උබුන්ටු ලෝකය

Wubi භාවිතා කර උබුන්ටු Install කරගැනීම.

noreply@blogger.com (Dulanja Subodhana) — Fri, 16 Aug 2013 20:33:00 +0000

උබුන්ටු ස්ථාපනය කරන ආකාරය, ලිපිය තුලින් wubi මඟින් Ubuntu install කරන විදිය අපි කථා කරා ඔබට මතක ඇති. ආධුනිකයන් බහුලවම භාවිතා කරන මේ Wubi, Ubuntu 12.04 සිට ඉදිරියට නිකුත් කරපු version වල දකින්නට නොලැබීම ගොඩාක් දෙනෙක්ට ලොකු ප්‍රශ්නයක් වුනා. ඒ කියන්නේ Ubuntu 12.04 සිට සාමාන්‍ය විදියට Wubi මඟින් install කරන option එක තිබ්බේ නෑ.

Wubi install option එක නැතිවී ඇත.

CD එක auto run වුනාමවත්, Wubi icon එක double click කරාටවත් wubi install option එක enable වෙන්නේ නැති වෙන එක ප්‍රශ්නයක් තමා. ඒත් මේ ප්‍රශ්නේ විසඳන විදිහ මගේ යාළුවෙක් හරි ලස්සනට කියලා දුන්නා. දැන් අපි බලමු කොහොමද මේ wubi install එක enable කරගන්නේ කියලා.

Wubi install option එක enable කරගනිමු.
මේ වැඩේ කරගන්න අපිට වින්ඩෝස් command prompt එකේ පොඩි වැඩ පාරක් දාන්න වෙනවා. මේක හරිම සරළ වැඩක්.
මුලින්ම වින්ඩෝස් වල command prompt එක run කරන්න. මේ සඳහා windows + R, keys එක press කරලා cmd කියලා type කරලා run කරන්න.
ඊට පස්සේ පහත තියෙන command එක run කරන්න.

:\>drive_latter:
:\>wubi.exe --force

Screen shot දැක්කම තේරෙනවනේ ඉතින්.

දැන් ඉතින් සුපුරුදු පරිදි වින්ඩෝස් ඇතුලෙම උබුන්ටු install කරගන්න. අත්හදා බැලීමට Ubuntu පාවිච්චි කරන්න ඉන්න කෙනෙක්ට නම් මේක තමා උබුන්ටු install කරගන්න තියෙන හොඳම ක්‍රමය.

Wubi වලට මොකද වුනේ?
මේ විදිහට wubi enable කරගන්න වෙලා තියෙන්නේ Ubuntu 12.04 version එකේ ඉඳලා wubi වලට support කරන Canonical එක නවත්තපු එකයි. ඒකට ප්‍රධානම හේතුව වුනේ wubi වලින් මතු වෙච්ච bug කිහිපයක්. අනික Windows 8 වල use කරන UEFI interface එක wubi වලට Ubuntu boot කරන්න දෙන්නේ නැති වීමත් මේකට හේතුවක් වුනා. මේ UEFI interface එකට ගැලපෙන විදිහට wubi සකස් කරන්න නම් wubi program එක මුල ඉඳන්ම ආයේමත් ලියන්න වෙනවා. ඒ නිසා Ubuntu 13.04 version එකෙන් පස්සේ Wubi develop කරන එක නවත්තලා දාන්න Canonical සමාගම තීරණය කරලා ඉවරයි.

මේ විදිහට wubi මඟින් Ubuntu install කරද්දි මොකක් හරි ප්‍රශ්නයක් මතු වුනොත් අපිත් එක්ක ඒක බෙදාගන්න අමතක කරන්න එපා. මේ මුකුත් කරදර නොවී භාවිතා කරන Hard disk එකේම වෙන Partition එකක dual boot ආකාරයට Ubuntu install කරගන්න විදිහ ගැන ඉදිරි ලිපියකින් කථා කරමු.

Install Sayonara Music Player

noreply@blogger.com (Dulanja Subodhana) — Sun, 11 Aug 2013 08:21:00 +0000

ගොඩාක් කාලෙකින් post එකක් දාන්න බැරි වුන එකට මුලින්ම හැමෝගෙන්ම සමාව ඉල්ලනවා... ඉතිං කොහොමද උබුන්ටු ජීවිතේ...? දැන් නම් කට්ටියම උබුන්ටු 13.04 වලට මාරු වෙලත් ඇති නේද..? ඉස්සර වගේ දැන් උබුන්ටු එක්ක WUBI එන්නේ නෑ. ඉතිං ඒ නිසා වින්ඩෝස් ඇතුලෙම උබුන්ටු දාන්න නම් බෑ ඉස්සර වගේ. ඒත් ඔයගේ Hard Disk එකේ තියෙන partition එකක් shrink කරලා උබුන්ටුයි වින්ඩෝසුයි... දෙකම වැඩ කරන ආකාරයට සකසා ගන්න පුළුවන්.
හැබැයි ඉතිං අද කථා කරන්න යන්නේ නම් ඒ ගැන නෙවේ. ලඟදී නිකුත් කරපු, ලස්සන Music Player එකක් ගැන තමා කථා කරන්න යන්නේ.
උබුන්ටු වල සිංදු අහන්න පුළුවන් ගොඩාක් players තියෙනවා. නමුත් අද අපි මේ කථා කරන්න යන Sayonara Player එක මේ ඔක්කෝටම වඩා හොඳයි කියලා පාවිච්චි කරන්න ගත්තම තේරුනා.. ඒකයි ඔක්කොමලා එක්ක මේක බෙදාගන්න හිතුවේ.
මුලින්ම කියන්න ඕනේ මේක C++ වලින් ලියපු Free and Open Source Software එකක්. FOSS කිව්වම ඉතින් ආයේ තේරුම් කරලා දෙන්න ඕනේ නෑනේ.

Sayonara Player එකේ විශේෂත්වය තමයි අනිත් ඒවාට වඩා අඩු CPU usage එකක්, අඩු Memory භාවිතා කිරීමත්, Load වෙන්න කාලයක් ගත නොකිරීමත් වගේ දේවල්.
මේ හැමදෙයක්ම තියෙනවා වගේ මේ එකට ලස්සන User Interface එකකුත් තියෙනවා. මේ screen shot ටික දැක්කම තේරෙනවා ඇතිනේ.

මේ Player එක Google Code එකේ තියෙනවා. එතනින් මේක ගැන තව විස්තර බලා ගන්න පුලුවන්.
Features ගැන කියනවා නම් අනිත් හැම Player එකේම වගේ මේකෙත් playlist, library sorting/searching, tagging, notifications & album art මේ හැමදේම තියෙනවා.

මෙච්චර features තියෙන, මෙච්චර ලස්සන මේ Sayonara Player එක Download කරගන්න පහත ලින්ක් වලට යන්න. පුදුම වෙන්න එපා මුලු software එකම 1.8 MB විතරයි.

32 - Bit version
64 - Bit version

deb පැකේජ් එකක් ඉන්ස්ටෝල් කරන විදිහ දන්නවනේ... මතක නැත්තම් ආයෙත් මුල් ලිපි ටිකක් බලල එන්නකෝ :p
කම්මැලි නම් ඔය download කරගත්තු deb file එක double click කරන්න ඒත් වැඩේ හරි.

මෙම ලිපියේ පළ කර තිබෙන රූප සියල්ලක්ම Google Code වෙබ් අඩවියෙන් ලබාගත් ඒවා වන අතර, ලිපියේ සඳහන් සියලුම දේ මා විසින් පෞද්ගලිකව අත්හදා බලන ලද කරුණු බව මතක් කිරීමට කැමතිය.

මොනවද මේ PPA ?

noreply@blogger.com (Dulanja Subodhana) — Fri, 11 Jan 2013 20:29:00 +0000

අන්තිමට තිබුන ලිපියෙන් කියලා තිබ්බානේ උබුන්ටු 12.04 වල ඉදන් උබුන්ටු 12.10 වලට අප්ග්‍රෙඩ් කරන කොට පරණ සොෆ්ට්වෙයා වැඩ කෙරුවේ නැත්තම් ඒ අඳල PPA manually එකතු කරන්න කියලා. ගොඩාක් දෙනෙක් අහලා තිබුනා මොකද්ද මේ PPA කියලා. ඉතින් අද මම කථා කරන්න බලාපොරොත්තු වෙන්නේ PPA ගැන කියලා දෙන්න.

Personal Package Archive

PPA එහෙමත් නැත්තම් Personal Package Archive යනු විශේෂී මෘදුකාංග භාණ්ඩාගරයක්, එහෙමත් නැත්තම් මෘදුකාංග ගබඩාවක්. ඇත්තෙන්ම කියන්නේ සර්වරයක පවතින Web Folder එකක්, මෙහි විශේෂත්වය වනුයේ මේ Web Folder එකට අප්ලෝඩ් කරන්නේ අදාළ මෘදුකාංග වල කේත සටහන් හෙවත් Source Package, ඒවා Built කරලා APT (Advanced Packaging Tool) එකක් විදිහට පරිශිලකයන්ට ලබාගන්න පුලුවන් විදිහට ක්‍රියාත්මක වීමයි.

Launchpad එකෙන් වන්නෙත් මේ වගේ සේවයක් තමා නමුත් PPA කියන වචනය උබුන්ටු වලටම විශේෂවූ වචනයක් වන බැවින් Launchpad පවා Canonical වලට වෙනමම සේවයක් පවත්වා යයි. උබුන්ටු ප්‍රජාව එහෙමත් නැත්තම් Ubuntu community උබුන්ටු සංවර්ධනය කරන භාවිතා කරන පිරිසක් එකතු වී නියම උබුන්ටු සේවාව පවත්වාගෙන යයි.

