Shaga

Friendship isn't a big thing - it's a million little things

2016-01-29T10:17:00.002-08:00

Are you able to be a friend? Do you know what friendship is ? Seriously, though, we do pick our friends, choosing them from all other people.I think friendship means caring about people close to you ,making them feel that you are always there and that you love them a lot.A friend will be there for one when no one else will, and will always be there when needed.
Learn how to make friends, learn to love.What else can be more important in real life?

Photo. Sirak Ohanyan. Dresses. Zara, Asos

Autumn mood

2015-10-25T05:20:00.002-07:00

I do not like the cold. I don’t like to wear on thousands of clothes like cabbage. Don’t like it when it pinches the nose as you go out on the street. I don’t like red cheeks and freezing fingers.

… but I love autumn. Dry, golden and pleasant. In such autumn you can’t breathe enough this magical air. In this autumn you need a hand in your hand, and time passes so quickly. And it doesn’t matter if you are under the rug in front of a window or walking in the park. I love this autumn. It’s mine.

Poncho` Asos

Don't OverThink it

2015-08-18T03:25:00.000-07:00

“We are dying from overthinking. We are slowly killing ourselves by thinking about everything.

Think.

You can never trust the human mind anyway. It's a death trap.”

Jeans Asos

Ֆիլմ, լավ մտքեր, լիքը ելակ . Lazy Sunday

2015-05-31T11:59:00.000-07:00

Are you really lazy today? Then it's just time to lay on the couch with some chocolate or candy or strawberries and a lot of episodes of your favorite films ;) Nothing's wrong with that!
Ողջուն, այսօր ես հասցրել եմ երկու հրաշալի ֆիլմ դիտել, լիքը ելակ ուտել , լավ բաների մասին մտածել ու շատ ժպտալ: Համաձայն եմ , աշխարհը դրանով դժվար թե փրկվի, բայց ես նման ծրագրեր առանձնապես չունեմ էլ: Ես որոշել եմ հոգ տանել, խնամել իմ անձնական աշխարհը, որ այնտեղ միշտ լուսավոր, խաղաղ ու ներդաշնակ լինի: Իսկ, ընդհանրապես, երբեմն ուղղակի անհրաժեշտ է ոչ մի բան չանել , դրա մեջ ոչ մի վատ բան չկա:)

Կիսարջազգեստը և անթև վերարկուն իմ սիրելի՝ AmiManay Կոշիկները՝ Aldo Գծավոր բլուզը՝ Asos

Նորաձևության զոհերի մասին

2015-05-12T11:06:00.001-07:00

I love everything about this outfit. I like jeans, it’s very comfortable, I like stripes, it’s always a good idea, and I like red lipstick, it’s very feminine. And what about your style, what do you like more?

Ինձ թվում է դեպրեսիաները, անինքնավստահությունը առաջանում են, երբ մարդը չգիտի թե ինչ է ուզում, կամ այն ինչ ուզում է, իրականում իրեն պետք չէ: Ինքը տարիներով աշխատում է, ժամանակ, էներգիա , ռեսուրսներ է ծախսում մի բանի համար, որն իրենը չէ, ու, նույնիսկ, դա ունենալուց հետո չի զգում այն բավարարվածությունը, ներքին հանգստությունը, որն ակնկալում էր ստանալ...ու այդպես այնքան, մինչև ինքն իրեն չհարցնի լավ, իսկ ես ինչ եմ իսկապես ուզում-սիրում...Օրինակ՝նորաձևությունը այնքան հաճախ է փոփոխվում, որ գրեթե անհնար է լինել միշտ թրենդի մեջ, ու մեծ հաշվով պարտադիր էլ չէ, կամ հաճախ տվյալ սեզոնին նորաձև են դառնում այնպիսի ոճերը, որոնք բացարձակ չեն համապատասխանում քո կերպարին, քո աշխարհընկալմանը ու , եթե ադեկվատ ու ճիշտ չվերաբերվես նորաձևությանը, հեշտությամբ կարող ես դառնալ դրա զոհը, օրինակները մեր շրջապատում շատ են...այս ամենից խուսափելու համար, պետք է տաս ինքդ քեզ շատ պարզ հարց՝ ինչ եմ ես սիրում, ով եմ ես....ամենաանհասկանալի իրավիճակներում, հագնում ես այն ինչ սիրում ես, ու թող որ բոլորի համար դու լինես "թրենդից դուրս": "Լավ, ես թրենդի մեջ չեմ, բայց ես հագնում եմ , այն ինչ սիրում եմ",-կարծում եմ սա ամենաճիշտ պատասխանն է.,.. կուզենայի, որ այս մոտեցումը ոչ միայն հագուստին ու նորաձևությանը վերաբերեր, այլ հենց այսպես մտածելով էլ ապրեինք:

Ես հագել եմ այն ինչ սիրում եմ ջինս, գծավոր բլուզ և կարմի շրթներկ: Իսկ Դուք ինչ եք սիրում :) Ջինսե շրջազգեստն ու գծավոր բլուզը՝ ASOS :

