拉云@玩物丧志

【無限之戰】1/4 無限手套？？！

2018-05-16T22:19:00.001-07:00

可能係我情弱，之前真係唔知HT會出1/4，完全以爲衹會出1/1……但老實講，個價錢都……幾唔友善……所以相對來講，1/4雖然得個擺，但我都覺得OK的，而且D燈有兩個MODE，都幾過癮的如果話美中不足，應該就系無可動同1/4咯。

不過既然無限手套神力無邊，不如……試下拆出來然後啪一下手指…………

果然…………
………………
………………
你得到1/1無限手套 X 1

【夜光閃閃】Arcadia Macross SDF-1 (Ver.PF)

2018-05-14T22:16:00.001-07:00

呢隻係我成世仔第一隻SDF-1。之前有買過GE-48,但始終感覺上流流地，而且細節度唔夠。 1個月之前見到ARCADIA官圖之後……真心濕曬……

講真，6XX美金，要慢慢剪件……我唔多明呢種樂趣……，但見到塗裝上有的確靚過普通版好多的，但唔知大家覺唔覺了，可能因爲有塗裝，所以有D件會真係好緊，尤其兩隻手，裝落去真系要有技巧同俾多D力。至於夜光方面，一開始覺得都幾鬼火FEEL，就算擺入燈箱照一段時間，依然拿出來唔多閃，但後來發現……原來用UV燈照先係王道……照一陣就爽曬……
順便，好似有位我未變好的，請見諒。但總體來講，都覺得值的……不過如果5XX可能我會覺得性價比再好D咯

[完夢]MG Deep Striker 深境强襲

2018-03-26T14:10:00.001-07:00

再次聲明，完全為自己砌得開心，所以手工絕對粗劣，直逼B財團的低價量產品……

相信我對深境强襲的怨念同在座各位應該都接近的啦，幾年錢入手過GFF，但始終覺得太細，唔過癮。之後又好認真地考慮過好唔好買鬼國版，但始終唔想向蝗力低頭，結果先後PASS過SD,1/144同1/100…… GK的話，自問小弟何德何能呢，所以見到MG出，真系開心的。

至於話大量廢件，其實我覺得勉强可以接受的……如果以比例來講，例如戰國異端都好多廢件……但講又講，作爲20000 JPY級，SIZE就都叫夠了，但始終覺得細節或者其他方面都差小小，始終覺得有D唔知點……可動……咪玩啦……

after all,開心的，總算有部等佐N年的機體可以擺埋一邊慢慢J……但真心，如果你愛不夠，其實唔需要急……

雪山白PIZZA]PG 1/72 Millennium Falcon

2017-12-03T21:17:00.001-08:00

[雪山白PIZZA]PG 1/72 Millennium Falcon

再次聲明我唔系星戰FANS，但我又真係幾喜歡千年鷹的，所以見到PG版一出，即刻9冲入手……當然唔係日本空運……但都算美國第1批貨……

好了，到手之後真心覺得興奮，打開之後……真心覺得失望……之前1/144純白PIZZA我都算啦，但今次以PG之名出的11/72……細節方面我滿意的，零件的精細度都幾高，但唯獨……明明好多位置應該可以以多色來呈現，但死BANDAI就唔肯做……水貼方面呢，多到要MARK説明書……而且都幾水貼地獄的……

至於跟埋的果套燈呢…………講真，都幾廢……駕駛艙後面果盞超暗……完全無效果可言……脚架果3盞OK啦，但如果你好有氣勢地用支架來擺的話……等於完全無用。而且作爲PG……裏面無内構我都已經把幾火了，最過分的係，登機橋居然系替換件……而且又係如果你用支架來擺的話，根本睇唔到燈的效果……BANDAI我頂你……好了，去到噴射口了……我印象中應該係藍色的……而LEGO果個都系藍色……但點解BANDAI居然放白燈落去呢…………………………
OK，另外LED UNIT原來的設計應該有多兩組燈的，又去左邊呢？而且睇來，個支架本身應該有射燈的設計，而後來發現可以用NU GUNDAM頭的射燈來玩……但獨立發售的射燈呢？？？大佬，呢件野……我覺得似MG多過PG咯…… 真PG應該係LEGO果套……

順便，今次……依然都系亂來，唔知算唔算舊化了，但起碼叫整污糟小小，多返D細節咯……

[Why so serious]Female Joker

2017-01-07T22:11:00.001-08:00

之前見到已經15/16了，之後再加上冷感D人踢多一脚。。。。果然小丑女需要女小丑陪襯。。。。

我唔識評究竟個頭雕夠唔夠還原，但我自己真心覺得幾好，雖然眼神比較死魚，但引用人地的一句話，呢D死魚迷茫的眼神反而別有一番風味……well...玩玩具……sometimes, Why so serious. Ha

