கொம்பியூட்டர் உலகம்

முகப் புத்தகத்தில் சேமிப்பு (Save) பொத்தான்!

2014-07-25T17:50:00.001+01:00

முகப் புத்தகத்தில் நீங்கள் காணும் எல்லாவற்றையும் படித்து விட அல்லது பார்த்து விட நேரம் கிடைக்காது. ஆகவே பின் அவற்றை சேமித்து வைத்து பார்ப்பதற்கு ஏதுவாக சேமிக்கும் வசதியை கொண்டு வந்திருக்கிறது முகப் புத்தகம்.

எவற்றை சேமிக்கலாம்?

இணைப்புகள், திரைப்படங்கள், இசை மற்றும் இடங்கள்

எப்படி சேமிப்பது?

முறை 1 : சேமிக்க வேண்டிய இணைப்பிற்கு வலது மூலையில் காணப்படும் கீழ் நோக்கிய அம்புக் குறியை அழுத்தி, பின் தோன்றும் பட்டியலில் Save என்பதை தெரிவு செய்யுங்கள்.

முறை 2 :

இணைப்பின் மேல் செல்லும் போது அது தொடர்பாக தோன்றும் பெட்டியில் Save என்ற பொத்தனை அழுத்துங்கள்.

சேமித்தவற்றை பார்ப்பது எவ்வாறு?

உங்கள் முகப் புத்தக தொடக்கப் பக்கத்திற்குச் சென்று இடது பக்கத்தில் காணப்படும் Saved என்ற இணைப்பை அழுத்தி நீங்கள் சேமித்தவற்றை பார்வையிடலாம்.

நீங்கள் சேமிப்பவற்றை நீங்கள் பகிராவிட்டால், நீங்கள் மட்டுமே பார்க்க முடியும். அத்துடன் iOS மற்றும் Android இயங்கு தளங்களைக் கொண்ட கைத் தொலைபேசிகளிலும் பார்க்க முடியும்.

சாரதி இல்லாத கூகிள் கார்!

2014-05-28T19:30:00.001+01:00

கூகிள் நிறுவனமானது சாரதி இல்லாமல் தானே ஓட்டிச் செல்லும் கார் திட்டத்தை (Self Driving Car Project) சில ஆண்டுகளுக்கு முன் தொடங்கியதை ஆர்வம் உள்ளவர்கள் அறிந்திருக்கலாம்.

வேறு நிறுவனக் கார்களைக் கொண்டு தொடங்கப்பட்ட இத்திட்டத்தில், புதிய செய்தியாக கூகிள் நிறுவனம் தாமாகவே காரை உற்பத்தி செய்யும் திட்டத்தை தெரியப்படுத்தியுள்ளது. இதன் படி நூறு மாதிரிக் (Prototype) கார்கள் உருவாக்கப்படுமாம்.

சோதனை ஓட்டத்தில் ஒரு மாதிரிக் காரையும் காட்டியுள்ளார்கள். இந்தக் காரில் steering wheel, accelerator pedal, or brake pedal போன்ற சாதாரண கார்களில் உள்ள எவையும் இல்லை.

கீழே உள்ள காணொளியில் முதலாவது ஓட்டத்தில் ஓடும் காரைக் காணலாம்.

படம் மற்றும் காணொளி / கூகிள் இணையம்

முகப் புத்தகத்தில் தானாக இயங்கும் காணொளிகளை நிறுத்துதல்!

2014-04-24T17:23:00.001+01:00

முகப் புத்தகத்தில் சில காணொளிகள் தானாக இயங்குவதை சிலர் அவதானித்து இருக்கலாம்.

இதனை நிறுத்துவதற்கு அதாவது தானாக காணொளிகள் இயங்குவதை தவிர்ப்பதற்கு நீங்கள் ஒரே ஒரு மாற்றத்தை செய்தால் போதுமானது.

மேலே படத்தில் காட்டிய படி நிலைகளைப் பின்பற்றி அதனைத் தொடர்ந்து கீழே உள்ள படத்தில் காட்டியவாறு Videos ஐ அழுத்தி Video Settings என்பதன் உப பிரிவான Auto-Play Videos என்பதற்கான தெரிவை Off இற்கு மாற்றுவதன் மூலம் தானாக காணொளிகள் முகப்புத்தகத்தில் இயங்காமல் தடுக்கலாம்.

Youtube இல் காணொளிகளின் பட்டியலை பிரதி எடுப்பது எப்படி?

2013-11-07T17:28:00.001+00:00

Youtube இல் காணப்படும் வசதிகளில் ஒன்று வேறு ஒருவர் தரவேற்றிய காணொளிகளின் பட்டியல் (Playlist) ஒன்றை உருவாக்க முடியும் என்பதாகும். இது பலருக்கும் தெரிந்திருக்கும்.

இந்தப் பதிவில் வேறு ஒருவர் ஏற்கனவே உருவாக்கி வைத்திருக்கும் காணொளிகளின் பட்டியலை நமது கணக்கிற்கு பிரதி எடுப்பது எப்படி என்பது பற்றியை குறிப்பு ஒன்றைத் தருகிறேன்.

Digital Inspiration என்ற இணையத் தளம் ஒன்றை உருவாக்கி அதில் எழுதிவரும் Amit Agarwal அவர்கள் இதனை செய்யக்கூடிய ஒரு இணையப் பக்கத்தை உருவாக்கி உள்ளார்.

இணையப் பக்கத்திற்கு செல்ல இங்கே அழுத்தவும்.

இதனைப் பயன்படுத்தி வேறு ஒருவரின் காணொளிகளின் பட்டியலை இலகுவாக நமது கணக்கிற்கு பிரதி எடுத்துவிட முடியும்.

மேலதிக விபரங்களுக்கு, அவரின் இது தொடர்பான கீழுள்ள காணொளியை பார்க்கலாம்.

குரோம் இ.உலாவியே “Search Suggestions” ஐ மட்டும் காட்டு…!

2013-10-07T20:19:00.001+01:00

கூகிள் குரோம் இணைய உலாவி தொடர்பான ஒரு பயன்படக்கூடிய உதவிக் குறிப்பு இது.

