ඇත්ත පුවත්

නොදැනීම ඔබව අන්ද කරන ග්ලුකෝමාව

2013-12-05T13:56:00.001+05:30

ග්ලූකෝමා යනු ඇසේ දෘෂ්ටි ස්නායුවේ ඇතිවන දුබලතාවයක්. මෙම දුබලතාව ක්‍රම ක්‍රමයෙන් සෙමින් සිදුවන තත්ත්වයක්. ඕනෑම අයෙකුගේ ඇසක රසදිය මි.මි. 10 - 21 අතර පීඩනයක් පවතියි. මෙම පරාසය ඇතිවන්නේ ඇසේ පවතින තරලය නිසායි. මේ තරලය අලුතින් නිපදවෙන අතරම ඇසේ තිබෙන ප්‍රමාණය ඉන් ඉවත් වේ.

මේ අතර එහි පවතින සමබරතාව ගිලිහී යාම ඊට බොහෝදුරට හේතුවේ. විශේෂයෙන් ග්ලුකෝමා රෝගීන්ගේ එම අදාළ තරලය අලුතින් නිපද වූවද ඇසෙන් පිටවන තරල ප්‍රමාණය නිසිලෙස පිටනොවේ. ඒ නිසා ඇස තුළ එම තරලය එකතු වීමක් සිදුවේ. එමඟින් ඇස තුළ පීඩනයක් ඇති වී එම පීඩනය මඟින් දෘෂ්ටි ස්නායුව මත තෙරපීමක් ඇති කරයි.

මේ නිසා ස්නායුවට සැපයෙන රුධිර ප්‍රමාණය අඩු වීමෙන් ස්නායුව ක්‍රම ක්‍රමයෙන් දුබලතාවට පත්වේ. මෙහි බරපතළ බව වන්නේ ඇසේ පෙනීම අඩුවී යන්නේ 40% ක් ඇසට හානිවූ පසුවයි. මේ තත්ත්වය හඳුනා ගන්නට පෙරදී රෝග ලක්ෂණ කිසිවක් දැක ගැනීමේද හැකියාවක් නොමැත.

දෘෂ්ටි ස්නායුවට හානි පැමිණිය හොත් නැවත යථා තත්ත්වයට පත් කරගත හැකිද?

දෘෂ්ටි ස්නායුව කපාල ස්නායුවක්. මෙය විනාශ වූ පසු යථා තත්ත්වයට පත් කිරීම ඉතාම අපහසු කටයුත්තක්. ඒ නිසා ස්නායු දුර්වලතාව පැමිණීමට පෙර ඒ තත්ත්වය හඳුනාගත යුතුයි.

මෙම රෝග තත්ත්වය කුමන වයස් වලදී දැකගත හැකිද?

ඇසේ පීඩනය වැඩි නොවන ග්ලූකෝමා තත්ත්ව තිබුණද රසදිය මි.මි. 26 ට වැඩි අගයක සිටින අයට ග්ලූකෝමා ඇතිවිය හැකියි. මෙහිදී විශේෂයෙන් මවට හෝ පියාට ග්ලූකෝමා තත්ත්වයක් තිබෙනවා නම් සාමාන්‍ය අනෙකුත් පුද්ගලයන්ට වඩා ග්ලූකෝමා ඇතිවීමේ ප්‍රවණතාව සියයට පස් ගුණයකින් වැඩි වේ.

ඒ වගේම සහෝදරයෙකුට හෝ සහෝදරියකට ග්ලුකෝමා තත්ත්වයක් තිබෙනවා නම් නව ගුණයක ප්‍රවණතාවකින් ග්ලුකෝමා වැළඳිය හැකියි. ඒ වගේ ඇසේ තදබල තැල්මක් ඇති වූවොත් එමඟින්ද ග්ලූකෝමා ඇතිවිය හැකියි. ඊට අමතරව අවිදුර දෘෂ්ටිකත්වයක් ඇති අයටද ඇසේ ඇතිවන කැසීම් සඳහා භාවිතා කරන ඇතැම් ස්ටීරොයිඩ් ඖෂධ කාලයක් භාවිතය නිසාද ග්ලුකෝමා ඇතිවේ.

දියවැඩියා රෝගීන්ටත් අධික රුධිර පීඩනයක් පවතින අයටත් ග්ලුකෝමා අවදානමක් නොතිබුණද දියවැඩියා රෝගීන් වසරකට වරක් වත් ඇස් පරීක්ෂාවක් කර ගත යුතුයි. ඒ වගේම වයස් ගත වීමත් සමඟ මීට ගොදුරු වීමේ වැඩි ප්‍ර‍්‍රවණතාවක් පවතියි. විශේෂයෙන් වයස අවුරුදු 65 ඉක්ම වූ අය මෙහි අවදානමක් ගනියි.

සාමාන්‍යය වයස අවුරුදු 40 පසු වූ අය කණ්ණාඩි මිලදී ගැනීමට යනවිට ග්ලුකෝමා ඇති නැති බවද පරීක්ෂා කර ගන්නේ නම් වඩාත් සුදුසුයි. ඇතැම් රෝගීන්ගේ ඇසේ පීඩනයක් නොතිබුණද ඇසේ ස්වභාවය ග්ලුකෝමා රෝගියකුගේ ආකාරයක් කියාපායි. ඒ වගේම විශේෂිත ස්කෑන් පරීක්ෂණයකින් යම් රෝගියකුට කුමන හෝ ග්ලුකෝමා තත්ත්වයක් තිබෙනවාදැයි හඳුනා ගැනීමේ හැකියාවක්ද පවතී.

ඇසේ පීඩනයට අමතරව ඇසේ ග්ලුකෝමා තත්ත්වයට බලපාන්නේ කුමක්ද?

ඇත්තෙන්ම දෘෂ්ටි ස්නායුවේ ස්නායු තන්තු ප්‍රමාණය ක්‍රමයෙන් අඩු වීමට ඇසේ පීඩනය පමණක්ම හේතු නොවේ. ඒ අනුව ඇසට සැපයෙන රුධිර ප්‍රමාණය අඩුවීම, ශරීරයේ කොලෙස්ටරෝල් ප්‍රමාණය වැඩිවීම, රුධිර පීඩනය වැඩිවීම ආදිය දැක්විය හැකියි. ස්ටීරොයිඩ් අඩංගු ඇස් වලට දමන ඖෂධ හා වෛද්‍යවරයා නියම කරන ප්‍රමාණය ඉක්මවා භාවිතා කිරීම නිසාද ඇස්වල ග්ලුකෝමා තත්ත්වය ඇතිවී ඇස් අන්ධවන මට්ටමට පවා පත්විය හැකියි.

පෙර පැහැදිලි කළ ආකාරයට තමාගේ පවුලේ සාමාජිකයන්ට ග්ලුකෝමා තත්ත්වයක් පවතින අය වයස අවුරුදු 40 ට පෙර ඇස් පරීක්ෂා කරගත යුතුයි. ඒ වගේම මෙම රෝග තත්ත්වය පාලනය කරගත හැකි රෝගයක් නමුත් නිට්ටාවටම සුවකර ගත නොහැකියි. ඒ සඳහා රෝගියාත් වෛද්‍යවරයාත් අතර සම්බන්ධතාව ඉතා වැදගත්.

මෙම රෝගී තත්ත්වයේ ලංකාවේ පවතින ප්‍රවණතාව පිළිබඳ කතාබහ කළොත්?

ලංකාවේ අන්ධභාවය ඇති කරන හේතුන්ගේ 12% කගේ අන්ධභාවයට හේතුවන්නේ ග්ලුකෝමා තත්ත්වයකි. අපේ රටේ 90%ක් පමණ දෙනෙක් මේ වන විටත් තමාට ග්ලුකෝමා තිබෙන බව හඳුනාගෙන නොමැත. ඒ නිසා ලොව තුන්වෙනි තැනට අන්ධභාවය ඇති කරන හේතුවක් වන ග්ලුකෝමාව හඳුනා ගැනීමට අක්ෂි පරීක්ෂාවක් කළ යුතුයි. ඊට හේතු වන්නේ සාමාන්‍යයෙන් පිටින් ඇස පරීක්ෂා කර රෝග අවස්ථාව හඳුනා ගැනීමට නොහැකි වීමයි.

ග්ලුකෝමා තත්ත්වයක් තිබෙන පුද්ගලයන්ගේ ඉදිරි තත්ත්වය පිළිබඳ පැහැදිලි කළොත්?

මෙවැනි රෝගීන්ට ප්‍රතිකාර මඟින් යම් සහනයක් ලබා ගැනීමට අපොහොසත් වූවත් ඔවුන් ශල්‍යකර්මයක් සඳහා යොමු කරවනු ලබයි. මෙසේ ශල්‍යකර්මයට යොමුකරන්නේ ඖෂධ ප්‍රතිකාර වලින් පවා සහනයක් ලබා ගත නොහැකි පුද්ගලයන් හා සම්බන්ධවයි.

නමුත් ශල්‍යකර්මය මෙන්ම ඖෂධ යන ක්‍රම දෙකම ඇතැම් රෝගීන් සඳහා භාවිතා කරන බවද තවත් විශේෂිත කරුණක්. අධික ඝණකමින් යුතු කණ්ණාඩි පළඳින පුද්ගලයන්ට මෙම තත්ත්වය පහසුවෙන් හඳුනා ගැනීමට නොහැකිවේ.

ඒ වගේම ඔබගේ ඇසට යම් අනතුරක් වුණේ නම් හා එය යම් බරපතළ කමක් සහිත නම් ඊට මාසකින් පසුව ඇසේ පීඩනය මැනගත යුතු අතර පසුව නැවතත්, මාස 6කින් ඇසේ පීඩනය වර්ධනය වෙමින් යනවාද දෘෂ්ටි ස්නායුවට යම් ආකාරයේ හානියක් තිබෙනවාද කියා විමසා බැලිය යුතුයි. හදවත් රෝගයක් තිබෙන අයට මොළයේ රුධිර සැපයුම අඩුවිය හැකියි. මීට බොහෝ දුරට හේතු වන්නේ කිරීටක ධමනිවල යම් යම් ගැටලුකාරී තත්ත්වයන්ය.

දියවැඩියාව නිසා ඇසට ඇතිකර විය හැකි අහිතකර තත්ත්වය මොනවාද?

දියවැඩියාව නිසා දෘෂ්ටි ස්නායුවේ ඇතිවන ඇතැම් ගැටලු නිසා රෙටිනොපති තත්ත්වයක් ඇතිවිය හැකිියි. දීර්ඝ කාලයක් දියවැඩියාව තිබෙන විට මෙම රෝග තත්ත්වය ඇතිවිය හැකියි. ග්ලුකෝමාව දියවැඩියාව නිසා නොසෑදුණත් දියවැඩියා රෝගීන් ග්ලූකෝමා සඳහා ඇස් පරීක්ෂා කළ යුතුයි.

වර්ජනය සාධාරණයි - චොගම් නෙවෙයි එක්සත් ජාතීන්ගේ සංවිධානයේ සභාපති වූණත් එච්චරය

2013-11-29T15:48:00.000+05:30

හෙද, පරිපූරක හා අතුරු වෛද්‍ය සේවක වර්ජනය සාධාරණ වෘත්තීය ක්‍රියාමාර්ගයක් බවත් පොදුරාජ්‍ය මණ්ඩලයේ නොව එක්සත් ජාතීන්ගේ සංවිධානයේ සභාපති තනතුර ලැබුණත් ආණ්ඩුව ව්‍යවස්ථාවට අනූව කටයුතු කරනු ඇතැයි බලාපොරොත්තු විය නොහැකි බව විශ්ව විද්‍යාල ආචාර්යවරුන්ගේ සමිති සම්මේලනයේ සභාපති ආචාර්ය නිර්මාල් රංජිත් දේවසිරි මහතා පවසයි.

ශිරාණි බණ්ඩාරනායක හිටපු අගවිනිසුරුවරිය ඉවත් කිරීමෙන් පසු අධිකරණ ක්ෂේත්‍රයට ඇඟිලි ගැසීම් වැඩි වූ බවත් පවසන ඒ මහතා අධිකරණය බලය ඇති අයට අවශ්‍ය පරිදි හැසිරෙන ආකාරයක් දක්නට ලැබෙන බවත් කියා සිටියි.

හෙද, පරිපූරක, අතුරු වෛද්‍ය සේවකයින් විසින් ඉල්ලීම් 6ක් මුල්කර ගනිමින් වෘත්තීය සමිති 16ක් විසින් ඊයේ පෙරවරුවේ සිට වැඩ වර්ජනයක් ආරම්භ කර තිබේ.

කෙසේ වෙතත් එම වැඩවර්ජනයට එරෙහිව වාරණ නියෝගයක් ද අධිකරණය විසින් පනවා ඇත.

කෙසේ වුවද අධිකරණ නියෝගය නොතකා වෘත්තීය සමිති විසින් වැඩවර්ජනය පවත්වාගෙන යනු ලබන අතර එම වර්ජනය අසාධාරණ නොවේ යැයි අද (28) කොළඹදී මාධ්‍ය හමුවක් පවත්වමින් රාජ්‍ය, අර්ධ රාජ්‍ය හා වෘත්තීය සමිති එකමුතුවේ සාමාජිකයින් පෙන්වාදෙන ලදී.

එම මාධ්‍ය හමුවේදී අදහස් දැක්වූ ආචාර්ය නිර්මාල් රංජිත් දේවසිරි මහතා කියා සිටියේ මහින්ද රාජපක්ෂ මහතා එවකට කම්කරු ඇමතිවරයා වශයෙන් සිටියදී කම්කරු ප්‍රඥ්පතියක් සැකසීමට පවා උත්සුක වූ බවයි.

කෙසේ වුවද එය නොසැකසුණ බවත් එය සැකසුණා නම් කම්කරුවාට මීට වඩා ඉන් වෘත්තීය අයිතිවාසිකම් සැලසෙන බවද පෙන්වාදුන්නේය.

තත්ත්වය එසේ වුවද වත්මන් පාලකයින් මේ කිසිවක් නොසලකා කටයුතු කරන බවත් කම්කරු අරගලවලට එරෙහිව සිදුවන මෙවැනි ක්‍රියාදාම ගැන අමුතුවෙන් කීමට අවශ්‍ය නැති බවත් කියා සිටියේය.

මාධ්‍ය හමුව ඇමතු ලංකා ගුරු සංගමයේ ප්‍රධාන ලේකම් ජෝසප් ස්ටාලින් මහතා පැවසුවේ චොගම් උත්සවය පැවැති කාලයේදී උද්ඝෝෂණ තහනම් බවයි.

එහෙත් දැන් චොගම් නැති නමුත් වැඩ වර්ජන පවා අධිකරණ තීන්දු මගින් යටපත් කිරීමට ආණ්ඩුව කටයුතු කරන්නේ යැයි ඔහු චෝදනා කළේය.

1935 අංක 12 දරණ වෘත්තීය සමිති ආඥාපනත යටතේ කම්කරු අරගල මැඩපැවැත්වීමට සිවිල් අධිකරණයක නඩු පැවරිය නොහැකි බවද හෙතෙම පැවසීය.

එම පනතේ වගන්තිවලට අනූව සංවිධානය වීම, කේවල් කිරීමේ අයිතිය පවා කම්කරුවන්ට සැලසී ඇති බවත් ඔහු පෙන්වාදුන්නේය.

කෙසේ හෝ වර්ජනයේ නිරත සේවකයින් සිය වෘත්තීය ක්‍රියාමාර්ගය ආරම්භ කිරීමට පෙර අවස්ථා ගණනාවකදී බලධාරීන් දැනුවත් කර සාකාච්ඡා පවත්වා ඇති බවත් එම කිසිදු දෙයකින් හෝ යහපත් ප්‍රතිඵලයක් නොලැබුණ නිසා ඔවුන් මෙලෙස වර්ජනයේ නිරත වන බවත් ස්ටාලින් මහතා වැඩිදුරටත් පැවසීය.

එම මාධ්‍ය හමුවට රාජ්‍ය, අර්ධ රාජ්‍ය හා වෘත්තීය සමිති එකමුතුව වෙනුවෙන් නියෝජිතයින් කිහිප දෙනෙකුම සහභාගි වී සිටි අතර ඔවුන් ද මෙම වර්ජනය සාධාරණිකරණය කරමින් අදහස් පළ කරන ලදී.

උපුටා ගැනීම අද දෙරන පුවත් මගිනි

මුරුත්තෙට්ටුවේ ආනන්ද තවමත් හෙලුවෙන්?

2013-10-26T07:50:00.000+05:30

අපි කව්දෝ ව්‍යාපාරිකයෙකුගේ දානයකට ගියා තමයි: නමුත් ඒ කැසිනෝ රජෙක් කියා දන්නේ නෑ: සංඝ වංචනිකයෝ එක සීරුවට බයිලා වදාරති: මහා පාවාදීමේ සේයාරූ එළියට--------

(ලංකා ඊ නිව්ස් -2013.ඔක්.20, ප.ව.4.30) කැසිනෝ සූදුවට විරුද්ධව ජනතාව පාරට බස්සනවා යැයි මාධ්‍ය හමුවක් පවත්වමින් වහසි බස් දොඩා විනාඩි 40 කට පසුව කැසිනෝ රජු රවි විෙජ්රත්නගෙන් දානය වළඳා පිරිකර යැයි කියා මිලියන ගණනින් කප්පම් ලබා ගත් සංඝ පීතෘෘවරුන් ලෙස මෙතක් පෙනී සිටි සංඝ වංචනිකයන් එම කප්පම් තම සුපිරි රථ වලට පටවන සේයාරූ අද සන්ඩේ ටයිම්ස් පුවත් පත විසින් ප්‍රසිද්ධ කර තිබේ.

ඉහතින් දැක්වෙන්නේ එම සේයාරුවයි. ඩී.ආර්.විෙජ්වර්ධන මාවතේ ආරම්භ කිරීමට යන ඕස්ටේ්‍රලියානු කැසිනෝ රජා ෙජ්ම්ස් පැකර්ගේ කැසිනෝ මාලිගාවේ ශ්‍රී ලංකාවේ හවුල්කාර ලාංකික කැසිනෝ රජා රවි විෙජ්රත්න විසින් කප්පම් පිරිකර සංඝ වංචනිකයන්ගේ රථ වලට පටවනු එම සේයාරුවේ පැහැදිලිව දැක්වේ.

මේ මහා පාවාදීම සම්බන්ධයෙන් සන්ඩේ ටයිම්ස් පුවත් පත කැසිනෝ රජුගෙන් කප්පම් ලබා ගත් එක් සංඝ වංචනිකයෙක් වන මුරුත්තෙට්ටුවේ ආනන්ද දුරකථනයට සම්බන්ධ කරගෙන ඇති අතර ඔහු සමග වූ සංවාදය මෙසේය.

ප්‍රශ්නය - ස්වාමීන් වහන්ස, බ්‍රහස්පතින්දා මාධ්‍ය හමුවෙන් පසුව ඔබ විශේෂ දිවා භෝජනයකට සහභාගී වුනාද?
පිළිතුර - ඔව් ඒක සාමාන්‍ය දානයක්
ප්‍රශ්නය - ඒ දානය දුන්නේ කව්ද?
පිළිතුර - මං දන්නේ නෑ
ප්‍රශ්නය - දානයට ආරාධනා කළේ කව්ද?
පිළිතුර - ඛෙල්ලන්විල විමලරතන හාමුදුරුවෝ තමයි මට ආරාධනා කෙළේ
ප්‍රශ්නය - එහිදී කැසිනෝ ගැන සාකච්ඡා කළාද?
පිළිතුර - වචනයක් වත් කතා කෙළේ නෑ
ප්‍රශ්නය - මෙය කුමක් සඳහා දුන් දිවා ආහාරයක් ද?
පිළිතුර - ඒක සාංඝික දානයක්
ප්‍රශ්නය - මාධ්‍ය හමුවට සහභාගී වූ සියළු දෙනා ඊට සහභාගී වුනාද?
පිළිතුර - කීප දෙනෙක් පමණයි
ප්‍රශ්නය - ඔබ ඒ ව්‍යාපාරිකයා හඳුනනවාද?
පිළිතුර - මා ඔහුත් සමග සම්බන්ධයක් නෑ
ප්‍රශ්නය - ඔබ ඔහුව දන්නේවත් නැද්ද?
පිළිතුර - මට ඔහු ගැන නිච්චියක් නෑ.

ඉන් පසුව සන්ඩේ ටයිම්ස් පුවත් පතට මේ සම්බන්ධයෙන් විමසීමට අල්ලා ගත හැකි වී ඇත්තේ ඛෙල්ලන්විල විමලරතන වංචනික මහාචාර්ය හිමියන්ය. මන්ද යත් මෙය සංවිධානය කළ මූලිකයා වූ මාදුළුවාවේ සෝභිත සංඝ වංචනික තෙමේ ලංකා ඊ නිව්ස් හෙළිදරව්වෙන් පසු අතුරුදහන් වී සිටින බැවිනි.

ප්‍රශ්නය - ස්වාමීන් වහන්ස, බ්‍රහස්පතින්දා මාධ්‍ය හමුවෙන් පසුව ඔබ විශේෂ දිවා භෝජනයකට සහභාගී වුනාද?
පිළිතුර - රෙස්ටොරන්ට් එකක පැවැති දානයකට මට ආරාධනාවක් ලැබුනා. කැසිනෝ සම්බන්ධයක් ගැන මං දැනගෙන හිටියේ නෑ. අපි දානයට ගියා එය අහවර වූ පසු ආවා.
ප්‍රශ්නය - ව්‍යාපාරිකයා ඔබට ආරාධනා කළාද?
පිළිතුර - ආරාධනාව ලැබුනේ ව්‍යාපාරිකයාගේ සහායකයෙකුගෙන්
ප්‍රශ්නය - ඔබ ව්‍යාපාරිකයා ගැන දන්නවාද?
පිළිතුර - අපි ඔහුව හඳුනන්නේ නෑ. අපි රෙස්ටොරන්ට් එකට ගියා. දානය ලැබුනා. අපි ආවා.
ප්‍රශ්නය - මුරුත්තෙට්ටුවේ ආනන්ද හිමියන් පැවසුවා ඔහුට ආරාධනා කෙළේ ඔබයි කියා. එය ඇත්තක්ද?
පිළිතුර - මම ආනන්ද හිමියන්ට ආරාධනා කෙළේ නෑ. ඔහුත් පෙර කී ව්‍යාපාරික සහායකයාගෙන් ආරාධනා ලැබ තිබුනා.
ප්‍රශ්නය - කවදාද මේ ආරාධනාව ලැබුනේ?
පිළිතුර - සති දෙකකට පමණ පෙර
ප්‍රශ්නය - රෙස්ටොරන්ට් එක තුලදී කැසිනෝ ගැන සාකච්ඡා වුනාද?
පිළිතුර - නැහැ. අපි දැනගෙන තිබුනේ නෑ ඔහු කැසිනෝ වලට සම්බන්ධයි කියා.
ප්‍රශ්නය - දානයට ආරාධනා ලැබුණු විට දානය දෙන්නේ කව්ද කියා ඔබ විමසුවේ නැතිද?
පිළිතුර - දානයකට ආරාධනා ලැබුනහම ආරාධනා කරන්නේ කව්ද? දානය දෙන්නේ කව්ද? කියා අපි අගක් මුලක් විමසන්නේ නෑ. අපි යනවා දානය ගන්නවා එනවා. සමහර වෙබ් අඩවි අපිට මඩ ගහන්න උත්සාහ කරනවා.

