SRI LANKA NEWS LINK SINHALA | Sri Lanka News Online in Sinhala

MBBS උපාධිය ගොනාට ඇන්දවීම.

2011-10-20T10:38:00.000-07:00

MBBS උපාධිය ගොනාට ඇන්දවීම.

වෛද්‍යවරයකු යනු උගත් පුද්ගලයෙකි.. නමුත් ඒ අය අතරින් බුද්ධිමත් අය ඉන්නේ ඉතාමත් සුළු පිරිසක් විතරයි.. අප මේ ගැන මොහොතක් බුද්ධිමත්ව විමසා බලමු.. අද වෛද්‍යවරයකු ලබන පඩිය සාමාන්‍යෙන් රු 45000 ට වඩා වැඩිය.. එනමුදු ඔහුට එම මුදල ඉතාමත් සොච්චමකි.. එම නිසා ඔහු/ ඇය අද පෞද්ගලික චැනල් සේවා පවත්වාගෙන යමින් තව තවත් මුදල් සෙවීමට පෙලබී ඇත.. වෛද්‍යවරයකු යනු අප වගේම මිනිසෙකි.. ඔහුගේ ආමාශය (බඩ) ලොකු නැත.. එනම් ඔහුට අපට වඩා වැඩිපුර ආහාර අනුභව කල නොහැක.. එකවිට ඇඳුම් 4 ක් හෝ 5 ක් ඇඳීමට ශරීර 4 ක් හෝ 5 ක් ද නැත.. ඇත්තේ එක ශරීරයකි.. ඔහුගේ අල්මාරියේ එම ශරීරය සරසවන්නට ඇඳුම් 20 ක් 30 ක් තිබිය හැකිය.. එත් ඔහු දිනකට ඇති ආහාර වේල් 3 නෙන් හරියට ගන්නේ එක ආහාර වේලක් විය හැකිය.. මේ අනුව බලනකොට සාමාන්‍ය මිනිසකුගේ පරිභෝජන ප්‍රමාණය වත් වෛද්‍යවරයකු කරනවාදැයි ප්‍රශ්නයක් පැනනගී.. එත් එයාට ලැබෙන පඩිය මදිලු.. ඇත්තටම බලමු මොකක්ද මේ උගත් වෛද්‍යවරයාට වෙලා තියෙන්නේ කියලා බලමු..

අනේ අප්පා.. උගත් කමටත් ගිය කල... ඔහු මුදලාලිගේ රූකඩයක් වෙලා.. මුදලාලි ලස්සන ලස්සන කාර් පෙන්නලා වෛද්‍යවරයාට එක විකුනලා.. ලොකු ගානකට.. මේ වගේ ලස්සන වාහනයක ගියාම ලොකු නම්බුවක් ලැබෙනවා.. හැමෝම ඔයා දිහා බලනවා.. එතකොට ඔයාට අර ලස්සන දොස්තර නෝනවත් සෙට් කරගන්න පුළුවන්.. මේකෙන් ගියාම ජීවිත පහසුයි ගොඩක් සල්ලි හම්බකරන්න පුළුවන්.. මේ වගේ ඒවා පාවිච්චි කරන්නේ එසේමෙසේ අය නෙමෙයි.. එක නිසා මේක ගන්න කියලා.. මුදලාලි දොස්තරව හොඳට අන්දවලා දොස්තර, ජීවිතයේ ඒ දක්වා හම්බකළ සබ්බ සකල මනාවටම විදිනවා.. ආශාව පාලනය කරගන්න බැරි උගත් කම මොකටද? උගත් කමයි මෝඩකමයි අයියයි මල්ලියි වගේ නේද?

දැන් ඉන්න වෛද්‍යවරු එක එක්කෙනාට කලස් දමන්න ඕන නිසා තමන්ගේ අතේ තියන මුදලටත් වඩා ලොකු ගණන් දීලා කාර් ගන්නවා.. ඉතින් ඉතුරු මුදල ගෙවන්න ෆිනෑන්ස් කොම්පැනි වලට ණය වෙනවා.. ඉතින් දොස්තරගේ ගාවට එන ලෙඩාගේ පොකට් එකේ තියෙන සබ්බ සකල මනාවටම විදලා දුප්පත් අහිංසක ලෙඩාගේ ලේ උරාබොන තත්වයට පත්වෙලා.. අනේ පවු.. දොස්තරටත් ගිය කල.. කාර් එකේ මිල රු ලක්ෂ 85 යි.. අතින් ලක්ෂ 50 ක් දුන්නත් මාසික වාරිකය රු 65000 ක් විතර වෙනවා.. ඉතින් ලැබෙන පඩිය මදිනේ.. ඉතින් එක් ලෙඩෙකුගෙන් අයකළ රු 500 ට තිබුන ප්‍රයිවට් චැනල් ගාස්තුව රු 800 දක්වා වැඩිකරනවා දොස්තර මහත්තයා ෂපාන් එකේ යන්න ගත්ත දඩුමොනරේ ණය ගෙවන්න.. හරියට කෑමකුත් නැතුව හරියට අඳින්නෙත් නැතුව ජපානයේ, ඉන්දියාවේ, හෝ චීනයේ සිටින සුදු බඩ මුදලි මාමට දරදිය අදිනවා.. අනේ ඉතින් මුදලාලි මාමගේ කාර් එකේ ගියාම බඩට බත් නැතත් පවු ටික වැඩිකර ගත්තත් නම්බුවනේ උගතාගේ මැණික.. කියලා තමයි මගේ දොස්තර යාළුවො නම් කියන්නේ..

දොස්තර කෙනෙකුට යන්න එන්න වාහනයක් තියෙන්න ඕන.. එත් දරා ගන්න පුළුවන් මුදලකට ගන්නවා නම් තමයි හොඳ.. කියලා තමයි බුද්ධිමත් දොස්තර යාලුවෙක් කියාසිටියේ..

මහජනයාගේ නාලිකාව හෙවත් සියල්ලෝම රවටන සතුරා..

2011-10-18T10:52:00.000-07:00

මහජනයාගේ නාලිකාව හෙවත් සියල්ලෝම රවටන සතුරා..

