/Blaze Boy/

مقدمة لكورس تعليم الجافاسكريبت

2012-08-24T15:22:00.001+02:00

كان حلمى اشتغل فى جوجل .. زى ماهو حلمك

2012-08-14T20:34:00.002+02:00

اه العنوان بيقول "كان حلمى اشتغل فى جوجل" .. و خلى بالك من "كان" دى و هاقولك دلوقتى ليه بالظبط.

تخيل معايا, عمل مشروع كبير و لنعتبر انه موقع لتجميع الأخبار اللى هو ده http://www.khbr.me و قعدت تطور فيه , و لاقيت انك لازم تاخد خطوة جريئة ة تعمل ليه chrome App و تحطه على google chrome store علشان الناس تدخل على الموقع بتاعك اسرع

بص بقى اول حاجة هاتدخل على اللوحة بتاعت المطورين اللى شكلها أساسآ كأن معمول عليها هاك من مليون سنة , او كأنها عمارة فى طور الإنشاء من سنة 1200 قبل الميلاد

إدفع بالتى هى أحسن

مش مهم على فكرة احنا مبرمجين الشكل مايهمناش قوى المهم انه هايرحب بيك و يقولك حط اللى انت عاوزه .. زى مانتوا شايفين انا حطيت برنامجين للمواقع اللى عملتها , الفكرة بقى انك بعد ما تتعب تعب السنين و تحطله العشرميت صورة اللى طالبهم علشان الأب بتاعك يكون شكله جامد فى الكروم ستور, و كمان تعمل كام سكرين شوت و فيديو تعريفى بالآب, و تقوله وريه بقى ياعم للناس

هتلاقيه يقولك "لا يا حبيبى انت لازم تدفعلنا 5 دولار علشان نتأكد انك جاد فى اللى بتنشره على الستور

مش مشكلة انا رأيى برضه ان لما انا ادفع 5 دولار هايخلي الأبليكيشن بتاعى محطوط وسط ناس جادين مش اى من هب و دب يحط الأب بتاعه و خلاص,

المشكلة بقى بتاعت الدفع

دلوقتى انا عندى حساب فى بنك عادى زى آ بنى آدم, رحت طلعت كارت انترنت .. عادى زى أى كائن على الكوكب , و الكارت جه و بقى زى الفل ممكن ادفع بيه اى بتنجان و اضيف فلوسى فى الهالك و حاجة قشطة يعنى أى صاحب موقع ابقى بالنسبة له زبون سقع.

اخدت بقى الكارت و رحت دافع ال5 دولار زى الشاطر و دى الشاشة اللى بتطلع تقولك انت طلبت إيه

جميل قوى لحد كده ..ماتاخدش بالك انه مكتوب عليه انه اتكنسل هاحكيله اهه اتكنسل ليه.

يعنى انا دلوقتى دفعت اللى هم عاوزينه ارجع بقى انشر البرنامج العزيز على المتجر السعيد علشان المستخدمين اللوزاز ينزلوه و يدخلوا على الموقع الحبيب بتاعى.

الخوازيق

ارجع بقى للشاشة بتاعت المطورين اللى فى الكروم يتور اللى وريتهالك اول واحدة .. قالى فى مستطيل اصفر ان الطلب بتاعى هايتراجع و يتوافق عليه خلال 24 ساعة .. !!!! هو الطلب بيتوافق عليه بطريقة يدوية ؟ يمكن علشان بتأكدوا ان مافيش مشاكل و دى فلوس ناس و كده ... عديييييييها.

استنى بقى 24 ساعة .. مافيش حاجة جاتلى ؟؟؟ ولا الهوا .. كده الفار بدأ يلعب فى عبى .. لا يكونوا خدوا فلوسى و ضربوا عليها ولا راحوا يشتروا بيها حشيش من عند ام التيتى ..

المهم رحت ناطط على الصفحة اللى دفعت فيها و فى لينك بيقول انى ممكن اسأل على حالة الطب .. رحت باعت رسالة نصها كالتالى :

"it said 24 hours and more than 24 hours passed now ? is there some kind of a problem in my account ?"

دى بعد مادفعت بأكثر من 24 ساعة ماشى ؟

راحت واحدة اميرة كده ردت عليا و قالتلى التالى :

"Hello,
Thank you for contacting us. We are processing your request, please allow some business days for the order to be completed.
Feel free to reach out to me if you do not receive a notification by the end of this week.
Best,
BrendaThe Chrome Web Store Team"

بتقولك انا مبسوطين جدآ انك اتصلت بينا و فوت علينا كمان كام يوم و هتلاقى طلبك خلصان .. و خد راحتك انك تتصل بيا تانى لو على آخر الأسبوع لاقيت طلبك لسة فى الضياع... الأخت العزيزة بريندا

الحقيقة بريندا ردت عليا بعدها بيوم .. ماتأخرتش عادى يعنى ..حلو استنى كمان كام يوم و أخد راحتى و ابعتلهم تانى زى ما قالت الأخت بعد الرسالة دى ب 3 ايام تقريبآ.. علشان الطلب لسة ماكانش خلص

i want to ask about my order status, why didn't it activate my account till now? i paid the registration fees Aug 5, and it is Aug 9 today. the Notice said 24 hours and 4 Days passed. i want to know why my account is still not Active, the reason please no excuses. Thanks

راحوا ردوا عليا بعدها ببتاع 4 ايام تانيين و قالولى :

Hello Google,
Your Google Order #153498683964965 has been cancelled. For securityreasons, we are unable to provide any additional details about this order.
Please visit https://wallet.google.com/ to view your Google Wallet accountfor any further details we're able to provide about this issue.
We apologize for any inconvenience this may have caused.
Sincerely,
The Google Wallet Team

الترجمة : ان الطلب بتاعك اترفض لأسباب امنية, مش هانقدر نديلك معلومات اكتر من كده .. غور على محفظة جوجل و اظبط اعدادات الحساب بتاعك و شوف اى تفاصيل و خلاص - مش هانقولك إيه المشكلة انت هاتعرف لوحدك بالفقاقة- احنا آسفين فحت اننا ضايقناك, المخلصين فريق محفظة جوجل .

