मन माझे .....

🇮🇳 २६ जानेवारी २०२६ - प्रजासत्ताक दिनानिमित्त जीवन संवर्धन बालकाश्रम, ठाणे मदत योजना🙏🏻

2026-01-18T13:43:00.004+05:30

आतापर्यंत आमच्याकडुन ज्या मदत योजना राबवण्यात आल्या, तुम्ही सर्वांनी त्या उपक्रमासाठी भरभरून सहकार्य केले त्याबद्दल आम्ही तुम्हा सर्वांचे शतशः ऋणी आहोत. 🙏🏻💐

यंदा प्रजासत्ताक दिनानिमित्त आम्ही जीवन संवर्धन बालकाश्रम ठाणे येथील मुलींसाठी मदत योजना हाती घ्यायचे ठरवले आहे. जीवन संवर्धन फाऊंडेशन हि समाजातील निराधार आणि बेघर मुलांसाठी पुनर्विकास प्रकल्प राबवते. आपण या ठिकाणी भेट देऊन अन्न पुरवठा, देणगी आणि भेट वस्तू द्यायचे ठरविले आहे.

अंदाजे २७ मुली या आश्रमामध्ये आहेत आणि या उपक्रमासाठी लागणारी मदतीची यादी पुढील प्रमाणे आहे

किराणा सामान: आवश्यक साहित्य यादी.

1) साबुदाणा - ४ किलो

2) भगर - ४ किलो

3) तेल - ५ लिटर

4) जिरे - पाव किलो

5) मोहरी - पाव किलो

6 ) मैदा - २ किलो

7) उडीदाची डाळ - २ किलो

8) शेंगदाणे - १ किलो

9) हिंग डबी

10) सब्जी मसाला - १ किलो

11) कांदा मसाला - अर्धा किलो

12) हळद - अर्धा किलो

13 ) गरम मसाला - १ किलो

14 ) धनिया मसाला - अर्धा किलो

15 ) लाल मिर्च मसाला - २ किलो

16 ) छोले मसाला पॅकेट

17) साखर - ५ किलो

18) चहा पावडर - १ किलो

19 ) पापड पॅकेट

20) लोणच बरणी

21) चिंच

22) आमसूर

23) ओवा पाव kilo

24) बडीशोप पाव किलो

25) तीळ पाव किलो

26) तूर डाळ २ किलो

27 ) मुंग डाळ २ किलो

28) मसूर डाळ २ किलो

29 ) अख्खी मसूर २ किलो

30 ) चवळी २ किलो

31) हिरवे मुंग २ किलो

32 ) हरभरे २ किलो

33 ) वटाणा २ किलो

34 ) छोले २ किलो

35 ) कोलगेट पॅकेट

36 ) शैंपु बॉटल

37 ) भांडी साबण

38 ) घासणी

39 ) डेटॉल

40 ) अंगाचा साबण

41 ) कपडे साबण

42 ) निरमा

43 ) ऑल आऊट

44) रूमफ्रेशनर

इतर वस्तू व मदत:

जुनी किंवा नवीन गोष्टीची पुस्तके

अन्नदान - ७००० ₹

तरी आम्ही सर्वांना नम्र विनंती करत आहोत कि, या उपक्रमासाठी ज्या सभासदांना आणि हितचिंतकांना सामील व्हायचे आहे किंवा मदत करावयाची आहे त्यांनी 9869257808 नंबर वर Gpay/Paytm द्वारे मदत पाठवू शकता.

आपल्या सहकार्याच्या प्रतीक्षेत. 🙏🏻

नोंद : ज्यांना शक्य आहे त्यांनी शुभ्र,भगवी किंवा हिरवी वस्त्रे तिरंग्याच्या सन्मानार्थ परिधान करावी.

आभार
मन माझे

शुभ दीपावली - दिवाळीच्या हार्दिक शुभेच्छा, ग्रिटींग्ज, कार्ड्स - Happy Diwali Greetings, Cards, Wishes

2025-10-20T02:41:00.001+05:30

दिवाळीच्या निमित्ताने सात्त्विक आणि सुंदर रांगोळ्या ! - Diwali Rangoli Designs

2025-10-20T02:40:00.000+05:30

कृष्णतत्त्वाची सात्त्विक रांगोळी : १३ ते ७ ठिपके

लक्ष्मीतत्त्वाची सात्त्विक रांगोळी : ११ ठिपके ११ ओळी

दुर्गातत्वाची रांगोळी

इतर सुंदर रांगोळ्या

आभार - बालसंस्कार.कॉम

शुभ धनतेरस - Happy Dhanteras

2025-10-19T02:33:00.001+05:30

15 ऑगस्ट 2025 - स्वातंत्र्यदिनानिमित्त स्वामी आधारवर्धिनी बालकाश्रम मदत योजना | मन माझे ग्रुप

2025-08-02T00:55:00.004+05:30

15 ऑगस्ट 2025 - स्वातंत्र्यदिनानिमित्त स्वामी आधारवर्धिनी बालकाश्रम मदत योजना | मन माझे ग्रुप

प्रिय मित्रानो,

आतापर्यंत मन माझे ग्रुपकडुन ज्या मदत योजना राबवण्यात आल्या, तुम्ही सर्वांनी त्या उपक्रमासाठी भरभरून सहकार्य केले त्याबद्दल आम्ही तुम्हा सर्वांचे शतशः ऋणी आहोत. 🙂🙏🏻💐

यंदा स्वातंत्र्यदिनानिमित्त आम्ही स्वामी आधारवर्धिनी आश्रम मदत योजना हाती घ्यायचे ठरवले आहे. पालघर येथील स्वामी आधारवर्धिनी बालकाश्रमाला आपण भेट देणार आहोत. आपण या ठिकाणी अन्नदान, किराणा सामान, भेट वस्तू आणि देणगी द्यायचे ठरविले आहे.

प्रत्येक मुलाला त्यांच्या पार्श्वभूमीची पर्वा न करता शिक्षण मिळण्याचा अधिकार आहे. जगण्यासाठी, कमाई करण्यासाठी, कुटुंब वाढविण्यासाठी - आणि शक्य तितके आरामात त्यांचे जीवन जगण्यासाठी - मुलांना शिक्षणाच्या माध्यमांद्वारे मदत आणि मार्गदर्शन करणे आवश्यक आहे.

अपघात, दीर्घकालीन आजार किंवा गरिबीमुळे आत्महत्या केलेल्या शेतकऱ्यांची मुले शिक्षणासह अन्न, वस्त्र आणि निवारा या मूलभूत मानवी हक्कांपासून वंचित राहतात. स्वामी आधारवर्धिनी संस्था जवळजवळ २९ मुलांना आधार देते. या मुलांना एकत्र आणून त्यांच्यासाठी एक कुटुंब आणि आधार व्यवस्था निर्माण करण्याचा प्रयत्न करत आहे.

स्वामी आधारवर्धिनीचे मुख्य उद्दिष्ट समाजातील गरीब, वंचित, अपंग मुलांसाठी तरतूद करणे आहे. त्यांच्यामध्ये जागरूकता निर्माण करणे आणि त्यांना समाजाचे मार्ग समजून घेण्यासाठी आणि एक सभ्य, दयाळू आणि नम्र माणूस म्हणून वाढण्यासाठी स्वयंपूर्ण होण्यास मदत करणे.

