EVERGREEN

ഒറിഗാനോ

2022-05-22T21:20:00.000+05:30

പുതിനയുടെ കുടുംബാംഗമായ ഒറിഗാനോ. ഇതിന്റെ ജന്മദേശം തെക്കുപടിഞ്ഞാറൻ യൂറേഷ്യയാണെങ്കിലും നമ്മുടെ നാട്ടിലും വളരും. പുതുതലമുറയുടെ ഇഷ്ട വിഭവങ്ങൾക്കു രുചിയും മണവും ഗുണവും നൽകാൻ ചേർക്കുന്നതാണ് ഒറിഗാനോ .

വിത്തുകൾ പാകിയും കമ്പുകൾ മുറിച്ചു നട്ടും വളർത്താം. വിത്തുകൾ പാകാൻ ഒരു ഭാഗം ചാണകപ്പൊടി, രണ്ടുഭാഗം മണൽ, രണ്ടുഭാഗം മേൽമണ്ണ് എന്ന അനുപാതത്തിലാണ് മിശ്രിതം തയ്യാറാക്കേണ്ടത്.

വിത്തുപാകി രണ്ട് ഇഞ്ച് നീളം ആകുമ്പോൾ ചട്ടിയിലേക്ക് നടാം.രണ്ടാഴ്ചയ്ക്കുശേഷം നാമ്പുനുള്ളി കൊടുക്കണം. ഒരിഗാനോയുടെ വളർച്ചയ്ക്കു പറ്റിയ അമ്ല-ക്ഷാരനില ( PH) 6-8 ആണ്.

വറുത്തതും പൊരിച്ചതും ഗ്രിൽ ചെയ്തതുമായ പച്ചക്കറികൾ, ഇറച്ചി, മീൻ എന്നിവയിലാണ് ഇവയുടെ ഇലകൾ രുചിക്കും മണത്തിനുമായി ഉപയോഗിക്കാറുള്ളത്. ഇറച്ചി വറക്കുമ്പോൾ ഒറിഗാനോ ഇലകൾ ചേ ർത്താൽ രുചിയേറും. പച്ചയ്ക്കും ഉണക്കിയും ഉപയോഗിക്കാം.

ഒറിഗാനോ വളർത്തി ഇലകൾ പുതുമയോടെ ഉപയോഗിക്കാം. ഉണങ്ങിയ ഇലകൾ വിപണിയിൽ ലഭ്യമാണ്.

കാർഷിക കോഴ്സുകൾ ഫ്രീ ആയി

2021-04-10T11:55:00.008+05:30

കേരള കാർഷിക സർവ്വകലാശാല

അറിവ് പകർന്നു നൽകാൻ നടത്തുന്ന ഒരു ഓൺ ലൈൻ ഉപാധിയാണ് മാസ്റ്റീവ് ഓപ്പൺ ഓൺലൈൻ കോഴ്സ്(MOOC). കാർഷിക മേഖലയുമായി ബന്ധപ്പെട്ട വിവിധ വിഷയങ്ങളിലായാണ് കോഴ്സുകൾ ഫ്രീ ആയി നടത്തപ്പെടുന്നത്.

ഇതിൽ വീഡിയോ ക്ലാസുകൾ/ഓൺലൈൻ പരീക്ഷ വഴിയുള്ള മൂല്യനിർണ്ണയം എന്നിവ നടത്തപ്പെടുന്നു.

50% മാർക്ക് കൂടുതൽ വാങ്ങിയവർക്ക് ആവശ്യമെങ്കിൽ ഫീസ് അടച്ച് Certificate വാങ്ങാം.

ഇതിൽ ഏങ്ങനെ രജിസ്റ്റർ ചെയ്യാം എന്ന് ഉള്ളതാറിയാൻ ഈ വിഡിയോ കാണുക.

Join this course use the below link

http://www.celkau.in/MOOC/Default.aspx

മല്ലിയില

2021-01-14T11:07:00.002+05:30

അഗസ്തി

2020-12-20T17:02:00.000+05:30

ഡ്രാഗണ്‍ ഫ്രൂട്ട്

2020-06-01T11:12:00.004+05:30

ചെറി

2020-04-01T17:21:00.002+05:30

Curry Leaves/കറിവേപ്പില

2020-03-30T09:12:00.002+05:30

അവക്കാഡോ/വെണ്ണപ്പഴം

2020-03-28T12:29:00.001+05:30

ഉറുമ്പുകളെ അകറ്റാം എങ്ങനെ.

2020-03-21T10:53:00.000+05:30

പച്ചക്കറികൾ വളർന്ന് കായ്ക്കുന്നതിന് 18 മൂലകങ്ങളുടെ ആവശ്യകതയുണ്ട്.

2020-03-20T10:52:00.001+05:30

Achacha (അച്ചാച്ച)

2020-03-19T17:32:00.001+05:30

കൈതച്ചക്ക കൃഷി

2020-03-15T09:17:00.000+05:30

വെള്ളരി കൃഷി

2019-05-27T17:56:00.000+05:30

വെള്ളരി വര്‍ഗത്തില്‍പ്പെട്ട വിളകള്‍ എപ്പോഴും കൃഷി ചെയ്യാം.വേനല്‍ക്കാലത്ത് തടങ്ങളെടുത്താണു വെള്ളരി വര്‍ഗത്തില്‍പ്പെട്ട കൃഷികള്‍ ചെയ്യേണ്ടത്. മഴക്കാലത്ത് കൃഷി ചെയ്യുന്നവര്‍ കൂനകളെടുത്ത് അതില്‍ വിത്തു നടണം. രണ്ട് മീറ്റര്‍ അകലത്തിലുള്ള വരികളില്‍ ഒന്നരമീറ്റര്‍ ഇടവിട്ട് തടങ്ങളിലാണ് വിത്ത്‌നടേണ്ടത്. ഓരോ കുഴിയിലും ഉണങ്ങിയ ചാണകപ്പൊടിയോ മണ്ണിര കമ്പോസ്റ്റോ മേല്‍മണ്ണുമായി ചേര്‍ത്ത് നല്ലപോലെ യോജിപ്പിച്ചതിന് ശേഷം വേണം വിത്തു നടേണ്ടത്. ഒരു കുഴിയില്‍ നാലോ അഞ്ചോ വിത്തുകള്‍ നട്ടാല്‍ മതിയാകും. ധാരാളം സൂര്യപ്രകാശം കിട്ടുന്ന സ്ഥലങ്ങളില്‍ വേണം വെള്ളരികള്‍ നടാന്‍.

ഇതു മുളച്ച് മൂന്നോ നാലോ ഇലകള്‍ വന്നതിനു ശേഷം കരുത്തുള്ള മൂന്നു തൈകള്‍ നിര്‍ത്തി ബാക്കിയുള്ളവ പറിച്ചുനീക്കേണ്ടതാണ്. ജൈവവളങ്ങളായ കോഴിക്കാഷ്ടം, കടലപ്പിണ്ണാക്ക്, പച്ചച്ചാണകം പുളിപ്പിച്ചത്, ആട്ടിന്‍ കാഷ്ടം, വെണ്ണീര് എന്നിവയെല്ലാം വെള്ളരി വര്‍ഗങ്ങള്‍ക്ക് നല്ല ജൈവവളമായി ഉപയോഗിക്കാം. ഇതോടൊപ്പം ഇടക്ക് പച്ചിലകമ്പോസ്റ്റ് കൊടുക്കുന്നത് നല്ലതാണ്. രാസകീടനാശിനിപ്രയോഗം ഒഴിവാക്കുക തന്നെ ചെയ്യണം. ജൈവവളം കൂടുതല്‍ നല്‍കി ഉല്‍പാദിപ്പിക്കുന്ന കായകള്‍ വളരെക്കാലം കേടുകൂടാതെ സൂക്ഷിക്കാന്‍ കഴിയും.

സ്വന്തമാവശ്യത്തിന് ജൈവവളം മാത്രം ഉപയോഗിച്ചു കൃഷി വിളയിച്ചെടുത്താല്‍ വര്‍ഷം മുഴുവന്‍ ഇവ സൂക്ഷിക്കാന്‍ കഴിയും. ചെടികള്‍ പടരാന്‍ തുടങ്ങുമ്പോള്‍ മരച്ചില്ലകളോ കരിയിലയോ കവുങ്ങിന്‍ പട്ടയോ നിലത്തു വിരിച്ചുകൊടുക്കേണ്ടതാണ്. വേനല്‍ക്കാലത്ത് തടത്തില്‍ പുതയിടണം. ആഴ്ചയില്‍ രണ്ടു തവണയെങ്കിലും നനച്ചു കൊടുക്കുകയും വേണം. കായീച്ച, ഇലത്തുള്ളന്‍, ഏപ്പിലാക്‌ന വണ്ട്, വെള്ളീച്ച തുടങ്ങിയവയാണ് വെള്ളരിവര്‍ഗങ്ങളെ പ്രധാനമായും ആക്രമിക്കുന്ന കീടങ്ങള്‍. മൊസേക്ക്, ഇലപ്പുള്ളി, മൃദുചീയല്‍ തുടങ്ങിയവയാണ് വെള്ളരിവര്‍ഗവിളകളില്‍ കാണുന്ന പ്രധാനരോഗങ്ങള്‍. കായീച്ചയെ കെണിയൊരുക്കി നിയന്ത്രിക്കാവുന്നതാണ്. വാഴപ്പഴവും ശര്‍ക്കരയും ഒരു നുള്ള് ഫ്യൂറഡാനും ചേര്‍ത്തു കുഴച്ചു കുഴമ്പുപരുവത്തിലാക്കി ചിരട്ടകളിലാക്കി കൃഷിയിടത്തിന്റെ പലയിടങ്ങളില്‍ സ്ഥാപിച്ചാണു കെണിയൊരുക്കുക. വെള്ളരി വര്‍ഗങ്ങളില്‍ വൈറസിന്റെ അക്രമണം മൂലം ഇല മഞ്ഞളിച്ച് ചെടി മുഴുവന്‍ വ്യാപിക്കുന്നത് പ്രധാന പ്രശ്നമാണ്. ഈ വൈറസിനെ ഒഴിവാക്കാന്‍ വേപ്പധിഷ്ടിത കീടനാശിനികളോ, വേപ്പിന്‍ കുരു സത്തോ രണ്ടാഴ്ചയിടവിട്ട് ഇലകളില്‍ തളിച്ച് കൊടുക്കുക.

ഇലകളില്‍ കുരുടിപ്പ് ഉണ്ടാകുന്നത് വെള്ളീച്ചയുടെ ആക്രമണം കൊണ്ടാണ്. ഇതിനു വെളുത്തുള്ളി നീര് നേര്‍പ്പിച്ച് തളിച്ചാല്‍ ആക്രമണം കുറയും. ചാണകക്കുഴമ്പും ഗോമൂത്രവും നേര്‍പ്പിച്ച് തളിച്ചാല്‍ വളര്‍ച്ചയും കരുത്തും കൂടുകയും ചെയ്യും. അത്യുല്‍പാദന ശേഷിയുള്ള വിത്തുകള്‍ ഉപയോഗിച്ച് കൃഷി ചെയ്താല്‍ ഒരു സെന്റില്‍ നിന്ന് 80 കിലോ വെള്ളരി ലഭിക്കും. ഇളംപ്രായത്തില്‍ കറികള്‍ക്ക് വേണ്ടവ വിളവെടുക്കാവുന്നതാണ്. ഏകദേശം വിത്ത് നട്ട് രണ്ടു മാസം കഴിയുമ്പോള്‍ വിളവെടുക്കാന്‍ തുടങ്ങാവുന്നതാണ്. വളരെ കാലം സൂക്ഷിച്ചു വയ്ക്കണമെങ്കില്‍ നന്നായി മൂത്തതിനു ശേഷം എടുത്തുവെക്കുക.

വിഷവിമുക്തമായ ശുദ്ധമായ പച്ചക്കറികള്‍ ഉപയോഗിക്കുകയും ചെയ്യാം.

വീട്ടില്‍ നടാവുന്ന ചില കൊതുക്‌ നാശിനി സസ്യങ്ങള്‍.

2019-05-06T17:29:00.003+05:30

ചിലര്‍ കൊതുക്‌ നിവാരണത്തിനായി രാസവസ്‌തുക്കള്‍ ഉപയോഗിക്കാറുണ്ട്‌. ഇത്‌ ആരോഗ്യത്തിനും അന്തരീക്ഷത്തിനും ഒരുപോലെ ഹാനികരമാണ്‌. കൊതുകുകളെ പ്രകൃത്യാ നിയന്ത്രിക്കണമെന്ന്‌ ആഗ്രഹിക്കുന്നുവെങ്കില്‍ നിങ്ങളുടെ മുറ്റത്ത്‌ കൊതുകിനെ അകറ്റുന്ന ചില സസ്യങ്ങള്‍ നട്ടുവളര്‍ത്തുക. ഇവ കൊതുകുകളെ അകറ്റുന്നതിനൊപ്പം മുറ്റത്തിന്‌ ഭംഗിയും നല്‍കും.

