मेरो बिचार...

मैले देखेको, मेरो क्यामेराले खिचेको - ६

2010-12-04T00:25:00.002+08:00

*click image for larger view

जाँदैछु है म... तिमीबाट आज... धेरै धेरै टाढा टाढा !

सुन्दरताको तिमी...

2010-10-08T02:40:00.002+08:00

सुन्दर ~~मान्छे~~ नारीलाई कसले पो नहेरला त! एकपटक मात्र हो त, फर्की फर्की हेर्न भ्याउनेहरु पनि छन्। हुन पनि अब हाम्रा विश्वमित्र त मेनुकालाई देखेर दङ्ग परेका थिए रे, अरुको त झनै कुरै नगरे पनि हुन्छ। तर सुन्दरता भनेर के लाई भन्ने? कस्तोलाई भन्ने त? अब त्यो त फेरि हेर्नेको नजरमा नै भर पर्ने कुरा हो। तर अहिले सुन्दर देखिनु छ भने धेरै सजिलो छ। लाली-पाउडर मात्र होइन धेरै थोरै रङ्ग र मोसो, इत्यादि पनि पोत्नु र घस्नु पर्ने हुन्छ। यो अहिले नारीमा मात्र नभएर पुरुषमा पनि प्रचलनमा आएको छ, तर सुन्दरताको बयान भने नारीलाई नै सुहाउँछ।
तर सबै सुन्दर नारी सुन्दर नहुँदो रहेछ। कुनै कुनै त सुन्दर नै होला तर कसै-कसैको सुन्दरताको पछाडि त्यही लाली-पाउडर, किरिम, इत्यादि कै ठुलो भूमिका पो हुँदो रहेछ!

नपत्याए हेर्नुस् न त! यी चिनियाँ सुन्दरीहरुको सुन्दरतालाई अब के भनेर भनूँ त।

यसरी पो रहेछ छोरी भन्दा...

आमा तरुणी देखिने! जेहोस् यस्तै थप अन्य सुन्दरीलाई हेर्नुहोस्।

तस्वीर: TieXue

अब यी कृत्रिम सुन्दरतालाई देखेर असली सुन्दरताको पहिचान गर्न भने गाह्रो पो हुने हो कि! के छ तपाईको बिचार?

अब मेरो पालो!

2010-10-03T23:55:00.000+08:00

देशमा प्रधानमन्त्री छैन र यहाँको राजनीति एउटा अल्छी लाग्दो नाटक भन्दा केही कम छैन। ६०१ जना सांसदहरुले खै अहिले सम्म के कोट्याएर बसेका छन्, त्यो हामीलाई भन्दा उनीहरुलाई नै राम्ररी ज्ञान होला।

जे भए पनि अहिले नेपालको राजनीति देखेर वाक्क भएको बेला फेरी नयाँ स्वाद लिएर 'virtually' हाम्रो माझ 'राष्ट्रिय जनवार पार्टी' बाट प्रधानमन्त्रीको पदको लागि उम्मेद्वार यहाँ उपस्थित हुनुभएको छ।

हेर्दा बुढा भए पनि, जोश र जाँगर नयाँ लिएर जनताको आवाज सुनेर जनताको सेवा गर्ने बिचार भएको यी
उम्मेद्वारको परिचय र सन्देश भएको यस भिडियो क्लिप यहाँँ पस्केको छु।

"म यो देशको प्रधानमन्त्री बन्न चाहन्छु!"

तपाईहरुसँग उम्मेद्वारज्यूको लागि केही प्रश्न, सुझाब, जिज्ञासा वा कुनै बिचार छ भने, कृपया प्रतिकृयामा कोरिदिनुहोला। धन्यवाद!

* यो पात्र काल्पनिक भएता पनि यसको सोच काल्पनिक हैन! यसको रुप, रङ, ढंग र अन्य चरित्र कुनै जीवित अथवा मृतक राजनीतिक पात्र सँग मिल्न गएमा एउटा संयोग मात्र हुनेछ।

मैले देखेको, मेरो क्यामेराले खिचेको - ५ (परिक्षा स्पेशल)

2010-09-04T00:40:00.003+08:00

परिक्षा आयो, टुप्पी कसेर पढ्दैछु!!

*click image for larger view

बाटो काट्दा नाच्यो भने ...

2010-08-30T00:00:00.000+08:00

"पहिले दाँया, अनि बाँया र फेरि दाँया हेर्नु, अनि गाडी आएको छैन भने मात्र बल्ल बाटो काट्नु ल" , सानो हुँदा घरबाट बाहिर निस्किने बेलामा आमाले भन्नुहुन्थ्यो। अहिले पनि बाटो काट्ने बेलामा ट्राफिक लाइट नभएको क्षेत्रमा बाटो काट्ने बेलामा आमाले भन्नु भएको कुरा सम्झिन्छु।
तर हिजो YouTube मा यो भिडियो हेर्ने मौका मिल्यो।

सुरुमा हेर्दा म छक्क परेँ। तर्सिए भन्नु पर्‍यो। दोश्रो पटक हेर्दा भने
मूर्खलाई हेरे जस्तो लागेर मूर्ख जसरी नै हाँसे। एउटा मनले "बाटो काट्दा पनि किन यसरी नाच्नु पर्ने होला?", भनेर पनि मनमा लाग्यो भने अर्को तिर ख्याल ठट्टाको लागि मात्र पो बनाइएको हो कि यो भिडियो भनेर पनि सोच्न थालेँ।

कतिजनाले यो भिडियो हेर्नु भयो होला? छैन भने हेर्नुस्!

