அறிந்ததும் அறியாததும்

முப்பரிமான அனிமேஷன் படங்கள்

2019-01-18T23:04:00.000+05:30

3 D animation images

http://k-uk.blogspot.com/

Thanks - John Chlebowski

ஆக்கப்பூர்வமான யோசனைகள் - Creative Ideas -10

2015-08-12T19:00:00.003+05:30

அறிந்ததும் அறியாததும்

Thanks - Tintu-Mon

~படித்ததில் பிடித்தது~ - 267

2015-06-08T21:22:00.001+05:30

நம்மை குறை சொல்லிக் கொண்டே இருப்பவர் பொறாமை பிடித்தவர் பாராட்டிக் கொண்டே இருப்பவர் நம்மை படு குழியில் தள்ளுபவர்.

சீதனம் வாங்கி என்னை சிறைபிடித்த கணவருக்கு பெண் பிள்ளைகளாகவே பெற்று கொடுக்க ஆசை.

அறிந்ததும் அறியாததும்

பிறரின் மனைவியை பார்க்கும் போது, குருடனாக இருங்கள்...

தேவையில்லாத விஷயங்களை பேச நேரும் போது, ஊமையாக இருங்கள்.....

பிறரின் இரகசியங்களை தெரிந்து கொள்வதில், செவிடனாக இருங்கள்......

ஆற்றைக் கடக்கும் வரை முதலையைப் பகைத்துக்கொள்ளாதே - சீன பழமொழி

வசதிகள் கூட கூட உறவுகளுக்கு இடையிலான தூரங்களும் கூடுகிறது.

'மரணம் கூட இத்துணை வதையாக இருக்கப் போவதில்லை, மனச்சாட்சியைக் கொன்று கொன்று வாழ்வதைப்போல்...!'

பணமும், சந்தோசமும் ஜென்ம விரோதிகள்; ஒன்று தங்குமிடத்தில் மற்றொன்று தங்குவதில்லை.

ஆஹா! கவிதை கவிதை ..... வீடு வரை wi-fi வீதி வரை 3 ஜீ காடு வரை 2 ஜீ கடைசி வரை no signal நன்றி .......

ஒரு லேட் நைட்லே மனைவியோட மொபைல்லே 'பீப்' சத்தம் கேக்குது.

கணவன் எழுந்து, அந்த மொபைலைப் பாத்துட்டு, கோபமா மனைவிகிட்ட.. " யார் இது ..இந்த நேரத்திலே உன்னை பியூட்டிஃபுல் ( beautiful ) ன்னு சொல்றது...? " ன்னு கேக்கறான் .

மனைவி 'அட...! யாருடா அது....!! நம்மளையும் யாரோ அழகுன்னு சொல்ல்றாங்களே..' ன்னு ரொம்ப ஆச்சர்யமாய் (!!!!) எந்திரிச்சு மொபைலைப் பாத்துட்டு.... அவரை விடக் கோபமாய்க் கத்தினாங்க ... "அட லூஸுப் புருஷா .. மொதல்ல உன் கண்ணாடியை எடுத்து மாட்டிட்டுப் பாரு... அது பியூட்டிஃபுல் ( beautiful ) இல்லே... பேட்டரிஃபுல் ( battery full) .....

கணவன் : வரதட்சணை வாங்கிட்டு கல்யாணம் செஞ்சது என் மனசை உறுத்திக்கிட்டே இருக்குது... மனைவி : அதுக்காக இப்போ என்ன பண்ணுவதாம்...? கணவன் : வரதட்சணை வாங்காம இன்னொரு கல்யாணம் செய்துகிட்டு பிராயச்சித்தம் செய்யலாம்ன்னு இருக்கேன்..
மனைவி : கர்ர்ர்ர்ர்ர்...

ஆண் : எவ்வளவு காலம் ஆனாலும் என்னைப் பொறுத்த மட்டும் பொம்பளைங்க கோழைங்க தான். பெண் : அதெல்லாம் அந்த காலம். ஆண்களுக்கு நிகரானவங்க நாங்கன்னு என்ன செய்து நிரூபிக்கணும் சொல்லுடா..! இப்பவே நிரூபிச்சு காட்டுறேன்.
ஆண் : வெரி சிம்பிள்! என்னைப் பார்த்து தைரியமா ஐ லவ் யூ சொல்லு. போதும் ..!!

Husband: ஏண்டி சாப்பிடும் பொது fan ஐ off பணிட்டா? Wife: நீங்க தான இட்லி பஞ்சு போல இருக்கு 'நீங்க . பறந்து போய்ட்ட ?

சூரியனும் சந்திரனும் சும்மா இருக்கும் போது, விளக்கு கேட்டிச்சாம் விளம்பரம். -பழமொழி- கெட்டவனைத் தொட்டா, தொட்டவனும் கெட்டான். (வம்சம் திரைப்படம்)

விதம் விதமா கட்டிதான் பார்ப்போம்

2015-05-31T20:03:00.000+05:30

அறிந்ததும் அறியாததும்

Thanks - Realmen Realstyle

14 வயதில் சாதனை செய்த 14 பிரபலங்கள் பற்றிய தொகுப்பு

2015-05-20T19:48:00.001+05:30

ஷேக்ஸ்பியர்

----------------------
தந்தை பல்வேறு கடன்கள் வாங்கி திருப்பி செலுத்ததால் சிறையில் தள்ளப்படுகிறார், தங்கை இறந்து போகிறார், பள்ளியை விட்டு நிறுத்தப்படுகிறார், சொந்த வீடும் பறிபோகிறது. அந்த பதினான்கு வயது சிறுவன் அதை யெல்லாம் மறக்க தானே தனியாக முயற்சி செய்து தலை சிறந்த நூல்களை தேடித்தேடி படிக்கிறான். உலகின் தலைசிறந்த நாடகாசிரியர் ஷேக்ஸ்பியர் தான் அந்த சிறுவன்.

அறிந்ததும் அறியாததும்

அப்துல் கலாம்

----------------------

உலகப்போர் சமயம் அது, வீட்டில் வறுமை தாண்டவமாட தினமணி செய்தித்தாள்களை தொடர்வண்டியில் இருந்து வீசும் பொழுது அதைப்பெற்று ஊரெல்லாம் விநியோகம்

செய்து வீட்டின் வறுமை போக்க உதவுகிறான் அந்த சுட்டிப்பையன் கூடவே செய்திகளை ஊரில் பலருக்கு படித்து காண்பிக்கவும் செய்கிறான். வருங்காலத்தில் செய்திதாள்களெல்லாம் கொண்டாடப்போகும் அந்த பொறுப்பான சிறுவன் அப்துல் கலாம்.

