RAMSAGI పాటల పల్లకి

రజినీ కాంత్, రామ్ చరణ్ తేజ్ కలిసి యూ టీవీ సంస్థ 240 కోట్ల రూపాలయలతో ఓ భారీ ప్రాజెక్టు ?

2012-10-05T20:55:00.002+05:30

సౌత్ ఇండియా సూపర్ రజినీ కాంత్, టాలీవుడ్ మెగా పవర్ స్టార్ రామ్ చరణ్ తేజ్ కలిసి ఓ భారీ మల్టీస్టారర్ సినిమాలో నటించబోతున్నారని ఫిలింనగర్ లో ఓ వార్త చెక్కర్లు కొడుతుంది. యూ టీవీ సంస్థ రజినీ కాంత్ తో 240 కోట్ల రూపాలయలతో ఓ భారీ ప్రాజెక్టుకు ప్లాన్ చేసిందని, ఇందులో రామ్ చరణ్ రోల్ కూడా ఉంటుందని అంటున్నారు. సాక్స్ పిక్చర్స్ పతాకంపై ఈచిత్రాన్ని నిర్మించనున్నారట.
అయితే ఈ విషయమై రజినీకాంత్ ని సంప్రదిస్తే .... ఒక వేళ ఈ చిత్రం ఫెయిల్ అయితే చాలా కుటుంబాలు రోడ్డు పాలవుతాయని, అందుకే మీరు కూడా మరోసారి ఆలోచించుకోండని రజినీ కాంత్ వారికి సలహా ఇచ్చాడట. దీని పై రజినీకాంత్ స్పష్టమైన నిర్ణయం కూడా చెప్పలేదని సమాచారం. ప్రస్తుతం రజనీకాంత్ ‘కొచ్చాడయాన్' అనే చిత్రంలో నటిస్తున్నాడు.. రామ్ చరణ్ ‘నాయక్' చిత్రంలో నటిస్తున్నాడు.. ఒక వేళ ఈ ప్రాజెక్టు ఓకే అయితే ఓ సంచలనమే అవుతుంది.
source:www.andrawishesh.com

పవర్ స్టార్ ఓ పని కోసం కమీట్ అయ్యాడంటే ఎంత కష్టమైనా సరే ఆ పని పూర్తి చేసే వరకు నిష్ర్కమించడు

2012-10-05T11:56:00.000+05:30

పవర్ స్టార్ ఓ పని కోసం కమీట్ అయ్యాడంటే ఎంత కష్టమైనా సరే ఆ పని పూర్తి చేసే వరకు నిష్ర్కమించడు. ఇలాంటి సంఘటనే ఒకటి జరిగింది నిన్న రాత్రి. ప్రస్తుతం పవన్ కళ్యాణ్ పూరీ జగన్నాథ్ దర్శకత్వంలో ‘గంగతో రాంబాబు ’ సినిమా షూటింగ్ పూర్తి చేసిన విషయం తెలిసిందే. ఈ సినిమాని ఈ నెల 18 న విడుదల చేయడానికి సన్నాహాలు చేస్తున్నారు. ప్రస్తుతం శబ్దాలయ స్టూడియోలో ఈ సినిమాకి సంబంధించిన డబ్బింగ్ పనులు జరుగుతున్నాయి.

ఇప్పటికే తమన్నా డబ్బింగ్ పూర్తియింది. మిగిలింది పవన్ కళ్యాణ్ డబ్బింగే. దీని కోసం పవన్ కళ్యాణ్ నిన్నటి నుండి కష్టపడుతున్నాడు. సాయంత్రానికి ఆ పని పూర్తి కాకపోవడంతో నిన్న రాంత్రంతా అక్కడే ఉండి,
మధ్యలో కొంత సేపు మాత్రమే గ్యాప్ తీసుకుని డబ్బింగ్ వర్క్ మొత్తం పూర్తి చేసాడని, డబ్బింగ్ అయిన తరువాతనే అక్కడి నుండి వెళ్ళిపోయాడని ఆ యూనిట్ సభ్యులు అంటున్నారు. దీంతో ఈ సినిమాకి సంబంధించిన కార్యక్రమాలు అన్నీ పూర్తయినట్లే . ఈ చిత్రంలో పవన్ కళ్యాణ్ ఎలక్ట్రానిక్ మీడియా జర్నలిస్టుగా నటిస్తున్నారు. అన్యాయాలను ఎదురించే ధైర్యంగల రిపోర్టర్‌గా పవన్ కనిపించనున్నాడు. పవన్ కళ్యాణ్ కి జంటగా హీరోయిన్ తమన్నా ఇందులో కెమెరామెన్ పాత్ర చేస్తోంది.

2012-10-02T21:54:00.001+05:30

విక్టరీ వెంకటేష్ తాజా చిత్రం ‘షాడో’ టీజర్ విడుదలైంది.ఈ చిత్రానికి థమన్ సంగీతం అందిస్తున్నాడు. యాక్షన్ ఎంటర్ టైనర్‌గా రూపొందుతున్న ఈచిత్రంలో వెంకీ డాన్ పాత్రపోషిస్తున్నారు.

కంత్రి, బిల్లా, శక్తి చిత్రాల దర్శకుడు మెహర్ రమేష్ ఈచిత్రానికి దర్శకత్వం వహిస్తున్నారు.వెంకటేష్, శ్రీకాంత్, తాప్సీ, మధురిమ ప్రధానపాత్రధారులుగా యునైటెడ్ మూవీస్ పతాకంపై సింహా నిర్మాత పరుచూరి కిరీటి ఈ చిత్రాన్ని ప్రొడ్యూస్ చేస్తున్నారు. యాక్షన్ థ్రిల్లర్‌గా రూపొందుతున్న ఈచిత్రానికి సక్సెస్ ఫుల్ రైటర్స్ కోన వెంకట్, గోపీ మోహన్‌లు స్క్రిప్టు అందిస్తున్నారు. హీరో శ్రీకాంత్ ఈచిత్రంలో మరో ముఖ్యమైన పాత్రను పోషిస్తున్నారు. వెంకీ సరసన తాప్సీ, శ్రీకాంత్ సరసన మధురిమ నటిస్తోంది. నాగబాబు, ధర్మవరపు సుబ్రహ్మణ్యం, ఎమ్మెస్‌ నారాయణ, జయప్రకాష్‌రెడ్డి, ఆదిత్యమీనన్‌, ముఖేష్‌రుషి, ప్రభు, సూర్య, ఉత్తేజ్‌, రావురమేష్‌ ఇతర పాత్రలు పోషిస్తున్నారు. http://youtu.be/F4GznCvAGoc

పవర్ స్టార్ పవన్ కళ్యాణ్ ,అతని కొడుకు వేసిన స్టెప్పులు సినిమాలో పెడితే... అభిమానులకు మాత్రం డబుల్ ధమాకానే.

2012-10-02T12:20:00.000+05:30

పవర్ స్టార్ పవన్ కళ్యాణ్ సినిమా వస్తుందంటే అభిమానులకు పండగే పండగ. ఆయన సినిమా కోసం చాలా మంది అభిమానులు ఎదురు చూస్తుంటారు. ప్రస్తుతం పవన్ కళ్యాణ్ నటించిన కెమెరామెన్ గంగతో రాంబాబు సినిమా ఈనెల 18న ప్రేక్షకుల ముందుకు రాబోతుంది. పూరీ జగన్నాథ్ దర్శకత్వంలో, తమన్నా హీరోయిన్ గా తెరకెక్కిన ఈ చిత్రంలో పవన్ కళ్యాణ్ తో పాటు ఆయన కుమారుడు అకీరా నందన్ కూడా ఓ పాటలో స్టెప్పులు వేశాడని టాలీవుడ్ లో జనాలు అంటున్నారు.

CGTR సినిమా సారథి స్టూడియోలో జరుగుతుండగా ఓ రోజు పవన్ కళ్యాణ్ తన తనయుడు అయిన అకీరా నందన్ ని వెంటబెట్టుకొని షూటింగ్ కి వచ్చాడు. ఆ రోజు అకీరా నందన్ ని చూసిన పూరీ జగన్నాథ్ ఓ పాటలో చివరలో అతనితో స్టెప్పులు వేయించాడట. సాధారణంగా పూరీ ప్రయోగాలు చేస్తుంటాడు. అందులో భాగంగానే అకీరాతో డాన్స్ చేయించి ఉంటాడని అంటున్నారు. మరి ఆరోజు పూరీ సరదాగా స్టెప్పులు వేయించాడా లేక నిజంగానే ఆ పాట కోసం చేయించాడా అనేది మాత్రం క్లారిటీ లేదు. ఒకవేళ నిజంగానే అతని కొడుకు వేసిన స్టెప్పులు సినిమాలో పెడితే... అభిమానులకు మాత్రం డబుల్ ధమాకానే.

