ஒளியுலகம்

புகைப்படம் எனும் கலை: வரலாறும் வளர்ச்சியும் (பாகம் 02)

noreply@blogger.com (Vijay Armstrong) — Thu, 02 Apr 2020 05:43:00 +0000

1888-இல் துவங்கப்பட்ட கொடாக் நிறுவனம், நூற்றாண்டு கடந்தும் பல புகைப்படக்காரர்களின் விருப்பத்திற்குரியதாக இருந்திருக்கிறது. சொல்லப்போனால் பல புகைப்படக்காரர்களை உருவாக்கியதே அதுதான் எனலாம். புகைப்படம் எடுக்கும் பழக்கத்தை நமக்கு ஏற்படுத்தியதே கொடாக் தான். அது கண்டுபிடித்த படச்சுருள் தான் புகைப்படம் பிடித்தலை உலகத்தாரிடையே பரப்பியது, அதிகரிக்கச்செய்தது.

முதல் படச்சுருள், முதல் கேமரா, முதல் டிஜிட்டல் கேமரா என அது கண்டுபிடித்த பல 'முதல்'கள் உலகெங்கும் பிரபலம். புகைப்படம் பிடித்தலை எல்லாருக்குமானதாக மாற்றிக் காட்டியது அதன் பெரும் சாதனை.

1885-இல் 'roll of Eastman’s photo plates'-ஐ கண்டுபிடித்ததிலிருந்து பல நிலைகளை கடந்து 1889-இல் மக்கள் பயன்பாட்டிற்கான படச்சுருளை அந்நிறுவனம் தயாரிக்கத் துவங்கியது. அப்படச்சுருள் தான் திரைப்படம் என்னும் கலை உருவாக காரணமாக இருந்தது என்பதையும் இங்கே நாம் நினைவில் கொள்ளவேண்டும்.

எடிசனின் (Thomas Edison) 'Kinetoscope' என்னும் கருவியும், கொடாக்கின் படச்சுருளும் சேர்ந்து திரைப்படம் என்னும் கலையை/துறையை உருவாக்கியது என்பது தனிக் கதை .

1900-இல் கொடாக் நிறுவனத்தின் முதல் கேமரா ‘Kodak Brownie’ அறிமுகப்படுத்தப்பட்டது. அட்டையால் (cardboard) ஆன ஒரு பெட்டி அது. அதில் ஒரு லென்சும், ஷட்டரும் இணைக்கப்பட்டிருந்தது. ‘நீங்கள் பொத்தானை அழுத்துங்கள், மற்றவற்றை நாங்கள் பார்த்துக்கொள்கிறோம்’ (You press the button, we do the rest) என்ற விளம்பர வாசகத்தோடு அறிமுகப்படுத்தப்பட்ட இக்கேமராவில் 'paper film' படச்சுருள் இணைக்கப்பட்டிருந்தது. அதைப்பயன்படுத்தி நூறு புகைப்படங்களை எடுக்கலாம். புகைப்படம் எடுத்தவுடன் கேமராவையே கொடாக் நிறுவனத்திற்கு அனுப்ப வேண்டும்.

அங்கே அவர்கள் கேமராவில் இருக்கும் படச்சுருளை எடுத்து டெவலப் செய்தும், மாற்றுப் படச்சுளை கேமராவில் இணைத்தும் கொடுப்பார்கள். இக்கேமராவே 'Amateur Photography'-இன் துவக்கமாக இருந்தது.

அங்கே துவங்கிய கொடாக்கின் வெற்றிப் பயணம், உலகின் மூலை முடுக்கு எல்லாம் போய்ச் சேர்ந்தது. உலகம் புகைப்படங்களை எடுத்துத் தள்ளியது. கொடாக் பெரும் பணம் பார்த்தது.

1935-இல் 'Kodachrome' என்னும் வண்ணப் படச்சுருளை கொடாக் நிறுவனம் கண்டுபிடித்து புழக்கத்திற்கு கொண்டுவந்தது. வண்ணமயமான உலகத்தை சிறைபிடிக்கும் ஒரு தொழில்நுட்பத்தை கண்டு உலகம் அதிசயத்தது. கொடாக் எல்லோருடைய இதயங்களிலும் இடம் பிடித்தது. இதுவும் பெரும் வெற்றியை அடையவே, அப்படச்சுருள் 8mm, 16mm, 35mm, 120, 116, 828 என எல்லா format-லும் அறிமுகப்படுத்தப்பட்டது. தொடர்ந்து 74 ஆண்டுகள் பயன்பாட்டில் இருந்த 'கொடாக் குரோம்' படச்சுருள் 2009-இல் தயாரிப்பு நிறுத்தப்பட்டது. காரணம் என்ன என்பதை நாம் அறிவோம். ஆம், உலகம் டிஜிட்டல் மயமாகிவிட்டது.

சரி ஒரு புகைப்படக் கேமரா எப்படி வேலை செய்கிறது என்பதையும் புரிந்துக்கொள்ளுவோமா..!

ஒரு புகைப்படக் கேமரா, அடிப்படையாக மூன்று உறுப்புகளைக் (Element) கொண்டது.

1. லென்ஸ் - Optical Element

2. படச்சுருள் - Chemical Element

3. கேமரா என்ற அமைப்பு(Camera Body) - Mechanical Element.

இம்மூன்று உறுப்புகளை ஒருங்கிணைத்து தெளிவான பிம்பங்களைப் பதிவு செய்வதே ஒரு கேமராவிற்கு பின்னிருக்கும் தொழில்நுட்பமாகும்.

அடிப்படையில் கேமரா என்பது ஒளியை பதிவு செய்யும் ஒரு கருவி. ஒரு பொருள் அல்லது நபரின் மீது விழும் ஒளியானது பிரதிபலிப்பதனால் தான் நாம் அவற்றைப் பார்க்க முடிகிறது. அப்படி பிரதிபலித்து வரும் ஒளியை ஒருங்கிணைத்து தெளிவாக பதிவு செய்யவே லென்ஸ் பயன்படுகிறது. லென்ஸின் வழி ஊடுருவி வரும் ஒளியை படச்சுருள் (Film) எனப்படும் வேதிப்பொருட்கள் பூசப்பட்ட மெல்லிய பட்டை, தன் மீது விழும் ஒளியைப் பொறுத்து வேதிவினை புரிந்து ஒளியைப் பதிவு செய்கிறது. இப்படச்சுருள் மீது வேறு ஒளிகள் விழாவண்ணம் அது இருக்கும் அறை இருட்டாக இருக்கும்படி வடிவமைக்கப்பட்டிருக்கிறது. (ஆரம்பக்காலங்களில் இந்த படச்சுருளுக்கு பதிலாக வேதிப்பொருட்கள் பூசப்பட்ட தகடு அல்லது கண்ணாடியை பயன்படுத்தினார்கள்) லென்ஸின் வழி ஊடுருவி வரும் ஒளியானது படச்சுருளின் மீது விழும்போது மட்டும், விலகி வழி விட ஒரு தடுப்பு இருக்கிறது. இத்தடுப்புதான் ‘ஷட்டர்’ (Shutter) என்று அழைக்கப்படுகிறது. இந்த ஷட்டர் தடுப்பு எவ்வளவு நேரம் விலகி வழி விடவேண்டும் என்பதை நிர்ணயிக்கத் தேவையான அமைப்பும் கேமராவில் இருக்கிறது. அதே போல லென்ஸின் வழி எவ்வளவு ஒளி ஊடுருவி வரலாம் என்பதை நிர்ணயிக்கவும் ஒரு அமைப்பு உண்டு. இவ்வமைப்பு ‘அப்பார்ச்சர்’ (Aperture) என்று அழைக்கப்படுகிறது.

நாம் படம் பிடிக்க விரும்பும் காட்சியை, நாம் பார்ப்பதற்கென்று ஒன்றும், பதிவு செய்வதற்கென்று ஒன்றும் என இரண்டு லென்ஸுகள் கொண்ட கேமராக்களை ஆரம்பக் காலங்களில் பயன்படுத்தினார்கள். இவற்றை ‘Twin-lens reflex Camera’ என்றார்கள். பிறகு, லென்ஸுக்கும் படச்சுருளுக்கும் இடையே ஒரு கண்ணாடியை சாய்வாக அமைத்து, லென்சில் இருந்து வரும் ஒளியை திசைதிருப்பி அதை ஒரு பட்டகம் (Roof Pentaprism) மூலம் நாம் பார்ப்பதற்கு வழிவகை செய்தார்கள். பிம்பத்தை பதிவு செய்ய ஷட்டரை திறக்கும்போது உள்ளே இருக்கும் கண்ணாடி மேல் நோக்கி நகர்ந்து ஒளியை படச்சுருளில் விழச்செய்யும். இப்படி ஒரு கண்ணாடி அமைத்து, ஒளியை பிரதிபலிக்க செய்வதனால் ஒரு லென்சே போதுமானதாக இருக்கிறது. ஆகையால் இவ்வகை கேமராவை ‘Single-lens reflex camera’ என்கிறார்கள். தற்போதைய டிஜிட்டல் கேமராவில் (Digital single-lens reflex camera) படச்சுருளுக்கு பதில் சென்சார்(Image Sensor) பிம்பத்தை பதிவுசெய்கிறது. அவ்வளவுதான்.

இது ஒரு எளிய தொழில்நுட்பம்தான். இதனை அடிப்படையாக கொண்டு எத்தனை வகையான கேமராக்கள் வடிவமைக்கப்பட்டிருக்கின்றன, எத்தனை நிறுவனங்கள் இதில் பங்கு பெற்றிருக்கின்றன. எத்தனை உழைப்பும், சிந்தனையும் இதில் ஈடுபடுத்தப்பட்டிருக்கிறது என்பதை அறிய வரும்போது நமக்கு கிடைக்கும் பிரமிப்பு இருக்கிறதே..! அடடா.. அதை சொல்லில் வடிக்க முடியாது. நேரில் கண்டு உணர வேண்டும். உங்களுக்கு அதில் ஆர்வமும், விருப்பம் இருக்கிறதா..!? இருக்கிறது எனில் நீங்கள் போக வேண்டிய இடம் ‘DR. ARUN’S PHOTOGRAPHY AND VINTAGE CAMERA MUSEUM’. சென்னை கோவலத்தில் தான் அவ்விடமிருக்கிறது.

Dr.A.V.அருண் அடிப்படையில் பல் மருத்துவராக இருப்பினும், புகைப்படக்கலையின் மீதிருக்கும் தன் ஆர்வத்தினால், இந்த மியூசியத்தை அமைத்திருக்கிறார். ஆதிகாலத்து கேமராவிலிருந்து இன்றைய நவீன கேமரா வரை, காட்சிக்கு வைக்கப்பட்டிருக்கிறது. ஒவ்வொரு கேமராவைப்பற்றியும், தகவல்கள் அதன் அருகிலேயே எழுதியும் வைக்கப்பட்டிருக்கிறது. உங்களுக்கு ஆர்வமும் நேரமும் இருந்தால், ஒரு நாள் முழுவதையும் நீங்கள் அங்கே செலவிடலாம். புகைப்படமென்னும் இக்கலையின் உண்ணதத்தை, அதன் வரலாற்றுச் சுவடை, அது கடந்து வந்த பாதையை அங்கே நீங்கள் கண்டு களிக்கலாம்.

பாக்ஸ் கேமராக்கள், டிவைன் லென்ஸ் கேமராக்கள், போலராய்ட் கேமராக்கள், போர் காலத்தில் பயன்படுத்திய கேமராக்கள், 3D கேமராக்கள், உளவாளிகள் பயன்படுத்தி சிறிய வடிவ கேமராக்கள், விமானங்களில் பயன்படுத்திய கேமராக்கள், விடியோ கேமராக்கள், 8MM கேமராக்கள், ஆளுயர கேமராக்கள் என ஆதி முதல் அந்தம் வரை கேமராக்களின் அத்தனை வகைகளையும் அங்கே நீங்கள் கண்டு ரசிக்கலாம். பல நூறு கேமராக்கள் (1700) காட்சிக்கு வைக்கப்பட்டிருக்கிறது. புகைப்படம், ஒளிப்பதிவு, திரைத்துறை என ஆர்வமிருக்கும் அத்துனை பேரும் தவறாமல் சென்று வர வேண்டிய இடம் அது.

தொடரும்...

புகைப்படம் எனும் கலை: வரலாறும் வளர்ச்சியும் (பாகம் 01)

நான் எப்படி ஒளிப்பதிவாளனானேன்..! (பாகம் 01)

noreply@blogger.com (Vijay Armstrong) — Tue, 31 Mar 2020 18:21:00 +0000

பனிரெண்டாம் வகுப்பு பொதுத்தேர்வின் கடைசி தேர்வை எழுதிவிட்டு.. பல மாதங்களாக கட்டுப்பாடாக படித்தக் களைப்பு போக (!?), ஒட்டுமொத்தமாக பள்ளித்தோழர்கள் அனைவரும், ஒரு திரைப்படத்திற்கு போனோம். காலையில் தேர்வு முடிந்து, மதியம் திரைப்படம்.

கமல் நடிப்பில், பாலுமகேந்திரா இயக்கத்தில் ‘சதிலீலாவதி’ திரைப்படம் அது. கமல் படம்.. கமல் ரசிகன்.. அதுவே போதுமானதாக இருந்தது, அப்படத்திற்கு போவதற்கு. சிரித்து சிரித்து மகிழ்ந்தோம் என்பது மட்டும் நினைவிலிருக்கிறது. படம் மதியம் 2.30 துவங்கி மாலை 5.30 மணிபோல் முடிந்தது. நண்பர்களுக்கு விடை கொடுத்தோம். நெருங்கிய நண்பர்கள் நான்கு ஐந்து பேர் மட்டும், மீதமிருந்தோம். எங்களுக்கு தேர்வு முடிந்த களைப்பு இன்னும் போகவில்லை. கலைப்பைப் போக்க வேறெதேனும் செய்ய வேண்டியதாக இருந்தது.

நீங்கள் கற்பனை செய்யும் அளவிற்கெல்லாம்.. அன்றை நாட்கள் இல்லை. எங்கள் கலைப்பை போக்க, எங்களை மகிழ்விக்க எங்களுக்கு அப்போது இருந்த ஒரே வழி, ஒரே மார்கம்.. திரைப்படம் பார்ப்பதுதான். ஆகவே.. மறுபடியும் இரவுக் காட்சி திரைப்படத்திற்கு போவதென்று முடிவு செய்தோம். ஆனால் நாங்கள் இருந்த ‘செஞ்சியில்’ அப்போது ‘சரவணா’ மற்றும் ‘ரங்கநாதா’ என்ற இரண்டு திரையரங்குகள் தான். அப்போது இன்னொரு திரையரங்கில் என்னப்படம் ஓடியது என்று நினைவிலில்லை. ஆனால் அது நாங்கள் பார்க்க ஆர்வம் காட்டாதா ஏதோ ஒரு படமாகத்தான் இருக்கும். காரணம், நாங்கள் செஞ்சியில் இருந்து முப்பது கிலோ மீட்டர் தூரத்திலிருந்த ‘திருவண்ணாமலைக்கு’ சென்று படம் பார்ப்பது என்று முடிவு செய்தோம்.

திருவண்ணாமலைக்கு நாங்கள் சென்றடைந்த போது, இரவுக்காட்சி துவங்கி விட்டிருந்தது. படம் துவங்கி அரை மணி நேரம் கடந்துதான் திரையரங்கிற்குள் சென்றோம். அது அப்போதைய ‘VBC’ திரையரங்கம். திருவண்ணாமலையில் அப்போது சிறப்பான தியேட்டர் அது. பெரியது. ஒளியும், ஒலியும் சிறப்பாக இருக்கும். நாங்கள் தாமதமாக திரையரங்கிற்குள் நுழைந்தது என் வாழ்வில் பெரும் மாற்றத்தை ஏற்படுத்தும் என்று எனக்கு அப்போது தெரிந்திருக்கவில்லை.

நாங்கள் உள்ளே நுழைந்தபோது, ஒரு பாடல் காட்சி ஓடிக்கொண்டிருந்தது. மிகப் பிரபலமான பாடல் அது. காதல் பாடல். தமிழகத்தை மட்டுமல்ல, இந்தியா முழுவதும் பிரபலமானப் பாடல். அப்பாடல் காட்சி, படமாக்கப்பட்ட விதம் எல்லோரையும் கவர்ந்தது. அப்பாடல், அதல் இழையோடும் காதல், அதை பாடிய விதம், அதில் நடித்திருந்த நடிகர்கள் என எல்லாமே வசிகரித்தது. எனக்கும் அப்படித்தான்.

வெளியே இருந்து உள்ளே நுழைந்த போது, பெரியத்திரையில் அப்பாடல் காட்சி கண்களுக்கு முன்னே விரிந்த, ‘அக்கணத்தை’ என்னால் இப்போதும் மறக்க முடியாது. சட்டென்று நம் நாசியில் நுழையும் நறுமணம் போன்று.. மனதெங்கும் அக்காட்சியின் அழகு பரவியது. ஒரு அற்புதமான பரவச உணர்வை ஏற்படுத்தியது. இருட்டில் இடம் தேடி அமர்ந்தோம். அப்பாடல் காட்சியில் ஒவ்வொரு சுடுவும்(ஷாட்) என்னை வசிகரித்தன. ஐஸ் கிரிமை ருசித்து உண்ணும் சிறுவனைப்போல ஆனேன். பாடல் காட்சி முடிந்து திரைப்படம் தொடர்ந்தது. அப்படமும், அப்படத்தின் ஒளிப்பதிவும், இசையும் என்னை பெரிதாக ஆட்கொண்டன. படம் முடிவதற்குள்ளாக.. எனக்குள் ஒரு தீர்மானத்திற்கு வந்திருந்தேன்.

அது...

