خواطر طبيب

فريق التثقيف الصحى Health education team

2013-10-05T16:50:00.003+02:00

فريق التثقيف الصحى - كلية الطب - جامعة الاسكندرية

Health education team

https://www.facebook.com/HealthEducationTeam

Health education program for Alexandria main university hospital patients

2012-06-16T02:46:00.001+02:00

اول مرتب ^_^

2012-06-12T08:11:00.002+02:00

اول مرتب ^_^

يا هلا .... طبعا كل الناس الطبيعين بيقبضوا مرتباتهم فى اخر كل شهر
احنا بقى متمييزين فقبضنا فى نص الشهر اللى بعده
" رضى "
المهم طلعت اقبض زى باقى زمايلى , فسالنى الصراف " سكن و لا من غير " فقلت له اه سكن

" سكن اطباء الامتياز يعنى "

و كان لسه هيعد الفلوس قدامى قلت له هتعمل ايه خليهم ببركتهم و خدت الفلوس زى ما هى على جيبى ....
" للعلم الفرق بين مرتب المشتركين فى السكن و الغير مشتركين انهم بيلغوا نسبة الارباح اللى على مرتب طبيب الامتياز و دى طبعا مبلغ كبير جدا كنت ممكن ادفع قسط العربية منه الا و هو 60 جنيه "

و خدت الفلوس و اتحركت و قبل ما انزل على السلالم خطرت ببالى فكرة , " ده اول مرتب اقبضه من الحكومة لازم اتصل بآلاء و آية و افسحهم النهاردة " و لسه هتصل بيهم ... لقيت نفسى بفكر فى اللى انا فكرت فيه تانى " انا هتصل بآلاء و آية و اقولهم يجهزوا علشان هنتفسح بجزء من المرتب بتاعى و هاخد تاكسى لحد عندهم و اروح بيهم الملاهى و نشترى لعب و ايس كريم و نتغدى بره و نروح جنينة الحيوانات و نجيب سودانى للنسناس بعشرة جنيه و سندوتشات جبنة لسيد قشطة بعشرة جنيه كمان و نزور المتاحف و نشترى بلالين و نتغدى ففى ماكدونالز و نتعشى عند حسنى و نتمشى على البحر و نشترى ذرة و فيشار و اشترى فستان لآية و فستان آلاء و ارنوب لآلاء و دبدوب لآية و احنا طالعين من المحل يشوفوا باربى فيقولوا عاوزين باربى فاجيب اتنين لهم كمان و طبعا قبل ما نروح البيت لازم اروح البنك علشان اشيل بقيت المرتب هناك فيقابلنى موظف الامن و يسالنى تحت الخمسين الف و لا فوق الخمسين الف

" سؤال بيستفزنى جدا الصراحة :\"
فترد آلاء و تقوله فوق الخمسين طبعا ده خالو
فيبص الامن لى و اقوله ايوة زى ما قالت بالظبط
و اول ما اوصل للشباك اطلع كل الفلوس اللى فى جيبى و اللى هى بقية المرتب و احطها فى البنك و اسال موظف البنك " انا لو عاوز اشترى مروحة بالفلوس اللى فى حسابى محتاج وقت اد ايه على ما احوش تمنها ؟....فيرد عليا و يقولى " لا انت ممكن تبقى تخلى اى حد من احفاد آية يجى يستلمها "....آآآآآآآآآآآآآآآآآآآآآآآآه
و هنا افوق من التفكير و اشيل الموبيل فى جيبى و اتراجع عن الفكرة كلها و اساسا الاء و آية فى السعودية هروح لهم بتاكسى ازاى ؟؟؟؟؟
" معلش بقى فرحة المرتب :\"

الرشــ م ح م د يدى

طبيب مسلم

21\4\2012

عندما يصبح الاستقبال استهبال ....... ( كلاشنكوف لكل طبيب ...)

2012-04-21T02:44:00.000+02:00

يعنى ايه تكون طبيب استقبال فى الميرى ......؟

يعنى يوم ما يدخلك واحد مضروب بالنار فى رقبته , يدخل المستشفى و معاه 200 واحد من اهله

" كل العدد ده يدخل مع واحد ازاى ؟؟؟؟؟؟؟؟؟ معرفش"

" لا وكمان مسلحين بمسدسات و سلاح ابيض برضو ازاى ؟؟؟؟؟ برضو معرفش "

و مع كل الضغط ده تلاقى غثان مطر بيقولك " اعمل الصح "فتقوم و تعمله رسم قلب

و تلاقى اترسم خط مستقيم و لو كان للجهاز سماعة كان قالك تييييييييييييييييييييييييييييييت" قلب الراجل واقف "

طاب يمكن عاوز زقة برضو هنعمل الصح و الانعاش القلبى اشتغل و برضو مفيش فايدة الراجل واصل ميت اساسا

و يدوب لما اهله عرفوا انه ميت و الضرب اشتغل و التكسير اشتغل و اصبحت كل مهمة ال200 واحد دول هى البحث عن ذا الرداء الابيض " دكتور وايت " فاصبح كل طبيب يبحث عن طاقية الاخفاء فخلعوا البالطو الابيض و اختفوا عن الانظار و تحولوا من اطباء الى خريجى سياحة وفنادق قادمين فى زيارة لاحد المرضى

و مازال البحث عن الاطباء جارى الى ان يسالنى احد هؤلاء الفتوات و هو يحمل مطوة فين الدكاترة اللى هنا