احبيبتى اجوجل,

بعدها بقى فهمت لما جالى الإيميل ده :

Hello,
Upon review of your account, it appears that your billing informationcorresponds with a currently unsupported billing country. To view a listof supported billing countries, check the "Location:" drop-down menu onthe sign-up page.
As a result, your account associated with blazeeboy@gmail.com has beensuspended and any order(s) have been cancelled.
Any pending and future transactions made with this account will not beprocessed.
Please keep in mind that your previous order, if any, was cancelled.Please note that you may notice activity on your card statementcorresponding to orders cancelled in the last 14 days. This activity is anauthorization confirmation with your bank, not an actual charge, and theauthorization will be removed from your account within 1-14 business days,depending on your bank. For more information on authorizations, pleasevisit http://support.google.com/
wallet/bin/answer.py?hl=en&
answer=105940
We understand that order cancellations under these circumstances can bedisappointing. Please know that we look forward to offering more optionsin the near future. We regret any inconvenience that this may cause andappreciate your understanding.
Sincerely,
The Google Wallet Team

الترجمة بقى بإختصار علشان الإيميل كبير, الحساب بتاعك اتوقف و أى طلب عملته هايتكنسل احنا وقفناه علشان بيانات الحساب مربوطة بدولة غير مسموح ليها بالدفع, و بعدين اى هتش ان الطلبات هاترجع خلال 14 يوم و حاجات من دى. وشوية اعتذارات و فى الآخر المخلصين فريق محفظة جوجل.

مش مسموح ليا بالدفع ؟ ؟؟؟؟؟ مش مسموح للدولة كلهااا بالدفع ؟ ولما هو مش مسموح خليتونى ادفع ليه من الأول ؟ مش ممكن تكون مصر مش على خريطة جوجل يعنى .. اكيد فى حاجة غلط...

مصر

انا قلت بقى اشوف لما هى مصر غير مسموح ليها بالدفع امال مين اللى مسموحله ..
دخلت على الصفحة دى الى فيها قايمة بالدول المدعومة بمحفظة جوجل : https://support.google.com/wallet/bin/answer.py?hl=en&answer=2604797
بص كده و ركز معايا .. فى دولة لطيفة اسمها مصر فى القايمة المدعومة .. مش دى بلدى برضه ولا انا بيتهيألى ؟
يعنى دلوقتى دفعتنى عادى خالص .. و بعدين كنسلت حسابى علشان انا من مصر و كاتبلى ان مصر مدعومة .. ده بيسموه Epic fail
الفشل الأسطورى ..
قولى بقى أى شخص حصله زيى كده .. هايبقى حلمه ازاى انه يشتغل فى شركة فوضوية زى دى ؟ و الفوضى فى حاجة زى نظام الدفع ؟
بكده انا المفروض انسى بقى خالص موضوع انى اعمل كروم ابليكيشن و اندرويد ابليكيشن .. علشان سعادتى من دولة مغوب عليها .. إلا بقى لو انا جبت دفعت من دولة تانية صديقة للبيئة زى "إسرائيل مثلآ"
و فى النهاية شكرآ جوجل على فقع المرارة اللى ماحيلتيش غيرها.

Image To CSS Converter Script

2012-08-13T23:07:00.000+02:00

i created a new code snippet to convert any local Image to CSS Image,
the technique is pretty straight forward, it gets the image scan it line by line and create for each pixel a shadow for a div with the same color in the same position.
you can see it here :
http://codepen.io/blazeeboy/full/JCGoF
and the source code from here
http://codepen.io/joshnh/pen/JCGoF

Another CSS practice, Peace Arabic Logo with UL and CSS3

2012-08-12T21:34:00.000+02:00

the original logo could be found here :
http://dribbble.com/shots/679494-Salam-005?list=debuts
i just implemented it with HTML and some Tricky CSS3 techniques.
http://codepen.io/blazeeboy/pen/Idtyg

الكلية مضيعة للوقت ولا تعليم ؟

2012-08-11T02:18:00.002+02:00

فى بلدنا الموضوع كله كابوس كبير و انا اتقلب معايا بكابوس اكبر ضاع فيه اكتر من سنتين من عمرى,

نبدأ من الأول

فى ثانوى كنت بطلع الأول فى مادة الحاسب الآلى على المدرسة , كان مدرس الكمبيوتر اسمه نفس اسمى يمكن ده كان دافع ليا انى ممكن اكون زيه او يمكن يكون شجعنى, بس اللى كنت عارفه انى بحب الكمبيوتر جدآ اكتر حتى من الرسم و النحت اللى كنت متفوق فيهم برضه,

لما طلبوا انى اختار بين الرسم و بين الحاسب الآلى اختر الحاسب الآلى و ده كان زعل منى مدرسين الرسم و اعتبروا انى بهدر موهبتى فى الرسم و دى حقيقة لا انكرها انا موهبتى ضاعت فعلآ فى وسط اهتمامى بالحاسب

فى الإمتحانات كان كل الطلبة بتحفظ البرامج اوقات الإمتحان و انا الوحيد اللى كنت بدخل اكتب البرنامج بفهم ,

و من ساعتها عرفت طريقى انا هاطلع زى الناس الى بتعمل البرامج بتاعت الكمبيوتر دى و هابقى احسن واحد فيهم, و بما ان نظام ثانوى عندنا انك تختار شعبة المناسبة للكلية اللى عاوز تدخلها لما سألت عن الكلية اللى بتعلم علوم الحاسب قالولى كلية "حاسبات و معلومات" و انها بتاخد مجموع مقارب لكلية هندسة يعنى قشطة هاتنفخ دراسة علشان ادخلها , مش مهم انا هادخل علمى رياضيات علشان ادخل الكلية دى و اطلع المبرمج الجامد اللى يكسر الدنيا.

مرحلة النفخ الأعظم

فى ثانوى بيبقى عندك طريقين يا تجيب مجموع عالى يا تبيع عرق سوس على قارعة الطريق, وانا من النوع اللى بسمع الكلام كنت ساعات بكون الوحيد اللى فى الطابور الصبح و ساعات كنت بقعد انا و اتنين فى الفصل العلمى الوحيد فى المدرسة علشان احضر الحصة الثالثة, بس بعد فترة الواحد بيعرف السايبرات اللى فى المنطقة و بيهرب و يروح يقعد فى السايبر , الهروب مع الزملاء من الباب احيانآ و من فوق السور احيان اخرى و لأنى كنت قصير فكان معظم الأحيان من الباب زى الشطار.

بس بعد معاد المدرسة كان لازم ابقى فى البيت و احيانآ بدرى لما جبت كمبيوتر فى البيت فى سنة ثالثة ثانوى, المهم انى بعد معاد المدرسة بحضر دروس و انفخ نفسى مذاكرة علشان اجيب ام المجموع العالى اللى يدخلنى الكلية دى .

