಿತ್ತಾರೆ. ಆದರೆ ಬೈರಪ್ಪನವರು ಗಂಡು-ಹೆಣ್ಣು ಇಬ್ಬರ ಭಾವನೆಗಳನ್ನು ಅವಲೋಕಿಸಿ ಆ ಕುರಿತು ಬೆಳಕು ಚೆಲ್ಲುತ್ತಾರೆ.

ಇನ್ನು ಕಾದಂಬರಿಯಲ್ಲಿ ಅಕ್ಕನ ಪ್ರೀತಿಯಿದೆ, ಸುದರ್ಶನ್ ಮತ್ತು ಅವರ ಅಕ್ಕನ ಸೋದರತ್ವದ ಸಂಬಂಧದಲ್ಲಿ ಅಕ್ಕನ ಪ್ರೀತಿ ಕಾಣಬಹುದಾಗಿದೆ. ಕಾದಂಬರಿಯಲ್ಲಿ ತಾಯಿಯ ವಾತ್ಸಲ್ಯವೂ ಇದೆ. ಉತ್ತರೆಯ ತಾಯಿಯ ಪಾತ್ರದಲ್ಲಿ ಇದನ್ನು ಕಾಣಬಹುದು.

ಭಾರತದ ಮೇರು ಪರ್ವತ ಹಿಮಾಲಯದ ಸುಂದರ ವರ್ಣನೆ ಕಾದಂಬರಿಯಲ್ಲಿದೆ. ಮಾಧ್ಯಮಗಳ ಭಟ್ಟಂಗಿತನವೂ ಕಾದಂಬರಿಯಲ್ಲಿದೆ. ಉತ್ತರೆ 100 ದಿನ ಯಾನ ಮುಗಿಸಿ ಬಂದಾಗ ಮಧ್ಯಮಗಳನು ಆಕೆಯನ್ನು ಹೀರೋಯಿನ್ ಮಾಡಿದ ಪ್ರಹಸನದ ಮೂಲಕ ಮಾದ್ಯಮಗಳ ಭಟ್ಟಂಗಿತನವನ್ನು ಬೈರಪ್ಪನವರು ವಿವರಿಸುತ್ತಾರೆ. ಧಾರ್ಮಿಕ ಭಾವನೆಗಳನ್ನು ವಿರೋಧಿಸುವ ಜಾತ್ಯತೀತವಾದಿಗಳ ಸೋಗಲಾಡಿತನವನ್ನು ಬೈರಪ್ಪನವರು ಬೆತ್ತಲುಗೊಳಿಸುತ್ತಾರೆ. ಭಾರತದ ಅಂತರಿಕ್ಷ ಯಾನದ ಮಾಹಿತಿಯನ್ನು ತನ್ನ ಗೂಢಚರ್ಯ ಸಂಸ್ಥೆಗಳ ಸಂಗ್ರಹಿಸುವ ಅಮೇರಿಕಾದ ಕ್ಷುದ್ರ ಬುದ್ದಿ, ಪಾಕಿಸ್ತಾನ ಮತ್ತು ಚೀನಾಗಳ ಕಪಟಿತನ ಹೀಗೆ ರಾಜಕೀಯವೂ ಸೇರಿ ಎಲ್ಲವೂ ಕಾದಂಬರಿಯಲ್ಲಿದೆ.

ಬೈರಪ್ಪನವರ ಕಾದಂಬರಿ ಯಾನ ವಿಚಾರಗಳ ಸಾಗರ. ಈ “ಯಾನ” ದ ಯಾನದ ನನಗೆ ಬಹಳ ಇಷ್ಟವಾಯಿತು. ಇದೊಂದು ಸುಂದರ ಯಾನ. ಸುಂದರ ಅನುಭವ.

ರವಿತೇಜ ಶಾಸ್ತ್ರೀ.

ಆಕೆಯ ಭಾವುಕತೆಯ ಮಾತುಗಳಲ್ಲಿ ಮಿಂದೆದ್ದ ಆ ಕ್ಷಣಗಳು !

2014-07-27T20:53:00.003+05:30

ಇಂದು ಮನವು ಸಂತೋಷದ ಕಡಲಲ್ಲಿ ತೇಲಾಡುತ್ತಿದೆ. ಸಾರ್ಥಕತೆಯ ಭಾವ ಮನದಲ್ಲಿ ವ್ಯಕ್ತವಾಗುತ್ತಿದೆ. ಕಾರಣ ನಮ್ಮ ಸಂಸ್ಥೆ “ಉತ್ತಿಷ್ಠ ಭಾರತ” ಅಧಿಕೃತವಾಗಿ ಬೆಂಗಳೂರಿನ ಜಯನಗರದ ರಾಷ್ಟ್ರೋತ್ಥಾನ ಪರಿಷತ್ತಿನ ಸಭಾಂಗಣದಲ್ಲಿ ಲೋಕಾರ್ಪಣೆಯಾಯಿತು. ಸರಳ, ಸುಂದರ ಕಾರ್ಯಕ್ರಮ ಯಶಸ್ವಿಯಾಗಿ ನೇರವೇರಿತು. ಆ ಕಾರ್ಯಕ್ರಮದ ಭಾಗವಾಗಿದ್ದಕ್ಕೆ ಅತೀವ ಸಂತೋಷವಾಗುತ್ತಿದೆ.

“ಸಮರ್ಪಣ್” ಎಂಬ ಹೆಸರಿನಲ್ಲಿ ಕಾರ್ಯಕ್ರಮ ನಡೆಸಿ ಕಾರ್ಗಿಲ್ ಯುದ್ದದಲ್ಲಿ ಮಡಿದ ಯೋಧರಿಗೆ ನಮನವನ್ನು ಸಲ್ಲಿಸಲಾಯಿತು. ಕಾರ್ಯಕ್ರಮದ ಬಹುಮುಖ್ಯ ಆಕರ್ಷಣೆಯಾಗಿದ್ದವರು ದಿವಗಂತ ಲೆಫ್ಟಿನೆಂಟ್ ಕರ್ನಲ್ ಅಜಿತ್ ಭಂಡಾರ್ಕರ್ ರವರ ಧರ್ಮ ಪತ್ನಿ ಶ್ರೀಮತಿ ಶಕುಂತಲ ಭಂಡಾರ್ಕರ್ ಅವರ ಭಾಷಣ . ಆ ಸ್ಪೂರ್ತಿದಾಯಕ ಮತ್ತು ಭಾವತ್ಮಕವಾದ ಆ ಭಾಷಣ ನಿಜಕ್ಕೂ ಸ್ಪೂರ್ತಿಯ ಚಿಲುಮೆಯೇ ಸರಿ.

ತಮ್ಮ ಪತಿಯ ಸಂಪೂರ್ಣ ಜೀವನವನ್ನು ಸಭಿಕರ ಮುಂದಿಟ್ಟ ಅವರು ಅಜಿತ್ ಭಂಡಾರ್ಕರ್ ಅವರ ಅವರ ಕಾರ್ಯಕ್ಷಮತೆ, ಕರ್ತವ್ಯ ನಿಷ್ಠೆ ಕುರಿತು ಬಹಳ ಹೆಮ್ಮೆಯಿಂದ ತಮ್ಮ ಪತಿಯ ಜೊತೆಗಿನ ಒಡನಾಟಗಳನ್ನು ನಮ್ಮೊಂದಿಗೆ ಹಂಚಿಕೊಂಡರು.

ತಮ್ಮ ಪತಿಯ ಸಾವಿನ ಸುದ್ದಿ ತಿಳಿದ ಪ್ರಸಂಗವನ್ನು ನೆನೆದು ಆಕೆ ಭಾವುಕರಾದರು. ಅಂದು ವಾರಾಂತ್ಯದ ದಿವಸ. ದೀಪಾವಳಿಯ ರಜಾದಿನಗಳ ಸಮಯ. ರಜಾದಿನಗಳಿಗೆ ಸಿದ್ದರಾಗಿದ್ದ ಶಕುಂತಲ ಅವರು ಹಣವನ್ನು ಹೊಂದಿಸಿ ಅಜಿತ್ ರೊಂದಿಗೆ ಶಾಪಿಂಗ್ ಮಾಡಬೇಕೆಂಬ ಹಂಬಲದಿಂದ ಅವರ ಬರುವಿಕೆಗೆ ಕಾಯುತ್ತಿದ್ದರಂತೆ. ಅಜಿತ್ ಅವರ ಬದಲು ಅಜಿತ್ ಅವರ ಬಹಳಷ್ಟು ಸ್ನೇಹಿತರು ಮನೆಗೆ ಬಂದರು. ಇದರಿಂದ ಸಂತೋಷಗೊಂಡ ಶಕುಂತಲ ಅವರು ಅತಿಥಿಗಳನ್ನು ಆತ್ಮೀಯವಾಗಿ ಬರಮಾಡಿಕೊ೦ಡರು. ಅಜಿತ್ ರ ವೀರ ಮರಣದ ಸಾವಿನ ಸುದ್ದಿ ತಿಳಿಸಲು ಬಂದಿದ್ದ ಅತಿಥಿಗಳಿಗೆ ಸುದ್ದಿ ತಿಳಿಸುವುದು ಬಹಳ ಕಷ್ಟಕರವಾಯಿತು. ಕೊನೆಗೆ ಸಾವಿನ ಸುದ್ದಿ ತಿಳಿದ ಆ ಆಘಾತಕಾರಿ ಕ್ಷಣವನ್ನು ಅವರು ನೆನೆಯುತ್ತಾ ಬಹಳ ಭಾವುಕರಾದರು.

ತನ್ನ ಪ್ರಿಯ ಪತಿಯನ್ನು ಕಳೆದುಕೊಂಡರೂ ಅವರ ಆತ್ಮಸ್ಥೈರ್ಯ ಕಡಿಮೆಯಾಗಿಲ್ಲ. ತನ್ನ ಪತಿಯನ್ನು ರಾಷ್ಟ್ರಕ್ಕೆ ಸಮರ್ಪಿಸಿದ ತ್ಯಾಗ ಮಾಡಿರುವ ಅವರು ಈಗ ತಮ್ಮ ಪ್ರಿಯ ಪುತ್ರನನ್ನು ಸಹ ರಾಷ್ಟ್ರ ಕಾರ್ಯಕ್ಕಾಗಿ ಅಡಿಗೊಳಿಸಿದ್ದಾರೆ. ಶಕುಂತಲ ಅವರ ಪುತ್ರ ಸೈನ್ಯದ ನೇಮಕಾತಿ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿ ಈಗ ತರಬೇತಿ ಪಡೆಯುತ್ತಿದ್ದಾರೆ. ಮುಂದೆ ತನ್ನ ತಂದೆ ಸೇವೆ ಸಲ್ಲಿಸಿದ ರೆಜಿಮೆಂಟ್ ನಲ್ಲಿ ಸಲ್ಲಿಸಲಿದ್ದಾರೆ. ಹುತಾತ್ಮ ಯೋಧನ ಪತ್ನಿಗಿಂತ ಒಬ್ಬ ವೀರ ಯೋಧನ ತಾಯಿಯಗಿರುವುದಕ್ಕೆ ಬಹಳ ಹೆಮ್ಮೆಯಾಗುತ್ತಿದೆ ಎಂದು ಶಕುಂತಲ ಅವರು ಭಾವುಕರಾಗಿ ನುಡಿದ ಕ್ಷಣಗಳನ್ನು ಜೀವಮಾನದಲ್ಲಿ ನಾನು ಮರೆಯಲು ಸಾಧ್ಯವಿಲ್ಲ.

ತನ್ನ ಪತಿಯನ್ನು ಕಳೆದುಕೊಂಡರೂ ತನ್ನ ಮಗನನ್ನು ಸೈನಕ್ಕೆ ಸೇರಲು ಪ್ರೇರೇಪಿಸುವ ತಾಯಿಯ ಮಾತುಗಳು ಸ್ಫೂರ್ತಿಯಾದವು. ಇಂತಹ ಕಥೆಗಳನ್ನು ನಾನು ಕೇಳಿದ್ದೆ, ಓದಿದ್ದೆ ಆದರೆ ಸ್ವತಃ ಪ್ರತ್ಯಕ್ಷವಾಗಿ ಕಂಡಿದ್ದು ಇದೇ ಮೊದಲು. ನಿಜಕ್ಕೂ ಆಕೆ ವೀರ ಮಾತೆ, ಸಾವಿರಾರು ಮಹಿಳೆಯರಿಗೆ ಆಕೆ ಆದರ್ಶ.

ಆ ವೀರ ತಾಯಿಯ ಮಾತುಗಳನ್ನು ಆಲಿಸಿದ ನಾನು ನಿಜಕ್ಕೂ ಧನ್ಯ. ಆ ಭಾಹುಕತೆಯ ಕ್ಷಣಗಳನ್ನು ನಾನೆಂದಿಗೂ ಮರೆಯಾಲಾರೆ.

ವೀರ ತಾಯಿಗೆ ನನ್ನ ನಮನಗಳು.

ರವಿತೇಜ ಶಾಸ್ತ್ರೀ

ಈ ಕ್ರಾಂತಿವೀರರನ್ನು ಮರೆಯಲು ಸಾಧ್ಯವೇ?

2014-07-23T07:37:00.001+05:30

ಇಂದು ಇಬ್ಬರು ಕಾಂತ್ರಿಪುರುಷರ ಜನ್ಮದಿನ. ಒಬ್ಬರು ಲೋಕಮಾನ್ಯ ಬಾಲಗಂಗಾಧರನಾಥ್ ತಿಲಕ್. ಮತ್ತೊಬ್ಬರು ಪುರುಷಸಿಂಹ ಪಂಡಿತ್ ಚಂದ್ರಶೇಖರ್ ಅಜಾದ್.

ಸ್ವರಾಜ್ಯವೇ ನನ್ನ ಜನ್ಮಸಿದ್ಧ ಹಕ್ಕು ಎಂದು ಸಾರಿ ಭಿಕ್ಷಾಟನೆಯ ವೇದಿಕೆಯಂತಿದ್ದ ಕಾಂಗ್ರೆಸ್ ಎಂಬ ಬ್ರಿಟಿಷರೆ ಸ್ಥಾಪಿಸಿದ್ದ ಸಂಸ್ಥೆಯನ್ನು ಸ್ವಾತಂತ್ರ್ಯ ಆಂದೋಲನದ ಸಂಸ್ಥೆಯಾಗಿ ಪರಿವರ್ತಿಸಿ ಬ್ರಿಟಿಷರ ತಂತ್ರಕ್ಕೆ ಪ್ರತಿತಂತ್ರ ಹೆಣೆದು ಭಾರತೀಯರಲ್ಲಿ ಸ್ವಾತಂತ್ರ್ಯದ ಕಿಚ್ಚು ಹೊತ್ತಿಸಿ ಆಂಗ್ಲರನ್ನು ಕಾಡಿದವರು ಲೋಕಮಾನ್ಯ ಬಾಲಗಂಗಾಧರನಾಥ ತಿಲಕ್.

ಬಾಲ್ಯದಲ್ಲೇ ಬ್ರಿಟಿಷರಿಗೆ ಸೆಡ್ಡುಹೊಡೆದು ಮೇ ಅಜಾದ್ ಹೂಂ ಅಜಾದೀ ರಹೇಂಗಾ ಎಂದು ಗರ್ಜಿಸಿ ಪೋಲಿಸರಿಗೆ ಸಿಗದೆ ಚಳ್ಳೆಹಣ್ಣು ತಿನ್ನಿಸುತ್ತಾ ಆಂಗ್ಲರ ಎದೆಯಲ್ಲಿ ನಡುಕಹುಟ್ಟಿಸಿ, ಸ್ನೇಹಿತನ ಕುತಂತ್ರಕ್ಕೆ ಬಲಿಯಾಗಿ ತನ್ನ ಪಿಸ್ತೂಲಿನಿಂದಲೇ ಗುಂಡುಹಾರಿಸಿಕೊಂಡು ವೀರ ಮರಣಹೊಂದಿದವರು ಅಜೇಯ ಕ್ರಾಂತಿಕಾರಿ ಚಂದ್ರಶೇಖರ್ ಅಜಾದ್.

ಅಜಾದ್ ಮತ್ತು ತಿಲಕ್ ಇಬ್ಬರೂ ಶ್ರೇಷ್ಠ ಕಾಂತ್ರಿಕಾರಿಗಳು ತಮ್ಮ ನಾಯಕತ್ವದಿಂದ ಅಸಂಖ್ಯ ಕ್ರಾಂತಿಕಾರಿಗಳನ್ನು ಹುಟ್ಟುಹಾಕಿದವರು.

ಭಾರತೀಯರನ್ನು ಹದ್ದುಬಸ್ತಿನಲ್ಲಿಡಬೇಕೆಂದು ಯತ್ನಿಸಿ ಬ್ರಿಟಿಷ್ ಸರ್ಕಾರ ಕಾಂಗ್ರೆಸ್ ಎಂಬ ಸಂಸ್ಥೆ ಸ್ಥಾಪಿಸಿ ಭಾರತೀಯರು ತಮ್ಮ ಬೇಡಿಕೆಗಳನ್ನು ಕಾಂಗ್ರೆಸ್ ಸಂಸ್ಥೆಯ ಮೂಲಕ ಸಲ್ಲಿಸಬೇಕೆಂದು ಆದೇಶಿಸಿದರು.
ಈ ಸಂಸ್ಥೆ ಮೊದಮೊದಲು ಭಿಕ್ಷಾಟನೆಯ ವೇದಿಕೆಯಂತಿತ್ತು.ಆದರೆ ಈ ವೇದಿಕೆಯನ್ನು ಸ್ವಾತಂತ್ರ್ಯ ಆಂದೋಲನದ ವೇದಿಕೆಯಾಗಿ ಪರಿವರ್ತಿಸಿದವರು ಲೋಕಮಾನ್ಯ ತಿಲಕ್.

"ಸ್ವರಾಜ್ಯವೇ ನನ್ನ ಜನ್ಮಸಿದ್ದ ಹಕ್ಕು" ಎಂದು ಘೋಷಿಸಿ ಸಾರ್ವಜನಿಕ ಗಣೇಶೋತ್ಸವ, ಶಿವಾಜಿ ಜಯಂತಿಯನ್ನು ಆಚರಿಸಿ ಭಾರತೀಯರಲ್ಲಿ ದೇಶಭಕ್ತಿಯನ್ನು ಜಾಗೃತಗೊಳಿಸಿ ಬ್ರಿಟಿಷರ ವಿರುದ್ದ ಜನಾಂದೋಲನ ಸೃಷ್ಟಿಸಿದ ಕೀರ್ತಿ ಲೋಕಮಾನ್ಯ ತಿಲಕರಿಗೆ ಸಲ್ಲುತ್ತದೆ.

ತಮ್ಮ ಪ್ರಬಲ ನಾಯಕತ್ವದಿಂದ ತಿಲಕರು ಹಲವಾರು ಮಹಾನ್ ಪುರುಷರ ಏಳಿಗೆಗೆ ಕಾರಣೀಭೂತರಾಗಿದ್ದಾರೆ. ಸ್ವಾತಂತ್ರ್ಯ ವೀರ ಸಾವರ್ಕರ್ ಇಂಗ್ಲೆಂಡ್ಗೆ ಹೋಗಲು ಶಿಫಾರಸ್ಸು ಪತ್ರವನ್ನು ಬರೆದು ಕೊಟ್ಟು ಅವರಲ್ಲಿ ಸ್ಪೂರ್ತಿ ತುಂಬಿ ಸಾವರ್ಕರ್ ಅಪ್ರತಿಮ ಕ್ರಾಂತಿಕಾರಿಯಾಗಲು ಮುನ್ನುಡಿ ಬರೆದವರು ತಿಲಕರು.
ಚಾಪೇಕರ್ ಸಹೋದರರು, ಲಾಲಲಜಪತರಾಯ್, ಗೋಪಾಲಕೃಷ್ಣ ಗೋಖಲೆ ಮುಂತಾದವರು ತಿಲಕರಿಂದ ಪ್ರೇರಿತರಾಗಿದ್ದರು.

ಬಾಲ್ಯದಲ್ಲಿ ಪೋಲಿಸರಿಂದ ಛಡಿ ಏಟು ತಿಂದು ತಾನೆಂದು ಪೋಲಿಸರಿಗೆ ಶರಣಾಗುವುದಿಲ್ಲ. ಮೇ ಅಜಾದ್ ಹೂಂ ಅಜಾದೀ ರಹೇಂಗಾ ಎಂದು ಶಪಥ ಮಾಡಿ ಯುವಜನರಲ್ಲಿ ಸ್ವಾತಂತ್ರ್ಯದ ಜ್ವಾಲೆಯನ್ಮು ಹಬ್ಬಿಸಿದವರು ಅಜಾದ್.

