इंटरनेट - सहज... सोपं..

आर्टिफिशियल इंटेलिजेनस काढेल तुमची कल्पना चित्र !! Type your imagination and AI will paint

2022-08-21T10:06:00.002-07:00

आर्टिफिशियल इंटेलिजन्स हे एक असे सॉफ्टवेअर असते की जे इंटरनेटवरचा उपलब्ध असलेल्या डेटा स्कॅन करून त्याचे पॅटर्न किंवा त्याचे जे प्रकार आहेत ते आपल्या डेटाबेस मध्ये सेव्ह करते आणि त्या प्रकारचा इनपुट आपण दिल्यानंतर तो इनपुट प्रोसेस करून त्यासारखे पॅटर्न आपल्याला परत नव्याने तयार करून देते ज्यावेळेला आपण एखाद्या चित्राची वर्णनात्मक मागणी त्याला देतो त्या वेळेला ते इंटरनेट वरती त्या प्रकारची चित्र असलेला डेटाबेस पाहून तशा प्रकारच्या चित्राची स्वयं निर्मिती करते.

याचे अजून एक वैशिष्ट्य असे आहे की प्रत्येक इनपुट नंतर त्याचा डेटाबेस वाढत असल्याने व लॉजिक सुधारत असल्याने काही काळानंतर येणाऱ्या परिणामांचा दर्जा किंवा याबाबतीत चित्राचा दर्जा हा सुधारत जातो

असे बरेच प्रोजेक्ट कला, संगीत, साहित्य व वैद्यकीय विषयांमध्ये चालू आहेत. सध्या त्याच्यामधला मीड जर्नी हा प्रोजेक्ट मी वापरलाय. त्यासोबतच गुगल इमॅजिन आणि दाली 2 असे व इतर अनेक प्रोजेक्ट्स सध्या मला सापडले आहेत. पण सगळ्यात चांगला दर्जा गुगल इमाजिन, मिड जरनी व डाली २ यांचाच आहे.

सध्या माझ्या माहितीनुसार आर्टिफिशियल इंटेलिजन्स एक्स रे मधून कॅन्सर चे डिटेक्शन करू शकते.. voice to text conversion, text to audio conversion with personalized voice, speech recognition, image piracy detection, product suggestions, smart traffic management, cybercrime investigation, smart text suggestions, grammar spelling corrections, fraud detection, chatbots, AI assistants जस की google assistant, cortana, alexa, masdima... असे खूप खूप सारे अजून उपाय येत आहेत ..

आमची धाव चित्र काढण्यापर्यंत असल्याने आम्ही हे शोधले, काही जण म्हणतात याने कलाकार हद्दपार होतील.. जे मला अजिबात पटत नाही .. कदाचित ज्याना कलाकृति विकत घेणे शक्य नाहीत त्यांना ह्या कलाकृति घेणे परवडणारे होईल .. तसेच कलाकारांना ही नवे प्रयोग करून पाहता येतील .. अजून हे बाल स्वरूपात आहे .. पुढे पाहू अजून काय काय होते ते !!

वरील चित्र कृत्रिम बुद्धिमत्ता तंत्रज्ञानाने AI (@midjourney) ने माझ्या दिलेल्या वर्णनावर आधारित काढले आहे. मी AI ला काय वर्णन दिल असेल बरं comments मध्ये जरूर सांगा?

व्हाट्सअप बिझनेस काय आहे? ते कसे वापरायचे? Whatsapp business in marathi

2020-01-09T06:08:00.000-08:00

व्हाट्सअप ने व्यावसायिकांसाठी काढलेली ही एक आवृत्ती आहे. Whatsapp business ची वेगवेगळी features वापरून तुमचा व्यवसाय व्हाट्सअपवरती प्रसारित करू शकता. तुमची व्यवसायाची जाहिरात करू शकता, तर कसं वापरायचं हे चला पाहूयात!

सर्वप्रथम आपल्याला ही लक्षात घ्यायचे की व्हाट्सअप बिझनेस वापरण्यासाठी आपल्याला एक एक वेगळा फोन नंबर वापरायचा आहे. तुम्ही आधी चा व्हाट्सअप नंबर जर इथे वापरलात तर तुमचं ते पर्सनल व्हाट्सअप आहे ते बंद होईल आणि बिझनेस व्हाट्सअप चालू होईल. जर तुम्हाला आधी चा नंबर पुढे व्यवसायासाठी वापरायचा असेल तर तुम्ही ते करू शकता नाही तर एक नवीन व्हाट्सअप बिजनेस चा साठी नंबर घ्या

सर्वप्रथम आपल्याला प्ले स्टोर मध्ये जाऊन व्हाट्सएप बिजनेस डाऊनलोड करून इन्स्टॉल करावे लागेल
त्यानंतर आपल्याला सेटप रिझल्ट मधून सर्व माहिती विचारली जाईल तुमचा क्रमांक किंवा नंबर व्हेरिफाय केला जाईल त्यावेळेस तेही विचारेल तुमचा हा क्रमांक व्हाट्सअप ला कनेक्टेड आहे तो डिस्कनेक्ट करून व्हॉट्सऍप बिजनेस ला जोडायचा का त्यावेळेला तुम्हाला काय म्हणायचे आहे जर तुमचा नंबर नवीन असेल व्हाट्सअप ला जोडलेले नसेल तर हा प्रश्न येणार नाही
त्यानंतर तो आपल्याला व्यावसायिक माहिती विचारेल यामध्ये तुमच्या व्यवसायाचे नाव तुमच्या व्यवसायाचा प्रकार आपल्याला सिलेक्ट करायचा आहे तुमच्या व्यवसायाचा जर लोगो असेल तर तो किंवा एखादे छानसे ग्राफिक तुम्ही याला डीपी म्हणून वापरू शकता
तुमच्या व्यवसायाची माहिती इथे विचारतात त्या वेळेला त्यात जास्तीत जास्त स्पष्ट स्वरुपात तुमच्या प्रोडक्स किंवा सेवांबद्दल लिहा एक लक्षात घ्या व्हाट्सअप तुमची ही माहिती पूर्णपणे वाचून मग व्हेरिफाय करते आणि त्यानंतर तुमचे अकाऊंट ऍक्टिव्हेट होत असते त्यामुळे खरी माहिती तर जास्त उत्तम!!
त्यानंतर मात्र तुम्हाला जे व्हाट्सअप मिळेल ते मोकळे असेल, पण जसे तुमचे संपर्क आणि कम्युनिकेशन वाढतील तसे तसे ते रुळेल.
व्हाट्सअप आणि व्हाट्सअप बिझनेसचा मीडिया डाऊनलोड होतं ते सगळं वेगवेगळ्या फोल्डरमध्ये सेव्ह असत, त्यामुळे तुमचं आधीच व्हॉट्सॲप आणि हे व्हॉट्सॲप वेगवेगळे राहतं. त्यामुळे मोबाईल मध्ये जर कमी स्टोरेज असेल तर मात्र ते वाढवणं अतिशय गरजेचे आहे

