anbu thalapathy

காவலனுக்கு அடிமையான சன்..!

noreply@blogger.com (kishore sha) — Wed, 29 Dec 2010 07:07:05 PST

சித்திக் இயக்கத்தில் விஜய் நடித்த “காவலன்” படத்தின் தொலைக்காட்சி உரிமையை சன் டிவிக்கு விற்பனை செய்யப்பட்டுள்ளதாகக் கூறியுள்ளார் படத்தின் தயாரிப்பாளரான சக்தி சிதம்பரம் அவர்கள். “காவலன்” படம் பல்வேறு சிக்கல்களைச் சந்தித்து வருகிறது. டிசம்பரில் ரிலீஸ் தேதி குறித்தும் ரிலீஸ் செய்ய முடியவில்லை. தற்போது பொங்கலுக்கு ரிலீஸ் என்கிறார்கள் தயாரிப்பாளர் தரப்பில்.

காவலன் படத்தின் நெருக்கடிகள் தன்னை நெருக்குவதால், அதிலிருந்து மீள அரசியல் ரீதியான ஆதரவு தேடி அதிமுகவிடம் போனார் இளைய தளபதி விஜய். தனது அப்பா எஸ்.ஏ.சநதிரசேகரனை அனுப்பி ஜெயலலிதாவைச் சந்திக்கவும் வைத்தார் விஜய். இதைத் தொடர்ந்து “காவலன்” படத்தை ஜெயா டிவி வாங்கிக் கொண்டதாக செய்திகள் வெளியாகின. ஆனால் இப்போது அதனை மறுத்துள்ளார் படத்தின் தயாரிப்பாளர் சக்தி சிதம்பரம் அவர்கள்.

இந்தப் படத்தை ரூ.42 கோடிக்கு வாங்கியிருப்பதாகவும், தொலைக்காட்சி உரிமையை சன் டிவிக்கு தந்திருப்பதாகவும் தெரிவித்துள்ளார் படத்தின் தயாரிப்பாளரான சக்தி சிதம்பரம்.

அப்போ சன் நெட்வொர்க் நமக்கு அடிமையா !?!

அரசியல் நமக்கு அரசியல் வேணாம் நண்பா...தளபதிக்கு அட்வைஸ் பண்ண தல !!

noreply@blogger.com (kishore sha) — Wed, 29 Dec 2010 07:16:22 PST

பல நெருக்கடியை சந்தித்து இளைய தளபதி நடிக்கும் ''காவலன்'' படம் வெளிவர இருக்கிறது… தியேட்டர்கள் கிடைக்காத அளவிற்கு ஏற்பட்ட நெருக்கடிகள் இருகின்றன… ஷங்கர் படத்தில் நடிக்க முடியாத சூழல்… ஈரோட்டில் நடக்கயிருந்த தன் ரசிகர் மன்ற நலத்திட்டம் வழங்கும் விழாவை போலீஸார் மூலம் தடுத்து நிறுத்திய அரசியல் குறுக்கீடுகள்… போன்ற நெருக்கடிகள் விஜய்யை சுற்றிகொண்டே இருகின்றன.

இந்நிலையில், சமீபத்தில் ஏ.வி.எம்.ஸ்டுடியோவில் இருந்த விஜய்யை சந்தித்திருக்கிறார் அஜீத்.

அப்போது விஜய்யிடம்,அஜித் கூறியதாவது :

“உங்களோட அரசியல் பிரவேசம் வெற்றி பெற வாழ்த்துக்கள். சக நடிகனா நான் உங்களுக்கு இதச் சொல்றேன். அதே சமயம், உங்களோட நண்பனா நான் சொல்லணும்னா… உங்களோட அரசியல் ஆர்வம் உங்களோட மனநிம்மதியை கெடுக்குதுன்னா… அப்படிப்பட்ட அரசியலே வேணாம் நண்பா” என்று ஒரு நண்பனாக… சக நடிகனாக விஜய்யிடம் சொல்லியிருக்கிறார் நடிகர் அஜித்.

நண்பன் டா !!

ஒதுக்கினார்கள் தலையை ! வருகிறார் தளபதி !!

noreply@blogger.com (kishore sha) — Wed, 29 Dec 2010 06:41:22 PST

நடிகர் விஜய் ராகுல் காந்தியை சந்திப்பிலேயே தொடரும் பிரச்சனைதான் இது. அதனால்தான் தனது ரசிகர் மன்றத்தினரை அழைத்து அரசியல் ஆலோசனைக் கூட்டங்களை நடத்திவந்தார் இளைய தளபதி விஜய். அதனால் நெருக்கடிகள் தொடர்ந்தது. இந்த பிரச்னையை சமாளித்து வந்து அதன் பின்னர் வந்த புது பிரச்சனை விஜய் நடிக்கும் ''காவலன்'' படம்தான் . இந்த படித்திற்கு ஏகப்பட்ட தலைகள் விதுக்கபட்ட அளவிற்கு…. தியேட்டர்கள் கிடைக்காத அளவுக்கு ஏற்பட்ட நெருக்கடிகள். ஷங்கர் படத்தில் நடிக்க முடியாத சுழலும் ஏற்பட்டது .

இனி பிரச்சினைகளை எதிர்கொண்டு சமாளிகதான் வேண்டும் என்கிற நிலை ஏற்பட்டவுடன்தான் விஜய்யின் அப்பா எஸ்.ஏ.சந்திரசேகர் ஜெயலலிதாவை நேரில் சந்தித்து முறையிட்டார். வரவிருக்கும் சட்டமன்ற தேர்தலில் விஜய் மக்கள் இயக்கம் அ.தி.மு.க.வுக்கு ஆதரவாக செயல்படுவார் என்றும் முடிவு செய்யப்பட்டது. ஜெவுடனான சந்திப்பிற்குப் பிறகு தியேட்டர் அதிபர்கள் விஜய்க்கு கொடுத்து வந்த நெருக்கடிகள் ஓரளவுக்கு குறைந்து “காவலன்” படம் பொங்கலுக்கு வெளிவர இருக்கிறது.

பொங்கலுக்குப் பிறகு… திருச்சியில் “விஜய் மக்கள் இயக்க மாநாடு” நடைபெறவிருக்கிறது. இந்த மாநாட்டுக்கு முன்பாக இயக்க நிர்வாகிகளை அழைத்து ஆலோசனை கூட்டம் நடத்தவிருக்கிறார் விஜய். அந்த கூட்டத்தில் ஏழை மக்களுக்கு என்னென்ன மாதிரியான நலத்திட்ட உதவிகளைச் செய்யலாம்? தேர்தலில் அ.தி.மு.க கூட்டணிக்கு ஆதரவாக எப்படிப்பட்ட பிரச்சாரங்களை மேற்கொள்வது? என்பது குறித்தும் முடிவெடுக்கவிருக்கிறார்கள்.

ஏற்கனவெ ஈரோட்டில் நடக்கவிருந்த நலத்திட்ட உதவிகள் வழங்கும் விழாவை போலீஸார் தகுந்த பாதுகாப்பு தராததால் அதைவிட பிரமாண்டமாக அதே ஈரோட்டில் இந்த மாநாட்டை நடத்தலாம் என்கிற கருத்தும் விஜய் வட்டாரங்களில் நிலவிவருகிறது. நாம் ஏற்கனவே கூறியிருந்தது போல… வெளி நாட்டிலிருந்து திரும்பியிருக்கும் விஜய் வெகு விரைவில் ஜெயலலிதாவை சந்திக்கவிருக்கிறார்.

ஜெயலலிதா விரும்பும் பட்சத்தில்… விஜயகாந்த்திடமும் பேசி அவரை அ.தி.மு.க. கூட்டணிக்கு கொண்டுவரும் வேலையைச் செய்ய எஸ்.ஏ.சந்திரசேகர் தயாராக இருக்கிறார். இப்படி நேரடியாக தி.மு.க.விற்கு எதிராக விஜய் களமிறங்கியதோடு சினிமா மூலமும் தன் எதிர்ப்பை காட்டவிருக்கிறார். சீமான் இயக்கத்தில் விஜய் நடிக்கவிருக்கும் படம் “பகலவன்”. இந்தப் படத்தில் தி.மு.க. விற்கு எதிரான விஷயங்களை பஞ்ச் டயலாக்காக பேசவிருக் கிறார். சீமானும் காங்கிரஸுக்கு எதிரான முழக்கங்களை படத்தில் சேர்க்கிறார். ஆக அனல் அடிக்கும் கதை, தங்களின் கோபத்தை காட்டும் கதை என்பதால் படத்திற்கு “கோபம்” என பெயர் சூட்டலாமா? எனவும் ஆலோசித்து வருகிறார் சீமான். காங்கிரஸ் நிற்கும் இடங்களில் எல்லாம் நாம் தமிழர் இயக்கம் காங்கிரஸை தோற் கடிக்க கடுமையாக பிரச்சாரம் நடத்தும் என சீமான் அறிவித்திருப்ப தால், அ.தி.மு.க. பிரமுகர்கள் குஷியாக சீமானிடம் பேசிவருகிறார்கள். “அண்ணே… உங்களுக்கு ஆதரவா எதையும் செய்வோம்” எனச் சொல்லி வருகிறார்கள்.