ඉතින් මොකටද මේ PPA ?
PPA හරහා Canonical සමාගම විසින් ලබාදෙන මෘදුකාංග වලට අමතරව ප්‍රජාව විසින් ලබාදෙන මෘදුකාංග ඔබගේ උබුන්ටු පද්ධතියේ ස්ථාපනය කරගත හැකිය.
ඒ කියන්නේ ඔබ සාමාන්‍යයෙන් ඔබගේ පද්ධතියට මෘදුකාංග ස්ථාපනය කරන්නේ Ubuntu Software Center හරහා නේ, එවිට ඔබට ලැබෙන්නේ උබුන්ටු ව්‍යාපෘතිය පවත්වාගෙන යන Canonical සමාගමෙන් ලබාදෙන මෘදුකාංග පමණි. නමුත් PPA තුලින් Ubuntu community එක මඟින් ලබාදෙන, උබුන්ටු භාවිතා කිරීමේදී ප්‍රයෝජනවත් වන තවත් මෘදුකාංග බොහෝමයක් ලබාගත හැකිය.

PPA හරහා මෘදුකාංග ස්ථාපනය කරන ආකාරය.

මුලින්ම Dash Home එක භාවිතා කරලා Ubuntu Software Center එක විවෘත කරගන්න.

දැන් Edit මෙනුවට ගිහින් Software Source තෝරන්න.

එවිට පහත පරිදි ඔබගේ පාස්වර්ඩ් එක ඉල්ලයි එය ලබාදෙන්න.

දැන් පහත රූපයේ පරිදි ඔබගේ පද්ධතියේ දැනට භාවිතා කරන source list එක පෙනේවී.

add

එවිට ඔබට පහත පරිදි වින්ඩෝවක් ලැබේ.

උදාහරණයකට වගේ පහත තිබෙන කේතය එතනට ලබාදෙන්න.

chromium

APT

ppa:chromium-daily/ppa

Add Source

එවිට ඔබට ඔබගේ පද්ධතියේ Cache එක අප්ඩේට් වෙනවා පෙනේවී පහත පරිදි.

පහත රූපයේ තිබෙන්නේ අපි ඇතුලත් කරපු එකේ තිබෙන මෘදුකාංගයි.

මේ විදිහට ගොඩාක් මෘදුකාංග අපිට ස්ථාපනය කරගන්න පුළුවන්. මේ වැඩේ ටර්මිනල් එක භාවිතා කරලත් කරගන්න පුලුවන්. ඒ ගැනයි මේ විදිහට ස්ථාපනය කරගන්න පුළුවන් තවත් ප්‍රයෝජනවත් මෘදුකාංග කිහිපයකුත් සමඟ ඊලඟ පාර හමුවෙනකන් ආයුබෝවන්.

මෙම ලිපියේ පළ කර තිබෙන රූප සියල්ලක්ම Ask Ubuntu වෙබ් අඩවියෙන් ලබාගත් ඒවා වන අතර, ලිපියේ සඳහන් සියලුම දේ මා විසින් පෞද්ගලිකව අත්හදා බලන ලද කරුණු බව මතක් කිරීමට කැමතිය.

උබුන්ටු 12.04 - 12.10 ට අප්ග්‍රේඩ් කරමුද...?

noreply@blogger.com (Dulanja Subodhana) — Wed, 12 Dec 2012 20:00:00 +0000

උබුන්ටු 12.10 ඇවිල්ලා දැන් ටික කාලයකුත් වෙනවා.. ඒත් තාමත් උබුන්ටු 12.10 වලට අප්ග්‍රේඩ් කරගන්න බැරි වුන කට්ටිය ඇති. තව මාස 4 කින් උබුන්ටු 13.04 එන නිසා උබුන්ටු වල වර්ශන් අප්ග්‍රේඩ් එකක් කරන හැටි උබුන්ටු 12.10 වලින්ම කියලා දෙන්නම්කෝ.

කරන්න ඕනේ දේවල් පිළිවෙලට පහත ලියලා තියෙනවා. මතක තියාගන්න ඕනේ මේක කරද්දි අන්තර්ජාලයට සම්බන්ධ වෙලා ඉන්න ඕනේ කියලා විතරයි.

අප්ඩේට් මැනේජර් (Update Manger) විවෘත කරගන්න.

මේ සඳහා dash home එක භාවිතා කිරීමට පුළුවනි.

Settings වලට යන්න.

Update Manager හී පහළ වම් කෙළවරේ තමා මේක තියෙන්නේ.

මේක විවෘත කරගත්තම Software Sources කියන වින්ඩෝ එක ලැබේවී.

Updates ටැබ් එක විවෘත කරගන්න.

මෙම Software Sources කියන වින්ඩෝ එකේ Updates කියන ටැබ් එක තෝරන්න.

Settings සකසන්න.

දැන් මෙහි සැකසුම් පහත රූපයේ පෙන්වා ඇති පරිදි සකසන්න.

ඔබට පෙනෙනවා ඇති අපි වෙනස් කරන්නේ Updates ටැබ් එකෙහි පහළම තියෙන කොටස බව. එය "For any new version" ආකාරයට වෙනස් කර close කරන්න.

අප්ග්‍රේඩ් කරන්න.
දැන් ඔබට නැවතත් Update Manager වින්ඩෝ එක ලැබෙනු ඇති.

දැන් ඔබට අළුත්ම උබුන්ටු වර්ශන් එක ලබා ගත හැකිය කියලා පණිවිඩයක් ලැබේවි. රූපයේ පෙනෙන පරිදි upgrade බොත්තම ඔබා උබුන්ටු අළුත් වර්ශන් එකට අප්ග්‍රේඩ් කරගන්න.

මේ වැඩේම ටර්මිනල් එක භාවිතයෙනුත් කරන්න පුළුවන්. ඒක හරිම ලේසි.
කරන්න තියෙන්නේ පහත විධානය ක්‍රියාත්මක කරවීම පමණී.

$ sudo do-release-upgrade

ඊට පස්සේ රූට් පාස්වර්ඩ් එක ටයිප් කරන්න. දැන් ඉතීං අප්ග්‍රේඩ් වෙනකන් බලන් ඉන්න.

සැළකිය යුතුයි :

උබුන්ටු 12.04 LTS හෙවත් Long Term Support ඒ කියන්නේ දීර්ඝ කාලීන අනුග්‍රහය ලැබෙන වර්ශන් එක වේ. ඒ කියන්නේ උබුන්ටු 12.04 වලට තව අවුරුදු 5ක් යනකන් කැනොනිකල් සමාගමෙන් අනුග්‍රහය ලැබෙනවා. සරළවම කිව්වෙත් උබුන්ටු 12.04 තමා දැනට පවතින ස්ථාවරම උබුන්ටු වර්ශන් එක. උබුන්ටු භාවිතයෙන් හැම දේම කරන කෙනෙක් නම්, Ubuntu 12.04 තමා හොදම කියලා කියන්නේ. ඒ නිසා ඔබ වෘත්තීමය වශයෙන් උබුන්ටු භාවිතා කරන්නෙක් නම් 12.10 වලට අප්ග්‍රේඩ් කරන එක පිළිබඳව දෙවරක් හිතන්න.
Direct upgrading එකකදි වැරදීම් වෙන්නේ හරිම කලාතුරකින් ඒත් කෝකටත් කියලා වැදගත් යැයි හැඟෙන දත්ත වල back up එකක් තියාගන්න මේ වැඩේ කරන්න කලින්.
මේ අප්ග්‍රේඩ් එකෙන් පස්සේ පරණ උබුන්ටු වර්ශන් එකේ තිබ්බ PPA කිහිපයක් සමහරවිට වැඩ කරන්නේ නැති වේවී. ඒවා නැවත එකතු කරගන්න.

මෙම ලිපියේ පළ කර තිබෙන රූප සියල්ලක්ම OMG Ubuntu වෙබ් අඩවියෙන් ලබාගත් ඒවා වන අතර, ලිපියේ සඳහන් සියලුම දේ මා විසින් පෞද්ගලිකව අත්හදා බලන ලද කරුණු බව මතක් කිරීමට කැමතිය.

අළුත්ම Ubuntu 12.10 වින්ඩෝස් තියෙද්දිම ඉන්ස්ටෝල් කරගනිමු

noreply@blogger.com (Dulanja Subodhana) — Sat, 20 Oct 2012 22:56:00 +0000

අපි මෙච්චර දවසක් ඇඟිලි ගැන ගැන බලා හිටපු අළුත්ම උබුන්ටු සංස්කරණය වන 12.10 දැන් නිකුත් වී හමාරය. අද ලිපියෙන් කථා කරන්න බලාපොරොත්තුවන්නේ මේ අළුත්ම Ubuntu 12.10 අත්දැකීම ලබාගන්න විදිහ ගැන තමයි.
උබුන්ටු කෙලින්ම දාගන්නේ නැතුව වින්ඩෝස් ඇතුලෙම දාගෙන පොඩ්ඩක් පාවිච්චි කරන හැටි අපි අද බලමුකෝ. උබුන්ටු මෙහෙම දාගත්තම ඔයාලගේ වින්ඩෝස් වලට කිසිම ප්‍රශ්නයක් වෙන්නේ නෑ. වැඩේ අවුල් වගේ නම් සාමාන්‍යය මෘදුකාංගයක් අයින් කරනවා වගේ ලේසියෙන්ම අයින් කරගන්නත් පුළුවන්.
වැඩේ පටන් ගන්න කලින් කියන්න ඕනේ මේකට සැළකිය යුතු කාලයක් හා දත්ත ප්‍රමාණයක් වැය වෙනවා. දළ වශයෙන් පැයක් පමණ සහ 600MB විතර. ඒකත් දැනගෙනම වැඩේට අතගහමු එහෙනම්.

