ஒரு பட்டதாரியின் புலம்பல்கள்

தண்ணீர் தண்ணீர்்

2014-07-04T15:59:00.000-07:00

இரண்டு நாட்களாக நான் இருக்கும் காம்பவுண்டில் தண்ணீர் பிரச்சினை. டவுசர் கழண்டு போச்சு. (உண்மையில் கிழிஞ்சே போச்சுப்பா!!!!) இன்னும் மோட்டர் சரி பண்ணப் படவில்லை. கிரவுண்ட் புளோரில் இருந்து 2வது மாடிக்கு தண்ணீர் குடத்தை தூக்கி வருவதற்குள் தாவு தீர்ந்து விடுகிறது. so sad. ஹவுஸ் வோனர் வரவே இல்லை. என்னமோ போடா மாதவா. நமக்கே இப்படின்னா விவசாயின் நிலையை யோசித்தால் தலை கிறு கிறுவென்கிறது. அரும்பாடுபட்டு விதைத்து, தண்ணீர் கிடைக்கப் பக்கத்து மாநிலத்துக்காரனிடம் போராடி, கிடைத்த தண்ணீரை வைத்து விவசாயம் பார்த்து.... என்னமோ போடா மாதவா!!!

மீண்டும்...

2013-05-25T10:10:00.001-07:00

யப்பா... போன வாரம் தான் "சூது கவ்வும்" படம் பார்த்தேன்.
நல்ல ரசனையான படம். விஜய சேதுபதிக்கு மீண்டும் வாழ்த்து
க்கள். நலன் குமரசாமிக்கும்தான்.பாலாவின் கானாவிற்கு தியேட்டர் அதிர்கிறது. மொத்தத்தில் சூது கவ்வும் நிச்சயம் பார்ப்பவர்ககளின்மனதையும் கவ்வும்.

ஹைக்கூ

2013-01-07T11:06:00.001-08:00

பாவம் செய்பவர்களை
மன்னிப்பவன் இறைவன் என்றால்
பாவம் செய்யத்தூண்டும்
சாத்தானையும் மன்னிப்பானாக!!!!

நினைவுகள்

2013-01-05T06:09:00.001-08:00

இப்போதுதான் ஓட்டலில் சாப்பிட்டுக் கொண்டிருக்கும் போது, ஒரு சிவாஜியின் பழைய பாடல் ஓடிக்கொண்டிருந்தது. கடையில் வேலை செய்யும் ஒருவர் “அண்ணே ! இந்தப் பாட்டுதான் எங்க ஊரு சினிமாத்தியேட்டருல நைட் சோவுக்கு முன்னாடி போடற கடைசி பாட்டு” என்றார். நான் நினைத்துக் கொண்டேன் நம்மலப் போலவும் ஆட்கள் இருக்காங்க இந்த ஊரில் என்று நினைத்துக் கொண்டேன். சென்னை பல நேரங்களில் மிரட்டினாலும், சில நேரங்களில் சிலாகித்து மகிழவும் வைத்து விடுகிறது. நினைவுகளுக்குத்தான் எத்தனை சக்தி!.

போன வாரம் தான், அழகேசன் போன் செய்தான். குரலை மாற்றிக் கொண்டு பேசினான். அதுவும் ரியல் எஸ்டேட் சம்பந்தமான ஆள் போல பேசினான். குரலைக் கேட்டதும் எனக்குள் அழகேசனின் நினைவுகள் மின்னலாய் வந்து போனாலும் அவனா என்ற சந்தேகத்துடனே பேசினேன். எல்லாம் ஆங்கிலத்தில் பேசிய பின் கடைசியாக “டேய் ! எப்படிடா இருக்க? நான் தான் அழகேசன் பேசுறேன்! “ என்றான். “டேய் ! எனக்கு அப்பவே ஒரு டவுட் தான். இருந்தாலும் விட்டுடேன்” என்ற படி அளவளாவிக் கொண்டிருந்தேன். அழகேசன் படித்தது எம்பிஏ. ஆனால் எனக்குத் தெரிந்து எல்லா நிலைகளிலும் வேலை பார்த்து இருக்கின்றான். நல்ல எண்ணம் கொண்டவன். சில சமயங்களில் வெள்ளந்தியாய் இருப்பான். அவனைப்பற்றிய நினைவுகளுக்கு அவன் செயல்பாடுகளே காரணம். இன்னும் நிறைய பேர் பற்றிய நினைவலைகள் என்னுள் ஓடிக் கொண்டேதான் இருக்கின்றன என்னுள். சத்யா , ஸ்ரீதர், கமல் ,மணிவண்ணன், விமல், புகழ், சுபாஸ் , கவி இவர்கள் எல்லோரும் என்னுள் ஒரு முறையேனும் இவர்களுடைய நினைவுகளால் என்னுள் எட்டிப் பார்த்து விடுவார்கள். டாக்டரிடம் செக்கப்புக்குப் போனால், அவர் எங்க ஊர் ரெங்கராஜ், தர்மராஜ் டாக்டரை நினைக்கச் செய்கிறார். தர்மராஜும், ரெங்கராஜும் பீஸ் அதிகம் வாங்க மாட்டார்கள். சென்னையிலோ, நான் போன டாக்டர், கன்சல்ட் பீஸ் மட்டும் 150 வாங்குகிறார். இன்னும் சில இடங்களில் 300 ரூபாயாம். தர்மராஜும், ரெங்கராஜும் ஏதேனும் மருத்துவமனைகளைக் கண்டாலெ நினைவாடுகின்றனர்.

எப்எம்மில் ஏதேனும் பழைய பாடல் கேட்டால், 1998 களில் என் ஊரில் இடிக்கப்பட்ட பாலாஜி டூரிங் டாக்கீஸ் சொற்ப நொடிகளில் என் நினைவுகளில் கட்டப்பட்டு விடுகிறது. அங்கே பட இடைவேளைகளின் போது தின்னப்பட்ட கடலை மிட்டாயும், முறுக்கும் நினைவின் நாசியினை உரசிச் செல்கின்றன. இப்படி இன்னும் சொல்லவும், மெல்லவும் முடியாத நினைவுகள் ஏராளம்.

