ALEXSANDRA BERNHARÐ // TÍSKU- OG LÍFSSTÍLSBLOGG

NEW IN: & OTHER STORIES SWEATERS

2020-09-11T15:57:00.001+00:00

Færslan inniheldur auglýsingalinka.

Eitt sem ég sakna svo ótrúlega mikið núna er að komast til New York og taka rölt í eina af mínum
uppáhalds búðum, & Other Stories. Ég hef mikið verslað þar og það sem mér finnst svo dásamlegt
eru gæðin á fötunum, þau endast í fleiri ár og það sést ekki á þeim. Ég sá þessar tvær peysur inn á
netversluninni þeirra í vikunni og ákvað að splæsa í þær fyrir veturinn, ég elska góðar og mjúkar
oversized peysur við svartar gallabuxur og fallega skó. Peysurnar komu í dag en það tók pakkann
um einn og hálfann sólahring að skila sér til Íslands en pakkarnir eru alltaf mjög fljótir að koma.
Ég elska að & Other Stories senda heim þar sem ég er hætt að fljúga!

Ég fékk mér þessa ljósbrúnu hnepptu peysu sem er án efa mýksta peysa sem ég hef átt. Ótrúlega
fallega oversized og töff. Hin peysan verður mjög mikið notuð líka en ég á peysu í þessu sama
sniði í nokkrum litum og hef notað mikið seinustu ár. Ég varð því að fá mér svarta líka, klassísk
og einföld ♡

NEW IN: ASOS HAUL

2020-08-12T14:09:00.007+00:00

Þessi færsla inniheldur auglýsingalinka.

Halló! Ég sýndi frá smá Asos hauli á Instagram Story hjá mér og langaði að láta linka af flíkunum fylgja með fyrir áhugasama. Ég vildi óska þess að ég gæti gert swipe up linka þar en þar sem ég get það ekki enn

þá er gott að geta gert færslu þar sem ég deili með ykkur linkunum af þeim flíkum sem ég sýni ykkur. Ég

pantaði mér nokkra hluti nú um daginn en mig langaði svo í fallegar "mom jeans" og var strax mjög hrifin

af þessum frá Topshop. Finnst þær mjög flottar og munu passa vel við hvíta bolinn og svo jakka yfir!

Kjólapeysan er ekta ég og fullkomin fyrir haustið ♡

ASOS wrap knitted dress (HÉR) TOPSHOP mom jeans in mid wash (HÉR) ASOS slim racer top (HÉR)

NEW IN: ASOS HAUL

2020-07-04T20:13:00.002+00:00

Færslan inniheldur auglýsingalinka.

Ég missti mig kannski örlítið inn á Asos í seinasta mánuði en mig langaði í nokkrar nýjar flíkur fyrir

sumarið þar sem ég fékk allt í einu smá ógeð af því sem var í fataskápnum mínum. Ég var með smá

haul á Instagram Stories þar sem ég mátaði flíkurnar og sýndi ykkur þær betur en mig langaði að setja

saman þessa færslu svo að þið getið fundið flíkurnar ef það er eitthvað sem ykkur líst vel á. Eins og

ég hef sagt oft áður þá er stíllinn minn mjög einfaldur og klassískur en mér finnst algjör kostur að
geta notað flíkurnar á nokkra vegu og í langan tíma. Hér fyrir neðan koma linkar af flíkunum og ég
setti allt haulið í highlights hjá mér á Instagram ♡

TOPSHOP spot maxi dress (HÉR) ASOS midi dress (HÉR)
ASOS slim mom jeans (HÉR) BOOHOO midi dress (HÉR)
PIMKIE khaki swimsuit (HÉR) TOPSHOP white sneakers (HÉR)

NEW IN: TOPSHOP SPOT SHIRT DRESS

2020-06-25T22:01:00.005+00:00

Færslan inniheldur auglýsingalinka.

Halló! Vegna fjölda fyrirspurna af Instagramminu mínu þá varð ég að skrifa þessa færslu til að deila með ykkur link af þessum geggjaða kjól sem ég var að fá mér og sem ég klæddist í kvöld. Ég var að

labba inn heima eftir æðislegann viðburð sem við Þórunn héldum í samstarfi við Nine Kids til þess að

fagna Þokunni og velgengni hennar. Það var ekkert smá gaman en inboxið mitt á Instagram (og líka

hennar Þórunnar) stútfylltist af spurningum um hvaðan kjóllinn minn væri. Ég sá hann um daginn á

Asos og varð að eignast hann. Ég var búin að leita mér í smá tíma af svona fullkomnum síðum kjól

fyrir sumarið og vá hvað ég er ánægð með þennann! Hann er svo fallegur en eina er að stærðirnar eru

eitthvað vitlaust merktar hjá Asos svo að ég fékk stærri stærð en ég bjóst við, ég veit ekki hvort ég

hafi fengið senda vitlausa stærð en ég fékk UK 12-14 þegar ég pantaði UK 10.

HÉR finnur þú link af honum ♡

SKIN CARE 101

2020-05-14T22:30:00.000+00:00

Þessi færsla er ekki beint unnin í samstarfi við neinn en vörurnar voru flestar fengnar sem gjöf.

Halló - ég er búin að skulda ykkur þessa færslu núna í nokkra daga en eftir að við Þórunn gáfum út

Skin Care Special þátt í Þokunni þá eru búnar að hrannast inn nokkrar fyrirspurnir um færslu þar sem

við sýnum ykkur vörurnar sem við vorum að tala um í þættinum. Það er smá erfitt að hlusta bara og fá

ekkert að sjá vörurnar sem við vorum að tala um og sem við erum að nota. Ég ætla að skipta þessari

færslu upp eftir skrefum og vonandi er þetta þá aðeins skýrara. Þetta verður frekar löng færsla en það

er fullkomið að hlusta á þáttinn og glugga í færsluna á meðan!

Góð húðumhirða er gríðarlega mikilvæg en húðin er stærsta líffærið okkar og því mikilvægt að hugsa

vel um hana og passa. Mér persónulega finnst mjög mikilvægt að nota vörur sem henta minni húð,

þvo hana bæði kvölds og morgna og nota sólarvörn á hverjum degi. Húðtýpur eru mismunandi og það

hentar ekki allt öllum og því er mikilvægt að finna hvað hentar hverjum og einum og viðhalda góðri
rútínu til að sjá langtímaáhrif. Ég persónulega er með þurra húð og leita þess vegna í vörur sem veita
góðan raka, vinna gegn ótímabærri öldrum og vinna á fínum línum og að fylla húðina. Þátturinn var
í boði Húðlæknastöðvarinnar en þau selja húðvörur frá merkinu Skinceuticals sem eru háþróaðar
og dásamlegar vörur. Ég hef verið að nota vörur frá merkinu seinustu vikur og mun segja ykkur betur
frá þeim og reynslu minni af þeim í þessari færslu.

Hreinsun:
Eitt af því mikilvægasta er að hreinsa húðina vel bæði kvölds og morgna. Ég nota mildan hreinsir á
morgnanna og hef ég verið að nota kremhreinsa helst. Ég var búin að finna dásamlegan hreinsi

sem hentaði mér fullkomnlega en svo hætti hann í framleiðslu. Það eru kannski tvö ár síðan og ég

hef verið að finna mér svipaðann hreinsi en ég hef aldrei fundið neinn sem líkist honum fyrr en núna.

Ég vill nefnilega ekki freyðandi hreinsa á morgnanna, það er aðeins of mikið fyrir mig og þurrkar mig

upp. Hreinsirinn sem ég nota núna er frá Skinceuticals og heitir Gentle Cleanser Cream. Hann er

æðislegur og hreinsar vel en á sama tíma veitir hann sjúklega mikinn raka. Á kvöldin nota ég oftast

tvöfalda hreinsun en það felur í sér að byrja á því að nota olíukenndann hreinsir eða salva til að bræða

farða og önnur óhreinindi af húðinni og fara svo með freyðandi hreinsir til að hreinsa húðina sjálfa.