இப்படி சினிமாக்காரர்களின் அரசியல் அதிரடி பரபரப்பை ஏற்படுத்தியிருக்கும் நிலையில்… “என்னை அரசியலுக்கு வா என தொல்லை கொடுத்தால் ரசிகர்மன்றத்தையே கலைத்து விடுவேன்” என ரசிகர்களுக்கு எச்சரிக்கை விட்டிருக்கிறார் அஜீத். இந்த அறிக்கையின் பின்னணி குறித்து விசாரித்தோம்.
ஜெயலலிதாவின் அன்பிற்குரியவராக அஜீத் இருந்தாலும் அவர் அரசியலில் ஆர்வம் காட்டாமலேயே இருக்கிறார். ஆனால் விஜய் ரசிகர்கள் அரசியல் களத்தில் இறங்கப்போவதால் “நம்ம தலயும் அரசியலில் இறங்கணும்” என அஜீத்தை நச்சரிக்கிறார்கள். அஜீத் படப்பிடிப்பிற்காக செல்லும் இடங்களில் எல்லாம் அவரின் ரசிகர்கள் கூடி ‘அரசியலுக்கு வரணும்’ என ஆர்ப்பாட்டம், கோஷம் என அமளி பண்ணுவதோடு ரகசிய ஆலோசனை கூட்டமும் நடத்தி வருகிறார்கள். இதனால் அவ்வப்போது ரசிகர் மன்றத்தினரை கூப்பிட்டு அஜீத் கடிந்துகொள்வது வழக்கம்.

ஆனால் கடந்த வாரம் சென்னை, திருவள்ளூர் உள்ளிட்ட பல மாவட்ட அஜீத் ரசிகர் மன்றத்தினரில் ஒருபிரிவினர் பல்லாவரத்தில் ரகசிய கூட்டத்திற்கு ஏற்பாடு செய்தனர். இந்தக் கூட்டத்தில் அரசியலுக்கு அஜீத் வரணும் என தீர்மானம் நிறைவேற்றத் தயாரானார்கள். இது அஜீத்தை டென்ஷனாக்கிவிட்டது. “எனது கொள்கைக்கு மாறாக எனது ரசிகர் மன்றத்தினர் செயல்பட ஆரம்பித்தால் உடனடியாக அஜீத் ரசிகர் மன்றத்தை கலைத்துவிடுவேன்” என அறிக்கைவிட்டு எச்சரித்தார் அஜீத். இதையடுத்து அந்த கூட்டத்தை ரத்து செய்துவிட்டு ‘உங்கள் எண்ணப்படி செயல்படுவோம். மன்றங்களை கலைக்காதீர்கள்’ என அஜீத்திற்கு உறுதியளித்திருக்கிறார்கள்.
“மன நிம்மதியை அரசியல் கெடுக்குமானால் அப்படிப்பட்ட அரசியல் எதுக்கு உங்களுக்கு?” என விஜய்க்கு ஆலோசனை சொன்ன அஜீத் அரசியலில் எப்படி ஈடுபடுவார்? என்கிறார்கள் தலைமை மன்ற நிர்வாகிகள்.

இந்த தலத்தில் உங்கள் செய்தி வரவேண்டுமா ?

noreply@blogger.com (Harsha) — Sun, 26 Dec 2010 03:46:21 PST

இந்த தலத்தில் உங்கள் செய்தி வரவேண்டுமா ?

அணுகவும்
ஹரி

ஜனவரியில் தொடங்குகிறது பகவலன் சூட்டிங்!

noreply@blogger.com (kishore sha) — Fri, 24 Dec 2010 09:23:29 PST

பகலவன் படத்தின் சூட்டிங் ஜனவரியில் தொடங்க உள்ளது. தம்பி, வாழ்த்க்கள் உள்ளிட்ட படங்களை இயக்கியிருக்கும் டைரக்டர் சீமான், அடுத்து இயக்கவிருக்கும் படம் பகலவன். கலைப்புலி தாணு தயாரிப்பில், நடிகர் விஜய் நடிக்கும் இப்படத்தின் ஆரம்ப கட்ட பணிகளில் இருக்கும்போதுதான் தேசிய பாதுகாப்பு சட்டத்தின் கீழ் சீமான் கைது செய்யப்பட்டார்.

சிறைக்குள் இருந்தபடியே பகவலன் படத்திற்கான திரைக்கதையை எழுதி முடித்துவிட்ட சீமான், சமீபத்தில் விடுதலையானார். இதையடுத்து அடுத்தகட்ட பணிகளில் பிஸியாகி விட்டார் அவர். பகலவனில் நடிக்கும் மற்ற கலைஞர்கள் தேர்வில் முழு வீச்சில் இருக்கும் சீமான், ஜனவரியில் பகவலன் படப்பிடிப்பை தொடங்க திட்டமிட்டுள்ளாராம்.

புதிய படம் குறித்து சீமான் அளித்துள்ள பேட்டியொன்றில், தம்பி படத்தைப் போன்று புரட்சிகமான படமாக உருவாகப்போகும் பகவலன், தம்பி விஜய்க்கு மாறுபட்ட அனுபவமாக இருக்கும், என்று கூறியிருக்கிறார்.

சீமான் விஜய்யின் கோபம்! -விலகப் போகிறாரா தாணு !!

noreply@blogger.com (kishore sha) — Thu, 23 Dec 2010 07:25:16 PST

இது பழிவாங்கப்பட்டவர்களின் கதை என்று சப் டைட்டில் கொடுக்காமல் இருந்தால்சரி. மற்றபடி இரண்டு கைகள் நான்கானால்... என்ற ரேஞ்சில் கை கோர்த்துவிட்டார்கள் சீமானும், விஜய்யும். தாணுவின் தயாரிப்பில் சீமான் இயக்கவிருக்கும் பகலவன் படத்தில் விஜய் நடிக்கிறார் என்பதுதான் நேற்றுவரை உலவிய செய்தி. இன்று அதில் இஞ்ச் அளவுக்கு ஒரு மாற்றம் !

கோபம் என்று தலைப்பு வைக்கலாமா என்று யோசித்துக் கொண்டிருக்கிறார்களாம் இருவரும். தேசிய பாதுகாப்பு சட்டத்தில் உள்ளேயிருந்தவர் சீமான். வெளியே வந்த பின்பும் முன்னிலும் வேகமாக இயங்கிக் கொண்டிருக்கிறார். என் மீனவனை அடித்தால் உன் மாணவனை அடிப்பேன் என்ற தனது வாதத்தில் இப்போதும் மாற்றமில்லை என்று முழங்கிக் கொண்டிருக்கிறார். தன் படத்திற்கு தியேட்டர் கிடைக்காததால் குமுறிக் கொண்டிருக்கிறார் விஜய். எனவே 'சீமான் இயக்கத்தில் விஜய்யின் கோபம்' என்ற தலைப்பு பொருத்தமாக இருக்கும் என்று நினைக்கிறார்களாம் இருவரும்.

மாற்றம் இதில் மட்டும் இல்லை. இன்னொரு முக்கியமான விஷயத்திலும் இருக்கிறது என்கிறார்கள் கோடம்பாக்கத்தில். அது? முன்பு இப்படத்தை தயாரிப்பதாக இருந்த தாணு என்ன காரணத்தாலோ கை மாற்றிவிட துடிக்கிறாராம். தாணு போனாலும் கோபத்தை விடக் கூடாது என்ற முடிவிலிருக்கிறார்களாம் சீமானும், விஜய்யும்

அதிஷ்டசாலிக்காக தலையை தயார்படுத்தும் மாதவன்..... அடுத்து தலையை தயார்படுத்த வேண்டியது விஜய் ஏன் ?

noreply@blogger.com (kishore sha) — Thu, 23 Dec 2010 07:15:11 PST

துரை தயாநிதியின் க்ளவுட் நைன் தயாரிப்பில் லிங்குசாமி இயக்கத்தில் ஆர்யா நடிக்க இருக்கும் ‘வேட்டை’ படத்தில் வில்லனாக நடிப்பவர் மேடி மாதவன். கமல், மணிரத்னம் தவிர தமிழில் வேறு யாருக்காகவும் வேறு ஹீரோக்களுடன் நடிக்காத மாதவன், லிங்குச்சாமிக்கு எப்படி ஓகே சொன்னார்? இதுவும் நட்புக்காகத்தான் என்கிறார்கள். பொதுவாக மணிரத்னம், சீமான், கமல், லிங்குசாமி என்று இயக்குனர்களை மதிக்கும் மாதவன் இந்தமுறையும் ஒரு இயக்குனருக்காக வில்லனாக நடிக்க ஒப்புக்கொண்டுள்ளார்.

