የሕይወት-መንገድ

መጽሐፍ ቅዱሳዊ የመዳን አስተምህሮ

noreply@blogger.com (Bible Study) — Wed, 24 Oct 2018 10:36:00 +0000

· ሁሉም ሰው ኃጢአተኛ ነው።

o ሁሉም በክርስቶስ ከማመኑ በፊት ኃጢአተኛ ነው

ሁሉ ኃጢአትን ሠርተዋልና የእግዚአብሔርም ክብር ጎድሎአቸዋል፤ ሮሜ ፫፣ ፳፫

- ከዚህ ኃጢአት /እና ሞት/ መዳን አለብን፤ መድኃኒቱም ኢየሱስ ነው፤

እርሱ ሕዝቡን ከኃጢአታቸው ያድናቸዋልና ስሙን ኢየሱስ ትለዋለህ። ማቴ ፩፣ ፳፩

o በክርስቶስ ካመንን በኋላም እንኳ ኃጢአት ይኖርብናል - ባልዳነ ሥጋ ባልዳነች ዓለም ስለምንኖር

ኃጢአት የለብንም ብንል ራሳችንን እናስታለን፥ እውነትም በእኛ ውስጥ የለም።

፩ ዮሐ ፩፣ ፰

- ከዚህ ኃጢአት መንጻት አለብን፤ /ከዳንን በኋላ በየጊዜው ስለምንቆሽሽ/

የልጁም የኢየሱስ ክርስቶስ ደም ከኃጢአት ሁሉ ያነጻናል። ፩ ዮሐ ፩፣ ፯

· ሁሉም የሚድነው በክርስቶስ በማመን ብቻ ነው።

በልጁ የሚያምን የዘላለም ሕይወት አለው፤ ዮሐ ፫፣ ፴፮

· ሌላ መድኃኒት የለም

መዳንም በሌላ በማንም የለም፤ እንድንበት ዘንድ የሚገባን ለሰዎች የተሰጠ ስም ከሰማይ በታች ሌላ የለምና። የሐዋ ፬፣ ፲፪

· አምነን መዳናችንን የምረጋግጠው አሁን ነው።

እንግዲህ በክርስቶስ ኢየሱስ ላሉት አሁን ኵነኔ የለባቸውም። ሮሜ ፰፣ ፩

· ካላመንንም ፍርዱ አሁን ነው።

በእርሱ በሚያምን አይፈረድበትም፤ በማያምን ግን በአንዱ በእግዚአብሔር ልጅ ስም ስላላመነ አሁን ተፈርዶበታል።። ሮሜ ፰፣ ፩

ቀሪውን ለማንበብ ይህን ይጫኑ/Read more »

እግዚአብሔርን ማወቅ - ክፍል ፲፪

noreply@blogger.com (Bible Study) — Wed, 04 Oct 2017 06:28:00 +0000

የእግዚአብሔር ሥራ

ለሚጠፋ መብል አትሥሩ፤ ነገር ግን ለዘላለም ሕይወት ለሚኖር መብል የሰው ልጅ ለሚሰጣችሁ ሥሩ፤ እርሱን እግዚአብሔር አብ አትሞታልና። እንግዲህ። የእግዚአብሔርን ሥራ እንድንሠራ ምን እናድርግ? አሉት። ኢየሱስ መልሶ፦ ይህ የእግዚአብሔር ሥራ እርሱ በላከው እንድታምኑ ነው አላቸው። ዮሐ 6፣ 27 – 29

- ጌታችን ኢየሱስ ክርስቶስ ለሕዝቡ እንጀራና አሳ አበርክቶ ስለሰጣቸው - ለዚያ ሲሉ ነበር የተከተሉት። ለዚህ መልስ ሲሰጣቸው - ለሚጠፋ መብል አትሥሩ፡፡ የምትከተሉኝ ለምን ዓላማ ነው?

እንደ ክርስቲያን /የክርስቶስ ተከታዮች/ በዚች ምድር የመኖራችን ዓላማ ምንድን ነው? ብንል መልሱ የእግዚአብሔርን ሥራ እንድንሠራ ነው።

- እርሱን እግዚአብሔር አብ አትሞታል፡- ወልድ የአብ ልጅ ነው። አብን መስሎ፣ አብን አክሎ የተገኘ፣ - ማኅተም፡- ሲደረግ ቅርጹ በወረቀቱ ላይ በትክክል ያርፋል። የአብን ማንነት በሥጋ /በሰው/ ታትሞ ያየነው በክርስቶስ ነው። - ወልድ ሰው ሲሆን አብ አትሞታል። የምወደው ልጄ ይህ ነው ብሎ ማረጋገጫ /ማኅተም/ አድርጎበታል።

- ስለዚህ በክርስቶስ የሆነውን ማንኛውም መንፈሳዊ ሥራ እግዚአብሔር ከእኔ ነው ብሎ እውቅና /ማረጋገጫ / ይሰጠዋል- ማለት ነው።

ቀሪውን ለማንበብ ይህን ይጫኑ/Read more »

እግዚአብሔርን ማወቅ - ክፍል ፲፩

noreply@blogger.com (Bible Study) — Sat, 16 Sep 2017 11:02:00 +0000

(የእግዚአብሔር መልክ - ቀጣይ)

የእግዚአብሔር መልክ መታየት - ለውስን ፍጡር - ፊት ለፊት

በብሉይ ኪዳን - ለሙሴ

እኔ አፍ ለአፍ በግልጥ እናገረዋለሁ፥ በምሳሌ አይደለም የእግዚአብሔርንም መልክ ያያል በባሪያዬ በሙሴ ላይ ትናገሩ ዘንድ ስለ ምን አልፈራችሁም? አለ። ዘኁ ፲፪፡ ፰

ሙሴ ክብርህን አሳየኝ ባለው ጊዜ፡-

እግዚአብሔርም አለ፦ እነሆ ስፍራ በእኔ ዘንድ አለ፥ በዓለቱም ላይ ትቆማለህ

ክብሬም ባለፈ ጊዜ በሰንጣቃው ዓለት አኖርሃለሁ፥ እስካልፍ ድረስ እጄን በላይህ እጋርዳለሁ

እጄንም ፈቀቅ አደርጋለሁ፥ ጀርባዬንም ታያለህ ፊቴ ግን አይታይም። ዘጸ ፴፫፣ ፲፰ - ፳፫፡

- በኋላ ከሲና ተራራ ሲወርድ ፊቱ አንጸባረቀ፡- ጨርቅ ሸፈነው።

አሮንና የእስራኤልም ልጆች ሁሉ ሙሴን ባዩ ጊዜ፥ እነሆ የፊቱ ቁርበት አንጸባረቀ ወደ እርሱም ይቀርቡ ዘንድ ፈሩ። ዘጸ ፴፬፣ ፳፱ - ፴፭

- በትክክል ከእግዚአብሔር ጋር በመንፈስ ከተገናኘን የእግዚአብሔር መልክ ይሳልብናል። እርሱን እናንጸባርቃለን። ለእኛ ላይታወቀን ይችላል። የሚያዩን ግን ያውቃሉ።

በአዲስ ኪዳን፡- ፫ ቱ ሐዋርያት- በደብረ ታቦር

በፊታቸውም ተለወጠ፥ ፊቱም እንደ ፀሐይ በራ፥ ልብሱም እንደ ብርሃን ነጭ ሆነ።

እነሆም፥ ሙሴና ኤልያስ ከእርሱ ጋር ሲነጋገሩ ታዩአቸው። ጴጥሮስም መልሶ ኢየሱስን። ጌታ ሆይ፥ በዚህ መሆን ለእኛ መልካም ነው፤ ብትወድስ፥ በዚህ ሦስት ዳስ አንዱን ለአንተ አንዱንም ለሙሴ አንዱንም ለኤልያስ እንሥራ አለ።…. ማቴ ፲፯፣ ፩ - ፰

- በእግዚአብሔር መልክ - በእርሱ ፊት መኖርን የመሰለ መልካም ነገር የለም።

ለአሕዛብ ሐዋርያ ሳውል - ጳውሎስ

ሲሄድም ወደ ደማስቆ በቀረበ ጊዜ ድንገት በእርሱ ዙሪያ ከሰማይ ብርሃን አንጸባረቀ፤

በምድርም ላይ ወድቆ ሳለ። ሳውል ሳውል፥ ስለ ምን ታሳድደኛለህ? የሚለውን ድምፅ ሰማ።… የሐዋ ፱፣ ፩ - ፰

- ጌታን ፊት ለፊት በብርሃን መልክ አየው። በቀን በቀትር ስለሆነ ያየው ጌታ ከፀሐይ ብርሃን ይበልጥ አብርቷል ማለት ነው። /የሐዋ ፳፪፣፮/

ቀሪውን ለማንበብ ይህን ይጫኑ/Read more »

እግዚአብሔርን ማወቅ - ክፍል ፲

noreply@blogger.com (Bible Study) — Sun, 03 Sep 2017 12:01:00 +0000

፬. የእግዚአብሔር መልክ

እግዚአብሔርም ሰውን በመልኩ ፈጠረ በእግዚአብሔር መልክ ፈጠረው ወንድና ሴት አድርጎ ፈጠራቸው። ዘፍ ፩፣ ፳፯

መልክ፡- ሲባል የማይታየውን የሰውን ረቂቅ ማንነት /መንፈስ/ ለማመልከት ነው።

፩. የእግዚአብሔር መልክ በሰው፡ በ፫ መልክ ይታያል፤

፩. በነፍሱ፡ እግዚአብሔር ሰውን በመልኩና በአምሳሉ ሲፈጥረው ማንኛችንን ነው የሚመስለው? የሰው መልክ የተለያየ ነው። ጥቁሮች፣ ነጮች፣ ቀዮች፣….

