ചിന്താശകലം

ശബരിമലയും ഹര്‍ത്താലും പിന്നെ ഫാസിസവും.

2016-12-01T00:27:00.002+05:30

ഫാസിസം എന്താണെന്ന് ചിന്തിച്ച് എത്തിയത് ഹര്‍ത്താലിലായിരുന്നു. വിമാനത്തിനേയും ബാങ്കിനേയും ഒഴിവാക്കി ഹര്‍ത്താല്‍ ആഹ്വാനം ചെയ്യുന്നത് ഫാസിസമല്ലേ ?

ഒരു ജനാധിപത്യപരമായ ഹര്‍ത്താലാഹ്വാനം ഇങ്ങനെയാവണ്ടേ

"ബഹുമാനപ്പെട്ട ജനാധിപത്യവിശ്വാസികളെ ‌‌‌‌-----ഈ നടപടിയില്‍ പ്രധിഷേധിക്കാന്‍ ഞങ്ങള്‍ നാളെ ഹര്‍ത്താലാഹ്വാനം ചെയ്യുന്നു. നിങ്ങളെല്ലാവരും നാളെ പ്രധിഷേധസൂചകമായി വീടുകളില്‍ തന്നെ ഇരിക്കാനഭ്യര്‍ത്ഥിക്കുന്നു. ഇതിനോട് യോജിപ്പില്ലാത്തവര്‍ക്ക് നാളെ അവരവരുടെ ജോലികള്‍ ചെയ്യുന്നതിനോ വാഹനം ഇറക്കുന്നതിനോ യാതൊരു തടസ്സമുണ്ടാവില്ല "

ഇങ്ങനെ ആരെങ്കിലും ആഹ്വാനം ചെയ്താല്‍ അത് വലിയൊരു തമാശയാവുകയേ ഉള്ളൂ എല്ലാവരും ജോലിക്ക് പോകുകയും ചെയ്യും.

അപ്പോള്‍ ബലപ്രയോഗം വേണം ഭീഷണി വേണം എന്നാലെ ഹര്‍ത്താല്‍ പോലും നടക്കൂ കണ്‍മുന്നിലുള്ള ഫാസിസവും അസഹിസ്ണുതയും അല്ലേ ഇത് ?

ഒരു ന്യൂന പക്ഷം ആളുകള്‍ തീരുമാനിക്കുന്നു ഒരു ഭഹുഭൂരിപക്ഷവും പുറത്തിറങ്ങണ്ട എന്ന് പേരോ ജനാധിപത്യ സമരമാര്‍ഗ്ഗം.

പത്മനാഭ ക്ഷേത്രത്തിലും ശബരിമലയിലും വരെ ഫാസിസ്റ്റ് സ്ഫുരണങ്ങള്‍ കാണാം

സ്ത്രീകള്‍ കയറുന്നത് പ്രശ്നം, ചൂരിദാറിട്ടാല്‍ പ്രശ്നം, ആണുങ്ങള്‍ പാന്റിട്ടാലും ഷര്‍ട്ടിട്ടാലും പ്രശ്നം. വിശ്വാസമിളക്കാന്‍ പറ്റാത്തതാണെന്നും പറഞ്ഞ് ഇതിനെ ന്യായീകരിക്കുന്നവര്‍ ഓര്‍ക്കുക പണ്ടേ വിശ്വാസങ്ങള്‍ ഇളക്കാതെ വച്ചിരുന്നേല്‍ ഇന്ന് ഈ പറയുന്ന ഭൂരിപക്ഷത്തിനും അമ്പല പരിസരത്തേ സ്ഥാനം കാണില്ലായിരുന്നു.

മൊത്തം ഫാസിസ്റ്റായി മാറുന്നത് കൊണ്ടാവും കോടതിയും വെറുതെയിരുന്നില്ല ദേശാഭിമാനം തിയേറ്ററുകളിലൂടെ ജ്വലിപ്പിക്കാന്‍ തീരുമാനിച്ചു. ഇങ്ങനെയാണെങ്കില്‍ തിരഞ്ഞെടുത്ത് സര്‍ക്കാരിനെ ഉണ്ടാക്കൂന്ന ചിലവ് എന്തിനാണാവോ.

ജനാധിപത്യത്തിലും ദേശീയതയിലും അടിയുറച്ച് വിശ്വസിക്കുന്ന കോടതി ജഡ്ജി നിയമനം ഇപ്പോഴും കൊളീജിയം ആണെന്നെതാണ് മറ്റൊരു ഹൈലൈറ്റ്.

എല്ലാവരും ജനാധിപത്യവാദികളാണ് സ്വന്തം കാര്യത്തില്‍ ഫാസിസ്റ്റും

മത രാജ്യം..മതേതര ജാഡ ;)

2015-11-17T03:29:00.002+05:30

നമ്മുടെരാജ്യം മതേതരമാണോ ?

ഈ മതേതരക്കാർ എത്രപേർ എകീകൃത സിവിൽ കോഡിനെ അനുകൂലിക്കുന്നുണ്ട്‌ ?

മതേതരം എന്നാൽ മതത്തിനു തോനുന്നതല്ലാം ചെയ്യാൻ സ്വാതന്ത്രം കൊടുക്കലാണോ അതോ മതങ്ങൾക്കും മേലെയായി മനുഷ്യനെ കാണാൻ പഠിപ്പിക്കലോ ?

ഒരുമതത്തിൽ വിശ്വസിക്കാൻ നിങ്ങൾ ആദ്യം ചെയ്യേണ്ടത്‌ നിങ്ങൾ വിശ്വസിക്കുന്ന മതം മറ്റുള്ളതിനേക്കാൾ മികച്ചതാണെന്നു (മണ്ടത്തരമാണെങ്കിലും) സ്വയം വിശ്വസിക്കുക എന്നതാണ്‌.

ഇല്ലെങ്കിൽ നാളെ മികച്ചമതത്തിലേക്ക്‌ പോകേണ്ടിവരും.

ഇതാണ്‌ സമാധാനത്തിന്റെ ബിബംങ്ങൾ നൽകുന്ന ആദ്യത്തെ വെറുപ്പിന്റെ വിത്ത്‌.

കാശോ മറ്റെന്തുമോ മികച്ചത്‌ സ്വന്തമായി മാത്രംവേണം എന്ന സ്വാർത്ഥബുദ്ധിയുള്ള ആൾകാർ, മതം മാത്രം മറ്റുള്ളവനും കൂടെ തന്റെ കൂടെ വരുന്നതിൽ അഭിമാനിക്കുന്നു.

ഈപറയുന്നതിൽ ഏതേലും ഒരു ദൈവം ഉണ്ടാാവുകയും അവൻ പറയപ്പെടുന്നതിന്റെ ഒരു ശതമാനമെങ്കിലും ശക്തനും ആയിരുന്നാൽ ഇവിടെ വേറെ മതം കാണില്ല.

നമ്മുടെ രാജ്യം നേരുടുന്ന ഒരു വെലിയ വെല്ലുവിളി ഈ മതങ്ങളുടെ മുന്നിൽ നട്ടെല്ല് വളഞ്ഞുപോകുന്നു എന്നതാണ്‌.

മൃഗബലി നിരോധിക്കാനും വിവാഹക്കാര്യത്തിലുമൊക്കെ കോടതികൾ വരെ മതത്തെ ഭയപ്പെടുന്നു.

ഒരു രാജ്യത്തിൽ ജങ്ങൾ വലുതാവണമെങ്കിൽ ആദ്യം അവരെ ഒരുപോലെ കാണാൻ പറ്റണം .

ഒരു പൗരൻ എന്നനിലയിലാവണം അവകാശങ്ങൾ. അല്ലാതെ മതമോ മറ്റുമാനദണ്ഡങ്ങളോ അടിസ്ഥാനമാക്കിയാവരുത്‌.

അല്ലെങ്കിൽ നാളെ isis പുതിയമതംകൊണ്ട്‌ വന്നാൽ ചാവുന്നതും കൊല്ലുന്നതും കൂടി നിയമവിധേയമാക്കേണ്ടിവരും.

നിങ്ങൾ ആദ്യം മതത്തിനുവേണ്ടി യുക്തി ഉപേക്ഷിക്കാൻ പറയും,കാരണം യുക്തിയോടെ ചെയ്യാൻപറ്റുന്നതല്ല മതം പഠിപ്പിക്കുന്നത്‌.

രാജ്യത്തെനിയമങ്ങൾക്ക്‌ മതചട്ടക്കൂടിനുപുറത്ത്‌ യുക്തിയാകട്ടെ മാർഗ്ഗരേഖ.

മതത്തിനെ തെറ്റിദ്ധരിച്ചാണ്‌ കലാപങ്ങൾ ഉണ്ടാകുന്നത്‌ എന്ന് പറയുമ്പോൾ തെറ്റിധരിപ്പിക്കാനിടയുള്ള എന്തോകൂടി അതിലുണ്ടെന്നു വ്യക്തമല്ലെ

ഒരു മതം മതി മനുഷ്യമതം. അത്‌ അവയവദാതാവിനേയും രക്തദാതാവിനേയും കാണുമ്പോൾ മാത്രമല്ല അല്ലാത്തപ്പോഴും അങ്ങനെതന്നെ ആവട്ടെ.

എല്ലാദൈവങ്ങളും മനുഷ്യനെ സഹായിക്കുന്നത്‌ മനുഷ്യന്റെ രൂപത്തിൽ തന്നെയാണല്ലോ.

അവസാനം സക്കറിയയുടെ വാക്കുകളാവട്ടെ

"നമ്മുടെ വീമ്പിളക്കലുകളെല്ലാം പഴമയെപ്പറ്റിയാണ്. ഇന്നിലേക്കു വരുമ്പോൾ, സംസ്കാരം എന്ന വാക്കിന്റെ അർഥം തേടി നാം നാളെകളിലേക്കു പടിയിറങ്ങണം"

ഗോവധം നിരോധ്‌ ?

