وائس آف کراچی بلاگ

ISIS: The rise of Sunni radicalism

2014-07-04T09:11:00.001+01:00

Saudi Arabia itself faces the very real risk of disintegrating, because, in the long run, the situation in Saudi Arabia is unmanageable for the Saudi dynasty. Jordan is of course a state that has long been a candidate for disappearance and it will do that eventually. Syria and Iraq have already disappeared as states. And Turkey faces a huge risk that it will lose part of its Kurdish areas, as a result of the emergence of independent Kurdistan. And of course, Turkey will also feel the effects of the rise of Sunni radicalism.

پڑھنے کا شکریہاپنی قیمتی آراہ سے ضرور نوازیں

آخر یہ ISIS ہے کیا؟

2014-07-03T20:37:00.000+01:00

آئی ایس آئی ایس نے یوں تو القاعدہ کی کوکھ سے جنم لیا ہے، مگر تشدد بے رحمی اور بربریت کے معاملے میں القاعدہ کو بونا بنا دیا ہے.

اسلامک اسٹیٹ ان عراق اینڈ سیریا جہادیوں کی تنظیم نہیں کوئی گروپ نہیں کوئی گینگ نہیں بلکہ یہ ایک حکومت کا نام ہے ایک فوج کا نام ہے اور ایک خوفناک موت کا نام ہے جو مذہبی نظریات کیلئے دل دماغ پر قبضہ کے ساتھ ایک ایسی سر زمین کا طلب گار ہے جہاں اسلامی حکومت ہو اور نئے دور خلافت کا آغاز ہو.

آئی ایس آئی ایس نے شام سے لیکر عراق تک فوجی پیش قدمی کرکے ایسا قدم اٹھایا ہے، جس کیلئے اب تک بڑے بڑے جہادی بشمول اسامہ بن لادن نعرے بلند کرتے تھے یعنی ایک اسلامی ملک اور خلافت. آئی ایس آئی ایس نے یوں تو القاعدہ کی کوکھ سے جنم لیا ہے، مگر تشدو، بے رحمی اور بربریت کے معاملے میں القاعدہ کو بونا بنا دیا ہے. جنگ عراق کے بعد اردن نژاد جہادی الزرقاوی نے عراق ان القاعدہ کا پرچم لہرایا، تو عراق میں القاعدہ کا وجود ہوا. زرقاوی کے مسلکی تشدد بھڑکانے پر اسامہ نے اعتراض کیا اور زرقاوی کو حکمت عملی تبدیل کرنے کا مشورہ دیا، تو زرقاوی نے اسامہ کو نظرانداز کردیا تھا. جون 2006 میں زرقاوی کی ہلاکت کے بعد عراق میں القاعدہ کا ٹوٹ پھوٹ کا شکار ہو گیا، مگر 2010 میں ابوبکر البغدادی نے القاعدہ کا پرچم اٹھایا، بلکہ اپنا دائرہ کار عراق سے شام تک کر لیا، جسکے سبب تنظیم کا نام اسٹیٹ ان عراق اینڈ سریا ہوا، لیکن زرقاوی کی طرح البغدادی نے بھی تشدد اور بربریت پر القاعدہ کی ہدایت کو نظرانداز کیا، بلکہ موجودہ سربراہ ایمن الظواہری کو یہ کہہ کر آئینہ دکھادیا کہ آئی ایس آئی ایس دراصل اسامہ بن لادن کے اسلامی ملک اور خلافت کے خواب کو حقیقت میں بدلنے کے مشن میں لگی ہوئی ہے. جبکہ القاعدہ کی قیادت جہادیوں میں پھوٹ ڈال رہی ہے. یہ ہیں تیور اور مزاج آئی ایس آئی ایس کے، جس نے پیچھے مڑ کر دیکھنا پسند نہیں کیا ہے، اسلئے القاعدہ کی " ذرا آہستہ " کم تشدد اور قتل عام پر لگام کے مشوروں کو درکنار کرکے آئی ایس آئی ایس نے آج خود کو دنیا کی سب سے بڑی جہادی طاقت بنا دیا ہے جسکے حوصلے سے القاعدہ پسینہ پسینہ ہے جس کی بربریت سے القاعدہ پر کپکپی ہے، جس کے عزائم سے القاعدہ نروس ہے.

زرقاوی کا ظہور

جنگ عراق کے بعد جب سنی جہاد کا آغاز ہوا، تو اس میں سب سے بڑا نام تھا الزرقاوی... زرقاوی نے 17 اکتوبر 2004 کو القاعدہ کے سربراہ اسامہ بن لادن کے نام ایک پیغام جاری کیا تھا.

" خدا کی قسم ! جہادیوں کے جہادی، اگر آپ ہمیں سمندر میں چھلانگ لگانے کا حکم دیں گے تو ہم ایسا ہی کریں گے. ہم آپ کے حکم کے غلام رہیں گے. آپ حکم کریں، ہم اسکی تعمیل کریں گے."

اسکے ساتھ ہی زرقاوی کی تنظیم القاعدہ ان عراق کے نام سے ابھری، جس نے خوفناک بم دھماکوں اور خودکش حملوں کے سبب امریکی فوج کو ہلا دیا. سی آئی اے کے سابق تجزیہ کار بروس ری ڈیل کے مطابق زرقاوی نے عراق میں القاعدہ کی کمان سنبھالتے ہی بے پناہ ذہانت کا مظاہرہ کیا، وہ بھی حکمت ساز تھا. اس نے شیعوں پر حملے کئے اور تشدد کی لہر پیدا کر دی. مقصد تھا شیعہ جوابی حملے شروع کریں اور پھر القاعدہ سنیوں کا تحفظ کرنے کیلئے مورچہ سنبھالے، ایسا ہی ہوا. عراق تین سال تک خوفناک مسلکی تشدد کی آگ میں جلا اور القاعدہ کیلئے جہادیوں کا لشکر تیار ہو گیا. جب سامرت کی سنہری مسجد پر بم دھماکہ ہوا، تو مسلکی تشدد 2006 میں انتہا پر تھا. زرقاوی نے امریکی فوج کے ساتھ عراقی سیکورٹی میں خوف پیدا کردیا تھا. زرقاوی نے تشدد کی ایسی لہر پیدا کی کہ سنی قبائلی زرقاوی کے کھل خلاف ہو گئے، مگر اردن نژاد زرقاوی اپنی حکمت عملی میں تبدیلی کرنے کو تیار نہیں تھا.

سابق امریکی صدر جارج بش نے اس وقت یہ الزام عائد کیا تھا کہ زرقاوی اور معزول صدر صدام حسین میں تال میل ہے. 5 فروری 2003 کو امریکی وزیر دفاع کولن پاول نے اقوام متحدہ میں اپنی تقریر میں 20 مرتبہ زرقاوی کا نام لیا. وہ یہ ثابت کرنا چاہتے تھے کہ عراق میں القاعدہ پہلے سے سرگرم تھا، مگر ایسا ثابت نہ ہو سکا. فوجی دماغ حیران تھے کہ عراق پر قبضے کے چند ہفتہ بعد ہی زرقاوی بغداد میں داخل ہو گیا تھا. اردن کے زرقا میں پیدا ہوئے زرقاوی نے 25 سال کی عمر میں افغانستان کا رخ کیا تھا اور کمیونسٹوں کے خلاف جہاد میں حصہ لیا تھا. اردن واپسی پر مقامی جہادیوں کے ساتھ حکومت کا تختہ پلٹنے کی سازش کے الزام میں زرقاوی جیل گیا، 1999 میں رہا ہوا. اسکے بعد دوبارہ افغانستان گیا، مگر اسامہ بن لادن نے زرقاوی پر بھروسہ نہیں کیا. تو اس نے ہرات کے قریب اپنا تربیتی کیمپ کھول لیا تھا. 2001 میں افغانستان پر حملے کے بعد زرقاوی نے شمال مشرقی عراق کے کرد علاقوں کے پہاڑوں میں پناہ لی تھی، تاکہ صدام حسین کی پہنچ سے باہر رہے. 2003 میں جنگ عراق کے بعد جب بغداد پر امریکہ کا قبضہ ہوا تو زرقاوی نے 6 ماہ کے دوران ایسے دہشت گردانہ حملے کئے، جس نے امریکہ کو دہلا دیا اور اسلامک اسٹیٹ ان عراق کے نام سے زرقاوی نے القاعدہ کا دامن تھام لیا. زرقاوی نے القاعدہ کے پرچم تلے عراق میں بدترین مسلکی تشدد بھڑکایا جس میں تین سال کے دوران 70 ہزار افراد مارے گئے اور آجتک اسکے اثرات ختم نہیں ہو سکے ہیں. جب 7 جون 2006 کو زرقاوی کو امریکہ نے لیزر گائیڈڈ میزائل سے نشانہ بناکر موت کی نیند سلایا، تو عراق میں القاعدہ کا زور ٹوٹا تھا. جہادی بکھر گئے تھے اور نیٹ ورک میں رابطہ نہیں رہا تھا.

البغدادی نے سنبھالی کمان

2010 میں جب البغدادی ایک طاقتور جہادی کی شکل میں ابھرا، تو اس وقت عراقی القاعدہ کا بکھراؤ ہو رہا تھا. امریکی فوج اور سنی قبائلی لیڈران کے دباؤ کے سبب القاعدہ کیلئے عراق میں کھل کر جنگ لڑنا مشکل ہو گیا تھا، مگر البغدادی نے جب اسلامک اسٹیٹ ان عراق کی قیادت سنبھالی، تو اس میں شام تک دائرہ وسیع کر لیا اور تنظیم کا نام اسلامک اسٹیٹ ان عراق اینڈ سیریا رکھ دیا، کیونکہ البغدادی جانتا تھا کہ شام کی خانہ جنگی القاعدہ کو نئی زندگی دے گی اور ایسا ہی ہوا. ساتھ ہی آئی ایس آئی ایس نے دیگر جہادی گروپوں کی ایک چھتری کے نیچے لانے کا کام کیا اور جو اتحاد کیلئے تیار نہیں ہوا، اس کو بھی دشمن کی فہرست میں شامل کر دیا. البغدادی نے تنظیم کے دروازے غیر ملکی جہادیوں کیلئے کھول دیئے. سب سے اہم بات یہ ہے کہ آئی ایس آئی ایس رازداری کو بہت اہمیت دیتی ہے البغدادی کی سرگرمیوں کی آہٹ نہیں مل پائی ہے.

شام کی خانہ جنگی میں تنہا لڑتے ہوئے آئی ایس آئی ایس نے نظر عراق پر رکھی اور جب البغدادی کو محسوس ہوا کہ اب تنظیم عراق میں یلغار کر سکتی ہے یا پھر قدم جما سکتی ہے، تو پچھلے سال فلوجہ اور دیگر سنی شہروں پر قابض ہو گئے. البغدادی نے آئی ایس آئی ایس کو ایک ایسی طاقت بنایا، جس کو کوئی للکارنے کی ہمت نہیں کر سکتا ہے. تنظیم میں برداشت کو ناقابل قبول قرار دیا ہے. یہی وجہ ہے کہ دشمن یا مخالف کی گردن ایک پل میں زمین پر نظر آتی ہے، تو دوست یا حلیف ایک پل میں نشانہ پر آجاتے ہیں. البغدادی کے مطابق تنظیم کا مشن ہے اسامہ کا خواب پورا کرنا اور ایک اسلامی ملک قائم کرنا، جہاں خلافت نافذ ہو، مگر البغدادی کی سب سے بڑی طاقت ہے اتحاد. وہ جہاں پیش قدمی کرتا ہے تنظیم کے نئے دوست اور حلیف بنا کر زمین تیار کرتا ہے. یہی وجہ ہے کہ شام میں آئی ایس آئی ایس سب سے بڑی طاقت بنی اور اب اس نے عراق میں کہرام مچا رکھا ہے.

آئی ایس آئی ایس کا مشن اور مقصد

البغدادی کی فوج نے شام سے عراق تک یلغار کی تو ایک نعرہ تھا اور ایک ہی عزم کہ دونوں ملکوں کے سنی علاقوں پر مشتمل ایک اسلامی حکومت کی تشکیل، جہاں خلافت لاگو ہو گی. عراق میں داخل ہونے سے قبل البغدادی کا لشکر جانتا تھا کہ یہ ون وے سفر ہے. یہ فوج عراق میں داخل تو ہو گی، مگر واپسی کی ضمانت نہیں، کیونکہ اگر امریکہ نے ہوائی حملے کر دیئے تو 6 یا 7 ہزار جنگجوؤں کیلئے واپسی ممکن نہیں رہے گی. مگر آئی ایس آئی ایس کے جہادیوں کے سر پر صرف ایک مقصد چھایا ہوا ہے کہ نیا اسلامی ملک اور خلافت.

ایک اندازے کے مطابق آئی ایس آئی ایس میں تقریبا 10 ہزار جہادی ہیں ، جن میں برطانیہ، فرانس، جرمنی کے ساتھ دیگر یوروپی ممالک کے جہادی شامل ہیں. امریکہ اور عرب کے جہادی بھی ہیں. برطانیہ کے ایک تجزیہ کار رچرڈ بریٹ کے مطابق البغدادی میں غضب کی صلاحیت ہے، وہ فوجی حکمت عملی کا ماہر ہے، جس طرح شام اور عراق کے شہروں پر اس نے قبضہ کیا ہے، اس سے ظاہر ہوتا ہے کہ وہ خطہ کی باریکیوں سے واقف ہے. اگر آپ کسی کا ایکشن دیکھنا چاہتے ہیں تو البغداد کا رخ کریں. البغدادی کا بنیادی اصول ہے کہ خوف پیدا کرو. خوف ہی پیش قدمی کی راہ صاف کرتی ہے. اس کا نمونہ تکریت اور موصل میں ملا، جب عراقی فوجی صرف آئی ایس آئی ایس کی آمد کی خبر سنکر فرار ہو گئے تھے. آئی ایس آئی ایس کا ایک مقصد تو پورا ہو گیا ہے اسنے خوف پیدا کردیا ہے. کسی ملک کی فوج اگر چند ہزار جنگجوؤں کا سامنا کئے بغیر فرار ہو جائے، تو اس سے اندازہ لگایا جا سکتا ہے کہ جہادی کس قدر خطرناک اور خونخوار ہوں گے. ایک اور مغربی تجزیہ کار نے اس بات کو تسلیم کیا ہے کہ آئی ایس آئی ایس بڑی حد تک اپنے مقصد میں کامیاب ہو رہا ہے. اگر عراق کے ٹکڑے ٹکڑے ہوتے ہیں، تو تکریت سے لیکر موصل تک کا خطہ سنیوں کا ہو گا اور ایسا ہوا تو سنی خطے پر آئی ایس آئی ایس کو قبضہ کرنے سے کوئی روک نہیں سکے گا.

شاید آئی ایس آئی ایس واحد ایسی دہشت گرد تنظیم ہے، جو سالانہ رپورٹ کارڈ شائع کرکے دنیا کو بتاتی ہے کہ تنظیم کی کار گزاری کیسی رہی. 2012 اور 2013 میں تنظیم نے سالانہ رپورٹ کارڈ جاری کیا ، جس کے تحت صرف 2013 میں آئی ایس آئی ایس نے عراق میں 10 ہزار حملے کئے، جن میں قتل، اغوا، بمباری، خود کش حملے اور قیدیوں کو آزاد کرانا شامل ہے. اس رپورٹ کا مقصد تنظیم کو فنڈ دینے والوں کو متوجہ کرنا ہے یا جو لوگ تنظیم کو فنڈ دے رہے ہیں انہیں اس بات کا علم ہو سکے کہ آئی ایس آئی ایس کی سرگرمیاں کیا ہیں. ایسی ہی ایک رپورٹ میں اس بات کا اعتراف کیا گیا ہے کہ تنظیم کو سب سے زیادہ فنڈ جنوبی ایشیا سے حاصل ہوا ہے اور انڈونیشیا میں آئی ایس آئی ایس کو بہت مقبولیت ملی ہے، جہاں مسلمانوں کی سب سے بڑی آبادی ہے. تنظیم چاہتی ہے کہ لوگ اسکے سیاسی نظریات اور مقاصد سے واقف ہوں اور ساتھ ہی اسکے کاموں کی تفصیل معلوم ہو. 2013 کی رپورٹ میں بتایا گیا ہے کہ 15 ہزار جہادی فی الحال آئی ایس آئی ایس کے پرچم تلے اکٹھا ہوئے ہوئے ہیں. جن میں تقریبا 12 ہزار شام اور عراق کے باہر سے تعلق رکھتے ہیں. دو ہزار جہادی یوروپ کے ہیں. سوشل میڈیا کے بھر پور استعمال کے سبب آئی ایس آئی ایس نے یوروپ اور امریکہ سے نہ صرف فنڈ حاصل کیا، بلکہ جہادی بھی پہنچ رہے ہیں اور فنڈ کے سبب آئی ایس آئی ایس اب دنیا کی سب سے خطرناک تنظیم کے ساتھ سب سے دولت مند دہشت گرد طاقت بن گئی ہے.

پڑھنے کا شکریہ اپنی قیمتی آراہ سے ضرور نوازیں

شیعہ سنی جنگ عظیم

2014-07-02T20:47:00.000+01:00

ایک کڑوا سچ تو یہ ہے کہ اسرائیل نے 60 سال کے دوران جتنا ظلم فلسطنیوں پر کیا، اس سے کہیں زیادہ اور کہیں غیر انسانی مظالم تو شیعہ. سنیوں نے آپس میں ڈھا دیئے ہیں. اسرائیل کے مظالم کو اب تک عالم اسلام سب سے بڑے عتاب کے طور پر دیکھتی تھی اور شور مچاتی تھی، مگر اب کیا ہو رہا ہے؟ مسلمان تو مسلمان کی گردن کاٹ رہا ہے.

بغداد.... 80 میل دور... اب بغداد 60 میل دور... اب بغداد صرف 40 میل دور.. بغداد کے اردگرد باغی سنیوں کے ساتھ خوفناک جنگ جاری ہے. آئی ایس آئی ایس کی پیش قدمی روکنے اور حملے کا جواب دینے کیلئے بغداد میں شیعہ نوجوان ، بوڑھے اور کیا بچے سب سڑکوں پر ہیں. ہاتھوں میں ہتھیار لہرا رہے ہیں. باغی سنیوں کے ساتھ بغداد کی حتمی جنگ کا انتظار ہے. عراق میں مسلکی منافرت کی آندھی زور پکڑ رہی ہے. عراقیوں میں بھگڈر کا عالم ہے. 10 لاکھ عراقی ملک چھوڑ کر فرار ہو چکے ہیں. عراق لاشوں سے پٹ گیا ہے، ایک خوفناک یہودی سازش کے جال میں جکڑتا جا رہا ہے عراق. اس سے بڑا المیہ یہ ہے کہ بے بسی کی صورت بن گیا ہے عالم اسلام اور سب سے بڑا کھلاڑی امریکہ بھی عراق کی بھیانک تصویر دیکھ کر کسی نئے کھیل کیلئے نہیں ہو رہا ہے تیار. امریکہ کا گیم پلان فیل ہو گیا ہے، مگر اسرائیل کا مقصد پورا ہو چکا ہے. عرب دنیا میں اسکا سب سے بڑا چیلنج عراق بھی ٹکڑے ٹکڑے ہونے کے دہانے پر ہے. عراق سے عراقی بھاگ رہے ہیں کیونکہ عراق میں لاشوں کے ڈھیر ہیں. کٹے سروں کی نمائش ہے. سرعام قتل ہو رہے ہیں. ایک دوسرے سے زیادہ ظالم ہونے کا مقابلہ جاری ہے. ہر کوئی ایک دوسرے کے خون کا پیاسا ہو رہا ہے. کوئی خون بہا رہا ہے، تو کوئی خون کا بدلا لے رہا ہے، یعنی انتقام در انتقام، نفرت در نفرت. کہیں سنی ظالم ہیں، تو شیعہ مظلوم، تو کہیں شیعہ ظالم ہے تو سنی مظلوم. کہیں جہاد کے نام پر بزرگان دین کی نشانیوں کو تباہ کرنے کا جنون، تو کہیں انکی حفاظت کا جوش، عجیب و غریب عالم ہے، دنیا دنگ ہے اور دنیا والے ششدر ہیں. تشدد کی انتہا کو دیکھ کر لرز گئی ہے دنیا، مگر عراق میں کچھ اور سماں ہے. صحرا میں گھمسان ہے، تو بغداد کی سڑکوں پر کہرام. اب بغداد چند میل کی دوری پر عراق میں ہیجان پیدا کر رہا ہے. دنیا دیکھ رہی ہے کہ عراق میں منافرت اور تشدد کی خوفناک تصویر. کہیں 6 سالہ شیعہ بچہ علم اٹھائے ہوئے ہے، تو کہیں 6 سالہ سنی بچہ جہاد کا پرچم. جو نسل در نسل. نفرت، ٹکراؤ اور دشمنی کا ثبوت دے رہا ہے. ایک دوسرے کو مٹانے کیلئے بے قرار شیعہ سنی صحرا میں نئے قبرستان آباد کرنے کو تیار ہیں.

دنیا سوچ رہی ہے کہ کیا ہوا عراق کو ؟ کیا ہوا عراقیوں کو ؟ کیا ہو گیا شام کو؟ کیا ہو گیا شام کے باشندوں کو ؟ کیا ہو گیا ہے لیبیا کے صحرائی جہادیوں کو ؟ عراق میں آئی ایس آئی ایس کی یلغار اور اب بغداد کے دفاع کیلئے شیعوں کی دیوار نے عراق کو تاریخ کے سب سے نازک بحران کا شکار کر دیا ہے. سب لڑ رہے ہیں، سب جانتے ہیں کہ یہ اسلام کی تعلیم نہیں، جب یہ اسلام کی تعلیم نہیں، تو یہ اسلام کا کام نہیں اور جب یہ اسلام کا کام نہیں تو پھر کیا ہو گیا اہل عراق کو؟

صیہونی سازش کا جال

عراق کی خانہ جنگی نے عالم اسلام کو مسلکی بنیاد پر اس قدر اندھا بنادیا ہے کہ کوئی اس بات کو سمجھنے کو تیار نہیں کہ ہم امریکہ اور اسرائیل کی کٹھ پتلیاں بن چکے ہیں. ہم صہیونی سازش کے جال میں پھنس گئے ہیں، اسلئے ہم لبنان سے لیکر شام اور عراق سے لیکر ایران اور افغانستان سے لیکر پاکستان تک اسی منافرت کو ہوا دے رہے ہیں، جو عالم اسلام کو نگل جائے گی. ذرا آنکھ کھول کر دیکھئے! ذرا دماغ پر زور دیجئے کچھ عقل کا استعمال کیجئے. یہ خون شیعہ ہے نہ سنی. یہ عالم اسلام کا خون ہے. اے جنگ عالم اسلام کے خلاف صہیونی سازش ہے، جو عالم اسلام کی خود مسلمانوں کے ہاتھوں اینٹ سے اینٹ بجا دے گی، مگر افسوس عالم اسلام کی عقل پر پردہ پڑ گیا ہے، بس مسلکی طاقت اور دبدبہ کے سوا کچھ نظر نہیں آرہا ہے.

اسرائیل پرسکون بیٹھا ہے. اسکو اب کسی کی فکر ہے نہ ڈر. مصر میں کھیل ہو گیا، ترکی میں کھیل جاری ہے. لیبیا میں کھیل ختم ہو گیا، اب عراق میں بساط لگی ہوئی ہے. اسرائیل نے اپنے حریف کو توڑ دیا، منتشر کر دیا، مردہ کر دیا. عالم اسلام میں جو بھی طاقت اسرائیل کیلئے ایک چیلنج تھی، اسکا حشر کیا ہوا سب کے سامنے ہے. کہیں سیاسی بغاوت ہوئی، تو کہیں فوجی اور کہیں خانہ جنگی.

ذرا سوچئے........ شام میں کیا ہوا اور عراق میں کیا ہو رہا ہے؟ کیا شیعہ اور سنی کبھی اس پر غور کر سکیں گے؟ ایک کڑوا سچ تو یہ ہے کہ اسرائیل نے 60 سال کے دوران جتنا ظلم فلسطینیوں پر کیا، اس سے کہیں زیادہ اور کہیں غیر انسانی مظالم تو شیعہ، سنیوں نے آپس میں ڈھا دیئے ہیں. اسرائیل کے مظالم کو اب تک عالم اسلام سب سے بڑے عتاب کے طور پر دیکھتی تھی اور شور مچاتی تھی، مگر اب کیا ہو رہا ہے؟ مسلمان تو مسلمان کی گردن کاٹ رہا ہے. کٹی ہوئی گردن سے فٹبال کھیل رہا ہے؟ سینہ چاک کرکے کلیجہ نکال رہا ہے؟ کٹی ہوئی گردنوں کی نمائش لگا رہا ہے. کیا آج تک اسرائیل نے ایسا ظلم کیا ہے! ہم اسرائیل کو ناجائز کہتے ہیں. اسرائیل کو شیطان کہتے ہیں، مگر شام سے لیکر عراق تک مسلمانوں نے جو کر دیا ، اس سے صہیونی شیطان بھی کپکپا گیا ہے. دنیا تو سب یہی کہہ رہی ہے کہ مسلمانوں سے زیادہ ظالم کوئی نہیں، حالانکہ ہم جانتے ہیں کہ موجودہ حالات خود صیہونی سازش کا نتیجہ ہیں، مگر سوال یہ ہی کہ کیا ہماری عقل پر پردہ پڑ گیا ہے؟ مسلکی تشدد کا جو بازار گرم ہوا ہے، اس نے اسلام کو رسوا کیا ہے، اس نے مسلمانوں کو ذلیل کیا ہے. عالم اسلام کو شرمندہ کیا ہے. اس وقت اتحاد سب سے بڑا ہتھیار ہو گا. یہی راستہ ہے، جو عالم اسلام کو مسلکی جنگ عظیم سے بچائے گا، مگر امریکہ ہو یا برطانیہ، سب دور سے شعلوں کا دیدار کریں گے اور مسلمانوں کو یوں آپس میں لڑتے مرتے دیکھ کر خوش ہوتے رہیں گے.