‘நான் ஒரு ஒளிப்பதிவாளனாக வேண்டும்’

ஆம் நண்பர்களே.. பனிரெண்டாம் வகுப்பு முடிந்து, அடுத்து என்ன செய்வது என்ற கேள்விக்கு பல்வேறு ஆலோசினைகள் இருந்தது. என்ஜினியரிங் படிப்பது, அது இல்லை என்றால் இயற்பியல் படிப்பது, கம்பியூட்டர் சயின்ஸ் படிப்பது, ஐபிஸ் படிப்பது என்று பல விருப்பங்கள் கொண்டிருந்தேன். இராணுவத்தில் சேர வேண்டும் என்று கூட ஒரு திட்டம் இருந்தது.

இச்சூழலில் தான் அப்படத்திற்கு போனோம். அப்படம் என் வாழ்க்கையை திசை மாற்றியது. குறிப்பாக சொல்ல வேண்டுமானால் ‘அப்பாடல்’ என் வாழ்க்கையை மாற்றியது. படத்தின் துவக்கத்திலேயே சென்றிருந்தால் கூட இத்தகைய தாக்கம் எனக்கு ஏற்பட்டிருக்குமான என்பது சந்தேகமே. வெளியே இருந்து பரபரப்பாக உள்ளே நுழைந்தவனுக்கு அப்பாடல் காட்சியின் அழகு பெரும் தாக்கத்தை ஏற்படுத்தியது.

‘உயிரே.. உயிரே’ என்பது அப்பாடல். அரவிந்த் சாமி, மணிஷா கொய்ராலா நடிப்பில், மணிரத்னம் இயக்கிய ‘பம்பாய்’ திரைப்படம் அது. அப்படத்தின் கதை, இசை, நடிப்பு, நாயகி, பாடல்கள், பாடகர்கள் என பலதையும் அன்றைய தமிழகம் கொண்டாடியது. என்னை அதன் ஒளிப்பதிவு வசிகரித்தது. அதன் ஒளிப்பதிவாளர் ‘ராஜூவ் மேனன்’ பெரிதும் பாராட்டப்பட்டார்.

அப்படமே.. இன்று ‘விஜய் ஆம்ஸ்ட்ராங்’ எனும் நான், ஒளிப்பதிவாளனாக இருப்பதற்கான விதை.

——

எல்லோருக்கும் ஒரு வாழ்க்கை உண்டு. நாம் ஒவ்வொருத்தரும், அவரவர் துறையில் முன்னேறி வர பல்வேறு நிலைகளை கடந்து வந்திருக்கிறோம். குறிப்பிட்ட இலக்கை அடைந்த பிறகு, திரும்பிப் பார்த்தால் நீண்டு கிடக்கும் நெடிய பாதை ஒன்று எல்லோர் வாழ்விலும் இருக்கிறது. அப்பாதையில் நல்லது கெட்டதும் கலந்துதான் இருக்கிறது. எதுவும் உயர்ந்ததில்லை, எதுவும் தாழ்ந்ததில்லை. எனினும் அப்பாதையின் அனுபவம் தந்த பாடம் பெரிது.

அவ்வனுபவத்தை, நாம் அடுத்த தலைமுறைக்கு கடத்த எப்போதும் முயல்கிறோம். வரும் தலைமுறையை வழி நடத்த அது உதவலாம் என்று நம்புகிறோம். தமக்கு கிடைக்கும் வாய்ப்பைப் பொறுத்து, அதை தன் பிள்ளைகளுக்கோ, தன் மாணவர்களுக்கோ கடத்துகிறோம்.

என் அனுபவத்தை ‘நான் எப்படி ஒளிப்பதிவாளனானேன்’ என்பதைப்பற்றி, எழுத நினைக்கிறேன். திரைப்படமென்னும் மாபெரும் துறைக்குள் நுழைய, பலரும் முயல்கிறார்கள். அதன் இரும்பு கதவுகள் அவ்வளவு சுலபத்தில் திறப்பதில்லை. அதன் கோட்டை சுவரை கடந்து உட்செல்வதும் அத்தனை இலகுவானதில்லை. அது ஒரு போராட்டம், அது ஒரு வாழ்க்கை.

ஆம்.. அது ஒரு முழுமையான வாழ்க்கை. திரைப்படமென்று மாய உலகம் உங்களின் முழு வாழ்க்கையையும் அடகு வைக்க கோரும்.

பேர், புகழ், பணம், செல்வாக்கு, கலை, கற்பனை, படைப்பாக்கம், ஆத்ம திருப்தி என எதை வேண்டுமானாலும் ஒரு பக்க தராசில் வையுங்கள்.. மறுபக்கம் அதற்கு ஈடாக உங்கள் வாழ்க்கை முழுவதையும் வைக்க வேண்டியதிருக்கும் என்பதை மறந்து விடாதீர்கள்.

அப்படி என் வாழ்க்கையில் நான் கடந்து பாதை, படித்த புத்தகம், கேட்ட இசை, பார்த்த படம், பயின்ற பாடம், பயணித்த தூரம் என பலவற்றை உங்களோடு பகிர்ந்துக்கொள்ள நினைக்கிறேன். நான் ஒரு ஒளிப்பதிவாளனாக தகுதி அடைய என்னவெல்லாம் செய்தேன் என்பதே இதன் உட்பொருள். ஒருவிதத்தில் இது என் சுயபுராணமும் கூட.

இன்றைய ‘என்னை’ தெரிந்தவர்களுக்கு, நான் கடந்து வந்தப் பாதையை அடையாளம் காட்ட முயல்கிறேன். இதில் உங்களுக்கு ஏதேனும் பயன் இருக்கலாம்.. அல்லது இல்லாமலும் போகலாம். எவ்வித உத்தரவாதமும் இல்லை. திரைத்துறைக்குள் நுழைய விருப்பம் கொண்டவர்களுக்கு இதில் ஏதேனும் வழிகாட்டல் கிடைக்கலாம். செய்ய வேண்டியவைகள், செய்யக்கூடாதவைகள் என்று எதாவது தட்டுப்படலாம்.

ஆர்வம் கொண்டவர்கள் பின் தொடருங்கள்.

வரலாறு என்பது.. அரசுக்கும் நாட்டுக்கும் மட்டுமல்ல. ஒவ்வொரு தனிமனிதனுக்கும் உண்டு. 😀😁😜 இது என் வரலாறாகவும் இருக்கலாம். உங்கள் வரலாறும் சொல்லுங்கள் பரிமாரிக்கொள்வோம்.

புகைப்படம் எனும் கலை: வரலாறும் வளர்ச்சியும் (பாகம் 01)

noreply@blogger.com (Vijay Armstrong) — Sat, 28 Mar 2020 18:33:00 +0000

மனித வரலாற்றில், தொடர்ச்சியாகக் காணக்கிடைக்கும் ஒரு செயல், பதிந்து வைத்தல். மனிதன் தான் கண்டவற்றை, கடந்து வந்தவற்றை, உணர்ந்தவற்றை ஏதோ ஒரு ஊடகத்தைப் பயன்படுத்தி பதிந்து வைத்திருக்கிறான் காலம் தோறும். ஆரம்பம் முதலே, குகை ஓவியமாக, சிற்பமாக, பாடலாக தன் வாழ்வை பதிந்து வைக்கும் பழக்கம் மனிதனுக்கு இருந்து வந்திருக்கிறது. தன் வாழ்வில், தான் கடக்கும் சிறந்த கணங்களை, அனுபவத்தை, உணர்வைப் பதிந்து வைத்து, ரசிக்கும் பழக்கம் மனிதனுக்கு எப்படி உண்டாகிருக்கும் என்று யோசித்தோமானால்..

மனிதனுக்கு எல்லாமே கடந்த காலம்தான். கடந்துபோன காலங்களை அவனால் கைவிடவே முடிவதில்லை. வாழ்க்கை என்பது நிகழ்காலத்தின் அடிப்படையில் நிகழ்வது. இந்த கணம் மட்டுமே அதற்கு சாத்தியம். கடந்த கணங்களைப்பற்றி அது கவலை கொள்வதேயில்லை. முந்தைய கணத்தின் ஆதிக்கம் அல்லது விளைவு, நிகழ் கணத்தினை பாதிக்கும் என்றானாலும், அது இயற்கைக்குத்தான் பொருந்துகிறது. வாழ்விற்கல்ல. இயற்கை, அதன் முந்திய நிகழ்வின் அடிப்படையில் தன்னை தகவமைக்கிறது, வடிவமைக்கிறது. அது, தட்ப வெப்ப மாற்றமாகட்டும், மழையாகட்டும், சிறுதுளி பெருவெள்ளமாகுவதாகட்டும், மரம், கொடி, புல் வளர்வதாகட்டும், செடி பூப்பதாகட்டும், காய் கனிவதாகட்டும், வண்டுகள் தேன் சேகரிப்பதாகட்டும், புழு பட்டாம்பூச்சியாக உருமாறுவதாகட்டும், கருத்தரித்தலாகட்டும்.. எல்லாம், எல்லாம் முந்தைய நிகழ்வின் தொடர்ச்சிதான். இயற்கை அதை அனுமதிக்கிறது. முந்தைய நிகழ்வின் தொடர்ச்சியாக நிகழ்காலம் இருப்பதை.

மனிதனும் அப்படியே இயங்க விரும்புகிறான். முந்திய கணத்தின் தாக்கம் அவனுக்கு இருந்துக்கொண்டே இருக்கிறது. கடந்த காலத்தின் அனுபவத்தை அவனால் கைவிட முடிவதில்லை. அது கொடுத்த சுகம், உணர்வு, சோகம், பாடம், அறிவு என்று ஏதோ ஒன்று நிகழ்காலத்தை கடக்க அவனுக்கு அவசியமாக இருக்கிறது. காலம் காலமாக மனிதன் அப்படித்தான் வாழ்ந்து வந்திருக்கிறான். கடந்த காலத்தின் மிச்சம் அல்லது தொடர்ச்சி எப்போதும் இருந்து கொண்டே இருக்கிறது அவனிடம்.

பொதுவாக நாம் அனுபவங்களை இரண்டு விதமாக சேகரிக்கிறோம். ஒன்று தகவல்களாக மற்றொன்று உணர்வாக. தகவல்களை சேகரித்து, அதற்கு அறிவு என்று பெயரிட்டு பாதுகாப்பதை மூளை என்னும் உறுப்பு எடுத்துக்கொள்கிறது. உணர்வுகளைச் சேகரித்து அதையே தன் அடையாளமாக நிலை நிறுத்திக்கொள்கிறது உருவமற்ற அரூப மனம். அறிவுக்கு, தகவல்கள் வேண்டும். தகவல்களின் தொகுப்பே அதன் வளர்ச்சியைக் குறிக்கிறது. மனதிற்கு நினைவுகள் வேண்டும். அதுவே அதனை சாஸ்வதமாக்குகிறது.

எது எப்படியோ.. இன்றும் அத்தகைய பழக்கம் நம்மிடையே இருப்பதை நாம் மறுப்பதிற்கில்லை. அதன் நவீன வடிவங்களில் ஒன்று.. புகைப்படங்கள் எடுத்தல். ஆமாம், இன்று நாம் எடுத்து தள்ளும் புகைப்படங்களுக்கு பின் இருக்கும் உந்து சக்தி நம் முன்னோர்களிலிருந்து வந்தது. ஆதி காலத்து பழக்கம் அது என்றும், மனித மனதின் இருப்புக்கு அவசியாமானது அது என்றும் புரிந்துக்கொண்டால், ‘செல்ஃபியாக’ எடுத்து தள்ளும் இன்றைய தலைமுறையைக் குறை சொல்லமாட்டோம் அல்லவா(?!).

சரி, விஷயத்திற்கு வருவோம்.. இன்றைய காலகட்டத்தில் மிக அதிகமாக வீணடிக்கப்படும் சக்தி அல்லது செயல் எது என்று எடுத்துக்கொண்டால், அது புகைப்படங்களாகத்தான் இருக்கும். டிஜிட்டல் தொழில்நுட்பத்தின் வளர்ச்சியால், எல்லோர் கையிலும் கேமரா இருக்கிறது. நீங்கள் விரும்பினாலும், விரும்பாவிட்டாலும் செல்ஃபோன் வடிவில் அது உங்கள் பாக்கெட்டில் இருக்கிறது. அப்புறம் என்ன? படங்களை எடுத்து தள்ள வேண்டியதுதானே..!?

ஆயினும், புகைப்படம் என்னும் கலைக்கு ஒரு வரலாறு இருக்கிறது. நீண்ட நெடிய வளர்ச்சிப் பாதை ஒன்று இருக்கிறது. காலகட்டங்கள் பலவற்றை கடந்து வந்திருக்கிறது அது. தன் வழி எங்கும் பல நிகழ்வுகளை அது பதிவு செய்து வந்திருக்கிறது. மனித மனங்களிலிருந்து என்றென்று அகல முடியாத, அகற்ற முடியாத பல காட்சிகளையும், வரலாற்றில் நீங்கா இடம் பெற்ற நிகழ்ச்சிகள், மாமனிதர்கள் என்று எண்ணிலடங்கா பதிவுகள் அதன் வரலாற்றுச்சுவட்டில் உண்டு. மேலும் அக்கலை தன் போக்கில் வளர்ச்சியும் அடைந்து வந்திருக்கிறது. ‘கேமரா அப்ஸ்குரா’ (camera obscura )-இல் துவங்கிய அதன் பயணம் இன்று ‘மெகா ஃபிக்சல்’ (megapixel) எண்ணிக்கையில் வந்து நிற்கிறது.

1830-இல் கண்டுபிடிக்கப்பட்ட கலை இது. இன்று, அதன் கருவிகள் மட்டுமே பல பில்லியன் டாலர் வருவாயைத் தரக்கூடிய பெருந்தொழிலாக வளர்ச்சி அடைந்திருக்கிறது. அதற்குக் காரணமாக இருந்த ஆதிகாலத்து கருவியான ‘கேமரா அப்ஸ்குரா’ (Camera Obscura) 13 அல்லது 14 ஆம் நூற்றாண்டில் கண்டுபிடிக்கப்பட்டிருக்கலாம் என்று நம்பப்படுகிறது. ஆயினும் பத்தாம் நூற்றாண்டில் வாழ்ந்த அரேபிய ஆய்வாளர் ‘ஹாசன் இபின் ஹாசன்’ (Hassan ibn Hassan) அவர்கள், தன் குறிப்பொன்றில் இன்றைய அனலாக் கேமரா (analogue photography) செயல்படும் தொழில்நுட்பத்தை ஒத்த ஒரு நுட்பத்தைப்பற்றி விவரித்திருக்கிறார்.

கேமரா அப்ஸ்குரா என்பது, அடிப்படையில் ஒரு கருப்புப் பெட்டி, அதில் ஒரு பக்கம் துளையொன்று இடப்பட்டிருக்கும். அதன் வழி ஊடுருவி வரும் ஒளியானது, பெட்டியின் அடுத்த பக்கத்தில் பிம்பத்தை உருவாக்கும். இந்த அடிப்படைத் தொழில்நுட்பம் இன்றைய கேமராக்களுக்கும் பொருந்தும். துளைக்கு பதில் லென்ஸ் வைத்திருக்கிறோம். லென்ஸின் வழி ஊடுருவி வந்த ஒளியை பதிவு செய்ய, முன்பெல்லாம் படச்சுருள், இப்போது சென்சார் அவ்வளவுதான். அடிப்படை என்னவோ அதேதான்.

பதினாறாம் நூற்றாண்டில் வாழ்ந்த ‘ஜியோவானி’ (Giovanni Battista della Portacentury) என்னும் அறிஞர், கேமரா அப்ஸ்குராவைப் பயன்படுத்தி, எப்படி ஓவியம் வரைவதை இலகுவாக்கலாம் என்று எழுதினார்.

வெளியே நிற்கும் நபரை, ஒரு துளையின் மூலம் பிரதிபலித்து, அதை ஓவியம் வரையும் கேன்வாஸ் மீது விழச்செய்து படம் வரைய உதவுவது. இது ஓவியம் வரைவதை இலகுவாக்கியது. இங்கே, கேமரா அப்ஸ்குரா ஒரு அறையைப்போன்று பெரியது. ஆனால், இதை யாரும் அங்கீகரிக்கவில்லை. ஜியோவானி மந்திரவித்தைகள் செய்வதாக குற்றம் சாட்டி, தண்டித்தார்கள். மறுமலர்ச்சி (Renaissance) காலகட்டத்தில் பல ஓவியர்கள் இந்த நுட்பத்தை பயன்படுத்தினார்கள், என்றாலும் யாரும் அதை வெளிப்படையாக ஒத்துக்கொள்ளவில்லை. தாங்களும் குற்றம் சாட்டப்படுவோம் என்பது ஒருபுறமெனில், இது ஒரு ஏமாற்று வேலை என்று பலரும் நம்பியதும் ஒரு காரணம்.

ஆரம்பத்தில் புகைப்படத்துறையை ஒரு கலையாக யாரும் கருதவில்லை. சொல்லப்போனால், அது நுண்கலைகளை அழிக்க வந்ததாக கருதினார்கள். புகழ்பெற்ற ஓவியர்களான ‘லியானர்டோ’ ‘ மைக்கேலேஞ்ஜலோ’ (Leonardo, Michelangelo) போன்றவர்கள் புகைப்படக்கலையின் நுணுக்கத்தை தன் ஓவியங்களில் பயன்படுத்தினார்கள் என்று நம்பப்படுகிறது.

கேமரா அப்ஸ்குராவின் எளிய வடிவம் ‘Pinhole Camera’ என்றழைக்கப்பட்டது. ஒளிப்புகா கருப்பு பெட்டி, அதில் ஒரு பக்கம் துளை ஒன்றிருக்கும், மறுபக்கம் பிம்பத்தைப் பதிவு செய்யும் வேதிப்பொருட்கள் பூசப்பட்ட காகிதம் அல்லது தகடு இருக்கும். இதுவே கேமராவின் ஆரம்ப வடிவம்.