या सर्वांसाठी तुमचा पाठिंबा आणि मदतीची आवश्यकता आहे. या उपक्रमासाठी लागणारी मदतीची यादी पुढील प्रमाणे आहे :

किराणा सामान:

तांदूळ - ३० किलो

गहू - २० किलो

गव्हाचे पीठ - १० किलो

चण्याचे पीठ - ५ किलो

तूरडाळ - ५ किलो

चणाडाळ - ५ किलो

मुगडाळ - ५ किलो

उडीद डाळ - २ किलो

मसूर डाळ - २ किलो

बारीक चणे - २ किलो

काबुली चणे - २ किलो

हिरवा वाटाणा - २ किलो

सफेद वाटाणा- २ किलो

काळा वाटाणा - २ किलो

मूग - २ किलो

मटकी- २ किलो

चवळी - २ किलो

वाल - २ किलो

राजमा - २ किलो

पोहे - ५ किलो

रवा - ३ किलो

लापशी - १ किलो

हळद - १ किलो

लाल तिखट - १ किलो

मसाला - १ किलो

जिरे - २५० ग्राम

राई - २५० ग्राम

धने - - २५० ग्राम

हिंग - १०० ग्राम

मीठ - २ किलो

साखर - ४ किलो

गूळ - २ किलो

साबुदाणा - २ किलो

शेंगदाणा - १ किलो

काजू - बदाम इत्यादी सुका मेवा - १ किलो

वेलची - १०० ग्राम

सूर्यफूल तेल - ५ लिटर

खोबरेल तेल - ५

तूप - १ किलो

सुके खोबरे - १ किलो

लोणचे - ३ किलो

पापड - १ किलो

बाथरूम फिनाईल - ३ लिटर

टॉयलेट क्लिनर - ३ लिटर

अंघोळीचे साबण

कपड्याचे साबण

भांडयाचे साबण

कोलगेट

शाम्पू

ब्रश

झाडू

बिस्कीट - २ बिग पॅकेट

फरसान / वेफर - ५ किलो

इतर वस्तू व मदत:

जुनी किंवा नवीन गोष्टीची पुस्तके

एक दिवसाचे अन्नदान - २५०० ₹

तरी आम्ही सर्वांना नम्र विनंती करत आहोत कि, या उपक्रमासाठी ज्या सभासदांना आणि हितचिंतकांना सामील व्हायचे आहे किंवा मदत करावयाची आहे त्यांनी 9 8 6 9 2 5 7 8 0 8 नंबर वर संपर्क करावा .

आपल्या सहकार्याच्या प्रतीक्षेत. 🙏🏻

आभार

मन माझे 💐🙏🏻

हनुमान जयंतीच्या भक्तिपूर्ण शुभेच्छा…! Happy Hanuman Jayanti Greetings, Scraps, Pics, Wishes to you :)

2025-04-12T21:43:00.000+05:30

मन माझेच्या सर्व वाचकांना/ कवींना/ लेखकांना थोडक्यात, सर्वांनाचः हनुमान जयंतीच्या भक्तिपूर्ण शुभेच्छा…!

To Use on whatsapp, facebook, hi5 etc?
1) Right Click on image
2) Click on Copy image location
3) and Paste in friends scrapbook for wishes :)

रामभक्त हनुमान .......Hanuman Jayanti Special Marathi Katha story

2025-04-12T21:39:00.000+05:30

एकदा सीता कपाळावर शेंदूर लावत होती.
हनुमानाने ते बघितले आणि तिला प्रश्न विचारला,
`सीतामाई, तू प्रतिदिन हा शेंदूर का लावतेस ?'
तेव्हा सीतेने सांगितले, `मी हा शेंदूर लावते;
कारण त्यामुळे तुमच्या स्वामींचे म्हणजे श्रीरामाचे आयुष्य वाढते.'
हे ऐकल्यावर हनुमानाला वाटले की,
नुसत्या कपाळावर शेंदूर लावल्यावर श्रीरामाचे आयुष्य वाढते,
तर आपण सगळया अंगाला शेंदूर लावूया.
मग मारुतीने शेंदूर घेतला आणि आपल्या सर्व अंगाला फासला.
तेव्हापासून मारुतीचा रंग शेंदरी झाला.

तात्पर्य : मुलांनो, या गोष्टीवरून आपल्याला काय शिकायला मिळाले ?
मारुति हा श्रीरामाचा भक्त होता. त्याचे रामावर फार प्रेम होते.
रामासाठी काय वाटेल ते करायला तो सिद्ध होता.
म्हणूनच श्रीरामाचा सगळयात जवळचा भक्त मारुति होता.
आपणसुद्धा सेवा करायला पटकन पुढे आलो, तर देवाची लाडकी मुले होऊ.

आंतरजालावरून साभार - ई-मेल फॉरवर्ड - आभार - लेखक / कवी

केळीचे पान मधून का विभागले गेले आहे? - श्रीराम हनुमंताची रोचक कथा | Banana Leaf Marathi Story Shri Ram & Hanuman

2025-04-12T21:38:00.002+05:30

केळीच्या पानांच्या वाटपाची ही कथा हनुमानजींच्या भगवान श्रीरामावरील भक्तीचे एक अद्वितीय उदाहरण आहे. लंकेच्या विजयानंतर भगवान राम हनुमानजी आणि संपूर्ण वानरसेनेसह अयोध्येला पोहोचले. या आनंदात एक मोठी मेजवानी आयोजित करण्यात आली होती, ज्यामध्ये संपूर्ण माकड सैन्याला आमंत्रित करण्यात आले होते. सुग्रीवजींनी माकडांना समजावले - आम्ही येथे पाहुणे आहोत. माकडांना लोक असभ्य म्हणू नयेत म्हणून प्रत्येकाला इथे खूप सौजन्य दाखवावे लागते. माकडांनी आपल्या जातीचा सन्मान राखण्यासाठी दक्ष राहण्याचे वचन दिले. एका माकडाने सुचवले, 'आम्ही विनम्र राहण्याचा सर्वतोपरी प्रयत्न करू, पण आमच्याकडून कोणतीही चूक होऊ नये म्हणून आम्हाला मार्गदर्शनाची गरज आहे. तुम्ही एखाद्याला आमचा नेता बनवा, जो आम्हाला मार्गदर्शन करत राहील. आमच्यावर लक्ष ठेवा आणि जर माकडे एकमेकांशी भांडू लागली तर तुम्ही त्यांना रोखू शकता.

हनुमानजी पुढारी झाले. सणाच्या दिवशी हनुमानजी सर्वांच्या बसण्याची व्यवस्था पाहत होते. व्यवस्था सुरळीत करून त्यांनी श्रीरामाला गाठले. श्रीरामांनी हनुमानजींना आत्मीयतेने सांगितले, 'हनुमानजी, तुम्हीही माझ्यासोबत बसा आणि जेवा.' एकीकडे परमेश्वराची इच्छा होती. दुसरीकडे, परमेश्वराबरोबर भोजन केल्याने परमेश्वराचा आदर कमी होऊ नये, असा विचार आहे. हनुमानजी अडचणीत आले. त्याला स्वामींच्या बरोबरीने बसायचे नव्हते. भगवंतांच्या भोजनानंतरच प्रसाद घ्यायचा होता. याशिवाय बसायला जागा उरली नव्हती आणि जेवणासाठी थाळी म्हणून वापरण्यासाठी केळीचे पानही उरले नव्हते.

भगवान श्रीरामांनी हनुमानजींच्या मनातील शब्द जाणले. त्याने पृथ्वीला हनुमानजी आपल्या शेजारी बसतील एवढी जमीन वाढवण्याचा आदेश दिला. परमेश्वराने एक जागा केली, परंतु केळीचे दुसरे पान केले नाही. ते हनुमानजींना म्हणाले, 'तुम्ही मला पुत्रासारखे प्रिय आहात. तू माझ्या ताटात (केळीच्या पानात) खा.

यावर श्री हनुमानजी म्हणाले, 'भगवान, मला तुमच्या बरोबरीची इच्छा कधीच नव्हती. सेवक बनून जे सुख मिळते, ते बरोबरीने मिळणार नाही. त्यामुळे मी तुमच्या ताटात जेवू शकत नाही.'' श्रीराम अयोध्येतील सर्व लोकांसमोर वानर जातीचा आदर वाढवण्यासाठी म्हणाले, ''हनुमान माझ्या हृदयात वास करतो. हनुमानाची पूजा करणे म्हणजे माझीच पूजा करणे. हनुमानाची नाही तर कोणी माझी पूजा केली तर ती पूजा पूर्ण होणार नाही.'