ඉහත සන්ඩේ ටයිම්ස් වාර්තාවෙන් ද පැහැදිලිව පෙනී යන්නේ ලංකා ඊ නිව්ස් පසුගිය බ්‍රහස්පතින්දා හෙළිකළ පුවත සම්පූර්ණ සත්‍යයක් බවයි. දානයටකට ආරාධනා කළ විට ඒ ආරාධනා කරන්නේ කව්දැයි නොදන්නා බව කියමින් සහ වෙබ් අඩවි මඩ ගහනවා යැයි අවලාද නගමින් මේ සංඝ වංචනිකයන් තවදුරටත් ජනතාව මුලා කරමින් තම වංචාව වසා ගැනීමට කි්‍රියා කරති. මේ කියන ආකාරයට යම රජු දානයකට යැයි කියා ආරාධනා කළහොත් මොවුන් අපායට වුව යනවා නියතය.

මාදුලූවාවේ සෝභිත, මහාචාර්ය ඛෙල්ලන්විල විමලරතන, ඉත්තෑපානේ ධම්මාලංකාර හිමි, කොටුගොඩ ධම්මාවාස, මුරුත්තෙට්ටුවේ ආනන්ද, පාර්ලිමේන්තුව අසල පන්සලක නන්ද ඇතුළු සංඝ වංචනිකයන් පිරිස දානයට පැමිණි පසු ඔවුන්ගේ දෙපා දොවා රෙස්ටොරන්ට් එක තුලට වැඩම්මවූ පුද්ගලයා කව්දැයි කියා නොදන්නවා නම් මොවුන් ඕස්ටේ්‍රලියාවේ ෙජ්ම්ස් පැකර් ගැන දන්නේ කෙසේදැයි යන්නම ප්‍රශ්නයකි.

මේ සංඝ වංචනිකයන් හිතන්නේ මේ රටේ ජීවත් වෙන සෑම අයෙක්ම මොවුන් කියන බොරු බේගල් පිලිගන්නා බූරුවන් කියා ය. සූදු විරෝධය උත්කර්ෂයට නංවමින් මොවුන් අනෙක් පසින් සූදු රජවරුන්ගෙන් මුදල් ලබා ගනී. මෙය මේ ශත වර්ෂයේ ශ්‍රී ලංකාවේ සංඝ නායකවරුන් කරන ලද මහා වංචාව සහ බරපතලම පාවාදීම ලෙස ඉතිහාස ගත වෙනවා ඇත.

බුදුරජානන් වහන්සේගේ ශ්‍රී මුඛයෙන් කාලාම සූත්‍රයේ දෙසා වදාරා ඇත්තේ බුදුන් කී පළියට හෝ පරම්පරාවෙන් කී පළියට හෝ ඇසූ පමණින් හෝ දේවල් පිලිනොගන්නා ලෙසත් තමන්ගේම නුවණින් අවබෝධයෙන් ප්‍රත්‍යක්ෂ කර ගන්නා ලෙසත්ය. එබැවින් සැබෑ බෞද්ධයන් නම් මේ සංඝ වංචනියකයන්ගේ මුසා බස් වලට තව දුරටත් රැවටිය යුතු නැත.

කොලෙස්ටරෝල් නැතිව බිත්තර දාන අපේ කිකිලියන්

2013-10-25T16:14:00.000+05:30

බිත්තර කන්න ගොඩක් අය බයයි. බිත්තර දෙකක් දවසකට කන්න එපායි කියලත් මතයක් තිබෙනවා. ඒකට ප්‍රධාන හේතුව බිත්තරවල කොලෙස්ටරෝල් තිබෙනවයි කියලා අපේ ජනතාව බය වෙලා තිබීමයි. එහෙත් බිත්තර ගුණ කෑමක්.

ඔන්න ඔය වගේ විවිධ කතාබහ නිසාම දැන් අපේ කාර්මික තාක්ෂණ ආයතනයේ ආහාර තාක්ෂණ අංශයේ විද්‍යාඥයන් පිරිසකගේ මෙහෙයවීම යටතේ ශරීරයට අහිතකර කොලෙස්ටරෝල් අඩුකරන ශරීරයට අත්‍යවශ්‍ය මේද අම්ල ලබාදෙන මොළයේ වර්ධනය හා ස්නායුවල ක්‍රියාකාරිත්වය වැඩි කරන පෝෂණ ගුණයෙන් වැඩි බිත්තරයක් රටටම හඳුන්වා දී තිබෙනවා.

ලෝකයේ සමහර රටවල් කිකිළියන්ට විවිධ පෝෂ්‍ය ගුණයෙන් යුත් ආහාර දීලා පෝෂ්‍ය ගුණය වැඩි ශරීරයට අත්‍යවශ්‍ය අසන්තෘප්ත මේද අම්ල ඇති බිත්තර හදනවා.

ඒ පර්යේෂණය අනුව මොන විධියේ ආහාර වේලක් කිකිළියන්ට දුන් විට ද අපට වැඩි පෝෂණයෙන් යුත් බිත්තරයක් හදාගන්න පුළුවන්ද කියලා බැලීමයි.

අපේ රටේ ම තිබෙන ද්‍රව්‍යවලින් හදන අලුත් විශේෂ ආහාර වට්ටෝරුවක් කිකිළියකට ලබාදුන් විට පෝෂණ ගුණය වැඩි ශරීරයට හිතැති මේද අම්ලවලින් පරිපූර්ණ ශරීරයේ අහිතකර කොලෙස්ටරෝල් අඩු කරන අලුත් බිත්තරයක් කිකිළියන්ගෙන් ගන්න පුළුවන් . ඒ අනුව අර අලුත් ආහාර වට්ටෝරුව කාර්මික තාක්ෂණ ආයතනය මගින් තවත් පර්යේෂණ කරලා ඒවා දෙන කිකිළියන්ට අහිතකර ද කියලා හොයලා බැලුවා. නමුත් කිසි ප්‍රශ්නයක් නැති බව වැටහුණා ම ඒ ආහාර වට්ටෝරුවට මේ වන විටත් පේටන්ට් බලපත්‍රයක් ලබාගෙන පවා තිබෙනවා.

අපේ ශරීරයට බහු අසංතෘප්ත මේද අම්ල අත්‍යවශ්‍ය දෙයක්. නමුත් මේක අපේ ශරීරය ඇතුළත හැදෙන්නේ නැහැ. හදන්නත් බැහැ. මෙහි සත්ව ආහාර සමඟම ගත යුතුයි. බිත්තරවල ශරීරයට වඩාත් හිතකර මේද අම්ල තුනක් තිබෙනවා.

ඒවාට කියන්නේ “ඔමේගා 3 - මේද අම්ල’ කියලා. නමුත් මේක බිත්තරවල ඇත්තේ ඉතා කුඩා ප්‍රමාණයක්. අලුතින් සොයාගත් පර්යේෂණය අනුව නිපදවූ අලුත් ආහාර වට්ටෝරුව කිකිළියන්ට දුන්විට ලැබෙන බිත්තරයේ ඔමේගා 3 මේද අම්ල ප්‍රමාණය ඉහළ මට්ටමක පවතිනවා.

ඒ ප්‍රමාණය සාමාන්‍ය බිත්තරයකට වඩා පස් ගුණයක් බව පර්යේෂණ මගින් පෙනුණා. ඔමේගා 3 මේද අම්ල සහිත බිත්තරවලින් රුධිර පීඩනය පාලනය කරනවා.

ඒ සමඟ ම ශරීරයට අහිතකර කොලෙස්ටරෝල් ශරීරය ඇතුළත වර්ධනය වීම අඩු කරනවා.

මොළයේ වර්ධනය ක්‍රමවත් ව සිදු කිරීමටත් මොළයේ නිසි ක්‍රියාකාරිත්වයටත් මේ මේද අම්ල හේතු වෙනවා. විශේෂයෙන් මෙහිදී වැදගත් වන්නේ DHA නම් මේද අම්ල විශේෂයයි.

මේ මේද අම්ල විශේෂය ශරීරයට ලැබුණු විට හෘද රෝග ඇතිවීමේ අවදානම අඩු කරනවා‍. ස්නායු සෛලවල වර්ධනය ඇස්වල පෙනුම වැඩි කරනවා. අකලට මහලුවීම අඩු කරනවා වාසි ගොඩක් තිබෙනවා.

මේද අම්ල කාණ්ඩ රැසක් තිබෙනවා. ඉන් ඔමේගා - 3 මේද අම්ල හා ඔමේගා 6 මේද අම්ල අතර අනුපාතය 4:1 ක් විය යුතුයි. නමුත් එය සාමාන්‍ය බිත්තරවල තියෙන්නේ 15.1 ක අනුපාතයටයි‍.

මෙම අලුත් පෝෂ්‍ය ගුණයෙන් යුත් බිත්තරවල ඇති ‍ඔමේගා 3 මේද අම්ල හා අලුත් ඔමේගා 6 මේද අම්ල අතර 4: 1 ක අනුපාතයක් තිබෙනවා.

මේ බිත්තර ලබාගන්න පුළුවන් මේ ආහාර වට්ටෝරුව දැන් කාර්මික තාක්ෂණ ආයතනයේ ආහාර තාක්ෂණ අංශය මගින් දැන් පෞද්ගලික ගොවිපළකට ලබාදී තිබෙනවා.

එම ගොවිපළ මගින් ඒ බිත්තර නිපදවා දැන් සුපිරි වෙළෙඳ සල්වලට දමා තිබෙනවා. ඕනෑම අයකුට මිලදී ගන්න පුළුවන්.

මේ අලුතින් නිපදවූ බිත්තර පැකට්වල කාර්මික තාක්ෂණ ආයතනයේ තාක්ෂණය අනුව නිපදවූ බව සඳහන් කර තිබෙනවා. කෙසේ වුවත් මෙම බිත්තරවල අඩංගු ඔමේගා 3 මේද අම්ල ප්‍රමාණය පිළිබඳව කාර්මික තාක්ෂණ ආයතනය නිරන්තරයෙන් මේ පිළිබඳව පර්යේෂණ පසු ඇගැයීම් සිදු කරනවා.

වේ ප්‍රෝටීන්වල වැඩෙන විෂ කිලෝ ග්‍රෑමයකින් මනුෂ්‍ය සංහතියම විනාශ කළ හැකි

2013-08-24T07:49:00.001+05:30

ඇතැම් කිරිපිටි වර්ග වෙළෙඳ පොළෙන් ඉවත් කිරීමට හේතුව වේ ප්‍රෝටීන නොවන බවත්, එම වේ ප්‍රෝටීනවල වැඩෙන ක්ලොස්ට්‍රීඩියම් බොටුලිනම් නමැති උග්‍ර විෂ සහිත බැක්ටීරියාව අඩංගු වී ඇත්දැයි යන සැකය නිසා බවත් පවසයි.

එක්තරා සමාගමකින් නිෂ්පාදනය කෙරුණු කිරි ආහාර කාණ්ඩ තුනක මේ බැක්ටීරියාව අඩංගු බවට ඇති වුණු සැකයක් මත එය නිශ්චිතව ‍තහවුරු කරගන්නා තුරු මේ ආරක්ෂිත පියවර ගත් බව පෙන්වා දෙයි.

කිරි මුදවීමේදී හා කේජු සැකසීමේදී මෝරු ලෙස ලැබෙන අතුරු ඵලය වේ ප්‍රෝටීන ලෙස හඳුන්වන අතර පළමුව සකසන්නේ වේ පවුඩර් බව ද එයින් වේ ප්‍රෝටීන හා ඉන්පසු අධිසාන්ද්‍රිත වේ‍ ප්‍රෝටීන නිෂ්පාදනය කෙරෙ, එම අධි සාන්ද්‍රිත වේ ප්‍රෝටීන අඩංගු ආහාරවලට මේ බැක්ටීරියාව මුසු වී ඇති බවට තොරතුරු ලැබුණ ද ඒවා මෙතෙක් අප රටට ආනයනය කර නැති බවට තොරතුරු ලැබී ඇත.

මස් සහිත ආහාර ආදිය ඇසුරුම් තුළදී නරක් වූ අවස්ථාවේදී ඇතිවන නිර්වායු තත්ත්ව යටතේ මේ බැක්ටීරියාව වැඩෙන අතර එහි විෂ ශරීර ගත වුවහොත් මිය යෑමට ඇති ප්‍රවණතාව සියයට 95 ක් පමණ ය.

ක්ලොස්ට්‍රීඩියම් බොටුලිනම් බැක්ටීරියාවේ විෂ කිලෝ ග්‍රෑමයකින් මනුෂ්‍ය සංහතියම වුව විනාශ කළ හැකි බව පවසන මෙය ජීව යුද අවියක් ලෙස වුව ද භාවිත කළ හැකි බවට තොරතුරු ලැබී ඇති බව පෙන්වා දෙයි. කෙසේ වෙතත් මේ වනතුරු ශ්‍රී ලංකාවේ මේ විෂ ශරීරගත වීමෙන් මරණයක් සිදුවූ බවට වාර්තා වී නැති අතර ඇමෙ‍රිකාවේ ද මෑත කාලයේ සිදුව ඇත්තේ එක් මරණයක් පමණි.

මත් වතුරට හුරුවූවන්ට

2013-08-17T21:45:00.000+05:30

‘සිරෝසිස්’ රෝගයට මේ පරීක්ෂණය විශේෂයෙන්ම සිදු කරනවා. නමුත් දියවැඩියාව, රුධිර පීඩනය හා අනිකුත් රෝගවල දිගු කාලයක සිට ඖෂධ ලබාගන්නා රෝගින්ටත් වෛද්‍යවරුන් LFT පරීක්ෂණය නියම කරනවා අක්මාවේ ක්‍රියාකාරිත්වය ගැන බලන්න.

මත්පැන්වලට අධික ලෙස දිගු කාලයක් තිස්සේ ඇබ්බැහි වී සිටින අයට ද ‘සිරෝසිස්’ රෝගය හට ගන්නා වගේම නොබොන අයට ද ‘නන් ඇල්කොහොලික් සිරෝසිස්’ හැදෙන්න පුළුවන්.

මත්පැන් දිගු කලක් ගැනීම නිසා රෝගී වන අය රෝගය හදා ගන්නේ තමන්ගේ වැරදි පුරුද්දකට ඇබ්බැහි වීම නිසාය. එහිදී ඇතිවන ‘සිරෝසිස්’ රෝගී තත්ත්වයේ දී අක්මාව අකර්මන්‍ය තත්ත්වයට නැතිනම් අක්මාව ප්‍රදාහයට පත්වෙලා රෝගියා අසාධ්‍ය මට්ටමකට පත්වෙනවා.

බීමත්කම නිසා ඇතිවන සිරෝසිස් හෝ මත්පැන් නොබොන අයට හැදෙන නන් ඇල්කොහොලික් සිරෝසිස් රෝග තත්ත්වය අනුව අක්මාවේ ක්‍රියාකාරිත්වය ඉක්මනින් බලා ගැනීමට හා ඒ පිළිබඳව නිගමනයකට එන්නට වෛද්‍යවරුන් හදිසියේ සිදුකරන පරීක්ෂණය ස්කෑන් පරීක්ෂණයයි.

සිරෝසිස් රෝග තත්ත්වය කවර මට්ටමින් තිබෙනවා ද කියා දැනගන්න වෛද්‍ය රසායනාගාර පරීක්ෂණය LFT රසායනාගාර පරීක්ෂණයයි.

LFT පරීක්ෂණයට පරීක්ෂණ අටක් ඇතුළත් වෙනවා.

01. SGOT මේ පරීක්ෂණය AST හෙවත් ඇස්පාටේට් ඇමයිනෝ ට්‍රාන්ස්ෆරේස් යනුවෙන් හඳුන්වනවා.

02. SGPT - (ALT ඇලතින් ඇමයිනෝ ට්‍රාන්ස්ෆරේස්) මේ වර්ග දෙකම අක්මාවේ තිබෙන එන්සයිමයන්ය.

03. Alkaline Phosphatase (ඇල්කයින් ෆොස්ෆටේස්) තවත් පරීක්ෂණයකි. මෙයත් එන්සයිමයකි.

04. Gamma GT

මේ ගැමා ජී. ටී. පරීක්ෂණයෙන් අක්මාවේ යම්කිසි රෝග තත්ත්වයක් හෝ අක්මාව යම්කිසි ආබාධයකට පත් වී තිබෙනවා නම් එය හොඳින්ම බලා ගන්න පුළුවන්. සිරෝසීස් වැනි රෝග තත්ත්වයකදී ගැමා ජී. ටී. පරීක්ෂණයෙන් ලබා දෙන අගය ඉතාමත් ඉහළ අගයක් පෙන්නුම් කරනවා.

05. Bilirubin

බිලිරුබීන් පරීක්ෂණයේ දී බලන්නේ සාමාන්‍යයෙන් රෝගී කෙනෙකු කහ පැහැය වැනි තත්ත්වයකට පත්වෙන සෙංගමාල රෝග ලක්ෂණ තිබෙනවා ද කියා. බිලිරුබීන් පරීක්ෂණයේ දී එහි අගය වැඩි වී පවතිනවා නම් එය සෙංගමාල රෝග තත්ත්වයටත් හේතු වන එක් ලක්ෂණයක්.

06. Total Protein පරීක්ෂණය.

ටෝටල් ප්‍රෝටීන් හෙවත් සම්පූර්ණ ප්‍රෝටීන් අගය සොයන පරීක්ෂණය.

07. Albumin (ඇල්බියුමින්)

පරීක්ෂණය.

08. Globulin (ග්ලොබියුලින්)

පරීක්ෂණය.

ඉහත 07 සහ 08 පරීක්ෂණ දෙකේ දී ඒවායේ අගයන් කොයිතරම් දුරට අඩුවී හෝ වැඩිවී තිබෙනවා ද යන්න සෙවීමෙන් රෝග තත්ත්වයට ඇති සම්බන්ධතා සොයා ගැනීමට උපකාරී වෙනවා.

අවසාන වශයෙන් සිදු කරන්නේ එසේ ඇල්බියුමින් සහ ග්ලොබියුලින් අනුපාතය සොයා ගැනීමයි.

මේ පරීක්ෂණ අපි දැන් එකින් එක නැවත විමසා බැලුවොත් SGOT (AST) සහ SGPT (ALT) පරීක්ෂණ කුමක් ද. මේ පරීක්ෂණ අක්මාව සම්බන්ධ එන්සයිම දෙකක් ගැනයි බලන්නේ. මේ එන්සයිමවල වැදගත්කම වන්නේ අක්මාව ඉදිමුණොත් නැතිනම් ප්‍රදාහයකට ලක්වුණොත් සිරෝසිස් තත්ත්වයක් ඇතිවී තිබෙනවානම් අසාමාන්‍ය ලෙස සිරුරේ තිබෙන මේ එන්සයිමවල වැඩිවීමක් දක්නට ලැබෙනවා.

එතකොට වෛද්‍යවරයෙක් ක්ෂණිකව නිගමනය කරනවා මෙම පරීක්ෂණ අගය අනුව පවතින වැඩිවීම නිසා රෝගියා පිළිබඳව පූර්ව නිගමනයකට එන්න පුළුවන්.

මොහුගේ අක්මාව මේ වගේ රෝගී තත්ත්වයකට පත්වෙලා තිබෙනවා. මොහු ඇඳ විවේකව සිටින්න ඕනෙ මොහුට වෙනත් ප්‍රතිකාර ලබාදිය යුතු ද එහෙමත් නැතිනම් අනවශ්‍ය බෙහෙත් වර්ග නිසා අක්මාවේ යම්කිසි හානියක් වී තිබෙනවා ද කියා සොයා බලන්න පුළුවන්. වෛරස රෝගයක් හෝ නැතිනම් ඩෙංගු වැනි රෝග තත්ත්වයක් අක්මාවට බලපාන්න පුළුවන්.

ඉහත එන්සයිම් දෙකේ වැඩිවීමත් පෙන්නුම් කරනවානම් එයිනුත් අක්මාවේ බරපතළ රෝගී තත්ත්වයක් පෙන්නුම් කරනවා.

ඇල්කලයින් ෆොස්ෆටේස් හදවතේ ප්‍රශ්නයක් ඇතිවූ විටත් පෙන්නුම් කරනවා.

නන් ඇල්කොහොලික් සිරෝසීස් තත්ත්වයක් මතුවුවහොත් එවැනි අවස්ථාවකදී හෝ වෙනත් විශේෂ රෝගී කාරණයකදී ගැමා ජී. ටී. පරීක්ෂණයක් සිදු කරන්නේ අක්මාවේ රෝග තත්ත්වය පිළිබඳව ඉක්මන් රෝග වාර්තාවක් ලබාගත හැකි නිසයි.

ගැමා ජී. ටී. පරීක්ෂණයේදීත් අක්මාවේ රෝග තත්ත්වය පිළිබඳ ඉක්මන් කෙටි වාර්තාවක් මඟින් රෝග තත්ත්වය පෙන්නුම් කර දෙනවා. එවිට වෛද්‍යවරයාට පුළුවන් රෝගියාට ඉක්මන් ප්‍රතිකාර සඳහා යොමු කරන්න. ගැමි ජී. ටී. පරීක්ෂණය සිරෝසීස් රෝගය පිළිබඳ තත්ත්වයක් ඉතා ඉක්මනින් සොයා ගන්න උපකාරී වන වැදගත් පරීක්ෂණයක්.

‘බිලිරුබීන්’ කියන පරීක්ෂණය සිදුකර බිලිරූබින් අගය සොයා බලන්නේ සිරෝසිස් රෝගය සම්බන්ධයෙන් සිදුකරන රසායනාගාර පරීක්ෂණවලට වැදගත් පරීක්ෂණයක් වන නිසයි.

