Auto Top

DFSK - 580 SUV

wirokestation@gmail.com (nuwan blog) — Wed, 19 Aug 2020 11:22:00 +0000

ශ්‍රී ලංකාවේ Assemble කරනු ලබන වාහන අතරෙන් ඉතාමත් ඉහළ තාක්ෂණයකින් නවීන පෙනුමකින් සමන්විත රථයක් ලෙස DFSK 580 රථය අභිමානයෙන් දැක්විය හැක. SUV රථයක් ලෙස නිර්මාණයකර ඇති මෙම රථයෙහි මෝටර් රථ සඳහා භාවිතා කරනු ලබන නවීන තාක්ෂණයන් බොහොමයක් භාවිතා කර ඇත. විශේෂයෙන්ම මෙහි ඇති උපාංග හා ආරක්ෂාව සැලකීමේදී මෙම රථය යුරෝපීය වෙළෙඳපොළ ඉලක්ක කොට නිර්මාණය වන්නක් ලෙස අපට හඳුනාගත හැක. එබැවින් ඉහළ තාක්ෂණයකින් හා වඩා වැඩි ආරක්ෂාව කින් යුතු යුතුව ශ්‍රී ලංකාවේ එකලස් වන්නා වූ මෙම රථය ඉන්දුනීසියාවේ නිර්මාණය වන්නකි. DFSK 580 රථය ආසන 7 කින් යුක්ත රථයක් වන අතර ලංකාවේ සීයට 30ක අමතර කොටස් දායකත්වයකින් යුතුව ලංකාවේදී එකලස් වීම සිදුවේ. මෙතරම් ඉහළ තාක්ෂණයකින් යුක්ත රථයක් ශ්‍රී ලංකාවේ දී එකලස් වීමත් එහි අමතර කොටස් සඳහා සියයට 30ක දායකත්වයක් ලංකාවෙන් සිදුවීමක් තුළ අපට ද ශ්‍රී ලාංකිකයින් ලෙස ආඩම්බර විය හැකි අතර මෙමගින් ශ්‍රී ලංකාවේ මෝටර් රථ එකලස් කිරීමේ ක්ෂේත්‍රය ලබා ඇති දියුණුව ද මනාව පැහැදිලිවේ.

Engine

1.5L ධාරිතාවයකින් යුතු මෙම එන්ජිම DVVT (Dynamic variable valve timing) තාක්ෂණය සහිත එන්ජිමක් වේ. එමෙන්ම ටර්බෝ චාජරයකින් හා intercooler තාක්ෂණයෙන් මෙම රථයේ එන්ජිම බලගන්වා ඇත.

මෙම එන්ජිම 110kW ඉහළ බලයකින් යුක්ත වන අතර මෙහි ව්‍යවර්තය 230 Nm ක් වේ. මෙම එන්ජිමෙහි ව්‍යවර්තය සැලකීමේදී විශේෂ අවස්ථා තුනක් දැක් විය හැක.

ඉහල ව්‍යවර්තය අගයක් පැවතීම - 230 Nm ක් වැනි අගයක්

අඩු එන්ජින් වේගයකදී එම ඉහළ ව්‍යවර්තය අගයට ළඟා වීම - එන්ජිමෙහි වේගය 1800 rpm වැනි අගයකදී

ළඟාවූ ඉහළ ව්‍යවර්තය අගය 4000 rpm දක්වා ස්ථිරව පවත්වා ගැනීම - Flat torque curve

මෙලෙස ඉහළ තාක්ෂණයෙන් අනූනව නිර්මාණය වී ඇති මෙම GLORY 580 රථය තුළින් හොඳ බලයක් මෙන්ම ව්‍යවර්තයක් ලබාගත ගත හැක.

CVT transmission

ස්වයංක්‍රිය ගියර පද්ධතියක් සහිත මෙම රථයට CVT ආකාරයේ Transmission පද්ධතියක් එක්කර ඇත. ඉහල ඉන්ධන කාර්යක්ෂම තාවයකින් හා ක්‍රමිකව බලය වෙනස් කලහැකි CVT – Continuously Variable Transmission ගියර පද්ධතිය රථයේ සුව පහසුව වැඩි කිරීමටද දායක වී ඇත (Shift shock නොමැතිවීම හේතුවෙන්). එමෙන්ම මෙම ගියර පෙට්ටිය manually ගියර මාරුකලහැකි Triptronic තාක්ෂණයෙන් යුතුව නිර්මාණය කොට ඇත. CVT තාක්ෂනය පිලිබඳ සවිස්තරාත්මක ලිපියක් මින් පෙර මෙහි පළකර ඇත. මෙම රථයෙහි ස්වයංක්‍රිය ගියර පද්ධතිය supply කරනු ලබන්නේ ලොව ප්‍රසිද්ධ Punch Powertrain ආයතනයෙනි. එමෙන්ම මෙම රථයෙහි ගියර පද්ධතිය සඳහා Snow mood ස්විචයක් ඇති අතර හිම සහිත රටවල දී හිම මත ලිස්සා නොයමින් ධාවනය කිරීම සඳහා මෙය වැදගත් වේ. නමුත් ශ්‍රී ලංකාවේදී මෙය එතරම් වැදගත් නොවුවත් ලිස්සන මතුපිටක රථය ධාවනය කිරීමේදී මෙම Option එක ඔබට භාවිතයට ගත හැක. මෙවන් වූ option මගින් ද පැහැදිලි වන්නේ මෙම රථය විශේෂයෙන් ම යුරෝපීය වෙළෙඳපොළ ඉලක්ක කොට නිර්මාණය වන රථයක් බවයි.

SRS Airbags

අනතුරකදී රියදුරුගේ හා අනෙක් මගීන්ගේ ආරක්ෂාව සඳහා මෙම රථයේ Airbag පද්ධතියක් ඇතුළත්කොට ඇත. එමෙන්ම මෙහි ඇති විශේෂත්වය වන්නේ අනතුරකදී මගීන්ගේ ආරක්ෂාව සඳහා side air air bag පද්ධතියක්ද මෙම රථයට ඇතුළත් කොට තිබීමයි. එහිදී ඉදිරිපස ගමන් ගන්නා මගීන්ගේ ආසන තුළ රඳවා ඇති විශේෂ airbag පද්ධතියක් මගින් ඔවුන්ව පැත්තෙන් සිදුවන කම්පනයන් ගෙන් ආරක්ෂාව සලසනු ලබයි

Tire Pressure Monitoring System (TPMS)

මෙම රථයට Tire Pressure Monitoring System එකක් ඇතුලත් කොට ඇති අතර එමගින් නිරන්තරයෙන්ම රථයෙහි රෝද 4 හි පවත්නා වායු පීඩනය රියදුරාට දක්වනු ලබයි. එම පහසුකම නිසා ඔහුට විටින් විට ටයරයන් හී පීඩනය මැන බැලීම අවශ්‍ය නොවන අතර යම් ටයර් එක පීඩනයෙහි අඩුවක් පවතින්නේ නම්වහාම ඒ බව රියදුරාට මෙම පද්ධතිය මගින් දැනුම් දෙනු ලබයි. මෙම පද්ධතිය හේතුවෙන් ටයරයෙහි පැවතිය යුතු නිවැරදි පීඩනය අඛණ්ඩව පවත්වා ගත හැකි බැවින් එය ටයරයෙහි කල් පැවැත්මට මෙන්ම රථයේ හා මගීන්ගේ ආරක්ෂාවටද ඉතා වැදගත් වේ.

Cruise Control system

Cruise control පද්ධතියක් මෙම රථයට ඇතුළත් කර ඇති අතර අධිවේගී මාර්ගයක වැනි ස්ථානයක එක දිගට රථය දීර්ඝ වේලාවක් ධාවනය කිරීමේදී රියැදුරුට ඇති වන විඩාව මග හැරීම සඳහා මෙය වැදගත් වේ . එහිදී ඔහුට අවශ්‍ය ස්ථිර වේගයක රථය ගමන් කිරීමට සලස්වා ත්වර පාදිකයෙන් (accelerator) කකුල ඉවතට ගත හැක. එමෙන්ම රියදුරට ඕනෑම මොහොතක මෙම පද්ධතිය අක්‍රිය කළ හැකි අතර තිරිංග යෙදීමක දී මෙම පද්ධතිය ස්වයංක්‍රියවම අක්‍රිය විම සිදුවේ.

Electric Parking Brake

මෙම රථයෙහි Parking break සඳහා විශාල ප්‍රමාණයේ ලීවරයක් නොමැති අතර එය ඉලෙක්ට්‍රොනික ස්විච්යක් ආධාරයෙන් ඉතා පහසුවෙන් ක්‍රියාත්මක කල හැකි ආකාරයට නිර්මාණය කර ඇත. එමෙන්ම Seat belt පැළඳ ගියරය D අවස්ථාවට යේදීමෙන් පසු, Acceleratorය ක්‍රියාත්මක කිරීමත් සමගම ස්වයංක්‍රියව Parking brake ක්‍රියාවිරහිතවීම ද ධාවනය වඩා පහසු කරන්නකි.

Sunroof

ස්වභාවික පරිසරයේ අසිරිය වඩා වැඩියෙන් අත්විඳීම සඳහා මෙම රථයට sunroof පහසුකම් ද ලබා දී ඇත. තවද එය රථයෙහි ආකර්ෂණීය පෙනුම වැඩි කිරීමටද දායක වී ඇත.

Power Shutter Operation by remote key

මෙම රථයෙහි ඇති තවත් සුවිශේෂී අංගයක් නම් රථයෙහි සියලුම shutters remote key එක ආධාරයෙන් ඉහළ පහල කිරීමේ හැකියාවයි.එම පහසුකම ප්‍රයෝගිකව රථය භාවිතයේ දී ඉතාමත් පහසුවක් ඔබට ගෙන දෙනු ඇත. මන්දයත් ඔබ ඉතාමත් දැඩි අව් රශ්මියක් යටතේ රථය නවත්වා ඇති අවස්ථාවකදී එහි පවතින අධික තාපය ඉවත් කිරීම සඳහා ඔබ රථය වෙත පැමිණීමට ප්‍රථමයෙන්ම යම් දුරක දී remote key එක ආධාරයෙන් රථයෙහි සියලුම shutters පහළට ගැනීම සිදුකල හැක. ඒ තුලින් හොඳ වාතාශ්‍රයක් රථය තුලය ගමන් කිරීමට සලස්වා රථය තුළ පවතින අධික තාපය ඉන් ඉවත් කිරීමේ හැකියාවහැකියාව ද මින් ඔබට සැලසේ. එමෙන්ම ඔබ රථයෙන් බැස රථය ලොක් කර ඉවතට යන අවස්ථාවකදී වුවද, යම් හෙයකින් ඔබගේ රථයේ වීදුරුවක් විවෘත විවෘතව පවතින්නේ නම් ඔබට නැවත රථය වෙත නොපැමිණ ම remote key එක ආධාරයෙන් වීදුරුව ඉහලට එසවීමේ හැකියාව ද මින් සලසා ඇත.

Fresh Air Mode Selector (Automatic)

සාමාන්‍යයෙන් රථයක වායු සමීකරණ පද්ධතිය සැලකීමේදී බොහෝවිට අප විසින් එහි වාතය සංසරණය වන්නාවූ ආකාරය, ඇතුළත වායුව නැවත නැවතත් සංසරණය වන්නාවූ ආකාරයට එනම් recirculation mode ආකාරයට පවත්වා ගැනීම සිදු කරයි. මෙහිදී අප බලාපොරොත්තු වනුයේ වැඩි සිසිලසක් ඇතුළත පවත්වා ගැනීමත් ඒ තුළින් ඉන්ධන පරිභෝජනය අඩු කිරීමත්ය. නමුත් මෙහි ඇති ගැටළුව නම් වැඩි පිරිසක් සමග රථය ධාවනයේ දී රථයෙහි වීදුරු දිගින් දිගටම වසා ඇති බැවින් රථය තුළ තුල ඔක්සිජන් අනුපාතය ක්‍රමක් ක්‍රමයෙන් අඩුවීමයි. එය එතරම් හිතකර තත්වයක් නොවේ. එබැවින් මෙම රථයේ හි ඇති විශේෂත්වය වනුයේ ඔබ විසින් ඇතුළත වාතය සංසරණය වන්නාවූ ආකාරයට (recirculation mode) අවස්ථාවට පත් කර තිබුණ ද සෑම මිනිත්තු පහළොවකට පමණ වරක් ස්වයංක්‍රියවම fresh air mode අවස්ථාව ක්‍රියාත්මක වී පිටතින් පිරිසුදු වාතය තුළට ලබා ගැනීමයි. ඒ හරහා රථය තුළ ඔක්සිජන් ප්‍රතිශතය පහළ මට්ටමකට ගෙන ඒවා ස්වයංක්‍රියවම වලක්වාලනු ලබයි.

Side Mirror Heaters

මෙම රථයෙහි ඇති තවත් පහසුකමක් නම් side mirrors heat කිරීමේ හැකියාවයි. අධික වැසි සහිත තත්ත්වයන්ගේ සහ සීතල අවස්ථාවන්හිදී දෙපස කණ්නාඩි මත බැඳෙන පිනි බිඳිති හා ජල බිඳිති ඉක්මනින් ඉවත් වීම හේතුවෙන් දෙපස කණ්නාඩි මත දෘෂ්‍යයභාවය හොඳින් පවත්වා ගැනීමට මෙම රථයට හැකියාව ලැබී ඇත. එය ඔබගේ ආරක්ෂාවට ද වැදගත් සාධකයක් වනු ඇත.

Dual Wiping Function

මෙම පහසුකම හේතුවෙන් රථයේ Windshield washer ක්‍රියාත්මක වීමේදී ඊට සමගාමීව vipers ක්‍රියාත්මකවීම සාමාන්‍ය පරිදි සිදු වුවත් අනතුරුව ස්වල්ප වේලාවකට පසු ස්වයංක්‍රියවම නැවතත් එක්වරක් vipers ක්‍රියාත්මකවීම මෙමගින් සිදුවේ. බැවින් windscreen එක මත පාරදෘෂ්‍යයභාවය ඉහළ නැංවීම සිදුවේ. එය රථයේ ආරක්ෂාවටද වැදගත් වේ.

Headlamp with Lens and Daytime Running Lamp

ප්‍රධාන විදුලි පහන් ආලෝකය නිවැරදිව ඉදිරියට නාභිගත කිරීම සඳහා කාචයක් භාවිතා කොට ඇති අතර දිවා කාලයේ ධාවනයේදී අනිකුත් රියැදුරන්ගේ අවධානය මෙම රථය වෙත ලබා ගැනීම තුළින් වඩා වැඩි ආරක්ෂාවක් ලබා ගැනීම සඳහා D R L හෙවත් Daytime Running Lamp පද්ධතියක් මෙම රථයට එක්කොට ඇත. තවද එය රථයේ ආකර්ෂණීය පෙනුම වැඩිදියුණු කිරීමට ද දායක වී ඇත.

Head light level adjusting system

රථය පිටුපස කොටසට බැර පැටවීමත් සමග රථයෙහි ප්‍රධාන පහන් ආලෝකය නිවැරදිව ඉදිරියට නාභිගත වීමක් සිදු නොවුවහොත් එය නිවැරදිව නාභිගත කර ගැනීම සඳහා ඉදිරිපස ප්‍රධාන විදුලි පහන් වල පිහිටීම වෙනස් කිරීමේ හැකියාව මෙම රථයට ලබා දී ඇත.

Power Door Mirrors with Auto Folding system

මෙම රථයට power mirrors ලබාදී ඇති අතර රථය lock කිරීමත් සමඟ ස්වයංක්‍රියවම mirrors folding වීම සිදුවේ.

Auto door relock system

රථය lock කිරීමෙන් පසු නැවතත් un lock කිරීමක් සිදුකරන අවස්ථාවක තප්පර 30ක් ඇතුලත දොර වීවෘත නොකලේනම් ස්වයංක්‍රියාවම රථය නැවතත් lock වීම සිදුවේ. මෙමගින් රථයට වැඩි ආරක්ෂාවක් ලබාදී ඇත

Coming Home Light system

යම් හෙයකින් ඔබ රාත්‍රියෙහි නිවසට පැමිණෙන අවස්ථාවක ගෙදර විදුලි පහන් කිසිවක් දල්වා නොතිබේ නම් ඔබ රථය නවත්වා ඉන් පිටතට පැමිණි අවස්ථාවේ සිට නිවසට ඇතුළු වී පහන් දල්වන තෙක් ඔබට කටයුතු කිරීමට සිදු වනුයේ ආලෝකය නොමැති අඳුරු වටපිටාවකය ඒ ඔබේ ආරක්ෂාවට ද තර්ජනයක් විය හැක. නමුත් මෙම රථයේහි ඇති coming home light system එක හේතුවෙන් ඔබට රථයෙන් බැස රථය lock කර නිවසට ගොස් නිවසෙහි ආලෝක පහන් දල්වනතෙක් තප්පර 30ක කාලයක් මෙම රථයෙහි ප්‍රධාන විදුලි පහන් දැල්වී තිබීම සිදුවේ. තප්පර 30ක කාලයෙන් පසු ප්‍රධාන විදුලි පහන් ස්වයංක්‍රියාවම නිවීයයි.

Disc brake – Front and Rear

Seven seater රථයක් ලෙස මෙම රථයෙහි ඇති තවත් වැදගත්ම කාරණයක් නම් ඉදිරිපස සහ පසුපස රෝද සියල්ලන් සඳහා ම disc brake පද්ධතියක් ඇතුළත් කොට තිබීමයි. එමගින් වඩා වැඩි ආරක්ෂාවක් රථයට ලබාදී ඇත.