جب 2003 میں جنگ عراق کا آغاز ہوا تھا تو بش انتظامیہ کا دعوی تھا کہ صدام حسین اور القاعدہ میں سانٹھ گانٹھ ہے، مگر صدام حسین کی شہادت کے بعد امریکہ اس الزام کو ثابت نہ کر سکا. بلکہ صدام حسین نے اس وقت کہا تھا کہ عراق ہاتھوں میں جلتے ہوئے انگارے کی طرح بن جائے گا اور وہی ہوا. بش نے بھیڑیا آیا...... بھیڑیا آیا کا شور مچا کر امریکی عوام سے کہا تھا کہ اگر عراق پر ہ،حملہ نہ کیا تو القاعدہ دنیا پر حکومت کرے گا. جنگ عراق کے بعد اب بھیڑیا آگیا..... عراق میں جہاں القاعدہ کا نام و نشان نہیں تھا، اب القاعدہ ہی القاعدہ ہے یہ بش کا کارنامہ ہے. جب لیبیا میں بغاوت کی آگ بھڑکی، تو کرنل معمر قذافی چیخ چیخ کر کہتے رہے کہ دیکھو جو باغیوں کے بھیس میں ہیں ، وہ القاعدہ کے حامی ہیں، انہیں پہچانوں........ اگر میں نہیں رہا ، تو القاعدہ کرے گا لیبیا پر قبضہ، مگر اوبامہ انتظامیہ نے ایک نہیں سنی... امریکہ نے اگر کھل کر میدان نہیں سنبھالا ، تو دور سے تماشہ دیکھا، مگر تریپولی پر باغیوں کا قبضہ ہوا اور کرنل قذافی کی ہلاکت ہوئی، مگر پھر کیا ہوا؟ بن غازی میں القاعدہ کی پہلی دھمک اس وقت سنی گئی، جب امریکی سفارت خانہ پر حملہ ہوا اور القاعدہ کے جنگجوؤں نے امریکی سفیر کو ہلاک کر دیا. اس وقت امریکہ کو احساس تو ہوا کہ کرنل قذافی نے سچ کہا تھا، مگر اسکا اعتراف کرنے کی ہمت کسی میں نہیں.

اب شام میں صدر بشار الاسد کہتے رہے کہ شام کے باغی کوئی اور نہیں ، القاعدہ کے حامی ہیں، مگر کوئی سننے کو تیار نہیں ہوا. باغیوں کو ہتھیار سپلائی ہوئے، شام کی خانہ جنگی انتہا پر پہنچ گئی، مگر بشار الاسد کی فوج منظم ہے، انٹلی جنس مضبوط ہے اور عوام کی حمایت اسلئے باغی لڑ تو رہے ہیں، مگر چار سال گزرنے کے باوجود تختہ پلٹنے میں ناکام رہے، تو عراق کے تنازعہ نے اب ان باغیوں کو سرحد پار کرادی. آئی ایس آئی ایس کی شکل میں مظبوط القاعدہ اب امریکی ہتھیاروں کے ساتھ اینٹ سے اینٹ بجا رہا ہے. اس سے بس ایک بات ثابت ہوتی ہے کہ صدام ہوں ، قذافی یا اب بشار الاسد سب نے ایک بات کہی اور وہی سچ ہوئی کہ القاعدہ آجائے گا......

جو بویا وہ کاٹا

آج امریکہ دیکھ رہا ہے کہ عراق میں کیا سے کیا ہو گیا ؟ مگر امریکہ میں عراق کی جانب قدم اٹھانے کی ہمت ہے نہ حوصلہ.... امریکہ اب بھی یہ سمجھنے سے قاصر ہے کہ موجودہ حالات اسکی مشرقی وسطیٰ پالیسی کی ناکامی کا جیتا جاگتا ثبوت ہیں، کیونکہ امریکہ نے کبھی نیک نیتی سے کام ہی نہیں کیا.

جب ایران میں اسلامی انقلاب برپا ہوا اور ایک آیت الله روح الله خمینی کا ظہور ہوا، تو امریکہ نے صدام حسین کو ایران کے خلاف کھڑا کر دیا تھا. دونوں ملکوں کے درمیان 8 سال تک جنگ چلی، اس جنگ نے مسلکی خلیج پیدا کر دی. اسکے بعد صدام حسین سے ٹکراؤ ہوا، تو عراق کے شیعوں کو ورغلانا شروع کیا. صدام حسین کو شیعوں کا دشمن ثابت کیا. مغربی میڈیا نے گمراہ کن کہانیاں دکھائیں. صدام حسین کو 2003 میں اقتدار سے دور کیا اور عراق پر قبضہ، مگر جیسا عراق میں ایران کا اثر بڑھتا نظر آیا اور مقتدی الصدر نے عراق میں امریکہ کے خلاف جنگ بصرہ اور جنگ نجف میں غیر معمولی مزاحمت کا نمونہ پیش کیا ، تو امریکہ پسینہ پسینہ ہو گیا. شیعہ طاقت کے خوف میں امریکہ نے شام میں شیعوں کو اکسایا اور بشار الاسد کے کھل خلاف بغاوت کی چنگاری بھڑکا دی. آج چار سال سے شام میں مسلکی تشدد اور بغاوت جاری ہے، مگر بشار الاسد کہتے رہے کہ باغیوں میں القاعدہ نواز ہیں، مگر امریکہ نے نہیں سنی. باغیوں کو ہتھیاروں کی سوغات دی، جو ان ہی ہتھیاروں کے ساتھ اب عراق میں اینٹ اینٹ بجا رہے ہیں اور حالت ایسی ہے کہ امریکہ کیلئے عراق میں بمباری کرنی بھی مشکل ہو گئی ہے. اب ایک دوسرے پر الزامات کا دور جاری ہے. مگر حقیقت یہی ہے کہ جو بویا وہ کاٹا.

امریکہ کا کھیل ختم

عراق کے حالات اب اس بات کا ثبوت ہیں کہ مشرق وسطیٰ میں امریکہ کا کھیل ختم ہو چکا ہے اور تیل کے کھیل نے اب امریکہ کا تیل نکال دیا ہے، یہی وجہ ہے کہ امریکی صدر اوبامہ نے عراق پر بمباری کے نام پر کہہ دیا نہ بابا نہ ... اوبامہ نہیں چاہتے کہ موت کے کنویں میں قدم رکھیں. کئی دہائیوں میں ایسا پہلی مرتبہ ہوا ہے، جب امریکہ کسی بحران یا تنازعہ میں جارحیت کا جلوہ دکھانے کے بجائے سیاسی حل تلاش کر رہا ہے، دراصل عراق لیبیا اور شام میں جو کچھ ہوا ہے اس نے پورے خطہ کو جہادیوں کی جنت بنا دیا ہے. پہلے تو صرف سوڈان اور صومالیہ میں دہشت گردی کا بسیرا تھا، مگر جنگ عراق کے بعد یہ خطہ ایسا ہو گیا ہے جہاں امریکہ کیلئے قدم رکھنا مشکل ہو گیا ہے. اب افریقہ میں کرنل قذافی دور کے بعد نائیجریا سے لیکر الجزائر، سوڈان، صومالیہ، یمن، کینیا، تیونس، لیبیا میں القاعدہ کے قدموں کے نشان نظر آرہے ہیں. جہادیوں کا عرب دنیا پر قبضہ کرنے کا پلان حقیقت بنتا نظر آرہا ہے، کیونکہ عالم عرب میں کوئی ایسا ملک نہیں، جو امریکہ کے بغیر جہادیوں کا مقابلہ کر سکے اور امریکہ فیل پالیسی کے ساتھ کسی اور دلدل میں کودنے کا خطرہ مول لینے کو تیار نہیں، اوبامہ جانتے ہیں کہ اگر عراق میں فوج کو دوبارہ بھیجا، تو عوام میں رہی سہی سا کھ بھی ختم ہو جائے گی. اسلئے اوبامہ انتظامیہ محفوظ فاصلہ بنائے رکھنے میں دانشمندی مان رہی ہے، جو اس بات کی نشانی ہے کہ اب مشرق وسطیٰ کا کھیل امریکہ کے بس سے باہر ہے اور پانسہ بالکل پلٹ چکا ہے.

پڑھنے کا شکریہ اپنی قیمتی آراہ سے ضرور نوازیں

ابو بکر البغدادی کون ہے ؟

2014-07-01T13:27:00.000+01:00

اس کا ایک اصول ہے کہ جب تک دنیا تمہارے نام سے تھرائے گی نہیں، تم کامیاب نہیں ہو سکتے. یہی وجہ ہے کہ عراق میں پیش قدمی کے دوران موصل میں دو ہزار عراقی فوجیوں کو سر عام قتل عام کرنے کی تصاویر ویڈیو اور سوشل میڈیا پر لا کر آئی ایس آئی ایس کی دہشت کو انتہا پہنچانے میں کامیابی حاصل کر لی ہے.

ابو بکر البغدادی..... دنیا کی نگاہ میں یہ نام ہے خوف کا، یہ نام ہے دہشت کا، یہ نام ہے درندگی کا اور یہ نام ہے موت کا، جس نے اپنے دماغ اور انتہائی پسندی کی انتہا کے سبب خود کو ثابت کر دیا ہے، دنیا کا سب سے خوفناک جہادی، جس نے القاعدہ کو سکتہ میں ڈال دیا، جس نے القاعدہ کے کے سربراہ ایمن الظواہری کو کپکپا دیا، جس نے صرف اپنے دل کی سنی اور دماغ کی مانی، مگر اپنے چاہنے والوں کی نگاہ میں یہ اسلامی دنیا کا سب سے طاقت ور قائد ہے، جس کے ایک اشارے پر ہزاروں نوجوان جان دینے کو تیار ہے. یہی وجہ ہے کہ جب اسلامک اسٹیٹ ان عراق اینڈ سیریا نے شام سے لیکر عراق تک پیش قدمی کی تو جہاں دنیا دنگ رہ گئی، وہیں دشمن بھی لوہا ماننے پر مجبور ہو گئے، کیونکہ سنی بغاوت میں جو سب سے بڑا نام ابھرا، وہ تھا ابو بکر البغدادی، جس نے پچھلے پانچ سال کے دوران بڑی خاموشی کے ساتھ آئی ایس آئی ایس کو ایک ایسی طاقت بنا دیا، جو شام اور عراق کے سنی علاقوں پر مشتمل ایک اسلامی ملک کی تشکیل اور خلافت کی واپسی کا حوصلہ دکھا رہی ہے.

39 سالہ البغدادی 2009 میں امریکہ کی قید سے آزاد ہوا تھا، جسکے بعد اس نے عراق میں سنی جہاد کا دائرہ وسیع کرنے کے ساتھ ہی تنظیم کو ایک ایسی پہچان دے دی ہے، جس کے سامنے القاعدہ بونا نظر آرہا ہے. البغدادی کو جہادی دنیا میں ایک سخت گیر اور بے رحم انسان کے طور پر جانتی اور مانتی ہے کہ البغدادی کی طرح حکمت سازی اور ایکشن کا کوئی ثانی نہیں، جو دشمنوں کی گردن قلم کرنے میں ایک پل ضائع نہیں کرتا، تو ایک پل میں حلیف کا حریف بن جاتا ہے، جیسا کہ القاعدہ کےساتھ ہوا . اسکے دل میں رحم نام کی کوئی چیز نہیں. وہ ہم خیال مذہبی نظریات کی تنظیموں کو بھی اختلافات ہونے پر چت کر چکا ہے، جو اپنے مشن میں کوئی رکاوٹ پسند نہیں کرتا ہے. کوئی تنقید برداشت نہیں کرتا ہے. کوئی اعتراض پسند نہیں کرتا ہے. اسکا ایک اصول ہے کہ جب تک دنیا تمہارے نام سے تھرائے گی نہیں، تم کامیاب نہیں ہو سکتے. یہی وجہ ہے کہ عراق میں پیش قدمی کے دوران موصل میں دو ہزار عراقی فوجیوں کو سر عام قتل عام کرنے کی تصاویر ویڈیو اور سوشل میڈیا پر لا کر آئی ایس آئی آئی ایس کی دہشت کو انتہا پر پہنچانے میں کامیابی حاصل کر لی ہے. اپنی مرضی کا مالک البغدادی اب کسی کے بس یا قابو میں نہیں ، وہ تو اپنی حکمت کا غلام ہے.

جس آدمی نے دہشت گردی کے بادشاہوں کو پسینہ پسینہ کر دیا، وہ بغداد یونیورسٹی سے اسلامک اسٹڈیز میں ڈاکٹریٹ کی ڈگری حاصل کر چکا ہے. جس کو یونیورسٹی کے ساتھی سامرت کے ایک غریب طالب علم کے طور پر جانتے تھے، جس کی بغداد کے فراخ دل اور رحم دل پروفیسر مالی مدد بھی کرتے تھے، مگر چند سال بعد جب البغدادی کا نام سامنے آیا، تو امریکہ اس پر ایک کروڑ ڈالر کا انعام رکھ چکا تھا، مگر اب بھی البغدادی کو پہچا ننے کا دعوی نہیں کر سکتا ہے، کیونکہ البغدادی کا صرف ایک فوٹو ہے، جو امریکہ سے لیکر عراق تک شائع ہوتا ہے. دراصل 2006 میں عراقی القاعدہ کے سربراہ الزرقاوی کی ہلاکت کے بعد عراق میں تنظیم کا زوال شروع ہو گیا تھا. کیونکہ انبار صوبہ میں سنی قبائلی ہی زرقاوی کے طریقہ کارکے خلاف ہو گئے تھے اور القاعدہ کے نیٹ ورک کو تباہ کرنے میں اہم کردار نبھا رہے تھے، مگر پھر عراقی القاعدہ کو نئی زندگی دینے کیلئے 2010 میں البغدادی نے اسکا دائرہ شام تک وسیع کر دیا ، تاکہ شام کی خانہ جنگی میں دوبارہ دھاک جمائی جا سکے. اسی مقصد سے البغدادی نے تنظیم کا نام اسلامک اسٹیٹ ان عراق اینڈ سیریا کر دیا تھا. 2010 کے بعد البغدادی نے خاموشی کے ساتھ ایسا جال بچھایا کہ امریکہ کو اسکی بو تو ملی ، مگر امریکہ نے شہد کی مکھی کے چھتے میں ہاتھ نہ ڈالنے کا فیصلہ کرکے عراق کو الوداع کہہ دیا.

شام میں ابو بکرالبغدادی

2010 میں شام کی خانہ جنگی کے سبب البغدادی نے القاعدہ نواز نصر گروپ کو اتحاد کا پیغام محبت بھیجا. البغدادی کی خواہش تھی کہ بشار الاسد کے خلاف جنگ میں آئی ایس آئی ایس بھی لڑے، مگر نصر فرنٹ کے ابو محمد الگولانی نے انکار کر دیا، جو کہ شام میں کار دھماکوں کی جھڑی لگا کر سرخیوں میں تھے. وہ البغدادی کی کمانڈ میں لڑنے کو راضی نہیں ہوئے، تو البغدادی نے شام میں نصر فرنٹ کے خلاف جنگ چھیڑ دی. القاعدہ کے سربراہ ایمن الظوہری کی ناراضگی سامنے آئی، مگر البغدادی کسی کو خاطر میں لانے کا قائل نہیں، اسلئے شام میں سنی جہادیوں کی داخلی جنگ شدت پکڑ گئی، مگر یہ البغدادی کا جادو تھا، جس کی وجہ سے آہستہ آہستہ شام پر آئی ایس آئی ایس کا کنٹرول ہو گیا. آئی ایس آئی ایس کے جہادیوں کا ماننا تھا کہ البغدادی میں دشمنوں کو چکرانے کی غیر معمولی صلاحیت ہے. وہ اس قسم کے حملے کرنے کا عادی ہے کہ دشمن بھونچکا رہ جائے ، جیسا کہ البغدادی کسی کی سنتا نہیں، اس نے صرف اور صرف القاعدہ کے سربراہ اسامہ بن لادن کو عزت و احترام دیا اور صرف اسامہ کی باتوں کو یاد رکھا ہے. یہی وجہ ہے کہ اظواہری نے شام میں آئی ایس آئی ایس آئی کو سرگرم رکھا. اظواہری نے البغدادی کو رام کرنے کی کوشش کی، مگر البغدادی نے جواب دیا کہ " شیخ (اسامہ بن لادن ) کا خواب تھا ایک اسلامی ملک کا، جہاں خلافت نافذ ہو اور ہم شیخ کے خواب کو حقیقت بنانے کیلئے لڑ رہئے ہیں". اسکے بعد الظواہری نے یہ کہہ کر البغدادی سے لاتعلقی کر لی تھی کہ اس نے تشدد کی انتہا کر دی ہے، مگر البغدادی نے شام یں 2012 اور 2013 کے دوران شمالی اور مشرقی شام میں کنٹرول پایا اور رقا میں شریعت نافذ کی.

دنیا کو ڈرنا چاہئے

آئی ایس آئی ایس میں ابو بکر البغدادی نے غیر ملکی جہادیوں کیلئے دروازے کھولے، خاص طور پر امریکی اور یوروپی جہادیوں کو آئی ایس آئی ایس نے تربیت دی، جسکا خاص سبب یہ تھا کہ جب تک چاہیں مغربی جہادی شام کی خانہ جنگی میں لڑتے رہیں ، پھر وطن لوٹیں اور نئے جہادی تیار کریں. البغدادی نے اس بات پر زور دیا ہے کہ آئی ایس آئی ایس کے جہادی بے خوف اور بے رحم ہوں، جنہیں دیکھ کر لوگ خوف زدہ ہوں اور تنظیم کا پرچم دیکھتے ہی کپکپی طاری ہو جائے، تنظیم نے ایسے ویڈیو سوشل میڈیا پر دکھائے ہیں، جن میں جہادی دشمنوں کو انتہائی بے رحمی کے ساتھ قتل کر رہئے ہیں. البغدادی کو قریب سے جاننے والے ایک عرب جہادی کا کہنا ہے کہ آئی ایس آئی ایس کے سربراہ کا ماننا ہے کہ دنیا پر اسکا خوف ہو. اگر آپ اسکی فوج کا حصہ ہیں تو دنیا آپ سے ڈرے. اگر دنیا کو اس بات کا اندازہ بھی نہیں ہونا چاہئے کہ اگلا حملہ کیسے اور کب ہو گا. البغدادی کے مزاج میں بے انتہا ظلم اور بے رحمی نے القاعدہ کو پریشان کر دیا تھا. یہی وجہ ہے کہ القاعدہ نے البغدادی سے لا تعلقی ظاہر کی، مگر البغدادی جانتا تھا کہ اب القاعدہ بے سر کی لاش ہے، اسلئے اس نے بے رحمی اور درندگی سے توبہ کرنے کے بجائے القاعدہ اور الظواہری کو انگوٹھا دکھا دیا. حقیقت یہ ہے کہ البغدادی کا ایسا خوف ہے کہ عراقی فوج نے شمالی علاقوں میں جہادیوں کی آمد سے قبل ہی چیک پوسٹ، مورچے اور چھاؤنیوں کو خالی کر دیا تھا اور جہاں شکنجے میں آئے، وہاں لاشوں کے ڈھیر لگ گئے.

2009 میں جب عراق کے ایک امریکی قید خانہ سے البغدادی کو چار سال بعد رہا کیا گیا، تو البغدادی نے امریکی افسران سے کہا تھا کہ میں آپ سے نیویارک میں ملوں گا. امریکی کرنل کنٹھ کنگ کے مطابق البغدادی نے رہائی کے وقت ایک فوجی کو دیکھ کر یہ جملہ ادا کیا تھا، جو کہ نیویارک سے تعلق رکھتا تھا. کرنل کنگ کے مطابق جب البغدادی کے جہادی لیڈر بن کر ابھرنے کی خبر ملی، تو بہت زیادہ حیرت نہیں ہوئی تھی، البغدادی کو اب اسامہ بن لادن سے زیادہ امریکی مخالف اور پر تشدد مانا جاتا ہے. امریکی فوج بھی جانتی ہے کہ 1971 میں پیدا ہونے والا البغدادی صرف ہتھیار چلانا نہیں جانتا ہے، بلکہ اسکا دماغ ان ہتھیاروں سے زیادہ خطرناک ہے. وہ میدان جنگ کا کمانڈر ہے اور فوجی حکمت ساز بھی. اسکو شام میں بشارالاسد کے حامی لڑاکے " بھوت" کے نام سے پکارتے ہیں کیونکہ دنیا میں بہت کم لوگ ایسے ہیں جو البغدادی کا چہرہ دیکھ چکے ہیں. ٹائم میگزین کو 2013 میں ایک حزب الله کمانڈر نے بتایا تھا کہ البغدادی رازداری پر یقین رکھتا ہے. رازداری ہی اسکی طاقت ہے اور سب سے خطرناک دشمن ہے. جب وہ اپنے قریبی ساتھیوں کے ہمراہ بات چیت کرتا ہے، تو اس وقت بھی چہرہ نقاب میں چھپا ہوتا ہے. امریکی فوج بھی حیران ہے کہ البغدادی کا یہ حملہ ایک بڑا اشارہ تھا اور اسکے اعتماد کا نمونہ ، جو اس وقت امریکی کمانڈر بھی سمجھ نہ سکا.

اب البغدادی نمبر ون

جہادی دنیا میں اب البغدادی کو نمبر ون کا درجہ حاصل ہے. القاعدہ کے سربراہ الظواہری جو 10 سے روپوشی سے تنظیم کو کنٹرول کر رہئے ہیں اب البغدادی کے سایہ میں ہیں. اب البغدادی کے مخالف اور دشمن اس بات کو تسلیم کر رہئے ہیں کہ آئی ایس آئی ایس لیڈر میں پیش قدمی کا حوصلہ ہے اور شام و عراق سے باہر کی دنیا پر اثرانداز ہونے کی اہلیت ہے وہ دن بدن جہادیوں میں مقبول ہو رہا ہے. جہادیوں کی نظر میں وہ اسلام کیلئے لڑ رہا ہے. حیرت کی بات یہ ہے کہ شام میں البغدادی کا مخالف گروپ نصر فرنٹ کے جہادی بغدادی کو سلام کر رہئے ہیں. ایک جہادی کے مطابق البغدادی کو افغانستان اور پاکستان سے خطوط مل رہے ہیں، دیگر جہادی گروپ ہاتھ ملانا چاہتے ہیں. اظواہری بھی البغدادی کو منانے کی کوشش کر رہے ہیں، مگر اب بہت دیر ہو چکی ہے.

آئی ایس آئی ایس کے جہادیوں کی نظر میں البغدادی نئی نسل کے جہادیوں کا ترجمان ہے، نمائندہ ہے، قائد ہے، جو اسامہ بن لادن کے خواب کو حقیقت میں بدلنے کیلئے سرگرم ہے اور اسامہ.... البغدادی میں یہ یکسانیت تھی کہ دونوں ہمیشہ آگے کی جانب دیکھتے تھے. دونوں مستقبل کی سوچتے تھے. آئی ایس آئی ایس کی تشکیل نے الزواہری کے القاعدہ کو تقریباً ناکارہ بنا دیا ہے. اب شام اور عراق میں جہادیوں کا دعوی ہے کہ الزواہری کے سبب القاعدہ کا وجود ختم ہو چکا ہے. ایک جہادی نے کہا ہے کہ الظوہری اب بے بسی کے ساتھ تماشہ دیکھ رہے ہیں. وہ سوچ رہے ہیں کہ البغدادی کی کوئی چال غلط پڑے، وہ انتظار کر رہے ہیں کہ البغدادی جیتیں گے یا ہاریں گے، مگر دونوں صورت میں الزواہری کو کوئی فائدہ نہیں ہو گا، کیونکہ لیڈر تو البغدادی ہی رہیں گے.