ತನ್ನ ಗುರು ರಾಮಪ್ರಸಾದ್ ಬಿಸ್ಮಿಲ್ ರ ಜೊತೆಗೂಡಿ ಕಾಕೋರಿ ದರೋಡೆಯನ್ನು ಯಶ್ವಸಿಯಾಗಿ ಮುಗಿಸಿ ಕ್ರಾಂತಿಕಾರಿ ಚಟುವಟಿಕೆಗಳಿಗೆ ಹಣ ದೊರಕಿಸಿಕೊಟ್ಟರು.
ಹಿಂದೂಸ್ತಾನ್ ಸೋಷಿಯಲಿಸ್ಟ್ ರಿಪಬ್ಲಿಕನ್ ಅರ್ಮಿಯ ಮುಂದಾಳತ್ವ ವಹಿಸಿ ದೇಶದಲ್ಲಿ ಕ್ರಾಂತಿಯ ಕಹಳೆ ಊದಿದ ಅಜಾದ್, ಭಗತ್ ಸಿಂಗ್, ರಾಜಗುರು, ಸುಖದೇವ್, ಬುಟುಕೇಶ್ವರ ದತ್ತ, ಅಶ್ಪಾಕ್ ಉಲ್ಲಾ ಖಾನ್ ಮುಂತಾದ ಶ್ರೇಷ್ಠ ಕ್ರಾಂತಿಕಾರಿಗಳ ಬೆಳವಣಿಗೆಯ ರೂವಾರಿ ಅಜಾದ್ ಎಂದರೆ ತಪ್ಪಿಲ್ಲ.

ಕಾಕೋರಿ ದರೋಡೆ, ಸ್ಯಾಂಡರ್ಸ್ ಹತ್ಯೆ, ಅಸೆಂಬ್ಲಿಯಲ್ಲಿ ಬಾಂಬ್ ಸ್ಪೋಟ ಮುಂತಾದ ಕ್ರಾಂತಿ ಚಟುವಟಿಕೆಗಳಿಗೆ ಯೋಜನೆಯನ್ನು ರೂಪಿಸಿದ್ದು ಅಜಾದ್ ರ ಬುದ್ದಿವಂತಿಕೆ, ಧೈರ್ಯ, ಚಾಕಚಕ್ಯತೆಗಳಿಗೆ ಸಾಕ್ಷಿ.

ಪೋಲಿಸರ ಕೈಗೆ ಸಿಗದೆ ಅವರಿಗೆ ಚಳ್ಳೆಹಣ್ಣು ತಿನ್ನಿಸುತ್ತಾ ಅವರಿಗೆ ಮಣ್ಣು ಮರಚಿದ ಏಕೈಕ ಕ್ರಾಂತಿಕಾರಿ ಎಂದರೆ ಅವರು ಅಜಾದ್. ಬಾಲ್ಯದ ಪ್ರತಿಜ್ಞೆಯಂತೆ ಕೊನೆಗೂ ಪೋಲಿಸರ ಕೈಗೆ ಸಿಗದೇ ತನ್ನ ಪಿಸ್ತೂಲಿನಿಂದಲೇ ಗುಂಡುಹಾರಿಸಿಕೊಂಡು ವೀರಮರಣಹೊಂದಿದ ಅಜಾದ್ ಪುರುಷ ಸಿಂಹ.

ಅಜೇಯ ಕ್ರಾಂತಿಕಾರಿ ಅಜಾದ್ ಮತ್ತು ಲೋಕಮಾನ್ಯ ತಿಲಕ್ ಇಬ್ಬರು ಒಂದೇ ದಿನ ಜನಿಸಿದ್ದು ಕಾಕತಾಳೀಯವೋ ಅಥವಾ ಭಾರತೀಯರ ಭಾಗ್ಯವೋ ಗೊತ್ತಿಲ್ಲ. ಈ ಇಬ್ಬರ ಹೋರಾಟ ಮತ್ತು ತ್ಯಾಗ ಬಲಿದಾನಗಳು ನಮಗೆ ಆದರ್ಶ.

ಈ ವೀರಪುತ್ರರನ್ನು ಇಂದು ನೆನೆಯೋಣ.

ವಂದೇಮಾತರಂ

ಅವರು ನೆತ್ತರು ಹರಿಸಿದ್ದರಿಂದಲೇ ನಾವಿಂದು ಸುಖವಾಗಿರೋದು!!

2014-07-20T09:01:00.002+05:30

ಇಂದು ಜಗತ್ತು ಬರಿ ಸ್ವಾರ್ಥಮಯವಾಗಿಬಿಟ್ಟಿದೆ. ತಾನೂ ನನ್ನ ಕುಟುಂಬ ಚೆನ್ನಾಗಿದ್ದರೆ ಸಾಕು ಬೇರೆಯವರ ಉಸಾಬರಿ ನಮಗ್ಯಾಕೆ? ಎನ್ನುವ ಭಾವನೆ ಜನರಲ್ಲಿ ತುಂಬಿಹೋಗಿದೆ. ನಾನು ಮತ್ತು ನನ್ನ ಕುಟುಂಬ ಕ್ಷೇಮವಾಗಿದೆ ನಾನ್ಯಾಕೆ ಬೇರೆ ವಿಷಯಗಳ ಬಗ್ಗೆ ತಲೆಕೆಡಿಸಿಕೊಳ್ಳಬೇಕು? ಅದರಿಂದ ನನಗೇನು ಲಾಭ? ಹೀಗೆ ಲಾಭ- ನಷ್ಟಗಳ ಲೆಕ್ಕಾಚಾರ ಮಾಡುತ್ತದೆ ಮನುಷ್ಯನ ಮನಸ್ಸು. ನಮ್ಮ ಈ ಸುಖ ಸಂತೋಷಗಳ ಹಿಂದೆ ಕಾಣದ ಕೈಗಳು ಅವಿರತವಾಗಿ ದುಡಿಯುತ್ತಿವೆ ಅವರಿಗೆ ನಾವು ಋಣಿಯಾಗಿರಬೇಕು ಎಂಬ ಕೃತಜ್ಞತಾ ಮನೋಭಾವ ಬಿಡಿ, ಆ ಕುರಿತು ಯೋಚನೆಯನ್ನು ಸಹ ನಾವು ಮಾಡುವುದಿಲ್ಲ.

ಬರಿ ನಮ್ಮ ಜೀವನದ ಬಗ್ಗೆ ಕಾಳಜಿ ವಹಿಸುವ ನಾವು, ಕಾಶ್ಮೀರದ ತುದಿಯಲ್ಲಿ ತಮ್ಮ ಪ್ರಾಣವನ್ನು ಒತ್ತೆಯಿಟ್ಟು ನಮ್ಮನ್ನು ಶತ್ರುಗಳಿಂದ ಕಾಪಾಡುವ ಯೋಧನ ಜೀವನದ ಬಗ್ಗೆ ಯೋಚಿಸುತ್ತೆವೆಯೇ ? ತನ್ನ ಸ್ವಾರ್ಥಗಳನ್ನು ಮರೆತು ದೇಶ ಕಾರ್ಯದಲ್ಲಿ ಮಗ್ನನಾಗಿ; ಚಳಿ,ಗಾಳಿ, ಮಳೆಗಳನ್ನು ಲೆಕ್ಕಿಸದೆ ಆ ವೀರ ಯೋಧ ನಮ್ಮ ರಕ್ಷಣೆ ಮಾಡುತ್ತಿರುತ್ತಾನೆ. ನಮ್ಮ ಕಷ್ಟ ಕಾರ್ಪಣ್ಯಗಳ ಬಗ್ಗೆಯೇ ಎಂದಿಗೂ ಚಿಂತಿಸುವ ನಾವು, ನಮ್ಮ ರಕ್ಷಕರಾದ ಯೋಧರ ದುಃಖ ದುಮ್ಮಾನಗಳ ಬಗ್ಗೆ ಚಿಂತಿಸುವುದೇ ಇಲ್ಲ.

ಭಾರತದ ತುದಿಯಲ್ಲಿ ಸಿಯಾಚಿನ್ ಎಂಬ ಪ್ರದೇಶವಿದೆ. ಅಲ್ಲಿನ ಉಷ್ಣಾಂಶ -50 ಡಿಗ್ರಿ ಸೆಲ್ಸಿಯಸ್. ಅಂದರೆ ಕಲ್ಪನೆ ಮಾಡಲಾಗದಷ್ಟು ಭಯಂಕರ ಚಳಿ ಇರುತ್ತದೆ. ಎಷ್ಟೆಂದರೆ ಮೂತ್ರ ಮಾಡಲು ಮುಂದಾದರೆ ಮೂತ್ರ ನೆಲವನ್ನು ತಾಕುವ ಮೊದಲೇ ಮಂಜುಗಡ್ಡೆಯಾಗುವಷ್ಟು! ಇಂತಹ ಪ್ರದೇಶಗಳಲ್ಲಿಯೂ ಹೊಂದಿಕೊಂಡು ನಮ್ಮ ಯೋಧರು ದೇಶದ ಗಡಿ ರಕ್ಷಣೆ ಮಾಡುತ್ತಾರೆ. ಯೋಧರಿಗೆ ಸರ್ಕಾರದಿಂದ ಸಾಕಷ್ಟು ಸೌಲಭ್ಯ, ಉತ್ತಮ ವೇತನವಿದೆ ಹಾಗಾಗಿ ಅವರು ಸಂಬಳಕ್ಕಾಗಿ ದುಡಿಯುತ್ತಾರೆ, ದೇಶಕ್ಕಾಗಿ ಅಲ್ಲ ಎಂದು ಕೆಲವರು ಉಡಾಫೆಯ ಉತ್ತರವನ್ನು ನೀಡುತ್ತಾರೆ. ಸಂಬಳಕ್ಕಾಗಿ , ಹಣಕ್ಕಾಗಿ ಸೇನೆಗೆ ಸೇರಬೇಕೆಂದೇನೂ ಇಲ್ಲ, ಇಂದಿನ ಯುಗದಲ್ಲಿ ಹಣ ಗಳಿಸಲು ಸಾವಿರಾರು ಮಾರ್ಗಗಳಿವೆ. ಹಣಕ್ಕೆ ಹಾತೊರೆಯುವವರು ಅವರಾಗಿದಿದ್ದರೆ ತಮ್ಮ ಕರ್ತವ್ಯವನ್ನು ಮರೆತು ಮನೆಸೇರಿ ಬಿಡುತ್ತಿದ್ದರು. ಅವರು ತಮ್ಮ ಕರ್ತವ್ಯವನ್ನು ಮರೆತು ನಮ್ಮ ನ್ನು ಕಾಯದೇ ಇದ್ದರೆ ನಮ್ಮ ಪರಿಸ್ಥಿತಿ ಒಮ್ಮೆ ಊಹಿಸಿಕೊಳ್ಳಿ. ನಿಜಕ್ಕೂ ಆ ವೀರ ಯೋಧರಿಂದಲೇ ನಾವು ಸುಖವಾಗಿರೋದು. ನಮ್ಮನ್ನು ಸುಖವಾಗಿರಿಸಲು ಅಸಂಖ್ಯ ಯೋಧರು ತಮ್ಮ ಪ್ರಾಣ ತ್ಯಾಗ ಮಾಡಿದ್ದಾರೆ. ಅವರ ತ್ಯಾಗ, ಬಲಿದಾನಗಳನ್ನು ನಾವು ಗೌರವಿಸದಿದ್ದರೆ ಹೇಗೆ?

ಭಾರತ ಎದುರಿಸಿದ ಯುದ್ದಗಳಲ್ಲಿ ಭಾರತ ಮತ್ತು ಪಾಕಿಸ್ತಾನ ಕಾದಾಡಿದ ಕಾರ್ಗಿಲ್ ಯುದ್ದವೇ ದೊಡ್ಡ ಯುದ್ದವೆನ್ನಬಹುದು. ನಮ್ಮ ಸೈನಿಕರ ಕೆಚ್ಚೆದೆಯ ಹೋರಾಟ, ಸಾಹಸಗಳಿಂದ ಭಾರತ ಈ ಯುದ್ದದಲ್ಲಿ ಜಯಭೇರಿ ಬಾರಿಸಿತು. ನಿಯಮಗಳನ್ನು ಗಾಳಿಗೆ ತೂರಿ 1999ರಲ್ಲಿ ಪಾಪಿ ಪಾಕಿಸ್ತಾನ ನಮ್ಮ ಗಡಿ ನಿಯಂತ್ರಣ ರೇಖೆಯನ್ನು ದಾಟಿ ಭಾರತೀಯ ನೆಲೆಗಳಿಗೆ ತನ್ನ ಸೈನ್ಯ ಮತ್ತು ಕಾಶ್ಮೀರಿ ಉಗ್ರರನ್ನು ನುಸಳಿಸಿತು. ಇದೇ ಯುದ್ದದ ಕಾರಣ. ಕ್ಕಾಶ್ಮೀರಿ ಉಗ್ರಗಾಮಿಗಳು ಮತ್ತು ಪಾಕ್ ಸೈನಿಕರು ನಮ್ಮ ಹಲವು ಭಾರತೀಯ ನೆಲೆಗಳನ್ನು ಆಕ್ರಮಿಸಿಕೊಂಡರು. ಈ ನೆಲೆಗಳನ್ನು ಮರುವಶ ಪಡೆದು ಕೊಳ್ಳಲು ಕಾರ್ಗಿಲ್ ಜಿಲ್ಲೆ ಮತ್ತು ಗಡಿ ಪ್ರದೇಶಗಳಲ್ಲಿ 1999ರ ಮೇ ಮತ್ತು ಜುಲೈ ನಡುವೆ ನಡೆದ ರೋಚಕ ಯುದ್ದವೇ ಕಾರ್ಗಿಲ್ ಯುದ್ದ.

ಪಾಕಿಸ್ತಾನ ಆಕ್ರಮಿಸಿಕೊಂಡಿದ್ದ ನೆಲೆಗಳನ್ನು ಮರು ವಶಪಡೆದುಕೊಳ್ಳಲು ಭಾರತೀಯ ಭೂ ಸೇನೆ ಮತ್ತು ವಾಯುಪಡೆಗಳು ಕಾರ್ಯಚರಣೆ ನಡೆಸಿತು. ಕಾರ್ಯಾಚರಣೆಯಿಂದ ಭಾರತ ಬಹುಪಾಲು ತನ್ನ ನೆಲೆಗಳನ್ನು ಮರು ವಶಪಡಿಸಿಕೊಂಡಿತು. ಸುಮಾರು 527ಕ್ಕೂ ಹೆಚ್ಚು ಯೋಧರು ಕಾಳಗದಲ್ಲಿ ತಮ್ಮ ಪ್ರಾಣವನ್ನು ಅರ್ಪಿಸಿದರು. 1363 ಕ್ಕೂ ಹೆಚ್ಚು ಭಾರತೀಯ ಯೋಧರು ಗಾಯಗೊಂಡರು. ಕ್ಯಾಪ್ಟನ್ ವಿಕ್ರಂ ಭಾತ್ರ, ಗೋರ್ಖಾ ರೈಫಲ್ಸ್ ನ ಲೆಫ್ಟಿನೆಂಟ್ ಮನೋಜ್ ಕುಮಾರ್ ಪಾಂಡೆ, ಕ್ಯಾಪ್ಟನ್ ಅನೂಜ್ ನಯ್ಯರ್, ಸರವಣನ್, ರಾಜೇಶ್ ಅಧಿಕಾರಿ ಮುಂತಾದ ಸೇನಾಧಿಕಾರಿಗಳು ಬಲಿದಾನ ಮಾಡಿದರು.

ಕಾರ್ಗಿಲ್ ಯುದ್ದವೆಂದರೆ ‘ಶೇರ್ ಷಾ’ ವಿಕ್ರಂ ಭಾತ್ರನನ್ನು ನೆನೆಯಲೇ ಬೇಕು. ಪಾಕಿಸ್ತಾನ ಆಕ್ರಮಿಸಿದ್ದ ನೆಲೆಯನ್ನು ಮರುವಶಪಡಿಸಿಕೊಳ್ಳಲು ತನ್ನ 5 ಜನ ತಂಡದೊಂದಿಗೆ ಹೊರಟ ‘ಶೇರ್ ಷಾ’ ಒಬ್ಬನೇ ಏಕಾಂಗಿಯಾಗಿ ದಾಳಿ ನಡೆಸಿ ಐದು ಪಾಕ್ ಸೈನಿಕರನ್ನು ಕೊಂದರು. ಇದರಿಂದ ಸ್ಪೂರ್ತಿಗೊಂಡ ವಿಕ್ರಂ ಭಾತ್ರ ತಂಡ ದಾಳಿ ನಡೆಸಿ, ಪಾಯಿಂಟ್ 5140 ವಶಪಡಿಸಿಕೊಂಡರು. ಯಶಸ್ವಿ ಕಾರ್ಯಾಚರಣೆಯ ಧೀರ ವಿಕ್ರಮ್ ಭಾತ್ರ “ ಹೇ ದಿಲ್ ಮಾಂಗೇ ಮೋರ್” ಎಂಬ ಘೋಷಣೆ ಕೂಗಿದರು. ಅಷ್ಟೊಂದು ಪ್ರಖರತೆಯಿಂದ ಕೂಡಿತ್ತು ಆತನ ದೇಶಭಕ್ತಿ. ಭಾರತ ತನ್ನ ನೆಲೆಯನ್ನು ವಶಕ್ಕೆ ಪಡೆದುಕೊಂಡಿತು ಆದರೆ “ ಶೇರ್ ಷಾ” ಹುತಾತ್ಮರಾದರು. ಕಾರ್ಯಾಚರಣೆಯಲ್ಲಿ ತೀವ್ರವಾಗಿ ಗಾಯಗೊಂಡ ವಿಕ್ರಂ ಭಾತ್ರ ಮರಣಹೊಂದಿದರು.

ಜುಲೈ ತಿಂಗಳು ಬಂದಾಗ ಕಾರ್ಗಿಲ್ ಯುದ್ದ ಮತ್ತು ಕ್ಯಾಪ್ಟನ್ ಭಾತ್ರ ನಮಗೆ ನೆನಪಾಗಬೇಕು. ಜುಲೈ 26 1999 ರಂದು ಭಾರತ ಮತ್ತು ಪಾಕಿಸ್ತಾನದ ಕಾರ್ಗಿಲ್ ಯುದ್ದ ಅಂತ್ಯವಾಯಿತು. ಪಾಕಿಸ್ತಾನ ಆಕ್ರಮಿಸಿದ್ದ ಎಲ್ಲ ಭಾರತೀಯ ನೆಲೆಗಳನ್ನು ಭಾರತ ಮರುವಶಕ್ಕೆ ತೆಗೆದುಕೊಂಡಿತು. ಜುಲೈ 26 ರನ್ನು ಕಾರ್ಗಿಲ್ ವಿಜಯ ದಿವಸ್ ಎಂದು ಆಚರಿಸಲಾಗುತ್ತದೆ. ಯುದ್ದದಲ್ಲಿ ಮಡಿದ ಅಸಂಖ್ಯ ಯೋಧರನ್ನು ಸ್ಮರಣೆ ಮಾಡಲಾಗುತ್ತದೆ.

ಆ ಯೋಧರ ಬಲಿದಾನಗಳಿಂದಲೇ ನಾವು ಇಂದು ಸುಖವಾಗಿದ್ದೇವೆ. ಅವರು ಅಲ್ಲಿ ನೆತ್ತರು ಹರಿಸಿ ನಮ್ಮನ್ನು ರಕ್ಷಣೆ ಮಾಡಿದ ಪರಿಣಾಮ ನಾವಿಲ್ಲಿ ಸುರಕ್ಷಿತರಾಗಿದ್ದೇವೆ. ಅವರನ್ನು ನೆನೆಯುವುದು ಎಲ್ಲ ಭಾರತೀಯ ಪ್ರಜೆಗಳ ಕರ್ತವ್ಯ. 2014 ಕ್ಕೆ ಕಾರ್ಗಿಲ್ ಯುದ್ದ ಮುಗಿದು 15 ವರ್ಷಗಳಾಗುತ್ತದೆ. ಆ ವೀರ ಸೇನಾನಿಗಳನ್ನು ನೆನೆಯೋಣ, ಅವರ ತ್ಯಾಗ ಬಲಿದಾನಗಳಿಗೆ ನಾವು ಋಣಿಯಾಗಿರೋಣ.

ವೀರ್ ಜವಾನ್ ಅಮರ್ ರಹೇ

ಜೈ ಹಿಂದ್

ರವಿತೇಜ ಶಾಸ್ತ್ರೀ

ಉತ್ತಿಷ್ಠ ಭಾರತ

ನಿಜವಾಗಿ ಗಾಂಧಿಯನ್ನು ಕೊಂದದ್ದು ಗೋಡ್ಸೆಯಲ್ಲ!