प्रमुख वैशिष्ट्ये

आपण जेव्हा एखाद्या व्यक्तीच्या प्रोफाईलवर जेव्हा टाईप करतो त्यावेळेला आपला त्याचा फोटो त्याचा फोन नंबर त्याचा टेक्स्ट स्टेटस हे पाहायला मिळतं पण व्हाट्सअप बिझनेसमध्ये याहूनही अधिक माहिती आपल्याला देता येते जसं की तुमच्या वेबसाईटचा ॲड्रेस तुमच्या व्यवसायाची ची अधिक माहिती ती तुमच्या व्यवसायाची कॅटेगिरी आणि बरच काही
व्हॉट्सऍप बिजनेस एक प्रमुख फीचर आहे ते म्हणजे कॅटलॉग. कॅटलोग्ज मध्ये तुम्ही तुमच्या प्रमुख सेवांचे फोटो त्याची टेक्स्ट माहिती आणि त्याची किंमत किंवा सुरु होणारी किंमत अशा गोष्टी देऊन त्याच लोकांना किंवा तुमच्या प्रोस्पेक्ट ना पाठवता येतात. त्यांनी तुम्हाला चांगल्या पद्धतीने तुमचा व्यवसाय रिप्रेझेंट करता येतो.
तुमचा कॅटलॉग मधला एखादी सेवेचा किंवा प्रॉडक्ट चा पोस्ट बघितल्यानंतर एखाद्या व्यक्तीने तुम्हाला जर संपर्क केलात तर त्या व्यक्तीला ऑटोमॅटिक ग्रीटिंग मेसेज किंवा रिप्लाय देता येऊ शकतो त्याचबरोबर जर तुम्ही एखाद्यावेळेस सुट्टीवर असाल किंवा प्रवासात असाल तर हवे मेसेज हा सुद्धा देता येतो त्याची सोय व्हॉट्सऍप बिजनेस मध्ये आहे त्यामुळे कुठल्याही व्यक्तीला तुम्ही अटेंड किंवा रिप्लाय केला नाही असे होत नाही
ज्या वेळेस तुम्ही एखाद्या व्यक्तीशी बोलत असतात किंवा एका वेळेस तीन चार व्यक्तींचे व्यावसायिक पद्धतीचे बोलत असतात त्या वेळेला तुम्हाला त्याच त्याच पद्धतीची उत्तर किंवा मजकुराची उत्तर द्यावी लागतात उत्तर तुम्ही दरवेळेला टाइप करणार किंवा कॉपी-पेस्ट करणार तर या ऐवजी व्हॉट्सऍप बिजनेस मध्ये तुम्हाला क्विक रिप्लाय असा ॲक्शन दिलेला आहे ज्यामध्ये तुम्ही नेहमीची उत्तर आधीच सेव्ह करून ठेवू शकता आणि शॉर्टकट टाईप करून ती पुन्हा पुन्हा इतर लोकांना पाठवू शकतात उदाहरणार्थ तुमच्या सर्विस बद्दलची माहिती किंवा तुमचे पेमेंट डिटेल्स किंवा तुमच्या वेबसाईटची माहिती असं काहीही जे तुम्हाला नेहमी नेहमी टाईप करावं लागतं ते!!
व्हॉट्सऍप बिजनेस मध्ये तुम्हाला तुमच्या वेबसाईट ची url देता येतेच पण तुमच्या प्रत्येक सेवेच्या किंवा प्रॉडक्टच्या पेजची सुद्धा वेगळी व्यक्ती url देता येते त्यामुळे तुमच्या जास्तीत जास्त युवा व्हाट्सअप वर spread होतात असतात जेणेकरून तुम्हाला लीड्स मिळण्याची शक्यता वाढते तुम्ही जर तुमच्या कस्टमरचा किंवा तुम्हाला अपेक्षित असलेल्या ग्राहकांच्या जर एखादा ग्रुप तयार केला असेल तर त्यावरूनही तुमच्या व्यवसायाची जाहिरात चांगली होऊ शकते जेवढे ग्रुप तुम्ही जास्त जॉईन केलेले असतील तेवढ्या तुमच्या प्रोडक्ट चा किंवा url चा रिच वाढतो, प्रसार वाढतो आणि तुमची लीड मिळण्याची शक्यताही वाढते. यासाठी तुमची जाहिरात सुद्धा आकर्षक असणे महत्त्वाचे आहे.
व्हॉट्सऍप बिझनेस प्रोफाइल सेट करताना तुम्हाला वेबसाईट ची url देता येते व त्याच बरोबर एका सोशल मीडियाच्या पेजची url देता येते. ज्यामुळे तुमचे ग्राहक तुम्हाला सोशल मीडियावरही संपर्क करू शकतात.

व्हाट्सअप बिझनेस सेट करणं ही आजच्या काळाची गरज आहे आणि मार्केटिंगचे एक अतिशय प्रभावी टूल होत चालले आहे. जेवढे ग्रुप तुम्ही जॉईन केले असतील त्या प्रत्येक ग्रुपमध्ये तुम्ही तुमची जाहिरात अतिशय प्रभावीपणे होऊ शकेल.

इंक फ्रूट .कॉम

2012-02-15T10:20:00.000-08:00

इंक फ्रूट

सहज इंटरनेट वर फिरता फिरता ही इंक फ्रूट .कॉम सापडली .. खास करून तरुणाई साठी असलेल्या या संस्थळावर अनेक प्रकारचे टी शर्ट्स , trousers, casual wares आणि इतरही गोष्टी आहेत , ज्या आकर्षक आहेतच पण विविध रंगात व प्रकारात आहेत .

एखाद्या खास व्यक्तीला खास भेट द्यायची असेल
किंवा तुम्ही खासम खास गोष्टी विकत घेणाऱ्या शौकीन असाल तर ही वेबसाईट तुमच्यासाठी आहेच
पण तुम्हाला काही वेगळे ट्राय करायचं असेल तर नक्की भेट द्या.

http://www.inkfruit.com/

यांच खास वैशिष्ट्य म्हणजे
कॅश ऑन डिलीव्हरी, फ्री शिपिंग, व सुरक्षित व्यवहार !!

अजून एक गोष्ट म्हणजे

इथल्या स्पर्धांमध्ये तुम्ही सहभागी होऊन तुमचे स्वताचे design सुद्धा तुम्ही तुमच्या व इतरांच्या शर्ट्स वर ही पाहू शकता ..

या संस्थळा शी माझा कसला ही संबंध नाही परंतू नक्कीच एक उपयोगी पडू शकेल म्हणून हे तुमच्यासाठी पोस्त करत आहे !!

बळीराजा.कॉम - पिढ्यापिढ्याच्या अबोलतेला बोलते करण्याचा एक इवलासा प्रयत्न.

2011-08-15T09:16:00.000-07:00

शेत जमीनींचे हस्तांतरण किंवा धरणाखाली गेलेली जमीन असो, तिथल्या विस्थापितांच्या पुनर्वसनाचा प्रश्न असो वा त्यातील सरकारची हलगर्जी भूमिका.. सर्वत्रच बोकाळलेला भ्रष्टाचार व कर्जात बुडालेली घरं शेतं असोत .. खरोखरच आपल्या अन्नदात्याची वाईट अवस्था आहे हे खरं..

पिढ्यापिढ्याच्या अबोलतेला बोलते करण्याचा एक इवलासा प्रयत्न !
शेतकर्‍याच्या आंदोलनाचा इतिहास ही बराच जुना व मोठा आहे. अनुभवातून शिकले जाणारे तंत्र म्हणजे शेती. मातीत उभं राहून पिकं वाढताना पहाण्याचा जो आनंद आहे तो जितका सुखावह तितकाच ती जळताना पहाण्याचा असह्य्य वेदनादायक. शेतकरी समाज हा आर्थिक दृष्ट्या परावलंबी असल्याने परखडपणे मत मांडणे सोडाच पण स्वत:च्या मनातले व्यक्त करणे ही कठीण, इतरांना जे रुचेल तेच बोलावे लागते. अशाच समाजाला जागे करून बोलते करण्याचा हा प्रयत्न आहे असे या वेबसाईटच्या निर्मात्यांचे म्हणणे आहे.

आजकालचे जग हे बोलणार्‍याचे, आवाज उठवणार्‍यांचं आहे. आज इंटरनेटवर इतर समाजाला शेतकरी साहित्य व शेतकरी संघटना या बद्दल लिहिणार्‍या वेबसाइट्स मोजक्याच आहेत. शेतकरी मित्रांना या इंटरनेटच्या युगात एक मंच मिळावा व या विषयांवर चर्चा व्हावी याच उद्देशाने ही वेबसाइट सुरु केली आहे.

श्री गंगाधर मुटे यांची ओळख मला त्यांच्या माय मराठीचे श्लोक या कवितेमुळे झाली. त्यांचा ब्लॉग वाचला गेला. त्यांच्याच येणार्‍या विपत्रांमुळे या शेतावरच्या साध्या शब्दातील तरीही मनाला भिडणार्‍या कविता - लेखांचे व विचारांचे प्रकाशन करणार्‍या या बळीराजा.कॉम ची ओळख झाली.
http://www.baliraja.com/home

वेगळे विषय, मांडणी, कला, साहित्य याबद्दल ओढीने लिहिलेले लेख तसेच सद्य परिस्थितीवर मांडलेले सडेतोड विचार .. हेच याचे वैशिष्ट्य आहे.
त्याचबरोबर नियमित भेट देणार्‍या इतर शेतकरी मित्रांनाही इथे स्वत:चे साहित्य लिहायची व इतरांना अभिप्राय देण्याची मुभा आहे.
इथे नियमित येणार्‍या शेतकरी व ब्लॉगमित्रांना हवामानाचे अंदाज विविध रूपातून माहिती देण्याचा प्रयत्न ही स्तुत्य आहे.
इथे वाङ्मयशेती, रानमेवा, काव्यधारा, विनोदी कविता, शेतकरी गीत, योद्धा शेतकरी, शेतकरी संघटना, शेतकरी प्रकाशन, शेतकरी संघटक, व्हिडीओज अशा दालनांमध्ये साहित्याची रचना केलेली आहे.

शेतकर्‍याच महत्व हे झाडाच्या मुळासारखं आहे ते जर उत्तम असेल तर राष्ट्रवृक्ष बहरेल, फळेल अधिक मजबूत होईल.

जर तुम्हीही या माझ्या विचाराशी सहमत असाल .तर एकदा जरूर भेट द्या या वेबसाईटला..

