പാചകം

ബീറ്റ് റൂട്ട് കിച്ചടി

2012-07-11T12:07:00.000-07:00

ചേരുവകള്‍ :

ബീറ്റ് റൂട്ട് അര കിലോ
തേങ്ങ ഒരുമുറി
കടുക് രണ്ട് ടേബിള്‍ സ്പൂണ്‍
തൈര് കാല്‍ ലിറ്റര്‍
മഞ്ഞള്‍പ്പൊടി ഒരു ചെറിയ സ്പൂണ്‍
വറ്റല്‍ മുളക് മൂന്നെണ്ണം
മുളകുപൊടി ഒരു ടേബിള്‍ സ്പൂണ്‍
പച്ചമുളക് മൂന്നെണ്ണം

പാചകം ചെയ്യുന്ന വിധം:

ബീറ്റ് റൂട്ട് അരിഞ്ഞ് അതിലേക്ക് പച്ചമുളക് ചേര്‍ക്കുക.
മഞ്ഞള്‍പ്പൊടിയും ഉപ്പും ചേര്‍ത്ത് യോജിപ്പിക്കുക.
കട്ടിയുള്ള ഒരു ചീനച്ചട്ടിയില്‍ വെളിച്ചെണ്ണ ഒഴിച്ച് ചൂടാകുമ്പോള്‍ കടുക് പൊട്ടിക്കുക.
ശേഷം വറ്റല്‍ മുളക് ചെറുതാക്കിയതും കറിവേപ്പിലയും ഇട്ട് മൂപ്പിക്കുക.
ബീറ്റ്‌റൂട്ട് അരിഞ്ഞതു ചേര്‍ത്ത് ഇളക്കുക.
തേങ്ങ അരച്ചതില്‍ പകുതി കടുകുകൂടി ചേര്‍ത്ത് ഒന്നുകൂടി അരയ്ക്കണം.
ഇതിലേക്ക് കട്ട ഉടച്ച തൈര് ചേര്‍ത്ത് ബീറ്റ്‌റൂട്ടിലേക്ക് ഒഴിച്ച് ഇളക്കി ഉപ്പ് പാകത്തിനിടുക.
പതഞ്ഞുവരുമ്പോള്‍ വാങ്ങിവെയ്ക്കുക.

മുരിങ്ങയ്ക്ക പാല്പൊപരിയന്‍

2012-07-11T11:56:00.000-07:00

ചേരുവകള്‍

മുരിങ്ങയ്ക്ക നാല്
പാല്‍ മുക്കാല്‍ കപ്പ്
ഉഴുന്നുപരിപ്പ് മൂന്ന് ടീസ്പൂണ്‍
സവാള രണ്ട് (അരിഞ്ഞത്)
മുളകുപൊടി ഒരു ടീസ്പൂണ്‍
റിഫൈന്റ് ഓയില്‍ രണ്ട് ടീസ്പൂണ്‍
മഞ്ഞള്‍പ്പൊടി അര ടീസ്പൂണ്‍
വെള്ളം മുക്കാല്‍ കപ്പ്
കടുക് അര ടീസ്പൂണ്‍

പാചകം ചെയ്യുന്ന വിധം:

മുരിങ്ങയ്ക്ക കഴുകി ഒന്നര ഇഞ്ച് നീളത്തില്‍ കഷണങ്ങളാക്കുക.
എണ്ണ ചൂടാകുമ്പോള്‍ കടുകും ഉഴുന്നുപരിപ്പും ഇട്ട് കടുക് പൊട്ടുമ്പോള്‍ ഉള്ളി ഇരിഞ്ഞത് ഇട്ട് ഇളക്കുക.
ഉള്ളി ബ്രൗണ്‍ നിറമാകുമ്പോള്‍ മുരിങ്ങയ്ക്ക, മുളകുപൊടി, മഞ്ഞള്‍പൊടി ഇവ കൂടെ ഇട്ട് കുറച്ചുനേരം കൂടെ ഇളക്കുക.
ഇതില്‍ പാല്‍, വെള്ളം, ഉപ്പ് ഇവ ചേര്‍ത്ത് വേവിക്കുക.
മുരിങ്ങയ്ക്ക വെന്ത് വെള്ളം മുഴുവനും വറ്റി ഉലര്‍ന്നശേഷം ഇറക്കി വെക്കുക.