மாதவனை வைத்து ‘யாவரும் நலம்’ வெற்றிப் படத்தை இயக்கிய விக்ரம் கே.குமார் படத்தில் இருந்து சியான் விக்ரம் வெளியேறியதால் மிகவும் அப்செட்டான விக்ரம் கே. குமாருக்கு உடனடியாக ஒரு வாய்ப்புக் கொடுத்தால் நான் வேட்டைக்கு கால்ஷீட் கொடுக்கத் தயார், விக்ரம் கே.குமார் படத்திலும் நான்தான் ஹீரோ, இரண்டு படத்துக்கும் ஒரே பேக்கேஜாக சம்பளம் கொடுத்தால் போதும் என்றாராம். டீலிங் ஓகே ஆனதால் வேட்டையில் நடிக்க ஒப்புக்கொண்டார் மாதவன்.

வெற்றி கொடுத்த தன்னை மறவாமல் வாய்ப்புக் கொடுத்த மாதவனுக்கு ஒரு பெரிய வெற்றியைத் தரவேண்டும் என்று உழைக்க ஆரம்பித்துவிட்டார் விக்ரம்.கே.குமார். அதிஷ்டசாலி என்று தலைப்பு வைக்கப்பட்டிருக்கும் இந்தப் படத்துக்காக மாதவன் என்று அடையாளம் தெரியாத அளவுக்கு புதிய ஹேர் ஸடைல் வைக்க இருக்கிறார் மாதவன். இது முழு நீள காமெடிப் படம். சொல்லி அடிக்கிற கில்லி ஸ்க்ரிப்டாம். வேட்டை முடிந்ததும் மாதவன் அதிஷ்டசாலியில் நடிக்க இருக்கிறார். இதில் ஸ்ருதி ஹாசன் ஜோடி சேரலாம் என்கிறார்கள்.

இந்த படத்தை முடித்துவிட்டு.விஜய்- விக்ரம் கே.குமார் கூட்டனி அதிவிரைவில் வரும் என எதிர்பாக்கலாம். அத்த படத்தின் பெயர் "24 " என்று வைத்திருப்பதாக சொல்லபடுகிறது.விஜய் காவலன் படத்தை முடித்துவிட்டு வேலாயுதம் படத்தில் நடித்து வருகிறார். இதை அடுத்து பகலவன் படத்தில் நடிக்க இருக்கிறார் நம் தளபதி.அதை அடுத்து "கண்ணபிரான்" இல்ல விடில் "24 ". வெற்றி திருமகனின் படங்கள் மேலும் மேலும் வெற்றிபெற எங்களுடைய வாழ்த்துக்கள்.

மற்றவர்களை புண்படுத்தும் சிறு புன்னகையும் தவறு

noreply@blogger.com (Harsha) — Thu, 23 Dec 2010 06:49:22 PST

இணையதளங்களில் நடிகர் விஜயை பற்றி வரும் ஜோக்குகள், கிண்டல்களை பெரிதாக எடுத்துக் கொள்வதில்லை. எனக்கு அதை விட நிறைய வேலைகள் இருக்கிறது, என்றார் விஜய்.

வெளிநாடுகளின் செய்துவரும் நடிகர் விஜய் பல தடைகளை மீறி வெளிவரும் காவலன் . படத்துக்கு விளம்பரம் செய்யும் விஜய் இந்தப் பயணத்தைப் பயன்படுத்திக் கொண்டுள்ளார்.
அப்பொழது சில வெளிநாட்டு ரசிகர்கள் விஜயிடம் கேள்விகள் கேட்டனர்.

இணைய தளங்களில் உங்களைப் பற்றி முக மோசமாக கிண்டலடிக்கப் படுகிறதே.. அவற்றைப் படிக்கிறீர்களா என்றனர்.அதற்கு பதிலளித்த விஜய், அது எனக்கும் தெரியும் என்றார்.

மேலும் அவர் கூறுகையில், மற்றவர்களை காயப்படுத்தாத எதுவும் தவறில்லை. அதேநேரம், பிறரைப் புண்படுத்தும் சிறு புன்னகையும் தவறு என்று நினைப்பவன் நான். அதை நிஜத்திலும் கடைப்பிடிக்க நினைக்கிறேன். என்னைப் பற்றி வரும் கமெண்டுகளைப் பற்றி நான் கவலைப்படவில்லை!!! , இவ்வாறு நடிகர் விஜய் கூறினார்

மாசற்ற தமிழன் விஜய் என்கிறார் சீமான்

noreply@blogger.com (Harsha) — Wed, 22 Dec 2010 04:13:40 PST

நடிகர் விஜய்யுடன் இணைந்து “பகலவன்” படத்தை இயக்கும் சீமான். தி.மு.க-காங்கிரஸை கடுமையாக விமர்சிக்கும் சீமானும் தி.மு.க.வுக்கு எதிராக அ.தி.மு.க.வுடன் கைகுலுக்கத் துடிக்கும் விஜய்யும் இணையவிருப்பது அரசியலில் பரபரப்பை ஏற்படுத்தியிருக்கிறது.

விஜய் பல மாதங்களுக்கு முன்பு காங்கிரஸ் பொதுச்செயலாளர் ராகுல் காந்தியை சந்தித்து பேசியது அரசியல் வட்டாரத்தில் பெரும் பரபரப்பை ஏற்படுத்தியது. விஜய் காங்கிரஸ் கட்சியில் இணையவிருக்கிறார் என்ற வதந்தி பரவியதால் ஈழத் தமிழர்களின் அதிருப்திக்கு ஆளானார் விஜய். ஆனால் அவர் காங்கிரஸ் கட்சியில் இணையவில்லை. தற்போது சீமான் இயக்கத்தின் நடிப்பதன் மூலமாக ஈழத் தமிழர்களின் ஆதரவை பெற முயல்கிறார் என்கின்றனர்.

சீமான் நிருபர்களிடம் சொன்னது

“பகலவன்” படத்தின் கதையை அண்ணன் தாணுவிடம் சொன்னபோது “கற்றவை… பற்றவை… தீயவை… தீ வை” இதுதான் பகலவனின் கரு. இது அண்ணன் தாணுவை ரொம்பவே உலுக்கி விட்டது. இதனை நடிகர் விஜய்யை வைத்து எடுத்தால் சரியாக இருக்கும் என்றார் தாணு . ஒருநாள் சீமானை தொடர்பு கொண்ட தாணு, “எஸ்.ஏ. சந்திரசேகரனிடம் பகலவன் பற்றிச் சொல்லியிருக்கிறேன். உன்னை வரச் சொல்லியிருக்கிறார். போய் பார்” என்றார். அதன்படி எஸ்.ஏ. சி.யையும் நடிகர் விஜயையும் சந்தித்தேன். கதையை சொல்லச் சொன்னார்கள். சொன்னேன். ரொம்பவும் பிடித்துப் போய்விட்டது அவர்களுக்கு.

அப்போது விஜய், “காவலன், வேலாயுதம், 3 இடியட்ஸ் என மூணு படம் இருக்கு. அதை முடிச்சிட்டு பண்ணலாமா?… அண்ணன் அதுவரை காத்திருக்க முடியுமா?” என்றார். சரி என்று கூறிவிட்டு வந்தேன். அதன்பிறகு தேசிய பாதுகாப்பு சட்டத்தில் சிறைக்கு சென்றதால், நானும் தம்பி விஜய்யும் இணையும் பட வேலைகள் குறித்து எதுவும் விவாதிக்க முடியவில்லை. தற்போது விடுதலையாகிவிட்டதால், அன்று பேசியவைகளை நடைமுறைப்படுத்தும் பணிகள் இப்போது துவங்கியிருக்கிறது.