و هو طبعا منتظر انى اقوله ايوة انا

و انا كنت بحاول انى اثبت ان الطبيب كما كان يستطيع العمل فى الاستقبال بالبالطو الابيض فهو قادر على السيطرة على حالات الاستقبال بزيه المدنى

فاخبرته بانى ايضا ابحث عن الدكاترة ولاد التييييت و قلت له تعالى نشوفهم فين و هو مشى يمين و انا مشيت شمين

و العجيب بقى امر التأمين طـــــــــــــــــــاب ازاى ؟؟؟؟؟

اولا اول ناس كانوا هربانيين من المستشفى هى عربية الشرطة والكام عسكرى

ثانيا الامن المدنى و الحراسة دول ناس معظمهم طالعين معاش او عندهم انيميا و كل التسليح اللى معاهم حاجتين

"حاسب يا باشا ممنوع "

و " مسدس صوت من بتاع البرود الاحمر اللى كنا بنجيبه فى رمضان طخ طخ طخ "

ثالثا تم وصول مدرعة بعد بداية الحدث بساعتين " معلش لهم العذر برضو الكورنيش كان زحمة يوم الجمعة " المهم خدت لها لفة فى المستشفى و بعد نص ساعة لقينا صوت بيقول " احذر المدرعة ترجع الى الخلف احذر المدرعة ترجع الى الخلف تيت تيت تيت "

رايحة فين ؟ مروحة انا دورية مش تامين ثابت

و لا يوجد قوات تأمين فاضية الايام دى بسبب انشغالهم بتأمين اعياد الربيع " لا تعليق "

ومنذ تلك اللحظة و المستشفى مغلقة لحين تامينها و الله اعلم هل سيتم تأمينها فعلا و لا هم يومين او ثلاثة و ترجع ريمة لعادتها القديمة كالعادة وانا شايف انها لو متأمنيتش المفروض يرخصوا لكل طبيب كلاشنكوف يشيلوه على ضهره و هو بيشتغل و ممكن يجيبوا كلب لولو صغير على البوابات هيعمل شغل جامد :\

الرشــ م ح م د يدى

طبيب مسلم

16\4\2012

اذا كان رب البيت بالسجارة مدخناً.....فشيمة أهل البيت كله الشــــم " دكاترة عظم ناريمان

2012-04-12T13:16:00.000+02:00

اذا كان رب البيت بالسجارة مدخناً.....فشيمة أهل البيت كله الشــــم

و مازالت العجائب مستمرة و مستمرة

لكن الفرق انى غيرت القناة من مسلسل الميرى اللى قناة ناريمان مش هتقدر تغمض عينك

تحديد مسلسل استقبال عظم بناريمان

فيتميز هذا المكان بخاصية فريدة من نوعها الا وهى التدخين مباح مباح مباح حتى لو كان فى وش المريض

لكن من هو هذا المدخن هل هو تمريض ولا عمال و لا امتياز و لا نواب و لا مرضى

؟؟؟

للاسف كله بيدخن فى نفس المكان بس للامانة فى فرق طاب ازاى

اولا لو مرافق للمريض ممكن يدخن وهو واقف قدام باب اوضة الكشف عادى

و ممكن يدخل و السيجارة فى ايده عادى بس عادة بيتقاله اطفى السيجارة

ده لو باقى الفريق مكنش بيدخن لكن لو كان بيدخن فمفيش مشكلة بيس يا مان

ثانيا العمال و الموظفين يعتبروا اصحاب المستشفى يعنى لو دخلوا بشيشة محدش هيقول لهم لا و طبعا اللى يشوف طريقة تعاملهم هيستغرب فهم الفئة الاعلى صوتا بالاستقبال حتى على النواب لكن المصيبة الكبرى ان النواب نفسهم بيدخنوا فى اوضة الكشف و فى وجود المرضى

يعنى تخيلوا لما اقول للنائب مينفعش الموظف يدخن فى اوضة الكشف كده يرد علي النائب و يقولى ما انا كمان بدخن و خلال 3 دقايق يطلع سيجارة و يدخن :\

حقيقى مش لاقى اى كلام تانى ففعلا اذا كان رب البيت بالسجارة مدخناً

فشيمة أهل البيت

........... :\

الرشــ م ح م د يدى

طبيب مسلم

8\4\2012

اغنية فتكات

2012-02-02T07:22:00.001+02:00

اي سؤال لاحلي بنات هنا في موقع فتكات
اي سؤال للسيدات هنا في موقع فتكات
سؤالك لو كان عن التجميل هنا في موقع فتكات
لو مطبخ او حتي طبيخ هنا في موقع فتكات
كل حاجة بلا استثناء هنا في موقع فتكات
اختي ومراتي وولدتي هنا في موقع فتكات
والمفاجأة لقيت عمتي هنا في موقع فتكات
اكدب لو اقولكوا جدتي هنا في موقع فتكات
ولولا العيبة لكنت انا راخر هنا في موقع فتكات
ستات وبنات مصر في حالها هنا في موقع فتكات
______________________________________

انا شخصيا لازم اصادف و اشوفه كل يوم هو جوجل نسائى رائع
"ولولا العيبة لكنت انا راخر هنا في موقع فتكات" D:
الرشــ م ح م د يدى
طبيب مسلم
2\2\2012

لو دكتور .....!