பொதுவாக குரோம் இணைய உலாவியின் முகவரி தட்டச்சு செய்யும் பெட்டியில் (Address bar / Omnibox ) ஏதேனும் ஒன்றை தட்டச்சு செய்யத் தொடங்கினால், குரோம் உலாவியானது பல தரப்பட்டவற்றை ஒரு பட்டியல் போல காட்டுவதை கண்டிருப்பீர்கள். உதாரணமாக நீங்கள் ஏற்கனவே சென்று வந்த இணையத் தள முகவரிகள், கூகிளின் சிறந்த முடிவுகள், குரோம் புத்தகக்குறி (Bookmarks) என பல தரப்பட்டவற்றைக் பட்டியலில் காட்டும்.

இதற்கு மாறாக Search Suggestions ஐ மட்டுமே பட்டியலில் காட்டுமாறு செய்வது எப்படி?

உலாவியில் முகவரி தட்டச்சு செய்யும் பெட்டியில் ? ஐ தட்டச்சு செய்து தொடங்கினால், Search Suggestions ஐ மட்டுமே குரோம் உலாவி காட்டும். இதனை Ctrl + E அல்லது Ctrl + K என்ற குறுக்கு வழியை பயன்படுத்தியும் செய்யமுடியும்.

kikin - கூகிள் குரோம் நீட்சி!

2013-09-17T17:59:00.001+01:00

இணையப் பக்கம் ஒன்றைப் பார்த்துக் கொண்டிருக்கிறோம். ஏதோ ஒரு சொல் என்னவென்று விளங்கவில்லை என்று வைத்துக் கொள்ளுவோம். உடனே என்ன செய்வீர்கள்? அந்தச் சொல்லை தெரிவு செய்து, நகல் எடுத்து ஏதாவது தேடு பொறியில் தேடத் தொடங்குவீர்கள் அல்லவா? சில நேரங்களில் இது எரிச்சலைத் தரலாம்.

வேறு வழி?

kikin என்ற குரோம் இணைய உலாவி நீட்சி இதற்கு ஒரு மாற்று வழி செய்கிறது. எப்படி என்றால், அறியவேண்டிய சொல்லின் மேல் அழுத்தி சிறிது நேரம் பிடித்திருந்தால், அது பற்றிய விளக்கம், படங்கள், காணொளி என்று பல கோணங்களில் தகவல்களை அள்ளி வீசுகிறது.

(பயணம் என்ற சொல்லின் மேல் சிறிது நேரம் அழுத்திப் பிடிக்க வலது பக்கத்தில் பல்வேறு தகவல்கள் தோன்றுவதை மேல் உள்ள படத்தில் காணலாம். )

இதுக்கு மேல நான் அலட்டத் தேவையில்லை என்று நினைக்கிறேன். நீங்களே பயன்படுத்திப் பாருங்கள்.

அந்த நீட்சியை குரோம் இணைய உலாவியில் நிறுவ இங்கே அழுத்துங்கள்.

எங்கே என் தொலைபேசி எங்கே…?

2013-08-10T07:24:00.001+01:00

நீங்கள் பயணம் செய்யும் போது அல்லது ஏதாவது கொண்டாட்ட நிகழ்வு இடங்களில் அல்லது இன்ன பிற இடங்களில் உங்கள் கைத் தொலைபேசியை (Android இயங்குதளங்களை கொண்ட) தொலைத்து விட்டீர்களா? இதோ அதற்கு வழி கிடைத்து விட்டது இப்போது. கூகிள் ஆண்டவர் Adroid Device Manager மூலம் உங்கள் தொலைபேசியை கண்டுபிடிக்க அல்லது மேற்கொண்டு நடவடிக்கை எடுக்க வழி செய்துள்ளார்.

எப்படி?

உங்கள் தொலைபேசி உங்களிடம் இல்லை என்று தெரிந்தவுடன் நீங்கள் Adroid Device Manager மூலம் உங்கள் தொலைபேசி எங்க இருக்கு என்று கண்டுபிடித்து உலக படத்தோட பார்க்கலாம். (முக்கிய குறிப்பு - எக்குத் தப்பான இடத்திற்கு போய் தொலைத்து இருந்தால், மனைவியை அல்லது காதலியை பக்கத்தில வைச்சுக் கொண்டு தேடினீர்கள் என்றால் மாட்ட வாய்ப்புள்ளது! எந்த இடத்தில் இருக்கு என்று காட்டித் தொலைச்சிடுமே!)

இடத்தை காட்டியாச்சு… இனி எப்படி திரும்ப பெறுவது?

அதற்கு உங்கள் தொலைபேசியை நீங்க இருக்கும் இடத்தில் இருந்து அழைக்கலாம் (Ring). Silent ஆக இருக்கும் வகையில் மாற்றி இருந்தாலும் கவலை வேண்டாம். ஆகக் கூடிய சத்தத்தில் உங்கள் தொலைபேசியை அழைக்கமுடியும்! சத்தத்தை கேட்டு எடுத்த புண்ணியவான் தந்தால் சரி! தராவிட்டால் என்ன செய்வதாம்? முக்கியமான தகவல்கள் களவு போய்விடுமே!

எப்படி தகவல்களை காப்பது?

உங்கள் தொலைபேசி நிச்சயமாக கிடைக்காது என்று தெரிந்தவுடன் நீங்க அடுத்த அஸ்திரத்தை எய்யலாம். அதாவது உங்கள் தகவல்களை நீங்கள் இருக்கும் இடத்தில் இருந்த வண்ணம் அழிச்சிடலாம்!

நானும் இந்த வசதியைப் பெறலாமா?

Adroid 2.2 அல்லது அதற்கு மேற்பட்ட இயங்கு தளத்தை கொண்ட கைத் தொலைபேசியை நீங்கள் பயன்படுத்துகிறீர்கள் எனில், நீங்களும் இந்த வசதியைப் பெறலாம். என்ன ஒன்று கூகிள் கணக்கும் கட்டாயம் தேவை!

Google Drive மூலம் Scan செய்தல்!

2013-07-12T16:30:00.001+01:00

Google Drive ஐ நீங்கள் கைத் தெலைபேசியில், குறிப்பாக Android இயங்கு தளங்த்தில் இயங்கும் தொலைபேசியில், பயன்படுத்துபவராக இருந்தால் உங்களுக்கு இந்தப் பதிவு உதவும் என்று நம்புகிறேன்.

