UTR NEWS | உத்திரமேரூர் செய்திகள் | Uthiramerur News

உத்திரமேரூரில் ஆட்டோ ஓட்டுநர்கள் சார்பில் ஆயுத பூஜை விழா கோலாகலம்!

2026-10-20T18:56:58.544+05:30

உத்திரமேரூர்: காஞ்சிபுரம் மாவட்டம், உத்திரமேரூரில் ஆட்டோ ஓட்டுநர்கள் சங்கம் சார்பில் ஆயுத பூஜை விழா இன்று விமரிசையாகக் கொண்டாடப்பட்டது.

இதையொட்டி, ஆட்டோ ஓட்டுநர்கள் தங்களது ஆட்டோக்களைச் சுத்தம் செய்து, வண்ணத் தோரணங்கள் கட்டி, குங்குமம் இட்டு அலங்கரித்தனர். பின்னர், அனைத்து ஆட்டோக்களையும் ஒரே இடத்தில் அணிவகுத்து நிறுத்தி, சிறப்பு தீபாராதனை காண்பித்து வழிபட்டனர்.தொடர்ந்து, அலங்கரிக்கப்பட்ட ஆட்டோக்களில் ஓட்டுநர்கள் ஊர்வலமாகச் சென்றனர். இதையடுத்து, ஆட்டோ ஓட்டுநர்கள் சங்கம் சார்பில் பொதுமக்களுக்கு அன்னதானம் வழங்கப்பட்டது. இந்த விழாவுக்கு சங்கத்தின் கௌரவத் தலைவர் ஜெய விஷ்ணு தலைமை வகித்தார். தலைவர் ராஜசேகர், நாகா, ஜோதி ஆகியோர் முன்னிலை வகித்தனர். சிறப்பு விருந்தினராக உத்திரமேரூர் பேரூராட்சி மன்றத் தலைவர் சசிகுமார் கலந்து கொண்டார். இந்நிகழ்ச்சியில் உத்திரமேரூர் பேரூராட்சிக்கு உட்பட்ட பகுதிகளைச் சேர்ந்த ஏராளமான ஆட்டோ ஓட்டுநர்கள் மற்றும் உரிமையாளர்கள் பங்கேற்று விழாவைச் சிறப்பித்தனர்.

35 ஊராட்சிகளுடன் சாலவாக்கம் புதிய ஒன்றியம் செயல்பட துவங்கியது! 17 பணியிடங்கள் உருவாக்கி காஞ்சி கலெக்டர் உத்தரவு

2026-10-18T17:13:45.212+05:30

உத்திரமேரூர்: உத்திரமேரூர் ஒன்றியத்தை இரண்டாக பிரித்து,

சாலவாக்கத்தை தலைமையிடமாக கொண்டு புதிய ஒன்றியம் அமைக்க வேண்டும் என்ற பல ஆண்டுகால கோரிக்கை, தற்போது நடைமுறைக்கு வந்துள்ளது. 35 ஊராட்சிகளுடன் புதிய ஒன்றியம் செயல்பட முதற்கட்டமாக, 17 பணியிடங்களை உருவாக்கி காஞ்சிபுரம் கலெக்டர் சினேகா உத்தரவிட்டுள்ளார். காஞ்சிபுரம் மாவட்டம், உத்திரமேரூர் ஊராட்சி ஒன்றியத்தில், 73 கிராம ஊராட்சிகள் உள்ளன. சாலவாக்கம் மற்றும் சுற்றியுள்ள கிராமங்களைச் சேர்ந்த மக்கள், ஒன்றிய அலுவலகம் தொடர்பான பணிகளுக்காக, உத்திரமேரூர் செல்ல வேண்டியுள்ளது. சில கிராமங்களில் இருந்து இரண்டு பேருந்துகள் மூலம் மாறி மாறி செல்ல வேண்டிய நிலை உள்ளதால், பொதுமக்கள் அவதிப்பட்டு வந்தனர். இதனால், நிர்வாக வசதிக்காகவும், பொதுமக்கள் எளிதில் அணுகும் வகையிலும், உத்திரமேரூர் ஒன்றியத்தை பிரித்து, சாலவாக்கத்தை தலைமையிடமாக கொண்டு புதிய ஒன்றியம் அமைக்க வேண்டும் என, அப்பகுதி மக்கள் பல ஆண்டுகளாக கோரிக்கை விடுத்து வந்தனர். இதையடுத்து, உத்திரமேரூர் ஒன்றியத்தில் இருந்த 73 ஊராட்சிகளில், 38 ஊராட்சிகளை உத்திரமேரூர் ஒன்றியத்திலும், 35 ஊராட்சிகளை சாலவாக்கம் ஒன்றியத்திலும் இணைத்து, பிரிப்பதற்கான இறுதி அரசாணை, கடந்த பிப்ரவரி மாதம் வெளியிடப்பட்டது.

அரசாணை

அரசாணை வெளியானதும், புதிய ஒன்றியத்திற்கான அலுவலகம், பணியாளர்கள் நியமனம் உள்ளிட்ட ஏற்பாடுகள் விரைவில் மேற்கொள்ளப்படும் என, சாலவாக்கம் பகுதி மக்கள் எதிர்பார்த்தனர். ஆனால், பல மாதங்கள் கடந்தும், புதிய ஒன்றியம் தனியாக செயல்படுவதற்கான அடிப்படை கட்டமைப்பு வசதிகள் ஏற்படுத்தப்படாமல் இருந்தன. புதிய அலுவலக கட்டடம், அரசு அலுவலர்கள் மற்றும் பணியாளர்கள் நியமனம், நிர்வாக பயன்பாட்டிற்கான வாகனங்கள் ஒதுக்கீடு உள்ளிட்ட பணிகள் தொடங்காததால், அரசாணையில் மட்டுமே ஒன்றியம் உருவாக்கப்பட்டுள்ளதாக. அப்பகுதி மக்கள் அதிருப்தி தெரிவித்து வந்தனர். இதற்கிடையே, நாளையுடன் ஊராட்சி தலைவர்கள், ஒன்றிய கவுன்சிலர்கள், ஒன்றிய தலைவர் உள்ளிட்ட உள்ளாட்சி பிரதிநிதிகளின் பதவிக்காலம் முடிவடைகிறது. இந்த சூழலில், சாலவாக்கம் ஒன்றியத்தை செயல்பாட்டிற்கு கொண்டு வருவதற்கான நடவடிக்கைகள் தற்போது தொடங்கியுள்ளன.