1. റോസ്‌മേരി റോസ്‌മേരി സസ്യത്തില്‍ അടങ്ങിയിട്ടുള്ള എണ്ണ പ്രകൃതിദത്ത കൊതുക്‌ നാശിനിയായി പ്രവര്‍ത്തിക്കും. നാല്‌-അഞ്ച്‌ അടി വരെ പൊക്കത്തില്‍ വളരുന്ന ഇവയില്‍ നീലപൂക്കളാണുണ്ടാവുക. ചൂടുള്ള കാലാവസ്ഥയിലാണ്‌ ഇവ നന്നായി വളരുക. തണുപ്പുകാലം ഇവയ്‌ക്ക്‌ അതിജീവിക്കാന്‍ കഴിയില്ല അതിനാല്‍ ചൂട്‌ ലഭ്യമാക്കണം. അതിനാല്‍ ചെടിച്ചട്ടിയില്‍ നട്ട്‌ ശൈത്യകാലത്ത്‌ അകത്തേയ്‌ക്ക്‌ മാറ്റുക. ചൂട്‌ കാലത്ത്‌ കൊതുകുകളെ അകറ്റാന്‍ റോസ്‌മേരി നട്ട്‌ ചട്ടി മുറ്റത്ത്‌ എടുത്ത്‌ വയ്‌ക്കുക. റോസ്‌മേരി കൊതുക്‌ നാശിനി തയ്യാറേക്കണ്ട വിധം ഇങ്ങനെയാണ്‌: റോസ്‌മേരി സുഗന്ധതൈലം 4 തുള്ളി , കാല്‍കപ്പ്‌ ഒലീവ്‌ എണ്ണയില്‍ ചേര്‍ത്തിളക്കി തണുപ്പുള്ളതും ഉണങ്ങിയതുമായ സൂക്ഷിക്കുക. ആവശ്യമുള്ളപ്പോള്‍ ഉപയോഗിക്കുക.

2. ഇഞ്ചിപ്പുല്ല്‌ കൊതുകിനെ അകറ്റാന്‍ ഇഞ്ചിപ്പുല്ല്‌ വളരെ ഫലപ്രദമാണ്‌. ഇളം വയലറ്റ്‌ പൂക്കളോട്‌ കൂടിയ ഈ ചെടികള്‍ 2 മീറ്റര്‍ വരെ വളരും. ഇഞ്ചപ്പുല്ലില്‍ നിന്നെടുക്കുന്ന എണ്ണ മെഴുകുതിരി , സുഗന്ധദ്രവ്യം,റാന്തല്‍ , വിവിധ ഔഷധ ഉത്‌പന്നങ്ങള്‍ എന്നിവയില്‍ ഉപയോഗിക്കാറുണ്ട്‌. ഡെങ്കിപ്പനി ഉണ്ടാക്കുന്ന കൊതുകുകളെ നശിപ്പിക്കാന്‍ ഇഞ്ചിപ്പുല്ല്‌ നല്ലതാണ്‌.കൊതുകുകളെ അകറ്റുന്നതിന്‌ ഇഞ്ചിപ്പുല്ല്‌ എണ്ണ ഒഴിച്ച തിരികള്‍ കത്തിച്ച്‌ റാന്തല്‍ മുറ്റത്ത്‌ വയ്‌ക്കുക. ഫംഗസുകളെനശിപ്പിക്കാനുള്ള കഴിവും ഇഞ്ചിപ്പുല്ലിനുണ്ട്‌ ഇഞ്ചിപ്പുല്ല്‌ എണ്ണ ചര്‍മ്മത്തിന്‌ ദോഷകരമല്ല, ഏറെ നേരം ഇത്‌ ഉപയോഗിക്കാവുന്നതാണ്‌. പൊതുവില്‍ ദോഷവശങ്ങള്‍ കുറഞ്ഞ സസ്യമാണിത്‌.

3. ബന്തി(ചെണ്ടുമല്ലി)

പല ജീവികള്‍ക്കും ജന്തുക്കള്‍ക്കും മനുഷ്യര്‍ക്കും ഇഷ്ടപ്പടാത്ത ഒരു മണമാണ്‌ ഇവയ്‌ക്ക്‌ . ആറ്‌ ഇഞ്ച്‌ മുതല്‍ 3 അടി വരെ ഈ സസ്യങ്ങള്‍ വളരും.ബന്തിയില്‍ തന്നെ ആഫ്രിക്കന്‍, ഫ്രഞ്ച്‌ എന്നിങ്ങനെ രണ്ട്‌ തരം സസ്യങ്ങള്‍ ഉണ്ട്‌. ഇവ രണ്ടും കൊതുകുകളെ അകറ്റാന്‍ ഫലപ്രദമാണ്‌. പച്ചക്കറികള്‍ക്കൊപ്പവും ഇവ നടുന്നത്‌ മുഞ്ഞ പോലുള്ള പ്രാണികളെ അകറ്റാന്‍ സഹായിക്കും. മഞ്ഞ തൊട്ട്‌ കടും ഓറഞ്ച്‌, ചുവപ്പ്‌ വരെയള്ള വിവിധ നിറങ്ങളിലുള്ള പൂക്കള്‍ ഇവയിലുണ്ടാകും. സൂര്യനെ ഇഷ്ടപ്പെടുന്ന ചെടികളായതിനാല്‍ ഇവ തണല്‍ വരുന്ന സ്ഥലങ്ങളില്‍ നട്ടാല്‍ വളരാന്‍ താമസിക്കും. കൊതുകിനെ നിയന്ത്രിക്കാന്‍ ബന്തി ചെടികള്‍ മുറ്റത്തും തോട്ടത്തിലും മറ്റും നടുക.

4. കാറ്റ്‌നിപ്‌

പുതിന ഇനത്തില്‍ പെടുന്ന ഒരു സസ്യമാണ്‌ ഇവ. അടുത്തിടെയാണ്‌ ഇവ കൊതുകു നാശിനിയാണന്ന്‌ പ്രഖ്യാപിക്കപ്പെട്ടത്‌. ഡീറ്റിനേക്കാള്‍ പത്ത്‌ മടങ്ങ്‌ ഫലപ്രദമാണ്‌ ഇവയെന്നാണ്‌ അടുത്തിടെ നടന്ന പഠനത്തില്‍ കണ്ടെത്തിയിരിക്കുന്നത്‌. അനേക വര്‍ഷം നിലനില്‍ക്കുന്ന ഈ സസ്യങ്ങള്‍ മൂന്ന്‌ അടി വരെ വളരും. വെയില്‍ വീഴുന്ന അല്ലെങ്കില്‍ ഭാഗികമായി വെയില്‍ വീഴുന്ന സ്ഥലങ്ങളില്‍ വേണം ഇവ നടാന്‍. വെളുത്തതോ ഇളം വയലറ്റ്‌ നിറത്തിലോ ഉള്ള പൂക്കളാണ്‌ ഇവയില്‍ ഉണ്ടാവുക. കൊതുകുകളെയും മറ്റ്‌ പ്രാണികളെയും നിയന്ത്രിക്കാന്‍ ഈ സസ്യങ്ങള്‍ വീടിന്റെ പുറക്‌ വശത്ത്‌ നടുക. കാറ്റ്‌നിപ്പിന്റെ മണം പൂച്ചകള്‍ക്ക്‌ പ്രിയപ്പെട്ടതായതിനാല്‍ ഇവ സംരക്ഷിക്കാന്‍ ഇതിന്‌ ചുറ്റും വേലി കെട്ടുന്നത്‌ നല്ലതാണ്‌. കൊതുകുകളെ നശിപ്പിക്കാന്‍ വിവിധ രീതിയില്‍ ഈ സസ്യങ്ങള്‍ ഉപയോഗിക്കാം. ഇലകള്‍ ചതച്ചിട്ടും എണ്ണയായി ചര്‍മ്മത്തില്‍ പുരട്ടിയും ഇവ ഉപയോഗിക്കാം.

5. അജെരാറ്റം

മറ്റൊരു കൊതുക്‌ നാശിനി സസ്യമാണിത്‌. കൂമെറിന്‍ ഉത്‌പാദിപ്പിക്കുന്ന ഇളം നീല, വെള്ള നിറത്തിലുള്ള പൂക്കള്‍ ആണ്‌ ഇവയിലേത്‌. ഇതിന്റെ മണം കൊതുകുകളെ അകറ്റും. വിപണികളില്‍ ലഭിക്കുന്ന കൊതുക്‌ നാശിനികളിലും സുദന്ധദ്രവ്യങ്ങളിലും കൂമറിന്‍ സാധാരണയായി ഉപയോഗിക്കുന്നുണ്ട്‌. ചര്‍മ്മത്തിന്‌ ദോഷം ചെയ്യുന്ന അനാവശ്യ ഘടകങ്ങളും ഇവയില്‍ അടങ്ങിയിട്ടുള്ളതിനാല്‍ അജെരാറ്റം തേയ്‌ക്കരുത്‌. പൂര്‍ണമായോ ഭാഗികമായോ വെയില്‍ ഉള്ള സ്ഥലങ്ങളില്‍ വളരുന്ന ഈ സസ്യങ്ങള്‍ വേനല്‍ക്കാലത്താണ്‌ പൂക്കുന്നത്‌.

6. ഹോഴ്‌സ്‌ മിന്റ്‌

കൊതുകുകളെ നിയന്ത്രിക്കാന്‍ സഹായിക്കുന്ന മറ്റൊരു സസ്യമാണിത്‌. പ്രത്യേക പരിഗണനവേണ്ടാത്തതും അതേസമയം വളരെ വര്‍ഷം നില്‍ക്കുന്നതുമായൊരു സസ്യമാണിത്‌. ഇഞ്ചിപ്പുല്ലിന്റേതിന്‌ സമാനമായ മണമാണ്‌ ഇവയ്‌ക്കും. ചൂടുള്ള കാലാവസ്ഥയില്‍ മണല്‍പ്രദേശത്ത്‌ വളരുന്ന ഇവയില്‍ പിങ്ക്‌ പൂക്കളാണ്‌ ഉണ്ടാവുക. ഹോഴ്‌സ്‌ മിന്റിന്‌ ഫംഗസുകളെയും ബാക്ടീരിയകളെയും നശിപ്പിക്കാനുള്ള കഴിവുണ്ട്‌. പനിയ്‌ക്കുള്ള ഒരു ഔഷധം കൂടിയാണിവ.

7. വേപ്പ്‌

ചെറുപ്രാണികളെ അകറ്റാന്‍ ശേഷിയുള്ള വേപ്പ്‌ ശക്തമായൊരു കൊതുക്‌ നാശിനിയാണ്‌. വേപ്പ്‌ അടങ്ങിയിട്ടുള്ള നിരവധി കൊതുക്‌ നാശിനികളും ബാമുകളും വിപണിയില്‍ ലഭ്യമാണ്‌. കൊതുകുകളെ അകറ്റാന്‍ വേപ്പ്‌ വെറുതെ മുറ്റത്ത്‌ വളര്‍ത്തിയാല്‍ മതി. വേപ്പില പുകയ്‌ക്കുകയോ വേപ്പെണ്ണ മണ്ണെണ്ണ വിളക്കില്‍ ചേര്‍ക്കുകയോ ചെയ്യാം. കൊതുകുകളെ അകറ്റാന്‍ വേപ്പെണ്ണ ചര്‍മ്മത്തില്‍ പുരട്ടാം. കൊതുകുകളെ അകറ്റാനുള്ള വേപ്പിന്റെ സവിശേഷത മലേറിയയെ പ്രതിരോധിക്കാന്‍ വളരെ ഫലപ്രദമാണ്‌.

8.കര്‍പ്പൂര

വള്ളി കര്‍പ്പൂര വള്ളി കൊതുകുകളെ ഫലപ്രദമായി പ്രതിരോധിക്കും.ഇവ വളരുന്നതിന്‌ അധികം ശ്രദ്ധ നല്‍കേണ്ട ആവശ്യമില്ല. നാല്‌ അടി വരെ വളരുന്ന ഈ സസ്യങ്ങള്‍ക്ക്‌ ചൂടുള്ള കാലാവസ്ഥയാണ്‌ ആവശ്യം. രാസവസ്‌തുക്കള്‍ ഇല്ലാത്ത കൊതുക്‌ നാശിനി ഉണ്ടാക്കുന്നതിന്‌ കര്‍പ്പൂര തൈലം വെള്ളത്തില്‍ ചേര്‍ത്ത്‌ നേരിട്ട്‌ ചര്‍മ്മത്തില്‍ പുരട്ടാം. കൊതുകുകളെ നിയന്ത്രിക്കുന്നതിന്‌ കര്‍പ്പൂര വള്ളി ചട്ടികളില്‍ നട്ട്‌ ഇരിപ്പിടങ്ങള്‍ക്ക്‌ സമീപം വയ്‌ക്കുക. കൊതുകിനെ അകറ്റാന്‍ കര്‍പ്പൂര തൈലം കൈകളിലും കാലുകളിലും കഴുത്തിലും മറ്റും പുരട്ടാം.

9 തുളസി

കൊതുകുകളെ അകറ്റുന്ന മറ്റൊരു സസ്യം തുളസിയാണ്‌. ഇലകള്‍ ചതയ്‌ക്കാതെ തന്നെ സുഗന്ധം പരത്തുന്ന സസ്യമാണ്‌ തുളസി. കൊതുകുകളെ നിയന്ത്രിക്കുന്നതിന്‌ മുറ്റത്ത്‌ തുളസി നടുന്നത്‌ നല്ലതാണ്‌. കൈനിറയെ തുളസിയില എടുത്ത്‌ ചതച്ച്‌ ചര്‍മ്മത്തില്‍ പുരട്ടുന്നതും കൊതുകുകളെ അകറ്റാന്‍ സഹായിക്കും. ആഹാരത്തിന്‌ രുച ിപകരാനും ഇവ ഉപയോഗിക്കാറുണ്ട്‌. കൊതുകിനെ അകറ്റാന്‍ ഏത്‌ തരം തുളസിയും ഉപയോഗിക്കാം. എന്നാല്‍, നാരങ്ങ തുളസി, കറുവപ്പട്ട തുളസി തുടങ്ങിയവയാണ്‌ കൂടുതല്‍ ഫലപ്രദം.

