WOW இதப் பார்ரா..

அன்பின் பொழுது.. அரசியல் மாண்பு !

2026-05-11T19:06:00.001+05:30

Uncleஉம் அன்புத் தம்பியும் ஆரத்தழுவிய அன்பின் பொழுது..

தீயசக்தி, தற்குறி எல்லாம் தேர்தலோடு போ..
இது மிகச்சிறந்த அரசியல் மாண்பு
பாராட்டவேண்டிய ஓர் எடுத்துக்காட்டு.

இதற்கு முதல் தமிழ்நாட்டு அரசியலில் MGR - கலைஞருக்குப் பிறகு இப்படியான அன்னியோன்னியம் எதிரெதிர் அரசியல் கட்சித் தலைவர்களுக்கிடையில் இருந்ததா என்பதை தமிழக நண்பர்கள் தான் சொல்லவேண்டும்.

ஸ்டாலின் விஜயைக் கைபிடித்து அழைத்துச் சென்றதெல்லாம்…
அடடா

இவர்களுக்காக இரு தரப்பிலும் நின்று களமாடியவர்களுக்கு ( அதுவும் வாக்கே இல்லாமல் இங்கே நின்று காற்றில் கம்பு சுற்றியோருக்கு) எப்படியிருந்திருக்கும்ம்?

அரசியல்ல இதெல்லாம் சகஜமப்பா

ஆனால் உண்மையாக முதலமைச்சராக விஜய் இன்று மூத்த அரசியல் தலைவர்களைத் தானே நேரில் சென்று சந்தித்தது மிகவும் சிறப்பானது.
இது நேற்று பதவியேற்பின் பின் பெரியார் திடலில் கி.வீரமணி அவர்களைச் சந்தித்ததில் ஆரம்பித்தது.

வழமையாக பொன்னாடையை ஏற்காத சீமானே மறுப்பின்றி அன்புக்காக அதை ஏற்றுக்கொண்டார் போலும்..
அன்பே வெல்லட்டும்.

விஜய் வெற்றி !

2026-05-05T00:53:00.000+05:30

விஜய் வெற்றி !

தமிழக மக்கள் தம் தீர்ப்பை தெளிவாக வழங்கியிருக்கிறார்கள். திமுக ஆட்சி மீதான வெறுப்பும் இரு திராவிடக் கட்சிகளினதும் மாறி மாறி வந்த ஆட்சிகளின் அலுப்பும் சேர்த்து மாற்று ஒன்றைத் தேடிய வேளையில் நம்பிக்கை தரக்கூடிய புதிய தெரிவாக விஜய் வந்தார்.

தனியே திரைக் கவர்ச்சி என்று மட்டுமன்றி பொருத்தமான மாற்றுத் தெரிவாக அமைவார் என்று மக்கள் மத்தியில் ஒரு மனவுறுதியைக் கட்டியெழுப்பிய விஜய், விமர்சனங்களுக்கு மத்தியில் தன்னைக் கட்டியெழுப்பிய ஒவ்வொரு அடித்தளமும் சரியான strategyயுடன் செய்யப்பட்டவை.

எம்மிற் பலருக்கு மட்டுமல்ல தமிழ்நாட்டில் இருந்த அவதானிகளுக்கே தெரியாமல் நிகழ்ந்துகொண்டிருந்த இந்த மிகப்பெரும் அரசியல் பூகம்பத்தை விஜய் தன் ஆழமான நகர்வுகளால் - ஆனால் உறுதியான உரைகள் (இவை கூட கேலி செய்யப்பட்டாலும் தனது இலக்குக்குரிய மக்கள் எவரோ அவர்களை சரியாக அவற்றை அடையச் செய்தது அவரது பலம்) + நடவடிக்கைகளோடு தானாக இந்த வெற்றியைக் கனிய வைத்த ஆட்சியாளரின் தவறுகளும் அடாவடி விமர்சனங்களும் கூடவே மக்களின் அனுதாபமும் சேர்ந்துகொண்டது.

ஆனால் நான் பார்த்து ஆச்சரியப்பட்டதும் ரசித்ததும் கடைசி நான்கைந்து ஆண்டுகளில் பாடல் வெளியீட்டு மேடைகளிலிருந்து தேர்தல் மேடைகள் வரை மெருகேறி வந்த அவரது உரைகளும் அதற்கான உழைப்பும். 
(social media, youth attraction, சினிமா பாணியிலான power packed பாடல்கள் எல்லாம் கோடிக்கணக்கான பலம் கொண்ட மற்றவர்களால் கூட போட்டி போட முடியாதவொன்றாக அமைந்துபோனது)
அதில் தெரிந்த உறுதியும் கூட.
மத்திய அரசுக்கும் மாநில அரசுக்கும் பகிரங்க சவால் விடுவது விஜய் போன்ற ஒருவருக்கு இலேசானதல்ல.சினிமாத்தனமும் இயல்பை மீறிய ஹீரோயிசமும் இருந்தாலும் பல நேரம் அந்த presentation + charismaவை ரசித்தே இருந்தேன்.

ஆனால் அதற்குப் பிறகு வருகிற அழுத்தங்களையும் சமாளித்து சொன்னபடியே விட்ட பஞ்ச் வசனங்களை நடத்தியும் காட்டி 'முதல்வன்' படத்தை நிஜத்தில் நடத்திக் காண்பித்திருக்கிறார்.
(முதல்வன் படக்கதை தனக்கு அப்போது வேண்டாம் என்று நிராகரித்தும் இருந்தார் விஜய்)அவரது திரை வளர்ச்சியும் வெற்றியும் போலவே கடைசி சில ஆண்டுகளின் கட்டமைப்புக்களும் நேர்த்தியான திரைக்கதை தான்.

இதெல்லாம் காகம் இருந்து பனம் பழம் விழுந்த கதை அல்ல.கண்முன்னே நிகழ்ந்த ஓர் அரசியல் அற்புதம்.

மிகப்பெரிய முயற்சியும் முதலீடும் இதன் பின்னால் இருந்ததோடு வலி தாங்கி, விமர்சனங்களைப் பொருட்படுத்தாமல் உழைப்பை வழங்கக்கூடிய திடமும் அதற்கேற்ற அணியும் இருந்திருக்கவேண்டும்.
விஜய், தவெகவின் கொள்கைகள், கட்டுப்பாடில்லாத அவர்களது தொண்டர்கள், ரசிகர்கள், வெறியர்கள், அவர்களது நடவடிக்கைகள் குறித்த விமர்சனங்கள் இருக்கின்றன தான்.

ஆனால் இந்த வெற்றியும் அதற்கான scheming + strategies & இன்றைய வெற்றியின் சாதனைகள் ஆகியன மெச்சிப் பாராட்டவும், முடிந்தால் பின்பற்றவும் படவேண்டியவை.

ரசிகர்களுக்கான தளபதியாக இருந்து இனி மக்களுக்கான (தனக்கு வாக்களிக்காத 3 கோடி பேருக்கும் சேர்த்தே) தலைவனாக புது வழி காட்டுவதற்கும் சேர்த்து மனமார்ந்த வாழ்த்துகள் விஜய்.

பெரிய சவாலைக் கடந்த உங்களுக்கு இனி 118ஐ அடைவதும் அதற்குப் பின் உங்கள் ரசிகர்களை உங்கள் மக்கள் சேவைக்கும் உங்கள் அன்றாடப் பயணங்களுக்கும் மக்களைச் சந்திக்கும்போதும் பழக்கப்படுத்தி ஒழுக்கப்படுத்துவதும் தான் அதை விடப் பெருஞ்சவாலாக அமையப்போகிறது (இன்றும் அவரது வாகனத்துக்கு முன்னால் வந்து குதித்து வீழ்ந்து அன்பைக் காட்ட முற்பட்டோர் தந்த சங்கடத்தை முகத்தில் காட்டாமல் மறைத்த விஜயைப் பார்க்க பாவமாக இருந்தது) என்பது தெளிவு.
எவ்வளவோ பண்ணிட்டீங்க...

நல்லதே நடக்கட்டும் 

#Vijay #VIjayTVK #TNElection #ElectionResults #Tamilnadu

இணையத்தைச் சூடாக்கிய அந்த “ஆணுறை ( Condom) விளம்பரம்”

2026-05-03T13:55:00.000+05:30

இணையத்தைச் சூடாக்கிய அந்த “ஆணுறை (Condom) விளம்பரம்”

சில விளம்பரங்கள் பொருளை விற்கும்.
சில விளம்பரங்கள் கருத்தை விற்கும்.
சில விளம்பரங்கள் — நம்மைச் சிரிக்கவைத்து, அதே நேரத்தில் கொஞ்சம் யோசிக்கவும் வைக்கும்.

அப்படி இணையத்தில் திடீரென தீப்பிடித்துப் பரவிய ஒன்று, பிரேசிலிய ஆணுறை விளம்பரம் எனச் சொல்லப்படும் ஒரு படைப்பு.

அக்காட்சியில் உலகத் தலைவர்கள் சிலர், ஒரு ஆணுறைக்குள் சிக்கிக்கொண்டு போராடுவது போல சித்தரிக்கப்பட்டிருந்தது. அதனுடன் வந்த வாசகம் இன்னும் கூர்மையானது:

‘Some People Should Never Have Been Born'

“சிலர் பிறந்திருக்கவே கூடாது.”

சொல்லப்போனால், இது ஒரு சாதாரண விளம்பர வாசகம் அல்ல.
இது நேராக நெற்றியில் ஒட்டப்படும் அரசியல் நையாண்டி.

ஆனால் இதில் ஒரு திருப்பம் இருக்கிறது.

இது உண்மையில் தொலைக்காட்சியிலும், பத்திரிகைகளிலும் பயன்படுத்தப்பட்ட அதிகாரப்பூர்வ விளம்பரம் அல்ல. Platinum FMD நிறுவனத்தில் இருந்த ஒருவரின் சலிப்பு நேரப் படைப்பாகவே இது உருவானதாகச் சொல்லப்படுகிறது. சில உலகத் தலைவர்களை நையாண்டி செய்யும் நோக்கில் உருவாக்கப்பட்ட இந்த கற்பனை விளம்பரம், அப்படியே உலக சந்தையில் ஓடிய விளம்பரம் அல்ல.