අපේ රුධිරයේ රතු රුධිරාණුවක් ආසන්න වශයෙන් දින 120 ක පමණ කාලයක් ජීවත් වෙනවා. මේ රතු රුධිරාණු අවසාන කාලයේ විනාශ වෙන කොට එසේ විනාශ වෙන්නේ ෆ්ලීහාව යන කොටසේදීය. එම අවස්ථාවේදී රතු රුධිරාණු විනාශ වීමේ දී අපද්‍රව්‍යයක් ලෙසයි මේ බිලිරුබීන් යනුවෙන් හඳුන්වන්නේ. මේ බිලිරුබීන්වලිනුයි සිරුර කහ පැහැයට ලක්වන්නේ. ඒ අය සෙංගමාලය හැදුණ කෙනෙකු ලෙස අපි හඳුන්වනවා. සෙංගමාලය හැදුණ විට ඔහු කොපමණ බිලිරුබීන් ප්‍රමාණයක් නිපදවන කියන එක කහ පැහැ ගැන්වී තිබෙන ප්‍රමාණයෙන් බලන්න පුළුවන්.

මෙවැනි අයගේ රතු රුධිරාණු දින 120 ක් සිරුරේ ජීවත් නොවී ඉතා ඉක්මනින් සිරුරෙන් විනාශ වී යනවා. බිලිරුබීන් ප්‍රමාණය වැඩි වෙනවා යයි කියන්නේ රතු රුධිරාණු නියමිත කාලයට ප්‍රථම ඉක්මනින් විනාශ වී යාමය. සෙංගමාල රෝගීන් කහ පැහැ ගන්නේත් ඒ නිසයි.

බිලිරුබීන් පරීක්ෂණය ද වැදගත් වන්නේ රෝග නිර්ණය කිරීමේ දී වෛද්‍යවරයාට හෝ විශේෂඥ වෛද්‍යවරයාට රෝග තත්ත්වය විනිශ්චය කර ගැනීමට එම පරීක්ෂණය උපකාරී වන නිසාය.LFT පරීක්ෂණය සමඟ කොලෙස්ටරෝල්, හෝ රුධිරයේ සීනි පරීක්ෂණයක් ද කරනවා නම් රෝගියා සූදානම් විය යුතු ආකාරයක් තිබෙනවා. ඒ පිළිබඳව රෝහලෙන් හෝ පරීක්ෂණයට යන පර්යේෂණාගාරයෙන් වෛද්‍යවරයාගෙන් හෝ කල් ඇතිව දැන ගැනීම ද වැදගත්. මේ සියලු පරීක්ෂණවලට රෝගියා සූදානම් වෙනවා නම් නිරාහාරව සිට පසුදින උදෑසන ගොස් පරීක්ෂණය සිදුකර ගත යුතුය.

එහෙත් LFT පරීක්ෂණයකට පමණක් නම් රෝගියා පෙනී සිටින්නේ නිරාහාරව සිටීම කිසිසේත්ම අවශ්‍ය වන්නේ නැත. මේ පරීක්ෂණයට ලේ ලබාදීමට වේලාවක් අවශ්‍ය නොවුවත් වඩාත් සුදුසු වේලාව වන්නේ දවල් වීමට ප්‍රථම උදෑසන ගොස් ලේ ලබාදීමය.

කසේ නමුත් LFT පරීක්ෂණයට අනෙකුත් රෝග සඳහා ලේ ලබා දෙන ප්‍රමාණයට වඩා වැඩිපුර ලේ ප්‍රමාණයක් රසායනාගාර පරීක්ෂණයට ලබාදිය යුතුය. හේතුව මේ පරීක්ෂණයට ලබාදෙන ලේවලින් රසායනාගාරයේ දී පරීක්ෂණ 8 ක් සිදුකළ යුතු බැවිනි. ඒ නිසා මිලි ලීටර් 10 කට ආසන්න ලේ ප්‍රමාණයක් ලබා ගනු ඇත. පරීක්ෂණාගාර පහසුකම් අනුව ලබාගන්නා ලේ ප්‍රමාණයේ අඩු වැඩිවීම සිදු වේ.

පරීක්ෂණයට වැය වන මුදල ද මිලෙන් අධිකය. හේතුව ඒ සඳහා උපයෝගී කරගන්නා රසායනික වර්ග මිලෙන් අධික වීම නිසාය. කෙසේ නමුත් රජයේ වෛද්‍ය පර්යේෂණායතනයේ සහ ජාතික රෝහලේත් රජයේ අනිකුත් ප්‍රධාන ශික්ෂණ රෝහල්වලත් මේ පරීක්ෂණ නොමිලයේ සිදුකර දෙනවා.

LFT පරීක්ෂණය මඟින් අක්මාවේ රෝග ප්‍රශ්න වගේම හෘදය වස්තුවේ යම්කිසි රෝගී ප්‍රශ්නයක් තිබෙනවා නම් එයත් පෙන්නුම් කරනවා.

LFT වෛද්‍යවරයකු විසින් රෝගියෙකුට නියම කළහොත් කල් මර මරා බලා ඉදීම හෝ අද කරන්නම් හෙට කරන්නම් කියා දවස් පස්සට දමමින් කාලය ගත කිරීම අනුවණ ක්‍රියාවක්.වැටකොලු ගෙඩියක් සාමාන්‍යයෙන් මැලවී ගෙවමින් යන තත්ත්වයට පත්වී අවසානයේ එය කොස්සක් වැනි වැඩකට නැති දෙයක් ඉතිරි වෙනවා. සිරෝසිස් රෝගය හටගත් විට එහි අවසාන ප්‍රතිඵලය අක්මාව නරක් වී ගොස් කොස්සක් වගේ ඇකිළී යන තත්ත්වයට පත්වීමය.

අපේ සිරුරේ අක්මාව ගත්තොත් එය ඉතා විශාලතම කොටසක්. එය ක්‍රමයෙන් ගෙවී ප්‍රදාහයකට පත්වන විට නැතිනම් අනතුරකට පත්වන විට ඉහත කී කනාටු තත්ත්වයට පත්වෙනවා.

ඒ නිසා LFT පරීක්ෂණයක් අක්මාවේ ප්‍රශ්නයකට වෛද්‍යවරයකු විසින් නියම කළහොත් එම පරීක්ෂණය කල් දැමීමක් නොකර ඉක්මනින් සිදු කිරීම මඟින් ජීවිතයේ අනතුරක අවදානම කල්තියා වළක්වා ගත හැකිය.

සීමාව ඉක්මවා දරුවාට බර පටවන්න එපා

2013-08-15T12:04:00.001+05:30

බොහෝ පාසල් දරුවන් මවුපියන්ගේ බලකිරීම නිසා නිදාගන්නේ නැතිව, හරියට කන්නෙ බොන්නේවත් නැතිව අමතර පන්තිවලට සහභාගි වෙනවා; දිවා රෑ නොබලා පාඩම් කරනවා. එවිට මොළයට වැඩ කළ හැකි ප්‍රමාණය ඉක්මවා යනවා. එහි ප්‍රතිඵලය වන්නේ මොළය රත්වීමයි. එවිට දරුවා රෝගී වෙනවා; ඉගෙන ගන්නා දේ අමතක වෙනවා.

ඇතැම් පාසල්වල දරුවන්ට විභාග ඉලක්ක ලබාදීම නිසා එම පාසල් මානසිකව සහ ශාරීරිකව රෝගී දරුවන් බිහිකරන නිෂ්පාදනාගාර බවට පත්වී තිබෙනවා. එසේ වන්නේ අධික පීඩනයක් දරුවන්ගේ මනසට දැනීම නිසයි.

අද බොහෝ පාසල් දරුවන් සිටින්නේ මානසික පීඩනයෙන්. එවිට ගුරුවරයා උගන්වන දේ දරුවාගේ මතකයේ රැඳෙන්නේ නෑ. එවිට අමතක වන දේ තවත් දැනගැනීම සඳහා තවත් අමතර පන්තියකට දරුවාව යොමු කිරීමට මවුපියන් පෙලඹෙනවා. එහි ප්‍රතිඵලය වන්නේ දරුවාගේ මතකය තව තවත් දුර්වලවීමයි.

සෑම දරුවකුම එකිනෙකාට වෙනස් බව සෑම වැඩිහිටියෙකුම තේරුම් ගත යුතුයි. පන්තියක පළමුවැනියා වන දරුවකු වගේම අන්තිමයා වන දරුවකු ද සිටිනවා. සෑම දරුවකුටම කිසියම් ධාරිතාවක් තිබෙනවා. එම සීමාව ඉක්මවා යන අයුරින් දරුවාට බර නොපැටවිය යුතුයි.

දරුවා ඕනෑ දෙයක් කරගත්තාවේ කියා බලාගෙන සිටිය යුතු බව ඉන් අදහස් වන්නේ නෑ. පළමුව දරුවාගේ හැකියාවන් සහ එම හැකියාවේ තරම වැඩිහිටියන් ත්රුම්ගත යුතුයි. හැකියාවේ ප්‍රමාණය ඉක්මවා වැඩකිරීමට දරුවන් පෙලඹවූ විට දරුවා ලෙඩ වෙනවා අමතක වීම වැඩි වෙනවා.

දරුවා කැමැති විෂයන්වලට ක්‍රියාකාරකම්වලට දරුවා යොමු කිරීමයි වැදගත්. දරුවකුට අධික ලෙස අමතක වෙනවා නම් ඒ සඳහා හේතුවන පාරිසරික මෙන්ම ශාරීරික සාධකත් ඉවත් කළ යුතුය. කිසියම් පෝෂණ ඌණතාවක් හෝ ශරීරයේ වෙනත් හේතුවක් ඇත්නම් වෛද්‍ය ප්‍රතිකාර මඟින් එය නිවැරදි කර ගත හැකියි.

මෙවර හෙද පුහුණුවට බදවා ගත්ත අය බලන්න

2013-06-28T14:13:00.000+05:30

පළු ඒම - කැසීම අසාත්මිකතාවේ ප්‍රතිඵලය මාරාන්තික ද

2013-06-20T14:17:00.003+05:30

හිටි හැටියේ ම ශරීරයේ තැනින් තැන පළු මතුවීම, සම රත් පැහැවීම, තොල් මුහුණ ඉදිමීම වැනි තත්ත්වයකට ඇතැම් විට ඔබත් මුහුණ දී ඇත. බොහෝ විට එවැනි තත්ත්වයක් ඇති වූයේ කිසියම් ආහාරයක් ගත් විට හෝ සුවඳ විලවුන් හෝ වෙනත් ආලේපයක් ශරීරයේ තැවරුණු විටකදී විය හැකි ය. එම තත්ත්වය ඇති වූයේ ශරීරයට ඇතුළු වූ කිසියම් ද්‍රව්‍යයක් ශරීරයට අසාත්මික වීම නිසා ය.

බොහෝ දෙනා ඇලර්ජි ලෙස හඳුන්වන එම තත්ත්වය අසාත්මිකතාවයි.

යම් යම් ද්‍රව්‍යයන්ට අසාත්මිකතාව දක්වන අය එන්න එන්නම වැඩිවෙමින් පවතී. එයට බොහෝ විට හේතු වී ඇත්තේ ශරීරයට අසාත්මික වන ද්‍රව්‍යයන් අපගේ ආහාරවල මෙන් ම ශරීරයේ ගැල්වීමට භාවිතා කරන ද්‍රව්‍ය වල ද වැඩිවීම ය.

අසාත්මිකතාවය යනු කුමක්ද? අපට අසාත්මික වන්නේ ආහාර ද්‍රව්‍ය පමණක් ද? අසාත්මිකතාව මාරාන්තික විය හැකි ද යන ගැටලු පිළිබඳ අද අපි විමසා බලමු.

අප ගන්නා ආහාර පාන වලට හෝ ඖෂධවලට හෝ ශරීරයේ ස්පර්ශ වන කිසියම් ද්‍රව්‍යයකට හෝ ආශ්වාස කරන කිසිවකුට හෝ ශරීරය ප්‍රතික්‍රියා දක්වන ආකාරය පුද්ගලයාගෙන් පුද්ගලයාට වෙනස් ය. ඇතැමෙකු ශරීරයට ඇතුළුවන සාමාන්‍ය ද්‍රව්‍ය වලට පවා ඉතා විශාල වශයෙන් ප්‍රතික්‍රියා දක්වනු දැකිය හැකි ය. එම තත්ත්වය සාමාන්‍යයෙන් අනෙක් අය එම ද්‍රව්‍යයට ප්‍රතික්‍රියා දක්වන ප්‍රමාණයට වඩා අතිශය විශාල ප්‍රතික්‍රියා දැක්වීමකි.

උදාහරණයක් ලෙස එකම වයස් මට්ටමක යුවතියන් හතර දෙනෙක් එකම තොල් ආලේපයක් භාවිතා කළා යැයි සිතන්න. එහිදී යුවතියන් තිදෙනෙකු වෙතින් කිසිදු වෙනසක් පෙන්නුම් නොකර එක් යුවතියක් වෙතින් පමණක් තොල් ආලේපය නිසා කිසියම් වෙනසක් පෙන්වනු දැකගත හැකි වනු ඇත. එම වෙනස ශරීරයෙන් රතු පැහැ පළු මතු වීමක් විය හැකි ය. මුහුණ තොල් ඉදිමීමක් විය හැකි ය. එම යුවතිය එම අපහසුතාවට පත්වූයේ ඇය ආලේප කළ තොල් ආලේපයේ ඇති කිසියම් රසායනික ද්‍රව්‍යයක් මත ශරීරය විසින් අසාමාන්‍ය ආකාරයට සහ අතිවිශාල වශයෙන් ප්‍රතික්‍රියා දැක්වීම නිසා ය. එම ප්‍රතික්‍රියාව එම යුවතියගේ ශරීරයට පමණක් අදාළ දෙයකි. අසාත්මිකතාවය ලෙස හඳුන්වන්නේ එම තත්ත්වයයි.

කිසියම් ද්‍රව්‍යයකට ශරීරය අසාත්මිකතාවක් දක්වන්නේ එම පුද්ගලයාගේ ප්‍රතිශක්තිකරණ පද්ධතිය මගින් අසාත්මික වූ එම ද්‍රව්‍ය වැරදි සහගත ලෙස හඳුනා ගැනීම නිසා ය. මිනිසුන් දහසකට කිසිදු අසාත්මිකතාවක් නොපෙන්වන ආහාරයක් එක් පුද්ගලයකුට අසාත්මික විය හැකි ය. අසාත්මිකතාවයේ ප්‍රධානම ලක්ෂණය එයයි.

අසාත්මිකතාව පිළිබඳව සරලව සටහන් කරන්නේ නම්, ඇතැම් රසායනික ද්‍රව්‍ය ශරීරය හඳුනා ගන්නේ වැරදි සහගත ලෙසිනි. සතුරකු නොවූවද සතුරකු ලෙසිනි. එලෙස සතුරකු ලෙසින් පෙනෙන දෙය විනාශ කිරීමට විශාල උත්සායක් ශරීරය විසින් දරනු ලැබේ. එම අධික උත්සාහය නිසා හානි සිදුවන්නේ සිරුරටමය. එහිදී ශරීරයේ ප්‍රතිශක්තිකරණ පද්ධතිය අසාමාන්‍ය ලෙස ක්‍රියාත්මක වීම නිසා ශරීරයේ පටක, තරල, සෛල දුර්වල වීමටත් විනාශවීමටත් ඉඩ ඇත.

අසාත්මිකතාවයකදී ශරීරයේ තැනින් තැන රත් පැහැ පළු මතුවීම, ශරීරය කැසීම වැනි ඉතා සරල රෝග ලක්ෂණ මෙන් ම මාරාන්තික රෝග ලක්ෂණ ද පෙන්විය හැකි ය.

කිසියම් ද්‍රව්‍යයක් කිසියම් අයකුට අසාත්මික දැයි කලින් හඳුනා ගැනීමේ හැකියාවක් නැත. අසාත්මික ද්‍රව්‍ය ශරීරය විසින් හඳුනා ගන්නේ එම ද්‍රව්‍ය ශරීරයට ඇතුළු වූ පසුව ය. පෙනිසිලින් එන්නත යමෙකුගේ ශරීරයට විදීමට පෙර එහි ඉතාම සුළු මාත්‍රාවක් පළමුව සම යටට විද පරීක්ෂා කර බලන්නේ ඒ නිසා ය. එම සුළු පෙනිසිලින් මාත්‍රාවට එම පුද්ගලයා වෙතින් අසාත්මිකතාවක් පෙන්නුම් කළහොත් ඔහුට පෙනිසිලින් එන්නත ලබා නොදේ.

ඔබට කිසියම් ද්‍රව්‍යයක් අසාත්මික බව හැඟුණහොත් එම ද්‍රව්‍ය ගැනීමෙන් වැළකී සිටිය යුතුය. එයට හේතුව වන්නේ ඇතැමෙකුට කිසියම් ද්‍රව්‍යයක් පළමුවර අසාත්මික වූවාට වඩා වැඩි ප්‍රභලතාවයකින් දෙවැනි තුන්වැනි වර අසාත්මික විය හැකි බැවිනි.

අසාත්මිකතාවට හේතුවන ද්‍රව්‍යයන් පිළිබඳව සැලකීමේදී බොහෝ දෙනෙක් අසාත්මික වන්නේ විවිධ ඖෂධවලට බව පැහැදිලි වේ. ඊට හොඳම උදාහරණයක් වන්නේ පෙනිසිලින් ඖෂධයයි.

පෙනිසිලින් යනු වසර ගණනාවක සිට භාවිතා වන ඉතා අගනා ඖෂධයකි. එහෙත් මෙම ඖෂධය සුළු පිරිසකට ඉතාම දරුණු ලෙස අසාත්මිකවිය හැකි ය. එම අසාත්මික තත්ත්වය මාරාන්තික තත්ත්වයක් දක්වා වුව ද වර්ධනය විය හැකි ය.

පෙනිසිලින් කාණ්ඩයේ ඖෂධවලට අමතරව “සල්පර්” කාණ්ඩයට අයත් කෝට්‍රයිමොක්සසෝල් වැනි ඖෂධ වර්ගද, ටෙට්‍රාසයික්ලින්, ඩොක්සිසයික්ලින් වැනි ඖෂධ වර්ගද බොහෝ දෙනෙකුට අසාත්මික විය හැකි බව පෙනී ගොස් ඇත.

මෙහිදී සඳහන් කළ යුතු ඉතා වැදගත් කරුණක් වන්නේ ඕනෑම ඖෂධයක් කිසියම් හෝ අයකුට අසාත්මික විය හැකි බවය. එය කලින් හඳුනාගත නොහැකිය. කිසියම් ඖෂධයක් අසාත්මික දැයි දැනගත හැක්කේ එම ඖෂධය ශරීරයට ඇතුළු වූවාට පසුවය. එම ඖෂධය කලින් ලබාගෙන නැතිනම් එය තමාට අසාත්මිකදැයි රෝගියා දන්නේ නැත. වෛද්‍යවරයා ද දන්නේ නැත. ඇතැම් ඖෂධ ගත්විට ජීවිත හානි සිදුවන්නේ බොහෝවිට මෙවැනි හේතු නිසාය.

මෙහිදී දැක්විය යුතු තවත් වැදගත් කරුණක් ඇත. ඒ; ඇතැම් ඖෂධ ලබාගත් විට ඇතැමුන්ගේ ඇතිවන උදරයේ දැවිල්ල අසාත්මිකතාවයක් නිසා ඇති වූවක් බවට වරදවා වටහා ගන්නා බවය. කිසියම් ඖෂධයක් ගත් පසුව උදරයේ ආබාධයක් ඇති වන්නේ බොහෝවිට එම ඖෂධය නිසා ඇතිවූ අතුරු ආබාධයක් නිසා විය හැකිය.

තවත් බොහෝ දෙනෙකුට අසාත්මිකතාව පෙන්වන ද්‍රව්‍යයන් වන්නේ හිසකෙස් කළු පැහැ ගන්වන ද්‍රව්‍ය, නිය ආලේපන, තොල් ආලේපන, ශරීරයේ ගල්වන ක්‍රීම් වර්ග, සුවඳ විලවුන් වර්ග, සබන් වර්ග වැනි දේය.

ආස්වාස කරන ද්‍රව්‍යයන් නිසාද බොහෝ දෙනෙකුට අසාත්මිකතා ඇතිවේ. දූවිලි, මල් රේණු, තිනර්, ටර්පන්ටයින් වැනි ද්‍රව්‍ය ඊට උදාහරණයන්ය. ස්වසන මාර්ගයේ සිදුවන අසාත්මිකතා නිසා පීනස සහ ඇදුම හට ගනී.

අසාත්මිකතාවයට හේතුවන අනෙක් ද්‍රව්‍ය කාණ්ඩය වන්නේ ආහාරය. මෙහිදී බොහෝවිට අසාත්මිකතාවට හේතු වන්නේ එම ආහාරයට බාහිරින් එක්වූ විවිධ රසායනික ද්‍රව්‍යයන්ය. උදාහරණයක් ලෙස කුකුළු මස් කරියක් ආහාරයට ගත් විට අපේ ශරීරටය ඇතුළු වන්නේ කුකුළු මස් පමණක් නොවේ. එහිදී මස් කරිය පිළියෙළ කිරීමට යොදා ගන්නා සෝස් වර්ග, රසකාරක වර්ගවල ඇති විවිධ රසායනික ද්‍රව්‍ය ගණනාවක්ම අපගේ ශරීරටය ඇතුළු වේ. අසාත්මිකතාවට හේතු වන්නේ එම රසායනික ද්‍රව්‍යවලින් එකක් විය හැකිය. වෙළෙඳපොළේ ඇති ක්ෂණික ආහාර අසාත්මික වන අවස්ථාවන් වැඩිය. ඒ එම ආහාර සැකසීම යොදාගන්නා කෘත්‍රිම රසායනික ද්‍රව්‍යයන් නිසාය. කෘත්‍රිම බීම වර්ග නිසාද අසාත්මිකතාවය ඇතිවේ. රටකජු බොහෝ දෙනෙකුට අසාත්මිකතාවය කැන්දන ආහාරයකි.

ඇතැම් සතුන් ශරීරයේ ගැටීම, එම සතුන්ගේ ලොම් ආශ්වාස වීම නිසාද අසාත්මිකතාව ඇතිවීමේ හැකියාව ඇත. හූනන්ගේ මල, බල්ලන් බළලුන්, හාවුන් වැනි සතුන්ගේ ලොම් ඊට උදාහරණයන්ය.