പാവയ്ക്കാ കണ്ണിമാങ്ങാ കാളന്‍

2012-07-11T11:00:00.000-07:00

ചേരുവകള്‍ :

പാവയ്ക്ക (വലുത്) ഒന്ന്
പുളിയുള്ള കണ്ണിമാങ്ങ(ചെറുത്) മൂന്ന്
പച്ചമുളക് അറ്റം കീറിയത് അഞ്ച്
ഉപ്പ് പാകത്തിന്
തേങ്ങ ചിരവിയത് അര മുറി
തൈര് ഒരു കപ്പ്
ജീരകം കാല്‍ ടീസ്പൂണ്‍
വെളിച്ചെണ്ണ ആവശ്യത്തിന്
വറ്റല്‍മുളക് നാല്
കറിവേപ്പില രണ്ടു തണ്ട്
ഉലുവ കാല്‍ ടീസ്പൂണ്‍

പാചകം ചെയ്യുന്ന വിധം :

പാവയ്ക്ക കനം കുറച്ച് ചെറുതായി അരിഞ്ഞ് ഉപ്പ് ചേര്‍ത്ത് ഇളക്കിവെക്കുക.
മണ്‍ചട്ടിയില്‍ വെളിച്ചെണ്ണ ഒഴിച്ച് പാവയ്ക്കയും പച്ചമുളകും ചേര്‍ത്ത് വഴറ്റുക.
വഴന്നുവരുമ്പോള്‍ കറിവേപ്പിലയും മുളക്‌പൊടിയും മഞ്ഞള്‍പ്പൊടിയും മാങ്ങയും ചേര്‍ത്ത് വഴറ്റിപാകത്തിന് വെള്ളവും ഉപ്പും ചേര്‍ത്ത് അടച്ച് വേവിക്കുക.
തേങ്ങ ചിരവിയതും ജീരകവും തൈരും ചേര്‍ത്ത് മയത്തില്‍ അരച്ചെടുക്കുക.
വേവിച്ച പാവയ്ക്ക കൂട്ടിലേക്ക് ഈ അരപ്പ് ചേര്‍ത്ത് ചെറുതായി എണ്ണ തെളിയുന്നതുവരെ തിളപ്പിക്കുക.
ഇതിലേക്ക് കടുക് പൊട്ടിച്ച് വറ്റല്‍മുളകും ഉലുവയും കറിവേപ്പിലയും വഴറ്റിയത് ചേര്‍ത്ത് വാങ്ങുക.

ഉപ്പുമാങ്ങ പാല്ക്കറി

2012-07-10T20:11:00.000-07:00

ചേരുവകള്‍ :

ഉപ്പുമാങ്ങ രണ്ടെണ്ണം

ഉപ്പുമാങ്ങയുടെ വെള്ളം രണ്ട് കപ്പ്

തേങ്ങ രണ്ട് കപ്പ്

വെളിച്ചെണ്ണ രണ്ട് ടീസ്പൂണ്‍

സവാള രണ്ട് (വലുത്)

വെളുത്തുള്ളി നാല് വലിയ അല്ലി

ഉപ്പേരി മുളകുപൊടി രണ്ട് ടീസ്പൂണ്‍

പച്ചമുളക് ഒന്ന്

കറി വേപ്പില രണ്ട് കതിര്‍

പാചകം ചെയ്യുന്ന വിധം :

തേങ്ങയില്‍ കുറച്ച് ഉപ്പുമാങ്ങാ വെള്ളം ഒഴിച്ച് മിക്‌സിയില്‍ അടിച്ചെടുക്കുക. പിഴിഞ്ഞെടുത്ത കട്ടിപാലും മാങ്ങായും ഉപ്പുമാങ്ങാവെള്ളവും യോജിപ്പിക്കുക. ചീനച്ചട്ടിയില്‍ വെളിച്ചെണ്ണ ഒഴിച്ച് ചുവന്നുള്ളിയും വെളുത്തുള്ളിയും അരിഞ്ഞ് വഴറ്റുക. ശേഷം ഉപ്പേരി മുളകുപൊടിയും ചേര്‍ത്ത് പാകമാവുമ്പോള്‍ പച്ചമുളകും കറി വേപ്പിലയും ചേര്‍ത്ത് നേരത്തെ യോജിപ്പിച്ച് വെച്ചിരിക്കുന്ന മാങ്ങയിലേക്കൊഴിക്കുക.ചൂടോടെ വിളമ്പുക.