என்னுடைய கதைக்கு விஜய்தான் பொருத்தமானவர் என்பதால்… எமக்கான கதை இதுதான் என்பதால் விஜய்யோடு இணைகிறோமே தவிர, இதில் வேறு எந்த பின்னணியோ மர்மமோ சதியோ எதுவும் இல்லை என்கிறார் சீமான். தொடர்ந்து நம்மிடம் பேசியவர், “ஈழத் தமிழினத்திற்கு எதிரான சிந்தனையில் அவர் இயங்கினாலோ அரசியல் செய்தாலோ அதை முதலில் கண்டிப்பவனும் எதிர்ப்பவனும் நான் தான். ஆனால், விஜய் அப்படிப்பட்டவர் அல்ல. ஈழத்தமிழினத்தின் மீது எனக்கும் உங்களுக்கும் எந்தளவுக்கு பற்றுதலும் அக்கறையும் இருக்கிறதோ அதில் கொஞ்சம் கூட குறையாமல் விஜய்க்கும் இருக்கிறது.

தமிழ்த் தேசிய சிந்தனைகளுக்கு எதிராக அவர் எங்குமே இயங்கியதில்லை… இயங்கவும் மாட்டார். காங்கிரஸில் இணையப் போகிறேன் என்றோ… சோனியாதான் என் தலைவி என்றோ… காங்கிரஸ் தலைவர்கள்தான் நல்லவர்கள் என்றோ… எங்குமே விஜய் சொன்னதில்லை. ராகுலை சந்தித்ததை மட்டுமே வைத்துக் கொண்டு அவரது சிந்தனைகளை எடை போடக்கூடாது. அப்படியிருக்க, காங்கிரஸ் ஆதரவாளனா விஜய்யை சித்தரிக்க முயல்வது எப்படி சரியாகும்?

அப்படி ஒரு சதி அல்லது பழி அவர் மீது விழுமாயின் அதை போக்க வேண்டிய கடமை எனக்கு இருக்கு. ஏனெனில், தம்பி விஜய் ஒரு தமிழன். அதனால், நாங்கள் இணைவது யதார்த்தமே தவிர… அரசியல் அல்ல என்றார்.

மேலும் சீமானிடம் “அரசியலில் இறங்க விஜய் தீர்மானித்திருக்கிறார். நீங்கள் இயக்கும் இந்தப் படம் அவரது அரசியலுக்கு உதவி புரியுமா?” என்றதற்கு, “தமிழகத்தில் ஆட்சிமாற்றம் நிகழ்வதை விட அரசியல் மாற்றம் நிகழ்ந்தாக வேண்டும். அது தற்போதைய தேவையாக இருக்கிறது.

அந்த அரசியல் மாற்றத்தை ஏற்படுத்தும் புரட்சியாளர்களாக நாம் தமிழர் இயக்கத்தினர் இருக்கிறார்கள். அந்த சிந்தனைதான் விஜய்க்கும் இருப்பதாக அறிந்தேன். அந்த வகையில் விஜய்யின் அரசியல் பிரவேசத்தை வரவேற்கிறேன் நான். நாங்கள் இணையும் இந்தப் படம் அவரது அரசியல் வெற்றிக்கு உதவுமா என்பது படப்பிடிப்புக்கு நாங்கள் செல்லும்போது புரியும்” என்கிறார் சீமான்.

காவலன் படத்தை வெளியிட தடை இல்லை

noreply@blogger.com (Harsha) — Tue, 21 Dec 2010 23:29:58 PST

நடிகர் விஜய் நடித்த காவலன் படத்தை வெளி இடுவடிற்கான தடையை சென்னை ஐகோர்ட் தள்ளுபடி செய்தது .

பாடி கார்டு - என்ற மலையாள படத்தின் கதையை வைத்து காவலன் படத்தை தயாரிக்கும் பிரச்சனையல் காவலன் படத்தின் வெளியீடு தடை பட்டது .

இப்போது கோகுலம் மற்றும் ரமேஷ்பாபு இருவர்க்கும் இட்டையுள்ள பணம் பிரச்சனையில் ஐகோர்ட் சுமுகமான முடிவை வெளிடத்தின் கராமாக காவலன் படம் வருகின்ற பொங்கல் அன்று வெளியீடு படுகிறது .

ஐகோர்ட் ஒருபக்கம் கலைஞர் குடும்பத்தினர் ஒரு பக்கம் இதனை தடைகளை மீறி காவலன் தனது வெற்றி படையை திரட்டி பொங்கல் அன்று வரபோகிறது ..

எவளவோ பண்ணிட்டோம் இதை பன்னமடோம

நான் செய்த தவறு-வருத்தப்பட்ட விஜய்!

noreply@blogger.com (kishore sha) — Tue, 21 Dec 2010 05:36:24 PST

நான் செய்த தவறு-வருத்தப்பட்ட விஜய்!

பொதுவாகவே ஒரு படத்தை முடித்தவுடன் விஜய் வெளிநாடு சுற்றுலா செல்வது வழக்கம். அதுபோல் “காவலன்” படம் முடிந்ததும் சமீபமாக அமெரிக்கா சென்ற விஜய், அங்கு சில நாட்கள் தங்கியதோடு மட்டும் அல்லாமல் சான்பிரான்சிஸ்கோவில் நடந்த “காவலன்”‘ டிரெய்லர் வெளியீட்டு நிகழ்ச்சியிலும் கலந்து கொண்டார். அரங்கத்திற்குள் நுழைந்தவுடனே இளைய தளபதி… என ரசிகர்கள் ஆரவாரம் செய்தனர். இதை பார்த்த விஜய் உற்சாகமானார்.

அவர்களிடம் பேசிய விஜய் :

உங்களை சந்திப்பதில் எனக்கு மிகவும் மகிழ்ச்சி. உங்கள் அன்புக்கும் ஆதரவிற்கும் நன்றி. இந்த ஆதரவை பயன்படுத்திக் கொள்ளாமல் சில வெற்றியடையாத படங்களை கொடுத்து விட்டேன் என்று நினைக்கும் போது வருத்தமாக இருக்கிறது. அது நான் செய்த தவறுதான். ஆனால் இப்போது வர இருக்கும் “காவலன்” படம் நீங்கள் ரசிக்கும்படி இருக்கும் என நினைக்கிறேன். கத்தி, அருவா, துப்பாகி எல்லாத்தையும் தூக்கிப் போட்டு விட்டு மீண்டும் ஒரு காதல் படத்தின் நடித்திருக்கிறேன் என்று ரசிகர்களிடம் சொன்ன விஜய், அவர்களிடம் ஒரு வேண்டுகோளையும் வைத்தார். நீங்கள் வெளிநாட்டுக்கு கொடுக்கின்ற உழைப்பை, கொஞ்சம் தமிழ் நாட்டுக்கும் கொடுங்களேன் என்று சொன்னார்.

அதுமட்டும் இல்லாமல் விஜய் பாட்டு பாடியே ஆகவேண்டும் என ரசிகர்கள் சொல்ல… “நீ எந்த ஊரு நான் எந்த ஊரு முகவரி தேவை இல்லை”‘ என்று அவர் பாடினதும் அரங்கமே ஆட்டம் போட்டது.

விஜய்-சூர்யாவா…சூர்யா-விஜய்யா? -கோடம்பாக்க அரசியல்!

noreply@blogger.com (kishore sha) — Tue, 21 Dec 2010 05:16:03 PST

இரண்டு படங்கள் விழுந்தால் போதும், சூப்பர் ஸ்டாராக இருந்தாலும் இருக்குமிடம் தெரியாமல் செய்துவிடுவார்கள் கோடம்பாக்கத்தில். அத்தனை அரசியல். இதற்கு விஜய் மட்டும் பலியாகாமல் இருப்பாரா… நேற்று இரவு சினிமா நட்சத்திரங்களுக்கான கிரிக்கெட் அணி அறிவிப்பு நிகழ்ச்சியின் போது பேசிய நடிகர் சங்கத் தலைவர் சரத்குமார், இந்த அணியின் “செலிப்ரிட்டி பிளேயர்கள்” சூர்யா மற்றும் விஜய் என்று குறிப்பிட்டார். ஏதோ முதல் முறை தவறி சொல்லியிருப்பார் என்றுதான் எல்லோரும் நினைத்தார்கள்.

ஆனால் திரும்பத் திரும்ப நடிகர்களின் பெயர்களை உச்சரிக்கும் போதும் சரத்குமார் தனது ‘ஆர்டரில்’ முதலிடத்தை சூர்யாவுக்கும் இரண்டாமிடத்தை விஜய்க்கும் தர பத்திரிகையாளர்களுக்கே வியப்பு.