ü በሰው ላይ ያረፈው መልክ በሥጋ ሳይሆን በነፍስ። ሥጋ ከአፈር ነው። ነፍስ ከእግዚአብሔር እስትንፋስ ናት። የእርሱን ነገሮች በተመጠነ ሁኔታ ወደ እኛ አሳርፏል።

o ሰው ሥጋ ብቻ ሳይሆን ረቂቅ ማንነት አለው። መንፈሱ- በነፍሱ ያገኛት ናት።

o የነፍስ ባሕርያት፡፫ - አሳቢነት፣ ተናጋሪነት፣ ዘላለማዊነት፡- ይህም አብ፣ ወልድ፣ መንፈስቅዱስ፣ አንጻር የሚታዩ ናቸው፤ እግዚአብሔር ሦስትነት አለው፤ ሥላሴ። ሥላሴ በአብ ልብነት ያስባሉ፤ በወልድ ቃልነት ይናገራሉ፤ በመንፈስ ቅዱስ ሕይወት ይኖራሉ፤

o ስለዚህ ነፍስ፡- ከእንስሳት የምንለይበት፣ እግዚአብሔርን የምንመስልበት ነው።

፪. በኑሮ/በአኗኗሩ፡ ሰው ዘላለማዊ ሆኖ ሲኖር - ፫ መገለጫዎች አሉት።

ü ፩. ዕውቀት፡- ከራሱ ጋር ያለውን ግንኙነት ያሳያል፣ በዚህ ውስጥ፡- የመምረጥ የመወሰን፣ የማድረግ/መሥራት/ ነጻነት አለን፤…ባወቅነው/በገባን ጉዳይ ላይ ምላሽ እንሰጣለን ይህም ስሜት ይባላል፤ በመጨረሻ ባወቅነው ነገር ተንተርሰን በጉዳዩ ላይ ፈቃዳችን እንገልጻለን። ይህም ውሳኔ ይባላል።

ü ፪. ቅድስና፡- ከሌላው ጋር ያለውን ግንኙነት ያሳያል።- በዚህ ውስጥ፣ ያለኃጢአት / ያለበደል/ በሰላም መኖር፣ ኅብረት፣ሌላውን የመፈለግ /የመርዳት/ ነገሮች ይገለጻሉ።

ü ፫. ጽድቅ፡- ከእግዚአብሔር ጋር ያለውን ግንኙነት ያሳያል፡- በዚህ ውስጥ ያለኃጢአት ከአምላክ ጋር የመኖር፣ አምክን የመፈለግ፣ የመታመን /ተስፋ የማድረግ ሁኔታዎች አሉ።

ቀሪውን ለማንበብ ይህን ይጫኑ/Read more »

እግዚአብሔርን ማወቅ - ክፍል ፱

noreply@blogger.com (Bible Study) — Wed, 16 Aug 2017 17:39:00 +0000

/የእግዚአብሔር ስም - ቀጣይ/

Ø የእግዚአብሔር ወዳጆች እግዚአብሔር ካደረገላቸው ነገር ጋር በማያያዝ ለልጆቻቸው ስም ያወጡ ነበር።

ምናሴ - ማስረሻ፡- አባቱ ዮሴፍ መከራየን የአባቴን ቤት አስረሳኝ ሲል። ዘፍ ፵፩፣፶፩

ሳሙኤል - እግዚአብሔር ሰማ - መካኒቱ ሐና ጸሎቷን ስለሰማ ልጅ ስለሰጣት፡ ፩ ሳሙ ፩፣ ፳

o ዛሬ የእኛ ስም አወጣጥ ምን ይመስላል? - የእግዚአብሔር ወገን መሆናችንን የሚያሳይ ነው?.. ስሞቻችንን ብንፈትሻቸው፡

- ቦግ አለ፣ ዱብ አለ። - ኩራባቸው፣ ሰጥአርጋቸው፣

Ø ቦታዎችንም ከእግዚአብሔር ጋር በማያያዝ ይሰይሙ ነበር።

o አጋር ከሣራ ተሰዳ ስትወጣ እግዚአብሔር አገኛት - በመልአኩ፡

እርስዋም ይናገራት የነበረውን የእግዚአብሔርን ስም ኤልሮኢ ብላ ጠራች የሚያየኝን በውኑ እዚህ ደግሞ አየሁትን? ብላለችና። ስለዚህም የዚያ ጕድጓድ ስም ብኤርለሃይሮኢ ተብሎ ተጠራ፡ ዘፍ ፲፮፣ ፲፫ - ፲፬

Ø እግዚአብሔር የወዳጆቹን ስም ይለውጣል።

- አብራም /ታላቅ አባት/ - አብርሃም /የብዙዎች አባት/…

- ያዕቆብ /አሰናካይ -ተረከዝ የሚይዝ (ሲወለዱ የኤሳውን እግር ይዞ ስለነበር ወላጆቹ ያወጡለት

እግዚአብሔር ግን - እስራኤል - አለው፡- እግዚአብሔር ያሸንፋል ማለት ነው።

ወዳጆቹ ወደፊት የሚሆኑትን በማየት ሕይወታቸውን ለመለወጥ ስማቸውን ከመለወጥ ይጀምራል።
እኛም ዛሬ በወል ስም -በክርስቶስ - ክርስቲያን የተባልነው- ከስማችን ጀምሮ ሕይወታችን እንዲለወጥ የክርስቶስን ፈለግ በመከተል እርሱን ወደ መምሰል እንድናድግ ነው።

የእግዚአብሔር ስም ለእኛ ምን ያስተምረናል?

Ø ይመልስልናል፡- በስማችን ስንጠራ - አቤት- ብለን መልስ እንሰጣለን። በስም መጥራት የግንኙነቶች መጀመሪያ /ትውውቅ/ ፣ የሥራ መጀመሪያ ነው። ከጠራን በኋላ ወደ ጉዳያችን እንገባለን።

o እግዚአብሔር ስም ያለው መሆኑ እንድንጠራው ያስችለናል። እርሱም እንደሚመልስልን ማረጋገጫ ነው።

o ጆሮ እያለው በስሙ ተጠርቶ የማይመልስ የለም። - ጆሮን የፈጠረ አምላክ ይሰማል

Ø ግንኙነትን ያመለክታል አጠራራችን ግንኙነታችንን ያመለክታል። ከስሞቹ የትኛውን እንደምንጠቀም የሚያሳየው ቅርበታችንን ነው፤

o ለምሳሌ እኔ ስጠራ፡-

§ አቶ አብርሃም / ጋሼ አብርሃም ብሎ የሚጠራኝ - የሥራ ግንኙነትን ያሳያል፤ በክብር በሩቁ የምጠራበት ነው ፡፡

§ አብርሽ - የወዳጅ መጥሪያ ነው- ቅርበትን ያሳያል፤

§ ባባ - የአባትና የልጅ..የበለጠ ቅርበትን ያሳያል።

o እግዚአብሔርን ስንጠራው የትኛውን እንጠቀማለን። እግዚአብሔር የሚለው በተፈጥሮ ሁሉም እርሱን የሚጠራበት - የአክብሮት -የጌትነቱ-የፈጣሪነቱ ነው። ለእኛ ግን ከዚያም በላይ ነው። በሩቁ የምናከብረው ብቻ አይደለም። ቅርብ ነው- አባታችን ስለሆነ፤

ጌታ ስትጸልዩ፡- አባታችን ሆይ - በሉ አለ

አባ አባት ብለን የምንጮኽበትን የልጅነት መንፈስ ተቀበላችሁ እንጂ እንደገና ለፍርሃት የባርነትን መንፈስ አልተቀበላችሁምና። ሮሜ ፰፣ ፲፭።

አባ፣ አባት፡- የልጅነት - የቅርበት ስለሆነ- በዚህ እንድንጠራው ይፈልጋል።

Ø በከንቱ አይጠራም፡ - ስም መጠሪያ ቢሆንም በትንሹ በትልቁ መጥራት የለብንም። ከ፲ቱ ትዕዛዛት አንዱ ሆኖ መሰጠቱ ይገርማል። ለስሙ ምን ያህል እንደሚጠነቀቅ/ እኛም እንድንጠነቀቅ በቋሚነት በ፲ቱ ትእዛዛት ተካተተ።

የእግዚአብሔርን የአምላክህን ስም በከንቱ አትጥራ እግዚአብሔር ስሙን በከንቱ የሚጠራውን ከበደል አያነጻውምና። ዘጸ ፳፣ ፯ፀ ስሙን በከንቱ መጥራት -ማለት

o ያለቦታው መጥራት - እግዚአብሔርን ለጥፋት ተባባሪ ማድረግ

o ስሙን ማሰደብ፡- የእግዚአብሔር ልጆች ተብለን በማይሆን ቦታ/ በኃጢአት/ ብንገኝ የሚሰደበው እግዚአብሔር ነው።

ቀሪውን ለማንበብ ይህን ይጫኑ/Read more »