மலாலா

--------------

தாலிபான்கள் முதலிய தீவிரவாதிகளின் அச்சுறுத்தலால் பெண் குழந்தைகள் படிக்க முடியாமல் தடுக்கப்படும் அவலத்தை உலகுக்கு தன் எழுத்தின் மூலம் எடுத்து சொன்னவரும் அவர்களின் கல்விக்காக தொடர்ந்து போராடியவரும் ஆன மலாலாவுக்கு அவரின் பதினான்காம் வயதில் பாகிஸ்தானின் முதல் தேசிய இளைஞர் அமைதி விருது வழங்கப்பட்டது.

சுவாமி விவேகானந்தர்

-----------------------------------

பதினான்கு வயதில் ராய்பூரை நோக்கி சொந்த ஊரான கல்கத்தாவில் இருந்து அப்பாவின் பணிமாறுதல் காரணமாக படிக்க போன நரேந்திரன் அங்கே நல்ல பள்ளிகள் இல்லாததால் பள்ளிக்கு போகாமல் வீட்டில் இருந்த பொழுது விளையாடி பொழுது போக்காமல் அப்பாவுடன் பல்வேறு ஆழமான தலைப்புகளில் அனுதினமும் பேசி பேசி அறிவை விரிவு செய்து கொண்டான். உலகமே சுவாமி விவேகானந்தர் என புகழும் மாமனிதரே அந்த சிறுவன்.

மைக்கேல் பாரடே

---------------------------

அந்த சிறுவனின் அப்பா கொல்லராக இருந்தார், சாப்பாட்டிற்கே வீட்டில் கஷ்டம், பள்ளி கல்வியே கிடைக்காமல் தானே முயன்று கற்க வேண்டிய சூழல், சிறுவன் புத்தக பைண்டிங் செய்யும் ஒரு கடையில் வேலைக்கு சேர்ந்து அங்கே வரும் புத்தகங்களை அந்த வயதில் படித்து தேறினான். அவன் பிற்காலத்தில் அறிவியல் உலகின் தலைசிறந்த சோதனையாளர் என புகழப்பட்ட மைக்கேல் பாரடே.

விஸ்வநாதன் ஆனந்த்

-----------------------------------

பதினான்கு வயதில் தேசிய செஸ் சாம்பியன்ஷிப் போட்டியில் கலந்து கொண்டார் அந்த சிறுவன் யாருமே செய்யாத சாதனையான ஒன்பதிற்கு ஒன்பது என அனைத்து போட்டிகளிலும் வென்று தேசிய சாம்பியன் ஆனார். மின்னல் வேகத்தில் அவனின் மூவ்கள் இருந்தன. அந்த மின்னல் வேக ஆட்டக்காரர் உலக செஸ் சாம்பியன் விஸ்வநாதன் ஆனந்த்.

பீலே

---------

சா பாலோ மாநில கால்பந்து போட்டிகளில் கலந்து கொண்டான் அந்த பதினான்கு வயது பொடியன், இருந்தவர்களிலே நான் தான் மிகவும் குட்டிப்பையன் புல் தரையில் இல்லாமல் செயற்கை மைதானத்தில் ஆடுவது பயத்தை தந்தது. ஆனால் பந்து காலில் பட்டதும் மீன் நீரில் நீந்துவதை போல ஆடுவோம் என முடிவு செய்து ஆடினேன் என்று அதை இன்று விவரிக்கும் அவன் அந்த தொடரில் அதிகபட்சமாக பதினைந்து கோல்கள் அடித்தேன். வயதிற்கும் சாதனைக்கும் சம்பந்தம் இல்லை என நான் புரிந்து கொண்ட வயது பதினான்கு. அவர் தான் உலகின் தலை சிறந்த கால்பந்தாட்ட வீரர் என புகழப்படும் பீலே. (மூன்று உலகக்கோப்பையை பிரேசில் வெல்ல காரணமானவர்).

பகத் சிங்

---------------

பதினான்கு வயதிற்கு முன்னமே விடுதலை போரில் பங்குகொள்ள ஆரம்பித்து இருந்த அந்த தைரியம் மிகுந்த சிறுவன் பல்வேறு அப்பாவி மக்கள் கொல்லபடுவதற்கு காரணமான குரு கிரந்த்தசாஹிப் துப்பாக்கி சூடு சம்பவத்தை கண்டித்து அமைதி வழியில் போராடிய குழுவினர் ஊர் ஊராக சென்று ஆதரவு திரட்டிய பொழுது தன் ஊரில் முன்னணியில் நின்று அவர்களை ஆங்கிலேயருக்கு அஞ்சாமல் பதினான்கு வயதில் வரவேற்றான். அந்த வீரச்சிறுவன் பகத் சிங்.

பாப்லோ பிகாசோ

----------------------------

லோலா என்கிற தன் தங்கையை இழந்த சோகத்தில் முதல் கம்யூனியன் என்கிற அவள் நினைவாக ஒரு ஓவியத்தையும், ஆன்ட் பெப்பா என்கிற இன்னொரு ஓவியத்தையும் அந்த பதினான்கு வயது சிறுவன் தீட்டினான். அகோரமாக இருக்கிறது, ஒன்றும் புரியவில்லை என ஏளனம் செய்தார்கள் பலர். ஆனால் அந்த ஆன்ட் பெப்பா ஸ்பெயினின் தலைசிறந்த ஓவியங்களில் ஒன்றாக பிற்காலத்தில் குறிக்கப்பட்டது. அந்த சிறுவன் தான் நவீன ஓவியங்களின் தந்தை என போற்றப்பட்ட பாப்லோ பிகாசோ.

மொசார்ட்

----------------

மிட்ரிடேட் ரி டி போன்ட்டோ எனும் இசைக்கோர்வை மொசார்ட் எனும் தலைசிறந்த இசைமேதை எழுதிய பொழுது வயது பதினான்கு. பதினான்கு வயது சிறுவன் ஆயிற்றே என சந்தேகத்தோடு வல்லுனர்கள் அதை இசைத்தார்கள் எந்த மாற்றமும் இல்லாமல் மக்களால் மாபெரும் வரவேற்பை பெற்றது. இருபத்தோரு முறை மக்கள் முதல் முறை இசைத்த பொழுது மீண்டும் மீண்டும் இசைக்க செய்தார்கள். ரோமை மீட்க போராடும் மிட்ரிடேட் எனும் மன்னனின் கதையை சொல்லும் இசைக்கோர்வையே அது.

சாப்ளின்

-------------

அப்பாவை பிரிந்து அம்மா மனநிலை பிறழ்ந்த நிலையில் பசியோடும் வலியோடும் வாழ்ந்தாலும் அதை மறைத்துக் கொண்டு மேடை நாடகம் ஒன்றில் நகைச்சுவை வேடத்தில் பதினான்கு வயதில் தோன்றி அந்த குட்டிப் பையன் நடிக்கிறான் நாடகம் தோல்வியடைகிறது. அந்த சிறுவனின் நடிப்பு மட்டும் பிரமாதம் என பத்திரிகைகள் புகழ்கின்றன. அந்த சிறுவன் சாப்ளின்.