10. ലെമണ്‍ ബാം

കൊതുകിനെ അകറ്റാന്‍ ഫലപ്രദമാണ്‌ ലെമണ്‍ ബാം. വളരെ വേഗം വളരുന്ന ലെമണ്‍ ബാം സസ്യത്തിന്‌ പടരാന്‍ സ്ഥലമാവശ്യമാണ്‌.ലെമണ്‍ ബാം ഇലകളില്‍ സിട്രോനെല്ലല്‍ ധാരാളം അടങ്ങിയിട്ടുണ്‌്‌. വിപണിയില്‍ ലഭിക്കുന്ന നിരവധി കൊതുക്‌ നാശിനികളില്‍ സിട്രോനെല്ലല്‍ അടങ്ങിയിട്ടുണ്ട്‌. വിവിധ തരം ലെമണ്‍ ബാമുകളില്‍ 38 ശതമാനം വരെ സിട്രോനെല്ലല്‍ അടങ്ങിയിട്ടുണ്ട്‌. കൊതുകുകളെ അകറ്റാന്‍ മുറ്റത്ത്‌ ഈ സസ്യം നട്ടു വളര്‍ത്തുക. കൊതുകുകളെ അകറ്റി നിര്‍ത്താന്‍ ചര്‍മ്മത്തില്‍ ഇതിന്റെ ഇലകള്‍ ചതച്ച്‌ പുരട്ടുന്നതും നല്ലതാണ്‌.

കടപ്പാട്:- Malayalam boldsky.

വളച്ചായ

2019-05-06T17:27:00.002+05:30

പൊതുവേ പച്ചക്കറികൾക്ക്- ഉപയോഗിക്കാവുന്ന ദ്രാവക സാന്ദ്രീകൃത വളമാണ് വളച്ചായ. ഇത്- ഉണ്ടാക്കിയെടുക്കാനും എളുപ്പമാണ്.

തയ്യാറാക്കേണ്ട വിധം.
ചാണകം ‐ 5Kg.
ഗോമൂത്രം ‐ 10Ltr.
കടലപ്പിണ്ണാക്ക് ‐ ½ Kg.
വേപ്പിൻപിണ്ണാക്ക് - 1/2Kg.
ശർക്കര ‐ 1/2Kg
പാളയൻകോടൻ പഴം‐ 5nos.
ശുദ്ധ ജലം ‐ 50Ltr.

ഇവയിൽ ചാണകവും ഗോമൂത്രവും നന്നായി ഇളക്കിച്ചേർത്തതിനുശേഷം അതിലേക്ക്- കടലപ്പിണ്ണാക്ക‌്,- വേപ്പിൻപിണ്ണാക്ക്- എന്നിവ ചേർക്കുക. ശർക്കര ലായനിയും പാളയൻകോടൻ പഴം ചതച്ചതും ഇളക്കിച്ചേർക്കണം. അതിനുശേഷം 50 ലിറ്റർ വെള്ളം ചേർത്തിളക്കി, ഇത്രയും ലായനി സം-ഭരിക്കാവുന്ന ഒരു ടാങ്കിലൊഴിച്ച്- വായ്-ഭാഗം മൂടിക്കെട്ടിവയ്-ക്കുക. 10 ദിവസം- ഇളക്കിയും 10 ദിവസം- ഇളക്കാതേയും സൂക്ഷിക്കുക. അതിനുശേഷം നന്നായി ഇളക്കിയെടുത്ത്- പച്ചക്കറികളിൽ നേരിട്ട്- ഉപയോഗിക്കാവുന്നതാണ്.

പഞ്ചഗവ്യം
പശുവിന്റെ ചാണകവും പാലും തൈരും നെയ്യും മൂത്രവും ഉചിതമായ അനുപാതത്തിൽ കൂട്ടിച്ചേർത്ത്- ഉണ്ടാക്കുന്ന മിശ്രിതമാണ് പഞ്ചഗവ്യം. ചെടികളുടെ വളർച്ച വർധിപ്പിക്കുന്ന ജൈവഹോർമോൺ ആയും കീടങ്ങളെ പ്രതിരോധിക്കുന്നതിനും ഉപയോഗിച്ചുവരുന്നു. വൃക്ഷായുർവേദത്തിൽ സസ്യങ്ങളിലെ ഫലപ്രദമായ പഞ്ചഗവ്യം ഉപയോഗത്തെക്കുറിച്ച്- പരാമർശങ്ങൾ ഉണ്ട്.

തയ്യാറാക്കേണ്ട വിധം
പച്ചചാണകം ‐ 4Kg.
ഗോമൂത്രം ‐ 5Ltr.
പാൽ ‐ 1/2Ltr.
നെയ്യ്- ‐ 250grm.
തൈര്- ‐ 1/2Ltr.
പാളയംകോടൻ പഴം ‐ 2 Nos

പച്ചചാണകവും നെയ്യും നന്നായി ചേർത്ത്- ഇളക്കി പരുത്തിത്തുണി ഉപയോഗിച്ച്- വായ അടച്ചുകെട്ടി തണലിൽ നനയാതെ വയ‌്ക്കണം. 24 മണിക്കൂറിനു ശേഷം ഇതിലേക്ക്- ഗോമൂത്രം ഒഴിച്ച്- നന്നായി ഇളക്കി വീണ്ടും കെട്ടി 15 ദിവസം വയ്-ക്കണം. ഇതിലേക്ക്- പാൽ, തൈര്-, ഗോമൂത്രം, പഴം ചതച്ചത്- എന്നിവ അൽപ്പാൽപ്പമായി ചേർത്ത്- നന്നായി ഇളക്കിച്ചേർക്കുക. ഇത്- സൂര്യപ്രകാശത്തിൽനിന്ന് ഒഴിവാക്കി തണൽവച്ച്- ദിവസേന ഇളക്കണം. നല്ല വായുസഞ്ചാരം ലഭിക്കാനും സൂക്ഷ‌്മ ജീവികളുടെ വർധനവിനുമാണിത്-. 15 ദിവസത്തിനു ശേഷം അഞ്ചു മുതൽ പത്തിരട്ടി ശുദ്ധജലം ചേർത്ത്-്- നേർപ്പിച്ച്- ഇലകളിൽ നാലില പ്രായം മുതൽ ആഴ്ചയിൽ ഒരുവട്ടം എന്ന തോതിൽ തളിക്കാം.

കടപ്പാട് :- mathrubhumi /agriculture

പുലാസാന്‍: തേനിനെ വെല്ലുന്ന മധുരം

2019-03-09T11:29:00.000+05:30

കേരളത്തിലെ കാലാവസ്ഥയില്‍ നന്നായി വളരുന്ന ചെടിയാണ് ഫിലോസാന്‍. മലേഷ്യയാണ് ഈ പഴത്തിന്റെ ജന്മദേശം. കേരളത്തില്‍ പത്തനംതിട്ട, കോട്ടയം, ഇടുക്കി, തൃശൂര്‍ ജില്ലകളില്‍ ഫിലോസാന്‍ കൃഷി ചെയ്യുന്നുണ്ട്. കാഴ്ചയില്‍ മലേഷ്യന്‍ റംബൂട്ടാനോട് സാദ്യശ്യമുള്ള പഴമാണ് ഇത്.

നിത്യഹരിത വൃക്ഷമായ ഇതിന് 'പുലോസാന്‍' എന്നും വിളിപ്പേരുണ്ട്. ഫിലിപ്പീന്‍സില്‍ ഇത് 'ബുലാല' എന്ന പേരിലറിയപ്പെടുന്നു.

'പുലാസാന്‍' എന്ന പേര് വന്ന വഴി.

പുലാസാന്‍' എന്നത് മലയന്‍ പദമാണ്. 'പുലാസ്' എന്നാല്‍ മലയന്‍ ഭാഷയില്‍ 'ചുറ്റിത്തിരിക്കുക' എന്നര്‍ത്ഥം. വിളഞ്ഞ പഴം വിളവെടുക്കുന്ന സമയത്ത് ഒരുകൈയില്‍ പഴം കുത്തനെ പിടിച്ച് മറുകൈ കൊണ്ട് കുപ്പിയുടെ അടപ്പ് തുറക്കുന്ന രീതിയില്‍ ഒന്ന് വട്ടം തിരിച്ചാണ് ഇത് അടര്‍ത്തിയെടുക്കുന്നത്. തോട് തന്നെ വട്ടത്തില്‍ മുറിഞ്ഞ് അടര്‍ന്നു പോരുന്ന ഈ വിളവെടുപ്പ് രീതിയില്‍ നിന്നാണ് ഈ മധുരഫലത്തിന് 'പുലാസാന്‍' എന്ന പേരു കിട്ടിയത്‌.

തേനിനേക്കാള്‍ മാധുര്യമേറിയതാണ് ഫിലോസാന്‍. ഫിലോസാന്റെ പുറംതോടിന് നല്ല ചുവപ്പ് നിറവും ചക്കയുടെ മുള്ള് പോലെ കട്ടിയുള്ള ആവരണവുമുണ്ട്. ചെറിയ ഇലകളോട് കൂടിയ പഴക്കുലയില്‍ 10 മുതല്‍ 25 വരെ പഴങ്ങളുണ്ടാകും. ഒരു പഴത്തിന് 50-80 ഗ്രാം വരെ തൂക്കമുണ്ടാകും. മുള്ളുപോലെ ആവരണമുള്ള തൊണ്ടിനകത്താണ് വെണ്ണ നിറത്തിലുള്ള മൃദുലമായ കാമ്പ് . ഉള്ളില്‍ ചെറിയ വിത്തുമുണ്ട്. പഴത്തിന്റെ രണ്ടറ്റവും ഞെരിച്ചാല്‍ കാമ്പ് പുറത്തുവരും.

ഫിലോസാന്റെ ബഡ്ഡ് തൈകള്‍ നടാന്‍ കിട്ടും. ഇത് എല്ലുപൊടിയും ചാണകപ്പൊടിയും അടിവളമായി ചേര്‍ത്തൊരുക്കിയ കുഴിയില്‍ നടണം. തുടര്‍ന്ന് രണ്ടോ മൂന്നോ തവണ കൂടെ ഈ വളമിടല്‍ ആവര്‍ത്തിക്കാം. ഫെബ്രുവരി മാസത്തിലാണ് ഫിലോസാന്‍ പുഷ്പിക്കുന്നത്. ജൂണ്‍-ജൂലായ് മാസമാകുമ്പോള്‍ പഴങ്ങള്‍ വിളവെടുപ്പിന് പാകമാകും.

കട്ടിയേറിയ ഞെട്ടുള്ളതിനാല്‍ പഴം താനേ പൊഴിഞ്ഞു വീഴുകയില്ല. ബഡ്ഡു തൈകള്‍ മൂന്നാം വര്‍ഷം കായ്ക്കുമെങ്കിലും നന നിര്‍ബന്ധമാണ്. പ്രത്യേകിച്ച് വേനല്‍ക്കാലത്ത് വിത്തുപാകിയുണ്ടാക്കുന്ന തൈകള്‍ കായ്ക്കാന്‍ കൂടുതല്‍ കാലതാമസം ഉണ്ടാകുമെന്നതിനാല്‍ ബഡ്ഡു തൈകള്‍ക്കാണ് ഏറെ പ്രിയം. കീട-രോഗബാധ താരതമ്യേന കുറവാണ്. അതുകൊണ്ടുതന്നെ രാസവളങ്ങളും രാസകീടനാശിനികളും ഒഴിവാക്കിയുള്ള ജൈവകൃഷിക്ക് ഏറ്റവും ഇണങ്ങിയ ഒരു ഫലവൃക്ഷം കൂടിയാണിത്.

കേരളത്തിലെ വിപണിയില്‍ ഇന്ന് ഫിലോസാന് ആവശ്യക്കാരേറെയാണ്. ഫിലോസാന്‍ പച്ചയായി ഭക്ഷിക്കാന്‍ ഇഷ്ടപ്പെടുന്നവരും ധാരാളം. പച്ച ഫിലോസാന് ബദാമിന്റെ സ്വാദാണ്. കട്ടിയുള്ള പുറംതോടായതിനാല്‍ ഫിലോസാന്‍ പഴത്തിന് കുറേനാള്‍ ഫാം ഫ്രെഷ് ആയി നിലനില്‍ക്കാനും പ്രകൃതി കഴിവ് നല്‍കിയിരിക്കുന്നു.

കടപ്പാട്:- mathrubhumi / agriculture

ചെമ്പരത്തി പരിചരണം

2019-03-04T18:53:00.003+05:30

പ്രത്യേകിച്ച് ഒരു പരിചരണവുമില്ലാതെ വളരുകയും പൂക്കുകയും ചെയ്യുന്ന ചെടിയാണ് ചെമ്പരത്തി. എന്നാലും ചിട്ടയിൽ വളർത്തുമ്പോൾ ചില കാര്യങ്ങൾ ശ്രദ്ധിക്കാം.

1) വെള്ളം വാർന്നു പോകുന്ന മണ്ണ് വേണം.
2) ചെമ്പരത്തിക്ക് വളം നൽകുമ്പോൾ ഒരു ലെയർ മണ്ണും കോഴിക്കാഷ്ഠവും യോജിപ്പിച്ച് ചട്ടിയിലെ മണ്ണിൽ ചേർക്കാം.
3) പഴത്തൊലി നന്നായി ഉണക്കിപ്പൊടിച്ച് ചേർക്കാം. പൊട്ടാസ്യത്തിന്റെ അളവ് കൂടുതൽ വേണം.
4) പഴത്തൊലി വെള്ളത്തിൽ ഇട്ട് വെച്ച് ഒഴിച്ചു കൊടുക്കാം .
5) ഒന്നിടവിട്ട ദിവസങ്ങളിൽ വെള്ളം നൽകിയാൽമതി.
6) നല്ല വളമുണ്ടെങ്കിലേ നല്ല രീതിയിൽ പൂക്കളുണ്ടാകുകയുള്ളു.
7 ) മുകളിലത്തെ ലെയർ മണ്ണ് എടുത്ത് വളവുമായി യോജിപ്പിച്ച് ചട്ടിയിലെ മണ്ണിൽ ചേർക്കുന്നതാണ് നല്ലത്..
8 ) നല്ല വേനൽക്കാലത്തും നല്ല മഴക്കാലത്തും കൊമ്പുകോതൽ നടത്തരുത്.
9 ) സെപ്തംബർ - ഒക്ടോബർ ,കീടബാധ നന്നായി കാണപ്പെടും, പുഴുക്കളുണ്ടാകും. മീലിമൂട്ട ,വണ്ടുകൾ എന്നിവയും ആക്രമിക്കും.
10 ) വണ്ടുകളെയും പുഴുക്കളെയും എടുത്തുകളയുകയും മീലിമൂട്ടയ്ക്ക് സോപ്പുവെള്ളം സ്പ്രേ ചെയ്താൽ മതി.
11) കീടബാധയേറ്റാൽ പൂക്കളുടെ വലിപ്പം കുറയുകയും എണ്ണം കുറയുകയും ചെയ്യും.
12) തലയിൽ തേക്കുന്ന ഷാമ്പൂ രണ്ട് ടീസ്പൂൺ ഒരു ബോട്ടിൽ വെള്ളത്തിൽ ചേർത്ത് നന്നായി കുലുക്കുക. കീടബാധയേറ്റ ചെമ്പരത്തിയിൽ രണ്ടാഴ്ചയോളം സ്പ്രേ ചെയ്ത് കൊടുക്കുക.ഹാൻഡ് വാഷും വെള്ളത്തിൽ ചേർത്ത് സ്പ്രേ ചെയ്യാം. രാത്രി ഏഴുമണി കഴിഞ്ഞുള്ള സമയത്ത് സ്പ്രേ ചെയ്യുന്നതാണ് നല്ലത് .

