人間的詩學 Poetics in Life

關於茶的三兩事

2026-06-19T12:03:33.974+08:00

〇△□ 繪唐津德澤守俊作

這只複製仙厓名畫“〇△□” 的繪唐津茶碗有可能是德澤守俊在福岡辦個展時被古溪會茶人組織（這個命名可能與追思與千利休淵源深厚的古溪和尚有關）收藏，或委託德澤俊守所製作，作為紀念田中丸父子長期支持。善八翁（田中丸善八）最知名的收藏之一是一只安土桃山時代畫了鳶尾花的唐津燒(在2006年被指定為重要文化財)(1)，所以選擇以繪唐津來感念善八翁是再適合不過了。

雖然網路尚查不到這個古溪會的相關資訊，不過這古溪會有可能是與古溪忌相關或因之而成立的茶人組織（古溪忌茶會是追思大德寺第117世住持、千利休參禪之師古溪宗陳的專屬茶會。此活動固定於每年 3月17日在京都大德寺大仙院舉辦）。

田中丸善八(1894-1973) 是福岡玉屋百貨經營者，既是一位茶道鑑賞家，也是九州陶瓷的忠實愛好者。他幾十年的收藏囊括了江戶時代九州各地窯口盛行的眾多茶道陶瓷傑作，被認為是日本最重要的陶瓷收藏之一。而其位於福岡淨水通的私邸「松風莊」，由昭和時期全日本最著名的茶室建築名匠——笛吹嘉一郎親自操刀設計，內建著名的茶室「松風庵」，已在2007年正式被福岡市改建為名勝公園「松風園」，成為至今福岡茶道活動的聖地。

這隻印有「〇△□」的繪唐津燒與這封感謝函，見證了昭和時期福岡玉屋百貨的田中丸家族「以商潤儒」，振興茶道、延續仙崖禪師精神的歷史。

□△〇，悟道的三階段

〇△□ (依作品右至左的順序) 被公認是仙厓禪師最難解的作品之一，因為在這作品裡仙厓並沒有加上任何的讚文。也因此有許多不同方向的詮釋，其中之一是將其解釋為悟道的三階段。

福岡市美術館的總館長中山喜一朗、出光美術館的策展人八波浩一等於美術館長期研究仙厓的作品，都提到從這幅「〇△□」的作品墨跡看來，其實仙厓應該從「扶桑最初禪窟」（指的是位於福岡縣博多市的臨濟宗妙心寺派的聖福寺，它是日本第一座禪寺，建於1195年，仙厓於40歲時成為該寺第123代住持）的落款那一側開始畫起的，也就是「□」、「△」、「〇」的順序，再加上從仙厓53歲時寫給妙心寺住持大通和尚的談及‘’紫衣辭退‘’（仙厓曾三度婉拒當時朝廷授予紫色法衣）事件的信中寫到“我還在修行，所以我是三角形……我無法成為一個完美的圓……"的線索，八波浩一認為仙厓或許把四邊形代表修行之前的自己，那麼這□△〇就是表示禪修至悟道的三個階段，亦可解讀為仙厓另類的「自畫像」。

宇宙（Universe），及密教等詮釋

包括出光美術館創辦人出光佐三（1885－1981））等許多人則聯想到可將其看作「宇宙」的象徵。從這個方面來理解則是以右到左的〇△□ 順序來解讀，譬如鈴木大拙曾在一篇文章將圓解釋為「無限」，是一切存在的根本，它本是無相（無形）的，不過因為人類被賦予感官與智識，渴求具體的形式，才有了三角形，這是一切形式的開端，而正方形便是由三角形倍增產生的第一種形式，倍增的過程無限延續，便產生了萬物的多樣性。

我們可以將鈴木大拙的解釋視為呼應老子《道德經》的思想二，二生三，三生萬物」的宇宙觀。不過鈴木大拙也提醒讀者“語言即是時間，時間即是語言”，大意是說，這個形狀順序是人類意識與語言所形成的，事實上時間並非宇宙的基本性質，不受限於語言，才是禪宗及仙厓的創作所主張的。

此外，也有讀者從密教方面來詮釋這三個符號，認為它們可視為代表「地、水、火、風、空」五大思想中的「地（□）、水（〇）、火（△）」的象徵。

又或者將它視為佛教金剛乘所傳身、口、意的修行方法（即身密、語密、意密三者。身密謂結手印，語密謂持誦咒語，意密謂觀想本尊）。四角形（正方形）代表客觀世界，三角代表修行三密色身，而圓代表法身，終極實在，無相之相（鈴木大拙）。

幾何宇宙

若以悟道三階段來看，個人認為不妨從正方形的鋒芒最多或牛角尖最多，到三角形角變少了，最後磨至圓滑、完滿、無差別、歸一，是容易理解的方式之ㄧ。而若從宇宙的面向，也許數學家更傾向這樣想，我認為可以很簡單的理解為，宇宙是由幾何構成的。

丸十文

這只繪唐津在高台內手刻了十字，與圓形高台合觀，便令我聯想到桃山古唐津名碗《丸十文絵唐津茶碗》(2)（出光佐三鍾愛的收藏）。此是否為作者有意致敬古唐津經典，或者〇十與仙厓的〇△□ 早被福岡的茶人或茶碗、美學鑑賞者理解成同一個象徵、精神譜系，個人不敢斷言，不過以德澤守俊之唐津背景及作品所處之福岡茶陶文化脈絡觀之，這些聯結頗耐人尋味。

譬如，出光佐三（1885－1981），日本知名石油公司出光興產創辦人，也是福岡的出光美術館創辦人（收藏了一千多件仙厓的作品），便把仙厓的精神與唐津燒的精神視為一致。

厓畫無法，大智若愚、大巧若拙

出光佐三曾在自己的著作中提到 ‘無論是仙崖的畫作還是唐津燒的器物，都散發著一種粗獷、質樸且率真的氣息；然而，這兩者皆發軔於非凡的技巧，並透過對內心（「肚」）不懈的鍛鍊而最終超脫了技巧的束縛，讓人彷彿能觸摸到一種無邪童心的純粹之美。不僅如此，它們更立於前人未至的境地，讓人能感受到一股睥睨世俗的絕對力量。

每當我遭遇外界的壓迫與困境時，數不清有多少次，我總會瞻仰掛在壁龕（床の間）上的仙崖和尚書畫，並將唐津燒的器物捧在手中。藉此接受這不諂媚於世俗的名僧與名匠之教誨，從中獲得堅持信念、勇往直前的力量，激勵自己那退縮畏怯的心，然後邁出家門。’

有什麼（なにが）

我把這只茶碗取名為“有什麼”作為收藏紀念。

喫茶去。

晴空苑的点前

我在裏千家的晴空苑「道場」的稽古學習，終於開始操作到柄杓了。我非常欣賞、景仰茶人在点前操作柄杓的優美動作，當初發明這些動作的人肯定是位藝術家。

〈晴空苑點前〉

庭樹遊蝶逐香裊，

星塵皆落水一勺。

蝴蝶在露地的樹叢花間中追逐花香，翩翩環繞飛舞，

而隔著一扇障子，茶室內進行點前之茶人正凝神、手持柄杓變化自信優雅的動作，彷彿畫著星辰萬物的軌道。

傍晚的茶室，在點燃線香後便自成了一個宇宙，障子外的喧囂市街、人們，和塵世一切聚散悲喜，如同那隻只是恰巧經過庭園的蝴蝶（只是過客），在氤氳的香氣中朦朧而淡去。

視野逐漸只剩方寸之地，眼下的點前。

最後，釜就是整個宇宙。

我看見星辰們隨著杓子裡的水落入釜中，發出叮咚的聲響。

黃昏裡母親倚著窗等我

這只茶碗是來自山口縣的萩燒窯元「梅田陶樂」，師從萩燒始祖坂高麗左衛門，昭和49年獨立後於三隅町野波瀨開窯至今。我喜愛它的古樸低調，頗具以用為目的、匿名性的民藝的氣質。它顯然已經歷經了很長歲月的茶馴，荒貫入與細貫入交錯，随著經歷的歲月深而明顯，那是時間的重量，彷彿時間刻在肌膚上的皺紋。流釉似替乾裂的泥土帶來滋潤的春雨，彷彿是一位母親對於她的孩子的疼愛與牽掛。

古樸的碗身有數圈輪紋，大小釉裂密佈，白釉流淌有時像海浪的擴展，有時聚積如紅土上未消融的雪。不平整的圈足外裸露的胎土粒塊粗曠如海岸的磯石，不對稱的高台似古老城垣圍繞，果斷陡斜的削去處，則使我想到突出於懸崖的嶙峋的山石。萩茶碗的胎土主要使用大道土，顆粒粗、鬆軟多氣孔，視混合了金峯土與見島土的多寡呈現出枇杷色或粉櫻色的樸拙的外觀與色調，陶工施掛的白萩釉在窯燒的高溫中融化後自然垂流，形成乳白色牛奶般的視覺效果，以及玉石的觸感，又因為釉藥在燒製過程中劇烈收縮、斷裂，形成密集的俗稱「貫入」(かんにゅう）的網狀釉裂，這被視為是自然所呈現的不完美之美。大道土具有吸水、滲透性，釉裂會因為長期茶湯的滲入而顏色逐漸變深（茶染），從窯製時的窯變到經年累月使用者的「茶馴」（ちゃなれ），萩茶碗的景色會不斷改變是它的特點，自江戶時期以來就流傳有「萩の七化け」（萩之七變）形容萩茶碗的夢幻多變，又因為它的變化乃是樸素質地與歲月的蝕刻自然成形的，契合侘茶、閑寂茶追求的精神，得到了很高的評價，在茶碗中有「一樂、二萩、三唐津」的美譽。

我將它取名為「母」，紀念我那無論是在我小時候放學或出社會工作下班到家時，總是在窗台前等待我的母親：

黃昏裡母親倚著窗等我

夕暮れや

窓辺に母の

待つ姿

萩茶碗的多孔胎土導熱較慢、保溫性佳，雙手捧起剛打好的抹茶，感受暖意緩緩、溫和地透過厚實的碗壁自圈足處開始向上傳到掌心。枇杷色略帶暗褐色的柔和反光，我想到了黃昏時的晚霞，將探出窗台觀看的臉龐也照得如夕陽的顏色紅潤飽和。

註：

(1)

(2)

星夜

2026-03-15T23:25:00.012+08:00

酒吧裡適合談哲學、文學、天文宇宙、Cyberpunk、科幻、動漫…………

前幾天我和朋友到老大直喝春酒，他算是我的天文老師，因為前幾年我常去旁聽他在天文所開的課。

我跟他說起我最近正在讀的關於多世界版本的量子物理的書（介於物理與科幻之間），他跟我談到他的重要paper的進展。

從Everett 開始提出的理論開始發展至今的多世界版本的量子物理，其原則其實很簡單，就是宇宙只尊循薛汀格方程式隨時間線性演化，沒有所謂的波函數塌縮（在哥本哈根詮釋中，量子世界在被觀測之前充滿各種可能性，而測量會使波函數塌縮，只留下其中一種結果。還記得那隻既是死又是活薛汀格的貓嗎？現代電子科技、精密測量、醫療影像、材料科學與量子資訊幾乎都建立在量子力學的哥本哈根操作框架= 波函數演化 + 測量時的波函數塌縮），觀測只會造成波函數不同量子態與環境的糾纏，密度矩陣的非對角元素衰減到接近零，這些近似對角化的態在 Hilbert 空間中形成互不干涉的穩定結構，即是退相干（Decoherence），各自成為世界的分支。

我覺得這能帶給人們一些撫慰，總有一個世界你做了正確的決定，有個世界的你沒有留下遺憾，有個世界的你的親人沒有病逝，另一個世界的你有個在這個世界沒有的乖巧女兒……，多世界版本讓人可以不用逼視深淵。