ஆனால் இணையம் எப்போது உண்மை, கற்பனை, நையாண்டி, கோபம் எல்லாவற்றையும் ஒன்றாகக் கலக்கிறதோ, அப்போது அதற்கே தனி உயிர் வந்து விடும்.

அப்படித்தான் இது நடந்தது.

Facebook-இல் உள்ள “We Resist” என்ற பக்கம் இதை பகிர்ந்ததும், படம் தீப்பற்றியது. மக்கள் சிரித்தார்கள். சிலர் கைதட்டினார்கள். சிலர் சினந்தார்கள். சிலர் “இதை உண்மையிலேயே ஒளிபரப்பியிருக்கலாமே!” என்றார்கள்.

நாம் பார்க்காத விளம்பரமே, பார்த்த விளம்பரங்களை விட அதிகம் பேசப்பட்டது. அதுதான் இணையத்தின் புதுக்கால விளம்பரத் தத்துவம்.

இன்னும் சுவாரஸ்யமானது என்னவென்றால், இந்த விளம்பரம் ஒரு பொருளை விற்கவில்லை. அது ஒரு மனநிலையை விற்றது.
“அரசியல் தலைவர்களை மக்கள் எப்படி பார்க்கிறார்கள்?” என்ற கேள்விக்கு, ஒரு குத்துச்சிரிப்பான பதில் கொடுத்தது.

நையாண்டி எப்போதும் நாகரிகமாக இருக்க வேண்டுமா?
அல்லது அது குத்திக் கிழிக்க வேண்டுமா?

அந்த விவாதம் வேறு.

ஆனால் ஒரு விஷயம் உறுதி:
இப்படி ஒரு விளம்பரம் உண்மையில் தொலைக்காட்சியில் வந்திருந்தால், prime time செய்திகளிலும், அரசியல் விவாதங்களிலும், social media போர்களிலும் பல நாட்கள் வாழ்ந்திருக்கும்.

சில விளம்பரங்கள் ஒளிபரப்பப்படாமலேயே புகழ்பெறும்.
சில கருத்துகள் அதிகாரப்பூர்வமாக வெளியிடப்படாமலேயே மக்களின் மனதில் ஒலிக்கும்.

இந்த “condom விளம்பரம்” அதில் ஒன்று.

அதன் வாசகம் கடுமையானது.
அதன் நகைச்சுவை கறுப்பாக (Dark Humour) இருந்தது.
அதன் அரசியல் நையாண்டி கூர்மையாக இருந்தது.

ஆனால் இணையம் அதை விரும்பியது.

ஏனெனில், சில நேரங்களில் மக்கள் விளம்பரத்தைப் பார்க்க விரும்புவதில்லை;
அவர்கள் தங்களின் கோபத்தை யாராவது புத்திசாலித்தனமாக வடிவமைத்துக் காட்டினால் போதும்.

அதுதான் இங்கே நடந்தது.

உண்மையான விளம்பரம் அல்ல.
ஆனால் உண்மையான எதிர்வினையை பெற்ற நையாண்டி.

இணையக் காலத்தில் அதுவே சில நேரங்களில் போதும்.

அதுசரி, இதே விளம்பரங்களில் இன்னும் உள்ளடக்கப்பட்டிருக்கவேண்டியவர்கள் இன்னும் யார் யார் என்று நீங்கள் நினைக்கிறீர்கள் ? 🫣😉

இன்னும் ??

2026-04-27T10:22:00.001+05:30

வலைப்பதிவு, வலைப்பூ, வலையுலகம் என்று கோலாகலமாகக் கோலோச்சிக்கொண்டிருந்த அந்தக் காலம் நினைவிருக்கா?

இன்னும் இந்தப் பக்கம் போன்ற பதிவுகளை வாசிக்கும் நண்பர்கள் இருக்கிறீர்களா?

நீளிரா...

2026-04-15T18:05:00.001+05:30

நீளிரா

இயக்குனர் சோமி, தயாரிப்பாளரான பிரபல இயக்குனர் கார்த்திக் சுப்பராஜ் ஆகியோருடன் வெளிப்படையான உரையாடல் காணொளியொன்றை இன்று YouTube, Facebook இரண்டிலும் பதிவேற்றவுள்ளேன்.

படம் பார்த்த பிறகு மனதில் எழுந்த உணர்வுகளை அவர்களுடன் பகிர்ந்துகொண்டதோடு, இருந்த கேள்விகளையும் கேட்டிருந்தேன். அதற்கு முதல்...

இலங்கையின் வடபுல மொழி வழக்கை இதுவரை காலம் வந்த தென்னிந்தியத் திரைப்படங்களில் மிக நேர்த்தியாகக் கொண்டுவந்திருக்கிறது நீளிரா.
இதுவரை கோலிவூட்டில் எந்தவொரு படைப்பாளியும் தொட்டிராத, இந்திய தணிக்கையினால் வெட்டுக்களுக்கு உள்ளாக்கப்படக்கூடிய ஒரு விடயத்தை இரு பக்க கூர்வாள் போன்ற ஒரு கதையை பாதிக்கப்பட்ட பக்கம் நின்று அறவழி பேசியிருக்கிறார் சோமிதரன்.

சிறுவயது முதலே எம் இனம் குறித்து ஆர்வமும் உணர்வும் கொண்ட ஒரு மாணவனாகவும் பின்னாளில் தேடல் கொண்ட இளம் ஊடகர், ஆவணப் படைப்பாளியாகக் கண்டிருந்த சோமிதரனின் உழைப்பும் நேர்த்தியும் பற்றி எனக்கு எந்த ஆச்சரியமும் இல்லை.
எனினும் திரைப்படமாக வரும் நேரம் இருக்கும் கட்டுப்பாடுகள், நடைமுறைகளின் படி சோமி நினைத்த கதையை இயல்பாகத் தரமுடியுமா என்பது தான் Trailer பார்த்த பிறகும் எனக்கான கேள்வியாக இருந்தது.

எனினும் போர்க்காலத்தில் வாழ்ந்த ஒரு குழந்தையின் அனுபவப்பகிர்வு - 1988இல் IPKF என்ற பெயரில் அமைதிக்காக இலங்கைக்கு வந்து பின் எம் வாழ்வில் இதுவரை காலம் நாம் கண்ட சொல்லொணாக் கொடுமைகளைத் தந்த இந்தியப் படைகளின் அட்டூழியத்தின் சாட்சியங்களின் ஓரிரவை இயல்பு மீறாமல் பதிவிட்டிருக்கிறார் திரைப்படமாக.

களம், காட்சியமைப்பு, பாத்திரங்கள், எம் தமிழ்ப் பேச்சு வழக்கு, வலிகளை உணர்த்தும் வசனங்கள் + முகபாவங்கள் என்று மினக்கெட்டு செதுக்கியிருக்கிறார் இயக்குனர் சோமி.

இந்த நீளமான ஓரிரவு (நீள் + இரா - என்னவொரு அழகான கவித்துவமான தலைப்பு) ஒரு வீட்டுக்குள் நடக்கும் சம்பவங்கள் மூலம் அந்த மூன்று ஆண்டுகளில் நடந்த பல நிகழ்வுகளை பல கொடுமைகளை சில வசனங்கள் மூலமாகவும் காட்டிவிடுகிறார்.

அந்தக் காலகட்டத்தில் யாழ்ப்பாணத்தில் வாழ்ந்த என் போன்றோருக்கு நாம் கண்ட, கேட்ட சம்பவங்களை நினைவுகள் மூலமாக தொடர்புபடுத்திக்கொள்ள முடிகிறது.

அதில் வரும் வயதான தாத்தா பாத்திரம் (அதிகம் விவரித்தால் கதையைச் சொல்லிவிடுவேன்) சம்ஸ்கிருத/தமிழ் பண்டிதராக இருந்த என் பாட்டா(அப்பாவின் அப்பா)வை அப்படியே கண்முன்னே கொண்டுவந்தது.
IPKF டாங்கிகள் சகிதம், பலாலியிலிருந்து அடித்த ஷெல்களுடன் எங்கள் ஊர்ப்பக்கம் வந்த நேரத்தில் நாம் இணுவில் கந்தசுவாமி கோயிலுக்கு அகதிகளாக செல்ல முடிவெடுத்தபோது தனக்கு சம்ஸ்கிருதம் தெரியும் தன்னைச் சுடமாட்டார்கள் என்று பிடிவாதம் பிடித்து நின்றவரைக் காலில் சுட்டுவிட்டுத் தான் போனார்கள் 'அமைதி' காக்கும் படையினர்.

இதுபோன்ற பல சம்பவங்களை அழுத்தமான வசனங்களும் ஏன் சிறு சிறு காட்சியின் உருவகங்களும் காண்பிக்கின்றன.
(விளையாட்டு) துப்பாக்கி இல்லாமல் எப்படி விளையாடுவது என்று தாயிடம் கேட்கும் சிறுவன் 
முதலில் இந்த வீட்டுக்குள் அமைதியைக் கொண்டுவரப் பாருங்கோ என்னும் அம்மா 
உலகில் எந்தப் போர் அமைதிக்காக நடந்திருக்கிறது என்று கேட்கும் பெரியவர் (மனிதாபிமான யுத்தம் செய்த ஶ்ரீ லங்கா இராணுவம் உள்ள நாடல்லவா நம் நாடு)எத்தனை பேரிடம் மன்னிப்புக் கேட்பீர்கள் 

எங்கள் கண்முன்னே அந்தக் காலத்தில் வாழ்ந்த பலரைப் பாத்திரங்களாகவும் நாம் உணர்ந்த, அனுபவித்த மற்றும் கேட்டறிந்த சம்பவங்களை அந்த ஓரிரவின் நீட்சியில் உணர்த்துவதும் யாழ் வைத்தியசாலை படுகொலைகள், கொக்குவிலில் இவர்கள் நிகழ்த்திய படுபாதகங்களை உரையாடல்கள் வழியாகக் கொண்டுவருவதும் சோமியின் திறமை.

அந்தக் காலகட்டத்தில் நடந்த அத்தனையையும் கொண்டுவர இது ஒன்றும் போரியல் படமோ அல்லது சோமியின் முன்னைய ஆவணப் படங்கள் போன்றதோ அல்ல..
அன்றைய நாளில் ஒரு குடும்பத்தின் ஒரு நாள் /ஓரிரவு வாழ்க்கை !
அத்தனை நெருக்கடி மத்தியிலும் வயிற்றில் நெருப்பையும் கையில் எந்நேரமும் அடையாள அட்டையையும் வைத்துக்கொண்டும் கூட தமக்கேயுரிய மகிழ்ச்சியான பொழுதுகள், பாசம், காதல், இலட்சியம் என்று வாழ்ந்த எம் இனம் பற்றிய ஒரு முக்கியமான பதிவு.