Courtesy
Information from mathrubhumi/agriculture

കുമ്പളം കൃഷിരീതി.

2018-07-04T11:47:00.001+05:30

സാധാരണയായി രണ്ടുസമയങ്ങളിലാണ് കേരളത്തിൽ കുമ്പളം കൃഷിചെയ്തുവരുന്നത്. നനവിളയായി ജനുവരി-മാർച്ച് കാലങ്ങളിലും കുറഞ്ഞതോതിലുള്ള നനവിളയായി സെപ്തംബർ-ഡിസംബർ കാലങ്ങളിലും ഒരുസെന്റിന് 16-20 ഗ്രാം വിത്ത് ആവശ്യമായിവരുന്നു. സെന്റിന് കൂടിയാൽ 14 തടങ്ങളേപാടൂ. ഓരോ തടത്തിനും രണ്ടുമീറ്ററെങ്കിലും ഇടയകലം ആവശ്യമാണ്. ഓരോതടത്തിനും രണ്ടടിവ്യാസവും ഒരടിആഴവും ഉണ്ടായിരിക്കണം. മണ്ണ് നന്നായി കിളച്ചൊരുക്കിയതിനുശേഷം അതിലേക്ക് ചപ്പിലകൾ വിതറി കത്തിക്കണം. ഒരുസെന്റിലേക്ക് 50 കിലോ ചാണകപ്പൊടിയോ കംമ്പോസ്റ്റോ ആവശ്യമാണ്. ഇത്‌മേൽമണ്ണുമായികലർത്തി കുഴികളിലിട്ടതിനുശേഷം അതിൽ 50ഗ്രാം വേപ്പിൻപിണ്ണാക്ക്‌പൊടിച്ചത് 50ഗ്രാം കുമ്മായം എന്നിവയും ചേർത്തിളക്കി നനച്ചിടുക.

വിത്തുകൾ

കെ.എ.യു. ലോക്കൽ, ഇന്ദു, എന്നിവയാണ് മികച്ച കുമ്പളം ഇനങ്ങൾ. തമിഴ്‌നാട് കോയമ്പത്തൂർ കാർഷിക സർവകലാശാലയുടെ ഹെക്ടറിന് 25-30 ടൺ വിളവുകിട്ടുന്ന, മൂപ്പെത്തിയ കായകൾക്ക് കുറഞ്ഞത് 10 കിലോ വലിപ്പം വെക്കുന്ന കോ-1 മികച്ച കുമ്പളമാണ്. 140- 150 ദിവസമാണ് ഇതിന്റെ മൂപ്പ്. കോയമ്പത്തൂർ കാർഷിക സർവകലാശാലയുടെതന്നെ കോ-2 എന്നതിന് 2-3 കിലോഗ്രാം തൂക്കമേ വെക്കൂ. 120-130 ദിവസത്തെ മൂപ്പേ ഇതിനുള്ളൂ. ഹെക്ടറിന് 35 ടൺ വിളവുകിട്ടും അതിനാൽത്തന്നെ അധികം വാണിജ്യകർഷകരും തിരഞ്ഞെടുക്കുന്ന ഇനമാണിത്. നീളംകൂടിയ സാമാന്യം വലിപ്പമുള്ള എ.പി.എ.യു.- ശക്തി എന്നയിനം് ഹൈദരാബാദ് കാർഷിക സർവകലാശാലയുടേതാണ്. 140- 150 ദിവസമാണ് ഇതിന്റെ മൂപ്പ്. ഹെക്ടറിന് 30-35 ടൺ വിളവുകിട്ടും. നീളം കുറഞ്ഞ മുട്ടിന് മുട്ടിന് കായ്പിടിക്കുന്ന സുനാമിയെന്ന് അപരനാമമുള്ളയിനമാണ് വിപണിക്ക് നല്ലത്. സി.ഒ. -1 എന്നയിനവും പ്രചാരത്തിലുണ്ട്. ഒരു തടത്തിൽ നാലോഅഞ്ചോവിത്തുകൾ പാകി മുളപ്പിച്ചതിനുശേഷം മൂന്നില പരുവമായാൽ ഒരുതടത്തിൽ നല്ലകരുത്തുള്ള മൂന്നെണ്ണം മാത്രം നിർത്തി ബാക്കിപിഴുതുകളയണം.തീരെ മുളയ്ക്കാത്ത തടത്തിലേക്ക് ഇത് മാറ്റിനട്ടാലും മതി.

പന്തലിന്റെ ആവശ്യം കുമ്പളം കൃഷിയിൽ ഇല്ല. മഴക്കാലത്ത് പുരയിടകൃടിയിൽ പന്തലൊരുാം. എന്നാൽ പന്തലിന് നല്ല ഉറപ്പില്ലെങ്കിൽ കുമ്പളം മൊത്തം കായ്ക്കാൻ തുടങ്ങുമ്പോൾ ഭാരം കൂടി പന്തൽ ഒടിഞ്ഞുവീണ് കൃഷിമൊത്തം നശിച്ചുപോവും. മുള, കവുങ്ങ്. എന്നിങ്ങനെയുള്ളവയാണ് സാധാരണയായി പന്തൽകെട്ടാനുപയോഗിക്കാറ്. ചെടിവളർന്നു പടരാൻതുടരുന്ന സമയത്താണ് ആദ്യത്തെ മേൽവളപ്രയോഗം നടത്തേണ്ടത്. മേൽവളമായി ചാണകപ്പൊടിയോ കംപോസ്‌റ്റോ 30 കിലോഗ്രാം പൊടിയാക്കി തടത്തിലിട്ട് നന്നായിനനച്ചുകൊടുക്കണം. പിന്നീട് വള്ളിവീശുമ്പോഴും പൂവിടുമ്പോഴും മേൽവളം നൽകാവുന്നതാണ് കൂടാതെ ഗോമൂത്രം പത്തിലൊന്നാക്കി നേർപ്പിച്ചതോ ബയോഗ്യാസ് സ്ലറിയോ തടത്തിലൊഴിച്ചുകൊടുക്കാവുന്നതാണ്. കടലപ്പിണ്ണാക്ക് പുതർത്തി ചാണകത്തെളിയുടെകൂടെ ഒഴിച്ചുകൊടുക്കാം. പന്തലിൽ വളർത്തുമ്പോൾ പ്രധാനവള്ളി പന്തലിൽ കയറിക്കഴിഞ്ഞാൽ പന്തലിലല്ലാതെ ചുവട്ടിലെ വള്ളിയിൽ പൊട്ടിവരുന്ന ചെറുവള്ളികൾ നശിപ്പിച്ചുകളയണം എന്നാൽ മാത്രമേ നിറച്ചും കായപിടുത്തമുണ്ടാവൂ.

രോഗങ്ങളും കീടങ്ങളും സാധാരണ വെള്ളരിവർഗ വിളകൾക്കു വരുന്ന കീടങ്ങൾ തന്നെയാണ് കുമ്പളത്തിനെയും ബാധിച്ചുകാണാറ്. കായീച്ച, എപ്പിലാക്‌സ് വണ്ട് , ഏഫിഡുകൾ, വെള്ളീച്ച, കായ്തുരപ്പൻപുഴു എന്നിവയാണ് കുമ്പളത്തെ ബാധിക്കുന്ന പ്രധാന കീടങ്ങൾ. വേരുചീയൽ രോഗം, മൊസൈക്ക്‌രോഗം, പൂപ്പൽ രോഗം, ഇലപ്പുള്ളിരോഗം എന്നിവയാണ് മറ്റ് പ്രധാനരോഗങ്ങൾ.

കായ ചെറുതായി വന്നുതുടങ്ങുമ്പോൾത്തന്നെ പോളിത്തീൻ കവറുകൊണ്ടോ കടലാസുകൊണ്ട് കുമ്പിൾ കുത്തിയോ അവയെ സംരക്ഷിച്ചാൽ ഇലതീനിപ്പുഴു, കായ്തുരപ്പൻ പുഴു എന്നിവയിൽ നിന്ന് അവയെ സംരക്ഷിക്കാം. വെള്ളീച്ചകളെയും മറ്റ് ശലഭപ്പുഴുക്കളെയും പ്രതിരോധിക്കാൻ നമുക്ക് മഞ്ഞക്കെണി, പഴക്കെണി, തുളസിക്കെണിയെന്നിവയും വേപ്പെണ്ണ എമെൽഷൻ, വെളുത്തുള്ളി ബാർസോപ്പ് മിശ്രിതം എന്നിങ്ങനെയും തളിച്ചുകൊടുക്കാം. ഇലതീനിപ്പുഴുക്കളെ ശേഖരിച്ച് നശിപ്പിക്കാം.

എപ്പിലാക്‌സ് വണ്ടുകളെ കൈവലയുപയോഗിച്ച് ശേഖരിച്ച് നശിപ്പിക്കാം. മിത്രപ്രാണികളെയുപയോഗിച്ചും വേപ്പെണ്ണ എമെൽഷൻ, പെരുവലം സത്ത്, വേപ്പെണ്ണ-വെളുത്തുള്ളി മിശ്രിതം എന്നിവയുപയോഗിച്ചും വണ്ടിനെ നിയന്ത്രിക്കാം.

മൊസൈക്ക് രോഗം

മൊസൈക്ക് രോഗമാണ് കുമ്പളത്തെബാധിക്കുന്ന പ്രധാനരോഗം ഇത്പിടിപെട്ടാൽ പിന്നെ ആ ചെടി നശിപ്പിക്കുകയേ മാർഗമുള്ളൂ. ഇലകൾ മഞ്ഞനിറത്തിലായിച്ചുരുങ്ങുകയും കായ്പിടുത്തം തീരെക്കുറയുകയുമാണിതിന്റെ ലക്ഷണം.

രോഗംബാധിച്ചചെടികളെ നശിപ്പിക്കുക, രോഗബാധയില്ലാത്ത തോട്ടങ്ങളിൽ നിന്നുമാത്രം വിത്ത് ശേഖരിക്കുക, ആരോഗ്യമുള്ളചെടികൾ മാത്രം തടത്തിൽ നിർത്തുകയെന്നിവയാണിതിന് ചെയ്യാവുന്നത്. വേപ്പധിഷ്ഠിതകീടനാശിനികളുടെ ഉപയോഗം ആവണക്കെണ്ണ വെളുത്തുള്ളി മിശ്രിതം എന്നിവ രോഗം വരാതിരിക്കാനുള്ള മുൻകരുതലുകളായി തളിക്കാവുന്നതാണ്.

ഇലപ്പുള്ളിരോഗം

ഇലയുടെ അടിഭാഗത്ത് വെള്ളത്തിനാൽ നനഞ്ഞപോലെയുള്ളപാടുകളും അതിനെത്തുടർന്ന് ഇലയുടെ ഉപരിതലത്തിൽ മഞ്ഞക്കുത്തുകൾ പ്രത്യക്ഷപ്പെടുകയുമാണ് ഇതിന്റെ ലക്ഷണം പിന്നിട് ഈ മഞ്ഞക്കുത്തുകൾ വലുതായി ഇലമൊത്തം വ്യാപിച്ച് കരിഞ്ഞുണങ്ങുകയും ചെയ്യുന്നു. രോഗം കാണുന്ന ഇലകൾ നശിപ്പിക്കുകയും സ്യൂഡോമോണസ് ലായനി രണ്ടുശതമാനം വീര്യത്തിൽ ഇലകളുടെ ഇരുവശങ്ങളിലും വീഴത്തക്കവിധവും സമൂലവും തളിക്കുകയെന്നതാണിതിന്റെ പ്രതിരോധമാർഗങ്ങൾ.

ഔഷധഗുണങ്ങൾ

ശീതവീര്യമുള്ള ഇത് ശരീരകലകളെതണുപ്പിക്കാൻ കാരണമാകുന്നു. ഇളവനെന്ന ഇളം കുമ്പളം ആയുർവേദത്തിൽ വിരശല്യത്തിന്റെയും പ്രമേഹത്തിന്റെയും പ്രധാന മരുന്നാണ്. പിത്താശയസംബന്ധിയായ അസുഖങ്ങൾക്കും മൂത്രാശയസംബന്ധമായ അസുഖങ്ങൾക്കും ഔഷധമാണ്.കാൽസ്യം, ചെമ്പ്, സൾഫർ, പൊട്ടാസ്യം, ഫേസ്ഫറസ്, ഇരുമ്പ്, മഗ്നീഷ്യം, എന്നീമൂലകങ്ങൾ കുമ്പളത്തിൽ അടങ്ങിയിരിക്കുന്നു. കൂടാതെ വാറ്റാമിൻ എ., തയാമിൻ, റൈബോഫ്‌ളാവിൻ, വിറ്റാമിൻ സി, അന്നജം, കൊഴുപ്പ് എന്നിവയുമുണ്ട്. നികോട്ടിനിക് അമ്ലം, ഓക്‌സാലിക് അമ്ലംഎന്നിവയും കുമ്പളത്തിൽ അടങ്ങിയിരിക്കുന്നു.

