தளவாடி (ஒரு இளைஞனின் ஆரம்பம்..)

உலகத்தை மாறுதலுக்கு உள்ளாகிய சில முக்கிய புகைப்படங்கள்.

2011-11-10T11:28:00.001+01:00

* 1957 *

1957 ஆம் ஆண்டு அமெரிக்காவில் ஹாரி ஹார்டிங் உயர்நிலை பள்ளியில் டோரதி (Dorothy ) என்ற கருப்பு இனத்து பெண் முதன் முதாலாக பாடசாலையில் இணைந்தார். 4 நாட்கள் அவளுக்கு வழங்கப்பட்ட தொந்தரவால். அப் பெண்ணால் நீண்ட நாட்கள் தொடர முடியாதிருந்தது.

*1960 *

தை மாதம் 12 ஆம் திகதி 1960 ஆம் ஆண்டு 2 ஆவது முன்னால் ஜப்பானின் சோசலிசக் கட்சித் தலைவர் அசனுமா (Asanuma ) என்பவர் எதிர் கட்சி மாணவர் ஒருவனால் கொலை செய்யப்பட்டார்.

* 1962 *

1962 ஆம் ஆண்டு தென் அமெரிக்காவில் ஒரு படைவீரன் குறிபார்த்து சுடும் துப்பாக்கியினால் சுடப்பட்டு இறக்கும் தருணத்தில் அவ்விடத்தில் நின்ற ஒரு பாதிரியாரின் செயற்ப்பாடு.

* 1963 *

1963. ஆம் ஆண்டு திச் குவாங் டுக் (Thich Quang Duc ) என்ற புத்த பிக்கு ஒருவரால் , தெற்கு வியட்நாமில் முடுக்கிவிடப்பட்ட பிக்குகளுக்கு எதிரான அரசாங்கத்தின் சித்திரவதை கொள்கையை எதிர்த்து தன்னை தானே தீக்கிரையாக்கிக் கொண்டார். அத்துடன் இவர் தீயால் எரிந்த போது எந்த வித ஒரு ஒலியையோ அல்லது அசைவையோ கொண்டிருக்கவில்லை என்பது குறிப்பிடத் தக்கது.

* 1965 *

1965 ஆம் ஆண்டு தென் வியட்நாமில் ஒரு தாய் தனது பிள்ளைகளுடன் அமெரிக்காவின் குண்டு விச்சுக்கு பயந்து ஆற்றினுள் குத்தித்து தப்பிக்க முயற்சித்தார்.

* 1966 *

1966 ஆம் ஆண்டு நடைபெற்ற போரின் போது இறந்த வியட்நாம் சிப்பாய் ஒருவரை ஐக்கிய அமெரிக்க படை வீரர்கள் அவரை பீரங்கி வாகனத்தின் பின்னால் இழுத்துச் சென்றனர்.

* 1972 *

1972 ஆம் ஆண்டு தென் வியட்நாம் இல் அமெரிக்க விமானங்கள் தற்செயலாக பிறிதொரு நகரத்தில் குண்டு போட்டதானால் ஏற்ப்பட்ட தீ விபத்தில் இருந்ந்து பெற்றோரை இழந்த ஒரு சிறுமி தெருவழியே ஓடும் இப் புகைப்படம் வெளியிடப்பட்டதும் வியட்நாம் போர் நிறுத்தப் பட்டது.

* 1981 *

மாசி மாதம் 23 ஆம் திகதி 1981 ஆம் ஆண்டு இராணுவப் பொலிஸ் அதிகாரி கொலோனேல் மோலினா என்பவர் ஸ்பெயின் நாட்டின் பாராளுமன்றக் கட்டிடத்தை கைப்பற்றினார். இப் புகைப்படத்தை புகைப்படக் கலைஞர் தனது பாதணியில் மறைத்து வைத்து எடுத்துள்ளார் என்பது குறிப்பிடத் தக்கது.

* 1982 *

1982 ஆம் ஆண்டில் பாலஸ்தீன அகதிகள் பெய்ரூட், லெபனான் (Beirut, Lebanon ) ஆகிய இடங்களில் கொலை செய்யப்பட்டனர்.

* 1987 *

1987 ஆம் ஆண்டு தென் கொரியாவில் பொதுத் தேர்தல் கொள்கைக்கு எதிர்ப்பு தெரிவத்தாதாக கைது செய்யப்பட்ட மகனைத் திரும்ப தன்னிடம் ஒப்படைக்குமாறு கேட்கும் போது எடுக்கப்பட்ட புகைப்படம்.

* 1992 *

1992 ஆம் ஆண்டு சோமாலிய நாட்டில் பசியால் இறந்த தன குழந்தையை தாய் கையில் தாங்கியபடி இருந்த போது எடுக்கப்பட்ட புகைப்படம்.

* 2002 *

2002 ஆம் ஆண்டில் ஏற்ப்பட்ட பூமியதிர்ச்சியால் இறந்தவர்களை அந்தநாட்டு இராணுவத்தினரும் கிராம மக்களும் சேர்ந்து அவர்களுக்கு கலரை அமைத்தனர் அச் சமயத்தில் அங்கே ஒரு சிறுவன் தனது தந்தையின் நீலகாற்ச்சட்டையை கையில் பிடித்தவண்ண இருக்கும் காட்சி.

2003 ஆம் ஆண்டு ஈராக் போர்க் கைதி ஒருவர் தனது பிள்ளையை சமாதானப் படுத்தும் போது எடுக்கப்பட்ட காட்சி.

குடும்ப மரம் ( Family Tree )

2011-06-08T23:20:00.000+02:00

இன்றைய காலகட்டத்தில் கூட்டுக் குடும்பம் என்பது மிக அரிதாகி தனிக்குடும்பமே 99 % காணப்படுக்கின்றது. இவ்வாறு இருக்கின்ற பொழுது எம்மில் அநேகருக்கு எமது குடும்ப அங்கத்தவரில் சிலரையோ அல்லது பலரையோ அறிந்திருக்க மாட்டோம் நாம் புதிய இடத்திற்கோ , திருவிழாவிற்கோ அல்லது நிகழ்வொன்றுக்கோ செல்லும் போது அங்கு வருபவர்கள் "நீங்க அவான்ட மகளோ அல்லது நீங்க அவற்ற மகனோ" என்று கேட்க்கும் போது எமக்கு கேள்வி கேட்பவர் யார் என்று தெரியாததனால் சில சமயங்களில் அவர்களின் முகத்தை முறிப்பது போன்று செயற்ப்பட சந்தர்ப்பம் அதிகம் உருவாகின்றது. பின்னர் தான் எமது பெற்றோரிடமோ யாரிடமோ அவர்களைப்பற்றி அறிந்து கொள்கிறோம். இத்தகைய ஒரு பிரச்சனையைப் போக்க இணையத்தளத்தில் இலவசமாக உங்கள் குடுப்பம் பற்றிய தகவலையும் உங்கள் குடும்ப அங்கத்தவர்களையும் ஒரு மரம் போல் உருவாக்க தக்க இணையம் உங்களுக்காக.

இந்த இணையத்தளத்திற்கு செல்வதற்கு கிழே காணப்படும் நிழம்பு ( Photo ) ஐ சொடுக்கவும்

சொடுக்கியதும் மேல காட்டப் பட்டவாறு ஒரு இணையத்தளம் உங்களுக்கு உருவாகும். பின்னர் கிழே காட்டப்பட்டுள்ள நிழம்பு ( Photo ) வில் உள்ளதை போன்று உங்கள் தகவலை அளித்து START MY FAMILY TREE ! என்பதனைச் சொடுக்கி இலவசக் கணக்கை ஆரம்பிக்கவும்.¨

இதில் START MY FAMILY TREE ! என்ற சொடுக்கியை சொடுக்கியதும் கிழே காட்டப்பட்டது போன்ற ஒரு பகுதி உங்களுக்கு காண்பிக்கப்படும். அதில் நீங்கள் உள்நுழைவதற்கு குறிப்பிட்ட முளுபெயருடன் தோன்றும்.

பின்னர் உங்கள் பெயரின் கீழ்ப் பகுதியில் edit info என்பதைச் சொடுக்கி உங்களை பற்றிய அதாவது உங்கள் சகோதரத்தின் தகவல் மற்றும் பெற்றோரின் தகவல் என்பவற்றைச் சேகரித்து விடுங்கள்.

இவ்வாறு இருக்கும் பகுதியில் Invite என்பதை சொடுக்கி உங்கள் உறவினர்களுக்கு Mail அனுப்பிவிடுங்கள் அவர்கள் அதில் தமது குடும்பம் பற்றிய தகவலை சேர்த்து விட்டு அவர்களது உறவினருக்கு அனுப்புவார்கள். சில நாட்கள் கழித்து உங்கள் Family Tree ஐ நோக்கினால் அது ஆல விருட்சம் போல் வளர்ந்திருப்பதைக் காணக்கூடியதாக இருக்கும்.

" நிலம் எனும் Geni இல் உரம் எனும் Mail ஐ அனுப்பி Family மரத்தை வளர்ப்போம்.!!"

புத்தாடை பற்றிய சிறிய தகவல்.

2011-06-08T22:26:00.002+02:00

மனிதன் என்றால் ஆசைகள் இருப்பது வழக்கம் தான். ஒவ்வொருவருக்கும் ஒவ்வொரு ருசி உண்டு. அநேகர் புது ஆடை அணிவதில் மிகவும் ருசி கண்டிருப்பார்கள் அவர்களுக்கு ஒரு சிறிய பயன் தரு செய்தி.

பணக்காரருக்கு எந்தநாளும் திருவிழா தானுங்க... எப்பவும் புதுசு புதுசா டிசைன் டிசைனா ஆடை அணிவாங்க. ஆனா ஏழைகளுக்கு திருவிழா நாள் மட்டும் தான் கொண்டாட்டம் அண்டைக்கு தான் புது ஆடை வாங்கி அணிவாங்க அதுவும் எவ்வளவோ கஷ்டப்பட்டு முதல் நாள் அங்காடில அடிபாடு நெரிசல் பட்டு. அப்படி வாங்கின உடுப்பை திருவிழா நாள் அன்றைக்கு உரையை ( pakking ) கழட்டிட்டு போடுவாங்க.