जेहोस् जे भएपनि यस भिडियोबाट के सिक्नु पर्छ भने; हो! बाटो काट्दा नाचेर काट्नु पक्कै पनि ठीक होइन।
(तर एकपटक भने एकदमै खुशी भए भने मलाई पनि बाटोमा नाच्नु मन त छ है!)

तपाईहरु भने के भन्नुहुन्छ? नाच्दै बाटो काट्दा रमाइलो हुन्छ र यस्तो गर्नु राम्रो हो वा यस्तो गर्नु ठीक होइन। तपाईको के कस्तो बिचार छ कमेन्टमा कोरिदिनुहोला। धन्यवाद!

कान नसुनेपछि...

2010-08-27T02:17:00.007+08:00

कान नभएर सुनेन भन्दा त ठिकै हो, तर हाम्रो वरिपरि कान भा'को तर नसुन्नेहरु धेरै छन्। नसुन्ने भन्दा पनि कम सुन्नेहरु (र कहिले भने चाहिने भन्दा बढी सुनिदिने)।

केही समय यता यस्तै 'कान' फेला परेको छ। बेला बेलामा भने राम्ररी सुन्ने गर्छ यो 'कान' तर कहिले भने साह्रै गाह्रो। जवान छ, त्यसैले यो 'कान' देखेर अचम्म लाग्छ, दु:ख लाग्छ। कान जँचाउन जाने फुर्सद छैन पनि भन्छ।

Mr. Potato Head: [in a panic] Where's my ear? Who's seen my ear? Did you see my ear? (Toy Story, 1995)

कुरा गरिरहेका हुन्छौ, 'कान' ले सुने जस्तै लाग्छ तर, कि त 'को रे, हँ?' भनेर नत्र प्वाक्क अर्कै के बोलिदिन्छ। केही दिन अघि फलानोको बिहे भएछ भनेर कुरा चल्दै थियो, मलामी गएको कुरा पो निकालिदियो 'कान'ले। के भन्ने अब?

तर यो 'कान' लाई लिएर मैले पोजिटिभ बिचारहरु सोच्न थालेको छु। हो यस्तो कान हुनु राम्रो त पक्कै पनि होइन,
तर बेला बेलामा भने राम्ररी सुन्ने यो कान एउटा दृष्‍टिकोणले हेर्दा भने फाईदाजनक नि रहेछ।
जस्तै;

कामबाट घर फर्किएपछि जस्तो हल्ला भएपनि 'कान' मस्त निद्रामा हराउँछन् (थकाई पनि लाग्छ)।
अल्छी लाग्दो बिषयमा छलफल चल्दैछ भने नसुने कै राम्रो (सुने पनि आफूलाई मन परेको कुरा निकाल्दिने नि)।
अरुको गाली र नराम्रो बोली पनि सुन्नु परेन।
यदि राम्रैसँग प्रशंसा गरेको सुन्नु भयो भने, 'हँ, के भन्नु भयो रे?', भनी आफ्नो गुणगान दोहोराउन माग गर्नुसक्नुहुन्छ।
त्यसैगरी कसैले 'कान'को कुरा काटिराखेको पनि राम्रो सुन्नुभयो भने नसुने जसो गरी को कस्तो भनेर थाहा पाउन सकिन्छ।
..........

अब यस्तै यस्तै अरु फाईदाहरु पनि निकै छन् होला, म सोच्दैछु। थाहा भएमा अपडेट गर्नेछु; तपाईहरुलाई थाहा भएमा कमेन्टमा कोरिदिनुहोला। धन्यवाद!

(खै! यो लेख मैले चिनेको 'कान'लाई सम्झेर लेखेको हुँँ, उसलाई यो फाईदाको बारेमा ज्ञान छ कि छैन, मलाई केही थाहा छैन।)

अहिले त्यही भएन त!

2010-08-18T18:49:00.009+08:00

हुन त यो फोटो ईन्टरनेटमा धेरै पहिले नै चर्चामा आएको थियो, तर त्यसबेलाको दाँजोमा अहिले Facebook र Twitter चलाउनेहरुको जनसंख्या, रहर र लहर बढ्दो देखेकोले तपाईहरुको माझ यो फोटो यहाँ पस्केको हुँँ।

image: http://twitpic.com/1faqu

"भविष्य-मानव" को कुरा सुनेर यी मानिसहरु यहाँ छक्क परेका छन्। नपरोस् पनि किन, कुरा नै त्यस्तो छ।