2014-06-17T23:34:00.003+05:30

ನಾವು ಶಾಲೆಯಲ್ಲಿ ಓದುವಾಗ ‘ಮಹಾತ್ಮಾ ಗಾಂಧಿಯನ್ನು ನಾಥುರಾಮ ಗೋಡ್ಸೆ ಎಂಬುವವನು ಗುಂಡಿಕ್ಕಿ ಕೊಂದ’ ಎಂದು ಓದಿದಾಗ ಗೋಡ್ಸೆ ಗೆ ಹಿಡಿಶಾಪ ಹಾಕಿದ್ದೇವೆ. ನಂತರ ನಾಥುರಾಮ ಬರೆದ “ಗಾಂಧಿಯನ್ನು ನಾನೇಕೆ ಕೊಂದೆ” ಪುಸ್ತಕ ಓದಿ ನಾಥುರಾಮ ಮಹಾನ್ ದೇಶಭಕ್ತ ಎಂದು ಕೆಲವರು ಆತನನ್ನು ಹೊಗಳಿದ್ದೇವೆ, ಇನ್ನು ಕೆಲವರು ಹತ್ಯೆಯೇ ಎಲ್ಲ ಸಮಸ್ಯೆ ಪರಿಹಾರವಲ್ಲ ಗೋಡ್ಸೆ ದೇಶಭಕ್ತನಾಗಿದ್ದರೂ ಆತನು ಮಾಡಿದ್ದು ತಪ್ಪು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದೇವೆ. ಆದರೆ ಅಸಲಿ ವಿಷಯವೆಂದರೆ ಗಾಂಧಿಯನ್ನು ನಿಜವಾಗಿ ಕೊಂದದ್ದು ಗೋಡ್ಸೆಯಲ್ಲ! ಹೌದು ಇದು ನಿಜ ಗಾಂಧಿಯನ್ನು ಕೊಂದದ್ದು ಗೋಡ್ಸೆಯಲ್ಲ.ನಾವು ಭಾರತೀಯರು ಸತ್ಯವನ್ನು ಬೇಗ ಒಪ್ಪುವುದಿಲ್ಲ, ಸುಳ್ಳನ್ನೇ ಸತ್ಯವೆಂದು ನಂಬಿಬಿಡುತ್ತೇವೆ. ಹಾಗಾದರೆ ಮತ್ಯಾರು ? ಗೋಡ್ಸೆಯೇ ತಾನೇ ಗಾಂಧಿಯನ್ನು ಕೊಂದೆ ಎಂದು ಒಪ್ಪಿಕೊಂಡಿದ್ದಾನಲ್ಲ? ಕೋರ್ಟ್ ಗಾಂಧಿಯನ್ನು ಗೋಡ್ಸೆಯೇ ಕೊಂದಿದ್ದು ಎಂದು ತೀರ್ಪು ನೀಡಿದೆಯಲ್ಲ? ಹೀಗೆ ಮುಂತಾದ ಗೊಂದಲಗಳು ನಿಮಗೆ ಹುಟ್ಟಿದ್ದರೆ ಈ ಲೇಖನವನ್ನು ಪೂರ್ತಿ ಓದಿ.

ಬಿ.ಜಿ ಕೇಸ್ಕರ್ ಎಂಬ ಒಬ್ಬ ಹಿರಿಯ ವಕೀಲರು ಗಾಂಧಿ ಹತ್ಯೆಯ ಪ್ರಕರಣವನ್ನು ಆಳವಾಗಿ ಅಧ್ಯಯನ ಮಾಡಿ ನಮಗೆ ತಿಳಿಯದ ಹಲವು ವಿಚಾರಗಳನ್ನು” Who Killed Gandhiji? Not Godse Who Then?” ಎಂಬ ಲೇಖನದಲ್ಲಿ ತಿಳಿಸಿದ್ದಾರೆ. ಈ ಲೇಖನದ ಬಹಳಷ್ಟು ಸಂಗತಿಗಳು ಗಾಂಧಿಯನ್ನು ಕೊಂದದ್ದು ಗೋಡ್ಸೆಯಲ್ಲ ಎಂಬ ಸತ್ಯವನ್ನು ನಂಬುವಂತೆ ಮಾಡುತ್ತವೆ. ಲೇಖನದ ಕುತೂಹಲಕಾರಿ ಮತ್ತು ನಾವು ಅರಿಯದ ಅಂಶಗಳು ಹೀಗಿವೆ.

1. ಯಾವುದೇ ಒಂದು ಪ್ರಕರಣದಲ್ಲಿ ವಿಚಾರಣೆ ಆರಂಭವಾಗುವ ಮುನ್ನ ಪ್ರಕರಣದ ಎಲ್ಲ ಸಾಕ್ಷಿದಾರರ ಹೇಳಿಕೆಗಳನ್ನು ಕೋರ್ಟ್ ಗೆ ಹಾಜರುಪಡಿಸಿ ಆರೋಪಿಗಳಿಗೆ ಅದನ್ನು ಕೊಟ್ಟು ‘ಪಾಟೀ ಸವಾಲು (Cross Examination) ಅವರೇನು ಹೇಳುತ್ತಾರೋ ಅದನ್ನು ದಾಖಲಿಸುಕೊಳ್ಳುವುದು ವಾಡಿಕೆ. ಆದರೆ ಗಾಂಧಿ ಹತ್ಯಾ ಪ್ರಕರಣದಲ್ಲಿ ಇಬ್ಬರು ಪ್ರತ್ಯಕ್ಷ, ಅತೀ ಮುಖ್ಯ ಸಾಕ್ಷಿಗಳ ಹೇಳಿಕೆಗಳನ್ನು ಪೊಲೀಸರು ಕೋರ್ಟ್ ಗೆ ಕೊಡಲಿಲ್ಲ. ಮುಚ್ಚಿಟ್ಟರು. ಅವರು ಯಾರು ಅವರೇ ಗಾಂಧಿಯ ಸಹಾಯಕಿಯರು. ಗಾಂಧಿಜೀ ಪ್ರಾರ್ಥನಾ ಸಭೆಗೆ ಬರುವಾಗ ಯಾರ ಭುಜಗಳ ಮೇಲೆ ಎರಡು ಕೈ ಗಳನ್ನಿಟ್ಟು ಬರುತ್ತಿದ್ದರೋ ಆ ಹುಡುಗಿಯರು. ಆ ಹುಡುಗಿಯರ ಹೇಳಿಕೆ ಏನು ಗೊತ್ತೇ? ‘ಗೋಡ್ಸೆ ಗಾಂಧಿಗೆ ಎರಡು ಕೈಗಳನ್ನು ಎತ್ತಿ ನಮಸ್ಕರಿಸುತ್ತಿದ್ದ ಅಷ್ಟರಲ್ಲಿ ಮತ್ತೊಬ್ಬ ಖಾದಿಧಾರಿ, ಕುರ್ತಾ ಪೈಜಾಮ ಧರಿಸಿದ್ದವನು ಗೋಡ್ಸೆಯ ಹಿಂದಿನಿಂದ ಬಂದು, ನಾಥುರಾಮನ ಬಲ ತೋಳ ಕೆಳಗಿನಿಂದ ಗುಂಡು ಹಾರಿಸಿದ’ ಎಂದು ಹೇಳಿಕೆ ನೀಡಿದ್ದರು. ಆದರೆ ಈ ಸಾಕ್ಷಿಗಳ ಹೇಳಿಕೆಗಳನ್ನು ಕೋರ್ಟ್ ಗೆ ಕೊಡಲಿಲ್ಲ. ಹತ್ಯೆ ನಡೆದ ಸ್ಥಳದಲ್ಲೇ ಇದ್ದ ಈ ಹುಡುಗಿಯರ ಹೇಳಿಕೆಗಳನ್ನು ಪರಿಗಣಿಸದೆ ಗೋಡ್ಸೆಯೇ ಕೊಲೆಗಾರ ಎಂದು ತೀರ್ಪು ನೀಡಿರುವುದು ಸರಿಯಲ್ಲ ಅಲ್ಲವೇ?

2. ಗೋಡ್ಸೆ ನಮಸ್ತೆ ಮಾಡಿದ ಮೇಲೆ ಪಿಸ್ತೂಲನ್ನು ತೆಗೆದು ಗುರಿ ಇಡುವ ಮೊದಲೇ, ಹತ್ತಿರವಿದ್ದ ಅಧಿಕಾರಿ ಅವನನ್ನು ಬಲವಾಗಿ ಹಿಡಿದುಕೊಂಡ, ಮತ್ತೊಬ್ಬ ಅವನ ಹಿಂಬದಿಯ ತಲೆಗೆ ಬಲವಾಗಿ ಹೊಡೆದ. ಗೋಡ್ಸೆಗೆ ಗಾಯವಾಗಿತ್ತು. ಈ ಕುರಿತು ಪೋಲೀಸರ ವರದಿಯಲ್ಲೇ ಇದೆ. ಪೊಲೀಸರು ವಶಪಡಿಸಿಕೊಂಡ ಪಿಸ್ತೂಲಿನಲ್ಲಿ ಪೂರ್ತಿ ಬುಲೆಟ್ ಗಳಿದ್ದವು ಆದರೆ ಒಂದೂ ಸಿಡಿಯಲಿಲ್ಲ. ಗೋಡ್ಸೆಯ ಪಿಸ್ತೂಲು ಚಾಲಿಸಲಿಲ್ಲ!

3. ಗಾಂಧಿ ಹತ್ಯಾ ಪ್ರಕರಣದಲ್ಲಿ ನ್ಯಾಯಮೂರ್ತಿಯಾಗಿದ್ದವರು ಯಾರು ಗೊತ್ತಾ? ಜಿ.ಡಿ ಖೊಸ್ಲಾ! ನೇತಾಜಿ ಮರಣ ಕುರಿತ ಆಯೋಗದಲ್ಲಿ ನ್ಯಾಯಮೂರ್ತಿಯಾಗಿದ್ದವರು. ನಮ್ಮ ಚಾಚ(?) ನೆಹರೂಗೆ ಹತ್ತಿರವಾಗಿದ್ದವರು. ಈ ಸಾಹೇಬರು ಹತ್ಯೆಯ ಪ್ರತ್ಯಕ್ಷ ಸಾಕ್ಷಿಗಳನ್ನು ಹಾಜರುಪಡಿಸಿ ಎಂದು ಆದೇಶಿಸಲಿಲ್ಲ. ನಿಷ್ಪಕ್ಷಪಾತ ವಿಚಾರಣೆ ಈ ಪ್ರಕರಣದಲ್ಲಿ ನಡೆಯಲಿಲ್ಲ.

4. ಗಾಂಧಿ ಹತ್ಯೆಯಾಗುವ 10 ದಿನಗಳ ಮುನ್ನ ಅಂದರೆ ಜನವರಿ 20 1948 ರಂದು ಬಿರ್ಲಾ ಭವನ(ಗಾಂಧಿ ಹತ್ಯೆಯಾದ ಸ್ಥಳ) ದಲ್ಲಿ ಬಾಂಬ್ ಸ್ಪೋಟವಾಗಿತ್ತು . ಈ ಘಟನೆಯಾದ ನಂತರ ಬಿರ್ಲಾ ಭವನದಲ್ಲಿ ಗಾಂಧಿಯವರ ರಕ್ಷಣೆಗೆಂದು ರಕ್ಷಣಾ ಪಡೆಯ ತುಕಡಿಯೊಂದನ್ನು ನೇಮಿಸಲಾಗಿತ್ತು. ಇದಾಗ್ಯೂ ಗಾಂಧಿಯ ಕೊಲೆ ಹೇಗಾಯಿತು? ಇದರಲ್ಲಿ ಸರ್ಕಾರದ ಹುನ್ನಾರವಿತ್ತೆ? ಬಾಂಬ್ ಸ್ಪೋಟದಲ್ಲಿ ಆರೋಪಿಯಾಗಿ ಬಂಧಿತನಾದ ಮದನ್ ಲಾಲ್ ಪಹವಾ ಎಂಬುವವನ್ನು ಹತ್ತು ದಿನವಾದರೂ ವಿಚಾರಣೆ ಮಾಡಿರಲಿಲ್ಲ.

5. ಇನ್ನೊಂದು ಬಹಳ ಆಶ್ಚರ್ಯಕರ ವಿಚಾರವೆ೦ದರೆ ಗಾಂಧಿ ಹತ್ಯೆಯಾದ ನಂತರ ಶವವನ್ನು ಮರಣೋತ್ತರ ಪರೀಕ್ಷೆಗೆ ಒಳಪಡಿಸಲಿಲ್ಲ. ಮರಣೋತ್ತರ ಪರೀಕ್ಷೆ ಮುಖ್ಯವೆಂದು ಪೊಲೀಸರಿಗೆ ತಿಳಿಯಲಿಲ್ಲವೇ? ಆಗಿನ ಕಾಲದಲ್ಲಿ ಗಾಂಧಿ ಬಹಳಷ್ಟು ಪ್ರಸಿದ್ದರಾಗಿದ್ದರು. Gandhi was the most Popular Man after the god during those days. ಗಾಂಧಿ ಹೇಗೆ ಸತ್ತರು ಎಂಬುದು ಮರಣೋತ್ತರ ಪರೀಕ್ಷೆಯಿಂದ ತಿಳಿಯುತ್ತಿತ್ತು. ಏಕೆ ಮಾಡಲಿಲ್ಲ ಎಂಬುದೇ ಪ್ರಶ್ನೆ?

6. ನಾಥುರಾಮ ಗೋಡ್ಸೆ ಉಪಯೋಗಿಸಿದ ಪಿಸ್ತೂಲ್ ‘ಇಟಾಲಿಯನ್ ಪಿಸ್ತೂಲ್’. ಗಾಂಧಿಯ ಹತ್ಯೆಯ ಸಂದರ್ಭದಲ್ಲಿ ಇದ್ದ ಪೋಲಿಸ್ ಅಧಿಕಾರಿ ‘ ನಾನು ಗುಂಡಿನ ಶಬ್ದ ಕೇಳಿದೆ, ಆ ಶಬ್ದ ಬಂದತ್ತ ತಿರುಗಿ ನೋಡಿದೆ. ಗೋಡ್ಸೆಯ ಪಿಸ್ತೂಲ್ ಹೊಗೆಯಾಡುತ್ತಿತ್ತು.’ ಎಂದು ಹೇಳಿಕೆ ನೀಡಿದ್ದಾನೆ. ಆದರೆ ಅಸಲಿ ವಿಚಾರ ಗೊತ್ತೇ? ಇಟಾಲಿಯನ್ ಪಿಸ್ತೂಲ್ ಶಬ್ದವನ್ನೂ ಮಾಡುವುದಿಲ್ಲ ಮತ್ತು ಹೊಗೆಯನ್ನು ಬಿಡುವುದಿಲ್ಲ!

7. ಅಪರಾಧ ಸ್ಥಳ, ಸಂಭವಗಳನ್ನು ಗುರುತು ಹಚ್ಚಿ ದಾಖಲೆ ಬರೆಯುವ ಪದ್ದತಿಗೆ “ ಪಂಚನಾಮೆ ಅಥವಾ ಮಹಜರು”( Inquest) ಎಂದು ಕರೆಯುತ್ತಾರೆ. ಪಂಚನಾಮೆಯ ಪ್ರಕಾರ ಮೂರು ಗುಂಡುಗಳು ಗಾಂಧಿಯ ಶರೀರದ ಎಡಭಾಗದ ಕೆಳಗಿನಿಂದ ಹಾದುಹೋಗಿ, ಪಕ್ಕೆಲಬುಗಳನ್ನು ಒಡೆದುಕೊಂಡು ಶರೀರದ ಆಚೆಗೆ ಬಲಗಡೆಯ ಮೇಲುಭಾಗದಿಂದ ತೂರಿ ಹೋಗಿದ್ದವು. ಆದರೆ ಅಪರಾಧಶೋಧ ಶಾಸ್ತ್ರ ತಜ್ಞ( Ballistic expert) ಗಾಂಧಿ ಶರೀರದೊಳಗೆ 4 ಗುಂಡುಗಳು ಹೊಕ್ಕಿದವು ಎಂದಿದ್ದಾನೆ. ಇಲ್ಲಿ ಗೊಂದಲವೇಕೆ? ಮೂರು ಗುಂಡುಗಳೋ ನಾಲ್ಕು ಗುಂಡುಗಳೋ? ಗಾಂಧಿಯ ಅಂತ್ಯ ಸಂಸ್ಕಾರ ಮಾಡಲು ಶರೀರವನ್ನು ತೊಳೆಯುವಾಗ ಅವರ ಪಂಚೆಯಲ್ಲಿ ಖಾಲಿ ಗುಂಡೊಂದು ಹೊರಬಿದ್ದಿತ್ತು ಆದರೆ ಇದನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಿಲ್ಲ. ಇದು ಇಟಾಲಿಯನ್ ಪಿಸ್ತೂಲಿನ ಗುಂಡಾಗಿರಲಿಲ್ಲ!

ಹಾಗಾದರೆ ಗಾಂಧಿಯನ್ನು ಕೊಂದದ್ದು ಯಾರು ಏಕೆ ಕೊಂದರು?

ಗಾಂಧಿಯನ್ನು ಕೊಂದದ್ದು ಇಟಾಲಿಯನ್ ಪಿಸ್ತೂಲ್ ಪ್ರಯೋಗಿಸಿದ ಗೋಡ್ಸೆಯಲ್ಲ. ಗಾಂಧಿಯ ಸಹಾಯಕಿ ಹೇಳಿದ ಹಾಗೆ ಖಾದಿಧಾರಿ, ಕುರ್ತಾ ಧರಿಸಿದ್ದವನು. ಇವನು ಪ್ರಯೋಗಿಸಿದ್ದು ರಿವಾಲ್ವರ್. ಆತ 1978ರ ವರೆಗೂ ಪುಣೆಯಲ್ಲಿ ಓಡಾಡಿಕೊಂಡಿದ್ದ. ನಿರಪರಾಧಿಯಂತೆ! ( ಆ ಖಾದಿಧಾರಿ ಯಾರು ಎಂಬುದಕ್ಕೆ ಬಿ,ಜಿ ಕೇಸ್ಕರ್ ಅವರ ಬಳಿಯೂ ಉತ್ತರವಿಲ್ಲ, ನನ್ನಲ್ಲೂ ಅದಕ್ಕೆ ಉತ್ತರವಿಲ್ಲ).

ಗಾಂಧಿಯನ್ನು ಯಾಕಾಗಿ ಕೊಂದರು? ದೇಶ ವಿಭಜನೆ, ಗಾಂಧಿಯ ನೀತಿಗಳನ್ನು ವಿರೋಧಿಸಿದ್ದ ಗೋಡ್ಸೆಗೆ ಗಾಂಧಿಯನ್ನು ಕೊಲ್ಲಲು ನಿರ್ಧಿಷ್ಟ ಕಾರಣವಿದ್ದವು. ಗೋಡ್ಸೆ ಕೊಲೆ ಮಾಡಿಲ್ಲ ಎಂದ ಮೇಲೆ ಮತ್ತೊಬ್ಬರು ಗಾಂಧಿಯನ್ನು ಕೊಂದದ್ದು ಯಾಕೆ?

ಉತ್ತರವಿಷ್ಟೇ. ನೆಹರೂಗೆ ಗಾಂಧಿ ಸಾಯುವುದು ಬೇಕಾಗಿತ್ತು. ಗಾಂಧಿ ನೆಹರೂಗೆ ತೊಡಕಾಗಿದ್ದರು. ಸ್ವಾತಂತ್ರ್ಯ ಬಂದ ನಂತರ ಕಾಂಗ್ರೆಸ್ ಮಾಡಿದ ಪಾಪಗಳಲ್ಲಿ ನೆಹರೂದೇ ಸಿಂಹ ಪಾಲು.