तेव्हा श्रीरामांनी उजव्या हाताच्या मधल्या बोटाने केळीच्या पानाच्या मध्यभागी एक रेषा काढली, ज्यामुळे पान जोडून त्याचे दोन भाग झाले. अशा रीतीने भक्त आणि देव दोघांच्याही भावनांचा मान राखला गेला .श्रीरामाच्या कृपेने केळीच्या पानाचे दोन भाग झाले. केळीची पाने अन्न देण्यासाठी सर्वात शुद्ध मानली जातात. आजही केळीच्या पानांचा उपयोग शुभ कार्यात देवांना अन्न अर्पण करण्यासाठी केला जातो..!!

जय जय श्री राम

आंतरजालावरून साभार - आभार - लेखक / कवी

हनुमान जयंती महत्व ........Hanuman Jayanti Special

2025-04-12T21:38:00.001+05:30

तिथी

काही पंचांगांच्या मते हनुमानाची जन्मतिथी आश्विन वद्य चतुर्दशी आहे, तर काहींच्या मते चैत्र पौर्णिमा आहे. महाराष्ट्रातील हनुमान जयंती चैत्र पौर्णिमेला साजरी होते.

जन्माचा इतिहास

राजा दशरथाने पुत्रप्राप्‍तीसाठी `पुत्रकामेष्टी यज्ञ' केला असता, यज्ञातून अग्नीदेव प्रकट होऊन त्याने दशरथाच्या राण्यांसाठी पायस प्रदान केले होते. दशरथाच्या राण्यांप्रमाणेच तपश्चर्या करणार्‍या अंजनीलाही पायस (खीर, यज्ञातील अवशिष्ट प्रसाद) मिळाले होते व त्यामुळेच मारुतीचा जन्म झाला होता. त्या दिवशी चैत्रपौर्णिमा होती. तो दिवस `हनुमानजयंती' म्हणून साजरा करतात. वाल्मीकि-रामायणामध्ये (किष्किंधाकांड, सर्ग ६६) पुढीलप्रमाणे हनुमानाची जन्मकथा दिली आहे :

अंजनीच्या पोटी हनुमान जन्मला. जन्म झाल्यावर `उगवणारे सूर्यबिंब हे एखादे पक्वफळ असावे', या समजुतीने हनुमानाने आकाशात उड्डाण करून त्याकडे झेप घेतली. त्या दिवशी पर्वतिथी असल्यामुळे सूर्याला गिळण्यासाठी राहु आला होता. सूर्याकडे झेपावणारा हनुमान हा दुसरा राहुच आहे, या समजुतीने इंद्राने त्याच्यावर वज्र फेकले. ते हनुवटीला लागून ती छाटली गेली. यावरून त्याला हनुमान हे नाव पडले.

उत्सव साजरा करण्याची पद्धत

या दिवशी हनुमानाच्या देवळात सूर्योदयाच्या आधीपासून कीर्तनाला सुरुवात करतात. सूर्योदयाला कीर्तन संपते व हनुमानाचा जन्म होतो. त्यानंतर हनुमानाच्या मूर्तीची पूजा करतात व सर्वांना प्रसाद म्हणून सुंठवडा देतात.

हनुमान जयंतीला मारुतीचा नामजप जास्तीतजास्त का करावा ?

`हनुमान जयंती' या तिथीला मारुतीचे तत्त्व पृथ्वीवर नेहमीच्या तुलनेत १००० पटीने कार्यरत असते. या दिवशी `श्री हनुमते नम: ।' हा नामजप जास्तीतजास्त केल्याने नेहमीपेक्षा जास्त प्रमाणात कार्यरत असलेल्या मारुतित्त्वाचा आपल्याला लाभ मिळतो.

जन्मत:च मारुतीने सूर्याला गिळण्यासाठी उड्डाण केले अशी जी कथा आहे, तीतून वायूपुत्र (वायूतत्त्वातून निर्माण झालेला) मारुति हा सूर्याला (तेजतत्त्वाला) जिंकणारा होता, हे लक्षात येते. पृथ्वी, आप, तेज, वायू व आकाश या तत्त्वांत वायूतत्त्व हे तेजतत्त्वापेक्षा जास्त सूक्ष्म, म्हणजे जास्त शक्‍तीमान आहे.

कठोर आराधनेमुळे अंजनाच्या पोटी शंकराचा जन्म

मुनीच्या आदेशानुसार अंजना वायुदेवाची आराधना करते. वायुदेव प्रसन्न होतात. स्वत:च तिच्या पोटी जन्म घ्यायचे आश्‍वासन देतात. काही वर्षे जातात. अंजनेला मूल होत नाही. ती तगमगते. भगवान शंकराची उपासना करते. काही वर्षे आराधना करते. शंकराची कृपा संपादन करते. शंकर स्वत:च तिचा मुलगा होण्याचे आश्‍वासन देतात. तिला मंत्र सांगतात. अंजना आसनमांडी घालून बसते. मांडीवर हाताची ओंजळ असते. शिवमंत्राचा जप करत असते. आकाशातून घार पायसपात्र घेऊन जात असते. अवचित सुसाट वादळ सुटते. झंझावाताने घार थरथरते. पंख आणि पात्र लटपटतात. पायसपात्र खाली पडते, ते नेमके अंजनेच्या ओंजळीत ! ती ध्यानस्थ असते. शंकराचा, वायूदेवाचा हा प्रसाद ती अतीव श्रद्धेने प्राशन करते. अंजनेला दिवस जातात. मुलगा होतो. चैत्र पौर्णिमा मंगळवारी सूर्योदयाला हनुमंताचा जन्म होतो.

ब्राह्मतेज व क्षात्रतेज यांचे प्रतीक असलेला हनुमंत !

हनुमंताच्या गळयातील जानवे हे ब्राह्मतेजाचे प्रतीक आहे. हनुमंत हा शिवाचा अवतार असल्याने त्याच्यात लय करण्याचे सामर्थ्य आहे. रामभक्‍ती करतांना त्याच्यात विष्णुतत्त्व आले. त्यामुळे त्याच्यात स्थितीचे (तारक) सामर्थ्यही आले. हनुमंतामध्ये ब्राह्मतेज व क्षात्रतेज दोन्ही असल्याने युद्धाच्या वेळी आवश्यकतेनुसार तो त्यांचा वापर करतो. कौरव-पांडव यांच्यातील युद्धात श्रीकृष्णाने हनुमंताला अर्जुनाच्या रथावर स्थान दिले होते. तेव्हा हनुमंताने रथ व अर्जुन यांच्यावर येणारी अस्त्रे व शस्त्रे हवेतच नष्ट केली होती.

भूत, राक्षस यांसारख्या वाईट शक्तींपासून रक्षण

अ. सगळया देवतांमध्ये फक्‍त मारुतीला वाईट शक्‍ती त्रास देऊ शकत नाहीत. लंकेत लाखो राक्षस होते, तरीही ते मारुतीला काही करू शकले नाहीत. म्हणूनच मारुतीला `भुतांचा स्वामी' म्हटले जाते. भुताने कोणाला पछाडले, तर त्या व्यक्‍तीला मारुतीच्या देवळात नेतात किंवा मारुतिस्तोत्रे म्हणतात. याने त्रास न गेल्यास पछाडलेल्या व्यक्‍तीवरून नारळ उतरवून तो मारुतीच्या देवळात नेऊन फोडतात. व्यक्‍तीवरून नारळ उतरविल्याने व्यक्‍तीतील वाईट शक्‍ती नारळात येते व तो नारळ मारुतीच्या देवळात फोडल्यावर त्यातून बाहेर पडणारी शक्‍ती मारुतीच्या सामर्थ्याने नष्ट होते. त्यानंतर तो नारळ विसर्जित करतात.