2015-10-08T03:15:00.000+05:30

ഇപ്പൊഴത്തെ ചൂടുള്ള ചർച്ചയാണു ഗോവധം

എന്റെ വീട്ടിൽ പശുവുണ്ട്‌ കറക്കുന്ന പശുവിനെ മാതാവിനെ പോലെ തന്നെനെയാണു കാണുന്നതും

ഇത്‌ അമ്മ പഠിപ്പിച്ചതാണു കറക്കുന്നതിനുമുൻപേ തൊട്ട്‌ നെറ്റീലൊക്കെ വച്ച്‌, കറന്നു കഴിഞ്ഞാലും അങ്ങനെയൊക്കെതന്നെയാണു അത്‌ പമ്പവിഡ്ഢിത്തം ആയി തോനുന്നവരുണ്ടാകും ഇതിൽ അത്ര പ്രശ്നം ഒന്നും അന്നും ഇന്നും എനിക്ക്‌ തോനിയിട്ടില്ല പശു ഒരു മൃഗം തന്നെയാണെന്ന ബോധം അത്‌ വേണ്ടുന്ന സമയത്തൊക്കെ വെച്ച്‌ പുലർത്താനും പറ്റിയിരുന്നു ചിലപശുക്കളൊക്കെ നനായി ഇണങ്ങും നമ്മുടെ ഭാവമാറ്റം പോലും മനസ്സിലാക്കി പ്രതികരിക്കുന്ന പശുവിനെ ഞാൻ കണ്ടിട്ടുണ്ട്‌ ഇനി വിഷയത്തിലേക്ക്‌ വരാം. വീട്ടിന്നു സാധാരണ പശുവിനെ അറവുകാർക്ക്‌ കൊടുക്കുന്നത്‌ പരമാവധി ഒഴിവാക്കും അത്‌ വളർത്തിയ മൃഗത്തിനോടുള്ള സ്നേഹം കൊണ്ട്‌ മാത്രമാണു. പ്രസവിച്ചപാടെ കൊടുക്കുക പോലുള്ള പൊടികൈകൾ എന്നും ഉപയോഗിച്ചു പോന്നു.

പശുവിനെ കൊടുക്കാത്തെ സംരക്ഷിച്ച്‌ വളർത്താം എന്നത്‌ പാൽ ആവശ്യത്തിനാണെങ്കിൽ പ്രാവർത്തികമായ കാര്യം ആവില്ല കാരണം പരമാവധി 5 -6 മാസം ഒക്കെ കറവുണ്ടാവൂ പിന്നെ പാലുവേണേൽ പശു വീണ്ടും പ്രസവിക്കണം അപ്പൊ കുട്ടികൾ ആറുമാസത്തിൽ ഒന്ന് എന്ന് വച്ച്‌ വന്നാാൽ അവസ്ഥ സംങ്കൽപ്പിക്കാലോ അപ്പൊ പശുവിനെ വിൽകാതെ സംരഷിക്കണമെങ്കിൽ ആദ്യം വേണ്ട എന്നു വെക്കേണ്ടത്‌ പാൽ ആകും

പാലും പാലുൽപ്പന്നങ്ങളും ഉപയോഗിക്കാത്ത തനി വെജിറ്റേറിയൻസിനെ ജീവിയെ കൊല്ലണ്ട എന്നവാദം ഉപയോഗിക്കാൻ ധാർമ്മിക അവകാശമുള്ളു കാരണം മറ്റുള്ളവർ ഈ പെറ്റുപെരുകലിനു ഉത്തരവാദിയാണു.

അവർക്കുപോലും വാദം ഉന്നയിക്കാം സ്വയം ആഹരിക്കാതിരിക്കം എന്നല്ലാതെ ആരേലും ആഹരിക്കരുത്‌ എന്നു പറയാൻ അവകാശം വന്നാൽ ജനാധിപത്യം തകർന്നുപോവും .കാരണം നാളെ ഇരുു ലോജിക്കും ഇല്ലാത്ത എന്തു മണ്ടത്തരവും കൊണ്ടുവരാനുള്ള ലൈസൻസ്സ്‌ ആകും

നമ്മൾ പട്ടിയെ ഓമനിച്ചു വളർത്തുന്നു എന്ന് വച്ച്‌ നാഗാലാന്റ്‌ കാർ കഴിക്കരുതെന്നും തെരുവു പട്ടിയെ കൊല്ലെരുതെന്നും പറയും പോലെ ബാലിശം ആണിത്‌

പിന്നെ അങ്ങനെ ഏതേലും ആർട്ടിക്കിൾ ഭരണഘടനയിൽ ഉണ്ടെങ്കിൽ അത്‌ എടുത്ത്‌ കളഞ്ഞ്‌ മതാചാരപ്രകാരമുള്ള ബലി അന്ധവിശ്വാസം (ഗരുഡൻ തൂക്കം പോലുള്ള്‌) നിരോധിക്കാനുള്ള നിയമമാണു കൊണ്ട്‌ വരേണ്ടത്‌

പൗരന്മാരെ എല്ലാരേയും ഒരുപോലെ കാണുക,ഏകീകൃത സിവിൽ കോഡ്‌ പോലുള്ള നിയമങ്ങളും വരട്ടെ.....

മതങ്ങൾ രാജ്യത്തിന്റെ വഴിക്ക്‌ തടസ്സമായി വരാതിരിക്കട്ടെ....

അൻപ്‌ തന്നെയാണു ശിവം.

മനുഷ്യനു വേണ്ടിയാണു ഇതെല്ലാം പടച്ച്‌ വെക്കുന്നത്‌ ആജീവനുള്ളവില മറ്റൊന്നിനും ഇല്ലതന്നെ

പാലുകുടിക്കുന്ന ഗോവധനിരോധനക്കാരെ നിങ്ങൾ കാരണമാണു ഗോവ്‌ വധിക്കപ്പെടുന്നത്‌ എന്ന സത്യം ആദ്യം മനസ്സിലാക്കുക

അവസാനം അനൂബിൽനിന്നും കടമെടുത്ത്‌ രണ്ട്‌ വാക്ക്‌....

"രാജ്യം നേരിടുന്ന പ്രധാന പ്രതിസന്ധി ഗുരുതരമായ യുദ്ധം പോലുള്ള പ്രശ്നങ്ങൾ ഇല്ലെന്നതാണു അപ്പൊഴെ ഇപ്പൊ വലുതായി ഉയർത്തിക്കാട്ടുന്നതൊന്നും ഒരുപ്രശ്നമല്ല എന്നും സമാധാനത്തിന്റെ വിലയും മനസ്സിലാകൂലാകൂ"

"മാലിയുടെ പോരാട്ടത്തിലെ ശാന്തിമതം ജയിക്കട്ടെട്ടെ"

വധത്തിന്റെ രാഷ്ട്രീയം

2012-05-20T22:32:00.000+05:30

ടി പി ചന്ദ്രശേഖരന്‍ എന്ന രാഷ്ട്രീയനേതാവിനെ ഉന്മൂലനം ചെയ്യുകവഴി പാര്‍ട്ടിക്കൂറ് കാണിക്കുന്നനേതാവുണ്ടെങ്കില്‍ അവനെയാണ് ആദ്യം പടിക്കുപുറത്താക്കി പിണ്ഠം വെക്കേണ്ടത് അവരാണ് പാര്‍ട്ടികക്കത്ത് നിന്ന് പാര്‍ട്ടിയെ നശിപ്പിക്കുന്നത് ഇത്രയും മനസ്സിലാക്കാന്‍ പാര്‍ട്ടിക്ലാസിലൊന്നും പോകണ്ട അല്പം സാമാന്യ ബോധം മാത്രം മതി. പാര്‍ട്ടിപ്രവര്‍ത്തകനാണെന്ന് വ്യധാ അഭിമാനിക്കുന്ന ഓരോരുത്തനും വിമര്‍ശ്ശനാത്മകമായി സ്വജീവതത്തില്‍ എത്രമാത്രം കമ്യൂണിസം കൊണ്ടുവന്നു എന്ന് പരുശോധിക്കുന്നത് നന്നായിരിക്കും. കമ്യൂണിസം എന്നത് മാനുഷിക ശരികള്‍ക്കും സാമാന്യയുക്തിക്കും മനുഷ്യത്തിനും അപ്പുറത്താണെങ്കില്‍ കമ്യൂണിസ്റ്റ് ആവാതിരിക്കുന്നതില്‍ മനുഷ്യന് അഭിമാനിക്കേണ്ടിവരും. ടിപി യുടെ ഘാതകര്‍ പാര്‍ട്ടിയാണെന്നു കണ്ടെത്തിയാല്‍ എന്തുചെയ്യും എന്ന എന്റെ ചോദ്യത്തിന് ഉന്മൂലനസിദ്ധാന്തത്തിലൂന്നി മറുപടിപറഞ്ഞ എന്റെ ഒരു സുഹൃത്തിനോട് എനിക്ക് സഹതാപമാണ് തോനിയത് .
അന്ധമാണ് എന്നകാരണത്താല്‍ മതവിശ്വാസം വേണ്ടെന്നു വച്ച ആദര്‍ശ്ശശാലികളുടെ അന്ധവിശ്വാസം
നിങ്ങള്‍ നിങ്ങളുടെ ബുദ്ധിയും വിചാരങ്ങളും വലിച്ചെറിയൂ ഞങ്ങളുടെ പാര്‍ട്ടിയില്‍ ചേരൂ എന്നായി മാറിയിരിക്കുന്നു.
ചിന്തിക്കുന്നവരേയും പ്രതികരിക്കുന്നവരേയും പുറം തള്ളി അവസാനം ഭീരുക്കളുടെയും അന്ധവിശ്വാസികളുടേയും ഒരുകൂട്ടമായി പാര്‍ട്ടി അധപ്പതിക്കും എന്ന വിജയന്‍ മാഷിന്റെ വിമര്‍ശ്ശനം സത്യമായി ഭവിക്കുമോ ?
വസ്തുതാപരമായി ചിന്തിക്കുകയും തെറ്റുപറ്റാന്‍ സാധ്യതയുള്ള സാധാരണമനുഷ്യരാണ് താങ്കള്‍ എന്ന അടിസ്ഥാനതത്വം മറക്കുകയും ചെയ്യുന്നതാണ് ഇന്നത്തെ പ്രശ്നങ്ങള്‍ക്കുള്ള മൂലകാരണം. ചിന്തകളും ബുദ്ധിയും വിവേകവും പണയം വച്ച ഒരു പിടി കുട്ടികുരങ്ങന്‍മാര്‍ കയ്യിലുണ്ടെന്നു കരുതി എന്തും ചെയ്തുകഴിഞ്ഞ് പണ്ട് അനേകം പ്രതിസന്ധികളെ തരണം ചെയ്ത തഴമ്പ്കാട്ടി രക്ഷപെടാം എന്നത് വ്യാമോഹം മാത്രമാവാനേ തരമുള്ളൂ.
ആത്മാര്‍ത്ഥയുടെ കണികയെങ്കിലും പത്രചാനല്‍ പ്രതികരങ്ങളിലുണ്ടെങ്കില്‍ അക്രമങ്ങളില്‍ ഉള്‍പെട്ട പ്രവര്‍ത്തകരെ ആജീവനാന്തം വിലക്കി കാണിക്കാന്‍ സിപിഎം മാത്രമല്ല എല്ലാപാര്‍ട്ടിക്കാരും മാതൃകകാട്ടണം. ഇവര്‍ക്കുള്ള പ്രോത്സാഹനവും സ്വീകരണവും സഹായവും ചെയ്യില്ല എന്ന് ധൈര്യപൂര്‍വ്വം പ്രഖ്യാപിക്കാന്‍ കഴിവുള്ള ആണുങ്ങളായ ഏതേലും നേതാക്കന്‍മാര്‍ ഇന്നുണ്ടോ ?
പിന്നെന്തിനാണ് നിങ്ങള്‍ പത്രചാനലുകളില്‍ കയറി ജനങ്ങളുടെ കണ്ണില്‍ പൊടിയിടുന്നത് ?
ഇതാണ് കോലത്തുനാടിന്റെ ദുഷ്പേരിനാധാരം.