वंडरलिस्ट : तुमची कामे करा आता पद्धतशीरपणे

2011-08-14T02:47:00.001-07:00

वंडरलिस्ट : तुमची कामे करा आता पद्धतशीरपणे
कामांची गडबड व धावपळ ही प्रत्येकालाच असते. कमीत कमी वेळात तुम्हाला अनेक कामांचा वेध घेत सगळे मोर्चे सांभाळायचे असतात. ऑफिस, घर, वैयक्तिक अशी अनेक कामांची यादी आपल्याकडे सदैव तयार असते. जर तुम्ही तुमच्या कामांचे नियोजन नीट केले नाही तर तुमची कामे रहातात व मागे पडतात. अशा वेळेस तुम्हाला लागतो एक व्यवस्थापक, नियोजक !
जे लोक कॉम्प्युटर व मोबाईल मध्ये उपलब्ध असलेले नियोजक वापरतात , उदा. मोबाईल मधील दिनदर्शिका किंवा कॉम्प्युटर वरील outlook, thunderbird, sunbird अशी साधने वापरतात त्यांना प्रत्येक साधनातील काही उणीवा व फायदे माहीत असतात व त्याने ते त्रस्त असतात. काही गुण हे खर्चिक असल्या कारणाने ते समाधानी नसतात. कधी कधी ते साधन फुकट असून ही उपयोगी ठरत नाही. तर कधी उपयोगी असते पण वापरा योग्य त्याचा interface नसतो. कधी कधी हे सर्व खूप क्लिष्ट असते.
यावर उपाय म्हणून काही जण इंटरनेटवरील साधने जसे todoist, todo.ly, remember the milk, google calender वापरतात व आपल्या कामांचे नियोजन करतात. वरील सर्व साधने वापरायला सोपी व सरळ आहेत. पण ज्यांना सतत इंटरनेट उपलब्ध नाही त्यानी काय करायचे ? या साधनांमधेसुद्धा [काही अपवाद सोडून ] काही साधने अर्ध-व्यावसायिक स्वरूपात उपलब्ध असल्याने काही प्रमाणात तीही कमी पडतात. त्यातील काही महत्वाची व गरजेची वैशिष्ट्ये वापरण्यासाठी तुम्हाला पैसे द्यावे लागत असल्याने ती एक प्रकारे मागेच पडतात.

मागील आठवड्यात अशी साधने शोधत असताना
हे वंडरफुल साधन सापडलं ..
हे साधन वापरण्यासाठी तुम्हाला पहिले एक मोफत खाते उघडावे लागते. हे खाते उघडल्यावर तुम्हाला लगेचच हे साधन वापरता येते. हे याचे वेब स्वरूप. तसेच याचे desktop, mac, iphone, ipad, androd स्वरूप ही उपलब्ध आहे ते ही तुम्ही तुमच्या उपलब्ध मोबाईल व संगणकावर स्थापित करून घ्या.

आता याची वैशिष्ट्ये पाहू.

यात नोंद करणे अगदीच सोपे असून त्यात तुम्हाला काही शब्दांनी दिवस ही नोंदवता येतो.
उदा. Buy stationary for office today आता यातील टूडे हा आजच्या तारखेला जोड्ला जातो आणि तारिख पडते. जर ते बदलायचे असेल तर तुम्हाला तारखेवर टिचकी मारल्यावर ते करता येइल.

याद्या : तुमची कामे तुमच्या प्रकारा नुसार वेगवेगळया यादीत तुम्हाला लिहिता येतात. व त्या नुसार याद्या तयार करता येतात.

माहिती : ह्या वंडर लिस्ट मध्ये तुमची कामे यात नोंदवता येतातच पण त्यावर त्याची अजून माहिती पण नोंदवता येते. हे फीचर वरील काही साधनांमध्ये व्यावसायिक [paid version] स्वरूपात आहे.

वर्गवारी : तुमची नोंदवलेली कामे तुम्ही Today, Tomorrow, next week, without date अशा वर्ग स्वरूपात पाहू शकता ..
देखणे रूप : आतापर्यंत पाहिलेले सर्व प्रकारच्या संगणकांवर व मोबाईल वर चालू शकणारे व अतिशय सुंदर दिसणारे असे हे साधन आहे. याचे वेब , विंडोज, माकिंतोष, आय ओ एस, अन्द्रोईड अशा वर्जंस मध्ये ही हे उपलब्ध आहे. व सर्व साधनांमध्ये हे एक सारखेच दिसते. त्यामुळे वापरताना गोंधळ होत नाही.तसेच एकदा तुम्ही तुमची कामे यात लिहिलीत कि तुम्ही तुमच्या अन्द्रोईड मोबाईल किंवा आय फोन वर तुम्ही हे साधन स्थापित करायचे. त्यात तुमच्या खात्यावर नोंदवलेली सर्व कामे अद्यतनित होतात. त्यामुळे केलेली कामे व करायची कामे यात तफावत येत नाही. यात तुम्ही तुमच्या कामातील काही कामे दुसर्‍याना इमेल ही करू शकता

मोफत व मुक्त स्त्रोत प्रणाली : हे साधन open source असल्याने तुम्हाला इथे तुमच्या अडचणींवर मात करायला मदतकेंद्र उपलब्ध आहे.
http://www.6wunderkinder.com/wunderlist/ मुद्दामच घाईघाईने यावर लिहिण्याच टाळलं कारण अशी अनेक साधने येत-जात असतात. म्हणून मी ते वापरून ही पाहिलं अतिशय वापरायला सोपं, देखणं, जलद अपडेट होणारे व मुख्य म्हणजे फुकट असलेलं हे साधन तुम्हाला नक्कीच आवडेल म्हणूनच हा पोस्ट् लिहिला! कसे वाटले ते जरूर कळवा !

consumermate.com तुमच्या पसंतीचा मोबाइल निवडा सहज !

2011-08-12T12:08:00.000-07:00

आज दोघातिघा मित्रांनी फेसबुक वर विचारलं होतं की मोबाइल घ्यायचा आहे. कोणतं मॊडेल सुचवशील ?
..
काल माझ्या मामेभावाचा दुकानातून फोन...
अरे कोणता कॅमेरा तु सजेस्ट केला होतास मागे ..
आता इथे तर इतकी मॉडेल्स आहेत कोणता घ्यावा ते कळत नाहीय...

यासगळ्याना मी एक वेबसाईट सांगितली तीच इथे पण सांगत आहे ..

http://www.consumermate.com/

इथे तुम्ही तुमच्या बजेट नुसार आधि कोणत्याही वस्तूची वर्गवारी करू शकता व नंतर त्याची गुणवैशिष्ट्य पडताळून योग्य तो निर्णय घेऊ शकता. फक्त मोबाईलच नव्हे तर लॅपटॉप, कॅमेरे, प्लाज्मा टीव्ही, एम्पी३ प्लेअर सुद्धा इथे तुम्ही पाहू शकता..
ह्या सारख्या अनेक वेबसाईट्स आहेत त्यांचाही वापर करून तुम्ही अचूक हवी ती वस्तू विकत घेण्याचा निर्णय घेऊ शकता.

http://www.flipkart.com
http://www.naaptol.com
फक्त मोबाइल साठी
http://mobileinindia.in/
http://www.gsmarena.com/
फक्त कॅमेराज साठी
http://www.dpreview.com/products/compare/cameras

तुम्ही कोणत्या वेबसाईट्स वापरता ?? जरूर कळ्वा !

इमेलवरच मागवा आवडत्या ब्लॉग्सचे लेख....

2011-07-21T23:18:00.000-07:00

काहीतरी नवीन हा ब्लॉग नुकताच वाचनात आलाय. नवीन नावाच्या लेखकाचा आहे. खुपच संवेदनशील व विचार करायला लावणारे लेख आहेत. सोप्या भाषेत आणि सुटसुटीत. सहाजिकच त्याच्या लेखांना लोकप्रियता आहेच. खुपदा त्याचे लेख इमेल्स मधे फिरत असतात. मला इमेल मधूनच हा ब्लॉग कळला हे सांगायला नको . पण त्या नंतर मी त्याच्या RSS वाहिनीला जोडून घेतलंय त्यामुळे मला त्याचे सर्वच लेख वाचता येतात. आज त्याने त्याच्या लेखांबद्दलच पोस्त लिहिलिय .. त्यावरून मी त्याला काही उपाय अभिप्रायात लिहित होतो .. आणि म्हणल या विषयावरच का इथे बोलु नये ?

मुळात अशा इमेल्स का फिरत आहेत ?