2012-01-19T18:10:00.000+02:00

لو دكتور فانت الوحيد اللى تقدر تعمل كده مع مراتك

;)

1- تمسك ايديها " علشان تقيس النبض"

2- لازم تمسك ايديها الاتنين " علشان تقارن ما بينهم و تشوف فرق الحرارة "

3- تبص فى عينيها قوى ولمدة طويلة " علشان تلاحظ الانيميا "

4- تلمس شعرها الحرير بايدك " علشان لو عندها نقص فيتامينات "

5- تهمس فى ودنها بكلمة حلوة ^_^ " علشان تختبر العصب السمعى "

6- ترقص معاها " سلو " و تحسس على ضهرها " علشان تعد الفقرات

C1 – C7 –T1 – L ……. "

7- تعد صوابع رجليها كلهم " لا مش علشان لو فى صبع ناقص بس علشان تشوف عندها تينيا و لا حاجة :D "

8- تزغزغها بس مش قوى يعنى :)) " علشان لو عندها ببينسكى سين او اصابة فى الاعصاب الهرمية تشوفها "

9- تقولها بحبك 100 مرة و تخليها تقولك بحبك 100 مرة " علشان لو عندها وهن عضلى ويبلى " myasthenia gravis" صوتها هيتعب فى الاخر ""

10- خليها تنام على كتفك و سيبها تروح فى النوم الاول " علشان تعرف لو عندها اللحمية :P "

الرشــ م ح م د يدى

طبيب مسلم

19\1\2012

لحظات

2012-01-10T23:43:00.000+02:00

خطوات صغيرة تخطوها صغيرتى.......فما تمر لحظات من سماع تلك الخطى حتى أجدها تمؤ بجوارى كالقطة الصغيرة ......فما اجد سوى بسمة من وجهى تقابل تلك البسمة الرقيقة النابعة من وجه تلك الصغيرة فأشعر وكأنها داخل قلبى وليس أمام نظرى فحسب .....فلا أشعر بنفسى الا و أنا اقبلها قبلة صغيرة فتطير و تجرى فرحا فأتركها مع أنها قد خطفت فؤادى

الرشــ م ح م د يدى

طبيب مسلم

29 -5-2005

حدوتة قبل النوم

2012-01-10T23:41:00.000+02:00

كعادتها جميلتى كل مساء تدعونى حتى انادى ملا ئكة النوم لتصطحبها فى احلامها

فتبدأ تلك الرحلة بسماع حدوتة من خيال أبيها

فحتار تفكيرى ماذا احكى فقد حكيت جميع القصص الموجودة

ومازلت حائر حتى قامت صغيرتى و وضعت على خدى قبلة لن أصفها لكم

وسألتنى سؤالها المعتاد لماذا تحبنى كل هذا الحب ؟

فتبسمت لاحلى الاميرات .حتى احمر وجهها خجلا فها هى صغيرتى كما احببتها بصمت فهى تشعر بحبى لهافى عيونى حتى لو كان بصمت

فقلت لها ما بالك بمشتاق فى بعدك يشتاق وفى قربك يزداد اشتياق

ما رايك بعاشق عشق صوتك فحب سماعه وأذابته عيونك فأجاد النظر فيهم

ما رايك بمن يراكى فى غضبك جميلة وفى حزنك جميلة وفى فرحك اجمل الجميلات

ما بالك فمن يجد فى بسمتك له دواء فاصبحتى طبيبة قلبه وهواه

ما بالك بمن تمنى ان تشاركيه متعة التفكير وان تبقى بجواره

ما بالك بأمير سلبته الدنيا حياته عندما شعر بفراقك واغرقته فى جنون عقله عندما ادرك بعدك عنه

وعندما شعر بقربك من فؤاده قام ينازع لصوص حياته

ما رايك بانسان اصبح طائر عندما ربطته الحياة باصبع يديك وربطتك باصبع يديه

ما بالك بشخص لا يراكى الا ملاك

ما بالك بشخص لا يغضبك الا قلق وخوفا عليكى

ها هو ذلك الشخص الذى قتله غضبه عندما وجد دموع تهبط من عيون جميلة احلامه

هذا الشخص مهم صنعتى به فهو يحبك ومهما فعلتى فلا يمكنه الا ان يحبك

اذا كان خوفه على حبه قد اسلبه كيانه فثقته بانه يحبه تجعله يبنى هذا الكيان

فانك قد دخلتى قلبا لم يمسه احد قبلك ولا اتخيل انه سيكون فيه احد غيرك يا حبيبتى يا ملاكى

ثم امسكت بيديها وقبلتها

فوجدتها تصرخ وهى تضحك وتداعبنى بعينيها وتنادى ::( يا ماما يا ماما تعالى خدى با با علشان بدأ يشتغلنى يلا يا ماما ) فتعجبت من فتاتى حتى جاءت من ينبض قلبى عند الشعور بقربها فقبلتها شروق و امسكت بيديها ووضعتها بيدى ثم قامت فقبلتنى واقتربت لتهمس باذنى وتقول :

( شوفت انا بحبك اد ايه يا بابا ) فها هى صغيرتى كل يوم تعيد اللى هدية قد رزقنى الرحمن بها فاصبحت هى كل ما لى

الرشــ م ح م د يدى

طبيب مسلم

29\3\2010

و كأنه حلم

2012-01-10T23:39:00.000+02:00

كم انها

دمعة

تذيب الروح

شمعة

تغيب الحياة

لحظة

و ينتهى العمر

فجاءة

و كأنه حلم

الرشــ م ح م د يدى

طبيب مسلم

29\4\2009

الحرباء

2012-01-10T23:36:00.000+02:00

تغير الحرباء لونها طبقا لنوع البيئة التى تعيش فيها و هذا من اجل حماية نفسها من الاعداء , و لكن البشر يفعل مثل هذا الفعل و لكن لماذا ؟