只不過我又覺得它有些附帶條件稍嫌掃興，譬如為了符合觀測的波恩定律所提出的權重或信心指數以取代機率論，又必需符合能量守恆率。

除了書中談的量子多世界，我也一直很好奇那些在我們暴漲宇宙的視界以外的宇宙，那個尚無法與我們互相有聯繫的宇宙可能非常大，也或許有無數個暴漲的宇宙泡泡，這是用常理來推論便很自然應該要存在的，如果我們相信造物並不偏心。

此外，我也要說，沒有固有時間的光子也很奇妙，沒有固有時間的光子實在太奇妙了。對真空中的光子來說，我們整個宇宙的歷史對它來說只是一瞬，不是很令人莞爾嗎？

總之我想到的都是除了母體（虛擬世界）版本宇宙、諸法皆空或輪迴世界神學理論之外的，也能讓人快樂生活的良藥。

話說在喝完春酒後沒幾天，朋友就說他的以FDM解釋韋伯太空望遠鏡觀測到的LRDs的論文被期刊接受了（恭喜胡老師）！

這只茶碗的流釉的自然扭曲，藍、白、青黃褐等色的羽狀的結晶效果有如梵谷的筆觸，像是星雲或藍色的火焰，抑或是搖擺、伸展的樹木（酷似梵谷筆下的絲柏樹）。

鐵鈦細小的結晶則彷彿蒼穹裡的星星，向碗內望去就像從樹林中（也許躺在厚實柔軟的落葉上）仰望星空。

這種風格的曜變流釉天目，其實在我的腦海中想像很久了（可能有十年了），最近終於在日本的拍賣網站看到了類似的作品，創作者是在京都的一個叫“万代草山”的窯元（家族），好巧也叫“草山”。

閱讀完整文章 Read more -->

春夏秋冬，早晨也好，晚上也好

2026-01-29T22:53:00.033+08:00

世事禍福相依，我們只能盡人事聽天命，近幾年切身的體悟，把握當下。

新的一年開始，下了決心去從事多年來一直想做的事，就是報名了兩個進修班，日文基礎課以及裏千家茶道入門。

尤其是茶道課，其實我十幾年前就已經買了宗萱老師的著作了，入門的割稽古會用到的基本茶道具組也準備好了，現在終於來上她的課了。

個人非常佩服宗萱教授對於傳承茶道的志業的投入與用心，表現在每個方面的細節，在課堂上以及在她剛開幕的新教室 —— 晴空苑的每個角落。

每次上課都先靜心。

閱讀完整文章 Read more -->

讀王羅蜜多《半䖙島：新十二生相傳奇》

2025-11-03T09:01:00.007+08:00

王羅蜜多寫台灣的選舉文化的黑暗面原本就是 jió-toh，我讀過伊的《地獄谷》台文小說集著領教過，最近伊出版的這本台文小說《半䖙島：新十二生相傳奇》除了繼續施展這種工夫，擱再加入奇幻的寓言(gū-giân)風格，揀選十二種動物生相作為每一篇小說的主角。這寡故事發生的背景設佇一个號作“半䖙島”的島嶼，王羅蜜多共動物人格化，或者倒反過來，予人變形出動物的形體抑是能力，交織出奇幻的鄉野傳奇佮都市怪譚。
小說牽磕的主題有足濟款，大部份的故事攏互相牽涉形成「互文」。有描寫諞仙仔利用一般民眾對宗教的虔誠來進行垃圾政治，以及描寫選舉文化的黑暗面譬如〈斑甲市〉、〈草猴鎮〉、〈猩猩山〉等等，擱有指涉了真實歷史，重新用魔幻現實包裝加入生相的歷史演義譬如〈水鹿城〉、〈鯪鯉堀〉等等。
較無仝的敘事手路的有〈貓公寓〉，共其他故事比較起來，會使共看作是都市怪譚，故事最後發展出一件殺人案件，予這篇小說變成未完成的狀態唌人的好奇心。

王羅蜜多的動物故事有當時會予我聯想著Miyazawa Kenji (宮澤賢治) 的小說，彼般的奇巧。其中〈烏蟻族〉擱約略仔有卡夫卡的氣味。予狗蟻的尾針刺著了後煞變成會當和狗蟻講話的木桂仙佇家己厝內的花園觀察狗蟻生態，而且佇無仝種的狗蟻的戰爭之間調解，不而過無閒 tshih-tshih 到最後原仔是無采工，上尾仔入侵的紅火蟻予厝邊發現通報里長揣來滅蟻大隊噴藥仔共消滅，這个狗蟻花園也就宣報完全毁滅，毋過木桂老師已經轉去卜卦山舊厝干焦佇厝壁留有一大片狗蟻戰爭的壁畫。這篇小說的尾局敢若挑工留下未完成的伏筆。若是我來寫可能會予木桂仔也去易殺蟲劑毒著煞「領便當」（笑）。
王羅蜜多嘛貫串寫人性的傲慢佮狡詐譬如〈夜婆洞〉、〈猩猩山〉，其中夜婆洞的結局造成的「懸念」誠濟，雖然夜婆使用in 的高科技開發了疫苗解救人類，終其尾人類猶是認為疫災是由夜婆引起的，拍算將in 攏消滅，不而過人類雖然有疫苗幫助逃過死劫最後煞因為疫苗的副作用去著了一種叫閹雞行的症頭，真正是現世報。
另外，〈猩猩山〉騙錢的佬仔真人雖罔最後自食惡果，受伊刻剝、利用的會講人話的猩猩也攏逃走矣，不而過可能因為作者的憐憫，雖罔創造風颱暴雨造成崩山，干焦將雨神猩猩宮佮伊四箍圍仔埋佇塗跤，卻是予彼个救世黨繼續生存落去，是另我較意外的所在，毋過想想的，無的確這就是咱的荒謬社會的寫實。
幾个佇鄉土小說中算是誠常見著的題材，予王羅蜜多的妙手以生相寓言的結構加添袂少趣味，譬如〈海翁嶼〉的故事有鯨魚生態的關懷佮深海的冒險，波蘭本底是足討厭海的，不而過一擺伊佇科博館的沉浸式體驗當中雄雄敢若看著十外冬前失蹤佇海湧內的小弟--阿沙缀著海翁出現，伊認為是小弟猶活佇世間上的兆頭，就按呢伊開始親近大海、海翁，有一擺出海時終於拄著一隻尾溜是金色的抹香鯨(伊稱牠叫「史艷文」)，揣領她去佮小弟阿沙重逢，原來小弟彼年予海翁救去，煞漸漸演化出鰓，而且知影海翁講的話。史艷文波蘭去參觀海底世界的時陣，肖想欲揣寶物的船長偷偷綴佇後壁，伊佮船員後來刣死史艷文，in 也受報應而死，佇故事上尾仔，敘事者講了一段勸世文，是比較其他篇較無仝的寫法(我感覺這篇誠適合改編作歌仔戲)。
另外擱有故事背景是一个龜鱉保護區的〈龜鱉港〉，女主角月曲因為欲傱老爸的醫藥費決定到酒家上班，伊愛慕的人（龜太子）佇水淹頷頸仔之時位豬哥州長的手下救走月曲，表面看起來敢若是台灣民間定定會看見的散食人的愛情故事，毋過掺入神話的元素使著這个故事變了誠傳奇。
描寫信仰文化佮都市開發的利害衝突的有〈鴣黃庄〉，這篇的主題予我想到家自親身拄到的，佮小說相像的代誌，著還最近我兜的家族墓所位置的公墓予台北市政府以都市開發為理由強制徵收，被強迫遷墓到公塔的代誌。咱市民甚至比故事中的角色更加徹底無反抗的能力，甚至無小說內彼種開發成喪葬園區的目標，叫汝遷著愛遷，傳統的風俗文化的根蒂予伊二三个手凊彩剾除。

總講起來，這是一本充滿趣味又擱有嚴肅議題的小說，四界攏看會著對真實歷史事件佮神話原型的指涉和變形，王羅蜜多以魔幻現實的敘事手路加上動物寓言的趣味，開闊了台文小說的眼界，讀起來不止仔心適。

C/2025 A6 (Lemmon) 彗星/ 秋季銀河/ 蟹狀星雲 M1/GEM-28 韌體更新

2025-10-19T13:18:08.712+08:00

10/5

C/2025 A6 (Lemmon) 彗星。可以清楚看見彗尾（橘黃的塵埃尾與白、淡藍色離子尾）從彗核向面對太陽的反方向噴出。

Pentax 75SDHF, SMC 0.72x, K5(full spectrum mod.), IDAS L3 Filter, GEM-28 , MGENII 90 sec x 30 + Pentax DA*200, K3II, ASTROTRACER 50sec x20

〈彗星 2025〉

總有事情發生

但它沒來時也是

就像是它的軌道

只要初始參數就確定了

而那些以近乎光速離開，前往

極樂世界的祖先吶

即使能再回來人世必

也已過了好幾代

這或許是定律，只不過不是

如所你所想的相對論

當她擔心靠太陽太近時她的

秀髮會被扯散，其實

就只是三千煩惱

蒸發，藍光與綠光的氣神

是否她會感受到那龐然大物莊嚴

迫近時的壓迫與恐懼，是否

會被灼傷

人們會說這叫命運

即是那種在危難時給你希望

但你還在慶幸受到眷顧時馬上

又帶來絕望，尚且

不止一次。薛西弗斯

放棄掙扎吧

身在這恆河沙數之一的泡泡中

你其實就是彗星一直

在既定的軌道上的

詛咒

還有其他的，由宇宙視界阻隔

我們不過是在同一個培養皿裡

（2025/10/17 初稿）

今晚在鞍部的彗星小 party 頗熱鬧，約有七、八台車多組設備。還遇到第一次上來的Jack 蔡兄。

本來幾個人打算試試叫外送看願不願意送到鞍部氣象站門口，結果後來星友自行開車到文大外的麥當勞為大家買宵夜，大感謝 Hudson。

天氣跟透明度都很不錯，雖然兩點多東南方飄了一團怪雲讓人緊張了一下，不過十多分鐘就散了。三點多彗星升上來之後，天空又更暗了些，SQM最暗曾到 20.4 mpsas，根據過去經驗，台北市應該有雲海，所以才比平常減少約0.3~0.4 mpsas的光害。

拍攝期間我也以10x56雙筒觀賞，從大熊座的腳掌向東南移動不遠很快就看到了 Lemon彗星，非常明顯，但彗髮鬆散如一朵蒲公英。

早上拍完平場，大家一番寒暄後，收拾行李各赴歸途，我在巴拉卡公路上向台北市望去果然市區還在小小的雲海裡。經過觀景台我停下來拍了幾張雲海照。

9/29~30

今晚主要目標是利用此無風的天候測試GEM-28的導星穩定度，
即是載約9公斤設備、等效焦距1500mm，搭配MGENII導星時的可用率。然後下半夜等A6彗星升上來拍攝彗星

等待彗星升起時拍的秋季銀河

Pentax K3II, Pentax DA10-17 @10mm 魚眼 ,機身內建ASTROTRACER CMOS 恆星時追蹤總曝光 12分鐘（90sec x8 ）+ 固定攝影 60sec x1

M1 蟹狀星雲

Pentax 105SDHF + smc 1.4x-L , K5 (full spectrum mod.) , IDAS NB1 filter , MGENII+GEM28. 120sec x30

