السيستم واقع

ما فهمته من درس السنوات العشر الماضية

noreply@blogger.com (mhmd) — Mon, 11 May 2020 02:24:00 +0200

قناعتي ان الام اللي شايلة هم عيالها بزيادة بتعلمهم الانتخة

واي شريك شايل الهم بزيادة بيعلم شركاءه الاتكالية

وان كم الايجابية في المجتمعات متقارب 

الفرق بين مجتمع ايجابي وناهض وبين مجتمع سلبي ومتخلف ان المجتمع الايجابي فيه اكثرية شايلة المسئولية بشكل متوسط بينما المجتمع المتخلف فيه اقلية نكدية شايلة الهم بزيادة واغلبية ساحقة سلبية بزيادة

فلو افترضنا ان المسئولية اللي المفروض تتوزع على عشرين مليون مصري "فئة البالغين من سن 20 الى 60 سنة اللي بيعرفوا يقروا ويكتبوا وعندهم قوت اليوم ولو بيكملوا بالعافية لاخر الشهر " لو افترضنا ان هؤلاء الـ20 مليون ينبغي ان هم الشأن العام يتوزع عليهم بالتساوي 

ولكن لان طبيعة البشر وواقعهم بيقولوا ان ده مش بيحصل فالعشرين مليون سهم هايتقسموا على عشرة مليون كل واحد فيهم يشيل ما بين سهم او اتنين او تلاتة

بييجي واحد مثالي "ابو العلا البشري في ذات نفسه" ويقرر يشيل الفين سهم او اكتر 

النتيجة انه بيفشل في الشيل لانك مهما كنت قوي مش ممكن تشيل جبل ومهما كنت غني مش ممكن تعزم كل ركاب قطار على حسابك

والنتيجة كمان انه بيكون متوتر ومنفر وبيبعد الناس عن مساعدته زي الام اللي بتصوت طول اليوم نتيجة انها شايلة اكتر من طاقتها

والنتيجة التالتة وهي الاخطر انه بيعلم الآلاف من حوله السلبية والاتكالية وغالبا ما بيكون دور اللي مركز منهم انه يحاسبه على اي نقصان في مقدار شجاعته او شهامته حتى ولو احترق من اجلهم سيحملونه مسئولية انه لم يحترق حلو او انه احترق مرة واحدة او انه كان بيصرخ بصوت وحش وهو بيحترق او ان احتراقه لم يكن اسطوريا مثل الاحتراقات اللي سمعوا عنها في الكتب والسير 

طالما انت كملت معايا للسطر ده يبقى انت من الصنف الايجابي بزيادة لان السلبي طفش اول ما لاقى "see more" 

صديقي الايجابي بزيادة انسى نظرية البطل الشمعة المنورة المحترقة من اجل الاخرين التي الهبت خيالك بالانتحار واطفأت خيال السلبيين بالانتظار 

ذلك البطل الاسطوري  مجرد خيال محض او هي رواية اسطورية منحازة ضد حقائق التاريخ 

لا يوجد افراد صنعوا التاريخ بل مجتمعات واي رواية تتحدث عن بطل صنع تاريخا فهي محض خيال ادبي يؤدي الى الهاب مشاعر القلة للانتحار واطفاء مشاعر الكثرة بالانتظار "انتظار الفتوة او المخلص او المسيح او المجدد او اي حاجة مش هاتحصل"

#تسقط_التضحية #تسقط_الانتخة 

#لا_تنتظر_المخلص #انت_لست_المخلص

#ادي_دورك_في_مكانك

محطات صناعة الحياة الراشد -عمرو خالد -زغلول النجار حتى عبدالله الشريف

noreply@blogger.com (mhmd) — Sun, 19 Apr 2020 14:10:00 +0200

في بداية التسعينات ظهر كتاب "صناعة الحياه" لداعية ومنظر اسلامي عراقي اشتهر باسم مستعار "محمد احمد الراشد" 

الكتاب احتوى نظرية اسماها المؤلف نظرية الولاء حيث رصد دوران الكواكب في افلاك النجوم والالكترونات في فلك النواه وكذلك البشر يدورون في افلاك النجوم "المشاهير والمؤثرين" 

وبالتالي اذا كان لدى الحركة الاسلامية طبيب متفوق وعالم فلك وشاعر وقصاص وروائي فان كل من هؤلاء سيكون لديهم دوائر قوية من التاثير يمكن من خلالها حشد المعجبين "الموالين" لصالح مشروع الحركة الاسلامية "مشروع الوصول للسلطة"

وقارن الراشد بين ولاء المعجبين "مش منهم بس بيحترمهم" وبين الطاعة وقال ان الطاعة وان كانت مطلوبة لانجاز الخطط الدقيقة لكن الولاء هو ما يحشد ملايين الطاقات بلا جهد ولا متابعة ولا ادارة معقدة "الكتاب في الاجمال ممتع وقد يغري العلمانيين المصريين بتبني نظريته لكونها ملائمة لطريقتهم في التفكير لذلك اقول لهم دائما امامكم الكثير حتى تصلوا للاخوان نسخة 1992"

رغم ان الكتاب لم يتم تبنيه من قيادات الاسلاميين وقتها لكنه انتشر انتشار هائلا بين المنتمين واعتبروه نظرية النصر والتمكين المنشود وبدات تظهر خطط تنظيمية متبنية تلك النظرية "الربط العام" ومع الوقت اختلط ما هو فطري مع ما هو نظري مع ما هو تنظيمي فبدات مرحلة ترميز اي طبيب او محامي او حتى بقال منتمي في مدينته حتى دخول الانتخابات كان هدفها الاساسي ليس الحصول على مقعد برلماني او نقابي بقدر استغلال الدعاية في ترميز شخص ما لحشد جزء من طاقة المجتمع حوله