Það er ekki nóg að taka bara Micellar vatn og hreinsa farða af og fara svo í það að setja á sig rándýr

serum og krem, þá gera þau gjörsamlega ekkert gagn ef húðin er enn óhrein. Það þarf að hreinsa fyrst

af farða og sólarvörn og svo hreinsa húðina sjálfa. Treystið mér, ef þið gerið þetta ekki byrjið þá strax

á þessu í kvöld.

C Vítamín:
Ah, besti vinur minn. C Vítamín er æðislegt þegar kemur að húðumhirðu en serum sem innihalda
þessi vítamín vernda húðina gegn skaðlegum áhrifum sindurefna, styrkja húðina og koma í veg fyrir
ótímabæra öldrum. Það er fullkomið til notkunar með sólarvörn á morgnanna og hentar fyrir allar

húðgerðir. Ég byrjaði að nota C Vítamín fyrir sirka tveimur árum þegar ég var ólétt og hef ekki hætt

að nota það og mun eflaust aldrei. Ég byrjaði á að nota C Firma frá Drunk Elephant sem er mjög gott

serum. Það tók mig smá tíma að venjast lyktinni og áferðinni en það getur verið smá sticky en þá er

best að passa sig að nota ekki of mikið. Ég hef einnig prófað Paula's Choice C15 Super Booster og

það er einnig æðislegt. Það sem ég er að nota núna er C E Ferulic frá Skinceuticals og það er ein sú
allra besta húðvara sem ég hef prófað. Létt, fer fljótt inn í húðina og skilur hana eftir ljómandi og
fulla af raka.

Rakakrem:
Nauðsynlegt að nota gott og rakamikið krem en húðinni vantar raka bæði kvölds og morgna. Það eru
til endalaust mikið af kremum þarna úti svo það getur verið smá frumskógur að finna það sem hentar
manni en ég hef fundið tvö sem ég elska. Fyrst er það Lala Retro frá Drunk Elephant og svo er það
rakakremið frá Blue Lagoon Skincare. Þau eru bæði í þykkari kantinum sem hentar mér mjög vel.

Sólarvörn:
Sólarvörn er loksins að komast almennilega í umræðuna seinustu mánuði og ég verð að viðurkenna
að ég er nýbyrjuð að nota sólarvörn daglega og ég skil ekki af hverju ég var ekki löngu byrjuð að
nota hana daglega. Maður hugsar oft að við búum á Íslandi og það er ekki oft sól og því þurfum við
ekki vörn þá daga sem það er grátt og rigning. Það er bara alls ekki satt, það þarf sólarvörn daglega
því geislarnir koma í gegnum skýin og gluggana og hafa slæm áhrif á húðina okkar. Ég er loksins
búin að finna vörn sem hentar mér vel en áður var ég að nota Umbra Sheer SPF 30 frá Drunk
Elephant og ég var aldrei það hrifin af henni. Mér finnst hún frekar þykk og pillar stundum á mér.
Ég er núna að nota Mineral Radiance UV Defence SPF 50 frá Skinceuticals og hún er dásamleg.
Hún er ótrúlega létt, fer fljótt inn í húðina og jafnar út húðlitinn á sama tíma.

Ávaxtasýrur:
Nú fer þetta aðeins að flækjast en sýrur eru í miklu uppáhaldi hjá mér enda er árangur þeirra
sjúklega góður og hafa ýmsar rannsóknir sýnt fram á virkni þeirra. Með langvarandi notkun
ávaxtasýra eykst þykkt húðarinnar verulega og þar með hæfnin til að verjast geislum sólar.
Það sem er mikilvægt hér er að viðhalda notkun til lengdar, það er ekki nóg að skella á sig
sýrumaska einu sinni og búast við kraftaverki. Það er til aragúi af mismunandi sýrum og
getur þetta einnig verið mikill frumskógur en það er mikilvægt að kynna sér þetta vel og finna
réttu sýruna fyrir sig. Það er líka gott að hafa í huga að það þarf ekki að nota allar sýrurnar
heldur halda sig við eina eða tvær góðar eða eina vöru sem inniheldur nokkrar tegundir af sýrum.
Sýrur eru "chemical exfoliants" sem taka af ysta lag húðarinnar og mæli ég persónulega með að taka
kornaskrúbbana þína og henda þeim í ruslið og prófa frekar sýrur.

AHA er ein týpa af ávaxtasýrum en þær eru leyfilegar á meðgöngu og samhliða brjóstagjöf. Þær
helstu eru til dæmis glycolic acid, lactic acid, mandelic acid, malic acid o.fl. Glycolic sýra er eflaust
sú sem maður hefur heyrt ofast um en hún hefur minnstu sameindina af AHA fjölskyldunni og fer því
hraðast inn í húðina. Rannsóknir sýna að húðvörur sem innihalda hana og eru notaðar reglulega draga
úr fínum línum og hrukkum, hraða á endurnýjun húðarinnar og gefur henni jafnara og bjartara
yfirbragð. Oftast kemur hún í formi andlitsvatns og það má helst nefna The Ordinary Glycolic Acid
7% Toning Solution. Ég á hana og fýla hana persónulega ekki fyrir mig en þessi vara er ótrúlega
vinsæl. Eitt sem mig langar að nefna með þessa vöru er að þó að hún inniheldur orðið toner í nafninu
þá er þetta alls ekki tóner heldur sýra og því þarf að fara afar varlega og passa sig að nota hana ekki
daglega ef þú ert að byrja að nota sýrur. Sú AHA sýra sem ég fýla persónulega mjög vel er Lactic
sýra og á ég hana frá The Ordinary í 5% styrkleika og nota sirka einu sinni í viku en þar sem ég er
nýlega byrjuð að nota retinol þá hef ég aðeins sett hana í pásu. Einnig verð ég að mæla með TLC
Framboos frá Drunk Elephant en það er fyrsta sýruvaran sem ég prófaði og hún klikkar ekki. Hún
inniheldur blöndu af glycolic, tartaric, lactic, citric og salicylic sýru. Einnig verð ég að nefna AHA/
BHA Peeling Solution frá The Ordinary sem er eflaust uppáhalds sýruvaran mín en þetta er mjög
sterkur og áhrifaríkur 10 mínútna maski sem ég nota einu sinni í viku. Sé miklar framfarir á
húðinni minni eftir að hafa notað þessa vöru reglulega.

BHA sýrur eru fituleysanlegar og sú allra vinsælasta er salicylic sýra. BHA sýrur fara djúpt
ofan í húðholur og hreinsa og eru þær að finna í fjöldanum öllum af húðvörum. Ég myndi segja að
salicylic sýra henti húð vel sem er með stíflum, bólum og fílapenslum. Hún hefur bakteríudrepandi
áhrif og er því góð fyrir feita húð sem er gjörn að stíflast. Ég persónulega tengi ekki hér og nota því
ekki salicylic sýru í minni rútínu nema þegar hún er í blöndu af vörum.

Ég er smá sýrulögga eins og Þórunn kallaði mig í þættinum en ég verð að impra á mikilvægi þess
að fara varlega þegar byrja á að nota sýrur. Húðin okkar er að sjálfsögðu misviðkvæm og það er
mismunandi hvað hver og einn þolir en það er öruggast að byrja afar hægt og velja sér væga sýru,
nota hana einu sinni í viku eða sjaldnar til að byrja með, ekki blanda saman sýrum, ekki nota sýrur
með retinoli eða c vítamíni, nota góðan raka eftir á, nota sólarvörn og hlusta á húðina. Það seinasta
sem við viljum gera er að rústa varnarvegg húðarinnar og erta hana.