സേമിയ പായസം

2012-07-10T15:06:00.000-07:00

ചേരുവകള്‍ :

10 കപ്പ് പായസം

സേമിയ 100 ഗ്രാം

പാല്‍ രണ്ടു ലിറ്റര്‍

പഞ്ചസാര 150 ഗ്രാം

നെയ്യ്, അണ്ടിപ്പരിപ്പ്, കിസ്മിസ് 50, 10, 10 ഗ്രാം

ബദാം അഞ്ച് ഗ്രാം

പിസ്ത അഞ്ചു ഗ്രാം

ഏലയ്ക്കാപ്പൊടി ഒരു ഗ്രാം

പാചകം ചെയ്യുന്ന വിധം :

ഉരുളിയില്‍ 25 ഗ്രാം നെയ്യൊഴിച്ച് സേമിയ ചുവപ്പു നിറത്തില്‍ വറുത്തെടുക്കുക. ഇത് രണ്ടു ലിറ്റര്‍ വെള്ളത്തില്‍ നന്നായി വേവിച്ച് ഊറ്റിയെടുക്കുക. പിന്നീട് രണ്ടു ലിറ്റര്‍ വെള്ളത്തില്‍ രണ്ടു ലിറ്റര്‍ പാല്‍ ചേര്‍ത്ത് നന്നായി തിളപ്പിച്ച് പാട പിടിക്കാതെ കുറുക്കിയെടുക്കുക. കുറുക്കിയതില്‍ പഞ്ചസാര ചേര്‍ത്ത് തിളപ്പിച്ചതിനു ശേഷം ഊറ്റിയെടുത്ത സേമിയ പാലില്‍ ചേര്‍ത്ത് തിളപ്പിക്കുക. ബാക്കി 25 ഗ്രാം നെയ്യില്‍ അണ്ടിപരിപ്പ്, കിസ്മിസ്, ബദാം വറുത്ത് ഇടുക. പിസ്ത മാത്രം കുറച്ചു വെള്ളത്തില്‍ വേവിച്ചതിനു ശേഷം തൊലി കളഞ്ഞ് ചെറിയ കഷണങ്ങളായി പായസത്തില്‍ ചേര്‍ക്കുക. ഏലയ്ക്കാപ്പൊടിയും ചേര്‍ക്കുക.

അമ്പലപ്പുഴ പാല്‍ പായസം

2012-07-10T14:54:00.001-07:00

10 കപ്പ് പായസത്തിന്

ചേരുവകള്‍ :

ചെമ്പാ പച്ചരി രണ്ടായി നുറുക്കിയത് 100 ഗ്രാം

പഞ്ചസാര 200 ഗ്രാം

പാല്‍ രണ്ട് ലിറ്റര്‍

വെണ്ണ 50 ഗ്രാം

വെള്ളം ഒരു ലിറ്റര്‍

പാചകം ചെയ്യുന്ന വിധം :

ഉരുളിയില്‍ ഒരു ലിറ്റര്‍ വെള്ളം തിളപ്പിക്കുക. വെള്ളം തിളച്ചുവരുമ്പോള്‍ രണ്ടു ലിറ്റര്‍ പാല്‍ ചേര്‍ക്കുക. രണ്ടുംകൂടി തിളച്ചുവറ്റുമ്പോള്‍ പാട കൂടാതെ ഇരിക്കാന്‍ ശ്രദ്ധിക്കുക. വീണ്ടും ഒരു ലിറ്റര്‍ വെള്ളം കൂടി ഒഴിക്കുക. ഏകദേശം ഒരു മണിക്കൂര്‍ ആകുമ്പോള്‍ പാല്‍ നല്ല കളര്‍ മാറി വരും. അരി വൃത്തിയായി കഴുകിയിടുക. അരി മുക്കാല്‍ വേവ് ആകുമ്പോള്‍ പഞ്ചസാര ചേര്‍ക്കുക. അരിയും പഞ്ചസാരയും പാലും കുറുകിവരുമ്പോള്‍ വെണ്ണയും ചേര്‍ക്കുക. അമ്പലപ്പുഴ പാല്‍പായസം തയ്യാറായി.