ثم ظهرت صناعة الحياه عمرو خالد بعد ظهورها على يد الراشد بحوالي 15 سنة واعيد انتاجها بشكل مختلف واقل عمقا وان كانت نجومية عمرو خالد وزغلول النجار تحديدا كانت نجوميتهما تطبيق مباشر وحرفي للنظرية كما عبر عنها الراشد في كتابه بالاضافة لاخرين لكن النظرية كانت مطبقة حرفيا في النموذجين ثم محاولات اخرى حققت نجاحات متفاوتة مثل سامي يوسف ومصطفى محمود "المنشد" وجمعية رسالة واعادة ترميز الفنانين المعتزلين "التائبين" واعادة توظيف الناجحين في مجالاتهم الى جذب جمهورهم الطبيعي الى مجال صهينة الاسلام وتوظيفه سياسيا كما كان يحدث مع ربيع ياسين اللاعب السابق الذي ظل نجم متكرر في جل الدورات الرياضية النقابية الرمضانية لدرجة انهم كانوا بينظموا الدورات وفق جدوله يعني تقريبا كان بيلف كل المحافظات في رمضان 

ثم ظهرت قناة اقرأ "صالح كامل" وتم التحالف مع الرجل هو يروج مشروعه الاعلامي ومجموعة قنواته وهم يتسلمون اقرا ويتخلون عن فتوى تحريم الدش بل الدعوى الى نشر الدش للخروج من الاعلام المحلي الفاسد

ثم المحاولة مع ابو تريكة وبنفس الطريقة مع الشيخ محمد جبريل بل وشملت المحاولات الشيخ محمد حسان السلفي ليكون مش من الاخوان بس بيحترمهم مقابل اشهاره ودعمه في مواجهة منافسيه من السلفيين التقليديين زي يعقوب وبرهامي وابو اسحاق الحويني وغيرهم

طبعا اغلب من ذكرت من الاشخاص لم يكونوا غالبا واعيين بما يتم بهم او من خلالهم من محاولات توظيف لكنها كانت تتم بعلمهم او بدون 

وغني عن الذكر هنا انني لا اتحدث عن مشروعية او لا مشرعية النظرية والتطبيق ولكن فقط اضع تحليلي ومشاهداتي بين يدي اصدقائي لا اكثر 

كل الهري ده ليه 

عشان نوصل لفكرة الحرب الضروس من اجل الترميز او هدم الترميز بين العسكر والاسلاميين

العسكر حاليا لا يعمل بتلك الاستراتيجية رغم انها ميراث ناصري قديم "توظيف نجومية ام كلثوم وعبد الحليم وغيرهم ممن عمل الشيخ كشك على هدمهم واعانه اخرون بفتاوى تحريم للتمثيل والموسيقى لم يكونوا يعملون بها ايام عبد الرحمن البنا ومشروعاته المسرحية مع جورج ابيض وفاطمة رشدي" 

لكن العسكر رغم هجرهم لاستراتيجية الترميز وصناعة النجوم او اعادة توظيفهم لكنهم يعلمون ان تلك الطريقة هي اخر حصون الاخوان بعد سقوط التنظيم واستحالة اعادة تشكيله ولو في مناخ حر لدرجة انهم حتى عجزوا عن اعادة تشكيل صفوفهم في المنافي بل في بلد المنفى الواحد مثل تركيا ضربوا بعض واستدعوا الشرطة وبلغوا عن بعض ورحلوا بعض وسلموا بعض للامن المصري

لكن تبقى معركة الحصن الاخير بعد التنظيم وهي الرموز 

الاخوان فشلوا في اجتذاب جمهورهم التقليدي بل حتى افرادهم فشلوا في جذبهم الى رموز اعلامية اخوانية ومع الوقت بداوا يدعمون ويصنعون او يسرقون رموز ليست منهم لكنها مستعدة للتعاون معهم حتى باسم يوسف نفسه ووائل غنيم الاخوان عندهم استعداد لاعادة توظيفهم في معركة الحصن الاخير قبل تفكك مشروع صهينة الاسلام الى الابد

طبعا افراد جمهور الموالاه يشعرون بخزي وخيبة امل عظيمة بعد انكسار كل يوم رمز وراء رمز من اول رموزهم الاخوانية الخالصة الى رموز "اي حاجة بس ضد الانقلاب زي رامي جان والمراسل طارق عبد الجابر"وكذلك الرموز الموازية 

افراد الجمهور الاخواني الخالص فكوا تماما من القضية وعرفوا وفهموا ان المشروع اتصفى وان كان منهم من تبقى للتجارة في الانقاض او البكاء على اللبن المسكوب

لكن لايزال جمهور الولاء اللي مش منهم بس بيجاهد عشان يفضل يحترمهم ولو بخداع الذات لايزال هذا الجمهور متعطش لصنم ولو مؤقت ولو يا رب ينكشف بس الشهر الجاي 

ولهؤلاء اقول ما يحدث رغم قسوته وتحسبونه شر لكم ولكنه خير لكم وعسى ان تكرهوا شيئا ويجعل الله فيه خيرا كثيرا