விஜய் சீனியர் மட்டுமல்ல, ரஜினிக்கு அடுத்து அதிக ரசிகர்களை, அதுவும் பக்கா அரசியல் செட்டப்போடு வைத்திருப்பவர். சமீபத்தில் சில படங்கள் அவருக்கு சரியாகப் போகவில்லை என்றாலும், ரசிகர் பலத்தில், வர்த்தகத்தில் அவர் குறைந்துவிடாத நிலையில், நடிகர் சங்கமே விஜய்யை இரண்டாம் இடத்துக்கு தள்ளுகிறதோ என்ற முணுமுணுப்புகளைக் கேட்க முடிந்தது.

முன்னணி நடிகர்களுக்கு இந்த ரேங்க் பிரச்சினை ரொம்ப முக்கியம். சரத்குமார் தவறுதலாக இதைச் சொன்னாரா… அல்லது மனதிலிருப்பதைச் சொன்னாரா என்று அவர்தான் விளக்க வேண்டும், என்றார் சரத்துக்கு நெருக்கமான ஒரு பத்திரிகையாளர்

விஜய்,தனுஷ், சூர்யா நடிக்க ஆசை - சனுஷா !!

noreply@blogger.com (kishore sha) — Mon, 20 Dec 2010 05:26:41 PST

திண்டுக்கல் மாவட்டம் சின்னாளபட்டியில் நடிகர் ஸ்ரீமன் தயாரிக்கும் 'பரிமளா திரையரங்கம்' என்ற திரைப்படம் சின்னாளபட்டி மற்றும் அதனைச் சுற்றியுள்ள பகுதிகளில் படமாக்கப்பட்டு வருகிறது.

இதில் 'ரேணிகுண்டா' தமிழ் படத்தில் கதாநாயகியாக நடித்த கேரள நடிகை சனுஷா கதாநாயகியாக நடித்து வருகிறார்.

நடிகை சனுஷா அளித்த பேட்டி வருமாறு:- நான் கேரள மாநிலம் கண்ணணூரைச் சேர்ந்தவள். சிறு வயதில் இருந்தே மலையாளப் படங்களில் குழந்தை நட்சத்திரத்தில் நடித்து வருகிறேன்.

இதுவரை 33 படத்தில் நடித்துள்ளேன். நான் தெலுங்கில் பவன் கல்யாணுடன் நடித்த 'பாங்கரம்' என்ற படம் பெறும் வரவேற்பைப் பெற்றது.

தமிழில் லிங்குசாமி இயக்கத்தில் 'பீமா' என்ற திரைப்படத்தில் த்ரிஷாவின் தங்கையாக நடித்த போது லிங்குசாமியின் உதவியாளர் பன்னீர்செல்வம்தான் என்னை 'ரேணிகுண்டா' படத்தில் கதாநாயகியாக அறிமுகப்படுத்தினார்.

ஊமையாக நடித்த அந்தப் படம் தமிழில் நல்ல வரவேற்பைப் பெற்றது. தற்போது 'களவாணி', விமலுடன் 'எத்தன்' என்ற படத்திலும் கதாநாயகியாக நடித்து வருகிறேன்.

'ரேணிகுண்டா' படத்தில் நடிப்பதற்காக சின்னாளபட்டியில் ஒரு மாதம் தங்கி இருந்தேன். இங்கு மக்கள் பணியாரம், இட்லி, புட்டு செய்து கொடுத்தனர். சின்னாளபட்டி மக்களிடம் நான் மிகுந்த அன்பு வைத்துள்ளேன்.

தற்போது 'பரிமளா திரையரங்கம்' என்ற படத்தில் நடிப்பதற்காக சின்னாளபட்டிக்கு வந்துள்ளது மிகுந்த சந்தோஷத்தைத் தந்துள்ளது. இந்தப் படத்தில் என் தம்பி சனுப்பும் நடிக்கிறான். நான் விஜய்,தனுஷ், சூர்யா ஆகியோருடன் நடிக்க ஆசைப்படுகிறே

பகலவன் - உறுதி செய்தார் சீமான்

noreply@blogger.com (kishore sha) — Mon, 20 Dec 2010 05:20:07 PST

நாளொரு போராட்டமும், பொழுதொரு அறிக்கையுமாக மத்திய, மாநில அரசுகளின் இருண்ட திரைகளை கிழிக்க ஆரம்பித்துவிட்டார் சீமான். தேர்தலில் வேறு நிற்பதால் சினிமா சீமான் காணாமல் போய்விடுவாரோ என்பது அவரது நலம் விரும்பிகளின் அச்சம்.ஆனால் அப்படி எதுவும் நடக்காது என்று உறுதியளித்துள்ளார் சீமான்.

தேர்தல், பிரச்சாரம், போராட்டம் இவற்றுக்கு நடுவில் அடுத்தப் படத்தை தொடங்கயிருப்பதாக அவ‌ர் தெ‌ரிவித்துள்ளார். தனது அடுத்தப் படம் பகலவன் என்பதையும், விஜய் ஹீரோவாக நடிப்பார் என்பதையும் சீமான் உறுதிப்படுத்தியுள்ளார்.

பகலவனை தாணு தயா‌ரிக்கிறார்.மிகவும் பிரம்மாண்டமாக பகலவன் உருவாகவுள்ளது.இப்படம் விஜய்க்கு முக்கியமானது என்றும் அவருக்கு பெரும் பெயரை வாங்கித்தரும் என சீமான் உறுதியளித்தார்.

3 இடியட்ஸ் நட்புடன் பிரிந்த விஜய்-வாய்திறந்த ஜெமினி!

noreply@blogger.com (kishore sha) — Mon, 20 Dec 2010 05:06:01 PST

3 இடியட்ஸ் படத்திலிருந்து விஜய் நட்புடன் பிரிந்துவிட்டார் என்று அறிவித்துள்ளது ஜெமினி பிலிம் சர்க்யூட் நிறுவனம். ஷங்கர் இயக்கத்தில் உருவாகவிருந்த 3 இடியட்ஸ் தமிழ் ரீமேக்கில் விஜய் நாயகனாக நடிப்பார் என்று கூறப்பட்டது. ஆனால் ஆரம்பத்திலிருந்தே இந்த படம் குறித்து எதிர்மறைச் செய்திகள் வந்தவண்ணமிருந்தன.
இந்த நிலையில் திடீரென இந்தப் படத்திலிருந்து விஜய் விலகிவிட்டார் என செய்திகள் வந்தன. ஆனால் இன்னொரு பக்கம், விஜய் தானாக விலகவில்லை, நீக்கப்பட்டார் என்றும், இதற்கு அதிகார பலமிக்க சிலரது வற்புறுத்தல் காரணம் என்றும் கூறப்பட்டது.

ஆனால் இது தொடர்பாக இயக்குநர் ஷங்கரும், தயாரிப்பாளர் ஜெமினி நிறுவனமும் எந்த கருத்தும் தெரிவிக்கவில்லை. இப்போது முதல்முறையாக இதுகுறித்து அறிவிப்பு வெளியிட்டுள்ளது ஜெமினி நிறுவனம்.

“3 இடியட்ஸ் படத்திலிருந்து விஜய் விலகிக் கொண்டார். சுமுகமான முரையில் நண்பராகவே அவர் பிரிந்தார். அவருக்குப் பதில் வேறு ஹீரோவை ஒப்பந்தம் செய்யும் முயற்சியில் உள்ளோம்” என்று தெரிவித்துள்ளது.
இப்போது விஜய்க்கு பதில் சூர்யாவை நடிக்க வைக்க பேச்சு நடப்பதாகக் கூறப்படுகிறது. சூர்யாவோ, தமிழ் தெலுங்கு இரண்டிலுமே நானே நாயகனாக நடிப்பதாக இருந்தால் சம்மதம் என்று கூறி வருகிறாராம்.

