Elsa-Tech.net

Google Play tash punon në Vala dhe Ipko

noreply@blogger.com (Anonymous) — Fri, 06 Sep 2013 21:33:00 +0000

Më në fund është rregullua problemi i Google Play pasi qe për disa jave ky shërbim nuk ka qenë i mundur për shfrytëzuesit e SmartPhone-ve qe kane qene me Sim Kart te Vala-sa dhe Ipko-se

Kujdes

noreply@blogger.com (Anonymous) — Sun, 03 Mar 2013 17:20:00 +0000

Ju lutem keni kujdes nga kjo kur dikush ju ETIKETON (TAGG) sepse eshte nje virus mos e hapni por fshijeni... se shpejti edhe manuali si ta fshini virusin

Google Play nuk punon në Vala 900

noreply@blogger.com (Anonymous) — Sat, 02 Mar 2013 18:15:00 +0000

Për ju që keni Smartphone me Android, dhe keni filluar të keni probleme me Google Play, mos u frustroni dhe mos u brengoseni për funksionalitetin e smarthpone-in tuaj sepse, problemi nuk qëndron tek pajisja juaj.

Google Play nuk punon pothuajse qe një javë tek ata që janë klientët e Vales 900, për arsye se Google ka marrëveshje për shërbimet e Google Play me shtetet e EU-së, ku Monaco nuk është anëtare, andaj shërbimet janë të kufizuara.

Klientët e platformës IPKO, kanë qasje në Google Play.

Shpresojmë se brenda 2-3 javësh ky problem do të zgjidhet

HUAWEI ASCEND P2, 10 HERË MË I SHPEJTË SE IPHONE 5

noreply@blogger.com (Anonymous) — Fri, 01 Mar 2013 09:38:00 +0000

Prodhuesi i pajisjeve elektronike Huawei krenohet me telefonin e saj të ri inteligjent, Ascend P2 – një telefon që kompania e quan si më të shpejtin në botë.

Pajisja shumë e hollë, e cila është vetëm 7.8 milimetër vjen me një ekran 4.7-inç, sistem Android 4.1 dhe procesor 1.5GHz quad-core. Por në sajë të qarkut të tij 4G LTE Cat4, i cili siguron transferim të dhënash në internet me një shpejtësi deri në 150 Mbps, është dhjetë herë më i shpejtë se iPhone 5, komunikon kompania.

Pajisja është shumë e lehtë dhe përshtatet mirë në dorë, pavarësisht se është e madhe.

Për një vështrim të plotë të Ascend P2, shikoni videon

Apple përgatit produkte të reja?

noreply@blogger.com (Anonymous) — Thu, 28 Feb 2013 12:18:00 +0000

Drejtori ekzekutiv i kompanisë Apple, Tim Cook në mbledhjen e tij me investitorë ka deklaruar se Apple është duke kërkuar kategori të reja të produkteve të cilat do të jenë afatgjate.

Duke mos e thyer traditën e Apple, Cook nuk ka dhënë shumë detaje rreth projekteve të reja të kompanisë, mirëpo thashethemet e kohëve të fundit përputhen me vizionin e shfaqur nga drejtori i Apple.

Lajmi më i përfolur është se Apple është duke u përgatitur për televizorin e ri, i cili do të prezantohet gjatë vitit ose në fillim të 2014, si dhe një orë e mençur e cila tashmë është në përpunim nga gjiganti i bazuar në Cupertino, me të cilën Apple do të konkurrojë me projektin e rivalit të saj Google, Glass.

Së shpejti pritet që Apple të dal në treg me versionet e reja të kompjuterëve Mac, dhe tabletin iPad Mini, i cili pritet të prezantohet para fundit të këtij viti. / Telegrafi /

Chrome vjedhë përdoruesit e Mozillas e Explorerit

noreply@blogger.com (Anonymous) — Sun, 10 Oct 2010 09:46:00 +0000

Internet Explorerin sot e përdorin më pak se 50% të përdoruesve të internetit në mbarë botën, dhe prej pikës së tij kulminante në vitin 2003 ka shënuar rënie prej 88%. Shpërndarja e Mozillas është ngadalësuar, gjersa numri i përdoruesve të Chrome është në rritje të vazhdueshme.