ربما يريد الله ليطهركم من رجس الاوهام ويحرركم ويطلقكم في رحاب عالم الافكار بدلا من ادمان تقديس الاراجوزات

كنت مثلكم اعاني وانا اشاهد عن قرب وبلا وشاية من احد كنت ارى اصنامي تتكسر امام عيني فكنت اتالم وبشدة ولكنني اليوم سعيد بتكسر الاصنام وانكشاف حقائق الحياه امامي

حقائق الحياه مرة لكن ادمان الغفلة عنها اسوا من ادمان المخدرات وانتم تعلمون ولكنكم تكابرون 

#مزق_دفاترك_القديم_كلها

#راجع_دفاترك_القديم_كلها

فرج فودة شهيد الكلمة لماذا ابلسوه وهو العلماني الوحيد الذي جهر بتمسكه بثوابت الاسلام قطعي الثبوت والدلالة؟

noreply@blogger.com (mhmd) — Tue, 11 Jun 2019 15:28:00 +0200

بالامس اخدت جولة في لقاءات ومناظرات فرج فودة على اليوتيوب
خبطت في خطبة عصماء للشيخ كشك فهمت من سياقها انها كانت سنة 1974 يعني كان فرج فودة سنه 29سنة

الخطبة باكملها عن محاكمة افتراضية لفرج فودة عدو الله والرسول والاسلام
القاضي هو الرسول وعضو اليمين ابو بكر الصديق وعضو اليسار عمر بن الخطاب مع انه الشهادة لله ماعملش لهم اي دور في المحاكمة
وقام الشيخ عبد الحميد كشك باستنطاق الرسول باحاديث منسوبة له ولكنه اعتبرها موجهة لهذا الفرج فودة
التهمة التي وجهها كشك لفودة انه عبر في لقاء اذاعي سمعه كشك عن نظرة متدنية للمراة التي لا تعمل واعتبرها امراة بليدة
انتهى نص اتهام كشك
الشيخ كشك وبكل عدم امانة ولامنطقية سحب وصف المراة التي لا تعمل على امهات المؤمنين وعلى السيدة مريم وعلى الصحابيات الجليلات وانتهى في مرافعته باعتبار فرج فودة قد تهجم على كل هؤلاء النسوة وبدا يستطنق هيئة محكمته الافتراضية المكونة من النبي بكل النصوص التي قيلت في وصف من يحادد الله ورسوله
واستعرض كشك في خطبته بعض الحوادث والجرائم التي شيبت المجتمع وقتها من قتل واغتصاب واعتبر ان وقوعها كان بسبب عمل المراة وعدم تفرغها لرعاية اسرتها وان الجريمة والفساد سببه فرج فودة الذي يريد توظيف المراة
في معرض محاكمة كشك لفودة اعطاه اسم رباعي لا يطابق اسمه ووصفه باعتباره دكتور في علم النفس بينما هو دكتور اقتصاد في كلية الزراعة واخذ يندد بتخصصه النفسي وكيف انه تتلمذ على يد وليم جيمس وعدد اسماء علماء النفس الاعلام بطريقة تظهر افرنجيتهم وغرابتهم زكانه يذكر اسماء اعضاء الموساد الاسرائيلي
الخطبة باكملها درس وتطبيق عملي في المغالطات المنطقية والقدرة على تجييش المشاعر وبؤس وضحالة الخطاب الديني وعلى اسوأ الممارسات الشعبوية المتطرفة
ولازلت ابحث عن سر العداء المبكر من المشايخ لفرج فودة رغم انه كان العلماني الوحيد تقريبا الذي ظل يعلن مرارا وتكرارا انه مع كل ما ثوابت الاسلام قطعية الثبوت والدلالة وانه لا يجادل الا فيما اقر الفقهاء انفسهم انه مساحة خلاف
هل غضبهم على فودة سببه منافسته لهم في الوصول للجمهور العام (شريحتهم المستهدفة) علما بانه فشل في انتزاع جمهورهم لكنه حاول ام لانه اول شخص في جيله سعى لاستكمال ما بداه جيل طه حسين من تحقيق التراث ونزع القداسة عن تاريخ غير مقدس لامتنا غير المقدسة
ام لان الخطاب الديني التقليدي في حاجة ماسة لجسد يمثل ابليس يجعلون من رجمه شعيرة وحظ فرج فودة انه كان فيه مواصفات الابلسة المتخيلة لديهم
لكن في العموم فرج فودة كان مثقف ناشط ولم يكن مفكر او فيلسوف وعندما يوضع في خانته الصحيحة يحصل على الدرجة النهائية في النجاح والمحاولة والمنافسة في حين ان محاولة خصومه واصدقاؤه من طرحه في خانة المفكر فانهم بذلك يبخسونه قدره ويضعونه في خانه يبدوا فيها اقل قامة من غيره عن سوء قصد او سوء تعاطف او سوء تفاهم
فرج فودة كان شجاع واغتياله كان متوقع بل انه التوقع الذي تاخر عن موعده كثيرا لقد نجح الرجل في استفزاز عمارة والعوا والغزالي وغيرهم ممن اعتادوا الظهور بمظهر الحمل الوديع والمثقف الاسلامي الوسطي الكيوت فقد نجح في فضحهم واخراج الوجه الكامن بينما كان في عرينهم وسط جمهور يهتف بقوة وحرقة وحماس وتهديد بينما كان يبتسم ويضحك ويدخن السجائر ويحمل السبحة