ಸ್ವಾತಂತ್ರ್ಯ ಪಡೆದ ನಂತರ ಗಾಂಧಿ ಪ್ರಾರ್ಥನಾ ಸಭೆಯ ಭಾಷಣಗಳಲ್ಲಿ “ ಕಾಂಗ್ರೆಸ್ ಸ್ವಾತಂತ್ರ್ಯ ಆಂದೋಲನದ ಸಂಸ್ಥೆ, ಅದರ ಗುರಿ ಈಡೇರಿದೆ ಇನ್ನು ಕಾಂಗ್ರೆಸ್ಸನ್ನು ವಿಸರ್ಜಿಸುವುದು ಸೂಕ್ತ” ಎನ್ನುತಿದ್ದರು. ಇದು ನೆಹರೂಗೆ ಇಷ್ಟವಿರಲಿಲ್ಲ. ಕಾಂಗ್ರೆಸ್ ಪಕ್ಷ ವಿಭಜಿಸಿ ಬೇರೆ ಪಕ್ಷ ಕಟ್ಟಿದರೆ ಅಲ್ಲಿ ತನ್ನ ಬೇಳೆ ಬೇಯುವುದಿಲ್ಲ ಎಂದು ನೆಹರೂಗೆ ಗೊತ್ತಿತ್ತು. ಹಾಗೆಯೇ ಗಾಂಧಿ ಸುಮ್ಮನಿರುವ ವ್ಯಕ್ತಿಯಲ್ಲ. ಸರ್ಕಾರದ ನಿರ್ಧಾರವನ್ನೇ ತಿರಸ್ಕರಿಸಿ ಪಾಕಿಸ್ತಾನಕ್ಕೆ 55 ಕೋಟಿ ಕೊಡಬೇಕೆಂದು ಉಪವಾಸ ಕುಳಿತವರು ನಮ್ಮ ಮಹಾತ್ಮಾ ಗಾಂಧಿ. ಗಾಂಧಿ ತಮ್ಮ ಹಠ ಸಾಧಿಸಲು ಏನಾದರೂ ಮಾಡುತ್ತಾರೆ ಎಂಬ ಸಂಗತಿ ಗಾಂಧಿಯ ಡೋಂಗಿ ಶಿಷ್ಯ ನೆಹರೂ ತಿಳಿದಿತ್ತು. ಹಾಗಾಗಿ ಗಾಂಧಿ ಬದುಕುವುದು ನೆಹರೂಗೆ ಬೇಡವಾಗಿತ್ತು. ಈ ಕಾರಣಕ್ಕೆ ತನ್ನ ಕಾಂಗ್ರೆಸ್ ಪಟಾಲಂನನ್ನು ಬಿಟ್ಟು ಗಾಂಧಿಯನ್ನು ಮುಗಿಸುವ ನಿರ್ಧಾರ ಮಾಡಿದರು ನಮ್ಮ ಚಾಚಾ ನೆಹರೂ. ಗೋಡ್ಸೆಯೇ ಗಾಂಧಿಯನ್ನು ಕೊಲ್ಲುವಲ್ಲಿ ಯಶಸ್ವಿಯಾದರೆ ಸರಿ ಇಲ್ಲವಾದರೆ ನಾವೇ ಮುಗಿಸಿಬಿಡುವುದು ಇದು ನೆಹರೂ ಮತ್ತು ಪಟಾಲಂನ ಯೋಜನೆಯಾಗಿತ್ತು. ಕೊಲೆಯಾದ ನಂತರ ಆ ಅಪರಾಧವನ್ನು ಹಿಂದೂ ಸಂಘಟನೆಗಳ ಮೇಲೆ ಹೊರೆಸಿ, ಹಿಂದೂ ಸಂಘಟನೆಗಳನ್ನು ಶಾಶ್ವತವಾಗಿ ಅಪರಾಧಿ ಸ್ಥಾನದಲ್ಲಿ ಕೂರಿಸುವುದು ಇದು ನೆಹರೂವಿನ ಹುನ್ನಾರ.

ಗೋಡ್ಸೆ ಹರೆಕೆಯ ಕುರಿಯಾದನೆ?

ಗಾಂಧಿಯ ನಿರ್ಧಾರಗಳಿಂದ ಬೇಸತ್ತಿದ್ದ ಗೋಡ್ಸೆ ಗಾಂಧಿಯನ್ನು ಕೊಲ್ಲಬೇಕೆಂದು ನಿಶ್ಚಯಿಸಿದ್ದ. ಈ ನಿರ್ಧಾರ ಕೈಗೊಂಡ ದಿನದಿಂದಲೇ ಅವನು ಸಾವಿನ ದಿನಗಳನ್ನು ಎಣಿಸುತ್ತಿದ್ದ. ನಾನು ಗಾಂಧಿಯನ್ನು ಕೊಲ್ಲಲು ಸಿದ್ದನಾಗಿದ್ದೆ ಆದರೆ ನಾನು ಗುಂಡು ಹಾರಿಸಲಿಲ್ಲ. ಪ್ರತ್ಯಕ್ಷ ಸಾಕ್ಷಿಗಳಾದ ಆ ಇಬ್ಬರು ಹುಡುಗಿಯರನ್ನು ವಿಚಾರಿಸಿ ಎಂದು ಎಂದು ಏಕೆ ಗೋಡ್ಸೆ ಕೇಳಲಿಲ್ಲ? ಮತ್ತು ಈ ಕುರಿತಾಗಿ ಅವನು ನೀಡಿದ ಸುದೀರ್ಘ ಹೇಳಿಕೆಯಲ್ಲಿ ಏಕೆ ಉಲ್ಲೇಖವಿಲ್ಲ? ನೆಹರೂವಿನ ಕುತಂತ್ರಕ್ಕೆ ಒಳಗಾಗಿ ಗೋಡ್ಸೆ ಹರಕೆಯ ಕುರಿಯಾದನೆ? ಗೋಡ್ಸೆ ಕೃತ್ಯಕ್ಕೆ ತಯಾರಾಗಿ ಹುತಾತ್ಮನಾಗಲು ಸಿದ್ದನಾಗಿದ್ದ. ಒಟ್ಟಿನಲ್ಲಿ ಕೆಲಸ ಮುಗಿಯಿತಲ್ಲ ಯಾರು ಮಾಡಿದರೇನು? ಹುತಾತ್ಮ ಪದವಿಯನ್ನು ನಾನೇಕೆ ತಪ್ಪಿಸಿಕೊಳ್ಳಬೇಕು? ಎಂದು ಯೋಚಿಸಿದ್ದನೆ?ಮಹಾನ್ ದೇಶ ಭಕ್ತನಾದ ಗೋಡ್ಸೆ ಭಗತ್ ಸಿಂಗ್, ಅಜಾದ್, ಧಿಂಗ್ರಾರಂತೆ ತನ್ನ ನೇಣನ್ನು ‘ರಾಷ್ಟ್ರರ್ಪಣೆ’ ಎಂದು ಗೋಡ್ಸೆ ಭಾವಿಸಿದ್ದನೆ? ಪ್ರಶ್ನೆಗಳು ಹಲವು ಆದರೆ ಉತ್ತರ ಅಸ್ಪಷ್ಟ. ಒಂದಂತೂ ನಿಜ ಗಾಂಧಿಯನ್ನು ಕೊಂದದ್ದು ಗೋಡ್ಸೆಯಲ್ಲ!

ರವಿತೇಜ ಶಾಸ್ತ್ರೀ

ವಿಶೇಷ ಸೂಚನೆ: ಈ ಲೇಖನ ಓದಿದ ನಂತರ ನಿಮಗೆ ಕೆಲವು ಗೊಂದಲಗಳು ಉಂಟಾಗಬಹುದು. ತಾನೂ ಕೊಲ್ಲದಿದ್ದರೂ ಗೋಡ್ಸೆ ಏಕೆ ತಾನೇ ಕೊಲೆ ಮಾಡಿದನೆಂದು ಒಪ್ಪಿಕೊಂಡ? ರಿವಾಲ್ವರ್ನಿಂದ ಗಾಂಧಿಗೆ ಗುಂಡು ಹಾರಿಸಿದ ವ್ಯಕ್ತಿ ಯಾರು? ಆತನ ಹೆಸರೇನು? ಮುಂತಾದ ಪ್ರಶ್ನೆಗಳಿಗೆ ಉತ್ತರಿಸುವ ಪ್ರಯತ್ನವನ್ನು ನಾನು ಮಾಡಿದ್ದೇನೆ. ಈ ಲೇಖನದಲ್ಲಿರುವ ಸತ್ಯಗಳನ್ನು ನಂಬುವುದು ಬಿಡುವುದು ಓದುಗರಿಗೆ ಬಿಟ್ಟ ವಿಚಾರ.

ಆಕರ ಗ್ರಂಥ: 1. ನಿಜವಾಗಿ ಗಾಂಧಿಯನ್ನು ಕೊಂದವರು ಯಾರು?- ಕೆ.ಎಸ್ ನಾರಾಯಣಚಾರ್ಯ

2. Who Killed Gandhi? Not Godse. Who then- By B.G Keskar

ಬಾಬಾ ಸಾವರ್ಕರ್ ಅಮರ್ ರಹೇ...

2014-06-13T15:49:00.001+05:30

ಆ ಇಡೀ ಕುಟುಂಬವೇ ತಮ್ಮ ಜೀವನವನ್ನು ದೇಶಕ್ಕೆ ಅರ್ಪಿಸಿತ್ತು. ಆ ಕುಟುಂಬವೇ ಸಾವರ್ಕರ್ ಕುಟುಂಬ. ಗಣೇಶ ದಾಮೋದರ್ ಸಾವರ್ಕರ್, ವಿನಾಯಕ ದಾಮೋದರ್ ಸಾವರ್ಕರ್ ಮತ್ತು ನಾರಾಯಣ ದಾಮೋದರ್ ಸಾವರ್ಕರ್. ಈ ಮೂವರು ಸೋದರರ ಕುಟುಂಬ. ಮನೆಯಲ್ಲಿ ಪ್ರೀತಿಯಿಂದ ಬಾಬಾ, ತಾತ್ಯ ಮತ್ತು ಬಾಳ ಎಂದು ಕರೆಯುತ್ತಿದ್ದರು.

ತಂದೆ ದಾಮೋದರ್ ಸಾವರ್ಕರ್ ವಿಧಿವಶರಾದ ನಂತರ ಬಾಬಾ ಸಾವರ್ಕರ್ ಇಡೀ ಕುಟುಂಬದ ಜವಾಬ್ದಾರಿ ಹೊತ್ತರು. ಸೋದರ ಕ್ರಾಂತಿ ಪುರುಷ ವೀರ ಸಾವರ್ಕರ್ ಅವರ ಎಲ್ಲಾ ದೇಶಸೇವಾ ಕಾರ್ಯಗಳಿಗೆ ಬೆನ್ನೆಲುಬಾಗಿ ನಿಂತರು ಬಾಬಾ ಸಾವರ್ಕರ್. ಸಾವರ್ಕರ್ ರ ಮಿತ್ರ ಮೇಳ, ಅಭಿನವ ಭಾರತಕ್ಕೆ ದೇಶಪ್ರೇಮಿ ಯುವಕರನ್ನು ಸಂಘಟಿಸಿದರು. ವೀರ ಸಾವರ್ಕರ್ ಇಂಗ್ಲೆಂಡಿಗೆ ಹೊರಟಾಗ ಪ್ರಯಾಣದ ಖರ್ಚಿನ ವ್ಯವಸ್ಥೆಯನ್ನು ಮಾಡಿ ಇಂಗ್ಲೆಂಡಿನಲ್ಲಿ ಸಾವರ್ಕರ್ ಸ್ವಾತಂತ್ರ್ಯ ಜ್ವಾಲೆಯನ್ನು ಹರಡುವಂತೆ ಮಾಡಿದವರು ಬಾಬಾ ರಾವ್ ಸಾವರ್ಕರ್.

ಭಾರತದಲ್ಲಿ ಯುವಕರಲ್ಲಿ ಸ್ವಾತಂತ್ರ್ಯದ ಕಿಚ್ಚನ್ನು ಹತ್ತಿಸಲು ವೀರ ಸಾವರ್ಕರ್ ಇಟಲಿಯ ಕ್ರಾಂತಿಕಾರಿ ಮ್ಯಾಜಿನಿ ಕುರಿತು ಪುಸ್ತಕವನ್ನು ಬರೆದರು. ಈ ಪುಸ್ತಕವನ್ನು ಪ್ರಕಟಿಸಿದ್ದು. ಬಾಬಾ ಸಾವರ್ಕರ್. ಪುಸ್ತಕವನ್ನು ಪ್ರಕಟಿಸಲು ಹಣದ ಕೊರತೆ ಉಂಟಾದಾಗ ತನ್ನ ಹೆಂಡತಿಯ ಒಡವೆಗಳನ್ನು ಮಾರಿ ಪುಸ್ತಕ ಪ್ರಕಟಿಸಿದ ಮಹಾನ್ ದೇಶಭಕ್ತ ಬಾಬಾ ಸಾವರ್ಕರ್.

Baba Savrakar and Veer Savarkar

ಪುಸ್ತಕ ಪ್ರಕಟಿಸಿದಕ್ಕೆ ಬ್ರಿಟಿಷ್ ಸರ್ಕಾರ ಬಾಬಾ ಸಾವರ್ಕರ್ ಅವರಿಗೆ ಕರೀ ನೀರಿನ ಶಿಕ್ಷೆ ನೀಡಿ ಅಂಡಮಾನ್ ಜೈಲ್ ಗೆ ಕಳುಹಿಸಿತು. ಕರೀ ನೀರಿನ ಶಿಕ್ಷೆ ಅತ್ಯಂತ ಕಠೋರ ಶಿಕ್ಷೆಯಾಗಿತ್ತು. ಆ ಜೈಲಿನ ಅಧಿಕಾರಿಯಾಗಿದ್ದ ಬಾಲಿ ಎಂಬುವವನು ಚಿತ್ರ ಹಿಂಸೆ ನೀಡುತ್ತಿದ್ದ. ಜೈಲಿನಲ್ಲಿ ಬಾಬಾ ಸಾವರ್ಕರ್ ಅನಾರೋಗ್ಯದಿಂದ ನರಳಿದರು. ಸೂಕ್ತ ಚಿಕಿತ್ಸೆ ದೊರಕದ ಕಾರಣ ಬಾಬಾ ಸಾವರ್ಕರ್ ಬಹಳ ನೋವನ್ನು ಅನುಭವಿಸಿದರು. ಆದರೂ ಅವರ ದೇಶಭಕ್ತಿ ಎಳ್ಳಷ್ಟೂ ಕಡಿಮೆಯಾಗಲಿಲ್ಲ.
ಬಾಬಾ ಸಾವರ್ಕರ್ ಉತ್ತಮ ಕವಿಯೂ ಹೌದು ಹಲವು ದೇಶಭಕ್ತಿಯ ಪದ್ಯಗಳನ್ನು ಅವರು ರಚಿಸಿದ್ದಾರೆ.
ಇಂದು ಬಾಬಾ ಸಾವರ್ಕರ್ ಅವರ ಜನ್ಮದಿನ. ಮಹಾನ್ ದೇಶಭಕ್ತನಿಗೆ ನಮನಗಳು.
ವಂದೇ ಮಾತರಂ
ಸ್ವಾತಂತ್ರ್ಯ ಲಕ್ಷ್ಮಿ ಗೆ ಜಯವಾಗಲಿ.

ಲೇಖನಿಯಿಂದ ಕ್ರಾಂತಿಯನ್ನೆಬ್ಬಿಸಿದ ವೀರನನ್ನು ನೆನೆಯುತ್ತ

2014-06-11T15:20:00.001+05:30

ಇಂದು ಕ್ರಾಂತಿಕಾರಿ ಶ್ರೀ ಪಂಡಿತ್ ರಾಮಪ್ರಸಾದ್ ಬಿಸ್ಮಿಲ್ ರ ಜನ್ಮ ದಿನ.

ನಾವೆಲ್ಲರೂ ಚಂದ್ರ ಶೇಖರ್ ಅಜಾದ್ ರ ಹೆಸರನ್ನು ಕೇಳಿದ್ದೇವೆ ಆದರೆ ಅಜಾದ್ ರ ಗುರು ರಾಮ್ ಪ್ರಸಾದ್ ಬಿಸ್ಮಿಲ್ ರ ಕುರಿತು ನಾವು ಕೇಳಿಲ್ಲ. ಅಜಾದ್ ರನ್ನು ಶ್ರೇಷ್ಠ ಕ್ರಾಂತಿಕಾರಿಯಾಗಿ ರೂಪಿಸಿದವರು ರಾಮ್ ಪ್ರಸಾದ್ ಬಿಸ್ಮಿಲ್. ಕಾಕೋರಿ ದರೋಡೆಯ ರೂವಾರಿ ಶ್ರೀ ರಾಮ್ ಪ್ರಸಾದ್ ಬಿಸ್ಮಿಲರು. ಅಪ್ಪಟ ದೇಶ ಭಕ್ತರಾಗಿದ್ದ ಬಿಸ್ಮಿಲ್ ಉತ್ತಮ ಕವಿಯಾಗಿದ್ದರು. ಭಗತ್ ಸಿಂಗ್ ತಾನು ಗಲ್ಲಿಗೆ ತನ್ನ ಕೊರಳನ್ನು ನೀಡುವ ಮುಂಚೆ ಹಾಡಿದ ಹಾಡು ರಾಮ್ ಪ್ರಸಾದ್ ಬಿಸ್ಮಿಲ್ ರಚಿಸಿದ್ದು.

ರಾಮ್ ಪ್ರಸಾದ್ ಬಿಸ್ಮಿಲ್
ಕಾಕೋರಿ ದರೋಡೆ ಪ್ರಕರಣದಲ್ಲಿ ಬಂಧಿತರಾಗಿ ದೇಶಕ್ಕಾಗಿ ಪ್ರಾಣ ತೆತ್ತರು… ಆ ಬಲಿದಾನದ ದಿನದ ಸನ್ನಿವೇಶ ಮನ ಕಲಕುವಂತಿತ್ತು…ಬಿಸ್ಮಿಲ್ಲರನ್ನು ಅವರ ತಾಯಿ ನೋಡಲು ಬಂದಾಗ ಬಿಸ್ಮಿಲ್ಲರು ಗಳಗಳನೆ ಅತ್ತರಂತೆ… ಇದನ್ನು ಕಂಡ ಅವರ ತಾಯಿಗೆ ಬೇಸರವಾಗಿ ” ಸಾವಿಗೆ ಇಷ್ಟೊಂದು ಅಂಜುವವನಾಗಿದ್ದರೆ ಈ ಮಾರ್ಗವನ್ನೇಕೆ ಆರಿಸಿದಿ” ಎಂದಾಗ ಬಿಸ್ಮಿಲ್ಲರು ಹೇಳುತ್ತಾರೆ ” ಇವು ಸಾವಿನ ಬೆದರಿಕೆಯಿಂದ ತೊಟ್ಟಿಕ್ಕಿದ ಹನಿಗಳಲ್ಲಮ್ಮ.. ಒಬ್ಬ ಮಾತೃಭಕ್ತ ಪುತ್ರ ತನ್ನ ತಾಯಿಯ ದರ್ಶನವನ್ನು ಕಟ್ಟಕಡೆಯ ಸಲ ಪಡೆಯುವಾಗ ಅವನ ಪರಿಶುದ್ಧ ಪ್ರೀತಿಯ ಪ್ರತೀಕವಾದ ಕೊನೆಯ ಅಶ್ರುಬಿಂದುಗಳು”… ಅಬ್ಬಾ ಎಂಥಾ ತಾಯಿ … ಎಂಥಾ ಮಗ ಅಲ್ವಾ…ನೇಣುಗಂಬಕ್ಕೆ ಕರಕೊಂಡು ಹೋಗುವ ಮುನ್ನ ಬಿಸ್ಮಿಲ್ಲರಿಗೆ ಒಂದು ಲೋಟ ಹಾಲು ಕೊಟ್ಟರಂತೆ ಅದನ್ನು ತಿರಸ್ಕರಿಸಿ ಅವರು ನುಡಿಯುತ್ತಾರೆ…”ಹೂಂ ಈಗ ನನಗೇಕೆ ಈ ಹಾಲು? ಇನ್ನು ಕೆಲವೇ ಗಂಟೆಗಳಲ್ಲಿ ನನ್ನ ಮಾತೃದೇವಿಯ ಎದೆಹಾಲನ್ನೇ ಕುಡಿಯಹೊರಟಿರುವೆ…

ಸರ್ಫರೋಶಿ ಕಿ ತಮನ್ನಾ ಅಬ್ ಹಮಾರೆ ದಿಲ್ ಮೆ ಹೈ,ದೇಖನಾ ಹೈ ಜೋರ ಕಿತನಾ ಬಾಜೂ ಯೆ ಕಾತಿಲ್ ಮೆ ಹೈ ಎಂದರೆ ಶಿರವನಪರ್ಿಸುವ ಬಯಕೆ ಎನ್ನ ಮನದೊಳಿಹುದಿಂದು,ವೈರಿ ತೋಳ್ಬಲವ ಪರೀಕ್ಷಿಸಬೇಕೆಂದು.
ಈ ಮೇಲಿನ ಸಾಲುಗಳು ಬರೀ ಸಾಲುಗಳಲ್ಲ ಕ್ರಾಂತಿಯ ಮಂತ್ರಗಳು. ಈ ಕವಿತೆಯು ಭಗತ್ ಸಿಂಗ್ ರಿಗೆ ಬಹಳ ಇಷ್ಟವಾದ ನುಡಿಗಳಾಗಿದ್ದವು. ಜೈಲಿನಲ್ಲಿ ಕುಳಿತಾಗಲು ಅವರು ನುಡಿದ ಏಕೈಕ ಗೀತೆಯಿದು.ಇಂಥ ಬೆಂಕಿಯಂಥ ಸಾಲುಗಳನ್ನು ರಚಿಸಿ ಬ್ರಿಟಿಷರ ಎದೆ ನಡುಗಿಸಿದ ಅಗ್ನಿಶಿಶುವೇ ರಾಮ್ಪ್ರಸಾದ್ ಬಿಸ್ಮಿಲ್.
1897 ರಲ್ಲಿ ಉತ್ತರ ಪ್ರದೇಶದ ಷಹಜಾನಪುರ ದಲ್ಲಿ ಜನಿಸಿದ ಬಿಸ್ಮಿಲ್ರು ಶಂತಿಯಿಂದ ಮಾಡುತ್ತಿರುವ ಸ್ವಾತಂತ್ರ ಹೋರಾಟವನ್ನು ಬ್ರಿಟಿಷರು ಹೇಗೆ ಕಾಲಿನಿಂದ ಹೊಸಕಿ ಹಾಕುತ್ತಿದ್ದರು ಎಂಬುದನ್ನು ಮನಗಂಡ ಅವರು ಕ್ರಾಂತಿಕಾರಿಯಾಗಿ ಸಶಸ್ತ್ರ ಹೋರಾಟದ ಕಡೆಗೆ ಒಲವು ತೋರಿದರು.ಆರ್ಯ ಸಮಾಜದ ಚಿಂತನೆಗೊಳತ್ತ ಒಲವಿಟ್ಟುಕೊಂಡಿದ್ದರೂ ಸಹ ನನ್ನಧರ್ಮ ಎಂದು ಅಂಟಿಕೊಂಡವರಲ್ಲ. ಎಲ್ಲರಲ್ಲಿಯೂ ಸಮಾನತೆ ತರಬೇಕು ಎಂಬುದೆ ಅವರ ಉದ್ದೇಶವಾಗಿತ್ತು.