പോഷകഗുണത്തിലും ഔഷധഗുണത്തിലും മുൻപന്തിയിൽ നിൽക്കുന്ന ഈപച്ചക്കറിയിനത്തിന്റെ ഒരു തടമെങ്കിലും നമുക്ക് വീട്ടിൽ വളർത്താം.

മധുരക്കിഴങ്ങ്

2018-07-04T11:36:00.000+05:30

മഴയെ മാത്രം ആശ്രയിച്ച് മധുരക്കിഴങ്ങ് വള്ളികൾ നട്ടുവളർത്തേണ്ട കാലമാണിത്. കേരളത്തിൽ ജൂൺ-ജൂലായ് മാസങ്ങളിൽ കാലവർഷത്തോടൊപ്പവും സെപ്തംബർ ഒക്‌ടോബർ മാസങ്ങളിൽ തുലാവർഷത്തോടൊപ്പവുമാണ് മധുരക്കിഴങ്ങിന്റെ മഴയെ ആശ്രയിച്ചുള്ള കൃഷിക്കാലം. നനയ്ക്കാനുള്ള സൗകര്യമുണ്ടെങ്കിൽ ജനുവരി മുതലുള്ള വേനൽ മാസങ്ങളിലും കിഴങ്ങുനടാം.മരച്ചീനിയെപ്പോലെത്തന്നെ തെക്കേ അമേരിക്കയിൽ ജനിച്ച് ലോകമാകമാനം പടർന്ന ഒരു വിളയാണ് ചക്കരക്കിഴങ്ങെന്നും പറയപ്പെടുന്ന നമ്മുടെ മധുരക്കിഴങ്ങ്. ഇന്ന ്‌ലോകത്തിലെ പഞ്ചസാരയുടെ ഉറവിടവും പ്രധാന ഭക്ഷ വസ്തുവുമാണ് അന്നജത്തിന്റെയും പ്രോട്ടീന്റെയും വിറ്റാമിൻ എ യുടെയും കലവറയായ ഈ കിഴങ്ങ്. മധുരക്കിഴങ്ങിന്റെ വള്ളികളും കിഴങ്ങുകളും നടീൽവസ്തുക്കളായി ഉപയോഗിക്കാം. കിഴങ്ങുകളാണെങ്കിൽ നന്നായി മൂപ്പെത്തിയതും എന്നാൽ, രോഗകീടബാധതീരെയില്ലാത്തതുമായ മധുരക്കിഴങ്ങ് വിത്തായി മാറ്റിവെക്കാം ഇങ്ങനെ മാറ്റുന്നത് വിളവെടുത്തതിനുശേഷം തിരഞ്ഞു അടയാളപ്പെടുത്തിവെക്കണം. തണുപ്പുള്ള ഷെഡ്ഡിൽ കുഴിയുണ്ടാക്കി സൂക്ഷിക്കുന്ന രീതിയാണ് നല്ലത് ഇങ്ങനെ തരംതിരിച്ചെടുക്കുന്ന വിത്തുകൾ കുമിൾനാശിനിയിലോ കീടനാശിനിയിലോ മുക്കിയെടുത്തു സൂക്ഷിച്ചാൽ കേടാകാതെയിരിക്കും. ലായനിയിൽമുക്കിയെടുത്ത് വെള്ളം വാർത്തതിനുശേഷം തണലത്ത് ഉണക്കിയെടുത്ത് കുഴികളിൽ ഈർച്ചപ്പൊടിയോ മണലോ നിരത്തി അതിനുമുകളിൽപരത്തി അതിനുമുകളിൽ പാണലിലകൊണ്ട് മൂടിയിടുന്നത് മധുരക്കിഴങ്ങ് ചുരുങ്ങിപ്പോകാതിരിക്കാനും കീടങ്ങൾ ആക്രമിക്കാതിരിക്കാനും നല്ലതാണ്.

കിഴങ്ങുകൾ നടുന്നതിന് മുമ്പ് സ്യൂഡോമോണസ് ലായനിയാലോ പച്ചച്ചാണകം കലക്കിയതിലോ മുക്കിയതിനുശേഷം തണലത്തുണക്കിയെടുക്കണം. ട്രൈക്കോഡർമ സമ്പുഷ്ട ചാണകപ്പൊടി, വേപ്പിൻ പിണ്ണാക്ക് എന്നിവയുടെ മിശ്രിതം വാരങ്ങളിലിട്ട് മൂടിയാൽ മണ്ണിലൂടെ പകരുന്ന പൂപ്പൽ രോഗങ്ങൾ, വിരകൾ, ചീയൽരോഗങ്ങൾ എന്നിവയെ പ്രതിരോധിക്കാം. ഇങ്ങനെ നട്ട കിഴങ്ങുകൾ മുളച്ചുപൊന്തിക്കഴിഞ്ഞ് 40 ദിവസംകഴിഞ്ഞാൽ ഒന്നാം തവാരണകളിൽ നിന്ന് 20-30 സെ.മീ. വരുന്ന വള്ളികൾ മുറിച്ച് മാറ്റി നടാവുന്നതാണ്.

വാരങ്ങളിൽ വള്ളികളാണ് നടുന്നതെങ്കിൽ 20-25 സെ.മീ. നീളമുള്ള വള്ളികൾ നടാം. തവാരണയുടെ നടുക്ക് വള്ളി വെച്ചതിനുശേഷം നടുഭാഗം മണ്ണിട്ടു മൂടുകയും രണ്ടറ്റവും മണ്ണിന് പുറത്തേക്ക് നിർത്തുകയും വേണം. വള്ളികൾ വേരുപിടിച്ച് ഇലകൾ പൊട്ടിവിരിയുന്നതുവരെ വാരങ്ങളിൽ നനവ് ആവശ്യമാണ്. എന്നാൽ മഴക്കാലത്ത് കൃഷിയിടത്തിൽ വെള്ളം കെട്ടിക്കിടക്കരുത്. വള്ളി ചീഞ്ഞുപോവും.വേനൽക്കാലത്ത് വള്ളികൾക്ക് മുളയ്്ക്കുന്നതുവരെ ഒന്നരാടം നനയ്ക്കണം. മുളച്ചുപൊന്തിയാലും് ആഴ്ചയിൽ രണ്ടു തവണയെന്നതോതിൽ നനയ്ക്കണം. വിളവെടുക്കുന്നതിന് നാലാഴ്ച മുമ്പ് നന നിർത്താം. പിന്നീട് വിളവെടുക്കുന്നതിന് രണ്ടുദിവസം മുമ്പ് ഒന്നുകൂടി നനയ്ക്കാം. അങ്ങനെ ചെയ്താൽ വിളവെടുപ്പ് എളുപ്പത്തിൽ ചെയ്യാം.

വള്ളികൾക്കിടയിലെ കളപറിക്കൽ പ്രധാനമാണ് ആദ്യ മാസങ്ങളിൽ രണ്ടാഴ്ച കൂടുമ്പോഴും പിന്നീട് നാലാഴ്ചകൂടുമ്പോഴും കള പറിക്കണം. വള്ളിത്തലകൾ നട്ടത് കൂടാതെ മണ്ണുമായി സമ്പർക്കം വരുന്നഭാഗത്തും വേരിറങ്ങും ഇങ്ങനെയായാൽ കിഴങ്ങിന്റെ ഫലം കുറയും അതിനാൽ വള്ളികൾ ഇടയ്ക്കിടെ എടുത്ത് മറിച്ചുവെക്കുന്നത് നല്ലതാണ്.

കിഴങ്ങുവർഗങ്ങളിൽ ഏറ്റവുമധികം മൂലകങ്ങളെ വലിച്ചെടുക്കുന്ന വിളയാണിത്. ജൈവകൃഷിയിൽ പച്ചിലവളവും ചാണകവും ചാരവും തന്നെയാണ് പ്രധാന്മായും ഉപയോഗിക്കുക. വള്ളിത്തലകൾ പൊന്തിവന്നാൽ കമ്മ്യൂണിസ്റ്റ് പച്ചയുടെ ഇലകൾകൊണ്ട് പുതയിടുന്നത്. തടത്തിലെ ഈർപ്പം നഷ്ടപ്പെടാതെ കാക്കാനും മധുരക്കിഴങ്ങിനെ ബാധിക്കുന്ന ചെല്ലിപോലുള്ള കീടങ്ങളെ തടയാനും ഉപകരിക്കും.സാധാരണ കിഴങ്ങുവർഗ വിളകൾക്കു വരുന്ന രോഗങ്ങളും കീടങ്ങളും തന്നെയാണ് മധുരക്കിഴങ്ങിനെയെയും ബാധിച്ചുകാണാറ്. കിഴങ്ങ് തുരന്ന് തിന്നു നശിപ്പിക്കുന്ന ചെല്ലിയാണ് മധുരക്കിഴങ്ങിനെ ബാധിക്കുന്ന പ്രധാന കീടം. വളർച്ചയെത്തിയ ചെല്ലികൾ തണ്ടുകളും കിഴങ്ങുകളും തുരന്ന് അവയിൽ പ്രവേശിക്കുകയും മുട്ടയിട്ട് പെരുകി പുറത്തിറങ്ങുന്ന കുഞ്ഞുങ്ങൾ മാംസളമായ ഭാഗം തിന്നുതീർത്ത് കിഴങ്ങിനെ പൊള്ള യാക്കുന്നു. നേരിയതോതിൽപോലും ഇതിന്റെ ആക്രമണംമധുരക്കിഴങ്ങിനെ കയ്പുള്ളതാക്കുകയും ഉപയോഗ ശൂന്യമാക്കുകയും ചെയ്യുന്നു. കീടാക്രമണം ചെറുക്കാൻ മുൻ വിളയുടെഅവശിഷ്ടങ്ങൾ പൂർണമായും നശിപ്പിക്കുക.

വിളവെടുക്കൽ

സാധാരണയിനങ്ങൾ 3-4 മാസത്തിനുള്ളിൽ വിളവെടുക്കാവുന്നതാണ്. ഇനങ്ങൾക്കനുസരിച്ച് ഇത് മാറാം. വിളവെടുപ്പിന് പാകമായാൽ ഇലകൾ മഞ്ഞനിറമാവും. കിഴങ്ങ് പാകമായതിന്റെ സൂചനയാണത്. ഒന്നോ രണ്ടോ കിഴങ്ങുകൾ പറിച്ചുനോക്കിയാൽ മൂപ്പ് മനസ്സിലാക്കാവുന്നതാണ്. വിളവെടുപ്പിന് ഒരു ദിവസം മുമ്പ് തടം നനയ്ക്കുന്നത് കിഴങ്ങ് കേടുകൂടാതെ പറിച്ചെടുക്കാൻ സഹായിക്കും. നല്ല മണ്ണാണെങ്കിൽ ഹെക്ടറിന് ശരാശരി 13.5 ടൺവരെ കിട്ടും.

ഔഷധഗുണങ്ങൾ

അന്നജത്തിന്റെ കലവറയായ മധുരക്കിഴങ്ങിൽ കാർബോ ഹൈഡ്രേറ്റ്, ഫൈബർ, കാൽസ്യം, പൊട്ടാസ്യം, ഇരുമ്പ്, മഗ്‌നീഷ്യം, സോഡിയം, സിങ്ക്, മാംഗനീസ്, ഫോസ് ഫറസ്, ചെമ്പ് എന്നീ മൂലകങ്ങളും അടങ്ങിയിരിക്കുന്നു. കൂടാതെ ബീറ്റാ കരോട്ടിനും അടങ്ങിയിരിക്കുന്നു. വിറ്റാമിൻ എ., വിറ്റാമിൻ സി, വിറ്റാമിൻ ബി-5, വിറ്റാമിൻ ബി-12, വിറ്റാമിൻ ബി-6, അന്നജം, കൊഴുപ്പ്, നാരുകൾ, എന്നിവയുടെയും മികച്ച കലവറയാണ് മധുരക്കിഴങ്ങ്.

ഇനങ്ങൾ

ഭദ്രകാളിച്ചുവല

കോട്ടയം ചുവല

ചിന്നവെള്ള

ചക്കരവള്ളി

ആനക്കൊമ്പൻ തുടങ്ങിയവ നാടൻ ഇനങ്ങളാണ്.

എച്ച്-1

എച്ച്-42

ശ്രീ നന്ദിനി

ശ്രീവർദ്ധിനി

ശ്രീ രത്ന

ശ്രീഭദ്ര

കാഞ്ഞാങ്ങാട്

ശ്രീ അരുൺ

ശ്രീ വരുൺ

ശ്രീ കനക എന്നിവ അത്യുത്പാദനശേഷിയുള്ള പുതിയ ഇനങ്ങളാണ്‌.

Thanks…ml.vikaspedia.in & Wikipedia

അസായ് പഴം.

2018-06-18T12:56:00.001+05:30

നമ്മുടെ കവുങ്ങുപോലൊരു ചെടിയിൽ നിന്നു പറിച്ചെടുക്കുന്ന കറുത്തുരുണ്ട കായകളാണ് പഴച്ചാർ ഉണ്ടാക്കാൻ ഉപയോഗിക്കുന്നത്. അസായ് പഴം എന്നാണ് ഇതിന്റെ പേര് കേരളത്തിന്റെ കാലാവസ്ഥയിലും നന്നായി വിളയുന്നതാണ് അസായ്പഴം. കറുത്തമുന്തിരിക്ക് സമാനമാണ് പഴം കാണാൻ. എന്നാലോ മുന്തിരിയേക്കാളും പല മടങ്ങ് ഗുണങ്ങൾ നൽകുന്നതാണ് അസായ് പഴം.

തൂക്കം കുറയ്ക്കാൻ.