من عجائب التسويق ان من مصلحتك ان يكون المنافسين فاهمين تسويق

noreply@blogger.com (mhmd) — Sun, 7 Apr 2019 22:33:00 +0200

من عجائب التسويق ان من مصلحتك ان يكون المنافسين فاهمين تسويق .. عارف ليه؟
لان المنافس الفهلوي لما بيعمل مشروع مش مدروس كويس بيدخل السوق غلط فيغلي سعر الخامات ومدخلات المشروع "بيرفعوا سعر المحلات فعلا نتيحة تصورات مبالغ فيها عن تناسب طبيعة الموقع مع حجم البيع"
واثناء التشغيل ممكن الفهلوي يستخدم اسلوب دعاية تنفر الناس من الخدمة اللي هو وانت بتقدمها وهو مفكر نفسه بيسوي الهوايل وبعدين لما تبدا الخساير تلاحقه ويضطر للتصفية فيبيع منتجه الرديء باسعار منخفضة فيوقع السوق وهو داخل وهو بيشتغل وهو خارج غير طبعا انه بيفلس وبيعرض شركاؤه للخسارة وتبديد المدخرات مما يجعله مساهم في اضعاف الاقتصاد بشكل اجمالي
لذلك الوعي التسويقي مفيد لكافة اطراف السوق وكل ما تشوف مطعم ولا كافيه بيفتح ويقفل خلال شهور وتلاقي محل كل سنة بيتاجر لنشاط شكل اعرف ان ده خصم من رصيد الحياه الاقتصادية اللي انا وانت جزء منها سواء كنت تاجر او مستهلك او منتج او وسيط

#وعي_تسويقي #التسويق_مش_فهلوة #التسويق_لغير_المتخصصين

امتحانات الربيع العربي كلها من النماذج بس احنا مش بنذاكر

noreply@blogger.com (mhmd) — Sun, 7 Apr 2019 21:35:00 +0200

منطق ان مصر هي الشقيقة الكبرى للعرب منطق مضر بمصر والعرب
ومن اضراره انه بيفوت علينا فرصة اننا نتعلم من تجارب الاشقاء اللي اغلبها فعلا اكثر تركيبا وتعقيدا من تجاربنا رغم انها من نفس المكونات وبالتالي امتحاناتنا اسهل ولكنها في نفس المنهج
يعني لو بس ذاكرنا امتحاناتهم اللي غالبا سابقانا زمنيا هاننجح وبتفوق

ما ادراك ما العقبة (العسكر والاسلاميين والعشائر اللاحضرية)

noreply@blogger.com (mhmd) — Sat, 6 Apr 2019 03:24:00 +0200

الناس متخيلة ان الاخوة في #الجزائر و #السودان ممكن يتجاوزوا الافخاخ بمجرد الانتباه لها
المشكلة الحقيقية بل المعضلة الكبرى في اهم 3عقبات امام الديمقراطية ونجاح الثورة العربية ال3 عقبات دول لما بيتفاعلوا مع بعض بيطلعوا مصايب مركبة بالغة التعقيد (العسكر والاسلاميين والعشائر اللاحضرية) ليس لهم حلول تقريبا او على الاقل ليس لهم حلول عاجلة مهما توخينا الحذر وادعينا اننا تعلمنا من تجاربنا
حتى لو عارفين المرض وفاهمينه وحافظينه لكن لا نملك الدواء ولا ينفع نستورده
#ليس_بالانتباه_فقط_نتجاوز_الافخاخ

‏لو ان ‎بلحة في زمن رواية الاحاديث لقالوا عنه انه محدث صدوق ثقة يبكي في صلاة العصر ومراته منقبة اضطهده الخليفة لورعه فجعله كبير البصاصين

noreply@blogger.com (mhmd) — Sat, 6 Apr 2019 03:19:00 +0200

‏لو ان ‎#بلحة في زمن رواية الاحاديث لقالوا عنه انه محدث صدوق ثقة يبكي في صلاة العصر ومراته منقبة اضطهده الخليفة لورعه فجعله كبير البصاصين

الفهلوة مش تسويق

noreply@blogger.com (mhmd) — Fri, 5 Apr 2019 20:07:00 +0200

الفهلوة مش تسويق
ومصر نفسها فيها تسويق علمي ناجح ومن قوة نجاحه مش محسوس ولا مرصود وفي تطبيقات كتير صحيحة لتطبيقات التسويق السليم بنشوفها في سوق الخضار ومش بناخد بالنا منها

= مين عمليا اشطر المطعم السوري ولا المطعم المصري مين قدر ياخد زباين التاني رغم انه اقدم ورغم انه صاحب الارض
المطعم السوري اشطر تسويقا بمعايير علم التسويق اللي مستمد من واقع مش من خيال
المطعم السوري الاشطر تسويقا هل هو الاكثر غشا ولا الاكثر صدقا وارضاءا للزبون
انا هنا بقارن سوري بمصري مقارنتش الماني بمصري ولا صيني بياباني

=وعلى فكرة خلط المصريين بمن فيهم مديرين فهلوة بيسموها تسويق ما بين البيع والتسويق وما بين الدعاية والاعلان وما بين التسويق السليم يمثل ابتعاد تام عن فهم التسويق اللي بيبدا واقعيا قبل انشاء المشروع وقبل دراسة جدواه بيبدا من ساعة دراسة السوق ودراسة هل لديك ميزة تنافسية لدخول السوق وتلبية احتياجات المستهلك ام ان عليك ان تتجه لسوق اخر يناسبك وتناسبه
لكن الاعلان هو جزء مجرد جزء من عملية الترويج لمنتج تم انتاجه بالفعل واصبح موجود بالقرب من مستهلك تم تحديده ودراسته من قبل وبقوم الاعلان بتنبيهه ان المنتج الذي انتجناه من اجلك الذي يلبي الاحتياج الفلاني لديك اصبح في متناول يدك