கமலின் அடுத்த ஜோடி அனுஷ்கா

noreply@blogger.com (Harsha) — Sun, 19 Dec 2010 08:25:37 PST

மன்மதன் அம்பு விளம்பர வேலைகளை மொத்தமாக இயக்குனர் கே.எஸ்.ரவிக்குமாரிடம் ஒப்படைத்து விட்டு அடுத்தப் படத்தின் வேலைகளில் பிசியாக இருந்து வருகிறார் கமல்ஹாசன். ‘மன்மதன் அம்பு’ படத்திற்கு முன்பே ‘தலைவன் இருக்கிறான்’ என்ற திரைக்கதையை எழுதி முடித்திருந்தார். இதில் திரிஷா நடிப்பதாக கூறப்பட்டது.
ஆனால் சில பிரச்சனைகளால் ‘மன்மதன் அம்பு’ படத்தை தொடங்கி ஒரு வழியாக படம் ரிலீசுக்கு தயார் நிலையில் உள்ளது. இப்போது தன் அடுத்த படத்திற்கான டெக்னீஷியன்களை தேர்வு செய்யும் வேலையில் இருக்கிறார் கமல்.
ஹவுஸ் பாக்ஸ் ஸ்டுடியோஸ் ஹாலிவுட் நிறுவனம் தயாரிக்கும் இந்தப் படத்திற்கு இசை ஏ.ஆர்.ரஹ்மான் எனவும் சொல்லப்படுகிறது. படத்தை இயக்க தனக்கு நெருங்கிய இயக்குனர் நண்பர்களை கேட்டு வருகிறார் கமல். அது கே.எஸ்.ரவிக்குமாராகவும் இருக்கலாம். ‘தலைவன் இருக்கிறான்’ மிகப்பெரிய பட்ஜெட்டில் எடுக்கப் படுகிறதாம். ‘மன்மதன் அம்பு’ படத்தில் கமலுடன் நடிக்க வேண்டும் என்ற திரிஷாவின் ஆசை நிறைவேறியது. கமலின் இந்தப் படத்தில் நடிக்கும்அதிர்ஷ்டம் அடுத்து யாருக்கு என்பது தானே உங்கள் கேள்வி.
இந்தப் படத்திற்காக கமலின் அம்பு அனுஷ்காவை குறிவைத்திருக்கிறது… சிக்குமா!

நடிகர் பாக்யராஜை பிரசாரத்திற்கு அழைக்கும் தி.மு.க

noreply@blogger.com (Harsha) — Sun, 19 Dec 2010 08:08:04 PST

பூர்ணிமா பாக்யராஜ்

நடிகர் பாக்யராஜை வருகிற சட்டமன்ற தேர்தலில் முதல்வர் கருணாநிதி பிரசாரத்திற்கு அழைத்துள்ளார். இதை அடுத்து நடிகர் பாக்யராஜ் பிரசாரத்திற்கு தயார் ஆகிவருகிறார் .

மதுரையில் நிருபர்களை சந்தித்த பாக்யராஜ் அவர் கதாநாயகனாக நடித்த காலங்களில் நல்ல கருத்துள்ள படங்களும் , நல்ல பாடல்களும் , நல்ல கதைகளும் வந்தனே , அப்பொழது இருந்த கதை ஆசிரியர்கள் நல்ல அனுபவம் உள்ளவர்களாக இருந்தனர் , அப்பொழது வந்த படங்கள் எல்லா வயதினர்களையும் கவர்ந்தது , அனால் இபோழ்து தமிழ் சினிமாவில் இளம் தயரிபளர்கள் வந்துகொண்டு இருகிறார்கள் , அதிநவீன தொழில் நுட்பத்தில் படம் எடுப்பதால் படங்களில் கதை இல்லை என்றாலும் படம் ஓடிவிடுகிறது .

பெரும்பாலானோர் வீட்டிலேயே சி.டி.களில் படத்தை பார்க்கின்றனர். விரைவில் திருட்டு சி.டி.க்கள் அழியும் காலம் வரும். எல்லோரும் தியேட்டர்களில் வந்து பார்க்கும் சூழ்நிலை உருவாகும்.

நடிகர் பாக்யராஜின் மகன் நடித்துள்ள சித்து பிளஸ்-2 படத்துக்கு ஆதரவு தாருங்கள். இந்த படத்தில் ஆபாசம் இல்லை. நான் முழுநேர அரசியல்வாதியாக மாறும் எண்ணம் தற்போது இல்லை.

இவ்வாறு அவர் கூறினார்.

வேலாயுதம் - பிரமாண்ட சண்டை காட்சி !

noreply@blogger.com (kishore sha) — Sun, 19 Dec 2010 04:36:23 PST

எந்திரன் படத்தில் பிரம்மாண்ட ரயில் சண்டைகாட்சி ஒன்றை இயக்குனர் ஷங்கர் உருவாக்கியிருந்தார்.இந்த சண்டைக்காட்சி பலராலும் வியந்து பாராட்டப்பட்டது.அதே போன்ற சண்டைக் காட்சியை இளையதளபதி விஜய் நடிக்கும் வேலாயுதத்தில் உருவாக்கவுள்ளதாக படத்தின் இயக்குனர் ராஜா கூறியுள்ளார். இக்காட்சி படத்தில் பெரிதாக பேசப்படும் வகையில் பிரம்மாண்டமாக எடுக்கவுள்ளார் ஆஸ்கர் ரவிச்சந்திரன்.இதனை ஆந்திர மாநிலத்தில் படமாக்க திட்டமிட்டுள்ளதாக படகுழுவினர் பேசுகின்றனர்.

ஹாலிவூட் துணை நடிகர்கள் இச்சண்டை காட்சியில் நடிக்கவுள்ளனர்.இதில் ஆசிய சூப்பர்ஸ்டார் ஜாக்கிசான் வழிகாட்டியாக இருப்பார் என அந்த செய்தி தெரிவிக்கிறது,

இப்படத்தின் மூலம் விஜயின் புதிய பரிமாணத்தினை வெளிப்படுத்துவதில் இயக்குனர் ராஜா முனைப்பாக இருக்கிறார்.இத்திரைப்படம் விஜயிக்கு முக்கியமான படமாக அமையும் என ராஜா கூறினார்.

வேட்டை ஆரம்பமாயிடிச்சிடோய்!!!

இடியாப்ப சிக்கலில் த்ரி இடியட்ஸ் !!

noreply@blogger.com (kishore sha) — Sun, 19 Dec 2010 02:17:54 PST

இதுவரைக்கும் த்ரி இடியட்ஸ் பற்றி அந்த படத்தை தயாரிக்கும் நிறுவனத்திடமிருந்து அதிகாரபூர்வமான செய்திகள் வந்ததேயில்லை. இப்போது முதன்முறையாக ஒரு விளக்கம் வந்திருக்கிறது.

இந்த படத்தில் விஜய் நடிப்பதாக இருந்தது. பல்வேறு காரணங்களால் அவரால் நடிக்க முடியவில்லை. இந்த கேரக்டரில் நடிக்க வேறு பல முக்கிய நடிகர்களிடம் பேச்சு வார்த்தை நடந்து வருகிறது. இன்னும் சில தினங்களில் அந்த நடிகர் யார் என்பதை அறிவிப்போம் என்பதுதான் அந்த விளக்கம்.

நாம் ஏற்கனவே எழுதியிருந்தபடி சூர்யாவிடம்தான் விடாமல் பேச்சு வார்த்தை நடத்தி வருகிறார்கள். ஒவ்வொரு முறையும் ஒவ்வொரு கோரிக்கையாக வைக்கிறாராம் சூர்யா. தெலுங்கிலும் நானே நடிப்பேன் என்று அடம் பிடித்தவர் இப்போது வைத்திருக்கும் கோரிக்கை, தயாரிப்பு தரப்பை ரொம்பவே மிரள வைத்திருக்கிறதாம்.

சம்பளம் பேசும்போதுதான் இந்த ஆம்புலன்ஸ் அதிர்ச்சி கொடுத்திருக்கிறார் சூர்யா. அவர் கேட்ட சம்பளத்தை விரல் விட்டு சொல்ல வேண்டும் என்றால் கைவிரல்கள் போதாது. கால் விரல்களையும் சேர்த்தால்தான் முடியும் போலிருந்ததாம். இந்த பிரச்சனையே முடியவில்லை. அதற்குள் இன்னொரு பிரச்சனை. படத்தில் நடிக்கவிருக்கும் இன்னொரு ஹீரேவான ஜீவா, தன்னுடன் நடிக்கப் போகும் வேறொரு ஹீரோவை படத்திலிருந்து நீக்க சொல்கிறாராம். அப்புறம்தான் என் கால்ஷீட் என்கிறாராம்.