இவ்வாறு நீங்கள் அணியும் ஆடையை ஒரு தடவை தோய்த்து உலர்த்திவிட்டு அணியுங்கள் உங்களை அண்டைக்கு யாரும் நினைக்க மாட்டார்கள் அது தானுங்க தும்மல் வராது எண்டு மறை முகமாய் சொல்லுறன். நீங்க புது ஆடையை அவ்வாறே அணிகின்ற போது ஆடை நெய்யும் இடத்தில் இருந்த தூசி ( Dust ) மற்றும் ஆடை நெய்யும் துணியின் தூசி என்பன அவ்வாறே இருக்கும்.

புது ஆடையைத் தோயக்கிறதா என்று யோசித்தீர்கள் என்றால். பிறகு உங்களை யாராவது நினைக்க நேரிடும் அதனுடன் சேர்த்து வைத்தியச் செலவு ஆடையின் செலவை விட அதிகமாகிவிடும்.

முக்கிய குறிப்பு :- தரம் குறைந்த ஆடைகளை வாங்கினா அப்படியே புதுசாய் போட்டிடுங்க நான் சொன்னதை எல்லாம் செய்தீங்க என்றால் ஆடையின் சாயம் போயிடும் அப்புறம் புத்தாடை பழைய ஆடை ஆகிடும்.

சிறார் கனணி

2011-05-19T22:23:00.000+02:00

உங்கள் வீட்டில் சில்வண்டுகள்(சிறுவர்கள் ) உள்ளனரா. அவர்கள் கனணிப் பிரியர்களாக இருந்தால் இந்தப் பகுதி உங்களுக்கும் அவர்களுக்கும் மிகவும் உதவும் என நம்புகிறேன்.

சிறுவர்களுக்குப் பிடித்த வகையில் உங்கள் கனணியை மாற்றிக் கொள்ள விரும்புகிறீர்களா இங்கே சொடுக்கவும்.

சொடுக்கிய பின்னர் மேற்க் கண்டவாறு ஒரு இணையத்தளம் open ஆகும்.

அவ் இணையத்தளத்தில் Basic edition MDSetupBasic .exe என்ற ஒன்று மேற்கண்ட படத்தில் நீல நிறத்தில் கட்டியவாறு காணப்படும் அதில் Start downloading என்ற பொத்தானை அழுத்தவும்.

இவ்வாறான பகுதி ஒன்று உங்களிற்கு open ஆகும் அதில் Save file (lagre fil ) என்ற பொத்தானை அழுத்தவும் பின்னர் இப் File ஆனது உங்கள் கனணியில் User பகுதியில் உள்ள Download என்ற பகுதியில் Save ஆகும்.

File ஆனது Save ஆகி முடிந்ததும் உங்கள் download பகுதிக்கு சென்று MDSetupBasic .exe என்ற சொடுக்கியை சொடுக்கவும் அதன் பிறகு தொடர்ந்து வரும் box இல் cotinue என்ற பொத்தானை சொடுக்கவும் சொடுக்கியதும் கிழ்கண்டவாறு காணப்படும் அதில் OK என்ற பொத்தானை அழுத்தவும்.

பின்னர் உங்கள் கணனியின் deksktop இல் இதற்க்கான ICAN save ஆகி இருக்கும் அதனை சொடுக்கவும்.

இவ்வாறன Desktop இற்கு மாற்றம் அளிக்கும்.

இவ் Desktop ஐ சிறுவர் பாவனைக்கு கொடுக்கும் போது அவர்கள் கனணியை மிக விருப்போடு தமது தேவைக்கேற்றவாறு உபயோகம் செய்வார்கள்.

மீண்டும் பெரியவர்களின் பாவனைக்குரிய Desktop இற்கு மாற்றுவதற்கு கிழ்க் காணும் படத்தில் உள்ளவாறு சிவப்பு பொத்தானை சொடுக்கி உபயோகிக்கவும்.

இப்பகுதி உங்கள் சிறார்களுக்கு மிகவும் உபயோகம் அளிக்கும் என்று நம்புகின்றேன்..

பழமை

2011-05-10T16:38:00.000+02:00

உலகிலே முதன் முதலாக வெளி வந்த ஒலி அற்ற நிகழ்ப்படம்(வீடியோ) இது 1885 ஆம் ஆண்டு எடுக்கப்பட்டது. இதன் நீளம் ௦.42 செக்கன்கள். இவ் நிகழ்படமானது ஒரு தொழிற்ச்சாலையில் இருந்து வெளியேறும் தொழிலாளர்களை மையமாகக் கொண்டு எடுக்கப்பட்டது. இவ் நிகழ்படம் வெளிவந்த பொழுது அக்கால கட்டத்தில் வாழ்ந்த மக்கள் இதை ஒரு மிகப் பெரிய அதிசயமாகவே கருதினார்கள். இக் காலப் பகுதியிலே தான் சார்லஸ் சாப்ளின் Charles Chaplin இன் ஒலியன்றி உருவாக்கப்பட்ட நகைசுவை நிகழ்படங்கள் வெளியானது. அவை மிக வெற்றியடைந்த இவ்வுலகில் எல்லோராலும் அறியப்பட்ட நிகழ்படங்களாகவும் அமைந்திருந்தன என்பது குறிப்பிடத் தக்கது. முக்கியமாக இவ் நிகழ் படங்கள் கருப்பு வெள்ளை நிகழ்படமாகவே எடுக்கப்பட்டு வந்தன.

இதன் பின்னர் 1927 ஆம் ஆண்டு ஒலியுடன் கூடிய முதலாவது நிகழ்படம் எடுக்கப்பட்டது. அதனைத் தொடர்ந்து 1930 ஆம் ஆண்டு நிற நிகழ்படம் உருவாக்கப்பட்டது.

எதையும் ப்ளான் பண்ணி செய்யணும்...........

2011-04-17T10:44:00.000+02:00

உங்கள் விட்டிற்கு அத்திவாரம் ஒன்றை போடுங்க... வீடு கட்டி முடிந்திடும்....

http://www.homestyler.com/designprofile/3c8e539b-d19c-40d0-bd94-027c7488aeeb
எனது வீட்டின் வரைபடம்... இதுபோல் நீங்களும் உங்கள் வீட்டினை அல்லது கற்பனை வீட்டினை வரைய இந்த இணையத் தளத்திற்கு செல்லவும்...

இங்கு நீங்கள் உங்களை ஒரு அங்கத்தவாராகப் பதிவு செய்துகொண்டு உங்கள் வரைபடத்தை வரையுங்கள்...

ஆய கலைகள் அறுபத்தி நான்கு

2011-04-13T13:43:00.001+02:00

1. அக்கர இலக்கணம்
2. லிகிதம் (இலிகிதம்)
3. கணிதம்
4. வேதம்
5. புராணம்
6. வியாகரணம்
7. நீதி சாஸ்திரம்
8. சோதிடம்
9. தரும சாஸ்திரம்
10. யோகம்
11. மந்திரம்
12. சகுனம்
13. சிற்பம்
14. வைத்தியம்
15. உருவ சாஸ்திரம்
16. இதிகாசம்
17. காவியம்
18. அலங்காரம்
19. மதுர பாடனம்
20. நாடகம்
21. நிருத்தம்
22. சத்த பிரமம்
23. வீணை
24. வேனு
25. மிருதங்கம்
26. தாளம்
27. அகத்திர பரீட்சை
28. கனக பரீட்சை
29. இரத பரீட்சை
30. கஜ பரீட்சை
31. அசுவ பரீட்சை
32. இரத்தின பரீட்சை

33. பூ பரீட்சை

34. சங்கிராம இலக்கணம்

35. மல்யுத்தம்

36. ஆகர்ஷணம்

37. உச்சாடணம்

38. வித்து வேஷணம்

39. மதன சாஸ்திரம்

40. மோகனம்

41. வசீகரணம்

42. இரசவாதம்

43. காந்தர்வ விவாதம்

44. பைபீல வாதம்

45. தாது வாதம்

46. கெளுத்துக வாதம்

47. காருடம்

48. நட்டம்

49. முட்டி

50. ஆகாய பிரவேசம்

51. ஆகாய கமனம்

52. பரகாயப் பிரவேசம்

53. அதிரிச்யம்

54. இந்திர ஜாலம்

55. மகேந்திர ஜாலம்

56. அக்னி ஸ்தம்பம்

57. ஜல ஸ்தம்பம்

58. வாயு ஸ்தம்பம்

59. திட்டி ஸ்தம்பம்

60. வாக்கு ஸ்தம்பம்

61. சுக்கில ஸ்தம்பம்

62. கன்ன ஸ்தம்பம்

63. கட்க ஸ்தம்பம்

64. அவத்தை பிரயோகம்

முனிவரும் சிஷ்யனும் (தத்துவக் கதை )

2011-01-16T09:18:00.001+01:00

ஒரு அழகிய கிராமத்தின் அருகே ஒரு காடு ஒன்று உள்ளது. அக் காட்டினுள் ஒரு அழகிய குடிசை ஒன்றை ஒரு தவ முனிவர் வடிவமைத்து அங்கு தவம் செய்து வந்தார்.

அச் சமயத்தில் ஒரு சிஷ்யன் குருவிற்க்கு உதவி செய்வதாக குறி அவரிடம் சேர்ந்தான். ஒரு சில நாட்க்களின் பின்பு குருவிற்க்கு புரிந்தது இவன் எதோ ஒரு தேவைக்காகத்தான் வந்திருக்கிறான். அதை மனதில் வைத்து கொண்டு கேட்க்கத் தயங்குகிறான் என்று.

முனிவர் ஒரு நாள் அச் சிஷ்யனை கூப்பிட்டு கேட்டார் உனக்கு என்ன வேணும்
என்று? அப்பொழுது ஆரம்பிக்கிறான் சிஷ்யன் தான் வந்த காரணத்தை சொல்ல : முனிவரே உங்களிடம் நிறைய சக்தி இருக்கிறது எம்மால் முடியாத பலவற்றை நீங்கள் நிகழ்த்துகிறீர்கள். இந்த சக்தி எவ்வாறு உங்களுக்கு கிடைத்தது என்று வினவி முடித்தான். முனிவர் சொன்னார் இதற்க்கு தவம் செய்ய வேண்டு என்று. அப்பொழுது சிஷ்யன் எனக்கு அதை சொல்லி தர முடியுமா? எனக் கேட்டான். முனிவர் சிஷ்யனிடம் தவம் செய்யும் போது உச்சரிக்க வேண்டிய மந்திரத்தை சொன்னார். மந்திரம் சொல்லி முடித்த பின் முனிவர் ஒரு நிபந்தனை விதித்தார். நீ இந்த மந்திரத்தை உச்சரிக்கும் போது குரங்கை மட்டும் நினைக்கக் கூடாது என்று. அச் சிஷ்யனும் சரி என்று கூறி விட்டு அச்சிரமத்தை விட்டு வெளியே வந்தான் அப்பொழுது அவனுக்கு முன்னால் குரங்குகள் மட்டுமே கண்ணில் தென்பட்டது. சரி விட்டுக்கு போவோம் என்று அங்கே போனாலும் குரங்கு தான் அவனுக்கு தென்பட்டது.