ജാക്ക്ഫ്രൂട്ട് മാല്‍പു

2012-07-10T14:41:00.000-07:00

ചേരുവകള്‍

ചക്കച്ചുള - 20 എണ്ണം

പാല്‍ - ഒരു ലിറ്റര്‍

മൈദ - കാല്‍ കപ്പ്

സൂജി റവ - കാല്‍ കപ്പ്

നെയ്യ്, വെള്ളം ആവശ്യത്തിന്

പാചകം ചെയ്യുന്ന വിധം

പാല്‍ അരലിറ്റര്‍ ആവുംവരെ കുറുക്കിയെടുക്കുക.സൂജി റവ ഇളം തവിട്ട് നിറമാവും വരെ വറുത്തെടുക്കുക. എന്നിട്ട് പാലിലേക്ക് മൈദയും റവയും ചേര്‍ക്കുക. കട്ട ഉണ്ടാവരുത്. മാവ് കുഴമ്പ് രൂപത്തിലായിരിക്കണം. വറുക്കാനാനാവശ്യമായ നെയ്യ് ചൂടാക്കുക. മാവ് ഒരു പാത്രത്തിലെടുക്കുക. ചക്കച്ചുള ഓരോന്നായെടുത്ത് മാവില്‍ മുക്കി നെയ്യില്‍ വറുക്കുക. മറിച്ചിട്ടും വറുക്കണം. വല്ലാതെ ഉറപ്പില്ലാതിരിക്കാന്‍ ശ്രദ്ധിക്കുക. നൂല്‍ക്കട്ടിയില്‍ പഞ്ചസാരപ്പാവ് തയ്യാറാക്കുക. വറുത്തെടുത്ത മാല്‍പ്പു പഞ്ചസാരപ്പാനിയില്‍ മുക്കി പ്‌ളേറ്റില്‍ നിരത്തുക.

വെജിടബിള്‍ സൂപ്

2012-07-10T13:05:00.000-07:00

ചേരുവകള്‍

കാരറ്റ് ചിരകിയത് : 1 No.
ഗ്രീന്‍ പീസ്‌ വെള്ളത്തില്‍ കുതിര്‍ത്തു വറുത്തെടുത്തത് - 3 tsp
ബീന്‍സ്‌ പയര്‍ നെര്‍മയില്‍ ചെരിച്ചരിഞ്ഞത് - 1 tsp
കാപ്സികം - 1 No.
കോണ്‍ഫ്ലൌര്‍ - 1tsp
മൈദ - 1/2 tsp
കുരുമുളക് പൊടി- 1 tsp
നെയ്യ് - 1 tsp
ചെറിയ ഉള്ളി - 3 no.s
മല്ലിയില - 2 tsp
വെള്ളം - 3 കപ്പ്
ഉപ്പ്- പാകത്തിന്

പാചകം ചെയ്യുന്ന വിധം

മുന്ന് കപ്പു വെളളത്തില്‍ കുരുമുളക് പൊടി, കോണ്‍ഫ്ലൌര്‍, മൈദ, ഉപ്പ് എന്നിവ ചേര്‍ത്ത് നന്നായി യോജിപ്പിചെടുക്കുക. അതിലേക്കു ഗ്രീന്‍ പീസ്‌ , ബീന്‍സ്‌ പയര്‍ , കാരറ്റ് എന്നിവ ചേര്‍ത്ത് അടുപ്പില്‍ വെച്ച് തിളക്കുന്നത്‌ വരെ ഇളക്കി കൊണ്ടിരിക്കുക. തിള വന്നതിനു ശേഷം 3 - 4 മിനുട്ട് കൂടി അടുപ്പില്‍ തന്നെ വെയ്ക്കുക. നെയ്യില്‍ ചുവന്നുള്ളി മൂപ്പിച്ചു ചേര്‍ത്ത് മല്ലിയില വിതറി ചൂടോടെ കഴിക്കുക.