பில் கேட்ஸ்

-------------------

எப்படி டைம் டேபிள் போடுவது என திணறிக்கொண்டு இருந்த பள்ளிக்கு பதினான்கு வயதில் செயல்பாட்டு திட்டத்தை கச்சிதமாக ப்ரோக்ராமிங் மூலம் நண்பர் பால் ஆலனோடு இணைந்து வடிவமைத்து கொடுத்து பள்ளியில் நான்காயிரத்து இருநூறு டாலர் வருமானம் பார்த்த அந்த சாகசக்கார பையன் பில் கேட்ஸ்.

தாமஸ் அல்வா எடிசன்.

------------------------------------

படிக்க லாயக்கில்லை என பள்ளியை விட்டு ஐந்து வயதில் துரத்தப்பட்டு அம்மாவின் கவனிப்பில் மற்றும் கற்பிப்பில் வளர்ந்த அந்த சிறுவன் தன் பதினான்காம் வயதில் நாடு முழுக்க உள்நாட்டு போர் நடந்துகொண்டு இருந்த பொழுது சுடச்சுட செய்திகளை தானே முழுக்க முழுக்க தொடர் வண்டியிலேயே அச்சிட்டு அங்கேயே தி வீக்லி ஹெரல்ட் என்கிற பெயரில் விற்றும் காண்பித்தான் அந்த புத்திசாலி சிறுவன். அந்த செய்திதாளில் கிசுகிசுக்களையும் இணைத்து வெளியிட்டு குறும்பு செய்தான் அவன். அவனின் பெயர் தாமஸ் அல்வா எடிசன்.

சச்சின்

-----------

மும்பை கிரிக்கெட் சங்கம் வருடா வருடம் தேர்ந் தெடுக்கும் சிறந்த இளம் ஆட்டக்காரர் விருது கிடைக்காமல் சோர்ந்து போயிருந்த சச்சினுக்கு அவரின் பதினான்காம் வயதில் கவாஸ்கரிடம் இருந்து ஒரு கடிதம் வந்து இருந்தது. போன சீசனில் நீ நன்றாக விளை யாடினாய் விருதுகளை பற்றி கவலைப்படாதே, பிற வீரர்கள் சரியாக ஆடாத பொழுது நீ மட்டும் போராடியது எனக்கு பிடித்து இருந்தது. பின் குறிப்பு: விருது கிடைக்காததற்கு வருந்தாதே அந்த விருதை வாங்காத ஒரு இளைஞன் டெஸ்டில் குறிப்பிடத்தகுந்த சாதனைகள் புரிந்தான். (கவாஸ்கர் தன்னை குறிப்பிடுகிறார்) இக்கடிதமே தன்னை கவாஸ்கரை போல சாதிக்க தூண்டியது என்கிறார் சச்சின்.

நன்றி - நட்பென்றால் நாம் என்போம்

புரூணை சுல்தானின் தங்க விமானம்

2015-05-14T19:41:00.000+05:30

அறிந்ததும் அறியாததும்

உலகின் உயரமான கட்டிடத்திலிருந்து குதித்தால் எப்படி ???

2015-05-07T23:06:00.001+05:30

அறிந்ததும் அறியாததும்

Feel the Height of Dubai’s Burj Khalifa The Tallest in The World

Total - 211 floors

Cost - USD $ 1.5 billion

Height - 828 m (2,717 ft)

For more details visit - http://www.burjkhalifa.ae/en/TheTower/WorldTallestTowers.aspx

முத்து - Golden Pearl

2015-05-04T11:32:00.002+05:30

On the island of Palawan in south western Philippines, the only living person in the world, who revealed the secret production of a rare form of jewelry and gold pearls.

Go to the fragile natural pearls are treated like royal jewelry. Each oyster takes 5 years to produce one such gem, and the slightest jolt could kill it.

Thanks - Mits P

எண்களும் கோணங்களும்

2015-05-02T19:47:00.000+05:30

அறிந்ததும் அறியாததும்

விசித்திரமான தளபாடங்கள்

2015-04-25T21:49:00.000+05:30

காகித சிற்பங்கள்

2015-04-22T13:12:00.000+05:30

Thanks - Raj Kumar

பில் கேட்டின் வீடு - Bill gates house

2015-04-22T10:54:00.000+05:30

Thanks -aamirbati

அழகான கண் மடல் சித்திரங்கள்

2015-04-20T20:43:00.000+05:30

Thanks - Raj Kumar

~படித்ததில் பிடித்தது~ - 266

2015-01-01T00:15:00.000+05:30

நல்லவனும் கஷ்டப்படுகிறான் ...கெட்டவனும் கஷ்டப்படுகிறான்..ஆனால் நல்லவன் போல் நடிப்பவன் நன்றாக இருக்கிறான்.

வேகம் என்பது திட்டமிடப்பட்ட அவசரம்!
அவசரம் என்பது திட்டமிடப்படாத வேகம்!

உலகத்திலேயே சிறந்த ஜோடி செருப்புதான்

ஒன்றை பிரிந்தால் மற்றொன்று வாழவே வாழாது.

அறிந்ததும் அறியாததும்

வாழ்க்கையில் எதுவும் சுலபம் இல்லை...
முயற்சி எடுத்தால் எதுவும் கஷ்டம் இல்லை...

இரண்டு மணி நேர வேடிக்கைக்கு இரண்டு மாத விடா ஏற்பாடு, இரண்டு வருட கடும் உழைப்பு #கல்யாணம்.

Restaurantல சாப்பாடு எவ்வளவு மொக்கையா இருந்தாலும் குடுத்த காசுக்கு மிச்சம் மீதி இல்லாம சாப்பிடுபவன் #Middle_Class

நீ நண்பனாக இரு. உனக்கு நண்பன் இருக்க வேண்டும் என ஆசைகொள்ளாதே! - Hitler -

நாமாக மனத்துக்குள் ஒன்றை நினைத்துக் கொள்வதுதான், பல நேரங்களில் நமக்கு ஏமாற்றத்தைத் தருகிறது. எது எதுவாக இருக்கிறதோ, அதை அதுவாகவே பார்ப்பதும், அதை அதுவாகவே ஏற்றுக் கொள்வதும்தான், மன அமைதிக்கான வழி.

உன் சுமையையெல்லாம் என்மேல் இறக்கி வை. தருமம், அதருமம் இரண்டுக்கும் பொறுப்பாளி நீயல்ல என்றறிந்து, என்னையே ஒரே புகலிடமாகக் கொண்டு, உன் கடமையைச் செய்.....- பகவான் வாசுதேவ ஸ்ரீ கிருஷ்ணர் -

5 நிமிடத்தில் ஒரு பெண் சமாதானம் ஆகிறாள் எனில், அது தாய்
15 நிமிடத்தில் ஒரு பெண் சமாதானம் ஆகிறாள் எனில், அது சகோதரி
30 நிமிடத்தில் ஒரு பெண் சமாதானம் ஆகிறாள் எனில், அது தோழி
3 மணி நேரத்திற்கு மேலாகியும் சமாதானபடுத்த முடிய வில்லையெனில், அது காதலி
உனக்கு சமாதானம் செய்யும் சந்தர்ப்பம் கூட கிடைக்க வில்லையெனில் அது மனைவி......