రెబల్ రివ్యూ

2012-09-28T14:04:00.001+05:30

http://www.apgap.com/rebel-2012-telugu-movie-review/
రెబల్ రివ్యూ కోసం పై లింక్ ని నొక్కండి

'ఎవడు' చిత్రం కోసం '' గాజువాక సెంటర్లో అయ్యో పాపం'' అనే ఐటంసాంగు

2012-09-28T10:29:00.000+05:30

దేవిశ్రీ ప్రసాద్ 'ఎవడు' చిత్రం కోసం ఓ ఐటంసాంగ్ ను కంపోజ్ చేశాడు. రామ్ చరణ్ హీరోగా వంశీ పైడిపల్లి ఈ సినిమాను తెరకెక్కిస్తోన్న సంగతి తెలిసిందే. ఈ సినిమా కోసం దేవిశ్రీ '' గాజువాక సెంటర్లో అయ్యో పాపం'' అనే ఐటంసాంగును సిద్ధం చేశాడు. 'గబ్బర్ సింగ్' చిత్రంలో 'కెవ్వు కేక' అనే పాటలో ఆ మాట ప్రతి పాదం చివరన మాంచి ఊపుతో వస్తుంది. అలాగే ఈ పాటలో ప్రతి పాదం చివరన 'అయ్యోపాపం' అని వస్తుందట. ఈ ఐటంసాంగును ఏ మెరుపు తీగ పై చిత్రీకరిస్తారో తెలియదుగానీ, పాట మాత్రం చరణ్ కి ఎంతగానో నచ్చిందని అంటున్నారు. అద్భుతంగా వచ్చిన ఈ ఐటంసాంగుని అనూహ్యమైన స్థాయిలో తెర కెక్కించ డానికి వంశీ పైడిపల్లి సన్నాహాలు చేస్తున్నాడట. భారీ బడ్జెట్టుతో నిర్మితమౌతోన్న ఈ సినిమాలో సమంతా - అమీ జాక్సన్ కథానాయికలుగా అలరించనున్నారు.

‘అవును’ చిత్రం ఓ క్రైం సన్పెన్స్ థ్రిల్లర్.

2012-09-23T11:00:00.001+05:30

క్లుప్తంగా ‘అవును’ చిత్రం ఓ క్రైం సన్పెన్స్ థ్రిల్లర్. మోహిని(పూర్ణ) ఆమె భర్త హర్ష(హర్షవర్ధన్ రాణే) ల చుట్టూ కథ తిరుగుతుంది. కొత్తగా పెళ్ళయిన వీరి జంట గండిపేట్ దగ్గరలో క్లాసిక్ హోమ్స్ అనే ప్రదేశంలో నివసిస్తూ ఉంటారు. ఇంట్లోకి వెళ్లిన అనతికాలంలోనే ఆ ఇంట్లో కొన్ని విచిత్రమయిన సంఘటనలు జరుగుతాయి. ఒకఆత్మ మోహినిని ఇబ్బంది పెడుతూ ఉంటుంది. ఇదిలా జరుగుతుండగా పక్కన ఇంట్లో పిల్లాడు విక్కి తన చనిపోయిన తాతతో మాట్లాడుతుంటాడు. విక్కికి ఆత్మలు కనిపిస్తూ ఉంటాయి కాని ఎవరు అతనిని నమ్మరు. మోహిని వాళ్ళ ఇంట్లో కెప్టన్ రావు ఆత్మ ఉందని ఆ అబ్బాయి చెప్తాడు. హర్ష మరియు మోహిని హనీమూన్ కోసం ప్యారిస్ వెళ్ళాలని ప్లాన్ చేస్తారు. కాని దయ్యం మోహినిని మరింత ఇబ్బంది పెట్టడం మొదలుపెట్టడంతో పరిస్థితి మారిపోతుంది ఆ దయ్యం నుండి పారిపోవాలని ప్రయతించిన మోహిని ప్రయత్నాలు విఫలం అవుతాయి. మెల్లగా విక్కి తల్లి తండ్రులు, చుట్టుపక్కల వాళ్ళు కెప్టన్ రావు ఆత్మ నిజంగానే ఉందని తెలుసుకొని మోహినిని కాపాడడానికి ప్రయత్నిస్తారు. వాళ్ళ ప్రయత్నం సఫలం అయ్యిందా? ఈ కెప్టన్ రావు ఎవరు? అనేది కీలకం.
+ points,-points

పూర్ణ నటనలో మెప్పించింది. ఈ పాత్రకి ఆర్ జే కాజల్ అందించిన గాత్రం న్యాయం చేసింది. హర్షవర్ధన్ పరిది చిన్నదైనా బాగా చేశాడు. కీలక సన్నివేశాలలో అయన నటన ఆకట్టుకుంది. ప్రముఖ యాంకర్ గాయత్రి భార్గవి యాక్టింగ్ ఓకే. రవి బాబు చేసింది చిన్న పాత్రనే అయినా కీలకమైంది. ఆయన పోలీసు ఆఫీసర్ గా ఆకట్టుకున్నారు. విక్కి పాత్రలో నటించిన పిల్లాడు చాలా బాగా చేశాడు. సుధా,రాజేశ్వరి ఇంకా, చలపతి రావు వారి పాత్రల పరిధి మేరకు చేశారు. కథనంలో వేగం, చివరి వరకు సస్పెన్స్ కొనసాగడం రక్తి కట్టించింది. సౌండ్ ఎఫెక్ట్స్, నేపధ్య సంగీతం అద్భుతం కాకపోయినా ఫర్వాలేదు. అయితే, దయ్యం పాత్రలో కీలక మార్పులను సరిగ్గా చూపించలేకపోయారు. ఇది హారర్ చిత్రం కాబట్టి అన్ని రకాల ప్రేక్షకులను ఆకట్టుకోవటం విశేషమే.
సినిమాటోగ్రఫీ, లైటింగ్ స్కీమ్స్ చాలా బాగున్నాయి. ఎడిటింగ్ కొన్ని లోటుపాట్లు మినహా బావుంది. డైలాగ్స్ పరవాలేదు.శేఖర్ చంద్ర అందించిన నేపధ్య సంగీతం, రీ రికార్డింగ్ పనులు చిత్రానికి ప్రధాన ఆకర్షణ.

తెలుగు చలన చిత్ర రంగ పరువు నిలిపాడు దర్శక ధీరుడు రాజమౌళి.

2012-09-18T11:18:00.000+05:30

        తెలుగు చలన చిత్ర రంగ పరువు నిలిపాడు దర్శక ధీరుడు రాజమౌళి. రెండేళ్ళపాటు నిర్విరామ కృషి సలిపి తెరకెక్కించి ‘ఈగ’ కష్టం ఇంకా ఫలితాలనిస్తూనే ఉంది. కలెక్షన్ల పరంగానూ తన ఆధిక్యాన్ని కనబరిచిన ఈ మూవీ ఇప్పుడు ఉత్తమ విదేశీ చిత్ర విభాగంలో ఆస్కార్ నామినీలో చోటు దక్కించుకుంది. ఇండియా నుండి ఉత్తమ చిత్ర ఎంపిక కోసం వివిధ భాషల నుండి 12 సినిమాలను ఎంపిక చేయగా తెలుగు నుండి కేవలం ఈగ సినిమా ఒక్కటే ఎంపిక అయింది. ఈ నెల 18 నుండి 26 వరకు హైదరాబాదులో ఈ పన్నెండు చిత్రాలను జ్యూరీ సభ్యులు చూసి అందులో ఎంపికైన ఉత్తమ చిత్రాన్ని ఆస్కార్ నామినేషన్ కి పంపిస్తారు. తమిళ్ నుండి రెండు, మలయాళం నుండి రెండు, హిందీ నుండి ఏడు సినిమాలు ఎంపిక కాగా తెలుగు నుండి కేవలం ఈగ సినిమా ఒక్కటే ఎంపిక కావటం విశేషమే కాదు, టాలీవుడ్ కు ఉపశమనం కూడా.. వివిధ భాషలకు చెందిన మిగతా చిత్రాలు ఈ విధంగా ఉన్నాయి.
•    ఈగ (తెలుగు)
•    కహాని (హిందీ)
•    బర్ఫీ (హిందీ)
•    హీరోయిన్ (హిందీ)
•    ఫెర్రారీ కి సవారి (హిందీ)
•    గాంగ్స్ అఫ్ వసేపూర్ (హిందీ)
•    డర్టీ పిక్షర్ (హిందీ)
•    పాన్ సింగ్ తోమార్ (హిందీ)
•    వజకు ఎన్ 18/9 (తమిళ్)
•    7 ఎఎం అరివు (తమిళ్)
•    డియోల్ (మరాఠి)
•    ఆకశింతే (మలయాళం)

మెగాపవర్ స్టార్ రామ్ చరణ్ - త్రివిక్రమ్ కాంబినేషన్ ఎప్పుడు వర్కవుట్ అవుతుందా అని వేచి చూసే మెగాఫ్యాన్స్ కల సాగారం కాబోతోంది.