እግዚአብሔርን ማወቅ ክፍል - ፰

noreply@blogger.com (Bible Study) — Mon, 31 Jul 2017 08:22:00 +0000

የእግዚአብሔር ስም

ሙሴም እግዚአብሔርን፦ እነሆ፥ እኔ ወደ እስራኤል ልጆች በመጣሁ ጊዜ። የአባቶቻችሁ አምላክ ወደ እናንተ ላከኝ ባልሁም ጊዜ። ስሙስ ማን ነው? ባሉኝ ጊዜ፥ ምን እላቸዋለሁ? አለው።

እግዚአብሔርም ሙሴን፦ «ያለና የሚኖር» እኔ ነኝ አለው እንዲህ ለእስራኤል ልጆች። «ያለና የሚኖር» ወደ እናንተ ላከኝ ትላለህ አለው። … ዘጸ ፫፣ ፲፫ - ፲፬

እግዚአብሔርም በደመናው ውስጥ ወረደ፥ በዚያም ከእርሱ ጋር ቆመ፥ የእግዚአብሔርንም ስም አወጀ።

እግዚአብሔርም በፊቱ አልፎ። እግዚአብሔር፥ እግዚአብሔር መሐሪ፥ ሞገስ ያለው፥ ታጋሽም፥ ባለ ብዙ ቸርነትና እውነት፥

እስከ ሺህ ትውልድም ቸርነትን የሚጠብቅ፥ አበሳንና መተላለፍን ኃጢአትንም ይቅር የሚል፥ በደለኛውንም ከቶ የማያነጻ፥ የአባቶችንም ኃጢአት በልጆች እስከ ሦስትና እስከ አራት ትውልድም በልጅ ልጆች የሚያመጣ አምላክ ነው ሲል አወጀ። .. ዘጸ ፴፬፣ ፭-፯

ስም፡- ምንድን ነው?

- መጠሪያ ነው።በምክንያት የሚወጣ። ለልጃችን ስም ለማውጣት ብዙ እናስባለን። የተለየ ቆንጆ ስም እንዲሆን እንፈልጋለን።

- ራስን መግለጫ /ማስተዋወቂያ/ ነው። ሰዎች ሲተዋወቁ መጀመሪያ የሚለዋወጡት ስም ነው። እገሌ እባላለሁ።…

· አዳም በመጀመሪያ ለእንስሳት - በኋላም ለሚስቱ ስም አወጣ። - ባለቤትነትን ያሳያል።

በመጽሐፍ ቅዱስ የእግዚአብሔር ስም በራሱ ለመጀመሪያ ጊዜ ሲተዋወቅ ፡- ለሙሴ- ማን ነው? ሲሉኝ…ማን ልበላቸው ባለው ጊዜ እንዲህ ብሎታል፡-

Ø ያለና የሚኖር በእንግሊዝኛው - I AM that I AM’- ይላል። በቀጥታ እንዳለ ብንተረጉመው፡- « እኔ እኔው ነኝ፡- ማለት ነው።

o ለእግዚአብሔር ማንም ስም አላወጣለትም፤ ራሱን ራሱ ገለጸ፣ ስሙን ተናገረ።

o የሚገልጸው ነገር ስለሌለ - እኔ እኔው ነኝ - አለ።

o በራሱ ሕልው መሆኑን - በራሴ ያለሁና በራሴ የምኖር - አለ።

Ø በአማርኛ እግዚአብሔር ብለን የሰጠነው ስም የግዕዝ ቃል ነው። አባቶች በሁለት መልክ ይተረጉሙታል፡

፩ኛ. እግዚአ - ጌታ፣ ብሔር - ሃገር/ ዓለም/ - እግዚአ ብሔር፡- የዓለም ጌታ የሚል ነው። የዓለማት ሁሉ አስገኝ ባለቤት መሆኑን ያሳያል።

ይህ ማንነቱን በሙሉ አይገልጸውም። ያንሳል። እርሱ ከጌታም በላይ ነውና።

፪ኛ. እግዚእ- ወልድ፣ አብ - አብ፣ ሔር - መንፈስ ቅዱስ - ሥላሴነቱን ያሳያል።

ይህ ስሙም ሦስትነቱን መግለጹ እንጂ መላ ማንነቱን ሊገልጽ አይችልም።

ቀሪውን ለማንበብ ይህን ይጫኑ/Read more »

እግዚአብሔርን ማወቅ - ክፍል ፯

noreply@blogger.com (Bible Study) — Fri, 14 Jul 2017 07:36:00 +0000

. እግዚአብሔርን ፍለጋ - ቀጣይ፡-

ምኑን ነው የምንፈልገው?፡-

ባለፈው ክፍል - እግዚአብሔርን ፍለጋ በሚል - ስለእግዚአብሔር መኖር በተፈጥሮ፣ በሕሊና፣ በመሳሰሉት ማረጋገጥ እንደሚቻል አይተናል።

በአሁኑ ጊዜ የፈጣሪን /የእግዚአብሔርን መኖር የሚጠራጠር ብዙም ላይኖር ይችላል፤ ወይም በአሁኑ ጊዜ ለኛ ይህ ብዙም አሳሳቢ ጥያቄ አይደለም።

ከላይ ከተጠቀሱት በአንዱ ወይም በሌላ በሆነ መንገድ - የእግዚአብሐየርን መኖር አረጋገጥን - እግዚአብሔርን አገኘነው። ካገኘነው በኋላ ምኑን ነው ማየት የምንፈልገው? ስንል ዳዊት እንዲህ ይለናል፡-

ሁልጊዜ ፊቱን ፈልጉ። መዝ ፻፬/፻፭፣ ፬

- የእግዚአብሔር ሕልውና /መኖሩ/ የሚረጋገጠው አንድ ጊዜ ነው። ከተገኘ - አለ። አይጠፋም።

ከዚያ በኋላ ግን ሁልጊዜ መፈለግ ያለብን - ፊቱን - ነው።

- በምናያቸው ፍጥረታት የእግዚአብሔርን አስደቂ ኃያል እጅ እናያለን። ቀጥሎ ግን ሁልጊዜ ፊቱን ማየት አለብን።

ፊት ምንድን ነው? -የማንነት መለያ ነው። ሁላችንም የምንለየው በፊታችን ነው። መታወቂያ ላይ የሚደረገው ፎቶ - ጉርድ ፎቶ - የሚያሳየው ፊታችንን ነው።

- አንድን ሰው አየሁት ለማለት - ፊቱን - ማየት ግድ ነው።

- ሙሴ ከእግዚአብሔር ጋር ሕዝቡን ነጻ አውጥቶ ሲመራ፣ በተአምራት ብዙ ዘመን ከኖረ በኋላ፡- እግዚአብሔርን እንዲህ ሲል ጠየቀው፡-

o እርሱም፦ እባክህ ክብርህን አሳየኝ አለ።….

- እግዚአብሔርም -

o …ሰው አይቶኝ አይድንምና ፊቴን ማየት አይቻልህም......ፊቴ ግን አይታይም» አለ። ዘጸ ፴፫፡ ፲፯ - ፳፫።

- ፊቱን ማየት የማይቻል ከሆነ -ፊቱ የማይታይ ከሆነ - ለምን ፊቱን ፈልጉ ተባለ? - ማየት የማይቻለው በዚህ በሥጋ ዓይን ነው። እግዚአብሔር መንፈስ ነውና።

- በመንፈስ ግን ከእኛ ጋራ ሲሆን፣ ሲሠራ፣ ሕይወታችን ሲጠብቅ… እናየዋለን።

ከእያንዳንዳችን የራቀ አይደለም። (የሐዋ ፲፯፣ ፳፮)

- መምህራን እንደሚያስተምሩት በርግጥ የሙሴ ጥያቄ ተመልሷል፤ ነገር ግን የተመለሰው ከ1400 ዓመት በኋላ- በኢየሱስ ክርስቶስ - በደብረ ታቦር ነው።

o ሙሴ በጥየቄው መሰረት በዓይነ-ሥጋ በአካል እግዚአብሔርን ያየው - በኢየሱስ ክርስቶስ - ነው። ኢየሱስ ክርስቶስ ሰው የሆነው አግዚአብሔር ነውና።

በፊታቸውም ተለወጠ፥ ፊቱም እንደ ፀሐይ በራ፥ ልብሱም እንደ ብርሃን ነጭ ሆነ። እነሆም፥ ሙሴና ኤልያስ ከእርሱ ጋር ሲነጋገሩ ታዩአቸው። ማቴ ፲፯፣ ፪ - ፫

ዛሬም እኛ እግዚአብሔርን በመንፈስ ዓይን የምናየው - በኢየሱስ ክርስቶስ ነው።

ስለዚህ፡-

ቀሪውን ለማንበብ ይህን ይጫኑ/Read more »

እግዚአብሔርን ማወቅ - ክፍል ፮

noreply@blogger.com (Bible Study) — Fri, 30 Jun 2017 07:33:00 +0000

እግዚአብሔርን ፍለጋ - ቀጣይ

፫. የት ነው የምንፈልገው?