عندما يخفى الانسان ما بداخله فأنه بالتأكيد يتم بهدف , فما هو هذا الهدف ؟ هل هو تحقيق مصالح ما ؟ ام الحفاظ على صورة مثالية امام الغير ؟ ام ليآمن شر مجموعة من البشر ؟ ام هى مجرد لحظة فقط حتى تستمر الحياة ؟ ام هى دائمة فى حياته و لا يستطيع الاستغناء عنها ؟ تسأولات عديدة هل نتوقع ان يكون لها اجابة ؟

و فوق هذا , هل هذا يعتبر نفاق ؟ او حتى درجة من درجات الكذب ؟ ز هل هو كذب على النفس ام على الغير ؟ و لكن البعض يظن انه قد يكون مرض يصيب العقل و يخدع الانسان .

و ما يخفيه الانسان دائما عكس ما يظهر مثل قد يظهر انه صالح و هو من داخله طالح او صادق و هو كاذب او يظهر انه قوى بالكلام او شبه فعل و هو من اعماق داخله ضعيف و جبان او يظهر انه امين و وفئ و هو منافق و خائن .

و لكن ما يحير تفكيرى حقا هل الضرر يعود على الانسان نفسه ام غيره , فعلى سبيل المثال قد يحتفظ الانسان بمواقف و اللفاظ و افعال سيئة و لكن لا يظهرها , لا يشترط انه قد مر بها او قام بفعلها و لكن اقصد حتى لو تكون عنده المقدرة على القيام بها او النية لفعلها و لكن لا يقوم بها حتى لا تهتز فكرة الغير عنه او يقل احترام الغير له , ففى هذه الحالة ما يخيفينى هو هل كثرة التفكير الداخلى بين افعل او لا افعل و تكرار الحديث مع النفس حتى يخرج صورة مثالية من نفسه التى تكون حقا مثالية و لكن يشوبها بعض السوء , هل هذا قد يتطور الى مرض نفسى او اضطراب عقلى ؟

و لكن اظن ان قليل من الذكاء مع هذا التفكير ليخرج النفس من هذا النزال , كافى ليمنع هذا التطور الضار .

و مع هذا كله لم اجد رد حسم للتعرف على شخصية الحرباء الفعلية .

الرشــ م ح م د يدى

طبيب مسلم

28\6\2006

الامتياز و المستقبل الوظيفي لطالب كلية الطب " جامعة الاسكندرية"

2012-01-06T16:14:00.000+02:00

بقلم د/ عبد العزيز عبد الهادي : رئيس اللجنة العلمية ومدير مشروع العلاج بنقابة أطباء مصر- مقر الأسكندرية

تبدأ سنة الأمتياز من 1/3 الى 28/2 من السنة التالية عبارة عن تدريب عملي في جميع الأقسام الطبية لمدة شهرين في كل قسم طبي .

سنة الأمتياز : من جيد جداً اٍلى امتياز : في الكلية

أقل من جيد جداً : 6 شهور في الكلية + 6 شهور في مستشفيات وزارة الصحة .

فى اقسام اجباريه لكل الدفعه من اللاول الى الاخير بتقضى شهرين فى كل قسم وهم الباطنه الجراحه النسا الاطفال
واقسام اجباريه كل قسم شهر وهما استقبال وتخدير
والاقسام الاختياريه وهما قسمين بتختارهم من 16 قسم وبتعلهم تنسيق بالرغبات والمجموع
وهم (رمد-جلديه-نفسيه وعصبيه-مناطق حاره-جراحه قلب وصدر-جراحهمخ واعصاب-صدريه-اشعه-كلينكال باثولوجى-جراحه مسالك-جراحه انف وازن-عنايه مركزه-طب طبيعى)

ثم يقضي الطالب سنتين تكليف من وزارة الصحة ( الوحدات الصحية ) وغالباً خارج الأسكندرية في جميع المحافظات طبقاً للتقدير والحالة الاٍجتماعية ( متزوج –أعزب ) والجنس ( ذكر – أنثى )

يقضي الطالب فترة التجنيد خلال فترة التكليف أو النيابة الجامعة بعد سنة...

فترة الطبيب المقيم

عبارة عن فترة تدريب على التخصص الطبي للطبيب ، يحصل خلالها الطبيب على ماجستير ( جيد فأكثر ) أو دبلوم .

أقل من جيد : التخصص لمدة ثلاث سنوات أما الطلبة الحاصلون على الاٍمتياز فينزل لهم تكليف وظيفي ( مدرس مساعد) بأحد أقسام الكلية .

وبعد الحصول على الماجستير أو الدبلوم : يكمل أخصائي في وزارة الصحة أو وظيفة مدرس مساعد بالجامعة أو طبيب حر يعمل بالمستشفيات الخاصة والعيادات .,

الدكتوراه : لايقل في الماجستير عن جيد ، اٍما من داخل الكلية يتم الحصول عليها أو بعثات في مستشفيات وزارة الصحة والتأمين الصحي أو المؤسسة العلاجية .

الرسالة المقدمة للدكتوراه : سنتين فأكثر ثم امتحان .

الدبلوم : اٍمتحان أو امتحانين نظري بعد سنة دراسية .

الماجستير : رسالة الماجستير يسبقها امتحان جزء أول ويليها امتحان الجزء الثاني ( لمدة لاتقل عن سنتين ) لايقل تقدير البكالوريوس عن جيد..