आ. लग्न न होणार्‍यांपैकी जवळजवळ ३० टक्के व्यक्‍तींचे लग्न भूत, करणी इत्यादी वाईट शक्‍तींच्या त्रासामुळे होत नाही. मारुतीच्या उपासनेने ते त्रास दूर होतात व लग्न होणे शक्य होते. (१० टक्के व्यक्‍तींचे लग्न भावी वधू किंवा वर याच्या अवास्तव अपेक्षा असल्याने होत नाही. त्या संदर्भात अपेक्षा कमी केल्या की लग्न होते. ५० टक्के व्यक्‍तींचे लग्न प्रारब्धामुळे होत नाही. प्रारब्ध मंद किंवा मध्यम असल्यास कुलदेवतेच्या उपासनेने प्रारब्धामुळे असणारा अडथळा नष्ट होऊन लग्न होऊ शकते. तीव्र प्रारब्ध असल्यास केवळ संतकृपेनेच लग्न होऊ शकते. उरलेल्या १० टक्के व्यक्‍तींचे लग्न इतर आध्यात्मिक कारणांमुळे होत नाही. त्यासाठी त्या त्या कारणाप्रमाणे उपाय योजावे लागतात.

आंतरजालावरून साभार - ई-मेल फॉरवर्ड - आभार - लेखक / कवी

भारतातील रहस्यमयी मंदिरे - Mysterious Temples in India

2025-04-06T10:41:00.000+05:30

*🙏मंदिरे जी वर्षातून एकदाच सूर्यप्रकाश घेतात..🙏*

१. नागलापुरम वेद नारायण स्वामी मंदिर

२. कोल्हापूर लक्ष्मी मंदिर

३. बंगलोर गावी गंगाधर मंदिर

४. अरिसेवेली सूर्य नारायण मंदिर

५. मोगलेश्वर

६. कोदंडरमा कडप्पा जिल्हा

*🙏सतत पाण्याचा प्रवाह असलेली मंदिरे🙏*

१. महानंदी

२. जंबुकेश्वर

३. रामलिंगेश्वर झरा

४. कर्नाटक कमंडला गणपती

५. हैदराबाद काशी बग्गे शिवालय

६. मल्लेश्वरम.. बंगलोर

७. राजराजेश्वर बेल्लमपल्ली शिवालय

८. सिद्धगंगा टुमकूर

*🙏मंदिरांना अखंड ज्योतीच्या रुपात दर्शन🙏*

१. ज्वालामुखी.. ज्वालादेवी

२. अरुणाचल ईश्वर

३. मंजुनाथ

*🙏चित्तथरारक कलहस्तेश्वर.🙏*

*🙏पूजेसाठी समुद्राच्या मागे जाणारे मंदिर🙏*

१. गुजरात निशकलंक महादेव

२. पुंगनूर शिवालय जेथे 40 वर्षांतून एकदा, समुद्र जलपूजा आयोजित केली जाते.

*🙏महिन्यातून एकदा स्त्री बहिष्टा अगो देगुला🙏*

१. आसाम कामाक्या देवी

२. केरळ दुर्गा माता

*🙏रंग बदलणारे मंदिर🙏*

१. अतिशया विनायक मंदिर तामिलनाडू, जे उत्तरायण आणि दक्षिणायणासाठी एकदाच रंग बदलते.

२. गोदावरी पंचारा सोमेश्वर मंदिर, जे पौर्णिमेला पांढरे आणि अमावस्येला काळे होते.

*🙏सतत वाढणारी मूर्ती🙏*

१. कणिपकम

२. यागंती बसवण्णा

३. बसवानागुडी, बंगलोरचा बसवा

४. बिक्कावोलू लक्ष्मी गणपती

*🙏मंदिर जे ६ महिन्यातून एकदा उघडतात🙏*

१. केदारनाथ

२. बद्रीनाथ

येथे ६ महिने दार बंद करून दिवा लावला जातो.

३. गुह्या काली मंदिर

*🙏वर्षातून एकदा उघडणारे मंदिर🙏*

१. अमरनाथ मंदिर

२. हसनंबा मंदिर हसन..

इथे वर्षभर ठेवलेला प्रसाद खराब न होता ताजा राहतो.

*🙏बिजिली महादेव मंदिर* *हिमाचल प्रदेश* ज्यावर १२ वर्षांतून एकदा वीज पडते.

*🙏स्वतःचा प्रसाद घ्या🙏*

१. केरळ श्री कृष्ण मंदिर..

२. वृंदावनचा राधाकृष्ण

*🙏मंदिर जिथे पाण्यात दिवा लावतात*

घड्या घाट माताजी मंदिर..

*🙏मंदिर जे माणसाच्या भौतिक रूपासारखे दिसते*

१. हिमाचल नरसिंह मंदिर

२. इष्टा कामेश्वरी. श्रीशैला

*🙏सावली खास आहे🙏*

१. छाया सोमेश्वर.. खांबाची सावली दिसते.

२. हम्पी विरूपाक्ष.. टॉवरची सावली विरुद्ध दिशेने उगवते..

*🙏पाण्यात तरंगणारा देव🙏*

१.नेपाळ विष्णू (हजार टन मूर्ती)

२. तिरुपती बालाजी

३. अनंता पद्मनाभ केरळ

४. रामेश्वर

५. कांस्य

६. चिलकुरी बालाजी

७. पंढरीनाथ

८. बदराचलम

९. अण्णावरम

*🙏 पुरी जगन्नाथ स्पेशल🙏*

*पक्षी उडत नाहीत

*समुद्राची गर्जना नाही

*टॉवरची सावली पडत नाही

*सुवासिक प्रसाद देवाला समर्पित..

-------------------------------------------

आपली भारतीय मंदिरे खूप खास आहेत..

या भारतीय खंडात हजारो खास मंदिरे आहेत...

🙏🙏🙏🙏🙏🙏🙏 🙏🙏

रामनवमीच्या पवित्र शुभेच्छा…! Happy Ram Navami Greetings, Scraps, Pics, Wishes to you :)

2025-04-06T10:37:00.000+05:30

मन माझेच्या सर्व वाचकांना/ कवींना/ लेखकांना थोडक्यात, सर्वांनाचः रामनवमीच्या पवित्र शुभेच्छा…!

To Use on Whatsapp, facebook, instagram etc?

1) Right Click on image

2) Click on Copy image location

3) and Paste in friends wall for wishes :)

आंतरजालावरून साभार - ई-मेल फॉरवर्ड - आभार - लेखक / कवी

रामनवमी व्रत कसे करावे? Happy Ram Navami :)

2025-04-06T10:33:00.000+05:30

चैत्र शुक्ल नवमीला रामनवमी असे म्हटले जाते. या दिवशी कौसल्येने भगवान श्रीरामाला जन्म दिला होता. भारतीय संस्कृतीत हा दिवस अतिशय महत्त्वाचा मानला जातो. रामनवमीचे एक व्रतही आहे. भगवान श्रीरामाचा जन्म चैत्र शुक्ल नवमी, गुरूवार, पुष्य आणि कर्क लग्नात झाला होता. विशेष म्हणजे, महाकवी तुलसीदास यांनी याच दिवशी रामचरित मानस लिहण्यास सुरवात केली होती.

रामनवमी व्रत कसे करावे?

* व्रताच्या एक दिवस अगोदर सकाळीच लवकर स्नान आटोपून श्रीरामाचे नामस्मरण करावे.

* दुसर्‍या दिवशी (चैत्र शुक्ल नवमीला) ब्रह्म मुहर्तात ऊठून घर स्वच्छ करावे आणि आपले दैनंदिन कार्यक्रम लवकर उरकून घ्यावेत.

* त्यानंतर गोमूत्र, शुद्ध पाणी घरात शिंपडून घर पवित्र करावे.

* 'उपोष्य नवमी त्व यामेष्वष्टसु राघव| तेन प्रीतो भव त्वं भो संसारात् त्राहि मां हरे||' या मंत्राने ईश्वराप्रती व्रत भावना प्रकट करावी.

* त्यानंतर, 'मम भगवत्प्रीतिकामनया (वामुकफलप्राप्तिकामनया) रामजयंतीव्रतमहं करिष्ये' हा संकल्प करून काम- क्रोध-लाभ आणि मोहापासून अलिप्त होऊन व्रत करावे.

* मंदिर किंवा घराला तोरण आणि पताका लावून सुशोभित करावे.