# මේ සඳහා මුළින්ම Wubi බාගන්න ඕනේ. ඒකට පහත තියෙන රූපය ක්ලික් කරන්න.

Click to download

# ඊට පස්සේ ඩවුන්ලෝඩ් කරගත්තු wubi.exe ෆයිල් එක ඩබල් ක්ලික් කරලා ඉන්ස්ටෝල් කරන්න පටන් ගන්න.

# ඉන්ස්ටෝල් එක පටන් ගත්තම එන තිර රූප ටික පහත තියෙනවා. ඒවාට අනුව කටුයුතු කරන්න.

# මේ ඉන්ස්ටෝලර් එක පුරවන හැටි මං කලින් ලිපියක ලියලා තියෙනවා. මේක පුරවන හැටි අවුල් වගේ නම් මෙතනින් ඒ ලිපිය කියවලා බලන්න.

වැදගත්: මෙතනදී ඔබ ලබාදෙන පාස්වර්ඩ් එක හොඳින් මතක තබා ගන්න. මොකද මේක උබුන්ටු වලට ලොග් වෙද්දි අනිවාර්‍ය්යෙන් ඕනේ වෙනවා. උබුන්ටු ඉන්ස්ටෝල් කරලා ඉවර වෙද්දි සැලකිය යුතු කාලයක් ගත වෙලා තියෙන නිසා පාස්වර්ඩ් එක අමතක වෙන්න පුළුවන්. ඒ නිසා මේ පාස්වර්ඩ් එක ලියලා තියාගත්තත් කම්ක් නෑ.

# ඊට පස්සේ ඉතින් මේ විදිහට උබුන්ටු 12.10 ඉන්ස්ටෝල් වෙන්න පටන් ගන්නවා.

# මේ වැඩේ සම්පූර්ණයෙන්ම වෙන්න ටිකක් වෙලා යයි. ඉතින් ඊට පස්සේ මේ වගේ තිරයක් එයි.

# Reboot Now තෝරා Finish කරන්න.

# දැන් වැඩෙන් භාගයක් විතර ඉවරයි. ඊලඟට පරිගණකය ආයෙත් boot වෙද්දි පහත තියෙනවා වගේ Windows boot manager එක ලැබෙයි. ඒකෙන් Ubuntu තෝරගන්න.

# ඊටත් පස්සේ පහත රූපයේ තිබෙන පරිදි Ubuntu boot loader එක ලැබෙයි. ඒකේ මුලින්ම තියෙන Ubuntu කියන එක තෝරගන්න.

# දැන් log-in screen එක ලැබෙයි එකේ අර මුලින් වින්ඩෝස් වලදී වැඩේ පටන් ගද්දිම දුන්න පාස්වර්ඩ් එක දීලා උබුන්ටු වලට ලොග් වෙන්න.

# දැන් වැඩේ හරි. දැන් ඉතිං ඔයාලටත් උබුන්ටු 12.10 අත්විඳින්න පුළුවන්. උබුන්ටු දාගත්තට පස්සේ කරන්න ඕනේ දේවල් ගැන කලිම කියලනේ තිබ්බේ දැන් එහෙනම් ඒ ලිපියත් උදවු කරගෙන උබුන්ටු වලින් වැඩ පටන් ගන්න.

උබුන්ටු 12.10 තියෙන අළුත්ම අළුත් දේවල් ගැන අපි ඊලඟ ලිපියෙන් කථා කරමුකෝ. එහෙනම් ඉතින් උබුන්ටු විඳින්න පටන් ගන්න.

Skype ඉන්ස්ටෝල් කරගමුද.....?

noreply@blogger.com (Dulanja Subodhana) — Fri, 12 Oct 2012 00:30:00 +0000

Skype ගැන නොදන්න කෙනෙක් නෑනේ. බැරිවෙලාවත් නොදන්න කෙනෙක් ඉන්නවා නම් Skype කියලා කියන්නේ අන්තර්ජාලය හරහා දුරකථන ඇමතුම් වගේම වීඩියෝ ඇමතුම් නොමිලේ ගන්න පුළුවන් හරිම ප්‍රයෝජනවත් මෘදුකාංගයක්. ඉතින් මේ මෙච්චර වටින skype වින්ඩෝස් වලට පමණක් සීමා කරලා නෑ. ලිනක්ස් මූලික කරගෙන හදපු උබුන්ටු වලටත් skype ඉන්ස්ටෝල් කරගන්න පුලුවන්. මේකත් පියවර දෙකක හරිම ලේසි වැඩක්.

1. Skype ලබාගැනීම. (27.9 MB)
Skype ලබාගැනීම සඳහා පිටුවට යෑමට පහත තිබෙන Tux ඉන්න රූපය ක්ලික් කරන්න.

මෙතනින් ලබාගන්න.

දැන් ඔබට ලැබෙන පිටුව පහත රූපයේ දක්වා ඇත. එම රූපයේ තියෙන විදිහට ඔයාගේ උබුන්ටු වල bit වර්ශන් එකට ගැලපෙන පරිදි අදාල Skype වර්ශන් එක බාගන්න.

ඔබගේ උබුන්ටු වල බිට් වර්ශන් එක තෝරන්න.

සටහන: මෙතන මේ තියෙන්නේ උබුන්ටු 10.04 කියලා වුනාට මේක උබුන්ටු 12.04 ටත් වැඩ කරනවා. උබුන්ටු 12.10 ටත් මේක වැඩ.

2. Skype ඉන්ස්ටෝල් කිරීම.
දැන් ඔයාලට පෙනවා ඇති ඔයාලා බාගෙන තියෙන්නේ deb ආකාරයේ ෆයිල් එකක් කියලා. ඉතින් deb ආකාරයේ ෆයිල් උබුන්ටු වලට ඉන්ස්ටෝල් කරගන්න විදිහ දැනටමත් දන්නවනේ නේද..?
deb ෆයිල් එක ඩබල් ක්ලික් කරාම පහත රූපයේ විදිහට උබුන්ටු සොෆ්ට්වෙයා සෙන්ටර් එක මගින් Skype ඉන්ස්ටෝල් කිරීම ආරම්භ කරන්න.

Install

වින්ඩෝස් වල වගේ I Agree, next ==> next ==-> කර කර ඉන්න ඕනේ නෑ. එක ක්ලික් එකෙන් වැඩේ ඉවරයි. දැන් ඉතින් මැෂින් එක restart කරන්න ඕනෙත් නෑ. පුරුදු විදිහට dash home එකට ගිහින් Skype ක්‍රියාත්මක කරන්න. ඊට පස්සේ කරන්න ඕනේ දේවල් ආයේ උබුන්ටු වලට අමුතු දේවල් නෙවේ. වින්ඩෝස් වල Skype වලින් වැඩ කරා වගේම උබුන්ටු වලත් වැඩ කරන්න. යාළුවොත් එක්ක හිතේ හැටියට චැට් කරන්න.

Skype on Ubuntu

සටහන: ටර්මිනලය භාවිතා කිරිමෙන් ඉන්ස්ටෝල් කරගන්නත් පුලුවන්. ඒ සඳහා
dpkg -i විධානය භාවිතා කරන්න. මේ වගේ උදාහරණ කලින් ලිපි වල තියෙනවා.

උබුන්ටු වලට Google Earth ඉන්ස්ටෝල් කරගන්න හැටි.

noreply@blogger.com (Dulanja Subodhana) — Thu, 11 Oct 2012 01:12:00 +0000

ගූගල් Earth ගැන හැමෝම දන්නවා ඇතිනේ. ගූගල් සමාගමෙන් නොමිලේ ලබාදෙන මේ සේවාව ඇත්තෙන්ම මිල කල නොහැකි තරම් අගනා එකකි. ඔබ වින්ඩෝස් වල වැඩ කරන කොට ගූගල් Earth වැඩසටහනක් විදිහට ඔබගේ පරිගණකයේ ස්ථාපනය කරගෙන ඉන්න ඇතිනේ. ගූගල් සමාගම වින්ඩෝස් ලිනක්ස් කියලා හැඳි දෙකකින් බෙදන්නේ නෑ, වින්ඩෝස් වලට දෙන හැම පහසු කමක්ම ලිනක්ස් වලටත් එහෙමම දෙනවා. පහුගිය ලිපිය කියවලා කට්ටිය ගූගල් Chrome දාගන්න ඇතිනේ. අද අපි ගූගල් Earth ඉන්ස්ටෝල් කරන හැටි බලමු.
මේකත් හරිම ලේසී වැඩක්. පියවර දෙකයි.

මුලින්ම ගූගල් Earth ලබාගන්න. (24.4 MB)

ඔබ භාවිත කරන්නේ 32-bit වර්ගයේ උබුන්ටු පද්ධතියක් නම් පහත රූපය ක්ලික් කරන්න.

Download 32-bit

ඔබ භාවිත කරන්නේ 64-bit වර්ගයේ උබුන්ටු පද්ධතියක් නම් පහත රූපය ක්ලික් කරන්න.

Download 64-bit

මෙහිදීත් ඔබට ලැබෙන්නේ ගූගල් Chrome බාගද්දි ලැබුනා වගේ deb ෆයිල් එකක්.

ගූගල් Earth ඉන්ස්ටෝල් කරගන්න.
දැන් ඉතින් කරන්න ඕනේ දේ දන්නවනේ.
එක්කෝ deb ෆයිල් එක ඩබල් ක්ලික් කරන්න. එතකොට ගූගල් chrome ඉන්ස්ටෝල් කරද්දී වුනා වගෙ උබුන්ටු සොෆ්ට්වෙයා සෙන්ටර් එක මඟින් ගූගල් Earth ඉන්ස්ටෝල් කරගන්න පුලුවන්.

නැත්තම් ටර්මිනල් එකේ පහත සඳහන් කමාන්ඩ් එක ක්‍රියාත්මක කරන්න.

$ sudo dpkg -i google-earth-stable_current_i386.deb

සටහන: ටර්මිනල් එකෙන් මෙහෙම ඉන්ස්ටෝල් කරද්දී මොකක් හරි Error එකක් ආවොත් පහත කමාන්ඩ් එක ක්‍රියාත්මක කරන්න.

$ sudo apt-get install -f

දැන් ඉතින් මේ ඉන්ස්ටෝල් කරගත්තු ගූගල් Earth ක්‍රියාත්මක කරන ආකාරය දන්නවනේ. Dash Home එකට ගිහින් ක්‍රියාත්මක කරගන්නත් පුලුවන්. එහෙමත් නැත්තම් පහත කමාන්ඩ් එක ක්‍රියාත්මක කරන්න.

$ googleearth

මේ තියෙන්නේ වැඩසටහන ක්‍රියාත්මක වෙද්දි ගත්තු තිර රූප.