முதற்கட்டமாக, வட்டார வளர்ச்சி அலுவலர்கள், பொறியாளர்கள், பணி மேற்பார்வையாளர்கள், உதவியாளர்கள், கணினி ஆப்பரேட்டர்கள், ஓட்டுநர்கள் உள்ளிட்ட பல்வேறு பிரிவுகளில், 17 பணியிடங்களை உருவாக்கி, காஞ்சிபுரம் கலெக்டர் சினேகா உத்தரவிட்டுள்ளார். இந்நிலையில், சாலவாக்கத்தில் உள்ள தனியார் கட்டடத்தில் தற்காலிகமாக இயங்குவதற்கு ஏற்பாடுகள் நடைபெற்று வருகின்றன. மேலும், உத்திரமேரூர் ஒன்றியத்தின் தற்போதைய வட்டார வளர்ச்சி அலுவலர்களான மாணிக்கவேலு, சாந்தி ஆகிய இருவரும், சாலவாக்கம் ஒன்றியத்திற்கும் கூடுதல் பொறுப்பில் வட்டார வளர்ச்சி அலுவலர்களாக பணியாற்றுவர் எனத் தெரிவிக்கப்பட்டுள்ளது. சாலவாக்கம் ஒன்றியம் தனியாக செயல்பட தொடங்குவதன் வாயிலாக, அப்பகுதியைச் சேர்ந்த 35 கிராம ஊராட்சிகளின் நிர்வாக பணிகள், வளர்ச்சி திட்டங்கள், குடிநீர் மற்றும் சாலை வசதிகள் உள்ளிட்ட அடிப்படை தேவைகளை கண்காணிப்பது எளிதாகும். அரசு அலுவலக பணிகளுக்காக, உத்திரமேரூர் செல்ல வேண்டிய அலைச்சலும் குறையும் என்பதால், சாலவாக்கம் மற்றும் சுற்றியுள்ள கிராம மக்களிடையே நிம்மதி ஏற்பட்டுள்ளது.

எனினும், புதிய ஒன்றியத்திற்கான நிரந்தர அலுவலகம், தேவையான பணியாளர்கள், வாகனங்கள் உள்ளிட்ட அனைத்து வசதிகளும் முழுமையாக ஏற்படுத்தப்படும் போது தான், அதன் நிர்வாக செயல்பாடுகள் தடையின்றி நடைபெறும் என, அப்பகுதி மக்கள் எதிர்பார்க்கின்றனர்.

உத்திரமேரூர் அருகே 10,000 பனை விதைகள் நடவு – அக்னி சிறகுகள் அமைப்பு அசத்தல்!

2026-10-18T14:45:03.497+05:30

உத்திரமேரூர் அடுத்த

மே

ட்டுப்பாளையம் கிராமத்தில் அக்னி சிறகுகள் அமைப்பு சார்பில் டாக்டர் அப்துல் கலாம் அவர்களின் பிறந்தநாளையொட்டி பனை விதை நடும் விழா நேற்று நடந்தது. தலைமை செயலக துணை செயலாளர் செந்தில்குமார் அறிவுறுத்தலின்படி நடந்த பனை விதை நடும் விழாவில் டாக்டர் தாமோதரன் தலைமையில் நடந்தது. தன்னார்வ இளைஞர்கள் ஏராளமானோர் ஒன்று கூடி டாக்டர் ஏ.பி.ஜே.அப்துல்கலாம் அவர்கள் கூறிய “பனை மரம் என்பது ஒரு நாட்டின் பொருளாதாரத்தையே மாற்றக்கூடிய ஒரு மிகச்சிறந்த இயற்கை வளம் நாட்டின் வளர்ச்சி பனை வளர்ச்சியில் தான்” என்பதை அடிப்படையாகக் கொண்டு நாஞ்சிபுரம், ஆழ்வராம்பூண்டி, அத்தியூர், மேல்தூளி உள்ளிட்ட பல்வேறு கிராமங்களில் தொடர்ச்சியாக பனை விதைகளை நடவு செய்யும் பணியினை மேற்கொண்டு வருகின்றனர். அதன் ஒரு தொடர்ச்சியாக நேற்று கம்மாளம்பூண்டி ஊராட்சிக்குட்பட்ட மேட்டுப்பாளையம் அகரம்தூளி கிராம சாலையோரங்களில் சுமார் 10,000 பணம் விதைகளை நடவு செய்தனர். மேலும் மண் வளங்களை பாதுகாக்கவும் சுற்றுசூழலை பாதுகாக்கவும் பனை விதைகளை தொடர்ந்து நடுவோம். இயற்கை வளங்களை பாதுகாப்போம் என்பது குறித்தான உறுதிமொழி ஏற்றுக் கொண்டு பனை விதைகளை நட்டு வைத்தனர். நிகழ்வின் போது தனியார் கல்லூரி மாணவ மாணவியர்கள் தன்னார்வ இளைஞர்கள் பலர் ஆர்வத்தோடு பங்கேற்றனர்.

உத்திரமேரூர் அருகே மின்சாரம் தாக்கி 3 பசு மாடுகள் பலி!

2026-10-18T12:50:38.544+05:30

உத்திரமேரூர், அக். 18:

உத்திரமேரூர் அருகே மின் கம்பி அறுந்து விழுந்ததில் மூன்று பசு மாடுகள் மின்சாரம் தாக்கி உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.

காஞ்சிபுரம் மாவட்டம், உத்திரமேரூர் அருகே வேடபாளையம் கிராமம், ராஜி தெருவைச் சேர்ந்த பொன்னம்மாள் (70) என்பவருக்குச் சொந்தமான மூன்று பசு மாடுகள், நேற்று மாலை நீரடி கிராம எல்லைக்கு உட்பட்ட வயல்வெளிப் பகுதியில் மேய்ச்சலுக்காக விடப்பட்டிருந்தன.

அப்போது அப்பகுதியில் பலத்த காற்று வீசியதாகக் கூறப்படுகிறது. இதில் அங்கிருந்த மின் கம்பி அறுந்து பசு மாடுகள் மீது விழுந்ததாகத் தெரிகிறது. இதனால் மின்சாரம் தாக்கி மூன்று பசு மாடுகளும் சம்பவ இடத்திலேயே உயிரிழந்தன.

இதுகுறித்து உத்திரமேரூர் போலீசார் விசாரணை நடத்தி வருகின்றனர்.

மின்கம்பிகளை முறையாகப் பராமரித்து, இதுபோன்ற விபத்துகள் ஏற்படாமல் தடுக்க வேண்டும் என அப்பகுதி மக்கள் கோரிக்கை விடுத்துள்ளனர்.

உத்திரமேரூரில் அதிமுக 55-ஆம் ஆண்டு தொடக்க விழா – எம்ஜிஆர் சிலைக்கு மாலை அணிவித்து மரியாதை!

2026-10-17T15:36:17.249+05:30

உத்திரமேரூரில் ஒன்றிய மற்றும் நகர அனைத்திந்திய அண்ணா திராவிட முன்னேற்ற கழகத்தின் 55 ஆம் ஆண்டு தொடக்க விழா கொண்டாடப்பட்டது. மாவட்ட அவைத் தலைவர் குண்ணவாக்கம் கிருஷ்ணமூர்த்தி தலைமையில் நகர செயலாளர் ஜெயவிஷ்ணு முன்னிலையில் ஒன்றிய அம்மா பேரவை செயலாளர் பெருமாள் வரவேற்க நடந்த நிகழ்ச்சியில் உத்திரமேரூர் பஜார் வீதியில் உள்ள முன்னாள் முதல்வர் புரட்சித்தலைவர் எம்ஜிஆர் திருவுருவ சிலைக்கு மாலை அணிவித்து மரியாதை செலுத்தப்பட்டது தொடர்ந்து ஏழை எளிய மக்களுக்கு அன்னதானம் வழங்கப்பட்டது. பின்னர் வரவிருக்கும் தேர்தல்களில் அனைத்திந்திய அண்ணா திராவிட முன்னேற்றக் கழகம் வெற்றி பெற பாடுபடுவோம் என சூலுறைக்கப்பட்டது. நிகழ்வின் போது மாவட்ட அமைப்பு சாரா ஓட்டுநர் அணி செயலாளர் டைல்ஸ் சேகர், மாவட்ட கைத்தறி பிரிவு செயலாளர் விலவபதி, மாவட்ட மகளிரணி நிர்வாகி பானுமதிமணி, ஒன்றிய இளைஞரணி செயலாளர் ஹரிகைலாசம், நகர தகவல் தொழில் நுட்ப பிரிவு செயலாளர் ராஜ்குமார், பாலாஜி, விஜி, சிலம்பரசன் உட்பட பலர் கலந்து கொண்டனர்.