صور طريفة لمصورين يفعلون أي شيء ليحصلوا على الصورة المثالية!

2012-01-05T02:35:00.001+02:00

يظن الكثيرون أن التصوير مهنة بسيطة لكننا سنشاهد في هذا الموضوع معدات ثقيلة وأوضاع غريبة في أماكن عجيبة!

إنها ما يفعله المصورون ليحصلوا على الصورة المثالية!
إليكم هذه المجموعة الكبيرة من الصور الطريفة التي ستجعلكم تنظرون للتصوير من زاوية جديدة:

صحيح أن للجنون فنون!

سامي يوسف اللهم صل على سيدنا المصطفى

2011-12-29T00:42:00.002+02:00

فى نص ساعة

2011-12-19T05:56:00.000+02:00

فى نص ساعة

حاجات كتير بتحصل فى نص ساعة ,

ممكن نعيش فى نص ساعة , حتى الموت ممكن يبقى فى نص ساعة

ممكن اعرف اجابة سؤال فى نص ساعة و بالعكس ممكن اجاوب امتحان كامل من نص ساعة

من نص ساعة كنت فى مصر و فى نص ساعة وصلت لبلد تانية ,

من نص ساعة كنت مع اصحابى , من نص ساعة اتصورت مع اخويا و فى نص ساعة وصلت البيت

فى نص ساعة عملت كل اللى نفسى فيه و من نص ساعة كنت بضحك و فى نص ساعة مسحت كل دموعى

من نص ساعة حصلت حاجات كتير و كل نص ساعة بتفرق حاجات اكتر و اكتر

لكن دائما فى نص ساعة محتارين فيها ,

تخيل انك رايح تتقدم لشغل كويس جدا و سايق سيارتك و فى الطريق لقيت عجوز واقف و قلت اوصله وصلته و اتاخرت نص ساعة , فى النص ساعة شخص تانى وصل واتقدم و استلم الشغل ....,

كل اللى نقدر نعمله فى نص ساعة اننا نبتسم و نقول خير بس بعد اول نص ساعة بنقابل نص ساعة تانية , بالظبط نص ساعة حيرة بنسأل نفسنا فيها ايه اللى كان هيحصل لو نص ساعة من يومى اختفت من حياتى او بنتمنى فعلا ان الزمن يرجع و تختفى فعلا كل ده فى نص ساعة ...,

تخيل لو اللى وصلته و اخرك فى نص ساعة كان متجه لنفس الشركة و انت قلت جميل طريقنا واحد و اول ماوصلتوا هو نزل و اتقدم للشغل و انت على ما وقفت السيارة و طلعت كان هو اشتغل فى نص ساعة ....,

مليون موقف و موقف بس كلهم فيهم نص ساعة , صح نص ساعة حيرة ....,

احلى حاجة فى نص ساعة الحيرة دى انها باب لشئ جميل اسمه الرضا لان نفس نص ساعة الحيرة دى كان ممكن يبقى فى نص ساعة سعادة او نص ساعة حزن , لكن لان الانسان لا يتمنى الحزن و بما انه مش قادر يخليها نص ساعة سعادة , فبيختار انها تبقى نص ساعة حيرة ,

الجميل انه بيتمنى ان توصله بسرعة دقيقة او ربع ساعة سعادة

...... مش نص ساعة

الرشــ م ح م د يدى

طبيب مسلم

19\12\2011

الميدان

2011-11-30T21:41:00.000+02:00

عكاشيات

2011-11-29T23:19:00.000+02:00

لم اكن اعتقد ان تشخيص الامراض فى الطب النفسى بمثل تلك الصعوبة
فمازال عقلى حتى الان يثور مثلما يحدث معى عندما ابحث عن اجابة واحدة من ضمن اختيار من متعدد
اجل فانا اتحدث مع نفسى الان و اقول
"" Paranoia , schizophrenia or Paranoid Schizophrenia "
على ما اعتقد سوف احتاج الى مناقشة هذه الحالة فى قسم الامراض النفسية والعصبية حتى اصل الى حل لتلك المشكلة ,ولكن ليست المشكلة مشكلة تشخيص حالة ......
المشكلة هل هذا واقع حقيقى ام انه مجرد فوتوشوب او عرض تليفزيون
و هل فى مصر عدد كبير امثال هذا الكائن الفضائى ام انه المخلوق الوحيد العجيب ؟؟
انا لم اسمع عن هذا الشئ الا منذ ما يقارب من شهر و لا اعلم لماذا علمت بأمر وجوده على الكرة الارضية
و بعد تفكير عميق وجدت ان السبب اننى كنت مشغول بشخص اخر كان يجود بمثل تلك الافكار العبقرية فى الساحة الليبية منذ ان حصل على توكيل التوك توك فى ليبيا و مرورا بزنقا زنقا الى ان قتله المستمعون له لاكتر من 40 سنة
فانا اعتقد ان نفس التشخيص المرضى واحد و لكن ليست تلك المشكلة
:\
المشكلة انى اصبحت اكره كل من اسمه توفيق او يوجد حرف من اسمه من حروف عكاشة
حتى اوشكت ان اصدق ان توفيق عكاشة نفسه مخطط ماسونى صهيونى لتهجير المصريين من البلد
بل واكثر من هذا بداءت بعض الكوابيس تطاردنى بتولى شئ مثل هذا البشرى رئاسة مصر و نمو الثروة الحيوانية فى عهد بسلامتها ام حسن
حقا كلما اتذكره او اتذكر تلك البراغيث التى تترعرع تحت ذراعه يقف عقلى و يلف و يرجع تانى لفكرة شاهدتها فى فيلم يا ناس يا عسل الفنكوش وصل و هى ان الانسان اصله حمار
فانا لن اسال من اى كوكب هو او اين الرقابة او اين او اين ........... فبالضرورة يوجد من تبقى من البشر من يستطيع وقف نشاط فيروس انفلونزا العكاشيش
و لكن كل ما استطيع فعله هو ان ابلغ من قاموا بانتاج فيلم
"Rise of the Planet of the Apes"
ان احد شخصيات الفيلم و ليس الابطال بالتاكيد يختبأ بداخل الاراضى المصرية الان و ياريت يبعتوا اى حاجة تاخدوا ضروووووووووووووووورى