2012-09-16T13:56:00.001+05:30

మెగాపవర్ స్టార్ రామ్ చరణ్ - త్రివిక్రమ్ కాంబినేషన్ ఎప్పుడు వర్కవుట్ అవుతుందా అని వేచి చూసే మెగాఫ్యాన్స్ కల సాగారం కాబోతోంది. దీనికి సంబంధించిన స్టోరీ చరణ్ కి మూడు నెలల క్రితమే త్రివిక్రమ్ వినిపించాడని తెలుస్తోంది. ఆ కథ నచ్చడమే కాకుండా ... త్రివిక్రమ్ టేకింగ్ స్టైల్ పై ఉన్న నమ్మకంతో చరణ్ వెంటనే గ్రీన్ సిగ్నల్ ఇచ్చాడు. ప్రస్తుతం ఈ సినిమాకి సంబంధించిన స్కిప్ట్ వర్క్ జరుగుతోందని చెబుతున్నారు. గతంలో చరణ్ - త్రివిక్రమ్ కలిసి పెప్సీ యాడ్ కోసం పనిచేశారు. వీరిద్దరి కాంబినేషన్లో రూపొందుతోన్న మొదటి సినిమా ఇదే అవుతుంది. దాంతో త్రివిక్రమ్ తరహా వినోదాన్ని చరణ్ అద్భుతంగా పండిస్తాడంటూ అభిమానులు ఆనందంగా చెప్పుకుంటున్నారు.
'జల్సా' చిత్రంతో పవన్ కి ... 'జులాయి' చిత్రంతో అల్లు అర్జున్ కి ఘన విజయాలను సాధించి పెట్టిన త్రివిక్రమ్, ఈ సినిమాతో చరణ్ కి సంచలన విజయాన్ని అందించడం ఖాయమని అనుకుంటున్నారు. అయితే త్రివిక్రమ్ ప్రస్తుతం పవన్ హీరోగా ఓ సినిమాని రూపొందించడానికి సన్నాహాలు చేసుకుంటూ బిజీగా ఉన్నాడు. అలాగే 'నాయక్' ... 'ఎవడు' సినిమాలతో చరణ్ తీరికలేకుండా ఉన్నాడు. కనుక ఈ ప్రాజెక్టుల అనంతరం వీరి తాజా చిత్రం మొదలు కావొచ్చు.

"లైఫ్ ఈజ్ బ్యూటిఫుల్ " మూవీ రివ్యూ

2012-09-14T14:56:00.001+05:30

పై లింకు ని నొక్కండి "లైఫ్ ఈజ్ బ్యూటిఫుల్ " మూవీ రివ్యూ

పవన్ కళ్యాణ్: అవును నేను C.M నే

2012-09-13T21:42:00.009+05:30

హల్ చల్ చేస్తున్న ‘రాంబాబు’ డైలాగ్స్

పవర్స్టార్పవన్కళ్యాణ్ తర్వరలో ‘కెమెరామెన్ గంగతో రాంబాబు' చిత్రంద్వారాప్రేక్షకుల ముందుకు రాబోతున్న విషయంతెలిసిందే. పవన్సరసనతమన్నాహీరోయిన్‌గానటిస్తోంది. పూరిజగన్నాథ్ దర్శకత్వం వహిస్తున్న ఈచిత్రాన్ని డివివిదానయ్యయూనివర్శల్ మీడియాపతాకంపై ఈచిత్రాన్ని నిర్మిస్తున్నారు. తాజాగాఈచిత్రానికి సంబంధించిన డైలాగులు కొన్నిలీకైనెట్లోహల్చల్చేస్తున్నాయి. ఈడైలాగుల్లో పూరిమార్కుస్పష్టంగా కనిపిస్తోంది.

ఓరేయ్, నిన్నుకొట్టేయాలని ఉందిరా... వెళ్లిమనుషుల్ని తెచ్చుకో..

వీడుమంచోడా, చెడ్డోడా, తిక్కోడా.... అనితెలుసుకోవడానికి ట్రైచేయకు, నీగుండెకికి, బ్రెయిన్‌కిఉన్నకనెక్షన్ కట్అయిపోద్ది

గుండాలని, గుండుబా కాసేవారికిబయపడటానికి నేనుపోలీస్ని, పోలిటికల్ లీడర్ని కాదు... ప్రెస్ప్రెస్ప్రెస్

ప్రకాష్ రాజ్: రేయ్! ఈస్టేట్నీదా?
పవన్కళ్యాణ్: స్టేట్కాదురా.. స్టేట్‌లో ఉన్న వాళ్లునావాళ్లు
ప్రకాష్ రాజ్: రూల్స్పాస్చేస్తున్నావ్... నువ్వుసీఎంవా?
పవన్కళ్యాణ్: అవునుసీఎంనే... అంటేకామన్మ్యాన్‌ని

ఇలాంటిపంచ్డైలాగులు పూరిజగన్నాథ్ బోలెడురాసాడు. అభిమానులతో క్లాప్స్ కొట్టించే అద్భుతమైన డైలాగులు రాయడంతో తనకంటూప్రత్యేకతను ఏర్పరుచుకన్న పూరిజగన్నాథ్ ఈచిత్రానికి తనక్రియేటివీటిని అంతాపదునుపెట్టిఅదరిపోయేలా డైలాగులు, స్ర్కిప్టు రెడీచేసారు.

ఈచిత్రంలో పవన్ కళ్యాణ్ ఎలక్ట్రానిక్ మీడియా జర్నలిస్టుగా నటిస్తున్నారు. అన్యాయాలను ఎదురించే ధైర్యంగల రిపోర్టర్‌గా పవన్ కనిపించనున్నాడు. పవన్ కళ్యాన్‌కి జంటగా హీరోయిన్ తమన్నా ఇందులో కెమెరామెన్ పాత్ర చేస్తోంది. అమ్మడు అందాల ప్రదర్శనపై కూడా ఈచిత్రంలో బాగా ఫోకస్ చేసారని సమాచారం. సెప్టెంబర్ 24న ఈ చిత్రం ఆడియో విడుదల చేసిన అక్టోబర్ 11న సినిమాను విడుదల చేయన్నారు

మీరు చూడని కొన్ని ఆణిముత్యాలాంటి కొన్ని పాత చిత్రాలు మీకోసం

2012-09-08T16:43:00.004+05:30

దండి ఉప్పు సత్యాగ్రహం

నెహ్రు ఒరిజినల్ చిత్రం

మహాత్మునితో నేతాజీ

ఇందిరమ్మ కుటుంబం

మహాత్ముని తుదిచూపు

మహాత్మునితో ఇందిరమ్మ

బాల్యంలో మహాత్ముడు

నృత్యం చేస్తున్న మహాత్ముడు

యువ గాంధీ

హిట్లర్ తో నేతాజీ

మహాత్ముణ్ణి చంపిన గాడ్సే

source: MY INDIA PICTURES.COM

నాగార్జున సాయిబాబాగా తన అసాదారణ నటనతో ఎంతో అద్బుతంగా నటించిన చిత్రం :షిర్డీ సాయి చిత్ర సమీక్ష

2012-09-06T15:23:00.004+05:30

Film : Shirdi Sai
Producer : Maheshwara Reddy
Director : K.Raghavendra Rao
Star Cast : Nagarjuna, Srikanth, Kamalinee Mukherjee...
Music Director : MM.Keeravani
Rating :
3.5
నాగార్జున సాయి బాబాగా నటించిన షిరిడి సాయి ఈ రోజు విడుదల అయింది .నాగార్జున అద్బుతంగా నటించాడు .రాఘవేంద్రరావు ,నాగార్జున కలయికలో వచ్చిన మూడవ భక్తి రస చిత్రం .
నాగార్జున సాయిబాబాగా తన అసాదారణ నటనతో ఎంతో అద్బుతంగా నటించాడు .రాఘవేంద్రరావు మరొకసారి దర్శకత్వ తన ప్రతిభను ఈ చిత్రంతో నిరుపించుకున్నారు .సాయిబాబా పరమ బక్తుడు నానవాలి పాత్రను సాయికుమార్ తనదైన శైలిలో సూపర్ గా నటించాడు .ఈ చిత్రంలోని పాటలు అద్బుతంగా చిత్రీకరించాడు, ముక్యంగా ఒక్కడే సూర్యుడు .........అనే పాట ప్రేక్షకుల హృదయాన్ని తాకుతుంది అనటంలో సందేహం లేదు .సాయిబాబా ను సినిమాలోచూస్తున్నామన్న విషయాన్నీ ప్రేక్షకుడు మరచిపోయి నిజంగా సాయిబాబా ను చూస్తున్నామన్న బ్రాంతి ని నాగార్జున తన నటనతో మంత్రముగ్దులను చేసాడు .ముఖ్యంగా నాగార్జున తన హావభావాలతో నిజంగా సాయిబాబా ఇలాగే ఉంటాడేమో అని ప్రేక్షకుల మదిలో ముద్ర వేయించుకోవటం ఖాయం .కీరవాణి సంగీతం సినిమాకు ప్రాణం పోసింది .2012 సంవత్సరానికి అవార్డుల పంట పండిస్తుంది అనటంలో సందేహం లేదు .
final word: అందరు చూడ తగ్గ భక్తిరస చిత్రం .

తెలుగు లెక్చరర్‌గా ప్రిన్స్ మహేష్ బాబు సుకుమార్ దర్శకత్వంలో నటిస్తున్న చిత్రం ‘ఆచార్య’?

2012-09-05T12:17:00.001+05:30

తెలుగు లెక్చరర్‌గా ప్రిన్స్ మహేష్ బాబు సుకుమార్ దర్శకత్వంలో నటిస్తున్న చిత్రం ‘ఆచార్య’ ?