උබුන්ටු ලෝකයේ අළුත්ම සාමාජිකයා එන්න තව දින 7යි .

උබුන්ටු වලට Google Chrome ඉන්ස්ටෝල් කරගන්න හැටි.

noreply@blogger.com (Dulanja Subodhana) — Tue, 09 Oct 2012 23:06:00 +0000

ටික දවසකින් අලුතින් මුකුත් ලියන්න බැරි වුනා. ඒකට මුලින්ම සමාව ඉල්ලනවා. අද අපි බලමු අපේ උබුන්ටු පද්ධතියට Google Chrome එකතු කරගන්නේ කොහොමද කියලා. උබුන්ටු වල එන default එක FireFox වුනත් ගොඩාක් අය දැන් Chrome වලටත් පුරුදු වෙලා ඉන්න නිසා උබුන්ටු වලදීත් Chrome වලින් වැඩ කරන්න තියෙනව නම් හොඳයි කියලා හිතනවා ඇති.
උබුන්ටු වලට Google Chrome දාගන්න එක හරිම ලේසි වැඩක්..

මුලින්ම Google Chrome බාගන්න. (31.5 MB)
ඒ සඳහා මෙන්න මේ ලින්ක් එකට යන්න. එවිට පහත රූපයේ පරිදි ඔබට ඩවුන්ලෝඩ් පිටුව ලැබෙනු ඇති.

ඩවුන්ලෝඩ් පිටුව

දැන් Download Chrome බටන් එක ඔබන්න. එවිට ඔබට පහත රූපයේ විදිහට තවත් පිටුවක් ලැබෙයි.

විශාල කර බැලීමට රූපය ක්ලික් කරන්න.

අපි භාවිතා කරන්නේ උබුන්ටු නිසා අපි තෝරගන්න ඕනේ මේකේ මේ මුලින්ම තියෙන වර්ශන් දෙකින් එකක්. ඔබ භාවිතා කරන්නේ 32-bit වර්ගයේ උබුන්ටු වර්ශන් එකක් නම් පළවෙනි තෝරාගැනීමද, 64-bit වර්ශන් එකක් නම් දෙවැනි තෝරගැනීමද තෝරා යටින් තිබෙන Accept and Install බටන් එක ක්ලික් කරන්න.
දැන් deb ආකාරයේ ෆයිල් එකක් විදිහට Google Chrome ඩවුන්ලෝඩ් වෙන්න පටන් ගනී.
මේක එච්චර විශාල ෆයිල් එකක් නොවන නිසා ඉක්මනටම ඩවුන්ලෝඩ් වෙලා ඉවර වෙයි.

Chrome ඉන්ස්ටෝල් කිරීම.
deb ආකාරයේ ෆයිල් උබුන්ටු වල ඉන්ස්ටෝල් කරන එක වින්ඩෝස් වල exe ආකාරයේ ෆයිල් එකක් ඉන්ස්ටෝල් කරනවට සමානයි. හැබැයි ඊට වඩා ගොඩාක් ලේසී.
කරන්න තියෙන්නේ මෙච්චරයි අපි ඩවුන්ලෝඩ් කරපු ෆයිල් එක ඩබල් ක්ලික් කරන්න. එතකොට පහත රූපයේ පරිදි උබුන්ටු සොෆ්ට්වෙයා සෙන්ටර් එක මගින් ඒ ෆයිල් එක විවෘත වේවී.

Install

ඊට පස්සේ ඉතින් ඔය රතු පාට ඊතලයකින් දක්වලා තියෙන Install බටන් එක ක්ලික් කරන්න. ඊටපස්සේ ඔබේ පාස්වර්ඩ් එක ඉල්ලයි. ඒක දෙන්නයි. වැඩේ ඉවරයි.

සටහන: මේ රූපයේ නිල් පාට ඊතලයෙන් දක්වලා තියෙන්නේ මේ වෙද්දිත් මං මගෙ උබුන්ටු පද්ධතියට දාලා තියෙන නිසා ලැබෙන පණිවිඩයයි. ඔයාලට මෙහෙම එකක් එන්නේ නැති වෙයි.

ටර්මිනලයෙන් ඉන්ස්ටෝල් කරන හැටි.
මං නම් සාමාන්‍යයෙන් deb ෆයිල් ඉන්ස්ටෝල් කරන්නේ ටර්මිනල් එකෙන්. ටර්මිනල් එකෙන් වැඩ කරන එක හරිම ජොලී.
කරන්න තියෙන්නේ පහත කමාන්ඩ් එක ක්‍රියාත්මක කරන්න විතරයි.

$ sudo dpkg -i google-chrome-stable_current_i386.deb

ටර්මිනල් එකෙන් වැඩ කරන්න ඉගෙනගන්න ආස නම් ලිනක්ස් සිංහලෙන් පැත්තේ පොඩි රවුමක් ගහලා එන්න.

Google Chrome ක්‍රියාත්මක කිරීම.
සාමාන්‍යය වැඩසටහනක් ක්‍රියාත්මක කරගන්නවා වගේ Dash Home එකට ගිහින් ඒකේ google chrome කියල ටයිප් කරලා බලන්න. ඔක්කොම ටයිප් කරන්නත් කලින් Google Chrome Application එකක් විදිහට Dash Home එකේ පෙනෙයි. එතනින් ක්‍රියාත්මක කරගන්න පුලුවන්.

නැත්තම් ඉතින් ලේසිම විදිහ තමයි ටර්මිනල් එකක් විවෘත කරගෙන ඒකේ පහත තියෙන කමාන්ඩ් එක ටයිප් කරලා එනටර් කරන එක.

$ google-chrome

මේ තියෙන්න Google Chrome

තව දවස් 8 කින් උබුන්ටු 12.10 අළුත්ම සංස්කරණය නිකුත් වෙන්නත් තියෙනවා. ඒකටත් ලෑස්ති වෙලා ඉන්න....

උබුන්ටු වලට සිංහල යුනිකේත දාගමු.

noreply@blogger.com (Dulanja Subodhana) — Tue, 25 Sep 2012 18:34:00 +0000

උබුන්ටු වල සිංහල යුනිකේත දාගන්න එක නම් හරිම ලේසි වැඩක්. සමහර අය දැනටමත් සිංහල යුනිකේත දාගෙනත් ඇති. තාම දාගන්න බැරි වුන අය පහත උපදෙස් පරිදි සිංහල යුනිකේත ඔයාලගේ උබුන්ටු පද්ධතියට දාගන්න.

සිංහල යුනිකේත සටහන් ලබා ගන්න.
මේ සඳහා ඔබ කල යුත්තේ පහත කොටුව තුල ඇති විධානය ටර්මිනල් එකක copy & paste කරගැනීම. මෙය සුපර් යූසර් කමාන්ඩ් එකක් බැවින් මෙය භාවිතා කිරීමට ඔබගේ පද්ධතියේ පාස්වර්ඩ් එක අවශ්‍යය වේ. එය ලබා දෙන්න.
```
sudo apt-get install ttf-sinhala-lklug ibus im-switch ibus-m17n m17n-db m17n-contrib language-pack-si-base
```

යුනිකේත වැඩ කරන ආකාරයට සකස් කර ගන්න.
ඉන්පසු පහත කොටුව තුල ඇති විධානය ටර්මිනලයට copy & paste කර enter කරන්න. මේ සඳහා ඔබට සුපර් යූසර් වීමට අවශ්‍යය නොවේ.
```
rm -f ~/.xinput.d/* ; im-switch -z all_ALL -s ibus
```
ඉන්පසු පද්ධතියෙන් log-out වී නැවත log-in වීමට සිදුවේ. නැවත restart කිරීම අවශ්‍යය නොවන අතර සාමාන්‍යය ලෙස log-out වී log-in වන්න.

යතුරු පුවරුව සකසා ගන්න.
මේ පියවර අත්‍යවශ්‍යය නොවන නමුත් ඔබගේ යතුරුපුවරුවේ configuration එක පිළිබඳව දැනුවත් වීම හොඳය. යතුරුපුවරුවේ වෙනස් කරගැනීමට පහත විධානය ලබා දෙන්න.
```
ibus-setup
```
එවිට පහත රූප වල ඇති පරිදි නව වින්ඩෝවක් මතුවේ. රූප වල තිබෙන පරිදි වෙනස් කම් සිදු කරගන්න.

ibus-setup

මෙහි 1 යනුවෙන් රතු පාටින් දක්වා ඇති ස්ථානයේ ඇත්තේ සිංහල යුනිකේත ටයිප් කිරීමට අවශ්‍යය වූ විට එයට මාරු වන Keyboard short cut එකයි. මං මෙහිදී ලබා දී ඇත්තේ ctrl සම්ඟ space යතුරු තද කිරීමයි. ඔබට අවශ්‍යය යතුරු සංයෝජනය ලබා දීමට පුලුවනි.

මෙම වින්ඩෝවේ අනිත් ටැබ් දෙකෙහි රූප සටහනක් පහත දක්වා ඇත. මේවා වෙනස් කිරීම අවශ්‍යය නොවේ.

මේ විදිහට ඉතාම පහසුවෙන් ඔබේ උබුන්ටු පරිගණකයට සිංහල යුනිකේත ඉන්ස්ටෝල් කරගන්න පුලුවන්. දැන් සිංහලෙන් ටයිප් කරන්න ඕනේ වුනාම කරන්න තියෙන්නේ ctrl සමඟ space යතුරු තද කරන එක විතරයි.

යුනිකේත වලින් ටයිප් කරන්න මෙන්න මේ රූප දෙක ගොඩාක් ප්‍රයෝජනවත් වේවී. මට මේක එව්වේ චන්දිම සහෝදරයා.

මීට අමතරව සමහර වෙබ් අඩවී නැරඹීමේදී ඒවාට අදාල fonts ඉන්ස්ටෝල් කරගන්න සිදුවෙනවා මේ සඳහා කල යුත්තේ එම අදාල font එක home ෆෝල්ඩරයේ ඇති .fonts උප ගොනුවට කොපි කරගැනීමයි. මෙයත් ඉතාම පහසු වැඩක්. උදාහරණයක් විදිහට මේ පහත තියෙන ලින්ක් එකෙන් බාගන්න පුලුවන් lk-lug මගින් නිර්මාණය කරපු සිංහල font එක ඉන්ස්ටෝල් කරගන්න හැටි බලමු.

lk-lug සිංහල font එක මෙතනින් බාගන්න.