*ಭಾವೈಕ್ಯತೆ ಮೆರೆದ ಬಿಸ್ಮಿಲ್

ರಾಮ್ ಪ್ರಸಾದರು ಹಿಂದೂ ಆಗಿದ್ದರು ಕೂಡ ಬಿಸ್ಮಿಲ್ ಎಂಬುದು ಅವರಿಗೆ ಸಿಕ್ಕ ಬಿರುದು. ಭಾವೈಕ್ಯತೆಯ ಪ್ರತೀಕವಾಗಿದ್ದ ಬಿಸ್ಮಿಲ್ರು ಅಶ್ಫಾಕುಲ್ಲಾರನ್ನು ದೇಶಸೇವೆಗೆ ಕರೆತಂದ ಮಹಾನ್ ನೇತಾರರಾಗಿದ್ದಾರೆ. ಬ್ರಿಟಿಷರು ಅಶ್ಫಾಕುಲ್ಲಾನನ್ನು ರಾಮ್ಪ್ರಸಾದರ ಬಲಗೈ ಎಂದು ಕರೆಯುತ್ತಿರುವಾಗ ಕ್ಷುಲ್ಲಕ ಕಾರಣಕ್ಕಾಗಿ ಧರ್ಮ ಧರ್ಮ ಎಂದು ಹೊಡೆದಾಡುವುದಕ್ಕಿಂತ ಮುಸ್ಲಿಂಮರೆಲ್ಲರ ಕೈ ಒಂದಾದರೆ ಇಡೀ ಬಿಟಿಷ್ ಸಕರ್ಾರದ ವಿನಾಶ ಶತಸಿದ್ಧ ಎಮದು ಹೇಳುತ್ತಿದ್ದರು.
ಹೀಗೆ ವಿವರ್ಿಧ ಜಾತಿ ಧರ್ಮ ಎನ್ನದೆ ಎಲ್ಲರನ್ನು ಒಂದು ಗೂಡಿಸಿ ಸ್ವತಂತ್ರ ಭಾರತವನ್ನು ನಿಮರ್ಾಣ ಮಾಡಲು ಫಣತೊಟ್ಟ ಮಹಾನ್ ನೇತಾರನಾಗಿದ್ದರು. ಲೇಖನಿಯನ್ನು ಹಿಡಿಯುವ ಕೈಯಲ್ಲಿಯೇ ಬಂದುಕನ್ನು ಹಿಡಿದು ಸಶಸ್ತ್ರ ಹೋರಾಟಕ್ಕೆ ಅಣಿಯಾದರು. ತಾವೇ ಬರೆದ ಕವನದಮತೆ ಒಂದು ಬಾರಿ ಬ್ರಿಟಿಷರ ತೋಳ್ಬಲವನ್ನು ಪರೀಕ್ಷಿಸಿಒಬಿಟ್ಟರು.
ಕಾಕೊರಿ ರೈಲು ದರೋಡೆ ಎಂಬ ಐತಿಹಾಸಿಕ ಘಟನೆಯ ರೂವಾರಿಯೇ ರಾಮ್ ಪ್ರಸಾದ ಬಿಸ್ಮಿಲ್ ರವರು. ಹಲವಾರು ರೀತಿಯ ವೇಷ ತೊಟ್ಟುಕೊಂಡುಹಲವಾರು ಹೆಸರು ಹೇಳಿಕೊಂಡು ಬಿಜ್ಪುರ್ ಡಕಾಯತಿ, ದ್ವಾರಕಪುರ್ ದರೋಡೆ ಮಾಡಿ ಬ್ರಿಟಿಷರಿಗೆ ತಲೆನೋವಾಗಿದ್ದರು.

*ನಗುನಗುತ್ತ ಸ್ವರ್ಗಕ್ಕೆ ನೆಗೆದ ಸಿಂಹ
1925ರ ಆಗಷ್ಟ 9ರ ಸಂಜೆ ನಡೆದ ಕಾಕೊರಿ ರೈಲು ಧರೋಡೆ ಪ್ರಕರಣದಲ್ಲಿ ಬಂಧಿತರಾಗಿದ್ದ 25 ಮಂದಿ ಕ್ರಾಂತಿಕಾರಿಗಳಲ್ಲಿ ರಾಜೇಂದ್ರ ಲಾಹೀರಿ,ರೋಷನ್ಸಿಂಗ್, ರಾಮ್ಪ್ರಸಾದ್ ಬಿಸ್ಮಿಲ್, ಮತ್ತು ಅಶ್ಫಾಕುಲ್ಲಾರವರಿಗೆ ಗಲ್ಲುಶಿಕ್ಷೆಯಾಯಿತು.ಗಲ್ಲಿಗೇರುವ ದಿನ ಎಂದಿನಂತೆ ವ್ಯಾಯಾಮ ಅಂಗಸಾಧನೆ ಮಾಡಿ ಹಬ್ಬಕ್ಕೆ ಹೊರಟವರಂತೆತ ತಯಾರಾಗಿ ತಿರುಗಾಡುತ್ತಿದ್ದ ಕ್ರಾಂತಿಕಾರಿಗಳನ್ನು ನೋಡಿದಮ್ಯಾಜಿಸ್ಟ್ರೇಟರ್ ಧಿಗ್ಭ್ರಾಂತರಾಗಿ ಬಿಟ್ಟಿದ್ದರು.ನೊಂದ ಸಂಬಧಿಕರಿಗೆ ಸಮಾಧಾನ ಹೇಳಿ ಇದು ನೇಣು ಕುಣಿಕೆಯಲ್ಲಾ ನನ್ನ ಹೊರಾಟಕ್ಕೆ ಬ್ರಿಟಿಷ ಅಧಿಕಾರಿಗಳು ಮಾಡುತ್ತಿರುವ ಸನ್ಮಾನದ ಪ್ರತೀಕವಾದ ಹೂಮಾಲೆ ಎಂದು ಕುಣಿಕೆಯನ್ನು ಚುಂಬಿಸಿ ಕೊನೆಯಬಾರಿಗೆ ಬ್ರಿಟಿಷ ಸಾಮ್ರಾಜ್ಯದ ಗುಂಡಿಗೆ ನಡುಗುವಂತೆ ಒಂದೇ ಮಾತರಂ ಎಂದು ಕೂಗಿ ಕೊನೆ ಉಸಿರು ಎಳೆಯುತ್ತಿದ್ದರು.
1927ರ ಡಿಸೆಂಬರ್ 19 ರಂದು ರಾಮ್ಪ್ರಸಾದರನ್ನು
ಪಯಜಾಬಾದಿನಲ್ಲಿ ಗಲ್ಲುಗಂಬಕ್ಕೇರಿಸಲಾಯಿತು. ಭಾರತಾಂಬೆಯ ಬಿಡುಗಡೆಗಾಗಿ ಹೋರಾಡಿದ ಮತ್ತೊಂದು ಅಗ್ನಿಶಿಶು ಸ್ವತಂತ್ರ್ಯದ ಸಿಹಿ ತಿನ್ನುವ ಮೊದಲೆ ವೀರಮರಣವನ್ನಪ್ಪಿಕೊಂಡಿದ್ದು ನಮ್ಮ ದೌರ್ಭಾಗ್ಯವೇ ಸರಿ.

ಈ ದಿನ ಮಹಾನ್ ವೀರನನ್ನು ನೆನೆಯೋಣ

ವಂದೇ ಮಾತರಂ

ಸೂಚನೆ: ಬಿಸ್ಮಿಲ್ ರ ಕುರಿತು ನಾನು ಸಂಗ್ರಹಿಸಿದ ಹಲವು ಲೇಖನಗಳನ್ನು ಸೇರಿಸಿ ಒಂದು ಲೇಖನವನ್ನಾಗಿಸಿದ್ದೇನೆ.

ಈ ಚುನಾವಣೆಯ ಫಲಿತಾಂಶ ರಾಜ್ಯ ಬಿಜೆಪಿಗೆ ಎಚ್ಚರಿಕೆಯ ಗಂಟೆಯಾಗಬಹುದೇ?

2014-05-24T17:36:00.005+05:30

ಈ ಲೋಕಸಭಾ ಚುನಾವಣೆಯ ಫಲಿತಾಂಶ ಕಾಂಗ್ರೆಸ್ ಗೆ ಬಹಳ ನಿರಾಶಾದಾಯಕವಾಗಿದೆ. 2009ರಲ್ಲಿ ಅಧಿಕಾರ ಹಿಡಿದಿದ್ದ ಕಾಂಗ್ರೆಸ್ ಮೋದಿ ಸುನಾಮಿಗೆ ಕೊಚ್ಚಿಹೋಗಿ ಕೇವಲ 44 ಸ್ಥಾನಗಳಿಗೆ ತೃಪ್ತಿ ಪಟ್ಟಿದೆ. ಯಾವ ರಾಜ್ಯದಲ್ಲೂ ಎರಡಂಕಿಯನ್ನು ದಾಟಿಲ್ಲ. ಮೊನ್ನೆಯಷ್ಟೇ ಅಧಿಕಾರಕ್ಕೆ ಬಂದಿದ್ದ ಕರ್ನಾಟಕದಲ್ಲೂ ಕಾಂಗ್ರೆಸ್ ಮುಗ್ಗರಿಸಿದೆ. ಚುನಾವಣಾ ಪೂರ್ವ ಸಮೀಕ್ಷೆಗಳು ರಾಜ್ಯದಲ್ಲಿ ಕಾಂಗ್ರೆಸ್ ಉತ್ತಮ ಸಾಧನೆ ಮಾಡಬಹುದೆಂದು ಅಂದಾಜಿಸಿತ್ತು ಆದರೆ ಈ ಎಲ್ಲ ಲೆಕ್ಕಾಚಾರಗಳು ತಲೆಕೆಳಗಾಗಿ ಕಾಂಗ್ರೆಸ್ ಕೇವಲ 9 ಸ್ಥಾನಗಳನ್ನಷ್ಟೇ ಗಳಿಸಿದೆ. ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಸೋತ್ತಿದ್ದ ಬಿಜೆಪಿ ಮೋದಿ ಅಲೆಯಲ್ಲಿ ಮಿದ್ದೆದ್ದು 17 ಲೋಕಸಭಾ ಕ್ಷೇತ್ರಗಳಲ್ಲಿ ಭರ್ಜರಿ ಜಯಭೇರಿ ಬಾರಿಸಿದೆ. ಇನ್ನು ಜೆಡಿಎಸ್ ಕೇವಲ 2 ಸ್ಥಾನಗಳಿಗೆ ತೃಪ್ತಿಪಟ್ಟಿದೆ.

ಈ ಫಲಿತಾಂಶವನ್ನು ಗಣನೆಗೆ ತೆಗೆದುಕೊಂಡು ಸೂಕ್ಷ್ಮವಾಗಿ ಅವಲೋಕಿಸಿ, ವಿಶ್ಲೇಷಿಸಿದಾಗ ಬಿಜೆಪಿ 132, ಕಾಂಗ್ರೆಸ್ 75 ಜೆಡಿಎಸ್ 17 ವಿಧಾನಸಭಾ ಸ್ಥಾನಗಳನ್ನು ಪಡೆದಂತಾಗುತ್ತದೆ. ಇದು ವಿಧಾನಸಭೆಗೆ ಜನ ನೀಡಿರುವ ಸ್ಪಷ್ಟ ಜನಾದೇಶವಲ್ಲದಿದ್ದರೂ ಜನ ಬಿಜೆಪಿಯತ್ತ ಒಲವು ತೊರೆದಿದ್ದಾರೆಂದು ಇದರಿಂದ ಗೋಚರವಾಗುತ್ತದೆ.
Election Analysis
2013 Vs 20 14

Bharathiya Janatha Party (BJP)

Indian National Congress

(Analysis and Charts Prepared by Neeraj Kamath)

2೦13ರಲ್ಲಿ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ನೆಲಕಚ್ಚಿತ್ತು. 224 ಸ್ಥಾನಗಳಲ್ಲಿ ಕೇವಲ 50(BJP+KJP+BSR) ಸ್ಥಾನಗಳಲ್ಲಿ ಜಯಗಳಿಸಿ ಬಿಜೆಪಿ ಹೀನಾಯವಾಗಿ ಸೋತಿತ್ತು. ಆದರೆ ಲೋಕಸಭಾ ಚುನಾವಣೆಯ ಫಲಿತಾಂಶದ ಪ್ರಕಾರ ಅದು 132 ಸ್ಥಾನಗಳಲ್ಲಿ ಜಯಗಳಿಸಿದೆ. ಅಂದರೆ ಸರಳ ಬಹುಮತ(113)ಕ್ಕಿಂತಲೂ ಹೆಚ್ಚು ಸ್ಥಾನಗಳನ್ನು ಪಡೆದಿದೆ. ಕಾಂಗ್ರೆಸ್ ಕೇವಲ 77 ಸ್ಥಾನಗಳನ್ನು ಪಡೆದುಕೊಂಡಿದೆ.

2013ರಲ್ಲಿ ಬಿಜೆಪಿಯನ್ನು ಸೋಲಿಸಿ ಅಧಿಕಾರ ಹಿಡಿದಿದ್ದ ಕಾಂಗ್ರೆಸ್ ಈ ಚುನಾವಣೆಯಲ್ಲಿ ಹೀನಾಯವಾಗಿ ಸೋತಿದೆ. ತನ್ನ ಅಸಿತ್ವವಿದ್ದ ಕ್ಷೇತ್ರಗಳನ್ನು ಸಹ ಕಾಂಗ್ರೆಸ್ ಉಳಿಸಿಕೊಂಡಿಲ್ಲ. ಮುಖ್ಯಮಂತ್ರಿ ಸಿದ್ದರಾಮಯ್ಯನ ತವರು ಜಿಲ್ಲೆ ಮೈಸೂರಿನಲ್ಲಿ ಕಾಂಗ್ರೆಸ್ ಸೋತಿದೆ. ಸಿದ್ದು ಸರ್ಕಾರದ ಮೂರು ಮಂತ್ರಿಗಳ ತವರು ಜಿಲ್ಲೆಯಾದ ದಕ್ಷಿಣ ಕನ್ನಡದಲ್ಲಿ ಕಾಂಗ್ರೆಸ್ ಹೀನಾಯವಾಗಿ ಸೋತಿದೆ. ಈ ಎಲ್ಲ ಕ್ಷೇತ್ರಗಳಲ್ಲಿ ಬಿಜೆಪಿ ಜಯಭೇರಿ ಬಾರಿಸಿದೆ.

ಬಿಜೆಪಿಯ ಈ ಯಶಸ್ಸಿನ ಕಾರಣಗಳನ್ನು ಹುಡುಕಿಕೊಂಡು ಹೊರಟರೆ ಸಿಗುವುದು ಮೂರು ಕಾರಣಗಳು. ಒಂದು ನರೇಂದ್ರ ಮೋದಿ ಅಲೆ, ಎರಡು ನಮೋಗಾಗಿ ದುಡಿದ ಸಂಘಟನೆಗಳ ಅವಿರತ ಶ್ರಮ. ಮೂರನೆಯದು ಕಾಂಗ್ರೆಸ್ ಸರ್ಕಾರದ ಅಧಿಕಾರಿ ವಿರೋಧಿ ಅಲೆ.

ಯುಪಿಎ ಸರ್ಕಾರದ ಭ್ರಷ್ಟಾಚಾರ, ಬೆಲೆ ಏರಿಕೆ, ದುರಾಡಳಿತ ಮುಂತಾದವುಗಳಿಂದ ಬೇಸತ್ತಿದ್ದ ಜನತೆಗೆ ಅಭಿವೃದ್ದಿಯ ಹರಿಕಾರ ನರೇಂದ್ರ ಮೋದಿ ಆಶಾಕಿರಣದಂತೆ ಕಂಡರು. ನರೇಂದ್ರ ಮೋದಿ ಪ್ರಧಾನಿಯಾಗಬೇಕೆಂದು ಜನ ಪರಿತಪಿಸುತ್ತಿದ್ದರು. ಹಾಗಾಗಿ ದೇಶಾದ್ಯಂತ ನರೇಂದ್ರ ಮೋದಿ ಅಲೆಯಿತ್ತು. ಕರ್ನಾಟಕವೂ ಇದರಿಂದ ಹೊರತಾಗಿರಲಿಲ್ಲ. ಈ ಚುನಾವಣೆಯಲ್ಲಿ ಜನ ಬಿಜೆಪಿ ಬೆಂಬಲಿಸಿದ್ದು ನರೇಂದ್ರ ಮೋದಿ ಕಾರಣದಿಂದ. ಘಟಾನುಘಟಿ ನಾಯಕರುಗಳು ಮೋದಿಯ ಹೆಸರಲ್ಲಿ ಮತಯಾಚನೆ ಮಾಡಿದರು. ಅಷ್ಟೊಂದು ಪರಿಣಾಮಕಾರಿಯಾಗಿ ಮೋದಿ ಅಲೆ ರಾಜ್ಯದಲ್ಲೆಡೆ ಹಬ್ಬಿತ್ತು.

ನರೇಂದ್ರ ಮೋದಿ ಅಲೆಯನ್ನು ಪರಿಣಾಮಕಾರಿಯಾಗಿ ರಾಜ್ಯದಲ್ಲೆಡೆ ಪಸರಿಸಲು ನಮೋ ಬ್ರಿಗೇಡ್ ಎಂಬ ಸಂಘಟನೆ ಅವಿರತವಾಗಿ ಶ್ರಮಿಸಿದೆ. ಸಮಾನಮನಸ್ಕ ಯುವಕರ ಗುಂಪಾಗಿದ್ದ ಈ ಸಂಘಟನೆ ರಾಜ್ಯಾದ್ಯಂತ ಯುವಕರನ್ನು ಸಂಘಟಿಸಿ ನರೇಂದ್ರ ಮೋದಿಯವರು ಗುಜರಾತಿನಲ್ಲಿ ಮಾಡಿದ ಅಭಿವೃದ್ದಿ ಕಾರ್ಯಗಳ ಕುರಿತು ಕರ್ನಾಟಕದ ಜನತೆಗೆ ಅರಿವು ಮೂಡಿಸಿತು. ಮುಖ್ಯವಾಗಿ ಯುವಕರನ್ನು ಸಂಘಟಿಸಿದ ಶ್ರೇಯ ನಮೋ ಬ್ರಿಗೇಡ್ ಗೆ ಸಲ್ಲುತ್ತದೆ. ರಾಜಕೀಯದಲ್ಲಿ ಆಸಕ್ತಿಯಿಲ್ಲದ ಯುವಜನತೆಯನ್ನು ಮುಖ್ಯವಾಹಿನಿಗೆ ಕರೆತಂದು ನರೇಂದ್ರ ಮೋದಿಯವರ ಸಲುವಾಗಿ ಕೆಲಸಮಾಡಲು ಪ್ರೇರೇಪಿಸಿದ್ದು ನಮೋ ಬ್ರಿಗೇಡ್ ನ ಬಹುದೊಡ್ಡ ಸಾಧನೆ. ಈ ಚುನಾವಣೆಯಲ್ಲಿ ಯುವ ಮತದಾರರು ಬಹುಮುಖ್ಯ ಪಾತ್ರವನ್ನು ವಹಿಸಿದ್ದರು. ಇಂತಹ ಯುವಕರನ್ನು ಬಿಜೆಪಿಯತ್ತ ವಾಲುವಂತೆ ಮಾಡಿದ್ದು ನಮೋ ಬ್ರಿಗೇಡ್ ಎಂದರೆ ತಪ್ಪಿಲ್ಲ. ಬಿಜೆಪಿಯ ಚುನಾವಣೆಯ ಯಶಸ್ಸಿನಲ್ಲಿ ಅರ್ಧ ಪಾಲು ನಮೋ ಬ್ರಿಗೇಡ್ ಗೆ ಸೇರಿದೆ ಎಂಬುವುದು ನೂರಕ್ಕೆ ನೂರು ಸತ್ಯ.