உலகின் முதல் புகைப்படம்:

இத்தனை ஆண்டுகளாக பாதுகாக்கப்பட்டு, இன்று நாம் பார்ப்பதற்குக் கிடைக்கும் உலகின் முதல் புகைபடம் என்ற பெருமையை இப்படம் பெறுகிறது. ‘View from the Window at Le Gras’ என்ற பெயருடைய இப்படம் 1826 அல்லது 1827 ஆம் ஆண்டுவாக்கில் பிரஞ்சு கண்டுபிடிப்பாளர் ‘ஜோசப் நியெப்ஸ்’ (Joseph Niepce) அவர்களால் எடுக்கப்பட்டது. அவருடைய எஸ்டேட்டின் வெளிபுறப்பகுதியையும் கட்டிடத்தின் சுவரையும் சன்னல் வழியாக படம் பிடித்திருக்கிறார்.

அப்போதைய தொழில்நுட்பத்தில், இக்காட்சியைப் பதிவு செய்ய எட்டு மணி நேரம் தேவைப்பட்டிருக்கிறது (பல நாட்கள் ஆகின என்று சொல்லும் ஒரு ஆய்வாளரும் உண்டு). ஒரு காட்சியின் ஒளியை ‘Camera Obscura’-வைப் பயன்படுத்தி ஒன்றுகுவிப்பது எப்படி என்று தெரிந்துவைத்திருந்த மனிதர்களுக்கு அதைப் பதிவுசெய்வது எப்படியென்று தெரியவில்லை. அங்கேதான் ஜோசப் நியெப்ஸ் ஒரு புதிய முயற்சியை மேற்கொண்டார். "Bitumen of Judea" என்றழைக்கப்பட்ட, பெட்ரோலில் இருந்து எடுக்கப்பட்ட ஒருவகை தாரை ஒரு தகட்டில்(6.4 in × 8.0 in) பூசி, அதன் மீது கேமரா அப்ஸ்குராவைப் பயன்படுத்தி ஒளியை விழச்செய்தார். அத்தாரின் மீது ஒளி விழுந்த பகுதி கெட்டியாகியது. பிறகு வெள்ளை பெட்ரோலில் கழுவிப்பார்த்தபோது, மற்ற பகுதி கரைந்துப்போய், இத்தகைய காட்சி வடிவம் தங்கியிருந்தது. இந்த தகட்டை இன்றைய நெகட்டீவைப்போல (negative) பயன்படுத்தி, இதிலிருந்து மை பூசி பிரதி எடுத்திருக்கிறார்கள். அதற்கு ‘Heliography’ என்ற தொழில்நுட்பம் பயன்பட்டிருக்கிறது. அதிக எடை கொண்ட தகடு மற்றும் எடுத்துக்கொள்ளும் நேரம் அதிகமாக இருந்ததுதான் இதிலிருந்து சிக்கல்.

(அந்த தகடு)

1839 இல் சர் ஜான் ஹெர்ச்செல் (Sir John Herschel) என்ற கண்டுபிடிப்பாளர் இத்தகட்டுக்குப் பதில் கண்ணாடியால் ஆன நெகட்டீவை கண்டுபிடித்தார். அதே ஆண்டு, கிரேக்க வார்த்தைகளான ‘Fos’ (ஒளி) மற்றும் ‘Grafo’ (வரைதல்) ஒன்றிணைத்து போட்டோகிராஃபி (Photography) என்ற பதத்தை உருவாக்கினார். ஒளியால் வரைதல்! ஒளியோவியம்! நல்லாயிருக்கில்ல..!

தொழில்நுட்பம் கொஞ்சம் வளர்ந்திருந்தபோதும், புகைப்படம் எடுத்தல் வளரவில்லை. அதற்கு பல ஆண்டுகள் தேவைப்பட்டது. அப்போது எடுக்கப்பட்ட புகைப்படங்கள் பெரும்பாலும் வசதி வாய்த்தவர்கள் தங்களை எடுத்துக்கொண்ட புகைப்படங்களாகத்தான்(Portraits) இருந்தது. பல கண்டுபிடிப்புகள், மேம்படுத்தல்களுக்குப் பிறகு, 1888-இல் நமக்கெல்லாம் நன்கு பரிச்சயமான கொடாக் (Eastman's Kodak) நிறுவனம் உதயமாயிற்று. அது அறிமுகப்படுத்திய ஒரு கேமராதான் இன்று நாம் எல்லோரும், கேமராவும் கையுமாக அலைவதற்குக் காரணமாக இருந்தது.

தொடரும்...

புகைப்படம் எனும் கலை: வரலாறும் வளர்ச்சியும் (பாகம் 02)

————————

பின் குறிப்பு:

வரும் கட்டுரைகளில், கேமரா என்னும் கருவி வடிவமைக்கப்பட்டு, தொடர்ச்சியாக அதன் தொழில்நுட்பங்கள் வளர்ந்து வந்ததையும், புகைப்படம் என்னும் கலை அதன் எல்லைகளை விரித்துக்கொண்டு வந்ததையும் பற்றி விரிவாக பார்ப்போம். கூடவே அதன் வரலாற்றுச் சுவடையும் ஒவ்வொன்றாக பார்ப்போம்.

[அதற்கு முன்பாக உங்கள் வாழ்வில் மறக்க முடியா புகைப்படத்தை, அதன் காரணங்களோடு எங்களுக்கு அனுப்பி வையுங்கள். அது உங்கள் வாழ்வு சம்பந்தப்பட்டதாகவோ அல்லது வரலாற்று நிகழ்வாகவோ கூட இருக்கலாம்.]

imageworkshops.in@gmail.com

www.imageworkshops.in

www.vijayarmstrong.com

CINEMATIC LIGHTING WORKSHOP Dec 21st 2019 For Photography & Cinematography

noreply@blogger.com (Vijay Armstrong) — Sat, 14 Dec 2019 06:13:00 +0000

CINEMATIC LIGHTING WORKSHOP Dec 21st 2019

For Photography & Cinematography

21.12.19 - Saturday - Chennai

9.30AM - 5.30PM

WHAT WILL BE COVERED ON THE DAY? :

Introduction to the Workshop; understanding lights and accessories.

Know what particular lighting equipment to be used to do so.

Essential lighting techniques: Learn how to illuminate a subject/scene by using external light sources.

How do we know when a picture is exposed correctly?

Understanding the greyscale. Lighting Level.

What lighting level should we start with?

Subjective lighting:

Let go of some of the rules of traditional lighting.

Learn simple 3 point lighting.

Know the difference between Hard Sources and Soft Sources of light. What are the differences and how do we use them.

Colour Temperature.

Understanding Kelvin.

Using color. What are the problems of using gels.

Learning to control and manipulate light with Limited setups: how we can reproduce these looks in far smaller studio spaces like home studios with the limited kit.

Learn the nuances of shooting and the best techniques to use artificial, external lights and other accessories to illuminate your subject of photography in various creative ways.

Practical hands-on time shooting with different lighting gear (we will have a live subject to shoot in a studio)

TO WHOM?

You know how to shoot only in natural light and want to learn how to illuminate a subject/scene by using external light sources.

Who doesn’t know what particular lighting equipment to be used to do so?

The course is aimed at those looking to explore intermediate with some advanced lighting so some previous experience of off-camera lighting is preferred and advised. It doesn't matter if that's speed lights or strobes, the techniques learned on the day are transferable. So if you're comfortable shooting in manual mode in your camera you should be fine to understand everything presented to you at this workshop.

WHAT EQUIPMENT DO I NEED TO BRING?

All you should need on the day is a DSLR with a portrait lens; anything from 50mm to 105mm will be fine. You should also be happy to shoot in full manual mode and familiar with what that entails.

Workshop Conducted by Cinematographer VIJAY ARMSTRONG

WORKSHOP FEE

₹2,999/-

Includes lunch and tea. Payment options will be shared upon enquiry.

EARLY-BIRD DISCOUNT

Pay before 14th DEC, and enjoy a discounted price of ₹2,499/- Hurry!

Venue:

The i2 studio

Shop No2, 5th Main Rd,

Sridevi Nagar, Perumal Nagar,

Old Pallavaram, Chennai

Location Map: https://goo.gl/maps/LdaYHP9fomJ2

சினிமேட்டிக் லைட்டிங் பயிற்சிப்பட்டறை

போட்டோகிராஃபி & சினிமேட்டோகிராஃபி

நாள்: டிசம்பர் 21. 2019 - சனிக்கிழமை

காலை 9.30 மணி முதல் மாலை 5.30 மணி வரை

சென்னை.

பயிற்சியாளர்

விஜய் ஆம்ஸ்ட்ராங்

ஒளிப்பதிவாளர்

கட்டணம்: ₹2,999/-

முன்பதிவு செய்பவர்களுக்கு

டிசம்பர் 14 ஆம் தேதிக்கு முன்பு பதிவு செய்பவர்களுக்கு ₹2,499/- மட்டுமே. முந்துங்கள்

தொடர்புக்கு: +91 98406 32922

#CinematicLightingWorkshopChennai

#CreativeLightingWorkshop

#CreativeLighting

#imageworkshops

#VijayArmstrong

#PhotographyWorkshop

#Photography

#Cinematography

#Workshop

#Learnphotography

Lumix S1 & S1R Test Footages

noreply@blogger.com (Vijay Armstrong) — Tue, 05 Nov 2019 12:24:00 +0000

ஒரு புதிய கேமராவின் தரத்தை எப்படி அறிந்துக்கொள்வது.?

ஒவ்வொரு கேமரா நிறுவனமும் தன்னுடைய புதிய கேமராவை அறிமுகப்படுத்தும்போது, அக்கேமராவிற்கென பல்வேறு சிறப்பு அம்சங்களை குறிப்பிடுகின்றன. அவற்றை முறையாக பரிச்சித்து பார்த்து புரிந்துக்கொள்வது அவசியமாகும்.

லிட்டருக்கு இத்தனை கிலோடு மீட்டர் கொடுக்கும் என்று ஒவ்வொரு இருசக்கர / நான்கு சக்கர வாகனங்களுக்கு அதன் நிறுவனங்கள் கொடுக்கும் வாக்குறுதியைப்போன்றதுதான் இதுவும். அதாவது, முறையான, தரமான, சோதனைச் சாலையில் ஓடும் போது, அவர்கள் குறிப்பிடும் அளவில் மைலேஜ் கொடுக்கும், பொது பயன்பாட்டிலிருக்கும் சாலையில் அவர்கள் கொடுக்கும் மைலேஜை எவ்வாகனமும் கொடுப்பதில்லை என்பதை நாம் அறிவோம். அதேப்போலத்தான் இங்கேயும்…

கேமரா நிறுவனங்கள் சொல்லும், அத்தனை சிறப்பு அம்சமும், எத்தனை சதவிதம் நடைமுறைக்கு ஒத்து வரும் என்பதை நாம்தாம் பரிச்சித்து அறிந்துக்கொள்ள வேண்டும்.

பொதுவாக, கேமராவை சோதிக்கும்போது.. அதன் அதிக பட்ச தாங்கும் திறனை சோதித்துப்பார்ப்பது என் வழக்கம். அதாவது..

பல்வேறு ஒளிகளில்
ஒரு நாளில் பல்வேறு பொழுதுகளில்
வெயில், மழை
குறைந்த ஒளி
மிருகங்கள், பறவைகள்
செடி, கொடி, மரம், வயல், கடல்
நீர், சூரியன், நிலா

முறையான, சரியான, நேர்த்தியான முறையில்.. அழகு நிறைந்த இடங்களை படமெடுத்தால் எந்த கேமராவும் அழகாத்தான் பதிவு செய்யும். அதிலிருந்து அக்கேமராவின் தகுதியை புரிந்துக்கொள்ள முடியாது. அதனால் தான், நாம் வாழுமிடத்திற்கு அருகிலிருக்கும், இயல்பான சூழலை படம் பிடித்து பார்த்திருக்கிறேன்.

ஒரு கேமராவின் தகுதி என நாம் முக்கியமாக கவனிக்க வேண்டியது.

Dynamic Range
Colors
Contrast
Auto Focus
Image Stabilisation
Slow Motion Capability
Low Light Recording
Noise Level
Time lapse Recording

இதைத்தான் இவ்வீடியோவில், சோதித்துப்பார்த்திருக்கிறேன்.

என் அனுபவத்தில் Lumix S1 / S1R/ S1H கேமராக்கள்.. மிக அற்புதமான தரத்தை தருகின்றன. நண்பர்கள் தங்கள் கருத்தை பகிர்ந்துக்கொள்ளலாம்.

Lumix S1H is the First Netflix Approved Mirrorless Camera:

noreply@blogger.com (Vijay Armstrong) — Sat, 02 Nov 2019 16:08:00 +0000

டிஜிட்டல் போட்டோகிராஃபியில், முக்கியமான மாற்றங்கள் பல, கடந்த சில வருடங்களாக நடந்துக் கொண்டிருக்கிறது.

- முதல் மாற்றம், SLR, DSLR வரிசையில் இப்போது Mirrorless Cameras. 'Epson' நிறுவனம் 2004 இல் Mirrorless Camera-வைக் கண்டுபிடித்த போதும், 2008-இல் பேனாசோனிக் தன்னுடைய Lumix G1 மூலம் சந்தைக்கு கொண்டுவந்தது. இன்று வரை தொடர்ந்து Mirrorless கேமராக்களை சந்தைப்படுத்துகிறது. அண்மையில் தான் Canon மற்றும் Nikon நிறுவனங்கள் தங்களுடைய Mirrorless Camera கேமராக்களை அறிமுகப்படுத்தி இருக்கின்றன. Mirrorless Cameras தான் எதிர்காலம் என்பதை புரிந்துக்கொள்ளுங்கள்.

- இரண்டாவது.. கேமராக்களின் Sensor Size யுத்தம். ஒரு கேமராவிற்கு, 'சென்சார்' தான் அதன் உயிர்நாடி என்பதை நாம் அறிவோம். சிறிய சென்சார்களிலிருந்து கொஞ்சம் கொஞ்சமாக பெரிய சென்சார்களை நோக்கி கேமரா நிறுவனங்கள் நகர்கின்றன.

1/3.2"(4.54mm x 3.42mm)) இருந்து Full Frame(36mm x 24mm) என்று சொல்லப்படும் பெரிய சென்சார் வரை மாற்றம் கண்டிருக்கிறது. இன்றைய தேதியில் Full Frame Sensor கேமராக்கள் தான் மார்கெட்டை தக்க வைத்துக்கொண்டிருக்கின்றன. அவ்வகையில் Canon, Nikon, Sony, Panasonic நிறுவனங்களுக்கிடையே பலமான போட்டி நடந்துக்கொண்டிருக்கிறது. யார் அதிக மார்கெட்டை பிடிப்பது என்று..

Canon, Nikon போன்ற நிறுவனங்கள் காலம் காலமாக, போட்டோகிராஃபி துறையில் பலமான இடத்திலிருப்பவைகள். இடையில் Sony தன்னுடைய Alpha a7 சிரியஸ் கேமராக்கள் மூலம், போட்டோகிராஃபித்துறையில் தன்னுடைய ஆளுமையை நிலைநாட்டி வருகிறது. Panasonic நிறுவனம் காலம் காலமாக வீடியோத்துறையில் ஜாம்பவானாக இருக்கிறது. குறிப்பாக திருமண வீடியோச் சந்தையில். இந்திய மட்டுமல்ல, உலகமுழுவதும் திருமண வீடியோகிராபர்களிடையே பேனாசோனிக் கேமராக்கள் பிரபலம்.

2008-இல் தன்னுடைய Micro Four Thirds Mirrorless கேமராவான Lumix G1 மூலம் புகைப்படத்துறையில் தானும் ஒரு போட்டியாளர் என்று பேனாசோனிக் களத்தில் குதித்தது. 'Lumix' என்ற புதிய Brand-இல் அதன் புகைப்படக்கேமராக்கள் வருகின்றன. சின்ன சென்சார்கள் பயன்பாட்டிலிருந்து போது, 'Micro Four Third' சென்சாரை முதன் முதலில் அறிமுகப்படுத்தியது பேனாசோனிக் நிறுவனம் தாம். அன்றையத் தேதியில் அது பெரிய சென்சார். தொடர்ந்து கடந்த ஆண்டுவரை தன்னுடைய எல்லா புகைப்படக்கேமராக்களையும் Micro Four Third சென்சாராகவே வைத்திருந்தது. எதிர்புறத்தில் மற்ற நிறுவனங்கள் Full Frame கேமராக்களை தொடர்ந்து தயாரித்துக்கொண்டிருந்தன. இந்நிலையில் இவ்வாண்டின் துவக்கத்தில் பேனாசோனிக் தன்னுடைய Full Frame கேமராக்கள் இரண்டை அறிமுகப்படுத்தியது.

Lumix S1 மற்றும் Lumix S1R என்றழைக்கப்பட்ட அக்கேமராக்கள், பல சிறப்பு அம்சங்களை கொண்டிருக்கிறது. 4K, Full Frame கேமராக்களான இவை, அறிமுகமான நாளிலிருந்து இன்றுவரை உலக முழுவதும் பலத்த வரவேற்பைப் பெற்று வருகின்றன. மற்ற Full Frame Camera-க்களை விட இக்கேமராக்களில் சிறப்பு அம்சம், இது முழுமையான Full Frame சென்சார் கேமரா என அறியப்படுகிறது. காரணம் மற்ற நிறுவனங்களின் Full Frame கேமராக்கள் தங்களுடைய சென்சாரின் முழு பரப்பளவையும் பயன்படுத்தி படம் பிடிப்பதில்லை. Full Frame சென்சார் இருந்தபோதும், அதில் குறிப்பிட்ட பகுதி மட்டும்தான் படம் பிடிக்க பயன்படுத்துகின்றன. அதனை APS-C(23.60mm x 15.60mm), APS-H (27.90mm x 18.60mm) சென்சார்கள் என்றும் அழைக்கின்றன. ஆனால் Lumix S1 / S1R கேமராக்கள் சென்சாரை முழுமையாக(36.00mm கx 24.00mm) பயன்படுத்துகிறது. இதனால், இதன் பிம்பங்கள் சிறப்பானவையாக இருக்கின்றன.