கஷ்டப்பட்டு உழைத்து காசு வாங்குபவனைப் பார்த்தும், ஏமாற்றி காசு வாங்குபவனைப் பார்த்தும் ரூபாய் நோட்டில் உள்ள காந்தி ஒரே மாதிரி சிரிப்பதைப் போன்றே நினைவுகளும் ஏதோ ஒரு மூலையில் நின்று கொண்டு நம்மைப் பார்த்து எப்போதும் சிரித்துக் கொண்டே இருக்கின்றன.

ஹைக்கூ

2012-08-01T11:54:00.001-07:00

ஹைக்கூ:

எதிர்க் கட்சித் தலைவரும்

ஆளுங்கட்சித் தலைவரும் ஒன்றாய் !

சுவரில் தேர்தல் விளம்பரம்!!!

ப்ளெக்ஸ் பேனரும் – தமிழ் மக்களும்

2012-07-23T12:03:00.001-07:00

கடந்த 5 வருடங்களாக தமிழ் நாட்டில் ”ப்ளெக்ஸ் கலாச்சாரம்” (Flex Culture) என்று சொல்லும் அளவிற்கு ப்ளெக்ஸ் போர்டுகள் வைக்கப் படுகின்றன. முந்தைய நாட்களில் சுவரொட்டிகள் ஒட்டப் பட்டன. அதுவும் ஏதாவது ஒரு திருவிழா அல்லது மண விழா காலங்களில் மட்டும்.இப்போது ஏன் எதற்கு என்றே தெரியாமல் ப்ளெக்ஸ் வைக்கப்படுகின்றது.

அரசியல்வாதிகளைப் பற்றி சொல்லவே தேவையில்லை. எங்கள் ஊரில் எல்லாம் மாரியம்மாள் கோவில் திருவிழா அல்லது அந்தோணியார் கோவில் திருவிழாக் காலங்களில் அந்தோணியாரும், மாரியம்மாளும் மங்கலாக சிரித்துக் கொண்டுதான் இருந்தார்கள். ஆனால் இப்போது, அந்தோணியாரும், மாரியம்மாளும் பளிச் புன்னகை உபயம் ப்ளெக்ஸ். (நிச்சயமாய் close-up க்கு மாறவில்லை J). இதனால் அதிகம் பாதிக்கப்பட்டவை கால்நடைகளே. எப்படி என்கிறீர்களா?

சுவரொட்டி ஒட்டினால், குறைந்த பட்சம் 2 நாட்களில் மாடுகள் மேய்ந்து விடும். ஆனால், ப்ளெக்ஸ் அவைகளுக்கு ஒத்துக்கொள்ளவில்லை போலும். குழந்தையின் பிறந்த நாள் தொடங்கி இறப்பு வரை எல்லாம் ப்ளக்ஸ் மயம்தான் இப்போது.

அதுவும் உயிர் நண்பர்கள் இறந்து விட்டால் மற்ற நண்பர்கள் ப்ளக்ஸ் தவிக்கும் தவிப்பு இருக்கிறதே சொல்லி மாளாது. விஜய், அஜீத் உடல்களோடு உயிர் நண்பனின் தலை இணைந்து கொள்ளும். 23ஆம் புலிகேசியை உட்கார்ந்து பார்த்து யோசிப்பார்கள் போல. இந்த மாதிரி சில ப்ளக்ஸ் போர்டுகளைப் பார்த்து வருத்தம் வருவதற்குப் பதில் சில சமயங்களில் நான் சிரித்ததும் உண்டு.

இந்த மாதிரி பேனர்கள் வந்ததால் சில மக்களும் பாதிக்கப்பட்டுள்ளது உண்மையே. யார் அவர்கள் எனில், கையால் சுவற்றில் ஓவியம் வரைபவர்கள். அதாவது சுவரோவியக் கலைஞர்கள். ஆம், அவர்களின் வாழ்வியல் ஆதாரமே ஆட்டம் கண்டுவிட்டது என்று கூட சொல்லலாம். இதனைப் பற்றிய செய்தித் தொகுப்பு டிஸ்கவரி சேனலில் ஒளிபரப்பானது.

எதிர் கட்சித் தலைவர்களை நேரிலும், அருகருகேயும் சுவற்றில் சந்திக்க வைத்தவர்கள், இன்று சந்தியில் நிற்கும் நிலை. எந்த ஒரு சின்ன மாற்றமும் அதனைச் சார்ந்தவர்களை எப்படியெல்லாம் பாதிக்கும் என்பதற்கு ப்ளக்ஸ் நல்ல சான்று.

டுவிட்டுகள்

2012-07-20T12:36:00.000-07:00

ஃபேஸ் புக்கை சுற்றி வந்த போது கண்ட சில சொல்வடைகள்:

அதிகம் பேசாதவனை உலகம் அதிகம் விரும்புகிறது. அளந்து பேசுபவனை அதிகம் மதிக்கிறது. அதிகம் செயல்படுபவனையே கைகூப்பித் தொழுகிறது..!!

////////////////////////////////////////

பிரபுதேவாவை விட்டு பிரிந்தார் நயன்தாரா #
இப்போ கேளுங்க டா யார் அடுத்த பிரபுதேவான்னு..:-);-)

////////////////////////////////////////

தொந்தியினால் ஏற்படும் பயன்கள்:
1. கீழே குப்புற விழுந்தால் முகத்தில் அடிபட்டு மூக்கு உடையாமல்நம்மை காப்பாற்றுகிறது .
2. சமுதாயத்தில் ஒரு மரியாதையை ஏற்படுத்துகிறது . உதாரணமாக பெரிய பெரிய தொந்திகளை கொண்ட போலீசாரை கண்டால் நமக்கு மரியாதை கலந்த பயம் ஏற்படும்.
3. சிறந்த பொழுதுபோக்கு சாதனமாக பயன்படுகிறது. உதாரணமாக வேலையில்லாமல் சும்மா அமர்ந்திருக்கும ் சமயத்தில் தொந்தியை மெதுவாக வருடிக்கொடுத்து க் கொண்டிருந்தால் நேரம் போவதே தெரியாது.
4. மல்லாக்க படுத்து இருந்தால் குழந்தைகள் சறுக்கு விளையாட்டு விளையாட மிகவும் பயன்படும்..:-):-)

////////////////////////////////////////

இதயத்தின் துடிப்பை கூட
உணர்ந்து விட முடிகிறது
முடியாதது மனதின்
அழுகை மட்டுமே..!!

////////////////////////////////////////

அப்பாக்களின் அன்பு, பலாப்பழம் போன்றதே! உள்ளிருக்கும் இனிப்பினை, நாம் அவ்வளவு எளிதில் உணர முடிவதில்லை..!!