මේ දින වල එක්තරා නාලිකාවක විකාශනය වන මෙගා ටෙලි නාට්‍ය මාලාවක් වන "වසූදා", "කාව්‍යා", හා "පතිනි" ලංකාවේ සිටින මවුපියන් සහ තරුණ පරම්පරාව කට ඇරගෙන බලන කොඩිවිනයකි. මෙම කොඩිවිනය සතියේ දින පහේම දහවල් 1 ට පමණ පටන් ගෙන ලංකා සංස්කෘතියට හා අනාගත පරපුරට වැදගත් දායාදයන් රාශියක් හිමිකර දෙමින් විකාශනය වේ.. එනම් ලෝකය දිහා වෛරයෙන් බලන්න උගන්වයි.. වෛර කිරීමෙන් ජයග්‍රහණය ලබාගත හැකි බවද උගන්වයි.. ඊර්ශාව කරන්න උගන්වයි.. ඊර්ශාව ලෝකයේ තිබෙන සුන්දරම දෙයක් බවද එය අප එකිනෙකාට කරගත යුතුම දෙයක් බවද උගන්වයි.. අනියම් සම්බන්දතා ඇතිකර ගන්නා ආකාරය උගන්වයි.. අනියම් සම්බන්දතා හා විවාහය දෙදරායාම සාමාන්‍ය දෙයක් බවත් ඔබ ගැහැනියක් නම් ඔබේ මිනිහාගෙන් තෘප්තිමත් වනවාට අමතරව වෙනත් මිනිස්සු කිහිපදෙනෙකුගෙන් තෘප්තිමත් වීමටත් ඔබ මිනිහෙක් නම් ගැහැනුන් කිහිප දෙනෙකුගෙන් තෘප්තිමත් වීම වාසනාවක් බවද ඒ වගේම එය සාමාන්‍ය දෙයක් බවද අනාගත පරපුරට හා දූ දරුවන්ට ප්‍රයෝගික පින්තූර රාමු ඔස්සේ පියවරෙන් පියවර උගන්වයි.. මෙවැනි සම්බන්දතා ඇතිකර ගැනීම නවීන සංස්කෘතියක් හිමි ජාතියක වැදගත් ලක්ෂණයක් බවද උගන්වයි.. දෙමවුපියන් දරුවන්ට වෛර කරන ආකාරයත්, දරුවන් දෙමාපියන්ට වෛර කරන ආකාරයත් සරලව ළමා මනසට තේරෙන විදියට උගන්වයි.. අනුන්ගේ දේපල කඩා වඩා ගැනීම හොඳ දෙයක් බවද ඉන් පසුව ඔවුන් උපක්‍රම ශීලීව විනාශ කර දමන ආකාරය ද උගන්වයි.. මවක් යනු දුෂ්ටයෙක් බවත්, එකම පවුලක් තුල දුෂ්ටකම් තිබිය යුතු ගුණාංගයක් බවත් අනෙකා මලත් කමක් නෑ තමනේ බඩ ගොස්තරය පිරෙනවානම් එක තමයි නියම ක්‍රමය බවත් උගන්වයි.. අම්ම අප්පා නැති දරුවන් තමයි හොඳ දරුවෝ කියලා අම්ම අප්පා නොහඳුනන අවජාතක සංස්කෘතියක් බිහිකිරීමට උත්සාහ දරයි.. දෙමාපියන් හා දරුවන් එකිනෙකාට විරුද්ද සතුරන් විය යුතු බව ද තම බඩගෝස්තරය වෙනුවෙන් හා පලිගැනීම වෙනුවෙන් කේලම් කීම, කෙටවීම, අපහස කිරීම ආදී දෑ කලයුතු බව උගන්වයි.. සැබවින්ම මෙම බොහෝ වසල ගුණාංග ඇති ප්‍රධාන ගුරු වසලයාත් ඔහුගේ අනුගාමිකයනුත් කවරහුද?

සොයා බැලීම ජනතා අධිකරණයට භාරකරමු..

මේ සමාජයට යහපත උගන්වන, අප දෙපා නමැද වඳින තෛනායක හිමියන්ද මර නින්දේය.. පාලකයින්ද සුර යහන වල මර නින්දේය.. වියතුන් කාමුක සැප ලබමින් නිදි යහනේය.. අපේ අහිංසක දුවා දරුවන් හා මවුපියන් පමණක් අවදියෙන්ය.. ඒත්... ඔවුන් රුපවාහිනිය දෙවියා කරගෙන භාව වන්දනාවේ යෙදෙන්නේය....

අති ගරු ජනාධිපති තුමනි.................

මේ සමාජය වනසන මත් ද්‍රව්‍ය වලට විතරක් වාරණ දැම්මට මදිය.. මෙවැනි නාලිකා ඔස්සේ විකාශනය කරන විනාශකාරී සමාජ වෛරස් වපුරන කලා කෘති යැයි කියාගනු ලබන කොඩිවිනද වාරණයකට ලක්කළ යුතු කාලය එළඹ ඇත..

රජාට අඳින්න කඩුව ගන්න ගිහින් ගොනාට ඇඳගන්න අපේ මවුපියන් හා සිසුදරුවන්..

2011-10-17T19:55:00.000-07:00

රජාට අඳින්න කඩුව ගන්න ගිහින් ගොනාට ඇඳගන්න අපේ මවුපියන් හා සිසුදරුවන්..

ඉංග්‍රීසි භාෂාව අපේ දෛනික ජීවිතයට ඉතාමත් වැදගත් වන භාෂාවක්.. මොකද ගොඩක් රටවල ප්‍රධාන භාෂාවක් ලෙස භාවිතා කරන්නේ ඉංග්‍රීසි.. මෙම භාෂා මාධ්‍ය හරහා ගොඩාක් තොරතුරු ගන්නත් වැඩිදෙනෙකුට තොරතුරු ලබා දෙන්නත් පුළුවන්.. උදාහරණයකට අන්තර්ජාලය සලකන්න.. මෙමගින් කියවෙන්නේ දැනුමේ දොරටුව ඉංග්‍රීසි භාෂාව කියලයි..

මෙම භාෂාවේ වටිනාකම අප හැමෝම දන්නා දෙයක්.. ඒ නිසා අපගේ මෙම අවශ්‍යතාවය දඩමිමාකාර ගනිමින් ගුරුවරුන් ලෙස පෙනීසිටින වංචාකාරයින් හා බොරු කාරයින් පෞද්ගලික ඉංග්‍රීසි පාටමාලා ඇතිකර ඇත. අද ලංකාවේ ගෙයක් හැර ගෙයක් ගානේ ඉංග්‍රීසි ටියුෂන් පංති ඇත.. සමහරු මහා පරිමාණයෙන් මෙම මුදල් ගැරීමේ කටයුත්තේ නියලී සිටින්නේ ආයතන මට්ටමිනි.. එනමුදු අ පො ස (සා/පෙළ) ඉංග්‍රීසි සමත්වීමේ ප්‍රතිශතය 35% ටත් වඩා අඩුය.. ඒ කියන්නේ ලකුණු 35 ට වඩා වැඩියෙන් ගන්න අය ඉන්නේ සියදෙනෙකුගෙන් 30 ක් හෝ 35 ක් පමණක් බවයි.. මෙතරම් ඉංග්‍රීසි පංති තියන රටක මෙහෙම වෙන එක තමයි පුදුම.. ළමයකුට ඉංග්‍රීසි උගන්වන්න ටියුෂන් දෙන්න ගන්නේ වයස අවු 5 හෝ 6 සිටයි.. ඒ වයසින් ඉගනීම ආරම්බ කරන ළමයා අවු 10 ක් විතර ඉංග්‍රීසි ඉගනගෙන 11 ශ්‍රේණියේදී F සාමාර්ථයක් ගන්නේ ඉංග්‍රීසි යනු අමාරු විෂයක් බවට සමාජ සම්මතයක් ද බිහි කරමින්.. සැබවින්ම මෙම තත්වයට වගකිව යුත්තෝ කවරහුද?

දෙමාපියන්

මොට්ට අධ්‍යාපන බලධාරීන්

ගුරුවරුන්

අවස්තාවාදී රජයේ පාලකයින්

විශ්වවිද්‍යාල සිසුන්

ඉහත දක්වා ඇති චෝදිතයින්ගේ නූගත්කම, ඇල්මැරුණු බව, ගතානුගතික බව හා අවස්ථාවාදී බව මේ සඳහා හේතු වී ඇත.. මොවුන්ගේ ක්‍රියාකලාපයන් හේතුවෙන් වන්දි ගෙවීමට සිදුව ඇත්තේ අහිංසක සිසු දරුවන්ටය..