குட்டிக்கதைகள் - 19 - அமெரிக்கனும் நம்மாளும்

2014-10-08T15:01:00.003+05:30

அமெரிக்கனும் நம்மாளும் காட்டுக்கு போயிருந்தாங்காளாம். காட்டுக்குள்ளே போய் இருவரும் காட்டினையும் அங்குள்ள மரங்கள், பறவைகள் மற்றும் மிருகங்களை பார்த்து படங்கள் எடுத்தனர். ஒரு சமயத்தில் அவர்கள் இருவரும் புலி ஒன்றை கண்டனர்.

அறிந்ததும் அறியாததும்

அந்த சமயத்தில் புலி அவர்களை அவதானித்துகொண்டிருந்தது. இதைக்கண்ட அமெரிக்கன் நம்மாளை பார்த்து "வா ஓடிவிடலாம்" என்றான். நம்மாள் நிதானமாக சப்பாத்தினை (Shoe) சரிபார்த்துக்கொண்டிருந்தான். உடனே அமெரிக்கன் நம்மாளை பார்த்து "ஏய் உனகென்ன பைத்தியமா! புலியை விட வேகமாக நீ ஓடி தப்பிவிடலாம் என்று நினைக்கிறாயா?" என்று கேட்டான்.

அப்ப நம்மாளு சொன்னான் "நான் ஏன் புலியை விட வேகமாக ஓடவேண்டும், அது நிச்சயமாக என்னால் முடியாத காரியம். ஆனால் நானோ உன்னை விட வேகமாக ஓடுவதற்கே என்னை தயார் செய்கிறேன்" என்றான்!!!!!!!!!!

புதிய மூலோபாயம் (New Strategy) எப்பிடினா - எப்பவுமே அதி சிறந்ததை அடையணும் எதிர்பார்க்காதீங்க. அடுத்தவனோட நம்மளை ஒப்பிடும்போது நாம சிறந்ததா இருந்த போதும்.

எண்ணமும் எழுத்தும் - அறிந்ததும் அறியாததும்

~படித்ததில் பிடித்தது~ - 265

2014-08-01T19:53:00.004+05:30

கங்கை மட்டுமல்ல ஓடுகிற ஒவ்வொருநீரோடையும் ஏதோ ஒரு உழவனுக்கு கடவுள் தான் .....

எதை ஊட்டினாலும் சமர்த்தாய் சாப்பிட்டுகொள்கின்றன குழந்தைகள் கையிலிருக்கும் பொம்மைகள்.....

கல்லறை இருக்கு உறங்கிகொள்ள ! காலம் என்பது வெற்றி சொல்ல .......

நாங்கெல்லாரும் சாப்பிடாச்சி எல்லாத்தையும் போட்டுகடா.... என்கிட்டஎல்லாம் இருக்குடா நீ செலவுக்கு வச்சுக்கோ .... உழைச்ச உடம்புடா உன்னமாதிரியா ஒண்ணுமில்ல போ ..... இன்னும் எத்தனை பொய்யம்மா சொல்லுவாய் உன் உண்மையான பாசம் காட்ட ?

அறிந்ததும் அறியாததும்

அழுத்தக்காரி நீ என்று முத்தத்தில் தெரிந்தது ...........

"உனக்கு கிஸ் பண்ணவே தெரியல மாமா " இது இந்த இரவில் 70வது முறையாக நீ கற்றுத்தரும் முத்தம் ..... கவலைப்படாதே கடைசிவரைக்குமே கற்றுக்கொள்ளபோவதில்லை நான் .....

என் கண்ணிலிருந்து கண்ணீர் பிரிவதற்கும் அதை துடைக்க உன் விரல் நீள்வதற்கும் இடைப்பட்ட நேரமே சொர்க்க நரகத்திற்கு இடையேயான பயண நேரம்.......

ஒரே ஒரு சொட்டு தீர்தத்தையாவது எந்த சிலையும் குடித்துவிட்டால் அதன்பின் ஒரு படையலும் இருக்காது கடவுள்களுக்கு .....

உன் பேரழகை மறைத்து திரிந்தே அழகாகி போய்விட்டன உன் ஆடைகளும் ...

நீ இருந்த என் பயணங்களில் யாரும் இருந்ததில்லை நீ இல்லாத என் இறுதிப்பயனத்தில் ஊரே இருக்கிறது

எதிரே நின்று போரிடாதவனை எம் தமிழ் மக்கள் எதிரியாக பார்ப்பதில்லை எனவே கடவுளே உன்னை மன்னிக்கிறேன் போ .....

ஆசை என்பது ஒரு துவக்கத்தின் முடிவு பேராசை என்பது ஒரு முடிவின் துவக்கம்.

மூச்சுவிட மறந்த உடல்களைத்தான் கடலின் அலைகள் கரை ஒதுக்கும் முயற்சியை இழந்த மாக்களை தான் காலம் என்றும் பின் இழுக்கும்

கடவுள் இல்லையென கடைவீதியில் பேசுகிறான் உன் தகப்பன் .....
தேவதை உன்னை வீட்டில் வைத்துகொண்டு ...

பேருந்தின் "திருடர்கள் ஜாக்கிரதை " பாதகையின் கீழ் அமர்ந்து தான் திருடினாள் என்னை ....

நன்றி - காலில்லா கவிதைகள்.

~படித்ததில் பிடித்தது~ - 264

2014-05-25T19:52:00.000+05:30

ஏங்க கோச்சடையான்னா யாருங்க?
வேற யாரு நம்ம சூப்பர் ஸ்டாருதான்
அட அது இல்லீங்க ஏதாவது வரலாற்றுக்கதாபாத்திரமா என்று கேட்கிறேன். பேரு ஏற்கனவே கேள்விப்பட்ட மாதிரியே இருக்கு அதான்..

கோச்சடையான்னா வேற யாருமில்ல நம்ம ஏகலைவன்தான்..

என்னது ஏகலைவனா ?

ஆமாம் பாரதத்துல கெளரவர் பாண்டவர் என எல்லோருக்குமே கோச் கிடைச்சாங்க ஆனா ஏகலைவனுக்கு மட்டும்தான் கிடைக்கல... அதனால ஏகலைவன்தான் கோச் அடையான்...

அறிந்ததும் அறியாததும்

ஒருவருக்கு பிடித்தவராய் போது இன்னொருவருக்கு பிடிக்காதவராய் மாறுகிறோம்.

பிடித்தவர்கள் இல்லை, எனது பிடியில் பிடிக்காதவர் பிடியில் நான் ......