ඉස්සෙල්ල බලන්න home ඩිරෙක්ටරයේ .fonts කියලා ෆෝල්ඩරයක් තියෙනවද කියලා. බලන හැටි දන්නවනේ. නැත්තම් මෙන්න මේ කමාන්ඩ් එක රන් කරලා බලන්න.

$ ls -a | grep fonts

එහෙම ෆෝල්ඩරයක් නැත්තම් මුකුත් පෙන්නන්නේ නැතිවෙයි. එතකොට කරන්න තියෙන්නේ පහත කමාන්ඩ් එක භාවිතා කරලා එහෙම ෆෝල්ඩරයක් හදා ගන්න එකයි.

$ mkdir ~/.fonts

ඊට පස්සේ තියෙන්නේ අපි බාගත්තු font එක මේ .fonts ෆෝල්ඩරයට කොපි කරන එකයි. උබුන්ටු වල default file browser විදිහට තියෙන Nautilus වලින් මෙසේ සැඟවූ ෆෝල්ඩර පෙන්නන්නේ නෑ. ඒ සඳහා Nautilus විවෘත කර ctrl සම්ඟ h යතුරු ඔබන්න. දැන් ඔබට සැඟවූ ෆෝල්ඩර සහ සැඟවූ ෆයිල්ස් සියල්ලම පෙන්වයි. දැන් ඉතින් .fonts ෆෝල්ඩරයට font එක කොපි කරගන්න.

මේ විදිහට ඕනෑම එකක් ඉන්ස්ටෝල් කරගන්න පුලුවන්. ඔයාලට මෙහෙම ඉන්ස්ටෝල් කරගන්න අනිත් යූසර් ලටත් භාවිතා කරන්න පුලුවන් විදිහට දාගන්න ඕනේ නම්, අදාල එක /usr/share/fonts ඩිරෙක්ටරයටත් කොපි කරගන්න. මේ කොපි කිරීම සඳහා පමණක් සුපර් යූසර් වීම අවශ්‍යය වේ.,

උබුන්ටු වල මුලින්ම කරන්න දේවල් දහයක්!

noreply@blogger.com (Dulanja Subodhana) — Mon, 24 Sep 2012 21:57:00 +0000

අන්තිම ලිපිය දාල සති දෙකක් වෙන්නත් ලං වුනා. මේ දවස් ටිකේම උබුන්ටු බ්ලොග් එක ලියන්න බැරි වුනේ ලිනක්ස් බ්ලොග් එකේ ලිපි කිහිපයක් ලියපු නිසා. සිදුවූ ප්‍රමාද දෝෂය ගැන මාගේ බලවත් කණගාටුව.
හරි ඉතින් දැන් කට්ටියම දාගත්ත උබුන්ටු එක අප්ඩේට කරගෙන හෝ ගාල උබුන්ටු වලින් වැඩ ගන්නව ඇතිනේ. අපි අද බලමු අපේ මේ උබුන්ටු ලස්සනට වඩාත් ප්‍රයෝජනවත් විදිහට භාවිතා කරන්න උදව් වෙන උපකාර දහයක් ගැන.

Update & Upgrade
දැනටමත් දාගත්ත උබුන්ටු ඔයගොල්ලෝ අප්ඩේට කරලා ඇති. ඒත් හැමදාම වගේ අප්ඩේට් කරන එකත් හොඳ පුරුද්දක්. මොකද ගොඩාක් උබුන්ටු අප්ඩේට්ස් මෙගා බයිට් (MB) ගනන් ඒවා නොවන නිසා, මේ පොඩි අප්ඩේට් එකෙන් ඔයාලට ඔයාලගේ උබුන්ටු up to date තියාගන්න පුලුවන්. ඒ වගේම සතියකට සැරයක් විතර අප්ග්‍රේඩ් කරන්නත් පුරුදු වෙන්න. මෙන්න මේ කමාන්ඩ් එකෙන් මේ වැඩ දෙකම එක පාර බොහොම ලේසියෙන් ඔයලාට කරගන්න පුලුවන්.
```
sudo apt-get update && sudo apt-get upgrade
```
ටර්මිනල් එක ඕපන් කරලා මේ කමාන්ඩ් එක copy & paste කරන්න. ඊට පස්සේ එන්ටර් කරලා ඔයාගේ රූට් පාස්වර්ඩ් එක දෙන්න එච්චරයි.
Install media codecs.
සමහර මීඩියා ෆයිල්ස් බලන්න හදන කොට codecs නෑ කියලා වින්ඩෝස් වලදී පවා errors එනවනේ. උබුන්ටු වලට ඔය අමතර codecs එකතු කරගන්න පහල රූපය ක්ලික් කරන්න. එතකොට ඔයාලගේ උබුන්ටු සොෆ්ට්වෙයා සෙන්ටර් එක හරහා බොහොම ලේසියෙන්ම ඒවා ඉන්ස්ටෝල් කරගන්න පුලුවනි. දැනටමත් ඔයා මේ ඉන්ස්ටෝල් කරලා නම් තියෙන්නේ ආයේ ඉන්ස්ටෝල් කරන්න යන්න ඕනේ නෑ.
Install Ubuntu Restricted Extras
ඇත්තටම අමතර උබුන්ටු පැකේජ කිහිපයක් ඉන්ස්ටෝල් කරගත්තම අපේ උබුන්ටු පද්ධතියෙන් හොඳට වැඩ ගන්න පුලුවන්. ටර්මිනල් එකේ මේ විදිහට කමාන්ඩ් කරන්න.
```
sudo apt-get install ubuntu-restricted-extras
```
මේ අමතර පැකේජ නිසා ඔබට උබුන්ටු පාවිච්චි කරද්දි මතුවූ ගැටළු රාශියක් විසඳගන්න පුලුවන් වෙයි.
Customize desktop
උබුන්ටු වලදී අපේ ඩෙක්ස්ටොප් එක අපිට ඕනේ හැටියට වෙනස් කරගන්න පුලුවන්. ඇත්තටම අනෙක් කාටවත් නැති ඔයාලටම ආවේනික විදිහට ඔයගේ ඩෙක්ස්ටොප් එක ඔයාම් හදාගන්න. මේ වැඩේ හරිම ලෙසී. මුලින්ම මේ ලිපියෙන් කියවුන පරිදී Configuration Button එක ක්ලික් කර එහි තිබෙන System Settings කියන මෙනුවට යන්න ඉන්පසු එම මෙනුවේ ඇති Appearance කියන එක ක්ලික් කරන්න. එවිට ඔබට ලැබෙන්නේ පහත ආකාරයේ තිරයක්.

දැන් ඉතින් කරන්න ඕනේ දෙවල මං කියලා දෙන්න ඕනේ නෑනේ. හිතේ හැටියට ඔයගේ ඩෙස්ක්ටොප් එක ඔයාම වෙනස් කරගන්න.
Install Tweak
උබුන්ටු ටුවීක් කියලා කියන්නේ උබුන්ටු කාටත් ලේසියෙන් configure කරගන්න පුලුවන් වෙන්න හදපු UI එකක්. මේ tweak භාවිතයෙන් ඔයාලට බොහොම ලේසියෙන්ම ඔයාලගේ උබුන්ටු configure කරගන්න පුලුවන්.
මේක ඉන්ස්ටෝල් කරගන්න පුලුවන් ක්‍රම 2ක් තියෙනවා. එකක් තමා මං ඉහත සඳහන් කරලා තියෙන tweak home page එකෙන් බාගන්න එක. අනිත් ක්‍රමේ එහෙමත් නැත්තම් ලේසිම ක්‍රමේ තමා මෙන්න මේ පහත තියෙන කමාන්ඩ් ටික පිළිවෙලින් ටර්මිනල් එකක copy & paste කරගැනීම.
```
sudo add-apt-repository ppa:tualatrix/ppa
sudo apt-get update
sudo apt-get install ubuntu-tweak
```
ටර්මිනල් එක භාවිතා කරලා මේ වගේ වැඩ බොහොම ලේසියෙන් කරගන්න පුලුවන්. ලිනක්ස් කමාන්ඩ් ඉගෙන ගන්න ඕනේ නම් ලිනක්ස් සිංහලෙන් පැත්තෙත් ඔළුව දාල බලන්නකෝ.
මේ ලිපියෙන් උබුන්ටු ටුවීක් ඉන්ස්ටෝල් කරගන්න හැටි විතරක් කියලා දෙන්නම්. උබුන්ටු ටුවීක් වලින් අපේ උබුන්ටු වැඩ ලේසියෙනම කරගන්න හැටි වෙනමම ලිපියකින් කියලා දෙන්නම්කෝ. එතකන් බලන් ඉන්න එපා ඉතින් පුලුවන් විදිහට අත්හදා බැලීම කරන්න. සමහර විට වරදීවී ඒත් එහෙම වැරදිලා ඉගෙන ගන්න දෙයක් ආයේ කවදාවත් අමතක වෙන්නෙ නම් නෑ.
Install gadgets.
උබුන්ටු වලටම හදපු ගැජට් සිය දහස් ගානක් තියෙනවා. මං ජනප්‍රිය ගජට් එකක් දෙකක් දාගන්න හැටි කියලා දෙන්නම්. ඊට පස්සේ ඔයාලට ඕනේ ඕනේ ගැජට් ඔයාලම දාගන්නකෝ.
මේ දාගන්න ගැජට් task bar එකේ තමා පෙන්නන්නේ. අපි දැන් System Load Indicator ගැජට් එකක් ඉන්ස්ටෝල් කරගන්නේ කොහොමද කියලා බලමු. මං යන්නම් මට පුරුදු ලේසිම ක්‍රමේට. පහත් සඳහන් කමාන්ඩ් ඔබගේ ටර්මිනලයේ copy & paste කරන්න.
```
sudo add-apt-repository ppa:indicator-multiload/stable-daily
sudo apt-get update
sudo apt-get install indicator-multiload
```
වැඩේ ඉවර වුනාම උබුන්ටු වල dash board එක ඕපන් කරලා System Load Indicator කියලා type කරලා බලන්න. එතකොට අපි ඉන්ස්ටෝල් කරගත්තු මේ ගැජට් එක පෙන්නයි. ඊට පස්සේ ඒක ක්ලික් කරලා launch කරන්න. එච්චරයි.
මෙන්න මේ වීඩියෝ දෙකත් බලන්නකෝ. බලලා ඔයාලත් මේ වගේ දෙයක් කරන්න උත්සහ කරන්නකෝ.
How to install dock and gadgets for ubuntu