፫.፩ በተፈጥሮ፡- ለእግዚአብሔር ሕልውና የመጀመሪያው ማስረጃ ሥነ ፍጥረት ነው።

የማይታየው ባሕርይ እርሱም የዘላለም ኃይሉ ደግሞም አምላክነቱ ከዓለም ፍጥረት ጀምሮ ከተሠሩት ታውቆ ግልጥ ሆኖ ይታያልና፤ ሮሜ ፩፣ ፳

እየመረመሩ ከተባለ - ለመመርመር ስሜት ህዋሳቶቻችንን እንጠቀማለን። ከእነዚህም አንዱ እና ዋናው ማየት ነው። ምን እናያለን? የምናየው ምንድን ነው?

ሀ. ፍጥረታት ከምን ተገኙ? ከየት መጡ? የሚታየው ነገር ሁሉ አስገኚ አለው። በራሱ የተገኘ ነገር የለም።

o አንዳንድ ወገኖች ዓለሙ የተገኘው እንዲሁ ነው የሚሉ አሉ፤ - ተመራማሪዎች።

§ በእግዚአብሔር መኖር የማያምን ጓደኛ የነበረው አንድ የእግዚአብሔር ሰው ያን ኢአማኒ ጓደኛውን «ዓለማት ከየት ተገኙ?» ሲለው

የማያምነው ጓደኛም፡- «እንዲሁ ተገኙ» ይለው ነበር።

አንድ ቀን አማኙ በካርቶን እና በወረቀት ቆንጆ ቤት ከሠራ በኋላ ጠረጴዛው ላይ አስቀመጠው። በኋላ ከሃዲ ጓደኛው ሲመጣ የቤቱን ሞዴል አይቶ በጣም ተደነቀና ፡- « ከየት አገኘህው?» ሲለው - አማኙ «እንዲሁ ተገኘ» አለው.. ይሄማ ሊሆን አይችልም ሲል ያ አማኙ ጓደኛም፡- «አየህ እኔም ፍጥረታት ከየት ተገኙ? » ስልህ እንዲሁ ስትለኝ የነበረውም ሊሆን አይችልም ማለት ነው።

§ የምናየው ነገር ሁሉ ሠሪ ወይም አስገኝ አለው። በራሱ የተገኘ ነገር የለም። ወንበሩ- አናጺ፣ ቤቱ-ግምበኛ… ሁሉም የየራሱ አስገኚ የሆነ ባለሙያ አለው። በአጠቃላይ የዚህ ውብ ተፈጥሮ አስገኝውስ ማን ነው? ስንል -ፈጣሪ- እንዳለ /እንዳለው እንረዳለን።

ለ. ፍጥረታት እንዴት ተገኙ?

o አሁንም ተመራማሪዎች የመጀመሪያው ታላቅ ፍንዳታ (Big Bang) ከተከሰተ በኋላ- በሂደት ነገሮች ሁሉ ተገኙ፤ ይላሉ። ግን የመጀመሪያው የታላቅ ፍንዳታ ቁስ ከየት መጣ? ሲባል መልስ የለም።

ከዚያም በኋላ በአዝጋሚ ለውጥ- አንዱ ከአንዱ እየተወጣ.. ተገኙ ይላል።

o አንድ ጸሐፊ እንዲህ ብሏል፡- ነገሮች አንዱ ከአንዱ ተገኘ ከተባለ ይህ ማለት እንግዲህ በከተማችን የምናያቸው ታላላቅ ፎቆች፣መንገዶች፣ ድልድዮች የተገኙት፡- ጥሬ ዕቃዎቹ - ብረቱ፣ ሲሚንቶው ራሳቸውን አዘጋጅተው፣ እንጨቶች ራሳቸውን ጠርበው አስተካክልው፣ ጡቦች በራሳቸው እየተደረደሩ፣ ቆርቆሮው በራሱ እየተመታ፣ እየተጋጠመ ቤቱ ተሠራ የማለት ያህል ነው። ይህ ግን ፈጽሞ የማይሆን ነገር ነው።

o ይህ ዓለም የተፈጠረ ብቻ ሳይሆን በሥርዓት የተዋቀረ ዓለም ነው። Intelligent design - ግሩም ንድፍ ያረፈበት ድንቅ ተፈጥሮ ማለት ነው።

ቀሪውን ለማንበብ ይህን ይጫኑ/Read more »

እግዚአብሔርን ማወቅ - ክፍል ፭

noreply@blogger.com (Bible Study) — Thu, 08 Jun 2017 06:30:00 +0000

እግዚአብሔርን ፍለጋ

ምናልባትም እየመረመሩ ያገኙት እንደ ሆነ፥ እግዚአብሔርን ይፈልጉ ዘንድ በምድር ሁሉ ላይ እንዲኖሩ የሰውን ወገኖች ሁሉ ከአንድ ፈጠረ፥ የተወሰኑትንም ዘመኖችና ለሚኖሩበት ስፍራ ዳርቻ መደበላቸው። ቢሆንም ከእያንዳንዳችን የራቀ አይደለም።

ከእናንተ ከባለ ቅኔዎች አንዳንዶች ደግሞ። እኛ ደግሞ ዘመዶቹ ነንና ብለው እንደ ተናገሩ፥ በእርሱ ሕያዋን ነንና እንንቀሳቀሳለን እንኖርማለን። የሐዋ ፲፯፣ ፳፮ - ፳፰

፩. እግዚአብሔርን መፈለግ ለምን አስፈለገ?

ü የተፈጠርንበት ዋና ዓላማ በመሆኑ- እግዚአብሔርን ይፈልጉ ዘንድ፡-

· የሰውን ወገኖች ከአንድ ፈጠረ - ከአዳምና ከሔዋን። አንድ ጊዜ ፈጠረ፣ በኋላ ብዙ ተባዙ ባለው አምላካዊ ቃል በመዋለድ የሰው ዘር ይቀጥላል።

o …..እግዚአብሔርም ባረካቸው፥ እንዲህም አላቸው፦ ብዙ፥ ተባዙ፥ ምድርንም ሙሉአት፥ ዘፍ ፩፡ ፳፯ - ፳፰

o አዳምም ለሚስቱ ሔዋን ብሎ ስም አወጣ፥ የሕያዋን ሁሉ እናት ናትና። ዘፍ ፫፣ ፳

· የምንኖርበትን ዘመን - እና - ስፍራ /ቦታ/ መደበልን። በየት ዘመን እስከ ስንት ጊዜ፣ በየት ሃገር ከየትኛው ቤተሰብ እንደምንወለድ እድሜና ሥፍራ የመደበልን እግዚአብሔር ነው።

ስለዚህ «አፄ /አቶ እገሌ ያለዘመናቸው የተወለዱ… » የምንለው ፈጽሞ ስህተት ነው ማለት ነው።

· እግዚአብሔር ሰውን የፈጠረበት ዓላማ እንዲፈልገው ነው። በሰጠው ነጻነት ተጠቅሞ ፈልጎ፣ አግኝቶ ፣ ወዶ እንዲከተለው እና አብሮት እንዲኖር።

· እግዚአብሔርን ስለመፈለግ ዳዊት እንዲህ ብሏል፡-

· …. በቅዱስ ስሙ ተጓደዱ እግዚአብሔርን የሚፈልግ ልብ ደስ ይበለው።

እግዚአብሔርን ፈልጉት ትጸናላችሁም ሁልጊዜ ፊቱን ፈልጉ። መዝ ፻፬/፻፭፣ ፩ - ፬

እግዚአብሔርን የምንፈልገው ለምንድን ነው? ከላይ በጥቅሱ እንዳየነው፡-

ቀሪውን ለማንበብ ይህን ይጫኑ/Read more »

እግዚአብሔርን ማወቅ - ክፍል ፬

noreply@blogger.com (Bible Study) — Wed, 17 May 2017 07:05:00 +0000

ችሎታዊ መገለጫዎቹ፡-

፩. ሁሉን ቻይ /ከሃሊ ኩሉ - ኤልሻዳይ/፡- የሚሳነው ነገር የለም። ዘፍ ፲፰፣ ፲፬

o በእግዚአብሔር ዘንድ «አይቻልም» የሚባል ነገር የለም።

ይህም በእግዚአብሔር ዓይን ቀላል ነገር ነው፤ ፪ ነገ ፫፣ ፲፰ እንደተባለው።

o እግዚአብሔር ነገሮችን የማያደርጋቸው ወይም የሚያዘገያቸው ስላልቻለ ሳይሆን ስላልፈለገ ወይም ጊዜያቸው ስላልሆነ ነው።

o ስናጠፋ ወዲያው የማይቀጣን እንድንመለስ ጊዜ እየሰጠን ነው።

ለአንዳንዶች የሚዘገይ እንደሚመስላቸው ጌታ ስለ ተስፋ ቃሉ አይዘገይም፥ ነገር ግን ሁሉ ወደ ንስሐ እንዲደርሱ እንጂ ማንም እንዳይጠፋ ወዶ ስለ እናንተ ይታገሣል። ፪ ጴጥ ፫፣፱

ሁሉን ቻይ እና ታጋሽ የሆነውን የእግዚአብሔርን ነገር፡-

- «…አላወቅህምን? አልሰማህምን? እግዚአብሔር የዘላለም አምላክ፥ የምድርም ዳርቻ ፈጣሪ ነው አይደክምም፥ አይታክትም፥ ማስተዋሉም አይመረመርም።