////////////////////////////////////////

ரூபாய் நோட்டுகளில் தேச தலைவர்கள் படங்கள் - ரிசர்வ் பேங்க் முடிவு...

# சத்திய சோதனை..;-(

////////////////////////////////////////

நேற்று பார்த்த படம்

2012-04-22T01:09:00.000-07:00

சமீபத்தில் AirTel DTH with HD Dish வாங்கி விட்டேன். Recharge-ம் செய்தாகி விட்டது. அப்புறம் என்ன ஒரே படம் தான். நான் சமீபத்தில் பார்த்த படங்களை உங்களிடத்தில் பகிர்ந்து கொள்ளப் போகிறேன்.

சென்னை To மதுரை

2012-04-15T04:55:00.000-07:00

சமீபத்தில் மதுரை வரை பஸ்ஸில் சென்றேன். விலைவாசி என்னை அதிகமாகப் பாதித்தது. பஸ் டிக்கட்டின் விலை 325 ரூபாய்!!!. அதுவும் SETC Ultra Deluxe.

சரிதான் பஸ் உள்ளே தொ(ல்)லைக்காட்சியாவது இருக்கும் என்று உள்ளே போனால், வெறும் கண்ணாடி பெட்டிதான் இருந்தது. உள்ளே 2,3 தர்பூசணிப் பழம்தான் இருந்தது. உபயம் ஓட்டுனரும், நடத்துனரும். ஒரு வழியாக பஸ்ஸில் உட்கார்ந்து, பஸ்ஸும் புறப்பட்டு விட்டது. பஸ் புறப்பட்டதும் என் அருகில் இருந்த நண்பர் செல் போனில் பேச ஆரம்பித்தார். அவர் பேசியதை வைத்துப் பார்த்தால், நண்பியுடன் பேசியதைப் போல் இருந்தது!!!. நன்றாக சன்னல் ஓரமாக உட்கார்ந்து அயர்ந்து தூங்கி விட்டேன். இரவு சுமார் 1 மணி இருக்கும், பஸ்ஸை யாரோ வெளியில் நின்று கொண்டு பலமாகத் தட்டினார்கள். நல்ல சத்தம். நானும் விழித்து எழுந்து பார்த்தால், பஸ் ஒரு சாலையோர சிற்றுண்டி விடுதியில் நின்று கொண்டிருந்தது. இப்போது கதவை தட்டிய ஆசாமி சொல்வது நன்றாகக் காதில் விழுந்தது. “சார்! பஸ் ஒரு 10 நிமிசம் நிக்கும்… டிபன், டீ, காபி சாப்பிடறவங்க சாப்பிட்டுக்குங்க”. இதே டயலாக்கை 4/5 முறை பஸ்ஸைத் தட்டி, எல்லாரையும் எழுப்பிவிட்ட பின் அடுத்த பஸ்ஸை டார்கட் செய்ய சென்றான். அந்த Hotel பற்றி நான் அதிகம் சொல்லத் தேவை இல்லைதான். Maximum, பஸ்ஸில் நீண்ட தூரம் செல்லும் அனைவரும் ஒரு முறையாவது அனுபவப் பட்டிருப்பார்கள். ஒரு தோசையின் விலை 40 முதல் 50 ரூபாய். வெளியே, 10 ரூபாய்க்கு விற்கும் Biscut பாக்கெட்டின் விலை 20 அல்லது 25. தலை சுற்றுகிறதா?. அதை விடக் கொடுமை, டாய்லெட். யாரும் வெட்ட வெளியே bathroom போக முடியாது. நல்ல பழக்கம் தானே என்கிறீர்களா?.

அவர்கள் கட்டி வைத்த High Tech டாய்லெட்டைத்தான் பயன்படுத்த வேண்டும். இலவசமாக இல்லை. சிறுநீர் கழிக்க 3 ரூபாய்!!!. High Tech- என்கிற வார்த்தைக்கும் அந்த டாய்லெட்டுக்கும் சம்பந்தமே இருக்காது. உள்ளே போனால் சிறுநீர் கூட வராது. அவ்வளவு (துர்)மணம். அந்த இருட்டிலும் இருவர் “மச்சான்! எப்புடி… 3 ரூவா கொடுத்துட்டு 5 ரூவாய்க்கு two bathroom போய்ட்டு வந்துட்டேன்ல…” என்று பேசிக்கொண்டு சென்றனர். ”2020-ல நாம வல்லரசு தாண்டா” – நான் மனசுக்குள் நினைத்துக் கொண்டேன். இதற்கிடையே ஒரு ‘நல்ல’ குடிமகன், பஸ் பின்புறம் சிறுநீர் கழிக்க முயல, கப்பென்று பிடித்தது அவரை! Hotel security. ”என்ன ஒரு செக்கியுரிட்டி ஓட்டலைச் சுற்றி!!. கவர்மெண்ட்லாம் இப்படி பண்ணினா ரோட்ல ஒரு பய one bathroom போக மாட்டான்” என நினைத்துக் கொண்டேன். பசி வயிற்றைக் கிள்ள நானும் போய் ஒரு சிப்ஸ் பாக்கெட்டை (அ)நியாய விலைக்கு வாங்கிக் கொண்டு சீட்டில் அமர்ந்தேன். அடுத்தடுத்த பஸ்கள், hotel-லுக்குள் வர, அதில் இருந்த மக்களைப் பார்க்கும் போது சிரிப்புத்தான் வந்தது… “எத்தனை பேர்டா ஒரு நாள்ல மாட்டுவீங்க!!!”.

கதை-1

2012-01-25T10:27:00.000-08:00

இந்த கதை தோழி ஒருவர் சொல்லக் கேட்டது. நன்றாக இருந்ததினால் வாசகர்களுடன் பகிர்ந்து கொள்கிறேன். ஒரு நாட்டின் ராஜாவுக்கு அன்று பிறந்த நாள். ராஜா மந்திரிகளுடன் கலந்து ஆலோசித்து, எனக்கு ஒரு மந்திரம் ஒன்று வேண்டும்.