ഈ ഓരോക്രിമിനലുകളേയും ജനം എന്നെന്നും ഓര്‍ക്കട്ടെ വോട്ടമര്‍ത്താനായ് അവരുടെ നേരെ വിരല്‍ വരുമ്പോള്‍ കൈ അറപ്പോടെ പിന്‍വലിക്കട്ടെ...
അന്ധവിശ്വാസങ്ങളേക്കാള്‍ മനുഷ്യത്ത്വത്തിന് വിലകല്‍പ്പിക്കട്ടെ..
നാട്ടില്‍ സമാധാനം പുലരട്ടെ

ഒക്കെ ഒരു വെറും ഭ്രാന്തന്റെ സ്വപ്നം
നേരു നേരുന്ന താന്തന്റെ സ്വപ്നം

അനശ്വരനായ പൂട്ട് - ഒരു സംഭവ കഥ..

2011-07-24T18:33:00.000+05:30

ചില സംഭവങ്ങള്‍ അങ്ങനെയാണ് നടന്ന് വളരെക്കാലം പിന്നിട്ടാലും ഒരിക്കലും നമുക്കുമറക്കാന്‍ പറ്റാത്തവ.. ചിലവരോടൊത്തുള്ള അനുഭവങ്ങളും അങ്ങനെ തന്നെ ഇതാ ഇവിടെയും നടന്ന ഒരു കഥ ഒരിക്കലും ആരും വിശ്വസിക്കാന്‍ ഒരു സാധ്യതയും ഇല്ലാത്ത ഒന്ന് പിന്നീട് എന്റെ ഓര്‍മ്മകളുടെ ചവറ്റുകൊട്ടയില്‍ തള്ളപ്പെടാതിരിക്കാനായി കുറിച്ച് വെക്കുന്നു...
കഥാപാത്രങ്ങളുടെ പേരുമാത്രം അവരുടെ സ്വകാര്യതക്കായി മാറ്റിയിരിക്കുന്നു....

അന്നും സാധാരണപോലെഒരു ദിവസമായിരുന്നു ഓഫീസില്‍നിന്ന് നേരത്തേഎത്തിയവിനു വെറുതെ ടിവിയും ഓണ്‍ ചെയ്തു ജോലിതെണ്ടിക്കൊണ്ട് വീട്ടിലിരിക്കുന്ന
മഹാരധന്‍മാരുമായി പതിവു തര്‍ക്കത്തിലേര്‍പെട്ടുകൊണ്ടിരിക്കുകയായിരുന്നു, എല്ലാവരും എത്താതെ ചീട്ട് കളി തുടങ്ങാന്‍ പറ്റാത്തതുകൊണ്ടുള്ള പതിവു സമയം കൊല്ലല്‍. പെട്ടെന്നാണ് താഴത്തെ റൂമിലെ സുനു വന്നൊരു സഹായമഭ്യര്‍ഥിച്ചത് റൂമിലുള്ള ആരെയും വിളിച്ചിട്ട് കിട്ടുന്നില്ലെന്നും അവന് റൂമില്‍ കയറാന്‍ പറ്റുന്നില്ലെന്നും പൂട്ടുപൊളിക്കാന്‍ സഹായിക്കണമെന്നും..
നശീകരണം ജന്മവാസനയായികിട്ടിയ വിനു കേട്ടയുടന്‍ കയ്യില്‍ കിട്ടിയ കല്ലുമായി താഴത്തെ മുറിയിലേക്ക് കുതിച്ചു.
എല്ലാവരും ചേര്‍ന്ന് പൂട്ടിനോടുള്ള അക്രമം മുറുകവെ പെട്ടൊന്നൊരു ശബ്ദം .
നിര്‍ത്ത് നിര്‍ത്ത് നിര്‍ത്ത്...
സുനുവിന്റെ സഹമുറിയന്‍ അനി ആയിരുന്നു അത്.
"ടോമു പറഞ്ഞാ ഞാന്‍ അറിയുന്നത് നിങ്ങള്‍ പൊളിച്ചില്ലല്ലോ നാണക്കേടായിപോകുമായിരുന്നു.. ഒരു മുറിയുടെ പൂട്ട് തകര്‍ക്കാന്‍ പോലും പറ്റില്ല എന്നു വച്ചാല്‍ എങ്ങനെ നാളെ നാലാളുടെ മുഖത്തുനോക്കും, എല്ലാവരും മാറിനില്‍ക്ക് ഇത് ഞാനേറ്റു.."
വിനുവിന്റെ കൈയ്യില്‍നിന്നും കല്ലുവാങ്ങി ഊക്കന്‍ രണ്ടടി
ഇത്രയും അടികൊണ്ട് ഒരു പരുവത്തിലായിരുന്ന പൂട്ട് പരാജയം സമ്മതിച്ച് തുറന്നു..
അനി നെഞ്ചൊക്കെ വിരിച്ച് തകര്‍ത്തപൂട്ടുമായി മുറിയിലേക്ക് കയറി പൂട്ടവിടെ വച്ചു .
സഹതാപത്തോടെ സുനു ആ പൂട്ടെടുത്ത് തിരിച്ചും മറിച്ചും നോക്കി ..
അപ്പോള്‍ അനി ചോദിച്ചു എന്താ ?
സുനു: അല്ല ഇനി ഇത് ഉപയോഗിക്കാന്‍ വല്ല വഴിയും ഉണ്ടോ എന്ന് നോക്കുകയായിരുന്നു..
അനി: എന്നാ ഇതാ താക്കോല്
സ്തബ്ദരായിപ്പോയ എല്ലാവരും ഒരേ ശബ്ദത്തില്‍ ചോദിച്ചു
അപ്പോ എന്തിനാ നീ പൂട്ടു പൊളിച്ചത് ?
അനി: അത് ഞാന്‍ ബസ്റ്റോപ്പിറങ്ങിയപ്പോള്‍ കണ്ട ടോമാ എന്നോട് പറഞ്ഞത് സുനു പൂട്ട് പൊളിക്കാനാവാഞ്ഞ് സഹായവും ചോദിച്ച് മേലോട്ട് പോയിട്ടുണ്ടെന്നും നിങ്ങളൊക്കെ ഉണ്ടായിട്ട് എന്താ കാര്യമെന്നും പിന്നെ ഞാനൊന്നും നോക്കിയില്ല. ഓടി വരുവായിരുന്നു.
പിന്നീട് ആരും ഒന്നും പറഞ്ഞില്ല .. ഒരു നിശബ്ദതയായിരുന്നു .. തമ്മില്‍ തമ്മില്‍ നോക്കി എല്ലാവരും പിരിഞ്ഞുപോയി...

ഹര്‍ത്താല്‍ വിവരണം

2010-04-27T15:10:00.000+05:30

പ്രപഞ്ചതലത്തില്‍ ഇടത് പാര്‍ട്ടികള്‍ ആഹ്വാനം ചെയ്ത ഹര്‍ത്താല്‍ ചൊവ്വയിലൊഴിച്ച് എല്ലായിടത്തും ജീവികളുടെ നിസ്സീമമായ സഹകരണത്താല്‍ വന്‍ വിജയമാണ് എന്നാണ് ഒടുവിലത്തെ റിപ്പോര്‍ട്ടുകള്‍...
ഹര്‍ത്താല്‍ ബന്ദായത് കണ്ട് പേടിച്ച കേന്ദ്രത്തിലെ വേന്ദ്രന്‍മാര്‍ അടുത്തദിവസംമുതല്‍ തന്നെ വിലകുറക്കാനുള്ള നടപടിസ്വീകരിക്കുമെന്നറിയുന്നു....
ഗാന്ധി ഉപദേശിച്ച സഹനവും നിരാഹാരവും ജനങ്ങളുടെ മനസ്സില്‍നിന്നും മായാതിരിക്കാനാണ് കഷ്ടപ്പെട്ട് ഹര്‍ത്താല്‍ നടത്തുന്നതെന്ന് ആരും മനസിലാക്കുന്നില്ല എന്ന് നേതാവ് പറഞ്ഞു...
എല്ലാവരും തങ്ങളില്‍ കുറ്റം മാത്രമേ കണ്ടെത്തുന്നുള്ളു എന്നും..
ഇടതു പാര്‍ട്ടികളൂടെ കാലഹരണപ്പെട്ട അജണ്ടയായ സോഷ്യലിസം ഭൂമിയില്‍ പുലരുന്നത് ഈ ദിവസം മാത്രമാണെന്നും അദ്ദേഹം കൂട്ടിച്ചേര്‍ത്തു...
വിമാനം തീവണ്ടി തുടങ്ങിയ ആന്റിസോഷ്യല്‍ സാധനങ്ങള്‍ മാത്രമാണ് സാധാരണ ഒഴിവായി പോവാറുള്ളത് ഇത്തവണ ആ പരാതി പരിഹരിച്ചത് നേതൃത്വത്തിന് നേട്ടമാകും.
ജനങ്ങളുടെ വികാരം മനസ്സില്ലാക്കാതെ പലനാട്ടില്‍ നിന്നു വന്ന എല്ലാ ബൂര്‍ഷ്വാസികളേയും സമരവുമായി സഹകരിപ്പിക്കാന്‍ സാധിച്ചതും..
വീട് വിട്ട് വെളിയില്‍ താമസിക്കുന്നവരെല്ലാം ഹര്‍ത്താലിനനുബന്ധമായ നിരാഹാരസമരത്തില്‍ പങ്കെടുപ്പിച്ചതും എടുത്തു പറയേണ്ട നേട്ടങ്ങളാണ്..
ഇങ്ങനെ പൂര്‍ണ്ണമായും നേട്ടങ്ങളുമായി നടന്ന ചുരുക്കം ചില ഹര്‍ത്താലുകളിലൊന്നായി ഇത് ചരിത്രത്തില്‍ പതിയും....
റിപ്പോര്‍ട്ടര്‍ വക:
തങ്ങളേയും പാര്‍ട്ടിയേയും വര്‍ഷങ്ങളായി കഷ്ടപ്പെട്ട് വളര്‍ത്തിയ ജങ്ങളോടുള്ള അപാരമായ നന്ദിപ്രകാശനമായിരിക്കാമിത്....
"തായ് തീര്‍ക്കുവാന്‍ തക്കൊരു നല്ല കൊമ്പ്-
യാതൊന്നില്‍നിന്നോ മഴുവിന്നു കിട്ടി
അശ്ശാഖിയത്തന്നെയതാശുവീണ്ടും
വെട്ടുന്നു കാര്‍ത്തജ്ഞ വിജൃഭിതത്താല്‍"

പിന്‍കുറിപ്പ്:
വിലകുറയാന്‍ വേണ്ടി ഹര്‍ത്താലാചരിക്കുന്നു...
അല്ലാതെ കുറയുന്ന വില പോരാഞ്ഞിട്ടായിരിക്കും.