பின்னர் குளிக்க சென்ற போது சாப்பிட சென்றபோது எல்லாம் அவனுக்கு குரங்கு மட்டுமே தென்பட்டது. சரி மந்திரத்தை சொல்லுவம் என்று சுவாமி அறையினுள் சென்றால் அங்கேயும் இரண்டு குரங்குகள் பூஜை செய்து கொண்டிருந்தன. அவனுக்கு ஒரே குழப்பம் அத்தோடு அவன் சொல்ல வேண்டிய மந்திரத்தையும் மறந்து விட்டான். அடுத்தநாள் அதிகாலையில் முனிவரின் அச்சிரமத்திற்கு சென்றான். முனிவரை அழைத்து முனிவரே எனக்கு எந்த சக்த்தியும் வேண்டாம். எதுவும் வேண்டாம் என்னை இந்தக் குரங்குகளிடம் இருந்து காப்பாறினால் போது என்று கூறினான். முனிவர் அவனை அதிலிருந்து காப்பாற்றி அனுப்பினார்.

மனிதனின் மனமானது எதை நினைக்க வேண்டாம் என்று சொல்கிறோமோ அதைத்தான் எந் நேரமும் நினைத்துக் கொண்டிருக்கும்.

காகமும் வெண்ணைக்கட்டியும் நரியும் .....

2011-01-08T00:25:00.000+01:00

கிழே உள்ள படத்தை பார்த்த உடனே நீங்களே ஒரு கதையை கற்பனை செய்திருப்பீர்கள். நான் எனக்கு தோன்றிய படி கதை எழுதியுள்ளேன். முடிந்தால் அதையும் வாசித்து உங்கள் கற்பனையுடன் பொருந்துகிறதா என்று ஒரு முறை பார்த்து விடுங்களேன்.

என்னா ஒரு மூளை இந்த நரிக்கு. பேசாம நாம கொஞ்ச மூளையைக் கடன் வாங்கலாம் போல....

சின்ன வயதில பாட்டி வடை சுட்ட கதையை அம்மா மூலமோ , ஆசிரியர் மூலமோ அல்லது வீட்டில் இருக்கும் முதியவர் மூலமோ கேட்டிருப்பம் பல தடவை. ஆனால் இந்த கதை கேட்டிருக்க மாட்டோம்.

ஒரு காகம் தன் பசியைத் தீர்ப்பதற்காக எங்கோ ஓர் வீட்டில் இருந்து வெண்ணைக் கட்டியை (சீஸ்) தூக்கிக் கொண்டு வந்தது அப்போது அந்த காகத்திற்கு களைப்பு ஏற்ப்பட்டது அதனால் ஒரு மரத்தின் கிளையில் இளைப்பாறுவதற்காக இருந்தது. அந்த இடத்திற்கு நரி ஒன்று வந்தது. அதற்க்கோ சரியான பசி. அப்போது நரி காகத்திடம் வெண்ணெய்க்கட்டி இருந்ததைக் கண்டது. சிறிது நேரம் யோசித்திவிட்டு காகம் இருந்த கிளையின் அடியில் விறகுகளை அடுக்கி அதில் நெருப்பினைக் கொளுத்தி விட்டது. நரியின் தந்திரம் அறியாத காகம் அக்கிளையிளிருந்து இளைப்பாறியது. சிறிது நேரம் கழித்து தீயின் வெப்பத்தினால் அவ் வெண்ணெய்க்கட்டி உருகத் தொடங்கியது. வெண்ணெய்க்கட்டி ஈந்த படி கிழ் நோக்கி வர அதனை தந்திரம் மிக்க நரி உண்டது. காகம் தன் உணவு பறி போய் விட்டதே என்று மனவருத்தத்துடனும் ஏமாற்றத்துடனும் அங்கிருந்து பறந்து சென்றது.

"வாழ்கையில் ஏமாற்றங்கள் வருவது சகயமே. அதற்காக எல்லா சந்தர்ப்பத்திலும் ஏமாந்து விடாதீர்கள் அது போல் அடுத்தவனை ஏமாற்றாதீர்கள்" இல்லாவிடின் வாழ்க்கையில் வெற்றுப் பகுதியே மிஞ்சி விடும்.

சிறிய உரையாடல்...

2011-01-02T17:32:00.000+01:00

ஒரு சிறிய பையனும் அவனது தந்தையும் வெளியே சென்றனர் அப்பொழுது அங்கே அவர்கள் சன நெரிசலான பாதை ஒன்றைக் கடக்க முற்ப்பட்டார்கள். அந்த சமயம் தந்தைக்கும் மகனுக்கும் இடையில் ஏற்ப்பட்ட ஒரு சிறிய உரையாடல் உங்களுக்காக.

தந்தை :- மகனே என் கையை இறுக்கி பிடித்துக்கொள் நாம் இந்தப் பாலம்

கடக்கும் வரை.

மகன் :- இல்லை, நீங்கள் எனது கையைப் பிடியுங்கள்.

தந்தை :- நீ என் கையைப் பிடிப்பதற்கும் நான் உன்கையைப் பிடிப்பதற்கும்

என்ன வேறுபாடு?

மகன் :- நான் உங்கள் கையை பிடிக்கும் பொது சில சமயம் கையை விட்டு

விடலாம் அது சில நேரங்களில் கஷ்டமாகிவிடும். ஆனால் நீங்கள் என்

கையைப் பிடித்தால்பாலம் கடக்கும் வரை விட மாட்டீர்கள். இது தான்

வேறு பாடு தந்தையே. ( என்று விளக்கம் கொடுத்தான் அந்தச் சின்னப்

பையன்.)

இச் சிறிய உரையாடல் நகைச்சுவையாகத்தான் இருக்கின்றது ஆனால் கூறும் விடயம் உண்மையானதாகவும் மிகப் பெரிய ஒரு உள்ளானத கருத்தைக் கொண்டதாகவும் அமைகின்றது. எனவே நண்பர்களே நகைச்சுவையாக வாசியுங்கள் அத்துடன் அதில் புதைந்துள்ள கருத்தையும் புரிந்து நடவுங்கள்..

கொஞ்ச கொஞ்சம் தமிழ் பப்பமா? (டி விட்டு போச்சுங்க பப்பமா இல்ல படிப்பமா)

2010-12-29T21:18:00.000+01:00

தமிழ்நெடுங்கணக்கில்எத்தனைஎழுத்துக்கள்உள்ளன?

247 எழுத்துக்கள் உள்ளன

முதல்எழுத்துக்கள்எத்தனை?

30 ( உயிரெழுத்து(12 ) + மெய்யெழுத்து(18 ) )

மெய்யெழுத்துக்கள் எத்தனை? அவைஎத்தனைவகைப்படும்?

மெய்யெழுத்துக்கள் = 18 அவை 3 வகைப்படும் அவையாவன

வல்லினம், மெல்லினம் , இடையினம்

சார்புஎழுத்துக்கள்எத்தனை? அவைஎவை?

217 => உயிர்மெய்எழுத்துக்கள் + அகேனம்

சொற்களுள்முன்வரும்எழுத்துக்கள்எத்தனை? முன்னுக்குவராதஎழுத்துக்கள்எத்தனை? சொல்லுக்குப்பின்வரும்எழுத்துக்கள்எத்தனை?

           சொற்களுள் முன்வரும் எழுத்துக்கள் :- 100
     முன் வராத எழுத்துக்கள் :- 147
     சொற்களுக்குப் பின்வரும் எழுத்துக்கள்:- 20

சிறுவர் நிலையில் மாணவர்களுக்கு எத்தனை எழுத்துக்கள் கற்ப்பிக்கப்படும்?

49 எழுத்துக்கள் கற்ப்பிக்கப்படும்.

உயிர்மெய் எழுத்துக்களை அதன் ஒழுங்கு வரிசைப்படி எழுத ஒரு எளிய வழி

க - வல்லினம்
ங - மெல்லினம்
ச - வல்லினம்
ஞ - மெல்லினம்
ட - வல்லினம்
ண - மெல்லினம்
த - வல்லினம்
ந - மெல்லினம்
ப - வல்லினம்
ம - மெல்லினம்
ய - இடையினம்
ர - இடையினம்
ல - இடையினம்
வ - இடையினம்
ழ - இடையினம்
ள - இடையினம்
ற - வல்லினம் ( இவ் எழுத்து 17 ஆம் இடத்தில் போடவும் )
ன - மெல்லினம்( கடைசியாக எழுதப்பட வேண்டும் )

¤ ¤ ஆகிய நிறங்களில் காட்டப்பட்டுள்ள எழுத்துக்கள் ஒன்று விட்ட ஒன்று மாறிவரும் அவற்றில் "ற" மற்றும் "ன" ஆகியன கடைசியாக வரும் அதாவது 17 , 18 வது எழுத்துக்களாக வரும்.
¤ இன் நிறத்தில் காட்டப்பட்டுள்ள எழுத்துக்கள் மட்டும் அதாவது "ம " என்ற எழுத்துக்கு அடுத்தா படியாக தொடர்ந்து வரும்.

சொற்களுக்குமுன்வரும்எழுத்துக்கள்எவை?