3 வயது மகளை இழந்த தந்தை தற்கொலை! உத்திரமேரூரில் சோகம்

2026-10-17T10:14:21.899+05:30

உத்திரமேரூர் பேரூராட்சி கீழ் வெங்கடாச்சாரி தெருவை சேர்ந்தவர் ராமு 43 இவரின் மனைவி ராஜேஸ்வரி 38 இவர்களுக்கு ஜானவிகா 12, தர்ஷினி 07, அஸ்விதா 03 என்ற மூன்று பெண் குழந்தைகள் உள்ளனர். ராமு சென்னை பூந்தமல்லியில் தனியார் நிறுவனத்தில் வேலை பார்த்துக் கொண்டு அங்கேயே குடும்பத்துடன் வாடகை வீட்டில் வசித்து வருகிறார். இந்நிலையில் கடந்த சில தினங்களுக்கு முன்பு சென்னையில் நடந்த சாலை விபத்து ஒன்றில் தனது மூன்றாவது மகள் அஸ்விதா உயிரிழந்தார். இதனால் மனம் உடைந்த ராமு தனது சொந்த ஊரான உத்திரமேரூர்க்கு சென்று மகளின் இறுதிச் சடங்கினை நேற்று முடித்துள்ளார். தொடர்ந்து மகள் இழப்பினை கூறி வருத்தப்பட்டு கொண்டிருந்த ராமு இன்று அதிகாலை 3 மணி அளவில் வீட்டில் உள்ள ஒரு அறையில் மின்விசிறி கம்பியில் தனது வேட்டியை கொண்டு தூக்கிட்டு தற்கொலை செய்து கொண்டார். இதைக் கண்ட உறவினர்கள் அவரை மீட்டு உத்திரமேரூர் அரசு மருத்துவமனைக்கு கொண்டு சென்றனர். அங்கு ராமுவை பரிசோதனை செய்த மருத்துவர் ராமு ஏற்கனவே இறந்துவிட்டதாக தெரிவித்தனர். தகவல் அறிந்த உத்திரமேரூர் போலீசார் சம்பவ இடத்திற்கு விரைந்து ராமுவின் உடலை கைப்பற்றி பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்து இச்சம்பவம் குறித்து வழக்கு பதிவு செய்து விசாரணை நடத்தி வருகின்றனர்

பாலாறு பழைய சிகரம் தடுப்பணியில் மணல் எடுக்கக் கூடாது

2026-10-17T05:35:56.949+05:30

உத்திரமேரூர் அருகே திருமுக்கூடல் கிராமத்தில் உழவர்கள் மற்றும் பாலாற்று பாதுகாப்பு கூட்டியக்கம் சார்பில் தெருமுனை கூட்டம் இன்று நடந்தது வரலாறு பாதுகாப்பு கூட்டு இயக்க நிர்வாகி மோகன் தலைமை தாங்கினார் உழவர் லட்சுமணன் அனைவரையும் வரவேற்றார் நிகழ்ச்சியில் முப்பெரும் உழவர் மாநிலத் தலைவர் வெங்கடேசன் பாலாறு பாதுகாப்பு கூட்டு இயக்கம் ஒருங்கிணைப்பாளர் காஞ்சி அமுதன் ஆகியோர் சிறப்புரையாற்றினர் கூட்டத்தில் பாலாறு பழைய சிகரம் தடுப்பணியில் மணல் எடுக்கக் கூடாது உழவர்களின் வாழ்வாதாரம் காத்திட பாலூர் நீர் செறிவூட்டும் அணையை தடுப்படையாக உயர்த்திட வேண்டும் புதிய கல் குவாரிகளுக்கு அனுமதி அளிக்கக் கூடாது பயிர்களை சேதப்படுத்தும் கலப்பின பன்றிகளை பிடிக்க நடவடிக்கை எடுக்க வேண்டும் உழவர் நிலங்களை நீர் நிலைகளை அழித்திடும் செய்யாறு கோவில்பட்டி சாலையை முற்றிலும் கைவிட வேண்டும் உள்ளிட்ட தீர்மானங்கள் நிறைவேற்றப்பட்டன நிகழ்ச்சியில் பல்வேறு கிராம விவசாயிகள் பங்கேற்றனர்.

உத்திரமேரூர் அருகே பூட்டிய வீட்டில் அழுகிய நிலையில் முதியவர் சடலம் மீட்பு

2026-10-17T05:33:53.597+05:30

உத்திரமேரூர்

உத்திரமேரூர் அடுத்த காக்க நல்லூர் கிராமத்தை சேர்ந்தவர் முதியவர் கஜானம் 90. இவர் தனது மகள் பரிமளா 58 என்பவரிடம் வசித்து வருகிறார் இந்நிலையில் பரிமளா உடல் பரிசோதனைக்காக கூடுவாஞ்சேரியில் உள்ள உறவினர் வீட்டிற்கு சென்று இருந்தார் இந்நிலையில் கடந்த நான்கு நாட்களாக முதியவர் வீட்டில் இருந்து வெளியே வரவில்லை என அக்கம்பக்கத்தினர் பரிமளாவிற்கு தகவல் தெரிவித்தனர் தகவலின் பேரில் பரிமளா வீட்டிற்கு வந்து பார்த்தபோது வீடு உள்பக்கம் தாளிட்ட நிலையில் அழகிய நிலையில் சடலமாக கிடந்துள்ளார் இது குறித்து உத்தரமேரூர் போலீசாருக்கு தகவல் அளிக்கப்பட்டது தகவலின் பேரில் உத்திரமேரூர் போலீசார் சம்பவ இடத்திற்கு விரைந்து முதியவரின் சடலத்தை மீட்டு செங்கல்பட்டு அரசு மருத்துவமனைக்கு பிரேதப் பரிசோதனைக்காக அனுப்பி வைத்து சம்பவம் குறித்து வழக்கு பதிவு செய்து விசாரணை நடத்தி வருகின்றனர்.

உத்திரமேரூர் அருகே சிறப்பு கிராம சபை கூட்டம்

2026-10-17T05:29:53.624+05:30

உத்திரமேரூர் அடுத்த அம்மையப்பநல்லூர் கிராமத்தில் சிறப்பு கிராம சபை கூட்டம் நேற்று நடந்தது. கூட்டத்தில் சமூக தனக்கியாளர் ஜெயபால் தலைமை தாங்கினார். கூட்டத்தில் மகாத்மா காந்தி தேசிய ஊரக வேலை உறுதியளிப்பு திட்டம் மற்றும் பிரதமர் நினைவு குடியிருப்பு திட்டங்கள் மூலம் செயல்படுத்தப்பட்ட பணிகள் மற்றும் பணிகளில் குறைபாடுகள் குறித்து பொது மக்களுக்கு எடுத்துரைக்கப்பட்டது. மேலும் இந்த திட்டத்தின் கீழ் பணியாற்றும் கிராம மக்கள் தங்களுக்கு ஒதுக்கப்பட்டுள்ள பணியினை முறையாக முடித்து வைக்க அறிவுறுத்தப்பட்டது. நிகழ்ச்சிகள் அம்மையப்பநல்லூர் கிராம மக்கள் உட்பட பலர் பங்கேற்றனர்.