அந்த மந்திரத்தினை வாசித்தால் போதும் என் துன்பம் என்னை விட்டு அகன்று விட வேண்டும் என்றானாம். மூத்த மதியுக மந்திரி ஒருவர், சிரித்துக் கொண்டே ஒரு துண்டு சீட்டில் ஒரு மந்திர வாசகம் எழுதி, மன்னனிடம் கொடுத்து, “மன்னா! இதோ நீங்கள் கேட்ட மந்திரம். ஆனால் இதனை இப்போது நீங்கள் படிக்கக் கூடாது. உங்களுக்கு எப்போது மிகப்பெரும் துன்பம் வருகிறோதோ அப்போது படியுங்கள். உங்கள் துன்பம் அகன்று விடும்” என்றாராம். ராஜாவும் மகிழ்வுடன் அந்த சீட்டினை வாங்கி தன் கைவிரல் வைர மோதிரத்தினுள் மடித்து வைத்துக் கொண்டாராம்.

நாட்கள் சென்றன. ஒரு நாள், ராஜாவின் பக்கத்து நாட்டு மன்னன் ராஜாவை போரில் வென்று விட, ராஜா தோற்று காட்டில் தஞ்சம் புகுந்து மன உளைச்சலில் இருளில் நடந்து கொண்டிருந்தான். அப்போது, ராஜாவின் கையில் அணிந்திருந்த, வைர மோதிரம் ஒளிர்ந்தது. உடனே, ராஜாவுக்கு அந்த மந்திரத்தின் நினைவு வந்தது. மிகுந்த மன வருத்ததில் இருந்த ராஜா, அந்த மந்திரத்தினை வாசிக்கவும் சிரித்துக் கொண்டே மன தைரியத்தோடு நடந்து சென்றாராம். அந்த சீட்டில் மந்திரி எழுதிக் கொடுத்து இருந்த மந்திர வாக்கியம் மிகச் சிறியதுதான் அந்த வாக்கியம்: “இதுவும் கடந்து போகும்!”.

ஊர் சுற்றி : திருவில்லிபுத்தூர்

2012-01-17T00:14:00.000-08:00

சென்ற வாரம் திருவில்லிபுத்தூர் சென்று இருந்தேன். திருவில்லிபுத்தூர் என்றதும், புகழ் பெற்ற ஆண்டாள் கோவில் சிலருக்கு நினைவிற்கு வரலாம்.
மேலும், நம் தமிழக அரசின் முத்திரையில் உள்ளதும் இதே ஆண்டாள் கோவில்தான். அங்கு பார்த்த சில இடங்களின் படங்கள் இதோ உங்கள் பார்வைக்கு:

திருவில்லிபுத்தூர் – மார்க்கெட்:
திருவில்லிபுத்தூரை சுற்றி நிறைய கிராமங்கள் உள்ளன. ஆகையால் திருவில்லிபுத்தூர் காய்கறி மார்க்கெட்டில் நீங்கள் விரும்பும் அத்தனை காய்கறிகளும் கிடைக்கின்றன.

திருவில்லிபுத்தூரை சுற்றிப் பார்க்கும் போது, கடை வீதிகளில் செல்லும் போது, பாத்திரக்கடைகளில் சில பொருட்களைப் பார்க்கும் போது நாம் எவ்வளவு தூரம் நம் வாழ்க்கையில் கிராமத்தினை விட்டு தள்ளி வந்து விட்டோம் என்று எண்ணத் தோன்றியது. அப்படிப்பட்ட சில பொருட்களின் படங்கள் இதோ உங்கள் பார்வைக்கு:

மேலும் கடைவீதியில் வரும் போது, ஒரு புட்டுக்கடையில் (புட்டு என்பது பச்சரிசி அல்லது கேழ்வரகு மாவில் செய்யப்படுகின்ற ஒரு உணவுப் பொருள்) புட்டு வாங்கி சாப்பிட்டேன். நல்ல சுவையுடன் இருந்தது. புட்டுவுடன் மேலே தேங்காய் பூ மற்றும் சீனி போட்டுத் தந்தார்கள். தேவாமிர்த சுவையாக இருந்தது…

ஸ்ரீவில்லிபுத்தூர் சென்றால் அனைத்தையும் கண்டு மற்றும் உண்டு வாருங்கள். ஸ்ரீவில்லிபுத்தூர் பற்றி இன்னும் நிறைய விசயங்கள் உண்டு. அடுத்த முறை நான் செல்லும் போது இன்னும் பேசுவோம்…

மென்பொருள் பதிவு – 3

2012-01-05T07:44:00.000-08:00

Google பல புதுமையான வசதிகளை அதன் search பக்கத்தில் அறிமுகப் படுத்தியுள்ளது. Google.com சென்று let it snow என்று type செய்து search பட்டனை அழுத்தவும். பிறகு பாருங்கள்….

ஊர் சுற்றி - ஓர் அறிமுகம்!!!

2012-01-02T12:20:00.001-08:00

அன்புள்ள வாசகர்கள் மற்றும் நண்பர்களுக்கு, இந்த ப்ளாக்கில் புதிதாக ஒரு பத்தி (Column) எழுதப் போகிறேன். இந்த column தலைப்பு “ஊர் சுற்றி”, இதில் நான் சென்ற ஊர்களைப் பற்றியும், அங்கு உள்ள இடங்கள் பற்றியும் தகவல்கள் இடம் பெறும். உங்கள் ஆதரவினை வேண்டுகிறேன்.

சூர்யாவும் ஒரு கோடியும்!

2012-01-01T01:14:00.000-08:00

நான் எந்த நிகழ்ச்சியினை சொல்கிறேன் என்று தெரியும். ஏனோ எனக்கு சூர்யா கேள்வி கேட்கும் (நிகழ்ச்சியில் அல்ல, நிகழ்ச்சி பற்றிய விளம்பரத்தின்) போது எல்லாம் இது தான் தோன்றுகிறது “ ஏன் சூர்யா… இன்னுமா SMS மூலம் ஒரு கோடி கிடைக்கல?”.

புத்தாண்டு வாழ்த்துக்கள்!

2012-01-01T00:27:00.000-08:00

வாசகர்கள் மற்றும் நண்பர்கள் அனைவருக்கும் இனிய புத்தாண்டு வாழ்த்துக்கள்! புத்தாண்டு “தானே” புயலாக, ஆரம்பித்து இருந்தாலும் எல்லார் வாழ்விலும் இவ்வாண்டு தென்றல் வீசும் என்று நம்புகிறேன்!