2009 میں چار سال امریکی جیل میں گزارنے کے بعد عراقی القاعدہ کو دوبارہ زندہ کرنے کا بیڑا اٹھایا، جو 2006 میں زرقاوی کی ہلاکت اور سنی قبائلیوں کی بغاوت کے سبب دمتوڑ رہا تھا. البغدادی نے 2010 میں شام کی خانہ جنگی کو سنہرا موقع مانا اور خانہ جنگی کی آگ میں ایسا تیل ڈالا کہ دنیا دنگ رہ گئی. البغدادی نے اس بات کو محسوس کر لیا تھا کہ شام کی خانہ جنگی ہی عراق میں طاقت بخشے گی اور یہی وجہ ہے کہ جب الظوہری نے البغدادی کو شام سے دور رہنے کی ہدایت کی، تو البغدادی نے الظوہری کو دور کر دیا اور القاعدہ کو الوداع کہہ دیا، مگر القاعدہ کے بانی اسامہ بن لادن کو خراج عقیدت پیش کرتے ہوئے اس بات کا اعلان کر دیا کہ آئی ایس آئی ایس کا اصل مشن اسامہ کے اسلامی ملک اور دور خلافت کی واپسی ہے. مشرقی وسطیٰ کے تجزیہ کار البغدادی کے دماغ کی داد دے رہے ہیں، جس نے خود القاعدہ سے دور کیا، مگر اسامہ سے نہیں ، جس نے جہادیوں میں الظواہری کو ایک پل میں ویلن اور البغدادی کو ہیرو بنا دیا.

پڑھنے کا شکریہ اپنی قیمتی آراہ سے ضرور نوازیں

داعش کیا ہے؟

2014-06-28T10:14:00.000+01:00

کچھ لوگ یہ سوچتے ہیں کہ القاعدہ سچ مچ امریکہ کے خلاف نبرد آزما ہے لیکن سچ یہ ہے کے القاعدہ خود کو امریکہ کا دشمن ظاہر کر رہا ہے تاکہ شام عراق، لبنان ، پاکستان، افغانستان اور تمام اسلامی ملکوں میں امریکہ کی پالیسیوں کو عملی جامہ پہنائے.

سارے سیاسی اور فوجی تجزیہ نگار معتقد ہیں کہ دہشت گرد گروہ القاعدہ امریکہ کی جاسوسی تنظیم کا ساختہ اور پرواختہ ہے اور ایک مصنوعی دشمن کے عنوان سے دنیا کے مختلف ملکوں میں اپنے مقاصد کے حصول کی خاطر امریکی حکومت اسکا استعمال کر رہی ہے.

اسامہ بن لادن کی قیادت اور امریکی کمپنیوں کی مالی امداد سے افغانستان اور مرکزی ایشیا کے تمام ملکوں میں سابقہ روس کا مقابلہ کرنے کی خاطر القاعدہ کا وجود عمل میں لایا گیا. روس میں کمیو نسٹی نظام کے بکھرنے کے بعد امریکہ کو ایک مصنوعی دشمن کی ضرورت تھی تاکہ اسکے ذریعے وہ پوری دنیا میں اپنے اقدامات کا بہانہ پیش کر سکے اور خاص کر مغربی ایشیا اور شمالی افریقہ میں اپنے مقاصد حاصل کر سکے. یہ موضوع امپرا طوری روم کی طرف سے ایک مصنوعی دشمن بربریوں کے نام سے ایجاد کرنے کی مانند تھا جو اس امپرا طورری کے گلے کی ہڈی بن گیا تھا. دنیا میں بہت سارے سیاسی مسائل کے صاحبان رائے معتقد ہیں کہ 11 ستمبر 2001 کے نیویارک میں ورلڈ ٹریڈ سنٹر پر حملے مشکوک تھے اور اس مسئلے کے مصنوعی ہونے کی بہت ساری دستاویز موجود ہیں. بعض کہتے ہیں کہ سی آئی اے اور خاص کر جارج بش کو ان حملوں کی خبر تھی اور بعض اس واقع میں امریکہ کی جاسوسی اور فوجی مشینری کی کمزوری کی طرف اشارہ کرتے ہیں.

بہر صورت القاعدہ کا یہ دہشت گردانہ اقدام کہ جو ایک قومی احتمال کی بنا پر امریکہ کی سی آئی اے کی مدد سے 11 ستمبر کے دن بہت سارے بے گناہوں کو مارنے کی خاطر انجام پایا جبکہ اس روز 400 یہودیوں کو پہلے سے خبر تھی اور وہ کام پر نہیں آئے یہ افغانستان پر القاعدہ اور طالبان کے مرکز کے عنوان سے قبضے کا بہانہ بن گیا. اس طرح امریکی حکومت کو اپنا مقصد حاصل ہو گیا بعد میں اس نے یہی سلوک اپنے ہاتھوں کے پروردہ صدام کے ساتھ بھی روا رکھا اور کیمیکل ہتھیاروں کے بہانے جس کا جھوٹ ہونا بعد میں ثابت ہو گیا سال 2003 میں اس نے عراق پر قبضہ کیا.

اس بنا پر یہ کہا جا سکتا ہے کہ دہشت گرد القاعدہ امریکہ کا ایک مصنوعی دشمن ہے جسے اس نے مسلمان نشین علاقوں میں بد امنی پھیلانے کی خاطر بنایا ہے اور اپنی مخفیانہ سیاست کے ذریعے اس گروہ سے ضروری فائدہ اٹھا رہا ہے. دینا کے مختلف ملکوں کے مسلمان رفتہ رفتہ اس موضوع سے واقف ہو چکے ہیں کہ القاعدہ امریکہ کا پرودہ ہے اور اسکے ایجاد کرنے کا مقصد امریکہ کی پالیسیوں اور اسکے منافع کو دنیا کے مختلف علاقوں میں مخفی رکھنے کے سوا اور کچھ نہیں. کچھ لوگ اشتباہ میں یہ سوچتے ہیں کہ القاعدہ واقعی امریکہ کے خلاف برسر پیکار ہے لیکن حقیقت یہ ہے کے القاعدہ صرف یہ دکھا رہا ہے کہ وہ امریکہ کا دشمن ہے تاکہ شام لبنان پاکستان عراق افغانستان اور تمام اسلامی ملکوں میں امریکہ کی پالسیوں کو عملی جامہ پہنا سکے.

کیونکہ امریکہ اپنے مقاصد کے حصول کی خاطر کچھ بھی کر سکتا ہے اور ممکن ہے کہ وہ علاقے میں ایک نئی چھاؤنی وجود میں لے آئے اسلئے کہ امریکی ثروت مندوں کی نظر میں مقصد مہم ہے وسیلہ چاہے جو بھی ہو. اپنے منصوبے کو عملی جامہ پہنانے کیلئے امریکہ نے عراق میں القاعدہ کی ایک ذیلی تنظیم داعش کو متحرک کیا ہے.

داعش کیا ہے ؟

داعش یا " الدولہ الاسلامیہ فی العراق والشام " ایک دہشت گرد گروہ ہے جو عراق پر امریکی اور برطانوی فوجی قبضے کے آغاز میں ہی امریکہ اور برطانیہ کی جانب سے معرض وجود میں لایا گیا. اس گروہ نے 2004 میں القاعدہ کی حمایت اور اسکے ساتھ اپنی وابستگی کا باضابطہ اعلان کرتے ہوے دہشت گردانہ کاروائیاں تیز کر دیں. یہ گروہ اب القاعدہ عراق کے نام سے معروف ہے. 15 اکتوبر 2006 کو اس دہشت گرد ہ نے امارت اسلامی عراق کے تحت تمام چھوٹے دہشت گرد گروہوں کو اپنے اندر ضم کر لیا. اس وقت داعش میں بے شمار چھوٹے دہشت گرد گروہ بھی شامل ہو چکے ہیں. اسی طرح عراق کے سابق آمر صدام حسین کے مخصوص فوجی دستے جو " فدائیان صدام " کے نام سے جانے جاتے تھے بھی داعش میں شامل ہو چکے ہیں. اس دہشت گرد گروہ کا مقصد عراق کے ایسے علاقوں میں خلافت اسلامی کا قیام تھا جہاں اہلسنت مسلمانوں کی اکثریت موجود ہے اور اسی طرح شام میں سرگرم حکومت مخالف تکفیری دہشت گرد گروہوں کو انسانی قوت فراہم کرنا تھا.

داعش کی وسیع پیمانے پر دہشت گردانہ سرگرمیوں سے ظاہر ہوتا ہے کہ وہ ایک " قابل اطمینان مالی سپورٹ " سے مزین ہے کیونکہ یہ کیسے ممکن ہے کہ ایک ایسا دہشت گرد گروہ جسکے سالانہ اخراجات ایک ملک کے بجٹ سے بھی زیادہ ہوں مسلسل تین سالوں سے مختلف ممالک میں دہشت گردانہ سرگرمیوں میں مصروف ہو؟

پڑھنے کا شکریہ اپنی قیمتی آراہ سے ضرور نوازیں

یہ کیسا انقلاب ہے

2014-06-26T09:34:00.000+01:00

قائد انقلاب، علامہ، ڈاکٹر شیخ الاسلام، مسٹر کینیڈین جناب طاہر القادری صاحب جیسے جیسے انکے القاب بدلتے ہیں اسی طرح جناب کے انقلاب کے رنگ بدلتے ہیں. جیسا لقب ویسی ٹوپی پہنتے ہیں یہ سرا سر بہروپیا پن ہے یہ تو میڈیا کے بغیر ایک قدم بھی نہیں چل سکتے حقیقت میں انکو ذاتی پروجیکشن کا مالیخولیا ہے.

جنہوں نے انقلاب لانا ہوتا ہے وہ سہارے نہیں ڈھونڈتے اور جناب طاہر القادری پر جب سخت وقت آتا ہے تو سہارے ڈھونڈنا شروع کر دیتے ہیں تو انقلاب خاک لانا ہے . ٹھیک کہا جناب خواجہ سعد رفیق نے کہ ڈاکٹر طاہر القادری لائسنس توپ کا مانگتے ہیں اور راضی پستول پر ہو جاتے ہیں. ایک طرف تو کہتے ہیں میں شہادت کا متلاشی ہوں تو دوسری طرف خوف اتنا کہ کہیں واقعی شہادت نہ ہو جائے جناب اگر اسلام آباد اترتے تو اتنا لمبا سفر طے کرکے لاہور کیسے پہنچتے؟

جبکہ حالت تو یہ تھی لاہور ائیرپورٹ سے چند کلومیٹر دور ماڈل ٹاؤن پہنچنے کیلئے ترلے کرتے رہے اور سہارے ڈھونڈتے رہے اور سیکورٹی کا رونا روتے رہے کہیں فوج کو پکارتے رہے اور حال یہ ہے کہ اعتماد بھی کیا، تو حکومتی شخصیت گورنر پنجاب چودھری محمد سرور کی شخصیت پر.

ایک طرف تو طاہر القادری وزیراعظم پاکستان نواز شریف کو ہٹلر کہتے نہیں تھکتے جبکہ خود جناب اپنی طبیعت میں انتہا درجہ کا ہٹلر پن ہے. جب اسلام آباد میں دھرنا دیا تو مسٹر کنٹینر کے نام سے مشہور ہوئے، بچے عورتیں اور بوڑھے سردی میں ٹھٹھر رہے تھے اور جناب کے کنٹینر میں پسینے چھوٹ رہے تھے. اس وقت حکومت وقت کو یزیدی ، ظالم اور کیا کیا کہتے رہے اور اپنے آپ کو حسینی گردانتے رہے اور پھر ظلم یہ کیا، جنکو قائد انقلاب یزیدی کہتے رہئے انہیں کے ساتھ جپھیاں ڈالتے رہے اور معاہدہ کرکے انقلاب نے لاہور کی راہ لی بس انقلاب آتے آتے رہ گیا اور اندھیروں میں گم ہو گیا.

طاہر القادری خوابوں کے شہزادے بھی ہیں ، خواب ایسے نعوز باللہ گستاخی سے بھر پور کہتے ہیں-

نبی کریم صلی الله علیہ وسلم نے مجھے زندگی کی ایکسٹینشن لے کر دی ہے اور میری عمر 63 سال ہو گی، جناب طاہر القادری صاحب فروری 2014 میں 63 سال کے ہو چکے ہیں اورزندہ پھر رہے ہیں یہ خواب جھوٹے یا جناب عالی خود جھوٹے ہیں؟

بہت ہی بہتر ہوا جو پاک فوج نے طاہر القادری کی پکار پر توجہ نہ دی. کینیڈا کی شہریت ہے جناب کی تو بھلا توجہ دینے کی کیا ضرورت تھی؟ طاہر القادری کو موت کا خوف اتنا کہ گورنر پنجاب جناب چودھری محمد سرور مجھے بلٹ پروف گاڑی میں گھر تک چھوڑ کر آئیں یہ مطالبہ تو بچوں جیسا ہے عوام گولیاں کھائیں اور خون میں لت پت ہوں اور کڑکتی دھوپ میں گھنٹوں جھلستے رہیں اور قائد انقلاب جناب طاہر القادری بزنس کلاس میں سفر کریں اور خود گورنر کا پروٹوکول چاہیں شرم آنی چاہئے ایسی دورخی پر-

جناب شیخ الاسلام صاحب توجہ کیجئے نبی کریم صلی الله علیہ وسلم جنگ خندق میں صحابہ رضی الله عنھم کے ساتھ بھوک اور پیاس سے تھے نبی کریم صلی الله علیہ وسلم نے پیٹ پر دو پتھر باندھے تھے اور صحابہ کرام نے ایک ایک یہ ہے اسوہ رسول الله صلی الله علیہ وسلم. طاہر القادری پتہ نہیں کون سا اسلام چاہتے ہیں، کبھی کہتے ہیں اسلامی انقلاب اور کبھی کہہ دیتے ہیں جمہوری انقلاب اصل میں طاہر القادری صاحب وہی انقلاب چاہتے ہیں جس میں طاہر القادری صاحب ملک کے سربراہ ہوں یہ ہے انقلاب!!

لیکن یاد رہے اب عوام بہکاوے میں نہیں آنے والے بس آپکے زر خرید اور مریدین ہیں جو آپکی ہاں میں ہاں ملاتے ہیں. خدارا ملک پاکستان پر ترس کھائیں اور ترقی کی منازل پر گامزن پاکستان کو اپنے حال پر چھوڑ کر کینیڈا کی راہ لیں یہی آپکے لیے اور پاکستان کی عوام کیلئے بہتر ہے. پاک فوج کی طرف سے دہشت گردی کے خلاف ضرب عضب آپریشن جاری ہے ان حالات میں ساری عوام پاک فوج کے ساتھ قدم با قدم ملائے کھڑی ہے. یہ وقت ہے اتحاد کا، الله تعالی انتشار سے بچائے اور پاکستان کو مان کا گہوارہ بنائے. آمین

پڑھنے کا شکریہ
اپنی قیمتی آراہ سے ضرور نوازیں

عراق تباہی کے دہانے پر

2014-06-24T08:57:00.005+01:00

عراق اس وقت تباہی اور تقسیم کے دہانے پر کھڑا ہے. عراق میں سیکورٹی کی صورت حال بہت تشویش ناک ہے. پر تشدد کاروائیوں کو روکنا اب آسان نہیں رہا.

پڑھنے کا شکریہ اپنی قیمتی آراہ سے ضرور نوازیں

عالم اسلام میں نئی خلافت کا ظہور

2014-06-23T20:56:00.000+01:00

کیا عالم اسلام میں نیا دور خلافت دستک دے رہا ہے، کیا ایک جنگجو طاقت عالم اسلام کو دے گی خلافت کا تحفہ. کیا عراق کی نئی جنگ کی کوکھ سے جنم لے گا نیا عالم اسلام. کیا یہ طوفان عالم اسلام کی سرحدوں کو مٹا دے گا. کیا عالم اسلام کا ایک نیا نقشہ دنیا کے سامنے آئے گا اور کیا عراق سے اٹھے اس طوفان کو روک پانا ممکن ہو گا ؟

عراق میں " اسلامک اسٹیٹ ان عراق اور شام " کی بغاوت للکار اور پیش قدمی نے شام اور عراق میں تو کہرام برپا کر دیا ہے، مگر اسکے اثرات نے مشرق وسطیٰ بلکہ عالم اسلام کو سکتہ میں ڈال ہے ، کیونکہ اب تک مختلف جہادی گروپ خلافت کا نعرہ تو ضرور بلند کرتے تھے، مگر یہ نعرہ پروپیگنڈا مواد تک ہی محدود رہتا تھا. کوئی بھی طاقت نئے اسلامی ملک کی تشکیل اور خلافت کے نفاذ کیلئے فوجی پیش قدمی نہیں کر سکی تھی. یہ پہلا موقع ہے جب عالم اسلام میں مسلکی ناراضگی، بیزاری، مایوسی، غصہ اور نفرت کو آئی ایس آئی ایس نے کچھ اس طرح بھنایا ہے کہ عراق کی سانسیں تھم گئی ہیں. بغداد میں جان بچانے کیلئے جان کی بازی لگانا ہی آخری راستہ نظر آرہا ہے.

عراقی حکومت نے الله کے بجائے امریکا سے مدد مانگی، مگر امریکا بھی اب آنکھیں بند کرکے اس سرزمین میں چھلانگ لگانے کو تیار نہیں، جہاں سے نجات پانے میں اسے 8 سال لگ گئے تھے. یہی وجہ ہے کہ اب عراقی حکومت آئی ایس آئی ایس کی پیش قدمی کو روکنے کیلئے بغداد میں ہتھیار ایسے بانٹ رہی ہے، گویا کوئی بزرگ بچوں کو کھلونے دے رہا ہو، مگر یہ عمل عراقی حکومت کو اپنی کمزوری اور آئی ایس آئی اس کی طاقت کا ثبوت دے رہا ہے، جس کی لاکھوں فوج چند ہزار جہادیوں کے سامنے بونی ثابت ہو گئی . حقیقت یہی ہے کہ عالم اسلام نے اب تک بہت سی جنگیں دیکھی ہیں، مختلف جنگجوؤں کا دیدار کیا ہے . بدترین دہشت گردی کا تجربہ کیا ہے، مگر آئی ایس آئی ایس کچھ خاص ہے. ایک عجیب و غریب طاقت جس نے دنیا کی سب سے بڑی جہادی طاقت القاعدہ کو انگوٹھا دکھا دیا اور القاعدہ کے سربراہ ایمن الظواہری کو آئینہ. سب سے اہم بات یہ ہے کہ آئی ایس آئی ایس نے ماضی کی غلطیوں سے سبق لیا اور اتحاد و اتفاق کے ساتھ ایسی یلغار کی ہے، جس کو شام سے لیکر عراق تک سنی علاقوں میں مقامی حمایت اور پشت پناہی حاصل ہو رہی ہے اور جنگجو گروپ کے حوصلے اس قدر بلند کی جانب رواں دواں ہے. اب مشرق وسطیٰ کے تجزیہ کر مان رہئے ہیں کہ آئی ایس آئی ایس میں کچھ خاص ہے. اس بغاوت میں نیا جوش ہے، نئی طاقت ہے، نیا حوصلہ ہے اور نیا جذبہ ہے جو یقینا تباہی تو لائے گا، مگر اسکی کوکھ سے ایک نئے عالم اسلام کا ظہور ہو گا.

آئی ایس آئی ایس نے عراق اور شام کے سنی علاقوں پر ایک اسلامی ملک کی تشکیل کا خاکہ تیار کیا ہے اس میں ابوبکر بغدادی کا دماغ سب سے اہم ہے، جس نے عراق کی شیعہ حکومت کے سنیوں کے ساتھ امتیاز کو انتہائی خوبصورتی کے ساتھ بھنا لیا ہے اور آئی ایس آئی ایس نے اس یلغار سے قبل عراق کے قبائلی لیڈران کو اعتماد میں لیا، انکے ساتھ اتحاد کیا اور انہیں اس بغاوت کا حصہ دار بنایا ہے، جس نے آئی ایس آئی ایس کو شام کی سرحد سے تکریت اور موصل ہوتے ہوئے بغداد کا رخ کرنے کا حوصلہ دیا ہے. ابوبکر بغدادی اور عراقی سنیوں کے دلوں میں نوری المالکی کیلئے یکساں نفرت ہے، جس کے سبب دونوں نے ہاتھ ملایا ہے ورنہ کسی ایک گروپ کیلئے عراق کے اتنے بڑے حصے پر قبضہ کرنا ممکن نہیں ہوتا. اس گروپ کو عراقی قبائلی لیڈران کی مدد مل رہی ہے. حقیقت یہ ہے کہ عراق کے قبائلی لیڈران کی حمایت کے سبب ہی آئی ایس آئی ایس نے اس قسم کی پیش قدمی کی ہے. سب سے اہم بات یہ ہے کہ آئی ایس آئی ایس نے ایسا کوئی قدم نہیں اٹھایا ہے، جس سے عراقی سنی مخالف ہو جائیں، جیسا کہ عراقی القاعدہ لیڈر الزرقاوی کے ساتھ ہوا تھا، جس نے عراق میں اتنے بڑے خود کش دھماکے کرائے تھے کہ قبائلی ہی زرقاوی کے خلاف ہو گئے تھے اور " انبار بیداری " مہم کے سبب زرقاوی کا خاتمہ ہوا.کل جن قبائلی لیڈران نے آئی ایس آئی ایس کے بانی زرقاوی کی مخالفت کی تھی، اب ابوبکر بغدادی کو ایک موقع دینا چاہتے ہیں . انبار کے عراقی قبائلی زید ان الجباری کے مطابق آئی ایس آئی آئی نے زرقاوی دور کی غلطیوں سے سبق لیا ہے اور یہی وجہ ہے کہ تنظیم کا واحد مقصد صرف سنیوں کو عراق کی شیعہ حکومت کے امتیاز اور عتاب سے بچانا ہے.

سیاسی تجزیہ کاروں کا یہی خیال ہے کہ بہت ممکن ہے کہ امریکا مداخلت کرکے آئی ایس آئی ایس کو پچھاڑ دے یا پسپا کردے، مگر یہ سب کچھ عارضی ہو گا، کیونکہ عراق میں قبائلی لیڈران کی حمایت کے سبب آئی ایس آئی کو دبانا بہت مشکل ہو گا. ایک مغربی انٹلی جنس کا کہنا ہے کہ یہ لوگ بیمار ہو سکتے ہیں، کمزور پڑ سکتے ہیں ، مگر ختم نہیں ہو سکتے. عراق کے قبائلی لیڈران بڑے صاف لفظوں میں کہہ رہے ہیں کہ اگر ابو بکر بغدادی نے مدد طلب کی اور اتحاد کی پیش کش کی تو ہم ضرور آگے بڑھیں گے، کیونکہ آئی ایس آئی ایس فی الحال وہی کر رہی ہے، جو عراق کے سنی چاہتے ہیں، ہم عراق میں آزادی چاہتے ہیں، یہی وجہ ہے کہ پچھلے 6 ماہ سے جنگ لڑ رہے ہیں.

جنوری میں جب آئی ایس آئی ایس نے فلوجہ پر قبضہ کیا تھا، تو ابوبکر بغدادی نے سب سے پہلے شہر کے قبائلی لیڈران کےساتھ رابطہ قائم کیا اور انہیں اعتماد میں لیا نہ کہ سیاہ و سفید پرچم لہرا دیا. دلچسپ بات تو یہ ہے کہ آئی ایس آئی ایس نے جہاں بھی قدم رکھا، سب سے پہلے علاقے میں فلاحی کام انجام دینے اور بچوں میں تلاوت کے مقابلے کرائے. کھانے کا سامان تقسیم کیا. دوائیں مہیا کرائیں اور ایندھن سپلائی کیا. آئی ایس آئی کی اس نئی تصویر نے عراق کے سنیوں کے دلوں میں گھر کر لیا اور اب یہی حمایت آئی ایس آئی ایس کو ایک نئے اسلامی ملک کی تشکیل کا حوصلہ دے رہی ہے.

عراق کے سنیوں اور آئی ایس آئی ایس میں صرف ایک یکسانیت ہے کہ دونوں کے دلوں میں عراقی حکومت کیلئے بے پناہ نفرت ہے. اس نفرت نے عراقی قبائلی لیڈران کو آئی ایس آئی ایس کی یلغار نے دنیا کے سامنے جنگجوؤں کا ایک خوفناک چہرہ لا دیا ہے، جو بہت سخت گیر اور بے رحم ہے، جس کے جہادیوں نے تقریبا دو ہزار عراقی فوجیوں کا قتل عام کیا مگر آئی ایس آئی ایس کی ویب سائٹ پر تنظیم پر تنظیم کے فلاحی کاموں کی تشہیر کی جاتی ہے، جس میں جہادیوں کو غربا میں کھانا اور گرم کپڑے و بستر تقسیم کرتے ہوئے دکھایا جاتا ہے. جہاں آئی ایس آئی ایس نے قبضہ کیا ہے ان علاقوں میں شریعت کا نفاذ ہوا ہے اور اس پر سختی سے عمل کرایا جا رہا ہے، مگر دلچسپ بات یہ ہے کہ عراق کے قبائلی لیڈران ان کا کچھ یوں کہنا ہے کہ " ہم ایک اسلامی ملک کا حصہ ہیں، مگر ہم ایک ترقی پسند اسلامی ملک بننا پسند کریں گے، تاکہ ہم دنیا کا حصہ ہوں، قومی دھارے میں شامل ہوں، ہمیں یقین ہے کہ ابو بکر بغدادی عراق میں شریعت نافذ کرنے کی ہمت نہیں کریں گے، کیونکہ وہ جانتے ہیں کہ قبائلی لیڈر اسکو برداشت نہیں کریں گے.