तर अहिले ईन्टरनेटमा रमाइरहेको पुस्तालाई हेर्दा यस्तो भविष्यवाणी नगरिएको भएपनि यस्तो समय पनि आउँछ भनेर कसैले सोचेको थिएन होला। फलानोले 'के गर्दैछ?', 'के खायो?', 'के भयो?', इत्यादि भनेर आफ्नो साथीहरुसँग (र भएन भनेर त्यो पनि संसारभर) प्रत्यक्ष सन्देश साथै फोटो/भिडियो आदन-प्रदान गर्न मिल्ने र त्यसमा बिचार र धारणा पनि पोख्न पाइने भनेर कसैले पनि कल्पना गरेको थिएन होला। तर भाग्यवश हामी अहिले त्यही युगमा प्रवेश गरिसकेका छौं।

अब आउने आगामी दिनहरुमा अझै के के पो देख्नु पाइने हो कुन्नि? के छ तपाईहरुको बिचार ?

अब हामी पनि हान्ने कि?

2010-08-10T16:12:00.004+08:00

आजभोलि संसारमा विरोध गर्न 'जुत्ता प्रहार' चर्चाको विषय बनेको छ। सर्वप्रथम भू.पू. अमेरिकी राष्ट्रपति जर्ज बुश, त्यसैगरी चिनियाँ प्रिमियर वन च्या पाओ र अहिले पालो आयो पाकिस्तानी राष्ट्रपति अली जर्दारीको ।

Image: guardian.co.uk

uploaded with ImageShack.us

हिजो बेलुकी मेरो एउटा पाकिस्तानी मित्रले आफ्नो Facebook मार्फत यो समाचार Share गरेका थिए। जर्ज बुशलाई त ईराकी पत्रकारले प्रहार गरेको थियो, तर जर्दारीलाई भने आफ्नै मूलको नागरिकले गरेको भनेर कमेन्टहरु थिए। र जर्दारीलाई यसरी प्रहार गरेको एकदमै उचित हो पनि भनिएको थियो। हुन सक्छ अब पाकिस्तानीहरुलाई पनि आफ्नो राष्ट्रपतिको काम देखेर चित्त नबुझेको होला।

यहाँ नेपालीको स्थिति पनि त्यस्तै छ। हामी नेपालीलाई पनि हाम्रो देशको अवस्था र नेताहरुको नाटक देखेर वाक्कै लाग्न थालिसकेको छ। हुन त ढुङ्गा हान्दा हान्दै पनि अझ सम्म देशमा केही फरक आएको त छैन्, त्यही पनि हामी पनि हाम्रो नेताहरुलाई यसो 'जुत्ता प्रहार' गर्ने कि?

* प्रयास गर्दैमा केही बिग्रिदैन होला :) के छ तपाईको बिचार ?

मैले देखेको, मेरो क्यामेराले खिचेको - ४

2010-07-20T14:59:00.004+08:00

*click image for larger view

नाच्यो झिल्के! नाच्यो!!
Star Ferry, Hong Kong

Dancing King by Ghotane_D is
licensed under a
Creative Commons Attribution-ShareAlike 3.0 Hong Kong License.

फोटोको बारेमा केही बिचार भएमा कृपया कमेन्टमा कोरिदिनुहोला। धन्यवाद!

खै! कसले पो जित्छ?

2010-07-10T14:33:00.000+08:00

अफ्रिका महादेशमा पहिलो पटक आयोजित यस फूटबल विश्वकप निकै नै रमाइलो हुँदैछ। पत्याउनै गाह्रो पनि। कतिले कस्तो कस्तो उत्कृष्ट टिमले जित्छ भनेर लगाएको बाजी थियो, दोश्रो चरणमा पुग्नु पहिले नै सपना प्वाट्ट फुट्यो। मेरो लागि पनि विश्वकपको रमाइलो त्यही दिन सकिएको थियो, जुन दिन जर्मनीले इङ्गल्यान्डलाई ४ गोल लगाइदिएको थियो। त्यसपछि लामो सास फेर्दै ठुलो आश बोक्दै म्याराडोनाको टिमलाई समर्थन गर्न के लागेको थिएँ, फेरि जर्मनीले नै अर्जेन्टिनालाई पनि ४ गोल नै लगाइदियो। भन्ने हो भने मेरो लागि अहिले विश्वकपको रमझम सेलाई सकेको छ।

तर पनि चार वर्षमा एकपटक आउने
यस्तो लोकप्रिय खेलको फाइनल चरण त निद्रा फालेर भएपनि हेर्नै पर्ला भनेर सोच्दै छु। तर बिना समर्थन। नेदरल्यान्डसको यो पहिलो फाइनल प्रवेश र स्पेनको तेश्रो प्रवेश पक्कै पनि रोमाञ्चक हुनेछ भन्ने ठुलो आशा छ। त्यसैगरी मेरो दुवै टिमलाई हराउने जर्मनीलाई आज दक्षिण अम्रिकी उरुग्वेले जित्ला कि नजित्ला मलाई चासो छैन।

** अब यो जर्मन अक्टोपस पाउलले भनेको टिमले जित्ला कि यो सिङ्गापुरे पट्टुले भनेको टिमले जित्ला त?

जे भएपनि तपाई हामीलाई थाहा भएकै कुरा हो, खेलमा एउटा पक्षको जित र अर्कोको हार त पक्कै पनि हुन्छ। तर यसपालि भने कसले जित्छ मलाई भने थाहा भएन। तपाईको बिचारमा कसले जित्ला त?