நீ பேசிய ஒவ்வொரு பொய்களையும் ரசித்தேன் என் அன்பும் பொய்யாகும் என்று தெரியாமலே....!!!!

ஒரு நாள் எனக்கு மரணம் வரும்... அன்று நீ என்னை பார்த்து கண்ணீர் விடாதே... எழுந்தாலும் எழுந்து விடுவேன் உன் கண்ணீரை துடைக்க.

என்னை அழவைப்பதில் தான் உனக்கு சந்தோசம் என்றால், ஒருநாள் உன்னையும் அழவைப்பேன் என் கல்லறையில்.

வார்த்தைகளில் கூட உன்னை எவருக்கும் விட்டு கொடுக்காதவள் நான் வாழ்கையில் எப்படி உன்னை விட்டு விடுவேன்...

என்னுள் நிறைந்து இருக்கும் உன்னை யாராலும் பிரிக்க முடியாது ஏன் நீயே நினைத்தாலும் கூட...!!

வார்த்தைகளால் விளையாடி காயம்செய்கிறாய்நீ என் வாழ்க்கையை அல்ல... நீ வாழ்ந்துகொண்டிருக்கும் இதயத்தை..!

உண்டியல் இருக்கும் கோவில்களில் கடவுள் இருக்க வாய்ப்பில்லை......... - காலில்லா கவிதைகள்.-

நிற்பது நான் ....... பார்ப்பது என் கனவு அதை அடைய பாதை தெரியவில்லை ஆனால்.. பாதை கண்டிப்பாக இருக்கிறது பாதை இருப்பது உறுதி என்றால் நான் அடைவதும் உறுதி. - நான் -

மறக்க நினைக்கிறேன் உன்னை -அல்ல உன்னோடு சண்டையிட்ட -அந்த நிமிடத்தை மன்னிப்பதும் மன்னிக்காமல் இருப்பதும் உன் காதலை பொறுத்தது!....

அடிக்கடி தவறு செய்கிறவன் அப்பாவி, ஒரே தவறைத் திரும்பத் திரும்பச் செய்கிறவன் மூடன், ஒரு தவறுமே செய்யாதவன் மரக்கட்டை, தன்னையறியாமல் தவறு செய்து, தன்னையறிந்து திருத்திக் கொள்கிறவனே மனிதன்......

எப்போதுமே உன்னுடைய
அன்பின் ஆழத்தை புரிந்து
கொள்ளக் கூடியவர் மீது
மட்டும் அதிகம் அன்பை
செலுத்து..
அன்பை பற்றி தெரியாதவர்
மீது அன்பை காட்டி கஷ்டப்படாதே...!!

நீ செய்யும் தவறுகளை
மன்னிப்பதும்...
நீ படும் கஷ்டங்களை கண்டு
கண்ணீர் சிந்துவதும்
உன் தாய் மட்டுமல்ல...
உனக்கு வரும் தாரமும் தான்...!

~படித்ததில் பிடித்தது~ - 263

2014-05-13T19:59:00.003+05:30

நீ சொல்லும் ஒவ்வொரு பொய்களும் உங்களுக்கு இன்பம் தருகிறதோ தெரியவில்லை -ஆனால் என்னை ரொம்ப காயப்படுத்துகிறது என்பது உண்மை .. இருந்தும் எதுவும் கேட்காமல் சிரிக்கிறேன், பொய் என்று அறியாமல் அல்ல , உன் மனது நோககூடா என்பதற்காகவும், உன்னை அதிகமாக நேசிப்பதாலும்.

இன்று நீங்கள் சிரிப்பது நாளை அழுவதற்காகத்தான் என்றால் இன்று சிரிப்பதை நிறுத்தாதீர்கள். நாளை அழுவதைத்தடுப்பது எப்படி என்று சிந்தித்துக்கொண்டே சிரியுங்கள் - கண்ணதாசன்.

நீங்கள் செய்யும் தவறை உடனே திருத்தி கொள்ளுங்கள் இல்லவிட்டால் இன்னொரு தவறைச் செய்தவராகி விடுவீர்கள்.

குண்டனுக்கு சண்டை வரும்போது மட்டும் சிறப்பு. ஒல்லியனுக்கு செல்லுமிடமெல்லாம் சிறப்பு.

தரிசனம் தர மறந்துவிட்டாய் இவ்வாரம், எழுத போதாத என் நாட்குறிப்பின் பக்கங்கள் எல்லாம் வெற்றுத் தாளாய்..
~ கற்பனைகளின் காதலன் ~

அறிந்ததும் அறியாததும்

"பணக்காரனாக ஆவதற்கு பணத்தைச் சேர்த்து வைக்க வேண்டியதில்லை. தேவைகளைக் குறைத்துக் கொண்டாலே போதும். " -ஸ்பெயின்.

"போலியான நண்பனாக இருப்பதைவிட, வெளிப்படையான எதிரியாக இருப்பது மேல்." -இங்கிலாந்து.

"தாகத்தால் தவிக்கும் ஒருவனுக்கு ஒரு சொட்டுத் தண்ணீருக்கு முன்னால் ஓராயிரம் முத்துக்கள் மதிப்புள்ளது ஆகாது." -பாரசீகம்.

"செழிப்பானபண்ணையிலிருந்துகுதிரையைவாங்கு:ஏழை வீட்டிலிருந்து பெண்ணை எடு." -எஸ்டோனியா.

"மனிதர்கள் நேசமாயுள்ள இடத்தில் தண்ணீர் கூட இனிப்பாய் இருக்கும்." - சீனா.

"நாய் குரைக்கிற போதெல்லாம் நீங்கள் தாமதித்தீர்களேயானால், நீங்கள் செல்ல வேண்டிய இடத்திற்கு செல்லவே முடியாது." - அராபி.

"ஒருவன் ஆயிரம் மைல்கள் நடந்தாலும், ஒவ்வொரு அடியாக எடுத்து வைத்துத்தான் அத்தனை மைல்கள் நடக்க முடிந்ததென்பதை மறவாதீர்கள்." - சீனா.

"பக்தியோடு பிரார்த்தனை செய். ஆனால் சுத்தியலை பலமாய் அடி." -இங்கிலாந்து.

"உன் அண்டை வீட்டுக்காரனை நேசி. ஆனால் உன் வீட்டு வேலியை எடுத்து விடாதே." -ஜெர்மன்.

"ஆசை பேராசையாகவும், அன்பு வெறியாகவும் மாறும் போது அமைதி விலகி எங்கோ போய்விடுகிறது." -ஜப்பான்.

Thanks - அறிவோம் ஆயிரம்

தினமும் வாகனம் பயன்படுத்தும் நாம் தெரிந்து வைத்திருக்க வேண்டிய தகவல்கள்...

2014-05-09T21:53:00.001+05:30

1.பகலில் முகப்பு விளக்குகளை எரிய விட்டு எதிரே வரும் வாகனத்தை எச்சரித்தபடி முன்னேறுவது குற்றம்.