Vehicle Running Recorder

මෙම රථයේ ඉදිරිපස inbuilt running recorder unit එකක් නිෂ්පාදකයා විසින් ලබා දී ඇත. එමගින් ඉතාමත් පැහැදිලියි රූප රාමු සහිත වීඩියෝ පටයක් ඔබගේ ගමන පුරාවටම ස්වයංක්‍රියාවම පටිගත වීම සිදුවේ. එබැවින් ඔබට අමතර camcorder යක් සවිකිරීමේ අවශ්‍යතාවය මඟහැරීයනු ඇත.

ABS – Anti lock Brake System

රථයේත් මගීන්ගේත් ආරක්ෂාව තහවුරු කිරීමේ අරමුණින් ලිස්සන මතුපිටක් සහිත අවස්ථාවක ආරක්ෂාකාරී තිරිංග යෙදීමක් සඳහා අත්‍යවශය ABS පද්දතියක් මෙම රථයේ ස්ථාපිතකොට ඇත. (ABS – Anti lock Brake System තාක්ෂනය පිලිබඳ සවිස්තරාත්මක ලිපියක් මින් පෙර මෙහි පළකර ඇත)

EBD – Electronic Brake force distribution

රථයක තිරිංග යෙදීමේදී රෝද මත ගොඩනැගෙන බලයන් සමාන නොවේ. වේගයෙන් පැමිණෙන රථයක් තිරිංග යෙදීමේදී ඉදිරි පස රෝද දෙක සඳහා වැඩි බලයක් හා පසුපස රෝද සඳහා අඩු බලයක් ක්‍රියාත්මකවීම වීම සිදුවේ. එබැවින් මෙලෙස එක් එක් රෝද සඳහා වෙන වෙනමම තිරිංග බලයන් පරිගණකයක් ආධාරයෙන් ලබාදීම මෙම පද්ධතිය මගින් සිදුකරයි. (EBD – Electronic Brake force distribution පද්ධතිය පිලිබඳ සවිස්තරාත්මක ලිපියක් ඉදිරියේදී එක් කිරීමට බලාපොරොත්තුවේ)

Electronic Stability program (ESP)

රථය වේගයෙන් වංගුවක ධාවනය කිරීමේදී ලිස්සා යාමකට ලක් වන්නේ නම්, එනම් රථය Over drive හෝ Under drive වන්නේ නම් රියදුරු විසින් රථය හරවා ඇති කෝණය (Steering angle) හා මේ වනවිට රථය හැර වී ඇති කෝණයක් අතර වෙනස සලකා බැලීමෙන් අනතුරුව රථයේ තිරිංග පද්ධතිය ආධාරයෙන් එක් එක් රෝදය තනි තනිවම හෝ අවශ්‍ය පරිදි අවශ්‍ය අනුපාතයන්ට තිරිංග ක්‍රියාත්මක කිරීම මගින් රථය විසින්ම ස්වයංක්‍රියවම රියදුරුට අවශ්‍ය දිශාවට රථය හරවා දී ධාවනය ආරක්ෂාකාරී හා පහසු කිරීම මෙම පද්ධතිය මගින් සිදු කර දෙනු ලබයි.

HBA - Hydraulic Brake Assist

මෙම පහසුකම මගින් සිදුවනුයේ ඔබ විසින් රථය ක්ෂණික තිරිංග යෙදීමට ලක්කළේ නම් ඔබගේ තිරිංග යෙදීම ක්ෂණික තිරිංග දීමක් ලෙස brake පද්ධතිය මගින් අවබෝධ කර ඒම අවස්ථාව සඳහා උපරිම තිරිංග බලයක් තිරිංග පද්ධතිය වෙත ලබා දීමයි. හදිසි තිරිංග යෙදීමකදී වැඩි බලයක් මේ මගින් ලබාගත හැකි අතර විශේෂයෙන්ම කාන්තාවන් ධාවනය කරන අවස්ථාවකදී හදිසි තිරිංග යෙදීම සඳහා වැඩි බලයක් ලබා ගැනීමට මෙම පහසුකම වඩා උපකාරී වේ.

Hill Start Assist (HSA)

විශාල කන්දක රථය නවතා නැවත ධාවනයට යොමු වීමේදී ගියරයට D අවස්ථාවට යොමු කොට තිරිංග නිදහස්කොට Acceleratorය ක්‍රියාත්මක කිරීමට යනවාත් සමගම රථය ක්ෂණිකව පසුපසට ගමන් කිරීම (විශාල කන්දක රථය පැවතීම හේතුවෙන්) සිදුවේ. මෙහි දී ද අනතුර සිදුවීමට වස්ථාවක් ඇත. මෙම පද්ධතිය මගින් සිදුකරනුයේ ගියරය D අවස්ථාවට යොමු කිරීමෙන් අනතුරුව අප විසින් Brake පැඩලයෙන් කකුල ගැනීමෙන් පසු තප්පර දෙකක පමණ කාලයක් Brake පද්ධතිය ආධාරයෙන් රථය පසුපසට නොයන ආකාරයට Brake කොට තබා ගැනීමයි. එහිදි රියදුරුට Acceleratorය ක්‍රියාත්මක කිරීම සඳහා අවශ්‍ය කාලය ප්‍රමාණවත් පරිදි ලැබේ.

EPS – Electric Power Steering

මෙම රථය සඳහා Electronic Power Steering පද්ධතියක් ඇතුළත්කොට ඇත. Electronic Power Steering පද්ධතියක ප්‍රධාන වාසී හතරක් ඇත.

· ක්‍රියාත්මක කිරීමේදී අතට වඩා වැඩි පහසුවක් ලබා දීම

· වැඩි ආරක්ෂාකාරී බවක් ලැබීම - එයට හේතුව නම් power steering system එකෙහි power assist ක්‍රියාවලිය රථයේ වේගය වැඩිවත්ම ක්‍රමානුකුලව අඩුවියයුතු බව අපි දන්නෙමු. නැවතත් රථයෙහි වේගය වැඩිවත්ම power assist ක්‍රියාවලිය ක්‍රමානුකුලව වැඩි විය යුතුය. නමුත් Hydraulic power steering system එකක මෙය නිවැරදිව සිදු නොවේ. (යම්තාක් මට්ටමකට සිදුවේ. නමුත් නිවැරදිතාවයෙහි යම් යම් ගැටළු පවතී) නමුත් Electronic Power Steering system එකක මේය ඉතාමත් නිවැරැදිව සිදුවේ.

· අමතර ශක්ති හානිය අඩු වීම - Hydraulic power steering පද්ධතියක් සහිත රථයක රියදුරා විසින් සුක්කානම ක්‍රියාත්මක කරන අවස්ථාවන්හි දී මෙන්ම සුක්කානම ක්‍රියාත්මක නොකරන අවස්ථාවලදී ද Oil පොම්පය ක්‍රියාත්මකවීම, power steering oil යම්පීඩනයකට ලක්වීම, oil circulate වීම ආදී ක්‍රියාවලියන් සිදුවේ. මේ සඳහා එන්ජිමෙහි නිපදවෙන ශක්තියෙන් කොටසක් අඛණ්ඩව භාවිතා වීම සිදුවේ. නමුත් EPS පද්ධතියක් සහිත රථයක EPS මෝටරය මගින් ශක්තිය ලබා ගැනීම සිදු කරනුයේ රියදුරා විසින් සුක්කානම ක්‍රියාත්මක කරන අවස්ථාවක දී පමණි. එබැවින් මෙම ක්‍රමවේදය යටතේ අමතර ශක්ති හානිය ඉතා අවම වේ.

· නඩත්තුව අවම වීම - එනම් EPS system එකක් සහිත රථයක EPS පද්ධතියේ නඩත්තු ඉතා අවම අගයක් ගනී.

Keyless Entry and Push-start System

රථයට ඇතුළුවීමට, Dickey door open කිරීමට, රථය පණගැන්වීමට හා සම්පුර්ණයෙන්ම ක්‍රියාත්මක කිරීම වැනි සියලු කාර්යයන් සඳහා යතුර අතට ගැනීමක් අවශ්‍ය නොවන ආකාරයේ Smart key system හෙවත් Keyless Operation System (KOS) පද්දතියක් මෙම රථයට එක්කොට ඇත. එබැවින් එදිනෙදා රථය භාවිතයේදී වඩා පහසුවක් දැනේ.

රථය සොරගැනීම් වැනි අවස්ථා අවම කිරීම සඳහා මෙම රථයට දියුණු Immobilizer පද්ධතියක් සහිත Intelligent key එකක් භාවිතාකොට ඇත.

Wheel and tires

අඟල් 17 Alloy wheel rims මෙම රථයට එක් කොට ඇත. එය රථයේ දැකුම්කළු බව මනාව ඉස්මතු කිරීමට දායක වී ඇත.

10-inches Touch screen audio system

මෙම රථය සඳහා අඟල් දහයක පළලකින් යුත් අති නවීන audio සිස්ටම් එකක් ලබා දී ඇත. එමෙන්ම අපගේ android හෝ apple දුරකථනය සම්පූර්ණයෙන්ම mirror කිරීමේ හැකියාව ද මෙම audio පද්ධතිය සතුව ඇත. එමගින් ඔබගේ දුරකථනය මෙම audio පද්ධතිය හරහා පාලනය කිරීමේ හැකියාව ද, මෙම පද්ධතියට දුරකථනය සම්බන්ධ කිරීම තුළින් අන්තර්ජාල භාවිතය ද, youtube වැනි videos මෙම පද්ධතිය තුළින් play කිරීමේ හැකියාව ද පවතී. එමෙන්ම multifunction steering පහසුකම ද මෙම රථයට ලබාදී ඇති බැවින් රථය ධාවනයේදී රියදුරාට අත සුක්කානමෙන් ඉවතට නොගෙන මෙම audio system එක පාලනය කිරිමේ හැකියාවද පවතී.

Luggage Space

මෙම රථයේ පිටුපස ඇති seat පේලි දෙකම හකුලා තැබීමේ හැකියාව ඇති නිසා අවශ්‍යය අවස්ථාවකදී බඩු භාහිරාදිය ගෙන යාම සඳහා රථය තුළ විශාල ඉඩ ප්‍රමාණයක් නිර්මාණය කිරීමේ හැකියාව ඇත. රථයේ අවසන් seat පේළිය හැකිලීමෙන් 1061 mm පළලක් සහිත ඉඩක් නිර්මාණය කරගත හැකි අතර අවසන් seat පේලි දෙකම හකුලා තැබීමෙන් 2040 mm පළලක් සහිත විශාල ඉඩක් නිර්මාණය කරගත හැක.

MITSUBISHI ECLIPSE CROSS

wirokestation@gmail.com (nuwan blog) — Tue, 04 Aug 2020 17:52:00 +0000

MITSUBISHI සමගම මගින් නිර්මිත Eclipse cross රථය crossover කාණ්ඩයට අයත් විශිෂ්ට නිර්මාණයක් ලෙස දැක්විය හැක. නවීන තාක්ෂණයෙන් අනුන එහි ඉන්ධන කාර්යක්ෂමතාවය, ආරක්ෂාව හා සුවපහසුව ඉතා ඉහල අගයක පවතී. ඉතා දැකුම්කළු නවීන පෙනුමකින් සමන්විත මෙම රථය ඉහල ව්‍යවර්තයක් (Torque) හා බලයක් (Power) සහිත එන්ජිමකින් බලගන්වා ඇත.

Engine

1.5L ධාරිතාවයකින් යුත් එන්ජිමක් මෙම රථයෙහි අන්තර්ගතකොට ඇති අතර එන්ජිමෙහි MPI සහ Direct injection ආකාරයෙන් ඉන්දන විදුම් පද්ධතීන් දෙකක් සමාන්තර ව ක්‍රියාත්මක විය හැකි ආකාරයට නිර්මාණය කර ඇත. මෙලෙස ඉන්ධන විදුම් පද්ධතීන් දෙකක් එක විට ක්‍රියාත්මක වන බැවින් මෙම එන්ජිමේ හි ඉන්ධන විදුම් කරනය සඳහා MPI පද්ධතියට අදාළව injectors හතරක්ද Direct injection පද්ධතියට අදාලව injectors හතරක් ද ආදී වශයෙන් ඉන්ජෙක්ටර් අටක් දකින්නට ලැබේ. මෙම එන්ජිමෙහි උපරිම බලය (Max. output) - 110kW වේ. උපරිම ව්‍යවර්තය (Max. torque) - 250 / 2000 – 3500 Nm.

ඉන්ධන විදුම් පද්ධතීන්ගේ ක්‍රියාකාරිත්වය Fuel injection system

මෙහිදී එන්ජිම තුළ ක්‍රියාත්මක වන්නේ MPI ක්‍රමවේදය ද නැතිනම් Direct injection ක්‍රමවේදය ද යන්න තීරණය කරනු ලබන්නේ එන්ජිමෙහි භාරය සහ වේගය අතර අනුපාතය විශ්ලේෂණය කිරීමෙනි. එන්ජිම අඩු වේග තත්වයක (RPM) හා අඩු භාරයක (Load) ක්‍රියාත්මක වන්නේ නම් MPI පද්ධතිය පමණක් ක්‍රියාත්මක වන අතර ඒ සඳහා අදාල injectors හතර පමණක් භාවිතයට ගනු ලබයි. නමුත් එන්ජිම ක්‍රියාත්මක වන්නේ වැඩි වේග තත්ත්වයක (RPM) හෝ වැඩි භාර (Load) තත්ත්වයක හෝ මේ දෙකම යන අවස්ථාවක නම් එන්ජිමෙහි MPI පද්ධතියට සමගාමීව Direct injection පද්ධතිය ද ක්‍රියාත්මක වේ. එවිට සමාන්තරගතව එන්ජිම තුළ injectors අටක් ක්‍රියාත්මක වීම සිදු වේ.

එමෙන්ම මෙම එන්ජිමේ හි පිටාර වෑල්වය සඳහා Sodium filled exhaust valve තාක්ෂණය යොදා ඇත. එමගින් ඉහළ උෂ්ණත්ව තත්වයක් යටතේ සාර්ථකව ක්‍රියාත්මක විය හැක. ඉහළ උෂ්ණත්ව තත්වයක් යටතේ මෙම වෑල්ව යන්හි ඇති sodium දියර බවට පත් වීම සිදුවේ.

තවද මෙම එන්ජිමෙහි cam shaft දෙකක් යොදා ඇති අතර Intake cam සඳහා Mitsubishi Innovative Valve timing Electronic Control system හෙවත් MIVEC තාක්ෂණය යොදා ඇත.

මෙම එන්ජිම 110kW ඉහළ බලයකින් යුක්ත වන අතර මෙහි ව්‍යවර්තය 250 Nm ක් වේ. මෙම එන්ජිමෙහි ව්‍යවර්තය සැලකීමේදී විශේෂ අවස්ථා තුනක් දැක් විය හැක.

1. ඉහල ව්‍යවර්තය අගයක් පැවතීම - 250 Nm ක් වැනි අගයක්

2. අඩු එන්ජින් වේගයකදී එම ඉහළ ව්‍යවර්තය අගයට ළඟා වීම - එන්ජිමෙහි වේගය 2000 rpm වැනි අගයකදී

3. ළඟාවූ ඉහළ ව්‍යවර්තය අගය 3500 rpm දක්වා ස්ථිරව පවත්වා ගැනීම - Flat torque curve

මෙලෙස ඉහළ තාක්ෂණයෙන් අනූනව නිර්මාණය වී ඇති මෙම Eclipse cross රථය තුළින් හොඳ බලයක් ව්‍යවර්තයක් මෙන්ම ඉන්ධන කාර්යක්ෂමතාවයක් ද දැක ගත හැක.

INVECS – III CVT transmission

එමෙන් ම මෙම ගියර පද්ධතිය ගියර 8 කින් යුක්ත වන අතර Overdrive gear අවස්ථා හතරක් දැක ගත හැකිවීම විශේෂ ලක්ෂණයකි. මෙලෙස Overdrive gear හතරකින් යුක්ත වන බැවින් අධිවේගී මාර්ග වල ධාවනයේදී Eclipse cross රථය ඉතා ඉහල ඉන්ධන කාර්යක්ෂමතාවයක් පෙන්නුම් කරයි.

ANCAP Safety - 5 Star

Safety rating අගය 5 Star මට්ටම ලබා ගෙන ඇති මෙම Eclipse cross රථය ඉතා ඉහළ මගී ආරක්ෂාවකින් යුක්ත රථයක් ලෙස දැක්විය හැක.

Emission standard – Euro 4

Emission stands අගය Euro 4 මට්ටමෙහි පවතින බැවිනි මෙම රථයෙන් පිටවෙන පිටාර වායුව ඉතා අඩු විෂ තත්වයන්ගෙන් යුත් ඉතාමත් පරිසර හිතකාමී රථයක් ලෙස දැක්විය හැක.

FCM (Forward Collision Mitigation system)

ගමන් ගන්නා මගීන්ගේත් රථයේත් ආරක්ෂාවට ඉතාම වැදගත් වන්නා වූ සුවිශේෂී පද්ධතියක් ලෙස මෙම FCM පද්ධතිය දැක්විය හැක. මෙහිදී ඉදිරිපස ඇති කැමරාවකින් නිරන්තරයෙන් ම මාර්ගය නිරීක්ෂණය කරනු ලබන අතර ඉදිරියෙහි යම් බාධකයක් පවතින්නේ නම් රථය විසින් ස්වයංක්‍රියවම තිරිංග ක්‍රියාත්මක කිරීම තුළින් රථය නැවැත්වීම මෙම පද්ධතිය මගින් සිදු වේ. මෙහිදී බාධකයට කෙතරම් ළඟා වූ පසුව තිරිංග යෙදිය යුතුද යන්න අවස්ථා තුනක් යටතේ රියදුරුට කලින් සැකසිය හැක. මෙහිදී බාධකයක් ඉදිරියෙහි පවතින්නේ නම් රථය විසින් රියදුරට කලින් සංඥා කිරීම් සිදුකරනු ලබන අතර ඔහු එයට අවනත නොවන්නේ නම් රථය විසින් ස්වයංක්‍රියවම තිරිංග ක්‍රියාත්මක කිරීම සිදු කරනු ලබයි. මෙම පහසුකම රියදුරුට අවශ්‍ය නොවන්නේ නම් මෙම පද්ධතියේ ක්‍රියාවිරහිත කිරීම සඳහා සඳහා ද අවස්ථාවක් ලබා දී ඇත.