मैले देखेको, मेरो क्यामेराले खिचेको -३

2010-07-08T11:11:00.002+08:00

*click image for larger view

सिमसिमे पानीमा ...

Hong Kong Disneyland

Minnie Umbrella by Ghotane_D

is licensed under a

Creative Commons Attribution-ShareAlike 3.0 Hong Kong License.

फोटोको बारेमा केही बिचार भएमा कृपया कमेन्टमा कोरिदिनुहोला। धन्यवाद!

" भकुन्डो "

2010-06-30T11:55:00.005+08:00

image: ToonPool.com

दुई टोली
२२ योद्धा
एउटा डल्लो

हेर्नेको भीड
बजाउँदै बाजा
झन्डा र झिलिमिली

सबै तयारी
बज्यो सिट्टी
भयो सुरु!

कसेर लात्ता
कहिले यता, कहिले उता
कहिले पर्ने हो जालैमा?

हेर्दै, चिच्याउँदै
झुरुम्म चपाउँदै
सुरुप्प पिउँदै ...

बीचमा ब्रेक
अनि फेरी सुरु
डल्लो यता, डल्लो उता

मैदानमा जङ
लखेट्यो, खोस्यो, ड्वाङ लड्यो !

पहेलो- रातो

डल्लो बाहिर, फेरी भित्र
थाकेका योद्धा बाहिर, जोशिला भित्र
समयको चाप

बल्ल पर्‍यो जालैमा !
उफ्रियो, नाच्यो
ताली पिटियो

फेरी सिट्टी बज्यो
समय सकियो
एकातिर खुशी, अर्कोतिर दु:खी

अहिले भईरहेको विश्वकप फूटबलमा मस्त हुँदै यस खेललाई सम्झिँदै हाइकु शैलीमा यो लेख लेख्ने प्रयास गरेको हुँँ।
केही थप्नु पर्ने हो कि जस्तो लाग्छ भने, प्रतिकृयामा यसरी नै ३ लाइन गरेर थपिदिनु भएमा पढ्नु निकै रमाइलो हुन्छ जस्तो मलाई लाग्दछ। धन्यवाद!

मैले देखेको, मेरो क्यामेराले खिचेको -२

2010-06-17T22:57:00.001+08:00

*click image for larger view

म सोच्दैछु

(चीन )

Thinking by Ghotane_D

is licensed under a

Creative Commons Attribution-No Derivative Works 3.0 Hong Kong License.

फोटोको बारेमा केही बिचार भएमा कृपया कमेन्टमा कोरिदिनुहोला। धन्यवाद!

लौ अब सुरु भयो!

2010-06-12T14:38:00.002+08:00

चार वर्षको पर्खाइपछि, अफ्रिका महादेशमा पहिलो पटक फूटबलको महामेला हिजोबाट सुरु भएको छ। ३० दिन, ३२ टिमको र यो लोकप्रिय खेलको रमझम!

के गर्नु हाम्रो देशको पनि सहभागिता भएको भए कति रमाउँदै, चन्द्र सूर्य झन्डा बोकेर चिच्याउँदै रमाउँथे होला। केही छैन, अहिले हाम्रो देशको खेलकूद कता हो कता छ, र किन यस्तो छ त्यो हामी सबैलाई राम्ररी थाहा भएकै कुरा हो।
जेहोस् अब आफ्नै देश नभएपनि तपाई हामीले
३२ वटा टिममा आ-आफ्नो रोजाइको टिम छानेर होस् वा नछानेर खेलको मनोरञ्जन त लिइन्छ नि! लिनै पर्‍यो नि, हैन र?
पहिले पहिले साथी भाईहरू सँग बसेर हेर्दा आफ्नै रमाइलो हुन्थ्यो तर अहिले साथीहरुसँगै नभएकोले हिजो राती भने एक्लै हेर्नु पर्‍यो। बेलुकी मेरो क्लास भएकोले उद् घाटन समारोह भने हेर्नु पाइन। केही मिनेट ढिलो भएपनि पहिलो खेल भने हेर्न पाँए।
पहिलो खेल मेक्सिकोले जित्ला भनेर सोचेको थिएँ,१-१ को बराबरीमा टुङ्गियो। द. अफ्रिकाको प्रदर्शनी मैले सोचेको भन्दा धेरै उच्चस्तरिय लाग्यो। खै! यस्तैगरी अहिले छनौटमा परेका अन्य नयाँ टिमहरुले पनि कुनै आश्चर्य नदेखाउला भन्न सकिन्न।

त्यसैगरी थाकेर निद्रालाई मारेर भएपनि हेर्न बसेको फ्रान्स र उरुग्वेको खेल जति रोमाञ्चक भएता पनि ०-० को बराबरीमा टुङ्गिदा त बेक्कारमा निद्रा फाले जस्तो पनि लाग्यो! मलाई त बिना गोलको फूटबल त एकदमै फिक्का लाग्छ।

आजको दुवै खेल भने हिजोको भन्दा पक्कै पनि एकदमै रोमाञ्चक हुन्छ भनेर मलाई लाग्दैछ।

*यो समय द. अफ्रिकाको स्थानिय समय हो (+2GMT)

आज पहिलो खेल दक्षिण कोरियाको पक्षमा र दोश्रो खेल अर्जेन्टिनाको पक्षमा बसेर हेर्ने बिचार छ। अनि तपाईको?