यामागे पहिल कारण मला दिसत ते हे की काही लोक अजुन ही मनाने २००० सालाच्या पुढे आलीच नाहीत. अजून ही एखादा लेख किंवा चित्रे, फोटो पाठवण्यासाठी आपल्याला साधी सरळ सोपी अशी लिंक आहे ती आपण पाठवू शकतो हे लोकांच्या लक्षात येत नसावं, सरळ कॉपी व पेस्ट आणि इमेल पाठवायची. बर त्यात ही गैर नाही हो .. चांगलं वाटलं म्हणून पाठवली चार जणांना .. पण त्यात मूळ कलाकाराचा काही पत्ता नाव ठेवाल की नाही. असो
दुसरं मुख्य कारण आहे की काही कार्यालयांमध्ये इमेल व्यतिरिक्त काहीही वापरता येत नाही. आणि त्यामुळे वेबसाइटचा मजकूर कोणीतरी कॉपी करून पाठवला की तो फॉरवर्ड होत रहातो,
अजून ही कारणं असू शकतील ..
कोणी माझ्य इमेल्स किती वेगळ्या असतात हे दाखवायला ही असं करत असेल ..किंवा माझी मेल किति ठिकाणी फिरते ते पहायला ही !

मला या वर जो उपाय सुचला तो काही फार क्रांतीकारी नाहीय किंवा अज्ञात ही नाही. खूप लोकप्रिय आहे पण खूपदा असं दिसतं की जे जाहिरातबाजी करून आपल्या वेबसाईट्स चालवत असतात तेच मुख्यत्वे करून अशा उपायांचा वापर करताना दिसतात. आणि चांगले चांगले ब्लॉग्स अशा उपायांचा [ साधं सोपा सुटसुटीत ब्लॉग रहावा किंवा कशाला हवीत ही नाटकं! ] म्ह्णून वापर करताना दिसत नाहीत. काहीच मोगराफुलला , माझी सह्यभ्रमंती, भानस , काय वाट्टेल ते!, मन उधाण वार्‍याचे मोजके ब्लॉग्गर्स असे पर्याय उपलब्ध करून देताना दिसतात.

आता हे उपाय काय आहेत ?

सोशल विजेट्स आणि RSS फ़ीड्स. फेसबुक ट्विटर सारखे लिंक्स इमेज शेअरिंगचे पर्याय असताना कशाला फॉरवर्डेड मेल्स पाठवाव्यात? लोक सहज पणे फेसबुक किंवा ट्विटर वरून तुमचे लेख फोटो अगदी तुमचे क्रेडिट्स राखून शेअर करु शकतील आणि कॉपी पेस्ट करण्यासाठी जेवढावेळ लागतो त्यापेक्षाही कमी वेळात ! फक्त ब्लॉगमालकाने ते पर्याय उपलब्ध करुन द्यायला हवेत व ठळकपणे दिसतील असे ठेवायलाही हवेत.

त्यासाठी तुम्हाला फक्त ब्लॉगर अथवा वर्ड प्रेस वर योग्यती विजेट्स जोडायची आहेत.

त्याकरता वर्ड्प्रेस्स किंवा ब्लोग्गर च्या डिझाईन एडिटर मध्ये जावून पोस्त सेटिंग मध्ये बदल करायचे आहेत.

social sharing widgets for wordpress

social buttons for blogger

ज्यांना फक्त इमेलच वापरता येते त्यांच्यासाठी ही तुम्ही सोय करू शकता!
subscribe by email ही एक अशी सोय आहे ज्याने तुमचे लेख प्रसिद्ध झाल्या झाल्या लोकांना इमेल जाते व लोक लेखांचा आनंद घेऊ शकतात . या करता तुम्हाला वरील प्रमाणेच ब्लोग्गर व वर्डप्रेस करताची विजेट्स जोडायची आहेत.
वर्डप्रेस्स मधे ते subscribe by email अशा नावाने विजेट भागात मिळेल तर ब्लॉग्गर मध्ये डिझाइन एडिटर मधे add gadget या भागात .
ब्लॉग्गर मधे तुम्ही जेव्हा हे विजेट जोडता त्यानंतर तुम्हाला जर फीडर लिंक FeedBurner URL विचारली जाते. त्यानंतर खालील प्रमाणे ती तयार करता येइल.
१. feerburner.com इथे जा. ते तुम्हाला गूगलच्या खाते सेवा लॉगिनकडे नेइल.
२. त्यानंतर गूगल खात्याचे नाव व पासवर्ड वापरून लॉगिन करा.
३. तुम्हाला खालीलप्रमाणे स्क्रीन दिसेल. त्यात खालीलप्रमाणे दिसणार्‍या रकान्यात तुमच्या ब्लॉगची लिंक टाका. व नेक्स्ट वर टिचकी मारा.

४. त्यानंतर तुमची फ़ीड identify करण्यासाठी योग्य पर्याय निवडून नेक्स्ट वर टिचकी मारा. ५. इथे तुम्हाला तुमचं नाव दाखवलं जाइल व फ़ीड लिंकही.

त्यानंतर पुन्हा एकदा नेक्स्ट वर टिचकी मारून पुढे जा.
६. खालील प्रमाणे दाखविलेलि लिंक कॉपी करा.

व ती ब्लॉगर ने विचारलेल्या रकान्यात घालून सेव्ह करा. तुमचे विजेट ठळक दिसेल असे ठेवा व डिझाईन सेव्ह करा.
या सेवेत भरपूर पर्याय उपलब्ध आहेत. अजूनही काही माहिती हवी असल्यास नक्की कमेंट ने कळवा. पुढील पोस्त त्यावर ही लिहिता येईल .. :) ता. क. पोस्त थोडी मोठी झालीय .. पण उपयोगी पडेल ही अपेक्षा आहे !

my hangout - नाव इंग्लिश, पुस्तके मराठी !

2011-07-19T23:14:00.000-07:00

परवाच्या रविवारी माझ्या कराडच्या काकांकडे गेलो होतो. त्यांनी काही पुस्तकं इंटरनेटवरून मागविली होती. दुपारी त्याचं कुरिअर आलं होतं ते घेतलं तेव्हा काकांना विचारलं
मी : " बघा सगळी सहिसलामत आहेत ना ?? "
काका : "हो, सांगितल्याप्रमाणे व सहि सलामत... "
मी : " कुठून मागविलीत? लोकल आहे का ? "
काका : "नाही पुण्याचं आहे .. "
मी : " मग मला सांगायचं ना .. मी आणली असती .. "
काका : "ते खरं रे पण तुला यायचं म्हणजे खर्च आहे आणि शिवाय तुला सवलत थोडिच मिळेल पुस्तकाच्या दुकानात ?"
मी : "म्हणजे ?"
काका: " अरे मी इंटरनेटवरून इ पेमेंट करुन मागविली होती ! "

इतकं सांगून ही मला तरी काही अशी उत्सुकता वाटत नव्हती. इंटरनेट्वरून मिळतात त्या सगळ्या गोष्टी स्वस्त पडतात अस नाही किंवा पडल्याच त्या धड घरी येतात असही नाही. दोनच पुस्तकं मागवून इतकी व्यवस्थित येणं हि कमाल होती पण तरी ही पुणेरी मनाने "असेल एखाद्या प्रकाशनाच वेबदुकान अस म्हणून सोडून देणार होतो .. "
पण मग काकांनीच ही वेबसाइट दाखवली . इथल्या एक एक सोयी पाहिल्या आणि चाट पडलो.

http://www.myhangoutstore.com/index.php

सवलतीचा दर.
पुस्तकाच्या मूळ किंमतीच्या ४०% पर्यंत सवलत उपलब्ध आहे .
उदा. मेहता प्रकाशनाचे " वाइज अ‍ॅन्ड अदर वाइज " जर घेतलं तर त्यांचा वेबसाईटवर ते १५०/- रुपयास उपलब्ध आहे पण इथे १४३/-.
पोस्ट खर्च नाही, भारतातून कुठूनही मागवा !
कारण जर एकूण मागविलेल्या पुस्तकांचे मूल्य १००/- पेक्षा जास्त असेल तर त्याचा पोस्ट खर्च आकारला जात नाही. तुम्ही जर खेड्यात रहात असाल आणि जर तुमच्या भागात कुरिअर नसेल तर स्पीड पोस्ट किंवा नेहमीच्या पोस्ट ने ३-५ कामांच्या दिवसात घरपोच येते
पैसे देण्याचे अनेक पर्याय
व्हिसा कार्ड, मास्टर कार्ड अशा क्रेडिटकार्ड व नामांकित बॅकांच्या नेटबॅन्किंगची सोय. तसेच जर तुम्ही पुण्यात रहात असाल तर पे ऑन डिलीव्हरी ची ही सोय आहे.
पुस्तकाचे तपशील
पुस्तकाचं मूळ मूल्य , सवलत दर, त्याची बांधणी, मुखपृष्ठ, लेखक\लेखिकेच नाव, पुस्तकाची उपलब्धता, आणि किती दिवसात ते पुस्तक तुमच्या पर्यंत पोचेल याचे सर्व तपशील इथे व्यवस्थित वाचता येतील असे मराठी व इंग्रजीत लिहिलेले आहेत .
पुस्तक उपलब्ध नसेल तर ?
एखादं पुस्तक जर उपलब्ध नसेल तर जेव्हा ते होइल त्यावेळेस कळवा असे सांगण्याची सोय.
संवाद
काही अडचण असल्यास समजा इमेल केलीत तर १-२ तासात उत्तर येते म्हणजे खरेदीपूर्व व नंतरही.

bing.com आणत आहे सर्च [शोध]च नवीन रूप ..