സാംസ്കാരിക നായകന്‍

2009-10-15T09:43:00.003+05:30

കലികാലത്ത് വിശേഷണത്തിനെതിരായ് ആള്‍ക്കരുണ്ടാവുന്നത് സാധാരണമല്ലേ... സുഗുണന്‍ സകലദുര്‍ഗ്ഗുണങ്ങളുടെ അധിപനാകുന്നതും സുശീലനു നല്ലശീലമൊന്നു മില്ലാത്തതും സുകുമാരന്‍ വിരൂപിയാകുന്നതും സ്വാഭാവികം മാത്രം അപ്പോള്‍ സാസ്കാരികനായകന്‍ എന്നാല്‍ സംസ്കാരം ഇല്ലാത്തവനാണോ എന്ന് മാത്രം ചോദിക്കരുത് ഉത്തരം എനിക്കറിയില്ല... പറഞ്ഞുവരുന്നത് അഴീക്കോട്നിന്ന് വന്ന് സാംസ്കാരിക കേരളത്തെ പ്രബുദ്ധനാക്കിയ നായകനെ പറ്റിയാണ്..ഒരു പ്രായം കഴിഞ്ഞാല്‍ ആള്‍ക്കാര്‍ എന്തോ ആവും എന്ന വാദം ഊട്ടിഉറപ്പിക്കലാണല്ലോ കുറേനാളായി മാഷിന്റെ പദ്ധതി...പണ്ട് പാഠപുസ്തകത്തില്‍ പ്രാസംഗികകല പറഞ്ഞുതന്ന അതേ വിദ്വാനാണിതെന്ന് വിശ്വസിക്കാനാരും ഇത്തിരി ബുദ്ധിമുട്ടും...എല്ലാകാലത്തും വാര്‍ത്തകളിലങ്ങനെ നിറഞ്ഞുനില്‍ക്കണം എന്നുള്ളതുകൊണ്ടോ എന്തോ കുറേകാലം അമേദ്യം എറിഞ്ഞും കൂടിനുള്ളില്‍ കാഷ്ടിച്ചും മതിയാവഞ്ഞാണ് ഇപ്പോള്‍ ശാസ്ത്രത്തിനെതിരെ തിരിഞ്ഞിരിക്കുന്നത്. ചെറിയകാര്യങ്ങള്‍ പറഞ്ഞാല്‍ വല്യ വാര്‍ത്തയാവത്തത് കൊണ്ട് ചന്ദ്രയാനെത്തന്നെ പിടിച്ചു.മാതൃഭൂമി അതു ഇവിടെ കൊടുത്തിട്ടുണ്ട്. അമേരിക്ക ബോബ് അവിടെ ഇട്ടതാവാം ചിലപ്പോ മാഷെ പ്രകോപിപ്പിച്ചത്.. എന്നാലും പ്രതികരണം ഇത്തിരി കൂടിപ്പോയില്ലേ എന്നൊരു സംശയം.... ഒപ്പം കിട്ടിയ അവസരത്തില്‍ ശാസ്ത്രത്തിന് മൊത്തം കൊടുത്തു പണി.. ഇനി ഈ ബൂര്‍ഷ്വാ ശാസ്ത്രത്തെ കെട്ടുകെട്ടിക്കണം എന്നു കൂടി പറഞ്ഞാല്‍ പൂര്‍ണ്ണമായേനേ.. ഒരപേക്ഷയേ ഉള്ളൂ നായകരോട് ആവശ്യത്തിനു നാണക്കേട് കണ്ണൂരുകാര്‍ക്ക് രാഷ്ട്രീയ നായകാരായിട്ട് കൊടുത്തിട്ടുണ്ട് മാഷ് കൂടി അതിനു വേണ്ടി ബുദ്ധിമുട്ടണമെന്നില്ല...(പച്ചയ്ക്ക് പറഞ്ഞാല്‍ നാടിനെ ചീത്തപ്പേര് കേള്‍പ്പിക്കരുത്...

സംഭവം !!!..

2009-10-14T19:17:00.003+05:30

ഇതൊരു നടന്ന സംഭവമാണ്.. ആര്‍ക്കും യാതൊരു സംശയവും വേണ്ട...
2009 ആഗസ്റ്റ് 22 അന്നായിരുന്നു ആ സംഭവം സൗദി രാജാവിന്റെ മൂന്നാമത്തെ ഭാര്യയേയും വഹിച്ച്കൊണ്ട് എമിറേറ്റ് വീമാനം പറന്നു പൊങ്ങി കടലിനുമുകളിലെത്തിയപ്പോഴാണ് ആ ഞെട്ടിക്കുന്ന സത്യം പൈലറ്റ് മനസിലാക്കിയത് വിമാനത്തിന്റെ എന്‍ജിന്‍ തകരാറ്... വിമാനമാണേല്‍ പറന്നു പൊങ്ങിയതേ ഉള്ളൂ.. ഇടിച്ചിറക്കിയാല്‍ മുഴുവനും നാശകോശമായത് തന്നെ.. പോരാത്തതിന് ചില്ലറക്കാരാണോ വിമാനത്തില്‍ സൗദിരാജാവിന്റെ പ്രിയപത്നിയല്ലേ.അരുതാത്തതെന്തെങ്കിലും സംഭവിച്ചാല്‍ തന്റേയും കുടുംബത്തിന്റേയും കാര്യം ഗോവിന്ദാ... പൈലറ്റ് പരമു സകല ഈശ്വരന്‍മാരേയും വിളിച്ചു.... പെട്ടെന്നാണ് നൂറ് വാട്ട് ബള്‍ബ് തലയില്‍ മിന്നിയത്. വിമാനത്തിന്റെ ഇടത്തേചിറകിലല്ലേ ഇന്ധനം അതുമുഴുവന്‍ കളഞ്ഞാല്‍ എങ്ങനെയെങ്കിലും ഇടിച്ചിറക്കാന്‍നോക്കാം.. പിന്നെ പരമു ഒന്നും നോക്കിയില്ല നിന്നനില്‍പ്പില്‍ വീമാനം 37 അര ഡിഗ്രി ചരിച്ചു ഇടത് വശത്തേക്ക്.. എന്നിട്ട് ഇന്ധനം കളയാനുള്ള ബട്ടണില്‍ അമര്‍ത്തി ഞെക്കി.അപ്പോഴാണ് ആ ഞെട്ടിക്കുന്ന സത്യം പരമുവിനു മനസിലായത് ഒരു ഞെക്കില്‍ കുറച്ച് ഇന്ധനം മാത്രമേ പുറത്ത് പോവൂ... സമയമാണേല്‍ വളരേ കുറവും.. പിന്നെ രണ്ടും കല്‍പ്പിച്ച് പരമു ഒരുവിധത്തില്‍ ഞെക്കി ഞെക്കി ഞെക്കി ഞെക്കി ഞെക്കി ... ഇന്ധനമെല്ലാം കടലില്‍ കളഞ്ഞു കടല്‍ തീരത്ത് വിമാനം ഇടിച്ചിറക്കി.. ഇന്ധനം മുഴുവന്‍ തീര്‍ന്നതു കൊണ്ടും ഭാഗ്യം കൊണ്ടും വിമാനം പൊട്ടിത്തെറിച്ചില്ല എല്ലാവരും രക്ഷപെട്ടു നിസ്സര പരിക്കുകളുമായി.... അന്ന് എമിറേറ്റ്സിലേ മുഴുവന്‍ പേര്‍ക്കും സൗദിരാജാവിന്റേ വക കണക്കില്ലാതെ കിട്ടി... പരമു രാജാവായി ജീവിക്കുന്നു .... നമ്മുടെ കഥയുംതീര്‍ന്നു...

കടപ്പാട്: ചാത്തന്‍...
(വിശദവിവരങ്ങള്‍ ചാത്തന്റെ അതിശക്തമായ പ്രതിഷേധത്തെ തുടര്‍ന്ന് മാറ്റിയിരിക്കുന്നു)
ക്ഷമിക്കുക....
ആരേലും കമന്റുമ്പോഴും ചാത്തനെ വെളിപ്പെടുത്താതിരിക്കാന്‍ ദയവായി ശ്രദ്ധിക്കുക...(ഇതൊരപേക്ഷയാണ്)
ഒരു ചെറുപ്പക്കാരന്റെ സര്‍ഗ്ഗാത്മക കഴിവിനെ വ്രണപ്പെടുത്താതിരിക്കാന്‍ നിങ്ങള്‍ ശ്രദ്ധിക്കുക...