و الحمد لله جبت فى ثانوى فى الآخر بعد تعب السنين 94.3%

مرحلة الزن على الودان

تروح بقى مكتب التنسيق و تجيب ورق التقديم, تقعد على السجادة اللى فى اوضتك و تبدأ تقول بسم الله تلاقى ابوك فوق دماغك بيقولك حط هندسة الأول , ليه ياعم ؟ انا عاوز حاسبات دى , يقولى ماهو هندسة برضه بتطلع مبرمجين, يا عم يهديك يرضيك مافيش فايدة هى هندسة الاول.

طيب ماشى هندسة هندسة المهم اطلع مبرمج مافيش مشكلة يعنى .

القبول

و بما ان مجموعى كان نفيخ دخلت هندسة , بس طلع عين اهلى بقى فى مواد ولا اعرف عنها حاجة , دخلت اول سنة اعدادى و كنت باخد فيها كيمياء و لحام و خراطة و رسم هندسى و فيزياء

انا آخد كيمياء ليه ياعم ؟ هو انت مش قلتلى هاطلع مبرمج ؟

المهم انى فقدت اهتمامى حرفيآ بالكلية سنة مالهاش اى لازمة الكمبيوتر فيها كانت مقدمة عن بناء الحاسبات و كانت لا تضاف للمجموع بتاع السنة يعنى اى كلام , كده اتأكدت انى لبست حرفيآ و البركة فى الحج ربنا يكرمه.

السنة التانية

و طبعآ بما انى ولا بذاكر ولا بتاع و هاصور ورق فى الآخر قعدت اول سنة اقرا كل حاجة تقع تحت ايدى فيها كلمة برمجة , كل حاجة HTML, Javascript ,ASP, XML, XSLT, CSS , Visual basic, php, 3dmax e-commerce

و نجحت فى إعدادى بس بالصلاة عالنبى شيلت مادتين و المادتين كانوا لحظى التعس الرياضيات و الفيزياء و طلع ان البهوات فى هندسة بيوزعوا الناس على الأقسام زى مكتب التنسيق و العن كمان بس كانوا عاملينهالى مفاجأة

كانوا بيوزعوا الناس على الأقسام بحسب درجات المواد يعنى انا شايل المادتين دول يبقى انسى قسم حاسب و اترمى فى قسم انتاج و تصميم ميكانيكى.

عاش يا وحش يعنى ببركة السيد الوالد و المفاجأت بتاعت المسؤولين هاطلع مهندس انتاج , انا كده رحت بلاش , بدل ماكنت هاطلع مهندس كمبيوتر هاطلع مهندس انتاج , و طبعآ ولا عارف مهندس الإنتاج ده بيعمل إيه اساسآ انا ماعنتش بفهم غير فى البرمجة.

مرحلة الإكتئاب الحاد

لما تقول بقى انا لازم احول من الكلية دى يقولك هاتضيع سنة من عمرك ؟ انت اتخرج من هندسة و اشتغل مهندس كمبيوتر - ماتسألنيش ازاى - بس الحج و الحجة كانوا متأكدين ان ده ممكن, وبما ان الآى كيو بتاعى لا يسمحلى بالضحك عليا فقرر مخى انه ياخد جنب و مستويات الإندورفين تنزل لأدنى مستوياتها مسببة اكتئاب حاد مزمن ثنائى القطب و انطواء , كنت مابعملش حاجة غير انى العب بالموبايل فى السكاشن و اروح اقرا كتب كمبيوتر ... و فى السكاشن العملية طلع اللى يسود عيشة اهلى, معيد ابن دكتور شادد حيله , كنت برسم كويس جدآ بدقة عالية الرسومات الهندسية هو كان عاوزنى ابقى اسرع , لما اسرع و الجودة تقل يطلب الجودة و يعمل دواير على اللوحة اللى رسمت فيها مسمار لمدة 3 ساعات, عابو بقى هو انا الجارية اللى اشترتهاله امه ؟

سيبت السكاشن و المحاضرات و فى الإمتحانات حضرت امتحانين تقريبآ و ماحليتش اى حاجة و من ساعتها قررت انا يا هاحول لحاسبات و معلومات و اظبط مسار حياتى لإما مش معديها السنة دى.

التحويل

و زى الشاطر حولت من هندسة بعد ضياع سنتين من عمرى , قريت فيهم كتب كتير فى البرمجة و عملت اول موقع فريلانس فى حياتى, بس الوقت اكيد مافاتش علشان اطلع اللى انا عاوزه مش اللى الحج عاوزه.

حولت للكلية بس الموضوع كان غير مبشر بالمرة , وانا بقدم ملفى فى شئون الطلبة بصلى الموظف و ضحك و قالى "انت جاى محول من هندسة ؟ في حد يابنى يحول من هندسة لهنا؟" رحت انا مديله الوش الخشب و قلتله "انا حر" و لأنى كنت مطول شعرى و شكلى عربجى ماحبش يكتر فى الكلام احسن اعلمه علامة فى وشه ييفتكرنى بيها طول عمره.

و بعد اول محاضرة فى الكلية فهمت الفولة, دخلت لدكتور فضل يتكلم عن نفسه و ناسى انه داخل يدرس اقتصاد و قعد يتكلم عن اولاده و عن شركاته و قصص من الحياة, ولما اتعرفت على الطلبة عرفت البذرة بقى, الطلبة كلها عكس حالتى وانا بالنسبة ليهم واحد رفس النعمة اللى كلهم بيحلموا بيها .. كانوا كلهم عاوزين يدخلوا هندسة و فرقت على 1% و حاجات كده.

حلو قوى انا كده دخلت شارع غلط ولا إيه ؟

الدراسة

الكلية بقى بسم الله ماشاء الله ماكانش فيها جهاز شغال و كلهم انتاج الحقبة الجليدية التى تتلو عصر الديناصورات .