ලංකාව තුල වැඩිවී ඇති ඉංග්‍රීසි භාෂා ඉල්ලුමට සරිලන ගුණාත්මක බැවින් යුත් පාටමාලා බිහි වීමක් දකින්නට නැත.. මීට ප්‍රධානතම හේතුව ඉංග්‍රීසි මාෆියාවක් ක්‍රියාත්මක වීම බව අකමැත්තෙන් උවද කීමට කැමතිය.. මොවුන් ගේ අරමුණ තවදුරටත් ඉංග්‍රීසි භාෂාව සුපිරි පැලැන්තියේ භාෂාවක් ලෙස පවත්වා ගනිමින් තම අභිමතාර්ථයන් ඉෂ්ට සිද්ද කර ගැනීමයි.. ඉංග්‍රීසි ඉගැන්වීමේදී නිසි ආකාරව ඉගැන්වීම සිදුනොවන අතර ගුරු මුෂ්ටිය තබා ගැනීමද දැකිය හැක.. බහුතර ජනතාවක් නූගත් වන තරමට මෙම මාෆියා කරුවන්ගේ පොකට්ටුව බර කර ගත හැකි බව ඔවුන් දනී.. කිසි දිනක ළමයකුට ඉංග්‍රීසි ඉගන ගැනීමට උගන්වන්නේ නැත.. සැමවිටම කරනුයේ ඉංග්‍රීසි කට පාඩම් කරවා ළමයාත් දෙමාපියනුත් කුල්මත් කර විශ්මයට පත් කිරීමයි.. "හා හොඳයි දැන් ඔයාට ඉංග්‍රීසි පුළුවන්.." එවිට ළමයාත් දෙමාපියනුත් සිතනුයේ ළමයාට දැන් ඉංග්‍රීසි කතා කරන්නත් ලියන්නත් පුළුවන් කියලා.. එත් පාටමාලාව අවසන්වෙලා මාස 2 ක් ගිය ගමන් තමන් එවැනි පාටමාලාවක් කල බවක්ද නොදනී.. මුලදී කතා කල ඉංග්‍රීසි භාෂාවත් අමතකය.. අනේ පවු අපේ අම්මලා තාත්තලා සහ ඔවුන්ගේ දු දරුවෝ හැමදාමත් රැවටෙනවා.. මොකක් හරි ඉංග්‍රීසි වාක්‍ය ටිකක් ගිරවුන්ට වගේ කට පාඩම් කරවලා.. දෙමාපියන්ගේ අතේ තියෙන තුට්ටු දෙකට විදිනවා.. බොහොමයක් ගුරුවරු කැමති නෑ ඉංග්‍රීසි වල තියෙන රහස් ටික උගන්වන්න.. මොකද මේ ඉගන ගන්න සිසුන් ලොකු උනාම ඔවුනුත් ට්යුෂන් කරලා තමන්ගේ බඩට ගස්සවාගන්න කොයි ගුරුවරයාද කැමති..

අපේ දරුවන්ට ඉංග්‍රීසි ඉගැන්වීමේ වගකීම දරන ජාතික ආයතනය වන්නේ ජාතික අධ්‍යාපන ආයතනයයි.. මෙහි සිටින්නන් වැඩි ප්‍රමාණයක් මැට්ටන්ය.. බක පණ්ඩිතයන්ය.. මොවුන් මෙම ඉංග්‍රීසි මාෆියාවේ ප්‍රධාන කොටස් කරුවන්ය.. මොවුන් විසින් ළමයින්ගේ පෙළ පොත් සාදා ඇත්තේ එක්තරා පැලන්තියක ඉගනීම සඳහාය.. "ගමේ දරුවා මඩට අපේ දරුවා ලෝකයට" යන තේමාවට අනුව වැඩ කරයි..

අපේ පාසල් බොහොමයක ඉංග්‍රීසි ගුරුවරයා යනු ආගන්තුක පිනට පඩි ගන්නකු වී ඇත.. ඔහුට හෝ යට සිදු වී ඇත්තේ බූරුවන් හදපු සිලබස් එක ඇස කන පියාගෙන අන්ධයකු ලෙස වසරක් ඇතුලත කවර් කිරීමය.. "මට පඩිය ලැබෙනවානම් මුන් ඉගෙන ගත්තත් එකයි නැතත් එකයි." යන්න පාසල් ගුරුගේ තේමා පාටයයි..

කලින් කලට පත්වෙන පාලකයින්ගේ මුලික අරමුණ තමන්ගේ මඩිය තරකර ගැනීමයි.. "මොකා මොකක් කලත් කමක් නෑ මගේ මඩිය තර වෙනවානම්.. හොහොමත් මගේ එකා කැමති නම් එරටට.. මගේ නම ගෙනියන කොට මෙරටට.." යන්න පාලකයින්ගේ තේමාවයි..

ලංකාවේ විශ්ව විද්‍යාල සිසුන් තමයි ලෝකයේ සිටින උගත්ම පිරිස.. කියලා තමයි ඒ අය හිතන්නේ.. ඉතින් මේගොල්ලෝ කරන බුද්ධිමත්ම ක්‍රියාව තමයි.. ගෙන ගෙන හැම අධ්‍යාපන ප්‍රතිසංස්කරනයකටම උත්ගෝෂණය කරන එක.. අනේ පවු මේ ලමයි ඉතින් අර මැට්ටෝ හදපු පොත් කියවලා මොලේ මන්ඥාන් කර ගත්තු දරුවන්නේ.. ඉංග්‍රීසි භාෂාවයි සුද්දයි දෙන්නම ඔවුන්ට අරහන්නේ.. ඉතින් මේ අයගේ දැනුම වැඩියි.. දැක්ම අඩුයි..

හැමදාමත් ගොනාට අඳින්න කැමති අපේ බොහොමයක් දෙමාපියන් තම දරුවාට ඉංග්‍රීසි ගුරුවරයෙක් හෝ පාටමාලාවක් තේරීමේදී කිරි පට්ටියේ ඉන්න හොඳම ගොනාට අඳින්න අමතක කරන්නේ නැත.. අපේ දෙමාපියන්ට අනුව හොඳම ඉංග්‍රීසි දැනුම තියෙන ගුරුවරයකු සතු ගුණාංග කිහිපයක් පහතින් දක්වා ඇත..

නවීන් පන්නයේ මිල අධික වාහනයක් තිබීම. (අඩුම තරමේ ලොකු බයික් එකක් වත්) (වාහනයේ මිල = ලබාගත් උපාධි වල බර)

පෞද්ගලික උපකාරක පාටමාලා හෝ පන්ති වැඩිප්‍රමාණයක් පවත්වාගෙන යන්නකු වීම.

ගුරුවරයා විසින් අයකරන මුදල වැඩි වීම.

ස්මාට් එකට ෂර්ට් එක යටකරල අඳින, හොඳ සුවඳ විලවුම් පාවිච්චි කරන, රු 6000 ට වඩා වැඩි සපත්තු පළඳින, කැඩිච්ච සිංහල පාවිච්චි කරන්නකු වීම..

කතා බහෙන් හා ගමන් චර්යාවෙන් සිත් ඇදගන්නා සුළු පුද්ගලයෙක් වීම.

ගුරුවරයාගේ වත ගොත නොදන්නා තරමට දෙමාපියන් වඩාත් කැමතිය.

ඉහත දක්වා ඇති කරුණු කරනා සලකා බලා අපේ දෙමාපියන්ගේ ආර්ථික හැකියාව මත තම දරුවන්ට කෙටි කාලයකින් ඉගැන්වීමට රු 10000 සිට 100000 දක්වා වූ ඉංග්‍රීසි පාටමලා කිරීමට ට්යුෂන් මාස්ටර්ලා වෙත යොමු කරයි.. ඇත්තටම ඉංග්‍රීසි මෙතරම් මිලද? මාස 6 ක් වැනි කෙටි කලකින් ඉංග්‍රීසි ඉගෙන ගෙන නිම කල හැකිද?

නොහැක

අඩුම ගානේ ඉංග්‍රීසි භාෂාව නිවැරදිව වසර 2 ක් වත් පරිශීලනය හෙවත් ඉගනීම කලයුතුය.. ඉංග්‍රීසි වැනි භාෂාවක් ඉගනීමේ දී ප්‍රධාන පුද්ගලයා ගුරුවරයා නොව තමාත් තමාගේ දරුවාත්ය.. එනම් විශේෂයෙන්ම තම දරුවාය.. එනම් තම දරුවා 80% දායකත්වයක් සැපයිය යුතුය.. ඉංග්‍රීසි ඉගනීම සඳහා රු 10000 කට වඩා වැඩිපුර වියදම් නොකරන්න.. තම දරුවාට භාෂාව ඉගනීමට අවශ්‍ය පොත් පත් ටික මිල දී ගන්න.. දරුවා ස්වයං අධ්‍යාපනයකට යොමු කරන්න වගබලා ගන්න. රටේ ඉන්න ට්යුෂන් කඩ කාරයින් ගාවට යැවුවට පලක් නම් නැහැ.. ගුරුවරයකුගේ සහය අවශ්‍ය විට සරල චාම් ගති පැවතුම් තියෙන කෙනෙක්ව තෝරා ගන්න.. නිතරම අභ්‍යාස වල ළමයා යොදවන්න. ඉංග්‍රීසි භාෂාව තුල රහස් ඇති බව මතක තබා ගන්න..