- மூன்றாவது.. புகைப்படக்கேமரா, வீடியோ கேமரா என்றும் தனித்தனியாக இருந்த கருவிகள், இன்று ஒரே கேமராவிற்குள் இணைந்திருக்கின்றன. Hybrid Camera என்றழைக்கப்படும் இவ்வகை கேமராக்கள் Photos மற்றும் Videos எடுக்கவல்லன. Canon தன்னுடைய EOS 5D மூலம் இதை பிரபலமாக்கியது. இன்று ஏறக்குறைய எல்லா நிறுவனங்களும் hybrid camera-களை வைத்திருக்கின்றன. வீடியோக்களுக்கென்று தனியாக கேமராக்கள் இருக்கின்றன. ஆயினும் hybrid camera-க்கள் தங்களுடைய சந்தையை விரிவு படுத்தி வருகின்றன.

- நான்காவது.. வீடியோக்களின் தரம், Full HD-இலிருந்து 4K-விற்கு மாறி இருக்கிறது. உலகம் 4K வீடியோவிற்கு தயாராகிவிட்டது. 4K TV, 4K Mobile, 4K Camera என எல்லாம் 4K மயமாகி வருகிறது.

இந்நிலையில் கடந்த மாதம் பேனாசோனிக் Lumix S1H என்ற புதிய கேமராவை அறிமுகப்படுத்தி இருக்கிறது. இக்கேமரா 6K,Full Frame கேமராவாகும். சினிமாத்துறைக்கும் பயன்படும் வண்ணம் இக்கேமரா இருக்கிறது.

அதாவது, சினிமாத்துறைக்கென பல்வேறு கேமராக்கள் தயாரிக்கப்பட்டு வருகின்றன. அதில் ARRI, RED போன்ற நிறுவனங்கள் முன்னிலையில் இருக்கின்றன. Canon, Sony, Panasonic, Black Magic போன்ற நிறுவனங்களும் சினிமாக்கேமராக்களை தயாரிக்கின்றன. என்றாலும் தற்போது பேனாசோனிக் அறிமுகப்படுத்தி இருக்கும் Lumix S1H கேமரா, Full Frame Mirrorless கேமராவாகும். அதாவது புகைப்படம் எடுக்கப்பயன்படும் கேமராவில் 6K வீடியோவும் எடுக்க முடிகின்றன Hybrid கேமராவாகும்.

இக்கேமராவைத்தான், Netflix தன்னுடைய திரைப்படங்களை எடுக்க ஏதுவான கேமரா என அங்கிகரித்திருக்கிறது இப்போது. அதென்ன அத்தனை முக்கியமான முடிவா?

ஆம்.. அப்படித்தான் பார்க்கப்படுகிறது. காரணம். Netflix நிறுவனம் தன்னுடைய தளத்திற்கென தயாரிக்கப்படும் திரைப்படங்கள், தொடர்கள் போன்றவை தரமானதாக இருக்க வேண்டும் என்பதில் மிகுந்த கண்டிப்போடு இருக்கிறது. கதைக்களன் மட்டுமல்ல, தொழில்நுட்ப தரத்திலும் எவ்விதத்திலும் குறைந்து விடக்கூடாது என்பதில் குறியாக இருக்கிறது. அதனால், தன் தயாரிப்புகளிளும், தனக்காக தயாரிக்கப்படும் திரைப்படங்களையும் குறிப்பிட்ட கேமராக்களை மட்டும்தான் பயன்படுத்த வேண்டும் என்று கண்டிப்புடன் பரிந்துரைக்கிறது.

அதில், இதுவரை ARRI,RED,CANON,BLACK MAGIC,SONY,PANASONIC நிறுவனங்களின் சினிமாக்கேமராக்கள் மட்டுமே இருந்தது. இப்போது முதல் முறையாக ஒரு Mirrorless Camera-வை தன்னுடைய தயாரிப்புகளுக்கு பயன்படுத்தலாம் என்று அங்கரித்திருக்கிறது எனில், Lumix S1H கேமரா, சினிமாக்கேமராக்களுக்கு இணையான தரம் கொண்டிருக்கிறது என்றே அர்த்தம். இது இத்துறையில் மிக முக்கியமான நிகழ்வாக பார்க்கப்படுகிறது. காரணம், இத்தனை ஆண்டுகளாக Full Frame கேமராக்களில் இராஜியம் செய்துக்கொண்டிருந்த Canon, Sony, Nikon கேமராக்களை பின்னுக்கு தள்ளி விட்டு Panasonic, தன்னுடைய Lumix S1H மூலம் போட்டியில் முந்தி இருக்கிறது என்றே உலகம் இதைப்பார்க்கிறது.

ஏன் Netflix.. இக்கேமராவை அங்கிரத்திருக்கிறது..? அதிலிருக்கு சிறப்பம்சங்கள் என்ன என்ன? என்பவற்றை அடுத்த கட்டூரைகளில் பார்ப்போம்..

LEARN TO MAKE A SHORT FILM - Cinematography Workshop @Kotagiri on 10, 11, 12 Aug 2019

noreply@blogger.com (Vijay Armstrong) — Thu, 18 Jul 2019 07:07:00 +0000

ஒரு கல்லில் இரண்டு மாங்கா.. கேள்விப்பட்டிருக்கிறீர்களா..!?

அது இதுதான். அடுத்த மாதம் (ஆகஸ்ட் 2019) 10,11,12 ஆம் தேதிகளில், கோத்தகிரியில் நாம் ஒரு பயிற்சிப்பட்டறையை Learn to make a short film என்ற தலைப்பில் ஏற்பாடு செய்திருக்கிறோம்.

இப்பயிற்சிப்பட்டறை இரண்டு விதங்களில் பயன் தரும்.

1. ஒரு குறும்படத்தை எப்படி எடுப்பது. அதற்கான ஒளிப்பதிவு தொழில்நுட்பங்கள் யாவை. சிறிய செலவில், கிடைக்கின்ற பொருளில், சூழலில், ஒளியில், நேர்த்தியான ஒரு குறும்படத்தை எப்படி எடுப்பது என்ற நுட்பத்தை செயல்முறை விளக்கமாக செய்து பார்த்து கற்றுக்கொள்ளப் போகிறோம். மூன்று நாட்களுக்கு படபிடிப்பை, கோத்தகிரி பகுதிகளில் நடத்த இருக்கிறோம். ஒரு சிறிய குழுவாக இதனை செய்திடப் போகிறோம்.

2. கோத்தகிரி போன்ற ஒரு மலைப்பிரதேசத்தின் அழகை ரசித்திடப்போகிறோம். மொதுவாக மலை வாசத்தளங்களுக்கு நாம் சுற்றுலாப்போகும் போது, வழக்கமான ஜன நெருக்கடியான (Tourist Spots) பகுதிகளுக்குத்தான் சென்று வருவோம். ஆனால்.. இந்த மூன்று நாட்களும் ஜன நெருக்கடி இல்லா, கோத்தகிரியின் உட்பகுதிகளுக்கு செல்லப்போகிறோம். அழகிய மலை முகடுகள், சிறு நீரோடைகள், அருவி, கிராமம், மனிதர்கள் என ஒரு பசுமையான புல்வெளி தேசத்திற்கு சென்று வரப்போகிறோம்.

இதைத்தான் சொல்லுகிறேன். ஒரு கல்லில் இரண்டு மாங்க என்று..!

கற்றல் ஒருபுறம்.. சுற்றுல ஒருபுறம்..!

நண்பர்கள் குடும்பத்தோடும் வரலாம். நாம் கற்றுக்கொள்ளுவோம். அவர்கள் இயற்கையை ரசிக்கட்டும். மேலும் பயிற்சிப்பட்டறை ஏற்பாடு செய்திருக்கும் நாட்கள் மூன்று விடுமுறை நாட்கள் தான். சனி, ஞாயிறு மற்றும் திங்கள். திங்கள் அன்று பக்ரித் வருகிறது. அதனால், அன்று விடுமுறைதான். குடும்பத்தோடு வர விரும்பும் நண்பர்கள் என்னை தொடர்பு கொள்ளுங்கள். +91 98406 32922

ஆர்வம் கொண்டவர்கள் உடனடியாக பதிவு செய்துக்கொள்ளுங்கள். குறைவான ஆட்களையே அழைத்துச் செல்வதாக உத்தேசம். Limited Seatting only.

Learn How to make a short film

Cinematography Workshop

@Kotagiri on 10, 11, 12 Aug 2019

Learn how to do SHOT DIVISIONS and to shoot in a flow with CONTINUITY.

Learn how to CONTROL and enrich the story with AVAILABLE LIGHTS.

Learn how to transform your storyline into VISUAL.

Have a hands-on experience with PRACTICAL SHOOT.

Combo Experience of LEARN n TOUR.

Day shoot & Night discussion at the CAMPFIRE.

‘Making a short film in a short film workshop’

Fee: 9999/-

EARLY-BIRD DISCOUNT

Pay before July 30, and enjoy a discount price of ₹8,999/- Hurry!

To Register

+91 98406 32922

+91 94864 04832

கடலோரக் கவிதைகள்: இயக்குநர் பாரதிராஜாவோடு ஓர் உரையாடல்

noreply@blogger.com (Vijay Armstrong) — Thu, 20 Jun 2019 16:10:00 +0000

நேற்று, BRIIC மாணவர்களுடன், பாரதிராஜாவின் ‘கடலோரக் கவிதைகள்’ திரைப்படத்தை அவரோடு சேர்ந்து, அகண்டத்திரையில் பார்த்தோம்.

எளிமையான காதல் கதை. காதல் கதைகளுக்கே உரிய பரவசமும், துயரமும் நிரம்பியக்கதை. 1986-இல் வெளியானத்திரைப்படம், இத்தனை ஆண்டுகளுக்குப் பிறகும், நம்மைப் பாதிக்கிறது. படம் துவங்கியதிலிருந்து இறுதி வரை கட்டிப்போடுகிறது. எனில், அதன் செய்நேர்த்தியையும், கலைத்தன்மையையும் வியக்காமல் இருக்க முடியவில்லை. தன் திரைப்படத்தின் மீது ஒரு இயக்குநருக்கு இருக்க வேண்டிய ஆளூமையை இத்திரைப்படம் நன்கு உணர்த்தியது.

திரைப்பட இயக்கம் என்பது என்ன..? ஒரு கதையை, அதன் சுவாரசியம் குறையாமல், உணர்வுப்பூர்வமாக பார்வையாளனுக்கு கொண்டு சேர்ப்பது தானே..!?

அதை மிகச் சிறப்பாக பாரதிராஜா செய்திருக்கிறார் என்பதும், அவர் ஏன் தமிழின் ஆகச்சிறந்த இயக்குநர்களில் ஒருவர் என்பதையும் இத்திரைப்படம் பார்க்கப் புரிந்துக்கொள்ள முடியும். படம் பார்த்தவர்கள் பலருக்கும் அது புரிந்திருக்கும். பார்க்காத நண்பர்களையும், ஏற்கனவே பார்த்த நண்பர்களையும் இத்திரைப்படத்தை (மீண்டும்) பார்க்க பரிந்துரைக்கிறேன்.

படம் முடிந்த பின்.. இயக்குநர் திரு. பாரதிராஜாவோடு ஒரு கலந்துரையாடல் வைத்துக்கொண்டோம். மாணவர்களின் பல்வேறு கேள்விகளுக்கு, இத்திரைப்படம் குறித்து பலவற்றை பகிர்ந்துக்கொண்டார். ஒவ்வொன்றும் ஒரு புதிய சாரளத்தை நமக்கு திறந்து விட்டது. நேற்றைய உரையாடலை உங்களோடு பகிர்ந்துக்கொள்ள விரும்புகிறேன். திரைப்படம் ஆர்வம் கொண்டவர்களுக்கு பயன்படும்.

பல்வேறு கதை களன்களை எடுத்துக்கொண்ட நீங்கள், இக்கதையைத் தேர்ந்தெடுக்க என்ன காரணம் என்ற கேள்விக்கு.. காதல் கதைகளுக்கு காரணமா வேண்டும்..!? எத்தனை சொன்னாலும் காதல் சலிக்குமா..?என்றவர்.. கரடுமுரடான ஒரு மனிதனின் வாழ்வில் வரும் பெண்னொருத்தி அவனை சீர் செய்கிறாள் என்பது இதன் கதை. ஒவ்வொரு ஆணின் வாழ்விலும் அப்படியான பெண்னொருத்தி இருப்பாள். ஆணின் நிறை குறைகளை நேர் செய்பவள் பெண். அதன் பொருட்டே இங்கே காதல், கல்யாணம் எல்லாம்.

இக்கதையில் கூட.. ஜெனிஃபர் சின்னப்பதாஸை சரி செய்கிறாள். அவனுள் பொதிந்துக்கிடந்த மனிதனை அவள் மீட்டெடுக்கிறாள். இதுவே இக்கதையின் மையம்.

இதனை, இத்திரைப்படம் துவங்கும் ஆரம்பக்காட்சியிலேயே, பார்வையாளனுக்கு பூடகமாக உணர்த்தும் காட்சி ஒன்று வருகிறது. ஜெனிஃபர் ஊருக்கு வருவதற்கு முன்பாக சின்னப்பதாஸ், பாழடைந்த ஒரு வீட்டின் முற்றத்தில் தங்கி இருப்பான். பேய் இருப்பதாக நம்பப்பட்டு, பாழடைந்து கிடக்கும் அவ்வீடே அவனுடைய இருப்பிடம். ஜெனிபர் டீச்சர் ஊருக்குள் வந்தவுடன், அவர்கள் தங்குவதற்கு அவ்வீடு ஒதுக்கப்பட்டு, வீடு சுத்தம் செய்யப்படும். இதை கண்ட சின்னப்பதாஸ் அங்கே வந்து ரகளை செய்து விட்டு செல்லும் காட்சியும் வரும்.

இதைப்பற்றி குறிப்பிட்ட இயக்குநர்.. சின்னப்பதாஸ் சீரமைக்கப்பட போகிறான் என்பதை உணர்த்தவே அக்காட்சியை வைத்ததாக குறிப்பிட்டார். அட.. :)

ஜெனிஃபர் மற்றும் சின்னப்பதாஸின் கதையில், மாமன்மகள் கங்கம்மா ஏன் வருகிறாள் என்ற கேள்விக்கு.. அவளே இக்கதையை பூர்த்தி செய்கிறாள். அக்கதாப்பாத்திரமே இக்கதையின் அடர்த்தியை அதிகரிக்கச் செய்கிறது என்றார். இக்கதையின் சிறப்பான கதாப்பாத்திரம் அவளே. தன் வாழ்வின் கடைசி நம்பிக்கை மாமன் மட்டும்தான் அவளுக்கு. ஆயினும், மாமனின் மனம உணர்ந்து, அவனை அவன் காதலோடு இணைத்து வைக்கிறாள். அவர்கள் இணைந்ததும். மனதார மகிழ்ந்து அவர்களை வாழ்த்துகிறாள். கூடவே உனக்கு பிறகு குழந்தைக்கு என் பெயர் சூட்டி அன்போடு அழை மாமா, அது போதும் எனக்கு என்றும் சொல்லுகிறாள். இதை அவள் மாமனிடம் சொல்லுவதில்லை. அவள் மனதோடு பேசிக்கொள்கிறாள். அங்கே படம் முடிந்து விடுகிறது.

அதன் பிறகு, அவள் ஓடிப்போய் கடலில் விழுந்து இறந்து விடுவதாக காட்சி வைத்திருந்தேன். அதை படம் பிடித்தும் வந்தேன். பிறகு படத்தொகுப்பில், அக்காட்சி கங்கம்மாவின் மேன்மைக் குறைத்து விடுகிறது என்பதை உணர்ந்து கத்தரித்து விட்டேன் என்றார். ஆம்.. தேவையில்லாததை கத்தரித்து எறிவதும் இயக்கம்தான்.

இக்கதையில், சின்னப்பதாஸும் ஜெனிஃபரும் ஒரு புள்ளியில் இணையும் காட்சி ஒன்று வருகிறது. அதுவே அவர்களுக்கிடையேயான உறவை துவங்கி வைக்கிறது.

சின்னப்பதாஸ் குடித்துவிட்டு, தன் தாயை அடித்து விடுகிறான். அடிப்பட்ட தாயை, ஜெனிஃபர் தன் வீட்டிற்கு அழைத்து வந்து கவனித்துக்கொள்கிறாள். அதை கேள்விப்பட்டு, ஜெனிஃபரை தேடி வரும் சின்னப்பதாஸ், அவளிடம் “ எங்கே அந்த கிழவி.. இருக்காளா..? புட்டுக்கிட்டாளா..!? செத்து போயிட்டாளா..!?” என்று கேட்கிறான். கோபம் கொண்ட ஜெனிஃபர் அவனை அறைந்து விட்டு, திட்டி அனுப்புகிறாள். இக்காட்சியே சின்னப்பதாஸின் வாழ்வின் மிக முக்கியமான திருப்புமுனை.. பிறகு இரவில் குடித்துவிட்டு, அவள் வீடு தேடி வரும் அவன், அவள் தன் தாயிடம் தன்னைப்பற்றி பேசும் பேச்சைக்கேட்டு மனம் வருந்துகிறான். மனம் திருந்துகிறான். ஜெனிஃபரிடம் தன்னை மன்னிக்கும்படி வேண்டுகிறான். அதன் தொடர்ச்சியே அவர்களுக்கிடையேயான உறவை துவங்கி வைக்கிறது.