ඇතැම් ඇඳුම් මෙන්ම මාල වළලු වැනි පැලඳුම් නිසාද අසාත්මිකතාවට ගොදුරු වූ අය සමාජයේ කොතෙකුත් සිටිති. ආභරණ අතරින් බොහෝවිට අසාත්මික වන්නේ නිකල් ආලේපිත මාල වළලු ආදියය. ඇතැමෙකුට ජලය අසාත්මික වූ අවස්ථාවන්ද දැකගත හැකිවේ. එසේ ජලය අසාත්මික වී ඇත්තේ ජලයේ මිශ්‍ර වූ රසායනික ද්‍රව්‍ය නිසා බව පැහැදිලි වේ.

බොහෝ දෙනෙක් වෙතින් අසාත්මිකතාව පෙන්නුම් කරන්නේ ඉස්සන්, කකුළුවන්, දැල්ලන්, බලමාළු, දෙල් වැනි ආහාර ගත් විටය. ඒ එම ආහාර ද්‍රව්‍යවල ඇති විවිධ රසායනයන් නිසාය. සමහර දරුවෝ කිරි පිටිවලට මෙන්ම තිරිඟු පිටිවලට ද අසාත්මිකතාවක් පෙන්නුම් කරති. දරුවන් බොහෝවිට කිරි පට්ටිවලට අසාත්මිකතාවයක් පෙන්නුම් කරන්නේ එහි ඇති ලැක්ටෝස් නම් රසායනිකය නිසාය. ඒ බොහෝ දෙනෙකුට අසාත්මික විය හැකි ද්‍රව්‍ය පිළිබඳවය.

අසාත්මිකතාව නිසා රෝග ලක්‍ෂණ ගණනාවක්ම මතු විය හැකිය. ශරීරයේ විවිධ ස්ථාන ඉදිමීම, ඇඟ කැසීම, රත්පැහැ පළු දැමීම, මලපහ බුරුලට යාම, තොල් ඉදිමීම, ඇස්වටා ඉදිමීම, වමනයට ඒම, පපුවේ මහන්සිය, සිහිකල්පනාව අඩුවීම, රුධිර පීඩනය අඩුවීම, ක්ලාන්ත වීම වැනි රෝග ලක්ෂණ පෙන්නුම් කළ හැකිය. අසාත්මිකතාව ඇති කරන ද්‍රව්‍ය ගණනාවක්ම ඇතිවාක් මෙන්ම අසාත්මිකතාව නිසා ඇතිවන රෝග ලක්‍ෂණ ගණනාවක් ද ඇති බව පැහැදිලිය.

අසාත්මිකතාවට පාරම්පරික බලපෑමක් තිබිය හැකි බව පැහැදිලිය. මව හෝ පියා කිසියම් ද්‍රව්‍යයකට අසාත්මිකතාවයක් දක්වයි නම්, දරුවනට එම ද්‍රව්‍යයන්ට අසාත්මික වීමේ හැකියාව සියයට 75 කට වඩා වැඩිය. අසාත්මිකතාවයට කදිම උදාහරණ වන පීනස, ඇදුම යන රෝග තත්ත්වයන්වලට ප්‍රධාන වශයෙන්ම ජානමය බලපෑමක් ඇති බව හෙළි වී ඇත. එයට ප්‍රධාන වශයෙන්ම හේතු වන්නේ අපගේ ශරීරයේ ප්‍රතිශක්තිකරණයට ආවේණික ලක්‍ෂණ මගින් කරනු ලබන බලපෑමය.

කිසියම් ද්‍රව්‍යයක් අසාත්මිකදැයි කලින් දැනගත නොහැකි බවත් අසාත්මිකතාවය මාරාන්තික තත්ත්වයක් දක්වා ගමන් කළ හැකි බවත් පැහැදිලිය. මෙහිදී අනුගමනය කළ යුතු හොඳම ක්‍රියා මාර්ගය වන්නේ කිසියම් ද්‍රව්‍යයක් තමන්ට අසාත්මික බව දැනගත් විට එම ද්‍රව්‍ය භාවිතා නොකර සිටීමය.

කිසියම් ඖෂධයකට තමා අසාත්මික බව දන්නේ නම් ඕනෑම රෝගයක් සඳහා වෛද්‍යවරයකු හමුවූ විට තමා අසවල් ඖෂධයට අසාත්මික බව වෛද්‍යවරයාට පැවසිය යුතුය. එම ඖෂධය අසාත්මික බව සඳහන් කරමින් වෛද්‍යවරයකු විසින් කිසියම් ලියවිල්ලක් ලබාදී ඇත්නම්, එම ලියවිල්ල ඉදිරිපත් කළ යුතුය. ඖෂධය මගින් සිදුවන අසාත්මිකතාවයන්ගෙන් වැළකී සිටීමට ඇති හොඳම මග එයය.

අසාත්මිකතාවය මග හැරීමට භාවිතා කරන ඖෂධ වර්ග පිළිබඳව සඳහන් කිරීමේදී ඇන්ටිහිස්ටමින් කාණ්ඩයට අයත් ඖෂධ භාවිතා වන බව පැහැදිලිය. පිරිටන් එම ඖෂධ කාණ්ඩයට අයත් ජනපි‍්‍රය ඖෂධයකි. එම ඖෂධ කාණ්ඩයෙන් රෝගය සුව නොවන්නේ නම්, වෛද්‍යවරයා විසින් ස්ටීරොයිඩ් කාණ්ඩයේ ඖෂධ නියම කරනු ඇත. ඇදුම වැනි අවස්ථාවලදී ස්ටීරොයිඩ් ඖෂධ ඉන්හේලර් මගින් ලබාදෙනු ඇත. ඇඩ්ලිනරින් වැනි විශේෂ ඖෂධ මගින් ඉතා දරුණු ගණයේ අසාත්මිකතාවයක් වුවද පාලනය කිරීමේ හැකියාව ඇත.

පළු ඒම - කැසීම අසාත්මිකතාවේ ප්‍රතිඵලය මාරාන්තික ද

2013-06-20T14:04:00.001+05:30

බොහෝ දෙනා ඇලර්ජි ලෙස හඳුන්වන එම තත්ත්වය අසාත්මිකතාවයි.

බබාලට බෙහෙත් පොවන්න වද වෙන අම්මලාටයි

2013-06-19T16:26:00.001+05:30

බෙහෙත් පෙත්තක් උගුරේ සිරවීමෙන් කුඩා දරුවකු හදිසියේ මියගිය පුවතක් පසුගියදා මාධ්‍යයෙන් හෙළි කැරිණි. බෙහෙත් පෙත්තක් සිරවීමෙන් වටිනා ජීවිතයක් අකාලයේ අහිමි වීම කුමන තරමේ අපරාධයක් ද? සැබැවින්ම එවැනි සුළු සිද්ධියකින් ජීවිතයක් අහිමි වන්නට ඉඩ තැබිය යුතු ද?

කුඩා දරුවකු තබා වැඩිහිටියකු වුවත් වැරැදි ආකාරයට ඖෂධ ශරීර ගතවුවහොත් මරණයට පත් වීමේ අවදානමක් තිබේ. එහෙයින් ඖෂධ භාවිතය ඒ ගැන නිසි අවබෝධයකින්, අවධානයකින්, හා වගකීමකින් යුතුව කළ යුතු කාර්යයක් බව ජනතාව දැන සිටිය යුතුය.

පළමුවෙන්ම සඳහන් කළ යුත්තේ දරුවකුට බෙහෙත් ලබා දිය යුත්තේ, ඒ දරුවාගේ රෝගය හෝ රෝග ලක්ෂණ පාලනය සඳහා බෙහෙත් ලබාදීම අත්‍යවශ්‍ය නම් පමණක් බවය. අප එසේ පවසන්නේ බරපතළ නොවන ඇතැම් රෝග හෝ රෝග ලක්ෂණ පාලනය සඳහා ඖෂධ ලබාදීම අත්‍යවශ්‍ය නොවන බැවිනි.

සරල නිදසුනක් ලෙස අලුත උපන් වයස මාස දෙකට අඩු ළදරුවන්ට උණ රෝගය සඳහා පැරසිටමෝල් ඖෂධය ලබාදීම අවශ්‍ය වූවක් නොවේ. ඊට හේතුව පැරසිටමෝල් ඖෂධය ලබා දෙන්නේ උණ වැඩිවී උණ වලිප්පුව ඇති වීම වළක්වාලීමටයි. එහෙත් මාස දෙකට අඩු දරුවනට සාමාන්‍යයෙන් උණ වලිප්පුව හැදෙන්නේ නෑ.

මාස 6 සිට අවුරුදු හය දක්වා වයසේ දරුවන්ට උණ වැඩි වූ අවස්ථාවල උණ වලිප්පුව ඇති වීමට ඉඩ තිබේ. එවැනි වයස් මට්ටමේ දරුවනට වුවත් ඖෂධ මඟින් උණ පාලනය කිරීම සඳහා වැඩි වශයෙන් ඖෂධ ලබා දීම වෙනුවට දරුවාට වැඩිපුර මවුකිරි ලබාදීමෙන්, ඇඳුම් ලිහිල් කොට ශරීරයේ උෂ්ණත්වය අඩු වන පරිදි අත් යට ඉකිලි ප්‍රදේශ තෙමා මිරිකා ගත් රෙදි කැබැල්ලකින් තවමින් සිසිල් කිරීමෙන් හෝ පවන් සැලීමෙන් අඩු කර ගැනීම වඩාත් සුදුසුය.

කවර වයසක පසුවන දරුවකුට වුවත් ඖෂධ ලබා දීමේදී සැලකිලිමත් විය යුත්තේ එම ඖෂධයෙන් දරුවාට වන වාසිය එයින් සිදුවන හානි හෝ අතුරු ඵලයට වඩා වැඩිනම් පමණි. බොහෝ විට කුඩා දරුවනට ඖෂධ ලබා දෙන්නේ ඒවා ලබා දීම අත්‍යවශ්‍ය වූ විටය. ඒ ඖෂධවලින් සිදුවන යහපත මෙන්ම අතුරු ප්‍රතිඵල පිළිබඳව අසා දැන ගැනීමේ අයිතිය රෝගියා හෝ රෝගියාගේ වැඩිහිටියන් සතුය.

දරුවනට ඖෂධ ලබා දීමේ දී ඔවුන් ගේ වයස් ප්‍රමාණය හා බර පිළිබඳව වෛද්‍යවරු විශේෂයෙන් සැලකිලිමත් වෙති. දරුවාට ගිලින්නට අපහසු තරමේ විශාල පෙති හෝ කරල් වෙනුවට දියර වර්ග හෝ කුඩු ලබා දීම වඩාත් සුදුසුය. බෙහෙත් ලබා ගැනීමට පෙර ඒ බෙහෙත් වර්ග හා ඒවා දරුවනට ලබා දිය යුතු ආකාරය පිළිබඳව මවුවරුන් වෛද්‍යවරයා ගෙන් පැහැදිලිව අසාගත යුතුය. එමෙන්ම ඖෂධ මිලදී ගන්නා විට ඖෂධවේදියා විසින්බෙහෙත් ගත යුතු ආකාරය පිළිබඳ රෝගියාට හෝ ඖෂධ ලබා ගන්නා පුද්ගලයාට නිවැරැදිවත් පැහැදිලිවත් වටහා දිය යුතුය.

කුඩාම දරුවනට බොහෝ විට ලබා දෙන්නේ දියරමය ඖෂධ වේ. දියරමය ඖෂධ නැතිව පෙති හෝ කුඩු වශයෙන් ලබා දුන් අවස්ථාවල නියමිත මාත්‍රාව නියමිත කාල පරාසය අනුව ලබා දීම වැදගත්ය. බෙහෙත් පෙති දුන් විට ඒවා දරුවාට ගිලීමට අපහසු යැයි හැඟේ නම් එය කුඩා කැබලිවලට කඩා හෝ කුඩුකර පෙවීම සුදුසුය. දරුවන් බෙහෙත් කුඩු බීමට කැමැත්තක් දක්වන්නේ නැත. එවැනි අවස්ථාවකදී බෙහෙත පෙවීමෙන් පසුව දරුවා වඩාත්ම කැමති පැණි රස ස්වල්පයක් (මී පැණි, සීනි හෝ චොක්ලට් වැනි යමක්) දරුවාට ලබා දුන්නාට වරදක් නැත. එහෙත් සෑම බෙහෙත් වේලකින් පසුවම දරුවාට ඇති තරම් සීනි හෝ පැණි රස කෑම ලබා දීම සුදුසු නැත.

පැණි රස කෑමෙන් පසුව දරුවාගේ මුඛය වතුර ස්වල්පයකින් සේදීම වැදගත්ය. නිතර පැණි රස මුඛයෙහි රැඳී තිබීම දත් දිරා යාමට හේතු වෙයි.

දරුවන්ට ඖෂධ ලබා ගැනීමේදී ඒ ඒ දරුවාට යම් යම් දෙයට දක්වන අසාත්මිකතා හෝ වෙනස් ප්‍රතිචාර පිළිබඳව මවුපියන් වෛද්‍යවරයාට කලින් දන්වා සිටිය යුතුය. වෛද්‍යවරයා ද ඇතැම් රෝග සඳහා ලබා දෙන ඖෂධවලින් ඇතිවිය හැකි අතුරු ප්‍රතිඵල පිළිබඳව මවුපියනට කලින් වටහා දී තිබීම වැදගත් වේ.

නිදසුනක් ලෙස ඇදුම රෝගය සඳහා ලබා දෙන සැල්බියුටමෝල් ඖෂධය දුන් විට ඇතැම් දරුවකුගේ කට පැත්තකට ඇලවීමට ඉඩ තිබේ. එවැනි අතුරු ඵලයක් ඇතිවීමට ඉඩ ඇති බව කල් තියා දැනුවත් කොට තිබීමෙන් ඒ පිළිබඳ අනිසි ලෙස කලබල වීම වළක්වා ගත හැකිය.

බොහෝ විට රෝග සඳහා ඖෂධ ලබා දුන් සැණින්ම රෝගය සුව වන්නේ නැත. එබැවින් රෝග ලක්ෂණ පහව යන්නට කොතරම් කාලයක් ගත විය හැකි ද යන්නත් දැන සිටීම වැදගත්ය.

ඖෂධ මුඛයෙන් ලබා දෙනවා වෙනුවට ඉන්හේලරයක් මඟින් ලබා දෙන ඖෂධ ඒවා ලබා දීමට නියම කරන ලද කාල සීමාව තුළ නිවැරැදිව ලබා දිය යුතුය. ඉක්මන් සුවය පතා බේත් අතරමඟ නවත්වා තවත් වෛද්‍යවරයකු වෙත යාම සුදුසු නොවේ. බෙහෙත් ලබා දීමේදී එම බෙහෙත්වලින් රෝගය සුව වීමට දළ වශයෙන් කොපමණ කලක් ගත වේ දැයි රෝගිනට වටහා දීම වෛද්‍යවරයාගේ ද යුතුකම වේ.

වෛද්‍යවරයා නියම කරන ආකාරයටම කලට වේලාවට නියමිත මාත්‍රාවෙන් යුතුව දරුවනට ඖෂධ ලබා දිය යුතු අතර කුඩා ළමයිනට අවශ්‍ය පරිදි හිතූමතේට බෙහෙත් බොන්නට ඉඩ නොදිය යුතු ය. දරුවාට බේත් දීම වැඩිහිටියන් විසින් කළ යුතු වන අතර තරමක් ලොකු ළමයින් නම් වැඩිහිටියකුගේ අධීක්ෂණය යටතේ ඔවුනට බෙහෙත් ගැනීමට ඉඩ සලසා දිය යුතු ය. දරුවන්ට හසු නොවන ආරක්ෂිත ස්ථානයක බෙහෙත් ගබඩා කර තැබීම ඉතා වැදගත් ය.

දරුවනට බේත් නියම කිරීමේදී දරුවාගේ කැමැත්ත ඒවා පෙති, කුඩු හෝ පැණි වශයෙන් කවර ආකාරයෙන් ලබා ගැනීමට ද යන්න විමසා බැලීම ද වටී. ඇතැම් දරුවන් පැණි වර්ග පානයට අකැමැති ය. ඇතැම් දරුවකු පෙති වර්ග ගිලින්නට අකමැති ය.

දරුවාගේ රුචිය අනුව බෙහෙත ලබා දීමෙන් දරුවාට වඩාත් පහසුවෙන් ඒවා ලබා දිය හැකිය. ළදරුවන්ට ඖෂධ ලබා දීමේදී ඇතැම් මවුවරුන් ඒවා කිරි බෝතලයට දමා පෙවීමට හුරු වී සිටිති. මෙය එතරම් සුදුසු නැත.

කෑමට පෙර හෝ පසු යනුවෙන් බේත් ලබා දිය යුතු පිළිවෙළට වෛද්‍යවරයා විසින් කියා ඇති ආකාරයට බේත් ලබාදිය යුතු ය. ඇතැම් බෙහෙත් වර්ග ආහාර සමඟ මිශ්‍රකර දීමට උපදෙස් ලැබුණු විට පමණක් එසේ කළ යුතු ය.

ඇතැම් සිරප් වර්ග කුඩු වශයෙන් ලබාදී එයට කිසියම් ප්‍රමාණයක් ජලය එක් කිරීමෙන් නිවසේදී ඖෂධය සදා ගැනීමට උපදෙස් දෙනු ලැබේ. එසේ වූ විට එම උපදෙස් ඒ ආකාරයෙන් ම පිළිපැදිය යුතු අතර එක් කළ යුතු ජල ප්‍රමාණය දී ඇති ප්‍රමාණයම විය යුතු ය. ඖෂධය දීමට නියම කරන ලද කාල සීමාව තුළ නියමිත ආකාරයට බේත් ලබා දුන්නේ නම් ඖෂධය ඉවර වෙයි. දින ගණන ඉක්මවීම හෝ අඩුවෙන් බේත් දීමෙන් නියම ප්‍රතිඵල ලැබෙන්නේ නැත. ඖෂධය හදා ගැනීම පිළිබඳ තමා තුළ දැනුමක් නැතැයි සිතේ නම් ඖෂධ මිලදී ගන්නා විට ඒ බව ඖෂධවේදියාට දැනුම් දී නිසි පරිදි ඖෂධය සකස් කරගන්නට හැකිවේ.

පෙති හෝ දවටනවල අසුරන ලද ඖෂධ තමන්ට රිසි පරිදි කොටස්වලට වෙන් කිරීමට වඩා ඖෂධාලයේ දීම ඒවා නියමිත මාත්‍රාවට අනුව කොටස්වලට කඩා වෙන්කර ගැනීම සුදුසු ය. කොළඹ රිජ්වේ ආර්යා ළමා රෝහලෙන් නිකුත් කරනු ලබන එවැනි ඖෂධ එහිදීම නිසි මාත්‍රාවනට අනුව කිරා බලා කුඩු කොට පැකට් වශයෙන් ලබා දෙයි. පෞද්ගලික අංශයේ රෝහල්වල මෙන් ම ඖෂධාලවල ද මේ ක්‍රමය ක්‍රියාවට නැංවිය හැකි නම් වැරදි ඖෂධ මාත්‍රා ශරීරගත වීමෙන් සිදුවන බොහෝ අහිතකර ප්‍රතිඵල මගහරවා ගැනීමට හැකි වේ.

කුඩා දරුවනට බෙහෙත් දීමේදී සිරින්ජරයක් භාවිතා කළ හැකි නම් නිවැරදි මාත්‍රාව අනුව දරුවාට බෙහෙත් පෙවීමට හැකි වෙයි. එහෙත් දරුවාට සපා ගිලීමට දෙන බෙහෙත් මෙන් ම බොන්නට දෙන බෙහෙත් ඒ ආකාරයටම දීම වැදගත් ය. මුඛ මාර්ගයෙන් ඖෂධ ලබා දීම වැදගත් වන්නේ මුඛයේ කෙළවල ඇති රසායනික ද්‍රව්‍ය සමඟ මිශ්‍ර වීමෙන් ඇතැම් බෙහෙත්වලින් වඩාත් සාර්ථක ලෙස ප්‍රතිඵල ලැබෙන හෙයිනි. ගිලීමේ අපහසුතා ඇති රෝගීනට බට මාර්ගයෙන් දියර ආහාර හෝ ඖෂධ ලබා දුන්නත් ගිලීමට හැකි වූ විගස බටය ඉවත් කර මුඛ මාර්ගයෙන් ඖෂධ ලබාදීම කළ යුතු ය.

ළමා කාලයේදී ලබා දෙන ඇතැම් එන්නත් පාසලේ දී ලබා දෙනු ලැබේ.

ඒවා පෞද්ගලිකව ලබා ගැනීමට වඩා පොදුවේ රජයෙන් ලබාදෙනු අවස්ථාවක එන්නත් කිරීම වඩාත් විශ්වාසදායක ය. දරුවනට පාසලින් එන්නත් හෝ ඖෂධ ලබාදීමට පෙර පන්ති භාර ගුරුවරයා හෝ ගුරුවරියට දරුවාගේ රෝග හෝ අසාත්මිකතා ඇත්නම් ඒවා පිළිබඳ දැනුවත් කරන්න. නැතහොත් දරුවා පාසලේ දී හදිසි අසනීප තත්ත්වයකට පත් වුවහොත් ඒ අවස්ථාවේ හෝ රෝහල්ගත කළ පසු හෝ වඩාත් අසීරුතාවලට මුහුණපාන්නට සිදුවනු ඇත.

බෙහෙත් ඇසිරීමේදී දරුවනට පහසුවෙන් හසු නොවන සේ ගබඩා කළ යුතු අතර ඇතැම් ඖෂධ වර්ග අඳුරු පැහැති බෝතලවල අසුරා ඇත්නම් ඒවා ඒ අයුරින් ම තබා ගත යුතු ය. ශීතකරණයේ තැබීමට උපදෙස් දී ඇති ඖෂධ ඒ ආකාරයෙන් ගබඩා කළ යුතු ය. වරක් ඖෂධ ලබාගත් බෙහෙත් තුණ්ඩුව නැවත නැවතත් ඖෂධාලයට ඉදිරිපත් කරමින් ඖෂධ ලබා ගැනීම නොකළ යුතු ය. රෝගය සුව වී නැත්නම් යළිත් වෛද්‍යවරයා වෙත රෝගියා පෙන්වා අලුතින් බේත් ලියවා ගැනීම කළ යුතු ය. දිගු කාලීනව ලබා ගන්නා ඖෂධ සඳහා පුරුදු වෛද්‍යවරයාගේ අනුමැතිය ලබා ගත් ඖෂධ වට්ටෝරුවක් ලබාගැනීම වැදගත් ය.