Hyaluronic sýra:
Við vorum að fara yfir sýrur sem kallast "direct acids" en nú höfum við allt öðruvísi sýru og er
hún languppáhalds sýran mín af öllum en það er hýalúronic sýra. Hana er nú þegar að finna í
húðinni okkar en hún viðheldur rakanum í henni. Með aldrinum fer magnið minnkandi og því er
sniðugt að bæta henni í rútínuna. Hún er rakabindandi, örvar kollagenmyndun og kemur í veg
fyrir niðurbrot þess. Það er að finna þessa sýru í fjöldanum öllum af húðvörum. Ég nota hana
hreina bæði kvölds og morgna og þá hef ég verið að nota annað hvort H.A. Intensifier frá
Skinceuticals og Paula's Choice Hyaluronic Booster. Ég blanda nokkrum dropum við krem
og húðin verður ekkert smá fyllt og rakamikil.

Olíur/næturmaskar:
Ég er frekar ný í að nota olíur en ég var alltaf frekar hrædd við þær vegna þess að ég var hrædd um
að stíflast. Málið er bara að það þarf að finna réttu olíuna sem hentar manni og plís ekki setja
kókosolíu framan í þig! Ég er með tvær olíur sem ég gjörsamlega elska og það er Virgin Marula
frá Drunk Elephant og Algae Bioactive Concentrate frá Blue Lagoon Skincare. Þær fara báðar mjög
fljótt inn í húðina og gefa henni svo fallegt og slétt yfirbragð. Ég blanda 2-3 dropum í rakakrem eða
rakamaska.

Ég nota vanalega aldrei sama rakagjafann á daginn og á næturnar þar sem mér finnst ég alltaf
þurfa smá meira fyrir nóttina. Á kvöldin nota ég því nánast alltaf rakamaska og bý ég til smá
kokteil með Drink Up rakamaskanum frá Origins, nokkrum dropum af olíu og nokkrum dropum
af Hyaluronic sýru og ég leyfi því að marinerast yfir nótt.

Serum:
Mér finnst serum smá vítt hugtak orðið en það má segja að t.d. TLC Framboos sé serum og líka
C E Ferulic frá Skinceuticals. Annað sem hefur ekki komið fram í færslunni sem ég nota og fýla
vel er Buffet + Copper Peptides frá The Ordinary en það er dásamlegt og er það fyrsta varan sem
ég sá virkilegan mun á fínum línum með reglulegri notkun. Það inniheldur peptíð sem eru stuttar
keðjur af aminó sýrum sem byggja upp kollagen, elastín og keratín. Þessi prótín eru undirstöður
húðarinnar og eru ábyrgð fyrir áferð, styrk og seiglu húðarinnar. Eina bara er að það þarf að passa
sig hvenær maður notar það en ekki má nota það t.d. með sýrum, retinoli eða c vítamíni.

Retinol/retinoid:
Elsku retinolið mitt, besta sem ég veit um! Retinol er tegund af retinoidi sem er í vítamín A
fjölskyldunni. Það eykur kollagenframleiðslu húðarinnar, bætir áferð hennar, vinnur á fínum
línum, hrukkum, litabreytingum, svitaholum og bólum. Notað rétt er þetta algjört töfraefni til
að viðhalda góðri og unglegri húð. Það þarf þó að fara varlega með retinol þar sem það er
húðþynnandi og kemur það í ýmsum styrkleikum. Mælt er með að byrja í lágum styrkleika
og auka svo eftir því sem húðin venst. Ég kynnti mér retinol vel þegar ég var ólétt af Frosta en
þar sem ekki er mælt með notkun retinols á meðgöngu og með barn á brjósti þá byrjaði ég ekki
að nota það fyrr en á þessu ári. Ég er að nota Skinceuticals Retinol 0.3 sem er frábært. Það er
með 0.3% styrkleika og því fullkomið fyrir byrjendur. Ég nota það tvisvar sinnum í viku og
blanda ég oggupons dropa af því við næturkokteilinn minn.

Augnkrem:
Það má alls ekki gleyma augnsvæðinu en það er nauðsynlegt að nota sérstakar vörur sem ætlaðar
eru fyrir það svæði þar sem húðin þar er mun þynnri og viðkvæmari. Ég nota augnkrem á hverjum
einasta morgni og kvöldi. Ég er reyndar smá extra þegar kemur að þessu skrefi en ég nota bæði
serum og krem. Ég byrja á að nota Shiseido Ultimune Eye Power serum og svo nota ég Eye
Firming krem frá Clarins sem er dásamlegt.

Sýrumeðferðir/maskar:
Ég hef minnkað notkun á möskum alveg töluvert en ég skelli á mig maska af og til þegar ég vill
aðeins dekra við mig. Ég er reyndar með einn maska núna eða sýrumeðferð sem ég nota vikulega
og er það AHA/BHA Peeling Solution frá The Ordinary. Þetta er mjög sterk sýrumeðferð sem maður
notar í 10 mínútur og húðin verður svo dásamlega mjúk og ljómandi eftir á.

___________

Ég vona svo innilega að þetta hjálpi ykkur að skilja aðeins betur það sem við vorum að fara yfir
í þættinum og gott fyrir ykkur að sjá vörurnar sem við töluðum um. Það sem mér finnst vera
algjört lykilatriði þegar kemur að húðumhirðu og þegar byrja á að búa sér til góða rútínu er að
byrja hægt, ekki byrja á því að prófa fullt af vörum á sama tíma heldur er best að byrja á einni
og sjá hvernig hún fer í húðina. Ef þú byrjar til dæmis á fimm nýjum vörum og þær fara illa
í þig þá er mun erfiðara að finna út hvaða vara er ekki að henta þér. Einnig er gott að hlusta á húðina
og fara svolítið eftir henni og hvað hún þarf, til dæmis seturu ekki á þig sterkan sýrumaska ef hún er
viðkvæm og þú með opnar bólur. Einnig fara hægt í hlutina, passa hverju þú blandar saman í sömu
rútínu, nota sólarvörnog drekka nóg af vatni.

HEIMADEKUR MEÐ BLUE LAGOON SKINCARE

2020-04-19T17:10:00.002+00:00

Þessi færsla er unnin í samstarfi við Blue Lagoon Skincare.

Hæ, ansi langt síðan seinast! Ég vona að þið hafið það öll gott á þessum tímum. Við erum sem mest

bara heima en ég er ekki mikið að vinna enda lítið um flug þessa dagana. Þetta er ótrúlega skrýtið

allt saman en ég reyni mitt allra besta að vera jákvæð og huga að andlegu heilsunni. Það sem mér

finnst ótrúlega gott að gera vikulega er að taka smá heimadekur og endurhlaða batteríin. Mig langar

að deila með ykkur minni uppskrift af hinu fullkomna heimadekri í samstarfi við Blue Lagoon

Skincare.

- Eftir að Frosti sofnar á kvöldin finnst mér dásamlegt að byrja dekrið á því að fara í

heita sturtu, setja í mig hármaska og bera á mig olíu eftir sturtuna. Ég hef verið að

prófa líkamsolíuna frá Blue Lagoon og er mjög hrifin, fer fljótt inn í húðina og lyktin

af henni er dásamleg.

- Eftir sturtuna fer ég í þægilegan slopp eða náttföt og hreinsa húðina mína. Ég passa

mig að hreinsa hana vel bæði kvölds og morgna. Einu sinni í viku dekra ég aðeins

meira við húðina og set á mig maska. Ein af mínum uppáhalds vörum frá Blue Lagoon

er Silica Mud Mask en þetta er án efa þekktasta varan þeirra. Maskinn er djúphreinsandi,

styrkjandi og gefur húðinni fallegan ljóma ásamt því að vinna á svitaholum. Ég hef hann

á í rúmar tíu mínútur og skola svo af með volgu vatni.