உத்திரமேரூர் நகர கூட்டுறவு கடன் சங்கம் சார்பில் சிறப்பு கடன் முகாம்

2026-10-17T05:25:12.822+05:30

உத்திரமேரூர் நகர கூட்டுறவு கடன் சங்கம் சார்பில் சிறப்பு கடன் முகாம் நேற்று நடந்தது. முகாமில் உத்திரமேரூர் நகர கூட்டுறவு கடன் சங்க செயலாளர் உமாதேவி தலைமை தாங்கினார். முகாமில் சிங்கப் பெண்கள் கடன் உதவிகள் மற்றும் வீட்டு வசதிக் கடன்கள், மகளிர் சுய உதவிக் குழுக்களுக்கான கடன்கள் மற்றும் நடுத்தர விவசாய கடன், ஊரக தொழில் கடன், வீட்டு அடமான கடன், மாற்றுத்திறனாளிகள், திருநங்கையருக்கான கடன், மின்சார ஆட்டோ கடன் உள்ளிட்ட கடன்கள் வழங்கப்படும் எனவும் எனவே பொது மக்கள் கடன்களை பெற்று குறித்த நேரத்தில் செலுத்தி பயன்பெற அறிவுறுத்தப்பட்டது. மேலும் பொது மக்களுக்கு உத்திரமேரூர் நகர கூட்டுறவு கடன் சங்கம் சார்பில் கடன்கள் வழங்கப்படும் விதிமுறைகள் குறித்து துண்டு பிரசுரம் பொது மக்களுக்கு வழங்கப்பட்டது. நிகழ்ச்சியில் கூட்டுறவு துறை அலுவலர்கள் பொது மக்கள் பலர் பங்கேற்றனர்.

உத்திரமேரூரில் உங்களைத் தேடி உங்கள் ஊரில் எனும் திட்டத்தின் கீழ் பல்வேறு இடங்களில் மாவட்ட ஆட்சியர் திடீர் ஆய்வு

2024-02-23T20:17:00.001+05:30

உத்திரமேரூர்

தமிழ்நாடு முதல்வர் மாதந்தோறும் ஒவ்வொரு மாவட்டத்திலும் ஒவ்வொரு சட்டமன்ற தொகுதியிலும் 24 மணி நேரம் மாவட்ட ஆட்சியர்கள் தங்கி இருந்து மக்கள் கோரிக்கைகளை பெற்றும் மற்றும் அரசு நல திட்ட பணிகளை ஆய்வு செய்ய அறிவுறுத்தி இருந்தார். அதனடிப்படையில் இந்த மாதம் உத்திரமேரூர் சட்டமன்ற தொகுதிக்குட்பட்ட பகுதிகளில் நேற்று காலை 9 மணி முதல் பல்வேறு இடங்களில் காஞ்சிபுரம் மாவட்ட ஆட்சியர் கலைச்செல்விமோகன் ஆய்வு மேற்கொண்டார். ஆய்வில் உத்திரமேரூர் அருகே மானாம்பதி நறிகுறவர்கள் குடியிருப்பு பகுதிகளில் சென்று அங்கு குடியிருப்புகளை பார்வையிட்டு நறிகுறவர்களின் குறைகளை கேட்டறிந்தார். பின்னர் அவர்களின் கோரிக்கை மனுக்களை பெற்றுக் கொண்டார். இதனைத் தொடர்ந்து மேம்படுத்தப்பட்ட ஆரம்ப சுகாதார நிலையத்தில் ஆய்வு மேற்கொண்டு ஆட்சியர் கலைச்செல்விமோகன் பொதுமக்களிடம் மருத்துவ வசதிகள் குறித்து கேட்டு அறிந்தார். மேலும் அங்கு மருந்து இருப்புகள் மற்றும் சிகிச்சையும் முறைகளை குறித்து மருத்துவரிடம் கேட்டறிந்தார். பின்னர் ரூ.50 லட்சம் மதிப்பீட்டில் புதிதாக கட்டப்பட்டு வரும் மருத்துவமனை கட்டிடப் பணிகளை ஆட்சியர் கலைச்செல்வி மோகன் பார்வையிட்டார். இதனைத் தொடர்ந்து மானாம்பதி அரசு தொடக்கப்பள்ளி மற்றும் அங்கன்வாடி மையங்களை ஆய்வு மேற்கொண்டு மதிய உணவுகளை பரிசோதனை செய்தார். மேலும் பள்ளி மாணவர்களோடு உரையாடி அவர்களின் கற்றல் திறன் குறித்து கேட்டறிந்தார். அங்கன்வாடி மையத்தில் பயின்று வரும் மாணவர்களின் எடை மற்றும் உயரம் குறித்து கோப்புகளை பார்வையிட்டார். பின்னர் வேடபாளையம் பகுதியில் மகாத்மா காந்தி தேசிய ஊரக வேலைவாய்ப்பு உறுதி திட்டத்தின் கீழ் நடைபெறும் 100 நாள் பணிகள் மற்றும் பணியாளரின் வருகை பதிவேட்டை ஆய்வு மேற்கொண்டார். இதனைத் தொடர்ந்து உத்திரமேருர் பேரூராட்சியில் ரூ 1.5 கோடி மதிப்பீட்டில் கட்டி முடிக்கப்பட்டுள்ள நவீன எரிவாயு தகனமேடையினை பார்வையிட்டு செயல்முறைகள் குறித்து கேட்டறிந்தார். இதனைத் தொடர்ந்து உத்திரமேரூர் வட்டாட்சியர் அலுவலகத்தில் மாவட்ட ஆட்சியர் கலைச்செல்விமோகன் பொது மக்களிடம் கோரிக்கை மனுக்களை பெற்றுக்கொண்டார். இந்த ஆய்வின்போது வட்டாட்சியர் கருணாகரன், பேரூராட்சி செயல் அலுவலர் லோகநாதன், பேரூராட்சி மன்றத் தலைவர் பொன்சசிகுமார், ஊராட்சி மன்ற தலைவர் ராதாநடேசன் அரசுதுறை அலுவலர்கள் என பலர் உடனிருந்தனர்.

உத்திரமேரூரில் குடிக்க பணம் தராத கடைகாரருக்கு குத்து

2024-02-23T20:06:00.007+05:30

உத்திரமேரூர்

உத்திரமேரூர் பேரூராட்சிக்குட்பட்ட வைகுண்ட பெருமாள் கோவில் தெருவில் முடி திருத்தகம் கடை நடத்தி வருபவர் சம்பத்குமார் 43 இவரது நண்பர் பட்டஞ்சேரி பகுதியை சேர்ந்த யுவராஜ் 42. குடிப்பழக்கம் உள்ள யுவராஜ் நேற்று இரவு சம்பத்குமார் கடைக்கு சென்று சம்பத்குமாரிடம் குடிப்பதற்காக பணம் கேட்டதாக கூறப்படுகிறது. இதில் சம்பத்குமாருக்கும் யுவராஜுக்கும் வாக்குவாதம் ஏற்பட்டு கைலப்பாக மாறியது இதில் ஆத்திரமடைந்த யுவராஜ் கடையில் இருந்த கண்ணாடியினை உடைத்து சம்பத்குமாரின் வயிற்றுப் பகுதியில் குத்தியதாக கூறப்படுகிறது. மேலும் சம்பத்குமார் யுவராஜ் தாக்கியதாகவும் தெரிகிறது. இதில் இருவரும் காயமடைந்தனர். தகவலறிந்து சம்பவ இடத்திற்கு விரைந்த உத்திரமேரூர் போலீசார் காயமடைந்த இருவரையும் மீட்டு செங்கல்பட்டு அரசு மருத்துவமனைக்கு சிகிச்சைக்காக அனுப்பி வைத்தனர். இதில் சம்பத்குமார் தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வருகிறார். இது குறித்து உத்திரமேரூர் போலீசார் வழக்கு பதிவு செய்து விசாரணை நடத்தி வருகின்றனர்.