അസായ് പഴത്തിന്റെ പാനീയം സ്ഥിരമായി ഭക്ഷണക്രമത്തിൽ ഉൾപ്പെടുത്തുന്നതുവഴി ദുർമേദസ് കുറയ്ക്കാൻ മാത്രമല്ല കഴിയുക. കൂടാതെ ശരീരത്തിന്റെ ഭാരം ആരോഗ്യകരമായി നിലനിർത്താനും കഴിയുന്നു. നമ്മുടെ ശരിരത്തിൽ കൊഴുപ്പടിയുന്നതിനെ തടയുകയാണ് അസായ് പഴത്തിന്റെ രാസഘടകങ്ങൾ ചെയ്യുന്നത്.

ത്വക്കിനെ കാക്കാൻ.

ത്വക്ക് സംരക്ഷണത്തിന് പറ്റിയ ഏറ്റവുംനല്ല പ്രകൃതിദത്ത എണ്ണയാണ് അസായ് പഴത്തിൽ നിന്ന് ലഭിക്കുന്നത്. ഇതിലടങ്ങിയിരിക്കുന്ന മികച്ച ആന്റി ഓക്‌സിഡെന്റാണ് ഇത്‌സാധ്യമാക്കുന്നത്. അസായ് പഴം ധാരാളം കഴിക്കുന്നവർക്ക് തൊലി നല്ല തിളക്കമുള്ളതായിത്തീരുന്നു. തെക്കേ അമേരിക്കയിലെ ജനങ്ങൾ ത്വക്‌രോഗത്തനുള്ള മരുന്നായും അസായ് പഴം കഴിച്ചുവരുന്നു.

ദഹനശക്തിക്ക്.

ദഹനപ്രക്രിയയെ സുഗമവും ശരിയായരീതിയിലും ആക്കി നിലനിർത്താൻ അസായ് പഴത്തിന്റെ ഡെറ്റോക്‌സിഫിക്കേഷൻ കപ്പാസിറ്റിക്ക് കഴിയുന്നു. കൂടാതെ ഇതിന്റെ ദഹനശക്തി വർധിക്കുന്ന നാരുകളും ഈ പ്രക്രിയയ്ക്ക് സഹായിക്കുന്നു.

പ്രതിരോധശേഷിക്കും ഹൃദയാരോഗ്യത്തിനും.

ഇതിലടങ്ങിയിരിക്കുന്ന പോളിഫെനോലിക്ക് സങ്കരം നല്ലരീതിയിലല്ലാതെ പ്രവർത്തിക്കുന്ന കോശങ്ങളെയും കലകളെയും

റിപ്പയർ ചെയ്യാൻ ശേഷിയുള്ളതാണ്. അതുകൊണ്ടുതന്നെ പ്രായമാവൽ പ്രക്രിയയെ സാവധാനത്തിലാക്കുന്നു. ഇതിലെ ആൻതോസൈനൻസും ആന്റിഓക്‌സിഡെന്റുകളും ഹൃദയത്തെ നന്നായി സൂക്ഷിക്കാൻ കെല്പുള്ളതാണ്.

തൈകൾ തയ്യാറാക്കലും കൃഷിയും.

കവുങ്ങുപോലുളള നീണ്ടുവളരുന്ന ഒരു സസ്യമാണ് അസായ് അരക്കേഷ്യ വിഭാഗത്തിൽപ്പെട്ട ഇതിന് അലങ്കാരപ്പനയോട് സാമ്യമുണ്ട് നന്നായിമൂത്തുവിളഞ്ഞകായകൾ പാകി മുളപ്പിച്ചാണ് അസായ് തൈകൾ ഉണ്ടാക്കയെടുക്കാറ് കേരളത്തിൽഎല്ലായിടത്തും അസായ് നന്നായി കായ്ക്കും്. നന്നായി മൂത്തകായകൾ ശേഖരിച്ചെടുത്ത് ഉടൻതന്നെ പോളിത്തീൻ കവറുകളിൽ നട്ട് മുളപ്പിച്ചെടുക്കണം. ഇവ പെട്ടെന്നു മുളയ്ക്കുമെന്നതിനാൽത്തന്നെ രണ്ടാഴ്ചകൊണ്ടുതന്നെ ഇവയുടെ മുളയക്കൽ ശേഷിയും നഷ്ടപ്പെടുന്നു. വേഗം കേടാകുന്ന പഴമാണിത് അതിനാൽ സംസ്‌കരിച്ച് സൂക്ഷിക്കണം. മുളച്ചുപൊന്തിയതൈകൾ മൂന്ന് നാലു മാസം പ്രായമാകുമ്പോൾ നല്ല നീർവാർച്ചയുള്ള നന്നായിവെയിൽ കിട്ടുന്ന സ്ഥലത്ത് മാറ്റിനട്ട് വളർത്തിയെടുക്കാം. ചെടിയുടെ ആദ്യകാലത്ത് വളർത്തിയെടുക്കാൻ കുറച്ച് ശ്രദ്ധ ആവശ്യമാണ്. പിന്നീട് വലിയ പരിരക്ഷ ആവശ്യമില്ല. ഉദ്യാനങ്ങളിൽ നടുമ്പോൾ 1-2 മീറ്റർ അകലം പാലിക്കാം.പോഷക സമ്പുഷ്ടവും മികച്ച പ്രതിരോധശേഷി കാണിക്കുന്നതുമായതിനാൽ അതിനെ കീടങ്ങളുംരോഗങ്ങളും ബാധിച്ചുകാണാറില്ല. അഥവാബാധിച്ചാൽതന്നെ കുരുന്നിലകളെ ബാധിക്കുന്ന ഫംഗസ് രോഗം മാത്രമേ വരൂ അതിനെ അസായ് സ്വയം തന്നെ പ്രതിരോധിക്കും. നീരൂറ്റിക്കുടിക്കുന്ന ചിലപ്രാണികൾ ഇലയും ഇളം തണ്ടും തിന്നുതീർക്കാറുണ്ട്. പഴങ്ങളെ പഴയീച്ചകളും ആക്രമിക്കാറുണ്ട് രണ്ടുവർഷംകൊണ്ടുതന്നെ 8-10Mtr. ഉയരംവെക്കുന്ന ഇത് നാലുവർഷംകൊണ്ടുതന്നെ പുഷ്പിക്കും.

അടയ്ക്ക പോലെത്തന്നെ കുലകുലകളായാണ കായകൾ് ഉണ്ടാവുക. അവ പാകമെത്തിയാൽ പഴുത്തു തുടുത്ത് നല്ല കറുപ്പു നിറമാകും. അപ്പോൾ പറിച്ചെടുത്ത് സംസ്‌കരിച്ച് സൂക്ഷിക്കുകയാണ് ചെയ്യാറ് ഒട്ടേറെ പ്രമുഖ കമ്പനികൾ ഇതിന്റെ പൾപ്പും സ്‌ക്വാഷും ജാമും നിർമിച്ച് ലോകമാകെ വിപണനം ചെയ്തുവരുന്നു. ഉയർന്ന അളവിൽ പോളി ഫിനോൾസ്, ഫെറ്റോകെമിക്കൽസ്, ധാതുക്കൾ എന്നിവയും അടങ്ങിയിരിക്കുന്ന ഈ പഴം കേരളത്തിലെ കാലാവസ്ഥയിൽ നന്നായി വളരും.

Thanks. http://ml.vikaspedia.in

വാളമര കൃഷി.

2018-06-18T12:43:00.001+05:30

സാധാരണയായി മഴക്കാലാംരംഭത്തിലാണ് കേരളത്തിൽ വാളമര കൃഷിചെയ്തുവരുത്. നനവിളയായി ജനുവരി-മാർച്ച് കാലങ്ങളിലും വേണമെങ്കിൽ നടാം. വാളമരയിൽ കുറ്റിച്ചെടിയായി വളരുന്ന ചെറിയ ഇനവും പത്തുമീറ്ററിലധികം നീളം വെച്ച് മരത്തിൽ പടർന്നുകയറുന്ന സാധാരണയിനവും കണ്ടുവരുന്നുണ്ട്. ഒരുസെന്റിന് 100 ഗ്രാം വിത്ത് ആവശ്യമായിവരുന്നു. സെന്റിന് കൂടിയാൽ 14 തടങ്ങളേപാടൂ. ഓരോ തടത്തിനും രണ്ടുമീറ്ററെങ്കിലും ഇടയകലം ആവശ്യമാണ്. ഓരോതടത്തിനും രണ്ടടിവ്യാസവും ഒരടിആഴവും ഉണ്ടായിരിക്കണം. മണ്ണ് നന്നായി കിളച്ചൊരുക്കിയതിനുശേഷം അതിലേക്ക് ചപ്പിലകൾ വിതറി കത്തിക്കണം. ഒരുസെന്റിലേക്ക് 50 കിലോ ചാണകപ്പൊടിയോ കമ്പോസ്റ്റോ ആവശ്യമാണ്. ഇത്‌മേൽമണ്ണുമായികലർത്തി കുഴികളിലിട്ടതിനുശേഷം അതിൽ 50ഗ്രാം വേപ്പിൻപിണ്ണാക്ക്‌പൊടിച്ചത് 50ഗ്രാം കുമ്മായം എന്നിവയും ചേർത്തിളക്കി നനച്ചിടുക. ചാക്കുകളിലാണ് നടുന്നതെങ്കിൽ മണൽ, മണ്ണ്, ചാണകപ്പൊടി എന്നിവ 3:3:3 എന്ന അനുപാതത്തിൽ കൂട്ടിക്കലർത്തി നിറച്ച് നന്നായി നനച്ചതിനുശേഷം വിത്ത്‌നടാം. നടുതിനുമുമ്പ് എട്ടുമണിക്കൂർ മുന്നെയെങ്കിലും വിത്ത് നനച്ചുവെക്കണം. നനച്ചതിനുശേഷം ചപ്പിലകൊണ്ട് പുതയിട്ടുകൊടുക്കണം. വിത്ത്മുളച്ചുവന്നാൽ പുതയൊഴിവാക്കാം. ചെടിവളർന്നു പന്തലിൽ കയറുന്നസമയത്താണ് ആദ്യത്തെ മേൽവളപ്രയോഗം നടത്തേണ്ടത്. മേൽവളമായി ചാണകപ്പൊടിയോ കംപോസ്‌റ്റോ പൊടിയാക്കി തടത്തിലിട്ട് നന്നായിനനച്ചുകൊടുക്കണം. പിന്നീട് വള്ളിവീശുമ്പോഴും പൂവിടുമ്പോഴും മേൽവളം നൽകാവുന്നതാണ് കൂടാതെ ഗോമൂത്രം പത്തിലൊന്നാക്കി നേർപ്പിച്ചതോ ബയോഗ്യാസ് സ്ലറിയോ തടത്തിലൊഴിച്ചുകൊടുക്കാവുന്നതാണ്. കടലപ്പിണ്ണാക്ക് പുതർത്തി ചാണകത്തെളിയുടെകൂടെ ഒഴിച്ചുകൊടുക്കാം. പ്രധാനവള്ളി പന്തലിൽ കയറിക്കഴിഞ്ഞാൽ പന്തലിലല്ലാതെ ചുവട്ടിലെ വള്ളിയിൽ പൊട്ടിവരുന്ന ചെറുവള്ളികൾ നശിപ്പിച്ചുകളയണം. വള്ളി പടർന്നുകയറി നാലു മാസത്തിനുള്ളിൽ വിളവെടുക്കാം. നല്ലഇളം പ്രായത്തിൽത്തന്നെ കായ പറിച്ചുപയോഗിക്കാൻ ശ്രദ്ധിക്കണം.

രോഗങ്ങളും കീടങ്ങളും സാധാരണ പച്ചക്കറികൾക്കു വരുന്ന കീടങ്ങളൊന്നും വാളമരയെ ബാധിച്ചുകാണാറില്ല. കായീച്ച, എപ്പിലാക്‌സ് വണ്ട് എന്നിയാണ് കുറച്ചെങ്കിലും ബാധിക്കാറ.് വേരുചീയൽ രോഗം, പുപ്പൽ രോഗം, ഇലപ്പുള്ളിരോഗം എന്നിങ്ങനെയുള്ള രോഗങ്ങളും ചിലപ്പോൾ ബാധിക്കാറുണ്ട്.കായ ചെറുതായി വന്നുതുടങ്ങുമ്പോൾത്തന്നെ വേപ്പെണ്ണ എമെൽഷൻ, വെളുത്തുള്ളി ബാർസോപ്പ് മിശ്രിതം എിങ്ങനെയും തളിച്ചുകൊടുക്കാം. ഇലതീനിപ്പുഴുക്കളെ ശേഖരിച്ച് നശിപ്പിക്കാം. എപ്പിലാക്‌സ് വണ്ടുകളെ കൈവലയുപയോഗിച്ച് ശേഖരിച്ച് നശിപ്പിക്കാം. മിത്രപ്രാണികളെയുപയോഗിച്ചും വേപ്പെണ്ണ എമെൽഷൻ, പെരുവലം സത്ത്, വേപ്പെണ്ണ-വെളുത്തുള്ളി മിശ്രിതം എന്നിവയുപയോഗിച്ചും വണ്ടിനെ നിയന്ത്രിക്കാം.

പ്രകൃതി ദത്ത പ്രോട്ടീനിന്റെ ഒരു മികച്ച കലവറയാണ് വാളമര. ഇതിൽ കാർബോ ഹൈഡ്രേറ്റും അടങ്ങിയിരിക്കുന്നു. കാൽസ്യം, ചെമ്പ്, സൾഫർ, പൊട്ടാസ്യം, ഫോസ്ഫറസ്, ഇരുമ്പ്, മഗ്നീഷ്യം, എന്നീമൂലകങ്ങൾ ഇതിൽ അടങ്ങിയിരിക്കുന്നു. കൂടാതെ വാറ്റാമിൻ എ., തയാമിൻ, റൈബോഫ്‌ളാവിൻ, വിറ്റാമിൻ സി, അന്നജം, കൊഴുപ്പ് എന്നിവയും . അസ്‌കോർബിക്, അമിനോ ആസിഡുകൾ, എന്നിവയും നിയാസിനും വാളമരയിൽ അടങ്ങിയിരിക്കുന്നു.