Come inserire i gadget su Ubuntu 12.04
Google voice and video plugin ඉන්ස්ටෝල් කරගැනීම.
ඔයාලත් gmail හරි google+ හරි භාවිතා කරන කෙනෙක් නම් මේක ගොඩාක් වැදගත් වේවී. මෙම ගූගල් plugin නැතුව අපිට gmail එකේදීවත් google+ එකේදීවත් වීඩියෝ චැට් කරන්න බෑ. ඉතින් කරන්න තියෙන්නේ මෙන්න මේ පහත තියෙන රූපය ක්ලික් කරලා ගිහින් ඔයාගේ උබුන්ටු වල බිට් වර්ශන් එක තෝරලා අදාල එක බාගන්න එක විතරයි. බාගත්තට පස්සේ ඒ .deb ෆයිල් එක ඩබල් ක්ලික් කරන්න. දැන් වැඩේ හරි.

Click to download
Install google-chrome
උබුන්ටු වල තියෙන default web browser එක තමා Firefox . ඒත් මං අර පෙර ලිපියකින් කිව්වා වගේ google-chrome එකත් උබුන්ටු වල හොඳට වැඩ. මෙන්න මේ ලින්ක් එකට ගිහින් ඔයාගේ උබුන්ටු වල බිට් වර්ශන් එක තෝරලා බාගන්න.
ඊටපස්සේ ඒ බාගත්ත .deb ෆයිල් එක ඩබල් ක්ලික් කරන්න. දැන් ඔයගේ උබුන්ටු වල google chrome browser එකත් වැඩ කරනවා.
Install flash
තාමත් flash ඉන්ස්ටෝල් කරගන්න බැරි වුනා නම් පහත රූපය ක්ලික් කරන්න.

Click to install
Enable 'Show Remaining Space Left' Option in Nautilus File Browser
උබුන්ටු වල default file browser එක තමා Nautilus කියන්නේ. ඒක භාවිතා කරද්දි ඉතුරු වෙලා තියෙන ඉඩ පෙන්නන විදිහට හදන හැටි තමා දැන් කියලා දෙන්නේ.
මේක හරිම ලේසි Nautilus ඕපන් කරලා ඒකේ වමේ ඉහල කෙලවරේ ඇති view මෙනුව ක්ලික් කර එහි ඇති statusbar කියන එක ක්ලික් කරන්න. පහත රූපයේ ඇති පරිදි.

අද නම් කියලා දුන්නේ බොහෝම ලේසි මුලීක දේවල් කිහිපයක් විතරයි. ඔබත් මේ සියල්ලම අත්හදා බලන්න. උබුන්ටු ගැන තවත් අලුත් දෙයක් එක්ක මීළඟ ලිපියෙන් හම්බවෙමු. ජය වේවා....!

උබුන්ටු වලින් වැඩ කරමු.

noreply@blogger.com (Dulanja Subodhana) — Sun, 09 Sep 2012 08:56:00 +0000

දැන් ඉතිං කලින් ලිපි බලලා උබුන්ටු දාගත්ත කට්ටිය මට බැන බැන ඇති කෝ මේ මගුලෙන් මුකුත් කරගන්න බෑනේ. අඩු ගානේ සිංදුවක් අහන්න ෆිල්ම් එකක් බලන්නවත් බෑනේ කියලා. හරි අපි අද බලමු උබුන්ටු වලින් වැඩ ගන්න හැටි.
මුලින්ම කියන්න ඕනේ උබුන්ටු ඉන්ස්ටෝල් කරපු ගම්න්ම සිංදු අහන්න ෆිල්ම් බලන්න බැරි උබුන්ටු වල වරදක් නිසා නෙවේ. ඔයාලට මතක ඇති වින්ඩෝස් ඉන්ස්ටෝල් කරේ DVD එකකින්. ඒත් අපි උබුන්ටු ඉන්ස්ටෝල් කරේ CD එකකින්නේ. ඒ කියන්නේ ඉන්ස්ටෝල් කරපු ෆයිල් වල Size එක අඩුයි උබුන්ටු වල. ඒකයි මෙ අවුලට හේතුව. විසදුම තමා යාවත්කාලීන (Update) කිරීම.

වැඩේ පටන් ගන්න කලින් කියන්න ඕනේ මේ Update එකට 450MB ක් විතර යනවා. ඒ වගේම ඔයගේ එකේ වේගය අනුව සැලකිය යුතු කාලයකුත් යනවා. ඒක දැනගෙනම වැඩේ පටන් ගමුකෝ එහෙනම්.
මේ එක කරන්න ක්‍රම දෙක තුනක් තියෙනවා.
මුලින්ම ඇණ ගෙන කරගන්න විදිහ කියන්නම්.. ඒ කියන්නේ ඔයාලා වීඩියෝ එකක් හරි ඕඩියෝ එකක් හරි ඕපන් කරන්න ගියාම වෙන ප්‍රශ්නෙන්ම පටන් ගන්නම්...
ඕඩියෝ එකක් හරි වීඩියෝ එකක් හරි ඕපන් කරන්න ගියාම මුලින්ම මේ වගේ වින්ඩෝ එකක් එයි..

එහෙම ආවම පොඩ්ඩක්වත් බය වෙන්නේ නැතුව Search කියලා තියෙන බටන් එක ක්ලික් කරන්න.
ඊට පස්සේ මේ විදිහේ වින්ඩෝ එකක් එයි.

මේක එන්නේ අපේ උබුන්ටු පැකේජ් ලිස්ට් එක අප්ඩේට කරන්න කියලා. මොකද පැකේජ් ලිස්ට් එක අප්ඩේට් නොකර අපිට අවශ්ය Plugins ඉන්ස්ටෝල් කරන්න බෑ.. එහෙනම් ඉතින් පැකේජ් ලිස්ට් එක අප්ඩේට් කරමු.

මේ වැඩේට ටිකක් වෙලා යයි. වැඩේ ඉවර උනාම ඔක්කොම හරි. ආයේ Plugins අප්ඩේට් කරන්න ඕනේ නෑ. පැකේජ් ලිස්ට් එක අප්ඩේට් වෙද්දි අවශ්ය Plugins ටිකත් නිකන්ම ඉන්ස්ටෝල් වෙනවා.

දැන් බලමු උබුන්ටු සොෆ්ට්වෙයා සෙන්ටර් එකෙන් කොහොමද මේ වැඩේ කරන්නේ කියලා.
Ubuntu Software Center කියන්නේ අපේ උබුන්ටු වලට ඕනේ කරන හැම සොෆ්ට්වෙයා එකක්ම එක ක්ලික් එකකින් ගන්න පුලුවන් තැන. ඔයාල Android භාවිතා කරන කෙනෙක් නම් Android App Market කියන එක දන්නවා ඇතිනේ.. මේකත් ඒ වගේ එකක් තමා.

මුලින්ම Dash Home එකේ Ubuntu Software Center කියලා ටයිප් කරන්න. මගේ මේ ලිපියේ තියෙන විදිහට හරි යතුරු පුවරුවේ වින්ඩෝස් යතුර ඔබලා හරි Dash Home එකට යන්න පුලුවන්.

මේ තියෙන්නේ උබුන්ටු සොෆ්ට්වෙයා සෙන්ටර් එක. මේකෙ තියෙන මොකක් හරි සොෆ්ට්වෙයා එකක් ඉන්ස්ටෝල් කරන්න හදන කොට Cache එක අප්ඩේට් කරන්න කියලා එයි. ඊට පස්සේ ඉතින් Cache එක අප්ඩේට් කරලා අනිත් අවශ්ය සොෆ්ට්වෙය ටිකත් ඔතනින්ම දාගන්න පුලුවන්. උබුන්ටු වල භාවිතා කරන සොෆ්ට්වෙයා මොනවද..? ඒවා දාගන්නේ කොහොමද කියලා මං වෙනමම ලිපියකින් ලියන්නම්.

මීලඟට කියන්න යන්නේ මේ වැඩේ කරන්න තියෙන ලේසිම ක්‍රමේ ගැන. ඒ කියන්නේ ටර්මිනල් එක භාවිතා කරලා මේ වැඩේ කරන හැටි ගැන.
ටර්මිනල් එක භාවිත කරලා වැඩ කරගන්න එක හරිම ලේසි වැඩක්. ඒත් කට්ටිය හරි බයයි ටර්මිනල් එකට.
Dash Home එකට ගිහින් Terminal කියලා ටයිප් කරන්න. ඊට පස්සේ ටර්මිනල් එක ඕපන් කරගන්න.
පහට තියෙන විධනය ඒ විදිහටම ටයිප් කරන්න.

sudo apt-get update

ඊට පස්සේ අපේ පාස්වර්ඩ් එක ඉල්ලයි. අපේ සිස්ටම් එකේ පාස්වර්ඩ් එක ට්යිප් කරන්න. මෙතනදි පොඩි ගැටළුවක් එයි, අපි ට්යිප් කරන පාස්වර්ඩ් එක ටර්මිනල් එකේ ටයිප් වෙනවා පෙන්නේ නැති වෙයි. ඒකර බය වෙන්න එපා. ඒක ලිනක්ස් වල අංගයක්. අපි පාස්වර්ඩ් එක ටයිප් කරද්දි මුකුත් පෙන්නෙ නැති වුනාට ඇත්තටම අපේ පාස්වර්ඩ් එක ටයිප් වෙනවා. හරියට පාස්වර්ඩ් එක ටයිප් කරලා Enter කරන්න.
ඊට පස්සේ මේ විදිහට වැඩේ සිද්ධ වෙයි.