2.சாதாரண நேரங்களில் நான்கு புறங்களிலும் உள்ள எச்சரிக்கை விளக்கை எரிய விடுவது தவறு, அபாயகரமான அல்லது வாகனம் பழுதாகி நிற்கும் போதோ, பழுதான வாகனத்தை பிற வாகனங்கள் இழுத்துச் செல்லும் போதோ எரியவிட வேண்டும்.

3.சிக்னல்கள் அல்லது ரோட்டில் வாகனங்களை நிறுத்தி இருக்கும் போது, அனைத்து விளக்குகளையும் எரியவிடக் கூடாது.

அறிந்ததும் அறியாததும்

4.ரோட்டின் நடுவில் கோடுகளை குறிப்பிட்ட இடைவெளியில் விட்டு விட்டு போட்டிருந்தால், ஒரு வாகனத்தை நாம் இந்த இடத்தில் முந்திச் செல்லலாம் என்று பொருள். அதே சமயம் தொடர்ச்சியான நீண்ட கோடுகளாக போட்டிருந்தால் முந்தக் கூடாது என்று பொருள்.

5.ரோட்டின் நடுவில் தொடர்ச்சியாக இரட்டைக் கோடுகள் போட்டிருந்தால், அதை ஒரு தடுப்புச் சுவராக கருத வேண்டும்.

6.ஓட்டுனருக்கு 20.5 மீ (67 அடி) தொலைவில் இருந்து வரும் வாகனத்தின் பதிவு எண்ணை படிக்க முடிந்தால், கண்கள் நல்ல பார்வையுடன் உள்ளது என பொருள். எனவே, ஆண்டுக்கு ஒரு முறை ரத்த அழுத்தம், சர்க்கரை, கண் பரிசோதனை செய்வது நல்லது.

7.கனகர வாகனங்களின் பின்புறம் சிவப்பு நிற முக்கோண வடிவச் சின்னம் உள்ளது. இது முற்றிலும் தவறு. மோட்டார் வாகன சட்டப்படி, அது ஒரு எச்சரிக்கை சின்னம். ரோட்டில் ஒரு வாகனம் பழுதாகி நின்றாலோ, அவசர நிலையிலோ அதை வாகனத்தின் பின்புறம் 15 அடி தள்ளிதான் வைக்க வேண்டும்.

8.நெடுஞ்சாலையில் எதிரே வரும் வாகனத்திற்கு வசதியாக முகப்பு விளக்குகளை 250 மீ.,க்கு முன்பே "டிம்' செய்ய வேண்டும்.

9.வளைவுகளில் அதிவேகமாக ஓட்டிச் சென்றால் விபத்து நடக்கும். அதற்கு "இன் ஸ்லோ-அவுட் பாஸ்ட்' என்ற முறையில் செல்ல வேண்டும். அதாவது, மைய ஈர்ப்பு விசை, விலக்கு விசைகளின் அடிப்படையில், வளைவுகளில் நுழையும் போது மெதுவாகவும், பின் ஆக்ஸிலேட்டரை லேசாக அழுத்தியும் செல்ல வேண்டும். ஆனால் பலர் வேகமாகவே நுழைந்து பிரேக் அடித்து திரும்புகின்றனர். இதனால் வாகனம் கவிழ்ந்து விடும்.

10.கார்களில் செல்வோர் "சீட் பெல்ட்' அணியும் போது சட்டைப் பையில் போன், பேனா, சில்லரை காசுகள் வைத்திருப்பதை தவிர்க்க வேண்டும். பெண்கள் அதிக நகை அணிந்திருக்கக் கூடாது. அசம்பாவிதம் நேரிட்டால் அந்த பொருட்களே பயணிக்கு எமனாக மாறிவிடும்.

11.நான்கு வழிச் சாலையின் நடுவே மீடியனில் அரளிச் செடிகளையே வைத்துள்ளனர். காரணம் எதிரே வரும் வாகனத்தின் முகப்பு விளக்கு ஒளியில் இருந்து கண்களை பாதுகாக்கும். வறட்சியையும் தாங்கும். இச்செடிகளின் வேர்கள் அதிகம் வெளிவராது. இது வாகனங்களின் கார்பன் டை ஆக்சைடை அதிகம் அப்சர்வ் செய்கிறது, விலங்குகளும் இவற்றை உண்பதில்லை.

12.நமக்கு அவசர அழைப்பு எண் 108 என்பது தெரியும். மற்றுமொரு எண் 112 என்பது பலருக்கு தெரியாது. மொபைல் போன் சிக்னல் இல்லாத இடங்களிலும் மொபைலின் கீ லாக் செய்யப்பட்ட நிலையிலும், ஏன் சிம்கார்டு இல்லாத நிலையிலும் கூட இந்த எண்ணை அவசர உதவிக்கு பயன்படுத்தலாம், மொத்தத்தில் விவேகமான வேகமே விபத்துக்களில் இருந்து நம்மை பாதுகாக்கும்...

Thanks - Lankasri

அலுவலக தத்துவங்கள்

2014-05-07T22:11:00.001+05:30

அறிந்ததும் அறியாததும்

~படித்ததில் பிடித்தது~ - 262

2014-04-21T20:23:00.000+05:30

"இலக்கில் உறுதியாகவும் அணுகுமுறையில் நெகிழ்தன்மையுடனும் இருங்கள்"

வறுமை வந்தால் வாடாதே, வசதி வந்தால் ஆடாதே.

வெளிப்படையாக பேசுபவன் எதிரி ஆகிறான், வெளிவேசம் போடுபவன் வெற்றி பெறுகிறான்..

அறிந்ததும் அறியாததும்

"நல்லவவன் வேறோருவன் அனுமதி இன்றிக்கூட நல்லவனாய் வாழ்ந்து கொண்டிருக்கிறான்'.

வாழ வேண்டும் என்று நினைப்பவனுக்கு எந்த விமர்சனத்தையும் தூக்கி ஏறியும் தைரியம் வர வேண்டும்.

அடிவாங்கி அடிவாங்கி அடிச்சவனுக்காக கை தட்டுங்கோ.

கெட்ட பழக்கம் முதலில் யாத்திரிகனைப்போல வரும். பிறகு விருந்தாளியாகி, இறுதியில் அதுவே முதலாளி ஆகிவிடும்.

இருக்கின்ற செல்வம் போதும் என்று நினைப்பது சரிதான், ஆனால் இருக்கின்ற திறமை போதும் என்று நினைப்பது சரியல்ல.

உங்கள் குழந்தைக்கு நல்ல வாழ்கை அமைய வேண்டுமென்று நீங்கள் விரும்பினால் அவர்களுக்கு எப்போதும் கொஞ்சம் பசியும் குளிரும் இருக்கும் படி செய்யுங்கள்.