കരിങ്കോഴി വളര്‍ത്തല്‍

2018-06-10T12:53:00.001+05:30

കഴിഞ്ഞ ഏതാനും വര്‍ഷങ്ങളായി കേരളത്തില്‍ ശ്രദ്ധ നേടിയെടുത്ത ഒരു മേഖലയാണ് വളര്‍ത്തുപക്ഷി വ്യവസായം. ഇറച്ചിക്കും മുട്ടയ്ക്കും അലങ്കാരത്തിനായുമാണ് സംസ്ഥാനത്ത് കോഴികളെ വളര്‍ത്തിയിരുന്നത്. നാടന്‍ കോഴികളില്‍ നിന്ന് ഇറച്ചിക്കോഴിയിലേക്ക് കൂടുമാറിയ വ്യവസായം ഇന്ന് ശ്രദ്ധ കേന്ദ്രീകരിക്കുന്നത് കരിങ്കോഴി വളര്‍ത്തുന്നതിലാണ്. മാംസത്തിനും മുട്ടയ്ക്കും പോഷകമൂല്യവും ഔഷധഗുണവുമുണ്ടെന്നുള്ള കണക്കുകൂട്ടലാണ് കരിങ്കോഴിയ്ക്ക് സംസ്ഥാനത്ത് ആവശ്യക്കാരെ കൂട്ടുന്നത്. കരിങ്കോഴി മുട്ടയൊന്നിന് 30 മുതല്‍ 40 വരെ വില ലഭിക്കുകയും ആറുമാസം വരെ പ്രായമുള്ള കോഴിയൊന്നിന് 600 രൂപയ്ക്ക് വിപണിയില്‍ വാങ്ങാനാളുണ്ടെന്നതും കരിങ്കോഴി (കടക്നാഥ്) വളര്‍ത്തലിനെ പ്രോത്സാഹിപ്പിക്കുന്ന ഘടകങ്ങളാണ്. കരിങ്കോഴി വളര്‍ത്തുന്നവര്‍ അറിഞ്ഞിരിക്കേണ്ട പ്രധാന കാര്യങ്ങളാണ് തീറ്റയും വിപണി സാധ്യതയും.

കോഴിത്തീറ്റ

സാധാരണ മുട്ടക്കോഴിക്ക് നല്‍കുന്നതുപോലെ കരിങ്കോഴിക്ക് തീറ്റയായി അരി, ഗോതമ്പ് എന്നിവ നല്‍കാം. ചോളം, സോയ, മീന്‍പൊടി, ചോളപൊടി, കക്ക എന്നിവ ചേർത്ത് നന്നായി മിക്സ് ചെയ്ത് നൽകിയാൽ മുട്ട ഉത്പാദനം കുടും; കറിയുപ്പ് കൂടി ചേര്‍ക്കാം.തീറ്റയില്‍ പൂപ്പല്‍ പിടിക്കാതിരിക്കാന്‍ പ്രത്യേകമായി ശ്രദ്ധിക്കണം അല്ലെങ്കില്‍ അഫ്ലാടോക്‌സിന്‍ എന്ന ഫംഗസ് ബാധയുണ്ടാകും

തീറ്റയില്‍ കലര്‍ത്തി നല്‍കുന്ന മീന്‍പൊടിയില്‍ മണ്ണോ (പൂഴി) കടല്‍ കക്കകളുടെ കഷണങ്ങളോ ഉണ്ടാകാന്‍ പാടില്ല.

ചോളവും ചോളത്തവിടും ഉണക്കമുള്ളതായിരിക്കണം

തീറ്റ കൂടാതെ പച്ചിലകളും പച്ചപ്പുല്ലും പഴങ്ങളും ഭക്ഷണമായിക്കൊടുക്കാം.

ശ്രദ്ധിക്കേണ്ട മറ്റ് കാര്യങ്ങള്‍

10 എണ്ണം വളർത്താൻ ഉദ്ദേശിക്കുന്നു എങ്കിൽ ഒരു പൂവനും ഒമ്പത് പിടയും വാങ്ങി വളര്‍ത്താം

എല്ലാം ഒരേ പ്രായത്തിൽ ഉള്ളത് വാങ്ങുന്നതാണ് ഉചിതം

കോഴിയിനങ്ങളുടെ കലര്‍ച്ച ഒഴിവാക്കാനായി കരിങ്കോഴികളെ പ്രത്യേകമായി വളര്‍ത്തേണ്ടതാണ്

ആറ് മാസം മുതൽ മുട്ട ലഭിച്ചു തുടങ്ങും

കോഴിക്ക് കൊടുക്കേണ്ട മെഡിസിന കുറിച്ചും വാക്സിന് കുറിച്ചും മൃഗാശുപത്രികളില്‍ നിന്നും വിവരങ്ങൾ ലഭ്യമാണ്. കരിങ്കോഴി വളര്‍ത്തലിന് പ്രോത്സാഹനവുമായി ധാരാളം ഫാമുകളും സംഘങ്ങളും രംഗത്തുണ്ട്.

Thanks.mannira.in

കൂണ്‍കൃഷി.

2018-06-10T12:47:00.002+05:30

ഏറെ മുടക്കുമുതലില്ലാതെ തന്നെ നല്ല സമ്പാദ്യം ഉണ്ടാക്കാൻ കഴിയുന്ന വിളയാണ് കൂണ്‍. രുചിയുടെ കാര്യത്തില്‍ മുന്‍പന്തിയിലുള്ള കൂണിന്റെ പോഷകഗുണങ്ങളും ഔഷധഗുണങ്ങളും അവയെ ശ്രദ്ധിക്കപ്പെടുത്തുന്ന ഘടകങ്ങളാണ്. ഈ വിളയ്ക്ക് പ്രത്യേക പരിചരണമോ വളമോ നൽകേണ്ട ആവശ്യം വരുന്നില്ല. കൃഷി ചെയ്യാൻ മണ്ണ് പോലും ആവശ്യമില്ലെന്നത് മറ്റൊരു വസ്തുതകൂടിയാണ്. കേരളത്തില്‍ സുലഭമായി ലഭിക്കുന്ന വൈക്കോൽ, അറക്കപ്പൊടി എന്നിവ മാധ്യമമാക്കി കൃഷി ഫലപ്രദമായി പോഷിപ്പിക്കാവുന്നതാണ്.

കൂൺ കൃഷി എന്ന പേരുണ്ടെങ്കിലും യഥാർത്ഥത്തിൽ കൃഷി ചെയ്യുകയല്ല, മറിച്ച് കൂൺ വിത്ത് മുളച്ചുപൊന്തി വളർച്ചയുടെ വിവിധ ഘട്ടങ്ങളിൽ എത്താനുള്ള സ്വാഭാവിക പരിസ്ഥിതി ഒരുക്കുകയാണ് ഒരു കർഷകൻ ചെയ്യുന്നത്. വെളിച്ചം കടക്കാത്തവിധം ചായ്പിലോ ചെറിയ മുറിയിലോ കൃഷി ചെയ്താൽ ഏതാനും ആഴ്ചകള്‍ക്കുള്ളില്‍ ആയിരങ്ങള്‍ വരുമാനം ഉണ്ടാക്കാവുന്ന സംരംഭമാണ് കൂൺ കൃഷി. അണുബാധയില്ലാത്ത, തഴച്ചുവളർന്നു നല്ല വെളുത്ത കട്ടിയുളള കൂൺ വിത്ത് തിരഞ്ഞെടുക്കേണ്ടതാണ്. ഇടകലർത്തി തടം തയാറാക്കരുത് എന്നതാണ് ശ്രദ്ധിക്കേണ്ട മറ്റൊരു വസ്തുത.

കൂണുകൾ പലതരത്തിലുള്ള കേരളത്തിൽ ചിപ്പി കൂൺ, പാൽ കൂൺ എന്നിവയാണ് സജീവമായി കൃഷിചെയ്യുന്നത്. കൃഷി തുടങ്ങുന്നതിന് മുമ്പ് കട്ടിയുളള മഞ്ഞ നിറത്തിൽ ഉണങ്ങിയ വൈക്കോൽ, റബ്ബർ,മരപൊടി എന്നിവ പുതിയതും അണുമുക്തവുമാക്കി നല്ല വെള്ളത്തിൽ 7 – 12 മണിക്കൂർ കുതിർത്ത് 20 – 30 മിനിറ്റ് വരെ വെള്ളത്തിൽ തിളപ്പിക്കണം. കൂടാതെ അണുനശീകരണം പൂർണമാക്കാൻ ബാവിസ്ടിൻ ഫോർമാലിൻ മിശ്രിതം 75ppm + 500ppm എന്ന തോതിൽ എടുത്ത് മാധ്യമം 16 – 18 മണിക്കൂറെങ്കിലും മുക്കിവയ്ക്കണം. ഈർപ്പം ഇല്ലാത്ത മാധ്യമം ആയിരിക്കണം, കാരണം ഈർപ്പത്തിന്റെ സാന്നിദ്ധ്യം രോഗകീടബാധ കൂട്ടുന്നു. മഴക്കാലത്തും ഇതേ സാഹചര്യം ഉണ്ടാക്കുന്നു. ഈർപ്പം തങ്ങി നിന്ന് ഈച്ചയും വണ്ടും മറ്റും കൃഷിയെ നശിപ്പിക്കുന്നു.

ഇന്ന് മികച്ച രീതിയിലുള്ള കൂൺ കൃഷി പ്രചാരത്തിലുണ്ട്. അതിലൊന്നാണ് ഹൈടെക് മഷ്റൂം കൾട്ടിവേഷൻ. ഈ രീതി ടിഷ്യു കൾച്ചർ മാതൃകയാണ്.കൂൺകൃഷിക്ക് ഉണക്കിയ വൈക്കോൽ ചകിരിചോറ് എന്നിവ ശുദ്ധജലത്തിൽ ഇട്ടുവച്ച്, ശേഷം ആവിയിൽ പുഴുങ്ങണം. ഇത് തറയിൽ വെള്ളം വാർന്നു പോകാനായി വിതറിയിടണം. ശേഷം തടം തയ്യാറാക്കുന്നു. ഈർപ്പം തോന്നാൻ വണ്ണം എന്നാൽ മുറുക്കി പിഴിഞ്ഞാൽ ഒരു തുള്ളി വെള്ളം പോലും വീഴാതിരിക്കുകയും ചെയ്യുന്ന അവസ്ഥയിൽ ഒരു ബഡ്ഡായി തയാറാക്കിയ ശേഷമാണ് വിത്ത് പാകേണ്ടത്. വിതക്കുന്നത് പോളിത്തീൻ കവറുകളിൽ ആണ്. 2 ഇഞ്ച് കനത്തിൽ കുറയാതെ വൈക്കോൽ ബഡ്ഡായി വയ്ക്കുന്നു. ശേഷം ഒന്നൊതുക്കി കൂൺ വിത്തുകൾ തരിതരിയായി വിതറുന്നു. വിതറുമ്പോൾ മധ്യത്തിലാവാതെ മൂലകളെ കേന്ദ്രീകരിച്ച് കട്ടിയില്ലാത്ത രീതിയിൽ 6 തവണ വരെ ബാഗുകളിൽ വിത്ത് വിതറാം. വിതയ്ക്കൽ അവസാനിച്ചാൽ കവറിന്റെ തുറന്നഭാഗം നല്ല വണ്ണം മൂടികെട്ടി, വൃത്തിയുളള ആണി കൊണ്ട് 10 – 20 വരെ സുഷിരങ്ങൾ ഇടണം. ശേഷം നല്ല വായുസഞ്ചാരവും ആർദ്രതയുളള മുറികളിൽ തൂക്കിയിടാം. തറയിൽ ചരലോ മണലോ നിരത്തി കൂൺ മുറി ഒരുക്കാം. ദിവസേന വൃത്തിയാക്കുന്ന കൂട്ടത്തിൽ അണുബാധ ആരംഭിച്ച തടങ്ങൾ അതതു സമയങ്ങളിൽ തന്നെ നീക്കം ചെയ്യണം.വളർച്ച പ്രാപിച്ച കൂണുകളുടെ വിളവെടുപ്പ് കഴിഞ്ഞാൽ വിളയുടെ അവശിഷ്ടങ്ങൾ മാറ്റി വൃത്തിയാക്കി ബ്ളീച്ചിംഗ് പൗഡർ ലായനി തളിച്ച് മുറി ശുചിയാക്കണം. ഇങ്ങനെ ചെയ്താൽ പോലും ഈച്ചയും വണ്ടും കൂൺ മുറിയിൽ വരാറുണ്ട്. ഇതിനെ അകറ്റിനിർത്താൻ മുറിയുടെ ജനാലകൾ, വാതിൽ മറ്റ് തുറസ്സായ സ്ഥലങ്ങൾ എന്നിവ 25-40 മേഷ് വല കൊണ്ട് അടിക്കണം. ശേഷം മുറിക്കകത്തും നിലത്തും ആഴ്ചയിൽ 2 തവണയെങ്കിലും വേപ്പെണ്ണ സോപ്പ് മിശ്രിതം തളിക്കണം. കൃഷി അവസാനിച്ചാൽ തടങ്ങൾ മാറ്റി കൂൺ മുറി പുകയ്ക്കണം. 1.5% ഫോർമാലിനോ ഫോർമാലിൻ പൊട്ടാസ്യം പെർമാംഗനേറ്റ് മിശ്രിതമോ ഉപയോഗിക്കാം. വളർച്ചയെത്തിയ കൂണുകളെ 20 – 50 ദിവസങ്ങൾക്കകം വിളവെടുപ്പ് നടത്താം. അങ്ങനെ 55 – 75 ദിവസങ്ങളിൽ 3 തവണ വരെ വിളവെടുപ്പ് നടത്താവുന്നതാണ്. വീടിനുള്ളിലെ മുറിയിലോ ടെറസ്സിൽ ടാർപോളിൻ, ഷെഡ് നെറ്റ് തുടങ്ങിയവ കൊണ്ടു മറച്ച രീതിയിലും ഈ വിള സമൃദ്ധമായി കൃഷി ചെയ്യാവുന്നതാണ്.

