Que sera sera?

Bakit masama ang Chismis?

2015-02-27T03:19:00.002-08:00

Chismis or Rumors/Gossip sa salitang ingles, ano nga ba ang nagagawa nito sa ating pamumuhay bilang mamamayan? Sabi sa wikipedia at sa sarili kong pangunawa ay ito yung pagkkwentuhan tungkol sa buhay ng ibang tao na may kakabit na negatibong mga puna, kwento o pananaw may katotohanan man o wala. Mahilig magkwentuhan ang mga Pilipino, mula sa mga tambay sa kanto, sa mga magkakapitbahay, magkakaklase, magkakatrabaho o kahit sa internet. Ano ba namang sasarap sa meryenda kung walang mga kwentuhan at palitan ng mga opinion. Kasama na sa kultura natin ang pag-usapan ang buhay ng iba lalo na kung wala namang makabuluhang pwede ikwento sa sarili o may galit ka sa kaaway mo na mas maganda syo o mas nakakaangat.

Bakit nga ba masama ang chismis? Isipin mo na naglalakad ka sa kalsada at may narinig ka na nagbubulungan, ano mararamdaman mo pag nalaman mo na ang pinagbubulungan pala nila ay ikaw? Yung kapitbahay mo nabuko ni misis na may number 2 dahil nakarating sa kanya ang chismis na may kasamang babae sa mall, pinagbabato niya ang mga damit sa labas at huli na ng nalaman niya na pinsan lang pala yun nimister. Maraming naidudulot ang paguusap tungkol sa buhay ng iba simula sa pagkawasak ng magandang relasyon, pagkasira ng pagkakaibigan at pagsisimula ng away at gulo. May sarili tayong mga buhay na pwede naman nating ikwento ngunit ang pakialaman ang buhay ng iba at i-broadcast ito ay hindi magandang paguugali bilang isang edukado at mabuting tao.

Hindi natin kailangang iangat ang ating mga sarili sa pamamagitan ng paninira o pagsasalita ng masama patalikod sa ibang tao, sa gayong paraan tayo ang nagmumukhang cheap at walang breeding. Lahat ng bagay may limitasyon at kasama na doon ay ang pakikialam sa buhay ng iba. Ang sikretong nalaman ay hindi na dapat sabihin pa sa ibang tao dahil kung ito ay sensitibo at maaaring makawasak, ikaw pa ang dahilan ng gulo. Ang mga bagay ay may wastong paggamit, kasama na dito ang ating mga dila. Isipin mo nga, sino ka para ipaalam sa iba ang mga bagay na ipinagkatiwala sayo na hindi mo dapat sabihin sa iba? Bakit kailangan mo pang ibalita sa buong mundo ang hindi magagandang bagay na nangayri sayo o sa ibang tao na hindi mo iniisip na may masasaktan o magkakagulo? Disiplina lang yan.

Sa kabilang banda, kaakibat narin ng chismis ang crab mentality, yung pag may nakita kang bagong gamit ni mare, pupunta ka sa kapitbahay at sasabihin na hindi naman maganda o inutang lang nila yun. Yung mas magaling sayo ang katrabaho mo tapos ibubulgar mo sa boss mo na lihim siyang natutulog sa trabaho kahit na pumikit lang naman siya matapos tapusin ang lahat ng bagay. Bakit kasi hindi nalang din tayo magsumikap para makamit din natin ang tagumpay? Yung mga taong yan, hindi naman nila nakamit kung nasaan man sila ngayon kung hindi nila yan pinaghirapan tapos matutuwa ka pa kung masisisra mo sila sa pamamagitan ng paninira.

Masarap mag share ng mga feelings sa mga kaibigan. Sabi nga, nakakabawas ng lungkot, hinagpis at stress kung ibabahagi mo sa mga malalapit sa puso mo ang iyong pinagdaraanan o hinanakit. Pero paano naman kung sa buong mundo mo ito ipinamalita? Nag break kayo ng boyfriend mo dahil may ibang babae ito ayon sa iyong pagdududa. Sa sobrang hinanakit mo at gusto mo ng balikat na masasandalan, ipinamalita mo ito sa iyong mga kaibigan, katrabaho, kapitbahay, pinost mo pa sa Facebook at pati sa security guard naikwento mo na. Isipin mo nga na hindi mo lang ginagawang pulutan ang iyong buhay, sinisira mo rin yung pagkatao ng boyfriend mo sa ibang tao. May mga bagay na dapat isa-pribado nalang kaysa ipagkalat, masama man o mabuti. May linya ang sa gitna ng pagse-share at pag-eeskandalo.

Hindi rin naman maiiwasan ang magkwentuhan, sabi ko nga masarap magkwentuhan pero isipin natin kung pwede itong makasama. Nagkakaroon din ng gulo kapag nadadagdagan ang mga istorya ng mga elementong isinilang dahil sa inggit at galit. Kung may makarating man sa atin at hindi naman maiiwasang marinig na topic sa paligid, wag nalang sana nating dagdagan ito. Nalate si Pedro sa trabaho tapos kinabukasan ang balita nalate si Pedro dahil ito may may kadate. Buti pa sila alam na may ka-date si Pedro na kung siya mismo ay hindi niya alam sa sarili niyang may ka-date pala siya.