சோமியிடம் நான் சொன்னேன் - சம்பவத்தின் கோர்வைகளாக ஒரு தரமான சிறுகதையை நல்ல படமாகக் கொண்டுவந்திருக்கிறீர்கள் என்று.
இதன் சிறப்பே இயல்பு மாறாமை. இதற்கு சோமிதரனுக்கு உறுதுணையாக இசையும் ஒளிப்பதிவும் கலை இயக்குனரின் குழுவும் சிறப்பாக உழைத்திருக்கிறார்கள்.

குறைகள் சொல்ல முடியாத, எம் படைப்பாளிகளுக்கும் எம் கதையை எதுவித சமரசமும் செய்துகொள்ளாமல் அதேவேளையில் வர்த்தக சினிமாவாகக் கொண்டுவரப்போகும் படைப்பாளிகளுக்கும் நம்பிக்கை தரக்கூடிய நீளிராவின் வெற்றியை உறுதிப்படுத்த எம்மாலான பங்களிப்பை வழங்கவேண்டியது எம் கடமை.

படம் : Sujeewa Kumar 

#Neelira #NeeliraMovie

ஜனநாயகன் Leak !

2026-04-12T15:30:00.001+05:30

தமிழ்நாட்டிலுள்ள என் நண்பர், அவர் ஒரு விஜய் ரசிகர்.

ஜனநாயகன் லீக் பற்றி பேசிக்கொண்டிருந்தார்.

யார் இதைக் கசிய விட்டிருக்கலாம் என்ற ஊகத்தில், இது கசிவெல்லாம் இல்லை, முழுமையான தரமான  HD தரத்தில் unofficial releaseஏ ஆகியிருக்கிறது என்பதை ஏற்றுக்கொண்டவர், இதன் மூலமாக யாருக்கு இலாபம் என்ற விடயத்தில் எதிரிகள் அப்படி செய்திருந்தால் தமக்கே குழி தோண்டிவிட்டார்கள் என்றார்.
தனக்குக் கிடைத்த linkஇல் முழுப்படத்தையும் பார்த்துவிட்டதாகச் சொன்னார்.

அடப்பாவி அப்போ தியேட்டரில் பார்க்கும் விஜய் ரசிகரின் வைராக்கியம் என்னவாச்சு என்று கேட்டேன்..
TVK Tattoo எல்லாம் போட்டு தேர்தலுக்கான பிரசாரப்படத்தை தேர்தல் முடிஞ்சபிறகு திரையில் பார்த்து யாருக்கு என்ன பயன் என்று எனக்கு பதில் கேள்வி போட்டார். ம்ம்ம் சரி தான் !

"கோடிகளை விட்டிட்டு மக்களுக்காக வந்திருக்கிற நம்மாள் இன்னும் பல கோடிகளைக் கொட்டி தனக்கு வாக்குக் கேட்டு ஒரு High Budget பிரசாரப் படம் எடுத்திருக்காரு ப்ரோ. இப்ப தான் அதைப் பார்க்கணும்" என்று தெளிவாக சொல்லிட்டார்.

படம் எப்படி என்று கேட்டேன்.

"H.வினோத் என்றால் அவரது முதல் இரண்டு படம் தான் ப்ரோ, தளபதி விஜய் என்று வந்தால் அவரது கடைசி இரண்டு படங்களை மறந்திடணும் ப்ரோ"

Okay !

#JanaNayagan #JanaNayaganLeak #TVKVijay

நல்லை அல்லை - #NallaiAllai #KaatruVeliyidai

2017-03-30T11:29:00.000+05:30

வைரமுத்துவின் தமிழ் நின்றாட இடம் கொடுத்து சத்யப்பிரகாஷ் மூலமாக மொழியினைத் தெளிவாக ரசிக்க இடம்கொடுத்திருக்கிறார் இசைப்புயல் A.R. Rahman

நன்னிலவே நீ நல்லை இல்லை..
முல்லை கொல்லை நீ நல்லை அல்லை

நல்லை என்றவுடன் நல்லூர் எவ்வளவு ஞாபகம் வருகிறதோ, அல்லை என்றவுடன் யுத்தகாலத்தில் அடிக்கடி கேட்ட, வாசித்த அல்லைப்பிட்டியும் மனதில் நினைவுக்கு வந்துவிடும்.

ஆனால், //நன்னிலவே நீ நல்லை இல்லை// என்று நீ நல்ல நிலவு தான் ஆனாலும் நல்லவள் இல்லை என்று வர்ணிக்கும் தமிழின் செறிவும் துணிவும் ரசனையின் உச்சம்.

நல்லை அல்லை.. மீண்டும் மீண்டும் ரசிக்க ரசிக்க ....
என்றோ படித்த திருநாவுக்கரசரின் திருவொற்றியூர் திருத்தாண்டகம் ஞாபகம் வந்தது.
தற்போது மிக அரிதாக (அல்லது அறவே இல்லாத)அறு சீரடி, எண் சீரடியில் சந்தச்சுவை, தமிழின் இனிமை உணர்த்தும் தாண்டக வகைச் செய்யுள்களின் அருமையையும் மீண்டும் வாசிக்கத் தூண்டிய 'காற்று வெளியிடை'க்கும் வைரமுத்துவுக்கும் நன்றி..

திருஒற்றியூர் - திருத்தாண்டகம்

மண்ணல்லை விண்ணல்லை வலய மல்லை
மலையல்லை கடலல்லை வாயு வல்லை

எண்ணல்லை யெழுத்தல்லை யெரியு மல்லை
யிரவல்லை பகலல்லை யாவு மல்லை

பெண்ணல்லை யாணல்லை பேடு மல்லை
பிறிதல்லை யானாயும் பெரியாய் நீயே

உண்ணல்லை நல்லார்க்குத் தீயை யல்லை
உணர்வரிய ஒற்றியூ ருடைய கோவே.

(மண் அல்லை; விண் அல்லை; வலயம் அல்லை; மலை அல்லை;
கடல் அல்லை; வாயு அல்லை;
எண் அல்லை; எழுத்து அல்லை; எரியும் அல்லை; இரவு
அல்லை; பகல் அல்லை; யாவும் அல்லை;
பெண் அல்லை; ஆண் அல்லை; பேடும் அல்லை; பிறிது
அல்லை; ஆனாயும், பெரியாய்! நீயே;
உள்-நல்லை, நல்லார்க்கு, தீயை அல்லை உணர்வு அரிய
ஒற்றியூர் உடைய கோவே!.)

உரை - எங்கள் உள்ளத்தால் உணரமுடியாத ஒற்றியூர்த் தலைவனே. நீ - மண், விண், ஞாயிறு முதலிய மண்டலங்கள், மலை, கடல், காற்று, எரி, எண், எழுத்து, இரவு, பகல், பெண், ஆண், பேடு, முதலிய அல்லையாயும் இவற்றுள் கரந்து எங்கும் பரந்துள்ள பெரியையாயும் பெண்களுக்குத் தீமை செய்யாத நல்ல உள்ளத்தையாயும் உள்ளாய்.

இதே நல்லை அல்லை சொல்லாடல் குறுந்தொகையிலும் கையாளப்படுள்ளதை வாசித்தறிந்தேன்..

“நல்லை அல்லை” சொல்லாடல் குறுந்தொகையின் 47வது பாடலில் இடம் பெற்றுள்ள ஒன்று. நெடுவெண்ணிலவினார் என்ற பெயரில் உள்ள கவிஞரால் எழுதப்பட்டுள்ளதாக குறிப்பிடப்பட்டுள்ள இக்கவிதை, தோழிக் கூற்றாக அமைந்தது.

“கருங்கால் வேங்கை வீயுகு துறுகல்
இரும்புலிக் குருளையிற் றோன்றுங் காட்டிடை
எல்லி வருநர் களவிற்கு
நல்லை யல்லை நெடுவெண் ணிலவே.”

என்பது குறுந்தொகை 47வது பாடல்.

“நீண்ட நேரம் வானில் காயும் வெண்ணிலவே! கரிய அடியுடைய வேங்கை மரத்தின் மலர்கள் உதிர்ந்த குண்டுக்கல், பெரிய புலிக்குட்டியைப் போலக் காணப்படும். காட்டினிடையே இரவில் வரும் தலைவனது களவொழுக்கத்திற்கு நன்மை தருவதாக நீ இல்லை.” இதுவே அப்பாடலின் பொருள்.

தேவதையா சூனியக்காரியா? முடிவெடுங்கள்...

2016-04-29T22:14:00.001+05:30

நண்பர் ஒருவர் பகிர்ந்த கதையை இன்றைய வெள்ளி சூரிய ராகங்களில் பகிர்ந்துகொண்டேன்.

ஒரு பெண் இளவரசியாவதும் சூனியக்காரி ஆகுவதும் உங்கள் கரங்களில் தான்..
எப்படி?
கேட்டுப் பாருங்கள்..

முன்னைய சூரிய ராகங்கள் நிகழ்ச்சியின் பகுதிகளும் எனது யூடியூப் வீடியோக்களாகப் பகிரப்பட்டுள்ளன.
விமர்சனங்கள் வரவேற்கப்படுகின்றன.

நாக்பூரில் நியூ சீலாந்து சுழல் சுனாமியில் சிக்கிய இந்தியா - தெறித்து விழுந்த மீம்கள்

2016-03-16T14:30:00.002+05:30

இந்தியா 79க்கு சுருண்டு போய் நியூ சீலாந்துக்கு எதிராகத் தோற்ற நிமிடத்திலிருந்து உலகின் பல்வேறு கிரிக்கெட் மூலைகளிலிருந்தும் கொட்டித் தெறித்து விழுந்து வரும் மீம்கள்.

ஒரு தோல்வியினால் இத்தனை நகைச்சுவைகளை உருவாக்க முடியுமென்றால் இன்னும் பல தோல்விகளைப் பார்த்து ரசிக்கலாமே ;)

நிச்சயமாக இவற்றைப் பார்த்து சிரித்து உங்கள் வயிறு புண்ணாகப் போவது உறுதி...