Paraqitja e shfletuesit Chrome të kompanisë Google ka qenë goditje e rëndë për Internet Explorerin. Rënia e numrit të përdoruesve të Internet Explorer 9 në treg në më pak se 50% është brengosëse për korporatën Microsoft.

Shpërndarja e Chrome gjithashtu ka ndikuar negativisht në shfletuesin Mozilla Firefox, shfletuesin e dytë më i popullarizuar, i cili mbante 30 për qind të mbulueshmërisë së treg.

Shfletuesit e internetit paraqesin biznes të madh dhe përfitues

Nga kompania Mozilla kanë theksuar se shfletuesi ka përfituar 79 milionë dollarë nga reklamat të cilat përdoruesit shohin kur shfrytëzojnë kërkimin nga Google, Yahoo apo eBay apo kur shkarkojnë veglën për kërkime të Google.

Investimi i Google në Chrome sigurisht është motivuar nga të hyrat kaq domethënëse të cilat i ka realizuar shfletuesi i internetit Mozilla Firefox.

Marrëdhënia për reklamim në mes të Mozillas e Google skadon në vitin 2011. Nuk është aspak çudi që Mozilla është vënë në kërkim të partnerëve të rinj.

Siç edhe iu kemi raportuar këto ditë, nga Microsoft është konfirmuar se Mozilla e re 4 do të ketë mundësinë e kërkimit nëpërmes makinës Bing.

Zhvillimi i shfletuesve të internetit për celularë është lënë paksa anash, por me kohën definitivisht do të bëhet më i rëndësishëm.

Shfletuesit e internetit të telefonave celularë mbulojnë 3.5 për qind të tregjeve.

Rritja e popullaritetit të shfletimit në internet me anë të celularëve ka përshpejtuar zhvillimin e këtyre pajisjeve.

Opera Mini është shfletuesi më i popullarizuar i internetit i dedikuar për celularë dhe mbulon 25% të tregut. Larg prapa tij janë shfletuesit e internetit të iPhone, Nokia, Blackberry nga të cilët secili merr 17% të tregut.

WindowsXP dhe Vista përfundojnë më 2014

noreply@blogger.com (Anonymous) — Mon, 26 Jul 2010 08:39:00 +0000

Prodhuesi më i madh në botë i softuerëve kompjuterik, kompania amerikane Microsoft, njoftoi se do të lejojë kompanitë që të përdorin versionet më të vjetra të sistemit të saj operativ, "Windows" - "WindowsXP" dhe "WindowsVista" – në kompjuterët e tyre personal deri në vitin 2014.

Siç kanë thënë mediat franceze, "Microsoft" ka vendosur që ta marrë këtë hap, për t’i ndihmuar kompanitë që të ruajnë homogjenitetin në vendet dhe grupet e tyre të punës.

Kështu, Microsoft do të sigurojë mbështetje teknike për "XP" deri në vitin 2014, për versionin "Vista" deri në në prill të vitit 2017, ndërsa mbështetja për versionin e tanishëm të "Windows7" do të zgjasë deri në vitin 2020.

Siç njoftoi "Microsoft", vendimi u mor me kërkesë të kompanisë duke e konfirmuar edhe një herë angazhimin e saj për "WindowsXP", programi i përdoruesit i cili ka nisur në gusht të vitit 2001

Tre të rinj slloven zhvillojnë një virus të rrezikshëm

noreply@blogger.com (Anonymous) — Sat, 24 Jul 2010 07:03:00 +0000

Tre të rinj slloven nga Maribori janë nën hetim të FBI-së amerikane për shkak të zhvillimit të njërit prej viruseve më të rrezikshme kompjuterike të cilin e kanë shfrytëzuar për të hyrë nëpër llogari të huaja bankare.

