സൈബർ‍‌‌ ലോകം!

ജാലകം അഗ്രിഗേറ്ററിലെ പുതിയ ഫീച്ചറുകൾ

2010-04-15T06:03:00.000-07:00

മലയാളത്തിൽ ഒട്ടനവധി ബ്ലോഗ് അഗ്രിഗേറ്ററുകൾ നിലവിലുണ്ടങ്കിലും അതിൽ നിന്നും വ്യത്യസ്തമായിട്ടാണു സൈബർ ജാലകം വെബ്‌ പോർട്ടലിന്റെ ഭാഗമായിട്ടുള്ള ജാലകം എന്ന അഗ്രിഗേറ്റർ നിലകൊള്ളൂന്നത്. മലയാളത്തിൽ പോസ്റ്റ് ചെയ്യുന്ന ബ്ലോഗ് പോസ്റ്റുകൾ കണ്ടെത്തുവാനുള്ള ഒരു ഉപാധി എന്നതിനപ്പുറം ജാലകം അഗ്രിഗേറ്റർ അതിന്റെ വ്യത്യസ്തത എപ്പോഴും കാത്ത് സൂക്ഷിക്കുന്നതിന്റെ ഭാഗമായിട്ടാണ് റീഡർ ലിസ്റ്റ് അഗ്രിഗേറ്റർ, പുതിയ പോസ്റ്റുകൾ തത്സമയം തന്നെ അഗ്രിഗേറ്ററിൽ ലിസ്റ്റ് ചെയ്യിക്കുന്നതിനു വേണ്ടിയുള്ള വിഡ്ജറ്റിംഗ് സൌകര്യം, ബുക്ക് മാർക്കിംഗ് സൌകര്യം എന്നിവ അതിന്റെ ഭാഗമായി കൊണ്ട് വന്നിട്ടുള്ളത്. ജാലകം അഗ്രിഗേറ്റർ പുറത്തിറങ്ങി കേവലം ഏഴുമാസങ്ങൾക്കിപ്പുറം മറ്റു അഗ്രിഗേറ്ററുകളെ പിന്തള്ളുവാൻ ജാലകത്തെ സഹായിച്ചത് ബ്ലോഗ് വായനക്കാരുടെ നിസ്സീമമായ സഹകരണം ഒന്നു കൊണ്ട് മാത്രമാണ്. അത് കൊണ്ട് തന്നെയാണ് ബ്ലോഗ് വായനക്കാരുടെ സൌകര്യത്തിനനുസരിച്ചും അവരുടെ അഭിപ്രായങ്ങൾ ഉൾക്കൊണ്ടുകൊണ്ടൂം കാലാനുസൃതമായ മാറ്റങ്ങൾ ജാലകം അഗ്രിഗേറ്ററിൽ വരുത്തുന്നതും. ജാലകം അഗ്രിഗേറ്ററിൽ നിരവധി ഫീച്ചറുകൾ പുതുതായി ഉൾക്കൊള്ളീച്ച് കൊണ്ട്, വായനക്കാർ ചൂണ്ടിക്കാണിച്ച് തരുന്ന/തന്നിട്ടുള്ള പ്രശ്നങ്ങൾ പരിഹരിച്ച് കൊണ്ടും ജാലകത്തിന്റെ അടുത്ത വേർഷൻ പുറത്തിറക്കുകയാണ്.

ജാലകം അഗ്രിഗേറ്ററിൽ രജിസ്റ്റർ ചെയ്തിരിക്കുന്നവരുടെ ഏറ്റവും വലിയ പ്രശ്നം അവരുടെ ചില പോസ്റ്റുകളെങ്കിലും ജാലകത്തിൽ ലിസ്റ്റ് ചെയ്യിക്കുന്നില്ല എന്നായിരുന്നു, അഗ്രിഗേറ്ററിന്റെ ഈ പുതിയ വേർഷനിൽ ഇതെല്ലാം പരിഹരിച്ച് ആട്ടൊ ഫീഡ് ഫൈൻഡർ എന്ന ഓപ്ഷൻ ഉൾക്കൊള്ളിച്ചിട്ടുണ്ട്. നേരത്തെ ജാലകത്തിൽ രജിസ്റ്റർ ചെയ്ത ബ്ലോഗുകൾ പിന്നീടെപ്പോഴെങ്കിലും ഫീഡ് ജെറ്റിൽ അവരുടെ ബ്ലോഗുകൾ ബേൺ ചെയ്യുവാനായി നൽകിയിട്ടുണ്ടങ്കിൽ അവ ജാലകത്തിൽ ലിസ്റ്റ് ചെയ്യാതിരിക്കുകയൊ ലിസ്റ്റ് ചെയ്യുന്നതിനു ബുദ്ധിമുട്ടുകൾ നേരിടുകയൊ ചെയ്തിട്ടുണ്ടായിരുന്നു. ഇതിനു പരിഹാരമായി ആട്ടൊ ഫീഡ് ഫൈൻഡർ ഉൾക്കൊള്ളിച്ചിരിക്കുന്നതിൽ നേരത്തേ ഉപയോക്താക്കൾക്കുണ്ടായ ബുദ്ധിമുട്ടുകൾ ഒരു പരിധി വരെ പരിഹരിക്കാൻ സാധിച്ചിട്ടുണ്ട്.

പുതിയ അഗ്രിഗേറ്റർ നിലവിൽ വരുന്നതോട് കൂടി ജാലകത്തിന്റെ വിഡ്ജറ്റ് കോഡ് ഇൻസ്റ്റാൾ ചെയ്തിരിക്കുന്ന ബ്ലോഗുകൾ അവരുടെ പുതിയ ബ്ലോഗ് പോസ്റ്റുകൾ ജാലകത്തിൽ ഉൾകൊള്ളീക്കുവാ‍നായി ക്ലിക്ക് ചെയ്യുന്ന അവസരത്തിൽ പുതിയ കോഡ് ജനറേറ്റ് ചെയ്യുകയും പഴയ വിഡ്ജറ്റ് കോഡിന്റെ സ്ഥാനത്ത് പുതുതായി ജനറേറ്റ് ചെയ്ത് വരുന്ന വിഡ്ജറ്റ് കോഡ് റീപ്ലെയിസ് ചെയ്താൽ മതിയാകും.

പോസ്റ്റ് കാറ്റഗറി തിരഞ്ഞെടുക്കാം

ജാലകം അഗ്രിഗേറ്റർ ഉപയോഗിക്കുന്നവരുടെ മറ്റൊരു പ്രധാന പ്രശ്നം പോസ്റ്റുകളുടെ വിഭാഗത്തെക്കുറിച്ചുള്ളവയായിരുന്നു. എന്നാൽ ജാലകത്തിന്റെ ഈ വേർഷനിൽ, ജാലകം വിഡ്ജറ്റ് കോഡ് ഉപയോഗിച്ച് ഫീഡ് റീഫ്രഷ് ചെയ്യുമ്പോൾ പുതിയ പോസ്റ്റിന്റെ കാറ്റഗറി (വിഭാഗം) ഉപയോക്താക്കൾ തന്നെ തിരഞ്ഞെടുക്കാവുന്ന വിധമാണ് ഡിസൈൻ ചെയ്തിരിക്കുന്നത്.

ഇതുവഴി ഉപയോക്താക്കൾക്ക് തന്നെ അവർ പബ്ലിഷ് ചെയ്യുന്ന പോസ്റ്റുകൾ അവർക്കിഷ്ടപ്പെട്ട കാറ്റഗറിയിൽ ഉൾപ്പെടുത്തി ജാലകത്തിൽ നൽകാൻ സാധിക്കും. പുതിയ വിഡ്ജറ്റ് കോഡ് ഇൻസ്റ്റാൾ ചെയ്തിരിക്കുന്ന ബ്ലോഗുടമകൾ അവയിൽ ക്ലീക്ക് ചെയ്താലുടനെ തന്നെ പോസ്റ്റുകളുടെ കാറ്റഗറി ഒരു ഡ്രോപ്പ് ഡൌൺ മെനുവായ് വരികയും അവിടെ നിന്നും അവർക്ക് വേണ്ട കാറ്റഗറി സെലക്റ്റ് ചെയ്ത് നൽകാനും സാധിക്കും വിധമാണു ജാലകത്തിന്റെ വിഡ്ജറ്റ് കോഡ് രൂപകല്പന ചെയ്തിരിക്കുന്നത്. ഇതിനായി ജാലകത്തിന്റെ വിഡ്ജറ്റ് സൌകര്യം ഉപയോഗിക്കേണ്ടത് ആവശ്യമാണ്.

വിഡ്ജറ്റ് വഴി ഒരു പോസ്റ്റ് റീഫ്രഷ് ചെയ്യുമ്പോൾ ലഭിക്കുന്ന സ്ക്രീൻ താഴെ കാണാം.

ഷെയർ പോസ്റ്റ്

ജാലകത്തിൽ ഉൾക്കൊള്ളീച്ചിരിക്കുന്ന മറ്റൊരു ഫീച്ചർ ഷെയർ ഓപ്ഷനാണ്. ഇതു വഴി ഒരു ബ്ലോഗ് മുഴുവനായി നിങ്ങളുടെ റീഡറിൽ സബ്‌സ്ക്രൈബ്/ ഷെയർ ചെയ്യുന്നതിനു പകരം അഗ്രിഗേറ്ററിൽ ലിസ്റ്റ് ചെയ്ത് വരുന്ന ബ്ലോഗ് പോസ്റ്റുകളിൽ നിന്നും നിങ്ങൾക്കിഷ്ടപ്പെട്ട പോസ്റ്റുകൾ അഗ്രിഗേറ്ററിൽ നിന്ന് കൊണ്ട് തന്നെ ട്വിറ്റർ, ഫേസ്ബുക്ക്, ഗൂഗിൾ ബസ്, റീഡർ എന്നീവിടങ്ങളിലേക്ക് ഷെയർ ചെയ്ത് നൽകാൻ സാധിക്കും.

ഇഷ്ട ബ്ലോഗുകൾ ഹൈലൈറ്റ് ചെയ്യുക.

നിങ്ങളുടെ ഇഷ്ടബ്ലോഗുകളിൽ നിന്നുള്ള പോസ്റ്റുകൾ മറ്റു ബ്ലോഗ് പോസ്റ്റുകളിൽ നിന്ന് വേർതിരിച്ച് കാണിക്കുന്നതിനു വേണ്ടി ഹൈലൈറ്റിംഗ് ഓപ്ഷൻ ഈ വേർഷനിൽ ഉൾക്കൊള്ളിച്ചിട്ടുണ്ട്. എന്നാൽ ഈ സൌകര്യം ലഭ്യമാവുന്നതിനു വേണ്ടി ജാലകത്തിൽ നിങ്ങളുടെ ജിമെയിൽ അക്കൌണ്ടുപയോഗിച്ച് ലോഗിൻ ചെയ്യേണ്ട ആവശ്യമുണ്ട്.

ഒരു പോസ്റ്റിനു മുകളിൽ മൌസ് കൊണ്ടുവരുമ്പോൾ ചിത്രത്തിൽ കാണിച്ചിരിക്കുന്ന ഒരു ടൂൾ ബാർ കാണാവുന്നതാണ്.

അതിലെ അവസാന ബട്ടണിൽ അമർത്തിയാൽ ആ ബ്ലോഗിനെ ഹൈലൈറ്റ് ചെയ്യാം.

ഇങ്ങനെ ഹൈലൈറ്റ് ചെയ്തുകഴിഞ്ഞാൽ പിന്നീട് ഈ ബ്ലോഗിൽ നിന്നുള്ള പോസ്റ്റുകൾ മറ്റൊരു ബാക്ക്ഗ്രൌണ്ട് കളറിൽ കാണാവുന്നതാണ് (ലോഗിൻ ചെയ്തു കഴിഞ്ഞാൽ). കൂടുതൽ താല്പര്യമുള്ള ബ്ലോഗുകളിൽ നിന്നുള്ള പോസ്റ്റുകളെ ഇതുവഴി മറ്റുള്ളവയിൽ നിന്നും വേർതിരിച്ച് കാണാം.

പ്രിവ്യൂ സൌകര്യം

ജാലകം അഗ്രിഗേറ്ററിന്റെ ഈ വേർഷനിൽ ഉൾക്കൊള്ളിച്ചിരിക്കുന്ന മറ്റൊന്ന് ബ്ലോഗ് പോസ്റ്റുകളുടെ പ്രിവ്യൂ സൌകര്യമാണ്. ജാലകത്തിൽ ലിസ്റ്റ് ചെയ്യുന്ന ബ്ലോഗ് പോസ്റ്റുകളിൽ നിന്ന് ലഭ്യമായ ഫീഡിന്റെ പ്രിവ്യൂ ഓരൊ പോസ്റ്റിന്റെയും വലതു വശത്തായി കാണുന്ന ലെൻസ് ഐക്കണിൽ ക്ലീക്ക് ചെയ്ത് കഴിഞ്ഞാൽ ജാലകത്തിൽ നിന്ന് തന്നെ കാണുവാൻ സാധിക്കുകയും തുടർന്ന് പ്രിവ്യൂ വായിച്ചതിൽ നിന്നും പ്രസ്തുത ബ്ലോഗ് പോസ്റ്റ് വായിക്കണമൊ വേണ്ടയൊ എന്ന് തീരുമാനിക്കാനുള്ള സൌകര്യം കൂടെ വായനക്കാരന് നൽകുന്നു. പ്രിവ്യൂ സൌകര്യം ഉപയൊഗിക്കുന്നത് ഉപയോക്താവിന്റെ ഇന്റർനെറ്റ് ബാൻഡ് വിഡ്ത്ത് അനാവശ്യമായി നഷ്ടപ്പെടുന്നത് തടയാൻ ഒരു പരിധി വരെ സഹായിക്കുന്നു.

നിങ്ങളുടെ അഭിപ്രായങ്ങൾ ജാലകത്തിന്റെ സൌകര്യങ്ങൾ ഇനിയും വർദ്ധിപ്പിക്കുന്നതിനായി ആവശ്യമാണ്. അത് കൊണ്ട് തന്നെ തുടർന്നും നിങ്ങളുടെ നിസ്സീമമായ സഹകരണം ഞങ്ങൾ പ്രതീക്ഷിക്കുന്നു.

സൈബർ ജാലകത്തിനു വേണ്ടീ.

ചുമ്മാ...

2010-02-17T17:06:00.000-08:00

ഓ.. ഒന്നുമില്ല. ഇവിടെയൊക്കെ തന്നെയുണ്ടന്ന് അറിയിക്കാന്ന് കരുതി.... എന്നാ ശരി..

ജാലകം അഗ്രിഗേറ്റർ-കൂടുതൽ ഫീച്ചറുകളുമായി

2009-11-28T03:17:00.000-08:00

മലയാളം അഗ്രിഗേറ്ററുകളുടെ ചരിത്രത്തിൽ ഒരു പുതിയ വഴിത്താര തെളീച്ച് കൊണ്ടാണ് ജാലകം അഗ്രിഗേറ്റർ മലയാളം ബ്ലോഗുലകത്തിലേക്ക് കടന്ന് വരുന്നത്. ഈ വർഷം ആഗസ്റ്റ് 31 ന് പുറത്തിറങ്ങിയ ജാലകം അഗ്രിഗേറ്ററിന് ചുരുങ്ങിയ കാലം കൊണ്ട് തന്നെ ബ്ലോഗ് വായനക്കാരുടെ ഇടയിൽ സാന്നിദ്ധ്യം ഉറപ്പിക്കാൻ കഴിഞ്ഞു എന്നത് അഭിമാനകരമായ ഒരു നേട്ടമായി ഞങ്ങൾ കണക്ക് കൂട്ടൂന്നു. ജാലകം അഗ്രിഗേറ്റർ പുറത്തിറങ്ങിയിട്ട് മൂന്ന് മാസം തികയുന്ന ഈ അവസരത്തിൽ അഗ്രിഗേറ്ററിന്റെ ഭാഗമായിട്ട് ഒരു റീഡർ ലിസ്റ്റ് അഗ്രിഗേറ്റർ കൂടി തുടങ്ങുകയാണ്. വായനാലിസ്റ്റുകളെ പ്രോത്സാഹിപ്പിക്കുകയും അതു വഴി മികച്ച ബ്ലോഗ് പോസ്റ്റുകൾ വായനക്കാരിൽ എത്തിക്കുക എന്നതുമാണ് റീഡർ ലിസ്റ്റ് അഗ്രിഗേറ്റർ കൊണ്ട് സൈബർ ജാലകം ടീം ഉദ്ദേശിക്കുന്നത്. ജാലകം അഗ്രിഗേറ്ററിനോടൊപ്പം തന്നെ വലതു ഭാഗത്തായിട്ടാണ് റീഡർ ലിസ്റ്റ് അഗ്രിഗേറ്ററും തയ്യാറാക്കിയിരിക്കുന്നത്.

ജാലകം റീഡർ ലിസ്റ്റ് അഗ്രിഗേറ്ററിനെക്കുറിച്ച്.

അഗ്രിഗേറ്ററിന്റെ രജിസ്ട്രേഷൻ വിഭാഗത്തിൽ ആഡ് ചെയ്യുന്ന ഷെയറിംഗ് ലിസ്റ്റുകളിൽ നിന്നും അവയുടെ ഫീഡുകൾ പരിശോധിച്ചാണ് റീഡർ ലിസ്റ്റ് അഗ്രിഗേറ്റർ ക്രിയേറ്റ് ചെയ്യുന്നത്, ഉദാഹരണത്തിനു പത്ത് പേർ അഗ്രിയിൽ അവരവരുടെ റീഡർ ലിസ്റ്റുകൾ ചേർത്ത് കഴിഞ്ഞാൽ അവയുടെ ഫീഡ് പരിശോധിച്ച് ഒരേ പോസ്റ്റ് ഒന്നിൽ കൂടുതൽ ആളുകൾ ഷെയർ ചെയ്തിട്ടുണ്ടങ്കിൽ ഷെയർ ചെയ്തിരിക്കുന്നവരുടെ എണ്ണമനുസരിച്ച് ആ പോസ്റ്റ് അഗ്രിയുടെ ഏറ്റവും മുകളിലായി വരും, ആരൊക്കെയാണ് പ്രസ്തുത പോസ്റ്റ് ഷെയർ ചെയ്തിരിക്കുന്നതെന്നും അറിയാൻ സാധിക്കുന്ന വിധമാണ് റീഡർ ലിസ്റ്റ് അഗ്രിഗേറ്റർ ഡിസൈൻ ചെയ്തിരിക്കുന്നത്. ജാലകം അഗ്രിഗേറ്ററിൽ വരുന്ന പോസ്റ്റുകൾക്കും റീഡർ ലിസ്റ്റ് അഗ്രിഗേറ്ററിൽ വരുന്ന പോസ്റ്റുകൾക്കും നേരെയായി ഒരു ഗ്രേഡിംഗ് (വോട്ടിങ്ങ്) ഓപ്ഷൻ കൂടി നൽകിയിട്ടുണ്ട്. ഓരോ പോസ്റ്റിന്റേയും വലതുവശത്തായി കാണുന്ന എന്ന ഐക്കണിൽ ക്ലിക്ക് ചെയ്താൽ വോട്ടുരേഖപ്പെടുത്തുവാനും വീണ്ടും ക്ലിക്ക് ചെയ്താൽ ചെയ്ത വോട്ട് റദ്ദാക്കുവാനും സാധിക്കും. വോട്ട് രേഖപ്പെടുത്തിക്കഴിഞ്ഞാൽ ഐക്കൺ ആയി മാറുകയും റദ്ദാക്കി കഴിഞ്ഞാൽ ആയി മാറുകയും ചെയ്യും.( ജിമെയിൽ അക്കൌണ്ടുള്ളവർക്ക് അഗ്രിഗേറ്ററിൽ ലോഗിൻ ചെയ്ത് കഴിഞ്ഞാൽ ഓരോ പോസ്റ്റുകൾക്കും ഗ്രേഡ് നൽകാൻ സാധിക്കുന്ന വിധമാണ് ജാലകം അഗ്രിഗേറ്റർ ക്രമീകരിച്ചിരിക്കുന്നത്). ഒരു ജിമെയിൽ അക്കൌണ്ടിൽ ഒരു പോസ്റ്റിനു ഒരു വോട്ട് മാത്രമെ ഒരാൾക്ക് അനുവദിച്ചീട്ടുള്ളൂ, ഓരൊ പോസ്റ്റിനും നേരെയായി എത്ര വോട്ടുകളാണ് ഒരു പോസ്റ്റിനു ലഭിച്ചിട്ടുള്ളത് എന്നറിയാൻ ഇതുവഴി സാധിക്കും. അഗ്രിഗേറ്ററിൽ ലോഗിൻ ചെയ്യാതെ തന്നെ ഇവ കാണാൻ സാധിക്കും. എന്നാൽ അഗ്രിഗേറ്ററിൽ ലോഗിൻ ചെയ്ത് കഴിഞ്ഞാൽ ആ യൂസർ ഇതുവരെ ഷെയർ ചെയ്തിട്ടുള്ള പോസ്റ്റുകൾ, വോട്ട് ചെയ്ത പോസ്റ്റുകൾ എന്നിവ യൂസറുടെ പ്രൊഫൈൽ പേജിൽ കാണുന്ന വിധമാണ് ഡിസൈൻ. ആരൊക്കെയാണ് പോസ്റ്റുകൾ ഷെയർ ചെയ്തിരിക്കുന്നതെന്ന് ഷെയറിംഗ് അഗ്രിയിലെ യുസർ ഐക്കണിൽ മൌസ് ഓവർ ചെയ്യുമ്പോൾ തന്നെ കാണാനും മാത്രമല്ല ആ യൂസറുടെ മുഴുവൻ വായനാലിസ്റ്റിലെക്കും അവയിൽ കാണുന്ന ലിങ്കുകളിൽ ക്ലിക്ക് ചെയ്താൽ റീഡയറക്റ്റ് ചെയ്ത് മാറുകയും ചെയ്യും.

റീഡറിൽ ഷെയർ ചെയ്തിരിക്കുന്ന പോസ്റ്റുകൾ ഷെയർ ചെയ്തത് കൊണ്ട് മാത്രം മികച്ചതാവണമെന്നില്ല എന്നത് കൂടീ കണക്കിലെടുത്താണ് ഷെയേഡ് ലിസ്റ്റ് അഗ്രിയിലും ഗ്രേഡിംഗ് ഓപ്ഷൻ കൊടുത്തിരിക്കുന്നത്, അത് പോലെ ഷെയർ ചെയ്യാത്തവർക്ക് നല്ല പോസ്റ്റുകൾ എന്ന് തോന്നുന്നുവെങ്കിൽ വോട്ടിംഗ് ഓപ്ഷൻ വഴി ഒരു പോസ്റ്റിന് റേറ്റിംഗ് നൽകാം. വോട്ടീംഗ് ഓപ്ഷന്റെയും ഷെയറിംഗിന്റെയും മാനദണ്ടം “ രണ്ട് യൂസർ വോട്ടൂകൾക്ക് ഒരു ഷെയേഡ് വോട്ട് “ എന്ന കണക്കിനാണ്. തൽക്കാലം ഈ മാനദണ്ടമനുസരിച്ച് പോസ്റ്റുകൾ വേറേ ലിസ്റ്റ് ചെയ്യുന്നില്ല എങ്കിലും വോട്ടിംഗിന്റെ ട്രെന്റ് കണക്കാക്കിയിട്ട്, ഒരു ഷെയറിംഗിനു തുല്യം 2 വോട്ടൂകൾ എന്ന കണക്കിൽ ടോപ്പ് പോസ്റ്റുകൾ മറ്റൊരു പേജിൽ ഓപ്പൺ വരുന്ന രീതിയിൽ പിന്നീട് വരുന്നതായിരിക്കും. ( അതായത് 6 പേർ ഒരു പോസ്റ്റ് ഷെയർ ചെയ്തിട്ടൂണ്ട്, അത് പോലെ 14 പേർ ഒരു പോസ്റ്റ് വോട്ട് ചെയ്തിട്ടുമുണ്ടങ്കിൽ ടോപ്പിൽ വരിക 14 പേർ ഗ്രേഡ് ചെയ്ത പോസ്റ്റായിരിക്കും (1 share count = 2 user votes). ഇത് പർപ്പസായി ചില പോസ്റ്റുകൾ ഉയർത്തുന്നത് തടയാനായിട്ടാണ്. മിനിമം രണ്ട് പേരെങ്കിലും ഷെയർ ചെയ്താൽ മാത്രമെ പോസ്റ്റുകൾ ഷെയറിംഗ് അഗ്രിയിൽ കാണിക്കു, ചില ബ്ലോഗർമാർ അവരവരുടെ പോസ്റ്റുകൾ മാത്രം ഷെയർ ചെയ്യുന്നവരാണ് എന്നത് കൂടീ കണക്കിലെടൂത്തിട്ടാണ് ഇങ്ങനെ ചെയ്യുന്നത്.

മറ്റൊരു സൌകര്യം കൂടീ പുതിയ അഗ്രിഗേറ്ററിൽ ഒരുക്കിയിട്ടുണ്ട്. ജിമെയിൽ അക്കൌണ്ട് ഉപയോഗിച്ച് ലോഗിൻ ചെയ്യുന്ന ഒരാൾക്ക് ജാലകം അഗ്രിഗേറ്ററിൽ വരുന്ന പോസ്റ്റുകൾ ബുക്ക് മാർക്ക് ചെയ്യാൻ സാധിക്കും,

പോസ്റ്റുകളുടെ താഴെയായി കാണുന്ന ബുക്ക് മാർക്ക് ഐക്കണിൽ ക്ലിക്ക് ചെയ്താൽ തങ്ങൾക്കിഷ്ടപ്പെട്ട ബ്ലോഗുകൾ അവരവരുടെ പ്രൊഫൈൽ പേജിന് കീഴെ ബുക്ക്മാർക്ക് ചെയ്യപ്പെടും.

ഇതിനായി പോസ്റ്റുകൾ ബുക്ക് മാർക്ക് ചെയ്തതിനു ശേഷം പ്രൊഫൈൽ ടാബിന് കീഴെയായി കാണുന്ന ബുക്ക് മാർക്ക് സെക്ഷന്റെ വലതു വശത്തായി കാണുന്ന റിഫ്രഷ് ബട്ടണിൽ ഒരു തവണ അമർത്തിയാൽ മതിയാകും.ഒറ്റ നോട്ടത്തിൽ വായിക്കണമെന്ന് തോന്നുന്ന പോസ്റ്റുകൾ പെട്ടന്ന് ബുക്ക്മാർക്ക് ചെയ്ത് വെയ്ക്കുവാനും സമയം കിട്ടുന്നതിനനുസരിച്ച് വായിക്കാനോ റെഫർ ചെയ്യാനോ ഇതുവഴി കഴിയും. ബുക്ക്മാർക്ക് ചെയ്ത പോസ്റ്റിന്റെ വലതുവശത്തു കാണുന്ന ബട്ടണിൽ ക്ലിക്ക് ചെയ്താൽ അതിനെ ബുക്ക്മാർക്കിൽ നിന്ന് നീക്കം ചെയ്യുവാൻ സാധിക്കുന്നതാ‍ണ്.

മൂന്ന് രീതിയിലാണു റീഡർ ലിസ്റ്റിൽ ഷെയർ ചെയ്യപ്പെടുന്ന പോസ്റ്റുകൾ അഗ്രിയിൽ കാണിക്കുക, മാസത്തിൽ ഏറ്റവും കൂടുതൽആൾക്കാർ ഷെയർ ചെയ്യുന്നവ, ആഴ്ചയിൽ ഏറ്റവും കൂടുതൽ ഷെയർ ചെയ്യുന്നവ, ദിവസത്തിൽ ഏറ്റവും കൂടുതൽ ഷെയർ ചെയ്യുന്നവ. ഇതെല്ലാം ടാബ് വൈസ് ആയി സെറ്റ് ചെയ്തിട്ടുണ്ട്. നേരത്തെയുണ്ടായിരുന്ന സംവിധാനം മാറ്റി ഒരൊ അരമണിക്കൂറിലുമായിരിക്കും ജാലകം അഗ്രിഗേറ്റർ അപ്ഡെറ്റ് ചെയ്യുന്നത് (പഴയത് പോലെ തന്നെ ബ്ലോഗുകളിൽ ഉൾക്കൊള്ളിച്ചിട്ടുള്ള വിഡ്ജറ്റ് കോഡുകളിൽ ക്ലിക്ക് ചെയ്താൽ ഉടൻ തന്നെ അവ അഗ്രിഗേറ്ററിൽ കൂട്ടിച്ചേർക്കപ്പെടും), റീഡർ ലിസ്റ്റ് അഗ്രിഗേറ്റർ ഓരൊ ആറ് മണിക്കൂറീലും അപ്ഡേറ്റ് ചെയ്യപ്പെടും. മാത്രമല്ല ഓരൊ ദിവസവും റീഡർ ലിസ്റ്റിൽ വരുന്ന പോസ്റ്റുകൾ മാറിക്കൊണ്ടെയിരിക്കും. (ഉദാഹരണത്തിന് ഒരു ബ്ലോഗ് പോസ്റ്റ് ഇന്നേ ദിവസം പബ്ലിഷ് ചെയ്യുകയും അതേ ദിവസം തന്നെ ഒരു യൂസർ അതിനെ തന്റെ ഷെയേഡ് ലിസ്റ്റിൽ ഉൾക്കൊള്ളിക്കുകയും ചെയ്താൽ ദിവസേനയുള്ള ഷെയേഡ് പോസ്റ്റുകളുടെ ടാബിനു കീഴെ പോസ്റ്റ് പബ്ലീഷ് ചെയ്ത സമയം മുതൽ പിറ്റേ ദിവസം അതേ സമയം വരെ അവിടെ തന്നെയുണ്ടാകും. ആഴ്ചയിലെ ഷെയേഡ് പോസ്റ്റുകളുടെ ടാബിന് കീഴെ ഒരാഴ്ചയോളം ഈ പോസ്റ്റുണ്ടാകും, മാ‍സത്തിന് വേണ്ടിയുള്ള ടാബിനു കിഴെയായി ഒരു മാസത്തോളവും ഈ പോസ്റ്റുകളുണ്ടാവും )

ഇതിലെ മൂന്ന് വിഭാഗത്തിനും പ്രത്യേകം RSS ഫീഡുകൾ ലഭ്യമാണ്. ഓരോ ടാബിന്റേയും വലതുഭാഗത്ത് മുകളിലായി കൊടുത്തിരിക്കുന്ന ബട്ടണിൽ അമർത്തിയാൽ അതാതു വിഭാഗത്തിലെ പോസ്റ്റുകൾ ഫീഡിലേക്ക് പോകാവുന്നതാണ്.

എങ്ങനെ റീഡർ ലിസ്റ്റുകൾ ക്രിയേറ്റ് ചെയ്യാം.

ഫീഡ് എന്താണെന്നും അവയുടെ ഉപയോഗമെന്താണെന്നും വളരെ വിശദമായി തന്നെ ആദ്യാക്ഷരി ബ്ലോഗിലെ ഈ പോസ്റ്റിൽ നൽകിയിട്ടുണ്ട്, അതു വായിച്ച് മനസ്സിലാക്കാൻ പറ്റാത്തവരുണ്ടങ്കിൽ അവർക്കായി ഒരു കുറിപ്പ്,

ആദ്യമായി ഗുഗിൾ നൽകുന്ന സൌകര്യമായ റീഡറിൽ നിങ്ങളൂടെ ഗൂഗിൾ അക്കൌണ്ട് ഉപയോഗിച്ച് ലോഗിൻ ചെയ്യുക.

ലോഗിൻ ചെയ്ത് കഴിഞ്ഞാൽ റീഡറിന്റെ ഇടത് വശത്തായി Add Subcription എന്നൊരു ബട്ടൺ കാണുവാൻ സാധിക്കും. ഇവിടെ ക്ലിക്ക് ചെയ്ത് കഴിഞ്ഞാൽ ഒരു ടെക്സ്റ്റ് ഏരിയ തുറന്ന് വരികയും തുടർന്ന് അവിടെ നിങ്ങൾക്കിഷ്ടപ്പെട്ട ബ്ലോഗുകളുടെയൊ സൈറ്റുകളുടേയൊ യൂ ആർ എൽ നൽകുക.

ശേഷം ഇടത് വശത്തായി കാണുന്ന ആൾ ഐറ്റംസ് (All Items) എന്ന ബട്ടണിൽ ക്ലിക്ക് ചെയ്ത് കഴിഞ്ഞാൽ ആഡ് ചെയ്ത ബ്ലോഗുകളുടെയോ സൈറ്റുകളുടെയൊ ഫീഡൂകൾ വലതു വശത്തായി കാണാൻ കഴിയും. ഇത്രയും ചെയ്ത് കഴിഞ്ഞാൽ നിങ്ങളുടെ റീഡർ ലിസ്റ്റുകൾ തയ്യാറായിക്കഴിഞ്ഞു.

ഇനി നിങ്ങളുടെ റീഡർ ലിസ്റ്റിൽ നിന്നും ഇഷ്ടപെട്ട ബ്ലോഗ് പോസ്റ്റുകൾ മറ്റുള്ളവർക്കായി ഷെയർ ചെയ്യണമെങ്കിൽ ഇടത് വശത്തായി കാണുന്ന Your Stuffs എന്ന ഐക്കണിനു കീഴെയായി Shared Items എന്ന മറ്റൊരു ബട്ടൺ കാണാൻ കഴിയും, ഇവിടെ ക്ലിക്ക് ചെയ്താൽ വലതു വശത്തായി ഷെയറിംഗ് സെറ്റിംഗ്സ് (sharing Settings) എന്നൊരു ഓപ്ഷൻ കാണാൻ സാധിക്കും, ഇവിടെ ക്ലിക്ക് ചെയ്താൽ മറ്റൊരു പേജ് തുറന്ന് വരികയും ഇവിടെ നിങ്ങളുടെ ഷെയറിംഗിന്റെ സെറ്റിംഗ്സുകൾ കൊടുക്കാവുന്നതുമാണ്.

മറ്റുള്ളവരെ ഏതൊക്കെ പോസ്റ്റുകളാണ് നമുക്കിഷ്ടപ്പെട്ടത് എന്ന് കാണിക്കുന്നതിനായി ഏറ്റവും മുകൾഭാഗത്തായി കാണുന്ന കോമ്പോ ബോക്സിൽ നിന്നും Public Anyone Can View എന്ന ഓപ്ഷൻ തിരഞ്ഞെടുത്ത് കഴിഞ്ഞാൽ മറ്റുള്ളവർക്ക് നമുക്കിഷ്ടപ്പെട്ട ബ്ലോഗ് പോസ്റ്റുകൾ എതൊക്കെയാണെന്ന് കാണുവാൻ സാധിക്കും.

തുടർന്ന് ഇടത് വശത്തായി കാണുന്ന All Items എന്ന ഓപ്ഷനിൽ ക്ലീക്ക് ചെയ്താൽ വലത് വശത്തായി നമ്മുടെ റീഡർ ലിസ്റ്റുകൾ തുറന്ന് വരികയും ഓരൊ പോസ്റ്റിനും കീഴെയായി ഷെയർ എന്ന മറ്റൊരു ഐക്കൺ കാണുവാനും സാധിക്കും, ഇവിടെ ക്ലിക്ക് ചെയ്താൽ മറ്റുള്ളവർക്ക് ഷെയർ ചെയ്യുന്ന പോസ്റ്റുകൾ ഏതൊക്കെയാണെന്ന് അറിയുവാനും അതു വഴി റീഡറിൽ നിന്നോ അതുമല്ലെങ്കിൽ പോസ്റ്റുകളുടെ ലിങ്കുകളിൽ ക്ലിക്ക് ചെയ്ത് അവ പബ്ലീഷ് ചെയ്തിരിക്കുന്ന ബ്ലോഗ് പോസ്റ്റുകളിൽ പോയൊ അവ വായിക്കുവാൻ സാധിക്കും. മികച്ച ബ്ലോഗ് പോസ്റ്റുകളോ ആർട്ടിക്കിളുകളൊ ഷെയർ ചെയ്യുന്നത് വഴി നമ്മുടെ സുഹൃത്തുക്കൾക്കും അവ വായിക്കുവാനും ഷെയർ ചെയ്യാനും സാധിക്കും. കൂടുതൽ ആൾക്കാരിലേക്ക് മികച്ച പോസ്റ്റുകൾ എത്തും എന്നതാണ് ഇതിന്റെ ഗുണം, മാത്രമല്ല സെലക്റ്റീവ് ആയിട്ടുള്ള വായനക്കാർ ഏറ്റവും കൂടുതൽ പ്രിഫർ ചെയ്യുന്നതും ഈ വഴിയാണ്. എല്ലാ ബ്ലോഗുകളും ആർട്ടിക്കിളുകളും വായിക്കുന്നതിനു പകരം തങ്ങൾക്കിഷ്ടപ്പെട്ട ബ്ലോഗുകളൊ സൈറ്റുകളൊ മാത്രം സബ്സ്ക്രൈബ് ചെയ്ത് അവയിൽ വരുന്ന ആർട്ടിക്കിളൂകൾ വായിക്കാൻ ഇത് സഹായിക്കുന്നു.

നിങ്ങളുടെ റീഡർ ലിസ്റ്റുകളെ എങ്ങനെ ജാലകത്തിന്റെ റീഡർ ലിസ്റ്റ് അഗ്രിഗേറ്ററിൽ ഉൾക്കൊള്ളിക്കാം?

ജാലകത്തിന്റെ റീഡർ ലിസ്റ്റ് അഗ്രിഗേറ്ററിൽ നിങ്ങൾ പങ്കു വെക്കുന്ന പോസ്റ്റുകളും ആർട്ടിക്കിളുകളും ഉൾക്കൊള്ളിക്കുവാനായി ആദ്യം നിങ്ങളുടെ റീഡർ ലിസ്റ്റിന്റെ ആറ്റം ഫീഡ് യു ആർ എൽ എടുക്കേണതുണ്ട്.

ഇതെടുക്കുന്നതിനായി നേരത്തെ പറഞ്ഞത് പോലെ sharing settingsൽ പോവുക, ആ പേജിന്റെ ഏറ്റവും താഴെയായി നിങ്ങളുടെ കസ്റ്റം യു ആർ എലുകൾ കാണുവാൻ സാധിക്കും. അതിൽ കാണുന്ന എതെങ്കിലുമൊരു ഓപ്ഷൻ സെലക്റ്റ് ചെയ്തതിന് ശേഷം ആ യു ആർ എൽ ( ഉദാഹരണത്തിന് സൈബർ ജാലകം എന്ന യൂസറുടെ കസ്റ്റം യു ആർ എൽ http://www.google.com/reader/shared/cyberjalakam എന്നൊ അല്ലെങ്കിൽ http://www.google.com/reader/shared/09381433576238547955 എന്നോ ആയിരിക്കും)

നിങ്ങളുടെ ബ്രൌസർ തുറന്നതിനു ശേഷം കോപ്പി ചെയ്തെടുത്ത യൂ ആർ എൽ അഡ്രസ് ബാറിൽ കൊടുത്ത് എന്റർ ബട്ടൺ അമർത്തിയാൽ നിങ്ങൾ ഷെയർ ചെയ്തിട്ടുള്ള പോസ്റ്റുകളെല്ലാം തന്നെ കാണുവാൻ സാധിക്കും.

അതേ പേജിന്റെ വലത് വശത്തായി നിങ്ങളുടെ യൂസർ നെയിമിനു കീഴെയായി ആറ്റം ഫീഡ് (Atom Feed) എന്നൊരു ലിങ്ക് കാണുവാൻ സാധിക്കും, അതിൽ ക്ലിക്ക് ചെയ്താൽ മറ്റൊരു പേജിലേക്ക് റീഡയറക്റ്റ് ചെയ്ത് പോവുകയും ചെയ്യും.
റീഡറീന്റെ ആറ്റം ഫീഡ് യു ആർ എൽ കോപ്പി ചെയ്ത് ജാലകം അഗ്രിഗേറ്ററിന്റെ റീഡർ ലിസ്റ്റ് അഗ്രിഗേറ്ററിൽ നൽകുന്നതോട് കൂടീ റീഡർ ലിസ്റ്റ് അഗ്രിഗേറ്ററിൽ നിങ്ങൾ ഷെയർ ചെയ്യുന്ന പോസ്റ്റുകൾ കൂടി ഉൾക്കൊള്ളിക്കുവാൻ കഴിയും. അതുമല്ലെങ്കിൽ ആറ്റം ഫീഡിൽ റൈറ്റ് ക്ലിക്ക് ചെയ്ത് അതിൽ നിന്നും കോപ്പി ലിങ്ക് ലൊക്കേഷൻ എന്ന ഓപ്ഷനിൽ ക്ലിക്ക് ചെയ്ത് ആറ്റം ഫീഡ് യൂ ആർ എൽ എടുത്ത് മറ്റൊരു പേജിൽ കൊടുത്താലും ഫീഡിന്റെ എക്സ് എം എൽ (XML) പേജ് ഓപ്പൺ ചെയ്ത് വരും.

പുതിയ അഗ്രിഗേറ്റർ ബീറ്റാ സ്റ്റേജിലായതിനാൽ നിങ്ങളുടെ വിലയേറിയ നിർദ്ദേശങ്ങളും, നിങ്ങൾ നേരിടുന്ന പ്രശ്നങ്ങളും ഞങ്ങൾക്ക് വളരെ വിലപ്പെട്ടതാണ്. തുടർന്നും സഹകരണങ്ങൾ പ്രതീക്ഷിച്ചു കൊണ്ട്,

സൈബർ ജാലകം ടീമിനു വേണ്ടി

2012

2009-11-15T06:17:00.000-08:00

സുനാമി നേരിട്ട് അനുഭവിക്കണമെന്നുണ്ടൊ? അഗ്നിമഴ ചൊരിയുന്നതും ഭൂകമ്പമുണ്ടായി ഭുമി രണ്ടായി പിളർന്ന് അകക്കാമ്പിലുള്ള ലാവ പുറത്തേക്കൊഴുകി നഗരങ്ങളെയും ഗ്രാമങ്ങളെയും ഭൂമിയെത്തന്നെയും ഒന്നടങ്കം നശിപ്പിക്കുന്നതും കാണണമെന്നുണ്ടോ? സെമിറ്റിക് മതപുസ്തകങ്ങളിൽ വിവരിച്ചിരിക്കുന്ന നോഹയുടെ കാലഘട്ടത്തിലെ വൻപ്രളയം കാണണമെന്നുണ്ടോ ? പ്രേക്ഷകർക്കായി അത്തരമൊരു ദൃശ്യാനുഭവം നൽകുന്ന സിനിമയാണ് ഇന്നലെ ലോകമെമ്പാടൂമായി റിലീസ് ചെയ്ത 2012.

ഗോഡ്സില്ല, ഇൻഡിപെന്റൻസ് ഡേ, 10000 ബി സി, ദ ഡേ ആഫ്റ്റർ ടുമാറൊ എന്നീ വമ്പൻ സിനിമകളുടെ നിർമ്മാതാവായ റോളണ്ട് എമറിച്ചാണ് 2012 ന്റെ സംവിധായകൻ. ദ ഡേ ആഫ്റ്റർ ടുമാറൊ, ദി എർത്ത് സ്റ്റുഡ് സ്റ്റിൽ, നോയിംഗ് തുടങ്ങിയ സിനിമകളുടെ ഗണത്തിൽ പെടുത്താം 2012 എന്ന ഈ ചിത്രത്തെ, എന്നാൽ ഈ സിനിമകളുമായി താരതമ്യം ചെയ്യുമ്പോൾ അതിനേക്കാൾ വലിയ ഒരു ദൃശ്യാനുഭവമാണ് 2012 പ്രേക്ഷകനു നൽകുന്നത്. ജോൺ കുസാക്ക്, അമന്റാ പീറ്റ്, ഡാനി ഗ്ലോവർ തുടങ്ങിയ താരങ്ങളാണ് 2012 ൽ അഭിനയിക്കുന്നത്.

മായൻ കലണ്ടറിനെ അടിസ്ഥാനപ്പെടുത്തിയാണ് 2012 നിർമ്മിച്ചിരിക്കുന്നത്. മായൻ കലണ്ടർ പ്രകാരം 2012 ഡിസംബർ ഡിസംബറോട് കൂടി ലോകം അവസാനിക്കുമത്രെ.! മാത്രമല്ല സാംഖ്യാ‍ ജോതിഷമനുസരിച്ചും 2012 ലോകാ‍വസാനമാണ് എന്ന് അവകാശപ്പെടുന്നു. ഇതിനിടയിൽ കൂടി 2012 എന്ന ഈ സിനിമയാണെന്ന് തെറ്റിദ്ധരിപ്പിക്കുന്ന തരത്തിൽ മൂന്നോ നാലോ സിനിമകളാണ് പുറത്തിറങ്ങിയത്. 2012 ഡൂംസ്ഡേ, 2012 സൂപ്പർ നോവ, 2012 നോസ്ട്രഡാമസ്, 2022 എന്നിങ്ങനെ സിനിമകളിറങ്ങി. ഇതിൽ രണ്ട് സിനിമകൾ റോളണ്ട് എമറിച്ചിന്റെയാണെന്ന് കരുതി എന്റെ ബാൻഡ് വിഡ്തും സമയവും കളഞ്ഞ് ഡൌൺലോഡിയത് മിച്ചം. 2012ൽ ലോകമവസാനമാണെന്ന തരത്തിലുള്ള ഹോക്സ് മെയിലുകളും ഈ സിനിമയോടനുബന്ധിച്ച് ഇന്റർനെറ്റിലൂടെ കറങ്ങിനടക്കുന്നുണ്ട്. അതെല്ലാം സിനിമയുടെ വിജയം ഉറപ്പാക്കാനുള്ള തന്ത്രമായാണ് കണക്ക് കൂട്ടൂന്നത്.

എന്നാൽ സംഗതി എന്ത് തന്നെയായാലും ലോക സിനിമാ ചരിത്രത്തിൽ ഇതുവരെയുള്ള എല്ലാ ഡിസാസ്റ്റർ സിനിമകളെയും കടത്തിവെട്ടിയിരിക്കുന്നു റോളണ്ട് എമറിച്ചിന്റെ ഈ വൻ‌കിട പ്രോജക്റ്റ്. ഇതുവരെയുള്ള എല്ലാ ഇനിഷ്യൽ കളക്ഷനുകളെയും 2012 കടത്തിവെട്ടി എന്നാണ് കണക്കുകൾ സൂചിപ്പിക്കുന്നത്.