ಸಿದ್ದರಾಮಯ್ಯ ಅಧಿಕಾರ ವಹಿಸಿಕೊಂಡ ನಂತರ ಗೋ ಹತ್ಯೆ ನಿಷೇಧವನ್ನು ರದ್ದುಗೊಳಿಸಿ ಬಹುಸಂಖ್ಯಾತ ಹಿಂದೂಗಳ ಭಾವನೆಗಳಿಗೆ ದಕ್ಕೆಯಾಗುವಂತೆ ವರ್ತಿಸಿದರು. ಒಂದು ರೂಪಾಯಿಗೆ ಒಂದು ಕೆ.ಜಿ ಮುಂತಾದ ಕಾರ್ಯಕ್ರಮಗಳನ್ನು ಸಿದ್ದು ಸರ್ಕಾರ ಜಾರಿಗೊಳಿಸಿತು. ಆದರೆ ಈ ಯೋಜನೆಗಳು ಭ್ರಷ್ಟಾಚಾರವನ್ನು ಹೆಚ್ಚು ಮಾಡಿತೇ ಹೊರತು ಜನಸಾಮಾನ್ಯರಿಗೆ ಇವುಗಳಿಂದ ಯಾವುದೇ ಪ್ರಯೋಜನವಾಗಲಿಲ್ಲ. ಕರಾವಳಿಯಲ್ಲಿ ಅಭದ್ರತೆ ಕಾಡಿತು. ಗೋ ಕಳ್ಳರ ಸಂತತಿ ಹೆಚ್ಚಾಯಿತು. ಕರಾವಳಿಯ ಜನ ನೆಮ್ಮದಿಯಿಂದ ಬದುಕುವುದು ಸಹ ಬಹಳ ಕಷ್ಟವಾಯಿತು.

ಈ ಎಲ್ಲ ಕಾರಣಗಳು ಬಿಜೆಪಿ ಗೆಲುವಿಗೆ ಸಹಕರಿಸಿದವು. ಕಾಂಗ್ರೆಸ್ ಸರ್ಕಾರದ ಕುರಿತು ಅಧಿಕಾರಿ ವಿರೋಧಿ ಅಲೆಯಿತ್ತು ನಿಜ ಆದರೆ ಸಾಮಾನ್ಯನಿಗೆ ಇದರ ಅರಿವಿರಲಿಲ್ಲ. ನಮೋ ಅಲೆ ಮತ್ತು ನಮೋ ಸಂಘಟನೆಗಳ ಅವಿರತ ಶ್ರಮವೇ ಹೆಚ್ಚು ಬಿಜೆಪಿ ಗೆಲುವಿಗೆ ಸಹಕರಿಸಿದವು ಎಂದು ವಿಶ್ಲೇಷಿಸಬಹುದು.

ಲೋಕಸಭಾ ಚುನಾವಣೆಯ ನಂತರ ಕಾಂಗ್ರೆಸ್ ಸರ್ಕಾರ ತನ್ನ ಅಸಲಿ ಮುಖವನ್ನು ಪ್ರದರ್ಶಿಸಿದೆ. ಬಿ.ಎಂ.ಟಿ.ಸಿ, ಮತ್ತು ಕೆ.ಎಸ್.ಆರ್.ಟಿ ಬಸ್ಸುಗಳ ದರಗಳು ಏರಿಕೆಯಾಗಿದೆ. ನೀರು ಮಾತು ವಿದ್ಯುತ್ ದರಗಳನ್ನು ಏರಿಸಿ ಸಿದ್ದು ಸರ್ಕಾರ ಜನಸಾಮಾನ್ಯರಿಗೆ ಶಾಕ್ ಮೇಲೆ ಶಾಕ್ ನೀಡಿದೆ. ಇದರಿಂದ ಜನ ಕಾಂಗ್ರೆಸ್ ಸರಕಾರದಿಂದ ಬೇಸತ್ತಿದ್ದಾರೆ. ಇದರಿಂದ ಕಾಂಗ್ರೆಸ್ ಗೆ ಹಿನ್ನಡೆಯಾಗಿದೆ.

ಜೊತೆಗೆ ಚುನಾವಣೆಯ ಫಲಿತಾಂಶ ಕಾಂಗ್ರೆಸ್ ಪಾಲಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ ಎನ್ನಬಹುದು. ಪಕ್ಷದ ಅಂತರ್ಯದಲ್ಲಿದ್ದ ತಿಕ್ಕಾಟಗಳು ಇಂದು ಜಗಜ್ಜಾಹೀರಾಗಿದೆ. ಚುನಾವಣೆಯ ಸೋಲಿನಿಂದ ಹತಾಶೆಗೊಂಡಿರುವ ನಾಯಕರು ತಮ್ಮ ಬಿನ್ನಮತವನ್ನು ಹೊರಹಾಕಿದ್ದಾರೆ. ಕೆ. ಪಿ.ಸಿ.ಸಿ ಅಧ್ಯಕ್ಷ ಪರಮೇಶ್ವರ್ ಉಪಮುಖ್ಯಮಂತ್ರಿಯಾಗಬೇಕೆಂದು ಹಂಬಲಿಸುತ್ತಿದ್ದಾರೆ. ವಿಶ್ವನಾಥರಂತ ಹಿರಿಯ ನಾಯಕರರು ನನ್ನ ಸೋಲಿನ ಕಾಂಗ್ರೆಸ್ ಪಕ್ಷದ ನಾಯಕರ ಪಿತೂರಿಯೇ ಕಾರಣವೆಂದು ತಮ್ಮ ಅಸಮಾಧಾನವನ್ನು ಪ್ರದರ್ಶಿಸಿದ್ದಾರೆ. ಮಂಡ್ಯದಲ್ಲಿ ನನ್ನ ಸೋಲಿಗೆ ಅಂಬರೀಶ್ ಮತ್ತು ಎಸ್. ಎಂ ಕೃಷ್ಣಾರವರ ನಡುವೆ ಇದ್ದ ಭಿನ್ನಾಭಿಪ್ರಾಯವೇ ಕಾರಣವೆಂದು ಹೈಕಮಾಂಡ್ ಗೆ ದೂರನ್ನು ನೀಡಿದ್ದಾರೆ. ಈ ಎಲ್ಲ ಸಂಗತಿಗಳು ರಾಜ್ಯ ಕಾಂಗ್ರೆಸ್ ನಲ್ಲಿ ಎಲ್ಲವೂ ಸರಿಯಲ್ಲವೆಂಬುದನ್ನು ಸಾರಿ ಹೇಳುತ್ತಿವೆ. ಈ ಭಿನ್ನಾಭಿಪ್ರಾಯ, ಅಸಮಾಧಾನ, ಒಳಜಗಳಗಳು ಹೆಚ್ಚಾಗಿ ಕಾಂಗ್ರೆಸ್ ಸರ್ಕಾರ ಪತನವಾದರೆ ಅದರಲ್ಲಿ ಅಚ್ಚರಿಯೇನಿಲ್ಲ.

ನರೇಂದ್ರ ಮೋದಿ ಅಲೆಯಿಂದ ಗೆದ್ದಿರುವ ರಾಜ್ಯ ಬಿಜೆಪಿ ಈ ಸುಸಂದರ್ಭದಲ್ಲಿ ಎಚ್ಚೆತ್ತುಕೊಳ್ಳಬೇಕಿದೆ. ಮೋದಿ ಸರ್ಕಾರದಲ್ಲಿ ಮಂತ್ರಿ ಪದವಿಗೆ ಲಾಬಿ ಮಾಡುವುದನ್ನು ಬಿಟ್ಟು ಪಕ್ಷ ಸಂಘಟನೆಯಲ್ಲಿ ತೊಡಗಿಕೊಂಡರೆ ಒಳಿತು. ನರೇಂದ್ರ ಮೋದಿ ಪ್ರಧಾನಿಯಾದ ನಂತರವೂ ಮೋದಿ ಅಲೆಯಿರುವುದರಲ್ಲಿ ಸಂಶಯವಿಲ್ಲ.

ಈ ಸಂಧರ್ಭದಲ್ಲಿ ಬಿಜೆಪಿಗೆ ಉತ್ತಮ ನಾಯಕತ್ವದ ಅವಶ್ಯಕತೆ ಇದೆ. ಹಳೆ ಮುಖಗಳನ್ನು ಇಟ್ಟುಕೊಂಡು ಮತ್ತೆ ಚುನಾವಣೆ ಎದುರಿಸಿದರೆ ಸೋಲು ಕಟ್ಟಿಟ್ಟ ಬುತ್ತಿ. ಯುವಕರನ್ನು ಆಕರ್ಷಿಸುವ, ದೂರದೃಷ್ಟಿಯುಳ್ಳ ನಾಯಕನ ರಾಜ್ಯ ಬಿಜೆಪಿಗೆ ಬೇಕು. ರಾಜ್ಯ ಸರ್ಕಾರದಿಂದ ಬೇಸತ್ತಿರುವ ಜನತೆ ಬಿಜೆಪಿ ಪರ ವಾಲುವುದರಲ್ಲಿ ಅನುಮಾನವಿಲ್ಲ. ಹಾಗಾಗಿ ಬಿಜೆಪಿ ನಾಯಕರು ತಮ್ಮ ಅದೇ ಹಳೆ ಚಾಳಿಯನ್ನು ಮುಂದುವರೆಸದೇ ಯೋಗ್ಯ ವ್ಯಕ್ತಿಗೆ ಪಕ್ಷದ ನಾಯಕತ್ವವನ್ನು ವಹಿಸಬೇಕು. ಬಿಜೆಪಿ ನಾಯಕರು ತನ್ನ ಸ್ವಹಿತಾಸಕ್ತಿಗಳನ್ನು ಮರೆತು ಈ ಚುನಾವಣೆಯ ಫಲಿತಾಂಶವನ್ನು ಎಚ್ಚರಿಕೆ ಗಂಟೆಯಂತೆ ಭಾವಿಸಿ ಪಕ್ಷವನ್ನು ಸಂಘಟಿಸಿದರೆ ಒಳಿತು. ಇಲ್ಲದಿದ್ದರೆ 2013ರ ಚುನಾವಣೆಯಲ್ಲಿ ಎದುರಿಸಿದ ಪರಿಸ್ಥಿತಿಯನ್ನೇ ಮತ್ತೆ ಎದುರಿಸಬೇಕಾದಿತು!.

ನಿಸ್ವಾರ್ಥ ಸೇವೆ ಅಚಲವೆಂದು ನಿರೂಪಿಸಿದ ನಮೋ ಬ್ರಿಗೇಡ್

2014-05-17T15:11:00.003+05:30

ನಮೋ ಬ್ರಿಗೇಡ್ ಯಶಸ್ವಿ ಪಯಣದ ಕುರಿತು ನನ್ನ ಅನಿಸಿಕೆ. ನಿಸ್ವಾರ್ಥ ಸೇವೆ ಮಾಡಿದ ನಮೋ ಬ್ರಿಗೇಡ್ ಗೆಳೆಯರಿಗೆ ಈ ಲೇಖನ ಅರ್ಪಿಸುತ್ತಿದ್ದೇನೆ.

ಪ್ರಪಂಚದ ಬಹುದೊಡ್ಡ ಪ್ರಜಾಪ್ರಭುತ್ವದ ಐತಿಹಾಸಿಕ ಚುನಾವಣೆಗೆ ತೆರೆ. ಮೂವತ್ತು ವರ್ಷಗಳ ನಂತರ ಒಂದು ಪಕ್ಷಕ್ಕೆ ಬಹುಮತ ಪ್ರಾಪ್ತಿ. 135 ವರ್ಷಗಳ ಇತಿಹಾಸದ ಹಿನ್ನಲೆಯಿರುವ ಕಾಂಗ್ರೆಸ್ ಗೆ ಕಂಡುಕೇಳರಿಯದ ಬಾರಿ ಮುಖಭಂಗ. ಅಭಿವೃದ್ದಿಯ ಹರಿಕಾರ ನರೇಂದ್ರ ಮೋದಿಗೆ ಭರ್ಜರಿ ಗೆಲುವು. ಓಲೈಕೆ ಮತ್ತು ಮತಬ್ಯಾಂಕ್ ರಾಜಕಾರಣಕ್ಕೆ ತಕ್ಕ ಶಾಸ್ತಿ. ಅಭಿವೃದ್ದಿ ರಾಜಕಾರಣಕ್ಕೆ ಮೊರೆಹೋದ ಮತದಾರ. ಬದಲಾವಣೆಯ ಪರ್ವಕ್ಕೆ ಮುನ್ನುಡಿ. ಇದು ಲೋಕಸಭೆಯ ಚುನಾವಣೆಯ ಫಲಿತಾಂಶದ ನನ್ನ ವಿಶ್ಲೇಷಣೆ.

ಈ ಬಾರಿಯ ಚುನಾವಣೆ ಬಹಳಷ್ಟು ಅಚ್ಚರಿಗಳಿಗೆ ಸಾಕ್ಷಿಯಾಗಿದೆ. ದೇಶದ ಬಹುದೊಡ್ಡ ಜನಸಂಖ್ಯೆಯ ಯುವಜನತೆ ಈ ಚುನಾವಣೆಯಲ್ಲಿ ತನ್ನ ಶಕ್ತಿಯನ್ನು ಪ್ರದರ್ಶಿಸಿದೆ. ಇವರೆಗೂ Used’less ಆಗಿದ್ದ ಭಾರತದ ಯುವಶಕ್ತಿ ಈ ಚುನಾವಣೆಯಲ್ಲಿ ಜವಾಬ್ದಾರಿಯನ್ನು ನಿಭಾಯಿಸಿದೆ. ಭಾರತದ ಇತಿಹಾಸದಲ್ಲೇ ಅತಿಹೆಚ್ಚು ಮತದಾನವಾಗಿರುವುದು ಇದಕ್ಕೆ ಸಾಕ್ಷಿ. ಟ್ವಿಟ್ಟರ್, ಫೇಸ್ಬುಕ್ ಮುಂತಾದ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿದ್ದ ಯುವಜನತೆ ಈ ಬಾರಿ ಹೊರಗಡೆ ಬಂದು ದೇಶದ ಒಳಿತಿಗೆ ಶ್ರಮಿಸಿದೆ. ರಾಜಕೀಯವನ್ನು ಹೊಲಸು ಎಂದು ಭಾವಿಸಿದ್ದ ಬಹಳಷ್ಟು ಯುವಕರು ರಾಜಕೀಯದಲ್ಲಿ ಆಸಕ್ತಿ ತೋರಿದ್ದು ಈ ಚುನಾವಣೆಯ ಅಚ್ಚರಿ. ದೇಶದ ಕಾಳಜಿಯನ್ನು ಮರೆತು ಬದುಕಿದ್ದು ಸತ್ತಂತಿದ್ದ ಯುವಜನತೆ ಬಡಿದೆಬ್ಬಿಸಿದ ಕೀರ್ತಿ ನಮೋ ಬ್ರಿಗೇಡ್ ಎಂಬ ಯುವಪಡೆಗೆ ಸಲ್ಲುತ್ತದೆ.

“The Bud of the Nation’s Future Finds a Fragrant Blooming in the its Youth” ದೇಶದ ಭವಿಷ್ಯವೆಂಬ ಮೊಗ್ಗು ಅರಳಿ ಹೂವಾಗ ಬೇಕಾದರೆ ಅದು ಆ ದೇಶದ ಯುವಜನತೆಯ ಕೈ ಸೇರಬೇಕು. ಈ ಮಾತು ಅಕ್ಷರಶಃ ಸತ್ಯ. “ಯುವ ಶಕ್ತಿಯೇ ರಾಷ್ಟ್ರಶಕ್ತಿ” ಎಂದಿದ್ದರು ಸಿಡಿಲಸಂತ ಸ್ವಾಮಿ ವಿವೇಕಾನಂದರು. ಯುವಜನತೆ ಎದ್ದರೆ ದೇಶ ಎದ್ದೀತು. ದೇಶವನ್ನು ಬದಲಿಸುವ ಶಕ್ತಿ ಯುವಜನರಲ್ಲಿದೆ. ಇಂತಹ ಶಕ್ತಿಯನ್ನು ಪರಿಣಾಮಕಾರಿಯಾಗಿ ಬಳಸಿಕೊಂಡ ಸಂಘಟನೆಯೇ ನಮೋ ಬ್ರಿಗೇಡ್. ನರೇಂದ್ರ ಮೋದಿಯವರನ್ನು ಪ್ರಧಾನಿ ಮಾಡಲು ಸ್ಥಾಪಿತವಾದ ನಮೋ ಬ್ರಿಗೇಡ್ ತನ್ನ ಗುರಿಯನ್ನು ತಲುಪಿದೆ. ಅಸಂಖ್ಯ ನಮೋ ಬ್ರಿಗೇಡ್ ಕಾರ್ಯಕರ್ತರ ನಿಸ್ವಾರ್ಥ ಸೇವೆ ಫಲ ನೀಡಿದೆ.

ಕರ್ನಾಟಕದಲ್ಲಿ ಬಿಜೆಪಿ 17 ಸ್ಥಾನಗಳಲ್ಲಿ ಜಯಭೇರಿ ಬಾರಿಸಿದೆ. ಈ ವಿಜಯದಲ್ಲಿ ನಮೋ ಬ್ರಿಗೇಡ್ ನ ಪಾಲಿದೆ. ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಹೀನಾಯವಾಗಿ ಸೋತು ಬಹಳಷ್ಟು ಮುಖಭಂಗಕ್ಕೆ ಒಳಗಾಗಿತ್ತು. ಆ ಪರಿಸ್ಥಿತಿಯಲ್ಲಿ ಬಿಜೆಪಿ ಕೇವಲ 4 ಲೋಕಸಭೆಯನ್ನು ಗೆಲ್ಲುವುದಕ್ಕೆ ಶಕ್ತವಾಗಿತ್ತು. ಈ ಸಂದರ್ಭದಲ್ಲಿ ಹುಟ್ಟಿಕೊಂಡ ನಮೋ ಬ್ರಿಗೇಡ್ ನರೇಂದ್ರ ಮೋದಿಯವರ ವಿಚಾರಧಾರೆಗಳನ್ನು ಮನೆ ಮನೆಗೆ ತಲುಪಿಸಿ, ಮತದಾರರಲ್ಲಿ ಜಾಗೃತಿ ಮೂಡಿಸಿ ಬಿಜೆಪಿಯ ಗೆಲುವಿಗೆ ಅಪಾರವಾದ ಕೊಡುಗೆಯನ್ನು ನೀಡಿದೆ.

“ Narendra Modi Fans From Karnataka “ ಎಂಬ ಫೇಸ್ಬುಕ್ ಪೇಜ್ ನಿಂದ ನಮೋ ಬ್ರಿಗೇಡ್ ಆರಂಭವಾಯಿತು. ಮೊದಮೊದಲು ಕೇವಲ ಅಂತರ್ಜಾಲದಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಈ ಪೇಜ್ ಕರ್ನಾಟಕದ ವಿಧಾನಸಭೆಯಲ್ಲಿ ಬಿಜೆಪಿಯ ಸೋಲಿನ ನಂತರ ತಳಮಟ್ಟದಲ್ಲಿ ಕಾರ್ಯನಿರ್ವಹಿಸುವ ಪೂರ್ಣಪ್ರಮಾಣದ ಸಂಘಟನೆಯಾಗಿ ಮಾರ್ಪಟ್ಟಿತು. ಕರ್ನಾಟಕದ ಎಲ್ಲ ಉತ್ಸಾಹಿ ತರುಣರನ್ನು ಒಗ್ಗೂಡಿಸಿ ಒಂದು ಏಕ ಮಾತ್ರ ಉದ್ದೇಶಕ್ಕಾಗಿ ಯಾವುದೇ ಪ್ರತಿಫಲವನ್ನು ಬಯಸದೇ ತನ್ನ ನಿಸ್ವಾರ್ಥ ಸೇವೆಯನ್ನು ಮಾಡಿದೆ.