=وكم من شركات ناجحة تسوق ولا تعلن او تعلن اعلانات محدودة جدا مقارنة بحجم الاسواق والمبيعات والسيطرة على الاسواق "كورونا _ الرشيدي الميزان _شاي العروسة" ومطاعم شغالة كويس جدا بتورد لقرى سياحية وفنادق بلا اعلانات ومصانع بسكويت ومشروبات بتبيع في الريف بدون ما تصرف مليم على الاعلانات ولكنها بتبيع وبتربح وبتحقق تشغيل كامل ومنتحاتها بتحقق رضا المستهلك المستهدف وبتتوسع يعني من زاوية التسويق العلمي ناجحة بدرجة عشرة على عشرة ومن غير فهلوة ولا تعبية هوا في ازايز وده واقغ وموجود في مصر على فكرة
وكم من شركات كبرى تبيع وتعلن ولا تسوق تسويق علمي لذا فانها تخسر خسائر ضخمة "اتصالات"

احمد خالد توفيق اتعمل له مقام في زمن انتهاء المقامات

noreply@blogger.com (mhmd) — Tue, 2 Apr 2019 18:55:00 +0200

احمد خالد توفيق اتعمل له مقام في زمن انتهاء المقامات لمجرد انه اثبت انسانيته فقط لا غير

ما فهمته من حراك الجزائر والسودان

noreply@blogger.com (mhmd) — Tue, 2 Apr 2019 18:37:00 +0200

ما فهمته من حراك الجزائر والسودان ان النظم منتهية الصلاحية بتفضل متماسكة وشكلها صلب لغاية ما يحصل حراك شعبي تلاقي اطماع الورثة بدات تتحرك وشروخ الانظمة بتزيد وتتسع
لو عندك بديل كامل مقبول بشكل كامل من الشعب يبقى لك حق ان لا تراهن على انقسامات السلطة القمعية
لو مش عندك بديل جاهز وفريقك فيه مجانين يبقى مفيش قدامك غير الاستمرار في الضغط والاستثمار في انشقاقات الخصم بشرط انك ما تسلمش رايتك وماتوقفش ضغوطك وماترجحش كفة فصيل على فصيل الا بفروق طفيفة لان تكافؤ القوى حتى بين اللصوص هو الضمان الوحيد للديموقراطية

تخسين الخدمة بتقليل عدد المستفيدين منها

noreply@blogger.com (mhmd) — Mon, 1 Apr 2019 13:40:00 +0200

الخدمات والمرافق في مصر ممكن تتحسن بشرط انك تكون قادر على الوصول ليها
العلاج هايتحسن للي يقدر يدفع
السكة الحديد هاتبقى ممتازة للي معاه
الرواتب هاتزيد بس فرص العمل هاتقل
الطريق هايتحسن والعربيات هاتقل
الدولة بقت شركة احتكارية مسئولة عن تقديم الخدمة وتحقيق ربح منها لكن الفقر مسئولية المواطن لانه خلف كتير او شاف جاره بيخلف كتير او هو نفسه اتخلف كتير
الدولة ماتشيلش غير عشرة مليون يا حضرات الباقي ده شقاوة شعب الدولة مش مسئولة عنه

البديل انت اللي تقدمه او تسمح بصناعته

noreply@blogger.com (mhmd) — Mon, 1 Apr 2019 12:58:00 +0200

احتمالية ان مؤسسات الدولة ذات نفسها تؤمن بالديمقراطية بالاقناع وبالضغط الشعبي والتفاعل الثقافي اكثر واقعية من تصور بناء نظام كامل بديل من خلال مؤسسات المجتمع المدني

لان مؤسسات المجتمع لا يمكن بنائها الا في حماية القانون فما بالك بامكانية بنائها تحت القصف وعداء واختراق السلطة

فقد اثبتت التجربة ان المساحات التي تتخلى عنها الدولة ضعفا او اهمالا لا تتحول الى مساحات تعاونية مجتمعية لكن تتحول الى بؤر للممارسة البلطجية او الراسمالية الاكثر توحشا "العشوائيات والدروس الخصوصية والاتجار بالمرضى"

#شوفتوني_وانا_بغير_رأيي

ماتقولش لابنك ما تنزلش

noreply@blogger.com (mhmd) — Tue, 5 Mar 2019 17:55:00 +0200

ماتقولش لابنك ما تنزلش
قوله خليك لما ننزل كلنا سوى
ماتعلمهوش السلبية , علمه الايجابية المحسوبة

الهاندفري هو الحل

noreply@blogger.com (mhmd) — Tue, 5 Mar 2019 04:49:00 +0200

السماعة الشخصية مش مجرد بتمنع ازعاج عابر الموضوع اكبر من كده
الحقيقة ان سماعة الاذن بنسمع بيها اللي عايزين نسمعه لكن السماعات الضخمة بنفرض بيها على الاخرين وعلى نفسنا عقاب جماعي "وعظي , تجاري ,مهرجاناتي"
كتير من الاغاني والاحاديث لو لوحدنا مش هانحب نسمعها بس حابين نوجه منها رسائل اجبارية للمجتمع بدون ما نتعب في التلطف وبذل الجهد والتفكير في جذب الاخرين لرسالتنا
كل واحد بيفرض سطوته بمايكروفونه