ദൃശ്യാനുഭവങ്ങളാൽ സമ്പന്നമാണ് 2012. സിനിമയുടെ ഒരു ഘട്ടത്തിലും പ്രേക്ഷകനെ ബോറടിപ്പിക്കുന്നില്ല ഈ സിനിമ, ആദ്യ രംഗം മുതൽ അവസാന രംഗം വരെയും ശ്വാസമടക്കിപിടിച്ച് മാത്രം കാണാൻ കഴിയുന്ന ഒന്ന്. ഓരൊ സ്പെഷൽ എഫക്റ്റുകൾ കഴിയുമ്പോഴും അടുത്തതെന്തായിരിക്കുമെന്നു ആകാംക്ഷയോടെ കാത്തിരിക്കാനായി പ്രേക്ഷകനെ പ്രേരിപ്പിക്കുന്നുണ്ട് ഈ സിനിമ. ഓരൊ രംഗത്തിലും സസ്പെൻസ് സൂക്ഷിക്കുവാൻ സിനിമക്ക് കഴിയുന്നുണ്ട്.

സിനിമ ആരംഭീക്കുന്നത് 2009 ൽ ഇൻഡ്യയിലെ ഒരു തെരുവിൽ കൂടീ അഡ്രിയാൻ ഹെം‌സ്‌ലി എന്ന അമേരിക്കൻ ശാസ്ത്രജ്ഞൻ തന്റെ ഇൻഡ്യാക്കാരനായ സുഹൃത്തിനെ സന്ദർശിക്കാൻ പോകുന്നത് കാണിച്ച് കൊണ്ടാണ് . സൂര്യന്റെ ഉപരിതലത്തിനുള്ളീൽ വലിയൊരു സ്ഫോടനം നടന്നതായും തുടർന്ന് ഭൂമിയുടെ ടെമ്പറേച്ചർ കൂടൂന്നതും അതിനെ തുടർന്ന് ഭൂമിയിൽ സംഭവിക്കുന്നതുമായ കാര്യങ്ങളാണ് 2012 ൽ അവതരിപ്പിച്ചിരിക്കുന്നത്. ദുരന്തങ്ങൾ തുടങ്ങുന്നത് എല്ലാ ഹോളിവുഡ് സിനിമകളേയും പോലെ സ്വാഭാവികമായും അമേരിക്കയിൽ നിന്നു തന്നെ. കാലിഫോർണീയ നഗരത്തിലെ ഭൂമി രണ്ടായി പിളർന്ന് മാറുന്നത് മുതൽ തുടങ്ങുന്ന സ്പെഷ്യൽ എഫക്റ്റുകൾ സിനിമയുടെ അവസാന രംഗം വരെ തുടരുന്നു. ഭൂമി ഇളകി മറിഞ്ഞ് വലിയ ഗർത്തങ്ങൾ സൃഷ്ടിക്കുന്നതും അതിനിടയിൽ കൂടി ലിമുസിനിൽ ജോൺ കുസാക്ക് പോകുന്നതുമായ രംഗങ്ങളും അതിന്റെ തുടർച്ചയായി തകർന്നു വീഴുന്ന ബഹുനില കെട്ടിടങ്ങളുടെ ഇടയിൽ കൂടീ ഒരു ചെറീയ പ്ലെയിനിൽ ജോൺ കുസാക്കും സംഘവും പോകുന്നതുമൊക്കെ വളരെ തന്മയത്വത്തോടെ തന്നെ ചിത്രീകരിച്ചിരിക്കുന്നു. അവിടം മുതൽ തുടങ്ങുന്നു സ്പെഷ്യൽ എഫക്റ്റുകളൂടെ ഘോഷയാത്ര. തുടർന്ന് ടിബറ്റിലൊരിടത്ത് വൻ‌കിട രാജ്യങ്ങൾ ചേർന്ന് നിർമ്മിക്കുന്ന ഷിപ്പിനകത്ത് (നോഹയുടെ പെട്ടകത്തെ ഓർമ്മിപ്പിക്കുന്നുണ്ട് രാഷ്ട്രങ്ങൾ ഒത്ത് ചേർന്ന് നിർമ്മിക്കുന്ന ഷിപ്പുകളെ) ജോൺ കുസാക്കും സംഘവും പ്രവേശിക്കുന്നത് വരെയുള്ള ഓരൊ സീനുകളും പെർഫെക്റ്റായി തന്നെ റോളണ്ട് എമറിച്ച് ചിത്രീകരിച്ചിരിക്കുന്നു. എന്നാൽ ഇവിടം കൊണ്ട് 2012 തീരുന്നില്ല. നീണ്ട 27 ദിവസത്തെ യാത്രക്ക് ശേഷം ഷിപ്പുകൾക്കുള്ളീലെ ഓരൊ ജാലകവും തുറന്ന് കൊടുക്കുകയും ചെയ്യുന്നത് വരെ സസ്പെൻസ് സൂക്ഷിച്ചിരിക്കുന്നു.

സുനാമിത്തിരമാലകളൂം അഗ്നിപർവ്വത സ്ഫോടനങ്ങളും, ഭൂമി പിളർന്ന് മാറൂന്നതും, ക്യാപിറ്റോൾ മന്ദിരമടക്കമുള്ള ബഹുനില കെട്ടിടങ്ങൾ തകർന്ന് വീഴുന്നതും, മഞ്ഞുമലകളെയടക്കം തിരമാലകൾ വിഴുങ്ങുന്നതുമെല്ലാം ചിത്രീകരിച്ചിരിക്കുന്നത് കാണുമ്പോൾ ഒരുവേള ഇതെല്ലാം സത്യമാണെന്ന് തന്നെ വിശ്വസിക്കും, തീയേറ്ററിൽ നിന്നിറങ്ങുന്നത് വരെ. അത് കൊണ്ട് തന്നെ 2012 ആരെങ്കിലും കാണുന്നുണ്ടങ്കിൽ ഡൌൺലോഡ് ചെയ്ത് കാണാതെ തീയേറ്ററിൽ പോയി തന്നെ കാണുക.എന്നാൽ മാത്രമെ ഈ സിനിമ യഥാർത്ഥത്തിൽ ആസ്വദിക്കാൻ കഴിയുള്ളൂ. ബോളിവുഡ്,കോളിവുഡ്, മോളിവുഡ് സിനിമാക്കാർ 2012 കാണുന്നത് നന്നായിരിക്കും. ഇങ്ങനെയാണു സ്പെഷൽ എഫക്റ്റുകളെടുക്കേണ്ടതെന്ന് മനസ്സിലാക്കാനെങ്കിലും ഇതവരെ സഹായിക്കും. എത്ര ബില്യൺ ഡോളർ കൊടുത്താലും നമ്മുടെ സിനിമാക്കാർക്ക് പട്ടിക്ക് പൊതിയാത്തേങ്ങ കിട്ടിയത് പോലെ തന്നെ..! വീരവാദങ്ങളടിക്കുന്ന സമയത്ത് ഇത്തരം സിനിമകളൊക്കെ കണ്ടാൽ സ്പെഷൽ എഫക്റ്റുകളെന്നാൽ ഇത് പോലെയൊക്കെയാണന്ന് മനസ്സിലാക്കാനെങ്കിലും സാധിക്കും..

പഴശ്ശിരാജയും എം ടിയുടെ അവകാശവാദങ്ങളും

2009-10-18T01:35:00.000-07:00

ഒരു സിനിമയുടെ നിലവാരം ആരാണ് അളക്കേണ്ടത് എന്ന് ചോദിച്ചാൽ കൃത്യമായി പറയാൻ കഴിയാത്ത ഒന്നാണ്. തിർച്ചയായും സിനിമ കാണുന്ന ഒരാൾക്ക് അതിൽ വളരെ നല്ല ഒരു പങ്കുണ്ട്. . ഒരു പ്രത്യേക തീമിൽ തന്നെ കിടന്ന് വട്ടം കറങ്ങുന്ന സിനിമകളല്ലാതെ മറ്റൊന്നും തന്നെ മലയാളത്തിലൊ തമിഴിലൊ ഹിന്ദിയിലൊ ഇറങ്ങുന്നില്ല എന്ന് പറഞ്ഞാൽ അതൊട്ടും അതിശയോക്തിയാവില്ല. അറ്റ്‌ലീസ് എന്നെ സംബന്ധിച്ചിടത്തോളമെങ്കിലും. നായകനും നായികയും അവരുടെ പ്രേമ രംഗങ്ങളും, പാട്ടൂകളും, കുറച്ച് വളിച്ച തമാശകളും, അത്യാവശ്യം മസാലയും മിക്സ് ചെയ്തിറങ്ങുന്ന സിനിമകളാണ് ഈ മൂന്ന് ഭാഷകളെ സംബന്ധിച്ചിടത്തോളം സിനിമ എന്ന് പറഞ്ഞാൽ. എന്നാൽ പതിവിൽ നിന്നും വ്യത്യസ്തമായി വല്ലപ്പോഴുമെങ്കിലും നല്ല സിനിമകൾ ഇറങ്ങുന്നുവെന്നുള്ളതും സത്യമാണ്. സാധാരണ മലയാളം, ഹിന്ദി, തമിഴ് സിനിമകൾ കഴിവതും കാണാതിരിക്കാൻ ശ്രമിക്കുന്ന ഒരാളാണ് ഞാൻ. എന്നാലും ഭാഷാ സിനിമകളിലെ വിപ്ലവമെന്നും, കോടികൾ മുടക്കിയതെന്നും, ചരിത്ര സംഭവങ്ങളെന്നുമൊക്കെ കൊട്ടിഘോഷിക്കപ്പെട്ട് ഇറങ്ങുന്ന സിനിമകൾ കാണാതെ ഇരുന്നിട്ടുമില്ല. മൂന്ന് സിനിമകളാണ് അടുത്ത കാലത്തായി തമിഴിലും മലയാളത്തിലുമായി കണ്ടത്. ഇതിൽ ആദ്യത്തേത് കന്തസ്വാമിയും, രണ്ടാമത്തേത് “ഉന്നെപോലൊരുവനും” മൂന്നാമത്തേത് ഇന്നലെ കണ്ട “പഴശ്ശിരാജ” സിനിമയുമാണ്. കോടീകൾ മുടക്കിയ സാങ്കേതിക മികവിലേറിയ സിനിമയെന്നൊക്കെ അവകാശപ്പെട്ടിറങ്ങിയ “കന്തസ്വാമി” കണ്ടിറങ്ങിയ എനിക്ക് നിരാശയല്ലാതെ വേറൊന്നുമായിരുന്നില്ല ഫലം. ഈ സിനിമയിൽ എന്താണ് സാങ്കേതിക മികവെന്നും, ഇതിന്റെ പ്രത്യേകത എന്താണെന്നും എനിക്ക് മനസ്സിലായില്ല. ഒരു സാധാരണ തമിഴ് മസാല സിനിമ എന്നതിലുപരി യാതൊന്നും അതിൽ കണ്ടതുമില്ല. എന്നാൽ “ഉന്നെപോലൊരുവൻ” എന്ന സിനിമ വളരെ വ്യത്യസ്തമായ ഒന്നായി തോന്നി. “ എ വെനസ്ഡേ” എന്ന ഹിന്ദി സിനിമയുടെ തമിഴ് റീമേക്കായ ഈ സിനിമ വളരെ മെച്ചപ്പെട്ട ഒന്നായി തന്നെ അനുഭവപ്പെട്ടു. സാധാരണ സിനിമകളിൽ നിന്നും വ്യത്യസ്തമായി വളരെയധികം പ്രത്യേകതയുള്ള , നല്ല ഒഴുക്കോടെ സീക്വൻസുകൾ ഒന്നും മുറിയാതെ , മിതത്വമാർന്ന അഭിനയത്തിലൂടെ കമലഹാസനും, മോഹൻലാലും മാത്രമല്ല അതിൽ അഭിനയിച്ച ഓരൊരുത്തരും മികച്ച് നിന്ന ഒരു ചിത്രം. ഈ രണ്ട് ചിത്രങ്ങളും കാണാൻ പോയ എനിക്കുണ്ടായ അനുഭവം, കന്തസ്വാമിക്ക് അനുഭവപ്പെട്ട തിരക്കും, “ഉന്നൈപോലൊരുവൻ” എന്ന സിനിമക്ക് അനുഭവപ്പെട്ട തിരക്കില്ലായ്മയായിരുന്നു. വെറും 50 ൽ താഴെ ആൾക്കാർ മാത്രമായിരുന്നു ആദ്യത്തെ ദിവസം മാറ്റിനിക്ക് തീയേറ്ററിലുണ്ടായിരുന്നത്. ഇതിനു മുൻപ് ഇങ്ങനെയൊരു അനുഭവമുണ്ടായത് “പാസഞ്ചർ” എന്ന സിനിമയായിരുന്നു. വളരെ ശുഷ്ക്കമായ പ്രേക്ഷകരായിരുന്നു “പാസഞ്ചറിനു” തീയേറ്ററിലുണ്ടായിരുന്നത്. എന്നാൽ ക്രമേണ സിനിമ ഹിറ്റ് ആയി എന്നത് മറ്റൊരു വസ്തുത. പറഞ്ഞ് വന്നത് ഞാനടക്കമുള്ള പ്രേക്ഷകരുടെ ആസ്വാദന നിലവാരമാണ്.

കൊട്ടിഘോഷിക്കപ്പെട്ട് ഇറങ്ങുന്ന സിനിമകളിൽ ഒന്നും തന്നെയുണ്ടായിരിക്കണമെന്നു നിർബന്ധമില്ല എന്ന് ബോധ്യപ്പെടുത്തിയ മറ്റൊരു സിനിമയായിരുന്നു “പഴശ്ശിരാജ”. എം ടീ തിരക്കഥയെഴുതി ഹരിഹരൻ സംവിധാനം ചെയ്തു മലയാളത്തിലെ നല്ലൊരു താരനിരയെ അണിനിരത്തി ഗോകുലം ഗോപാലൻ നിർമ്മിച്ച ഈ സിനിമ കാണാൻ പോയത് വളരെയധികം പ്രതീക്ഷയോടെയായിരുന്നു. മാത്രമല്ല അണിയറ പ്രവർത്തകരുടെയെല്ലാം അവകാശ വാദം തന്നെ ലോകസിനിമയുടെ നിലവാരത്തോട് ചേർന്ന് നിൽകുന്ന ഒരു ചരിത്ര സംഭവമാണ് പഴശ്ശീരാജയെന്നായിരുന്നു. ബെൻഹറിനോടു കിടപിടിക്കുന്ന ഒന്നാണ് പഴശ്ശിരാജയെന്നായിരുന്നു എം ടിയുടെ തന്നെ വാദം. മാത്രമല്ല ഓസ്ക്കാർ അവാർഡ് ജേതാവായ റസൂൽ പൂക്കുട്ടിയുടെ ആദ്യ മലയാളം സിനിമ എന്നൊരു പ്രത്യേകത കൂടി ഇതിനുണ്ടായിരുന്നു. സ്വാഭാവികമായും അവകാശവാദങ്ങളിൽ കഴമ്പുണ്ടാകുമെന്ന് തന്നെ കരുതി. മലയാളം സിനിമയെ സംബന്ധിച്ചിടത്തോളം നീണ്ട രണ്ട് വർഷത്തോളം സമയമെടുത്ത് കോടികൾ മുടക്കി നിർമ്മിച്ച സിനിമ സ്വാഭാവികമായും വളരെ നല്ല ഒരു സിനിമയാണെന്ന് എന്നെപ്പോലെയൊരു പ്രേക്ഷകൻ കരുതിപോയാൽ അതിൽ തെറ്റില്ല തന്നെ. മാത്രമല്ല ആദ്യ ദിവസം സിനിമ കണ്ടിറങ്ങിയവരുടെ റിവ്യു വായിച്ചപ്പോൾ ഇതൊരു മികച്ച സിനിമയാണെന്ന് ഏതാണ്ടുറപ്പിക്കുക കൂടെ ചെയ്തു.

തീയേറ്ററിൽ കാലെടുത്ത് കുത്താൻ പറ്റാത്തത്ര തിരക്കായിരുന്നു. പിന്നെയെങ്ങാൻ കാണമെന്ന് കരുതി തിരികെയിറങ്ങാൻ നേരത്ത് ഒരാളുടെ കയ്യിൽ ടിക്കറ്റുണ്ടന്ന് പറഞ്ഞപ്പൊ രണ്ടും കല്പിച്ച് അയാളുടെ കയ്യിൽ നിന്നും ടിക്കറ്റ് വാങ്ങി തീയേറ്ററിൽ കയറി. ജീവിതത്തിൽ ആദ്യമായി ബ്ലാക്കിൽ ടിക്കറ്റെടുത്ത് കണ്ട ഒരു സിനിമ ഇത് മാത്രമാണ്. തീയേറ്ററിനുള്ളീൽ മമ്മൂട്ടീ ആരാധകരുടെ വൻ ആരവം. ലൈറ്റണഞ്ഞു , മോഹൻലാലിനെ ഇൻ‌ട്രൊഡക്ഷനോടെ സിനിമ ആരംഭിച്ചു. പശ്ചാത്തലത്തിൽ ബ്രിട്ടിഷ് പതാക പാറിക്കളിക്കുന്നു.

സിനിമയുടെ ആദ്യപകുതിയെക്കുറീച്ച് ഒറ്റവാക്കിൽ ഉത്തരം പറയാം. നല്ലൊരു നാടകം കണ്ട പ്രതീതി. നല്ല വൃത്തിയായി സ്റ്റേജിൽ സെറ്റിട്ട മാതിരിയുണ്ട്. ഇന്റർവെല്ലിനു ശേഷം മാത്രമാണ് ഇതൊരു സിനിമയാണെന്ന് തോന്നിക്കുന്ന എന്തെങ്കിലും തന്നെയുണ്ടായിരുന്നത്. സിനിമയെക്കുറിച്ച് കൂടുതൽ ഒന്നും പറയാനില്ല. ഇതാണൊ ലോകസിനിമയെന്ന് അണിയറപ്രവർത്തകർ വിശേഷിപ്പിച്ചത്?

അഭിനയമികവെന്ന് പറയാനായി എടുത്ത് പറയത്തക്ക യാതൊന്നും കണ്ടില്ല ഈ സിനിമയിൽ. ബ്രീട്ടീഷുകാരായി അഭിനയിച്ചത് ഇംഗ്ലിഷ് സിനിമകളിൽ എക്സ്ട്രാ നടന്മാരായി അഭിനയിക്കുന്ന ആൾക്കാരാണെന്ന് തോന്നുന്നു. അവരിലെ എക്സ്ട്രാ നടന്മാർ ഇതിലും നന്നായി അഭിനയിക്കും. അല്പമെങ്കിലും മികച്ച അഭിനയമെന്ന് പറയാവുന്നത് ശരത്കുമാറിന്റെയും ,മനോജ് കെ ജയന്റെയും പ്രകടനങ്ങൾ മാത്രമായിരുന്നു. ബാക്കിയുള്ളവരെല്ലാം തഥൈവ. ഒന്ന് കൂടി പറയാതിരിക്കാൻ വയ്യ, മാക്കമായി അഭിനയിച്ച കൊച്ചിന്റെ അഭിനയം കണ്ടാൽ എഴുന്നേറ്റ് നിന്ന് കൂവാൻ തോന്നും, ഇമ്മാതിരിയുള്ള കെട്ടു കാഴ്ചകളെ എന്തിനാണാവൊ ?

ഒളിപ്പോരായിരുന്നു പഴശ്ശിയുടെ യുദ്ധതന്ത്രമെന്ന് കേട്ടിട്ടുണ്ട്. പക്ഷെ സിനിമ കണ്ടപ്പോൾ ആ ധാരണ മാറികിട്ടി. ഒളിപ്പോരായിരുന്നില്ല പകരം കൂട്ടത്തല്ലിൽ സ്പെഷലൈസ് ചെയ്തതായിരുന്നു പഴശ്ശിയെന്ന് മനസ്സിലായി. നല്ല വൃത്തിയായി തല്ല് കൂടുന്നുണ്ട്. മാത്രമല്ല നല്ല കുറച്ച് ട്രപ്പിസ് കളികൾ മനോജ് കെ ജയനും മമ്മൂട്ടീയുമൊക്കെ ഇടക്ക് ചെയ്യുന്നുണ്ട്. ഇവർക്ക് സർക്കസിലായിരുന്നു ഭാവി. എന്തിനു വെറുതെ എന്നെ പോലുള്ള പ്രേക്ഷകന്റെ ക്ഷമ കെടുത്തണം. കാശ് കൊടുത്ത് സിനിമ കാണുന്നതും പോര പ്രേക്ഷകന്റെ ക്ഷമയെയും പരീക്ഷിച്ചെ വിടു എന്നായിരുന്നൊ അണിയറപ്രവർത്തകരുടെ വാശി?

പഴശ്ശീ ബ്രിട്ടിഷുകാരുമായുള്ള യുദ്ധത്തിൽ തോൽകുമെന്ന് ഉറപ്പായപ്പോൾ ആത്മഹത്യ ചെയ്യുകയായിരുന്നൊ അതോ ബ്രിട്ടീഷുകാർ വെടിവെച്ച് കൊല്ലുകയായിരുന്നൊ ചെയ്തത്? എം ടിയുടെ ഈ ലോകോത്തര സിനിമയിൽ കാണിക്കുന്നത് ബ്രിട്ടീഷുകാർ വെടിവെച്ച് കൊല്ലുന്നതായിട്ടാണ്. എതാണ് ശരി?

ഹരി എഴുതിയത് പോലെ ഏതെങ്കിലുമൊരു ഇംഗ്ലീഷ് സിനിമ കണ്ടവർ ഒരിക്കലും ഇതൊരു ലോക സിനിമയാണെന്ന് അവകാശപ്പെടില്ല, ഇതിൽ സാങ്കേതികമായി മികച്ച് യാതൊന്നും കണ്ടില്ല. റസൂൽ പൂക്കുട്ടി കൈ വച്ച യുദ്ധരംഗങ്ങളിലെ അമ്പുകളും മറ്റും പോകുന്നതും, മഴപെയ്യുന്നതും ഇടിവെട്ടൂന്നതുമായ ശബ്ദങ്ങളുമൊഴിച്ചാൽ യാതൊരു പ്രത്യേകതയും സാങ്കേതികമികവിന്റെ അങ്ങേയറ്റമെന്നൊക്കെ അണിയറപ്രവർത്തകർ വിശ്വസിപ്പിച്ച ഈ സിനിമക്കില്ല.

സത്യം പറയാമല്ലൊ സിനിമ കണ്ട് കൊണ്ടിരുന്ന അവസരത്തിൽ ക്ഷമനശിച്ച് തീയേറ്ററിൽ നിന്ന് ഇറങ്ങിപോയാലൊ എന്ന് വരെ പലപ്പോഴും ആലോചിച്ചു, അപ്പോഴെല്ലാം ബ്ലാക്കിൽ ടിക്കറ്റെടുത്ത ഓർമ്മകൾ ഓടിവന്നതിനാലും സിനിമയെന്ന് അണിയറപ്രവർത്തകർ പറയുന്ന ഈ നാടകത്തിന്റെ അവസാനം എന്തായിരിക്കുമെന്നുമുള്ള ആകാംക്ഷ ഇറങ്ങിപോവുന്നതിൽ നിന്നും തടഞ്ഞു. നിരാശ മാത്രമായിരുന്നു ഈ സിനിമ കണ്ടീറങ്ങിയ എനിക്ക് കിട്ടിയത്.:(

ബെൻഹറിനേക്കാളും മികച്ച ചിത്രമെന്നൊക്കെ എം ടി അവകാശപ്പെടുന്നത് ബെൻഹർ കാണാതെയാണെന്ന് സിനിമ കണ്ടതോടെ മനസ്സിലായി. ലോകസിനിമയൂടെ ഏഴയലത്ത് കൊണ്ട് പോകാൻ നിലവാരമില്ലാത്ത ഒരു ശരാശരി മലയാളം സിനിമ മാത്രമാണ് പഴശ്ശീരാജ. എന്തിനു ഇൻഡ്യൻ സിനിമയുടെ പോലും ഭാഗമാവുമോ ഈ സിനിമയെന്ന് കാത്തിരുന്ന് കാണാം. തങ്ങളുടെ സിനിമ ലോകോത്തര നിലവാരമുള്ളതാണെന്ന് അണിയറപ്രവർത്തകർക്ക് വേണമെങ്കിൽ വിശ്വസിക്കാം. പക്ഷെ സിനിമ കണ്ടീറങ്ങുന്ന പ്രേക്ഷകനു അങ്ങനെ തോന്നണമെന്നില്ല. എം ടിയും ഹരിഹരനും മറ്റു അണിയറ പ്രവർത്തകരുമെല്ലാം നല്ല ഹോളീവുഡ് സിനിമകൾ ആദ്യം കാണട്ടെ. യുദ്ധരംഗങ്ങൾ എങ്ങനെയാണെന്നും, സാങ്കേതിക മികവെന്നാൽ കയറിൽ തൂങ്ങിയുള്ള ട്രപ്പീസ് കളിയല്ല എന്ന് മനസ്സിലാക്കാനും ഇതവരെ സഹായിക്കും.

ഇങ്ങനെയാണ് ഒരു സിനിമ ലോകോത്തര നിലവാരത്തിലെടുക്കുന്നത് എന്ന് പറയുന്ന എം ടി പ്രേക്ഷകരുടെ നേരെ കൊഞ്ഞനം കുത്തിക്കാണിക്കുകയാണ് ചെയ്യുന്നത്. എം ടി അങ്ങ് ആദ്യം ബെൻഹർ കാണുക, എന്നിട്ട് ഒന്നു കൂടെ സ്വയം വിലയിരുത്തുക. ഇത് ലോക നിലവാരത്തിലുള്ളതാണൊ അതൊ ഒരു ശരാശരി മലയാളം സിനിമ മാത്രമാണൊ എന്ന്..!

മലയാളം വെബ് ലോകത്തിലേക്കൊരു ജാലകം

2009-08-31T10:34:00.000-07:00

പ്രിയപ്പെട്ട സുഹൃത്തുക്കളെ,

സൈബർ ജാലകത്തിൽ നിന്നും നിങ്ങൾക്കായി പുതിയ ഒരു സേവനം നൽകുന്ന സന്തോഷപൂർവ്വം അറിയിക്കുന്നു. . ജാലകം എന്ന് നാമകരണം ചെയ്ത അഗ്രിഗേറ്റർ ആണ് നിങ്ങൾക്കായി സൈബർ ജാലകം ടീം ഓണസമ്മാനമായി ഒരുക്കിയിരിക്കുന്നത്. ബ്ലോഗുകളുടെ അഗ്രിഗേഷൻ കൂടാതെ യുണീക്കോഡ് മലയാളം ഉപയോഗിക്കുന്ന എല്ലാ വെബ് പേജുകളുടെയും ലിസ്റ്റിംഗ് നിങ്ങൾക്കായി ലഭിക്കുന്ന വിധമാണ് സൈബർ ജാലകം വെബ് പോർട്ടലിന്റെ ഭാഗമായുള്ള ഈ അഗ്രിഗേറ്ററിന്റെ ലക്ഷ്യം.

ഓരൊ പത്ത് മിനിട്ടിലും ജാലകത്തിന്റെ ക്രാളർ സോഫ്റ്റ്‌വെയർ ആട്ടൊ റിഫ്രഷ് ആവുകയും ജാ‍ലകത്തിൽ രജിസ്റ്റർ ചെയ്തിരിക്കുന്ന ബ്ലോഗുകളുടെ ഫീഡ് പരിശോധിച്ച് പുതിയ പോസ്റ്റുകൾ അവയിൽ പബ്ലീഷ് ചെയ്തിട്ടുണ്ടങ്കിൽ ആ പോസ്റ്റിനെ അഗ്ഗ്രിഗേറ്റർ പേജിൽ ലിസ്റ്റ് ചെയ്യുന്ന വിധമാണ് ജാലകം രൂപകല്പന ചെയ്തിരിക്കുന്നത്. അത് കൊണ്ട് തന്നെ നിങ്ങളുടെ ബ്ലോഗിലൊ സൈറ്റിലൊ ഒരു പുതിയ പോസ്റ്റ് പബ്ലീഷ് ചെയ്തു കഴിഞ്ഞാൽ ഏറ്റവും കൂടിയാൽ പത്ത് മിനിട്ടിനുള്ളീൽ ജാലകമെന്ന ഈ അഗ്രിഗേറ്ററിൽ നിങ്ങളുടെ പോസ്റ്റുകൾ ലിസ്റ്റ് ചെയ്തിരിക്കും.

ജാലകം അഗ്രിഗേറ്ററിന്റെ രജിസ്ട്രേഷൻ പേജിൽ ബ്ലോഗറുടെ പേര് , ബ്ലോഗിന്റെ/സൈറ്റിന്റെ പേര് ബ്ലോഗ്/സൈറ്റ് യു ആർ എൽ, ബ്ലോഗർ പ്രൊഫൈൽ അഡ്രസ്, ഇമെയിൽ അഡ്രസ് എന്നിവക്ക് ശേഷം സെക്യൂരിറ്റി കോഡു നൽകി കഴിഞ്ഞ് “സമർപ്പിക്കുക” എന്ന ബട്ടണിൽ ക്ലീക്ക് ചെയ്തു കഴിഞ്ഞാൽ നിങ്ങളുടെ ബ്ലോഗ് ജാലകത്തിൽ രജിസ്റ്റർ ചെയ്യപ്പെടും. ( ഇതിൽ ഇമെയിൽ അഡ്രസ്, ബ്ലോഗർ പ്രൊഫൈൽ അഡ്രസ് എന്നിവ നിർബന്ധമുള്ള കാര്യങ്ങളല്ല)

ബ്ലോഗ് രജിസ്ട്രേഷൻ പേജ്

ബ്ലോഗ് രജിസ്റ്റർ ചെയ്യുന്ന വിധം

സൈറ്റ് രജിസ്റ്റർ ചെയ്യുന്ന വിധം

ഇനി നിങ്ങളൂടേത് ഒരു വെബ് സൈറ്റ് ആണെങ്കിൽ നിങ്ങളുടെ സൈറ്റിന്റെ ഫീഡ് യു ആർ എൽ കൂടീ രജിസ്ട്രേഷൻ പേജിൽ നൽകുക ( ഉദാഹരണത്തിനു സൈബർ ജാലകം എന്ന പോർട്ടലിന്റെ ഫീഡ് യു ആർ എൽ http://www.cyberjalakam.com/index.php?format=feed&type=rss എന്നാണ്) . ഇത്രയും ചെയ്തു കഴിഞ്ഞാൽ നിങ്ങളുടെ ബ്ലോഗ്/സൈറ്റ് ജാലകത്തിൽ രജിസ്റ്റർ ചെയ്യപ്പെടുകയും പുതിയ പോസ്റ്റുകളിടുന്ന മുറക്ക് അവ ജാലകത്തിൽ ലിസ്റ്റ് ചെയ്ത് വരികയും ചെയ്യും. മാത്രമല്ല രജിസ്റ്റർ ചെയ്തു കഴിഞ്ഞാലുടൻ ക്രാളർ നിങ്ങളുടെ ഫീഡ് പരിശോധിക്കുകയും ഏറ്റവും അവസാനമായി നിങ്ങൾ പബ്ലീഷ് ചെയ്ത പോസ്റ്റ് തീയതി അടിസ്ഥാനത്തിൽ അഗ്രിഗേറ്ററിൽ കാണിക്കുകയും ചെയ്യും.

കൂടാതെ നിങ്ങളുടെ ബ്ലോഗിൽ നിന്നു തന്നെ ജാലകം റിഫ്രഷ് ചെയ്യുവാനുള്ള സൌകര്യം കൂടി സൈബർ ജാലകം ടീം ഒരുക്കുന്നുണ്ട്. നിങ്ങളുടെ ബ്ലോഗ് രജിസ്റ്റർ ചെയ്ത് “ സമർപ്പിക്കുക” എന്ന ബട്ടണിൽ ക്ലിക്ക് ചെയ്തു കഴിഞ്ഞാൽ നിങ്ങൾക്ക് ഒരു വിഡ്ജറ്റ് കോഡ് ലഭിക്കും. ഈ വിഡ്ജറ്റ് കോഡിനെ നിങ്ങളുടെ ബ്ലോഗിലൊ സൈറ്റിലൊ നൽകുക.

വിഡ്ജറ്റ് കോഡ്

ഒരു പോസ്റ്റ് പബ്ലീഷ് ചെയ്തതിനു ശെഷം നിങ്ങളുടെ ബ്ലോഗിൽ നിന്നൊ സൈറ്റിൽ നിന്നൊ തന്നെ ഈ വിഡ്ജറ്റിൽ ക്ലീക്ക് ചെയ്തു കഴിഞ്ഞാൽ ഉടൻ തന്നെ നിങ്ങൾ പബ്ലിഷ് ചെയ്ത പോസ്റ്റ് ജാലകത്തിൽ ലിസ്റ്റ് ചെയ്യപ്പെടുകയും ചെയ്യും . വിഡ്ജറ്റ് നിങ്ങളുടെ ബ്ലോഗിൽ ആഡ് ചെയ്യാനായി ഡാഷ് ബോർഡിൽ(Dash Board) പോയതിനു ശേഷം ഏതു ബ്ലോഗാണൊ നിങ്ങൾ രജിസ്റ്റർ ചെയ്തതു ആ ബ്ലോഗിന്റെ ലേ ഔട്ടിൽ (Lay Out) പോയതിനു ശേഷം ആഡ് എ ഗാഡ്ജറ്റ് (Add a gadget) എന്ന ഓപ്ഷനിൽ ക്ലിക്ക് ചെയതിനു ശേഷം പോപ് ചെയ്തു വരുന്ന വിൻഡൊയിൽ നിന്നും ആഡ് എച് റ്റി എം എൽ/ ജാവ കോഡ് (Add HTML/Java Code) എന്ന ഓപ്ഷൻ സെലക്റ്റ് ചെയ്യുക, തുടർന്ന് വരുന്ന വിൻഡോയിൽ രജിസ്ട്രേഷൻ സമയത്ത് ലഭിച്ച വിഡ്ജറ്റ് കോഡ് നൽകിയതിനു ശേഷം ഒകെ കൊടുത്ത് ക്ലോസ് ചെയ്താൽ മതിയാകും.

ജാലകമെന്ന ഈ അഗ്രിഗേറ്ററിനെ ലിസ്റ്റിംഗ് സൌകര്യത്തിനായി കാറ്റഗറിയായി തിരിച്ചിരിക്കുന്നു. 13 കാറ്റഗറിയായിട്ടാണ് ജാലകത്തിനെ തിരിച്ചിരിക്കുന്നത്. ഇതിൽ ആദ്യത്തെ ടാബിൽ എല്ലാ കാറ്റഗറികളിലേയും പോസ്റ്റുകൾ, പബ്ലിഷ് ചെയ്യുന്ന മുറക്ക് പുതിയ പോസ്റ്റുകൾ മുകളിൽ വരുന്ന രീതിയിൽ സെറ്റ് ചെയ്തിരിക്കുന്നു. വാർത്ത, കഥ,കവിത, ചിത്രങ്ങൾ, ലേഖനം, നർമ്മം, രാഷ്ട്രീയം, പ്രതികരണം, സിനിമ, സാങ്കേതികം,പലവക, മറ്റുള്ളവ എന്നിവയാണ് കാറ്റഗറികൾ. കാറ്റഗറിവൈസ് ആയി നിങ്ങളുടെ ബ്ലോഗ് പോസ്റ്റുകൾ/ സൈറ്റ് ഫീഡുകൾ ലഭിക്കുവാനായി ചെയ്യേണ്ടത് ഏതു വിഭാഗത്തിലാണോ നിങ്ങളുടെ പോസ്റ്റുകൾ ഉൾപ്പെടുന്നത് അതിന്റെ ടാഗുകൾ കൃത്യമായി നൽകുക എന്നുള്ളത് മാത്രമാണ്. ഉദാഹരണത്തിന് ഒരു ഫോട്ടോയാണു നിങ്ങൾ പോസ്റ്റ് ചെയ്യുന്നതെങ്കിൽ പോസ്റ്റിന്റെ ടാഗിൽ, ഫോട്ടൊ എന്നൊ, ചിത്രങ്ങൾ എന്നൊ ഉള്ള ടാഗുകളിൽ എതെങ്കിലുമൊന്ന് നൽകികഴിഞ്ഞാൽ ഫോട്ടൊ എന്നുള്ള കാറ്റഗറിയിലും എല്ലാ പോസ്റ്റുകളുടെ കാറ്റഗറിയിലും നിങ്ങളുടെ ബ്ലോഗ് ലിസ്റ്റ് ചെയ്തിരിക്കുന്നതായി കാണാൻ സാധിക്കും. നിങ്ങളുടെ പോസ്റ്റുകൾ നർമ്മമാണെങ്കിൽ നർമ്മം അല്ലെങ്കിൽ ആക്ഷേപഹാസ്യം എന്നിങ്ങനെ ഏതെങ്കിലുമൊരു ടാഗ് പോസ്റ്റിനു നൽകിയാൽ മതിയാകും.

മറ്റുള്ളവ എന്ന കാറ്റഗറിയിൽ ടാഗുകൾ നൽകാത്ത പോസ്റ്റുകളും, അനുഭവങ്ങൾ, സാമൂഹികം, വിജ്ഞാനം, കാർട്ടൂൺ, ആത്മീയം, പുസ്തകം, പാചകം, ഓർമ്മ, അഭിമുഖം ,വിവർത്തനം, സംഗീതം,ആരോഗ്യം, യാത്രാ വിവരണം,വീഡിയോ എന്നീ ടാഗുകളിലുള്ള പോസ്റ്റുകളായിരിക്കും ലിസ്റ്റ് ചെയ്യുക. ഇതിൽ തന്നെ നിങ്ങൾക്ക് അനുഭവങ്ങൾ എന്ന കാറ്റഗറിയിൽ പെട്ട ബ്ലോഗുകൾ മാത്രം കാണണമെങ്കിൽ അവിടെ നൽകിയിരിക്കുന്ന കോമ്പോ ബോക്സിൽ നിന്നും അനുഭവങ്ങൽ എന്ന ഓപ്ഷൻ തെരഞ്ഞെടുത്ത് കഴിഞ്ഞാൽ അനുഭവങ്ങൾ എന്ന ടാഗിൽ നൽകിയിരിക്കുന്ന പോസ്റ്റുകൾ മാത്രം ലിസ്റ്റ് ചെയ്തെടുക്കുവാൻ സാധിക്കും.

ജാലകമെന്ന ഈ അഗ്രിഗേറ്റർ പരീക്ഷണ ഘട്ടത്തിലായതിനാൽ നിങ്ങളൂടെ ഫീഡ് ബാക്കുകൾ ഞങ്ങൾക്ക് വിലപ്പെട്ടതാ‍ണ്. അത് കൊണ്ട് തന്നെ ജാലകം മെച്ചപ്പെടുത്തുന്നതിനു വേണ്ടിയുള്ള നിങ്ങളുടെ നിർദ്ദേശങ്ങളും വിമർശനങ്ങളുമെല്ലാം ഞങ്ങൾ പ്രതീക്ഷിക്കുന്നു.

സൈബർ ജാലകം ടീമിന് വേണ്ടീ
യാരിദ്

ഡിൽഡൊ ആദ്യമായി വിപണിയിൽ

2009-08-04T08:10:00.000-07:00

ബുക്ക് റിപ്പബ്ലിക്കിന്റെ രണ്ടാമത്തെ പുസ്തകമായ , ദേവദാസ് എഴുതിയ ‘ ഡില്‍ഡോ - ആറു മരണങ്ങളുടെ പള്‍പ്‌ഫിക്ഷന്‍ പാഠപുസ്തകം’ എന്ന നോവല്‍ ആഗസ്റ്റു എട്ടാം തീയതി ശനിയാഴ്ച രാവിലെ 10.30 ന് തൃശൂര്‍ സാഹിത്യ അക്കാദമി ഹാളില്‍ വച്ച് പ്രകാശനം നടത്തപ്പെടുന്നു.

ആഗസ്റ്റു എട്ടിന് രാവിലെ നടക്കുന്ന പ്രകാശനച്ചടങ്ങില്‍ വൈശാഖന്‍, സാറാ ജോസഫ് ,ഐ ഷണ്മുഖദാസ് ,പി.പി.രാമചന്ദ്രന്‍, ഗോപീകൃഷ്ണന്‍, അന്‍‌വര്‍ അലി, അന്‍‌വര്‍ അബ്ദുള്ള, സെബാസ്റ്റ്യന്‍, സന്തോഷ് ഏച്ചിക്കാനം, ഇ സന്തോഷ് കുമാര്‍, മനോജ് കുറൂര്‍, കവിതാബാലകൃഷ്ണന്‍, സുസ്മേഷ് ചന്ത്രോത്ത്, സുബൈദ , ജി ഉഷാകുമാരി, ബിജുരാജ്, പി.വി ഷാജികുമാര്‍, അനുവാര്യര്‍, സുരേഷ് പി തോമസ്, രോഷ്നി സ്വപ്ന തുടങ്ങിയവര്‍ പങ്കെടുക്കും. വൈകുന്നേരം ആറുമണിക്ക് എലൈറ്റ് ടൂറിസ്റ്റുഹോം ഹാളില്‍ ഗസല്‍ സന്ധ്യയും ഉണ്ടായിരിക്കുന്നതാണ്. സംഗീതത്തെ സ്നേഹിക്കുന്ന ബ്ലോഗ് കൂട്ടായ്മയുടെ ഫലമായി ഉണ്ടായ ‘ഈണം’ എന്ന മ്യൂസിക് ആല്‍ബത്തിന്റെയും ബുക്ക് റിപ്പബ്ലിക് പ്രസാധനം ചെയ്ത പുസ്തകങ്ങളുടെയും പ്രദര്‍ശനവും വില്‍പ്പനയും അന്നേ ദിവസം നടക്കും.

ഇതൊരു വ്യക്തിപരമായ ക്ഷണമായി കണക്കിലെടുത്തു പ്രസ്തുത ചടങ്ങിൽ പങ്കെടുക്കണമെന്നു എല്ലാ സുഹൃത്തുക്കളോടും അഭ്യർത്ഥിക്കുന്നു.

ഡിൽഡൊയെക്കുറിച്ച് വന്ന ആസ്വാദനക്കുറിപ്പുകൾ

വാക്കുകള്‍കൊണ്ടൊരു പറക്കുംതളിക - സിമി

ജീവിതം കൊണ്ട് ഘടകക്രിയ ചെയ്യപ്പെട്ട മരണങ്ങള്‍ -ലാപുട
അനിവാര്യമാകുന്ന പാഠങ്ങള്‍ - ലേഡി ലാസറസ്

ഡില്‍ഡോ-വി.എം.ദേവദാസിന്റെ നോവല്‍ - പ്രമോദ്. കെ.എം

എന്നെ പിടിച്ചുലച്ച ചില മരണങ്ങളെക്കുറിച്ച്... -റോബി

ധാർമിക സന്നിഗ്ദതകളുടെ അവരോഹണാഖ്യാനങ്ങൾ- ജി പി രാമചന്ദ്രൻ

സൈബർ ജാലകം- മലയാളത്തിലെ ആദ്യത്തെ ടെക്നിക്കൽ ഡിസ്കഷൻ ഫോറം

2009-07-08T10:07:00.000-07:00

പ്രിയ സുഹൃത്തുക്കളെ,

മലയാളം യുണിക്കോഡിലൊരുക്കിയ ആദ്യത്തെ ടെക്നോളജി സൈറ്റായ സൈബർജാലകം ഇന്നു എല്ലാവർക്കുമായി തുറന്ന് കൊടുക്കുകയാണ്. വിവരസാങ്കേതികവിദ്യയെ അധികരിച്ചുള്ള പോർട്ടലുകൾ മലയാളത്തിലില്ല അല്ലെങ്കിൽ കുറവാണു എന്ന തിരിച്ചറിവാണ് ഇത്തരമൊരു സൈറ്റ് നിർമ്മിക്കുന്നതിനു പ്രേരണ. കമ്പ്യൂട്ടറും ഇന്റർനെറ്റും സ്ഥിരമായി ഉപയോഗിക്കാറുണ്ടങ്കിലും അവയിലുപയോഗിക്കുന്ന സാങ്കേതിക പദങ്ങളെക്കുറിച്ചൊ, സാങ്കേതിക വിദ്യകളെക്കുറീച്ചൊ മറ്റു കാര്യങ്ങളെക്കുറിച്ചൊ ഉപയോക്താക്കൾക്കുള്ള അറിവുകൾ പരിമിതമാണ്. അതു കൊണ്ട് ഇത്തരം കാര്യങ്ങളിൽ ഉപയോക്താവിനു ഒരു സാമാന്യധാരണയെങ്കിലും നൽകുവാനാണ് സൈബർ ജാലകം എന്ന പേരിൽ ഒരു പോർട്ടൽ ആരംഭിക്കുവാൻ തീരുമാനിച്ചത്. അതിനു വേണ്ടിയുള്ള പരിശ്രമത്തിലാണ് സൈബർ ജാലകത്തിന്റെ അണിയറപ്രവർത്തകർ.

വിവരസാ‍ങ്കേതിക വിദ്യയുടെ വിവിധ മേഖലകളിൽ പ്രവർത്തിക്കുന്ന, ഇന്റർനെറ്റിലൂടെയും അല്ലാതെയും പരിചയപ്പെട്ട ഒരു കൂട്ടമാണു സൈബർ ജാലകത്തിന്റെ അണിയറയിൽ ഇതിനായി പ്രവർത്തിക്കുന്നത്.

ഇതൊരു വെബ്‌മാഗസിനല്ല. അടിസ്ഥാനവിഷയങ്ങൾ മുതലുള്ളവയിൽ ഉപയോക്താക്കൾക്ക് ഒരു ധാരണ നൽകുവാനായിട്ടാണ് സൈബർ ജാലകത്തിന്റെ ശ്രമം. വിവരസാങ്കേതികവിദ്യയുമായി ബന്ധപ്പെട്ട ആർട്ടിക്കിളുകൾ, ട്യൂട്ടോറിയലുകൾ, പുതിയ സോഫ്റ്റ്‌വെയറുകൾ, ഹാർഡ്‌വെയറുകൾ , പൊടിക്കൈകൾ, ലിനക്സ്, സൈബർ സുരക്ഷയുമായി ബന്ധപ്പെട്ട കാര്യങ്ങൾ തുടങ്ങിയവ സൈബർ ജാലകത്തിൽ നിങ്ങൾക്ക് പ്രതീക്ഷിക്കാവുന്നതാണ്.