(千值練）Hulkbuster

2016-11-07T17:20:00.001-08:00

無可否認，我都幾喜歡HULKBUSTER……KA果隻未拆……哎，頭痛

可能習慣電影版的人會好唔習慣呢個版，但呢個比較接近漫畫版的設定我慢慢都覺得過癮的
而且背部的電池設計的確過癮。
講真，有D人唔習慣呢重上闊下窄的設定，但反而，我覺得應該相對比較合理，一來，如果按照電影版的設定，應該行動力會比較低……反而家陣下半身的裝甲相對比較SLIM，應該都會幾靈活，而且後面的引擎應該可以提高到推力……二來，之前好多人都講過，如果按照KA或者HT的合體方法會好難操作……但千記的呢隻更加似加多幾件

Comicave 1/12 Mk 43 (DSLR VS Iphone)

2016-10-17T21:49:00.001-07:00

好了，我唔想評價太多COMICAVE的野，無論好定差都有人覺得有失公允……
雖然就結論來講，我留來擺的系BANDAI……完

今次套相一半用DSLR，一半用IP7+，兩邊都出RAW，然後用同樣的LIGHTROOM SETTING來出相……所以，大家自己睇下兩方面的表現了

1/1 Harley Quinn Rhino 60Ds

2016-10-09T00:23:00.001-07:00

講真……我真系唔知應該放去邊……唯有等版主幫我分類了

講明先，呢支絕對唔系真槍，但都唔系最近萬聖節買到果支。
呢支系叫人3D打印出來的，所以上曬色之後D感覺都OK的

順便，今次好懶，純粹用電話影相就算了， Ip7+ 再加上出Raw....效果唔差

1/1 Marvel Legends Iron Man Helmet

2016-10-02T21:56:00.001-07:00

拿。。。唔好問我究竟MK幾多……我真系唔知道……
睇佐相先

首先，希望大家明白，呢個系玩具，絕對唔系收藏品……
所以如果你覺得呢個可以豆零打X送埋叉燒飯的話，唔好意思，絕對唔系。
買的時候如果有機會的話，請開箱CHECK CHECK，上色唔均匀就預左，但請盡量留意刮花情況。
但個人覺得呢個價錢都值得的，個面具手感幾好，而且磁吸都做得幾好。雖然有D位容易刮花，但絕對玩得過。記住，玩得過。。如果你想用來收藏做傳家寶……請三思。。。但十分適合萬聖節買來玩的

【感謝，再見】BANDAI 烏龍派出所 1/6 兩津勘吉

2016-09-05T02:17:00.001-07:00

講翻烏龍派出所，其實追佐好多年了，真心，作爲一個除佐日文30~50無睇過的都算FANS……我都幾唔開心。我成日都話，烏龍派出所特別的地方唔系主角的成長，而系同讀者一齊成長。無王道的熱血精彩，無甜古的到喉唔到肺的小小甜，因爲烏龍派出所永遠唔系你身邊好熱血的黃XX，亦唔系隔離屋的街坊女神。距其實好似你樓下果個賣報紙的阿伯，你平時行開行埋可能無乜幾句，但突然有一日，呢個阿伯消失佐，我就始終都會覺得有小小戚戚然。

講翻隻玩具，當年秋本治都幾過分，專門開一話來講可動人偶，由GI JOE到COMBAT JOE的黑歷史，再到之後的展望，然後又很“巧合”地推出了40個可動關節的超可動人偶（當年應該算好特別但無新鮮生料同粉碎月餅）。之後仲很巧合地推出秋本麗子同之後夢幻級的合作產品……遙控單車………………………………最重要的系呢D，漫畫裏面全部有出現……HARD SELL程度呢……特攝片都望塵莫及。但……我BUY…… 所以後來見到呢隻野即刻入手……但始終唔捨得開來玩咯

不過既然漫畫完結，就開來慶祝慶祝。

講真，無包膠，無韓國頭雕。無合金，無拉鏈。同E家的各個廠家比完全無得比。但無論是否在淪陷的果一年的標準還是現在的標準，應該有的細節都有，而且，我自己玩起身，開心過之前玩合金MK3…… 對作品有愛，當然啦，但可以好舒服，好童真甘玩其實真系好重要。唔使換任何件都可以走到跪坐，土下座之類的……你仲想點？