நான் பெரும்பாலும் Google Drive ஐ அடிக்கடி பயன்படுத்தி வருபவன். சில கடிதங்களை Scan செய்து சேமிக்க வேண்டிய தேவை வருவதுண்டு. Google Drive இன் Android தொலைபேசிகளுக்கான மென்பொருளில் (Google Drive App for android) Scan செய்வதற்கான வசதியை தந்திருக்கிறது கூகிள்.

Google Drive இனை உங்கள் கைத் தொலைபேசியில் திறந்து கொள்ளுங்கள்.

பின் காட்டப்படும் தெரிவு செய்வதற்கான பட்டியலில் Scan என்பதை தெரிவு செய்து Scan செய்யவேண்டியதை தொலைபேசி கமெரா மூலம் படம் எடுங்கள். நீங்கள் எடுத்த படம் தெளிவாக உங்களுக்கு திருப்தியாக இருந்தால் சேமியுங்கள்.

அவ்வளவு தான்!

இன்னும் Google Drive இனை கைத் தொலைபேசியில் பயன்படுத்தாதவர் எனில், தரவிறக்கி பயன்படுத்திப் பாருங்கள் –> Google Drive for Android

Google Drive இல் mp3 கோப்புகளை இயக்குதல்!

2013-05-31T20:26:00.001+01:00

Google Drive என்றால் என்ன என்று உங்களுக்கு தெரிந்திருக்கலாம். கோப்புகளை சேமித்து எங்கிருந்தாலும் பயன்படுத்த உதவும் கூகிளின் சேவைகளில் இதுவும் ஒன்று. இந்தப் பதிவின் நோக்கம் Google Drive இல் mp3 கோப்புகளை சேமித்து அதனை அதிலேயே இயக்கி கேட்பது எப்படி என்பது பற்றித் தான்!

Google Drive இல் mp3 கோப்பினை திறந்தால் என்ன நடக்குது என்று கீழே உள்ள படத்தில் காணலாம்.

சரி இப்ப என்ன செய்தால் mp3 கோப்பினை Google Drive இல் திறந்து கேட்கலாம் என்று பார்க்கலாம்.

ஏற்கனவே ஏதாவது mp3 கோப்பினை Google Drive இல் சேமித்து வைத்திருந்தால் அதன் மேல் வலது கிளிக் செய்து Open with –> Connect more apps என்பதை தெரிவு செய்யுங்கள்.

பின் music player என்று தட்டச்சு செய்து தேடுங்கள். Music Player for Google Drive என்பதற்கு பக்கத்தில் உள்ள CONNECT பொத்தானை அழுத்துங்கள். பின் மறக்காமல் இந்தச் செயலிக்கு அனுமதி கொடுக்க வேண்டும். இதனை Allow access என்ற பொத்தானை அழுத்துவதன் மூலம் செய்யலாம்.

அவ்வளவு தான் இப்போது Google Drive இல் mp3 கோப்புகளை திறந்து கேட்பதற்கான செயலியை இணைத்தாகி விட்டது. இனி mp3 கோப்புகளை நேரடியாக திறந்து கேட்க முடியும்.

mp3 கோப்பு எதுவும் உங்கள் Google Drive இல் இல்லாவிட்டால் Music Player செயலியை எப்படி இணைப்பது? கீழ் உள்ளவாறு செய்யுங்கள்.

Google Drive இல் Settings –> Manage apps என்பதை தெரிவு செய்து பின், Connect more apps என்பதை தெரிவு செய்யுங்கள். அதற்கு பின் மேலே சொன்னவாறு செய்யுங்கள். அவ்வளவு தான்.

உங்கள் கூகிள் கணக்கு தொடர்பான உயில்!

2013-04-14T08:57:00.001+01:00

நாம் இறந்த பிறகு என்ன நடக்கும்? குறி்ப்பிட்ட காலத்திற்கு நீங்கள் செயற்படா நிலையில் இருந்தால் என்ன நடக்க வேண்டும்? எதற்கு என்று தானே கேட்கிறீங்க? உங்கள் மின்னஞ்சல்கள், நீங்கள் தரவேற்றி வைத்திருக்கும் படங்கள் மற்றும் உங்கள் கோப்புகள் போன்றவைக்கு உங்கள் இறப்பின் பின்னோ அல்லது நீங்கள் தொடர்ந்து குறிப்பிட்ட காலத்திற்கு செயற்படா நிலையில் இருந்தாலோ அவற்றிற்கு என்ன நடக்கவேண்டும்? இந்தக் கேள்விகளுக்கு விடையாக கூகிள் அறிமுகப்படுத்தும் புதிய வசதி பற்றி தான் இந்த அறிமுகம். (கூகிளில் கணக்கை வைத்திருக்கும் பயனர்களுக்கு மட்டுமே!)

Inactive Account Manager – இது தான் கூகிளின் புதிய வசதி. இதனைப் பயன்படுத்தி செய்யக்கூடியவை

செயற்படா காலத்தை நிர்ணயம் செய்து கொள்ளல். (Timeout period)
செயற்படா காலத்தை அண்மிக்கும் போது உங்களுக்குத் தெரியப்படுத்துமாறு செய்தல்(மின்னஞ்சல் அல்லது குறுஞ்செய்தி மூலம்)
குறிப்பிட்ட நபர் ஒருவரோடு உங்கள் தகவல்களை பகிர்ந்து கொள்ளுதல்
அல்லது முற்றிலுமாக உங்கள் கணக்கை அழித்துவிடுதல்.(delete account)

மொத்தத்தில இது உங்கள் தகவல்கள் தொடர்பாக உயில் எழுதுதல்!

விரும்பினால் நீங்களும் செயற்படுத்தலாம்.

உள்ளத்தில் உள்ளதை பதிவு செய்ய–கூகிள் கீப்!

2013-03-31T09:55:00.001+01:00

“மனதில் உள்ளதை பதிவு செய்யுங்கள்.” இந்த வாசகத்தைச் சொல்லி Google Keep ஐ பயன்படுத்துங்கள் என்கிறது கூகிள். கூகிள் கீப் (யாருக்கு கீப் என்று கேட்டுத் தொலைக்காதீர்கள்…!) வேறு ஒன்றும் இல்லை. குறிப்பு எடுக்க உதவும் ஒரு மென்பொருள் அல்லது இணையத்தளம் அல்லது App!