మహేష్‌బాబు కథానాయకుడిగా 14 రీల్స్ ఎంటర్‌టైన్‌మెంట్ పతాకంపై ‘ దూకుడు’ చిత్రాన్ని నిర్మించిన నిర్మాతలు అనిల్ సుంకర, రామ్ ఆచంట, గోపీచంద్ ఆచంట సంయుక్తంగా మరోసారి ఆయన కథానాయకుడిగా ఓ భారీ చిత్రాన్ని నిర్మిస్తున్న విషయం తెలిసిందే. సుకుమార్ దర్శకత్వం వహిస్తున్నారు. కాజల్ అగర్వాల్ కథానాయికగా నటిస్తోంది. రొమాంటిక్ ఎంటర్‌టైనర్‌గా రూపొందుతున్న ఈ చిత్రంలో మహిళా కాలేజ్‌లో తెలుగు లెక్చరర్‌గా మహేష్ కనిపించబోతున్నాడని ప్రచారంలో ఉంది . ప్రస్తుతం చిత్రీకరణ జరుపుకుంటున్న ఈ సినిమా కోసం గత కొన్ని రోజులుగా ‘చంద్రుడు ’, ఆగడు’ అనే టైటిల్స్ ప్రచారంలో వున్నాయి. అయితే తాజాగా ఈ సినిమాకు ‘ఆచార్య’ అనే టైటిల్‌ని చిత్ర బృందం పరిశీలిస్తోందని సినీ వర్గాల సమాచారం. ఈ చిత్రానికి గా దేవీశ్రీ ప్రసాద్ సంగీతం అందిస్తున్నాడు.

చికాగో నగర వీధులలో వివేకానందుని నిలువెత్తు చిత్రపటాలు వెలిశాయి. ఆయన మహోపన్యాసం హిందూ ఝం ఝూ మారుతమని ఆయన ఈశ్వర ప్రేరిత ప్రవక్త అని పత్రికలు శ్లాఘించాయి.

2012-09-04T22:43:00.001+05:30

"బలమే జీవనము బలహీనతే మరణం" అన్న స్వామి వివేకానంద ప్రవచనం జగద్విఖ్యాత. యువతకు స్పూర్తిగా చైతన్య దీప్తిగా భాసిల్లిన వివేకానంద స్వామి విలక్షణ జీవనశైలి, విశ్ర్ష్టమైన ఆయన సేవలు సింహావలోకనం చేసుకోవటం ఎంతైన అవసరము.

1863 జనవరి 12 న కలకత్తాలో విశ్వనాధ దత్తా, భువనేశ్వరి దంపతులకు వివేకానందుడు జన్మించారు. ఆయనకు తల్లిదండ్రులు నరేంద్రుడు అని పేరు పెట్టారు. బాల్యం నుండి ఆయనలో ధైర్య సాహసాలు, నిరుపమాన దీక్షాశక్తి, అద్భుత ధారణ శక్తి ప్రస్పుటమయ్యాయి. కళాశాలలో చదువుతుండగా తండ్రి విశ్వనాధ దత్త మరణించటంతో కుటుంబ భారం ఆయనపై పడినది. మరో వైపు వైరగ్య భావాలు అంకురించాయి. చిన్నప్పటి నుంచి నరేంద్రుడి కలల్లో ఒక దివ్య శక్తి వెలుగు రూపంలో గోచరించేది. ఈ తరుణం లో దక్షిణేశ్వరంలో వున్న రామకృష్ణ పరమహంసతో పరిచయము ఏర్పడింది. తొలి సారి రామకృ ష్ణ పరమహంసను కలువగానే "ఏంత కాలమునకు వచ్చితివోయి? ఇంతకాలము నాపై నీకింత నిర్దాక్షిణ్యమేలనయ్యా?" ప్రపంచ ప్రజల తుచ్చ ప్రసంగాలతో నా చెవులు చిల్లులు పడుచున్నవి నాయనా! నీవు నరుడను సనాతన ఋషివి. ఇప్పుడు మానవ కోటి బాధలను రూపుమాపుటకై అవతరించిన నారాయణుడవు." అంటూఆనందముతోఆలింగనము చేసుకున్నారు. అనతి కాలంలోనే నరేంద్రుడు రామకృష్ణుని ముఖ్య శిష్యుడైనాడు. ఆయన మనోహర గానమాధుర్యం రామకృష్ణుని ఆనందసాగరంలో ముంచెత్తేది. 1886 లో పరమహంస నిర్యాణం చెందినాక నరేంద్రుడు పరివ్రాజకుడుగా యావద్బారత పర్యాటన చేశారు. వివేకానంద నామము స్వీకరించారు. దేశ సముద్దరణకు, భారతజాతి పునర్జీవనానికి అహర్నిశలు తపించారు.

స్వామి వివేకానంద గొప్ప ఉపన్యాసకుడు. ఆయన ప్రసంగం ఎంతటివారినైన అలరించేది. స్వామిని ఆ రోజులలో "లైట్నింగ్ ఆరేటర్" అని పిలిచేవారు. 1893 సెప్టెంబరు లో అమెరికాలోని చికాగోలో జరిగిన మహాసభల్లో అయన చేసిన ప్రసంగం ఈ రోజుకూ ప్రపంచదేశాలంతట ప్రతి ధ్వనిస్తుంది. ఈ సభలో హిందూ వేదాంత భేరిని మ్రోగించిన వివేకానంద ఇలా చెప్పారు. "ఎన్నటికైన విశ్వమానవ మతమనేది ఒకటి వెలసినది అంటే, అది తాను ప్రకటించిన భగవంతునిలా దేశకాలాతీతమై, అనంతమై ఉండాలి. కృష్ణుని అనుసరించే వారి మీద, సాధు పురుషుల మీద, పాపాత్ముల మీద అందరిమీద తదీయ భాను దీప్తి ప్రసరించాలి. అది బ్రాహ్మణ మతంగా కాని, మహమ్మదీయ మతంగా కాని ఉండక, వీటన్నింటిని తనలో ఇముడ్చుకొని ఇంకా వికాసం పొందటానికి అనంతమైన అవకాశం కల్గి ఉండాలి.

స్వామి వాక్పటిమకు అనంతమైన మేధా సంపత్తికి శ్రోతలు ముగ్దులయ్యారు. చికాగో నగర వీధులలో వివేకానందుని నిలువెత్తు చిత్రపటాలు వెలిశాయి. ఆయన మహోపన్యాసం హిందూ ఝం ఝూ మారుతమని ఆయన ఈశ్వర ప్రేరిత ప్రవక్త అని పత్రికలు శ్లాఘించాయి. నాలుగు సంవత్సరాల పాటు అమెరికా, ఐరోపా ఖండాలలో పర్యటించి, అద్భుతంగా ఉపన్యాసాలు ఇచ్చి, వేదాంత కేంద్రాలు నెలకొల్పి, అనేకులను శిష్యులుగా స్వీకరించి 1897 లో స్వదేశానికి తిరిగి వచ్చినారు. దీనితో భారతదేశంలో నూతన శకం ప్రారంభమైనది. వెనువెంటనే స్వామి వివేకానంద రామకృష్ణ మిషన్ స్థాపించారు.

వివేకానందుడు గొప్ప దేశభక్తుడు. భారతదేశ ఘనతను వర్ణిస్తూ ఆయన ఇక్కడనే ఈ ఒక్క దేశంలోనే మానవ హృదయం అతి విశాలమై అనంత విస్తృతిని పొంది తోటి మానవ జాతినే కాక పశుపక్ష్యాదు లతో సహా సమస్త ప్రాణికోటి చేత సర్వజగత్తు ఉచ్చంనీచం లేకుండా తనతోనే వున్నట్లు భావన చెయగలిగింది అన్నారు. మనలోని లోపాలు వివరిస్తూ "మనంతట మనం పని చేయం, పనిచేసే వారిని పనిచేయనీయం . వారిని విమర్శించి తప్పులెంచి అవహేళన చేస్తాం. మానవ జాతిపతనానికి ముఖ్యమైనదీ లక్షణమే" అన్నారు. దైవ విశ్వాసం కంటె మానవ విశ్వాసం ముఖ్యమని బోధిస్తూ "మూడు వందల ముఫై కోట్ల దేవతలలోనూ నమ్మకమున్నా నీలో నీకే విశ్వాసం లేకపోతే నీకు ముక్తి లేదు. దేశ ప్రజలందరికి ఆత్మవిశ్వాసం క్రియా శూరత్వము కావాలి. ఈ అవసరము నాకు స్పస్టంగా కనిపిస్తుంది "అని నొక్కి చెప్పారు. అంతేకాక "మనం సోమరులము, ఏ పని చేయలేము ముందు మనమంతా సోమరితనాన్ని వదిలి కష్టించి పనిచెయటం అలవర్చుకోవాలి. అప్పుడే దేశం బాగుపడుతుంది" అంటూ యువతరాన్ని ప్రేరేపించిన మహాశక్తి, గొప్ప వ్యక్తి స్వామి వివేకానంద.

రామ్ చరణ్ హీరోగా వైజయింతీ మూవీస్ అశ్వనీదత్ అత్యున్నత సాంకేతిక విలువలతో... అత్యంత ప్రతిష్టాత్మకంగా,శ్రీను వైట్ల దర్శకత్వంలో మెగా చిత్రం

2012-09-02T08:29:00.001+05:30

రామ్ చరణ్ హీరోగా వైజయింతీ మూవీస్ అశ్వనీదత్ అత్యున్నత సాంకేతిక విలువలతో... అత్యంత ప్రతిష్టాత్మకంగా,శ్రీను వైట్ల దర్శకత్వంలో మెగా చిత్రం .