اس سے ظاہر ہو رہا ہے کہ عراق کے سنی علاقوں میں آئی ایس آئی ایس کو حمایت تو حاصل ہے، مگر اسکی بنیاد مسلکی نفرت ہے اور اگر سنی علاقوں پر مشتمل ایک نئی طاقت کا ظہور ہوتا ہے تو آئی ایس آئی ایس کو درمیانی راستہ اختیار کرنا ہو گا، تاکہ عراق کے طاقتور قبائلی اسکے ساتھ رہیں اور اگر ایسا نہ کیا تو پھر جو حشر الزرقاوی کا ہوا، وہ ابوبکر بغدادی کا ہو سکتا ہے.

آئی ایس آئی ایس کے جہاد نے مشرق وسطیٰ سے لیکر مغرب تک ایسا خوف پیدا کیا ہے کہ کوئی دوست دشمن منظر آنے لگا ہے تو کوئی دشمن دوست. عراق میں حالات بے قابو ہوتے دیکھ کر اب امریکا نے ایران سے اس مسئلے کا حل تلاش کرنے کیلئے براہراست بات چیت پر غور و خوص شروع کر دیا ہے. کل تک جس ملک پر دہشت گردی کی پشت پناہی کے سنگین الزامات عائد کرکے اسکا دانا پانی بند کرنے کو انسانی خدمت کا نام دیا جاتا تھا، اب اوبامہ انتظامیہ اسی ایران سے عراق میں دہشت گردی کے خاتمہ کیلئے نسخہ مانگ رہی ہے. شاید اس لئے کہ امریکا کو عالم اسلام میں اپنے پرانے دوست سعودی عرب، کویت اور قطر اب ناقابل اعتماد نظر آرہے ہیں ، کیونکہ آئی ایس آئی ایس ہو یا بوکو حرام سب کے پیچھے عرب طاقتوں کا ہاتھ اور دماغ ہے. اب ایران کے صدر حسن روحانی نے بھی کہا ہے کہ اگر امریکا چاہئے گا، تو عراق کے مسئلے پر بات کرنے کو تیار ہیں، مگر اب ایک بات واضح ہے کہ آئی ایس آئی ایس نے جس بغاوت کا پرچم بلند کیا ہے اسکا علاج طاقت ہے نہ فوج، کیونکہ خود امریکا کے صدر بارک حسین اوبامہ نے اس بات کا اظہار کیا ہے کہ جب تک عراقی حکومت بغاوت کا سبب بنے مسلکی امتیاز کا کوئی سیاسی حل پیش نہیں کرے گی تب تک امریکا فوجی کاروائی کرنے پر غور نہیں کرے گا. اوبامہ نے اس بات کو محسوس کر لیا ہے کہ عراقی حکومت کے مسلکی امتیاز نے آئی ایس آئی ایس کو پیدا کیا ہے اور مشرقی وسطی میں مسلکی ٹکراؤ کے سبب ہی آئی ایس آئی ایس کو کویت ، قطراور سعودی عرب سے بھر پور ،مالی امداد مل رہی ہے حالانکہ تینوں ملک دہشت گردی مخالف جنگ میں امریکا کے سب سے بڑے حلیف ہیں مگر سوال ہے مسلکی دبدبہ اور غلبہ کا جس نے سب کو دوہرا کھیل کھیلنے پر مجبور کر دیا ہے. ایران اور شام کے سبب عرب ممالک نے آئی ایس آئی ایس کی پشت پناہی کی اور عراق سے شام تک سنی خطے میں ایک نئے ملک کی تشکیل کا حوصلہ دیا، مگر اب یہ کھیل ایک ایسا موڑ لے چکا ہے، جس نے سب کو دنگ کر دیا ہے. کویت نے آئی ایس آئی ایس کو سب سے زیادہ عطیات دیئے مگر تنظیم نے عراق میں صدام حسین کا جانشین تلاش کر رہا ہے.

سچ یہ ہے کہ عراق کے شیعوں میں نوری المالکی اب مقبولیت گنوا چکے ہیں. بدعنوانیوں اور تانا شاہی کے سبب شیعہ نوری المالکی کا ساتھ چھوڑ رہئے ہیں. یہی وجہ ہے کہ چند ماہ قبل انہوں نے یہ مسلکی شوشہ یا فتنہ پھیلا کر مقبولیت حاصل کرنے کی کوشش کی تھی کہ قبلہ رخ مکہ نہیں بلکہ کربلہ ہونا چاہئے. صدام حسین کے بعد عراق کا یہ انجام کسی کیلئے حیران کن نہیں، کیونکہ 2003 میں جنگ عراق کا آغاز بش کے اس ناپاک پلان کے تحت ہوا تھا کہ عراق کے تین ٹکرے ہوں اور عالم اسلام کا شیرازہ بکھر جائے جیسا اب ہوتا نظر آرہا ہے.

امریکا اس بات کو سمجھ رہا ہے کہ جنگ عراق سے مشرق وسطیٰ میں جو آتش فشاں پیدا ہوا تھا اب خلافت تحریک کے ساتھ پھٹ پڑا ہےعالم اسلام میں طاقت کے بدلتے توازن نے شدت پسندی کا طوفان کھڑا کر دیا ہے اور اب شام، عراق، لیبیا، ترکی، مصر سے لیکر صومالیہ سوڈان، نائیجریا سے الجزائر تک ایسے جہادی گروپوں کو ابھرنے کا موقع دیا ہے، جنہیں عالم عرب سے زبردست حمایت حاصل ہے کل تک یہ گروپ صرف شدت پسندی کے علمبردار تھے اب یہ حکمرانی کے دعویدار ہیں. نئی سرحدیں بنانے کیلئے پرعزم ہیں. نقشہ بدلنے پر اڑے ہوئے ہیں اور سب سے نازک بات یہ ہے کہ مختلف ممالک میں اب ان نظریات کو مقبولیت اور حمایت مل رہی ہے. شاید یہی وجہ ہے کہ اب امریکا کے وہ بڑے دماغ جو کل تک صدام حسین کے فاتح کو عراق کا سب سے بڑا مسئلہ حل ہونا مان رہئے تھے، اب کہہ رہے ہیں کہ آئی ایس آئی ایس کے خلاف فوجی طاقت کا استعمال مسئلہ کا حل نہیں. اوبامہ انتظامیہ سمجھ رہی ہے کہ آسمان سے بم برسانے سے زمینی حقیقت نہیں بدل سکتی ہے. اس مسئلے کی بنیاد بغداد میں برسر اقتدار شیعہ قیادت ہے، جس سے مسلکی امتیاز برتنے سے سنی جہاد کا ظہور ہوا. اب ان بڑے گروپوں کو بڑے عرب ممالک کی حمایت حاصل ہے اور امریکا کے سامنے ایک مسئلہ یہ ہے کہ عرب ممالک دہشت گردی مخالف جنگ میں اسکے حلیف ہیں، مگر اب جو تصویر سامنے ہے. اس نے اچھے اچھوں کے طوطے اڑا دیئے ہیں اور ایسا لگ رہا ہے کہ اگر زمینی صورت حال نہیں بدلی جا سکی تو آئی ایس آئی ایس کا خلافت قائم کرنے کا خواب پورا ہو جائے گا. امریکا ہو یا عراقی حکومت اس کیلئے آئی ایس آئی ایس ایک ٹیڑھی کھیر بن گیا ہے. یہ سزا ہے امریکا کیلئے جس نے چھوٹے جواز بشمول مہلک ترین ہتھیار اور القاعدہ سے ساز باز کے نام پر عراق پر حملہ کیا تھا. یہ سزا ہے عراقی حکومت کیلئے جس نے بغداد میں اقتدار حاصل ہونے کے بعد وہی کیا، جس کا الزام صدام حسین پر عائد کیا جاتا تھا. اب عالم اسلام میں کوئی بغداد میں خلافت کے خوف سے تھرا رہا ہے، تو کوئی خوشی منا رہا ہے.

________________________________________________________
پڑھنے کا شکریہ اپنی قیمتی آراہ سے ضرور نوازیں

آپریشن ضرب عضب اور امن و سکون کی قومی خواہش

2014-06-22T10:47:00.000+01:00

ملک میں گزشتہ بارہ تیرا سال کے عرصے میں دہشت گردی کی بھینٹ چڑھنے والے پاکستانی فورسز کے جوانوں اور عام شہریوں کی تعداد پچاس ہزار سے زائد ہو چکی ہے اور ملی نقصان ایک کھرب سے بڑھ چکا ہے. ایسے سنگین حالات کے باوجود اگر اب بھی کوئی فرد یا جماعت دہشت گردی کے خاتمے کیلئے مذاکرات کی راہ دکھاتی اور مذاکرات پر ہی اصرار کرتی ہے تو اسے ملک کا بہی خواہ کس طرح قرار دیا جا سکتا ہے؟

کئی عشروں سے جاری سفاکانہ دہشت گردی نے ملک میں بہت خون بہا دیا ہے. امن و امان بدامنی کے گرداب میں ڈوب رہا ہے قومی معیشت سرمایہ کاری کا عمل رکنے سے پستی میں ہچکولے کھا رہی ہے. دہشت گردی کا عفریت ہزاروں پاکستانیوں کو نگل چکا ہے. اربوں کے مالی نقصان کا ملک و قوم کو سامنا ہے جبکہ ان تمام نقصانات و فتنہ سازیوں کے باوجود طالبان آج بھی دھمکیاں دے رہئے ہیں کہ ہمارے خلاف جاری آپریشن اسلام آباد و لاہور میں حکومتی ایوانوں کو جلا دے گا جبکہ نواز شریف کا یہ کہنا بھی قابل غور ہے کہ دہشت گردی اور مذاکرات ساتھ ساتھ نہیں چل سکتے. وقت آگیا ہے کہ دہشت گردوں کے آخری ٹھکانے تک شدت پسندوں کے خلاف جنگ جاری رکھی جائے تاکہ حالیہ آپریشن ہمارے خوابوں کی تعبیر کا پیش خیمہ ثابت ہو سکے.

یہ حقائق کسی سے پوشیدہ نہیں کہ گزشتہ بارہ تیرہ سال کے عرصے میں دہشت گردی بھینٹ چڑھنے والے پاکستانی فورسز کے جوانوں اور عام شہریوں کی تعداد پچاس ہزار سے زائد ہو چکی ہے اور مالی نقصان ایک کھرب سے بڑھ چکا ہے. ایسے سنگین حالات کے باوجود اگر اب بھی کوئی فرد یا جماعت دہشت گردی کے خاتمے کیلئے مذاکرات کی راہ دکھاتی اور مذاکرات پر ہی اصرار کرتی ہے تو اسے ملک کا بہی خواہ کس طرح قرار دیا جا سکتا ہے؟ اس بات کو بھی نہیں جھٹلایا جا سکتا کہ وزیراعظم پاکستان نواز شریف جو بغیر خون خرابے کے ملک میں قیام امن کیلئے حکومت طالبان مذاکرات کے خود بہت بڑے حامی تھے، یہ کہنے پر مجبور ہو چکے ہیں کہ مذاکرات کی بھرپور کوششیں کی گئیں مگر دہشت گرد ملک میں قیام امن کیلئے کسی نرمی یا رعایت کو خاطر میں نہ لائے.وقت آگیا کہ اب دہشت گردوں کے ساتھ سختی سے نمٹا جائے اور ملک و قوم کے مستقبل کو پرامن بنانے کیلئے ہر ممکن کیے جائیں.

گزشتہ روز وزیراعظم نواز شریف نے قومی اسمبلی اور سینٹ میں خطاب کرتے ہوئے کہا تھا کہ آپریشن ضرب عضب   حتمی مقاصد کے حصول تک جاری رہے گا. پوری قوم کو اپنی مسلح افواج کا ساتھ دینا ہو گا. ہم کسی قیمت پر ملک کو دہشت گردوں کی پناہ گاہ نہیں بننے دیں گے. انہوں نے کہا کہ ہم مذاکرات کر رہے تھے مگر دوران مذاکرات بھی دہشت گردوں نے ملکی تنصیبات کو نشانہ بنانے کا عمل جاری رکھا اور پھر کراچی ائیرپورٹ پر حملے کے بعد مشاورت سے آپریشن ضرب عضب کا فیصلہ کیا گیا. تاہم اب ہر قیمت پر دہشت گردی کا خاتمہ کرکے رہیں گے. وزیراعظم نے کہا کہ آپریشن سے متاثرہ افراد کیلئے خصوصی سینٹر قائم کر دیئے ہیں اور ہتھیار ڈالنے والوں کے لیے سرنڈر یونٹس کا قیام عمل میں لایا گیا ہے.

وزیراعظم نواز شریف کی طرف سے پوری قوم کو فوج کے ساتھ کھڑے ہونے کی استدعا اپنی جگہ اہمیت کی حامل ہے. تاہم یہ بھی حقیقت ہے کہ قوم ہمیشہ کی طرح اپنی بہادر فوج کے ساتھ ہے. آج جبکہ قومی سلامتی خدشات کی زد میں ہے فوج اور قوم ملکی سالمیت کیلئے ہر قربانی دینے کو تیار ہے. دراصل شمالی وزیرستان میں آپریشن ناگزیر ہو چکا تھا. حکومت کو آپریشن ضرب عضب   میں ملک کی ان سیاسی جماعتوں کی حمایت بھی حاصل ہے جو حکومت سے اختلاف رکھتی ہیں اور ان سیاسی جماعتوں میں تحریک انصاف، ایم کیو ایم اور دیگر سیاسی جماعتیں شامل ہیں. ملک کے سیاسی و مذہبی حلقوں کے ساتھ چیف جسٹس آف پاکستان کا یہ کہنا بھی قابل غور ہے کہ غیر ریاستی عناصر کا سفاکانہ طرز عمل اسلام کے تشخص کو مجروح کرنے کا موجب بن رہا ہے. دوسری طرف آرمی چیف جنرل راحیل شریف نے کہا ہے کہ آپریشن ضرب عضب    کا مقصد شمالی وزیرستان میں موجود تمام دہشت گردوں کا صفایا   کرنا ہے. ہمارا ہدف صرف دہشت گرد ہیں اور ہمیں دہشت گردی کی لعنت سے نجات حاصل کرنا ہے. فورسز کی کاروائیاں جاری ہیں اور آپریشن دہشت گردوں کے خاتمے تک جاری رہے گا.

انشاءاللہ جلد شمالی وزیرستان میں حکومتی رٹ قائم کر دیں گے. یہ امر اطمینان بخش ہے کہ حکومت نے ملک میں قیام امن کو یقینی بنانے کیلئے عسکری قیادت کی ہم آہنگی سے بلآخر آپریشن ضرب عضب    جیسے غیر معمولی فیصلے پر عملدرآمد کیا اور قومی اسمبلی نے قبائلی علاقے میں عسکریت پسندوں کے خلاف آپریشن کی قراداد کثرت رائے سے منظور کی. پی پی، ایم کیو ایم، تحریک انصاف اور قومی وطن پارٹی نے قراداد کی حمایت میں باقاعدہ دستخط کیے. شمالی وزیرستان میں جاری اس آپریشن کی اہمیت کا اندازہ اس بات سے بھی لگایا جا سکتا ہے کہ ملک بھر میں دہشت گردی کے احکامات شمالی وزیرستان سے ہی جاتے رہے ہیں اور ازبک سمیت متعدد غیر ملکی دہشت گردوں کی محفوظ پناہ گاہیں بھی اس علاقے میں بتائی جاتی ہیں.

یہ اقتضائے وقت تھا کہ حکومت دہشت گردوں کی طرف سے جنگ کو پھیلانے کی دھمکیوں کو سامنے رکھتے ہوئے کوئی حتمی فیصلہ کرتی تاکہ دہشت گردی کی روک تھام ہو سکے. حکومت کی طرف سے ملک کے تمام بڑے شہروں میں فوج کی تعیناتی کا بھی فیصلہ کیا گیا ہے اور حساس تنصیبات پر سیکورٹی سخت کر دی گئی ہے. حساس مقامات کے گرد تین حفاظتی حصار بھی قائم کر دیئے گئے ہیں. پہلے حصار میں پولیس دوسرے میں ایف سی رینجرز اور تیسرے میں فوج کی تعیناتی کی گئی ہے. ضرورت اس امر کی ہے کہ پوری قوم اور تمام تر قومی ادارے آپریشن ضرب عضب    کی کامیابی کیلئے متحد ہوں تاکہ دہشت گردی کے اس طوفان پر قابو پایا جا سکے جس نے ہمیں نہ صرف ناقابل تلافی   جانی و مالی نقصان پہنچایا بلکہ ہماری معیشت کی چولیں بھی ہلا دی ہیں. خدا کرے آپریشن ضرب عضب   ہمارے خوابوں کی تعبیر کا پیش خیمہ ہی ثابت ہو.

مزید پڑھیں »

آپریشن " ضرب عضب " قوم کی امنگوں کا ترجمان

2014-06-19T17:17:00.000+01:00

شدت پسندی نے معاشرتی زندگی کو خوف کے حصار میں لے رکھا ہے اس سے پوری قوم نفسیاتی دباؤ کا شکار ہے. دہشت گردی کی وارداتوں نے کاروباری مراکز اور صنعتی و تجارتی سرگرمیوں کو ایک طرح سے ختم کرکے رکھ دیا ہے.

پاک فوج کی طرف سے شدت پسندوں کے خلاف شمالی وزیرستان میں " ضرب عضب " آپریشن کامیابی سے جاری ہے. فورسز کی جانب سے میر علی، میران شاہ اور دیگر علاقوں میں طیاروں سے بمباری کرکے شدت پسندوں کے متعدد ٹھکانوں کو تباه کیا گیا اور انہیں گھیرے میں لیکر فرار ہونے کی کوشش ناکام بنائی جا رہی ہیں. شدت پسندوں کی نقل و حرکت روکنے کیلئے باقی ایجنسیوں سے سرحد کو مکمل طور پر سیل کر دیا گیا ہے. آپریشن میں جیٹ طیاروں کے علاوہ جنگی ہیلی کاپٹر بھی حصہ لے رہے ہیں. افواج پاکستان کی پوری کوشش ہے کہ پاک افغان سرحد کی مکمل طور پر نگرانی کی جائے تاکہ یہ لوگ یہاں سے نکل کر افغانستان داخل نہ ہو سکیں. آئی ایس پی آر کے مطابق ابتک ہلاک ہونے والے شدت پسندوں کی بڑی تعداد ازبک دہشتگردوں کی بتائی جاتی ہے جو بیرونی اشاروں پر پاکستان کو میدان جنگ بنانے کی سازشوں میں ملوث ہیں.آپریشن کے دوران ابتک دو سو سے زائد دہشت گرد ہلاک جبکہ پاک فوج کے متعدد جوان بھی شہید ہوئے ہیں.قبائلی علاقوں سے متاثرہ خاندانوں کی بڑی تعداد محفوظ علاقوں میں نقل مکانی کر رہی ہے. بنوں میں پھچلے چار دن سے کرفیو نافذ ہے جسکی وجہ سے ہزراروں کی تعداد میں متاثرہ خاندانوں کو وہاں سے نکلنے میں سخت مشکلات کا سامنا کرنا پڑ رہا ہے.

شمالی وزیرستان میں حالات کافی دیر سے خراب تھے اور اس بات کی پختہ اطلاعات تھیں کہ ملک بھر کے مختلف شہروں و علاقوں میں والی دہشتگردی ، بم دھماکوں اور خود کش حملوں میں ملوث دہشت گرد انہی علاقوں میں پناہ لیئے ہوئے ہیں. بھارت و امریکہ کی خفیہ اایجنسیوں نے یہاں وسیع نیٹ ورک رکھا ہے اور افواج پاکستان و سیکیورٹی اداروں پر حملے کرنے والوں کو ہر قسم کے وسائل، جدید اسلحہ ، حساس مقامات کے نقشے اور دیگر معلومات فراہم کی جا رہی ہیں. شمالی وزیرستان میں موجود دہشت گردوں کی جانب سے افواج پاکستان کو بم دھماکوں اور خودکش حملوں کے نتیجہ میں بے پناہ نقصانات اٹھانا پڑے. قومی املاک کو بار بار نشانہ بنایا جاتا رہا. ہزاروں کی تعداد میں افواج پاکستان اور عام شہری جاں بحق ہوئے جس پر اگرچہ پاکستان کے مختلف طبقات کی طرف سے آپریشن کے مطالبات بڑھتے جا رہے تھے مگر پاکستانی فوج اور حکومت کی جانب سے اس آپریشن سے گریز اور مذاکرات سے مسائل حل کرنے کی خواہشات کا اظہار کیا جاتا رہا. حکومت پاکستان کی جانب سے ایک اعلی سطحی مذاکراتی ٹیم بھی تشکیل دی گئی اور طالبان سے مذاکرات کئے جاتے رہے کہ کسی طرح انہیں قومی دھارے میں لایا جائے تاکہ ملک سے دہشت گردی کا خاتمہ ہوا اور پاکستانی امن و سکون سے رہ سکیں مگر یہ مذاکرات کامیاب نہیں ہو سکے. ملک بھر کی مذہبی و سیاسی جماعتوں کی جانب ملک گیر تحریک چلائی گئی اور ملک کے کونے کونے میں جہاں حکومت پاکستان کو اس بات کا احساس دلایا گیا کہ پاکستان میں اس وقت جو مسائل درپیش ہیں وہ ماضی میں کی گئی غلطیوں اور نام نہاد دہشت گردی کے خلاف جنگ میں حصہ لینے کا نتیجہ ہیں وہیں پر اس بات کی طرف زور دیا جاتا رہا کہ حکومت اپنی غلطیوں کی اصلاح کرتے ہوئے محب وطن قبائلیوں کو اعتماد میں لے اور طالبان سے مذاکرات و مفاہمت کا راستہ اختیار کیا جائے لیکن جب بھی مذاکرات کامیابی کی طرف بڑھنا شروع ہوئے امریکہ کی طرف سے ڈرون حملے کرکے انہیں سبوتاژ کیا جاتا رہا. بعدازاں ہم نے دیکھا کہ بھارت و امریکہ کی مداخلت اس قدر بڑھ گئی کہ امریکہ کو ڈرون حملے کی بھی خاص ضرورت نہیں رہی اور دہشت گردوں نے مذاکرات کے بجائے قتل و غارت کا راستہ ہی اختیار کیا اور مذاکرات کو محض خود کو مظبوط کرنے کیلئے ہتھیار کے طور پر استعمال کرنے کی کوشش کی.

کراچی ائیرپورٹ پر جس طرح حملہ کیا گیا، سیکورٹی اداروں اور وہاں کھڑے طیاروں اور دیگر قومی املاک کو نشانہ بنا کر ملک کو اربوں روپے کا نقصان پہنچایا گیا اسکے بعد ملک بھر کی مذہبی ، سیاسی و سماجی تنظیموں اور قوم کے ہر طبقہ کا مطالبہ یہی ہے کہ شمالی وزیرستان میں بھر پور آپریشن کرکے دہشت گردی کا مکمل خاتمہ کیا جائے. اس وقت جب آپریشن شروع ہو چکا ہے تو اس بات کا ضرور خیال رکھا جانا چاہئے کہ قبائلی عوام نے ہمیشہ وطن عزیز کی سلامتی و استحکام کیلئے قربانیاں پیش کیں اور دفاع پاکستان کی جدوجہد میں میں نہ صرف حصہ لیا بلکہ ہر اول دستہ کا کردار ادا کیا ہے. اس لئےآپریشن کے دوران محب وطن قبائلی عوام جن کا دہشت گردوں سے کوئی لینا دینا نہیں ہے انکے جان و مال کو کوئی نقصان نہیں پہنچنا چاہئے

مزید پڑھیں »

پنجاب پولیس کی ایکشن فلم " گلو بٹ "

2014-06-19T13:33:00.000+01:00

تاریخ اسلام کا دیا ہوا سبق اور بتایا ہوا، اٹل حصول ہے کہ دنیا کے حکمران اس وقت تک اپنے اقتدار کے تخت پر برانجمان رہتے جب تک وہ سچائی، صداقت اور اضافی فلاح کے جذبہ سے سرشار ہوکر مصروف رہتے ہیں. جو حکمران انسانی حقوق کی پامالی کا مظاہرہ اور لاقونیت کے اقتدار سے اپنے رعایا کی زندگیوں کے چراغ گل کرتے ہیں وہ تخت اقتدار سے نہ صرف اتار دیئے جاتے ہیں بلکہ انہیں قدرت نشان عبرت بھی بناء دیتی ہے.