உருவாக்கியவர்களின் படைப்பாற்றலுக்கு வாழ்த்துக்கள்.
எங்கே இருந்து தான் சிந்திக்கிறார்களோ? எல்லாம் வேற வேற லெவல்.

இவற்றில் இல்லாத, நீங்கள் கண்டு ரசித்த வேறு மீம்கள் இருந்தால் பின்னூட்டங்களாக அனுப்பி வையுங்கள்..
சேர்ந்து சிரிப்போம் :)

நீயே உனக்கு ராஜா - தூங்காவனம் - உலக நாயகனுக்காக கவிப்பேரரசுவின் தீப்பொறி வரிகள்

2015-10-07T12:40:00.001+05:30

திரைப்படம் : தூங்காவனம்
பாடலை எழுதியவர் : கவிப்பேரரசு வைரமுத்து
இசை : ஜிப்ரான்
பாடியவர்கள் : 'பத்மஸ்ரீ' கமல்ஹாசன், ஐஸ்வர்யா, யாசீன் நிசார்

நீயே உனக்கு ராஜா

உனது தலையே உனது கிரீடம் தோழா

தீயாய் எழுந்து வாடா

திசைகள் கடந்தும் பயணம் போடா போடா

அண்டம் யாவையும் வெல்லும் நாள் வரை

ரெண்டு கண்களும் தூங்காவனம்

புயல்வேளையில் கடல் தூங்குமா?

அதுபோல் இவன் தூங்காவனம்

எந்தப் பக்கமும் திசைகள் திறந்தே உள்ளதே..

முன்னேற்றம் உனதே நண்பா

எந்தத் துக்கமும் உனக்குத் தடையே இல்லையே

எல்லாமே வெற்றியே நண்பா

நீயே உனக்கு ராஜா

உனது தலையே உனது கிரீடம் தோழா

தீயாய் எழுந்து வாடா

திசைகள் கடந்தும் பயணம் போடா போடா

வேலை வீசியே, வாளை ஏந்தியே

வெளிச்சத்தை யாரும் கொல்ல முடியாது...

ஜீவஜோதியாய் நீயும் மாறினால்

அழிவே கிடையாது...

உன் கொள்கை நெஞ்சம்

அது தூங்காவனம்

தோல்வி என்பதே ஞானவெற்றி தான்

துணிந்தால் கடல்களும் தொடையளவே

உள்ளம் என்பது என்ன நீளமோ

அதுதான் உனதளவே

உன் துள்ளும் உள்ளம்

அது தூங்காவனம்

நீயே உனக்கு ராஜா

உனது தலையே உனது கிரீடம் தோழா

தீயாய் எழுந்து வாடா

திசைகள் கடந்தும் பயணம் போடா போடா

அண்டம் யாவையும் வெல்லும் நாள் வரை

ரெண்டு கண்களும் தூங்காவனம்

புயல்வேளையில் கடல் தூங்குமா?

அதுபோல் இவன் தூங்காவனம்

எந்தப் பக்கமும் திசைகள் திறந்தே உள்ளதே..

முன்னேற்றம் உனதே நண்பா

எந்தத் துக்கமும் உனக்குத் தடையே இல்லையே

எல்லாமே வெற்றியே நண்பா

நீயே உனக்கு ராஜா

உனது தலையே உனது கிரீடம் தோழா

-----------------------------------

நீயே உனக்கு ராஜா பாடல் படமாக்கப்படும் விதம்...

தூங்காவனத்தின் தீப்பொறி பறக்கும் - நீயே உனக்கு ராஜா பாடல் | Neeye Unakku Raja Official Making Video

உலக நாயகன் கமல்ஹாசனின் 'தூங்காவனம்' - விறுவிறுப்பான புதிய Thoongaavanam - Official Trailer - 1

ஒரு சுடர் இரு சுடர் - ராஜாவின் பார்வையிலே

2014-03-26T21:55:00.001+05:30

ராஜாவின் பார்வையிலே

அஜித் - விஜய் இணைந்து நடித்த ஒரே படம் என்பதைத் தாண்டி வேறெந்த முக்கியத்துவமோ வரலாறோ இல்லாத படம்.

ஆனால் முத்து முத்தான பாடல்கள்.

முக்கியமாக மூன்று பாடல்கள்.

இளையராஜாவின் மும்முரமான பணிகளில் அருண்மொழி இசைப் பணிகளை மேற்பார்வை பார்த்து, பின்னணி இசையும் வழங்கிய படம்.

(கானா பிரபா அண்ணரின் வானொலிப் பேட்டியில் அருண்மொழியே சொல்லியிருந்தார்)

இந்தப்படத்தில் எப்போதும் எனக்குப் பிடித்த அருண்மொழி பாடிய அம்மா பாடல் "அம்மன் கோவில் எல்லாமே" எப்போதுமே மனதுக்கு மிக நெருக்கமானது..

இன்னொரு அருண்மொழி பாடிய பாடல், இவள் யாரோ வான் விட்டு என்று ஆரம்பிக்கும் பாடல்.. (இன்னொரு நாள் பொற்காலப் புதனுக்காக வைத்துள்ளேன்)

இன்னொரு பாடல் இன்று காலையில் ஒலிபரப்பியிருந்தேன்.

ராஜாவின் பார்வையிலே - ஒரு சுடர் இரு சுடர்...

சூரியன் இசைக் களஞ்சியத்தில் காணாமல் போயிருந்த பாடலைத் தேடியெடுத்து ஒலிபரப்பும் வாய்ப்பு பொற்காலப் புதன் மூலம் கிடைத்திருந்தது.

மனோ, ஜானகியுடன் கோரஸ் பாடியுள்ளோரின் குரலிசையும் இனிய அனுபவம் தரக்கூடியது.

இளையராஜா டச்சைத் தாண்டி ஸ்பெஷலாக இந்தப் பாடலில் அருண்மொழி துருத்தித் தெரிகிறாரோ என்று ஒரு ஐயம்.

(பாடலின் இசை மேற்பார்வையும் இசைக் கோர்ப்பும் அருண்மொழி தானா ? அறிந்தவர்கள், தெரிந்தவர்கள் சொல்லுங்கள்..

நாட்டுப்புறப் பாட்டு படத்திலும் உள்ள பாடல்களைக் கேட்கும்போதும் இதே உணர்வு. அந்தப் படத்தின் பின்னணி இசைக் கோர்ப்பும் நம்ம அருண்மொழி தான்)

பாடலின் ஜாதி போடும் இசைக்கோலம், வரிகளின் ஜாலம், அதுபோல மனோ சிற்பியின் வருகையின் பின்னர் மாறிய குரலோடு இல்லாமல், அதற்கு முன் பாடிய தன் இயல்பான குரலில் காதல் வழிந்தோடும் குரலில் பாடியிருப்பது சுகம்.

ஜானகி அம்மையார் குழைகிற இடங்களும் ரசனையுடன் இன்னொரு இசைக் கருவி மீட்டுவது போலவே இருக்கும்.

இதெல்லாவற்றையும் விட இந்தப் பாடலில் முக்கிய பாடக, பாடகியரை விட கோரஸ் பாடகியர்க்கு அதிக முக்கியத்துவம் வழங்கப்பட்டிருக்கும்.
பாடலின் ஆரம்பத்தில் ஜானகி பாட முதலே கோரஸ் குரல்கள் பாடலை நகர்த்திச் செல்லும் நயமும், பாடல் முழுவதும் கோரஸ் ஒலிகள் பாடலுக்கு தனி வர்ணம் கொடுப்பதும் புதுமை.

அவதாரம் படத்தில் இதே மாதிரி தென்றல் வந்து தீண்டும் போது பாடலில் இசைஞானி விளையாடி இருப்பார்.
எஜமான் பட - ஒரு நாளும் உன்னை மறவாத, ஆலைப்போல் வேலைப் போல்
ஒரு ஊர்ல ஒரு ராஜகுமாரி - வந்தாள்வந்தால் ராஜகுமாரி பாடல்கள் உடனே ஞாபகம் வந்த மேலும் சில உதாரணங்கள்.

கொஞ்சம் கேட்டுப் பாருங்கள்...

அட பாருங்கள் என்னும்போது தான் விஜய் பற்றியும் சொல்லவேண்டி இருக்கிறது.

காதல் படங்களைத் தேர்ந்து நடிக்கும் காலத்தில் (பூவே உனக்காக, லவ் டுடே) இவருக்கான அடையாளமாக இருந்த அந்த அசைவும், நளினமான நடனமும் இந்தப் பாடலிலும் பாருங்கள்.

இந்திரஜா, இவர் தான் பின்னர் மின்சாரக் கண்ணாவிலும் விஜய்யோடு ஜோடி சேர்ந்தவர்.

ரசனையான இந்தப்பாடலை இன்று கேட்டுக் கொண்டிருக்கும்போது இன்னொரு பாடலும் ஞாபகம் வர, அந்தப் பாடலின் ஆரம்ப இசையை ஒரு சில வினாடிகள் ஒலிபரப்பிக் காட்டியிருந்தேன்...

இரண்டுமே இசைஞானியின் இசை தான்..

மலைக்கோவில் ரஜினியால் பிரபலமாகிப் போனது.

ஆனால் இரண்டு பாடல்களுமே கேட்க கேட்க சுகம் தான்.

இணைக் கிளியும் துணைக் கிளியும் - ஒரு இரண்டாம் உலகக் குழப்பம்

2013-09-24T13:31:00.000+05:30

இரண்டாம் உலகம் படத்தில் வரும் மன்னவனே என் மன்னவனே பாடலைக் கேட்டபோது அவதானித்த விடயம்...

"மன்னவனே என் மன்னவனே
நீ போன பாதை தேடி தேடி வருவேன்
பனியிலே வெண் பனியிலே
விண்மீன்கள் தேடி தேடி எங்கே அலைவேன்"

என்று பெண் குரல் காதலோடு தேட,

ஆண்குரல் பாடும் இந்த வரிகள் கொஞ்சம் யோசிக்க வைத்துள்ளன...

"உன் இணைக் கிளி வரும்வரை
ஒரு துணைக் கிளி நானடி
இதை உறவென்பதா பரிவென்பதா
பெயரே இல்லாத துயரமா"

அதாவது இது காதலன் - காதலி பாடும் பாடல் இல்லையா?

இணைக் கிளி வரும்வரை
ஒரு துணைக் கிளி - காதலன் வரும் வரை காவலன்??