చిరంజీవితో జగదేక వీరుడు అతిలోక సుందరి వంటి ఎన్నో హిట్ చిత్రాలు అందించిన వైజయింతీ మూవీస్ తాజాగా రామ్ చరణ్ తో ఓ చిత్రం చేయటానికి ఎగ్రిమెంట్ చేసుకుంది. ఈ చిత్రాన్ని అశ్వనీదత్ నిర్మించనున్నారు. రామ్‌చరణ్ హీరోగా శ్రీను వైట్ల దర్శకత్వంలో ఈ చిత్రం రూపొందనుంది. ఈ సినిమాకు సంబంధించిన స్క్రిప్ట్ వర్క్ కూడా పూర్తయింది. అత్యున్నత సాంకేతిక విలువలతో... అత్యంత ప్రతిష్టాత్మకంగా అశ్వనీదత్ ఈ చిత్రాన్ని నిర్మించనున్నారు. రామ్‌చరణ్ కెరీర్‌లోనే మైలురాయిగా నిలిచిపోయే విధంగా ఈ సినిమాను రూపొందించాలని దర్శకుడు శ్రీను వైట్ల కృషి చేస్తున్నాడు .
.అలాగే రామ్‌చరణ్ కూడా వీవీ వినాయక్ దర్శకత్వంలో ‘నాయక్' చిత్రం చేస్తున్నారు. ఈ చిత్రం 2013 సంక్రాంతికి విడుదల కానుంది. అలాగే పైడిపల్లి వంశీ దర్శకత్వంలో ‘ఎవడు' చిత్రం చేస్తున్నారు. అల్లు అర్జున్ గెస్ట్ రోల్ లో కనిపించే ఈ చిత్రం షూటింగ్ రీసెంట్ గా జరిగింది. ఇక బాలీవుడ్ ‘జంజీర్'రీమేక్ చిత్రాలతో బిజీగా ఉన్నారు. ఈ ప్రాజెక్ట్‌లు పూర్తవగానే ఈ సినిమా సెట్స్‌కి వెళుతుంది. ఈ సినిమాకు సంబంధించిన మిగిలిన వివరాలు తెలియాల్సి ఉంది.

ఈ ప్రపంచం కళ్ళుతెరువక ముందే సంస్కృతీ ,సాంప్రదాయాలు,నాగరికతా ,నేర్చిన దేశం భారతదేశం .

2012-08-31T22:49:00.000+05:30

ఈ ప్రపంచం కళ్ళుతెరువక ముందే సంస్కృతీ ,సాంప్రదాయాలు ,నాగరికతా ,నేర్చిన దేశం భారతదేశం .

సరస్వతీ నదీ పరీవాహక ప్రదేశంలోను, రావిసింధు నదీ ప్రాంతాలలోను 1922 నుంచి ప్రారంభించి ఇంత వరకు దాదాపు 2,500 త్రవ్వకాలు జరిగాయి. 80 ఏళ్ల క్రితం వరకు ఎవరికీ తెలియని విశేషాలెన్నో ఇప్పుడు మన కు తెలుస్తున్నాయి. ఈ త్రవ్వకాలలో ప్రధానంగా సరస్వతీ నది ప్రవాహమార్గానికి ఇరు ప్రక్కల బైటపడినవే అత్యధికం. సరస్వతీనది అదృశ్యమవడం ఒక విచిత్ర పరి స్థితిలో జరిగింది. పరిణామంగా ఆ ప్రాంతంలోని ప్రజలు ముఖ్యంగా నాగరికులు ఇరాన్‌, మెసపటోమియా వంటి అనేక సరిహద్దు భూభాగాలకు తమ జీవన భృతిని వెతు క్కుంటూ వెళ్లారు. క్రీ.పూ. 1900 ప్రాంతంలో అనేక వరదలు, కరువులు సంభవించడంతో వైదిక జనం ఇలా పశ్చి మానికి వలసలు పోయారని, వారిలో కొందరు వివిధ దిక్కులకు విస్తరించారని అంటే ఐరోపా భూభాగాల్లో కూడా విస్తరించారని స్పష్టమవుతోంది. ఆ విధంగా తద నంతర కాలపు వేయ్యి సంవత్సరాల వరకు అనేక రాజ వంశాలు, రాజులు ఆయా ప్రాంతాలలో తరచు కనిపిస్తూ, వినిపిస్తూ ఉండేవారని ఆ విధంగా పశ్చిమాన్నుంచి ఆర్యుల దండయాత్ర చేయుట అసత్యమని, కరువు కాటకాల వలన జీవనోపాధి కోసం సింధు సరస్వతీ తీరవాసులు పశ్చిమానికే వలసపోయారని స్పష్టమవుతోంది.