2011-07-16T01:41:00.000-07:00

google search च्या शर्यतीला आता तगडे आव्हान उभे रहाणार अस दिसतंय .. हे आव्हान आहे microsoft चं !
आता पर्यंत गूगल ने सर्च इंजिन मधे खूप बदल केले व ते स्वागतार्ह होते आहेत ही. पण bing.com [BUT ITS NOT GOOGLE = BING ]जे मायक्रोसॉफ्ट चे शोधक आहे त्याने आता कात टाकायची तयारी सुरु केली आहे.

HTML 5 या नवीन तंत्राच्या सहाय्याने तुम्हाला तुमच्या ब्राऊझर मधे आता अगदी नवा व जिवंत शोधाचा अनुभव मिळू शकेल. खालील व्हिडो मधे प्रकाशनपूर्व बिंग च्या नवीन रूपाचे दर्शन होऊ शकेल ..

फकत यासाठी तुम्हाला तुमचा ब्राऊसर इंटरनेट एक्स्प्लोरर ९ असावा लागणार आहे असे कंपनीचे म्हणणे आहे. परंतु माझ्या माहितीनुसार क्रोम, फायरफॉक्स च्या अद्यतनित [updated] आवृत्त्यांमधे ही हे चालू शकेल नक्की ..

गेटपिनकोड.कॉम - पिनकोड मिळवा सहज..

2011-07-09T04:37:00.000-07:00

आजकाल पत्र लिहिली जात नसल्याने आपल्या पोस्टाच्या पत्यामधला पिन कोड काय आहे हे बहुदा अनेक लोकांना माहित नसतं, पोस्ट्ल पत्ता हा जवळ्पास कालबाह्यच झाला आहे. कार्यालयीन लेखी व्यवहारच फक्त होत असतात. आपल्याला साधारणत: स्वत:च्या कार्यालयाच्या जागेचा, किंवा घराच्या पत्याचाच केवळ लक्षात राहतो.
कधी कधी नवीन ठिकाणी पत्र पाठवायचे असते आणि पत्राचा पत्ता माहित असतो .. पण पिन कोड नक्की माहित नसतो . अशावेळेस या सेवेचा तुम्हाला वापर करता येईल..

http://www.getpincode.info
तुम्हाला हव्या असलेल्या भागाचा पत्ता इथे टाइप करा आणि पिनकोड मिळवा. ही सेवा फक्त इंग्रजी शब्दानीच शोध घेते. तसेच आजुबाजूची ठिकाणे ही सुचविते.

मला खात्री आहे तुम्हाला याचा नक्कीच उपयोग होइल !

you tube - च नवं रूप ..

2011-07-08T02:57:00.000-07:00

गूगलने बहुदा सर्वच सेवांमधे बदल घडवायचे ठरवले आहे. जीमेल मधल्या नवीन बदलानंतर आता त्यांच्या यूट्यूब सेवेने ही कात टाकली आहे. नवीन व्हिडीओ प्लेअर व मोठ्या थंबनेल्स हे या ले आऊटच वैशिष्ट्य असणार आहे. सध्या हि सेवा परिक्षणात आहे पण लवकरच हा लुक सगळ्यांना उपलब्ध होईल. याच सध्याच नाव आहे कॉमिक पांडा .. आणि एखाद्या पांड्याप्रमाणेच या नविन अवतारात यूट्यूब दोन काळ्या पांढर्‍या छटांमधे उपलब्ध होइल .

हा नवा अवतार आणण्यासाठी तुम्हाला जीमेल ची माहिती वापरून यूट्यूब ला लॉगिन करायचे आहे व त्यानंतर

http://www.youtube.com/cosmicpanda

इथे जाऊन try it out वर टिचकी मारायची आहे.

या नवीन यु ट्युबमधे तुम्हाला व्हिडीओ विविध आकारात पहाता येतील ते ही सहज एका क्लिक मधे. चार आकारात हे दिलेले आहेत. याशिवाय आधिची फुलस्क्रीन साइझ उपलब्ध आहेच.

तसेच याच दुसरं वैशिष्ट्य आहे ते सुचविलेले [suggested] व्हिडीओ चा नवीन फलक. व्हिडीओ प्लेअर च्या खाली दोन दुवे येतात त्यातील comments वरून अभिप्राय तर suggested videos वर टिचकी मारून हा नवीन फलक पहाता येतो.

तुम्हाला हा खास अवतार पहाण्यासाठी तुमचा जीमेल युजर व पासवर्ड वापरून लॉगिन कराव लागतं.

त्यानंतर तुमची खात्याची माहिती व तुमचे बुकमार्क केलेले व्हिडीओ तुम्हाला असे दिसतील.

तेव्हा नक्की भेट देऊन बघा या कॉमिक पांडाला .. आणि कळवा तुमच्या प्रतिक्रीया !

फेसबुक - व्हिडीओ चॅट

2011-07-07T07:44:00.000-07:00

गूगल प्लस च्या व्हिडीओ चॅटच्या येण्यानं असलेले ग्राहक टिकवता टिकवता फेसबुकच्या तोंडाला फेस येऊ शकतो हे जेव्हा फेसबुक चालकांच्या लक्षात आलं, तेव्हाच त्यांनी ही सेवा लवकरात लवकर ग्राहकांसाठी उपलब्ध करुन देण्याच त्यांनी ठरवलं व तसं मार्क झुकेरबर्ग फेसबुकच्या निर्मात्याने नुकतच जाहीरही केल. त्याच्या म्हणण्यानुसार या आठवड्यातच स्काईप या व्हिडीओ चॅटिंग साठी प्रसिद्ध असलेल्या सेवेला सोबत घेऊन फेसबुकने ही सेवा सुरु केलेली आहे.

फेसबुक चॅटला सुरु करण्यासाठी तुम्हाला पुढील लिंकवर जायचे आहे.
https://www.facebook.com/videocalling/

त्यातील get started वर टिचकी मारा , त्यानंतर तुम्हाला एक छोटे प्लगिन उतरवावे लागेल व ते रन करावे लागेल. जसे ते प्रक्रिया पूर्ण करेल ते तुम्हाला सांगेल कि तुम्ही व्हिडीओ कॉल साठी तयार आहात.

त्यानंतर नेहमीची चॅट विंडो किंवा कोणाचीही प्रोफाईल उघडा व त्यामधे तुम्हाला काही बदल दिसतील. फेसबुकने काही डिझाइन मधे ही बदल केले आहेत. पूर्वी पेक्षा खुपच स्वच्छ व मोकळं चॅट विंडो डिझाईन केले आहे. चॅट विंडोच्या वर तुम्हाला शेजारील चित्राप्रमाणे चिन्हे दिसतील , त्यातील कॅमेर्‍याच्या चित्रावर टिचकी मारा .. त्या व्यक्ती ला कॉल जातो आणि [ तुमच्याकडे व त्या व्यक्तीकडे जर वेबकॅम व ध्वनिवर्धक [michrophone] असेल तर ] ती तुम्हाला व तुम्ही त्याना दिसु शकता व सोबत बोलु ही शकता.. यात ग्रुप चॅटिन्ग [group chat] ची सोयही आहे...

facebook + skype window for video chat.

google + ला टक्कर म्हणून हे फेसबुकचे पहिले पाऊल आहे. अजुन ही नवीन फीचर्स येतील तेव्हा परत पाहूच .
ता.क. हे गूगल + नक्की आहे तरी काय ?? त्याची ओळख पुढल्या भेटीत...