Siç raporton gazeta sllovene Delo, tre të rinjtë nga Maribori, më të rinj se 25 vjeç, janë autorë të virusit të cilin e kanë shfrytëzuar për të hyrë nëpër llogari bankare dhe institucione të ndryshme. Këta të rinj aktualisht janë nën hetim të FBI-së, e cila i ka dërguar hulumtuesit e vet në Maribor.

Hulumtimi ende është në fazën fillestare, prandaj shumë detaje të rastit nuk janë të njohura, si për shembull për cilin virus bëhet fjalë. Vetëm përmendet se bëhet fjalë për një virus jashtëzakonisht të rrezikshëm me të cilin janë infektuar llogaritë e rreth dyzet bankave si dhe disa ndërmarrje shumë të suksesshme.

Mediet slloven jozyrtarisht kanë marrë vesh se hakerët, ndryshe ish-studentë të fakultetit kompjuterik, janë shoqëruar me grupin e hakerëve Mariposa e cila edhe më herët njihet për punë të dyshimta (Mariposa në të njëjtën kohë është edhe emërtimi për njërën nga rrjetet më të mëdha botet, me të cilin hakerët kanë kontrolluar qindra mijëra kompjuterë në botë), udhëheqësit e së cilit janë kapur në fillim të muajit mars në Spanjë

MSI lanson dy laptopë të rinj

noreply@blogger.com (Anonymous) — Thu, 22 Jul 2010 09:20:00 +0000

Dy laptopët e kompanisë MSI janë të bazuar në platformën Calpella të Intel dhe ofrojnë shtëpiza me stil si dhe specifika të mira.MSI ka paraqitur dy laptopë, FX600 i FR600, me ekrane prej 15.6-inçësh. Që të dy laptopët janë të bazuar në platformën Calpella të Intel, gjersa ofrojnë teknologjitë Turbo Drive e ECO Engine për rritje të performansave, respektivisht për kohëzgjatje më të madhe të baterisë.Shtëpizat janë rezistuese ndaj gërvishtjeve dhe ndotjes prej gishtërinjve, e brenda tyre gjenden procesorët Core i5, maksimalisht 4 GB RAM, si dhe disqet me kapacitet prej 250, 320 apo 500 gigabajt. Dallimi në mes modeleve është në grafikë – FR600 ka grafikë të integruar të Intelit, derisa FX600 është pajisur me grafikën GeForce GT 325M me një gigabajt memorie.Çmimet e laptopëve nuk janë publikuar, sikur që nuk janë publikuar as të dhënat për paraqitjen e tyre në treg

Google blen Metaweb për rezultate edhe më të mira të kërkimit

noreply@blogger.com (Anonymous) — Tue, 20 Jul 2010 06:18:00 +0000

Google ka blerë biznesin e Metaweb për rezultate më të mira, dhe përgjigje më të sakta në kërkimet komplekse.

Së fundmi, kompania Google ka ndërmarrë një hap me të cilin synon t’i përmirësojë rezultatet e kërkimit. Google, tani e ka blerë kompaninë Metaëeb nga San Francisko e cila posedon një databazë me përmbajtje të ndryshme, të cilat i lidh me njëra-tjetrën. Detajet e këtij transaksioni të madh nuk janë bërë të ditura.

Databaza e Metaweb aktualisht posedon më shumë se 12 milion postime, duke përfshirë këtu vende të ndryshme, njerëz të famshëm, biznese dhe filma.

Vendosja e këtyre të dhënave në algoritmet e Google do të mund të japin rezultate shumë më relevante, krahasuar me ato që shfaqen aktualisht në motorin më të madh të kërkimit në internet.

Interneti po bëhet më i rëndësishëm

noreply@blogger.com (Anonymous) — Sun, 18 Jul 2010 19:48:00 +0000

Sipas Ethan Zuckerman, akademik nga Universiteti i Harvardit, interneti po bëhet gjithnjë e më i rëndësishëm, krahasuar me atë që dikur mendohej se do të jetë. Lidhur me këtë temë, Zuckerman foli në konferencën e TED Global në Oxford.