           உயிர் எழுத்துக்கள் = 12 எழுத்துக்கள்
     க ச த ப ன ம              = 12 * 6 = 72 எழுத்துக்கள்
     ங் ( ௮ )                         = 1 எழுத்து ங (ஙகரம் = நகரம் என தற்பொழுது உரு

   மாறியுள்ளது)
    ஞ் (௮ , ஆ ,இ ,எ, ஒ) = 5 எழுத்துக்கள்
    ய் ( ௮ , ஆ )                = 2 எழுத்துக்கள்
    (உ, ஊ, ஒ, ஓ)             = 8 எழுத்துக்கள் (உ, ஊ, ஒ, ஓ) இவ்வெழுத்துகள்

தவிர்ந்த ஏனைய உயிர் எழுத்துக்கள் அடங்கும்

அதாவது ௮ , ஆ, இ, ஈ, எ, ஏ, ஐ ,ஔ ஆகியன.
மொத்தமாக = 12 + 72 + 1 + 5 + 2 + 8 = 100 எழுத்துக்கள்.

சொற்களுக்குப்பின்வரும்எழுத்துக்கள்எத்தனை? அவைஎவை?

20 எழுத்துக்கள்
அவையாவன உயிர் எழுத்துக்கள் 12 + 8 ( ண் , ம், ய், ர், ல், ழ், ள், ன் ) ஆகிய

எழுத்துக்கள்.

மன்னிச்சுக்குங்க தமிழ் பிரியர்களே தலையங்கத்தை இப்படி போட்டதற்கு... இப்படி போட்டாத்தான் இங்கால எட்டிப் பாக்கிறாங்க.... இல்லாட்டி அப்படியே பார்க்காத மாதிரி போறாங்க அது தான்.

பிடிச்சிருந்தா இதில் விருப்பம் என்பதை அழுத்திவிட்டு உங்கள் கருத்தையும் எழுதி விட்டு செல்லுங்களேன். தமிழை நான் கொஞ்சம் வளர்த்து விடுவம்..

புதுவருட வாழ்த்துமடல் பகுதி 2

2010-12-26T10:09:00.000+01:00

புதுவருட வாழ்த்து மடல்கள்...(ஆங்கிலம் மற்றும் தமிழ்)

2010-12-23T14:17:00.001+01:00

பிடித்திருந்தால் உங்கள் நண்பர்களுக்கு உறவினர்களுக்கு அனுப்புவதற்கு உபயோகியுங்கள்...
இதை செய்யிறதுக்கு கொஞ்சம் கஷ்டப்பட்டு முயற்சி செய்திருக்கிறன். கருத்தையும் எழுதிவிட்டு செல்லுங்களேன்..

தாயின் அருமை

2010-12-18T14:54:00.000+01:00

ஒரு உயிர் பிரிந்து விட்டபோது அல்லது ஒரு பொருளை நாம் தொலைத்த பின்பு தான் அதன் அருமை மனிதராகிய நமக்குப் புரிகிறது. அது போல் என்று நாம் எம் அன்னையைப் பிரிகிறோமோ அன்று தான் அன்னையின் அருமையை உணருகிறோம். எம்மைப் பெற்றதில் இருந்து நாம் பக்குவ நிலையை அடையும் வரை "கோழி அடை காப்பது" போல எம்மைக் காப்பாள். அவ்வாறு தாயவள் நமக்காக வாழுகின்ற போது அத் தாய்க்கு நாம் தெரியாமல் சில தவறுகளை செய்கிறோம் தெரிந்தே பல தவறுகளைச் செய்கிறோம். அப்பொழுது கூட பொறுமையாக விளங்கப்படுத்துகிறாள் அதில் உள்ள நன்மை தீமைகளை. சில நேரங்களில் காதில் வாங்கிக் கொள்கிறோம் பல நேரங்களில் கேட்பதில்லை. தாய் தனக்காக ஒரு போதும் இறைவனிடம் வேண்ட மாட்டாள். தன் பிள்ளை நல்லா இருக்க வேண்டும் எல்லா நன்மையும் பிள்ளைக்கு சேர வேண்டும் என்றும் சில சமயங்களில் தன் ஆயுளையும் சேர்த்து என் பிள்ளைக்கு கொடு இறைவா என்று கூட வேண்டுகிறாள். அது பிள்ளையாகிய நமக்கு அவளுடன் சேர்ந்திருக்கும் போது தெரிவதும் இல்லை புரிவதும் இல்லை. நமக்கு பல நண்பர்கள் வெளியே உருவாகிறார்கள் ஆனால் என்றும் நாம் ஒரு தாயை நண்பராகப் பார்ப்பதில்லை காரணம் ஒரு தாயிடம் எப்படி எல்லாத்தையும் சொல்லுவது என்ற பயம். நாம் எமது பிரச்சனைகளை நண்பர்களை நம்பிக் கதைகிறோமே ஆனால் பெற்ற தாயவளை நம்ப மறுக்கிறோமே காரணம் ஏனோ?.

என்று ஒரு தாயை நல்ல நண்பராகப் பார்கிறோமோ அன்று தான் நாம் நமது தாய்க்கு உண்மையாக இருக்கிறோம் என்று உணர்ந்து கொள்ள முடியும். எம்மை தாயவள் பெற்றாள் அவளே நம்மை வளர்கிறாள் நல்ல ஒரு பிள்ளையாக. அவ்வாறு இருக்க நாம் ஒரு பெண்ணைப் பார்க்கிறோம் காதலிக்கிறோம் என்று பயமில்லாமல் நண்பர்களிடம் சொல்கிறோம். அப்பொழுது ஒரு நண்பனால் உனக்கான இதில் உள்ள நன்மை தீமையைக் கதைக்க முடியாது காரணம் ஒரு வேளை நீ கோவித்து விடுவாயோ என்ற பயம் அல்லது அவன் உனது வயதாக இருப்பதால் கூட இருக்கலாம். ஆனால் பெற்ற தாயவள் உனக்கு நீ கூறிய மறு கணமே அதன் நமை தீமைகளைக் கூறி விடுவாள். இவ்வாறு இருக்கும் நம் தாயிடம் சொல்ல மறுக்கிறோம் பெற்ற தாய் எவ்வளவோ எதிர் பார்ப்புடன் இருப்பாள் என் பிள்ளை நான் சொல்லும் சொல்லைக் கேக்கும், நான் சொல்வதை மட்டுமே செய்யும் என்று ஆனால் பிள்ளைகளாகிய நாம் அதில் மண்ணை அள்ளிப் போடுகிறோம். காதலிப்பது தவறு என்று சொல்லவில்லை பெற்றவள் நிலை நமக்கு முதல் புரிய வேண்டும் அப்போது புரியும் நாம் காதல் செய்வது சரியா? தவறா? என்று. சில சமயங்களில் தாய் நமக்காக தன் படியில் இருந்து இறங்கி வருகிறாள் ஆனால் நாங்கள் அதை புரிவதில்லை. எமது குறிக்கோளை மட்டுமே மனதில் ஆணி அடித்தமாதிரி பதிந்து வைத்து விடுகிறோம் எமது நிலையில் இருந்து இறங்கி வருவதை மறுக்கிறோம். அச்சமயம் அத்தாயவள் ஒரு கணம் மனங்கலங்கி நிக்கும் போது கூட நாம் அவளின் அருமையைப் புரிவதில்லை.

ஒரு பறவையானது எவ்வளவு கஷ்டப்பட்டு தனது குஞ்சுகளுக்குத் தேவையான உணவுகளைத் தேடிச் சேமித்துவந்து உணவை ஊட்டுகிறதோ அது போல தாய் தனது பிள்ளைகளுக்கு தான் உண்ண உணவில்லா விட்டிலும் தன் பிள்ளைக்கு அதைக் கொடுத்துவிட்டு பட்டினி கிடக்கிறாள். நாம் நம் தாய் உணவருந்தி விட்டாளா என்று கூடக் கேட்ப்பதும் இல்லை கவனிப்பதும் இல்லை. அத்தருணத்தில் கூடத் தாயவள் கவலை கொள்வதில்லை தன் பிள்ளைகள் மன நிறைவுடன் சாப்பிட்டு விட்டார்கள் என்று சந்தோசப்படுகிறாள். அப்பொழுது கூட நாம் தாயின் அருமையைப் புரிந்து கொள்வதில்லை.

நாம் எமது நண்பர்களுடன் அரட்டையில் ஈடுபடும் போது நேரத்தைக் கவனிப்பதில்லை சில சமயங்களில் இரவாகி விட்டது கூடத்தெரியாமல் இருப்போம் அப்பொழுது வீடு திரும்பாத தன் பிள்ளை எங்கே போய் விட்டது? என்ன ஆயிற்று? அதாவது பிரச்சனையில் மாட்டி விட்டதா? என்று ஆயிரம் ஆயிரம் கேள்விகளைத் தன்னுள் எழுப்புகிறாள். தன் பிள்ளையின் வரவை எதிர் பார்த்து "குட்டி போட்ட நாய் போல " வாசலைப் பார்த்த படி நடந்து திரிவாள். அவளின் பிள்ளை அவள் கண்ணில்ப் படும் வரை அவள் நிம்மதியை இழந்து விடுகிறாள். அப்பொழுது நாம் என் தாயவள் என்னை எதிர் பாத்துத் தான் காத்திருக்கிறாள் என்று கூடப் புரியாமல் வீட்டினுள் சென்று நமது வேளையில் ஈடு படுகிறோம். தன் பிள்ளையைப் பேசினால் பிள்ளைமனம் பாதித்திவிடுமோ என்று தயங்குவாள். ஒரு தாய் தன் பிள்ளையை பிரிந்தது முதல் அப் பிள்ளை மீண்டும் அவளை அடையும் வரை எத்தனை வேண்டுதல்கள் விரதங்கள் பிடிக்கிறாள். இவ்வாறான பெற்ற தாயினது அருமைகளை பிள்ளைகளாகிய நாம் ஏன் புரிந்து கொள்வதில்லை?.

பெற்றதாயின் அருமை புரிந்த ஒரு பிள்ளையின் வார்த்தைகள்....... (தளவாடி தினேஷ்)

என் பொழுதைப் போக்கிய சில சித்திரங்கள்...

2010-12-11T10:59:00.000+01:00

எல்லோராலும் சித்திரம் வரைய முடியும். கீறும் சித்திரத்தில் சிறு பிழைகள் எப்போதும் வரும். அதற்காக என்னால் கிற முடியாது.. எனக்கு கீற வராது என்பதெல்லாத்தையும் தூக்கி போடுங்கள். பொறுமை இருந்தால் எதையும் செய்ய முடியும். அவ்வாறு நான் செய்த சிறு முயற்சி தான் இச் சித்திரங்கள்.