സൈബർ ജാലകത്തിന്റെ പ്രത്യേകത അതിന്റെ സംവാദവേദിയാണ്. യുണീക്കോഡ് മലയാ‍ളത്തിലുള്ള ആദ്യത്തെ ടെക്നിക്കൽ ഡിസ്ക്കഷൻ ഫോറം കൂടീയാണിത്. മലയാളം വെബോസ്ഫിയറിൽ തന്നെ പലയിടങ്ങളിലായി ഉന്നയിരിച്ചിരിക്കുന്ന സാങ്കേതിക സംശയങ്ങളെയും അവയുടെ ഉത്തരങ്ങളെയും ഒരു പൊതു വേദിയിലേക്ക് കൊണ്ട് വരിക എന്നുള്ളതാണു ഇത്തരമൊരു ഫോറം കൊണ്ടൂദ്ദേശിക്കുന്നത്. പലയിടങ്ങളിലായി ചിതറിക്കിടക്കുന്ന ഇവ ഉപയോക്താക്കൾക്ക് തിരഞ്ഞു കണ്ടുപിടിക്കുക ദുഷ്ക്കരമായ ഒരു പ്രവർത്തിയാണന്ന് മനസ്സിലാക്കുന്നിടത്താണു സൈബർ ജാലകത്തിന്റെ പ്രസക്തി. ഉപയോക്താക്കൾക്ക് സൈബർ ജാലകത്തിൽ ക്രിയേറ്റ് ചെയ്യാവുന്ന ഒരു ഉപയോക്തൃ ഐഡി ഉപയൊഗിച്ച് ഫോറത്തിൽ സംശയങ്ങളും , നിർദ്ദേശങ്ങളും ഉന്നയിക്കാവുന്ന തരത്തിലാണു ഫോറം ഡിസൈൻ ചെയ്തിരിക്കുന്നത്. അറിയാവുന്ന ഉപയോക്താക്കൾക്ക് തന്നെ അവയുടെ ഉത്തരവും നൽകാം. ഉപയോക്താക്കൾക്ക് പൂർണ്ണ സ്വാതന്ത്ര്യത്തോടെ തന്നെ കൈകാര്യം ചെയ്യുന്ന വിധമാണു ഫോറത്തിന്റെ രൂപം.

ഏഴു വിഭാഗങ്ങളിലായി ത്രെഡുകൾ ഉപയോക്താവിനു ഫോറത്തിൽ ക്രിയേറ്റ് ചെയ്യാവുന്നതാ‍ണ്. ഇവിടം പൂർണ്ണമായും ഉപയോക്താക്കൾക്ക് വേണ്ടിയുള്ള ഇടമാണ്. ഇവിടെ നിങ്ങൾ തന്നെയാണു ത്രെഡുകൾ ക്രിയേറ്റ് ചെയ്യുന്നത്. നിങ്ങൾ തന്നെയാണു ചോദ്യങ്ങൾ ചോദിക്കുന്നത്. നിങ്ങളിലുള്ളവർ തന്നെയാണു അതിനുള്ള ഉത്തരങ്ങളും നൽകുന്നത്. കമ്പ്യൂട്ടറും അനുബന്ധസേവനങ്ങളുമായി ബന്ധപ്പെട്ട എന്തിനെക്കുറീച്ചും ചർച്ച ചെയ്യാവുന്ന ഒരിടമാണു സൈബർ ജാലകത്തിന്റെ ചർച്ചാവേദി.

സൈബർജാലകം പ്രവർത്തനം ആരംഭിച്ചിട്ടേയുള്ളു. അത് കൊണ്ട് തന്നെ പരിമിതികൾ ഒരുപാടുണ്ട്. നിങ്ങളുടെ ഫീഡ്‌ബാക്കുകളും നിർദ്ദേശങ്ങളും സൈബർ ജാലകത്തെ മെച്ചപ്പെടുത്തുവാനായി സഹായിക്കും. നിങ്ങളെല്ലാവരും സൈറ്റ് സന്ദർശിക്കുകയും ഫീഡ്‌ബാക്കുകൾ നൽകണമെന്നും അഭ്യർത്ഥിക്കുന്നു. കൂടുതൽ ഉപയോക്താക്കളിലേക്കെത്തുന്നതിനായി താഴെപ്പറയുന്ന വിഡ്ജറ്റ് കോഡ് കൂടി നിങ്ങളുടെ ബ്ലോഗിലൊ വെബ്പേജിലൊ പതിക്കുന്നതിനായി അഭ്യർത്ഥിക്കുന്നു.

സൈബർ ജാലകത്തിന് വേണ്ടീ..

മോറോ-മൈക്രോസോഫ്റ്റിന്റെ ആന്റിവൈറസ് പ്രോഗ്രാം

2009-07-04T23:33:00.000-07:00

മൈക്രോസോഫ്റ്റിൽ നിന്നും വിൻഡോസ് ഉപയോക്താക്കൾക്കായി സൌജന്യ ആന്റിവൈറസ് പ്രോഗ്രാം..മോറൊ എന്നു രഹസ്യ പേരിട്ടിട്ടുള്ള മൈക്രോസോഫ്റ്റിന്റെ ഈ ആൻ‌റ്റിവൈറസ് പ്രോഗ്രാം 2009 അവസാനത്തോടെ ഉപയോക്താക്കൾക്ക് നൽകാനാണ് മൈക്രോസോഫ്റ്റ് തീരുമാനം. വിൻഡോസ് എക്സ് പി, വിസ്റ്റ, സെവൻ,എന്നീ ഓപ്പറേറ്റിംഗ് സോഫ്റ്റ്‌വെയറുകളെ സപ്പോർട്ട് ചെയുന്നതാണ് മോറോ. വർദ്ധിച്ച് വരുന്ന മാൽ‌വെയർ ഭീഷണി കണക്കിലെടുത്താണ് മൈക്രോസോഫ്റ്റിന്റെ ഈ തീരുമാനം. നേരത്തെയുണ്ടായിരുന്ന “ലൈവ് ഒൺ കെയർ“ എന്ന ആന്റി മാൽ‌വെയർ പ്രോഗ്രാമിനെ പേരുമാറ്റിയാണു മോറോ എന്ന പേര് മൈക്രോസോഫ്റ്റ് ഈ ആന്റിവൈറസിന്റെ ഡെവലപ്പ്മെന്റ് സമയത്ത് നൽകിയിരുന്നത്. ജൂൺ 23 മുതൽ തന്നെ ഇസ്രയേൽ, അമേരിക്ക, ചൈനഎന്നീ രാജ്യങ്ങളിൽ മൈക്രോസോഫ്റ്റ് സെക്യൂരിറ്റി എസ്സൻഷ്യൽ 1.0 എന്ന പേരിൽ നിയന്ത്രിത ഉപയോക്താക്കൾക്കായി ലഭിച്ച് തുടങ്ങിയിരുന്നു

വിൻഡോസ് ലൈവ് വൺ കെയറിന്റെ ആന്റി മാ‍ൽ‌വെയർ എഞ്ചിൻ കൊണ്ട് നിർമ്മിച്ചിരിക്കുന്ന ഈ ആന്റിവൈറസ് വിൻഡോസിന്റെ എല്ലാ ഉപയോക്താക്കൾക്കും ലഭ്യമാക്കാനാണ് മൈക്രോസോഫ്റ്റിന്റെ പ്ലാൻ. ഈ ആന്റിവൈറസ് വിൻഡോസിലേക്ക് ഇൻസ്റ്റാൾ ചെയ്യുന്നതിനു മുൻപ് ഓപ്പറേറ്റിംഗ് സോഫ്റ്റ്‌വെയറിന്റെ ജെന്യൂൻ അഡ്വാന്റേജ് വാലിഡേഷൻ പൂർത്തിയാക്കിയിരിക്കണം, പൈറേറ്റഡ് വിൻഡോസ് തടയുന്നതിനുള്ള മുൻ‌കരുതൽ കൂടിയാ‍ണ് വിൻഡോസിന്റെ ഈ വാലിഡേഷൻ പരിപാടി. ഇൻസ്റ്റലേഷൻ പൂർത്തിയാക്കിക്കഴിഞ്ഞാൽ ഏറ്റവും പുതിയ വൈറസ്, മാൽ‌വെയർ ഡെഫനിഷൻ അപ്ഡേറ്റുകൾ ഡൌൺലോഡ് ചെയ്യാനുള്ള സൌകര്യം കൂടീ മൈക്രോസോഫ്റ്റ് തരുന്നുണ്ട്. mpam-fe.exe എന്ന ഈ മാൽ‌വെയർ,വൈറസ് അപ്ഡേഷൻ കിറ്റ് ഇവിടെ നിന്നും ഡൌൺലോഡ് ചെയ്തുപയോഗിക്കാവുന്നതാണു. , വൈറസ് അപ്ഡേഷൻ കിറ്റ് കൂടി ഇൻസ്റ്റാൾ ചെയ്തു കഴിഞ്ഞാൽ എറ്റവും പുതിയ മാൽ‌വെയറുകളുടെ ഡെഫനിഷൻ കൂടീ മൈക്രോസോഫ്റ്റ് സെക്യൂരിറ്റി എസ്സൻഷ്യലിൽ കൂട്ടിച്ചെർക്കപ്പെടുന്നു.

വളരെ ലളിതമായ ഒരു ഇന്റർഫേസോട് കൂടിയാണു മൈക്രോസോഫ്റ്റിന്റെ ഈ ആന്റിവൈറസിന്റെ വരവ്. ഡൌൺലോഡിംഗ്, ഇൻസ്റ്റാളിംഗ്, അപ്ഡേഷൻ എന്നിവ വളരെകുറഞ്ഞ സമയത്തിനുള്ളീൽ തന്നെ നടക്കുകയും ചെയ്യുന്നു.

സോഫ്റ്റ്‌പീഡിയയിൽ നിന്നോ മൈക്രോസോഫ്റ്റിന്റെ സൈറ്റിൽ നിന്നൊ മൈക്രോസോഫ്റ്റ് സെക്യൂരിറ്റി എസ്സൻഷ്യൽ 1.0 വിൻഡോസിന്റെ വേർഷനുകളനുസരിച്ച് ഡൌൺലോഡ് ചെയ്തെടുക്കാവുന്നതാണ്.

മൈക്രോസോഫ്റ്റ് സെക്യൂരിറ്റി എസ്സൻഷ്യൽ 1.0 സ്ക്രീൻ ഷോട്ടുകൾ.

ഇൻസ്റ്റലേഷൻ വിസാർഡ്

വാലിഡേഷൻ

അപ്ഡേഷൻ

സ്കാനിംഗ്

സിസ്റ്റം റിക്വയർമെന്റ്
* For XP - CPU with clock speed of 500 MHz or higher
* For XP - Memory: 256 MB RAM or higher
* For Vista / W7 - CPU with clock speed of 1.0 GHz or higher
* For Vista / W7 - Memory: 1 GB RAM or higher
* VGA (Display): 800 x 600 or higher
* Storage: 140 MB of available hard-disk space

കുറിപ്പ്: പൈറേറ്റ് ചെയ്തെടുത്ത വിൻഡോസ് ഓപ്പറേറ്റിംഗ് സോഫ്റ്റ്‌വെയറുകളുടെ വേർഷൻ ഉപയോഗിക്കുന്നവർ ഈ ആന്റിവൈറസ് ഇൻസ്റ്റാൾ ചെയ്യാതിരിക്കുക. വാലിഡേഷൻ പ്രോസസ് പൂർത്തിയാക്കിയാൽ മാത്രമെ വിൻഡോസിലേക്ക് മൈക്രോസോഫ്റ്റ് സെക്യൂരിറ്റി എസ്സൻഷ്യൽ 1.0 ഇൻസ്റ്റാൾ ചെയ്യപ്പെടുകയുള്ളൂ.

വിൻ‌ഡോസ് 7 - ഒരു പരീക്ഷണക്കുറിപ്പ്

2009-06-09T05:44:00.000-07:00

വിൻ‌ഡോസ് 7 - ഒരു പരീക്ഷണക്കുറിപ്പ്

മൈക്രോസൊഫ്റ്റ് വിൻഡോസിന്റെ പുതിയ ഓപ്പറേറ്റിംഗ് സോഫ്റ്റ്‌വെയറായ വിൻഡോസ് 7 റിലീസ് കാൻ‌ഡിഡേറ്റ് കഴിഞ്ഞ മാസം മൈക്രോസോഫ്റ്റ് പുറത്തിറക്കുകയുണ്ടായി. ഈ മാസം അവസാനം വരെ വിൻഡോസ് 7 പ്രീ റിലീസ് വേർഷൻ ഉപയോക്താക്കൾക്ക് സൌജന്യമായി തന്നെ മൈക്രോസോഫ്റ്റിന്റെ സൈറ്റിൽ നിന്നും ഡൌൺലോഡ് ചെയ്തുപയോഗിക്കാനായി അനുവദിച്ചിട്ടുണ്ട്. ഈ കാലയളവിൽ എത്ര വേണമെങ്കിലും പ്രോഡക്റ്റ് കീ സൌജന്യമായി തന്നെ ലഭിക്കും. 2010 ജൂൺ ഒന്നാം തീയതി വരെ റിലീസ് കാൻഡിഡേറ്റ് ഉപയോക്താക്കൾക്ക് ഉപയോഗിക്കാൻ കഴിയും. എക്സ്പയറി ഡേറ്റിനു ഒരു മാസം മുൻപ് (മാർച്ച് ഒന്നാം തീയതി) മുതൽ തന്നെ വിൻഡോസ് 7 ഓരൊ രണ്ടു മണിക്കൂറിലും ഷട് ഡൌൺ ആവുകയും ചെയ്യുന്ന തരത്തിലാണു പ്രീ റിലീസ് പുറത്തിറക്കിയിരിക്കുന്നത്. ഈ ഒരുവർഷകാലയളവിൽ വിൻഡോസ് 7 ന്റെ എല്ലാ അപ്‌ഡേറ്റുകളൂം ഉപയോക്താവിനു ലഭിക്കുകയും ചെയ്യും. ഈ വർഷം ഒക്റ്റോബർ മധ്യത്തോടെ വിൻഡോസ് സെവൻ ഔദ്യോഗികമായി പുറത്തിറക്കാനാണു മൈക്രോസോഫ്റ്റിന്റെ പദ്ധതി.

മൈക്രോസോഫ്റ്റിന്റെ മറ്റു ഓപ്പറേറ്റിംഗ് സോഫ്റ്റ്‌വെയറുകളായ വിൻഡോസ് എക്സ് പി, വിസ്റ്റ എന്നിവയുടെ ഒരു സങ്കര രൂപം എന്നു വേണമെങ്കിൽ വിൻഡോസ് ഏഴിനെ വിശേഷിപ്പിക്കാം. എക് സ് പിക്ക് ശേഷം വന്ന വിസ്റ്റ ഓപറേറ്റിംഗ് സോഫ്റ്റ്‌വെയറിനു തുടക്കത്തിൽ ഉപയോക്താക്കളിൽ നിന്നും നല്ല പ്രതികരണമായിരുന്നെങ്കിലും പിന്നീട് ഒരു പാടു പ്രശ്നങ്ങൾ വിസ്റ്റ സൃഷ്ടിച്ചു. അസാധാരണമായിട്ടുള്ള സ്പീഡ് കുറവ്. ബഗുകൾ, മറ്റൊരുപാട് സോഫ്റ്റ്‌വെയർ, ഹാർഡ് വെയർ കോമ്പാറ്റിബിലിറ്റി പ്രശ്നങ്ങൾ ഇതെല്ലാം വിസ്റ്റയുടെ ജനപ്രീതി കുറച്ചു.

വിസ്റ്റ ഇറക്കിയതു മൂലമുണ്ടായ മാനഹാനി മൈക്രോസോഫ്റ്റ് വിൻഡോസ് ഏഴ് പുറത്തിറക്കിയതിലൂടെ പരിഹരിച്ചു എന്നു വേണം കരുതാൻ..;)

വിസ്റ്ററ്റയിലുണ്ടായിരുന്ന ഡ്രൈവർ കോമ്പാറ്റിബിലിറ്റി പ്രശ്നങ്ങളും. സോഫ്‌റ്റ്‌വെയർ ബഗ്സും ഏറെക്കുറെ പരിഹരിച്ചാണു വിൻഡോസ് 7 പുറത്തിറങ്ങിയിരിക്കുന്നത്. കാഴ്ചയിൽ വിസ്റ്റ പോലെ തന്നെയാണു വിൻഡോസ് ഏഴും. വിസ്റ്റയെ അപേക്ഷിച്ച് നോക്കുമ്പോൾ നല്ല സ്പീഡുമുണ്ട് വിൻഡോസ് ഏഴിന്.

വിൻ‌ഡോസ് സെവൻ ഇൻസ്റ്റലേഷനു വേണ്ടി ആകെയെടുത്ത സമയം 30 മിനിട്ടിൽ താഴെ മാത്രമാണു. വിസ്റ്റയെ അപേക്ഷിച്ച് നോക്കുമ്പോൾ ഡ്രൈവർ കോമ്പാറ്റിബിലിറ്റി പ്രശ്നങ്ങൾ ഒന്നും തന്നെ സെവനുണ്ടായിരുന്നില്ല. ചിപ്‌സെറ്റ് ഡ്രൈവറും ഇൻസ്റ്റാൾ ചെയ്യേണ്ട ആവശ്യം വന്നില്ല. അതില്ലാതെ എല്ലാ കമ്പൊണന്റ്സും ഇൻസ്റ്റാൾ ചെയ്തിട്ടുണ്ട്. ഇൻസ്റ്റാ‍ൾ ചെയ്യേണ്ട ഡ്രൈവ് കാണിച്ച് കൊടുത്ത് കഴിഞ്ഞാൽ പ്രത്യേകിച്ചൊന്നും തന്നെ സെവൻ ഇൻസ്റ്റാൾ ചെയ്യാനായി ചെയ്യേണ്ടി വന്നില്ല. രൂപവും ഭാവവുമൊക്കെ വിസ്റ്റയുടേതിനു സമാനമായി തോന്നുന്നുമെങ്കിലും വിസ്റ്റയേക്കാളും മനോഹാരിതയുണ്ട് വിൻഡോസ് ഏഴിന്.

വിൻഡോസ് ഏഴ് ഇൻസ്റ്റാൾ ചെയ്തു കഴിഞ്ഞ് സിസ്റ്റത്തിലേക്ക് പ്രവേശിക്കുന്നത് തന്നെ ഒരു നല്ല അപ്പിയറൻസോട് കൂടിയാണു.

ചില പ്രത്യേകതകൾ

സാധാരണഗതിയിൽ നിന്നും വ്യത്യസ്തമായി ക്യൂക് ലോഞ്ച് ഐക്കൺ (Quick Launch) ഓപ്ഷൻ വിൻ‌ഡോസ് സെവനിലെ ടാസ്ക് ബാറിൽ കാണാനില്ല. ടാസ്ക് ബാറിൽ റൺ ചെയ്തു കൊണ്ടിരിക്കുന്ന പ്രോഗ്രാമിൽ റൈറ്റ് ക്ലിക്ക് ചെയ്തു “ Pin this Program in Taskbar" എന്ന ഓപ്ഷൻ ചെക്ക് ചെയ്തു കൊടുത്ത് കഴിഞ്ഞാൽ ടാസ്ക് ബാറിലായി ആ പ്രോഗ്രാം വരികയും ടാസ്ക് ബാറിൽ ഫിക്സ് ചെയ്തിരിക്കുകയും ചെയ്യും. റിമൂവ് ചെയ്യെണ്ട അവസരത്തിൽ “ Pin this Program in Taskbar" എന്ന ഓപ്ഷൻ വീണ്ടും ടാസ്ക് ബാറിലെ പ്രോഗ്രാമിൽ റൈറ്റ് ക്ലിക്ക് ചെയ്ത് ഡിസേബിൾ ചെയ്യാനും സാധിക്കുന്ന തരത്തിലാണു വിൻഡോസ് ഏഴിന്റെ ടാസ്ക് ബാർ ഡിസൈൻ ചെയ്തിരിക്കുന്നത്. അതു കൊണ്ട് തന്നെ വിസ്റ്റയേയൊ എക്സ് പിയേയൊ അപേക്ഷിച്ച് എല്ലാ പ്രോഗ്രാമുകളും, ഫോൾഡറുകളും തുടങ്ങി കൺ‌ട്രോൾ പാനൽ വരെ ടാസ്ക് ബാറിൽ പിൻ ചെയ്തു ഉപയോഗിക്കാനായി സാധിക്കുന്നുണ്ട്.

മൌസിന്റെ കഴ്സർ ടാസ്ക് ബാറിൽ കൊണ്ടു വന്നു വെക്കുമ്പോഴെക്കും തന്നെ റൺ ചെയ്തു കൊണ്ടിരിക്കുന്ന പ്രോഗ്രാമുകളൂടെ ഫുൾ പേജ് പ്രിവ്യൂകൾ കാണാൻ സാധിക്കുന്ന തരത്തിലാണു ടാസ്ക് ബാർ ബിൽഡ് ചെയ്തിരിക്കുന്നത്. മറ്റൊന്നു “ Show Desktop" ഐക്കൺ ടാസ്ക് ഇത്തവണ ടാസ്ക് ബാറിന്റെ വലത്തേയറ്റത്തായിട്ടാണു സ്ഥാനം പിടിച്ചിരിക്കുന്നത്.

Running Program Preview

Show Desktop

എക്സ്പ്ലോററിൽ എന്തെങ്കിലും ഡൌൺലോഡ് ചെയ്തുകൊണ്ടിരിക്കുകയാണെങ്കിൽ ഡൌൺലോഡ് സ്റ്റാറ്റസ് മിനിമൈസ് ചെയ്തിരിക്കുന്ന എക്സ്പ്ലൊറർ വിൻഡൊ നോക്കിയാൽ അറിയാൻ സാധിക്കുന്നുണ്ട്. അതിമനോഹരങ്ങളായ ഡെസ്ക്ടോപ്പ് വാൾപേപ്പറുകൾ വിൻഡോസ് ഏഴിനൊപ്പമുണ്ട്. ഉപയോക്താവിന്റെ ഇഷ്ടമനുസരിച്ച് ഡെസ്ക്ടോപ്പ് കസ്റ്റമൈസ് ചെയ്യാൻ സാധിക്കുന്ന രീതിയിൽ പെഴ്സണലൈസേഷൻ വിൻഡോയും ഡിസൈൻ ചെയ്തിരിക്കുന്നു.

Download Status

Personalization window

സെവനിലെ പെയിന്റ് പുതിയ രൂപത്തിലും ഭാവത്തിലുമാണു വന്നിരിക്കുന്നതു. ക്രോപ്പ് ചെയ്യാനും റിസൈസ് ചെയ്യാനുമുള്ള സൌകര്യം ഏർപ്പെടുത്തിയിട്ടുണ്ട്. ഏ സി ഡി സീ ഉപയോഗീച്ച് ചെയ്യാൻ കഴിയുന്ന എല്ലാം വിൻ‌ഡോസ് ഏഴിലെ പെയിന്റ് ഉപയോഗിച്ച് ചെയ്യാൻ കഴിയും. വിൻഡോസ് മീഡിയ പ്ലേയർ വഴി ഒട്ടുമിക്ക വീഡിയോ ഫയൽ , ആഡിയോ ഫയൽ ഏക്സ്റ്റൻഷുകളും പ്ലേ ചെയ്യാനായി സാധിക്കുന്നുണ്ട്, അഡിഷണൽ പ്ലഗിനുകൾ ഒന്നും തന്നെ ഇൻസ്റ്റാൾ ചെയ്യേണ്ട ആവശ്യമില്ല.

Windows Media Player

ഒരു ക്ലിക്കിൽ തന്നെ കൺ‌ട്രോൾ പാനൽ ഓപ്ഷനുകൾ തുറന്നു വരുന്ന രീതിയിലാണു ഡിസൈൻ ചെയ്തിരിക്കുന്നതെന്നതിനാൽ വളരെ ഈസിയായി തന്നെ എല്ലാം കോൺഫിഗർ ചെയ്യാൻ സാധിക്കുന്നുണ്ട്.

Control Panel

All Control Panel Items

സിസ്റ്റവുമായി കണക്റ്റ് ചെയ്തിരിക്കുന്ന എല്ലാ ഡിവൈസുകളും (പ്രിന്ററുകൾ, യു എസ് ബി ഡ്രൈവുകൾ, ക്യാമറ, മൌസ്, മോണിറ്റർ, തുടങ്ങിയവ ) കൺ‌ട്രോൾ പാനലിലെ “Devices and Printers" എന്ന ഓപ്ഷനിൽ ക്ലിക്കിയാൽ അറിയാൻ സാധിക്കും.

Devices and Printers

"Action Center" ഓപ്ഷനിൽ ക്ലിക്കിയാൽ ഫയർവാളുകൾ, ആന്റിവൈറസുകൾ എന്നിവയക്കുറിച്ചുള്ള വിവരങ്ങളും എന്തൊക്കെയാണു അടിയന്തിരമായി ചെയ്യേണ്ടതു എന്നുള്ളതിന്റെ നോട്ടിഫിക്കേഷനും കാണാം.

Action Center

ഡിഫാൾട്ട് പ്രോഗ്രാമുകൾ സെറ്റ് ചെയ്യാനും, നോട്ടിഫിക്കേഷൻ ഏരിയ, ടാസ്ക് ബാറിൽ സെറ്റ് ചെയ്തു കൊടുക്കാനും വളരെ ഈസിയായി തന്നെ കഴിയുന്നുണ്ട്. ഡെസ്ക്ടോപ്പ് ഗാഡ്ജറ്റുകൾ ( ക്ലോക്ക്, സി പി യു മീറ്റർ, കലണ്ടർ.. മുതലായവ), പാരന്റൽ കൺ‌ട്രോൾ ടാസ്കുകൾ, ആട്ടൊ പ്ലേ ഓപ്ഷനുകൾ ലിമിറ്റ് ചെയ്യുക, ഫോൾഡർ ഓപ്ഷനുകൾ,സിസ്റ്റം പെർഫോമൻസ് ഇൻഫർമെഷൻ ടൂളുകൾ, ബാക്കപ്പ് & റീസ്റ്റോർ ഓപ്ഷനുകൾ എല്ലാം തന്നെ കൺ‌ട്രോൽ പാനൽ വിൻഡോയിൽ നിന്നും എളുപ്പത്തിൽ അക്സസ് ചെയ്യാൻ സാധിക്കുന്നുണ്ട്. ബേസിക് നോളജ് മാത്രം ഉള്ളവർക്ക് വരെ വളരെ ഈസിയായി കൈകാര്യം ചെയ്യാൻ സാധിക്കുന്ന വിധത്തിലാണു കൺ‌ട്രോൾ പാനൽ ഡിസൈൻ ചെയ്തിരിക്കുന്നത്.

Turn Windows Features On or Off

വിൻഡോസിന്റെ തന്നെ ബ്രൌസർ ആയ ഇന്റർനെറ്റ് എക്സ്പ്ലോറർ ഡിസേബിൾ ചെയ്യാൻ സാധിക്കുമെന്നുള്ളതാണു വിൻഡോസ് ഏഴിന്റെ ഒരു പ്രത്യേകത, ഇതുവരെ വിൻഡോസിൽ നിന്നും എക്സ്പ്ലോറർ ഡിസേബിൾ ചെയ്യാനുള്ള സൌകര്യം മൈക്രോസോഫ്റ്റിന്റെ ഒരു ഓ എസിന്റെ കൂടെയും ലഭിച്ചിരുന്നില്ല. എന്നാൽ ഇത്തവണ താൽകാലികമായിട്ടെങ്കിലും അതിനുള്ള സൌകര്യം കൂടെ മൈക്രോസോഫ്റ്റ് ഒരുക്കുന്നുണ്ട്, ഇതെടുക്കുന്നതിനായി കൺ‌ട്രോൾ പാനലിലെ പ്രോഗ്രാംസ് & ഫീച്ചേഴ്സ് ഓപ്ഷനിലെ ഇടതു വശത്തായി കാണുന്ന “Turn Windows Features On or Off" ക്ലിക്ക് ചെയ്തു കഴിഞ്ഞാൽ ഒരു പുതിയ വിൻഡോ അപ്പിയർ ചെയ്യുകയും അതിലെ "Internet Explorer 8 " എന്ന ചെക്ക് ബോക്സ് അൺ ചെക്ക് ചെയ്താൽ എക്സ്പ്ലോറർ ഡിസേബിൾ ആകുകയും ചെയ്യും. പിന്നീടെപ്പോഴെങ്കിലും വേണമെന്നുണ്ടെങ്കിൽ അതേ ചെക്ക് ബോക്സ് ചെക്ക് ചെയ്തുകൊടുത്താൽ മതിയാകും. ഇതേ വഴി തന്നെ മറ്റു ചില സർവിസുകൾ കൂടി ഡിസേബിൾ ചെയ്യാനായി സാധിക്കും.

യുണീക്കോഡിലുള്ള എല്ലാം തന്നെ സുഗമമായി വായിക്കാൻ കഴിയുന്നുണ്ട്. എന്നാൽ ആസ്കി ഫോണ്ടുകൾ ഇൻസ്റ്റാൾ ചെയ്തിരിക്കുന്നവ വായിക്കുവാൻ സാധിക്കുന്നില്ല.

സെക്യൂരി ഫീച്ചറുകൾ:

വിൻഡോസ് ഡിഫന്റർ സർവീസ് എനേബിൾ ചെയ്തിട്ടുള്ളതിനാൽ താൽക്കാലികമായിട്ടുള്ള ഒരു സുരക്ഷ ലഭിക്കും, ഫയർ വാളുകൾ ഡിഫാൾടായി എനേബിൾ ചെയ്താണു വന്നിരിക്കുന്നതു. ബിറ്റ് ലോക്കർ ഡ്രൈവർ എൻ‌ക്രിപ്ഷൻ സൌകര്യമുള്ളതിനാൽ ഡ്രൈവുകൾ പാസ്‌വേഡുപയോഗിച്ച് ലോക്ക് ചെയ്യാനും അതു വഴി മറ്റുള്ളവർ ഡ്രൈവുകൾ അക്സസ് ചെയ്യുന്നതു തടയാനും സാധിക്കും.

Bit Locker

Windows Defender

വിൻഡോസ് സെവന്റെ ഏറ്റവും വലിയ പ്രത്യേകതയായി തോന്നിയതു അതിന്റെ സ്പീഡ് തന്നെയാണു. എക്സ് പി, വിസ്റ്റ, മാക്, റെഡ്‌ഹാറ്റ് എന്റർപ്രൈസസ് എഡിഷൻ 5 എന്നീ ഓ എസുകളുമായി താരതമ്യം ചെയ്തു നോക്കുമ്പോൾ വിൻഡോസ് ഏഴിനു തന്നെയാണു സ്പീഡ് കൂടൂതൽ( രണ്ടാഴ്ചത്തെ എക്സ്പീരിയൻസ് മാത്രം).

ഏകദേശം രണ്ടര ജീബിയോളമുണ്ട് ഏഴിന്റെ ഇൻസ്റ്റലേഷൻ സെറ്റപ്പ് ഇമേജിന്. വിൻഡോസ് 7 ഇൻസ്റ്റാൾ ചെയ്യാൻ വേണ്ട മിനിമം റിക്വയർമെന്റ് ഇവയാണു.

32 ബിറ്റ് അല്ലെങ്കിൽ 64 ബിറ്റ് പ്രോസസറിന്റെ കൂടെ ഏറ്റവും കുറഞ്ഞത് 1 ഗിഗാഹെഡ്സ് സ്പീഡും അല്ലെങ്കിൽ അതിനു മുകളിലും
മിനിമം 1 ജി ബി റാം
16 ജിബി ഹാർഡ് ഡിസ്ക് സ്പെയിസ്

രണ്ടു വേർഷനുകളായാണു വിൻഡോസ് 7 ലോഞ്ച് ചെയ്യുന്നതു. 32 ബിറ്റ് ഇവിടെ നിന്നും 64 ബിറ്റ് ഇവിടെ നിന്നും ഡൌൺലോഡ് ചെയ്തുപയോഗിക്കാം. നോർമൽ യൂസേഴ്സിനു 32 ബിറ്റ് മതിയാവും. പ്രോഡക്റ്റ് കീ ലഭിക്കാനായി നിങ്ങൽക്കാകെ വേണ്ടതു ഒരു എം എസ് എൻ/ഹോട്മെയിൽ ഐഡി മാത്രം. ഡൌൺലോഡ് ചെയ്യുന്ന സമയത്ത് ഒരു പുതിയ വിൻഡോ ഡൌൺലോഡ് മാനേജർ എന്ന പേരിൽ ഓപ്പൺ ആവുകയും അതു വഴി വിൻഡോസ് സെവൻ ഡൌൺലോഡ് ചെയ്തെടുക്കാം. കറന്റ് പോവുകയൊ , നെറ്റ് കണക്ഷൻ വിച്ഛേദിച്ച് പോവുകയൊ ചെയ്താലും ഡൌൺലോഡ് ചെയ്തു നിർത്തിയ ഭാഗം മുതൽ തന്നെ ഡൌൺലോഡ് പിന്നീട് തുടരാവുന്നതാണു.

പിൻ‌കുറിപ്പ്: വിൻഡോസ് ഏഴിന്റെ സെറ്റപ്പ് ശരിയായി ഡൌൺലോഡ് ചെയ്തെടുക്കാൻ ഏകദേശം 12 മണിക്കൂറുകൾ ഞാനെടുത്തു. രണ്ടു തവണ ഡൌൺലോഡ് ചെയ്തതു കറപ്റ്റായതിനാൽ ആ ഫയലുകൾ ഇൻസ്റ്റാൾ ചെയ്താൽ “Severe Problems" ഉണ്ടാകുമെന്നു മൈക്രോസോഫ്റ്റ് പേടിപ്പിച്ചതിനാൽ ആകെ മൂന്ന് തവണ ഡൌൺലോഡ് ചെയ്തു. മൊത്തത്തിൽ പത്തു നാല്പത് മണിക്കുർ വേസ്റ്റായി. രണ്ടു തവണ ഇമേജ് ഫയൽ ഡിവിഡിയിലേക്ക് ബേൺ ചെയ്തപ്പോൾ കറപ്റ്റായി 50 രൂപ വെള്ളത്തിലായി. ആകെ രണ്ടാഴ്ചയെ നോക്കിയിട്ടുള്ളു ( അതും ഏറ്റവും കൂടി പ്പോയാൽ മാക്സിമം 30-40 മണിക്കൂർ). അതു കൊണ്ട് തന്നെ ഇതിലെഴുതിയിരിക്കുന്നതു പൂർണ്ണമായും എന്റെ എക്സ്പീരിയൻസും അഭിപ്രായവും മാത്രമാണു. വിരുദ്ധാഭിപ്രായമുള്ളവർ ടെസ്റ്റ് ചെയ്തു അതൊന്നു കമന്റായിട്ടെങ്ങാൻ എഴുതിയാൽ പോസ്റ്റ് അപ്ഡേറ്റ് ചെയ്യാൻ സാധിക്കും.

നിങ്ങളുടെ പ്രൈമറി സിസ്റ്റം വിൻഡോസ് സെവൻ ടെസ്റ്റ് ചെയ്യാതിരിക്കാനായി ഉപയോഗിക്കാതിരിക്കുക. പ്രീ റിലിസ് വേർഷൻ ആയതിനാൽ സിസ്റ്റം ക്രാഷാവാനുള്ള സാധ്യത കൂടുതലായിരിക്കും. അതു കൊണ്ട് തന്നെ മറ്റേതെങ്കിലും സിസ്റ്റത്തിലോ അല്ലെങ്കിൽ സിസ്റ്റത്തിലെ മറ്റൊരു ഡ്രൈവിലൊ അതുമല്ലെങ്കിൽ വെർച്വൽ സിസ്റ്റത്തിലൊ മാത്രം ചെക്ക് ചെയ്തു നോക്കുക. ചിപ്സെറ്റ് സി ഡീ യൂസ് ചെയ്യാതെ തന്നെ എല്ലാ കമ്പണന്റുകളൂം ഇൻസ്റ്റാൾ ചെയ്യപ്പെടുമെങ്കിലും സിസ്റ്റം ശരിയായി പ്രവർത്തിക്കാൻ ഡ്രൈവർ സിഡി തന്നെ ഉപയോഗിക്കണം.

സ്ക്രീൻഷോട്ടുകളിൽ ക്ലിക്കിയാൽ വലുതായി കാണാൻ സാധിക്കും

കഥ തുടരും.......

18271

ഗംബ്ലാർ- ഗൂഗിൾ ഉപയോക്താക്കൾ ജാഗ്രതൈ..!

2009-06-02T10:21:00.000-07:00

വെബ് പേജുകൾ സന്ദർശിക്കുമ്പോൾ ഉപയോക്താക്കളുടെ അറിവൊ സമ്മതമൊ കൂടാതെ അവരുടെ സിസ്റ്റങ്ങളിൽ മാൽ‌വെയറുകൾ ഇൻസ്റ്റാൾ ചെയ്യുന്ന പ്രവർത്തിയെയാണു ഡ്രൈവ് ബൈ ഡൗൺലോഡുകൾ (drive-by-downloads) എന്ന ടേം ഉപയോഗിച്ച് സൂചിപ്പിക്കുന്നത്. ബ്രൗസറുകളിലെ വിവിധ തരത്തിലുള്ള ദൗർബല്യങ്ങളെ ചൂഷണം ചെയ്താ‍ണു ഇങ്ങനെയുള്ള മാൽ‌വെയറുകൾ ഉപയോക്താക്കളുടെ സിസ്റ്റത്തിൽ ഇൻസ്റ്റാൾ ചെയ്യപ്പെടുന്നത്. .

സെക്യൂരിറ്റി സോഫ്‌റ്റ്‌വെയർ നിർമ്മാതാക്കളായ സോഫോസിന്റെ ഒരു റിസേർച്ച് പ്രകാരം ഓരൊ പതിനാലു സെക്കന്റിലും ഒരു വെബ് പേജ് വെച്ച് മാൽ‌വെയർ ഇൻഫെക്റ്റഡ് ആകുന്നുവെന്ന് സൂചിപ്പിക്കുന്നു. പിന്നീട് ഇൻ‌ഫെക്റ്റഡ് ആകുന്ന വെബ്‌സൈറ്റുകൾ തമ്മിലുള്ള ഒരു കണക്ഷൻ സാധ്യമാവുകയും തുടർന്ന് ഈ വെബ്സൈറ്റുകളെല്ലാം തന്നെ അവയുമായി ബന്ധപ്പെട്ടിരിക്കുന്ന ബോട്‌നെറ്റുകളുടെ ഭാഗമായിത്തീരുകയും ചെയ്യുന്നു. മാത്രമല്ല ഇൻ‌ഫെക്റ്റഡ് ആയ സൈറ്റുകൾ സന്ദർശിക്കുന്ന ഉപയോക്താക്കളുടെ കമ്പ്യൂട്ടറുകളിലേക്കും ഈ സൈറ്റുകൾ മാൽ‌വെയറുകൾ ഇൻ‌ജക്റ്റ് ചെയുകയും അവയും ഈ ബോട് നെറ്റുകളുടെ (****) ഭാഗമായിത്തീരുകയും ചെയ്യുന്നു.

ഗംബ്ലാർ- സൈബർ സ്പെയിസിലെ പുതിയ ഭീഷണി

കോൺഫ്ലിക്കർ വേം സൃഷ്ടിച്ച അലകളടങ്ങും മുൻപെ ഇന്റർനെറ്റ് ഉപയോക്താക്കളെ ഭീതിയിലാഴ്ത്തിക്കൊണ്ട് പുതിയ മാൽവെയർ സ്പ്രെഡ് ചെയ്യുന്നതായി സെക്യൂരിറ്റി ഗവേഷകർ കണ്ടെത്തി. ഇത്തവണ അതിന്റെ പേര് ഗംബ്ലാർ(?) എന്നാണു (Gumblar- Troj/JSRedir-R )
പാസ്‌വേഡുകൾ മോഷ്ടിക്കപ്പെട്ട എഫ് റ്റി പി അക്കൊണ്ടുകൾ വഴിയും മാൽ‌വെയറുകൾ ഇൻ‌ജക്റ്റ് ചെയ്തിരിക്കുന്ന വെബ്സൈറ്റുകൾ വഴിയുമാണു ഗംബ്ലാർ വൈറസ് പരക്കുന്നത്, ഡ്രൈവ് ബൈ ഡൗൺലോഡുകൾ വഴി, ഇൻഫ്കെറ്റ് ചെയ്യപ്പെട്ട വെബ്‌സൈറ്റുകൾ സന്ദർശിക്കുന്ന ഉപയോക്താക്കളെയാണു ഗംബ്ലാർ വേം പ്രധാനമായും ലക്ഷ്യം വെക്കുന്നത്.

ഗംബ്ലാർ വേം അധീനതയിലാക്കിയ വെബ്സൈറ്റുകൾ സന്ദർശിക്കുന്നതു വഴിയാണു പ്രധാനമായും വിൻ‌ഡോസ് പ്ലാറ്റ് ഫോമായിട്ടുള്ള സിസ്റ്റങ്ങൾ കോമ്പ്രമൈസ്ഡ് ആകുന്നുതെന്ന് റിപ്പോർട്ടുകൾ സൂചിപ്പിക്കുന്നു. കഴിഞ്ഞ മാസം പതിനെട്ടിനു സെർട്ട് യു എസ് എ (CERT, USA) ഇന്റർനെറ്റ് ഉപയോക്താക്കൾക്ക് ഗംബ്ലാർ വേമിനെക്കുറിച്ചൊരു മുന്നറിയിപ്പും നൽകുകയുണ്ടായി. മാർച്ചിലാണു ഗമ്പ്ലാർ വേം ആദ്യമായി ഇന്റർനെറ്റിൽ പ്രത്യക്ഷപ്പെടുന്നത്.

അഡോബിന്റെ പി ഡീ എഫ് റീഡറിലേയും ഫ്ലാഷ് പ്ലെയറിലേയും വൾനറബിലിറ്റികൽ മുതലെടുത്താണു ഗംബ്ലാർ വെബ്സൈറ്റുകളിൽ ഇൻഫെക്റ്റ് ചെയ്യുന്നത്. വെബ്സൈറ്റുകളിൽ ജാവ കോഡുകൾ ഇൻ‌ജക്റ്റ് ചെയ്താണൂ ഇവ സൈറ്റുകളെ അധീനതയിലാക്കുന്നതും.

ഗൂഗിൾ റിസൾട്ടുകളെ റീഡയറക്റ്റ് ചെയ്യുന്ന വിധത്തിലാണു ഗംബ്ലാർ വേം ഡിസൈൻ ചെയ്തിരിക്കുന്നതെന്നു ആദ്യ വിവരങ്ങൾ സൂചിപ്പിക്കുന്നു. തുടർന്ന് ഇവ മാൽവെയർ കോഡുകൾ ഇൻജക്റ്റ് ചെയ്തിരിക്കുന്ന സൈറ്റുകളിലേക്ക് ഉപയോക്താക്കളെ വഴി തിരിക്കുകയും അവയിൽ കയറുന്ന മാത്രയിൽ മറ്റു മാൽവെയറുകൾ സിസ്റ്റത്തിലേക്ക് ഇൻസ്റ്റാൾ ചെയ്യുകയും ചെയ്യുന്നു. മാത്രമല്ല ഗംബ്ലാർ വേം അധീനതയിലാക്കിയ കമ്പ്യൂട്ടറുകളിലെ വിലപ്പെട്ട വിവരങ്ങളും ഗംബ്ലാർ വേം മദർഷിപ്പിലേക്കയക്കുന്നു. ഫേക്ക് ആന്റിവൈറസുകൾ സിസ്റ്റത്തിലേക്ക് ഇൻസ്റ്റാൾ ചെയ്യുകയും, നിലവിലില്ലാത്ത മാൽവെയറുകൾ സിസ്റ്റത്തിൽ ഇൻസ്റ്റാൾ ചെയ്യപ്പെട്ടുവെന്ന് മുന്നറിയിപ്പുകൾ നൽകി അവയുടെ ഫുൾ വേർഷനുകൾ ഉപയോക്താവിനെക്കൊണ്ട് വാങ്ങുവാനും പ്രേരിപ്പിക്കുന്നു.

gumblar.cn എന്ന ചൈനീസ് ഡൊമയിനിൽ നിന്നുമാണു ഈ മാൽ‌വെയർ ആദ്യമായി ഡൗൺലോഡ് ചെയ്യപ്പെടുന്നതു. തുടർന്ന് ഈ വെബ്സൈറ്റ് ഓഫ്‌ലൈൻ ആകുകയും പകരം martuz.cn എന്ന മറ്റൊരു വെബ്‌സൈറ്റ് അതിന്റെ സ്ഥാനത്ത് മാൽ‌‌വെയർ കോഡുകൾ ഇൻസ്റ്റാൾ ചെയ്തു ഹാക്കർമാർ റീപ്ലെയിസ് ചെയ്യുകയും ചെയ്തു. . ഏകദേശം നാല്പത്തിയൊന്നോളം ട്രോജനുകളും 6000 ത്തോളം സ്ക്ര്‌പ്റ്റിംഗ് എക്സ്പ്ലോയിറ്റുകളും gumblar.cn ഹോസ്റ്റ് ചെയ്തിരിക്കുന്നതായാ‍ണു ഗൂഗിൾ ഡയഗ്നോസ്റ്റിക്റ്റിന്റെ റിപ്പോർട്ട്. ഇൻഫെക്റ്റഡ് ആയ സൈറ്റുകൾ സന്ദർശിക്കുന്നതിലൂടെ ഉപയോക്താവ് അറിയാതെ തന്നെ കമ്പ്യൂട്ടറിലേക്ക് ഇൻസ്റ്റാൾ ചെയ്യപ്പെടുന്ന രീതിയിലാണു ഗംബ്ലാർ വേം ഡിസൈൻ ചെയ്യപ്പെട്ടിരിക്കുന്നത്. ജാവാ സ്ക്രിപ്റ്റുകളിലെ ദൗർബല്യങ്ങളാണു പ്രധാനമായും ഇവ മുതലെടുക്കുന്നത്. കൂടാതെ അഡോബിന്റെ പി ഡി എഫ് റീഡറിലെ ചില വേർഷനുകളിലും, ഫ്ലാഷ് പ്ലയറിലുമുള്ള ചില വൾനറബിളിലിറ്റികളും ഗംബ്ലാർ എക്സ്പ്ലൊയിറ്റ് ചെയ്യുന്നു. ഇൻഫെക്റ്റഡ് ആയ വെബ്സെർവറുകളിലെ മാൽ‌വെയർ കോഡുകൾ നീക്കം ചെയ്തു കഴിഞ്ഞാലും അവ വീണ്ടും റീപ്ലേസ് ചെയ്യുന്ന രീതിയിലാണു ജാ‍വാ കോഡുകൾ എഴുതപ്പെട്ടിരിക്കുന്നത് എന്നുള്ളതാണ് ഗംബ്ലാറിന്റെ ഏറ്റവും വലിയ പ്രത്യേകത.