Ang pagkakaroon ng hindi pagkakaunawaan ay parte narin ng buhay ng tao. Wala naman perpekto dito sa mundo. Sana lang kung magkakaroon ng ganitong mga sitwasyon, wag na natin itong palakihin sa pamamagitan ng pagsususmbong sa ibang tao na hindi naman involved o kung hindi naman ganun kalaki ang issue. Iuudyok mo lang na kumalat ang issue dahil lumalabas na naghahanap ka ng kakampi tapos ang ending naghanap din ng kakampi ang kabilang panig tapos World War 3 na. As much as possible ayusin ang isang bagay sa pribado at mapayapang pamamaraan.

May mga sitwasyon talaga na mahirap magpaka edukado. Hindi ko rin naman sinasabi na perpekto ako, nagdaan din ako sa stage na parte din ako ng chismisan at sino ba namang hindi? Aminin mo ikaw din. Masasabi mo lang ang mga bagay na ito kung natuto ka sa mga bagay na naranasan mo in the past and para sa akin, masama talaga ang chismis dahil narasan ko na ang mainvolve dito at machismis. Masakit yung may nalalaman ka na may sinasabi silang hindi maganda sayo at hindi mo manlang maipagtanggol ang sarili mo at mahirap sa konsensya yung dahil sayo may nangyaring hindi maganda. Well, ano ba ang dapat gawin? Makinig, iwasan ang manghusga at wag maikalam. Irespeto natin ang bawat isa. Ang taong may respeto sa sarili ay marunong respetuhin ang ibang tao. -FAF

Von Voyage...

2014-05-09T14:42:00.000-07:00

Dear Big Sister,

We may have not have known each other for number of years (at least we had one and hoping the counting would still continue) but thank you for the friendship and care you have given us.

for teaching me how to cook ...

For the advises, words of wisdom and sermons that taught me to be less lazy, stronger, productive and true to myself.

For being there when i need someone to listen ...

For some of mine and Rio Bear's happy and funny memories here in HDC ...

You are a strong and loving woman that is why many admire and love you.

I may not be always vocal or that kind of endearing to you in person but for me you are one good friend I always treasure and be thankful of.

Wishing you all the best in life for I know that God has His Purpose on you and He will bring you in the perfect place with the perfect person for you to be happy in a lifetime.
Friends forever. We will never forget you. We love you and see you again.

--- Floree

Thank You Friend..

2013-10-25T10:22:00.001-07:00

Sometime in our lives we meet people out of nowhere and one day we will just be surprised that they will become a part of it. Once upon a time, I met someone online then ngayon never would I thought na magiging isa siya sa source of strength ko sa aking mga kadramahan sa buhay. Hindi ko na ipapaliwanag kung paano ko siya nakikila online pero hindi ko lubos maisip na magiging close buddy ko siya kahit online lang... I appreciate everything... from nonsense good mornings to extreme emotional upsets nanjan siya na palaging nakikinig. Siguro kung wala siya sa Facebook Chat at WeChat ko everyday ay mas lalo na akong naloka. Kung sino man siya, gusto ko siyang pasalamatan sa lahat lahat.... yung simpleng pakikinig niya kapag may pinagdaraanan ako, sobrang laking bagay nun kaya ako nakaka kilos araw araw. Gusto ko siyang pasalamatan for making me smile and sa sensible advices. Trully, a friend is a gift from God and hindi ko man alam kung magiging kaibigan ko siya forever, pinagpapasalamat ko na nakilala ko siya.... Sana hindi siya magsawa at sana balang araw masuklian ko rin yung mga pagsuporta niya sa akin. Thank you kaibigan...

--Floree

Ano ang pakiramdam ng isang Bisexual?

2013-07-26T16:36:00.004-07:00

Ano ang pakiramdam ng isang Bisexual?

Sa modernong mundo natin ngayon, hindi lang dalawa ang uri ng kasarian ng tao, siguro dahil noong unang panahon na konserbatibo pa ang lipunan, hindi lang nailalabas ng mga tao yung tunay na saloobing nila sa kanilang sexualidad. Pangatlong kasarian tawag sa mga damdamin at sexualidad ng mga tao na attracted emotionally at sexually sa mga tao ng kaparehong kasarian. May apat na division ang third sex; ito ay ang LGBT. Lesbians: ang mga babaeng attracted sa kapwa nila babae, Gays: mga lalaki na attracted sa kapwa nila lalaki; Bisexual: babae at lalaki na pwede magkagusto sa parehong kasarian at mga Transgenders, yung mga nagpa sex change at nagdadamit at kumikilos na tulad ng sa opposite na kasarian.

Sa buhay ko hindi ko maintindihan simula noong bata pa ako kung bakit mas mahilig ako pumuri ng magaganda kaysa mga gwapo. Minsan noong grade 5 ako, mayroon akong kaklaseng babae at masayang Masaya ako kapag nakikita ko siya at hangang hanga ako sa kanya kasi magaling siya sa maraming bagay. Kahit alam ko na ang unang attraction ko ay sa lalaki, may damdamin na hindi ako maipaliwanag sa kanya. Sa totoo lang, nagkaroon na rin ako ng matiniding damdamin sa isang lesbian noong early puberty ko at nakakapag imagine din ako ng mga fantasies with same sex. Maraming taon ang lumipas pero naisip ko, nasolve ko na yung identity crisis ko noon dahil puro lalaki na ang apple of the eye ko. Still, naaatract parin ako sa same sex pero hindi naman todo katulad ng dati, baka nga confused lang ako noon.