உத்திரமேரூர் அருகே மனஉளைச்சல் காரணமாக முதியவர் டிரான்ஸ்பார்மர் மீது ஏரி மீன்சாரம் தாக்கி பலி

2024-02-23T20:06:00.001+05:30

உத்திரமேரூர்

உத்திரமேரூர் அருகே அரசாணிமங்கலம் கிராமத்தை சேர்ந்தவர் ஆண்டி 65 கூலி தொழிலாளி. இவருக்கு கலா என்ற மனைவியும் சுமதி என்ற மகளும் சீதாராமன் விக்ரம் என்ற மகன்களும் உள்ளனர். இந்நிலையில் ஆண்டி சில மாதங்களுக்கு முன்பு உடல் நலம் பாதிக்கப்பட்டு சிகிச்சை பெற்று வந்துள்ளார். இதனால் ஆண்டி மிகவும் மன உளைச்சலில் காணப்பட்டிருந்தார். இந்நிலையில் நேற்று மாலை மன உளைச்சல் மிகுந்து வீட்டில் யாரும் இல்லாத நேரத்தில் ஆண்டி வீட்டிற்கு அருகே இருந்த டிரான்ஸ்பார்மர் மீது ஏறி மின்சாரம் செல்லும் மின் கம்பியை பிடித்ததாக கூறப்படுகிறது இதில் ஆண்டி தூக்கி வீசப்பட்டு தலையில் பலத்த காயம் ஏற்பட்டு சம்பவ இடத்திலேயே பலியானார் தகவல் இந்த உத்தரமேரூர் போலீசார் சம்பவ இடத்திற்கு விரைந்து ஆண்டியின் உடலை கைப்பற்றி செங்கல்பட்டு அரசு மருத்துவமனைக்கு பிரத பரிசோதனைக்காக அனுப்பி வைத்து இச்சம்பவம் குறித்து வழக்கு பதிவு செய்து தீவிர விசாரணை நடத்தி வருகின்றனர்.

உத்திரமேரூர் அருகே அகோரகாளி ஸ்ரீஅங்காளம்மன் ஆலய 10 ஆம் ஆண்டு தீமிதி திருவிழா

2024-02-23T20:05:00.001+05:30

உத்திரமேரூர்

உத்திரமேரூர் பேரூராட்சிக்குட்பட்ட பட்டஞ்சேரி கிராமத்தில் பிரசித்தப் பெற்ற அகோரகாளி ஸ்ரீ.அங்காளயம்மன் ஆலயத்தில் 10 ஆம் ஆண்டு தீமிதி திருவிழா வெகு விமரிசையாக நடைப்பெற்றது. தீமிதித் திருவிழாவையொட்டி அம்மனுக்கு சிறப்பு அபிஷேக ஆராதனை நடைப்பெற்றது. இதனைத் தொடர்ந்து அம்மனுக்கு சிறப்பு அலங்காரம் செய்யப்பட்டு பக்தர்களுக்கு காட்சியளித்தார். இதனைத் தொடர்ந்து விரதமிருந்த பக்தர்கள் வீதியுலா வந்து கோவில் வளாகத்தில் மூட்டபட்டிருந்த அக்னி குண்டத்தில் இறங்கி கோவிந்தா கோவிந்தா என்ற முழக்கத்தோடு பக்தர்கள் தீ மிதித்தனர். விழாவையோட்டி கோவில் வளாகத்தில் பக்தர்களுக்கு அன்னதானம் வழங்கப்பட்டது. விழாவிற்கு பட்டஞ்சேரி மற்றும் சுற்றியுள்ள கிராம மக்கள் ஏராளமான பக்தர்கள் கலந்து கொண்டு அம்மனை வழிபட்டனர். விழாவிற்கான ஏற்பாடுகளை விழாகுழுவினர் சிறப்பாக செய்திருந்தனர்

உத்திரமேரூர் அருகே நல்லூர் கிராமத்தில் மாற்றுதிறனாளிகள் அலுலவக திறப்பு மற்றும் பேரவைக் கூட்டம்

2024-02-23T20:02:00.004+05:30

உத்திரமேரூர் அருகே நல்லூர் கிராமத்தில் தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைக்கான சங்கம் சார்பில் அலுவலகம் திறப்பு விழா மற்றும் பேரவை கூட்டம் இன்று வெள்ளிக்கிழமை காலை 10 மணி அளவில் நடைபெற்றது. ஒன்றிய செயலாளர் சரவணன் தலைமை தாங்கினார். ஒன்றிய தலைவர் சேகர் அனைவரையும் வரவேற்றார் மாவட்ட தலைவர் பாலாஜி, மாவட்ட செயலாளர் முனுசாமி, வார்டு உறுப்பினர் குணசேகரன், வெங்கடேசன் ஆகியோர் முன்னிலை வகித்தனர். நிகழ்ச்சியில் மாநில செயலாளர் ஜீவா கலந்து கொண்டு அலுவலகத்தினை திறந்து வைத்து பேரவை கூட்டத்தில் சிறப்புரையாற்றினார். நிகழ்ச்சியில் உத்திரமேரூரில் உள்ள இந்தியன் ஓவர்சீஸ் வங்கி கனரா வங்கி ஆகிய வங்கிகளில் மாற்றுத்திறனாளி வந்து சொல்ல கைப்பிடியுடன் கூடிய சாய்வு தளம் அமைத்திட வேண்டும், உத்திரமேரூர் வட்டாட்சியர் அலுவலகம் மற்றும் வட்டார வளர்ச்சி அலுவலகங்களில் மாற்று திறனாளிகள் செல்ல ஏதுவாக வீல் சேர் வைத்திட வேண்டும், சாதாரண மாற்றுத் திறனாளிகளுக்கு மாதம் ரூபாய் 3000 மும், கடுமையாக பாதிக்கப்பட்ட மாற்றுத் திறனாளிகளுக்கு ரூபாய் 5000 மும் உதவித்தொகை வழங்கிட வேண்டும் உள்ளிட்ட தீர்மானங்கள் நிறைவேற்றப்பட்டன. நிகழ்ச்சியில் உத்திரமேரூர் மற்றும் சுற்றியுள்ள மாற்று திறனாளிகள் பலர் கலந்து கொண்டனர்.