ஒன்று போக ஒன்று தோன்றும் என்பது போல… கூகிள் நிறுவனம் அதன் பிரபல்யமான Google Reader இற்கு கட்டாய ஓய்வு கொடுப்பதாக அறிவித்து விட்டு (Google Reader இன் கடைசி நாள் July 1, 2013) Google Keep ஐ களம் இறக்கியிருக்கிறது!

சாதரணமாக குறிப்பு எடுப்பதோடு மட்டுமல்லாமல் படங்களையும் இணைக்க முடியும். குறிப்புகளுக்கு வண்ணக் குறியீடும் செய்யலாம். பெரிசா எப்படி பயன்படுத்தணும் என்று சொல்லத் தேவையில்லை. கஸ்டம் ஒன்றும் இல்லை.

இந்த Google Keep ஐ கணினி மூலமாகப் பயன்படுத்த விரும்பினால் இங்கே அழுத்துங்கள். இந்த வசதியை Google Drive இன் உள்ளங்கமாக இணைத்துள்ளார்கள். கைத் தொலைபேசியில் பயன்படுத்த விரும்பினால், Google Keep App ஐ தரவிறக்க வேண்டும். ஆனால் ஒரு விசயம் Android 4.0 அல்லது அதற்கு மேற்பட்ட இயங்கு தளங்களை கொண்ட கைத் தொலைபேசிக்களில் மட்டும் தான் தற்போது கிடைக்கிறது. இதனை நீங்கள் Google Play இல் இருந்து தரவிறக்கலாம். iOS இயங்கு தளங்களை கொண்ட கருவிகளுக்கு (குறிப்பாக Iphone/Ipad) சீக்கரம் வரலாம் என்று நினைக்கிறேன்.

கடைசியாக ஒரு விசயம். ஏற்கனவே Evernote போன்ற பலரும் பயன்படுத்தும் இது போன்ற App களுக்கு போட்டியாக கூகிளின் அஸ்திரம் தான் இந்த Google Keep!

எத்தனை பேருக்கு கீப்பாகுமோ மன்னிக்கவும் எத்தனை பேர் மனதை வெல்லும் என்று போகப் போக பார்க்கலாம்.

முகப் புத்தகத்தில் ஒலிக் கவன ஈர்ப்பை நிறுத்துதல்!

2013-03-03T08:36:00.001+00:00

நீங்கள் பல சாளரங்களை திறந்து வைத்து வேலை செய்து கொண்டிருக்கிறீர்கள் என்று வைத்துக் கொள்வோம். அந்தச் சாளரங்களில் ஒன்று முகப் புத்தகம். முக்கியமாக வேறு ஒன்றில் கவனம் செலுத்தும் போது புதிதாக முகப் புத்தகத்தில் வரும் கவன ஈர்ப்புகள் (Nofitifications – மன்னிக்கவும் அடியேனின் தமிழ் கலைச் சொல் அறிவு அவ்வளவே!) சிறு ஒலி எழுப்பி, உங்களை “டே… என்னைப் பாரடா” என்று சொல்லாமல் சொல்லும். உடனே நம் கவனம் சிதறிவிடும்!

இவ்வளவு பீடிகை எதுக்கு என்று கேட்டால், முகப் புத்தகத்தில் இந்த மாதிரி வரும் ஒலிக் கவன ஈர்ப்பை நிறுத்துவது எப்படி என்று சொல்லத் தான்! (பெரிய விசயம் பாருங்க… )

முகப் புத்தகத்தில் நுழைந்து கொள்ளுங்கள்.

பின் Account Settings –> Notifications என்பதை தெரிவு செய்து “Notifications Settings” என்ற பக்கத்திற்குச் செல்லுங்கள்.

கீழே படத்தில் காட்டியவாறு செய்யுங்கள்.

கடைசியாக கீழே படத்தில் காட்டியவாறு “Play a sound when each new notification is received” என்பதற்கான தெரிவை நீக்கிச் சேமியுங்கள்.

அவ்வளவு தான் இனி ஒலியுடன் கூடிய கவன ஈர்ப்புகள் வந்து உங்கள் கவனம் சிதறாது!

Google Drive இல் பது வசதி – Preview Files!

2013-02-22T18:32:00.001+00:00

கூகிள் நிறுவனத்தின் பல சேவைகளில் ஒன்றான Google Drive அண்மையில் புது வசதி ஒன்றை அறிமுகப் படுத்தியது. அதாவது ஏறத்தாள 30 வகையான கோப்புகளை திறந்து பார்க்கும் வசதி (Preview) உள்ளமைக்கப் பட்டுள்ளது.

நீங்கள் Google Drive இல் தரவேற்றிய கோப்பை திறந்து பார்க்க விரும்பினால் அந்தக் கோப்பை வலது கிளிக் செய்து “Preview” என்பதை தெரிவு செய்தால் போதும்.

இதில் பல தரப்பட்ட கோப்புகளை பார்க்க முடிவதுடன் ஒரு கோப்பில் (PDF/Word) உள்ள எழுத்துக்களை தெரிவு செய்து பிரதி (Copy) எடுக்கவும் முடிகிறது. அத்துடன் கோப்பினை பெரிது படுத்தியும் பார்க்க முடியும்(Zoom). “Preview” நிலையில் இருந்து கொண்டு கோப்பினை அச்சடித்துக் (Print) கொள்ள முடியும். “Preview” நிலையில் இருந்து வெளியேற ESC பொத்தானை அழுத்தினால் சரி.

உண்மையில் இந்த வசதி சிறந்த ஒன்று தான் என்பதை பயன்படுத்திப் பார்த்தால் தெரிந்து கொள்வீர்கள்.

முகப் புத்தகம் அறிமுகப் படுத்தும் Graph Search!