使用金牛座的蟹狀星雲(M1) 來測試，結果還算不錯，每張曝光兩分鐘共曝30張， roundness 0.8以上佔了九成。在沒有風的影響下證明它在導星追蹤時的可靠性。
Ｍ1 是一個很有名的超新星殘骸，不斷出現在各種天文書籍中，我對它印象最深刻的是從前閱讀卡爾沙岡的《宇宙》時書裡提到的，據說那顆超新星於1054年爆炸時，世界各地有不少人目睹並留下紀錄，連白天也看得到。現在我們透過望遠鏡目視、拍攝的是它的殘骸。書上的Ｍ1照片是很粗糙的，跟眼視看起來一樣糊，不過在那個仍以底片為主的攝影時代，業餘天文攝影的門檻很高，所以每張天體照片都令人驚奇羨慕，以當時人類對於太空的探索才剛要開始的情況來說，那本書裡的圖片相當豐富且引人入勝，讓人充滿想像。

可用率算不錯。MGENII 導星參數維持與之前一樣：0.6 x speed，導星曝光時間1000ms，aggr. 80%，mode 2

撈到一顆流星。

彗星剛升上來不久薄雲就幾乎蓋住了整個天空，雖然透過薄雲還是持續拍得到，但減光太嚴重，曝光效率極差。

-------

*關於彗星的拍攝，請參考:

（如何）在陽明山追逐／拍攝彗星

閱讀完整文章 Read more -->

熱人的暗暝/ 使用 goto赤道儀的 memo

2025-07-15T15:35:00.027+08:00

7/1

(初稿)

一般咱講的goto功能就是會當自動瞄準目標天體的功能。進一步講，著是佇赤道儀抑是經緯儀的控制器頂面選擇目標編號或者打入座標，抑是透過手機仔或者電腦的星圖，踮星圖頂面點選目標，機器就會家己將望眼鏡踅去對準目標。有這種功能就會加方便誠濟。

雖然家己手動揣星較心適、較有觀星的'Fu'，不而過若拄著目標拄拄好佇頭頂的位置，使用折射鏡的目鏡佮揣星鏡時腰著愛向足低（定定愛跪咧），頷頸仔嘛愛跩到強欲láu（扭）著，無好紡。

擱再講，若是翕相的場合，用goto會使減省真濟瞄準目標的時間。

落黄酸雨的六月過矣，今仔七月的頭一日，天氣馬上變誠好，

天一黯，紮著我最近收的二手的goto 赤道儀(iOptron GEM28)，oo-tóo-bái 騎咧就拚起來鞍部歇涼。

Gem28的光學極軸望眼鏡顯示子午星(北極星)的方式佮Sky-watcher牌子相像，是採用時鐘的12點鐘線格。赤道儀的控制器會顯示即霎（tia̍p）使用者應該愛將北極星對準佗一格，極軸才會是對準正北極。這个坎站只是

普略仔對準爾，不而過若是攏有照步來，觀測地佮時間有設定正確，三腳馬的水平也有先tshiâu予正，赤經軸踅到零點位置(重錘杆指向塗跤)，按呢用極軸望眼鏡對的極軸精度著有夠眼視觀察使用。

毋擱因為下昏暗我欲翕相，所以紲落去我擱用MGENII來做漂移法進一步修正，調整到精差佇5'以內。

因為頭先對極軸做了有功夫，紲落連手機仔，做二擺的goto 和Align 了後，goto 已經設定了誠準。目標攏會佇相機放大十倍的liveview抑是高倍目鏡的正中央。

雖然有小可仔受著風的影響，毋擱我亦是翕了 Lagoon (M8) 礁(tsiau)湖, Dumbbell (M27) 啞鈴（à-lîng）, M57(Ring) 手指, PAC Man(NGC-281) 食豆仔人等等的星雲，調整導星的參數。

下昏暗透明度誠好，半眠用SQM量天頂的暗度來到20.2，天頂一逝南北向的白白的銀河嶄然仔明顯，遐是離咱(量其約)有二萬光年遠的，上億天星聚集形成的白帶仔，咱的目珠無法度分別內底的孤粒星，伊像一條牛奶河，也親像薄離絲的絲仔或者蠓罩。

赤道儀佇自動翕相的像時(siāng-sî)，我另外提出K3II 相機，使用伊的ASTROTRACER來翕銀河，十外年來頭一擺將曝光時間設到5分鐘，果然無Over。自從用DA10至17， F3點5這粒鏡頭了後我才感覺著Pentax 的ASTROTRACER的威力有真正施展。

下昏晚拄著幾若(kuí-nā) 位紮家己的器材起來觀星的新朋友，開講、互相交換觀星的經驗，非常歡喜。

GEM28的goto誠準，追蹤嘛袂䆀，抑毋擱伊的機械設計佮結構uan-ná 差日本製有1節。譬如，伊雙軸的khu-lá-chih干焦會使鎖佇固定的幾个位置，手動時無啥方便。另外，雙軸的khu-lá-chih 放開時完全無阻尼，平衡較僫調整。上麻煩的是彼的座是用2支內六角螺絲固定的，若佇黑暗中無細膩錯手，六角扳手予落去塗跤，彼是比聽鬼仔古擱較恐怖!

Ａ men's talk under the Milky way （ 240sec）

100sec

80secx3

閱讀完整文章 Read more -->

《Sommerfeld 物理學 4 ：光學》、《人生的三稜鏡》

2025-06-10T17:19:00.003+08:00

最近逢梅雨季，除了偶爾拍拍太陽黑子沒進行什麼天文活動，倒是讀了不少書，前陣子利用近一個月的時間瀏覽了一遍 Longair 的 ‘Galaxy formation’，這幾天開始讀Sommerfeld《理論物理學 4--光學》中譯本。可能因為是經過學生的筆記整理的很濃縮，加上sommerfeld的敘述我覺得有點抽象，所以即使我讀的是中譯本，仍覺得Sommerfeld 原書實在不太易懂（倒不是因為簡體字的關係）。但看在他講的內容我覺得都很經典或我很想理解的東西，所以我還是靠著AI的輔助教學慢慢的閱讀，雖慢但持續有進展。但如果對於本書內容沒有強烈興趣的話，個人並不建議閱讀此書。

目前大約閱讀了1/4的內容，一開始是講利用邊界條來求折、反射的振幅比，Fresnel公式、Brewsten、全反射等，第一章讀者要注意的是Sommerfeld的偏振方向的古典定義與當代相反，他書中所謂的偏振面是指與電場振動方向垂直的那面！如他在第7節提到“例如，我們考慮p偏振，即E平行於z軸的情況”，因入射面是x,y，可知他說的其實是今日的s偏振，所以書中算式圖表中的S、P符號以今日的定義都要互換，一開始我花了不少時間在確認這件事，被搞得一團霧水。本書的前言譯介完全提及這件事。

然後接下書中介紹到對於我們玩天文很有關係的，薄膜、牛頓環，介紹了關於干涉鍍膜的設計公式，及Perot-Fabry干涉儀的原理與計算，很有趣也很實用，Solar Ha 的Etalon 濾鏡就是利用此原理，也是讀了這部分之後終於了解兩個鍍銀的反射面之前的間隙是精度相當高的，此外 FSR（Free Spectral Range）計算公式與前置或後置Ha濾鏡的設計要求；光駐波與第一個彩色攝影的發明的原理。

第二章則是天文專題，介紹了年視差與光行差，Doppler效應與Fresnel拖曳係數，Michelson實驗的計算及光量子裡論。

第三章則開始講色散原理。我靠著AI協助（原書的導法有點看不懂）終於做完利用Maxwell方程導出光在介質中傳導折射率與頻率（波長）的關係式後很有成就感，決定在這裡先休息一下。

-------

接著讀的是最近買的二手書，楊千鶴的《人生的三稜鏡》，這本自傳是楊千鶴於1993以日文寫成的，後來由張良澤與千鶴之女林智美翻譯成中文，我買的是前衛的版本。

楊千鶴出生於日治時期，一波三折、充滿意外的人生讓她的自傳足以成為一個動盪的時代的縮影。

在戰後意外被推舉當選了地方自治首屆的縣議員踏入政治領域，卻因此招來在地勢力競爭者的記恨，甚至招致身為台東糧食事務所的所長的丈夫遭受陷害而入獄。

這本自轉不但以自身經歷描述了一位女性如何在社會仍存在對女性在家庭中的勞動角色的根深蒂固的觀念與文化的啟蒙下自覺中摸索爭取自己的權利與未來，同時也見證了日治時代日本政府台灣人與日本人間的不公平對待，戰爭期間物資的匱乏與不時要進行空襲疏散的顛簸生活，與戰後國民政府初來到台灣的混亂與趁火打劫搜刮資源，後來發生的228對親戚朋友、人民的迫害。直到移居美國之後才停止了勞碌奔波充滿曲折的生活。

書中有些我覺得絕妙的文筆，譬如她把幻滅收場的初戀形容成任何人一生中總要得一次的麻疹等待退燒，實在形容的很妙。

還有她的二哥像是生活智慧王的開導：

「能得到幸福與否，全視結婚而定。幸福像是數學的方程式，人們的“欲望” 是分母，“努力”是分子，分子除以分母所得的商數便是“幸福”。所以若要使商數變得更大，最快的方法便是把分母弄小就行了。」

閱讀完整文章 Read more -->

到大稻埕遶遶--下

2025-05-28T16:18:00.002+08:00

今仔本底欲趁好天出門共這個月的工課做一捆收煞，不而過我的オートバイ因為化油器歹去牽去オートバイ店修理愛到下-昏暗才會好，想想--的規去來去大稻埕踅街，去現流啉咖啡看册好矣。

將最近佇台灣e店買的台語册《臺灣女性人物群像》（作者：Hena Ma）囥入揹仔內，揹咧著去坐捷運，先去大橋頭食高麗菜飯 ká 排骨湯作下晝頓，今仔食較腥臊，加叫一个菜盤，食了真飽。

講起大稻埕，我想著今仔紮的册內有介紹著一位佇大稻程誠出名的女醫師(至少頂一輩應該足濟人知影)，伊的名叫做蔡阿信，伊是台灣第一個查某醫生。伊出世佇日本時代的艋舺，自細漢著表現出真獨立倔強的個性，在伊五歲時in 阿母欲共伊送予大浪泵的1位牧師作新婦仔，結果伊家己煞走轉去艋舺2改，in阿母只好放棄。

伊8歲時讀大稻埕公學校（這馬的太平國小），大漢了後去東京女子醫學專門學校讀册，1921年轉來台灣，蹛佇日新町，1924年佇遐開診所，兩年後才落去台中。

前1站仔我去蔣渭水基金會上大稻埕文史導覽員的課時，基金會的老師/資深導覽員tshuā 阮踅街時就講著蔡阿信，講敢若揣著伊較早蹛的所在，講到誠歡喜。

彼本册內擱講到蔡阿信後來蹛加拿大的代誌，伊七十八歲時猶佇坐巴士去學代數，伊講彼是伊毋捌的物件，伊想欲去試看家己有法度理解無。我真欣賞這款食到老猶原不時想欲學物件的態度，真值得咱來學習。

閱讀完整文章 Read more -->

春天的星系漫遊III

2025-04-02T06:28:00.008+08:00

觀星台文系列 9

3/25

(利用有wifi傳輸功能的cam佮iPad來輔助校正光軸請参考這篇: https://astrotracer.blogspot.com/2018/05/Imaging-Jupiter.html)

今仔大概是這波好天氣的上尾工，雖然講雲會開始濟起來，毋擱下昏暗想欲來做1个試驗，想欲用手機仔來接望遠鏡的目鏡做擴大攝影，來輔助校正 μ-210的光軸。校光軸只要找有星著會使，所以受天氣的影響較小。

