मी तुझा!!

चारोळी- २६

noreply@blogger.com (♫ Ňēẩℓ ♫) — Sun, 20 Mar 2011 04:43:00 +0000

रंगांच्या या दिवशी तुझ्या ह्रदयावर रंगलेला
एकच तो रंग प्रेमाचा , मन मोहून घेतो...
आणि सप्तरंगात रंगलेला इंद्रधणू सुद्धा मग,
पावसातही तुझ्यासमोर अगदी कोरडाच दिसतो!

चारोळी- २५

noreply@blogger.com (♫ Ňēẩℓ ♫) — Sun, 23 Jan 2011 04:14:00 +0000

तुझ्यावर चारोळी करायची म्हटलं,
कि शब्द कसे आपोआप सुचतात,
आकार घेता-घेता कागदावर जणू
लेखणीसोबत स्पर्धा करायला बघतात.

चारोळी- २४

noreply@blogger.com (♫ Ňēẩℓ ♫) — Fri, 14 Jan 2011 06:25:00 +0000

अश्याच एका पहाटे, एकाच फ़ांदीवर गुलाबाची दोन फूलं,
गुलाबी थंडीत हवेच्या तालावर नाचत होती,
हळूच लपून मग आपल्याला बघून,
बघ आपण इथे एकटेच नाही, असं एकमेकांना सांगत होती!

चारोळी- २३

noreply@blogger.com (♫ Ňēẩℓ ♫) — Wed, 12 Jan 2011 05:17:00 +0000

तु म्हणतेस, मी रेखाटलेल्या चित्रांपेक्षा,
तुला माझ्या चारोळ्या जास्त आवडतात,
कारण ते चित्र तुझ्या सौंदर्याची साक्ष देतात,
आणि त्या चारोळ्या, तु्झ्या ह्वदयाची!

चारोळी- २२

noreply@blogger.com (♫ Ňēẩℓ ♫) — Tue, 04 Jan 2011 06:46:00 +0000

हात तुझा हातात घेऊन,
मी नविन वर्षात पाऊल ठेवलं...
या वर्षाचच नाही, तर पुर्ण जिवणाचं स्वप्न
मग मी तुझ्या चमकदार डोळ्यांमध्ये पाहिलं!

चारोळी- २१

noreply@blogger.com (♫ Ňēẩℓ ♫) — Tue, 04 Jan 2011 06:20:00 +0000

जुन्या वर्षाला निरोप देतांना,
एकच होती माझी इच्छा,
आयुष्यातील सर्व कडू आठवणी बाजुला सारून,
द्याव्यात तुला नव वर्षाच्या शुभेच्छा!

चारोळी- २०

noreply@blogger.com (♫ Ňēẩℓ ♫) — Mon, 22 Nov 2010 13:38:00 +0000

आठवतय मला, अगदी पहिल्याच भेटीत,

माझं तुझ्या मनात घर करून राहणं...

आणि मग चेह-याच्या दारात, गुलाबी रंगाने,

तुझं मनमोहक हास्याची रांगोळी काढणं!

चारोळी- १९

noreply@blogger.com (♫ Ňēẩℓ ♫) — Tue, 16 Nov 2010 08:54:00 +0000

काही नाते असतातच असे,

कधीही साथ न संपणारे,

सुकतात जरी झाडावरच काही फूलं,

तरी मरेपर्यंत देठ न सोडणारे!

चारोळी- १८

noreply@blogger.com (♫ Ňēẩℓ ♫) — Thu, 11 Nov 2010 11:25:00 +0000

मनाला शब्द सापडले नाही की,
त्याच्या भावना अव्यक्तच राहतात...
म्हणूनच कदाचित अश्या वेळी डोळे..
त्या सुप्त भावनांना शब्दांशिवाय व्यक्त करून जातात!

चारोळी- १७

noreply@blogger.com (♫ Ňēẩℓ ♫) — Sun, 07 Nov 2010 13:13:00 +0000

चिमणा-चिमणीचं छोटसं घरटं प्रेमाचं,

असेना का फक्त सुक्या काड्यांचं...

इथेच पिल्लांना बाळकडू मिळतं

खुल्या आसमानाला कवेत घेण्याचं!

चारोळी- १६

noreply@blogger.com (♫ Ňēẩℓ ♫) — Mon, 01 Nov 2010 16:13:00 +0000

जवळ असूनही ती,

मी थोडा दूरच होतो...

ती होती सागर,

अन मी किनाराच होतो!

चारोळी- १५

noreply@blogger.com (♫ Ňēẩℓ ♫) — Sun, 24 Oct 2010 09:35:00 +0000

काट्यात गुंतलेल्या ओढणीच्या बहाण्याने,

ती त्याला तिरकस नजरेने लपून बघत होती,

नाजूक बोटं आणि काट्यामध्ये अडकलेली ओढणी सुद्धा मग,

चोळामोळा होऊन तिच्या लाजण्याशी स्पर्धा करत होती!