உத்திரமேரூர் அருகே அரசு பள்ளியில் ஆண்டு விழா

2024-02-16T18:29:00.002+05:30

உத்திரமேரூர்

உத்திரமேரூர் அடுத்த பெருநகர் ஊராட்சிக்குட்பட்ட சேத்துப்பட்டு கிராமத்தில் உள்ள ஊராட்சி ஒன்றிய தொடக்கப்பள்ளியில் ஆண்டு விழா நேற்று வெகு விமரிசையாக நடைபெற்றது. விழாவில் வட்டார கல்வி அலுவலர் கலாவதி தலைமை தாங்கினார். வட்டார வள மையம் மேற்பார்வையாளர் செந்தில்முருகன் முன்னிலை வகித்தார். பள்ளி தலைமை ஆசிரியை தில்லைக்கரசி அனைவரையும் வரவேற்றார். நிகழ்ச்சியில் ஊராட்சி மன்றத் தலைவர் மங்களகௌரிவடிவேலு கலந்து கொண்டு சிறப்புரையாற்றினார். நிகழ்ச்சியில் அரசு பள்ளி மாணவ மாணவியர்களின் பரதநாட்டியம், நடனம், யோகா, விழிப்புணர்வு பாடல்கள், நாடகங்கள் உள்ளிட்ட பல்வேறு வகையில் கிராமத்து மாணவர்கள் தங்களது திறமைகளை வெளிப்படுத்தினர். இதனை தொடர்ந்து பள்ளியில் நடந்த விளையாட்டு, கட்டுரை, கவிதை, ஓவியம் என பல்வேறு போட்டிகளில் வெற்றி பெற்ற மாணவ மாணவியர்களுக்கு பரிசுகள் வழங்கப்பட்டது. நிகழ்ச்சியில் பட்டதாரி ஆசிரியர்கள், இடைநிலை ஆசிரியர்கள், இல்லம் தேடி கல்வியாளர்கள், பெற்றோர்கள் கிராம மக்கள் என பலர் கலந்து கொண்டனர்.

உத்திரமேரூர் ஸ்ரீ சுந்தரவரதராஜ பெருமாள் கோயிலில் தெப்போற்சவ விழா

2024-02-16T18:27:00.001+05:30

உத்திரமேரூர்

உத்திரமேரூரில் பிரசித்தி பெற்ற கோவிலான ஆனந்தவல்லி நாயக சமேத ஸ்ரீ சுந்தரவரதராஜ பெருமாள் கோயிலில் தெப்போற்சவ விழா நேற்று வெகு விமரிசையாக துவங்கியது. விழாவையொட்டி ஸ்ரீ சுந்தரவரதராஜ பெருமாளுக்கு சிறப்பு அபிஷேக ஆராதனை நடந்தபின் பூக்களினால் சிறப்பு அலங்காரம் செய்யப்பட்டு ஸ்ரீ தேவி பூ தேவியர்களுடன் ஸ்ரீ சுந்தரவரதராஜ பெருமாள் பக்தர்களுக்கு காட்சியளித்தார். பின்னர் மாட வீதி வழியாக திரு வீதியுலா வந்த பெருமாளுக்கு பக்தர்கள் தீபாராதனை காட்டியும் தேங்காய் உடைத்தும் வழிபட்டனர். இதைத் தொடர்ந்து வானவேடிக்கைகளுடன் மேளதாளங்கள் முழுங்க கோவில் குளத்தில் வண்ண மலர்கள் மற்றும் வண்ண மின் விளக்குகளால் அலங்கரிக்கப்பட்ட தெப்பத்தில் சுந்தரவரதராஜப் பெருமாள் ஸ்ரீதேவி பூதேவிகளுடன் எழுந்தருளி குளத்தினை வலம் வந்து பக்தர்களுக்கு அருள் பாலித்தார். மூன்று நாட்கள் நடைப்பெறும் இந்த தெப்போற்சவத்தின் முதல் நாளான நேற்று குளத்தினை மூன்று முறை வலம் வந்து பக்தர்களுக்கு காட்சியளித்தார். விழாவையொட்டி கோவில் வளாகத்தில் ஏராளமான பக்தர்கள் கலந்து கொண்டு சுவாமியை வழிபட்டனர்

உத்திரமேரூர் அருகே இரண்டாம் வகுப்பு மாணவனிடம் பாலியல் சீண்டலில் ஈடுபட்ட பள்ளி தாளாளர் மீது வழக்கு பதிவு

2024-02-16T18:25:00.007+05:30

உத்திரமேரூர்

உத்திரமேரூர் அருகே மானாம்பதி ஊராட்சிக்குட்பட்ட விசூர் சாலையில் தனியார் சி.பி.எஸ்.சி பள்ளி செயல்பட்டு வருகிறது. இப்பள்ளியில் பாதர் சகாயராஜ் 50 தாளாளராக உள்ளார். இந்நிலையில் பள்ளியில் பயிலும் இரண்டாம் வகுப்பு மாணவனுக்கு சில தினங்களாக பள்ளி தாளாளர் பாதர் சகாயராஜ் பாலியல் சீண்டல் தொந்தரவு செய்து வந்ததாக கூறப்படுகிறது. இது குறித்து இரண்டாம் வகுப்பு மாணவன் தனது பெற்றோர்களிடம் தாளாளரின் பாலியல் சீண்டல் குறித்து கூறியதாக தெரிகிறது. இதையடுத்து மாணவனின் பெற்றோர் சைல்ட் லைனை தொடர்பு கொண்டு புகார் தெரிவித்துள்ளனர். புகாரின் பேரில் பெருநகர் போலீசார் பாதர் சகாயராஜ் மீது வழக்கு பதிவு செய்து பள்ளி தாளாளர் பாதர் சகாயராஜை தேடி வருகின்றனர்.

உத்திரமேரூர் ஸ்ரீ.நூக்காலம்மன் கோவிலில் பாலாலயம்

2024-02-16T18:25:00.001+05:30

உத்திரமேரூர்

உத்திரமேரூரில் எண்டத்தூர் சாலையில் பிரசித்திப் பெற்ற நூக்காலம்மன் ஆலயம் அமைந்துள்ளது. பழமை வாய்ந்த இக்கோவிலில் ஆண்டுதோறும், ஆடி மாதம் தீமிதித் திருவிழா வெகு விமரிசையாக நடைபெறுவது வழக்கம். இந்நிலையில் இக்கோவில் புணரமைப்பு மற்றும் கோபுரம் அமைக்கும் பணியானது நடைப்பெற்று வருகிறது. இதனால் கோவிலில் பாலாலயம் செய்ய பக்தர்களால் தீர்மானிக்கப்பட்டது. அதனடிப்படையில் ஸ்ரீ.நூக்காலம்மன் ஆலயத்தில் பாலாலய நிகழ்ச்சி நேற்று நடைபெற்றது. நிகழ்ச்சியையொட்டி கோவில் வளாகத்தில் யாகம் வேள்வி பூஜைகள் நடத்தப்பட்டு கலசங்களில் புனித நீர் கொண்டு பாலாலயம் செய்யப்பட்டு அம்மனுக்கு அபிஷேகம் செய்யப்பட்டது. நிகழ்ச்சியில் பக்தர்கள் பொது மக்கள் என பலர் பங்கேற்று அம்மனை வழிபட்டனர்.