மென்பொருள் பதிவு - 2

2011-12-30T11:07:00.000-08:00

நான் நெடு நாட்களாக பயன்படுத்தி வரும் ஒரு மென்பொருள் பற்றி இந்த பதிவில் பதிவு செய்ய விரும்புகிறேன். உண்மையாய் சொல்வதேயானால், இந்த மென் பொருள் பற்றி எனது முதல் பதிப்பிலேயே எழுதி இருக்க வேண்டும், முடியவில்லை. நான் பேசுவது NHM Writer எனப்படும் மென்பொருள் பற்றித்தான். இதனைக் கொண்டுதான் நான் அனைத்து பதிவுகளையும் எழுதி வருகிறேன். இப்போது புரிந்து இருக்குமே இதன் பயன் என்னவென்று!!!. மற்றும் தமிழில் எழுதுவது என்பது NHM Writer இருந்தால் மிகவும் பயன் உள்ளதாக இருக்கும். . வேண்டுபவர்கள் இந்த உரலியினை software.nhm.in/products/writer) தொடரவும்.

மென்பொருள் - பதிவு

2011-12-29T07:37:00.000-08:00

இந்த வலைப் பதிவில் எதனைப் பற்றியும் எழுதலாம். மென்பொருள் வல்லுனராக இருந்து கொண்டு எந்த மென்/வன் பொருள்களைப் பற்றியும் எழுதாமல் இருப்பது கஷ்டமே. அதனால்தான் இந்தப் பதிவு. சமீபத்தில் Google தேடுதலில் புதிதாக ஒரு வசதியினை அறிமுகப் படுத்தியுள்ளது. என்னவென்றால், நீங்கள் கம்ப்யூட்டர் முன் ஒரு சொல்லை சொன்னால் போதும் இப்போது Google உங்கள் சொல்லை உள்ளீடாகப் பெற்று, தேடுதலைத் தொடங்கும். ஆனால் இந்த வசதி chrome browser-ல் மட்டும் இப்போது உள்ளது. மேலும் தகவலுக்கு இந்த உரலியினை (http://www.google.com/insidesearch/voicesearch-chrome.html) தொடரவும்.மற்றும் ஒரு சுவையான தகவல் www.google.com சென்று askew என்று டைப் செய்யுங்கள்! தெரிந்து கொள்வீர்கள்…..

சிக்கன் 65-ன் வரலாறு

2011-12-27T02:54:00.000-08:00

சமீபத்தில் புகாரி உணவு விடுதிக்கு சென்றிருந்தேன். வாய்க்கு நல்ல உணவும், சில சுவையான தகவல்களும் கிடைத்தது. புகாரி உணவு விடுதி 1951 ஆம் ஆண்டு திரு A.M. புகாரி என்பவரால் ஆரம்பிக்கப் பட்டது. இந்த விடுதியின் கிளைகள் இந்தியாவின் பெருநகரங்கள் மற்றும் Overseas நாடுகளில் உள்ளது. சென்னையில் அசோக் நகர் மற்றும் சாந்தி காலனி ஆகிய இடங்களில் மட்டும் உள்ளது. மற்றும் ஒரு சுவையான தகவல் என்னவென்றால் சிக்கன் 65 என்று சொல்லப்படும் சுவையான சிக்கன் கறி -வகை திரு A.M. புகாரி அவர்களின் கண்டுபிடிப்பு ஆகும். 1965 ஆம் ஆண்டு கண்டுபிடிக்கப் பட்டதால் சிக்கன் 65 என்று அழைக்கப்படுகிறது. இந்த விவரங்கள் அனைத்தும் அந்த உணவு விடுதியின் மெனு கார்டில் முதல் பக்கத்தில் வாசிக்கக் கிடைக்கின்றது….

பிரபலங்களின் வீடுகள் – ஒரு பார்வை

2011-12-13T10:59:00.000-08:00

மைக்கேல் ஜாக்சனின் வீடு.

பாப் பாடகி (Pop Singer) பிரிட்னி பியர்சின் வீட்டின் வான் வழிக் காட்சி.

ஹாலிவுட் நடிகர் (Hollywood Actor) வில் சுமித்தின் los angels வீடு.

ஹாலிவுட் நடிகை (Hollywood Actress) சாண்ட்ரா புல்லக்கின் வீடு.

ஓப்ரா வின்ப்ரேவின் ஹவாய் பண்ணை வீடு

Titanic புகழ் ஹாலிவுட் கனவு நாயகன்(heartthrob) லியனார்டோ டிகாப்ரியோ வளர்ந்த வீடு.

ஹாலிவுட் நடிகை (Hollywood Actress) ஜெனிபர் அனிஸ்டனின் வீடு. வான் வழி காட்சி (Aerial View).

ஹாலிவுட் நடிகர் (Hollywood Actor) ஜார்ஜ் குலூனியின் 1.76 மில்லியன் மதிப்புள்ள வீடு.

முகேஷ் அம்பானியின் 27 மாடி குடியிருப்பு. 3 ஹெலிஹாப்டர் இறங்கும் வசதி, 160 கார்கள் நிறுத்தும் வசதி கொண்டது.

சச்சின் புதிதாக கட்டியுள்ள வீடு இது… மும்பை பந்த்ரா பகுதியில் உள்ளது.

விலை ஏற்றம்!

2011-12-11T09:58:00.000-08:00

சமீபத்தில் தமிழகத்தில் பால் மற்றும் பஸ் கட்டணங்கள் விலை ஏற்றப்பட்டது அனைவரும் அறிந்ததே. இதைப் பற்றி தான் இங்கு அலசப் போகிறேன். பொதுத்துறை நிறுவனங்களான போக்குவரத்து துறையும் மற்ற பொதுத்துறை நிறுவனங்களும் நஸ்டத்தில் இயங்குவதால்தான் இந்த விலை உயர்வு என்று நமது முதல்வர் அறிவித்துள்ளார்.