الرشــ م ح م د يدى

طبيب مسلم

29-11-2011

ملحوظة : انا كـ طبيب الراجل ده صعبان عليا قوى ان شخص مريض كده يطلع و الناس تضحك عليه كده و كمان لازم الناس اللى كانت تقدر تخليه يسكت و يستخبه و معملتش كده انها تتحاسب

الــ"لاجنز"

2011-11-29T02:21:00.000+02:00

الــ"لاجنز"

كنا زمان وأنـــا تفله
برييييئه ماشيين عالموضة طبعــاً
ومع أن كل أصحابي عمرهم كان لا يتعدى الــ 5 سنين
بس كنــا قمرات
وزي ما بيقولوا
"عفاريت الشارع الصغيرين"

وكان فيه أيامنــا حاجه أسمها كُلون
"ده عبارة عن شراب وبنطلون في بعض"
كنا بنلبسه تحت الجيب والفساتين القصيرة

وكنا بنجيب بيجامات وحاجات أطفااالي كده
المهم بقى كان فيه حاجه اسمها
"استرتش"
ده كان بنطلون وعليه تلات نجوم مالناحية اليمين
وتلات نجوم مالناحية الشمــال
والنجوم كانت عاملة شغل بصراحــة :)
"ايموشن لابس استرتش بنفسجي"

وكان اسمه استرتش لانه بيكون على قد رجلينا ^^
وأحنا كبنات كنا بنلبسه واسع شويه وعليه تيشرتات بقى
وكنا متدلعين في لبسنـــا الحمد لله

وتمررررررر السنيييييييين
"شريط بيمر"
وترجع الموضة تااااني مالأول
بس المره دي مختلــفة
أختلاف كلي ويجيب الشلل

فووووجأت أن اللاجنز طلع
طبعاً أنــا معرفتش اسمه ده إلا بعد سنه تقريباً وكنت بطلق عليه اسم أسكرتش
ولقيت بنات قمامير ماشيه بيه فالشاااارع عاااادي
:) وبما أني فلاحة أو على قد علمي شوية
قولت بيني وبين نفسي الله !!
مش ده أبو نجوم اللي بيتلبس فالبيت ؟

لا حول ولا قوة إلا بالله
وصل الفقر للناس تلبس حاجات البيت فالشارع عيني عينك كده
وكمان أبو نجوووووم !!

والموضوع بدأ يكبر وينتشررررر
ويتوسع واللاجنز يضيق

الله الله :/

سيبكوا بقى من خضتي وأستفاااجأتي دي
في أنواع كتير وألوان للشئ المُسمى بالــ"لاجن" أو لاجنز
على عينك ياللي هتتفرج
أسود . أبيض . بني . أصفر . أحمر . أزرق . لبني . فوحلقي

كل الألوان فعلا
وفيه منه مخطط كده وعليه رسومــات ولا كأن اللي هتلبسه من الألتراس

المهم
في نوعيات مالبنات حسبي الله ونعم الوكيل
غاووووويه ناس زيي تبهدلهم :)
ليه بقى
لابسه حجاب الحمد لله ومش مشكله ومش هتكلم عالقبه اللي فـ رآسها دلوقت
بعد الحجاب لابســه فيست
يعني بضي طوويل شويه ممكن ييجي لنص الرجل من فوق الركبة
وتلاقيها لابسه لاجنز مش بنطلون !

طب أتقي الله يعني أنتِ غاويه تقطيييييم مني يعني
:)) وأتذكر أن أووول بنت شفتها لابسه كده
كنت هقع عالأرض مالضحك
لأني قولت
"ايه البت الفلاحــة دي"

^_^ ومش أهانه للفلاحين والله
بس حلوفه أوووي اللي تلبس لاجنز على فيست أو تيشرت
وما أدراااكم بقى
الركبة باينه والسمــانة ولابسه بلارينا بقى ولا بلا نيلا
ماحدش فاهملها

وفيه بنات بتلبسها على ميكرو جيب :)
"شفييييييييق يا رااااجل"

وما خفي كان أعظم
بس جيبه أرحم شوية عالأقل مش زي الأخت عطيات اللي فاتت

وحبااااايبي بقى
مدمرررري الطرق وصاااعقي النااامووووس
اللي مفكرين نفســهم نازلين عالــ "beach"
ولابسه أستغفر الله العظيم
بضي :)) وعليه اللاجنز
بتتعامل مع اللاجن على أنه بنطلون
وعادي يعني أنهــا تخرج بيه كده
!!