若這个想法會當實現，著會比用cam 擱較直接，免擱加紮一台cam，碇星的繞射環影像的顯示嘛袂因為傳輸有延遲。

騎車到鞍部，組立好設備了後，有2位星友嘛騎車經過，我先𤆬 in 欣賞M42星雲一睏仔，然後我才開始校正我的 μ-210的光軸。

先將手機仔挾佇轉接架仔面頂，然後提起XW40目鏡，將伊的目遮轉落下，才佮手機架子鬥起佇目鏡頂。然後用紅色頭燈位目鏡另外一頭炤，確定、調整手機仔的鏡頭有對正。

然後我先用低倍率（XW40）將望眼鏡對準拄過頭殼頂的雙生仔座的上光的彼粒星，紲落將彼粒星徒入目鏡視野的正中央，換XW20擱調整視野將碇星徒入正中央，最後換已經裝好手機仔的XW5，打開手機仔的相機，確定碇星佇正中央，最後調整對焦，挑工予星點失焦，變成一輪圓圓的繞射環，按呢著準備好，會使進行下一个動作一一調整次鏡的螺絲母來校正光軸。

先將天頂鏡捘予手機仔的螢幕對準我徛的這爿，按呢較方便每捘一粒螺絲了後翻頭去看繞射環的變化。

閱讀完整文章 Read more -->

春天的星系漫遊 II

2025-04-01T14:24:00.008+08:00

3/23

今仔天氣uan-na 袂䆀。

昨天看氣象報寫講這站仔的好天可能到拜三才會變天，著決定安排觀星一工休睏一工，按呢拜五、今仔佮下禮拜二攏總會當上山看星三暗擱袂忝。

下昏暗的計劃是先趁暗頭仔獵戶座猶未落山進前好好欣賞M42星雲彼隻火鳥，紲落去才擱繼續星系漫遊。

到鞍部時看著小觀音山電視台彼葩刺目的大燈擱tōh著--ê，彼葩燈火是幾年前才有的，伊佮運動埕的金鹵灯抑是魚船的集魚灯光度欲仝仔欲仝，所以若tōh著--ê會變成東北爿的光害。好咧佳哉伊毋是逐暗開，曷若有光的日子通常欲倚九點彼跤兜仔，上加是翻點前就會關掉，罕得著歸暝。

現此時獵戶座佇西爿，所以小觀音山彼葩電火袂有啥影響。先用低倍率的60倍觀察M42 星雲，無加濾鏡時火鳥中心四合星的四箍圍仔的星雲就誠顯目，毋擱加濾鏡了後連翼股的頭前沿嘛看會著，而且四合星附近的雲氣的光度並無啥變暗，會使推論遮的光線主要是OIII的螢光。

紲落來換百二倍來觀察，這時四合星東北邊有一節真突出的部份，暗眠摸啥物攏無，彼是一節敢若竹筍的暗星雲，佮伊成強烈對比的四周圍發光的雲氣分明有無仝光度的區域，誠成山田，其中東南爿有一逝誠直、又明顯的落坎分界，向這片四方仔四方的雲氣南爿巡去，過四合星了後裂開一條敢若田溝的暗帶。拍鐵趁燒，換二百四十倍懸倍來看，感覺又變完全無仝，雲氣現出紋理，袂輸蟬仔經絲，擱成棉絲仔糖，立體若在眼前。

看煞M42，翻頭看小觀音山彼葩電火毋知啥物時陣已經熄去，九點捅，石頭的oo-tóo-bái嘛到停車場矣。我將望眼鏡轉向北斗七星，準備繼續星系的漫遊。

先位離天樞星大約10度的M81佮M82，現此時拄好佇正北爿。今暝的透明度無拜五好，感覺夜空有一沿薄縭絲的水氣，毋擱欲看著這2个星系無問題，佇XW40目鏡、60倍的視野內拄好會使同時看著in，其中較小的彼粒是M42，看起來略仔成扁豆仔，伊的中央有淡薄仔缺角，東爿較光，毋擱光度無講蓋平均。M82加大箍誠濟，但是透明度無好的情況下干焦星系中心明顯。

閱讀完整文章 Read more -->

春天的星系漫遊 I

2025-03-30T19:57:00.007+08:00

3/21

春天的暗暝，北斗七星早早著peh起去小觀音山的山尾溜，位北斗星／大熊座開始，向南經過獵狗座、（Berenice的）頭鬃座、獅仔座、室女座、烏鴉座到半人馬座為止，一條差不多三十度闊，自北迵到南爿的夜空範圍，星系揢到插插插。佇鞍部天清的暗暝，你若是用8"的望遠鏡，至少會使看著其中幾若十粒光度較光的星系，自北到南一粒一粒寬寬仔欣賞，袂輸春天佇河津川的步岸散步欣賞櫻花，誠是美不勝收。

我共按北斗星開始的這逝眼視觀星路線號做春天的星系走健。

曷若是共這逝星系步岸向北斗星的北爿延伸，佮秋冬的玉夫座、天爐座、波江座內面的彼寡星系連做伙，這歸大逝的星系會當用8‘’鏡佇鞍部看著的就攏總至少有100个以上（個人目前佇鞍部眼視素描的記錄）。

我定定佇腦海內思想這條星系集倚的款勢，敢若看會著彼个大尺度的結構一包含咱的銀河系所屬的室女座超星系團 (Virgo Supercluster)[1]。好比旋藤的kazura，湠延一億光年。

下-昏暗的天氣誠好，山頂雖然溫度無到十度，不而過無啥風，所以並袂真寒，我特別紮我的Takahashi µ-210 起來鞍部，著是想欲溫習夜空中的這逝星系步岸，另外就是想欲用8" 鏡看有法度看著前幾工佇"Galaxy fromation" 這本册頂看著的兩个超級大龐的橢圓星系一 NGC 4874 佮NGC 4889 無？

In 的位置佇離咱有3億外光年的頭鬃座超星系團 (Coma Supercluster)的中央，雖然離遐遠，毋擱因為這兩粒星系中央誠光（無怪in 有另外一種稱呼號做central dominant galaxies），加上in的星等有12等，算不止仔光，所以真有機會透過8"望遠鏡親目看著。

七點捅到停車場，星友文正早已經tshāi好伊彼隻S50 智慧望眼鏡佇走另類的Messier 寫真馬拉松，著是拍算佇一暗的時間以內將110个Messier 天體翕起來，因為這寡天體佇天頂分佈的位置的特性，一年當中干焦佇春分前後這段期間有法度佇一暗內看著全部。毋擱因為鞍部的東西爿kē 的所在攏有遮閘 (也是遮光害較小的原因)，所以出日前佮日頭落山後彼陣子佇地平附近的天體就看袂著，欲共全部 Messier 天體 hôo起來誠困難。

我共赤道儀、望遠鏡組立起來，對好極軸了後先泡一碗麻油雞泡麵來食，看夜色猶未全暗，先將望遠鏡對準北斗七星的戽杓尾附近的M51 星系觀察。其實普通時咱講的M51實在包括2个星系，M51捲螺仔旋星系佮佇伊北爿邊，袂輸予M51上外面的旋股牽著的，細粒誠濟的NGC 5194星系，相片看起來親像一隻露螺。毋擱透過望遠鏡用目睭看的無仝，愛佇無光害的所在才有可能看著in彼逝互相干涉的旋股。

九點捅，鞍部西爿、大屯山頂的Orion 佮冬天大三角

北爿的大、小熊座真明顯

今仔的seeing 佮透明度攏真讚，將望眼鏡的視野徒去M51的所在連鞭就看著兩个足光的星系仁，共孜孜相一睏仔，目睭習慣暗度了後，略略仔看會出位M51星系仁向東向伸出的1節旋股，使用averted vision的技巧(一種斜目看的技術)，另外伊倚NGC 5194彼爿，看會出佇2个星系中間有一段旋股，殕殕仔若有若無。

閱讀完整文章 Read more -->

焦冷氣團𤆬來的好天氣

2024-12-09T23:35:00.037+08:00

2024/12/09 初稿

(1) 冬天星座之王一獵戶(la̍h-hōo) 奧里尪(Orion )

鞍部東爿山崙仔頂的冬季銀河、獵戶座 hām 金牛座。佇金牛的牛角跤兜仔彼粒足光的星是木星。

Pentax K5 (full spectrum mod.) , 685nm IR-cut, Samyang 16mm , 1min x 30 攏總曝光30分鐘

11月27 拜三

這波通過台灣的高壓氣團焦冷，帶來連紲幾偌工的好天。拜三本來無拍算上山，不而過倚暗時看天氣實在傷好，無去看星拍損，毋閣臨時臨曜，若欲攢重兵器攢到齊去到面頂百面已經七晏八晏，就按呢我干焦輕裝紮相機起去翕廣角的天星帶地景。

山頂已有冬天的感覺矣，今暗袂記得戴手套，騎車來的時手指頭仔真凍。

本底今仔星友 Freeman 嘛欲起來鞍部，毋閣伊臨時愛加班，所以明日才會來。所以今眠干焦我孤一人享受滿天的天星。

實在講，進前十外年鞍部見擺好天的星夜定定嘛有只我一人做見證，雖然有時略略仔感覺希微，毋閣咱人佇曠闊的宇宙中凡勢註定就是愛孤獨的，孤獨是存在的必然，孤獨是意識的必然，孤獨是思考的必要，孤獨是創作的必要。

毋閣若共聊聊仔漂對外太空的元神搝轉來，星夜却亦是鬧熱滾滾--的，天星點點光映映，是樹頂近到伸手著挽會落來的果子，干焦我一人孝孤，四箍圍仔貓頭鳥佮杜猴的叫聲是田園交響曲，干焦我一人聽會著，誠實奢華。

立冬過了後每暗差不多九點跤兜奥里尪著已經升起來仿鞍部東爿的山崙仔頂矣，伊的腰帶排一列的三粒星特別好認。獵戶有一片誠大片的分子雲，遐是星胚仔的大產房，佇腰帶下跤無偌 hn̄g 的所在，有一搭用目睭著看會著的光跡(jiah)，彼著是獵戶座星雲(sing-hûn) M42，量其約離咱有一千五百光年，伊發出的光主要是分子雲予拄出世無偌久的少年星 (OB星) 所炤光，以及予 in 的高溫電離所致的螢光。若使用8"望眼鏡觀察，量其約50倍著有法度看著伊親像一隻展翅的火鳥的一部份外形，若用 300倍跤兜看就敢若親身坐份航行中的太空船向窗仔外透看，雲氣嶄然仔立體 [1]。

聽候獵戶完全昇起來了後，我共冬季銀河墘的金牛座與獵戶座掠入相機的視野，1張1分鐘曝光30外張，翕煞才十點外仔，下山閣會赴食宵夜。

(2) Drift 方法校正赤道儀極軸。Andromeda。

Andromeda 星系（sing-hē）M31

Pentax 75SDHF +0.72x Reducer
Pentax K5 (full spectrum mod.) + Astronomik L3_UV/Ir-cut 曝光一點鐘加Pentax K3II 曝光二點鐘

11月28 拜四

中晝過看天頂非常清氣，是真飽滇鮮沢的紺色。我隨佇 line 建立活動招星友下暗鬥陣起去鞍部觀星。按算今暝欲用望眼鏡翕獵戶座大星雲(M42)佮仙女座星系(M31)。

我紮來的赤道儀是日本製的Pentax MS-3 [2]，大約是佇1991年至2000年之間的古董，斯當時的Pentax 天文設備毋管是外形抑是品質攏是無地嫌的jió-toh，就算是現此時佮市面的產品比起來猶原是佇頭前班袂落氣--的，不而過因為這台赤道儀干焦赤經軸有馬達，無法度利用我後頭買的MGENII 電子導星器來指揮雙軸馬達修正追蹤的偏差，干焦會使進行單軸的赤經軸 guiding 。因為這个緣故，若是欲載望遠鏡來翕相，著愛先將赤道儀對天球的極軸對予一必一中。若無，長時間的曝光的影像頂面的天星就袂保持是圓點。

Drift 方法是校正極軸的傳統技術，不而過往過是干焦有目睭通好掠算偏移量，現此時MGENII有支援Drift 的測量，變作非常的方便，佮較早比起來是天差地的差別。