ம.தினேஷ்( தளவாடி )

இச் சித்திரங்கள் பிடித்திருந்தால் உங்கள் கருத்துக்களை ஒரு தடவை வரைந்து விட்டுச் செல்லுங்களேன்...

பழைய புதிய இலங்கை நாணயத்தின் நளினங்கள் பகுதி 3 ( குற்றிகள் )

2010-12-09T21:22:00.000+01:00

ஒரு ரூபா நாணயக் குற்றி. 2006 ஆம் ஆண்டு பொன்னிறப் பூச்சுடன் வெளியிடப்பட்டது.

இரண்டு ரூபாய்க் குற்றி. 2004 ஆம் ஆண்டு வெளியிடப்பட்டது.

ஐந்து ரூபாய்க் குற்றி. 2006 ஆம் ஆண்டு வெளியிடப்பட்டது. இதன் பின்னால் ஒரு வேடிக்கையான சிறுகதை 2010 வெளி வந்தது. அதாவது இக் குறியினை உருக்கி பொன் ஆபரணங்களுக்குப் பதிலாக பாவிக்கப் பட்டுள்ளது காரணம் இக் குற்றி பொன் நிறத்தால் ஆக்கப்பட்டதனால்.

ஐந்து ரூபாய்க் குற்றி. இது 1999 ஆம் ஆண்டு வெளியிடப்பட்டது. இலங்கை மட்டைப் பந்து அணியின் வெற்றி காரணமாக இவ்வாறு வெளியிடப்பட்டது.

பத்து ரூபாய் நாணயக் குற்றி. 1998 ஆம் ஆண்டு வெளியிடப்பட்டது. சிறப்பு இலங்கையின் 50 ஆவது சுதந்திர தினத்தின் போது வெளியிடப்பட்டது.

இரண்டு ரூபாய்க் குற்றி. 1981 ஆம் ஆண்டு வெளியிடப்பட்டது. இலங்கையில் மிகப் பெரிய ஆற்றின் படம் பிரசுரிக்கப்பட்டுள்ளது.

ஒரு சதக் குற்றி. 1994 ஆம் ஆண்டு வெளியிடப்பட்டது. இதன் பின் புறத்தில் இலங்கையின் இலட்சினை பொறிக்கப்பட்டுள்ளது.

இரண்டு சதக் குற்றி. 1975 ஆம் ஆண்டு வெளியிடப்பட்டது. பின் புறத்தில் இலங்கையின் இலட்ச்சனை பொறிக்கப்பட்டுள்ளது.

ஐந்து சதக் குற்றி. 1975 ஆம் ஆண்டு வெளியிடப்பட்டது. சதுர வடிவமுடையது. பின் புறத்தில் இலங்கையின் இலட்சினை பொறிக்கப்பட்டுள்ளது.

இருபத்தைந்து சதக் குற்றி. 2006 ஆம் ஆண்டு வெளியிடப்பட்டது. பின் புறத்தில் இலங்கை இலச்சினை பொறிக்கப்பட்டுள்ளது.

ஐம்பது சதக் குற்றி. 2001 ஆம் ஆண்டு வெளியிடப்பட்டது. பின் புறத்தில் இலங்கை இலட்சினை பொறிக்கப்பட்டுள்ளது.

பழைய புதிய இலங்கை நாணயத்தின் நளினங்கள் பகுதி 2

2010-12-07T13:58:00.000+01:00

இவ் 2000 ரூபாத் தாளானது இலங்கை மத்திய வங்கியால் 2006 ஆம் ஆண்டு ஆடி மாதம் 3 ஆம் திகதி அச்சிடப்பட்டு வெளியிடப்பட்டது. இது இன்று பாவனையில் உள்ள தாள். இதில் சிகிரியா என்னும் மலையின் புகைப்படம் முன் பக்கத்தில் பிரசுரிக்கப்பட்டுள்ளது அத்துடன் இத் தாளின் பின் பகுதியில் சிகிரியா ஓவியம் ஒன்றின் படமும் பிரசுரிக்கப்பட்டுள்ளது.

இம் ஐம்பது ரூபாத் தாளானது இலங்கை மத்திய வங்கியால் 2006 ஆம் ஆண்டு ஆடி மாதம் 3 ஆம் திகதி அச்சிடப்பட்டு வெளியிடப்பட்டது. இத் தாள் இன்றும் பாவனையில் உள்ளது குறிப்பிடத்தக்கது.

இவ் இருபது ரூபாத் தாளானது 2005 ஆம் ஆண்டு ஆடி மாதம் 3 ஆம் திகதி இலங்கை மத்திய வங்கியால் அச்சிடப்பட்டு வெளியிடப்பட்டது. இத் தாளின் முன்பகுதியில் கலை நிகழ்வுகளைக் குறிக்கும் வண்ணம் முகமூடியின் அமைப்புப் படமும் பின் பகுதியில் கடற்கரையில் மீன் பிடிக்கும் காட்சியும் பிரசுரிக்கப்பட்டுள்ளது. இத் தாள் இன்றும் பாவனையில் உள்ளது... இத்தாளில் ஒரு சிறப்பும் உண்டு தாளின் பின்புறத்தின் மேற்ப்பகுதியில் பாதிகளாகப் பிரிக்கப்பட்டுள்ள மீனின் வடிவமானது தாளினை மடிப்பதன் மூலம் மீனின் முழு வடிவத்தைப்பெற முடியும்.

இவ் 200 ரூபாத் தாளானது இலங்கை மத்திய வங்கியால் அச்சிடப்பட்டு வெளியிடப்பட்டது. இத் தாள் இன்று பாவனையிலிருந்து நீக்கப்பட்டு வருகின்றது காரணம் இத் தாள் ஒருவகை பிளாஸ்டிக் பொருளாலானது அத்துடன் இத்தாலின் எழுத்துக்கள் கை படும் பொது அழிந்து போவதனால். இன்றைய காலகட்டத்தில் பாவனை வீதம் குறைக்கப்பட்டுள்ளது.

இப் 10 ரூபாத் தாளானது 1991 ஆம் ஆண்டு தைமாதம் 1 ஆம் திகதி இலங்கை மத்திய வங்கியால் ச்ச்சிடப்பட்டு வெளியிடப்பட்டது. இதன் முன் புறப் பகுதியில் வடிவமைக்கப்பட்ட சிங்கத்தின் படமும் அத்துடன் சந்திர வட்டக்கல்லும், இத்தாளின் பின்புறத்தில் பாராளுமன்றத்தின் படமும் அத்துடன் ஒரு கொக்கும் பூமரமும் சேர்த்து அச்சிடப்பட்டுள்ளது.

இம் ஐந்த்நூறு ரூபாத் தாளானது 2004 ஆம் ஆண்டு ஆடி மாதம் 1 ஆம் திகதி இலங்கை மத்திய வங்கியால் அச்சிடப்பட்டு வெளியிடப்பட்டது. இத் தாளின் முன் புறத்தில் இரு மேளக் கலைஞ்ஞர்களினது படமும் ஒரு நடனக் கலைஞ்ஞரினது படமும் பின் புறத்தில் பௌத்த விகாரையும் அத்துடன் மினைக் கொத்திய வண்ணம் மீன் கொத்திப்பரவையும் ஒரு வகையான பூ மரத்தின் புகைப்படமும் பிரசுரிக்கப்பட்டுள்ளது.

இவ் ஒரு ரூபாத் தாளானது 1959 ஆம் ஆண்டு புரட்டாதி மாதம் 11 ஆம் திகதி இலங்கை அரசாங்கத்தினால் அச்சிடப்பட்டு வெளியிடப்பட்டது. இதன் முன் பகுதியில் இலங்கை அரசாங்கத்தின் இலட்ச்ச்சனை அச்சிடப்பட்டுள்ளது. இதில் ஒரு ரூபாய் என்ற சொல் தவிர்ந்த ஏனைய அனைத்தும் சிங்கள மொழியிலே அச்சிடப்பட்டுள்ளது குறிப்பிடத்தக்கது.

இவ் இரண்டு ரூபாய்த் தாளானது 1954 ஆம் ஆண்டு ஐப்பசி மாதம் 16 ஆம் திகதி இலங்கை மத்திய வங்கியால் அச்சிடப்பட்டு வெளியிடப்பட்டது.

இவ் இரண்டு ரூபாய்த் தாளானது 1959 ஆம் ஆண்டு புரட்டாதி மாதம் 11 ஆம் திகதி இலங்கை அரசாங்கத்தினால் வெளியிடப்பட்டது.

இவ் இரண்டு ரூபாய்த் தாளானது இலங்கை மத்திய வங்கியால் 1977 ஆம் ஆண்டு ஆனி மாதம் 26 ஆம் திகதி அச்சிடப்பட்டு வெளியிடப்பட்டது.

இம் ஐந்து ரூபாய்த் தாளானது 1952 ஆம் ஆண்டு ஆனி மாதம் 3 ஆம் திகதி இலங்கை மத்திய வங்கியால் அச்சிடப்பட்டு வெளியிடப்பட்டது.

இந் நூறு ரூபாய்த் தாளானது 2006 ஆம் ஆண்டு ஆடி மாதம் 3 ஆம் திகதி இலங்கை மத்திய வங்கியால் அச்சிடப்பட்டு வெளியிடப்பட்டது. இத்தாள் இன்றும் பாவனையில் உள்ளது.

ஆண்டுக்காண்டு மாறு பட்ட நளினங்களில் அச்சிடப்பட்ட ஒரு ரூபாய், ஐந்துரூபாய், இரண்டு ரூபாய், மற்றும் பத்து ரூபாய்த் தாள்கள் சில....

பழைய புதிய இலங்கை நாணயத்தின் நளினங்கள்......