سانحہ لاہور جہاں پولیس کی بربریت، جبر و تشدد کا عکاس دکھائی دیتا ہے وہاں تاریخ کا سیاہ ترین باب بھی قرار پائے گا جمہوری دور میں آمریت کی یاد تازہ کر دی گئی معصوم شہریوں کو جس بے دردی سے مارا گیا اسکی مثال نہیں ملتی اس واقعہ کا پیش منہاج القرآن سیکرٹریٹ سے پولیس کا ، روکاوٹیں اٹھانا قرار پایا جسکی آڑ میں پولیس نے ظلم کی انتہا کر دی اور دو خواتین سمیت 8 افراد کی جان لے ڈالی اس دل سوز واقعہ پر انسان کا دل خون کے آنسو روتا ہے اور پوری قوم اسکی مذمت کر رہی ہے. یہ ریاستی تشدد ہے یا سازش اسباب کون تلاش کرے گا. پنجاب حکومت 15 گھنٹے یہ تماشا دیکھتی رہی پولیس کو کنٹرول کیوں نہ کیا گیا اور یہ معصوم شہریوں کو قتل کرتی رہی ظلم ڈھاتی رہی خواتین اور بچوں کو سڑکوں پر گھسیٹی رہی یہ ریاستی تشدد نہیں تو پھر اسکو کیا کہا جائے پولیس کو یہ حکم کس نے دیا اور گولی کیوں چلی پرامن طریقے سے کارکنوں کو منتشر کیوں نہیں کیا گیا.

یہ سوال ہر کس و نا کس کی زبان پر ہے پولیس کا یہ فرض ہوتا ہے کہ وہ لوگوں کی جان و مال کی حفاظت کرے . جرائم اور کرائم کو روکے، امن و امان قائم رکھے لوگوں کو تحفظ دے لیکن ہماری مثالی پولیس کا یہ کمال ہے کہ یہ جانوں کی حفاظت کرنے کے بجائے جانوں کی دشمن قرار پائی جس سے ملک بھر میں ایک سوگوار کیفیت دیکھنے میں آرہی ہے. پنجاب میں جرائم کی شرح بڑھ رہی ہے کالعدم تنظیموں کے کارکن بدامنی کا موجب بن رہئے ہیں، کچہریوں میں وکلاء کو قتل کیا جا رہا ہے معزز اور شریف لوگوں کے گھروں کو جلانے کے بھی شرمناک واقعات آن ریکارڈ ہیں. سینکڑوں اشتہاری لوگوں کیلئے پریشانی کا موجب بنے دندناتے پھر رہے ہیں پولیس انکو پکڑنے میں ناکام ہے پولیس جرائم کم کرنے میں ناکام ہے پولیس مال بناؤ اور قدم آگے بڑھاؤ کی پالیسی پر ہے جس سے تھانے، قصاب خانے بنے نظر آرہے ہیں.

وزیراعلیٰ پولیس کو عوام کا خادم بنانے کے دعوے کرتے نہیں تھکتے . سانحہ لاہور نے انکے دعوؤں کا بھانڈا پھوڑ دیا ہے. ڈاکٹر طاہر القادری نے حکومت کے خلاف قتل کا مقدمہ درج کرنے کا اعلان کیا اور خبردار کیا کہ اگر مجھے یا میرے خاندان کو کچھ ہوا تو ذمہ دار شریف برادران ہوں گے. ملک بھر میں پولیس گردی کے خلاف احتجاج کیا جارہا ہے دھرنے دیئے جا رہے ہیں اور اس دل خراش واقعہ کی مذمت کی جا رہی ہے . متحدہ قومی موومنٹ اور سنی تحریک نے طاہر القادری اور عوامی تحریک کے کارکنوں سے یکجہتی کا اظہار کرتے ہوئے تین سوگ کا اعلان کیا ہے. سانحہ لاہور کی اندرونی کہانی کی کڑی صوبائی وزیر قانون رانا ثنا الله سے جا ملتی ھے. جنہوں نے ضلعی انتظامیہ کی مخالفت کے باوجود مزاحمت کاروں کو سبق سکھانے کا حکم دیا اور اس سارے معاملے میں وزیراعلیٰ کو بے خبر رکھا پولیس ذرائع نے دعوی کیا ہے چند روز پہلے صوبائی دارلحکومت میں ہونے والی میٹنگ میں رانا ثنا الله نے انتظامیہ کو ہدایت کی کہ منہاج القرآن سیکرٹریٹ میں کاروائی کریں تاہم کمشنر لاہور نے کاروائی کی مخالفت کرتے ہوئے آپریشن میں نہ جانے کا مشورہ دیا تھا لیکن رانا بضد رہے اور جسکے نتیجے میں 8 افراد مارے گئے 90 زخمی ہوئے.

ڈاکٹر طاہر القادری کی واپسی سے حکومت کے وزراء اتنے خوف زدہ ہیں کہ وہ قانون شکنی پر اتر آئے ہیں. امن و سلامتی کی بجائے تشدد کی سیاست پر اتر آئے ہیں یہ سانحہ نادان سوچ کی غمازی ہے جس نے تاریخ میں ایک سیاہ باب کا اضافہ کیا ہے جسکی جتنی مذمت کی جائے کم ہے حکومت کی بدنامی رسوائی کا موجب یہ سانحہ قرار پایا اور اسکے منفی اثرات مرتب ہوں گے. یہ سانحہ ظلم و جبر کی داستان بنکر ایک انقلابی سوچ کو جنم دے گا سیاست میں رواداری کا ہونا ضروری ہوتا ہے جبر سے نہ کسی جماعت کو دبایا جا سکتا ہے نہ کسی لیڈر کو جھکایا جا سکتا ہے. طاہر القادری قوم کا سرمایہ ہیں اور عوام کی نگاہیں انکی طرف لگی ہوئی ہیں جمہوریت کے دعویدار عوام کو تحفظ دینے میں بری طرح ناکام دکھائی دے رہے ہیں. پولیس جرائم پیشہ افراد کو پکڑنے اور جرائم روکنے میں ناکام ہے، تھانے درلآمن کب بنیں گے کب لوگوں کو تحفظ ملے گا کب جان و مال کی حفاظت ہو گی کب لاشوں کی سیاست سے چھٹکارا ملے گا.

یہ سوال حکومت کیلئے توجہ طلب ہے اس واقعہ کی غیر جانبداری انکوائری اور ملوث افراد کو قرار واقعی سزا ہی انکے بہاتے آنسوؤں کو روک سکتی ہے اس آگ کو انصاف ٹھنڈا کر سکتا ہے اگر اسطرح خون کی ہولی کھیلی جاتی رہی تو پھر امن کا قیام نا ممکن جائے ، حکومت ہوش کے ناخن لے اور سیاست میں انتقام کی روایت ختم کرے، جمہوریت میں جلسے، جلوس، مظاہرے ہوتے رہئے ہیں مخالفین کو دبانے جھکانے کیلئے اوچھے ہتھکنڈے جمہوریت کی بساط لپیٹ سکتے ہیں اس سانحہ میں (ن) لیگ کے کارکن گلو بٹ کے غنڈے گردی بھی نمایاں دکھائی دی جو ڈنڈے سے گاڑیوں کے شیشے توڑنے میں اپنا کوئی ثانی نہیں رکھتا پایا گیا عوامی تحریک کے کارکنوں پر پولیس کے وحشیانہ تشدد نے حکومتی ساکھ کو جہاں متاثر کیا وہاں وقار کو مجروح کرنے میں کوئی کسر باقی نہ چھوڑی، بنائے عوام کے جان و مال کی حفاظت کو یقینی بنائے ملک میں اس وقت دہشت گردی کے سائے منڈ لا رہے ہیں. بدامنی کا دور دورہ ہے پولیس شہریوں کو مار کر آخر کیا کارنامہ انجام دینا چاہتی ہے اس واقعہ کے ذمہ دار کون ہیں انکو بے نقاب کرکے کیفرکردار تک پہنچایا جائے .

مزید پڑھیں »

سانحہ ماڈل ٹاؤن اور پولیس کا دیوالیہ پن

2014-06-18T09:44:00.001+01:00

پاکستان کے صوبے پنجاب کے دارلحکومت لاہور کے علاقے ماڈل ٹاؤن میں منہاج القرآن کے سیکرٹریٹ کے قریب پولیس اور پاکستان عوامی تحریک کے کارکنوں کے درمیان میں کم از کم آٹھ افراد ہلاک اور 97 کے قریب زخمی ہو گئے.

پنجاب پولیس نے منہاج القرآن سیکرٹریٹ پر شاید یہ سوچ کر اس قدر بہیمانہ حملہ کیا کہ وہ بھی شمالی وزیرستان کی کوئی آما جگاہ تھی. نوجوان طالب علموں، خواتین اور باریش بزرگوں کو جس سلوک کا نشانہ بنایا گیا منتقم مزاجی کے زمرے میں ہی آئے گا.

پاکستان اپنی تاریخ کی اہم ترین جنگ لڑ رہا ہے. پوری قوم اس جنگ میں شریک ہے. اس وقت قوم کے اتحاد اور فکری یکجہتی کی ایسی ضرورت ہے جیسی تحریک پاکستان پاکستان کے دوران دیکھنے میں آئی تھی. یہ وقت ہے ذاتی سیاسی اور گروہی اختلافات ختم کرکے ایک قوم بننے اور ایک جذبے کے اظہار کا. ہم دہشت گردی کو ہرگز قبول نہیں کرتے. دہشت گردی سے اپنے ناپاک مقاصد پورے کرنے والوں کے مقابل ہم عزم و ہمت کی چٹان ہیں. پاکستان کے اٹھارہ کروڑ عوام دہشت گردوں کے اس گروہ کو اپنی زندگی، اپنے معاشرے اور اپنی ثقافت سے کھیلنے کی ہرگز اجازت نہیں دیں گے. جنکا اس زمین کے ساتھ کوئی تاریخی اور جذباتی تعلق ہی نہیں ہے. پاکستان کے اٹھارہ کروڑ عوام اس معاشرے کی تشکیل کیلئے بے شمار قربانیاں دے چکے ہیں جو جمہوری اور آئینی روشن خیالی کے جذبوں پر تعمیر کیا جائے گا. فرقہ پرست اور اذیت پسند قوتیں ہمارے معاشرے پر کبھی غالب نہ آئیں گی. یہ فیصلہ ہے پاکستان کے شہریوں کا اور یہ فیصلہ لاگو ہو کر رہے گا. مسلم لیگ (ن) کی حکومت نے گزشتہ چھ سال آپریشن کی مخالفت کی. وہ سوات میں فوجی آپریشن کے حق میں بھی نہیں تھی لیکن پیپلز پارٹی نے آپریشن کیا اور کامیاب کیا.

گزشتہ ایک سال کے واقعات کے بعد جب پانی اور آگ دونوں سر سے گزر گئے تو مسلم لیگ (ن) کو چاروناچار آپریشن کا فیصلہ کرنا پڑا. اس وقت پوری قوم آپریشن کے حق میں ہے لیکن ایسی صورتحال میں جب قوم متحد ہو رہی ہے. پنجاب حکومت نے ایک بے معنی جھگڑا شروع کروادیا ہے. عوامی تحریک کے رہنما ڈاکٹر طاہر القادری کے گھر پر دھاوا بول دیا گیا ہے. دھاوا تو دراصل ان رکاوٹوں پر بولا گیا جو آنے جانے والے راہگیروں اور وہاں رہائش پذیر لوگوں کیلئے مشکلات کا موجب بن رہی تھی. لیکن حیرت اس بات پر ہے کہ ن لیگ کی قیادت علامہ صاحب سے واقف نہیں تھی؟ مسئلہ صرف وہاں کے مکینوں کی تکالیف کا ہے مگر پروفیسر صاحب اسے عالم اسلام کیلئے انقلاب کے راستے میں رکاوٹ قرار دے سکتے ہیں. دہشت گردی کے خلاف آپریشن کا چوتھا دور ہے. ابھی دو روز قبل پاکستان کے وزیراعظم نے قوم کو اعتماد میں لیا ہے. اس وقت پاکستان کے کسی شہر اور قصبے میں کسی قسم کے مظاہروں اور احتجاج کی ضرورت نہیں تھی. اگر پروفیسر ڈاکٹر طاہر القادری نے یہ راستہ کئی سال سے بند کیا ہوا تھا تو چند ہفتے اور گزر جانے سے کیا فرق پڑتا تھا.

مسلم لیگ (ن) کی قیادت پر عموما یہ الزام عائد کیا جاتا ہے کہ یہ دشمنی کو پروان چڑھانے اور مخالفوں سے بدلا لینے میں یکتا ہے لیکن شیخ الاسلام کے راستے سے رکاوٹیں ہٹا کر اچھا کام نہیں کیا. انہوں نے ان کالم نگاروں کی بات مان لی جنہوں نے تمام زندگی نہ کبھی سیاست کی اور نہ ہی کسی سیاسی جماعت سے فکری تربیت حاصل کی، محض اقتدار کیلئے قصیدہ خوانی ہی کو سیاسی تدبر سمجھا. ڈاکٹر صاحب کو آنے دیجئے حکومت کو فرق نہیں پڑے گا. البتہ اس وقت قوم کی توجہ کسی دوسری جانب مبذول کروانا ضرب عضب کی اہمیت کو کم کرنے مترادف ضرور ہو گا.

مزید پڑھیں »

ضرب عضب پاکستان کے وجود کی جنگ

2014-06-17T13:01:00.001+01:00

ضرورت اس امر کی ہے کہ ملک کے آئین کی بالادستی کو تسلیم کرتے ہوئے دہشت گردی سے الگ ہونے کا اعلان کریں. غیر ملکی دہشت گردوں کو ملک سے صاف کرنے کیلئے افواج پاکستان کا ساتھ دیں اور اس امر پر پوری توجہ مبذول کریں کہ پاکستانی فوج انہیں مکمل اور بھر پور شکست دینے کی صلاحیت رکھتی ہے. حکومت نے مجبورا ہی سہی اس آخری آپشن کو اختیار کیا ہے تو اب اسے دہشت گردی کے ناسور کو جڑ سے اکھاڑ پھینکنے تک یہ عمل جاری رکھنا ہو گا.

وہ کونسا نظریہ ہے جو دہشت گردی اور ملک کے خلاف تخریب کاری کا سبق دیتا ہے. اپنے ملک کی سر زمین کو دشمن کی سرزمین قرار دیتا ہے. ریاست کے خلاف انقلاب کی جنگ ملک کے خلاف نہیں ہوتی اور ملک کے خلاف جنگ عوام کیلئے نہیں ہوتی. ضیاالحق کی آمریت نے پوری دنیا کے جرائم پیشہ، فرقہ پرست، دہشت گرد اور تخریب کار اس ملک کے اس حصّے میں اکھٹے کیے جس کی سرحد ابھی تک متنازعہ ہے. افغانستان نے ڈیورنڈ لائن کو ابھی تک قبول نہیں کیا. اس کے دعوے ہماری زمین پر ہیں اور ضیاالحق نے اپنے ناپاک اور آئین دشمن مفادات کیلئے اس زمین کو استعمال کیا. ہر قسم کا شر پسند مذہب کے نام پر اکٹھا کیا. ضیاالحق کو تو صرف آئین اور جمہوریت سے دشمنی تھی اور ضیاء کی یہ دشمنی آخرکار پاکستان دشمن طاقتوں کی قوت بن گئی.

عمران خان، جماعت اسلامی اور ہمارے تزویراتی اثاثے اس پر نہ صرف خاموش تھے بلکہ درپردہ سوات میں ظلم اور بربریت کا راج قائم کرنے والوں کی دبی زبان میں حمایت بھی کر رہئے تھے لیکن اس کا علاج صرف ایک ہی تھا اور یوسف رضا گیلانی کی حکومت نے وقت ضائع کیے بغیر یہ فیصلہ کیا کہ سوات کو فوجی آپریشن کے ذریعے ہی آزاد کروایا جا سکتا ہے. طالبان دہشت گردوں نے پاکستانی قوم کی خون اور پسینے کی کمائی سے حاصل ہونے والی دفاعی قوت اور تنصیبات کو نشانہ بنایا. پاکستانی قوم کے شہریوں اور فوجیوں پر بے دریغ حملے کیے. نہ کسی ہسپتال کو چھوڑا، نہ مدرسے کو اور نہ ہی مسجد کو، بازاروں اور شہروں کولہولہان کر دیا.

عمران خان جیسے تبدیلی کے کپتانوں نے اس خونریزی کی حمایت کی اور بار بار کی. بنوں جیل پر حملہ ہوا، عمران خان کی زیر حکومت صوبے ڈیرہ اسماعیل خان کی جیل توڑی گئی. تحریک انصاف کے وزیر اور اراکین اسمبلی قتل کیے گئے لیکن کپتان دہشت گردوں سے مزاکرات کا واویلا کرتا رہا. ان دہشت گردوں نے انسانی اخلاقیات کی دھجیاں بکھیرتے ہوئے ہمارے فوجی جوانوں کے گلے کاٹے اور انکی ویڈیو بناکر ہمیں پیش کر دی. جن ماؤں ، بہنوں، بیٹیوں، بیویوں اور بچوں نے اپنے پیاروں کے گلے کٹتے دیکھے ہوں گے وہ تمام زندگی اس اذیت سے چھٹکارہ حاصل نہیں کر سکتے اور ہمارا کپتان شاہد الله شاہد کے بیانات کی تائید کرتا رہا. اس درندگی کی حمایت کرتا رہا جسے دیکھ کر ہر انسان کی روح زخم خوردہ ہو جاتی ہے لیکن بنی گالہ کا مقیم اپنی ایکٹروں پر پھیلی ہوئی اسٹیٹ میں ان خون آشام واقعات کی صفائی پیش کرنے میں مصروف رہا

ہمارا وزیر داخلہ بھی اس کا ہمنوا تھا. چاروں طرف مذاکرات مذاکرات کی آوازیں آرہی تھیں. اے این پی متحدہ قومی مومنٹ اور پی پی پی بار بار کہہ رہی تھیں انکا علاج صرف اور صرف آپریشن ہے اور وہ بھی مکمل فتح تک. دہشت گردی کے آخری ہاتھ کے قلم ہونے تک آپریشن جاری رہے . پاکباز کالم نگار آپریشن کے حامیوں کو ملک اور قوم کا دشمن قرار دے رہے تھے. مسلم لیگ (ن) کی حکومت کیلئے یہ کڑا وقت تھا. ایک طرف دہشت گردی بڑھ رہی تھی، لوڈشیڈانگ نے عوام کی زندگی دو بھر کر دی تھی اور کچھ بھی ہاتھ میں نہ تھا. صرف مذاکرات سے امیدیں وابستہ تھیں اور پھر کراچی ائیرپورٹ کا واقعہ ہوا، جس میں طالبان کے غیر ملکی ساتھیوں نے حصہ لیا تاکہ پاکستان پوری دنیا سے کٹ جائے. غیر ملکی پروازیں پاکستان آنا بند ہو جایئں. یہ پاکستان کی معیشت پر ایک کاری وار تھا. آخر کار مصلحت پر حقائق غالب آگئے. پاکستان کی قومی سیاسی قیادت نے صحیح فیصلہ کیا کہ اب دہشت گردوں سے اسی زبان میں گفتگو کی جائے جو زبان وہ سمجھتے ہیں اور آپریشن کا فیصلہ کر لیا گیا. اگرچہ یہ جنگ چند روز کی نہیں اسکے باوجود منزل کی طرف اٹھا ہوا صحیح قدم ہی انسان کو منزل کے قریب کرتا ہے. پوری قوم نے اس آپریشن کی حمایت کردی ہے اور مجھے یقین ہے کہ قوم اس جنگ میں جو پاکستان کے وجود اور مستقبل کی جنگ ہے فتح یاب ہو گی اور ہم ایک جمہوری معاشرے کے فیوض سے بہرہ ور ہونگے.

مزید پڑھیں »

آپریشن ضرب عضب اور قومی یکجہتی

2014-06-16T13:31:00.000+01:00

یہ ایک تلخ حقیقت ہے کہ ہم لوگ تاریخ کے ایک بہت نازک مرحلے سے گزر رہے ہیں. ان حالات میں ضرورت اس امر کی ہے کہ اجتمائی شعور اور جذبہ حب الوطنی کو اجاگر کیا جائے تاکہ پوری قوم سیسہ پلائی ہوئی دیوار بنکر اندرونی اور بیرونی دشمنوں کے مذموم عزائم کی بیخ کنی کیلئے اپنی توانیاں صرف کرنے کیلئے تیار ہو. تاریخ شاہد ہے کہ ایسے نامساعد حالات میں میڈیا ہی وہ اہم ترین ذریعہ ہے جس کے توسط سے پوری قوم کو ایک پلیٹ فارم پر یکجا کیا جا سکتا ہے. اہل قلم ہی وہ طبقہ ہے جو ذہنوں کی آبیاری اور شعور کی بیداری میں کلیدی کردار ادا کر سکتا ہے. لیکن یہ بھی انتہائی ضروری ہے کہ میڈیا میں تحریریں، تبصرے، تجزئیے تعصب سے پاک ہوں، کسی بھی واقعہ پر کیا جانے والا یکطرفہ تجزیہ قلم کار کی محض ذاتی سوچ کی عکاسی کرتا ہے.پاکستان پر مسلط طالبان کی دہشت گردی ایک ایسا عفریت ہے جس نے پاکستان کو ہر لحاظ سے ناقابل تلافی نقصان پہنچایا ہے. ہزاروں پاکستانی اس دہشت گردوں کی دہشت گردی کی پھینٹ چڑ چکے ہیں. افواج پاکستان کے مایہ ناز افسران، شہید ہو چکے ہیں، کبھی ہم نے یہ سوچا کہ دہشت گردی کی وجہ سے ہمارا کتنا معاشی نقصان ہو چکا ہے، بیرونی سرمایاکاری نہ ہونے کے برابر رہ چکی ہے، طالبان کی دہشت گردی کی وجہ سے کتنے بچے یتیم ، کتنوں سہاگنوں کے سہاگ اجاڑ چکے ہیں، کتنی ماؤں کے لخت جگر لقمہ اجل بن گئے. اب ضرورت اس امر کی ہے کہ پاکستان کو طالبان دہشت گردوں سے پاک و صاف کرنے کیلئے تمام بڑے ادارےبشمول میڈیا پاک فوج کے شانہ بشانہ اس جنگ کو لڑیں. کیونکہ پاکستان کی سلامتی میں ہم سب کی بقاء ہے اور ہم سب کا ہونا اس ارض پاک کی سلامتی سے وابستہ ہے. جماعت اسلامی کو اب یہ سمجھ لینا چاہئے کہ یہ وقت قیاس آرئیوں اور الزام تراشیوں کا نہیں بلکہ اجتمائی سوچ اور ملی جذبے کو ترغیب دینے کا ہے اور اس کیلئے ہم سب کو متحد ہوکر اپنی اپنی بساط کے مطابق اس مشن میں اپنا کردار ادا کرنا ہے . بقول احمد ندیم قاسمی...

وطن کی مٹی مجھے ایڑیاں رگڑنے دے
مجھے یقیں ہے کہ چشمہ یہیں سے نکلے گا

مزید پڑھیں »

ضرب عضب طالبان کے سروں پر غضب برسانے لگا

2014-06-16T10:20:00.004+01:00

افواج پاکستان نے طالبان اور غیر ملکی دہشت گردوں کے خلاف فیصلہ کون آپریشن " ضرب عضب ' کا آغاز کر دیا ہے . یہ ساری صورتحال پوری قوم کیلئے بھی ایک بڑا امتحان ہے. اس امتحان میں وہی قومیں کامیاب ہوتی ہیں جو اپنے دفاعی اداروں کی پشت پر پورے اخلاص کے ساتھ کھڑی ہوں

پاک فوج نے حکومت کی ہدایات پر شمالی وزیرستان میں غیر ملکی اور مقامی دہشت گردوں کے خلاف جامع آپریشن شروع کر دیا .آپریشن کو " ضرب عضب " کا نام دیا گیا ہے.

شمالی وزیرستان میں ہفتہ کی شب بڑی فضائی کاروائی میں 150 ازبک دہشت گرد مارے گئے جس میں کراچی ائیرپورٹ کا ماسٹر مائنڈ ابو عبدالرحمان المانی بھی شامل تھا، اس فضائی کاروائی میں بڑی تعداد میں غیر ملکی دہشت گردوں کی ہلاکت سے یہ حقیقت طشت از بام ہو گئی ہے کہ ہمارے قبائلی علاقوں میں غیر ملکی دہشت گرد موجود ہیں . ازبکستان سمیت دنیا بھر سے آنے والے یہ دہشت گرد ہماری داخلی سلامتی کیلئے مستقل خطرہ ہیں. ایسی صورتحال میں ناگزیر ہو چکا ہے کہ ملک کی سلامتی اور اندرونی استحکام کیلئے دہشت گرد تنظیموں خاص طور پر ملک کے قبائلی علاقوں میں مقیم غیر ملکی دہشت گردوں کے خلاف ریاستی طاقت کا استعمال کیا جائے. یہی وجہ ہے کہ حکومت نے افواج پاکستان کو شمالی وزیرستان کو ملکی اور غیر ملکی دہشت گردوں سے صاف کرنے کا حکم دے دیا ہے.