ජය නියති..

තුන්වන ලෝකයේ ඇති පන්ති භේදය

2011-10-04T22:45:00.000-07:00

තුන්වන ලෝකයේ ඇති පන්ති භේදය

        ආසියානු මහාද්වීපයේ ඇති බොහොමයක් රටවල් නොදියුණු රටවල් ගණයට අයත්වේ. මෙම රටවල ජනතාව හා පාලකයින් සිතනුයේ ඔවුන් දියුනුව කරා වේගයෙන් ගමන් කරන උදාර සංස්කෘතීන් හිමි ජාතීන් වෙසෙන රටවල් ලෙස වීම පුදුම දනවන්නකි. සැබවින්ම මෙය එසේමද? නැත.
      මෙවැනි තුන්වන ලෝකයේ රටවල ප්‍රධාන වශයෙන් පන්ති භේදය හා කුල භේදය පවතින අතර පෞද්ගලික වාසි අරමුණු කරගත් ජනතා උසිගැන්වීම් වලින් පිරී ඇත. මීට ප්‍රධාන හේතුව මෙම රටවල වෙසෙන ජනතාව උගත් උවත් බුධිමත් නොවීමයි. මෙවැනි උගත් මෝඩ ජනතාවන් වෙසෙන රටවල, පෞද්ගලික අරමුණු අපේක්‍ෂා ඉටුකර ගැනීමට මාන බලන යක්ෂයින් නිසා ප්‍රජාතන්ත්‍රවාදය, මානුෂිකත්වය, හා සාධාරණත්වය වැනි ගුණාංග පිරිහී ඇති බවක් පෙනේ. ඒකාධිපතිත්වය, මැර බලය හා මුදල් යටිමඩි ගැසීම වැනි දෑ සමස්ථ රට වල් පුරාම පැතිරී ඇත. එසේ නමුදු මෙම රටවල පාලකයින්, බලධාරීන්, හා ජනමාධ්‍ය මෙම තත්වයන් ලෝකය හමුවේ වසන් කර තබන්නට ගත හැකි උපරිම උත්සාහයන් ගන්නා බව පෙනේ. එනම් මෙම රටවල් සැබෑ තත්වයන් වසංකිරීම සිදුකරන අතර ඔවුන් ලෝකය හමුවේ කියා සිටින්නේ තමන් ප්‍රෞඩ ඉතිහාසයකට උරුම කම් කියන ශිෂ්ට සම්පන්න ජාතීන් බවයි.
     ඉහත කරුණු කරන වලට අනුව මෙම රටවල් තවදුරටත් නොදියුණු තත්වයේ පවතිනු ඇති බව ඇමරිකානු සමාජ විද්‍යාඥයන්ද අනාවැකි පළකර ඇත. මෙම රටවල ජනතාව තුල චින්තන බුද්ධි අරගලයක් ඇතිකරන අධ්‍යාපන ක්‍රමයක් නොමැතිවීම හා දැනට පවතින අධ්‍යාපන ක්‍රමය තුලින් රජු-දාසියා සම්බන්දතාවය වර්ධනය කරන නුතන වැඩවසම් යුගය ඇති කරන්නක් බව පැහැදිලිය. කොපමණ අධ්‍යාපනය ලැබුවත්, හොඳට ඉංග්‍රීසි භාෂාව කතාකලත්, අන්තර් ජාලය තුල පිනුම් ගැහුවත් පලක් නොවන බව කිව හැකිය. උදාහරණයකට වෛද්‍ය වරයා සහ රෝගියා අතර සම්බන්දතාව සලකන්න. මොවුන් දෙදෙනා අතර භෞතික හා මානසික සම්බන්දතාවය සලකමු. මෙහිදී රෝගියා වෛද්‍යවරයා දකිනුයේ තම ඉටු දෙවියකු ලෙසය එනම් රජෙකු ලෙසය. වෛද්‍යවරයාට තම රෝගියා පෙනෙනුයේ තමාට වඩා උගත් නැති තමාට තරම් සැපසම්පත් නැති අසරණයකු ලෙසය. එනම් දාසයකු ලෙසය. මෙහිදී වෛද්‍යවරයාට රජෙකු සේ තම අණසක පැතිරවීමට හැකියාව ඇත.
මෙවැනි රටවල් තුල පන්ති බේදය හට ගැනීමට මෙම කර්ණා බලපෑ ඇත.

දැන්වීම් නැරබීමෙන් මුදල් උපයන්න.

2011-09-29T18:28:00.000-07:00

දැන්වීම් නැරබීමෙන් මුදල් උපයන්න.

ඔන්න මම අද bux වෙබ් අඩවි වල දැන්වීම් නැරඹීමෙන් මුදල් හොයන්න ආකාරය ගැන උගන්වන්නම්. මේවාට කියන්නේ "ක්ලික් කරාම මුදල් ගෙවනවා" යනුවෙනි එනම් මේවා. PTC ( Paid To Click ) අඩවි කියල තමයි ප්‍රසිද්ධ. මෙම ක්‍රමයෙන් මුදල් සොයන්න ඔයාලට අන්තර්ජාලය පිලිබඳ දැනුමක් ඕන නෑ. මේ වගේ වෙබ් අඩවි අන්තර්ජාලය තුල ඕන තරම් තියෙනවා. එත් බොහොමයක් ඒවා ව්‍යාජ වෙබ් අඩවි. ඒකනිසා ඒවායින් ප්‍රවේසම් වෙන්න ඕන ඔයාලා.

මෙම වෙබ් වල (එනම් bux අඩවි වල) අප ලියාපදිංචි වුනහම ඔවුන් අපට දිනපතා දැන්වීම් කිහිපයක් නැරඹීමට අවස්ථාව උදාකරලා දෙනවා. ඒවා තත්පර 4 සිට තත්පර 30 ක් හෝ විනාඩි 1ක් පමණ කාලයක් නැරඹීය යුතු වෙනවා. ඉතින් අපි එය බැලුව වෙනුවට යම්කිසි මුදලක් අප ගිණුමට එනම් Account එකට ඔවුන් එකතු කරනවා. එම මුදල එතරම් ලොකු ගාණක් නොඋනත් මෙය මාසයක් විතර කරගෙන යනකොට තරමක් දුරට හොඳ මුදලක් එකතු කර ගන්න පුළුවන් වෙනවා. ඔබ මෙවැනි bux වෙබි අඩවි කිහිපයකින්ම මෙලෙසින් සල්ලි එකතු කරගන්න පුළුවන්. එකකොට නම් කල්ල මරේ...

ඔබ ටිකක් වැඩිපුර හම්බකරන්න බලාපොරොත්තු වෙනවනම් අඩුම ගානේ bux අඩවි 15 ක වත් register වෙන්න ඕන. ඔබ register වෙනකොට මම දීලා තියෙන අඩවි වල විතරක් තෝරාගන්න.

ඔක්කොටමත් හරි පහත bux වෙබ් අඩවි වලින් එකතුවෙන මුදල් ලබාගැනීමට Alert Pay බැංකු ගිණුමක් තිබිය යුතුමයි. දැනට ඔබට ගිණුමක් නොමැතිනම් පහත බැනරය click කිරීමෙන් ගිණුමක් හදාගන්න. ඔබට Alert Pay එක් ගිණුමක් පමණක් තබා ගන්න. මොකද එක පරිගණකයකින් සැදිය හැක්කේ එක ගිණුමක් පමණක් නිසා.