Thanks to : Tejaswini

google - take out

2011-07-05T22:20:00.000-07:00

सध्या गूगल ने इतक्या नवनवीन सोयी आणल्या आहेत की त्याशिवाय इतर लिहिणंच चूक ठरणार आहे. गूगल टेक आऊट ही एक अशी सुविधा आहे ज्याच्या मदतीने तुम्ही तुमची पूर्वीचा गूगलच्या सर्व्हरवर साठवलेली छायाचित्रे, संपर्क, बझ् पोस्ट्स, गूगल प्रोफाइलवरील सर्व माहिती तुमच्या संगणकावर बॅकअप म्हणून उतरवून घेऊ शकता. हे करण्यासाठी कसलेही मूल्य आकारण्यात येत नाही.
पुढील काही कृतींमधून तुम्ही हे सहज साध्य करू शकाल.

https://www.google.com/takeout/
इथे जा. नेहमीच्या गूगल खात्याच्या नाव व पासवर्ड्ने लॉग इन करा.

त्यानंतर तुम्हाला वरील स्क्रीन दिसेल,

त्यात सर्व माहितीचा एकच आर्काइव्ह किंवा संच उतरवून घेता येतो.

इथून तुम्हाला ठराविक सेवेची माहितच फक्त डाऊनलोड करता येइल.

आधी सेवांवर टिचकी मारा व त्या नंतर क्रीएट आर्काइव्हवर.

त्यानंतर डाऊनलोड विझार्ड सुरु होते

आधी तुमची माहिती लोड होत आहे असे दाखविले जाते.

लोडिगचा करडा रकाना लाल झाला कि तुम्हाला परत एकदा क्रीएट आर्काइव्ह वर टिचकी मारायची आहे.

त्यानंतर ही माहिती डाऊन लोड ला उपलब्ध होते.

आता फक्त डाऊनलोड वर टिचकी मारा आणि तुमच्या माहितीचा एक बॅकअप

तुमच्या संगणकावर उतरवून घ्या.

Google - art museum

2011-07-04T11:05:00.000-07:00

.. न कोणती फी .. ना त्या देशात जाण्याचा खर्च. हवं ते संगीत लावा आणि कलेचा आनंद घ्या.. इतर लोकांची गर्दी नाही आणि ना वेळेच बंधन. निवांत पणे चित्र शिल्प पहा ..

गूगल ने आतापर्यंत अनेक सोयी व वैशिष्ट्यपूर्ण योजना राबवल्या आहेत आणि खूपदा त्या यशस्वीही झाल्या आहेत. गूगल म्युझिक असो किंवा गूगल बूक्स .. याच प्रकारे गूगलने चित्रकलेला ही महत्वाचा भाग बनवले आहे. गूगल स्वत:च्या लोगो मधे सदोदित काही सन्देश देणारी चित्रे घालून संदेश देतच असते. चित्रकलाच नव्हे तर एकूणच दृश्यकलेचा खजिना लोकांसमोर सहज उपलब्ध करण्यासाठीच गूगलने हे " आर्ट प्रोजेक्ट " सुरु केले आहे.
यामध्ये तुम्ही जगातिल नामांकित संग्रहालयाच्या काही खास दालनांना भेट देऊ शकताच पण कलाकृतिंचा आनंद अगदी जवळून म्हणजे काही इंचावरून घेऊ शकता. गूगल मॅप्स प्रमाणेच याही संस्थळाचे निर्माण केले गेले आहे. वापरायला सोपे आणि सहज.
वरील चित्रात जे दिसत आहे ते आहे गूगल आर्ट प्रोजेक्टच पहिल पान. इथे तुम्हाला संग्रहालयांची यादी मिळते. त्यातून तुम्ही संग्रहालय किंवा कडेच्या चित्रावर टिचकी जरी मारलीत तरी तुम्हाला संग्रहालयात प्रवेश मिळतो
तुम्ही निवडलेल्या संग्रहालयाच्या अगदी नकाशा पासून ते त्याच्या पूर्व इतिहासाबद्द्ल पण इथे तुम्हाला माहिती मिळते. ‘navigate floor plan' वर टिचकी मारलीत कि तुम्हाला खालील प्रकारे माहिती मिळॆल.

उजव्या हाताच्या उभ्या काळ्या रकान्यात मध्यभागी आहे तो चक्क नकाशा आहे. त्याने तुम्ही हव्या त्या दालनात जाऊ शकता. किंवा डाव्या बाजूच्या त्रिमित चित्रांमधे भिंतीवरच्या कोणत्या ही चित्रावर टिचकी मारल्यास तुम्ही त्या चित्राच्या जवळ जाऊन पोहोचता.

ते हे असे ..
तसेच कडेच्या चित्रात तुम्हाला जो उजव्या हाताला खाली झूमयंत्र दिसत आहे ना त्याने तुम्ही चित्र जवळून पाहू शकता.
मला खात्री आहे तुम्हाला हे गूगलच आर्ट प्रोजेक्ट नक्की आवडेल. कसं वाटलं ते जरूर कळवा
गूगलच्या आर्ट प्रोजेक्टला भेट देण्यासाठी इथे टिचकी मारा.
http://www.googleartproject.com/

Google - music

2010-10-22T10:10:00.000-07:00

online music ऐकणार्‍यांसाठी खुषखबर ! तुम्ही आज पर्यंत raaga.com किंवा dhingana.com वर गाणी ऐकत आला आहात .. पण आजच गूगल भारतने [ in.com, saavan.com saregama.com अशा ] संस्थळांच्या संयुक्त प्रयत्नांनी चक्क online संगीत ऐकायची google.music सेवा सुरु केली आहे. धक्का बसला ना ! मला ही ...

नवीन प्रयोग आहे म्हणुन मी भेट दिली. मला वाटलं की क्रीएटिव्ह कॉमन्स किंवा जुनी गाणी असतील. जसं यु ट्यूब वर आहे. पण इथे तर चक्क नवप्रदर्शित दबंग, i hate love storys, ब्रेक के बाद तसेच लगान, गोलमाल३, दिल्ली ६ अशा प्रतिथयश चित्रपटांच संगीत इथे ऐकायला मिळत आहे व तेही फुकट! हां ! दर्जा अजुन इतका चांगला नक्कीच नाहीय ! पण अगदीच नसण्यापेक्षा काय वाईट आहे ?? या शिवाय तुम्ही तुमची आवडती गाणी फ़ेसबुक जीमेल बज्झ वर सुद्धा इतरांना पाठवू शकता. याहून अजुन काय पाहिजे??

समोर आलेल्या यादीतून हव्या त्या अल्बम वर टिचकी मारा किंवा शोध घ्या आणि समोर आलेल्या यादीतून गाणे सुरु करा. हेडफोन्स असतील तर मजा जास्त येते, कारण मोठ्या आवाजाला हा दर्जा इतकासा चांगला नाहीय.. शिवाय गाणे दुसर्‍या विंडोत सुरु होत असल्याने तुमच सर्फिंग सुद्धा थांबत नाही! पण एक उणीव म्हणजे यादी करुन गाणी लावून ठेवता येत नाहीत.
इथे जुने व नवे चित्रपट आहेतच पण सर्व माहिती अगदी व्यवस्थित वेगवेगळी वर्गिकरण केलेली मिळते. तसेच दिलेली माहिती खरी असावी असेही वाटत आहे.

{ता. क. : इथे सर्वच भाषांची गाणी आहेत हो !! मराठी मध्ये अगदी लोकल अल्बम्स ते नवे अल्बम्स ही.. ते ही गूगल सजेशन्स च्या माध्यमातून ... :) मान गये गूगल !! }
समजा सलमान खान च्या नावावर टिचकी तुम्ही मारलीत तर त्याचे सर्व असलेले चित्रपट इथे तुम्हाला दिसु लागतील. अशाच प्रकारे ए. आर. रेह्मान च्या नावावर टिचकी मारल्यावर ६६५ शोध मिळाले आहेत. दिलिप कुमार, राज कपूर यांच्या काळातील गाणी पण उपलब्ध आहेत. फक्त आता हवे आहेत श्रोते !! तुम्ही लगेच क्लिक करुन जर सुरु केलं असेल तर ही पोस्ट इथ पर्यंत वाचत असताना एखादे गाणे संपत ही आले असेल ..

माझ्या मते पायरसीच्या उद्योगाला आळा बसण्यासाठी एका मोठ्या कंपनीने घेतलेले मोठे पाऊल आहे. यामुळे पायरेटेड एम पी ३ डाऊनलोड होणं थोड तरी कमी होइलच! तुम्हाला काय वाटतं?

So .. Stop piracy ! enjoy music !!

गूगल्ताय !! जरा जपून ..

2010-10-18T11:53:00.000-07:00

सेवा का फुकट आहेत कधी विचार केलाय का ? कोणतेही वस्तू आज पर्यंत फुकट कुणालाही मिळाली नाहीय. मग गुगल इतक फुकट का देतं ? तुम्हाला वाटेल की जाहिराती आहेत. त्यांची वेब सेवा वापरताना लोक जास्त हिट्स करत असतील. आणि इतर काही अंदाज ही असतील तुमचे. मला ही काही असेच प्रश्न पडले होते म्हणून सहज शोध घेतला गुगल वरच . आणि हे सापडलंय ! जरा वाचून तर पहा ..
http://www.pcworld.com/article/168224/does_google_know_too_much_about_you.html
http://pcworld.about.com/od/google/Is-Google-Too-Big.htm

दाखल्यासाठी सारांश ..
इंग्रजीत आहे गोड मानुन घ्या !