یہ بات کسی سے پوشیدہ نہیں کہ وطن عزیز کو اندرونی اور بیرونی سطح پر دہشت گردی اور شدت پسندی نے ناقابل تلافی نقصان پہنچایا ہے. گزشتہ بارہ برس سے خودکش حملوں، بم دھماکوں اور بارود سے بھری گاڑیوں سمیت ملک بھر میں دہشت گردی کا جو بازار گرم ہوا، ایک اندازے کے مطابق اس سے ملکی معیشت کو 100 ارب ڈالرز سے زیادہ نقصان ہو چکا ہے. دہشت گردی اور انتہا پسندی نے ہمارے معاشرے کو تفریق اور تقسیم کے نہ ختم ہونے والے رحجان میں مبتلا کیا ہوا ہے. سیکورٹی اداروں کے اہلکاروں سمیت ہزاروں بے گناہ پاکستانی دہشت گردی کی اس آگ کا شکار ہو گئے.

ہمارے کھیل کے میدان، سیاحتی مقامات ویران ہوکر رہ گئے جبکہ دنیا بھر میں پاکستان کی شناخت دہشت گردوں کی پناہ گاہ کے طور پر ہونے لگی. افسوس سے کہنا پڑتا ہے کہ دہشت گردی کے خلاف عالمی جنگ میں ہر اول دستے کا کردار ادا کرنے اور دنیا کے امن کی خاطر قربانیاں دینے کا صلہ یہ مل رہا ہے کہ ہم خود بدترین دہشت گردی کا شکار ہو چکے ہیں. پاکستان کے قبائلی علاقے دنیا بھر سے آئے دہشت گردوں کی آما جگاہ بنے ہوئے ہیں. غیر ملکی دہشت گردوں کی پاکستان آمد کا سبب بھی خطے میں امریکہ سمیت عالمی طاقتوں کے مفادات کی اندھی تکمیل ہے. ایک وقت تک امریکہ اور اسکے اتحادی ان غیر ملکی دہشت گردوں کی پشت پناہی اور ہمارے قبائلی علاقوں میں قیام کیلئے انکی سرپرستی کرتے رہے. جب انکے مفادات پورے ہو گئے تو ان عالمی قوتوں نے ڈرون حملوں اور دیگر ہتھکنڈوں کے ذریعے ہماری خود مختاری کیلئے مسائل پیدا کئے. اسی جارحیت کی وجہ سے جب قبائلی علاقوں میں بے گناہ شہری جاں بحق ہوئے تو اس کا خمیازہ بھی پاکستان کو بھگتنا پڑا.

یہ بات طے شدہ ہے اور اس پر کوئی دوسری رائے نہیں کہ دہشت گردوں، شدت پسندوں اور شرپسندی پر اترے عناصر کا علاج ریاستی طاقت کے ذریعے انہیں جڑ سے اکھاڑنے کی پالیسی ہے، کوئی محب وطن ادارہ، سیاسی و مذہبی جماعت اور تنظیم داخلی استحکام اور قومی سلامتی پر کسی سمجھوتے کو قبول نہیں کرے گی.

مزید پڑھیں »

کراچی دہشت گردی اور برداشت کا امتحان

2014-06-15T10:25:00.004+01:00

مذہبی انتہا پسند ملک کو تباہ کرنے پر تلے ہیں جبکہ ریاست انکی سرگرمیوں کو روکنے کیلئے کوئی توجہ نہیں دے رہی ہے. ان لوگوں کی ذہنیت کو تبدیل کرنے کی فوری ضرورت ہے، جو عسکریت پسندوں کو مسلمان سمجھتے ہیں اور خیال کرتے ہیں کہ وہ معاشرے کا ایک حصّہ ہیں

فتح جنگ کراسنگ پر خودکش حملہ، باجوڑ اجنسی میں بارودی سرنگ کا ،دھماکہ اور ایسے کئی حالیہ واقعات میں، جناح انٹرنیشنل ٹرمینل، کراچی پر حملہ، ان سب واقعات کے نتیجے میں پاکستان کی مسلح افواج کے جوان اور افسران اور قانون نافذ کرنے والے اہلکاروں کی شہادت ہوئی، قومی اثاثوں اور اداروں کو نقصان پہنچایا گیا، مگر بعض رہنما کہتے ہیں کہ ایسے دہشت گرد عناصر کو دیوار سے نہیں دل سے لگایا جائے. اسی گروپ کے ایک رہنما ماضی میں یہ کہہ چکے ہیں کہ دہشت گرد شہید ہیں جبکہ فوجی اہلکاروں کو شہید نہیں کہا جائے گا. وزیراعظم نواز شریف نے اقتدار سنبھالنے کے بعد دہشت گردی کے عفریت کو قابو کرنے کیلئے تمام سیاسی جماعتوں اور فوجی قیادت کو اعتماد میں لیکر، دہشت گردی کے خلاف متفقہ پالیسی مرتب کی. اس پالیسی کے تحت دہشت گردوں سے مذاکرات کو اولیت دی گئی.

حکومت کی ٹیم نے انتہائی سنجیدگی کے ساتھ مزاکرات کا آغاز کیا مگر اس دوران ، خودکش حملے جاری رہنے پر، وزیراعظم نواز شریف کو کہنا پڑا کہ معاملات اس طرح نہیں چل سکتے بلکہ دہشت گردوں کو اپنی کاروائیاں روکنا ہونگی. وزیراعظم کی حکمت عملی کام آئی اور دہشت گردی کی کاروائیوں میں کمی آگئی مگر دہشت گرد، نت نئی اور من مانی شرائط لیکر حکومت پر دباؤ بڑھاتے رہے. اس دوران بارہا ایسے واقعات کا ارتکاب کیا گیا، جس کا نشانہ فوجی اہلکار اور قانون نافذ کرنے والے ادارے تھے. ان دہشت گردوں میں مقامی لوگوں کے علاوہ غیر ملکی عناصر بھی ہمیشہ کی طرح شامل تھے. حکومت نے پرامن مذاکرات کو جاری رکھنے کیلئے ، صبر و ہمت اور برداشت کا جو مظاہرہ کیا، اس پر حکومت کو عوامی تنقید کا سامنا بھی کرنا پڑا اور مجبور ہو کر دہشت گردی کے ہر واقعہ کے بعد، جوابی کاروائی کا فیصلہ کیا، جس پر دہشت گردوں کے ہمدردوں کو یہ کہنے کا موقع مل گیا کہ انہیں دیوار سے نہیں لگایا جائے. حیرت ہے کہ اسلامی تعلیمات کا پرچار کرنے والی، یہ سیاسی جماعت، کس ذہن اور کن اسلامی تعلیمات اور قرانی احکامات کے تحت، دہشت گردوں کو دل سے لگانے کی بات کرتی ہے .

بعض سیاسی جماعتیں اور ناقدین ایسی حکومتی جوابی کاروائیوں پر بھی کہتے دکھائی دیتے ہیں کہ ایسی کاروائیوں سے بیگناہ لوگ مارے جاتے ہیں جبکہ عسکری ذرائع اس بات کی تردید کرتے ہوے کہتے ہیں کہ جوابی کاروائیاں دہشت گردوں کی موجودگی کے ٹھوس شواہد کی بنیاد پر کی گئیں. پاکستان کے امن پسند عوام بھی یہ جاننا چاہتے ہیں کہ دہشت گردوں کے گروہ، قومی اہمیت کی تنصیبات کو نقصان پہنچا کر، کس کے مقاصد حاصل کرنا چاہتے ہیں ؟ صرف ایک دشمن ملک، دوسرے ملک کے قومی اثاثوں تنصیبات اور اسکی فوج کو نشانہ بناتا ہے. کیا ایسے عناصر کو دل سے لگانا چاہئے؟ قبائل کا نام لیکر دہشت گردوں سے ہمدردی کا اظہار کرنے والوں کو اب اپنا واضح موقف پیش کرنا چاہئے کہ پاکستان کے ساتھ ہیں یا پاکستان تباہ کرنے والے عناصر کے ساتھ. کراچی کے بین الاقوامی ہوائی اڈے کو نشانہ بنانے والے، پاکستان کی معیشت کی شہ رگ کو کاٹنے کا پیغام دے رہئے ہیں. وہ دنیا کو باور کرانا چاہتے ہیں کہ پاکستان کسی بھی صورت سفر کیلئے محفوظ ملک نہیں.

ابھی کچھ دن پہلے پاکستان سے بھیجی گئی ٹرین کو، سکھ یاتریوں کے بغیر بھارت نے یہ کہہ کر واپس کر دیا کہ پاکستان میں ٹرینوں کو آگ لگا دی جاتی ہے. حالانکہ پاکستان کی تاریخ میں ایسا کوئی واقعہ پیش نہیں آیا . سکھ یاتریوں کو بھارت نے بھیڑ بکریوں کی طرح شدید گرم موسم میں ناموزوں ٹرانسپورٹ کے ذریعے پاکستان پہنچایا، شائد اس لئے سکھوں نے بھارت سمیت، دنیا بھر میں 1984 میں امرتسر کے مذہبی مقام گولڈن ٹمپل پر بھارتی فوج کشی کی یاد منائی تھی. اور اس سے اگلے دنوں میں کراچی کے بین الاقوامی ہوائی اڈے پر بھارتی ساختہ ہتھیاروں سے حملہ کردیا جاتا ہے. بلاشبہ پاکستان ایک ذمہ دار ملک ہے اور ہر قدم پر بردباری کا مظاہرہ کرتا آیا ہے مگر انتہا پسند ہندو جماعت بی جے پی کے اقتدار میں آنے کے بعد پاکستان میں ہونے والی یہ تازہ کاروائی بہت سے سوالوں کو جنم دے رہی ہے.

مزید پڑھیں »

کراچی ائیرپورٹ پر حملہ

2014-06-14T11:41:00.002+01:00

ازبکستان کی باغی اور انتہا پسند اسلامک موومنٹ آف ازبکستان (IMU) کی افغانستان اور بھارت نہ صرف حمایت بلکہ سرپرستی بھی کرتے ہیں. IMU نے افغانستان کے بڑے علاقے میں دہشتگردی کے کیمپ قائم کئے ہوئے ہیں. پاکستان میں بھارت کے ایما پر ہونے والی متشدد اور ہلاکت آفریں کاروایئوں میں IMU سے متعلق ازبک باشندے بھی شامل ہیں. اس تنظیم کی وزیرستان میں بھی موجودگی ثابت ہے.

8 جون کو کراچی ائیرپورٹ پر ہونے والا حملہ اور ماضی قریب میں ہونے والے دہشت گردی کے دلگیر اوراندوہناک واقعات کا اگر جائزہ لیں تو ان میں حیران کن مماثلت پائی جاتی ہے. اکتوبر 2009 راولپنڈی جی ایچ کیو ، مئی 2011، مہران بیس پر اورین طیاروں کی مکمل تباہی، 16 اگست 2012 کامرہ منہاس ائیر بیس حملہ، 15 دسمبر 2012 پشاور ائیرپورٹ پر راکٹوں کا داغنا، اور تخریب کاری کے دیگر واقعات میں بھی حملہ کرنے والے دہشتگرد یونیفارم میں ملبوس تھے، زیادہ تر حملے رات کی تاریکی میں کئے جاتے ہیں. حملہ آوروں کے پاس جعلی سرکاری کارڈز ہوتے ہیں. انکی پیٹھوں پر بھاری بیگ لٹک رہے ہوتے ہیں. انکے پاس ایک جیسا بڑی مقدار میں خطرناک اسلحہ ہوتا ہے. خودکش بمبار بھی انکی ٹیم کا حصہ ہوتے ہیں. انکے پاس اشیائے خوردنوش کی وافر مقدار ہوتی ہے. انکا حملہ آور ہونے کا طریقہ ایک جیسا ہے. پاکستان کی سر زمین پر ہونے والے دہشت گردانہ حملوں کا موازنہ اگر بھارت میں دہلی پارلیمنٹ یا ممبئی حملوں سے کیا جائے تو وہاں بھی بے گناہوں کے خون سے ہولی کھیلنے والے دہشت گردوں کی پیٹھوں پر بھاری بیگ، ہاتھوں میں ویسا ہی آتشیں اسلحہ، خوراک کا ذخیرہ اور لوگوں پر گولیاں داغنے کا انداز یکساں تھا. یہ دلیل اس بات کی طرف واضح اشارہ کرتی ہے کہ ان تمام دہشت گردوں کی تربیت اور کمان کا مرکز ایک ہی ہے.

یہ حقیقت طشت ازبام ہو چکی ہے کہ دہلی پارلیمنٹ اور ممبئی حملے بھارتی حکومت اور ایجنسیوں کے کارنامے تھے. ان حملوں کو جواز بنا کر بھارت نے اس وقت ایک تیر سے دو شکار کرنے کا فیصلہ کیا تھا. ایک تو ہمیشہ کی طرح پاکستان پر الزام دھرا کہ اسے دہشت گرد ملک ثابت کرنا اور دوسرا بھارتی پارلیمنٹ سے دہشت گردی کے نام پر اندھے قانون " ٹاڈا " کو پاس کروانا جس کیلئے پارلیمنٹ رضا مند نہیں تھی. بھارت کی خود ساختہ دہشت گردانہ کاروائیوں کی وجہ سے پارلیمنٹ نے انسانی حقوق کے دشمن بل کو پاس کر دیا. اس بل کے بعد بھارت سے آزادی مانگنے والے علاقوں اور مسلمانوں کے گرد شکنجہ کس دیا گیا.

بھارت کل بھی پاکستان کا دشمن تھا اور آج بھی کٹر مخالف ہے.کل مشرقی پاکستان کی علیحدگی کی صورت میں ہماری پیٹھوں میں خنجر گھونپا اور آج فاٹا اور بلوچستان میں سرگرم ہے. دنیا جانتی ہے کہ بھارت براہ راست اور افغانستان کے راستے دہشت گردی پاکستان ایکسپورٹ کر رہا ہے. اس بات کی سند کے طور پر بھارتی مسلح افواج کے سابق سربراہ جنرل وی کے سنگھ کا اپنی کتاب میں یہ اعتراف کافی ہے کہ انہوں نے خصوصی ملٹری انٹیلی جنس یونٹ بنا کر پاکستان میں خفیہ آپریشن کئے. دوسری جانب افغان حکومت اور نادرن الائنس بھارت کے ہاتھوں کٹھ پتلی بنکر پاکستان کے خلاف سرگرم ہیں. افغانستان کے اکابرین اور رہنما یہ حقیقت بهول گئے کہ جب افغانستان کی سر زمین ان پر تنگ ہو گئی تھی تو پاکستان نے اپنے باڈر، دامن اور دل دریچے ان کیلئے کھول دیئے تھے. 60 لاکھ مہاجرین نے پاکستان کا رخ کیا تھا. ہمارے احسانات کا بدلہ صدر حامد کرزئی، عبداللہ عبداللہ اور حکومتی اہلکار بھارتی اشاروں پر ناچ کر ادا کر رہے ہیں، جبکہ حقیقت یہ ہے کہ افغانستان پاکستان کے دشمنوں ملا فضل الله، عبدالولی، خراسانی اور دیگر کو نہ صرف پناہ دیئے ہوئے ہے بلکہ انہیں بھارت کی سرپرستی میں قائم کیمپوں میں دہشتگردی کی تربیت، گولہ بارود اور نقد رقوم دی جاتی ہیں.ازبکستان کی باغی اور انتہا پسند اسلامک موومنٹ آف ازبکستان (IMU) کی افغانستان اور بھارت نہ صرف حمایت بلکہ سرپرستی بھی کرتے ہیں. IMU نے افغانستان کے بڑے علاقے میں دہشتگردی کے کیمپ قائم کئے ہوئے ہیں. پاکستان میں بھارت کے ایما پر ہونے والی متشدد اور ہلاکت آفریں کاروایئوں میں IMU سے متعلق ازبک باشندے بھی شامل ہیں. اس تنظیم کی وزیرستان میں بھی موجودگی ثابت ہے.

حالات و واقعات کا تجزیہ کیا جائے تو یہ بات اظہرمن الشمس ہے کہ بھارت و چند ممالک اٹیمی پاکستان سے خوفزدہ ہیں یا وہ اسے برداشت نہیں کر پا رہے. مقام افسوس ہے کہ ہمارے رہنما حالات و حقائق سے آگاہی رکھنے کے باوجود کبوتر کی طرح آنکھیں بند کیئے ہوئے ہیں. ہمیں مزید وقت ضائع کیئے بغیر اپنی خارجہ و داخلہ پالیسیوں کو تبدیل کرنا چاہئے. ہمیں سوچنا چاہئے کہ ہم امن کے داعی اور خواہش مند ہیں مگر دنیا پر ہمارا منفی اثر کیوں پڑتا ہے. ہمیں اصلاح کی ضرورت ہے. ہمیں چاہئے کہ اقوام عالم اور دوست ممالک کو اعتماد میں لیں. بھارت کی آنکھوں میں آنکھیں ڈال کر تنبیہہ کی جائے. انہیں بتایا جائے کہ ہم خطے میں امن چاہتے ہیں. اور آپ کے ساتھ بہترین تعلقات رکھنا چاہتے ہیں. انہیں باخبر کریں کہ اگر وہ پاکستان دشمنی سے باز نہ آئے تو ہم اپنی سالمیت اور بقاء کیلئے کوئی سخت قدم اٹھانے سے بھی گریز نہیں کریں گے.

پاکستان کو تباہ کرنے کا خواب دیکھنے والے یقیناّ ناکام ہوں گے. حکومت اور سیکورٹی ایجنسیوں کا فرض ہے کہ وہ دہشت گردوں اور تخریب کاری کی راہوں کو روکیں. انہیں نیست و نابود کر دیں. اس کیلئے ضروری ہے کہ ملک سے وی آئی پی کلچر ختم کیا جائے. کسی چیک پوسٹ، چوکی، گیٹ یا ادارے میں ڈیوٹی سر انجام دینے والے سپاہی کے پاس اتنا اختیار ہو کہ ہر آنے جانے والے بشمول کسی کورکمانڈر، آئی جی، ممبران قومی و صوبائی اسمبلی ، سینیٹرز، محکموں کے سربراہوں، اعلی افسرشاہی اور وزراہ کی شناخت کے بعد ہی سرکاری املاک میں داخل ہونے کی اجازت دے. اس وی آئی پی نظام کے تحت آج دہشت گرد جعلی یونیفارم پہن کر پر تعیش اور بڑی گاڑیوں میں سوار اپنے اہداف تک پہنچنے میں آسانی سے کامیاب ہو جاتے ہیں.

دشمن جلد ہی ایک گہری چال چلنے والے ہیں. افغانستان کی سرزمین پر انہوں نے وزیرستان سے نقل مکانی کرنے والوں کیلئے کیمپس کھول دیئے ہیں. بھارت مشرقی پاکستان میں روا رکھی جانے والی گھناؤنی سازش کو دہرانے کی کوشش میں ہے. حکومت فوری طور سے وزیرستان اور فاٹا کے محب وطن عوام سے رابطہ کرے، بھرپور آپریشن شروع کرنے سے قبل حکومت ان قبائل کو انکے ماحول کے مطابق دوسری جگہوں پر آبرومندانہ طور سے منتقل کرے. انکی ضروریات کا خیال رکھا جائے. آپریشن کے دوران اس بات کا خاص خیال رکھا جائے کہ اسکی زد میں معصوم اور بیگناہ افراد نہ آئیں. یہ نہ ہو کہ یہ سادہ لوح باشندے دشمنوں کی چالوں کا شکار ہو جایئں.

حکومت کا فرض اولین ہے کہ وہ ان دہشت گردوں سے نپٹنے کیلئے واضح اور ٹھوس حکمت عملی مرتب کرے. آدھا تیتر آدھا بٹیر والا معاملہ مسائل کا حل نہیں. تعمیراتی منصوبے تیار کرنے کی بجائے پیسہ عوام پر خرچ کرکے بدامنی کے جن کو قابو میں لایا جائے. راہ فرار اختیار کرنے کی بجائے مسائل و مشکلات کا مردانہ وار مقابلے میں ہی سالمیت اور بقاء پنہاں ہے.

مزید پڑھیں »

دہشت گردی، فیصلے کی گھڑی آن پہنچی

2014-06-13T10:21:00.000+01:00

کراچی ائیرپورٹ پر دہشتگرد حملے اور تفتان بلوچستان میں اہل تشیع لوگوں کا وحشیانہ قتل عام اس بات کی غمازی کرتے ہیں کہ طالبان امن اور نہ ہی مذاکرات کے حامی ہیں

پاکستان کی تاریخ میں 8 جون کا دن بڑی اہمیت کا حامل ہے کہ جس روز طالبان دنیا کو یہ باور کرانے میں کامیاب ہو گئے کہ پاکستانی ریاست پر حکومت کا کنٹرول عملا ختم ہو چکا ہے اور درجن بھر بندوق بردار جب چاہیں تباہی مچا سکتے ہیں. اس بات میں کوئی شبہ نہیں کہ فوج رینجرز اور پولیس نے کراچی اور کوئٹہ میں بڑی بہادری کے ساتھ دہشت گردوں کا مقابلہ کیا اور انہیں کیفر کردار تک پہنچایا تاہم اتنی بڑی فوج، رینجرز پولیس اور ایجنسیوں کے باوجود دہشت گردوں کا جناح انٹرنیشنل ائیرپورٹ پر پہنچ کر کامیابی سے اپنی کاروائیوں کو تکمیل تک پہنچنانا اس بات کو عیاں کرتا ہے کہ ہماری خفیہ ایجنسیوں کی توجہ اپنے اصل کام کی طرف نہیں ہے حالانکہ واقعہ کے روز پاکستان کے تمام ائرپورٹس ریڈ الرٹ تھے، اسی طرح شیعہ زائرین پر حملے کی وارننگ بھی موجود تھی لیکن اسکے باوجود یہ وحشت ناک واقعات پیش آئے. ہمارا مقصد اپنے اداروں پر الزام تراشی نہیں بلکہ یہ باور کرانا ہے کہ ہمیں ایسے واقعات کا قبل از وقت سدباب کرنا چاہئے.

طالبان پاکستان کو عالمی سطح پر تنہا کرنے کے مقاصد سے کاروائیاں کرتے ہیں اس سے قبل انہوں نے قذافی اسٹیڈیم کے باہر سری لنکا کی کرکٹ ٹیم پر حملہ کیا جسکے نتیجہ میں پاکستان عالمی سطح پر کرکٹ میں تنہا رہ گیا. بعد ازاں انکا ہدف کوہ پیما بنے، انکی ہلاکتوں کے بعد پاکستان میں کوہ پیمائی کی سیاحت ختم ہو گئی ار اب کراچی حملے کا مقصد پاکستان میں عالمی فضائی کمپنیوں کی آمد کا راستہ روکنا اور بین الاقوامی سرمایاکاری کا دروازہ بند کرنا ہے، لیکن یہی بات وفاقی حکومت کو سمجھ نہیں آرہی تا ہم وفاقی وزیر داخلہ چودھری نثار علی خان کے اس بیان سے کہ اب پوائنٹ اسکورنگ کا وقت نہیں بلکہ حکومت اور فوج کے ایک پیچ پر ہونے کی ضرورت ہے. انکے اس بیان سے یہ عقدہ کھل کر سامنے آگیا کہ حکومت اور فوج اس نازک وقت میں بھی ایک پیچ پر نہیں ہیں حالانکہ وفاقی وزراء بشمول پرویز رشید اور خواجہ آصف ہر روز یہ راگنی الاپ رہے تھے کہ فوج اور حکومت ایک پیچ پر ہیں. دوسری طرف طالبان کے کھلے اعلان جنگ کے بعد پاکستان کو بھارت سے زیادہ طالبان سے خطرات لاحق ہیں. بھارت ہمارا ایک کھلا دشمن ہے اور اس سے ہمیں فوری جنگ کا کوئی خطرہ نہیں ہے جبکہ طالبان ایک ایسا جنگجو گروپ ہے جو ہمارے تمام بڑے شہروں میں اپنے محفوظ ٹھکانے بنا چکا ہے. بیرونی جارحیت کے خلاف تو ہماری قوم ہمیشہ ہی متحد رہی ہے . لیکن آج ہماری ریاست کو بیرونی سے زیادہ اندورونی خطرات لاحق ہیں.