मैले देखेको, मेरो क्यामेराले खिचेको -१

2010-06-09T23:50:00.009+08:00

अब अक्षर भन्दा बढी तस्वीर बोल्छ भनेर तपाई हामीलाई थाहा भएकै कुरा हो। त्यसैले बेला-बेलामा लेख्नु भन्दा यसैगरी मैले देखेको र मेरो क्यामेराले खिचेको फोटोहरु यसरी राख्ने बिचारले यो पहिलो फोटो राख्दैछु।

फोटोको बारेमा केही बिचार भएमा कृपया कमेन्टमा कोरिदिनुहोला। धन्यवाद!

*click image for larger view

डोको आमा

मुस्ताङ, नेपाल २०६७

Doko Aama.jpg by Ghotane D

is licensed under a
Creative Commons Attribution-Noncommercial-No Derivative Works 3.0 Hong Kong License.

कुरा Chinglish को...

2010-06-04T02:13:00.003+08:00

के तपाईंहरुलाई थाहा छ, संसारमा धेरैजनाले बोल्ने भाषा कुन हो?
हामी धेरै जसो ले त अङग्रेजी नै भन्छौँ। भन्नु पनि पर्‍यो, किनभने यता हेर्नुस्, उता हेर्नुस् जता कान फर्काउनुस्, हामीले धेरैजसो अङ्ग्रेजी नै देख्छौ र सुन्छौ पनि। अङ्ग्रेजी नजान्नेहरु त मुख बङ्गाएर, जिब्रो पड्काएर भैसीँ इङ्ग्लिश बोल्नेहरु त छन् हाम्रो वरिपरि।

,
तर धेरैजनाले बोल्ने भाषा अङ्ग्रेजी होइन!

चिनियाँहरुको जनसङ्ख्या धेरै भएर हो की यत्रतत्र धेरै फैलिएकोले हो चिनियाँ भाषा नै संसारमा धेरैजनाले बोल्ने भाषा हो।
तर चिनियाँहरुलाई पनि त विदेशीहरुसँग कुरा गर्नु त पर्‍यो नि! अब फेरी सबै विदेशी अष्ट्रेलियन प्रधानमन्त्री Kevin Rudd जस्तो कहाँ चिनियाँ भाषा बोल्छन त? (कस्तो राम्रो पो बोल्छन त, नपत्याए यहाँ क्लिक गरेर हेर्नुस न)
त्यसैले होला आफ्नो देशमा आउने विदेशी पर्यटकहरुलाई सजिलोको लागि भनेर हो या हामी पनि किन अङ्ग्रेजी नबोल्ने चिनियाँहरुले पनि अङ्ग्रेजी अँगाले। तर अच्चम के भयो भन्दा चीनमा अङ्ग्रेजी भाषा पनि परिवर्तन भयो। नयाँ भयो। हामीले धेरै बोलिने भनेर सोच्ने भाषा र साँचिकै धेरै बोलिने भाषाको मिश्रण भयो। जुन आजभोलि Chinglish भनेर प्रचलित छ।

Created with flickr slideshow.

विशेषगरी चिनियाँ भाषाबाट इङ्ग्लिशमा उल्था गर्दा यस्तो रुप लिएको पाइन्छ। खै! किन यस्तो भयो मलाई ज्ञान भएन तर यो गलत हो भन्ने थाहा पाएर पनि यसलाई सुधार नगर्नु अर्को कुरा हो। चीनको यो आफ्नै विशेषता पो हो की यो?

अब चिनियाँहरुलाई यसबारे के लाग्छ, त्यो त थाहा भएन तर प्राय: विदेशीहरुलाई रमाइलो र एकैछिन भनेपनि ट्वाल्ल परेर सोचेर के भन्न खोजेको रहेछ भनेर कौतहुल भने पक्कै बनाएको छ।

तपाईहरुलाई भने कस्तो लाग्यो? प्रतिक्रियामा कोरिदिनु होला।
अनि Chinglish जस्तै रमाइलो भाषा थाहा छ भने त्यो पनि बुझ्नु पाए रमाइलो हुन्थ्यो :) धन्यवाद!

भगवानका सन्तानहरु ...