Cruise Control system

අධිවේගී මාර්ගයක වැනි ස්ථානයක එක දිගට රථය දීර්ඝ වේලාවක් ධාවනය කිරීමේදී රියැදුරුට ඇති වන විඩාව මග හැරීම සඳහා මෙම ක්‍රමය යොදා ඇත. එහිදී ඔහුට අවශ්‍ය ස්ථිර වේගයක රථය ගමන් කිරීමට සලස්වා ත්වර පාදිකයෙන් (accelerator) කකුල ඉවතට ගත හැක. එමෙන්ම රියදුරට ඕනෑම මොහොතක මෙම පද්ධතිය අක්‍රිය කළ හැකි අතර තිරිංග යෙදීමක දී මෙම පද්ධතිය ස්වයංක්‍රියවම අක්‍රිය විම සිදුවේ.

මෙම පද්ධතිය cruise control සහ Adaptive Cruise Control (ACC) යනුවෙන් ආකාර දෙකකට දැකිය හැක. මෙහිදී Adaptive cruise controls සහිත රථයක් නම් ඔබට ඉදිරියෙන් ඇති රථය හා පැවතිය යුතු පරතරය ද ස්ථිරව සැකසිය හැක. එම පරතරය අවස්ථා තුනක් යටතේ සැකසිය හැකි අතර රථයන් දෙක අතර පරතරය සකසන ලද අවස්ථාවට වඩා අඩු වන සෑම අවස්ථාවකම රථය ස්වයංක්‍රියවම තම වේගය අඩු කර ගැනීම සිදුකරන අතර නැවතත් පරතරය එම අවම අගයට වඩා වැඩි වන විට රථය කලින් සකසන ලද වේගයට ස්වයංක්‍රියවම පැමිණ එම වේගයෙහි අඛණ්ඩව ධාවනය වීම සිදුවේ.

ABS – Anti lock Brake System

EBD – Electronic Brake force distribution

Active Stability Control (ASC)

Active yaw control system (AYC)

වංගුවක රථය ධාවනය කිරීමේදී වංගුවේ ඇතුළු පස රෝදයත් පිටත රෝදයත් අතර වේග වෙනසක් පැවතිය යුතු බව අපි දනිමු. එම වේග වෙනස පවත්වා ගැනීමට Differential එකක් යොදා ඇති බව ද අපි දනිමු. එමෙන්ම රථය වේගයෙන් වංගුවක ධාවනය වීමේදී කේන්ද්‍ර අපසාරි බලය ද ක්‍රියාත්මක වන බව ද අපි දනිමු. එබැවින් රථයේ ඇතුළු පස රෝදයත් පිටත රෝදයත් මත ගොඩනැගෙන්නේ සමාන බලයන් (බර මගින් රෝද මත යෙදෙන බලය - m x g) නොවන බව ද අපි දනිමු. එමෙන්ම වංගුවේ පිටත රෝදයට වැඩි බලයක් යෙදෙන අතර ඇතුළු පස රෝදයට අඩු බලයක් සාපේක්ෂව යෙදෙන අවස්ථා පැවතිය හැක. එබැවින් ඇතුළු පස රෝදය මාර්ගය සමඟ පවතින සබඳතාවය අඩු වීමක් සිදු විය හැක. යම් හෙයකින් එම බලයෙහි අඩු වීම නිසා රෝදය මාර්ගය මතුපිට නිදහසේ කරකැවීමට ලක් වුවහොත්(Slip වුවහොත්) defamation ඇක්ෂන් එක හේතුවෙන් රෝදය වේගයෙන් නිදහසේ කරකැවීමට ලක්වේ. එම නිදහසේ කරකැවීම හේතුවෙන් වංගුවේ ඇතුළු පස රෝදය වංගුවෙන් පිටත රෝදයේ වේගයට වඩා වැඩි අගයකට ළඟ විය හැක. නමුත් ආරක්ෂාකාරීව රථය වංගුවෙහි ධාවනය වීමට නම් සෑම විටම වංගුවේ ඇතුළු පස රෝදය වංගුවේ පිටත රෝදයට වඩා අඩු වේගයක පැවතිය යුතුවේ. මෙලෙස ලැබෙන නිදහස හේතුවෙන් එහි ඇතුළු පස රෝදය පිටත රෝදයට වඩා වැඩි වීමක් ඇතිවුවහොත් රථය වංගුවෙන් පිටතට ගමන් ගැනීමට උත්සාහයක් දරයි. එම අවස්ථාව රථයෙහි ආරක්ෂාවට තර්ජනයක් ඇතිකරන්නක් වේ. එබැවින් එවැනි අවස්ථාවක් ඇතිවීම රථය තුළින් ම වළකාලීම සඳහා මෙම පද්ධතිය මගින් වංගුවකදී රථයෙහි රෝදවල වේගය නියමාකාරයෙන් නිවැරදිව පාලනය කරනු ලබයි. එමෙන්ම සමහර eclipse cross රථයන් Super All Wheel Control (S – AWC) පද්ධතියක් සහිතව ද නිර්මාණය කර ඇත.

Lane Departure Warning (LDW)

රථය රියදුරා ගේ පාලනයෙන් තොරව ධාවන මංතීරුවෙන් වෙනත් මංතිරුවකට ගමන් කරන අවස්ථාවකදී රියදුරාට අවදානම් සංඥාවක් ලබා දීම මෙම පද්ධතිය මගින් සිදු කරයි. යම් හෙයකින් රියදුරුට නින්දයාමකදී හෝ වෙනත් හේතුවක් නිසාවෙන් මෙවන් අවස්ථාවක් ඇති විය හැක. මෙහිදී රථය මගින් Beep සංඥාවක් හා අවදානම් සංඥාවක් Meter cluster එක මත ඇතිකරනු ලබයි. එය රියැදුරුට නැවතත් රථයෙහි පාලනය සියතට ලබා ගැනීමට වැදගත් වේ. මෙහිදී සිදුවනුයේ රථයෙහි ඉදිරිපස ඇති කැමරාවක් මගින් රථය ගමන්ගන්නා මංතීරුවෙහි ඇති සුදු ඉරි පිළිබඳව අවධානයෙන් සිටීමයි. රථයෙහි Signal (පැති සංඥා) ක්‍රියාත්මක නොකර සුදු ඉරි හරහා රථය ගමන් ගන්නේ නම් රථය මගින් මෙලෙස සංඥා කිරීම සිදු කරනු ලබයි. Signal (පැති සංඥා) ක්‍රියාත්මක කරමින් සිදුකරනු ලබන හැරවිමකදී මෙම පද්ධතිය මගින් සංඥා නිකුත් නොකරයි. තවද මෙම පද්ධතිය ක්‍රියාත්මක වනුයේ සුදු ඉරි සහිත මාර්ගයන්හි පමණි.

Head Up Display (HUD)

රථයක් ධාවනයේදී meter පුවරුවේ ඇති සංඥා පිළිබඳව රියදුරා අවධියෙන් සිටීම ඉතා වැදගත් වේ. එමෙන්ම එම තොරතුරු කියවා බැලීමට රියදුරුට බොහෝ විට meter පුවරුව දෙස වරින් වර බැලීමට ද සිදුවේ. එය තරමක් දුරට අවධානම් සහිතවේ. මෙම පද්ධතිය මගින් සිදු කරනුයේ රියදුරුට අත්‍යවශය වන ප්‍රධාන සංඥා projector එකක් ආධාරයෙන් ඉදිරියේ ඇති වීදුරු තිරය වෙත ලබා දීමයි. රථයෙහි හි වේගය, cruise control active තත්වයෙහි පවතින්නේද නැතිද යන්න cruise control පද්ධතියෙහි සකසා ඇති වේගය adaptive cruise control පද්ධතියෙහි ඉදිරි වාහනය හා තබා ඇති පරතරය වැනි ඉතා වැදගත් ම තොරතුරු මේ මේ මගින් රියදුරු වෙත ලබා දීම සිදු කරයි.එමනිසා මෙම පද්ධතිය මගින් රියදුරා වරින්වර meter පැනල දෙස බැලීම වලක්වන අතර ආරක්ෂාකාරී ධාවනයකට මෙය ඉතා වැදගත් වේ.

Auto headlights

රථය දහවල් කාලයේ දී වැඩි ආලෝක තත්ත්වයක ධාවනය වෙමින් තිබියදී ක්ෂණිකව අඳුරු ස්ථානයකට ඇතුළු වූයේ නම් උදාහරණයක් ලෙසට උමං මාර්ගයකට (Tunnel) ඇතුළු වූයේ නම් එහි දී රියැදුරාට ස්වල්ප වේලාවක් යන තුරු උමං මාර්ගය තුළ දැඩි අඳුරු සභාවයක් පවතී. මෙය විශාල අනතුරක් ඇති වීමටද හේතු වියහැක. එබැවින් එය වළක්වා ලීම සඳහා මෙම රථය මගින් ක්ෂණිකවම ඉදිරි ප්‍රධාන විදුලි පහන් ක්‍රියාත්මක කිරීම ස්වයංක්‍රියවම සිදු කරයි.

Automatic High Beam (AHB)

රාත්‍රී කාලයේ රථය ධාවනය කිරීමේදී High beam ක්‍රියාත්මකව ඇති අවස්ථාවක ඉදිරියෙන් වෙනත් රථයක් පැමිණෙන්නේ නම් අප විසින් වහාම රථයෙහි ආලෝකය පහළට හැරවීම (Low beam) සිදු කළ යුතුය. ඒම ආලෝකය පහළට හැරවීමෙන් පසු නැවතත් එම රථය අප පසුකර ගිය පසු අප විසින් නැවතත් ප්‍රධාන විදුලි පහන් ආලෝකය ඉහලට හැරවීම සිදු කළ යුතුය. මෙලෙස බොහෝ දුරක් රථය ධාවනය කිරීමේ දී මෙය තරමක් කරදරකාරී ක්‍රියාවලියක් වේ. නමුත් මෙම Automatic High Beam (AHB) පද්ධතිය මගින් ඉදිරියෙන් යම් රථයක් පැමිණෙන විට හෝ අප ඉදිරියෙන් යම් රථයක් ගමන් ගන්නා අවස්ථාවක අප එම රථයට වඩාත් ආසන්න වූ අවස්ථාවක දී ස්වයංක්‍රියවම ඉදිරි ප්‍රධාන විදුලි පහන් පහලට නාභිගතවීම (Low beam) සිදුවේ. නැවතත් එම අවස්ථාව මඟ හැරීමෙන් පසුව ස්වයංක්‍රියවම විදුලි පහන් ආලෝකය ඉහලට හැරීම (High beam) සිදුවේ.

Blind Spot Warning (BSW)

රථයක ධාවනයේදී අපි නිරන්තරයෙන්ම පැති කන්නාඩි වලින් පසුපස බැලීම සිදු කරයි. නමුත් ඕනෑම රථයක මෙම පසුපස කණ්නාඩි වලින් ආවරණය නොවන්නා වූ කලාපයක් (Blind spot area) පවති. එම කලාපය තුල යම් රථයක් හෝ පුද්ගලයෙක් සිටියේනම් මෙම රථය හැරවීමේදී අනතුරක් ලක් වීමට වඩා වැඩි ඉඩකඩක් ඇත. එම අවධානම අඩු කිරීම සඳහා මෙම රථය ධාවනයේ දී රථය පිටුපසින් තවත් රථයක් පැමිණෙන අවස්ථාවකදී, එය අපට නොපෙනෙන කලාපයෙහි පවතින අවස්ථාවකදී වහාම රියදුරාට සංඥාවක් මගින් දැන්වීම මෙම පද්ධතිය මගින් සිදු කරයි. ක්ෂණික හැරවීමකදී අනතුරක් වළක්වා ගැනීමට මේ පද්ධතිය ඉතාම වැදගත් වේ.

Rear Cross Traffic Alert (RCTA)

මෙහිදී රථය Parking එකක හෝ එවන් ස්ථානයක නවතා ඇති අවස්ථාවකදී රථය ඉන් ඉවතට ගැනීම සඳහා පිටුපසට ධාවනය කරන්නේ නම් රුපසටහනේ ආකාරයට වාහන කිහිපයකට ඈතින් හෝ ඉන් පිටත අපට නොපෙනෙන ස්ථානයක සිට අප සිටින දිශාවට තවත් රථයක් පැමිණෙන්නේ නම් මෙම පද්ධතිය මගින් වහාම රියදුරාට අනතුරු සංඥාවක් මාර්ගයෙන් දැනුන්දීම සිදු කරනු ලබයි. මෙම පද්ධතිය ද අනතුරු වළක්වා ගැනීමට බෙහෙවින් ඉවහල් වේ.

Ultrasonic misacceleration Mitigation System (UMS)

රථය යම් තාප්පයකට හෝ බාධකයට ඉතාම ආසන්නයෙන් නවතා ඇති මොහොතක අප විසින් නොදැනුවත්ව හෝ රථය ගියරය D අවස්ථාවට යොමු කොට Acceleratorය ක්‍රියාත්මක කළේ නම් විශාල අනතුරක් සිදු වීමට අවස්ථාවක් ඇත. නමුත් මෙම පද්ධතිය මගින් එවන් වූ අවස්ථාවක දී රථය D ගියරයෙහි පිහිටියද ඉදිරියෙන් යම් බාධකයක් පවතින්නේ නම් වහාම තිරිංග පද්ධතිය හා එන්ජිම පාලනය කිරීමෙන් රථය ඉදිරියට ධාවනය වීම වළක්වාලයි.

Hill Start Assist (HSA)

SRS Airbags

අනතුරකදී රියදුරුගේ හා අනෙක් මගීන්ගේ ආරක්ෂාව සඳහා මෙම රථයේ Airbag පද්ධතියක් ඇතුළත්කොට ඇත (Airbag system පිළිබඳව සවිස්තරාත්මක ලිපියක් මින් පෙර මෙහි පළකර ඇත) අනතුරකදී රියදුරු සහ මගීන් seat belt එක ආධාරයෙන් පසුපසට ඇද, අසුනට තදකර තබාගැනීම සඳහා මෙම රථයේ seat belt සඳහා pretensioner තාක්ෂනය භාවිතා කර ඇත.

Rain sensor

රථය ධාවනයේ දී වැසි සහිත අවස්ථාවක් ඇති වූයේ නම් ස්වයංක්‍රියව රථයේ Wipers ක්‍රියාත්මක වීම මෙම පද්ධතිය මගින් සිදුකරනු ලබයි.

Power panoramic sunroof

මෙම රථයේ තවත් සුවිශේෂී අංගයක් ලෙස මෙම Power panoramic sunroof හැඳින් විය හැක. මෙමගින් රථයෙහි ගමන් ගන්නා පිරිසට, අවට ප්‍රදේශය වඩාත් හොඳින් දැක ගැනීමට අවස්ථාව හිමිවේ.

Electric Parking Brake with Brake Auto Hold

තවද මාර්ග තදබදය සහිත මංමාවත් වල ධාවනයේ දී නිතර නිතර Parking brake ක්‍රියාත්මක කිරීමට සිදුවීම හෝ Brake පැඩලය එක දිගට පාගාගෙන සිටීමට සිදුවීම වඩා කරදරකාරී තත්වයක් ඇතිකරන්නකි. එබැවින් එම ගැටලුව මගහැරීම සඳහා මෙම රථයේ Auto hold පද්ධතිය උපකාරී වේ. එහිදී අප එකවරක් Auto hold පද්ධතිය ක්‍රියාත්මක කිරීමෙන් පසු මාර්ග තදබදය ඇති අවස්ථාවක දී සම්පූර්ණයෙන්ම රථය නතරවනවාත් සමගම ස්වයංක්‍රියවම Parking brake ක්‍රියාත්මක වීම සිදුවේ. නැවතත් අප Acceleratorය ක්‍රියාත්මක කරනවාත් සමගම parking brake ස්වයංක්‍රියවම ක්‍රියාවිරහිතවීම සිදුවේ.

Keyless Operation System (KOS) with Immobilizer

Dual zone climate control

ඉදිරිපස රියදුරුට සහ අනෙක් පුද්ගලයාට වෙන වෙනම තම අවශතාවය පරිදි වායු සමීකරනයෙහි උෂ්ණත්වය පාලනය කළ හැකි ආකාරයට මෙම රථය නිර්මාණයකොට ඇත. එමගින් ඇතුලත සුවපහසුව තවත් වැඩි කරයි.

Bird eye view

රථය පිටුපසට ධාවනය කිරීමේ දී වැඩි ආරක්ෂාවක් සඳහා රථය දෙස ඉහල සිට බලන ආකාරයට අංශක 360 ක පරාසය සම්පූර්ණයෙන්ම ආවරණය වන පරිදි කැමරා කෝණ මගින් සුපැහැදිලි දර්ශනයක් මෙහි සමහර මාදිලියන් ගේ ලබා දේ. එබැවින් රථය ආරක්ෂාකාරීව පසට ධාවනය කිරීමට එය පහසුවක් වේ. එමෙන්ම රථය ඉදිරියට ධාවනයේදී ද මින් සමහර කැමරා කෝණ මගින් දර්ශන ලබා ගැනීමේ හැකියාව නිසා රථය ආරක්ෂාකාරීව මෙන්ම පහසුවෙන් Park කිරීම සිදු කළ හැක.