فهمت بقى ليه الراجل اللى فى شئون الطلبة بيقول كده , انا ساعتها قلت مش مهم المهم انى هاشوف دكاترة بيفهمواو هالقط منهم طريقة التفكير و طرق حل المشكلات و الخبرة اللى مش هلاقيها لو درست لوحدى

و طبعآ مش هاقولك انى لبست فى حيط ؟ انا كأنى وقع عليا برج 120 دور مثلآ

الدكاترة و الحمد لله كان معظمهم فى الضياع و إليك الأمثلة

دكتورة الذكاء الإصطناعى كانت بيتعلم الطلبة ان الثانية 100 ملى ثانية و اقامت حساباتها على هذا الأساس
دكتورة كانت بتضرب المصفوفات بطريقة معكوسة و تطلع النتايج غلط و تغلط الكتاب ذات نفسه
دكتور بيتكلم عن قصة حياة اولاده من ساعة ولادتهم و يحكى عن صراعاته مع العميد و انه كان اكفأ منه
دكتور بيشتم الطلبة عينى عينك لدرجة انه قال لطالب فى مرة "مالك يا حبيبى قاعد مش على بعضك ليه ؟ فى حاجة بتلعبلك من تحت؟"
معيد كان بيلغى السكشن لانه كان بيتضارب مع معاد السيشن بتاعت البورصة
معيد يستقصدك علشان تاخد عنده كورس و انا منفضله و آخر مازهقت ماعنتش بحضرله
ده غير المعيدين اللى مش عارفين يشرحوا و المعيدات اللى بيتكسفوا يشرحوا
المعامل اللى كان محرم علينا دخولها غير فى مواعيد السكاشن حفاظآ على الامن القوى

لكن و الحمد لله ربنا عوضنى 3 دكاترة بالعدد و عدد 2 معيدين هم اللى ظبطوا الأداء و خلوا حياتى افضل

واحد منهم كان بيشرح المادة المفضلة ليا و هى الجرافيكس و التانى قواعد البيانات و واحد رياضيات لولاهم كان زمانى قاعد فى بيتنا بقرا الكتب ولا بحضر

بس هاتقولى بقى ان الى اتعلمته يساوى الوقت و المجهود اللى بذله اقولك لا طبعآ لا وألف لأ

انا لو كنت اتصلت بيهم بالتليفون و اخدت اسماء الكتب و و قعدت قريتهم فى البيت كان افضلى بكتير, المحاضرات كان معظمها ممل و الباقى بيتشرح بطريقة اقدم من توت عنخ آمون ذاته,

اول سنة كنت بكتب و الطلبة تصور ورقى لانى كنت بكتب اقل عدد ممكن من الورق و فيه الخلاصة , لأنى كنت داخل الكلية قارى كل اللى بيتكلموا فيه

سنة تانية و انت طالع بدأ الكلام يقل و رسم ال doodles يبقى اكتر لحد مابقت الكراسة كلها رسومات و مافيش كتابة و من الملل و احيانآ بطء الشرح المثير للغثيان كنت بنام على روحى فى السكاشن و المحاضرات الوحيد اللى كان بيقينى فخ النوم هو الدكتور بتاع الرياضيات لان كان اسلوبه مشوق و كان بيشرح بسرعة معقولة

التفوق بقى

برغم من انى كنت اكتيف فى الكلية و بعمل محاضرات لشرح تكنولوجيز و كنت ببقى مقنع ان حد يقدر يبرمج و ينسى كلية هندسة و يشوف جمال البرمجة الحقيقى و و انه ممكن يبقى افضل من اى مهندس لكنى عمرى ما طلعت الاول, دى حاجة مافهمتهاش لكن اللى فاهمه انى بقدر ابرمج بعرف اطبق بعرف افهم الكتب و انفذ مشروعات و ادير فرق برمجة لكن عمرى ماطلعت الاول او التانى ولا الثالث و حتى فى الآخر طلعت ال11 تقريبآ على الكلية

الحاجة الوحيدة اللى استفدتها من الكلية دى بجد انى اتعرفت على ناس جديدة و انى اتحطيت فى مود البرمجة و عرفت المفروض اقرا كتب إيه و الطريق منين و رايح على فين و انا مستوايا عامل ازاى وسط بقية الناس لكن بالنسبة للعلم .. كان معظم الكتب اللى بندرسها الأساسيات او كتب قديمة.

بس من الآخر ماكنتش متفوق فى الكلية لكن طالب نشيط اناقش و اسأل فى بعض الأحيان.

بعد الكلية

فى النهاية كان تقديرى جيد جدآ , و قررت ساعتها انا مش هاشتغل, انا هافتح شركتى الخاصة من اول ما اتخرج كده وش, و لان كان معايا كل المهوبين تقريبآ فى البرمجة معايا فى مشروع التخرج و وافقوا اننا نبدأ مع بعض من الصفر

اكتشفنا بعد ماعملنا مشروع اننا تحت الصفر , بالصلاة عالنبى طلعت الكلية مسقطة مواد و اجزاء كبيرة المفروض نبقى خارجين عارفين عنها اى حاجة, زى ازاى تدير مشروعاتك و ازاى تكبر الشركة بتاعتك و الإقتصاديات اللى حول المشروعات زى تسويقها و تحريكها و تطويرها , من الآخر الجانب العملى من الموضوع كله مسقط

يعنى احنا نعرف نعمل برنامج جامد جدآ و يحل المشكلة و يبقى شغال زى الفل, تعالى بقى اعمل مشروع يجيب فلوس من البرنامج ده !!!!!!!! ولا الهوا .. صفر .. زيرو .. ابيض

ولا نعرف حاجة .. و لان الكلية مانبهتنيش ان الشق ده المفروض نبقى عارفيه فولا اعرف كتب و مصادر اتعلم منها الموضوع ده.

و النتيجة Absolute failure .

طيب بما انى محتاج خبرة فى التعامل مع السوق و الباقى نفس الموضوع قررنا التالى

اشتغل FullTime

بس يا سيدى ريكومنديشن كويسة و اشتغلت , و انا كده فى المرحلة دى من حياتى .. المفروض بعد انتهائها هارجع تانى لخط سيرى الطبيعى و افتح شركتى الخاصة و ابقى عارف اتحرك بيها فى السوق ازاى و كل الخزعبلات دى .

الملخص و المفيد

الكلية فاشلة فشل السنين , 4 او 5 او 7 سنين هاتضيع من عمرك على حسب المزبلة اللى هاتدخلها كل اللى هاتستفيده اثبات انك دخلت المزبلة و خرجت من الناحية التانية مش عارف حاجة برضه, بس الBright side انك احتمال تعرف حد يعرف حاجة بتلقط منه طرف الخيط و ان الشخص ده مش هاتعرفه لو لم تدخل الكلية , اعتبر انك هاتبقى فى جو المجال لكن مش هايعلموك حاجة تقدر تشتغل بيها, لازم انت اللى تعلم نفسك ماحدش هايقولك خد يا حبيبى دى هاتنفعك .. انت اللى لازم تدور و تقرا لو عاوز تنجح فعلآ

تقييم المستوى الحالى

هل انا بقى على الطريق الصحيح ولا لأ ؟ مش عارف انا عملت مجموعة من المشروعات منها شبكة اخبار www.khbr.me و لغتين برمجة عربيتين "سمة" بديل للCSS عربى و "صفة" بديل عربى للHTML و "تحدث" موقع تشات بفكرة مختلفة

لما بقارن نفسى مع الناس اللى فى سنى فى البلاد التانية بلاقى انى متأخر تأخير السنين بل اكاد اجزم انى مانفعش معاهم الم البجز من برامجهم, و ده بيدينى دفعة للامام, لكن لما بقارن فى داخل مصر بلاقى ان مستوايا كويس يجى منى.