兩兄，感謝，再見。快D同瑪利亞結婚啦，雖然動畫同小町的關係，或者早期同小纏的關係會更加甜

【熱血戰綫】Gundam Thunderbolt Ver.KA

2016-09-01T00:06:00.001-07:00

想講，好耐無試過砌得甘開心，雖然今次純粹超懶砌法，而且又亂Q甘整邋遢，但我今次真心欣賞呢隻的設計，尤其手手脚脚的垃圾袋…… 但雷霆的全裝高達的卻過癮的……

不過砌模型，玩玩具之餘，大家記住，星期日履行公民責任，衹要你唔系投建制，一定記得出來投票。雷霆戰綫精彩，但今次熱普城條戰綫更精彩。

記住，出來投票

SHF Hulkbuster + MK 43

2016-08-13T19:24:00.001-07:00

明明農曆年的時候買的，結果搞到E家還佐棚先有時間影。。。。。

順便，大家記住立法會要投票了

【走辣椒】HT 1/6 Iron Man MK 9

2016-07-04T00:31:00.000-07:00

對辣椒仔無乜興趣，機緣巧合見到有人拆MK 9出來賣，結果，MK 9成爲我第一隻開來玩的IRON MAN。。。。

我未開其他啦……之前都無玩開HT，但一拿上手的確個心離佐離……好輕咯……
而且見到人話手爭内側唔好屈太多......
不過OK啦，價錢合適，又可以走辣椒仔，OK的……
同場加映白羊神衣……玩得好唔開心的白羊神衣

【實的的】Comicave Igor (1/12)

2016-06-29T19:03:00.001-07:00

實話實説，真系本住試試下的心態先買，因爲聽聞好多合金成分所以真系要見識下啦
結果到手，的確唔錯，成盒過磅 2磅7安士（好似無記錯），的確唔錯

利申，我隻HT IGOR就未到手，所以就唔比較了，但的確隻野就好有手感，好墜手
但可動性就好合理地……低。反正系符合設定上的幅度，但就唔符合我的期望了……
但又必須講翻，可動手唔錯，其他戰損都合符期望的，所以COMICAVE呢個系列都可以值得觀望下啦

順便，一路影相一路睇呢套漫畫，過癮的，得閑大家可以支持下，
https://www.facebook.com/WongWin ... id=1189542581090235

【等唔切】Not HOT Toys 1/6 Harley Quinn

2016-06-20T15:48:00.003-07:00

我認我心急，等唔到HT 公佈，所以唯有光顧副廠產品自己買個素體再執小小配件來頂住檔，止咳……
衫+頭： Cat Toys
素體： JiaoU (其實個色唔多MATCH的）
其他配件：周圍搜刮...

講真，副廠出的呢套野遠睇就誇啦啦，近睇就真系吹喇叭，頭雕似老左10歲……而且呢個表情有小小曖昧，我寧願系笑的表情……
D衫衫褲褲都OK啦，但個頸圈純粹系一圈金色野就未免太9流了……
對鞋我覺得靚的，但成套野無棒球棍，無槍袋，無槍，無首飾……哎，算了，對副廠我唔要求太高了，期待HT出正式版本啦

順便，棒球棍系改裝品，槍袋就自己求其買一個，槍……因爲買唔到RHINO，所以都求其算了…… 首飾……買唔到， so sad....

HT，快D公佈啦，贖金……都已經準備好了

[我都玩鳳凰] GFF Metal Composite Unicorn Gundam-03 Phenex

2016-05-24T00:57:00.001-07:00

講真，GFF系列一向唔系我杯茶，而且可動程度不足一向耳有所聞……
但我又真心唔喜歡MG的光面電鍍，而且PG版更加系遙遙無期……
唯有拿隻GFF版來止痕……
我知個胸無打開。。。得了得了，知道了……（正確D來講系我自己無拉拉發神經關埋佐。。。)

Zoids MPZ-01 Shield Liger

2016-04-24T21:23:00.001-07:00

Zoids MPZ-01 Shield Liger

老實講，今次真系興奮，開心又無奈……
興奮，因爲當時WF見到行得叫得，好過癮，當第一次整完之後測試的時候，堅抽覺得正！
開心，我好喜歡D細節，可以比我慢慢加落去，LIKE
無奈……作爲一個喜歡CHOCK POSE的人。。。大家明啦，無得CHOCK POSE。。。。可惜可惜