හැඩට.. වැඩට.. ගමනට.. කදිම MITSUBISHI - Attrage රථය

wirokestation@gmail.com (nuwan blog) — Fri, 17 Jul 2020 09:00:00 +0000

Mitsubishi සමාගම මගින් නිර්මාණය කරන ලද කාර් රථ අතුරින් බොහොමයක් පාරිභෝගික ආකර්ෂණය හා විශ්වාසය දිනා ඇති මෝටර් රථයක් ලෙස ATTRAGE මෝටර් රථය හඳුන්වාදිය හැක. නවීන තාක්ෂණයෙන්, අලංකාර නිමාවකින් ඉහල කාර්යක්ෂම තාවයකින් හා අවම ඉන්ධන පරිභෝජනයකින් යුතු මෙම රථය ශ්‍රිලංකාවේ මාර්ගයන් සඳහාම මනාව ගැලපෙන්නාවූ රථයක් ලෙස විශේෂයෙන්ම දැක්විය හැක.

Engine

1.2L ධාරිතාවයකින් යුතු මෙහි එන්ජිමන් සිලින්ඩර 3කින් යුක්තය. Dual Over Head Came – DOHC එනම් කෑම් දෙකකින් යුක්ත මෙම රථයේ එන්ජිම Mitsubishi Innovative Valve timing Electronic Control system – MIVEC තාක්ෂණයෙන් සවිබල ගන්වා ඇත. 57kW ක උපරිම බලයකින් (Max. Power – 57kW) සපිරි මෙම එන්ජිමෙහි උපරිම ව්‍යවර්තය 100Nm වේ (Max. Torque – 100Nm)

ඉහල ඉන්ධන කාර්යක්ෂම තාවයකින් හා ක්‍රමිකව බලය වෙනස් කලහැකි CVT – Continuously Variable Transmission ගියර පද්ධතියක් මෙමෙ රථයට එක්කර ඇති අතර CVT ගියර පද්ධතිය රථයේ සුව පහසුව වැඩි කිරීමටද දායක වී ඇත (Shift shock නොමැතිවීම හේතුවෙන්). CVT ගියර පද්ධතියේ පාලනය සඳහා Mitsubishi සමාගම විසින් INVECS – III (Intelligent Innovative Vehicle Electronic Control system) තාක්ෂණයෙන් යුක්ත පරිගණකයක් භාවිතා කර ඇත.

Fuel efficiency

මෙම රථයේ ඉන්ධන කාර්යක්ෂමතාවය 21 km/l ලෙස නිෂ්පාදකයා දක්වා ඇති අතර ඒම අගයට ඉතාම පහසුවෙන් ලඟාවියහැකි බව අත්දැකීමෙන් දැක්විය හැක.

මෙහි දක්වා ඇත්තේ මාවිසින් රථය ධාවනයෙන් ලද ප්‍රතිපලයකි.

ECO lamp

රථය ධාවනයේදී, පදවන්නාට තම Accelerator ය උපරිම ඉන්ධන කාර්යක්ෂම තාවයකින් යුක්තව බාවිතා කලයුතු ආකාරය පිළිබඳව රථයෙන්ම උනන්දු කරන්න වූ ක්‍රමවේදයක් ලෙස මෙම ECO lamp දැක්විය හැක. මෙමගින් රථය පදවන්නා උපරිම ඉන්ධන කාර්යක්ෂම තාවයකින් යුක්තව රථය ධාවනයට උනන්දු කරවීම මෙන්ම පරිසර හිතකාමී සහ හොඳ රියදුරු ගුණාංග සහිත රියදුරෙක් බවට පත්කිමට උනන්දුකරවයි.

Minimum turning radius

මෙම රථය sedan ආකාරයේ රථයක් වුවද මෙහි ඉතාමත් හොඳ මට්ටමක අවම හැරවුම් අරයක් සහිත රථයක් ලෙස මෙය නිර්මාණය කර ඇත. මෙහි හැරවුම් අරය 4.8 m වන බැවින් ඉතාම අඩු ඉඩකින් රථය හරවාගැනීමේ පහසුව පවතී. එබැවින් අප රටෙහි මාර්ගයන් සඳහා ඉතාමත් උචිත රථයක් ලෙස මෙය දැක්විය හැක.

Lane change turn signal system

මංතීරු කිහිපයක් සහිත මාර්ගයක රථය ධාවනයේදී එක මංතීරුවක සිට අනෙක් මංතීරුවට රථය ධාවනය කරන්නේනම් අප විසින් signal දැල්වීම සිදුකලයුතු වේ. නමුත් මෙහිදී සාමාන්‍ය රථයක signal දැල්වීම සිදුකලේ නම් නැවතත් අප විසින්ම ඒම signal off කිරීම සිදුකල යුතුය. එයට හේතුව නම් රථය හැරවීමක් සිදුකරන අවස්ථාවක තරම් මෙම අවස්ථාවේදී සුක්කානම කරකැවීමක් සිදු නොවන බැවින් signal ස්වයංක්‍රියාවම off වීම සිදු නොවන බැවිනි. එබැවින් අප විසින් සිතා මතා signal off කිරීම සිදුනොකළේ නම් රථය ධාවනයේදී වැරදි සංඥාවක් සහිතව රථය ඉදිරියට ධාවනය කිරීම හේතුවෙන් අනතුරක් උවද සිදුවිය හැක. ඒම ගැටලුව මගහැරීම සඳහා මෙම රථයේ Lane change turn signal system එක ලබාදී ඇත. මෙහිදී රථය එක් මංතීරුවක සිට අනෙක් මංතීරුවට මාරුකරන අවස්ථාවේදී අප විසින් ඒම දිශාවට අදාලව signal switch එක මතට සියුම් තදකිරීමක් පමණක් (tap කිරීමක්) සිදු කරේනම් ඒම දීශාවට අදාලව signal පද්ධතිය තෙවරක් පමණක් ක්‍රියාත්මක වී ස්වයංක්‍රියාවම off වීම සිදු වේ.

Headlight auto off function

රථයෙහි Ignition off කිරීමෙන් අනතුරුව සහ රියදුරු අසුනෙහි දොර වීවෘත කිරීමත් සමගම ස්වයංක්‍රියාවම Headlight off වීම සිදුවන බැවින් අතපසු වීමකින් Headlight on අවස්ථාවේ රථයෙන් බැසයාම හේතුවෙන් සිදුවන අනවශ්‍ය බැටරි බැසයාම් හා අපහසුතා මෙමගින් ස්වයංක්‍රියාවම වැළකෙනු ඇත.

Auto speed adjustable wipers

මද වැසි තත්වයක Wipers ක්‍රියාත්මක කිරීමේදී අප විසින් timing mode හෙවත් intermittent mode අවස්ථාවක ධාවනය කරන්නේ නම් රථයෙහි වේගය 60 kmph පසු කිරීමෙන් පසු ස්වයංක්‍රියාවම Wipers ක්‍රියාකාරිත්වයෙහි වේගය වැඩිවීම සිදුවේ. එමගින් වැඩි වේගයන්හිදී දෘශයතාවය වැඩිකිරීමක් සිදුකරයි.

Delayed – action power window open / close system

මෙහිදී Ignition off කිරීමෙන් අනතුරුවද තප්පර 30ක් යන තෙක් රථයෙහි windows ඉහල පහල ක්‍රියාත්මක කිරීම සිදුකල හැකි බැවින් රථයෙන් බැහැර යාමකදී අමතක වීමකින් windows පහල ඇති අවස්ථාවක Ignition off කිරීමක් සිදුකරේනම් නැවතත් windows ඉහලට ගැනීම සඳහා Ignition on කිරීමක් සිදු නොකරම පහසුවෙන් windows ඉහලට ගැනීම සිදුකල හැකිවීම තුලින් වඩාපහසුවක් ගෙනදෙනු ඇත.

Auto door relock system

15 - Second interior light delay

Ignition off කිරීමත් සමගම ස්වයංක්‍රියාව දැල්වෙන interior lights තප්පර 15ක කාලයක් දැල්වී තිබීම තුලින් රාත්‍රී කාලයේදී රියදුරු අසුනෙහි දොර වීවෘත කරනා තෙක් රථය තුල මනා ආලෝක තත්වයක් පවත්වාගනී.

Open door alarm

යම් හෙයකින් රථයේ යම් දොරක් නියමාකාරයෙන් වසා නොතිබුණු නම් රථය ධාවනය වීමත් සමගම වහාම alarm එකක් ආධාරයෙන් සංඥා කිරීම සිදුකරයි.

ABS – Anti lock Brake System

රථයේත් මගීන්ගේත් ආරක්ෂාව තහවුරු කිරීමේ අරමුණින් ලිස්සන මතුපිටක් සහිත අවස්ථාවකදී ආරක්ෂාකාරී තිරිංග යෙදීමක් සඳහා අත්‍යවශය ABS පද්දතියක් මෙම රථයේ ස්ථාපිතකොට ඇත. (ABS – Anti lock Brake System තාක්ෂනය පිලිබඳ සවිස්තරාත්මක ලිපියක් මින් පෙර මෙහි පළකර ඇත)

EBD – Electronic Brake force distribution

Driver and passenger airbag system with pretensioner

අනතුරකදී රථයේ රියදුරාගේ හා ඉදිරි අනෙක්පස මගියාගේ ආරක්ෂාව සඳහා මෙම රථයේ Driver and passenger airbag පද්ධතියක් යොදා ඇත (Airbag system පිළිබඳව සවිස්තරාත්මක ලිපියක් මින් පෙර මෙහි පළකර ඇත) අනතුරකදී රියදුරා සහ මගීන් seat belt එක ආධාරයෙන් පසුපසට ඇද, අසුනට තදකර තබාගැනීම සඳහා මෙම රථයේ seat belt සඳහා pretensioner තාක්ෂනය භාවිතා කර ඇත.

Keyless Operation System (KOS)

රථයට ඇතුළුවීමට, Dicky open කිරීමට, රථය පණගැන්වීමට හා සම්පුර්ණයෙන්ම ක්‍රියාත්මක කිරීම වැනි සියලු කාර්යයන් සඳහා යතුර අතට ගැනීමක් අවශ්‍ය නොවන ආකාරයේ Smart key system හෙවත් Keyless Operation System (KOS) පද්දතියක් මෙම රථයට එක්කොට ඇත. එබැවින් එදිනෙදා රථය භාවිතයේදී වඩා පහසුවක් දැනේ.

Immobilizer

රථය සොරගැනීම් වැනි අවස්ථා අවම කිරීම සඳහා මෙම රථයට දියුණු Immobilizer පද්ධතියක් සහිත intelligent key එකක් යොදා ඇත. Immobilizer පද්ධතියක් හා Keyless Operation System (KOS) පද්දතියක් සහිත මෙවන් රථයක් පනගැන්වීම සඳහා රථයේ බැටරිය හා intelligent key එකෙහි බැටරිය ඉතා වැදගත් වේ. රථයේ බැටරිය හෝ intelligent key එකෙහි බැටරිය යන දෙකෙන් එකක් හෝ විසර්ජනය වී ඇතිනම් ඒම අවස්ථාවේදී Keyless Operation System (KOS) හා Keyless entry system ක්‍රියාත්මක නොවන බැවින් රථයට ඇතුළුවීම හා රථය පනගැන්වීම සඳහා යම් වෙනත් ක්‍රමවේදයක් භාවිත කිරීමට සිදුවේ.

රථයේ බැටරිය බැස ඇති අවස්ථාවක

රථයේ බැටරිය බැස ඇති අවස්ථාවකදී හවිතකිරිම සඳහා මෙම intelligent key එකෙහි ලෝහමය යතුරක් වෙනමම සවිකර ඇති අතර එය හාවිතයෙන් passenger side දොර වීවෘතකර (Driver door එම ලෝහමය යතුරෙන් වීවෘතකල නොහැක) එමගින් Driver door වීවෘත කර ඉන්පසු bonnet එක වීවෘතකර Jump start එකක් සිදුකල යුතුය.

Intelligent key එකෙහි බැටරිය බැස ඇති අවස්ථාවක

මෙවන් අවස්ථාවකදී intelligent key එකෙහි ලෝහමය යතුර හාවිතයෙන් passenger side දොර වීවෘතකර ඉන්පසු Driver door වීවෘත කර රථයට ඇතුළුවීමෙන් පසු සුක්කානමට යටින් විශේෂ ස්ථානයක (intelligent key slot) මෙම යතුර රැඳවිය යුතුය. ඉන්පසු brake පැඩලය පාගා Start ස්විචය press කිරීම තුලින් රථය නැවතත් පනගැන්විය හැක.

CVT Gear Box

wirokestation@gmail.com (nuwan blog) — Mon, 03 Sep 2012 11:23:00 +0000

Auto Gear Box හෙවත් ස්වයංක්‍රිය ගියර පෙට්ටි සැලකීමේදී ස්වයංක්‍රිය ගියර පෙට්ටි වර්ග ගණනාවක් දැකිය හැක. ඒවා අතුරින් CVT යනු ඉතා නවීන ගියර පෙට්ටි විශේෂයකි. එහි යාන්ත්‍රණය හා එහි වාසි මෙම ලිපියෙන් සරලව සාගච්චා කරනු ලබයි.

   CVT Theory
   CVT Advantages
   CVT Construction
   CVT Theory

CVT යන්නෙහි තේරුම වන්නේ Continuously Variable Transmission යන්නයි. එහි නමෙහි සදහන් ආකාරයටම ගියර් අනුපාතයන්ගේ (Gear Ratio) වෙනස්වීම අවශ්‍ය පරිදි එකදිගටම නොනවත්වාම සිදුවේ. එනම් මෙම ආකාරයේ ගියර පෙට්ටියක් සහිත රථයක ගියර් මාරුවීමේදී කිසිම ගැස්මකින් තොරව ඉතාමත් සුමටව සිදුවේ. මේ සදහා යොදාගෙන ඇති ක්‍රමවේදයනම් Drive Wheel & Driven Wheel සදහා ක්‍රමානුකූලව විශ්කම්භය වෙනස් කල හැකි Pulley දෙකක් යොදාගැනීමයි. සාමාන්‍යයෙන් ඕනෑම Gear Box එකක මූලධර්මය වනුයේ විශ්කම්භයෙන් වෙනස් වන්නාවු ගියර රෝද එකිනෙක සම්බන්ධ කිරීම මගින් විවිධ ගියර අනුපාතයන් සකසා ගැනීම වේ. නමුත් මෙහිදී Gear Wheel දෙකක් පමනක් යොදාගනු ලබන අතර එම Pulley දෙකෙහි විශ්කම්භයන් අවශ්‍යය පරිදී වෙනස් කල හැක. එම විශ්කම්භයන් වෙනස් කිරීම සදහා ද්‍රව පීඩනය Oil Pressure යොදාගනු ලබයි. මෙම ද්‍රාව පීඩනයන් පරිගණකයක් ආධාරයෙන් වෙනස් කිරීම තුලින් Pulley වල විශ්කම්භය වෙනස්කිරීම සිදුකරයි.

CVT Advantages

CVT ගියර පද්ධතියක් සහිත රථයක වෙනත් ගියර පද්ධතියක් සහිත රථයන්ට වඩා වාසි පවතී. එනම්

Shock less gear shifting    සුමටව ගියර ක්‍රියාත්මකවීම
Improved fuel economy    අඩු ඉන්ධන පරිභෝජනය
Sporty driving pleasure    සුමට හා වේගවත් ත්වරනයක් ලබගැනීමේ     හැකියාව
Smooth feeling of engine brake    එන්ජින් රෝධක ක්‍රියවලියේ   සුමටබව

CVT Construction
මෙහි සැකැස්ම තරමක් සරල ආකාරයක් ගනී. මෙහි ප්‍රධාන වශයෙන්ම විශ්කම්භය වෙනස්කල හැකි විශේෂිත Pulley දෙකක් පවතී. එහි විශ්කම්භය වෙනස්කිරීම සදහා ද්‍රාව පීඩනය භවිතා කරයි.

Steel Belt
එමෙන්ම මෙම Pulley දෙක සම්බන්ධ කිරීම සදහා විශේෂිත වූ Steel Belt එකක් භාවිතා කරනු ලබයි. මෙම ලෝහමය පටිය 2mm පමණ ඝණකමකින් යුත් කුඩා ලෝහ කොටස් 280කට ආසන්න සංඛ්‍යාවක් එකතුවීමෙන් සෑදී ඇති අතර එහි එක් පසකට අංශක 11 බැගින් අංශක 22 කින් යුක්ත විශේෂිත හැඩයක් පවතී. මෙම කොටස් එකිනෙක සම්බන්ධිතව පවත්වා ගැනීම සදහා 600mm පමණ දිගින් යුතු සිහින් ලෝහමය පටි දෙකක් භවිතා කරනු ලබයි.

Oil Pump
පද්ධතිය ක්‍රියාත්මක වීම සදහා ද්‍රාව පීඩනය ලබාදීමට Oil Pump එකක් භාවිතාකරනු ලබයි.

Torque Convertor
සාමාන්‍යය AT Gear Box සදහා භාවිතාකරනු ලබන සාමාන්‍යය Torque Convertor එකක් මෙහිදීද භාවිතාකර ඇත.

Oil & Oil Cooler
මෙහිදී විශේෂිත වූ CVT Oil එකක් භාවිතයට ගනු ලබන අතර එම Oil අධිකලෙස රත්වන බැවින් සිසිල් කිරීම සදහා Oil Cooler එක භාවිතාකර ඇත.