அத்தகைய முக்கியத்துவம் வாய்ந்த சம்பவமான, சின்னப்பதாஸ் தன் தாயை அடிக்கும் காட்சி.. இத்திரைப்படத்தில் இல்லை. அது வசனமாக மட்டும்தான் சொல்லப்படுகிறது. காட்சிப படுத்தப்படவில்லை. இதை குறிப்பிட்டு, ஒரு மாணவர் எழுப்பியக் கேள்விக்கு இயக்குநர் இப்படி பதில் சொன்னார்..

“சின்னப்பதாஸ் இக்கதையின் நாயகன். முரடன்.. ஆனால் நல்லவன். அதனை உணர்த்தும் விதமாகத்தான், அவனுடைய அறிமுகக்காட்சியில் ஊரின் பெரிய மனிதரை அடிக்கும் காட்சிக்கான காரணம் சொல்லப்படுகிறது. மேலும், அவனுள் மெல்லிய மனமொன்று இருக்கிறது. அவன் பிறப்பால் முரடன் இல்லை. அமைந்த வாழ்வும், கிடைத்த வாய்ப்புகளுமே அவனை இப்படி வளர்த்து வைத்திருக்கிறது. இதை நாம் உணர்ந்தே இருக்கிறோம். எனில், அவன் தாயை அடிக்கும் காட்சியை வைத்தால், அது பார்வையாளனுக்கு அவன் மீது கோபத்தை ஏற்படுத்தும், அவனை நாயகனாக ஏற்றுக்கொள்ள மனம் மறுக்கும். இதுவே அவன் வில்லன் என்றால், அதை காட்சிபூர்வமாக வைக்கலாம். இவன் நாயகன், ஆகவே அக்காட்சியை காட்சி பூர்வமாக சொல்லவில்லை என்றார்.

ஆஹா.. எத்தனை நுணுக்கமான பதிவு. காட்சிக்கு (Visual) இருக்கும் அழுத்ததை எத்தனை எளிதாக புரிய வைத்துவிட்டார். ஒரு திரைப்பட ஆக்கத்தில் கவனக்க வேண்டியது எத்தனை இருக்கிறது.

குருதட்சனையாக கொடுப்படும் வலம்புரி சங்கு.. இறுதிகாட்சிகளுக்கு எத்தகைய விதத்தில் வலு சேர்க்கிறது என்பதும். ராஜாவை வளர்ந்த பெண்கதாப்பாதிரத்தின் பின்புலம்.. மீரா கதையின் குறியீடு.. பாறையில் முட்டி தெரிக்கும் கடல் அலை, கூரையில் இருந்து சிறகு விரித்து பறந்திடும் புறாக்கள்.. Good Shepherd-உம் அவருடைய மந்தையில் இருந்து பிரிந்த ஆடு என பலவற்றை பற்றி பேசினோம்.

தானும் படிக்க கற்றுக்கொள்ள வேண்டும் என்று விரும்பும் தாஸ், தனக்கு பாடம் சொல்லித்தரும் படி ஜெனிஃபரிடம் கேட்கிறான். அவள் மறுக்கிறாள். அவள் ஒத்துக்கொள்ளும்வரை தான் ஒற்றைக்காலில் நிற்கப்போவதாக சொல்லி விட்டு, காலையிலிருந்து மாலை வரை, அங்கேயே நிற்கிறான். ஊரே வேடிக்கைப்பார்க்கிறது. ஊர் முழுவதும் அதுவே பேச்சாகிறது. செய்தி கேள்விப்பட்டு, ஜெனிஃபர் ஓடி வந்து பார்க்கிறாள். இருவரின் பார்வையும் சந்திக்கிறது. அவர்களிடையே ஒரு அன்பும், நெருக்கமும் உண்டாகும் காட்சி அது.

அதை தொடர்ந்து வரும் சுடுவு(Shot) தூரத்தில் கடலுக்கு இடையில் ஒரு பாறையில் சிறு புள்ளியாக இவர்கள் இருவரும் நின்று கொண்டிருக்க.. தூரத்திலிருந்து கேமரா, கடற்கரையில் அவர்களை நோக்கி வேகமாக செல்லும். இந்த சுடுவு எனக்கு எப்போதும் ஒரு ஆச்சரியத்தை கொடுக்கும். ஏனெனில் அச்சுடுவை எடுப்பது கடினம். கடற்கரையில், அத்தகைய ஒரு சுடுவை இன்றைக்கு வேண்டுமானால் எளிதாக எடுத்து விடலாம். அன்று அதற்காக வசதி இல்லை. இருந்த போதும் அச்சுடுவை மிக கடினப்பட்டு எடுத்திருக்கிறார்கள். அது ஏன்? கண்டிப்பாக அழகுக்காகமட்டும் இருக்க முடியாது..இதைப்பற்றி இயக்குநரிடம் கேட்க வேண்டும் என்ற எண்ணம் எனக்கு வெகு நாட்களாகவே இருந்தது. அதைப்பற்றி இயக்குநர் இப்படி சொன்னார்..

முரடனும், டீச்சரும் காதலில் விழவேண்டும். இருவருக்குமான இடைவெளி மிக அதிகம். அவர்களுக்கு இடையே இருக்கும் இடைவெளியை குறைந்து அவர்களை நெருங்க வைக்க வேண்டும். அதை பலக் காட்சிகளின் வழியாக சிறுக சிறுக பார்வையாளர்கள் ஏற்றுக்கொள்ளும் விதம் சொல்லலாம். அது ஒரு விதம். ஆனால், அதே தேவையை, பல காட்சிகளின் மூலம் சொல்லாமல், ஒரு சில காட்சித்துண்டுகளின் வழி சொல்ல முயன்றேன். பார்வையாளன் மனதில் கேள்விகள் எழா வண்ணம், தந்திரமாக அவனை நம்ப வைக்க முயன்றேன். ஒரு சிறுபாடலும் (தாஸ் தாஸ்..சின்னப்பதாஸ் தாஸ்), அதனை காட்சிப்படுத்தும் சில காட்சித்துண்டுகளின் வழி, இருவருக்குமான இடைவெளியை குறைத்து அவர்களை நெருங்க வைத்து விடுகிறது. அதன் துவக்கமாகத்தான், அந்த நீண்ட கடற்கரை சுடுவு என்றார். அந்தக் காட்சியாகப்பாருங்கள். அது எத்தகைய நேர்த்தியான காட்சி அமைப்பு என்பது புரியும்.

அதேப்போல், பிரிதொரு சமயத்தில், இயேசுவின் Good Shepherd ஓவியத்தை பார்க்கும் தாஸ் அதனைப்பற்றி ஜெனிஃபரிடம் கேட்கிறான். அதற்கு விளக்கம் கொடுக்கும் அவள், தானே ஒரு ஆடாக உன்னிடம் வந்தால் என்ன செய்வாய் என்று கேட்பதன் மூலம், தன் காதலை அவனுக்கு உணர்த்துகிறாள். அங்கே காட்சிப்படுத்தப்பட்டிருக்கும், பாறையில் மோதும் அலை, ’சிறகு விரித்து பறந்திடும் புறாக்கள்.. அதைத்தொடர்ந்து வரும் ‘அடி ஆத்தாடி’ பாடலும் அதன் சுடுவுகளைப்பற்றியும் (shots) பேசினோம். மனவெழுச்சி, நம்பிக்கை கீற்று, வாழ்வில் வந்த வசந்தம்.. அதனை உணர்த்தும் சுடுவுகளே.. தொடர்ந்து வருகிறது. அப்பாடல் முழுவதும் சின்னப்பதாஸ் ஓடிக்கொண்டிருப்பதைப்பற்றி குறிப்பிட்டார். அப்பாடலைப்பாருங்கள். ஒவ்வொரு சுடுவுக்கும் பொருள் இருக்கிறது.

மேலும்… இத்திரைப்படத்தின் மேன்மைக்கு தான் மட்டுமே காரணம் அல்ல. இதன் முதல் நாயகன், இளையராசாதான், பிறகு வசனகர்த்தா ஆர்.செல்வராஜ் பிறகுதான் நான் வருகிறேன் என்றார் பாரதிராஜா. எத்தகைய கலைஞன் இவர் என்பதை உணர்த்தும் வார்த்தைகள் இவை. மகாகலைஞன். இத்தனை ஆண்டுகளுக்கு பின்பும், தன்னோடு உழைத்தவர்களை தாங்கி பிடிக்கும், தூக்கி பிடிக்கும் அந்த உயர்ந்த உள்ளம் ஒரு உயர்ந்த மனிதனுக்கானதும் கூட.

ஒரு நேர்த்தியான திரைப்படம் பார்த்த பரவசமும், அதைத்தொடர்ந்து அதன் படைப்பாளியிடம் உரையாடும் சூழலும் எத்தகைய மன நிறைவை கொடுக்கும் என்பது, திரைப்பட விழாக்களுக்கு சென்றிடும் நண்பர்கள் அறிவார்கள்.

மொத்தத்தில், இப்படம் நேற்றைய நாளை மிக சுவாரசியமான நாளாகவும், பயனுள்ள நாளாகவும் மாற்றிற்று..

பரவசமும், கண்ணீரும் நிறைந்த ஒரு திரையிடலாக இந்நிகழ்வு முடிந்தது.

பின்குறிப்பு: இயக்குநரோடு நிகழ்ந்த உரையாடல் முழுவதும் கானொளியாக பதிவு செய்யப்பட்டிருக்கிறது. சூழல் வரும்போது அதனை பதிவேற்றுகிறேன்.

Kids Photography Workshop - Chromepet - Chennai

noreply@blogger.com (Vijay Armstrong) — Sat, 01 Jun 2019 16:47:00 +0000

Kids Photography Workshop - Chromepet - Chennai

June 9th, Sunday - 10AM - Age - 7 to 15 yrs

What you'll learn:

Take better photos with any camera you have
Shoot better photos with basic composition skills
Practice basic photography skills

Requirements:

You need no prior photography knowledge. We'll start with the basics and have fun with all of our projects.
Have some sort of camera (digital DSLR camera, Compact Camera or a phone camera)

PERK: Parent of Kid may join with us ;)

Venue:

Sagarz Dance Academy,

No 1, CLC works road,

New colony,Chromepet,

Chennai

Fee: 199/-

Interested People Please

சிறுவர்களுக்கான புகைப்படப் பயிற்சிப்பட்டறை - குரோம் பேட்டை, சென்னை.

ஜூன் 9ஆம் தேதி, ஞாயிற்றுக்கிழமை. காலை 10 மணி முதல்.

வயது 7 முதல் 14 வரை.

என்ன கற்றுக்கொள்ளப் போகிறீர்கள்:

உங்களிடமிருக்கும் எவ்வகைக் கேமராவைக்கொண்டும் சிறப்பான புகைப்படத்தை எடுக்க கற்றுக்கொள்ளுங்கள்
அடிப்படையான நுட்பங்களை கற்றுக்கொள்ளுவதன் மூலம், தேர்ந்த புகைப்படக்காரராக மாறுங்கள்.
புகைப்படமென்னும் கலையை பயிற்சி செய்ய இது உதவும்.

தேவைகள்:

புகைப்பாடம் எடுத்தல் குறித்து முன் அனுபவம் எதுவும் தேவையில்லை. ஆர்வம் இருந்தால் போதுமானது.
ஏதேனும் ஒரு கேமரா இருந்தால் நலம் (digital DSLR camera, Compact Camera or a phone camera)

கூடுதலாக: குழந்தை இப்பயிற்சி வகுப்புக்கு அழைத்துவரும் பெற்றோரும் கலந்துக்கொள்ளலாம்.

Venue:

Sagarz Dance Academy,

No 1, CLC works road,

New colony,Chromepet,

Chennai

ஆர்வம் கொண்டவர்கள் அழையுங்கள்: +91 98842 04348 / +91 98406 32922

Cinematic Lighting in Wedding Photography - Trichy - 23.04.19

noreply@blogger.com (Vijay Armstrong) — Fri, 19 Apr 2019 12:54:00 +0000

கடந்த இரண்டு வருடங்களாக தமிழ் நாடு முழுவதும் பல்வேறு பயிற்சிப்பட்டறையை புகைப்படம் மற்றும் ஒளிப்பதிவு துறைச்சார்ந்து நடத்தி வருகிறேன். அவ்வகையில் வரும் செவ்வாய் கிழமை (23/04/19) அன்று திருச்சியில் 'சினிமேட்டிக் லைட்டிங் இன் வெட்டிங் போட்டோகிராபி’ என்ற தலைப்பில் 'திருச்சி நிக்கான் டெக்னிக்கல் கிளப்' ஒரு பயிற்சி வகுப்பை ஏற்பாடு செய்திருக்கிறது.

‘Lighting’ என்பது புகைப்படக்கலையின் ஆதாரமான ஒன்று. ஒளியை எப்படி பயன்படுத்துவது என்பதும், அதன் பல்வேறு கூறுகளைப்பற்றியும் இப்பயிற்சி வகுப்பில் காணப்போகிறோம். ஒளியின் தன்மை, ஒளியின் அளவு, ஒளியின் வண்ணம், ஒளியின் அடர்த்து போன்றவற்றைப் பற்றியும், ஒரு தரமான புகைப்படத்திற்கு ஒளியின் அளவைப்போலவே ஒளியின் தரம் எத்தகைய முக்கியத்துவம் வாய்ந்தது என்பதையும் பார்க்கப்போகிறோம்.

இப்பயிற்சி வகுப்பில்..

1. ஒளியமைப்பின் அடிப்படையான Three Point Lighting மற்றும் அதன் பயன்பாடு.

2. ஒரே ஒரு விளக்கை (Light) வைத்துக்கொண்டு எப்படி பல்வேறு வகையில் ஒளியமைப்பது என்பதையும், அதனைப் பயன்படுத்தி எப்படி சிறப்பான புகைப்படத்தை எடுப்பது.

3. ஒளியை சிறப்பாக பயன்படுத்துவது எப்படி..? அதனை கட்டுப்படுத்துவது எப்படி..?

4. இயற்கையில் கிடைக்கும் ஒளியைப் எப்படி பயன்படுத்துவது?

5. ஒளி அமைக்க தேவைப்படும் பல்வேறு துணைக்கருவிகள் என்ன? அதனைப் பயன்படுத்துவது எப்படி..?

6. Portrait Lighting அமைப்பது எப்படி?

7. Pre & Post wedding புகைப்படங்களை எப்படி எடுப்பது?

போன்றவற்றோடு தொழில்நுட்பம் சார்ந்து பல்வேறு நுட்பங்களை (Tips) பார்க்கப்போகிறோம்.

வாழ்வின் வசந்தங்களில் ஒன்று திருமணம். எல்லோர் வாழ்விலும் மறக்க முடியாத நிகழ்வாய் அமைந்துவிடுகிறது. புது உறவு இணைந்திடும் அந்நாட்கள் நம்பிக்கையும், எதிர்பார்ப்பும், மகிழ்ச்சியும் நிறைந்தது. மணமக்கள் மட்டுமல்ல, ஒட்டுமொத்த குடும்பத்திலும் பரவசமும் கொண்டாட்டமும் நிறைந்திருக்கும் அக்கணங்களை காலத்தில் அழியா பதிவாக்கிடுவதில் புகைப்படங்களும் கானொளிகளும் முக்கியபங்காற்றுகிறது. அத்தகைய முக்கிய நிகழ்வை முறையாக பதிவு செய்திட தேவையான அடிப்படை அறிவை இவ்வகுப்பு கொடுக்கும்.

ஆர்வம் கொண்ட நண்பர்கள் உடனே பதிவு செய்துக்கொள்ளுங்கள்.

நாள்:23-04-2019 காலை 9-30 முதல் மாலை 5-30 வரை

இடம்: தீபம் ஹோட்டல், சிங்காரதோப்பு, திருச்சி.

முன் பதிவு செய்பவர்களுக்கு முன் வரிசையில் இடம் ஒதுக்கப்படும். வெளியூரிலிருந்து வருபவர்களுக்கு குறைந்த வாடகையில் அறை ஏற்பாடு செய்து தரப்படும்.

அனைவருக்கும் அனுமதி கட்டணம் ரூ 1500/- (கிளப் உறுப்பினர்களுக்கு பெஸ்ட் போட்டோகிராபி டுடே மாத இதழ் இலவசம்)

அன்புடன் அட்மின் மற்றும் ஆர்கனைசர்கள்:
1. புலிவலம் ரவி (திருச்சி). செல்:- 9442777240
2. திரு. தீனதயாளன்- திருச்சி. செல்:- 9442408189.
3. திரு. இராஜா- ஈரோடு. செல்:- 9442138347.
3. திரு.ரமேஸ்- கிளியூர் செல்:- 7667115552.

Cinematography and Photography Workshop - LEARN FROM THE PAINTINGS - 30/03/2019

noreply@blogger.com (Anonymous) — Fri, 22 Mar 2019 06:39:00 +0000

Cinematography and Photography Workshop

LEARN FROM THE PAINTINGS

Lighting, Color & Composition

March 30th 2019 - Saturday - Chennai

Rs. 1999/-

For Cinematographers, Directors & Photographers

There is a fascinating interplay between the visual cultures of film and art. Directors & Cinematographers have frequently used imagery from painting and other art forms to shape the look and meaning of their works. Using one of the oldest art forms to inform one of the newest.

Filmmakers include artworks in their production design plans as an inspiration or mood board; sometimes they build the whole look of their film around a piece of art. Understanding the paintings can help add more creative control to your Photography & Cinematography.

“PAINTING A FILM”— telling a story not with words, but colours, camera angles, and meticulously composed frames.