* घराच्या उत्तर भागात रंगीत मंडप टाकून त्यात सर्वतोभद्रमंडलाची रचना करून त्याच्या मध्यभागी विधीपूर्वक कलश स्थापन करावा.

* कलशावर रामपंचायतन (त्यामध्ये राम-सीता, दोन्ही बाजूला भरत आणि शत्रुघ्न, लक्ष्मण आणि पदचरणी हनुमानाच्या सोन्याच्या मूर्ती किंवा चित्राची प्रतिष्ठापना करावी आणि त्यांची पूजा करावी.

* त्यानंतर विधीपूर्वक संपूर्ण पूजा करा.

रामनवमीच्या दिवशी काय करावे?

* या दिवशी संपूर्ण आठ प्रहर उपवास ठेवला पाहिजे.

* दिवसभर ईश्वराचे भजन-स्मरण, स्तोत्र-पाठ, हवन आणि उत्सव साजरा करावा.

* तसेच रामायण वाचणे आवश्यक आहे.

* या दिवशी मर्यादा पुरूषोत्तमाचे आदर्श अंगीकारण्याचा संकल्प करावा.

* प्रभु श्रीरामचंद्र चरित्र-श्रवण करून जागरण करा.

* दुसर्‍या दिवशी (दशमीला) पारायण करून व्रत सोडावे.

* गरीब आणि ब्राम्हणांना दान करून त्यांना जेवू घालावे.

रामनवमी व्रताचे फळ

* हे व्रत नित्य, नैमित्तिक आणि काम्य अशा तीन प्रकारचे आहे. नित्य होण्याबरोबर याला निष्काम भावना ठेवून आयुष्‍यभर केले तर आयुष्य आनंदमय होते.

* एखाद्या निमित्ताने हे व्रत केल्यास त्याचे यथेच्छ फळ मिळते.

* विश्वासाने हे व्रत केल्यास महान फळ मिळते.

आंतरजालावरून साभार - ई-मेल फॉरवर्ड - आभार - लेखक / कवी

गुढीपाडवा आणि नव वर्षाच्या हार्दिक शुभेच्छा…! Happy Gudhi Paadwa & Prosperous New Year Greetings, Scraps, Pics, Wishes to you :)

2025-03-30T00:54:00.000+05:30

मन माझेच्या सर्व वाचकांना/ कवींना/ लेखकांना थोडक्यात, सर्वांनाचः गुढी पाडवा आणि नव वर्षाच्या हार्दिक शुभेच्छा…

To Use on Whatsapp, facebook, instagram etc?

1) Right Click on image

2) Click on save image

3) and Share for wishes :)

आंतरजालावरून साभार - ई-मेल फॉरवर्ड - आभार - लेखक / कवी

गुढीपाडव्याच्या दिवशी वर्षारंभ करण्याचे नैसर्गिक, ऐतिहासिक व आध्यात्मिक महत्त्व ! Happy Gudhi Padwa :)

2025-03-30T00:50:00.001+05:30

महत्त्व : इसवी सन १ जानेवारीपासून, आर्थिक वर्ष १ एप्रिलपासून, हिंदु वर्ष चैत्र शुद्ध प्रतिपदेपासून, व्यापारी वर्ष कार्तिक शुद्ध प्रतिपदेपासून, शैक्षणिक वर्ष जूनपासून, सौर वर्ष, चांद्र वर्ष व सौर-चांद्र वर्ष (लुनी सोलर) या वर्षांचेही निरनिराळे वर्षारंभ, इतके वर्षारंभ करण्याचे दिवस आहेत. यांत सर्वत्र बारा महिन्यांचेच वर्ष आहे. `वर्ष बारा महिन्यांचे असावे', असे प्रथम कोणी सांगितले व जगाने ते कसे मान्य केले ? याचा प्रथम उद्‌गाता `वेद' आहे. वेद हे अतीप्राचीन वाड्गमय आहे, याबद्दल दुमत नाही. `द्वादशमासै: संवत्सर: ।' असे वेदात आहे. वेदांनी सांगितले म्हणून ते जगाने मान्य केले. या सर्व वर्षारंभांतील अधिक योग्य प्रारंभदिवस `चैत्र शुद्ध प्रतिपदा' हा आहे. १ जानेवारीला वर्षारंभ का, याला काहीही कारण नाही. कोणीतरी ठरविले व ते सुरू झाले. याउलट चैत्र शुद्ध प्रतिपदेस वर्षारंभ करण्यास नैसर्गिक, ऐतिहासिक व आध्यात्मिक कारणे आहेत.

नैसर्गिक : ज्योतिषशास्त्रानुसार पाडव्याच्या आसपासच सूर्य वसंत- संपातावर येतो (संपात बिंदू म्हणजे क्रांतीवृत्त व विषुववृत्त ही दोन वर्तुळे ज्या बिंदूत परस्परांस छेदतात तो बिंदू होय.) व वसंत ऋतू सुरू होतो. सर्व ऋतूंत `कुसुमाकरी वसंत ऋतू ही माझी विभूती आहे', असे भगवंतांनी श्रीमद्‌भगवद्‍गीतेत (१०:३५) म्हटले आहे. या वेळी समशीतोष्ण अशी उत्साहवर्धक व आल्हाददायक हवा असते. शिशिर ऋतूत झाडांची पाने गळून गेलेली असतात, तर पाडव्याच्या सुमारास झाडांना नवी पालवी येत असते. वृक्षवल्ली टवटवीत दिसतात.

ऐतिहासिक : या दिवशी
अ. रामाने वालीचा वध केला.
आ. राक्षसांचा व रावणाचा वध करून भगवान रामचंद्र अयोध्येला परत आले.
इ. शकांनी हुणांचा पराभव करून विजय मिळवला.
ई. या दिवसापासूनच `शालिवाहन शक' सुरू झाले; कारण या दिवशी शालिवाहनाने शत्रूवर विजय मिळवला.

आध्यात्मिक
सृष्टीची निर्मिती : ब्रह्मदेवाने सृष्टी निर्माण केली, म्हणजे सत्ययुगाला सुरुवात झाली, तो हा दिवस असल्याने या दिवशी वर्षारंभ केला जातो.

१ जानेवारी नव्हे, तर गुढीपाडवा हाच पृथ्वीचा खरा वर्षारंभदिन : `गुढीपाडव्याला सुरू होणारे नवीन वर्षाचे कालचक्र हे विश्‍वाच्या उत्पत्तीकाळाशी निगडित असल्याने सृष्टी नवचेतनेने भारित होते. याउलट ३१ डिसेंबरला रात्री १२ वाजता सुरू होणारे नवीन वर्षाचे कालचक्र हे विश्‍वाच्या लयकाळाशी निगडित असते. गुढीपाडव्याला सुरू होणार्‍या नववर्षाची तुलना सूर्योदयाला उगवणार्‍या तेजोमयी दिवसाशी करता येईल.

गुढी उभारण्याची पद्धत:

चैत्र शुद्ध प्रतिपदा म्हणजे गुढीपाडवा हा हिंदु धर्मियांचा वर्षातील पहिला सण व नूतन वर्षाचा पहिला दिवस. अभ्यंगस्नान करणे, दाराला तोरणे लावणे व पूजा यांबरोबरच घरोघरी गुढी उभारून हा सण साजरा केला जातो. दुष्ट प्रवृत्तींच्या राक्षसांचा व रावणाचा वध करून भगवान श्रीराम अयोध्येत परत आले, तो हाच दिवस. ब्रह्मदेवाने सृष्टीची निर्मिती याच दिवशी केली. अशा या सणाला हिंदूंच्या जीवनात विशेष महत्त्व आहे. सूर्योदयाच्या वेळी प्रक्षेपित होणारे चैतन्य खूप वेळ टिकणारे असल्यामुळे सूर्योदयानंतर ५ ते १० मिनिटांत गुढीची पूजा करावी !