Service	Risks
Google Search	Privacy: Tying your search history to your browsing activities via the DoubleClick advertising network gives the company a much more detailed view of your online activities.
Gmail	Privacy: The routing information and content of your mail--including any attachments--reside unencrypted on Google servers. Legal liability: Loss of, or unauthorized access to, business correspondence increases your company's legal exposure.
Google Docs and Spreadsheets	Privacy: Your files are stored unencrypted on Google servers. Legal liability: A business could be found negligent if it loses, or allows unauthorized access to, business documents. Loss of access: Until applications supporting Google Gears arrive, you lose access to your files when your Internet connection fails.
Picasa Web Albums	Privacy: Photographs in albums designated "unlisted" can still be viewed by anyone who knows the URL. Loss of access: At present you have no option to view or back up your albums offline.
Google Calendar	Privacy: Your daily schedule and associated information reside unencrypted on Google servers. Legal liability: Loss of, or unauthorized access to, business information puts your company at risk. Loss of access: You can't open your calendar without an Internet link, although this will change with the arrival of the Google Gears browser extension.
Google Desktop	Privacy: If you neglect to lock the search function, anyone using your PC has access to your personal files. Legal liability: Copies of business documents may be stored on Google servers, making them susceptible to loss or unauthorized access.
Google Talk	Privacy: Instant-message logs can be archived and searched in Gmail.
Google Product Search	Privacy: A log of your product searches could be associated with your browsing history via the pending DoubleClick acquisition.

तेव्हा इथुन पुढं जरा जपूनच !

नवीन वर्षाच्या हार्दिक शुभेच्छा

2010-03-15T11:23:00.000-07:00

नेटविद्यार्थी ब्लॉगच्या वाचकांना व शुभचिंतकांना हे हिंदू - भारतीय नव सौरवर्ष भरभराटीचे आनंदाचे आणि सुखाचे जावो. विशेषत: ब्लॉगर्स साठी भरपूर वाचकांनी भरलेले व नव्या मैत्रीच्या संधी घेऊन येणारे ठरो ही मनोकामना.

नवीन वर्षाच स्वागत आपण गुढ्यापताका लावून करतो. त्याच निमित्ताने मी तुमच्यासाठी एक विजेत तयार केलंय .. तुमच्या ब्लॉगवर ही तुम्ही माझ्यासारखी गुढी लावू शकता. हे चित्र सुद्धा मी स्वत काढलेले असल्याने ते वापरायला परवानगी लागणार नाही. ह्या विजेत पुरती तरी.. हे विजेत कस वापरायच ते खाली दिले आहे.

ब्लॉगर च्या dashboard मधून layout मध्ये जा.
तिथे साईडबार च्या वरील add new gadget वर टिचकी मारा.
त्यानंतर आलेल्या विंडो मध्ये html/javascript विजेत समोरील निळ्या अधिक चिन्हावर टिचकी मारा. व निवडा.
आलेल्या नवीन विंडोमध्ये त्यात खाली दिलेला कोड इथून कॉपी करून त्यात पेस्ट करा आणि सेव्ह वर टिचकी मारा.

तुमच्या ब्लॉगवर सुद्धा गुढी दिसू लागेल. जर तुम्हाला ती थोडी वर खाली इकडे तिकडे करायची असेल तर कोड मधील left व top चे px प्रमाण कमी जास्त करा. घाबरण्यासारख काहीही नाही. याने फक्त तुमच्या गुढीचीच जागा वर खाली होणार आहे. जर तुम्हाला गुढी ब्लॉग च्या पुढे अथवा मागे करायची असेल तर z-index चे 2 करा. गुढी पुढे येईल
जर वापरलं तर मला पाहायला जरूर आवडेल .. नाही वापराच .. मी तर ही गुढी रामनवमी पर्यंत ठेवणार आहे. तुम्हीही ठेवा एक प्रतिक म्हणून. पुन्हा एकदा सर्वाना नवीन वर्षाच्या हार्दिक शुभेच्छा.

टेम्प्लेटसाठी दाहीदिशा ... पण आता नाही ...

2010-03-13T10:04:00.000-08:00

blogger.com ने टेम्प्लेटसाठी होणारी लोकांची वणवण थांबवण्यासाठी हे नवे यंत्र आणले आहे. हे अजून प्रायोगिक तत्वावर आहे आणि त्याचा वापर करण्यासाठी तुम्हाला draft.blogger.com वर जाऊनच लोग इन करायचे आहे. त्यानंतर तुम्हाला ते वापरता येईल . हा विडीओ मी अतिशय उत्स्फूर्तपणे केल्याने काही चुका आहेत, तसेच अतिशय इंग्रजी मराठीचे मिश्रण केले आहे त्याबद्दल दिलगिर आहे .

नेटविद्यार्थीच्या ब्लॉग चे टेम्प्लेट मी तयार केलेले नसून ते कोणी केले आहे पाहण्यासाठी ब्लॉगच्या तळटीपेत लिहिलेले आहे. व्हिडीओत मी केले आहे असे चुकून म्हटले गेले आहे. या टेम्प्लेटमध्ये फक्त मी हवे तसे अगदी काही छोटे बदल केलेले आहेत.

आणि हो , तुमच्या प्रतिक्रिया द्यायला विसरू नका ..

आय पी एल online

2010-03-12T10:42:00.000-08:00

आयपीएल ची सुरुवात तर दणक्यात झालीय .. कोलकाता नाईट रायडर्स ने डेक्कन चार्जर्स वर बाजी मारलीय ..

पण काही लोकांना Sony max किंवा केबल उपलद्ध नसल्याने किंवा इतर कारणाने जर ते पाहता येत नसेल तर त्यानी नाराज व्हायचं कारण नाही. तुमची youtube व आय पी एल ने सोय केलेली आहे. जर तुमच broad band इंटरनेट जोडणी असेल तर तुम्ही आयपीएल च्या सर्व सामन्याची मजा online लुटू शकता .. अगदी फुल्ल्स्क्रीन !

इथे तुम्ही ट्विटर ने सदस्य होऊन चिवचिव ही करू शकता तसेच तुमची मते मांडू शकता ... इथे सामने अगदी घडामोडीनुसार चालतात .. व साठवलेले videos सुद्धा आपण पाहू शकतो तसेच तुम्ही एकच सामना दोन कोनातून पाहू शकता. तुमच इंटरनेट जोडणी जर कमी वेगाची असेल तर ते आपोआप त्या नुसार प्रक्षेपण करते.
गेल्या दोन वर्षी लोकांचा online शोध घेण्याचाओघ पाहता खुद्द आयपीएल नेच स्वतःची यु ट्यूबवाहिनी सुरु केली आहे तिथे जाण्यासाठी फक्त तुम्हाला इथे टिचकी मारायची आहे.

ई - पेपर गॅलरी

2010-03-04T10:08:00.000-08:00

ई - पेपर गॅलरी
इंटरनेटवर फिरताफिरता मला हे संस्थळ सापडलं, खरतर हे अनिवासी भारतीयांकारता एकदम पर्वणी आहे. कारण इथे तुम्हाला भारतात जसे छापले जाते तसेच्या तसे वर्तमान पत्र वाचायला मिळते पाहायला मिळते. पण तुमच्या आमच्यासारख्यांना ही चांगली सोय आहे ही ! हे आहे एक वर्तमानपत्र वाचनालय जस चौकाचौकात असत तसच .. विविध वर्तमान पत्रे जशी छापली जातात तशी इथे पाहायला मिळतील. त्याची नेट आवृती असेल तर ती ही दिली जाते सोबत पण छापील आवृत्तीची नक्कल इथे असते हेच याच वैशिष्ट्य ..
आणि हो , फक्त मराठीच नाही तर इतरही भाषातील अगदी देशातील विदेशातील ही बातम्या तुम्हाला इथे वाचून काढता येतील. हा अनुभव अगदी खरा वाटणारा आहे. फक्त हातात कागद नसतो इतकाच. पण पेपर पेक्षा हे जास्त छान वाटलं मला हे वाचायला ..
इतकेच नव्हे तर इथे काही पुस्तके ही आहेत जी वाचायला मिळू शकतील. या संस्थळाचा स्वत:चा एक सामाईक फलक आहे ज्यावर तुम्ही पुढील मागील पाने व अंक चाळू शकता. शीर्षकावर एक निळी पट्टी येते ज्यावर तुम्ही हे नियंत्रक पाहू शकाल.