Ai vuri në dukje se përdoruesit e internetit kanë tani një vizion më të gjerë dhe më të qartë në nivel global, sepse interneti u lejon atyre që të përqëndrohen në të dhënat e ndryshme që vijnë nga vende të ndryshme, me përparësinë e posedimit të informatës vetëm me një klik, dhe ulur në karrige.

Duke folur për internetin, ai tha “se po na shndërron të gjithëve në kosmopolitan virtual”. Ndërsa, ai nuk e humbi mundësinë për të shprehur mendimin e tij negativ për rritjen e numrit të faqeve dashakeqe, për të cilat tha se krijojnë pasoja negative tek njerëzit.

RIM përgatit kompjuter tablet?

noreply@blogger.com (Anonymous) — Mon, 12 Jul 2010 07:07:00 +0000

Analizat dhe thashethemet e kompanisë së analizave Rodman & Renshaw flasin se Research in Motion (RIM) deri në fund të vitit planifikon që të lansojë kompjuterin e vet tablet.

Prodhuesi i BlackBerryt deri në fund të këtij viti planifikon të paraqesë kompjuterin e vet tablet, vlerësojnë e kompanisë së analizave Rodman & Renshaw.

Sipas të dhënave të tyre, tableti do të duhej të ketë ekran 7-inçësh dhe procesor të Marvell me takt pune prej 1 GHz si dhe kamerë të përparme për video-konferenca.

Ashok Kumar, drejtor i kompanisë së analizave, si procesor të mundshëm thekson në atë Marvell Armada 610 me mbështetje për video me definicion të lartë (HD), kamerë prej 16-megapikselëshe si dhe grafikë tredimensionale (3D), gjersa e njëjta kompani supozohet se do të shes edhe çipin komunikues për lidhje në rrjetet 3G e WiFi.

Kumar pret rritja të shitjeve të iPad në 27 milionë njësi gjatë vitit të ardhshëm, si dhe shitje të përgjithshme të iPhone në 70 milionë gjatë periudhës së njëjtë kohore. Research in Motion ende nuk ka komentuar këto thashetheme.

Opera lëshon versionin e fundit 10.6

noreply@blogger.com (Anonymous) — Thu, 01 Jul 2010 18:13:00 +0000

Opera sot edhe zyrtarisht ka lëshuar versionin e ri të shfletuesit të saj, Opera 10.6, ndërsa më këtë thotë se ka arritur edhe një rekord në tregun e internetit. Tani, ky shfletues po mundohet të pozicionohet si shfletuesi më i shpejtë në internet, pasi që motori i saj i JavaScript duhet të jetë rreth 50 për qind më i shpejt se versioni paraprak 10.5.
Aplikacioni i Opera tani është shfletuesi i parë i rafinuar për të mbështetur standardet e përfolura të WebM video në HTML5 dhe njeh karakteristika të tjera të reja të HTML5, të tilla si gjeo-lokimi dhe “web app caching”.

Versioni i ri i Opera’s gjithashtu sjell edhe ndryshime të tjera, të tilla si menytë e përmirësuara dhe ikonat e skedarëve. Bashkë me përmirësimet e lartpërmendura, aplikacioni i Opera 10.6 sjell edhe më tepër opsione kërkimi që tashmë janë në dispozicion, duke përfshirë edhe motorin e kërkimit Bing, dhe sugjerimet gjatë kërkimit që shpesh do të ju dërgojnë në Wikipedia.

Azhurnimi i Opera-së tashmë duhet të jetë në dispozicion për sistemet operative si Linux, Mac OS X dhe Windows.

MIT: Interneti mund të jetë 1.000 herë më i shpejtë?

noreply@blogger.com (Anonymous) — Wed, 30 Jun 2010 20:43:00 +0000

Një grup i hulumtuesve në institutin MIT ka demonstruar një metodë të topologjisë së rrjetit e cila mund ta përshpejtojë internetin, për 100 ose 1.000 herë më shumë shpejtësi, krahasuar me atë që e kemi sot.