- Eftir maskann er nauðsynlegt að gefa húðinni raka en eftir djúphreinsandi maska hef

ég hlutina mjög einfalda og set á mig gott rakakrem og olíu. Ég hef verið að nota bæði

rakakrem og olíu frá Blue Lagoon í nokkra mánuði, áður en samstarfið hófst og er svo

hrifin af þeim báðum. Rakakremið inniheldur steinefnaríkan jarðsjó Bláa Lónsins, er

mjög rakamikið og gefur fallegan ljóma. Ég nota það bæði morgna og kvölds en á

kvöldin blanda ég olíu út í kremið. Olían sem ég hef verið að nota er ný vara frá Blue

Lagoon og heitir hún Algae Bioactive Concentrate en hún er náttúruleg og kraftmikil

olía sem styrkir kollagenforða húðarinnar, vinnur gegn öldrun og nærir húðina. Ég

blanda 2-3 dropum af olíunni við rakakremið og ber yfir allt andlitið og háls og ég

finn hversu rakamikil húðin verður strax.

Smá svona heimadekur gerir ekkert smá mikið fyrir sálina finnst mér og er nauðsynlegt fyrir

mig á tímum eins og þessum. Bara að taka sér hálftíma fyrir sig og maður er orðin að nýrri

manneskju. Mig langar að benda ykkur á heimadekurpakkana sem Blue Lagoon er með, þið

getið skoðað þá nánar hér og einnig er afsláttur af nokkrum vörum. Ég elska handsápu og

handaáburðarsettið frá þeim, ilmkertið og baðsöltin líka.

Mæli með smá heimadekri við fyrsta tækifæri ♡

NEW IN: ASOS KNITTED DRESS

2020-04-14T16:34:00.001+00:00

Þessi færsla inniheldur auglýsingalink.

ASOS knitted wrap midi dress (fæst HÉR í ljósu og HÉR í gráu)

Um daginn birti ég mynd af mér á Instagram hjá mér í nýjum kjól sem ég pantaði mér fyrir stuttu

og inboxið mitt fylltist af spurningum um hvaðan hann væri. Mér finnst það nú ekki skrýtið þar sem

hann er gullfallegur og ég hef notað hann mjög mikið síðan ég eignaðist hann. Hann er ekkert smá

fínn við svört lág stígvél en ég vona að ég geti notað hann í sumar berleggja við sandala. Þú getur

fundið kjólinn HÉR inn á Asos ♡

ASOS: ON IT'S WAY

2020-01-09T20:32:00.001+00:00

Færslan inniheldur auglýsingalinka en er ekki kostuð.

Halló! Ég hef því miður ekki náð að sinna blogginu að viti seinustu mánuði eins og þið hafið eflaust

tekið eftir en það gefst frekar lítill tími til að setjast niður með tölvuna og skrifa færslur með einn 15

mánaða skæruliða. Ég finn samt sem áður oft mikla þörf fyrir að setjast niður og blogga en ég hef

notað Instagram mest seinustu mánuði þar sem mér finnst það ótrúlega þægilegur og auðveldur

miðill. Ég fann þessa blogglöngun einmitt í dag og því er ég komin hingað eftir að Frosti er

sofnaður fyrir nóttina og langaði mig að deila með ykkur þremur flíkum sem eru á leiðinni til

mín frá Asos.

Ég setti mér engin áramótaheit en ég ætla að halda áfram að vanda valið vel þegar kemur að því

að versla, hvort sem það er fatnaður, skór, snyrtivörur eða aðrir hlutir. Mig skortir ekki neitt en

upp á síðkastið hefur mig fundist mig vanta eitthvað að ofan og því langaði mig að bæta

aðeins við peysurnar mínar þar sem ég losaði mig við helling af þeim úr skápnum mínum fyrir

nokkrum mánuðum síðan. Mér finnst stíllinn minn aðeins vera að breytast og því vildi ég losa

mig við þær flíkur sem ég sá ekki fram á að ég myndi nota mikið og hægt og rólega bæta við mig.

Fyrst er það þessi peysa frá & Other Stories en ég sá hana fyrst um daginn þegar ég var að

skoða Asos í rólegheitunum. Hún er alveg eins og peysa sem ég á frá merkinu nema í þessum

ljósbrúna lit (ég á gráa) og ég hef notað mína svo ótrúlega mikið að ég varð að eignast hana í

þessum fallega lit líka! Ég elska svona tímalausar flíkur sem virka í mörg mörg ár. Næst er það

Nike peysan en hana á ég einmitt líka í öðrum lit sem ég hef notað mikið seinustu ár og fannst

mér því tilvalið að fá mér hana í öðrum lit. Ég nota svona kósýpeysur mikið við uppáhalds

Lululemon buxurnar mínar dagsdaglega þegar ég er heima við og að stússast. Seinasta peysan

sem ég ákvað að fá mér er frá NA-KD og mér finnst svo skemmtilegt að það er hægt að nota

hana hversdags og klæða hana aðeins upp við fínar buxur og hæla ♡

ÞOKAN

2019-12-12T21:26:00.002+00:00

Færslan er unnin í samstarfi við Better You, Lansinoh og Johnson's Baby.

Hæ! Ég er mjög sein hér með fréttirnar en ef þið fylgist með mér og Þórunni á Instagram þá vitið

þið eflaust að við byrjuðum með hlaðvarð núna í byrjun desember sem ber nafnið ÞOKAN. Nafnið

vísar í brjóstaþoku sem er eitthvað sem við vinkonurnar höfum verið að upplifa síðan við áttum

börnin okkar í fyrra. Hlaðvarðið fjallar um það ferli eða allt frá getnaði til dagsins í dag og munum

við fara yfir hluti eins og meðgöngurnar okkar, fæðingarnar, fyrstu dagana, undirbúning, brjóstagjöf

og margt fleira. Við erum svo spenntar fyrir þessu verkefni og mun þátturinn koma út á hverjum

þriðjudegi næstu vikurnar. Við munum einnig fá til okkar nokkra skemmtilega gesti í smá spjall

og erum við svo heppnar að vera með yndislega samstarfsaðila sem hjálpuðu okkar að gera þennan

draum að veruleika.

Samstarfsaðilar Þokunnar eru Better You, Lansinoh og Johnson's Baby en okkur fannst það

svo viðeigandi og fullkomið að fá í lið með okkur vörumerki sem við höfum verið að nota mikið

þetta fyrsta ár sem mæður og getum við heilshugar mælt með vörunum frá þeim enda reynst okkur

mjög vel! Ég hef notað D-vítamín spreyið frá Better You síðan Frosti var nokkra vikna gamall en það

var eina D-Vítamínið sem hann þoldi en hann fékk illt í magann af öllum hinum sem ég prófaði. Ég

hef áður sjálf notað vítamínin frá Better You en þau koma í spreyformi sem mér finnst frábært enda

auðvelt í notkun. Einnig verð ég að minnast á Magnesíum kremið fyrir börn en það nota ég á hverju

einasta kvöldi á tærnar á Frosta og finnst mér það hjálpa honum að slaka á og sofa betur. Lansinoh er

með allt sem við kemur bæði brjósta- og pelagjöf og hef ég notað mikið brjóstapumpuna mína frá

merkinu sem Níels keypti þegar við komum heim af spítalanum ásamt lekahlífum, brjóstakremi og

pelum. Johnson's Baby er merki sem ég er nýlega byrjuð að nota en eftir að Frosti byrjaði í leikskóla

núna í vetur finnst mér vatn ekki oft duga að þrífa honum heldur hef ég gripið í baðsápu og sjampó

frá merkinu. Nýlega voru allar vörurnar þeirra endurhannaðar í takt við breyttar áherslur foreldra og

eru vörurnar nú með færri og hreinni innihaldsefnum. Okkur hlakkar svo til að deila með ykkur

reynsly okkar og upplifun af þessu fyrsta magnaða ári okkar sem mæður ♡

Hægt er að hlusta á ÞOKUNA á Apple Podcasts og Spotify!

BEAUTY: NÝTT Í SNYRTITÖSKUNNI FRÁ GUERLAIN

2019-09-24T22:08:00.002+00:00

Þessi færsla er unnin í samstarfi við Guerlain.