وادينى لسة بحارب مع نفسى انى اكون احسن.

a new creation Yellow Media Logo with CSS

2012-08-09T17:47:00.000+02:00

created a Yellow Media logo with 2 nested elements and CSS3 properties , no images used,
i tried first to create it with only one element here http://codepen.io/blazeeboy/pen/Dswed
but it wasn't a successful trial, so i added one more child element to the parent
and tadaaaaaa...
it appear after one hour and several transformations (rotations, skews).
you can see the result here : http://codepen.io/blazeeboy/pen/aunbc

Blogger Icon with single HTML element and CSS3

2012-08-09T10:07:00.002+02:00

as a for-fun practice i started yesterday making icons from single HTML element,
to continue this series i made today a blogger icon from a single HTML tag and some CSS3 magic.
http://codepen.io/blazeeboy/pen/toyEe

Gmail Icon with Single HTML Tag and CSS3

2012-08-09T00:19:00.002+02:00

i created this icon for fun using single HTML tag and CSS3 Properties and selectors
http://codepen.io/blazeeboy/pen/zAogE

Youtube Icon with single HTML element

2012-08-08T23:32:00.000+02:00

a small CSS style sheet that convert a HTML element into Youtube Icon

http://codepen.io/blazeeboy/pen/cGalL

Bricks game with JQuery

2012-08-08T21:06:00.000+02:00

a small experiment with css , html and javascript that will make a floor made of bricks and they will jumb whenever you hover over them, and fall with ease when leave it.
http://codepen.io/blazeeboy/pen/uBIrE

Rain drops with CSS and JQuery

2012-08-08T21:03:00.000+02:00

i create a small experiment that created rain drops and make them fall in a document then vanish,
the experiment tricky part is the water drop itself as it should be drawn with CSS3 using the border radius property
http://codepen.io/blazeeboy/pen/mgwsF

RSS Icon with pure css3 and one tag

2012-08-08T20:58:00.005+02:00

i designed a RSS Icon with only CSS3 and 1 HTML element,
i used the :after and :before selectors to create additional tags with css
that will let me make 3 elements from only 1 element and dray the lines/circle with border of each.
the icon is a bit tricky so be careful with resizing it.
http://codepen.io/blazeeboy/pen/ubHzB

مشروع جديد : خبر الشرق الأوسط او Khbr.me

2012-07-29T16:30:00.000+02:00

اها عملت موقع لتجميع الأخبار, قديمة ؟

اه فعلآ الفكرة قديمة بس طبعآ لازم احط التاتش بتاعى , الموقع الجديد ده بيجمع الأخبار و انت واقف فيه يعنى مش هايفوتك أى خبر لأنك طول مانت واقف فى الموقع بيفضل يسأل مواقع الأخبار لو فى حاجة جديدة ولو فيه جديد بيجيبهولك :)

كده الموضوع احلو ؟

كمان خليته انك تقدر تقرا الخبر فى نفس الصفحة منغير اى تحميل

الموقع اخد وقت طويل شوية علشان يوصل للشكل الحالى الموجود على http://www.khbr.me الأول عملته و استضفته على جيت هب github.com و بعد كده لاقيته مش مكفى و لازم اضيف شوية حاجات serverside و لان الإستضافة على جيت هب مابتدعمش اى لغة برمجة غير الصفحات الثابتة رحت نقلته على google app engine

و الحقيقة التعامل معاه سهل و بسيط و الواحد بيتعلم طريقة جديدة لبرمجة الويب بالبايثون

انا عمرى مابرمجت موقع ببايثون و خبر هو اول موقع ليا باللغة دى ,

كنت دايمآ بأستخدمها برمجة الديسكتوب او سكريبتات صغيرة

بعد لما برمجت خبر بحسن فيه كل شوية و بزود فيه خصائص جديدة كل يوم

من الخواص الجديدة اللى اول مرة اعملها فى حياتى انى اعمل برنامج يبعت الأخبار اوتوماتيك على الفيسبوك و تويتر كل 10 دقايق

مش عارف ليه دايمآ كانت الSDKs بتاعت تويتر و فيس بوك بتطلع عينيا فى السيرفر سايد .. المرة دى كانت اسهل .. يمكن زمان كنت اغبى :)

و كمان من الحاجات اللى اول مرة اعملها دخول المستخدم للموقع عن طريق الجافاسكريبت بس .. اللى كنت عملته قبل كده الدخول بالفيسبوك و كانت بالبى اتش بى

انما المرة دى عملت الدخول بفيسبوك و تويتر و جوجل بالجافاسكريبت بس و طلع الموضع سهل مع اول اثنين لكن جوجل طلعت عينى لحد ماظبطتها و كانت المشكرة اكيد يعنى من عندى .. الناس عاملين اللى عليهم و اكتر.

دلوقتى خبر بيقدر يشتغل لوحد .. بيجمع الأخبار , و يبعت على فيسوك و تويتر و الناس تقدر تدخل بفيسبوك و تويتر و جوجل و تشير الخبر اللى تحبه

و فوق كل ده عملت حاجة جديدة و استخدم تكنولوجيز اول مرة استخدمها.

فى مشكلة كانت قابلتنى احب انوه عنها و هى ان Less.css مكتبة السى اس اس بتشتغل كويس جدآ مع اى واحد ماعدا الناس اللى معاهم مودم من شركة فودافون مصر و اتأكدت من الموضوع ده لانى كنت استخدمتها فى مشروع سابق برضه كان الموضع بيبوظ .. ماكانتش بتطبق الستايل .. و لحد دلوقتى مش فاهم ليه مع مودم فودافون بس. اللى يعرف يبقى يقولى.