2013-01-16T19:21:00.001+00:00

முகப் புத்தகத்தின் தற்போதைய சூடான செய்தி அது அறிமுகப் படுத்தும் Graph Search என்பது. இது இன்னும் முழுமை பெற்ற பதிப்பாக வெளிவரவில்லை. மாறாக Beta பதிப்பாக குறிப்பிட்ட எண்ணிக்கையிலான பயனர்கள் மட்டுமே பயன்படுத்த முடியும். எல்லோாருக்கும் கிடைக்கப் பெற காத்திருக்க வேண்டும்.

அதெல்லாம் சரி. அது என்ன Graph Search? முதல்ல ஒரு விசயத்தை சொல்லணும். இது ஒன்றும் கூகிள் மாதிரி இணையத் தேடல் அல்ல. பிறகு? நல்லா கற்பனை பண்ணிப் பாருங்க. முகப் புத்தகத்தில் எத்தனை மில்லயன் கணக்கான தகவல்கள் சேமிக்கப் பட்டிருக்கு. ஆனால் தற்போது முகப் புத்தகத்தில் இருக்கும் தேடுதல் வசதியைப் பயன்படுத்தி மட்டுப்படுத்தப்பட்ட அளவிலான தகவல்கள் மட்டுமே கிடைக்கப் பெறும். அதனால் அவர்கள் அறிமுகப்படுத்தும் இந்த Graph Search ஐ பயன்படுத்தி மிகச் சிறந்த தேடலை மேற்கொள்ளலாம்.

எப்படி எல்லாம் தேடலாம் என்பதற்கு சில உதாரணங்கள்.

நான் விரும்பிய படங்கள் எவை?
நான் இருக்கிற என் நகரத்தில் இருக்கும் நண்பர்கள் யார்?
குறிப்பிட்ட நிறுவனத்தில் வேலை செய்யும் என் முகப் புத்தக நண்பர்கள் யார்?
பரிஸ் நகருக்கு சென்று வந்த நண்பர்கள் யார்?
கொழும்பில் எடுத்த படங்கள் எவை?

மேலே சொன்னவை எவை சாத்தியம் என்பதற்கான சில உதாரணங்கள். ஆனால் இதன் எல்லை பெரியது என்று முகப் புத்தகம் சொல்கிறது.

சரி எப்போது எனக்கு அந்த வசதி கிடைக்கும். தெரியல. ஆனால் நீங்கள் காத்திருப்போர் பட்டியலில் இணையலாம். இணைய விரும்பினால் இங்கே அழுத்துங்கள்.

கடைசியாக ஒரு விசயம். முகப் புத்தகம் வைத்திருக்கும் பல மில்லியன் கணக்கான தகவல்கள் கூகிளிடம் இல்லை (அதாவது எங்களைப் பற்றிய தகவல்கள்). ஆக Graph Search ஆனது முழுமை பெறும்போது அது கூகிளிற்கு சில சமயம் அச்சுறுத்தலாக இருக்கலாம். பொறுத்திருந்து பார்ப்போம்.

மறக்காமல் முகப் புத்தகத்தில் கொம்பியூட்டர் உலகத்தை விரும்புங்கள்.

Adobe CS2 இலவச தரவிறக்கம்!

2013-01-13T18:28:00.001+00:00

வாசக நண்பர்களுக்கு தைப் பொங்கல் வாழ்த்துக்கள்…!

நீங்கள் Adobe நிறுவனத்தின் ஏதேனும் மென்பொருளைப் பயன்படுத்தும் நபர் எனில் உங்களுக்கு இது பயன்படலாம்.

Adobe நிறுவனமானது தனது பழைய பதிப்பு மென்பொருட்கள் சிலவற்றை தனது தளத்தில் இருந்து இலவசமாக தரவிறக்க அனுமதிக்கிறது. கூடவே SERIAL NUMBER யையும் வழங்குகிறது. எவ்வளவு நாட்கள் மட்டும் இது அனுமதிக்கப்படும் என்று தெரியல. (இந்தப் பதிவு எழுதும் போது தரவிறக்கக் கூடியதாக இருந்தது.)

இதில் வழங்கப்படும் பழைய பதிப்பானது Adobe Creative Suite 2 என்று அழைக்கப்படும் Adobe CS2 பதிப்பாகும்.

தரவிறக்க விரும்புபவா்கள் இங்கே அழுத்தவும்.

முகப் புத்தகத்தில் ஒரு தந்திரம்(Trick)!

2012-12-28T19:46:00.001+00:00

நீங்கள் முகப் புத்தகம் (Facebook) பயன்படுத்தும் நபரா? சரி இந்த பதிவு உங்களுக்குத் தான். ஒரு இணையப் பக்கத்தை பார்த்துக் கொண்டிருக்கும் போது அதில் உள்ள படம் ஒன்று உங்களை ஈர்க்கிறது. என் முகப் புத்தகத்தில் பதிந்தால் என்ன என்று தோன்றுகிறது. உடனே என்ன செய்வீர்கள்? அந்தப் படத்தை உங்கள் கணினியில் தரவிறக்கி, பின் முகப் புத்தகத்தில் தரவேற்றுவீர்கள். சாதாரணமாக இப்படித் தான் பலரும் செய்கிறோம்.

இப்ப நான் சொல்ல வாற விசயம் என்னவென்றால், அப்படி நீங்கள் பயன்படுத்த விரும்பும் படத்தை தரவிறக்காமலே அதனை உங்கள் முகப் புத்தகத்தில் தரவேற்றிக் கொள்ளலாம். எப்படி?

படி 1 :

பயன்படுத்த விரும்பும் படத்தின் மேல் வலது கிளிக் செய்து Copy Image URL என்பதை தெரிவு செய்யுங்கள். இதன் மூலம் அந்தப் படத்தின் முகவரியை எடுக்கலாம்.

படி 2 :

இப்போது உங்கள் முகப் புத்தகத்திற்குச் சென்று, Add Photos/Video > Upload Photos/Video என்பதை கிளிக் செய்து கொள்ளுங்கள். நீங்கள் படத்தை தரவேற்றுவற்கான உரையாடல் பெட்டி (Dialogue Box) தோன்றும். அதில் File name இற்குப் பக்கத்தில் காணப்படும் பெட்டியில் (Text Box) நீங்கள் முன்பு பிரதி எடுத்த படத்திற்கான முகரியை ஒட்டி (Paste – Ctrl+V) விடுங்கள். ஒட்டிய பின் Open என்ற கட்டளைச் செயற்படுத்துங்கள்.