Fyrir nokkrum vikum síðan barst mér ótrúlega fallegur pakki frá Guerlain sem innihélt tvær
vörur sem mig hafði lengi langað til að prófa. Allt sem kemur húðinni við er í svo miklu
uppáhaldi hjá mér en mér finnst ekkert fallegra en falleg og ljómandi húð og þegar ég á
góðan húðdag þá lætur það mér líða svo ótrúlega vel. Ég hafði ekki prófað margar vörur
frá Guerlain áður en þær vörur sem ég hafði prófað eru mjög góðar svo væntingarnar voru
miklar en ég hafði líka heyrt mikið af góðu um báðar vörurnar.

Fyrst er það L'Or farðagrunnurinn sem ég sagði ykkur frá í þessari færslu um daginn en ég
hef notað hann nærri daglega síðan ég prófaði hann fyrst og verð ég ástfangnari af honum með
hverri notkun. Hann inniheldur gullagnir og er ótrúlega rakagefandi og húðin ljómar svo fallega.
Mér finnst undirbúningurinn fyrir farða svo rosalega mikilvægur og legg ég mikla áherslu á að
undirbúa húðina sem best og þar sem ég er með þurra húð þá er þessi grunnur fullkominn fyrir
mig. Hann fer beint inn í húðina og það er ótrúlega gott að bera farða á hana en farðinn sem ég
hef verið að nota seinustu vikur er einmitt líka frá Guerlain. Ég var búin að sjá hann mikið á
Instagram og varð að prófa hann en hann er strax orðinn að uppáhaldi hjá mér og hef ég verið
að nota hann bæði dagsdaglega og líka í flug. Farðinn heitir L'Essentiel og verður húðin svo
náttúruleg, ljómandi og hann endist ótrúlega lengi. Það er mjög auðvelt að blanda honum og
nota ég oftast bursta til að bera hann á og vá! Það er eiginlega það eina sem þarf að segja um
þennan farða, vá. Ég notaði hann í sjö klukkustunda flug um daginn og þurfti ekki að laga mig
eða púðra einu sinni allt flugið, það segir svolítið mikið

Ég prófaði vörurnar inn á Instagram Stories í fyrradag og setti umfjöllunina í highlights
hjá mér ef þið hafið áhuga að sjá meira um vörurnar og hvernig þær virka. Þið finnið mig
á Instagram undir @alexsandrabernhard og umfjöllunin er undir Guerlain highlights ♡

HEIMILIÐ // NÝTT INN Í STOFU

2019-08-26T21:22:00.000+00:00

Þessi færsla er ekki kostuð.

Ég held að ég ætti að fá verðlaun fyrir að vera þolinmóð en hlutirnir ganga frekar hægt (okei mjög

hægt að mínu mati) hér heima við eftir að við fluttum. Eins og ég var búin að segja ykkur áður þá

er auðvitað búið að gera hluti eins og að mála, skipta um parket og innihurðar en að koma okkur

almennilega fyrir tekur aðeins lengri tíma. Við erum að bíða eftir forstofuskápnum okkar sem mun

stúka forstofuna aðeins frá stofunni og einnig erum við að bíða eftir hirslum inn á gang í skotið þar

og er ég svo spennt að klára það því eftir að skápurinn er kominn á sinn stað þá get ég byrjað að

hengja hluti á veggina í stofunni og raða í hirslurnar sem munu vera aftan á skápnum. Framhliðin

á skápnum verður semsagt inn í forstofu en bakhliðin snýr inn í stofu og vildum við nýta plássið

og hafa hillur þar ásamt plássi fyrir sjónvarpið. Við eigum svo eftir að kaupa ljós í alla íbúðina

líka en um daginn komu gardínur sem ég pantaði af netinu og er ég í skýjunum með útkomuna.

Ég pantaði þær bara til þess að prófa og sjá hvernig þær koma út en þær komu þúsund sinnum

betur út en ég hafði hugsað mér og ætla ég að panta á restina af íbúðinni líka. Hlakka til að

deila með ykkur breytingunum en annars er ég mjög dugleg á Instagram Stories og þið getið

fundið mig þar undir @alexsandrabernhard ♡

BEAUTY // UPPÁHALDS Í AUGNABLIKINU

2019-08-25T16:25:00.002+00:00

Þessi færsla er unnin í samstarfi við Clarins og Guerlain.

Um daginn fékk ég yndislegan pakka með nokkrum snyrtivörum sem ég var spennt að prófa og

meðal annars var í honum L'Or farðagrunnurinn frá Guerlain sem mig hefur lengi langað til að

eignast. Ég hef séð Tati lofsyngja hann í marga mánuði svo þið rétt getið ímyndað ykkur hversu

spennt ég var þegar ég sá hann í pakkanum. Ég nota ekki alltaf farðagrunn en eftir að ég byrjaði

að nota þennan þá get ég ómögulega sleppt honum. Fyrir utan að vera fallegasta snyrtivara sem

ég held að ég hafi átt þá hentar grunnurinn minni húð ótrúlega vel. Eins og sést þá inniheldur

hann hreinar 24-karata gullflögur og ég meina, hver vill ekki byrja daginn á því að bera smá

gull á andlitið sitt?! Farðagrunnurinn er gelkenndur, ótrúlega frískandi og veitir húðinni góðan

raka og ljóma - allt sem ég leita eftir í farðagrunn.

Þar sem ég er langflesta daga heima með Frosta þá vill ég fríska mig aðeins við en á sama tíma

er ég ekki að nota kannski farða dagsdaglega heldur vill ég bara aðeins gefa húðinni góðan raka,

hylja það sem þarf að hylja, gefa húðinni smá lit og ljóma. Ég byrja alla morgna á því að þvo mér

létt í framan, set á mig rakakrem, sólarvörn og svo ber ég á mig uppáhalds hyljarann minn frá

Clarins sem ég fjallaði um í þessari færslu hér. Ég er alveg að vera búin með túpuna og þarf að

næla mér í nýja en hyljarinn er svo ótrúlega léttur en hylur svo ótrúlega vel ásamt því að haldast

á allan daginn. Ég set svo aðeins af sólarpúðri á mig til að fá smá lit og er ég nýlega byrjuð að

nota Terracotta sólarpúðrið frá Guerlain sem er ein vinsælasta varan frá þeim og það kemur mér

ekki á óvart af hverju. Ótrúlega fallegur litur og blandast svo vel! Ég klára svo með að laga aðeins

augabrúnirnar mínar og krulla augnhárin og þá er ég tilbúin í daginn. Ég er að prófa nýjan farða

þá daga sem ég nenni að gera meira en þetta og hlakkar mig til að deila honum með ykkur ♡

ASOS WISHLIST: WEEK 33

2019-08-14T16:11:00.001+00:00

Þessi færsla er ekki kostuð en hún inniheldur auglýsingalinka.

ASOS wrap jumpsuit (HÉR) ASOS midi rib dress (HÉR)

ASOS fluffy jumper (HÉR) ASOS jumper dress (HÉR)

Á núll einni kom algjört haustveður og ég verð að viðurkenna, eins yndislegt og sumarið er

búið að vera, þá var ég mjög spennt. Ég elska haustið og veturinn en mér finnst það svo kósý

árstími og svo finnst mér hausttískan mun skemmtilegri! Fallegar peysur, kápur og stígvél eru

í miklu uppáhaldi og einkenna óskalistann minn í augnablikinu inn á Asos. Ég elska að safna

saman því sem mér líst vel á inn á Saved Items en hér eru fjórar flíkur sem er að finna þar inn

á hjá mér. Ég leyfði mér að panta samfestinginn en hann er fullkominn bæði dagsdaglega og

við fínni tilefni líka. Eftir meðgönguna finnst mér erfitt að finna föt sem henta með brjósta-

gjöfinni og einnig finnst mér stíllinn minn hafa aðeins breyst svo mig langaði í eitthvað

fallegt en þægilegt sem ég get notað hér heima á daginn. Ég á líka peysuna við hliðina á

samfestingnum nema í fallegum rauðbrúnum lit og er hún æðisleg en kannski ekki mjög

brjóstagjafavæn (það er ómögulegt að finna þannig föt) en ég læt mig hafa það þar sem
hún er svo falleg ♡

HEIMA: HORNIÐ HANS FROSTA

2019-08-11T15:58:00.001+00:00

Þessi færsla er ekki kostuð.