கவிஞர் வைரமுத்துவின் வரிகள் மூலமாக இயக்குனர் செல்வராகவன் வைக்கும் ட்விஸ்ட் என்னவென்று அறிய ஆவலுடன் படத்துக்காக வெயிட்டிங்.

ஏற்கெனவே இரு உலகம் ஒரு கதை என்றும், இரட்டை வேடங்களில் நாயகன் ஆர்யாவும், நாயகி அனுஷ்காவும் என்று பலவிதமாக ஊகங்கள் வெளியாகியுள்ள நிலையில் இந்தப் பாடலும் சேர்ந்து சுவாரஸ்யமான குழப்பங்களை ஏற்படுத்தியிருக்கிறது.

குழம்பிக்கொண்டே காத்திருப்போம்.

ரசித்துக்கொண்டே குழம்பியிருப்போம்.

தொடர்ந்து ஆண்குரல் இவ்வாறே கொஞ்சம் சோகத்துடன் இது காதல் இல்லை என்று மறைமுகமாக சுட்ட, பெண் குரலில் வரும் பாடல் வரிகள் காதலோடு உருகுகிறது.

ஆண் : வருவது வருவது வருவது துணையா சுமையா
தருவது தருவது தருவது சுகமா வலியா
ஒரு உயிருக்கு இரு உடலா
இரு உடலுக்கும் ஒரு மனமா
என் நெஞ்சுக்குள்ள நெஞ்சுக்குள்ள எரியுற நெனப்பிது
சொல்லித்தான் தெரியுமா
ஒரு வட்டத்துல வட்டத்துல தொடக்கம் முடிவெது
சொல்லத்தான் முடியுமா

பெண்: பொழிவது பொழிவது பொழிவது நிலவா வெயிலா
வழியுது வழியுது வழியுது அதுவா இதுவா

தினம் நடக்கிறேன் ஒரு திசையில்
மனம் கிடக்குதே மறு திசையில்
ஒரு உப்பு கல்லு உப்பு கல்லு கடலுல விழுந்ததும்
உருவம் கரஞ்சதே
இந்த ஒத்த பொண்ணு ஒத்த பொண்ணு உனக்குள்ள விழுந்தது
மொத்த கத முடிஞ்சதே

#இரண்டாம் _உலகம் #வைரமுத்து #பாடல்

வையகம் வாழவிடு - வைரமுத்து இயற்கையிடம் மனிதருக்காக

2013-08-02T15:15:00.000+05:30

சகத்திர ஆண்டு - 2000 (எழில் அண்ணாவால் அறிமுகமான வார்த்தை) பிறக்கும் காலகட்டத்தில் வைரமுத்துவின் இந்தப் பாடல் தான் என் நிகழ்ச்சிகளில் முக்கிய இடம்பிடிக்கும்.

ஆண்டே நூற்றாண்டே உள் ஆடும் நூற்றாண்டே

வையகம் வாழவிடு கொஞ்சம் வாசலில் கோலமிடு

பிறந்த புதிய நூற்றாண்டுக்காக அப்போது 'சக்தி'யில் நான் வழங்கிய சிறப்பு நிகழ்ச்சியிலும் இந்தப் பாடலின் பல வரிகளை சிலாகித்து இயற்கையிடம் மனிதத்தின் வேண்டுகோள்கள் என்று குறிப்பிட்டிருந்தேன்.

13,14 ஆண்டுகளுக்குப் பிறகு இன்று மீண்டும் ஒரு தடவை இந்தப் பாடலை எனது 'சூரிய ராகங்கள்' நிகழ்ச்சியில் ஒலிபரப்பிய நேரமும் இந்தப் பாடல் அதே போல புதிதாக, அதே இனிமையும் , பாடலின் 'இளமையும்' 'புதுமையும்' மாறாமல் இருப்பது ஆச்சரியம் தான்.

அதே போல, வைரமுத்து புதிய நூற்றாண்டிடம் வேண்டிய வேண்டுகோள்கள் 'எல்லாமே' இன்னமும் நிறைவேறாமலேயே கிடக்கின்றன.

பாடலின் எல்லா வரிகளும் ரசனையுடையவையாக ஆழமாக உணர்ந்து மனதோடு இயைந்த சில வரிகளை அன்று கத்தரித்து ஒலிபரப்பியதும், இன்றும் ஞாபகம் வைத்திருப்பதும் கவிஞரின் வெற்றியாக இருந்தாலும், பாடகர் நவீன், உதித் நாராயணன் பாணித் தமிழ் உச்சரிப்பில் பாடலின் ஜீவனை சிதைத்திருக்கிறார் என்பது கொடுமையிலும் கொடுமை.

தண்ணீரில் மூழ்காது என்பதை 'மூள்காது' என்று பாடிய K.J.யேசுதாசையே கண்டித்துத் திருத்திய கவிஞர் வைரமுத்து, தன் அழகான அர்த்தமுள்ள பாடலின் அர்த்தங்களையே சீரழித்துள்ள பாடகர், அதுவும் புதிய பாடகரைத் திருத்தாமல் விட்டது ஆச்சரியமே...

பாடலின் சரியான வரிகளைத் தரவேண்டும் என்று உன்னிப்பாக அவதானித்து ஓரளவுக்கு இங்கே பதிந்துள்ளேன்.

எனினும் இணையத்தில் இந்தப் பாடலின் வரிகளைத் தேடியபோது எல்லா இடங்களிலும் ஒரே மூலப்பிரதியின் பிழைகளோடு அர்த்தங்களே மாறிப்போய்க் கிடப்பதைக் கண்டேன்.

கவிஞர் சரியான வரிகளைத் திருத்திப் பதிவேற்றினால் திருப்தி.
அல்லது கவிஞரின் மகன் கார்க்கி தன் பாடல்களைப் பதிவேற்றுவது போல, தந்தையாரின் பாடல்களையும் தொகுத்தால் மகிழ்ச்சியே.

மனம் ரசிக்கும், மனிதத்தை நேசிக்கின்ற சில முக்கிய வரிகள்...

ஒவ்வொரு விடியலிலும் நெஞ்சில் உலகுக்கு வலிமை கொடு

இந்த சொற்களின் வலிமை எப்போதும் என் மனதுக்கு நெருக்கமானது.

ஒரே மொழி ஒரே நீதி நீ கொண்டு வா நீ கொண்டு வா

எங்கள் உலகம் இப்போது தேடும் நிம்மதிக்கான விஷயங்கள் இவை. ஆனால் சாத்தியமில்லைத் தான்.

பசி இல்லாத பொய் சொல்லாத புது உலகம் நீ கொண்டு வா

இசை கேட்காமல் கண் துயிலாத அட உலகம் நீ கொண்டு வா

பொதி சுமக்கும் குழந்தைகளின் புத்தகங்கள் குறைப்பாயா

பரீட்சையின்றி கல்வியில் வெல்லும் பாடத்திட்டம் தருவாயா

இப்போது என் சின்ன மகனின் வாழ்க்கையில் அனுபவரீதியாக உணரும் நிலை.

மனிதர்கள் விரும்பும்வரை மண்ணில் மனிதரை வாழவிடு

மருத்துவம் இல்லாமல் எங்கள் மானுடம் வாழவிடு

இந்த வரிகளில் கவிஞர் சிலிர்க்கவும் வியக்கவும் வைக்கிறார்.

வைரமுத்துவை இன்னொருவர் விஞ்ச முடியுமா என்று ரசிக்க வைக்கிற பல இடங்களில் ஒன்று இது.

நாம் வரும் வாடகை வீடான பூமியில் நாம் விரும்பும்வரை வாழவிட்டால் என்ன என்ற கேள்வி நியாயமானதே.

ஆனால் யாரிடம் கேட்பது?

படம்: முகவரி

பாடலாசிரியர்: வைரமுத்து

இசை: தேவா

பாடியவர்: நவீன்

ஆண்டே நூற்றாண்டே உள் ஆடும் நூற்றாண்டே

வையகம் வாழவிடு கொஞ்சம் வாசலில் கோலமிடு

வெப்பம் இல்லாமல் புது வெளிச்சம் நீ தரவா

வெள்ளம் இல்லாமல் மழை மேகம் நீ தரவா

அலைகள் இல்லாமல் மேக செதுக்கல் நீ தரவா

இரைச்சல் இல்லாமல் காதில் இன்னிசை நீ தரவா

நிலவுக்கு போய் வரவே எங்கள் தோளுக்கு சிறகு கொடு

ஒவ்வொரு விடியலிலும் நெஞ்சில் உலகுக்கு வலிமை கொடு

நூற்றாண்டே நூற்றாண்டே நோய்கள் எல்லாம் களைவாயா

அழுக்கில்லாத காற்றும் நீரும் அகிலம் முழுதும் தருவாயா

பெட்ரோலும் தீர்ந்துவிட்டால் கற்காலம் தருவாயா

பொன்னான வாகனம் ஓடும் பொற்காலம் தருவாயா

ஒரே நிழல் ஒரே நிஜம் நீ கொண்டு வா நீ கொண்டு வா

ஒரே பகல் ஒரே நிலை நீ கொண்டு வா நீ கொண்டு வா

பொய்யே பேசாத புத்துலகம் நீ கொண்டு வா

பசி இல்லாத பொய் சொல்லாத புது உலகம் நீ கொண்டு வா

ஒரு பூகம்பம் எங்கும் நேராத ஒரு பூமியை நீ கொண்டு வா

இல்லறத்தில் பெண்களுக்கு இன்பநிலை தருவாயா

சமையல் அறை வழிந்த வீடுகள் தாய்மாருக்கெல்லாம் தருவாயா

பொதி சுமக்கும் குழந்தைகளின் புத்தகங்கள் குறைப்பாயா

பரீட்சையின்றி கல்வியில் வெல்லும் பாடத்திட்டம் தருவாயா

ஒரே மொழி ஒரே நீதி நீ கொண்டு வா நீ கொண்டு வா

ஒரே நிலா ஒரே விழா நீ கொண்டு வா நீ கொண்டு வா

போரே இல்லாத பொன் உலகம் நீ கொண்டு வா

சாதி பார்க்காமல் மனம் பார்க்கின்ற அந்த காதல் நீ கொண்டு வா

இசை கேட்காமல் கண் துயிலாத அட உலகம் நீ கொண்டு வா

புத்தம் புது ஆண்டே தேன் பூக்கும் நூற்றாண்டே

பூக்கள் நீ தரவா தேன் புன்னகை நீ தரவா

போர்க்களம் உழுதுவிடு அங்கே பூச்சரம் நட்டுவிடு

அணுகுண்டு அத்தனையும் பசிபிக் கடலில் கொட்டிவிடு

மனிதர்கள் விரும்பும்வரை மண்ணில் மனிதரை வாழவிடு

மருத்துவம் இல்லாமல் எங்கள் மானுடம் வாழவிடு

நிலவுக்கும் போய் வரவே எங்கள் தோளுக்கு சிறகு கொடு

ஒவ்வொரு விடியலிலும் நெஞ்சில் உலகுக்கு வலிமை கொடு

ஆண்டுகள் கடந்து மறைந்தாலும் இந்தப் பாடலை எப்போது கேட்டாலும் பாடல் ஒலித்து பிறகு

"மனிதர்கள் விரும்பும்வரை மண்ணில் மனிதரை வாழவிடு

மருத்துவம் இல்லாமல் எங்கள் மானுடம் வாழவிடு"

என்ற வரிகள் ஓயாமல் மனதில் மீண்டும் மீண்டும் ஒலிப்பதைத் தவிர்க்கமுடியாது.