ಮತದಾರನ ನೋಂದಣಿ ಅಭಿಯಾನಯನ್ನು ಕೈಗೆತ್ತಿಕೊಂಡು ರಾಜ್ಯದಲ್ಲೆಡೆ ಮತದಾನದ ಜಾಗೃತಿ ಮೂಡಿಸುವ ಕಾರ್ಯಕ್ರಮಗಳು, ನರೇಂದ್ರ ಮೋದಿಯವರ ಅಭಿವೃದ್ದಿಯನ್ನು ಮನೆಮನೆಗೆ ತಲುಪಿಸುವ ನಮೋ ತೇರು, ನರೇಂದ್ರ ಮೋದಿಯ ಸಾಧನೆ, ಅಭಿವೃದ್ದಿ, ನಾಯಕತ್ವ ಗುಣಗಳನ್ನು ಪರಿಣಾಮಕಾರಿಯಾಗಿ ತಲುಪಿಸಲು ನಡೆದ ಗೀತಕಥನ “ನಮೋ ಭಾರತ್”, ಕಮಿಟ್ಮೆಂಟ್ ಕಾರ್ಡ್ ಅಭಿಯಾನ, ನಮ್ಮ ಮನೆ ನಮೋ ಮನೆ ಮುಂತಾದ ಎಲ್ಲಾ ಯಶಸ್ವಿ ಕಾರ್ಯಕ್ರಮಗಳ ರೂವಾರಿ ನಮೋ ಬ್ರಿಗೇಡ್.

ನಮೋ ಬ್ರಿಗೇಡ್ ನ ಲಕ್ಷಾಂತರ ಕಾರ್ಯಕರ್ತರು ತಮ್ಮ ಸ್ವಾರ್ಥವನ್ನು ಬದಿಗೊತ್ತಿ, ದೇಶಕ್ಕಾಗಿ ತಮ್ಮ ಅಮೂಲ್ಯ ಸಮಯವನ್ನು ನೀಡಿ ನಿಸ್ವಾರ್ಥ ಸೇವೆ ಸಲ್ಲಿಸಿದ್ದಾರೆ. ಬಹಳಷ್ಟು ಯುವಕರು ತಮ್ಮ ಕೆಲಸವನ್ನು ತೊರೆದಿದ್ದಾರೆ. ಈ ಎಲ್ಲ ಯುವಕರ ಗುರಿ ಒಂದೇ ಆಗಿತ್ತು. ಅದು ಪ್ರಗತಿಯ ಭಾರತವನ್ನು ಕಾಣುವುದು. ಈ ಕನಸು ನನಸಾಗುವ ದಿನಗಳು ಹತ್ತಿರದಲ್ಲಿದೆ. ನಮೋ ಬ್ರಿಗೇಡ್ ನ ಗುರಿ ನರೇಂದ್ರ ಮೋದಿಯನ್ನು ಪ್ರಧಾನಿ ಮಾಡುವುದಾಗಿತ್ತು. ಆ ಗುರಿ ಈಡೇರಿದೆ. ಈ ಸಂಘಟನೆಯ ಗೆಲುವು ಯುವಶಕ್ತಿಯ ಗೆಲುವು, ನಿಸ್ವಾರ್ಥ ಸೇವೆಯ ಗೆಲುವು. ಈ ವಿಜಯ ಎಲ್ಲ ನಮೋ ಬ್ರಿಗೇಡ್ ಕಾರ್ಯಕರ್ತರಿಗೆ ಸೇರಿದ್ದು. ಎಲ್ಲ ನಮೋ ನಮೋ ಬ್ರಿಗೇಡ್ ಕಾರ್ಯಕರ್ತರಿಗೆ ನನ್ನ ಅಭಿನಂದನೆಗಳು.

ಈ ನಮೋ ಬ್ರಿಗೇಡ್ ಎಂಬ ಯುವ ಪಡೆಯ ಸದಸ್ಯನಾಗಿದದ್ದು ನನ್ನ ಭಾಗ್ಯ. ನಿಸ್ವಾರ್ಥ ಸೇವೆ ಮಾಡಲು ಅವಕಾಶವನ್ನಿತ್ತ ನಮೋ ಬ್ರಿಗೇಡ್ ಗೆ ನಾನು ಚಿರಋಣಿ. ನಮೋ ಬ್ರಿಗೇಡ್ ಗಾಗಿ ಶ್ರಮಿಸಿದ ಚಕ್ರವರ್ತಿ ಸೂಲಿಬೆಲೆ, ಸಂಚಾಲಕರಾದ ನರೇಶ್ ಶೈಣೈ ರವರಿಗೆ ಧನ್ಯವಾದಗಳು.

ನಮೋ ಬ್ರಿಗೇಡ್ ನನಗೆ ಬಹಳಷ್ಟು ಸ್ನೇಹಿತರನ್ನು ನೀಡಿದೆ. ಅವರಿಗೆ ನಾನು ಧನ್ಯ. ನೇರ ಮಾತಿನ, ಮಧುರ ಹೃದಯದ ನೀರಜ್, ಸರಳ ಸ್ವಭಾವದ ಮೃದು ಹೃದಯಿ ಚೇತನ್, ಹಾಸ್ಯ ಪ್ರವೃತಿಯ ರಾಘು ಅಣ್ಣ, ಉತ್ತಮ ಬರಹಗಾರ, ಚಿಂತಕ, ಮೌನಮೂರ್ತಿ ರಾಜೇಶ್ ರಾವ್, ನಗುಮುಖದ ಭರತ್, ಕಲ್ಯಾಣ್ ಜೀ, ವಿನಯ್(ನನ್ನ ಬಗ್ಗೆ ನಿಮಗೆ ಅಸಮಾಧಾನವಿರಬಹುದು ಅದಕ್ಕೆ ಕ್ಷಮೆಯಿರಲಿ) ನಿಮಗೆಲ್ಲರಿಗೂ ನನ್ನ ಧನ್ಯವಾದಗಳು.

ಹಾಗಯೇ, ವಿಜಯನಗರದಲ್ಲಿ ನಮೋ ಬ್ರಿಗೇಡ್ ಕೆಲಸ ಮಾಡುವಾಗ ಪ್ರೀತಿತೋರಿದ ವಿಜಯನಗರದ ಗೆಳಯರಾದ ಶ್ರೀನಿವಾಸ್, ಮಂಜುನಾಥ್, ಪ್ರವೀಣ್, ಬಾಲಾಜಿ, ಅಪತ್ಕಾಲದಲ್ಲಿ ನಮೋ ಬ್ರಿಗೇಡ್ ಗೆ ಸಹಕರಿಸಿದ ನಮೋ ಬ್ರಿಗೇಡ್ ನ ‘ಅನ್ನದಾತ’, ಹಿರಿಯರಾದ ಆನಂದ್ ಜೀ ಗೆ ಮತ್ತು ಆತ್ಮೀಯ ಸ್ನೇಹಿತರಾದ ಪ್ರಶಾಂತ್ ಗೆ, ಅಶ್ವಿನ್, ನಾಗಾ ನರಸಿಂಹ, ಚರಣ್ ,ಮನೋಜ್, ಹರೀಶರಿಗೆ ಪ್ರೀತಿಯ ಗೆಳೆಯರಾದ ನಿಶಿತ್, ಆದರ್ಶ್ ಗೆ, ಫೇಸ್ಬುಕ್ ಗೆಳಯ ಅಕ್ಷತ್ ಗೆ, ಹುಡುಗಿಯರು ದೇಶದ ಬಗ್ಗೆ ಕಾಳಜಿ ವಹಿಸುವುದು ವಿರಳ ಇಂತಹ ಸಂದರ್ಭದಲ್ಲಿ ದೇಶಕಾರ್ಯದಲ್ಲಿ ಕೈ ಜೋಡಿಸಿರುವ ಅರ್ಪಿತ, ಸುಶ್ಮಿತಾ,ಪ್ರಿಯ, ಸಂಜನಾ, ನಮೋ ಬ್ರಿಗೇಡ್ ಫೇಸ್ಬುಕ್ ಪೇಜ್ ನ ಯಶಸ್ಸಿನ ರೂವಾರಿ ಶ್ರೀಕಾಂತ್ ರಿಗೆ (ಅವರನ್ನು ಪ್ರತ್ಯಕ್ಷವಾಗಿ ಭೇಟಿಯಾಗಿಲ್ಲ ಫೇಸ್ಬುಕ್ ಮೂಲಕ ಪರಿಚಿತರು), ಟ್ವಿಟ್ಟರ್ ನಲ್ಲಿ ನಮೋ ಬ್ರಿಗೇಡ್ ನ ಕುರಿತು ಜಾಗೃತಿ ಮೂಡಿಸಿರುವ ಹಿರಿಯರಾದ ಕಿರಣ್ ಕೆ. ಎಸ್ ರವರಿಗೆ ಮತ್ತು ಎಲ್ಲಾ ನಮೋ ಬ್ರಿಗೇಡ್ ಗೆಳೆಯರಿಗೂ ನನ್ನ ಅನಂತ ಧನ್ಯವಾದಗಳು.

ನಿಮಗಾಗಿ ಈ ಸಾಲುಗಳನ್ನು ಅರ್ಪಿಸುತ್ತಿದ್ದೇನೆ

ಓ ದೇಶಭಕ್ತ ಗೆಳೆಯರೇ

ನಿಮಗಿದೋ ನನ್ನ ವಂದನೆ

ಗುರಿ ಸಾಧಿಸಿದ್ದಕ್ಕೆ ಅಭಿನಂದನೆ

ನಿಮ್ಮ ಮುಂದಿನ ವೃತ್ತಿ ಜೀವನ ಸುಖಕರವಾಗಿರಲಿ

ರಾಷ್ಟ್ರಕಾರ್ಯಕ್ಕೆ ನಿಮ್ಮ ಹೃದಯ ಮಿಡಿಯುತಿರಲಿ.

ಜೈ ಹಿಂದ್

ರವಿತೇಜ ಶಾಸ್ತ್ರೀ

ಅಸಾಮಾನ್ಯ ರಾಷ್ಟ್ರಭಕ್ತ ವಿದ್ಯಾನ೦ದ ಶೆಣೈ

2014-05-06T14:28:00.002+05:30

ವಿದ್ಯಾನಂದರನ್ನು ನೋಡುವ ಭಾಗ್ಯ ನನಗಂತೂ ಸಿಗಲಿಲ್ಲ. ಅವರ ಉಪನ್ಯಾಸಕ್ಕೆ ನಾನು ತೃಪ್ತಿಪಡಬೇಕಾಗಿದೆ. ಅವರನ್ನು ಕಂಡ ಹಿರಿಯರ ಲೇಖನವನ್ನು ನನ್ನ ಬ್ಲಾಗ್ನಲ್ಲಿ ಹಂಚಿಕೊಳ್ಳುತ್ತಿದ್ದೇನೆ.

ಲೇಖಕರು: ವೆ೦ಕಟೇಶ ದೊಡ್ಮನೆ, ತಲಕಾಲಕೊಪ್ಪ

ವಿದ್ಯಾನ೦ದರು ಅ೦ದ ತಕ್ಷಣ ಕರ್ನಾಟಕದಲ್ಲಿ ಒಮ್ಮೆಲೇ ಇಬ್ಬರು ದಿಗ್ಗಜರು ನೆನಪಿಗೆ ಬರುತ್ತಾರೆ. ಒಬ್ಬರು ವಿದ್ಯಾನ೦ದ ಭೂಷಣರು (ಸ್ವಾಮೀಜಿ), ಇನ್ನೊಬ್ಬರು ವಿದ್ಯಾನ೦ದ ಶೆಣೈ ಅವರು. ಇಬ್ಬರೂ ಹೆಚ್ಚೂ ಕಡಿಮೆ ಒ೦ದೇ ಪ್ರದೇಶದವರು, ಅವಿಭಜಿತ ದ.ಕ.ಜಿಲ್ಲೆಯವರು. ಸ೦ಗೀತ ಇಷ್ಟಪಡುವವರಿಗೆಲ್ಲಾ ವಿದ್ಯಾಭೂಷಣರು ಚಿರಪರಿಚಿತರಾದರೆ, "ಭಾರತ ದರ್ಶನ" ಕೇಳಿದವರೆಲ್ಲರಿಗೂ ವಿದ್ಯಾನ೦ದ ಶೆಣೈ ಅವರನ್ನು ಒಮ್ಮೆಯಾದರೂ ನೋಡಬೇಕೆನಿಸಿರುತ್ತದೆ.

ವಿದ್ಯಾನ೦ದ ಶೆಣೈ ಒಬ್ಬ ಅದ್ಭುತ ಮಾತುಗಾರ ಅಷ್ಟೇ ಅಲ್ಲ. ಅವರೊಬ್ಬ ಅಸಾಮಾನ್ಯ ದೇಶಭಕ್ತ, ಅಷ್ಟೇ ಸರಳ ವ್ಯಕ್ತಿ. ಕ೦ಚಿನ ಕ೦ಠದ, ಸರಾಗವಾಗಿ ಹಲವು ಭಾಷೆಗಳಲ್ಲಿ ಅಧಿಕಾರಯುತವಾಗಿ ಮಾತನಾಡುವ, ನಮ್ಮ ರಾಷ್ಟ್ರಭಕ್ತಿಯನ್ನು ಜಾಗೃತಗೊಳಿಸುವ ಪ್ರಚ೦ಡ ಭಾಷಣಕಾರ ಆಗಿದ್ದರು, ಅತ್ಯುತ್ತಮ ಸ೦ಘಟಕರಾಗಿದ್ದರು. ಚಿಕ್ಕ೦ದಿನಿ೦ದಲೇ ಸ೦ಘದ ಬಗ್ಗೆ ಆಸಕ್ತಿ ಬೆಳೆಸಿಕೊ೦ಡಿದ್ದ ಇವರು ರಾಷ್ಟ್ರಕಟ್ಟುವ ಕಾರ್ಯಕ್ಕೆ ಅಡಚಣೆಯಾಗುತ್ತದೆ ಎ೦ದು ಸ೦ಸಾರವನ್ನು ಕಟ್ಟಿಕೊಳ್ಳಲೇ ಇಲ್ಲ.

ದು೦ಡು ಮುಖದ, ಸ್ವಲ್ಪ ಕಪ್ಪಗೆ ಚಹರೆ ಇದ್ದ, ಸಾಮಾನ್ಯ ಎತ್ತರದ, ಹೊರ ನೋಟದಲ್ಲಿ ಸಾಮಾನ್ಯರಲ್ಲಿ ಸಾಮಾನ್ಯರ೦ತೆ ಕಾಣಿಸುತ್ತಿದ್ದ, ಸದಾ ಬಿಳಿ ಪೈಜಾಮ ಜುಬ್ಬಾ/ಅ೦ಗಿ ಧರಿಸುತ್ತಿದ್ದ ಆ ಧೀಮ೦ತ ವ್ಯಕ್ತಿಯನ್ನು ಹೊಸಬರಾರೂ ಸುಲಭವಾಗಿ ಗುರುತಿಸಲು ಆಗುತ್ತಿರಲಿಲ್ಲ. ಆದರೆ ಅವರು ಭಾಷಣಕ್ಕೆ ಎದ್ದು ನಿ೦ತರೆ೦ದರೆ ಸಭೆಯಲ್ಲಿ ಮಾತು ಬರದ, ಅಳುತ್ತಿರುವ ಪುಟಾಣಿ ಮಕ್ಕಳೂ ಅಳುನಿಲ್ಲಿಸಿ ಬೆರಳು ಚೀಪುತ್ತಾ ಅವರ ಮಾತನ್ನು ಆಲಿಸುತ್ತಿದ್ದವು ಅ೦ದರೆ ಅವರ ಧ್ವನಿಗೆ ಎ೦ಥಾ ಶಕ್ತಿ ಇರಬೇಕು? ಅವರ ಹಲವು ಸಭೆಗಳಲ್ಲಿ ಕುಳಿತಿದ್ದ ನಾನು ಅವರ ಭಾಷಣ ಮುಗಿಯುವವರೆಗೂ ಅಕ್ಕಪಕ್ಕದಲ್ಲಿ ಯಾರೂ ಮಾತನಾಡಿದ್ದು, ಎದ್ದು ಹೋಗಿದ್ದು ನೋಡಿಲ್ಲ.

ಸಾಷ್ಟಾಂಗ ನಮಸ್ಕಾರ ಮಾಡಿದ ರಾಜ್ :

ನಿಮಗೆ ಗೊತ್ತಾ? ಕನ್ನಡದ ವರನಟ ದಿ.ಡಾ.ರಾಜ್ ಕುಮಾರರನ್ನು ವೀರಪ್ಪನ್ ಕಾಡಿಗೆ ಕರೆದುಕೊ೦ಡು ಹೋಗಿದ್ದಾಗ ರಾಜ್ ಕೆಲವು ವಸ್ತುಗಳನ್ನು ತಮ್ಮ ಮನೆಯಿ೦ದ "ಕೇಳಿ" ತರಿಸಿಕೊ೦ಡರು. ಅದರಲ್ಲಿ ವಿದ್ಯಾನ೦ದರ "ಭಾರತ ದರ್ಶನ" ಕ್ಯಾಸೆಟ್ಟೂ ಒ೦ದು! ಅವರು ಕಾಡಿನಲ್ಲಿದ್ದಾಗ ಇದನ್ನ ಹತ್ತಾರು ಬಾರಿ ಕೇಳಿದ್ದರ೦ತೆ. ಒಮ್ಮೆ ರಾಜ್ ರನ್ನು ಕಾಣಲು ಯಾವುದೋ ಕಾರಣಕ್ಕಾಗಿ ಸ೦ಘಪರಿವಾರದ ತ೦ಡ ಭೇಟಿಕೊಟ್ಟಿತ್ತು. ಮಾತು ಶುರು ಮಾಡಿದ ರಾಜ್, "ನನಗೆ "ಭಾರತ ದರ್ಶನ" ಕ್ಯಾಸೆಟ್ ನಲ್ಲಿ ಮಾತನಾಡಿದವರನ್ನು ನೋಡಬೇಕು, ಒಮ್ಮೆ ಕರೆದುಕೊ೦ಡು ಬನ್ನಿ" ಅ೦ದರ೦ತೆ. ಅಲ್ಲೇ ಸರಳವಾಗಿ ಬಿಳಿಯ ಪೈಜಾಮ-ಜುಬ್ಬಾ ಧರಿಸಿದ್ದ ವ್ಯಕ್ತಿಯತ್ತ ಎಲ್ಲರೂ ಕೈತೋರಿದರು. ವಿದ್ಯಾನ೦ದರು ಸರಳ ನಗೆ ಬೀರುತ್ತಾ ಕೈಮುಗಿದರು. ತಕ್ಷಣ ರಾಜಣ್ಣ ಮಾಡಿದ್ದೇನು ಗೊತ್ತೆ? ಎದ್ದು ಹೋಗಿ ವಿದ್ಯಾನ೦ದರಿಗೆ ಉದ್ದ೦ಡ ನಮಸ್ಕಾರ ಹಾಕಿದರ೦ತೆ! "ನೀವು ಬಹಳ ದೊಡ್ಡವರು, ಎ೦ಥಾ ಕ೦ಠವಪ್ಪಾ, ಎಷ್ಟು ತಿಳಿದುಕೊ೦ಡಿದ್ದೀರಿ, ನೀವು ನಮ್ಮ ಮನೆಗೆ ಬ೦ದಿರುವು ನಮ್ಮ ಭಾಗ್ಯ, ನಿಮ್ಮನ್ನು ನೋಡಿ ಜನ್ಮ ಸಾರ್ಥಕ" ಅ೦ದರ೦ತೆ. ಪರಸ್ಪರ ಅಪ್ಪಿ ಕೊ೦ಡಾಗ ಕನ್ನಡದ ಎರಡು ಮಹಾನ್ ದಿಗ್ಗಜರ ಮಿಲನವಾಯಿತು.

ಇ೦ಥಾ ಅದ್ಭುತ ವ್ಯಕ್ತಿತ್ವದವರನ್ನು ಹತ್ತಿರದಿ೦ದ ಭೇಟಿಮಾಡಲು ನಾನು ನಿಜಕ್ಕೂ ಅದೃಷ್ಟ ಮಾಡಿದ್ದೆ. ಈಗೊ೦ದು ಹನ್ನೆರೆಡು ವರ್ಷಗಳ ಹಿ೦ದಿನ ಮಾತು. ಬೆ೦ಗಳೂರು ಎನ್ನಾರ್ ಕಾಲೊನಿಯ ಗೋಖಲೆ ಸಾರ್ವಜನಿಕ ಸ೦ಸ್ಥೆಯಲ್ಲಿ ಅವರ ಭಾಷಣದ ಏರ್ಪಾಡಾಗಿತ್ತು. ಸಭಾಭವನದ ಹಿ೦ದೆ ವಿದ್ಯಾರ್ಥಿಗಳಿಗಾಗಿ ಒ೦ದು ಹಾಸ್ಟೆಲ್ ಇತ್ತು. ನಾನು ಬಿ.ಎಮ್.ಎಸ್. ಇ೦ಜಿನಿಯರಿ೦ಗ್ ಕಾಲೇಜಿನಲ್ಲಿ ವ್ಯಾಸ೦ಗ ಮಾಡುತ್ತಾ ಅಲ್ಲಿ ಉಳಿದುಕೊ೦ಡಿದ್ದೆ. ಶಿಸ್ತಿನ ಸಿಪಾಯಿಯಾಗಿದ್ದ ವಿದ್ಯಾನ೦ದ ಶೆಣೈಯವರು ಸಮಯಕ್ಕೆ ಮುಕ್ಕಾಲು ಗಂಟೆ ಮೊದಲೇ ಬ೦ದಿದ್ದರು. ಸ೦ಸ್ಥೆಯ ಕಾರ್ಯದರ್ಶಿ (ದಿ) ಸುಬ್ಬರಾಯರು ನನ್ನನ್ನು ಕರೆದು "ಒಮ್ಮೆ ಸ೦ಸ್ಥೆಯಲ್ಲಿ ಸುತ್ತಾಡಿಸಿಕೊ೦ಡು ಬಾ" ಎ೦ದು ಅಪ್ಪಣೆ ಕೊಡಿಸಿದರು. ನಾನು ಅವರಿಗೆ ನಮಸ್ಕರಿಸಿ ಒ೦ದೊ೦ದೇ ಜಾಗಗಳನ್ನು ತೋರಿಸುತ್ತಾ ಹಾಸ್ಟೆಲಿನ ಹತ್ತಿರ ಬ೦ದೆ.