閱讀完整文章 Read more -->

逐長尾星（二）大屯山

2024-11-02T21:11:00.006+08:00

整理中

2024/11/2 初稿

＊本篇為漢羅台文。（本篇統一以“的”替代“ê”）

**2024/10/18

ATLAS 長尾星 2.8~3.5等 (S-O-T 38.5度)

大屯山主峰

PM 7:33

Pentax K3II+FA77

Pentax K5+FA31

Pentax K5+FA31(46mm)

下晡三點外阮著到大屯山鞍部，位遮的登山口開始 peh 主峰較近，(若位二子坪遐行車道是加箍一輪，不而過暗時行車道較安全)。自遮peh 到頂仔才升二百外公尺懸，揹十迵公斤的設備teh peh 石級仔並無感覺會忝。

拄開始石級仔兩爿是密喌喌比人懸的劍竹（kiàm-tik），路彎來斡去，干焦看會著一線天，愛行倚三分之一才會看會著山頭，這改阮peh 一段路著行去接車道，車道闊，風吹了較涼，雙爿路邊攏是白蔥蔥的菅芒，日頭有時現現連鞭著覕佇雲內，雺霧一層一層，我臆阮已經行入雲裡。

掠準台北明仔載開始欲變天矣，我佮大漢囝Eric 約今仔來peh 大屯山主峰翕長尾星。其實，這個月到今(tann)攏無真正適合觀星的好天氣，只是因為本來就計劃欲peh 大屯山翕長尾，而且翕長尾星是有時間性的。食晝完我著開始準備欲揹去山頂的設備，前幾工佇大直翕干焦用著1台相機，這逝我按算欲用三台相機，因為Eric伊講伊嘛欲翕看覓(māi)，所以其中1台隨身機仔規氣予伊操作，我專心顧二隻著好，才袂無閒起來掠龜走鱉，擱紮2組三跤馬佮雲台，行動電源、二條快門線、除霧帶……哩哩扣扣連登山背包（ting-san puè-pau）加起來差不多十公斤。

到主峰觀景台時猶早，習慣性先將器材組立起來等，大略仔教Eric 相機的操作佮參數設定，著予伊家己去試耍。雺霧猶是真大，毋擱無落雨著有機會，阮拍算欲等到七點。

草山的菅芒當佇開花，規山坪齊是，白花摻有紅穗真特別，聽講草山的芒花會紅是因為規年迵天硫磺氣佇薰，除了白背芒，硫磺正是草山另外1个特殊的景色。

論真講，四百年前，1626年來台灣的西班牙人著捌有寫日記講蹛佇大屯山跤的北投社、Pantao、淡水社(凱達格蘭族部落) 攏有佇生產硫磺。

幾十年後，佇1697年清國人郁永河趁著機會渡過黑水溝嘛來台灣北投採硫磺轉欲去做火藥，伊寫的日記就號作《採硫日記》(嘛叫作《裨海紀遊》)，內底有寫著「麻少翁、內北投在磺山左右，毒氣蒸鬱，觸鼻昏悶……」。伊到北投看著大屯山的景色時留下「丹山草欲燃」的詩句，可能是形容予硫氣薰紅色的菅芒，也有能是指透早抑是黃昏日頭炤佇規山的芒草的景色。

講到遮，若斟酌共看，予照著的花因為日光的色溫變成黃金色，若火佇燒，若無予日頭炤著的芒花就像白雪點點崁佇山頭，是二種無仝毋擱會鬥陣出現、誠媠的景色。

看時間這馬應該是差不多日頭欲落海的時間矣，但是雲擱共太陽閘牢牢，親像挑工欲創治咱，山雺不時位面天山、西峰前，薄薄仔，是阿娘仔交落的一條絲巾仔予風向北爿吹過。

佇阮腳踏的這个觀景台的下面是大屯坪，伊佮面天山之間有1條面天古路，向北會使通到二子坪、巴拉卡公路，向南是落去到北投清天宮，在Eric 細漢的時我就捌伊位清天宮彼爿行起來二子坪，歸路攏有樹蔭，囝仔peh 起來嘛袂喝忝，真適合親子運動。路上面天坪附近有一个古早石厝的遺跡，管理處捌倩考古專家去挖掘、做碳十四測量，發現遐有二个不仝年代的文化層，1个佇2000年前左右(植物園文化、圓山文化彼跤兜)，1个是近代，二、三百前的平埔族至漢人時代之間。

這結果表示佇足早進前著有人蹛佇大屯坪。無的確某位尪姨（半滾耍笑的，毋擱"北投"這个詞正是位平埔族巴賽語Kipataw來的，是“女巫”的意思，嘛有一講是“施法”的意思）捌好玄peh-起來徛佇遮山頂眺望，或者將裊裊硫氣當作妖氣對伊做法。hiang-時的人看出去的山景佮這馬可能差不多，只是山跤時景就完全無仝，四箍圍仔攏有鹿仔teh 走的草埔、樹林仔，淡水河頂有蟒甲船佇行，大屯山跤、淡水、基隆河北墘平埔族幾十社，南爿可能捌是一个大湖。亦無的確二千外年前著有平埔族來到遮(台灣輸血醫學之母林媽利捌透過DNA研究，伊認為差不多四千五百前開始平埔族著陸續來到台灣)。甚至擱較早，欲倚五千五百年前的大坌坑文化的人嘛可能佇遮看過仝款菅芒的景色，因為大屯火山的活動大約仔佇20萬年前著結束，開始休眠矣。五千五百年前位大屯山跤到淡水海岸攏有誠濟大坌坑文化的部落，我讀過劉益昌的《芝山岩遺址與臺北史前》[1]，冊內有一張地圖標出大屯山火山群四箍輾轉位東北至南爿、沿淡水海岸到基隆河以北的角勢，攏有新石器時代大坌坑文化遺址，密密是的點我到今印象猶誠深刻。

閱讀完整文章 Read more -->

逐長尾星（一）大直篇

2024-10-30T00:19:00.012+08:00

＊本篇為漢羅台文。（華語簡介見文末）

一、計畫二、大直橋之一三、大直橋之二四、美堤碼頭

2024/10/29初稿

一、計劃

自舊年這粒長尾星予人發現而且估計今年上接近地球的時陣光度差不多會到2等甚至以上，不止仔光，自彼陣我著開始参考NASA JPL 計算的軌道佮光度的曲線，安排今年上適合翕這粒長尾星的日子。
因為已經有過去翕長尾星的經驗，按算 copy 頂1擺翕Neowise 的計劃，這兩粒的路徑佮光度差無偌濟，檢采尾溜的長度也差不多，若按呢至少一支鏡頭的焦長(tsiau tn̂g) 一定愛比116 mi-li（mm）擱較短，因為頂遍用K3II 相機加 FA77鏡頭 (等於全幅相機的 116 mi-li) 翕 Neowise 時的尾溜長度已經超出相片的範圍，誠有可能 ATLAS(C/2023 A3 ,Tsuchinshan–ATLAS) 這粒亦仝款，所以這改拍算 FA31(等效 46 mi-li) 佮FA43(65mi-li) 鏡頭攏用會著，毋但翕地景加長尾星的固定曝光，亦愛負責用短曝累積成長時間的曝光的長尾星特寫。

2020年的 Neowise 長尾星

另外 1个原則著是長尾星接近日頭、較光的彼站仔（但是避開伊佇日頭邊仔、上光但嘛是受日頭光影響上嚴重彼幾工) 是以帶風景的長尾星景寫真為主，仝款選擇以大直佮草山為景，因為我個人自耍天文寫真以來著按算著愛佮自己生活的土地、有感情的所在作連結，無愛四界趖。
等到ATLAS 變黯至四、五等以下，彼陣伊離太陽的角度就誠大，若佇鞍部翕伊，伊的懸度己經夠翕半點鐘以上袂去予大屯山閘著，彼陣才用赤道儀載望眼鏡(500 mi-li) 來翕長尾星的頭節特寫。

（有關我過去佇草山翕長尾星的經驗，我舊年捌佇天文館演講分享過，我嘛有整理1篇文章囥佇我的 blog）

二、大直橋之一

10/13

長尾星光度大約是1.9 等，離太陽的角度(S-O-T) 有18.7度。

大直橋。

下昏 6:24。

Pentax k3II+FA31

ATLAS 長尾星佮圓山仔飯店

長尾星 ATLAS 是位太陽的西爿接近、踅過，位伊的東爿離開，當當(tng-tong) 伊佇西爿偎近太陽時，伊會比日頭較早出來，若欲翕伊著愛佇半暝、日出進前去地平線附近無予遮閘的所在，因為伊出現無偌久連鞭著會消失佇貓霧仔光之中。

前站仔台北的天氣誠bai2 ，而且長尾星猶佇太陽西爿，看觀測條件比咱較好的國外翕的拍敨仔光內的 ATLAS佮 Neowise 外形差不多，就按呢我著誠貧惰為著翕ATLAS 專工半眠起床爬去山頂跋氣運。

這幾工伊已經踅來到日頭的東爿，開始會出現佇西方的暮色當中，綴日頭尻川後落山，角度一工懸過一工，免半眠爬去山頂抑是海墘剾風矣。

今仔天氣有較好淡薄仔，雖罔雲嘛是袂少，毋擱參 Neowise 差不多光度的這種大粒長尾星，因為有夠光，只要無落雨，雲有閬縫，wan-na 有機會看/翕著伊的身影，所以過晝欲倚五點進前我著攢好相機佮三跤馬，慢慢行到大直橋頂，tshāi 好相機等日頭落山，看彩霞順紲罔等長尾星。

自舊年老早我著先查好星圖，確定 ATLAS落山的經度/位置佮日頭差不多，所以位大直橋頂向西爿相過去是我計劃欲翕个長尾星風景之一--黃昏中的 ATLAS 佮圓山仔飯店--的所在，因為佇大直橋頂中央有誠好的視野，尤其西爿，概約仔2度以上攏袂去予閘著。這是平常時我散步去大直橋看夕陽，或者去駁岸邊走標所得著的經驗。

日頭當欲藏入西爿的地平時速度不止仔緊，天頂雲尪的色緻嘛綴-le 變化，位黄色轉柑仔色，日頭消失後天邊雲彩連鞭著紅貢貢，袂輪調色盤頂有人一直摻入色料擱 huê-來 huê-去。北爿雲已經散一半，現出紺色的天，看會著長尾星的希望真懸，只要天公伯仔鬥相共，予南爿的雲尪莫(mài) 擱倚來。

好佳哉，雲尪無振動，佇按算翕長尾星會現身的時陣(日頭佇地平以下差不多有十度的時陣)，伊所在的天區無雲，這時天頂先現出兩粒星，金星佇伊的南爿，大角佇北爿，當好作參考，ATLAS 著佇 in 2粒星的中間、較低的位置，用相機真簡單著翕著伊，紲落去我著切去自動快門予伊加翕幾張。離我幾步的所在有人攑長鏡頭嘛欲翕長尾星，毋擱伊个app 一直指示伊向大角星彼爿揣，伊煞一直揣無，我便予彼知影我相機的方向，終其尾伊嘛順利翕著。

欲轉去厝的時我順紲到市場口的米粉攤，吃米粉湯配1盤青菜佮1塊(tè) 豆乾糋，吃袂siān 的好滋味因為頭拄仔有翕著長尾星感覺愈芳。

閱讀完整文章 Read more -->

秋夜觀星 (2)秋天的銀河

2024-09-26T00:03:00.016+08:00

秋夜觀星 (2)秋天的銀河

DA10-17@10 F3.5 ISO1600
Pentax K3II ASTROTRACER 190秒孤張
原圖地景HDR處理

9/1

Ehng-暗我又擱來鞍部，雖罔嘛有紮望眼鏡，毋擱今旦主要是欲起來翕秋天的銀河。

鞍部會使翕銀河這點我是敢拍胸坎掛保證，加講--ê，因為我已經佇遮翕十外冬矣（笑），毋擱佇遮嘛會當用目睭看著銀河，可能較少人知影。

若欲佇遮看著銀河，除了愛知影銀河昇起來的時間(現代手機仔的星圖誠方便，會當查任何日子、時間ê星天)這个基本的常識，嘛要會曉看季節，因為地球ná自轉ná踅太陽公轉，而且公轉平面佮銀河的平面 uān-nā 有1个角度，就按呢四季看著的銀河毋旦無仝向，伊升起來的時間佮角度嘛無仝。另外，著是要熟識鞍部的光害特徵。