2010-06-02T22:48:00.004+08:00

हाम्रो नेपालमा यस्ता नानीहरु पनि छन्, जो भगवान को आँगनमा खेल्छन्, काम गर्छन् र त्यसैगरी जीविकोपार्जन पनि गर्छन्। त्यही साना-साना नानीहरुको जीवनलाई समेटेर कोरियन डाइरेक्टर Yi Seung Jun ले बनाएको यो Children of God डकुमेन्ट्री मैले केही दिन पहिले हेर्ने मौका पाँए।

यी साना नानीहरु पशुपतिनाथको आँगनमा खेल्छन् , आर्यघाटमा दाहसंस्कारको लागि ल्याएको शवको लुगाफाटा बटुल्छन् । पवित्र (तर फोहोर) बाग्मतीमा चिताको खरानी पानीमा डुब्की लगाउँछन्, बाग्मतीमा चढाएको पैसा बटुल्छन्। मन बहलाउन साथी-भाईसँग गीत गाउने यी साना-साना नानीहरुको जीवनीलाई समेटेर बनाएको यो डकुमेन्ट्री तपाईंहरु कति जनाले त हेर्नु भयो होला छैन भने यहाँ हेर्नुहोस्:

यो डकुमेन्ट्री हेरेपश्चात मेरो मन र मस्तिष्कमा धेरै कुरा र बिचारहरु खेलिरहेको छ।
उनीहरुको भाग्य भनूँ या बाध्यता तर यो यस्तो जीवन बिताउनु पर्ने उनीहरुको रोजाइ पक्कै पनि होइन। यो डकुमेन्ट्रीले अन्तरराष्ट्रिय स्तरमा पुरस्कृत र सम्मान त पाएको छ तर यस्ता नानीहरु धेरै छन्, उनीहरुलाई भने कसले के गर्दैछन् त? उनीहरुलाई के गर्न सकिन्छ त? मनमा यस्तै-यस्तै प्रश्न खेलिरहेको छ।

तपाईहरूलाई कस्तो लाग्यो, के बिचार छ, कृपया कमेन्टमा कोरिदिनु होला। धन्यवाद!

साँचो बोल, १ करोड जीत!

2009-07-28T22:39:00.014+08:00

प्रश्न सोधिन्छ, उत्तर साँचो दिनु पर्छ। झुटो बोल्यो भने हारियो, साँचो बोल्यो भने जितियो, तर सत्य सधैं कहाँ मीठो हुन्छ र? यस्तै मीठो र तीतो सत्य ओकाल्ने कार्यक्रम आँउदो रहेछ भारतीय टेलिभिजन च्यानल स्टार प्लसमा ; 'सच का सामना'।

हिजो टि. भी मा च्यानल फेर्दै जाँदा यही कार्यक्रम आइरहेको थियो। कस्तो हुँदोरहेछ भनेर हेर्न बसें र संयोगले सहभागी पनि नेपाली नै रहेछ।

कार्यक्रम हेर्न त रमाइलो नै हुँदोरहेछ, तर बेला बेलामा सोधिने प्रश्न भने सहभागी र उपस्थित सहभागीको परिवारलाई अलि अप्ठ्यारो स्थितिमा पारिदिने रहेछ।

अब झुट कसरी पत्ता लगाँउछन् त?

यो भने Polygraph (Lie Detector Test)मेसिनले चेक गर्दो रहेछ। Polygraph मेसिनले कसरी काम गर्छ, हेर्नुको लागि यहाँ क्लिक गर्नुहोस्।

यो reality show जितेमा १ करोड रकम इनाम पाउने भएपनि म भने यो कार्यक्रममा सहभागी भने हुने थिएन। मेरो बिचारमा हेर्नलाई मज्जा आएपनि आफ्नो निजी कुरा र धारणा यसरी संसार अगाडि राख्नु भने मलाई उचित लागेन है।
के अवसर मिल्यो भने, तपाईं यस्तो कार्यक्रममा भाग लिनुहुन्छ?

ल आइपुगेँ म...

2009-07-26T12:16:00.002+08:00

कोर्न मन त हुन्थ्यो तर मिल्दैन थियो। लेख्न अल्छी लाग्दा त ठिकै हो, तर केही कोर्छु भन्दा चीनको GFW ले रोकिदिन्थ्यो। अब पाँच वर्षको अध्य्यनको अवधि सकाएर म हङकङ फर्किएको छु। चीनकै क्षेत्र भने पनि हङकङमा अहिले पनि आफ्नै विशेष नियम कानुन छ जसले सूचना प्रविधिको माध्यमहरुलाई खासै रोक्ने र टोक्ने काम यहाँ हुँदैन।
त्यसैले मलाई आगामी दिनहरुमा मेरो आफ्नो बिचारहरु यस ब्लगमार्फत खन्याउन खासै समस्या होला जस्तो लाग्दैन। समयले दिएसम्म मैले देखेको, भनेको र सुनेको कुराहरुमा आफ्नो बिचार अवश्य पोख्नेछु। प्रतिक्षा गर्नुहोला...
धन्यवाद!

यो त अलि हजम भएन नि!