#الهاند_فري_هو_الحل #امنعوا_المايكروفونات #واحد_بس_منزعج_من_حقه_يسكت_مايكروفون

God on Trial في قصصهم عبرة لاؤلي الالباب

noreply@blogger.com (mhmd) — Mon, 4 Mar 2019 20:51:00 +0200

اكثر القصص القراني من قصص بني اسرائيل وقيل في تفسير ذلك ان امة محمد ستجري عليها كل سننهم وربما من الافضل ان يتتبعوا تاريخهم ليتعلموا منه ويتفادوا اخطاءهم ولكن للعجب نفس الاخطاء تتكرر ونفس الافكار تناقش
في فيلم god on trial مجموعة سجناء يهود في معسكر اعتقال ابان الحرب العالمية وتعرضهم للابادة الهتلرية تم فرز السجناء الى قسمين ليتم اعدام نصفهم ويبقى النصف الاخر للعمل وذلك ليتم افساح السجن لعدد من السجناء الجدد من اليهود الذين سيبيتون ليلتهم بلا اسرة حتى يتم اعدام نصف سجناء العتير ويتم اخلاء اسرة لهم
تم فرو السجناء وتفسيمهم الى ارقام زوجية وفردية ولم يكن من المؤكد ايا منهم الذي سيعدم الارقام الفردية ام الزوجية
وفي وسط هذا المناخ المشحون بالاضطهاد والمظلومية يتردد السؤال في ليلة الاعدام المحتمل للجميع والمؤكد لنصف العدد بتردد السؤال متى نصر الله وهل تخلى الله عن شعبه المختار واين وعد الله بالنصر
كل الاسئلة وكل الاجابات وكل النقاشات التي دارت في عنبر السجناء هي نفسها التي قد تدور بيننا اليوم بل ان نقاشات الفيلم كانت اكثر تعددية في الاراء واكثر عمقا حيث كان في اليجناء علماء وفلاسفة وفنانين الى جوار العمال والحرفيين والكل يسال والكل يجيب والكل يسعى للمراوعة احيانا

دوروا على الفيلم وشوفوه فان في قصصهم عبرة لاولي الالباب

مفيش حد سأله وهو مرشح "سيادتك شايف نفسك فين بعد 8سنين؟"

noreply@blogger.com (mhmd) — Tue, 19 Feb 2019 01:08:00 +0200

المصيبة ان مفيش حد سأله وهو مرشح "سيادتك شايف نفسك فين بعد 8سنين؟"
عشان تعرفوا ان الاسئلة دي مهمة 😃😄
ما تنسوش تقفلوا الراوتر وتفتحوه تاني

السيستم واقع اقسم بالله واقع

طريقة تفكيرنا في البديل هي اللي محتاجة بديل

noreply@blogger.com (mhmd) — Sun, 17 Feb 2019 16:28:00 +0200

طريقة تفكيرنا في البديل هي اللي محتاجة بديل
اللي ممكن نعتبرهم دماغهم شغالة مننا لو ناقشتهم في الشأن العام في اوقات الانسداد والتعطل والتوقف الاجباري يصدر لك اليأس والطرشان ويتعامل معاك كانك مجنون وساعة اما تحصل ثغرة في الحصار ويبقى في لحظة مناسبة لاستغلالها تلاقيه مش جاهز يشوط
وقت الحركة يقولك مش وقت تنظير وينشط في خدمة خطة خصمه بحماس وتفاني اكبر من حماس خصمه لخطته ومصلحته ووقت العطلة الاجبارية يقولك كبر دماغك
ظني ان اللحظات الخاطفة هي اللحظات الفارقة والفرصة بتيجي للقناص او لصبي القناص واحيانا بيكون حواليك فرص كتير لكن انت معندكش حواس تشوفها بيها اساسا عشان تدركها او تعرف تتعامل معاها
وظني اننا هانفضل ندور في الساقية لغاية ما نفكر بطريقة مختلفة
لازم انا وانت ننزل سوفت وير جديد
مش يقولك نطور فكرتنا او نفهم حتة جديدة لاء احنا عايزين سوفت وير تاني خالص خالص
انا وانت اللي نغير السوفت وير بتاعنا مش المواطن ولا الدولة ولا باقي الشعب لاء لاء انا وانت
ولا اقولك انا لوحدي انت تمام التمام وربنا يوفقك

الارهاب والشباب والاخضاع بالقوة

noreply@blogger.com (mhmd) — Sun, 17 Feb 2019 14:53:00 +0200

- شهداء الامس من المجندين استشهدوا قبل انتهاء مدد خدمتهم بايام قليلة هذا لا يعطي مبررا لزيادة الحزن والحسرة عليهم لكن بالفعل الحزن له منطق مختلف او لامنطق مختلف