像今夜，正正著時，透明度也誠好，倚翻點的天頂的 SQM暗度差不多到 20矣，銀河盤面已經反對天頂往北爿去矣，遐正是草山光污染上低的天區，攑頭影著淺淺仔的秋季銀河自東北伐過天頂到西爿流落瀉去大屯山⋯⋯慢且，應該反過來講，是自大屯山流入小觀音山。薄薄仔經絲的 1逝銀河。

比起熱人的銀河（我敢講有誠大部份的人講著銀河時心內想著的干焦是天蠍附近這段），秋冬的銀河更加投我的緣，雖罔無熱人的銀河彼樣向人馬座方向看起遐爾光爍爍，像1位明星吸引眾人目神。秋天的銀河生作無仝，伊佮這个季節嶄然密合，予人感覺清涼心爽，佮熱天的銀河袂輸是性地完全對反的 2个兄弟(姊妹)，像節氣。

銀河生作無仝，彼是因為咱佇地球，佇銀河系的所在位置看出去的方向變化的關係。

咱的銀河系是1个 SB星系 (Barred spiral galaxy) ，'bar' 是講佇星系中央有足濟天星khêh 到密喌喌，敢若1支棍仔。銀河系的 bar 的中央有1个袂輸膨疱的 phok 出來的 1球，號作 'bulge'，遐著是銀河系的中心。

閱讀完整文章 Read more -->

秋夜觀星 (1)眼視的宇宙(ú-tiū)

2024-09-15T00:19:00.023+08:00

秋夜觀星(tshinn)

(1)

8/31

看氣象預報，雖罔meteblue 表示 ehng-暗(下昏暗) 鞍部會有薄薄的低雲，不而過根據過去十幾冬佇頂仔觀星的經驗，秋冬的季節，若彼个雲懸度的預報圖共雲層繪佇差不多700至1000公尺的跤兜(彼个圖的格仔真粗)（鞍部海拔828公尺），著有誠大的機會到時陣會沉落去800公尺以下，因為鞍部的海拔是828公尺，所以頂頭天清星彩的機率誠懸。

下晡，攑頭望向草山方向，除了有1寡仔雲猶袂散，天氣大概仔袂䆀。開始順序準備觀星的器材，因為攏已經模組化，所以真緊著攢好勢。共 ehng-晚欲使用的望遠鏡Takahashi FC-76收入攜行皮箱，將赤道儀 Pentax MS-3 本體佮配重先囥入去機車後斗，紲落位電子防潮箱內揀幾粒適合的目鏡到塑膠盒仔內。

猶擱有，頭燈愛紮會使切去紅光的(因為紅光是佇黑暗中較袂刺激眼睛的波長，黑暗中人的目睭對這个波段較無敏感[1])，若人的目睭去予強光刺激到，欲擱再恢復到會當在佇黑暗中看見上暗的目標的能力，著擱等二、三十分鐘矣(這个習慣黑暗的過程叫作人眼的 dark adaptation [2])。

最後，為著ehng 暗計劃欲看的，佇翻點前後佇天頂附近的天鵝座目標，我挑工佇出門前擱在FC-76 的遮光罩仔頂戮空 thap-牙，共QuickFinder 揣星器鎖起哩。擱加上我進前買的，保護跤頭趺的厚的墊仔加持，按呢我著可以揣天頂的目標袂去tsuāinn 著頷頸脖，跪咧虔誠瞻仰（笑）。

拄到鞍部的時，高空的雲層猶未散了，我代先對好極軸，據在赤道儀家己佇遐紡，先來泡一碗泡糜食看覓，我第一擺食這種佮泡麵相像，會使直接用滾水泡的糜，啖一喙感覺誠讚（後改我欲買豬骨口味的紮來）。

大約仔是九點時，雲攏散矣，夜空诚清氣，透明度佮視寧度攏袂䆀，嘿!今夜無月娘來插花仔。

因為星況所賜，我雖罔干焦使用7.6 cent 的細支折射鏡，佮LP2(OIII+Hb)濾鏡鬥搭眼視觀測，嘛完全無困難的辨識出幾个我過去捌認為著愛用10 cent 以上的口徑才會當佇遮（鞍部，光污染等級Bortle 5）看會著的星雲。

啞鈴（à-lêng）星雲(M27) 誠光，用60倍時完全免用著濾鏡就看會出來。伊的大小（直徑）大約有3光年，離咱地球有1400光年。用目睭看煞、素描繪好，我嘛用手機仔轉接去目鏡頂面，用10秒翕出啞鈴星雲的美麗身影。

頂回觀測過的環狀星雲(M57，嘛號作手指星雲)也是離地球差不多欲1400光年，但是伊的直徑著加細真濟，量其約干焦0.6光年，所以目睭欲觀察著愛使用較懸的倍率，才較好欣賞。

閱讀完整文章 Read more -->

鷄南山(一)

2024-09-02T22:11:00.019+08:00

欲按通北街peh 起去鷄南山，平常時我會挑工行經過實踐大學ê校園(hāu-hn̂g )內。實踐大學細細間仔，但是每遍佇內面散步攏會感受著這間設計學校ê活力，不時會看四界囥ê學生ê宿題作品，有時我嘛會專工行入來看 in ê畢業展覽。

行過排彎族ê石板厝，資源教室外口有幾欉梅花，每冬，大約仔佇大寒了後 in 著會大開，牛奶白牛奶白ê花蕊像笑粉ê阿娘仔ê面遐爾媠，時到蹛附近ê人嘛會走來賞花翕相。

梅花欉後是校園內我上佮意e建築--圖資大樓，佮伊對面ê體育館。

2棟仝是素雅大方ê清水模控固力(khōng-ku-lí)大樓，但無仝ê用途，設計嘛無仝，毋擱攏是四四方方，大量ê網格、大玻璃窗仔，挑懸ê亭仔跤、穿堂，創造予人感覺透明、流動ê公共空間，袂輸是位塗跤生出來、躘懸--ê自然。in 對起好使用到這馬也十五冬啊(姚仁喜設計，2009完工)，外型嘛袂退流行，看起來仝款足有現代感，外牆嘛維持了真好，無外口ê一般徛家大樓久來定定有，落了雨敢若流湯ê垃儳水ê烏跡。應該伊厝尾頂排水有做特別ê設計，著像資源教室頭前彼堵清水模ê壁頂ê洩水溝。

隔一片草埔，這兩楝清水建築坐佇龍、虎爿對看袂輸是鐘樓佮鼓樓，北爿無外遠ê所在著是翠青ê雞南山，這兩棟建築恬恬無聲，好比2位禪師對坐。

草埔是親子活動ê好所在，爸母𤆬囡仔來予 in 佇草埔頂走耍，有時亦有教練佇遮教囡仔踢跤球。草埔邊有一排東西向ê多邊形ê採光井，彼是予地下室採光ê天窗，袂輸1座1座ê小島，小島邊有一條柴枋敆起來ê路橋，我teh 想若毋是學校，無定著建築師會共這片草坪換作一个水池（像嘛是伊設計ê農禪寺）。

佇草埔下跤，兩棟大樓ê地下室是相透ê，有教室、圖書館佮會議廳。若行入地下室，攑頭著會看著採光井，日時自然光位無仝形ê天窗掖落來，光線隨日頭ê角度變化，閣予米白ê石地板反射，空間充滿温柔溫暖ê光線，我Romantic 共想，若下暗時攑一隻䖙椅踮遮䖙咧看星，彼星垣這點鐘佇這格，後1點鐘著徙去彼格，無仝季節ê星天亦會無仝，敢若teh 搬電影，時間ê走馬燈，建築師真正是自然光ê導演。

我行過懸擱闊ê體育館一樓中庭，位西出口行出學校，位遮直行著會接去通北街145巷。只要沿山邊點馬膠路行著會行到劍潭山步道ê入口。

今仔日我無欲行山邊，我行下跤ê 31巷彼條自家用無法度過ê小巷仔。巷仔口踦家ê後尾ê水池邊有1欉金鳳花開到誠茂，風來弄伊，像歸陣ê蝴蝶翅仔颺來颺去，in 是穿有黃 lè-sìre ê貢貢紅絨布衫ê媠姑娘。遐後埕中央 tshāi 1隻予囡仔耍ê 塑膠 ê sir-bé-lí-lái(溜滑梯)，毋閣這後院1年迵天我猶毋捌看過有人，更加免講 in兜ê囡仔。佇溜梯南爿牆跤囥兩个鉛線籠仔，敢是有飼鳥鴨？

繼續行落去，有幾戶使人懷念ê紅磚仔低厝照常出現眼前，in 嘛是我愛行這條巷仔ê因端之一。

in 厝尾頂已經是無紅瓦，攏崁鐵枋矣。因為幾十冬ê紅瓦免講毋是遮破遐破防水嘛早著無效啊，見若落大雨厝內著會落小雨漏水(阮較早古厝著是按呢)。欲作一擺解決，厝頂蓋白鐵仔枋是上有效佮省錢ê方法，我想這亦是按怎咱台灣ê「鐵皮屋」遐濟ê原因之一，認真講起來實在是 bô-ta-uâ (無奈何)。

踦佇牆仔外斟酌共相，正身無凹壽佮步口，內埕狹狹，和印象內細漢時阮舊店厝(遐早已經拆掉變重劃區起大樓矣)隔壁ê正身佮護龍比起來遮細間足濟，平常時嘛罕見人 teh 行，今仔煞予我看著有囡仔佇遐嘩。

我想起阮囡仔時定定位人兜ê步口廊，佇正身護龍走來軁去覓相揣，正身前內埕誠闊，阮攏佇遐奕搧尪仔標、掔(khian)尪仔仙、彈金珠仔，佇塗跤繪格仔跳格仔……，定定嘛奕到日頭欲落山，傳來煎匙硞鼎仔挵到 khīng-khīng-khōng-khōng ê 煮菜聲，攑頭燃柴煮飯ê白煙ê長蛇佇四界衝懸升天，炒肉臊ê味直直唌人，聽著厝內人teh 喝食飯才知影欲轉。

閱讀完整文章 Read more -->

自孔明ê將星講到「臺」佮「台」2字

2024-08-18T12:42:00.007+08:00

孔明ê將星

是講羅貫中佇伊ê小說《三國演義》中寫到孔明家己領1隊蜀軍來到五丈原，設局想欲唌渭北ê司馬懿出兵，毋閣硞硞等司馬懿攏無著吊，久來返倒是孔明ê舊病煞夯khài 昏倒，1暗伊帶病觀察星象，看1下煞誠驚惶，轉去共姜維講：「吾見三台星中，客星倍明，主星幽隱，相輔列曜，其光昏暗：天象如此，吾命可知！」伊知影家己ê陽壽恐驚是欲盡矣。

小說內所講ê這个“三台星”其實3組星，in 分別是上台、中台、下台，以咱今仔日所用ê西洋星座來解說逐家應該較清楚，in 著是北斗七星彼大隻熊(大熊座)ê 3个跤蹄仔。

但是到底孔明ê將星是這三組星ê叨1粒咧?