സ്ത്രീ പക്ഷം

2009-10-13T18:28:00.002+05:30

സംവരണത്തില്‍ ശുഷ്കാന്തി കാണിച്ചില്ലേലും.സ്ത്രീകള്‍ക്ക് മാത്രമായി ട്രെയിന്‍ ഓടിച്ച് സര്‍ക്കാര്‍ ആത്മാര്‍ത്ഥത തെളിയിച്ചിരിക്കുന്നു. സ്ത്രീ സമത്വവാദികളേ ആഹ്ളാദിപ്പിന്‍...മമതയുടെ 'ലേഡീസ് കൂപ്പെ'! എന്നവാര്‍ത്ത റിപ്പോര്‍ട്ട് ചെയ്തു മാതൃഭൂമിയും യാത്രക്കരികളുടെ സന്തോഷത്തില്‍ പങ്ക്ചേര്‍ന്നു....ഇനി എന്നാണാവോ സ്ത്രീകള്‍ക്കുമാത്രം പുറത്തിറങ്ങാന്‍ പറ്റുന്ന ദിവസം വരുന്നത് ? പുരുഷ കേസരികള്‍ ജാഗ്രതൈ.... ഈ സ്ത്രീ എന്ന ജീവി ഭീകരനാണോ ? കാര്‍ട്ടൂണുകളും മറ്റും കാണുമ്പോള്‍ ആര്‍ക്കായാലും ന്യായമായും സംശയമുണരും... ഞാനിതുവരെ ഇടപെട്ടവരില്‍ അങ്ങനെ ഒന്നു വന്നു പെട്ടില്ലേല്‍ കൂടിയും എനിക്കും സംശയം ഇല്ലാതില്ല.. പ്രത്യേകിച്ച് ബിപി(പേടി)കൂടിനടക്കുന്ന ചില പുരുഷകേസരികളെകാണുമ്പോഴെങ്കിലും... ഇത്രയും സ്വാധീന ശക്തിയുള്ള ഇവര്‍ക്കെന്തിനാ സംവരണം ? (Behind_every_successful_man_there_is_)എന്നല്ലേ പണ്ടേ പറയണ കേള്‍ക്കുന്നതു. ഓ ഇനി പിന്നിലായതു കൊണ്ട് മുന്നില്‍ വരാനുള്ള വഴിയാണോ എന്നും അറിയില്ല. ഈ സംവരണമൊക്കെ ഇവരെ അബലകളായി ചിത്രീകരിച്ച് മുന്നേറാനുള്ള പുരുഷ തന്ത്രമായും ചില ഫെമിനിസ്റ്റുകള്‍ വ്യാഖ്യാനിക്കുന്നുണ്ട്. അവരുടെ അഭിപ്രായത്തില്‍ പുരുഷനോടൊപ്പം പൊരുതിനിന്ന് ജയിച്ച് സ്ത്രീ ആണാണെന്ന് അയ്യോ ക്ഷമിക്കണം പെണ്ണാണെന്ന് കാണിച്ച് കൊടുത്തേതീരു....അങ്ങനെ ഒരു സ്ത്രീ സ്വരാജ് വന്നാല്‍ ആണുങ്ങള്‍ക്ക് ഈ നാട്ടില്‍ ജീവിക്കാനെങ്കിലുമുള്ള അവകാശം എങ്കിലും അനുവദിക്കണമെന്ന് എനിക്കൊരു വിനീതമായ അപേക്ഷ ഉണ്ട്....
ഇതേ വരെ ഞാന്‍ കണ്ടതില്‍ വച്ച് സ്ത്രീകളുടെ ഏറ്റവും വലിയ രണ്ട് ശത്രുക്കള്‍ അവനവനും മറ്റു സ്ത്രീകളും തന്നെയാണ്. പ്രതികരിക്കേണ്ട സമയത്തും പ്രതികരിക്കാതെ നിന്നു സഹിക്കുന്ന അവളാണ് മറ്റുള്ളവര്‍ക്ക് വളം വെക്കുന്നത്. പിന്നെ പലപ്പോഴും ബസ്സുകളില്‍ കൈകുഞ്ഞുമായ് അമ്മമാര്‍ വരുമ്പോള്‍ ഒരു സീറ്റ് ഒഴിഞ്ഞു നല്‍കാന്‍ ആണുങ്ങളാണ് മിക്കപ്പോഴും തയ്യാറായിക്കാണുന്നത്.സമൂഹത്തിന്റെ എല്ലാവിധ നിബന്ധനകളും മനസിലാക്കി കൊണ്ട്തന്നെ പറയട്ടെ സ്ത്രീക്ക് അത്യാവശ്യം വേണ്ടത് ആത്മവിശ്വാസമാണ്. താനും പുരുഷനും ഒരേ സാമൂഹ്യവ്യവസ്ഥിതിയുടെ ഭാഗങ്ങളാണെന്നും. താനൊട്ടും പിന്നിലെല്ലെന്നും എന്ന് സ്ത്രീക്ക് സ്വയം എന്ന് തോനുന്നുവോ അന്ന് എല്ലാം ശുഭമാവുമെന്ന് പ്രതീക്ഷിക്കാം... ഇന്ന് അശുഭമായതൊന്നും ഇല്ലെങ്കിലും.... ഒരു സ്ത്രീയെ മനസിലാക്കാന്‍ ദൈവത്തിനും പോലും ബുദ്ധിമുട്ടാണെന്നല്ലേ... അപ്പോള്‍ ഈവിഷയത്തിലേക്കെത്തിനോക്കിയ നമ്മള്‍ "മണ്ടന്‍" മാര്‍.....

ജനോപകാരപ്രവര്‍ത്തനങ്ങള്‍

2009-02-13T10:23:00.003+05:30

നമ്മള്‍ എന്തു ചെയ്താലും അത് ജനങ്ങള്‍ക്ക് വേണ്ടി ആയിരിക്കണം..
സര്‍ക്കാരിനെ കൊണ്ട് പറഞ്ഞ പോലെ ജനങ്ങള്‍ക്ക് വേണ്ടി ജനങ്ങളാല്‍ ജനങ്ങളെ ബുദ്ധിമുട്ടിക്കാനൊരു സംവിധാനം..
നമ്മള്‍ കഷ്ടപെട്ട് ഹര്‍ത്താല് നടത്തുന്നതും അവര്‍ക്ക് വേണ്ടി തന്നെ..
ദിവസങ്ങളോളം പണി എടുത്ത് കഷ്ടപ്പെടുന്ന പൊതുജനത്തിന് വിശ്രമിക്കാനൊരവസരം കൊടുക്കുന്നത് തെറ്റാണോ...
നമ്മുടെ ഒരു പണിയും ഇല്ലാത്ത കുറെ സില്‍ബന്തിക്കള്‍ക്ക് ഒരു പണിയും ആവും... വെറുതെ ഇരുന്നിരുന്ന് അവരും പണി മറന്ന് പോവില്ലേടോ...അങ്ങനെ നമ്മള്‍ മാനം മര്യാദയായി ഇവര്‍ക്ക് പണി കൊടുത്തോണ്ടിരുന്നപ്പോഴാണ് കോടതി എന്ന വിദ്വാന്‍ വന്ന് നമ്മുടെ പ്രധാന പണിയായ ബന്ദ് അങ്ങ് നിരോധിച്ചത് ബന്ദ് നടത്തുന്ന നമ്മളും ജനക്കൂട്ടത്തില്‍ പെടും എന്ന പരിഗണനപോലും ആ വിദ്വാന്‍ തന്നില്ല. നമ്മളങ്ങനെ വെറുതെ വിടുമോ ?
പേരങ്ങ് മാറ്റി ഹര്‍ത്താല്‍ എന്നാക്കി...
ഇന്നത്തെ ഹര്‍ത്താല്‍ ആ വിദ്വാന്റെ ബഞ്ച് തലസ്ഥാന നഗരിയില്‍ വേണം എന്നതിനാണ്..

ഈ ബഞ്ച് ഇവിടെ വളരെ അത്യാവശ്യം വേണ്ട ഒന്നാണ്.. ഇതിലും അത്യാവശ്യമായ ഒന്നും ഇവിടെ ഇല്ല...
ആള് പട്ടിണി കിടന്ന് മരിക്കുന്നതോ വിലക്തിച്ച് കയറുന്നതോ ബസ് ചാര്‍ജ്ജ് കുറക്കാത്തതോ ഒന്നും ഇതിന്റെ അത്രോം വരില്ല......
ഇതിന്റെ പ്രഥാന ആവശ്യം എന്താണെന്ന് വച്ചാല്‍.... ഇപ്പൊ നമ്മുടെ സര്‍ക്കരൊരു ഉത്തരവിട്ടെന്ന് വെക്കുക. അതിന് ഹൈകോടതി വരെ പോയി സ്റ്റേ വാങ്ങി വരുമ്പോഴേക്കും ഉത്തരവ് നടപ്പാക്കി കഴിഞ്ഞിരിക്കും. ഈ ബഞ്ച് ഇവിടെ വന്നാല്‍ സര്‍ക്കാരിന്റെ എല്ലാ ഉത്തരവിനും അതിറങ്ങുന്നതിന് മുമ്പേ നമുക്ക് സ്റ്റേ മേടിക്കാം. അങ്ങനെ ജനങ്ങളെ ദ്രോഹിക്കുന്ന സര്‍ക്കാരിനെ ഒരു പാഠം പഠിപ്പിക്കാം... അന്നന്ന് പണിയെടുത്ത് ജീവിക്കുന്നവനെന്ത് ചെയ്യും എന്നൊന്നും ആരും ചോദിക്കരുത് അവര്‍ പോയി തൊലയട്ടെ. പിന്നെ പത്രമാധ്യമങ്ങള്‍ ഹര്‍ത്താലിന്റെ വിജയശതമാനം നാട്ടുകാരെ അറിയിക്കട്ടെ അവരും പേടിച്ച് പുറത്തിറങ്ങരുത്. അങ്ങനെ ഹര്‍ത്താല്‍ പൂര്‍ണ്ണവിജയമാക്കാന്‍ പറ്റും ഇതിന് ഒന്നോ രണ്ടോ കല്ലേറ് നടത്തിയാല്‍ മതി.. .
ഇത് മറ്റുള്ളവന്റെ ജീവിക്കാനുള്ള അവകാശത്തിന്‍മേലുള്ള കടന്ന് കയറ്റമല്ലേ എന്ന് ചോദിക്കുന്ന കുലം കുത്തികളെ ആയുധം കൊണ്ട് തന്നെ നേരിടേണ്ടി വരും.....
ഈ ഹര്‍ത്താലങ്ങ് കഴിഞ്ഞാലുടന്‍ കോടതി പേടിച്ച് ബഞ്ച് നമ്മുടെ യൂണിയന്‍ നേതാക്കടെ കയ്യി കൊണ്ട് കൊടുക്കും പിന്നെ യൂണിയന്‍ കാര് നോക്ക് കൂലിയാ എന്താന്ന് വച്ചാ മേടിച്ച് അതങ്ങട് ഇറക്കി വെക്കുകയേ വേണ്ടു .. തലസ്ഥാനത്ത് ബഞ്ചായി എല്ലാം എന്തെളുപ്പം....
പിന്നെ ഇതൊക്കെ ജനവിരുദ്ധം എന്ന് പറയുന്നവരോട് തിരിച്ച് പറയാനുള്ള വായിമൊഴി വഴക്കം നേതാക്കളായിട്ട് പഠിപ്പിച്ചിട്ടുണ്ട് അതുകൊണ്ട് ആ പേടി വേണ്ട...
ജനങ്ങള്‍ക്ക് വേണ്ടീ ജനങ്ങളുടെ കലാ(പ)പരുപാടികള്‍ നടക്കുമ്പോള്‍ കുറച്ച് പേര്‍ക്ക് അസൗകര്യം ഉണ്ടാകുന്നതു സ്വാഭാവികം സഹിച്ചാല്‍ മതി ആദ്യമൊക്കെ ഒരസഹിഷ്ണുത തോനും പിന്നെ ശീലമായ് കൊള്ളൂം.........

ഞങ്ങള്‍ ജനങ്ങള്‍ക്ക് വേണ്ടി മാത്രമാണ് കാര്യങ്ങള്‍ ചെയുന്നത് അത് അങ്ങനെ തന്നെ ആയിരിക്കുകയും ചെയ്യും എപ്പോഴും
........................നിങ്ങളൂടെ സ്വന്തം പ്രതി(നിധി)

മൊല്ലാക്കേന്റെ സംശയങ്ങള്‍‌................