രണ്ടു തരത്തിൽ‌പെട്ട ബോട് നെറ്റുകളാണ് ഗംബ്ലാർ വേം വഴി ബിൽഡ് ചെയ്യപ്പെടുന്നത് അധീനതയിലാക്കിയ വെബ്‌സൈറ്റുകളുടെ ഒരു ശൃംഖലയും സോം‌ബി സിസ്റ്റങ്ങളുടെ മറ്റൊരു ശൃംഖലയും. കോമ്പ്രമൈസ് ചെയ്യപ്പെട്ട വെബ്‌സൈറ്റുകൾ സന്ദർശിക്കുന്ന ഉപയോക്താക്കൾ ജാവ‌സ്ക്രിപ്റ്റ് എനേബീൾ ചെയ്തിട്ടുണ്ടെങ്കിൽ അവരുടെ സിസ്റ്റങ്ങളും കോമ്പ്രമൈസ് ചെയ്യപ്പെടുകയും തുടർന്ന് സോംബിയാകുകയും ബോട്‌നെറ്റ് ശൃംഖലയുടെ ഭാഗമായിത്തീരുകയും ചെയ്യുന്നു.

ചുരുങ്ങിയ കാലയളവിൽ തന്നെ ഒട്ടനനവധി സിസ്റ്റങ്ങളെയും വെബ്സൈറ്റുകളെയും ഗംബ്ലാർ. ഇൻഫെക്റ്റ് ചെയ്തുവെന്ന് കരുതപ്പെടുന്നു. മാർച്ചിൽ മാത്രം ഏകദേശം 3000 ത്തോളം വെബ്‌സൈറ്റുകൾ ഇൻഫെക്റ്റ് ചെയ്യപ്പെട്ടുവെന്ന് റിപ്പോർട്ടുകൾ സൂചിപ്പിക്കുന്നത്. . ഗുമ്പ്ലാറിനെക്കുറിച്ചുള്ള കൂടൂതൽ വിവരങ്ങൾ ലഭ്യമല്ലാത്തതിനാൽ ഇതുവരെ എത്രത്തോളം സിസ്റ്റങ്ങൾ ഇൻഫെക്റ്റ് ചെയ്യപ്പെട്ടുവെന്നതിനെക്കുറിച്ച് ആന്റിവൈറസ് നിർമ്മാതാക്കൾക്കും യാതൊരു ഐഡിയയും നിലവിലില്ല. മാത്രമല്ല സെക്യൂരിറ്റി വെണ്ടെഴ്സ് ഗംബ്ലാറിനു നൽകിയിരിക്കുന്ന ത്രെട് ലെവൽ വെരി ഹൈ ആണു

അനുബന്ധ വായനക്ക്

(1) http://www.sophos.com/blogs/gc/g/2009/05/14/malicious-jsredir-javascript-biggest-malware-threat-web/

(2) http://securitylabs.websense.com/content/Blogs/3401.aspx

(3) http://www.webpayments.ie/blog/Gumblar-What-is-it-How-to-I-remove-it-.html

(4) http://news.softpedia.com/news/Gumblar-Morphs-Becomes-Martuz-112079.shtml

(5) https://forums2.symantec.com/t5/blogs/blogarticlepage/blog-id/malicious_code/article-id/272

ബോട് നെറ്റുകൾ (****)

വൈറസുകളൊ, ട്രോജനുകളൊ വഴി അധീനതയിലാക്കിയ സിസ്റ്റങ്ങളെയാണു (മാൽ‌വെയർ ഇൻഫെക്റ്റഡ് കമ്പ്യൂട്ടറുകൾ) പൊതുവിൽ സോംബി സിസ്റ്റങ്ങൾ അല്ലെങ്കിൽ ബോട്ടുകൾ എന്നു വിവക്ഷിക്കുന്നത്. ഇത്തരം സോംബി സിസ്റ്റങ്ങളുടെ ഒരു ശൃംഖലയെ ബോട് നെറ്റുകളെന്ന് പറയുന്നു (റോബോട് നെറ്റ്‌വർക്കുകൾ). . സോംബി സിസ്റ്റത്തിൽ ഇൻസ്റ്റാൾ ചെയ്യപ്പെട്ടിരിക്കുന്ന ട്രോജനുകളിലെഴുതപ്പെട്ടിരിക്കുന്ന കോഡുകൾ വഴി ഇത്തരം സിസ്റ്റങ്ങൾ കമാന്റ് ആൻ‌ഡ് കൺ‌ട്രോൾ ( C &C) സെർവറുകൾ എന്നറിയപ്പെടുന്ന സെർ‌വറുകൾ വഴി ബോട് നെറ്റ് കമാന്റർമാർ നിയന്ത്രിക്കുന്നു. സോംബി സിസ്റ്റങ്ങളിൽ ഇൻഫെക്റ്റ് ചെയ്യപ്പെട്ടിരിക്കുന്ന മാൽ‌വെയറുകളുടെ സ്വഭാവം അനുസരിച്ച് അവ റെപ്ലീക്കേറ്റ് ചെയ്യുകയൊ ( സാധാരണ ഗതിയിൽ വേമുകൾ എന്ന് ഇവയറിയപ്പെടുന്നു. ഉദാഹരണത്തിനു മെലീസ, കോഡ് റെഡ്- ഇവയെല്ലാം വേം വിഭാഗത്തില്പെടുന്നു) ചെയ്യാതിരിക്കുകയൊ ചെയ്യാം. എന്നാൽ വേം വിഭാഗത്തിലാണു സിസ്റ്റത്തിൽ ഇൻസ്റ്റാൾ ചെയ്തിരിക്കുന്ന മാൽ‌വെയർ ഉൾപെടുന്നതെങ്കിൽ അവ സ്വയം പെരുകുകയും നെറ്റ് വർക്കുകളും, മറ്റു ഡ്രൈവുകൾ ( യു എസ് ബി, ഫ്ലോപ്പി) വഴി മറ്റുള്ള സിസ്റ്റങ്ങളിലേക്ക് ഇൻഫെക്റ്റ് ചെയ്യപ്പെടുകയും ചെയ്യുന്നു. കമാന്റ് ആന്റ് കണ്ട്രോൾ സിസ്റ്റങ്ങളിൽ നിന്നും ലഭിക്കുന്ന നിർദ്ദേശങ്ങളനുസരിച്ച് ഓൺലൈനായിരിക്കുന്ന സോംബി കമ്പ്യൂട്ടറുകൾ പ്രവർത്തിക്കുകയും ഇവയുടെയൊക്കെ സിസ്റ്റം റിസോഴ്സസ്,( ഇന്റർനെറ്റ് ബാൻഡ്-വിഡ്ത്, ഹാർ‌ഡ് ഡിസ്ക് സ്പെയിസ്) മുതലായ ഉപയോഗിച്ച് മറ്റു സിസ്റ്റങ്ങളെയൊ നെറ്റ്‌വർക്കുകളെയൊ ആക്രമിക്കുന്നു. ഇത്തരത്തിലുള്ള ഒട്ടനവധി ബോട്ട് നെറ്റുകളുടെ കമാന്റ് ആൻ‌ഡ് കണ്ട്രോൾ സെർവറുകൾ ഉപയോഗിച്ച് നെറ്റ്‌വർക്കുകൾക്കും വെബ്സൈറ്റുകൾക്കുമെതിരെ നടത്തുന്ന ഏറ്റവും പ്രധാനപ്പെട്ട ആക്രമണമാണു ഡി ഡീ ഓ എസ്. മാത്രമല്ല ഇത്തരം ബോട്നെറ്റുകൾ ഉപയോഗിച്ച് മറ്റു മാൽ‌വെയറുകളും, സ്പാമുകളും വിതരണം ചെയ്യാനും ബോട്നെറ്റ് കമാന്റർമാർക്ക് സാധിക്കുന്നു. കൂടാതെ വെബ്സെർവറുകളിലും മറ്റും ബാക്ക് ഡോറുകൾ ക്രിയേറ്റ് ചെയ്തിടാനും ബോട്നെറ്റ് കമാന്റർമാർക്ക് സാധിക്കും.

ദി ഗ്രേറ്റ് ഹാക്കർ വാർ

2009-05-25T11:13:00.000-07:00

മാസ്റ്റേഴ്സ് ഓഫ് ഡിസപ്ഷൻ (Masters of Deception) എന്ന ഹാക്കേഴ്സ് ഗ്രുപ്പും ലീജിയൻ ഓഫ് ഡൂം (Legion of Doom- LOD) ) എന്ന പേരിൽ ലെക്സ് ലൂതർ (Lex Luthor) സ്ഥാപിച്ച മറ്റൊരു ഹാക്കെഴ്സ് ഗ്രൂപ്പുമായുള്ള പോരായിരുന്നു ദി ഗ്രേറ്റ് ഹാക്കർ വാർ എന്ന പേരിൽ പിന്നീട് പരിണമിച്ചത്. ആദ്യകാലത്തു നൈറ്റ്സ് ഓഫ് ഷാഡോയിലെ അംഗമായിരുന്നു ലെക്സ്. മാസ്റ്റേഴ്സ് ഓഫ് ഡിസപ്‌ഷൻ എന്ന പേരിൽ ഹാക്കേഴ്സ് ഗ്രൂപ്പ് സ്ഥാപിച്ച മാർക്ക് ആബേൻ -(ഫിബർ ഒപ്റ്റിക്-Phiber Optik) എൽ ഓ ഡിയിലെ അംഗമായിരുന്ന മറ്റൊരു പ്രധാന അംഗമായിരുന്ന ക്രിസ് ഗോഗനുമായുള്ള (Chris Goggans) മത്സരമാണു പിന്നിട് രണ്ടു ഗ്രൂപ്പുകൾ തമ്മിലുള്ള യുദ്ധമായി മാറിയതും അതു ഗ്രേറ്റ് ഹാക്കർ വാർ എന്ന പേരിലറിയപ്പെട്ടതും.

ദി ഗ്രേറ്റ് ഹാക്കർ വാർ

ദി ഗ്രേറ്റ് ഹാക്കർ വാർ എന്നറിയപ്പെട്ട ഹാക്കർമാർ തമ്മിലുള്ള ഈ യുദ്ധം ആരംഭിച്ചതു ഫിഫ്ത് അമെൻഡ്മെന്റ് (Fifth Amendment) എന്നറിയപ്പെട്ടിരുന്ന ക്ഷണിക്കപെട്ട അംഗങ്ങൾക്ക് മാത്രമായുള്ള ബുള്ളറ്റിൻ ബോർഡ് അടച്ച് പൂട്ടുന്നതുമായി ബന്ധപ്പെട്ടായിരുന്നു. അതിലെ അംഗങ്ങളെല്ലാം തന്നെ അന്നുള്ളതിലെ ഏറ്റവും മികച്ച ഹാക്കർമാരായിരുന്നു.ഫെഡറൽ ഇൻവെസ്റ്റിഗേഷൻ ഏജൻസിയിലെ ചില അംഗങ്ങൾ കുടി ഇതിലുണ്ടായിരുന്നു . ക്രിസ് ഗോഗൻസിന്റെയും ലോയ്ഡ് ബ്ലാങ്കെൻഷിപ്പിന്റെയും നേതൃത്വത്തിലുള്ള എൽ ഓ ഡിയായിരുന്നു ഈ ബുള്ളറ്റിൻ ബോർഡിനെ നിയന്ത്രിച്ചിരുന്നത്. ഹാക്കേഴ്സ് വൃത്തങ്ങളിൽ ഇവരിരുവരും യഥാക്രമം എറിക് ബ്ലഡാക്സ് ("Erik Bloodaxe") എന്നും ദി മെന്റർ ("The Mentor"). എന്നുമായിരുന്നു അറിയപ്പെട്ടിരുന്നത്.

മാസ്റ്റേഴ്സ് ഓഫ് ഡിസപ്ഷനിലെ അംഗമായിരുന്ന ജോൺ ലീ [ ഇദ്ദേഹത്തിന്റെ നിക്ക് നെയിം കറപ്റ്റ് ("Corrupt") എന്നായിരുന്നു ] . ഫിഫ്ത അമൻഡ്മെന്റിലെ അംഗങ്ങൾക്കായി ഒരു സന്ദേശം ഒരു മെസ്സേജ് ബോർഡിൽ പബ്ലീഷ് ചെയ്തതായിരുന്നു ഈ ബുള്ളറ്റിൻ ബോർഡ് പൂട്ടുന്നതിനുണ്ടായ (ഹാക്കർ വാറിന്റെയും ) അടിസ്ഥാന കാരണം. ഫിഫ്ത് അമൻഡ്മെന്റ് യഥാർത്ഥത്തിലൊരു ഹണി പോട്ടായിരുന്നു (honeypot,) എന്നുള്ളതായിരുന്നു ജോൺ ലീയുടെ സന്ദേശം . ഗ്രൂപ്പിലെ നിരവധി അംഗങ്ങൾ ഗവണ്മെന്റിന്റെ ഇൻഫോർമന്റുകൾ ആണെന്നും ഗ്രൂപ്പിലുള്ള അംഗങ്ങളുടെയെല്ലാം പ്രവർത്തനങ്ങൾ ഫെഡറൽ ഏജൻസികൾ നിരീക്ഷിക്കുകയാണെന്നും ആ സന്ദേശത്തിൽ ഉൾക്കൊള്ളിച്ചിരുന്നു.
Mark aben

തുടർന്ന് അഭ്യുദയകാക്ഷികൾ സംഭവത്തിൽ ഇടപെടുകയും സമാധാന സംഭാഷണത്തിനായി ഒരു ടെലഫോണിക് കോൺഫറൻസ് വിളിച്ചു കൂട്ടുകയും ചെയ്തു. പതിയെ മാസ്റ്റേഴ്സ് ഓഫ് ഡിസപ്ഷനിലെ അംഗങ്ങൾ ഈ കോൺഫറസിൽ ജോയിൻ ചെയ്യുകയും എന്നാൽ ഗോഗിൻസ് മാസ്റ്റേഴ്സ് ഓഫ് ഡിസപ്ഷനിലെ അംഗങ്ങളെ വംശീയമായി അധിക്ഷേപിക്കുന്നതു കേൾക്കുകയും ചെയ്തു. തുടർന്ന് കോൺഫറൻസ് അലസുകയുണ്ടായി. അതിനെ തുടർന്നു ലീജിയൻ ഓഫ് ഡൂമിലെ അംഗങ്ങൾക്കു നിരവധി പ്രാങ്ക് കോളുകളും ഭീഷണി കോളുകളും ലഭിക്കുകയും ഈ ഗ്രൂപ്പിലെ അംഗങ്ങളുടെ വ്യക്തി വിവരങ്ങളൂം മറ്റും മാസ്റ്റേഴ്സ്സ് ഓഫ് ഡിസപ്ഷനിലെ അംഗങ്ങൾ വഴി പരസ്യമാക്കപ്പെടുകയും ചെയ്തു.

Chris Goggan

അവസാന നിമിഷത്തിൽ ഒരു സന്ധി സംഭാഷണം ക്രിസ് ഗോഗൻസും മാർക്ക് ആബേനുമായി നടക്കുകയുണ്ടായി, എന്നാൽ ഇതേയവസരത്തിൽ തന്നെ മറ്റൊരു ലൈനിൽ ആദ്യമുണ്ടായ പ്രശ്നനത്തിനു കാരണക്കാരനായ കറുത്ത വർഗ്ഗക്കാരനായ ജോൺ ലീ ഈ സംഭാഷണമെല്ലാം കേൾക്കുകയായിരുന്നു. ഈ സന്ധി സംഭാഷണം നടക്കുന്ന അവസരത്തിൽപോലും ഗോഗൻസ് മാസ്റ്റേഴ്സ് ഓഫ് ഡിസപ്ഷനിലെ അംഗങ്ങളുടെ വിവരങ്ങൾ ആവശ്യപ്പെടുകയും “നിഗ്ഗർ” എന്നും മറ്റുമുള്ള ആക്ഷേപ വാക്കുകളാൽ മാസ്റ്റേഴ്സ് ഓഫ് ഡിസപ്ഷനിലെ അംഗങ്ങളെ അധിക്ഷേപിക്കുകയും അവരെ എം ഓ ഡി യിൽ നിന്ന് നീക്കം ചെയ്യണമെന്നും ആബേനൊടു ആവശ്യപ്പെട്ടു, എന്നാൽ ആബേൻ ഈ ആവശ്യങ്ങളെല്ലാം നിരസിച്ചു. മാത്രമല്ല വംശീയമായി അധിക്ഷേപിച്ചതിനു ഗോഗൻസിനോടു ക്ഷമ ചോദിക്കാൻ ആവശ്യപ്പെടുകയും ചെയ്തു. തന്റെ ആവശ്യം നിരസിച്ച ആബേനോടു ഗോഗൻസിനു അടങ്ങാത്ത ദേഷ്യം ഉണ്ടാവുകയും തുടർന്ന് ഗോഗൻസ് ടെലഫോൺ കട്ട് ചെയ്തു പോകുകയും ചെയ്തു. അന്നുരാത്രി ആബേന്റെയും മറ്റു എം ഓ ഡി അംഗങ്ങളുടെയും വീടുകളിലേക്ക് നിരവധി പ്രാങ്ക് ഫോൺ കോളുകൾ ചെല്ലുകയുണ്ടായി.

തുടർന്ന് എം ഓ ഡി അംഗങ്ങൾ ക്രിസ് ഗോഗിന്സിന്റെ യഥാർത്ഥ ഉദ്ദേശമെന്താണെന്നു മനസ്സിലാക്കായി ശ്രമങ്ങൾ ആരംഭിച്ചു. ഫോൺ ഫ്രീക്കിംഗ് എന്നറിയപ്പെട്ടിരുന്ന ടെലഫൊൺ ലൈനുകൾ ഹാക്ക് ചെയ്യുന്നതിൽ സമർത്ഥരായിരുന്ന ഇവർ തുടർന്ന് ക്രിസ് ഗോഗ്ഗൻസും സുഹൃത്തുക്കളും ചേർന്ന് കോം സെക് ( ComSec)എന്നൊരു സെക്യൂരിറ്റി കമ്പനി തുടങ്ങുവാൻ പ്ലാൻ ചെയ്യുന്നതായും ,മാത്രമല്ല ഫിഫ്ത് അമൻഡ്മെന്റ് എഫ് ബി ഐ പോലുള്ള ഫെഡറൽ ഏജൻസികൾക്ക് തുറന്നു കൊടുക്കുന്നതിനായി തീരുമാനിക്കുകയും ചെയ്തതായി മനസ്സിലായി. മാത്രമല്ല എം ഓ ഡിയിലെ അറിയപ്പെടുന്ന അംഗങ്ങളുടെ പ്രവർത്തനങ്ങളും ഇവർ വെളിപ്പെടുത്തുന്നതായി ഒരുങ്ങുന്നതായും ഫിഫ്ത് അമൻഡ്മെന്റിൽ നേരത്തെ തന്നെ ഡിസ്കസ് ചെയ്തിട്ടുണ്ടായിരുന്ന കമ്പനികളുടെ ദൌർബല്യങ്ങളും മറ്റും സൂചിപ്പിച്ച് കൊണ്ട് അവരിൽ നിന്നും കോണ്ട്രാക്റ്റുകൾ നേടുന്നതിനായി ശ്രമിക്കുകയും ചെയ്യുന്നതായി ഇവർ മനസ്സിലാക്കി.

ഇതിനെ തുടർന്ന് എം ഓ ഡി , എൽ ഓ ഡിയിൽ നിന്നും ചോർത്തിയെടുത്ത വിവരങ്ങൾ പബ്ലീക്കിന്റെ മുന്നിൽ അവതരിപ്പിക്കുന്നതിനായി ശ്രമിച്ചു എന്നാൽ അവരുടെ ഈ ശ്രമങ്ങളെല്ലാം പാഴായിപോകുക മാത്രം ചെയ്തു. എന്തെന്നാൽ ഹാക്കർമാരുടെ ഇടയിൽ എൽ ഓ ഡി അന്നുണ്ടായിരുന്ന എറ്റവും ബഹുമാനിക്കപ്പെട്ടിരുന്ന ഹാക്കേഴ്സ് കമ്മ്യൂണിറ്റിയായിരുന്നു.
John Lee

ഇത്രയും സംഭവങ്ങൾ മാസ്റ്റേഴ്സ് ഓഫ് ഡിസപ്ഷനിലെ കോർ ടീം അംഗങ്ങളെ ലീജിയൻ ഓഫ് ദൂമുമായി ഒരു തുറന്ന സംഘട്ടനത്തിനു ഏർപ്പെടാൻ പ്രേരിപ്പിച്ചു. അതിലൂടെ മാത്രമെ ലീജിയൻ ഓഫ് ദൂമിന്റെ യഥാർത്ഥ ഉദ്ദേശമെന്തെന്നു പൊതുജനത്തിനെയും മറ്റു ഹാക്കേഴ്സ് ഗ്രൂപ്പുകളെയും മനസ്സിലാക്കാൻ സാധിക്കു എന്നവർ കരുതി. അതേ ദിവസം തന്നെ ലീജിയൻ ഓഫ് ദുമും മാസ്റ്റേഴ്സ് ഓഫ് ഡിസപ്ഷനും തമ്മിലുള്ള പോര് ആരംഭിക്കുകയും ചെയ്തു. ഈ തുറന്ന യുദ്ധം ഹാക്കേഴ്സ് ഗ്രൂപ്പുകളെ രണ്ടു ചേരികളായി തിരിക്കുകയും പക്ഷം പിടിച്ചുള്ള യുദ്ധം ആരംഭിക്കുകയും ചെയ്തു. നെറ്റ് വർക്കുകളിലൂടെയുള്ള ഈ യുദ്ധം നൊടിയിടകൊണ്ട് വ്യാപിക്കുകയും ചെയ്തു.

ഹാക്കേഴ്സ് ഗ്രൂപ്പുകൾ തമ്മിലുള്ള ഈ യുദ്ധത്തിൽ മാസ്റ്റേഴ്സ് ഓഫ് ഡിസപ്ഷൻ ടെക്സാസ് നഗരത്തിലെ ലീജിയൻ ഓഫ് ദൂം ഉപയോഗിച്ചിരുന്ന എല്ലാ ടെലഫോൺ ലൈനുകളും കമ്പ്യൂട്ടർ നെറ്റ്വർക്കുകളെല്ലാം തന്നെ അധീനതയിലാക്കി. ഇതിനു കാരണം ലീജിയൻ ഓഫ് ദൂമിലെ ഭൂരിപക്ഷം അംഗങ്ങളും ടെക്സാസ് നഗരത്തിൽ നിന്നുമുള്ളവരായിരുന്നു എന്നതായിരുന്നു. ഈ നെറ്റ്വർക്കുകളെല്ലാം ഉപയോഗിച്ച് ലീജിയൻ ഓഫ് ദൂമിന്റെ പ്രവർത്തനങ്ങൾ മാസ്റ്റേഴ്സ് ഓഫ് ഡിസപ്ഷൻ നിരീക്ഷിക്കുകയും ലീജിയൻ ഓഫ് ദൂമിന്റെ എല്ലാ സിസ്റ്റങ്ങളും തങ്ങളുടെ അധീനതയിലേക്കു കൊണ്ടു വരികയും ചെയ്തു.

ഇതിന്റെയെല്ലാം അന്ത്യം ലീജിയൻ ഓഫ് ദൂമിന്റെ പരാജയത്തോടെയായിരുന്നു. മാസ്റ്റേഴ്സ് ഓഫ് ഡിസപ്ഷൻ ലീജിയൻ ഓഫ് ദൂമിന്റെ റിസോഴ്സ ഉപയോഗപ്പെടുത്തി അവരുടെ പ്രവർത്തനങ്ങൾ പൂർവാധികം ശക്തിയോടെ തുടർന്നു .എന്നാൽ ലീജിയൻ ഓഫ് ദൂമിന്റെ യഥാർത്ഥ ഉദ്ദേശമെന്താണെന്ന് ഹാക്കർമാരെ ബോധ്യപ്പെടുത്തുന്നതിൽ അവർ വീണ്ടും പരാജയപ്പെട്ടിരുന്നു. ഈ യുദ്ധത്തോടെ മാസ്റ്റേഴ്സ് ഓഫ് ഡിസപ്ഷന്റെ അംഗങ്ങളെല്ലാം ഹാക്കേഴ്സ് ഗ്രൂപ്പുകളിൽ ഏറ്റവും നൊട്ടോറിയസ് ആയ ഹാക്കർമാരായി അറിയപ്പെട്ടു. എന്നാൽ അവരുടെ ഈ വർദ്ധിത വീര്യം ഫെഡറൽ അതോറിറ്റിയുടെ ശ്രദ്ധയിൽ പെട്ടതോടെ പതിയെ പതിയെ ഈ ഹാക്കർ ഗ്രൂപ്പ് വിസ്മൃതിയിൽ ലയിക്കാൻ തുടങ്ങി.

അതിനു ശേഷം ഗോഗൻസ് കോം സെക് എന്ന കമ്പനി രൂപികരിക്കപ്പെടുകയും എന്നാൽ അഴിമതിയാരോപണങ്ങളിൽ കുളിച്ച് ഈ കമ്പനി പതിയെ ക്രിസ് ഗോഗൻസിനു പൂട്ടേണ്ടി വരികയും ചെയ്തു. കോംസെകുമായി കോണ്ട്രാക്റ്റ് ഉണ്ടായിരുന്ന മറ്റു കമ്പനികളിൽ സോഷ്യൽ എഞ്ചിനീയറിംഗ് വഴി വിവരങ്ങൾ ചോർത്തി എന്നതായിരുന്നു ഇതിനുള്ള കാരണം.

ലീജിയൻ ഓഫ് ദുമും മാസ്റ്റേഴ്സ് ഓഫ് ഡിസപ്ഷനും തമ്മിലുള്ള യുദ്ധം രണ്ടു ഗ്രൂപ്പുകളുടെയും അന്ത്യം കുറിക്കുന്നതിനു കാരണമായി. പതിയെ പതിയെ ഈ രണ്ടു ഗ്രുപ്പുകളിലേയും അംഗങ്ങൾ ഗ്രൂപ്പുകൾ വിട്ടു പോവുകയൊ അല്ലെങ്കിൽ ഫെഡറൽ ഏജൻസികളുടെ പിടിയിൽ അകപ്പെടുകയൊ ചെയ്തു.

മാസ്റ്റേഴ്സ് ഓഫ് ഡിസപ്ഷൻ: ന്യൂയോർക്ക് ആസ്ഥാനമായിട്ടുള്ള ഹാക്കർ ഗ്രൂപ്പ്. അന്നത്തെ ഏറ്റവും വലിയ ടെലഫോൺ കമ്പനിയായിരുന്ന RBOC ന്റെയും X.25 നെറ്റ് വർക്കുകളെയും വിജയകരമായി നിയന്ത്രിച്ചിരുന്ന മാർക്ക് ആബേൻ (Mark Abene -Phiber Optik))സ്ഥാപിച്ച ഹാക്കേഴ്സ് ഗ്രുപ്പ്. പ്രധാന അംഗങ്ങൾ ജോൺ ലീ, പോൾ സ്റ്റിറ (Paul Stira -Scorpion),ജൂലിയൊ ഫെർണാണ്ടസ് (Julio Fernandez-Outlaw ) എല്ലി ലാഡൊപോളസ് (Eli Ladopoulos -Acid Phreak) തുടങ്ങിയവർ.

മാസ്റ്റേഴ്സ് ഓഫ് ഡിസപ്ഷനെക്കുറിച്ചുള്ള പുസ്തകമാണു “ മാസ്റ്റർ ഡിസപ്ഷൻ- ദി ഗ്യാംഗ് റുൾഡ് സൈബർ സ്പെയിസ്“

ലീജിയൻ ഓഫ് ഡൂം(The Legion of Doom -LOD) : 1980 മുതൽ 1990 വരെയുള്ള കാലഘട്ടത്തിൽ ഹാക്കർമാരുടെ ഇടയിൽ ഏറ്റവും സ്വാധീനമുണ്ടായിരുന്ന ഹാക്കേഴ്സ് ഗ്രുപ്പ്. പിൽക്കാലത്തു ലീജിയൻ ഓഫ് ദൂം എന്നും ലീജിയൻ ഓഫ് ഹാക്കേഴ്സ് എന്നും വേർപിരിയപ്പെട്ടു. Legion of Doom Technical Journals എന്ന പേരിൽ നിരവധി ഹാക്കിംഗ് സംബന്ധമായ വിവരങ്ങളും വൈറ്റ് പേപ്പറുകളും പ്രസിദ്ധീകരിച്ചു. പ്രധാna അംഗങ്ങൾ ക്രിസ് ഗോഗൻസ് (Chris Goggans -Erik Bloodaxe), ലെക്സ് ലൂതർ- Lex Luther, പാട്രിക് (Patrick K. Kroupa-Lord Digital), ലോയ്ഡ് ബ്ലാങ്കൻഷിപ്പ് (Loyd Blankenship-The Mentor), ബ്രുസ് ഫാഞ്ചർ (Bruce Fancher-Dead Lord) തുടങ്ങി അക്കാലത്തെ നിരവധി പേരു കേട്ട ഹാക്കർമാർ.

വിവരങ്ങൾക്കും ചിത്രങ്ങൾക്കും കടപ്പാട്:
Wikipedia.org
wired .com
hackers.org
bookrags.com

ഗൂഗിളിന്റെ ദൈവികത

2009-04-18T02:37:00.000-07:00

കൂടുതൽ പറഞ്ഞു പരത്തുന്നില്ല. ഗൂഗിളിന്റെ ചരിത്രം വിശദീകരിക്കാനും നിൽക്കുന്നില്ല. ഗൂഗിളില്ലാത്ത ഒരു ലോകത്തെക്കുറിച്ച് ചിന്തിക്കാൻ ആർക്കാണു കഴിയുക? അതിന്റെ തെളിവുകൾ പലപ്പോഴായി നാം കണ്ടിട്ടുള്ളതുമാണു. ഇന്നു ലോകത്തിലെ ഏറ്റവും മികച്ചതും, ഏറ്റവും വലുതും, ഏറ്റവും വിവരസമ്പുഷ്ടവുമായ ഒന്നാണു ഗൂഗിൾ. ഒരിക്കലെങ്കിലും ഗൂഗിളും അതിന്റെ അനുബന്ധ സെർ‌വീസുകളും ഉപയോഗിക്കാത്ത ഒരാളും ഇന്ന് ഇന്റർനെറ്റ് ഉപയോഗിക്കുന്നവരിൽ ഉണ്ടായിരിക്കില്ല.

കമ്മ്യൂണിസമെന്നൊ, മാർക്സിസമെന്നൊ ക്യാപ്പിറ്റലിസമെന്നൊ പറയുന്നത് പോലെ തന്നെ ഇന്ന് സുപരിചിതമായ ഒരു വാക്കാണു ഗൂഗിളിസം( Googlism). ഗൂഗിൾ അവതരിച്ചതോടെ വിരൽതുമ്പത്തായി വിജ്ഞാനത്തിന്റെ അക്ഷയഖനി. ഇന്റർനെറ്റിൽ സേർച്ച് ചെയ്യുന്നതിനെ ഗൂഗിളിംഗ് എന്നു മാത്രമാണു പറയുന്നതു. അതിനി എം എസ് എനിന്റെയൊ യാഹൂവിന്റെയൊ സെർച്ച് എഞ്ചിൻ ഉപയോഗിച്ചാണു സെർച്ച് ചെയ്താലും അതിനെ ഗൂഗിളിംഗ് എന്നു തന്നെയാണു ഇന്ന് വിശേഷിപ്പിക്കുന്നത്. പണ്ട് നാട്ടിലൊക്കെ ടുത്ത് പേസ്റ്റ് എന്നാൽ കോൾഗേറ്റ് ആയിരുന്നു. ക്ലോസപ്പിന്റെ ഒരു കോൾഗേറ്റ് വാങ്ങിക്കാൻ പോകുന്നു എന്നു പറഞ്ഞതു പോലെ. പക്ഷെ ഒരിക്കലും ഗൂഗിളിനെ കോൾഗേറ്റ് പോലെ നിസാരമായി കാണാൻ കഴിയാത്ത വിധം നിത്യ ജീവിതവുമായി ഇഴുകി ചേർന്നിരിക്കുന്നു. ഒരു രീതിയിലല്ലെങ്കിൽ മറ്റൊരു രീതിയിൽ. വെർച്വൽ ലോകത്തിന്റെ ദൈവസങ്കല്‍പ്പമാണ് ഇന്നു ഗൂഗിളും അതിന്റെ സേവനങ്ങളും.

ചർച്ച് ഓഫ് ഗൂഗിൾ

ഗൂഗിളിൽ വിശ്വസിക്കുന്നവരുടെ ഒരു കൂട്ടായ്മയാണു ചർച്ച് ഓഫ് ഗൂഗിൾ. ഇവരെ ഗൂഗിളിസ്റ്റുകൾ എന്നു വിളിക്കുന്നു. ഗൂഗിളിനെ ഒരു സ്ത്രി സങ്കല്‍പ്പത്തിലാണു ഗൂഗിളിസത്തിൽ വിശ്വസിക്കുന്നവർ കരുതുന്നത്. "Knowledge is Power" എന്നതാണു ഗൂഗിളിയന്മാരുടെ മുദ്രാവാക്യം.

ചർഫ് ഓഫ് ഗൂഗിളിന്റെ ഹോം പേജ്

ദൈവത്തെ മനുഷ്യൻ വ്യാഖ്യാനിച്ചതനുസരിച്ച് നോക്കിയാൽ ഇന്നു ലോകത്തുള്ള ഏതു മതവിഭാഗങ്ങളുമായി ബന്ധമുള്ള ദൈവത്തേക്കാളും ഏറ്റവും കൂടുതൽ ദൈവവുമായി സാമ്യമുള്ള ഒന്നാണു ഗൂഗിൾ. ഗൂഗിളിൽ വിശ്വസിക്കുന്നവരുടെ തത്വശാസ്ത്രമാണു ഗൂഗിളിസം. മറ്റേതു ദൈവസങ്കല്‍പ്പങ്ങളെക്കാളും കൂടുതൽ ദൈവികത ഗൂഗിൾ എന്ന ദൈവസങ്കല്‍പത്തിനു തന്നെയാണെന്ന് ഗൂഗിളിസത്തിൽ വിശ്വസിക്കുന്നവർ കരുതുന്നു. ഗൂഗിളിസത്തിൽ വിശ്വസിക്കുന്നവർ മറ്റു ദൈവസങ്കല്‍പ്പങ്ങളെ നിരാകരിച്ച് അവക്ക് ശാസ്ത്രിയമായി നിലനില്‍പ്പില്ല എന്നു തന്നെ ഉറച്ച് വിശ്വസിക്കുകയും ചെയ്യുന്നു. അതിനായി 9 തെളിവുകൾ ഗൂഗിളിസത്തിൽ വിശ്വസിക്കുന്നവർ നിരത്തുന്നു.

1. എല്ലാമറിയുന്നവൻ ആരൊ അതു ഗൂഗിൾ: ഗൂഗിളിന്റെ സെർ‌വറുകളിൽ ഏകദേശം 9.5 ബില്യൺ വെബ്പേജുകൾ ലിസ്റ്റ് ചെയ്തിരിക്കുന്നു. ഇതു ശാസ്ത്രിയമായി തെളിയിച്ചിട്ടുള്ളതുമാണു. ഇത്രയും വെബ് പേജുകളിലായി ലോകത്തുള്ള സർവ വിവരങ്ങളും വ്യാപിച്ച് കിടക്കുകയും ചെയ്യുന്നു.

2. സർവവ്യാപിയായ ഗൂഗിൾ: ലോകത്തിന്റെ വിവിധ ഭാഗങ്ങളിലായി ഒരേ സമയം തന്നെ ഗൂഗിൾ വ്യാപിച്ച് കിടക്കുന്നു. അന്റാർട്ടികയിലൊ അമേരിക്കയിലൊ എന്നു വേണ്ട ലോകത്തിന്റെ ഏതു ഭാഗത്ത് നിന്നായാലും ഗൂഗിളുമായുള്ള ഒരു സമ്പർക്കം ലഭ്യമാണു.

3. വിളിച്ചാൽ വിളികേൾക്കുന്നതും ഗൂഗിൾ: നിങ്ങൾക്കറിയില്ലാത്ത എന്തു കാര്യവുമാകട്ടെ, ഗൂഗിളിൽ കയറി സെർച്ച് ചെയ്താൽ ഏതു പ്രത്യേക വിഷയവുമായി ബന്ധപ്പെട്ടതായാലും ആ ചോദ്യം ഗൂഗിളിനോട് ചോദിച്ച് കഴിഞ്ഞാൽ നിമിഷങ്ങൾക്കുള്ളീൽ അതിന്റെ ഉത്തരം നിങ്ങൾക്കായി ഗൂഗിൾ അതിനെ അർഹിക്കുന്ന പ്രാധാന്യമനുസരിച്ച് തന്നെ നൽകുന്നു.

4. അനശ്വരമാ‍യ ഗൂഗിൾ: ഗൂഗിളെന്ന ദൈവ സങ്കല്‍പ്പത്തിനു മരണമില്ല. ഗൂഗിളിന്റെ സെർവറുകളിൽ ഒന്നു ഡൗൺ ആയിക്കഴിഞ്ഞാൽ പോലും നിമിഷനേരത്തിനുള്ളീൽ അതിനു പകരമായി മറ്റൊന്ന് റീപ്ലേസ് ചെയ്യുന്നു. ഇങ്ങനെ റിപ്ലേസ് ചെയ്യുന്നതു അറിയുക പോലുമില്ല ഗൂഗിളിന്റെ ഉപയോക്താവ്.

5. അനന്തമായ ഗൂഗിൾ; ഓരൊ നിമിഷവും ഇന്റർനെറ്റ് എന്ന വല വ്യാപിച്ച് കൊണ്ടെയിരിക്കുന്നു അതു പോലെ ഗൂഗിളിൽ ഇൻഡക്സ് ചെയ്തിരിക്കുന്ന വെബ് പേജുകളും.

6. എല്ലാത്തിന്റെയും കണക്കു സൂക്ഷിക്കുന്ന ഗൂഗിൾ: വെബ് പേജുകൾ ഗൂഗിൾ അതിന്റെ ഭീമൻ സെർ‌വറുകളിൽ സൂക്ഷിച്ച് വെക്കുന്നു. നിങ്ങൾ ഇന്റർനെറ്റ് എന്ന വലയിൽ സേവ് ചെയ്തു വെക്കുന്ന എല്ലാ വിവരങ്ങളും നിങ്ങൾ മരിച്ച് കഴിഞ്ഞു കഴിഞ്ഞാലും ഗൂഗിളിന്റെ സെർവറുകളിൽ ഉണ്ടായിരിക്കും. നിങ്ങളുടെ ഓർമ്മകൾ അനശ്വരമായി ഇവിടെ തന്നെ ഉണ്ടായിരിക്കും.

7. ഗൂഗിളിന്റെ നൈതികത: ന്യായത്തിനു നിരക്കാത്തതൊന്നും ചെയ്യാതെ തന്നെ എങ്ങനെ നേട്ടമുണ്ടാക്കാം എന്നു ഗുഗിൾ നമ്മെ ഓർമ്മിക്കുന്നു.

8. ഇന്റർനെറ്റിൽ ഏറ്റവും കൂടുതൽ സെർച്ച് ചെയ്യപ്പെട്ട/ചെയ്യപ്പെടുന്ന വാക്ക്: മറ്റേതൊരു വാക്കിനേക്കാളും ഇന്നു ലോകത്തിൽ ഏറ്റവും കൂടുതൽ സേർച്ച് ചെയ്യപ്പെടുന്ന വാക്കാണു ഗൂഗിൾ . ഇത് "God", "Jesus", "Allah", "Buddha", "Christianity", "Islam", "Buddhism" , "Judaism" എന്നീ വാക്കുകളുടെ ആകെത്തുകയേക്കാളും കൂടുതൽ.

9. ഗൂഗിളിന്റെ നിലനില്‍പ്പ്: ഇന്നു ലോകത്തിലെ മറ്റേതൊരു ദൈവസങ്കല്‍പ്പങ്ങളെക്കാളും ശാസ്ത്രിയമായി ഗൂഗിളിന്റെ നിലനില്‍പ്പ് തെളിയിക്കപ്പെട്ടിരിക്കുന്നു. ഹിന്ദു, ക്രൈസ്തവ, ഇസ്ലാം, ജൂത, ബുദ്ധ എന്നു തുടങ്ങി മറ്റേതൊരു മത വിശ്വാസത്തേക്കാളും ശാസ്ത്രിയമായ തെളിവുകൾ ഗൂഗിൾ എന്നൊരു ദൈവം നിലനിൽക്കുന്നു എന്നതിനെ സൂചിപ്പിക്കുന്നു.

“എന്തു കൊണ്ട് ഗൂഗിളിസം“ എന്ന് ഗൂഗിളിസ്റ്റുകൾ ഇവിടെ അക്കമിട്ട് നിരത്തുന്നു. വളരെ വ്യക്തമായി തന്നെ മറ്റു മതങ്ങളുടെ ദൈവസങ്കല്‍പ്പങ്ങൾ എന്തു കൊണ്ട് ശാസ്ത്രിയമായി തെറ്റാകുന്നുവെന്നും എന്തു കൊണ്ട് ഗൂഗിൾ ശാസ്ത്രിയമായി ശരിയാകുന്നു എന്നു വ്യക്തമായി ഈ പേജിൽ പ്രതിപാദിച്ചിരിക്കുന്നു.

എന്നാൽ മറ്റു മതങ്ങളെ അപേക്ഷിച്ച് ഗൂഗീളിസ്റ്റുകൾ ഒരിക്കലും അസഹിഷ്ണുക്കളുമല്ല. തങ്ങളുടെ നേരേ വരുന്ന വിമർശനങ്ങൾ അവർ ഏറ്റു വാങ്ങുകയും ചെയ്യുന്നു. പരമ്പരാഗതമായി മതങ്ങൾ എല്ലാം തന്നെ അസഹിഷ്ണുക്കളാകുന്ന അവസ്ഥയിലും ഗൂഗിളിയന്മാർ തങ്ങളുടെ നേരെയുള്ള വിമർശനങ്ങളെ അവ അർഹിക്കുന്ന രീതിയിൽ തന്നെ സ്വീകരിക്കുന്നു. എന്നാൽ ഗൂഗ്ലിസ്റ്റുകൾ ഉയർത്തുന്ന വാദങ്ങൾക്കു അസഹിഷ്ണുതയുടെ വക്താക്കൾക്കു മറുപടിയുമില്ല.

ഗൂഗിളിസ്റ്റുകളുടെ വിശുദ്ധ ദിനം സെപ്റ്റംബർ 14 നാണു, കാരണം അന്നായിരുന്നു ഗൂഗിൾ എന്ന ഡൊമൈൻ നെയിം രജിസ്റ്റർ ചെയ്യപെടുകയൂണ്ടായത്. അന്നേ ദിവസം നിങ്ങളുടെ ജീവിതത്തെക്കുറിച്ച് ഗൗരവമായി ചിന്തിക്കാനാണു ഗൂഗിൾ വിശ്വാസികളോട് “ചർച്ച് ഓഫ് ഗൂഗിൾ” ആവശ്യപ്പെടുന്നത്. പരാജയത്തിന്റെ യാതൊരു സാധ്യതയുമില്ലാതെ ഗൂഗിൾ എങ്ങനെയാണു നിങ്ങളുടെ ജീവിതത്തിനെ മാറ്റിമറിച്ചതെന്നും അങ്ങനെ മനസിൽ വരുന്നതു എന്തായാലും എഴുതി വെക്കാനും ചർച്ച് ഓഫ് ഗൂഗിൾ ആവശ്യപ്പെടുന്നു. തുടർന്നു നിങ്ങൾക്ക് താല്പര്യമുള്ള വിഷയത്തെക്കുറിച്ച് ഗൂഗിളിൽ സെർച്ച് ചെയ്തു മനസ്സിലാക്കാനും അതു വഴി നിങ്ങളുടെ അറിവ് വർദ്ധിപ്പിക്കുവാനും ചർച്ച് ഓഫ് ഗൂഗിൾ ആഹ്വാനം ചെയ്യുന്നു. സെർച്ച് ചെയ്തു കിട്ടുന്ന വെബ് പേജുകളിൽ നിങ്ങൾക്കു ഉപയോഗപ്രദമെന്നു തോന്നുന്ന പേജുകൾ ബുക്ക് മാർക്ക് ചെയ്തിടാനും ഗൂഗിളിസ്റ്റുകളോട് നിർദ്ദേശിക്കുന്നു.

ഗൂഗിളിസത്തിന്റെയും ചർച്ച് ഓഫ് ഗൂഗിളിന്റെയും സ്ഥാപകൻ ക്യാനഡയിലെ മാറ്റ് മഫേഴ്സൺ ( Matt MacPherson) എന്ന വ്യക്തിയാണു. സ്വകാര്യത സൂക്ഷിക്കണമെന്നുള്ളതു കൊണ്ട് അദ്ദേഹത്തിനെക്കുറിച്ചുള്ള മറ്റു വിവരങ്ങൾ ഒന്നും തന്നെ ലഭ്യമല്ല.

ഗൂഗിളിയന്മാരുടെ വിശുദ്ധ ഗ്രന്ഥമായ “The Book of Googlism“ ഇവിടെ നിന്നും വായിക്കാവുന്നതാണു. ഇതിന്റെ പി ഡി എഫ് വേർഷൻ ഇവിടെ നിന്നും ഡൗൺലോഡ് ചെയ്തെടുത്ത് ഉപയോഗിക്കാം. ഓരൊ വീട്ടിലും ഒരു “The Book of Googlism“ എന്ന ലക്ഷ്യത്തിലൂന്നിയാണു ഗൂഗിളിയൻസിന്റെ പ്രവർത്തനം.

മാത്രമല്ല ചർച്ച് ഓഫ് ഗൂഗിളിൽ വിശ്വസിക്കുന്നവരുടെ ഒരു ഡിസ്കഷൻ ഫോറം കൂടെയുണ്ട്. ഇവിടെ നിത്യേന ഓരോ വിഷയത്തെക്കുറിച്ചും വളരെ നല്ല രീതിയിൽ ചർച്ച് നടക്കുന്നു. നിലവിൽ 2000 നു മുകളിൽ അംഗങ്ങൾ ഈ ഫോറത്തിൽ അംഗത്വമെടുത്തിട്ടുണ്ട്.