Լուսանկարիչ ՝Գևորգ Պերկուպերկյան

AmiManany-ին Shaga Blog-ում. HIDDEN SEXUALITY collection

2015-03-29T05:18:00.001-07:00

I am so happy with this AmiManany dress - it is very simple but so elegant. "HIDDEN SEXUALITY” collection perfectly suits the spirit of the year’s most feminine month. Ողջույն, այսօր ուզում եմ պատմել հայ դիզայներներից մեկի մասին: AmiManany -ի դիզայներ Արմինեի հետ ես ծանոթացա նկարահանումներից մեկի ժամանակ: Ինձ շատ դուր եկան միաժամանակ պարզ, բայց էլեգանտ զգեստները: AmiManany -ի հավաքածուն կոչվում է "Թաքնված սեքսուալություն" և, ինչպես նրանք են ասում , լիովին համապատասխանում է տարվա "ամենականացի " ամսվա հետ: Ի դեպ՝ կանանց միամսյակի մասին, ես շնորհավորում եմ իմ բլոգն ընթերցող բոլոր կանանց և աղջիկներին: Ես ձեզ շատ եմ սիրում: Ուզում եմ, որ միամսյակի կարիք ընդհանրապես չլինի, որպեսզի ծաղիկներ մենք ստանանք ամենաքիչը յուրաքանչյուր հանգստյան օր , իսկ սեր-ուշադրություն ու նման լավ բաներ՝ ամեն օր: :)

Լուսանկարները՝ Գևորգ Պերկուպերկյանի

Spring mood in Shaga Blog . Գարնանային տրամադրություն Shaga Blog-ում

2015-03-26T01:41:00.001-07:00

Hi, Guys. It’s spring! With the warm Sun and lengthening days. With long walks and 100% confidence that everything’s gonna be alright! Ողջույն!!! Վերջապես արևոտ ու տաք օրեր: Գարուն է՝ վառ գույներով, երկար զբոսանքներով ու 100% վստահությամբ, որ ամեն ինչ լավ է լինելու: )

Կոշիկները՝ Aldo Շրջազգեստները՝ Asos Վերնաշապիկը՝ Asos Պայուսակները՝ Asos Լուսանկարները՝ Գևորգ Պերկուպերկյանի

Մեկ հեռախոսազանգ

2015-02-20T04:16:00.002-08:00

Ողջույն~~...իմ բլոգն ասես փոքրիկ(արդեն 2 տարեկան) կենդանի լինի(օրինակ արջ), որ ձմռանը քուն է մտնում, իսկ գարնան շունչն զգալուն պես արթնանում: Սկսենք նրանից, որ ցուրտ է և, անգամ, հանուն իմ սիրելի բլոգի, ես պատրաստ չեմ կանգնել -....ջերմաստիճանի պայմաններում և լուսանկարվել: Միակ բանը, որ ես մտածում եմ ցուրտ ժամանակ' ինչպես մի տաք վայրից մյուսը հասնել:
Բայց, այս տարի, ինձ "քնից արթնացրեց" ոչ թե արևն ու տաք եղանակը, այլ մի հեռախոսազանգ:
Գոյություն ունի ընկերություն, որի հետ ես շատ էի ուզում աշխատել, դա բլոգերների հետ աշխատող ամենամեծ միջազգային ընկերություններից է և բլոգը բացելու առաջին օրից ես նրանց նամակ էի գրում: Ես այնքան հաճախ էի գրում, որ, անգամ, կասկածում էի, որ դրանք տեղ են հասնում, որովհետև միայն այն պատճառով, որ այլևս իրենց չձանձրացնեմ, նրանք պետք է պատասխանեին ինձ:
Բայց...իմ նամակներն անպատասխան էին մնում ...Ի վերջո ես դադարեցի գրել: Դա չի նշանակում "հույսը կորցնել", ես, ընդհանրապես, երբեք հույսս չեմ կորցնում: Ես դադարեցի գրել, բայց գիտեի, որ մի օր, մի շատ լավ օր, թեկուզ երկու տարի անց, ինձ անպայման պատասխանելու են:)))
Եվ այո՛, ինձ զանգահարեցին: Չեմ կարող նկարագրել իմ ուրախությունը:
Ես հերթական անգամ համոզվեցի , երբ ինչ որ բան իսկապես շատ ես ուզում, երբ ցանկությունդ բարի է, այն անպայման իրականանում է:
Իսկ ընկերության հետ իմ համագործակցության մասին կպատմեմ հաջորդ post-ում:))

Իմ շատ սիրելի ընթերցողներ, Asos-ն առաջարկում է գարնանային շատ ոճային հավաքածու ))

Ջինսն ու բլուզը՝ Asos

Շնորհավոր !!

2014-11-11T02:50:00.000-08:00

Անկախ նրանից ինչով ենք զբաղվում, ինչ հաջողություններ ունենք, ամենակարևորը կյանքում մարդիկ են, ովքեր մեզ շրջապատում են: Մեծ հաշվով մեր օրը, մեր տրամադրությունը պայմանավորված է օրվա ընթացքում մեզ հանդիպած մարդկանցով ու ամենամտերիմների շրջանում պետք է թողնել միայն դրական, անկեղծ, բարի մարդկանց:
Ես ուրախ եմ, որ իմ կյանում կան այդպիսի մարդիկ ու այսօր նրանցից մեկի համար կարևոր օր է:
Ես անչափ երջանիկ եմ, որ իմ օրվա մեծ մասն անցում է մարդու հետ, ով անսահման դրական է, ում հետ հետաքրքիր է, կարող ենք անդադար խոսել ու չձանձրանալ, միասին միայն մեզ հասկանալի ու կարևոր ծրագրեր մտածել, ու ոչ միայն մտածել, նաև իրականացնել, կարող ենք անընդհատ ծիծաղել, հաճախ անգամ առանց պատճառ, ուղղակի որովհետև լավ տրամադրություն ունենք, երիտասարդ ենք, ուրախ ենք, ուղղակի սիրում ենք կյանքն ու ամեն ինչ, ինչ մեզ շրջապատում է: Հարկ եղած դեպքում կարող ենք նաև լաց լինել,միասին դա այնքան էլ ողբերգական չի լինում:
Ես ուզում եմ իմ ամբողջ ջերմությունը դնել այս գրառման մեջ, ես վաղուց այսքան անկեծ post չեմ արել:
Իմ բարձրահասակ, շիկահեր , անչափ գեղեցիկ Լուսինե, շնորհավորում եմ: Ես ուզում եմ որ դու երջանիկ լինես, միշտ այնպես անհոգ ու անկեղծ ժպտաս, ինչպես այս լուսանկարներում ես:

Շրջազգեստը՝ ASOS

Վերարկուն՝ ASOS

Հեքիաթ և նորաձևություն

2014-11-03T09:46:00.000-08:00

Դեռ նախորդ տարի, երբ տեսա D&G-ի աշուն-ձմեռ ցուցադրությունը, միանգամից տպավորվեցին աբադոկով ու մեծ ականջօղերով քայլող մոդելները: Ճիշտն է, համացանցում կարծիքներ կարդացի, որ զարդերը ''too much'' էին.կամ աբադոկը պետք է լիներ, կամ ականջօղը , բայց ես համաձայն չէի. ցուցադրությունը վերածվել էր հեքիաթի, տպավորություն էր, թե հայտնվել ես հեքիաթային թագավորությունում և մոդելները թագավորությունում ապրող կանայք են' մեծ, շքեղ զարդերով: Ականջօղի և աբադոկի համադրությունը նույնիսկ հասարակ հագուստին արքայական շքեղություն էր հաղորդում , ես իրոք հիացած էի...ու չեմ կարող նկարագրել ուրախությունս, երբ մի քանի օր առաջ Para Chikas ընկերության, ինձ ուղարկած փաթեթում, գտա այս աբադոկն ու ականջօղը:
Para Chikas-ի աքսեսուարներին իմ բլոգին հետևողներն արդեն ծանոթ են իմ նախորդ գրառումներից' այստեղ և այստեղ ու ես ուրախ եմ, որ նրանց հետ իմ համագործակցությունը շարունակվում է:
Ուզում եմ բոլորիս կյանքում հեքիաթը միշտ առկա լինի, մեր էության ինչ որ մի մասով միշտ ապրենք հեքիաթում ու այո', ինչպես հեքիաթներում, մեր կյանքում էլ դրականը, բարին միշտ հաղթող լինեն:

Զարդերը կարող եք պատվիրել գրելով ինչպես Para Chikas, այնպես էլ Shaga Blog ֆեյսբուքյան էջերին, ի դեպ բլոգի էջով պատվիրելու դեպքում կունենաք 10% զեղչ:

Աբադոկն ու ականջօղերը ParaChikas

Վերնաշապիկը՝ ASOS

Նոր միտք

2014-10-19T10:24:00.000-07:00

Ողջույն, մի քանի օր առաջ հեռուստաընկերություններից մեկի առավոտյան ծրագրի համար հաղորդում էինք նկարում, որի թեման աշնանային նորաձևությունն էր: Ընտրում էինք յուրաքանչյուր կառուցվածքին համապատասխան աշնանը նորաձև տաբատներ: Հաղորդմանը պատրաստվելու ընթացքում ես այնքան ուսումնասիրեցի, այնքան բան իմացա մարդկանց կառուցվածքների տիպերի և յուրաքանչյուր կառուցվածքի համար իդելական հագուստի մասին , որ եթե որևէ կասկած ունեք ձեզ համար հագուստ ընտրելիս գրեք ինձ Shaga Blog-ի էջին ես հաճույքով կօգնեմ ձեզ: Իմ նոր գիտելիքներն ինձ էլ օգտակար եղան՝ ես համոզված էի, որ այս սեզոն նորաձև բարձր գոտկատեղով տաբատներն ինձ համար չեն, բայց պարզվեց հակառակը: Իմ կառուցվածքի դեպքում, ես կարող եմ հանգիստ կրել դրանք:
Ընդհանրապես ճիշտ համադրության,չափսերի, որոշակի համամասնություններ պահելու դեպքում յուրաքանչյուր մարդ կարող է կրել յուրաքանչյուր հագուստ:
Գիտեք, մտածեցի, ոչ միայն եթերում նմանատիպ հաղորդում վարեմ, այլև բլոգում, այդպիսի էջ բացեմ, որտեղ կլինեն միայն գործնական, օգտակար խորհուրդներ, կառանձնացնենք կառուցվածքի տիպերը, կընտրեք հագուստներ, գույներ, աքսեսուարներ և այլն:
Բլոգի արդեն երկու տարիների ընթացքում, ինձ ոչ հաճախ, բայց դիմել են աղջիկներ, ովքեր ինչ որ օգնության, խորհուրդի կարիք ունեին, մենք շատ երկար խոսել ենք, քննարկել ու ինձ միշտ ուրախացրել է փաստը, որ կարող եմ ինչ որ կերպ օգտակար լինել նրանց: Իսկ այս էջը հենց այդ նպատակը կունենա:Ես շատ եմ ուզում տեսնել միայն գեղեցիկ, ինքնավստահ, արդյունքում նաև երջանիկ աղջիկների իմ շուրջը և ոչ միայն՝ ընդհանրապես ամենուր :

Ամբողջ կերպարը ու էլի շատ հետաքրքիր look- եր կարող եք գնել ASOS-ում:

Լուսանկարիչ՝ Մարի Աբելյան

PR միջոցներն անզոր են

2014-09-28T12:04:00.000-07:00

Մի քանի օր առաջ ինձ որպես բլոգեր հրավիրել էին մի երգչի տեսահոլովակի շնորհանեսի: Եթե անկեղծ լինեմ, ես ոչ մի բան չեմ հիշում ո՛չ տեսահոլովակից, ո՛չ երգչից, ո՛չ երգից:
Շնորհանդեսը քաղաքի լավագույն սրճարաններից մեկում էր, լավ PR էր արվել, հյուրերի թվում շոու բիզնեսի հայտնի դեմքերն էին, բազմաթիվ լրատվամիջոցներ, արտասահմանից հյուրեր, հյուրասիրություն...պետք է խոստովանեմ, որ լավ ժամանակ անկացրի, բայց երգիչն, ամեն դեպքում, չտպավորվեց...
Մի քանի օր անց էլի հրավիրված էի համերգի՝ Ֆորշի համերգին: Անձրևոտ, ցուրտ օր էր, համերգը բացօթյա դահլիճում էր, ասենք ինչ դահլիճ, հեծանիվ քշելու հրապարակ էր՝ չոր, կեղտոտ աթոռներով, կծկվել նստել էինք, մինչև համերգը սկսվեր,,
Համերգից դուրս եկա ժպտալով ( չնայած Ֆորշի երկրպագուն էլ չեմ), մոռացել էի, որ ցուրտ է, որ անձրև է... Ամբողջ դահլիճը նրա հետ երգում էր...
Համերգից հետո համեմատում էի, չնայած, հնարավոր է, համեմատելը սխալ է... Իսկապես արվեստի մարդկանց չի խանգարում, ո՛չ անձրևը ոչ վատ պայմանները, նրանք կարող են ուղղակի փողոցում երգել ու տպավորիչ լինել..
Ու այստեղ բոլոր PR միջոցներն անզոր են:
Ես սիրում եմ արվեստով ապրող, շնչող բոլոր մարդկանց:

Կոշիկները՝ Aldo
Շրջազգեստը՝ Asos
Վերնաշապիկը՝ Asos
Լուսանկարիչ` Շող Փահլևանյան

Հեծանիվ քշելու տրամադրություն

2014-08-17T10:56:00.002-07:00

Առաջին բանը, որ ինձ դուր եկավ հեծանիվներն էին, ավելի ճիշտ հեծանիվ քշելու համար նախատեսված ճանապարհները: Հեծանիվ Երևանում էլ կարելի է քշել, բայց մեկ դու ես մարդկանց խանգարում, մեկ մարդիկ՝ քեզ, վտանգ կա, որ կընկնես մեքենայի տակ կամ էլ՝ ինչ որ փոսի մեջ: Չէ, ես չեմ բողոքում, բայց եթե հնարավոր լիներ յուրաքանչյուր երկրից որևէ ինձ դուր եկած բան հետս բերել, ապա այս դեպքում դա կլիներ հեծանվուղին: Հեծանիվների համար նախատեսված ճանապարհն իսկապես շատ գեղեցիկ էր, այն ասես բաժանում էր ծովը քաղաքից՝ մի կողմում ծովն էր իր անսահմանությամբ, գեղեցկությամբ մյուս կողմում քաղաքը ՝ բարձր, նորակառույց շենքերով, սրճարաններով, բազմաթիվ լճերով: Հեծանիվ հեշտությամբ կարելի էր գտնել...նախ տեղի բնակիչներն էին ընդամենը երկու երեք դոլարով առաջարկում, հետո էլ կարելի էր քաղաքի կենտրոնից քարտ վերցնել ու որքան ուզում ես , երբ ուզում ես քշել: Հեծանվուղին երբեք դատարկ չէր լինում, օրվա յուրաքանչյուր ժամին, նույնիսկ ամենաշոգ ժամերին, երբ քաղաքը դատարկվում էր, հեծանվուղում կարելի էր տեսնել հեծանվորդների՝ տարբեր ազգությամբ, տարբեր տարիքի մարդիկ, որոնց բոլորին միավորում էր սերը հեծանիվի հանդեպ, հնարավոր է մի քիչ պաթետիկ է հնչում, բայց ես հավատում եմ, որ դա այդպես էր: Ի դեպ , ինչ որ չգրված օրենքով, հեծանվորդներն իրար ժպտում էին, ու ամեն մեկն իր լեզվով բարևում....այսինքն բացի հեծանվուղուց, ես կուզենայի հեծանվորդներին էլ Հայաստան բերել ))))

Հեծանվուղիներ կային քաղաքի բոլոր ծայրերում, այնպես որ քաղաքը կարելի էր բացահայտել հեծանիվ քշելով, ինչն էլ, փաստորեն, մենք անում էինք:

Հ.Գ. Հանգստի մեկնելու համար շատ կարևոր է, որ հագուստն էլ հանգիստ լինի՝ առանց ավելորդությունների՝հարմարավետ կոշիկներ, շորտեր, պարզ, հասարակ բլուզներ, գլխարկներ: Իմ սիրելի ASOS-ից ես իրոք շատ հարմարավետ հագուստ էի ընտրել, միայն ASOS-ի սպիտակ կեդերով կարելի էր ոչ միայն հեծանիվով, այլև ոտքով ողջ քաղաքը շրջել և չհոգնել:

Բոլորիդ մաղթում եմ ամառային անմոռանալի տպավորություններ, շնորհակալ եմ, որ կարդում եք:

Բարև Ծով

2014-08-09T08:19:00.002-07:00

Մեր պատուհանից հրաշալի տեսարան էր դեպի ծով: Ամեն առավոտ ես արթնանում էի արևածագից առաջ, լուռ, որպեսզի ոչ մեկի չարթնացնեմ, սուրճ էի պատրաստում ու դուրս գալիս պատշգամբ: Առավոտյան ժամերին, երբ լողափը դատարկ է, ծովն ավելի գեղեցիկ է թվում: Ես երկար կանգնում էի պատշգամբում, ժպտում էի ինձ, ծովին,արևին, որ հայտնվում էր չգիտես որտեղից` արտացոլվելով ծովի մեջ`տպավորություն ստեղծելով, թե գոյություն ունի երկու արև: Ես ինձ բացարձակ երջանիկ էի զգում, միայն այն մտքից, որ շուրջս ամեն ինչ այդքան գեղեցիկ է:

Վարդագույն շորտը`ASOS

Մանուշակագույն շարֆը` ASOS

Որքան բան է փոխվել

2014-07-20T01:49:00.002-07:00

Այսօր ողջ օրը զբաղված եմ լինելու բլոգով: Բլոգի ողջ պարունակությունը տեղափոխելու եմ shagablog.net կայք: Այո՛, ես հրաշալի նորություն ունեմ, ես ծանոթացել հրաշալի, պրոֆեսիոնալ մի թիմի հետ և այսուհետ աշխատելու ենք միասին արդեն նոր կայքում:
Այդ մասին մանրամասն կգրեմ ավելի ուշ:
Աշխատելու ընթացքում կարդում էի բլոգիս հին գրառումները, որքան բան է փոխվել երկու տարիների ընթացքում. փոխվել եմ ես, փոխվել է բլոգս, ոճս:
Երբ դեռ մտածում էի բլոգ ունենալու մասին, շատ էի կարդում աշխարհում հայտնի նորաձևության բլոգերներին: Ինձ հետարքրքրում էին բլոգերներն, ովքեր շատ կենտրոնացած չէին հագուստի վրա: Ի վերջո, այն, թե ինչ հագուստ են նրանք նախընտրում, ինչ ոճ, ինչ համադրություններ, դու արդեն տեսնում ես լուսանկարներում: Ավելի հետաքրքիր էր կարդալ ինչ որ հեռավոր երկրում ապրող, քո նման, քո հասակակից աղջկա մտքերը, իմանալ առօրյայի, նպատակների, երազանքների մասին: Եթե ամեն ինչ գրված էր անկեղծ, դրա հետ մեկտեղ աղջիկը գեղեցիկ էր և ինձ դուր է գալիս նրա ոճը, ես կրկին վերադառնում էի նրա բլոգ: Ես ուզում էի բացի գեղեցիկ լուսանկարները, "տեսնել" այն աղջկան, ով "ապրում էր" այդ բլոգում:
Նորաձևության բլոգերները հիմնականում աշխատում են նույն բրենդների հետ, հետևաբար նրանց հագուստները հաճախ կարող են նույնը լինել ու միակ բանը, որ նրանց կառանձնացնի հենց իրենք են: Այդպես է նաև կյանքում՝ մենք բոլորս այնքան տարբեր ենք ու հենց այդ տարբերությունն էլ մեզ դարձնում է եզակի, աննման: Սիրենք մեզ հենց դրա համար, այնպես, ինչպես որ մենք կանք:

Կոշիկները`ASOS
Ջինսե կոմբինիզոնը՝ASOS
Լուսանկարները՝Մարի Աբելյանի
Շնորհակալ եմ, որ կարդում եք: Լավ օր )

Քայլել, նայել, զգալ...

2014-07-14T06:35:00.001-07:00

Սիրում եմ ճանապարհորդության պատրաստվելու ողջ ընթացքը՝ նախ համացանցում կարդում ես երկրի մասին, որը պատրաստվում ես տեսնել, հետո ինքդ քեզ համար առանձնացնում ես վայրերը, որոնք անպայման այցելելու ես: Պատկերացնում ես լուսանկարներ, որոնք այնտեղ անելու ես և մտածում՝միայն թե տեսախցիկս չմոռանամ: ))
Յուրաքանչյուր երկրում կան հայտնի, զբոսաշրջիկների համար սիրելի վայրեր ու կան "թաքնված", հաճախ տուրիստական ընկերությունների կողմից աննկատ մնացած վայրեր: Դրանք բացահայտելու համար, անհրաժեշտ է ուղղակի քայլել, նայել, զգալ...Ես հավաքում եմ ճամպրուկներս ու մտածում նոր բացահայտումների, զգացողությունների ու տպավորությունների մասին, որոնք ինձ սպասում են: Ամառն, այնուամենայնիվ, հրաշալի ժամանակ է:

Վերնաշապիկը` ASOS

Կոշիկները ` ASOS

Լուսանկարները` Մարի Աբելյանի

Շնորհակալ եմ, որ կարդում եք: Լավ օր : ))

Առաջ Բրազիլիա

2014-07-03T10:25:00.000-07:00

Ես երբեք առանձնապես հետաքրքրված չեմ եղել ֆուտբոլով, բացի Հայաստանի հավաքականի մի քանի խաղերից, ֆուտբոլ գրեթե չեմ նայել: Այս տարի այնպես ստացվեց, որ ես, աշխատանքի բերումով, պետք է հետևեի Ֆուտբոլի աշխարհի առաջնությանը, գոնե պետք է տեղյակ լինեի՝ որ թիմը հաղթեց, ովքեր դարձան գոլերի հեղինակ, խաղի որ րոպեին և այլն: Այս տեղեկատվությունը կարելի է իմանալ առանց խաղը դիտելու՝յուրաքնչյուր կայքից, բայց...ես բաց չեմ թողնում ոչ մի հանդիպում: Առաջին մի քանի խաղը դիտելուց հետո ես այնպես տարվեցի, որ հիմա, երբ մեկ-երկու օր դադարներ են լինում, ինձ թվում է ինչ որ բան պակասում է: Ի դեպ, ես երկրպագում եմ Բրազիլիայի հավաքականին, չնայած Չիլիի հետ խաղում ես ինչ որ երկակի զգացողություն ունեցա, ուզում էի երկու թիմերն էլ դուրս գային քառորդ եզրափակիչ)))))