ඔබ විසින් open කල යුත්තේ personalaccount එකකි. වැරදිලාවත් personal pro හෝ business accounts අරින්න යන්න එපා. මොකද ඒවා verify කරගන්න අපේ අම්ම තාත්තගේ විස්තරත් එල්ලන නිසා. එත් ඔබට අවශ්‍ය නම් ඔබගේ personal account එක නොමිලේ ඉහත සඳහන් ඕනෑම ගිණුමකට upgrade කර (ගිණුමෙන් ගිණුමට මාරු වෙන්න) ගන්න පුළුවන්.

ඔබ open කරන alert pay ගිණුමේ හා අනෙකුත් bux ගිණුම් වල referal name එක ලෙස lgmanjula හෝ expresslanka ලෙස තිබෙන අතර එය මැකීමෙන් වලකින්න. මක්නිසාද ඔබ referal name එක ලෙස lgmanjula හෝ expresslanka ලෙස තැබිය යුතුම නිසා. ඔබගේ නම අපගේ referal ලිස්ට් එකේ සඳහන් වෙලා ඇත්නම් ඔබට පහසුවෙන් උදවු කිරීමට අපට හැකියාව ඇත.

Click here

ඔබ මෙන්න මේ තියෙන bux අඩවි ටිකේ register වෙලා මුදල් හම්බකරන්න පටන්ගන්න. මම පස්සේ ඔයාලට මල්ල කරට එන වැඩක් කියලා දෙන්නම්. ඔබ සැම විටම Bux ගිණුම හා Aletpay ගිණුම සදහා එක් ඊ මේල් ලිපිනයක් පමණක් තබාගැනීමෙන් ඔබට වාසි කිහිපයක් ලබාගන්න පුළුවන්.

Click here

මම මෙහි සදහන් සෑම bux අදවියකින්ම මේ වෙනකොට ලොකු මුදල් උපයලා තියෙනවා. දැන් මගේ සාමාන්‍යෙන් දිනකට $ 7 ත් 10 ත් අතර උපයනවා. ඔයාලත් දැන්ම register වෙන්න. Register වුනාම ඔබට දිනපතා දැන්වීම් කිහිපයක් නැරඹීමට ලැබෙනවා. ඔබ දිනපතා මෙම දැන්වීම් නැරඹිය යුතුයි. එක් දැන්වීමක් නැරඹීමෙන් ලැබෙන මුදල bux අඩවිය අනුවත්, දැන්වීමේ කාලය අනුවත් වෙනස් වෙනවා. බොහොමයක් හොඳ bux අඩවි දැන්වීමකට රු 1 ක් ගෙවනවා. මේ අනුව දිනකට එක් වෙබ් අඩවියකින් ඔබට මූලිකව රු 4 ක පමණ මුදලක් තමයි සොයාගන්න පුළුවන් වෙන්නේ. එත් ඔබට මාස 3 ක් හෝ 4 කට පස්සේ දිනකට රු 15 ක පමණ මුදලක් සොයාගන්න පුළුවන්.

දැන් ඔයාලට තියෙන ප්‍රශ්නය තමයි මුල් මාස 3 හෝ 4 තුල දවසකට රු 4 ක් වගේ පොඩි ගාණක් හොයාගෙන මොකකට ද කියල. ඉතින් සමහර අය මෙහෙම හිතලා දවසක් දෙකක් දැන්වීම් බලලා ඒක නතර කරනවා. නමුත් ඔබට පියවරෙන් පියවර ඔබේ ආදායම වැඩි කරගන්න පුලුවන්. එම නිසා කම්මැලි නැතුව දවස ගානේ දැන්වීම් බලන්න. ළඟදීම දිනයක ඇඩ්ස් බලලා මල්ල කරට ගන්න හැටි කියාදෙන්නම්. එතකොට කකුල් දෙකයි අත් දෙකයි උද තියාගෙන හිටියත් ගෙදරටම සල්ලි ලැබෙයි. එත් ලොකු ගානක් නෙවෙයි මාසෙකට $ 90 පමණ තමයි. එත් ඔයා දක්ෂ නම් $ 250 ක් දක්වා වැඩිකර ගන්න පුළුවන්. ඕනෑම දෙයක ආරම්බය ඇත්තටම අමාරුයි. එත් එක නතකා වැඩකලොත් අනාගතය සරුයි.

...බලනවානම් මෙන්න ටෙලි නාට්‍යක්...

2011-09-28T04:05:00.000-07:00

බලනවානම් මෙන්න ටෙලි නාට්‍යක්.

මේ දින වල එක්තරා පෞද්ගලික නාලිකාවක විකාශනය වන "වසුදා" පිළිබඳව යමක් සඳහන් කිරීමට කැමැත්තෙමි. කාර්ය බහුල ජීවිතයක් ගතකරන අප සමාජයේ සියලු දෙනා ටෙලි නාට්‍යක් වැනි කලා මාධ්‍යක් නැරබීමෙන් බලාපොරොත්තු වන්නේ සිතට සැහැල්ලුවක් සහිත රසවින්දනයකි. එම අරමුණ පෙරදැරිව බිහිවන කලා නිර්මාණ මිනිසාට රසවින්දනය සමග සැහැල්ලුව හා දැනුමද ලබාදේ. එනමුදු අද බිහිවන සමහර ටෙලි නිර්මාණ තුලින් මුල සිට අග දක්වාම පතුරවන්නේ වෛරය, ක්‍රෝදය, කුහකබව, ඉර්ශාව, දුෂ්ටගති, පලිගැනීම වැනි අධම සිතුවිලිය.

මෙවැනි දුෂ්ට කලා නිර්මාණ බිහි කිරීමේ අරමුණ කුමක්ද?
මෙවැනි දුෂ්ට කලා නිර්මාණ විකාශනය කරන දුෂ්ට ආයතන වල සැඟවුණු අභිප්‍රාය කුමක්ද?
මෙවැනි නිර්මාණ නරඹන බාල, තරුණ, මහළු සියලු දෙනාගේ යටි මනසට සිදුවන හාහිය කොපමණද?
එම හානිය ඇති කිරීමට උඩගෙඩි දෙන වගකිවයුත්තෝ කවරහුද?
අස් කණ පියාගෙන සිටින බලධාරීන්ට ලැබෙන සන්තෝසම් මුදල කොපමණද?
හෙට දින අනාගතය බාර ගැනීමට සිටින තරුණ පරම්පරාවේ සිතුවිලි වලට කුමක් සිදුවේද?

ආදී ලෙස ප්‍රශ්ණ රාශියක් පැනනැගී ඇත. මා මෙහිදී සඳහන් කලයුතු එක වදනක් ඇත. එනම් ශරීරයට අහිතකර බොහෝ දෑ පැණි රසය. මෝඩ මිනිසුන් පැණි රසට බොහෝසේ කැමතිය. දුෂ්ට අධම මිනිසුන් ශ්‍රී ලංකා සමාජය විනාශය කරා ගෙන යමින් සිටියි. ඔබ මෝඩයෙක් නොවෙයි නම් මේ පිළිබඳව අවධියෙන් සිටින්න.

...මෙන්න අහගන්නකෝ අඩු වියදමකින් මී කතුරු සාදාගන්නා අකාරය..

2011-09-27T19:15:00.000-07:00

මෙන්න අහගන්නකෝ අඩු වියදමකින් මී කතුරු සාදාගන්නා අකාරය..