2010-12-03T11:12:00.000+01:00

இந்த ஒரு ரூபாய்த் தாளானது 1952 ஆம் ஆண்டு ஆனி மாதம் 3 ஆம் திகதி இலங்கை மத்திய வங்கியால் அச்சிடப்பட்டு வெளியிடப்பட்டது. இத்தாளின் முன்புறத்தின் மேற்ப் பகுதியில் "This note is issued behalf of the Government of Ceylon and is legal tender in Ceylon for the payment of any amount" என்று எழுதப்பட்ட வண்ணம் வெளியிடப்பட்டுள்ளது.
இவ் ஒரு ரூபா தாளானது இலங்கை அரசினால் 1949 ஆம் ஆண்டு பங்குனி மாதம் 1 ஆம் திகதி அச்சடித்து வெளியிடப்பட்டது. இதில் "THIS NOTE IS LEGAL TENDER FOR THE PAYMENT OF ANY AMOUNT" என்று முன் பகுதியில் எழுதப்பட்டுள்ளது.
இவ் இருபது ரூபாத் தாளானது 1989 ஆம் ஆண்டு மாசி மாதம் 21 ஆம் திகதி இலங்கை மத்திய வங்கியால் அச்சிடப்பட்டு வெளியிடப்பட்டது. இத் தாளின் முன்பகுதியில் சந்திரவட்டக்கல்லும் பின்புறப் பகுதியில் பௌத்த விகாரையும் சேர்த்து அச்சிடப்பட்டுள்ளது.
இப் பத்துரூபா தாளானது 1985 ஆம் ஆண்டு தை மாதம் 1 ஆம் திகதி இலங்கை மத்திய வங்கியால் அச்சிடப்பட்டு வெளியிடப்பட்டது.
இத் தாளானது 1979 ஆம் ஆண்டு பங்குனி மாதம் 25 ஆம் திகதி இலங்கை மத்தியவங்கியால் இயற்க்கை காட்சியை அடிப்படையாகக் கொண்டு வெளியிடப்பட்டது. இத் தாள் இன்று பாவனையில் இல்லை.
இந்த நூறு ரூபாய்த் தாளானது 1974 ஆம் ஆண்டு ஆவணி மாதம் 27 ஆம் திகதி இலங்கை மத்தியவங்கியினால் அச்சிடப்பட்டு வெளியிடப்பட்டது. இது இன்றைய காலகட்டத்தில் பாவனையில் இல்லை.

இப் பத்து ரூபாத் தாளானது 1985 ஆம் ஆண்டு 1 ஆம் திகதி தை மாதம் இலங்கை மத்தியவங்கியால் அச்சிடப்பட்டு வெளியிடப்பட்டது. இதன் பின்புறப் பக்கத்தில் பௌத்த விகாரையின் படம் பிரசுரிக்கப்பட்டுள்ளது.
இவ் நூறு ரூபா தாளானது 1979 ஆம் ஆண்டு பங்குனி மாதம் இலங்கை மத்திய வங்கியால் அச்சிடப்பட்டு வெளியிடப்பட்டது. இயற்க்கை காட்சியை உள்ளடக்கமாகக் கொண்டு அச்சிடப்பட்டுள்ளது அதாவது இரு குயில்கள், நரி, வண்ணாத்துப்பூச்சி ஒரு சிட்டுக்குருவி மற்றும் சில வகை மரங்களின் படங்களுடன் பதிவு செய்து வெளியிடப்பட்டது. இத் தாள் இன்று பாவனையில் இல்லை.

இவ் ஐம்பது ரூபாத் தாள் ஆனது 1982 ஆண்டு 1 ஆம் திகதி தை மாதம் இலங்கை மத்தியவங்கியால் அச்சிடப்பட்டு வெளியிடப்பட்டது. இது இன்று பாவனயில் இல்லை.

இவ் இருபது ரூபாத் தாளானது 1982 ஆம் ஆண்டு 1 ஆம் திகதி தை மாதம் இலங்கை மத்திய வங்கியால் அச்சிடப்பட்டு வெளியிடப்பட்டது. இத் தாளானது சந்திர வட்டக்கல் மற்றும் பௌத்த விகாரையை உள்ளடக்கமாக கொண்டு வடிவமைக்கப்பட்டுள்ளது. இது அரிதாகவே பாவனையில் உள்ளது..
இவ் ஐந்து ரூபாத் தாளானது 1982 ஆம் ஆண்டு 1 ஆம் திகதி தை மாதம் இலங்கை மத்திய வங்கியால் அச்சிடப்பட்டு வெளியிடப்பட்டது. இதன் பின் புறபக்கத்தில் தூணில் வடிவமைக்கப்பட்ட கற் சிலையின் உருவம் கொண்டு வடிவமைக்கப்பட்டுள்ளது.

இவ் இரண்டு ரூபா தாளானது 1977 ஆம் ஆண்டு ஆவணி மாதம் 25 ஆம் திகதி இலங்கை மத்திய வங்கியால் அச்சடிக்கப்பட்டு வெளியிடப்பட்டது. இது இன்று பாவனையில் இல்லை.

இவ் இருபத்தைந்து சத தாளானது வைகாசி மாதம் இதில் திகதி 1947 ஆம் ஆண்டு படம் அரசாங்கத்தால் அச்சிடப்பட்டு வெளியிடப்பட்டது. இது இன்று பாவனையில் இல்லை..

இப் பத்து சத தாளானது ஆடி மாதம் 14 ஆம் திகதி 1942 ஆம் ஆண்டு இலங்கை அரசாங்கத்தால் அச்சிடப்பட்டு வெளியிடபட்டது.
இவ் 5 சதமானது ஆனி மாதம் 1 ஆம் திகதி 1942 இலங்கை ஆனது அச்சிட்டு வெளியிடப்பட்டது.

நாணயத்தின் நளினங்கள் அடுத்த பகுதியில் தொடரும்.......

என்ன பழைய தாள்களின் ஞாபகம் வருதாங்க....

எப்போதும் பழைய நினைவுகளுக்குப் பெறுமதி அதிகம்.... அதே போல் பழைய நாணயங்களுக்கும் பெறுமதி அதிகம்... அதைத் தவற விட்டிடாதீங்க........

உங்கள் கருத்தையும் வரைந்து விட்டு செல்லுங்கள்... எனது முயற்ச்சிக்கு......

3D கமராவினால் எடுக்கப்பட்ட படத்தின் தோற்றம்...

2010-12-01T21:40:00.000+01:00

ஒருவர் காரின் பாகத்திற்கு வெல்டிங் ( வெட்டும் ஓட்டும் வேலை ) வேலை பார்க்கும் போது எடுக்கப்பட்ட புகைப்படம்
இளைஞன் நீருடன் விளையாடும் போது எடுக்கப்பட்ட புகைப்படம்
ஒரு இளைஞன் பனிச்சறுக்கு விளையாட்டு விளையாடும் போது எடுக்கப்பட்ட புகைப்படம்

64 = 65 ???? இது சாத்தியமாகுமா?? உண்மையாக இல்லை .... ஆனால் இந்த வழி மூலம் சாத்தியமாகும்....... எப்படி எல்லாம் யோசிக்கிறாங்க பாருங்க...

2010-12-01T21:11:00.000+01:00

பாண் பரோட்டா (பாண் கொத்து)

2010-11-21T09:56:00.000+01:00

என்ன விடியவில ஒவ்வொரு நாளும் பாண் சாப்பிட்டு சாப்பிட்டு அலுத்து போய்ட்டாங்க. மாட்டுக்கு எந்தநாளும் வைக்கல் மாதிரி மனுசனுக்கும் இப்ப பாண் ஆகிட்டு என்ன?. என்ன செய்யிறது அப்படியான வாழ்க்கை. சரிங்க கணக்க பேசலைங்க இப்ப பாண் பரோட்டா எப்படி செய்யிறது என்ன என்ன தேவை எண்டு பாப்போம்.

தேவையான பொருட்கள்

வெங்காயம்:

சிறிதளவு சிறுதுண்டுகளாக வெட்டப்பட்ட( பெரிய வெங்காயம் என்றால்

அதில் 1 /2 பகுதி போதுமானது)

பாண்:-

(வெள்ளைப்பாண் சிறந்தது ) உங்களுக்கு தேவையான அளவு ( சிறுதுண்டுகளாக வெட்டப்பட்ட அல்லது பிக்கப்பட்ட)

மஞ்சள் தூள் :-

சிரிதளவு

எண்ணெய்:-

தேவையான அளவு ( நல்லெண்ணெய் மிகச்சிறந்தது)

மிளகாய் / செத்தல் மிளகாய் :-

2 அல்லது 3 ( சிறுதுண்டுகளாக நறுக்கப்பட்டது)

சின்ன கடுகு:-

கொஞ்சம்

உப்பு:- தேவையான அளவு உறைப்பாக இருக்க வேண்டுமானால் கொஞ்ச மிளகாய்த் தூள் ஐயும் சேர்த்து கொள்ளவும்...

செய் முறை:-

ஒரு கடாயில்(சட்டியில்) சிறிதளவு எண்ணெய் ஊற்றி கொதிக்க வைக்கவும் (பிறகு கொதித்திட்டா என்று பாக்க கையை வைத்து பார்கிறேல). அதனுள் துண்டு துண்டாக வெட்டிய வெங்காயம் , ஒரு நிமிடத்தின் பின் மிளகாய் சின்னக்கடுகு என்பவற்றை வதக்கி வெங்காயம் பொன்னிறம் ஆகும் வரை வதக்கவும்... (ஆஆ பொன்னிறம் எண்டால் பக்கத்தில மோதிரத்தை அல்லது கழுத்து பட்டியை (சையினை) கொண்டுவந்து வைத்திட்டு பார்த்துகிட்டிருக்கிறேலங்க.. ) வதக்கும் பொது சிறிதளவு உப்பை சேர்க்கவும்.

அடுத்து மஞ்சள் தூள் சேர்க்கவும் பின்னர் அந்தக் கடாயினுள் வெட்டிய பாண் துண்டை சேர்த்து பிரட்டவும் அல்லது வதக்கிய வெங்காயம் மிளகாயுடன் சேர்த்து கலக்கவும் .. (கலக்கும் போதே ஒரு கொஞ்சத்தை கையில போட்டு டேஸ்ட் பார்திடுற பழக்கம் உங்களுக்கு இருக்கு தானே அப்ப என்ன யோசனை ஒரு கை பாத்திடுங்க... சாரிங்க ஒரு கரண்டி பாத்திடுங்க..) கொஞ்சநேரம் கழித்து அடுப்பினை நிறுத்தி விடுங்க .... (கொஞ்சம் நில்லுங்க என்னோட அடுப்பில எதோ கருகிற வாசம் வருது... இல்லைங்க அது என்னுடையதில் இருந்து இல்ல உங்க அடுப்பில இருந்து தாங்க.. ...) அடுப்பில் இருந்து இறக்கி சிறிது நேரம் கடாயில் அப்படியே விடுங்க அப்பொழுது தான் பாண் கொஞ்சம் வறண்ட நிலையை அடையும் டேஸ்ட் ஆகவும் இருக்கும்... இலஞ் சூட்டில பிள்ளைகளை கூபிட்டு சாப்பிட கொடுங்க...... பிடிச்சிருந்தா கிழமையில ஒரு நாள் செய்து கொடுங்க.. பாவம் தானே பிள்ளைகள்.... என்னங்க ஒரு 1௦ நிமிட வேலை தானே....