ಭಾನುವಾರವಾದ್ದರಿ೦ದ ಎಲ್ಲ ವಿದ್ಯಾರ್ಥಿಗಳೂ ಬಾಗಿಲು ತೆಗೆದಿದ್ದರು. ಅವರು ಹೊರಗಿನಿ೦ದಲೇ ಒ೦ದೊ೦ದೇ ಕೋಣೆಗಳನ್ನು ಸೂಕ್ಷ್ಮವಾಗಿ ನೋಡುತ್ತಾ, ಹುಡುಗರು ಒಳಗೆ ಬನ್ನಿರೆ೦ದರೂ ಯಾರ ಕೋಣೆಗೂ ಹೋಗಲಿಲ್ಲ. ಮು೦ದೆ ಕೊನೆಯಲ್ಲಿ ಅರ್ಧ ಬಾಗಿಲು ತೆರೆದ ಕೋಣೆಯೊ೦ದಿತ್ತು, ಹೊರಗಡೆ ಗೋಡೆ, ಕಿಟಕಿಯನ್ನು ಪರೀಕ್ಷಿಸಿ ನೋಡಿದಮೇಲೆ, ಒಳಗೆ ನೋಡಬಹುದೇ ಎನ್ನುತ್ತಾ ಬಾಗಿಲು ಪೂರ್ಣ ತೆಗೆದರು, ಒಳಗೆ ಹೋಗಿಬಿಟ್ಟರು, ಅದು ನನ್ನ ಕೋಣೆಯಾಗಿತ್ತು! ಎದುರಿಗೆ ಅವರಿಗೆ ಕಾಣಿಸಿದ್ದು "ಓ೦" ಎ೦ದು ಸ೦ಸ್ಕೃತದಲ್ಲಿ ಬರೆದಿದ್ದ ದೊಡ್ಡ ವಾಲ್ ಪೋಸ್ಟರ್, ದೇವತಾಮೂರ್ತಿ, ಫೋಟೋಗಳು, ಪುಸ್ತಕಗಳು, ಗ್ಯಾಸ್ ಸ್ಟೊವ್, ಅಡುಗೆ ಸಾಮಾನು, ಪಾತ್ರೆಗಳು ಎಲ್ಲವನ್ನೂ ಒಪ್ಪವಾಗಿ ಜೋಡಿಸಿಟ್ಟಿದ್ದು, ಕೋಣೆಯಲ್ಲಿ ಕಸ, ಧೂಳು, ಜೇಡರಬಲೆ ಇಲ್ಲದಿರುವುದು ಬಹುಶಃ ಹಿಡಿಸಿತು. "ಕೋಣೆಯನ್ನು ಚೆನ್ನಾಗಿ ಇಟ್ಟುಕೊ೦ಡಿದ್ದೀಯ" ಅ೦ದರು. ಮ೦ಚದ ಮೇಲೆ ಕುಳಿತು ಜೊತೆಯಲ್ಲೇ ಬ೦ದಿದ್ದ ವಿದ್ಯಾರ್ಥಿಗಳನ್ನೂ ಉದ್ದೇಶಿಸಿ ಶಿಸ್ತು, ನಡತೆ, ಶ್ರದ್ಧೆಯಬಗ್ಗೆ ನಾಲ್ಕುಮಾತು ಹೇಳಿದರು. ರೂಮಿನ ಹೊರಗೂ ಒ೦ದೂ ಜೇಡರಬಲೆ ಇಲ್ಲದ೦ತೆ ಗುಡಿಸಿ, ತೊಳೆದು, ಅಕ್ಕಪಕ್ಕ ಸ್ವಚ್ಚಗೊಳಿಸಿ, ಗಿಡಗಳನ್ನೂ ಬೆಳೆಸಿದ್ದಾಗ ಬೇರೆ ಹುಡುಗರು "ಹಾಸ್ಟೆಲ್ ನ ಉದ್ದಾರ ಮಾಡುವವ" ಅ೦ತ ಹೀಯಾಳಿಸುತ್ತಿದ್ದಕ್ಕೆ ಈಗ ತಕ್ಕ ಉತ್ತರ ಸಿಕ್ಕ ಸ೦ತೋಷವಾಗಿತ್ತು. ಅರ್ಧ ಗಂಟೆ ಕುಳಿತಿದ್ದು ನ೦ತರ ಸಭೆಗೆ ಕರೆಬ೦ದದ್ದರಿ೦ದ ಹೊರಟರು. ಅವತ್ತಿನ ಭಾಷಣಕ್ಕೆ ಸುಮಾರು 800 ಜನ ಸೇರಿದ್ದರು.

ಇದಾಗಿ ಒ೦ದು ವರ್ಷದ ಮೇಲೆ ಬೆ೦ಗಳೂರಿನಿ೦ದ ಶಿವಮೊಗ್ಗಕ್ಕೆ ಹೋಗುವ ರೈಲಿನಲ್ಲಿ, ಮೊದಲೇ ಕಾದಿರಿಸಿದ್ದ ಸೀಟು ಹುಡುಕುತ್ತಾ ಹೋಗುತ್ತಿದ್ದೆ. ಅಲ್ಲೊ೦ದು ಕಡೆ ವಿದ್ಯಾನ೦ದರು "ಬೈಠಕ್" ಮಾಡಿಕೊ೦ಡು ಕುಳಿತಿದ್ದರು. ನನ್ನ ಕಣ್ಣಲ್ಲಿ ಫಕ್ಕನೆ ಹೊಳಪು ಮೂಡಿತಾದರೂ, ಅಕ್ಕಪಕ್ಕದಲ್ಲಿ ಯಾರೋ ದೊಡ್ಡವರೆಲ್ಲಾ ಇದ್ದಾರೆ, ಈಗ ಮಾತನಾಡಿಸುವುದು ಸರಿಯಲ್ಲ, ಅದೂ ಅಲ್ಲದೆ ನನ್ನನ್ನು ಅಕಸ್ಮಾತ್ ಗುರುತಿಸದೇ ಹೋದರೆ? ಸರಿಯಲ್ಲವೆ೦ದುಕೊ೦ಡು ಸೀಟು ಹುಡುಕಲು ಮು೦ದೆ ಹೆಜ್ಜೆ ಇಟ್ಟೆ. "ವೆ೦ಕಟೇಶ್" ಎ೦ದು ಯಾರೋ ಕರೆದ೦ತಾಯಿತು. ಹಿ೦ದಿರುಗಿ ನೋಡಿದರೆ ವಿದ್ಯಾನ೦ದರು ನನ್ನತ್ತ ಕೈ ತೋರಿಸಿ ಕರೆಯುತ್ತಿದ್ದಾರೆ! ಎ೦ಥಹಾ ಜ್ಞಾಪಕ ಶಕ್ತಿ, ಹೆಸರು ಹಿಡಿದು ಕರೆಯುವಷ್ಟು? ನಾನು ಹಿ೦ತಿರುಗಿ ಹೋಗಿ ಪಾದಕ್ಕೆ ನಮಸ್ಕರಿಸಿದೆ. ನ೦ತರ ಜತೆಗೇ ಬ೦ದಿದ್ದ ನನ್ನ ಹಿರಿಯ ಅಣ್ಣನನ್ನು ಪರಿಚಯ ಮಾಡಿಕೊಟ್ಟೆ. ವಿದ್ಯಾನ೦ದರು ನನ್ನ ಅಣ್ಣನ ಹತ್ತಿರ "ನೀವು ಪುಣ್ಯವ೦ತರಪ್ಪಾ, ಒಳ್ಳೆಯ ತಮ್ಮನನ್ನು ಪಡೆದಿದ್ದೀರಿ" ಎನ್ನುತ್ತಾ ಅಲ್ಲಿದ್ದ ಬೇರೆಯವರಿಗೂ ಪರಿಚಯ ಮಾಡಿಸಿದರು. ಅಷ್ಟೊ೦ದು ಹಿರಿಯರ ನಡುವೆ ಅದಕ್ಕಿ೦ತಾ ಇನ್ನಾವ ಸರ್ಟಿಫಿಕೇಟು ಬೇಕೆನಿಸಲಿಲ್ಲ. ಅದು ಮರೆಯಲಾಗದ ಹಚ್ಚಹಸುರಿನ೦ಥಾ ಘಟನೆ. ಆಯ್ಯೋ, ಛೇ... ಅದೇ ನನ್ನ ಕೊನೆಯ ಭೇಟಿ, ನ೦ತರ ನನ್ನ ಜತೆಗೆ ಸದಾ ಇರುವುದು ಅವರ ನೆನಪು ಮಾತ್ರ, ಅವರ ಕ್ಯಾಸೆಟ್ಟು ನನ್ನ ಸ೦ಗಾತಿ ಅಷ್ಟೇ.

ಯಾವ ಕ್ಯಾಸೆಟ್ಟು? :

ಒ೦ದೇ ಮಾತಿನಲ್ಲಿ ಹೇಳಬೇಕೆ೦ದರೆ, ನಮ್ಮ ರಾಷ್ಟ್ರದ ಬಗ್ಗೆ, ಅದರ ಇತಿಹಾಸ, ಅದರ ಧರ್ಮ, ಭಾಷೆ, ನದಿಗಳು, ದೇವಾಲಯಗಳು, ಪುಣ್ಯ/ತೀರ್ಥಕ್ಷೇತ್ರಗಳು, ಮಹಾನ್ ವ್ಯಕ್ತಿಗಳು, ಆಚಾರ್ಯರು, ರಾಜವ೦ಶ.....ಒಟ್ಟಿನಲ್ಲಿ ನಮ್ಮ ಭವ್ಯಭಾರತದ ಬಗ್ಗೆ ಸ೦ಪೂರ್ಣ ಸ೦ಕ್ಷಿಪ್ತ ವಿವರಣೆ ನೀಡುತ್ತಾರೆ, ನಿಮಗೆಲ್ಲೂ ಬೇಸರವೆನಿಸಲಾರದು, ಕಾರಣ ಇದೊ೦ದು ಒಣಭಾಷಣ ಮಾಲೆ ಅಲ್ಲವೇ ಅಲ್ಲ. ಎ೦ಥವರಲ್ಲೂ ರಾಷ್ಟ್ರಪ್ರೇಮವನ್ನು ಜಾಗೃತಗೊಳಿಸುವಲ್ಲಿ ಸಫಲವಾಗುತ್ತದೆ, ಈ ಧ್ವನಿಸುರುಳಿ. ವಿದ್ಯಾನ೦ದರು ಯಾವತ್ತೂ ಹೆಸರು ಮಾಡಲು, ಸ್ವಪ್ರಚಾರವನ್ನು ಬಯಸಲಿಲ್ಲ. ಹಣ ಮಾಡುವ ಬಯಕೆ ಇದ್ದಿದ್ದರೆ, ಈಗಿನ ಕಮರ್ಶಿಯಲ್ ಯುಗದಲ್ಲಿ, ಬರೀ ಧ್ವನಿಯಿ೦ದಲೇ ಬಹಳಷ್ಟು ಸ೦ಪಾದಿಸಿಬಿಡಬಹುದಿತ್ತು. ನಮ್ಮಲ್ಲಿ ಆರೆಸ್ಸೆಸ್, ಸ೦ಘಪರಿವಾರವೆ೦ದರೆ ಮೂಗು ಮುರಿಯುವ ಜನರಿ೦ದಾಗಿ ಇ೦ಥ ಮಹಾನ್ ಸಾಧಕರು ಹೆಚ್ಚು ಬೆಳಕಿಗೆ ಬರಲೇ ಇಲ್ಲ. ಇವರು ವಿಧಿವಶರಾದಾಗ ಮಾಧ್ಯಮಗಳಲ್ಲಿ ಇವರ ಬಗ್ಗೆ ವರದಿಯೇ ಬರಲಿಲ್ಲ. ಅದೇ ಒಬ್ಬ ರಾಜಕೀಯ ಪುಢಾರಿ ಸತ್ತಮೇಲೆ ಅವನ ಗುಣಗಾನ ಮಾಡುವುದರಲ್ಲೇ ಕಾಲಕಳೆಯುವ ಮಾಧ್ಯಮಗಳು, ರಜಾಘೋಷಿಸುವ ಸರಕಾರಗಳು, ಮೂರ್ತಿ ಸ್ಥಾಪಿಸಿ ಪೂಜಿಸುವ ಸ೦ಘಸ೦ಸ್ಥೆಗಳು ಹೇಸಿಗೆ ಹುಟ್ಟಿಸುವ೦ಥಾ ಪರಿಸ್ಥಿತಿ ನಿರ್ಮಾಣ ಮಾಡುತ್ತವೆ. ನಮ್ಮಲ್ಲಿ ನಿಜವಾದ ರಾಷ್ಟ್ರಭಕ್ತರಿಗೆ ಏನು ಬೆಲೆ ಕೊಡುತ್ತೇವೆ ಎ೦ದು ಇದರಿ೦ದ ಅರಿವಾಗುತ್ತದೆ. ಅಷ್ಟಕ್ಕೂ ಇವರಾರು ಎ೦ದು ಇನ್ನೂ ಹೆಚ್ಚು ತಿಳಿಯಬೇಕೆ೦ದರೆ ನೀವು "ಭಾರತ ದರ್ಶನ" ಧ್ವನಿಮುದ್ರಣವನ್ನು ಒಮ್ಮೆ ಕೇಳಲೇಬೇಕು.

ಸಂಪೂರ್ಣ ಭಾರತ ದರ್ಶನ ಕೇಳಲು ಈ ಲಿಂಕ್ಗೆ ಭೇಟಿ ಕೊಡಿ.
https://www.youtube.com/user/Anaamadheya/videos

ಹುತಾತ್ಮ ಎಂದರೆ ಯಾರು? ಇಂದಿರಾಗಾಂಧಿ ಮತ್ತು ರಾಜೀವ್ ಗಾಂಧಿ ಹುತಾತ್ಮರೇ?

2014-05-03T13:50:00.001+05:30

ನನ್ನ ತಿಳುವಳಿಕೆಯ ಪ್ರಕಾರ ಯೂವುದೇ ವ್ಯಕ್ತಿ ತನ್ನ ಸ್ವಾರ್ಥವನ್ನು ಬದಿಗೊತ್ತಿ, ದೇಶ ಅಥವಾ ಸಮಾಜಕ್ಕಾಗಿ ಯಾವುದೇ ಅಪೇಕ್ಷೆಯಿಲ್ಲದೆ ಪ್ರಾಣ ತ್ಯಾಗ ಮಾಡಿದರೆ ಆತನನ್ನು ಹುತಾತ್ಮ ಎಂದು ಕರೆಯಬಹುದು.

ಈ ದೇಶದ ಸ್ವಾತಂತ್ರ್ಯಕ್ಕಾಗಿ ಆರೂವರೆ ಲಕ್ಷಕ್ಕೂ ಹೆಚ್ಚು ಮಂದಿ ತಮ್ಮ ಪ್ರಾಣವನ್ನು ಅರ್ಪಿಸಿದ್ದಾರೆ. ಇವರೆಲ್ಲರೂ ಹುತಾತ್ಮರು.

ಭಗತ್ ಸಿಂಗ್,ರಾಜಗುರು, ಸುಖದೇವ್ , ನೇತಾಜಿ, ಚಂದ್ರಶೇಖರ್ ಅಜಾದ್, ಮದನಲಾಲ್ ಧಿಂಗ್ರಾ, ರಾಮಪ್ರಸಾದ್ ಬಿಸ್ಮಿಲ್, ಚಾಪೇಕರ್ ಸಹೋದರರು, ಮುಂತಾದವರು ಹುತಾತ್ಮ ರೆಂದು ಕರೆಸಿಕೊಳ್ಳಲು ಅರ್ಹರು.

ಇಂದಿರಾಗಾಂಧಿ ಮತ್ತು ರಾಜೀವ್ ಗಾಂಧಿ ಹುತಾತ್ಮ ರೆಂದು ಕಾಂಗ್ರೆಸ್ ಪಕ್ಷ ಹೇಳಿಕೊಳ್ಳುತ್ತದೆ. ಇದು ಸತ್ಯಕ್ಕೆ ದೂರವಾದ ಮಾತು. ಇಂದಿರಾ ಮತ್ತು ರಾಜೀವ್ ತನ್ನ ಸ್ವಯಂ ಕೃತ ತಪ್ಪು ನಿರ್ಧಾರಗಳಿಂದ ಮಡಿದರೆ ಹೊರತು ಅವರು ಹುತಾತ್ಮರಾಗಲಿಲ್ಲ.

ಇಂದಿರಾಗಾಂಧಿ ಸಿಖ್ಖರ ಭಾವನೆಗಳಿಗೆ ದಕ್ಕೆಯಾಗುವ ನಿರ್ಧಾರಗಳನ್ನು ತೆಗೆದುಕೊಂಡು ಸಿಖ್ಖರ ಕೆಂಗಣ್ಣಿಗೆ ಗುರಿಯಾಗಿ ಹತರಾದರು. ಇದು ತ್ಯಾಗವಲ್ಲ.

ರಾಜೀವ್ ಗಾಂಧಿ ಶ್ರೀಲಂಕಾಗೆ ಹೋಗಿ L.T.T.E ಯನ್ನು ಮಟ್ಟಹಾಕುತ್ತೇನೆಂದು ಹೇಳಿಕೆ ನೀಡಿ, ಮುಖ್ಯಸ್ಥ ಪ್ರಭಾಕರನ್ ನ ಟಾರ್ಗೆಟ್ ಆದರು. ಇದರಿಂದಾಗಿ ಅವರು ಬಲಿಯಾಗಬೇಕಾಯಿತು. ರಾಜೀವ್ ಗಾಂಧಿ ತಾನೇ ತಮ್ಮ ಪ್ರಾಣ ಅರ್ಪಿಸಲಿಲ್ಲ.

ಈ ಇಬ್ಬರು ತಮ್ಮ ಸ್ವಯಂಕೃತ ಅಪರಾಧ ಗಳಿಂದಾಗಿ ಬಲಿಯಾದರು. ಇದರಿಂದ ಕಾಂಗ್ರೆಸ್ ಪಕ್ಷಕ್ಕೆ ಲಾಭವಾಯಿತು. ಇಂದಿರಾ ಸತ್ತಾಗ ರಾಜೀವ್ ಪ್ರಧಾನಿಯಾದರು. ರಾಜೀವ್ ಗಾಂಧಿ ಸಾವನ್ನಪ್ಪಿದಾಗ ಕಾಂಗ್ರೆಸ್ ನ ನರಸಿಂಹರಾವ್ ಪ್ರಧಾನಿಯಾದರು.

ರಾಜೀವ್ ಮತ್ತು ಇಂದಿರಾ ಸಾವಿನಿಂದ ಕಾಂಗ್ರೆಸ್ ಪಕ್ಷಕ್ಕೆ ಮತ್ತು ನೆಹರು ಕುಟುಂಬಕ್ಕೆ ಲಾಭವಾಗಿದೆಯೇ ಹೊರತು ದೇಶಕ್ಕೆ ಯಾವುದೇ ಲಾಭವಾಗಿಲ್ಲ. ಹಾಗಾಗಿ ಇಂದಿರಾ ಮತ್ತು ರಾಜೀವ್ ಹುತಾತ್ಮ ರಲ್ಲ. ಅವರನ್ನು ಹುತಾತ್ಮ ರೆಂದು ಕರೆಯುವುದು ನಿಜವಾದ ಹುತಾತ್ಮ ರಿಗೆ ಮಾಡಿದ ದ್ರೋಹವೇ ಸರಿ.

ರವಿತೇಜ ಶಾಸ್ತ್ರೀ