برنامج Antisleepness Robot

2012-06-14T16:23:00.000+02:00

اصعب حاجة دايمآ فى أى برنامج هى فكرته,

الفكرة بتاعت البرنامج ده حقيقة ماتعبتش فيها عشان ابقى صريح يعنى,

ده مشروع تخرج لناس مش عارفين الC من كوز الذرة طلبوا انى اعمله فعملته

المشروع عجبتنى فكرة .. الموضوع مشوق الحقيقة و عمله انجاز و خصوصآ لما لاقيت ان ناس كتير بتسأل عليه و مش عارفين يظبطوه

البرنامج فكرته انك عوز تشوف اللى قدامك نايم ولا لأ من كاميرا الجهاز و تنبهه لو نام ببساطة عرفلى النوم و هى انك لما بتتعب و مخك يهنج عينيك بتقفل و تفصل كهربا و بتعمل شت داون

لو عندك صورة واحد نايم و ولا صاحى و عاوز تفرق بينهم بقى ببرنامج كمبيوتر كل الناس هاتيجى تحل المشكلة بالطريقة دى

اكتشف مكان الوجه
اكتشف العينين
اكتشف انسان العين موجود ولا لأ لو موجود يبقى صاحى مش موجود يبقى نايم

انا اخدت مسار فرعى عن نقطة 3 لان كاميرات الويب مش من الدقة بإنها تجيب انسان العين موجود ولا لأ لانك علشان تحاول تكتشف وجوده هاتشوف لو فى دايرة فى وسط العين ولا لأ و أساسآ كاميرات اللابتوب ماتعتمدش عليها فى كده .. دقتها مش هاتجيب اى فق تعرف تبنى عليه برنامجك

المسار اللى اخدته ببساطة انك لو قفلت عينيك هاتتحول عينيك لخط اسود اللى هى الرموش الى مقفلة عينيك و لو مفتحها يبقى خطين او اكتر عرضيين

يبقى لو لاقيت خط واحد تبقى نايم اكتر من خط تبقى صاحى و بتستعبط

بس لو جيت تعمل حاجة زى كده هتلاقى ان دقة الكاميرا مطلعة عينك و مش بتدى نتايج كويسة ابدآ يبقى الحل انك تاخد عينات للنواتج على فترة كبيرة و تعمل بيها احصائية.

يعنى خد مثلآ 100 لقطة من الكاميرا و اكتشف فى كل واحد العين مقفولة ولا لأ لو طلع ان نسبة العين المقفولة كبيرة و ليكن 80 لقطة من ال100 يبقى البنى آدم نايم و خلى الجهاز يطلع اى صوت ينبهه

هى دى كانت الفكرة بس طبعآ علشان تنفذها محتاج شوية عمليات معالجة بمكتبة معالجة صور كويسة مع لعض العمليات اللى مالهاش لازمة غير انها تهيأ الصورة انها تطلع نتايج افضل زى histogram equalization و converting to gray scale و كده

ده غير طبعآ شوية المشاكل اللى هاتقابلك من دقة الكاميرا زى انه احيانآ بيكتشف وجهين بدل وجه و اكتر من عينتين فعليك فى كل مرحلة تلف حوالين المشاكل اللى هى اساسها دقة الكاميرا الضعيفة

ده لينك البرنامج لو تحب تجربه : http://www.mediafire.com/?f5z4xtcyq6s45hf

البرنامج عملته بلغة C# مع مكتبة معالجة الصور OpenCV

و ده فيديو تجربة البرنامج :

ماذا لو مبارك جاسوس ؟

2012-06-12T00:17:00.002+02:00

افتراض خيالى جه فى دماغى يصلح مادة لرواية

هل ممكن يكون مبارك جاسوس من دولة معادية بالمفتشر كده اسرائيل و صلطوه على ابونا علشان يطلع تاريخ الى جابونا ؟

نفرض إن الإجابة آه بقى, انا عارف ياعم ان الراجل حارب فى حرب اكتوبر و الكلام اللى زى الفل ده اسمع كلامى للآخر و ارميه فى أقرب صفيحة زبالة لو ماعجبكش ماشى ؟

الموضوع يبدأ لما مبارك تولى الحكم كان الراجل زى الفل و الحكومة قشطة و الدنيا ماشية بيس و مشروعات بقى و قناة السلام و كوبرى السلام و توشكى و شوية سياحة فى سيناء و قبض على إرهابيين و الشرطة يعنى ممكن تتبلع.

ماهو كل ده يدفع أى دولة بتكرهنا انها تحاول تصد التطور و التقدم اللى بدا الواحد يلمحه , اقوى حاجة انك تضرب راس النظام نفسه او تغيره , شيل مبارك و هات واحد بديل, او اعمل عمليات مسح مخ و تنويم طغطاطيسى المهم ان مبارك ده مايفضلش عنده الإرادة السياسية انه يعمل أى حاجة غير انه يلعب فى مناخيره .

تعالى بقى بص الجهات السيادية و العسكرية و الأمنية, الجهات السيادية بالصلاة عالنبى عاوزة تشوف شغلها عارفه ان مبارك مش هو مبارك اللى عرفناه, اتغير اتبدل مابقاش ينفع ببصلة بقى خطر على البلد البلد هاتجيب مارشيدير لورا

لكن فى حرس رئاسى و ده يعتبر انقلاب ماينفعش احنا نشوف شغلنا و نظبطه على قد مانقدر اهم حاجة نمسك شوية الجواسيس و البلد من جوة مايبقاش فيها تعابين , و الصراحة احنا مانعرفش حاجة عن عالم المخابرات بتاعنا و ده يشهد بانهم يا شايفين شغلهم كويس جدآ يا مابيعملوش حاجة و انا شايف ان الإحتمال الأول هو الأرجح

تعالى شوف بقى القوى العسكرية تلقى مشير زى ابو غزالة بيطور و يكبر و يخلى الجيش حاجة الواحد ممكن يفخر بتقدمها و لاول مرة بنطور دبابات و صواريخ على ما أذكر.

تيجى امريكا تقول لا ماينفعش يا عم مبارك شيللنا ده و ها واحد تانى و ده الى بيحصل فبتموت و بتفسد الجهة العسكرية.

تيجى للجهات الأمنية تلاقى ان العادلى كان قايم بالواجب و زيادة زى مانتوا عارفين, الظباط اتحطلهم قوانين فوق دماغهم لازم تقبض على كام واحد كل شهر و لازم تظبط كام شحنة مخدرات و بتاع كل شهر لاما انت تبقى مابتعملش شغلك و ده بيخلى فيه نوع من التكامل بين الظباط و تجار المخدارات و المجرمين ماتلاقيهوش كتير فى دول العالم, و بكده الظباط يحسوا بالظغط و يبدأو يستعبدوا العساكر عندهم و يسخروهم لخدماتهم الشخصية لكن ده مابيكفيش مع كمية الظلم و الضغط اللى بيتعرضوله من فوق فبيبدأوا يضغطوا على المنديين و يعاملوهم بطرق سادية كلنا عارفينها و اتعرضنالها.