اللي يغيظ بقى لو كـــانت محجبة
مش عارفه ليه بس خنقت نفسها وخنقت شعرررها
يا شيييخة فوووكي فوووكي :)
ده مصر كلها أتفرجت عليـــكي ،، والشباب تخيل كل حاجه
جات على دي يعني

^.^

ومش أهانه لما أقولك الشباب تخيل :D
ده واااقع

يعني حطي نفسك مكان واااحد أتخرج بقاله 9 سنين
ومش لاقي شغل ولا شقه ونفسه يخطب وشاااف بنت طالعه
زي جنية البحر بالظبط
ولابسه لاجنز هيبص ولا مش هيبص ؟؟؟

هااااا !!

هيبص
"ايموشن بيبرق"

سيبك من أنه بص ،، لسه فيه شباب محترم وبيحاولوا يغضوا بصرهم
بس بيكون طول ما أنتِ ماشيه بيستغفر ربنا ويقرأ آية الكرسي يمكن تنصرفي
ويقرأ ثلث القرآن وهو ماشي بسببك !

ويروح البيت يحلف بالطلااااق ماهو خاارج تااااني
:)

وغير بقى الذنوب اللي بتآخديهااااااا
شكلك بيكون لاجنز مقطع بصراحــة
أنا بنت أهو وبتقررف منهم
ولو أشتريت لاجنز مش هيكون أكتر من أنه تحت الهدوم ومش باين لخلق الله كده
^_^
يعني أبو نجوم كده أي حد يشوفه وشوية وألاقيه بيقولي
ولا سمانة الجوهري !!!

ومش معقول تكوني بنت مسلمــة والمفروض بلبسك حاملة رسالة توعية
وتقليد لأمهات المؤمنين
وتلبسي لاجنز
ضيق ويصف وشفاف ومُلفت للنظر

ينفع تعملي كددده ؟؟

وترضيها على رجلك تكون ملطشة وفرجة للرايح والقاااعد والماشي والجاي
!

قدري جسمك وأحترميه :)
لأنه هيشهد علينــا يوم القيامة
ومش هنحبه يشهد ضدنــا وربنا يرحمنا برحمته

وكمان خليكي هدية جوزك ♥ هيفرح بيكي جداً
لما يلاقيكي من دلوقت بتصونيه وبتحافظي على نفســك

وأي حد عنده لاجنز ^_^ يلبسه تحت الهدوووم أرجوووكم

فهيمه محمود :)

غاز سي آر

2011-11-22T12:05:00.004+02:00

غاز سي آر (بالإنجليزية: CR gas‏) أو داي بنزوكسازيبين (ثنائي البنزوكسازيبين، dibenzoxazepine)، وتركيبه الكيميائي dibenz[b,f][1,4]oxazepine، هو مادة مسيلة للدموع ومسببة للشلل المؤقت، طورت بواسطة وزارة الدفاع البريطانية لتستخدم في تفريق المظاهرات في أواخر خمسينيات القرن العشرين وبداية الستينيات من ذلك القرن.
<>

الخواص الفيزيائية

مادة سي آر هي مادة بلورية صلبة رائحتها شبيهة برائحة الفلفل. وهو ضعيف الذوبان في الماء ولا ينحل فيه. يوجد عادة على شكل حبيبات متناهية في الصغر على شكل معلق في سائل أساسه مادة البروبيلين جليكول. وعلى عكس ما يبدو من الاسم، فغاز السي آر ليس في الواقع غازاً، بل هو مادة صلبة في درجة حرارة الغرفة.
يتشابه غاز سي آر كيميائياً مع اللوكسابين (أحد مضادات الذهان النمطية) ويعبأ عادةً في اسطوانات صغيرة (عُليبات ـ canisters)، تنتج سحابة من الرذاذ بمعدل ثابت عندما ترتفع درجة حرارتها.

التأثير

غاز سي آر هو مادة مسيلة للدموع، وتبلغ قوته 6 إلى 10 أضعاف قوة غاز سي إس. يتسبب غاز سي آر في تهيج شديد للجلد، وخاصة حول المناطق الرطبة من الجسم، وتشنج في الجفن (بالإنجليزية: blepharospasm‏) يتسبب في حدوث عمى مؤقت، وسعال وصعوبة في التنفس وهلع. كما يمكن أن ينتج عنه شلل فوري. ويشتبه في كون مادة سي آر مادة مسرطنة، وهو سام في حالة ابتلاعه والتعرض له على حد سواء ولكن بدرجة أقل من غاز سي إس، وقد يتسبب في الوفاة في حالة التعرض لكميات كبيرة منه، وهو ما يمكن أن يحدث خاصةً في الأماكن سيئة التهوية، حيث يمكن أن يستنشق الشخص جرعة مميتة منه خلال دقائق معدودة. وسبب الوفاة في هذه الحالات هو الأسفكسيا أو الوذمة الرئوية.
يستمر تأثير مادة سي آر لفترات طويلة، وقد يظل على الأسطح، وخاصة الأسطح المسامية، لمدة تصل إلى 60 يوماً.

العلاج

على النقيض من غاز سي إس، الذي يمكن إزالة آثاره باستخدام كميات كبيرة من الماء، فإن استخدام الماء في حالة السي آر قد يؤدي إلى تفاقم آثاره. وقد يتسبب غسل البشرة الملوثة بمادة سي آر بالماء في ألم شديد يستمر لمدة 48 ساعة بعد التعرض
الإجراءات العلاجية في هذه الحالات هي مجرد إجراءات لتخفيف الأعراض. تنزع الملابس الملوثة، وتغسل العينان والجلد، ويمكن استخدام قطرات العين لتخفيف آلام العينين .