ඔන්න දවසක පිස්සන් කොටුවේ පුංචි තාලේ උත්සවයක් තිබුණා. මේ උත්සවය තමයි පිස්සන්කොටුවේ හිටපු පිස්සෝ 45 දෙනෙක් පුනුරුත්තාපනය කරලා සමාජයට යහපත් පුරවැසියන් ලෙස මුදා හැරීමයි. මේ වැදගත් ජාතික උත්සවයට අපේ මැති ඇමති වරුන්ද සහභාගී උනා. උත්සවය ජයටම කෙරීගෙන යනකොට ඊ ලඟට තිබුණු මාතෘකාව තමයි පුනුරුත්තාපනය ඌ අයගේ කතා ඉදිරිපත් කිරීමේ අවස්ථාව. මේක ඉතින් වැදගත් නිසා පැමිණසිටි කාගේත් අවධානයට යොමු උණා. පළමුවෙන්ම තිබුනේ ජගත් අල්ල පනල්ලගේ කතාව. ඔහුගේ කතාවෙන් ඔහු වසර දෙකක් තුල ලැබූ පුහුණුව කොහොමද ඔහුගේ අනාගත ජීවිතය සාර්ථක කර ගන්නනේ කියල තමයි ඔහුගේ කතාවෙන් පැහැදිලි උනේ. ඔහුගේ මාතෘකාව උනේ අඩු වියදමකින් මී කතුරු සාදන ආකාරයයි.

ඔහුගේ ක්‍රමයට අනුව මේසඳහා අවශ්‍ය වන්නේ ලෑලි කැල්ලක්, අඟල් 2 කේ ඇන දෙකක්, කම්බි කැල්ලක්, මාළු කැල්ලක් හා මස් කැල්ලක් පමණි. පළමුව ලෑල්ල උඩ ඇන දෙක අඟල් 6 ක පරතරය සිටින සේ, ගසා තදින් සවිකර ගෙන ඒ දෙක අතර මල් කම්බියක් හොඳින් ඇදෙන සේ තදින් ගැටගසා ගන්නවා. ඊට පසු එක ඇනයක් උඩින් මාළු කැල්ලද අනෙක් ඇණය උඩින් මස් කැල්ලද තබනවා. ඉන්පසුව මෙම ආකෘතිය මීයන් ගැවසෙන් ස්ථානයක තබනවා. ඔන්න ඉතින් කරුමක්කාර මීයෙක් ඔතනට දුවගෙන් ඇවිල්ල ඇණ දෙක අතර බැඳලා තියෙන කම්බිය උඩින් ඔලුව තියාගෙන "මම මුලින්ම මාළු කැල්ලද කන්නේ මස් කැල්ලද කන්නේ... මාළු කැල්ලද කන්නේ මස් කැල්ලද කන්නේ... මාළු කැල්ලද කන්නේ මස් කැල්ලද කන්නේ..." යනුවන් උගේ ඔලුව දෙපැත්තට හරවා හරවා ඉන්නකොට බෙල්ල තියලා තියෙන කම්බියට ටිකටික උගේ බෙල්ල කැපෙන්න පටන් ගන්නවා. එතකොට මීයා මැරෙනවා කියලා ඔහු ඔහුගේ කතාව ඉවර කළා. පැමිණ සිටි හැමෝම උද්දාමයෙන් අප්පුඩි ගැහුවා එක්කෙනෙක් හැර. ඒ තමයි මෙම කන්දවූරේ පුහුණුව ලැබූ පොඩි හාමු. රැස්ව සිටි ජනතාව ඊ ලඟට ඇමතීමට තිබුනේද ඔහුටය.

ඔහු ඔහුගේ මිතුරාගේ ක්‍රමය වියදම් වැඩි බව කියා සිටිමින් ඔහුට මේ සඳහා තවත් අඩු පිරි වැයකින් මී කතුරු සෑදිය හැකි බව කියා සිටියා. පැමිණ සිටි හැමෝගේම අවධානය ඔහුට යොමු වුණා.
ඔහුගේ ක්‍රමයට අනුව ඔහුට අවශ්‍ය වන්නේ ලෑලි කැල්ලක්, අඟල් 2 කේ ඇන 2 කක්, හා මල් කම්බි කැල්ලක් පමණි. ඉහත පරිදීම ලෑල්ල උඩ අඟල් 6 ක පරතරය සිටින සේ ඇන දෙක සවිකර ගෙන ඒ දෙක අතර කම්බිය තදින් ඇදෙන සේ ගැට ගසා ගන්නවා. ඉන්පසුව මෙම ආකෘතිය මීයන් ගැවසෙන ස්ථානයක තබනවා. ඉතින් ඔතනට මීයෙක් ආව ගමන් ඇන දෙක අතර ඇති කම්බිය උඩින් බෙල්ල තියාගෙන ඌ කියනවලු මෙහෙම "අද මාළු කෑල්ලත් නෑ මස් කැල්ලත් නෑ... මාළු කෑල්ලත් නෑ මස් කැල්ලත් නෑ.. " කියලා. එතකොට මීයාගේ බෙල්ල ටික ටික කම්බියට කැපෙනවා කියල. රැස්ව සිටි ජනතාවත් මැති ඇමැතිවරුත් මෙම සාර්ථක වැඩපිළිවෙල ගැන ප්‍රසංසාත්මකව කතා බහට ලක්විය.

කතෘ අයිතිය: www.srilankaenewslink.blogspot.com

...රටේ ආර්ථිකය හා පිස්සු මල්ලිගේ දුප්පත් පොකැට්ටුව...

2011-09-20T23:31:00.001-07:00

රටේ ආර්ථිකය හා පිස්සු මල්ලිගේ දුප්පත් පොකැට්ටුව.

රක්ෂාවක් සොයා ගන්න කියල දේශපාලනය කල මා පෞද්ගලික රැකියාවක් සොයා ගන්න කියලා 2011.09.12 දින හම්බන්තොට ඉඳලා කොළඹට යන්න පිටත් උනා. මම උදේ 3 ට විතර හම්බන්තොටින් පිටත් වෙන බස් එකකට තමයි ගොඩවුනේ. මම ඉතින් ඉක්මනටම ළඟ තිබුණු සීට් එකක වාඩි උනා. මගේ ලඟට ආපු කොන්දොස්තර අයියා මට දෙලොව රත්වෙන ටිකට් එකක් දුන්නා. මම ටිකක් විස්තර අහනකොට එයා කීවා මේක අර්ධ සුපෝකබෝගී බස් එකක් කියලා. මා ගාව ඒ තරම් මුදලක් ගෙවලා එකේ යන්න තරම් දුප්පත් මට හැකියාව තිබුනේ නෑ. ඉතින් මම කිලෝමීටරයක් විතර එහායින් බැහැගත්තා. මගේ හොඳට ඇස් පෙනෙන කෙනෙක් උනත් ඒ බස් එකේ කිසිම තැනක අර්ධ සුපෝකබෝගී කියලා ගහලා තිබුනේ නෑ. මොකද බස් එක ස්ටෑන්ඩ් එකේ නවත්වලා තියෙනකොට මම එක වටේ කැරකි කැරකි බැලුවා. ඒක නිසායි මම එකට නැග්ගේ. මම බැහැපු තැන අයියලා දෙන්නෙක් හිටියා. මම ඒගොල්ලන්ට මට උන දේ කීවා. එතකොට ඒගොල්ලෝ කීවා ගොඩාක් අර්ධ සුපෝකබෝගී බස් වල බෝඩ් නැතුව තමයි දුවන්නේ කියලා. බස් එකට නැගලා ටිකට් ඒක දෙනකොට තමයි නැග්ගේ සාමාන්‍ය සේවා බස් එකකටද නැත්නම් අර්ධ සුපෝකබෝගී බස් එකකටද කියලා තේරෙන්නේ. ඔහොම තමයි බස් මුදලාලිලා අහිංසක මිනිස්සු මරන් කන්නේ කියලා. මට ඒ වෙලාවේ මං ගැන දුකකුත් ආවා. මටත් ජොබ් එකක් තිබුනා නම් මට ඒ බස් එකෙන් කොළඹට යන්න තිබුනා කියලා. ඉතින් මම ගොඩාක් වෙලා සාමාන්‍ය සේවා බස් එකක එනතුරු බලාගෙන හිටියා. උදේ 6 ටත් කිට්ටු උනාට පස්සේ තමයි බස් එකක් ආවේ. බලනකොට එකත් දුප්පත් මාව මරාගෙන කන සංගමයේ බස් එකක් කියලා තේරුනේ ටිකට් ඒක අතට දුන්නට පස්සේ. මගේ අතේ සන්තකයටම තුබුණු රු 1000 කොන්දොස්තරට දුන්නාට පස්සේ ඔහු මට ඉතුරු සල්ලි විදියට රු 650 ක් දුන්නා. ඒ කියන්නේ ටිකට් එකට රු 350 ක් උනා කියන ඒක. මම ඉතින් ඒක ගුලි කරගෙන සාක්කුවට දාගත්තා. බස් ඒක අම්බලන්ගොඩ හරියේ කඩේක නැවැත්තුව තේ බොන්න කියලා. රැට කෑවෙත් නැති මට ලොකු බඩගින්නකුයි පිපාසයකුයි තිබුන නිසා බනිස් ගෙඩියකුයි ප්ලේන්ටියකුයි ගත්තා එකේ මිල රු 50 යි. කොහොම ගණන් හැදුවද මන්දා. හැම තැනම මම වගේ දුප්පත් අහිංසකයෝ මරාගෙන කන තැන්. බඩගින්නට කෑවට බිල දුන්නම තමයි මම කලේ වැරැද්දක් කියලා තේරුනේ. දුප්පත් මට කඩවලින් කෑම ගැනීම හොඳ නැති දෙයක් කියලා මම හිතා ගත්තා. මට පුදුමයි සල්ලි තියෙන අය නම් කිසිම ගානක් නැතුව ලොකු ගණන් දීලා ගන්න පැණි බීම වර්ගත් බිවුවා. වෙලාව දවල් 12.30 ට විතර කොළඹට අවා. මම බස් එකෙන් බැස්ස ගමන්ම දිවුවේ ටොයිලට් එකට. එකේ ඉඳලා එනකොට රු 10 ක් දෙන්න උනා. බඩගින්න තිබුනත් කරන්න දෙයක් නෑ මොකද අතේ තියෙන්නේ රු 590 යි.