यात Times of India, The Hindu, DNA, Asian Age तसेच मराठीत सामना, प्रभात ,सकाळ, मराठवाडा नेता, प्रहार, हिंदीत सामना, अमर उजाला, दैनिक भास्कर, इन दिनो अशी अनेक माहित नसलेली किवा नियमित न पाहिली जाणारी वार्तापत्रे पाहायला वाचायला मिळतील. या संस्थळाचे तुम्ही सदस्य ही होऊ शकता.
जरूर भेट द्या एकदा या इ पेपर गॅलरीला !

मराठी मंडळी ..

2010-03-01T10:23:00.000-08:00

मराठीब्लॉगर्स च्या ग्रूप ने स्थापन मराठीमंडळी.कॉम केलेले हे संस्थळ .. आज रात्री १० वाजता सुरु झाले. या आधी मायबोली, मराठी माती, मनोगत, ffive.in, मिसळपाव अशी अनेक संस्थळे निर्माण ही झालेली आहेत. त्यांच्या वाटचालीचे आपण साक्षीदार आहोतच . मराठी संस्थळ विश्वात अशी अनेक संस्थळे निर्माण होत आहेत आणि स्वत्व जपण्याच्या बरोबरच मराठीचे अस्तित्व निर्माण करत आहेत.
मराठी मंडळी बद्दल
ही मंडळी आहेत भुंगा, पंकज झरेकर, अनिकेत समुद्र, विक्रांत देशमुख, विशाल तेलंग्रे आणि आपण सर्व मराठी मंडळी !!

त्यांच्याच भाषेत सांगायचं झालं तर ..

कोणी मेकॅनीकल, कोणी संगणक तज्ञ कोणी ग्राफीक्स तर कोणी अजुन कोण. सर्व जण वेगवेगळ्या क्षेत्रात काम करणारे. पण सर्वांमध्ये एका गोष्टीचे साम्य आणि ते म्हणजे मराठी बद्दल प्रचंड आदर आणि मराठीतून लेखन करण्याची आवड. ह्या एका गोष्टीमुळेच प्रत्येकाचे स्वतंत्र असे मराठीतून ब्लॉग होते, आहेत....
हळु हळु असे लक्षात येऊ लागले की आपल्यासारखेच हजारो आहेत. ह्या सर्वांनी एकत्र येण्याची गरज आहे. असं म्हणतात की ‘गर्दीचा कुठला चेहरा नसतो’. पण मराठी भाषेने झपाटलेल्या काही तरूणांनी हेच वाक्य खोटं करुन दाखवण्याचा ध्यास घेतला. आपण मराठी ध्येयवेड्यांना एकत्र करुन ह्या गर्दीला एक चेहरा द्यायचा.. “मराठी मंडळी” ब्लॉगर्स. पुढे वाचा ....

काही ठळक वैशिष्टे :

एकदम मूळ साहित्य. फक्त ब्लॉगर्स लिहिणारे असल्याने त्यात उचले गिरी नसेल.
काहीतरी रचनात्मक करणे हा उद्देश.
इथे तुम्हाला विविध चर्चा, गप्पा , नव साहित्याचे सादरीकरण भाग आहेत व अध्यात्म ते इतिहास, खगोल, खेळ, छायाचित्रण असे अनेक विषय पाहता वाचता येतील.
प्रियजनांना नववर्षाच्या शुभेच्छा देण्यासाठी इथे शुभेच्चा पत्रे ही उपलब्ध आहेत.
जरी नाव मराठी मंडळी असले तरी तुम्हाला इथे इंग्रजी बरोबरच इतर १० भारतीय भाषा मध्ये अभिप्राय देता येईल अशी सोय आहे. यावरूनच त्यांचे सर्वसमावेशक धोरण दिसते ..
चर्चासाठी एक स्वतंत्र चर्चा मंच आहे.
त्याच बरोबर तुमचा ब्लॉग ही तिथे जोडला जाऊ शकतो. तुम्ही तुमच्या बरोबरच इतरांचे ब्लॉग ही पाहून वाचू शकता .
सदस्यत्व नोंदणी सुरु आहे.

मराठी मंडळी. कॉम च्या कारकीर्दीस नेट विद्यार्थीच्या मन:पूर्वक शुभेच्छा !!

सारे काही जुने -guide book gallery

2010-02-25T09:03:00.000-08:00

आज सर्फिंग करताना मला हे संस्थळ सापडले, www.guidebookgallery.org
इथे सर्व शक्य तेव्हड्या जुन्या संगणकप्रणाली च्या दृश्य अनुभवाचा चित्र साठा आहे. अगदी जुन्या mac windows पासून ते 3dmax, photoshop, note pad, calculater सारख्या मोठ्या छोट्या गोष्टींपर्यंत .. सर्व काही ..
न राहवून तुम्हाला ही दाखवावेसे वाटले म्हणून ही एक छोटीशी पोस्ट जुन्या काळासाठी .. !!
नक्की पहा आणि कळवा कसे वाटले ते !

मकरसंक्रांतीच्या हार्दिक शुभेच्छा

2010-01-14T09:33:00.000-08:00

काही संगणकासाठी wallpapers केले आहेत.
ते तुम्हाला इथे मिळतील.
या पानावर गेल्यावर डावीकडे download या शब्दावर टिचकी मारा. एक wallpaper.zip अवतरित होईल. त्याच्या आत तीन आकाराचे wall papers आहेत.

आईने केलेल्या वड्या आणि आमची फोटोग्राफी व चारोळ्या ..
कस झालंय ते जरूर सांगा !! :)
पुन्हा एकदा ..
मकर संक्रमणाच्या हार्दिक शुभेच्छा !

गुगल आय एम इ - एक मस्त टंकलेखन सुविधा

2010-01-01T21:07:00.000-08:00

गूगलने नेहमीच वैशिष्ट्यपूर्ण सुविधा आपल्याला दिलेल्या आहेत. त्याच पैकी एक म्हणजे गुगल आय एम ई transliteration आज पर्यंत आपण गमभन किंवा बारह या प्रणालीचा वापर करत होतो. आणि त्यात रुळलो हि आहोत. पण त्या बाह्यपद्धतीच्या प्रणाल्या आहेत. स्वत विंडोज लिनक्स आपल्याला मराठी भाषेत टंकलेखन करायला साह्य करतात पण त्या वापरणं जरा क्लिष्ट आहे. कळफलक लक्षात ठेवावे लागतात. या उलट गुगल आय एम इ ने ही सोय थोडी हलकी होते आणि आपल्या कॉम्प्युटरला फार त्रास ही होत नाही :D .. मी या व्हीडीओत हे कसे वापरायचे आहे ते दाखवले आहे.
तुम्हाला कसे वाटले ते जरूर कळवा.. या प्रणाली पर्यंत जाण्याचा दुवा आहे www.google.com/ime/transliteration इथे.

नक्की वापरून पहा आणि सांगा मला कसे वाटले ते!

या पोस्टचे श्रेय मी देतोय प्रसाद दांडेकर याला ..
मित्रा,
ही लिंक दिल्याबद्दल आभार!अतिशय कमी कष्टात मला मराठी टंकलेखन करणे सोपे जात आहे. आणि मी रोजच्या वापरत आता मराठी टंकलेखन करत आहे.

परत भेटूच लवकर .. तो वर happy surfing !!

गूगल वेव्ह..

2009-12-27T04:13:00.001-08:00

थंडीची लाट आलेली आहे सध्या .. तशीच काहीशी पण इंटरनेटला बदलून टाकणारी ही लाट आहे.. गूगलची लाट .. google wave...
यावर स्वार कसं व्हायच हेच सांगितलय या व्हिडीओत..
मी आधीच या सेवेचा भाग झालेलो असल्याने अगदी नवा अनुभव व माहितीही तुम्हाला मिळॆल ..

चॅट + फ़ोरम्स + इमेल + कॉन्फरन्स = गूगल वेव्ह..

भाग दोन

माझ्याकडे या सेवेची १४च निमंत्रणे आहेत तुम्ही मला तुमचा इमेल या पोस्ट्च्या प्रतिक्रियेमधे पाठवू शकता किंवा मला तो veeroo18[at]gmail वर ही पाठवू शकता. मी तुम्हाला वेव्ह वर जोडून घेइन ! :)
तेव्हा त्वरा करा .. स्वार व्हा या नव्या लाटेवर !!!

गूगल वेव्ह बद्दलच असलेला हे आणखी काही व्हिडीओ.. in english
http://www.youtube.com/watch?v=rDu2A3WzQpo&feature=related
http://www.youtube.com/watch?v=Itc4253kjhw
http://www.youtube.com/watch?v=xBzuuWZPaXc