ضرورت اس امر کی ہے کہ پارلیمنٹ کے اندر اور باہر موجودہ تمام سیاسی جماعتیں مسلح افواج اور پوری قوم ہمارے اندر چھپے ہوئے اس دشمن کے خاتمہ کیلئے متحد ہو جائے اور اگر ہم متحد نہ ہوئے تو ہماری ریاست کا نقشہ اور نظام سب کچھ بدل جائے گا، اور یہی بات تحریک انصاف اور جماعت اسلامی کو بھی اچھی طرح سمجھ لینی چاہئے. گزشتہ روز تحریک انصاف کی کور کمیٹی نے اپنے فیصلوں میں مذاکرات اور آپشنز کو کھلے رکھنے پر زور دیا جبکہ تحریک انصاف کے صدر جاوید ہاشمی جیسے زیرک شخص کی یہ بات سمجھ سے بالاتر ہے . کیا انہیں ہر روز معصوم بے گناہ شہریوں اور قانون نافذ کرنے والے افسروں اور جوانوں کا لہو سڑکوں پر بہتا نظر نہیں آرہا. کراچی حملہ جس میں 32 سے زائد اے ایس ایف سمیت رینجرز اور پولیس کے جوان معصوم شہری شہید ہوئے اور کوئٹہ حملہ جس میں بچوں، خواتین سمیت 30 افراد کا ناحق خون بہایا گیا جیسی دہشتناک کاروائیوں کے باوجود بھی جاوید ہاشمی مذاکرات کا راستہ کھلا رکھنا امن کے قیام کا واحد حل قرار دیتے ہیں. تحریک انصاف کو اب اپنے اس نظریہ ضرورت پر نظر ثانی کرنا ہو گی اور کے پی کے کی حکومت کی وجہ سے طاری خوف سے باہر نکلنا ہو گا کیونکہ طالبان قیادت کا کھلا اعلان جنگ پاکستان کی ریاست ، اداروں اور پاکستانی عوام کے خلاف ہے. عمران خان کو اگر اپنی سیاست اور ریاست کو بچانا ہے تو انہیں اس مصلحت پسندی سے باہر نکلنا ہو گا. امید کی جا سکتی ہے کہ وفاقی حکومت ملک کی تمام سیاسی جماعتوں مسلح افواج کو اعتماد میں لیکر ملک کو اس شورش سے پاک کرنے کیلئے کسی فیصلہ کن نتیجہ پر پہنچ جائے.

مزید پڑھیں »

کراچی ائیرپورٹ حملہ اور میڈیا کی اوٹ پٹانگ کوریج

2014-06-12T18:27:00.000+01:00

اگر کوئی بات نہیں کر رہا تو وہ یہ ہے کہ بھاری ہتھیاروں سے مسلح حفاظتی حصار توڑ کر رن وے تک کیسے پہنچے؟ 24 گھنٹے پہلے ہی چونکہ کراچی کے جناح انٹرنیشنل ائیرپورٹ پر زبردست خونی ڈرامہ ہو چکا تھا، لہذا اگلے ہی دن ( دس جون ) کو ائیرپورٹ کے نواح میں جب فائرنگ ہوئی تو اسکی وجوہات جاننے سے پہلے ہی کڑی سے کڑی جوڑی جا چکی تھی. سانپ کا کاٹا یوں بھی رسی سے ڈرتا ہے، چنانچہ قانون نافذ کرنے والے سب ادارے حرکت میں آگئے. ائیرپورٹ آپریشن معطل ہو گیا. آنے جانے والی سڑکیں بند کر دی گئیں. ائیرپورٹ کے پیچھے کی مشتبہ آبادی کو گھیرے میں لیکر کڑی تلاشی شروع ہو گئی. مگر چینلوں پر گویا ایک بار پھر جشن بپا ہو گیا. شوں شاں چھک چھک ڈھم ڈھم کی آوازوں کے ساتھ ہر رنگ کی بریکنگ نیوز چلنے لگی. کسی نے زحمت نہیں کی کہ علاقے کے پولیس تھانے سے واقعے کی تفصیلات یا اسباب معلوم کرلے. شاید خطرہ یہ تھا کہ اگر کھودا پہاڑ اور نکلا چوہا تو کہیں میڈیا کے رنگ میں بھنگ نہ پڑ جائے:

ائیرپورٹ پر ایک اور حملہ
ائیرپورٹ میں سیکورٹی فورس اور حملہ آوروں میں فائرنگ کا تبادلہ جاری
حملہ آوروں کی تعداد چار ہے.ایک پکڑا گیا تین کی تلاش جاری
پانچ افراد کے زخمی ہونے کی اطلاع پانچ افراد ہلاک اور متعدد زخمی
قانون نافذ کرنے والے اہلکاروں نے نہایت چابکدستی سے حالات پر قابو پالیا.
صرف 24 گھنٹے میں ائیرپورٹ کے نواح میں ایسا واقعہ دوبارہ کیسے ہو گیا؟

ذرا سوچئے..... وغیرہ وغیرہ.. کہانی یہ ہے کہ ایک لڑکا ایک لڑکی کو پیچھے بٹھائے موٹر سائیکل پر جا رہا تھا کہ اچانک کسی نے موٹر سائیکل والے پر دو تین فائر داغ دیئے. ذاتی دشمنی کے نتیجے میں یہ واقعہ اتفاقا ایسی جگہ ہوا جہاں ائیرپورٹ سیکورٹی فورس کا دفتر یا چوکی یا جو بھی کہہ لیں قریب تھے. مگر اس واردات کو آسمان پر چڑھانے والا کوئی بھی خبری اس واقعے کو زمین پر اتارنے اور ریکارڈ درست کرنے کیلئے اب تک تیار نہیں. بالکل اسی طرح جیسے اس معمولی واقعے سے 24 گھنٹے پہلے ایک چینل نے جناح انٹرنیشنل کے غیر معمولی واقعے میں عمارتوں میں لگی آگ اور دھوئیں سے گھرے طیاروں کو پہلے گنا اور پھر پانچ طیارے تباہ کروا دیے. ایک اخبار نے مزید مستعدی دکھاتے ہوئے یہ تک بتادیا کہ ان میں سے ایک طیارہ پی آئی اے کا، ایک ائیر بلیو کا، ایک شائین کا اور دو روسی کارگو طیارے تھے. وزیر داخلہ چوہدری نثار علی خان کے پاس اپنی بریکنگ نیوز ہے جسکے مطابق تین طیارے زخمی ہوئے فوج اور رینجرز کے ذرائع صرف عمارتوں کی تباہی کی بات کر رہئے ہیں. ہاں اگر کوئی بات نہیں کر رہا تو وہ یہ ہے کہ بھاری ہتھیاروں سے مسلح لوگ حفاظتی حصار توڑ کر رن وے تک کیسے پہنچے؟ کوئی سوال نہیں اٹھارہا کہ موجودہ حکومت نے جس طمطراق سے تمام متعلقہ اداروں کو ایسے مواقع پر یکجا کرنے کیلئے کاؤنٹر ٹیرزم اتھارٹی تخلیق کی ہے، وہ دور دور تک کیوں نظر نہیں آرہی. کس ادارے نے اس ابتلا سے نمٹنے میں اپنے اپنے طور پر کتنا کردار نبھایا، یہ واضح نہیں. اگر مقصود یہ ہے کہ اسے مشترکہ کاروائی ہی کہا جائے تو پھر صرف پاک فوج ہی زندہ باد کیوں، رینجرز ائیرپورٹ سیکورٹی فورس اور پولیس زندباد کیوں نہیں؟ کوئی سوال نہیں اٹھا رہا کہ موجودہ حکومت نے جس طمطراق سے تمام متعلقہ اداروں کو ایسے مواقع پر یکجا کرنے کیلئے کاونٹر ٹیررازم اتھارٹی تخلیق کی ہے وہ دور دور تک کیوں نظر نہیں آرہی؟ کوئی نہیں بتا رہا کہ ہلکے ہتھیاروں سے مسلح ، پروفیشنل اور سرفروش حملہ آوروں کو صرف ایک علاقے تک محدود کرنے کیلئے کیا قربانی دی؟ ( مرنے والوں میں سے 13 اے ایس ایف کے ارکان بتائے جاتے ہیں ).

آپریشن کے دوران میڈیا چینل واضح طور پر بٹ چکے تھے. کچھ مسلسل یہ لائن لیے ہوئے تھے کہ آپریشن کی کمان ڈی جی رینجرز کر رہئے ہیں. 81 سالہ صوبائی وزیراعلیٰ قائم علی شاہ بھی ائیرپورٹ پر ہی تھے مگر یہ واضح نہیں کہ کیوں تھے .( کیا وہ بھی کمان کر رہئے تھے؟) یہ بھی پتہ نہیں لگ رہا کہ کیا دس دہشت گردوں میں سے کسی ایک کو بھی کسی نے اس نیت سے زندہ حراست میں لینے کی کوشش کی کا پوچھ گچھ کے ذریعے منصوبے، نیٹ ورک اور اندر کے مددگاروں تک پہنچا جا سکے؟ اگر ایسا نہیں ہو سکا تو پھر یہ کیسے معلوم ہوا کہ دہشت گرد کوئی طیارہ ہائی جیک کرنا چاہ رہئے تھے یا تمام طیاروں اور انفراسٹر کچر کو برباد کرنے کے مشن پر تھے؟ وغیرہ وغیرہ...

البتہ زیادہ تر ٹی وی ناظرین کو لگ رہا تھا جیسے آپریشن کی کمان چینلوں کے کیمرا مین کر رہئے اور دہشت گردوں کی کمان بھی انہی کے ہاتھ میں ہے. تین چینل رپوٹروں کو فائر کے انداز و آواز سے ہی پتہ چل گیا کہ ہو نہ ہو دہشتگرد بھارتی ہتھیاروں سے مسلح ہیں. ڈی جی رینجرز نے بھی ابتدا میں یہی کہا تاہم بعد میں اپنا بیان واپس لے لیا، مگر چینل اپنی زبان پر آخر تک قائم رہئے. میڈیا کی ان پیشہ وارانہ خدمات کا اعتراف فوج کے شعبہ تعلقات عامہ کے سربراہ نے آپریشن کی رات سوا ایک بجے ہی ٹویٹر پر کر دیا تھا : ائیرپورٹ کے اندر کی براہ راست کوریج بند ہونا چاہئے. اس سے نہ صرف آپریشن میں رکاوٹ پڑ رہی ہے بلکہ متاثرہ علاقے اور فوجیوں کی نقل و حرکت بھی طشت از بام ہونے سے دہشت گردوں کی مدد ہو رہی ہے. اچھا ہی ہے کہ اب تک حکومت نے ملک کے سب سے بڑے ائیرپورٹ کی اس طرح سے پامالی کے اسباب اور ذمہ داری کے تعین کی تحقیقات کیلئے کسی حاضر یا ریٹائرڈ جج کو نامزد نہیں کیا. اس سے وقت اور اسٹیشنری کی خاصی بچت ہو گی. پہلے ہی بیسیوں کمیشنوں کی بیسیوں سفارشات کو دیمک کھا رہی ہے. ویسے بھی دہشت گرد دماغ کی ورزش میں ریاست سے دو ہاتھ آگے ہی پائے گئے ہیں. کمیشن کس کس واردات کے پیچھے ہانپے گا.

مزید پڑھیں »

بھارتی فوج کا نامزد سربراہ قاتلوں ڈاکوؤں کا سر پرست

2014-06-12T12:19:00.000+01:00

ہندوستانی فوج کے سابق سربراہ اور اب وفاقی وزیر جنرل وی کے سنگھ نے فوج کے نامزد سربراہ پر بے گناہوں کے قاتلوں اور ڈاکہ ڈالنے والوں کو تحفظ فراہم کرنے کی کوشش کا الزام لگایا ہے. جنرل سنگھ اور نامزد سربراہ لیفٹنٹ جنرل دلبیر سنگھ سوہاگ کے درمیان اختلافات پرانے ہیں. جنرل سنگھ نے فوج کے سربراہ کی حیثیت سے سے جنرل سوہاگ کے خلاف تادیبی کاروائی کی تھی لیکن فوج کے موجودہ سربراہ جنرل بکرم سنگھ نے عہدہ سنبھالنے کے چند ہی دنوں کے اندر یہ حکم واپس لے لیا تھا. لیکن جنرل وی کے سنگھ کے بیان کے پس منظر میں پارلیمان میں بات کرتے ہوئے وزیر دفاع ارون جیٹلی نے کہا کہ فوج کی تقرریوں کو سیاست سے الگ رکھا جانا چاہئے

جہاں تک حکومت کا سوال ہے، جنرل سوہاگ کی تقرری حتمی ہے. یہ تنازع فوج کے ایک انٹیلی جنس یونٹ کی سرگرمیوں کے بارے میں ہے. الزام یہ تھا کہ دسمبر 2011 میں شمال مشرقی ریاست آسام کے جورہٹ علاقے میں اس یونٹ نے غیر قانونی کاروائیاں کی تھیں لیکن اس وقت کے کورکمانڈر جنرل سوہاگ نے اس یونٹ کے خلاف کوئی کاروائی نہیں کی. تاہم فوج کا کہنا ہے کہ اس واقعے کے وقت جنرل سوہاگ چھٹی پر تھے اور قصوروار پائے جانے والے فوجیوں کو سزا دی جا چکی ہے.

جنرل سوہاگ کو فوج کا نیا سربراہ نامزد کیے جانے کے خلاف سپریم کورٹ میں ایک پٹیشن دائر کی گئی تھی جس میں یہ الزام لگایا گیا ہے کہ (کانگریس کی ) حکومت نے انکی تقرری میں " طرفداری " سے کام لیا ہے. یہ کیس سپریم کورٹ میں ہے. جہاں وزارت دفاع نے جنرل سوہاگ کی تقرری کے دفاع میں ایک حلف نامہ داخل کیا تھا جس میں جنرل وی کے سنگھ کی جانب سے تادیبی کاروائی کو " غیر ضروری اور غیر قانونی " بتایا گیا ہے. وزارت دفاع کے اس حلف نامے کے بعد کانگریس نے مطالبہ کیا ہے کہ جنرل سنگھ یا تو خو مستعفی ہو جائیں یا انہیں برخاست کیا جائے کیونکہ حلف نامے میں انکےلئے جو زبان استعمال کی گئی ہے اسکے بعد انکے وزارتی کونسل میں قائم رہنے کا کوئی جواز نہیں ہے. لیکن جنرل سنگھ نے فورن ہی ٹویٹر پر ردعمل ظاہر کرتے ہوئے کہا: " اگر یونٹ بے گناہوں کو قتل کرے، ڈکیتی ڈالے اور پھر نہیں ٹھہرایا جانا چاہئے؟ مجرموں کو آزاد گھومنا چاہئے ؟ جنرل سوہاگ 31 جولائی کو اپنے عہدے کی ذمہ داری سنبھالیں گے.

بتایا جاتا ہے کہ وزیر دفاع ارون جیٹلی نے حلف نامے میں استعمال کی جانے والی زبان پر وزارت دفاع کے افسران کو آڑے ہاتھوں لیا ہے، لیکن قانونی ماہرین کا کہنا ہے کہ یہ حلف نامہ کانگریس کی حکومت کے دوران بھی فوج کے ٹربیونل کے سامنے داخل کیا گیا تھا. جنرل وی کے سنگھ نے بھی کہا کہ یہ وہی حلف نامہ ہے جو یو پی اے کی حکومت کے دوران فوج کے ٹریبونل کے سامنے داخل کیا گیا تھا، اسمیں نیا کیا ہے؟

جنرل سنگھ، جواب شمال مشرقی ریاستوں اور خارجہ امور کے وزیر ہیں، مئی 2012 میں ریٹائر ہو گئے تھے لیکن عہدہ چھوڑنے سے پہلے انہوں نے مشرقی کمان کے سربراہ کی حیثیت سے جنرل سوہاگ کی تقرری روکنے کی کوشش کی تھی. اگر جنرل سوہاگ کو یہ عہدہ نہ ملتا تو وہ فوج کے سربراہ کی ڈور سے باہر ہو جاتے.

جنرل وی کے سنگھ اور کانگریس کی حکومت کے درمیان انکی تاریخ پیدائش کے متعلق تنازعے پر تلخی اسقدر بڑھ گئی تھی کہ جنرل سنگھ نے فوج کے سربراہ کے عہدے پر فائز رہتے ہوئے حکومت کے خلاف سپریم کورٹ سے رجوع کیا تھا لیکن عدالت نے انکے موقف سے اتفاق نہیں کیا تھا.

مزید پڑھیں »

کیا فیصلے کا وقت اب بھی نہیں آیا؟

2014-06-12T10:08:00.000+01:00

کراچی ائیرپورٹ پر حملے کا جواز طالبان نے یہ بتایا کہ حکیم اللہ محسود کو قتل کرنے کا بدلہ لیا گیا ہے. حکیم اللہ محسود کے جہنم رسید کرنے کی ذمہ داری تو امریکی ڈرون کی بم باری پرعائد ہوتی ہے. پاکستان کے لوگوں کا اس سے کیا تعلق بنتا ہے؟ اب میدان تیار ہو گیا ہے . کھلی جنگ دکھائی دے رہی ہے. ایک طرف بیحد مضبوط ، طاقتور اور تربیت یافتہ مسلح افواج ہیں، دوسری طرف ایسا فریق ہے جسکے 10 ارکان کراچی کے ہوائی اڈے پر تقریباً 25 من وزنی بھاری راکٹ لانچر،85 نہایت وزنی بم کلانشنکوف، اور گولہ بارود لے جاتے ہیں، اس سے اندازہ ہوتا ہے کہ اب کوئی معمولی ٹکراؤ نہیں ہو گا

کراچی ائیرپورٹ پر حملہ اور مختلف مقامات پر دہشتگردی کے واقعات کے بعد اب طالبان سے مذاکرات کی کوئی گنجائش باقی نہیں رہی اسلئے کہ کراچی ائیرپورٹ پر حملے کی ذمہ داری قبول کرکے طالبان نے یہ ثابت کردیا ہے کہ وہ خود کو منظم کر رہئے تھے مذاکرات محض وقت گزاری تھی اور سیز فائر کی آڑ میں وہ اپنی مذموم کاروائیوں کیلئے منصوبہ بندی کر رہے تھے.

پاکستان اس وقت دہشتگردی کے لحاظ سے انتہائی نازک دور سے گزر رہا ہے. قومی سلامتی کو درپیش خدشات اس امر کا تقاضا کرتے ہیں کہ اب حکومت کو اپنی رٹ قائم کرنے کیلئے کسی بھی دوسری آپشن کو نظرانداز کرکے صرف ان مٹھی بھر دہشتگردوں کو کیفرکردار تک پہنچنانا ہے. حکومت نے شمالی وزیرستان میں آپریشن کا فیصلہ کرکے احسن اقدام اٹھایا ہے اسلئے کہ مذاکرات کے دوران کالعدم تحریک طالبان جو رویہ اختیار کیے رکھا اس سے صاف ظاہر ہوتا تھا کہ وہ حکومت کو اپنے دباؤ میں لانا چاہتے ہیں اور اپنی من مرضی کا امن معاہدہ کرنا چاہتے ہیں یہی وجہ تھی کہ طالبان کی سیاسی شوری نے دونوں اطراف کی کمیٹیوں کے کسی بھی فیصلے پر کوئی مثبت ردعمل ظاہر نہیں کیا اور مطالبات کی ایک لمبی فہرست ہر ملاقات کے بعد جاری کرتے کبھی اسلحہ کے زور پر شریعت کے نفاذ کی بات کرتے اور کبھی خودکش حملہ کرنے والوں کو اسلامی تعلیمات کے منافی قرار دیتے لیکن امن کی طرف پیشرفت سے انہیں کوئی خاص غرض نہیں تھی. اس اثنا میں گاہے بگاہے مختلف جگہ پر اپنی کاروائیاں بھی جاری رکھے ہوئے تھے ، خاص طور پر کراچی میں کالعدم طالبان مختلف علاقوں میں اپنے نیٹ ورک کو مضبوط کرکے کراچی کے امن کو تباہ کرنے کی کوششیں کرتے رہئے.

انکا یہ دائرہ کار بلوچستان اور خیبر پختونخوا تک پھیلا ہوا تھا. حکومت نے اس ضمن میں بڑے صبر و تحمل کا مظاہرہ کیا اور کوشش کی کہ معاملہ بات چیت کے ذریعے حل ہو جائے اور بندوق نہ اٹھانا پڑے لیکن طالبان کے رویے نے مجبور کر دیا کہ اب آخری آپشن آپریشن کی صورت میں استعمال کیا جائے.

کراچی ائیرپورٹ پر حملہ کوئی معمولی واقعہ نہیں اس سے بین الاقوامی سطح پر پاکستان کے وقار کو شدید دھچکا لگا ہے. اب وقت آگیا ہے کہ طویل عرصے سے جاری اس جنگ کو کسی منطقی نتیجے تک پہنچایا جا سکے. پوری قوم اپنی بہادر مسلح افواج کے شانہ بشانہ کھڑی ہے اور وہ سمجھتی ہے کہ فوج ہی اس ملک کو امن کا گہوارہ بنانے میں اپنا کردار احسن انداز سے ادا کر سکتی ہے اسلئے سول اور فوجی قیادت کا شمالی وزیرستان میں آپریشن کا فیصلہ بروقت بھی ہے اور حالات کے مطابق بھی.طالبان کو بھی اس امر کا احساس ہوجانا چاہئے کہ حکومت کی طرف سے انکو جتنی چھوٹ اور سہولیات مہیا کی گئیں انہوں نے اسکا کوئی فائدہ نہیں اٹھایا یوں لگتا ہے کہ وہ باتوں سے ماننے والے نہیں بلکہ انکے خلاف بھرپور فوجی کاروائی ہی انکو راہ راست پر لاسکتی ہے. امید ہے کہ پاک فوج اپنی تمام تر پیشہ وارانہ صلاحیتوں کے ساتھ ان طالبان کو ایسا سبق سکھائے گی کہ وہ ہتھیار پھینک کر قومی دھارے میں شامل ہونے کو ترجیح دیں گے.

پوری قوم کا ایک ہی مطالبہ ہے کہ اسلام کے مقدس نام پر دہشتگردی کرنے والوں معصوم اور بے گناہ لوگوں کا خوں بہانے والوں فوجی جوانوں اور افسروں کو شہید کرنے والوں کے خلاف بے رحمانہ کاروائی کی جائے. مذاکرات کے نام پر مذاق رات بند کیا جائے اور جو سیاسی اور مذہبی جماعتیں فوجی آپریشن کی مخالفت کرتی ہیں یا ان دہشت گردوں کی ترجمانی کرتی ہیں انکو بھی دوٹوک جواب دیا جائے کہ بہت ہو چکا اب ان سیاسی جماعتوں کو بھی اب قوم کو بتانا ہو گا کہ وہ دہشتگردوں کے ساتھ ہیں یا ملک و قوم کے ساتھ، کیونکہ ان دہشتگردوں کا اسلام سے کوئی واسطہ ہے نہ شریعت سے کوئی تعلق انکا مقصد صرف اور صرف ملکی سالمیت کو نقصان پہنچانا اور مذہب کے نام پر بے گناہ لوگوں کا قتل عام کرنا ہے

___________________________________________________________

پڑھنے کا شکریہ
اپنی قیمتی آراہ سے ضرور نوازیں

کراچی جل رہا ہے

2014-06-11T12:10:00.000+01:00

ہے ہر سو موت کا موسم کراچی جل رہا ہے

ہاں بے حس ہو گئے ہیں ہم کراچی جل رہا ہے

اجڑ جائے اجڑتی ہے جو بستی

حکومت بس رہے قائم کراچی جل رہا ہے

لہو آنکھوں سے رستا ہے ہماری

یہاں سینہ زنی پیہم کراچی جل رہا ہے

لحد ہے مضطرب قائد کی میرے

ہے کب سے رو رہا پرچم کراچی جل رہا ہے

خدا کے نام پر ہے قتل انساں

ہوا رسوا بنی آدم کراچی جل رہا ہے

کھلے پھرتے ہیں قاتل ملک بھر میں

ہوا کا رک رہا ہے دم کراچی جل رہا ہے

غضب ہے لوگ بھی سوئے ہوئے ہیں

کوئی ہوتا نہیں برہم کراچی جل رہا ہے

بتاؤ کب تلک لاشے اٹھائیں

کریں اب کب تلک ماتم کراچی جل رہا ہے

خدایا کیا کوئی آ کر ہمارے

رکھے گا زخم پر مرہم کراچی جل رہا ہے

یہ طوق اقتدار چند روزہ ایک لعنت

ہیں صفدر حکمراں بے غم کراچی جل رہا ہے

_______________________________________________________________________

شاعر۔ صفدر ھمٰدانی

پیشکش ۔ عالمی اخبار

پڑھنے کا شکریہ
اپنی قیمتی آراہ سے ضرور نوازیں

کراچی ائیرپورٹ پر حملے کا سبق

2014-06-11T09:21:00.001+01:00

ابھی کراچی کے اولڈ ٹرمینل پر حملے کے بعد کا سوگ مکمل نہیں ہوا تھا کہ دوسری بار حملے کا شور مچ گیا. گوکہ تمام سرکاری ادارے اسے " حملہ " قرار دینے سے گریز کر رہے تھے، لیکن اے ایس ایف کی جوابی کاروائی کے دوران بے جا مسلسل فائرنگ سے حملے کے تاثر کو تقویت ملی. طالبان نے خوف پھیلانے کے اس واقعے کی ذمہ داری قبول کی ہے تو دوسری جانب خیبر ایجنسی میں پاک فضائیہ نے دہشت گردوں کی کمیں گاہوں کو نشانہ بنایا ہے. محفوظ سمجھا جانیوالا کولڈ اسٹوریج کا مقام ہی 7 افراد کیلئے موت کی جگہ ثابت ہوا. ہر پاکستانی غمزدہ ہے. دہشت گردوں کیخلاف آپریشن پر سیاسی و عسکری قیادت کا اتفاق خوش ائند ہے.