TCM එමෙන්ම මෙම ගියර පෙට්ටිය සම්පූර්ණයෙන්ම පාලනය කිරීම සදහා පරිගණකයක් භාවිතා කරනු ලබන අතර එය TCM (Transmission Control Module) යනුවෙන් හදුන්වයි. එම පරිගණකය මගින් පද්දතියේ ද්‍රාව පීඩනය පාලනය කිරීම තුලින් ගියර පෙට්ටිය පාලනය කරනු ලබයි.

Air Bag System

wirokestation@gmail.com (nuwan blog) — Sun, 19 Aug 2012 15:24:00 +0000

මෙම ලිපිය මගින් Air Bag පද්ධතියේ ක්‍රියාකාරිත්වය පිලිබදව සරලව සාගච්චා කිරීමට උත්සහ ගෙන ඇත. වර්තමානයේ බොහෝ දෙනා Air Bag යනුවෙන් හැදින් වුවද, මෙහි තාක්ෂණික හැදින්වීම වන්නේ SRS යනුවෙනි. SRS යනු Supplemental Restraint System යන්න වේ. මෙම පද්ධතියේ අරමුන වනුයේ යම් අනතුරක් හේතුවෙන් රථයේ ගමන් ගන්නා මගීන්ට සිදුවිය හැකි අනතුරු අවම කිරීම වේ. ඒ සදහා මෙහිදී වායු පිරවු බැලුන ක්‍රියාත්මක වීමේ ක්‍රමවේදයක් නිර්මාණය කර ඇත. එනම් යම් අනතුරක් සිදුවනවාත් සමගම Nitrogen වායුව පිරවු බලුනයක් ක්‍රියාත්මක වීම හේතුවෙන් මගීන් අනතුරට ලක්වීම අවම කර ඇත.

SRS පද්ධතියේ සැකැස්ම

(රූපය මත Clik කිරීමෙන් විශාලනය කල හැක)

ඉහත රුපසටහනෙහි දක්වා ඇත්තේ අති නවීන රථයක SRS පද්ධතියකට අයත් වන්නා වූ කොටස් හා කොටස් පිහිටනු ලබන ස්ථානයන් වේ. මෙම කොටස් එකින් එක විස්තරාත්මකව පහතින් දක්වා ඇත.
SRS පද්දතිය ක්‍රියත්මක වන්නේ පරිගණකයක් ආධාරයෙන් බැවින් මෙහි සදහන් සියලුම Sensor හා Actuator පරිගණකය හා සම්බන්ධව පවතී. ඒවා පරිගණකය හා සම්බන්ධවී ඇති ආකාරය පහත රූප සටහනින් දක්වා ඇත.

(රූපය මත Clik කිරීමෙන් විශාලනය කල හැක)

නවීන SRS පද්ධතියකට අයත් වන්නවූ කොටස් පහතින් දක්වා ඇත

   Crash zone sensor
   Driver air bag module
   Spiral cord
   Front passenger air bag module
   SRS Computer
   Seat belt buckle pre-tensioner assembly
   Seat belt pre-tensioner
   Side air bag (satellite) sensor
   Side air bag module
   Occupant Sensor
   Curtain Air Bag
   Air bag warning lamp

Crash zone sensor
රථයක ඉදිරියෙන් සිදුවන ගැටීමක් හදුනා ගනීම සදහා මෙම Sensor භාවිතා කරයි. මෙම Sensor ආකාර කිහිපයකට නිර්මානය කර ඇත. Sarfing Type Sensor, Mercury Type Sensor, Ect. ආදී වශයෙන් ආකාර කිහිපයකින් දැකිය හැකි අතර වම් පසට හා දකුණු පසට වෙන් වෙන් වශයෙන් Sensor දෙකක් භවිතා කරන අවස්ථාද දැකිය හැක.

Sarfing Type Sensor

රථය ධාවනය වන දිශාව ඊතලයෙන් දක්වා ඇති අතර මෙම Sensor තුල රූපසටහනේ ආකාරයට එකිනෙකට සම්බන්ධ නොවුනු පතුරු දෙකක් ඇත. සෙන්සරයට පිටතින් දුන්නක් ආධාරයෙන් චුම්බකයක් රථය ධාවනය වන දිශාවට විරුද්ධ දිශවට තෙරපුමක් සහිතව රදවා ඇත. අනතුරකදී මෙම චුම්බකය දුන්න හකුලුවා ගනිමින් ඉදිරියට පැමිනීම හේතුවෙන් සන්නයක දෙක එකිනෙක සම්බන්ධවීම සිදුවේ.එවිට සෙන්සරය හරහා ධාරාවක් පරිගණකය වෙත ගලායාම හේතුවෙන් ඉදිරි ප්‍රදේශය තුලින් අනතුරක් සිදු වූ බව පරිගණකය හදුනා ගනී.
වෙනත් ක්‍රමවේදයන්ට අනුරූපව ක්‍රියාත්මක වන්නාවූ sensorද ඇත.

Driver air bag module
අනතුරකදී සුක්කානම හේතුවෙන් රියදුරාට සිදුවන අනතුරු වලක්වාලීම සදහා මෙම මොඩියුලය යොදා ඇත. එහි රූප සටහනක් පහතින් දක්වා ඇත. මෙය සුක්කානම තුල රදවා ඇත.

එය තුල විශාල බැලුනයක් රදවා ඇති අතර එම බැලුනය N2 වායුවෙන් ක්‍රියාත්මකවේ. මෙම බැලුනයට N2 පිරවීම සදහා Inflator නම් කොටසක් යොදාගෙන ඇති අතර එහි Propellant (Sodium nitrate) නම් පෙති විශේෂයක් භවිතා කර ඇත. එම පෙති ක්ෂණිකව දහනය කිරීමෙන් N2 වායුව නිපදවා ගනු ලබයි. මෙලෙස Propellant ක්ෂණික දහනය කරවීම සදහා Igniter හෙවත් Detonator එකක් භාවිතාකර ඇත. මෙලෙස Propellant දහනයෙන් 60 L ක් පමන N2 නිපදවාගනු ලබන අතර එය බැලුමට පුරවනු ලබයි. එමෙන්ම Stage කිහිපයකට විව්ත වන තාක්ෂණයෙන් වැඩි දියුනු කරන ලද Air bag moduleද වර්තමානයේ දැකිය හැක. මෙම බැලුනය තුල කුඩා සිදුරු එකක් හෝ දෙකක් පවතී. එයට හේතුවනම් පීඩනයකින් යුතුව වායුව පිරවීමත් සමගම රියදුරාගේ මුහුණ එහි ගැටෙන බැවින් යම් Cushion effect එකක් ලබා ගැනීම සදහා වේ. එමෙන්ම අනතුරින් පසු බැලුනය හැකිලීම සදහාද මෙම සිදුර උපකාරි වේ.
මෙහිදී N2 වායුව යොදාගෙන ඇත්තේ, යම් හෙයකින් O2 වැනි වායුවක් යොදා ගත්තේ නම් එය ගිනි ගැනීම් සදහා සහය විය හැකි අතර N2 සාමාන්‍යය පරිසරයේ බහුලවම ඇති විෂ රහිත වයුවක් වන බැවිනි.

Inflator

මෙම Air Bag Module කිසිම ආකාරයකින් Multimeter ආධාරයෙන් පරික්ෂකල නොහැක. එමෙන්ම මෙලෙස පරික්ෂා කිරීමට උත්සහ නොකල යුතු අතර එසේ කිරීමෙන් Air Bag Module එකට හානි පැමිනීම සිදුවිය හැක.

Spiral cord
සුක්කානම නිරන්තරයෙන්ම දෙපසට කැර කැවෙන බැවින් එම සුක්කනම මත ඇති Air Bag Module එක පරිගණකය හා සම්බන්ධ කරනු ලබන්නේ මෙම Spiral cord එක ආධාරයෙනි. සුක්කානම ගලවා නැවත සවිකිරීමේදී මෙම Spiral cord එක නිවැරදිව ඉතාමත් පරික්ෂාකාරීව සවිකිරීමට වගබලා ගතයුතුය. එසේ නොමැති වුවහොත් මෙම Spiral cord ඒක හානි වීමේ ඉතාමත් වැඩි ඉඩ කඩක් පවතී.

Front passenger air bag module
අනතුරකදී, ඉදිරි මගී අසුනෙ ගමන් ගන්නාට Dash board එකෙහි වැදීම හේතුවෙන් සිදුවිය හැකි අනතුරු වලක්වාලීම සදහා මෙම Passenger Air Bag module නිර්මාණය කර ඇත. Dash board එක හා මගියා අතර ඇති දුර වඩි බවින් මෙම Passenger Air Bag module එක Driver SideAir Bag module එකට වඩා විශාලව නිර්මාණය කර ඇත. බොහෝ විට එහි Inflator දෙකක් දැකිය හැක.

මෙහිදී තවත් වැදගත් දෙයක් නම් මෙම Passenger Air Bag module එක රදවා ඇත්තේ Dash board එක යට බැවින් Passenger Air Bag module එක ක්‍රියාත්මක වීමෙදී Dash board එක සිදුරු කරගෙන වේගයෙන් ඉදිරියට පැමිණීම සිදුවේ. එබැවින් මෙවනි රථයන්ගේ Dash board එක මත කිසිම දෙයක් නොතැබීමට වග බලාගත යුතුය. එසේ නොමැති වුවහොත් Passenger Air Bag module එක ක්‍රියාත්මක වීමත් සමගම Dash board එක මත ඇති දේ වේගයෙන් විසිවීගොස් මගීන්ට අනතුරු සිදුවිය හැක.

SRS Computer
සම්පූර්ණ SRS පද්ධතියම පාලනය කරනු ලබන්නෙ මෙම පරිගණකය මගිනි. අනතුරක් සිදුවීමත් සමගම Sensor මගින් ලැබෙන සංවේදනයන්ට( Signal ) අනුව අදාල Air Bags ක්‍රියාත්මක කරවන්නේ මෙම පරිගනකය මගිනි. විශාල අනතුරක් හේතුවෙන් බැටරියේ යම් විසන්ධිවීමක් සිදුවුවහොත් මෙම SRS පද්ධතියේ බිදවැටීමක් සිදුවීම වැලැක් වීම සදහා මෙම පරිගණකය තුලම තාවකාලිකව විදුලිය ගබඩාකල හැකි Condenser Pack එකක් යොදා ඇත.

Seat belt buckle pre-tensioner assembly
Air Bags ක්‍රියාත්මක වනවාත් සමගම විශාල පීඩනයක් රියදුරාගේ හා මගීන් ගේ මුහුණ මත ක්‍රියාත්මක වීම සිදුවේ. අනතුරත් සමග රියදුරා හා මගීන් වේගයෙන් ඉදිරියට විසිවීමත් සමගම මෙලෙස ඔවුන්ගේ ශරීරය ගමන් ගන්නා දිශාවට විරුද්ධව මුහුණ මත විශාල බලයක් යෙදීම හේතුවෙන් ඔවුන්ගේ සුසුම්නාව ප්‍රදේශයට යම් බලපෑමක් ඇතිවිය හැක. එය වැලැක්වීම සදහා වර්තමානයේ ඇති බොහෝ නවීන රථයන් ගේ Air bag පද්ධතිය ක්‍රියාත්මක වීමටනම් Seat Belt අනිවාර්යෙන්ම පැලැද සිටිය යුතුවේ. එබැවින් මගීන් Seat Belt යොදා ඇති බව පරිගණකය විසින් හදුනා ගනීම සදහා Seat belt buckle එක වෙත කුඩා Switch එකක් සවිකර ඇත. එම Switch එක මගින් Seat Belt යොදා ඇති බවට නිවැරදිවම හදුනා ගතහොත් පමණක් පරිගණකය විසින් SRS පද්ධතිය ක්‍රියාත්මක කරනු ඇත.

Seat belt pre-tensioner
අනතුරක් සිදුවීමත් සමගම මගීන් අසුනින් ඉදිරියට විසිවීම Seat Belt එකෙන් වලක්වනු ලබන අතර, වර්තමානයේ ඇති සමහර නවීන රථයන්ගේ අනතුරක් සිදුවීමත් සමගම මගීන් Seat එකට තදකොට සිරකර ගැනීමක් සිදුකරනු ලබයි. මෙම ක්‍රමය Seat belt pre-tensioner ලෙස හදුන්වනු ලබයි. එහිදී Air Bag මොඩියුලයකදී මෙන්ම Gas Generator එකක් ආධාරයෙන් එනම් පීඩනය වූ වායුව ආධාරයෙන් පිස්ටනයක් ක්‍රියාකරවීම තුලින් Seat Belt එක නැවතත් ආපස්සට කෙටි දුරක් ඔතා ගැනීම සිදුකරයි.

Side air bag (satellite) sensor
යම් රථයක් දෙපසින් යම් අන්තුරකට ලක්වූයේ නම් ඉදිරි Front Air Bag Modules ක්‍රියාත්මක වීමෙන් පමනක් මගීන්ගේ ආරක්ෂාව තහවුරු කල නොහැක. එබැවින් නවීන රථයන්ගේ දෙපසින් සිදුවන අනතුරකදී පවා Side Air Bag Module ක්‍රියාත්මකවී මගීන්ගේ ආරක්ෂාව තහවුරු කරයි. එහිදී යම් පසකින් අනතුරක් සිදුවන්නේ නම් එය හදුනා ගැනීම සදහා මෙම Side air bag sensor භාවිතා කරනු ලබයි. මෙම සෙන්සරය Satellite Sensor යන නමින්ද හදුන්වනු ලබයි.

Side air bag module
දෙපසින් සිදුවන යම් අනතුරකදී, එම අනතුරින් මගීන් ආරක්ෂා කරගැනීම සදහා මෙම Side Air Bag Module යොදාගනී. බොහෝ රථයන්ගේ මෙම Side Air Bag මොඩියුලය මගී අසුනෙහිම නිර්මාණය කර ඇති අතර එවැනි Seat වල Side Air Bag යනුවෙන් සදහන් කර ඇත. එමෙන්ම එවැනි Seat සදහා කිසිම විටක Seat Cover යොදා නොගත යුතුය. එසේ Seat Cover භාවිතා කිරීමෙන් ඉතාමත් අනතුරුදායක තත්වයන් ඇතිවිය හැක.

Occupant Sensor
වර්තමානයේදී Air Bag තාක්ෂණය දියුනුවීමත් සමගම නවීන රථ සදහා Occupant Sensor භාවිතා කර ඇත. මෙහිදී Seat එක තුල රදවා ඇති Sensor එකක් ආධාරයෙන් Seat මත හිදසිටින මගියාගේ බර මනිනු ලබයි. එමගින් පරිගණකය විසින් එම මගියා කුඩා දරුවෙකුද, වැඩුනු පුද්ගලයෙකුද යන්න තීරණය කරනු ලබන අතර ඊට අනුරූපව Air Bag ක්‍රියාත්මක කිරීමේ පීඩනය තීරණය කරනු ලබයි. මෙහිදී සැලකිය යුතු වැදගත් කරුණක් නම් කිසිම විටකදී කුඩා ළමයින්ව එම අසුන්වල ඔඩොක්කුවේ තබාගෙන නොයාමට වග බලා ගත යුතුය. එයට හේතුව නම් කුඩා ළමයින් ඔඩොක්කුවේ තබාගෙන යාමේදී එම Occupant Sensor විසින් දෙදෙනාගේම බර එකට මැනීම සිදුකරනු ලබන අතර අසුනේ සිටින මගියා වැඩි බරක් සහිත මගියෙකු ලෙස පරිගණකය විසින් වැරදි තීරණයක් ගෙන වැඩි පීඩනයකින් යුතුව Air Bag ක්‍රියාත්මක කරවීම සිදුවිය හැක. එවිට පළමුවෙන්ම Air Bag එක වෙත මුහුණ දෙනු ලබන්නේ කුඩා ළමයා වන බැවින් ඔහුට යම් අනතුරක් සිදුවීමේ හැකියාවක් පවතී. එ බැවින් එවැනි ආකාරයේ Seat සදහා කුඩා ළමුන් එම අසුන් වල ඔඩොක්කුවේ තබාගෙන නොයන ලෙස Warning Tag එකක් යොදා ඇත.

   Curtain Air Bags
ඉතාමත් නවීන රථ සදහා මෙම ආකාරයේ Curtain Air Bags අතුලත් කර ඇත. රථය යම් හෙයකින් පෙරලීමකට ලක් වුවහොත් ඇතුලත සිටිනා වූ මගීන් ආරක්ෂා කිරීම සදහා මෙම Curtain Air Bags ක්‍රියාත්මකවීම සිදුවේ. එහිදී මගීන් සිටින්නාවූ කොටස දෙපසින් තිරයක ආකාරයෙන් Curtain Air Bags ක්‍රියාත්මක වීමක් සිදුවේ. එමගින් ඇතුලත මගීන් ආරක්ෂාවීම සිදුවේ. මෙම Curtain Air Bags රථයේ දෙපස වහලය මත රදවා ඇත.

Air bag warning lamp
Air Bag පද්ධතියේ යම් දෝශයක් ඇතිවුවහොත් එය පරිගණකය මගින් හදුනා ගන්නා අතර එය රියදුරා වෙත Indicate කිරීම සදහා මෙම Warning Light එක භාවිතා කරයි. පද්ධතිය නිවැරදි ක්‍රියාකාරිත්වයේ පවතී නම් මෙම Light එක නිවී යන අතර පද්ධතියේ දෝශයක් පවති නම් මෙම බල්බය දිගින් දිගටම දැල්වී පවතී.

Comment එකක් දාලා යන්නත් අමතක කරන්න එපා...!!