ඖෂධාලයෙන් ඖෂධ ලබාගැනීමේ දී එක් එක් ඖෂධයේ නම පැහැදිලිව කවරය මතුපිට සඳහන් කරගත යුතු අතර දරුවාගේ නම ද පැහැදිලිව සටහන් කළ යුතු ය. දරුවන් කිහිප දෙනකු හෝ නිවුන් දරුවන් වේ නම් එක් එක් දරුවාට දිය යුතු බෙහෙත් වෙන් වෙන්ව පහසුවෙන් හඳුනාගත හැකි පරිදි ගබඩා කිරීමත් නිවැරැදිව ලබා දීමත් වැදගත් ය.

හෙදියට සහ සැමියාට පහරදුන්නාට කළුබෝවිල හෙදියන් විරෝධයේ

2013-02-08T21:41:00.002+05:30

හෙදියකට සහ ඇගේ සැමියාට කනිෂ්ඨ සේවක පිරිසක් විසින් පහරදීමේ සිදුවීමකට විරෝධය පළ කරමින් දකුණු කොළඹ ශික්ෂණ රෝහලේ හෙද සේවක සේවිකාවන් මේවන විට රාජකාරියෙන් ඉවත්වී තිබේ.

හෙදිය සහ ඇගේ සැමියා රාජකාරිය අවසන් කොට නිවස බලා යාමට රෝහල් වාට්ටුවෙන් එළියට බැසීමට සූදානම් වූ අවස්ථාවේදී මෙම පහරදීම සිදුව ඇති බව රජයේ හෙද නිලධා‍රීන්‍ ගේ සංගමයේ සභාපති සමන් රත්නප්‍රිය මහතා පවසයි.

බීමත්ව සිට ඇති කනිෂ්ඨ සේවකයින් කළ මෙම පහරදීම තරයේ හෙළාදකින බවත්, වගකිවයුතු පිරිසට වහා දඬුවම් කළ යුතුව ඇති බවත් හෙතෙම අද කියා සිටියේය.

ආනන්දපුම්බන එවුන්ට වෙනදේ

2013-01-29T16:03:00.003+05:30

ආනන්ද පුම්බන එවුන්ට වෙනදේ බලන්න ඔබත් හුලන්ගහන්න මේ ලින්ක් එකෙන් එන්නලින්ක් එකෙන් එන්න

එක ගැටලුව දැනෙන විදිය වෙනස් නිසා ඇතිවන සැකය

2013-01-26T15:08:00.000+05:30

මිනිස් සිතක එක් දිනකදී කොතරම් සිතුවිලි ප්‍රමාණයක් ඇති වෙතැයි ඔබ සිතනවාද? සැබවින් ම එය දස ලක්ෂ ගණකටත් වැඩිය. මිනිස් සිත ක්‍රියාකරන ආකාරය අධ්‍යයනය කර බැලූවිට මෙම සංඛ්‍යාව මීටත් වැඩි බව පෙනෙන්නට තිබේ. සිතුවිලි පිළිබඳව ඇති අනෙකුත් විශේෂත්වය මෙයයි. මෙම අනන්තවත් වූ සිතුවිලි ප්‍රවාහය අපගේ සිතේ ඇතිවන්නේ අපගේ පාලනයට යටත්ව නම් නොවේ. ඒවා ඇතිවන්නේ අපගේ පාලනයෙන් තොරව, නිරායාසයෙනි. මෙය ඉතා වැදගත් කාරණයක් බව ඔබට වැටහේද? කෙළවරක් නැතිව ඉබේ ඇතිවන බොහෝ සිතුවිලි නිසා අපට හොඳ මෙන් ම නරකක් වුවත් සිදුවිය නොහැකිද?

සාමාන්‍යයෙන් අපගේ සිතුවිලි ඇතිවන්නේ එදිනෙදා සිදුවීම්, මතකයන්, විශ්වාසයන් සහ අපට අහන්නට දකින්නට ලැබෙන දේවල් ඇසුරු කොට ගෙන ය. එබැවින් අපගේ සාමාන්‍ය ජීවිතය සමබර, යහපත් එකක් නම් සිතුවිලි ද එවැනි ම වෙයි.

සිතට යම් සිතුවිල්ලක් පැමිණි විට සිදුවන්නේ කුමක්ද? ඒ සිතුවිල්ල ඇසුරෙන් යම් හැඟීමක් සිතේ ඇතිවීමයි. එසේ ඇතිවන හැඟීම් අප විසින් හොඳ, නරක, මධ්‍යස්ථ ආදී වශයෙන් බෙදාගෙන ඒවාට විවිධ ආකාරයෙන් ප්‍රතිචාර දැක්වීමට පුරුදු වී සිටිමු. යම්කිසි පරිසරයක් තුළ අපගේ හැසිරීම් රටාව තීරණය වන්නේ ඒ ආකාරයටයි.

නමුත් එකම සිදුවීමක් සම්බන්ධව වුවත්, පුද්ගලයන් දෙදෙනකු ප්‍රතිචාර දක්වන්නේ එකම ආකාරයට නොවේ. වෙනස් ආකාරයකට ය.

එයට හේතුව එම කාරණාව දෙදෙනකු විසින් තේරුම් ගන්නා ආකාරය වෙනස් නිසා ය. ඒ අනුව ඔවුන්ගේ සිතේ ඇතිවන හැඟීම්වල ඇති වෙනස්කම නිසා ය. වෙනත් ආකාරයකට පැවසුවහොත් එකම සිදුවීම, එක් අයෙකුට ගැටලුවක් වන්නේත්, තවත් අයෙකුට ගැටලුවක් නොවන්නේත් ඒ හේතුව නිසා ය.

ඉහත සඳහන් කළ මූලධර්මය මනෝ විද්‍යාත්මක ප්‍රතිචාර ක්‍රමයක් ලෙස නූතන ලෝකයේ බහුලව යොදාගනු ලැබේ. කෙනෙකුගේ සිතුවිලි හඳුනාගෙන හැඟීම් නිවැරදි කිරීම මඟින් ඔහුගේ චර්යා රටාව (හැසිරීම) වඩාත් යහපත් කළ හැකිය. එම ක්‍රමය හඳුන්වනු ලබන්නේ COGNITIVE BEHAVIORAL THERAPYයන නමිනි.

විශාදය, බය, මානසික ආතතිය, වැරදි පුරුදු හෝ විවිධ මානසික සංකූලතා ඇති අයට විවිධ අභ්‍යාස ක්‍රම තිබේ. ඒවා නිවැරදිව තෝරාගෙන ප්‍රගුණ කිරීමෙන් සාර්ථක ප්‍රතිඵල ලබාගත හැකි ය. මානසික රෝග සඳහා විවිධ ඖෂධ භාවිතා කරන අතරම ඇතැම් රෝගීන්ට ප්‍රතිකාර කිරීමට ඉහත ක්‍රමය යොදා ගනී. ඖෂධ වලට ප්‍රතිචාර නොදක්වන ඇතැම් රෝගීන් එවැනි ක්‍රමයකින් යථා තත්ත්වයට පත් කළ හැකි ය. ඒ සඳහා රෝගීන් සමඟ දීර්ඝ ලෙස අදහස් හුවමාරු කරගෙන, කෙටි හෝ දිගුකාලීන වැඩපිළිවෙළක් යටතේ අභ්‍යාස ප්‍රගුණ කළ යුතු ය.

අපගේ සිතේ නිරන්තරයෙන් ම ඇතිවන සිතුවිලි හා හැඟීම් නිවැරදිව සකස් කර නොගැනීම නිසා අපි විවිධ වැරදි පුරුදු, ඇබ්බැහිකම් හා ප්‍රශ්න වලට මැදිවී සිටිමු. මේ නිසා විවිධාකාර වූ මානසික ගැටලු රැසක් නිර්මාණය වී ඇති බව පෙනී යන කරුණකි.

යම් දෙයක් යම් අයකු විසින් දිගින් දිගටම නැවත නැවතත් කරගෙන යන විට එය ඔහුගේ පුරුද්දක් බවට පත්වෙයි. කලක් යනවිට එම පුරුද්ද විශ්වාසයක් බවට පත්වෙයි. එම විශ්වාසය තවත් කල්ගත වනවිට තමාගේ ‘පෞද්ගලික සත්‍යය’ බවට පත්වෙයි.

කෙනකු තුළ වැරදි ආකල්ප නිර්මාණය වන්නේ ඒ ආකාරයටයි. එසේ හිතේ පැළපදියම් වූ දේවල් ඉවත් කිරීම එතරම් පහසු කාර්යයක් නොවේ. එබැවින් ගැටලුව ඔඩුදිවීමට කලින් සුදුසු ප්‍රතිචාරයක් ලබාගැනීම ඉතාම වැදගත් වෙයි.

ඖෂධ ප්‍රතිකාර පිළිබඳව ඔබ බොහෝ දෙනෙකු අසා ඇතුවාට සැකයක් නැත. නමුත් මනෝ විද්‍යාත්මක ප්‍රතිකාර ක්‍රම ගැන බොහෝ දෙනෙකුගේ දැනුම අල්පය. ඉතා ම වැදගත් ප්‍රතිකාර ක්‍රමයයි සායනික මෝහන ප්‍රතිකාර ක්‍රමය .

සිතෙහි ඇති දුර්වලතාව හඳුනාගෙන එය සිතෙන් ම ඉවත් කිරීම තුළ පූර්ණ සුවය ලැබිය හැකි ය. එසේ නොකර ගැටලුවට හේතුව යටපත් කළහොත් එය යළිත් මතු වී කරදර ඇති කිරීමට උත්සාහ කරනු ඇත.

ගැටලු නැති පුද්ගලයන් ලෝකයේ විරලය. එබැවින් ගැටලුව හඳුනාගෙන එයට මුහුණ දිය යුතු ය.

ජීවිතය යනු එක්තරා ප්‍රශ්න පත්‍රයකි. එයට සාර්ථකව පිළිතුරු සැපයීමට හැකිනම් සාර්ථකව ජීවත් විය හැකි ය. ඒ මේ සඳහා සිත පිළිබඳව හොඳ අවබෝධයක් තිබිය යුතු ය.

හෙද නිලධාරීන්ගේ කාර්යක්ෂම කඩයීම් විභාගයෙහි 2012 ප්‍රතිඵල බලාගැනීමට

2013-01-24T21:05:00.000+05:30

The above Examination was held on 26.08.2012 in terms of the General Circular letter No. 02-60/2012 dated 17.05.2012 and the results sheet of the same is attached herewith.

ප්‍රතිඵල බලාගැනීමට මෙතනින්

මෙරපනම් ඖෂධය භාවිතය තහනම් කෙරේ

2013-01-24T20:49:00.001+05:30

පෙනමා මෙයොම් ලැබෝටරී(Penomer Meom Labortary) නැමැති ඉන්දියානු සමාගම නිපදවා මෙරටට එවන ලද මෙරපනම් නැමැති නික්ෂ්‍රේපණය රටපුරා භාවිතය අත්හිටුවීමට සෞඛ්‍ය අමාත්‍යංශය තීරණය කරයි.

මේ සම්බන්ධයෙන් වු චක්‍රලේඛයක් වහාම නිකුත් කරන ලෙස සෞඛ්‍ය ලේකම් වෛද්‍ය නිහාල් ජයතිලක මහතා සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතාට සහ ඖෂධ අධිකාරියේ අධ්‍යක්ෂ වෛද්‍ය හේමන්ත බෙනරගම මහතාට උපදෙස් දී ඇත.

ඒ මාරවිල මුලික රෝහලේ රෝගියෙකුට ලබාදීමට සුදානම් කර තිබූ අදාළ ප්‍රතිජීවක ඖෂධයේ වීදුරු කැබැල්ලක් යැයි සැක කෙරෙන ද්‍රව්‍යයක් සොයා ගැනීමත් සමගනි.

ආඩම්බර කම නිසා නැතිවෙන ඔබගේ පෞරුෂය Personality

2013-01-23T00:04:00.002+05:30

ඕනෑම කෙනෙකුට සමාජය තුළ ස්ථාවරව ජීවත් වීමටත්, අන් අය සමඟ සාර්ථකව කටයුතු කිරීමටත්, සමාජයේ විවිධ වෙනස්වීම් වලට අනුව හැඩ ගැසීමටත් හැකියාවක් තිබිය යුතුය. එම හැකියාව හඳුන්වන්නේ පෞරුෂය(Personality) යනුවෙනි. තව විදියකින් කිවහොත් පෞරුෂය යනුවෙන් හඳුන්වන්නේ යම් පුද්ගලයකු තුළ සමාජය පිළිබඳ පවතින හැඟීම්, ආකල්ප සහ හැසිරීම් රටාවල එකමුතුව මඟින් ඔහු තුළ ගොඩනැඟෙන අනන්‍යතාවයි.

යම් අයකු තවත් අයකුගෙන් වෙනස් වන්නේ ඔහුගේ පෞරුෂය අනුවය. සමාජය විසින් යම් පුද්ගලයකු මනින මිම්මක් ලෙස ද පෞරුෂය හැඳින්විය හැකිය. කෙනෙකුගේ පෞරුෂය පිළිබිඹු වන්නේ ඔහු විවිධ අවස්ථාවල සමාජයේ හැසිරෙන ආකාරය අනුවයි. ඔහුට තමා කරන කාර්යය සාර්ථක කරගැනීම සඳහා විශේෂ වූ පෞරුෂයක් තිබිය යුතුය. උදාහරණයක් වශයෙන් ජනපි‍්‍රය පුද්ගලයකු වීමට නම් ජනතාව ආකර්ෂණය කළ හැකි පෞරුෂයක් අවශ්‍යය. ගායකයකුට නම් හොඳ හඬ පෞරුෂයක් තිබිය යුතුය. නළුවෙකුට හෝ නිළියකට නම් හොඳ රංගන පෞරුෂයක් තිබිය යුතුය.

පෞරුෂය බොහෝ දෙනෙකු උපතින්ම රැගෙන එන දෙයකි. එසේම ළමයකු කුඩා කාලයේ සිට නිරාවරණය වන සමාජය අනුවත් ඔහුගේ පෞරුෂය ගොඩ නැංවෙයි. පෞරුෂ වර්ධනයේ අඩුපාඩු ඇති අයට හොඳින් සමාජය සමඟ කටයුතු කිරීම අපහසුය. එවැනි ඇතැම් අය රෝගීන් ලෙස ද මනෝ වෛද්‍ය විද්‍යාවේ හැඳින්වෙයි.

සමාජයේ විවිධ ආකාර වූ චරිත ඇති අය සිටිති. ඇතැම් අය තම නිවසට එක් ආකාරයකටත්, පිටතට තවත් ආකාරයකටත් සලකති. ඇතැම් අය නිතරම අන් අයව පාලනය කිරීමට උත්සාහ කරති. තවත් අය මිනිසුන් පිළිබඳව නොව තමාගේ කාර්යය පිළිබඳව පමණක් වැඩි උනන්දුවක් දක්වති. ඊට හේතුව ඔවුන්ගේ පෞරුෂවල ඇති වෙනස්කම් ලෙස පෙන්වා දිය හැකිය.

එසේ නම් හොඳ පෞරුෂයක් ඇති අය (Healthy Personality) ලෙස හැඳින්විය හැක්කේ සැබවින්ම හොඳ පෞරුෂයක් ලෙස හඳුන්වන්නේ, සමාජයේ වෙනස් වන ඕනෑම තත්ත්වයකට සාර්ථකව හැඩගැසීමට හැකි, මානසික වශයෙන් ස්ථාවර, ආකර්ෂණීය පුද්ගලයකුටය. එවැනි පුද්ගලයකු ඇසුරු කිරීමට බොහෝ අය කැමති වෙති.

ඇතැම් අය සිතා සිටින්නේ අනෙක් පුද්ගලයන් පාගාගෙන නැඟී සිටීම, කවර ආකාරයකින් හෝ කැපී පෙනීම සහ තමන්ගේ ප්‍රතිරූපය පුම්බා පෙන්වීම හොඳ පෞරුෂයක ලක්ෂණ බවයි. නමුත් ඒවා දුර්වල පෞරුෂ ඇති අයගේ ලක්ෂණ වෙයි. අහංකාරකම, අනෙක් අයට අනවශ්‍ය පරිදි බලපෑම් කිරීම සහ තමාගේ ඕනෑ එපාකම් පිළිබඳව පමණක් සිතීම දුර්වල පෞරුෂයක් ඇති අයගේ ස්වභාවයයි.

ඔබ දැනට කටයුතු කරගෙන යන ආකාරය පිළිබඳව ඔබට සෑහීමකට පත්විය හැකි ද? අනෙක් පුද්ගලයන් අතර ඔබ පිළිබඳව ඇති ප්‍රතිරූපය කුමක් ද? ඇත්තෙන්ම ඔබ කවර ආකාරයේ කෙනෙක් ද?

ඉහත සඳහන් සියලු ප්‍රශ්නවලට සාර්ථක විසඳුම් සපයා ගැනීමට නම් ඔබ තුළ යහපත් පෞරුෂ වර්ධනයක් ඇතිකරගත යුතුය.

හොඳ පෞරුෂයක් ගොඩනඟා ගන්න ඒ සඳහා ක්‍රම බොහෝ තිබේ.වැදගත්ම කාරණය වන්නේ ඒ සඳහා තද අවශ්‍යතාවක් සහ කැපවීමක් තිබීමයි. අපට බොහෝ කාලයක් හුරු පුරුදු වී තිබෙන දේවල් වෙනස් කිරීම එතරම් පහසු නැත. නමුත් එය කළ නොහැකි දෙයක් ද නොවේ.

අනාගතයේදී තමා බලාපොරොත්තු වන්නේ කවර ආකාරයේ පුද්ගලයකු වීමට ද? ඒ ගැන කලින්ම නිශ්චය කරගෙන දැන් සිටම ඊට ගැළපෙන ආකාරයට සිතීමටත්, කටයුතු කිරීමටත් පටන්ගත යුතුය.

අප අවට සමාජයේ සිටින සාර්ථක පෞරුෂ ඇති අය දෙස බලා ඊට හේතු විමසිය යුතුය. ඔවුන්ගේ එම සාර්ථකත්වයේ ලක්ෂණ තමා තුළ ද ඇතිකරගත යුතුය.

හොඳින් ඉගෙන ගැනීම (උගත්කම) හොඳ පෞරුෂයකට අත්‍යවශ්‍ය අංගයකි. අනාගතය පිළිබඳව පැහැදිලි සැලසුමක් සහ ධනාත්මක ලෙස සිතීමක් තිබිය යුතුය.

ඇතැම් විට ඔබ දැනට කරන රැකියාව හෝ ජීවත්වන පරිසරය නුසුදුසු නම් එය වෙනස් කරගැනීම පිළිබඳව සිතිය යුතුය.

රැකියාව නැමති කාරණය ඉතා වැදගත් වන්නේ බොහෝ දෙනෙකු බාහිර සමාජය සමඟ සම්බන්ධ වන්නේ තම රැකියාව නිසා බැවිනි. එබැවින් තමා කැමති පෞරුෂයට ගැළපෙන රැකියාවක් තෝරා ගැනීම හෝ දැනට කරන රැකියාව තුළ යම් වෙනස්කම් ඇතිකර ගැනීම සුදුසුය.

යම් පුද්ගලයකු පිළිබඳව අන් අයට මුලින්ම හැඟීමක් ඇතිවන්නේ ඔහුගේ හෝ ඇයගේ බාහිර ස්වරූපය දෙස බැලීමෙනි. එබැවින් තමාගේ රූපය අන් අයට පි‍්‍රයජනක ලෙස තබා ගැනීම වැදගත්ය. ඇතැම් අය විවිධ විලාසිතා කිරීමෙන් තම ස්වරූපය ඔප් නැංවීමට උත්සාහ කරති. එහි වරදක් නැත. නමුත් ඇතැම් පිරිමින්ගේ සහ ගැහැනුන්ගේ විලාසිතා දකින විට ඔවුනට යම් මානසික රෝගී බවක් ඇත්දැයි සැක සිතෙයි.

තමාගේ ශරීර ඉරියවු නිවැරැදි ලෙස පවත්වා ගැනීම අන් අයගේ අවධානය දිනා ගැනීමට හැකි ක්‍රමයකි. ශරීරය සෘජුව පවත්වා ගැනීම, අත් පා ක්‍රමානුකූලව හැසිරවීම සහ යම් අයකු සමඟ කතා කරන විට සෘජුවම ඔහුගේ ඇස් දෙස බලා කතා කිරීම ඉතා වැදගත්ය.

මේ ආකාරයට හැසිරිය යුත්තේ සැහැල්ලුවෙන් සහ විශ්වාසයකින් යුතුවය. එසේම ඒවා කළ යුත්තේ එක්තරා පාලනයකින් යුතුව බව සඳහන් කළ යුතුය. පමණට වඩා හිතට ගැනීමට ගියහොත් ඒ බව අන් අයට පහසුවෙන් වැටහෙයි. ඕනෑවට වඩා උජාරුකම් පෙන්වමින් සිරුර කෙළින් කරගෙන යන අය සමාජයේ හඳුන්වන්නේ “මෝල්ගස් ගිල්ල පිඹුරා වගේ” යනුවෙනි.

හොඳ පෞරුෂයක් ඇති අයකු නිතරම කල්පනා කරන්නේ තමා අවට සිටින පුද්ගලයන්ගේ සිතුම් පැතුම් සහ ඕනෑ එපාකම් පිළිබඳවය. ඔහු කිසි විටෙකත් අන් අයව අපහසුතාවට පත් නොකරන අතර ඔවුනට හොඳින් සලකයි. කවර තරාතිරමක පුද්ගලයකුට වුවද හොඳින් කතා කිරීම ඉතා වැදගත්ය. අප අවට නිතර සිටින අය අප පිළිබඳව දන්නා බැවින් යම් වරදක් හෝ අඩුපාඩුවක් වුවද එය නිවැරැදි කරගත හැකිය. නමුත් නාඳුනන පුද්ගලයන් සමඟ කටයුතු කිරීමේදී නිතරම කල්පනාකාරී විය යුතුය. ඔවුහු එක වචනයකින් හෝ එක ක්‍රියාවකින් පමණක් ඔබව මුළුමනින්ම තක්සේරු කරති.