Մի խոսքով ես սիրում եմ Ֆուտբոլ!!! Առաջ Բրազիլիա !!! Նույնիսկ բլոգիս նկարներն են այսօր մի քիչ ֆուտբոլային: )))

Ջինսը՝Asos

Կոշիկներն ՝Asos

Լուսանկարները՝ Մարի Աբելյանի

Մի քիչ ամառ

2014-05-14T08:12:00.000-07:00

Նույնիսկ չնկատեցի, ինչպես Ամառ եկավ: Ամեն տարի սպասում էի, ինչ որ պլաններ կազմում: Հիմա ես հասկացել եմ՝ պետք չի սպասել ոչ մի բանի, ոչ մեկի: Ամառվա հետ կապված մեծ ծրագրեր ես կազմում, հետո ինչ որ բան չի ստացվում, հիասթափվում ես, մարդկանցից ինչ որ բաներ ես սպաում, նրանք քո սպասելիքները չեն արդարացնում ու հիասթափվում ես : Չեմ սիրում հիասթափված մարդկանց: Հիասթափությունը հիմար, երևակայական բան է: Ով էր ասում մարդկանցից ավելին սպասեիր, կամ ով էր ասում, որ ամեն ինչ քո գծած պլանով պետք է ընթանա: Իրականում, այդպես նույնիսկ ձանձրալի կլիներ: Լավ է, երբ անսպասելի բաներ են լինում, սկզբում հնարավոր է տխրես, որ քո ուզածով չեղավ....բայց հենց այդ անորոշությունը, "տեսնես հետո ինչ է լինելու"-ն կյանքը հետաքրքիր են դարձնում. դրա համար արժե ապրել: Շատ պետք չէ բարդացնել: Մեր կյանքին կարելի է վերաբերվել կինոյի կամ գրքի նման ու հետքրքրասեր ընթերցողի կամ ֆիլմ դիտողի նման կողքից հետևել: Միակ բանը, որում պետք է վստահ լինես,այն է, որ հետո շատ ավելի լավ է լինելու: Օրինակ, եթե ինչ որ պատճառով չգնացիր Վրաստան, հնարավոր է հետո գնաս Փարիզ, կամ երազածդ ուրիշ երկիր, կամ եթե քեզ լքել է մարդ ում սիրում էիր, հնարավոր է հետո հանդիպես նրան, ում ոչ թե կսիրես, այլ շատ-շատ-շատ կսիրես ու դա փոխադարձ կլինի: Մի խոսքով պետք չի հիասթափվել ու պետք չի տխրել: Իրականում ամեն ինչ շատ լավ է, որովհետև մենք երիտասարդ ենք, մենք ազատ ենք, մենք ընտրության լիքը հնարավորություն ունենք, մենք ամբիցիոզ ենք ու... առանց պատճառ, ուղղակի ամեն ինչ շատ լավ է: )))

Հ.Գ. Ոգևորված գրեցի )))) Եկեք չմոռանանք, որ ես ի վերջո նորաձևության բլոգեր եմ)))) Ես ուզում եմ շնորհակալություն հայտնել ASOS ընկերությանը, որ ինձ դեռ հանդուրժում է, որովհետև ես այնքան անպարտաճանաչ բլոգեր եմ, այնքան ուշ-ուշ եմ բլոգս թարմացնում: Բոլոր դեպքերում մեր համագործակցությունը դեռ շարունակվում է, ինչի համար ես շատ ուրախ եմ: Ես երկար ժամանակ ASOS-ում չէի եղել ու նայում էի թե ինչքան նոր, հրաշք բաներ կան այնտեղ, ձեզ էլ եմ առաջարկում ծանոթանալ ASOS-ի նոր, ամառային հավաքածուին:
Շնորհակալ եմ, որ կարդում եք: Լավ օր:

Կոշիկներն ու շրջազգեստը՝ASOS
Լուսանկարները՝Արկադի Քալանթարյանի

Shaga Blog-ի առաջին տեսանյութը (outfit video)

2014-04-21T11:46:00.000-07:00

Երևի երբեք այսքան անհանգիստ չեմ եղել բլոգում որևէ բան տեղադրելիս: Այսպես կոչված outfit video նկարահանելու գաղափար ես վաղուց ունեի, բայց ժամանակ պահանջվեց, մինչև հասկացա, թե հատկապես ինչ եմ ուզում: Նման դեպքերում շատ կարևոր է, որ կողքիդ լինի գործից ոչ միայն շատ լավ հասկացող մարդ, այլև ընկեր, ով քո խելառ մտքերին կավելացնի իր խելառ մտքերը ու կհավատա, որ ամեն ինչ կստացվի: Ես անչափ շնորհակալ եմ Սուրեն Մանուկյանին այս տեսանյութի համար: Սա մեր վերջին տեսանյութը չէ, տեսանյութեր էլի կլինեն,բայց ԱՌԱՋԻՆն է, այդ պատճառով էլ ինձ շատ կարևոր է ձեր կարծիքը: Հույս ունեմ' տեսանյութի տրամադրությունը կփոխանցվի նաև ձեզ) )) Հ.Գ. Տեսանյութում ես կրում եմ ASOS-ից վառ կապույտ վերնաշապիկ և ջինսե տաբատ:Ի դեպ կապույտի բոլոր երանգներն ու ծնկների հատվածում պատռված ջինսերն այս սեզոն բավական ակտուալ են:

Ուրիշ սև

2014-03-10T11:01:00.000-07:00

Մտածում էի' որքանո՞վ համահունչ կլինի իմ total black-ը գարնանային գույների,տրամադրության,գարնանային տոների հետ: Հետո հասկացա, որ շատ եմ կարևորում անկարևոր բաները...ի՞նչ կապ ունի հագուստի գույնը,եթե բոլոր գույներն ու պայծառույթունը քո ներսում ունես: Մենք հաճախ ենք մեզ համար կարևոր բաները փնտրում արտաքին աշխարհում, ուրիշ մարդկանց մեջ: Այն դեպքում, որ այն ինչ մեզ իսկապես անհրաժեշտ է վաղուց, մեր ծնված oրից մեր մեջ է: Ընդ որում'այնքան շատ, որ ցանկության դեպքում, կարող ենք կիսվել նաև այլ մարդկանց հետ: Այս դեպքում նույնիսկ սևը դառնում է "ուրիշ" սև ու ընդհանրապես ամեն ինչ ուրիշ է դառնում:

Կաշվե դարսերով կիսաշրջազգեստն ու վերարկուն' Shaga Shop:

Հրաշալի հանգստյան օրեր եմ մաղթում, շնորհակալ եմ, որ կարդում եք: )

Հեյ Գարուն ~

2014-03-01T15:58:00.000-08:00

Միացնում եմ երաժշտությունը, դնում եմ ականջակալներս ու, մի կերպ ինձ զսպելով, որ չսկսեմ պարել, գնում եմ աշխատանքի: Ինձ համոզում եմ,որ ոչ մի արտասվոր բան չկա, սովորական oր է, ինչպես մյուս բոլոր oրերը...բայց ո՞ւմ եմ ասում...Ես արդեն մտքումս բարձր երգում եմ ու ինքնաբերաբար քայլում երգի ռիթմին համընաց...Մոտենում եմ փողոցի անկյունում ծաղիկներ վաճաող կնոջն ու ձնծաղիկ ու էլի ինչ որ դեղին ծաղիկներ եմ գնում: Ինձ թվում է, որ ծաղիկներ վաճաող կինն էլ այսoր արտասովոր տրամադրություն ունի: Նա ուրախ ժպտում է ու լավ oր մաղթում: Որոշում եմ ծաղիկները նվիրել մեր աշխատասենյակի ամենատարեց կնոջը: Նա ամենակենսուրախն է ու ամենաշատն էր սպասում գարնան գալուն: Բացի այդ, նա միշտ աշխատանքի է գալիս բարձրակրունկ կոշիկներով ու երբեք խորհուրդներ չի տալիս: Մենք նրան շատ ենք սիրում: Կուրախանա: Ժամանակին հասնում եմ աշխատանքի, ժպտում եմ...տարվա իմ ամենասիրած oրն է ու ես ինձ զգում եմ չափազանց գարնանային: )))
Ասեմ, որ շատ էի կարոտել բլոգս ու կփորձեմ այնպես անել, որ երկար դադարներ այլևս չլինեն: ))

Հ.Գ. Ուզում եմ նշել , որ նոր համագործակցոււթյան առաջարկ եմ ստացել Boommy Fashion -ից,ինչն ինձ շատ է ուրախացնում: Boommy Fashion-ն առաջարկում է գարնանային ամենատարբեր վերարկուներ, որոնցից մեկը ես հաճույքով ներկայացրել եմ:
Շնորհակալ եմ,որ կարդում եք:

ՇՆՈՐՀԱՎՈՐ ԳԱՐՆԱՆ ԱռԱՋԻՆ OՐ!!!

Շատ Ամանորյա տրամադրություն!!!

2013-12-26T00:34:00.001-08:00

Քիչ, շատ քիչ է մնում մինչև Ամանոր....
Տոնածառն արդեն զարդարված է, նվերներն` ընտրված, երազանքներն էլ սպասում են իրենց ժամին, որ իրականանան...
Սիրում եմ Ամանորի հետ կապված ամեն ինչ`փողոցների լուսավորությունից մինչև Ամանորյա ֆիլմերն ու մուլտֆիլմերը, ամանորյա տրամադրությունն ու տոնածառի հին խաղալիքները, նարնջագույն բոլոր մրգերն ու Coca cola-յի ամանորյա գովազդը, ամանորյա բոլոր երգերն ու շնորհավորանքներով հեռախոսազանգերը...
Զարդարում էի տոնածառն ու նայում ռուսական Тариф Новогодний ֆիլմը` "Ես ձեզ չեմ ճանաչում, դուք ինձ չեք ճանաչում, ես ուղղակի զանգել եմ ձեզ ասելու` Շնոր-հա-վոր!!!:
Ֆիլմի հերոսի նման ես էլ, շատերին, ովքեր հիմա կարդում են իմ բլոգը, չեմ ճանաչում....բայց ուզում եմ ասել` Շնոր-հա-վոր:
Բոլորավին նշանակություն չունի` հին տարի-նոր տարի, ուղղակի ևս մեկ հնարավորություն իրար ավելի շատ սիրելու, ներելու, ավելի լավը դառնալու:
Ուզում եմ, որ բոլորիս Ամանորյա երազանքն իրականանան, իսկ ավելի շատ, ուզում եմ, որ բոլորս Ամանորյա երազանք ունենանք:
Ուզում եմ ավելի անհոգ լինենք ու շատ ժպտանք: Շնոր-հա-վոր!!!