ரஜினி 63 @ 12-12-12 12:12 - ரஜினி பிறந்தநாள் ஸ்பெஷல் 2

2012-12-12T12:12:00.000+05:30

அபூர்வ ராகங்களில் ஆரம்பித்து அதிரடி மன்னனாக மாறி, அறுபத்து மூன்றிலும் அயராது திரைப்பயணம் சென்று கொண்டிருக்கும் ரஜினிகாந்துக்கு இனிய பிறந்தநாள் வாழ்த்துக்கள்.

திரையில் எவ்வளவுக்கெவ்வளவு தனது ஸ்டைலினால் அன்று முதல் இன்று வரை வயது வித்தியாசமில்லாமல் ரசிகர்களைக் கட்டிப்போட்டுள்ளாரோ, அதேபோல ரஜினி திரைக்கு வெளியே தனது எளிமையினாலும், இயல்பான நடத்தைகளாலும் லட்சக்கணக்கான ரசிகர்களை வசப்படுத்தியிருகிறார்.

அனைவரும் இவருக்கு நண்பர்களே..

இதோ பாருங்கள்.... தனது திரையுலக வாழ்க்கையில் ரஜினியின் நண்பர்களை..

ரஜினிகாந்துடன் பல்வேறு காலகட்டங்களிலும் பல்வேறு நட்சத்திரங்களும், பெரும் புள்ளிகளும் சேர்ந்து நிற்கும் காலம் கடந்த புகைப்படங்கள்.

பழசை மறக்காத ரஜினி.. நண்பர்களுடன்...

அறிமுகப்படுத்திய குருநாதருடனும் நேரடிப் போட்டியாளரும், நண்பருமான கமலுடனும்

இல்லறத் துணையை இணைத்துக்கொண்டபோது

ரஜினி - லதாவை வாழ்த்தும் கமல் -வாணி கணபதி

நடிகர் திலகத்துடன்......

அதிக படங்களில் சேர்ந்து நடித்த ஆத்ம நண்பருடன்...
ரஜினியின் வார்த்தைகளில் சொல்வதானால் "திரையுலக அண்ணா"

புரட்சித் தலைவரிடம் விருது வாங்கும் பெருமிதம்...

முள்ளும் மலரும் படப்பிடிப்பில். இயக்குனர் மகேந்திரன், நடிகர் சரத் பாபுவுடன்..

இன்னொரு இனிய நண்பர் இசைஞானியுடன் ஒரு இனிய பொழுதில்...

சப்பாணியும் பரட்டையும்.... 16 வயதினிலே..
"இது எப்பிடி இருக்கு?"

கலைஞர் கருணாநிதியுடனும் திரைக் கலைஞர் குடும்பத்துடனும்

சந்திரமுகி பட வெற்றிவிழாவில்.. வீரவாள் ஏந்தும் ரஜினி....

எண்பதுகள், தொண்ணூறுகளின் நான்கு நட்சத்திர நாயகர்கள்....
விஜயகாந்த்,கமல்ஹாசன்,ரஜினிகாந்த் & சத்யராஜ்

முன்னாள் இந்தியப் பிரதமர் வாஜ்பாயுடன்...

மூத்த மகளின் திருமணத்தில் இப்போதைய தமிழகப் பிரதமர் ஜெயலலிதாவுடன்....

இரண்டு சூப்பர் ஸ்டார்கள்...

அமிதாப்பும் ரஜினியும்....

சிரஞ்சீவியுடனும் கமலுடனும்

தளபதி படப்பிடிப்பில் மணிரத்னம் - ஓம் பூரியுடன்

ஆந்திராவின் நாயகர்களுடன்..

அமீர் கானுடன் ஆசையோடு...

பாரதப் பிரதமருடன் பவ்யமாக

எத்தனை தரம் சந்தித்தாலும் "நினைத்தாலும் இனிக்கும்" & "இளமை ஊஞ்சலாடுகிறது" இருவருக்கும்...

லகானுக்கு பாசத்தோடு வாழ்த்து...

உலகக் கிண்ண இறுதிப் போட்டியின்போது - இந்திய அணியின் ராசியாக ? :)

நட்சத்திர அணிவகுப்பு...

கே.பாலாஜி, கமல், ஜெய்சங்கர், ரஜினி, விஜயகுமாருடன்

ஆந்திரப் படவுலக விழாவில்... நட்சத்திரங்கள் & அப்போதைய முதல்வர் சந்திரபாபு நாயுடுவுடன்

எண்பதுகள், தொண்ணூறுகளின் நட்சத்திரங்கள் சந்தித்த ஒரு நல்ல பொழுதில்.... நாயகராக ரஜினி...

அதிக படங்களின் நாயகியான என்றும் அழகி ஸ்ரீதேவியுடன்....

இசைப்புயலுடனும், கொலைவெறி புகழ், உறவுக்காரப் பையன் அனிருத்துடனும்...

இசைஞானியை மகிழ்வுற வைக்க ஒரு விசில்...

அஜித்-ஷாலினி திருமண நிகழ்வில் தம்பதி சமேதராக..

தனுஷ் மருமகனாக்கிய ரஜினி குடும்பத்தின் முதலாவது திருமண நிகழ்வில்....

படங்களைப் பல்வேறு இடங்களில் சுட்டு எடுத்துள்ளேன்....
அவற்றை இணையம் ஏற்றி எனக்கும் உதவியிருந்த இணையத்தளங்கள், வலைப்பதிவுகள் மற்றும் நலன்விரும்பி நட்புக்களுக்கு நன்றிகள்.

ரகம் ரகமாக ரஜினி - ரஜினி பிறந்தநாள் ஸ்பெஷல் 1

2012-12-12T09:50:00.000+05:30

சூப்பர் ஸ்டார் ரஜினிகாந்த்தின் 63வது பிறந்தநாளுக்காக இணையத்தில் தேடி, சுட்டு எடுத்த அவரது வித்தியாசமான தோற்றங்கள்...

பொதுவாகவே சூப்பர் ஸ்டார் என்ற வட்டத்துக்குள் சிக்கிய பிறகு ஒரே மாதிரியான கதைகள், ஒரே மாதிரியான கதாபாத்திரங்கள் என்று ரஜினி அரைத்த மாவையே மசாலாக்களை மட்டும் சற்று மாற்றி மாற்றி அரைக்கிறார் என்ற குற்றச்சாட்டை எதிர்கொண்டு வருபவர் ரஜினி .

ஆனால் இந்தப் படங்களைப் பாருங்கள்...

சிக்கிக்கொண்ட வட்டத்துக்குள்ளே இருந்துகொண்டே ரசிகர்களையும் இழக்காமல், தயாரிப்பாளர்களையும் நொடிக்காமல் தன்னால் முடிந்தளவு பாத்திரங்களில் கொஞ்சம் வித்தியாசம் (கொஞ்சமாக இருந்தாலும்) சில மாற்றங்களைக் காட்டி வந்துள்ளார் இந்த ஸ்டைல் காந்தம்.....

இமயமலை தேடி இளைப்பாறும் அறுபத்து மூன்று வயது இளைஞருக்கு இனிய பிறந்தநாள் வாழ்த்துக்கள்.....

மும்பாய் கிளிக்ஸ்.. 2

2011-08-21T09:59:00.001+05:30

மும்பாய் சுற்றியதில் க்ளிக்கிய இன்னும் சில படங்கள்..

மும்பாயின் பழமை வாய்ந்த கட்டடங்கள் ஏனோ மனதுக்கு மிகப் பிடித்துப் போயிற்று.
கட்டடங்களையே மாறி மாறி எடுத்துக்கொண்டிருந் என்னைப் பார்த்து வந்த நண்பர்களில் ஒருவர் சொன்னது "மும்பையில் எத்தனை அழகான விஷயங்கள் இருக்க, ஏம்பா கட்டடங்களையே எடுக்கிறீங்க? நேற்று தோல்வியோட ஏதோ ஆச்சு போல"

மும்பாய் கிளிக்ஸ்.. 1

2011-08-18T12:06:00.001+05:30

உலகக் கிண்ண இறுதிப் போட்டிக்கு அடுத்த நாள் மும்பையில் ரவுண்ட்ஸ் வந்தவேளையில் கிளிக்கிய சில வித்தியாசமான புகைப்படங்கள்..

இந்தியாவின் வெற்றியைக் கொண்டாடி இந்தியாவே உற்சாகமாக இருந்தாலும் மும்பாய் நகரம் விடுமுறை நாளாக வெறிச்சோடி இருந்தது ஆச்சரியம்..

இலங்கை அணியின் தோல்வியால் வாடிப் போயிருந்த மனதுக்கு இதமாக இருந்தது மும்பையின் புராதனப் பழமையான கட்டடங்களும், பழமையுடன் புதுமை இணைந்த தோற்றங்களும்...

சண்டிகாரில் க்ளிக் க்ளிக் - பாறைப் பூங்காவும், படங்களும்

2011-06-24T15:11:00.000+05:30

சண்டிகார் பாறை/கல் பூங்காவில் (Chandigarh Rock Garden) சில கிளிக்குகள்.....