2009-02-05T11:10:00.008+05:30

തീവ്ര ഇടതുപക്ഷ പ്രവര്‍ത്തകനായ മൈതീനും അരാഷ്ടീയന്‍ എന്ന് നാട്ടിലറിയപ്പെടുന്ന മൊല്ലാക്കയും
കണ്ടുമുട്ടിയപ്പോള്‍
മൊല്ല: അല്ല മാപ്പിളെ ഇങ്ങളെങ്ങട്ടാ തെരക്ക്ട്ട്
മൈ: ഞമ്മളെ പാര്‍ട്ടിപ്രസിഡന്റ് വരണുണ്ട്ന്ന് ഞമ്മള് പോയൊന്ന് കാണട്ട് എന്തല്ലോ വിവാദത്തിന്റെ എടേലും മൂപ്പറ് പറങ്കി പോലല്ലേ നിക്കണ്.. ഇങ്ങളും വസ്റ്റോപ്പിലേക്കാ എങ്കി പോണോളി.. ഞമ്മക്ക് സൊറപറഞ്ഞോണ്ട് നടകാ.

മൊ:ഇജ്ജെന്തിന്നാടോ ആ കള്ളഹിമാറിനെ കാണാമ്പോന്ന് ?

മൈ:കള്ളനോ ഞമ്മളെ പ്രസിഡന്റാ. ഇതെല്ലാം ഓറോടസൂയുള്ള പേപ്പറ്കാര് ഒണ്ടാക്കിയതല്ലേ ഓന്‍ കക്കൂല.
മൊ:അതിനിക്കെങ്ങനെ അറിയാ ?

മൈ:അതങ്ങനാ. ഈ വൈരുധാത്മിക ഭൗതിക വാദം എന്ന് കേട്ടിട്ടില്ലെ ?

മൊ:ഇജ്ജ് ബായികൊള്ളാത്ത പറഞ്ഞ് വെഷമിക്കണ്ട. പത്രക്കാരിപ്പറഞ്ഞിട്ടൊന്നുഅല്ല ഞമ്മക്ക് പണ്ടേ ഓന സംശാ.ബെറ്തെ ന്നും അല്ല. പണ്ട് ഈ സി ബി ഐ കേസ് എടുക്കുനുപ്പട്ടെ ഇജ്ജോര്‍ക്കണിണ്ടാ .

മൈ:ഇങ്ങള് എന്താനീച്ച പറഞ്ഞ് തൊലെക്കങ്ങട്

മൊ:ഞമ്മളൊന്നും മറന്നിറ്റടോ. മുല്ലപെരിയാറ്പൊട്ടീട്ട് ആള്‍ക്കാര് മുയുമന്‍ ചാവൂന്നയിട്ടു പോലും ഇങ്ങളെ സര്‍ക്കാര് സുപ്രീകോടതി വക്കീലിനെ കൊണ്ടന്നിട്ടില്ല. ഈ ലാവലിന്‍ സി ബി ഐ ക്ക് വിടാണ്ട്ക്കാന്‍ ഇങ്ങള് ലച്ചങ്ങള് മേടിക്കണ വക്കീലിനെ കൊണ്ടന്നു. ഇങ്ങളെ പേടി കാണുമ്പാ ഞമ്മക്ക് സംശം.

മൈ: ഔ പിന്ന....

മൊ: ഇജ്ജ് പറയണ മൂയുമന്‍ കേക്കീ. അവും പോരാഞ്ഞിട്ട് ഇങ്ങള് അന്വേശണം ബേണന്ന് പറഞ്ഞ ജഡ്ജീന്റെ കോലം കത്തിച്ചീലെ. ഇങ്ങളെ പ്രസിഡന്റിനെ കൊല്ലാനൊന്നുല്ലല്ലോ ഓറ് ഉത്തര വിട്ടെ ലാവ് ലിന്‍ അനേശിക്കണന്ന് മാത്രല്ലേ. അയിനിങ്ങളെ ബേജാറ് കണ്ടപ്ലേ ഞമ്മക്ക് സശം തോനീന് അവും പോരാഞ്ഞിറ്റ് ഇപ്പം കുറ്റത്രം ബന്നപ്പോ. ആരാന്നെല്ലാരും അറിയുന്നെനുപ്പട്ടെ ഇങ്ങളെ ബാലര്‍ഷ്ണന്‍ തന്നല്ലേ പിണറായി അല്ലെന്ന് ബിളിച്ച്കൂവി നാട്ടാരെ അറിയിച്ചെ. എന്നിറ്റ് കുറ്റല്ലം പത്രത്തിനും കാങ്കറസിനും..

മൈ: കാങ്കറസ്സല്ലേ സി ബി ഐ ന കൊണ്ട് ഇതൊക്കെ കാണിച്ചേ...

മൊ:ഇനിക്ക് ഈ പറഞ്ഞ ഒന്നും തിരിഞ്ഞില്ലേ. കാങ്കറസ്സാണെല്‍. ഉത്തരവിട്ട ജഡ്ജിയെ ഇങ്ങളെന്തിനാ നാട് കടത്തിയേ. ഈനാ മൈതീനെ സാമാന്യ ബിവരം ബേണന്ന് പറണേ. ബെറ്തേ ല്ല ഇജ്ജ് ഇപ്പള്‍ത്തെ കമൂണിസ്റ്റായി പോയെ ബിവരുള്ളൊരൊക്കെ ഓറ് പറഞ്ഞ് വിടൊല്ലെ ആ അച്മാമാനേം ബിട്ടാ മുയുമനായി.

മൈ:അനക്കും അച്മാമാനെയാ ഇസ്ടം. എന്തും ബിളിച്ച് പറയണ് ണ്ടല്ലാ

മൊ: അച്മാമ ഈന് പോണില്ല്ന് പറ്ഞ്ഞില്ലെ എന്നിറ്റും ഇനിക്ക് തിരിഞ്ഞില്ലേ..

മൈ: അതെപ്പം ഞമ്മളറഞ്ഞില്ല.

മൊ: ഇങ്ങളേത് ബെടക്ക് പത്രാടൊ ബായിക്കണ് എല്ലെലും ഇണ്ടാര്‍ന്ന്..

മൈ:എന്നാഞമ്മളും ഇല്ല. ഇങ്ങളെങ്ങ്ടാ..

മൊ:ബയ്യാണ്ട് കെടക്കണ നാണൂനെ കണാന്‍ ഇയ്യും പോന്നോളി...

മൈ:ഞമ്മളും എന്ന ആ ബയിക്ക് ബരാം

മൊയ്തീനും മൊല്ലാക്കയും ബസ്സ് കേറി പോയപ്പോ അവിടെ തനിച്ചായ എന്റെ ചിന്തയിലേക്ക് പണ്ട് ഏതോ ഒരു സായിപ്പ് പറഞ്ഞ വാക്കുകളോടി വന്നു ഈ സാമാന്യവിവരം എന്നത് അത്ര സാമാന്യമായ് ഒന്നല്ലല്ലോ.ആണേല്‍ വേണ്ടതിനും വേണ്ടാത്തതിനും വിവരത്തെ പറ്റിപ്പറയണ കേരളീയര്‍ ആ ജാഥച്ചോട്ടില്‍ കാണില്ലായുരുന്നല്ല്ലോ......