गुढीपाडव्याच्या दिवशी तेज व प्रजापति लहरी मोठ्या प्रमाणात कार्यरत असतात. सूर्योदयाच्या वेळी या लहरींतून प्रक्षेपित होणारे चैतन्य खूप वेळ टिकणारे असते. ते जिवाच्या पेशींत साठवून ठेवले जाते व आवश्यकतेनुसार त्या जिवाकडून ते वापरले जाते. त्यामुळे सूर्योदयानंतर ५ ते १० मिनिटांत गुढीची पूजा करावी.

गुढीचे स्थान : गुढी उभी करतांना ती दरवाजाच्या बाहेर; परंतु उंबरठ्यालगत (घरातून पाहिल्यास) उजव्या बाजूला उभी करावी.

पद्धत :

अ. गुढी उभी करतांना सर्वप्रथम सडासंमार्जन करून अंगण रांगोळीने सुशोभित करावे गुढी उभारण्याच्या जागी रांगोळीने स्वस्तिक काढून त्याच्या मध्यबिंदूवर हळद-कुंकू वाहावे.

आ. गुढी उभी करतांना ब्रह्मांडातील शिव-शक्‍तीच्या लहरींना आवाहन करून तिची स्वस्तिकावर स्थापना करावी. यामुळे गुढीच्या टोकावर अस लेल्या सर्व घटकांना देवत्व प्राप्‍त होते.

इ. गुढी जमिनीवर उंबरठ्यालगत; परंतु थोडीशी झुकलेल्या स्थितीत उभी करावी.

आंब्याच्या पानांचे महत्त्व

इतर पानांपेक्षा आंब्याच्या पानांत जास्त सात्त्विकता असल्यामुळे त्यांची ईश्‍वरी तत्त्व खेचून घेण्याची क्षमता अधिक असते. गुढीच्या टोकाला आंब्याची पाने बांधली जातात. कोवळया पानांत तेजतत्त्व अधिक असते, म्हणून पूजेत आंब्याच्या कोवळया पानांचा वापर करावा.

कडूलिंबाच्या पानांचे महत्त्व

गुढीला कडूलिंबाची माळ घातली जाते. ईश्‍वरी तत्त्व खेचून घेण्याची क्षमता आंब्याच्या पानांनंतर कडूलिंबाच्या पानांत जास्त असते. या दिवशी कडूलिंबाच्या कोवळया पानांद्वारे वातावरणात पसरलेल्या प्रजापति लहरी खेचून घेतल्या जातात. प्रजापति लहरी ग्रहण करण्यासाठी आवश्यक गुण सर्वसाधारण व्यक्‍तीत ईश्‍वराकडून येणार्‍या लहरी ग्रहण करण्याची क्षमता खूप कमी असते.

खालील गुण असणारा जीव या लहरी अधिकाधिक प्रमाणात ग्रहण करू शकतो.

१. अंतर्मनापासून सातत्याने ईश्‍वराचे स्मरण करणे

२. गुरु व ईश्‍वर यांच्यावर अढळ श्रद्धा असणे

३. ईश्‍वराची संकल्प शक्‍ती कार्यरत असणे

४. शक्‍तीचा वापर राष्ट्र व धर्म यांच्या कार्यांसाठी करणे

सूर्यास्तानंतर लगेचच गुढी उतरवावी ज्या भावाने गुढीची पूजा केली जाते, त्याच भावाने गुढी खाली उतरवली पाहिजे, तरच जिवाला तिच्यातील चैतन्य मिळते. गोड पदार्थांचा नैवेद्य दाखवून व प्रार्थना करून गुढी खाली उतरवावी. गुढीला घातलेले सर्व साहित्य दैनंदिन वापरातील वस्तूंच्या शेजारी ठेवावे. गुढीला अर्पण केलेली फुले व आंब्याची पाने यांचे वाहत्या पाण्यात विसर्जन करावे. गुढी सूर्यास्तानंतर लगेचच खाली उतरवावी. सूर्यास्तानंतर १ ते २ तासांत वातावरणात वाईट शक्‍ती कार्यरत होऊ लागतात. सूर्यास्तानंतरही गुढी उभी असल्यास त्यात वाईट शक्‍ती प्रवेश करू शकतात. त्या शक्‍तींचा आपल्याला त्रास होऊ शकतो.

गुढीची पूजा करतांना व गुढी उतरवतांना पुढील प्रार्थना करावी

अ. गुढीची पूजा करतांना करावयाची प्रार्थना : `हे ब्रह्मदेवा, हे विष्णु, या गुढीच्या माध्यमातून वातावरणातील प्रजापति, सूर्य व सात्त्विक लहरी आमच्याकडून ग्रहण केल्या जाऊ देत. त्यांतून मिळणार्‍या शक्‍तीतील चैतन्य सातत्याने टिकून राहू दे. मला मिळणार्‍या शक्‍तीचा वापर माझ्याकडून साधनेसाठी केला जाऊ दे.', हीच आपल्याचरणी प्रार्थना !

आ. गुढी खाली उतरवतांना करावयाची प्रार्थना : `हे ब्रह्मदेवा, हे विष्णु, आज दिवसभरात या गुढीत जी शक्‍ती सामावली असेल, ती मला मिळू दे , हीच आपल्याचरणी प्रार्थना !

आभार - बालसंस्कार.कॉम

Gudhi Padwa Marathi SMS - गुढीपाडवा शुभ संदेश ! :-D

2025-03-30T00:50:00.000+05:30

सोनेरी सूर्याची सोनेरी किरणे,
सोनेरी किरणांचा सोनेरी दिवस..
सोनेरी दिवसाच्या सोनेरी शुभेच्छा!
गुडीपाडव्याच्या हार्दिक शुभेच्छा.

नक्षीदार काठीवरी रेशमी वस्त्र,
त्याच्यावर चांदीचा लोटा,
उभारुनी मराठी मनाची गुढी,
साजरा करूया हा गुढीपाडवा!
नूतन वर्षाच्या हार्दिक शुभेच्छा!

वसंत ऋतूच्या आगमनी,
कोकिळा गाई मंजुळ गाणी,
नवं वर्षाच्या आज शुभ दिनी,
सुख समृद्धी नांदो जीवनी,
नूतन वर्षाच्या हार्दिक शुभेच्छा!

रंग -गंधाच्या उत्सवात,
सामील होऊ या सारेजण,
गुढीपाडव्याच्या शुभेच्छा देऊन,
साजरा करूया नववर्षाचा सण,

सोनपिवळ्या किरणांनी,
आले नवीन वर्ष,
मनोमनी दाटे,
नवं वर्षाचा हर्ष.
हिंदू नवं वर्षाच्या हार्दिक शुभेच्छा !

"गुडी उभारू आनंदाची,
समृद्धीची, आरोग्याची,
समाधानाची आणि उत्तुंग यशाची.
नवं वर्षाच्या शुभेच्छा !

चैत्राची सोनेरी पहाट..
नव्या स्वप्नाची नवी लाट,
नवा आरंभ, नवा विश्वास
नव्या वर्षाची हीच तर खरी सुरवात,
गुडी पाडव्याच्या हार्दिक शुभेच्छा

श्रीखंड पुरी,
रेशमी गुढी,
लिंबाचे पान,
नवं वर्ष जावो छान.

स्वागत नवं वर्षाचे,
अशा आकांक्षाचे,
सुख समृद्धीचे,
पडता द्वारी पाउल गुढीचे,

शांत निवांत शिशिर सरला.
सळसळता हिरवा वसंत आला.
कोकिळेच्या सुरवाती सोबत,
चैत्र "पाडवा" दारी आला.
"नूतन वर्षाभिनंदन "

May God Bless you with Peace
and God Luck and Success
this Gudi Padwa and all through the year.

This Gudi Padwa and always
Fortunate is the one
who has learned to Admire, but not to envy.

Good Wishes for a joyous Gudi Padwa
and a Happy New Year
with a plenty of Peace and Prosperity.