විවිධ වර්ගවල අදහස් ඇති මිනිසුන් ආශ්‍රය කිරීම ද තම පෞරුෂ වර්ධනය සඳහා ඉවහල් වන කරුණකි. ඔවුන්ගෙන් යම් යම් දේ තම ජීවිතයට එකතු කරගත හැකිය. හැකි හැම අවස්ථාවකම අන් අයට උදව් කිරීමත් ඔවුනට ගෞරවාන්විත ආකාරයට සැලකීමත් ඔබ සමාජයේ ගෞරවයට පාත්‍ර විය හැකි ක්‍රමයකි. විශේෂයෙන්ම කුඩා දරුවන්ට, ළදරුවන්ට ආදරය දක්වන අයට සෑම කෙනෙකුම කැමතිය. ඔබ අන් අයව වැදගත් කොට සලකන බව හැඟවීමට ඇති හොඳම ක්‍රමයක් නම් ඔවුන්ට හොඳින් සවන්දීමය. ඔවුන්ගේ අදහස් ද සලකා බැලීමය.

නමුත් අවසාන වශයෙන් නිවැරැදි තීරණය ගත යුත්තේ ඔබ විසිනි. හොඳ පෞරුෂයක් ඇති තැනැත්තාට ඕනෑම ප්‍රශ්නයක් පිළිබඳව තමාගේම මතයක් තිබෙන අතර, සෘජු තීරණ ද ගත හැකිය.

ඉතා දැවැන්ත පෞරුෂයකට හිමිකම් කියන අන්තර්ජාතික වශයෙන් ජනපි‍්‍රය රංගන ශිල්පියෙක් කලකට ඉහත අප රටට පැමිණියේය. ඔහු පැමිණි විගසම මාධ්‍ය සාකච්ඡාවක් පැවැත්වූයේ ‘තමාට ආදරය කරන රසික පිරිස ඇමතීම සඳහාය. විවිධ අය ඔහුගේ විවිධ ප්‍රශ්න ඇසු අතර ඒවා බොහොමයකට ඔහුගෙන් ලැබුණේ සරල, හාස්‍යජනක පිළිතුරු වීම විශේෂයකි.

හාස්‍යය යනු මිනිසුන් ආකර්ෂණය කරන, සිත් දිනාගත හැකි අපූරු දෙයකි. එබැවින් ඔබට අනෙකුත් පුද්ගලයන්ට හාස්‍ය රසය ද ලබාදිය හැකිනම් එය ඉතා හොඳ දෙයකි. සැබවින්ම අන් අය සමඟ අවංක ලෙස විහිළුවක් කර සිනාසිය හැක්කේ නිරහංකාර, සරල, මෙන්ම මිනිසුන්ට ආදරය කරන අයෙකුට පමණි. එය ඉතා හොඳ පෞරුෂයක ලක්ෂණයකි.

හොඳ පෞරුෂයක් ඇති අය නිසා සමාජයට වන්නේ යහපතකි. එබැවින් සෑම කෙනෙකුම තමා තුළ හොඳ පෞරුෂයක් ඇතිකර ගැනීමට උත්සාහ කළ යුතුය.

ඔබට දැනටමත් එය තිබේ නම් ඔබ විශාල ජයග්‍රාහකයෙකි. ඔබ ඇති තැන මෙන්ම නැති තැන ද අනෙක් අය ඔබ පිළිබඳව සතුටින් කතා කරයි නම්. ඔබගේ ඇසුර නිතරම අන් අයට සහනයක් සතුටක් ඇති කරයි නම්, ඔබට අනිවාර්යයෙන්ම හොඳ පෞරුෂයක් හිමි ය.

කාන්තා ඔබ මේ ගැනත් හිතුවාද? නහර ගැට ගැසීමේ වැඩි අවධානම ඔබටයි

2013-01-22T04:18:00.000+05:30

පාදවල නහර ගැටගැසීම වර්තමානයේ බොහෝ කාන්තාවන් මුහුණ දෙන රෝගී තත්ත්වයකි. එය හඳුන්වන්නේ Varicose veins නමිනි. පිරිමින්ට මෙම රෝගී තත්ත්වය ඇති නොවෙනවා නොවේ. වර්තමානයේදී කාන්තාවන්ගෙන් සියයට 30 - 40 පමණ පිරිසක් ද පිරිමින්ගෙන් සියයට 10 - 20 පමණ පිරිසක් ද පාදවල නහර ගැටගැසීමේ රෝගයට මුහුණ පා සිටිති.

මේ රෝගය ඇතිවන්නේ පාදවල පමණක් නොවේ. දෑත්වල ද ඇතිවීමේ හැකියාව ඇත.රෝගයේ පළමු බලපෑම එල්ලවන්නේ මනසට ය. එසේ වන්නේ රෝගය ඇතිවීමෙන් පසුව පාදවල සහ දෑත්වල ඇතිවන අවලස්සන බව නිසා ය. මෙම රෝගයේ සංකූලතාව ඇතිවන්නේ රෝගය ඇති වී කලක් ගත වූ පසුව ය. එතෙක් රෝගියාට වැඩි අපහසුතාවක් දැනෙන්නේ නැත.

‘නහර ගැට ගැසීම’ ලෙස මේ රෝගය හැඳින්වූව ද මෙහිදී නහර ගැට ගැසීමක් සිදුනොවේ. මෙහිදී සිදුවන්නේ පාදවල නහර (ශිරා) ඉදිමී, නිල් පැහැ වී එම ශිරා හැකිළී විකෘති වීම ය. රෝගයේ මුල් අවස්ථාවේදී එම රෝග ලක්ෂණය පෙන්වන්නේ පාදයේ දණහිසෙන් පහළ කොටසේ ය. රෝගය උග්‍රවන විට එම තත්ත්වය පාදයේ ඉහළ කොටස දක්වා පැතිරී යයි.

මේ රෝගයට ගොදුරු වූවන්ට දැනෙන පළමු රෝග ලක්ෂණය වන්නේ පාදයේ වළලුකර අසළ කොටස ඉදිමීම ය. එය බොහෝ විට සිදුවන්නේ සවස් කාලයේ දී ය. දිනය පුරා රැකියාවක නිරත වී සවසට නිවසට ගිය විට පාදයේ වළලුකර ආශ්‍රිත ප්‍රදේශය ඉදිමී ඇති බව පෙනී යනු ඇති.

එසේ ම සවස් වන විට පාදවල බර ස්වභාවයක් දැනීමට පටන් ගැනීම ද රෝගයේ මුල් අවස්ථාවේ ලක්ෂණයකි. මෙහිදී පාද එක ඉරියව්වක තබාගෙන සිටිය නොහැකි ආකාරයේ අපහසුතාවක් ද ඇතිවේ. එමෙන් ම පාදය ආශ්‍රිත වළලුකර ප්‍රදේශය කැසීමට පටන්ගනී. මෙය දදයක ආකාරයෙන් කසන පුද්ගලයින් ද දැකගත හැකි ය. මෙම සෑම රෝග ලක්ෂණයක් ම උදෑසනට වඩා දහවල් වනවිට උග්‍ර අතට හැරේ.

එසේ ම පාදයේ පහළ කෙළවර සමේ පැහැයේ වෙනසක් ඇතිවීමට ද පටන් ගනී. එම ප්‍රදේශයේ සම මතුපිට තිත් තිත් ස්වභාවයක් ද ඇතිවේ. එසේ නැතිනම් පාදයේ ඉතිරි ප්‍රදේශයේ සමේ පැහැයට වඩා තද පැහැයකට හැරීමට පටන්ගනී. එසේ ම වළලුකර ආශ්‍රිත සම ගනවීමට ද පටන්ගනී. රෝගයට ගොදුරු වූ අයකුගේ පාදයේ සම පාදයේ අස්ථියට ඇලෙන ස්වභාවයකට පත්වීම ද රෝග ලක්ෂණයකි.

තරමක බිය උපදවන සුලු රෝග ලක්ෂණ ද මේ රෝගයේ දී පෙන්නුම් කෙරේ. ඒ පාදය කැසීමෙන් පසුව හෝ නොදැනුවත්වම හෝ පාදයෙන් රුධිරය ගැලීමට පටන්ගැනීම ය. එය හදිසියේ සිදුවන්නකි. මෙහිදී රුධිරය ගැලීමක් සිදුවුව ද වේදනාවක් නොදැනේ. බොහෝ විට මෙම තත්ත්වයට පත් වූ රෝගීන්ගේ පාදයෙන් රුධිරය ගලනු දකින්නේ අසල සිටින අයකු විය හැකි ය.

පාදවල නහර ගැට ගැසීමේ රෝගය, රුධිරය ගලායාමේ තත්ත්වය දක්වා වර්ධනය වූ පසුව එය නොදැනුවත්වම ඇතැම් විට භයානක රෝගී තත්ත්වයක් දක්වා වර්ධනය විය හැකි ය. මෙම රෝගයට ගොදුරු නොවී සිටීමට මෙන් ම මෙයින් මිදීම සඳහා ද රෝගය ඇතිවීමට හේතුවන කරුණු හඳුනා ගැනීම වැදගත් ය.

අපගේ ශරීරයේ සෑම ඉන්ද්‍රියයක් ම අවයවයක් ම නිරෝගී ව පවත්වාගෙන යාමට රුධිරය අවශ්‍යය. හෘදයේ සිට ශරීරය පුරා රුධිරය ගෙන යන්නේ ධමනි මඟින්ය. එසේ ශරීරය පුරා ගමන් කළ රුධිරය හෘදය වෙත නැවත ගෙන එන නාළ හඳුන්වන්නේ ශිරා නමිනි.

මෙම ධමනි පද්ධතියත් ශිරා පද්ධතියක් ක්‍රියා කරනු ලබන්නේ වෙන වෙනම ය. එම නාළ පද්ධති දෙකට අමතරව වසා නාළ නමින් තවත් කුඩා රුධිර නාළ පද්ධතියක් ද ඇත. නහර ගැට ගැසීම රෝගය ඇති වන්නේ ශිරා පද්ධතිය තුළ ය. මෙම තත්ත්වය බහුලව ඇතිවන්නේ පාදවල ය.

පාදවල ශිරා පද්ධති දෙකක් ඇත.ශරීරයේ මතුපිටින් තිබෙන ශිරා පද්ධතිය සහ ශරීරයේ ඇතුළතින් තිබෙන ශිරා පද්ධතිය යනුවෙනි. නහර ගැටගැසීමේ රෝගය ඇතිවන්නේ මතුපිටින් තිබෙන ශිරා පද්ධතිය තුළ ය.

නහර ගැටගැසීමේ රෝගය ඇති වූ විට මතුපිට ශිරා පද්ධතිය මගින් සාමාන්‍යයෙන් සිදු කෙරෙන කාර්යය වෙනස්වේ. එනම් අපිරිසුදු රුධිරය හෘදය වෙත ගමන් කිරීමේ කාර්යය වෙනස් වේ. එම ශිරා තුළ පිහිටි කපාට අක්‍රියවීම මෙයට හේතු වය. අප සිටගෙන සිටින අවස්ථාවක වුව ද අපගේ පාදවල තිබෙන අපිරිසුදු රුධිරය ශරීරයේ ඉහළින් තිබෙන හෘදය වෙත ගමන් කරයි.

ඒ සඳහා උපකාරී වන්නේ ශිරා තුළ ඇති කපාට සතු අපූරු ක්‍රියාකාරිත්වය ය. පාදවල මස් පිඬු තෙරපීම නිසා ශිරා තුළ ඇති කපාට ඉහළට ඇරී අපිරිසුදු රුධිරය ඉහළට ගමන් කරයි.සාමාන්‍යයෙන් එම රුධිරය පහළට ගමන් කරන්නේ නැත. ඒ අපිරිසුදු රුධිරය පහළින් ඉහළට පොම්ප වූ විට ශිරා තුළ ඇති කපාට වැසී රුධිරය පහළට ගමන් කිරීම වැළකෙන නිසාය. ශිරා තුළ ඇති කපාටවල ක්‍රියාකාරිත්වය අඩපණ වූ විට පාදවල සිට ඉහළට ගමන් කරන රුධිරය නැවත පහළට ගමන් කරයි. එහි ප්‍රතිඵලය වන්නේ ශිරා තුළ අපිරිසුදු රුධිරය එක් රැස්වීම ය... රුධිරය එක් රැස්වූවිට එම ශිරා දික් වී ඇදවී විකෘතිවේ. එවිට එම ශිරා සම තුළින් පිටතට පෙනෙන්නේ ගැට ගැසී ඇති ආකාරයකට ය.

එසේ ශිරා විකෘති වීමෙන් ශිරාවල නියමිත කාර්ය වන හෘදය වෙත රුධිරය ගමන් කිරීම සිදුනොවේ. එහෙත් ඇතුළතින් ඇති ශිරා මගින් පාදවල තිබෙන අපිරිසුදු රුධිරය හෘදය වෙත ගෙන යනු ලබයි. යම් හෙයකින් යමෙකුගේ ඇතුළින් ඇති ශිරා වල ද කිසියම් ගැටලුවක් මතු වුවහොත් රෝගියා පත් වන්නේ ඉතා අසීරු තත්ත්වයකට ය.

නහර ගැටගැසීමේ රෝගයට යමෙකු ගොදුරු වූ විට ශිරා තුළ පීඩනය වැඩිවේ. ඇතැම් විට එය රසදිය මිලිමීටර් 200 ක අගයටත් වඩා වැඩිවේ. පාදවල විකෘති වූ නහර ඇතිවන්නේ එම පීඩනය නිසා ය. රෝගය උත්සන්න වූ විට නොදැනුවත්වම පාදවලින් රුධිරය පිටතට ගලන්නේ ද එම ශිරා තුළ පීඩනය වැඩි වී රුධිර සෛල, තරල පිටතට පැමිණීම නිසා ය.

රෝගයට ගොදුරු වූ විට පාදවල ඇති ශිරා තුළ අපිරිසුදු රුධිරය පිරී තිබීම නිසා ඒවාට පිරිසුදු රුධිරය ඒම වළකී. එම ශිරා සහිත ප්‍රදේශයේ සම කළු පැහැ ගැන්වෙන්නේ ඒ නිසාය.

රෝගය ඇති අයකුගේ ශරීරයේ තුවාලයක් ඇති වූ විට එම තුවාලය දිනක් හෝ දෙකක් ගතවන විට විශාල වේ. එහෙත් නිසි ප්‍රතිකාර කිරීමෙන් එම තුවාලය සම්පූර්ණයෙන්ම සුවකර ගත හැකිය. නහර ගැටගැසීමේ රෝගය ඇතිවූ විට සුවවෙවී නැවත නැවත ඇතිවන තුවාල සහිතව වෛද්‍යවරයා වෙත රෝගීන් පැමිණෙන්නේ මේ නිසාය.

ශිරා තුළ තිබෙන කපාට අක්‍රිය වීමට බලපාන ප්‍රධානම හේතුව වන්නේ එම කපාට මත අධික පීඩනයක් ඇතිවීමය. ඉහතින් සඳහන් කලාක් මෙන් කාන්තාවන් අතර මෙම රෝගය බහුල අතර ඒ අතරින්ද දරුවන් ලද මවුවරු අතර මේ රෝගය බහුල බව පෙනී යයි. දරුවා මවුකුස තුළ සිටින කාලයේදී දරුවාගේ හිස මඟින් විශාල පීඩනයක් මවගේ ශ්‍රෝණි ප්‍රදේශයේ තිබෙන ශිරා මත ඇති කරයි.

එවිට ගර්භනී කාන්තාවගේ පාදවල තිබෙන රුධිර නාලවල පීඩනය ඉතා වැඩිවේ. ගර්භනී කාන්තාවන්ගේ පාද ඉදිමෙන්නේ ඒ නිසාය. ගර්භනී සමයේදී ඇතිවන එම තත්ත්වය පසුකාලීණව නහර ගැටගැසීමේ රෝගය ඇතිවීමට බලපෑ හැකිය.

ඉහත කාරණයට අමතරව ශිරා තුළට විෂබීජ ඇතුළුවීම නිසා ද ශිරාවල කපාට අක්‍රිය වීමට හේතුවේ’ එම ප්‍රධාන හේතු දෙකට අමතරව පාදවල නහර ගැටගැසීමේ රෝගය ඇතිවීමට පාරම්පරික බලපෑම ද හේතුවන බව පැහැදිලිය.

පාදවල නහර ගැට ගැසීම යම් තරමක භයානක රෝග තත්ත්වයක් වුවද නිසි ප්‍රතිකාර ගැනීමෙන් රෝගයෙන් මිදීමේ හැකියාව ඇත. ප්‍රතිකාර තීරණය වන්නේ රෝගයේ තත්ත්වය අනුවය. මේ රෝගයට වැඩියෙන්ම ගොදුරු වන්නේ දවසේ වැඩිම වේලාවක් එකම ඉරියව්වෙන් ගත කරන උදවියය. එම ඉරියව්ව සිටගෙන හෝ වාඩිවී සිටින ඉරියව්වක් විය හැකිය.

රෝගයෙන් වැළකී සිටීමට ඇති හොඳම ක්‍රමය වන්නේ එකම ඉරියව්වකින් පැය ගණනක් එක දිගට ගත නොකිරීමය. වඩාත්ම සුදුසු වන්නේ පැයකට පමණ පසුව විනාඩි කීපයක් ඉරියව්ව වෙනස් කිරීමය.

පාද ඉදිමී ඇත්නම් වඩාත්ම සුදුසු වන්නේ රාත්‍රියේදී එම පාද ඉහළින් තබාගෙන සිටීමය. රෝගය ඇතිවූ මුල් අවස්ථාවේදී වෛද්‍යවරුන් උපදෙස් දෙන්නේ පාදයට මේස් එකක් පැලඳ සිටින ලෙසටය. එය තරමක් අසීරු වුවද සාර්ථක ප්‍රතිකර්මයකි. එසේ නැතිනම් බැන්ඩේජ් පටියකින් පාදය වෙළීමට උපදෙස් දෙනු ලැබේ. බැන්ඩේජ් එක පැලඳිය යුත්තේ දහවල් කාලයේදීය.

රාත්‍රී කාලයේදී පමණක් පැලඳීමෙන් ප්‍රයෝජනයක් අත්වන්නේ නැත. එම බැන්ඩේජය පැලඳිය යුත්තේ වෛද්‍ය උපදෙස් සහ නිර්දේශය මත පමණි. එසේම එය පැලඳීම ඉතාම නිවැරැදිව කළ යුතුය. එසේ නොවුණහොත් අහිතකර ප්‍රතිඵල ඇති වීමට ඉඩ තිබේ. මේ ප්‍රතිකර්ම දෙක මඟින් රෝගය වර්ධනය වීම පාලනය කර ගත හැකිය. එහෙත් එමඟින් රෝගය සුව නොවේ. මෙහිදී වඩාත්ම සුදුසු වන්නේ ශල්‍ය වෛද්‍ය වරයකුගේ උපදෙස් පැතීමය.

එහිදී ස්කෑන් පරීක්‍ෂාවක් මඟින් ශිරා තුළ ඇති කපාටවල ක්‍රියාකාරිත්වය පරීක්ෂා කෙරේ. ශිරාවල ස්වභාවය තීරණය කළ පසුව වෛද්‍යවරයාට ප්‍රතිකාර ආරම්භ කළ හැකිය. මෙහිදී මූලිකම වෛද්‍ය ප්‍රතිකාරය වන්නේ ශිරා සඳහා එන්නතක් ලබා දීමය. එම එන්නත මඟින් ඇති වන්නේ තාවකාලික සුවයක් පමණි. රෝගය බරපතළ තත්ත්වයට පත්වී ඇත්නම් වඩාත් සුදුසු වන්නේ ශල්‍යකර්මයක් මඟින් අදාළ ශිරා සැකසීම හෝ ඉවත් කිරීමය.

එසේ ශිරා කීපයක් ඉවත් කිරීම මඟින් කිසිඳු හානියක් සිදු නොවේ. ඒ; රුධිරය ගමන් කිරීමට ඇති තරම් ශිරා අපගේ ශරීරයේ තිබෙන නිසාය. රෝගය උත්සන්න අවස්ථාවක නොපවතී නම් ලේසර් ප්‍රතිකාර මඟින් ද යම් සහනයක් බලාපොරොත්තු විය හැකි වුවද වඩාත්ම සුදුසු වන්නේ ශල්‍යකර්මයක් සිදු කිරීමය.

ශල්‍යකර්මයකින් පසුව ද ඉතාම සුළු පිරිසකට රෝගය නැවත ඇතිවීමේ හැකියාව ඇත. ඒ 5% කට වැනි ඉතාම සුළු පිරිසකටය. ශල්‍යකර්මයක් සිදුකර රෝගී වූ ශිරාවක් ඉවත් කිරීමෙන් පමණක් රෝගය ශරීරයෙන් ඉවත් වෙන්නේ නැත. රෝගයට නැවත ගොදුරු නොවී සිටීමට රෝගයට හේතුවන ජීවන රටාවේ වෙනස්කම් ද රෝගියා අති කර ගත යුතුය.

මෙහිදී සිදු කරනු ලබන ශල්‍යකර්මය ඉතා සුළු ශල්‍යකර්මයකි. එය උදෑසන රෝහලට පැමිණ සවස නිවසට යා හැකි ආකාරයේ ඉතා සරල ශල්‍යකර්මයකි. මෙහිදී නිර්වින්දනය කිරීමක් ද සිදු නොවේ. මෙම ශල්‍යකර්මය සිදු කිරීමෙන් පසුව දින ගණනක් එක්තැන් වී සිටීම සුදුසු නැත.

ශල්‍යකර්මයෙන් දිනකට පසුව ඇවිදීම සුදුසුය. දියවැඩියාව හෘද රෝග වැනි රෝගවලින් පෙළෙන උදවිය පාදවල නහර ගැට ගැසීමේ රෝගය සඳහා කරනු ලබන ශල්‍යකර්මයට බිය විය යුතු නොවේ. විශේෂයෙන්ම දියවැඩියා රෝගයට ගොදුරු වූවන් මෙම ශල්‍යකර්මය සිදුකර ගැනීම ඉතා වැදගත්ය.

මෙරට බොහෝමයක් රෝගීන්ද?

2013-01-13T21:20:00.000+05:30

මෙරට පුද්ගලයන්ගෙන් 90%ක් දිනපතා කුමක් හෝ ඖෂධයක් භාවිත කරන බව සෞඛ්‍ය අමාත්‍යංශය පවසයි.රජයේ රෝහල්වලට පමණක් මාසිකව පැරසිටමෝල් පෙති මිලියන 45ත් 50ත් අතර ප‍්‍රමාණයක් අවශ්‍ය වන බව ඔවූහු පෙන්වා දෙති.

වසරකට පැරසිටමෝල් පෙති මිලියන 570ක් පමණ අවශ්‍ය වන බවත් මීට අමතරව බොහෝ පුද්ගලයන් පෞද්ගලික ආයතන මගින් ද විවිධ වර්ගයේ ඖෂධ මිලදී ගැනීමට පෙලැඹී ඇති බවත් සෞඛ්‍ය අමාත්‍යංශය පවසයි.