സ്വാതന്ത്ര്യം

2009-01-31T09:40:00.002+05:30

നമുക്ക് സ്വാതന്ത്ര്യം കിട്ടിയതെപ്പോള്‍ ?
1947........................ അന്ന് ശരിക്കും അത് കിട്ടിയോ ?
അത് ദൈവത്തിനറിയാം എല്ലാരും അങ്ങനെ പറയണു ...
നിങ്ങള്‍ക്ക് ഇപ്പൊഴെങ്കിലും അത് കിട്ടിയോ .. ? വേണം എന്നുണ്ടോ ?
"സ്വാതന്ത്ര്യം തന്നെ അമൃതം
സ്വാതന്ത്ര്യം തന്നെ ജീവിതം
പാരതന്ത്ര്യം മാനികള്‍ക്ക്
മൃതിയേക്കാള്‍ ഭയാനകം" എന്നല്ലേ കവി വാക്യം... അത് മാനികള്‍ക്കല്ലേ ? എന്ന് മാത്രം ചോദിക്കരുത് ഈ പോസ്റ്റും അവര്‍ക്ക് മാത്രം.....
നിത്യജീവിതത്തില്‍ ഒന്ന് കണ്ണോടിച്ചപ്പോള്‍ മിക്കവാറും സ്ഥലത്തും അതില്ലെന്ന് മനസിലായി .....
നമുക്ക് എളുപ്പം നേടാന്‍ പറ്റുന്നിടങ്ങളില്‍ പോലും നാം വേണ്ട എന്ന് പറയുവാണോ ..?
ഒരു സാദാ പൗരനോട് വീട്ടിലെ കമ്പ്യൂട്ടറില്‍ ഏതാ ഓപറേറ്റിങ്ങ് സിസ്റ്റം എന്ന് ചോദിച്ചാല്‍ അവന്‍ വിന്‍ഡോസ് എന്ന് പറയുന്നതില്‍ അഭിമാനം കാണുന്നു അത് പൈറേറ്റഡ് ആണെന്ന് പറയാന്‍ അതിലേറെ അഭിമാനം...
എന്താ ഇങ്ങനെ ആയിപ്പോയത് ? മാനം ഒന്നും ഇല്ലാതായിപ്പോയോ ? വീണ്ടും ചോദിച്ചാല്‍
ഈ സ്വാതന്ത്ര്യം തരും എന്ന് പറയുന്ന ഗ്നു ഉപയോഗിക്കന്‍ പറ്റാത്തതാണെന്ന് കൂടി പറഞ്ഞ് കളയും...
വല്ലപ്പോഴും ഒരു പ്രാവശ്യമെങ്കിലും ഉപയോഗിച്ച് കാണുമോ അതില്ലതാനും. പിന്നെങ്ങനെ മനസിലായി അതല്ലേ ഭൂതോദയം അല്ല ബോധോദയം.
ശരിക്കുമതൊരു ഭൂതോദയം ആണ്.. നമ്മളറിയാതെ നമ്മളെ അടിമയാക്കല്‍..
ഇന്നത്തെ ഗ്നു നിങ്ങളുടെ സാധാരണ ആവശ്യങ്ങള്‍ എല്ലാം നിറവേറ്റുന്നതാണ്... അത് വിന്‍ഡോസിനേക്കാള്‍ ഏറെ മികച്ചതാണ്..പക്ഷേ നിങ്ങള്‍ ഉപയോഗിക്കാതെ അത് എങ്ങനെ മനസിലാവാനാണ് ?
നിങ്ങള്‍ ഏറെ പേടിക്കുന്ന വൈറസ്സുകള്‍ അവിടെ ഇല്ലന്ന് തന്നെ പറയാം...
ഇതില്‍ എത്രയോ ഏറെയാണ് സാമൂഹിക പ്രതിബ്ധത....
എങ്ങനെ മനുഷ്യന്‍ ഇങ്ങ് വരെ എത്തി ? തന്റെ അറിവുകള്‍ മറ്റുള്ളവര്‍ക്ക് കൊടുത്തും മേടിച്ചും തന്നെ.....
അല്ലെങ്കില്‍ ഇന്നും നമ്മള്‍ ശിലായുഗത്തില്‍ തന്നെ ഇരുന്നേനെ വീണ്ടും വീണ്ടും ഒരാള്‍ കണ്ടുപിടിച്ചത് തന്നെ കണ്ട്പിടിച്ച്.
ഗ്നു വിന്റെ വീക്ഷണം നിങ്ങള്‍ ജീവിക്കുന്നതിനോടപ്പം മറ്റുള്ളവരെ ജീവിക്കാനനുവദിക്കുക കൂടി ചെയ്യൂ എന്നാണ്
നമുക്ക് സാമൂഹികജീവികളായി ജീവിക്കാം എന്നാണ്
ഒരു വിധത്തില്‍ പറയുകയാണെങ്കില്‍ അതൊരു ജീവിതരീതിയാണ്, ചിന്താരീതിയാണ്
ഇത് മനസിലാക്കിയോ എന്തോ നമ്മുടെ സര്‍ക്കരിനും ആന്റണിയുള്ളപ്പോള്‍ ബുദ്ധിയുദിച്ചതിന്റെ ഫലമായി സ്കൂളിലും സര്‍ക്കാര്‍ സ്ഥാപനങ്ങളിലും ഗ്നു/ലിനക്സ് ഉപയോഗിക്കണം എന്ന നിര്‍ദേശം ഉണ്ടായി..
എല്ലാ സാമൂഹികപ്രവര്‍ത്തകരെയും ചേര്‍ത്തതിങ്ങനെ മുന്നോട്ട് പോകുകയായിരുന്നു.
അപ്പോളാണ് നമ്മുടെ അച്യുതാനന്ദന്‍ സര്‍ക്കാര്‍ വന്നത്. സ്റ്റാള്‍മാനെ അടക്കം വിളിച്ച് മീറ്റിങ്ങ് നടത്തി അരങ്ങ് വീണ്ടും കൊഴുപ്പിച്ചപ്പോള്‍ പിണറായിക്ക് സഹിച്ചില്ല. ലോകത്ത് സോഷ്യലിസത്തിന്റെ ആരാച്ചാരായി വിലസുന്ന നാം ഇവിടുള്ളപ്പോള്‍ ഇങ്ങനെ ഒരു പുരോഗമന ആശയമോ ? ഒരിക്കലും അതനുവദിച്ചുകൂടാ.
[ഇതിന്റെയും പിന്നില്‍ ബോണ്ടും ബോണ്ടയൊന്നും അല്ല എന്ന് വിശ്വസിക്കാം] ഇതിന്റെ അമരക്കാരനായ അരുണിനെ ആദ്യം പുറത്താക്കി. അവര്‍ പേടിച്ച് ഈ പണി നിര്‍ത്തും എന്ന് വിചാരിച്ചിരിക്കും.
നമുക്കെന്ത് ചെയ്യാന്‍ പറ്റും ഇതിനെതിരെ ?
നമ്മളോരാളും ഗ്നുവിന്റെ പ്രവാചന്‍മാരായി മാറണം....
ഒരു നല്ല തത്വം പ്രചരിപ്പിക്കുന്നതില്‍ അഭിമാനിക്കണം....
ഇതൊന്നും ഇല്ലെങ്കില്‍. സ്വന്തം വീട്ടിലെങ്കിലും ഉപയോഗിക്കണം...

എന്ത് സഹായത്തിനും നിങ്ങള്‍ക്ക് എന്നെ ബന്ധപ്പെടാം........
നമുക്ക് ഒരു നല്ല സംസ്കാരം പ്രചരിപ്പിക്കാം..... നമ്മുടെ കുട്ടികളോട് സത്യം പറയാനവശ്യപ്പെട്ടിട്ട് നാം പൈറേറ്റഡ് സോഫ്റ്റ്‍വെയറുകള്‍ ഉപയോഗിക്കില്ല എന്ന് നമുക്ക് പ്രതിജ്ഞഎടുക്കാം.....
എല്ലാവര്‍ക്കും നന്മ വരട്ടെ......
dasanvഅറ്റ്‌ ജിമെയില്‍ ഡോട്ട് കോം

ഭീകരവാദം

2008-05-05T18:51:00.008+05:30

എന്താണ് ഇത് ?
നമ്മുടെ സമൂഹത്തിനു ഭീതിജനിപ്പിക്കുന്ന ഭീഷണിയാകുന്ന വാദം മാത്രമാണോ...
എങ്ങനെ ഇതണ്ടാവുന്നു ?
സമൂഹം തന്നെയാണോ ഇതിനുത്തരവാദി ?
എനിക്കു തോനുന്നത് ഭീകരവാദത്തിന്റെ പ്രധാന കാരണങ്ങള്‍
1. ശരിയായ വിദ്യാഭ്യാസത്തിന്റെ കുറവ്
2.സാമൂഹികമായ കെട്ടുറപ്പില്ലായ്മ
3.സാമൂഹികാസമത്വം എന്നിവയാണെന്നാണ്

വിദ്യാഭ്യാസമാണ് ഏറ്റവും പ്രസക്തം
അതില്‍ അക്രമവും വെട്ടിപ്പിടിക്കലിനും പകരം ശാന്തിയും സമാധാനവും നിറയട്ടെ..
ലോകത്തെവിടയോ ആരൊ പറഞ്ഞകാര്യങ്ങള്‍ക്കു പകരം നമ്മുടെ നേതാക്കള്‍ പറഞ്ഞകാര്യങ്ങള്‍ പഠിപ്പിക്കട്ടെ.
നമ്മുടെ സംസ്കാരം പഠിക്കട്ടെ. അതില്‍ വളട്ടെ. എന്നാല്‍ തന്നെ ഒരുവിധം രക്ഷപ്പെട്ടു.
പിന്നെ മതം ഏറ്റവും ചൂടേറിയ വിഷയം. എങ്ങനെ ഇത്ര ചൂടായി അല്ലെങ്കില്‍ ആക്കി ?
മതത്തെ മനസിലാക്കിയവര്‍,പഠിച്ചവര്‍ എല്ലാം മതേതരവാദികളായിരുന്നു.അതില്‍നിന്നും മുതലെടുക്കുന്നവര്‍ കപടമതേതരവാദികളും.എന്റെ അഭിപ്രായത്തില്‍ മതം വ്യക്തിപരമാകണം,കുടുബപരവുമായിക്കോട്ടെ.ഒരു കാരണവശാലും സാമൂഹികതലത്തിലാവരുത്. അത് സാമൂഹികകെട്ടുറപ്പിനെ ബാധിക്കും.ഏതു തരത്തില്‍ സമൂഹത്തിനെ വിഭജിക്കുന്നതും അതിന്ഗുണം ചെയ്യില്ല.ആകെ അതു ഗുണം ചെയ്യുന്നതു വോട്ടു ബാങ്ക് രാട്രീയക്കാരനും മത പൗരോഹിത്യത്തിനും മാത്രമാണ്.ആദ്യം നമ്മള്‍ ചിന്തിക്കുക എന്തിനായിരുന്നു ഇതൊക്കെ മനുഷ്യനെ നന്മയിലേക്കു നയിക്കാന്‍ തന്നെയല്ലെ പിന്നെന്തിനാ വെത്യാസം കാണുന്നത് ?
ആദ്യം നിങ്ങള്‍ നിങ്ങളില്‍ വിശ്വസിക്കുക മനുഷ്യനില്‍ വിശ്വസിക്കുക. അല്ലാത്തവനെങ്ങനെ ദൈവത്തില്‍ വിശ്വസിക്കനാകും ? എല്ലാത്തിലും ദൈവത്തിനെ കാണാന്‍ പഠിപ്പിച്ച പാരമ്പര്യമാണ് ഭാരതത്തിനുള്ളത്.
പുരുഷസൂക്തത്തില്‍ പറയുന്നതു പോലെ "സര്‍വാണിരൂപാണി വിചിത്യധീരാ നമാനിക്രൃത്വാഭിവദന്‍യദാസ്തേ"
എല്ലാരൂപങ്ങളിലുമായി അതിനോരോ നാമങ്ങളും കല്പിച്ച് വാഴുന്ന പരം പുരുഷനെ അഹം: വേദാ [ഞാന്‍ അറിയുന്നു]
ഇത്രയും വലിയ തത്വചിന്ത ഇവിടിരിക്കുമ്പോള്‍ നമ്മളെന്തിനു പുറത്തേക്ക് നോക്കണം.
സമസ്തലോകാ സുഖിനോഭവന്തു എന്ന് മറ്റാര്‍ക്കും പ്രാര്‍ത്ഥിക്കാനാകും. ഇതു പഠിച്ചുവരുന്നകുട്ടികളും സത്യ ധര്‍മ്മ ശാന്തി പ്രേമ അഹിംസകളുടെ വിളനിലമായിരിക്കും.
ഇതൊക്കെ ഹൈന്തവ ചിന്താഗതികളല്ലേ ? തീര്‍ച്ചയായും.
ഹൈന്തവധര്‍മ്മം മതമാകുന്നത് വാച്യാര്‍ത്ഥത്തില്‍ മാത്രമാണ്
നിങ്ങള്‍ ശൈവമതം വൈഷ്ണവമതം ക്രൃസ്തുമതം ഇസ്ലാമതം സിഖ്മതം എന്നൊക്കെ പറയുമ്പോള്‍ ഇതിനൊക്കെ പൊതുവായ ചില രീതികള്‍ വരും. പക്ഷേ ഹൈന്തവധര്‍മ്മമാക്കട്ടെ ഇതിനൊക്കെ അതീതമാണ്. അത് ധര്‍മ്മമാണ്. പാലിക്കപ്പെടേണ്ടതാണ്.. ഇന്നാകട്ടെ ധര്‍മ്മത്തിന്റെ ധ അറിയാത്തവനും പറയും ഞാന്‍ ഹിന്തുവാണ്.
മതം എന്നതു വിശ്വാസമാണ് അതിലെ നന്മ ജീവിതത്തില്‍ വരുത്തുമ്പോള്‍ അത് ധര്‍മ്മമായി.അതുകൊണ്ട് ഏതു മതവിശ്വാസിയും മതം ആചരിക്കുമ്പോള്‍ ഹിന്തുവായി.ഇതെല്ലം വ്യക്തി പരമായിരിക്കട്ടെ.
നമ്മുടെ മതേതരം എന്നു പറയപ്പെടുന്ന സര്‍ക്കാര്‍ ചെയ്യേണ്ട അത്യാവശ്യകാര്യം മതം അവര്‍ ചോദിക്കുന്നതു നിര്‍ത്തുകയാണ്. എന്തിനു വേണ്ടി മതം ചോദിക്കണം ? പൗരന്‍ അവന്റെ വ്യക്തിഗത വിശ്വാസങ്ങളുമായി ജീവിക്കട്ടെ എന്തിന് അത് ചോദിച്ച് സമൂഹത്തെ വിഭജിക്കണം ?സര്‍ക്കരിന്റേതിത്ര ഇടുങ്ങിയ ചിന്താഗതിയായാല്‍ മുഴുവനും നശിച്ചു.പിന്നെ പൗരനെ എങ്ങനെ കുറ്റം പറയും ?
ഇതെല്ലാം വിദ്യാഭ്യാസത്തിലെ മാറ്റങ്ങള്‍ മൂലം ശരിയാക്കാന്‍ സാധിക്കും
ഇതുമൂലം പിന്നീട് പറഞ്ഞ ഭീകരവാദത്തിനുള്ള കാരണങ്ങള്‍ ഉന്‍മൂലനം ചെയ്യാന്‍ സാധിക്കും
പെട്ടെന്ന് ഇങ്ങനെ ഒരു മാറ്റം അസാധ്യം തന്നെ. സവധാനം പറ്റുക തന്നെ ചെയ്യും
ആടിനെ പട്ടിയാക്കാനും മറ്റും ധാരാളം സമയം കാണാറുള്ള നമ്മുടെ മാധ്യമങ്ങളും ഒന്ന് വിചാരിച്ചാല്‍ ഒരുനിമിഷം മാറ്റി വച്ചാല്‍. കുറച്ചാണെങ്കില്‍ അത്രയെങ്കിലും മാറ്റം വരും.ആദ്യം നമുക്ക് മാറാം പിന്നെ സമൂഹത്തെ മാറ്റാം.
എനിക്കൊരേ ഒരു അപേക്ഷയേ ഉള്ളൂ ....
വായിച്ചതെന്തെങ്കിലും ശരിയാണെന്ന് അന്തരാത്മാവുമന്ത്രിക്കുന്നെങ്കില്‍.........
ഇതിലൊരു നന്മയുടെ കണികയെങ്കിലും കണ്ടെങ്കില്‍...................
അതു ജീവിതത്തില്‍ കൊണ്ടുവരിക... മറ്റുള്ളവര്‍ എന്തോ ചെയ്യട്ടെ/പറയട്ടെ .. നിങ്ങള്‍ ചെയ്യുന്നതു/പറയുന്നത് തെറ്റല്ലാതായിരിക്കുക..... പരമാവധി......