உத்திரமேரூர் அருகே எல்.எண்டத்தூர் கிராமத்தில் வீட்டின் பூட்டை உடைத்து 54 சவரன் தங்க நகை கொள்ளை

2024-02-14T20:42:00.005+05:30

உத்திரமேரூர் 14/02/2024

உத்திரமேரூர் அருகே எல்.எண்டத்தூர் கிராமத்தைச் சேர்ந்தவர் சரஸ்வதி 60 இவரது கணவர் பாண்டுரங்கன் இவர் உடல் நலம் பாதிக்கப்பட்டு தஞ்சாவூரில் சிகிச்சை பெற்று வருகிறார். இந்நிலையில் எல்.எண்டத்தூரில் உள்ள வீட்டில் சரஸ்வதி மட்டும் தனிமையில் வசித்து வருகிறார். இந்நிலையில் நேற்று இரவு தனது வீட்டை பூட்டிவிட்டு வீட்டின் பின்புறம் உள்ள வீட்டில் தங்கியுள்ளார். இன்று காலை வீட்டிற்கு வந்து பார்த்தபோது வீட்டின் பூட்டு உடைக்கப்பட்டு உள்ளே இருந்த பீரோவிலிருந்த சுமார் 54 சவரன் தங்க நகை கொள்ளை போனது தெரிய வந்தது. இது குறித்து உத்திரமேரூர் போலீசாருக்கு தகவல் அளிக்கப்பட்டது. தகவலின் பெயரில் உத்தரமேரூர் போலீசார் சம்பவ இடத்திற்கு விரைந்து சென்று இது குறித்து வழக்கு பதிவு செய்து தீவிர விசாரணை நடத்தி வருகின்றனர்.

உத்திரமேரூர் அருகே பாலேஸ்வரம் கிராமத்தில் அடுத்தடுத்து மூன்று கோவில் உண்டியல்கள் உடைப்பு

2024-02-14T20:41:00.005+05:30

உத்திரமேரூர் 14/02/2024

உத்திரமேரூர் அடுத்த பாலேஸ்வரம் கிராமத்தில் பிரசித்தி பெற்ற பாலேஸ்வரர் ஆலயம் உள்ளது. இந்த ஆலயத்தில் அதே கிராமத்தை சேர்ந்த சுப்பிரமணியன் 45 என்பவர் கோவிலில் காலை மாலை என இருவேலையும் பூஜை செய்து பராமரித்து வருகிறார். இந்நிலையில் நேற்று மாலை பூஜைகளை முடித்துவிட்டு இரவு கோயிலை பூட்டிவிட்டு வீட்டுக்கு சென்றுள்ளார். பின்னர் இன்று காலை கோவிலுக்கு வந்து பார்த்த போது கோவிலின் வெளியே இருந்த உண்டியல் உடைக்கப்பட்டு அதிலிருந்து பணம் கொள்ளையடிக்கப்பட்டது தெரியவந்தது. இதேபோல் அதே கிராமத்தில் உள்ள செல்வ விநாயகர் ஆலயம் மற்றும் கெளுத்தியம்மன் ஆலயம் ஆகிய ஆலயங்களிலும் உண்டியல் உடைக்கப்பட்டு பணம் கொள்ளையடிக்கப்பட்டது தெரியவந்தது. இதையடுத்து இதுகுறித்து சாலவாக்கம் காவல் நிலையத்தில் புகார் அளிக்கப்பட்டது. புகாரின் பேரில் சாலவாக்கம் போலீசார் வழக்கு பதிவு செய்து தீவிர விசாரணை நடத்தி வருகின்றனர்.

உத்திரமேரூரில் கல்வெட்டுக் கோவிலை பார்வையிட்ட பாஜக மாநில தலைவர் அண்ணாமலை

2024-02-13T20:45:00.004+05:30

உத்திரமேரூர்

உத்திரமேரூரில் பாரதிய ஜனதா கட்சியின் மாநில தலைவர் அண்ணாமலையின் என் மண் என் மக்கள் நடைபயணம் நேற்று நடைபெற்றது. இதில் பாஜக மாநில தலைவர் அண்ணாமலை உத்திரமேரூர் பேரூராட்சி அலுவலகம் அருகே நடைபயணத்தினை துவங்கி சன்னதி தெரு, பஜார் வீதி வழியாக நடைபயணமாக சென்று அம்பேத்கர் சிலை அருகே நடைபயணத்தை முடித்தார். நடை பயணத்தின் போது பொது மக்களுடன் செல்பி எடுத்தும், கைகள் குலுக்கியும் பொதுமக்களின் கோரிக்கை மனுக்களையும் பெற்றுக் கொண்டு நடைப்பயணத்தினை மேற்கொண்டார். மேலும் பிரசித்தி பெற்ற வைகுண்ட வரதராஜ பெருமாள் கோவிலில் உள்ள குடவோலை கல்வெட்டுக்களை பார்வையிட்டார். இதனைத் தொடர்ந்து அவர் பத்திரிக்கையாளர்கள் சந்திப்பின்போது கூறியதாவது பத்தாம் நூற்றாண்டில் குலோத்துங்க சோழர் காலத்தில் அமைக்கப்பட்ட வரதராஜ பெருமாள் கோவிலில் நான்கு புறமும் கல்வெட்டுகள் உள்ளன. இதில் பழங்காலத்தில் தேர்தல் நடத்துவதற்கான விதிமுறைகள் பொறிக்கப்பட்டுள்ளன. தேர்தலில் போட்டியிடுபவர்கள் 35 தவறுகள் செய்தவர்கள் தேர்தலில் நிற்க தகுதி இல்லாதவர்கள் எனவும் தகுதியுள்ளவர்களின் நிபந்தனைகளும் பொறிக்கப்பட்டுள்ளன. மேலும் பழங்காலதிலேயே வாரியம் இருந்துள்ளது இதில் வாரியத்தில் உறுப்பினராக இருந்தால் மூன்று ஆண்டுகள் தேர்தலில் நிற்கக்கூடாது எனவும் வாரியத்தில் உறுப்பினராக இருப்பவர்களின் உறவினர்கள் யாரும் தேர்தலில் நிற்கக்கூடாது உள்ளிட்டவை பல்வேறு நிபந்தனைகள் கல்வெட்டில் அச்சிடப்ப்பட்டுள்ளனர். மேலும் சென்னை வாசிகள் சுற்றுலா செல்ல வேண்டுமென்றால் மால் போன்ற இடங்களில் செல்வதை தவிர்துவிட்டு சென்னையில் இருந்து 2 மணி நேர பயணத் தொலைவில் உள்ள உத்திரமேரூரிர்க்கு வந்து இங்குள்ள புராதாணமாக கோவில்கள் கல்வெட்டுகள் முக்கூடல் சங்கமிக்கும் இடங்கள் உள்ளிட்டவைகளை பார்வையிட வேண்டும் என்றார். நிகழ்வின் போது பாஜக நிர்வாகிகள் பலர் கலந்து கொண்டனர்.