Loksins er nýja íbúðin byrjuð að breytast í heimili en á seinustu viku er helling búið að ske. Þegar við

fengum afhent í byrjun maí rifum við gamla parketið af, tókum burt forstofuskápinn, máluðum alla

íbúðina og settum nýtt parket á. Bara þessir litlu hlutir gjörbreyttu íbúðinni en svo ætluðum við líka

að lakka hurðarnar hvítar en áður voru þær dökkbrúnar sem er ekki alveg okkar stíll. Eftir nánari

skoðun kom í ljós að hurðarnar voru orðnar mjög gamlar og því væri betra fyrir okkur að kaupa

nýjar hurðar og skipta þeim gömlu út. Það var loksins klárað núna í seinustu viku og er breytingin

svakaleg! Mér fannst við þurfa að klára þessa stærri hluti áður en við byrjuðum á litlu hlutunum en

um leið og hurðarnar kláruðust plataði ég stjúppabba minn og Níels að hengja upp nokkra hluti fyrir

Frosta. Ég er búin að bíða svo spennt að gera fallegt rými fyrir hann og er ég alveg í skýjunum með

hvernig allt kom út. Hann er ennþá að sofa inn í okkar herbergi svo við gerðum hornið hans þar

aðeins meira kósý og svo hengdum við upp String hillu og settum kommóðu inn í herbergið hans.

Ætla að deila með ykkur fleiri myndum og hvaðan hlutirnir eru

Hornið hans inni í okkar svefnherbergi. Rúmið, sængurverin, hvíti stjörnukoddinn, kanínubangsinn, himnasængin, vasinn á rúminu og óróinn er úr Petit. Grái koddinn og náttljósið er úr Dimm og er

myndin fyrir ofan rúmið frá The Birth Poster.

Inni í hans herbergi. Kommóðan er Malm úr Ikea og hillan er String úr Epal. Kanínumyndin er af

Etsy, blái vasinn er úr Kúnígúnd, Baby's First Book er úr Petit, viðarstafirnir eru frá Liewood og eru

úr Dimm, vasinn er Lyngby, pandan er úr Petit, skórnir eru frá Adidas, fíllinn er úr Epal, músin í

kassanum úr Petit og fótafarið gerði ég sjálf.

NEW IN: ASOS LEOPARD WRAP SKIRT

2019-07-29T23:32:00.002+00:00

Þessi færsla inniheldur auglýsingalinka.

ASOS leopard wrap midi skirt (fæst HÉR)

Fyrir stuttu leyfði ég mér að panta mér nokkra hluti af Asos. Ég hef ekki verslað föt á sjálfa mig í

langan tíma enda breytist margt þegar maður hugsar um lítinn unga fyrst og svo sjálfa sig en ég fann

um daginn að mig vantaði nokkrar flíkur. Fyrir flutningana seldi ég mjög margar flíkur úr skápnum

mínum en ég finn að stíllinn minn er aðeins að breytast og langaði mig að skipta nokkrum flíkum út

fyrir nýjar. Ein flík sem ég ákvað að panta mér hef ég notað mun meira en mig grunaði að ég myndi

gera en það er þetta mynstraða pils - veðrið er bara búið að vera svo gott að ég kemst upp með að

nota það hér heima sem er æðislegt. Ég elska svona bundin pils en mér finnst þau ótrúlega falleg,

þetta er svart og hvítt og passar fullkomnlega við bæði peysur og boli en ég klæddist því í dag við

einfaldan hvítan bol og sandala - ég deildi mynd af dressi dagsins í Insta Stories og var mikill áhugi

fyrir pilsinu svo ég ákvað að henda í þessa færslu. Pilsið fæst HÉR ♡

BEAUTY // CLARINS INSTANT CONCEALER

2019-07-15T13:31:00.002+00:00

Þessi færsla er unnin í samstarfi við Clarins.

Ég er ótrúlega spennt að vera byrjuð í samstarfi með Clarins en ég hef notað vörur frá merkinu í
langan tíma. Síðan samstarfið hófst hef ég kynnst enn fleiri æðislegum vörum frá þeim sem eru
komnar til að vera í minni rútínu. Ein vara sem ég hef notað mjög mikið upp á síðkastið er hyljari
sem heitir Instant Concealer og er ég ótrúlega hrifin af honum. Á sumrin finnst mér langbest að nota
sem minnst af förðunarvörum á andlitið á mér og oftast nota ég einungis gott rakakrem, hyljara á
þau svæði sem ég þarf að hylja, augabrúnagel og smá ljóma í kremformi. Ég finn mig teygja mig
oftast í þennan hyljara þessa dagana en hann hylur ótrúlega vel en á sama tíma er hann mjög
léttur á húðinni og endist allan daginn. Hyljarinn birtir til undir augunum sem er fullkomið fyrir
eitt stykki þreytta mömmu en hann veitir húðinni einnig nauðsynlegan raka sem þurra húðin mín
er mjög þakklát fyrir. Mér finnst einnig mikill kostur að hyljarinn kemur í túpu upp á bakteríur
en ég set smá af honum á handarbakið og nota svo rakann svamp til að bera hann á húðina.
Fullkominn hyljari að mínu mati og í miklu uppáhaldi hjá mér ♡

Ég nota hyljarann í lit nr. 1.

ASOS WISHLIST // VIKA 28

2019-07-13T13:07:00.001+00:00

Þessi færsla inniheldur auglýsingalinka.

ASOS pleaded midi dress (HÉR) ASOS crop cardigan in rib (HÉR)

ASOS jogger (peysa HÉR og buxur HÉR) ASOS beach shirt (HÉR)

WEEKDAY shirt dress (HÉR) MONKI midi shirt dress (HÉR)

Þið eigið inni ansi marga Asos lista hjá mér en ég hef alls ekki verið dugleg að blogga og hvað

þá skoða Asos sjálf og panta! Það breytist ansi mikið þegar maður verður mamma og eitt sem

breyttist mikið hjá okkur var að ég hætti gjörsamlega að versla á sjálfa mig og fór að versla frekar

á Frosta. Ég elska sæt barnaföt en núna finn ég löngunina í að skoða meira á sjálfa mig. Mig langar

samt að taka fram að maður þarf auðvitað ekki að kaupa alltaf allt nýtt en stundum langar manni

aðeins að gera vel við sig og þá fer ég alltaf fyrst inn á Asos. Ég er þó orðin aðeins meðvitaðari um

umhverfið þegar kemur að kaupum og hef minnkað fatakaup á okkur fjölskylduna töluvert. Ég legg
mun meiri áherslu á að kaupa vandaðar flíkur sem ég get notað lengi frekar en tískuvörur sem duga
einungis í nokkra mánuði og hefur það tekist ansi vel hjá mér verð ég að segja. Ég er enn að nota
flíkur sem ég keypti til dæmis fyrir fimm árum síðan.