- لامنطقية التجنيد اشد بؤسا وسخرية من دور فؤاد المهندس مع احمد راتب في مسرحية سك على بناتك .. ازاي؟
تروح له متطوع يرفضك الا بمليون شرط وواسطة تسيبه وتشق طريقك في الحياه اللامدنية يعفقك من قفاك ويجندك اجباريا "يرفضك اجباريا ويجندك اجباريا" وكل القناعة المسيطرة على رجالهم وهي نفس القناعة التي صدروها ورسخوها في المجتمع انه بيربي رجالة مش فرافير وايه هو معيار الرجولة وفق مفهوم خلفاء محمد علي باشا الممتد عبر الزمن الرجولة عندهم معناها انك تعيش مجبر وتموت مجبر وتتكيف وتتعايش وتترعرع مع حياة الجبر والخضوع للاجبار ذلك هو مفهوم الرجولة وهو لا يختلف كثيرا عن مفهوم العبودية او الاسر لذلك زاد حجم التجنيد في السنوات القليلة الماضية لانهم اكتشفوا ان الشباب بقى فرفور "مشتقة من رفرفة العصافير كما يبدو" ولازم يتقص ريشه ويتعلم الرجولة-الخضوع
فلو ان الرجولة هي تحمل المشقة ومواجهة الصعاب والقدرة على التكيف مع الظروف الصعبة "كما يدعون حينما يريدون اخفاء حقيقة تزييفهم" هذه الرجولة يمكن ان يتعلمها الشباب من العمل الحرفي والتطوعي والخدمة المدنية في الصيف ومن السفاري والمخيمات البرية والانتظام في الالعاب الرياضية بانواعها وبعدين من امتى اصلا ولا في اي مكان ولا في اي منطق يكون جيش اي بلد مسئول عن تربية النشئ وتحديد معنى الرجولة والمساهمة في تحديد قيم المجتمع ومعاييره؟!
اومال وزارة التربية والتعليم ووزارة الثقافة و الاعلاميين والفلاسفة والمجتمع المدني يعملوا ايه يروحوا هما يحموا الحدود؟!

- التفسير السهل الظريف المناسب للمزاج المعارض ان الارهاب الموسمي ده غالبا من صنع السلطة بهدف ترويع الشعب واخضاعه لقبول التنكيسات اللادستورية وانا كمواطن رافض لتلك التنكيسات مزاجي ممكن يتماشى مع ذلك الاتهام المريح لكني اعتقد غير ذلك
اعتقادي ان داعش واخواتها رفضهم للنضال السلمي وجهاد الكلمة اشد من رفضهم لخصومهم المحاربين بالسلاح لان الدعشنة قائمة اساسا على ان الكلمة لا تفيد ولا تغير فهم يعتبرون اي معارضة سلمية للقمع الهاء للشباب عن الانضمام للارهاب الداعشي القبيح اللي بيفخروا ويعتزوا بيه لذا فانهم مع كل بوادر حراك مدني لابد ان يصعدوا تصعيد ارهابي وسيكونون اشد عنفا لو شعروا باقتراب مصر من الديموقراطية التي يعادونها عداء جذريا فهم اشد عداءا لها من عداء البلح لدراسات الجدوى

خد من كل بقال نوع الجبنة الكويسة عنده

noreply@blogger.com (mhmd) — Sat, 16 Feb 2019 13:00:00 +0200

العاقل بياخد الحكمة من أي مصدر ولو كان إبليس ذات نفسه
الخروف اليتيم بيدور على امام يتبعه
لذا تجد العاقل يناقش الافكار قبولا ورفضا والخروف اليتيم متمحور حول الاشخاص تقديسا وتدنيسا
نسهلها شوية (خد من كل بقال نوع الجبنة الكويسة عنده)

تحيا مصر واحنا مش مهم

noreply@blogger.com (mhmd) — Wed, 13 Feb 2019 17:42:00 +0200

من ساعة ما شوفت بعيني ماحدش قال لي ان البطولة الحقيقية استثنائية وعاملة زي ليلة القدر كده كنز مدفون في بقعة مجهولة من البشر اي انها قد تظهر في لحظة استثنائية من انسان مجهول وغير متوقع
وشفت ان الجدعنة موقف لحظي او سمة شخصية تتاثر بعوامل الترويض والتدجين ورايت الجدعان الحقيقيين هما اللي شاركوا في الثورة ثم انصرفوا وبيشاركوا ساعة كل تضحية وبينصرفوا لاكل عيشهم لان ماعندهمش تصور مجرد تصور انهم يشتغلوا جدعان باجرة او بلقطة
في حين يتخيل البعض ان الكائنات الطفيلية المتبقية على هوامش الاحداث بياخدوا جنبها "سيلفي" ومصدرين نفسهم كمتحدثين رسميين عن الحدث دايما متخيلينهم صناع الحدث في حين انهم مجرد مرتزقة على مخلفات الحدث حتى ولو كان الارتزاق معنوي
وشفت ان المضحي بزيادة بيعلم الناس البخل بزيادة وان حرام انسان يعزم القطر كله على حسابه ويفتقر في حين ان كل راكب يقدر يدفع اجرته وان اغلبهم اشترى بثمن التذكرة المتوفرة شاي ونسكافيه من بوفيه القطر مافكرش يبص على اللي افتقر او اتصاب
من ساعة ما شوفت كل ده اتعلمت الاتي
- احلم بالبطولة لكن لا تنتظر الا الفعل العادي المقدور عليه من الناس المتوسطة تحت نفس الظروف
- احلم براحتك لان الحلم جميل ومفيد وبيدي طاقة لكن خطط على قدك في حدود اهداف تقدر تحققها وتحققها باجراءات وخطوات مستطاعة وتسيبك خالص من اسلوب الامل الطفولي واليأس الجنائزي
- لا تثق في الكلام المجعلص ولا تثق في الفهلوي ولا تثق في من يؤمن بالعمل دون نظر وبيعتبر التنظير شتيمة
-اللي بيعزم القطر اهبل او بيشتري ولاء ركاب القطر للحصول على شئ اهم
- البطولة ان كلنا نجري نحو الهدف والبطل يسبق مش ان حد يجري نيابة عن الباقيين في كنباتهم المقدسة
- اوعى تسبق الناس في مسابقة مادخلوهاش واوعى تدافع عن حد بدون توكيل واوعى تساعد حد مش بيساعد نفسه وفي المقابل ساعد اللي شغال وشجع اللي بيتكلم بالحق ولا تبخل بالنصيحة على من يطلبها ولو فضل عندك فائض طاقة وفره للحظة احتياج
- كلمتك في المجال العام مؤثرة ايجابا او سلبا والكلمة الطيبة زي الشجرة الطيبة ان استطعت ان تحصر ثمارها وتستثمرها لكن الاكسجين بتاعها صعب تحدد مين هايتنفسه على وجه اليقين والتحديد وقد تؤثر ايجابيا في خصمك وتقنعه بموقفك اكثر من تاثيرها في صديقك