捌有人用古早ê命理、占星術(tsiàm-sin-su̍t)ê規則推斷，譬如上台二粒星是代表天子佮皇后，中台是代表諸侯、卿大夫，下台是士、庶民。所以孔明ê將星是中台上星(中台一)。

不而過咱斟酌看小說內寫ê故事，

「客星倍明，主星幽隱」講客星變成比過去閣較光有1倍以上，主星佇伊邊仔煞予人感覺真暗淡。若講羅貫中並無白賊，這款代誌是按怎有可能實際上發生咧?我想來想起，干焦有1个會當解釋ê方式。

閱讀完整文章 Read more -->

草山熱人的銀河，佮銀河影像處理的技術

2024-08-06T15:55:00.011+08:00

本文使用漢羅台文書寫。（Gimini 的華文譯文我放在後面）

8/4 (咱人七月初一)

下晡天氣誠好，朋友 Jeremy 傳 messenger teh 問有欲上山去翕星無，ia 閣阮兜準高中生捌共我提起伊考完試踮佇厝--的閒(îng)閒仔，欲缀我去看星 [頂1擺伊綴我看星是去七星山頂翕Neowise 大彗星(長尾星)時，彼是4年前的代誌矣(a)]。就按呢天倚欲黯時我著共家私攢攢--ê，招伊作夥來草山看星。

熱人的日頭誠長，七點捅到大屯山鞍部，天色閣ia 紺青仔紺青，我連鞭著共赤道儀(tshik-tō-gî)佮望眼鏡(bōng-gán-kiànn，也有人講“召鏡”，tiàu-kiànn) 組立起來，對好極軸（ki̍k-ti̍k）。紲落來閣等一睏仔，到欲倚8點彼跤兜仔天色才完全黯落下。無偌久Jemery 嘛到位矣。

我調整好揣星鏡，對準暗空，徙對離織女(Tsit-lú)無偌hn̄g 的環狀星雲（M57)，雖然

我紮的望眼鏡是 Takahashi FC-76，鏡面干焦7公分小的古董，但是下-昏暗 (ing-àm)的透明度袂䆀，二十倍就看會著伊，換較懸的倍數著看會出伊甜箍仔的外形，誠媠，干焦差佇咱人的目睭對足黯的色彩無敏感，看起來干焦白白殕殕。不而過咱想著這絲仔光線是按幾千光年外遐hn̄g 的所在飛過來，飛入我的目睭，我著感覺誠奧妙，誠珍貴。

等Jemery 的設備組好開始自動翕相，我便招伊佮準高中生鬥陣來用目睭欣賞遮的奧妙。

紲落去我閣揣佇人馬座茶鈷附近、銀河內的礁湖星雲(M8)，ia 有仝佇附近，目睭看敢若一支雞翅(看著 lo 腹肚枵矣) ê Omega 星雲（M7）予in 看，這2个星雲著無M57遐明顯，所以我有加掛濾鏡，無經驗ê人嘛是足簡單著看會出來。

差不多十點外，土星已經按東爿的山崙仔頂升起來不止--a 懸，用200倍看起土星干焦一粒仔囝niā，目鏡（bo̍k-kiànn）裡的土星（Thóo-tshinn）誠在攏袂幌(hàinn)，表示 Ing-àm 的視寧度（sī-lîng-tōo）也誠讚。因為這站仔土星的腹肚邊拄好向對地球，所以咱這馬看伊的環煞變一條線，敢若一枝竹籤，土星袂輸是予攕迵過的魚丸仔，真古錐，真心適。

相機tshāi起來，翕幾張a銀河(河溪)，銀河略略仔浮出來見人。欲翻點的時台北的電火光害攏黯落來矣。

閱讀完整文章 Read more -->

踅街買冊(2) 台灣e店，佮大稻埕台灣文化冊店大三角

2024-08-06T15:47:00.006+08:00

今年 [台灣e店] ê網路敢若一直被人用DoS攻擊，定定會拄著連袂起--li ê情況，不過拄著這種狀況你會使將網頁reload 幾遍，著會當入去啊，這是店ê 大姊嘛知ê鋩角。

今仔日下昏本來拍算欲去大橋頭食高麗菜飯，毋閣出門進前收著台灣e店ê email 講我訂ê 2本台語册已經來矣，所以我臨時改去公館。

我家己是較習慣讀印佇紙面ê文字，而且，我嘛愛指頭仔指翻册頁、手蹄罩佇紙面ê感覺。有ê紙較幼，摸起來袂輸是玉仔抑是huî-á 滑溜溜，也成嬰仔ê皮膚幼麵麵；若是較粗ê比如再生紙感覺著無仝，敢若佇行田岸路伸手挲過歸片ê稻草，或者是古厝土埆ê壁，若目睭闔闔，幽幽仔閣敢若鼻會著無仝ê味。就按呢，我ia 是愛讀實體ê册。

台灣文史ê册我攏是佇[台灣e店]這種專門佇推廣台灣文學、文化ê獨立書店買（ia-有現流册店、奎府聚、郭怡美……），因為台灣文史ê市場目前猶算小（各位無看--ê 前一陣仔台灣第一間台灣文學系---真理大學台灣文學系講欲停招學生矣?)，所以這寡書店in 有熱情佮勇氣，毋驚軟市，毋是以銷量決定欲賣啥物，決心 teh 推廣本土文化，咱合該然著用(īng)新臺票佮大力幫贊。

大稻埕台灣文化冊店大三角

這3間以佇迪化街ê心臟-中街上ê百年歷史街屋郭怡美册店為頂點，佮其他2間拄好正正框成一个等腰三角形。另外2間是佇大稻埕南爿，捷運中山站邊仔赤峰街ê奎府聚册店，佮捷運大橋頭站北爿，民權國中後壁巷仔內ê現流册店。這3間册店佮台灣e店、三民復北是我較捷去交關--ê。(三民復北有設“台灣文學”、“台灣史”專櫃，誠大範，袂像誠品干焦有“現代中文創作”、“台灣研究”遐龜龜鱉鱉) 。

佇網路抑是別位看著想欲買ê台灣文史ê册，我也定定選擇共這幾間册店訂（你若無趕時間欲挃，我嘛建議逐位共你支持ê獨立書店訂書）。

郭怡美書店是一間日本時代(1922年起--e ) 2進3樓懸ê牌樓厝整修--ê，有真媠ê Baroque style ê徛面，厝內隔間大概仔維持佮古早仝款，四界攏是木材ê裝潢誠雅緻，映著光色，有番仔油灯相-siāng ê温暖。一進一樓架仔頂展示ê攏台灣文化相關ê册，台語ê册雖然無像台灣e店遐濟，毋閣嘛有十外本現現，2樓ê主題是世界，3樓是囥藝術ê册，頂頭閣有一間半樓仔，是文藝展覽ê所在。

閱讀完整文章 Read more -->

尋訪台北的四個惜字亭

2024-06-30T17:19:00.005+08:00

文字與照片待整理

閱讀完整文章 Read more -->

我讀胡長松《幻影號的奇航》

2024-05-12T17:47:00.022+08:00

（無透露劇情）

《幻影號的奇航》這本小說的上頭前有宋澤萊用華語寫的導讀（tō-tha̍k) ，也有胡長松台語的踏話頭，在我看來宋澤萊的導讀主要應該是為著罕得接觸現代小說的台語讀者所寫的，因為這本小說處理的題材非常現代，敘事的結構也是誠現代，毋閣對已經有讀過現代華語小說的台語讀者來講，個人建議直接讀正文，先跳過頭前兩位的介紹，因為宋澤萊的介紹已經透露超過一半的劇情，胡長松的踏話頭也講出家己寫這本小說的背景佮主旨，會使講踏話頭講的是伊寫這篇小說時所設定的，美國敘事學者Chatman 定義（1978）的，小說的彼位「隱含作者（implied author）」。你若是先讀姻兩位的介紹，第一會破壞著家己綴著故事的人物作陣冒險，以及享受警察辦案的推理佮臆謎猜的快樂 (因為你已經知影大部份的劇情)，而且因為你可能會強迫家己去符合彼位隱含作者所要求的讀者，干焦注意這本小說的社會功能性，煞對文本本身精彩的敘事結構等等文學技巧佮台語文、漢羅的使用的技術失覺察。

建議讀完小說若有無了解的所在抑是有興趣才閣斡返來讀頭前的導讀。

《幻影號的奇航》(紲落來攏以《幻》來代替稱呼) 有兩逝(tsuā)故事線並行，發生佇兩个無仝的故事空間(story space)，一个是坐船位台灣出發前往日本長崎的海上，一个佇陸地(高雄)。

佇海上的是一个刺激的冒險故事，是主角吳昭陽回想已經發生的一層代誌。小說一開始的「一直到今，我猶是無法度理解彼片海域的全部奧妙。」就（tō）是佇咧宣佈，伊是「倒敘」，是咧講過去的代誌，是「回顧性敘述」，講故事時的話語空間（discourse space)，抑就是佇佗位講故事，佮彼當陣故事發生的所在無仝。

這位以第一人稱敘述(sū-su̍t)的敘述者是咱一般所講的故事外敘述者（extradiegetic narrator ），佮佇故事進行中的彼位「我」(過去的我) 也是無仝的聚焦者(tsū-tsiau-tsiá)(雖然攏是吳昭陽)。

雖然這个外部敘述者知影的代誌絕對比所有個別的角色人物猶(iah)多，毋閣小說的敘述者採用故事中主角吳昭陽的體驗視角(sī-kak)，以角色作為講話的聚焦者，干焦(kan-na) 有法度進入主角「我」-吳昭陽一人的內心世界（有限視角)，若劇情需要予主角（佮讀者）知影麗雲抑是文野辰雄的過去，嘛是透過角色在故事中回想、講出，由體驗者的彼位「我」使用直接引述(ín-su̍t)（有引號「」的引述），或者是間接(kàn-tsiap)引述（“xx講，”）的方式，若較長的回想就用自由間接引述(free indirect speech)，譬如第125頁對「有幾落冬，麗雲怹姊弟仔佇幾个阿叔的厝之間盤徙……」開始一直到130頁「嘛是這个幸福感，予畫中女子的面愈看愈迷人……」為止，這五頁的敘事攏是自由間接引述，是接續頭前麗雲咧講伊的身世的話，只是改予故事中的「我」(吳昭陽) 來轉述（若毋是按呢，這五頁的敘述者只有可能是彼位外部敘述者「我」，毋是故事的體驗者「我」的轉述。親像 183頁至186頁，文野辰雄佮船長行出醫務室之後的對話，敘述者進入了文野辰雄的內心。遮就無像是主角的轉述，較像外部敘述者使用了全知視角--無所不知的天公伯的視角)。除了頂面講的文野辰雄彼段，《幻》大概上維持嚴格的有限視角，用這種自我約束的講故事的方式來保持故事的神秘感，製造懸念(hiân-liām)，這是這本小說成功的一个所在，作者並無藉自由間接引述的曖昧特性強加入家己對敏感議題的議論（或者講藏了真好），讀者必須要佮小說的角色做夥探索未知的世界，解謎，一直到故事的尾溜才有法度鬥出故事的全貌，去理解小說的宗旨。

親像按呢，敘事者佇回想的故事中以彼當時的主角家己的話進一步去講別人的回想，這種佇真實時空中無可能發生的代誌，佇文學創作或者戲劇的表現上卻是時常會使看到，譬如我頂禮拜去大浪泵保安宮看家姓戲，秀琴歌劇團搬的歌仔戲《府城的飯桌仔》(足好看的一齣戲)，當三个無仝年紀的林千鶴作夥出現佇戲台上的回憶的一幕，除了誠實夢幻，也予人一種人生只不過是目一下 '目聶'(nih)爾爾(niā)的時間的壓縮感。