රූපයේ මුලින්ම තියෙන එක බලන්න. මං මගේ පාස්වර්ඩ් එක වැරදියට ටයිප් කරාම ආයෙත් පාස්වර්ඩ් එක ඉල්ලනවා. මං මෙහොම වැරදියට ටයිප් කරේ මේ පාස්වර්ඩ් එක ටයිප් කරද්දි පෙන්නේ නැති සිද්ධිය හොඳින් පෙන්නලා දෙන්න. ඔයාලා හරියට පාස්වර්ඩ් එක ගහලා Enter කරන්න.

එහෙනම් ඉතින් මේ ක්‍රම 3න් එකකින් හරි 3න්ම හරි ඔයාගේ උබුන්ටු අප්ඩේට් කරගෙන උබුන්ටු වල වැඩ ගන්න පටන් ගන්න.

උබුන්ටු ගැන ප්‍රශ්න වැලක්...??????

noreply@blogger.com (Dulanja Subodhana) — Wed, 05 Sep 2012 20:35:00 +0000

මම හිතුවේ ඕනේ කෙනෙක්ට උබුන්ටු ගැන පිළිවෙලින් ඉගෙන ගන්න පුලුවන් ලිපි මාලාවක් සිංහලෙන් ලියන්න. ඒත් මං අද මේ ලිපිය ලියන්නේ යාලුවෙක් මට උබුන්ටු ගැන ප්‍රශ්න වැලක් එක්ක ඊ- මේල් එකක් එව්වා... මේ වගේ ප්‍රශ්න ඔයාලටත් ඇති කියල හිතුන නිසයි. මං එයා එවපු ප්‍රශ්න ඒ විදිහටම සඳහන් කරලා ඒවට මගේ උත්තරේ දෙන්නම්කෝ....

මට උබුන්ටු වලට Kaspersky වගෙ වෛරස් ගාර්ඩ් එකකුත් ඉන්ස්ටෝල් කර ගන්න පුලුවන්ද?

මං ඉතින් කලිනුත් කිව්වනේ ලිනක්ස් භාවිතා කරද්දි වෛරස් ගැන බයවෙන්න දෙයක් නෑ කියලා... ඉතින් උබුන්ටුත් ලිනක්ස්නේ ඒ හින්දා වෛරස් ගැන පොඩ්ඩක්වත් බය වෙන්න එපා. වින්ඩෝස් වලට වගේ උබුන්ටු වලට වෛරක් වලින් කරදරයක් ඇත්තෙම නෑ. දැන් අවුරුදු ගානක් ඉදලා උබුන්ටු පාවිච්චි කරන මට නම් කවදාවත් වෛරස් වලින් කරදරයක් වෙලා නෑ. උබුන්ටු දැම්මත් හරි තාම එක පාරක් වත් මගේ කොම්පියුටරේ Format කරලත් නෑ.ඒත් වෛරස් වලින් කරදරයක් වෙයි කියලා සැකයිම නම් වෛරස් ගාඩ් එකක් දාගත්තට ප්‍රශ්නයකුත් නෑ. උබුන්ටු වලටම හදපු වෛරස් ගාඩ් ඕනේ තරම් තියෙනවා. උබුන්ටු Software Center එකෙන් මේ වෛරස් ගාඩ් ඔයාලට නොමිලේම ඩවුන්ලෝඩ් කරගන්න පුලුවන්.
ඒ ගැන සම්පූර්ණ ලිපියක් ලඟදීම දාන්නම්කෝ.

මට වින්ඩෝස් වල Play කරන්න පුලුවන් Games උබුන්ටු එක්ක ගහන්න පුලුවන්ද?

මෙහෙමයි. උබුන්ටු වල තියෙනවා කියල Wine මෘදුකාංගයක්. ඒකෙන ඔයලා වින්ඩෝස් වල වැඩ කරන ගොඩාක් මෘදුකාංග උබුන්ටු වල වැඩකරවගන්න පුලුවන්. Games ගැන කියනවා නම් උබුන්ටු වලට වින්ඩෝස් වලට වගේ ලස්සන Games ගොඩාක් නෑ. ඒත් නැත්තෙමත් නෑ. වින්ඩෝස් වල සෙල්ලම් කරන ගොඩාක් Games අර මං කියපු Wine උඩ ඉන්ස්ටෝල් කරලා උබුන්ටු වල සෙල්ලම් කරන්න පුලුවන්. ඒත් ඔක්කොම නම් එහෙම වැඩ කරන්නේ නැති වෙයි. (Call Of Duty Modern Warfare 2 නම් වැඩ කරා.)
ඒකට මං දෙන්නම් විසදුමක්. වින්ඩෝස් සම්පූර්ණයෙන්ම අයින් කරන්නේ නැතුව වින්ඩෝස් ඇතුලේ හරි වින්ඩෝස් වලට පිටින් හරි (Dual Boot) උබුන්ටු ඉන්ස්ටෝල් කරගන්න. එතකොට Games ගහන්න ඕනේ වෙලාවට වින්ඩෝස් වලින් පරිගණකය කර හිතේ හැටියට Games ගහන්න.

උබුන්ටු ටිකක් Slow කියන්නෙ ඇත්තද?
මේ ප්‍රශ්නේ දැක්ක ගමන්ම මට නම් හිනා ගියා. උබුන්ටුයි වින්ඩෝසුයි ගොඩාක් කල් ඉදන් භාවිතා කරන කෙනෙක් විදිහට මං දන්නවා මොකද්ද වඩාත් වේගවත් කියලා. කමක් නෑ ඉතින් දන්නේ නැති නිසානේ අහනවා ඇත්තේ. මං කියනවටම විශ්වාස කරන්නේ නැතුව ඔයාලත් අන්තර්ජාලයේ Ubuntu Vs. Windows කියලා හොයලා බලන්නකෝ. ඔයාලටම තේරෙයි ඇත්ත.
මේක බලන්නකෝ. මෙකත් බලන්න.
වින්ඩෝස් වලට වඩා උබුන්ටු ගොඩාක් වේගවත්. ඒක භාවිතා කරද්දි තේරෙයි. ඒකට හේතුව මේකයි. වින්ඩෝස් වල වගේ නෙවෙ., උබුන්ටු වලදි RAM එක use කරන්නේ හරිම අඩුවෙන්. ඔයලා වින්ඩෝස් වල වැඩ කරද්දි එක අරන් බලන්න එකෙන් කොච්චර භාවිතා වෙනවද...? උබුන්ටු වලදිත් එහෙමම අරන් බලන්න. එතකොට තේරෙයි වෙනස.
අඩු Performance තියෙන පරිගණක වල වින්ඩෝස් වලින් ගන්නවා වගේ ගුණයක වැඩ උබුන්ටු වලින් ගන්න පුලුවන්.

උබුන්ටු වල Web Browser එක මොකක්ද?
ඔයා උබුන්ටු දාගත්ත ගමන්ම ඒකේ තියෙන්න Mozilla Firefox web browser එක තමා. ඒ වගේම Google Chrome හෝ Chromium-browser වගේ දාගන්නත් පුලුවන්. මම දැන් මේ භාවිතා කරන්නේ Google Chrome. ඒත් මං ගොඩාක් වෙලාවට භාවිතා කරන්නේ Firefox. උබුන්ටු වල දෙකෙන්ම හොදට වැඩ ගන්න පුලුවන්.

Google-chrome on Linux

Web Browser එකෙදි මට Flash player එකක් වගේ use කරන්න වෙනවද? Youtube videos වගේ බලන්න.

මේක නම් ඉතින් එච්චර බැරූරුම් ප්‍රශ්නයක් නෙවෙයි. වින්ඩෝස් වල උනත් අපි භාවිතා කරන Browser එක අනුව Youtube videos වගේ Videos නරඹන්නත් Flash Games සෙල්ලම් කරන්නත් අමතර Plugins, Add-ons දාගන්න වෙනවනේ. උබුන්ටු වලදිත් එහෙමම තමා. ඒක උබුන්ටු වල ප්‍රශ්නයක් නෙවේ ඒ එකේ ප්‍රශ්නයක්. වින්ඩෝස් වලදි වගේම උබුන්ටු වලදීත් ඒ අමතර plugins, Add-ons බොහොම පහසුවෙන් අපේ Browser එකට එකතු කරගන්න පුලුවන්.

උබුන්ටු සහ වින්ඩෝස් එකම කම්පියුටර් එකට ඉන්ස්ටෝල් කරන කොට MBR (Master Boot Order) එක වෙනස් වෙනවද? එහෙම වෙනස් වෙනව නම් එක හදා ගන්නෙ කොහොමද?

මෙහෙයුම් පද්ධති දෙකක් හෝ වැඩි ගණනක් භාවිතා කරන විට MBR එක වෙනස් වෙනවා තමා. වින්ඩෝස් ඇතුලෙම උබුන්ටු දාගතත් මේ විදිහට MBR එක වෙනස් වෙනවා. හැබැයි වින්ඩෝස් ඇතුලේ ඒ කියන්නේWubi මඟින් උබුන්ටු දාගත්තම අපේ දාලා තිබ්බ වින්ඩෝස් වලින් පරිගණකය මුලින්ම boot වෙන විදිහට තමා මේ MBR එක වෙනස් වෙන්නේ. මේක වෙනස් කරලා උබුන්ටු වලින් මුලින්ම boot වෙන විදිහට MBR එක වෙනස් කරන්නේ නම් මේ විදිහට.

(Start ---> Control Panel) ----> System and Maintenance ---> System.

මෙතන මේ ඊතලයකින් දක්වා තියෙන එක ක්ලික් කිරීමෙන් ඔබට වින්ඩෝස් MBR එක වෙනස් කිරීමට පුලුවන්. මේ තියෙන්න වින්ඩෝස් 7 වල ඇතුලේ උබුන්ටු ඉන්ස්ටෝල් කරාම එක වෙනස් කරන විදිහ.
Dual Boot විදිහට උබුන්ටු දාගෙන ඉන්නවා නම් MBR එක වෙනස් කරන විදිහ ගැන සම්පූර්ණ ලිපියක් මං ලඟදීම දාන්නම්.