ඒ අනුව දෛනිකව මෙරට පුද්ගලයන්ගෙන් 90%ට ආසන්න ප‍්‍රමාණයක් කුමක් හෝ ඖෂධයක් භාවිත කරන බව අනාවරණය වී තිබේ.

බොහෝ දෙනකු වෛද්‍ය උපදෙස් නොමැතිව ඖෂධ භාවිතයට පෙලැඹී ඇති බැවින් විවිධ සංකූලතාවලට ගොදුරු වීමේ අවදානමක්ද පවතින බව අමාත්‍යංශය වැඩිදුරටත් සඳහන් කෙළේය.

මාරක ජලභීතිකා වෙන් වැලෙකෙමු

2013-01-12T13:22:00.000+05:30

කිසියම් පුද්ගලයෙකු ජලභීතිකාව යැයි සැක කිරීමකින් මිය ගියහොත් එම පුද්ගලයා පශ්චාත් මරණ පරීක්ෂණයකට යොමු කළ යුතු අතර, එම මානව මොළය වෛද්‍ය පර්යේෂායතනය වෙත වැඩිදුර පරීක්ෂණ සඳහා ලබාදිය යුතුය. සෞඛ්‍ය අමාත්‍යාංශය මගින් විශේෂිත චක්‍රලේඛයක් මගින් මෙලෙස මානව මොළ වෛද්‍ය පර්යේෂණායතනය වෙත එවන ලෙස සියලුම රෝහල් බලධාරින් දැනුවත් කර තිබේ.

බල්ලන්, බළලුන් වැනි සතුන් අපගේ සුරතලුන් මෙන්ම අපගේ ආරක්ෂකයන්ද වෙති. නමුත් අපගේම නොසැළකිල්ල නිසා ඔවුන් නිසා අපගේ මරණයද සිදුවිය හැක. වගකීමෙන් යුතුව සුරතල් සතුන් ඇති කිරීමට සෑම පුද්ගලයෙකුම පෙළඹිය යුතුය. අයාලේ යෑමට, සතුන්ට ඉඩ නොදිය යුතුය. සපාකන සතෙක් නම් කටකලියාවක් දැමීම හෝ බැඳ තැබීම කළ යුතුය.

සෞඛ්‍ය අමාත්‍යාංශය, වෛද්‍ය පර්යේෂණ ආයතනය, සත්ව නිෂ්පාදන දෙපාර්තමේන්තුව, රාජ්‍ය නොවන ආයතන හා එක්ව අයාලේ යන සුනඛයන් එන්නත් කිරීමේ විශේෂ වැඩ පිළිවෙලක්ද මේ වන විට අරඹා තිබේ. එක් වරක් සතෙකු සපා කෑ විට දෙන එන්නත් මාලාව මුළු ජිවිත කාලයටම වලංගු නොවන බව මතක තබා ගත යුතු කරුණකි. නමුත් ලබාදෙන එන්නත් කාඩ්පත සුරක්ෂිතව තබා ගත යුතු අතර නැවත වරක් සතෙකු සපා කෑ විටෙකදී හැකිනම් එම සතාට ලබාදී තිබෙන එන්නත් පිළිබඳ සටහන් කර ඇති කාඩ් පතද සමඟ රෝහලට පැමිණිය යුතුය.

සමාජයේ සෙසු ප්‍රජාවගේ ආරක්ෂාවටත්, එමෙන්ම තම සුරතල් සතාගේ ආරක්ෂාව පිණිසත් බල්ලන්ට, බළලුන්ට නිසි පරිදි එන්නත් ලබාදීම අපගේ වගකීමකි. සාමාන්‍යයෙන් බලු පැටවකු ඉපදී සති 06ක් තුළදීත්,නැවත මාස 03ක් ගතවු විටදීත්, ඉන්පසු සෑම වසරක් පාසාත් ජලභීතිකා එන්නත ලබාදීම වැදගත් කරුණකි.

කිසි විටෙකත් අයාලේ යන සතුන් හෝ කැලෑ සතුන් තම නිවෙසට රැගෙන නොයෑම, සුරතල් නොකිරීමද වැදගත්ය. ඔබ ඔබගේ යුතුකම නිසි පරිදි ඉටු කරන්නේ නම්, වගකීමෙන් යුතුව සුරතල් සතුන් ඇති කරන්නේ නම් සතුන්ටවත්, මිනිසාටවත් කිසිදා හානියක් නොවනු ඇත.

ඔබ සුරතලයට ඇති කරන සතුන්ගෙන් අනවශ්‍ය පරිදි පැටවුන් ලබා නොගෙන ඔවුන්ව වන්ධ්‍යාකරණ සැත්කම්වලට භාජනය කිරීමත්, ලැබෙන පැටවුන් පාසල්, පන්සල් ආදීයට ගෙන ගොස් නොදැමීමටත් කටයුතු කිරීම ප්‍රජාවගේ වගකීමක්ද වන්නේය.

ඖෂධ හොරුන් බඩුත් එක්ක අහුවෙයි

2013-01-11T09:50:00.000+05:30

රෝගීන් වෙත නිකුත් කිරීම සඳහා සෞඛ්‍ය දෙපාර්තමේන්තුවෙන් ලබාදී ඇති ඉන්සියුලින් එන්නත් ඖෂධ අඩංගු බෝතල් 06 ක්‌ නුවරඑළිය නගරයේ පෞද්ගලික ඖෂධ වෙළෙඳ සලක තිබී පාරිභෝගික සේවා අධිකාරියේ නුවරඑළිය දිස්‌ත්‍රික්‌ වැටලීම් ඒකකය මගින් 08දා අත්අඩංගුවට ගෙන ඇත.

ඉන්සියුලින් එන්නත අඩංගු කුඩා බෝතලයක්‌ රුපියල් 1300/= කට විකුණනු ලැබූ අවස්‌ථාවේදීම සැකකරු අත්අඩංගුවට ගත්හ. ඖෂධ වෙළෙඳසල පරීක්‍ෂා කිරීමේදී ඉතිරි ඉන්සියුලින් එන්නත් බෝතල් 05 අත්අඩංගුවට ගැනිනි.

දියවැඩියා රෝගීන්ගේ සායනයේදී, රෝගීන් වෙත නොමිලේ නිකුත් කිරීමට සෞඛ්‍ය දෙපාර්තමේන්තුවෙන් ලබාදී ඇති මෙම එන්නත පෞද්ගලික ඖෂධ වෙළෙඳසලකට කෙසේ නිකුත් කළේද යන්න සෞඛ්‍ය දෙපාර්තමේන්තුව මගින් විශේෂ පරීක්‍ෂණයක්‌ කරන බව නුවරඑළිය මූලික රෝහලේ නිලධාරියෙක්‌ පැවැසීය.

ඖෂධ වෙළෙඳ සලේ හිමිකරුවා හා අත්අඩංගුවට ගත් ඖෂධ මෙම මස 17 වැනි දින නුවරඑළිය දිසා අධිකරණය හමුවට ඉදිරිපත් කිරීමට නියමිතයි.

වැස්ස නිසා වැඩිවෙන මාරාන්තික මී උණ | Leptospirosis

2013-01-07T21:37:00.000+05:30

මේ දිනවල පවතින ගංවතුරත් සමඟ ඇතැම් ප්‍රදේශවල මී උණ හෙවත් ලෙප්ටොස්ෆයිරෝසිස් රෝගය ව්‍යාප්ත විමේ අවදානමක් පවති.

විශේෂයෙන් මේ රෝග කාරක බැක්ටීරියාව ගොවිපළ සතුන්,, සුනඛයන් , පූසන්, මීයන්, ඌරුමීයන් හා මුගටියන් ඇතුළු කැලෑබද ක්‍ෂිරපායී සතුන්ගේ වකුගඩුවලින් ස්වාභාවිකව හමු වේ.අලුත් ම සමීක්‍ෂණයකට අනුව මී ගවයන්ගේ මළ සහ මුත‍්‍රාවලද මේ බැක්ටීරියාකාරක විසබීජය පවතින බව . රෝගකාරක ලෙප්ටොස්පිරා නමැති බැක්ටීරියාව මීයන් හා ගවයන්ගේ මුත්‍රා මඟින් ජලයට එක්වීම නිසා මිනිසුන්ට රෝගය ආසාදනය වේ. මේ බැක්ටීරියාව මිනිස් සිරුරට ඇතුළු වන්නේ පාදවල තිබෙන තුවාල මෙන්ම ඇස් හා මුඛයේ පවතින ශ්ලේෂ්මල පටල මඟිනි.මේ කාණ්ඩයට අයත් බැක්ටීරියා ප‍්‍රබේද දෙසීයක් (200) ක් පමණ අද වන විට ලෝකය පුරා රටවල් වලින් හඳුනාගෙන තිබේ.

කුඹුරු, ඇළ වේලි, පතල් ආශ්‍රිත රැකියා කරන පුද්ගලයන් මේ රෝගයට ගොදුරු වීමට තිබෙන ඉඩකඩ වැඩි ය. කුඹුරුවල නියරවල ගුල් සාදාගෙන ජීවත් වන මීයෝ අප රටේ ලෙප්ටොස්ෆයිරෝසිස් රෝගය බෝකරන ප්‍රධාන වාහකයෝ වෙති.

මේ නිසා වගා කිරීමට කුඹුරුවලට බැසීමට පෙර තමන්ගේ පාදවල තුවාල තිබේ නම් ඒ සඳහා කිසියම් විකල්පයක් යොදා ගත යුතුය. ඇතැම්විට ගොවියන් වගා කටයුතුවල යෙදී සිටියදී වක්කඩවල තිබෙන ජලය පානය කිරීම නිසා එම ජලයේ බැක්ටීරියාව තිබේ නම් මුඛයේ ශ්ලේෂ්මල පටලය මඟින් බැක්ටීරියාව සිරුරට ඇතුළු වීමට ඉඩ තිබේ.

මී උණ රෝගයෙන් වැළකීම සඳහා ප්‍රතිකාරයක් වශයෙන් ඩොක්සිසයික්ලින් (Doxycyline) නමැති ප්‍රතිජීවක ඖෂධය භාවිතා කළ හැකිය. රෝගයට ගොදුරු වීමේ අවදානමක් සහිත පුද්ගලයන්ට මේ ඖෂධය නොමිලේ ලබා දීමට සෞඛ්‍ය අමාත්‍යාංශය පියවර ගෙන තිබේ.මෙකී ඖෂධය සතියකට වරක් සෞඛ්‍ය වෛද්‍ය නිලධාරි කාර්යාලවලින් හෝ මහජන සෞඛ්‍ය පරීක්ෂකවරුන්ගෙන් ලබා ගත හැකිය.

රෝගයට ගොදුරුවූ පුද්ගලයන්ගෙන් සියයට 80ක් ම මේ ඖෂධය ලබා ගෙන නොමැති බව තහවුරුවී තිබේ. ගොවිතැන් පටන් ගන්නා දිනට පෙර මේ ඖෂධයේ පෙති දෙකක් භාවිතා කරන ලෙසත් ඉන් පසු හොඳින් ජලය පානය කල යුතුයි.

රෝගකාරක බැක්ටීරියාව ශරීරගතවී දින පහත් දාහතරත් අතර කාලයක දී රෝග ලක්ෂණ පහළ වේ. අනිකුත් උණ රෝගවලට වඩාපුළුල් පරාශයක මේ රෝගයේ රෝග ලක්ෂණ පැතිරී පවතියි.එම රෝග ලක්ෂණ අතර මද උණ ගතියක සිට මරණය දක්වා ව්‍යාප්ත විය හැකිය

අධික උණ, ඇස් රතු පැහැවීම, තදබල හිසේ කැක්කුම, මස්පිඩු වේදනාව හා වමනය මී උණ රෝගයේ ප්‍රධාන රෝග ලක්ෂණ වේ. මෙවැනි රෝග ලක්ෂණ ඇතිනම් එමෙන්ම රෝග අවදානම සහිත රැකියා කරන පුද්ගලයකු නම් වහාම ප්‍රතිකාර සඳහා යොමු විය යුතුය.

මේ රෝග ලක්ෂණ පහළ වූ විට රෝගය පිළිබඳ නිවැරැදි ම නිරීක්ෂණයකට එළඹීමට නම් රෝගීන්ගේ ප‍්‍රතිදේහ (MAT) පරීක්ෂාවක්, මුත‍්‍රා පරීක්ෂණයේ දී ඇල්බියුමින් පෝටීන් තිබීම රුධිර පරීක්ෂණයේදී සුදු රුධිරානු (WBC / DC) වැඩි වීම අනුව රෝගය පිළිබඳව නිෂ්චිතව හදුනාගත හැක

රෝග ලක්ෂණ පහළ වූ වහාම පලදායී ප‍්‍රතිජීවක භාවිතා කොට ප‍්‍රමාද නොකර ප‍්‍රතිකාර කිරීම ආරම්භ කළ යුතුය.කිසිවිටෙකත් පරීක්ෂණවල ප‍්‍රතිඵල ලැබෙන තුරු ප‍්‍රතිකාර ප‍්‍රමාද නොකළ යුතුය. ඊට හේතුව රුධිර පරීක්ෂණයෙන් මේ රෝගය වැළඳී තිබේදැයි හඳුනාගත හැක්කේ රෝග ලක්ෂණ පහළ වී සතියක් පමණ කාලයක් ගත වීමෙන් පසුව වීමයි.

රෝග ලක්ෂණ ඇති වූ වහාම රෝගීන්ගේ ශරීරයේ තරල හා අයන සමතුලිතතාව පවත්වාගෙන යාමට කටයුතු කළ යුතුය. වකුගඩු අකී‍්‍රයවීමක් සිදුවූහොත් ඉතා ඉක්මනින්ම කෘතී‍්‍රමව රුධිරය පිරිසුදු කිරීම කළ යුතුය.මේ රෝගය සහ ඊට ප‍්‍රතිකාර ක‍්‍රම පිළිබඳ විවිධ ප‍්‍රදේශවල ඇතැම් පිරිස් මිථ්‍යා මත දරති. එවැනි තත්ත්වය හේතුවෙන් රෝගීන් අසාධ්‍ය තත්ත්වයට පත් වෙති. රෝගය පිළිබඳව ලක්ෂණ පහළ වූ වහාම රජයේ රෝහල් වෙත වාර්තා කරන .

රෝගය වළක්වාගැනීම සඳහා මිනිස් වාසයට ආසන්න පරිසරය පිරිසුදුව තබාගැනීම හා රෝගකාරක විෂබීජ ඇතිවන ස්ථාන හා මාර්ග විනාශ කිරීමට පියවර ගැනීම, ගෙවතු, කී‍්‍රඩාපිටි ආදී ළමයින් කී‍්‍රඩා කරන ස්ථාන ආසන්නයේ රෝගකාරක විෂබීජය පතුරුවන සතුන් ගැවසීම වැළැක්වීම, ගොවිපළවල් හා සත්ත්ව පාලනයේ නියළෙන පිරිස් අවදානම් කටයුතු හා ස්ථානවලදී ආරක්ෂිත ඇඳුම් පැළඳීම, අපවිත‍්‍ර ජලය ඇතුළු නොවන පරිදි තුවාල ආවරණය කර ගැනීම, (විශේෂයෙන් මෙහිදී කුඹුරු ගොවීන් ඉතා සැලකිලිමත් විය යුතුය) උතුරුවාගත් ජලය පානය කිරීම, ගංවතුරෙහි ගමන් කිරීමෙන් වැළකීම ඇතුළු ආරක්ෂිත පියවර අනුගමනය කිරීමට ජනතාව මෙහිදී අවධාරණය කර ගත යුතුය.

වයධම්මා සංඛාරා කෝකේන් භාවිතය | Coccain

2013-01-05T21:21:00.004+05:30

අපස්මාරයේ සුලබව භාවිතා කරන කෝකේන් (Coccain Lcrack) යනුවෙන් හඳුන්වනු ලබන මත් ද්‍රව්‍ය සුදු පැහැති කුඩු ලෙස හෝ අවර්ණ කුඩා ස්ඵටිකයකි .මෙම කුඩු නාසය තුලට ගෙන ආශ්වාස කිරීමෙන් ඒවා ක්ෂණිකව රුධිරගත කරගන්නා අතර ඉක්මනින් විශාල ප්‍රතිඵල ලබනු පිණිස කෝකේන් එන්නත් කරගැනීමටද, දුම්වැටි සමග හෝ දුම් පයිප්ප තුලට කෝකේන් දමා දුම්කොල සමග දුම්පානය කිරීමටද පෙළඹී සිටිති.

නාසයෙන් හෝ එන්නත් ලෙස කෝකේන් ගත්තද එහි ලක්ෂණ මිනිත්තු විස්සකට පමණ පසුව ක්‍රමයෙන් අඩුවීම ඇරඹේ.විශාල කෝකේන් ප්‍රමාණයක් ගෙන ඇති විට (Acute poisoning) ඉක්මනින් වෛද්‍ය ප්‍රතිකාර ලබා දිය යුත්තේ රෝගියාව මිනිත්තු කිහිපයකින් මරණයට පත්කල හැකි සංකූලතා මෙම ගින් ඇතිවන නිසාය.

විශාල කෝකේන් ප්‍රමාණයක් ගෙන ඇති විට

1.අධික රුධිර පීඩන තත්ව ඇතිවී මොලයේ ඇතිවන සංකූලතා.ආඝ්‍රාත (Stroke) , Encephalopathy

2.හෘදය වස්තුවේ ක්‍රියාකාරීත්වය අසාමාන්‍ය වී හෘද ස්පන්දන වේගවත් වීම. Supraventricular Tachycardia

3.කෝකේන් භාවිතය සෘජුවමද ඇතිවන අධි රුධිර පීඩනය මගින් වක්‍රවද හෘදයාබාධ ඇති කරවීම.

4.සිරුරේ උෂ්ණත්වය අධික ලෙස ඉහල ගොස් (>39oC) විජලනය වීම මාංශ පේශි තන්තු බිඳවැටීම (Rhabdomyolysis) වකුගඩු ක්ෂණිකව අකර්මන්‍ය වීම ( Acute Renal Failure) හා සිරුර පුරා රුධිර කැටි ඇතිවීම (Dissseminated Intravascular Coagulation) වැනි මාරාන්තික ප්‍රතිඵල ඇතිවේ.

5.මීට අමතරව විවිධ මානසික රෝගවලට ගොදුරුවෙයි.

6.අපස්මාර තත්වයන් වැළ‍ඳේ.

නාසයෙන් ආශ්වාස කිරීමෙන් මෙම මත්ද්‍රව්‍ය ගත්විට මිනිත්තු කිහිපයකින්ද එන්නත් ලෙස හෝ මුඛ මාර්ගයෙන් කෝකේන් ගත් විට පිලිවෙලින් මිනිත්තු 10 ක් හා මිනිත්තු 45 – 90 කින්ද උපරිම ලක්ෂණ ඇතිවේ. සුලබව භාවිතා කරන නාස් මාර්ගයෙන් කෝකේන් සිරුරු ගත කර ගත් විට එහි ලක්ෂණ මිනිත්තු 20 – 90 තරම් කාලයක් එක දිගට පැවතීමටද පුලුවන.

කෝකේන් සුලු ප්‍රමාණයක් (Mild – Moderate intoxication) ගත් විට

1. සිතට දැඩි සතුටක් දැනීම (Euphoria)

2.දැඩි ආවේගශීලී බව (Aggression)

3.අනුමස්තිෂ්කයට බලපෑමක් (Cerebellar) ඇති වූ බව පෙන්වන අත්පා වෙව්ලීම, වචන පැටලීමෙන් කථාකිරීම, ඇවිදීමේ අපහසුතා ඇතිවීම, ආදිය

4.වමනය දැමීම, හා ඇඟසුදුමැලි වීම

5.තද හිසරදය හා උණ ගැනීම.

6.ඇසේ කනිනිකාව විශාල වීම නිසා ආලෝකය වැඩි තැන්වල සිටීම අපහසු වේ.

7.තමන්ට විවිධ පුද්ගලයන් කථාකරන්නාක් සේ ඇසීම හා සත්‍යයට / භෞතිකව නොපවතින පුද්ගලයන් හා වස්තූන් පෙනීමද ඇතිවේ. |Hallycination

කෝකේන් අධික ප්‍රමානයන් (Sereve Toxication) ගත් විට ඉහත රෝග ලක්ෂණ වලට අමතරව වඩාත් සංකීර්ණ සංකූලතා ද ඇති වීමට පුලුවන.අධි රුධිර පීඩන තත්ව ඇතිවී ආඝ්‍රාතයන් හා හෘදයාබාධ ඇතිවීම, අපස්මාර තත්ව ඇතිවීම, කෝමා තත්ව (Coma) ඇතිවීම අංශභාග ඇතිවීම (Muscle Paralysis)හා වකුගඩු අකර්මන්‍ය වී මුත්‍රා පිටවීම අඩාල වීම, සිරුර ඉදිමීම, ශ්වසන අපහසුතා මතුවීම ආදී විවිධ රෝග ලක්ෂණ ඇතිවිය හැකි අතර අවසානයේ මරණය පවා ඇතිවිය හැක.

කෝකේන් රෝගියෙකුට ප්‍රතිකාර

රෝගියාව ගෙනා විගසම කෝකේන් ලබාගෙන ඇත්තේ මුඛ මාර්ගයෙන් නම් ලබාගත් කොතරම් දැයි නොසලකා රෝගියාට වමනය කරවා ආමාශයේ ඇති කෝකේන් ඉවත්කරවීමට Activated Charcoal ( චාකෝල් දියරය) පානයට දිය යුතුය. නමුත් මේසේකරවීමට රෝගියා කෝකේන් ලබාගෙන පළමු පැය තුල රෝහලට ගෙන ආ යුතුය. ඉන්පසු වමනය කරවීමට සැල්වුවද කෝකේන් රුධිරයට උරාගෙන ඇත් බැවින් මින් කිසිදු පලක් නොමැතිවීමට පුලුවන.

අවම වශයෙන් පැය දෙකක්වත් යනතුරු ECG පටි ලබා ගැනීම හෝ ECG Moniter උපකරණයකට සම්බන්ධ කර හෘ‍දයේ අසාමාන්‍යතා ඇත් දැයි පරීක්ෂාවෙන් පසුවිය යුතුය.

හෘදයාබාධ ඇතිවන්නේදැයි බැලීමට රුධිරයේ Troponin T නම් එන්සයිම ප්‍රධාන මැන බැලිය හැක.