യാത്ര--> തെന്മല.....

2007-10-24T12:23:00.000+05:30

പ്രകൃതിയുടെ മടിത്തട്ടിലേക്ക് ഒരു യാത്ര....
മനുഷ്യന്‍ കടിച്ചുകീറുന്നുണ്ടെങ്കിലും അതെല്ലാം മറന്ന് അന്ന് അവള്‍ സന്തോഷവതിയായിരുന്നു പതിവിലും ഏറെ....

സ്വാഗതമരുളിക്കൊണ്ട് .... നീളുന്ന വഴികള്‍.

പ്രകൃതിയുടെ വെളിച്ചത്തിലേക്ക്..........
മനസ്സിലെ ഇരുട്ടിനെ അകറ്റാന്‍ അതിനു കഴിവില്ലേ.....

“കരളും മിഴിയും കവര്‍ന്നു മിന്നി.......

കറയൊറ്റൊരാലസല്‍ .............. ഭംഗി “

ഒരു തിരിഞ്ഞു നോട്ടം...... അതില്ലാത്തതാണാല്ലോ മനുഷ്യനെ നശിപ്പിക്കുന്നത്........

മേഘങ്ങളോട് സംവദിച്ചു കൊണ്ടിരിക്കുന്ന കല്ലട അണക്കെട്ട്............

കുറെ ആയില്ലേ ഇനി അല്പം വിശ്രമവും ആവാം.........

തൂക്കു പാലം ... ... എളുപ്പം പുഴ കടത്തണം...

തിരിച്ചുവരവ്... ..മറുഭാഗം അടച്ചിരുന്നു...

അറിയാത്തഭാഷയില്‍ “വീണ്ടും വരണം എന്നു പറഞ്ഞതാവും”

“പിന്നെ വരാതിരിക്കാനാവുമോ ?

ഞങ്ങളും പ്രകൃതിയുടെ മക്കളല്ലേ....”

“ സോഷ്യലിസവും വിപ്ലവ പാര്‍ട്ടിയും “

2007-10-22T15:54:00.000+05:30

സോഷ്യലിസം വളരേ കേട്ടു പരിചയം ഉള്ള വാ‍ക്കാണ് പക്ഷേ അതു നമ്മുടെ വിപ്ലവപാര്‍ട്ടിയും ആയി ചേര്‍ത്താണ് മിക്കവാറും കേള്‍ക്കാറുള്ളത് . അതെന്താ അതവരുടെ തറവാട്ടു സ്വത്താണോ ?
നമ്മുടെ തന്നെ പൂര്‍വികര്‍ മനസിലാക്കുകയും പ്രവൃത്തിപഥത്തിലെത്തിക്കാ‍ന്‍ സ്രമിക്കുകയും ചെയ്ത സോഷ്യലിസത്തെ പറ്റി മനസിലാക്കാന്‍ പറ്റാത്തവരാണോ അങ്ങെവിടയോ മാര്‍ക്സ് സ്വപ്നംകണ്ട സോഷ്യലിസം നടപ്പിലാക്കാന്‍ പോണത് ? ദൈവത്തിനറിയാം... ഓ അവര്‍ അതിലും വിശ്വസിക്കുന്നില്ലല്ലോ(ആവശ്യമില്ലാത്തപ്പോള്‍). എന്തായാലും ഇപ്പോഴത്തെ കമ്യൂണിസ്റ്റ് നേതാക്കളെ കാണുമ്പോള്‍ ഈ ചോദ്യം കൂ‍ടുതല്‍ ശക്തമാകുന്നു ? ഇവരാണോ ഇവിടെ സോഷ്യലിസം കൊണ്ടുവരാന്‍ പോകുന്നത് ? എങ്കില്‍ ആ സോഷ്യലിസം എങ്ങനെ ആണെന്നു കാണാന്‍ എല്ലാര്‍ക്കും കൊതി ഉണ്ടാകും.. ശ്രീ നാരായണഗുരുവിന്റെ സ്വന്തം എസ് എന്‍ ഡി പി യുടെ ഇന്നത്തെ അവസ്ഥ തന്നെയാണ് വിപ്ലവപാര്‍ട്ടിക്കും. അന്ന് എന്തൊക്കെ പാടില്ല എന്ന് പറഞോ അതൊക്കെ നിര്‍ലോഭം ചെയ്യണുണ്ട് നമ്മുടെ നേതാക്കള്‍ .(നമ്മുടെ എന്ന് പറയാന്‍ പോലും പറ്റില്ല.. നമ്മളാലല്ലൊ അവര്‍ നേതാക്കളായത്, സ്വയം അങ്ങുനിശ്ചയിച്ചതാണല്ലോ) നമ്മുടെ സ്വന്തം എന്നു പറയാവുന്ന രാമനും ക്രിഷ്ണനും പറയാത്ത എന്തു സോഷ്യലിസാമാണ് മാര്‍ക്സ് പറഞ്ഞത് ?
രാമരാജ്യത്തെക്കാളുമോ വസുദൈവകകുടുമ്പത്തെക്കാളുമോ വലിയ സോഷ്യലിസ്റ്റ് ചിന്താഗതി വേറെ എവിടെയെങ്കിലും കേള്‍ക്കാന്‍ പറ്റുമോ. പിന്നെ ഹൈന്തവ ചിന്താഗതി, അത് മുഴുവന്‍ സോഷ്യലിസം മാത്രമാണ് അല്ലെങ്കില്‍ അവര്‍ക്കു “ ലോകാ സമസ്ഥാ സുഖിനോ ഭവന്തു “ എന്നു പ്രാര്‍ത്ഥിക്കാന്‍ പറ്റില്ലായിരുന്നു. ലോകത്തിലെ മുഴുവന്‍ നന്മയും അതില്‍ തിന്മയൊട്ടും വരാതെ സ്വാശീകരിക്കാ‍ന്‍ അവര്‍ക്കു പറ്റുന്നുണ്ടായിരുന്നു.മറ്റേതു മതം എടുത്താലും ഇതു നമുക്കു മനസിലാകും.നിന്നെ പോലെ നിന്റെ അയല്‍ക്കാരനെ സ്നേഹിക്കണം എന്നു പറഞ്ഞ യേശുദേവനാട്ടെ, എല്ലാവരേയും സ്നേഹിക്കാന്‍ പഠിപ്പിച്ച പ്രവാചകന്മാരാട്ടെ ഈ തത്വം വിളിച്ചുപറയുന്നു. പക്ഷേ ഇന്നു നമ്മുടെ നാട്ടില്‍ ഇതാ ഇപ്പൊ സോഷ്യലിസം കൊണ്ടുവന്നു കളയും എന്നു പാറയുന്നവരാകട്ടെ മറ്റുള്ളവര്‍ക്കു മാതൃകയാവുന്നത് പോട്ടെ സ്വയം കലഹിക്കാതിരുന്നാലെങ്കിലും മതിയായിരുന്നു. എന്തു ചെയ്യാന്‍ നമ്മുടെ വിധി. അല്ലാതെന്തുപറയാന്‍.
ഏറ്റവും വലിയ അത്ഭുതം ഇതൊന്നും അല്ല ഇങ്ങനെ ഉള്ളവരെയും താങ്ങി നടക്കാനും സാസ്കാരിക കേരളത്തില്‍ ധാരാളം ആളുണ്ട് എന്നത് തന്നെ. ഇതാണോ സാക്ഷര കേരളം ? ഈ നേതാക്കള്‍ കൊണ്ടുവരുന്ന സോഷ്യലിസം കുറച്ചുകാ‍ലമായി പത്രമാധ്യമങ്ങള്‍ ചര്‍ച്ച ചെയ്തുവരുന്നു. അത് കോടികളുടെ കണക്കില്‍ പോലും നില്‍ക്കുന്നില്ലല്ലോ.. അപ്പോള്‍ എന്താ ചെയ്യുക ? എന്തുപറയാനാ ഉണരുക എന്‍ പ്രിയനാടേ... എന്നല്ലാതെ .