[猩紅戰神]IBO Grimgerde

2016-03-15T02:19:00.001-07:00

雖然動畫裏面衹不過出現幾十秒（懷疑無添。。。）
但，我其實好喜歡紅色機體……
所以美國一上市即刻買隻翻來狂砌

【童年幻想】FF-X7 Core Fighter 核心戰機

2016-03-14T00:57:00.001-07:00

話時話，最近玩MG ORIGIN RX-78的時候隱隱然地有一股失落感，皆因取消了核心戰機……
記得第一隻MG 78應該系2.0，當時已經覺得雖然1/100的核心戰機好細部，但依然好過癮，尤其合體的一刻好有童年的情懷……
所以後來見到呢隻1/35的核戰機即刻毫不猶豫地買……

第一次接觸呢個系列，真心覺得驚艷，無論細節同刻畫都好有水準，唯獨原生色比較接近軍武色有小小唔習慣，之後就唯有用翻自己比較習慣的配色了……
順便，手多多有水貼整爛佐……唯有用佐第二種樣式了。。。

[中二滿點]IBO RyuSei Go! 流星號+LDB

2016-03-13T18:59:00.001-07:00

真心，呢部野一公佈的時候純粹以爲同Keroro軍曹合作的Geroro機……
但估唔到原來……………………嘔血
不過整熒光粉紅色再搭法拉利紅的配色又幾過癮的
而且之前買佐LDB一直封塵，所以順便整埋部流星號專用版
不過講明，之前因爲失手，其實好傷眼……

擬，還原祭。Salmon Confit Flamme (偽）

2016-03-13T17:01:00.002-07:00

首先解釋下，今次真系無辦法還原到……果兩部OVEN。。。哎，之後的急凍粉碎機……更加發我自己的春秋大夢。所以僅此純粹衹能以接近原理的方法來呈現。

三文魚方面，預先去皮，用橄欖油浸泡（我建議3個鐘頭以上）。烟肉方面，用普通就可以了，但我會建議用比較好的，後面會解釋，緊緊包好三文魚。（補充，原作應該系用三文魚中綫最厚肉的地方來開一條肉條，但如果要呢條肉條就必須買半邊……我兩個人一定食唔曬，所以選用中端比較厚肉但脂肪唔算太多的部分來呈現）

入爐的時候我用170F的溫度……雖然同原作的60有分別，但無辦法……最低衹能去到呢個溫度。不過，衹要裏面再放一大兜凍水就可以令到溫度降到150度左右，而且可以持續20分鐘左右……雖然同60C有分別，但惟有將就一下，并且將時間縮短到15分鐘。而實際上拿出來之後的確會達到漫畫裏面所講的色澤，而且連刀都唔需要，用叉就已經可以切割開。

拿出來之後，立即調到上火，之後將三文魚盡量貼近爐頂就可以達到沙羅曼蛇爐的效果，時間大概3分鐘左右，其實視乎個人口感，因爲理論上，烟肉可以生食，但呢個就系我叫大家選擇好烟肉的原因……好的烟肉比較安全。如果你接受到的話，1~2分鐘令到表面略微焦化就可以了。如果你接受唔到的話，4分鐘甚至3分鐘，然後拿出來反一反再2分鐘會比較多人接受，但就一定會影響到三文魚的生熟程度，所以請自行考慮。

至於漫畫裏面，表面的醬汁同裝飾用的魚籽我就忽略了，一來我個人估計，醬汁應該是Horseradish，我唔記得買……（純粹估計，無根據，而且漫畫應該無講），而魚籽真的好裝飾咯。。。況且，本身的味道已經好夠了。。。

至於萬衆期待的三文魚雪糕……傻啦，我點會整得到出來……………………………………

食后感：爆衫是常識吧？飽暖思……你明啦。lol.開玩笑，口感其實真系一流，雖然我呢個過左小小火，但95%的面積保持低溫處理之後的絕對嫩滑狀態，而且烟肉的鹹味入佐三文魚入面別有一番風味。

改良部分：如果考慮到最新一期漫畫所講決定性的失誤的話，我會覺得應該是太過單一，缺少香味。所以好美作的做法……腌魚的時候我另外放左Rosemary 同Dill，一來可以減少魚腥的風險（諷刺地，其實我好少食熟魚……）二來，Dill可以增加甜美感。其次，上碟的時候小小黑胡椒同檸檬皮都可以增加香味的變化。以上，希望有果3部機的人可以試下真正還原了。T_T

食戟還原祭！三文衝擊砲，Salmon Coulibiac EX!