Makalipas ang maraming taon, hindi ko expected na mararanasan ko ulit na maatract at ma-fall sa isang tao na kabilang sa same sex. Alam ko na gusto ko siya dahil, Masaya ako kapag nakikita siya, ang ganda ganda niya lalo na at nakangiti siya, masarap ang pakiramdam kapag kausap siya, siya ang naiisip ko pagka gising at bago matulog at siya ang dahilan kaya excited ako pumasok. Minsan nahihiya ako sa sarili ko kung bakit ngayon nararamdaman ko ulit ang bagay na ito, pinipilit kong pigilan kaso nagsisimula narin akong maging awkward kapag nandyan sya at hindi na rin ako mapalagay. Mahirap mahulog ng biglaan dahil hindi mo alam kung paano mo ito tatanggalin kaagad. Hindi ito tama dahil wala din naming patutunguhan at baka masira lang yung pagkakaibigan niyo. Sa huli, narealize ko na ganito siguro talaga, wala naman akong dapat ikahiya kaya lang dapat mag move on kaagad. Gusto ko kasi na maging kaibigan ko siya at mas maging strong pa yung pagkakaibigan namin. Minsan din iniisip ko na sana hindi ko nalang nasabi sa kanya pero mabuti narin yun kasi yun lang din yung magagawa ng damdamin ko, na iparamdam sa kanya na hinahangaan ko siya at wala ng iba pa. Mahirap man tanggapin noon, ngayon wala akong takot na sasabihin sa mundo na Bisexual ako at hindi ko sinadya na maging ganito ako. Alam ko ang lugar ko sa mundo at kung papapiliin pa rin ako ng magiging partner ko sa buhay, siguro sa lalaki ko parin gusto. Ang masasabi ko lang, tanggapin natin kung ano tayo dahil yun ang magpapalaya sa atin.

Bakit patok na patok sa masa ang "Be Careful with my Heart"?

2013-03-18T16:29:00.000-07:00

Milyong milyong Pilipino sa bansa at sa iba pang panig ng mundo ay nahuhumaling sa pang umagang teleserye na nagbibigay ng kilig, inspirasyon at katuwaan. Umaga palang, nakatutok na ang mga misis sa bawat tahanan, mga estudyante at manggagawa na nasa kanilang mga breaktime para abangan ang susunod na kabanata sa buhay ng atng masayahin at punong puno ng pag-asa na si Maya De La Rosa na ginagampanan ni Jodi Sta. Maria at ang pamilya Lim na pinamumunuan ng kanilang padre de pamilya na si Richard Lim na ginagampanan naman ni Richard Yap.

Bakit nga ba patok na patok sa masa ang teleseryeng ito?

Una, dahil sa kakaibang aura ng mga karakter. Sino ba naman ang hindi matutuwa kay Maya na pasan na yata ang buong mundo sa dami ng problema ngunit napaka masyahin at positibo parin ang mga pananaw sa buhay? Maituturin na magandang ehemplo ang karakter para sa mga kababaihan at mga anak na nagmamahal sa kanilang pamilya na dumaranas ng mga problema dahil sa kahirapan. Ang ugaling ito ni Maya ang naging susi para maging pasensyoso siya sa mga pinagdaraanan para sa kanyang pamilya. Ito rin ang nagustuhan sa kanya ng kanyang katambal sa istorya na si Ricardo Lim na tinatawag niyang "Ser Chief." Maging ang mga anak ni Richard sa istorya ay kakikitaan ng kakaibang spark tulad nila Jerome Ponce bilang Luke, Janella Salvador bilang Nikki at ang nakapa lovable na si Abby na ginagamapanan ng cute na cute na si Mutya Orquia. Yung bang tipong ang gaan ng impact nila pag pinanonood, talagang maaaliw ka sa kanila.

Pangalawa, dahil maraming pwede maka relate sa istorya sa kahit anong estado ng buhay. Ang mga Pilipino ngayon ay nakakaranas ng maraming isyu tulad ng kawalan ng trabaho at kung paano susuportahan ang pamilya. Si Maya ay isang probinsyana na nangarap magtrabaho sa ibang bansa ngunit siya ay nabigo. Pero ika nga nila, habang may buhay ay may pag-asa naman, blessing narin siguro yun dahil dito nakilala niya si Richard Lim na nagbigay sa kanya ng bagong pag-asa sa buhay ay mga pagtulong na di matatawaran para sa isang amo sa kanyang kasambahay. Sa kabilang banda, matututunan din sa istorya kung paano bumangon mula sa pagkawala ng isang minamahal sa buhay. Ang pamilya Lim ay naging madilim mula ng mamatay ang kanilang ilaw ng tahanan ngunit dahil sa pagiging biba at maalaga ng bago nilang yaya na si Maya, unti unting nag iba at naging mas makulay ang pamilya. Pati sa pagpapalaki ng mga anak na teenagers ay matututunan din sa istorya at mga karaniwang pinagdaraanan ng mga teenagers tulad nila Luke at Nikki.