- ለደካማ ኃይልን ይሰጣል፥ ጕልበት ለሌለውም ብርታትን ይጨምራል።…» ኢሳ ፵፣ ፳፯ - ፴፩

፪. ሁሉን አዋቂ ፡- ከእርሱ እውቅናና ውጪ የሆነ/ሊሆን የሚችል ነገር ፈጽሞ የለም።

- « የእግዚአብሔር ባለ ጠግነትና ጥበብ እውቀቱም እንዴት ጥልቅ ነው፤ ፍርዱ እንዴት የማይመረመር ነው፥ ለመንገዱም ፍለጋ የለውም። የጌታን ልብ ያወቀው ማን ነው? ወይስ አማካሪው ማን ነበር? ወይስ ብድራቱን ይመልስ ዘንድ ለእርሱ አስቀድሞ የሰጠው ማን ነው? » ሮሜ ፲፩፣ ፴፫ - ፴፭

- በሁሉም ቦታ ያለ ሁሉን ነገር በአንድ ጊዜ ነው የሚያውቀው፣ -- አማካሪ የለውም።

ሞራላዊ መገለጫዎቹ፡ ከሰው ባሕርያት ጋር በሚነጻጸር መልኩ ስንገልጸው፡- እግዚአብሔር፡-

ቀሪውን ለማንበብ ይህን ይጫኑ/Read more »

PATIENCE IN PRAYER

noreply@blogger.com (Bible Study) — Sat, 29 Apr 2017 08:49:00 +0000

When the idea is not right, God says, “NO”.

No - when the idea is not the best.

No - when the idea is absolutely wrong.

No - when though it may help you, it would create problems for someone else.

When the time is not right, God says, “SLOW”.

What a catastrophe it would be if God answered every prayer at the snap of your fingers. Do you know what would happen?

God would become your servant, not your master.

Suddenly God would be working for you instead of you working for God.

When you are not right, God says, ”GROW”.

The selfish person has to grow in unselfishness.

The cautious person must grow in courage.

The timid person must grow in confidence.

The dominating person must grow in sensitivity.

The critical person must grow in tolerance.

The negative person must grow in positive attitudes.

The pleasure seeking Person must grow in Compassion for suffering people

When everything is all right, God says, ”GO”

Then miracles happen:

A hopeless alcoholic is set free.

A drug addict finds release.

A doubter becomes a child in his belief.

Diseased tissue responds to treatment, and healing begins.

The door to your dream suddenly swings open

and there stands God saying, “GO!”.

Remember: God’s delays are not God’s denials.

God’s timing is perfect.

Patience is what we need in prayer.

Ecclesiastes 3:1 “To every thing there is a season, and a time to every purpose under the heaven”

Stay blessed.

Dn.Eng. Abrham Abdella

Source:- A story to share /tract/

የትንሣኤው መልእክት

noreply@blogger.com (Bible Study) — Tue, 18 Apr 2017 06:55:00 +0000

«ኢየሱስም፦ ትንሣኤና ሕይወት እኔ ነኝ፤ የሚያምንብኝ ቢሞት እንኳ ሕያው ይሆናል፤ ሕያው የሆነም የሚያምንብኝም ሁሉ ለዘላለም አይሞትም፤» ዮሐ ፲፩፣፳፭

የጌታችን የኢየሱስ ክርስቶስ ትንሣኤ ቀዳሚ ዓላማ ለሕይወት እንደሆነ ራሱ ባለቤቱ ይነግረናል። አዳም ከሕይወት ወደ ሞት አወረደን፤ ክርስቶስ ከሞት ወደ ሕይወት አሻገረን።

«ሁሉ በአዳም እንደሚሞቱ እንዲሁ ሁሉ በክርስቶስ ደግሞ ሕያዋን ይሆናሉና።» ፩ ቆሮ ፲፭፣፳፪

ኢየሱስ ክርስቶስ ትንሣኤ ነኝ ሲል ሙት የሚያስነሳ /በአልአዛር/ ስለሆነ ብቻ ሳይሆን ሞቶ ስለተነሳም ጭምር ነው። ሙት ማስነሳት ለአገልጋዮቹም በጸጋ ሊሰጥ ይችላል፡ ሞቶ መነሳት እና በመጨረሻም ሌሎችን ከሞት ማስነሳት የእርሱ ብቻ ሥልጣን ነው። «ልጅንም አይቶ በእርሱ የሚያምን ሁሉ የዘላለም ሕይወትን እንዲያገኝ የአባቴ ፈቃድ ይህ ነው፥ እኔም በመጨረሻው ቀን አስነሣዋለሁ።» ዮሐ ፮፣፵። ስለዚህ ሙት ስላስነሳ፡ ሞቶ ስለተነሳ፡ እና የሚሞቱትን በመጨረሻ ስለሚያስነሳ ትንሣኤ ነኝ አለ። ከትንሣኤ በኋላም ሕይወት ነው።

የትንሣኤው አስፈላጊነት

፩. የሞት መድኃኒት

ሞት ለዘመናት አስፈሪ ሆኖ የኖረ፡ ሁሉንም የሰው ዘር የተቆጣጠረ፡ መፍትሔ ያልተገኘለት የሰው ሕይወት ፍጻሜ ነበር። የዓለም መንግሥታት ስለሞት ለመነጋገር አጀንዳ ይዘው አያውቁም፡ ተመራማሪዎች የሞትን መድኃኒት ለመፈለግ ጥናት አድርገው አያውቁም። ሞት ሁሉንም ዝም ያሰኘ፡ ሁሉንም ጠቅልሎ የገዛ የምድራዊው ኑሮ የመጨረሻው ባለሥልጣን ነበር። ኢየሱስ ክርስቶስ በሞተ ጊዜ ግን ለሞት መድኃኒት ተገኘ፡፡

ኢየሱስ ክርስቶስ ሞትን ድል ያደረገው በሌላ በምንም ነገር ሳይሆን በሞቱ መሆኑ ያስገርማል። ሰው በቁሙ በሕይወት እያለ ብዙ ታላላቅ ነገሮችን ሊሠራ ይችላል። ከታመመ ምናልባት ጥቂት ነገሮችን ይሠራል። ከሞተ በኋላ ግን አንዳች ነገር ሊሠራ አይደለም ሊንቀሳቀስ አይቻለውም።

በሟቹ በኩል ስናየው ሞት የሰው ልጆች የመጨረሻው ደካማ ባሕርይ፡ ምንም ሊሠራበት የማይችል ነው። በቋሚዎች በኩል ስናየው ደግሞ ሞት የሰው ልጆችን ሙሉ በሙሉ የተቆጣጠረ የመጨረሻው ኃይለኛ ጉዳይ ነው። ኢየሱስ ክርስቶስ በጣም ኃያል የሆነውን ሞትን ድል ያደረገው በጣም ደካማ በሆነው ባሕርያችን በሞት ነው። እግዚአብሔር ሰው ሆኖ በድካማችን ኃያሉን ጠላታችንን ሞትን ድል አደረገው። «ከሰው ይልቅ የእግዚአብሔር ሞኝነት ይጠበባልና፥ የእግዚአብሔርም ድካም ከሰው ይልቅ ይበረታልና። » ፩ቆሮ ፩፡፳፭። የተባለው ለዚህ ነው።

ቀሪውን ለማንበብ ይህን ይጫኑ/Read more »

እግዚአብሔርን ማወቅ- ክፍል ፫

noreply@blogger.com (Bible Study) — Thu, 30 Mar 2017 15:12:00 +0000

የእግዚአብሔር ባሕርያት

ስለእግዚአብሔር ለማወቅ ፍንጭ የሚሰጡን፣ የሚገልጡት ባሕርያቱ ናቸው።

ተፈጥሯዊ መገለጫዎቹ፡- ከሌላው ፍጥረት ጋር በሚነጻጸር መልኩ ከመጽሐፍ ቅዱስ መዝገበ-ቃላት በተቀመጠው መሠረት በ፬ መልኩ ይገለጻል።

፩. አይታይም፡- እግዚአብሔር ረቂቅ - መንፈስ ነው። ደቃቅ ሆኖ በአጉሊ መነጽር /በማይክሮስኮፕ/ ወይም ሩቅ ሆኖ በርቀት - መነጽር /በቴሌስኮፕ/ የሚታይ አይደለም።

- « ብቻውን አምላክ ለሚሆን ለማይጠፋው ለማይታየውም ለዘመናት ንጉሥ ምስጋናና ክብር እስከ ዘላለም ድረስ ይሁን፤ አሜን።» ፩ ጢሞ ፩፣ ፲፯

o በስሜት ሕዋሳቶቻችን ልንደርስበት አንችልም።

o ከምናውቃቸው በመጀመር የርቀት /የመርቀቅ/ ቅደም ተከተል ሲቀመጥ ፡ ከግዙፍ ወደ ረቂቅ፡-

§ መሬት - ውኃ- እሳት - ነፋስ - ነፍስ - መላእክት -የሥላሴ አካል።

ይህ ማለት ከመሬት ውኃ ይረቃል፣ ከውሃ እሳት፣ ከእሳት ነፋስ፣ ከነፋስ ነፍስ፣ ከነፍስ መላእክት፣ ከመላእክት ደግሞ ሥላሴ ይረቃሉ።