උබුන්ටු 12.04 CDs නොමිලේ ගන්න විදියක් නැද්ද? කාලෙකට ඉස්සර නම් උබුන්ටු CDs නොමිලේ ගෙවල් වලටම එව්ව.
ඔව් මීට අවුරුදු දෙක තුනකට කලින් නම් උබුන්ටු CDs නොමිලේම ගෙදරටම එව්ව නම් තමා. මං ගාවත් තාම තියෙනවා එහෙම ගෙන්න ගත්තු CD. ඒත් දැන් Canonical සමාගම උබුන්ටු නිකන්ම ගෙදරට එවන්නේ නෑ. ඒක නවත්තලා දැන් ටිකක් කල්. මං කලින් ලිපියකින් කිව්වනේ ඔයාලට උබුන්ටු ඩවුන්ලෝඩ් කරගන්න අමාරු නම් මට කියන්න මං පුලුවන් විදිහට එවන්නම් කියලා. ඇත්තටම ඔයාලට 750MB වන උබුන්ටු 12.04 CD image එක ඩවුන්ලෝඩ් කරගන්න අමාරුම නම් මට කියන්න. මං පුලුවන් විදිහට ඔයාලට උබුන්ටු එවන්නම්.

මේ ප්‍රශ්න වැලේ අන්තිමට මෙහෙමත් තිබ්බා...

මං Try එකක් දෙන්න ඉන්නෙ උබුන්ටු වලට. උඹෙන් තව උදව් ඔනේ වෙයි. තෑන්ක්ස් මචන් මෙ වගෙ දේවල් ගැන අපිව දැනුවත් කරන එකට. බ්ලොග් එකටත් සුබපැතුම්.

මේකට මට කියන්න තියෙන්න.. බය නැතුව උබුන්ටු වලට අතගහන්න. ඕනේ දේකට අපි ඉන්නවා. උබුන්ටු පාවිච්චි කරන්න ගත්තම තේරෙයි හිතන තරම් අමාරු නෑ කියලා. ඕනේ වෙලාවක උබුන්ටු ගැන ඕනේ උදව්වක් ගන්න මාව සම්බන්ධ කරගන්න පුලුවන්. udsubodhana@gmail.com
එහෙනම් අපේ උබුන්ටු ලෝකය කුප්පි මාලවෙන් මීළඟ පාර හම්බෙමු.

උබුන්ටු වලට පුරුදු වෙමු.

noreply@blogger.com (Dulanja Subodhana) — Sun, 02 Sep 2012 20:40:00 +0000

දැන් ඔබ උබුන්ටු ඔබගේ පරිගණකයට සාර්ථකව ස්ථාපනය කරගෙන ඉවරයිනේ. පහත රූපයේ තිබෙන්නේ උබුන්ටු ආරම්භක තිරයයි.

Configuration Button: මෙය මත ක්ලික් කල විට පහත අයුරින් උප මෙනුවක් ලැබෙනු ඇත.

මෙහි "System Settings" යනුවෙන් සදහන් කර ඇති ස්ථාප්නයෙන් ඔබේ උබුන්ටු පරිගණකයේ සියලුම ඔබට ඕනෑ පරිදි වෙනස් කරගත හැක. ඔබගේ උබුන්ටු පද්ධතිය යාවත්කාලීන කරන්න. ඔබගේ තිර කළමනාකරණය කරගන්න වගේ වැඩ ගොඩාක් මේ මෙනුව භාවිතයෙන් කරගන්න පුලුවන්. අපි ඒවා ගැන පසුව එකින් එකින් විස්තර වශයෙන්ම කථා කරමු. දැනට මෙතනින් "Log Out", "Shut Down", "Hibernate", "Lock Screen" වැනි මූලික යෙදුම් කරගන්න පුලුවන් කියලා විතරක් මතක තියා ගන්නකෝ.
මෙතනින් තමා මේ මොහොතේ පරිගණකය භාවිතා කරන පරිශීලකයා පෙන්වන්නේ. මේක හරිම ප්‍රයෝජනවත් මෙනුවක්. මෙතනින් ඔබේ සියලුම සමාජ ජාලා සමඟ Chat කරන්නත් පුලුවන්. ඒක කරන හැටි පස්සේ කියලා දෙන්නම්කෝ.
ඔරලෝසුව.

මේකෙන් ඔරලෝසුවයි දින දර්ශනයයි දෙකම බලාගන්න පුලුවන්. ලෝකයේ විව්ධ රට වල වේලාවන් දක්වන ආකාරයට මේක හදා ගන්නත් පුලුවන්. හරියට වින්ඩෝස් වල වගේ.
ඔව් මේක පරිගණකයේ ශබ්දය පාලනය කරන තැන තමා. ඒත් මේක වින්ඩෝස් වල වගේ නිකන්ම නිකන් ශබ්ද පාලකයක් නෙවේ. ඔබේ Media Player එක ලෙස වැඩ කිරීමටත් මෙතනින්ම පුලුවන්. අනවශය විදිහට වින්ඩෝ විවෘත කරගන්නේ නැතුව සිංදු අහන වැඩේ මේකෙන් කරගන්න පුලුවන්.
ජාල කළමනාකරු:
අන්තර්ජාලයට සම්බන්ධ වෙන්න මෙතනින් පුලුවන්. රැහැන් සහිත හෝ රැහැන් රහිත මේ ඕනෑම ආකරයටත් USB Dongle භාවිතයෙන් අන්තර්ජාලයට සම්බන්ධ වෙන්නත් මෙතනින් පුලුවන්.
බැටරි තත්ව ප්‍රදර්ශකය.
ඔබ භාවිතා කරන්නේ ලැප්ටොප් පරිගණකයක් නම් මෙම ගැජට් එක ඔබට ගොඩාක් ප්‍රයොජනවත් වෙවි.
ඔබෙ විද්යුත් ලිපි පිළිබඳ අලුත්ම තත්වය මෙතනින් බලාගන්න පුලුවන්. ඒ වගේ ඔබේ උපාංගයේ තත්වය, භාවිතා කරන භාෂාව වගේ ගොඩාක් විස්තර මෙම Task Bar එකේදිම බලාගන්න පුලුවන්.
මේක තමා උබුන්ටු "Dash Home" එක. අමුතුවෙන් හිතන්න දෙයක් නෑ මේක හරියට වින්ඩෝස් වල එක වගේම තමා. මෙතනින් ඔබට අවශය මෘදුකාංග, ෆයිල් වගේ දේවල් දියත් කරන්න පුලුවන්. මේ තියෙන්නේ Dash home එක.
වින්ඩෝස් වල වගේ නෙවේ උබුන්ටු වලදි වැඩ බිම් (Work Space) කිහිපයක් භාවිතා කරලා වැඩ කරගන්න පුලුවන්. එක විට ගොඩාක් වින්ඩෝ සමඟ වැඩ කරන්න වෙන කොට මෙහෙම work space කිහිපයක් භාවිතා කිරීම හරිම ප්‍රයෝජනවත්. ඔබේ work space අතර මාරු වෙන්න මෙතනින් පුලුවන්.

මේවා ඉතින් මෙච්චර පැහැදිලි කරලා කියලා දෙන්න ඕනේ දේවල් නම් නෙවේ. ඒත් මං එහෙම කරේ අතිශයින්ම උබුන්ටු වලට ආධුනිකයෙකුට වුනත් තේරුම්ගන්න පුලුවන් වෙන්න ඕනේ නිසයි.

එහෙනම් ඉතින් උබුන්ටු වලින් වැඩ ගන්න හැටි ගැන ඊළඟ ලිපියෙන් කථා කරමු.

මේක තමා උබුන්ටු ලෝකය.

noreply@blogger.com (Dulanja Subodhana) — Sat, 01 Sep 2012 20:53:00 +0000

ලිනක්ස් සිංහලෙන් බ්ලොග් එක ලියන්න ගත්තට ඒකේ උබුන්ටු ගැන ලිපි 2-3 ක්ම දාලා තිබ්බනේ. ඒත් ඇත්තටම මට ඕන වුනේ එකෙන් ලිනක්ස් ගැන කියලා දෙන්න මිසක් උබුන්ටු ගැන කියලා දෙන්න නෙවේ. ඒත් අපි කථාකරන ලිනක්ස් ඔයාලගේ පරිගණකයෙත් තියන්න ඕනේ නිසයි ලේසියෙන්ම භාවිතා කරන්න පුලුවන් ලිනක්ස් ඩිස්ට්‍රෝව වන උබුන්ටු ස්ථාපනය කරගන්න ආකාරය ගැන ඒකෙන් කථා කරේ.
ඉතින් මං හිතුවා උබුන්ටු ගැන කථා කරන්න වෙනම බ්ලොග් එකක් ලියන්න ඕනේ කියලා. දැන් ඉදන් අපි උබුන්ටු ගැන කථා කරන්න මේ බ්ලොග් එක භාවිතා කරමු. සුපුරුදු පරිදි ලිනක්ස් වල වැඩ කිඩ ගැන පරණ බ්ලොග් එකෙන් කථා කරමු.
ඉතින් එහෙනම් ලිනක්ස් සිංහලෙන් බ්ලොග් එක බලලා දැන් ඔයලා උබුන්ටු ඉන්ස්ටෝල් කරගෙනනේ ඇත්තේ නේද..? නැත්තම් මෙතනින් ඒ ලිපි ටිකත් බලලම එන්නකෝ.
අද ඉදින් අපි උබුන්ටු ගැන වෙනමම කථා කරමු. එන්න ලෝකයේ ජනප්‍රියම ලිනක්ස් ඩිස්ට්‍රෝව ගැන ඉගෙන ගන්න. අතිශයින්ම ආධුනිකයකුගේ සිට ප්‍රවීනයෙක් දක්වා උබුන්ටු ගැන ඉගෙන ගමු. උබුන්ටු විඳිමු.