البلد بهدوء بتتجه ناحية الفساد المجتمعى و بيبدأ اللى يقدر يجمع الفلوس بأى طريقة تزيد قوته و يسيطر أكتر على السياسة و يبدأ تزاوج السلطة مع رؤوس الأموال علشان يطلعولنا مولود زى الزفت زى مستر احمد عز.

طبعآ كل الاولاد من الزواج ده كانوا ولاد حرام ماحدش وافق عليهم بس ده مش موضوعنا

تيجى تبص ان توزيع الثروات فى البلد ماعادش زى الاول بدأ تجمع الثروات فى إيد الىل معاه السلطة كمان و ده يخلى الناس محتاجة الفلوس اكتر فتزيد سلطة اللى معاه الفلوس دى بإنه يضخ الأموال فى السوق و يرجع يسحبها من قنوات إقتصادية تانية, يعنى اللى يديهولك باليمين ياخده هو بالشمال.

و كل ده و مبارك الىل متبدل بيتفرج طبعآ هو كمان لازم يشارك فى الحفلة دى بدفع اولاده للأسواق و على سلم السلطة,

طبعآ فى ظل المعمعة دى اعتقد ان اولاد مبارك نفسهم با مايعرفوش اللى والدهم فيه و ده مستحيل يا عاجبهم الموضوع و متكيفين و ده الأرجح

كل ده و جميع السلطات فى البلد متواطئة او مش قادرة تعمل حاجة او متكيفة كدة

فتضطر سلطة واحدة انها تتحرك

سلطة الشعب

صفة لغة برمجة عربية لبناء صفحات المواقع

2012-06-05T15:49:00.000+02:00

المعضلة كالتالى

الأطفال يحاولون تعليمهم كيفية تصميم الصفحات و يصدموا بصعوبة البرمجة باللغة الإنجليزية و فهم البرمجة فى نفس الوقت, مستوى اللغة الإنجليزية ايضآ لدى بعض الناس فى بعض الدول العربية غير مناسب لإعتمادهم على اللغة الفرنسية كلغة ثانية , و هناك بعض المبرمجين الذين قد يفضلون البرمجة بالعربية من الأساس كتجربة او كإعتزاز بلغتهم.

الحل إذآ هو عمل لغة برمجة عربية لبناء المواقع مشابهة تمامآ للغة HTML و بذلك نكون قد فصلنا مرحلة تعلم البرمجة عن مرحلة تعلم الغة الإنجليزية

كيفية التنفيذ

الموضوع بسيط, لغة xml بتدعم الtags بطقم محارف يونيكود-8 و ايضآ اسماء الـattributes و طبعآ الvalues

بمعنى انى ممكن اعمل مجموعة tags عربية و يتم استخدام البديل العربى بدلآ من اسم الtag الإنجليزى

المشكلة اللى واجهتنى ان المتصفح يجب عليه ترجمة الxml لنفس الشكل الخاص بxhtml

لاقيت الحل فى لغة البرمجة XSLT بيتم ربط ملف الxml مع الXSL و الملف يقوم بتحول كل تاج عربى للمقابل الإنجليزى و اسماء الخصائص و القيم المحجوزة.

الناتج

الحل تم تنفيذه بنجاح و يعمل بكفاءة على جميع المتصفحات فى السوق لأنها جميعآ تدعم الxml and XSL

المشروع قمت برفعه للإستخدام العام على موقع جيت هب على الرابط التالى

http://blazeeboy.github.com/Sefa-lang

ردود أفعال

قمت بمناقشة اللغة على عدة منتديات و منها من اهتم باللغة و انها ذات فائدة و بعضهم لم يرى لها فائدة لأن لغة الHTML سهلة التعلم

حتى للأطفال -من وجهة نظرهم-

بعضهم اعترض على ترجمة اسماء الوسوم -يمكنك ان تجدها هنا :

https://github.com/blazeeboy/Sefa-lang/blob/master/src/translations/tags.txt

ماذا بعد ذلك ؟

حسنآ يمككننا ان نزيد القيم فى قائمة القيم

https://github.com/blazeeboy/Sefa-lang/blob/master/src/translations/values.txt

و أيضآ مراجعة كل الترجمات و تسهيل ما يمكن تسهيله,

لغة سمة لتنسيق الصفحات

2012-05-30T14:35:00.001+02:00

البداية

كانت عند استخدامى للغة CSS و فكرت فى جدوى وجود لغة مثلآ لكن بلغة طبيعية أخرى مثل العربية او الفرنسية و كيف يمكن ان يتم بناء هذة اللغة اساسآ.

عند بحثى وجدت بعض المشروعات التى قام تبعمل تطويرات على لغة CSS مثل less و sass و منها ما تم اعتماده فى اطر عمل مشهورة مثل روبى اون ريلز

اذآ المشكلة ليست بكبيرة , إذا استطاع بعض المبرمجين الأجانب فى تطوير لغة CSS فأعتقد ان عمل مثيل لها عربى لن يكون بالأمر الكبير

البداية فكرت فى شىء بسيط, قم بعمل سكريبت يكون المدخل هى لغة css بالعربى و يقوم بعمل بحث و استبدال للكلمات العربية بالبديل الإنجليزى

و بعدها فكرت انه ستوم هناك مشكلة حيث ان النص بداخل علامات تنصيص سيتم ترجمته و من المفترض ان يستخدم كما هو او ان selectors مثل div, head و هكذا ليس من المفترض ترجمتها لأنها جزء من HTML و ليس CSS

إذا يجب ان ارى طريقة افضل ,

الطريقة الأفضل

وجدت اننى يجب ان اقوم بتقسيم النص و فهمه بطريقة صحيحة قبل ترجمته للإنجليزية و هذة العملية تسمى Compiling إذآ يجب على ان اقوم بعمل كومبيلر بالطريقة الصحيحة و بلغة جافاسكريبت كالمشروعات الأخرى

عند البحث عن طرق عمل المترجمات - الكومبيلرز وجدت انه هناك طريقتين إما ان اقوم ببناؤه كله بدون استخدام ادوات مساعدة و إما ان اقوم بإستخدام برنامج لينشىء المترجم من ال grammar الخاص باللغة و قد اخترت هذا الطريق لسهولته و قلة الأخطاء فيه و استخدمت منشىء المترجمات http://jscc.jmksf.com/