முதல்வர் அவர்களுக்கு சாமானிய மக்களின் அவஸ்தைகள் புரிவதில்லை என்று நினைக்கிறேன். என்றாவது ஒரு நாள் பஸ்ஸில் போயிருந்தால் ஒரு வேளை நமது கஸ்டம் புரியும் என எண்ணுகிறேன். ஆவின் பாலையாவது குடித்திருப்பாரா என்ன? கடவுளுக்கே வெளிச்சம். ”அவருக்குத்தான் கொட நாடு எஸ்டேட் இருக்கேப்பா? என்னத்துக்கு இது எல்லாம்?” என்று நீங்கள் கேட்பது புரிகிறது. ஏன் ஒரு முதல்வர் நினைத்தால் எதனையும் செய்ய முடியாதா? ஒரு நாள் பஸ்ஸில் பயணம் செய்துதான் பாருங்களேன் முதல்வரே. அப்போதுதான் சாலைப் போக்குவரத்து துறை அமைச்சரின் லட்சணமும் உங்களுக்குத் தெரியும். உடனே அமைச்சரின் இலாகாக்களை மாற்றி மாற்றி விளையாடலாம். அதுதானே உங்களுக்கு பிடித்த விளையாட்டு ஆயிற்றே!. நமக்கு பொதுத்துறை நிறுவனம் எப்படி போனால் என்ன? என்ன முதல்வர் அவர்களே சரியா? இல்லையெனில் இப்படி செய்யலாம், எதிர்கட்சியினர் முந்தைய ஆட்சியில் (தெரியாத்தனமாக) செய்த நல்ல திட்டங்களை அதாவது நூலகத்தை இடித்து மருத்துவமனையாக்குவது, கல்வித்திட்டங்களை கலைப்பது போன்ற விளையாட்டுக்கள். ஏற்கனவே நான் போக்குவரத்து துறையின் அவலங்கள் பற்றி எழுதியிருந்தேன். அந்த அவலங்களைப் போக்கினாலே போக்குவரத்து துறை லாபத்தில் இயங்கும்.

உலக மகா உத்தமர்கள்

2011-12-11T09:43:00.000-08:00

நம் நாட்டில் நான் கண்ட சில உத்தமர்கள்! :)

அரசியல்வாதிகளுக்கு,

2011-11-26T03:19:00.000-08:00

என் அருமை அரசியல்வாதிகளுக்கு,

இந்தப் பதிப்பு ஒரு சாதாரண மனிதனின் எண்ண ஓட்டங்களே. என் கேள்விகள் நியாயம் என்று தெரிந்தால் யாராவது பதில் சொல்லுங்கள்.

ஏன் எந்த அரசியல்வாதியும் வாரம் ஒரு முறை மக்களை சந்திக்கக் கூடாது.?

ஒரு அரசியல்வாதியின் ஒரு நாள் அலுவல் என்ன?

உங்கள் பதவியின் காலம் அதிகபட்சம் 1865 நாட்கள், அதில் 520 நாட்கள் விடுமுறை என்று கொண்டாலும், 1345 நாட்களில் என்ன அல்லது எத்தனை நல்ல காரியங்கள் உங்கள் தொகுதிக்கு செய்தீர்கள்?

விழுந்தது அறை!

2011-11-24T10:25:00.001-08:00

காங்கிரசு கட்சியின் மூத்த தலைவர் சரத்பவாருக்கு பப்ளிக்கில் நல்ல பதிலடி கிடைத்திருக்கிறது. இந்த அறை ஏதோ ஒரு சாமானியனின் அடி மட்டுமல்ல. ஒட்டு மொத்த இந்தியர்களின் அறை. நான் ஒன்றும் அறைந்த அந்த சகோதரனுக்கு வக்காளத்து வாங்குவதாக நினைக்க வேண்டாம். “பாழாய் போன அரசியல்வாதிகளே! எங்களைப் பற்றி நினைக்கிறீர்களா? இல்லையா?” எனும் ஒரு கேள்வியாகக் கூட இந்நிகழ்வினை அரசியல்வாதிகள் எடுத்துக்கொள்ளலாம். நன்றாக நினைத்துப் பாருங்கள் எத்தனை முறை பெட்ரோல், டீசல் விலை உயர்வு?. எத்தனை ஆயிரம் கோடி ஊழல்? இதை எல்லாம் தட்டிக் கேட்க விழுந்த முதல் அடியாகக் கூட இதைப் பார்க்கலாம். அரசியல்வாதிகளே! சமீபத்தில் நடந்த ஆப்ரிக்க புரட்சி நினைவிருக்கிறதா? இந்நிகழ்வு பற்றி காந்தியவாதி அன்னா ஹசாரேவிடம் கேட்கப்பட்ட போது ஹசாராவே இப்படித்தான் கேட்டார் “Just One Slap?”.

Computer Engineers - நியாயமான ஒரு கேள்வி

2011-11-16T09:44:00.000-08:00

அப்படி என்னதான் வேலை பார்ப்பீங்க ?"

"ஏம்பா இந்த கம்ப்யூட்டர் படிச்சவங்க எல்லாம் நிறைய சம்பளம் வாங்கிட்டு, பந்தா பண்ணிட்டு ஒரு தினுசாவே அலையுறீங்களே? அப்படி என்ன தான் வேலை பார்ப்பீங்க ?" –

நியாயமான ஒரு கேள்வியை கேட்டார் எனது அப்பா. நானும் விவரிக்க ஆரம்பிதேன்."வெள்ளைகாரனுக்கு எல்லா வேலையும் சீக்கிரமா முடியனும்.

அதே மாதிரி எல்லா வேலையும் அவனோட வீட்டுல இருந்தே செய்யணும்.

இதுக்காக எவ்வளவு பணம் வேணுமானாலும் செலவு செய்ய தயாரா இருக்கான்."

"அது சரி பல்லு இருக்குறவன் பக்கோடா சாப்பிடுறான்".

"இந்த மாதிரி அமெரிக்கால்-ல, இங்கிலாந்து-ல இருக்குற Bank, இல்ல எதாவது கம்பெனி, "நான் செலவுசெய்ய தயாரா இருக்கேன். எனக்கு இதசெய்து கொடுங்க கேப்பாங்க. இவங்கள நாங்க "Client"னு சொல்லுவோம்.

"சரி"

இந்த மாதிரி Client-அ மோப்பம் பிடிக்குறதுக்காகவே எங்க பங்காளிக கொஞ்ச பேர அந்த அந்த ஊருல உக்கார வச்சி இருப்போம். இவங்க பேரு "Sales Consultants, Pre-Sales Consultants. ...".

இவங்க போய் Client கிட்ட பேச்சுவார்த்தை நடத்துவாங்க. காசு கொடுகுறவன் சும்மாவா கொடுப்பான்? ஆயிரத்தெட்டு கேள்வி கேப்பான். உங்களால இத பண்ண முடியுமா? அத பண்ணமுடியுமான்னு அவங்க கேக்குற எல்லாம் கேள்விக்கும், "முடியும்"னு பதில் சொல்றது இவங்க வேலை.