አባቶች አንደሚያስተምሩት የመላእክት እና የሥላሴ አካል ግን የአንዲት ጎመን ዘር እና የተራራ ያህል አይገናኝም፣ አይነጻጸርም።

o እግዚአብሔር የማይታይ እንጂ የማያይ አይደለም።

o በእምነት ግን በሕይወታችን እናየዋለን።

ቀሪውን ለማንበብ ይህን ይጫኑ/Read more »

እኔስ የመረጥሁት ጾም ይህ አይደለምን? (ክፍል ፪)

noreply@blogger.com (Bible Study) — Tue, 28 Feb 2017 17:32:00 +0000

Chosen Fasting by God p 2 , READ IN PDF
ባለፈው ጽሑፋችን በትንቢተ ኢሳይያስ ምዕራፍ ፶፰ ስለጾም በሚናገረው ክፍል ጾማችን ምን መምሰል እንዳለበትና ምን መምሰል እንደሌለበት በማየት ከጥልና ከክርክር በመራቅ፡ በመልካም ምግባር መታጀብ እንዳለበት የሚገልጸውን የመጀመሪያውን ክፍል አይተናል። በዚህ ክፍል በጾማችን የምናገኘውን በረከት እናያለን።

ትንቢተ ኢሳይያስ ምዕራፍ ፶፰፡-

ቁ. ፰. የዚያን ጊዜ ብርሃንህ እንደ ንጋት ይበራል፥ ፈውስህም ፈጥኖ ይበቅላል፥ ጽድቅህም በፊትህ ይሄዳል፥ የእግዚአብሔርም ክብር በኋላህ ሆኖ ይጠብቅሃል።

የዚያን ጊዜ የሚለው ቃል ከላይ ከነበረው ጉዳይ ጋር አያያዥ ነው። በክፍል ፩ ካየነው ሃሳብ የሚቀጥል ነው። ጾማችን ምን መምሰል እንዳለበት ተረድተን በተግባር የፈጸምነው እንደሆነ፡ ለሌሎች የነፍስ መዳን ንስሐን በማሰብ ከጠብና ክርክር በመራቅ፡ ፣ በፍቅር፡ በመልካም ምግባር፡ የተራበን በማብላት፡ የተጠማን በማጠጣት የታረዘን በማብላት…. የታጀበ ከሆነ የዚያን ጊዜ የምናገኛቸውን በረከቶች ይዘረዝራል። ብርሃን፡ ፈውስ፡ ጽድቅ፡ ጥበቃ።

- ብርሃን፡- ጨለማን የሚያስወግድ ክስተት ነው፡፡ በዓለም ለተፈጥሮው ጨለማ የፀሐይ ብርሃን ይወጣል። የሕይወት ጨለማ ለሆነው ጭንቀት፡ ተስፋ መቁረጥ ብርሃን ያስፈልጋል። ይህም ብርሃን በጌታ በደስታ በእረፍት ያለጭንቀት መኖር፡ነው። ጨለማ አያሳይም፡ ምንም የሕይወት ተስፋ በሌለበት፡ ምን እበላለሁ? ምን እጠጣለሁ?... ብለን ከምንጨነቅበት ሁኔታ ያስወጣናል፡ ሕይወታችን ይመራል። ምድራዊ በረከትን ያመለክታል።

- ፈውስ፡- የሥጋም የነፍስም ሊሆን ይችላል። ለሥጋ በሽታ ሃኪም መድኃትን ቢያዝም ፈውስ ግን ከእግዚአብሔር ነው። ጾም ለበሽታ ፈውስ አንዱ መሣሪያ እንደሆነ ጌታ ተናግሮአል።«ይህ ዓይነት ግን ከጸሎትና ከጦም በቀር አይወጣም አላቸው።» ማቴ ፲፯፡፳፩። የነፍስ በሽታ ኃጢአት ነው። በክርስቶስ በማመን የምናገኘውን የነፍሳችን ድኅነት (መዳን) ጠብቀን የምናቆየው በጾምና ጸሎት (በአምልኮ) እና በቅድስና በመኖር ነው። ስለዚህ ጾም የነፍሳችንን መዳን (ፈውስ) ለማቆየት አንዱ መሣሪያ ነው። ፈውስ ወይም መዳናችን እስከመጨረሻው ከጸና ለፍሬ ይደርሳል። እስከዚያ መብቀል (ማደግ) አለበት። ለዚህም ጾም ያስፈልጋል ማለት ነው። ፈውስህ ፈጥኖ ይበቅላል።.. ለፍሬም ይደርሳል። ማለት ነው። ለመንፈስ ቅዱስ ፍሬ። (ገላ ፭፡፳፪)

ቀሪውን ለማንበብ ይህን ይጫኑ/Read more »

እኔስ የመረጥሁት ጾም ይህ አይደለምን? (ክፍል ፩)

noreply@blogger.com (Bible Study) — Mon, 20 Feb 2017 19:20:00 +0000

God chosen fasting part 1, read in pdf
የያዝነው አርባ ጾም ዐቢይ (ታላቅ) ጾም እንደመሆኑ መጠን በመጽሐፍ ቅዱሳችን በምዕራፉ ሙሉ ስለጾም የሚናገረውን ትንቢተ ኢሳይያስ ም. ፶፰ ከሕይወታችን ጋር በማያያዝ መጽሐፍ ቅዱስ የሚያስተምረንን እናያለን።

ትንቢተ ኢሳይያስ ምዕራፍ ፶፰፡-

ቁ .፩ በኃይልህ ጩኽ፥ አትቈጥብ፥ ድምፅህን እንደ መለከት አንሣ፥ ለሕዝቤ መተላለፋቸውን ለያዕቆብ ቤትም ኃጢአታቸውን ንገር።

ኃጢአት ሰዎችን ከእግዚአብሔርን የሚለይ ሲሆን ንስሐ ወደ እግዚአብሔር እንዲመለሱ የሚያደርግ ተግባር ነው። ሰዎች ወደ እግዚአብሔር እንዲመለሱ ኃጢአታቸው ሊነገራቸው፡ እነርሱም ኃጢአታቸውን በመናገር ንስሐ ሊገቡ ይገባል። በዚህ ክፍል እግዚአብሔር ነቢዩ ኢሳይያስን ለአይሁድ ኃጢአታቸውን እንዲነግራቸው ያዘዋል። አይሁድ እግዚአብሔርን የሚያውቁና የሚያምኑ ሕዝቦች ቢሆኑም ጥፋታቸው ሊነገራቸው ይገባ ነበርና ነቢዩን ላከላቸው።

ዛሬ እግዚአብሔርን የሚያውቁና፡ በቤቱ ስለሚኖሩ ክርስቲያኖች ጥፋት ምን እያደረግን ነው? ጥፋታቸው ለራሳቸው ተነግሮአቸው ንስሐ እንዲገቡ ወይስ ለሌላው ተነግሮባቸው እንዲበረግጉ? ወንድሞቻችን ምንም ዓይነት ጥፋት ያጥፉ ቁም ነገሩ ለምን አጠፉ? ሳይሆን እንዴት ይመለሱ? መሆን አለበት። አንድ ወንድም «ከጥፋቴ በፊት መጥፋቴ ያሳስባችሁ» ብሎአል። ብዙ ጊዜ ስለ ጥፋታቸው እንጂ ስለመጥፋታቸው አናስብም። እግዚአብሔር ግን ሁሉም በጥፋታቸው ተጸጽተው በንስሐ ይመለሱ ዘንድ ጥሪ እንድናደርግ በኃይልህ ጩኽ፥ ዝም እንዳንልም አትቈጥብ ይለናል። በአንድምታውም ጩኽህ አስተምር፡ ማስተማሩን ቸል አትበል ይላል።

ከዚህ ሌላ ብዙዎቻችን በዓለም ያሉ ሰዎችን ኃጢአት በግልጽ መቃወም እንወዳለን። በቤቱ ላሉት ግን ጥፋታቸውን መናገር እንፈራለን። ሰባኪም ይሁን ተማሪ ከሊቅ እስከ ደቂቅ የሚታየው (ምናልባት ለራሳቸው የማይታያቸው) ጥፋታቸው ሊነገራቸው ይገባል። ለሕዝቤ መተላለፋቸውን ንገር ይላል። ለሌላው ተናገር ሳይሆን ለራሳቸው ንገር።

ቁ.፪ . ነገር ግን ዕለት ዕለት ይሹኛል መንገዴንም ያውቁ ዘንድ ይወድዳሉ ጽድቅን እንዳደረጉ የአምላካቸውንም ፍርድ እንዳልተዉ ሕዝብ እውነተኛውን ፍርድ ይለምኑኛል፥ ወደ እግዚአብሔርም ለመቅረብ ይወድዳሉ።

አይሁድ የእግዚአብሔርን ሥርዓቱንና ሕጉን በመጠበቅ እግዚአብሔርን ማምለክ ይወዳሉ። እርሱን ለማስደሰት ሁሉንም ውጫዊ ሥርዓት ለመፈጸም አጥብቀው ይጠነቀቃሉ፡፡ በዚህም እግዚአብሔር ፍትህን እንዲሰጣቸው ይጠይቃሉ። በአንድምታው በጎ ሥራ እንደሚሠራ ሰው ሁሉ ሕጌን ልታውቁ ትወዳላችሁ፡ ይላል፤ በጎ ሥራ የላቸውም ማለት ነው።