මම අවේ රැකියාවක් හොයා ගන්න නිසා මම මගේ අතේ තිබුන ලිපිනය සොයාගෙන ජා ඇල ට යන බස් එකකට ගොඩ උනා. සම්මුඛ පරීක්ෂණය තිබුනේ ජා ඇල. එකට ආපු හැමෝම ලස්සනට ඇඳගෙන ඇවිල්ල තිබුන නිසා මට පොඩි දුකකුත් අවා. මොකද මම අන්දන්ගිය ඇඳුම එතරම් අලුත් එකක් නොවුන නිසා. කොහොම උනත් මම පරීක්ෂණය සමත් උනා. ඉතින් මට ඒ මහත්තයා කිවුව හෙට ඉඳලා උනත් වැඩට එන්න පුළුවන් කියලා. පඩිය ලැබෙන්නේ මාසේ අන්තිමට නිසා මට කොළඹ නවතින්න තැනක් ගන්න බැරිබව මට තේරුනා. මට නොකා නොබී මාසයක් ඉන්න බැනේ කියලා මට දැනුනා. ඉතින් මට මම වෙනුවෙන් කල හැකි දෙයක් තිබුනේ නෑ. ඉතින් මම ආපහු කොටුවට ඇවිල්ල ටොයිලට් එකට නැවතත් මට යන්න සිද්ද උනා. තවත් රු 10 ක් දෙන්න උනා. මුත්‍රා අමාරුව හැදුන කෙනෙක් දවසට 5 වතාවක් ගියොත් රු 50 ක් ටොයිලට් වලටම වෙන් කරන්න වෙලා. ඔය පාර දුර ගමනක් යනකොට බස් ගාස්තුවයි, කෑම ගාස්තුවයි, හිඟන්නන් සඳහා මුදලකුයි, ටොයිලට් වල වෙනම මුදලකුයි ගෙන්න වෙලා තියනවා. මම වගේ කෙනෙක් මේවගේ වියදමක් කොහොමනම් දරා ගන්නද? දෙවියනේ.. මගේ අතේ ඒ වෙනකොට ඉතුරු වෙලා තිබුනේ රු 500 ක් විතරයි. වෙලාව 3.45 ට කිට්ටුයි. පිපාසයට වතුර බිබී හිටියත් බඩගින්න දරාගන්න බැරිම තැන කඩේකට ගිහිල්ල බනිස් ගෙඩියකුයි ප්ලේන්ටියකුයි ගත්තා. හැබැයි එතනදී නම් ගත්තේ රු 35 යි. මට පුදුමයි එකම දේට තැන් දෙකක මිල වල් දෙකයි. මේක ඉතින් ලංකාවනේ.. දැන් මට පෞද්ගලික රැකියාවක් වත් කරන්න තියෙන අවස්ථාව ටිකෙන් ටික මග හැරෙමින් තමයි තියෙන්නේ. මොකද දැන් මට වයස අවුරුදු 33 ක් විතර වෙනවනේ. දේශපාලනය කරලා රැකියාවක් සොයාගන්න ගිය මට දැන් කරන්න ඉතුරු වෙලා තියෙන්නේ මොකක්ද? මේ ලිපිය කියවන ඔබට කියන්න කැමතියි මේ ලෝකේ දෙවිවරු නෑ කියලා. අපි කොයි තරම් දෙවිවරුන්ට අපේ දුක කිවුවත් අහන්න කියලා කිසිම කෙනෙක් නෑ. අනේ මන්දා මේක මටම විතරද කියලා. ඔබට මා වෙනුවෙන් යම් දෙයක් කල හැකිනම් මාව සම්බන්ද කර ගන්න.

...........වර්ථමාන දේශපාලනය හා රැකියාව........

2011-09-10T10:28:00.000-07:00

රැකියාවක් නැති මගේ මානසික මට්ටම.

      දැනට මගේ වයස අවුරුදු 33 ක් පමණ වන අ පො ස (උ පෙළ) ඉහලින්ම සමත් අයෙකි. විශ්ව විද්‍යාලයට ඇතුළුවීමට ලකුණු කිහිපයක් මදිවුණා. මම දුප්පත් පවුලක සාමාජිකයෙකි. මේ දක්වා මා පෞද්ගලික අංශයේ රැකියා කල අතර එමගින් සරිලන වැටුපක් ලැබුනේ නැත. මා ලොකු උසස් මහත්තයාලා වත් නෝනලාවත් අඳුරන්නේ නැතිකම නිසා මට හොඳ පෞද්ගලික අංශයේ රැකියාවක් ලබාගන්න බැරිඋනා. හම්බන්තොට නිසා ගොඩක් පෞද්ගලික අංශයේ රැකියා අඩුයි. 2001 පැවැති මහා මැතිවරණයේ සිට (මගේ වයස අවුරුදු 22 සිට) මම පොදුජන එක්සත් පෙරමුණ වෙනුවෙන් දේශපාලන කටයුතු වලට සහභාගී විය. මෙහිදී මගේ ප්‍රධානම බලාපොරොත්තුව වුයේ රැකියාවකි. මේ 2011 වර්ශයේ මැද භාගයයි. දෙන මට වයස අවුරුදු 33 කි. අද දිනද මගේ එකම බලාපොරොත්තුව රැකියාවකි. දේශපාලන කරලා රැකියාවක් ගන්න ගිහිල්ලා වසර 10 ක් ගතවෙලත් තවම මගේ බලාපොරොත්තුව ඉටුකර ගන්න බැරි විය. මගේ එකම බලාපොරොත්තුවවත් දේශපාලන පක්ෂයවත් තවම වෙනස්වී නැත. මම මේවන විට රැකියාවක් ලබාගැනීම සඳහා දේශපාලන ප්‍රධානීන් වෙත ලබාදී ඇති අයඳුම් පත්‍ර ප්‍රමාණය 823 කි. (2011.09.12 දින වනවිට)
     තාප්ප ලයිට් කණු මාව හොඳින් හඳුනුවත් දේශපාලනයේ නිරත ලොකු මහත්තුරුන්ටවත් ලොකු අයියලාටවත් මාව හඳුනන්නේ නැති ගානයි. මාව ඒ අයට පේන්න පටන්ගන්නේ ඡන්දයක් ළඟ එනකොට තමයි.මමත් ගොඩාක් ආසයි රැකියාවක් කරලා හොඳ විවාහයක් කරගෙන යහපත් මනුෂයෙක් විදියට ජීවත් වෙන්න. මට කියල තවම ඇඳුමක් වත් ගන්න තරම් අතේ සල්ලි නැහැ. මමත් ආසයි හොඳින් ලස්සනට අඳින්න පළඳින්න. රැකියාවක් නැතුව විඳින දුක වේදනාව දන්නේ රැකියාවක් නැති කෙනා පමණයි. මම දේශපාලනය කරලා බලාපොරොත්තු වුන රැකියාව මට ලබා දෙන්න. මගේ දෙයියනේ.. මම මේ දවස් ටිකේම බෙලිඅත්ත කාර්යාලයට යනවා යනවා මගේ එකම පැතුම ඉටුකර ගන්න.
   අනේ දෙවියනේ... මට කම්කරු රැකියාවක්වත් දෙන්න.. නාමල් මහත්තයෝ... මට ඉන්න එකම ඉටු දෙවි ඔබම පමණයි.