"Magjia" pas konceptit bëhet duke eliminuar ose zvogëluar pjesën më të madhe të kohës intensive të transmetimit të të dhënave, e cila përfshin konvertimin e një sinjali optik në një sinjal elektrik për ruajtjen e memories.

Magazinimi i memories është i nevojshëm kur sinjalet e shumta optike arrijnë në të njëjtin “router” dhe në të njëjtën kohë, duke kërkuar që ruteri të kthejë dhe të ruaj sinjalet e ardhshme shtesë derisa ato të mund të jenë të përpunuara siç duhet.

Koncepti i profesorit të MIT Vincent Chan, për "kalimin e rrjedhës" paraqet nevojën për të kthyer dhe ruajtur të dhënat nga konvertimi i trafikut të lartë në korridoret e unifikuara.

Me fjalë të tjera, një rrugë e dedikuar në mes të dy nyjave të mëdha në New York dhe Los Angeles do të dërgojë sinjalin optik vetëm në një drejtim, duke parandaluar sinjale të shumta të vijnë nga drejtime të ndryshme, në të njëjtën kohë.

Zbatimi i planit do të jetë i kushtueshëm, pasi që kërkon zëvendësimin e një numri të madh të router-ëve me modelet e reja, vetëm optike. Mirëpo, nëse ky plan realizohet së shpejti kjo do të na mundësonte internet deri në 1000 herë më të shpejtë, duke eliminuar gjithnjë e më shumë kërkesat tona të larta për bandwidth për video-streaming ose përmbajtje në teknologjinë high-definition

Fillim i mbarë për Windows 7

noreply@blogger.com (Anonymous) — Wed, 04 Nov 2009 14:46:00 +0000

Sipas të dhënave të kompanisë StatCounter, Windows 7 tanimë po ecën me hapa të mëdhenj: vetëm në muajin tetor pjesëmarrja në treg e këtij sistemi operativ është rritur nga 1.75 në 2.82 për qind.

Të dhënat e StatCounter, kompanisë e cila webmasterëve u ofron matës pa pagesë të trafikut, bazohen në mbi 4.7 miliardë shfletime faqesh së internetit gjatë tri javëve të fundit të tetorit.

Gjatë kësaj periudhe Windows 7 është rritur në 2.82 për qind solide të pjesëmarrjes në treg, duke grabitur shfrytëzues kryesisht nga Vista e jopopullarizuar dhe në masë më të vogël nga Windows XP. Në të njëjtën periudhë Vista ka rënë nga 35.78 në 34.52 për qind të pjesëmarrjes në treg, derisa XP ka rënë nga 48.92 në 48.47 për qind.

Apple Mac OS X gjithashtu ka ecur mirë, duke u rritur në SHBA nga 11.29 në 11.87 për qind, që lë të kuptojë se Microsoft nuk po arrin të rrëmbejë shfrytëzues të ri nga tabori i Mac.

Mirëpo, nga kritika e shkëlqyeshme të cilat i ka marrë Windows 7, Microsoft sigurisht po kënaqet që sistemi i ri operativ po arrin të tërheqë shfrytëzues, qoftë edhe nëse ata janë shfrytëzuesit të Vistas dhe XP-së"

Opera Mobile 10 beta

noreply@blogger.com (Anonymous) — Wed, 04 Nov 2009 14:41:00 +0000

Versioni i ri i shfletuesit Opera për telefona celularë sjell me vetë konfiguracion të avancuar për përdorim nga shfrytëzuesi dhe shumë funksione tjera të avancuara.

Opera ka lëshuar versionin eksperimental të Opera 10 për celularë të bazuar në sistemin operativ Symbian.