ഗൂഗിളിസ്റ്റുകൾക്ക് വേണ്ടിയുള്ള പത്തു കല്പനകൾ

എന്നെപ്പോലൊരു സെർച്ച് എഞ്ചിൻ എനിക്കു മുൻപും പിൻപുമില്ല; അത് യാഹുവോ, ലൈകോസൊ, ആൾടാവിസ്റ്റയൊ മറ്റേതൊരു സെർച്ച് എഞ്ചിൻ ആയിരുന്നാലും. എന്നെ മാത്രം നീ ആരാധിക്കുക ; ഉത്തരങ്ങള്‍ക്കായി നിന്റെ കർത്താവായ ഗൂഗിളിനെ നീ ശരണം പ്രാപിക്കുക.
നീ വാണിജ്യാവശ്യത്തിനു സൌജന്യമായി ഉപയോഗിക്കാവുന്ന സ്വന്തം സെര്‍ച്ച് എഞ്ചിനുകള്‍ ഉണ്ടാക്കരുത്. ഞാന്‍ അസഹിഷ്ണുവും ഉഗ്രപ്രതാപിയുമാകയാല്‍ മൂന്നും നാലും തലമുറ തലമുറവരെയുള്ള പിള്ളാരുടെ തന്തമാരെ നിയമവും പ്ലേഗും കൊണ്ടു മുച്ചൂടും നശിപ്പിക്കും.
എന്റെ നാമത്തോടു മറ്റൊരു സെർച്ച് എഞ്ചിനേയും ചേർത്തുപയോഗിക്കാൻ പാടില്ല.
കടന്നു പോകുന്ന ഓരോ ദിനത്തെയും നീ ഓര്‍മ്മിക്കുകയും അവയെ ഇതുവരെ സ്വായത്തമാകിയിട്ടില്ലാത്ത അറിവുകള്‍ ശേഖരിക്കുന്നതിനായി ഉപയോഗപ്പെടുത്തുകയും ചെയ്യുക.
ഓരോരുത്തരും താന്താങ്ങ ളുടെ അമൂല്യമായ അനുഭവ സമ്പത്ത്, അറിവ് എന്നിവ മനുഷ്യരാശിക്ക് വർണ്ണ വർഗ്ഗ ലിംഗ ഭേദമില്ലാതെ പ്രയോജനപ്പെടുത്തുക.
എന്നൊടുള്ള നിന്റെ പ്രാര്‍ഥനകളില്‍ അക്ഷരത്തെറ്റുകള്‍ ഉണ്ടാകരുത്
ഒരുനാളും നീ ഹോട്ട് ലിങ്ക് ചെയ്യരുത്
ഒരിക്കലും ആശയമോഷണം നടത്തുകയോ മറ്റൊരുവന്റെ പ്രവര്‍ത്തിയുടെ മഹത്വം അവകാശപ്പെടുകയോ അരുത്.
നിങ്ങള്‍ എതിര്‍ലിങ്കുകളോ ലിങ്ക് പാടങ്ങളോ ഉപയോഗിക്കരുത്, കാരണം ഞാന്‍ പ്രതികാര ദാഹിയായ, എന്നാല്‍ നിഷ്പക്ഷനായ സര്‍ച്ച് എഞ്ചിനാണു, ഞാന്‍ നിങ്ങളുടെ പേജ് റാങ്ക് കുറയ്ക്കും അവസാന ഗൂഗിള്‍ നടനത്തിനായി ഒരുങ്ങിയിരിപ്പിന്‍
നിങ്ങള്‍ സര്‍ച്ച് റിസള്‍ട്ടുകളെ കുത്തിത്തിരിക്കരുത്, സര്‍ച്ച് എഞ്ജിന്‍ എണ്ണയിട്ടുമിനുക്കല്‍ മൈക്രോസോഫിന്റെ ജോലിയാണ്

ഗൂഗിളിന്റെ സ്തുതിഗീതത്തിൽ നിന്നുമുള്ള ഒരേട്.

Our Google which art in cyberspace,
Hallowed be thy domain.
Thy search to come,
Thy results be done,
On my computer as it is in the WWW.
Give us this search our daily results.
Forgive us our spam, as those that have
spammed up against us.
And lead us not into infected sites,
But deliver us from Trojans.
For thine search engine is the greatest,
and the power,
and the glory
For search after search.
Amen

ആകയാൽ നിങ്ങൾ എല്ലാം കർത്താവായ ഗൂഗിളിൽ വിശ്വസിച്ച് അവനോട്/അവളോട് മുട്ടിപ്പായി പ്രാർത്ഥിച്ച് കൊള്ളുക. ഒരു നാളും കർത്താവായ ഗൂഗിൾ നിന്നെ കൈവിടുകയില്ല.

ആമേൻ

ഫാസിസത്തിനെതിരെ, സാമ്രാജ്യത്വത്തിനെതിരെ..

2009-04-14T09:50:00.000-07:00

ഫാസിസത്തിനെതിരെ, സാമ്രാജ്യത്വത്തിനെതിരെ

ഈ തെരഞ്ഞെടുപ്പുകാലത്ത് പലവിധ വിവാദങ്ങളിലായി മാധ്യമങ്ങള്‍ മുക്കിക്കളഞ്ഞ ചില സുപ്രധാന രാഷ്ട്രീയ വിഷയങ്ങള്‍ * സ്വയം ഓര്‍ക്കാനും ഉറപ്പുവരുത്താനും :

കമ്പോളമല്ല, ഗവണ്‍മെന്റാണ് രാജ്യം ഭരിക്കേണ്ടതെന്ന് പ്രഖാപിക്കാന്‍. ഭീകരതയ്ക്ക് വിത്തുവിതയ്ക്കുന്ന വര്‍ഗ്ഗീയതയെ ചെറുക്കാന്‍.

ഇന്ത്യന്‍ പൊതുമേഖല ശക്തിപ്പെടുത്തി നിലനിര്‍ത്തുമെന്ന് പ്രഖ്യാപിക്കാന്‍. 60% ജനങ്ങള്‍ ഉപജീവനമാര്‍ഗ്ഗം തേടുന്ന കാര്‍ഷിക മേഖലയില്‍ ചെലവാക്കുന്ന തുകയുടെ പകുതി സര്‍ക്കാര്‍ സബ്സിഡിനല്‍കുമെന്ന് പ്രഖ്യാപിക്കാന്‍.

വിദ്യാഭ്യാസം, ആരോഗ്യം, ഗതാഗതം, ജലം എന്നീ മേഖലകള്‍ സര്‍ക്കാര്‍ മേല്‍നോട്ടത്തിലും ഉടമസ്ഥതയിലും സംരക്ഷിക്കാന്‍.

പി.എഫ്. പലിശ നിരക്ക് 13% ആയി ഉയര്‍ത്തുകയും പി.എഫ് തുക സ്വകാര്യ കമ്പനികള്‍വഴി ഓഹരികമ്പോളത്തിന് കൈമാറാനുള്ള യു.പി.എ. സര്‍ക്കാരിന്റെ തീരുമാനം പിന്‍വലിക്കുകയും ചെയ്യുമെന്ന് ഉറപ്പിക്കാന്‍.
പെന്‍ഷന്‍ സ്വകാര്യവല്‍ക്കരണബില്‍ , ബാങ്കിംഗ് ബില്‍ , ഇന്‍ഷൂറന്‍സ് വിദേശ നിക്ഷേപ പരിധി ഉയര്‍ത്താനുള്ള ബില്‍ , എന്നിവ പിന്‍വലിക്കാന്‍.

സര്‍ക്കാര്‍ അര്‍ദ്ധസര്‍ക്കാര്‍-സംസ്ഥാനസര്‍ക്കാര്‍ മേഖലകളിലും പൊതു മേഖലയിലും കഴിഞ്ഞ 15 വര്‍ഷമായി കാര്യമായി റിക്രൂട്ട്മെന്റ് നടക്കാത്തതുമൂലം ഒഴിഞ്ഞു കിടക്കുന്ന 50 ലക്ഷം വേക്കന്‍സികളില്‍ ഉടന്‍ നിയമനം നടത്തുമെന്ന് ഉറപ്പുവരുത്താന്‍.
ഇന്ത്യയുടെ പരമാധികാരവും സ്വാതന്ത്ര്യവും സാമ്പത്തിക മുന്‍ഗണനകളും തകര്‍ക്കുന്ന അന്താരാഷ്ട്ര കരാറുകളില്‍ നിന്ന് പിന്മാറുമെന്നും പാര്‍ലമെന്റിന്റെ അനുമതിയില്ലാതെ അത്തരം കരാറുകളില്‍ ഇനി ഏര്‍പ്പെടില്ലന്നും ഉറപ്പുവരുത്താന്‍.

തൊഴില്‍ സുരക്ഷ ഉറപ്പുവരുത്താനും, പണിമുടക്കാനും വിലപേശാനും തൊഴിലാളികള്‍ക്കുള്ള അവകാശം സംരക്ഷിക്കാനും അതിനുള്ള നിയമനിര്‍മ്മാണം നടത്തുമെന്നും പ്രഖ്യാപിക്കാന്‍.

ഭൂപരിഷ്കരണം നടപ്പാക്കുവാനും സെസുകള്‍ക്കുവേണ്ടി അന്യായമായി കര്‍ഷകരുടെ ഭൂമി ഏറ്റെടുക്കില്ലെന്ന് ഉറപ്പുവരുത്താന്‍.

കോര്‍പ്പറേറ്റ് നികുതി 50 ശതമാനമായി ഉയര്‍ത്താനും ഓഹരി കമ്പോളത്തിലെ ഇടപാടുകള്‍ക്ക് നികുതി ചുമത്താനുനുമുള്ള രാഷ്ട്രീയ ഇച്ഛാശക്തി കാട്ടാന്‍.

സംസ്ഥാനങ്ങളില്‍ നിന്ന് പിരിച്ചെടുക്കുന്ന കേന്ദ്രനികുതി വരുമാനം അതത് സംസ്ഥാനങ്ങള്‍ക്കുതന്നെ നല്‍കുമെന്ന് ഉറപ്പുനല്‍കാന്‍.

എല്ലാ വോട്ടുകളും എൽ‌ഡി‌എഫിനു...

പോസ്റ്റര്‍ ഡിസൈന്‍ : പരാജിതന്‍

കോൺഫ്ലിക്കർ വൈറസും അതുയർത്തുന്ന സുരക്ഷാഭീഷണികളും.

2009-04-01T08:04:00.000-07:00

ഇന്റർനെറ്റും അനുബന്ധ സേവനങ്ങളും ഉപയോഗിക്കുന്നവരിൽ ഭൂരിപക്ഷം പേരും വൈറസുകളും ട്രോജനുകളും ഉയർത്തുന്ന ഭീഷണിയെക്കുറിച്ച് വലിയ അവബോധമുള്ളവരല്ല. തങ്ങളുടെ സിസ്റ്റത്തിൽ നിന്നും കാര്യമായിട്ടൊന്നും കൊണ്ട് പോകാനില്ല എന്നുള്ള ധാരണയിൽ ഭൂരിഭാഗം പെഴ്സണൽ കമ്പ്യൂട്ടർ ഉപയോക്താക്കളും തങ്ങളുടെ കമ്പ്യൂട്ടറുകൾ വൈറസുകളൊ ട്രോജനുകളൊ ഇൻഫെക്റ്റ് ചെയ്തതായി മനസ്സിലാക്കിയാൽ തന്നെ അതിനെ അവഗണിക്കുകയാണു പതിവ്. എന്നാൽ വൈറസുകളും ട്രോജനുകളും ഇൻഫെക്റ്റ് ചെയ്താൽ ഡാറ്റാ ലോസ് മാത്രമായിരിക്കില്ല ഉപയോക്താക്കൾക്കുണ്ടാകുന്നത്. ഉപയോക്താവറിയാതെ തന്നെ അവരുടെ കമ്പ്യൂട്ടറുകളിൽ ഫയലുകൾ ഒളിപ്പിച്ചു വെക്കുക, ഇന്റർനെറ്റ് കണക്ഷൻ ബാൻഡ് വിഡ്ത് ഉപയോക്താവറിയാതെ ഉപയോഗിക്കുക മുതലായവ വൈറസ് എഴുത്തുകാർ സ്ഥിരമായി ചെയ്യുന്ന പരിപാടികളാണു. അതു മാത്രമല്ല മറ്റൊരു കമ്പ്യൂട്ടറിനെയൊ നെറ്റ് വർക്കിനേയൊ ആക്രമിക്കുവാനും ഇത്തരത്തിൽ വൈറസുകളും ട്രോജനുകളും കമ്പ്യൂട്ടറുകളിൽ ഇൻസ്റ്റാൾ ചെയ്യുന്നതു വഴി ഇവർക്കു സാധിക്കും. ഇതു മൂലം ലോ ഡിസ്ക് സ്പെയിസ്, ബാൻ‌ഡ് വിഡ്ത് ലോസ്, സിസ്റ്റം ഹാങ് ആവുക മുതലായ ബുദ്ധിമുട്ടുകൾ ഉപയോക്താക്കൾക്കു നേരിടേണ്ടി വരുന്നു.

നിരവധി വൈറസുകളും ട്രോജനുകളും ദിവസം തോറും ഇങ്ങനെ വൈറസ് എഴുത്തുകാർ സൃഷ്ടിച്ചു വിടുന്നുണ്ട്. ഇങ്ങനെ വളരെ അടുത്ത കാലത്തായി ഇറങ്ങിയ വേം വിഭാഗത്തിൽ പെട്ട വളരെ അപകടകാരിയായ ഒരു വൈറസാണു “ കോൺഫ്ലിക്കർ വൈറസ് (Conflicker or Conficker)“ ഡൌൺ ഡപ് അല്ലെങ്കിൽ കിഡൊ (Downadup or Kido) എന്ന പേരിലും ഇവ അറിയപ്പെടുന്നു.

നവംബർ 2008 അവസാന വാരമാണു കോൺഫ്ലിക്കർ വൈറസ് ഇന്റർനെറ്റിൽ പ്രത്യക്ഷപ്പെടുന്നത്. നൊടിയിട കൊണ്ട് ഈ വൈറസ് പതിനായിരക്കണക്കിനു കമ്പ്യൂട്ടർ നെറ്റ്വർക്കുകളെ ബാധിക്കുകയുണ്ടായി. തുടർന്നു കോൺഫ്ലിക്കർ വൈറസിന്റെ കോൺഫ്ലിക്കർ -ബി, കോൺഫ്ലിക്കർ-സി എന്നീ വേർഷനുകൾ പുറത്തിറങ്ങി. ഇതിലെ കോൺഫ്ലിക്കർ -സി എന്ന വേർഷൻ സെക്യുരിറ്റി വിദഗ്ദർ കണ്ടെത്തിയതു കഴിഞ്ഞ മാസം രണ്ടാം വാരമായിരുന്നു (March 2009). അതേ സമയത്തു കോൺഫ്ലിക്കർ വൈറസ് ഏകദേശം ഒൻപതു മില്യൺ കമ്പ്യൂട്ടറുകളെ ഇൻഫെക്റ്റ് ചെയ്തിരിക്കുന്നു എന്നു കണ്ടെത്തുകയുണ്ടായി. മാർച്ച് അവസാനത്തോടെ അത് പത്തുമില്യൺ കമ്പ്യൂട്ടറുകളടുപ്പിച്ചു ഇൻഫെക്റ്റ് ചെയ്യുമെന്നും. അടുത്ത ഏതാനും മാസങ്ങൾക്കുള്ളീൽ കോൺഫ്ലിക്കർ വൈറസ് ഇൻഫെക്റ്റ് ചെയ്യപ്പെട്ടിരിക്കുന്ന കമ്പ്യൂട്ടറുകൾ 350 മില്യൺ ആകുമെന്നും സെക്യുരിറ്റി വിദഗ്ദർ പ്രതീക്ഷിക്കുന്നു.

ഈ മാസം ഒന്നാം തീയതി ( ഏപ്രിൽ-1-2009) കോൺഫ്ലിക്കർ വൈറസുകൾ ഇൻസ്റ്റാൾ ചെയ്യപ്പെട്ടിരിക്കുന്ന കമ്പ്യൂട്ടറുകളുടെ (സോംബികൾ) ഒരു ശൃംഖല (ബോട് നെറ്റുകൾ) രൂപപ്പെടുമെന്നാണു സെക്യൂരിറ്റി വിദഗ്ദരുടെ അഭിപ്രായം. ഇവയുപയോഗിച്ച് ഡി ഡി ഓ എസ് ആക്രമണത്തിനുപയോഗിക്കുന്ന കമാന്റ് ആന്റ് കൺട്രോൾ സെർവറുകൾ സൃഷ്ടിക്കാൻ കഴിയുമെന്ന് സെക്യൂരിറ്റി വിദഗ്ദർ ആശങ്കപ്പെടുന്നു. തൽക്കാലം ഈ ബോട് നെറ്റുകൾ ഉപയോക്താക്കൾക്കു പ്രശ്നമൊന്നും സൃഷ്ടിക്കുന്നില്ലായെങ്കിലും ഇവ പിന്നീട് ദീർഘകാല പ്രത്യാഘാതങ്ങൾക്കു വഴിവെച്ചേക്കുമെന്നു ഇവർ മുന്നറിയിപ്പു നൽകുന്നു. മാത്രമല്ല കോൺഫ്ലിക്കർ വൈറസിനു സെക്യൂരിറ്റി സൈറ്റുകൾ നൽകിയിരിക്കുന്ന ത്രെട് ലെവൽ വളരെ ഉയർന്നതുമാണു.

മൈക്രോസോഫ്റ്റ് വിൻഡോസ് ഓപ്പറേറ്റിംഗ് സിസ്റ്റം ഉപയോഗിക്കുന്ന കമ്പ്യൂട്ടറുകളെ ആക്രമിക്കുന്ന ഈ വേം നെറ്റ്‌വർക്കുകളിലെ സുരക്ഷാ പാളിച്ചകൾ മാത്രമല്ല മുതലെടുക്കുന്നത്. കൂടാതെ അഡ്മിനിസ്ട്രേറ്റർ തലത്തിലുള്ള പാസ്‌വേഡുകൾ കൈവശപ്പെടുത്തുകയും അതു വഴി കോൺഫ്ലിക്കർ വൈറസിനെ നീക്കം ചെയ്യുക ദുഷ്കരമാക്കു കൂടി ചെയ്യുന്നു. മാത്രമല്ല ഇവ യു എസ് ബി ഡ്രൈവുകൾ വഴി കോപ്പി ചെയ്യപ്പെടുകയും അതു വഴി മറ്റു സിസ്റ്റങ്ങളിലും ഇവ ഇൻസ്റ്റാൾ ചെയ്യപ്പെടുന്നു. മൈക്രോസോഫ്റ്റ് വിൻഡോസ് ഓപ്പറേറ്റിംഗ് സിസ്റ്റത്തിന്റെ സുരക്ഷാ പാളിച്ചകളാണു പ്രധാനമായും കോൺഫ്ലിക്കർ വൈറസുകൾ മുതലെടുക്കുന്നത്.

ഇതു വരെ കോൺഫ്ലിക്കർ വേമുകൾ പറയത്തക്ക നാശനഷ്ടങ്ങൾ കമ്പ്യൂട്ടർ സിസ്റ്റങ്ങൾക്ക് ഉണ്ടാക്കിയിട്ടില്ല. എന്നാൽ കോൺഫ്ലിക്കർ വൈറസുകൾ ഇൻസ്റ്റാൾ ചെയ്യപ്പെട്ട സിസ്റ്റങ്ങളിലെ വിൻഡോസ് അപ്ഡേറ്റുകളും, ആന്റിവൈറസ് അപ്ഡേറ്റുകളും ഇൻസ്റ്റാൾ ചെയ്യുന്നതു തടയുകയും അതു വഴി മാൽ‌വെയറുകൾ സ്പ്രെഡ് ചെയ്യുന്നതിനു കാരണമാകുകയും ചെയ്യുന്നു. സെക്യൂരിറ്റി വിദഗ്ദർ ഭയപ്പെടുന്നതു കോൺഫ്ലിക്കർ വൈറസിന്റെ രണ്ടാമത്തെയൊ മുന്നാമത്തെയൊ സ്റ്റേജിൽ ഇവ മെലിസ വൈറസിനെ പോലെ അപകടകാരിയായേക്കാം എന്നാണു. അതു വഴി കമ്പ്യൂട്ടറുകളെ പൂർണ്ണമായും അധീനതയിലാക്കാൻ കോൺഫ്ലിക്കർ വൈറസിന്റെ രണ്ടാമത്തെയൊ മൂന്നാമത്തെയൊ വകഭേദത്തിനു കഴിഞ്ഞേക്കാം.

കോൺഫ്ലിക്കർ ഇതു വരെ കണ്ടു പിടിക്കപ്പെട്ടതിൽ വെച്ചേറ്റവും അപകടകാരിയായ വൈറസാണൊ എന്നു കാ‍ണാനിരിക്കുന്നതേയുള്ളു. സെക്യൂരിറ്റി വിദഗ്ദരുടെ അഭിപ്രായത്തിൽ പെഴ്സണൽ കമ്പ്യൂട്ടറുകൾക്കു ഏറ്റവും ദോഷം ചെയ്തേക്കാവുന്ന ,ഇതുവരെ കണ്ടെത്തിയതിൽ വെച്ചേറ്റവും വലിയ ഭീഷണിയാണു കോൺഫ്ലിക്കർ വൈറസ്. ഞൊടിയിടയിലാണു കോൺഫ്ലിക്കർ വൈറസുകൾ ലക്ഷക്കണക്കിനു പെഴ്സണൽ കമ്പ്യൂട്ടറുകളെ ഇൻഫെക്റ്റ് ചെയ്തതു. അതു കൊണ്ട് തന്നെ കോൺഫ്ലിക്കർ വൈറസ് എന്തു മാത്രം ഭീഷണിയാണു ഉയർത്തുന്നതെന്ന് വരും നാളുകളിൽ മാത്രമെ അറിയാൻ സാധിക്കുകയുള്ളു.

ഇതു വരെ കോൺഫ്ലിക്കർ വൈറസിന്റെ ഉദ്ദേശ്യമെന്താണെന്നു കണ്ടുപിടിക്കപ്പെട്ടിട്ടില്ല, കോൺഫ്ലിക്കർ വൈറസിനു മറ്റു അപകടകാരികളായ മാൽ‌വെയറുകൾ ( വൈറസുകൾ, ട്രോജനുകൾ) മുതലാവയ ഡൗൺലോഡ് ചെയ്തു സിസ്റ്റത്തിൽ ഉപയോക്താവറിയാതെ തന്നെ ഇൻസ്റ്റാൾ ചെയ്യാൻ സാധിക്കും. മാത്രമല്ല കോൺഫ്ലിക്കർ വൈറസിനു തനിയെ അപ്ഡേറ്റ് ചെയ്യാനുള്ള കഴിവു കൂടെയുണ്ടെന്നു സോഫോസും എഫ് സെക്യൂ‍റും അടക്കമുള്ള സെക്യൂരിറ്റി കമ്പനികൾ മുന്നറിയിപ്പ് നൽകുന്നു. കോൺഫിക്കറിന്റെ ഈ കഴിവുപയോഗിച്ച് സിസ്റ്റത്തിന്റെ മറ്റു സെക്യൂരിറ്റി ദൗർബല്യങ്ങൾ വളരെ എളുപ്പത്തിൽ തന്നെ കണ്ടുപിടിക്കാനും കഴിയുന്നു.

മൈക്രോസോഫ്റ്റ് ഇതിനോടകം തന്നെ കോൺഫ്ലിക്കർ വൈറസിനെ തടയുന്നതിനു വേണ്ട പാച്ചുകൾ വികസിപ്പിച്ചിട്ടുണ്ട്, എന്നാൽ മൈക്രോസോഫ്റ്റിന്റെ തന്നെ കണക്കുകൾ അനുസരിച്ച് മുപ്പതു ശതമാനത്തോളം പെഴ്സണൽ കമ്പ്യൂട്ടറുകൾ മാത്രമാണു ഈ പാച്ചുകൾ ഉപയോഗിച്ച് വിൻഡോസ് അപ്ഡേറ്റ് ചെയ്തിരിക്കുന്നതു. ബാക്കിയുള്ള എഴുപതു ശതമാനത്തോളം വിൻഡോസ് ഉപയോക്താക്കൾ ഇനിയും ഈ പാ‍ച്ച് ഡൗൺലോഡ് ചെയ്തു അപ്ഡേറ്റ് ചെയാനിരിക്കുന്നതേയുള്ളു. ഇന്നുപയോഗിക്കുന്ന ഭൂരിഭാഗം വിൻഡോസ് ഇൻസ്റ്റാൾ ചെയ്തിരിക്കുന്ന കമ്പ്യൂട്ടറുകളും പൈറേറ്റഡ് വിൻഡോസ് ആയതിനാൽ ഈ കമ്പ്യൂട്ടറുകൾ വഴിയായിരിക്കും കോൺഫ്ലിക്കർ വൈറസുകൾ പരക്കുകയെന്നാണു സെക്യുരിറ്റി വിദഗ്ദരുടെ നിഗമനം.

കോൺഫ്ലിക്കർ വൈറസ് ഇൻസ്റ്റാൾ ചെയ്യപ്പെട്ടിട്ടുണ്ടൊ എന്നു എങ്ങനെ മനസ്സിലാക്കാം

അപ്ഡേറ്റ് ചെയ്ത ആന്റി വൈറസുകളൊ, മാൽ‌വെയർ സ്കാനറുകളൊ ഉപയോഗിച്ച് സിസ്റ്റം പ്രോപ്പർ ആയി സ്കാൻ ചെയ്തില്ലായെങ്കിൽ കോൺഫ്ലിക്കർ വൈറസിനെ കണ്ടുപിടിക്കുന്നതു ദുഷ്കരമാണു. കൂടാതെ ഉപയോക്താവിന്റെ കമ്പ്യൂട്ടറിന്റെ ഇന്റർനെറ്റ് കണക്ഷൻ അസാധാരണാം വിധം സ്ലോ ആകുകയൊ, വി‌ൻഡൊസ് ഡിഫന്റർ പോലുള്ള സർവീസുകൾ ഡിസേബിൾ ചെയ്യപ്പെടുകയൊ ആന്റിവൈറസുകൾ പ്രൊവൈഡ് ചെയ്യുന്ന വെബ്സൈറ്റുകളൊ മറ്റൊ അക്സസ് ചെയ്യാനൊ സാധിക്കാതെ വരിക ഇവയെല്ലാം കോൺഫ്ലിക്കർ വൈറസ് ഇൻസ്റ്റാൾ ചെയ്യപ്പെട്ടതിന്റെ സൂചനയാവാം.

അതോടൊപ്പം തന്നെ യു എസ് ബി ഡ്രൈവുകൾ വഴി ഇവ സിസ്റ്റത്തിൽ ഇൻസ്റ്റാൾ ചെയ്യപ്പെടാതിരിക്കാനായി വിൻഡോസീലെ ആട്ടൊ റൺ ഓപഷൻ ഡിസേബിൾ ചെയ്യാനായി സോഫോസ് അടക്കമുള്ള സെക്യൂരിറ്റി സൈറ്റുകൾ ഉപയോക്താക്കളോടു നിർദ്ദേശിക്കുന്നുണ്ട്.

ഇതിനായി സ്റ്റാർട്ട് ബട്ടണിൽ ക്ലിക്ക് ചെയ്തു റൺ എടുത്തതിനു ശേഷം gpedit.msc എന്നു ടൈപ്പ് ചെയ്ത് പോപ്പപ്പ് ചെയ്തു വരുന്ന വിൻഡോയിൽ നിന്നും computer ConfigurationAdministrative TemplatesSystem സെലക്റ്റ് ചെയ്തു നോക്കുമ്പോൾ വലതു ഭാഗത്തായി Turnoff Autoplay എന്നു കാണാൻ സാധിക്കും. അവിടെ ഡബിൾ ക്ലിക്ക് ചെയ്താൽ ഒരു പുതിയ വിൻഡൊ വരികയും അതിൽ എനേബിൾ എന്ന റേഡിയൊ ബട്ടണിൽ ക്ലിക്ക് ചെയ്യുമ്പോൾ തൊട്ടു താഴെയായിട്ടുള്ള ഡ്രോപ്ഡൗൺ ബോക്സ് എനേബിൾ ആകുകയും അവിടെ നിന്നും All drives എന്ന ഓപ്ഷൻ സെലക്റ്റ് ചെയ്തു അപ്ലൈ ബട്ടണിൽ ക്ലിക്ക് ചെയ്തു ഓ കെ കൊടുക്കുക, ഇത്രയും ചെയ്താൽ യു എസ് ബി ഡ്രൈവടക്കമുള്ള ഡ്രൈവുകൾ തനിയെ ഓപ്പൺ ആകുന്നതു തടയാൻ കഴിയും.

സിസ്റ്റത്തിൽ കോൺഫിക്കറൊ അല്ലെങ്കിൽ മറ്റേതെങ്കിലും തരത്തിലുള്ള അപകടകാരികളായ വൈറസുകളൊ ട്രോജനുകളൊ ഇൻഫെക്റ്റ് ചെയ്യപ്പെട്ടു എന്നു സംശയം തോന്നിയാൽ ഈ ലിങ്കിൽ പോയി Microsoft's Malicious Software Removal Tool എന്ന സോഫ്റ്റ് വെയർ ഡൗൺലോഡ് ചെയ്തു ഉപയോഗിക്കാവുന്നതാണു. എങ്ങനെയാണു ഈ സോഫ്റ്റ്‌വെയർ ഉപയോഗിക്കേണ്ടതെന്നു അതേ പേജിൽ തന്നെ വിശദമായി പറഞ്ഞിട്ടുണ്ട്, അതിൽ പറഞ്ഞിരിക്കുന്ന നിർദ്ദേശങ്ങൾ അനുസരിച്ചു ചെയ്താൽ മതിയാകും. മാത്രമല്ല ആന്റിവൈറസ് നിർമ്മാണ കമ്പനിയായ സോഫോസ് കോൺഫ്ലിക്കർ വൈറസിനെ നീക്കം ചെയ്യുന്നതിനാവശ്യമായ സോഫ്റ്റ് വെയർ ഫ്രീ ആയി തന്നെ നൽകുന്നുണ്ട്. അതു ഡൗൺലോഡ് ചെയ്യുന്നതിനായി ഈ ലിങ്കിൽ പോയാൽ മതിയാകും.

വിൻഡോസ് ഉപയോഗിക്കുന്ന കമ്പ്യൂട്ടറുകൾ അവയുടെ ഓപ്പറേറ്റിംഗ് സിസ്റ്റങ്ങളും, ആന്റിവൈറസുകളും, സ്പൈ വെയർ ഡിറ്റക്ടറുകളും റൂട്ട് കിറ്റ് ഫൈൻഡറുകളൂം റെഗുലർ ആയി അപ്ഡേറ്റ് ചെയ്യുകയും അവയുപയോഗിച്ച് സിസ്റ്റം പ്രോപ്പർ ആയി സ്കാൻ ചെയ്യുകയും ചെയ്യുക മാത്രമാണു ഇത്തരത്തിലുള്ള വൈറസുകളും ട്രോജനുകളും സിസ്റ്റത്തിനുള്ളിൽ കടന്നു കയറുന്നതു തടയാനുള്ള ഏകവഴി, മാത്രമല്ല യു എസ് ബി ഡ്രൈവുകൾ പോലുള്ളവ കഴിവതും ഒഴിവാക്കാൻ കൂടി ശ്രമിക്കുക. അല്ലെങ്കിൽ അവ നിയന്ത്രിതമായ രിതിയിൽ മാത്രം ഉപയോഗിക്കുക.

കൂടുതൽ വായനക്കുള്ള ലിങ്കുകൾ

http://www.f-secure.com/v-descs/worm_w32_downadup_a.shtml
http://www.f-secure.com/vulnerabilities/SA32326
http://www.tech-linkblog.com/2009/01/how-serious-is-the-downadupbconflicker-worm.html/
http://www.microsoft.com/security/portal/Entry.aspx?Name=Worm%3aWin32%2fConficker.A
http://www.symantec.com/security_response/writeup.jsp?docid=2008-112203-2408-99&tabid=2
http://www.microsoft.com/technet/security/Bulletin/MS08-067.mspx
http://www.pcworld.com/article/157876/protecting_against_the_rampant_conficker_worm.html

നോട്ട്: പലയിടത്തും കോൺഫ്ലിക്കർ (Conflicker) എന്നും കോൺഫ്ലിക്കർ (Conficker) എന്നും രണ്ടു രീതിയിൽ കാണിക്കുന്നുണ്ട്, ഇതിൽ ഉപയോഗിച്ചിരിക്കുന്നതു കോൺഫ്ലിക്കർ എന്നാണു.

സാഗർ ഏലിയാസ് ജാക്കി അഥവാ അമൽ നീരദിന്റെ വേണ്ടാതീനങ്ങൾ.

2009-03-28T23:35:00.000-07:00

മൂന്നു നാലു മാസത്തിനു ശേഷം ഒരു മലയാളം സിനിമ കാണാനിറങ്ങി പുറപ്പെട്ടു. അമൽ നീരദ് സംവിധാനം ചെയ്ത “സാഗർ ഏലിയാസ് ജാക്കി അഥവാ അമൽ നീരദ്ന്റെ വേണ്ടാതീനം” കാണാൻ പോയി. നേരത്തെ മമ്മൂട്ടീയെ നായകനാക്കി സംവിധാനം ചെയ്ത “ബിഗ് ബി” കണ്ടതിന്റെ ആവേശത്തിൽ കാണാൻ പോയി എന്നെയുള്ളു.

ഇരുപതാം നൂറ്റാണ്ടിൽ മോഹൻലാൽ അനശ്വരനാക്കിയ ജാക്കി എന്ന കഥാപാത്രത്തിനെ റീലോഡ് ചെയ്തെടുത്തു കുട്ടപ്പനാക്കി വരുന്ന സിനിമയാണെന്നു കരുതി ഇറങ്ങി പുറപ്പെട്ടൂ. സിനിമ കണ്ടു , സമാധാനമായി. ഈ സിനിമ കണ്ടില്ലല്ലൊ എന്നുള്ള വിഷമം ഇനിയുണ്ടാകില്ല. എന്തു നല്ല സിനിമ. ! ലാലേട്ടന്റെ സിനിമയായതു കൊണ്ട് ഒരൊറ്റ സീറ്റു പോലും ഫ്രണ്ടിലും ബാക്കിലും ബാൽക്കണിയിലും ഒഴിവില്ലാതെ വൻ‌ തെരക്കായിരുന്നു തീയേറ്ററിൽ. സിനിമആരാധകരുടെ അവേശം പലയിടത്തും അണപൊട്ടീ അതു വൻകിട കൂവലുകളായി പുറത്തു വരുന്ന അസുലഭ കാഴ്ചയും കണ്ടു. ഇത്തവണ ആരുടെയും അഭിപ്രായം തെരക്കാൻ നിന്നിരുന്നില്ല. ഓഫിസിന്നിറങ്ങി വീട്ടിലേക്കു പോകുന്ന വഴിയിൽ നമ്മുടെ സ്വാധീനശക്തിയുപയോഗിച്ച് രണ്ട് ടിക്കറ്റു ബുക്ക് ചെയ്താണു ഈ മഹത്തായ സിനിമ

കാണാനായി ഇറങ്ങിപുറപ്പെട്ടത്. കൃത്യം 9.45 നു സിനിമ തുടങ്ങി.

ഇരുപതാം നൂ സാഗർ ഏലിയാസ് ജാക്കിയും തമ്മിൽ ഒരേയൊരു ബന്ധം മാത്രമേയുള്ളു. ഇരുപതാം നൂറ്റാണ്ടിലും ജാക്കിയുണ്ട്, അമൽ നീരദ്ന്റെ ഈ അതിക്രമത്തിലും ജാക്കിയുണ്ട്. അമൽ നീരദ് എന്തിനിങ്ങനെയൊരു സിനിമയെടൂത്തു എന്നുള്ള ചോദ്യം മാത്രം സിനിമ കണ്ടു തീർന്നപ്പോൾ അവശേഷിച്ചു. കുറ്റം പറയാൻ പാടില്ലല്ലൊ. കഥയില്ലെങ്കിലും സിനിമയിൽ കൊള്ളാവുന്ന യാതൊന്നും തന്നെയില്ല എന്നത് ഭയങ്കരമായിട്ടെനിക്കു സന്തോഷം തന്നു. യാതൊരു മുൻ‌ധാരണയുമില്ലാതെയാണു ഈ സിനിമ കാണാനായി ഇറങ്ങിയതു. ചുമ്മാ കണ്ടോണ്ടിരിക്കാൻ കൊള്ളാം.

ശക്തമായൊരു കഥയില്ല, യാതൊന്നും തന്നെയില്ല. സന്ദർഭത്തിനൊക്കാത്ത രീതിയിലുള്ള വൃത്തികെട്ട രണ്ട് പാട്ടുകളും കേട്ടു. എന്താണൊ അമൽ നീരദ് ഇതു കൊണ്ടുദ്ദേശീച്ചതെന്നു അദ്ദേഹത്തിനു പോലും യാതൊരു ബോധവും ഉണ്ടാകില്ല. എന്നാലും സർ ഇങ്ങനെ മനുഷ്യനെ വടിയാക്കാൻ വേണ്ടി താങ്കൾ ഇറങ്ങി തിരിക്കേണ്ടിയിരുന്നില്ല. പക്ഷെ മോഹൻലാലിനെ ഏല്‍പ്പിച്ച ജോലി അദ്ദേഹം നല്ലരീതിയിൽ തന്നെ കൈകാര്യം ചെയ്തിരിക്കുന്നു.

സിനിമയിലെ കൊള്ളാവുന്ന ഭാഗം അതിന്റെ ക്യാമറ വർക്കു തന്നെയാണു. സിനിമയിൽ കാര്യമായിട്ടൊന്നും തന്നെയില്ലെങ്കിലും നല്ല കുറെ ഷോട്ടുകൾ ഉണ്ട്. ഒരു ആക്ഷൻ സിനിമക്കു പറ്റിയ ഫ്രെയിമുകൾ . ഛായാഗ്രഹണം നല്ല രീതിയിൽ തന്നെ അമൽ നീരദ് കൈകാര്യം ചെയ്തിരിക്കുന്നു. ഷൂട്ട് ചെയാനായി ഉപയോഗിച്ച ലൊക്കേഷനുകൾ സുന്ദരമായി സിനിമയിൽ പകർത്തിയിട്ടുണ്ട്.. മഴ സീനുകൾ അതി മനോഹരമായി അമൽ നീരദ് ചെയ്തു വെച്ചിരിക്കുന്നു. പക്ഷെ ഏതാണ്ടെല്ലാ ഷോട്ടൂം ബിഗ് ബി യിലെ പോലെ തന്നെ. ഒരു മാറ്റവുമില്ല. എന്നാലും ബോറില്ല. ആക്ഷൻ രംഗങ്ങൾ സാധാരണ മലയാളം സിനിമയെ അപേക്ഷിച്ചു നോക്കുമ്പോൾ മികച്ചു നിൽക്കുന്നുണ്ട്.

ബിഗ് ബി യിൽ ഉപയോഗിച്ച രീതിയിലുള്ള ബാക്ക് ഗ്രൗണ്ട് മ്യുസിക്. ഒരു വ്യത്യാസവുമില്ല. ശബ്ദത്തിന്റെ അതി പ്രസരം. തൃശൂർ പൂരത്തിനു അമിട്ട് പൊട്ടിക്കുന്ന മാതിരിയുള്ള ശബ്ദം സിനിമ തീരുന്നതുവരെ കേൾക്കാൻ കഴിയും. എന്റെ കർണ്ണപുടം അടിച്ച് പോയി അന്ധനും മൂകനും ബധിരനുമായിപോകുമൊ എന്നു വരെ ചില സന്ദർഭങ്ങളിൽ ഞാൻ സംശയിക്കാതിരുന്നില്ല. ഇടക്കിടക്കു ഇരുപതാം നൂറ്റാണ്ടിന്റെ തീം സോങ് പശ്ചാത്തലത്തിൽ കേൾക്കാനുണ്ട്.

മോഹൻലാലിനല്ലാതെ മറ്റാർക്കും ഈ സിനിമയിൽ പ്രാധാന്യവുമില്ല. ഒരു സൂപ്പർ സ്റ്റാർ സിനിമയാകുമ്പോൾ അതങ്ങനെ തന്നെയാകണം. രണ്ട് നായികമാരുണ്ട്, സിനിമയിൽ യാതൊരു റോളുമില്ലാത്ത രണ്ട് കഥാപാത്രങ്ങൾ. പടച്ചുണ്ടാക്കിയ ഈ രണ്ട് കഥാപാത്രങ്ങളെ കൊണ്ട് അതവതരിപ്പിച്ച ആക്ട്രസിനും വലിയ ഗുണമൊന്നുമില്ല. സിനിമയുടെ തുടക്കം മുതൽ ഒടുക്കം വരെ കരഞ്ഞു കൊണ്ടിരിക്കാനാണു ശോഭനയുടെ വിധി. കെട്ടു കാഴ്ചയായി എഴുന്നള്ളിക്കാൻ കൊള്ളാം ഭാവനയുടെ കഥാപാത്രത്തെ.

മോഹൻലാലിനെ കൂടാതെ സിനിമയിൽ തിളങ്ങിയിരിക്കുന്നതു റൊസാരിയൊ എന്ന വില്ലൻ തന്നെ. വിക്രമിന്റെ ഒരു ഛായയുണ്ട് റൊസാരിയായെ അവതരിപ്പിച്ച നടനു. നൈന എന്ന കഥാപാത്രം ദാവൂദ് ഇബ്രാഹിമിനെയാണെന്നു തോന്നുന്നു പ്രതിനിധീകരിക്കുന്നത്. പക്ഷെ റൊസാരിയ എന്ന കഥാപാത്രത്തിനൊപ്പം ചേർന്നു പോകാൻ നൈനയെന്ന കഥാപാത്രത്തിനു കഴിയുന്നില്ല. ( ഈ നടന്മാരുടെ പേരൊന്നും അറിയില്ല). മോഹൻലാലിന്റെ മകനുമുണ്ട് ഈ സിനിമയിൽ. ആ ചെക്കനെ കണ്ടപ്പോൾ ഇവിടെ ബുഹാരി ഹോട്ടലിന്റെ പരിസരത്തു മട്ടനാക്കാൻ കെട്ടിയിട്ടിരിക്കുന്ന മുട്ടനാടുകളെ ഓർമ്മ വന്നു. കൂടെയുള്ള മറ്റുള്ളവരെല്ലാം മോഹൻലാലിനോടു ചേർന്നു പോകാൻ പറ്റിയ കഥാപാത്രങ്ങൾ. ഒരു അണ്ടർവേൾഡ് ലുക്ക് ഉണ്ട്. രാം ഗോപാൽ വർമ്മയുടെ സിനിമകളിലെ കഥാപാത്രങ്ങൾ പോലെ. സിനിമയും ഏതാണ്ടു രാം ഗോപാൽ വർമ്മ ടൈപ്പ്. സിനിമയിൽ കഴമ്പുള്ള ഒന്നുമില്ല.. നെടുമുടി വേണുവിനു ഈ സിനിമയിൽ എന്താണു കാര്യമെന്നു മനസ്സിലായില്ല.

ബിഗ് ബിയിൽ അഭിനയിച്ച ഏതാണ്ടെല്ലാ കഥാപാത്രങ്ങളും ഈ സിനിമയിലുണ്ട്. അമൽ നീരഥിന്റെ സ്ഥിരം ക്രൂ ആയി മാറാൻ സാധ്യതയുണ്ട് ഈ ടീം. പക്ഷെ അവസാനം ഒരു ടിപ്പിക്കൽ രാം ഗോപാൽ വർമ്മ സിനിമാ സീരിസാകാതെ നോക്കിയാൽ അമൽ നീരഥിനു കൊള്ളാം.

സിനിമ കണ്ടു മനസിലായ ഒരു കാര്യം അമൽ നീരദ് സിനിമയെടുക്കാൻ വേണ്ടി ശരിക്കും ഇംഗ്ലീഷ് സിനിമ കാണുന്നുണ്ട്. മാറ്റ് ഡമോൺ നായകനായി അവതരിപ്പിച്ച ബോൺ സീരിസിലുള്ള ബോൺ ഐഡന്റിറ്റി എന്ന സിനിമയിലെ ഒരു രംഗം അതേപടി പുനരാവിഷ്കരിച്ചിട്ടുണ്ട് ഈ സിനിമയിൽ. തോക്കുകൾ, വെടിയുണ്ടകൾ ആകെപ്പാടെ ശബ്ദായമാനമായ ഒരു സിനിമ. ഒരു ഹോളിവുഡ് ലുക്ക്.

ഒരു ഫുൾ എന്റർടയിന്മെന്റ് എന്ന രീതിയിൽ കണ്ടു പോകാൻ പറ്റിയ സിനിമ. കാശു നഷ്ടം വരില്ല. മോഹൻലാൽ ആരാധകർ ഇടിച്ചു കയറുന്നുണ്ട് തീയേറ്ററിൽ. ഇടക്ക് ചില രംഗങ്ങളിൽ കടുത്ത മോഹൻലാൽ ഫാൻസ് വരെ കൂവി പോകുന്നു. പക്ഷെ ഒരു സാധാരണ മലയാളം ആക്ഷൻ പടത്തേക്കാൾ മികച്ചു നിൽകുന്നുണ്ട് സാഗർ ഏലിയാസ് ജാക്കി. എന്നാലും ഒരു റിക്വസ്റ്റുണ്ട് അമൽനീരദിനോടു . ഇത്രയും റീലോഡഡ് ആവേണ്ടിയിരുന്നില്ല സർ ഈ സിനിമ.

മനോരോഗികളായ ഹാക്കർമാർ-2-ബിമിനിത്തിനുള്ള മറുപടി.

2009-03-10T00:32:00.000-07:00

കഴിഞ്ഞ പോസ്റ്റിൽ ബിമിനിത്ത് നൽകിയ മറുപടിക്കൊരു വിശദീകരണം.