பாணை சிறுதுண்டாக பிக்க உங்க பிள்ளைகளிட்ட கொடுங்க கொஞ்சத்தை திண்டு திண்டு பித்து முடிப்பார்கள்....

முட்டையையும் சேர்த்து கொள்ளலாம் விருப்பம் என்றால்

(சின்னனாய் கொத்தி பாண் பரோட்டாவுடன் கலக்கவும்)

(ம.தினேஸ்)

என்ன உங்களுக்கும் உங்க பிள்ளைக்கும் இது பிடித்திருக்கா.....????

மனதின் ஓரத்திலிருந்து சில துளிகள் ....

2010-11-16T19:55:00.000+01:00

எனது கிறுக்கல்கள்.....

இரசிப்பதற்கு பாடல் இல்லை

எழுதுவதற்கு வரிகள் இல்லை

நினைப்பதற்கு ஞாபகம் இல்லை

பார்ப்பதற்கு இடங்கள் இல்லை

கேட்பதற்கு கேள்விகள் இல்லை

சொல்வதற்கு பதில்கள் இல்லை

அழுவதற்கு காரணம் இல்லை

சிரிப்பதற்கு நேரம் இல்லை

செல்வதற்கு பாதை இல்லை

வாழ்வதற்கு வாழ்க்கை இல்லை

சிந்திப்பதற்கு அறிவும் இல்லை

செயர்ப்படுவதர்க்கு ஆற்றலும் இல்லை

சாதிப்பதற்கு சுகந்திரமும் இல்லை

மௌனமாய் இருப்பதற்கு முடிவதில்லை........

(ம.தினேஷ்)

வாழ்வில் சில சொந்தங்கள்....

அம்மாவின் காதல் எனக்கு அளவில்லா சொத்தை தந்தது....

அப்பாவின் அன்பு என் வாழ்வை எனக்கு புரிய வைத்தது....

சகோதரத்தின் பாசம் என்னை எனக்கு அடையாளம் காட்டியது....

நண்பர்களின் நட்பு எனக்கு அளவில்லா நட்பையும் இன்பத்தையும் தந்தது....

இலங்கையின் யுத்தம் என்னை இவற்றில் இருந்து பிரித்து வைத்தது...................

(ம.தினேஷ்)

உங்களிட்ட இருக்கா இந்த சொத்துக்கள்... முடிந்தால் பாதுகாத்து கொள்ளுங்க...

நட்பு என்பது என்றும் அழியாச் சொத்து

குடும்பம் என்பது பெரிய சொத்து

ஆசிரியர் என்பது கிடைத்த சொத்து

அன்பு என்பது யாரும் அறியாச் சொத்து

இச் சொத்துக்களை இழந்து விடக் கூடாது............

(ம.தினேஷ்)

முகப் புத்தகத்தில் நான் பகிர்ந்து கொண்ட கருத்துக்கள்...

2010-11-09T10:35:00.000+01:00

* நீ அன்பு காட்டுபவர்களுக்கு தேவையானதை செய்கிறாய் சுஜநலமாக ஏன் உன் மீது அன்பு காட்டுபவர்களுக்கு எதுவும் செய்கிறாய் இல்லை. இது தான் உனது பண்பா?

* புரியாத வார்த்தை இருந்தும் பயன் இல்லை, புரியாத வாழ்க்கை வாழ்ந்தும் பயன் இல்லை.

* சுதந்திரம் கிடைத்த பறவை போல் பறவடா இவ்வுலகெங்கும்
எல்லைகள் உனக்கில்லை நீ கூட்டில் அடைபடாதவரை....

* அழுது நீ கோழையாகாதே
உனக்கு நண்பன் நீயே
உன்னை காப்பற்ற வருபவர் எவர் உளர்
நீயே உன் காவலன்....

* உனது வாழ்க்கைக்கு எல்லை அமைத்து வாழ்
ஆனால் எல்லைக்குள் ஒரு போதும் வாழ்க்கையை அமைத்து விடாதே.

* இதுவரை ஆராய்ச்சிக்கு உட்ப்படுத்தாத ஒன்று எது தெரியுமா அன்பு. காரணம் அன்பென்றால் அகிலமும் அடங்கிவிடும் என்பதனால்.

*ஒருவனின் வார்த்தை தரும் வலியை விட அவன் செய்யும் செயலின் வலி அதிகம்.

* அன்பானவர்களிடம் உன் மனதை மறைத்து விடாதே. உன் மனதில் உள்ளதை மறைப்பதாயின் அன்பாய் இருப்பது போல் நடித்து வாழாதே.

* கற்பனையில் சித்திரத்தை வரைந்து விடலாம், ஆனால் ஒருவனின் மனதை புரிந்து கொள்ளாமல் நண்பன் ஆகி விட முடியாது.

* ஒரு மனிதனின் அதீத அன்பானது தாயிடம் மட்டுமே உள்ளது..

* ஒன்றை நாம் பார்க்கும் விதத்தில் அது சரி தப்பு என்று முடிவு எடுத்து விடுகிறோம். அதை நாம் எப்போது சரியா தவறா என்று ஆராய்ந்து பார்ப்பதில்லை அப்படி நாம் ஆராய்ந்து பார்த்து விட்டால் சந்தேகங்கள் மனிதர் இடையே தோன்றாது.

* ஆயிரம் தடவை உன் சந்தேகத்தை நேரே கேள் அது சிறிய கோபத்தை உருவாக்கும் ஆனால் பதில் கிடைத்து விடும், ஆனால் உன் சந்தேகத்தை நேரே கேட்க்காமல் உன்னுள் வைத்து மறை முகமாய் ஒருவனைக் காயப் படுத்தாதே அது உனக்கு எல்லையற்ற துன்பத்தை தந்துவிடும்...

* ஒருவனைப் புரிந்து கதைப்பவன் நல்ல நண்பன். புரியாமல் கதைப்பவனாக இருந்தால் அவன் உன் எதிரியல்ல அவனை மறுபடி சந்திக்க ஒரு தடவை கூட நினைத்து விடாதே.

* பிரிவின்றி எவரும் ஒன்றின் அருமையை உணருவதில்லை.
ஆசை கொண்ட எதையும் பிரியக் கூடாது.
பிரிந்தால் அதை எவரும் மறவர்.

* நான் என்று சொல்லும் போது எனது அகத்தில் இருப்பதையே கூறுகிறோம், எனது என்று சொல்லும் போது எனக்காக புறத்தில் இருப்பதை கூறுகிறோம். இதை எல்லாம் தாண்டி நாம் என்று கூறும் பொழுதே வெளியில் எமக்காக காத்திருக்கும் வாழ்க்கையைப் பெற்றுக் கொள்கிறோம்.

* மனிதனாய் பிறந்து மிருகத்தின் குணத்தைக் கொண்டிருப்பதை விட. மிருகமாய் பிறந்து அது தன் இனத்தின் மீது காட்டும் அன்பு போல் காட்டி வாழ்ந்து விடு மனிதா!

* நிஜங்கள் பலவற்றை கண்ணெதிரே தொலைத்து விட்டு இருளெனும் கனவில் தேடுகிறேன். நீண்ட நாட்க்களாக, பல மாதங்களாக, சில வருடங்களாக....

* கல்லைச் சலவை செய்யும் அருவியே இந்த மனிதனின் மனதையும் ஒரு முறை சலவை செய்து விட்டு செல்வாயா?.

* மனதில் பூக்கும் மல்லிகை பூ அன்பு. அதனைத் தூக்கி குப்பையில் போட்டால் கூட நறுமணம் வீசும்.

* ஆயிரம் தடவை யோசித்து முடிவெடுப்பதை விட எடுத்த முடிவில் நிரந்தாரமாய் இருப்பதே அழகு.நேரத்திற்கு தகுந்த மாதிரி செயற்ப்படாதே.

* திட்டமிடல் வாழ்கையில் அவசியாமாய் இருக்கிறது, ஆனால் திட்டமிட்டபடி வாழ்வு செல்லாவிடின் வெறுப்பு ஏற்படுகிறது. உங்கள் அத்தியாவசியத் தேவைக்கு திட்டமிடுங்கள் வாழ்க்கையை திட்டமிடாதீர்கள்.

* அன்பு என்பது சிறந்த ஒன்று அது அழிவதற்கு நீங்கள் காரணம் ஆகி விடாதீர்கள்...

* புரியாத வாழ்க்கைப் பாதைகள்....... தொடரும் பயணங்கள் முடியும் இடம் தெரியாமல் தவிக்கும் உள்ளம்.......

* திறந்துதான் விடுங்களேன் சுதந்திரமாய் வாழட்டும் தவறு செய்யாமலேயே சிறை வாசத்தில் ஆயுட் கைதியாய் அடைபட்டுக் கிடக்கிறது பறவைகள்!!

* அழுவதற்கு எனக்கு மனம் இல்லை காரணம் நான் அழுதால் என் தாய் அழுது விடுவாளே என்று..

* உனக்கு அடுத்தவனை பிடிக்கவில்லையா ஒதுங்கிகொள். உன்னைப் பிடிக்கவில்லையா நீ தலை சிறந்தவன் என நிரூபித்து விடு. அதன் பின் அவர்கள் தாமே வருந்துவார்கள் உன்னை எண்ணி..

*உறவுகள் பந்தம் என்னை உறுத்தவே செய்தது கண்டவை நிஜ உலகில் கசப்பான காட்சிகளே இதுவரை யாரும் என்னைப் புரியவில்லை எதுவரை இந்த சோகம் நீளுமோ தெரியவில்லை ஒன்று மட்டும் புரிந்தது இந்த உணர்வுகள் அற்ற சுயநல உறவுகளை ஏற்று உலக வாழ்க்கைக்கு நான் இன்னுமே பொருத்தமானவன் ஆகிவிடவில்லை என்று.