ዛሬም ብዙዎቻችን በምንፈጽማቸው ዕለታዊ የሃይማኖት ሥራዎች ወደ ቤተ ክርስቲያን በመመላለስ፡ እንደ ጸሎት፡ ጾም፡ ስግደት…ያሉ የአምልኮ ሥርዓቶችን በመፈጸም እግዚአብሔርን ለመቅረብና ደስ ለማሰኘት እንጥራለን። ይህ ጥሩ መነሻ ሊሆን ይችላል። ያለ በጎ ሥራ ይህ ትጋታችን ብቻውን በቂ እንዳልሆነ ይህ ክፍል ያስተምረናል።

ቀሪውን ለማንበብ ይህን ይጫኑ/Read more »

እግዚአብሔርን ማወቅ ክፍል ፪

noreply@blogger.com (Bible Study) — Tue, 07 Feb 2017 06:47:00 +0000

ማወቅ ማለት ምን ማለት ነው?

o የእገሌን ቤት አውቀዋለሁ ማለት ውስጡን ክፍሎቹን፣ ዕቃዎቹን ወዘተ.. ማለት ነው።

ቤቱን ማወቅ ግን ባለቤቱን ማወቅ ላይሆን ይችላል።

ግዑዝ ነገሮችን በማየት፣ በመጎብኘት ማወቅ ይቻላል።

o ሕይወት ያላቸውን ነገሮች ግን አውቃለሁ ለማለት ቀርበን የጠባይ ልውውጥ ማድረግን ይጠይቃል። ለምሳሌ አንድ ሰው« ይህን ውሻ አውቀዋለሁ፣» ቢል እንስሳው ውሻ መሆኑን እያለ አይደለም። ግን ካሁን ቀደም ከውሻው ጋር የተለየ ልምምድ አለው፡- ጠባዩን ስላየ - ኃይለኛ ስለሆነ/ ስለነከሰው ወዘተ ሊሆን ይችላል።

o እንስሳን ለማወቅ ለማላመድ ጥቂት ቀናት/ ሳምንታት ሊጠይቅ ይችላል። ከዚህ በላይ ደግሞ ሰውን ማወቅ ቀላል አይደለም። ምክንያቱም ስለሰዎች የምናውቀው እኛ ባየናቸው፣ በሰማናቸው.. መጠን ብቻ አይደለም፤ ሰዎቹ ስለራሳቸው ማንነት በለቀቁት መጠን ጭምር ነው። -- ዋናው ይህ ነው። ስላየናቸው አብረናቸው ስለኖርን ብቻ ላናውቃቸው እንችላለን። --- ሰዎችን ለማወቅ ወሳኙ ነገር ሰዎቹ ራሳቸውን የሚገልጡበት ሁኔታ ነው።

ስለእግዚአብሔር ማወቅ ሰዎች ሁሉ ከእነዚህ ከ፫ቱ አይወጡም፡

፩. ጭራሽ አለማወቅ- ሰምተው የማያውቁ….. ጥቂት ሰዎች

፪. የተሳሳተ ማወቅ- ያወቁት መስሏቸው፣ ግን በደንብ አለማወቅ፡- አለመገናኘት።….. አብዛኛው ሰው

፫. ትክክለኛ እውቀት፡- ማወቅ፣ ማናገር፣ እርሱም- መስማት፣ መመለስ። … የተወሰነ ሰው

እኛ የትኛው ውስጥ ነን? በትክክል እናውቀዋለን ወይ? ያ ከሆነ ስናናግረው የሚሰማ እና የሚመልስ እንደሆነ ሊገባን ይገባል።

እግዚአብሔርን ማወቅ ማለት በትክክል ካየነው በእግዚአብሔር ዘንድ መታወቅ ማለት ነው።

ከእርሱ ጋር መስማማት ፣ በግል ሕይወት መለማመድ እና መቀራረብ፣ መገናኘትን.. ያካትታል።

፪. እግዚአብሔርን እንዴት እናውቀዋለን?

- እግዚአብሔርን ለማወቅ እኛ ምን ማድረግ አለብን ወይም ምን ማድረግ እንችላለን?

- እግዚአብሔርስ እንዲታወቅ እርሱ ምን ማድረግ አለበት/ ነበረበት? ወይም ምን አድርጓል?

- እኛ ተምረን፣ ተመራምረን እንደርስበታለን? - አንችልም። እንኳን እርሱን የፈጠረውንም ተምረን አልጨረስነውም።

- እግዚአብሔርን ሙሉ በሙሉ አውቅን መረዳት/ መጨረስ እንችላለን? -- አይቻልም፡- ምክንያቱም፡-

o ፩. የቋንቋ ውስንነት

o ፪. የአእምሮ ውስንነት

- ስለእግዚአብሔር ልናውቅ የምንችለው

o ፩. እርሱ የገለጠልንን ያህል

o ፪. እኛም መረዳት የቻልነውን ያህል

እግዚአብሔር የመገለጥ አምላክ - እርሱ ራሱን ገልጧል / እየገለጠም ነው። እነዚህ መገለጥ ሁለት ዓይነት ናቸው።

፩. አጠቃላይ መገለጥ፡- በተፈጥሮ እና በኅሊና

፪. ልዩ መገለጥ፡- በመጽሐፍ ቅዱስ እና በኢየሱስ ክርስቶስ

o በተፈጥሮ እና በመጽሐፍ ቅዱስ - ስለእግዚአብሔር እናውቃለን።

o በኅሊና እና በኢየሱስ ክርስቶስ - እግዚአብሔርን እናውቃለን።

- ስለእግዚአብሔር ማወቅ - እግዚአብሔርን ከማወቅ ፈጽሞ የራቀ እና የማይወዳደር ነው።

አንዲት ዓሳ እናቷን - « ሁልጊዜ ሲወራለት የምንሰማው ውኃ ምን ዓይነት ነው? የት ነው ያለው?» ብላ ስትጠይቅ፣ እናቲቱ ዓሳ ከውቅያኖሱ ሥር ልጇን አስቀምጣ፣ በፕሮጄክተር ፎቶ፣ ፊልም እያሳየች - «ውኃ ይህን ይመስላል» ብላ ካስተማረቻት በኋላ -- «እንግዲህ ትንሽ ፍንጭ ካገኘሽ ራስሽ ሂጂና በዙርያሽ እንዲሄድ በውስጡ ሆነሽ ተለማመጂ» ብላ ለቀቃቻት።

o መጽሐፍ ቅዱስ መምህራን ተፈጥሮ፣- ስለ እግዚአብሔር እንድናውቅ ያደርጉናል። ስለውኃ በሰሌዳ፣ በስዕል፣ በቤተሙከራ /በትንሽ ብርጭቆ/ መማር ማለት ነው።

o በልባችን ክርስቶስን አምነን ወደ ሕይወታችን ስናስገባው - ወደ ውቅያኖሱ ገባን - እግዚአብሔርን ማወቅ እንጀምራለን። ሕይወታችን እንዲመራ፣ እንዲገዛ እንዲቆጣጠር እንፈቅድለታን - በእርሱ ሙላት ውስጥ እንሆናለን። ያን ጊዜ የሕይወት የመኖር ትርጉም እየገባን ይሄዳል።
/ይቀጥላል..../

እግዚአብሔርን ማወቅ - ክፍል ፩

noreply@blogger.com (Bible Study) — Tue, 31 Jan 2017 06:25:00 +0000

"....በሕይወትም ትኖራላችሁ፤ እኔም እግዚአብሔር እንደ ሆንሁ ታውቃላችሁ።" ሕዝ ፴፯፣፮
በሕይወት የመኖራችን ዓላማ እግዚአብሔርን ማወቅ ከሆነ እግዚአብሔርን እናውቀዋለን ወይ?

ከመሥዋዕት ይልቅ ምሕረትን፥ ከሚቃጠልም መሥዋዕት ይልቅ እግዚአብሔርን ማወቅ እወድዳለሁና። ሆሴዕ ፮፣ ፮

፩. እግዚአብሔርን ማወቅ ያለብን ለምንድን ነው?
-      ለሕይወት ስኬት - ለምድራዊ አስቤዛ ኑሮ መሟላት?
-      ከኑሮ ጭንቀት ለመላቀቅ - ሰላምና እረፍት ለማግኘት?
-      ለጠቅላላ ዕውቀት/ለመረጃ? - አለ ወይስ የለም? እውነቱን ለማወቅ-

እግዚአብሔር ሲባል - ወደ አእምሮአችን / ወደ ምናባችን የሚመጣው ምስል ምንድን ነው?

o   በሩቅ በሰማይ ያለ- ቁልቁል የሚያይ ሽማግሌ መሰል…...?
o   በሥላሴ ስዕል እንዳሉት ፫ ተመሳሳይ የተቀመጡ ሽማግሌ መሰል.....?
o   ወይም ሌላ ምስል.......?