ഹാക്കിംഗിനെക്കുറിച്ചും, സൈബർ യുദ്ധങ്ങളെക്കുറിച്ചുമെഴുതാൻ തുടങ്ങിയാൽ അതൊന്നും ഒരു കമന്റിലൊ ഒരു പോസ്റ്റിലൊ തീരില്ല. ഹാക്കർമാരെ മാനസികരോഗികൾ എന്നു വിശേഷിപ്പിച്ചതു കൊണ്ട് മാത്രമല്ല ഞാൻ അങ്ങനെയൊരു പോസ്റ്റിട്ടത്. വസ്തുതാ വിരുദ്ധമായ ഒട്ടേറേ കാര്യങ്ങൾതാങ്കളുടെ ലേഖനത്തിൽ കടന്ന് കൂടീയിട്ടുണ്ട്, താങ്കളെ താഴ്ത്തിക്കെട്ടലായിരുന്നില്ല എന്റെ ഉദ്ദേശം. താങ്കളുടെ വെബ് 2 വിനെക്കുറിച്ചുള്ള ആർട്ടിക്കിൽ ഒക്കെ വായിച്ചിട്ടുണ്ട്. വളരെ നല്ല ആർട്ടിക്കീളായിരുന്നു അതു. അതു കൊണ്ട് തന്നെയാണു താങ്കൾ ഈ ലേഖനം തയ്യാർ ചെയ്യുന്നതിനു വേണ്ടത്ര പ്രിപ്പയർ ചെയ്തില്ല എന്നു പറഞ്ഞത്. കാരണം പൊതു ജനത്തിനു അറിയാൻ കഴിയാത്ത ഒട്ടേറെ കാര്യങ്ങൾ മാധ്യമങ്ങൾ വഴി പുറത്തു വരുമ്പോൾ അവ ശരിയായ വിധത്തിൽ പ്രിപ്പയർ ചെയ്ത് പ്രസിദ്ധീകരിച്ചില്ലായെങ്കിൽ അവർക്കു കിട്ടുന്നതു തെറ്റായ വിവരങ്ങൾ ആയി പോയേക്കാം. ബ്ലോഗ് പോലുള്ള മാധ്യമങ്ങൾ വളരെ കുറവു ആൾക്കർ മാത്രമാണു വായിക്കുന്നത്. പൊതു ജനം ആനുകാലികങ്ങളിൽ കൂടി വരുന്ന വിവരങ്ങളാണു എപ്പോഴും ശ്രദ്ധിക്കുക, അങ്ങനെ വരുമ്പോൾ അവർക്കു കൊടുക്കുന്ന വിവരങ്ങൾ ശരിയായിട്ടുള്ളതല്ലെങ്കിൽ അവർക്ക് തെറ്റായ ധാരണ വരുന്നുവെങ്കിൽ അവരെ കുറ്റം പറഞ്ഞിട്ടെന്തു കാര്യം.

ഡീ ഫെയിസിംഗ് എന്ന വിദ്യയും മാൽ‌വെയർ കോഡുകൾ സൈറ്റുകളിൽ ഇൻ‌ജക്റ്റ് ചെയ്യുന്നതും രണ്ടും രണ്ടാണു. ഒരു സൈറ്റിൽ ഏതെങ്കിലുമൊരു പേജ് ക്രിയേറ്റ് ചെയ്തു അവിടെ തങ്ങളുടെ ഗ്രൂപ്പിന്റെ ചിത്രങ്ങൾ പതിച്ചു ആ പേജ് ഡി ഫെയിസ് ചെയ്യുക എന്നുള്ളതു വർഷങ്ങളായി ഹാക്കേഴ്സ് ഗ്രൂപ്പുകൾ ചെയ്യുന്ന പ്രവർത്തിയാണു. മറിച്ച് ഒരു വെബ് സൈറ്റിന്റെ ഹോം പേജാണു ഡീ ഫെയിസ് ചെയ്യുന്നതെങ്കിൽ അവർക്കു അഡ്മിൻ ലെവലിലുള്ള ഷെൽ അക്സസ് ലഭിച്ചിട്ടുണ്ട് എന്നർത്ഥം. അതൊരിക്കലൂം സൈറ്റിനെ അഡ്മിൻ പാസ് വേഡ് കൈവശപ്പെടുത്തിയായിരിക്കില്ല, പകരം ചില കോഡുകൾ അഡ്മിൻ ലോഗിനിൽ കൊടുക്കുകയും അങ്ങനെ ഡാറ്റാ ബെയിസ് അടക്കമുള്ളവയിലുള്ള അക്സസ് കിട്ടുക എന്നതാണു. അങ്ങനെ വരുമ്പോൾ ഡാറ്റാ ബെയ്സിൽ കൃത്രിമത്വം കാണിക്കാനും മാൽ വെയർ കോഡുകൾ സൈറ്റുകളിൽ പ്രവേശിക്കുന്ന സമയത്തു തന്നെ പോപ് ചെയ്തു വരുത്താനും ഹാക്കർമാ‍ർക്കു കഴിയും. ഇതിനെക്കുറിച്ചൊക്കെ സമയം കിട്ടുന്നതിനനുസരിച്ച് വിശദമായി തന്നെ എഴുതാം. സൈബർ യുദ്ധങ്ങളൊക്കെ ഇത്തരത്തിലുള്ള ആക്രമണങ്ങളിൽ നിന്നും വളരെ ഉയർന്ന തലത്തിൽ വരുന്നവയാണു. അതൊക്കെ കുറെ വിശദമായി തന്നെ ഈ ബ്ലോഗിന്റെ വിവിധ പോസ്റ്റുകളായി നൽകിയിട്ടുമുണ്ട്.

എനിക്കു നേരിട്ടറിയാവുന്ന ചില സ്ഥാപനങ്ങളുടെ സൈറ്റുകളുണ്ട്. അവയിലൊക്കെ ഞാൻ ആദ്യം പറഞ്ഞ രീതിയിൽ ഒരു വെബ് പേജ് ക്രിയേറ്റ് ചെയ്തു ഡി ഫെയിസ് ചെയ്തിട്ടുള്ളവയുണ്ട്. അവയൊന്നും തന്നെ അഡ്മിൻ ലെവലിലുള്ള ഒരു അക്സസ് കിട്ടിയായിരുന്നില്ല ചെയ്തതു. അതൊക്കെ വിശദമായി പിന്നെയെഴുതാം.

മറ്റൊന്നു സ്പൂഫിംഗ് എന്ന ഏറ്റവും അഡ്വാൻസ്ഡായിട്ടുള്ള വിദ്യയാണു. ഞാനെഴുതിയ കഴിഞ്ഞ പോസ്റ്റിൽ സ്പൂഫിംഗ് എങ്ങനെയാണു നടത്തുന്നതു എന്നതിന്റെ ഒരു ലിങ്ക് കൊടുത്തിട്ടുണ്ട്. ഇത്തരത്തിൽ ചെയ്യുമ്പോൾ ഉദാഹരണമായി ഞാൻ ഗൂഗിൾ എന്നു ടൈപ്പ് ചെയ്യുമ്പോൾ എന്റെ ബ്രൗസർ ഒരു റിക്വസ്റ്റ് ഏറ്റവും അടുത്ത ടി എൽ ഡിയിലേക്കു നൽകുകയും റ്റി എൽ ഡി ഗൂഗിൾ എന്ന വേഡുമായി മാച്ച് ചെയ്യുന്ന ഐ പി അഡ്രസിലേക്കു എന്റെ റിക്വസ്റ്റ് ഡൈവെർട്ട് ചെയ്തു മാറ്റുന്നു. അങ്ങനെ എന്റെ ബ്രൗസറും ഗൂഗിളിന്റെ വെബ്സെർവറും തമ്മിലൂള്ള ഒരു കമ്മ്യ്യൂണിക്കേഷൻ സാധ്യമാക്കുക്കയും ഗൂഗിൾ പേജുകൾ എന്റെ ബ്രൗസറിന്റെ ഐപി വിലാസങ്ങളും മറ്റും ചെക്ക് ചെയ്തു കുക്കീസ് എന്നറിയപ്പെടുന്ന ഫയലുകൾ എന്റെ സിസ്റ്റത്തിലേക്കു ഡൗൺലോഡ് ചെയ്തിടുകയും ചെയ്യുന്നു. തുടർന്നു ഗൂഗിളിന്റെ ഓരൊ പേജും എനിക്കു വളരെ പെട്ടെന്നു തന്നെ അക്സസ് ചെയ്യാൻ സാധിക്കുന്നു. എന്നാൽ സ്പുഫിംഗ് എന്ന വിദ്യയിൽ ടി എൽ ഡി കൃത്രിമമായി സൃഷ്ടിക്കുകയാണു ഹാക്കർമാർ ചെയ്യുന്നതു. അംഗീകരിച്ച ടി എൽ ഡികൾ 13 എണ്ണമാണു. അതു കൂടാതെ ഹാക്കർമാർ ഇതിനിടയിൽ കൃത്രിമമായി ഒരു ഡി എൻ എസ് സെർവർ ക്രിയേറ്റ് ചെയ്യുകയും റിക്വസ്റ്റുകൾ അവിടെക്കു വഴി തിരിച്ചു വിടുകയും ചെയ്യും, ഇതിന്റെ ഫലം ഗൂഗിളിന്റെ വെബ് പേജായിരിക്കില്ല നമുക്കു ലഭിക്കുന്നതു എന്നതാണു. പകരം ഹാക്കർമാർ ഉദ്ദേശിക്കുന്ന വെബ് പേജായിരിക്കും നമുക്ക് ലഭിക്കുക. ഈ രീതിയിൽ നെറ്റ് ഡെവിൾസ് എന്ന തുർക്കി ആസ്ഥാനമായ ഹാക്കേഴ്സ് ഗ്രൂപ്പ് ചെയ്ത് ഏറ്റവും വലിയ സ്പുഫിംഗ് ഐ പി വിലാസങ്ങൾ നൽകുവാൻ അംഗീകരിച്ചിരിക്കുന്ന അന്താരാഷ്ട്ര ഏജൻസികളായ അയാനയുടെയും ഐ സി എ നിന്റെയും വെബ് സൈറ്റുകൾ തന്നെ സ്പൂഫ് ചെയ്തു ഡീ ഫെയ്സ് ചെയ്തതാണു അത്തരത്തിലുള്ള വളരെ അഡ്വാൻസ്ഡായ ആക്രമണങ്ങൾ നടക്കുമ്പോൾ ചെറുഗ്രൂപ്പുകൾ ചെയ്യുന്ന ഡിഫെയ്സിംഗ് വളരെ നിസ്സാരം..

ഐഡന്റിറ്റി തെഫ്റ്റ് എന്ന താരതമ്യേന ചെറീയ ഹാക്കിംഗ് വിദ്യ സ്ക്രിപ്റ്റ് കിഡ്ഡിസ് എന്നറിയപ്പെടുന്ന പുതുമുഖങ്ങൾക്ക് തന്നെ ചെയ്യാവുന്നതാണു. ഇന്റർനെറ്റിലും മറ്റും ലഭ്യമായ സോഫ്റ്റ് വെയറുകൾ ഉപയോഗിച്ച് ഹാക്കിംഗ് ചെയുന്ന ഇത്തരക്കാർ പിടിക്കപ്പെടാനുള്ള സാധ്യത വളരെക്കുടുതലായിരിക്കും. ഫിഷിംഗ് വഴി ഐഡന്റിറ്റി തെഫ്റ്റ് ചെയ്യാനുള്ള കോഡുകൾ നെറ്റിലൊക്കെ ഒന്നു തപ്പിയാൽ ആർകും എളുപ്പത്തിൽ ലഭിക്കും. എന്നാൽ ഫിഷിംഗ് വഴിയൊക്കെ ചെയ്യുമ്പോൾ അവ യഥാർത്ഥത്തിലുള്ള സൈറ്റുകളാണൊ എന്നു സാമാന്യം വിവരമുള്ള ആർക്കും മനസ്സിലാകുകയും ചെയ്യും.

സോങ്സ്. പി കെയെക്കുറിച്ചുള്ള ആരോപണങ്ങൾ വന്ന കാലയളവിൽ വെറുതെ ഒരു താല്പര്യത്തിന്റെ പുറത്തു ആ സൈറ്റിൽ വെർച്വൽ സിസ്റ്റം ഉപയോഗിച്ച് ചെക്ക് ചെയ്തിരുന്നു. സാധാരണ കാണുന്നതിൽ നിന്നും കൂടുതലായി പോപ് അപ് വിൻ‌ഡോകൾ അ സൈറ്റുകൾ വഴി കിട്ടിയ വിവരങ്ങൾ ഉടനെ തന്നെ ബ്ലോഗിലുള്ള ഐ റ്റി ഫീൽഡിൽ വർക്കു ചെയ്യുന്ന ചിലരെ ഞാൻ അറിയിക്കുകയും ചെയ്താണു. അതു മാത്രമല്ല അങ്ങനെ പോപപ്പ് ചെയ്തു വരുന്ന വിൻഡൊകൾ ബ്രൗസർ കോൺഫിഗർ ചെയ്യുന്നതു വഴിയും ആന്റിവൈറസുകൾ ഇൻസ്റ്റാൾ ചെയ്തും ഒരു പരിധി വരെ നമുക്ക് തന്നെ തടയാം. അതു മാത്രമല്ല ചില ബ്ലോഗുകളിൽ തന്നെ മാൽ‌വെയർ കോഡുകൾ ഇൻ‌ജക്റ്റ് ചെയ്തിരിക്കുന്ന വിവരവും ആ ബ്ലോഗുകളുടെ ഉടമകളെ അറിയിക്കുകയും ചെയ്തിരുന്നു. ഇതൊക്കെ ചെയ്തിരുന്നത് വെറുതെ ഒരു താല്പര്യത്തിന്റെ പുറത്തു മാത്രം.

“എന്നാല്‍ ലോകമെങ്ങുമുള്ള കമ്പ്യൂട്ടര്‍ ഉപഭോക്താക്കളുടെ പിന്തുണ ലഭിച്ച ഹാക്കര്‍ വിഭാഗവും ഇവരുടെ കൂട്ടത്തിലുണ്ട്‌. വിന്‍ഡോസ്‌ അടക്കമുള്ള കുത്തക സോഫ്‌റ്റ്‌ വെയറുകളുടെ സീരിയല്‍ നമ്പറുകള്‍ കണ്ടുപിടിച്ച്‌ പൊതുമാര്‍ക്കറ്റില്‍ എത്തിക്കുന്നവരെ (പൈറേറ്റഡ്‌ കോപ്പികള്‍) സ്വതന്ത്രസോഫ്‌റ്റ്വെര്‍ വാദികള്‍ സാമൂഹ്യപ്രവര്‍ത്തകരായ 'ക്രാക്കര്‍മാര്‍` എന്നാണ്‌ വിളിക്കുന്നത്‌.“

ഇതാണു താങ്കൾ ഉദ്ദേശിച്ചതെങ്കിൽ താങ്കൾക്കു ഹാക്കർമാരെക്കുറിച്ചു സാമാന്യ ധാരണയില്ലെന്നു മാത്രമെ പറയാൻ കഴിയു. അറിയപ്പെടുന്നതും അല്ലാതെയുമുള്ള ഹാക്കർമാരാരും തന്നെ മാനസിക രോഗികൾ അല്ല. അവരുടെ ഫീൽഡിൽ അവർ എക്സ്പർട്ടുകൾ തന്നെയാണു. തങ്ങളുടെ കമ്പ്യുട്ടർ സാങ്കേതികവിദ്യയിലുള്ള വിവരം ഏതു രീതിയിലാണു അവരുപയോഗിക്കുന്നതു എന്നതിനെ അടിസ്ഥാനപ്പെടുത്തിയാണു ഹാക്കർമാരെ കാറ്റഗറി തിരിക്കുന്നത്. അപൂർവ്വമായി മാത്രമെ താങ്കൾ പറയുന്ന മാതിരിയുള്ള മാനസിക രോഗികൾ ഉണ്ടാകാനിടയുള്ളു. തങ്ങളുടെ ആദരശങ്ങൾക്കു വേണ്ടിയൊ, രാജ്യങ്ങൾക്കു വേണ്ടിയൊ, തങ്ങളുടെ പൊളിറ്റിക്കലായിട്ടുള്ള ആവശ്യങ്ങൾ നേടുവാൻ വേണ്ടിയൊ അതുമല്ലെങ്കിൽ തങ്ങൾക്കു സാമ്പത്തിക ലാഭം കൈവരുത്തുന്നതിനു വേണ്ടിയൊ ഒക്കെയാണു ഒരു വിധപ്പെട്ട ഹാക്കർമാരെല്ലാം പ്രവർത്തിക്കുന്നതു. അതുമല്ലെങ്കിൽ റഷ്യൻ ബിസിനസ് നെറ്റ് വർക്കു പോലുള്ള് ക്രിമിനൽ മാഫിയ സംഘാംഗങ്ങളെ വാടകക്കെടുത്തും അവരുമായി ഒത്തു ചേർന്നും പ്രവർത്തിക്കുന്ന ഹാക്കർമാരുടെ ഗ്രുപ്പുകളും ഇന്റർനെറ്റിൽ സുലഭമാണു. വളരെ ഒറ്റപ്പെട്ട് നടക്കുന്ന ഹാക്കർമാരും ഇക്കൂട്ടത്തിലുണ്ട്. ലോകം കണ്ട ഏറ്റവും വലിയ ബ്ലാക്ക് ഹാറ്റ് ഹാക്കർമാരായിരുന്ന കെവിൻ മിറ്റ്നിക്കും, റോബർട്ട് മോറിസും, വ്ലാഡ്മിർ ലെവിനുമൊക്കെ ഇക്കൂട്ടത്തിൽ പെട്ടവരാണു. അതു കൊണ്ട് തന്നെയാണു ഹാക്കർമാരെ മാനസിക രോഗികൾ എന്നു താങ്കൾ ആവർത്തിച്ചാവർത്തിച്ച് ലേഖനത്തിൽ പറയുന്നതിനെ ഞാൻ എതിർക്കുന്നതു. സ്വതന്ത്ര സോഫ്റ്റ്വെയറിന്റെ തലപ്പത്തിരിക്കുന്ന ഒരു വിധപെട്ട എല്ലാ ആൾക്കാരും അറിയപ്പെട്ട എത്തിക്കൽ ഹാക്കർമാരായിരുന്നു. റിച്ചാർഡ് സ്റ്റാൾമാൻ ഒരു പ്രിന്ററുമായി ബന്ധപ്പെട്ട വിഷയവുമായാണു സ്വതന്ത്ര സോഫ്റ്റ്വെയർ എന്ന പ്രസ്ഥാനം ആരംഭിച്ചതെന്നാണു എന്റെ അറിവു.ചിലപ്പോൾ എനിക്കു ലഭിച്ച അറിവു തെറ്റായിരിക്കാനും വഴിയുണ്ട്. അറിയപ്പെടുന്ന ഒരു വിധപ്പെട്ട എല്ലാ കമ്പനികളിലും സെക്യൂരിറ്റി എക്പ്സർട്ടുകൾ നിലവിലുണ്ട്, അവരെല്ലാം എത്തിക്കൽ ഹാക്കേഴ്സ് എന്നറിയപ്പെടുന്നവരാണു. പെനിട്രേഷൻ ടെസ്റ്റിംഗ് വഴിയും, പോർട്ട് സ്കാനിംഗ് വഴിയുമൊക്കെ തങ്ങളുടെ അധീനതയിലുള്ള നെറ്റ്വർക്കുകൾ നിരന്തരം ഇക്കൂട്ടർ നിരീക്ഷിച്ച് കൊണ്ടിരിക്കും, അതു കൊണ്ടെക്കെ തന്നെയാണു ഒരു വിധപ്പെട്ട കമ്പനികളെല്ലാം തന്നെ അവരുടെ നെറ്റ് വർക്കുകൾ ആക്രമിക്കപ്പെടാതെ അവ മെയിന്റയിൻ ചെയ്തു കൊണ്ട് പോകുന്നതു.

ബിമിനിത്ത് വെബ് 2 വിനെക്കുറിച്ചുള്ള ലേഖനമെഴുതിയ ആളല്ലെ. വിമർശനങ്ങളെ അല്പം ക്ഷമയോടു കൂടി നേരിടാൻ പഠിക്കണം. പണ്ടൊക്കെ നമുക്ക് മാധ്യമങ്ങളിൽ വരുന്ന വാർത്തകളും ലേഖനങ്ങളും മാത്രമെ ലഭിച്ചിരുന്നുള്ളൂ, എന്നാൽ ഇന്നു അതല്ല സ്ഥിതി. വെബ് വഴി വരുന്ന വാർത്ത്കൾക്കു കീഴെ വരെ വായനക്കാരനു കമന്റിടാനുള്ള സ്വാതന്ത്ര്യം ഉണ്ട്. അതു കൊണ്ടൊക്കെ തന്നെയാണു ബ്ലോഗ് പോലുള്ള മാധ്യമങ്ങൾ ഇന്റർനെറ്റ് കമ്മ്യൂണിറ്റിയിലെങ്കിലും ഇത്രയും പ്രശസ്തിയാർജ്ജിച്ചത്. മാതൃഭൂമി പോലുള്ള മാധ്യമങ്ങളിലെഒക്കെ വരുന്ന ആർട്ടിക്കിളിൽ നിന്നുമൊകെയാണു സാമാന്യ ജനം ഇക്കാര്യങ്ങളിലൊക്കെയുള്ള അവരുടെ അറിവുകൾ ആർജ്ജിക്കുന്നത്. പക്ഷെ എന്നെയൊ താങ്കളെയോ പോലെ ഇന്റർനെറ്റും മറ്റു സൗകര്യങ്ങളും പൊതു ജനം വളരെക്കൂടുതലൊന്നും ഇക്കാലത്തു ഉപയോഗിക്കുന്നില്ല. വളരെ പരിമിതമായ രീതിയിലാണു അവരുടെയൊക്കെ ഇന്റർനെറ്റ് ഉപയോഗം, അതു കൊണ്ട് തന്നെ മാധ്യമങ്ങളിൽ വരുന്ന ലേഖനങ്ങളിൽ ഗുരുതരമായ തെറ്റുകൾ വരുന്നതു അവരുടെയുള്ളീൽ തെറ്റായ ധാരണ ലഭിക്കാൻ ഇടയാകും. അതു തന്നെയാണു ബിമിനിത്തിന്റെ ലേഖനത്തിൽ വന്ന തെറ്റുകൾ എനിക്കറിയാവുന്നിടത്തോളം ചൂണ്ടിക്കാട്ടിയപ്പൊൾ കമന്റിലൂടെയൊക്കെ അവർ പ്രതികരിക്കുന്നത്. അതിനെ അവരെ കുറ്റം പറഞ്ഞിട്ടെന്തു കാര്യം. മാതൃഭൂമിയെ ഞാനിതു വരെ കുറ്റം പറഞ്ഞതുമില്ല, ഇങ്ങനെയൊരു കാര്യത്തെ ബ്ലോഗും അച്ചടി മാധ്യമവുമായുള്ള സംഘട്ടനത്തിന്റെ ഭാഗമായൊക്കെ താങ്കൽ ചിത്രീകരിച്ചതു ശരിയായ ഒരു നടപടിയല്ല.

പിന്നെ ആദർശ് എന്റെ സുഹൃത്താണു. മാതൃഭൂമിയിൽ താങ്കളുടെ ആർട്ടിക്കിൾ വന്ന അവസരത്തിൽ തന്നെ ഞാനിതിനെക്കുറിച്ച് ആദർശിനോടു സൂചിപ്പിച്ചിരുന്നു. ആദ്യം എഴുതണമെന്നു കരുതിയിരുന്നെങ്കിലും ബ്ലോഗിൽ കൂടി ഇതു വന്നപ്പോൾ അത്യാവശ്യം ബ്ലോഗ് വായിക്കുന്ന ആൾക്കാർക്ക് കൂടി ഇതിനെക്കുറിച്ച് തെറ്റായ ഒരു ധാരണ ഉണ്ടാകണ്ട എന്നു കരുതി മാത്രം ഇട്ട ഒരു പോസ്റ്റായിരുന്നു അതു. മാതൃഭൂമിയിലൊ മറ്റേതൊരു മാധ്യമത്തിലൊ അയക്കണമെന്ന യാതൊരു ഉദ്ദേശവും എനിക്കില്ലായിരുന്നു. അവസരങ്ങൾ ഏറെയുണ്ടായിട്ടും അതൊന്നും ചെയ്തിറ്റില്ല. ആദർശ് അതെടുത്ത് അയച്ചതിനു ശേഷമാണു ഞാൻ അതറിയുന്നതു തന്നെ. ആദർശ് എന്റെ സുഹൃത്തായതു കൊണ്ടും മുൻ‌ധാരണകളൊന്നുമില്ലാതെയാണു ഞാൻ എഴുതിയ പോസ്റ്റിനെ സമീപിച്ചതെന്നുമുള്ളതു കൊണ്ടും സദുദ്ദേശ്യമായതു കൊണ്ടും അതിൽ എനിക്കെതിർപ്പില്ല. മാത്രമല്ല ഞാനെഴുതിയതിൽ വസ്തുതാപരമായ തെറ്റുകൾ ചൂണ്ടിക്കാണിച്ചു തന്നാൽ അക്കാര്യങ്ങൾ തിരുത്തി പോസ്റ്റുകയൊ അതുമലെങ്കിൽ സ്വമേധയാ ഈ പോസ്റ്റും ഇതിനു മുൻപുള്ള പോസ്റ്റും പിൻ‌വലിക്കാൻ ഞാൻ തയ്യാറാണു. അതു തന്നെയാണല്ലൊ ബ്ലോഗും അച്ചടി മാധ്യമങ്ങളും തമ്മിലുള്ള പ്രധാന വ്യത്യാസം . വാ‍യനക്കാരുടെ കമന്റുകളെ കുറ്റം പറയാൻ ഞാനില്ല. അവർ വാ‍യിക്കാതെയാണു കമന്റുകൾ ഇടുന്നതെന്നും ഞാൻ വിശ്വസിക്കുന്നില്ല. ഈ ബ്ലോഗിൽ വന്നു പോകുന്ന 90 ശതമാനം ബ്ലോഗ് വായനക്കാരും കമന്റിടാറുമില്ല.

പത്രക്കാരെ ആരെയും ഞാ‍ൻ മണ്ടന്മാരെന്നു വിളിച്ചിട്ടില്ല. ഞാൻ പറഞ്ഞ വാചകം “മാതൃഭൂമി വായിക്കുന്നവർ മണ്ടന്മാരല്ല“ എന്നു മാത്രമാണു. താങ്കൾ വാക്കുകളേ വളച്ചൊടിക്കേണ്ട കാര്യമൊന്നുമില്ല.

കുറച്ചു കൂടി വിശദമായി തന്നെ ഈ വിഷയത്തെക്കുറിച്ച് സമയം കിട്ടുന്നതിനനുസരിച്ച് എഴുതാൻ ശ്രമിക്കാം

OT: ഇത്തവണ ലിങ്കന്മാരില്ല. കഴിഞ്ഞ പോസ്റ്റിൽ തന്ന ലിങ്കന്മാർ തന്നെ ധാരാളം

മാനസിക രോഗികളായ ഹാക്കർമാർ?

2009-03-08T12:37:00.000-07:00

ഈയാഴ്ച മാതൃഭൂമിയിൽ വന്ന ബിമിനിത്തിന്റെ സൈബർ നാസിസം എന്ന ആർട്ടിക്കിൾ വായിച്ചപ്പോൾ തോന്നിയതു..

ലേഖനത്തിൽ വസ്തുതാപരമായ ഒരു പാടു തെറ്റുകൾ കടന്നു കൂടിയിട്ടുണ്ട്. ആദ്യ പാരഗ്രാഫിൽ തന്നെ ഹാക്കർമാരെ മാനസികരോഗിയായിട്ടാണു ലേഖകൻ പരിചയപ്പെടുത്തി തുടങ്ങുന്നത്. ഹാക്കർമാർ എന്താണെന്നും അവരാരാണെന്നും ലേഖകനു വ്യക്തമായി ധാരണയില്ലാത്തതു കൊണ്ടാകാം അങ്ങനെ സംഭവിച്ചതു. അതുമല്ല എഴുതിയിരിക്കുന്ന വിഷയത്തിൽ ലേഖകനുള്ള അജ്ഞത വ്യക്തമായി മനസ്സിലാക്കാനും സാധിക്കും. മാതൃഭൂമി വായിക്കുന്നവർ മണ്ടന്മാർ എന്നദ്ദേഹം കരുതിയിട്ടുണ്ടൊ ആവൊ?

ഇന്നു ലോകത്തിൽ ഇൻഫർമേഷൻ സാങ്കേതികവിദ്യയിൽ എന്തെങ്കിലും മാറ്റങ്ങൾ കാണുന്നുണ്ടെങ്കിൽ അതിനു ചുക്കാൻ പിടിച്ചതു പ്രശസ്തരായ പഴയ ഹാക്കർമാരാണു.

കമ്പ്യൂട്ടറുകളുടെ ഉൽഭവത്തിനും വളരെ മുന്നെ തന്നെ ടെലഫോൺ ലൈനുകൾ ഹാക്ക് ചെയ്തു അതു വഴി സൗജന്യമായി ഫോൺ ചെയ്യുകയും മറ്റുമൊക്കെയായിരുന്നു ആദ്യകാല ഹാക്കർമാരുടെ പ്രവർത്തികൾ. അതിൽ ഏറ്റവും പ്രധാനി ജോൺ ഡ്രാപറായിരുന്നു. അവയിലെ പ്രവർത്തന വൈകല്യം കണ്ടെത്തി അതുപയോഗിച്ചായിരുന്നു ജോൺ ഡ്രാപ്പർ ടെലഫോൺ ഹാക്കിംഗ് നടത്തിയിരുന്നത്. ഫോൺ ഹാക്കർമാരിൽ ഏറ്റവും നൊട്ടോറിയസ് ആയി കണക്കു കൂട്ടിയിരുന്നതു മാർക്ക് ആബേൻ ആയിരുന്നു.

ആദ്യകാലങ്ങളിൽ ഹാക്കർമാർ ഒരു പ്രോഗ്രാമിനെ അതിന്റെ സ്രഷ്ടാവു പോലും വിചാരിക്കിരിക്കാത്ത രീതിയിൽ കോഡുകളിൽ മാറ്റം വരുത്തിയും മറ്റും മികച്ചതാക്കുന്നവരായിരുന്നു. ക്രാക്കർമാർ എന്ന ടേം നിലവിൽ വരുന്നതു കെവിൻ മിറ്റ്നിക്കിനെ അറസ്റ്റ് ചെയ്യുന്നതോടെയായിരുന്നു. ക്രാക്കർമാരെന്നാൽ കമ്പ്യൂട്ടറും അനുബന്ധ സെർവീസുകളിലും തങ്ങൾക്കുള്ള പ്രാഗൽഭ്യം നിയമവിരുദ്ധമായ കാര്യങ്ങൾക്കുപയോഗിക്കുന്നവർ എന്നർത്ഥം. എന്നാൽ കാലം കുറെയൊക്കെ കഴിഞ്ഞപ്പോൾ ക്രാക്കർമാർ എന്ന ടേം വിസ്മരിക്കപ്പെടുകയും അതിന്റെ സ്ഥാനത്തു നല്ലതും ചീത്തയുമായ പ്രവർത്തികൾ ചെയ്യുന്നവരെ എല്ലാം തന്നെ ഹാക്കർമാർ എന്നു വിളിക്കപ്പെടുകയും ചെയ്തു. തുടർന്നു ഹാക്കർമാരെ വൈറ്റ് ഹാറ്റ് എന്നും ബ്ലാക്ക് ഹാറ്റെന്നും രണ്ടായി തിരിക്കുവാൻ തുടങ്ങി. വൈറ്റ് ഹാറ്റ് ഹാക്കർമാരിൽ പ്രധാനിമാരിൽ ആപ്പിളിന്റെ സ്റ്റീവ് ജോബ്സ് മുതൽ, ഡെന്നിസ് റിച്ചി, കെവിൻ തോംസൺ, മൈക്രോസോഫ്റ്റ് സ്ഥാപകനായ ബിൽഗേറ്റ്സ്, ഫ്രീ സോഫ്റ്റ്വെയർ ഫൗണ്ടേഷൻ സ്ഥാപകൻ റിച്ചാർഡ് സ്റ്റാൾമാൻ, സ്റ്റീഫൻ വോസ്നിയാക്, ടിം ബർണർ ലീ, ലിനസ് ടോൾവാർഡ് തുടങ്ങിയവരായിരുന്നു. ബ്ലാക് ഹാറ്റിൽ പ്രധാനികൾ എക്കാലത്തെയും മികച്ച ബ്ലാക് ഹാറ്റ് ഹാക്കറായ കെവിൻമിറ്റ്നിക്ക്, നാസയുടെ കമ്പ്യൂട്ടർ നെറ്റ് വർക്കുകൾ തകർത്തു അവയിലെ വിവരങ്ങൾ മോഷ്ടിച്ച ടീനേജുകാരനായ ജൊനാതൻ ജെയിംസ് വേം വിഭാഗത്തിൽ പെട്ട വൈറസുകളുടെ കണ്ടുപിടിത്തത്തിനു കാരണക്കാരനായ റോബർട്ട് മോറിസ്, മെലിസ വേമിന്റെ സ്രഷ്ടാവായ ഡെവിഡ് എൽ സ്മിത്ത്, സിറ്റി ബാങ്ക് തകർത്ത വ്ലാഡിമിർ ലെവിൻ, അഡ്രിയാൻ ലാമൊ,കെവിൻ പോൾസൺ തുടങ്ങിയവരും.

ബൗദ്ധികമായി ഏറെ മുന്നിൽ നിൽകുന്നവരാണു ഹാക്കർമാർ. അറിയപ്പെട്ട എല്ലാ ഹാക്കർമാരും അവരവരുടെ മേഖലയിൽ തങ്ങളുടെ പ്രാഗൽഭ്യം ഏറെ തെളിയിച്ചവരാണു. അവരിലാരും തന്നെ ശാരിരികമായൊ മാനസികമായൊ യാതൊരു വിധത്തിലുമുള്ള പ്രശ്നങ്ങളുണ്ടായിരുന്നവരല്ല.. ബ്ലാക് ഹാറ്റ് വൃത്തങ്ങളിലെ ഏറ്റവും പ്രശസ്തനായ കെവിൻ മിറ്റ്നിക്കിനെ തന്നെയാണു ഇന്നും ലോകത്തിലെ ഏറ്റവും മികച്ച ഹാക്കറായി കണക്കു കൂട്ടീയിരിക്കുന്നതു. നാസയുടെ നെറ്റ്വർക്കുകൾ ഹാക്ക് ചെയ്യുകയും അവിടത്തെ ജോലിക്കാരുടെ ഐഡിയും പാസ്വേഡുകളും മോഷ്ടിച്ചു വിവരങ്ങൾ ചോർത്തുകയും ചെയ്ത സമയത്തു ജൊനാതൻ ജെയിംസിനു പതിനാറു വയസിൽ താഴെ മാത്രമായിരുന്നു പ്രായം. ലിനക്സ് ഓപ്പറേറ്റിംഗ് സോഫ്റ്റ്വെയറിന്റെ കെർണൽ ആയ വി എം ലിനസ് കണ്ടുപിടിച്ച ലിനസ് ടോൾവാർഡ്, ഗ്നു ലിനക്സിന്റെ എല്ലാമെല്ലായ റിച്ചാർഡ് സ്റ്റാൾമാൻ എന്നിവരൊന്നും തന്നെ മാനസികമായൊ ശാരീരികമായൊ ദുർനടപ്പുകൾ ഉണ്ടായിരുന്നവരല്ല

ഐഡന്റിറ്റി തെഫ്റ്റുകൾ
ഐഡന്റിറ്റി തെഫ്റ്റിനെക്കുറിച്ച് ഈ ബ്ലോഗിൽ തന്നെ പലയിടത്തായി പറഞ്ഞിട്ടുള്ളതിനാൽ അതിനെക്കുറീച്ചു വിശദീകരിക്കുന്നില്ല.

ഡീ ഫെയിസിംഗൊ വെബ്സൈറ്റുകൾ തകർക്കലൊ?

ഇന്ന് ഏറ്റവും കൂടുതലായി നടന്നു വരുന്ന ഒരു ഹാക്കിംഗ് രീതി ഡീ ഫെയിസിംഗ് എന്ന വിദ്യയാണു. എതിരാളിയുടെ വെബ്സൈറ്റിൽ കടന്നു കയറി അവരുടെ അനുമതിയില്ലാതെ തന്നെ ഹോം പേജിനു പകരം തങ്ങളുടെ ഇഷ്ടത്തിനനുസരിച്ചുള്ള പേജുകൾ ലോഡ് ചെയ്യുക എന്നുള്ളതു മാത്രമാണു ഡീ ഫെയിസിംഗ് എന്നതു കൊണ്ടുദ്ദേശിക്കുന്നതു. ഓ എൻ ജി സിയുടെ സൈറ്റിലും, മറ്റു ചില ഇൻഡ്യൻ സൈറ്റുകളിലും ചെയ്തതു അതു തന്നെയാണു. അവരുടെ ഡാറ്റാബെയിസിലേക്കൊന്നും ഇവർ കടന്നു കൂടിയിട്ടില്ല. പക്ഷെ കോഡെഴുതി അഡ്മിൻ ലെവലിൽ ഷെൽ അക്സസ് ചെയ്യാനും അവിടെ പുതുതായി ഒരു പേജ് ക്രിയേറ്റ് ചെയ്തിടാനും ഇവർക്കു സാധിക്കും, അതിനപ്പുറത്തേക്കു ഈ സൈറ്റുകൾ ഒന്നും തകർപ്പെട്ടതായി യാതൊരു റിപ്പോർട്ടുകളും ഇതുവരെ നിലവിലില്ല. ബിമിനിത്ത് സൂചിപ്പിച്ച മിക്കവാറുമെല്ലാം സൈറ്റുകളും ഡീഫെയ്സ് ചെയ്യപ്പെട്ടിട്ടുണ്ട്. പക്ഷെ അതുകൊണ്ട് സൈബർ യുദ്ധമെന്ന ഒരു കൺസെപ്റ്റിൽ ഇവയെ എടുക്കാൻ സാധിക്കില്ല. www.Zone-H.org എന്ന ഈ സൈറ്റിൽ കയറിയാൽ ദിനേനയെന്നോണം ഡീ ഫെയ്സ് ചെയ്യപ്പെടുന്ന സൈറ്റുകളുടെ വിവരങ്ങൾ ലഭിക്കും. ഒട്ടനവധി ഇൻഡ്യൻ സൈറ്റുകൾ ഈ രീതിയിൽ ഡീ ഫെയിസ് ചെയ്യപ്പെട്ടിട്ടുണ്ട്. ചില സന്ദർഭങ്ങളിൽ ഹാക്കർമാർക്കു നിയന്ത്രിതമയ ഒരു രീതിയിൽ ഡാറ്റ ബെയ്സുകൾ അക്സസ് ചെയ്യാൻ സാധിക്കുകയും ഭാഗികമായി അവ തകർക്കുവാനും സാധിക്കും. സൈറ്റ് അഡ്മിനിസ്ട്രേഷൻ വിവിധ തലങ്ങളിലാണു കൈകാര്യം ചെയ്യുന്നതു എന്നുള്ളതു കൊണ്ടാണത്.

പിന്നെയുണ്ടാവുന്നതു സ്പൂഫിംഗ് എന്ന വിദ്യയാണു. സ്പൂഫിംഗിൽ ഡൊമയിൻ നെയിമുകളെ വഴി തിരിച്ചു വിടുകയാണു ഹാക്കേഴ്സ് ചെയ്യുന്നത്. അതിനെക്കുറീച്ചുള്ള കുറച്ചു കാര്യങ്ങൾ ഈ പോസ്റ്റിൽ നിന്ന്ം വായിക്കാം .

സൈബർ വാർ?

പാകിസ്ഥാനും ഇൻഡ്യയും തമ്മിലുള്ള സൈബർ വാറുകൾക്കു വർഷങ്ങളുടെ പഴക്കമുണ്ട്, ഈ സൈബർ വാർ ഏറ്റവും ഭീകരമായി നടന്ന സമയം കാർഗിൽ യുദ്ധ കാലത്തായിരുന്നു. ഇൻഡ്യൻ സായുധ സേനയുടെ വെബ്സൈറ്റ് പാകിസ്ഥാനി ഹാക്കേഴ്സ് ടീമുകൾ ഡീ ഫെയിസ് ചെയ്തതായിരുന്നു തുടക്കം. അതിനു തുടർന്നു രുക്ഷമായ അക്രമണങ്ങളായിരുന്നു “ഇൻഡ്യൻ സ്നേക്സ്” എന്നറിയപെട്ട ഇൻഡ്യൻ അനുകൂല ഹാക്കേഴ്സ് ഗ്രൂപ്പിൽ നിന്നും പാകിസ്ഥാനു നേരിടേണ്ടി വന്നതു. ഇതിനായി യാഹ ക്യൂ എന്ന വേം വരെ ഇൻഡ്യൻ സ്നേക്സ് ക്രിയേറ്റ് ചെയ്തു. ഇൻഡ്യൻ സ്നേക്സിന്റെ രൂക്ഷമായ അക്രമണത്തിൽ പാകിസ്ഥാന്റെ പല സൈറ്റുകളും നിലം പൊത്തി, ബിമിനിത്ത് സൂചിപ്പിച്ച മാതിരി വെറുമൊരു ഡീ ഫെയിസിംഗ് അല്ലായിരുന്നു അന്നു നടന്നത്. പാകിസ്ഥാന്റെ പല സൈറ്റുകളും അക്കാലയളവിൽ ലഭ്യമലായിരുന്നു. ബോട് നെറ്റുകളൂടെ ശൃംഖലയായിരുന്നു ഈ സൈറ്റുകളെ തകർക്കാനുപയോഗിച്ചതു.

ഇത്തരത്തിലുള്ള ആക്രമണങ്ങൾ ഇന്റർനെറ്റിൽ ഒട്ടും കുറവല്ല തന്നെ, ആദർശങ്ങൾക്കു വേണ്ടിയൊ പൊളിറ്റിക്കൽ ആവശ്യങ്ങൾക്കു വേണ്ടിയൊ ആക്രമണങ്ങൾ നടത്തുന്ന ഒട്ടനവധി ഹാക്കേഴ്സ് ഗ്രുപ്പുകൾ ഇന്നു ലോകത്തെമ്പാടും നിലവിലുണ്ട്. കുടാതെ ടെക്നോളജിക്കലി അഡ്വാൻസ്ഡായ ഒരു വിധപ്പെട്ട എല്ലാ രാജ്യങ്ങൾക്കും ഔദ്യോഗികമായിട്ടല്ലതെ അവരുടെ സൈബർ ആർമികൾ രൂപികരിച്ചിട്ടുണ്ട്, അതിൽ ഏറ്റവും വലിയതു ചൈനയൂടെ സൈബർ ആർമി തന്നെയാണു, അമേരിക്കയടക്കമുള്ള ഒട്ടനവധി രാജ്യങ്ങൾ ചൈനക്കെതിരെ പരസ്യമായി ഈ ആരോപണങ്ങൾ ഉന്നയിച്ചിട്ടുമുണ്ട്. ഒളിമ്പിക്സ് സമയത്ത് ദീപശിഖാ പ്രയാണത്തിൽ ഉണ്ടായ തടസങ്ങളും, ടിബറ്റിലെ പ്രക്ഷോഭങ്ങൾ പക്ഷപാതിത്വപരമായി ബ്രോഡ് കാസ്റ്റ് ചെയ്തു എന്നുമാരോപിച്ച് ചൈനീസ് ഹാക്കർമാർ സി എൻ എൻ വെബ്സൈറ്റ് അക്കാലയളവിൽ തകർക്കുകയുണ്ടായി. വളരെ കൂടിയ സമയമൊന്നും ഈ ആക്രമണം നീണ്ടു നിന്നില്ലെങ്കിലും ഏകോപിപിച്ചുണ്ടായ ബോട്നെറ്റ് ആക്രമണത്തിൽ മാധ്യമലോകം ഞെട്ടുകയുണ്ടായി. അതിനും വളരെ മുന്നെ രണ്ടാം ഗൾഫ് യുദ്ധ സമയത്തു അമേരിക്കയുടെ തത്വ ദിക്ഷതയില്ലാത്ത ബോംബിംഗ് ചാനൽ വഴി കാണിച്ചതിനാൽ അൽ ജസീറ ടെലിവിഷന്റെ വെബ്സൈറ്റ് അമേരിക്കൻ അനുകൂല ഹാക്കർമാർ ഡെനിയൽ ഓഫ് സെർവീസ് എന്ന ഇന്റർനെറ്റിലെ ഏറ്റവും വലിയ ആക്രമണരീതിയുപയൊഗിച്ച് ഡൗൺ ചെയ്തിരുന്നു. എന്നാൽ ഇവയൊന്നും തന്നെ പൂർണ്ണമായും സൈബർ യുദ്ധം എന്ന തലത്തിലേക്കു വന്നിട്ടില്ലായിരുന്നു.
ഹാക്കേഴ്സ് ഗ്രൂപ്പുകൾ തമ്മിലുള്ള വൈരം അതത് ഗ്രൂപ്പുകൾ പ്രതിനിധാനം ചെയ്യുന്ന രാഷ്ട്രങ്ങളുടെയൊ പ്രസ്ഥാനങ്ങളുടെയൊ സൈറ്റുകളെ ആക്രമിക്കുന്ന തലത്തിലേക്കു എത്തിച്ചേരാറുണ്ടെങ്കിലും അതൊരിക്കലും ഭീഷണമായ ഒരു മുഖം ഇതു വരെ കൈവരിച്ചിട്ടില്ല, ഒരു ഗ്രുപ്പു എതിർഗ്രൂപ്പ് പ്രതിനിധാനം ചെയ്യുന്ന രാജ്യത്തിന്റെ ഒന്നൊ രണ്ടു സൈറ്റ് ഡീ ഫെയിസ് ചെയ്യുകയൊ തൽക്കാലത്തേക്കു സ്പൂഫ് ചെയ്യുകയൊ ചെയ്യുകയാണെങ്കിൽ മറുഗ്രൂപ്പ് അതിനിരട്ടി സൈറ്റുകൾ ഡീ ഫെയിസ് ചെയ്തു പ്രതികാരം ചെയ്യുന്നു. തങ്ങളുടെ മേൽക്കോയ്മ ഉറപ്പിക്കുക എന്നുള്ള ഒരു ലക്ഷ്യം മാത്രമാണു അതിനുള്ളതു.

എന്നാൽ ചിലവയവസരങ്ങളിൽ അങ്ങനെയൊരുതലത്തിൽ നിന്നും മാറി നെറ്റ് വർക്കുകളെയും മറ്റും ബാധിക്കുമ്പോഴാണു ഈ ആക്രമണങ്ങളുടെ ഭീഷണി എത്രത്തോളമെന്നു മനസ്സിലാക്കാൻ സാധിക്കുന്നതു. എന്നാൽ ഇൻഡ്യൻ ബാങ്കുകളുടെയൊ റെയിൽവെ ബുക്കിംഗ് സൈറ്റുകൾ, എയർലൈൻ കമ്പനികളുടെയൊ സെർവീസുകളൊ ഒന്നും തന്നെ തടസ്സപ്പെടുത്തുന്ന രീതിയിലുള്ള പ്രവർത്തികൾ ഇതുവരെയുണ്ടായതായി ഒരു റിപ്പോർട്ടും നിലവിലില്ല. അങ്ങനെ വരുമ്പോഴായിരിക്കും സൈബർ വാർ എന്നുള്ള കണ്സെപ്റ്റ് യഥാർഥത്തിൽ അവിടെ അപ്ലൈ ചെയ്യാൻ കഴിയുക.