The Psychology Of Colors In Film

How filmmakers use colours to set the mood of a film

TO REGISTER..

CALL:

+91 98406 32922

₹ 1999/- (early booking discount if booked by 23rd March 2019)

₹ 2499/- Full Price

Light Meter: லைட் மீட்டர் ஒரு அறிமுகம்

noreply@blogger.com (Vijay Armstrong) — Fri, 08 Feb 2019 03:50:00 +0000

புகைப்படத் துறையாகட்டும் அல்லது ஒளிப்பதிவுத் துறையாகட்டும் 'லைட் மீட்டர்' என்பது மிக முக்கியமான ஒரு கருவி.

புகைப்படத்துறையில் Flash lights உபயோகிக்கும் போது பயன்படுத்தப்படும் மீட்டரை 'Flash Meter' (ஃபிளாஷ் மீட்டர்) என்கிறோம். Flash செய்யும்போது கிடைக்கும் ஒளியை அளக்க இந்த கருவி பயன்படுகிறது.

திரைப்படத்துறையில் பயன்படும் லைட் மீட்டர் என்பது ஒளியின் அளவை (amount of light) அளக்கப் பயன்படும் கருவி. அதாவது நாம் படம் பிடிக்க இருக்கும் 'Subject'-இன் மீது அல்லது அந்த இடத்திலிருக்கும் ஒளியின் அளவை அளக்கப் பயன்படுவது. இந்த அளவை அடிப்படையாகக் கொண்டுதான் 'எக்ஸ்போஷர்' (Exposure) தருகிறோம். இப்போதைய நவீன மீட்டர்களில் 'Flash Meter' மற்றும் 'Light Meter' ஆகிய இரண்டு கருவிகளின் செயல்பாடுகளும் அடங்கி இருக்கிறது.

லைட் மீட்டரின் அடிப்படை:

நாம் படம்பிடிக்க (பதிவுசெய்ய) இருக்கும் 'Subject' மீது விழும் ஒளியின் அளவு அல்லது இடத்திலிருக்கும் ஒளியின் அளவை அளக்க பயன்படுகிறது. இந்த அளவு என்பது நாம் பயன்படுத்தும் ஃபிலிமின் திறன் (Film Speed -ISO), 'ஒரு வினாடிக்கு எத்தனை ஃபிரேம்கள்' (fps) மற்றும் 'ஷாட்டர் ஆங்கிள்' (Shutter Angle) ஆகியவற்றோடு தொடர்பு உடையது. இந்த மூன்றின் அடிப்படையில் 'எக்ஸ்போஷர்' தரப்படுகிறது.

புகைப்படமோ அல்லது ஒளிப்பதிவோ இரண்டுமே 'ஒரு Subject-இன் மீது விழுந்த ஒளி ஏற்படுத்தும் பிரதிபலிப்பை பதிவு செய்வதின் மூலம்தான் நிகழ்கிறது. அதேபோல் எந்த பொருளும் தன் மேல் விழும் ஒளியை இரண்டு விதமாக கையாள்கின்றன, உள்வாங்கிக் கொள்வது மற்றும் பிரதிபலிப்பது. இந்த இரண்டு ஆதார செயல்பாடுகளும் பொருளுக்குப் பொருள் மாறுபடுகிறது. மரம் அல்லது மனித உடல் போன்றவை பிரதிபலிப்பதற்கும் கண்ணாடி, இரும்பு போன்ற பொருட்கள் பிரதிபலிப்பதிற்கும் வித்தியாசம் இருக்கும் இல்லையா? அதேபோல் ஒவ்வொரு வண்ணத்தைப் பொருத்தும் அதன் பிரதிபலிப்பு மாறுபடும்.

இப்படிப் பிரதிபலிக்கும் ஒளியானது, அந்தப்பொருளின் வடிவத்தைத் தாங்கிக் கொண்டிருக்கும், இந்த பிரதிபலிப்பை பதிவு செய்வதன் மூலம்தான் நாம் புகைப்படம் எடுக்க முடிகிறது. புகைப்படத்தை நாம் நிழற்படம் என்றும் சொல்கிறோம் அல்லவா, உண்மையில் அது நிழலைப் படம் பிடிப்பது அல்ல, இப்படிப் பிரதிபலிக்கப்பட்டப் பிரதி என்பதைக் குறிக்கத்தான் நாம் அதை நிழற்படம் என்கிறோம்.

இதை அடிப்படையாகக் கொண்டுதான் இரண்டு வகை மீட்டர்கள் பயன்பாட்டில் இருக்கிறது.

இரண்டு வகை லைட் மீட்டர்கள்: Incident and Reflected

இன்சிடண்ட் மீட்டர்: Incident Meter - இந்த மீட்டரைப் பயன்படுத்தும் போது, மீட்டரை 'subject'-இன் இடத்தில் வைத்து 'Subject'-இன் மீது விழும் ஒளியை அளக்க முடியும். அதாவது 'Subject' மீது விழும் ஒளியின் அளவு அது.

செயல்படும் முறை: முகப்பில் இருக்கும் கூம்பின் மீது விழும் ஒளியை மின்சாரமாக மாற்றுவதின் மூலம் அந்த ஒளியை அளக்கிறது. இதனால் தன் மேல் விழும் ஒளியின் அளவை (amount of light) அது தருகிறது.

அனலாக் மீட்டர்:
a. ISO அல்லது Film Speed அமைக்கும் இடம்.
b. ஒளியை அளக்கும் கூம்பு.
c. கருவியை இயக்கும் பொத்தான். இதை அழுத்தும் போது ஒளி அளக்கப்படுகிறது.
d. அளவைக் காட்டும் முள்.
e. அளவுகள் 'foot-candle scale'-இல் காட்டப்படுகிறது.
f/g. காட்டும் அளவை அமைக்கும் பகுதி.
h. Shutter speed scale
i. Aperture scale

டிஜிட்டல் மீட்டர்:

ரிப்லக்டட் மீட்டர்: Reflected Meter - இந்த மீட்டரைப் பயன்படுத்தி நம் 'Subject'-லிருந்து பிரதிபலிக்கும் (Reflected) ஒளியின் அளவை அளக்க முடியும். அதாவது கேமரா இருக்கும் இடத்தில் மீட்டரை வைத்து 'Subject'-லிருந்து பிரதிபலித்த ஒளியை அளப்பது.

செயல்படும் முறை: நாம் படம்பிடிக்கும் பொருள் நோக்கி இந்த மீட்டரை திருப்பி, (அதில் பார்ப்பதிற்கான கருவிகள் இருக்கும்) ஒளியின் அளவை எடுக்கும் போது அது பார்க்கும் பொருளின் ஒளியை அது அளவிடுகிறது. அதாவது அந்த பொருளில் இருந்து பிரதிபலிக்கப்படும் ஒளியின் அளவு அது. ஒரு குறிப்பிட்ட இடத்தின் (spot) ஒளியை அளப்பதால் இதை 'Spot Meter' என்கிறோம்.

இன்சிடண்ட் மீட்டர் மற்றும் ரிப்லக்டட் மீட்டர் இரண்டும் இணைந்த நவீன டிஜிட்டல் மீட்டர்

18% கிரே அடிப்படை: The 18% Neutral Gray Standard

லைட் மீட்டர்கள் தன் மீது விழும் ஒளியின் அளவை நிலையான விதத்தில் அளக்க உருவாக்கப்பட்டவை. அவை படம் பிடிக்கப்படும் பொருள்களில் இருக்கும் வித்தியாசத்தை உணரக்கூடியவை அல்ல. நமக்குத் தெரியும், படம் பிடிக்கும் பொருள் எந்த நிறத்தில் இருக்கிறது, நபர் என்றால் அவர் கருப்பா, சிவப்பா என்பது போல. ஆனால் மீட்டர்கள் அப்படி அல்ல, அதற்கு பச்சைப் பலூனுக்கும், சிவப்புப் பலூனுக்கும் வித்தியாசம் தெரியாது. இன்சிடண்ட் மீட்டர் தன் மீது விழுந்த ஒளியின் அளவைத்தான் சொல்லும், சுற்றி இருக்கும் பொருள்களின் பிரதிபலிப்பு தன்மையை கருத்தில் கொள்ளாது.

ரிப்லக்டட் மீட்டர் தான் பார்க்கும் பொருளின் வண்ணம் மற்றும் அதன் பிரதிபலிப்பு தன்மைச் சார்ந்து ஒளியின் அளவைக்காட்டும்.

இந்த இரண்டு மீட்டர்களுமே தாங்கள் அளக்கும் பொருட்கள் எல்லாம் 18% பிரதிபலிப்பு தன்மைக்கொண்டது அல்லது 18% கிரே (average 18% reflectance, or neutral gray) தன்மைக் கொண்டதாக எடுத்துக்கொள்ளும் (assume) படி வடிவமைக்கப்பட்டிருக்கின்றன. இதன் மூலம் ஒரு நிலையான அளவைப் பெறமுடிகிறது.

18% neutral gray முறை மீட்டர்கள் ஒரு சராசரியான பொருளை சராசரியான ஒளியில் அளப்பதிற்கு பயன்படுகிறது. ரிப்லக்டட் மீட்டர் பயன்படுத்தும் போது 18% கிரேக் கார்டு பயன்படுத்துவது இதனால் தான்.

சமன்பாடுகள்: இந்த அளவுகளைக்கொண்டு எக்ஸ்போஷர் கொடுப்பதற்கு சில சமன்பாடுகள் பயன்படுகின்றன. இன்றைய நவீன மீட்டர்கள் தங்களுக்குள் சிறிய அளவில் கணினித் தன்மைகளைக் கொண்டிருக்கின்றன. இதனால் அவை தானாகவே சமன்பாடுகளைச் செய்து நமக்குத் தேவையான எக்ஸ்போஷர்களைத் தருகிறது.

(இங்கே அந்த சமன்பாடுகளை விளக்க எனக்கு விருப்பம்தான், ஆனால் அவற்றை விளக்க துவங்கினால் இந்த கட்டுரையை படிப்பதை நீங்கள் இத்தோடு நிறுத்திக்கொள்வீர்கள் என்பதனால் அதைத் தவிர்க்கிறேன். அதுவும் இல்லாமல் நான் என்ன உங்களுக்கு பாடமா நடத்துகிறேன்? எனக்குத் தெரிந்ததை அல்லது தெரிந்ததாக நினைத்துக்கொண்டிருப்பதை உங்களோடு பகிர்ந்துக்கொள்கிறேன், அவ்வளவுதானே!.)

இன்றைக்கு Phone App -வோடு பல்வேறு லைட் மீட்டர்ஸ் வந்துவிட்டது.

லைட்டை அளக்க தேவையான 'Photovoltaics' கூம்பை மட்டும் தனியாக வாங்கி தொலைபேசியோடு பொறுத்திக்கொள்ளலாம். இதனை பயன்படுத்தி ஒளியின் அளவை தெரிந்துக்கொண்ட பின்பு சாஃப்ட்வேர்(App) பயன்பாட்டின் மூலம் அதற்கு தேவையான ஃபார்முலாவை பயன்படுத்தி, சரியான அளவை தருகின்றன.

https://www.cinema5d.com/lumu-light-meter-for-smartphones-video/

https://thegadgetflow.com/portfolio/lumu-lite-iphone-light-meter/

இக்கருவிகளை வாங்குவதற்கு:

Director’s Viewfinder

noreply@blogger.com (Vijay Armstrong) — Thu, 07 Feb 2019 13:58:00 +0000

திரைப்பட ஆக்கத்தில், ஒரு காட்சியை பல்வேறு ஷாட்டுகளாக பிரித்துதான் படமாக்குகிறோம். அதில் ஒவ்வொரு ஷாட்டுக்கும் வெவ்வேறான லென்ஸை பயன்படுத்துகிறோம் என்பதும் நாம் அறிந்ததுதான். குறிப்பிட்ட ஷாட்டுக்கு எந்த லென்ஸை பயன்படுத்தலாம் என்று முடிவு செய்ய.. அதாவது, எந்த Focal Lenght lens-ஐப் பயன்படுத்தலாம் என்பதை, கேமராவையும் லென்ஸையும் கொண்டு முடிவு செய்வதற்கு முன்பாக, இந்த Director’s View Finder என்னும் எளிய கருவியைக்கொண்டு முடிவு செய்யலாம்.

நாம் எடுத்துக்கொண்டிருக்கும் படத்தின் Aspect Ratio -வை அமைத்து விட்டு(1:2.35 or 16:9), கேமராவை வைக்க விரும்பும் இடத்திலிருந்து, இக்கருவியின் மூலம் பார்த்து, அதை ஸூம் லென்ஸைப் போன்று முன்னும் பின்னும் மாற்றி அமைத்து, நமக்கு தேவையான லென்ஸ் எது என்பதை முடிவு செய்யலாம். மேலும், குறிப்பிட்ட கோணத்தை முடிவு செய்யவும் இக்கருவி உதவும்.

வெறும் கண்களால் பார்ப்பதை விட, இக்கருவியின் மூலம் பார்க்கும்போது, கேமராவில் லென்ஸைப் பொருத்தி பார்ப்பது போன்று, நமக்கு தேவையான பரப்பளவை (Frame) பார்க்கலாம். இதன் மூலம், நமக்கு தேவையான லென்ஸ் எது என்பதை, இக்கருவின் மேல் பகுதியில் குறிக்கப்பட்டிருக்கும் எண்களிலிருந்து தெரிந்துக்கொள்ளலாம். எளிய கருவி.. மிக பயனுள்ளது.

இம்மாதம் (03.02.19) அன்று நடந்த Image Workshop இன் 'Lens Basics' பயிற்சிப்பட்டறையில், இக்கருவியைப்பற்றி பார்த்தோம். கலந்துக்கொண்டவர்கள் அதை பயன்படுத்தியும் பார்த்தனர்.

இயக்குநர்களுக்கும், ஒளிப்பதிவாளர்களுக்கும் பயன்படும்.

இதில் பல்வேறு வகை இருக்கிறது..

சிறியது… அப்படியே பயன்படுத்தலாம். இதிலிருந்துக்கும் குறை, Depth of Field-யை கணிக்க முடியாது.

இக்கருவியை வாங்க

பெரியது.. நாம் பயன்படுத்து, லென்ஸை இதில் பொறுத்திதான் பார்க்க வேண்டும். ஒரு லென்ஸின் மூலம் பார்த்தால் என்ன Depth of Field தெரியுமோ அதே அப்படியே பார்க்கலாம். விலையும் அதிகம்.

Phone App - பயன்படுத்தி பார்க்கும் மாடல்

Photos from LENS BASICS- Understanding Camera Lenses - Chennai - 03/02/19

noreply@blogger.com (Vijay Armstrong) — Mon, 04 Feb 2019 05:54:00 +0000

Cinematographer, Co-Director, Wedding Photographer, Viscom Students, Script Writer, Commercial Photographer, Software Engineer என்று வழக்கம் போல இம்முறையும் பல்வேறு துறைச்சார்ந்த நண்பர்கள் வந்திருந்தார்கள்.

Practical Workshop என்பதனால்..

Focal Length - Depth of Focus - Depth of Field - Nodal Point - Image Plane - Shallow Focus - Circle of Confusion - Lens Breathing - Exposure Triangle - Manual Lens - Manual Focusing - F-Stop Vs T-stop - Framing - Composition - Shot Type - Depth - Movement - Perspective - Size - Contrast - Balance

என்று ஒவ்வொன்றையும் நிதானமாக செய்து பார்க்க முடிந்தது. குறைவான எண்ணிக்கை என்பதனால், one to one விவாதமாக, பரிமாற்றமாக இந்த பயிற்சிப்பட்டறை நடந்தது. எல்லாவற்றையும் ஒருநாளில் கற்றுக்கொள்ள முடியாதுதான். ஆனால், எல்லாவற்றை பற்றி ஒரு அறிமுகத்தை ஏற்படுத்திக்கொள்ள முடிந்தது என்று நம்புகிறேன். நிறைவான பயிற்சிப்பட்டறை. நன்றி நண்பர்களே..!

LENS BASICS- Understanding Camera Lenses
Chennai - 03/02/19

The Workshop on ‘LENS BASICS’ in Photography, Cinematography was eventful. As ever, people of different genres (Cinematographer, Co-Director, Wedding Photographer, Viscom Students, Script Writer, Commercial Photographer, Software Engineer) from various field, participated in the workshop enthusiastically with hands on skill.

The workshop started with the ‘Knowledge’ sharing of the core-basics of Lenses. We pedalled up to the ‘Skill’ wherein we navigated through the intricacies of ’how’ to use different type of lens and its settings..

Focal Length - Depth of Focus - Depth of Field - Nodal Point - Image Plane - Shallow Focus - Circle of Confusion - Lens Breathing - Exposure Triangle - Manual Lens - Manual Focusing - F-Stop Vs T-stop - Framing - Composition - Shot Type - Depth - Movement - Perspective - Size - Contrast - Balance

Before the valedictory , we had the fabulous session of knowledge quest from the participants. Thank u for ur inclusive participation dear all.

காமிக்ஸ் பரிந்துரை : ‘தோர்கல் - சிகரங்களின் சாம்ராட்’

noreply@blogger.com (Vijay Armstrong) — Fri, 25 Jan 2019 05:38:00 +0000

காலம் என்பது ஒரு குறிப்பிட்ட அவகாசத்தைக் குறிப்பதல்ல. மாறாக பல்வேறு திசைகளில் பயணிக்க கூடியதொரு தொலைவு..

காலம் என்பது ஆறுபோல் எப்போதும் ஒரே திசை நோக்கி ஓடக்கூடியது அல்ல! காலமானது.. ஒரு தடாகத்தில் கல்லை எறிந்தால் நீரில் அடுத்தடுத்து வளையங்களாக எழும் அலைகளைப் போன்றது!