Pangatlo, ang nakakakilig na loveteam nila Maya at Ser Chief. Minsan hindi ko maintindihan kung bakit marami ang kilig na kilig kay Richard Yap. Aminin na nating mejo may angat ang edad niya sa karamihan ng mga manonood ngunit hindi parin mapigilan ang mga kababaihan, teenager man or adult na hangaan ang aktor. Iba kasi ang tindig niya at dating, para bang pag siya ang naging nobyo mo, secured ka at aminin natin, gwapo naman talaga si Mr. Yap, macho na classy ang dating, pang prince charming kahit may edad na kumpara sa mga batang tagahanga niya. Si Jodi naman, magaling na siyang aktres dati pa, lahat na yata ng roles na challenging nasubukan na niya tulad ng pagiging kontrabida niya ngunit bakit dito siya mas minamahal ng mga tao? Siguro dahil dalang dala niya yung karakter, puno ng pag-asa.

Waging wagi din ito sa ratings na hindi matapatan ng taga kabilang istasyon. Ito din ang pinakaunang teleserye ng ABS-CBN na naka High Definition (HD). Napaka makabuluhan ng palabas na ito, sana mas maraming pang ganitong uri ng programa ang gawin ng mga istasyon ng media sa Pilipinas. -faf

Ang pangarap kong maging manunulat

2013-03-05T14:50:00.001-08:00

Lahat tayo ay may kanya kanyang mga pangarap. Hindi ba mas masaya kung yung mga kakayahan natin ay magamit natin sa mga bagay na gusto natin? Ngunit hindi lahat ng pangarap ay natutupad sa dami ng mga dahilan sa buhay na kailangan nating angkupan. May nangangarap na maging mangaawit kahit sintunado naman, meron diyan gusto maging artista ngunit hindi naman nabiyayaan ng talento sa pag arte at meron din namang kabaligtaran ngunit sa dami ng personal na mga rason ay hindi nila kaya matupad and mga ito tulad nalang ng problemang pinansyal. Maswerte yung iba na may mga koneks yon o sapat na budget para magawa ang mga gusto nila.

Simula nung nasa mababang baitang palang ako ay mahilig na akong bumasa at sumulat bukod pa sa pag guhit. Naalala ko panga nung sinali ako ng aking guro sa feature writing contest kasi magaling daw ako gumawa ng talata at catchy ang mga ito. Miyembro din ako ng journalism club. Mahilig din ako gumawa ng mga tula at mga kung ano anong maiksing kwento dahil gustong gusto kong humawak ng papel, bolpen at lapis noon pa man. Nung mag kolehiyo ako, natuto ako mag blog. Masaya pala gumawa ng blog dahil nababasa ng ibang bloggers ang mga naisulat mo at ang buong mundo na rin. Dahil mahirap lang kami, naging praktikal ako at nauwi sa pagpili ng kurso na hindi ko naman talaga pinangrap pero ng maglaon ay natutunan ko na ring mahalin dahil maraming masasayang alaala at pakikipagsapalaran na naranasan ko pati narin ang makatulong at maalagaan ang mga taong may karamdaman. Bachelor of Science in Computer Science talaga ang pangarap ko simula nung bata pa ako dahil mahilig ako magbutingting ng mga programs sa computer at in demand pa ito noon. Sabi ng aking guro nung hayskul, Political Science daw ang bagay sa akin dahil magaling din ako sa araling panlipunan , sabi ng iba fashion design daw dahil magaling ako gumuhit ngunit ng lumaon ay narealize ko, ang tibok talaga ng puso ko ay ang pagsusulat. Noon, pantasya ko magkapagsulat ng nobela na hindi mawawala sa alaala ng mga makakabasa pero dahil tamad na ako, ang pangarap ko na ay maging feature writer. Gusto ko yung gumagala kung saan saan para humanap ng istoryang pwede isulat at mainspire ang mga mambabasa. Gusto ko din maging sikat sa blogger. Iba kasi yung feeling kapag nakikita ko yung mga visitors na bumibisita ng mga blog articles ko. Masarap ang pakiramdam na nababasa nila ang naisulat ko dahil parang kinakausap ko narin ang mundo.

Kailan ko kaya matutupad ang pangrap ko? Sana balang araw mabigyan ng opurtunidad ni God na magawa ko naman ang mga bagay na nagpapaligaya sa akin ng buo. Hindi sa sinasabi ko na hindi ako maligaya ngayon, proud ako sa aking propesyon habang buhay at saludo ako sa mga colleagues ko. Gusto ko talagang magsulat. Kung ano man ang plano ng Maykapal sa akin, maluwag ko yung tatanggapin. -faf

MRT-3 Shaw Boulevard Station

2011-12-19T02:10:00.000-08:00

Ang Shaw Blvd. station ng MRT ay ang paborito ko sa lahat ng station dahil sa bukod sa dito ako bumababa araw-araw ay marami akong alaala sa station na ito dahil dito ako naligaw, natututo at naglakad dahil malapit ito sa ibang istasyon. Malaki rin ang station na ito at maraming daanan kaya nga minsan ang dapat na baba ko ay sa tapat ng Shang ay napa baba ako sa may Starmall ang hindi ko alam. Ito ang sampung trivia tungkol sa istasyon na ito:

1. Ito ang central terminal ng MRT-3
2. Mayroon itong isang reserve route at spur route
3. Parte din ng Ortigas ang area nito pero pinangalan sa Shaw kasi direktang naka posisyon sa boulevard
4. maraming malls at buildings ang nakapalibot sa station na ito tulad ng Starmall, Shangri-La Plaza, Greenfield District at Mega B ng SM Megamall
5. malapit ito sa sari saring terminal at sakayan patungo sa iba't ibang parte ng NCR at sa mga lugar sa South at North Luzon.