படி 3 :

பெரிசா ஒன்றும் இல்லை. Post பண்ணி விடுங்கள்.

வாசக நண்பர்கள் எல்லோருக்கும் இனிய புத்தாண்டு வாழ்த்துக்கள்!

சரி புது வருடத்தில் சந்திப்போம்…

Google Drive இல் சேமிக்க Add-on!

2012-12-13T20:26:00.001+00:00

கூகிள் வழங்கும் பல சேவைகளில் ஒன்று Google Drive. உங்கள் கோப்புகளைச் சேமித்து எங்கிருந்தாலும் எடுத்துப் பயன்படுத்தும் வசதி. சரி அதைப் பற்றி பெரிய விளக்கம் எல்லாம் தேவை இல்லை. விசயத்திற்கு வருவோம்.

நீங்கள் ஒரு இணையப் பக்கத்தை நேரடியாக Google Drive இல் சேமிக்க வரும்புகிறீா்களா? அல்லது ஒரு படத்தை அல்லது ஒலி/ஒளிக் கோப்புகளை Google Drive இல் சேமிக்க விரும்புகிறீா்களா? Save to Google Drive என்ற Chrome add-on இதற்கு உதவுகிறது.

உதாரணமாக ஒரு படத்தை Google Drive இல் சேமிக்க விரும்பினால், அந்தப் படத்தின் மேல் வலது-கிளிக் செய்து SaveImage to Google Drive என்ற கட்டளையைச் செயற்படுத்தி இதனைச் செய்யலாம்.

முயன்று பாருங்கள். மறக்காமல் முகப் புத்தகத்தில் Like பண்ணி விடுங்கள்.

ஜமெயில் மின்னஞ்சலை Track செய்வது எப்படி?

2012-08-05T19:25:00.001+01:00

ஜிமெயில் (Gmail) மின்னஞ்சல் சேவையை பலரும் பயன்படுத்தி வருகிறார்கள். அப்படிப் பயன்படுத்தும் அன்பா்கள் தாங்கள் அனுப்பிய மின்னஞ்சல் பெறுநரால் திறந்து பார்க்கப் பட்டதா என்பதை எப்படி அறிந்து கொள்வது?

இதனைச் செய்வதற்கு RightInbox என்ற நீட்சி (Extension) உதவுகிறது. இந்த நீட்சியானது கூகிள் குரோம், நெருப்பு நரி மற்றும் சபாரி ஆகிய இணைய உலாவிகளுக்கு ஆதரவு தருகின்றது.

இதனை நிறுவிய பின் ஜிமெயிலை திறந்து புதிதாக ஒரு மின்னஞ்சலை எழுத Compose என்ற பொத்தானை அழுத்தினால் Send Now என்ற பொத்தானோடு புதிதாக வேறு சில பொத்தான்களும் தோன்றியிருப்பதைக் காணலாம்.

நீங்கள் புதிதாக மின்னஞ்சலை தயார் செய்த பின் மறக்காமல் Track என்பதை தெரிவு செய்து Send Now ஐ அழுத்துங்கள்.

அவ்வளவு தான். உங்கள் மின்னஞ்சல் பெறுநரால் திறக்கப்ட்டால் உங்களுக்கு ஒரு மின்னஞ்சல் வந்து சேரும்.

RightInbox ஆனது வேறு பல வசதிகளையும் தருகின்றது. Send Later என்பதைப் பயன்படுத்தி ஒரு மின்னஞ்சலை பிறிதொரு தினத்தில் அல்லது நேரத்தில் அனுப்பமுடியும். அத்துடன் Remind Me என்பதை தெரிவு செய்வதன் மூலம் உங்கள் மின்னஞ்சலை நினைவு படுத்தச் செய்யலாம்.

தரவிறக்க இங்கே அழுத்தவும்

நீங்களும் பயன்படுத்திப் பாருங்கள்.

கூகிள் தேடு பொறியில் ஒரு கணிப்பான்!

2012-07-25T20:11:00.001+01:00

கூகிள் தேடலை (Goolge Search) பயன்படுத்தாதவா் இல்லை எனலாம். சாதாரணமாக தேடும் பொறியாக மட்டும் இல்லாமல் பல பயனுள்ள வசதிகளையும் தன்னகத்தே கொண்டுள்ளது. உதாரணமாக 18 x 9 என்பதன் விடை என்ன என்று காண கூகிள் தேடு பொறியை ஒரு கணிப்பான் போன்று பயன்படுத்தலாம். இது பலருக்கும் தெரிந்த ஒன்று தான். விடையை காட்டுவதோடு அது சம்பந்தப்பட்ட முடிவுகளையும் காட்டி வந்த கூகிள் தேடு பொறியானது இப்போது புது விதமாக அதனைக் காட்டுகின்றது.

அதாவது விடையோடு கூடிய கணிப்பான் ஒன்றையும் காட்டுகின்றது. நீங்கள் அந்தக் கணிப்பானைப் பயன்படுத்தி மேலதிக கணக்குகளுக்கான தீா்வினைக் காணமுடியும்.

கணிப்பானை காட்டுவதற்கு ஏதாவது கணக்கை தேடும் பெட்டியில் (Search Box) தட்டச்சு செய்து தேடுங்கள். விடையும் கணிப்பானும் தோன்றும்.

நீங்களும் இந்த அருமையான வசதியைப் பயன்படுத்திப் பாருங்களேன்.

முகப் புத்தகத்திலிருந்து தானாகவே வெளியேறு…

2012-05-05T16:07:00.001+01:00

நீங்கள் முகப் புத்தகப் பாவனையாளா் எனில் இந்தப் பதிவு உங்களுக்குப் பயன்படும். முகப் புத்தகத்தில் நுழையும் பயனா் அதிலிருந்து வெளியேறாமல் (Logout) விட்டுச் செல்வதால் பல்வேறு பிரச்சனைகளுக்கு முகம் கொடுக்க நேரிடலாம். நீங்கள் பதிந்தது போல் பதிவு (Post) ஒன்றையோ அல்லது தேவையில்லாத படங்களையோ அந்தக் கணினியைப் பயன்படுத்துபவா் போடமுடியும்.