Հ.Գ. Տարվա ընթացքում, բլոգի հետ կապված շատ անսպասելի ու լավ բաներ եղան, որոնց մասին դեռ կգրեմ: 2013-ին երևի թե էլ չեմ հասցնի, բայց անպայման դրանց մասին կպատմեմ 2014-ին: ))
Հիմա ուզում եմ շնորհակալություն հայտնել իմ շատ սիրելի ընկեր Յեղիա Ներսեսյանին, որ նկարեց այս շարքը: Ես վաղուց ուզում էի նման շարք ունենալ և փաստորեն, սա էլ փոքրիկ երազանք էր, որ հասցրեց իրականանալ այս տարի: Շնորհակալ եմ))
Անչափ շնորհակալ եմ երկու շատ գեղեցիկ աղջիկներին` Լուսինե Հովհաննիսյանին և Տալիթա Բաղդասարյանին, որ ինձ շատ օգնեցին այս տարի:
Շնորհակալ եմ Դավիթին և իմ քույրիկներին, ուղղակի, որովհետև նրանք կան: ))

Վերջ: Կհանդիպենք 2014-ին: ))))))))))))

Manoukyan Accessories-ը Shaga Blog-ում

2013-12-18T00:18:00.001-08:00

Մի քանի օր առաջ, համացանցում ընկերներիս համար նվերներ փնտրելիս, հանդիպեցի Manoukyan Accessories էջին: Քանի որ զարդերը դուր եկան, որոշեցի ծանոթանալ աքսեսուարները պատրաստող աղջկա`Անիի հետ: Ինձ միշտ հիացնում են մարդիկ, ովքեր չեն սահմանափակում իրենց, անկախ իրենց մասնագիտությունից ստեղծագործում են և դա անում են հաճույքով: Անին մարքեթոլոգ է, բայց հիմա իր ժամանակի մեծ մասը նվիրում է զարդերին: "Ինձ համար յուրաքանչյուր իմ աշխատանք իր բույրը, իր զգացմունքները, իր տեսակն ունի..",-ասում է Manoukyan Accessories hand made զարդերի հեղինակ Անին:

Տաք թեյ

2013-12-07T11:10:00.001-08:00

Նստել էի այգու մի անկյունում ու ոչ մի բան չէի մտածում: Մի տեսակ` մոռացել էի աշխարհում ամեն ինչ ...փակել էի աչքերս ու ժպտում էի...

Գլխումս ողջ օրը պտտվող ներքին երկխոսությունը դադարել էր, մտքերս, հավանաբար հոգնելով միմյանց դեմ պայքարից,լուռ նստել էին ուղեղիս մի անկյունում: Պատկերացրեցի այդ տեսարանն ու ծիծաղեցի` ինչ որ փոքրիկ մտքիկներ, որ ժամանակ առ ժամանակ գալիս են` խանգարելու իմ ներքին խաղաղությունը: Նույնիսկ խղճացի ուղեղումս կուչ եկած այդ հիմար մտքերին....ես վաղուց գիտեմ`իմ ներքին խաղաղությունը խախտելն այնքան էլ հեշտ գործ չէ:

Հիմա գրում եմ, իսկ դրսում ձյուն է գալիս...մեր քաղաքի առաջին ձյունը: Ձյունն էլ է խաղաղություն ու մենք սիրում ենք այն հենց դրա համար:

Հ.Գ Չնայած լուսանկարներն աշնանային են, բայց տաք թեյն այս եղանակի համար է`մի բաժակ տաք թեյ ու հին, բարի ֆիլմ, առավել ևս, որ կիրակի է:
Իսկ լուսանկարները մենք արել ենք աշնան վերջին օրը Тёплый ЧАЙ ընկերության հետ:

Հ.Գ. Եթե ուզում եք ավելին իմանալ Тёплый ЧАЙ ճապոնական թեյերի մասին, կարող ենք նայել այստեղ: Ասեմ, որ յուրահատուկ համով թեյեր են:

Հ.Գ.Շնորհավոր առաջին ձյուն: Չմոռանաք, այսօր ձնագնդի խաղալ:

Լուսանկարների համար շնորհակալ եմ Տալիթա Բաղդասարյանից

Ի՞նչ տարբերություն

2013-11-23T02:01:00.003-08:00

Ամեն անգամ, ուրբաթ օրը կեսօրից, սկսում ենք "շատ լուրջ" պլանավորել հանգստյան օրերը: Աշխատանքի վայրից միմյանց ոգևորված գրում ենք մեր առաջարկները:

Քանի որ եղանակը դեռ թույլ է տալիս, գերակշռում է օրը բնության գրկում անցկացնելու տարբերակը` մեքենա նստել ու անհայտ ուղղությամբ քաղաքից դուրս գնալուց մինչև` մեր սիրած այգում ֆիլմ դիտելը:

Գրեթե երբեք հանգստյան օրերը չեն անցնում մեր պլանավորածի պես: )))
Մենք դրա մասին չենք էլ հիշում:
Երբ ամեն ինչ լավ է, ի՞նչ տարբերություն,նախօրոք ինչ էիր պլանավորել :))

Հ.Գ. Այս հանգստյան օրերին մենք նաև աշխատում էինք: Ճապոնական թեյեր ներմուծող ընկերություններից մեկն առաջարկել էր մեզ ֆոտոշարք անել `աղջիկ, թեյ, աշուն թեմայով: Ինձ թվում է գեղեցիկ շարք է ստացվել, շուտով կներկայացնեմ նաև մեր աշխատանքի արդյունքը:
Հրաշալի հանգստյան օրեր եմ մաղթում, շնորհակալ եմ, որ կարդում եք: )

Լուսանկարների համար անչափ շնորհակալ եմ Տալիթա Բաղդասարյանից :**