2016-03-05T21:28:00.000-08:00

做法：

外面的酥皮。。。自己按照自己的方法來準備啦，我懶……直接買現成的……如果再整我會調整到厚小小的千層皮。記住，入爐之前要掃蛋黃

兩種飯，1種比較簡單D，牛油蒜蓉炒飯....唔好話我知你唔識……

另外一種系俄羅斯蕎麥飯,有小小麻煩，一開始將蕎麥同蛋混合，之後開大火炒香，之後加牛油，高湯，蘑菇同洋葱落去。收細火再慢煮，收水之後再大火炒香 （漫畫未有講呢部分的詳細做法，所以純粹以經驗來處理）

三文魚方面處理乾净再加小小鹽同胡椒就夠了。

之後就按照漫畫裏面的感覺包起……不過因爲系黑白，所以唔知上下順序。我個人比較喜歡蒜香飯，所以下層放了比較厚的蒜香飯，上面系俄羅斯蕎麥飯。

入爐，一開始預熱420F，8分鐘之後調低到300F，同時輕微散熱，再20分鐘（酥皮的厚薄會影響實際時間）。出爐之後切開就上得碟了

食后感……講真，好好味，就物理上來講，3X8寸的完整一份俾我食曬……三文魚的肉汁混合埋D炒飯入面好正，加上酥皮的香酥……祇能講，我都要爆衫了。。。。。。當然，爆開的衹有圍裙………………………………

附帶賽果預測，黑木場涼會輸。首先我上星期有試過整低溫三文魚，當中會好注重溫度所帶出來鮮味的感覺。之所以無POST出來……因爲我真系無辦法估到三文魚雪糕的真面目（開頭以爲棉花糖……笑），而且今個星期知道之後，應該……我隻能夠講，要借，都有辦法的，但唔想咯……anyway，我覺得黑木會輸的理由其實都因爲在於溫度。從來食魚都系熱的好食，黑木的做法，上下的米飯雖然剋服魚肉水分流失的問題，但實際上，水汽慢慢都會影響酥皮的口感，所以呢度菜同之前創真的早餐挑戰一樣應該會有壽命短的缺點。反而另外的低溫三文魚呢方面比較強……所以下星期睇下我的預測點了。

[ROYAL PURPLE]Gundam Kimaris [

2016-02-20T19:52:00.001-08:00

真心，今次真心要寫個服字俾BANDAI，一隻汎用骨架可以玩到呢個程度
但講明，雖然我自己改佐呢隻紫色，我諦屬的四驅車隊叫Royal Purple. 但我一定唔會選紫色7號咯，我的心水絕對系藍色6號。
回歸正題，呢套甲幾有誠意，細節方面都做得幾好，甚至武器的組裝都比我想象中要認真得多

講多次，Blue is the warmest color,
Blue is the most localism choice. Be yourself.

【鋼鐵樹蛙】Gundam Gusion Rebake Ver.org

2016-02-20T19:51:00.001-08:00

個人估計，BANDAI到最後一定會用P-BANDAI的方法出一隻綠色。。。
不過靠人不如靠自己，直接自己噴算了。。。。

[根源的根源]RX-78 2 Origin

2016-02-20T19:47:00.001-08:00

唔好問我點解買完又買……

拉云@玩物丧志

【無限之戰】1/4 無限手套 ？？！

【夜光閃閃】Arcadia Macross SDF-1 (Ver.PF)

[完夢]MG Deep Striker 深境强襲

雪山白PIZZA]PG 1/72 Millennium Falcon

[Why so serious]Female Joker

(千值練）Hulkbuster

Comicave 1/12 Mk 43 (DSLR VS Iphone)

1/1 Harley Quinn Rhino 60Ds

1/1 Marvel Legends Iron Man Helmet

【感謝，再見】BANDAI 烏龍派出所 1/6 兩津勘吉

【熱血戰綫】Gundam Thunderbolt Ver.KA

SHF Hulkbuster + MK 43

【走辣椒】HT 1/6 Iron Man MK 9

【實的的】Comicave Igor (1/12)

【等唔切】Not HOT Toys 1/6 Harley Quinn

[我都玩鳳凰] GFF Metal Composite Unicorn Gundam-03 Phenex

Zoids MPZ-01 Shield Liger

[猩紅戰神]IBO Grimgerde

【童年幻想】FF-X7 Core Fighter 核心戰機

[中二滿點]IBO RyuSei Go! 流星號+LDB

擬，還原祭。Salmon Confit Flamme (偽）

食戟還原祭！三文衝擊砲，Salmon Coulibiac EX!

[ROYAL PURPLE]Gundam Kimaris [

【鋼鐵樹蛙】Gundam Gusion Rebake Ver.org

[根源的根源]RX-78 2 Origin

【無限之戰】1/4 無限手套？？！