உலகக்கிண்ண அரையிறுதி (இந்தியா vs பாகிஸ்தான்) பார்த்த அடுத்த நாள் சண்டிகாரில் ரவுண்ட்ஸ் போனபோது அங்குள்ள உலகப் புகழ்பெற்ற பாறை/கல் பூங்காவுக்கு சென்று இருந்தோம்..

கற்களால் ஆன சிலைகள், கழிவுப் பொருட்களால் ஆன கலைப்படைப்புகள் மட்டுமல்ல, இன்னும் காதலர் பூங்காவும் வேறு...

பெரிய தொகையான கட்டட, தொழிற்சாலை, வீட்டு கழிவுப் பொருட்களை சேர்த்து ஒரு கலைக்கூடமாக மாற்றியுள்ள ரசனையும் அழகும் எங்களின் நான்கு மணிநேரப் பொழுதுகளை அங்கே செலவிடச் செய்திருந்தது.

அங்கே எடுத்த சில சுவாரஸ்யமான கிளிக்குகள்.

கல்லுக்கு முன்னால் கலைஞன் ;)

நேக் சந்த் என்பவரது கற்பனையில் உருவாக்கப்பட்ட இந்த கல் பூங்கா, இந்திய மக்களின் படைப்புத்திறனுக்கு சமர்ப்பணம் என்ற வாசகங்கள்.

1988ஆம் ஆண்டு July மாதம் திறந்து வைக்கப்பட்டது.

கழிவுப் பொருட்கள், உடைந்த மாபிள்களால் உருவாக்கப்பட்ட கலை சிற்பங்களுடன் நண்பர் விமல்

அடுக்கப்பட்ட பானைகளும் அருகே நானும்

நிழலிலும் கலையழகு..

தெரிவது பானைகளாலான கோபுரம்..

அந்தக் கால அரசர்களின் நீச்சல் தடாகத்தின் முன்னால் ...

ஒரு சுவாரஸ்ய சுரங்கப்பாதை

செயற்கையாக ஒரு குகைக் கூடம்

உடைந்த சிலைகளின் கற்களால் ஒரு அரண்

நீர்வீழ்ச்சியுடன் ஒரு அழகான அரண்மனை முகப்பு..

குளுமையும் அழகும்..

இந்த அரண்மனையை மட்டும் நம்ம சினிமாக்காரங்க இன்னும் பார்க்கலையோ?

இல்லாவிட்டால் இங்கே எடுத்த பாடல்காட்சிகளை நான் பார்க்கலையோ?

ஷூட்டிங் எடுக்காவிட்டாலும் பரவாயில்லை ஒரு போட்டோவாவது ஷூட் பண்ணிக்கிறேனே..

கோடுகளும் கோலங்களும் கோபுரங்களில் கலைவடிவங்களாகின்றன..

இயற்கையையும் இணைக்கின்ற செயற்கை கலைக்கூடம்..

மரங்களின் விழுதுகளும் கோட்டையின் சுவர்களோடு..

படிகளில் ஏறியபின் தான் யோசிக்கவேண்டி இருக்கிறது..

மீண்டும் இறங்கவேண்டுமா என்று..

சாய்ந்தாலும் கோட்டைச்சுவரில் தான்..

பல்லவர் காலமும் கொஞ்சம் ஞாபகம் வருகிறதா?

ஒரு அகழியும் சுரங்கமும்..

அரண்மனைஎன்றால் இவை இல்லாமலா?

படிக்கட்டிலும் பல வடிவங்கள்..

வளைந்தும் நெளிந்தும் மேலும் கீழும் நீளும்

படிகள்..

செயற்கை அரண்மனையும் கூட ஆளும் ஆசையைத் தந்துவிடுகிறது..

கோட்டை கொத்தளங்களும், தடாகமும் தண்ணீரும்..

இந்த நீர் வீழ்ச்சி கூட உருவாக்கியது தானாம்..

இயற்கையை சில நேரங்களில் ஜெயிக்கிறான் மனிதன்.

காதலருக்கு இதம்..

கலை ரசிகருக்கு இனிமை....

அழகுக்குக் குறைவில்லை..

இது என்னவாக இருக்கும்?

ஏறி நின்று யோசித்தாலும் ஊகிக்க முடியவில்லை

வருங்கால முதலீட்டுக்கு இப்போதே ஒத்திகை ;)

சிறைச்சாலை எனது சிந்தனைக்கூடம் என்கிறாரோ?

வளைந்து நெளியும் பாதை..

அழகு மங்கையரின் அந்தப்புரத்துக்கு எம்மை அழைத்துச் செல்கிறதாம்...

அழகிகள் நீராடும் இடம் இப்படித்தான் இருக்குமாம்..

இது யாருக்கு வேண்டும்? அழகிகள் எங்கே?

கிணறு..

பழைய விஷயங்கள் மறந்து போகாமல்..

கிணறு காட்டுகிறேன் பாருங்கள்..

உடைந்த பொருட்களால் என்றோ ஒரு நாள் உடைந்து போகும் மனிதர்கள்..

இன்னொரு பக்க நீர்வீழ்ச்சி..

விழுவது இங்கே மட்டும் தான் அழகு..

உச்சத்தில் ஒரு கோபுரத்துடன் சில உருவச் சிலைகளுடன்

இமயத்தை ஞாபகப்படுத்துகிறதாம்..

இதோ கண்டோம் சிவனை..

திறந்தவெளிக் கலையரங்கின் ஒரு பக்கம்..

இந்தியனில் கவுண்டரைக் கடித்தவரும் இங்கே உலவுகிறார்..

உலாவும் போய்வரலாம் ஒட்டகத்தில் ஏறி..

அரங்கின் பார்வையாளர் அமரும் பகுதி..

இவையும் கழிவுப் பொருட்களால் தான் கட்டப்பட்டவை..

கழிவுகளும் கலைகளாகியுள்ளன இங்கே..

ஊஞ்சல்..

வரிசையாகப் பல..

சிறுவர் முதல் ஜோடிக் காதலர், இளமை தொலைத்த முதியவர்கள் அனைவருக்கும்

ஊஞ்சல்கள் இங்கேயுண்டு..

புற்றரையுடன் பூங்கா..

காதலருக்கு மட்டும் என்றில்லை..

ஒட்டகத்தை உயிருடன் கண்டோம்..

இங்கே குதிரைகள் சிலைகளாக..

கழிவுப் பொருட்களையெல்லாம் இப்படி இவங்க மாற்றி இருக்காங்களே..

நம்ம நாட்டிலையும் இது நடக்குமா?

இவ்வளவு கஷ்டப்பட்டு படம் பிடிச்சு, பதிவாயும் போட்டிருக்கேனே

பார்ப்பாங்களா?

கலைவடிவங்களுக்கு திருஷ்டி கழிக்கத்தான் நம்ம இரண்டு பேரின் படங்களையும் போட்டிருக்கோம் என்று கண்டுபிடிச்சிருப்பாங்களோ?

எவ்வளவு பார்த்திட்டாங்க.. இதையும் பார்த்து சகிக்க மாட்டாங்களா?

Warm Up Clicks - கிரிக்கெட் க்ளிக்குகள்

2011-02-17T14:48:00.000+05:30

இலங்கை - மேற்கிந்தியத் தீவுகள் உலகக் கிண்ணப் பயிற்சிப் போட்டி பார்க்க சென்றிருந்த போது க்ளிக்கிய சில படங்கள்

பந்துவீசத் தயாராகும் முரளி...

ஊடகவியலாளர் பகுதியின் கண்ணாடி அறைகளினூடு மைதானம்

அரங்கத்தின் அறிவித்தல் பலகைகளில் அழகு தமிழும் உண்டு

ஸ்கோர் போர்ட் - பழமையினை நினைவூட்டும்

பார்வையாளர் அரங்குகள் - மெருகேறி அழகாக

பகலிலேயே பிரகாசிக்க ஆரம்பிக்கும் மின் விளக்குகள்

மைதானத்தின் மற்றொரு தோற்றம்

விக்கெட் வீழ்த்தப்பட்ட மகிழ்ச்சியில் உள்ளே வீரர்கள் - வெளியே நான்

பந்துவீசத் தயாராகும் மாலிங்க

மின்னொளிக் கோபுரங்களில் ஒன்று

தனது ஓட்டத்தை ஆரம்பிக்கத் தயாராகும் மாலிங்க

off திசைக் காவலர்கள்

புது மெருகு பெற்றுள்ள பிரம்மாண்ட ஊடகவியலாளர் அறையின் வெளிப்புறத் தோற்றம்

இரவில் மின் விளக்குகளின் ஒளி வெள்ளத்தில் துடுப்பாடும் இலங்கை அணி

அடிக்கத் தயாராகும் தரங்க..

அடுத்த ஓவரின் ஆரம்பத்தில்.. தொப்பி கொடுக்கும் சமி... தமக்குள்ள பேசும் இலங்கை வீரர்கள்.. இடம் மாறும் எதிரணி வீரர்கள்..

நீண்ட கால நெருங்கிய நண்பன்,விளையாட்டுத் துறை செய்தியாளர்,வலைப் பதிவர் அருணுடன் நான்

மைக் ஹசி உலகக் கிண்ணத்தில் விளையாட முடியாததுக்கான காரணம்

2011-02-08T11:21:00.001+05:30

இது நேற்று நடந்தது.. நம்ம 'விக்கிரமாதித்தன்' ராசி ஹசிக்கு தெரியாமப் போச்சே....
பாவம் ஹசி.. பாவம் ஆஸி..

Michael Hussey (@mikehussey75) is now following your tweets (@LoshanARV) on Twitter.
Michael Hussey followed you using SocialOomph.

Michael Hussey

@mikehussey75

tweets	following	followers
26	3,141	3,133

You and @mikehussey75 both follow 3 users:

John Hastings
@hasto194
Andrew McDonald
@andrewmcdonald4
Aaron Finch
@AaronFinch5

@mikehussey75 follows 2 users who follow you:

atchyuthan
@atchyu
நிரூஜா
@nirujah

You already follow Michael Hussey.

What's Next?

•Find out more about Michael Hussey on @mikehussey75's profile page.
•Send Michael Hussey an @ reply.
•Send Michael Hussey a direct message.
On your mobile? Learn Twitter for Mobile.

If you believe Michael Hussey is engaging in abusive behavior on Twitter, you may report Michael Hussey for spam.

தீனா சுட்ட முருகன் பாடல்..