Wheel Alignment

wirokestation@gmail.com (nuwan blog) — Tue, 03 Jul 2012 07:50:00 +0000

රථයක ධාවනයට Wheel Alignment ඉතාම වැදගත් වේ. රෝද නිවැරදි කෝණයන්ට අනුරූපව එකලස්ව පිහිටිය යුතු අතර එසේ නොපිහිටන්නේ නම් එය නිවැරදි කිරීම නොපමාව සිදුකල යුතු වේ. එමෙන්ම මෙම කෝණයන් නිවැරදි අගයේ නොපැවතියහොත් රථය ධාවනයේදී අනාරක්ෂිත තත්වයට පත්වෙනවා සේම රෝද, අවලම්බන පද්ධතියේ (Suspension System) කොටස් වලට, සුක්කානම් පද්ධතියේ (Steering System) කොටස් වලට හානී වීමද සිදුවිය හැක. එබැවින් රථයක ධාවනයට ඉතාම වැදගත් වන්නා වු Wheel Alignment පිලිබදව මෙම ලිපියෙන් සාගච්චා කෙරේ.

Wheel Alignment පිළිබදව සැලකීමේදී Wheel alignment එකක් සිදුකලයුතු කාලය පිළිබදව සැලකිලිමත් වීමද ඉතාම වැදගත් වේ. බොහෝ නිශ්පාදකයින්ට අනුව 5000Km වරක් Wheel Alignment සැකසීමක් සිදුකලයුතු අතර අලුතින් Tire යොදන අවස්ථාවන්හිදී මෙන්ම අවලම්බන පද්ධතියේ (Suspension System) කොටස් හා සුක්කානම් පද්ධතියේ (Steering System) සමහර කොටස් ගලවා නැවත සවිකිරීමෙන් පසුද මෙලෙස wheel alignment සැකසීමක් සිදුකලයුතු වේ.

Wheel Alignment වලට අදාලව රෝද සැකසුම් කෝණයන් සහ අනිකුත් සැකසුම් අගයන් පිලිබදව මෙහි දක්වා ඇත.
   * Camber Angle
   * Caster Angle
   * Toe
   * King Pin Inclination Angle / Steering Axis Inclination Angle (SAI)
   * Included Angle
   * Caster Trail / Caster Offset
   * Scrub Radius
   * Turning Angle of the Front Wheel / Toe Out on Turns
   * Set Back
   * Thrust Angle
   * Side Slip

* Camber Angle

Camber Angle යනුවෙන් අදහස් කරනු ලබන්නේ රෝදය පොළවට ලම්බක රේඛාවට කොපමන ආනතියකින් පිහිටනවාද යන්න වේ. Camber කෝණය පැහදිලිව දැකගත හැක්කේ රථයේ ඉදිරිපසින් රෝද නිරීක්ෂණය කිරීමෙනි. ඉහත රූපයේ පොළවට ලම්බක රේඛාව Vertical Line යනුවෙන් දක්වා ඇති අතර රෝදය ආනතව ඇති දිශාව රතු රේඛාවෙන් දක්වා ඇත. රෝදය ඉහලින් ඇතුලට ආනතියක් සහිතව පිහිටයි නම් එය Negative Camber ලෙසද, රෝදය ඉහලින් පිටතට ආනතියක් සහිතව පිහිටයි නම් එය Positive Camber ලෙසද හදුන්වනු ලබයි. බොහෝ රථවල දැකිය හැක්කේ Positive Camber අගයකි. එනම් රෝදය ඉහලින් පිටතට ආනතව පිහිටා ඇත. මෙලෙස ආනතව පිහිටීම හේතුවෙන් රෝදය Knuckle Arm එක හා හොදින් සම්බන්ධව පවතී. එමනිසා රථයේ ස්ථායි භාවය (Stability) පවත්වා ගැනීමට මෙම Camber Angle එක බෙහෙවින් ඉවහල් වේ. සමහර විශේෂිත වු රථ Negative Camber අගයක් සහිතව ද නිර්මාණය කර ඇත. ඒ තුලින් Rolling Movement එක අඩුකරගැනීමට උත්සහ කර ඇත.
කෙසේ වෙතත් මෙම Camber අගය නිෂ්පාදකයා දක්වා ඇති අගයට අනුරූපව පවත්වා ගැනීම ඉතාමත් වැදගත් වේ.

* Caster Angle

මෙහිදී රථයේ බර රෝද වෙත ක්‍රියාකරනු ලබන අක්ෂය ඉදිරියට ආනතියක් සහිතව නිර්මාණය කර ඇත. එමගින් රථයේ බර මගින් බලයක් ඉදිරියට යොමුකරගෙන ඇත. මෙම හේතුවෙන් රථය පහසුවෙන් ඉදිරියට චලනය කරවාගත හැක. විවිධ වූ රථයන්ගේ විවිධ වූ අවලම්බන පද්ධතීන්ගේ නිර්මාණයන් මත මෙම රේඛාව නිර්මාණය වන්නා වූ ආකාරයන් වෙනස් වුවද සෑම රථයකම Caster කෝණය නිර්මාණය කර ඇත. තේරුම් ගැනීමේ පහසුව සදහා Mc pherson strut ආකාරයේ Suspension System එකක් සහිත රථයක Caster Angle එක පිහිටා ඇති ආකාරය පහතින් දක්වා ඇත.

රෝදය පොළවට ස්පර්ෂ වන ස්ථානයට වඩා ඉදිරියට මෙම රේඛාව යොමුකර ඇත්නම් එය Positive Caster ලෙස සලකනුලබන අතර රේඛාව පසුපසට යොමුවී ඇත්නම් එය Negative Caster ලෙසද සලකනු ලබයි. වර්තමානයේ බොහෝ රථයන් සදහා Positive Caster යොදාගනු ලබන අතර අතීතයේදී සමහර රථයන් සදහා Negative Caster යොදාගෙන ඇත.
මෙලෙස Positive Caster Angle එකක් නිර්මාණය කිරීම හේතුවෙන් පහසුවෙන් රෝද ඉදිරියට පෙරලීමට හැකිවනවා සේම රෝද එක එල්ලේ ධාවනය කිරීමේ හැකියාවද, අඩු ආයාසයකින් සුක්කානම හැසිරවීමේ හැකියාව ලැබී ඇත.

* Toe

රථයක ඉදිරි රෝද ඉදිරියෙන් සමීපව පිහිටයි නම් එය Toe in ලෙස සලකනු ලබන අතර රෝද ඉදිරියෙන් ඈත්ව පිහිටයි නම් එය Toe out ලෙසද සලකනු ලබයි. ඉහත රූපසටහනින් එය වඩාත් පහැදිලිවේ. රථයක් ධාවනය වීමෙදී රෝද සමාන්තරව පැවතිය යුතුය. නමුත් රථයක් නවතා තබා ඇති අවස්ථාවක එහි රෝද සමාන්තරව පිහිටවනු ලැබුවහොත් එම රථය ධාවනයෙදී Suspension System එක හා සම්බන්ධිතව පවතින රබර් කොටස් හේතුවෙන් එම රථයේ රෝද Toe in හෝ Toe out ආකාරයේ පිහිටීමකට ලක්වේ. මෙලෙස රෝද ඈත්වීම හෝ සමීප වීම තීරණය වනු ලබන්නේ රථයට එලැවුම ලබාදෙන්නේ ඉදිරි රෝදයන්ගෙන්ද, පසුපස රෝදයන්ගෙන්ද යන්න මත සහ Suspension System එකෙහි සැකැස්ම මත වේ. එබැවින් එයට අනුරූපව රෝදයේ සිදුවන වෙනස්වීම වලක්වාගතයුතු වේ. එබැවින් යම් රථයක් ධාවනය වීමෙදී එහි Toe out එකක් නිර්මාණය වීමක් සිදුවන්නේ නම් එය වලක්වා ගැනීම සදහා එනම් ධාවනයෙදී රෝද සමාන්තරව පවත්වා ගැනීම සදහා එම රථය නවතා ඇති අවස්ථාවේදී රෝද Toe in ආකාරයට සැකසීම සිදුකරනුලබයි. එලෙසම රථයක් ධාවනය වීමෙදී එහි Toe in එකක් නිර්මාණය වීමක් සිදුවේනම් එය වලක්වා ගැනීම සදහා එනම් ධාවනයෙදී රෝද සමාන්තරව පවත්වා ගැනීම සදහා එම රථය නවතා ඇති අවස්ථාවේදී රෝද Toe out ආකාරයට සැකසීම සිදුකරනු ලබයි. එබැවින් Toe in හෝToe out අගය නිෂ්පාදකයා ලබදී ඇති අගයේ පවත්වා ගැනීම ඉතාම වැදගත් වේ.
එමෙන්ම එක් රෝදයක Toe අගය Individual Toe ලෙසද රෝද දෙකෙහිම අවසාන Toe අගය Total Toe ලෙසද සලකනු ලබයි.

* King Pin Inclination Angle / Steering Axis Inclination Angle (SAI)

රියදුරා විසින් සුක්කානම ක්‍රියාත්මක කිරීමේදී රෝදයෙහි හැරවීම සිදුවන්නා වූ අක්ෂය හා පොළවට ලම්භක තලය අතර ඇති කෝණය King Pin Inclination Angle / Steering Axis Inclination Angle (SAI) නමින් හදුන්වයි. මෙම හැරවුම් අක්ෂය පොළවට ලම්භකව නිර්මාණය නොකරන අතර මෙලෙස යම් ආනතියක් සහිතව පිහි‍ටුවා ඇත. රථය ධාවනය වන අවස්ථාවකදී සුක්කානම හැරවීමෙන් පසු නැවතත් සුක්කානම මුල් පිහි‍ටුමට ස්වයංක්‍රියවම ගෙන ඒම මෙම කෝණය මගින් සිදුකරන ප්‍රධානම කාර්‍යය වේ. එමෙන්ම රථයක පවතින ප්‍රබලම කෝණය මෙය වන අතර එයට හේතුවනම් රථයේ බර මෙම කෝණය වෙත ක්‍රියත්මකවීම වේ. (මෙම කෝණයේ ක්‍රියාකාරීත්වය ප්‍රායෝගිකව නිරීක්ෂණය කලහැකි අවස්ථාවක් නම් රථය නතරකොට සුක්කානම එක්දිශාවකට හැරවීමේදී රථයේ ඉදිරිකොටස ක්‍රමානුකූලව ඉහලට එසවෙන ආකාරය දැකගත හැක).

* Included Angle

Included Angle යනු King Pin Inclination Angle / Steering Axis Inclination Angle (SAI) සහ Camber Angle යන කෝණයන් දෙකෙහි එකතුව වේ. ප්‍රබල අනතුරකින්පසු Alignment කෝණ නිවැරදිව සැකසීම සදහා මෙම අගයන් වැදගත් වේ.

* Caster Trail / Caster Offset

Caster Trail හෙවත් Caster Offset යනුවෙන් හදුන්වනු ලබන්නේ Caster කෝණය ක්‍රියාත්මක කරණු ලබන රේඛාව පොළොව හා ස්පර්ෂ වන ස්ථානය, රෝදයේ පොළොව හා ස්පර්ෂවන ස්ථානයේ මධ්‍ය ලක්ෂයට අති දුර වේ. Caster කෝණය වැඩි වනවිට Caster Trail / Caster Offset අගයද වැඩි වේ.

* Scrub Radius

Scrub Radius යනුවෙන් හදුන්වනු ලබන්නේ පොළොව මතුපිටදී, එනම් ටයරය පොළොව හා ස්පර්ෂ වන ස්ථානයේදී King Pin Inclination / Steering Axis Inclination (SAI) කෝණය සාදනු ලබන රේඛාවත් Camber කෝණය සාදනු ලබන රේඛාවත් අතර පවතින දුර වේ. මෙහි ඇති වැදගත්කම නම් රෝදය හැරවීමෙදී රෝදය ගමන් කරනු ලබන්නේ මෙම දුර අරය කරගත් පථයක වීමයි. මෙම Scrub Radius අගය ප්‍රධන ආකාරයන් තුනකින් පවතී. එනම් පොළොව මතුපිටදී රේඛා දෙක අතර දුරක් පවතී නම් එය Positive Scrub Radius යනුවෙන්ද, රේඛා දෙක පොළොව මතුපිටදී හමුවේ නම්, එනම් රේඛා දෙක අතර දුරක් නොමැති නම් එය Zero Scrub Radius යනුවෙන්ද, මෙම රේඛා දෙක පොළොවට ඉහලින් හමුවේ නම් එය Negative Scrub Radius යනුවෙන්ද හදුන්වයි.

* Turning Angle of the Front Wheel / Toe Out on Turns

රථයක රෝද හැරවීමේදී එම රෝද හැරවෙනුයේ සමාන්තරගතව නොවේ. එයට හේතුව නම් රථයක් එකම ලක්ෂයක් වටා හැරවීමට නම් එම රථයේ රෝද සියල්ලම එම ලක්ෂය වෙත කේන්ද්‍රගත විය යුතුය. මෙලෙස රෝද සියල්ලම එකම ලක්ෂයක් වටා කේන්ද්‍ර ගත වීමට නම් වංගුවකදී, වංගුව ඇතුළු පැත්තේ රෝදය වැඩිපුර හැරවීමක් සිදුකිරීම අවශ්‍යය වේ. මෙම හැරවීමේ අගය ඉතාම නිවැරදිවිය යුතුය. මෙලෙස වංගුව ඇතුළු පැත්තේ රෝදයේ වැඩිපුර හැරවීම සෑම කෝණයක් සදහා ම නිවැරදිව සිදුකිරීම සදහා ackerman principle නම් යාන්ත්‍රණයක් භාවිතා කර ඇත. මෙම ackerman යාන්ත්‍රණය නිවැරදිව ක්‍රියාත්මක වන්නේ දැයි මැන බැලීමක් මෙලෙස Alignment පරික්ෂාවක්දී Turning Angle of the Front Wheel / Toe Out on Turns මැනීමෙන් සිදුකරනු ලබයි.

* Set Back

වම් පස හා දකුණු පස රෝද එකම රේඛාවක නොපිහිටීම Set back යනුවෙන් හදුන්වයි.මෙලෙස Set back අගයෙහි වෙනස්වීම මත Wheel base අගයෙහිද වෙනස්වීම් සිදුවේ. සාමාන්‍යයෙන් මෙම Set back අගය උපරිම වශයෙන් පැවතිය හැක්කේ 12 mm පමණ වන අතර එය 0 mm වන්නේ නම් වඩා නිවැරදි වේ.

* Thrust Angle

ඉදිරි පස හා පසුපස රෝද එක එල්ලේ නොපිහිටන අවස්ථාවක දී Thrust Angle එකක් නිර්මාණය වේ. එවිට රථය පැත්තකට ඇදීමක්ද සිදුවිය හැක. එබැවින් Alignment සැකසීමේ දී Thrust Angle එක ගැනද සැලකිලිමත් වීම වැදගත්වේ.

* Side Slip

මෙම Side Slip අගය මැන බැලීම සදහා විශේෂිත වූ උපකරණයක් අවශ්‍යයවේ. එය Side Slip Tester යනුවෙන් හදුන්වනු ලබයි. යම් හෙයකින් රථයක් පැත්තට අදින්නේ නම් එය පැත්තට අදිනු ලබන ප්‍රමාණය මෙමගින් මැනගත හැක. එය m/Km හෝ mm/m යන ඒකකයන්ගෙන් මැනගත හැක.

TIRE

wirokestation@gmail.com (nuwan blog) — Sat, 16 Jun 2012 05:36:00 +0000

ටයරය යනු අප කවුරුත් හොදින් ම දන්නා හදුනන දෙයකි. එය ඈත අතිතයේ සිටම ක්‍රමක් ක්‍රමයෙන් දියුනුවී, වර්තමානයේ ඉතා දියුනු මට්ටමකට පැමින තිබේ. එමෙන්ම රථයක අරක්ෂාව සැලකීමෙදි ටයර් පිලිබදව වඩා වැඩි සැලකිල්ලක් යොමුකල යුතුවේ. මෙහිදි උත්සහ ගනු ලබන්නෙ එම ටයර් පිලිබද යම් සරල දැනුමක් ලබදීම සදහාය. මෙහිදී ටයරය මාතෘකා කිහිපයක් ඔස්සෙ සරලව සගච්චා කරනු ලබයි.

Tire construction & Types                 ටයරයක සැකස්ම හා වර්ග
Manufacturing date                             නිශ්පාදිත දිනය
Tire Pressure                                       වා පිරවුම් පීඩනය
Temperature Resistant                      ඌෂ්ණත්ව ප්‍රතිරොධය
Tire size                                                 ටයරයේ ප්‍රමානය
Maximum load capacity per tire       ටයරයක ගෙනයාහැකි උපරිම බර
Speed Rating                                       ටයරයක උපරිම වේගය
Traction                                                ටයරයක සංකර්ශනය (පොලව හා ඇති සම්බන්දය)
Wear Indication Mark                         ටයරයක ගෙවීම තීරණය කිරීම
Tire Rotation Mark                              කැරකැවෙන දිශාව (සමහර ටයර් සදහ පමණි)

Tire construction & Types
ටයරයක සැකස්ම හා වර්ග
ටයරයක සකැස්ම අනුව වර්ග කිරීමේදී ප්‍රදාන වශයෙන් ටයර් වර්ග තුනක් දැක්විය හැක.