चारोळी- १४

noreply@blogger.com (♫ Ňēẩℓ ♫) — Sun, 24 Oct 2010 09:26:00 +0000

तुझ्या बोलांचा अर्थ मला,

शब्दांपेक्षा डोळ्यांवाटे स्पष्ट कळतो...
तु अशीच शांत बसून रहा,
मी असच तुझं मन वाचून घेतो.

चारोळी- १३

noreply@blogger.com (♫ Ňēẩℓ ♫) — Sun, 24 Oct 2010 09:13:00 +0000

पाहिलं होतं बागेत मी काल,

एकाकी तू विचारमग्न असतांना...

आणि नाजूक सप्तरंगी फुलपाखराला,

बेधुंद होऊन तुझ्या भोवती बागडतांना!

चारोळी- १२

noreply@blogger.com (♫ Ňēẩℓ ♫) — Fri, 22 Oct 2010 09:54:00 +0000

तुला भेटण्यापुर्वी असं वाटलं होतं,
मानवी मन सर्वात चपळ असतं,
आज त्यानेही तुझ्या विचारात कैद होऊन,
मानलं की प्रेमासाठी अशक्य असं काहीच नसतं!

चारोळी- ११

noreply@blogger.com (♫ Ňēẩℓ ♫) — Tue, 19 Oct 2010 07:45:00 +0000

ग्रिष्मात तडपलेल्या पृथ्वीला बघून
आभाळाने बेचैन होणं रास्त आहे...
कडाडलेल्या विजांसोबत पावसाचं येणं म्हणजे
कंठ फुटून त्याचं रडणं आहे!

चारोळी- १०

noreply@blogger.com (♫ Ňēẩℓ ♫) — Wed, 13 Oct 2010 10:03:00 +0000

एकांती पाऊलवाटेवर तुझं
माझ्या हातात हात घेऊन चालणं...
दोघे जरी आपण असलो तरी
नशिब मात्र एकच आहे ह्याची खात्री करून देणं!

चारोळी- ९

noreply@blogger.com (♫ Ňēẩℓ ♫) — Wed, 13 Oct 2010 09:47:00 +0000

स्वतःच असं म्हणन्यासाठी माझ्याकडे
काही राहीलच नाही आता...
माझ्या जिवंतपणाची निशाणी असणारं ह्रदय
ते ही धडकतय, फक्त तुझ्यासाठीच सदा!

चारोळी- ८

noreply@blogger.com (♫ Ňēẩℓ ♫) — Wed, 13 Oct 2010 09:40:00 +0000

अचानक आलेल्या या पावसात
अचानक आलेली तुझी आठवण...
घट्ट मिटलेल्या माझ्या पाणावलेल्या डोळ्यात
करून दिलेल्या मधूर क्षणांची तु साठवण!

चारोळी- ७

noreply@blogger.com (♫ Ňēẩℓ ♫) — Wed, 13 Oct 2010 09:30:00 +0000

आरशाने माझ्याकडे एक तक्रार केली,
म्हणाला आजकाल ती स्वतःकडे बघूनच लाजते,
आणि ती म्हणते इश्श.. स्वतःच कुठे?
डोळे माझे असतात, पण नजर मात्र तुझीच असते!

चारोळी- ६

noreply@blogger.com (♫ Ňēẩℓ ♫) — Mon, 11 Oct 2010 18:55:00 +0000

खेळ हा दोन नशिबांचा,
इथे अगदी निराळाच आहे...
दोघांची हार, नाहितर दोघांचीही जीत,
हाच ह्या खेळाचा एकुलता नियम आहे!

चारोळी- ५

noreply@blogger.com (♫ Ňēẩℓ ♫) — Sun, 10 Oct 2010 07:43:00 +0000

हळूच आणि मधाळ तिचं बोलणं,
वेड लावून जातं तिचं गोड हसणं,
कुठेतरी माझच नशिब चांगलं आहे,
हेच तिचं माझ्या आयुष्यात येऊन सांगण!

चारोळी- ४

noreply@blogger.com (♫ Ňēẩℓ ♫) — Sun, 10 Oct 2010 06:56:00 +0000

इवलसं ह्रदय आहे ग तुझं,

पण त्यात अनंत प्रेम सामावलेलं

जनू काही पहिल्या पावसाच्या एका थेंबातच
वेड्या चातकाने अख्ख आयुष्य जगलेलं

चारोळी- ३

noreply@blogger.com (♫ Ňēẩℓ ♫) — Sun, 10 Oct 2010 06:41:00 +0000

न बोलताही ती,
बरच काही बोलून गेली,

घनदाट या काटेरी वनात,

एक पाऊलवाट दाखवून गेली..

चारोळी- २

noreply@blogger.com (♫ Ňēẩℓ ♫) — Sun, 10 Oct 2010 06:35:00 +0000

इथे प्रत्येक नशिबाच्या वाटा
एकमेकांशी अश्या जुडलेल्या असतात,
अस्ताव्यस्त पसरलेल्या या चांदण्यांच्या गर्दीत,
जशी आकर्षक नक्षत्र लपलेली असतात.