ஆகவே நீங்கள் பயன்படுத்தி முடித்த பின் குறிப்பிட்ட நேரத்திற்கு முகப்புத்தகத்தில் செயல்படு நிலையில் (Active) இல்லாத போது தானாகவே இயங்கி உங்கள் முகப் புத்தக கணக்கை முடித்து வைத்தால் (Logout) நல்லதல்லவா?

இதனை செய்வதற்கு ஒரு Add-on உதவுகிறது. இது நெருப்பு நரி (Firefox) உலாவியில் இயங்கக் கூடியது. இதன் பெயா் Facebook Auto-Logout. நெருப்பு நரி உலாவியில் நிறுவ இங்கே அழுத்தவும்.

நிறுவிய உடனே அது செயற்படத் தொடங்குகிறது. நீங்கள் ஏதேனும் மாற்றங்கள் செய்ய விரும்பினால் Add-ons Manager இற்கு சென்று செய்யமுடியும். உதாரணமாக எவ்வளவு நேரத்திற்கு பின் உங்கள் கணக்கை முடித்து வைக்க வேண்டும் என்று மாற்றம் செய்ய முடியும்.

முக புத்தகத்திற்கான குறுக்கு வழிகள்!

2012-01-08T16:27:00.001+00:00

நீங்கள் விசைப் பலகையை பெரும்பாலும் பயன்படுத்துபவா் எனில், விசைப் பலகை குறுக்கு வழிகளை தெரிந்து வைத்திருத்தல் நல்லது. இந்தப் பதிவில் முகப் புத்தகத்தில் பயன்படுத்தக் கூடிய குறுக்கு வழிகள் சிலவற்றை உங்களோடு பகிர்ந்து கொள்கிறேன்.

நீங்கள் குரோம் இ.உலாவி பயன்படுத்துபவா் எனில்,

Alt உடன் கீழ்க்காணும் குறுக்கு வழிகளை பயன்படுத்தலாம். (விண்டோஸ் இயங்கு தளத்தில்)

1 – home
2 – timeline/profile
3 – friends
4 – messages
5 – notifications
6 – general account settings
7 – privacy settings
8 – முகப் புத்தகத்தின் facebook page
9 – legal terms
0 – help center
m – new messages
? – search

நெருப்பு நரி இ.உலாவி எனில், Shift + Alt உடன் மேற்காணும் குறுக்கு வழிகளைப் பயன்படுத்துங்கள். (விண்டோஸ் இயங்கு தளத்தில்)

இன்ரநெட் எஸ்புளோரா் 9 எனில், சில குறுக்கு வழிகள் மாத்திரமே செயற்படுகின்றன.(Alt+#,Enter)

Mac இயங்கு தளம் எனில்,

குரோம் – Control+Option+#
நெருப்பு நரி - Control + #
சபாரி - Control+#

பிறகென்ன விசைப் பலகை குறுக்கு வழிகளைப் பயன்படுத்தி அசத்துங்கள்.

முகப் புத்தக அரட்டையில் படங்கள்!

2011-12-28T11:54:00.001+00:00

முகப் புத்தகத்தில் (Facebook) அரட்டை அடிக்கும் நபரா நீங்கள்? அப்படியெனில் உங்களுக்கு இந்தப் பதிவு உதவும் என்று நம்புகிறேன்.

முகப் புத்தகத்தில் அரட்டை அடிக்கும்போது குறித்த ஒரு நபரின் பெயரை தட்டச்சு செய்யாமல் அவரின் சுயவிபரத்தில் (Profile) இல் இருக்கும் படத்தை (Profile Picture) அரட்டைக்குள் கொண்டுவருவது எவ்வாறு என்று முதலில் காண்போம்.

இதனைச் செய்வதற்கு நீங்கள் குறித்த நபரின் அல்லது பக்கத்தின் சுயவிபர எண்(Profile ID) அல்லது பெயரைத் (Profile Name) தெரிந்து கொள்ள வேண்டும். குறித்த நபரின் அல்லது பக்கத்தின் சுயவிபரத்தை திறந்து கொள்ளுங்கள். மேலே முகவரிப் பெட்டியில் (Address Bar) சுயவிபர எண் அல்லது பெயர் காணப்படும். (பார்க்க படம்)

சுயவிபர பெயா் [Profile Name]

சுயவிபர எண் [Profile ID]

மேலே படத்தில் காட்டியவாறு சுயவிபர எண் அல்லது பெயரைப் பிரதி செய்து கொள்ளுங்கள். (Ctrl+C)

பின் நீங்கள் அரட்டை அடிக்கும் நபருக்கு [[சுயவிபர எண் அல்லது சுயவிபர பெயா்]] என வருமாறு அனுப்புங்கள்.

உதாரணமாக “உங்களுக்கு [[161910833903661]] ஐ தெரியுமா?” என்ற செய்தியை அனுப்புகிறீா்கள்.

அது அவா்களுக்கு கீழ் உள்ளது போல் போய்ச் சேரும்.

மேற்கண்டவாறு ஒரு நபரின் சுயவிபரப் படத்தை அரட்டையோடு பகிர்ந்து கொள்ளமுடியும்.

கடைசியாக ஒன்று, நீங்கள் தட்டச்சு செய்யும் எழுத்துக்களை பல வண்ணங்களில் முகப் புத்தக அரட்டையில் பகிர்ந்து கொள்ள கீழ்க் காணும் தளத்திற்குச் செல்லுங்கள். (படத்தின் மேல் கிளிக் செய்யவும்.)

உங்கள் கருத்துக்களை எழுதுங்கள்.

பல தத்தல்களை புத்தகக்குறி செய்தல்…!

2011-12-22T11:55:00.001+00:00

நீங்கள் பல தத்தல்களை (Tab) ஒரே நேரத்தில் திறந்து வைத்துள்ளீா்கள் என்று வைத்துக் கொள்வோம்.எல்லாத் தத்தல்களையும் ஒரே நேரத்தில் புத்தகக்குறி (Bookmark) செய்வது எவ்வாறு என்று காண்போம்.