Hér eru nokkrar flíkur af Asos sem eru á óskalistanum mínum þar inn á. Ég er dugleg að nota Saved
Items til að safna saman því sem ég sé og er hrifin af, það er svo þægilegt að hafa það allt á sama
staðnum og þurfa ekki að leita af því aftur seinna meir. Um daginn leyfði ég mér að panta þessa
peysu sem er efst og langaði mig í kjólinn efst líka en þar sem ég hef ekkert tilefni til þá sleppti
ég honum. Peysan er fullkomin dagsdaglega og auðvelt er að gefa brjóst í henni sem er auka
kostur en mér finnst mjög erfitt að finna góðar flíkur þegar maður er með barn á brjósti - maður
getur ekki klæðst hverju sem er. Vona að þessi listi hjálpi ykkur að finna ykkur eitthvað fallegt ♡

TVÆR VIKUR Á ÍTALÍU

2019-07-10T16:53:00.002+00:00

Í seinustu viku komum við heim eftir tvær yndislegar vikur á Ítalíu. Við eyddum tveimur vikum þar í

fyrrasumar en þá fórum við til Rómar, Lake Garda og Feneyja og var það æðislegt! Núna vildum við

aðeins meiri afslöppun og að vera bara á einum stað allan tíman enda komin með barn svo við fórum

ásamt fjölskyldunni minni í héraðið Umbria sem er í aðeins meira en klukkutíma fjarlægð frá Róm.

Ég talaði um það á Instagram Story hversu mikið ég mæli með að leigja hús á Ítalíu ef þið eruð að

hugsa um fjölskyldufrí en þetta voru svo yndislegar tvær vikur. Við leigðum ótrúlega fallegt hús sem

var staðsett í algjörri sveit svo við vorum á mjög rólegum stað í algjörri afslöppun. Við byrjuðum

daginn okkar á morgunmat úti með geggjað útsýni yfir sveitina, fórum svo í sundlaugina til að kæla

okkur niður og oftast elduðum við kvöldmat í húsinu enda æðislegt úrval af hráefnum til í búðinni í

þorpinu sem var næst okkur. Ég ætla að leyfa nokkrum myndum frá fríinu okkar að fylgja ♡

BEAUTY // SUMARIÐ MEÐ CLARINS

2019-06-05T15:30:00.000+00:00

Færslan er unnin í samstarfi við Clarins.

Ég ætla rétt svo að vona að þessi byrjun á sumrinu sé komin til að vera en það hefur eflaust ekki

farið framhjá neinum að veðrið er búið að vera yndislegt seinustu daga. Þetta er mér mjög kærkomið

þar sem veðrið seinasta sumar var hreint út sagt ömurlegt og var ég þá í barneignarleyfi frá vinnunni.

Nú er ég ennþá í orlofi og elska ég að geta nýtt tímann minn í að sitja úti í góða veðrinu á nýju stóru

svölunum okkar. Þessi sending sem ég fékk núna um daginn frá Clarins hefði því ekki getað komið

á betri tíma en hún innihélt nokkrar sólarvarnir sem mig vantaði einmitt. Mér finnst svo mikilvægt

að nota sólarvörn, sama hvort þú ætlir að liggja í sólinni eða ekki. Að byrja snemma að verja

húðina okkar fyrir sólinni og geislum hennar er það besta sem við getum gert og nota ég sólarvörn

á hverjum degi á sumrin þar sem ég er með mjög viðkvæma húð og ég brenn mjög auðveldlega.

Í pakkanum voru tvær sólarvarnir fyrir líkamann, tvær fyrir andlitið og svo dásamlegt after sun

krem sem er fullkomið að bera á sig eftir góðan sólardag. Hér heima hef ég verið að nota varnirnar

með SPF 30 og þar sem við erum á leið erlendis eftir nokkra daga þá mun ég taka þær með út ásamt

SPF 50 vörnunum. Ég byrja alltaf að nota SPF 50 og færi mig svo niður í SPF 30 eftir nokkra daga

og hefur það hentað mér mjög vel. Líkamsvörnin með SPF 30 er gelkennd formúla sem breytist í

olíu og er hún í uppáhaldi hjá mér en hún gefur húðinni svo fallegan ljóma á sama tíma og hún er

að verja hana og fylla hana af raka. Hún skilur húðina ekki eftir klístraða og er mjög auðvelt að

bera hana á sig yfir daginn. Andlitsvörnin er líka æðisleg en það sem heillar mig mest er að hún

er í lítilli túbu svo það er auðvelt að henda henni í veskið sitt til að bera á sig reglulega yfir daginn.

Ég hef ekki enn prófað varnirnar með SPF 50 en mun deila þeim betur með ykkur á meðan við erum

úti í lok mánaðarins ♡

NÝJA HEIMA

2019-05-15T15:04:00.001+00:00

Halló - seinustu dagar hafa heldur betur verið strembnir en um helgina fluttum við úr kjallaraíbúðinni

okkar í Norðurmýrinni í miðbæ Reykjavíkur í fallega og bjarta íbúð í Garðabænum. Það er því búið

að vera nóg um að vera að klára að pakka öllu, flytja, gera upp íbúðina og skila hinni af okkur ásamt

því að koma okkur fyrir hér hægt og rólega. Við fengum nýju íbúðina afhenda í byrjun mánaðarins

og máluðum hana alla og skiptum um gólfefni. Það er magnað hvað það breytir miklu bara að mála

og skipta um parket og erum við í skýjunum með breytinguna - ég mun auðvitað deila með ykkur

fyrir og eftir myndum af íbúðinni um leið og við höfum komið okkur almennilega fyrir en hér eru

nokkrar myndir af því sem er að verða klárt. Ég er mjög dugleg að deila daglegu lífi og smá frá

framkvæmdunum inn á Instagram Stories en ég er þar undir @alexsandrabernhard ♡

BEAUTY: ESTÉE LAUDER DAYWEAR

2019-05-06T11:16:00.000+00:00

Þessi færsla er unnin í samstarfi við Estée Lauder.

Um daginn enduruppgvötaði ég vöru sem ég notaði óspart þegar ég var svona 17 ára gömul. Í
minningunni var hún æðisleg og því var ég ótrúlega spennt að prófa hana aftur, tíu árum seinna.
Ég í raun enduruppgvötaði hana í gegnum bæði mömmu mína og bestu vinkonu sem nota hana
báðar og varð ég alls ekki fyrir vonbrigðum. Varan sem um ræðir er Daywear dagkremið frá
Estée Lauder en er þetta litað dagkrem sem hentar fullkomnlega dagsdaglega og hef ég ekki
notað annað seinustu daga. Þar sem ég er heima í fæðingarorlofi þá nenni ég ekki alltaf að taka
mig til en mig langar samt sem áður að fríska aðeins upp á mig fyrir daginn. Þá er þessi vara
gjörsamlega fullkomin til þess en hún jafnar húðtóninn, gefur húðinni fallegan og náttúrulegan
ljóma og kemur í veg fyrir ótímabæra öldrum húðarinnar.

Ég nota kremið á hreina húð eftir að ég ber á mig smá rakakrem og finnst mér langbest að nota
stórann andlitsbursta til að dreifa úr því. Kremið er nefnilega hvítt en um leið og það kemst í
snertingu við húðina þá springa litaperlur sem eiga að aðlagast þínum náttúrulega húðlit. Ég
er með mjög ljósa húð og get ég bara notað kremið þegar ég er með brúnku (sem er reyndar
alltaf) til þess að það passi við restina af líkamanum, annars er það of dökkt fyrir mig. Það er
gott fyrir ykkur sem eruð með ljósa húð að hafa það í huga en þar sem ég ber á mig brúnku
vikulega þá truflar þetta mig ekki. Mæli mikið með ♡

BABY FAVORITES: LIEWOOD

2019-04-23T17:42:00.002+00:00

Þessi færsla er unnin í samstarfi við Dimm.

Það er ansi erfitt fyrir mig að velja uppáhalds merki þegar kemur að barnatengdum hlutum en mjög

ofarlega á þeim lista er merkið Liewood. Ég kynntist merkinu eftir að ég átti Frosta en hann fékk

meðal annars matarstell, leikkubba og handklæði frá merkinu í jólagjöf og eftir það var ekki aftur

snúið. Mér finnst vörurnar svo ótrúlega fallegar og höfum við bætt matarsmekkum, þvottapokum,

leikföngum og þessum sniðugu leikfangakörfum við safnið. Það kemst ótrúlega mikið fyrir í þeim

og eru þær mjög fallegar svo ég geymi ég þær frammi í stofu og passa þær fullkomnlega við stílinn

á heimilinu. Það er ótrúlega þægilegt að hafa allt helsta dótið hans ofan í körfunum þar sem það er

auðvelt að sækja það og kem ég meira að segja leikteppinu hans ofan í stóru körfuna!