Risitë më të reja kanë të bëjnë me përmirësimin e shfletimit të internetit me anë të shkurtesave (tabs) dhe funksionin speed-dial i cili ofron listën e fotografive të zvogëluara të faqeve të vizituara. Po ashtu, është avancuar tërësisht edhe konfiguracioni për përdoruesin, derisa është shtuar edhe funksioni Turbo i cili mundëson zvogëlimin automatik të përmbajtjeve të faqeve për të zvogëluar sasinë e të dhënave të bartura.

Në Opera pohojnë se në krahasim me versionin 9.7 versioni 10 është dyfish më i shpejt në funksione të caktuara, siç është zmadhimi dhe zvogëlimi i pjesëve të faqes.

Opera Mobile 10 beta ka ruajtur edhe shumicën e mundësive të versionit paraprak.

Google shton funksione të reja në Gmail

noreply@blogger.com (Anonymous) — Tue, 27 Oct 2009 11:28:00 +0000

Rishtazi Google ka paraqitur disa risi të cilat janë zbatuar në shërbimin e saj për postë elektronike - Gmail.

Aplikacioni i emëruar "Got The Wrong Bob?" i ndihmon përdoruesit të anuloj porosinë për të cilën vërteton se e ka dërguar gabimisht. Nëse ndodhë që dikujt t’i dërgoni e-mail të cilin nuk do të duhej ta shihte, gabimin mund ta rregulloni brenda disa sekondash.

Aplikacioni mund të përdoret vetëm nëse një e-mail e dërgoni në më shumë adresa, duke analizuar se çfarë dhe kujt i dërgohet. Në Gmail është kyçur edhe mundësia e njohjes automatike të adresave me futjen e shkronjave fillestare. Krijues i këtij aplikacioni është Josi Matias.

Aplikacioni i dytë të cilin Google ka filluar ta testojë është Google Voice. Ky aplikacion u ndihmon njerëzve të udhëheqin me komunikim me zë nëpërmes telefonave celularë.

Falë këtij shërbimi mund të thirret numri telefonik me shprehjen e vetëm një shifre, të dëgjohen porositë me zë, si dhe të shfletohen porositë e transkriptuara në inboxin (arkën) tuaj të postës elektronike.

LG X-Note R590

noreply@blogger.com (Anonymous) — Tue, 27 Oct 2009 11:26:00 +0000

Edhe një laptop me sistemin operativ Windows 7 dhe procesorin e Intel Core i7 vjen me ekran prej 15.6 inç.

Kompania LG ka paraqitur laptopin me emrin X-Note R590. Diagonalja e ekranit është 15.6 inç, rezolucioni është 1.600 x 900 piksela, gjersa ka edhe ndriçim LED të prapavijës.Nga ofertat e procesorëve veçohen modelet me Intel Core i7 – ai 1.6 GHz 720QM si dhe 1.73 GHz 820QM. Në ofertë gjenden me dy apo katër gigabajt memorie punuese, disqe prej 320 apo 500 gigabajt dhe grafikën NVIDIA GeForce GT 230M me një gigabajt memorie. Në të gjitha versionet shitet me Windows 7 Home Premium.

Laptopi tanimë është në shitje në tregun korean. Ai mund të gjendet në ngjyrë të zezë dhe të bardhë.

Së shpejti edhe shërbimi i Google për muzikë

noreply@blogger.com (Anonymous) — Thu, 22 Oct 2009 13:39:00 +0000

Sipas thashethemeve të fundit Google së shpejti do të hap dyqanin e vet online për shitjen e muzikës, i cili do të duhej të plotësojë shërbimet e kompanisë Google.

Sipas portalit teknologjik Techcrunch, Google gjatë disa javëve të fundit po mbledh përmbajtje nga disa kompani të njohura muzikore. Disa burime pohojnë se shërbimi i ri do të emërohet Google Audio.

Tani për tani gjëja e vetme e sigurt është se shërbimi i ri do të jetë në dispozicion vetëm në Shtetet e Bashkuara të Amerikës, dhe me gjasë do të jetë i ndryshëm nga shërbimi Google China i hapur në vitin 2008, i cili mundëson kërkimin dhe shkarkimin pa pagesë të këngëve.