நீங்கள் கூகிள் குரோம் இணைய உலாவியைப் பயன்படுத்துபவா் எனில்,

ஏதாவது ஒரு தத்தல் மேல் வலது கிளிக் செய்து Bookmark all tabs… என்பதை தெரிவு செய்யுங்கள். அல்லது Ctrl + Shift + D என்ற குறுக்கு வழியைப் பயன்படுத்துங்கள். (வாழ்க்கையில தானுங்க குறுக்கு வழி கூடாது!)

அடுத்து நீங்கள் நெருப்பு நரி இணைய உலாவியைப் பயன்படுத்துபவா் எனில்,

ஏதாவது ஒரு தத்தல் மேல் வலது கிளிக் செய்து Bookmark All Tabs… என்பதை தெரிவு செய்யுங்கள் அல்லது Ctrl + Shift + D.

இறுதியாக நீங்கள் Internet Explorer ஐ பயன்படுத்துபவா் எனில்,

கீழே படத்தில் காட்டியவாறு செய்யவும்.

ஆக இனிமேல் ஒவ்வொரு தத்தலாக புத்தகக்குறி செய்வதை விடுத்து மேலே காட்டியவாறு இலகுவாக செயற்படலாம்.

------------------------------------------------------------------------------

தத்தல் – Tab

புத்தகக்குறி – Bookmark

(மேலே உள்ள சொற் பிரயோகங்கள் தவறெனில் சுட்டிக் காட்டுங்கள். )

முகப் புத்தகத்தில் ஒரு துணைக் கோப்புறை(Sub Folder)

2011-12-16T12:39:00.001+00:00

முகப் புத்தகத்தில் (Facebook) உங்களுக்கு அனுப்பப்படும் தனி மடல்கள் Messages என்ற கோப்புறையினுள் (Folder) தொகுக்கப்படுகிறது என்பது எல்லோருக்கும் தெரியும். ஆனால் Messages என்ற கோப்புறையைத் தவிர துணைக் கோப்புறை (Sub folder) ஒன்று இருப்பது பலருக்கும் தெரியாமல் இருக்கலாம். (எங்களுக்கு எல்லாம் தெரியும்… நீ ஒன்றும் சொல்ல வேண்டாம்!) Other என்ற பெயரில் அமைந்த அந்த துணைக் கோப்புறை பற்றி சொல்லத் தான் இந்தப் பதிவு…

பொதுவாக உங்கள் நண்பா்களிடம் இருந்து வரும் தனி மடல்கள் Messages என்ற கோப்புறையினுள் சேமிக்கப்படும். உங்கள் நண்பா்கள் அல்லாதவா்களிடம் இருந்தோ உங்கள் நண்பா்களின் நண்பா்களிடம் இருந்தோ வரும் தனி மடல்கள் இந்த Other என்ற துணை கோப்புறையினுள் சேமிக்கப்படும். அது மட்டுமல்லாமல் நீங்கள் இணைந்த குழுக்களிடம் இருந்து அனுப்பப்படும் மடல்களும் Other என்ற துணைக் கோப்புறையினுள் சேமிக்கப்படும். இதில் முக்கியமான விசயம் என்னவென்றால் இந்த துணைக் கோப்புறையினுள் சேமிக்கப்படும் மடல்களைப் பற்றி முகப் புத்தகம் உங்களுக்கு அறிவிக்காது. ஆக நீங்களாப் பார்த்தா தான் உண்டு.

எனக்கு தெரிந்த நண்பா் ஒருவா் கடந்த சித்திரையில் அனுப்பிய தனி மடல் ஒன்றை அண்மையில் தான் பார்க்க நேரிட்டது. காரணம் அவா் என் நண்பா் பட்டியலில் இல்லை. ஆக Other என்ற துணைக் கோப்புறையினுள் அவா் அனுப்பிய மடல் சேமிக்கப்பட்டு விட்டது. உங்களுக்கும் இதே மாதிரியான அனுபவம் ஏற்பட்டிருக்கலாம்.

அந்த துணை கோப்புறையை பார்வையிட Messages ஐ கிளிக் செய்யுங்கள். நீங்கள் கிளிக் செய்தவுடன் Other என்ற துணைக் கோப்புறை தோன்றும். அதற்குள் சேமிக்கப்பட்டுள்ள மடல்களைப் பார்வையிட அதனைக் கிளிக் செய்ய வேண்டும்.

இப்ப அடுத்த கேள்வி எவ்வாறு Other துணை கோப்புறையினுள் உள்ள மடலை Messages இற்கு மாற்றுவது? இது மிக எளிது.

மாற்ற வேண்டிய மடலை திறந்து கொள்ளுங்கள். பின் Actions –> Move to Messages என்பதை தெரிவு செய்யுங்கள். அவ்வளவு தான்.

உங்களுக்கு இந்தப் பதிவு பயன்பட்டதா? எழுதுங்கள் ஒரு வார்த்தை…

VLC மூலம் காணொளி ஒன்றை வெட்டுதல்…

2011-12-03T12:42:00.001+00:00

VLC Player ஐ நீங்கள் அறிந்திருக்கலாம் அத்தோடு பயன்படுத்தவும் செய்யலாம். VLC Player ஐப் பயன்படுத்தி காணொளி ஒன்றின் (Video) தேவையான பகுதி ஒன்றை எவ்வாறு வெட்டி எடுக்கலாம் என்று காண்போம்.

VLC Player இல் காணொளி ஒன்றை திறந்து கொள்ளுங்கள். பின் View->Advanced Controls என்பதை தெரிவு செய்யுங்கள்.

நீங்கள் தெரிவு செய்தவுடன் கீழே மேலதிக பொத்தான்கள் தோன்றும்.

இப்போது காணொளியின் தேவையான இடத்தில் Record பொத்தானை அழுத்துங்கள். பின் வெட்ட வேண்டிய பகுதியின் இறுதிப் பகுதி வந்ததும் மறுபடியும் Record பொத்தானை அழுத்துங்கள். இப்போது காணொளியின் வெட்டப்பட்ட பகுதி உங்கள் கணினியில் சேமிக்கப்பட்டுவிடும். (இயங்கு தளம் Windows 7 எனில், My Videos இல் சேமிக்கப்படும்.)

இந்த முறையைப் பயன்படுத்தி ஒலிக் கோப்புகளில் இருந்தும் தேவையான பகுதியை வெட்டி எடுக்கமுடியும்.

முயன்று பாருங்கள்.