Matarstellin frá merkinu finnst mér líka æðisleg en við fengum grátt kanínustell að gjöf og notum

það daglega. Það er úr dásamlegum bambus og inniheldur skál, disk, skeið og glas! Smekkirnir eru

líka í daglegri notkun en við eigum tvo: einn sem er með ermum og annan venjulegan. Það er mjög

auðvelt að þrífa smekkina eftir matartímann annað hvort bara með blautum klút eða skola í vaskinum

en þeir mega svo fara í vél á 30 gráður sem ég geri ca vikulega til að þrífa þá enn betur. Smekkurinn

með ermunum var nauðsyn fyrir okkur þar sem Frosta finnst gaman að reyna að ná í skeiðina og éta

smekkinn svo það fer allt út um allt hjá okkur og með smekknum sleppi ég við það að þurfa að skipta

um föt eftir að hann borðar. Ef eitthvað fer út um allt þá koma þvottapokarnir sér vel fyrir en honum
finnst þeir ótrúlega skemmtilegir enda eru þeir mjög sætir og eru ansi vinsælt dót í baðinu.

Liewood fæst hér heima í verslun Dimm í Ármúla 44 og inn á dimm.is ♡

Dótakarfan fæst HÉR - Matarstellið fæst HÉR - Smekkurinn fæst HÉR - Ermasmekkurinn fæst
HÉR - Handklæðið fæst HÉR - Bókin fæst HÉR - Bangsinn fæst HÉR - Þvottapokanir fást HÉR.

BEAUTY: MY CLARINS HÚÐVÖRUR

2019-04-15T15:53:00.001+00:00

Þessi færsla er unnin í samstarfi við Clarins á Íslandi.

Fyrir nokkrum vikum síðan fékk ég að gjöf nokkrar vörur úr nýrri húðvörulínu frá Clarins sem
ber heitið My Clarins. Það sem heillaði mig við vörurnar er að þær eru allar mjög hreinar en ég
er mikið byrjuð að pæla í innihaldsefnum í þeim húðvörum sem ég nota og einnig eru vörurnar
vegan. Ég er með mjög viðkvæma húð svo ég reyni eftir bestu getu að forðast efni sem ég veit
að munu stífla hana. Nú er ég búin að vera að prófa vörurnar í nokkrar vikur en mér finnst vera
nauðsynlegt að gefa sér góðan tíma til að prófa nýjar vörur, þá sérstaklega húðvörur til að sjá
hvernig húðin brest við þeim og hvaða áhrif vörurnar hafa til lengri tíma.

Þessar þrjár vörur eru orðnar daglegur partur af minni rútínu en fyrsta skrefið hjá mér er alltaf
að hreinsa húðina, sama hvort ég hafi verip með farða á mér yfir daginn eða ekki. Micellar vatn
hefur verið fyrsta skrefið mitt mjög lengi en ég fékk tækifæri til að prófa Micellar hreinismjólk
frá My Clarins og varð ég strax mjög spennt fyrir vörunni. Hreinsimjólk finnst mér veita mér
meiri raka þar sem ég er með mjög þurra húð en sum Micellar vötn þurrka húðina mína upp.
Ég set hreinismjólkina í bómul og strýk yfir allt andlitið, bæðina húðina og augun og er svo
engin þörf að hreinsa mjólkina af heldur fjarlægir hún allan farða og óhreinindi ásamt því að
næra húðina. Þegar húðin hefur verið hreinsuð þarf hún góðan raka og þá nota ég Refreshing
Hydrating Cream en þetta krem er ótrúlega létt en á sama tíma stútfullt af raka. Áferðin á
því er gelkennd og fer það strax inn í húðina, því finnst mér það líka ótrúlega gott á daginn
undir farða. Það stendur alveg undir nafni og er ótrúlega frískandi og kælandi að bera það á.
Seinasta varan sem ég fékk að prófa er eiginlega í uppáhaldi hjá mér en hana nota ég mjög
reglulega yfir daginn til að gefa húðinni smá rakabúst en það er Hydrating Beauty Mist,
fullkomið til að fríska upp á sig

My Clarins vörurnar eru einnig á ótrúlega góðu verði og er meðal annars hægt að finna
þær inn á netverslun Beautybox.is með því að smella HÉR ♡

NA-KD WISHLIST // VIKA 13

2019-03-25T16:50:00.003+00:00

Færslan er ekki kostuð en hún inniheldur auglýsingalinka.

NA-KD knitted dress (HÉR) NA-KD alpaca wool sweater (HÉR)

NA-KD tied waist pants (HÉR) NA-KD white shirt (HÉR)

Asos listarnir mínir eru alltaf mjög vinsælar færslur hér á blogginu en upp á síðkastið hef ég

orðið hrifnari og hrifnari af versluninni Na-kd. Ég hef minnst á hana nokkrum sinnum hér á

blogginu og því langaði mig í þetta skiptið að deila með ykkur óskalistanum mínum þaðan.

Ég á nokkrar flíkur frá Na-kd og nota ég þær mikið og eru einmitt þrjár af þessum fjórum

flíkum hér að ofan í reglulegri notkun hjá mér. Fyrst er það nýjasta viðbótin en það er þessi

hvíta bunda peysa en hún er svo falleg yfir svartar gallabuxur eða leggings - mest notuðstu

flíkurnar mínar þessa dagana eru samt þessi svarta ullarpeysa og svörtu lausu buxurnar en

saman er þetta eitt af mínum uppáhalds dressum. Fullkomið við bæði hvíta strigaskó svona

hversdags en líka við háhæluð stígvél þegar maður vill vera aðeins fínni. Hvíta skyrtan er

svo eitthvað sem ég myndi ekki slá hendinni á móti en hún er fullkomin og klassísk flík

sem virkar alltaf.

Na-kd sendingar eru mjög snöggar að koma (ca 2 daga, stundum einn) og er mjög þægilegt

að nú nýlega hef ég getað borgað tollinn fyrirfram bara þegar ég panta og það er alltaf hægt

að finna afsláttakóða sem virka til að spara smá ♡

BABY FAVORITES: SOFT GALLERY

2019-03-18T15:04:00.001+00:00

Þessi færsla er ekki kostuð // Vörurnar keypti ég sjálf.

Þá er komið að næsta merki sem er í miklu uppáhaldi hjá okkur mæðginum! Ég mæli algjörlega með
að kaupa ekki of mikið af ákveðnum merkjum á meðgöngunni en ég til dæmis keypti nokkra náttgalla
frá fallegu merki sem ég var mjög hrifin af en svo þegar við byrjuðum að nota gallana þá sá ég að þeir
hentuðu Frosta ekki. Maður finnur það langbest að mínu mati hvaða merki og hvernig flíkur henta
þegar maður byrjar að nota þær. Eitt merki sem hentar okkur ótrúlega vel og langar mig liggur við að
kaupa allt frá þeim er merkið Soft Gallery. Þið kannist eflaust við uglumynstrið fallega en ég byrjaði
á því að kaupa bláa uglusamfellu og mjúkar víðar buxur við. Mér persónulega finnst langþægilegast
núna að klæða Frosta í samfellu og buxnasett svona hversdags og elskum við bláa settið. Þar sem mér
fannst það svo þægilegt þá ákvað ég að fá mér gráa ullusamfellu og leggings í stíl við og höfum við
notað það sett mikið - það er svo fallegt undir gráa prjónagollu. Settin hans Frosta eru öll í stærð 3m
en þau passa ennþá á hann núna 6 mánaða svo fötin stækka með honum sem er yndislegt!

Soft Gallery fæst hér heima í Petit.