காவலனை எதிர்க்க கூட்டு சேரும் குடும்பம் !!

noreply@blogger.com (kishore sha) — Fri, 17 Dec 2010 03:06:00 PST

எங்களை திட்டமிட்டு ஒழிக்க நடக்கிற சதி’ என்று விரல் நீட்டுகிறார் விஜய். அவர் நீட்டுகிற திசையில் இருக்கிறவர்கள் எல்லாருமே முதல்வர் வீட்டு வாரிசுகள். காவலன் வரும்போது ஆடுகளமும் வரும் என்று கூறிவந்த சினிமா புள்ளிகள், அதற்காகவே படத்தை இன்னும் இன்னும் என்று இழைத்துக் கொண்டிருப்பதாகவும் கொளுத்திப் போட்டார்கள். ஆனால் இப்போது திடீர் பிரேக் போடப்பட்டிருக்கிறதாம் ஆடுகளத்திற்கு

வருகிற பொங்கல் தினத்தன்று வெளிவரப்போகிறது காவலன். பா.விஜய் நடிக்கிற இளைஞனும் வரப்போகிறது இளைஞனை ரெட் ஜெயண்ட் வெளியிடுவது அனைவருக்கும் ஏற்கனவே தெரிந்த ஒன்று. ஆனால் இந்த நேரத்தில்தான் ஆடுகளத்தையும் கொண்டுவரப்போவதாக சன் டீவியின் திட்டம். ஆனால் கலைஞரின் படம் வெற்றி பெறவேண்டும் என்பதற்காக ஆடுகளத்தை களமிறக்க யோசிக்கிறது சன்டீவி.

எனவே அப்படத்தை இன்னும் ஒரு வாரம் அல்லது இரண்டு வாரம் கழித்து ரிலீஸ் செய்ய பணித்திருக்கிறார்களாம். அதனால் ஆடுகளத்தை தள்ளி வைத்து காவலனுக்கு எதிராக இளைஞனை மொத்த குடும்பமும் இணைந்து களத்திற்கு கொண்டு வருகிறார்கள். ஸோ ஒரே கல்லில் 2 மாங்காய் அடிக்க திட்டமிட்டுள்ளார்கள் கலைஞரின் 75 வது படம் வெற்றி பெற வேண்டும். அதெ நேரத்தில் காவலனைத் தோற்கடிக்க வேண்டும்.

எனவே இப்போதைக்கு ‘ஆடுகளம்’ தள்ளிப்போகலாம். அல்லது ஆடுகளமும், இளைஞனும் சேர்ந்தே காவலனை எதிர்க்கலாம்.

பாக்கலாம் யாரு யார்ர எதிர்கிறானு பார்க்கலாம்...

காவலன் ட்ரைலர்-அமெரிக்காவில் அரங்கேற்றிய விஜய்!

noreply@blogger.com (kishore sha) — Fri, 17 Dec 2010 03:00:13 PST

இளையதளபதி விஜய் தற்போது அமெரிக்காவில் இருக்கிறார். ஆமாங்க… காவலன் படத்தின் ட்ரைலர் வெளியீட்டை அமெரிக்காவில் அரங்கேற்றியிருக்கிறார் விஜய். சித்திக் இயக்கத்தில் விஜய் நடித்து பொங்கலுக்கு வெளிவரவிருக்கும் “காவலன்” படத்தின் ட்ரைலர் கலிபோர்னியாவில் நேற்று வெளியிடப்பட்டது. தமிழ் சினிமா வரலாறில் ஒரு படத்தின் ட்ரைலர் வெளிநாட்டில் வெளியிடப்படும் முதல் தமிழ் படம் என்னும் பெருமை “காவலன்” படத்திற்க்கு கிடைத்துள்ளது.

மேலும், கலிபோர்னியாவில் உள்ள இந்திய மத்திய தொடர்பகத்தில் நடைபெற்ற நிகழ்ச்சி ஒன்றில் இளையதளபதி விஜய் சிறப்பு விருந்தினராக கலந்து கொண்டார். அங்கு அவருக்கு உற்சாக வரவேற்ப்பு வழங்கப்பட்டது. பின்னர் ரசிகர்கள் ஏற்பாடு செய்திருந்த விருந்திலும் ரசிகர்களுடன் கலந்துகொண்டார் விஜய்.

“காவலன்” படத்தின் வெளிநாட்டு உரிமையை வாங்கிருக்கும் தந்திரா நிறுவனம் உலகெங்கும் பிரம்மாண்டமாக வெளியிடுகிறது.

விஜய் அரசியலுக்கு வருவாரா-எஸ்.ஏ.சி பரபரப்பு பேட்டி !!

noreply@blogger.com (kishore sha) — Wed, 15 Dec 2010 23:47:30 PST

நடிகர் விஜய் கண்டிப்பாக அரசியலுக்கு வர மாட்டார். அரசியல் மேடைகளிலும் ஏற மாட்டார், என்று விஜய்யி்ன் தந்தை எஸ்.ஏ.சந்திரசேகர் தெரிவித்துள்ளார். ஈரோடு மாவட்டம், தாளவாடி மலைப்பகுதியில் உள்ள சூட்டிங் ஸ்பாட்களை பார்வையிட வந்த டைரக்டர் எஸ்.ஏ.சந்திரசேகர் நிருபர்களுக்கு பேட்டியளித்தார். அப்போது அவர் கூறுகையில், 1982ல் வெளியாகி வெற்றிபெற்ற சட்டம் ஒரு இருட்டறை படத்தை இந்த காலத்துக்கு ஏற்றாற்போல மாற்றி சட்டப்படி குற்றம் என்ற பெயரில் எடுத்து வருகிறேன். முதல் பாதி சென்னையிலும், பின் பாதி காடுகள் நிறைந்த பகுதிகளிலும் காட்சிகள் வருகின்றன. அத‌னால் சூட்டிங் ஸ்பாட்டை தேர்வு செய்வதற்காக வந்துள்ளேன், என்றார்.

அ.தி.மு.க. பொதுச்செயலாளர் ஜெயலலிதாவை சந்தித்தது குறித்த கேள்விக்கு பதில் அளித்த அவர், எனக்கு காமராஜரைத் தெரியும், காங்கிரசை தெரியாது, எம்.ஜி.ஆரை தெரியும், அ.தி.மு.க.வை தெரியாது. தி.மு.க.வை தெரியும் கலைஞரை தெரியாது. தே.மு.தி.க.வை தெரியும் விஜயகாந்தை தெரியாது. மக்களுக்கு நல்லது செய்யும் தலைவர்களை தெரியும். அவர்கள் இருக்கும் கட்சியை எனக்கு தெரியாது. அ.தி.மு.க. பொதுச் செயலாளர் ஜெயலலிதாவை மரியாதை நிமித்தமாகத்தான் சந்தித்தேன். அரசியல் கட்சியில் இணையும் எண்ணம் கிடையாது.

ஆனால் நான் அரசியலுக்கு வர வாய்ப்பு உள்ளது. அதை நான் மறுக்கவில்லை. மக்களுக்கு நல்லவற்றை செய்யும் கட்சிக்காக வரும் தேர்தலில் பிரச்சாரம் செய்யவும் வாய்ப்புகள் உள்ளது, என்றார்.

காவலன் பட பாடல்கள் சிறப்புகண்ணோட்டம் !!

noreply@blogger.com (kishore sha) — Wed, 15 Dec 2010 23:20:49 PST

காவலன் படத்தில் மொத்தமாக 5 பாடல்கள் இடம்பெற்றுள்ளன.இதில் வரும் விண்ணை காப்பான் ஒருவன் பாடல் விஜய் பட ஆரம்ப பாடல் போல் இருந்தாலும் குத்துபாடலாகவே காணப்படுகிறது இப்பாடலை பா.வியை எழுத திப்பு சுவேதா படியுள்ளனர் .பட்டாம்பூச்சி பாடலை கபிலன் எழுத கே.கே , ரீரா பாடியுள்ளனர். யாரது யாரது பாடலையுகபாரதி எழுத கார்த்திக்,சுசித்திரா படியுள்ளனர். பட்டாம்பூச்சி ,யாரது யாரது பாடல்கள் மெலடியில் கலக்கியுள்ளன.சட சட பாடல் விஜயின் ஆரம்ப கால பாடல்களை ஞாபக படுத்துவது போல அமைந்துள்ளது.

இப்பாடலில் யுகபாரதியின் வரிகளும் கார்திக்கின் குரலும் இனிமையாக அமைந்துள்ளன.ஸ்டெப் ஸ்டெப் பாடலை விவேகா எழுதியுள்ளார் வென்னிடயல் மேகா பாடியுள்ளனர்.இதில் விதியாசாகரின் இசை அற்புதமாக அமைந்துள்ளது.