بعدها قمت بحصر لجميع النصوص المحفوظة فى لغة CSS و عمل ترجمة لها عربية مناسبة ثم عمل الكائنات التى يقوم منشىء المترجمات فى استخدامها لإفهامى تكوين النص المدخل

الناتج

و فى النهاية مع بعض القراءة السحر و شد الشعر و ضرب الرأس بالحائط امكننى ان انتج لغة برمجة عربية بديلة للغة CSS يتم ترجمتها تلقائآ بمترجم جافاسكريبت

ارجو ان يستخدمها احدآ ما فى المستقبل و تكون مفيدة له علها تكون فى ميزان حسناتى

يمكن تنزيل لغة سمة من هنا http://blazeeboy.github.com/Sema-lang

Javascript Herodoc technique

2012-04-14T05:45:00.000+02:00

i came into a problem where i want to use requireJS library to load scripts and "CSS" and "LESS" scripts,
there where no problem with loading Javascript files it came smooth and straight forward using the requireJs library, now the problem was loading CSS and LESS text files, someone realize the problem and solved it already with the requireJS Text plugin, the plugin loads any Text file and return the text to javascript module,

as i use the FILE URI them i'm not allowed to require any Text file -browsers won't let you do that because of the same origin policy- so i have to create a workaround to load CSS and LESS files on the fly, ok i'll make a normal JS file with an object that will hold my Text as one of its properties seems cool, the object will look like this :

as you can see the problem is that goddam slash at the end of every line, we want some kind of herodoc like PHP's herodoc

now to our new technique, the idea is that you can get your own code with new String(), so you can embed any text in your code as multiline comments then extract them when you need them, the following is a function that will hold our multiline text as Comment

then you will extract these comments with the method below

so this method could be used with any object with css method inside it it'll get the code and extract the comment inside it and return it to you so you can inject it to page or do whatever you want with it.

هاار اسود

2012-04-10T10:26:00.002+02:00

you can order print from : http://fav.me/d4vp1ap

عابوكوا كلكوا

2012-04-10T10:24:00.001+02:00

you can order print from Deviant art: http://fav.me/d4vom9y

What to do when you have unsolved bug

2012-04-01T12:07:00.000+02:00

come on, we are all this man, one day you code a class, the next day you have head blowing bug that there is no reference for it at all on Google or the SDK/toolkit you use, you have to do the next points

Don't Panic

first you need to calm down, there is no bug without a solution so just calm down and be logical don't fire you weapon every where or you may shoot your toes, the bug is only a misunderstanding between you and you computer, he'll understand you once you tell him the right instructions.

Isolate the buggy module/class

you need to know where is exactly the big is, to know this get the test case that failed and try to get close to the class or group of classes that cause the error, then eliminate class by class till you get the one that produces that bug

Get the goddamn code block that cause this error

you really need to get that code block inside that class that causes this error, remember that we are here talking about a logical bug not syntactical so it is your job to get the corrupted code block/line of code.

Now try them all

now try to get alternatives for this line and try them all (time to fire weapon all around man).

Happy Coding folks.

What to do when SVN directories are locked locally

2012-03-29T12:43:00.000+02:00

if you are wokrking with SVN source control system, you may face tons of problems, some of them are easy to be solved others are so dumb to be solved.
i faced today a problem that the project i'm working on is locked, that mean you cannot commit any changes, all you need is to delete the lock file inside every ".svn" directory, that would be so hard to do manually.

as my problem was too complex (server problems, rabbitCVS crashes, local svn cash is not so clean)
so i managed to solve the problem from the root,
just remove the hell '.svn' files from the project and checkout the project in another directory them merge the two directories and commit.

Remove all ".svn" directories from your project

as i'm a PHP developer i managed to develop a small script that can iterate the project recursively and delete any ".svn" directory,

Checkout the latest project version

use your regular svn checkout command to do it

svn checkout <repository_url>

now you have you version and the last version

Merge the two projects

copy the content of a your version inside the checked out version, in gnome nautilus it gives me a prompt if i want to merge or skip so i choose merge

Commit your changes

now have fun commiting your files with a clean repository

What should i do when you have tasks and feel lazy

2012-03-28T10:37:00.000+02:00

some of us go to work, have tasks, modules, classes to do, and unfortunately feel that he can't do it, laziness and sleepiness, or even hatred.
what i do in these situations is simple -work forcing- steps :

Just open the IDE

just open your working work space, eclipse, netbeans, aptanta, zend studio, any kind of IDE that you work on.

Write your tasks titles down

you will believe me when i tell you that non-outlines tasks will get done twice or tribble the time of tasks that well defined,
so just write down your tasks and well define them

Get tasks done task-by-task

you can finish one task then get 10 minutes of fun stumbling, reading, jumping or laughing out loud like crazy, that will give you the push o finish the next task

Have some fun

after finishing your tasks have fun reading them, commenting them and writing jokes in the comments, make sure that when you get to that code again that you'll love it, maybe draw something or put a link for a related comic to some code block.

Play a game after finish

after finishing your tasks feel like a hero ? then ply a game, a simple but enjoying game will be sufficient to get you enaugh fun to start your next day's tasks.

Aptana and Ext indexing problem

2012-03-27T14:07:00.001+02:00

it truns out that Aptana is the best Eclipse plugin for developing PHP applications,
but it has a really serious issue with Extjs framework,
when you add the framework to your applciation, it appear to take years to index large minified files like ext-all.js and ext-all.css files
no idea why the hell is that, but it is turning my life to hell and i want to knock my head to the wall because of it,
i wrote this whole post while it is indexing one and only one file till now "ext-all.css" file.
god help us.

Update: add to that, that eclipse stop any saving if he is indexing your workspace, so you cannot save, just write like crazy and get of the ctrl+S buttons

Update: i discovered that there is some css files that you don't need -extra style sheets- you can delete you'll find them "ext/resources/css" you can delete all css stylesheets except the one you use in your application.

Add resource folder to Zend framework Autoloader

2012-03-27T13:18:00.000+02:00

if you are using zend framework as me every day,
you may stuck to some small problems that makes your life as hell,
one of the small problems :
if i added Application/Exceptions folder to my zend application, how the hell i can enable autoloading the classes in that folder ?

the solution is easy and could be summed in one line :

$this -> getResourceLoader() -> addResourceType('exception', 'exceptions/', 'Exception');

add that line to you bootstrap class as follows

that will make you create classes like the following in your exceptions folder

and use it in any zend application code like this

throw new Application_Exception_RecordNotFound();

Happy coding