Long live the tradition of hindu culture
and as the generations have passed
by hindu culture is getting stronger and stronger
lets keep it up.
Best Wishes for Gudi Padwa

May the festival of lights be the harbinger of joy and prosperity.
As the holy occasion of Gudi Padwa is here
and the atmosphere is filled with the spirit of mirth and love,
here’s hoping this festival of beauty brings your way,
bright sparkles of contentment, that stay with you through the days ahead.
Best wishes on Gudi Padwa and New year.

This Gudi Padwa, may you be blessed with good fortune
as long as Ganeshji’s trunk, wealth and prosperity
as big as his stomach, happiness as sweet as his ladoos
and may your trouble be as small as his mouse.
Happy Gudi Padwa :)

रंगपंचमी - धुलीवंदनाच्या हार्दिक शुभेच्छा – Happy Rang Panchami

2025-03-14T10:07:00.002+05:30

होळी.......कवी निलेश बामणे Happy Holi Marathi Poem

2025-03-14T10:04:00.001+05:30

कित्येक वर्षे झाली होळी खेळलोच नाही
तुझ लग्न झाल्यापासून...............
तुझ्या शिवाय दुसरीला रंग लावावा
अस वाटलच नाही कधी मनापासून .............

रंग खेळण तर
बहाणा असायचा
वाटायचं एक दिवस तरी
दूर कस राहायचं तुझ्यापासून ................

रंगाचा मोह मला कधीच नव्हता
कारण माझ्या जीवनात
रंग भरायला सुरुवातच
झाली होती तुझ्यापासून ...........

मला रंगीन करून
माझ्या जीवनाला
बेरंग करून तू
गेलीस दूर माझ्यापासून ............

तरीही प्रत्येक होळीला
तू लाडाने मला विचारतेस
राजा का पळतोस
दूर रंगापासून .............

भिऊ नकोस
मीच आता भरणार
रंग माझ्या जीवनात
ह्या होळीपासून ............

साभार -कवी: निलेश बामणे

रंग बदललेस म्हणून......Happy Holi in Advance

2025-03-14T10:04:00.000+05:30

उद्या तुला भिजवायला समुद्रही कमीच आहे

उद्या तुला रंगवायला इन्द्रंधनुही कमीच आहे

मला माहीत आहे तुझी स्वप्नं फ़ार मोठी आहे

तुला स्वप्नं पाहण्यासाठी ही रात्रही कमीच आहे.

उद्या तु रंगाना जवळ येवुही देणांर नाहीस

उद्या तु आगीला निट जळूही देणांर नाहीस

आजच शप्पत देउन जाशील मला तु नेहमीची

उद्या तु मला डोळ्यातुन गळूही देणांर नाहीस

"सणाला तरी हसत जा" तु अस म्हणशील"

बाहेरच जग पाहत जा" तु असही म्हणशील

"कोणी लाख दुःखं देउदेत तुला या जगात पण

तु मात्र सुखाने जगत जा" तु असही म्हणशील.

पण यदाच्या होळीला मी ही भिजेन म्हणतोय

यदांच्या होळीला एकदा मी ही रंगेन म्हणतोय

आठवतय एकदाच रंगलो होतो तुझ्या रंगात आता

तुही रंग बदललेस म्हणून शब्दरंगात जगेन म्हणतोय.

आंतरजालावरून साभार - ई-मेल फॉरवर्ड - आभार - लेखक / कवी

असे करा होलिकापूजन - होळी पूजा विधी कशी करावी ? - Holi Pujan Vidhi

2025-03-13T14:00:00.001+05:30

होलिकापूजन विधी

फाल्गून शुक्ल अष्टमीपासून पौर्णिमेपर्यंत आठ दिवस होलाष्टक साजरे केले जाते. त्यासोबतच होळी उत्सव साजरा करण्याची सुरूवात होते. होळीची तयारी देखील तेव्हापासूनच सुरू होते. होळी दहन आणि पूजा यासाठी खालील बाबींकडे लक्ष द्या.

* होळीला कोणत्याही झाडाची लाकडे (फांद्या) कापून त्यावर रंगबिरंगी कपड्याचे तुकडे बांधले जातात.

* प्रत्येक जम झाडाच्या त्या फांदीला कापडाचा एक तुकडा बांधतो. ती फांदी कपड्यांच्या तुकड्यांनी पूर्णपणे झाकली जाते, तेव्हा तिला सार्वजनिक ठिकाणी गाडले जाते.

* नंतर त्या फांदीच्या चहुबाजूने लोक उभे रहातात.

* गवत, वाळलेली लाकडे, गवर्‍या होळीत रचल्या जातात. त्यालाच होळी म्हणतात.

* त्यानंतर मुहूर्तानुसार होलिका पूजन केले जाते.

* वेगवेगळ्या क्षेत्रात आणि समाजात वेगवेगळ्या पध्दतीने पूजा केली जाते. आपल्या पारंपारीक पूजा पध्दतीच्या आधारे पूजा करायला हवी. होळी पूजनावेळी खालील मंत्राचे उच्चारण करायला हवे...

अहकूटा भयत्रस्तैः कृता त्वं होलि बालिशैः ।

अतस्वां पूजयिष्यामि भूति-भूति प्रदायिनीम्‌ ॥

* पूजनानंतर होळी दहन केले जाते.

* दहनानंतर गव्हाच्या ओंब्या त्यात भाजल्या जातात. हा सण नवीन पिकाच्या आनंदातही साजरा केला जातो.

* होळी दहनानंतर जी राख उरते. तिला भस्म म्हटले जाते. ते शरीरावर लावायला हवे.

* राख लावताना खालील मंत्राचे उच्चारण करावे...

वंदितासि सुरेन्द्रेण ब्रम्हणा शंकरेण च ।

अतस्त्वं पाहि माँ देवी! भूति भूतिप्रदा भव ॥

होळीची गरम राख घरात समृध्दी आणते असे मानले जाते. असे केल्याने घरात शांती आणि प्रेमाचे वातावरण निर्माण होते.

सर्वांना होळीच्या आणि धुलीवंदनाच्या हार्दिक शुभेच्छा !!!

आंतरजालावरून साभार - ई-मेल फॉरवर्ड - आभार - लेखक / कवी

शिमग्याचो गाऱ्हानो - होळीची मालवणी प्रार्थना ( Holi Festival Prayer )

2025-03-13T14:00:00.000+05:30

हे बारा गावच्या, बारा वेशीच्या, बारा बावडीच्या, बारा नाक्याच्या, बारा गल्लीच्या, बारा शहराच्या देवा महाराजा.....
होय महाराजा...

आज जो शिमग्याचो सण सगळे पोरा टोरा, म्हातारे कोतारे, मिळान साजारो करतत, त्यांचो तू नेहमी सांभाळ कर आणि जी काय इडा पिडा, वाकडा नाकडा असात त दूर कर रे महाराजा....
होय महाराजा.....

कोणी काय कोणावर वाकडा नाकडा केला असात तर ता बाहेरच्या बाहेर निघाण जाऊं दे रे महाराजा......
होय महाराजा.....

कोणाक पोर होत नसात तर त्याक पोर होऊ दे, काम धंद्यात सर्वानका यश दे, पोरा टोराक शिक्षणात यश दे, कोणाचा लग्न जुळत नसात तर ता तुझ्या क्रुपेन जमानदे रे महाराजा......
होय महाराजा........

हे देवा महाराजा आज जो काय महाराष्ट्रात दुष्काळ पडलो हा, त्याचो तू नाय नाट कर आणि तुझ्या कृपा दुष्टीने भरभरून पाणी दे रे महाराजा........
होय महाराजा.......

हे देवा महाराजा आणि जो काय आजकाल पोरी टोरीन वर अत्याचार होतंत आणि जे करतत त्याचो नाय नाट कर रे महाराजा.....
होय महाराजा....

ह्या बघा देवक मी नारळ देऊन सगळ्यांच्या वतीने गराणा घातलाय. चला आता सगळ्यांनी पाय पडा आणि शिमगो खेळाक यवा आणि पाणी नाय वापरलास तर बरा व्हयत.