ఈ నాగరికత క్రీ.పూ. 1900 ప్రాతంలో నశించిపోయిందన్నారు. ఆర్యుల దండయాత్ర క్రీ.పూ. 1500 ప్రాంతంలో నడుమ 400సం. రాల వ్యవధి ఉన్నది గదా. వారూహించినట్లు ఆర్యులు దండెత్తి వచ్చి సింధు నాగరి కతను ధ్వంసం చేసి ఉంటే ఈ 400 సం||ల కాలఖండంలో ఏమేమి ఇంకా జరిగి ఉంటుందో వారు తెలియ జేయలేదు. క్రీ.పూ. 1400 నుండి 1300 వరకు వైదికయుగం విస్తరించిందని, వేదాలు అప్పటికి రచిం చడం పూర్తయిందని, తదనంతరం ఆర్యులు దేశీయులైన ఉత్తరభారత ప్రజానీకంపై వైదిక నాగరికతను రుద్దారని ఆర్య దురాక్రమణవాదులు చెబుతున్నారు. వారి లెక్కల ప్రకారం రామాయణ, భారతాలు నిజంగా జరిగి ఉంటే అవి క్రీ.పూ. 1200 నుండి 1000 సం.ల వరకు జరిగిన కథలై ఉండాలి. ఆ తర్వాతనే వివిధ సామ్రాజ్యాల నిర్మా ణం, గౌతమబుద్ధుని జననం జరిగినట్లు చెప్పవలసి వస్తుంది. ఇదంతా కూడా మాక్స్‌ ముల్లర్‌ ప్రతిపాదించిన ఊహాజనిత చరిత్ర మాత్రమే. దానికి కారణం ఈ సృష్టి 4004సం.లో ప్రారంభమైందని ఆయన తన మత విశ్వా సంపైనే ఆధారపడి అల్లిన కట్టుకథ. ఇదంతా కూడా పురా తత్వశాస్త్ర ఆధారితమైన పరిశోధనలోగాని, వేద శాస్త్రీయ ప్రమాణాలతోగాని, సాంప్రదాయక విశ్వాసాలలోగానీ ముఖ్యంగా శాస్త్రీయపద్ధతులతో జరిపిన ఎట్టి విశ్లేషణలో తర్కానికిగానీ ఏమాత్రం నిలవలేని విశేషాలే. అయితే శాస్త్రీయ పరిశోధనను బట్టి భారత జాతీయ కాలక్రమ పరిణామాన్ని డా||దినేశ్‌ అగర్వాల్‌ ఈ విధంగా సూచి స్తున్నారు.
ఆధునిక చరిత్ర ప్రకారం వైదికయుగం కనీసంగా, క్రీ.పూ. 7000 నుండి 4000 వరకు విస్తరించింది. ఋగ్వేదయుగం 3750 బి.సి.లో అంతమవుతోంది. రామాయణ మహాభారత కాలాలు. క్రీ.పూ. 3000తో ముగుస్తున్నాయి. సరస్వతి సింధు నాగరికత 3000బి.సి. నుండి 2000 బి.సి. వరకు వికాసం చెందింది. సింధు సరస్వతీ నాగరికత 2000 నుండి 1900 నడుమ కాలంలో నశించి పోయింది. క్రీ.పూ. 2000 నుండి 1500 వరకు జన జీవితమంతా గందరగోళంలోనూ, వలస ల్లోను కొట్టుమిట్టా డింది. క్రీ.పూ. 1400 నుండి క్రీ.పూ. 250 వరకు ఒక క్రమబద్ధమైన హైందవ సంస్కృతీ వికాసం నిరంతరాయంగా కొనసాగుతూ వచ్చింది.
ఆర్యదండయాత్ర సిద్ధాంతకర్తలు పదేపదే ద్రావిడ సంస్కృతి గూర్చి తమ రచనల్లో ఉదహరిస్తూ వచ్చారు. దక్షిణభారతంలో ఈ ద్రావిడ సంస్కృతి వ్యాపించినది అని వారి సిద్ధాంతం. దక్షిణభారతం లోని అతి ప్రాచీనమై నది సంగమ సాహిత్యం. దాని ప్రకారం దక్షిణభారతదేశం లోని తమిళ జాతి పుట్టుక.
ఉత్తరభారతంలో కాక మరింత దక్షిణంగా అంటే ఇప్పుడు సముద్రగర్భంలో మునిగి ఉండిన 'కుమారి కుం డం' ద్వీపంనుంచి వచ్చింది. ఈ మధ్య సముద్రగర్భం నుంచి వెలువడిన 'పూంపుహార్‌' నగర జ్ఞాపకాలను అది గుర్తుచేస్తోంది. ఆ నగరాలు శిలప్పాధికారం మణిమేఖలై పురాణాలలో వర్ణించబడినది. అవి పూర్తిగా వెలువడితే మరెన్నో విశేషాలు మన దేశచరిత్రకు సంబంధించినవి మనకు వెల్లడి కావచ్చు. ద్రావిడ సంస్కృతి అనబడే దక్షిణభారత సంస్కృతి యొక్క గొప్పదనాన్నిగాని, విస్తృ తినిగాని, ప్రత్యేకతను గాని మనమెవ్వరం తిరస్క రించలేం. అయితే కొందరు అది భారతీయమైన సం స్కృతికన్నా విభిన్న మైనది అని చెప్పడం మాత్రం మనం అంగీకరించలేం. ప్రాచీన తమిళ సంస్కతి ఏ విధంగా చూచినా బెంగాలీ, గుజరాతీ సంస్కృతుల కన్నా వేరైనది, విభిన్నమైనది కానే కాదు.
ప్రాంతీయ సంస్కృతులన్నిటిలోను వాటి ప్రత్యేక విశేషాలు స్పష్టమవుతూనే వున్నా, అవన్నీ భారతీయమైన ఒకే మహావృక్షపు విభిన్నశాఖలు మాత్రమే. 'శిలప్పా ధికారం' ఒక్కసారి మనం పరిశీలించినట్లయితే దానిలో వైదికమైన ఇంద్ర, శివ, విష్ణు, కృష్ణ, దుర్గ, లక్ష్మి వంటి అనేక దేవతా మూర్తుల విశేషాలు వర్ణింపబడి ఉన్నాయి. చెంగుట్టవాన్‌ చక్రవర్తి హిమాలయాల నుండి కణ్ణగీదేవి యుక్క శిలాప్రతిమను తీసుకుని వచ్చాడనీ, అతని పూర్వులు అచట తమ వంశ ప్రతీకలను చెక్కించారనీ చెప్పబడింది. అతడు అనేకమంది ఉత్తర భారతదేశపు చక్రవర్తులతో పోరాడాడని ఉంది. అయినా వారిది తమ కంటే విభిన్నమైన సంస్కృతి అని ఎక్కడా చెప్పబడలేదు. చారిత్రక వివరాల్లోకి వెళితే చోళ,చేర చక్రవర్తులు తాము శ్రీరాముని సూర్యవంశం నుండి, చంద్రవంశపురాజుల నుండి వచ్చిన రాజవంశాలవారిమని చెప్పుకున్నారు. అతి ప్రసిద్ధుడైన చోళమహాచక్రవర్తి కరికాళుడు వైదిక ధర్మాన్ని తమిళ సాహిత్యాన్ని కూడా పెంచి పోషించాడని తెలు స్తుంది. ప్రసిద్ధ పాండ్య చక్రవర్తి నెడుంజెరియన్‌ అనేక వైదిక యజ్ఞాలను చేశాడట. పల్లవ వంశపు రాజులు కాంచీ పురంను తమ రాజ ధానిగా చేసుకుని అచట సంస్కృత భా ష, సంస్కృత అధ్య యనమునకు ఒక విద్యా కేంద్రాన్ని స్థాపించారట. మ రొక పాండ్య మహా రాజు మహాభారత యుద్ధంలోని కురు పాండవ సైన్యాన్నం తటికీ భోజన వస తిని ఏర్పాటు చేశా డట. అంతేకాదు ఉత్తరం నుండి దక్షి ణానికి దిగి వచ్చిన అగస్త్యమహర్షికి దక్షిణ భారతంలో ఇవ్వబడిన గౌరవ ప్రపత్తులు అనిర్వచనీయములు.
దీనిని బట్టి వైదిక సంస్కృతి దక్షిణ భారతమంతటా విస్తరించి ఉన్నదని అదే హిందూత్వమన్న పేరున వ్యాప్తి చెందినదని, తమిళదేశం తనవంతుగా సంగీత, నాట్య, శిల్ప శాస్త్రాలలో భక్తి ఉద్యమాలలో ఉత్తర భారతమునకు ఎనలేని సహకారం చేసినదని తెలుసుంది.
అయితే ఆర్యులు దేవతలను ప్రార్థించగా వారు వచ్చి అనార్యుల కోటలను ధ్వంసం చేయుటలో సహక రించినట్లుగా కొందరు వ్యాఖ్యానించారు. వాస్తవానికి ఆర్యులకు స్వయంగా అనేక కోటలు ఉన్నాయి. యుద్ధ రంగంలో ఆర్యుల గుర్రాలు పరుగెత్తిన వేగం వర్ణనను బట్టి సంచార జాతులకు చెందినవారు కాదు అని స్పష్టం గా తెలుస్తోంది. అసలు రథాలనేవి సంచార జాతులకు సంబంధించిన వాహనాలు కావు. ఋగ్వేద మంత్రాల్లో వర్ణించబడినది ముఖ్యంగా సమరా లలో దిగ్విజయం సాధించే వీరపురుషజాతి. ఐనా ఈ వేద మంత్రాలలో అనే కం పదేపదే చెప్పబడు తున్నా, అవన్నీ ఒక మనోహ రమైన కవితా స్వరూపంగానే కొనసాగినవ. ఈ సందర్భంలో ఋగ్వేదం లో దాదాపు సప్తసింధు ప్రాంతంపై పండ్రెండు సందర్భాలలో వర్ణలున్నాయి. వానిలో ఏ ఒక్కదాని లోను దండయాత్ర ప్రసక్తి కూడా కన్పించడం లేదు. సప్తసింధు ప్రాంతమే ఋగ్వేదభూమి. అక్కడకు ఆర్యులు ఆగంతకులుగా వచ్చారని సూచించే పదాలేమీ లేవు. అంతేకాదు. అక్కడ ఎత్తయిన గోడల మధ్య ఉండే నగరాలలో నివసించే దస్యులన బడేవారు దండెత్తి వచ్చారని చెప్పబడే ఆర్యుల కంటే అధికంగా ఆటవికులని ఏ విధంగానూ చెప్పడానికి వీలులేదు'' అంటారు.
ఆర్యులకు స్వతంత్రంగా కోటలుగాని, పటిష్టమైన రక్షక నగరాలుగాని లేని వారని చెప్పుటకు ఋగ్వేదంలో ఎక్కడా ఆధారం కన్పించడం లేదు. సింధు నాగరికత పతనానికి అచటకు వెలుపల నుండి వచ్చిన వారి దండ యాత్రలు కారణమని చెెప్ప టానికి ఆధారములు లేవు.
1819-1827 మధ్యకాలంలో ఆనాటి బొంబాయి ప్రెసిడెన్సీలో గవర్నర్‌| 1841లోవ్రాసిన 'హిస్టరీ ఆఫ్‌ ఇండియా' అనే గ్రంథంలో హిందువులకు భారతదేశంలో కన్నా వెలుపలనున్న ఏ ప్రాం తమూ పుట్టినిల్లని చెప్పడానికి మనుధర్మశాస్త్రంలొగాని, అంతకుపూర్వపు వేదాలలోగాని ఆధారాలు లేనే లేవు. పురాణాలలో కూడా హిమాలయ సానువులే దేవతలకు నిలయములని స్పష్టంగా చెప్పబడుతోంది . ఒక కేంద్రం నుండి వలసలు సంస్కృతీ ప్రసారములు వత్త పరిధిలో వలయాలుగా విస్తరిస్తాయని చెప్పడం అసంబద్ధమైనది..
- డా||కె.ఘనశ్యామల ప్రసాదరావు (ఆంధ్రప్రభ ) నుంచీ గ్రహించ బడినదిగా పాటకులు గుర్తించవలెను.

అల్లు అర్జున్ స్టైలిష్ గా కట్టుకున్న కోత్త ఇల్లు చిత్రాలు

2012-08-31T22:48:00.000+05:30

అల్లు అర్జున్ స్టైలిష్ గా కట్టుకున్న కోత్త ఇల్లు చిత్రాలు

జూనియర్ NTR బా ద్ షా ఫస్ట్ లుక్

2012-08-31T12:37:00.002+05:30

జూనియర్ NTR బా ద్ షా ఫస్ట్ లుక్

'కెమెరామెన్‌ గంగతో రాంబాబు' రైట్స్‌ కోసం పోటీపడుతున్న సల్మాన్‌ఖాన్‌

2012-08-30T13:06:00.003+05:30

పవన్‌ కళ్యాణ్‌ తాజాగా నటిస్తోన్న చిత్రం 'కెమెరామెన్‌ గంగతో రాంబాబు'. పూరీ జగన్నాథ్‌ దర్శకత్వంలో రూపొందుతోన్న ఈ చిత్రానికి ఇప్పటికే క్రేజ్‌ కావాల్సినంత వచ్చేసింది. దీన్ని బాలీవుడ్‌ కూడా గమనించింది. అందుకే రాంబాబు రైట్స్‌ కోసం సల్మాన్‌ఖాన్‌ పోటీపడుతున్నట్లు తెలిసింది.