* வானம் பூமியைத் தொட்டால் அது அதிசயம் ஆனால் மனிதன் வானத்தை தொட்டால் அது
சாதனை. அதிசயத்தை பார்த்துக் கொண்டிருப்பதை விட வானத்தை தொட முயற்சிப்பவனாக
இருந்தால் அதுவே உன் வாழ்வை வெற்றி பயணத்தில் தொடக்கி வைக்கும்...

* எமக்கு நண்பர் பலர் உள்ளனர் ஆனால் கடவுளுக்கு நண்பர்கள் இல்லை.... காரணம் நாம் அனைவரும் பிள்ளைகளாக இருப்பதனால்.. நாம் கடவுளுக்கே நண்பன் ஆக வேண்டுமானால் நட்பில் உண்மையாக இருக்க வேண்டும்.

* வாழ்க்கையில எவ்வளவு தான் உச்சிக்கு போனாலும் கடைசில ஒரு பெட்டிக்க தான் முடியும்.

* படிப்பதற்காக எல்லா சந்தர்ப்பங்களையும்
இணைக்கத் தயாராக இருங்கள்.
எந்த சந்தர்ப்பத்திற்காகவும் படிப்பை
இழக்கத் தயாராகி விடாதீர்கள்!
எனில்
நீங்கள் எங்கிருந்து வந்தாலும்
எங்கு வேண்டுமானாலும் போகலாம்...

* டிசம்பர் 31க்கும் ஜனவரி 1க்கும் ஒரு
நாள்தான் வித்தியாசம். ஆனால் ஜனவரி 1க்கும் டிசம்பர் 31க்கும் ஒரு வருஷம்
வித்தியாசம். இதுதான் உலகம்.

* இன்பம் என்பது கானல் நீர் போன்றது ஒரு சில மணித்துளிகளுக்கு மட்டும் இருக்கும் ஆனால் துன்பம் என்பது வாழ்க்கையில் மரம் போன்று வளர்ந்தே செல்லும்...கானல் நீரைக் கண்டால் எம் மனதில் பூரிப்பு தோன்றும் அது போன்று கிடைக்கும் இன்பத்தை நீ வீணாக்காதே...வாழ்வில் துன்பம் வருவது சகஜமே...அதைக் கண்டு துவண்டு விடாதே பிறகு அது உன்னை வாழ விடாது.......( கானல் நீர் குளிர் நாடுகளில் தெரிவதில்லை காரணம் குளிர் நாடு என்பதால்.)

* பொறுமை, விட்டு கொடுத்தல் இரண்டும் மிக முக்கியம் மனித வாழ்வில்... ஆனால் இவை இரண்டிற்கும் எல்லைகள் உண்டு.... அன்புக்கு மட்டும். என்றும் எல்லையும் இல்லை எதிரியும் இல்லை... மற்றவரின் பொறுமையை சோதிக்காதீர் அவ்வாறு சோதித்து பொறுமை இழந்தால் பிரச்சனை நமக்கு தான் அதிகம்..

* கலகலப்பாய் இருங்கள் வேண்டாம் என்று ஒரு போதும் உங்களுக்கு சொல்லவில்லை
ஆனால் மற்றவனை கலங்கப்படுத்தாது இருங்கள் ..அவ்வாறு இருப்பீர்கள் ஆனால்
நீங்கள் என்றுமே புன்னகை நிரம்பிய முகத்தோடு இருப்பீர்கள....

* நாம் எப்போதும் மேலே போகும் விமானத்தை அண்ணார்ந்து பார்த்து கழுத்தை நோக வைப்பதை விட நேரே பார்த்து எமது முன்னேற்றத்தை பார்த்திருந்தால் என்றோ வாழ்க்கையில் முன்னேறியிருப்போம். இது மேல் அண்ணார்ந்து பார்க்கும் விமானத்துக்கு மட்டும் அல்ல அடுத்தவனை பார்த்து செய்வதற்கும் பொருந்தும்...

* நல்ல நண்பன் உனக்கு வேண்டும் ஆனால் நீ நல்லவனாக இருந்தால் மட்டும் போதாது நீ உண்மையாகவும் இருக்கவேண்டும்..
( நீ உனது நண்பனை பற்றி கதைப்பதாக இருந்தால் அவன் உன்னருகே இருக்கும் போது கதை அவன் சென்ற பிறகு கதைக்காதே அவ்வாறு கதைப்பாயாக இருந்தால் நீ உனது நண்பனை இழந்து விடுவாய்)

* நட்பின் இலக்கணம் தெரிய வேண்டுமானால் உங்கள் நட்பை நேசியுங்கள் அதன் இலக்கணம் மட்டுமல்லாது அதன் ஆழத்தையும் புரிந்து கொள்ளவீர்கள்.

* எதையும் தூரத்தில் இருந்து பார்த்து நம்பாதீர்கள்.........அங்கே என்ன
நடக்குது என்ன நடந்தது என்று தெரியாமல் கதைக்காதீர்கள்.............
இதுக்கு தான் சொல்வார்கள் காதால் கேட்பதும் பொய் கண்ணால் பார்ப்பதும் பொய் தீர விசாரிப்பதே மெய் என்று..

* கடன் கொடுங்கள் அதை திரும்பப் பெற்று விடுவீர்கள் ஆனால் களவு கொடுத்து விடாதீர்கள் அதை திரும்பப் பெற முடியாது...

* கண்கள் எமது முதுகை பார்த்ததில்லை கால்த் தடங்கல் கூட மாறிப் பதிவதில்லை ஆனால் மனிதன் மட்டும் மாறுகிறான் காரணம் மட்டும் புரியவில்லை ஏனோ ..

* நட்பு என்பது என்றும் அழியாச் சொத்து குடும்பம் என்பது பெரிய சொத்து ஆசிரியர் என்பது கிடைத்த சொத்து இச் சொத்துக்களை இழந்து விடக் கூடாது........

பிடிச்சிருந்தா சுட்டு போடுங்க பறுவாய் இல்ல....ஆனா சொல்லிட்டு சுடுங்க..... என்னங்க தத்துவம் சொல்லி இருக்குறன் உங்க கருத்தை எழுதிட்டு போங்களேன்....

போட்டோ ஷாப்

2010-11-06T16:02:00.000+01:00

என்ன நீங்க போட்டோ ஷாப் பிரியர்கள் தானே... அப்போ இது உபயோகப்படும் என்று நினைக்கிறன். இனி என்ன ஆரம்பிக்க வேண்டியது தானே உங்க வேலையை...

இதில் நீங்கள் வெள்ளையாக உள்ள பகுதியை அளித்துவிட்டு போட்டோ ஷாப்பில் உபயோகியுங்கள். இவ் வெள்ளைப்பகுதியை(படம் தவிர்ந்த:-உதாரணமாக இங்கே கிழே தரப்பட்டுள்ள படத்தில் சிவப்பு நிறத்தினால் எல்லை வரையப்பட்ட பகுதி தவிர்ந்த ஏனைய வெள்ளை நிறப்பகுதியை அழித்து உபயோகப் படுத்தவும். )

இதனை ஒரு கணப் பொழுதில் அளிக்க உங்கள் போட்டோ ஷாப்பில் உள்ள Magic Eraser Tool ஐப் பயன்படுத்துங்கள்.

என்ன இந்தப் படங்கள் உங்களுக்கு உபயோகப்பட்டது தானே... அப்படி என்றால் உங்கள் கருத்தை ஒருக்கா பதிந்து விட்டு செல்லுங்களேன்.... இப்படிக்கு தளவாடி (தினேஷ்)

உதவி செய் அதை நன்றே செய். அது எவ்வுதவியாக இருப்பினும்...

2010-10-29T12:56:00.000+02:00

ஒருவருக்கு உதவி செய்யும் போது அரைகுறையாகச் செய்யாதீர்கள். முக்கியமாக பணம் கொடுத்து உதவ விருப்பும்புவராக இருந்தால் பணத்தை கொஞ்சம் கொஞ்சமாக கொடுத்து உங்கள் பணத்தையும் அழித்து நீங்கள் உதவுபவர்களின் வாழ்க்கையையும் அழிக்காதீர்கள். உதாரணம் கேட்க்கும் நேரம் எல்லாம் பணத்தை கொடுத்தல் , உணவுக்கு மட்டும் பணம் அனுப்புதல் மாதம் மாதம் பணம் அனுப்புதல் என்பவற்றை செய்யாது நீங்கள் உதவும் தொகையை ஒரு முதலீடாக அவர்களுக்கு வழங்குங்கள்....இதனால் உங்கள் பணமும் சேமிக்கபடுகிறது அவர்களும் வாழ்க்கையில் முன்னேறுவார்கள்.

நீங்கள் காண்பவர்களில் மனம் குன்றியவர்கள் இருந்தால் அவர்களை உங்கள் அருகே வைத்து அன்பையும் பாசத்தையும் காட்டுங்கள் ஒரு வாரம் அல்ல ஒரு நாளில் அவர்களின் மனதில் ஏற்படும் மாறுதலை உணருவீர்கள். நீங்கள் இதில் வெற்றி அடைந்து விட்டீர்களானால் அதில் அடையும் இன்பத்தை வேறு எதிலும் அடைய மாட்டீர்கள்.

ஏழை என்றும் ஏழை அல்ல அதை புரிந்து கொள் மனிதா!
நீ உதவுவதால் உன் மிகப் பெரிய சொத்தாகிய நிம்மதி உன்னை வந்து சேரும்.

ஏழை உன்னை மதிப்பதாக இருந்தால் அது உன் மீது உள்ள பயம் என்று நினையாதே!
அதுவே உன்னை ஒருநாள் மனம் வருந்தச் செய்துவிடும்.

ஏழை வாடினாலும் சிரிப்பார்கள் காரணம் நிம்மதி அவர்களிடம் இருக்கும்
பணம் உள்ள நாம் நிம்மதியை பணத்துடன் விட்டு விட்டு அலுத்து கொண்டிருப்போம்.

ஏழைக்கு உதவி செய் ஆனால் செய்வது போன்று நடிக்காதே
அந்தப் பாவம் உன்னை ஒன்றும் செய்யாது உன் வம்சத்தையே பழி வாங்கிவிடும்.

ஏழைக்கு உதவு ஏழ்மையை ஒழித்துவிடு
பூமாதேவி புன்னகைப்பாள்..

உங்கள் தளவாடி ( ம.தினேஷ்)