இவ்வரிகளை அண்மையில் படித்த ஒரு காமிக்ஸ் புத்தகத்தில் பார்த்தேன். ஆச்சரியமாக இருக்கிறது. நவீன அறிவியல் சொல்லும் அதே கருத்தைக்கொண்டு அண்மையில் ஒரு திரைப்படமும் பார்த்தேன். இரண்டுமே சிறுவர்களுக்கானது என்று நம்பப்படும்(தவறாக) பிரிவைச்சார்ந்த கலை படைப்புகள்.

‘தோர்கல் - சிகரங்களின் சாம்ராட்’ என்னும் காமிக்ஸ் தான் அந்த அற்புத புத்தகம். Vikings- களை அடிப்படையாக கொண்ட இக்காமிக்ஸ், மற்ற காமிக்ஸிலிருந்து தனித்துவமானது. கதை சொல்லும் போக்கு, அதிலிருக்கும் ஃபேண்டஸி, அதற்கு வரையப்பட்ட ஓவியங்கள் என இத்தொடர் ஒரு கவித்துவமானதும் கூட. இதுவரை காமிக்ஸ் படிக்காதவர்களுக்கு கூட இப்புத்தகத்தை பரிந்துரைக்கிறேன்.

அடுத்து.. அண்மையில் வெளியாகிய ஸ்பைடர்மேன் திரைப்படமான ‘SPIDER MAN INTO THE SPIDER VERSE’ திரைப்படம்தான் நான் குறிப்பிட்ட காலம் தொடர்பான திரைப்படம். பல்வேறு காலத்திலிருந்து வந்து சேரும் பல ஸ்பைடர்மேன்களைப் பற்றியப்படம் இது. பொழுதுபோக்குதான் ஆதாரம் எனினும், அறிவியல், ஆன்மீகம், இருப்பு, வாழ்வு குறித்தான பல்வேறு கேள்விகளை ஏற்படுத்தவல்ல திரைப்படம் இது. பலரும் இது குழந்தைகளுக்கானப்படம் என்று தவறாக புரிந்து வைத்திருக்கிறார்கள். உண்மையில் அது அப்படி அல்ல. திரைப்படங்களின் மீது ஆர்வம் கொண்ட அத்துணை நண்பர்களுக்கும் இத்திரைப்படத்தை பரிந்துரைக்கிறேன்.

மேலும்… Netflix இல் ‘VIKINGS’ என்றொரு நீண்டதொரு தொடர் இருக்கிறது. வரலாறும் புனைவும் கலந்த அத்தொடர் மற்றொரு அற்புதம். History Channel இல் தயாரிப்பான இது. போர்க்கலம், வரலாறு, கலாச்சாரம், ஆன்மீகம், காதல், நம்பிக்கை, துரோகம், இரத்தம் என நிரம்பிக்கிடக்கும் இத்தொடர், அதையும் தாண்டி பல அற்புத கணங்களை கொண்டிருக்கிறது. வரலாற்றின் ஊடாக ஒரு புதிய பார்வையை இத்தொடர் உண்டாக்கும். தவற விடாதீர்கள் நண்பர்களே..!

Lens Basics - PRACTICAL WORKSHOP - 03 Feb 2019 - Chennai

noreply@blogger.com (Vijay Armstrong) — Thu, 24 Jan 2019 14:09:00 +0000

லென்ஸ் பயிற்சிப்பட்டறை

செய்முறை பயிற்சியில் லென்ஸின் அடிப்படைகளை தெரிந்துக்கொள்வோம்

சென்னையில்

03 - Feb 2019

காலை 9 மணி முதல் மாலை 5 மணி வரை.

அது சினிமாவோ அல்லது புகைப்படமோ.. Wide Shot-க்கு Wide-Angle Lens-ஐயும், Close-up Shot-க்கு Tele Lens அல்லது Zoom Lens ஐயும் பயன்படுத்தி எடுக்கலாம் என்று நினைக்கிறோம். அதுசரி தான். ஆனாலும், அது மட்டுமே சரி அல்ல.

சில சமயங்களில் குளோஸ் அப் ஷாட்டை Wide-Angle Lens பயன்படுத்தியும் எடுக்கலாம். அப்படி எடுக்கும்போது, லென்ஸ் பார்க்கும் பரப்பளவு மாறுபடுவதனால் காட்சியின் பின்புலம் வித்தியாசப்படும். அது அக்காட்சிக்கான அல்லது அப்புகைப்படத்திற்கான அர்த்தத்தையே மாற்றும்.

ஒரு காட்சி அல்லது ஒரு புகைப்படம் எப்படி எக்ஸ்போஸ் செய்யப்படுகிறது என்பதோடு, அதன் Angle of View, Depth Of Field, Shallow Focus என பல்வேறு விஷயங்களை கவனிக்க வேண்டும்.

லென்ஸ் என்பது ரொம்பவே நுணுக்கமான ஒரு கருவி. ஒளியைப்போன்றே லென்ஸும் மிக முக்கியத்துவம் வாய்ந்தது. அதை சரியாக பயன்படுத்த உங்கள் புகைப்படத்தில் அல்லது காட்சியின் தன்மை மேம்படும்.

அதைப்பற்றி பேச / கற்றுக்கொள்ள பல்வேறு விஷயங்கள் இருக்கிறது. வாருங்கள் பேசுவோம்.

₹ 2499/- (28th Jan 2019 முன்னால் பதிவு செய்தால் 500 ரூபாய் டிஸ்கவுண்ட்)

₹ 3000/- Full Price

Lens Basics

Understanding Camera Lenses

PRACTICAL WORKSHOP

03 Feb 2019

09AM to 5PM
Chennai

Understanding camera lenses can help add more creative control to your Photography & Cinematography. Choosing the right lens for the task can become a complex trade-off between cost, size, weight, lens speed and image quality. This workshop aims to improve understanding by providing an introductory overview of concepts relating to image quality, focal length, perspective, prime vs. zoom lenses and aperture or f-number.

Everything you need to know about camera lenses

Choosing The Best Lenses For Filmmaking

Lens Elements & Image Quality

Depth Of Field

Influence Of Lens Focal Length

Focal Length And Sensor Size

Influence Of Lens Aperture Or F-Number

Magnification & Sensor Size

Electronic Or Mechanical Focusing

Focus Breathing

Which Lenses To Buy?

₹ 2499/- (early booking discount if booked by 28th Jan 2019)

₹ 3000/- Full Price

TO REGISTER..

CALL:

+91 98842 04348 / +91 98406 32922

Five C’s of Cinematography : Workshop in Chennai 19.01.19 - Saturday

noreply@blogger.com (Vijay Armstrong) — Sun, 06 Jan 2019 06:54:00 +0000

எழுத்திலிருக்கும் கதையை அதன் சுவாரசியம் குறையாமல் உணர்வுப் பூர்வமாக காட்சிப்படுத்துவதுதான் திரைப்பட உருவாக்கத்திலிருக்கும் ஆகப்பெரிய சவால். ஒரு பூமாலை கட்டுவது போல, ஒவ்வொரு ஷாட்டாக கோர்க்க வேண்டும். கோர்க்கப்பட்ட நேர்த்தியைப் பொருத்தே அது வடிவம் பெறுகிறது.

ஒட்டுமொத்த சினிமாவை.. காட்சிகளாகவும், காட்சிகளைத் தனித்தனி ஷாட்டுகளாகவும் பிரித்தே படமாக்க வேண்டும். அப்படி பிரித்துப் படமாக்க பல்வேறு நுட்பங்கள் இருக்கின்றன.

ஒரு காட்சியை எத்தனை ஷாட்டுகளாக பிரிக்கிறோம்..?

அந்த ஷாட் என்னவகையானது?

அந்த ஷாட்டை உருவாக்க எந்த லென்ஸை பயன்படுத்துகிறோம்.?

ஒரு ஷாட்டின் நீளம் எத்தகையது.?

ஒரு ஷாட்டுக்கும் அடுத்த ஷாட்டுக்குமான உறவை எப்படி கட்டமைக்கப்போகிறோம்..?

அதை எப்படி இணைக்கப் போகிறோம்..?

Wide Angle Shot -இலிருந்து Close-Up Shot-வரைக்குமான பல்வேறு வகையான ஷாட்டுகளை எப்படி நெருடாமல் வரிசைப்படுத்துவது.?

..என்று பல்வேறு கேள்விகள் இருக்கின்றன. இதற்கானப் பதில்களை கண்டடைவதும், அதை செயல்படுத்துவதும்தான் திரைப்படமென்னும் கலையின் ஆதார செயல்பாடு.

இக்கேள்விகளுக்கான பதில்களை ‘Joseph V. Mascelli' என்னும் இயக்குநர் / ஒளிப்பதிவாளர் 'The Five C's of Cinematography' என்னும் தன்னுடைய புத்தகத்தில் விவரிக்கிறார்.

திரைப்பட ஆக்கம் கற்றுக்கொள்ள விரும்புபவர்களுக்கான ஆதாரமான நூல்களில் ஒன்று இது. 250 பக்கம் கொண்ட இப்புத்தகத்தை முழுமையாக படித்து புரிந்துகொள்வது என்பது ஒரு பெரும் இலக்கு.

Camera Angles, Composition, Cutting, Continuity, Close-ups என்பவைதான் அந்த 5C-க்கள். இதன் ஒவ்வொரு பிரிவிலும் பழகுவதற்கு பல்வேறு நுணுக்கங்கள் இருக்கின்றன.

இவற்றைப்பற்றித்தான் இப்பயிற்சி வகுப்பில் பார்க்கப் போகிறோம். ஆர்வம் கொண்ட நண்பர்கள் உடனடியாகப் பதிவு செய்துகொள்ளுங்கள்.

Understanding the 5C’s of Cinematography

Workshop in Chennai 19.01.19 - Saturday

Cost of the Workshop :

₹ 1999/- (early booking discount if booked by 10th Jan 2019)

₹ 2499/- Full Price

TO REGISTER..

CALL:

+91 98842 04348 / +91 98406 32922

Understanding the 5C’s of Cinematography Workshop in Chennai 19.01.19 - Saturday

noreply@blogger.com (Vijay Armstrong) — Tue, 01 Jan 2019 12:16:00 +0000

Five C’s of Cinematography

Understanding the 5C’s of Cinematography

Workshop in Chennai 19.01.19 - Saturday

The Five C’s of Cinematography, as outlined by Joseph V. Mascelli in his book The Five C’s of Cinematography: Motion Picture Filming Techniques, are fundamental concepts essential to filmmaking. By understanding and implementing these techniques, filmmakers can effectively utilise their visual resources in order to best share their visions with viewers everywhere.

Camera Angles, Composition, Cutting, Continuity and Close-ups

*Introduction to Framing and composition

*Introduction to types of shots

*Introduction to types of angles

*Introduction to the editing

Cost of the Workshop :

₹ 1999/- (early booking discount if booked by 10th Jan 2019)

₹ 2499/- Full Price

TO REGISTER..

CALL:

+91 98842 04348 / +91 98406 32922

Photos from Cinematic Lighting Workshop In Chennai - 22/12/18

noreply@blogger.com (Anonymous) — Thu, 27 Dec 2018 06:32:00 +0000

புகைப்படம் மற்றும் திரைப்படத்திற்கான ஒளியமைப்பின் அடிப்படைகளைப்பற்றிய இப்பயிற்சிப்பட்டறை இனிதே நிறைவடைந்து. வழக்கம்போல பல ஊர்களிலிருந்து பல்வேறு துறைச் சார்ந்த நண்பர்கள் கலந்துக்கொண்டார்கள்.

Lighting -இன் அடிப்படையில் துவங்கி, வெவ்வேற சூழ்நிலைகளுக்கு ஒளியமைப்பது எப்படி என்பதையும், வெவ்வேறு வகையான விளக்குகளையும் அதன் துணைக்கருவிகளையும் எப்படி பயன்படுத்துவது என்பதையும் செயல்முறை விளக்கமாக பார்த்தோம். கேள்விகளும் பதில்களும் என சுவாரசியமான ஒரு நாளாக அமைந்தது. நன்றி நண்பர்களே..

Lighting Workshop Chennai - 22/12/2018

noreply@blogger.com (Anonymous) — Thu, 06 Dec 2018 08:01:00 +0000

Lighting Workshop In Chennai 22/12/18

சென்னையில் வரும் 22ஆம் (22/12/18) தேதி லைட்டிங் பயிற்சிப்பட்டறை நடக்கவிருக்கிறது.

இது விடியோகிராபர்ஸ், போட்டோகிராபர்ஸ், ஒளிப்பதிவாளர்கள், இயக்குநர்களுக்கானது.

திரைப்படம் மற்றும் புகைப்படத்துறையில் பின்பற்றப்படும் Lighting பற்றி செயல்முறை விளக்கமாக பார்க்கப்போகிறோம்.

ஆர்வம் கொண்ட நண்பர்களின் கவனத்திற்கு..

Cost of Lighting Workshop :

₹ 1999/- (early booking discount if booked by 15th Dec 2018)

₹ 2499/- Full Price

Lighting Workshop In Chennai 22/12/18

This Lighting Workshop will introduce participants the principles of lighting using different professional lights, giving them a better understanding and confidence to deal with diverse lighting situations.

How to use light to accent a scene, express a feeling, or flatter a face. Discover how to master the magic of light. Explore the elements of light and understand white balance, color temperature, and light quality Choose and use appropriate accessories Learn to work with natural light, indoors and out.

TO REGISTER..

CALL:

+91 98842 04348 / +91 98406 32922

‘சினிமேட்டிக் வெட்டிங்’ பயிற்சிப்பட்டறை - சென்னை ஆகஸ்ட் 5ஆம் தேதி

noreply@blogger.com (Anonymous) — Thu, 19 Jul 2018 04:40:00 +0000

CINEMATIC WEDDING WORKSHOP - CHENNAI

நம் வாழ்வில் நிகழும் எல்லா சம்பவங்களிலும் ஒரு கதை இருக்கிறது. பிற்காலங்களில் அதை நினைவுகூர, அதிலிருக்கும் உணர்ச்சிகளே முதன்மையாக இருக்கின்றன.

திருமணம் என்பது, நம் வாழ்வின் மிக முக்கியமான ஒரு தருணம். அதனை ஒட்டி நிகழும் உணர்ச்சி குவியல்கள் என்றென்றைக்குமானவை. அதனைக் காலம் கடந்தும் நினைவுகூரவே திருமண விடியோக்கள், புகைப்படங்கள் எடுக்கப்படுகின்றன.

வழக்கமான திருமண விடியோக்கள், அந்நிகழ்வை பதிவுசெய்கின்றன. இது இந்நேரத்தில் நடந்தது, இது இப்படி நடந்தது.. அவ்வளவுதான். வெறும் ஆவணம் அது. அதிஷ்டமிருப்பின் அங்கொன்றும் இங்கொன்றுமாய் நெகிழ்ச்சிகள் பதிந்து கிடக்கலாம்.

காலம் மாறுகிறது. எல்லாவற்றிலும் மாற்றங்கள் தேவைப்படுகின்றன. திருமண வீடியோவிலும் அந்த மாற்றம் அவசியமாகிறது. அங்கேதான் இந்த ‘ சினிமேட்டிக் வெட்டிங்’ வருகிறது. அது வெறுமனே ஒரு ஆவணப்பதிவாக இல்லாமல், ஒரு திரைப்படம் போல ஒரு கதை சொல்ல முயலுகிறது. அது அவரவரின் உண்மைக்கதை! அறிமுகம், துவக்கம், முடிவு என ஒரு கதைச்சொல்லலின் சுவாரசியத்தைக் கொண்டிருக்கிறது.

இது ஒரு கலை. இதற்குப் பின்னே தொழில்நுட்பமும் இருக்கிறது. ஒரு திரைப்படம் போல, பல்வேறு நுட்பங்களைப் பின்பற்ற வேண்டியதிருக்கிறது. அந்த நுட்பங்களின் வழி நீங்கள் ஒரு திருமணப்பதிவை முற்றிலுமாக மாற்றியமைத்துவிட முடியும்.

இந்த பயிற்சிவகுப்பு அதற்காகத்தான்.

அந்த நுட்பங்கள் யாவை.. அவற்றை பயன்படுத்துவது எப்படி..? என்பதுதான் இப்பயிற்சிப்பட்டறையின் நோக்கம்.

BREAK DOWN THE SCIENCE OF MAKING ART -

கலைக்குப் பின்னிருக்கும் அறிவியலை அறிவோம்!

SCRIPT

EQUIPMENT

SHOOTING

SOUND

DATA MANAGEMENT

EDITING

MUSIC

COLOR

STORYTELLING

Fee: Rs.1999/-

கட்டணம்: ரூ.1999/-

முன் பதிவு செய்திடுங்கள்

To Register

CALL:

+91 98406 32922

+91 99200 29901

http://imageworkshops.in

காலா: என் பார்வை

noreply@blogger.com (Anonymous) — Mon, 11 Jun 2018 17:07:00 +0000

முதலிலேயே சொல்லி விடுகிறேன். பா.இரஞ்சித் நான் நேசிக்கும் ஒரு இயக்குநர். மகத்தான கலைஞன். இம்மதிப்பு அவருடைய செயல்பாடு மற்றும் கலையின் வாயிலாகவே வந்தது.

காலா.. அக்மார்க் பா.இரஞ்சித் படம். இயக்குநர் பா.ரஞ்சித்துக்கு திரைப்படமென்பது ஒரு அரசியல் செயல்பாடு. கலை, அழகுணர்ச்சி, வணிக வெற்றி என எல்லாவற்றையும் தாண்டி, அவர் பேசும் அரசியலை முன்னிறுத்தும் ஒரு கருவி அல்லது ஊடகம். எளிய மனிதர்களின் வாழ்வியலை, அரசியலை, போராட்டத்தை, சவால்களை பேசுவதே அவரின் நோக்கம். காலாவும் அப்படியே.