2009-05-29T11:45:00.001+08:00

# अपडेट: मेरा साथीहरु र मेरो ब्लगको पाठक मित्रहरुको सहयोगले गर्दा अहिले 'मेरो संसार' ब्लगमा रहेको यो गल्ती सच्चिएको छ।
त्यस सहयोगको लागि तपाईंहरु सबैलाई म धेरै धेरै धन्यवाद टक्रयाउन चाहन्छु।

****************************************************************************

गत मे ९ तारिख मैले 'यदि...' भन्ने शीर्षकमा अमेरिकी राष्ट्रपति ओबामालाई ढाका टोपी र लवेदा पहिराइदिएको थिएँ र यो कुरा मेरो ब्लग पढ्नु हुने सम्पूर्ण पाठक मित्रहरुलाई राम्ररी थाहा भएको कुरा हो। तर आज जब मलाई मेरो मित्र जेम्सले मैले सिँगारेको ओबामालाई यहाँ MySansar.com ब्लगमा पनि रहेछ भनेर देखाएपछि , एकैछिन त म ओहो! कसरी भनेर छक्क परें। तर के लेखेको रहेछ त्यो तस्वीरसँग भनेर पढेको त, त्यो त चलाख राजु पन्थीजीले पो गर्नु भएको हो रे! अब कसैले आफ्नो कुरा मेरो हो भनेर भनिदियो भने कस्तो लाग्छ होला, मलाई अहिले त्यस्तै भइरहेको छ। केही नभए नि यो काम फलानोको हो, मैले संकलन गरेर बुझाएको हुँँ भनेर भनेको भए पनि हुन्थ्यो नि, त्यो पनि छैन बा!

मलाई पुरा विश्वास छ कि यो मैले नै काटाकुटी गरेको तस्वीर हो। त्यसैले मैले उक्त 'मेरो संसार' ब्लगमा आफ्नो हो भनी प्रतिकृया पनि कोरेको थिएँ तर खै अहिले सम्म प्रकाशित नगरेको हो कि, के भएको हो थाहा छैन।

अब नराम्रो र धेरै थोरै भनेपनि रिस त उठ्ने नै भयो, के गर्ने होला, कसो गर्ने होला भनेर सोच्दै पनि छु, छक्क पर्दै पनि छु। तपाईंहरु भने के भन्नु हुन्छ? बरु मिल्छ भने यसो 'मेरो संसार' मा केही भनिदिनु हुन्छ कि। धन्यवाद!

यदि...

2009-05-09T18:10:00.007+08:00

image: ghotane_d

Nepobama.jpg by Ghotane_D

is licensed under a

Creative Commons Attribution-Noncommercial-No Derivative Works 3.0 Hong Kong License.

मच्चिएको महामारी...

2009-05-02T23:59:00.012+08:00

दुई तीन दिन भयो, मलाई सन्चो नभएको। यो मेरो चुहिरहने नाकलाई सम्हाल्न बेला बेलामा निकै गाह्रो भएको छ। साथीहरु मलाई Swine flu लाग्यो भन्दै जिस्काउँदै, म देखि तर्किन खोज्छन। ब्लग लेख्छु भन्दा फुर्सद थिएन, अब बिदामा लेख्छु भन्दा सन्चो भएन। म अल्छीलाई बहाना नै भयो। तर मलाई सामान्य रुघा लागेपनि अहिलेको यो महामारीको समयमा एकदमै होसियार भएको छु। विश्व स्वास्थ्य संगठनको अपडेट पछ्याउँदै र समाचारहरुमा पनि यही ~~सुँगुरे रुघा~~ H1N1 Type Aको चर्चा खोजी रहन्छु।

image: ghotane_d

मेक्सिकोबाट सुरु भएको यो महामारी अहिले अमेरिकी मुलुकहरु र युरोपेली मुलुकहरुमा फैलिसकेको छ र हिजोबाट एसिया पनि भित्रिएको जानकारी आएको छ।

सुंगुरको मासु खाएर होइन तर रोगीको सम्पर्कमा आएमा सर्ने भनिने यो महामारीले पहिले पनि चर्चा पाएको रहेछ तर यसपाली भने सुंगुर, चरा र मान्छेलाई लाग्ने तीन थरीको फ्लु भाइरसको मिश्रण भएकोले यो पहिलेको भन्दा निकै फरक छ। त्यही कारणले गर्दा मान्छेको साधारण रुघासँग लड्न सक्ने शारीरिक क्षमता पनि यो नौलो किसिमको रुघाको लागि कमजोर हुन गएको हो।

अहिले म माओ मुलुकमा नै छु। यहाँ फैलिएको SARS र चरी फ्लुको महामारी त तपाईंहरुलाई राम्ररी याद होला। धन्न यो H1N1 भने यहाँँ बाट चर्किएन, नत्र भने अहिले स्थिति नै धेरै गाह्रो हुन्थ्यो। विशेष गरेर यहाँंको जनसंख्या र अहिले चलिरहेको यो मे महिनाको ३-दिन हुने श्रमिक बिदामा घुम्नेहरुको घुइँचोबाट झन् धेरैलाई सर्ने र नियन्त्रण गर्न अप्ठ्यारो हुने थियो जस्तो मलाई लाग्दछ। तर अहिले पनि हामी सुरक्षित छौं भनेर भन्न भने मिल्दैन। त्यसैले मेरो बिचारमा हामीहरुले यस फ्लु माथि नजर गरिराख्नु जरुरी छ र साथ-साथै आफ्नो स्वास्थ्यको ख्याल पनि। तपाईंहरु आफ्नो स्वास्थ्यको राम्रोसँग हेरचाह गर्नुहोस् होला है।
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

☞ यो महामारी कता फैलिरहेको छ, यसबेला के गर्नु पर्छ, कस्तो सतर्कता अप्नाउनु पर्छ, के गर्नु हुँदैन भन्ने बिषयमा जानकारीको लागि लिङ्कहरु राखिदिएको छु। हेर्नु होला र यहाँ मैले नदिएको र तपाईंहरुलाई थाहा भएको जानकारी प्रतिकृयामा कृपया कोरिदिनु होला। धन्यवाद!