Për Google Audio tani nuk dihet nëse do t’i lejohet vetëm transmetim i drejtpërdrejt apo shkarkim, apo që të dyja.

Windows 7 prej sot fillon shitjen

noreply@blogger.com (Anonymous) — Thu, 22 Oct 2009 11:17:00 +0000

Dita e sotme paraqet një kthesë të re në taborin e gjigantit të softuerit. Sipas parashikimeve në Microsoft, sistemi operativ Windows 7 do të duhej të ngrit imazhin e kompanisë dhe të largojë dëmin të cilin ia ka shkaktuar Vista e papërfunduar mirë.

Në mbarë botën ka filluar shitja e versionit të paketës softuerike e Microsoftit. Sipas informatave të para të shfrytëzuesve të cilët e kanë përdorur, Windows 7 paraqet një produkt të përsosur, e dalja e tij në treg pa problem mund të matet me daljen e sistemi i cili edhe sot ka mbetur i popullarizuar - Windows XP.

Shfrytëzuesit të cilët duan të kalojnë në Windows 7 mund të bëjnë këtë po ashtu siç kanë vepruar me versionet e mëhershme të sistemeve operative të Microsoft – duke e integruar atë në sistemin aktual apo me kalim krejtësisht “të pastër” në Windows 7.

Krahas paraqitjes së Windows 7, Microsoft nis edhe një fushatë të re reklamuese të quajtur “I'm a PC”, në kuadër të cilës do të bart përvojat me versionin e ri të Windows.

Windows 7

Yahoo trefishon profitin

noreply@blogger.com (Anonymous) — Thu, 22 Oct 2009 11:16:00 +0000

Në tremujorin e tretë të këtij viti Yahoo ka pasur qarkullim të përgjithshëm prej 1.13 miliardë dollarësh gjersa fitimi i pastër ka qenë 187.8 milionë dollarë.

Profiti tremujorësh i Yahoo është rritur për tri herë pasi që masat për zvogëlimin e shpenzimit dhe shitja e pasurisë ka prishur ndikimin e keq të vazhdimit të rënies së shitjes.

Qarkullimi i përgjithshëm të cilin Yahoo e ka realizuar në tremujorin e tretë ka arritur shifrën prej 1.13 miliardë dollarë, derisa në tremujorin e dytë të këtij viti ka qenë 1.14 miliardë dollarë. Fitimi i i pastër ka qenë 187.8 milionë dollarë, derisa në tremujorin e njëjtë të vitit të kaluar ka qenë “vetëm” 54.3 milionë dollarë.

Yahoo pret që në tremujorin e fundit të këtij viti të qarkullim në mes të 1.6 dhe 1.7 miliardë dollarësh.

Google përgatit celularin dhe netbookun e vet

noreply@blogger.com (Anonymous) — Thu, 22 Oct 2009 11:13:00 +0000

Qëkur sistemi operativ për celularë Android është paraqitur në treg, ekzistojnë thashetheme për celularin e mundshëm nga tabori i gjigantit të internetit Google. Sipas thashethemeve të fundit, Google Phone do të mund të paraqitej në treg madje deri në fund të këtij viti.

Sipas thashethemeve të cilat po qarkullojnë internetin, Google deri në fund të këtij viti do të paraqes versionet e veta të celularëve të cilat do të shfrytëzojnë sistemin operativ Android 2.0. Pajisja e vetme e paralajmëruar e cila do të përmbajë Android 2.0 është Motorola Droid, e për të cilën nuk ka edhe aq informacione.

Po ashtu, burimet e njëjta theksojnë se deri në fillim të vitit të ardhshëm dritën do ta sheh edhe netbooku nga ky gjigant i internetit, gjersa të dy pajisjet do të bazohen në çipat e kompanisë Qualcomm.