දැනට අප රටේ පවතින දේශපාලන ස්ථාවර භාවය හා රැකියා සම්බන්ද විස්තරයක් මෙහි අන්තර්ගතවේ.

අප රට තුල රැකියාවක් ලබා ගැනීම සඳහා දේශපාලන සහයෝගයක් තිබීම අනිවාර්ය ලක්ෂණයකි. බොහොමයක් රැකියා ලබාදීම මෙලෙස සිදුඋවත් දේශපාලනයේ දරදිය ඇද්ද යට නම් රැකියා ලැබී ඇති ප්‍රමාණය ඉතාමත් සීමිතය. මේ සඳහා හේතුකාරණ කිහිපයක් බලපා ඇත. දේශපාලනයේදී මැරෙන්නේ වෙනත් කෙනෙකි. ලකුණු වැටෙන්නේ වෙනත් කෙනෙකුටය. තවද දේශපාලන ඥාති හිතවත්කම් මත රැකියා ලබාදීම නිසා රැට රැට පෝස්ටර් ගහන අපිවගේ හරක්ට හැමදාමත් අදින්න වී ඇත්තේ බරම පමණි. මෙම ලිපිය සකස්කරන මමද දේශපාලනයේ යෙදුනු අයෙකි. මාගේ බලාපොරොත්තුව වූයේ රජයේ රැකියාවකි. මම 2001 වසරේ විද්‍යා අංශයෙන් උසස්පෙළ හදාරා B එකයි C තුනක් ගෙන හම්බන්තොට දිස්ත්‍රීක්කයේ 175 වෙනි ස්ථානය ලබාගත් අයෙකි. තවද රුහුණ විශ්ව විද්‍යාලයේ ඉංග්‍රීසි ඩිප්ලෝමාවක්ද හදාරා ඇත.

පවතින රජය බලයට පත් කිරීම සඳහා දිවා රෑ නොබලා නිල් බලකාය යටතේ පෝස්ටර් තාප්ප වල ඇලවූ අවස්ථා හිසේ කෙස්ගානට ඇත. එනමුදු මා තවමත් රැකියාවක් බලාපොරොත්තුවෙන් හූල්ල හූල්ලා දේශපාලන වැඩවලට සම්බන්ද වී සිටිමි. සැබවින්ම මම ඉල්ලා සිටින්නේ රජයේ කම්කරු හෝ පියන් රැකියා අවස්ථාවකි. මා වෙනි බර අඳින අය ගැන කවදා පින්වත් කුමරුන්ගේ ඇස ඇරෙවිද? අහෝ දෙවියනි මා වැනි අය ගැන පින්වත් කුමරුන්ට සැලකර සිටිනු මැන..

රජයේ රැකියා පුරප්පාඩු පිරවීම කටයුතු දැනට සිදුකෙරේ.

මේවනවිට අප රට තුල රජයේ දෙපාර්තුමේන්තු, මණ්ඩල, අධිකාරී සහ අනෙකුත් ආයතන වලපවතින පුරප්පාඩු සඳහා ලහි ලහියේ බඳවා ගෙනීම සිදුකෙරේ. මෙය ප්‍රධාන වශයෙන් සිදුවන්නේ දේශපාලන මාර්ග වලිනි. මෙය දේශපාලනයේ නිරත සැමට සතුටු දායක පුවතකි. එසේ නමුදු දැනට රැකියා ලැබී ඇති අයගෙන් වැඩිපිරිසක් සෘජු දේශපාලනයේ නොයෙදුණු අය බව දේශපාලනයේ නිරත අය හොඳින් දන්නා කාරනාවකි. මේ සම්බන්දයෙන් තම දේශපාලන මන්ත්‍රීවරුන් සමග ගැටුම් හා හිත අමනාපකම් ඇති වූ හා ඇතිවන අවස්ථා ප්‍රමාණයද වැඩිවී ඇත. මින් එක් කාරනාවක් නම් දේශපාලන හිතවතුන්ගේ ඥාතීන්ට රැකියා ලබාදීමයි. විපක්ෂයේ දේශපාලන කටයුතු වල නිරත අයට රැකියා ලැබීම අනෙක් කාරණාවයි. මෙවැනි අක්‍රමිකතා නිසා දේශපාලනයේ නිරත සැමදෙනා තුලම දැඩි කලකිරුණු බාවයක් හා ඇල්මැරුණු භාවයක් ඇත. මෙවැනි තත්වයන් ප්‍රසිද්ධියේ විවේචනය කරන අය තම පාක්ෂික දේශපාලනයෙන් කාපා දමන බවක්ද පෙනේ. මේ හේතුව නිසා කිසිවකු පවතින දේශපාලන අප්‍රසන්න භාවය විවේචනය කිරීමට නොපෙළඹේ. මෙමෙ ලිපිය සකස්කරන මා හටද සිදුවනදේ ද ඔබට සිතා ගැනීමට හැකියාව ඇත. මා සැබවින්ම වර්ථමාන රජය පත්කිරීම සඳහා දිවා රෑ නොබලා බිම්මට්ටමින් පෝස්ටර් ඇලවූ අයෙකි. මා පොදුජන එක්සත් පෙරමුණට සැබවින්ම ආදරය කරන්නෙකි. මා කිසිදිනක මෙම පක්ෂය අතහැර වෙනත් පක්ෂයකට නොයන්නෙකි. මක්නිසාද වර්ථමාන ජනාධිපතිතුමා මේ රට වෙනුවෙන් කල මහගු සේවයයි. අපවැනි අය වෙනුවෙන් පෞද්ගලිකව සැලකීම් නොකලත් පොදුවේ කරන සේවාවන් ගැන අප පාක්ෂිකයන් තුල කාලගුණ සැලකීමේ ගුණාංගය ඇත. රට තුල සිදුවන දැවැන්ත සංවර්ධනය ඇස් පෙනෙන කා හටත් දැකබලාගත හැකිය. රටතුල ඇති මාර්ග පද්ධතියේ සංවර්ධනය අතිශයින්ම වැදගත්ය. මෙවැනි සංවර්ධනයකට ඇත පොවාසිටින රජය තුල සිටින සමහර දේශපාලන බලවතුන්ගේ ක්‍රියා කලාපයන් නිසා අපවැනි අය තවමත් මහපාරේ සිටීමට සිදුවීම ඉතාමත් කනගාටුවට හේතුවකි.