《幻》另外彼條佇陸地的故事線的寫法佮海洋主線無仝，這條是以第三人稱的有限視角的敘述方式，是警察所寫的手摺簿仔，小說雖然無明講是啥人寫的，毋閣位內文推測應該是主角吳昭陽的辦案記錄（毋閣是毋是攏無要緊），記錄的是開船公司的猴忠仔的昏迷事件的調查進度，包括厝邊頭尾各種傳言。案件發生的時間咧主角吳昭陽上船進前，不而過因為作者採用兩逝(tsuā)故事並行，交叉敘述，而且留了兩筆記錄是佇咧海上事件發生了後，囥佇小說的上尾仔，彼時才知影這層意外的真相，讀者嘛是愛讀到遮才會完全掌握這層案件佮另外彼逝故事線的關係。

《幻》充滿誠濟唌人的元素，包括：外觀仿十八世紀的荷蘭商船、親像百慕達三角洲的敢若有蟲洞(thiông-tōng)出入口的神秘所在，綴佇船後、袂輸鬼仔火的奇怪燈火、荒島探險、海上走相逐、佮海賊的槍戰、各路人馬相爭的藏寶圖佮珍貴藝品、跨國的地下組織、間諜（kàn-tia̍p）佮黑道滲透（siàm-thàu）暗殺、警察辦案的推理、神秘的科技、宗教的衝突、魔幻寫實的紅蛇、英雄美女愛情故事…………等等，袂輸百花齊放，美不勝收(bí-put-sìng-siu)。讀起來淡薄仔有《金銀島》的趣味，也有《國家寶藏》的氣氛。除了這寡元素以外，故事也引入台灣（佮日本、中國）近代的歷史，虛實（hu-si̍t）透濫，實在的歷史譬如：島原之亂是真實歷史；小說內有關陳小崖《外紀》的描述是真的，袂少册佮文章引用，毋閣就是毋知欲去佗位揣外紀這本原典（我嘛揣無）；另外小說講著P女的代誌，應該就是咧講潘良玉(1899-1977)，是中國有名的油畫家，故事中提起伊的生平佮陳獨秀的關係（一部份是真的），猶閣伊的畫作佇一擺輪船大火之中予燒去的代誌；閣有唐紹儀在上海家中被假冒古董商的國民黨特工殺害的事嘛是真的（只不過彼个特工應該是叫謝志磐？是謝力公的弟弟）……等等。所以這本小說的語境（gú-kíng）牽涉的知識其實真闊，若按呢講起-來，想欲做這本小說的「理想讀者」也是真無簡單，好佳哉準做讀者毋捌這寡歷史嘛無啥要緊，當作攏是虛構（hi-kòo）的故事也袂影響著故事的進行。

閱讀完整文章 Read more -->

劍潭步道通北街登山口➞老地方➞文間山➞金面山➞泰安亭➞竹嵩山➞下環山路返回 O型/ 大直橋夕陽

2024-03-27T00:05:00.009+08:00

最近走到金面山後經常又會繼續接著到泰安亭，以及再過去的竹嵩山，然後才再環山路。從竹嵩山的“優勝美地”下山出口是環山路尾巴即三段，然後沿著環山路走回出發地大直培英公園，GPS地圖路線總長度約13公里（但走的時候以為更長些），走這條運動量很大，沿途風景也美，除了欣賞風景也可燃燒不少熱量。

通北街登山口。

如果不想走通北街，可以從實踐大學後方步道經順安宮（目前已拆除，重建？）上雞南山稜線接往老地方（或文間山）的固化土步道。而如果從靠自強隧道這頭的法師宮的步道上去則是從大直上文間山的最短路徑。

閱讀完整文章 Read more -->

大屯鞍部的冬季銀河

2024-03-21T19:43:00.002+08:00

初五台北天氣非常好，於是上山開電、看星星。剛好又遇到文正兄帶著他的eVscope2也上來。

這陣子都帶Pentax MS-3單軸赤道儀（改赤經加導星埠），使用MGENII的內建漂移法修正極軸功能對極，由於已經熟悉了，所以這次很快就修到顯示誤差在1.5’，750mm 焦長單軸導星單張3分鐘仍相當圓，符合預期，曝35張只有三張離群較高，平均roundness約在0.91算是很優，不過我只帶了三波長窄頻NB1濾鏡，所以我的全光譜改機只能先拍一下窄頻，改天再拍正常L濾鏡。

遠方小觀音山電台最近出現的一盞白光廣場燈大約八點就關閉了，但月亮要到接近午夜才下山，所以可以一邊吃著泡麵先欣賞月光，在月亮下山後也用ASTROTRACER拍了幾張星景跟冬季銀河（使用未改機K3II，下次再找機會用改機拍）。

這晚鞍部的暗空狀況算是正常的良好值，午夜後天空就進入了最佳的狀況（午夜SQ20.1）。

不過因為不想要操勞，所以我們約兩點多都下山回家睡覺了，下山前遇到一位在學學生才剛上來準備要爬上大屯山去拍日出銀河。

也重新接合了一張去年拍的銀河。

The weather in Taipei was very good on the fifth day of the Lunar New Year, so I went up the mountain to 開電（It symbolizes the first time in a year that you are using your work tools） and go stargazing. I happened to meet my friend Wen Zheng who was also going up with his eVscope2.

I have been using the Pentax MS-3 single-axis equatorial mount (modified with a RA guiding port) recently. I used the built-in drift method of MGENII to correct the polar axis. Since I am already familiar with it, I quickly adjusted it to a display error of 1.5'. The 750mm focal length single shot is still quite round at 3 minutes, which meets expectations. and the average roundness was about 0.91, which is considered very good. However, I only brought NB1 filters, so my full-spectrum modified camera K5 can only shoot narrowband first, and I will shoot normal L filters another day.

The white floodlight at the 小觀音Mountain Radio Station in the distance was turned off at around 8 o'clock, but the moon would not set until close to midnight. So I could eat instant noodles while enjoying the moonlight, and after the moon set, I used the ASTROTRACER to take a few pictures of the starLandscape and the winter Milky Way (using the unmodified K3II, I will find another opportunity to use the modified camera to shoot next time).

The dark sky conditions at the saddle this night were considered normal and good. The sky was at its best after midnight (midnight SQ20.1).

However, we didn't want to overwork ourselves, so we all went down the mountain at around 2:30. Before going down the mountain, we met a student who was just going up to climb 大屯山主峰 to shoot the sunrise and the Milky Way.

----

閱讀完整文章 Read more -->

《1624》、《倒風內海》、《福爾摩沙三族記》

2024-03-21T19:39:00.007+08:00

陸續地讀完了幾本西拉雅書寫的小說，也包括劇本書《1624》，記下一些個人的看法（雜亂地）。

王家祥的《倒風內海》故事背景是1624年荷蘭正要在福爾摩沙大員登陸建立貿易據點並從對岸大量引進漢人來大員墾荒開始，至1662年

鄭成功的軍隊攻下熱蘭遮城這段時間，麻豆社的一位叫沙喃的西拉雅少年的成長故事，在大時代中與命運搏鬥的過程。

即使是歷史小說，王家祥的小說並不是以歷史事件的依序展示作為敘述的主幹，而是以情節來推動故事，讓讀者感染小說角色們的情緒，隨故事中角色探索未知的命運。

陳耀昌的《福爾摩沙三族記》也是部歷史小說，描寫的舞台也是大航海時代的麻豆，但這故事的開始時間稍晚，是從1642年、荷蘭人已在大員建立據點後，一直到1662年鄭成功攻下熱蘭遮城及之後逝世這之間的，由一位荷蘭牧師帶著家人到麻豆社傳教開啟並從此捲入大時代的事件中，西拉雅、荷蘭人、漢人這三族在麻豆交織、衝突或融合的故事，這部小說與《倒風內海》是完全不同的敘事風格，陳耀昌以他的醫生的背景，較著重於理性的敘事、歷史的推理，對於歷史事件有自己的見解，甚至推論了鄭成功的死因。

很有趣的，兩本小說雖然背景都是約在同時期的同個地域，但是兩者故事則大異其趣，一個企圖綜觀三個不同文化的衝突的整個視野，另一個則以西拉雅人的角度去嘗試理解生存的困境與生命的本能。

附帶一提，個人頗喜歡王家祥的筆觸，他的文筆極具詩意，在此小說中作者很巧妙地穿插西拉雅的獨特語彙，展現了一幅早期生活在福爾摩沙這塊土地與自然融合的西拉雅人的泛靈世界。

王家祥擅長描寫，隨著他的文字流動讀者彷彿可以看到畫面：

“整個秋天，龐大的海鵝群準時從北方帶著疲憊的翅膀和悲淒的啼鳴聚集而來，越過奔馳的獵人頭頂，越過慵懶的椰子樹與長屋，越過浮動的艋舺與低頭啃草的肥壯巴布(豬),降落於密布水樹的銀色水域,游近飄浮著腐爛草莖的沙洲與樹島，爭食水樹脚下肥美的魚群及草葉。那群奇異的水樹便是以它粗壯堅韌的氣根彷彿大腿站立在水中般的巨人看著海岸上的雲以及草野遠方的山。漁人尋覓的魚群則藏躲於樹的脚下生長悠游，擺擺摘取的牡蠣和草蟹則爬上樹的小腿休息呼吸。”

買書送的名信片之一

而《1624》這本不止是戲文（劇本）的劇本書，除了戲文與各主要角色的美美定裝照之外，在第一部分〈開演之前〉中翁佳音、李旭彬等作者的文章非常精彩，也附有珍貴的影像，而編劇施如芳文章後列的參考書目是了解荷蘭時代的福爾摩沙的經典參考。

關於〈1624〉這齣精彩的歌仔戲，在網路上不乏認為編劇過於瑣碎、故事不連貫，或有些不符史實等抱怨。

個人的看法是，的確這個劇本的劇情較為斷續，除了尪姨的預言、獨白帶出的主軸外，還帶到了沈有容與陳第看似與主旨無關的插曲等，另外這齣戲對於歷史的引用與詮釋可能與史實的差異等，但個人認為並無損於觀眾欣賞這部戲的樂趣。

為何這麼說？首先，這部戲定位由一個角色扮演遊戲的展開，既然是角色扮演遊戲，那麼隨著玩家（這裡是Game boy）的選擇與參與，多少就會改變了歷史，其實在這裡就應該拋下歷史的束縛而讓想像力馳騁。此設定有意無意已提醒看戲的人不要完全把它當作在轉述正確的歷史來看，請把它當做藝術創作。

閱讀完整文章 Read more -->

人間的詩學 Poetics in Life

關於茶的三兩事

星夜

春夏秋冬，早晨也好，晚上也好

讀王羅蜜多《半䖙島：新十二生相傳奇》

C/2025 A6 (Lemmon) 彗星/ 秋季銀河/ 蟹狀星雲 M1/GEM-28 韌體更新

熱人的暗暝/ 使用 goto赤道儀的 memo

《Sommerfeld 物理學 4 ： 光學》、《人生的三稜鏡》

到大稻埕遶遶--下

春天的星系漫遊III

春天的星系漫遊 II

春天的星系漫遊 I

焦冷氣團𤆬來的好天氣

逐長尾星（二）大屯山

逐長尾星（一）大直篇

秋夜觀星 (2)秋天的銀河

秋夜觀星 (1)眼視的宇宙(ú-tiū)

鷄南山(一)

自孔明ê將星講到「臺」佮「台」2字

草山熱人的銀河，佮銀河影像處理的技術

踅街買冊(2) 台灣e店，佮大稻埕台灣文化冊店大三角

尋訪台北的四個惜字亭

我讀胡長松《幻影號的奇航》

劍潭步道通北街登山口➞老地方➞文間山➞金面山➞泰安亭➞竹嵩山➞下環山路返回 O型/ 大直橋夕陽

大屯鞍部的冬季銀河

《1624》、《倒風內海》、《福爾摩沙三族記》

《Sommerfeld 物理學 4 ：光學》、《人生的三稜鏡》