-faf

Photo By: Wiki

Sinag Pilipinas

2011-11-20T07:28:00.001-08:00

[Photo By: Jib Maria]

I'm so proud of the Sinag Pilipinas Boys for bagging the Gold Medal in the 2011 SEA GAMES! :)

Ang pagiging FAN at ang mga RESPONSIBILIDAD

2011-10-09T10:03:00.000-07:00

Ako ay isang average na Fangirl na may sinusubaybayan at hinahangaang celebrity at proud naman ako sa bagay na yon. Noong bata pa ako hanggang sa adolescent ay hindi talaga ako mahilig sumunod sa mga careers ng mga celebrity kahit nakakanood naman ako ng mga Showbiz News, talk shows o nagbabasa ng mga showbiz scoops sa Diyaryo. Tama na sa akin yung napapanood ko ang mga artista o nakikita sa mga billboards. Isang araw nagising nalang ako na super inaadmire ko na pala itong cute, matalino, mabait at magaling sa sports na collegiate basketball player. Noong panahon lang na yun ako nakaramdam ng ganung pag hanga sa isang sikat at hinahangaang celebrity. First time ko ma-experience na hindi makatulog kakaisip lang sa isang episode ng TV Show na siya yung host at funny to think ay kinilig ako sa isang tao na sa TV ko lang nakikita. Dumating ang panahon nagkaroon din ako ng mga kaibigang taga hanga rin niya at masaya kasi naka gain ako ng maraming friends ay naging mas updated pa ako lalo sa kanya. Noong una ko siyang makita ay siyempre ako ay na tulala epek, siyempre idol ko yun. Ang cute pala talaga niya sa personal. Ngayon, isa ako sa mga pinaka kilala niyang fan at masaya naman ako dahil marami din akong mga kaibigan na sumusuporta din sa kanya at nakaka inspire kasi role model siya ng kabataan kahit galing siya sa isang mayamang pamilya... Isa siya sa mga NEAR-PERFECT na tao na bihira na natin makita ang katulad sa panahon ngayon...

Akala niyo lang madali pero mahirap ang maging FANGIRL dahil kailangan mo mag buhos ng panahon para ma-maintain at ma enjoy pero priceless naman kapag nakamtam ang simpleng mithiin... ang makita palagi ang idolo...

Ito ang mga bagay na SIGN na ikaw ay CERTIFIED FANGIRL:

1. Pinapangarap mo na magkaroon ka ng picture kasama ang idolo at kapag nagkaroon ka na ay gagawin mo itong DISPLAY PICTURE sa iyong social networking accounts ng matagal na panahon. Isesave mo ito sa iyong cellphone at ipiprint at ilalagay sa wallet. (Umamin ka na!)

2. Lahat ng episodes ng mga TV Show ng idolo at yung mga shows na guest siya o may interview ay hindi mo pinalalagpas. Parang kulang ang buhay kapag hindi mo napanood at hahanap ka ng paraan tulad ng masusing paghahanap ng link sa internet.

3. Member ka ng isang Fanpage o Fangroup. Wag ka ng mga kaila, kaya nga ni-like mo yung fanpage para ma monitor ang takbo ng career ng idolo at para maki-mingle na rin sa ibang fans.

4. Binibili mo yung produkto na ineendorse ng idolo mo. Mapa shampoo, mouthwash o brand ng damit. Kahit maubs ang pera mo mabili lang yung produkto ng idolo mo ay masaya ka na.

5. Bumibili ka ng magazines kahit ayaw mo naman yung tema nung print. Eh wala kang magagawa, kahit hindi ka interesado sa mga sosyalang articles, kung may write up or interview yung idolo mo, kahit gaano kamahal ay bibilhin mo, masulyapan lang yung picture niya dun at mabasa yung sinasabi niya at syempre it's a must na mapa pirmahan sa kanya someday.

6. Naiinis at sobrang nasasaktan ka kung may mga nagta trash talk o naninira sa iyong idolo. Yun bang parang ikaw yung pinaka affected sa mundo na gusto mo pilipitin kung sino man yung nagkakalat ng mga maling chismis.

7. Hindi mo pinalalagpas yung mga event na andun ang iyong idolo. Bale wala ang pag gastos ng pamasahe o gaano kalayo ang lugar basta mahalaga ay masilayan mo kahit saglit lang ang idolo mo na kahit umuulan ay keri lang, masaya ka naman in the first place.

8. Napupuno na ang hard disk ng PC niyo o memory card ng cellphone mo dahil sangkatutak ang mga photo at video files ng idolo mo. Siyempre, remembrance yun eh... kahit na yung simpleng pagbahing nya na stolen shot ay naka save... :)

9.Wallpaper mo sa cellphone mo at sa PC mo yung picture na kasama mo si idolo o kaya ang paborito mong picture niya.

10. Saulado mo ang takbo ng career ng idolo mo... pamilyar ka sa mga petsa. Kaya mong i-summarize ang nangayari sa career niya sa isang buong taon.