கதை, திரைக்கதை, வசனம், பாத்திரப்படைப்பு, நடிப்பு, இயக்கம், இசை, ஒளிப்பதிவு என ஒரு திரைப்படத்தைப்பற்றி பேசுவதைப்போல, ரஞ்சித்தின் திரைப்படத்தை பேச வேண்டியதிருக்காது எப்போதும். காரணம், அவருடைய படங்களில் நாம் பொருட்படுத்த வேண்டியது, அது பேசும் அரசியலைத்தான். அது பதிவுசெய்யும் வாழ்வியலைத்தான். அதைத்தான் இரஞ்சித்தும் விரும்புவார். அவ்வகையில், காலாவில், தான் பேச விரும்பிய அரசியலை, கச்சிதமாக அல்லது விஸ்தாரமாக இரஞ்சித் பேச முயன்றிருக்கிறார். அது என்னவென்பதை படம் பார்க்கும் ஒவ்வொருத்தரும் உணர்ந்துக்கொள்ள முடியும். ஆகவே நான் அதைப்பற்றி எதுவும் பேசப்போவதில்லை.

எனக்கு இருக்கும் கேள்வி எல்லாம் ஒன்றே ஒன்றுதான்..!

ரஜினி ஏன் இப்படத்தை செய்ய ஒத்துக்கொண்டார்..!?

எனக்கு தெரிந்து, ரஜினி மக்களின் போராட்டங்களுக்கு ஆதரவானவர் இல்லை. இந்துத்துவா அரசியலுக்கு எதிரானவரும் இல்லை. இந்திய ஆளும் வர்கத்தினர்க்கு எதிரானவரும் இல்லை. எனில்.. காலாவை அவர் ஏன் தேர்ந்தெடுத்தார்..!?

ஒரு குப்பம், அங்கே வாழும் மக்களை துரத்துவிட்டு, அவ்விடத்தை அபகரிக்க ஒரு அரசியல்வாதி முயற்சிக்கிறான். அதை தட்டிக்கேட்கும் ‘தாதா’ நாயகன். இதானே கதை..!? இது என்ன புதுக்கதையா? ரஜினி இம்மாதிரியான திரைப்படத்தில் இதற்கு முன்பு நடித்ததில்லையா..!? இந்திய திரைப்படங்கள் எடுக்கப்பட்டதில்லையா..!? இது ரஜினிக்கு தெரியாதா என்ன..? இருந்து அவர் ஏன் காலாவின் நடிக்க ஒத்துக்கொண்டார்..!?

1. இளையதலைமுறை இயக்குநர்களோடு திரைப்படம் செய்வதன் மூலம், ரஜினி அவர்களின் திரைவாழ்வில், இது அடுத்தகட்டத்தை நோக்கி நகரும் முயற்சியாகவும் இருக்கலாம். அப்படி இருந்தால் அதில் தவரொன்றுமில்லை.

2. ரஜினி அரசியலுக்கு வருவது உறுதி(!?) எனில், இது குறிப்பிட்ட சமூகத்தின் வாக்குகளை தனக்கு சாதகமாக மாற்ற உதவும் என்று நினைத்திருக்கலாம். அது தலித்துகளின் ஓட்டு எனில், தலித்துகளின் ஓட்டு, ரஜினிக்கு விழுவது அத்துனை உகந்ததல்ல. ஏற்கனவே களத்திலிருக்கும் தலைவர்களுக்குதான் அது பாதகமாக முடியும்.

ரஜினிக்கு தலித்துகளின் ஓட்டுகள் விழுவது, அவருக்கு வேண்டுமானாலும் நன்மையாக இருக்கலாமே ஒழிய, தலித்துகளுக்கு எவ்விதத்திலும் பயன் இருக்கபோவதில்லை என்பது எல்லோரும் அறிந்த ஒன்றுதான். இது பா.இரஞ்சித் அவர்களுக்கும் தெரியும் என்று நம்பலாம்.

3. அட.. அப்படி எல்லாம் இல்லப்பா. இதில் எந்த எந்த அரசியலுமில்லை. இது ஒரு தொழில். இவரால் அவருக்கு லாபம். அவரால் இவருக்கு லாபம். அவ்வளவுதான். இதில் இத்தனை தூரம் பேச வேண்டியதில்லை என்போரும் உண்டெனில்.. அவர்களிடம் பேசுவதற்கு எதுவுமில்லை.

பின்குறிப்பு: மெட்ராஸ் போன்ற ஒரு திரைப்படத்தைத்தான் நாங்கள் உங்களிடம் எதிர்பார்க்கிறோம் இரஞ்சித் தோழர். இல்லையெனில் குறைந்த பட்சம் அட்டக்கத்தியாவது தாருங்கள்.

VR in 2018 – The New Wave

noreply@blogger.com (Anonymous) — Wed, 02 May 2018 07:04:00 +0000

வெர்சுவல் ரியாலிட்டி (VR) தொழில்நுட்பம் அதன் அடுத்த கட்டத்தை நோக்கி நகர்ந்து விட்டது என்று தோன்றுகிறது.

இதுவரை, VR நுட்பத்திற்கு சில தடங்கல்கள் இருந்தன. இவைதான் இத்தொழில்நுட்பம் ஒரு யூசர் ஃபிரண்ட்லியாக (User Friedly) மாறாமலிருந்ததற்கு காரணங்கள். அதாவது பயன்படுத்த இலகுவாக இல்லாமை. அவை

Price,Wires & Performance

ஆனால், இதுநாள் வரை மெத்தனமாக இருந்த அதன் நுட்பம் மற்றும் தாக்கம் இனி வேகமெடுக்கும் என்று நம்பலாம். அதற்கான காரணங்கள் மூன்று.

1. New Headsets

Oculus Go - என்னும் புதிய VR head set. இதுவரை, VR-ஐப் பார்க்க, VR ஹெட் செட் மற்றும் தொலைபேசு அல்லது கணினி தேவைப்பட்டது. இனி அது தேவையில்லை. அப்படியே வீடியோவை பார்க்கவல்ல 'standalone VR headset' இது. விலையும் குறைவுதான். 200 அமெரிக்க டாலர்.

https://www.oculus.com/go/

Vive Focus - HTC நிறுவனத்தின் 'standalone VR headset'இது. இதன் தனித்துவம் ‘inside out’ tracking என்னும் நுட்பம். அதாவது, இதை தலையில் மாட்டிக்கொண்டு, உடலை அசைத்தும், நகர்ந்தும கண்ணுக்கு முன்னே விரிந்திருக்கும் விர்ஷூவல் உலகத்தோடு உறவாடலாம். (allowing you to walk around interactive VR experiences). VR உலகத்தின் அடுத்த கட்டம் இது. இதன் விலை கொஞ்சம் அதிகம். 600 அமெரிக்க டாலர்.

https://www.vive.com/cn/product/vive-focus-en/

Pimax 8k - தற்போதைய VR வீடியோக்களில் இருக்கும் குறைகளில் ஒன்று, ‘I can see the pixels of the screen’. ஆமாம், வீடியோக்களில் பிக்சல்ஸ் தெரியும். காரணம், அதன் 360° வீடியோதான் 4K-வில் இருக்கும். நாம் பார்த்துக்கொண்டிருக்கும் அந்த குறிப்பிட்ட ஃப்ரேம் குறைவான ரெசுலூஷன் கொண்டதாகத்தான் இருக்கும். இக்குறையைக் கலைய வேண்டுமென்றால், அதிக அளவில் மெகா ஃபிக்சல்கள் கொண்ட வீடியோக்கள் தேவை. அதற்குத்தான், Pimax 8k என்னும் புதிய ஹெட் செட் வந்திருக்கிறது. ஒரு கண்ணுக்கு 4K என்னும் அளவில் அதாவது 3840 pixels per eye. தற்போது இருக்கும் Oculus Rift இரண்டு கண்ணுக்கும் சேர்த்து 2160 pixels தான் கொடுக்கிறது என்றால், வித்தியாசத்தைப் புரிந்துக்கொள்ளுங்கள். இதனை கணினியுடன் இணைத்துதான் பயன்படுத்த வேண்டும். சக்தி வாய்ந்த கணினி தேவைப்படும்.

https://www.pimaxvr.com/en/

2. Ready Player One

VR உலகத்தை மையப்படுத்தி அண்மையில் 'Ready Player One' என்னும் அற்புதமான திரைப்படம் வெளியாயிற்று. இயக்குநர் ஸ்டீஃபன் ஸ்பீல்பெர்க் இயக்கியிருந்த இத்திரைப்படம், விர்ஷூவல் ரியாலிட்டியின் எதிர்காலத்தை கோடிட்டு காட்டி இருக்கிறது. எதிர்காலத்தில் நடப்பதாக காட்டப்படும் இதன் கதை அம்சம், VR நுட்பத்தின் எதிர்கால சாத்தியங்கள் எத்தகைய தாக்கத்தை, மனிதக்கூட்டத்திற்கு ஏற்படுத்தும் என்பதை நம் கண் முன்னே விரிக்கிறது. இதுவரை படம் பார்க்காதவர்கள், தவற விடாமல் பார்த்துவிடுங்கள்.

VR என்னும் தொழில்நுட்பத்தின் பாய்ச்சலை இத்திரைப்படம் இன்னும் வேகமெடுக்க செய்யும் என்று தோன்றுகிறது. வருங்காலத்தில் அத்தனை பேரும் விர்ஷூவல் உலகத்தின் நடமாடிக் கொண்டிருக்கப்போகிறோம். இப்போது Facebook-இல் இருப்பது போல.

3. Cinematic VR

சினிமேட்டிக் VR என்னும் 360° வீடியோக்கள் இனி அதிகரிக்கும் என்று சொல்லுகிறார்கள். அதாவது 360° வீடியோக்களைப் பயன்படுத்தி கதை சொல்லுவது. ஆல்ரெடி இத்தொழில்நுட்பத்தைப் பயன்படுத்தி கதை சொல்லுவது துவங்கிவிட்டது. வருங்காலத்தில் அது இன்னும் அதிகரிக்க கூடும் என்கிறார்கள். தற்போதை Full HD வீடியோவின் Aspect ratio 16:9, நம்முடைய திரைப்படங்களின் ரேஷியோ 1:2.35.. இந்த 360° வீடியோக்களின் ratio 75:25 என்பதாக இருக்கும் என்று கருதப்படுகிறது. Oculus Mobile platform மற்றும் Vive போன்ற நிறுவனங்கள் அதற்கான வசதிகளை ஏற்படுத்த துவங்கி விட்டன.

வருங்காலத்தில் 75:25 ரேஷியோவில் படங்களைப் பார்க்கப்போகிறோம். அதன் தாக்கம் எப்படி இருக்க போகிறது என்பதை நினைத்துப்பாருங்கள்.

விர்ஷூவல் உலகத்தில் உறவாட தயாராகிக்கொள்ளுங்கள் நண்பர்களே..!

Thanks:visualise.com

GIGALAPSE

noreply@blogger.com (Anonymous) — Wed, 02 May 2018 05:40:00 +0000

“GIGALAPSE” 

மெகா பிக்சல் கணக்கெல்லாம் காணாமல் போகப்போகிறது.. வருங்காலம் எல்லாமே 'gigapixel'தான் என்று தோன்றுகிறது. கீழே இருக்கும் படம் '8 gigapixel' கொண்டது. லண்டன் நகரத்தின் 24 மணிநேர டைம் லேப்ஸ் புகைப்படம். zoom செய்து தெளிவாக பார்க்கலாம். “gigalapse” என்னும் புதிய நுட்பம் இது.

6240 புகைப்படங்களை பயன்படுத்தி, 24 மணிக்கும் தனித்தனியான 7.3-gigapixel புகைப்படங்கள் தயாரிக்கப்பட்டிருக்கிறது. அதாவது மணிக்கு ஒரு புகைப்படம். 'robotic mount ' பயன்படுத்தி எடுக்கப்பட்ட புகைப்படங்களை, கணினியின் துணையுடன் இணைத்திருக்கிறார்கள். 

Nikon D850 கேமரா (45-megapixel full-frame sensor) மற்றும் 300mm லென்ஸ் பயன்படுத்தப்பட்டுள்ளது.  

7.3-Gigapixel ‘Timelapse’ of London

https://www.lenstore.co.uk/vc/24-hour-london/

24 individual 7.3-gigapixel (7,300MP) photos were created for each hour of the day using a total of 6,240 photos that were shot with the help of a robotic mount and then stitched together to form the larger ultra-resolution shots. When played through, the 24 photos form a one-of-a-kind “gigalapse” that shows a day passing in London with a ridiculous amount of detail.

Stuart shot the photos with a Nikon D850 and its 45-megapixel full-frame sensor paired with a Nikon 300mm f/2.8 lens, TechRadar reports. This camera kit gave each individual photo a great deal of reach: you can read the words on signs located 5 miles away.

Poomaram - விடை தேடும் கலை

noreply@blogger.com (Anonymous) — Tue, 03 Apr 2018 06:11:00 +0000

வருடா வருடம், பள்ளிகளில், கல்லூரிகளில் ஏன் கலை நிகழ்ச்சிகள் நடத்துகிறார்கள்..!?

படிக்கத்தானே போகிறோம்..! அப்புறம் எதுக்கு இந்த ஆட்டம் பாட்டம் எல்லாம்..!? போனோமா.. படித்தோமா.. வந்தோமான்னு இல்லாம.. எதுக்கு இந்த வேண்டாத வேலை..!?

ஆட்டம், கொண்டாட்டம், கூத்து, கும்மாளம், அடிதடி, காதல், மண்ணாங்கட்டின்னு எதுக்கு இது..!?

உண்மையச் சொல்லுங்க.. இப்படி ஒரு சிந்தனை உங்களில் எத்தனை பேருக்கு இருக்கு. கலை நிகழ்ச்சின்னாவே.. அதுவும் குறிப்பா கல்லூரி கலை நிகழ்ச்சின்னாவே.. கொட்டம் அடிப்பதற்குத்தான் என்பது நம்மிடையே பதிந்து போன ஒன்று. கும்பல் கும்பலா, குருப் குருப்பா சேர்ந்து ஆட்டம் போடறதுக்கும், சண்டை போடறதுக்கும், பொண்ணுகளை கலாட்ட செய்யறதுக்கும்தான் அது பயன்படும் என்று நாம் திடமாக நம்புகிறோம் அல்லவா..!?

ஏன்.. கல்லூரி காலங்களில், ஆண்டு விழா, கலை நிகழ்ச்சி என்றவுடன் நமக்கே கூட அதுதான் தோன்றி இருக்கிறது.

ஜாலியாக இருக்கலாம், கொட்டம் அடிக்கலாம், பல கல்லூரிகளிலிருந்து வரும் பெண் பிள்ளைகளை சைட் அடிக்கலாம்.. ஆடலாம்.. பாடலாம்.. லாம்.. லாம்.. எல்லாமிருக்கும். மகிழ்ச்சியான தருணம் அது.

ஆயினும் கூடவே இதனால் எத்தனை பிரச்சனை வந்திருக்கிறது. எத்தனை அடிதடி நடந்திருக்கிறது. எத்தனை காயம் பட்டிருக்கிறது. எத்தனை பகை வந்திருக்கிறது. துயரமான வடுவாகவும் அது இருந்திருக்கிறது.

என்றாலும்…

ஏன் ஆண்டு தோறும்.. கல்லூரிகளில் கலை நிகழ்ச்சிகள் நடந்தப்படுகிறது..!?

அது ஏன் என்பதற்கான பதிலை.. அண்மையில் வெளியாக பட்டைய கிளப்பிக் கொண்டிருக்கும் மலையாளத் திரைப்படம் 'பூமரம்’ சொல்லும்.

'1983' மற்றும் 'Action Hero Biju' திரைப்படங்களின் இயக்குநர் 'Abrid Shine'-இன் இயக்கத்தில் வெளியாகியிருக்கும் இத்திரைப்படம், உங்களை, உங்கள் கல்லூரி காலத்திற்கே அழைத்துச் செல்லும்.

குறிப்பாக உங்கள் கல்லூரி காலங்களில், நீங்கள் கலை நிகழ்ச்சிகளில் கலந்துக்கொண்டவராகவோ அல்லது அதனோடு ஏதோ ஒருவிதத்தில் தொடர்புடைவராகவோ இருந்தால்.. இப்படம் உங்களுக்கு ஒரு கொண்டாட்டம்.

படத்தின் துவக்க காட்சியிலிருந்து, இறுதி காட்சிவரை.. இப்படம் ஒரே ஒரு பதிலைத்தான் தேடுகிறது. இப்படத்தின் அடிநாதமும் அதுதான்.

'மனிதனுக்கு கலையின் தேவை என்ன..?'

இதை உணர்த்துவதற்கு, பல்லேறு வழிமுறைகளை இதன் இயக்குநர் கையாளுகிறார். ஓவியம், சிற்பம், நடனம், இசை, கவிதை, பாட்டு, மிமிக்கிரி, மோனோ ஆக்டிங், தத்துவம், மேற்கோள்கள் என கலையின் அத்தனை கூறுகளையும் பயன்படுத்தி, பலவிதங்களில் இத்திரைப்படம் நம்மோடு உறவாடுகிறது. கூடவே கலை எப்படி உருவாகிறது..? கலை மனிதனை என்ன செய்யும்..? என்பதற்கும் பதில் தேடுகிறது.

இத்திரைப்படம் ஒரு அனுபவம். இசை அனுபவம், காட்சிமொழி அனுபவம், தத்துவ அனுபவம். கலை அனுபவம்.

நடிப்பும், இசையும், ஒளிப்பதிவும், வசனமும் ஒன்றோடு ஒன்று இழைந்து தரும் பரவச அனுபவம் அது.

தவற விடாதீர்கள் நண்பர்களே..!

'Abrid Shine' ஒரு மகாகலைஞன். A True Artist