රෝගියාගේ රුධිර පීඩනය, හෘද ස්පන්දන වේගය, ශරීර උෂ්ණත්වය පළමු පැය 2 -3 තුල කිහිපවරක්වත් මැන බැලීම ඉතා වැදගත්ය.

රෝගියාට සමේ සංකූලතාවක් මතු වුවහොත් ඒ සඳහා නිසි ප්‍රතිකාර ලබාදිය යුතුය.

අධි රුධිර පීඩනයක් ඇතිවූ විට Nifedipine, Oral Diazepam ලබාදීම.
හෘදයා බාධ සඳහා I. V. nitrates, ආදියට ලබාදීම
ශරීර උෂ්ණත්වය වැඩිවූ විට (ට්39 oC) ශීත ජලය සිරුරට එන්නත් ලෙස ලබාදීම (IV)

සුව වූ රෝගියාව මානසික වෛද්‍යවරයෙකු වෙත යොමු කරවීමත් නැවත කෝකේන් භාවිතයට ඇබ්බැහි නොවන පිණිස උපදෙස් ලබා දීමත් පුණුරුත්තාපනය කිරිමත් ඉතා වැදගත් වේ.

සිසේරියන් සැත්කම | cesarean surgery

2013-01-04T10:52:00.000+05:30

ඉතිහාසය

ප්‍රථමයෙන් සීසර් සැත්කමකට පසු මවත් දරුවාත් ජීවත් වූ අවස්ථාව පළමුව වාර්ථා වන්නේ ස්විට්සර්ලන්තයේ 1500 දී පමණය.දහ හත්වන සියවසේදී මෙම සැත්කම නාරි හා ප්‍රසව වෛද්‍යවරු විසින් සිදු කිරීම ආරම්භ කරනු ලැබිණි. මෙකල සිදු කළ සීසර් සැත්කම්වලදී 80% ක්ම අසාර්ථක විය.

මුලින්ම කරන ලද සැත්කම්වලදී ගර්භාෂයම සිරස් කැපුමක් සිදු කළ අතර එවිට සිදු වන ලේ වහනය අධික විය.1926 දී කර් නැමැත්තා විසින් ගර්භාෂයේ පහළ ඛණ්ඩය හරහා කරන කැපුම හදුන්වා දෙන ලදී.මීට වසර පනහකට පමණ පෙර මවගේ හා දරුවාගේ ජීවිතයට හානිදායක වූ තිබූ නමුත් එහි භයානක තත්ත්වය දැන් අඩුවෙමින් පවතී.

සිසේරියන් සැත්කම කරන අයුරු

උදරය විවෘත කර ගර්භාෂයේ පහළ හෝ ඉහළ ඛණ්ඩය හරහා කැපුමක් සිදු කර දරුවා එළියට ගැනීම මෙම සැත්කමේදී සිදු වේ.මෙකල සීසර් සැත්කම්වලින් 99% කට වඩා සිදු වනුයේ ගර්භාෂයේ පහළ ඛණ්ඩය හරහා කෙරුණු කැපුමකිනි.දරුවා ප්‍රසූත වූ පසු සින්ටොසිනොන් අන්ත:ශිරා මාර්ගයෙන් ගර්භාෂයසංකෝචනය වීමට දෙනු ලැබේ.ඉන්පසු වැදෑමහ අතින් ඉවත් කිරීම සිදු කරනු ලැබේ.ඉන්පසු කැපුම්වලට මැහුම් දැමීම සිදු කරනු ලැබේ.

සීසර් සැත්කමක් සිදු කිරිමට හේතු

∎ සීසර් සැත්කමක් සිදු කිරිමට හේතු රැසක් ඇති නමුත් බොහොමයක් හේතු හදිසියේ පැන නගින ඒවා වේ. ඒවැනි අවස්ථාවලදී කෙරෙනු ලබන සිසර් සැත්කමකින් දරුවාගේ හා මවගේ ජීවිතය අනතුරුසහගත තත්වයෙන් මුදා ගැනීමට හැකි වේ.එවැනි හදිසි අවස්ථා ලෙස හිස ප්‍රසුත මාර්ගයේ අවහිර වීම දරුවාගේ සෞඛ්‍ය තත්වය අහිතකර තත්වයේ පැවතීම දැක්විය හැක.

∎ ඇතැම් අවස්ථාවලදී දරුවා සීසර් සැත්කමකින්ම ප්‍රසූත කළ යුතු නිසා ඒ සඳහා මුල සිටම තීරණය කරනු ලැබේ. මෙය මව හා වෛද්‍ය කණ්ඩායම පෙර සිටම දන්නා නිසා එය දෙපාර්ශවයටම පෙර සූදානම් වීමට කාලය දෙනු අතර එය වඩා සාර්ථක සිසේරියන් සැත්කමකට මුල පුරනු ලැබේ.

මෙසේ මුල සිටම දරුවාගේ ප්‍රසූතය යෝනි මාර්ගික ප්‍රසවයක් නොවී සීසර් සැත්කමක් වීමට ප්‍රධාන හේතුව වනුයේ දරුවාගේ ප්‍රමාණය හා සසදන විට මවගේ ශ්‍රෝණි කුහරය කුඩා වීමයි

පෙර පිහිටි වැදෑමහ
මවට ඇති දියවැඩියා, අධික රුධිර පීඩන වැනි රෝගී තත්වවල සංකූලතා ඇති වූ අවස්ථාවන්හිදි සීසර් සැත්කමකට යොමු වේ.
දරුවාගේ පිහිටීම අසාමාන්‍ය වූ විට
බහු දරුවන් ඇති විට
යෝනිමාර්ගයේ හර්පීස් ආසාදන තත්වය පෙන්නුම් කරන විට
මවට එච්.අයි.වී ආසාදනය වී ඇති විට දරුවාට එය සම්ප්‍රේෂණය වීම වැළැක්වීමට

සීසර් සැත්කමක් සිදු නොකරන අවස්ථා

∎ මවගේ සෞඛ්‍ය තත්වය දුර්වල වීම.

උදා - උත්සන්න වූ ශ්වසන පද්ධතිය ආශ්‍රීත රෝග

∎ දරුවාගේ අංගවිකල තත්වයන් ප්‍රසූතියෙන් පසු දරුවාගේ මරණයට හේතු වන විට

සිසේරියන් සැත්කමට පෙර සූදනම

සිසේරියන් සැත්කමක් සිදු කිරිමට පෙර මව සැත්කම සඳහා අවශ්‍ය සෞඛ්‍ය තත්වයකින් යුතු වේද යන්න පරික්ෂා කරනු ලැබේ.

සිසේරියන් සැත්කම සිදු කිරිමට පෙර කරනු ලබන පරීක්ෂණ

∎ රුධිරයේ හිමෝග්ලොබින් මට්ටම

∎ රුධිර ගණ ගැලපීම සහ රුධිර සාම්පල පසු භාවිතයට වෙන් කිරිම

∎ මුත්‍රා ආසාදන හදුනාගැනිමට මුත්‍රා පරීක්ෂාවක් සිදු කරනු ලැබේ.

∎ මිට අමතරව මවට රෝගී තත්ත්වයන් ඇත්නම් එහි තත්ත්වය පිරික්සිමට පරීක්ෂණ සිදු කරනු ලැබේ.

සැත්කමට පෙර මව සූදානම් කරන්නේ කෙසේද?

∎ සීසර් සැත්කම කිරිමේදී නිර් වින්දනය කරනු ලබන නිසා අවම වශයෙන් පැය හයක්වත් නිරාහාරව සිටිය යුතු වේ.

∎ එමෙන්ම ආමාශයේ ආම්ලික ද්‍රව්‍ය එකතුවීම සෑම පුද්ගලයකු තුළම නිරතුරුව සිදු වන්නකි. නිර් වින්දන අවස්ථාවේදී මෙම ආම්ලික ද්‍රව්‍ය, ආහාර මෙන්ම පෙනහැලිවලට ගොස් එහි පටක විනාශ කිරිම හේතුවෙන් ජීවිතය අවදානමකට ලක්වේ.එම නිසා අම්ල ස්‍රාවය අඩුකිරිමට ඖෂධයක් (සිමෙටිඩීන් වැනි) සිසේරියන් සැත්කම සිදු කරන දිනට පෙර රාත්‍රියේ හා එදින උදේ ගැනිමට ලබා දෙනු ලැබේ.

∎ ඊට අමතරව සැත්කමට පෙර සෝඩියම් සිට්රෙට් නම් අවර්ණ දියරයෙන් මිලි ලීටර පහලොවක් පමණ මවට බොන්නට දීමෙන් ආමාශයේ රැස්ව ඇති අම්ලය උදාසීන කිරීමට හැකියාව ලැබේ.

∎ නිර්වින්දනයත් සමගම ප්‍රතිජීවක ඖෂධ අන්ත:ශිරා මාර්ගයෙන් දෙනු ලබන අතර එමගින් සිසේරියන් සැත්කමක් නිසා සිදු විය හැකි ආසාදන අවම කිරිමට හැකියාව ලැබී ඇත.

∎ සැත්කමට පෙර සේලයින් දියරය අන්ත:ශිරා මගින් ලබාදීම ආරම්භ කරනු ලැබේ.

∎ නිර්වින්දනය කිරීමෙන් පසු මුත්‍රා බටයක් දමා මුත්‍රාශය හිස්කිරීම සිදු කරන අතර එය සැත්කම අවසාන වන තෙක් එලෙස තබනු ලැබේ. මෙසේ කිරීමෙන් සැත්කම අතරතුර මුත්‍රාශයට ඇති විය හැකි හානි අවම කර ගත හැක.

සිසේරියන් සැත්කමකින් පසු

සිසේරියන් සැත්කමකින් පසු මුල් පැය කිහිපය තුළ විමසිලිමත් විය යුතු කරුණු කිහිපයක් ඇත.

∎ රෝගියා නිවැරදි ආකාරයට හුස්ම ඉහළ පහළ ගන්නේද හා එහි වේගය, රෝගියාගේ හෘද ස්පන්දන වේගය, රුධිර පීඩනය, මුත්‍රා පිටවීම, සුදුමැලි බව පරීක්ෂා කල යුතු වේ.

∎ සිසේරියන් සැත්කමකට පසු සාමාන්‍යයෙන් පැය විසි හතරක් පමණ යන තුරු මවගේ බඩවැල ක්‍රියාත්මක නොවේ. එම නිසා මෙම කාලය තුල මුඛ ආහාර දෙනු නොලැබේ. මේ හේතුවෙන් මවට අවශ්‍ය දියර අන්ත: ශිරා ගත කිරීම මගින් සපයා දෙනු ලැබේ. උදරයේ පිම්බුන ගතිය අඩු වීම, අධෝමාර්ගයෙන් වාතය පිටවීම පටන් ගැනීමත් සමග දියර ස්වල්පය බැගින් මුඛයෙන් දීම ආරම්භ කරනු ලැබේ. මුලින්ම තේ හැන්දකින් දෙකකින් මෙය අරඹා පසුව දියර දීම ටිකෙන් ටික වැඩි කරනු ලැබේ. එම දියර දීමත් සමග වමනය, බඩ පිරවුනු ගතිය වැනි ලක්ෂණ පහළ නොවන්නේ නම් ඝන ආහාර දීම පටන් ගත හැක. මවට ශක්ති ජනක ආහාර සැපයිම අත්‍යාවශ්‍ය වේ.

∎ රෝගියාගේ වේදනාව සම්බන්ධයෙන් ප්‍රශ්න කළ යුතු අතර වේදනා නාශක බෙහෙත් අවශ්‍ය විටක ලබා ගැනීමට ඉඩ සැලසිය යුතු වේ.

∎ දෙවැනි දින සිට ගැඹුරට හුස්ම හෙළිම, දෙපා සෙලවීම ආදී ව්‍යායාමවල යෙදිය යුතු වේ. මෙමගින් මවගේ කායික සෞඛ්‍ය පවත්වා ගැනීමට හැකියාව ලැබේ. සීසර් සැත්කමකට පසුව පෙනහැල්ලේ සෙම එකතු වීමට හැකි බැවින් හොදින් හුස්ම ඉහළ පහළ දැමිමේ ව්‍යායාම හා හොදින් සිදු කරන කැස්සක් මගින් සෙම ඉවත් කිරීම අත්‍යාවශ්‍ය වේ.

∎ සැත්කමකට පසු හැකි පමණ ඉක්මණින් ඇදෙන් නැගිට සිටීම, දෙපා ව්‍යායාම කිරීම මගින් ලේ කැටි කකුල් වල ශිරා තුළ ඇති වීමත් ඒවා පුපුඵුසීය ධමනියේ තැන්පත් වී අවහිර වීමත් වළක්වා ගත හැක.

∎ සීසර් සැත්කමේ දී යොදා ගත් මුත්‍රා බටය හැකි පමණ ඉක්මනින් ගලවා ඉවත් කොට රෝගියාගේ උත්සාහයෙන්ම මුත්‍රා පිට කිරීමට උනන්දු කිරීම වැදගත් වේ. මෙයින් මුත්‍රා බටය රැදීම නිසා ඇතිවිය හැකි අනවශ්‍ය ආසාදන මග හැරීයයි.

∎ සීසර් තුවාලය වියළිව තබා ගැනීම සුවවීමට උපකාර වන අතර දින පහ හයකට පමණ පසු මැහුම් එකක් හැර එකක් ඉවත්කරන අතර ඊළග දිනයේදී ඉතිරි මැහුම් ඉවත් කරනු ලැබේ.

පුහුණු, දක්ෂ, පළපුරු වෛද්‍ය කණ්ඩායමක් විසින් නිවැරදි තීරණ ගෙන, නියමිත අවස්ථාවලදී සුදුසු ලෙස පිළියෙල කොට කෙරෙන සීසර් සැත්කමක් සැමවිටම වාගේ සාර්ථක වේ. ප්‍රශ්න ඇතිවීම කලාතුරකින් දක්නට ලැබෙන සිදුවීමක් වේ.

එක් වරක් සිසේරියන් සැත්කම කළ පසු අනත් ප්‍රසූතියද සිසේරියන් සැත්කමකින් සිදු කළ යුතුය යන ප්‍රකාශය අතීතයේ සත්‍ය වූ නමත් දැන් එම තත්ත්වය වෙනස් වී ඇත. නමුත් සිසේරියන් සැත්කමකට පසු යෝනිමාර්ගික ප්‍රසූතිය සිදු කරනු ලබන අවස්ථා ගණන 30 -40% ක් වන අතර ඉන් සාර්ථක වනුයේ 10% ක් පමණි. සිසේරියන් සැත්කමක් පෙර දරු උපතේ සිදු වී තිබීම මෙවර ප්‍රසූතිය අවදානම් තත්ත්වයකට පත් කරනු ලැබේ.

සීසර් සැත්කමකින් පසු යෝනිමාර්ග ප්‍රසූතය සාරර්ථක වීමට හේතු

∎ මීට පෙර යෝනිමාර්ග ප්‍රසූතියක් සිදු වී තිබීම

∎ සීසර් සැත්කමින් පසු සාර්ථක යෝනිමාර්ග ප්‍රසූතියක් සිදු වීම

∎ ගැබ්ගෙල, ප්‍රසූතිය සඳහා සුදුසු වීම

∎ ප්‍රසූතිය ස්වභාවිකව සිදු වීම

∎ ප්‍රසූතිය සති තිස්හතට පෙර සිදු වීම

∎ සීසර් සැත්කමට හේතු වූ සාධකය නැවත ඇතිවන්නක් නොවීම

( දරුවා තට්ටමෙන් පිහිටීම, පෙකිණිවැල හදිසියේ පහත් වීම, අධික රුධිර පීඩනය නිසා ඇතිවන සංකූලතා)

යෝනිමාර්ගික ප්‍රසූතිය අසාර්ථක වීමට හේතු

∎ මවගේ ස්ථූලභාවය

∎ මවගේ උස අඩුවීම

∎ දරුවාගේ බර වැඩිවීම

∎ මවගේ වයස අවුරු හතලිහට වඩා වැඩිවීම

∎ ප්‍රසූතිය ප්‍රේරණය කිරීම

∎ සීසර් සැත්කමට හේතු වූ සාධකය නැවත ඇතිවන්නක් වීම

යෝනිමාර්ගය හා දරුවා අතර ඉඩකඩ අඩුවීම මුල් සීසර් සැත්කමට හේතු වූයේ මවගේ ශ්‍රෝණි කුහරය කුඩා වීම නම් එවැනි තත්ත්වයක් දිගටම පවතින බැවින්ද, සාමාන්‍යයෙන් දෙවන දරුවා පළමු දරුවාට වඩා බරින් වැඩි බැවින්ද එවැනි දරු ප්‍රසූතියක් සඳහා නැවත වරක් සීසර් සැත්කමක් සිදු කිරීම අත්‍යාවශ්‍ය වේ.

දරුවා ප්‍රසූතියේදී අවහිර වීම
ප්‍රසූතියේ දෙවන අවස්ථාව අසාර්ථක වීම

∎ ගර්භ දෙක අතර මවගේ බර වැඩිවීම

∎ ගර්භය සති හතලිස් එකක් හෝ ඊට වැඩිවීම

∎ මව දියවැඩියාවෙන් පෙළීම

සීසර් සැත්කමකින් පසු යෝනිමාර්ග ප්‍රසූතිය නිසා සිදු විය හැකි සංකූලතා

• සාර්ථක වුවහොත් ඇති වන ප්‍රතිඵල සීසර් සැත්කමකට වඩා සුභදායක වුවත් යෝනිමාර් ගික ප්‍රසූතිය අසාර්ථක වී සීසර් සැත්කමකට යාමට සිදු වුවහොත් අහිතකර ප්‍රතිඵල මතුවේ.

∎ ගර්භාෂය පිපිරීම එවැනි අවස්ථාවලදී ඇති වේ. ගර්භාෂය ඉවත් කිරීමට සිදු වීමෙන් මවට නැවතත් දරුවන් හැදීමේ හැකියාව නොලැබී යයි.

∎ මව මරණයට වුවද පත්විය හැක.

∎ පරිප්‍රසූතික මරණ අනුපාතිකය වැඩිවීම

∎ මන්ද බුද්ධික දරුවන් ඇතිවීම

• දෙවන දරුවා කෙසේ ප්‍රසූත කළ යුතුද යන්න විශේෂඥ වෛද්‍යවරයකු විසින් තීරණය කරනු ලැබේ. යෝනිමාර්ගික ප්‍රසූතිය සිදු කරන්නේ නම් එහි ඇති හිතකර හා අහිතකර ප්‍රතිඵල පිළිබදව මව හා පියා දැනුවත් කළ යුතු වේ. ඉන්පසු ප්‍රසූතය පිළිබදව තීරණයකටවෛද්‍යවරයා හා දෙමාපියන් විසින් සාකච්ඡා කර තීරණය කරනු ලැබේ.

• එහෙත් මෙම දෙවන දරුවා ප්‍රසූත කළ යුත්තේ ශල්‍යාගාර, විශේෂඥ වෛද්‍ය පහසුකම් ඇති රෝහල්වලයි.

• සාමාන්‍යයෙන් ගර්භයට සති තිස් අටක් පමණ වූ විට මව වාට්ටුවට ඇතුලු කරනු ලැබේ.

පුර්ණ ලේ පරීක්ෂාව රෝහල් වල නතර වෙයි

2013-01-02T22:27:00.001+05:30

සති කිහිපයක් පුරා සීමා කර තිබු සම්පුර්ණ රුධිර පරීක්ෂාව හෙවත් ෆුල් බ්ලඩ් කවුන්ට් පරීක්ෂාව අද සිට සම්පුර්ණයෙන් නතර කර දැමීමට කළුබෝවිල ශික්ෂණ රෝහල තීරණය කර ඇත. ශ්‍රී ලංකා ජාතික රෝහල සඳහාද අදාළ ප්‍රතික්‍රීයක ලබා දීම නතර වී අති බැවින් ඉදිරි සතිය එහි පරීක්ෂණ කටයුතු ද අත් හිටුවීමට සිදුවනු ඇත.

සම්පුර්ණ රුධිර පරීක්ෂාව හෙවත් ෆුල් බ්ලඩ් කවුන්ට් පරීක්ෂාව යනු රෝග රැසක් හඳුනා ගැනීමටත්, කළමනාකරණයටත් අත්‍යවශ්‍ය වෛද්‍ය පරීක්ෂණයකි. ඩෙංගු වැනි රෝග හඳුනා ගැනීමට මෙන්ම බහුතර රෝගීන් සංඛ්‍යාවක් රෝහල් ගත නොකිරීම සඳහා අත්‍යවශ්‍ය මෙම පරීක්ෂාව හේතුවෙන් අති විශාල මුදලක් ඉතිරි කර ගැනීමට හැකිවේ.

මෙම පරීක්ෂාව සඳහා අවශ්‍ය ප්‍රතික්‍රීයක අඛණ්ඩව සපයාගැනීම වෙනුවෙන් අදාළ වගකිවයුතු පාර්ශවයන් දක්වන අඩු අවධානය හේතුවෙන් වසරකට වතාවන් කිහිපයක් හිටි හැටියේ මෙම රුධිර පරීක්ෂාව නතර කර දැමීම සිදුවේ. එමගින් රෝගීන් දැඩි දුෂ්කරතාවයට මෙන්ම ගසා කෑමකට ලක්වන අතර, අනියම් ලෙස රෝහල් ප්‍රතිපාදන නාස්ති වීමක්ද සිදුවේ.

මීට අදාලව ප්‍රතික්‍රීයක සපයනු ලබන පෞද්ගලික සමාගම් දෙක විසින් තවදුරත් ප්‍රතික්‍රීයක ලබා දීම අත්හිටුවා අති බැවින් ඉදිරි සති කිහිපය තුල දිවයිනේ අනෙකුත් රෝහල් වලද සම්පුර්ණ රුධිර පරීක්ෂාව හෙවත් ෆුල් බ්ලඩ් කවුන්ට් පරීක්ෂාව නතර කිරීමට සිදුවනු ඇතැයි දැන ගන්නට තිබේ.

මේ සම්බන්ධයෙන් වෛද්‍ය රසායනාගාර විද්‍යා සංගමයේ සභාපති රවි කුමුදේශ් සහ ලේකම් මොහාන් ප්‍රේමරත්නගේ අත්සනින් යුතු ලිපියක් සෞඛ්‍ය ඇමැති මෛත්‍රීපාල සිරිසේන මහතාට අද යවමින් පවතින අර්බුදය ගැන දැනුවත් කර තිබේ.

උපුටා ගැනීම-ලංකා ඊ නිව්ස්