Ano? Na asses mo na ba ang sarili mo? Pumasa ka ba from 1 to 10? Kung nararamdaman mo sa sarili m na ikaw nga ay isang ultimate fangirl... ay basahin mo ito

MGA RESPONSIBILIDAD SA SARILI NG ISANG FAN:

1. Responsibilid mo ang iyong privacy. Wag basta basta maki pag close sa mga fellow fans na nakilala lang sa internet. Maraming nagpapanggap na scammers, kidnappers o holdappers sa cyberword.

2. Huwag na huwag kang mang aaway ng mga tao ng basta basta especially dun sa mga alam mong hindi gusto ang iyong idolo o nagsasalita ng masama tungkol sa kanya na hindi mo naman kilala. Una, hindi ikaw ang iyong idolo, Pangalawa, baka mapahamak ka dun sa inaaway mo dahil ito pala ay may masamang loob. Maaring masira ang iyong pangalan at pangalan ng iyong idolo.

3. Huwag basta maniwala sa mga chismis at ikalat ito. Hindi porket nabasa natin sa isang dyaryo o isang showbiz news ay totoo na ang balita tungkol sa idolo. Alamin muna ang official statement ng idolo about sa issue bago mag react at ibalita ito sa kapwa fans.

4. Huwag basta basta kumuha ng mga pictures o videos ng idolo na pagmamay ari ng iba. Magpaalam muna sa may ari ng media o kaya naman ay i-credit yung pinagkuhanan nung media kung irerepost ito para naman fair dun sa may ari... kung ikaw naman ang may ari ng media ay lagyan ito ng watermark ng iyong pangalan para kahit saan naman ito mapunta ay alam ng mga tao na ito ay galing sa iyo... ngunit kung hindi ito iyo, wag na wag itong lalagyan ng mark... baka uminit ang ulo ng may ari kapag nakita at maging sanhi ito ng gulo :)

5. Bago bumili ng mga memorabilias, magazine o kahit anong merchandise na patungkol sa iyong idolo ay unahin muna ang bumili ng pagkain at basic na pangangailangan. May magazine ka nga pero kumakalam naman ang tyan mo dahil yung allowance mo ng isang buwan ay ang pinang bili mo nito.

6. Huwag mag pumilit kung hindi ka ma-accomodate ng idolo sa pagpapa picture dahil sa dami ng tao. Tao lang din ang idolo mo, napapagod o nasstress din yan. Tama na minsan ang isa kung nakikita mo naman na hindi mahulugang karayom ang area at marami pa ang gustong magpa kuha ng picture. May bukas pa, marami pang pagkakataon na susunod.

7. Huwag gayahin ng todo todo ang idolo. Hindi sya ikaw... Yung tipong pati buhok, damit at kilos ng idolo ay ginagaya na ay hindi na maganda. Hindi masamang ma-inspire ng isang tao para mapa buti ang sarili pero ang hindi maganda ay hindi na yung sarili mong personalidad yung naipakikita mo... hindi ka clone!

8. Maging friendly sa mga fellow fans lalo na dun sa mga baguhan. Mas masaya ang pakiramdam kung may napapasaya kang mga tao at kung alam mo na yung mga bagay tungkol sa idolo nyo ay malaking bagay para mapasaya ang mga newbie fans.. bakit hindi mo sila i-guide o kwentuhan tungkol sa idolo niyo? Magandadin yun dahil mas dadami pa kayong nagmamahal dun sa idolo niyo at the same time marami ding magmamahal sayo... :)

9. Siguraduhing natapos na ang mga importanteng bagay o lakad bago pumunta sa event ng iyong idolo. Marami pang panahon para makapunta ulit ng event niya. Baka naman kailangan ka na ng nanay mo na naka confine sa Ospital ay nandun ka sa concert ng idolo mo at nakikipag headbangan kapa o kaya ay kasal na pala ng bestfriend mo pero libre ang passes sa event ng iyong idolo kaya hindi ka nakapunta. Mas mahalaga parin ang ating mga mahal sa buhay ngunit hindi ko naman sinasabi na hindi mahalaga ang idolo, kung saan tayo mas kailangan o mas may nangangailangan sa atin ay dun tayo pumunta.

10. Gawing inspirasyon ang idolo sa pag gawa ng mabubuting bagay at para mapa buti ang sarili. Nag rereflect sa isang tao ang pagkatao nila sa mga taong iniidolo nila. pumili ng iidolohin, kung ang taong iyon ay hindi lang sa panlabas na kaanyuan, talento o kasikatan... alamin ang kanyang background kung ano ba siya as a person at kung paano ka, katulad niya ay makakatulong magbigay ng isang magandang halimbawa sa ating bayan... :)

Lahat tayo may hinahangaan. Mapa artista, athlete, writer, pintor, beauty queen, tv personality etc. Ang pag hanga at pagiging fan ay may mga responsibilidad rin kaya sana tayo ay maging maingat at maalam. :)