Nga tabori i Google nuk kanë dashur të komentojnë këto thashetheme të internetit, të cilat shpesh dalin të janë të vërteta.

http://www.google.com/

Intelin e kërcënon dënimi prej afro katër miliardë dollarësh

noreply@blogger.com (Anonymous) — Mon, 11 May 2009 17:18:00 +0000

Dënimi për sjellje jokonkurruese në treg me vlerë prej 1.35 miliardë eurosh të cilën ka pranuar ta paguajë kompania Microsoft është shuma më e madhe e shqiptuar ndonjëherë, mirëpo siç po qëndrojnë gjërat tani, dënimi i cili do të mund t’i shqiptohej gjigantit kompjuterik Intel definitivisht do të mund të thyente këtë rekord.
Organi përgjegjës i Komisionit Evropian për sjellje konkurruese në treg do të duhej që gjatë kësaj jave të merr vendimin përfundimtar ndaj kompanisë Intel. Siç po shihet, dënimi i caktuar do të duhej të ishte 3.8 miliardë dollarë, respektivisht rreth 2.78 miliardë euro.

Sa për rikujtim, Komisioni Evropian ka akuzuar kompaninë Intel qysh në vitin 2000 dhe atë pas padisë së konkurrentit të saj më të madh - AMD. Intel, sipas aktakuzës, gjoja prodhuesve të caktuar të kompjuterëve dhe afaristëve u ka premtuar lirime të theksuara në mallrat e blera, dhe atë vetëm nëse nga oferta e tyre largojnë kompaninë AMD-në.

Gjatë kësaj jave do të dihet vendimi përfundimtar i Komisionit, e nëse Intel shpallet fajtor, përveç dënimit me para, kompaninë e pret edhe ndryshimi i politikës afariste ndaj blerësve të vet."

Vjen OpenOffice.org 3.1

noreply@blogger.com (Anonymous) — Mon, 11 May 2009 17:15:00 +0000

Versioni i ri i OpenOffice.org sjell disa përmirësime të vogla në mesin e të cilave më të rëndësishmet lidhen me avancimin e elementeve të paraqitjes grafike.
Organizata OpenOffice.org, e cila merret me zhvillimin e paketës me po të njëjtin emër të aplikacioneve për zyre, ka paraqitur OpenOffice.org 3.1.

Bëhet fjalë për një azhurnim (update) i cili një varg përmirësimesh të vogla për të cilat sipas pohimeve të përfaqësuesve të projektit është dashur të futen apo ndryshohen gjysmë milion kode.

Sipas pohimeve të përfaqësuesve të projektit, versioni 3.0 i OpenOffice.org që prej paraqitjes së saj në muajin tetor të vitit të kaluar është shkarkuar në mbi 60 milionë herë nga faqet e internetit të OpenOffice.org.

Versioni i ri është lëshuar në mbi 90 gjuhë të botës dhe mund të shkarkohet pa pagesë për të gjitha platformat e njohura kompjuterike, prandaj në OpenOffice.org presin rezultate edhe më të mira se më të mëhershmet."

Gmail sërish në telashe

noreply@blogger.com (Anonymous) — Sat, 09 May 2009 12:49:00 +0000

Shërbimi Gmail i kompanisë Google rreth mesditës së sotme, sipas orës sonë, sërish ka pasur telashe pasi që përdoruesit e këtij shërbimi në pjesën më të madhe të botës nuk kanë mundur t’i qasen.
Së bashku me porosinë për një gabim të përkohshëm 'Temporary Error (500)' është paraqitur edhe vërejtja, 'We're sorry, but your Gmail account is temporarily unavailable. We apologize for the inconvenience and suggest trying again in a few minutes'.

Google tani për tani nuk është deklaruar publikisht dhe ende nuk dihet shkaku i vërtetë i prishjes. Problemet me qasje në Gmail përveç përdoruesve të Evropës, i kanë paraqitur edhe ata nga Afrika e Azia.

Gjatë tre muajve të fundit kompania Google dy herë radhazi është gjetur në telashe të mëdha me këtë shërbim të njohur të saj."