ഇങ്ങനെ ബാങ്കുകളുടെയും മറ്റു നെറ്റ് വർക്കുകളെയും ആക്രമിച്ച് ഒരു രാഷ്ട്രത്തിനെ തന്നെ മണിക്കൂറുകളോളം നിശ്ചലമാക്കിയതിനു ഉദാഹരണമാണു എസ്റ്റോണിയക്കെതിരെയുള്ള റഷ്യയുടെ ആക്രമണം. റഷ്യൻ ബിസിനസ് നെറ്റ് വർക്ക് എന്ന ഇന്റർനെറ്റിലെ ഏറ്റവും വലിയ ക്രിമിനൽ ഗ്യാംഗിനെ ഉപയോഗപെടുത്തി നടത്തിയ ഒരു ബോട് നെറ്റ് അറ്റാക്കിൽ എസ്റ്റൊണിയയുടെ എല്ലാ വിധത്തിലുമുള്ള നെറ്റ് വർക്കുകളും തകരാറിലായി, ബാങ്ക്,ട്രെയിൻ, എയർ , പത്രം ഒന്നും തന്നെ ഈ ആക്രമണത്തിൽ നിന്നും ഒഴിവാക്കപ്പെട്ടില്ല. ഒരു രാജ്യം ദിവസങ്ങളോളം അതിന്റെ കമ്മ്യൂണികേഷൻ നെറ്റ്വർക്കുകൾ തകർന്നു കിടക്കുന്നതു ലോകം കണ്ടതു ഈ ആക്രമണത്തിലൂടെയായിരുന്നു. കൂടൂതൽ വിവരങ്ങൾ ഈ ലിങ്കിൽ പോയാൽ വായിക്ക്ം. എന്നിട്ടു പോലും ഈ ആക്രമണത്തെ പൂർണ്ണമായൂം ഒരു സൈബർ വാർ ആയി ഇന്റർനെറ്റ് സെക്യൂരിറ്റി ലോകം കണക്കു കൂട്ടിയിട്ടില്ല.

എന്നാൽ പൂർണ്ണ തോതിലുള്ള ഒരു സൈബർ യുദ്ധത്തിനു വളരെയധികമൊന്നും കാത്തിരിക്കേണ്ടി വന്നില്ല എസ്റ്റോണിയൻ ആക്രമണം കഴിഞ്ഞ് ഒരു വർഷത്തിനുള്ളീൽ തന്നെ ജോർജിയക്കെതിരെയുള്ള പൂർണ്ണമായ യുദ്ധം റഷ്യം ആരംഭിച്ചു, അതിനു മുന്നെ തന്നെ ജോർജിയയുടെ സകല വിധത്തിലുമുള്ള കമ്മ്യൂണിക്കേഷൻ നെറ്റ് വർക്കുകളും, ബാങ്കുകളും, മിലിറ്ററി നെറ്റ് വർക്കുകളുമെല്ലാം തന്നെ റഷ്യൻ ആക്രമണതിൽ തകർന്നടിഞ്ഞു. പിന്നീട് റഷ്യൻ സേനക്കു വളരെ എളുപ്പത്തിൽ തന്നെ ജോർജിയൻ സൈന്യത്തെ തകർക്കുവാൻ കഴിയുകയും ചെയ്തു.

ഐപി അഡ്രസുകളും സോങ്.പി കെയും

ബിമിനിത്തിന്റെ ലേഖനത്തിൽ പരാമർശിച്ചിരിക്കുന്ന മറ്റൊന്നു സോങ്. പികെ എന്ന ഇന്റർനെറ്റിലെ സാമാന്യം വലിയ, ഹിന്ദി ഗാനങ്ങളും മറ്റും ഡൗൺ ലോഡ് ചെയ്യുന്ന സൈറ്റിനെതിരെയുള്ള ആരോപണങ്ങളാണു. ഏതു വെബ്സൈറ്റിൽ കയറിക്കഴിഞ്ഞാലും ആ സൈറ്റും നമ്മുടെ സിസ്റ്റവും തമ്മിലുള്ള കമ്മ്യൂണിക്കേഷൻ സാധ്യമാക്കുന്നതു കുക്കീസ് എന്നറിയപ്പെടുന്ന ഫയലുകൾ വഴിയാണു. ബ്രൗസറിന്റെ റിക്വസ്റ്റ് അനുസരിച്ച് ഒരു വെബ്സൈറ്റ് ഒരു ഫയൽ സിസ്റ്റത്തിലേക്കു കോപ്പി ചെയ്തിടുകയും തുടർന്ന് സൈറ്റും ബൗസറും തമ്മിൽ ഒരു കമ്മ്യൂണിക്കേഷൻ സാധ്യമാകുകയും ചെയ്യുന്നു. കുക്കിസുകൾ ബ്രൗസറുകൾ കോൺഫിഗർ ചെയ്യുന്നതനുസരിച്ച് മാറ്റാവുന്ന ഒന്നാണു. എങ്ങനെയൊക്കെ കോൺഫിഗർ ചെയ്താലും സെഷണൽ കുക്കീസ് എന്നറിയപ്പെടുന്ന ഒരു ചെറിയ ഫയൽ നമ്മുടെ സിസ്റ്റത്തിലേക്കു ഏതു സൈറ്റിലേക്കാണൊ പ്രവേശിക്കുന്നതു അതിന്റെ വെബ്സെർവർ കോപ്പി ചെയ്തിടുന്നു. ഇതൊരിക്കലും സിസ്സറ്റത്തിനു ദോഷകരമായ ഒന്നല്ല. അതല്ലായെങ്കിൽ ഓരൊ പേജ് ക്ലിക്ക് ചെയ്യുമ്പോഴും ബ്രൗസറിനു വീണ്ടും വീണ്ടും റിക്വസ്റ്റുകൾ അയക്കേണ്ടി വരികയും അതു വളരെക്കൂടിയ ഒരു സമയം പേജുകൾ ഡൗൺലോഡ് ചെയ്യാൻ എടുക്കുകയും ചെയ്യുന്നു. കൂടാതെ ഏതു വെബ്സൈറ്റിലെക്കു പ്രവേശിച്ചാലും നമ്മുടെ ഐപി അഡ്രസുകൾ വെബ്സെർവറുകൾ ലോഗ് ചെയ്യുകയും ചെയ്യും. അതു സോങ്, പി കെ മാത്രമല്ല മറ്റേതു വെബ്സൈറ്റുകളായാലും അങ്ങനെ തന്നെയാണു.

അതു മാത്രമല്ല domaintools.com പോലുള്ള സൈറ്റുകളിൽ കയറി ചെക്ക് ചെയ്താൽ ഇന്റർനെറ്റ് സൗകര്യം പ്രൊവൈഡ് ചെയ്യുന്ന സർവീസ് ദാതാക്കളുടെ ഐപി റേഞ്ചുകൾ ലഭിക്കുകയും അതുപയൊഗിച്ച് ഐപി അഡ്രസുകൾ റാൻഡം ആയി ജനറേറ്റ് ചെയ്യിച്ച് ഉപയോഗിക്കാവുന്ന വൈറസുകൾ നിർമ്മിക്കാനും സാധിക്കും. മെലിസയുടെയും കോഡ് റെഡിന്റെയും പ്രവർത്തനശൈലി നോക്കുക.
എന്നാൽ സൈറ്റുകളിൽ കയറുമ്പോൾ ഈ സൈറ്റുകൾക്ക് കമ്പ്യൂട്ടറുകൾക്ക് ദോഷകരമായ കോഡുകൾ എഴുതിയ മാൽവെയറുകൾ സിസ്റ്റങ്ങളിലേക്ക് ഇൻസ്റ്റാൾ ചെയ്യാവുന്നതാണു.. ബ്രൗസർ ശരിയായ വിധത്തിൽ കോൺഫിഗർ ചെയ്യുകയും ആന്റിവൈറസുകൾ സിസ്റ്റത്തിൽ ഇൻസ്റ്റാൾ ചെയ്തും ഈ പ്രശ്നം ഒരു പരിധി വരെ പരിഹരിക്കാം. എന്നാൽ എന്തൊക്കെ മുൻകരുതൽ എടുത്താലും ഇന്റർനെറ്റുമായി കണക്റ്റ് ചെയ്തിരിക്കുന്ന ഒരു സിസ്റ്റവും പൂർണ്ണമായും സുരക്ഷിതമല്ല.

സ്പൂഫിംഗ്, ഫുട് പ്രിന്റിംഗ്, സ്നിഫിംഗ്, ഡെനിയൽ ഓഫ് സെർവീസ്, സോഷ്യൽ എഞ്ചീനിയറിംഗ്, ഫിഷിംഗ് തുടങ്ങി ഒട്ടനവധി ഹാക്കിംഗ് രീതികൾ നിലവിലുണ്ട്, ഐഡന്റിറ്റി തെഫ്റ്റ് എന്നു പറയുന്ന ഹാക്കിംഗ് മെത്തേഡ് മുകളിൽ പറഞ്ഞ വിദ്യകളെ അപേക്ഷിച്ചു നോക്കുമ്പോൾ വെറും കുട്ടിക്കളി മാത്രമാണു.

ഹാക്കർമാർ എന്നാൽ മനോരോഗികൾ എന്നു പലയിടങ്ങളിലും ലേഖകൻ ആവർത്തിച്ചാവർത്തിച്ചു പറയുന്നുണ്ട്. മറ്റേതൊരു വ്യക്തിയേക്കാളും മാനസിക നില ശരിയായിട്ടുള്ള ആൾക്കാർ തന്നെയാണു ഹാക്കർമാറും. ക്രിമിനൽ കുറ്റങ്ങൾ ചെയ്തതു കൊണ്ട് ഒരു വ്യക്തിയെ ആരെങ്കിലും മാനസിക രോഗി എന്നു വിളിക്കാറുണ്ടോ?

Reference Links

http://en.wikipedia.org/wiki/Hackers
http://catb.org/jargon/html/H/hacker.html
http://www.livinginternet.com/i/ia_hackers.htm
http://www.internetnews.com/security/article.php/3678606
http://www.famoushackers.com/
http://www.latimes.com/news/opinion/la-ed-cyberwar17-2008aug17,0,5922456.story
http://voices.washingtonpost.com/securityfix/2008/10/report_russian_hacker_forums_f.html
http://www.pcworld.com/businesscenter/article/144973
/cnn_site_hit_by_china_attack.html
http://www.rediff.com/search/2003/mar/17war.htm
http://edition.cnn.com/2008/TECH/04/18/cnn.websites/index.html
http://technology.t imesonline.co.uk/tol/news/tech_and_web/the_web/article2409865.ece
http://www.businessweek.com/technology/content/jun2002/tc20020626_8360.htm
http://cyberloakam.blogspot.com/2008/03/distributed-denial-of-service.html

ഓഫ്: ധൃതിപിടിച്ചെഴുതിയതിനാൽ മുകളിൽ എഴുതിയിരിക്കുന്നതിൽ തെറ്റുകളുണ്ടാവാം. അതൊക്കെ ആരെങ്കിലും ചൂണ്ടിക്കാ‍ണിച്ചു തന്നാൽ തിരുത്തിയെഴുതാവുന്നതാണു.

റിപ്പബ്ലിക്കുകളുടെ കാലം

2009-01-06T10:18:00.000-08:00

The Internet is based on a layered, end-to-end model that allows people at each level of the network to innovate free of any central control. By placing intelligence at the edges rather than control in the middle of the network, the Internet has created a platform for innovation. ~Vinton Cerf

ബുക്ക് റിപ്പബ്ലീക്കിന്റെ ആദ്യത്തെ പുസ്തകമായ “ നിലവിളിയെക്കുറിച്ചുള്ള കടങ്കഥകൾ” എന്ന വിനോദിന്റെ കവിതാ സമാഹാരം ഈ വരുന്ന പത്താം തീയതി എറണാകുളത്തു ഇടപ്പള്ളിയിലെ ചങ്ങമ്പുഴ പാർക്കിൽ വൈകുന്നേരം നാലു മുപ്പതിനു നടക്കാൻ പോകുന്ന ചടങ്ങിൽ വെച്ചു പ്രസിദ്ധീകരിക്കുന്നു . ഈ ചടങ്ങിൽ പങ്കെടുക്കുന്നതിനായി എല്ലാവരെയും പരിപാടി നടക്കുന്ന ചങ്ങമ്പുഴ പാർക്കിലേക്കു ഹാർദ്ദമായി സ്വാഗതം ചെയ്യുന്നു. ഇതൊരു വ്യക്തിപരമായ ക്ഷണമായി കാണണമെന്നു എല്ലാവരോടും അഭ്യർത്ഥിക്കുന്നു.

പുസ്തകത്തിന്റെ കോപ്പി ഉറപ്പാക്കുന്നതിനായി ഇവിടെ പോയി ബുക്ക് ചെയ്യുക.

അനുബന്ധം

ആസ്വാദനക്കുറിപ്പുകള്‍

വായനയുടെ പരോളുകള്‍ -ജി.പി.രാമചന്ദ്രന്‍
വെയില്‍ നേരെ വീഴ്ത്താനുള്ള ശ്രമങ്ങള്‍ -The Prophet Of Frivolity
വാക്കുപൊഴിയുമ്പോള്‍ ബാക്കിയാവുന്നത് - ഹരിതകത്തില്‍ പ്രമോദ്
‍കവിത പറക്കുന്ന ദൂരങ്ങള്‍ - വെള്ളെഴുത്ത്
ലാപുട സൂചിപ്പിക്കുന്നത് - വിശാഖ് ശങ്കര്‍
വിരസതക്ക് വിശക്കുമ്പോള്‍ - സനാതനന്‍

വാര്‍ത്തകള്‍

ബ്ളോഗിലെ കൂട്ടായ്മ പുസ്തക പ്രസാധന രംഗത്തേക്കും -ദേശാഭിമാനി
ബുക്ക് റിപ്പബ്ലിക് - ഒരു സമാന്തര പുസ്തക പ്രസാധന-വിതരണ സം‌രംഭം - നാട്ടുപച്ചയില്‍ ദേവദാസ്

ബന്ധപ്പെട്ട് മറ്റു ബ്ലോഗ് പോസ്റ്റുകള്‍

റിപ്പബ്ലിക്കാവുന്നു...... -രണ്‍ജിത് ചെമ്മാട്
ഒരു പൂവ്‌ വിരിയിമ്പോള്‍ - സിജി
അതിശയങ്ങള്‍ കടഞ്ഞെടുക്കുന്ന ഒരാള്‍ -ഗുപ്തന്‍
കടങ്കഥകളെക്കുറിച്ചുള്ള ഓർമ്മകൾ... -റോബി
റിപ്പബ്ലിക്കുകള്‍ ഉണ്ടാവുന്നത് -വെള്ളെഴുത്ത്
ബുക്ക് റിപ്പബ്ലിക്കേഷന്‍ -ഹരിയണ്ണന്‍
ബ്ലോഗ് കൂട്ടായ്മക്ക് ഭാവുകങ്ങള്‍ -മൂര്‍ത്തി
നെറ്റിൽനിന്നും പുറംലോകത്തേയ്ക്ക് ‘ലാപുട’ -ഭൂമിപുത്രി
വാക്കുകളുടെ പെരുങ്കല്ലുകള്‍ -ദസ്തക്കിര്‍
ലാപുടയുടെ പുസ്തകം സിമി
പുസ്തകം - പ്രകാശനം ലാപുട

.....

2008-12-18T09:28:00.000-08:00

ചില വ്യക്തിപരമായ കാരണങ്ങളാൽ ബ്ലോഗിംഗ് നിർത്തുന്നു..:)

ഇന്റർനെറ്റിലെ കോവർ കഴുതകൾ

2008-12-14T02:19:00.000-08:00

ഒന്നു സങ്കല്‍പ്പിച്ചു നോക്കു, ഒരു ദിവസം രാവിലെ നിങ്ങളുടെ ഇമെയിൽ തുറന്നു നോക്കുമ്പോൾ ഒരു അന്താരാഷ്ട്ര കമ്പനി നിങ്ങൾക്കൊരു സ്വപ്ന സമാനമായ ജോലി വാഗ്ദാ‍നം ചെയ്യുന്നു. അവരുടെ ഏജന്റായി നിങ്ങളെ അംഗീകരിക്കുന്നു. ഒരു സാമ്പത്തിക മധ്യവർത്തി. നിങ്ങളുടെ അക്കൗണ്ടിലേക്ക് ഈ കമ്പനി പണം കൈമാറ്റം ചെയ്യുന്നു. നിങ്ങൾ ചെയ്യേണ്ടതു ഈ പണം മറ്റൊരു അക്കൗണ്ടിലേക്ക് കൈമാറ്റം ചെയ്യുക എന്നതു മാത്രം. ഓരൊ ട്രാൻസാക്ഷനും നിങ്ങൾക്കു കമ്മീഷൻ ഉറപ്പ്.

യാതൊരു ഇൻ‌വെസ്റ്റ്മെന്റും ഈ ബിസിനസിലില്ല. നിങ്ങളുടെ കൈയിൽ നിന്നും ഒരു നയാ പൈസ പോലും ഇതിനായി മുടക്കേണ്ടതില്ല. കമ്പനി നോക്കുന്നതു ഒന്നു മാത്രം. വിശ്വാസ്യത. അവരുടെ പണം ട്രാൻസ്ഫർ ചെയ്യുന്നതിനായി നിങ്ങളുടെ കൈവശം വിശ്വസിച്ചു ഏല്‍പ്പിക്കാമൊ എന്നതു മാത്രം.

നല്ല ഒരു ആശയം.!. ഈ കമ്പനി രാജ്യത്തിനു വെളിയിൽ നിന്നുമുള്ളതായിരിക്കും. നിങ്ങൾ ചെയ്യേണ്ടതു കമ്പനിയയക്കുന്ന പണത്തിൽ നിന്നും കമ്മീഷൻ കിഴിച്ച ശേഷം ബാക്കിയുള്ള തുക അവർ പറയുന്ന അക്കൗണ്ടിലേക്ക് ട്രാൻസ്ഫർ ചെയ്യുക എന്നതു മാത്രം. ഇതിൽ നിന്നും മനസ്സിലാക്കാൻ കഴിയുന്നതു. ഇതൊരു റിസ്കില്ലാത്ത ജോലി എന്നതാൺ. കാരണം നിങ്ങളൊരു ചില്ലി കാശു പോലും ഈ ബിസിനസിനായി മുടക്കുന്നില്ല. പകരം അങ്ങൊട്ടൂമിങ്ങോട്ടൂമുള്ള പണത്തിന്റെ കൈമാറ്റം ഉറപ്പു വരുത്തുന്നു എന്ന് മാത്രം .

ഒറ്റ നോട്ടത്തിൽ നിങ്ങൾക്കൊന്നും നഷ്ട്പെടുന്നില്ല. നിർഭാഗ്യവശാൽ ഇത്തരത്തിലുള്ള ഒരു ജോലി കിട്ടുന്ന ആൾ ഒരു ഫൈനാൻഷ്യൽ കുറ്റകൃത്യത്തിന്റെ ഇരയായി മാറുകയാൺ ചെയ്യുന്നത് . ദിവസം രാവിലെ നിങ്ങൾക്കു നിങ്ങളുടെ ബാങ്കിംഗ് സെർവീസ് പ്രൊവൈഡറുടെ പക്കൽ നിന്നും ഒരു നോട്ടിസ് ലഭിക്കുന്നു. ഇതുവരെ നിങ്ങളുടെ അക്കൗണ്ടിൽ നിന്നും ട്രാൻഫർ ചെയ്ത തുക മുഴുവൻ ബാങ്കിലേക്ക് തിരിച്ചടക്കാനായിരിക്കും ആ നോട്ടിസിൽ ആവശ്യപ്പെടുന്നതു. കൂട്ടത്തിൽ ലാ എൻഫോഴ്സ്മെന്റ് ഏജൻസികളുടെ പക്കൽ നിന്നും ഒരു അറസ്റ്റ് വാറന്റും.

ഇത്തരത്തിൽ വ്യക്തികളെ തെറ്റിദ്ധരിപ്പിച്ച് അക്കൗണ്ടുകൾ വഴി പണം ട്രാൻസ്ഫർ ചെയ്യുന നിരവധി തട്ടിപ്പു സംഘങ്ങൾ ഇന്റർനെറ്റിൽ വ്യാപകമാൺ. ഇവർ നടത്തുന്ന ഫൈനാൻഷ്യൽ കുറ്റകൃത്യത്തിൽ ഉൾപെടുന്ന വ്യക്തിയെ മണി മ്യൂളർ അഥവാ ഏജന്റുമാർ എന്ന് വിളിക്കുന്നു.

യഥാർത്ഥമെന്നു തോന്നിക്കുന്ന ഒരു കമ്പനിയുടെ വെബ്സൈറ്റിന്റെ സ്ക്രീൻ ഷോട്ട്

ഇൻഡ്യയിലൊ പുറം രാജ്യത്തൊ ഉള്ള വ്യക്തികളുടെയൊ മറ്റു ബാങ്കിംഗ് സ്ഥാപനങ്ങളുടെയൊ അക്കൗണ്ടിൽ നിന്നും തട്ടീച്ചെടുകുന്ന പണമായിരിക്കും നിങ്ങളുമായി ബന്ധപ്പെട്ട കമ്പനി,നിങ്ങളുടെ അക്കൗണ്ടിലേക്ക് ട്രാൻഫർ ചെയ്യുന്നതു. ഒറ്റ നോട്ടത്തിൽ യഥാർത്ഥത്തിൽ നിലവിലുള്ളതെന്ന് തോന്നിക്കുന്ന ഇത്തരം കമ്പനികൾ വ്യക്തികളുടെ ബാങ്ക് അക്കൗണ്ട് വിവരങ്ങൾ, ക്രെഡിറ്റ് കാർഡ് വിവരങ്ങൾ മുതലായവ ഫിഷിംഗ് വഴിയൊ (ഇതിനെക്കുറിച്ചറിയാൻ ഇവിടെ ക്ലീക്കി നോക്കുക) മാൽ‌വെയറുകൾ ഉപയോഗിച്ചു കൈവശപ്പെടുത്തിയതിനു ശേഷം ഇങ്ങനെ ലഭിക്കുന്ന വിവരങ്ങൾ ഉപയോഗപ്പെടുത്തി അക്കൗണ്ടുകളിലെ പണം മണിമ്യൂളർമാർ എന്നറിയപ്പെടുന്ന ഏജന്റുമാരെ ഉപയോഗിച്ച് അവരുടെ അക്കൗണ്ടിലേക്ക് പണം ട്രാൻസ്ഫർ ചെയ്യുകയും തുടർന്ന് ഈ ഏജന്റുമാർ അവരുടെ കമ്മീഷൻ കിഴിച്ച ശേഷം ബാക്കിയുള്ള തുക തട്ടിപ്പുകാർ ആവശ്യപ്പെടുന്ന അക്കൗണ്ടിലേക്ക് ട്രാൻസഫർ ചെയ്തു കൊടുക്കുന്നു.

എന്നാൽ പൊടുന്നനെ മണീ മ്യൂളർമാരുടെ അക്കൗണ്ടിലേക്കുള്ള കമ്പനിയുടെ ട്രാൻസാക്ഷൻ നിലക്കുകയും, പിന്നീട് അവരുമായി യാതൊരു തരത്തിലും ബന്ധപ്പെടാനും കഴിയാതെ വരുന്നു. ബാങ്കിൽ നിന്നും ലാ എൻഫോഴ്സ്മെന്റ് ഏജൻസികളിൽ നിന്നും നോട്ടീസും അറസ്റ്റ് വാറന്റും ലഭിക്കുമ്പോഴായിരിക്കും തങ്ങളകപ്പെട്ട ചതിക്കുഴിയുടെ ആഴം മണി മ്യുളെഴ്സ് എന്നറിയപ്പെടുന്ന ഏജന്റുമാർ മനസ്സിലാക്കുന്നത്.

ഏജന്റുമാർക്ക് ഇമെയിൽ ലഭിക്കുന്നതിനു ഏതാനും ദിവസങ്ങൾക്കു മുൻപ് മാത്രമായിരിക്കും ബന്ധപ്പെടുന്ന കമ്പനിയുടെ പേരിൽ ഒരു വെബ്സൈറ്റൊ അല്ലെങ്കിലൊരു ഇമെയിൽ ഐഡിയൊ ക്രിയേറ്റ് ചെയ്യുനത്. യഥാർത്ഥത്തിൽ നിലവിലിലുള്ളതെന്ന് തെറ്റിദ്ധാരണ പരത്തുന്ന രീതിയിലുള്ള വിവരങ്ങളായിരിക്കും ഇവയിലുണ്ടായിരിക്കുക, ഇതു വഴി ഏജന്റുമാരെ വിശ്വസിപ്പിക്കാനും ഈ തട്ടിപ്പു സംഘങ്ങൾക്കു കഴിയുന്നു. വെറുതെ കിട്ടുന്ന പണമല്ലെയെന്നു കരുതി ഏജന്റുമാർ ഇവരുടെ കെണിയിൽ ഉൾപ്പെടുകയും ചെയ്യുന്നു. അറിഞ്ഞു കൊണ്ടായിരിക്കില്ല ഇവർ ഇതിനകത്തു ചെന്നു ചാടുന്നതെങ്കിലും പിന്നീടുള്ള നിയമക്കുരുക്കുകൾ ഒഴിയാ ബാധയായിരിക്കും.

ഇങ്ങനെയെന്തെങ്കിലും ഓഫറുകൾ ഇമെയിൽ വഴി ലഭിക്കുന്നുണ്ടെങ്കിൽ അവരുമായി ബന്ധപ്പെടാതിരിക്കുക എന്നതു മാത്രമാൺ ഇതിൽ ചെയ്യാവുന്ന ഏക കാര്യം. വെറുതെ പണം ലഭിക്കുന്നതല്ലെ എന്നു കരുതി അവരുമായി ബന്ധപ്പെടുകയൊ പണം ട്രാൻസ്ഫർ ചെയ്യുകയൊ ചെയ്താൽ മാനഹാനി, ധനനഷ്ടം സാധിക്കുമെങ്കിൽ ഒരു ജയിൽ വാസം എന്നിവയും ഒത്തുകിട്ടും. ഇത്തരം നിരവധി കേസുകൾ ഇൻഡ്യയിലൊട്ടാകെ രജിസ്റ്റർ ചെയ്തിട്ടുണ്ട്. കേരളത്തിലും ഒട്ടും കുറവില്ലാതെ തന്നെയുണ്ട്.
Pic Courtesy: Fsecure

ട്രാന്‍സ്പോര്‍ട്ടര്‍-3

2008-12-05T23:09:00.000-08:00

കൊട്ടിഘോഷങ്ങളൊന്നുമില്ലാതെ ട്രാന്‍സ്പോര്‍ട്ടര്‍ മൂവി സീരിസിലെ മൂന്നാ‍മത്തെ ചലചിത്രം ഈ മാസം പുറത്തിറങ്ങി. ബോണ്ട് പോലെ ആഘോഷിക്കപ്പെട്ടെന്നുമല്ല ഈ ചിത്രം പുറത്തിറങ്ങിയതെങ്കിലും നല്ല തിരക്കുണ്ടായിരുന്നു തീയേറ്ററില്‍.

ജേസണ്‍ സ്റ്റതാം മുഖ്യ റോളില്‍ അഭിനയിക്കുന്ന ട്രാന്‍സ്പോര്‍ട്ടര്‍ 3 സംവിധാനം ചെയ്തിരിക്കുന്നതു ഒലിവര്‍ മെഗാതന്‍ ആണ്. തന്നെ ഏല്‍പ്പിക്കുന്ന വസ്തു എത്ര വിലമതിച്ചാലും അതിനെ മറ്റു ചോദ്യങ്ങളൊന്നും ചോദിക്കാതെ ലക്ഷ്യ സ്ഥാനത്തേക്ക് സുരക്ഷിതമായെത്തിക്കുന്ന ഫ്രാങ്ക് മാര്‍ട്ടിനെന്ന കഥാപാത്രമാണ് ജേസണ്‍ സ്റ്റതാമിന്‍‌റ്റേത്. വലേറിയൊയെന്ന നായികാവേഷത്തില്‍ ഇതുവരെ കണ്ടിട്ടില്ലാത്ത നതാലിയ റുഡകോവയും. റഷ്യനൊ ഉക്രൈനിയൊ ആണു ഈ താരം. പഴയ ചിത്രങ്ങളിലെ പോലെ തര്‍കോണിയെന്ന പോലീസ് ഓഫിസറായി ഫ്രാന്‍സിസ് ബെര്‍ലന്റുമുണ്ട്.വില്ലന്‍ വേഷത്തില്‍ റോബര്‍ട്ട് നെപ്പറും.

മറ്റു ഭാഗങ്ങളില്‍ നിന്നും വ്യത്യസ്തമായി ഇത്തവണ പക്ഷെ ഫ്രാങ്ക് തന്നെ ബന്ധിയാക്കപ്പെടുന്നു. ബോംബ് ഘടിപ്പിച്ച ഒരു ബ്രേസ്‌ലെറ്റ് കയ്യില്‍ ധരിചിരിക്കുന്ന ഫ്രാങ്ക് താന്‍ ഡ്രൈവ് ചെയ്യുന്ന കാറില്‍ നിന്നും മുപ്പതൊ നാല്പതോ മീറ്റര്‍ അകലത്തില്‍ പോയാല്‍ ഈ ബോംബ് പൊട്ടിത്തെറിക്കും. റേഡിയൊ ആക്റ്റീവ് വികിരണങ്ങള്‍ പുറപ്പെടുവിക്കുന്ന ആണവവാശിഷ്ടങ്ങള്‍ വഹിക്കുന്ന കപ്പല്‍ ഉക്രൈയിനെ കൊണ്ട് വാങ്ങിപ്പിക്കുവാനുള്ള ഒരു കരാറില്‍ ഒപ്പിടിവിക്കുന്നതിനായി ഉക്രയിന്‍ പരിസ്ഥിതി മന്ത്രിയുടെ മകളെ (വലേറിയ) തട്ടിക്കൊണ്ട് പോകുകയും തുടര്‍ന്ന് വലേറിയയെ ഒരു സ്ഥലത്തു നിന്നും മറ്റൊരു സ്ഥലത്തേക്ക് കൊണ്ട് പോകുകയും ചെയ്യുക എന്നതാണ് ഫ്രാങ്കില്‍ നിക്ഷിപ്തമായിരിക്കുന്ന ജോലി.

ഇതിനു മുന്‍പെയിറങ്ങിയ ട്രാന്‍സ്പോര്‍ട്ടര്‍ 1, 2 എന്നീ സിനിമകളെ അപേക്ഷിച്ചു നോക്കുമ്പോള്‍ അത്രയൊന്നും മികച്ചതല്ല മൂന്നാമത്തെ ചിത്രം. ജേസണ്‍ സ്റ്റതാമിന്റെ കരിയറില്‍ ഒരു ബ്രേക്കു കൊടുത്ത ചിത്രമായിരുന്നു ട്രാന്‍സ്പോര്‍ട്ടര്‍ 1. ഒന്നാമത്തേയും രണ്ടാമത്തേയും ചിത്രം ബോക്സ് ഓഫിസുകളിലെ മിക്ച്ച ചിത്രങ്ങളിലുള്‍പ്പെട്ടവയാണ്. അത്രയൊന്നും പറയാന്‍ കഴിയില്ലെങ്കിലും ബോറടിപ്പിക്കാതെ ഒന്നേമുക്കാല്‍ മണിക്കൂറോളം കൊണ്ട് പോകാന്‍ ട്രാന്‍സ്പോര്‍ട്ടര്‍ 3 ന് കഴിയുന്നുണ്ട്. മികച്ച ആക്ഷന്‍ രംഗ്ങ്ങളും സംഘട്ടനങ്ങളുമാണ് ഈ സിനിമയുടെ പ്രത്യേക്ത. ഹൈവെ വഴിയുള്ള കാര്‍ ചേസിംഗ് രംഗങ്ങള്‍ ശ്വാസം അടക്കിപ്പിടിച്ചെ കാണുവാന്‍ കഴിയുള്ളു എന്നു പറയാന്‍ കഴിയില്ല . പക്ഷെ കഴിഞ്ഞ ബോണ്ട് സിനിമയെക്കാള്‍നന്നായിരിക്കുന്നു. അവസാന രംഗങ്ങളിലെ ആക്ഷന്‍ രംഗങ്ങളും സംഘട്ടന രംഗങ്ങളും മികച്ചതെന്നു പറയാന്‍ കഴിയും.

ഏറ്റവും മോശമായി തോന്നിയതു വലേറിയയായി അഭിനയിച്ച നതാലിയയുടേതാണ്. സംവിധായകന്റെ അഭിപ്രായത്തില്‍ ചെലപ്പോള്‍ നതാലിയ വിശ്വസുന്ദരിയായിരിക്കും. പക്ഷെ പ്രേക്ഷകര്‍ക്കു അതു നേരെ തിരിച്ചായിരിക്കും അനുഭവപ്പെടുന്നത്. മാത്രമല്ല, ഇത്തരം സിനിമകളില്‍ അഭിനയത്തിനു പ്രാധാന്യംകൊടുക്കേണ്ടതില്ലെങ്കിലും വളരെ മോശം പ്രകടനമാണ് നതാലിയയുടേത്. തര്‍കോണിയെന്ന പോലീസ് ഓഫിസര്‍ക്കു പ്രത്യേകിച്ച് വേറെ പണിയൊന്നുമില്ല. നായകന്റെ വാലായി നടക്കുക എന്നതാണ് അദ്ദേഹത്തിന്റെ ദൌത്യം. നതാലിയയും ജേസണ്‍ സ്തതാമും ഒന്നിച്ചുള്ള ഒന്നു രണ്ട് രംഗങ്ങളില്‍ പ്രേക്ഷകര്‍ക്കു വേണമെങ്കില്‍ ആഞ്ഞു ശ്രമിച്ചാല്‍ ഒന്നു ചിരിക്കാന്‍ സാധിക്കും. ;). 20-20 പോലെ. കഥയുമായി യാതൊരു ബന്ധവുമില്ലാത്ത ചില കഥാപാത്രങ്ങള്‍ കടന്നുവരുന്നുണ്ട് ഈ സിനിമയില്‍. അനാവശ്യമാണെങ്കീലും ചുമ്മാ ഒരു ഫൈറ്റ് സീന്‍ കാണാന്‍ പറ്റിയെന്നതു മാത്രമാണ് അതു കൊണ്ടുള്ള ഒരു ഗുണം. ഈ സിനിമയിലുടെ നല്ലൊര്‍ ആക്ഷന്‍ സ്റ്റാറാണ് താനെന്നുള്ള കാര്യം ജേസണ്‍ സ്റ്റതാം ഉറപ്പിക്കുന്നു. ജേസണ്‍ തന്നെയാണ് ഈ സിനിമയുടെ താരവും.

ഉറപ്പു പറയാന്‍ കഴിയുന്ന ഒരു കാര്യം, ചെലവാക്കുന്ന പണം മുതലാകും എന്നുള്ളതു മാത്രമാണ്. കഴിഞ്ഞ ബോണ്ട് സിനിമയെ അപേക്ഷിച്ച് ആക്ഷന്‍ പ്രേമികള്‍ക്കു ഈ ചിത്രത്തില്‍ നിന്നും എന്തെങ്കിലുമൊക്കെ പ്രതീക്ഷിക്കാന്‍ സാധിക്കും.

IF YOU NEED IT TO ARRIVE SAFE AND ONE, HIRE A PROFESSIONAL

സ്പൈ വെയറുകളും അഗ്രജന്റെ സ്പൈ വെയര്‍ ഷോപ്പും.

2008-11-29T10:19:00.000-08:00

ഇന്റര്‍നെറ്റിലൂടെ, പരസ്യങ്ങളെ സപ്പോര്‍ട്ട് ചെയ്യുന്ന സോഫ്റ്റ് വെയറുകളെ സൂചിപ്പിക്കാനുപയോഗിക്കുന്ന വാ‍ക്കാണ് ആഡ് വെയറുകള്. ഇന്റര്‍നെറ്റ് ഉപയോക്താക്കള്‍ക്കു ഉല്പന്നങ്ങള് വില്‍കാ‍തെ തന്നെ പരസ്യങ്ങള്‍ മുഖേന പണം സമ്പാദിക്കുവാനായിട്ടാണ് ആഡ് വെയറുകള് സാധാരണായി ഉപയോഗിച്ചു വരുന്നത്. ഒട്ടനവധി വന്‌കിട കമ്പനികള് അവരുടെ ഉല്;പന്നങ്ങളുടെ പരസ്യങ്ങള് വെബ് സൈറ്റില് പതിക്കുന്നതിനായി വെബ്സൈറ്റുകള് ഉള്ള വ്യക്തികള്‍ക്കും കമ്പനികള്‍ക്കും നല്‍കാറുണ്ട്. ഇതു വഴി ഉല്‍പ്പന്നങ്ങള്‍വില്‍ക്കാതെ തന്നെ അവയുടെ പരസ്യത്തിലുടെ വെബ്സൈറ്റുകള്‍ക്കോ വ്യക്തികള്‍ക്കൊ നിശ്ചിതമായ ഒരു വരുമാനം ലഭിക്കുന്നു. .

അഡ്വര്‍ടൈസ് ചെയ്യുന്ന കമ്പനികള് ഇതിനായി വെബ്സൈറ്റുകളിലൊ കമ്പ്യൂട്ടറുകളിലൊ ട്രാ‍ക്ക് ചെയ്യുന്നതിനാവശ്യമായ സോഫ്റ്റ് വെയറുകള് ഇന്‍സ്റ്റാള് ചെയ്യുന്നു. ഇതു വഴി ഇങ്ങനെയുള്ള കമ്പ്യൂട്ടറുകളും വെബ്സൈറ്റുകളും പരസ്യം നല്‍കിയിരിക്കുന്ന കമ്പനിയുമായുള്ള ഒരു ബന്ധം സ്ഥാപിച്ചെടുക്കുകയും അവ ഇന്‍സ്റ്റാ‍ള് ചെയ്യപ്പെട്ടിരിക്കുന്ന കമ്പ്യൂട്ടറിന്റെ ഇന്റര്‍നെറ്റ് കണക്ഷന് ഉപയോഗിച്ചു കമ്പനിയുടെ പ്രൈവസി പോളിസികള്‍ക്കു അനുസൃതമായി വിവരങ്ങള് “മദര്‍ഷിപ്പ്“ എന്നറിയപെടുന്ന സെര്‍വറുകളിലേക്ക് അയക്കുകയും ചെയ്യുന്നു. ഇങ്ങനെ ട്രാക്കിംഗ് സോഫ്റ്റ്‌വെയറുകള് ഇന്‍സ്റ്റാള് ചെയ്തിരിക്കുന്ന കമ്പ്യൂട്ടറൊ അതുമല്ലെങ്കില് വെബ്സൈറ്റിന്റെയൊ ഉപയോക്താക്കളുടെ ബ്രൌസിംഗ് ഹാബിറ്റുകള് ഇതു വഴി വന്‍‌കിട കമ്പനികളിലെത്തിച്ചെരുകയും അതിനനുസരിച്ച് അവര് പുതിയ പ്രോഡക്റ്റുകള് നിര്‍മ്മിക്കുകയും ചെയ്യുന്നു.

എന്നാല് ഉപയോക്താക്കള്‍ക്ക് എന്തു വിവരമാണ് ഈ സോഫ്റ്റ് വെയറ് കോഡുകള് മദര്‍ഷിപ്പുകള് എന്നറിയപ്പെടുന്ന സെര്‍വറുകളിലേക്ക് അയക്കുന്നതെന്ന് അറിയാനൊ അവയെ നിയന്ത്രിക്കാനൊ കഴിയില്ല. ഇതു ഉപയോക്താക്കള്‍ക്കു വളരെയധികം ബുദ്ധിമുടൂകള് സൃഷ്ടിക്കുകയും അതു മൂലം കഴിയുന്നത്ര അവയെ ഒഴിവാക്കുവാനും അവര് ശ്രമിക്കുന്നു.

സ്പൈ വെയറുകള്‍

ഉപയോക്താക്കളുടെ അറിവൊ സമ്മതമൊ കൂടാതെ കമ്പ്യൂട്ടറുകളിലൊ വെബ്സൈറ്റുകളിലൊ ഇന്‍സ്റ്റാള്‍ ചെയ്യപ്പെടുന്ന അഡ്വര്‍ടൈസിംഗ് സോഫ്റ്റ് വെയറുകളെ ( malicious software (malware)) സൂചിപ്പിക്കാനുപയൊഗിക്കുന്നവയാണ് സ്പൈവെയറുകള്‍. ഇത്തരം സ്പൈവെയറുകള്‍ ഉപയോക്താവിന്റെ വിലപ്പെട്ട വിവരങ്ങള്‍ കീ സ്ട്രോക്കുകള്‍, സ്ക്രീന്‍ ഷോടുകള്‍, വ്യക്തിഗത വിവരങ്ങള്‍( ഇമെയില്‍ വിലാസങ്ങള്‍), ഉപയോക്താവിന്റെ ബ്രൌസിംഗ് ശീലങ്ങള്‍ എന്നിവ ശേഖരിക്കുകയൂം അവയുപയോഗിച്ചു സാമ്പത്തികമൊ അല്ലാതെയൊ ഉള്ള നേട്ടങ്ങള്‍ക്കു വേണ്ടി ഉപയോഗിക്കുന്നു. ഇങ്ങനെ ലഭിക്കുന്ന വിവരങ്ങള്‍ ഓണ്‍ലൈന്‍ അറ്റാക്കേഴ്സിനോ( ബ്ലാക് ഹാറ്റ് ഹാക്കേഴ്സ്), സ്പാമുകള്‍ അയക്കുന്നതിനൊ അതുമല്ലെങ്കില്‍ ഐഡന്റിറ്റി തെഫ്റ്റ് പോലുള്ള ഫൈനാന്‍ഷ്യല്‍ കുറ്റകൃത്യങ്ങള്‍ക്കോ വേണ്ടിയാണ് സാധാരണഗതിയില്‍ ഉപയോഗിക്കുന്നത്.

പ്രധാനമായും ഓണ്‍ലൈന്‍ അറ്റാക്കേഴ്സ്, മാര്‍കറ്റിംഗ് സ്ഥാപനങ്ങള്‍, എന്നീ വിഭാഗങ്ങളാണ് സ്പൈ വെയറുകള്‍ സാധാരണയായി ഇത്തരത്തില്‍ ഉപയോഗിച്ചു വരുന്നത്. ഇതില്‍ ഓണ്‍ലൈന്‍ ആക്രമണകാരികളുടെ പ്രധാന ഉന്നം വ്യക്തി ഗത വിവരങ്ങള്‍ (ഉദാഹരണമായി ക്രെഡിറ്റ് കാര്‍ഡ് വിവരങ്ങള്, വ്യക്തി ഗതവിവരങ്ങള്‍) ആയിരിക്കും. ഇതു വഴി ലഭിക്കുന്ന വിവരങ്ങള്‍ വില്‍ക്കുകയൊ അതുമല്ലെങ്കില്‍ സ്വന്തമായി തന്നെ സാമ്പത്തിക കുറ്റകൃത്യങ്ങള്‍ക്കൊ ആണു അവരുപയോഗിച്ചു വരുന്നത്.

മാര്‍ക്കറ്റിംഗ് സ്ഥാപനങ്ങള്‍ പ്രധാനമായും ലക്ഷ്യം വെക്കുന്നതു ഇമെയില്‍ അഡ്രസുകളൊ, ഉപയോക്താക്കളുടെ ഷോപ്പിംഗ് ശീലങ്ങളൊ അല്ലെങ്കില്‍ ബ്രൌസിംഗ് ശീലങ്ങളുമൊക്കെ പോലുള്ള വ്യക്തിഗത വിവരങ്ങളൊ ആയിരിക്കും. ഇങ്ങനെ ലഭിക്കുന്ന വിവരങ്ങള്‍ ഉപയോഗിച്ച് ഉപയോക്താക്കളുടെ വ്യക്തിഗത അഭിരുചികള്‍ക്കനുസരിച്ചു ഉല്‍പ്പന്നങ്ങള്‍ നിര്‍മ്മിക്കുകയൊ സ്പാമുകള്‍ അയക്കുകയൊ ചെയ്യുന്നു. സിസ്റ്റത്തില്‍ ഉപയോക്താവ് അറിയാതെ ഇന്‍സ്റ്റാള്‍ ചെയ്തിരിക്കുന്ന സോഫ്റ്റ് വെയറുകള്‍ പരസ്യങ്ങളുടെ പോപ്പ് അപ്പ് വിന്‍ഡോകള്‍ ഓപ്പണ്‍ ചെയ്യിക്കുകയും ഹോം പേജില്‍ നല്‍കിയിരിക്കുന്ന വെബ് അഡ്രസുകള്‍ മാറ്റുകയും ചെയ്യുന്നു. ഒരു സപൈ വെയര്‍ ഇന്‍സ്റ്റാള്‍ ചെയ്തിരിക്കുന്ന സിസ്റ്റത്തില്‍ നിന്നുമുള്ള ഒട്ടു മിക്ക വിവരവും അവ എഴുതിയിരിക്കുന്ന വ്യക്തികള്‍ അറിയാതെ പോകാന്‍ കഴിയില്ല.

എങ്ങനെയൊക്കെയാണ് സ്പൈ വെയറുകള്‍ സിസ്റ്റത്തിലൊ വെബ് സൈറ്റുകളിലൊ ഇന്ഫെക് ചെയ്യുന്നതു?