Pagkakaiba, Hindi Pagkakaunawaan at Pagpapatawad

2010-10-31T00:51:00.000-07:00

PAGKAKAIBA, HINDI PAGKAKAUNAWAAN AT PAGPAPATAWAD

Maraming uri ng tao sa mundo. May mga masungit, palakaibigan, maboka, tahimik, bibo at marami pang iba at nasa mga ugali ng tao nakasalalay kung ano ang magiging paningin natin sa bawat isa. Sa mga aklat ng sikolohiya pinapaliwanag na ang bawat pagkilos ng tao ay sumasalamin sa lalim ng kanilang pagkatao. Madalas nagkakasundo ay yung mga may pagkakapareho ngunit nagkakakontra yung mga magkakaiba pero hindi naman sa lahat ng mga oras dahil mayroon ngang kasabihang “opposite attracts”. Minsan kahit hindi magkatulad natututo tayo ng ibang bagay sa isa’t isa at nagbibigay ng thrill ito sa pakikisama at pakikialamuha. Sa mga pakakaiba at pagkakapareho ay hindi parin maiiwasan ag hindi pagkakasundo at pag-aaway sa bawat tao. Bakit nga ba hindi nagkakakaunawaan, nagkakatampuhan o nag-aaway ang mga tao?

Sinasabi sa mga quotes na malaking porsyento dawn ng hindi pagkakaunawaan ay ang maling tono ng boses na dahilan ng sobrang emosyon na nagdadala sa pagkawala ng control na nagdudulot ng pagbibitiw ng mga masasakit na salita at kawalan ng awareness sa damdamin ng kabilang panig. Nabibingi tayo sa sasabihin ng nakasalungat natin at sarado an ating mga isip. Ang tendency ay kung parehong ganon ang behavior ng magakabilang panig magiging magulo at walang aamin ng pagkakamali at walang magpapakumbaba. Dahil mataas ang pride, tatagal ag hindi pagkakaunawaan hanggang sa maipon ang sama ng loob, masasakit na salita at pagkamuhi hanggang sa mawasak ng tuluyan ang magandang samahan.

Wala naming taong perfect at ang mayroon lang ay mga mahal natin at mga nagmamahal sa atin kaya sa tingin ko mas mahalaga parin sila kaysa sa mga pagkakamali nila. Palagi nating isipin sa sarili natin na may dahilan kung bakit nila nagagawang magkamali, magkasala o makasakit; sinasadya man o hindi. Hindi naman sa atin ang buong mundo para tayo lang yung dapat maunawaan at intindihin. Marami diyan ang halos itaya ang mga buhay nila para lang mapatawad ng mga nagmamahal sa kanila. Hindi rin naman instant ang pagpapatawad na mas mabuti ma ang abutin ng maraming taon kaysa naman ngayon mismo pero may bitterness parin.

Ang pagtatampo, hindi pagkakaunawaan o pagaaway ay pagsubok lamang kung paapano natin ihahandle yung mga sarili natin sa kabila ng mga pagkakaiba ng damadamin, pagiisip at pagunawa sa mga taong nakapaligid sa atin. Siguraduhin nating hindi nito tayo magagawang masamang tao bagkus mas maunawain, mapagmahal, mapagpatawad at matatag. Bawat bagay ay may dahilan ang kailangan lang maging mapagpasensya at mapang unawa. Masamang magtanim ng poot at insecurity; sa bandang huli ito ay magbibigay sa atin ng kalungkutan at hindi kapanatagan ng loob. Mahirap gawin subalit ditto maaaring masukat ang karakter kung tayo ay may kakayahang magmahal at mahalin.

-Flordeliz A. Fullo

Ang Pagbabasa at Ako

2010-10-27T05:15:00.000-07:00

Ako ay isang taong mahilig magbasa. Palagi kong sinusulat sa mga slam books hanggang sa mga social networking site profiles na ito ang isa sa mga bagay na ginagawa ko kapag ako ay nababato, kapag may gusto akong malaman o kapag may mga tanong ako sa buhay na pwedeng mahanap sa mga teksto. Sabi nga nila na kapag mahilig ka daw magbasa malayo ang mararating mo kahit pa yung mga lugar na hindi kayang abutin ng mga paa. Sa tanong na “Ano ang paborito mong libro?” wala akong kayang isagot dahil para sa akin lahat ng libro may mga bagay na naituturo.

Elementary palang ako nagbabasa na ako ng mga Encyclopedia, kahit hindi ko maintindihan kasi malalalim ang Ingles eh ayos lang basta makapagbasa. Palagi nga akong may ribbon na “Best in Reading”, mabilis daw kasi ako natuto na magbasa. Binilhan din ako ng tita ko ng English-Tagalog na Diksyunaryo at tuwang tuwa naman ako. Pagka galling ko sa eskwelahan kinukuha ko kaagad yung Science Books series na binili ni Papa hanggang makatulog ako. Siguro yun nadin ang dahilan kaya hindi ako napag iiwanan ng mga lesson at kung minsan nga eh advanced pa kaya nakakakuha din ako ng ribbon na “Best in Science”. Mahilig din ako magbasa ng tagalong romance pocket books; yung tig 15php-50php na maninipis kaya bata palang ako nahubog na ako sa mga kwentong love stories. Yung mga dyaryo nga kahit patapon na at luma ay hindi ko parin pinalalagpas sa mga mata ko hanggat hindi ko pa nababasa.

Hindi naman ako mahilig bumili ng libro na mamahalin kasi nga wala naman kaming pera pero nakakapagbasa parin ako kasi minsan nakakahiram, sa library o kaya binibigay kaya sigur hindi ako mapili ng genre ng mga libro at kahit ano nalang babasahin ko talaga.