احنا معترضين مش متفاجئين

noreply@blogger.com (mhmd) — Wed, 13 Feb 2019 06:22:00 +0200

ايه سبب اننا كل ما نعترض على حاجة تظهر موجة بوستات تستنكر اننا ازاي متفاجئين ومصدومين
هو احنا ما ينفعش نعترض على شئء متوقع بل منتظر؟
هو احنا مش بس لازم نكون محبوسين في خانة رد الفعل لاء كمان طورنا وضعنا اننا مانبقاش رد فعل الا لو كان الفعل مفاجئ؟
لا للتنكيسات اللادستورية المتوقعة والمنتظرة من اهل العيب
لا لقذارة صلاح نصر وصفوت اللاشريف المستمرة منذ اكثر من نصف قرن
نعم لبناء دولة مصرية حديثة على اساس نضيف على اساس عقد اجتماعي عادل وليس اساس مذبحة القلعة وكرباج الباشا
احنا معترضين مش متفاجئين

الملحد المصري والمتدين المصري

noreply@blogger.com (mhmd) — Mon, 11 Feb 2019 15:03:00 +0200

اكتر عامل مساعد لانتشار الالحاد في مصر ان المتدينين مصممين يفهموا ظاهرة الالحاد غلط عن وعي وارادة او عن اهمال واستسهال
خايفين يفهموا الظاهرة صح ليلحدوا او على الاقل يكتشفوا ان الالحاد اقوى من اقوى حصونهم المؤسسة على التقليد بلا دليل
المتدين المصري خصوصا والعربي عموما يكره الفلسفة ويؤمن بالعلم في جانبه التقني فقط ومن شان متدين تلك مواصفاته ان يعجز عن اجابة اسئلة لا اقول اسئلة الملحد بل اسئلة طفل صغير يختبر الوجود لاول مرة
المتدين المصري مسلم او مسيحي عاجز عن اجابة اسئلة اطفاله وكثيرا ما يلجا لتشتيتهم او نهيهم عن التفكير وهو ما يعاكس فلسفة القران ذات نفسه القائمة على تشجيع التفكير لابعد مدى في حين تجد رجال الدين اقنعونا ان دعوة القران للتفكير كانت عزومة مراكبية لا يجوز للمسلم ان ياخذها على محمل الجد لان الدين لو كان بالعقل لوجدناه متناقضا اساسا من وجهة نظرهم
اظن ان سبب انتشار الالحاد في مصر "كراهية التفلسف" هو نفسه سبب عودة الملحد لحظيرة الايمان حيث يجد ان التفلسف بحر محيط عميق وامواجه عاتية واعاصيره مرعبة لعقله غير المدرب الا على التلقين فيعود الى حظيرة الايمان وحضنه الدافئ ليس عن اقتناع ولكن عن استسلام

كنتي سيبيه يغتصبك يا فوزية

noreply@blogger.com (mhmd) — Sun, 10 Feb 2019 16:02:00 +0200

كنتي سيبيه يغتصبك يا فوزية

مين اللي في ايده الـremote control

noreply@blogger.com (mhmd) — Sun, 10 Feb 2019 15:54:00 +0200

اغلبنا كبشر شبه الاجهزة مليانة شرايح
كل شريحة لها ريموت في ايد حد "شيخ جامع - حزب- زعيم - سلطة - كبير عيلة - اخ كبير - مذيع - فنان - اجماع المجتمع"
فلما احنا بنتواصل مع انسان فجأة ونحاول نقنعه كده وجها لوجه فاما انه يقتنع اقتناع مؤقت لغاية ما اللي في ايده الريموت يغير التردد واما انه بياجل القناعة لغاية ما اللي في ايده الريموت يقوله اسمع كلام عموا يا حبيبي
لو انطلقنا من الفكرة دي هانبدا نتعامل بشكل مختلف واحنا بنسوق افكارنا او سلعنا ومنتجاتنا وكذلك واحنا بندور في صلاحية الشرايح المزروعة جوانا

عايزين نبنيها؟ ولا نطورها؟ ولا نغير ادارتها؟

noreply@blogger.com (mhmd) — Sun, 10 Feb 2019 14:32:00 +0200

فرق بين انك
تبني سكة حديد جديدة على احدث النظم
و
تطور سكة حديد موجودة
و
تغير ادارة السكة القديمة

كل مشروع من الثلاث له رجاله واسلوب تخطيطه وتقييمه وتنفيذه

هذا ما تعلمته من طلعة يناير التجريبية فماذا تعلمت انت؟