దబాంగ్‌ సినిమాను పవన్‌ చేశాడు. అందులో ఖైదీలతో పారడీ చేసి హిట్‌ కొట్టేశాడు. ఆ ప్యారడీ దబాంగ్‌-2లో వాడేస్తున్నారు. ఇదిలా ఉంటే... అమితాబ్‌తో సినిమా తీసిన పూరీ స్టామినాను తెలుసుకుని పూరీతో సల్మాన్‌ కాంటాక్ట్‌లో ఉన్నట్లు తెలిసింది.

కానీ మరో ఇద్దరు హీరోలు కూడా ఈ చిత్రం కోసం పోటీపడుతున్నట్లు సమాచారం. అజయ్‌దేవగన్‌, అక్షయ్‌కుమార్‌లు కూడా రాంబాబు సినిమాపై మోజుపడినట్లు తెలిసింది. మరి ఈ ముగ్గురిలో ఫైనల్‌గా రాంబాబు చిత్రం ఎవరిని వరిస్తుందో చూడాలి.

E-MAILS చూడటం ద్వారా డబ్బును సంపాదించండి .

2012-08-28T14:49:00.003+05:30

E-MAILS చూడటం ద్వారా డబ్బును సంపాదించండి .PAISALIVE లో ఎకౌంటు తెరచి INBOXలో మెసేజెస్ చూడటం ద్వారా డబ్బును సంపాదించండి .ఎకౌంటు ను తెరవటానికి ఈ క్రింది లింకును నొక్కండి.

http://www.PaisaLive.com/register.asp?5184091-8075115

ఆంధ్ర భోజుడు మరియు కన్నడ రాజ్య రమా రమణుడు శ్రీ కృష్ణదేవ రాయలు

2012-08-27T21:05:00.000+05:30

ఆంధ్ర భోజుడు: శ్రీ కృష్ణదేవ రాయలు

శ్రీ కృష్ణదేవ రాయలు అత్యంత ప్రసిద్ధ విజయనగర సామ్రాజ్య చక్రవర్తి. ఈయన పాలనలో సామ్రాజ్యము అత్యున్నతస్థితికి చేరుకున్నది. కృష్ణరాయలను తెలుగు మరియు కన్నడ ప్రజలు భారతదేశాన్ని పాలించిన గొప్ప చక్రవర్తులలో ఒకడిగా అభిమానిస్తారు. సాహిత్యములో ఈయన ఆంధ్ర భోజునిగా మరియు కన్నడ రాజ్య రమా రమణ గా కీర్తించబడినాడు. ఈయన పాలనను గురించిన సమాచారము పోర్చుగీసు సందర్శకులు డొమింగో పేస్ మరియు న్యూనిజ్‌ ల రచనల వలన తెలియుచున్నది. రాయలకు ప్రధాన మంత్రి తిమ్మరుసు. శ్రీకృష్ణదేవరాయలు సింహాసనం అధిష్ఠించడానికి తిమ్మరుసు చాలా దోహదపదడినాడు. కృష్ణరాయలు తిమ్మరుసును పితృసమానునిగా గౌరవించి "అప్పాజీ" (తండ్రిగారు) అని పిలిచేవాడు.

కృష్ణదేవ రాయలు, తుళువ నరస నాయకుడు, నాగలాంబల (తెలుగు ఆడపడుచు) కుమారుడు. ఇతను ఇరవై సంవత్సరాల వయసులో ఫిబ్రవరి 4, 1509న విజయనగర రత్నసింహాసనాన్ని అధిష్ఠించినాడు. ఇతని పట్టాభిషేకా
నికి అడ్డుగానున్న అచ్యుత రాయలు నూ, వీర నరసింహ రాయలునూ, అనుచరులనూ తిమ్మరుసు సుదూరంలో ఉన్న దుర్గములలో బంధించినాడు.

రాయలు విజయనగరాధీశులందరిలోకీ చాలా గొప్పవాడు, గొప్ప రాజనీతిజ్ఞుడు, సైనికాధికారి, భుజబల సంపన్నుడు, ఆర్ధిక వేత్త, మత సహనము కలవాడు, వ్యూహ నిపుణుడు, పట్టిన పట్టు విడువని వాడు, కవి పోషకుడు, రాజ్య నిర్మాత మొదలగున్న సుగుణాలు కలవాడు. ఇతను దక్షిణ భారతదేశం మొత్తం ఆక్రమించినాడు.

సంస్కృత సాహిత్యంలో కవిపండిత పోషకుడు భోజ రాజు ఉన్నాడు. తెలుగులో ఆయనంతటి వాడు ఆయనే అనే భావనతో ఆయనను ఆంధ్ర భోజుడు అని పిలిచేవారు. భోజరాజు ముఖం చూస్తే ఎలాంటి వాడికైనా కవిత్వం వస్తుందని అనేవారు. అలాగే దక్షిణాదిలో ఆయన సముఖానికి వచ్చి సాహిత్యాన్ని పాండి త్యాన్ని ప్రదర్శించి బహుమానాలు అందుకున్న వారెందరో ఉన్నారు. రణరంగంలో వీరవిజృంభణ చేసిన విధంగానే సాహిత్యరంగంలోనూ విజృంభణ చేసిన ఘనత ఆయనకు ఉంది.

కృష్ణదేవరాయలు స్వయంగా కవిపండితుడు కావడంతో ఇతనికి సాహితీ సమరాంగణ సార్వభౌముడు అని బిరుదు. ఈయన స్వయంగా సంస్కృతంలో జాంబవతీ కళ్యాణము, తెలుగులో ఆముక్తమాల్యద లేక గోదాదేవి కథ అనే గ్రంథాన్ని రచించాడు.

తెలుగదేల యన్న దేశంబు తెలుగేను
తెలుగు రేడ నేను తెలుగొకొండ
ఎల్ల జనులు వినగ ఎరుగవే బాసాడి
దేశభాష లందు తెలుగు లెస్స

అన్న పలుకులు రాయలు రాసినవే! రాయల ఆస్థానమునకు భువన విజయము అని పేరు. భువనవిజయము లో అల్లసాని పెద్దన, నంది తిమ్మన, ధూర్జటి, మాదయ్యగారి మల్లన (కందుకూరి రుద్రకవి), అయ్యలరాజు రామభద్రుడు, పింగళి సూరన, రామరాజభూషణుడు (భట్టుమూర్తి), తెనాలి రామకృష్ణుడు అనే ఎనిమిది మంది కవులు ఉండేవారని ప్రతీతి. వీరు అష్టదిగ్గజములు గా ప్రఖ్యాతి పొందారు.

శఠగోపనంతో ఫలితమేమిటి?

2012-08-26T22:30:00.001+05:30

శఠగోపనంతో ఫలితమేమిటి?

దేవాలయంలో దర్శనం అయ్యాక తీర్థం, శఠగోపనం తప్పక తీసుకోవాలి. చాలా మంది దేవుడ్ని దర్శనం చేసుకున్నాక వచ్చినన పనైపోయింది చక, చకా వెళ్ళి ఏదో ఏకాంత నిర్మల ప్రదేశం చూసుకొని కూర్చుంటారు. కొద్ది మంది మాత్రమే ఆగి, శఠగోపనం పెట్టించుకుంటారు.
శఠగోపనం అంటే అత్యంత రహస్యం. అది పెట్టే పూజారికి కూడా విన్పించనంతగా కోరకిను తలుసుకోవాలి. అంటే మీ కోరికే శఠగోపనం. మానవునికి శత్రువులైన కామమూ, క్రోధమూ, లోభమూ, మోహమూ, మదమూ, మాత్సర్యముల వంటి వాటికి ఇక నుండి దూరంగా ఉంటామని తలుస్తూ తలవంచి తీసుకోవటము మరో అర్థం.
శఠగోపనం తల మీద ఉంచినప్పుడు శరీరంలో ఉన్న విద్యుత్‌, దాని సహజత్వం ప్రకారం శరీరానికి లోహం తగిలినప్పుడు విద్యుదావేశం జరిగి, మనలోని అధిక విద్యుత్‌ బైటికెళుతుంది. తద్వారా శరీరంలో ఆందోళనా, ఆవేశమూ తగ్గుతాయి.

జుట్టుకు ఎంతో బలమైన అద్బుతమైన తైలం

2012-08-26T22:18:00.000+05:30

జుట్టుకు ఎంతో బలమైన అద్బుతమైన తైలం.

జుట్టు కు సంబంధించి ఎన్నో సమస్యలు. తలలో చుండ్రు, జుట్టు రాలడం, పేను కొరుకుడు, చిన్న వయసులోనే వెంట్రుకలు తెల్లబడటం.. ఇలా ఏన్నో సమస్యలు ఆడా మగా అనే తేడా లేకుండా వేధిస్తుంటాయి. వీటిని ఎదుర్కొని శిరోజాల పెరుగుదలకు ఉపయోగపడే మంచి తైలం ఉందని ఆయుర్వేదం తెలియజేస్తోంది. ఈ తైలాన్ని ఇంటిలోనే తయారు చేసుకోవచ్చు. ఎలాగ చేయ్యాలోచూద్దామా ........ .