ஒவ்வொரு பாடலும் வித்தியாசாகரின் இசையில் வித்தியாசமாக வந்துள்ளன.சிறந்த பாடல் என எதனை கூறுவது என்பது மிகவும் கடினம் ஏனெனில் எல்லா பாடல்களும் ரசிக்கும் படி அமைந்துள்ளன.விஜய்க்கும் விஜய் ரசிகர்களுக்கு மட்டும் பிடிக்கும் பாடலாக அமையாமல் அனைத்து ரசிகர்களும் ரசிக்கும் படி பாடல்கள் அமைந்துள்ளன.காவலன் இசை மொத்ததில் சூப்பர் கிட் ஆகியுள்ளது.அனைத்து அலைவரிசைகளிலும் காவலன் பாடல் பட்டையை கிளப்புகிறது.வீனஸ் நிறுவனம் பாடல்களை வெளியிட்டு இலாபம் அடைந்துள்ளது.

விஜய் விஷயத்தில் சறுக்கல்களை சந்தித்த ஜீவா!

noreply@blogger.com (kishore sha) — Wed, 15 Dec 2010 21:17:31 PST

அண்ணே அண்ணே' என்று அன்பை பொழிந்தாலும் தொழில்னு வரும்போது "தூரபோன்னு" சொல்லிட்டாரே...

முதல் சறுக்கல் த்ரி இடியட்ஸ் . விஜய் இதில் நடிக்கிறார் என்பதாலும், படத்தை ஷங்கர் இயக்கப் போகிறார் என்பதாலும்தான் மூன்று ஹீரோ சப்ஜெக்ட்டில் நடிக்கவே ஒப்புக் கொண்டார் ஜீவா. ஆனால் அப்படத்தில் இப்போது விஜய் இல்லை. (படமே இல்லை என்கிறார்கள் கோடம்பாக்கத்தில். அது வேறு விஷயம்) என்ன காரணம் என்பதை வேண்டுமளவு அலசி ஆராய்ந்தாச்சு என்பதால் அடுத்த மேட்டருக்கு போவோம்.

ஜீவா ஹீரோவாக நடிக்கும் ‘கோ’ படத்தில் ஒரு பாடல் காட்சி இடம்பெறப் போகிறது. அதில் தமிழின் முன்னணி நடிகர்கள் அத்தனை பேரும் ஒவ்வொரு வரியை திரையில் வந்து பாடிவிட்டு செல்வதாக காட்சி. கிட்டதட்ட ஒரு ஆல்பம் போலிருக்கும் இந்த பாடல் மிகப்பெரிய ஹிட் ஆகும் என்று கனவு கண்டு கொண்டிருந்தார் படத்தின் இயக்குனர் கே.வி.ஆனந்த்.

ஆனால் இந்த ஸ்டார் கேங்கிலிருந்து முதல் செங்கல் உருவப்பட்டிருக்கிறது. உருவியவர் சாட்சாத் விஜய்தான். சூர்யா, சிம்பு, விக்ரம், கார்த்தி, ஆர்யா, ஜெயம்ரவி என்று பலரும் தலைகாட்ட சம்மதம் தெரிவித்திருந்த நிலையில் விஜய் மட்டும் “ஸாரி. என்னால முடியாது” என்று கூறிவிட்டாராம். இவருக்காக நாம 3 இடியட்ஸ் ஒப்புக்கொண்டோம் ஆனா இவர் இப்படி சொல்லிட்டாரேன்னு பீலிங்க்ல இருக்காரு ஜீவா.

இப்படி ஆயிடிச்சே ஜீவா !!

காவலன் படம் ரிலீஸில் நெருக்கடி!!

noreply@blogger.com (kishore sha) — Wed, 15 Dec 2010 07:41:44 PST

பொங்கலுக்கும் காவலனுக்கு தியேட்டர் கிடைப்பது சிரமம்-விஜய்க்கு பெரும் நெருக்கடி! விஜய் நடிக்க வந்து கிட்டத்தட்ட 18 ஆண்டுகள் ஆகின்றன.
காவலன் படம் ரெலீசில் நெருக்கடி
ஆனால் இத்தனை ஆண்டுகளில் அவர் சந்தித்திராத நெருக்கடியை இப்போது சந்தித்துக் கொண்டிருக்கிறார். அசினுடன் அவர் நடித்துள்ள காவலன் திரைப்படம், எல்லாம் முடிந்த பிறகும் கூட ரிலீசுக்கு வழியில்லாமல் தவிக்கிறது.

இதுவரை மூன்று முறை ரிலீஸ் தேதி அறிவிக்கப்ட்டு, தியேட்டர்கள் கிடைக்காமல் தள்ளிப் போடப்பட்டது காவலன். கடைசியாக டிசம்பர் 17 என நாள் குறிக்கப்பட்டது. ஆனால் அன்றைய தேதிக்கு தியேட்டர்கள் கிடைப்பது கஷ்டம் என்றும், அப்படியே கிடைத்தாலும் அடுத்த வாரம் மன்மதன் அம்பு வெளியாகும்போது தூக்கிவிட வேண்டும் என்றும் நிர்பந்திக்க டென்ஷனான விஜய், படத்தை பொங்கலுக்குத் தள்ளி வைத்து விட்டார்.

இப்போது பொங்கலுக்கும் கூட இந்தப்படத்துக்கு நல்ல தியேட்டர்கள் தரமுடியாது என்றும் ஏதாவது மூன்றாம் தர திரையரங்குகள்தான் கிடைக்கும் வாய்ப்புள்ளதாகவும் கூறப்படுகிறது. ஏன்? காரணம், பொங்கலுக்கு கருணாநிதியின் இளைஞன், சன் பிக்ஸர்ஸின் ஆடுகளம், க்ளவுட் நைன் புரொடக்ஷன்ஸின் சிறுத்தை ஆகிய படங்கள் வெளியாகின்றன.

இளைஞன் படத்தை உதயநிதி ஸ்டாலின் அதிக தியேட்டர்களில் வெளியிடுகிறார். முன்கூட்டியே தியேட்டர்களை ஒப்பந்தம் செய்து கையெழுத்தும் வாங்கிக் கொண்டுள்ளார். அடுத்து, ஆடுகளத்தை சன் பிக்ஸர்ஸ் ரிலீஸ் செய்கிறார்கள். விஜய் படம் தயாராகும் முன்பே ஆடுகளத்துக்காக தியேட்டர்களை ஒப்பந்தம் செய்துள்ளனர்.

மூன்றாவது படமான சிறுத்தையை முக அழகிரியின் மகன் தயாநிதி அழகிரியின் க்ளவுட் நைன் வெளியிடுகிறது. இந்த நிறுவனமும் முன்கூட்டியே திரையரங்குகளை ஒப்பந்தம் செய்து கொண்டுள்ளது. மன்மதன் அம்பு உள்ளிட்ட மேற்கண்ட படங்களுக்காக நிறைய தியேட்டர்கள் புக் ஆகி விட்டதாக கூறப்பட்டாலும் கூட, காவலனுக்கு தியேட்டர் கிடைக்காமல் போயிருப்பதற்கு 'உண்மை'யான காரணம் என்ன என்பது மற்றவர்களை விட திரையுலகினருக்கு மிக நன்றாகவேத் தெரியும்.

இருந்தாலும் வாய் திறந்து பேச முடியாத அளவுக்கு அவர்களை ஏதோ ஒரு 'பாசவலை' கட்டிப் போட்டிருப்பதாக கூறப்படுகிறது. சிங்கம் வேட்டையாடிய இறையின் மிச்சம் கிடப்பதைப் போல, இந்த மூன்று பெரிய நிறுவனங்களின் படங்களுக்கு ஒதுக்கப்பட்டது போக மீதியிருந்தால் அது காவலனுக்கு தரப்படும் என்கிறார்கள் எக்ஸிபிட்டர்ஸ் வட்டாரத்தில்.

"ஒருவேளை இப்போது, அதிக திரையரங்குகளில் ரிலீஸாகும் மன்மதன் அம்பு பொங்கல் நேரத்திலும் ஓடிக் கொண்டிருந்தால், காவலன் ரிலீஸ் பற்றி விஜய் நினைத்துக் கூடப் பார்க்க முடியாதே...", என்கிறார்கள்.

தன்னைச் சுற்றிலும் கணக்காக 'ஆப்பு' வைத்து விட்டார்கள் என்பதை உணர்ந்துள்ள விஜய், தற்போது அதிமுக ஆதரவுப் பிரமுகர்களிடம் உள்ள தியேட்டர்கள் குறித்துக் கணக்குப் போட்டுப் பார்த்துள்ளார். அது கிட்டத்தட்ட 120க்கும் அதிகமாக உள்ளதாக தெரிய வந்துள்ளது. இதையடுத்து அங்கெல்லாம் காவலனை திரையிட அவர் முயற்சிகளை தொடங்கியுள்ளாராம்.