"இவங்க எல்லாம் என்னப்பா படிச்சுருபாங்க"?

"MBA, MSனு பெரிய பெரிய படிபெல்லாம் படிச்சி இருப்பாங்க."

"முடியும்னு ஒரே வார்த்தைய திரும்ப திரும்ப சொல்றதுக்கு எதுக்கு MBA படிக்கணும்?" –

அப்பாவின் கேள்வியில் நியாயம் இருந்தது.

"சரி இவங்க போய் பேசின உடனே client project கொடுத்துடுவானா?"

"அது எப்படி? இந்த மாதிரி பங்காளிக எல்லா கம்பெனிளையும் இருப்பாங்க. 500 நாள்ல முடிக்கவேண்டிய வேலைய 60 நாள்ள முடிச்சு தரோம், 50 நாள்ல முடிச்சு தரோம்னு பேரம் பேசுவாங்க. இதுலயாரு குறைஞ்ச நாள சொல்றாங்களோ அவங்களுக்கு ப்ராஜெக்ட் கிடைக்கும்"

"500 நாள்ல முடிக்க வேண்டிய வேலைய 50நாள்ல எப்படி முடிக்க முடியும்? ராத்திரி பகலா வேலை பார்த்தாலும் முடிக்க முடியாதே?"

"இங்க தான் நம்ம புத்திசாலித்தனத்த நீங்க புரிஞ்சிக்கணும். 50 நாள்னு சொன்ன உடனே client சரின்னு சொல்லிடுவான்.

ஆனா அந்த 50 நாள்ல அவனுக்கு என்ன வேணும்னு அவனுக்கும் தெரியாது, என்ன செய்யனும்னுநமக்கும் தெரியாது. இருந்தாலும் 50 நாள் முடிஞ்ச பிறகு ப்ரோஜெக்ட்னு ஒன்ன நாங்க deliverபண்ணுவோம். அதபாத்துட்டு "ஐய்யோ நாங்க கேட்டது இதுல்ல, எங்களுக்கு இது வேணும், அதுவேணும்னு" புலம்ப ஆரம்பிப்பான்.

"அப்புறம்?" - அப்பா ஆர்வமானார்.

"இப்போ தான் நாங்க நம்பியார் மாதிரி கைய பிசஞ்சிகிட்டே "இதுக்கு நாங்க CR raiseபண்ணுவோம்"னு சொல்லுவோம்.

"CR-னா?"

"Change Request. இதுவரைக்கும் நீ கொடுத்த பணத்துக்கு நாங்க வேலை பார்த்துட்டோம். இனிமேல் எதாவது பண்ணனும்னா எக்ஸ்ட்ரா பணம் கொடுக்கணும்"னு சொல்லுவோம். இப்படியே 50 நாள் வேலைய 500நாள் ஆக்கிடுவோம்."

அப்பாவின் முகத்தில் லேசான பயம் தெரிந்தது. "இதுக்கு அவன் ஒத்துபானா?"

"ஒத்துகிட்டுதான் ஆகணும். முடிவெட்ட போய்ட்டு, பாதி வெட்டிட்டு வர முடியுமா?"

"சரி ப்ராஜெக்ட் உங்க கைல வந்த உடனே என்ன பண்ணுவீங்க?"

"முதல்ல ஒரு டீம் உருவாக்குவோம். இதுல ப்ராஜக்ட் மேனேஜர்னு ஒருத்தர் இருப்பாரு. இவரது தான் பெரிய தலை. ப்ராஜெக்ட் சக்சஸ் ஆனாலும், பெயிலியர் ஆனாலும் இவரு தான் பொறுப்பு."

"அப்போ இவருக்கு நீங்க எல்லாரும் பண்ற வேலை எல்லாம் தெரியும்னு சொல்லு."

"அதான் கிடையாது. இவருக்கு நாங்க பண்ற எதுவும்யே தெரியாது."

"அப்போ இவருக்கு என்னதான் வேலை?" – அப்பா குழம்பினார்.

"நாங்க என்னதப்பு பண்ணினாலும் இவரபார்த்து கைய நீட்டுவோம். எப்போ எவன் குழிபறிப்பானுடென்ஷன்ஆகி டயர்ட்ஆகுறதுதான் இவரு வேலை."

"பாவம்பா"

"ஆனா இவரு ரொம்ப நல்லவரு. எங்களுக்கு எந்த பிரச்னை வந்தாலும் இவரு கிட்ட போய் சொல்லலாம்."

"எல்லா பிரச்னையும் தீர்த்து வச்சிடுவார?"

"ஒரு பிரச்சனைய கூட தீர்க்க மாட்டாரு. நாங்க என்ன சொன்னாலும் தலையாட்டிகிட்டே உன்னோடபிரச்னை எனக்கு புரியுதுனு சொல்றது மட்டும் தான் இவரோட வேலை."

"நான் உன்னோட அம்மா கிட்ட பண்றத மாதிரி?!"

"இவருக்கு கீழ டெக் லீட், மோடுல் லீட், டெவலப்பர், டெஸ்டர்னு

நிறைய அடி பொடிங்க இருப்பாங்க."

"இத்தனை பேரு இருந்து, எல்லாரும் ஒழுங்கா வேலை செஞ்சா

வேலை ஈஸியா முடிஞ்சிடுமே?"

"வேலை செஞ்சா தானே? நான் கடைசியா சொன்னேன் பாருங்க.. டெவலப்பர், டெஸ்டர்னு, அவங்க மட்டும் தான் எல்லா வேலையும் செய்வாங்க. அதுலையும் இந்த டெவலப்பர்,வேலைக்கு சேரும்போதே"இந்த குடும்பத்தோட மானம், மரியாதை உன்கிட்ட தான் இருக்குனு" சொல்லி, நெத்திலதிருநீறு பூசி என்னைய அனுப்பி வச்ச மாதிரி தமிழ் பசங்க தான் அதிகம் இருப்பாங்க."

"அந்த டெஸ்டர்னு எதோ சொன்னியே? அவங்களுக்கு என்னப்பா வேலை?"

"டெவலப்பர் பண்ற வேலைல குறை கண்டு பிடிக்கறது இவனோட வேலை.