తైలం తయారీకి కావల్సినవి: పావుకిలో చొప్పున గుంటగలగరాకు, ఉసిరికాయలు, 200 గ్రాముల మందారపూలు, ఒక చెంచా అతిమధురం, కొబ్బరినూనె, తగినన్ని నీళ్లు
తయారుచేసే విధానం: ముందుగా గుంటగలగరాకు, ఉసిరికాయలు, మందార పువ్వులను దంచి ఆ ముద్దను మందపాటి అడుగుకల ఓ వెడల్పాటి పాత్రలో వేయాలి. ఆ తర్వాత అందులో నీళ్లు పోసి గరిటతో కలబెడుతూ బాగా మరగేవరకూ వేడిచేయాలి. పాత్రలోని ద్రవం బాగా మరిగి సుమారు నాలుగోవంతు వచ్చిన తర్వాత కొబ్బరినూనెను పోసి సన్నని సెగపై మళ్లీ వేడి చేయాలి.
కొంతసేపటికి నీరు పూర్తిగా ఇగిరిపోయి నూనె మాత్రమే మిగిలి పైకి తేలుతుంది. దీనిని బాగా చల్లార్చాలి. ఆ తర్వాత నూనెను దళసరి వస్త్రం ద్వారా మరోపాత్రలోకి వడకట్టాలి. అంతే.. మీకు కావలసిన తైలం సిద్ధమైనట్లే. ఈ తైలం సుమారు ఏడాది వరకూ నిల్వ ఉంటుంది.
ఈ తైలంతో మర్దన చేస్తే... తలనొప్పి, పార్వ్శపు నొప్పి, ఒత్తిడితో వచ్చే నొప్పుల నుంచి ఉపశమనం లభిస్తుంది. నిద్రలేమికి కూడా ఇది మంచి ఔషధంగా పనిచేస్తుంది.

జుట్టుకు రోజు పట్టించి చూడండి అద్బుతమైన ఫలితాలు పొందండి .

పేరడీల "సుడిగాడు" ......సుడిగాడు చిత్రసమీక్ష .

2012-08-24T17:25:00.000+05:30

పేరడీల "సుడిగాడు" ......సుడిగాడు చిత్రసమీక్ష .

ఈ జెనరేషన్ లో కామెడీ చిత్రాలకు అల్లరి నరేష్ కేరాఫ్ అడ్రాస్ గా మారాడు. అతనికి ఒకప్పుడు శుభాకాంక్షలు ,సుస్వాగతం వంటి వరస హిట్ సినిమాలతో ప్రేక్షకులను ఆకట్టున్న దర్శకుడు భీమినేని శ్రీనివాసరావు జత కలిసాడు. ఇద్దరి కాంబినేషన్ లో సుడిగాడు సినిమా రూపుదిద్దుకుంది. కరెంటు తీగ కూడా నాలా సన్నగా ఉంటుంది. ముట్టుకొంటే షాకే...' అని హీరో అంటే.. 'మరి కరెంటు పోతేనో...' అంటూ కౌంటర్ వస్తే నవ్వుతాం... అలాంటి స్టార్ హీరోల డైలాగుల సెటైర్లలతో, గబ్బర్ సింగ్ వంటి సూపర్ హిట్ చిత్రాల ప్యారెడీలతో, మంచి ఓపినింగ్స్ తో అల్లరి నరేష్ తాజా చిత్రం ‘సుడిగాడు'థియేటర్లలలో దిగింది. సాధారణంగా అల్లరి నరేష్ చిత్రాలు అంటే హిట్ సినిమాల ప్యారెడీలు కథలో కలిసిపోయి అప్పుడప్పుడూ వచ్చి నవ్విస్తూంటాయి. అలాంటిది పూర్తిగా ప్రతీ సీనూ ప్యారడీలతో రూపొందితే ఎలా .... . ట్రైలర్స్ ద్వారా, పోస్టర్స్ ద్వారా విపరీతమైన ఆసక్తి రేపిన ఈ చిత్రం థియేటర్లలోనూ ఏ మాత్రం తగ్గకుండా నవ్వులు పూయించి టిక్కెట్ డబ్బుకు న్యాయం చేసేసింది.ఇక దీనికి ఒక టికెట్ పై సినిమాలు అంటూ ప్రచారాన్ని ఊదరకొట్టారు. దీంతో అందరి దృష్టి సుడిగాడు సినిమా మీద పడింది. ఈ సుడిగాడు ఈ శుక్రవారం ప్రేక్షకుల ముందుకు వచ్చాడు. మరి సుడిగాడు సంగతేంటో చూద్దాం పదండి .............

కథ : సుడిగాడు చిత్ర కథ చెప్పాలంటే కొంచెం కష్టమైన పనే. ఎందుకంటే ముందు నుంచి చిత్ర యూనిట్ చెబుతున్నట్లు ఈ సినిమా కలగురగంపలా నడుస్తోంది. ఈ సినిమా చూస్తున్నప్పుడు ఒకొక్కసారి కేవలం స్నూఫ్ ల కోసమే ఈ సినిమా తీసారనిపిస్తుంది. సినిమా ఎంత సేపు ఆ కోణంలోనే సాగుతుంది. ఇక చిత్రకథ గురించి చెప్పుకోవాలంటే.. ఇందులో హీరో అమ్మ కడుపు లో నుంచే సిక్స్ ప్యాక్ తో బయటకి వస్తాడుఈది మరీ విచిత్రం . అంత చిన్న వయస్సు లోనే విలన్ గ్యాంగ్ మనుషులను చంపుతాడు ( ఎలా చంపుతాడు DIRECTOR ని అడగాలి ). దీంతో విలన్ గ్యాంగ్ హీరో గురించి వెతుకుతూంటుంది. అఖరికి ఆ విలన్ గ్యాంగ్ ను ఎలా చంపుతాడనేది చిత్రకథ(రొటీన్ తెలుగు కథ ). హీరో గారు ప్రేమలో పడటం.. ఆ ప్రేమను ఎలా గెలిపించుకున్నాడన్నది ఉపకథ.

నటీనటుల విషయానికి వస్తే అల్లరి నరేష్ నటన గురించి ప్రత్యేకంగా చెప్పాల్సిన పనిలేదు. ఎలాంటి పాత్ర ఇచ్చినా పండించే సత్తా ఉన్న నటుడు. ఇక తనకు అలవాటైన కామెడీ హీరో పాత్ర ఇస్తే ఊరుకుంటాడా.. చింపి అవతల పారేస్తాడు. ఈ సినిమాలోనూ అదే చేసాడు. కామెడీ, డాన్సులుతో పాటు ఈ సినిమాలో ఫైట్లు కూడా బాగా చేశాడు. ఇక మోనాల్ గుజ్జార్ విషయానికి వస్తే తన వరకూ బానే చేసింది. హీరోయిన్ కు పెద్దగా ప్రాముఖ్యత లేని సినిమా ఇది. బ్రహ్మనందం నవ్వులు పంచాడు(ఎప్పటిలాగే ). కోవై సరళ పర్వాలేదు . మిగిలిన వారు తమ పాత్రల పరిధిలో నటించారు. సాంకేతిక వర్గం పనితీరు కోడా పర్వాలేదు , ఫోటో గ్రఫీ, మ్యూజిక్ ఆకట్టుకుంటాయి. కామెడీ సినిమాలో ఇంత కంటే గొప్ప మాటలను ఆశించలేం కదా మరి . నిర్మాతలు సినిమా బాగా రావడానికి తమ వంతు కృషి చేశారు. ఇక దర్శకత్వం విషయానికి వస్తే వరస సూపర్ హిట్లతో మంచి గుర్తింపు తెచ్చుకున్న భీమినేని శ్రీనివాసరావు చాలా కాలం విరామం తరువాత ఈ సుడిగాడు సినిమాతో ప్రేక్షకుల ముందుకు వచ్చారు. అయితే, ఆయన తన ప్రతిభను నమ్ముకోకుండా అల్లరి నరేష్ మీద ఆధారపడినట్లు అనిపిస్తోంది. అలాగే ఈ సినిమాను స్నూఫ్ ల ప్రధానంగా సాగించాలని ఆయన ఎక్కువ కష్టపడ్డారు. దానికి కంటే ఒక మంచి కథ తయారు చేసుకోవడానికి ఆయన శ్రమపడితే బాగుండేదేమో . సినిమాలో ప్రారంభం లో సన్నివేశాలు కొంచెం ఓవరగా అనిపిస్తాయి. అలాగే రియాల్టీ షో ల మీద సాగిన పేరడీ సీన్ బాగాలేదు .ఏదైమైనా ఇవివి సత్యనారాయణ వంటి దర్శకులు గతంలో ఇంతకన్నా గొప్పగా ప్యారెడీ లు చేసి నవ్వించినా భీమినేని శ్రీనివాసరావు లాగ పూర్తి ప్యారెడీలతో సినిమా ఎవరూ తీయలేదు. కాబట్టి... ఈ కొత్త ప్రయోగాన్ని ఓసారి చూసి నవ్వుకోవచ్చు. ప్రోమోలు, పోస్టర్స్ చూసి మరీ ఏదో అద్బుతం చూడబోతున్నాం... అని ఫిక్స్ . అయి సినిమాకు వెళ్లకపోతే మంచి టైం పాస్ వ్యవహారమే...

ఫైనల్ గా ‘సుడిగాడు'కి సుడి ఉంది............రేటింగ్ ఎందుకుకాని ఒక్క సారి మాత్రం చూడోచ్చు హాయిగా నవ్వుకోవచ్చు .

ఏంటి రేటింగ్ కావాల ! సరే అయితే

నా రేటింగ్ :2.75/5