استخدامه

في أواخر ثمانينيات القرن العشرين، استخدم غاز سي آر في بعض مناطق جنوب إفريقيا، ليتسبب في حدوث بعض الوفيات، وخاصة بين الأطفال.
وقد اتهمت بعض المجموعات الجمهورية في أيرلندا الشمالية الجيش البريطاني ووحدات الشرطة البريطانية العاملة في أيرلندا الشمالية (المعروفة باسم شرطة ألستر الملكية) باستخدام غاز سي آر ضد سجناء جمهوريين.
أما الولايات المتحدة الأمريكية فهي لا تستخدم هذا الغاز في مكافحة الشغب بسبب الشكوك التي دارت حول كونه مادة مسرطنة، ويصنف الجيش الأمريكي مادة سي آر حالياً كسلاح كيماوي قتالي يتسبب في آثار جانبية خطيرة على البشر.
و قد استخدمته قوات الشرطة بمصر ايام 18 ,19 و 20 نوفمبر 2011 لفض الاعتصامات فى ميدان التحرير دون ان تراعى اثاره الجانبية او انه مادة مسرطنة او ان الحكومة الامريكية اعتبرته سلاح كيميائى .

عاشق سارح في الملكوت

2011-11-19T09:00:00.000+02:00

عاشق سارح في الملكوت ميهموش العمر يفوت
يدفع في الحرية حياته ولو اتكتف للحظة يموت
قلبه بيبرق زي الماس ولا يملك غير الإحساس
غرقان في جروحه وآلامه وبيداوي في جروح الناس

بايع قلبه للي يحبه ومعندوش للحب شروط
عاشق سارح في الملكوت ولو اتكتف للحظة يموت

طير في السما وملوش عنوان وفي ايده خاتم سليمان
كان عايز بالضحكة يغير ويتوه كل الأحزان
عاش الحلم كأنه حقيقة وافتكر إن الدنيا بريئة
من طيبته سلم لحبيبته وحبيبته بتبيع في دقيقة

فوق واتحرر من أوهامك العمر بيخلص قدامك
الطير مش هيطير في جهنم ومفيش سمكة بتعشق حوت

2011-10-29T21:17:00.000+02:00

2011-10-29T18:33:00.000+02:00

و ما اروعها من لحظة
تقول/ي لوالدك "كل سنة و انت طيب"
و تنزل/ي على ايده تقبلها
و هو يسحب ايده و يضمك و يقول♥
و"انت/ي طيب/ة ..الله يرضى عليك/ي" ^^'

انسان

2011-10-29T16:21:00.000+02:00

انسان

ياما نفسي اعيش انسان قلبه علي كفه
كل الي بردنين في كفوفه يدفوا

يضحك يضحك خلق الله
يفرح يفرح كله معاه

انسان جواك و جوايا
انسان له حلم له غايه

الي معه علطول مش ليه
و لا حتي روحه ملك ايده

جواه في قلبه و نن عنيه
شايل امل و شروق و حياه

انسان جواك و جوايا
انسان له حلم له غايه

انسان بيحب و لا يكره
انسان شايل امل بكره

بيبان في الشده و يطمن
و لا خان و لا عمره هيخون

يا شام-نزار قباني

2011-10-29T01:18:00.000+02:00

لقد كتبنا .. وأرسلنا المراسيلا وقد بكينا .. وبللنا المناديلا

قل للذين بأرض الشام قد نزلوا قتيلكم لم يزل بالعشق مقتولا

يا شام. يا شامة الدنيا ، ووردتها يا من بحسنك أوجعت الأزاميلا

وددت لو زرعوني فيك مئذنة أو علقوني على الأبواب قنديلا

يا بلدة السبعة الأنهار .. يا بلدي ويا قميصا بزهر الخوخ مشغولا

ويا حصانا تخلى عن أعنته وراح يفتح معلوما، ومجهولا

هواك يا بردي ، كالسيف يسكنني وما ملكت لأمر الحب تبديلا

أيام في دمر كنا .. وكان فمي على ضفائرها .. حفرا .. وتنزيلا

والنهر يسمعنا أحلى قصائده والسرو يلبس بالساق الخلاخيلا

يا من على ورق الصفصفات يكتبني شعرا .. وينقشني في الأرض أيلولا

يا من يعيد كراريسي .. ومدرستي والقمح، واللوز ، والزرق المواويلا

يا شام إن كنت أخفي ما أكابده فأجمل الحب حب - بعد ما قيلا

نزار قبّاني

لــما ^^

2011-10-27T23:54:00.000+02:00

لما هنبقي ماشين سوا ف الشارع ♥
وتلاقيني فجأه كدا وقفت قدام السوبر ماركت ..
و راسي والف سيف اجيب مصاصه :D
وانت تفضل تقولي..
يا حبيبتي ميصحش عيب علي طولنا داا نمشي ناكل مصاصه ف الشارع !!
هزعل منك وهسيبك وامشي لوحدي :(
هلاقيك جاي ورايا بسرعه وتقولي :
و أااادي المصاصه اهي وهناكلها سوا وان شااالله ما عن حد حووش بقي :P ^_*
هو انا اقدر بردو ازعل القمر بتاعي ^_^
ياخرابي اتكسفت اووي :$

وقلتلك طب يلا نجري بالمره بقي.. ردت عليا وقلتلي لاااااااا كله الا دا :O
ضحكت وقلتلك طب خلاص خليها بكرا :P:P

لــ/ ساره ابراهيم