சில நேரங்களில் புத்தி வெற்றி பெறுகிறது. பல நேரங்களில் வெற்றியே புத்தி ஆகி விடுகிறது.

இரண்டு நண்பர்களிடையே மத்தியஸ்தம் செய்யாதீர்கள். செய்தால் ஒரு நண்பனை இழப்பீர்கள். இரண்டு அந்நியர்களிடையே மத்தியஸ்தம் செய்யுங்கள். செய்தால் ஒரு நண்பன் கிடைப்பான்.

சுயநலமின்மை, சுயநலம் என்பவற்றைத் தவிர கடவுளுக்கும், சாத்தானுக்கும் எவ்வித வேறுபாடும் இல்லை. (சுவாமி விவேகானந்தர்).

வெற்றியின் வாசல் தேடி வந்தவர்கள் நிச்சயம் ஆயிரம் தோல்விகளிடம் விலாசம் கேட்ருப்பர்கள்!!!!!!!

தேவையற்றதைப் பார்த்து வெறுத்துக் கொண்டு இருப்பதைவிட தேவையானதைக் கண்டுபிடித்து எடுத்துக் கொள்வதுதான் புத்திசாலித்தனம்.

கணவனின் சிறந்த தோழியாக மனைவியும், மனைவியின் சிறந்த தோழனாக கணவனும் இருக்கும்போது, அவர்கள் சிறந்த தம்பதியாகிறார்கள்.

குட்டிக்கதை - 18 - சுவாமி விவேகானந்தரின் அறிவின் முதிர்ச்சி

2014-04-06T20:55:00.000+05:30

விவேகானந்தர் பேசி முடித்துவிட்டு மேடையில் இருந்து இறங்கி வந்தார்.

அவரால் வசீகரிக்கப் பட்டவளாய் அந்த அழகிய இளம்பெண் அருகில் வந்தாள்.

நீங்கள் என்னை மணந்து கொள்கிறீர்களா? என்று கேட்டாள். என்னைப் பார்த்ததும் திடீரென்று ஏன் இந்த எண்ணம் வந்தது? என்று கேட்டார் .

அறிந்ததும் அறியாததும்

அதற்கு அந்த பெண், உங்களைப் போலவே ஞானமும்,ஆற்றலும் நிரம்பிய மகனைப் பெறவேண்டும் என விரும்பிகிறேன் எனவேதான் உங்களை மணக்க விரும்புகிறேன் என்றாள்.

அதற்கு உடனே சொன்னார்.என்னை மணந்து என்னைப்போலவே மகனை பெற்றுக்கொள்வதை விட என்னையே மகனாக ஏற்றுக்கொண்டு விடேன்.

இன்று முதல் நான் உன்னை “தாயே” என்றே அழைக்கிறேன் என்று கூறினார்..

இதுதான் அறிவின் முதிர்ச்சி.....

ஒருவரது கருத்தை மறுதலிக்கும் பொழுதுகூட,அவரது மனத்தைக் காயப் படுத்தாமல் மாறாக அவரை மகிழ்விக்கும் மாண்பு..

நன்றி - அறிவோம் ஆயிரம்

~படித்ததில் பிடித்தது~ - 261

2014-03-19T19:23:00.000+05:30

"மலேசிய விமானத்தை தேடும் பணியில் இந்திய கப்பல்கள் இணைந்தது # ஐயோ, அடுத்து இந்திய கப்பல்கள தேடுவானுகளே"

பேசியே கொல்வதும் பேசாமல் கொல்வதும்
உண்மையாக நேசிப்பவர்களால் மட்டுமே முடியும்..

உலகில் உள்ள ஒவ்வொரு உயிரினமும் முதல் முதலாய் பெற்ற இரத்த தானம் தாயின் பால்...

புதுசா தொலைபேசி வாங்கியவனும் புதுசா கல்யாணம் ஆனவனும்
அன்னைக்கு இரவு தூங்க மாட்டான். . !

பெண்களுக்கு உண்மையில் நல்லது செய்பவனை விட நன்றாக பேசுபவனையே பிடிக்கிறது..!!!

அறிந்ததும் அறியாததும்

ஒருவரை இழக்கும் போது வரும் கண்ணீரை விட
அவர்களை இழக்க கூடாது என்று நினைக்கும்
போது வரும் கண்ணீருக்கு தான் வலி அதிகம்

சாப்டியா?? நு கேட்க ஒருவர் இல்லையென்றால், எல்லாம் இருந்தாலும் அநாதை தான்...!
BY: உன்னால் அநாதையாக்கப்பட்டவன்

நீ என்னை நன்கு ஏமாற்றுகின்றாய் என தெரிந்தும் இறைவனிடம் வேண்டுகிறேன்...!
நீ வேறு எங்கும் ஏமாந்து விட கூடாது என்று......

பெண்கள் வெளியே கிளம்ப "ஐந்து நிமிடங்கள் "என்றாலும்
ஆண்கள் வீடு திரும்ப "ஐந்து நிமிடங்கள்" என்றாலும்
நம்பி விடவே கூடாது ....

உன் உயிர் கூட ஒரு நாள் உன்னை ஏமாற்றிவிடும்....
உறவுகள் மட்டும் நிரந்தரம் என்று எப்படி நினைப்பாய்..

நீ யாரையாவது ஏமாற்றிவிட்டால் அவர்கள் ஏமாந்து விட்டதாகஅர்த்தம் இல்லை...
உன்னை அளவுக்குஅதிகமாக நம்பி இருகிறார்கள் என்று அர்த்தம். !

அழகை திமிராக காட்டாமல் ஆண்களை மதித்து நடக்கும் போது
பெண் அழகானவள் ஆகின்றாள் ஆணின் கண்களுக்கு

நான் இளவரசிக்காக காத்திருக்கவில்லை , ஆனால் நான் அவளது இளவரசன் தான் என நினைக்கும் ஒருத்திக்காக காத்திருக்கிறேன் ...

கண்ணாடிதான் என் சிறந்த நண்பன் ஏன்னெனில் நான் அழும்போது ஒருநாளும் அது சிரித்ததில்லை - சாரிலி சாப்ளின்.

அறிவுரை சொல்பவர்களுக்கு ஒரு அறிவுரை,
தயவுசெய்து அறிவுரை கூறாதீர்.!

அவசரக் குடுக்கை

2014-03-19T19:01:00.001+05:30

வீர சிவாஜி ஒரு முறை முகலாய மன்னனிடம் இருந்து தப்பித்து மாறு வேடத்தில் ஊருக்குள் சுற்றிக் கொண்டிருந்தார் .

ரொம்பப் பசி எடுத்ததும் அருகில் இருந்த ஒரு வீட்டிற்குச் சென்று தனக்கு உணவளிக்குமாறு கேட்டுக்கொண்டார்.

அந்த வீட்டிலிருந்த வயதான பாட்டி அப்போது தான் சமைத்து முடித்திருந்தது."வாப்பா" என்றழைத்து சுட சுட சோற்றைப் பரிமாற ஆரம்பித்தார்.