ഇന്റര്‍നെറ്റില്‍ നിന്നും ഫ്രീയായി ലഭിക്കുന്ന സോഫ്റ്റ് വെയറുകളില്‍ ( ഇവയെ കോമണ്‍ ആയി ഫ്രീ വെയറുകള്‍ എന്നു വിളിക്കുന്നു) സ്പൈ വെയറുകള്‍ ഉണ്ടായിരിക്കാനുള്ള സാധ്യത വളരെകൂടുതലാണ്. ഫ്രീ വെയറുകള്‍ ഇന്‍സ്റ്റാള്‍ ചെയ്യുന്ന 90 ശതമാനം കമ്പ്യൂട്ടറുകളിലും സ്പൈ വെയറുകള്‍ ഉണ്ടായിരിക്കും. ഇത്തരം സോഫ്റ്റ് വെയറുകള്‍ ഇന്‍സ്റ്റാള്‍ ചെയ്യുമ്പോള്‍ വരുന്ന എന്‍ഡ് യൂസര്‍ ലൈസന്‍സ് എഗ്രിമെന്റുകളില്‍ ഇവയെക്കുറിച്ച് വ്യംഗ്യമായി സൂചിപ്പിച്ചിരിക്കും. ഫ്രീയായി നല്‍കുന്ന ഇത്തരം സോഫ്റ്റ് വെയറുകളുടെ ഉദ്ദേശ്യവും മാല്‍ വെയറുകളുടെ ഇന്‍സ്റ്റലേഷന്‍ ആയിരിക്കും. നമുക്കറിയാത്ത ഒരു സോഫ്റ്റ് വെയറോ അതുമല്ലെങ്കില്‍ വ്യക്തമായ ധാരണയോടു കൂടി എന്തിനാണ് ഒരു സോഫ്റ്റ് വെയര്‍ സിസ്റ്റത്തില്‍ ഇന്‍സ്റ്റാള്‍ ചെയ്യുന്നതു എന്നറിഞ്ഞാല്‍ കൂടി അവയിലുടെ ഇന്‍സ്റ്റാള്‍ ചെയ്യപ്പെടുന്ന അപകടകാരികളായ സോഫ്റ്റ് വെയറുകളെക്കുറിച്ച് യാതൊരു വിധത്തിലുള്ള ധാരണയും ഉപയോക്താവിനു ഉണ്ടായിരിക്കുകയില്ല. ഇതു പോലെ തന്നെയാണ് ഫ്രീയായി വെബ്സൈറ്റുകളുടെ സ്റ്റാറ്റിസ്റ്റിക്സുകളും ഓണ്‍ലൈന്‍ ഉപയോക്താക്കളുടെ വിവരങ്ങളും അറീയാന്‍ കഴിയുന്ന വിധത്തിലുള്ള വിഡ്ജറ്റുകള്‍ ലഭ്യമാക്കുന്ന സൈറ്റുകളും ചെയ്യുന്നത്. ഫോര്‍വേഡ് ചെയ്യപ്പെട്ടു വരുന്ന ഇമെയില്‍ അറ്റാച്ച് മെന്റുകള്‍ വഴിയും (പവര്‍ പോയിന്റ് പ്രസന്റേഷനുകള്‍, മാക്രോ എഴുതപ്പെട്ട വേഡ് ഫയലുകള്‍,എക്സല്‍ ഫയലുകള്‍) ഇവ ഇന്‍സ്റ്റാള്‍ ചെയ്യപ്പെടാം.

അഗ്രജന്റെ സ്പൈ വെയര്‍ ഷോപ്പ്

ഇന്നു രാവിലെയൊ ഉച്ചക്കോ ആണ് വെറുതെ ഇരുന്ന സമയത്ത് ഗൂഗിള്‍ ബ്ലോഗ് സേര്‍ച്ച് വഴി ബ്ലോഗുകള്‍ വായിച്ചു കൊണ്ടിരിക്കെ ലിസ്റ്റ് ചെയ്ത “ചുറ്റുവട്ടം“ എന്ന അഗ്രജന്റെ ബ്ലോഗില്‍ വന്ന “ മാപ്പ്” എന്ന പോസ്റ്റ് വായിക്കാനായി ലിങ്കില്‍ ക്ലിക്ക് ചെയ്തു. വേറൊരു ടാബില്‍ ആയിരുന്നു ഓപ്പണ്‍ ചെയ്യാന്‍ കൊടുത്തതു. അതിന്റെ കൂടെ വേറേ ഒന്നു രണ്ട് ബ്ലോഗും ഓപ്പണ്‍ ചെയ്തു വെച്ചു. ആദ്യം ഓപ്പണ്‍ ചെയ്ത് വന്ന ബ്ലോഗുകള്‍ വായിച്ചു. നോക്കിയപ്പോള്‍ ഒരു ടാബ് വെറും ബ്ലാങ്ക് ആയി കാണുന്നു. വെറുതെ ടാബ് ഞാന്‍ തന്നെ തുറന്നു വെച്ചതായിരിക്കും എന്നു വിചാരിച്ചു അതങ്ങു ക്ലോസ് ചെയ്തു. അപ്പോള്‍ അതു കാര്യമാക്കിയില്ല.

പിന്നീട് വൈകുന്നേരം വീണ്ടും ഗൂഗിള്‍ ബ്ലോഗ് സേര്‍ച്ചില്‍ കേറി. അപ്പോഴാണ് അഗ്രജന്റെ ബ്ലോഗ് വീണ്ടും കണ്ടത്. കൊടുത്തു വേറൊരു ടാബിലേക്ക് ഓപ്പണ്‍. ഇപ്പോഴും കിട്ടിയില്ല. അപ്പൊള്‍ ഒരു സംശയം എന്താ‍യിരിക്കും കിട്ടാത്തതെന്ന്.വെറുതെ ആ ലിങ്ക് കോപ്പിയെടുത്ത് ഫയര്‍ഫോക്സിലെ വേറൊരു വിന്‍ഡോയില്‍ ഇട്ടു. ഒന്നെടുത്തു ക്രോമിലുമിട്ടു. മോസില്ലയില്‍ ഓപ്പണ്‍ ചെയ്തില്ല പകരം വന്നതു ഒരു എ വി ജിയുടെ ഒരു വാണിംഗ് മുന്നറീയിപ്പായിരുന്നു. സ്ക്രീന്‍ താഴെ കൊടുക്കുന്നു.

പക്ഷെ ക്രോമില്‍ ഓപ്പണ്‍ ആയി. അതിന്റെയും സ്കീന്‍ ഷോട്ട് താഴെകൊടുക്കുന്നു. പക്ഷെ പോപ് അപ്പ് ബ്ലോക്ക് ചെയ്തിരിക്കുന്നു എന്ന മെസേജ് കണ്ടു അതെന്താണെന്നു നോകി. http://8fpr5.myprogdom.com - goodstuff എന്നൊരു പോപ്പപ്പ് വിന്‍ഡോയായിരുന്നു ബ്ലോക്ക് ചെയ്തതായി കണ്ടതു. ആ ലിങ്കെടുത്ത് ക്രോമില്‍ തന്നെ കൊടുത്തു. കിട്ടിയതു താഴെകാണിച്ചിരിക്കുന്ന വിന്‍‌ഡൊ. ആ വെബ് പേജ് അവിടെ നിന്നും നീ‍ക്കം ചെയ്യുകയൊ അതുമല്ലെങ്കില്‍ താല്‍ക്കാലികമായി ഡൌണ്‍ ആയിരിക്കുകയൊ ചെയ്തിരിക്കുന്നു.

എ വി ജിയില്‍ കിട്ടിയ ഐപി ഒന്നു ലുക്കപ്പ് ചെയ്തു നോക്കി. ഐപി ലൊക്കേഷന്‍ ക്യാനഡ, ആ ഐപി നല്‍കിയിരിക്കുന്നതു iWeb Technologies Inc എന്ന കമ്പനിക്കും. 12 വെബ്സൈറ്റുകള്‍ കൂടി ഇതേ ഐപിയില്‍ ഹോസ്റ്റ് ചെയ്തിരിക്കുന്നതായി മനസ്സിലാക്കി.അവ ഏതൊക്കെ തുടര്‍ന്നു വീണ്ടും ആ കമ്പനിയുടെ സര്‍വീസ് എന്താണെന്നു ചെക്ക് ചെയ്തു നോക്കി. സൈറ്റുകളുടെയും ബ്ലോഗുകളുടെയും സ്റ്റാറ്റസ് അറീയുന്നതിനായി വിഡ്ജറ്റ് കോഡുകള്‍ ലഭ്യമാക്കുന്ന കമ്പനികളായിരുന്നു ഭൂരിഭാഗവും.

അതിലൊന്ന് സാമ്പത്തികനേട്ടം പ്രൊവൈഡ് ചെയ്യുന്ന സൈറ്റാണെന്നും അതിന്റെ ഹോം പേജില്‍ നിന്നും മനസ്സിലായി. തുടര്‍ന്നു ഒന്നു കൂടി നോക്കിയപ്പോള്‍ അഗ്രജന്‍ en.superstat.info എന്ന വെബ്സൈറ്റ് ഫ്രീയായി ഏര്‍പ്പെടുത്തിയിരിക്കുന്ന സൌകര്യമായ കൌണ്ടര്‍ സ്റ്റാറ്റ് ( en.superstat.info/counterstat) എന്ന വിഡ്ജറ്റ് ഉപയോഗിച്ചിരിക്കാനുള്ള സാധ്യത കൂടുതലാണെന്ന് മനസ്സിലാക്കി. ഈ വിഡ്ജറ്റില്‍ എഴുതിയിരിക്കുന്ന കോഡുണ്ടായതു കൊണ്ടായിരിക്കണം എ വി ജി ഈ ബ്ലോഗിനെ ഞാന്‍ അക്സസ് ചെയ്യുന്നതില്‍ നിന്നും തടഞ്ഞത് ( 90 ശതമാനവും സാധ്യത ഇതിനാണ്). ഈ വിഡ്ജറ്റില്‍ എഴുതിയിരിക്കുന്ന കോഡിനനുസരിച്ചായിരിക്കണം ക്രോം ബ്ലോക്ക് ചെയ്ത പോപ് വിന്‍ഡോ വന്നതും. ( ഇതൊക്കെ അനുമാനങ്ങളാണ്, അഗ്രജന്‍ മറുപടി പറഞ്ഞാലെ ഈ നിഗമനത്തിനു സാധുതയുള്ളു. അല്ലാത്തപക്ഷം മറ്റേതെങ്കിലും വിഡ്ജറ്റുകള്‍ അഗ്രജന്റെ “ചുറ്റുവട്ടം” എന്ന ബ്ലോഗില്‍ ഉണ്ടായിരിക്കും).

എത്ര പേര്‍ക്കു ഈ അനുഭവം ഉണ്ടായെന്നു അറിയാന്‍ വയ്യ. ശരിയായ ആന്റിവൈറസ് ഇല്ലാത്ത സിസ്റ്റമാണെങ്കില്‍ ബ്ലോക്ക് ചെയ്യാനുള്ള സാധ്യത കുറവും ഈ ബ്ലോഗ് ഓപ്പണ്‍ ചെയ്യുമ്പൊഴൊക്കെ നമ്മളറിയാതെ പോപ്പപ് വിന്‍ഡൊ വരികയും ചെയ്യും. എന്റെ നിഗമനം ശരിയാണെങ്കില്‍ (?) അഗ്രജന്റെ മാത്രമല്ല ഇത്തരത്തിലുള്ള ഫ്രീ വിഡ്ജറ്റുകള്‍ ഉപയോഗിക്കുന്ന മിക്കവാറുമെല്ലാ ബ്ലോഗുകളും ഇങ്ങനെ തന്നെയായിരിക്കും. വിന്‍ഡോസ് പ്ലാറ്റ്ഫോമില്‍ ഉപയോഗിക്കുമ്പോള്‍ മാത്രമെ ഇങ്ങനെ വരികയുമുള്ളു.

വാല്‍: നമുക്കറിയാത്തെ സോഫ്റ്റ്വെയറുകളൊ, വിഡ്ജറ്റ് കോഡുകളൊ ഒന്നും തന്നെ ഉപയോഗിക്കാതിരിക്കുകയാണ് മുകളില്‍ പറഞ്ഞ കാര്യം ശരിയാണെങ്കിലും തെറ്റാണെങ്കിലും നല്ലത്. ആരും ഫ്രി ആയി ഒന്നും ആര്‍ക്കും കൊടുക്കുന്നില്ല എന്ന ലളിതമായ കാര്യം മാത്രം ഓര്‍മ്മ വെക്കുവാന്‍ ശ്രമിക്കുക. കൂട്ടത്തില്‍ മുന്‍പിട്ട ഈ പോസ്റ്റ്, ഈപോസ്റ്റ് എന്നിവ വായിക്കാന്‍ ശ്രമിക്കുക.

ഈ വര്‍ഷത്തെ ഇരുപത്തിഅഞ്ചാമത്തെ ചവര്‍..;)

ഇന്റര്‍നെറ്റിലെ ക്രിമിനല്‍ സംഘങ്ങള്‍- RBN

2008-11-19T08:55:00.000-08:00

സംഘടിത ക്രിമിനലുകളുടെ പറുദീസയാണ് ഇന്റര്‍നെറ്റ് . അത്തരത്തിലുള്ള ഒരു സംഘടിതമായ ക്രിമിനല് സംഘടനയാണ് റഷ്യന്‍ ബിസിനസ് നെറ്റ് വര്‍ക്ക് (Russian Business Network)അഥവാ ആര്‍ ബി എന്‍ എന്ന ചുരുക്കത്തില് അറിയപ്പെടുന്ന റഷ്യന് മാഫിയ സംഘടന. സെയിന്റ് പീറ്റേഴ്സ് ബര്‍ഗ് ആസ്ഥാനമായി പ്രവര്‍ത്തിക്കുന്ന ഒരു വെബ് ഹോസ്റ്റിംഗ് കമ്പനിയാണ് റഷ്യന്‍ ബിസിനസ് നെറ്റ് വര്‍ക്ക് എന്ന പേരിലറിയപ്പെടുന്നത്.

വെബ് ഹോസ്റ്റിംഗിന്റെ മറവില്‍നടത്തുന്ന ,നിരവധി ക്രിമിനല് പ്രവര്‍ത്തനങ്ങളുടെ ചുക്കാന് പിടിക്കുന്ന ഈ സംഘടനയാണ് ലോകത്തിലെ ഏറ്റവും കൂടുതല് സൈബര് ക്രൈമുകളുടെ പിറകിലുള്ളതു. ചൈല്‍ഡ് പോര്‍ണൊഗ്രാഫി, ഫിഷിംഗ്, സ്പൈ വെയറുകളുടെയും മാല്‌വെയറുകളുടെയും നിര്‍മ്മാണം തുടങ്ങി ഇന്റര്‍നെറ്റില്‍ നടക്കുന്ന മിക്കവാറുമെല്ലാം ക്രിമിനല് പ്രവര്‍ത്തനങ്ങളുടെയും പിറകില് ഈ സംഘടനയുണ്ട്. ലോകത്തു നടക്കുന്ന സൈബര് കുറ്റകൃത്യങ്ങളുടെ അറുപതു മുതല് എഴുപതു ശതമാനം വരെ ഈ സംഘടനയില്‍ നിന്നുമാണ് ഇന്റര്‍നെറ്റ് സെക്യൂരിറ്റി വിദഗ്ദര്‍ കണക്കു കൂട്ടുന്നു.

ഒരു വര്‍ഷം ഈ സംഘടനക്കു ഇന്റര്‍നെറ്റ് വഴി നടക്കുന്ന നിയമവിരുദ്ധമായ പ്രവര്‍ത്തികളില്‍ നിന്നും മാത്രം ഏകദേശം നൂറ്റിഅമ്പത് മില്യണ് ഡോളറിന്റെ വരുമാനമുണ്ടെന്ന് കരുതി പോരുന്നു. ഇങ്ങനെയൊരു കമ്പനി പ്രത്യക്ഷത്തില്‍ നിലവിലില്ല. എവിടെ തപ്പിയാലും ഇതിനെ കാണുവാനും കഴിയില്ല. ഇതൊരു രജിസ്റ്റേഡ് കമ്പനിയേയല്ല. വെബ്സൈറ്റുകളുമില്ല റഷ്യന് ബിസിനസ് നെറ്റ്വര്‍ക്കിന്. ഒരു തരത്തിലുമുള്ള പരസ്യങ്ങളൊ യാതൊന്നുമില്ലാതെ പ്രവര്‍ത്തിക്കുന്ന ഒന്നാണ് റഷ്യന്‍ ബിസിനസ് നെറ്റ് വര്‍ക്ക്. ഇവരുടെ എല്ലാ ഡൊമെയിനുകളും രജിസ്റ്റര്‍ ചെയ്തിരിക്കുന്നത് അനോണിമസായിട്ടാണ്

ഇവരുടെ പ്രവര്‍ത്തനങ്ങളുമായി സഹകരിക്കാന്‍ ആഗ്രഹമുള്ള മറ്റു ക്രിമിനല് സംഘങ്ങള്‍ ബുള്ളറ്റിന്‍ ബോഡുകള്‍ വഴിയും, ഡിസ്കഷന് ഫോറങ്ങള്‍ വഴിയും ചാറ്റു വഴിയുമൊക്കെ ഇവരുമായി ബന്ധപ്പെടുന്നു. ഒരിക്കള്ല് ഇവരുമായി ബന്ധപെട്ടു കഴിഞ്ഞാല് ക്രിമിനല് പശ്ചാത്തലവുമായി, ബന്ധപെടുന്ന വ്യക്തിക്കൊ അല്ലെങ്കില്‍ ഗ്യാംഗുകള്‍ക്കൊ ഉള്ള ബന്ധം ഇവരോടു തെളിയിക്കേണ്ടതുണ്ട്. ബന്ധപ്പെടുന്ന വ്യക്തിക്കു ക്രിമിനല് പശ്ചാത്തലമുണ്ടെന്നു അസന്നിഗ്ദിമായി വെളിപ്പെട്ടുകഴിഞ്ഞല് വെബ് ഹോസ്റ്റിംഗ് ഒഴിച്ചുള്ള എല്ലാ തരത്തിലുമുള്ള സേവനങ്ങളും ആര്‍ ബി എന് വാഗ്ദാനം ചെയ്യുന്നു. Mpack (ട്രോജനുകള്, വൈറസുകള്, കീലോഗറുകള്, മുതലായവയുടെ ഒരു പാക്ക്) എന്നറിയപ്പെടുന്ന അപകടകാരികളായ പ്രോഗ്രാമുകള് ഉപയോഗിച്ച് കൊണ്ട് ലഭിക്കുന്ന വ്യക്തികളുടെ വിവരങ്ങളാണ് ആര്‍ ബി എന് നല്‍കുന്ന സേവനങ്ങളില്‍ ഏറ്റവും പ്രധാനം. ക്രെഡിറ്റ് കാര്‍ഡ് വിവരങ്ങളൊ, ബാങ്ക് അക്കൌണ്ട് വിവരങ്ങളൊ യാതൊന്നുമല്ല ആര്‍ ബി എന് അവരുടെ ഉപയോക്താക്കള്‍ക്കു നല്‍കുന്നത്. പകരം എംപാക്കുപയൊഗിച്ച് അധീനതയിലാക്കുന്ന കമ്പ്യൂട്ടറുകളുടെ നേരിട്ടുള്ള നിയന്ത്രണം നല്‍കുക തന്നെയാണ് ചെയ്യുന്നതു. ഇതു വഴി ആര് ബി എന്നിന്റെ ഉപയോക്താക്കള്‍ക്കു അധീനതയിലാക്കിയ കമ്പ്യൂട്ടറുകളുടെ നേരിട്ടുള്ള നിയന്ത്രണം ലഭ്യമാകുന്നു. ഒരു മാസത്തേക്കൊ അല്ലെങ്കില്‍ രണ്ടു മാസത്തേക്കൊ ഉള്ള കാലയളവില് ആയിരിക്കും . ആര്‍ ബി എന് അവരുടെ സേവനങ്ങള് തങ്ങളുടെ ഉപയോക്താക്കള്‍ക്കു നല്‍കുന്നതു. പണം ഈടാക്കിയാണ് ഈ സേവനങ്ങള് ആര്‍ ബി എന് നല്‍കുന്നത്.

ഈ മുപ്പത് ദിവസ കാലയളവില് ഒരുപയോക്താവിനു ബാങ്ക് അക്കൌണ്ടുകള്, ഇബേ അക്കൌണ്ടുകള് മുതലായവ അക്സസ് ചെയ്യുവാന് സാധിക്കുന്നു. ഇങ്ങനെ ലഭിക്കുന്ന സൌകര്യങ്ങളുപയോഗിച്ചു ലഭിക്കുന്ന വിവരങ്ങള് അവ മൂന്നമതൊരു പാര്‍ട്ടിക്കു നല്‍കുകയൊ അല്ലെങ്കീല്‍ അതുപയോഗിച്ച് ലഭിക്കുന്ന ക്രെഡിറ്റ് കാര്‍ഡ് വിവരങ്ങള്‍, പെഴ്സണല് അക്കൌണ്ട് വിവരങ്ങള്‍ എന്നിവയുപയൊഗിച്ച് അവ ദുരുപയോഗം ചെയ്യുകയൊ ചെയ്യുന്നു. ഇങ്ങനെ അവരുടെ ഉപയോക്താക്കള്‍ക്കു കമ്പ്യൂട്ടറുകളെ നേരിട്ടു ഉപയോഗിക്കുക എന്നുള്ള സൌകര്യം ഒരുക്കി കൊടുക്കുക വഴി ഒരു വെടിക്കു രണ്ട് പക്ഷി എന്ന ഗുണമാണ് ആര് ബി എന്നിനു ലഭിക്കുന്നതു. അവരുടെ ക്രിമിനല് ശൃംഖലകള് വളര്‍ത്തുകയും ഒരിക്കലും അതില് നിന്നും പുറത്തു ചാടാന് കഴിയില്ല എന്നുറപ്പാക്കാനും ഇതു വഴി ആര് ബി എന്നിനു സാധിക്കുന്നു. റഷ്യന് മാഫിയാ സംഘങ്ങളുടെ ഓണ്‍ലൈനായിട്ടുള്ള പരിഛേദമാണ് ആര് ബി എന്. തങ്ങള്‍ വെബ് ഹോസ്റ്റിംഗ് മാത്രമാണ് ചെയ്യുന്നതെന്നും ഉപയോക്താക്കള് എന്തു ചെയ്യുന്നുവെന്നുള്ള ബാധ്യത അവര്‍ക്കില്ലായെന്നുമാണ് ആര് ബി എന് അവകാശപ്പെടുന്നതു.

ആര്‍ ബി എന്നിനെതിരെയുള്ള മറ്റൊരു ആരോപണം ഡെനിയല് ഓഫ് സര്‍വീസ് എന്ന ഇന്റര്‍നെറ്റിലെ ഏറ്റവും വലിയ ആക്രമണങ്ങള്‍ക്കു ചുക്കാന് പിടിക്കുന്നു എന്നുള്ളതാണ്. എം പാക്കുകള് വഴി അധീനതയിലാക്കിയ സോംബി കമ്പ്യൂട്ടറുകളുടെ ശൃംഖലയുപയോഗിച്ച് രാജ്യങ്ങളുടെയും കമ്പനികളുടെയും മിലിട്ടറി ഓര്ഗൈനൈസേഷനുകളുടെയും കമ്പ്യൂട്ടര് നെറ്റ് വര്‍ക്കുകളും വെബ്സൈറ്റുകളും തകര്‍ക്കുവാന് ശേഷിയുള്ള ഇന്റര്‍നെറ്റിലെ ഏറ്റവും വലിയ ക്രിമിനല് സംഘടനയാണ് ഇന്ന് ആര്‍ ബി എന്. കഴിഞ്ഞ വര്‍ഷം എസ്റ്റോണിയക്കെതിരെയും, ഈ വര്‍ഷം ജോര്‍ജിയക്കെതിരെയും റഷ്യ നടത്തിയ സൈബര്‍ ആക്രമണത്തിനു ചുക്കാന് പിടിച്ചതു ഈ ഗ്രൂപ്പാണെന്ന് വളരെ ശക്തമായ ആരോപണമുണ്ട്.

ആര്‍ ബി എന്നിന്റെ പ്രവര്‍ത്തനങ്ങളിലെ പ്രധാനപെട്ട ഒന്ന് സ്പൈവെയറുകളും, മാല്‍വെയറുകളും നീക്കം ചെയ്യുന്ന സോഫ്റ്റ് വെയറുകളുടെ വിപണനമാണ്. ഇന്റര്‍നെറ്റ് ഉപയോക്താക്കള്‍ക്കു ഇത്തരത്തിലുള്ള ആന്റി സ്പൈ വെയറുകളുടെ സൌജന്യ ഇവാലുവേഷന് വേര്‍ഷനുകള്‍ നല്‍കുകയും തുടര്‍ന്നു ഈ സോഫ്റ്റ് വെയറുകള് സിസ്റ്റങ്ങളില് ഇന്‍സ്റ്റാള് ചെയ്തു കഴിഞ്ഞാല് കമ്പ്യൂട്ടറുകളുടെ നിയന്ത്രണം ഏറ്റെടുക്കയും അതു കൂടാതെ ഈ സോഫ്റ്റ് വെയറുകള് റണ് ചെയുമ്പോള് അവ വ്യാജ സ്പവെയറുകളുടെ മുന്നറിയിപ്പു ഉപയോക്താക്കള്‍ക്കു നല്‍കുകയും ഈ സോഫ്റ്റ് വെയറുകളുടെ പൂര്‍ണ്ണ പതിപ്പു വാങ്ങുവാന് അവരെ നിര്‍ബന്ധിക്കുകയും ചെയ്യുന്നു.

ഒരു റഷ്യന്‍ രാഷ്ട്രീയക്കാരന്റെ ബന്ധുവായ ഫളൈ മാന് (Fly Man) എന്നറിയപ്പെടുന്ന ഇരുപത്തിനാലുകാരനായ വ്യക്തിയാണ് റഷ്യന് ബിസിനസ് നെറ്റ് വര്‍ക്കിന്റെ ചുക്കാന് പിടിക്കുന്നതെന്ന് സ്ഥിരികരിക്കപ്പെടാത്ത സൂചനകളുണ്ട്. സെന്റ് പീറ്റേഴ്സ് ബര്‍ഗിലല്ലാതെ ആര് ബി എന്നിനു പനാമ, ബ്രിട്ടണ്, ബഹാമാസ് ദ്വീപുകള് എന്നിവിടങ്ങളില് ആസ്ഥാനങ്ങളൊ അല്ലെങ്കില് അവിടങ്ങളില് ഹോസ്റ്റ് ചെയ്തിരിക്കുന്ന സെര്‍വറുകളൊ ഉണ്ടെന്നു വിശ്വസിക്കപ്പെടുന്നു.

നിരവധി കുറ്റകൃത്യങ്ങളാണ് ആര്‍ ബി എന്‍ ചെയ്തു കൂട്ടിയിരിക്കുന്നതു. ഇവരുടെ പ്രവര്‍ത്തനങ്ങളില്‍ പ്രധാനം ബാങ്കുകളുടെയും മറ്റു ധനകാര്യസ്ഥാപനങ്ങളുടെയും സൈറ്റുകളില്‍ നുഴഞ്ഞു കയറി ഉപയോക്താക്കളുടെ അക്കൌണ്ടുകള്‍ ശേഖരിക്കുകയും അവയുപയോഗിച്ച് പണം തട്ടുക എന്നുള്ളതുമാണ്. ആസ്ട്രേലിയന്‍ നാഷണല്‍ ബാങ്ക്. ബാങ്ക് ഓഫ് ഇന്‍ഡ്യ എന്നിവ ഇവരുടെ ആക്രമണത്തിനു വിധേയമായ പ്രധാന ബാങ്കുകളാണ്.ഈ ബാങ്കുകളുടെ ഉപയോക്താക്കള്‍ ലോഗിന്‍ പേജില്‍ അവരുടെ ബാങ്ക് അക്കൌണ്ട് വിവരങ്ങള്‍ നല്‍കുമ്പോള്‍ തന്നെ ആ വിവരങ്ങള്‍ ആര്‍ ബി എന്നിന്റെ സെര്‍വറുകളില്‍ എത്തിച്ചേരുന്ന വിധത്തിലായിരുന്നു അവരുടെ വെബ്സൈറ്റുകളില്‍ കോഡുകള്‍ എഴുതിയിരുന്നതു.

VeriSign iDefense നടത്തിയ സര്‍വേയില്‍ ആര്‍ ബി എന്നിനെ ഇന്നു ഇന്റര്‍നെറ്റില്‍ നിലവിലുള്ള ഏറ്റവും മോശപ്പെട്ട ഐ എസ് പിയായി ക്ലാസിഫൈ ചെയ്തിരിക്കുന്നു. ആര്‍ ബി എന്നിന്റെ കണ്ടു പിടിക്കപ്പെട്ട എല്ലാ വെബ്സെര്‍വറുകളും ഐ സി എന്‍ എന്നിന്റെ അഫിലിയേഷനില്‍ നിന്നും നീക്കം ചെയ്തു. എന്നാല്‍ ഇങ്ങനെ കണ്ടു പിടിക്കപ്പെട്ട വെബ് സെര്‍വറുകള്‍ ആര്‍ ബി എന്നിന്റെ നിലവിലുള്ളവയുടെ ഒരു ശതമാനം പോലുമില്ലെന്നാണ് ഇന്റര്‍നെറ്റ് സെക്യൂരിറ്റി വിദഗ്ദര്‍ അഭിപ്രായപ്പെടുന്നത്.

ആര്‍ ബി എന്നിന്റെ മറ്റു പേരുകള്‍ RBNet, RBNetwork,RBusinessNetwork, iFrame Cash,SBT Telecom Network (Seychelles), Aki Mon Telecom,4Stat, Eexhost,Rusouvenirs Ltd,TcS Network (Panama),Nevcon Ltd. (Panama),Micronnet Ltd. (St. Petersburg Russia),Too coin Software (UK), 76service, MalwareAlarm, InstallsCash

ആര്‍ബി എന്നിനെക്കുറിച്ചുള്ള കൂടൂതല്‍ വിവരങ്ങള്‍ ഇവിടെ നിന്നും ഇവിടെനിന്നും വായിക്കുവാന്‍ കഴിയും.

ഉണ്ടൈ ഉണ്ടൈ സെവന്‍ അഥവാ ക്വാണ്ടം ഓഫ് സോലസ് (007)

2008-11-07T06:44:00.000-08:00

ജെയിംസ് ബോണ്ട് സീരിസിലെ ഇരുപത്തി രണ്ടാമത്തെ ചിത്രമാ‍യ ക്വാണ്ടം ഓഫ് സോലസ് ഇന്നു കേരളത്തിലടക്കം ലോകമൊട്ടാകെ റിലീസ് ആയി.മലയാളമടക്കം ഒത്തിരി ഭാഷകളില്‍ മൊഴിമാറ്റം ചെയ്തായിരിക്കും ഫിലിമിറങ്ങുക എന്ന് കേട്ടതിനാല്‍ ഉള്ളീലൊരല്പം പേടിയോടെയാണ് തീയേറ്ററിലേക്കു പോയതു. ഹോ മലയാളം സംസാരിക്കുന്ന ബോണ്ട്..! അതൊക്കെ ചിന്തിച്ചു കുളിരു കോരിയിരിക്കുകയായിരുന്നു. മലയാളീസിനു എന്തൊ ഭാഗ്യമുണ്ട്. ഇംഗ്ലീഷില്‍ തന്നെ ബോണ്ട് പേച്ചി . അത്രേം സമാധാനം..!

ഉച്ചക്കു ഒരു മണിക്കു ഓഫിസിന്നു ചാടി ഫുഡടിച്ചു നേരെ തീയേറ്ററില്‍ എത്തിയപ്പൊ സമയം ഒന്നര. പത്മനാഭയുടെ ടിക്കറ്റ് കൌണ്ടറിനു ചുറ്റും ശര്‍ക്കരയുടെ പുറത്തു ഈച്ചക്കൂട്ടം എന്നമാതിരി ജനം പറ്റിപിടിച്ചിരിക്കുന്നു. ടിക്കറ്റ് കിട്ടൂമെന്നു കരുതീല്ല. ഇന്നു കണ്ടില്ലേല്‍ പിന്നെ കാണാനൊരു മൂഡൂമുണ്ടാവില്ല. അതോണ്ട് രണ്ടും കല്പിച്ചു അവിടെ വന്ന ഒരു മഹിളാമണിയുടെ അടുത്ത് വളരെ വിനയാന്വിതനായി ചെന്നു ഒരു റിക്വസ്റ്റ് അടിച്ചു. ചേച്ചീന്നു വിളിച്ച അസ്കിത മനസ്സില്‍ വെച്ചു കൊണ്ടാണെലും രണ്ട് ടിക്കറ്റെടുത്തു തന്നു. ചുമ്മാ ഒരു താങ്ക്സ് പറഞ്ഞു. വേറെ ചെലവൊന്നുമില്ലല്ലൊ.

കൃത്യം രണ്ടു മുപ്പതിനു തന്നെ സിനിമ തുടങ്ങി. തുടങ്ങിയതു തന്നെ കാര്‍ ചേസിംഗൊടു കൂടി. ഇറ്റലിയിലെ ദുര്‍ഘടമായ മലനിരകളിലുടെ ലോകത്തെ ഏറ്റവും മികച്ച, ആരെയും കൊല്ലാനുള്ള ലൈസന്‍സുള്ള ബോണ്ട് എന്ന അമാനുഷികനെ ഒരു കൂട്ടം അക്രമികള്‍ തോക്കും വെടിയുമായി പിന്തുടരുന്നു. തമിഴ്, കിണ്ടി സിനിമകളെ അനുസ്മരിപ്പിക്കുന്ന കാര്‍ ചേസിംഗ്..!. കൂട്ടത്തില്‍ അത്യന്താധുനിക യന്ത്രതോക്കുകളുപയോഗിച്ചുള്ള ഷൂട്ടിംഗും. ബോണ്ടിനോടാണു കളി. ഒരൊറ്റ വെടിയുണ്ട ബോണ്ടിനു കൊണ്ടീല്ല..! ഇവനെയൊക്കെ ഷൂട്ടീംഗ് പഠിപ്പിച്ചവന്റെ നെഞ്ചാം മുടിക്കിട്ടു വെടിവച്ചു ചാമ്പണം. സാധാരണ ബോണ്ട് സിനിമകളിലെ പോലെ വെടിയുണ്ടയേല്‍ക്കാത്ത ആസ്റ്റിന്‍ മാര്‍ട്ടിന്‍ കാര്‍. ചേസിംഗ് ഒരു പത്തു മിനിട്ടുണ്ടാകും. അവസാനം സാധാരണ സംഭവിക്കുന്നതു പോലെ ബോണ്ടിന്റെ ഒറ്റ വെടിയുണ്ടയില്‍ അക്രമിസംഘത്തിന്റെ കാറും അക്രമികളും നശിക്കുന്നു.

റഷ്യയും ചൈനയും വടക്കന്‍ കൊറിയയുമെല്ലാം വിട്ടു ഇത്തവണ ഇയാന്‍ ഫ്ലെമിംഗിന്റെ ബോണ്ട് പിടിച്ചിരിക്കുന്നതു ലാറ്റിന്‍ അമേരിക്കന്‍ രാജ്യങ്ങളെയാണ്. ബൊളീവിയയാണ് ഇത്തവണ ബോണ്ടിന്റെ ലക്ഷ്യം. ദുരൂഹതകള്‍ നിറഞ്ഞു നില്‍ക്കുന്ന ക്വാണ്ടം എന്ന സംഘടനയുടെ തലവനായ ഡൊമിനിക് ഗ്രീനിന്റെ (Mathieu Amalric) ഉദ്ദേശ്യം ലാറ്റിനമേരിക്കന്‍ രാജ്യങ്ങളിലേക്കുള്ള കുടിവെള്ളത്തിന്റെ വിതരണവും നിയന്ത്രിക്കുക എന്നുള്ളതാണ്. ഇതിനായി അവിടങ്ങളിലെ ഭരണാധികാരികളെ സ്വാധീനിക്കുന്നതും ഗ്രീനിന്റെ ഉദ്ദേശ്യ ലക്ഷ്യങ്ങളെ തടയുക എന്നുള്ളതും ബോണ്ടീന്റെ ലക്ഷ്യം. താന്‍ സ്നേഹിച്ചിരുന്ന പെണ്‍കുട്ടീയുടെ മരണവും ബോണ്ടിനെ ഇതില്‍ സ്വാധീനിക്കുന്നു. ഇത്രയും ഞാന്‍ മനസ്സിലാക്കിയ കാര്യങ്ങള്‍. സൌണ്ട് സിസ്റ്റം ശരിയല്ലായിരുന്നു അതോണ്ട് ഇത്രയെ മനസ്സിലായുള്ളൂ ( ഓ അല്ലെങ്കില്‍ പിന്നെ...!)

സിനിമയെക്കുറിച്ച് ഒറ്റ വാക്കില്‍ പറഞ്ഞാല്‍ നിരാശപ്പെടുത്തുന്ന ഒന്നായിരുന്നു ക്വാണ്ടം ഓഫ് സോലസ്. ജെയിംസ് ബോണ്ട് ആരാധകരെ തൃപ്തിപെടുത്തുന്ന യാതൊന്നും ഈ സിനിമയിലില്ല. മറിച്ചു നിരാ‍ശപ്പെടുത്താനാണെങ്കില്‍ ഒട്ടനവധിയുണ്ട്.ഒരു ജെയിംസ് ബോണ്ട് ചിത്രത്തില്‍ നിന്നും പ്രതീക്ഷിക്കാവുന്ന യാതൊന്നും പ്രതീക്ഷിച്ചു കൊണ്ട് നിങ്ങള്‍ ഈ സിനിമകാണാനായി പോകരുതു. അക്ഷരാര്‍ത്ഥത്തില്‍ ഒരു ജെയിംസ് ബോണ്ട് സിനിമയുടെ നിഴല്‍ മാത്രമെ ക്വാണ്ടം ഓഫ് സൊലാസില്‍ നിന്നും കിട്ടുകയുള്ളൂ.

ചിത്രത്തിന്റെ ആദ്യരംഗമായ കാര്‍ ചേസിംഗടക്കം ഒട്ടനവധി ആക്ഷന്‍ രംഗങ്ങള്‍ ക്വാണ്ടം ഓഫ് സോലസിലുണ്ട്. ബോട്ട് റേസിംഗും, അക്രമിയുമായുള്ള ഓട്ടവുമെല്ലാം ഏതൊ തമിഴ്സിനിമയെ ഓര്‍മ്മിപ്പിച്ചു. കാസിനോ റോയലിലുള്ളമാതിരിയുള്ള ഓട്ടവും ചാട്ടവുമെല്ലാമുണ്ട് ഈ സിനിമയില്‍. ബോണ്ട് ഇതില്‍ തോക്കും വെടിയുണ്ടയുമെല്ലാം മാറ്റിവെച്ചു കരകൌശലപ്രദര്‍ശനങ്ങളിലാണ് അഗ്രഗണ്യന്‍. കൂടാതെ രജനീകാന്തും മറ്റു തമിഴ്നടന്മാരും തോറ്റു പോകുന്ന രീതിയിലുള്ള ആക്ഷന്‍ രംഗങ്ങള്‍. വളരെയധികം ഉയരമുള്ള കെട്ടിടങ്ങളില്‍ നിന്നും തവണ താഴേക്ക് വീണിട്ടു പോലും ഒരു പോറലു പോലും ഏല്‍ക്കാതെ ബോണ്ട് രക്ഷപ്പെടുന്നു. അവസാന രംഗത്തിലെ ബോംബ് സ്ഫോടനത്തെ തുടര്‍ന്നുള്ള തീപിടിത്തവും അതില്‍ നിന്നും ബോണ്ട് രക്ഷപെടുന്ന രംഗങ്ങളുമൊക്കെ കണ്ടപ്പോള്‍ കരച്ചിലാണ് വന്നതു. ആ കെട്ടിടം ബോംബ് പൊട്ടാന്‍ കാത്തിരുന്ന പോലെ തോന്നി. തമിഴ് സിനിമകളില്‍ കാണുന്ന മാതിരി കാ‍ര്‍ഡ് ബോഡ് കൊണ്ടാണൊ കെട്ടിടം നിര്‍മ്മിച്ചിരിക്കുന്നതു എന്നൊരു സംശയം സിനിമ കാണുന്നവര്‍ക്കു തോന്നിയാല്‍ അതിശയമില്ല. ഇത്തരത്തിലുള്ള ഒന്ന് ഒരു ബോണ്ട് സിനിമയില്‍ നിന്നും പ്രതീക്ഷിക്കുക വയ്യ. ആക്ഷന്‍ രംഗങ്ങളില്‍ ആകെ മികച്ചതയി തോന്നിയതു ഫ്ലൈറ്റില്‍ നിന്നുമുള്ള ചാട്ടമാണ്. പക്ഷെ വളരെ ചുരുങ്ങിയ ദൈര്‍ഘ്യമെയുള്ളു ആ ഒരു രംഗത്തിനു.

ആദ്യത്തെ ഒന്നോ രണ്ടൊ സീന്‍ ഒഴിച്ചു കഴിഞ്ഞാല്‍ ആകെക്കൂടി വലിഞ്ഞു നീണ്ടു എങ്ങനെയൊക്കെയൊ മുന്നോട്ട് പോകുന്ന കഥ. സംഭാഷണങ്ങള്‍ കുറവ്. മറ്റു ബോണ്ട് ചിത്രങ്ങളെ അപേക്ഷിച്ചു നിശബ്ദത കൂടുതലുള്ള ചിത്രം. അതൊരു കണക്കില്‍ നന്നായി. സന്ദര്‍ഭത്തിനൊക്കാത്ത പശ്ചാത്തല സംഗീതവുമില്ല. ബോണ്ട് ചിത്രങ്ങളിലുള്ള വെടിയൊച്ചകളൊ, ബോംബ് സ്ഫോടങ്ങളൊ കുറവ്. ബോണ്ട് സ്പെഷ്യല്‍ ആയുധങ്ങളൊ കാറൊ എന്തിനു ഇതൊരു ബോണ്ട് സിനിമയാണെന്നു തോന്നിപ്പിക്കുന്ന യാതൊന്നുമില്ലാത്ത ചിത്രം. സാധാരണ ബോണ്ട് സിനിമകളീല്‍ ദൌത്യത്തിനാണ് പ്രാധാന്യം. എന്നാല്‍ ഇത്തവണ അതു താന്‍ സ്നേഹിച്ചിരുന്ന സ്ത്രിയുടെ കൊലപാതകത്തോടുള്ള ബോണ്ടിന്റെ പ്രതികാരമായിട്ടെ കാണാന്‍ സാധിക്കു.

ആകെ നിരാശപ്പെടുത്തിയതു ബോണ്ടിന്റെ "Im Bond, James Bond" എന്ന അതിപ്രശസ്തമായ ഡയലോഗ് പോലും ഈ സിനിമയിലില്ലായെന്നുള്ളതാണ്. അഥവാ ഇനി ഞാനതു കേട്ടിട്ടു എനിക്കു മനസ്സിലാകാത്തതാണൊ എന്നറിയില്ല. ചിത്രത്തിലെ ഒരു രംഗത്തില്‍ പോലും നമ്മുടെ സങ്കലപ്പത്തിലെ ബോണ്ടിന്റെ നിഴലാകാന്‍ ഡാനിയല്‍ ക്രേയ്ഗിനു കഴിഞ്ഞിട്ടില്ല. അല്ലെങ്കില്‍ തന്നെ യാതൊരു തരത്തിലുമുള്ള വികാരവിചാരങ്ങളും മുഖത്തു പ്രതിഫലിപ്പിക്കാന്‍ കഴിവില്ലാത്ത ഒരു നടനാണ് ഡാനിയല്‍ ക്രേഗ്. ഇദ്ദേഹത്തിന്റെ ആദ്യ ബോണ്ട് ചിത്രമായ കാസിനോ റോയലും, മറ്റൊരു ചിത്രമായ ഡൂംസ് ഡേയും തന്നെ ഉദാഹരണം. (ഡാനിയല്‍ ക്രേഗിനെ നവരസങ്ങള്‍ പഠിപ്പിക്കാന്‍ ഉദയനാണ് താരത്തിലെ പച്ചാളത്തിനെ( ഫോട്ടോഗ്രാഫര്‍ പച്ചാളമല്ല) നിയോഗിക്കേണ്ടി വരും..!)

നിരാശപ്പെടുത്തുന്ന തിരക്കഥയും, ചിത്രീകരണരീതിയും കൊണ്ട് ജെയിംസ് ബോണ്ട് ആരാധകരെ ഒന്നടങ്കം നിരാശയിലാഴ്ത്തുന്നതായിപോയി ക്വാണ്ടം ഓഫ് സോലസ്. ചിത്രം എങ്ങനെയൊക്കെ തീര്‍ക്കാനായി സംവിധായകനായ മാര്‍ക്ക് ഫോസ്റ്റര്‍ ശ്രമിക്കുന്നതായി തോന്നി. കാസിനോ റോയലിന്റെ ഏഴയല്പക്കത്തെത്താന്‍ ഈ ജെയിംസ് ബോണ്ട് ചിത്രത്തിനായില്ല. ചുരുക്കി പറഞ്ഞാല്‍ ഇത്തവണ ബോണ്ട് വെച്ച വെടി ഉണ്ടയില്ലാത്ത വെടിയായിപോയി..!

സൈബർ‍‌‌ ലോകം!

ജാലകം അഗ്രിഗേറ്ററിലെ പുതിയ ഫീച്ചറുകൾ

ചുമ്മാ...

ജാലകം അഗ്രിഗേറ്റർ-കൂടുതൽ ഫീച്ചറുകളുമായി

2012

പഴശ്ശിരാജയും എം ടിയുടെ അവകാശവാദങ്ങളും

മലയാളം വെബ് ലോകത്തിലേക്കൊരു ജാലകം

ഡിൽഡൊ ആദ്യമായി വിപണിയിൽ

വാക്കുകള്‍കൊണ്ടൊരു പറക്കുംതളിക - സിമി

സൈബർ ജാലകം- മലയാളത്തിലെ ആദ്യത്തെ ടെക്നിക്കൽ ഡിസ്കഷൻ ഫോറം

മോറോ-മൈക്രോസോഫ്റ്റിന്റെ ആന്റിവൈറസ് പ്രോഗ്രാം

വിൻ‌ഡോസ് 7 - ഒരു പരീക്ഷണക്കുറിപ്പ്

ഗംബ്ലാർ- ഗൂഗിൾ ഉപയോക്താക്കൾ ജാഗ്രതൈ..!

ദി ഗ്രേറ്റ് ഹാക്കർ വാർ

ഗൂഗിളിന്റെ ദൈവികത

ഫാസിസത്തിനെതിരെ, സാമ്രാജ്യത്വത്തിനെതിരെ..

കോൺഫ്ലിക്കർ വൈറസും അതുയർത്തുന്ന സുരക്ഷാഭീഷണികളും.

സാഗർ ഏലിയാസ് ജാക്കി അഥവാ അമൽ നീരദിന്റെ വേണ്ടാതീനങ്ങൾ.

മനോരോഗികളായ ഹാക്കർമാർ-2-ബിമിനിത്തിനുള്ള മറുപടി.

മാനസിക രോഗികളായ ഹാക്കർമാർ?

റിപ്പബ്ലിക്കുകളുടെ കാലം

.....

ഇന്റർനെറ്റിലെ കോവർ കഴുതകൾ

ട്രാന്‍സ്പോര്‍ട്ടര്‍-3

സ്പൈ വെയറുകളും അഗ്രജന്റെ സ്പൈ വെയര്‍ ഷോപ്പും.

ഇന്റര്‍നെറ്റിലെ ക്രിമിനല്‍ സംഘങ്ങള്‍- RBN

ഉണ്ടൈ ഉണ്ടൈ സെവന്‍ അഥവാ ക്വാണ്ടം ഓഫ് സോലസ് (007)