புடிக்காத மருமக கை பட்டா குத்தம், கால் பட்டா குத்தம் இங்குறது மாதிரி." "ஒருத்தன் பண்ற வேலைல குறை கண்டு பிடிகுறதுக்கு சம்பளமா?

புதுசா தான் இருக்கு. சரி இவங்களாவது வேலை செய்யுராங்களா. சொன்ன தேதிக்கு வேலைய முடிச்சு கொடுத்துடுவீங்கள்ள?"

"அது எப்படி.? சொன்ன தேதிக்கு ப்ராஜக்டை முடிச்சி கொடுத்தா, அந்தக் குற்ற உணர்ச்சி எங்க வாழ்கை முழுவதும் உறுத்திக்கிட்டு இருக்கும். நிறைய பேரு அந்த அவமானத்துக்கு பதிலா தற்கொலை செய்துக்கலாம்னு சொல்லுவாங்க"

"கிளையன்ட் சும்மாவா விடுவான்? ஏன் லேட்னு கேள்வி கேக்க மாட்டான்?"

"கேக்கத்தான் செய்வான். இதுவரைக்கும் டிமுக்குள்ளையே காலை வாரி விட்டுக்கிட்டு இருந்த நாங்க எல்லாரும் சேர்ந்து அவன் காலை வார ஆரம்பிப்போம்."

"எப்படி?"

"நீ கொடுத்த கம்ப்யூட்டர்-ல ஒரே தூசியா இருந்துச்சு. அன்னைக்கு டீம் மீட்டிங்ல வச்சி நீ இருமின,உன்னோட ஹேர் ஸ்டைல் எனக்கு புடிகலை."

இப்படி எதாவது சொல்லி அவன குழப்புவோம்.

அவனும் சரி சனியன எடுத்து தோள்ல போட்டாச்சு, இன்னும் கொஞ்ச நாள் தூங்கிட்டு போகட்டும்னு விட்டுருவான்".

"சரி முன்ன பின்ன ஆனாலும் முடிச்சி கொடுத்துட்டு கைய கழுவிட்டு வந்துடுவீங்க அப்படித்தான?"

"அப்படி பண்ணினா, நம்ம நாட்டுல பாதி பேரு வேலை இல்லாம

தான் இருக்கணும்."

"அப்புறம்?"

"ப்ராஜக்டை முடிய போற சமயத்துல நாங்க எதோ பயங்கரமான ஒன்ன பண்ணி இருக்குறமாதிரியும், அவனால அத புரிஞ்சிக்க கூட முடியாதுங்கற மாதிரியும் நடிக்க ஆரம்பிப்போம்."

"அப்புறம்?"

"அவனே பயந்து போய், "எங்கள தனியா விட்டுடாதீங்க. உங்க டீம்-ல ஒரு ஒன்னு, ரெண்டு பேர உங்க ப்ரொஜெக்ட பார்த்துக்க சொல்லுங்கன்னு"

புது பொண்ணு மாதிரி புலம்ப ஆரம்பிச்சிடுவாங்க." இதுக்கு பேரு "Maintenance and Support". இந்த வேலை வருஷ கணக்கா போகும். "ப்ராஜக்ட் அப்படிங்கறது ஒரு பொண்ண கல்யாணம் பண்ணி வீட்டுக்கு கூட்டிட்டு வர்றது மாதிரி.

தாலி கட்டினா மட்டும் போதாது, வருஷ கணக்கா நிறைய செலவு செஞ்சு பராமரிக்க வேண்டிய விசயம்னு" இப்போ தான் கிளைன்டுக்கு

புரிய ஆரம்பிக்கும்.

"எனக்கும் எல்லாம் புரிஞ்சிடுப்பா."

கேட்டது

2011-11-11T12:53:00.000-08:00

அரசு போக்குவரத்து துறை பற்றி…

இந்தப் பதிவு தேவையா?… இல்லையா?… எனக்கு தெரியவில்லை. ஆனால் அரசாங்க இயந்திரத்தின் ஒரு அச்சாணியாய் திகழும் போக்குவரத்து துறை பற்றி ஒரு Bus பயணத்தின் போது ஒரு நண்பருடன் அளவளாவ சந்தர்ப்பம் வாய்த்தது. நான் எனது சொந்த ஊருக்கு போய்க் கொண்டிருந்தேன். திருச்சியில் இருந்து மதுரை சென்று கொண்டிருந்த bus அது. நான் சந்தித்த அந்த நபருக்கு சுமார் 50 வயதுக்கு மேல் இருக்கும்.

என் பக்கத்தில் அமர்ந்த அவர் என்னுடன் பேச ஆரம்பித்ததும், நானும் பேச ஆரம்பித்தேன். பேச்சு அப்படியே போக்குவரத்து துறை பற்றி வந்தது. நான் போனது bus என்றாலும் கூட ஏதோ roller coaster-ல் போனது போன்று மயக்கம்தான் வந்தது. அதாவது அவர் போக்குவரத்து துறையின் முறைகேடு பற்றி பேச ஆரம்பித்தவுடன்.

· போக்குவரத்து துறையில் நல்ல வருமானம் வந்த போது கூட போக்குவரத்து பணிமனையில் பேருந்தினைப் பராமரிக்க போதுமான அளவு ஊழியர்கள் இல்லை.
· போக்குவரத்து துறையில் driver, conductor வேலைக்கு திறமையெல்லாம் ஒரு பொருட்டே அல்ல. பணம் மட்டும் போதும்!!! ஒவ்வொரு வேலைக்கும் லஞ்சம் வேறுபடுமாம்… J
· இவ்வாறு வாங்கப் படும் லஞ்சம், சதவிகித அடிப்படையில் பிரித்துக் கொள்ளப் படுமாம்.
· அது மட்டும் அல்ல போக்குவரத்து துறையின் உதிரி பாகம் வாங்குவதில்தான் அதிகாரியின் (லஞ்சம்) வாங்கும் சதவிகிதம் அதிகம். Quality பற்றி எல்லாம் அவர்கள் கண்டு கொள்வதில்லையாம்.

ம்ம்ம்… என்ன சொல்வது என்றே எனக்கு தெரியவில்லை… என் நண்பர் என்று சொன்னேன் அல்லவா! அந்த நண்பர் வேறு யாருமல்ல அந்த பேருந்தின் நடத்துனர் (Conductor)!!!!!!!!.

எங்கே போய் நாம் முட்டிக் கொள்ள… :(