Maraming pakinabang sa pagbabasa at malaking parte na ito ng aking buhay.

-Flordeliz A. Fullo

Huling Paalam

2010-10-26T07:54:00.000-07:00

Huling Paalam
-Jose Rizal

Paalam na, sintang lupang tinubuan,
Bayang masagana sa init ng araw,
Edeng maligaya sa ami’y pumanaw
At perlas ng dagat sa dakong Silangan.

Inihahandog ko ng ganap na tuwa
Sa iyo yaring buhay na lanta na’t aba;
Naging dakila ma’y iaalay rin nga
Kung dahil sa iyong ikatitimawa.

Ang nanga sa digmaan dumog sa paglaban
Handog din sa iyo ang kanilang buhay,
Hirap ay di pansin at di gunamgunam
Ang pagkaparool o pagtagumpay.

Bibitaya’t madlang mabangis na sakit
O pakikibakang lubhang mapanganib,
Pawang titiisin kung ito ang nais
Ng baya’t tahanang pinakaiibig.

Ako’y mamamatay ngayong minamalas
Ang kulay ng langit na nanganganinag
Ibinababalang araw ay sisikat
Sa kabila niyang mapanglaw na ulap.

Kung dugo ang iyong kinakailangan
Sa ikadidilag ng iyong pagsilang,
Dugo ko’y ibubo’t sa isa man lamang
Nang gumigiti mong sinag ay kuminang.

Ang mga nasa ko, mulang magkaisip,
Magpahanggang ngayon maganap ang bait,
Ang ikaw’y makitnag hiyas na marikit
Ng dagat Silangan na nakaliligid.

Noo mo’y maningning at sa mga mata
Mapait na luha bakas ma’y wala na,
Wala ka ng poot, wala ng balisa,
Walang kadungua’t munti mang pangamba,

Sa sandaling buhay maalab kong nais
Ang kagalingan mo’t ang paiwang sulit
Ng kaluluwa king gayak ng aalis:
Ginhawa’y kamtan mo! Anong pagkarikit!

Nang maaba’t ikaw’y mapataas lamang,
Mamatay at upang mabigyan kang buihay,
Malibing sa lupang puspos ng karika’t
Sa silong ng iyong langit ay mahimlay.

Kung sa ibang araw ikaw’y may mapansin
Nipot na bulaklak sa aba kong libing,
Sa gitna ng mga damong masisinsin,
Hagka’t ang halik mo’y itaos sa akin.

Sa samyo ng iyong pagsuyong matamis,
Mataos na taghoy ng may sintang sibsib,
Bayang tumaggap noo ko ng init,
Na natatabunan ng lupang malamig.

Bayan mong ako’y malasin ng buwan
Sa liwang niyang hilano’t malamlam;
Bayan ihatid sa aking liwayway
Ang banaang niyang dagling napaparam.

Bayaang humalik ang simoy ng hangin;
Bayaang sa huning masaya’y awitin
Ng darapong ibon sa kurus ng libing
Ang buhay payapang ikinaaaliw.

Bayaang ang araw na lubhang maningas
Pawiin ang ulan, gawing pawang ulap,
Maging panganuring sa langit umakyat,
At ang aking daing ay mapakilangkap.

Bayaang ang aking maagang pagpanw,
Itangis ng isnag lubos na nagmamahal;
Kung may umalala sa akin ng dasal,
Ako’y iyo sanang idalangin naman.

Idalangin mo rin ang di nagkapalad,
Na nangamatay na’t yaong nanganhirap
sa daming pasakit, at ang lumalangap
naming mga ina luhang masaklap.

Idalangin sampo ng bawa’t ulila
at nangapipiit na tigib ng dusa;
idalangin mo ring ikaw’y matubos na
sa pagkaaping laong binata.

Kung nababalot na ang mga libingan
Ng sapot na itim ng gabing mapanglaw,
at wala ng tanod kundi pawing patay,
huwang gambalain ang katahimikan.

Pagpitagan mo ang hiwagang lihim,
at mapapakinggan ang tinig marahil,
ng isang saltero: Ito nga’y ako ring
inaawitanka ng aking paggiliw.

Kung ang libingan kong limot na ang madla
ay wala nang kurus at bato mang tanda
sa nangangabubukid ay ipaubayang
bungkali’t isabog ang natipong lupa.

Ang mga abo ko’y bago pailanglang
mauwi sa wala na pinaggalingan,
ay makalt munag parang kapupunanng
iyong alabok sa lupang tuntungan.

Sa gayo’y walaa ng anoman sa akin,
na limutin mo ma’t aking lilibutin
ang himpapawid mo kaparanga’t hangin
at ako sa iyo’y magiging taginting.

Bango, tinig, higing, awit na masaya
liwanag aat kulay na lugod ng mata’t
uulit-ulitin sa tuwi-tuwina.

Ako’y yayao na sa bayang payapa,
na walang alipi’t punoing mapang-aba,
doo’y di nanatay ang paniniwala
at ang naghahari Diyos na dakila.

Paalam anak, magulang, kapatid,
bahagi ng puso’t unang nakaniig,
ipagpasalamat ang aking pag-alis
sa buhay na itong lagi ng ligalig.

Paalam na liyag, tanging kaulayaw,
taga ibang lupang aking katuwaan,
paaalam sa inyo, mga minamahal;
mamatay ay ganap na katahimikan.