बोला होळी रे होळी,
पुरणाची पोळी
*** आपणा सर्वाना शिमग्याच्या मनपुर्वक शुभेच्छा***

होळी महात्म कथा - होळी म्हणजे वाईट विचारांचे दहन - Happy Holi Story & Importance

2025-03-13T13:59:00.001+05:30

होळी हा देशभर रंगांचा सण म्हणून ओळखला जात असला तरी महाराष्ट्रात त्याचे महत्त्व वेगळे आहे. ग्रामीण भागात शिमगा या नावाने ओळखला जाणार्‍या सणामागे एक आख्यायिका आहे.

पूर्वी राक्षसकुळात हिरण्यकश्यपू नावाचा राक्षस होता. तो स्वत:ला श्रेष्ठ समजत असे. देवतांविषयी त्याला अतिशय तिरस्कार होता. त्याला प्रल्हाद नावाचा मुलगा होता. प्रल्हाद बालपणापासून विष्णूचा (नारायणाचा) परमभक्त होता. प्रल्हाद दिवस-रात्र विष्णूच्या नावाचे नामस्मरण करीत असे. नेमके हेच हिरण्यकश्यपूला मान्य नव्हते. त्यामुळे त्याने प्रल्हादाला त्यापासून परावृत्त करण्याचा प्रयत्न केला. परंतु, प्रत्येकवेळी तो अयशस्वी ठरला. अखेरीस कंटाळून हिरण्यकश्यपूने आपल्याच मुलाचा वध करण्याचा निर्णय घेतला. या कामात त्याने आपल्या बहिणीची मदत घेतली. होलिका हे तिचे नाव. ती राक्षसीप्रवृत्तीची आणि क्रूर होती. तिला अग्नीचे भय नव्हते. अग्नीपासून तिला कोणताच त्रास होत नव्हता. म्हणून हिरण्यकश्यपूने लाकडाची चिता रचली. त्यावर होलिकेला बसविले. आणि तिच्या मांडीवर प्रल्हादाला बसविले. परंतु, प्रल्हादाच्या भक्तिसाधनेमुळे उलटेच घडले. होलिका जळून खाक झाली. आणि विष्णू भक्त असल्यामुळे प्रल्हादाला काहीही झाले नाही. त्याच्या भक्तीने प्रसन्न होऊन विष्णूने खांबातून नृसिंह रूपाने हिरण्यकश्यपूचा वध केला.

थोडक्यात होलिका वाईट प्रवृत्तीची असल्यामुळे तिचा अंतही जळून म्हणजेच वाईट पद्धतीने झाला. त्यामुळे वाईट आचार-विचारांना तिलांजली देणे आणि आपल्या मनातील वाईट विचारांना होळीप्रमाणे आगीत जाळून राख करावी हाच होळी साजरे करण्यामागचा उद्देश आहे. या दिवशी वाईट गोष्टींचा त्याग करून चांगल्या गोष्टींचा संकल्प करा जेणेकरून आपले संपूर्ण वर्ष सुख-समाधानाचे जाईल.

होलिकेचा जळून अंत झाला तो दिवस फाल्गुन शुद्ध पौर्णिमा असल्याने दरवर्षी त्यादिवशी होळी उत्सव मोठ्या उत्साहाने साजरा करतात.

महाराष्ट्रात देखील होळी उत्सव आंनदाने, उत्साहाने साजरे करतात. आदल्या दिवसापासूनच होळी दहनासाठी लाकडे, झाडाच्या फांद्या जमविल्या जातात. काही ठिकाणी ही लाकडे चोरूनही आणली जातात. त्यावर रंगबिरंगी कपड्याचे तुकडे बांधले जातात. सर्वजण झाडाच्या त्या फांदीला कापडाचा एक तुकडा बांधतो. ती फांदी कपड्यांच्या तुकड्यांनी पूर्णपणे झाकली जाते, नंतर तिला सार्वजनिक ठिकाणी गाडले जाते. त्याच्यावर गवत, वाळलेली लाकडे, गवर्‍या, केळी, इतर फळे रचले जातात. मुहूर्तावर होळीचे पूजन करून मुख्यत: पुरणपोळीचा नैवैद्य दाखविला जातो. नंतर होळीचे दहन केले जाते. दहन करताना 'होळी रे होळी पुरणाची पोळी...' अशी घोषणाबाजी केली जाते.

अशी हि होळी सर्वांना सुख समृद्धीची आणि भरभराटीची जावो ..

सर्वांना होळीच्या आणि धुलीवंदनाच्या हार्दिक शुभेच्छा !!!

होळी आणि धुलीवंदनाच्या हार्दिक शुभेच्छा…! Happy Holi & Dhulivandan Greetings, Scraps, Pics, Wishes to you :)

2025-03-13T13:59:00.000+05:30

मन माझेच्या सर्व वाचकांना/ कवींना/ लेखकांना थोडक्यात, सर्वांनाचः

होळी आणि धुलीवंदनाच्या हार्दिक शुभेच्छा!

To Use on facebook, Whatsapp, instagram etc

1) Right Click on image

2) Click on Copy image location

3) and Paste in friends wall/ chat for wishes :)

महाशिवरात्रीच्या हार्दिक शुभेच्छा.. Happy Maha Shivratri Greetings, Pics, Wishes to you :)

2025-02-26T10:02:00.001+05:30

आपण सर्वांना महाशिवरात्रीच्या हार्दिक शुभेच्छा.. आपल्यावर सदैव शिवशंभुची कृपा राहो..!!!

To Use on Whatsapp, facebook, hi5 etc?
1) Right Click on image
2) Click on Copy image location
3) and Paste in friends scrapbook for wishes :)

शिवजयंतीच्या हार्दिक शुभेच्छा - ShivJayanti Greetings, Scraps, Pics, Wishes, cards to you :)

2025-02-19T10:35:00.000+05:30

मन माझेच्या सर्व वाचकांना/ कवींना/ लेखकांना थोडक्यात, सर्वांनाचः
श्री छत्रपति शिवाजी महाराज जयंतीच्या हार्दिक शुभेच्छा!!

To Use on Whatsapp, facebook, hi5 etc?
1) Right Click on image
2) Click on Copy image location
3) and Paste in friends scrapbook for wishes :)

समर्थांनी शिवाजी महाराजांना लिहिलेले एक पत्र

2025-02-19T10:34:00.000+05:30

समर्थांनी शिवाजी महाराजांना लिहिलेले एक पत्र. यात ते अफजल खान विजापूरहून स्वारी करण्याकरता निघत असल्याची स्पष्ट सूचना देतात.

विवेके करावे कार्यसाधन ।
जाणार नरतनू हे जाणोन ।
पूढिल भविष्यार्थी मन ।
रहाटोची नये ।। १ ।।

चालू नये असन्मार्गी ।
सत्यता बाणल्या अंगी ।
रघुवीर कृपा ते प्रसंगी ।
दास महात्म्य वाढवी ।। २ ।।

रजनीनाथ आणि दिनकर ।
नित्य करिती संचार ।
घालिताती येरझार ।
लाविले भ्रमण जगदिशे ।। ३ ।।

आदिमाया मूळ भवानी ।
हे सकल ब्रम्हांडांची स्वामिनी ।
येकान्ती विवेक करोनी ।
इष्ट योजना करावी ।। 4 ।।

(पत्राच्या प्रत्येक ओवीचरणाचे अद्याक्षर घेतल्यास 'विजापूरचा सरदार निघाला आहे' ही सुचना मिळते.) खान निघाल्याची खबर देणारे हे पत्र असा इतिहासाचा भाग काही काळ बाजुला ठेवून जर ह्या ओळी पाहिल्या तर आपल्यापैकी प्रत्येकालाच एक वेगळा संदेश, उपदेश देणारे असे हे चरण आहेत असे जाणवते..

मद, मोह, मत्सरादी षड-रिपूंचे हे खान आपल्यावर नेहमीच चाल करुन येण्यास सज्ज असतात.. आपल्यातच वास करुन असतात. अन संधी मिळताच आपल्याच सद्सदविवेकावर घाला घालतात. आपल्यातल्याच सद्गुणांच्या मंदिरांचे कळस मोडून टाकतात.