BIAS TIRE
RADIAL TIRE
RUN-FLAT TIRE

BIAS TIRE
ටයරයක් ගොඩනැගී ඇත්තෙ ස්ථර කිහිපයක එකතුවකිනි. BIAS ටයරයකදි Carcass නම් මුලික ස්ථරය සැමවිටම ටයරයේ පරිධියට ආනතව පිහිටනු ලබන අතර Breaker හෙවත් Belt නම් ස්ථර, එම මුලික ස්ථරයට අනතව සකසා ඇත. මෙම සැකැස්ම හේතුවෙන් එහි වැඩි ශක්තිමත් භාවයක් පැවතුනද එහි සැප පහසු බවෙහි මද අඩු කමක් පවති. (RADIAL ටයරයකට සාපෙක්ෂව)

RADIAL TIRE
RADIAL ටයරයක් ද ගොඩනැගී ඇත්තේ ස්ථර කිහිපයක එකතුවකිනි. නමුත් මෙහිදී එහි මුලික ස්ථරයක් වන Carcass නම් ස්ථරය ටයරයේ පරිධියට ලම්බකව හරස් අතට පිහිටා ඇත. එහි Belt හෙවත් Breaker ස්ථරද Carcass ස්ථරයට ලම්භකව එනම් පරිධියට සමාන්තරව පිහිටා ඇත. එම හේතුවෙන් මෙවැනි ටයර් වල වාසිදායී ගුණාංග බොහොමයක් පවති. ඒවා අතුරින් ප්‍රධාන වශයෙන්ම වැඩි සුව පහසුව, පෙරලුම් ප්‍රතිරෝධයෙහි අවම වීම, සිහින් ස්ථර භාවිතා කිරීම නිසා හොද තාප සන්නයනයක් පැවතීම (මෙම හේතුවෙන් ටයරය ඉක්මනින් සිසිල් වීම සිදුවේ) දැක්විය හැක.

RUN-FLAT TIRE
මෙම ටයරයද RADIAL ආකාරයටම සකසා ඇති නමුත් මෙහි ඇති විශේෂත්වය වන්නෙ,මෙම ආකාරයේදී ටයරයේ හුලං බැසගියද මෙම ටයර ධාවනය කල හැකිවීම වේ. එබැවින් මෙවැනි ටයර් Bullet Proof (වෙඩි නොවදින රථ) සදහ යොදාගනි.

මෙම RUN-FLAT ටයරද ප්‍රධන වශයෙන් ආකාර දෙකකි.

Reinforced side wall type
support ring type

Rainforced side wall type
මෙහිදි ටයරයේ දෙපස බිත්ති ශක්තිමත් කර ඇත, එබැවින් මෙහි හුලං බැස ගියද ටයරය ශක්තිමත්ව පවතින බැවින් රථය අඛන්ඩව ධාවනය කල හැක.

support ring type
මෙම ආකාරයෙදී ටයරය තුල අමතර සහයක රොදයක් පවති. එබැවින් හුලං බැසීමක් සිදු වුවද සහයක රොදය ආධාරයෙන් දිගටම රෝදය ධාවනය කල හැක.

Manufacturing date නිශ්පාදිත දිනය
වර්තමානයේ සෑම ටයරයකම නිශ්පාදිත දිනය ආසන්න වශයෙන් සදහන්ව පවති. ටයරයක් භාවිතාකල හැක්කේ එදින සිට වසර 4ක් පමන වේ (විශේෂිත වු ටයර හැර). ටයරයක නිශ්පාදිත දිනය හදුනා ගන්නා ආකාරය පහතින් දක්වා ඇත. එහිදි අවසන් ඉලක්කම් දෙකින් නිශ්පාදිත වර්ෂය ද, මුල් ඉලක්කම් දෙකින් නිශ්පාදිත සතිය ද පෙන්නුම් කරේ.

Tire Pressure වා පිරවුම් පීඩනය
ටයරයකට වතය පිරවීමෙදී සෑම විටම නිවැරදිම පීඩනය පිරවීමට සැලකිලිමත් විය යුතු අතර එම අගය රථයේ හා අත්පොතෙහි සටහන්ව ඇත. නමුත් ටයරයකට පිරවිය හැකි උපරිම පීඩනය ටයරයේ සටහන්ව ඇත. එම පීඩනය නොඉක්මවීමට හැමවිටම වගබලාගත යුතුය.

එමෙන්ම අඩු වායු පීඩනයකින් යුතුව ටයරය ධාවනය කිරීමද කිසිවිටකත් නොකල යුතුය. එයට හේතුව නම් වායු පීඩනය අඩු අවස්ථාවකදී ටයරයෙ දෙපසින් ගෙවීමකට ලක් වීම මෙන්ම ටයරය තුල ඌෂ්ණත්වය අධික ලෙස ඉහල යාමෙන් ටයරයට හානි වීමද සිඩුවිය හැක.

Temperature Resistant ඌෂ්ණත්ව ප්‍රතිරොධය
ටයරයක් භාවිතා කල හැකි ඌෂ්ණත්ව තත්වය වර්තමානයේ ටයරයන් හි සදහන්ව ඇත. එය TEMPERATURE යනුවෙන් A, B, C ලෙස සදහන්ව ඇත.

Tire size ටයරයේ ප්‍රමාණය
ටයරයේ ප්‍රමණය පිලිබදව සම්පුර්ණ විස්තරයක් RADIAL ටයරයේ සටහන්ව ඇත(BIAS TIRE වලද යම් විස්තරයක් දක්නට ලබේ). මෙහිදි එය අංකයක ආකරයට දක්වා ඇත.

TIRE WIDTH                                 - මෙමගින් ටයරයේ පළල දක්වා ඇත.
ASPECT RATIO                            - මෙහිදී ටයරයෙ පළල උසට දරන අනුපතය දක්වයි
R                                                      -RADIAL ටයරයක් බව දක්වයි
RIM DIAMETER                            - රිම් එකෙහි විශ්කම්බය දක්වා ඇත (අගල් වලින්)
LOAD CARRYING CAPACITY - එක් රෝදයක ගෙනයා හැකි උපරිම බර පෙන්නුම්                                                                                                                         කරේ (නමුත් ඒ සදහ වෙනම වගුවක් ඇති අතර එය                                                                                                                           ආධාරයෙන් බර නීර්නය කරගත හැක)
SPEED SYMBOL                           - රොදය ගමන් කල හැකි උපරිම වේගය මෙමගින් දක්වයි

BIAS ටයරයන් සදහාද ප්‍රමානය පිලිබද යම් විස්තරයක් ඉහතින් දක්වා ඇත. එමෙන්ම මෙහි T-TYPE TIREයනුවෙන් දක්වා ඇත්තේ තාවකාලිකව බාවිතා කරන්න වු ටයර වේ (මෙම ටයර් සමහර මොටර් රථ වල දැකිය හැක. කුඩා ටයරයකි).

Maximum load capacity per tire ටයරයක ගෙනයාහැකි උපරිම බර
ඉහතින් සදහන් කල ආකාරයට ටයරයක ගෙන යා හැකි උපරිම බර සොයා ගැනීම සදහ වගුවක් භවිත කල යුතුවේ. එම වගුව පහතින් දක්වා ඇත.

Speed Rating ටයරයක උපරිම වේගය
ටයරයක උපරිම වේගය සොයාගැනීම සදහා ද වගුවක් භාවිතා කල යුතුවේ. එම වගුව පහතින් දක්වා ඇත.

Traction ටයරයක සංකර්ශනය (පොලව හා ඇති සම්බන්දය)
ටයරයක් පොළව හා ඇති කරගනු ලබන සංකර්ශනය (පොලව හා ඇති සම්බන්දය) සමහර නවීන ටයර වල සදහන් කර ඇත. එම අගය ටයරයේ ගොඩනැගීම හා කට්ට රටාව මත රදා පවති. එම අගය AA, A, B, C, ආකාරයෙන් දක්වා ඇත.

Wear Indication Mark ටයරයක ගෙවීම තීරණය කිරීම
ටයරයක් භාවිතයෙන් ඉවත් කිරීමට තරම් ප්‍රමණවත් පරිදී ගෙවි ඇත්දැයි දැනගනීම සදහා සලකුණක් නිශ්පාදකයා විසින්ම ටයරයට අතුලත් කර ඇත. එය Wear Indication Mark හෙවත් SLIP SIGN යනුවෙන් හදුන්වයි. එනම් ටයරයෙහි දෙපස ඊ හිසක් වැනි සලකුණු හතරක් හෝ ඊට වැඩි ප්‍රමානයක් හෝ දක්නට ලැබේ. එම ස්ථානවල ටයරයෙහි කට්ට වල ගැබුරෙහි අඩුවක් සිදුකර ඇත. එම නිසා රූප සටහනේ ආකාරයට ටයරය ගෙවීයාමෙදී එම ස්තාන වලින් හරස් ඉරි මතු වීම සිදුවේ. මෙලෙස ඉරි මතු වී ඇත්නම් එම ටයරය මරුකිරීම සිදු කල යුතුය.

Tire Rotation Mark කැරකැවෙන දිශාව (සමහර ටයර් සදහ පමණි)
සමහර ටයරයන් සදහා කරකැවෙන දිශාවක් නිශ්පාදකයා විසින් තීරනය කර ඇත. එවැනි ටයර් එම දිශාවටම කරකැවෙන ලෙස රථයට සවි කල යුතුවේ. එසේ නොවුන හොත් එම ටයරය පොලව හා හොදින් සම්බන්ධ නොවන අතර ටයරයෙහි ආයුකාලයෙහිද යම් අඩුවීමක් සිදුවිය හැක. එම දිශාව ටයරයේ ඊ තලයක් මගින් දක්වා ඇත.

COMMENT එකක් දාලා යන්නත් අමතක කරන්න එපා.....!!

EFI ක්‍රියාකාරීත්වය සරලව...

wirokestation@gmail.com (nuwan blog) — Thu, 14 Jun 2012 15:55:00 +0000

EFI යන්න Electronic Fuel Injection යන පදය කෙටි කිරීමෙන් එය සැදී ඇත. එමගින් අදහස් කරනු ලබන්නෙ ඉලෙක්ට්‍රොනික පද්දතියක් ආධාරයෙන් මෙම ඉන්දන විදුම් පද්දතිය ක්‍රියත්මක වන බවයි.

මෙහිදී සරලව එය විග්‍රහ කර අති අතර අධයනය පහසුව තකා කොටස් තුනකට බෙදා වෙන් කර ඇත.
1. ඉන්දන සැපයුම
2. වාතය සැපයුම
3. ජ්වලන සැපයුම (Ignition )

1. ඉන්දන සැපයුම.
මෙහිදී ටැන්කියෙහි ඇති ඉන්ධන, ටැන්කිය තුල අති ඉන්ධන පොම්පයක් ආධාරයෙන් පීඩනය කරනු ලබයි. එම ඉන්ධන පෙරහනක් ආධාරයෙන් පෙරා ඉන්ලෙට් මැනි ෆොල්ඩ් එක අසන්නයේ ඇති පීඩිත තෙල් රදවා ගත හැකි නලයක් (Fuel Rail) වෙත ලබා දී ඇත. එම පීඩන නලය හා සම්බන්දව ඉන්ජෙක්ටර් රදව අති අතර එම ඉන්ජෙක්ටර් පරිගණකය මගින් පාලනය වේ. එනම් පරිගණකය මගින් ලැබෙන ධාරාව හෙතුවෙන් ඒව විව්ත වේ. එවිට පීඩනයක් සහිත පෙට්‍රොල් ඉන්ලෙට් වෑල්වය අසන්නයට නිකුත් වීම සිදුවන අතර ඉන්ධන නිකුත් වන ප්‍රමණය පරිගණකයට අවැසි අන්දමට පාලය කල හැකිය.

2. වාත සැපයුම.
මෙහිදි එන්ජිම තුලට ඇදගනු ලබන වාත ප්‍රමානය සංවේදකයක් ආධාරයෙන් මැන ගැනීම සිදු කරනු ලබයි. එමෙන්ම ත්‍රොට්ල් වැල්වයේ විව්ත වී ඇති ප්‍රමණය ද සංවේදකයක් ආධාරයෙන් මැන බලනු ලබන අතර එම අගයන් දෙකෙහි අනුපතය ආස්‍රයෙන් එන්ජිමෙහි භාරය පරිගනකය විසින් මැන බලනු ලබයි.

අවසානයෙහි දී එන්ජින් භාරයට හා එන්ජිමෙහි වේගයට අනුරූපව ප්‍රස්තරයක් ආධාරයෙන් ඉන්දන විදිය යුතු ප්‍රමානය පරිගනකය විසින් තීරණය කිරීමෙන් අනතුරුව ඊට ගැලපෙන ආකාරයට ඉන්ජෙක්ටර් ක්‍රියාත්මක කර ඉන්ධන නිකුත් කිරීම සිදු කරනු ලබයි. මෙහිදී නිකුත් කරනු ලබන ඉන්ධන ප්‍රමනය තීරණය වන සාධකය වන්නෙ ඉන්ජෙක්ටරය විව්තව පවතින කාල සීමාව වේ. එය Injector drive time ලෙස හදුන්වයි

3. ජ්වලන සැපයුම.
නවීන එන්ජින් සදහා ජ්වලනය සපයීමද පරිගනකය මගින් පලනය කරනු ලබයි. එනම් එන්ජින් ලෝඩ් එක (ලබාගන්නා ආකාරය ඉහතින් විස්තර කර ඇත) හා එන්ජිමේ වේගයට අනුරූපව ත්‍රිමාන ප්‍රස්තාරයක් ආධාරයෙන් මෙම ජ්වලන කෝනය තීරනය කරනු ලබයි. මේ සදහා ත්‍රිමාන ප්‍රස්තාරයක් භාවිතා කිරීම හේතුවෙන් මෙම ආකාරයේ ජ්වලනයන් සහිත ක්‍රමය Map Ignition යනුවෙන් හදුන්වයි.

මේ සියලු ආකාරයන්ගේම එකතුව හෙතුවෙන් හා පරිගනකයක් ආධාරයෙන් සියලුම සාධක ඉතාම නිවැරදිව පලනය කිරීම හේතුවෙන් මෙවැනි වු පද්ධතියක් සහිත එන්ජිමක් අඩු ඉන්ධන පරිභොජනයක් සහිතව, වැඩි බලයකින් යුක්තව හා අඩු පරිසර දුෂණයකින් යුතුව ධාවනය වීම සිදුවේ.

ABS ක්‍රියාකාරිත්වය

wirokestation@gmail.com (nuwan blog) — Sat, 02 Jun 2012 15:26:00 +0000

ABS ක්‍රියාකාරිත්වය සරලව හදුනා ගැනීම මෙමගින් බලපොරොත්තුවෙ.
මෙහිදි මාතෘකා කිහිපයක් යටතේ ABS පද්දතිය පිලිබදව සාගච්චා කරනු ලබයි.

1. Purpose
2. ABS Function
3. System Construction
4. Slip Ratio
5. Operation
6. Sensor
7. Safety Precaution

1. Purpose
ABS පද්ධතියක් මෝටර් රථයකට යෙදීමෙන් බලාපොරොත්තු වන්නාවූ ප්‍රධාන කාර්යයන් 4 ක් පවති.

1. රථය පොලව මතුපිට ලිස්සායාමකට ලක් නොවන ආකාරයෙන් නතර කර ගැනීම.
2. තිරිංග යොදන අතරතුරෙහිද සුක්කානම් පාලනය (Steering Control) පවත්වා ගැනීම.
                   (සුක්කානම් පාලනය යනු තිරිංග යොදන අතරතුරෙහිද සුක්කානම ආධාරයෙන් රථය පාලනය කිරීමේ හැකියාව වේ. එනම් අනතුරක් සිදුවන අවස්ථාවකදී රියදුරා විසින් තිරිංග යෙදීමට අමතරව සුක්කානම ආධාරයෙන් රථය බාධකයෙන් ඉවතට ගැනීමේ උත්සහයකද යෙදේ. මෙය අනතුරක් වලක්වා ගැනීමට අවශය කරන තවත් වැදගත් සාධකයකි. ABS නොමැති රථයක මෙම හැකියාව නොමැත. එයට හේතුව නම් රියදුරා විසින් සුක්කානම ආධාරයෙන් රෝද හැරවීමක් සිදුකලද රෝද සිරවී ඇත්නම් රථය, රියදුරාට අවශ්‍යය දිශාවට ගමන් කරවීමට නොහැකි වීමයි)

3. රථයේ ස්ථායිතාවය පවත්වාගැනීම
                (යම් හෙයකින් රෝද සිරවීමකට ලක්වූයේනම් රථය පොලව මත ඇදී යාමෙදී රෝද හතර මත ඝර්ශණ අවස්ථා හතරක් ක්‍රියාත්මක වියහැක. එවිට වැඩිම ඝර්ශණයක් ඇති රෝදය වටා ගුර්ණයක් ඇතිවීමේ හැකියාවක් පවති. ABS පද්දතිය මගින් මෙම අවාසිය වලක්වා ඇත)

4. අඩුම දුරකින් රථය නවත්වා ගැනීම.
                (ABS පද්දතියක් සහිත රථයක් ABS නොමැති රථයකට වඩා අඩු දුරකින් නතර වීමේ හැකියාවක් ඇත. එයට හේතුවනම් ABS සහිත රථය වැඩිම ඝර්ශන අවස්ථාවකට ලක්වීම වේ. රෝදය ලිස්සා යාමත් සමගම Brake නිදහස් කරන බැවින් හා දිගින් දිගටම මෙම ක්‍රියාවලිය සිදුවීම මගින් රෝද වැඩිම සීමකාරි ඝර්ශන අවස්තා සංඛ්‍යාවකට ලක්වේ)

2. ABS Function
ABS (Antilock Brake System) යන මුලික නාමයෙන්ම එහි ක්‍රියාකාරිත්වය පිළිබදව යම් අදහසක් ලබාගත හැක. එනම් -Antilock- රෝද සිරවීම වැලැක්වීම මෙමගින් සිදු කරනු ලබයී.රෝද සිරවීමකදී රථයකට සිදුවිය හැකි අවාසි කිහිපයක් ම පවතී. එනම් රොද සිරවී රථය ලිස්සයමක් සිදුවීම හේතුවෙන් රථයේ ස්ථයී බව (Stability) අහිමිවීම, සුක්කනම් පාලනය (Steering Control) අහිමිවීම, රථය නතර වීමට ගතවන දුර (Stopping distance) හා කාලය වැඩි වීම ආදිය දැක්විය හැක. එ බැවින් එම අවාසි මගහැරවා ගැනීම සදහා රොද සිරවීම වැලක්වීමට ක්‍රමයක් ABS පද්දතියේ යොදා ඇත. එනම් යම් රෝදයක් සිර වීමකට ලක්වුයේ නම් එම රෝදයෙහි Brake වහාම නිදහස් කිරිමයි. එවිට නැවතත් සිර වු රෝදය කරකැවීමට ලක් වීමෙන් රථය පොලව මතුපිට ලිස්සායාම වැලකී යයි. එමෙන්ම මෙලෙස Brake නිදහස් කරනු ලබු රෝදය නැවත කරකැවෙනවාත් සමගම නැවතත් එම රෝදයට Brake Apply කිරීම මෙම පදිධතිය මගින් සිදුකරනු ලබයි. මෙම ක්‍රියාවලිය තප්පරයට 11 වතාවක් පමණ සිදුවේ. එනම් යම් රෝදයක් සිරවීමකට ලක්වූයේ නම් එම රෝදයට කඩින් කඩ තිරිංග යෙදීමක් ABS ක්‍රමයේදී සිදුකරනු ලබයි. එබැවින් මෙම ABS ක්‍රමය හේතුවෙන් යම් රථයකට ඉහත සදහන් අවාසි මගහැර ගනිමින් අඩු දුරකින් ආරක්ෂාකාරීව නතරකර ගැනීමෙ අවස්ථාව හිමිවේ.