سبھی کے سبھی منافقت بھری ٹوکریوں کو سروں پر اٹھائے پھر رہے ہیں. یہاں کیا مسائل حل ہوں گے کہ اس گھر کو آگ لگی اسی گھر کے چراغ سے، ایسی کی تیسی ان دہشتگردوں کی، ذرا آنکھوں میں آنکھیں ڈال کر بتاو، کہ کراچی ائیرپورٹ پر ان دہشتگردوں کو کس نے گھسایا، کس کی شہ پر وہ وہاں داخل ہوئے، وہ آسمان سے اترے یا زمین سے اگ آئے. ایسے ہی دوچار غیر متعلقہ لوگوں کو پکڑ دھکڑ کر تفتیش کا مقصد؟

جو مقصد صاف نظر آتا ہے وہ بہت خطرناک ہے. افغانستان میں روسی مداخلت سے بھی زیادہ خطرناک. حکومت میں اگر جرات اور نیک نیتی ہوتی تو اب تک سبق سکھا چکی ہوتی. استاد اقبال فرماتے ہیں کہ جبتک لاللچی زندہ ہیں تب تک دھوکے بازوں کا روزگار قائم ہے. جمہوری ریاستوں کو عرب بادشاہوں میں تبدیل کرنا کبھی بھی ممکن نہیں ہے، لیکن خواب دیکھنے والوں کو کون سمجھائے. کرنل قذافی، رضا شاہ پہلوی اور صدام حسین وقت آخر تک خوابوں کے حصار سے نہ نکل سکے اور مارے گئے. نجیب الله بھی یہی سمجھتا تھا کہ طالبان اسکے بغیر حکومت نہیں چلا سکیں گے. کیا پاکستان میں کوئی حکومت چل رہی ہے؟ کوئی نظام ہے؟ انسان کی تاریخ پڑھو، دس ہزار سال پہلے بھی تو انسان تھا، پتھر کے زمانے کا انسان یاد کرو، نہ رشتے نہ ناتے، نہ ماں، نہ بیٹی، نہ تہذیب، نہ اخلاق، نہ قانون نہ قانونی تقاضے جسکے ہاتھ میں پتھر آیا اور جب موقع ملا اس نے دوسرے کو مار دیا تاریخ بتاتی ہے کہ انسانوں نے انسانوں کا گوشت کھایا اور پھر بھی انسان زندہ ہے، نسل کشی کی اور آج کے اس جدید دور میںبھی سات ارب کی آبادی ہے. یہ نہیں کہ خوراک، بجلی یا پانی نہ ہونے سے، صنعت و حرفت ختم ہو جانے سے اور زراعت کے ختم ہو جانے یا آبادی کے خوراک کے مقابلے میں بڑھ جانے سے انسان ختم ہو جاتا ہے. انسان زندہ رہتا ہے لیکن ذلت آمیز اور تکلیف دہ حالات میں زندہ رہتا ہے.

آج کا اصل مسئلہ زندگی کے ادراک کا ہے. پاکستان کے اکثریتی عوام یہ کہتے ہیں کہ کرم ہے اور شکر ہے کہ پاکستان پھر بھی قائم ہے. اس ایک جملے سے صورت حال، مستقبل اور تعمیر و ترقی کا اندازہ کر لیا جانا چاہئے لیکن موضوع دگر ہے کہ یہ طالبان، دہشتگرد یا یہ مائنڈ سیٹ جسے بنانے میں اسٹیبلشمنٹ نے 40 سے 50 سال لگائے اور جسے ختم کرنے ، میں اسٹیبلشمنٹ اس وقت لیت و لعل سے کام لے رہی ہے بالکل اسی طرح اسٹیبلشمنٹ بھی پھنسی ہوئی ہے. وزیراعظم، حکومت اور حکمرانی کے معاملے میں ابہام کا شکار دکھائی دیتے ہیں. لہذا یہ مذاکرات جس طرح اپنے منطقی انجام کو پہنچے ہیں یہی انکا مقصد تھا اور اس پر تقریباً سبھی اہل دانش نے یہی رائے دی تھی کہ ان مذاکرات کا یہی انجام ہو گا

طالبان کے تمام مطالبے مان لیے جایئں اور انہیں پاکستان کے چاروں صوبوں میں حکومت بھی دے دی جائے تو یہ قتل و غارت گری نہیں روکیں گے بلکہ یہ ریاستی سطح پر بڑھ جائے گی. فرقہ واریت کے حوالے سے خانہ جنگی شروع ہو جائے گی، آخر وہ کام جس کا ایک ہی انجام اور ایک ہی حل ہے اسکے حوالے سے بھی اگر اسٹیبلشمنٹ ہے سول حکومت آپس میں گیم کر رہے ہیں تو خود فریبی میں مبتلا ہیں. جڑی بوٹیوں کو محض تراشا نہیں جاتا تلف کیا جاتا ہے. وزیراعظم کی طرف سے یہ بیان کہ طالبان کو انکی زبان میں جواب دیا جائے گا، عملی شکل میں سامنے کیوں نہیں آیا؟ دکھ اور تکلیف کی بات یہ ہے کہ کسی میں اتنی جرات نہیں کہ سچی بات کھل کر سر عام کہہ دے جو وہ جانتا ہے.
_______________________________________________________________

ڈاکٹر افتخار حسین بخاری

پڑھنے کا شکریہ
اپنی قیمتی آراہ سے ضرور نوازیں

حق پرستی کا بے مثال سفر

2014-06-10T18:21:00.000+01:00

آج اے پی ایم ایس او کا یوم تاسیس پورے پاکستان سمیت کئی ممالک میں روایتی جوش و جذبہ کے ساتھ منایا جا رہا ہے اس دن ملک قوم کی ترقی اور استحکام کیلئے نہ صرف دعائیں کی جاتی ہیں بلکہ تجدید عہد وفا بھی کیا جاتا ہے یہ عہد اپنے قائد جناب الطاف حسین کے ساتھ بھی ہوتا ہے اور اپنی قوم اور ملک کے ساتھ بھی ہوتا ہے، اے پی ایم ایس او بلاشبہ ملک و قوم کے معماروں کی بہترین نرسری اور درسگاہ ہے اور جناب الطاف حسین انکے ٹیچر اور لیڈر ہیں

11 جون 1978 بلاشبہ ایک تاریخ ساز دن ہے، اس دن جامعہ کراچی کے طالبعلم الطاف حسین نے مہاجر طلباء کے ساتھ ہونے والی بے انصافیوں کے جواب میں ایک طلبہ تنظیم اے پی ایم ایس او کی بنیاد رکھی، اس وقت جامعہ کراچی میں اسلامی جمیعت طلبہ کے کارکنان کھلے عام اسلحہ لیکر غنڈہ گردی کرتے تھے، انہوں نے طلبہ و طالبات کا جینا دو بھر کیا ہوا تھا لیکن جمیعت کے تھنڈر اسکواڈ کی وجہ سے کسی کو بولنے کی جرات نہیں ہوتی تھی، ایسے میں واحد حل اس نوجوان الطاف حسین نے نکالا کہ طلباء کو جمیعت کے عتاب سے بچانے کیلئے طلبہ و طالبات کو ایک جگہ جمع کیا جائے، جب یونیورسٹی میں آل پاکستان مہاجر اسٹوڈنٹس آرگنائزیشن قائم کی گئی اس وقت سندھی، پنجابی، ہزارہ، گلگتی، بلوچ اور پختون قومیتوں کے نام پر یونیورسٹی میں طلباء تنظیمیں قائم تھیں، لیکن اے پی ایم ایس او وہ واحد تنظیم تھی جدھر طالبعلم کھنچے چلے آرہے تھے.

اے پی ایم ایس او کا قیام شدید ردعمل کا نتیجہ تھا، ان نا محرومیوں کا، نا انصافیوں کا اور ظلم کا جو بانیان وطن کی اولادوں پر کیا گیا، اے پی ایم ایس او جاگیردارنہ اور ظالمانہ نظام کے خلاف ایک جرات مندانہ قدم تھا، جس میں الطاف حسین کے ساتھیوں نے انکے فکر و فلسفے کا ساتھ دیا.

آزادی کے باوجود ہم اب بھی ذہنی مفلوج اور محکوم تھے، صرف چہرے تبدیل ہوئے تھے، نظام نہیں بدلا، اس وقت ملک کو ایک انقلابی سوچ کا انتظار تھا، جو الطاف حسین نے عطا کی، اس وقت ضرورت اس امر کی تھی کہ فرسودہ نظام سے بغاوت کرکے ایک منظم اور مثبت سیاست کا آغاز کیا جائے، اس کام کا بیڑا جناب الطاف حسین نے اپنے ناتواں کاندھوں پر بخوبی نبھایا ہے، 25 سال کے ایک مجاہد صفت انسان نے ظلم کے خلاف آواز اٹھائی، 25 سال کا نوجوان صرف چمک دمک کا اسیر ہوتا ہے، مگر الطاف حسین جیسے مسیحا نے لوگوں کے درد کو محسوس کیا اور انکو زندگی سے متعارف کروایا.

الطاف حسین ایک عظیم مدبر اور مفکر ہیں، جنکی زندگی کا فکر و فلسفہ " زندگی کا مقصد دوسروں کی " ہے، ایک ایسا معاشرہ جہاں ہر طرف افراتفری کا بازار گرم ہو وہاں پر الطاف حسین جیسے عظیم رہنما کا ہونا ہمارے لیئے رحمت ہے، حق پرستی کی پاداش میں قائد تحریک کو بربریت کا نشانہ بنایا گیا، آپکو جیل کی سلاخوں کے پیچھے ڈالا گیا، کوڑوں کی سزا سنائی گئی، انکو ظلم کے خلاف آواز اٹھانے پر ناقابل بیان صعوبتیں برداشت کرنی پڑیں، ایم کیو ایم کے ہر کارکن کو سچ کی بڑی کڑی سزا بھگتنی پڑی.

1992 میں کراچی شہر میں بدترین ریاستی آپریشن کیا گیا، بقول حکومت وقت یہ آپریشن سیاسی میدان اور ملک کی سالمیت کو نقصان پہنچانے والوں کے خلاف ہے، مگر تاریخ شاہد ہے کہ ہمارے کتنے بھائیوں کو اپنی جانوں کے نذرانے پیش کرنے پڑے، سنگدل سیکورٹی اہلکاروں نے حاکم وقت کے اشاروں پر ایم کیو ایم کے معصوم اور نہتے کارکنان کو چن چن کر شہید کیا، کتنے بیٹوں کو ماؤں سے بچوں سے انکے باپ کو جدا کر دیا گیا، اب بھی ایم کیو ایم کے کتنے کارکنان ایسے ہیں، جن کا ابتک کوئی پتہ نہیں ہے کہ زندہ ہیں یا انکو شہید کر دیا گیا، ہنستے بستے شہر کو درندہ صفت انسانوں نے غم کی آگ میں جھونک دیا، جیتے جاگتے شہر کو تاریکی میں دھکیل دیا، لوگ اپنے گھروں سے باہر جانے میں خوف کھانے لگے، لوگ اپنے گھروں میں محصور زندگی گزارنے پر مجبور ہو گئے.
مگر ایم کیو ایم ان تمام چیرا دستیوں کے باوجود ایسی جماعت نہ تھی ، جو ظلم کے اگے جھکتی یا چند سکوں کے عوض اپنے ضمیر کو بیچ دیتی، ایم کیو ایم نے حق گوئی اور حق پرستی کی راہ کو اپنے لہو کے چراغ جلا کر روشن کیا ہے، مگر جابر کے سامنے گردن نہ جھکائی، اس جماعت نے جتنے بھی الیکشن میں حصہ لیا، ایم کیو ایم نے بے نظیر کامیابی حاصل کی اور اس نے ثابت کر دیا کا باطل کی کالی رات چھٹ چکی ہے اور حق آخرکار ہمیشہ رہنے والا ہے، حق کی راہ پر چلنے والے کبھی متزلزل نہیں ہوتے ہیں، الله ہمیشہ ان لوگوں کا ساتھ دیتا ہے جو مظلومیت کا ساتھ دیتے ہیں، الحمدوللہ آج ایم کیو ایم کا شمار پاکستان کی بڑی سیاسی جماعتوں میں ہوتا ہے، بدترین ریاستی آپریشن کے باوجود بھی ایم کیو ایم کو کچلا نہیں جا سکا، رب کے فضل و کرم سے جس وقت بلدیاتی الیکشن کا آغاز ہوا، اسمیں ایم کیو ایم کو بے مثال کامیابی نصیب ہوئی، الطاف حسین نے ناظم اور نائب ناظم کے چناؤ میں اپنے جرات مند کارکنان کا انتخاب کیا.

آج اے پی ایم ایس او کے جنم دن کے موقع پر ہم دل کی گہرائیوں سے جناب الطاف حسین اور اے پی ایم ایس او کے تمام ذمہ داران اور عہداران کو مبارکباد دیتے ہیں اور دعاگو ہیں کہ الله تعالی الطاف حسین کو درازی عمر اور صحت کاملہ عطا فرمائے اور انکا سایہ ہمیشہ ہمارے سر پر سلامت رکھے. آمین
___________________________________________________________-

شہلا شفیق

پڑھنے کا شکریہ
اپنی قیمتی آراہ سے ضرور نوازیں

غفلت ہمیں کہاں لے جائے گی؟

2014-06-10T14:55:00.001+01:00

ہم لوگ عجیب غفلت کا شکار ہیں حالانکہ ہم ایسی ان دیکھی جنگ کا مسلسل شکار ہیں جس میں دہشت گردی کی جاتی ہے. دہشت گردوں کا ہدف ہمیں جسمانی نقصان پہنچانے کے ساتھ ساتھ ہماری اہم تنصیبات کو تباه کرنا ہوتا ہے.

ایک بارپھر ہماری سیکورٹی کے ڈھول کا پول کھل گیا. کراچی ہوائی اڈہ دہشت گردی کا نشانہ بنا، ایئر فورس سیکورٹی کے جوانوں سمیت پی آئی اے کے ملازمین اپنی جانوں سے ہاتھ دھو بیٹھے. دہشت گردوں کو تو مرنا ہی تھا. پانچ جہنم رسید ہوئے. پی آئی اے کے جہازوں کو نقصان پہنچا، جہاز میں موجود مسافروں کو پوری رات شدید کرب میں گزارنا پڑی. انہیں پینے کا پانی تک نہیں مل سکا.

ایئرپورٹ جیسے اہم تریں مقام پر دہشت گردوں کا حملہ اس قدر تیز رفتار تھا کہ پہلے مرحلے پر ہی اے ایس ایف کے تین اہلکار مار دیئے گئے تھے. جہازوں کو کھڑا کرنے والے ایک ہینگر میں کھڑے ایک جہاز کو بھسم کر دیا گیا. ایئر پورٹ پر آنے اور جانے والی تمام پروازیں معطل کر دی گئی تھیں. کچھ پروازوں کو واپس کیا گیا اور بعض کو دوسرے شہروں کے ایئر پورٹوں پر اتارا گیا. حیدرآباد ایئر پورٹ تو اس قابل ہی نہیں تھا کہ کسی جہاز کے اترنے کا بندوبست ہو پاتا. نواب شاہ میں انتظامات ادھورے تھے. ایئر پورٹس کسی ہنگامی صورت حال سے نمٹنے کیلئے تیار ہی نہیں تھے.

انہیں اسسے کوئی سروکار نہیں کہ نتائج کیا نکلیں گے اور خمیازہ کسے بھگتنا پڑے گا. دہشت گردی کے خلاف جنگ میں شریک ملک خود کئی سال سے دہشت گردی کا شکار ہے لیکن ملک کے معاملات چلانے والے اہم تریں ذمہ دار افراد ہر موقع پر ناکامی کی تصویر بن جاتے ہیں کراچی ایئر پورٹ پر دہشت گردی کے بعد ایک بار پھر لازمی ہو گیا ہے کہ حکومت اور وزارت داخلہ سنجیدگی کا مظاہرہ کرے اور اپنے تمام اقدامات کا بھر پور جائزہ لے.

حکام کا مسئلہ یہ ہے کہ وہ کسی بھی کاروائی کے بعد بیانات کے پردے میں منہ چھپا لیتے ہیں اور کاغذی خانہ پری کی کاروائی کرکے دہشت گردی کے واقعہ کو داخل دفتر کر دیتے ہیں. کئی اور ملک ہوتا تو شائد اسطرح غفلت سے ہمکنار نہیں ہوتا جس سے پاکستان دوچار ہے اور غفلت کے ذمہ دار لوگوں کو فارغ کر دیا جاتا.

ایک درجن دہشت گرد زمینی راستوں سے اتنی بڑی تعداد میں ہتھیار کے ساتھ کراچی میں داخل ہوئے ہوں گے . اسکا مطلب یہ ہوا کہ ہمارے راستے خالی تھے، کہیں کوئی نگرانی کرنے والا موجود نہیں تھا. اور جو لوگ یعنی پولیس کو جو چھوٹے اہل کار موجود بھی ہوتے ہیں وہ اپنی ڈیوٹی کی طوالت کی وجہ سے یا کسی اور وجہ سے غفلت کا شکار ہو جاتے ہیں. چند روپے کے عیوض یہ لوگ ہاتھی بھی لے جانے دیتے ہیں.

جب دہشت گرد کراچی میں داخل ہو رہے تھے تو کراچی میں داخل ہونے والے مقامات پر بھی انہیں کسی نے روکا اور ٹوکا نہیں. ان مقامات پر رینجرز موجود ہوتی ہے. ضروری نہیں کہ وہ کراچی میں اتوار کے روز ہی داخل ہوئے ہوں، انکی کراچی آمد اور موجودگی کی مخبری نہیں ہو سکی، وہ اس علاقے میں پہنچ گئے جو چھاؤنی کا علاقہ ہے. یہ لوگ پیدل نہیں آئے ہوں گے، انھوں نے گاڑیاں حاصل کی ہوں گی، کسی گاڑی والے نے پولیس کو مطلع کرنے کی زحمت ہی نہیں کی. دہشت گردوں نے ائیرپورٹ تک رسائی حاصل کر لی، یہ لوگ خالی ہاتھ نہیں تھے یا کوئی ماچس کی ڈبیا انکے پاس نہیں تھی بلکہ ہتھیاروں کی بڑی بھاری کھیپ تھی جو کسی کو نظر نہیں آئی. انکے سامان کی کہیں کسی نے تلاشی نہیں لی، جگہ جگہ غفلت برتی گئی، تمام دہشت گردوں کی بظاہر شناخت ایسی تھی کہ دوران سفر ہی انسے کہیں کوئی پوچھ گچھ کر لیتا، پھر یہ لوگ ائیرپورٹ جیسے حساس علاقے میں داخل ہوے، کہیں کہیں تو کسی کی غفلت یا پھر کسی اور وجہ سے دہشت گرد ائیرپورٹ میں داخل ہونے میں کامیاب رہے.

یہ کہنا کہ وہ اے ایس ایف کی وردی میں ملبوس تھے، ایک ایسی بے تکی تاویل ہے جسے تسلیم نہیں کیا جا سکتا. کیا کوئی آدمی اے ایس ایف ہو یا فوج ہو یا پولیس ہو یا رینجرز کی وردی پہن کر کسی بھی حساس علاقے میں داخل ہونے کی اگر صلاحیت رکھتا ہے تو پھر ان اداروں کو کوئی ایسی حکمت عملی واضح کرنا چاہئے تاکہ ہر وردی والے سے بھی شناخت تو معلوم کی جائے، عام طور پر ایسا ہی ہوتا ہے.ائرپورٹس پر وردی پہنے ہوئے اے ایس ایف والوں کی جسمانی تلاشی لی جاتی ہے اور پھر انہیں رن وے پر جانے کی اجازت ملتی ہے. ان لوگوں کے بارے میں یہ چوک کہاں اور کیوں ہوئی.

جب دہشت گرد اپنی کاروائیوں میں مصروف تھے تو پولیس کی مدد طلب کی گئی، جواب ملا کہ تھانے پر پولیس موجود نہیں ہے. پولیس کمانڈو کے بارے میں بتایا گیا کہ وہ نام نہاد اہم شخصیات کی پروٹوکول ڈیوٹی پر ہیں. جب وزیراعظم اور فوج کے سربراہ نے صورت حال کا نوٹس لیا تو گورنر سندھ، وزیراعلیٰ سندھ، اور دیگر اہم شخصیات ائیرپورٹ پہنچنا شروع ہو گئیں، کیا ایسے وقت میں جب ہنگامی صورت حال ہو ان افراد کو ائیرپورٹ پر جانا چاہئے تھا. یقینا نہیں. ہمارے ان حکمرانوں کو ہر جگہ پروٹوکول چاہئے ہوتا ہے جسکی وجہ سے کاروائیوں میں شدید مداخلت ہوتی ہے. کورکمانڈر، رینجرز کے سربراہ، پولیس کے سربراہ سب ہی ائیرپورٹ پہنچ گئے. کیوں؟ کیا یہ لوگ اپنے اپنے دفاتر سے دہشت گردی سے نمٹنے کی کاروائی کا جائزہ نہیں لے سکتے تھے. کیا ان حضرات کو اپنے ماتحت افسران کی صلاحیتوں پر شک تھا. کیا فوج سمیت کسی ادارے یعنی پولیس، رینجرز کے پاس کوئی ایسا منصوبہ جسے فوجی کانٹی جنسی پلان کہتے ہیں، موجود ہے کہ کسی صورت حال کو سامنا کسطرح کیا جائے گا. کراچی ائیرپورٹ پر جو کچھ ہوا اس سے تو ظاہر ہوتا ہے کے کیسے کے پاس کوئی منصوبہ بندی نہیں ہے. اس بات سے یہ بھی عیاں ہو گیا کہ وفاقی وزارت داخلہ آج تک ایسے اصول اور ضابطے تیار نہیں کر سکی ہے جو ایسی صورت حال کا سامنا کرنے کیلئے ضروری ہوتے ہیں. کسی بھی ایک فورس کو کمانڈ کرنا ہوتا ہے.

ایک ہی وقت میں ایمبولنس، ڈاکٹر، مقابلے کرنے والے اہلکار، ہتھیار، رضاکاروں اور دیگر ضروری اشیاء کا انتظام کیا جاتا ہے. جسکے لئے ذمہ داریوں کو تقسیم کیا جاتا ہے. تمام لوگ ایک ہی کام میں نہیں جت جاتے ہیں. جب کوئی ضابطہ ہی نہیں ہوگا تو کسی کو کیا علم کہ اسے کیا کرنا ہے. اے ایس ایف ہو یا ائیرپورٹ پر موجود دیگر اہلکار انہیں اس قابل ہونا چاہئے کہ وہ دہشت گردوں کا مقابلہ کر سکیں. وہ اس صلاحیت سے کیوں محروم پائے گئے. انہیں اپنی جانوں سے ہاتھ دھونا پڑا اور دہشت گرد ادھر ادھر دندناتے پھرے. پاکستان میں دہشت گردی نہتو نئی کاروائی ہے اور نہ ہی آخری. حکام کا یہ کہنا کہ دہشت گردوں سے جو ہتھیار برآمد ہوئے ہیں وہ بھارتی ساخت کے ہیں، اپنی ناکامی کا برملا اعتراف ہے. پاکستان میں کی جانے والی دہشت گردی میں بھارت سر فہرست ملوث ہے. بلوچستان میں جو بھی کاروائیاں ہو رہی ہیں اسکے پس پشت بھارت ہے. سندھ بلوچستان سرحد پر رینجرز جو جس صورت حال کا سامنا ہے وہ عام لوگوں کے بس کی بات نہیں ہے.

بھارت پاکستان میں ایک خلفشار پیدا کر دینا چاہتا ہے جسے سلجھانا کسی بھی حکومت کی قوت میں نہ رہے. ایسی صورت میں کیا ہمیں ہاتھ پر ہاتھ دھرنے تماشہ دیکھنا چاہئے یا پھر اپنے عوام، اپنے نوجوانوں کی تربیت کا انتظام کرنا چاہئے . لوگوں کی انکے ملک اور حالات سے لاتعلقی سب کیلئے ہی خودکشی ہے. اپنے اداروں اور ان میں موجود ملازمین کی کارکردگی کا برکی سے جائزہ لینا چاہئے. جن لوگوں سے اپنے فرائض ادا نہیں ہو پاتے انہیں فارغ کیا جانا چاہئے. سب سے زیادہ اہم بات یہ ہے کہ وفاقی اور صوبائی وزراے داخلہ کی بھی تربیت کی جانی چاہئے کہ انہیں ملک کا اہم ترین محکمہ کسطرح چلانا ہے
__________________________________________________________-

علی حسن

پڑھنے کا شکریہ
اپنی قیمتی آراہ سے ضرور نوازیں