अब कति मूर्ख बन्ने?

2009-04-01T02:30:00.007+08:00

हुन त संसारभरि आजको दिन रमाइलो र ठट्टाको लागि 'April Fool's Day' मनाउने गरिन्छ। गएको पालो यसै दिन पारेर मूर्खहरुको बारेमा लेखेको थिएँ तर यसपालि भने मलाई त्यो मुड नै छैन। होस् पनि कसरी; वर्षभरि नै मूर्ख भएपछि यो जाबो एक दिन के नै रमाइलो। अब कसरी मूर्ख भयो होला वर्षभरि भन्नु हुन्छ भने कथा लामो छ र यो कथामा तपाईहरु पनि पर्नुहुन्छ। तर छोटकरीमा भन्नु पर्दा कुरा हाम्रो नेपाल र हामी नेपालीहरुको हो।

राजतन्त्रको जात्राले वाक्क परेको बेला गणतन्त्रको स्वाद चाख्ने मौका मिल्यो। के के नै होला भनेर आशा गरेको, त्यो अर्को जात्रा पनि चाखियो। यो जात्रामा के के हुँदैछ, यो प्रश्नको उत्तर म विदेशिएको नेपालीलाई भन्दा स्वदेशमा पेलिएको नेपालीलाई नै राम्ररी थाहा छ।

यो, त्यो र ओहो! होला भनेर उज्ज्वल स्वप्न देखेका नेपालीहरु अहिले लोडसेडिङको अन्धकारमा बस्नु पर्दा कस्तो अनुभव गर्दैछन होला? सबै नेपालीहरु एकजुट भएर देशको बिकास र निर्माण हुन्छ होला भन्दा पहाड र मधेश भन्दै देशमा भाँडभैलो हुँदा तपाई हामीलाई कस्तो लाग्यो होला? चक्काजाम, हड़ताल र बन्द त पहिले देखि नै चलिआएको परम्परा, रोकिएको कस्तो हुन्थ्यो होला? सरकारमा रहेका वरिष्ठहरु विदेश सवारी गर्छन तर के हेरेर, के देखेर फर्किन्छन् कुन्नि, त्यही छाप र नाम मात्र फेर्दा हामी आशावादीहरुलाई कस्तो लाग्छ होला?

भारतले हाम्रो नेपालको सिमाना मिचेको मिचे कै, भएन भनेर भारतीय सिनेमाले पनि प्याच्च जे पाए त्यही भन्दा हामी नेपालीलाई कस्तो लाग्छ होला? यति मात्र कहाँ हो र हाम्रै सम्मानीय उप-राष्ट्रपतिज्यूले शपथ ग्रहण गरिबक्सिदा हिन्दीमा नै भुकिदिनु हुँदा हामी नेपालीहरुलाई कस्तो भएको थियो, त्यो हामीलाई मात्र थाहा छ।

कुरा यति मात्र होइन, तर कुरा गरे कुराकै दु:ख छ। असुन्तुष्ट छु र दु:खी छु र त्यही माथि मलाई लाग्द्छ कि देशमा जे जति परिवर्तन ~~आएपनि~~ नआएपनि देश हाँक्ने हाम्रा मूर्ख महामानवहरुले हरेक दिन, हरेक पल हामीलाई धमिलो आश्वासन दिएर मूर्ख नै बनाइरहेका छन्। आशा देखाइ तान्छ, निराशा तिर घचेटिदिन्छ।

अब एउटा राष्ट्र र त्यस राष्ट्रको नागरिकहरुको सपना र आशामाथि यस्तो ख्याल ठट्टा गरे जसरी मूर्खलाई जस्तो व्यवहार गर्छन् भन्दैमा हामी मूर्ख हुनुपर्छ र? हुन त धेरै पटक मूर्ख भएछु, अब कति मूर्ख हुनु। फेरि राष्ट्र-चालक र सहकर्मीहरु महामूर्ख हुन् भन्दैमा हामीहरु उँहाहरुको शरणमा जानुपर्ने पनि त आवश्यक छैन् नि, कि कसो?

Happy Níu (牛) Year

2009-01-26T20:24:00.006+08:00

image: chooyutshing

पशुपतिनाथलाई सबैले रक्षा गरुन् !!

2009-01-05T20:31:00.009+08:00

image: ♣ ℓ u m i è r e ♣ @ Flickr

हाल पशुपतिनाथमा भइरहेको गोलमालप्रति म अहिले यति मात्र भन्न सक्