3. System Construction
පහත රූප සටහනින් දක්වා ඇත්තේ ABS නොමැති රථයක Brake පද්ධතියේ පිහිටීම වේ.

මෙම රූප සටහනින් ABS පද්ධතියක් සහිත රථයක කොටස් පිහිටීම දක්වා ඇත.

පහත රූප සටහනින් ABS පද්ධතියට අදාල වන්නා වු කොටස් පිහිටන සත්‍යය ස්ථාන දක්වා ඇත.

4. Slip Ratio
ABS පද්ධතිය පිලිබදව සැලකීමේදී Slip Ratio යනු සාගච්චා කළයුතු වැදගත් මාතෘකාවකි.
Slip Ratio යන්නෙන් අදහස් කරණු ලබන්නේ රෝදය පොළව මතුපිට කොපමණ ප්‍රතිශතයකින් ලිස්සා යනවාද යන්නයි. එනම් ABS සහිත රථයක් වුවද යම් ප්‍රතිශතයකට අදාලව පොළව මතුපිට යම් ලිස්සායාමක් පවති.

යම් රථයක් තිරිංග යෙදීමෙන් අනතුරුව රෝද සිරවීමෙන් දිගින් දිගටම පොළව මතුපිට ලිස්සා යන්නේ නම්, එම රථය තිරිංග යෙදීමෙන් අනතුරුව ගමන් කල මුළු දුරම ගමන් කර ඇත්තේ ලිස්සා යාම හේතුවෙන් බැවින් එවැනි තිරිංග යෙදීමක Slip Ratio අගය 100% ලෙස දැක්විය හැක.
(ABS නොමැති රථයක මෙය සිදුවේ. මෙලෙස Slip Ratio අගය 100% වු අවස්ථාවකදී රෝද සිරවීම හේතුවෙන් රථය ලිස්සායාම ඇතුලු ඉහත සදහන් සියලු අවාසි සිදුවේ.)

යම් රථයක් තිරිංග යෙදීමෙන් අනතුරුව රෝද සිරවීමකින් තොරවම ගමන් කර නතර වුයේනම් එවැනි අවස්තාවක Slip Ratio අගය 0% ලෙස දැක්විය හැක.
(නමුත් මෙවැනි අවස්ථාවකදි ඇති එකම අවාසිය නම් රථය නතරවීමට වැඩි දුරක් හා කාලයක් ගතවීමයි.)

එබැවින් රථයක් අඩුම දුරකින් හා අඩුම කාලයකින් ආරක්ෂාකාරීවම නතර වීමට අවශ්‍යය කරන්නා වු Slip Ratio අගය නිශ්පාදකයින් විසින් පරික්ෂණාත්මකව ගණනය කර ඇත. එම අගය 8%-35% අතර අගයක් ගනි.
(එක් එක් නිශ්පාදකයාගේ සහ එක් එක් Model වල Slip Ratio අගය එකිනෙකට වෙනස් වු අගයක් ගනී. නමුත් ඒ සෑම අගයක්ම මෙම පරාසය තුල පවතී.)
එබැවින් Slip Ratio අගය නියමිත පරාසය තුල පවත්වා ගැනීම ABS පද්ධතියේ කාර්යය වේ.

5. Operation

ABS පද්ධතියක් පරිගණකයක් (E.C.U) හා Actuator ආධාරයෙන් පාලනය වන අයුරු සරලව ඉහත රූපසටහනින් දක්වා ඇත. ABS පද්ධතියක ක්‍රියාකාරීත්වය සදහා පරිගණකයක් (E.C.U) හා Actuator අත්‍යාවශය වේ.

E.C.U
පරිගණකයෙහි (E.C.U) ක්‍රියාකාරීත්වය ප්‍රධාන වශයෙන් කොටස් 3 කට බෙදා වෙන්කොට දැක්විය හැක. එනම් ගණනය කිරීම (Calculation), පද්ධතිය පාලනය කිරීම (System Controlling), සහ තම පද්ධතියේ දෝෂයක් ඇතිද යන්න තමා විසින්ම පරික්ෂාකිරීම (Self Diagnosis) වේ.
පහත රූප සටහනින් එය තවත් පැහැදිලි වේ.

Actuator
Actuator එක යනු පරිගණකය විසින් තමාට අවශ්‍යය පරිදි ABS පද්ධතිය පාලනය කිරීම සදහා යොදාගනු ලබන ඒකකය වේ. මෙහි පරිගණකය මගින් පාලනය වන්නාවු Solenoid පිහිටවා ඇති අතර ඒවා ආධාරයෙන් පරිගණකය මගින් ABS පද්ධතිය පාලනය කරනු ලබයි.

Actuator එකක කොටස් කරන ලද රූපසටහනක් පහතින් දක්වා ඇත.

ABS පද්ධතියක් පමනක් ඇති Actuator එකක් තුල පවතින Hydraulic Diagram එකක් පහතින් දක්වා ඇත.

මෙහි P අකුරින් Pump දක්වා ඇති අතර M අකුරින් Motor දක්වා ඇත. මෙම පද්ධතිය සදහා Pump හතරක් රූපසටහනේ පෙන්නුම් කලද පොදුවේ දෙකකට එක බැගින් Pump දෙකක් ඇත. Pump සියල්ලටම පොදුවේ Motor ඇත්තේ එකක් පමණි.
මෙහි රෝද 4 සදහා වෙන් වෙන් වශයෙන් ක්‍රියාත්මක වන්නවු පරිපථ 4ක් පවතින අතර එය ක්‍රියාකාරීත්වය ඇතුලු සෑම අතින් ම එකිනෙකට සමාන වේ. එබැවින් මෙහිදි එක් පරිපථයක් පමනක් ‍තෝරාගෙන එහි ක්‍රියාකාරීත්වය සගච්චා කරනු ඇත.

ඉහත රූප සටහනින් ‍තෝරාගත් එක් පරිපථයක් පමණක් විශාල කර පහතින් දක්වා ඇත. එහි ක්‍රියාකාරිත්වය හැදෑරීමෙන් සියලු රෝද වල හැසිරීම අධ්‍යනය කර හැක.

ABS ක්‍රියාකාරීත්වය සැලකීමේදී එහි මුලික අවස්ථා තුනක් දැක්විය හැක.
එනම්
1. Pressure increase Mode
2. Pressure Holding Mode
3. Pressure Reduction Mode

Pressure increase Mode

මෙම Mode එකෙහිදි රෝද ආසන්නයේ Brake පීඩනය වැඩි වන බැවින් මෙම නාමය මෙම අවස්ථාවට ලැබී ඇත. මෙහිදී රූපසටහනේ ආකාරයට Solenoid දෙකක් පද්ධතිය හා සම්බන්ධ කර ඇත. එහි Solenoid IN Valve එක සාමාන්‍ය අවස්ථාවේදී (එනම් විදුලිය හා සම්බන්ධ නොකර ඇති අවස්ථාවේදී) විවෘතව ඇත.නමුත් Solenoid OUT Valve එක සාමාන්‍ය අවස්ථාවේදී (එනම් විදුලිය හා සම්බන්ධ නොකර ඇති අවස්ථාවේදී)වැසී පවති. ඉහත සැකැස්ම අනුව රියදුරා විසින් තිරිංග යෙදීමේදී Brake Oil ඊ හිසින් දක්වා ඇති ආකාරයට රෝද වෙත ගමන් කිරීම සිදුවේ. එ බැවින් තිරිංග යෙදීමත් සමගම රෝද නතර වීම ආරම්භ වේ.

Pressure Holding Mode

රෝද නතර වීමේදී රෝද සිරවීමක්(Lock)සිදුවුවහොත් වහාම අදාල රෝදයේ තිරිංග අක්‍රිය කල යුතුය. එහිදි රියදුරා තවදුරටත් Brake Paddle එක පෑගීම හේතුවෙන් තවදුරටත් එම රෝදයේ ද්‍රව පීඩනය වැඩිවීම වලක්වාලීම සදහා එම රෝදයට අදාල පරිපථයේ Valve IN solenoid වැසීම පරිගණකය මගින් සිදු කරයි. එලෙස Solenoid වැසීමත් සමගම රෝද අසල ද්‍රව පීඩනය නියතව පවතින බැවින් මෙම අවස්ථාව Pressure Holding Mode ලෙස හදුන්වයි.

Pressure Reduction Mode

සිරවු රෝදයේ තිරිංග වහාම ඉවත් කල යුතු බැවින් මෙහිදී Solenoid Out Valve පරිගණකය මගින් විවෘත කිරීම සිදු කරනු ලබයි. එවිට රෝදය අසල ද්‍රව පීඩනය ක්ෂණිකව ඉවත් වී යයි. එමනිසා නැවතත් රෝදය කරකැවීමට ලක් වේ. මෙම ආකාරයට රියදුරා තිරිංග පාදිකය ක්‍රියාත්මක කරගෙන සිටින අවස්ථාවකදී ද රෝද අසල තිරිංග පීඩනය ඉවත් කිරීම ABS පද්ධතිය මගින් සිදු කරයි.

Pump & Motor Assy

ABS පද්ධතියේ ක්‍රියාකාරීත්වයට අත්‍යාවශය පොම්පය හා මෝටරය මෙහි දක්වා ඇත. අනුවර්තී චලිතයක් සහිත Reciprocating Movement පොම්පය, මෝටරය ආධාරයෙන් ක්‍රියාත්මක වේ. පිස්ටනය පසුපසට ගමන් කිරීමත් සමගම පහතින් ඇති One way වෑල්වය හරහා Brake Oil පොම්පය වෙත ඇතුල් වන අතර පිස්ටනය ඉදිරියට ගමන් කිරීමත් සමගම ඉහලින් ඇති One way වෑල්වය හරහා Brake Oil ඉහලට ගමන් කිරීම සිදුවේ. මෙලෙස ඉහලට ගමන් ගන්නා වූ Brake Oil තිරිංග පදිකය ඉහලට තෙරපමින් Master pump එකෙහි Oil container වෙත ගමන් කිරීම සිදුවේ.
පොම්පයේ ක්‍රියාකාරීත්වයත් සමගම පහතින් ඇති One way වෑල්වයේ විවෘත වීම සහ වැසීම සිදුවේ. මෙලෙස වෑල්වය වැසී පවතින අවස්ථාවන්හී දි රෝදය අසලින් පැමිණෙන Brake Oil එකතුවීම සදහා Reservoir එක යොදා ඇත. නැවතත් පහලින් ඇති One way වෑල්වය විවෘත වීමත් සමගම Reservoir එකෙහි ඇති Brake Oil ඉහලට පොම්ප කිරීම සිදුවේ.
මෙම ක්‍රියාවලිය දිගින් දිගටම සිදුවීමේ දී පොම්පය මගින් Brake Oil ඉහලට තල්ලු කිරීමත් රියදුරා විසින් තිරිංග පාදිකය පහලට තල්ලු කිරීමත් හේතුවෙන් තිරිංග පාදිකය මත කම්පනය වීමක් (Vibration) සිදුවේ. මෙලෙස කම්පනයවීම දෝශයක් නොවන අතර ABS පද්ධතිය නිවැරදිව ක්‍රියාත්මක වන බවට හොද සාක්ෂියක් වේ.

සාමාන්‍යය අවස්ථාව. Ordinary Brake mode

මෙහි සාමාන්‍යය (Ordinary Brake) අවස්ථාවක පද්ධතියේ ක්‍රියාකාරීත්වය දක්වා ඇත. එනම් ABS ක්‍රියාත්මක නොවන ආකාරයේ තිරිංග යෙදීමක් දක්වා ඇත. රථයේ වේගය අඩුකර ගනීමකට හෝ රෝද Lock නොවන ආකාරයේ තිරිංග යෙදීමකදි මෙම ආකාරයට පද්ධතියේ ක්‍රියාත්මක වීම දැක්විය හැක.
පද්ධතිය නිර්මාණයේදී වෑල්වය මතට අඩු පීඩනයක් ක්‍රියාත්මක වන ආකාරයෙන් වෑල්වය නිර්මාණය කර ඇත. වෑල්වය මත වර්ගඵලය අඩුවන ආකාරයෙන් එනම් වෑල්වය තුල සිදුරෙහි ප්‍රමානය කුඩාවට නිර්මාණය කර ඇත. තිරිංග යෙදීමකදි Master Pump එක මගින් ලබාදෙන අධික පීඩනය හේතුවෙන් Brake Oil අඩු කාලයක් තුලදි වෑල්වයේ සිදුර තුලින් ගමන් කලද, නැවතත් Master Pump වෙත Brake Oil ගමන් කිරීමේදී ගමන් කල යුත්තේ කුඩා සිදුරක් සහිත වෑල්වය තුලින් බැවින් (Solenoid Out Valve විවෘත වන්නේ ABS ක්‍රියාත්මක වන අවස්ථාවක්දී පමනක් වන බැවින්) ඒ සදහ වැඩි කාලයක් ගතවේ. එම බාධාව මගහරවා ගැනීම සදහා One way වෑල්වයක් සහිතව අමතර මාර්ගයක් නිර්මාණය කර ඇත.

6. Sensor
ABS සදහා යොදාගනු ලබන Wheel Sensors ප්‍රධාන වශයෙන් වර්ග දෙකකි.
1. Passive Type Sensor (Teeth Type)
2. Active Type Sensor (Encoder Type)

1. Passive Type Sensor (Teeth Type)

Passive ආකාරයේ සෙන්සරයක් ඉහතින් දක්වා ඇත. වර්තමානයේ බොහෝමයක් රථයන්හි දක්නට ලබෙනුයේ මෙම ආකාරයේ සෙන්සරයන් වේ. මෙහිදි Teeth සහිත Rotor නැමැති කොටස රෝද හා සම්බන්ධිතව ඇති අතර රෝද කරකැවීමෙදී රොටරයද කරකැවීම සිදු වේ. Sensor ස්ථිරව සවිකර ඇති අතර ප්‍රේරණය Induction නැමති මූලධර්මය උපයෝගි කරගනිමින් රෝද කරකැවීමත් සමග සෙන්සරය තුල විද්යුත් තරංගයක් නිපදවීම සිදුවේ. එය Analog එකක් වන අතර එම තරංගය නිර්මාණය වන ආකාරය පහත රූපසටහනින් දක්වා ඇත.

2. Active Type Sensor (Encoder Type)

Active ආකාරයේ මෙම සෙන්සරය Encoder Type යනුවෙන්ද හැදින් වේ. ඉතාම නවීන රථ සදහා මෙම ආකාරය යොදාගනු ලබයි. මෙහිදී රෝද හා සම්බන්ධිතව රොටරයක් ඇතත් එහි Teeth දක්නට නොමැති අතර මෙය Magnetic රොටරයක් වේ. සෙන්සරය ස්ථිරව සවිකර ඇති අතර Hole ආචරණය නැමැති මූලධර්මය උපයෝගි කරගනිමින් Digital තරංගයක් මෙහිදී නිපදවනු ලබයි.

7. Safety Precaution
1. මෙම උපාංග ඉතාමත් සංවේදී ඉලෙක්ට්‍රොනික කොටස්වලින් යුක්තවන බැවින් අලුත්වැඩියාවන් සිදුකිරීමේදී ඉතාමත් පරීක්ෂාකාරීව මනා දැනුමක් හා පලපුරුද්දක් සහිත පුද්ගලයන් විසින් සිදු කල යුතුය.
2. ABS පද්ධතියක් සහිත රථයක් වුවද නතර වීමට ගතවන කාලය හ දුර මාර්ගයේ තත්වය මත වෙනස්වීම සිදුවිය හැක.
3. ABS පද්ධතියකින් උපරිම කාර්යක්ෂමතාවය ලබාගැනීම සදහා රථයේ Brakes, Suspension, Tire (Size & Pressure) ආදියෙහි Modification සිදු නොකල යුතුය.

Comment එකක් දාලා යන්නත් අමතක කරන්න එපා...!!