       እግዚአብሔርን ስናስብ ትዝ የሚለን ምንድን ነው?
- እግዚአብሔርን ወይስ ከእግዚአብሔር የሆኑ ነገሮችን፤
- እግዚአብሔር በሕይወታችን በኃይሉ እየሠራ ነው? ወይስ
በአእምሮአችን እንዲሁ የተቀመጠ ከብዙ ጉዳዮች መካከል አንዱ ነው?
- እግዚአብሔርን ነው ወይስ ስለእግዚአብሔር ነው የምናውቀው?
ስለጃንሆይ ልናውቅ እንችላለን፤ ጃንሆይን ግን ላናውቃቸው እንችላለን፤ አላየናቸውም፣ አላገኘናቸውምና።
- እግዚአብሔርን እናውቀዋለን? - እርሱስ ያውቀናል? - እንተዋወቃለን?
- እናናግረዋለን? - ከሆነስ -- ይሰማናል? -- ይመልስልናል? - እንደሚመልስልን ይሰማናል?
ከእነዚህ ጥያቄዎች አንዱ መልሳችን «አይ» ከሆነ - እግዚአብሔርን አላወቅነውም። ወይም ስለእግዚአብሔር ያወቅነው አልገባንም።

- እግዚአብሔር ሊታወቅ ይችላል? ወይስ አይችልም? –

የምታመልኩትን እየተመለከትሁ ሳልፍ። ለማይታወቅ አምላክ የሚል ጽሕፈት ያለበትን መሠዊያ ደግሞ አግኝቼአለሁና። እንግዲህ ይህን ሳታውቁ የምታመልኩትን እኔ እነግራችኋለሁ። የሐዋ ፲፯፣ ፳፫
እናንተስ ለማታውቁት ትሰግዳላችሁ፤ እኛ መዳን ከአይሁድ ነውና ለምናውቀው እንሰግዳለን። ዮሐ ፬፣፳፪

እግዚአብሔርን የምናመልከው አውቀነው ነው? ወይስ ባይገባንም ማምለክ ስላለብን? ወይስ እንዲሁ በዘልማድ ሌሎች ስላደረጉት?

እግዚአብሔርን ማወቅ/አለማወቅ ያለው ተጽእኖ

- በሕይወታችን ለነገሮች ቅድሚያ የምንሰጠው ካለን የእግዚአብሔርን እውቀት አንጻር ነው።
በደንብ ካወቅነው/ከገባን እንኖርለታለን። እንኖርበታለን። -- ካልሆነ እንደ ትርፍ/ተጨማሪ እናየዋለን።
- በሕይወታችን በሚገጥሙን ፈተናና እና ችግሮች የምንወስዳቸው ውሳኔዎች እግዚአብሔርን ምን ያህል እንደምናውቀው ያሳያሉ።
- ሕይወትን ለመኖር የሚያስመኘው ስኬቶቻችን ናቸው - ወይስ በዓላማ መኖራችን?
የዚህ ዓለም ስኬት መጨረሻው ምንድን ነው?.. ምን ስናገኝ ነው በቃ የምንለው?
- በየዕለቱ/ በየጊዜው አእምሮአችን የሚይዘው ምንድን ነው? በልባችን እና በአእምሮአችን ሰፊውን ስፍራ የያዘው እግዚአብሔርን ከማወቅ / ካለማወቅ ጋር የሚያያዝ ነው።

አንድ ባለሃብት ለአንድ አገልጋይ ያለውን ሰፊ የልማት/ የእርሻ ቦታ ሲያስጎበኘው ከስፋቱ የተነሳ በአንድ ቀን ተጎብኝቶ ሊያልቅ አልቻለም። ኋላ ባለሃብቱ «እንዴት ነው? ምን ተሰማህ?» ብሎ የሙገሳ ቃል ሲጠብቅ አገልጋዩ፡ «ይህንን ሁሉ ሃብት ለማስተዳደር ልብህ በዚህ ስለሚጠመድ ያሳዝነኛል» አለው።

የዚህ ባለሃብት ልብ አሁን እየኖረበት ካለ ዓለም ጋር የተቆራኘ ነው።
ለአሁኑ እና ለዘላለሙ፣ ላለውና ለሚመጣው ነገር ሁሉ የምንሰጠው ዋጋ/ቦታ ባለን የእግዚአብሔር ዕውቀት ላይ የተመሠረተ ነው።

...............ይቀጥላል..............

የጥምቀት መጽሐፍ ቅዱሳዊ ትርጉም

noreply@blogger.com (Bible Study) — Tue, 17 Jan 2017 12:17:00 +0000

ጥር ፱፣ ፳፻፱ ዓ/ም

መጠመቅ:~ በቤክ ትምህርት ቀጥተኛ ትርጉሙ -ውሃ ውስጥ ገብቶ መውጣት ነው።

ትርጉሙ ከጌታ ሞትና ትንሣኤ ጋር በመተባበር ረገድ የሚገናኝ ነው። ወደታች እንደምናየው።

የጥምቀት ምሳሌነት በብሉይ ኪዳን

1, በኖህ ዘመን

… ጥቂቶች ማለት ስምንት ነፍስ በውኃ የዳኑበት መርከብ ሲዘጋጅ፥ የእግዚአብሔር ትዕግሥት በኖኅ ዘመን በቈየ ጊዜ ቀድሞ አልታዘዙም። ይህም ውኃ ደግሞ ማለት ጥምቅት ምሳሌው ሆኖ አሁን ያድነናል፥ የሰውነትን እድፍ ማስወገድ አይደለም፥ ለእግዚአብሔር የበጎ ሕሊና ልመና ነው እንጂ፥ ይህም በኢየሱስ ክርስቶስ ትንሣኤ ነው፤ ፩ኛ የጴጥሮስ መልእክት ፫ : ፳~ ፳፩ (ጥምቀት ከትንሣኤ ጋር እንዴት እንደሚገናኝ ወደታች እናየዋለን።)

- ኖህ እና ቤተሰቡ በመርከብ ውስጥ በውሃ መካከል በማለፍ ከእግዚአብሔር ቁጣ እና ከጥፋት ዳኑ

2, በእስራኤላውያን

… ወንድሞች ሆይ፥ ይህን ታውቁ ዘንድ እወዳለሁ። አባቶቻችን ሁሉ ከደመና በታች ነበሩ ሁሉም በባሕር መካከል ተሻገሩ፤ … ሁሉም ሙሴን ይተባበሩ ዘንድ በደመናና በባሕር ተጠመቁ፤ 1ኛ ወደ ቆሮንቶስ ሰዎች 10 : 1~2

- እስራኤላውያን በባሕሩ መካከል በማለፍ ከጠላት ጥፋት ዳኑ:

2ቱም የጥምቀት ምሳሌዎች የሚያሳዩን~ ከጥፋት ለማምለጥ በውሃ ውስጥ/ መካከል ማለፍን ነው።

የጥምቀት አማናዊነት በአዲስ ኪዳን

1, የዮሐንስ ጥምቀት: ማቴ ፫

… እኔስ ለንስሐ በውኃ አጠምቃችኋለሁ፤ የማቴዎስ ወንጌል ፫ : ፲፩

… ለኃጢአት ስርየት የንስሐን ጥምቀት እየሰበከ በዮርዳኖስ ዙሪያ ወዳለችው አገር ሁሉ መጣ። የሉቃስ ወንጌል ፫ : ፫-፮

ዓላማ:~ ሰዎችን ለጌታ ለማዘጋጀት: በትንቢት እንደተነገረው

… በነቢዩ በኢሳይያስ ቃል መጽሐፍ። የጌታን መንገድ አዘጋጁ ጥርጊያውንም አቅኑ እያለ በምድረ በዳ የሚጮኽ ሰው ድምፅ፤ ዐዘቅቱ ሁሉ ይሙላ ተራራውና ኮረብታውም ሁሉ ዝቅ ይበል፥ ጠማማውም የቀና መንገድ ይሁን፥ ሸካራውም መንገድ ትክክል ይሁን፤ ሥጋም የለበሰ ሁሉ የእግዚአብሔርን ማዳን ይይ ተብሎ እንደ ተጻፈ። የሉቃስ ወንጌል ፫ : ፫-፮ (መቼም ይህ የሚያሳየው አውራ ጎዳናውን ሳይሆን የሰዎችን ሕይወት ነው።?

~ አዘቅት: ከፅድቅ የጎደለው / ፍሬ የሌለው ሕይወት

~ ተራራ /ኮረብታ: በራስ ፅድቅ የተሞላው /ትእቢት እና ትምክህት ያለበት

~ ጠማማ: አካሄዱን የሳተ

~ ሸካራ: ለሌላው የማይመች

2, የጌታ ጥምቀት

ቀሪውን ለማንበብ ይህን ይጫኑ/Read more »

የሕይወት አቅጣጫ

noreply@blogger.com (Bible Study) — Sat, 31 Dec 2016 08:13:00 +0000

የሕይወት ቆይታ

noreply@blogger.com (Bible Study) — Mon, 19 Dec 2016 10:04:00 +0000

የሕይወት ጉዞ

noreply@blogger.com (Bible Study) — Wed, 30 Nov 2016 19:39:00 +0000

የሕይወት ፍሬ

noreply@blogger.com (Bible Study) — Tue, 22 Nov 2016 06:10:00 +0000

ዳግመኛ መወለድ

noreply@blogger.com (Bible Study) — Mon, 31 Oct 2016 08:10:00 +0000

እምነት ለሕይወት

noreply@blogger.com (Bible Study) — Fri, 14 Oct 2016 09:22:00 +0000

ሕይወት ክርስቶስ

noreply@blogger.com (Bible Study) — Fri, 30 Sep 2016 07:47:00 +0000