2010-11-11T10:22:00.001+05:30

அண்மையில் வெளிவந்து அனைவரது காதுகளையும் ரம்மியமாக்கி இருக்கும் வல்லக்கோட்டை திரைப்படப் பாடல் 'செம்மொழியே செம்மொழியே' (கலைஞர் எழுதி,இசைப் புயலின் இசையில் வந்த செம்மொழியே பாடல் அல்ல..)

கவிஞர் தபூஷங்கர் எழுதிய அழகான வரிகளை தமிழ்த் திரையுலகின் அற்புத ஜோடி,காலத்தை வென்ற குரல்வளம் கொண்ட S.P.பாலசுப்ரமணியம்+S.ஜானகி பாட தீனா இசை அமைத்துள்ளார்.

ஆனால் கொடுமை இறுவட்டில்,வானொலியில் கேட்ட ஜானகி குரலைத் திரைப்படத்தில் கேட்கமுடியவில்லை. வேறு யாரோ ஒரு பாடகியை வைத்து பாட வைத்துள்ளார்கள்.

இன்றும் இளமை ததும்பும் ஜானகி அம்மையாருக்கு மரியாதை தரவாவது திரையிலும் அவர் குரலையே பின்னணியில் ஒலிக்க விட்டிருக்கலாம்.

அற்புதமான காதல் வரிகளைத் தந்த தபூஷங்கரையும் பாடல் காட்சி காயப்படுத்தி இருக்கும்.

மென்மையான வரிகள் கொண்ட பாடல் திரையில் அள்ளித் தருவதோ கவர்ச்சிக் காட்சியை.

பாடலைக் கேட்டீர்களா?

இணையமெங்கும் தேடியும் உங்கள் கண்களுக்கு விருந்தளிக்க காட்சியுடன் பாடல் கிடைக்கவில்லை.

(அதற்காக இந்தப் பாடலுக்காக வல்லக்கோட்டை பார்த்து இரண்டரை மணி நேரத்தையும் உங்கள் பணத்தையும் வீணாக்காதீர்கள்)

பிற்சேர்க்கை - காட்சியுடன் பாடல் - கவர்ச்சி விருந்தும் சேர்ந்து

தீனாவின் மெட்டமைப்பையும் இசையமைப்பையும் நீங்கள் மெச்சி இருந்தால் அடுத்த பாடலைக் கீழே கேட்டு விட்டு ஒன்றில் உங்களை நீங்களே நொந்துகொள்வீர்கள்.. இல்லையேல் தீனாவை மனதுக்குள் நீங்கள் அறிந்த கெட்ட வார்த்தைகளால் வைது தீர்ப்பீர்கள்..

இந்த முருக பக்திப்பாடல் T.M.சௌந்தரராஜன் பாடியது.

இசையமைத்தவர் அமரர் குன்னக்குடி வைத்தியநாதன்.

எப்படியெல்லாம் உருவி,உல்டா செய்கிறார்கள் பாருங்கள்..

தேவா கந்தர் சஷ்டி கவசத்தை உல்டா செய்து பதினெட்டு வயது (சூரியன் படப் பாடல்) பாடலாக்கினார்.

இப்போது தீனா இன்னொரு பிரபல முருகன் பாடலை உல்டா ஆக்கியுள்ளார்.

இன்று இந்துக்களின் கந்தர் சஷ்டி விரதத்தின் இறுதி நாள்..

அதற்கான சிறப்புப் பதிவாக பக்த கோடிகள் நினைத்துக்கொண்டால் நான் ஒன்றும் செய்ய முடியாது.

நேற்று வல்லக்கோட்டை (நொந்து,வெந்து) பார்த்த பிறகு மனதில் தோன்றிய பதிவு இது..

செம்மொழி என்று ஆரம்பித்தாலே சர்ச்சை தானா?

ஒரு வேளை முருகன் தமிழ்க் கடவுள் என்பதனால் துணிச்சலோடும் உரிமையோடும் முருகன் பாடல்களை சினிமாவுக்குள் எடுக்கிறார்களோ???

ஆயுத பூஜை - எந்திரன் ஸ்டைல் !!!!!

2010-10-19T09:59:00.000+05:30

ஆயுத பூஜை - எந்திரன் ஸ்டைல் !!!!!

ஆயுத பூஜையன்று எனக்கு வந்திருந்த வித்தியாசமான வாழ்த்து...
எப்பிடியெல்லாம் ஆயுத பூஜை கொண்டாடுறாங்கப்பா..

எனக்கு அனுப்பி வைத்திருந்தவர் கட்டாரிலுள்ள என் தம்பி செந்தூரன் - ரஜினி ரசிகன் :)

எந்திரன் - ரஜினியின் டூப்பு

2010-08-05T09:45:00.002+05:30

எந்திரன் திரைப்படத்தில் ரஜினிக்கான டூப்பாக சண்டைக் காட்சிகளில் அதகளப்படுத்தியிருக்கும் அலெக்ஸ் மார்ட்டினின் (Alex Martin) சாகசங்கள்.

ரஜினியின் முகமூடியணிந்து எந்திரனாக சுழன்று அடிக்கப் போகின்றவர் இவரே..

பார்க்கும்போது பிரமிப்பும் பெருமூச்சும் சேர்ந்தே வருகிறது..
சண்டையும் சாகசமும் காட்டுவது யாரோ..
ஹீரோ யாரோ..

கஷ்டப்படுபவன் யாரோ.. கரகோஷம் யாருக்கோ..

ஆனால் இது தான் சினிமா.. :)
லூஸ்ல விடுவோம்.. படத்தை எதிர்பார்ப்போம்..

நான் வருவேன் - ராவணன்

2010-06-21T00:47:00.001+05:30

நான் வருவேன் - ராவணன்

வைரமுத்து எழுதி A.R.ரஹ்மான் இசையமைத்து பாடிய பாடல்..
படத்தின் இறுதியில் வந்து உயிர் உருக்கும் பாடல்..

பலர் இதை மணிரத்னம் எழுதியதாக சொன்னாலும் அது தவறு.
உரையாடலைக் கவனியுங்கள்..
'வீரா' பாடல் மட்டுமே வைரமுத்து எழுதாதது..

வைரமுத்துவின் குரலில் கவிதையை ரசியுங்கள்.. பின்னர் பாடலின் இனிமையை ரசியுங்கள்.

யாராவது முழுமையாகப் பாடலைத் தரவேற்றினால் சுட்டியை அனுப்பி வையுங்கள்..

நான் வருவேன்

மீண்டும் வருவேன்..

உன்னை தொடர்வேன்..

உயிரால் தொடுவேன் !

ஒரு பிள்ளை எழுதும் கிறுக்கல் தான் வாழ்க்கையோ ?

அதில் அர்த்தம் தேடி அலைவதே வேட்கையோ?

அர்த்தம் புரியும் போது வாழ்வு மாறுது

வாழ்வு கழியும் போது அர்த்தம் கொஞ்சம் மாறுது

அழுது கொண்டு பூமி வந்தோம்

சிரித்து கொண்டே வானம் போவோம்..

பிற்சேர்க்கை...

இசைப்புயல் A.R.ரஹ்மான் முதல் தடவையாகத் தோன்றியுள்ள பாடல் காட்சியாக ரசிகர்கள் மனதை மீண்டும் தொட்டுள்ளது 'நான் வருவேன்'....
படத்தில் வந்த இந்தப் பாடலை விட இசைப்புயல் தோன்றியுள்ள, அவரோடு ஐஸ்வர்யாவும் தோன்றியுள்ள இந்தக் காணொளி அதிகம் ஈர்ப்பு.....

சூர்யா ரசிகராம் மரடோனா..

2010-06-01T13:18:00.000+05:30

சூர்யா ரசிகராம் மரடோனா..

பாருங்கப்பா.. சிங்கம் பட சூர்யா கெட் அப்பில் இந்த ஆர்ஜெண்டீன கால்பந்து சிங்கத்தை..

மீசை தாடி நரைச்சாலும் சிங்கம் சிங்கம் தான்..

WOW இதப் பார்ரா..

அன்பின் பொழுது.. அரசியல் மாண்பு !

விஜய் வெற்றி !

இணையத்தைச் சூடாக்கிய அந்த “ஆணுறை ( Condom) விளம்பரம்”

இன்னும் ??

நீளிரா...

ஜனநாயகன் Leak !

நல்லை அல்லை - #NallaiAllai #KaatruVeliyidai

தேவதையா சூனியக்காரியா? முடிவெடுங்கள்...

நாக்பூரில் நியூ சீலாந்து சுழல் சுனாமியில் சிக்கிய இந்தியா - தெறித்து விழுந்த மீம்கள்

நீயே உனக்கு ராஜா - தூங்காவனம் - உலக நாயகனுக்காக கவிப்பேரரசுவின் தீப்பொறி வரிகள்

ஒரு சுடர் இரு சுடர் - ராஜாவின் பார்வையிலே

இணைக் கிளியும் துணைக் கிளியும் - ஒரு இரண்டாம் உலகக் குழப்பம்

வையகம் வாழவிடு - வைரமுத்து இயற்கையிடம் மனிதருக்காக

ரஜினி 63 @ 12-12-12 12:12 - ரஜினி பிறந்தநாள் ஸ்பெஷல் 2

ரகம் ரகமாக ரஜினி - ரஜினி பிறந்தநாள் ஸ்பெஷல் 1

மும்பாய் கிளிக்ஸ்.. 2

மும்பாய் கிளிக்ஸ்.. 1

சண்டிகாரில் க்ளிக் க்ளிக் - பாறைப் பூங்காவும், படங்களும்

Warm Up Clicks - கிரிக்கெட் க்ளிக்குகள்

மைக் ஹசி உலகக் கிண்ணத்தில் விளையாட முடியாததுக்கான காரணம்

Michael Hussey (@mikehussey75) is now following your tweets (@LoshanARV) on Twitter.Michael Hussey followed you using SocialOomph.

தீனா சுட்ட முருகன் பாடல்..

ஆயுத பூஜை - எந்திரன் ஸ்டைல் !!!!!

எந்திரன் - ரஜினியின் டூப்பு

நான் வருவேன் - ராவணன்

சூர்யா ரசிகராம் மரடோனா..

Michael Hussey (@mikehussey75) is now following your tweets (@LoshanARV) on Twitter.
Michael Hussey followed you using SocialOomph.