കൂണുകൾ പലവിധമാണ്. പാൽ കൂൺ ജൂൺ ഡിസംബർ കാലയളവിലും ചിപ്പി കൂൺ ജനവരി മെയ് മാസങ്ങളിൽ ഉള്ള വേനൽക്കാലത്തും വളർത്താം.ഓരോ ഇനവും കാലാവസ്ഥക്കനുയോജ്യമായി വളരുന്നു. ചിപ്പി കൂണിന്റെ തന്നെ 5 ഇനങ്ങൾ കേരളത്തിൽ കൃഷി ചെയ്യാന്നുണ്ട്. 18-22 ദിവസങ്ങൾക്കുള്ളിൽ പ്ളൂറോട്ടസ് ഫ്ളോറിഡയും, ചാരനിറമുള്ള പ്ളൂറോട്ടസ് ഇയോസ്സ 22-25 ദിവസം കൊണ്ടും വിളവ് തരുന്നു. പ്ളൂറോട്ടസ് ഫ്ളോറിഡയാണ് കേരളത്തിൽ കൂടുതൽ കൃഷി ചെയ്യുന്നത്. കലോസിബ, ജംബൊസയും കേരളത്തിൽ ഒരു തുടർ കൃഷിക്ക് അനുയോജ്യമായ പാൽ കൂണിന്റെ ഇനങ്ങൾ ആണ്. ഒരു തടത്തിന് 2-3 കിലോ വൈക്കോൽ വേണ്ടിവരുന്നു.

Thanks Mannira.in

കോളിഫ്ലവർ കൃഷി

2018-06-10T12:10:00.000+05:30

ഗോബി എന്ന പേരില്‍ ഇന്ത്യയിലാകമാനം അറിയപ്പെടുന്ന കോളിഫ്ലവറിന് ആവശ്യക്കാരേറെയാണ്. ഇലകളാല്‍ ചുറ്റപ്പെട്ട് പൂവിനോട് സാമ്യം തോന്നിപ്പിക്കുന്ന നടുഭാഗമാണ് ഭക്ഷ്യയോഗ്യം. വര്‍ഷത്തില്‍ രണ്ട് കാലങ്ങളിലായി കൃഷിചെയ്യുന്ന കോളിഫ്ലവർ രാജ്യത്തിന്റെ വിവിധ ഭാഗത്തെ വിപണികളില്‍ ധാരാളമായി വിറ്റഴിക്കപ്പെടുന്നുണ്ട്. ശരീരത്തിനാവശ്യമായ പ്രതിരോധ ശകതി പകരുന്നതിനോടൊപ്പം, രക്തത്തിലുണ്ടാകുന്ന കൊഴുപ്പിനെ (Cholesterol) നിയന്ത്രിക്കുന്നതിലും ഗോബി ശരിയായ പങ്കുവെക്കുന്നു എന്നാണ് കണ്ടെത്തല്‍.

മണലും കളിമണ്ണും അടങ്ങിയ മണ്ണാണ് ആദ്യഘട്ട കൃഷിക്കനുയോജ്യം രണ്ടാ ഘട്ടത്തില്‍ കളിമണ്ണിന്റെ സാന്നിദ്ധ്യം ധാരാളമായുണ്ടാകുന്നത് ഗുണകരമാണ്. കൃഷി ആരംഭിക്കുന്നതിനു മുന്‍പ് മണ്ണ് ധാരാളമായി കിളച്ച് മറിച്ച് അയവും വായുസഞ്ചാരവും വരത്തക്ക വിധത്തിലാക്കിയെടുത്ത ശേഷമായിരിക്കണം കോളിഫ്ലവര്‍ കൃഷി തുടങ്ങേണ്ടത്. രണ്ട് ഘട്ടങ്ങളിലായി നാലുതവണ മണ്ണ് ഇളക്കി മറിക്കാം കൂട്ടത്തില്‍ ആവശ്യത്തിന് ജൈവവളവും ചേര്‍ക്കേണ്ടതാണ്. കാബേജ് കൃഷിയെക്കാളും കൂടുതല്‍ മണ്ണിളക്കി കൃഷി ചെയ്യേണ്ട ഒന്നാണ് കോളിഫ്ലവര്‍.

വിത്ത് മുളപ്പിച്ച് പറിച്ചു നടുന്ന രീതിയാണ് കോളിഫ്ലവര്‍ കൃഷിക്ക് പതിവായി അവലംബിക്കാറുള്ളത്. നഴ്‌സറി ബഡ്ഡുകളുപയോഗിച്ച് വര്‍ഷത്തില്‍ മൂന്ന് ഘട്ടമായി കൃഷി ചെയ്യുന്നതും സാധാരണമാണ്. ആദ്യഘട്ടം ആരംഭിക്കേണ്ടത് മെയ് മാസത്തിലോ ജൂണിലോ ആകാം, രണ്ടാം ഘട്ടം ജൂലൈ-ഓഗസ്റ്റ് മാസത്തിലേതെങ്കിലും ഒന്നിലാകാം, മൂന്നാം ഘട്ടം സെപ്റ്റംബര്‍-ഒക്ടോബര്‍ മാസത്തിലേതെങ്കിലും ഒന്നിലാകുന്നതും നന്നായിരിക്കും.

45 cm(45*45) അകലം പാലിച്ചായിരിക്കണം വര്‍ഷത്തെ ആദ്യതെ വിള, വൈകി തുടങ്ങുന്ന ഘട്ടത്തില്‍ 60 cm (60X60) ഒരു ചെടിയില്‍ നിന്ന് മറ്റ് ചെടിയിലേക്ക് അകലം പാലിക്കേണ്ടതാണ്. ജലസേചനവും വളരെയേറെ ശ്രദ്ധചെലുത്തിയായിരിക്കണം ചെയ്യേണ്ടത്. ആദ്യഘട്ട വിളയില്‍ 4 മുതല്‍ 7 ദിവസം വരെ ഇടവിട്ടും രണ്ടാംഘട്ട കൃഷിയില്‍ പത്ത് മുതല്‍ പതിനഞ്ച് വരെ ദിവസങ്ങള്‍ ഇടവിട്ടും ജലസേചനം നടത്താം.

കോളിഫ്ലവര്‍ പാകത്തിന് വളര്‍ച്ച നേടി എന്നുറപ്പ് വരുത്തിയതിന് ശേഷം ചെടിയില്‍ നിന്ന് മുറിച്ചെടുത്ത് വിപണിയിലേക്കയക്കാവുന്നതാണ്.

Thanks.mannira.

ചെറിമോള(പ്രകൃതിയുടെ ഒരു ഫ്രൂട്ട് സലാഡ്)

2018-06-05T09:21:00.003+05:30

അനോന ചെറിമോള എന്നാണ് ഈ അത്ഭുതഫലത്തിന്റെ പേര്. പ്രകൃതിയുടെ ഒരു ഫ്രൂട്ട് സലാഡ്. പൈനാപ്പിൾ, പേരക്ക, മാങ്ങ, ചക്ക, പപ്പായ, ആത്തച്ചക്ക, വാഴപ്പഴം എന്നിങ്ങനെയുള്ള വ്യത്യസ്ത പഴങ്ങളുടെ രുചിയാണ് ഈ പഴത്തിനുള്ളത്. ചെറിമോയ, ചിരിമുയ, മോമോന എന്നും ഇതിനെ വിളിക്കപ്പെടുന്നു. എന്തായാലും ആത്തച്ചക്കയുടെ കുടുംബക്കാരനായ ഫലമാണിത്. കേരളത്തിൽ ഹൈറേഞ്ചുകളിലാണ് ഇത് നട്ടുവളർത്തിവരുന്നത്. മൂന്നാറിലെ കാന്തല്ലൂരിൽ ഇതിന്റെ കൃഷിയുണ്ട്. രാജ്യവ്യാപകമായി സ്‌പെയിൻ, മെക്‌സിക്കോ, ഓസ്‌ട്രേലിയ എന്നിവിടങ്ങളിൽ നന്നായി കൃഷിചെയ്തുവരുന്ന ഇതിന്റെ നല്ല വിളവിന് 17-20 ഡിഗ്രി താപനിലയാണ് അനുകൂലം 30 ഡിഗ്രിവരെയുള്ളകാലാവസ്ഥയിലും ചെടി വളരുമെങ്കിലും കായ്പിടുത്തം തീരെയുണ്ടാകില്ല. സമുദ്രനിരപ്പിൽനിന്ന് 700 മുതൽ 2000 മീറ്റർ വരെയുള്ള പ്രദേശങ്ങളിൽ നന്നായി വളരുന്നു സമതലപ്രദേശങ്ങൾ ഇതിന്റെ കൃഷിക്ക് അനുയോജ്യമല്ല.

വളരെ വേഗത്തിൽ വളരുന്ന സ്വഭാവക്കാരനാണ് ചെറിമോള. ഇടത്തരം മരമായി വളരുന്ന ഇതിൽ നിറച്ചും ഇലകളുണ്ടാകും അഞ്ചുമുതൽ 25 സെ.മീ. വരെ വ്യാസമുണ്ടാകും. അറ്റത്തിൽ ചെറിയ പിളർപ്പോടെ പച്ചയും മഞ്ഞ കലർന്ന വട്ടയിലകളാണ് ഇതിനുണ്ടാവുക. മൂന്ന് സെന്റീമീറ്റർ വലിപ്പമുള്ള പിങ്ക് നിറത്തിലുള്ള പൂക്കളുടെയുള്ളിൽ മഞ്ഞയോ കാപ്പിയോ കലർന്ന കേസരങ്ങളുണ്ടാകും. ഒറ്റയേ്ക്കാ മൂന്നെണ്ണം നിറഞ്ഞതോ ആയാണ് പൂക്കളുണ്ടാകുക. വിത്തുപാകിയാണ് ചേറിമോള മുളപ്പിച്ചെടുക്കാറ്. വിത്ത് പാകിയാൽ അത് മുളച്ചു പൊന്താൻ ഒരു മാസമെങ്കിലുമെടുക്കും. കേരളത്തിലെ നഴ്‌സറികളിൽ ഒട്ടുതൈകളും കിട്ടും അങ്ങനെ കിട്ടുന്ന ഒട്ടുതൈകൾ മൂന്നുവർഷം കൊണ്ട് കായ്ക്കും. ഒരു മീറ്റർ നീളവും വീതിയും ആഴവുമുള്ള കുഴികളിൽ പോട്ടിങ് മിശ്രിതം നിറച്ച് അതിൽ തൈകൾ നടാം. പുതിയ ഇലകൾ വളർന്ന് തൈകൾ പിടിക്കുന്നതുവരെ ഒന്നരാടൻ നന നൽകാം. നന്നായി പടർന്നു വളരുന്നതിനാൽ ഓരോ തൈകൾക്കും ഇടയ്ക്ക് എട്ടുമീറ്റ്ർ അകലം നൽകണം. െചടികൾക്ക് നന്നായി സൂര്യപ്രകാശം ലഭിക്കണം. അടിവശത്തെ കൊമ്പുകൾ കോതി നിർത്തിയാൽ വേഗം ചെടികൾ കായ്ക്കും.

ഓരോ തടത്തിനും രണ്ടുകിലോ വെച്ച് ജൈവവളങ്ങൾ ഓരോ മാസത്തിലും നൽകാം.ആദ്യമൂന്നുവർഷം മാസത്തിൽ ഒരു തവണയെന്നനിലയിലും പിന്നീട് വർഷത്തിൽ രണ്ടുപ്രാവശ്യവും വളം ചേർക്കാം. വേനൽകാലത്ത് ആഴ്ചയിൽ ഒരിക്കൽ നനയ്ക്കുന്നത് നന്ന്. മഴക്കാലത്തും തണുപ്പുകാലത്തും നനയുടെ ആവശ്യമില്ല. തണുപ്പുള്ള കാലാവസഥയിലാണ് ചെറിമോള നന്നായി കായ്ക്കുക.

ഏപ്രിൽ -മെയ് മാസങ്ങളിലാണ് ചെറിമോളചെടികളിൽ പൂക്കളുണ്ടാവുക. ഒക്‌ടോബർ-നവംബർ മാസങ്ങളോടെ ഇത് മൂക്കുന്നു. മരത്തിൽ നിന്നുതന്നെ പഴുക്കാത്തതാണ് ഇതിന്റെ ഒരു ന്യൂനത. അതുകൊണ്ട് കർഷകർ പറിച്ചെടുത്ത് പഴുപ്പിക്കുകയാണ് ചെയ്യാറ്. മരത്തിൽ പറിക്കാതെ വെച്ചാൽ കായകൾ ഉണങ്ങിപ്പോകും. കായകൾക്ക് 500ഗ്രാം മുതൽ ഒന്നരക്കിലോവരെ തൂക്കമുണ്ടാകും. ഒരു മരത്തിൽ ഒരു തവണ 30 -50 കായകൾ ഉണ്ടാകും. ഇളം മഞ്ഞ നിറമുള്ള വെള്ള പൾപ്പാണ് നിറച്ചും കായകളിലുണ്ടാകുക. ഇടയ്ക്കിടയക്ക് ചെറിയ കറുത്തവിത്തുകളും കാണാം. ശരിക്കും പ്രകൃതിയുടെ ഫ്രൂട്ട് സലാഡാണ് ചേറിമോള. നമ്മുടെ ഹൈറേഞ്ചിലെ കൃഷിക്കാർക്ക് തോട്ടങ്ങളിൽ വളർത്തി ആദായമുണ്ടാക്കാം.