அறிந்ததும் அறியாததும்

அவசரக் குடுக்கையான சிவாஜி பசி தாளாமல் வேகவேகமாய் சுடு சோற்றின் நடுவே கைவைத்துச் சாப்பிட ஆரம்பித்தார்.

அதிக சூட்டினால் சாப்பிட முடியாமல் தவித்தார். உடனே குறுக்கிட்ட பாட்டி... ஏம்ப்பா .. நீயும் நம்ம சிவாஜி மாதிரி விவரம் புரியாத ஆளா இருக்கியே . ...முதல்ல சுற்றி இருக்க சின்ன சின்ன கோட்டைகளை கவர்ந்துவிட்டு அப்பறமா பெரிய கோட்டைய ஆக்கிரமிக்கணும்... எடுத்ததுமே மிகப் பெரிய விஷயத்துக்கு ஆச மட்டும் பட கூடாது.. அது போல நீ ஓரத்துல இருக்க சோற்றை முதலில் சாப்பிட்டு முடி... அதற்குள் நடுவில் இருக்கும் மலைக்குவியல் சோறு ஆறியிருக்கும்... பின் அதை சாப்பிடலாம் " என்றார் ...

சிவாஜிக்குத் தூக்கி வாரிப் போட்டது... இருந்தும் பாட்டியின் சொல்லில் இருக்கும் நிஜத்தை புரிந்து கொண்ட சிவாஜி போர் நுணுக்கத்தை தனக்குச் சொல்லிக் கொடுத்த பாட்டியிடம் தான் தான் சிவாஜி என்று சொல்லாமலேயே, உணவளித்தமைக்கு நன்றி சொல்லி அந்த இடத்தை விட்டு வெளியே வந்தார்..

உங்களுக்கான பாடம் நீங்கள் கடந்து செல்லும் ரோட்டில் எதிர் வரும் காலில்லாத மனிதனிடம் கூட இருக்கலாம்.... யாரையும் துச்சமாய் நினைக்காமல் எல்லோரிடமிருந்தும் எதைக் கற்றுக் கொள்ள முடியுமோ அதைக் கற்றுக் கொள்ளுங்கள்... நல்லதைப் பிறர்க்கு செய்யுங்கள்... கெட்டதா .? அதையும் பிறரை செய்ய வேண்டாம் என்று அறிவுறுத்துங்கள் , நீங்களும் பின் பற்றுங்கள்.......

Thanks - TAMIL PAGE 人

~படித்ததில் பிடித்தது~ - 260

2014-02-17T19:45:00.003+05:30

நீ யாராக இருந்தாலும் பரவாயில்லை,
நீ எண்ணுவது விண்மீனாக இருந்தாலும்,
உன் உழைப்பால், நீ எண்ணியது உன்னை வந்து சேரும்.

பல வாய்ப்புக்கள் தொடர்பாடல் இல்லாமல்தான் நழுவிப் போகின்றன. பல தொடர்பாடல்கள் வாய்ப்புகள் இல்லாமலே மௌனித்திருக்கின்றன...

பலசாலியான மனிதை கூட பலவீனமாக்கும் ஆயுதம் காதல்தான் ....!!!

அறிந்ததும் அறியாததும்

ஹீரோ: நான் நடிக்கிற படங்கள் எல்லாம் 100 நாள் ஓடவேண்டும்..
ரசிகன் : திருட்டு CD சீக்கிரமே வந்துடனும்
டாக்டர்: நிறைய நோயாளி வரவேண்டும்
நோயாளி: நான் நோய் நொடி இல்லாமல் வாழனும்
திருடன் : இந்த வருடமாவது நான் திருந்தனும்
வக்கீல் : இந்த வருடம் கொலை/கொள்ளை கேஸ் நிறைய கிடைக்கனும்
குடிகாரன்: இந்த வருடமாவது குடிக்கிறத விட்டுடனும்
அரசாங்கம்: இந்த வருஷம் டாஸ்மாக் வருமானம் இலக்கு 30 ஆயிரம் கோடி
கடவுள் : ???

விலகியிருத்தல் என்பது வெறுத்திருத்தல் என்பதல்ல.

பையன் : அம்மா எனக்கு ஒரு தம்பி பாப்பா வேணும்.
அம்மா : அப்பா வெளிநாட்டுக்கு பொய் இருக்காரு. வந்த அப்றமா இத பத்தி யோசிப்போம்.
பையன் : இல்லேம்மா. நம்போ அப்பாக்கு ஒரு surprise குடுப்போம்
அம்மா : அப்பாக்கு நீயே ஒரு surprise தாண்டா.
--- அடி சண்டாள சிறுக்கி!!!

கோபத்தில் ஒருமுடிவும் எடுக்காதே
மகிழ்ச்சியில் ஒரு வாக்கும் கொடுக்காதே
அழுகையில் ஒருவரையும் நம்பாதே.

எங்கே பார்த்தாலும் காதலர்கள், என்னைத்தான் காதல் செய்ய யாருமில்லை என்று வீடு திரும்பினேன், காத்திருந்தாள் எனக்காக சாப்பிடாமல், என் அம்மா .....

அம்மா:டேய்……! மீன் தொட்டிக்கு
தண்ணி மாத்திட்டியா?
மகன்: இல்லம்மா…மீனுங்க போன வாரம் ஊத்தின தண்ணியையே இன்னும் குடிச்சி முடிக்கல.

தருக! என்றுனை நான் கேட்கும் முன்னே பெறுக! என்று நீ தந்திடல் வேண்டும்! -Hari-

மகன்: அப்பா எனக்கு மோட்டார் பைக் வாங்கி தாங்க. அப்பா: கடவுள் எதுக்கு நமக்கு ரெண்டு கால் குடுத்திருக்காரு? மகன்: ஒன்னு கியர் போட, இன்னொன்னு பிரேக் போட.. ஹையோ ஹையோ..

கண் பார்வை அற்றவன் குருடன் அல்ல
தன் குற்றங்களை உணராதவனே குருடன் - காந்தி

முதல் காதலில் ஜெய்த்தவனுக்கு அதுதான் கடைசி வெற்றி....
முதல் காதலில் தோற்றவனுக்கு அதுதான் கடைசி தோல்வி....

வானத்துக்கு நட்சத்திரம் நண்பன் ...!!!
மலருக்கு வண்டுகள் நண்பன் ....!!!
கடலுக்கு கரை நண்பன் ....!!!
மூச்சுக்கு காற்று நண்பன் ....!!!
என் உயிருக்கு நீயே நண்பன் .....!!!
இந்த இரவுக்கு நிலா நண்பன்.....!!!

கண்களில் தென்பட்ட யாவரும் இதயத்தில் இடம் பிடிப்பதில்லை..
இதயத்தில் இடம் பிடித்த யாரும் கண்களுக்கு அருகில் இருப்பதில்லை..