உத்திரமேரூர் அருகே டிராக்டர் டயர் வெடித்து முதியவர் பலி

2023-06-19T21:24:00.005+05:30

உத்திரமேரூர் 19/06/2023

உத்திரமேரூர் அடுத்த அம்மையப்பநல்லூர் கிராமத்தை சேர்ந்தவர் ஜான்போஸ்கோ 66 விவசாயி இவர் நேற்று முன்தினம் அம்மையப்பநல்லூர் கிராம சாலையில் நடந்து சென்று கொண்டிருந்தார். அப்போது வந்தவாசி சாலையில் உத்திரமேரூர் நோக்கி செங்கல் ஏற்றிக் கொண்டு டிராக்டர் வாகனம் ஒன்று சென்று கொண்டிருந்தது. அம்மையப்பநல்லூர் கிராமத்தில் ஜான்போஸ்கோ அருகே வந்த போது எதிர்பாராத விதமாக டிராக்டரின் டயர் திடீரென வெடித்தது. இதில் டயரில் இருந்த இருப்பு ரிம் சாலையோரம் நடந்து சென்ற ஜான்போஸ்கோ மீதுபட்டது. இதில் பலத்த காயமடைந்த ஜான்போஸ்கோ ரத்த வெள்ளத்தில் கீழே சரிந்தார். இதைக்கண்ட அக்கம் பக்கத்தினர் உத்திரமேரூர் போலீசாருக்கு தகவல் அளித்தனர். தகவலின் பேரில் சம்பவ இடத்திற்கு விரைந்து சென்ற உத்திரமேரூர் போலீசார் ஜான்போஸ்கோவை மீட்டு உத்திரமேரூர் அரசு மருத்துவமனைக்கு அனுப்பி வைத்தனர். அங்கு மருத்துவர்கள் முதல் உதவி சிகிச்சை அளிக்கப்பட்டு சென்னை ராஜீகாந்தி மருத்துவமனைக்கு அனுப்பி வைத்தனர். அங்கு ஜான்போஸ்கோ சிகிச்சை பலனின்றி உயிரிழந்தார். இது குறித்து உத்திரமேரூர் போலீசார் வழக்குபதிவு செய்து தப்பியோடிய டிரைவரை தேடி வருகின்றனர்.

உத்திரமேரூர் அருகே ரூ.17.59 லட்சம் மதிப்பீட்டில் புதிய நியாய விலைக்கடை திறப்பு பொது மக்களின் 10 ஆண்டுகால கோரிக்கை நிறைவேற்றம்

2023-06-18T18:47:00.001+05:30

உத்திரமேரூர்

உத்திரமேரூர் அடுத்த வேடபாளையம் பகுதியில் 500க்கும் மேற்பட்ட குடும்ப அட்டைதாரர்கள் உள்ளனர். இவர்களுக்கான நியாய விலைக்கடை பாழடைந்த கட்டிடம் ஒன்றில் செயல்பட்டு வந்தது. இந்த பாழடைந்த கட்டிடத்தில் பொது மக்களுக்கு வழங்கப்பட வேண்டிய ரேஷன் பொருட்கள் மழைகாலங்களில் அனைத்தும் மழையில் நனைந்து வீணாகிவிடும். இதனால் பொது மக்கள் உரிய ரேஷன் பொருட்கள் கிடைக்காமல் அவதியடைந்து வந்தனர். எனவே பாழடைந்த கட்டிடத்தினை அகற்றி புதிய நியாயவிலைக் கடை கட்டிடம் தேவை என அப்பகுதி மக்கள் கடந்த 10 ஆண்டுகளாக பல்வேறு அதிகாரிகளுக்கு கோரிக்கை விடுத்து வந்தனர். இது குறித்து தகவல் அறிந்த உத்திரமேரூர் சட்ட மன்ற உறுப்பினர் க.சுந்தர் தனது சட்ட மன்ற உறுப்பினர் மேம்பாட்டு நிதியிலிருந்து ரூ.17.59 லட்சம் ஒதுக்கீடு செய்யப்பட்டு புதிய நியாயவிலை கடை கட்டிடம் கட்ட அறிவுறுத்தினர். அதன் அடிப்படையில் அனைத்து வசதிகளுடன் கூடிய புதிய நியாயவிலை கடை கட்டிடம் கட்டப்பட்டு அதற்கான திறப்பு விழா நேற்று நடைப்பெற்றது. உத்திரமேரூர் ஒன்றிய செயலாளர் ஞானசேகரன் தலைமை தாங்கினார். நகர செயலாளர் பாரிவள்ளல், பேரூராட்சி மன்றத் தலைவர் பொன்.சசிகுமார், கூட்டுறவு பண்டக சாலை வட்டார கள அலுவலர் கண்ணப்பன், மேளாளர் லதா ஆகியோர் முன்னிலை வகித்தனர். வார்டு உறுப்பினர் தனசேகரன் அனைவரையும் வரவேற்றார். நிகழ்ச்சியில் காஞ்சி திமுக தெற்கு மாவட்ட செயலாளர் க.சுந்தர் எம்.எல்.ஏ, மற்றும் காஞ்சி எம்.பி. செல்வம் ஆகியோர் கலந்து கொண்டு புதிய நியாய விலைக் கடையினை பொது மக்கள் பயன்பாட்டிற்கு திறந்து வைத்தனர். மேலும் பொது மக்களுக்கு இனிப்புகள் வழங்கி ரேஷன் பொருட்களை பொது மக்களுக்கு வழங்கினர். இதனைத் தொடர்ந்து கலைஞரின் நூற்றாண்டு விழாவையொட்டி ஏழை எளிய மக்களுக்கு அன்னதானமும் நலத்திட்ட உதவிகளும் வழங்கப்பட்டது. 10 ஆண்டுகால கோரிக்கை நிறைவேற்றிய திமுக அரசுக்கு பொது மக்கள் நன்றி தெரிவித்துக் கொண்டனர். நிகழ்ச்சியில் உள்ளாட்சி பிரதிநிதிகள், பொது மக்கள் பலர் கலந்து கொண்டனர்.

உத்திரமேரூர் அருகே புதிய ரேஷன் கடை திறப்பு விழா எம்.எல்.ஏ எம்.பி பங்கேற்பு

2023-06-18T18:46:00.001+05:30

உத்திரமேரூர்

உத்திரமேரூர் அடுத்த காவாம்பயிர் கிராமத்தில் சட்ட மன்ற உறுப்பினர் மேம்பாட்டு நிதியிலிருந்து ரூ. 11.25 லட்சத்தில் புதியதாக கட்டப்பட்ட புதிய ரேஷன் கடை திறப்பு விழா நேற்று நடைபெற்றது. விழாவில் ஒன்றிய செயலாளர் ஞானசேகரன் தலைமை தாங்கினார். நகர செயலாளர் பாரிவள்ளல், பேரூராட்சி மன்ற தலைவர் பொன்.சசிகுமார் ஆகியோர் முன்னிலை வைத்தனர். ஊராட்சி மன்ற துணைத் தலைவர் ஜீவாசங்கர் அனைவரையும் வரவேற்றார். நிகழ்ச்சியில் திமுக தெற்கு மாவட்ட செயலாளர் க.சுந்தர் எம்.எல்.ஏ மற்றும் காஞ்சி எம்.பி செல்வம் ஆகியோர் கலந்துகொண்டு புதிய ரேஷன் கடையினை பொதுமக்கள் பயன்பாட்டிற்காக திறந்து வைத்தனர். மேலும் பொது மக்களுக்கு ரேஷன் பொருட்கள் வழங்கி இனிப்புகள் வழங்கினர். இதனைத் தொடர்ந்து கலைஞரின் நூற்றாண்டு விழாவையொட்டி ஆயிரம் ஏழை எளிய மக்கள் அன்னதானம் வழங்கப்பட்டது. நிகழ்ச்சியில் திமுக நிர்வாகிகள் உட்பட பொதுமக்கள் பலர் கலந்து கொண்டனர்.